AMANTE(Hmangaihtu) By: Irene H muankimi (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: AMANTE(Hmangaihtu) By: Irene H muankimi (Completed)

Unread post by Ngaia » May 22nd, 2022, 10:29 pm

Chapter 19




"Mahse pa.." ka tih chuan "kha a ṭap reng bawk si a,a nu lah khuan eng a hria chu ni maw inkhawm i tum chuanglo a va kalpui hram mai rawh" alo ti leh a,ka pa berin kal tura min tih tlat avangin ka insiam leh a,Isaac-a lah a pa bulah kan kal dawn tih a hriat aṭang a hlim leh em em a.





A pa nena kan inkawp lai khan a pa chhuanlam lian ber a ni ṭhin. Kha tih lai khan hetianga naupang duhawm hi a ni tih ka lo hre ngailo a,hriat chu sawi loh naupangte si kha a rukin ka lo haw ve em em ṭhin. Chutiang thil ka ngaihtuah chuan tuna min ngaina ve em em tu naupang chan hi ka lainata a nu leh pa te an inṭhen chhanah hian thiam lohna ka nei ve in ka in hre bawk.





Lalrinchhana te in kan va thlen chuan a nu nen chauh lo awmin a nau te nupa erawh an lo inkhawm thung. Isaac-a chu a pi in alo ngai tawh bawk nen an in hmu chu an ri le lu a. Ka ngaidam tawh ti mahila chutia a fala Lalrinchhana kianga lo awm chu nuam ka tih chiah loh avangin Isaac-a leh a pi bulah chuan ka tam ve chawt a.





"Kuri Chhantea'n in chanchin te min lo hrilha pawi ka ti hle mai." Inthiam loh hmel zet hian a rawn ti a.





"A ho lutuk ka pi,tunah chuan keipawn khang thil te kha ka theihnghilh vek tawha nangpawn theihnghilh daih rawh" ka lo tih chuan eng emaw vei nei tih hriat tak hian min en vang vang a,a nuam duh teh chiam lo.





"Kuri i phone hi a ri reng a nia" Lalrinchhana'n a rawn tih takah chuan ka bag awmna lam ka pan a. U Hruaikima hnen aṭang a nih avangin ka ngaih a han thalo nghal ringawt a. Ka rilru put hmangte pawh hi a diklo zo tawh ka hlauthawng hma in thil reng reng hi a tha lam aia a thalo lama thlir ka chhinga chu chuan ka nun hi nasa takin a vaw chhia a, chutiang zawnga ka ngaihtuahna kal tur chu duhlo in han dan tum viau mah ila ka tih theih phak bak a ni si.





Ka rin ang ngeiin phone ka chhan rual rual chuan Sangkimi dinhmun that loh thu leh Damdawiin lamah ka theih chuan kal vat turin u Hruaikima chuan min rawn hrilh. Thil thlengte sawia Isaac-a haw pui mai ka tum chu Lalrinchhana'n " Isaac-a chu a pi nen lo awm se ka va thlah ang che" alo ti a,ka inngaihtuah hnuah mi hrang an ni chuanglo bawka tiin Isaac-a kalsan chuan kan veng Damdawiin lamah kan in phur phei a.





Damdawiin kawta ka mi va hmuh ber kher chu hun ka ti lo takzet. Tihsual ka neilo tih in hre reng mahila inthiam lohna in ka khata,min then a duh ve thu kha sawi mah se a laka insawifiah chu ngaia ka hriat avangin ka va pan mahse, a bul ka thlen hma hauhin Damdawiin chhung lamah min luhsana ka ding Chiang hle.






"Kuri" ka pen leh tur chiah Lalrinchhana min kohna avangin ka hawi let leh rih.





"Tun hi sawi hun a ni em chu ka hrelo mahse..."




"Ka hmanhmawh nakinah kan in be dawn ania" tiin Damdawiin building ah chuan ka lut ve nghal. Sangkimi chu zinglam 9:30 am vel atang khan rawn buai leh thutin a khawsik a sangin a kaih nasa em em a. Tunah tak phei chuan ICU lamah an lo in dah lut leh tawh.ICU pawnah chuan tih theih nei silo in kan awm deuh thap a,kan rilru erawh a hah tlang hle tih hriat takin a tumah chu inbiak kan tum lo.





Lalruatpuia chu nizan lamah Sangkimi riahpui tu ber alo ni a. Ka phone call a lak theih loh avang khan a thiante nen a rilru hah lutuk a ruih leh vel mai mai ka ring a. Tunah pawh a hmel atang a harhfimlo tih hre tho mah ila Damdawiin em a va riah pui kha chu ka ringlo a ni.





"Biak che ka duh" ka tih sup chuan min en vung vung hnuah min zui rawh tih melha min melhin a kalsan vuta ka zui ve vat.





Bathlarah dingin thli thaw chuan ka sam a chhem len nasat em avangin ka hmai zar tu te chu ka bengah zep tha in Mesak-a ngawi renga thlanglam hawi chu ka en reng. Mipa lulul tak a nih ka hria,chuvang chuan ka biak hmasak loh chuan min biak a tum dawn lo.





"Lalrinchhana nen kan inkarah engmah a awmlo" bul tan dan tur ka hriat mai loh avangin ka ti deuh tawla,min enzawk tih bak chu a awmdanah thil danglam hmuh tur a awmlo. "Vawiin a kan lo kal dun chhan pawh Isaac-a ka pa in an in a va kal pui tura min tih vang chauh a nia" ka ti leha min ngaihsak miahlo anga a awm chuan ka bei a ti dawng tak zet.





"Engvanga chu chu min hrilh nge i nih?" A awmdan avanga sawi tur mai hre tawh lova ka ngawih vang vang hnuah rawn tiin min melh chhuk ta ran a.





"Kan inkar tih tawp duh hmasa tu ka nih leh nangpawn inthen i duh thu hre tawh mah ila thudik tak i hriat hi ka duh a ni" tiin ka hmui hnuai ka seh a. " Khami ni khan kan mudun lo bawk," insawifiah duh si sawi tan dan ka hriat loh em avang chuan keimah leh keimah chu rilru in ka in hau mawlh mawlh a ni ber," ka u khan dawtin min puh a nih kha" ka ti leh tawpa ka sawi tum hi hre thiam se ka ti takzet.





"I u chuan eng dawtin maw a puh che?" Nuihza aw lek leka a rawn tih chuan ka mangang lutuk chu tah chhuak insum teuh hian a hmel chu ka en.




"Nangpawn i awi tih ka hria,mah se dawt ka sawilo Lalrinchhana nen khan kan mudun miahlo. Biak che a rawn hrilhfiah che ka tuma ka call i chhang duh bawk silo. Thu leng vak a tam avangin pawn ka chhuak ngai lova ka hmuh hmasak leh ber che khan thil dang sawina hun min pe lovin i duh i sawi zawh veleh i kal leh daih a." Ka ti zung zung.






"Ka u khan Muanzuala Vanlalruati causin hi a ngaizawnga a pasal a then theih nan dawtin min puh mai mai a nih hi" ka ti a.





"Anih engvangin nge an in ah I kal?" A rawn tih chuan ka melh nghal hra,min awi tihna em ni? " Khatianga puh theih tur khan Lalrinchhana nen chuan eng thil chiah nge in lo tih" ti deuh thatin ka darah a rawn hmer a.





"Kha..khami ni khan a khuasikin min rawn phone a,ka u a awm bawklo nen an in ah ka va kal a" ka tih chuan nui chhuak hakin ka dar vawnna chu a thlah. " Mahse,engmah a thleng hleinem" ka lo ti chul chu huat hmel zet hian min rawn en.





"Nangnen hian kan inthen tawh, i duh duh chu ngaizawng la ka rawn ti buai tawh lovang che" thinrim taka tiin min kalsan, beidawng zetin thawk ka la a ka bianga mittui lo luang pawh chu ka hru buai tawh lo.





Muangchanga ICU lam ka pan lai chuan Lalruatpuia thinrim au ri ka hria a,hmanhmawh zetin ka tlan phei a. Sangkimi nu leh midang lo tap ka hmuh chuan thil thleng chu hrethiam in bang rin chhan chuan ka thu thla hnawk.





"Vansangkim min kalsan chu engvanga thlang nge i nih? Ka kianga i awm reng tawh tur thu i sawi kha" tiin Lalruatpuia chu a au chiam chiama,ka thut hmunah hmui hupin ka tapa thil thleng chu a ni thut em a,engtia awm tur nge pawh ka hrethiam lo. Ka thiannu chu a huntawp pawh ka hman pui lova nimin lawk te kha chuan fiamthu thawhin kan la nui dun a ni si a. Zanah pawh tha taka in thlahin kan in muthilh san a ni a. Tunah ti hian a kal leh ta mai si a,thil thleng chu mumang ang mai a ni a,ka thiannu chu a thih ringlo viau mahila ka mittui ka dang thei silo.





Sangkimi taksa puan vara khuh ICU atanga an rawn nawrh chhuah lai pawh chuan ka thutna ngaia thu in ka thlir reng a. Tho chhuak tur pawn chakna ka neilo,thil thleng chu ka awilo em a tu emaw in Kuri tia min rawn kuah din hma kha chuan ka vai chhui hi a ni ber.





"Vansangkim tho rawh thih chu a nuam viau em ni? Chuti khawp chuan kei hi min hua in ka biak theih tawh lova kal chu i chak a maw? A tha...a tha alawm kal rawh kal mawlh rawh" An dan zawh loh avanga Sangkimi taksa a sawi nawk nawk hnuah a kal daiha umzui turin chakna ka neilo.





Hmeichhia ka hriat tawh zawng zawnga nunnem leh fel ber. Mite pawisawi hlau tak,Kohhran leh khawtlangah pawh a theih ang tawka in hmangin mi tangkai tak a ni a. Chhung leh khat kan khuaah nei tam lo mah se amah ui tu mi tamtak a nei a, ka thiannu chanchinah chuan a chhe lai reng sawi tur ka hre lo.
........


LALRUATPUIA POV




"Hetianga i awm hi hmuh i nuamlo"ka tih chuan nui sukin, " keipawh khatianga i awm kha hmuh nuam ka ti biklo che" a rawn ti a ka rum nghut.




Ka zu bur ami ka in zawh rual chuan vawm kehin ka au chhuak thawt." He tia ka awm hi hmuh reng i duh lo a nih chuan lo kal ta che" ka ti that. He ti teh thuta Vansangkimi'n min kalsan hi ka thin a rima nizan maia kan hun hmadun leh kan inbiakna te ka ngaihtuah let phei chuan ka awi theilo a ni.




Zan reiah rui chungin ka va kala duty ho in min hmuh loh avangin lawm viau mah se min hau hlak hlak a. Khatih lai kha chuan hetianga kal mai tur hmel hi a pu lo."ilo let a nih chuan ka ta chauh ni turin lo let ta che. A hma khan ka kaltir tawh che a tunah chuan ka kaltir tawh ngailo ang che" tia min kaltir tawh ngailo tur leh ka kianga awm reng in tiam tu khan tunah sawilawkna pawh awmlo in kumkhua atan min kalsan a tum mek chu a ni si a.





Ka pa in min sawm fe hnuah pawh thinrimna avangin Sangkimi te in lama kal chu ka duh lova. Ka va kal a nih chuan min kalsan hlen ka rem ti ah ngaiin a kal tak tak ka hlau a. Hetia a hmel hmu duhlo a ka awm a rawn hriat chuan a rawn let leh mai ka beisei a ni.





Ka phone ri reng chu en in ka chhanglo Kuri call chu vawitam ka ring ral tir thak thak a tawpah beidawng zetin ka chhang. "Lalruatpui lulul hun a ni em ni? Sangkimi chu vawiin bak a hmel i hmu leh theih tawh dawnlo asin" tiin a tap pah hliam hliam.





"Lo hrilh rawh Vansangkimi chuan a Pathian hnenah khan Lalruatpuia hian ka kalsan ala phallo em a,a kianga ka awm reng tur thu ka lo tiam tawh ti puitling turin a kiangah min let tir leh rawh tia a Pathian dil turin lo ti rawh. I thu chu a awi thin kha" tiin ka tukverh atanga van thiang kak mai lo lang chu thawpik zet hian ka thlir.





Van mi te pawn khawvela hmeichhe tha ber an hnena a kal tur chu an lawm emaw tih mai turin boruak chu a thiang em em a chu erawh ka tan rilru ti na zual tu a ni si.





"Lalruatpui" tiin a ngawi vang vanga " lokal rawh khawngaihin a hmel hmu lova i kaltir a nih chuan ila in chhir dawn a nia" a tih chuan phone chu ka off.




"Vansangkim hei hi i duh dan a ni takzet maw? Ka ngen ang che chuan i Pathian chu i ngenlo ang maw? I thu tiamah ding ta che... "Ti mawlh mawlh in Vansangkimi te in lam panin ka in khalh chhuak. Mahse thui pawh ka tlan hma in ka bike chu control hman lovin ka hma a car rawn tlan avang chuan kawngpuiah tlu in thui deuh tak ka tleng.





Ka ke dinglam chu ka rap tha ngamlo mahse,chu chu ngaihtuah hman ka nilo. Sangkimi hmel hmuh hman loh hlau in ka accident na bul vela rawn pung khawm ho chu kal hlat sanin Sangkimi te in lam pan chuan ka kal zawm leh.





"Vansangkim" tiin an inchhung ka thlen chuan ka hawi kuala mah se phawk taka min lo en tu mi tlemte chauh chu hmuh tur an awm. " Ruatpui kha engti zia nge iva pem nasa ve" Sangkimi nu in a rawn tih chuan Sangkimi awmna ka zawt vata min lainat hmel zet hian thlanmual lama an kal tawh thu min lo hrilh.





Midang ngaihtuah hman ka nilo pawn lamah chhuakin fur dawn apianga Sangkimi'n a siamthat thin an step ah chuan ka hmanhmawh luat avangin ka lum a. Mi thenkhatin min rawn puiin ka hliamte chu enkawl hmasa tura min chelh tum mahse,hun ka neilo.





Thlanmual ka thlen thlak meuh chuan mi thenkhat haw lam nen kan in tawka,ka kal pelh apiangte chuan min enzui tih ka hria. Kal zelin Kuri te ka hmuh rual ruala beisei nei zeta en in ka thaw halh halh.





"Mawla" tia Kuri lungchhe zeta a tah rual rualin ka tlai tih ka in hria. Tunah chuan Sangkimi hmel vawikhatmah ka hmu leh tawh ngai dawn lo. Ka pa in min sawm lai khan ka ngaihdan atthlak lutuk avanga lulul chhuah lo khan lo zui ta ni ila chu heti em em hian ka na lo tur.Ka lu hai tawh lutuk chu tuar thei tawh lovin ka awn riai riai a,ka thil hmu phe ruai kara mite ka lam pana rawn kal chu ka hmu a,a hnuah erawh a thim ta vek mai.
.........


KURI POV




Lalruatpuia mi thenkhat in an buaipui chu an sira dingin ka lo thlir reng. Hetiang taka tal buai leh tur te chu a tir khan rawn kal ve hle hle tur a ni a. A bek atanga thi rawn chhuak leh a ban leh a ke dukte,a pilh hrep hrup te chu hmuh hreawm ka ti takzet.




Sangkimi boralna avanga ka natna pawh a reh hma hauhin Lalruatpuia Damdawiin lamah a lut leh a. Thawk hi a pik duh takzet,ni a liama Lalruatpuia pawn hma chu sawn chaklo mah se a hmel hmuh pawh a nuam tawh viau a. Damdawiin atang erawh kan la chhuak lo.




A ke leh a lu an tuam bura biak tawng a harhin tuman an be tawng zo lo. Damdawi a mamawh hunah a sawi tawpa a bak thil dang a sawi ngailo. Vawiin hi Sangkimi boral kar khatna chiah a ni a,kan thian dun chuan Hospital cabin ah ngawi rengin kan thu.





"Ani khan min hmangaih thu a sawia mahse,hmangaihtu te hian an hmangaihte an kalsan ngailo tih erawh a hre der silo" thaw haka a tih chuan a hmel chu ka en vat."Kan zingah a tel ve dawn tawhlo tih ka ngaihtuah apiang hian nung zel tura huaisenna ka neih tawh loh zia ka in hria" a ti leh mauh mai.





Ani beidawng lutuk hian tih sa loh loh alo ti ang tih ania ka hlauh. Chuvang tak chuan pa Zorema hnenah pawh amaha awm tir lo turin ka hrilh ngun mawlh mawlh khawp mai.




"Nilo,kei nin hmu thei tawhlo mahila Sangkimi chu kan kiangah hian a awm reng a ni.Khatiang kha sawi tawh reng reng suh" ka lo ti vat.




"A kiangah ka kal ve theih dawn loh thu hrilhin thi lo tur khan ka ti a mahse,kha hmeichhe lulul khan ka sawi atanga darkar reilo te hnuah min kalsan nghal a ka..ka hua a ni" in hum ruh ngawt ngawtin a ti a,hnem dan ka thiamlo thiamlo mai nilo in kei mah zawk pawh chu hnem ngai zawk nih chang ka ngah.




Kawngka chu rawn ri rakin pa Zorema leh Lalrinchhana hi an rawn in zui lut hlawl a. Reilo te a thut hnuah min biak a duh thu a sawi avangin kan in zui chhuak a.




"Sawi la" pawn kan thlen ruala ka tih chuan hawi kualin ka ban puama rawn vuanin a bike dinna lamah min kal pui."Ti nge?" Ka lo ti hu.





"He thil hi ka ngaihtuahna a rei tawh lutuk,hmani khan hrilh che ka tuma mah se i hmanhmawh em avangin ka sawi leh lo a" a tih chuan zawhna mitmengin ka en ha.





