MANGRAM by Natasha Hrahsel (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: MANGRAM by Natasha Hrahsel (Completed)

Unread post by Ngaia » May 15th, 2022, 6:09 pm

MANGRAM* ch~13





Ka nute'in dawrah bungrua enfel tura min tih vangin ka haw meuh chuan a thim thet thet tawh .Bus ka nang tawh bawk silo ,taxi lak nan sum ka ui ve tingtang bawk si nen ke in ka kal hnak hnak a ,zuitu nei ang tlata ka inhriat vangin ka hnunglam ka hawi leh thin ,engmah phei chu ka hmu ngai lem hlei lo a ! Rilru erawh a nuam duh zanlo khawp mai .
Vawin tlai berkher ah lirthei tlan lah chu an vang viau leh nghal .Ka hnung lama pen thawm ang tak ka hriat chu bengchhi kar chungin ka ngaithla a ,ka pen chak zual sauh bawk.Kan inluah kawng panna lamah hian in din lohna lai thui ve deuh kal ngai a awm a ,street light awmchhun a chhe daih bawk si nen motor rawn tlan leh zeuh in a a rawn chhun eng anih ngawt loh chuan a thim viau leh nghal .Ka nutei ka ngei tum ber ani hial maithei ani .



Ka kal chak lutuk ka hah deuh chu ding meuhin ka thaw chhuak ham ham a ,chutia ka din lah chuan ri engmah ka hriat zawm leh bawk silo! Keipui hi film ka en nasat lutuk luatah ka dawih zo vek pawh ani ngei ang.Kei ang sum nei bawk silo chu tuman min rawk peihlo tawp ang .Mahse hmanni lawka thil thleng vang erawh kha chuan zu rui leh hmun reh lai hi ka hlau ru viau tawh .Hmeichhe tan chuan an hlauhawm ve bawk em a ,mipa inti ve si a hmeichhe kawngkal lai lo chhaih buai ve chhen thin lah an tam !

Kawngpeng ka thleng chiah tihin penti dang ang deuh ka hre leh a ,hawilet ka tum laia ka ph a rawn rik thut vang chuan ka phu nghek ! Ka lung a sawt chhuak lo chauh,ka bag zen rawk rawk in hnuglam melh zeuh chung chuan "hello " ka ti sep .
"Hotel ka thleng chiah a duati "lehlam atanga a rawn tih chuan "umm" ti chungin ka kaltawh na lam chu ka thlek ka thlek kual a ,tumah ka hmu phei chu ani chuang lo .




"Umm chauh maw " rawn ti in a chet tlak tlak "a...englo I thleng tluang em " pen zawm leh chung chuan ka ti a ,ka hnunglam ka hawi leh pah zeuh thin .Eng ka ti nge mawni ka dawih tak em em ni ?
"Duati I tha chiah amaw ?" a rawn ti ta hlut ,ka aw danglam alo hre rang khawp mai !
"Ke in ka haw a ,ka hlau deuh mai mai mawle " tiin ka chhang thuai .Min ngaihtuah loh nan holam zet chuan ka sawi a,mahse ka thla erawh a muang zanlo deuh chu ani .Dawr atanga ka chhuah phat atang khan zuitu nei angin ka inhre tan tawh.Ka hawikual ngial pawn chutiang awm ka hmu bawk silo nen keimah hi ka diklo te pawh ani zawk maithei ani .




"For God Sake ...engvang chuan nge ke in I haw a Bella ,tunang hunah lehnghal " Lehlam ami in a rawn tih hrawk chuan ka ph kenlai ka beng zawn atang ka dah hla deuh a ,ka ner nang nang .Vak vak a ,mipa ka kalpui pawh ani tawp silo ."keimah in alawm ka kal " ka ti sep chu a thawri deuh hrawk ka hriat zawm zat .

"Chuvang tak chuan alawm ka thinrim bawihi , ka ngaihtuah zia che I hrethiam ve mang silo a " ti halhin kei kalo chhing sawk zui .Tunge tiang em em in kawng a reh dawn tih hre bik ang ? Bakah tianga kawng reh ah ka haw dawn tih hria ilang taxi te pawh ka nghak tang tang mai tur ania ."Ka thleng tep tawh alawm" angaihtuah nan tal kan ti a ,in awmna zawn ka kal thleng tawh bawka ka hahdam huai tawh hrim hrim .

"Ok I thlen hma chu call dah lo ang che " a rawn tih deuh nghut chuan "yess boss" ka lo ti vat .A nui ri deuh suk chuan min ngaihzual tir in ka hria . Awmdun reng theilo mah ila inkal pawh zung zung theihnan hmun khata kan awm rikngawt kha chuan ala zia deuh tal a ,tunah chuan a km ang zawng pawh a km za Chuang a inhlat ah kan awm bawk nen in ngaih ana bik ngawih ngawih .



'long distance relationship (kar hla di)' an tih ang lo hrehawm zia tur hi ka hrethiam ve ruai ruai in ka hria . Ni hnih chhung chauh pawh hi alo rei duh ngat ngat dawn hle mai .Sipai pasal a neih hi ahlauhin lo hlauh hle tur anih hi ,duhber leh hmangaih ber te kiangah thlahnih khat chauh kum khatah hun an hmang thei a .An fakawm letling ka ti dawn nge Sipai nupui rinawm deuh deuh ho hi chawimawi hial an phu in ka hre ta ,rilru zau angai khawp ang le .

"I buai lo em ni" tunah athleng ve chauh a ,ala intihfel hman ka ringlo reng reng .

"Minute sawm dawnin meeting ka tlai tawh " tia min chhan chuan ka ding chawt "chutiang te chu call hi dah mai ang aw " ka ti zui zat bawk .Keimah vanga a meeting pui turten anlo nghah tang tang ka duh reng reng lo .



"Nope ...I tan anih dawn chuan thulh hmak pawh ka pawiti hauhlo "ti deuh nghutin "kalo haw leh mai dawn em ni ?" a tih zawm zat !
"aa...Jo nangchu.." sawitur pawh ka hrelo ,han tih vak ngaihna lah a awm bawk heklo .Kei ngei pawh hian athuthlukna chu ka sawhsawn thei chuang lo ang .



"Ka mangram lalnu ka ngai viau mai che " ti thawp sap in angawi zui vang vang a ,ka rilru chuan ka kianga awm turin a duh takzet .Tunah hian rawn haw leh mai turin hrilh ta ilang flight pawh remchang lo mahse helicopter vel pawh a rawn be chung chung duh in ka ring . "Keipawn ka ngai che ,ka ngai lutuk che a ka chau vek theiin ka hria " ti sepin kan in panna step chhukthla ah chuan ka ding deuh vang vang a ,vana arsi pe un chu thlirin "arsi te khi I hmu ve thei em " zawi zet chuan ka phun sep .

"Nangmah ang chiahin an mawina belhchhahin zanin chu an eng hle mai tiraw , khing arsi te ai khian alet tam takin ila eng zawk a " amah ang lo takin a rawn ti ve duah .




Arsi nen khian in anna tak pawh kan nei ngei ang ,an eng mawi em em a hla tak atang pawn an eng chu kanla hmu phak cheu a ! Mahse an bulah han kal hnai ilang chuan lung hlawm mai an ni si ,tuna an en ang khian a hmunah chuan an eng hauh dawn silo .Jo tan chuan khing arsi ang chiah khi ka ni ngei ang ,ral atanga thlir chuan nula manto tak ang pawn kalo lang ve mahna ,mahse belhchian tak tak erawh in nula satliah chhungkaw pangai ve tak atanga rawn chawrchhuak ve mai ,dam khawchhuah nan a theihpatawpa beih ngai hmeichhia mai ka ni si .



Rei ngial step a dinga kan inbiak hnu chuan ka thlen thu ka hrilh a ,darkar chanve dawnin ka pawt tlai chu ani sia .A meeting pui turte an thinrim loh ngei ka beisei .Inchhung ka luh chuan ka nute'in rawng alo bawl mek a , salad tur asiam ani mahna tomato alo chan mawlh mawlh.
"E ilo thleng maw ,dawr bungrua chu a inrem fel em " lo ti nghal zatin ka chhan hma hma chuan athiannu boral pawi atihzia a sawi zawm mawlh mawlh ! .
"Apawi tak tak ani ,afel mai bakah ka tan tak pawh hian atangkai asin le aw..angaihnawm dawn khawp mai .Thihna hi chu atawp chiang em mai bawk si a " tiin athiannu chungchang a sawi zawm mawlh mawlh a "nute ka lo haw kawngah min zuitu awm ang tlat hian ka hria a ,ka hlau asin aw .Jo nen inbe lo phei ilang chuan atlan in kalo tlan haw thleng thak ang " tiin ka hlauh zia chu ka hrilh mawlh mawlh .



"I period dawn vang emaw I hb ahniam emaw pawh ani maithei sin " atih chuan keipawn ka ring ve deuh .Kan bp leh hb ahniam te hian kan thisen a dawih tlat thin ,period dawn phei hi chuan thinchhiat mai bakah hian behbawm hi angah ve hrim hrim .

"Lawk Jona nen in tha leh tawh maw " min en tlang tum ang mai hian min melh ngur chung chuan a ti deuh sap a "umm" tih bakin ka chhang ngamlo .


"Bella Jona hi asual e chu ka ti hauhlo ,mahse inkawp lo ulang ka duh viau asin le .Engpawh nise i kawp leh ngam anih chuan nat pawh inhuam ang che " tiin atho vut a wash basin ah akut a dil nghal mawlh mawlh .A lawm viaulo tih erawh mi a ber tan lo chuan hriat loh ngaihna a awm lo .Kan nih nih kan ni tawh mai aniang chu ,engkim tawrh huamin alawm le inzawmna ka siam pui leh ni .Tun tum phei chu ka nutei chauh ala ni zawk a ,nu Zari zawk pawh ala ni em hleinem .




Hun te hi akal chak ka tih thin tehreng nen tun tum erawh chu kal muang ka ti ngang mai .Zan te hi zan dang ai hian a rei bik ngawih ngawih .Jo lah abuai chho char char tawh dawn sia ,inbiakna hun mumal kan nei thei tawh dawn bawk silo A sawi danin ni hnih mai nilo deuh pawh a awm maithei leh nghal a ,lungleng hian ka thi hmanlo ang tih pawh ka sawi thei tawhlo ..ka va han over tak e aw ! Kan intawn hma zawng pawn ka dam tho sia .

