MANGRAM by Natasha Hrahsel (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: MANGRAM by Natasha Hrahsel (Completed)

Unread post by Ngaia » May 15th, 2022, 6:01 pm

*MANGRAM* ch~7
By ~Natasha Hrahsel





Amotor khalh lai chauh ngaihtuah tih hriat zeta hmalam chauh thlir tu chu enin ka thaw leh hap thin .He zawhna hi ka zawtlo anih chuan ka ipik ngawih ngawih anga ,bakah midang ka chhan dawn pawn tim buai deuha chhan ka ngai tawhlo ang . "Jo" ti sepin kan thaw deuh halh a ,min ngaithla tih min hriattir nan ka lam hawiin a mitko a rawn san ûk ."ih maw ,keini pahnih hi kan ni em? Ka sawi awmzia chu maw nula tlangval inngaizawng te ang hi kan ni ve em ?" ti in hmai sa tawn tawn khawpin ka sawizawhnu ah ka zak .

"What!" Ti chhuak hlukin a nui zui hawk hawk a ,a awrawl chhuah meuh a anui ri chuan engtin emaw hian min tham tel tlat reuh bawk ! "Bawihi leh!" ti hlutin a khi leh suk suk zui ! Zawh mah ka zah nak laiin engtin nge ka hmuh ngam tawh ang."bawihi"
"Aih ,min chhang lehlo mai rawh ka sawilo angah ngai rawh" ka zak lutuk chu ka hmai hupin amah pawh ka en ngam tawhlo.Motor ding dat ah pawh chuan ka kut pahnihin ka hmai kala hup reng tho."Duati ,min en teh "



"Aih ,ka zak alawm " ka ti tlat ringawt .Tinge maw kalo sawi kher kher ni?ka sawi hma kha ka ngai veng veng mai "ka thusawi kha theihnghilh daih rawh aw " ti leh in ka kut kar atang kabih dek dek a ,nuih insum lutuk in ahmui alo pet tih ka hmuh chuan ka tah achhuak ut ut tawh .Tunge mipa bulah an inngaihzawn leh zawn loh zawt ngai ni? Atthlak lutuk ,Tinge Isabella I at em em mai le ?
"Duati "
"Umm"
"Min en rawh le " dam zeta atih leh chuan ka kut pakhat lain ka mitlehlam ka meng dek dek a ,anuihza hmel ka hmuh tak loh ah chuan pakhat zawk pawh la thla in ka meng leh riai riai ."Duhawmnu" ti supin min hnaih deuhin a rawn awn a "mipa dang I hnaih ka phalloh thu ka hrilh che khan hauh ka pek natzia che I hrethiam mai lo em ni? Chuan tunah leh kumkhua in pian nawn lehna te alo awm anih pawhin chung hun thleng pawh chuan ka ngaihdan angai reng ang .Inngaihzawn dawna inbem kual vel rual ka ni tawh lo a,ka duhthu che sawikual duah ka thiamlo chetzia leh thinlungin ka lantir zawk ang" thutak zeta atih chuan ngawi rengin ka lo en ngawih ngawih .Aka atanga thu ala chhuah hnem ber ani maithei ani ,'kan inngaizawng' tih sawi dawt loin kan inngaihzawn tawh thu leh min duhzia anemnghet nghal ah ka ngai .




"Jo...achangchuan phulo ka inti thin che " ti sepin ka melh a,achang mai nilo nitin hian ka phuloh zia ka hrechiang telh telh ,ka chal achala rawn nawr in "keiin ro phumruk ka haichhuak che ah ka inngai thung a ,ro hlutak khawvel sum leh paiten a alei zawhloh khawpa hlu" ti thawp sapin ka hmui a rawn tawk nghal da da ."mahse " ka tisep chu ka hmui a hmuiin a rawn kharchilh nghal hmiah.A lei sa ham ham ka ka chhung ah rawn rawlh lutin akutin ka nghawng ah a dawm nghal zat bawk .
Thaw ham ham khawpa kan inthlah meuh chuan ka sa hut hut thei ,ka hmui ka peh zeuh ruala mi fawh leh zawm zat chuan ka tre chhuak that !ka hmui hnuailam a seh anih chu ! Ka kuta ka hmui kan khawih chuan thisen ka kutah alo la kai zui ngei zeta ka melh chu kiai sukin min awm hnaih leh zat a ,ahmai ah kalo nam nawk nawk.
"I ti a za a seh tur I duh te chuan nangmah kha inseh ta che ,nge kei min seh " ti vakin ka hanky pai in ka hmui ka hru nghal thuai ..




"Ka kalna apianga ka kentel theih reng nan che kha ai khan lo la te leh deuh la tha tur " min melh ngawih ngawih chunga atih sup chuan ka melh nghal haw ! Thutak hmel zetin minlo la en ngawih ngawih zui ! "I hnaihah hian awm tamloh ahim anih hi ,I bula ka awm reng chuan kumkhat ral se hmel pawh ka nei tawh lo ang ,zombie ang mai mi seh chak tlat bawk si " ti hluka ka ph ka en chu ka meng phar awn awn .University tan nan minute pawh awm tling tawhlo .."jo...jo ka tlai dawn mawh vatin tlan vat vat teh" ti chung chungin ka phi cheng ani ber .Class kan tan ve chauh a tlai ka duh reng reng lo .Kan Professor ka ngainat loh ber in first period ala la dawn zui .




Motor a start ve mai a ,keilah thuthmunah tihtheih neilo in ka lo phi ve cheng ringawt.Tukin ah min hruai aduh vang ngawtin dar riat velah alo thleng tawh ,bus in kal ila kan thleng hma zawk dawn asin le .Nimin ah professor in class ah min khak tawh bawk a ,tuna ka tlai leh phei chuan ka zirlai pui te hmaah ka mualpho dawn lutuk .
Nidang zawnga chak taka tlan ka hlauh thin nen tukin chu chak zeta atlan chung pawn ka hlau eih lo .Kan University gate zawna a din chuan hmanhmawh zetin ka bag ka ak sawk sawk a ,kawngkhar hawn tumin ka sawi nghal nawk nawk ala in hawngthei lo lehnghal .





"Jo ka hawngtheilo " kawngkhar la sawi nawk nawk chung chuan ka ti vut a "theihnghilh I neih vang anih chu" mitko san ukin minlo tihsan hmiah ! Tlai tawh nen tunah tak hi chuan chhelo viau mahse tuivawt deuha leih pawp ka chak lutuk tlat.
"Enge ka theihnghilh chu sawi vat teh " ti a ka zawh chuan ahmui zawn a tawk zat a ,awihlo zetin ka nui hak .Ka sana ka bih atlai tawh bawksi nen a lamah ka va awn hnai vut a ,ahmui ka tawk da da a duhtawk mai tuma ka awmhlat rualin amah zawkin ka tumkhumah dawmin min fawp nghal ngawng ngawng .Min thlah dawna ka hmui a seh leh zeuh chuan thinrim zetin ka melh rawn rawm ,tihtheih dang neihek lo.Lock ahawn hnu chuan hmanhmawh zetin ka chhuk a atlan hian ka tlan ani ber .Ka lo zui ta kher kher kha ka inchhir dawn laiin ani ang mi buai leh a hun neih tin sum a chantir thei tu in min ngaipawimawh a min pan chu lo hnar theih anilo.Ka lo thlahlel ve bawk si nen hnar chi anilo hrim hrim .




Kan class neihna tur hmun ka thlen chuan professor in lecture alo pe mawlh mawlh tawh .Kawngkhar bula ka ding chu matein minlo hmu vat a ,akut a rawn vei zeuh nangin kan professor la naupang zet hi ahlau ve tho aniang min en rei ngamlo.Kan professor hi hmeichhia niin ala nula a ,minister hmelhriat aneih that vanga he hna chelh hi ani tiin an sawi nasa ,nih pawh ani maithei ani .A ngainatawm loh in a sual ve thlawt hmeichhe lakah ngat phei chuan .
"Excuse me miss" ka huaisenna zawng zawng bakah tlem belh chuan kan ti a ,ka bag tlang hrui tuai neuh neuh chung chuan "Can I .." ka ti dek dek a "no " alo ti nghal hmuk! Sawibelh tur hrelo in ka ding zum zut ringawt.
"Ka class ah hian tlai leh zawmthaw ka ngaitheilo ,in tlai anih chuan ka class ah in awm theilo ang .Ka class a I awm ve duh anih chuan rawn kal hma mai rawh .Kalsawn rawh ,lecture iti buai tunlai thangthar mut nachang hrelo thaw nachang hre bawk silo .Lehkhazir aia ngaihpawimawh dang I neih chuan bang mai rawh" ti phiar phiar in a thil sawilai a sawi zawm mial mial.Lai zeta ka lo ding reng chu ka bul maiah mipa pakhat hi a rawn ding ve a ,atlai ve tho anih hmel .Professor hnena luh a dil lai chuan alo hau ve hrep dawn emaw ka tih laiin a luh tir leh ang lawi a ! Ka classmate ten min en thup tih ka hriat chuan tlansawn vatin university backyard a basketball court hlui ah ka kal nal nal.



'khatianga mintih zah khan enge hlawkna aneih le' ka khupa ka khabe nghat chung chuan ka tap khur ngat ngat .Vawikhat na chauh lehnghal ! Minute nga chauhin ka tlai a ,ka hnunga mi pawh aluhtir tho si .Ka mittui dir zung zung chu ning zetin ka tuai leh thuak thin .Ka talent neih ve chhun duhtawka tah theih hi ka va ning tak .
"Bella " matei aw ka hriat chuan ka intuai fai sawk sawk a ,tap anga lan ka duhloh rualin ka mit a sen vek tawh dawn tho sia ,ka zep buai lo law law mai ang .
"Tah Ilo awm daih a itha em ,I tap ami?" Ka hmel ahmuh rual chuan a rawn ti nghal vat .Ka mit bui luk te nen ka tah vanga ka biang leh hnar tai hlar nen Nuihza siamthin clown hi ka ang ngawt ang.

"Ui ka thinrim eee,Professor Zaii hi chu a sual ve hrim hrim ,a class aboring si nula senior an sual duh an tih hi alo dik tak tak anih hi " ka bulah rawn thu in a taksa te nen tangkawp meuhin a ti ve zat ."tinge class azo ami ? I rawn chhuah a " class zawh nan darkar khat tlinglo hret ala awm "aih aboring si ka nawmloh chhuanlamin ka rawn chhuak ve daih ,I awmloh chuan nuam ka ti bik lo a " nui heuh heuh chung chuan ati a ,ka awih hranlo .Professor Zaii ang lakah chuan nawmloh vang mai mai in a chhuah theihloh ang.Mahse ka zawt buai duh ta lo law law
"Te tinge keiaia tlai pa pawh kha luh aphal tho le ?" Ka ti chu min melh vang vang phawt a "Rina kha ihrelo ami ?" A tih chuan ka bu nghut nghut."e Aizawl a cheng hlun ini lo tak ,mahse media velah pawh I hmu ngailo mi kan ex minister tupa neihchhun ania an hausak bakah thil an tithei bawk nen professor thenkhat tan chuan tlawn chi alawm.Bakah Professor Zaii hna hmuh chhan pawh Rina pu in a sawi pui vang an ti asin " tiin min chhang a ,an hausak vang ngawta hetia han intih bik chu a fairlo takzet.Zirna hmun lehzel ah pawh politics a in rawlh ve ta chu ania ,lo pass chhuak pawh ni ila kei hian eng hna nge ka hmuh ve ang ? Sawrkar hna em lemlo a mahni puala thawh ka duh ta deuh zawk.
"Mahse ka zak e " ti leh ringawt in ka in hnit leh nghal faih faih.Ahmasa zawk kha chu ka ngaihtuahloh vang ania ,ka pawmthlap bawk.Bakah Professor pawh khan chuti teh lua in min hau hranlo a ,tun tum erawh hmaichhan ah chiang kelhkawlh in min zilh chu ania ! Mi pangai tan chuan zah chem chem na chu atling ve .




"Hello ,u " tia matei tawng pawh chu ngaihsak lo in ka kun ngur ringawt.
"Aih class ah kan awm lo ,hei bella hi professor Zaiin a hau hrep a class a luh aphal silo a ka awm peih bik silo nen ka chhuak ve nghal daih alawm "atih tak ah chuan ka hawi chhuak riai riai .Ka chanchin ahrilh dan chu a u chuan min ngei reuh ngawt ang .A ph a tihtawp rual chuan ka ph a rawn ri veleh chiah.Jo ni tih ka hmuh chuan ka aw ka thian kharh kharh a ,pangai taka lan tumin "hello" ka ti ta chauh.Lehlama mi rawn thaw hawk chu ka ngaithla rauh rauh a "ka tihpalh" a rawn tih sup chuan "tinge " kalo ti thuai.



"Keimah vangin I tlai a ,I tap bawk a "a rawn tih chuan ka hawikual nghal hra ,ka bul hnaiha a awm ka hre bawk silo !
"Eng...engtin nge I hriat!" La hawi kual vak vak chung chuan ka ti thuai.Tunah te chuan an thawhpui te nen meeting neiin an buai mek awm si a ! Heta ka awmdan engtin nge alo hriat daih theih? "Ka rawn hruai mai dawn che em ni?" awmlo ti zetin ka ph ka melh nghek !


Jonathan pov.



Ka thawhpuite leh ka meeting puiten min en thup chu ngaipawimawh lo in ka duattei ka be mek chu nia ! Hei pawh a vawikhatna chiah ani .Meeting laiin vawikhatmah ka ph ka khawih ngailo ,mahse bawihin hauh atawh thu leh atah thu ka hriat khan ka be phawt anih loh chuan hna lam ka rilru ah alut thei tawh dawnlo tih ka chiang viau.
"Mr.Jo kan chhunzawm thei tawh em " tia ka thawhpui pakhatin a rawn tih chuan zaizirin lo nghak lawk turin ka ti sup.
"Tunah khan in meeting mek ami a " naupangchhe aw zeta bawihin a rawn tih chuan khi sukin "aw " ka ti sup.A awmdan tur ngaihtuah rauh rauh chungin ka mit ka chhing a ,darkar em pawh ala liam lo ang kan inthlah na atang,mahsela ka ngai nghal der chu nia ! Ka kiang hnaiha ka dah reng theih nan engtak chu nge maw ka tih dawn le ? Zantin deuhthaw a ka ngaihtuahna la reng tu hian ka thlakhlelh ang chiah hian min thlahlel ve angem le ? Hmeichhe naupang ang chiah a pawisawilo leh sawitur haihchham ngun em em te hi ka kalna hmun apianga ken kual reng theih tiat lek nise tha tur.



"Ka sawi chu call hi dah ila ,I hna kha thawhzawm leh vat rawh.Tinge I hnathawh laiin min rawn biak ? " rawn ti ve pang pangin a hui ve pap reuh a ! Ve reuh thin hian ,"I that leh thaloh ka hre phawt duh ?" thutak zetin ka ti ta nghut .A tawngkam hi engtiklai pawn ahahdam em em reng zel a ,a na tawrh leh hrehawm atih takngial pawh hriat hleihtheih loh khawpin mi hmaah a nuihmel duhawm tak apu reng zel .Chuvang tak chuan duat lehzuala enkawl a ,na aneih pawn ka hnenah engkim thlen vek zel se ka duh.

"Keichu ka tha ka dah dawn ,lawk engtin nge ka awmdan I hriat theih" ka awmna hmun theihnghilh a thawh lawka pan mai ka duh ! A duhawm zia pawh a in hre leh tawp nang .
"Ka thlithlai reng che bawihi " ka tih tak ah chuan amah zawkin call a dah hmak ! Ve ngit nget reuh hian ,lu thing nghutin ka ph ka en zui vung vung ringawt.Hun harsa leh hrehawmna te tawkse ka tih na lam nilo in tuna alandan ai hian zuau se duattaka enkawl kan hnialloh vai nen ,hnial ahnekin pangchang takin awm se ka ti ngawih ngawih zawk.Duat takin enkawl ila ka kiangah awm se chu aia thlakhlelh chu ka nei kher lo ang.




"Mr.Jo mahni mimal thil leh hna thliarhrang thiam tak inih thu ka hre thin a ,an sawidan che leh tuna ka hmuhdan hi a in anglo hle mai "ka ep a thu Mr.Vero an a tih chuan ka khi suk .Hna leh mimal thil chu ka thliar hrang thin tehmeuh mai ,mahse bawihi ka tawnhma thil ani tawh.Ani ka biaktheih loh vanga nuaih hnih thum lek chan ka pawitihloh zia hria se ka hmaah hian athu tawh kherlo ang.
"Mr.Vero ka mumal thil chu lo ngaihven buai duhsuh.Chuan tunah hian min mamawh tu zawk ini bawk.I proposal rawn ken hian mit ati tlai fahran lemlo nen tun dinhmun ah chuan I derthawng hle " tia ka chhan chuan a zal deuh ral tak.Chennai a ka hotel sak mek ah share neih ve inbeisei in helai hmun thleng thleng a rawn kal a ,athu neitu zawk ka nih angin ka duh angin ka che mai tur ani .A offer min pek lah mi tam zawkte tihdan ngai tho sum beitham zet share leina khawp pawh tlinglo ani.Heng sum hi mamawh ilang chuan hman hman ah ka share tam tak ka tiral daih tawh ang .



"Mr. Vero ka duhzawng chu I hriat kha ,heng I sum te hi ka mamawh hauhlo .Ka thil duh min pek theih hunah I rawn kal leh dawn nia " ti nghutin ka hmaa file ka khup thawk a ,ka chhuahsan nghal hmak.Ka office lam panin ka pen zui nghal pawk pawk .Electronics leh engine hmang ngawr ngawr nilo department store nipah fawm a hotel behchhan siin Chennai lamah inzar pharh ka tum mek a ,ka hlawhtling ngei bawk ang.Min thawhpui chak in mi tam takin sum leh thil dang dang hmangin offer min pe tun reng .Ka tan chuan a awlsam khawp .Thenkhatin an fanu te hial inremsiam nan an rawn hmang zui a ! Sum hi chuan mit atidel mang e .Bawihi chauh lo chu tudang mah neih tumna ka nei hauhlo .




"Mate enge a an zel" ka ph ka beng zawnah lekin ka ti leh nghut .Nuamlo ti zet a sawlai hmuna alo awm ve reng kha atul lemlo ."u tunah chuan thil kan ei dawn mek a ,a tha tawh lutuk eitur a order mek .Nichina in inbiak lai Khan a hawikual nasa mai mawle " nui hak hak chunga min chhan chuan keipawh a hawikual nasat dan tur ngaihtuahin ka khi ve suk ."lo thlithlai reng rawh aw " tiin kan inbiakna kan ti tawp a .Bawihin a kawm ve ber Matei hi ka nutei fanu neihchhun ani a ,kan inkungkaih dan erawh bawihin ala hre hauhlo .Tin ka nute lam nen kan inpawh viaulo bawk nen kan in tlawhpawh khat khawp mai.Matei erawh ka cousin kual zawng zawngin min hlauh a min biakngamloh laiin min be reng zel a ,damdawiin aluh apiangin ka kan ve deuh ziah.Min ngaina tu laka lo inlak tlat reng thu awmlo ,tin amah a bawrhsawmin natna neuh neuh anei renga hospital pawh ahmu ngun ngang mai.Nula harhvang anih vang hrim hrim hian anatna ten an hneh zolo hi ani ber zawk .
Bawihi chanchin ka hriat belh zel a ,thian kawm aia mahni a awm nuam timi anih na tak hian a bulhnaiha awm tam tir mi chak thin.Thian kawma chhuakvak ngailo chuan harsatna an tawh ve pawhin mahni in an pal ngat ngat zel .Ka thlamuanpui em em ang hian ka kianga a awmin hahdam vese ,a bula ka inbunruah thin ang hian ka lakah zam leh zep then neilo in inbunruak ve se thatur.



"Nang meuhin mi rawn biak ve ta chu enge ni a Jonathan " lawm hmel taka minlo chhangtu chu enin ka nui suk.Ka thil sawi tur hian ati lawm ngut emaw chu.
"MZU a professor pakhat saw ban turin ti ta che ila engtin nge min chhan ang " ka ti erawh a nuihmel a reh nghal vek.Tunge ban tir ka tum tih a hrechiang viau alawm le . "Ka pehhel lo mai ang ,atlin vang ni hauhlo a hna I pek nu saw ban turin ka duh che .Ka thusawi hi ngaipawimawh in zawm la ,I thil min dil pawh ka pek che ka ring.Inngaihtuah buai vak duhsuh ,I hmelhriat tha pakhat aiah sum tamtak I hailuh theihna tur I thlang zawkah ngai mai rawh" ti nghutin ka chhuahsan leh nghal .Bawihin hrehawm ti tak a sawlai hmun a a awm reng ka remti hauhlo .


