"I u nen kan inkar hetia a nih takah chuan kan pahnih hian inkawp leh ka duh a ni" ka rin loh lutuk thil a rawn sawi avangin meng kawkin ka tawlh hnung dat. "Kuri" tia a ban a rawn chet leh chuan lo tawlh hnun belhin a khawih phak lohah ka ding.





"Thil hriat sual i nei niin ka hria" ka ti halh.




"Engmah hriat sual ka neilo,ka duhna che ala ngai renga nangpawhin ka laka i awmdan atang ka tana i feelings neih te ala bo kimlo tih ka hria a. I duh thusam thin ang khan Isaac-a nen kan pathumin chhungkua din ang u" a rawn tih takah chuan zaklo ka tiin ka lo rin sual zia ka hre ve chiah a ni.





"Lalrinchhan nanghi i a takzet a ni. Kei hian i lakah eng feelings mah ka nei tawh lo. Chutiang anga minlo ngai chu ka khawngaih zawk hle mai che." Tiin ka nui hak,engtin nge a mizia tak tak kha ka lo theihnghilh theih zawk?





"Nang hian min khawngaih a maw?" Thinrim zeta a rawn tih chuan, "Aw, tu emaw min hrilh thin angin ngaihdamna thinlung nena ka chunga i thil tih teh theihnghilh ka tum a. Tin,i phone call leh message ka chhan thinna chhan pawh Isaac-a vang chauh a ni.Chutiang chu nilo se ka chunga i thil tih avang khan biak pawh ka be tawh ngailo ang che" ka ti deuh fak.




A rawn tawng leh tur chu ka kut hmanga lo vai tawpin, "Engmah sawi tawh suh,vawiin atang hian Isaac-a chungchangah pawh nise min rawn biak leh a tul tawh lovang" tiin Damdawiin chhung lamah ka lut a. Ka thinrim lutuk chu ka kal hlawk hlawk.Cabin a ka va lut chuan Ruatpuia te pafa in min lo en ha a,kawngka ka khar ring lutuk te chu mak an ti tih an mit meng atang hre mah ila engmah sawi lovin thutna ah ka thu tau deuh hmuk.





Vawitam Mesak-a'n " a lakah rilru danglam i pu tawhlo a nih chuan khang i chunga a thil tihah te khan i ngaidam thei ang. Ngaihdamna hi a ropuia,nangpawhin chu chu neih i tum dawn nia" a ti thin. Tum viau mah ila Lalrinchhana ngaihdam chu thil harsa tak a ni a, mahse Mesak-a puihna zara rilru damna ka nei tana khatia damlo mangang taka minlo phone takah kha chuan Mesak-a min puihna ten keimahah hna rawn thawkin huatna aiah khawngaihna keimahah rawn piangin amah puih ka rem ti mai a ni a. Chuthil Lalrinchhana'n alo ngai kawi erawh pawi ka ti takzet.





"Engthil nge thlenga,khapa kha engvanga be leh ta fo nge i nih" pa Zorema bathroom lama a luh vel leh a rawn ti rum ul a.




"Isaac-a vang ania,mahse ka lo tisual a ni" tiin Lalrinchhana thil sawi te ka sawi chhawng chu kei ai pawn a thinrim hmel zawk in ka hria.





Mahse,pa Zorema a rawn chhuah leh tak avangin engmah kan sawi zui tawh lova. Rei awm tawh lovin keipawh ka haw thuai, in ka thlen chuan an lo reh deuh thapa Isaac-a'n tv alo en tih loh chu ka chhungte hmuh tur an awmlo. Inchung lamah chho in ka u tawng ri ka hriat chuan ka ding dat.





"Lalmuanzual ka hmu reng che u,kha hmeichhia kha tu nge a nih ka tih chu?" phone a bia ni ngei tur a ni,ka kalna tur lama awm a nih avangin ka dinna hmunah dingin an inbiakna chu ka lo ngaithla ve reng a.




"Chutiang ka awi ring suh,ka rin avang che in ka pasal leh ka nau puh chhiahin ka pasal ka thena ngaihzawng dang neia min phatsan tih ka hriat chuan....hre rawh i rin ang mai mai chu ka ni hauhlo ang" a aw atang chuan a thinrim zia ka hria. Muanzuala chuan ngaihzawng a neih san leh em maw ni le? Chu thil ka hriat chuan lawm tur ka nih laiin ka u chu khawngaihna in ka khata inhnuai lamah chuan let chhuk lehin Isaac-a bulah ka zuk thu.





Reilo te ah ka u chu inchung lam atang rawn chhukin choka lamah a lut tlanga kei inchung lamah ka chho vat.Inbualin ka inthlaka Sangkimi te inlamah ka phei leh nghal. Tah chuan ka chhungte pawh an lo awm vek tawh. Chhungkhat laina te nen chawhlui kan kil ho a,Sangkimi nu mawlh chuan tah a ti chhuakin keipawh ka tap leh ta nghe nghe.





Zanriah kan ei zawh chuan Nu Kapi chuan an room lamah min ko lutin tah chuan Dairy chhah ve deuh tak mai hi rawn lek chhuakin " heihi i thianpa kha lo pe ta che. Nangpawhin i duh chuan i chhiar ve dawn ania,ka fanu khan in thian dun hian a ngaihtuah thin lutuk che u a."





"A tawngtaina ah pawh a hre reng thin che u. Kei chuan i thianpa nen khan ka haw ngailo che u a,ka fanu in nangmahni avanga hlim hmel a pu thin kha hmuh nuam ka tiin a tan in hlut zia ka hria. Chutih rualin Hruaia erawh a nau a hmangaih em avangin in chungah alo khauh deuh mah mah thin a,in hrethiam hram dawn a nia. Tunah phei chuan a nau leh Ruatpuia alo tihbuai thin avang khan nasa taka in chhirin Damdawiin lamah pawh rawn kal fo mah se a rawn lang ngam ngai lo a ni" a tih chuan mak ti zetin ka lo en. U Hruaikima a rawn kal thin maw?





Dairy nen chuan ka haw a,kan gate chhunga lut ta mailo in ka kal pela in te ah ka han thu. Ka nunah siam that tur tamtak a awma mahse,siam tha turin eng nge ka tih hmasak ber ngai ka hre silo.





Hun a kala Lalruatpuia pawh Damdawiin atang chhuakin a hma aiin Damdawi a khawih nasa a,ka hlauthawng chuan a kalna apiangah ka zui chawt reng a.





Chutih rualin ka natna leh beidawnna te ti zual turin Mesak-a chuan Aizawl lamah a hna ngai Professor hna kha a zawm leh dawn thu leh Vanlalruati hnena a palai te an len thu ka hria a. Chungte avang chuan ruih ka ching ta zeuh zeuha Damdawi erawh ka la ti nawn leh lo.




Zantin Lalruatpuia buaipui reng renga ka khawsak tak avangin zanah pawh in a haw loh chang ka ngaha,ka beidawng thin lutuk chuan tap chungin Sangkimi ka ko leh thin.Anih chuan chatthla thakin zu ka in mai thin,chutianga ka tih loh chuan ka thawk ipik lutuk hi ka thi thei mai dawna ka in hriat thin vang a ni.





Sangkimi kha chu awm se ka thianpa hi a heti em em biklo tur. Nikhat chu inte a Mesak-a amah chauha lo thu ka hmuh fuh avangin ka zuk pana a bula ka thu pawh chu min ngaihven teh chiamlo."Aizawl ah i let dawn tih ka lo hria a" ka tih sup chuan ka rin loh takin "nia" a rawn ti ve sup.





"Engtikah nge kal i tum?" Ka tih chu, "helamah tih tur neuh neuh ka la neih avangin term thar atang ka zawm chauh ang" a tih chuan ka ngaihtuahna in 'tih tur neuh neuh' i tih chu Vanlalruati nen in inneihna vel i sawina em ni? Ka lo ti a. Ka hriat dan kha chuan a hna thar a zawm hma a inneih an tum tih kha a ni si a.





"Kan kal tawh a nge?" Ka in ngaihtuah lungpuam thei mai dawna ka hriat avangin ka ding chhuak hluai a,ka kal nghal vat bawk mah se "Kuri" a rawn tih leh avangin muangchangin ka hawi let a.


(Khatiang zawng kha ni leh phawt se, ads lo click leh ru aw)


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 22nd, 2022, 10:29 pm

Chapter 20


(A LAIAH A ZAWMNA A AWM)


"A hma a i thil sawi kha i ti tak tak em ni?" Tia min zawh chuan a ngaihna ka hrelo hle a,chu chu ka hmel atang a hrethiam pawh a ni mahna, " keimah avang chauha ruihhlo thlah i nih thu i sawi kha?" A rawn tih chuan kha thu min kalsan theih nana ka sawi lai kha ka hre chhuak uar uar a. Mahse,chu chu engvanga min zawt nge a nih?





"Kha thu i sawi kha engtik lai pawn ka bengah hian a ri nawn tluk tluka" a hmui tuai zeuhin " Tu emaw avangin insiam that I tum a nih chuan i insiam that chhan ber kha i kianga a awm loh hunah i tlukna ngai bawkah i tlu leh thin ang. Chuvang chuan chhandam i nih theih nana kross lera thi kan Lalpa Isua tuarna avang zawk hian tun atang chuan insiam that I tum tawh zawk dawn a nia" Zirtirtu in a naupang hnena lehkha zir dan tur uluk taka a hrilh ang mai hian min hrilh niin ka hria.




"I... kal dawn vanga sawi em ni i nih?" Ban deuh chapin ka ti.




"Lo in enkawl tha la,mipa bulah zu in tawh suh ang che" rawn ti leh supin a kawr chung chu ka darah min rawn bah tira,ka hmui ka lo pet fan fan. Hetianga awmlo hian thinrim takin min kalsan tur thu sawi leh se ka tan pawn tuar dan thiam a awl zawk a nga,hetia zaidam taka min thlahna thu a sawi hi chuan ka tan kaltir a harsa zual sauh a ni.





"Ka..kan inthen tawh kha,ka thusawi pawh i ngaithla duh lova" hnuk ulh tuna ka tih chuan alu alo thing zeuh. "Ka hria" harsa tih hmel zet hian a ti leh hrawk. Eng emaw sawi duh a nei tih ka hria mahse,engmah a sawi silo.




Chutia ngawi renga kan din lai chuan thil ri dum kan hria a,chulam pan chuan u Teremi dawr ami te chu an kala keini pawh phawk zeta in enin chu lam pan chuan kan kal ve nghal.





"Hmela lo chhuak rawh" a helmet hmanga car chu vawmin Lalruatpuia chu alo in hrosa kual a. A bulah a bike chu a let ngat bawk. Nichina thil ri dup kha motor leh bike in su ri hi a ni ngei ang.Car chhung ami chu rawn chhuakin Ruatpuia chuan alo hnek nghal thuai a. Kan bul ami te chu an lo te that.





"Ruatpui" tia va kal hnaih mai ka tum chu Mesak-a'n ka banah rawn vuanin kallo tura min tih hnuah amah chu Ruatpuia te bulah chuan ava kal hnai.Ruatpuia chu mipa awm ve ho in lo chelh betin a sawisak pa chu Muanzuala a ni tih ka en chian hnuah ka hre ve chiah bawk. Abulah chuan hmeichhe pakhat hi a tap deuh hliam hliam a.





"Engthil nge thlenga?" A tih rual rualin car hnunglam atang Vanlalruati a rawn chhuak thuai a. Chu thil ka hmuh chuan engtik laiin nge an bul ka va thlen phei ve hman ka hre lo. Mesak-a bulah chuan ka va dinga Vanlalruati chuan kei leh Mesak-a chu min melh tawn zak zak hnuah Mesak-a hnenah chuan thil thlen dan Mangan hmel tak hian a sawi a.





"Ti lai chhuka kan kual tur hi horn pawh kan pe hmasa renga Kuri thianpa hian kawn lam atang hian chak taka rawn tlan chho in kan motor hi a rawn tai,a thinrim zawkah ala tang zui" a tih chuan Ruatpuia chu ka en. A rui tawha tuna Vanlalruati sawi kha a dik pawh ka ring mah se ka thianpa a nih avang hrim hrim leh Vanlalruati telna a nih avang hrim hrimin ka thianpa lama tan chu ka tih tur ngei ngei a ni.





"Ka awilo" ka lo tih chuan Mesak-a chuan min rawn en rang tak zet.





"E...Kuri Ruattei sawi kha a dik alawm,keipawn ta tang khian ka lo hmu ve renga" pa Mala kan veng pa in a rawn tih pawh chuan ka tanna ngaiah ka la tang reng.





"Duat i tha em?" tiin kha hmeichhia khan Lalmuanzuala rawn ding tur chu alo pui.Mahse,a koh dan kha, "Maw! Tunah khan he pa hi engtin nge i koh?" Ring zeta ka lo ti chu chunu chuan mit sen ram hian min rawn melh.





"Thlawkbo rawh u" min tih a nih chu,hemi te hian ka u an bum tih ka chianga chuti maiin ka thlawkbo duh teuhlo,Muanzuala bawisawm a tum chu a samah ka va keka," ka u bialpa lo tawmpui tur hian a tu ah nge i in ngaih" ti tuarin a rem dan danin ka khawiha ani pawn min kek let ve tho.





Vawilehkhatah ka kang nghal dawra "a tawk tawh i thianpa hi a thiamlo zawk a ni tih i hriat kha, mawl taka khawsak hi sim rawh" min vawn beh hnu pawha ka la tal ve fat fat avang chuan a rawn ti thawta ka tawp chiang hle.





"Kuri ka u hian i u kha a kawp reng renglo i u zawk khan a rawn beisei reng zela u Muanzuala pawh hian vawitam hrilhfiah a tum tawh" Vanlalruati'n pawisawi loh hmel zeta a rawn tih chuan za lo zet hian ka lo nui. Lalmuanzuala leh ka u te inkar chu ka hre Chiang ve tawk.




Ka kut chu phe chhuak vutin Vanlalruati chu ka beng. "Lalneihsang" Mesak-a'n a rawn ti that bawk. Ka ban lehlam chelha ka bula ding kha a ni bawka ka beng bulah a au a ni hawt alawm le.





"Ngaihdam dil rawh," nelawm loh taka a rawn tih chuan amah zawk chu lungawilo zet hian ka melh.




"Atullo,Kuri kal ang" Ruatpuia'n rawn tiin ka banah rawn kaiin min kal pui mai a tuma Mesak-a chuan ka ban leh lamah ala chelh reng.




"Ngaihdam dil hmasa phawt rawh u" alo la ti fan.




"Mesak a tawk,an rui tawha hrethiam mai rawh" Vanlalruati chuan nuihzat hmel zeta min en hian a rawn ti,a mit meng leh aw ki chu in anglo tak a ni.




"An rui emaw ruilo emaw an tih sualah chuan ngaihdam an dil tur che u alawm" a lo ti ram hmak.Heti khawp hian maw Vanlalruati thlavang alo hauha,nichin mai kha chuan min la hmangaih ve niah ka ngaia tunah erawh a mitah chuan kei min huatna bak hmuh tur a awm tawh lo.





"Min thlah rawh" ka ti rum ul a. Min melh run run hnuah zawi muangin min thlah a. Ruatpuia'n a bike a tun that hnuah anni ho chu chak zetin kan tlansan.
.......

Delhi a kal tur chuan lo in siam ang che,kar lehah i kal tawh ang. Chaw ei laia ka pa in a rawn tih thut chuan kan vai mai chuan min thawng a ni ngei ang,ka pa chu kan en deuh thap a.





Vanlalruati te nen kan in tihbuai atang khan nithum lai a liam leh tawh a. Veng chhungah Ruatpuia nen kan hmingchhe leh pek hle. Tin,khami hnu atang khan Mesak-a pawh vawikhatmah ka hmu leh tawh lo.Ka pa pawh a thinrim hle a,chuvang pawh chu aniang hetia thuthlukna a siam nghal rum rum.




"Ava rang teh thut ve!" Ka nu chuan a rawn ti hliai.




"Heta a awm chuan kan mualpho thui mai mai. Tha takin a awm tawh dawn emaw tih hnuah a mualpho zawng hlirin a khawsa a kal thuai se a tha a ni mai" alo ti hluk.




Tunah Inrinni a ni tawh a,kar lehah Delhi lam ka pan dawn a nih chuan hun ka nei tam tawh lo hle mai. Ka pa thu chu hnialna ka nei lova,mahse hreh erawh ka hreh ve ang reng.





Ka room ah lutin ka room chu ka en kuala ka lung a leng nghal veng veng. Ka u ka room rawn lut chuan " Insiam nghal i tum em ni?" A rawn ti a ka hriat loh thuin ka lo chhang.




"Min la haw viau em ni?" A tih leh chuan alam ka hawi nghal vut. " Ka tihpalh" a tih sup chuan a hmel atang a tih tak zia ka hmu thei.



"U"



"Then chu ka tuma mahse,khatih lai khan Lalrinchhana hi ka hmangaih em a,in pahnih inkar hre reng chung pawn khatiang kha ka thlen tir ta a ni. Ka lo rin dan chuan Lalrinchhana khan min neih a duh thu a sawi khan nang nena in inkar chu a tih tawp ve mai ka lo ringa,mahse chutiang chuan a ti si lo" a in sut deuh hraih a.





"Khatianga kan inneih hnuah in lo la in kawp reng tih ka hriat hnu khan ka rilru a nuam thei tawh lova rinhlelna hlira Lalrinchhana ka en tawh vang nge ka ring thei tawh lo. Mahse,kan fapa avang chauh khan then ka la duh Chuang lo. Chutianga rilru buai taka ka awmlai chuan Muanzuala hi rawn langin ani chu college kan kal laia ka kawp ve zuai kha a ni a,zanah rei tak tak Lalrinchhana'n phone hmanga hmeichhia a biak thin avang te leh a phone check a phal ngai loh avang khan in la inkawp reng turah ka lo ngai a. Ruati nen kan lo in kawm ve tho bawk nen eng thu thu emaw min hrilh thin a.Muanzuala ka lo duh ve bawk nen an unau thangkamah ka tang palh a ni" mittui tla chunga a rawn tih chuan a bulah va thuin ka va kuah a.