Zing hma takah tho in rawng ka bawl a ,nutei motor a chuan chauh deuh ka rin vangin kai tho duh loin chaw pawh keimahin ka ei mai .Bakah nizan thil vel vang khan ka be hreh zo hrim hrim .Kawng engkima min buaipui tu ber tih thinrim chu nuamlo duh tak hi ani ringawt .





"Chibai le ,Miss Bella boss in I kalna hmun apianga hruai tur che in min ti a " step ka chhuah chhoh ruala ka hmaa mipa ding thusawi vang chuan ka chil ka hak lo chauh ! "Engtin maw " mak ti zet chuan ka ti hap .Nizan ah mahni a ke a ka haw vang maia hetianga rawn tih kher !

"I kalna hmun apianga hruai tur che in thu min pe a "a tih nawn leh pawh chuan ka la hawi hu hu tho .Ava ti zahthlak reuh tak ,hetiang anih te chuan mi hausa fanu emaw min ti tawk an awm mai dawn asin. "Angailo.." ka ti hman tawk "khawngaihin I hnial lo thei angem ? Ka hruai lo che anih chuan ban ka ni mai dawn sia ,chhungkaw ei zawng tu ber ka ni bawk si nen " tiin minlo sawi khalh a ,hreh zet chuan aw ka pawh ta tawp .
Ka ph in Jo ka dial nghal zat a ,ala in switchoff tlat zui ! Hepa em em hi chu aw...



University gate zawn ah pawh dintir lo in tlema piah deuh ah ka dintir a ," I duh duh naah lo kal kual la ,kan ban dawnah tah hian minlo nghak leh chauh mai rawh aw " tiin mi kawngkal tlem lai ber chuan ka chhuk thla nghal thuai . Min ngaihtuah viau ka lawm rualin ka tan kawng ati harsa zawk mai mai ni ,ka hnial thei bawk silo chu ka rilru in Jo ka sawisa nawk nawk .
Kan University ah hian mi hausa deuh deuh fate pawh an lut ve tho a ,tumah driver nen an rawn kal khup ngai ka hrelo hrim hrim .Anmahni in lirthei a anlo kal loh pawn taxi ten anlo kal mai zel .Matei ngei pawh bus in a rawn kal fo lehnghal ,chutiang karah kei ve mai driver meuhin min hruai chu a zahthlak ka ti zawk .






"Isabella ini ang chu tiraw ?" Ka hmaah tak mipa khat rawn dingin atih chuan ka phu deuh zuk ! Phut zuk zuk hi sim thei nise ka va ti tak .
"Sorry ka ti phu che ani maw " ti zeuhin a lukhum khum asiam tha zeuh a ,mask avuah tlat bawk si nen tunge anih ka hre thei mailo ."apawilo aho lutuk ,chuan min hria em ni " ka en vang vang hian ang tih deuh ka nei ..nimin..nimin ami kha ! "Nang hi MC a min su tu pa kha ini em ?" Ami chiang lutuk nimin ah pawh khan ang tih deuh ka nei tawh ,tunge a an lah chu ka hrechhuak zo derlo lehnghal !




"I hriatna atha hle mai ,afala biak che ka duh a .Engtikah nge hun I neih ang " atih chuan ka bag hruai ka vuan ngawt ngawt a .Ka hmelhriat tha pawh ani bawk silo afala han hmuh te chu ka duh teuhlo mai .Hmeichhe hralh kual thin te pawh anilo ang tih pawh hriat loh.
"Oh! Ka thiamloh ani hlauthawng suh tihnat che ka tum hranlo ania .I bialpa te chhungkaw chungchangah biak che ka duh mai ania " nelawm tak chuan ati leh a ,Jo te chhungkaw chungchang maw ?? Engthil chiah nge maw ni dawn ni?



"Engthu pawh min hrilh tum la ka hriat duh leh hriat tur ang chin chu ka hre hnem thawkhat in ka inhria .Pawi itih loh chuan class tan a hun tawh dawn a ka kalsan tawh mai ang che " ka hriat tur tul chin chu Jo hian min hrilh em em ang ,midang daih ka atang lehnghal phei chuan hriatbelh duhna ka neilo hrim hrim

Pen nga dawn ka pen tawh ang tih ah chuan " ka hrilh tur che hian Jonathana hmahun ati chhe vek thei tih hria la ,I hriat duh chuan tlai dar thum ah JIT hotel ah ilo kal dawn nia room 67 na ah aw " rawn ti vakin akal sawn zui nghal a,ka en zui dauh dauh.



Jo hmahun tichhe vek thei tur thil chu enge nita ang ? Ka kal ang nge kal lo ang .Ka mi hriatchian pawh ani silo a lo hlauhawm viau ta se .Kallo ta ilang Jo hian atawrh phah mai angem le ? Naaa...ka rilru ava buai tak ,misual chu nise hotel vela inhmuh a duh ka ring chiah bawk silo ph hmang ten min hrilh law law mai se tha tur aw.





"U Jona awmloh vang nge I va nguai ve a " ka bula rawn thutpaha Matein a tih chuan "khawilai ah nge JIT hotel hi a awm a ?" Kalo ti var a ,mitmeng ti zim sun in min han melh ngei a henu tak hi chu aw...


"U Jona nen hian inkawp tura ka duh em cheu vangin mipa dang hmuh I tum anih chuan ka hrilh dawn lo che " ve reuh thin hian ! A u hi ka duh lutuk ka thihchilh lo chauh tih hi ka hrilh hrep dawn emawni ? A u tan chu ape na ve hle mai .

"Sawi mai mai teh " ka ti hluk a ,inkuangkuah fel thanin min la melh vung vung .
"Amak thei Zualbawng I U Jona ka phatsan loh tur zia hrechiang bertu ini ang chu mawle " Ning zet chuan ka ti ta thlawt .



"Aw ka uang mai mai anih kha ,JIT chu Ramhlun PWD peng chho ah khan a awm .Mahse ngatan nge itih hna I dil dawn ami ?" zawhna liani hi ani ringawt .Thil zawt ila chhanna pawh min pe se thildang min zawt let meuh zel .Hetiang vang tepawh hi aniang athiamtheih em em ni .

"Ka dil maithei ni" tiin ka chhang ringawt .Jo chungchang leh khala chungchang vel chu hrilh lo ila afin thlak ber ang .Zawhna angah leh dawn lutuk rilru buai sa nen ka chhang seng dawn chuanglo.



Lunch break thleng pawh chuan ka rilru kala siam fel hlei theilo ,ka kal ang nge kal lo ang tih rikngawt in ka rilru ala luah.Achang leh thum kan vawr thul ,kallo ta ilang Jo hmahun in lo tuar ta se ....umm kal chu apawina a awm lo ang chu maw ,khaw en lai lehnghal phei chuan Jo driver hi hruai tel bawk ilang eng em kan ti bik nang . Bakah hmun lun lai lehnghal ah phei chuan khapa pawh khan engtin mah minti ngam bik in ka ringlo .




Afternoon class pakhat chiah ka neih tawh vangin ka hman hma khawp . Zinga min hruaitu ka dintir na lamah bawk khan ka phei leh a ,midang in min enlo tih ka hriat rualin motor chhungah ka lut thuai.
"Tunge I hming khah ?" Zingah khan ka zawt hman lo pawh nilo in ka theihnghilh hrim hrim . Han mawl biak rikngawt chu a hawihawm loh thlak ka ti ve deuh.




"Nunkima ka nia I duh duh danin min ko mai rawh " ka rin ai takin a nelawm daih mai .
"U nunkim JIT hotel ah kal lawk ang aw " ka tih chuan zawhna pawh min zawt lem hlei loin a bu deuh nghut a ,mi tawngtam lo ve tak chu ani phawt anga .Jona hian tinge maw amah ang pui pui hi a chhawr kher thin ni? Tawngtlem company adin hi ani ringawt .




Jonathan pov.



"Mr. Beijra I company a share 15 percent tal ka chang anih loh chuan kan inremsiam thei lo ang " ka hma a thu bulah chuan chiang fek fawk takin ka ti a .Heng vai sum duh lutuk bum mai mai theih hian ka awm dawnlo hrim hrim .20 percent share pawh dil ila min mamawh miau a ,a hnial thei dawnlo tih ka chiang viau .


"Mr.Jo 10 percent pawh kan han chuan a harsa viau asin " tia min chhan chuan ka thuthlukna sawhsawn ka tum hauhlo .Hepa hian sum chheprel tam tak anei tih ka chiang viau mai . "Beijra ka duh ang min pe thei dawnlo anih chuan kan in dawr tawnna tih tawp mai ka hnial lo khawp mai .Pawnlamah sawn min thawhpui chak tam tak an awm tih theihnghilh lo la " whiskey lem zeuh pah chuan kan ti a ,Mizo pa nawrluih har zia hre ve rawh se. A pawm ta ani mahna contract ah chuan a sign zui mai.Sawibuai loin sign thuai se chuan Bawihi ka be thei daih tawh tur hi nia ,laktlak loh lutuk.




"Minlo hrethiam lawk sir , mi tu in emaw abe duh che a emergency " ka assistant in a rawn tih chuan ph ka ban vat a bawihi nutei maw ! "Mr. Beijra ka kal hmasak angai tlak , contract chu ka rawn thawn dawn che nia " tiin ka chhuahsan zui thuai .


"Aw Jona I chhang thei ta maw ..Matei nen in awmdun em ?" A rawn tih chuan ka sana ka bih vut a ,dar kua a ri hnai tawh !
"Hna thilah Delhi ah ka kal a ,Bella arawn la haw lo maw ?" Ka ti nghal hluk .Atlai tawh mah mah ani ." Enge awmzia nita ang ,call achhang thei bawk silo Atlai tawh si tun thlengin a chin kala hrelo " ka ph dah nghalin bawih tana ka driver chhawr ka call nghal zat bawk ..Ala har hrep lehnghal .




"Hello boss "


"Khawnge bella a awm " ka ti vin hluk ,tawngkam nem hmang hman ka nilo
"Boss Miss Bella chu JIT hotel tlai ah ka hruai a ,garage ah ka la nghak mek ala rawn chhuaklo a " tia min chhan chuan ka bula vase awm ka hnawl thla rup . " Engatan nge ka chhawr che ? Tunah hotel ah chuan zawng nghal rawh .I hmulo anih chuan engtin nge ka tih dawn che ka sawi theilo " ti hrawkin call ka dah zui hmiah . Tlaia kal tawh tun thlengin ala chhuak lo amaw ? Engthil tehhrep ti turin nge maw akal ni ?