#vawin kan exam dawn a ,nimin leh Nizan lamah ka zir ngawrh deuh nen ka rawn dah lo a tunah kalo dah ve dawn chiah aw .Chuan Sunday hi ka awl ngailo a mahse tun Sunday kha chu committee kan ngaih vangin ka rawn dahlo aw .Darkar thum vel chiah ka mu a ,rawn dah hram ka duh sia min hau tur ringawt pawn comment tur 😂#


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 15th, 2022, 6:07 pm

*MANGRAM* ch~8
by~Natasha Hrahsel




"Bawihi"


"Aih ...aih min rawn hnaih suh" ka kut phar nawk nawk in ka ti a "min rawn hnaih miah suh" ti lawi ratin ka tahchhuah lohnan ka hmui ka pet fan fan ,chuti chung chuan ka biangah mittui aluang zawih zawih tho si .Nichin maia ka thu hriat ngaihnawm loh zet vanga ka nat sa tawh tehlul nen ,tuna ka thil hmuh hian atak anih zia a ti chiang ngang bawk si.
"Duati min ngaithla teh " Mangan hmel zeta a tawngdan te chu ka thinglung chuan 'dawt' tiin alo dawngsawng tlat tawh si. "Tinge Jo ..tinge min bum ? Ka thinlung hi tinge infiamnan, duhtawk a I pet kual mai mai atan I hman ni ? "
"Duati khawngaihin ,I hre sual ani?" Ngenngawl zeta a tih pawh chuan ka lu thingin ka inhrut sep a,min pan hnaih a tum rual chuan ding tura tiin ka pen hnung ve nghal zat zel bawk ."Minlo zui suh ang che " ti zui zatin gate lam ka pan hmawk hmawk a ,Jona an min zui tih ka hriat rual in ka pen chak zual sawt .




Phatsan nih hrehawm zia hretur takngial pawn ngaihzawng neih kawngah tawnhriat kala nei ngailo a,mahse ana takzet.Hetiang tur tih hria ila ka damchhung in ka ngaihven lo law law tur .
"Bawihi "

"Kal bo rawh ,min kalsan rawh " amah pawh enlo chuan ka ti hrawk .Ka na ka na takzet.Tinge min la zui reng ? Mahni a ka mittui ka luantir theih nan tal ka kiang hnaihah awmlo se ka duh."min thlah rawh" ka ban a rawn chelh rual chuan ka ti tham chhel . "Lo intawng lo tawp ila tha tur " ti sepin ka tap chhuak zui hawm hawm .
"God ,bawihte min ngaithla phawt teh " ti halhin ka banbul ve ve ah min chelh a ,ka lu ka thing nghal nawk nawk."Ka duhlo ,ka natbelh lehna tur engmah ka hre duhlo .Khawngaihin ka bul hnai ah awm suh " aban thin thlak pah chuan ka ti a ,kan bula nichin lawka min betu bike a lo thu reng ka hmuh chuan ka pan thuai.





"Min thlah haw thei ngem ?" Zah pawh dawnlo chuan ka ti ta tawp.Helai hmun chhuahsan vat hi ka duh ,engti kawng pawn.Ani hian min hruai haw theilo anih pawn ke in ka haw thleng thak mai ang .
"Chuang la " kan buaina hre map lo a nui chunga min chhan chuan huat enah pawh ka en tawhlo .A bike hnung sang zeta ka lawn tur chu tha chak zetin min phih thla hnawk! Ka tlu tur erawh nghet takin min chelh thung.
"Enge maw I hriat le Isabella? Hepa bula chuan hi I tum maw " thinrim tih hriat zeta a rawn tih hluk chuan "enge ka hriat maw ?" A awki ang chiah chuan ka ti ve a " ka na lai min hmuh hi ila duhtawk lo em ni?Mawh ? Tunah hian puakkeh tur ang maiin ka tawt up up a ,helai helai hi ana lutuk asin " tiin ka awm chu ka tham tawk.





"Duati" beidawn hmel zeta a tih nghut chuan chhang duhlo in bike hnungah bawk chuan ka lawn leh a ,min dan atum ta em biklo ."tlan rawh " tia ka hma a thu ka biak chuan "Tun bak I hnaih ka phal hauhlo ang Jeffrey " ti nghutin a ding hla hret a ,a ipte zen in min la melh ngut ngut thung .
"Ahma a naupang mai mai itih kha ka ni tawhlo ania Jona " tia chhangin chak zetin min thlanchhuah pui nghal dawrh. A tlanchak em vangin a kawngah ka vuan de de a ,mahse tum dang angin ka hlau eihlo! Na leh tur chuang ka awm tawhlo vang nge ni zawk ?




Ami duatna leh azûnzam in min bual â a ,kan dinhmun inthlauh zia hrereng chungin akut ka chelh lui a ,atawpa na leh chu keimah ka ni leh tho si .Min ngaihsak em vangin mipa dang anga hmeichhe awmnem zawkte infiamnan hmangve ngailo angah kalo ngai a ,Vawiin ah erawh mipa dang ang tho ani tih ka hre chhuak leh si !
Keihian amamawh ang ka phuhru zo lo nge ? Hun reilo te intihhlim nan minlo hmang zawk le ? Tunah tak hi chuan hmun reh zeta awm a mahni a au vak vak ka chak takzet.Ka awma min delh tu rit zet hi auchhuahpui vek ka chak .Ka mitthla ah inte a Tluangi nena anlo awmdan amitthla let a ,ka hamhaih luatah ka che lawk theilo anih kha .Khatih lai Khan hnehtu chang inti zeta Dr.Tluangi min melh dan te nen khan tlawm ka inti ngawih ngawih. An duh ang ang a an tirh kual theih puppets angah min ngai ngei ang .



Kan dindawt rual chuan ka harhchhuak thut a ,kan awmna lai hi ka hre maplo ! "Khawilai ah nge kan awm?" Ti sepin chhuk tum mai lo chuan ka thubet tlat.Ka ngaihtuahna ka kawm luatah kan tlanna kawng pawh kalo hre hauhlo .
"Chhuk phawt la " atih takah chuan ka tum thla tharh a,ka ngainat loh nen misual tak anih ka ring talo. "Intih thawven I mamawh in ka hria ,Aizawl khawchhung kan hlat tawh vaklo ,helai ah hian thiante nen kan kal thin a " tiin ani pawh a rawn chhuk ve zui a ,kan awmna hmun chu engtin emaw ti tak hian aboruak anuam phian .Mahni a awm a tah vak vak nan duhthusam ani .




"Jona nen inbuaina ka hre chiahlo nangin ,tunah tak hi chuan min haw tel ve viau tawh ang.I bialpa ka ti dawn nge I ex ka ti zawk dawn? A thinrim ila tawngbaw velo a ,hlauhawm tak ani "fiamthu ti tih a atih chuan ka ngaithla liam vel mai mai .
"Min hruai haw zawk thei ngem ?" Ina awm a mut mai mai ka chak hrih, mahsela hahdam takin ka mu thei kherlo ang tih erawh ka chiang ngang thung .Ka taksa ah na ka neilo chungin taksa na aia na zawk ka thinlung ana a ,engtin nge ka tihdam ang ?





"Nope ,reilote tal ka awmve lo angah ngai la I duhtawkin tap rawh .Thingkung pakhat I kianga ding angah min ngai la ,I ipikna zawng zawngte kha insawi thawl vek rawh " thutak zeta a rawn tih leh pawh chuan chhan enah ka en chuanglo .Ka hmalam a thil awm hmu lemlo chuan ka hmalam ka thlir ngawt ngawt a .Tah ka duh a ka thei silo ,ka thinrimna leh ipikna sawichhuah vek ka duh a mahse ka nat lutuk vang nge chung takngial pawh chu ka ti theilo.Kan thinlung anat tak tak tawh chuan kan tapchhuak theilo an ti fo thin a ,alo dik tak tak anih hi .
Ka awmdan hrehawm zet vang chuan ning zetin ka thawchhuak hap a ,chubak tihtheih ka nei lo .




"I tap duh silo a ,I insawi thawl duh bawk silo .Kan inkawm mai mai zawk dawn ami ?" Lungkham neilo zeta tiin leiah chuan athu thla zui a ,thu ve turin min ti nghal zat bawk .
"I duhleh tikhan ding mai rawh.Ka hming diktak ka hrilh ang che Jeffrey Laldintluanga ka nia ,Jonathana hmelma kumhlun " mitsiai suk pah chuan a ti a ,aph ri nghal zat chu enin "ka rin ai a rawn call har zawk " tih pahin a la a ,loud ah a dah nghal zat.
"Jeffrey khawnge I awm tehrep ni?" Jo thinrim aw thum zet ka hriat rual chuan ka ipik leh nghal tun tawh . "Yo bro ,ka kalna hmun apiang ka hrilh zel che angai tih kalo hre hauhlo " pakhat lah chuan alo ti fiamthu hlut a !
"Jeffrey ka dawhtheihna teh hauh suh ,Bella khawnge a awm ?"




"Alandan chuan bro abe duhlo che anih hmel ,kalo enkawl tawh zawk ang " atih rualin "Laldintluang " a rawn ti nghal hrawk anih chu ! A aw ri rapthlak zia chu sapui hluam tuar rumri ang chiah ani !
"Ka sawi kha Jona ahma ang mai mai khan min ti thei tawhlo ang " fiamthu tel hauhlo a ti nghutin call a dah zui hmiah ! Dintluanga thinrim pawh hi Jona ang em in hlauhawm lo mahse ka hlau deuh tho.
Ka hlau tih hriattir emaw tumna ka neilo thung .Ka din ngai chuan ka ding reng a ,ka bula thu pawh chu ka awm ang chiahin a thutna atang ala che sawn eihlo .Kei ang thoin engemaw harsatna aneih tepawh ahrechhuak ve ani mahna le .




"Ka hruai haw tawh ang che " rawn ding thutin a ti a ,abike ah alawm nghal zat bawk..Keipawn hnial loin ka lawn zui ve nghal mai ,keimah mai chuan kan in ka thleng zo chuanglo ang .Kan tlan chhuah atang kan inbe zui lo hrim hrim ,mahni ngaihtuahna ah kan cheng ve ve tawp.Motor kan tlanpelh zut zut reng a ,engtiang taka chakin nge kan tlan tih takngial pawhin ka ngaihtuahna aluah theilo.Ka mittui rawn chhuak tur a awm lo a ,ka thinlung erawh pawhsawm vek angin ana em em thung .
Hun herdanglam theih nise emaw ka duhber thlang thei dawn ila Jo ka tawn hma kha ka thlang ngei ang.Hetiang taka na hian ka awm dawn tih hria ilang ka zirna chhunzawm tumlo in kan khuaah ka awm hial thei bawk .




"I muthlu ami " Dintluanga nge Jeffrey ka ti zawk dawn? A helmet khuma ka lu a rawn tauh dat chuan ka muhil lo tih hriat tir nan ka nem dat a "khawilai nge in awm " tih zawm zatin Aizawl khawpui chhung kanlo tlanlût der tawh ! Khua athim thet thet tawh a ,mipui erawh anla inpel suau suau hlawm.Motor tlan lah nidang aiin atam zawk emaw tih turin inhnaih zet zetah an tlan a ,motor karah inzep lutin akhalh thiam tih hriat zetin a speed ahniam phah chuanglo.Kan awmna lai ka hrilh hnu ah ahria ani mahna a tlan zui ve mai..



Kan inluah thlen hma hretah ka dintir a ,kan awmna hretur a ka duhloh vang ani ber zawk . "Khawilai ah tak nge in awm a ?" atih chuan "hetilai maiah hian " ka ti sep ringawt .Min zawt chhunzawm duh ta lem biklo ."min thlah a ka lawm e " ti sepin ka inher a ,ka hming lama min auh din leh chuan athusawi ngaithla loin "mangtha le " ka ti a ,ka kalsan zui nghal .Tunah hrih chuan tumah biak ka chak hrihlo ,ka chau ,ka hah ahrehawm ngawih ngawih.
Kan in chhukthlak na ka thlen dawn chuan kopang lama Jo motor lo in hung reng ka hmu a ,hmulo derin step ah chuan ka pen thla zui hmiah .A intihhlimna hmanrua kehchhe lai hmuh aduh vang tepawh ani mahna helai a alo awm ni .



"Duati. " Zawi supa min auh chuan ka ke pen ka ding chawt a , "haw tawh rawh" ti sepin kan inah ka lut zui nghal thuai. "Nute ka mu nghal dawn aw " ka nutei rawng lo bawl mek chu bia in room ah ka lut zui a ,ka room kawngkhar kalhin khumah ka mu thla nghal hnawk .Tunah hian tap vak vak ila ka thawl phah hawk angem ? Mittui ka ngah vanga ka phun ka phun thin laiin tunah chuan ka mit ti hnawm tur takngial pawh alo chhuak zo lo !
"Mate chaw I ei dawnlo nge I ei tawh zawk " tia ka nute'in ka room kawngkhar a rawn ben dawt dawt pawh chuan ceiling lam melhin chhanglo in ka ngawi reng .A reh zui vawng vawng a ,aphun deuh hlak hlak thawm chu ka hre rei ruai ringawt .Pawnlam tawngthawm hriat hleihtheih loh turin room aphui tha hlauh a ,azia phian mai.



"Mate rawn hawng teh tinge kawngka I lakh tlat a ? Enge thleng a ?" Darkar khat hnu dawn a a rawn tih leh chuan "ka tha " ka ti vak a ,ka thatloh zia hrechiang bertu ka ni lawi si ." LRM hospital ah kal thut ka ngai a ,ka chhuak lawk aw "tiin a kalsawn zui ani ngei ang athawm hriat tur a awm tawhlo.






Jonathan pov.



"In buaina ka hre ve lemlo a ,mahse matei I en danah I rilru puthmang ka hrethiam .Chuvang chuan ka ring em em bawk che.Engpawh nise matei hi chu atette atang a danglam em em a ,athil tih leh duhtawh veibur chi hi ania ,a atpui lo chauh zel chuvang chuan na takin siam ngai suh aw " vawin a ka tihnat zia hria se ka hmaiah hian chil a chhak duh ngei ang le .kha hmun ah khan lo kal lo tawp ila tha tur ,bawihi tap lai kha ka thil hmuh duhloh ber te zinga mi ani, chuti chung chuan amittui ti tlatu ka ni a ! Huh! Ka phuloh em em hmeichhia kaltir ka phal chuan siloh ka tihnat zia kha ! Tluangi nen erawh inzawmna kan nei tawh hauhlo .Vawin pawh tihpalh thil thua a fal a hmu mai ka ni ,khatiang thil athleng dawn tih hria ilang kha inte ah khan ka zui lut kherlo ang .Harsatna a nei emaw tiin ka zui a , kawngkhar a rawn inhawn ruala achetdan atang khan bawihi tihnat an tumna vek ani tih hrechhuak nghal ilang chuan ahmun ngeiah khan kut ka thlak duh hial maithei .




"Tikhan lo thu rawh ,chhuah ngei ngei ka ngai sia athinrim reh hun nghak la iva be dawn nia " min ring taka bawihi nute'in a tih chuan ka bu nghut a , bawihi room bulah ding in a au zui nghal lang lang .Bawihi rawn chhanlet na ngaihthlak tum in ka beng ka chhi ran a ,"ka tha" a rawn tih thamchel bak engmah ka hriat zawm lo.Anutei kal hnu thleng pawh chuan rawn chhuah a tum lo nge a thawm a reh zui vang vang !
Darkar hnih zet ka thut ngaiin ka thu reng a ,a tap thawm emaw takngial pawh ka hre chuanglo.A room a va luh lawk a ka theihtawpa ngheta ka va kuah mai loh nan ka insum hram hram tawh .A taksa te ve tak ka thlakhlelh em em si te kha kuah a pawn vawng vawng ka chak a ,min ngaihdan diklo tak kha siam that a engkim hrilhfiah vek ka duh takzet . Ka thusawi a awih chu sawiloh ka tawngka chhuak reng reng a haw em em ringawt a ,lo hrilh lui pawh ni ilang a awih kher lo ang .Tihian a rawn chhuah hma chu kalo nghak pauh aniang chu .
Kaltir leh mai mai turin ka chelh lo ,chân leh turin ka hnaih lo bawk .Tin ,kalsan a beidawng turin ka hmangaih lutuk mah mah tawh bawk .Ni e ,Bella hi ka hmangaih tak zet .Ka hmangaih ani tih hrethiam lo tur khawpin ka kum anau tawhlo a , mi hmangaih tur hian hun alo ngai rei lo khawp tih ka hriatchhuah phah bawk.




Isabella pov.



"Bawihi....reilote chauh tal ilo chhuak thei ngem " lalpa leh! Hetah Jo a awm maw ? Ka nutei akal chhuah hnu khan ka mu meng kar a ,thawm engmah a awm lo nen kawngka va kalh tur takngial pawn ka thochhuak duhlo anih kha ,engtianga rei nge a awm tawh ? Ka nutei chhuah hnuah nge ni a a awmlai reng zawkin alo kal ? Engpawh nise tun dinhmun ah chuan hmaichhan mai nilo a aw pawh hriat ka duh hrihlo.
"Duati.."beidawng tih hriat ngawih ngawih a a rawn tih thum leh sup chuan kawngkhar lam ka pan hnai a ,ka hawnsak mai lohnan ka in thunun hram hram tawh . "Duati ka thusawi hi I ngaithla ani tiraw ?" rawn ti leh supin a thu thla dat ani ngei ang kawngkhar hnuailam chu nghen ri niawm takin a ri deuh kulh ."Ka thlakhlelh ang che hian min thlahlel ve ngai em ? Ka ngaih ngawih ngawih ang che hian min ngai ve thin em ? I taksa deklo a nikhat hun hmanral chu dam reng chunga thih ang hialin a hrehawm a! Bawihi engtiang taka hlu nge ka tan hian inih I in hrethiam pha kherlo ang " a aw zawi sup chu ka hre chang chang a ,bang nghengin ka thuthla ve riai riai ,melh bik nei lo in ka hmalam ka melh ngur a ,ka rilru hmun khat chuan a tawngkam hmanga thlem lungawi min tum angin angaihtuah a ,lehlam erawh in hetiang taka mipa min chan hlauh vanga tawngchhuak ngam haiderlo turin min chah thung .




"Bella...Bella...ahming put ang chiah a hmeichhe duhawm leh rilru tha mittui titla tu hian mahni hmasial takin kala chelh lui tlat si che a tiraw ? Huh! Mi duham tak ka ni ,mahse I tello a hun hman ai chuan hun hman tur neih veloh na hmun thihna ka thlang zawk ngei ang " a tih chuan ka ngaihtuahna tang ka harh zawk ! Kei min chan aiin thih hial ahrehlo ang maw ? Nge ni a ka hresual zawk .
"Jo" ti sepin ka thaw hap a
"Duati min ngaithla dawn tih ka hria lawm " lungngaihna ruama tluk luh tawh hnu a beiseina thar hmuleh ang mai hian arawn ti deuh hluai a , "duati engkim ka hrilhfiah theih nan tal che hun min pe thei ngem " ngenngawl zeta a rawn tih chuan 'aw' tia chhan loh harsa ka ti .Mahse a insawifiah a pawh ngaithla mah ila engnge ni tawh chuang ang .Vawin ah khan thiamlohna lo neilo pawh nise kan damchhung chuan inkawp rem tur chi kan ni chuanglo .Nilo ka thihhnu piahlam thleng pawn kan inkawprem theilo hial zawk ang .Ani chu lal in ropui tak a seilian ani a ,kei erawh lalram pawh la dinlohna hmun atanga seilian chhiahhlawh ang ka ni thung a .Mahse ...mahse tinge Lalin ropui taka seilian chu ka neih theih mai loh le ? Tinge ka kalsan angaih .Engtin pawn chelh ngheh tum mah ila a chelhtu kut chu chhiahhlawh kut anihna abo dawn chuang silo .' Lalpa ,I remruat dan hi achang chuan hriatthiam a har anih hi tiraw ' .



"Jo "
"Bawihi sawi rawh "


"Jo haw tawh zawk mai rawh " ka hmui pet fan fan chuan ka ti sep a ,ka nun ata tuna ka kaltir lo anih chuan nakin zelah pawh thinlung kehsawm bak ka chang chuanglo ang .Mahse maw ,kaltir chu ava har si em ! Akut tha ngah leh hrawl zet chelh a ,ram hla taka min kalpui tura ngen mai duhna rilru ka put hi ka diklo viau em ?
"No ..duati vawikhat chiah ..vawikhat chiah ka min ringin ka insawifiahna min ngaihthlak sak rawh.Tluangi nen khan eng inzawmna mah kan neilo a ,kan nei ngai bawk heklo ang .Vawin a ithil hmuh kha chu ka sawifiah thei biklo ,khatiang khan a che dawn tih ka hrelawk biklo sin " ka kalsan ang tih ahlauhzia chu a aw atang pawn ka hre thei ..mahni hmasial takin kei hian ka chelh lui tlat mai zawk dawn em ni?