"Pastor fapa kha i hmangaih tih lo hria ila chuan khatiang khan ka ti miahlo ang,ka ti tak tak...mihrang thusawi avangin ka nau ka lo ringhlel che in ka lo hua che a. Ka..ka tihpalh lutuk" a ti mawlh mawlh.





"A pawilo u,a pawi miahlo keipawn i chungah thil sual ka ti ve tho alawm" ka ti a,kan unau chuan kum tamtak hnuah inngaidam tawnin hmana unau inngaih tak kha kan ni leh ta. Mahse,ka rilru ti buai tu chu ka u khan Lalrinchhana'n zan rei tak tak thleng phone in hmeichhe pakhat a be thin a tih kha a ni.




Kei nen kan in be ngai lova,ani hian kei nilo ka u nen an inneih chhung khan ngaihzawng a nei tihna em ni le? Ka u leh Puitei'n ka thawmhnaw leh thil dang min pek pui a.




"U heihi eng nge a,u Sangkimi ta Avan ang a hming te a in ziak sia" ka drawer atang Sangkimi dairy amah Sangkimi nu in min pek ngei kha a rawn lek chhuak.





"Awi! Ka theihnghilh Chiang lutuk Lalruatpuia ta tur a nih kha. Tlai lamah ka va pe a nge,Delhi lamah ka kal dawn tih pawh hrilh a ngai tho a. Phone hmanga in hrilh ai hmaichhana in hrilh a tha zawk" ka ti zung zung. Ka insiam zawhah ka room ka ti fela rawngbawl laiin Ruatpuia te inah ka kal.





"Lo kal rawh Kuri" tiin pa Zorema chuan min lo be leh nghal siam siam a. Ani pawh Biakkimi'n a chhuahsan atang khan a nun a danglam tawh hle a,zu a in tawh ngai lova a hmel hmuh pawh a nuam tawh lutuk.





"Ruatpuia a awm em" tih pahin ka hnar ka len vat vata, " iva siam rimtui ve" tiin ka nui nghal ver ver.





"Bawngsa ka fry a,tlai chaw lo ei ve nghal ta che" a tih chuan ka nui hak hak. " Ruatpuia chu tun mai khan dawrah ka tir a nih kha" a ti a,a room a ka nghah tur thu sawiin inchung lamah ka chho.





A khumah thuin ka dairy ken chu ka keu a,a page hmasa berah thlalak kan thian ho a kan lak leh a nu leh a u thlalak pawh alo in bel kai a. A thuziak chu a thuilo nitin mumal taka ziah pawh a ni chuanglo. A tana ni pawimawh bikah chauh a ziak kai pawh a ni mai thei .





Kan thian dun chanchin a ziah hmasa lam te chuan nuih a tiza hle a,a ziak thui tulh tulha thawk a pik tulh tulha ka mittui a tlak phah hial. A phek tawp lamah chuan KURI TAN tih leh LALRUATPUIA TAN tih hi lo awmin Ruatpuia tan a tih chu chhiar kanin ka tana a ziah ni awm tak chu ka chhiar.





" Ka thian he thil hi engvanga ziak nge ka nih ka in hre lova mahse, ziak tura min turtu a nat em avangin ka ziaklo thei si lo. Ka thian kei hi ka lo thi ta a nih chuan Ruatpuia hi min lo enkawl sak turin ka duh che a, nangpawh lo in enkawl tha la kha ruihhlo kalsan tuma i beihna kha khawngaihin tawpsan lul suh. Doctor tha tak ni turin ka duh che a,miten eng thu pawh lo sawi se ka thiannu hi i tha ber tih in hria la in dah hniam ngai suh ang che. A tawp ber atan ka thian ka tawng che hi ka lawm a, Lalruatpuia hian ka lo thi a nih chuan Vanrama ka kal a ringa chu hmunah chuan a kal ve theih dawn loh thu min hrilh bawk. Mahse,ka thian chu hmuna ka lo kal ta a nih chuan in pahnihin in rawn kal ve hun ka lo nghak reng che u tih hria la,Ruatpuia kha Vanram rawn hruaithleng turin ka ngen che a nia. Hmeichhe chak tak i nih kha beidawng reng reng suh" tih hi alo ziak a. He thil hi kha zan a thih hma chiah zana a ziah kha a ni.





Ka mittui hru in dairy chu ka khupa " Vansangkim engvanga mawhphurhna sang lutuk chu ka kuta dah nge i nih" ka ti chhuak sup. Keimah ngei pawn harsa ka tih laiin engtin nge Lalruatpuia nun chu ka siam that theih ang ni.





Kawngka pawn lamah thawm ka hriat tak avangin ka mittui chu hruk hul ka tuma a hul hleithei lo. " Dawr hnai zawkah an lo nei lova ka tlai phah vek alawm. Ka pa in room a i awm thu min lo hrilha iva rawn kal lai ve thil thleng a awm leh tawh em ni?" A rawn ti zung zung.




"Awmlo e,hei...hei hi rawn pe tur che in ka rawn kal a" thil lungchhiatthlak pakhatmah ka sawilo ka mittui erawh alo tla zel si. Mak ti zet hian min en, "Monday hian Delhi ah ka chhuk leh tawh dawn a" ka ti sup.





"An ti lui che em ni? I kal duh loh chuan i pa te chu ka lo biak sak ang che" a rawn ti ve ngei.




"Ai,ka..ka kal duh alawm mah se Lalruatpui he dairy hi..." Tiin thawk ka la ham ham.




"Sangkimi ta em ni?" A tih chuan ka bu nghut a,"zanin chu kha kha chhiar la leng chhuak suh ang che" ka tih hnuah dairy chu a dawhkan chungah a nghat a. Ka tap chu min thlem nghal zat.





Min sawm tlat avangin tum loh deuhin an inah chuan chaw ka ei a,boruak chu a nuam phian. Pa Zorema chuan atuk Sunday tlaia chaw ei leh turin min sawm a,Delhi a ka kal tur chu min ui thu a sawi ve renga min ui ve tak tak pawh a ni mahna.





Zanriah ei zawhah Ruatpuia'n min thlah a, "ka sawi kha hre reng ang che" ka tih chuan "lehkha ka chhiar peih loh zia i hriat kha" a rawn ti a,a hmelah chuan chhan dang vangin a hreh tih ka hmu thei.




"Chhiar la thuthlukna chu i siam dawn ania. Kei chuan ka thuthlukna tur ka hre tawh" ka ti a,a chhiar tur thu min hrilh hnuah ka luh san.



(ZAWMNA)



Ruatpuia Pov




In ka thlen veleh ka room ah ka chho tlanga dawhkana Sangkimi Dairy chu ka melh vung vung. He lehkhabu hi ka vawikhat hmuhna a ni lo mahse,a chhung thu erawh pakhatmah ka la chhiar lova. Vansangkimi kut hnu a nih vang hrim hrim hian chhiar ka duh teh vak lo.





Phurlo zet hian dairy chu ka la a,a page hmasa bera thlalak ka hmuh chuan za lo zet hian ka nui. Kuri'n chhiar tura min duh danah eng emaw thu pawimawh tak a awm ka ring a. Phur leh huphurh ru zetin a ni ka thu ziak in tanna chu ka chhiar.





A thu ziak hmasa ber chu kan khua a an lo insawn atang a in tana, thil dang vak a ziaklo an in thar chu hlui deuh tawh mah se nuam a tih thu a ziak a. A dawtah a school na ni hmasa ber, "Vawiin chuan school tharah ka kal a, kan class ah chuan rawlthar sual hmel deuh deuh an awm a,pakhat phei chuan min ti buai nghala sual ka ti lutuk" tiin a ziak leh. School kan luh ni hmasa bera Vansangkimi ka chhaih buai lai kha mitthla in ka nui nghal suk.





Chutiang chuan a birthday leh ni pawimawh bik ang chauh emaw tih turah tawi te te in a ziaka a ziak ni pawh a in kar hlat thei fu. Kan in kawp chinah erawh a dairy ah chuan thu dang chhiar tur a awmlo tih theih khawp a tam kan chanchin a ziak a. Vawitam tak min tawngtai puina thu chhiar te chu ka tan hian a nuam mawlh loh.





Ka chhiar thui zela hlimna ai lungngaihna a nuna ka thlen tam zia ka hriai belh hnem tulh tulh a. Ani erawh in chung natna ka thlen te ai chuan vawikhat keimah vanga a nuihna chu a ngai hlu zawk si. A tawp berah Vanramneihsangi'n chhiar tura min tih chhan Vansangkimi thuziak hnu hnung phek chu ka chhiar thleng.





" Lalruatpui ka hmangaih che tih i hria ti raw?" Tih a tira a thuziak ringawt pawh chuan chang dang min kan tir theilo. Ka chhiar nawn tluk tluka vawikhat chauh a hmel hmuh leh theih kha ka duh a ni.





" Vawitamtak i chunga thil thlengte avangin Pathian i dem thin tih ka hria. Mah se maw Lalruatpui, kan Pathian hian rem a ruat sual ngailo asin. Ka thihsan che i hlau ang bawkin keipawhin heng i ruihhlo tih avangte hian hun lo taka min thih san ka hlau ve tho a ni. Theih chu nise i thlarau chanchhuak tur hian eng thil pawh ka ti ngei ang,i thlarau bo chhanchhuak tura ruat ka nilo alo nih pawh in Pathian nena in in kar a fel hma chu thih tum hauh Suh. Nakinah i sawi anga ka lo boral ta a nih pawhin heihi hre reng rawh kha i fa kha kalsan lo la atan khawvela pa tha ber nih tum ang che. Kuri hnen atang Pastor nih i tum thin thu ka lo hria a,kha naupang duhawm tak a len huna Pastor nih tum kha hmuh ve ka chak zia i hria em? Lalruatpui piangthar tur hian hun bik leh eng emaw thil ropui alo thlen kher a ngai lova nangmana i tum chuan Piantharna chu keimahni ah chawp leh chilhin alo thleng thei reng a ni. Heng thu hi engvanga ziak chiam nge maw ka nih le? Mahse maw Lalruatpui, tuna i nundan i sim hmaa ka lo boral ta anih chuan khawngaihin Pathianah vuilo la...ka thihna chu Pathianin nangmah a hnaih duh vang zawk che a ni tih hi ring hram rawh aw. Kan Pathian hian kawng hrang hrang hmangin hnaih che a tuma chu chu i hrethiam thin silo. Hei chauh hi ka ngen ang che min hmangaih ve tak zet a nih chuan Vanramah ka kianga awm thei turin i nun ka siamthat theih nan min pui ta che" dairy chu ka awmah pawmin ka thingthi hnawka aw Rawl chhuah meuhin ka tap ta chiam.




"Vansangkim ilo hre lawk em ni? I kal dawn tih i hre lawk a nih chuan engvanga min hrilh ve miahlo nge i nih. Ka nun siam that chu taka i duh a nih chuan lo tho ta che..maw Vansangkim lo tho leh rawh" ka ti tuar tuara min chhangtu tur ber lah a ngawi tlat si. Ka pa chu ka room ah rawn lutin thil awmzia min rawn zawt.





"Pa...pa ana em mai,Engvang nge ka chungah kher" tiin ka pa min kuahna chu ka hnarlo Chiang hle. 'Vansangkim i Pathian chuan kei min hnaih theih nan ka lak atang ala kiang che maw? Ti nge chutianga a tih kher ti nge nang kher?' ka rilru chu dam a hnekin a na zual ting si. He ti lo zawng tal hian thil a thleng theilo em ni?
.........


KURI POV





Zinglam 3:00 am ah Lalruatpuia phone call ka dawng min rawn call hun ka lo chan reng vang nge ka chhang rang takzet.





"Vansangkimi khan a thi dawn tih a in hre lawk em ni?" Rui aw leh natna in pawlh tih hriat tak hian a rawn ti a,ka mit ka chhing sawk. Keipawn chu thil chu Dairy ka chhiar tirha ka in zawh kha a ni ve tho.





"Ka hrelo,mahse ani chu Pathian fa diktak a ni tih i hria alawm. Chuvang chuan lo in hre lawk pawh ni se a awm tho alawm" ka ti sap .





"Ni e,ringtu tha lutuk a nia hriat tirna a dawng lawk pawh a ni mah na. Mahse,engah nge min hrilh loh. Zankhua in a bulah ka awma a thi dawn tih hria ila chuan kha zan khan rui chungin ka hmu hauh lo ang." A rawn ti chhuar chhuar.





"A hun tawp dawnah pawh hmuh hreawm min tih dan berin ka va hmu a,ka inchhir a ni. Ti nge Pathian hian ka hmangaihte hi pakhat te te a alak bo zel?" A tih zawm chuan ka hmui sehin ka tap khur dar dara eng thu emaw a dam sawng sawngna tur thu hrilh tur nei ila ka ti.





"Ka..ka hrelo,mahse hmun nuam takah a hruai tih ka hria." A tawpah chuan ka ti ta hram. Ni e,hmun nuam takah Sangkimi chu a awm tawh ngei ang.





"Engtin nge chu hmun chu ka thlen ve ang. Kuri ka nu leh Sangkimi te chu hmunkhatah an awm ang tiraw eng nge an ni ka hmuh leh nan hian ka tih ngai ang" a tir lam pangngai viau mah se a tawp lam erawh a tap tih hriat takin a tham tuak tawh a.





"Ka hre lo" tih bak ka thianpa hnenah chuan chhanna pek tur ka hre lo. Ni e, ruihhlo ka ngaih chhung khan fel ve hman viauah ka lo in ngaia mahse,ka that chhan ber Mesak-a'n LalIsua a nih loh chuan awmzia a awmlo anga a sawi kha ka ngaihtuaha engtia bul tan tur nge ka hre lo a ni. Chutah Mesak-a thusawi ti Chiang turin kan inkar a buai atang zu ka in leh nghal kha a ni a. Tunah rih chuan ka hmalam hun atan kawng ka bo tak zet a ni.
.....


A tuk maia Mizoram chhuahsan tawh tur ka nih avangin chumi ni chuan Sangkimi thlanah ka kal a. Lalruatpuia ka sawm chuan alo duh tlat lo. Ka hriat loh laiin alo va kal te anih ngawt loh chuan Lalruatpuia hian Sangkimi thlan hi vawikhat pawh ala tlawh lo.





Sangkimi thihna ah khan amah Sangkimi chungah khan a thinrim em em a. Sangkimi chuan a hmangaih tawk loh vanga thih sanah a ngai a. Ngai hle mah se,a sawi chhuak tha duh ngai lo.





Thlana ka awm lai chuan number ka hriat loh hnen atang video ka dawnga chu video ka download chu ka ka hupin phawk zet hian phone screen chu ka melh.Engtin nge he thil hi! Rang zetin Lalrinchhana chu ka call a ala chhang duh lo zui.





Thinrim zetin thlanmual atang chuan ka haw vat a. Chumi pah chuan video min rawn thawntu number ah chuan ka call leta chu pawh a ring ral tho. Heng zawng zawng hi Lalrinchhana tih vek a ni tih ka hria. Engvanga video kha min rawn thawn nge a nih. Tu tu in nge video chu en tawh ang tih ngaihtuahin ka hlauthawng hle a.




Ka room ka thlen rual rualin ka tha khurh nasat zia ka hria. Khur dar darin ka khumah ka thu a,vawitam ka phone hnuah min chhang duhlo tu khan min rawn call let a. Hlauthawng leh thinrim takin ka chhang.




"Eng thil nge i tih hi" ka ti tuara ala rawn nui huah huah zui. Engtin nge hepa hi ka lo hmangaihin ka nun amah vang hian ka lo tih chhiat theih zawk.





"Vawi tamtak ka sawi hnuah pawh ka thusawi i awi duh silo a" a rawn tih chuan a hmingpumin ka au tuar. " Lalneihsang lo ngaithla rawh naktukah Delhi ah I kal lovang" a rawn tih chuan mak ti zetin ka phone chu ka en.




"Lalrinchhan video kha tumah i hmuh lo tiraw?" Dawi aw tak hian ka ti chhuak. Ni e,ka video dawn kha kei leh Lalrinchhana video a ni. Class 12 ka zir kum ami a ni a. Kan mudun lai kha video in a cover tih pawh ka hrelo. A hnua ka hriat khan Delhi a i kal hunah ka en tur tiin chhuanlam a siam a.




Khatianga kan video mah nise a kawl ka phalloh avangin ka hmuh lai ngeiin a delete kha a nisi a,engtin nge tunah alo la neih theih.




"Hmuh tir mai thei"



"Lalrinchhan i rap..i rapthlak takzet" ka ti tak tak hepa hi ka rap tak zet.



"Hetianga min chhuahtu chu nangmah ngei i nia lawm. Ka u nena kan mutdun pawn nangmah chauh ka suangtuah thin che" a rawn tih chuan phone hmanga inbia ni mahila ka hlau lutuk chu ka tim uai uai thei.




"Ti nge hetiangin ka chungah i tih?"




"Lalneihsang ka ta chauh i ni ka tih che kha,i u nena kan inkar siam that phawt ka duh avangin ka duh ai rei hun ka hmanga chumi chhungin kha pastor fapa phiangsen zunah khan ka uai e te ilo ti a" a tir lam chu pangngai viau mah se a tawp lam erawh a au in a au tawh.




Ramawm zeta nui huah huah hian, " Tunah chuan ka duh ang takin i u ka then tawha ka nei let leh dawn che. Ka thusawi i zawmlo a nih chuan video kha mitin hmuh theihah ka pho lang ang" a ti leh a. Anih chuan he thilah hian Vanlalruati'n ka u a fuihpawrh vang ringawt a ni lo tihna em ni? Hepa hian eng thil chiah nge a tih.