Zawmna .....







"A awmna chin in hre theilo amaw ! In dept. Khan Bella chanchin vawin ni a in hre theilo anih chuan in hna atanga in ban vek theih nan hma ka la ang tih hre rawh u " ti hrawkin ka thaw zui hawk a "ka thil tih tawh ka ti ve mai mai ngailo tih in hriat kha " ti leh nghutin call ka dah zui hmiah . Zanlai ni sawm sarih mahse an zawng tur hi ani ringawt. Bawihi khawnge maw I awm le ? Nula zan vak mi ini lo tih tupawn kan hriatchian vang hi alawm kan ngaihtuah em em che .
"Sir, I flight a hun dawn tawh a " ka assistant in a rawn tih chuan tho nulhin kawngkhar lam ka pan zui hmiah. Sum eng anga tam pawh hlauh dawn mah ila bawihi chinchang ka hriat phawt loh chuan ka buaipui thei tak tak hauhlo ang .





Zuitu nei tlata a inhriatna te leh tuna abo dan te hian inzawmna an nei angem ? Tu mihring phiansen nge mawni ? A samzai khat pawh a lo khawih anih chuan thih chak ngawih ngawih khawpin ka siam ngei ang le .Tunge Zoremsanga thil lo khawihpui ngam chiah ni?

Hotel kawt ka chhuah chuan ka driver leh motor alo ding thlap tawh a ,khawmuang tawh lo a lut zui zatin airport lam panin kan tlanchhuak nghal zat.

Bawihi ka hmuhtirh ka chhuikir a ,anu ka sut tep vangin dingdihlip ar ar in min ankhum ve hlak hlak reuh anih kha ! Huh! Ani ang vawikhat pen a thlesawn mai mai thei tur tiat lekin mi zawng zawng hmuha min ankhum ve phiar phiar kha huat a lak aiin a duhawm kalo ti ngawih ngawih zawk chu nia ! Khatih lai Khan hmeichhe naupang te zûna uai angah ka inngaih phah reng a ..hmeichhe naupang duhawm leh luhlul mahni thuduh ve ngil ngel reuh tak zûnah ngei mai mawle ...kum sawmthum chuang hmeichhia engatan maha ngailo tu kha tunah zet chuan nula te tak te tello in ka nung thei ta hauhlo !




"Ka pu.....ka pu.." ka driver in ka ngaihtuahna ata min ti harhin ka mitko ka san zuk a
"I ph ari char char a " front camera atanga min melh zuk chunga rawn tiin min tih thinrim hlau takin hmalam nen a melh tawn deuh chhen .
Number hriatngailoh atang ani tih ka hmuh chuan chhanglo in ka silent ta zawk a ,mahsela a in ring ral hnu lawka a rawn rik leh chuan apawimawh anih ringin "hello" tiin ka chhang ta sup.



"Jonathan...Jonathan...engtin nge I awm ka hre chak viau mai " mipa chek tlak tlak thawm ka hriat chuan ka driver hnenah khalh chak turin ka hrilh nghal hrawk .






Isabella pov.



Ka awmna thim zet chu eng hmun nge tih hriat dan tur dapin ka mit darkar tam ka lenkual tawh .Athim em vangin kawngka awng atanga engzung rawn lut bak engmah hmuh theih ka nei silo .Trahchhuak tunin ka in petruh a ,ka kut aphuarna te chu ana takzet tawh .Ka ka pawnchhe bal zeta atuamna vang te chuan ka luak a chhuak hlui bawksi nen a hrehawm takzet .Hotel ah khan min bum dawn tih hria ilang ka kal hauhlo tur ania.Hetiang dinhmun ah hian k ding dawn tih tunge hre bik ang .

Jo chanchin engemaw min hrilh turah ngaiin hotel ah ka kal ngei a ,mahse room chhung ka luh rualin engin emaw ka hmui rawn hupin abak chu engmah ka hriat zawm lo ,darkar hnih liamta khan ka harh ve leh chauh a helai hmun thim leh rimchhe zetah hian ka harh leh ringawt a !
Ka taksa anat tawh em vang chuan chet pawh ka che hleithei tawhlo ,darkar hnih dawn talchhuah ka tum na lamah ka chau zo tawh .Jo ka kiangah awmse ka va ti em aw 'jo min tanpui rawh' ka rilru chuan ti mawlh mawlh in ka biang te chu ka mittui luanna vangin a char zo vek tawh a ,ka hmui a tuamna te chu ka mittui in a ti huh zel zul tawh bawk .




Kawngkhar rawn ri rek vang chuan ka mengphar kawk a ,ka tal nghal nawk nawk .Muangchanga rawn inhawng riai riai in mipakhat a rawn ding deuh khup a , bang khawilai emaw hmet zeuhin room chhung chu a rawn eng nghal khup .Ka mit chhing sawkin ka men leh pawh chuan thim a ka awm rei tawh vangin ka hmu phe deuh riai riai .
"Isabella ...Isabella khawngaihthlak " chek tlak tlakin ka hmui tuamna a rawn phelh a "min kaltir rawh tih vel sawi I tum chuan hei ai hrehawm hian ka phuar ang che " ti zui sup in ka ke lam a phelh leh nghal zat bawk . Ka taksa erawh chair nen ala inphuar kawp tlat a ,ka tan chet ngaihna ala awm chuang lo .



"Ngatinge tiang hian min tih " ti thawp sapin ka dang ro lutuk vang chuan ka khuh zui bawrh bawrh .
"Hetianga hrehawm a siam che hi ka duh dan ani biklo asin ,mahse...mahse kha uicho Jonathana kha na taka ka siam theihdan awmchhun ani sia .Pawisawilo in I tawrhve angai anih hi " a tawplama a nui zui suk chu ka rap takzet.Mask avuah chungin mi pangai anna anei pawn ka hre tawhlo .
"I bialpa khan ka nun mai nilo ka chhungkua thlengin ati chhe vek tih I hria em ?" Thle zui bâk a a tih chuan hrethiamlo zetin ka melh ha a "dawt anih chu " ti zui sepin ka dang tih hnawn nan ka chil ka lem deuh khawlh .


"Huh ! I hmaah te chuan mi tha ber angin alang reng ang chu" ti zui sapin amask a la thla a ,amah ngei ani..Ka hmuhtawh hnu ang ka tih zet pa kha ! "Nang ...nangpa hi "
"Ka zuikual fo che tih I inhre ngai hauhlo a ,I kalna hmun apiangah ka awmve zel tih lah I hre heklo . Tul ka tih hunah ka rawn inlan a min hmu ve ta chauh a ,Jonathana ngei pawn a hmangaih bul hnaiah ka awm tih a hre hauhlo mawle " chapo hmel zeta ti in anui zui huah huah a ,ka hlauh luatah ka tap lo chauh ani ber tawh .Anui ri te hian min rap bik ngawih ngawih .



"Min..min kaltir rawh " hlau zeta ti khur dar dar in ahmel en ngamlo in ka kun zui ngul.
"Ka tawrh anga hrehawm I bialpa in a tawrh ve hma chu nilo e ...kum thum chhung jail a min khung man kha ka rul phawt anga ,Tichuan ka chhungte phuba ka la leh bawk ang .Nang te hian nasa takin min pui bawk ang " ka khabe dawm zeuh paha atih chuan k lo thlesawn vat. Lawk...kum thum ! Ka duhtheilo ..."nang ..nang hi Ramasesa pa ! Ka duhtheilo " ti vakin hlauh vangin ka thisen luanglai te chu an chawlduk in ka hre thei hial ! Ani hi Delilah sual tu ngei kha ani ,hmutawh thin a ka inhriat thin chhan pawh Ramasesa nen an in an em vang chauh . Engthil nge ka chungah hian thleng ta chiah le ?





"I hrechhuak ta maw ,I bialpa chuan min theihnghilh ngai hauhlo asin." Kan bula chair chhe zet hnuk hnai hrawkin ka hmaah a thu zui thawr a ,ka lo ip chawih thung .
"Min kaltir rawh" hlauh luat avangin ka biangah mittui alo luang thla ngiai ngiai a ,Delilah chunga thleng ang kha ka chunga thleng ve turin ka duhlo .Ka hlau ka zep lo ,tunah tak hi chuan Jo kianga awm ka chak takzet .




"Nimai lo e ,ka chanchin te pawh I hre ve phawt ang chu "
"Ramhuai inih kha " ka sawizawh rualin ka hmai a ri thlawp a ,ka bek zawn ana nghal ut ut. "Ramhuai ..keihi maw ? Huh ..I bialpa khan ka nun mai nilo kan chhungkaw pum minti chhe vek asin ! A farnu chunga ka thil tih kha chu la nep tak ani .Ka pa pawisawilo sum mamawh ngawih ngawih hna atang abantir a ,ka nu in enkawlna tur kan neih takloh vangin aboral bawk a ! Chu mai ala ni hauhlo ,ka nu mai nilo in ka pa ka chan tel bawk a . Ka nu leh pa te khan dam anla phu ve asin .Zoremsanga khan ka pa hna atang ban tir mai duhtawklo in aleiba rul turin tuktin mi a rawn tir a ,kan chenna in nen lam min laksak tu anih kha " amitmeng sen rum te chu ka thauah manin ka che sawn ngam tawh eihlo . Jo ka hriat thin chu chutiang mi ani bawk heklo ,thil ahresual palh mai anih ka ring.




"Kha ni khan an in rawk tuma lut ka ni hauhlo ,ka chunga a chetdan vangin ka thungrul ve mai chauh anih kha " ti zui leh in a nui deuh hawk a , "ka thil tih khan ala vaw chhe zolo anih chuan nangmah hmang hian ka ti chhe vek thei ngei ang "

"I hresual ani ngei ang ,Jo chu chutiang khawpa sual anilo " tim zeta ka ti chu min melh ngûr a , alu thing deuh nghutin ngawirengin achhuak zui zat. Eng ang pawn au mah ila tuman min hrethei dawnlo tih ka chian tawh vangin au chhuak ka tum buai peih tawhlo . Heti hian ka tawp ringawt dawn emni ? ....







After two days .