"Chu chu kan buaina ber ani in I hria em ni ?" Ti chhuak thawtin kawngkhar ka hawng pawp a , a mitmeng beiseina nei tawhlo zet nen kan Inhmachhawn ta ran ."mawh Dr.Tluangi kha kan buaina ber ani in I hria mi? Anilo asin ,nang leh ka khawvel chu adang daih a .Inkawprem tura duan kan nive lo alawm ." Ka ti lawi rat a ka tawng leh tur chu nghet zetin min kuah thlawp ! "Shh..tawng tawh suh ,nang kalsan tur che hian vawikhat pawh kala inngaihtuah chhin ngailo .Kan khawvel alo hrang anih pawhin kan pahnih khawvel ka dinthar leh mai ang .Ka theilo anih pawhin I khawvel ah ka rawn insuan lut ve mai ang " ka chhipa ahmui nawr tawk chung chuan ati sup a , ka indang thei thlawtlo .Ka kut ka hum ruh ngar ngar chu phelhin ka theih anga nghetin ka kuah ve ta nge nge .
"Min tihnat zia I hria em ? Heti lai...ka awmchhung hi ana lutuk asin "ti tiauin ka mittui chhuak thei tawhlo a ka ngaih chu a rawn luang nghal zawih zawih .Ka kawchhung ipik lutuk kha puakdarh ta ang mai hian ka tapchhuak hawm hawm a,ka mamawh ber taksa in min kuahbet mek tih ka hriat vang nge insum loin ka inhnit hlawp hlawp reng. "Phulo hle che mah ila ka hlat thei silo che a " ti supin min enchian theih nan ka biangah dawmin min en a "ka suangtuahna lalnu ,ka mangram a thu nei tu mittui rangkachak ai pawh a hlu zawk hi keimah vangin a luang chu ania ! Ka tihpalh takzet " a thiamloh a awmlo tih inhre reng chung chuan ala ti fan.Hetiang ang mipa hi in kaltir thei dawn bik em ni ?





" Dr.Tluangi nu khan chennai ah in cheng dun thin tih min hrilh a " ti a phun supin ka kawnga min kuahna ban chu ka hmer deuh salh .Ka khum ft 3.5 vel chauh ah kan pahnih in kan mu dun a ,a chep em vangin saisir bakin kan mu hleithei lo .Chuti chung chuan sofa a mut aiin ka kianga mut ala thlang zawk cheu tho .A duhtawka aleh kual theihna ama khum aiin ka khum chep leh te zet ani ang palian leh sang bawk si in a min tawm chu a uap lum hneh lutuk tlat .A pangtilum sa hat hat in min ur a ,puansin lo pawh ni ila ka mu lum lutuk tho ang.

"I awih em " ti nghuta min chhan chuan "ka hre biklo le " ka ti sep .Keimah ka inrin aia nasa in ka ring zawk tih hi hriattir kher tumna rilru ka neilo ,mahse ka rin lutuk na lamah thinlung kehchhia in ka awm ang tih erawh ka hlau takzet thung.
"Chennai a Internship a tih laiin zanhnih chu ka flat ah a rawn riak ngei alawm ,min beisei tih pawh hairualloh in a lantir ngun ngang bawk.Ka duhzawng anilo nge hmeichhe en in ka en ngai hauhlo .Ka flat a awm chhung in kei ka riak chhuak a ,cheng dun ti a sawi theih kan niin I hria em ?" Ka khabe dawm deuh vang chunga atih chuan ka lu ka lo thing nar nar " bawihi I rilru zawng zawng in min ring turin ka tilo che ,mahse rintlak ka nih zia min belchiang turin ka duh che.Mipa dang ang tho in famkim tawkloh na ka nei a ,mipa dang ang tho in chaklohna ka nei bawk. Ka nunhlui chu I nunhlui angin a felfai thlup lo a ,fak tur aiin sawisel tur pawh atam zawk ngei ang.Mitha famkim ka nihloh vangin I rilrem loh zawng pawn ka che thin ang ,chung zawng zawng chu enkân mai loin siamthat hna min thawhpui la.I ke pen ruala ka pen theihnan kawng min zawhpui zawk thin ang che "





Achangchuan mi famkim kan duh luatah kan tana thaber tur kalsan a hnawl chang kan nei fo thin a ,let leh nan alo tlai zo tawh thin.Tunah hian engdinhmun ah nge ka din chiah ka in hrelo a ,ka duhthlanna hi ka thlang sual angem ? Hmangaihna hian mit a ti del thin an ti fo a ,kei hian Jo hi kalo hmangaih reng em ni zawk dawn ni ? Tuna ka awmdan te ,chan ka hlauh em em na te , a chungchang pakhat ringawt in na taka min siam theihna te hi hmangaihna leng pakhat alo ni ve reng mai lo maw le ? Hun inher danglam zelin a hrîl chho tawh mai ang chu .Tunah hrih chuan ka ngaih em em pa kut chelh hi ka duh ber ani hrih. Kalsan ka inzuam loh vangin akut ka chelh leh a ,kehsawm a ka awm loh nan ka theihtawpin ka bei ve ngei ang .




"Morning duhawmnu " mit ka men ruala hnai set sawta min lo entu ka hmuh chuan ka mengphawk vak ! "Tinge khatia minlo en vak a " ka hmai hup nghal vatin ka ti nghal hlar .Film a kan en thin zingthawh hlim a hmeltha tak tak te hi alem vek anih loh vek pawn mi sawma pakhat pawh hi hmeltha deuhin an tho ngai kherlo ang . Thawhhlim hmelchhiat phak laia in melh kek kawk te chu a !
"I mangram ah min hmu em ?" Ti sup a ka hmai ka hupna kut chu a rawn vuan vut a,"tinge I inhliah" ti supin min laksawn sak nghal vat bawk .
"Ka hmai pawh kala phihlo minlo en vak a " tiin ka teu hlar ringawt .Nizana amut dan ang chiahin saisir in ala mu a ,apang akham viauin ka ring .Hrehawm ti hmel erawh apu lem hleilo a !




"Kan in ang chiah ,keipawh kala tho hleinem "nui suka atih chuan ka ner nawng ringawt.Ti em em in thophang hmel atha theilo ,bakah ka muthilh lai khan minlo en char char awm sia ! Ka tahna vanga ka mit bui lûk nen awi ka hmelchhe dawn lutuk .
"Hetiang hian zingtin I muhil lai thlir theiin awm tawh ila "a tih chuan keipawhin ka ngaihtuah zui rauh rauh.Khum khat atang tho chhuak dunin ahnathawk kal tur han siam vel ila anuam dawn lutuk .Kava han ngaihtuah thui mai mai tak !



"I mangramah chuan min hmu em " mitko san ûk a atih chuan "mumang ka neih pawh ka hrelo " ka ti thuai a ,achal ti chuar nungin a ner nghal nang nang .
"Ka bula I mut vang aniang ka muttui "lei chhuah zeuh chuan ka ti leh hnuhnawh .A khik ve tak suk suk ah chuan ka thawveng huai thei . "Phakar nu " ti sup a ka hnar a piai vak chuan ka hmui ka ti pawrh nghal vak .
"Khatianga itih chang a ka thil tih chak deuh I hre duh em ?" A hrawkbawk che ralh khawpa chil lem khawlh chuan a ti a ,asawi awmzia ka hriatloh vang chuan "eng" ti vutin ka melh kiau. "Hetiang hian " ti thawp sapin a hmuiin ka hmui a rawn nawr kau a min fawp nghal ngawng ngawng .Insiamremin ka thiam ang tawkin ka fawp let a ,thiam zeta alei hmanga ka ka chhung a hawlkual pah chuan akutin ka kawrhak chhungah a zen lut nghal zat bawk.

Thaw hrawk hrawk paha min fawp ngawng ngawng chungin ka bra chhanah ka hnute a tham deuh tawn tawn a,a thawri leh hulh hulh thin chuan engtin emaw tak min thamin ka kawchhung a ti sa ve hut hut ! Ataksa chet hrutin ataksa chanve chuan min bawh ti tih deuh a,a kut achet erawh abuai phah hauhlo . "Jo" tawp tura hrilh ka duh laiin enge a tih zawm zel dawn tih hriatna in ka khat thung .Akut lawnga ka hnute atham nawk rual chuan ka thaw chhuak deuh halh a "tawp a.. " ka sawi zo hmanlo duhthawh zetin ka hmui ah a rawn fawp leh nghal ngawng ngawng .
Akut hrawl zet in ka dul chul thla riak riak in ka kekawr tlang a zenluh ruak chuan harhchhuak thutin akut ka man bet nghat vut . "Jo"


"Bawihi" ti lawi ratin ka chal leh achal a insik tir a ,a bekzawn pawng tawlh tawlh leh ataksa sa huam huam te ,a thaw lum ham ham te chuan a insum nasat zia sawi kherlo mahse ka hrethei . "Jo tawp ang " ti halh in akut ka vawnloh na lamin abiang sa hut hut ah chuan ka dawm a ,amitchhing reng chung chuan abiang ka dawmna kut chu a nul heuh heuh.
Zawimuanga ka kekawr chhung atanga akut la chhuakin ka hnute atham tawk a ,chu em chu ka dang duh ta biklo .Awmfâl chi kan nilo tawp anih hi ,Pathian pawi kan sawi teuh hle mai. Ka sawi fo angin Kohhran upa fa mah ni ila ka sakhaw mi viaulo ,mahse Pathian duhloh zawng tih a pawikhawih erawh ka ngam thaklo thung. Bakah ka tana biakin dar an khaan rik hun ka thlahlel em em bawk a ,biak in hawng ngei a pasal neih ka tum ruh viau .Tlem a tlemah ka thil tum ka ti chhe lo chauh chu ania !



"Jo I thinrim em ?" Inthlahrung tak chuan ka ti sep a ,aharsat tur zia ka hriatthiampui .Keimah tal lo indang vat ilang hrehawm ti takin a awm lo tur ."Ka tihpalh ,mahse inneih hmaa sex hman ka duhlo " a mit ala chhin reng vang chuan ka ti lawi rat .
"Hey..I thiamloh a awmlo ,ka chhuang lutuk zawk che" ka biang nul heuh heuh paha atih chuan ka thawveng huai thei .












#comment hi ka reply thei miahlo !!! Mahse ka chhiar vek zel ania😂 .Tinge mawni a zeilo chi nih nen comments reply ka theihloh chhan hi midang kalo zawt vat dawn nia #
Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 15th, 2022, 6:07 pm

*MANGRAM* ch~9
by:Natasha Hrahsel




Thlamuang zeta kan awm veng veng lai chu ka ph riin min ti phu zawk .Kan en chuan ka nutei alo ni a ,Nizan khan athiannu ICU a awmthut vangin a va kal ve kha nia "hello nute " ti sepin ka chhang vat a ,nghal zetin ka bula mi lah chuan minlo tibuai ve sek .
"Mate ila tho nange ,pawnah ka ding reng tawh nia kawngka lo hawng vat teh " a rawn tih hlut chuan ka thu chhuak nghal vat."Paw...nah I awm maw" ti vakin Jo chu tho turin ka mitmei nghal thuai.Ahrethiam lo nge a hrethiam duhlo der zawk? Muang chang a che tulh tulhin a tho tuih tuih anih chu !
"Enge khatia mak tih hmel taka I rawn au chiam ,rawn hawng vat teh " pakhat lah chuan a rawn ti tawh mai si ."aw nute lawk aw " ti vutin ph ka dah a ,khum atang ka tho nghal thuai.Pawi engmah tilo mah ila nutei awm loh laia mipa kalo riahpui hi amawilo takzet .Hria se min hau nasa dawn lutuk .





"Jo nutei alo haw nia " chiai zet chuan kan ti a ,enghelh lo zetin amitko min san khum zuk chu ngei zetin ka melh rawm rawm ."ahmuh che chuan min hau dawn sin ,birukna tur zawng vat teh" ti vakin a lenna tur awm ang ka melh kual nghal ruai."bawihi naupang pawh kan nih tawhloh hi ,bakah eng pawi mah kan khawihlo" a tih sup chuan 'a hreve hleinem ' tih khum chiam mai ka duh. Hun a awm tawh silo.Amah lah apalian hrep bawk si ,a biruk na tur hmun avang hrep lehnghal .





"Jo steel almirah ah sawn I leng angem " ka ti chiah chu a ner nghal nung ."mawh va lut chhin teh " ti vakin ka almirah lamah ka nem dawt dawt a ,atan len ngaihna awm bawk silo.Ka nutein call a rawn luh leh zat chuan ka hlauthawng lutuk chu "Khum hnuai ah khuan lo biru mai rawh aw " ti vutin ka room kawngkhar lam ka pan a "mahse" a rawn ti hman tawk chu "please in Jo lo lut hram mai teh " ti nawk nawk in ka kalsan tawp .


"I va rawn hawng har em em ve " kawngka ka hawn rual chuan a ti deuh hluk a ,ka nutei fel deuh si hian atawngkam avin ve viau zel.A sual vang ani hauhlo ,a tawngdan ve hrim hrim zawk ani."nia " tih ringawt a chhangin chhuanlam tur ka hre derlo .
"Enge itih em em a tum danga I thawh hma theih nen " a chawhmeh rawn lei hawn fridge a khung mawlh mawlh pah chuan a ti a ,tunah berkher sawitur ka haihchham chu nia ."chuan Nizan khan Jona alo kal a ,I hmu em " a tih leh lek phei chuan ka lungphu hi a su dawt dawt mai hian ka hre tawh "a..a bia e " tih a chhang bah nakin ka lu thaklo pui chu ka hiat ka hiat ringawt .




"Nimin ah in inhau deuh anih hmel a ,engkim I tih hmain ngaihtuah chiang hmasa phawt zel ang che ...Lawk Jona hi hetah a riak ve em?" Chik zeta min melh chunga atih chuan "maw!" Ka ti hu..."engtin nge ariah ve ngawt ang ,in neilo kutdawh pawh ani hleinem " ka ti vak a , ka chhandan berkher chu a rinhlelh zawng tak alo ni chek aniang chu ka room lam panin akal ta mai ! "Nute khatah engmah a awmlo " ti chul in ka tlan zui ve nghal a ,ka nutei ka room a lo ding ren rawn ka hmuh chuan "nute dawt ka sawi..." Ka sawi a ka tihpalh tih ka tum chiah Jo lo awm leh siloh vang chuan "lo ka tih kha " thaw huaiin ka tih zawm zat .
"Umm anih hi ,ka tlaivar ka chau riau ka mu phawt anga rawngbawl lam chu I ei peihloh leh bawl kher angai lo ania " ti na na in a room lam panin a chhuak zui a ,ka thaw deuh huai thei .


Mahse ! Khawnge Jo hi Nita ang ? Ka khum hnuai a lo awm tur khan ka ti ringawt a ,ka khum in hnuai anei reng reng lo ! Engtin nge ka theihnghilh theih ? Ka khum hnuai te chu eng engemaw dahkhawm nan tiin kan ping vek .
Khawnge a awm ang le ? Han auh chiam chi lah chu a ni derlo lehnghal a .




Ka room atanga ka chhuak tur chiah ka room tukverh rawn inkik kauh kauh ah chuan ka tlanphei thuai a ,kava hawng thuai ."awi! Ka tihpalh lutuk ka khumhnuai ah I lenglo tih kalo hre mai lo a " ka tukverh zawn cement a tlem awl awmdeuh ah alo in ham tang ve ngar ngar anih chu ! Ka va lainat reuh tak .Tun hmain hetiang dinhmun ah ala ding ngai hauh dawn silo .
"A pawilo I zarah gym kal ka mamawh leh tawh tih ka hre chhuak a atihzia hlauh "ti supin a nui suk ringawt. "I ban akham tawh ngawt ang ilo lut duh em" ka ti a ,alu athing nghut chu hrethiamlo zetin ka melh ha .Ka nutei chu room ah aluh hnu ah amuhil nghal mai dawn tih ka chiang .Mut lam hi asam ve thlawt ."Hemi ti tur chauh hian kalo nghak che " ti supin ka hmuiah a rawn fawp tawk a ,min thlah rualin "anih aw " ti supin a zuangthla nghal daih !





God ,ka rin ai takin kan thenawm te inhnuai leh kan tukverh inkar hi alo sang lo ,mahse ft ruk dawn lai chu ani tho ang ,aban rawn vei zauhin chhuahna lam niawm tak lam panin akal zui nghal a .Akal liam hnu pawh chuan ka thlir reng ringawt .Thinrim in ka tihtauh khum a ,kalbo tur leh min kalsan tura ka hrilh lawm lawm hnuah pawh ka kiangah awmin minla chelh tlat a ,ka vannei ka ti dawn nge amah tawp hi Pathian malsawmna zawk ? Kum upat lamah pawh tlangval senior tia sawi theih ani ve tawh a ,mahse ka kum mil ang zelin min kawm thin thung



Ka ph charge tumin ka ban a ,ka ban rual chiah in mesage a rawn thleng ve nghal zat 'rawn luh ruk na tur ka hre tawh ' tih te mai hi Jo hnen atang ka dawng anih chu ! Ph bih ngur in ka nui hak hak .Hepa pui hi akum phulo in ala naupang chhia ve anih dawn hi .
Rawngbawl in ka ei lem hlei lo a ,nutei nen chauh pawh chawei atui duhloh sa nak laiin atlaivar vangin a ei peih mang silo a ,ka eilo ta law law .Vawin chu chawlhni te ni bawk a tihtur awmlo nen atam tawngkhawng hunah ka ei ve mai ang. Ka rawngbawlna hnu ka tihfel zawhah chhuat te nawt lehin in ka tifai a .Ni asa tha bawk nen a lum reuh phian mai .Chau hnap a in ka tihfel hnuah inbual faiin ka nute ka han be leh te te phawt a ,ka u pawn May thla velah nupui anei ve tawh dawn a sum chu kala inkhawl hman tho mai .Ka pa dinhmun lam thatchian hun an nghak phawt dawn ani awm e .Tun dinhmunah pawh atha hrih tho nangin kan buaina ber nia ka hriat chu rawn sawi lemlo mahse sum anih ngei ka ring .Ka pa awmna bill ah kan inseng teuh a ,ka tan an inseng nasa hrih bawksi nen kan chhungkaw sum dinhmun achaurau hrih viau ani ngei ang .
Hetia sum han neihloh chang deuh hi chuan Pathian duhloh zawng mah nise damdawi emaw tawlhruk lam hi ka ngaihtuah ziah lehnghal ,ka nu leh pa ten hria se chu thisilo in min khaihlum duh ngei ang .Tunah pawh ka inkhawm loh vangin min lo hau leh chiam tawh.'Chawhnu ah tal inkhawm ang che ' anla rawn ti zui tawk tawk.Hetah kala tlangnel silo a ,kalpui tur pawh ka nei bawk silo nen abuaithlak na chin a awm ve .Ka nutei lah amuhil daih mai sia ,ani pui hi a inkhawm ngai miahlo !



Vengchhung tlangau in kan vengah chhiattawk an awm thu a rawn au lang lang a ,ka hriat zawng an ni hauhlo nangin kan khuaa kan tih thin dan ang bawkin tlaivar rilru ah a rawn lang nghal zat .Kalpui tur te nei ilang chuan tlaivar na na na chu ka hniallo mawle ,mahse kan vengah kalpui tur awm ang hmelhriat ka nei lo hrim hrim .

"Nu Mapui in awm em " tia kan kawngkhar rawn kik karh karh tu an awm chuan ka hawnsak vat a ,kan inchung nula lo ni rengin "nutei chu amuhil a ,enge ni ta " tiin kalo chhawn vat .




"Nangmah zawk ania ka biak duh che ,mitthi an awm a kan vengah Zanin a tlaivar puiah ka rawn sawm duh che a " a tih chuan kalpui tur kalo zawn lai tak ani.Lut tur ten kan sawm leh rih a "nia keipawh kalpui tur an awm chuan pawi ka ti hranlo "

"Helamah ka awm ngai silo a ,hmelhriat alawi pawh ka nei biklo a .Kaldun mai ang aw ka rawn sawm ang che " tiin kalna tur ala nei aniang achhuak leh nghal thuai.Kan inchung nula hi tum hnih chiah kala hmu ,khal ve tawk tak mai hi ania ,phaiah lehkha zirin a tette atang a awm char char .Phai lamah chhungte an nei niawm tak ani ka hriat danin ,a tette atanga mizorama awm nilo mahse mizo tawng abahlah chu sawiloh keiai daihin mizo nunphung leh nihdan ahrechiang zawk ang tih hialin a sawi theih .A fakawm ve thlawt .Thenkhat phai a thlahnih thum awmin mizo tawng ngei an han theihnghilh then thin hi chu amangan thlak bakah abuaithlak ka ti tawp mai .Inlak changkan kan tum na lamah mizo nunphung kan hloh tial tial a , kan tawngka chhuak reng reng ah sap tawng zep tello in thu kan sawi hleithei tawhlo ! Kei pawh hi English subj la in ka tui takzet ,chutih rualin ka theih na apiangah mizo tawng hmang tang tang duh mi ka ni thung.A ram neitu ten kan ram leh hnam nihna kan vawnnun loh chuan ram danga mi ten min vawnnun sak dawnlo tih hi ka ngaihdan ani .





Chhun lamah lum deuh tawh mahse zanlam chu boruak vawt vur silo in ala dai reuh em em a ,halfneck hain puan dum ka bih a ,achungah denim jacket ka ha leh a flat dum ka bun leh tawp.Aizawl a mitthi in ka vawikhat kalna tur ania ,engtiangin nge an inchei tih kala hrelo nangin khawihmunah pawh kal ila a nalh ber kan ni thei tak tak chuanglo .

"Nute ka kal aw " tiin kan inchung nu chu sawm turin ka chhuak ta zawk .