"Anute" tia Isaac-a aw ka hriat rual chiahin ka room kawngka a rawn in hawnga ka phone chu ka off rang hle. " Ti nge anute i tap em ni?" Isaac-a chuan Chiang zet hian min rawn en a.





"Tap lo ve,inkhawm in bang tawh em ni?" Ka in tuai thuak thuak a. "Um,a pu in inhnuaiah lo chhuk rawh a ti che a" a tih chuan ka room atang kan in zui chhuak a. Ka mitthla ah ka video kha rawn langin tih bo tumin ka mit ka chhing thin mah se a Chiang tulh tulh si.




"Anute" Isaac-a aw chu hla tak ami ang mai hian a fiah lo tulh tulha thil ri deuh bur ka hriat rualin ka khawhmuh chu thimin ka hriatna pawh a tawp nghal vek.




"Ka hmangaih che" Mesak-a ani tih ka hria ka mit men ka tuma ka thei lo.




"Engtin nge hetiangin ka fanu chungah a tih theih. Zanin la la hian Lalrinchhana hi police ho hian an man tur hi a ni ringawt ka fanu nun a tihchhiat vek hnuah zalen takin ala leng ngam te hi thi tlak a ni" ka pa ang bawrh bawrh ri avang chuan muangchanga meng chhuakin light eng lutuk avang chuan ka mit ka chhing leh a.





"Kuri,awi! Kuri ilo harh ta" ka nu chu ka hmai bulah rawn kun hniamin hlim zet hian a nuia ka nui ve suk. Ka awmna chu ka enkuala Damdawiin a ni. Tu emaw ka zawnga mahse ka nu leh pa bak tu midang mah hmuh tur an awm lo. Mesak-a aw kha ka hre Chiang si a,khawnge a awm nge ni a ka mumang mai mai zawk.





"Nu Mesak-a alo kal em ni?" Ka hamhaih em avangin ka ti chhuak sup. Nichina a aw ka hriat kha suangtuahna ni turin ka phallo a ni.




"Aw,mah se a awm rei lo a chhuak leh nghal a nih kha" a ti bul hmuk. Ka nu hian hmana Mesak-a nu min tihdan avang khan Mesak-a leh a chhungte hi ala ngaithei vak lova,an chanchin sawi tawh chuan a tum bur zel.





Anih chuan ka mumang a nilo tihna. Ka nui nghal ver ver chu " nui vur vur Suh ka la haw reng a nia" ti hlukin a thuthmun thawhchhuah sanin bathroom ah a lut a. Ka pa nen in en in kan nui tawp. Nu ho hi chu an lululin an tih tawh lamah hi chuan an rilru thlak tir leh mai mai an har tawh thin.





"Na te ila nei em?" Min melh vang vanga,ka pa mitah chuan min khawngaihna ka hmu thei.




Lu thing mat matin "pa Lalrinchhana chanchin i sawi kha.." ka ti dek dek chu rum nghutin a in hum ruh ngawt ngawt a, "mu hahdam rawh,keipawh ka va haw a nge" ti rum ul in ka nu bathroom atanga rawn chhuak chiah hnenah a haw tur thu hrilhin cabin atang a chhuak a.





Chumi zan chu ka nu nen kan naupan lai chanchin vel sawiin kan titi mai mai a. Ka phone ka zawn chuan inlamah a awm thu a sawi a. A phone en ka dilin a phallo a,tv ah lah ka hmuhnawm tih a chhuak bawk silo ka nu muthilh hnuah phei chuan keimahin ka harh kura a nuam chiah lo.




Damdawiin ah chuan na em em sawi tur nei silo in ka chhungte'n chhuah an phallo a. An hmelah chuan engtik lai pawn zep nei hmel hi an pu a. Ka phone leh an phone tak ngial pawh en min phallo a. Ka ngaih a han thalo dawn viau a, chhuanlam eng eng emaw ka hriselna chhuanlamin an siam zel bawk si.





"Amah kha a ni tiraw"




"A hmel chu a niin ka hria a,mahse video ah kha chuan ala lang naupang zawk" ka nu muthilh hlanin cabin ka chhuahsan a. Mahse,ka mi hmuh te chuan min en zuiin eng emaw hi an sawi leh sur sur zel a. Nurse pahnih thil sawi chiang zawka hriat ka duh avanga uluk taka ka beng ka dawh lai chuan ka hnunglam atang tu emaw in ka beng min rawn hup sak a.





Phu zawkin ka hawi leta ka meng nghal kawk. Mawi ka tih thin deuh ang khan min lo nuihin,kan piaha nurse te chu va melh leh zawkin ka beng thlah Chuang miahlo in min nam kal dawt dawta elevator ah min luh pui hnuah ka beng a hupna a thlah a Inchung berah min kal pui.





"I dam tawh em ni i vah kual du du" nuih zat hmel zeta tiin ka lu ah a kuk zeuh a. "Ti nge a?" Ka tih hu chuan a mit min kan khum zeuh a.





"Vanlalrambuatsaih" ka tih tuar chuan chal ti chuar tapin a hawi kuala a kal daih.




"He lai chu a boruak hip a nuam hle mai" ban phar meuha a tih chuan a thukhumah rum zet hian ka melh a.





"Nang leh ka chhungte hian ka lakah hian zep in nei a ni tiraw" a bula va tlan dat datin a hmel chu ka thlek chho ha a. Thli lah chu ala tam em em zui.




"Hmai i phih lo em ni" ka mit ek awmna rawn khawihin a ner nunga rang zetin ka mit ek awm leh awm loh ka in check vat. Mahse,hre chhuak thutin rum zet hian ka melh.




"Thu dang sawi tum suh" ka han ti tha leh a,min hai der a tum ngar ngar chuan ka thin a ti rim lek lek tawh.


(Ads click theuh ang u aw hmeltha ho)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 22nd, 2022, 10:29 pm

Chapter 21





"Ka hming lah chu a phuahtu rawn miahlo in min thlaksak daih a" ala rawn ti ta fo a nih chu.





"A phuahtu pawn 'Van' tihkha telh a duh renga i sual lutuk avangin a telh ngamlo a nih kha" ka tih khum nghek chu a nui suka ka melh vak.




"Nurse ho thil sawi kha ka hria" kan ngawih dun vang vang hnua ka tih chuan min rawn en vata reilo viau mah se a hmelah chuan hlauhna,khawngaihna ka hmu hman mah se a hmel chu siam tha vatin a nui suk a.





"I hmai phih loh chungchang maw?" A thusawi chu amah pawn a awiloh zia hmu thiam turin ani hi ka hrechiang ve tawk.





"Lanrambuatsaih" vin chiam ka duh mahse,ka hrawk hnawh tlattu avang hian ka thei silo. "Min khawngaih vanga hetia i awm hi a ngailo, imi khawngaihna ka mamawh lo bawk." Zawi tak a ni,mahse ka aw chu a hria tih ka hria.




"Nangmah ngei pawn i sawia mipa duh duh ka kawp theih thu leh min rawn tih buai tawh dawn loh thu.. Chuvang chuan video leakout avanga ka chunga i that derna ka mamawh lova i hmel hmuh phei chu ka duh lo leh zual" ka ti tak tak,a khawngaihna hi ka duh lo a ni.




"Lalneihsang"




"Lo kal tawh suh ka hmu duh tawhlo che" ti hmukin hnuailam bihin inchung zawl atang chuan inhnuai lamah ka chhuk. Ka awm zawn rawn na vawng vawng chu ka kawr nen lam tham khawmin harsa ti zetin boruak ka hip lutin ka thaw chhuak leh a. Mesak Lalrambuatsaiha hmangaih nih kha a nuam a,mah se nakin lawkah nupui ala neiin kei chu a hmangaih tawh thin nihna chauh ka nei tawh ang. A tan ka tling tawkloh zia hre reng chungin a hmangaihna dawn ka duha chu erawh ka beisei phak leh ngam a ni tawh silo.





Ka video viral ta a hmuh hnuah phei chuan kei min lo duh thin kha a inchirin min hmangaihthu thuk ruiha a sawina mitmeng leh aw te kha laklet vek a duh ngei ang. Chu erawh a laklet ka hlau in tun hnuah ka ta ni thei tawh dawnlo mah se ka suangtuahna ah erawh chamreng turin a lak let loh nan ka theihtawp ka chhuah ang.





"Nu" cabin chhunga ka nu rilru hah tih hriat taka kalkual sek chu ka aw a hriat rual rualin a tawp nghal chat a. Kawngka lam rawn hawia min hmu chu hmuh thianglo hmu ang maiin a meng zau kawk a.





"Khawnge i kal,pawnah chhuaklo turin ka tih che kha ka zawng kual nasa lutuk che" rawn ti hlukin ka darah na lo deuh tak hian a rawn beng a. Keiin rang takin ka lo kuah thung.




"I tha em?"



"Um,nu in ah haw ka duh tawh"



"Mah se"



"Engtia rei nge ka bihruk la ngai dawn Damdawiin a thawkte pawn video kha an hmu veka inlamah haw ka duh a ni" ka tih chuan a rawn in suih hraih a.





"Engthil nge kan tihsuala heti tak maia kan chunga harsatna a thlen bik mai le,kan hriat miah loh hian mi pawi kan lo sawi nasa viau zawk nge?" Ti chhuak hawkin ka nu chu a tapa keimah vanga ka nu leh pa mittui tla hi eng tikah nge a hul ve theih ang le?





Haw chu duh viau mah ila ka pa in ka taksa ala chaktawklo tiin phone hmangin kan in hnial a. A hnuah chuan a chaklo zawkah tangin Damdawiin ah chuan zanin chauh ka awm a nga naktukah ka haw tawh dawn a ni.

..........


MESAK POV





Damdawiin chungah dingin thil thlengte chu ka ngaihtuaha Kuri mita natna hmu reng chunga ka hnem theilo te leh zawi muang muanga amizia danglam mek leh ka laka a rilru put hmang danglam tan avang chuan he buaina hi a hmawr kan bawk vat a ngai tih ka hria.





Ka kekawr ipte a ka ah ka phone ri chu phawrha ka en chuan Thara alo ni, "Sawi rawh" phone ka lak rual rualin ka ti nghal,a aia dam zawk khan chhang tur ka ni tih ka in hria mahse,ka thil tawn zawh chiah avangin ka in control hman lo a ni.





"Ruati chu an in atang a rawn chhuak chiah" a tih chuan ka rum nghut. Tun tum chu kan man chhuah ngei ngei a ngai tawh,he buaina hi ka nin mai tawh bakah Kuri hian a tuar rei tawh lutuk tlat.





"Lo zui rawh keipawh ka rawn kal,vawiin hian he buaina hi a zung nen lam kan phawi vek tur a ni" tiin phone chu ka off a inhnuai lamah ka chhuk. Ka kal hmaa Kuri chin hriat leh ka duh avangin a cabin awmna lam ka pana cabin pawnah a nu nen kan in tawk. Kuri nu hian a hmel atang min ngaina vaklo tih ka hria mahse eng a sawi lem loh avangin keipawn ka sawi lang lem chuanglo.





"Mesak pawnah kan in be lawk dawn em ni?" Kawngka khar that paha a tih chuan ngaihtha chiah lo hian a hnungah ka zui.





"Ka fanu hi rawn hmu tawh lo la ka duh hle mai" a duhna hmunah kan awm a ti ta deuh nge dingin ka mit taka en in a ti nghal.




"Ka pi"




"Mipa smart tak,Pathian tih mi i nih mai bakah Pastor fapa i niin chhungkaw tha tak atanga chawr chhuak i nih avang hian ka fanu hian a phulo che in a tan chuan beisei phak i nilo mai thei. Ka fanu hian Damdawi a tiin a nunah chhuan tur thil a ti lo pawh a ni thei mahse,amah hmangaihtu nu ala nei tih i nu nen khan lo hre rawh u. Chuan tun hnuah ka fanu hi i rawn hmuh ka rem ti tawhlo bawk,a hma ilo puih tawhna ah erawh i chungah ka lawm hle a mah se i nu hmusitna tawngkam dawng leh turin ka fanu hi ka phallo" a vin hranlo a dam dapa a mit meng leh hmelah erawh a tih mai mai loh zia chiang takin a hmuh theih.





Kuri nuin min kalsan hnuah pawh ka dinna ngaiah ka la ding reng. Ka chhungte chauh nilo Kuri nu leh zel pawhin kan inkar min pawmpuilo tih hriat chu rilru a buai ta nak mai. Kha ka nu vawikhat insum theih loh avanga thil thleng zelin a hrin chhuah buaina in chaw be chho lutuk hi ka hne tawh tak zet.




Ka phone ri chuan min ti harh zawkin Thara bawk alo ni, "i rawn thleng tep em" a tih chuan ka thlen vat tur thu sawiin a adress min rawn thawn lamah chuan chak zetin ka in khalh chhuak.Ka chhuah hma in police lam pawh ka hriattir tawha kan chet a fuh chuan Lalrinchhana leh Vanlalruati te chu a rualin kan man thei ngei ang.





Kha video kha a hma daihin kei hian ka lo hmu tawh. Chutih hun lai chuan Lalrinchhana leh Kuri a u in a puhchhiat lai vel kha a ni a. Kha tah khan ka awi tih ka pha lo,a u meuhin an in ah va phawkin a pasal a then an tih te khan ka thin an tirim em em a.Mahse,vawikhat chauh ka hnena rawn let leh tura thlem kha ka duh a. Chutih lai chuan Vanlalruati phiangsen hian Kuri video hi min hmuh tirin min vau a. Chuvang chauh chu a ni Kuri hnenah khan then ka duh thu ka sawi.





Ka chungchang chu nise khami tum khan engpawh huamin Vanlalruati kha ka that duh ngei ang. Mahse,he thilah hian amah chauh in hnamhnawih a nilo a,chutah Kuri kaihhnawih a nih avangin ruahmanna felfai tak ka neih a ngai tih ka hria.





Vanlalruati thil tih hi ka chhungte'n an hre lova,sawichhuah ka la tumlo bawk. Vanlalruati chuan nupuia ka nei a nih chuan video hi Lalrinchhana kawl leh a kawl a delete tur thu min hrilh a, Lalrinchhana hian eng ruahmanna chiah nge a neih ka hrelo a mah se, Lalneihsangi a bitum tih erawh ka hria.





Ka nu in ka pa hnena palai tirh a sawi pawn ka hniallo a,ka duh ber chu Vanlalruati hian min vau zamah ngaiin ngaihngam takin awm se,keiin a inrin loh lai changa man let hi a ni. Mahse,ka thil tumah hlawhtlinna ka chang tep tihah khatiang thil kha thlengin Kuri hnenah video thawn a ni a. A hnuah social media ah a viral zui bawk.





He thil hi a thlen loh nan theihtawp ka chhuaha mahse,a thleng ta tho si. Ka venhim duh ber ka venghim theilo chuan ka thin a tirimin ka in haw hle a. Chuvang chuan zanin hian engkim tih tawp ka duh a ni.





"An la rawn chhuak miahlo em ni?" Ka tih chuan alo bu nghuta Hluna pawh a nau te nen an rawn thleng chawpchilh nghala in chu zawimuangin kan hual.





"Vawiin bak chu ka rawn kal tawh dawnlo min lo be tawh suh ang che" Ruati chuan alo ti hlak hlak a.




"Tunah hetianghi kan thleng tawha min phatsan ang maw?" Pakhatin lawmlo tih hriat tak hian alo ti ve khur khur.




"Phatsan tih kha ka lakah hmang reng reng suh,nangmah a nih kha thil tisual hmasa tu. I fimkhur loh vangin Lalengzaua khan Video kha a hmu a, Mesak-a nen kan inneih hma in ka thil tih hi a chhung ten an hre chhuak thianglo"





"A tawk amah Lalengzaua ber pawh kan dah tha tawh a ni lawm ni. He thila mawhphurtu leh police ten an zawn ber chu kei hi ka ni.Engvangin nge ilo Mangan ve vak,chubakah video post darhtu i nih ka hai hleinem ka thu hi han hnial na teh keimah chauhin police ho hian min man hauhlo ang"




An thilsawi avang chuan in hum ruh ngawt ngawtin an pahnih chuan va rek chhuah mai ka duh tawha mahse,Hluna'n ala hunlo a tih tlat avangin ka la nghak hram hram a ni.




"Hmeli le" tia Lalrinchhana a au that rual chiahin "che tawh suh u" tiin Hluna leh a nau te chuan chung kan misualte pahnih chu an silai ken chuan an tin far a. Vanlalruati hmahaih hawi kualin min hmu tel chu a meng buai tawh takzet.





"Me..Mesak" tia min rawn pan a tum chu "che suh" Hluna'n alo ti leh hluka min rawn pan hnai ngamlo.





"La.. Lalrinchhana hian mi..min vau alawm. I hriat kha Mesak ka duh zawng chu i nupui nih mai chauh a ni,abak engmah tih sual ka nei ve lo" hmeichhe zaktheilo tih takah Chiang taka kan man hnuah pawh ka rinna hlawhchhuah tumin dawt ala sawi zat zat.





"Ruati in thusawite kha kan Chiang takin kan hre ve vek asin. I khawsak dan hi Kohhran rawngbawltu tih atan chuan a rapthlak mah mah a ni" Thara pawh chuan Ruati chu mak a tih zia a aw chhuak atang a hriat theih.




"Ai..ka ni lo,ka ni lo ka tih chu" mi a ang maia tiin a beng a huma a te vak vak. Lalrinchhana erawh a thut ngaia thuin hnuailam a melh renga,vawikhat pawh ala rawn tawng chhuak lo.




An pahnih chuan kawl bun tirin inchhung atang chuan an hruai chhuak a. " A hmun vel hi kan han dap a nge,in duh chuan pawn lamah lo va nghak ula. Anih loh pawn in lo va haw thei tho min puihna zawng zawngah kan lawm hle mai" tiin a nau te chu inchhung leh a vel dap turin thu a pe nghal zat.