Ka taksa khem leh pilh deuh hrephrup chu enin ka mit ka chhing sawk a ,ka hmui zawn kak vangin ka ka pawh ka ang tha ngam tawhlo .Tun ni hnih chhung kha ka hun tawn tawh a la hrehawm ber ani ngei ang .Mi â ang maiin thinrim zetin a rawn lut a aduhtawka min sawisak hnuah achhuak zui leh mai a ,a kawnghren hren phelhin vawitam min rawn hlap thin! Tui leh eitur min pe bawk silo nen chechang tur pawn tha ka nei tawh lo .'kan rumri hrelo tur khawpin Pathian hian min hlat ngailo' tiin ka nu in min hrilh thin a ,ka thinlunga vawitam ka lam chungpawn eng chhanna mah ka hmu silo ! Delilah chunga atih ang ka chunga ala tivelo hi ka lawmna neihchhun chu ani mai. Ka taksa ana a ,ka taksa mai nilo ka thinlung thleng hian ana vek nimai hian ka hria .Jo ka ngai a ,ka nu leh pa te kianga awm leh ka chak takzet bawk.Tunah phei hi chuan min ngaihtuah tawh ngawt in ka ring .Ka pa kum lamah pawh a naupang tawhlo tih hriat taka avun in chuarlam pan tawh khan engtiang takin nge ka awmloh vangin alungngaih ang ?




"Min that zawk mai rawh " kawngka a arawn pen luh rual chuan mu zawi hnuang chungin kalo ti sep a ,hmeichhe chaklo tak chu kava ni chiang em .Ka taksa ka delhna lam phei chu a duk thleh thluah tawh a , a sawisak tuar leh tur chuan ka tlin tawh kherin ka ring lo .A sabun kawnghren a phelh mual mual chuan min hlap leh ngei dawna hria in ka tap khur nghal dat dat .
"Khawngaihin " ka ti thawp sap chu nui sukin camera ni awm tak hi ala chhuak zui a ! Akawnghren phelh chu dawhkan te ram tawh takah vawm kai nawlhin camera chuan min tin zawm zat.



"I bialpa hnenah chuan sawiduh inei em bella " nui ver ver a ti chunga hnai zeta min rawn lak chuan na taka vuak pawp ka chak takzet .
"I ngaih thu tal I hrilh dawn lom ni ?" Ring zeta nui huah huah chunga a tih leh chuan ka kut ka hum ruh ngawt ngawt .Min ngaihsak loh lai chuhin a camera kenlai chu ka laksak vuta a mitbul zawnah chuan ka theih anga na in ka chhu zui pawp. Chhuata amitzawn vuan chunga vial ngawih ngawih chu ka theih anga ranga tho kangin ka kalsan dawn a ,ka ke a alo man beh tang tang na chu ka ke lehlamin ka chhir zui pawp.



Hmanhmawh zeta tlanchhuakin kawngkhar ka khar a ,chahbi lo invuah chuan kalhhnanin pawn chhuahna tur lam nia ka hria chu panin ka tlan vat a ,kawngka ka sawi vak vak chung pawn Pawnlamah ala inkalh hrep anih chu ! Lehlamah ka awmna room thin kawngkhar rawn in vaw bur bur chunga "ka that khawp ang che " tia rawn au ruai ri nen ka chhuahna tur dapin ka hawi ruai a ,building hlui tawh tak anih vang nge tukverh te chu bar a in vuah fer fur hlawm bawk si . Tukverh pakhat ventilation ka len tawkna awm vel ka hmuh chuan ka pan vata ,bar rap zei zei chunga lawn laiin ka inbarh tang thei hram .Ka tlakna tur dawnlo a lawn ka nih vangin ft riat dawna sang alo ni a ,engtin pawn tum thla ilang ka insawhna ngei ang .


Lehlamah kawngkhar chhe mai tawh tur ri ni awm tak ,ri deuh thawk thawk thawm ka hre bawk nen zuan thlak mai loh chu duhthlan tur ka nei lo .








End of ch 13


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 15th, 2022, 6:09 pm

*MANGRAM * ch~14


(A complete in ka rawn vawmlut rawih mai aw ,ka chawlhsan rei tawh sia chhiar peih inlo la awm takin ka delete mai dawn mawni ka tih hnuah ka phur thar leh thut😁)



Lei ka thlen thlak ruala ka ke ri deuh thawk chu na ti zetin ka tre chhuak thawt .Ka ke ka bilh ani ngei ang ,mahse chutiang ngaihtuah hman ka ni silo . Chu in hlat thei ang ber tur chuan ka kalsawn vat a ,ka ke na hle mahse ka himna tur ka pan hmasak ber angai miau si .Ka ke nat em vanga ka mittui rawn hnam tiam tiam chu ka hru tawk a ,ka mittui ka hruk na lamah ka biang te pawh a thip hlur tawh .
Kan awmna chuan kawngpui a pawhhar em em mai bawk si ,kawng fai lai a ka kal anih chuan min rawn nangching vat dawn tih ka hriat vangin thingkung lian zet zet karah chuan ka lut ta zawk a . Kan awmna hmun hi farm emaw thlâm emaw pawh ani mahna ,Aizawl atanga engtiang taka hla ah nge kan awm ang le aw.???




Min mantupa aw treng ring zet ka hriat chuan ka ka hupin thingkung lian zet bulah ka biru nghal zat a ,a awmna hlat hmel viau mahse kei aiin helai hmun ahre chiang dawn tih lah ka chiang reng . A thawm a reh deuh ta maw tih a ka ding chhuak chu ka hmaah rawn ding thutin ka lu ah thing fakin min rawn vaw nghal chawrh..

................




"Ataksa ache ania !"

"Alo harh tawh dawn ani thei mai angem ?"



"Doctor ,engemaw tal han ti teh "

Phunri mur mur karah chuan harsa ti zetin ka mit ka meng diar diar a ,ka taksa na lutuk chu tawrh har ka ti takzet bawk .Ka mit men anuamlo in ka khawhmuh a fiahlo em em a ,ka bula min din hualtu te hmel takngial pawh ka hmu chiang theilo nia!
Engthil nge ka chungah thleng ta hi !



"Bella ....Isabella ka tawng i hre thei em " tia min ko mawlh mawlh tu chu tunge anih hretur pawn ka hmufiah thei hauhlo !

"Nu.." Ti sepin ka ka tihchet ringawt pawh chu harsa ka ti takzet..

"I chhungte chu an awm e ,Bella keihi nangmah enkawl tu che doctor ka ni a tunah hian hospital ah i awm mek a " mipa aw in a rawn tih chuan ka chunga thil thleng te ka mitthla let uarh uarh a ,hlauhna bawkin min rawn tuam mup mup in ka awm zawn chu a rawn tawt mup mup a ka thaw tha thei lo zui nghal






"Khawngaihin lova chhuak rawh u ,nurse oxygen level ti sang rawh"

Ri nawk nawk thawm te chu hlatak atanga rawn chhuak ang mai an ni tawh !








Jonathan pov.





"Hmunpui lam panpui ang" ti hrawkin ka hma a thu doctor ka thianpa nibawk Sanglura chu ka vin thawt .Bawihi kar hnih zet hnuah a rawn harh tawh dawn emaw kan tih laiin nikhawhrelo bawkin a awm leh a ! A taksa a rawn chet ruala ka hlimna zawng zawng te kha an bo zo leh vek tawh .Hei erawh chiang takin ka hria ,ka beidawn san dawnlo tih hi .



"Thiana , ka hrethiam lutuk che mahse Isabella dinhmun nen hi chuan chetsawn pui chi anilo.Kan enkawl ang bak hi chuan hmunpui lamah pawh tihvak ngaihna a awm bik chuanglo ang .Khawl leh hmanrua neitha zawk mahse Bella dinhmun ah hi chuan a doctor ka nih na angin ka remti lo." Tia min chhan chuan ka ipik ngawih ngawih .
Mahni inthiamlohna in ka khat a ,ka thleng tlai lutuk kha tun thleng hian ka la in ngaidam theilo.

"Bawiha mahni inthiamloh kha bansan teh ,i theihtawp i chhuah alawm " ti tu chu melhin ka nui hak a "kei hian mahni hmasial takin chelh lui tlat lo ila ,ka hlimna tur chauh ngaihtuah loin pan reng lo ila ,ka kianga a awm chuan a tan ahlauhawm tih kha haider loin ka hlatah awm tir ilang tun dinhmun hi kan thleng lo ang " ti supin ka hmai ka tuai puat a ,ka chair nghenchhan nghengin inchung lam ka melh ngawt ngawt .Hmeichhe nungchang mawitak khawvel sualna te ina an tih lungaihzawhloh ang maia engtik lai pawha mi chunga tha em em reng ,mite hlim hmel hmuh hram hram thin mi hian achunga thil thleng tehi aphu mawlh lo asin .
Kha hmunah khan thleng hma thei ni ilang tun dinhmun hi kan thleng hauhlo tur ,kha mihring pa kha thihpui tham khawpin lo sawisa hman ila tha tur.





"Eng dinhmunah pawh dingin mihring pangai angin awm thei dawn tawhlo mahse ka thlahthlam lo ang " ka hriat tham lek a phun supin ka thaw chhuak leh hak a .Ni e , bawihi hi rawn harhchhuak in ataksa dam vek mahse a mit in khaw eng ahmu ve thei tawh dawnlo .He thu ka hriat tirh kha chuan awmdan ka thiamlo a , mahni in demna nen bawihi chhungte pawh hmu ngamlo in ka room ah ka tawm chawt chawt bawk .Keimah vanga hmeichhe hmahun chhe vek tur hi engtiangin nge ka siam that tawh ang tih rilru pu chungin zan tam ka mulo bawk.A chhanna erawh vawin ni thleng hian kala hmu lo.







"Bawihi ..ka hmangaih engtin pawn min hrem dawn mahla ka pawm vek ang rawn harh thuai teh " bawihi kut cher kuam mai chu fawpin ka phun sup sup a ,ni engzat nge ni tawh ? A kiangah thuin a kut ka chelh a ,a rawn harh veleh a ka aw ri a hriat theih nan minute reilo te pawh ka thawhsan ngailo .
A nu leh pa ten ka tan ngaihthlak nuamlo thu sawi ngailo mahse an rilru tak chuan min dem ve fo chuan ka ring thin .







............skip...






Isabella pov.




Ka bula phun ri leh sup sup ri chu hre reng chungin ka harh hleithei der lo .Ka taksa te chuan rilru hran an nei ang mai ani ! Chet ka duh a ka thei silo ! Ka theihpa tawp chuan ka kut tih chet tumin ka bei a ,atawp atawp ah chuan ka thei ve ta !