Kawngpui ka chhuak chho chiah tih a ka ni hmuh vang chuan awihlo zetin ka nui hak "lo kal ve I tum tak tak maw ?" Ti ha in alam panin ka kal thuai a ,tlaiah khan mitthi in a tlaivar ka tum thu ka hrilh a naktuk maiah class kal ka ngaihdawn vangin aphallo viau chungin ka kal lui ta tho dawn chu nia . Lo kal ve atum thu asawi khan afiamthu mai mai emaw kalo tia .

"Kalo kal ve chu I lawm hmel vak loh " ti nghutin a nui hak a ,a fiamthu thawh ve dan te hi nuihpui tham atlinglo thei ania .
"Chulam pawh nilo ,anuam zawk ngawt ang ilo kal ve chu .Kan inchung nula hi sawm lawk ang aw " ka sawi lai mek mek in an gate atang a rawn chhuak ve chiah .



"Awi zanriah kan ei har deuh alawm le ,minlo nghak rei tawh em " a rawn ti chhuak nghal bawrh bawrh.Kei anglo takin ani hi chu atawng duh phian . "Jo heihi ka sawi lai mek englo " ahming ka theihnghilh pek ! "Duhtei"alo tih zeuh chuan "duhtei anih hi ,chuan duhte heihi ka englo ve deuh....ih amah hi maw .."
"Isabella bialpa Jonathan Zoremsanga " ka dang awk lutuk ka sawi zawh hma chuan amah zawk alo insawi thuai.Ka bialpa ka timai tur kha ka lai deuh tut mai ,zialo tak tak ani.




"Awi ka hre rapthlak che ,ka nu leh inu hi an inkawm thin alawm.Mahse Bella bialpa ini tih kalo hrelo a "Duhteiin a rawn tih hlut chuan ka nui tawp.Keiai daihin a upa nangin atawng dan erawh a naupangchhia reuh.
"Chuan motor a kal induh chuan kan kal thei a ,kein kan kal thei tho bawk " ti nghût tu chu "kein kal mai ang ,ahnai anti tho" tiin kalo chhang vat . Lu min buk khum nghutin ka kutah a rawn chelh a ,min hnaih zetin a rawn kal nghal.Keinin kan kalna tur lam kan hriatloh vangin Duhtei ngaichangin kan zui veleh chhawng a ,amah ber pawh chuan mitthi in alo hrechiang biklo .Mahse kan thleng ve tho.Kan thlen chuan thalai anlo awm tam tawh phian ,inchhung pawh kan chang ve tawh lo.Pawn ah YMA thuthleng lo inhung ah chuan kan thu tawp.Mahse atlai ber erawh kan ni bik lo a ,rawn thleng an awm chhunzawm ve zel.Aizawl khawpawn atanga rawn thleng an awm pheuh pheuh reng bawk a .Mitthi hming leh kum ka en chuan ngaihtuahna ati kalthui duh khawp mai.Kum 14 mi chauh niin cancer natna vanga botal hi alo ni a .Natna tihbaiawm hian kum naupang tak tak te pawh azuah bik silo chu ania ,kum 20 Chuang boruak hip theia kan awm ringawt pawh hi kan vannei lutuk tawh tlat.



"Enge I ngaihtuah vung vung " ka bengbula phun supa rawn ti tu chu melh zawkin ka nuih seih a "kan vannei tiraw kum 20 chuang Pathian malsawmna dawngin kanla dam ve tawk tawk ania ,nangphei chu lawmthu sawi mawlh mawlh tur ini .Kum 35 Chuang I dam tawh bik ania " ka ti sep chu nuih insum zetin min melh ngur .Ka eng hian nge maw anuih ti za em em zel ni? Ka bula akhik vur vur ang te hian a hnathawhna lamah khi ve vur vur zel se chuan mifel tiin a hnathawkten an sawi thei ni mai tur .


Kan hma a thu te rawn hawilet ngun lutuk chu ka ning takzet .Lo hauh chiam chilah ani der silo .Ka bula thupa hi an rawn en tih hriat lutuk in pakhat phei chuan thlala tur niawm takin Jo lang tel kher in thla te an la vel anih chu! Ka thutpui pa lah chuan ahreduhlo der nge lo inkhuh ahnekin 'ka lang thalo ange ' ti ni awm takin thu ngil at bawk si .
"Vawt iti em " a rawn tih sup chuan "aih " ti deuh hmakin ka chhang a ,zeploh chuan pawnah kan thu a avawt ve deuh tho.Khawi hmunah pawh kal ila nula mai nilo tleirawl te mit la tu ani leh lutuk hi athiamloh nilo mahse ka ning tlat.
A jacket hak lai phelh sut sut in ka hnung lam atang min rawn khuh a ,a haklum sa ani bawk nen alum nuam lutuk .



"Vawt iti ve lo mi" ti sepin a jacket hnuaia ahak bodyfit bantluan dum chu ka en a ,lum ati vak biklo ang "ka tuar thei alawm " tia min chhan chuan ka pe let duh ta em biklo.
Zanlai awm velah ar sawhchiar an rawn sem a ,ka ta tur chu min bansakin a chhen daih vek hnuah a sa awmte ala chhuak leh vek a min pe ta chauh.Tawngka in min ngaihtuah zia sawi lo mahse achetzia in alantir thin zawk.Thu a sawi ai chuan chetzia a lantir hian atha zawk.




Dar 5 velah kan haw leh chauh a,kan in thleng min thlahin Jo pawh a haw a .Reilote tal ka mut hman beiseiin khumah ka let thla nghal tawp .
Ka muhil tan chauh emaw tuhin nute'in University kal hun tiin min kaitho lehnghal.Ka mut chhuak leh lutuk chu ka tah achhuak hlur .Kalloh rikngawt chi lah ani bawk silo ka thawmhnaw thlakin University lam panin ka kal leh nghal .Tlaivar hi chu ami nghawng ana ve em ani.



"Zaninah kan inah kan tiho mai dawn mi,tu tan pawh pan a awlsam ber anga .Kan ngaihdan ang ang te kan thawhkhawm dawn nia " kan group leader in a tih chuan an pawmpui aniang anlu an bu nghut nghut hlawm.Kan professor in project min pe a ,group 29 ah inthenin keimah tiamin kan group ah hian mi pangai kan awm .Hmeichhia pahnih kan nia ,mipa pathum nen .Kan class a athiam thiam te bulah ka awm a ,ka vannei phian mai .
"Nia Rc-a te inah chuan ti mai ang u ,arem ber ang .Zanah kan inhmu theuh dawn nia "kan group ami tho Hruaitean tiin akal sawn zui nghal a . "Nang bella I remchang em ? Hruai ingaih pawn ka rawn hruai hman tho che aw " tiin inhawng zetin Rc-an atih chuan angaihloh thuin ka chhang a ,kan veng atang ahlanhranlo ,ke pawn kal ila minute sawm kal vel bak anilo. "Engpawh nise chawhnu lam hi kan off dawn a ,zarkawt ah zanina kan mamawh tur te minva lampui hman angem " a tih leh chuan aw ka pawh ve mai.Zarkawt ah keipawh kal ka ngai hrim hrim.Lehkhabu ka duh deuh mai kha anlo kawl lehtawh maithei ni ,chu chu en ka duh hrim hrim .



Class kan zawh hnu chuan gate pawnah kalo nghak rân a ,Jo hnenah minlo lam lo turin ka hrilh tawp.Nizanah a mengrei ve tho sia achau ngawt ang ,helai daih daih a lo kal atan lah abuaithlak bawk nen .
"Tahkhan min phur ang maw ?" Ka zawna bike atihdin rual chuan kalo ti hap.KTM duke ah min phurh atum anih chu ! Ahnung seat san zia chu phawngpui tlang chhipah ding ila chu nen chuan thuhmun reng "sorry bike ingaina vaklo nimaw ,mahse ka tlukpui miah lo ang che " tia min chhan chuan hreh zetin ahnungah ka lawn kai a ,invawnna tur a awm remchang bawk silo nen a darah ka vuan deuh tai.."kum engzat nge inih?"

"Maw?"


"Bike chuan hlau deuh pawh nila pitar thutin thut kher loh tur " ti in akawnga kuah zawk turin min ti sup a ,ka kut la kang da da in akawng a kuah chiah silo in akawr ah ka vuan da da. Kuah tha turin min ti ta em biklo ,atlan chhuak chiah erawh akawngah ka kuah nghal chuk chuk.
Helmet full face akhum vangin a thusawi pawh ka hre tha hleithei lo .Motor karah chuan min tlanluh pui a ,motor hnung ah pawh tlan mai mai ila ka hnial loh nen.



"Hetah hian ania ,chhuk la bike hunna tur ka va zawng lawk ang " ka chhuk thlak rualin muangchangin a tlansawn zui a ,kan ral lehlam dawra Jo ang deuh lut zuai chu ka hmusual anih ringin ka ngaihsak zawm duh lem lo .Ani te chu Hotel ah meeting anei dawn tak alawm.
"Lut ila " ka bul a a rawn let leh rualin a ti sup aw ,ka ph ri leh rih vang chuan lut hmasa turin ka hrilh a "hello" tiin ka call ka chhang zui zat.
"Khawnge I awm ?" Jo aw bul zet ka hriat rual chuan ka tim sawk thei ! Tiang zeta bul hian minla be ngailo reng reng. "Zarkawt ah zanin a kan project khawih tur ka classmate nen kan lam lawk a ,in meeting lo em ni?"



"Project ..zanah maw " a rawn tih leh nghut chuan "umm professor in group hrang hrang a min thenin project khawih tur min pe a " tiin ka chhang sep a.Amood afu zanlo ani maithei a tawng ngaihthlak anuamlo tlat. "I tha em ?" Ka ngaihthalo chuan ka tih zawm zat bawk.
"Ka hmu thei che tih I hria em ?" Atih chuan ka hawikual nghal vak vak "khawnge I awm ?" Tih pahin ka bul vela awm chu ka en kual a ,ka hmu bawk silo.
"I classmate chu zana I chhuah hmanloh thu hrilh ang che " ti nghutin "mahse " ka ti chiah a call adah zui hmak ! Enge maw ahriat le ? Min hmuh theih te chuan a awmna lai sawi ve mai se tha tur .A tawngka chhuak ngaihthlak anuamlo ropui bawk si ! A thintirim deuh tu atawng fuh ani ngei ang.Zanina project kan khawih tur thulh ringawt thei ka nilo hrim hrim ,ka mark score achhiat chuan tang viau mah ila ka marksheet a nghawng pha vek dawn tho.Duhleh nakinah ka hrilhfiah tawh mai aniang chu.




Rc~a te ina kal turin ka bungrua ka pack fel a ,kan mamawh tur nia ka rin ho ka backpack ah ka khung mawlh mawlh .Ka hoodie ha in ka bag ka ak a ,ka sam sei kawi zet chu ka chhipa ka tawn san vah hnuah ka ph ka charge lai chu banin ka room atang ka chhuak zui nghal .Ka nutei hnenah ka kalna tur ka hrilh a ,haw tlai lo tura min hrilh thlap hnuah min kaltir ve chauh.Jo nen kanla inbe leh lo a ,chhuaklo tura min duh vang ngawtin ka chhuaklo thei bik silo .

"Kallo tur khan ka hrilh che "

"Lalpa " thim zing atanga a rawn chhuah rual chuan ka awm ka dawm vang vang chu ka thlah chiah ."enge itih a "
"Ka thusawi I zawm mai ka ring a " nelawmloh zet chuan a ti deuh hmuk.Engtin nge kan hrilhfiah dawn ni ?
"jo hrethiam teh ,zirna thil anih hi.Tuna project hi ka tivelo anih chuan ka mark achhe dawn sin " ngenngawl zet chuan ka ti a ,min en vung vung in "ka hruai ang che " ati ve ta hrâm .Ka thaw deuh huai thei .A motor hunna lamah kan inzui phei a ,thulut in atlanchhuak zui nghal mai bawk.
A hmel nelawm loh lutuk chu enin ka thaw leh hap thin .Tinge a thinrim tlat le ?



"Jo ...tinge ka kalna tur I tlanpel daih nia " Rc-a te inpeng atlan pel daih chu mangang zetin ka hrilh nghal chiam .
"Relax..I tello pawn an ti thei lutuk ang .Chuan mipa dang kianga I awm fal leh ka remtihloh vang ani pakhat bawk " atih chuan sawitur pawh ka hre thlawt tawhlo .Thinrim zetin ka thutna ah ka thu ngawi kar ringawt .


"Jo thil hi ingaih anga awlsam ani vek lo asin " thinrim viau mah ila ka vin hrep lohnan ka insum hram hram .Anni ang tan chuan harsa taka kan beih tang tang hi awlsam tein an nei thei mai thin a ,keinin thi leh thau pawlh a kan beih tang tang na hi mitkhap kar lekin an nei zung zung bik thei sia. Engkim bul tan ngailo in chhungte thawhchhuah sa ringa awm thei nive ulang angaihtuah ang hi ka pu ve thei chauh ang .Chutiang chu ka ni ve bawk silo ,ka zirna ah tal tha taka ka ti lo anih chuan ka tan kawng athim lutuk.Thim zinga thil zawn ang velin ka hmahun a nghawng thei a ,sum leh pai lamah kan neinung tawk silo nen sumdawnna lam han khawih ringawt tur pawn kawng aharsa talh tawh .



"Ka ngaipawimawh lo ,mipa dang kianga I awm ai chuan hruaibo daih che pawh pawi ka ti hauhlo " ka awih theilo ! Mipa dang ka hnaih aphalloh vang ngawtin ka zirlai thleng thlengin a inrawlh tur anilo.
"Min ring hlawllo ani tiraw " beidawng zet in ka ti chuai raih.Ka tette atanga tun thlengin ka chhungte tihloh ka mipa hnaih awmchhun ala nia sin ,vawikhat te mah ngawihzawng la nei ngailo leh mipa leh hmeichhe inkar inngaihzawnna la tawng ngailo hian akut chelh ka thlang a .Chuti chung chuan min la ringtawk zo lo chu ania!
"Bawihi ka rin loh vang che anilo ,ka mipat puite ka rinloh vang zawk ani .I kiangah chuan keimah ngei pawh hi ka inring tawk thinlo " tia min chhan chuan ka chhang zui duh talo.A thil lo paltlang tawhte hriatpuitu tan chuan tuna arilru puthmang mipa zawng zawng rinloh hi a demawm miahlo .Anau laka thil thleng vangin mipa mahse nise amah ngei pawh inringtawk zolo tu hian amipatpuite aringlo a helam kawngah chuan engmah kan inhrilh kaw zolo ang .Mihring thinlunga ser awmtawh chu thu kam hnih khat lek ina thawidam theih ani silo.




An inpeng atlan luh chuan ka melh deuh hra a , "vawin hi Ramases piamcham ania ,chhungkhat te chauhin kan lawm thin. Ilo tel ve chuan ahlim ngawt ang " a ti sup a ,hriat pawh min hriat ka rin tawhloh laiin keia tel ve vang chuan ahlim phah nachhan tur ka hre hranlo.Mahze Ramases hi chu engti kawngzawng emaw tak hian min hip tlat zel! Naupang te a ahun khirhkhan tak paltlang ka hriatpui vang te pawh ani mahna .An inkawt ah chuan motor ati thi duk a , ka thawmhnaw inbel nen hi chuan birthday lawmna a kal tur chi pawh ka niin ka inhre chiahlo.
"Chhuk ila " atih chuan thaw halhin ka bu ve nghut . Kawngkhar zawn kan thlen chuan kan ding leh renrawn phawt a ,haw leh nal nal mai ka duh ."relax bawihi" ka awmdan hruaiin a rawn ti deuh sup. Inchhung kan lut erawh alo reh thuap! Birthday lawmna tur tih hriatna tur awmlo khawpin inchhung a reh bakah engtin mah a inchei eihlo !





"Inchung berah khian function nan a kan hman bik room a awm a ,tah chuan an awm ang " ka hawi kual vual vual chu alo hrethiam ani mahna min enin a rawn ti thuai a , an in hi chhawng thum niin chhawng hnihna thleng bak kala kal biklo . "Mahse ava reh em em ve " ka ti leh zat chu " soundproof , room zawng zawng deuhthaw hi soundproof vek " khi suk chunga atih chuan areh thuap nia ka hriat chhan ka hrefiah chiah. "Kan chhungkua hi privacy ngaipawimawh tak kan nia " tih zawm leh zatin ka hoodie hak ka phelh lai chu min phelh pui thuai a ,thuthleng banah a dahthla nghal zat bawk.Ka bag vel erawh amotor ah khan ka kalsan thung ,ka ph humlai chiah ka keng .Inchung lamah kan inzui chho a ,chhawng chung ber ah chuan room kawngkhar pakhat chiah alo awm tawh .Chu chu an function room chu ani ngei ang .An in hi alian hle a ,khawte deuh biakin tam tak aiin alian daih zawk bawk.Sum an ngah thawhkhat tih hriat zetin an cheimawi em em a ,hmuntin ah pangpar tak ngei kala hriat ngailoh chein a in khawi fer fur bawk .Mahsela ama puala a inte kha kala duh fe zawk.




Chu room chhung kan luh chuan ka meng deuh kawk hi ni ber ! "Bawiha ilo let tawh maw ,bella ilo kal ve ani maw ?" nui sen sen chunga jo nu in a tih chuan "nia " tiin ka chhang tawp.Chhungkaw te ati emaw ka tia ? Mi sawm chuang daih an awm ngei ang an chhungkaw member tello in !
"Nu ,enge an rawn tih ve " ti bul hmuk tu chuan ahre lawk biklo ani ngei ang ,meng rum tha hle .Mipui zo hut hut kara awm angaina biklo tih ka hre tawh a ,tun ah pawh hian nuam ati bik kherlo ang.
"Bawihi adam tha tho a ,tuntum chu thenrualtha tenen lawm kan ti thut anih hi " tiin anu chuan achhang a "bella lo awm ve char char rawh aw " tia min be nghal zatin ka kut a rawn vuan zui zat! Kurta ang deuh type nalh leh simple zet mai hi aha a ,a vun ango in amah a te chhe hranlo nen analh phian.Simple deuh si in a changkang hi ani tawp. "Taka Jona nu Zarmawii ka nia ,ka hming ila hriat loh takin " tiin ahming te min han hrilh leh lawp lawp a .A bula awm anuam takzet,ahma a kan inhmuh dan lah a nikhua fahran silo nen hetia han kawm takah chuan a fel reuh phian .




"Nu ,ka nute sawn an be duh che a " inti tlangnel fahran a Dr.Tluangi a rawn lam hlawl chuan ka kut ka humruh vat. A hmaa akhawsak dan nen amah hi hnaih ka duh tawhlo hrim hrim.Enge atih ve hrim hrim le ? JO tenen hian anlo inpawh viau tihna nge ? Athawhnaw inbel lah naupang birthday na a kal tih hriatngaihna awmlo khawpin achhung uchuak .Ka thawmhnaw inbel hi kala dh daih zawk a hak lai ai hi chuan.
"Bella ka va kal lawk ange " tiin Nu Zaii akalsawn zui a ,Dr.i erawh kan bulah min thamloh hmel zetin ala rawn ding ta reng .




"Zo bella hi incheidan tur tal te chu hrilh ve tur che nia " a tih no hluak lai chuan Jo a rum nghut. Ka hnial peih vello ,angaih ngaih in ngai tehse. "Bella hetuang nikhua hi chuan inchei mawihnai ve deuh tur nia " a tih zawm leh zat chuan "Tluangi " Jo an alo ti deuh nghut. Min ngei hmel zeta min melh chungin akalsawn zui a ,pheikhawk abun sang bawka Jo a chen deuh thuak mai .

"Ka tihpalh duati ,engmah ka hre lawk lo takzet " min ngaihtuah tih hriat ngawih ngawih a atih chuan apawiloh thuin ka chhang sep ,amah pawhin a hre lawk biklo ania lo hauh rikngawt nachhan tur a awmlo .
"Ramases bulah kal ila " tiin kan boruak rit lutuk tih ziaawm nan ka ti ta zawk a.Ka kal ta ro ro tim deuha awm reng ka peihlo. Mahni pawh a rilru hahna tur ngah sa nen




Dawhkan killi nei lianzet bulah Ramases chu coat suit ha in ke then leuh leuh chungin alo thu a ,a incheidan nen phei hi chuan a duhawm lehzual ."happy birthday ramases " ti hluaiin abiangah ka piai sak zeuh. "A u " ti hlutin min lo ban thuai! Minlo la hreve tak tak anih hi . "Keima birthday ah ilo kal ve mi ?" tiin min melh kiau chung chuan ati a ,asam kir buk deuh chiat bawksi nen ka fapa ni ta se awih an tam ngawt ang. Ka sam pawh hi a ngil theilo ,kawi lutuk nisi lo hian akir deuh chiat reng.
"Ramases kha atlangval tawh dawn sia ka tia kalo en ve chak che a " ka ti chu alawm hmel ngang mai.