"Pawnlamah kan lo va awm a nge" tiin Thara nen chuan kan chhuak a. "Enga chungchangte kha an sawia anni hian an lo that tihna em ni?" Thara'n a rawn tih rual chiahin in hnunglam atang Hluna nau te zing ami pakhat chu ring zet hian a rawn au. Chulamah chuan rang zetin kan thian dun chuan kan tlan.




A rimchhe lutuk chu ka hnar ka hup nghal vat. Inhnunglam hla ve deuh takah chuan ruang phum an haih chhuah tih hriat reng reng chu mipa mah ni ila hmuh a hreawm in mi rap ang takzet.





Chu ruang chu a rei berah ni hnih vel a ni ang. Rim a nei tana chuvang chuan rei pawh kan en lo. Thara nen chuan kan tih ve theih tawk a zawh tawh avangin Lalrinchhana te phurtu let rualin kan leta Thara te in kan thlenin zanriah la ei lo kan ni bawk nen kan chawl a. Zanriahte ei zawhah police station lamah kal leh kan tum a ni.




"Thil ei ava tui duh awmlo ve" ka hnara rim la chambang tlat avang chuan ner nang nang hian ka ti a,Thara pawh alo nui huk.





"Engtin chiah maw in va kalna chu han sawi Chiang deuh teh u?" Kan chaw eina bulah rawn thu in Thara pa chuan a rawn ti.




"Thil thleng vak a awmlo Enga ruang kha inhnunglamah kan hmu a,keini chuan tih theih kan neilo bawk nen kan rawn let sana chaw ei kham lamah station lamah kan han kal leh ang chu kan ti" tiin a pa chu a chhanga kei erawh in eng mah sawi ka tum lem lo.





Chaw pawh chu ka sawi ang tak takin ka ei tam lo. In sil fai turin bathroom ah ka lut a,ka chhuah leh chuan pawnlam atang phone hmang chungin Thara a rawn lut a, "aw le,chanchin min rawn hrilh ve zel rawh" tiin kei chu min rawn en a. A hmel atang chuan thil diklo thleng a awm anih ka han ring ringawt a.




"Tu nge a?" Ka tih chuan thaw hakin " Lalrinchhana police kut atang a tlanchhuak" a ti sup.



(ZAWMNA)





Ka thuhriat avanga insum hmanlo in ka bula chair chu ka tlawh pawpa,thawm a ring bawka Thara farnu room lama awm te nen lam an chhung chuan min en thapa, "ka tihpalh" ti bul hmukin ka chair tlawhtluk pawh tung tha tawh lemlo in pawn lamah ka chhuak.





"Khawnge kal i tum" Thara chu ka melh zawk.




"Station ah chuan ka han kal ve dawn,engtin nge a ni kawl bun mai mai kha an tlan chhuah tir theih.Nep lutuk mai" ka bike hnungah a rawn Chuang ve nghal chu kan tlan chhuak a ni der.





"Motor atanga an chhuk tur kha a che phut ni awm tak a ni. Constable pakhat phei chuan silaimu a dawng a ni awm a, Hluna pawh chanchin hria in a rawn let mek a. Keini lam pawh fimkhur turin min rawn chah a nih kha, police ho silai pakhat a tlanchhiat pui leh nghala tawn fuh a chakawm fahran lo" a ti bawrh bawrh a.





"Chu i hlau deuh em ni?" Tia ka lo fiam zeuh chuan nuk hakin, " Engvang teh lulin nge misual tlanbo satliah chu ka han hlauh ang ni" a ti ve ngei a.





Police in ti ve si a,misual kawl an bun tir vek tawh an tlanchhuah tir thei chu awmlo ka tiin nep ka tihna chu nasa tak a ni. Police station kan va thlen chuan an lo buai khawp mai a. Kil khata Vanlalruati leh police pakhat lo in thutchilh ran na lam chu ka pan.





"Eng thil chiah nge thleng?" Ka va ti bung nghuta Vanlalruati rawn hawi chhuak hmelah chuan min nuih sawhna Chiang takin ka hmu thei.





"Thil thleng kha a ni phut maia kan in ring hmanlo a ni" police zawk chuan inthiamlo tih hriat tak hian a chal a dawm vawng vawng a.




Rawn nui uar uarin, " mi mawl tak i ni" tiin Vanlalruati chuan thip zet hian min rawn en, " Mesak heihi hre rawh kei min thlangloa kha hmeichhia i thlang kha i tisual dawn a ni" a ti chu Thara'n a ti thei thlawtlo a ni mah na.





"Vanlalruat ngawi mai mai rawh nangang hmeichhe lem lutuk hi tuman an hmangaih thei ngailo ang che" a rawn ti a,chu chuan a thin a tirim zual tih hriat takin a meng dur zual a.




"A that dawn, Lalrinchhana hi in hre chianglo a ni. Lalneihsangi hi awlsam taka a kaltir in ring em ni? Ha...nge ni a tunah te hian Kuri ava that tawh zawk ang" a tih chuan harh chhuak zawkin station atang chuan ka tlan chhuaka engtin nge a tir khan ka lo ngaihtuah loh zawk.





Damdawiin lamah ka tlan chhuak thuaia tlan pahin rilru tawngtaina ka nei mawlh mawlh bawk. Damdawiin ka thlen chuan nurse duty pahnih hnenah mipa pakhat rinhlelawm deuh hlek an lo hmuh leh hmuh loh ka zawta anni chuan chutiang mi hmuh an neih loh thu an sawi mek laiin mangang tih hriat takin Kuri nu a rawn tlan phei hlawk hlawk a.





"Ka..ka fanu ka hmu zo lo ania, bathroom a ka luh chhungin alo bo daih" Kuri cabin lamah chuan ka tlana alo ruak huai tak tak.


..........



KURI POV




Ka nu che phat phat leh bathroom lama a lut chu harh chiang manglo hian ka hria a,a hnu deuha thawm a rawn neih leh sat sat takah chuan " nu i nuamsamlo em ni?" Mut chhuak bawk nen ka mit pawh ka menglo ka mut dan ka siam tha sat sat chu kut hlai zet ka nu kut a nilo tih hriat reng reng hian ka ka chu rawn hupin ka beng bulah thawm chhuahlo turin min hrilh bawk.





"Thawm i chhuah a nih chuan i nu nen sawn hetah hian ka that ve ve ang che u" Lalrinchhana hmel rapawm lutuk chu thaw dep depin ka en a,a kuta a silai ken leh a thuamhnaw leh kut vela thisen kai te chuan amah ka hlauhna chu a belhchhaha chet pawh ka che sawn ngam tawh lo.




Tun ang hunah silai nen heti lai a rawn thleng a nih chuan thil tha ti turin alo kallo tih a Chiang reng bawk si a. Chubakah ka ni sawidanin a ni chu police mi zawn lai niin khatia damdawiina ka luh tuk atang khan tuman an la hmu leh lo tih vel chu a chanchin ka hriat dan a ni.





"Kal rawh" tia ka bana a rawn vawn te chuan ka Phu uiha pawn lamah min chhuah puiin a hawi kual vut vuta pawnlamah min chhuah pui ta mai lovin inchung lamah min chho pui.





"La ....Lalrin..chhan" ka tih khurh dar dar te chuan, "ngawi mai mai rawh" min tih khum nghut zela tawng pawh ka tawngngam lo a ni ber. Ka pa in ka taksa ala chaktawklo tia min hrilh kha tunah hian a dik zia ka hre ve chiah.




Inchung zawl kan chhuakchho chu alo vawt vur maia ka hmalamah min nam kat nawk nawkin ka piah pen hnih bawr atang chuan silaiin min tin ran. "Khaw..khawngaihin Lalrinchhan" ka han ti ringawta ka hlauh vang nge a vawt ka tih vang pawh ka hre tawhlo ka ke te chu a sai dar dara Ralling vuan chuan ka ding tawk tawk a ni ber.





"Hrethiam tur i ni asin,heihi ka thil duh a nilo tih hi" ti hriam hrakin a sam tuai puatin thawk la in vanlam chu a hawi vang vang a. "Lalrinchhan" ka tih sup chuan min rawn pan hnai mai a tuma ka tawlh hnungdat a hmuh chuan amah leh a mah chu in en in "hrep hian" tih leh Ralling chu a chhir zui pawp pawpa ka hlauh em avangin ka hmui pet fan fanin ka mittui lo luang pawh chu hruk hul nachang ka hre lo.





"He..hetiang hian awm suh" ka aw chu a chhuak che che.




"Reilo te min lo nghak rawh ka tih khan ka thu awiin min lo nghak la a ni tur" a hmela pawi tihna leh kei min demna chu Chiang takin a lang.





"Chuvang chu em ni mi zawng zawng hmuh theiha kha video kha i thehdarh?"




"Ka nilo,kha thil kha ka tih a ni lo. Chutianga tih che pawh chu ka duh lo, Lalengzaua tih vek a nih hi" a rawn tih chuan phawk zet hian ka lo en a.




"Jo.. Joel-a maw?" Ka ti he haw a.




"Ni e,khapa phiangsen khan video kha ka phalna la lo in a rawn thawn che a,Bawihi he thilah hian eng thilmah thiam lohna ka neilo" a ti hman tawk Mesak-a au ri a hriat avangin ka banah min pawtin in phen nana min hmangin ka lu ah a pistol ken chuan min tin leh ta ran.





"Kuri"



"Mesak" mittui kar atang phe ruaiin va hmu mah ila thla eng hnuaiah chuan a hmela hlauhthawnna chu Chiang takin ka hmu thei tho. A hnungah chuan midang ka nu leh pa, police te leh Damdawiina thawk thenkhat ho pawh chu an rawn thleng khawm tak tak a.





"Kha...kha tah khan ding rawh u" tiin ka lu chu a silai ken chuan a rawn nawr na zual sauh a. Ka mit pawh ka chhing sawk,ka nu tap rawng rawng ri leh kei min chhuah tura Lalrinchhana a ngenna leh Mesak-a hmel hlauthawng tih hriat taka a thaw dep dep te chu ka melh kuala ka lung a chhe tak zet.





"Lalrinchhan I silai kha dahin tha takin rawn in pe mai rawh tlan chhuahna kawng a awm tawh lo" tih thu police in a rawn sawi lai chuan Lalrinchhana chu rapawm zet hian a rawn nui a.





"In rawn hnaih chuan a ni hi ka...ka kap dawn a nia" tiin a kawtawpah a tan tawh pawn tlawm ala tumlo tih hriat takin kan hmaa ding thapho chu ala vau pung pung a.




"Nu" ka nu chu ka va en,chhuatah thuin ka pa in a kuah bet a.




"Rinchhan ani kha i hmeichhe hmangaih a nih kha i kap tak tak thei ang maw" rawn ti dap dapin Mesak-a chu zawi te te hian a rawn pen hnai a.





"Hmela tah khan ding rawh,i rawn hnaih leh chuan Lalneihsangi hi ka that ang" a tih chuan a ding chawt a, " Ani hi ka neilo a nih chuan nangpawn i nei tawp lovang. Ka sawi kha Lalneihsangi hi ka hmeichhia chauh a ni,tu mipa dang lakah mah chan ka tum lo" a tih tak charh charhah chuan min thihchilh a hreh lo tih ka hria a,keipawh chu ka thih loh reng ka ring tawh lo.





Ka chhungte leh Mesak-a hmel chu uluk takin ka enkual a,a tawp nan ka ti a ni mah zawk. Heihi ka nun tawpna tur chu em ni? Heihi ka thil tih tawh tena a hrin chhuah a ni tih ka hria, "min kap rawh" ka ti zo chiah chu Mesak-a leh ka chhungte hmelah chuan mak tihna ka hmu ka mit ka chhing nghal a. Tunah chuan he nun hi tih tawp ka duh tawh. Ka piang nawn leh a nih chuan mifel leh tha takah ka piang nawn tawh ngei ang. Chhungte mittui ti tla tu ni tawh lovin an hlimna thlentu ka ni ve tawh ang.





"Nilo,khawngaihin Chhante ka fanu kha chhuah hram rawh"




"Lalneihsang" chung aw te chu ka mit chhin sanin ka thih hun chu ka nghak.




"Lungngai Suh a na lo ang,kan pahnihin kan awmdun reng tawh dawn a nia" ka beng bulah rawn tiin ka bek chu a fawp vang vang a. He pa hi ka hua a ni, meidilah chuan asa lai berah hruaiin ka nun min tihchhiat sak vek man hi ka rul let ve ngei ang.





"Lalneihsang min phatsan ilo tum elaw?" Ka rin loh deuha Ruatpuia aw ka hriat avang chuan ka mit chu ka meng. Hmel hmuh nuam zet hian min lo nuiha ka nuih ve hak. Damdawiin ka awm atang vawikhat pawh a hmel ka la hmu lova phone en min phal loh avangin Puitei hnenah a chanchin hriat ka duh avangin phone turin ka ti a,call a chhang thei ngai lo.





Pa Zorema ka zawh lahin a riah chhuah thu leh ani pawn a awmna a hriat loh thu min hrilh a. Engtin nge tunah tak a rawn lan theih, ka thih dawnah chuan min thlah liam lova awm a duh biklo a ni mah na.





"Kha mi dawizep khan a kah ngam tak tak che i ring em ni?" Tiin hlauhna nei ve lo ang maiin kan lamah a rawn pen hnai a.




"Lalruatpui"




"Tah khan ding rawh?" Lalrinchhana'n alo tih ve chu za vaklo a nuihin a ding data mah se,a rawn pen hnai leh ta tho.




"Ding rawh ka tih chu" tih ruala Lalrinchhana'n Ruatpuia lam hawia silai a hmeh puah rualin silai dang a rawn puak zawm leh a. Lalrinchhana awn riai riai chuan rapawm zeta min nuih ka hmu hman tawk ka kawr nghawngah thamin Damdawiin chung atang chuan min pawt liam.





Thil thleng chu a rang ema chutia Lalrinchhana'n min pawh liam ve na ah pawh chuan lo tan ve ekna hun pawh ka neilo. Mahse,ka vanneih a siamin Ralling ah chuan ka lo in ham tang hman hram a, ka khur dar dar nen ka thil vawn pawh chu ka rei ka vuan thei dawn lo tih ka in hria.





"Kuri" tiin ka kut Mesak-a chuan a rawn vuan.




"Mesak" tap pura lo tiin hnuailam ka en a, Lalrinchhana taksa nunna nei tawh lo tih hriat taka mu meng kur chu ka zuk en. A tlangna zawnah thisen tamtak a bua a,silaia an kahna a awmah te chuan thisen a chhuak tam em em a.





"Hnuailam en Suh" a rawn tih chuan a hmel tang tak chu ka en.



"Mesak"



"Hlau miah suh,ka chelh tlat che ania" harsa tih hmel zeta tiin chunglamah min pawh chhoh a tuma a reilo te ah midang pawn rawn pui vatin inchung zawl ka thlen rual rualin Mesak-a chuan "i him tawh e " tiin a awmah min kuah beta keipawh in na zet hian ka kuah bet.





Ka hawichhuakin Lalruatpuia an lo buaipui laih laih ka va hmuh chuan kal pangngai pawha kal hleithei lovin ka vak phei rawk rawka a darah kah hliam alo ni a,a lo then ve chawk chawk mai. Inhnuai lamah an zawn chhuka kei erawh Mesak-a'n min dawm pahin min chhuk puia kan hmanah ka nu leh pa pawh in kuah rialin an chhuk.




"Mu hahdam rawh" nurse in min jection lai chuan duat zetin ka lu ah min chul saka, Ruatpuia kha ngaihven chu duh ve viau mah ila an phal tlat si lo.
........



A tuk Chawhnu lamah chuan Damdawiin atanga chhuak turin kan insiam a. Kan inpeih hnuah Lalruatpuia awmna lamah ka kal.




"Ti nge biak theih loha i awm reng,i thiannu hi min ngaihsak lo em mai" a hliam nei zawk a ni tih hre mah ila ka lungawi lohna thup ka tum lo. Damdawiin ka awm tih a hriat chuan min rawn kan ve ka ring a mah se biak theih leh hmuh theih in a awmlo a. Kei atan ka han in pek thin teh reng nen.




"A hun takah ka rawn lang a ni lawm ni?" A mit ko san zeuha a tih chuan a malah ka beng pawp. A dara ben tum kha ka nia hliam a neih vang chauhin ka ben tumna ka thlak.




"I thih teuh zia kha i hria em? Â het huat lutuk" ka ti hlak chu pa Zorema a lo nui hak hak. Kei chu ka pa min tiam angin Damdawiin atang ka chhuak tawh dawna ani erawh nizan silaia kah a nih avangin zan hnih khat chu ala riah ve a ngaih hmel. Chuan vawikhat pawh ka va kan bik miahlo ang maw le.




"Kha mi dawizep pa khan silai kha a hmeh per ngam tak tak pawh ka lo ringlo a" a ti te chu ka melh rum tawh lutuk. Mahse,tiang khan atthlak takin rawn che lo se Lalrinchhana khan min kah loh reng ka ring lo.




Eng tin nge a tih kha "Lungngai Suh a na lo ang,kan pahnihin kan awmdun reng tawh dawn a nia" a ti a nih kha. Ani khan a ruala thi turin min rawn pan tih kha hai theih a ni lo. Ka mittla ah lah chuan Damdawiin kawt lei chara a tla hmel kha a cham reng leh nghala a nuam teh chiam lo.




"Neihlungkhak" ka Phu nghek a au ring lutuka ka beng a ngawng dawn alawm le. "Vak vaka che ka beng a chheklo" ka beng nuai nawk nawk a,ka tih chuan a ngawng tih melh tak hian min lo melh a.




"A ngawn si loh chuan ka zawhna kha min chhang ta che" a rawn ti deuh khera Damdawiin a awm apiang hian a chimawm a zual thin hi a ni ringawt.