"Bawihi....bawihi i harh tiraw ka tawng i hre thei em ?" Lalpa ka mipa hmangaih aw ngei ani !

"Jona bawihi hi alo harh tawh dawn aniang " ka nu aw ve thung ...khawi hmunah nge ka awm ? Kei hi ka thi chu ani silo ..! Ka mit chu ka han meng a ,thil eng pup bak engmah hmuh ka nei silo ! Khawvel hi atawp anga kan vai hian vanram ah kan awm tihna ani mai angem ? Mahse vanram ah chuan ka taksa sil them thum hi engmah a awm ka ring silo !




"Nu .." Tiin harsa zetin ka phun chhuak sep a ,ka dang ro lutuk te chu a hreawm takzet .Ka ka chhungah hial ka chil takngial pawh a awm lo ang mai ani .






"Awi bawihte i tha em na i nei em ?"


"Bawihi itha maw "
Ka nu leh Jona mai nilo midang tawngthawm te pawh ka hre thei a ,mahse tinge tumah ka hmuh theihloh ? Ka mit ka meng ngei chuan ka hria a ka khawhmuh erawh thil var pup bak engmah ka hmu silo !




"Nu ..J....ka hmuthei lo cheu ! Tinge in aw chauh ka hriat theih " tiin ka taksa te chu kan ti che kual a ahma ang em em chuan ka chet asak tawh lo ."Ava pawi tak em bawihte " ka nu tap ri leh ka bula mipa thaw hawk thawm ka hria a ,midang awm ve nia ka hriat teho thawm pawh a reh nghal duk hlawm bawk .

Ka rilru in ka thiltawn ho achhuilet a ,Lalpa! Ramassesa pa khan min kidnap in ka tlanchhuak a ,ka bekah engthil emaw in min vua anih kha .Keihi ka mit adel tihna em ni ?







"Isabella keihi Doctor Sanglura nangmah enkawl tu che ka ni a ,inbengdai phawt turin ka duh che " chu aw chu ka hriat ngai pawh anilo mahse ka tiril ah hlauhna in min tham a ,kha misualpa kha ngaihtuah chhuakin ka bana min rawn chelhtu awm a ka hriat rualin ka chesawn nghal vat .
"Nu ka hlau " ti tiauin ka theih ang angin ka chesawn nghal sawt sawt .
"Bawihi i kiangah ka awm" ti sup tu aw chuan thlamuanna min pek nasat zia tuman min hriatpui lo ang . "J " tia phun supin ka phunri ahria ani mahna ka bekah a rawn fawp tawk a ,hmutheilo mah ila ani hi chu ka hai hauhlo ."Hlauh suh i nat ka phal leh tawh hauh lo ang " ka bek zawna ahmui nawr vang vang chung chuan a ti sup a ,ka taksa tang lutuk pawh ka thlahdul nghal riai riai .





"Bella apawi ka ti khawp mai ,i beka hliam i tawrhna khan i khawh hmuh a ti buai a .." Doctor niawm takin a sawi zawh hma chuan " a dam leh thei angem ?" Kalo ti thuai ...tawng thawm awmlo a areh vang vang hnuah chupa bawk chuan " thudik ka hrilh law law ang che ,chance awmlo tawp chu anilo na in chance atlem viau mai hundred percent ah 5 percent vel chauh ani " a sawi danah pawh chuan a beisei asang lo tih ahriat ngawih ngawih .
Keihian khaweng ka hmu ve thei tawh lo ang maw ? Ka mipa hmangaih ber hmel te ,ka nu leh pa ka unaupa hmel te pawh ka hmu ve tawh lo ang maw ? Ka unaupa pawhin afa hmasa ber tur anei ve tep tawh anga naute hmel takngial pawh ka hmu ve tawh dawnlo tihna emni ?






"Keimahin min awm tir lawk rawh u " tah chhuah hlau zet chuan ka ti chhuak sep a , ka chhungte leh J takngial pawh an hmel awmdan ka hmu ve thei bawk silo .
"Bawihte " tia ka nu a rawn tawngchhuah chuan " nu reilote chauh " ti lehin ceiling lam ka melh ngawt ngawt a ,engmah lah chu ka hmu der bawk silo .


Kawngkhar inhawng thawm leh doctor in "hunthawl amamawh" atih te chu ka hre reng a ,penthawm te ,"ka va lainat em aw " ti thawm te chu an hla riai riai bawk .Kawngkhar inkhar leh thawm ka hriat chuan ka inhnit chhuak nghal hlap hlap.
'Min chhuahsan vek em tih hre tur pawhin engthil mah ka hmu theilo a ' ipik zeta tichhuak hawkin duhthawh zet chuan ka tap zui a ,ka damchhunga khaweng hmu ve tawhlo tura ka indah chhin ringawt pawhin ka ipik lutuk chu kha hmunah khan tinge kalo thih law law mailoh tiin ka ngaihtuah hial bawk .Hetiang dinhmun ah hi chuan ka mipa hmangaih pawh ka nei thei dawn silo.Atana ka tlinloh sa tehlul nen tunah leh lek phei chuan beisei ngam ve tur pawh ka ni tawhlo. Tu chhungkua mahin an mo atan mitdel an duh dawn hauhlo tih lah kei chauh lo pawn an hre vek ang .
'Lalpa hetiang tuar tur hian engthil nge maw ka tihsual le ? '





Ka rim hriatthan zet ka hriat chuan ka thaw hak a " i lo awm ve reng tiraw " ti sepin J dinna awm lam ka melh pah bawk .
"I thiamloh vekah i ngai lehpek em ni " ti leh in za lo zet in ka nui hak bawk . " ka tawrh tur ve reng anih hi " chubak keipawhin a lung ti dam turin sawi tur ka hre hlawllo. Ka khaw hmuh theihlohna hian min deng na em a ,J lakah sawi tur engmah ka hre hrihlo ani ber . A thiamloh anihloh zia te hrilh duh mah ila sawitur ka hre silo .



" Ka tihpalh "



"Aih ,ka hrehawmna belhchhah turin engthu mah sawi suh . Min hmu turin rawn kal tawhlo la ,ka kiang hnaih ah awmlo in min tawn hma ang khan awm leh ang che . Dam taka ka awm i duh chuan ka hnaih ah awm suh " harsa ti mah ila he mimawl hmangaihna ngah lutuk hian ama thu mai chuan min kalsan dawn silo . Chelh ka duh a ,ka thlakhlelh zia te hrilh duh mah ila a damchhunga phurrit phurh tir ka duhlo ,ka kut achelh tlat chuan buaina ,manganna bak ka thlen dawn silo .


" Kalsan tur chein min ti hauh suh ,engang pawn tum mahla ka kalsan ngai dawnlo che " ka kut rawn chelh rawk rawk chung chuan ati chhuak hrawk !
"I hria em ? Kalsan tur chein min ti tawh suh " ti thawp leh supin ahmuiin ka chal anawr vang vang a ,ka bek zawna ka mittui rawn luang thla ngiai ngiai a kut lum ther ther in anul zui hauh hauh bawk .
"Heng i mittui tlak chhan te hi keimah vang vek ,bawihi ka thiamlo takzet i hma a inlan ngam tur ka nilo chungin ka kalsan theilo che .Ka enkawl ang che , i dam leh theih nan engkim ka ti vek bawk ang "




"I sawi dik , hetianga ka awm chhan hi nangmah vang vek . Chuvang chuan min hnaih ah awm suh ,kalbo rawh min kalsan rawh. I hria em ,nangmah vangin khaw eng ka hmu theilo a ,hetiang dinhmun a min siamtu bulah hian ka awm duh i ring amaw ? Huh! Ka thinrim a ,i tawng thawm ka hriat hian ka ipik ngawih ngawih asin chuvang chuan ka hlatah awm turin ka duh che . Hahdam taka ka awm theih nan min kalsan rawh " ka thaw halh halh a ,ka hmai achul lai tawp chawtin thawm engmah hriattur a awmlo . Chutah kawngkhar inkhar ri dawp thawm ka hre zawm a ,atan anat tur zia hre ve bawk mah ila khatianga ka tih kha angai miau si .Amah a in hmangaih aia nasa daiha min hmangaihtu hian kei ang nilo nula pangai tak aphu ani .









End of ch -14












Ch-15






Nghakhlel taka khawvar hun nghah ka tan awmzia a awm ve tawh silo a ,eng hun nge anih a mut ahun tawh em tih takngial pawh ka tan chuan hriat ahar ngawih ngawih .Ka mit meng ve mah ila ka hma a thil awm te ka hmuh ve tawh miau loh avangin ka mangram chu atak ram aiin anuam zawk tihchang ka nei ta fo bawk.Ka mangram ah chuan tunhma a ka mit ngei a ka hmuh thin zawng zawng te kha hmu leh theiin hmeichhe hlim tak kha ka ni leh thin .

"Bawihte hetianga awm reng ringawt chu atha lo ,Jona pawh akhawngaihthlak lutuk" min hau nichiah silo chuan ka nu in min zilh ve mawlh mawlh. "A awm leh tawh em ni?" Tih te a ka chhan chuan "aw" ati sep a ,ka thaw halh ringawt. Kalbo tura ka hrilh hnu atang ni thum lai chu aliam leh tawh ,tihian ka cabin awmna pawnah nitin alo thu ve char char zel a ,room chhungah erawh a rawn lut ngai hauhlo thung .
Ka ngai a ,ka thlahlel a ,a rim pa zet te a aw ngaihno beilo mahse ka tan a ngaihthlak nuam em em te kha ngaihthlak leh ka chak lo ani biklo .Ka kiangah awmin engkim athat leh vek tur thu min hrilh turin ka duh a ,min kuah a ka kut nghet taka chelh tur pawhin ka duh ngawih ngawih .Mahse ka vanduaina tawh hi ama thiamloh ah a inchan tih chu tupawn kan hre vek ang .Ka kianga a awm chuan min hmuh apiangin mahni inthiamlohna bawkin atlakbuak leh anga ,a damchhunga chutiang in a atihbuai reng chu ka ngaingamlo ani .