"Ih maw a u ,uncle hian amotor huge deuh ang kha min lei ve sin ,mahse ama in room ah adah hrih a " Jo motor leisak a lawmzia a sawilai chuan Jo pawn alu ah alo tuai thur sak ve hlut.A ban tawive tak te nen tangkawp meuh a amotor len zawng asawi chu aduhawm lutuk tlat ."Ramases ang chiaha duhawm hi ka siam ve thiam iring em " ka beng bula rawn ti thawp sap tu chu nghawk sawk ka duh ."Mawh duati ,Ramases ang chiah a duhawm hi ka siam sak thei che nia " a rawn tih leh sap chuan ka tawlhsawn dat. ka lai lutuk che kual vel chu nuih insum zeta hmui pet ngawr ngawrin min melh rûn rûn ."Nghala" ka hmui phun chuan ka ti zeuh a ,amit min siai khum zeuh rual in lei ka chhuah khum vak.Ramases lah chuan ka tihdan ang chiahin alei alo chhuahkhum ve vak a ! Lu thing nghutin anui suk suk mai.



























#nghakthlawn in awm lohnan tlem kalo dah tawp 😩.Nizan ah kan exam tur ka zir rei bawk sia maw ,vawin ah WPS ka update ka story ho zawng zawng abo hnu ah zanina ka type sa abo leh vek a🤧 ka rilru na tawp.Edit pawh ka edit hman tawhlo.Zanina mitur kha ka type hnem hman lutuk ka mut hma duh vangin ,mahse abo leh vek bawksia⚡ ka tahchhuah tun mai.Comment lam ka en theihloh vang nge noti lamah comment thin in tlem tih ka hre leh zel a 🥲#
Show post links
Top


















#tunge "vawin ah dawrah Jo sahbawn ka hmu a ,Jona ka rawn hrechhuak " ti tu kha 🤣🤣🤣 ka story changtupa te JO sahbawn nen lo tehkhin 😂😂 iti bam vek lawm#

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 15th, 2022, 6:08 pm

*MANGRAM* ch~10
by~Natasha Hrahsel






" Big boy ,a u kha ahah tawh ang chhuk tawh rawh " min veng thawng zeta Jo an a tih chuan apawiloh thu in ka chhang vat a ,ka pawmna atang rawn la thla in a thutna tur bik chair sang ah chuan athut tir zui nghal zat .Ke then leuh leuh in dawhkan an cheimawina te chu akhal chhunzawm a ,a duhawm lutuk chu ka mit kala sawn hlei thei meuhlo .Fa neih hial minti châk ve dawn nia ! Nu nih lam ka ngaihtuah chhin ngailoh nen ,a putea ang chiaha zûn nei anih ve reuh dawn hi .
"Ramases pawh hi mipa tho ania " mitko san ûk a ka hma zawna a rawn tih sup chuan ka ner nghal nang nang ,"naupang anih hi " ka ti zui hlut chu ka sawi rualin ahmui alo ti sawi ve zat lehnghal ! Fiamthu na chi pawh anilo ,naupang lehzel athik tlat chua miin an ngai diklo zo ang tih pawh ahlauhawm . "Ramases bula kan kal atang min ngaihthah hmak a " ka hnung lama kal tum ni awm taka langin ka beng bulah a rawn ti thawp leh sup a ,ka hnungah dingin ka darah akhabe nghatin min kuah nghal hlun ."Jo mi an tam em hi" ka ti chu "ka ngaipawimawh lo e " alo ti hmak!



"Chupawh nise keiman ka ngaipawimawh alawm ,awmtha teh " ti sepin ka dar ka sep zeuh a ,phun nang nangin a awmtha ve mai mahse ka sirah rawn dingin ka darah akut ala nghat hram ! Hepa hi chu hauh sim theih anilo anih hi. "Abengchheng viau mai ,inhnuai lamah kan chhuk mai dawn ami" mitmeng awmze nei zet a min melh pah chuan ati leh kher ! Hetia min melh apiang hian ka lai tut zel lehnghal .Min chhaih laih nan tak ala hmang ziah a ,ka hmai sa hut hut in a sen tan tan zel .
"Mikhual te hi ibe ve hlawm dawn lo em ni?"
"Ka mikhualte an nilo " ner nawk chung chuan ati a ,a hriat miahloh a anu mi sawm te chu a lawm hmel viau loh.Kal turin ka nawrlui duh ta em biklo .Ramases kianga lo din ve rik ngawt reng pawh ka tan anuamlo ang.




"Hey Ramases , heihi ka lo ken che sin " tiin present box lian lam mah kengin Dr.Tluangi a rawn inlan leh hlawl a ,kalo inhum ruh leh nghal at tawh .Abulah hi chuan thlamuangin ka awm theilo reng reng ! "Heihi maw original anih hi ,ato teh mai nia " tiin box lian zet intuamna chu amah zawkin aphelh leh ang sawt sawt a ! Ramases thlengin ngawirengin kan melh thup.Box lianzet chhungah chuan mipa sana manto hmel zet alo awm anih chu! Tlangval te pe zawk se chuan an lawm viau anga ,naupang tan erawh awmzia anei thui viau kherlo ang. .
"Hetiang sana hi chu dawrah pawh leitur a awm mai mai lo ania " phur zetin ati deuh hluai a ,aman to hle dawn mahse thiltha hi chu fak chawp vak hi angailo asin .Ramases phei hi chuan ahlutna ahrethiam pha hrih dawnlo lutuk.




"Enge I kensak ve a " thamloh hmel zeta min melh chung chuan ati kher ."Tluangi "Jo an alo tih deuh nghut chuan zam maplo in min nuih deuh sawng a "engemaw tal kensak ve tur alawm "pawisawiloh hmel zeta Jo en chung chuan ati leh kher ! A hahthlak mang e aw ,hrelawk a kal ni ila thilpek tur te chu ka keng ve awm reng sia ."E taka Zo patea damdawi khai ahun tawh a ,in doctor alo la thleng silo nen keiman kalo khaisak mai ania .Pawi iti em loang chu ti raw? "

"Ilo awm hlauh chu atihzia anih chu" ti hmuka chhangtu banah chuan avuan nghal zat a ,aban ah chuan lawnkai atum emaw tih mai tur khawpin a chelh nghet! A vawnna lai ringawt chu kalo melh ngur "ipa ka enkawl hi phal ve mai mai la tha tur ania ,cancer doctor bik nilo mah ila thil harsa engmah a awm dawn tawp silo " inla no zeta a ti hluai chu ngei zetin ka melh hrep ringawt .Jo chuan avawnna chu adah thlak sak a "tuna kan doctor hi kan ring tawk viau mai " tia a chhan chuan azak ve chem chemin ania ka rin ni .




Birthday cake an zai hnu lawkah birthday boy ber amuhil ta daih a ,anu in inhnuai lamah achhukthlak pui nghal bawk nen puitling rual thah chauh kan awm tawh.Kil khatah Jo leh mipakhat inbe lai chu ka lo en reng ringawt a ,birthday lawmna a kal e tilo chuan an awmpui ten wine ni awm tak an rawn keng a ,an dawm deuh fur hlawm.Jo pawn a dawm ve nangin vawikhat vel bak a lem zeuh lai ka hmulo .Kei erawh in wine mah nise a rim ka ti thei thaklo thung .Chuvang tak chuan an kianga ding velo in kilkhatah kalo thu ngawi reng ringawt. Ka pocket a ph in nghawr dar dar chu la chhuak in caller id ka en a Rc-a call hi alo ni a ,vawi riat zet minlo call tawh nghe nghe ! Chanchin engmah ka hrilh leh silo nen anlo mangang viau maithei ani .
Ka zaizirin pawn lama ka chhuah lawk tur thu Jo ka hrilh a ,lu min buk khum nghutin room pawnah ka chhuak nghal thuai.Inhnuai chhukthlak na step zawnah dingin railing ka vuan a,ka chhuanlam tur ka inngaihtuah deuh vang vang.Birthday lawmna ah ka kal ti dawn ila min ngei viau loh pawn group project ngaipawimawh tawklo ah min chhuah ka hlau bawk si.Jo vang vek ,Hetah min hruai daih lo se chu tunah hian project khawihin chhuanlam tur ka ngaihtuah tang tang angailo tur.

"Hello RC " call a rawn luh leh rual chuan chhangin ka ti nghal sep "bella tinge ilo kal loh " lehlam ami chuan a rawn ti ta chiah .Chhuanlam tur thlawt ka ngaihtuah chhuak zolo chu "ka buai deuh thut alawm mawle " ti sepin ka chhang a ,ka awm anuamlo zui nghal .Ngialngan zetin dawt ka sawi chu ania ! Ka awm anawmloh phah vek .
"Apawilo e ,mahse question 5 na hi kan chhang thei hlawmlo a .Tihngaihna tak pawh kan hre tawhlo " a rawn tih chuan ka thiam bik ka ring hauhlo.Ka vannei ka ti dawn nge group a ka awmpui te hi college an kal lai atang tawha athiam ber ber ni thin ngat an nia ,an bawn bakah keiin ka hriatloh tamtak hriat an ngah mai.Entirnan kan professor te hnialdang thei khawp leh zawhna chhan hleihtheihloh zawt thei khawpa thluak tha te an ni hlawm ,an turu lutuk tlat .Chutiang pawn an hriatloh chuan ka tan hriat ngaihna a awm in ka ringlo."Rc ka thiam bik pawh ka ringlo e " ka rilru a awm ang chuan ka ti ta tawp.

"Awmlang chuan I thiam ang mawle , Shakespeare qoutes tawite kimchang deuha hrilhfiah ania ,a awmzia chauh nilo angaihtuah tur ang words zathum vel tala ziah chhawn tur mawle .Hetiang lam hi chu I thiam tih ka hria alawm.Keini chuan confi takin 'chu chu ani e ' kan ti dawt ngam hlawmlo a" a tih chuan ka inthiamloh zual sauh .Question dang har uchuak zet anmahni in an ti vek a ,inlama lo tih ve ngawt chi ani bawk silo nen an hah dawn lutuk . "Angaihtuah.."
"Hmeli " ka sawizawh hma a rawn ti vak tu lam chu ka hawi vat a ,thinrim mitmwng sen ram chungin min rawn pan hnai mawp mawpin ka samah a rawn kek nghal bawrh bawrh.Ka lo inringlo lutuk nen ka pai deuh chawt chawt .Zu rim anam huam bawk si nen a rui sual deuh ani ngei ang .
"Enge maw itih le ,ana ania min thlah teh tluangi " ti mawlh mawlh chungin asama han ban ve mai ka tum a ,ka ban pha ve bawk silo.Ka lulei chu ana thip hlur tawh .




"Nang...nang hi lo awmlo tawp la tha tur ,Zo nen kan inkar ah lo inrawlh lo lang chuan thil engkim kan duhdan in akal fel vek tawh ang " ti phiar phiar in ka sam chu atham ngawt ngawt a ,a kuttin lem sei zet hmangin ka sam to na bul deuh ka chal chu a ham tel a ,a thip lutuk leh ka lulei thip hlur bawk si nen ka mittui atling pam thei.
"Min thlah rawh" ti chulin a kawr awmah ka tham a, ka hnehlo lutuk thinrim bawk si chu ka thaw deuh kawk kawk. Keiai daih a a san vangin asan a ban ve ka tum pawn min kek kun tlat nen akawr awm ah bak ka tham theilo nia !
Thawklehkhatah min thlah thut a ,ka tlu lo chauh a kawrawmah ka vawn vangin ka tlu tur ka in ham tang tawk tawk ani ber. A kawrawm ka vawnna thlah mai ka tum chu amah zawkin a rawn vawn hnan a ! Laksawn ka tum pawh chuan avuang tlat ! "Enge maw I hriat le ?" Ka ti sep chu "ka tihpalh anih kha min thlah teh " a ti let zek ! "Ka tihpalh tak tak anih kha ,ka ruideuh a ka inthunun hmanlo anih kha " Mangan hmel zeta tiin ka kut vawnhnan chung chuan a inthing vak vak a ! A â deuhah ka ngai tawp tawh . "Ka kut .."
"Khawngaihin .." ti tuau in amah zawkin ka vawnna a phelh a ,a hnunga step chhukthla ah chuan a lum thla zui nghal ! God! Ka nem..ka nem miah silo a ,amah zawk khan min vuan bet reng zawk a.


.
"Isabella" rawn ti hrawk ri ka hriat rualin min kalpelin Jona leh anu bakah dr.Tluangi nu in min rawn tlanpel nghal zat. Ka hamhaih lutuk chu railing vuanin ka ding khur zawih zawih .Khatiang khan tinge atih? Alu atanga thisen chhuak ka zuk hmufuh phei chu ka tha te hial akhir thei !
"Awi bawihte ,harh teh " tiin Dr .Tluangi nu a au chel chul a ,Jo an pawm tho nawlhin inhnuai lamah a pawmthla nghal zat bawk .Jo nu chuan min kalpel in room lamah atlan leh hlawk hlawk a ,chanchin ava hrilh ani ngei ang an rawn tlanchhuak nghal sap sap hlawm .A lumthlakna step chu step ruk vel bak ani lo mahse nikhawhrelo in a awm bawk si .Harhchhuak thutin inhnuai lamah ka chhukthla ve nghal thuai .




Kawt ka thlenchhuah ve meuh chuan Jo motor chhungah alo lut hman chiah.Dr.Tluangi chu ahnung lamah an dah ani ngei ang ,anu thulut turin kalo ding ve reng tih min hmuh chuan thinrim hmel zetin min rawn pan thuai.
"Nang...nangnu hi ,ka fanu in angen lawm lawm chung che pawn tinge I namthlak kher " ti phiar phiar in min khawih chak hmel zetin min melh ngur . "Ka..ka tih anilo " ka ti sep chu ka hmai a ri nghal thlawrh! "Dawheh nu ,kan mit ngeiin kan hmu cheu .Dawt ila sawi ngam amaw " ti vak a min ankhum chiam chuan mipakhat hian a rawn pawt hrang a ,ka biang dawmin ka mittui afar mai loh nan ka insum hram hram .
"Mambawihi hospital thlenpui vat angai zawk" tia pawtsawn in motor dangah an lut a ,ala awm ve te ho chuan min en hrek hrek hlawm nimai hian ka hria .An tlanliam hnu lawkah min lo bo san ta vek a ! Ka awmdan hi ahrehawm takzet .Chiang takin ka nemthla lo tih ka hria ,tinge khatia achet thut kha ka hrethiam biklo asin . Chuan Jo kha ! Jo kha vawikhat pawh motor atang a rawn chhuak leh lo ! Dr.Tluangi nu in min Ben lai khan a rawn chhuah ve mai ka ring a ,mahse...mahse rawn chhuah chu sawiloh motor tinungin a tlanchhuak nghal daih a !





Ka tan inchhung luh leh a remloh em vangin ka hoodie pawh la lo chuan gate pawnah ka kal chhuak a ,ka ph bak engmah ken ka neilo ka bag lah Jo motor ah khan a awm daih sia . An in lah hi a fal angreng bawk nen ti deuhin kawngpui street light dim zetin a chhun ah chuan ka kal hnak hnak a,ka mittui lo luang leh zeuh thin chu ning zetin ka hru leh tawk zel.Khatiang thil kha vawikhatmah kala tawng ngailo.Ka nu leh pa takngial pawn ka hriattirh ata kut minla thlak ngailo ,chhantu neilo beihvai zeta ka awm kha ka inkhawngaih takzet.Ka tan tal Jona kha lo ding ve se tha tur .Nge ni a ka beisei sang mah mah zawk ?
Kawngkawi thim zual lai ka thlen dawn chuan mipa pahnih kawngsir a lo thu ka tawk a ,an landanah phei chuan zu an in ni ngei tur ani .Hlaulo anga lan tum zetin ka ke pen erawh ka ti chak zual sauh.
"Hey..bawihi khawnge I kal dawn " pakhat zawkin a rawn tih rual chuan atlanin ka tlan tawh ,tunang zan reh lai tak lehnghalin ka mangang takzet."lo ding rawh " an rawn tih leh vak rual chuan min rawn nang chawpchilh nghal der ! "Min kaltir ru" ti vakin ka theihtawpin min vuatbet tu chu ka sual let a ,ka ke leng vak vak in min tanpuitu theitu an awm takin tiin ka au nghal tuarh .Pakhat zawkin ka ka a rawn hup nghal vat a "bengchheng suh" ti vin hlukin zu rim an nam thur thur bawk nen ka khur titih tawh.Jo nau laka thil thleng ang kha ka chunga thleng ve turin ka duhlo ,ka hlau .



Ka ka huptu kut chu ka theih anga na in ka seh vak a ,"zawngi" ti vin thawtin ka hmaiah a rawn hnek nghal thuaih . Ka kawchhung lum pup leh ka hmai sa hut hut chu tawrh hrehawm tak ani . "Min seh ngam amaw " thinrim zeta ti leh hlukin ka tshirt hak hmalam chu a rawn pawtthler nghal hrawk . "Min pui ru " ti tham chhelin ka tal nasat vangin ka chau takzet tawh .Hmeichhe tawn thin rapthlak zet mai pawngsualna ka tawng ve ngei dawn a ka inhriat laiin ka hnung lam atanga min kuahbet tu chu a tu emaw hian a rawn pawt hrang hlawk a ,ka hma lama mi pawh chuan min thlahin ka hnung lamah a tlan ve nghal thuai . Leiah thuthla hnawpin ka kawr chu ka hmalamah ka pawtkhawm nawk nawk "ka that dawn cheu " ti a rum chhuak hrawih ri ka hriat chuan ka hnunglam ka hawi a "jo" tiin ka phun sep. Ramsa kawlh ang maiin min man tute kha a sawisa a ,athinrim rumri chu a rapthlak zawk.
Ka khupah ka chal nghatin ka tap khur nghal hlawk hlawk .Tunah hian Jo hi awmlo tase ....nilo ...awmlo tase chu ka chungah engthil nge thleng ang .Nu leh pa ten an fanu te chunga thleng tura an dah chhin ngailoh ka chungah a thleng ve ngei awm si a !




"Bawihi ...Duatte " ti sup ri ka hriat chuan ka hawichhuak riai riai a ,Jo thinrim insum hmel ka hmu nghal zat . "An..anni khan.." sawi zawm theilo in ka insut nghal hlawp hlawp chu a awmah min kuahbet nghal chawt. " Shh hahdam rawh le ,ka awm tawh hi " ti supin ka sam ah achul zui heuh heuh a ,ka thakhur la reh bawk silo nen a kawrah ka tham chawt . Min pawm tho nawlhin a motor hunna lam min panpui a , ka mangang lutuk khan amotor ri pawh kalo hrelo chu nia .Seat a min hlân luh rual chuan a jacket hak phelin min khuh nghal hlun bawk. Ka biangah nul heuh heuh chunga ka hmui kak lai a tawh chuan ka lo then sak . " Hmel ho chu " ti nghuta kalsawn mai atum chu phallo in kalo vuan bet nghal tung .

" Duati " hrehawm tih hmel ngawih ngawih chung chuan ati sup a , a mitmenga min ngaihtuahna te chu min ti zuau tu mai ani ."min hruai haw rawh " ka tih sep chuan ka chhipah fawp zeuhin motor kawngkhar a khar a ,driver seat lamah motor kal hual in a rawn thu ve nghal zat .Seat nghenchhan nghengin ka mit ka chhing vang vang ,Aizawl ah hian chhuk lo ilang chuan ka hun hrehawm paltlang tam tak hi ka paltlang angai lo anga, ka mittui tam zawk pawh hi a luang kherlo ang .

"Ka lo let leh hun lo nghah kha thil harsa ani em ni " ti sup a a rawn tih chuan ka meng nghal vut . Amah ka va en chuan thil ngaihtuah bing zet tih hriat takin hma lam alo melh ngur . " Bawihi ,zanah lehnghal " ti a a rawn sawi leh zeuh chuan ka kut ka hum ruh nghal vak " nghah che maw ? Khang pawikhawihtu melh a min melh tute kiangah khan lo nghak tur che in min duh amaw ?" Ka ti hrep .Hetiang reng reng a thinrim hian kala awm ngailo ! Nghah maw ? Inchhung a ka kawrlum la tur takngial pawha ka pen luh ngamloh laiin engtin nge chutiang thute a sawi theih zawk .




"Bawihi thinrim lo teh ,ka chau ania . I lakah Tluangi nu khan FIR thehluh atum tih I hria em ? " Ka awih theilo ! Ka thiamlohna ni miah lo lehnghal ah engvang ngawtin nge FIR chu thehluh an tum ? Ka nemthlak anilo tih ka hming ka chian tluk zetin ka chiang. "Ka nemthlak anih I ring em ?" a ngaihdan hriat ka duh " apawimawh lo " ti ringawts min chhan chuan ka tliak hnawp ani ber . Min ringlo ! Jo hian min ringlo anih chu !
" Min lo ring miahlo anih hi tiraw ?" Ti sep in ka nui hak a ,ka nuih chhan ber pawh ka hre chuanglo !