"Eng nge i sawi" ka tih hmuk chuan ngawi renga min melh run runin a hmui a chip leh ang tlat a, "sawi rawh anih loh chuan ka hawsan dawn che ania" ka lo ti hluk.




"Keipawh kha hmunah khan ka kal ve duh" a rawn tih chuan a ngaihna hrelo zet hian ka en let ha, " kha hmun nuam tak i sawi Sangkimi leh ka nu te an kalna ah khan ka kal ve dawn a ni" a rawn tih leh takah chuan room chhung boruak chu rawn in thlak hlawkin lawmna leh lungchhiatna kan ti dawn nge a hma lawk pawha tah chhuak miahlo kha ka tah a han chhuak thuta ka hlim tho bawksi,ka hmel chhiat dan tur ka ngaihtuah.





"I tap dawn nge i nui dawn?" A hmel ner deuh nawngin ka hmai zawnah min kawk kuala,a chimawm ka tih tawh kha "Lalruatpui" tah nuih haka ka tih chuan "i hmelchhe lutuk" a rawn tih leha ka nui ta hak.





"Keipawh" ka tih chuan nui vur vurin a kut phah a rawn dawha ka lo chelh let vat,nghet zetin kan in hmer a " Kan pahnihin a tawp thlengin, kan in phatsan ngailo ang. Ka thian Best friend forever kan ni lawm ni?" Tia sawi rualin kan in nuih ta ver ver.




"I nau te an rawn thleng kal ang" ka nu in a rawn tih chuan "Ruatuih lo dam vat ang che,ka rawn kan dawn bik miahlo che ania" tiin kan kal hma chuan ka vo leh hram a.




In kan va thlen chuan ka chhungte chuan eng an hria chu ni maw min lo lawm hlawm em em a. Kan awmdan chu hmanlai huna let leh ang mai kha kan ni. Kan hlim tlangin tawng hun te chu kan han in chuh barh barha tudang kan ngai biklo.





Ka pa in Pathian hnenah lawmthu sawina,ngaihdam dilna leh inhlan thar tawngtaina a neih zawhah zanriah kan kil ho a. Chaw ei laia ka pa thil sawi atang Vanlalruati police ho in an man thu leh Joel-a thih thu te ka hria a. Chhun lamah Lalrinchhana vuina ah pawh alo va kal ve e ni awm e.





Ka khumah mu in ka awm zel dan tur ka ngaihtuaha, tunah chuan ka sex video Mizoram pumah a darh tawha mi tu pawn min hmu se kha sex video kha an sawi chhuak tawh dawn a. Hmangaihna miten thil hlimawm leh ropui taka an sawi mi zawng zawngin neih an chak em em thin lo hlauhawm theih zia chu Chiang takin ka nun atang hian ka hmu thei bawk.





Joel-a a thi tih leh a thattu Lalrinchhana leh Vanlalruati te ka ngaihtuah chhuah takah phei chuan ka tim uai uai theia ka tha chu a khur nghal der der. Flim velah chuan tualthahna thleng hmu fo mahila a takah chu pawh ka bul hnai ami te lakah a thlen ka lo ring ngailo.





Vanlalruati ka ngaihtuah thlen takah chuan mak ka ti tawp theilo. Lalrinchhana chu thu hran lo ni ta se inhuatna kan neih awm ka hre ngai lova. Mesak-a a duh tih ka hria,mahse Mesak-a nen pawh kan inthenin inneih mai thei dinhmunah an ding tawha engvanga khatianga ka chunga ti nge maw a nih le?





Puitei min hrilh danah ka video post darh tu ber chu Vanlalruati a ni a ti a. Chutiang khawpa min ti mualpho a duh chu mak ka ti takzet. Chubakah Lalrinchhana nen khan ralkhat hmelhriat ang chauh kha an niin ka hria a,he ti tak maia thilsual ti tura an tang dun thei hian ka ngaihtuahna a ti buai tak zet a ni.





Mesak-a chuan engtin nge a tih tak ang, Vanlalruati nen khan an in neih tep tawh a ni si a. Anu mawlh mai khan a tuar dawn hian ka hria,a fapa mai nilo a mo tur leh zel keimah vanga a nei theilo tur ka ngaihtuah chuan ka inthiam loha min huat tawh tur zia lah ngaihtuah phak a ni tawh lo.





Ni te chu liam ve zelin Damdawiin atanga ka chhuahna pawh karkhat lai a ni ve ta reng mai. Zantin Mesak-a reilo te te a rawn leng a,a chang phei chuan kei nilo in a rawn len chhan chu ka nu hi a niin ka hre thin. Ka nu hian ala hua nge ni alo be tha vak duh ngailo a, ka nu hi inngaihnat tir a tum ni berin ka hria.





Lalruatpuia pawh a thutiamah din a tum tih hriat takin a dar na a damfel huna a camp luhna tur chungchang kan in biak apiangin min sawi pui thin a. Chuan khatia Damdawiina ka awm laia a reh vang vang lai khan a nu te khaw lamah lo va zinin a fapa lo va hmuha a nunna tihtawp alo tum a ni a. Chuvang chuan a phone pawh switch off tlat reng alo ni.





Engpawh nise tunah chuan thil engkim pangngai tawha kan nunhlui te theihnghilhin tupawn hmalam kan pan vek tawh a,kan chhungkua pawh inngaih takin kan nui ho leh dar dar thei ta.




(A tawp ta a tih theih tawh ang🤣 nizanah ka u a rawn haw tlai lutuka Hotspot connect tur ka nei silo a, engmah sawi lawkna pawh awmlo in ka rawn awl leh ta tawp a nih kha. Kan chapter dawt lehah chuan kan thawnthu hi kan ti last chapter thei tawh ang)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 22nd, 2022, 10:29 pm

Chapter 22




"Pa Delhi ah kal ka duh" ka tih zawh rual rualin ka chhungte chuan min en thap a.




"Ngati leh pek nge?" Ka nu chuan a ning tawh tih hriat zet hian a rawn ti hluk.




"Ngatimah ka zirna zawm leh ka duh alawm" ka lo ti a.




"A tha e,engtika kal nge i tum" ka pa pawn a rawn ti ve sup. Kal vat ka duh thu ka lo sawi chuan a bu nghuta thil dang engmah a sawi belh tawh lo.




"Bawiha pawh Hostel atang a rawn chhuak ve chiaha nang lah Delhi lam kal ilo ti leha chhungkaw kimin kan awm hman reng reng lo" ka nu chuan a ti deuh hlak hlaka ka nui tawp. Keipawn tuna kan awm anga chhungkaw kim leh hlim tlang taka awm hi nuam ka ti mahse,ka nun hi a bul atanga tan thar leh ka duha chumi tur chuan ka zirna zawm leh hmasak ber chu ka tih turah ka ngai a ni.





"Fanu thiam neilo chawmhlawm ni turin min duh em ni?" Tia ka fiam chuan midang zawng an nuih laiin ka nu chuan, " duh e duh e,ka fa te alawm le in nih eng ang pawn awm Ula ka chawm hreh reng renglo che u" a rawn tia kan vai nuih ta ringawt.





"Chutianga auKuri Delhi lama a kal dawn chuan ka zui ve dawn" Bawiha'n alo ti vat. Board exam an zo a, ka pa pawn ka bula kal ve chu alo rem tih saka ka nu tullo tih chi tak alo ni leh nge ni a phun deuh niah niaha mahse,kallo turin kan unau chuan min khap chuanglo.





Bawiha chu a phur khawp maia zanriah kan ei khamah pawh titi dang a nei hleitheilo. Isaac-a a in sawi theih khum avangin 'ka kal ve duh' tiin a putea chu a kalna a piangah a zuia, bathroom ah thleng thleng a kalsan hlau in a zui char char.




A hnu deuha inchunglamah an pawm chho a,an hnungah ka u in chhun lama Isaac-a thawmhnaw a suk ho dah fel tumin a zui chho bawk.





Kawngka kik ri a rawn awm chuan ka nu in lo chhawn vatin Mesak-a te thian dun an rawn lang nghal zat.




"Ka in lengte an ni silo a,Bawihpuia te game khelhna ah ka han kal ve daih teh ang" chimawm zeta min nuihin Puitei chuan inchung lamah min chho san a. Ka nu leh Mesak-a chu zan danga an tih ang bawkin zawhna an in zawt leh char char tawh.




"Thingpui ka va lum a nge" tia ka tho chhuak chu min rawn en in a nui suka ka nu lam a en leh. Choka lam panin ka nui ve suk suka ka nu nen football chanchin an sawi phei chuan an inhnial ve nasa thei lutuk.





Ka pa aimahin ka nu in football lam hi a tuipuia a chhan pawh player hmeltha ho vang hi ania. A nulat lai chuan David Beckham hi a star thei lutuk. Tunah pawh hian ala sawi leh zuk zuk thin. Keipawn Beckham hi chu tha ka ti,ka pa lah hian an ti theilo em em khawp a.





Thingpui chawia an bul ka va thlen chuan Mesak-a hnathawh lam an lo sawi a. An thingpui tur ka pek chuan min en ran chungin no a lak pahin ka kut a hum deuh vang vanga min en reng tih ka hria mahse,ka hrelo der tlat.





Thingpui an in zawhah ka nu leh pa chuan mu turin an room lam min pansan a. No ka seng fela Choka lama ka awm laiin Thara pawh alo bo hman daih.





"Khawnge Thara kha?" Ka va let leh chuan ka ti ha a.




"Hetah ka bulah hian lo thu teh" atih chuan a sawi loh angin a ep chiah sofa ah chuan ka thu thla,a thaw hak riin a zui rual chiahin amah chu ka bulah a rawn in sawn a.




"Engtia rei nge min pehhel i tum" a ti bung nghut. Nichin maia ka nu a biak dan nen chuan a aw pawh a in nelawm hlet hret. Pangngai taka kan in a rawn len leh hnu hian pangngai taka in biakna hun kan la nei lo. Ka nu nen an inkawm ber zel a,a chang chuan ka mut san daih zel.





Pawnlamah ka la chhuak tam lova, miin engtiangin nge ka chanchin an sawi thin ka hre heklo. Mahse,mawihnai tak chuan min sawi dawnlo tih ka Chiang. Mesak-a pawh hian engtiangin nge min ngaih ka hre lo a,midang ang tho in ka chungah ngaihdan a neih ka hlau.




Tuna alo len fo chhanah pawh hian kei min duh vang kha a ni ka ti ngam tawh lova,chu ai chuan a rawngbawlna pakhata min ngaih vang niin ka hre thin.





"Min en teh Kuri" ka hma lam melh ngara ka thu chu ka khabe ah vuanin a lamah min kuai her. " Nang hian min la haw reng em ni?" A rawn tih chuan a mitah tak uluk zet hian ka en a,ani pawn min melh let ve ngur a.





"Haw tur che hian tunge ka nih, mi haw tur kan awm a nih chuan kei nilo in nang hian alawm min haw tur. Keimah vangin khawtlangah hmingchhiatna i tawka, i chhungte nen ka in bakkaih tir che a,keimah vangin zu i in bawka tunah lah keimah vang bawkin i nupui ni mai tawh tur chu jail ah a tang bawk a" ka ti mawlh mawlh,ka tana a thil tih zozai te kha sawi dawn ila chuan hun hian min daih kher lovang.





"Nilo,chutiang chuan ngailo turin ka duh che. Nanghi ka nuna ka thil neih hlu ber ber zing ami i ni a,chung zingah chuan Pathian hi chan ka hlau bera a dawtah chuan nang hi chan ka hlau ber che. Khang ka thil tih zawng zawng kha ka ta i nih hlen theih nana ti ka ni a engtikah mah nang hi ka haw thei ngailo ang che" dam dapa tiin a awmah chuan nghet zetin min kuah bet.





"Misual man ka duh luatah ka tina che a ka tihpalh mahse, khang huna ka tihnat let che aia hlimna ka pe ang che" a rawn ti thawp leh sup. Chu a thil sawi chu ka ringhlel hauh lo.





"Mesak" tia ka chet chuan min kuahna chu a thlaha thu tha in a hmelah chuan ka en ran a, ka thil sawi tum ka sawi mai loh avangin a mit min kan khum zeuh a,ka nui suka ani pawh a nui ve tho.




"I nui hian i hmeltha zual tih i in hria em?" A rawn tih erawh chuan lai zetin ka nui tawm hmuka ka hmui hnuailam ka seh vak. Min tih laih phet a tum emaw tih mai turin cool zet hian min melh renga a hmel pawh ka en ngam leh lawk lo.





"Ka han haw a nge, nangpawh mu hma rawh." A rawn tih chuan ka en nghal vata min nuih sukin a tho chhuak. Sana ka en a 9:00 pm a ri dawn chauha ui viau mah ila ka chelh lui chuanglo.





Delhi ka kal tum thu kha hrilh ka tum viaua mah se,hun rem chang danga hrilh leh ka tum ta lawh lawh. Tunah rih chuan ka sawi hreh deuh tlat alawm.




Kawngka te kalh felin ka room ah ka chho a,Bawihpuia room a an la rak ri teng tung pawh chu ka va pawh duh tawh lem lo. Ka room ah lut tlangin ka in tihfai zawhah ka khumah ka mu a,ka phone rawn ri chu Mesak-a a ni.





"Ka ngai che" phone ka lak rual rualin a rawn ti nghala ka nui hak.




"In i thleng chho tawh em ni?"




"Um,ka mu chiah mah se ka ngai che" a rawn ti leh. Keipawn ka ngai nghal veng veng. "Min ngai ve em?" Ka ngaihtuahna a hria emaw ni ka ti hial.




"Kan in hmuh zawh chiah kha" ka ngai che tih dawt kha chu ka duh bik teuhlo. A rawn nui hak haka,a khumah mu chunga min be tur leh a nui hmel chu ngaihtuahin ka nui ve ver ver.




"Ka nupui ni tawh la ka ti" a rawn tih erawh chuan ka nui tawp riai riai a, "Engtik thleng nge min la nghah tir dawn Kuri, palai ka rawn tir mai dawn em ni?" A rawn tih zawm leh.Ka chhanglo a kan ngawih vang vang hnuah amah bawk chuan "Kuri" a rawn ti hmasa leh.




"Um"



"Ka nupui nih chu i duh a ngem?" Kan inbiak tirha boruak zâng zet kha bo in a rit chura ka awm a nuamlo nghal em em ringawt mai a ni." Min chhangla ka nupui nih chu i duh em? Kei chuan nanglo chu nupuiah tumah nei ka tum lo" ka chhan hmain a rawn ti leha thawk ka la ham ham.




" Ka hrelo" ka ti chhuak thei hram.




"Ka hrethiam e,lo inngaihtuah rawh zana mahni a mut hi a khawhar thlak ania" tiin a tawp lamah a rawn nuia ka nui lui thei nganglo.




"Naktukah eng nge i tih ang?" Tia min zawhna chu tihtur ka neih loh thu in ka chhanga lenchhuah dun a rawta keipawn ka sawi tum te sawina hun a nih theih ringin ka lo aw a. Kan inbiakna pawh kan ti tawp ve nghal mai bawk.




A tukah chuan kan inah 10:30am velah min rawn lam a.A hmaa kan kalna Thengthaw tlangah kan kal leh a. Kan khaw bul velah hi chuan he tlang bak hi han lenna vak tur a awmlo bawka mi leng vak pawh engtik laiin an awm thin.





"Nizana ka thilsawi kha ilo ngaihtuah tawh em?" A kapkarah thu in ka hnunglam atang min kuaha ka darah a khabe a ngat bawk.




"I chhungte'n min duh loh kha" ka tih chuan thaw hakain ka bekah a fawp vang vang.





"Vanlalruati atang khan ka nu in eng emaw zir a neia khalamah kha chuan hlauthawng suh" nuihza aw lek lek hian a rawn ti. Anu chuan kei hi a fapa kawppui ni turin min pawm tawh tih a sawi tumna ni ah ka ngai.





"Mesak Delhi ah ka kal dawn" ka ti supa a thu ngil nghal awt chu ka mit ka chhing sawk.




"Engvang nge?" A ti bul hmuk. A hmel ka en chuan eng nge a ngaihtuah ka hre theilo na chu a lawmlo tih erawh Chiang takin ka hmu thei.




"Ka zirna zawm ka duh a ni" ka tih sep chuan na zeta thawk la in ka biang tawn tawnah rawn dawmin ngunthluk fe hian min en a.





"Inneih phawt ang,i zirna chu zawm i duh viau leh kan inneih hnuah i zir zawm dawn nia. Mahse,chumi hma chuan inneih ang" a ti charh charh.





"Mesak"




"Ka thusawi chu i hria tiraw,palai ka rawn tir anga inneih hmasa phawt ang aw" a ti dam leh dupa a mita min ngenna pawh chu ka hmu mah se,tunah chuan ka la inpeih tlat lo. Min en vung vung hnuah ka chhanna a hria a ni tih hriat takin a ding chhuak vuta kan hma deuh hlekah va kalin min hnungchhawn zawngin a ding ta run a.





Zawi muangin a bulah chuan ka va kala,a bul chiahah ka va ding. " Tihsual ka nei leh em ni?" Alo ti bul hmuk.




"Ai"




"Anih chuan engvanga min neih chu duhlo viau nge i nih?" A thinrim tawh tih ka hria,thaw ham hamin a hmel rum ul leh kan hma lam hla tak a thlirna mitmeng thim khup mai chu ka thlek chho vang vang.





"Nunbul tan thar ka duh a ni" ka tih chuan min rawn melh chhuk vuta ka lo nuih suk.




"Keimah nen kan tan thar theilo em ni?" A mita en ranin ka lu ka thinga a hawisan tur chu a kut ka chelh sak avangin ka lam a rawn hawi leh.




"Kum naupangte ka nihin ka mipa hriatchian loh ka hmangaih avangin ka nun ka ti chhe vek a. Khatiang kha thleng nawn turin ka duh tawh lo"





"Ka tiam che tunah chuan a dang lam hlak tawh ang" ala rawn ti fan.