"Kan nula hmeltha chu enge alo an a " tia mipa aw ka hriat chuan ka ngaihtuahna tang ka harhchhuak zawk . Ka kiangah ka nu a awmlo ani mahna athawm engmah ka hriatloh takah chuan "ka tha tawh lutuk" ka ti thuai a ,he doctor hi atir khan ka ngaina lo viau a mahse tunah chuan ka ngaina ve tawh lutuk .
"I ban vel kha na ila ti em " atih chuan ka lu ka bu zeuh ringawt .Ka banrek hi tinge mawni a na rei reuh khawp ,avung pawh ani mahna .





"A serious lemlo bawk a ana rei lo .." Doctor tawng zawh hma chuan "lo kal tawh lo tur khan ka ti che " kalo ti sep. Engtin nge ka hriat hran bik em em theih hi keipawhin ka hrelo! Ka nu takngial pawh ka hai fo a ,Jona erawh thawm anei miahlo chung pawn ka hre zel tho si !

"bawihi" ti hulhin a aw chu a ipik hmel ngawih ngawih .Sawi belh tur ahrelo tih hriat zetin a reh zui vung vung a ,a taksa a min kuahbet vek tura ka duh zia hi hrilh ka chak takzet .






"Bella ,pangai takin inbe teh u .Hmu lo che a a awm reng chuan artui chhungmu pawh a seh keh zo lo ang tih ka hlauhpui ania " fiamthu titak zeta Doctor Sangluran an tih chuan ka mu rem sauh sauh inkhuhna tur puan ka dap nghal ruai .
Puan inkhuhna tur ka dap ka dap chungpawn kala hmu thei hreplo lehnghal! Ka nu khan alo thlep fel hman emawni ,tihtheih ka nei bawksilo chu ka in haw hlur thei .Pathian hnenah khian ka puan sintur ka zawn lawk theih nan ka mit min tihdam sak lawk tura dil hial ka duh .







"Tinge kawng harsa zawk hi i thlan tlat a " ti tiau in chet pawh ka chesawn peih tawhlo .Ka hah ,ka ning hetianga damchhunga ka nun ka hmang tawh tur hi ka huphurh a ,ka chhungte tan a phurrit ka chang kumkhua tur hi hrehawm ka ti hle bawk.Ka hmangaih ber tal in nun nuam a neih ka duhpui a ,mahse chuthil te pawh chu aharsa em em si !
"Ka hlatah awm turin ka ti che a ,min kalsan tura ka tih che khan ka hlim bik hi i ring em ni? Ka mipa hmangaih em em kalbo tura tih aharsat zia kha i hrethiam phak lo ang . Tinge..mawh tinge kei min kalsanin nun nuam tak chu i hmang ve mai loh?Mitdel mai mai lakah hian enge ila beisei cheu ni ? " ka ti ta thlawt ka sawi hnem lutuk a âm takin boruak ka hip lut zui tawk bawk .

"Hmangaihna ....min hmangaihna bak engmah ka phut lo " ti thawp sepin a chawl dat a "I tello a damchhung hman ai chuan nikhat chauh kan pahnih a hun hmandun ka thlang zawk ,Duati kalbo turin min ti mahla i thu i sut hma chu nangmah hnaih thei tur ang berah ka awm zel tho ang "





"Mimawlpa"




"Ni e ,ka mawl chuvang chuan kalsan tur che a min tihna pawh ka hrethiam ngai dawn lo " sawi chhuah harsa tih hmel zetin a thaw deuh hrawk a ,chutah "mipa inla pa ve tawk tak emaw ka inti thin a huh! Tunah erawh i tello chuan thawk pawh harsa ka ti takzet tawh "
Athusawi maltin chuan min thawng takzet ! Kei ve mai heti tehlul a min hmangaih chu phulo ka inti takzet .






"J ka chelhlui che anih chuan i tan phurrit ka chang kumkhua dawn asin " ti tiau in ka insut ri hraih a ,ka mut zangthal vangin ka hnar aping vek bawk nen a hrehawm takzet .
Ka biang rawn nul heuh heuh in ka mittui luang chu a hru zeuh a "Nang hi phurrit i nih chuan keichu anchhia ka ni ngei ang " ka beng bula ti thawp supin ka bekzawn ah ahmui a rawn nawr vang vang a ,thudang sawi belh leh angai tawhlo .Ka tan a a in pek zia leh min hmangaih zia ka hria a ,ka hnar phal thlawtlo .
Min dem bikin ka ringlo ,hetiang mai hi nitawh mah ila mihring rilru pangai pu kala nih miau vangin ka hmangaihna ka paihbo thei miau bik silo .






.....skip.......



Ni aliam a ,thla a vei a ,kum hial a ral ve ta reng mai ! Ni hi akal muang ka tih nitin laiin kum khat chuang kanlo chuangkai ta der a ! Tunah chuan khaweng hmulo a awm pawh ka thiam ve tawh khawp in ka hria ,kan inchhung vel ngat phei chu keimah pawhin ka kal kual ve thei tawh a ka zia tawh khawp chuan ka inhria.
Ka nutei tan enkawl ka buaithlak dawn vangin kan khaw lamah ka haw chho a ,ka chanchin hria a min lainat tuten in kan thlen veleh min rawn tlawh khawm tek tek a ,hei tak hi thingtlang nawmna .Khawpuiah chuan tawngkam tha in kan inthlah liam mai zel a ,thingtlang ah erawh kan thil neih that ang ang ten damlo kan in kan a ,kan inpawh hmel bik ngawih ngawih thin .






Kan haw chhoh tirh khan Jona pawn min rawn zui chho ve a ,karthum dawn acham nghe nghe ,min hawsan hreh viau mahse ahnaai bakah a chhungte anlo ngaihtuahawm veleh zel bawk nen kan hawthlak tir ve thei ta hram. Chuti chung chuan kartawp ah zirtawp zan emaw inrinni ah tal buauna aneih loh chuan a rawn chho ziah ! A tir lamah kan khap viau nachungin kan khap hleithei lo chu ani ber. "Bawihi tan pawh amawilo a " ti a ka nu in a hrilh chuan a rawn zin ngun lutuk a zia awm kan beisei deuh a ,mahsela kan ina rawn thleng lo in hotel ah a innghat lui ta talh zel a ,kan khap daih theih tak siloh ah chuan tuman kan tum pawh kan tum buai duh talo .
Mak deuh maiin Jona nu min haw em em thin tu khan min ngaihsak ta em em a ! J~a rawn kal apiang deuh thaw in ka eitur theirah emaw vitamins tha tak tak arawn thawn fo mai ! Chumai niloin phone hialin min rawn be ta zeuh zeuh bawk a ,afapa nena kan inkawp pawh a sawisel ta hauhlo bawk .Ka vanduaina tawh hian kawng engmaw zawng tak chuan min pui ka tilo theilo .Pathian khian tumah ensan alo nei ngai reng reng lo .
Hmuh hmaih leh duhsak zawng anei bik ah ka ngai fo thin a ,mahsela ani chuan kan thatna tur zawkin engkim alo ruat sa diam tawh thin alo ni .Kha hmun atang khan lo tlanchhuak lo ta ang ila ka mit hi ala tha maithei mahsela nungdamin emaw ka awm tawh kherlo ang .






"Bella bawihtei ka timu chiah a ,vawin chu tu emaw alo kal dawn bawk a kan chei tharlam ve deuh tawh dawn che em ni " kan monu in atih chuan ka sen awp awp in ka ring .J lo kal dawn apiang hian hetiang hian ati ve ziah ! Mi chhaih hi nuam atih zawng tak alo ni bawk nen ka u ber pawh hi a chhaih lai nasa thei ania .Tumkhat ka nu leh pa an inneihhlim a an awm dan a zawh tun phei chuan ka pa tihngaihna hrelo kan thenawm ah aleng a ,ka ute mut hma chu a rawn haw duh lo reng reng .

"Vawin chu atal hah deuh animaw amu sam emai " a thusawi thlak tum chuan kan ti zeuh a






"Nia ahah ve deuh tepawh aniang ,hmeichhia ve si hi aharh thit thet lutuk a abuaithlak " ti zui nuah nuah in atho sawn ani mahna ake pen ri ka hre zawm zat .Hetia ka mit kan hman theih tak loh ah chuan ka ri hriatna hi ka ngaihbel nge atha sawt hian ka hre tlat pek a ,ka hlat deuh a an tawng thawm pawh ka hrethuai thei mai thin!






Jonathan pov.




"Tun ah khan engmaw i sawi kha ?" Ka lawmna hian van a chen hialin ka ring .Ka thianpa lah chu a khi suk duh chauh a "Liansanglur i thusawi kha han sawi nawn leh teh ka tih chu mawle " ka duh aiin ka aw lah chu avin .



"ava mak tak Isabella hian khaw eng ahmuh leh theihna chance anei ka ti anih chu " nui thaw chung chuan a ti nawn sup a ,van lam hawi a thaw halh in ka hmai ka tuai puat bawk.Chu tluka thu lawmawm ka tan a awm chuang lo "han sawi chiang la " phur zet chuan ka ti nghal sawk sawk.






"Chance awmlo tluk ah khan ka ngai thin a ,mahse hmanni lawk khan ka thianpa Bengalore a thawkin mit lam doctor thiam tak an neih thu min hrilh hnu ah kan be pawp ve chhin a ,Chu doctor chu America a thawk char char tawh niin a ram ngei a thawh aduh tawh vanga rawn let chauh ania .." Ning zetin "sawi kual duah lo teh " kalo ti hluk .

"Anih a tawi zawngin chu doctor chuan Isabella case ang chiah hi damlo anei ve a ,a enkawl dam tawh bawk. In panpui anih phawt chuan a ti dam thei ngei ang tih za ah sawmkua in achiang anih chu " asawi zo chu a thaw deuh kawk thei !
Ka hriatsual ni lul suh se ,beiseina thlawn mai ka pek ka hlau ani .
"Thiana arinngam meuh ang maw ?" Ka thianpa ka rin loh vang ni hauh lo in a doctor sawi chu ka ring ngam chiah lo zawk ani.Tun ang lai ah chuan Doctor tam tak hian athiam ber nih duhna vang ngawtin an damlote experiment atana hman an hreh tawh tlat lo.






"Thiana rinngam loh nise ka kawhhmuh hauhlo ang che ,min ring rawh he doctor ka sawi hian America rama mi pawimawh ber ber pawh alo enkawl fo tawh ania .Tin hnamdang mah nise Christian thatak ani bawk a ,nang leh kei ai daihin Christian serh leh sang a zawm tha bawk" a thusawi tawp lam a anui deuh hawk chu ka nuih pui ve hawk. Nula lawm ve tak kha ani thin reng a ,ala danglam miahlo anih dawn hi .