" Bawihi chutiangin ka sawi loh kha "

" Aih nang pawh hian min ring miahlo anih kha ,Dr.Tluangi kha ka nem thlakah I ngai ve tho a midang ang tho in ! Nang tal chu ka thusawi ngaithla in min rin kalo beisei asin " ti sepin ka mit ka chhing zui vang vang . Keihian ka beisei sang lutuk mah mah ani mahna. Achangchuan beisei kan neihsan lutuk na lamah kan nat phah thin a ,mahse beiseina kan neihsanna te hi kan nunna mi pawimawh ber ber te anni thin si .Jo hian ka nunah hmun pawimawh tak achan tawh vang nge a thukam khat lek pawn vih ngut ngut ang maia na a min siam thin ?
Angaihsakna leh duatna ten mihlim berah min chantir a ,a pangtilum hian mai in thlamuanna min pek hnu lawkah ka chhungril na vawng vawng tur khawpa na in min siam leh a ! Hnaih zui zel ila thokang leh thei tawhlo tur khawp in ka tlusawp hlen mai angem ? Ka tana khuanu ruatloh chelhin ka beng ka chhu ngawng lui tlat tihna nge tinge midangte anga thlamuang leh hrehawm tello a kan inkar hi abuaichuar bik em em le ?




"Duati " a tih sup chuan ka mit ka meng riai riai a ,kan inluah kawt kanlo thleng der tawh . "Mangtha le " ti sepin kawngka namhawn ka tum a , ka banah rawn chelh nghal thuaiin "ka lo lut ve ang " atih chuan "aih ...keimah chiaha awm ka mamawh " ti a chhangin ka chhukthla nghal vat.Min auh zuina pawh ngaihven zawmlo in step ah ka chhuk thla a .Inchhung ka luh chuan ka nutei alo la meng nangin ," nute ka mu nghal ania " ti thuaiin room ah ka lut tlang nghal thuai.Zawhna chhan leh ka peih hrihlo ,chhum chhah zet in a adelh ang mai iin ka ipik churh a ! Tah vak vak a ka ipikna zawng zawng au chhuah pui vek ka chak takzet. Min delhtu rit zet hi laksawn a,a hma a ka nundan mawlmang ve tak anga nun leh ka duh. Ka rilru peng pakhat erawh chuan Jo taksa kuahbeh chunga hahdam achak takzet thung ! Amah a ka Rinna ka nghah nasat ang chiah hian min ring ve nise tha tur . Keichuan kawng engkim ah athusawi ka ring hmasa phawt thin a ,ka thusawi pakhat chauh atan rin harsa ani thung si .





Darthlalang hmaa ka hmai ka en chu ka nernawk ,ka chal zawn inrin riak chu alang chianglo na in ka hmui zawn pilh erawh alang chiang ngang mai ,ka hmuibul vel pawh tlem chuan avûng ve deuh .Ka ban leh ngawng vel a duk cher chur a ,accident te pawh ka ang zawk mah .Hetiang chuan University pawh ka kalthei kherlo ang .


..............




Ka ph vibrate dar dar chu dan ngaite bawkin ka hmet thim leh hmak a ,nidanga ka awmdan ngai bawkin ka awm zawm leh zat.Karkhat zet chu ka room ah hian tawmin ka kal hlat ber pawh bathroom ani deuh mai.Ka chunga thilthlen dam zawng zawng ka nutei ka hrilh hnuah lainat zetin min enkawl zawm a ,University pawh professor te phalna in chawlh ka dil hrih tawp. Nitin zantin Jo a rawn kal awllo a ,mahse ka room a ka inkalhnan tlat thin vangin ka nute'in a tir haw leh mai zel .Whatsapp leh call thlengin min rawn be awllo, achangleh ka ph ka switchoff phah hial . Nute'in ka ngaihdan min tawmpui a ,Jo hi kalsan hlen turin ka rilru ka siam fel tawh . Tuna ka kalsan lo anih chuan kalsan ka ngaih hun ala awm dawn tho tho . Pawn ka chhuah ngailoh vangin Dr.Tluangi chanchin ka hre lo a FIR an thehlut talo nge police lam pawh an la rawn inlan miahlo . Nileng zankhua in ka khum chu ka hun hmanral na thin ani ta ber .


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 15th, 2022, 6:08 pm

*MANGRAM* ch~11
by~Natasha Hrahsel






"Dari kan hriatloh karin sem exam alo thleng mai ang ,Professor te pawn attedance a tla chu an exam tir duh thinlo asin "

"Karleh lamah ka rawn kal ve tawh ang aw " tiin matei ka chhang a ,vawin chawlhni ania inkhawmlo in min rawn lenchilh deuh tawp.Kan in awmna lai te pawh engtin nge a hriat ni? 'ka rawn inhai kua' ati mai a ! Ani hi chu aduhna ah hi chuan a bengvar anih hi .Jo call kala chhang chuanglo a ,ka lem te dam tawh mahse thinlung lam hian dam zai a rel ve mang silo a .Ka dem na lam nilo in inkawp rem tur kan niin ka hre thei tlat lo. Ani chu arsi eng zet engtik ah mah ka lak phâk ngailoh tur ang hi ani miau si a .
"Jona nen chuan in tluang zel em?" thutak zeta atih chuan ka nui hak a ,tluang zel ila tih chu duhthusam mai ani.



"Ka hrelo ,tunah hrih chuan hunthawl ka mamawh " tiin ka chhang ta zawk.Beidawnsan ka tum tih erawh ka hrilh duhlo ,darkar tam tak ka inngaihtuah hnuah pawh kalsan ka inzuam hleithei lo chu nia ! Ka damchhung atana kalsan hlen turin ka thei takmeuh angem tih ka hrelo ani .
"Inngaihzawn lai chuan buaina han tawk neuh neuh ila induhna tipung tu alawm "ati ve ngei ! Ngaihzawng pakhat pawh ala nei biklo amah pui hian , duh ve deuh inei em tiin han zawt ila 'kan ram alo thlen hun ka nghak' hi ati mai zel ! Tu emaw nghah chu anei ve ngei ani mahna . Angaihdan erawh kan awmdan nen a inperhsan daih thung.Keini inkar chu inrintawnna tello induhna mai ani a ,hetiang phei chu rei adaih tak tak ngailo.Ka nutei ngei pawn min pawmpui viau lo a , 'hun han kal se ,chhungkaw lam thleng pawn kan inmmil lo chhunzawm ang tih ahlauhawm' tiin min hrilh ve ngei a ,a sawidik ka ti viau bawk .




"Bell thil ka sawi anga engtin mah minti suh aw " atih chuan ka lu ka bu nghut a "min tiam phawt rawh" atih leh hap chuan nui chungin "awle" ka ti ve mai bawk .Achang hi chuan ka nau chei deuh tlat thin .

"Ihmaw ,Jona hian hmeichhia nangmah anga duh hi ala nei ngailo .I hre tho anga a tette atang sum leh pai ah harsatna neiloin aseilian a ,amah hualtu hmeichhia te chuan a pocket an duh tel ngei ngei zel.Chuvang tak pawh chu ani mahna nangmah hi athlan che ,nang chu I danglam a .Bakah maw anau laka thil athlen hnu khan hmeichhia tumah inlaichinna asiampui leh tawhlo .Keini phei chuan a kum alo nau zawk zawk tawh silo nen a len tar mai kan hlauhpui zawk a " atih chuan ka melh ngur "engtin nge chung zawng zawng chu ihriat" anau chungchang kha mitam takin an hre dawnlo tih ka chiang.



"Heivang hi lawm engtin mah min ti suh ka tih .Jona nen hian first cousin kan nia lawm " a lu tuai vut vut chunga atih chuan ka mengphar awn awn ! Unau anlo ni reng maw ? "Anih...anih chuan ka awmdan ahriat zung zung theihna chhan kha ..."

"Umm I chanchin hi min thlithlai tir thin lawm ,zep loh chuan vawin pawh hi lo kal ngei ngei turin zing atang kan inah min rawn kal chilh.Khawngaihin thinrim Suh aw ,nangmah hi ka kawm duh vang che ani pah hrim hrim ania.U Jona te hi kan family atang an hrang deuh a ,achhan pawh Nu Zari hi apu ten a tirin an duhlo a ,mizo pure an nihloh vang ania.Putea nen an inneih pawn ka pu chu akal ve lo .U Jona te unau thleng hian a thlahthlam deuh bawk sia ,U Jona phei hi chu kan inah vawihnih chiah alo la pen lut Vawiin nen .Ngaihtuah ve mah la ,nang lehzel in I kalsan chuan amal dawn lutuk sin " a ti takzet tih hriat ngawih ngawih in ka kut chu nghet zetin min chelh tlat a ,thaw hapin "atirah min hrilh mai tur che lawm" ka ti zuai ruih.




Jo te nundan hi ava hahthlak dawn tak ! Hetiang em em a hun harsa han paltlang bik chu ! Mahse...mahse a awm tawh chinah hi chuan engkim afuhlo vel vek tawh .Pangai takin awmdun chho leh ila ka tawrhtheih phakbak a nat hun kala nei leh ngei dawn a ka inhriat na ka la nei tlat.



"Mate tu emaw in ahmu duh che anih hmel ,lo chhuak lawk ta che .Dawrah kava kal lawk ange " tia ka nute'in min auh chuan Matei chu khuma lo awm turin ka ti a ,choka lamah ka chhuah phei chuan ka tumloh deuh mi kava hmu !
"Nu zar! Nang maw " ka mak ti lutuk chu ka thup seng meuhlo .



"Ka rawn tibuai che em ?" atih chuan min tihbuai loh thu in ka chhang vat ."lo thu la ,thingpui I duh em " ka ti nghal zat a

"Thingpui chu ka inhman lo kal leh vat ka duh a ,thil rawn hrilh lawk duh che ka nei a " thutak zeta atih chuan mak takin ka lungphu a phu rang sawt nimai hian ka hria !



"Kan sawi nghal mai anga ,zaklo pawh minti viau maithei.Atir kha chuan ka fapa in a kawppui tur awm mi ahmu ah ngaiin kalo lawm hman em em a ,mahse ka ngaihdan sawhsawn tur thil ka mit ngeiin ka hmu leh a .Ka pehhel thui lo mai ang ,ka fapa hi kalsan turin ka duh che . Bella nula tha tak chu ini ngei mai ,mahse in inkawp hi rem ka tithei lo ani .Kan chhungkaw dinhmun I hre vek a ,ka fanu leh ka pasal damlo bakah kan sumdawnna thlengin buaipui tur kan ngah lutuk a ,chunga pui thei tur chu nei se ka duh a min hrethiam ang tiraw " a tawngka chhuak reng reng chu a dam thlap ,mahse ami den dan erawh ka tum lawk sa mah nise ana em em thung si ! Ka mittui aluan mai lohnan ka dang tang tang ani ber .
"Bella bawihi min hrethiam hram rawh aw ,nu sual tak nih a fate kawppui tur thlansak duh mi ka ni ngai biklo asin .Mahse maw kan dinhmun chu I hriat vek kha ,tilo theilo dinhmunah ka ding si a .Khawngaihin Bawiha hi lo hlat mai rawh aw ,ani chuan I then hmasa lo anih chuan then tumna che anei lo ang .Mahse ka tan tal min tihsak rawh aw " ka kuta vuan chung meuha atih chuan chhan ngaihna pawh ka hre lo . Ka bing mup mup a ,ka thinlung chuan sawiduh tamtak nei mahse ka ka atang engmah achhuak theilo !




Ka kalsan ang nge akut ka chelh leh ang tia ka thinlung a In sual laiin kalsan lo theilo dinhmunah ka ding ta zawk si a ! Tun kumtir mai kha chuan hlim taka nuiin ka chhungte tan sum tlem tal ka thawhchhuah theih inbeiseiin Aizawl kha ka pan a ,rilru na leh kehchhia in ka awm ang tih ngaihna reng ka hrelo .



"Uiii..Pitei chu avan lo mak em em " ka room ka penluh rual chuan Matein alo ti zui vak .
"Tikhan Jo nena kan inkawp theihloh chhan I hre tawh em ? Kalsan ka duh a ,mahse maw ka thinlung hian amamawh tlat a kalsan lo a abula awm a chak takzet .Mahse chelh lui tlat ila engtin nge anu ngeiin a athusawi kha nive ta ang ? Chelh lui tlat ilang anu nen an inkara buaina thlentu mai ka ni dawn si..." Ka beidawnna mittui bawk chu ka biangah alo luang thla leh ngiai ngiai tawh .He mittui hi kalo inhmeh takzet anih hi ! Ka hmalam hunah pawh tam tak ala tlak belh zel hian ania ka rin ni .
'lalpa mittui tam tak min pek bik chhan hi henghi ka tawng dawn tih I hriat lawk vang ani mai long maw ?' tiin ka rilru in ka ngaihtuah rauh rauh .Tunah chuan ka mipa duh em em kalsan ka ngaih zia ka hre chiang tawh a .Nichin lawka kalsan mai pawi tilo tu khan a nawrtu a awm takah chuan ahlau leh em em lawi si ! Jo hi kalo hmangaih reng em ni zawk le ? Tinge ka thinlung chhung hi vih ngut ngut anga anat em em mai le ?




"Engpawhnise bella ,I thuthlukna ka pawmpui ang che. Pitei lo kal thu pawh Jona bulah ka sawi lo ang .Thuthlukna diktak erawh siam ang che aw ,I lamah ka tang reng ania " ka hnung zanga chul hliau hliau chung chuan ati ve sep sep a ,thuthlukna siam thei dinhmunah dingin ka in hre tawhlo .Engtikawng zawng pawhin Jo ka hlat angai tih chauh ani ka hriat ni .
"A pangtilum te ,ami duatna leh ngaihsakna te kha kala kham lo takzet " ka insum theilo ,tunge ka bulah awm pawh ngaihtuah loin ka in sut chhuak hlawp hlawp a zah lam engmah alang thei tawhlo .

..............



"Bawihi" kawngpui ka chhuak chho chiah chu Jo chauh hmel zeta lo ding nen kan in tawk chiah . "Bawihi ,min hrem rei tawh mah mah iti lo em ni ?" A thinlung chhung atanga rawn chhuak ang maia a tawng chuan ka kuah thlawp lohnan ka insum hram hram ani . Hetiang taka chauh hmel hian kala hmu ngailo .Karkhat zet inhmulo in kan awm a ,ahrehawm tih ka phalo .Ka ngai a ,ka thlahlel a ,a taksa a thlamuang zeta bei leh te pawh ka chak mahse a rem tawh silo .
"Jo " ti sepin ka tawlh hnung hreta "inhmu tawhlo ang" ka ti chiah chu harhchhuak thut ang mai hian ka banbul pahnih ah a rawn dawm nghal chawt .


"Aih..nilo duati atheihloh ,Tluangi vang anih chuan ka ring che alawm.I laka thil pawi athlen lohnan mai a ka rin thu che sawi chhuaklo ka ni.Khawngaihin bawihi ,I tello in ka awm theilo ang " ngenngawl zeta min melhna te chuan kei ngei pawh min tina takzet .Kan inkar thu hi kan pahnih buaina chauh nise a fel vek mai tur .
"Jo inkawp tura ruat kan nilo alawm " ka tisep chu ka banbul ahmer ngawt ngawt "chutiang ka ngaipawimawh lo ,enge buaina ineih duati ? Ka hna leh sumdawnna pawh hi ka kalsan vek mai ang " a ti chu ka tahchhuah mai lohnan ka hmui ka pet fan fan ,min dawmna chu ka dahthlak sak a "mangtha le " tisepin taxi lo tlan lai chu ka phar a ,ka Chuang zui nghal vat .Driver chu tlan thuai turin ka ti a ,Side glass atanga Jo ding reng ka hmuh chuan driver pawh zah zo lo in ka hmui ka hup a ,ka mittui aluang nghal zawih zawih.Kalsan lo tura min duhzia te kha ! Ka tan chuan a sumdawnna zawng zawng pawh kalsan a inhuam chu nia ! Mi mawlpa kei aia tha nangmah pui thei tu tur che I phu takzet zawk asin .Kei chu I phurrit mai ka nih hun ala awm thuai awm si a . Kan hringnun diary hi bu khata ziah nise ka va ti em ,mahse bu hran hlak ve ve a ziah ani si .


..........


University ka thlen chuan ka hmai bui chur chungin ka awm ve naw naw a ,professor ten class anlo lak pawn ka ngaihtuah hleithei lo .Ka mitthla ah tukin a Jo awmdan kha alo lang nawn zel a ,hriat loh karin ka mittui alo luang ringawt zel !
Tuna ka awmdan hi ahrehawm takzet ,tuifinriat thuk ber laia tang ang maiin thawk harsa khawpin min hnawh a .Au chhuah vak chak mah ila ka in au thawl zawh pawh ka ring tawhlo .Ka awmzawn na ngut ngut reng hi a dam leh thei ngai anih pawhin hmangaihna khura tlu lut leh tawhlo turin ka venghim tlat tawh ang .Ka thinlungah ban sang tak ka rem anga ,tu mipa mah an lawnliam theih lohna tur khawpa sang ,mipa chak tak pawh in a an vuak thuah theihloh tur khawpa sak in ka siam ngei ang .




"Bella I tha em " Ka hmaa dinga Rcan a rawn tih thut chuan ka phu deuh zawk a ,"sorry " ti sup in ka bulah a rawn thu thla nghal zat ." Ei lo tur te chuan tinge I order kher ?" Tiin dawhkana ka rice plate chu amelh zeuh a ,engmah kala eilo tak anih hi ! Ka fianin ka thai kual vel mai mai tawp. Eichakna hlawl ka neilo ,ka Riltam leh tamloh takngial pawh ka hrelo ! Zingah pawh engmah ka ei silo a , ahma a chaw vawikhat ei pawh nghei theilo kha eilo in kava awm rei thei ta deuh ve .

"Engmah kala eilo I ei duh mai em " ka tih chuan a ner nawng a ,Jo bawk min hriatchhuah tir leh tawh ! Hetiang chuan hmalam pan ka harsat dawn lutuk .Ka zirna ho chawlin kan khuaah ka haw daih mai dawn em ni zawk ?
"Ka ei na ala reilo emai ,kan project tihna hmanrua kan hawh kha banah minva dah pui la " atih chuan ka bu nghut a ,ngawirengin ka bulah athu zui ve ta reng . Class ah pawh thu ila tun dinhmunah chuan engmah ka rilru ah alut tak tak tbei chuanglo ang . Tihian thawveng deuhin venthawn tur neilo in awm ila anuam zawk ang.




Ban hun ah chuan kan bang veleh tho a ,vawin erawh class ka kal mumal loh dam chu pui tak ani ! Hlawkna pakhat mah ka nei lo reng reng ,Rca zuiin kan lehkhabu hawh vel dah let turin zarkawt lamah kan in phur phei leh a ,kei tak phei chuan project kha ka ti ve mang ta silo a rin phak bakin anlo ti tha zui.
"Kan ding rei dawn chuanglo,dah zuai ani mai a bike chu park remlo law law ang aw " atih chuan ka um e liam mai mai .



Kan lehkhabu hawh kan dahlet dawr atanga kan chhuak leh tur chiah chu Jo leh Dr.Tluangi nen kan intawk thut ! Akut ala intuam luk a , a chal ala in bel var vo bawk .Adangah erawh own leh hluam aneilo ani ngei ang ahimdam pial mai .
"Min kalsan I duh chhan chu hepa hi maw !" Awihlo tih hriat zet a ngaihawm taka Jo an atih chuan ka nghing dawt thei ! Dr.Tluangi nen berkher ka hmuhdun vanga ka natbelh tawh tehlul nen ,atawngkam chhuak kha fak chuan min ti na zual ngawih ngawih.

"Chutiang anilo jo" ka ti sep chu nernawk in min kalpel a ,inchhungah an lut zui hmak !




Zawm leh tur ....





#mitthi ina type chu a rem tehduah lo lutuk amaw ,amawi lo bawk sia ti te hi nimai hrih rawh se aw #

"Khapa kha ani em ?" ti sup a ka kianga Rca a rawn din chuan chhang lo in ka hmalam ka thlir reng ringawt a ,ahrehawm ..ahrehawm takzet . Kalsan ka duh a ,nilo lohtheihlohna vangin kalsan ka ngai zawk a .Mahse hmeichhe dang nen ka hmuh chuan ka na leh em em tho si .
"RC khawiah emaw hmun reh deuhah min hruai thei ngem ?" Mahni a awma , au chhuah nghek ka chak .Ka ipikna zawng zawng te hi bunruah vek na tur ka mamawh . Tinge thawklehkhata heti taka ka ipik tak em em ?




"Helai hmun ah hian ka rilru hah changin ka kal thin a " a tih chuan kan awmna vel chu kan hawi kual a ,motor kawng atang a peng deuh a ,bung kung lian zet dingin ral lehlam tlang sang zet zet chhum in a bawm khah vek vanga lang ve riai riai te chuan lung an ti leng reuh lutuk. "Khawilai hmun nge ?" Ti sepin bike atang ka chhuk a ,bung kung zung inzam nuaih karah chuan ka kal phei nghal zat bawk.
"Khawilai hmun nge tih apawimawh lo ,duhtawkin au mahla tuman an hre kherlo ang che .Chuan fimkhur la bung zung vel kha rap pialin kham ah khan I tla ange " a tih chuan thlang lam ka hawi thla vang vang a, Tan tlang ruam te pawh a ang dawn dawn mai ."Hetah hian tla ilang heng ka chhungril natna zawng zawng te hi tlakliam pui vek thei ta ilang " ka ti chu "ngaihtuah pawh ngaihtuah suh" ti hlukin ka bul hnaihah a rawn kal nghal thuai .