"A danglam ang tih chu ka hria mahse,Mesak kum khat chauh nang nen hian kan la in hria a. Kan inhmangaihna hian engtia rei nge a deih dawn ka hrelo, khatiang khawpa ka kawp rei mipa ka lo hrechianglo lutuk kha mak ka in ti a. Ka hlauhthawnna hi min hriatthiam pui turin ka duh che" ka tih chuan min en vung vungin a mit a chhing.





"Min ring ngamlo i tihna em ni?" rawn ti vawt ruihin ka mitah tak min rawn en.




"Mesak"




"Ka thlah haw ang che" nelawmna pakhatmah awmlo hian a ti bul hmuka a bike hunna lam a pan nal nal.




Ka ngaihtuahna tawi ta mukah chuan 'engtin nge Mesak-a ka hrilhfiah ang' tih zawhna chauh chu awmin chhanna a awm silo. Ka hlauh ber erawh engkim huamin a kut vuan ila Lalrinchhana'n min phatsan ang khan min kalsan leh ka hlau a. An mizia leh nihna hrang hlak mah se ka thil lo tawn tawh te avangin hlauhna ka neilo thei silo.





Chuvang chuan heng ka hlauhna te zawng zawng ti bo turin leh a hmaa inring tawk taka ka lan ve theih nan hun min pek belh se tih mai chauh hi a ni ka duh. Amah ka rin loh ngawr ngawr ai mah chuan keimaha inrintawkna pakhatmah awm ta lo hi a ni ka buaina.





Haw kawng tluanin kan in be lo a. Bike atanga ka chhuk hnuah pawh tawngkam khat maha min thlah loin a tlan chhuak nghal. Nizan lamah ka pa bulah ka sawi lawk vek tawh avangin ka pa chuan Zirtawp thlawk chhuak tur ticket min lo cut sak a.






Mesak-a'n vawikhat pawh min rawn be leh lova,ka ringlo nia a in hriatna khan a tina viau a ni ngei ang. Ni a liama naktuk hi kan chhuahni ani ve ta reng.Tlaiah keini unau leh Lalruatpuia camp lut tur thlah nan chaw kan in ah kan ei khawm a.





Damdawi avanga tal buai thin na nana chu tunah pawh a meng phi leh chiai tawh a. A tum tih ka hria mahse,mahni mai chuan hneh a har em a. Chuvang chuan camp pawh an tum ai hmain a lut dawn a ni. Kan in hmuh leh hunah chuan mithar anga ka hmuh theih tawh ngei ka in beisei.





Zanriah ei khamah an camp na lamah kan va thlah a. Fuihna thu eng eng emaw min hrilh hnuah a chhung lamah a luta ka mittui a tla fep fep. Miten hnawksak tiin hmu mawh viau thin mahse,ka thian tha ber a nia ka tette atanga puih ka ngaih apianga ka kianga awm thin leh ka thuruk engkim hre tu a nih avang hian ka tan chuan a hlu tak zet.





"I inpeih vek tawh em ni?" Mutura ka insiam laiin ka u a rawn lut.




"Um,Isaac-a a muhil tawh em ni?" Ka lo ti vat a.




"Bawihpuia bulah a riaka an muhil tawh." Tiin ka khumah chuan a rawn thu a." Thil hrilh tur che ka nei a" tia min rawn en chuan a tawng leh hun ka lo nghak tawp.




"Lalrinchhana a thih chhan hi keimah ka niin ka in hria" hreawm tih hmel takin min rawn en.




"Engvang ngawt chuan Damdawiin chunga thil thleng kha i hre veka i thiam loh pakhatmah a awmlo" ka lo ti a,chutiang chuan ngai tawhlo bawk se ka duh. Police ho khan tha taka in pe turin an ngena a duh loh vangin police ho khan duh thlan tur an nei lova amah leh amah kha a in kah tir ka ti mai kei chuan.






"Khatiang khawp khan alo hmangaih ang che tih ka ring pha lo a" a rawn tih chuan ka meng kawk. Chung chu engvanga rawn sawi chhuak nge maw a nih le.




"Anu kha zai a ngaih a vangin pawisa a mamawh a. Min neih chuan a nu in enkawlna senso ka tum sak tur thu ka hrilh a,mipa mah nise a nu a hmangaih em avangin a tlawm zawkah a tang lo thei lo a. Kuri,ka thil tih dan kha a thalo tih ka hria,mah se Lalrinchhana kha ka hmangaih ema,khalo kha chu kawng dang ka hre silo a ni. Kum tamtak ahmangaihna hlawh chhuah tumin ka bei a mah se,a hun tawp dawn thleng khan kalsan a hreh zia che leh a hmangaih zia che a mitah khan ka hmu asin." A tih chuan Lalrinchhana'n khami zana a thil sawite leh a awmdan zawng zawng kha ka ngaihtuah leta khawngaihna riau ka nei.




"Hun reilo te min lo nghak rawh a ti thin a" ka tih chuan ka u chu a rawn nui chhuak hak.




" MZU ah a thawk dawna chumi hun chu a sawi tumna a ni ngei ang. School a a thawhchhuah chauh kha chuan a nu enkawlna a daihlo nasa lutuka min then chuan a nu nunna in a tuar dawn tih a hriat vang mai maiin ka lakah khan a tha thin. Chumi hre reng chungin kaltir ka rem tilo a. Ka fapa a en dan leh nang a en ang che hian vawikhat pawh min la en ve hleinem. Hna sang zawk a thawh hunah i hnena lo let leh a tum vang a nih chu nghak tura a tih che" a rawn tih malh malh chuan ka u chu ka lainat takzet.





Khang an in neih chhung zawng khan sum vang chauhin a hmangaih chu a kiangah a awm a. Ka u in Lalrinchhana a hmangaih zia ka hria,tuna a thih pawh khan a tuar viaua ka nu leh pa a hmai zah avangin engmah a ti lang tha ngamlo mai mai a ni.




Ka u chhuah hnuah inngaihtuah muk zet hian ka mu meng kura, Lalrinchhana chuan ka ngaihtuahna a kalsan hleitheilo. Anu hmel tar tawh tak kha ka ngaihtuaha tunah hian eng nge a hriaselna din hmun chiah ni ang.




Ka u sawidanah Lalrinchhana nau te nupa pawh inhlawhfa chawpa khawsa ve mai an ni a. Annu chu engtin nge an enkawl ang, ka phone rawn ri rang rang chu ka bana Mesak-a a ni.




"Hello"




"Inte ah khan ka awm a,ka hmu lawk thei che a ngem?" A rawn tia ka khum atang ka tho chhuak nghal.




"Ka lo kal" ka ti a ka hmanhmawh hle bawk. Inte ka han thlen chuan ka thaw hlawp hlawp tawh ka hmanhmawh em avangin ka tlan miau a,hahlo thei pawh ka nilo.




Hah taka ka thaw hluam hluam chu mit ti zim sunin min en a ka nuih tlawn ta ringawt. "Khatiang khan ka hmuh duh thu che ka sawi hunah Delhi atang chuan min rawn pan thin a ngem?" Thum deuh duta a tih chuan ka ka hau.




"Ka kumin nupui neih a hun tawh tih hria la,min rawn be ngun viau ang che. Ka hmel a chhe zawk zawklo bawk nen college ah ka thawk leh a nih chuan ngaizawngtu ka ngah dawn ania." Thutak zet hian a ti leh a. Mak ti zetin a bulah va kal hnaiin a hmel chu uluk zetin ka en a nui duh hauhlo leh nghal.





"I college zirlai naupang nen inkawp chu i duh em lo ang chu tiraw?" Ka ti sup.




"Ka hrelo,ka kum hi a naupang zawk zawk tawh silo a ka nu hian tu hmel a hmuh duh thu a sawi sek tawh bawk si a" min ngaihthah hmel zeta a tih chuan na zetin a darah ka chum.





"Khavang khan alawm" ka ti hluai,tunah a kiangah ka awm rih dawnlo tih a hriat veleh hmeichhe dang a sawi nghala lo inneihin nupa pawh lo ni ta teh reng ila kei inah ka awm a nga ani college ah hmeichhe chhelo leh naupang tak tak kiangah nitin in hun a hmang dawn a. Chumi huna inring tawk taka ka pasal ka tih theih nan Doctor nih tum chu ka ni.





A nui suk suk chu rum tawka melhin "nuih suh" ka ti that. Ngaihzawng dang a neih hlau em em in kei ka awm a,ani lah chuan min la sawi thaih ang sauh sauha misual tak chu a ni.




"Atha alawm i duh leh i nu thu chu awiin nupui chu lo nei rawh keipawn Doctor hmeltha tawk pasalah ka rawn nei haw ang" a nui rengin ka thin a tih rim em avangin ka ti pang panga a nui tawp Chiang tak zet. Ka kutah rawn pawt thutin a mal chungah min pawt thu a.




"Han sawi leh teh?" A tih khur khur chuan ti dai hian ka en. A hmel lan dan chu a inthlak thawka ka tawng tha mai ngamlo."tuna i sawi kha han sawi tha leh teh nang hian engmaw i tih ang?" A rawn tih chuan chilh lem khalhin a mitah chuan ka en.




"Doctor pasalah ka nei ang" ka sawi zo hman tawk ka hmui chu a hmuiin a rawn kharchilh hmiaha ka chhang letlo ka dawh mawl tawp. Ka kawngah nghet leh zuala rawn dawmin a lamah min pawt hnai a.




Damdapin a duhthawh hle a ka ka chhunga a lei a luh tir meuh chuan ka chhangletlo theilo. Ka chhan let ruala a nui ri suk chu a hmuiah ka seh saka "Lalneihsang" ti thatin a hmui chu ala san rang tak zet.





"Engthil nge i tih?" A hmui thi ser ser a lei hmanga hawlh zeuhin a khawih a.




"I chawh" ti hmuka a mal chung atanga chhuk ka tum chu min man betin ka mai tlang chu a kut tangin a thai pah riak riaka a tawpah ka hmui chu a kut zungpuiin a khawih leh.





"Mipa dang I sawi leh a nih chuan i kal ka phallo a nga,nupui atan zanin hian ka hawn ang che" a rawn tih sup chuan ka melh ta reng. " I duh ang chuan Doctor tha tak rawn ni ang che,mahse ler ka phal dawnlo a nia" tiin ka hmui chu a fawp zeuha ka nui ta hak. Engtin nge ka ler san phal te a in ring reng reng ni.





"Nangpawh lo ler na teh rawn thlawk haw in i hmeichhe lo kawp chu chin tawk awmlo in ka rawn sawisa ang" ka ti ve a. Chu zan chu kan pahnih tana zan hnuhnung a nih zia hria in kan in haw san phallo a rei tak chhung inthlahlel takin kan thu dun a.





Mahse,chutiang chuan a awm reng theih si loh. Kan gate bul thleng min thlaha "dar engzatah nge in chhuah ang?"




"11:00am ah kan in atang kan chhuak ang,min thlah turin lo kal ve ngei ngei rawh aw" ka tih chuan a bu nghut. He pa ka ngai dawn lutuk hi ka huphur lawk. "Min rawn be ngun viau ang che" ka ti ta ngawt.





"Lerlo la" anin min ti thung,'lut tawh rawh', tih leh 'kal tawh rawh' tiin kan kut erawh kan in thlah thei silo. A tawpah duhthawh zeta min fawh hnuah min kal tir thei ta hram a. An in a thlen veleh message min rawn thawn a.




"Zingah Lalrinchhana te inah min va kal pui teh" ka va tih chuan a call a rawn lut nghal.




"Eng vangin nge an inah chuan ka i duh?" A rawn ti nghal. Ka kal duh chhante tha taka ka hrilh chuan alo aw ve leh mai a.




A tuka Lalrinchhana te ina kan va kal chuan an choka lamah pi Siami(Lalrinchhana nu) chuan rawng lo bawlin alo khuh leh khar khar thin a. An monu in chuat alo phiat bawk.




"Pi Siam" ka tih chuan kawngka lam a rawn hawia ka hmel a hmuh chuan a meng deuh kawka mahse,insiam tha vatin lut turin min ti.




"Kuri ka fapa in i chunga a thil tihte kha pawi ka ti lutuk ania" a tih chuan a ti mai mailo tih a mit meng leh hmel atang chuan ka hria.




"Pi Siam hei hian ka lo ral ve ang che" tiin ka u in nizana a thil min hrilh hre ranin pawisa tamtham ve tak ka khawl atanga ka lak chhuah chu ka pe.




"Kuri" tiin a puan bihin a mittui chu khur dar dar hian a hru a. Lalrinchhana'n min kalsan chhan kha a nu dam loh vang a ni ang tih rin ngaihna ka lo hrelo a. Lalrinchhana hi a mawl takzet,kei ai khan a tir atang ka u kha thlanga hmangaih tur a ni asin. Ka u chuan a nu damlohna thleng a hriat puiin a ngaihtuah em em a. Kei erawh chuan amah chauh kha ka lo ngaihtuahin a chhungte lam reng reng ka ngaihtuah sak ve ngailo.



(Han zawh ka tum teh reng nen,ka nau te inkhel ka en ve duh sia, Kuri hlim lai ni ti rei ve deuh tura min ti te tan chapter thar dang la dah leh rih mai ang aw🥰)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 22nd, 2022, 10:29 pm

Chapter 23




Ka pa in Airport thleng min thlah theih dawn loh avangin kan inah tawngtaina in min thlaha, Mesak-a pawh Airport a rawn kal chu duh viau mahse,tih tur ruahmansa an lo neih tawh avangin kan inah kan kal hma zawng a rawn awm ve a. Airport kan kal pahin phone hmangin kan in be reng.





Thara te huan lamah tuikhuah tur an lai dawna,ka peih loh pui lawk. Airport ah Isaac-a'n nasa lutukin kan kal tur chu min ngena a tawpah Bawihpuia'n a silai duh ber chi hawn a intiam avang chauhin a tap bang. Bengalore ah reilo te chawlin Delhi ah kan tlanga ka pa causin te chhungkaw bula kan innghah dawn avangin an fapa upa ber Isreal-a'n min lo hmuak a.





Bawihpuia hetah a awm chhung an bulah ka awm a nga,a haw chhoh hnu ah Hostel ah ka lut ang. Lehkha ka zir tak tak dawn hi chuan tibuai tu neih ka duh lova Hostel a awm tawp hi ka duhdan ber a ni thin.





Kan thlen thu ka chhungte ka hrilh hnuah reilo te Mesak-a nen kan in bia a,ka chau lutuk chu sawi hian a siak lo. A tukah Bawihpuia chak ber bazar kan tan nghal a. A awm chhung na nana chuan hun kan hmang nuam khawp mai. Karkhat a cham hnuah a haw chho a,kei Hostel ah ka in suan lut ve nghal.






Mesak-a ka hrilh chuan, "i chhungte bula awm chu a him zawk lo em ni?" Min tih saka,him chu a him zawk mai theia mahse, ka chhungte mah nise inthlahrunna chin hi alo awm ve thina engtik lai pawha in thlahrung reng renga awm kha ka peihlo a ni.





Kar lova class ka zawma kan professor min lo la hre tawk an awm ve nawk bawk nen. Ka tlangnel leh rang takzet. Thian turin ka mizo pui Danpuia leh ka roommate Piya-i ka nei nghal bawka nuam ka ti leh nghal der.




Mesak-a nen kan hun awl apiangah kan in be thina a tlangpuiin zanriah eikham 8:00 pm ah kan in be thin. Ani pawh Aizawl-ah a hna ngai zawm turin a let leh tawha engtik lai pawn ka zirlai zir tha turin min fuih thin.
..........

MESAK POV





Kan tih nek nek chhungin hun pawh alo kal ve duai tawh a. Ka nu u fanu Mawitei Civil hospital a Nurse hna thawk lai mek nen kan in ah kan cheng dun a. Ani hi Aizawl khawmi tak an nih loh avangin in luahin a awm thin a,khatia kei Aizawl lama ka awm leh tak dawn si ah chuan ka pa in ka bula awm ve turin alo sawma ani pawn alo duh zawk bawk nen ka tan hlei hlei a tha.





Rawngbawl hi ka thiam vaklo a keimaha ka awm chang chuan chaw ei lohah ka tlak mai zel. Mahse,Mawitei a rawn awm chinah chuan rawngbawl a thiam bawka ka nghei ngai ta mang lo.





Zan darriat rik hun chu paper check pahin ka nghak leh ran tawha,ka paper check ah pawh ka rilru ka pe thei tawh meuhlo. Ka phone rawn ri chu rang zet hian ka chhanga a rawn nui hak hak.




"Nui suh" ka ti hmasa ber,a nui ri erawh hriat nuam tak a ni.




"Khatianga rang khan tuman call an la la ngailo ang" tiin ahma aia nasa in a nuia keipawh ka nui ve leh ta tho. Min dem su,phone kha a ri hman manglo ka hmeichhe biak mek hi ka ngaiin a aw hriat ka chak tawh em a ni.





"Nangmah i nih chungchu khatiang reng kha a ni ang" tiin khumah duhdah zetin ka mu thla.




"Vawiin ah hmeichhia be ck tu che an awm leh em?" A rawn tih chuan ka nui haka ani a rum nghut. Tunlai zirlai ho hian eng nge an hriatni an zirtirtu ka ni tih hre reng chung hian an mitmei min hmuha ka fel e tihna nilo in rilru diklo deuh pu mi chu ni ila awlsam taka mutpui theih mai tur hi ka tawng nual mai.




"Awm tawh lo tura i duh chuan lo haw vat rawh" ka ti a,ka whatsapp ah te hian ka number hriat ngailoh message a tam thin khawp mai. Zirlai min rawn zawh chuan tha takin ka chhanga a bakah erawh ka be zawm ngailo. Chung thil chu Kuri pawh ka hrilh veka min chhaih nan a hmang leh thina ka duh lo zawng tak a ni.