Ch-16





Isabella pov.





"Mambawih mutawh mai zawk la ,biaktlang theih ani silo a alo kal hman dawnlo te pawh aniang " dam zeta ka nu in atih chuan ka thaw halh a ,atan kartawp apianga lokal ziah abuaithlak zia hrereng chungin alo kal hun kalo nghakhlel ve em em mai bawksi a .Ka hringnun hi ahahthlak takzet .Mahsela ka vui chuang hauhlo .
Nitin hian kalo vanneih thin zia ka hrethar zel zawk ani tawh ber . Zan ka mut dawn apiang khan atukleh nichhuak ka hmuh theih nan Pathian hnenah ka dil ngailo a ,chuti chung chuan nithar duhawm tak min hmuh tir nitin zawk a ,kha leh chen nun nuam tak leh hlim takin ka awm tawh a ,tun mai a ka awmdan avang hian vui thei ka nilo hrim hrim .






"Nu minlo mutsan mai ula ,ka mut ala chhuaklo hrim hrim zawk a " nghak anga lang duh hauh silo chuan kan ti a ,an hrethiam tho ani mahna min menpui char char tho.

"E hei in sawi chhuak hlawl mai !" Ka pa in atih chuan "alo thleng ami" kalo ti nghal zat.An nuih rik huah huah takah chuan lai zetin ka thu kun ngul .Ka chhungte hi chuan min va han chhaih peih ve tak e aw .


A


.............

Mipa tawng ri dut dut thawm in min ti harh a ,muangchanga tho in ka tawngtai hmasa te te phawt a .Ka taksa nî in ala chhun loh avang chuan ala hma ani ngei ang.Chhak lamah ka room a awm vang hian ni a rawn lut hma bik a ,nî in min rawn chhun pawh hian ala hma viau tho thin .Hma ti ila ka nu leh pa te chu an tho daih tawh zel.Zing mut rei theilo chi hi an ni ve hrim hrim bawk a ,an dam a thawh an hai te anih ngawt loh chuan khawvar rual hian an tho ve deuh ziah .






Ka tawngtai zo ka tho phei chu tawng ri bul bul thawm kha atawp nghal hmak !
"E hei alo tho alawm " ka nu in alo tih zawm zat .





"tunah nang maw ?" Hamhaih zet chuan ka ti a, a nui ani ngei ang akhisuk thawm ka hre tlat.Ka bulhnaih a a awm leh awmloh hi chu ka hre thei reng ani.
"A lo nghakhlel tawh khawp che a nizanah pawh.."
"Nu..." Kalo ti vat .




"Sorry hna ah ka buai deuh a ,ka rawn tlai ta deuh ani " helai hmun a rawn thlen aharsat dawn nen ngaihdam minla dil zawk zui a ! Hepa hi mihring anih theih pawh ka ring tawhlo ,vantirhkoh min veng tura Pathian rawn tirh ani hialin ka ring.
"I buai chuan lokal loh mai tur ania ,i chauh dawn nen " ka ti ve tak na in a rawn kalloh kha ka hlau khawp anih kha maw .






"Bawihi lo thu ve phawt teh ,Pa-a rawn kal teh Jona alo kal a hei thusawi duh anei ani awm e " ka nu in atih deuh lawng lawng chuan ka bangbo khawp ! Englam chanchin nge sawi atum ang? Mitmei a zawt turin ka hmu thei bawk silo .J an ka kut ah chelhin abulah min pawt thu a ,ka beng bula "min ngai em" a rawn tih sup chuan chhangloin ka bu nghut ringawt.
Ka ngaihzia leh ka thlakhlelh zia hi sawi chiam lo mah ila amah ngei pawh hian ahrechiang tawh ngawt in ka ring .Chuvang tak chuan alawm amah ngei pawh hian kartawp a rawn chhoh hmanloh ahlauh em em ni .





"Jona chu i rawn zing tlan nge i buai deuh chuan rawn kal kher pawh angai lo asin .Keini tan pawh a inthlahrunawm dawn alawm" ka pa in a rawn ti lut zui a ,ka pa hi chu midang pawhbuai te hi hrehawm atih zawng ani ve a , ka hospital awm man te pawh kha J ten rem an tilo viau na in bill tam zawk kha chu a pe lui tlat bawk .





"Inthlahrun na tur a awm hleinem ,chanchin lawmawm deuh ka rawn keng bawk a " J an atih chuan englam tak ni ang maw tiin ka ngaihtuah nghal neuh neuh .

"Englam nge han sawi la ,achhelam ai chuan ngaihthlak pawh achakawm alawm"






"Bawihi enkawl dam thei tur hi ka thianpa in bengalore ah Doctor hmelhriat anei a ,ani chuan.." ka sawi zawh tir theilo "ka duhlo" kalo ti nghal vat .Ka chhungte leh J ngei pawh ka chetdan avang chuan athawng ngawtin ka ring.

"Bawihi "


"Aih ka duhlo ,heti pawh hian ka lungawi tawk lutuk .Ka awmdan ang ang hian min awmtir mai mai rawh u ,Jo nangpawh in min rawn tlawh fo tawh lo la nun pangai tak neiin i nun hmang tawh rawh " ka sawi zo chu ka room lam panin ka in dap phei nghal vat .
Tuna ka awmdan hrehawm zia hi tuman min hriatthiam puiin ka ring lo , ahrehawm takzet. Hmun fianrial taka awm a tah chhuah vak ka chak .






"Mate enge awmzia ?"
"Nia saw Jona leh ka nute pawh an hrilhhai lutuk ania " ka ute nupa in min rawn zui lut nghal a ,kei erawh luhlul chhuahin engtin mah ka chhang lo ...





"Isabella zawhna ka zawh che chu " ka u in atih thawt chuan ka mittui ka dang zo thlawtlo ,ka biang ah a rawn luangthla nghal zawih zawih. "Amak thei insum teh hei itih tah ringawt hi " u ni in ka u hauhpah chuan min rawn kuah nghal thuai . "i u kha chu engahmah ngai suh Jona hi an zah ve sia ,kha achhuah tauh leh hmuk tawh kha athinrim rei tak tak lo ang " min hnem ve mahse ka u in thinrim a min biak ngailoh vang hian ka rilru ana ve hrim hrim .

"U ni itan pawh hian ka ninawm ngawt ang tiraw " ti tiau in ka insut nghal hlawp hlawp "teuhlo mai nang anga nau fel neih te chuan tuman ninawm an ti lo ang "




"Aih in tan ka hnawksak ngawt ang ,diktak chuan maw khaw eng hmuh leh te ,in hmel te bawihtei thleng hian ka hmu chak ngawih ngawih cheu mahse maw Jo thusawi kha i hria em Bengalore Doctor anih kha asawi ,sum tam tak sen angai ngei ngei dawn asin.Kan neih in tlin loin Jo hian ka in enkawlna senso tum ta ang nise ka pa rilru hi ana dawn lutuk .A fanu enkawlna tur sum neilo angah a in ngai leh anga chung thil zawng zawng chu ka tuar theilo ang "
Zing ni chhuak te ,ka hmangaih te hmel hi hmuh leh chaklo ka ni biklo ,mitdel nih hreawmzia atuartu ka ni a ka hre bawk .Mahse min hmangaih em em tu ka pa inphah hniam a ,ka in enkawlna senso a neih loh vanga damchhunga inthiamlo taka a awm tur hi ka duhlo ani . Chuan Jona lakah pawh ka inthlahrung em em bawk .Ka tibuai em em a ,keimah vangin sum tam tak a hlauh mai bakah a hmangral tawh tih ka hre bawk .Chung zawng zawng vang ringawt pawh chuan khaweng hmu leh tlak pawh ka nilo.






"Aw...Bella i rilru hi chu ava tha tak " ti ngawih ngawih in ka hnungzangah a chul heuh heuh a ,rilru thatvang lam ani lo ka dinhmun ah hian tupawh rilru pangai pu mi ding ve ta se ka ngaihtuah ang hi an ngaihtuah ve vek in ka ring.Tupawn midang tana hnawksak nih kan duhlo theuh ang .

"Mahse maw bella ,kan ti daih teh ang .Hetianga i awm reng ai chuan ahma ang chiahin i mitin khua hmu leh thei se tupawh hi kan hlim zawkin i ring lo em ni? Ka pa ngei pawhin afanu hetiang maia a awm ahmu nitin hi hrehawm atih thin i ring lo em ni .Nu leh pate chuan eng pawh tawk dawn se an fate hlimna leh thatna tur anih phawt chuan engkim paltlang an hreh ngailo asin .Ka hau che ah ngai lo la ,u ang tak tak a min en chuan ka thusawi hi ngaihtuah ang che .Tun dinhmuna i awmdan ah hi chuan hmeichhe pakhat a lungphu ala phut trek trek vang chauh a dam anga chhiar angin ka hmu che .I nui hmel hmu mah ila i nuihmel phena i mittui te kha kan hmulo ani biklo ,nangmah vanga kan lungaih i duhloh ang bawk khan keimahni vangin lungngai turin kan duh biklo che .Jona dinhmun thlengin ngaihtuah tel a ,in enkawl i duhlo anih pawhin a kalsan dawn hauhlo che .Amaherawh chu a hmangaih rualbanlohna thlentu ah inngai in a damchhung in a inthiam thei dawn chuanglo asin .Hetiang kawng zawng hian i hmangaihte phurrit tak i siamsak ve thei tho ania " ti mual mual in ka hnung a beng thek thek a ,ka mit chhingin thawk kal ham ham .





Skip.......


After 4 years




"Jesriel i nau toys hi khalhsak lo turin kan hrilh ziah che " thinrim ang taka lan tum chuan nui duh hauhlo in ka fapa kum thum mi lek chu ka melh ngur a ,ka dul a len deuh tawh vangin ka duh angin ka che zung zung thei thin lo.
"Mamma Atara naute kha a damlo a ka ti dam dawn alawm " min melh kuau chung chuan a ti ve mual mual .
Pathian malsawmna kan dawng mah mah mah nge Jo nen kan inneih hnu lawkah nau ka pai a ,thla riat ka paina ah chiah phir ka pai tih kan hrechhuak lehzel nen ,ka dul lah phir pai thinte angin alang lian ve vak bawk silo. Thla kua an tlin hmain nau kala vei zui leh nghal a Jesriel Lalpekhlua ka fapa hi rawn chhuak hmasa in darkar khat dawn hnu ah Atara Malsawmhlui hi a rawn piang veleh bawk. Zai chhuah mai doctor ten an rilruk tawh laiin ka fanu himdam takin ka hringchhuak thei a khami ni a ka lawmzia kha tuman min hriatthiampui kherlo ang.A u kg thum dawn anih laiin ka fanu erawh kg khat apel tawk a ,thlakhat dawn up angai nghe nghe bawk. Tunhnu ah erawh a rualpui te aiin te deuh mahse a hrisel chho ve viau tawh .