"Tunah tak hi chuan maw , vohbik thenkhat anga mihring nunphung te hriatloh hi ka chak takzet asin.Ka taksa him dam viau mahse ka chhungril a dam silo.Achang hi chuan thawk ngaihna thlawt hi ka hre thin lo .Ka mipa duh em em kiangah ka awm theilo a ...tinge ...tinge ka lo pian ve kher le ." Ti sep sep in ka bianga mittui rawn luang thla ngiai ngiai chu ka hru tawk a "ka ngai a ,abula awm a ka mittui min hrukhul sak tu atan ka mamawh takzet tih a inhre ve mang silo a " ti chhuak hrawih in ka mittui dir zur zur khawpin ka tap khur ngawt ngawt.
Tinge Zoremsanga nena intawng tur hian Pathian pawh khian minlo siam kher le ? Intawng tura ruat awmdun tur nisilo dinhmun hrehawm zia hi a hrethiam lo em ni ?




Hmangaih chan natzia hmelhriat ngailo tu hian ka mipa hmangaih em em chan natzia ka hre ta a ,alo na takzet anih hi! He bung zung nghet zet ang hian kan inkar hi nghet ve thei nise tha tur .Hringnun ah hian thu nei ilang chuan pian ve loh ka thlang ngei ang ,anihloh pawn tuisik mai ka nih lai ang chauha awm reng turin .Tichuan na ka hrelo anga ,mittui nen hun ka hman angailo bawk ang .

"Bella Joshua te inah kawi lawk ka ngai sia haw tawh mai ang aw ,bakah Joshua te inah I tha hma zawk ang" khi suk chunga a rawn tih chuan ka aw ve mai a ,ka kiangah ngawirengin a ding ve char char a .Inhmelhriat tha leh thiantha pawh kan nilo ,mahse dawhtheihna nen min nghak fan fan a ,ka tan ahlu takzet .





Aizawl khawchhung kan luh leh meuh chuan tlai dar thum ari tawh a ,ka nutei ka chinchang ka hrilh peihlo ta law law bakah amah pawh tukin ah khan kolasib ah an kal a,a thiannu ICU a awm reng kha a boral a azialo tak tak ani .Haw hma mah ila mahni teh tlawng in ka awm leh rek rek anga ,ka in ngaihtuah lungpuam leh mai mai .
Rca'n Joshua atihte in kan thlen chuan building mawlmang ve zet hian alo ding a ,ahmalamah phei chuan tukverh takngial pawh a awmlo ! Kawngkhar a invuah ve tihloh chu aplain deuh pup .Mahse pangpar zam chi a zam thung a lehlam kawng takin a lang changkang ve reuh ngei mai .Aizawl ah hi chuan compound zau neiin a awm theihloh Jo te anga hausa ini te anih ngawt loh chuan .Hepa hi engtin nge ka rilru leh ngaihtuahna atang hian ka paih chhuah theih ang ?




"Nu jubi , Joshua a kan lo tlawh dawn a " inchhung kan luh rual chuan Rcan a ti vei sup a ,Nu jubi tia akoh lah chu nu thau lam mah sam kir bial vek hi alo nia thim zingah hmu thut ilang chuan ka hlau ngei ang .

"E lo thu ru Rc kha i va thing tha ve " kan pahnih chuan inngaizawng emaw min ti ani ngei ang .Rca lah chuan engtin mah achhang bawk silo nen ka ngawi ve tawp.
"Joshua Ramnghinglo rawn chhuak teh ,Rca alo kal .I nau pawh chawpek ahun tawh.Room ah tawm reng ringawt mai " a awrawl chu a ring tha na ngang mai ! Nu vin chi ani ve hrim hrim anih dawn hi .



"Amak e nu ,kan vawkpui khu 'i nau' ti ziah suh mi hriatah phei chuan ka zak ve thei " room atang tlangval pakhat cher sang zet in a rawn ti chhuak bui bui.
"I nau ka tih i duhloh leh i pa kan tia nga nimai lawm ,phun reng mai i thianpa ang tal hian laktlak ve deuh teh." Nu jubi chuan ang hlak hlak chungin thingpui ka duh leh duhloh min zawt pah a ka lu kalo thing nawk nawk .




"Ninawm ,chaw pawh min pek pui peih hlawm mang silo .Rc lo thu ru ,vawk chaw ka zu pe lawk ange " tiin a chhuak zui a , amah a pan thler mai bawk si nen tawnzau var lian zet a hak chuan a ti lang buai ka ti dawn nge ati tawphnawk..
"Tikhan vawkte a rawn pawm haw ringawt a ,a in tur pawh apan a sa chawp chuk chuk alawn.Tunge mawni ruihhlo khawih thin in apawisa alo bat sak a ,an in rul leh theilo in a pawisa puktu te vawk a rawn pawm haw ve ringawt a ! Min ti buai leh lutuk mai " chawhmeh then mawlh mawlh pah chuan nu Jubi a ang hlak hlak reng .Inthlahrung zetin kil khatah kan thu ngawi reng ringawt.




Joshua te inah darkar khat dawn kan thut hnuah kan inluah lam panin min phur chhuak leh a ,nutei awm dawnlo nen haw ka huphurh takzet.Tunah hrih hi chuan ka in ngaihtuah ngut ngut loh nan ka kianga awm tur ka mamawh tawh zawk.Ka theih chin chin ah Jo hi pehhel zel ila ,tichuan zawi zawi in ka thrihnghilh ve thei mahna le .
Kan nuna ahmasa ber hi kan theihnghilh. Thei ngailo an ti thin a ,keichuan theihnghilh lo a amah hrereng chunga hmalam pan chauh lo chu ka theiin ka ring tawhlo .Damdawi ang maiin a ngawl ka vei a ,a mi tawhna te nen lam ka taksa hian ngaiah alo nei tawh nen ,ka tan chuan theihnghilh tum chu hun khawhral na mai anih ka ring .





"Apawilo bella " bike atanga ka chhukthla chiah Rca rawn tawng dan chuan minti bangbo hle "maw" ti sepin kalsawn mai lo in ka ding leh ren rawn phawt .A helmet fullface khum la thla te te in thutak hmel zetin min en a " i bialpa kalsan nan a hmanrua i mamawh te anih chuan ka awm reng a ,ka pui bawk ang che "


"Ka lawm viau na a angai tawh kherlo ang" tiin ka chhang a ,ka mipa duh em em kalsan ka duh vang chauhin ka mihring pui ka hmangtangkai theilo ang.Chutia ka ti chu ahmel a ngui deuh riau in ka hria ! Ka hriatsual pawh ani zawk maithei bawk."Mangtha aw " ti sepin leng lut tur pawn ka sawm duh ta chuang lo. A tlai tawh bakah mipa hi hnaih tam lutuk tawh lo ila ,ka va ngaixawng leh kher dawn e tihna phei chu ani hran lo ,mahse palh thut thilah ka inven ve angai tawh.Hmeichhe dang anga chak tha leh huaisen ni ve ilang chuan mite angin awlsam takin ka paltlang ve mai thei tur .




"Engthil ! "

"shhh..mi hma a hmuhnawm siam i duh ka ringlo bawihi " step ka zawh thui hmanlo ,khawi kil atang emaw Jo a rawn lang thut anih chu !
"Sawidun tur kan nei tawhlo ,haw rawh "


"Haw rawh ! Hrep a " ti hlukin ka banrek ah vuanin min kai chho nghal hlawk hlawk "Enge maw i hriat le Jo min thlah teh" ka thusawi chu hrelo ang hmiah a awmin apen zui pawk pawk anih chu! Ka dinhmun ngaihtuah leklo in apen hmawj hmawk a ,ka ban reka ahmerna lah chu sa hut hut khawpin ahmer nghet .

"Isabella ka sawi nawn tawh lo ang ,motor chhungah hian lut rawh .Tihluihna ka hman kher i duh em " a aw vin hluk leh rapthlak zet vang chuan ka tim chawih mai ! Hetiang hian minla be chhin ngai hauhlo .
Lut duhlo a kalsawn mai ka tum chu thaw ri hrawkin min nemlut nghal rawk rawk .Pawn lam atang kawngkhar a rawn kalh deuh hmak bawk a ! Tinge..tinge hetia a awm leh tlat thin le ? Kalsan ka tan a harsat zia hi min hriatpui ve se ,ka hma a alo inlan fo te chuan engtin nge hmalam ka pan ve theih anga ?




"kawngkhar hi hawng rawh" motor chhung a rawn luh rual chuan kalo ti hlar a ,ka thusawi hrelo ang hmakin motor a ti nung nghal hmak anih chu!
"Ka sawi chu motor .."

"No.. Bella i hah thlawn mai ani " ti nghutin abak engmah a sawi zawm tawhlo .Tah chhuak tunin ka thutna ah ka thu tawp ringawt ,a mitmeng hi ka hrethiam lo ! Zu rim nam hauh silo in a meng sen rum a ,ruih nei harhfim lo a ang bawk si .



"Ka duhlo ..,min thlah rawh " ama puala a in ah ahnuh in min hnuk lut ani ber ,min vawnna ka ban leh taksa te chu a duk chur thei ang tih tur khawpin dimna tel hauhlo in min vuan a ,ani ang ka let dawna lian chu hneh ngaihna a awm silo .
Inchung panchhohna step a min pawh chhoh lai te chuan ka mangang takzet tawh.Harhfim a che chu nise ka hlauhna azia deuh tur ,mahse harhfim a awm a ang mawlh silo..



"Enge maw i hriat le " khuma min thehkai rual chuan ka ti zui tuarh .Ka mangang bawk si nen ka tawng tha hleithei lo zawk

"Enge ka hriat maw? Huh! Nang hian eng angin nge min ngaih zawk ? Enge i duh chiah ? Sum maw nge sex..! Huh khapa phiangsen vang khan maw min kalsan .A tha lawm ,a pek theih aia tam daih ka pe thei che lawm " atih chuan ka hmui pet fan fanin ka tah chhuah mai lohnan ka melh ngawr ngawr.Chutiang hmeichhia ah chuan maw minlo ngaih a!
"Khatin pawisawiloh hmel tak khan min melh lo teh bawihi " ner nawng chuan ati vei sup a , ka tuar thei tawh thlawtlo. Thawhkan tum a ka tho uaih tawh chu khumah min bawhthla leh nghal thlawp! Ka talchhuah theih loh nan min delh bet tlat bawk.
"Engzah chiah in nge i inphal a ? Huh ! An pek theih aia tam ka pe thei che " ti hrawkin ka kawrawm chu atham deuh tawk a ,duhlo a ka tal chu ngaitheilo zetin ka ban pahnih mankawpin a chelhbet hmiah .
"Mawh..bawihi ,enge kei aia athat na " ti supin ahmuia ka nghawng anul kual chuan ka tapchhuak hawk.A thil tihlai tawp chutin min en vung vung a ,ka ban vawnna athlah rual chuan ka hmai hupin ka inhnit zui mawvu chung chuan a awmah min bei tir thlawp a " ka haw lutuk che " ti tiau in ka insut zui hlawp hlawp.




"shhh...ka tihpalh ,ka tihpalh takzet " ti thawp sapin ka chhipah ahmui anawr vang vang a "i ngaih ang hmeichhia kha ka nilo asin "


"Ka hria..ka hria ,hmeichhe rilru tha leh famkim lutuk hi engtin nge ka tih nat theih zawk ?" Ti supin ka hnunhzâng a chul zui hliau hliau "ka nuna i pawimawh zia hi i in hre kherlo ang bawihi ,mahse i tello chuan ka taksa hi mitthi taksa nen a danglam lo asin ." ti a phun sep sep in ka chhipah ahmui anawr leh vang vang thin a ,ka la insut ri leh hraih thin.
"Khawngaihin i tello a thawk harsa ti em em thin hi min kalsan tum tawh suh "













# ka harsatma fb lama ka sawi chung pawh a minla rawn hau tawk tawk te in awm a !😄 apawilo ah ngai mai ang .Api ICU ah a awm nen rilru nuamlo lutuk a awm lai chuan story lo type zut zut kha a har ve bawk em ani. Kan chan mai dawn emaw tia kanlo indawmkun laiin ziawm lam apan ve leh thut a ,chuti nilo se ka rawn zawm kherlo ang .A dinhmun athat chhoh zel chuan zawm kher loin christmas hma a a zawh hman nan zanin ch thar in kan dah ziah tawh mai dawn nia ,min haw tute pawh khan lo chhiar ve leh tho ru aw 😂 #
Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 15th, 2022, 6:08 pm

*MANGRAM* ch~12
By~Natasha Hrahsel




"Duati " ti supin min kuah nghet zual sauh a , "thil awmzia i hrelo ani jo " ti hapin ka thaw chhuak hak. Inbeng kang deuhin ka mittui luan na vanga ka biang huh deuh hlap chu akutin a tuai thuak a "kan inkar tichhe tur thil anih phawt chuan ka hre duhlo .Bawihi ka kianga i awm phawt chuan engkim ka paltlang thei vek ang" ti tu chu hnuk ulh tunin ka en a ,kan inkawp arem loh chhan hi amah hringtunu ngei ani tih ka hrilh ngawt thei silo .
Lo hrilh ta ang pawh ni ila anu nen an inkar ah buaina ka siam ani ringawt dawn a ,an hun tawn mek nen chu zawng ka remti thei bawk silo.Ka dinhmun khirhkhan lutuk hi ka va kham tak em .




"Jo kan intawn hma ang khan awm leh zawk ang." Amit a en ngamlo chuan ka ti chhuak sep a ,a mit ah ka en ngamlo .Ka mipa hmangaih ber tina tu ka nih ka inring ngailo asin .
"No bawihi ,ka mita en chungin inthen i dih tih sawi rawh " atih nghut chuan ka beidawng takzet tawh.
"Aih..ka duhlo ka duhlo alawm ..i hria em kalsan hlen tur che a ka inngaihtuah rikngawt pawh hian ka awm zawn hi ana lutuk asin.Ka tan hian a awlsam bik i ring em ni ? Mawh ...he lei ah chuan inkawp thei kan ni miau silo a ,ka tan pawh hian a harsa ve asin "



"atawk..atawk " ti supin a awmah min bei tir a "sawi tawh suh ,ka ta nila atawk mai.Abak chu ka buaipui vek thei" ti thawp sapin ka chhip ah a hmui anawr vang vang .

Ka kalsan theilo ,ka thei thlawt lo .Ka tum a ,ka bei ve a mahse ka hlawhchham zel si! Ka na a ,ka tap a ,thawk harsa khawpa ka ngaih em em mipa hi awlsam taka ka ta nithei ni ve mai se tha tur.Kan inkar hi thu a sawifel mai theih nise ka va ti em .Kan hma hun ngaihtuah loin he mipa hi ka chelh lui tlat mai zawk dawn em ni? Ka theih tawp chhuahin kalsan tumin ka bei ve tawh ani lawm ni? Ka hlawhtling thei silo mahni hmasialna mah nise tinge ka thinlung duhdan chu ka zawm mai loh ang? Miten min dem dawn mahse ka hmangaih kiangah tal kala awm thei dawn tal alawm le .




"Vawin a Dr.Tluangi nen ka hmuh cheu khan ka nat zia i hria em " kan ngawihdun vang vang hnu chuan ka ti a ,Dr.Tluangi nen berkher ka hmu dun kha chu ka kehchhe lo chauh ani ber .
"Khapa sawisak ka chak zia kha i hrethiam phak kherlo ang " tia min chhan chuan Rca a sawina ani tih ka hrethiam nghal ." kan bul hnaia awmte zah zo loin kut ka thlak hnan tep a ,in kal hnu lawk khan ka umzui nghal bawk che u. Tluangi nen erawh kawngah kan intawk chawp chauh." Atih chuan ka ringhlel chhin eihlo.Amah ah rinna ka nghah nasat lutuk vang pawh ani mahna ,aka atanga chhuak reng reng hi ka awih vek mai zel!




Ka pum zawn a chul lai a ka kaw ruak lutuk a rawn rik rak rak chuan a nui hak ,ka zak lutuk chu ka then chiam ringawt . "bawihi" nuih insum zeta a tih chuan "enge ..? Nimin tlai atang engmah kala ei hleinem " ka lo ti vak .Nimin tlai atang tuisik bak ka kawchhungah ala lut miahlo tak tak ,bakah vawin tlai thleng kha chuan engmah eichak ka nek tlatlo .Tunah berkher engemaw ka pum pawh a rawn rik ni ? Hunlo lutuk ..

"God! Duati chaw eiloh mai mai hi ching thin teh suh " ti hlukin a tho thut a ,ka mit ko ti sang euhin ka melh rulh rulh ..
"C'mon tho rawh le , i pumpui tereuh kha a mamawh zu pe ang le " ti in dim zetin min kaitho a , enge maw ka hriat pek ni "min pua la " ka ti tlat pek ,khisuk chunga lu thing nghutin inhnuai lamah min paw thla ve mai bawk .
Kitchen table ah chuan min thut tir a ke then lauh lauh a spicy noodles ka ei chak thu ka hrilh chuan min melh rum teh e ! Mihring hi vaibuh ring chauhin kan nung lo tih ahrelo emawni? "Ka eichak tak tak ,inah min hruai haw zawk mai rawh bawm khat kawlsa kala nei " ka ti chu "nope" ti duh chauhin " chu aia tui chu ka siam ang che " a ti vei hlut.


"Spicy noodles ka ei theih dawn loh ai chuan inthen mai ang " ti hmakin ka tum thla tharh a ,chhuat ka rap hman pawhin ka hre lo ,dawhkan ah bawk chuan min hlang kang leh zui nawlh anih chu ! A che rang lutuk a chhuat ka rap hman pawhin ka hrelo .
"Fine " ti hlukin chhuar pakhat chu ahawng a spicy noodles alo inrem dul ! A eive ngai lawh ka hre silo ,nilo a eive ngai hauhlo zawk .Taksa tana thalo leh thau pai tam reng reng a ei ngailo hrim hrin tih ka chiang . "Tinge i van kawl hnem em em " mak ti zet a ka ti chu " kan inthen loh nan ka lei khawl anih hi " nui duh hauhlo a min chhan chuan ka melh rum ngang mai.Keichuan fiamthu in ka sawi a ani ve chu nuih pawh nuilo in asawi.
Ka spicy noodles eitur a siam a ,soup rimtui zetin a siam tel hram. A soup siam bowl khat ka hawp zawh hma chu ei a phallo bur lehnghal ! Phun nuah nuah in ka ei ve tho ,a la tui em em zui a .Eisiam thlengin a thiam chu nia ! Lalperfect a hi ani tawp.




"i ei ve duh em ?" Si hluam hluam chunga ka tih chuan alu alo thing nghut .Dawhkan ah akiu nghatin hmuhnawm min tih hmel zetin ka thil eilai min en reng ringawt. Ka period dawn ani mahna thak ka chak dan em em hi pui tak ani.Hmeichhe dang te chuan an period dawnin theithur emaw ,thil thlum lam an ei chak thin a ,keive chu thil thak deuh deuh hlir ka ei chak ziah !
"I ei ve chak ami ?" A chil lem khawlh lai ka hmuh chuan ka ti a ,min en dauh dauh reng bawk sia anuam viaulo . "heihi ka chak zawk "
"Hey .." Ka sawi zo hmanlo ,ka hmui ah a rawn fawp nghal thut ! Min thlah rual chuan a khuh zui bawrh bawrh nghal .
"I..itha em ?" min chhang loin a tho lawk a ,fridge a tui vawt la chhuak in a in nghal khawlh khawlh. Khatiang lek te chu athak tham pawh ka rinloh nen wash basin ah ahnai a phih zui nghal zat bawk a , hmarcha ah allergy anei ani ngei ang .Ka u pawh hi hmarcha themte pawh eise ataksa hi kang sa hut hut ang hian a awm thin .Mi spicy noodles ei laia faeh thut thatloh zia experience hmasa ber tu ani ngei ang le .



In a min thlah let meuh chuan dar sawm ari hnai tawh.Kan inluah pawh alo thim ngang mai .Tumah an awmlo tih hriat zetin ala inkalh thlap a ka nutei chu lo haw na tur ahmu talo ani ngei ang .Aizawl ka chhukhlim atang kan inzui deuh chawt a , a awmloh hi chuan ka ngai ve vawng vawng thin ta mai .Ani lah bungrua la a zan khat han awmloh zeuh a ching a ,mahni te in khawhar deuhin ka awm ve rak rak zel .
Keimahni hrim hrim hian chhungkua han belh tur kan ngah hranlo hrim hrim.Bakah ka pa unaute lam phei chu kan hnaih lo lehzual viau , an awmthei thawkhat hlawm ka ti dawn nge midang hi an ngai lutuk hlawmlo . Chhiatni thatni khua ah lo chuan kan in tlawh pawh khat viau .Ka nute lam lah pawh viau tham an awm tawhlo bawk nen ,ka nutei hi ani deuh tawp .Inpui luahin ka putea te chhung an awm a chu zawng chu ani deuh mai.Keini ang lo takin Jo te erawh an thahnem viau tih Matei sawi ka hre tawh. Chutih rualin keini ang tho in an pawh em em bik lo ve tho a ,helam kawngah chuan kan in ang viau in ka hria .