"Bawihpui Naute lem te ,barbie te chu keimah leh Atara te ang chauh khalh tur a siam alawm.Nangmah ang te ,apa ang te chuan motor lem te khalh zawk tur aw " kan hau ve fo nangin anau barbie hi alo khalh sak ve ziah ,achang phei chuan Atara barbie ban leh ke te alo thlawn sak vek zel bawksi nen ahahthlak ve thin viau.

"Mamma nangmahni ang kha nih ka duhve lawm " ka fapa thusawi vang chuan ka tap lo chauh ,apa phei chuan *tuai* anih palh hlauin ahun awl apiangah a inbuan pui loh pawhin mipa ropui zia a sawipui tawp zel .





"Jesriel " sawi chhunzawm tur hrelo chuan ka kawng dawmin ka thaw halh ringawt ."engtia han tih chi nge maw inih dawn le " ti halhin ka chal kan dawm vang vang a ,ka buaipui pa ber lah chuan a khawihlai a khawih zawm mial mial mai si !


..........




"J tho teh...jo...Jonathan "


"Amak bawihi nautei i ti harh anga sin " mit nuai chawt chawt chungin afanu mutdan asiam rem sauh sauh. Achang chuan kei aiin afate a duat leh lutuk hi ka thik dawn hial thin abikin Atara hi aduatzual bawk ,fate han thik lah anichiah bawk silo. "Tho rawh i fapa khuan nautelem bawk anih khu akhalh leh tawh " ti halhin a aban puamah ka beng tawlh.
"ava buaithlak e aw,ka siam lai khan ka siamsual deuh emawni " a tih chuan ngei zetin ka melhrum ngang mai . Mitmeng chimawm zeta min melh ngur chu ngaitheilo in aban puamah ka beng leh pawp.

"Thinchhe hlikhlek reuh lutuk ,heihi chu ka uluk bawk a a fuh viau ang " tih paha ka dul a rawn dawm chuan ka phihsawn rang asin.
Ka thinchhiat a zual tih chu kei pawh hian ka hai lo ,ka rai hmasak a huat ka neihloh tehreng nen tuntum ka rai erawh engkim ka haw vek ti ila adik ber ang.






"Papa " tia ka fanu rawn tawngvai chu enin ka thaw chhuak ham ham ,a u anglo takin aharhvang ve vaklo a ,mut te hi aduh lutuk a ka hahdam phah phian natna nei a mutduh ani lemlo bawk a ngaih ka ti thalo duh hranlo .Bakah apa hian aduat hliau hliau bawk a kei aiin apa angai daih zawk bawk..Nu leh pa nih tawh hnu chuan kan fate aia thil hlu an awmlo an tih fo thin hi alo dik anih hi .







Kha kum li liamta ah khan ka rilru sawhsawn loin ka ngaihdan chauh khan lokal ni ilang tun anga hlimna hi ka tawng hauhlo ang. Ka rin ang ngeiin ka pa khan Jo pawisa hmanga inenkawl kha alo duhlo ngei a kan in dahkhama loan puk hial atum bawk. Mahsela hmangaihtu Pathian chuan min ensan ngai hauhlo! Loan chu kan puk ngei a tamtham erawh kan mamawh lo hlauh ,achhan pawh kan doctor pan khan anupui puala a din hospital hawn lawmnan senso engkim min free vek a ,kan vaivahna a kan sen bak sum kan seng hauhlo bawk.Jo leh Dr.Sanglura ngei pawhin mak an tih thu an sawi chamchi a ,Dr.Sanglura phei chuan "Hlawh nei loa a bula thawh ka duh" a ti hial nangin a thawk ta lem hlei lo a .Hei erawh keini chuan kan hrechiang ta viau ,engtik lai mahin Pathian hian min ensan ngailo tih hi.Harsatna tamtak kan hmachhawn ngei a ,mahsela a aia tam malsawmna kan dawng let thung a.






"In fapa hi hau fo teh suh u ,ka thisen tel ve lo mahse min chhûn anih hi .Keipawhin ka tetlai te chuan nautelem ka atchilh lutuk ,achhan pawh nautelem kha damlo anga chanin ka enkawl theih nan .Jesriel hi chuan ka hnung zuiin doctor ala rawn nive dawn alawm tiraw " Bawiha bu nghut nghut chu kei mai nilo Jo pawh ahahdam huaiin ka ring ."atara naute adamlo a ka tidam dawn "atih fo te kha doctor nih alo duh ve vang ani mahna hun in ala hril ang chu .

" engpawh nise i thisen ngei hnungzuitu neih ve a hun tawh ani" tia jo an Dr.Sanglura afiam chuan kalo nui deuh hak .Ani hi chu Tlangval senior ani phalo tep tawh 'tar senior' rawng akai ve tep tawh zawk .









" Achangchuan heng zawng zawng te hi ka Mangram mai anih ka hlau thin " ti sepin ka fate tui taka muhil mek en vung vung chung chuan ka pasak ka ngheng ar ar a ,min thlakhlelh hmel takin min kuah khawm vek bawk ....

" Hlau suh bawihi ,achhan chu maw atak ram leh i mangram pawh nise kei hian ka zui zel ang che .I Suangtuahna mai mai pawh nise ka rawn tel ve zel ang.Nangnena atakrama chen ka duh a ,i mangram leh i suangtuahna thlengin i kianga awm zel ka duh "ka bekzawnah ahmui nawr vang vangin ka dul a chul pah heuh heuh bawk .






" tuna kan awmdan te hi maw khanghunlai kha chuan a thlen theih ka ring ngailo asin .Achang chuan ka muhil ka thangharh anga inlo bo vek ang tih te ka hlau thin a ,a atthlak tiraw ? Mahse ka beisei mai nilo ka beisei phakloh tur te kiangah nun ka hman vang pawh ani mahna tiraw "nui hakin ka ti a , " ka phulo zawk....bawihi a rawn pet tiraw " amak ti hmel chu enin ka nui ringawt. Bawiha te unau ka pai lai pawh khan ka dul chu an tlawh fo ,a hmuh tirh phei kha chuan mak ati lutuk kha anat aring tlat a ,zanah te hian ka pum a chul heuh heuh reng zel ! Zan khat phei chu alo tlaivar thak a ! Keia nau pai mutduh lahin kalo muthilh san mai mai leh nghala ,engpawh nise artui pum ang mai ka nih hnu pawhin hetiang tak hian minla hmangaih in minla duh a ,mi vannei berte zinga mi chu ka ni ve chiang alawm .




.........


Ka nau neih kar anih tawh vangin ka nu leh pate an rawn chhuk ve a ,hmun danga thlen phallo in ka nu (Jona nu) in kan kianga thlentir tumin Sumo counter ah ava hmuk nghe nghe .Ramases te nufa pawh tunlai tak chu Bengalore lamah dawr thil tur la in an thang mek a ,ka nau neih laia awmloh hlauin naktuk lam hian rawn thlawh haw an tum bawk .





"Pathian hnenah akaihhruaina te ,amalsawmna te leh mihringin a kan mamawh zawng zawng kan thlenin kan dil thin a .Achhanna kan hmulo ni a kan inhriat lai hian min chhan hun tur diktak ani chuan alo relfel vek thin . Kan duh huna chhanna kan dawn loh vang ngawtin kan vui mai thin a,hun alo liam tawh thin vanga chhanna kan dawnglo emaw tiin kan vui leh thin .Chuti chung chuan vawikhat pawh minla hawisan ngai miah lo a ,a ropui asin kan Pathian hi !" Ka pa thusawi chu ngun deuhin kan ngaithla a ,khaw eng ka hmuh leh theih hnu hian Pathian kan hnaih phah ta em em a ,kei mai nilo Jo thlengin inkhawm kan hmaih ngailo .

"Malsawmna kan dawn hi chhiar dawn ila kan chhiar seng kher lo ang ,chuvang chuan lawmthu hi kan sawi bang tur anilo ." ka pa thusawi mawlh mawlh lai chuan ka taibawr rawn na riai riai in ana lutuk chu ka pum ka dawm ngawih ngawih.

"Awiha bawihi enge awmzia " ka nuten rawn ti nghal ruaiin Kan chhung inkhawm hmanglai chu kan buai ta nuaih nuaih mai . "ka tuibawm akeh in ka hria " ka ti chhuak thei tawk .Jo an min pawm nawlhin anvai mai chuan an phusa nghal nuaih nuaih ani ber.











Epilogue


Ka ruh zawng zawng atliak emaw ka tih dawn hnu ah naute tap thawm ka hriat chu khawvel a rimawi ber ani ngei ang .

"Bawihi...bawihi mipa ani e " hlim zetin ka fapa chu ka pasal chuan ka kiangah a rawn pawm hnai a ,ka na zawng zawng abo nghal nimai in ka hria .

"Ka fapa Ismael " ka pasal in atih chuan "Ismael " tiin kalo phun ve sup .










*The End*












#Kumkhat vel ami ka chawlhsan tak 😅 chhiarpeih in awm tawh kherlo ang ka ring.Min hria pawh in awm ka ring tawh meuhlo.Ka thiamlo tihbak sawitur ka neilo 🙏ka rilru in story ziah lam ahawi thei reng reng lo a,ka complete na arei tawh chungin engemaw in min mawlh tlat nen ka dahlut lawk lo ,tun ami pawh hi ka delete zawk mai dawn emawni ka tih neuh neuh hnuah ka phur thar thut a ka ziah tawh sa ti danglamin ka rawn dah leh ta zawk .Han tui thlawtloh chang hi a awm ve thin a ,min ngaidam mai teh u 😊 #









#Reitak han chawlh chuan rilru alo mang ve duh khawp mai.Engpawh nise story ziah tan leh ka duh tawh a ,khawngaihin tlawmngaiin minlo chhiar sak leh hrâm ru aw.#




💗💗💗💗💗💗💗💗💗💗💗💗💖💖💖

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)