Step a ka chhuk tur chu min en deuh vang vang a , min kalsan huphurh hmel deuha a awm hian hrehawn ka ti thin . Kei in kalo thlahlel ve leh zel bawk si nen kawngsual kan zawh mai ang tih hlauin ka sawm duhlo zawk.
"Bawihi "
"Aih.." Ka ti chu ner nungin min melh a "khatin 'kalo riak ve mai ang', tih melh khan min melh suh .Jo nupa pawh kan nisilo a riahdun fo hi athalo lawm " ka ti nghal tawl .Tunlai ah phei chuan fimkhur angai tawh ,bang te hian beng mai nilo in mit thlengin an nei tawh .Thil ho te vang ringawt pawn a hmingchhiat duai theih tawh .




"Ok..i mumangah min hmu ang che " ti supin ka chhipah ahmui a nawr vang vang a "lut rawh le kalo en ang che " a tih sup chuan bu nghutin kawngkhar ka hawng a , ka kut vai thuakin ka chelh zui mai lohnan kawngkhar ka khar zui thuai .

Inbual leh te te in ka sam te ka chhem ro tir leh te te a ,mu tura ka inpeih fel meuh chuan dar sawmpahnih ari tep tawh.Zing lamah thawh hma ka ngai leh ngei dawn sia ,duh hun hun a thawh theih hun te hi ni tawh se .
Ka mut hma a Jo status ka en zuai chuan ka hre thiamlo hle 'wish we could' tih tr mai hi ka thlalak dahin caption ah alo hmang a .Question mark thawn tuarh in ka ph ka dah zui hmiah.





Jonathan pov.

Bawihi te in atanga ka inkhalh let leh hnu chuan ka zang huai tawhin ka hria ! Mipa ah pawh pa ve tak a inngai hi bawihi tello a kalo pa theihloh zia ni tlemte chhungin ka in hrechhuak a ,tunah chuan lung lian tak min delh rit tu lakkiang ang hlauh ka ni tawh ! Khang ni tlemte chhung kha kum dawn a rei ani ,ataksa khawih theilo leh anui hmel duhawm zet hmu theilo a awmleh ai chuan thlanlunga ka hming ziah tir ka hnial hauh lo ang le .
Tawnhriat ala neilo tih hriat zeta bangbo zeta a che thin te ,naupang chhia ang mai a atawng ve siam siam te kha hmuh hrehawm tak ani hauhlo .Sawi awm leh awmlo pawh hrelo a ati ti ve siam siam te kha mi tawngtam ngaina ngailo tu hian ka ngaithla ning thinlo ! Engtikah tak ka inchhungah pu haw ve thei ang i maw ? Ka nghak rei tawh hauhlo ang ,eng tu kawng zawng pawhin nupui a ka siam angai ani .Hun reilo te pawh ataksa si lo a awm hrehawm ka tih zia hi sawi ngaihna ka hrelo zawk ! Hetiang taka Zoremsanga thlak danglam theitu hneichhe tereuhte siam tu hi lawmthu sawina lehkha mawi pek hial ka duh takzet ....



" Bawiha ka be lawk duh che a " inchhung ka luh ruala ka nu in alo tih chuan ka pan nghak thuai.Tunah chuan ka pa pawh ahma la tluk chiahlo mahse a damlo ani tih hriat theihloh khawpin atha tawh a ,a cancer erawh tihdam theih anih tawh miau loh avangin phai lamah pawh tihngaihna a awm tawhlo .A dam leh mai thei tura kan ngaih kha tunhnai lawkah cancer tumor a insiam leh tih kan hrechhuak a , mahsela ahun taka kan enkawl zel thei anih chuan a taksa in na tuar lutuk lo in apalzut ve thei mai dawn .




"Bawiha ,i naupang chhe zawk zawk tawh lo a .Ramases hi kan hlimpui lo tihna nilo in i fa ngei pawm ve kan chak tawh a " ka nun a tih chuan ka khi deuh suk .Bawihin thei leh theilo a ka fa ngei apum a apai puar ve lah tur ka ngaihtuah na ah alo lang nghal zat..
"Reilo te chiah angai tawh ang nu " bawihin a inpeih veleh ka nei nghal ang , a zirlai te chu inneih hnu lamah a zawm thei alawm le



"Bawiha ...englo ania ,nangmah tanpui thei tur leh kan chhungkaw tan pawh a tha ber tur chu Dr.Tluangi niin ka hria ,ani pawn neih che ahnial hauhlo "
"Nilo ka nu ,Bawihi lo chu neih tumna ka nei hauhlo .Chuan ka duhdan min zahsak ngei ka phut bawk" ti supin ka thutna atang ka tho zui nghal ,bawihi lo modang nupui a neih maw ! Huh teuhlo lutuk.

"Khanu vang khan min hnial dawn amaw ,mitha anilo asin .Chuan tunah hian itih ngailoh avawikhat nan min hnial phah bawk a !"
"Vawikhatmah i thu kala hnial ngailoh vang tak chuan ka duhdan min zahsak ngei ka beisei " ti hlukin ka room lam ka pan ding hmiah.Enge a sawi zui ka bengkhawn hauhlo .Dr.Tluangi nupui a neih maw ? A thleng ngailo ang .Bawihi hrehawm taka asiamm dan zawng zawng te kha ka theihnghilh hauhlo.Min bum thei a in ngaiin an nufa in dawt anlo phuah chawp a ! Engtin nge an ngam zawk ?




Flashback ...



" bawihte...ana viau em ? "
"Ka duh aiin ka na ,mahse Zo an Isabella ahuat phah tho alawm " an tawng thawm chu ngaithla in ka kut ka hum ruh nghek . bawihi nemthlak vang ni hauhlo in an nufa ruahmanna vek maw lo ni a ! .


"Tawng zawi deuh rawh ,miin an hria ange . I nu zari pawn Isabella ahmuhdan adang deuh tawh ang chu .Vaithlah mai mai lehnghal an inchhung ah thuneih alo tum ve phet te saw ka ning riau mai .Zo a nen in ineih hunah chuan inhrang chanpui ah sawm thuai ang che ,saw inah saw chuan nuamsa in i awm theilo hrim hrim "

"Keipawh anau fa thlenga enkawl pui ka peih teuhlo mai .Nu Isabella hian Zoa hi rawn la hel leh ta se , nizan a ka awmdan kha lemchan vek ani tih Zoa hian hre tase " cabin chhunga ka luh mai lohnan ka insum hram hram.Ka lut anih vaih chuan hmeichhia an ni tih ngaihtuah lo in kut ka thlak duh hial ang .Engtin nge bawihi dawt hmanga an hek ngam zawk ? Huh tenawm lutuk.


End of flashback .




Inbual thuakin hna khawih ngai awm te ka khawih thuak a , bawihi erawh amut tawh ringin call loin status ka up ta zawk.Kum hial a vei tawh ngei ang status ka up loh na hi ! Whatsapp hmanga mi biak peihlo ber hian bawihi vang chauhin ka khawih hnem ta viau bawk.Ka tihtheih zawng zawng pawh hi ti ilang kei hian kala phu chuang hauhlo ang .










Zawmna.......




Isabella pov.



Peihlo zetin ka tho chhuak tham tham a , mahni te a ei tur insiam ai chuan tiin University a ei tum law law in ka che hmanhmawh viau lo . Nutei hi awm lo phei se chu tukthuan hi mumal in ka ei ka ring lo .Bathroom ka lut dawn chiah a kawngkhar kik thawm ka hriat chuan ka bathrobe kan ha leh rih a ,inbual ka tum vangin underwear nen chiah kalo awm nen tu tak ni ang maw zing kar kar ah !

"Tu..nang hetah maw !" Mak ti zet chuan ka ti deuh hluai .
" Min hmu chu I hlim viau nange " thle buk a ti chungin a nui zui suk a "chutiang pawh anilo ,ka hmu deuh thut che sia .I van lo kal hma reng reng ve " aluh nan a dingsawn deuh pah chuan ka ti sap a , rinloh deuh hian min thawng dawt dawt zel mai zawng anih hi maw ! ....




" Inbual kalo tum chiah a " lai ang reng zet chuan ka ti ban charh . "Kala inbual bik hauhlo" mitmeng chimawm zeta min melh chunga atih thawp sap chuan ka melh nghek .
"Tukthuan tur ka buatsaih chhungin lo va inbual la " thutak deuh zawka a tih tak ah chuan ka bu ve nghut a ,a thil khai kan melh zeuh chu "bawngsa ..I ei thei em " alo ti nghal zeuh.
" University a ei mai kalo tum a , I siam thiam phawt chuan a eilam chu ka thei viau mai " khi vur vur chung chuan ka ti deuh hluai .Sa ka ngaina lo viau chungin Jo siam anih phawt chuan dul hmul kawh lah pawn ka ei thei ang ,mahse dul hmul erawh ka nei tak tak lo .
"Ok ...I tihtur va ti thuai la ,I rei viau chuan ka rawn zawm hreh hauhlo che tih hre reng la" mit siai suk a atih chuan lei chhuah vakin bathroom lam ka pan hna hna . Bathroom ka luh dawn chuan kan melh leh zeuh kher a , kamiz pawlduk zet a inbel chu a ban chanve ah athlep chho a , hmeichhia ten ' pa ' kan tih tur awm ang chi hi chu amah ah hian akim vek maiin ka hria .




Athusawi ngaihtuah chungin rang mangkhengin ka inbual a ,sahbawn te chu ka tawk da da ang vel chauh ani .Nizan ah ka inbual tawh tho a ka bal tak tak chuanglo a pawilo turah ngai ang . Ka lu pawh ka su duhlo law law ,nileng a kal chhuah hi chuan motor khu leh boruak khu vel vangin abal leh hman vek zel tho .
Bathroom a ka body lotion dah in chulh thuak thuak in ka bathrobe bawk ka ha leh a ,inthlak turin ka chhuak zui nghal .Bathroom atang ka chhuak chiah chu Jo thilsiam rim in ka hnar a verh nghal zar ! Hotel vel leh electronics mai nilo restaurant te hi hawng se a hlawk lehzual ngawt ang .Mipa ve si hetiang em em a ei han siam thiam mai chuh! Amah hmu kher lo a athilsiam ei nita ilang Transgender ani ti se ka awih em em ang ka ring .



"Bawihi va inha phawt la ,I duhtawkin min la thlir zawk dawn nia " thle buk chunga a rawn tih chuan harhchhuak vatin ka lo thlir reng tih ka in hre chiah . " I bathrobe tello pawh khan dawhkan rawn kil nila ka hnial lo khawp mai " a chimawm dan em em hi chu aw !! Hmanhmawh zet bawk chuan room ah ka lut leh thuai .
Inthlak buai leh ka peihloh vang chuan ka insiam nghal law law a ,kawrfual hak nuam zet ka khup khuh hnak inbelin sandal tlema kang ve det ka kawrfual hak mihring rawng ang chiah chu ka bun leh a ,ka sam ah hair serum chulh thuakin suncreen ka hmaiah ka inbel leh a ka zo nghal der .Kawrfual vel hi chu sam thlah tawp ila a inrem ber hian ka hre mai . Ka sam kawi chiat vang hian han tihdanglam dan tur ka hre em em chuanglo bawk a ka awlsam ve viau chuan ka inhria .




"Enge ka an " room atanga ka chhuah rual chuan ka ti sep a ,a apron hren a phelh lai chawl meuhin min en vung vung ! "Tinge analh lo em ni?" Inbih thuak chuan ka ti a ,min melh vung vung bawk sia awm ati nuamlo .

"University kal ka remti angem tih ka ngaihtuah mek " a tih nghut chuan ka thaw deuh huai thei .' I thing lutuk va inthlak leh rawh ' ati ang tih ka hlauh hman zia kha .Mahse Jo hi chutiang ngaihtuah mi ani pawn ka hre chiah lo .Engpawh inbel ila asawisel ka ring lo .




"Lo kal rawh le " atih chuan chair pawtchhuak in ka thu nghal tharh a,dawhkan a bawngsa fry ,salad bakah soup lo inchhawp te chu enin ka chil a put lo chauh .Engtin nge henghi a siam hman vek zawk le ? "Bawihi bowl hi " atih chuan ka tho vat a , chhuar atang bowl leh plate kala chhuak nghal zat.Chaw kan chhum mang silo a tihian kan ei dawn tihna ani mai .Jo te chhung hi ei in lamah an awlsam viau in ka hria .Tum khat an awmpui pakhat thusawi ka hriat danin zinglamah chaw an eirual ngai meuhlo a ,tlai lamah erawh an eirual deuh ziah .Tin mizo in chaw kan ei pangai ang hi an ei ve em em lo a , keinin chawhmeh kan chhawp duah thin ang hian an ti ve ngai meuhlo ! Western style deuhin sa anih chuan salad nen an ei deuh tlawng zel .Jo nu vang te pawh ani mahna ,Mizoram a awmngailo leh mizo nunphung tem ngailo anih vangin an inchhung ah chuan Zo deuhin an che ngai viaulo .
Nu zari sawi takah chuan engtiang takin min ngai ang maw ? Zaktheilo min ti ang nge tawngkam na tak tak in min tawngkhum zawk ang le ? Engpawh nise tun hun chiah hi ngaihtuah ka duh hrih.



"Jo " tisepin ka ngawi leh vung vung a ,anu chungchang hi ka hrilh mai dawn em mawni le ? Mahse an nufa inkar chawkbuai tu nih ka duh bawk silo .
"Sawi rawh bawihi " a thil eilai chawl meuh a min en chuan sawi loh mai tha a hria in "engmah anilo " ka ti ta zawk .Jo bulah hian anu min tihdan kha sawi ilang ka thlavang ahauh ngei dawn tih ka chiang .Mahsela an nufa inkar boruak erawh chiang takin ati chhe tu ka ni dawn tih ka inhria .Chuvang taka sawi duhlo pawh ka ni . Engtin pawn min ti dawn mahse Jo kianga awm ka thlang tawh a ,ka tuar ve tawh mai aniang chu .Kan duh kan hmuh theih nan chuan tawrh leh chân pawh kan inhuam tur ania lawm .




Engemaw duh kan neih te hian awlsam taka neih mai kan duh thin a ,mizo te zia pakhat niin ka hria .Nitin kan ei khawpin chaw min pe ang che ti chunga Nitin eikhawp pawh khamkhawp lo mihring kan nih vang hian kawngsual kan zawh fo a ,Pathian pawh hian achang chuan min ensan mai achak ve ut ut hian ka ring thin . Nuaih za chuan kawl reng chunga mirethei pakhat pawh tanpui duhlo ,neihbelh zel duh vanga mitdel hi mi engzat tak awm ang maw ?' Aizawl a in ding zawng zawng zinga azatve tal hi sum thianghlim hmanga sak ani' tia sawi dawt ngam kan awm tawh kherin ka ringlo . Politics ruihchilh a kan ram ruihchilh leh peih tak tak silo ram hruaitu lah kan ngah! Tuna kan minister te zingah hian an thuneihna hmanga tum khat mah an hmelhriat thate hna la pelo an awm angem ? Chung vel inlum let kual mai mai na rama reilote chhung hrehawm lo tawrh ve chu a awm viau zawk ang chu .





"Zanhnih riakin hna thilah zin chhuah leh lawk ka ngai dawn a duati" motor a din dawt rual chuan a rawn ti sup a .A huphurh hmel leh min kalsan a hreh lutuk hmel chu ka khawngaih zawk . Duh tih hriat ngawih ngawih in min melh a , lo nui heuh heuh in " ka ngai ngawt ang che " ka ti vei sup . Darkar reilo te chhung pawh a ka thlakhlelh em em reng mai nihnih ngawt hmulo a awm chu ka huphurh lawk takzet. Mahse kei hetia kalo awm veleh zel chuan atan phurrit ka siamsak mai mai zawk .


"Min zui ve mai ta che " thaw chhuak deuh hap a atih chuan ka nuih hak .
"Ka theilo tih I hriat kha , mahse ka ngai ngawt ang che " ti sepin ka seat belt hren chu ka vuan ngawt ngawt. Ka nu leh pa te ngei pawh hetiang em em hian ka thlahlel ngailo asin ! Tinge Jo hi ka thlakhlelh em em le ?
"Lo kal teh " ti supin ka seatbelt hren a rawn hmet phelh zeuh a ,amal chungah min pawtkai nghal zat . "In then hrang ngai reng hi ka kham takzet " ti nghutin ka hmui a rawn nul thuak a, achal a ka chal sik tirin a maimitchhing deuh vang vang a ,min duat tih hriat ngawih ngawih khawpin min melh leh ngawih ngawih .


"Ka awmna hmun apianga ka pawm kual theih nan che ui note tiat lek nila tha tur " atih sup chuan ka nui hak a ,amah pawh athen ve suk tho .Te intih tawh sa nen ui note tiat lek nih te chu ka duhlo nasa ni .
"Enge minlo hawn ang aw .." kan boruak nguai zet thlak tumin ka ti deuh vang vang a , chutia ka ti ta chu " engthil pawn nise I duh phawt chuan kalo hawn ngei ngei ang che " ka bianga chul pah heuh heuh chung chuan ati vei sup .
"Ka duh chu maw...hmangaihna ..hmangaihna minlo hawn thei ngem ? " Ka mitko san ak chunga thutak hmel zeta ka tih chuan khisukin " chuzawng vawikhat fawhin I dawng nghal thei ang " ka chal a tauh dat chungin a ti a

"Chimawmpa "


"Enge ni ka hmangaih nu ,ka hmangaihna zawng zawng kawl tu " ti supin amah zawk chuan ngenngawl zetin min fawp nghal ngawng ngawng. Zei zeta ka ka chhunga alei a rawn hawl luh chuan ka thiam ang tawkin ka chhang let a ,tun hun hi liam theilo se ka ti .Tuna kan hlim ang hian awmdunin hlim reng thei ilang .Kan hlimna hi ni in tlak liam pui mai lo se ka ti thin .
"Ka mangram lalnu ,I chhuah thuai loh chuan ka hruailet duh mai ang che " min thlah rual chuan ati chhuak sup a ,kei erawh kalo thaw deuh halh halh ."kal tawh rawh le , Delhi ka thlen rualin ka rawn bia ang che " ti leh supin ka hmui a kutzungpuiin a nul leh thuak a , min en ngawih ngawih in kawngkhar a hawng zui nghal thuai .




Class kan tan tawh hnu pawh chuan ka hmui tuai in ka khi leh vur vur thin .Kan professor khian min hmufuh chiah se chu ka â ta emaw ati ngei ang . Mahse ka huntawn in a zir em a ,midang pawh nise ka awm ang hian an awm ve tho ang .

"Euu U Jona motor chhunga I awm rei vang nge ni I khik vur vur reng ni ?" Min melh duh hauhlo a Matei'n a tih chuan a ke ah ka rap sawk a , a tre chhuak thawt .
"Zualtei kha class ka lak lai chuan bengchheng loh tur " professor in a rawn ti nghal thuai chu ka nuih ru tet tet . Rum zeta min melh chuan lei kalo chhuah khum zeuh a , a kuttum min hmuh uaih uaih in a ani pawh anui ve leh mai . Kei aia naupang veleh chhawng zawkin min chhaih reng te chu ka dawh mai mai bik teuhlo mai . Mi pawisawi hlau viau e tilo chuan matei nen hi chuan kan in ngam tlak ve viau .Ka hriatchhuah tak chu kawng tam takah Matei leh Jo hian inanna an nei nual .An chimawm dan thleng hian an inchhun unau ka ti lo theilo .Nghal tha dun tak an ni .





Kan class neih ang ang kan zawh hnu in Matei thil lei pui turin MC lamah kan in zui leh a , ka phunchiar vang ni miah lo in MC bik a dawr nei ho hian an thil zawrh quality inang reng pawh hi an ti to bik tlat hian ka hre thin ! Ka kal ngun lo na in tum khat chu ka hmufuh ve tawh .Ka nute'in ZARA high heel a zawrh ang chiah ,a quality thleng pawn a in ang vek MC ah hian ka hmu fuh ve tawh a ,ka nutei zawrh aiin Sangkhat dawn in an ti to bik anih chu .A quality hrim hrim lah ka nutei zawrh nen a in ang tih lah ka chiang bawk nen helai hmuna bazar hi chu ka duh em em hranlo .



"Ka u dawrah ka kawr tur lam zuaih ila ,chuan thil kan ei dawn nia " matei atawng siam siam lai chuan mi pakhat lukhum khum hian min rawn su dawt a ,ka bag ah leiah ala tla zui .Chhar mai tuma ka ban chu min su tupa zawk chuan a rawn chhar a , min melh paha min pe zeuhin a kalsawn ve leh nghal mai bawk .
"Avan polite lo tak ,amah zawkin a rawn su che a 'ka tihpalh' tih tal a han biak ve awm che " tiin Matei a ang zui hlak hlak ."aho lutuk" kalo tihdan mai thung .
Mahse khapa kha ka hmuh tawh hnu a ang tak zet !



"A hrim hrim in vawin ang khawlum lai a hoodie dum berkher han hak " a tih zui leh chuan ka nuih ta mai mai .Mahse tinge maw ka hriat hnu a an em em le ? Khawiah emaw ka hmu fuh tawh zawk nge amah ang deuh hriat ka nei zawk le ?












End of ch ~12

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)