"Nuam i ti zawklo em ni? Professor luck em em pa" a rawn ti a,a bulah chuan awm ila ka fawp nek ang maw le.




"Ka nupui nila engkim chu a nuam a ni mai,engtik maw in exam kha?" Ka ti ta daih.




"Exam hma in thlakhat inbuatsaihna hun kan la nei" arawn tih chuan ka thaw hak,thlahnih vel an exam leh a nga kan in hmu ve thei tep tawh e. Alo haw chuan nupuiah ka nei tawh ngei ang,nikum Christmas kha kan in hmuh hnuhnun ber na ani a,rei cham thei kan ni lo ve ve bawk nen ani Delhi lamah a liam leh thuaia kei ka hna lamah ka buai leh nghal char chara tun tum a rawn haw tur chu chhuah ka tum tawh lo.





"Lalrambuatsaih" a rawn tih chuan har zawkin "eng nge" ka ti a.




"Engnge i ngaihtuaha ka sawi pawh i hriat miah loh" lungawilo deuh hian a rawn ti a,kan in neih hun tur ka lo suangtuah tui lutuk a ni.





"Tihpalh eng nge sawi tha leh la" ka tih chuan lawm vaklo hian internship rawn haw lova tih nghal a duh thu a rawn sawi. Chu thu ka hriat chuan ka phone chu na zet hian ka huma ka lawmlo takzet.





"Eng nge i ngaihdan?" Ka ngawih vang vang hnua a rawn tih leh chuan ka insum hmanlo chuan " i thu alawm" ti hmukin ka phone ka off a,a rawn call nawn leh pawn ka chhang tawh lo.





Vawitam kan inbiakin ka sawi tawh,'exam zawh veleh rawn haw la palai ka rawn tir ang' tiin inneih puiah ka sawm a. Tuna taka hetia thutlukna dang alo siam leh chu ka lawmlo ve em a ni.





Ka paper check pawh check zo lo in ka zial ka tana inbengdaih ka tum pauh leh ka thinrimna a zual emaw tih turin thawk a sak talha ka phone ri chhen chu ka switch off hmak. Ka ngaihtuaha inneih ka sawi apiangin thil dang sawi a tum thin a. A chhang phei chuan a rilru thlakin ngaihzawng dang a nei ta emaw ka ti hial thin.





Tu nge kha...aw...Danpuia a tih ve zia ka zuk phone chang pawha a phone lo chhan sak ve tawh tupa kha,ani kha tu chiah nge a ni. A thlavang lah chu Lalneihsangi hian ala hauh em em leh nghala,vawihnih thum chu kha a thianpa vang khan kan in hauh phah nghe nghe tawh a nih kha.





"Hrep hian" bang chu na zet hian ka hnek. "Lalneihsang nang hian min lo bum a nih na chuan hre rawh mipa i hriat tawh a zawnga rapthlak ber ka ni ngei ang"





Atuk zing ka thawha ka phone ka on chuan misscall leh message Lalneihsangi hnen atang alo awm tuara message chu chhiarin reply erawh ka reply lo. Tikhan a nghaktu nih hreawm zia hre ve rawh se.





"Sir i damlo em ni?" Lecture ka pe zo chu Monica-i chuan a rawn ti nghal chat.




"Dam e,eng nge nita?"




"I mizia a dang deuh em a" a tih chuan ka nui suk,an room chhuahsanin an assignment ka collect chu office lamah ka pawm phei a. Office ka luh hnu reilo te ah Monica-i bawk kha rawn kal lehin ka phone min rawn pe a,ka theihnghilh tih reng reng ka lo hre lo.





Phone chu la in ke en,Kuri hnen atang eng message thar mah ala awm leh lova min rawn biak a tum loh danah ka call hmasak a nghak a ni ngei ang. Mahse,tun tum chu a tlawm zawka tan ka tum tawh lo.






Ka nu in Grace-i bulah "Khulamah kan hmuh phak lohah zuk awmin i u rilru hi a tina leh mai ang tih ka hlau a ni. Ani chu hmeichhe hmeltha tak a ni a,mipa ngaizawngtu a hmu in i u te zawk a hmuh loh rei chuan a theihnghilh vat a nga." Tiin Kuri'n min rinawm loh san a hlauh thu alo sawi thin a ni awm a.




Diktak chuan ka nu hian Ruati lakah khan thutlukna a siam sual Chiang em a,chutiang chiahin tunah pawh hian Kuri hi ala ring ngam chiahlo a.Chutiang ka nu ngaihdan zawng zawng ka ngaihtuah tel phei chuan Kuri'n inneih chungchang sawi a duh miahlo te hi ka rinhlel phah zo vek a ni.
..........



KURI POV




Ka phone chu na zeta humin ka in sehruh ngawt ngawt. "Kan mimpuii chu tu nge ti thinrim che ?" Danpuia chu rum zet hian ka melh. Thutak a pailo ropui si a,mi mood fuh loh lai tak hian fiamthu thaw a ching ropui si. Tunah pawh a dan ngaite in a rawn khik leh vung tawh hi.





"I ninawm mi mood fuh loh hi hre thei viau suh" tiin ka phone chu na zetin ka bag ah ka khung. Engtin maw 'ka bialpa' a ti maw? Lalbuatsaih nang hian ngaihzawng chu i nei tak tak lo ang chu tiraw?





Ka message chhiar vek siin vawikhat pawh min rawn be lova. Nizan kan inbiakna ka ngaihtuahin Internship ka ti leh tur thu ka sawi kha a duhlo ni ah ka ngai a. Chu pawh nise tha takin a duh loh thu a sawi mai theilo em ni. Tunah pawh keimah zawkin ka hunawl chuhin ka va phone hmasa leha mahse kha nu khan 'ka bialpa phone' alo tih avangin ka off leh nghal kha a ni a.





Va in tih mualpho ka duh loh vangin Mesak-a chu biak leh ka tum ta miahlo a,nge nia thudik hriat ka hlauh vang zawk. Ni e,va phone in va zawt ta ila ama ka ngei atanga khanu a phone lo chhang tu kha a bialnu a nih thu alo sawi a nih chuan ka tuar zo dawnlo em a. Va biak kha ka ngam ngang lo a ni.





Exam tura inpuah chah ka ngai bawk nen ka chhungte hrilhin ka phone chu ka switch off a ka thawmhnaw bawmah ka khung tha hmak. Tun tum chu ka tum ve em avangin ka zirna tibuai thei thil engmah tawn ka duh lo. Mahse,Mesak-a hepa hian tunah chuan min ti buai tak zet.





Ka lehkha zir laiin amah vangin ka tap chhuak fo va. Ngaihzawng dang a nei tur anga ka ngaihtuah ringawt pawn ka a lo chauh a ni a. Kei min duat anga hmeichhe dang a duat tur thleng ka ngaihtuah chuan ka thik takzet. Ani nen khan pangngai taka inkawm kan nei tlema mah se khang hun reilo te chhung khan a hmangaih nih nawm zia ka hria in ngaiah ka neia midangin a hmangaihna an dawng ve tur chu ka phallo a ni.





"Kuri,Kuri" tia Piya-i min au ri chu a hla tial tiala a hnuah phei chuan engmah ka hre tawh lo. Ka harh leh chuan khumah ka lo mu in Iv min lo khai sak a.




"Tho duh suh" ka tho tur chu min lo dang vat.




"Engtin nge ka awm a?" Ka dangro lutuk chu tui ka ban nghal rawk rawk.




"Nikhawhrelo in i awma, Doctor chuan i chauhluat lutuk avangah a puh a. Chaw i ei mumal bawk silo zanah lah lehkha ziriin i muhil mang ngailo a. Ti lutuk suh,exam te chu i pass em em ang" tiin min hnem ve mawlh mawlha.





Exam chu kan tana ka zir nasa bawka ka chhang tha ve khawp chuan ka hria, Mesak-a ngaihtuah loh hram hram ka tum a,harsa erawh ka ti khawp mai. Kan exam zawh zanah ka chhungte nen kan in bia a chuta Puitei'n whatsapp lama min rawn biakna ka chhiar chiah erawh ka dan hman lohin ka mittui a rawn luang nghal zung zung.





"U,U Mesak-a nen in inthen em ni? Hei kar hmasa khan Aizawl-ah ka thiannu pa damlo kan kal puia" tiin hmeichhe pakhat nen an thlalak min rawn thawn. An thlalak atang pawn an in huat loh zia a lang vek a. A hmeichhia chu nurse niin a hna kal tur hi Mesak-a'n a thlah in tlaiah pawh a hruai thin tih te a rawn sawi a.





"Kan inbiak hnuhnun ber khan hmeichhe pakhatin a phone call alo chhanga Mesak-a bialnu a nih thu min hrilh a" ka tih chuan ka awm zawn hi a na vawng vawng. Tunah chuan ka hlauh ang ngeiin Mesak-a chuan hmeichhe dang lakah min phatsan ta tak tak a ni.





He thil a thlen ka hlauh em vang hian ania,inneih pawh ka hmanhmawh duh lo. Inneih hnuah chuan inthen leh mai mai a theih tawh lova,tuna hetianga a thleng pawh hi ka tan a tha zawk a ni mahna le.





Exam kan zo a,haw ka chak chhan ber Mesak-a berin kawppui thar a neih tawh si avangin Danpuia min sawmna pawmin intern ship Mizoram lama haw chho lo in ka ti tlang a. Ka nu rawn vui viau mah se,ka lulul zia a hre bawka a theih veleh amah zawk a rawn zin tur thu a sawi ta ringawt.
.........


AFTER 5 YEARS




"Ka chau lutuk" ka nghawng chetin inzaina room atang ka chhuak a. Darkar 5 teh meuh mi a zawna zai chu tih mai mai chi a ni hauhlo.




"I ti tha lutuk e" ka thawhpui te chuan an ti sap sapa damlo kan zai zo chauh kha emergency a zai a ngai leh sia midang zai tur awm ta lo chu ka zai leh ta ngawt kha ania ka chau takzet.





"Dr. K" senior "Amit-a" rawn kal chu za lo zet hian ka lo nuih. Kuri tia miin min koh hi a lam thiam ve meuh lova a pa nen Dr.K min ti mai zel.




"I hman tiraw?" A rawn tih chuan ka chhang lawklo,a tih dan ngai te in rum zet hian min melh a.Hna dang a sawi leh dawn tih ka hriat avangin ka chhang hreh em a ni. Tunah chuan mut vang vang baka thil duh ka nei lo.





"Inzaina room atang ka lo chhuak chiaha" ka tih sup chuan "min rawn zui rawh'" thu pe aw tak hian a ti nghal.Ka va han ning tak.




A pen chak ropui si,he Damdawiin neitu fapa hi a ni a. Doctor thiam tak a niin a hnuaiah hian training turin ka bei ve nasa lutuk mahse min la duh lawk lova. Ka ngen fe hnuah a hnuaiah ka training ve thei chauh a ni.





A pa office lamah min kalpui chu mak ti viau mah ila engmah zawhna ka zawt lo. "Hei an lo thleng alawm" Mr.Sharma Damdawiin nei tupa in a tih chuan Senior Amita phen atang ka va dak chhuaka chuta kan lam lo hawi mek mipa ka hmu chu ka meng kawka thil a ri nghal bur.




"I tha em?" Senior Amit-a'n hahthlak min tih hmel zeta min rawn kaihthawh chuan ka that thu in ka chhanga mahse,ka ban puam ka tluk zawnga ka delh chu a na takzet.




"I tha tak tak maw?" Mr.Sharma pawh chuan an bula kan zuk thut thlak rualin alo ti ve leha za lo zeta nuiin ka that thu ka sawi leh. Ka hma a thu pa lah chuan min melh run leh nghala kan in hmuh loh chhung khan men hlauhawm dan alo zir nge tuna min en dan hian rei tak min en a nih chuan ka thih vat thei in ka ring.





"Mesak i pa chu a tha zel maw?" Senior Amit-a'n a tih takah chuan kei nilo in Amita lam a hawia ka thaw nghal suai suai.




"Chuvang chu ania hmuh che ka duh" lo tiin min rawn melh zawka Amit-a a bu nghut bawk.




"Zai turin min duh i tihna a ni maw?" Tia Amit-a'n a zawh chuan alu alo bu ve nghut. Engtin nge a pa chu a awm le? Amit-a te nen hian eng in zawmna nge an neih ang,an in biak danah lah hian reitak lo in hre tawh an ang bawk si a.




"Dr. K" ka lu a rawn kuk tu chu rum zet hian ka melh apa alo nuih huah huah laiin mit ti zim sunin min en a,kan piaha thu ka va en chuan 'mengrum liana' ka rilru in ka ti hmanhmawh.Hemi te pafa hian min ngam leh lutuka Amit-a hi khirh viau mah se,ka hnial letin ka chang let ve pang pang fo mai.




"Hrethiam teh hemi te pahnih han inzui hi chu an buaithlak deuh ania" Mr. Sharma in a rawn ti a.Mesak-a mit chu keimahah chauh a fu ngur tawh.




"Thu pawimawh sawi lai hian thildang lo ngaihtuah veng veng zel suh" nelawm loh tak hian a ti a. Hah em em in mi ka zai zo chiaha chutah Mesak-a ka hmu leh thuta chhuatah na zetin ka la tlu zui. He vai paliana hian min hau reng bawka tunah tak hi chuan heng nikhawhrelo a mu char char ho hi ka awt lek lek tawh.




"Eng nge in sawi?" Ka ti hmuk.




Thaw hakin Mesak-a pa dam lohna chungchang vel sawiin a man a zai tur thu leh chuta pui tu tur chu kei hi ka ni thu a sawi a.A sawi zawh chuan Mesak-a ka va en,chutiang khawpa apa a damlo a nih chuan a rilru a hahin hreawm a tih tur zia ka ngaihtuaha hreawm ka lo tih pui.




Ka hriat tur ang te ka hriat zawhah office chu ka chhuahsana kawngka ka khar chiaha bang nghenin thawk ka la ham ham. Khatiang khan ka hmuh leh thut ka in ring lova tunah pawh a laka ka rilru put a la danglam loh zia ka hria.Mahse,ani chuan nupui a nei ngei tawh awm si a. Ti nge maw ka hmuh leh kher kher ni.




Doctor night ho an mut chawlhna room ka thlen rual rualin khumah chuan ka let nghal tawp. Ka chau ema chet pawh ka che peih tawh lo. Ka in leh dawna ka taksa rit deuh nulh chu hria in ka in dapa ka ke leh ka awm bawrah delhtu ka nei tih ka hriat rualin ka meng kawka mah se,ka bula mu ka hmuh rualin ka thaw hak.




A muhil hmel chu uluk zetin ka en a,nichin khan ka lo en uluk lo nge a hmel te chu a Cher deuh kuam hian ka hria a,a dang deuh bal bawk." Ka nghak rei lutuk che" ka en reng lai chuan a rawn ti thuta phu chiamin thawh ka tuma min lo la man bet tlat zui.




Rawn mengin ka chungah in nem khalhin a rawn bawk a."Eng nge i tih mi an rawn kal a nge?" Ka ban a vawn beh tlat avangin ka tho theilo chuan kawngka lam ka va melh a.




"Amit-a nen khan eng inzawmna nge in neih?" A aw chhuak chu a ringlo mahse,a hlauawmna erawh a nasa ting bawk si.




"Eng nge i sawi awmzia?" ka tih chuan a ner deuh sawk a.




"Engvanga min be duhlo nge i nih? Ka call i la duh lova a hnuah phei chuan biak theih lohin i reh hmaka nang hian min lo fiam kual mai mai em ni?" A mita natna leh thinrimna inpawlh nawk chu ka en a. A zawhna chu a hrechiang lo emaw ka ti hman hial.




"Ngaihzawng dang neia min kalsan tu chu engvangin nge ka biak chhunzawm reng ang ni?" Au khum chiama vin ka duh mah se, kha hmeichhia nena an thlalak ka ngaihtuah let chuan tah chhuah avangin ka aw chu a chhuak tawk tawk a ni.




Sir lam melha tah insum zeta ka awm laia a nui ri ka hriat chuan phawk zet hian ka melh. Ka mit atang mittui a luang chhuak nghal bawk.





"Ka causin a nih kha,ti nge thuchiang hre hmasa lo hian nangmaha ngaihdan ilo siam ve ziah." A ti sup a,amah chu ka melh ngawt ngawt. Mipa te hian chutiang chuan chhuanlam an siam fo thin a hepa hian chhuanlam dang siam tur a hre thlawtlo em maw ni.




"Dawt sawi suh" ka ti tuau a. Ka mittui chu dim zet hian min hruk sak. "Ka message pawh min chhang duh lova ka rawn phone che in ibialnu in ti khan alo chhang bawk a" tiin ka tap chhuak ta nghe nghe.




"Shitt.." thu chhuakin a awmah min pawm beta ka tap uar sauh. " Ka tihpalh, tap tawh suh le" a ti dam dupa ka hnungah a chul heuh heuh bawk.




"Ka hnaah ka buaiin ka pa damlo na nen thildang ka ngaihtuah hman lova.Khatia Inturn ship tih leh i sawi khan ka thin a rim em a, hrem deuh che ngaiin ka hria a. Ka rawn be lawk duhlo che a nih kha,nanglah chu kei aia lulul ilo la ni chhawng leh bawk nen min rawn biak reng reng i tum bawk silo" tia a insawifiah tum chu lo ti tawpin ka phone thu leh kha hmeichhia in min lo chhan dan kha ka lo sawi vat.




"Ka hria,khami ni khan class ah ka phone ka lo theihnghilh daiha, Monica-i khan i call alo chhang tih ka hrelo a ni. Call history ah a lang bawk silo" a tih chuan rum zet hian ka lo melh a. " Min rawn biak lawk loh avang khan ka lungawilo lek leka,exam hmachhawn mai tur i ni bawk nen i exam zawh lama biak che kha ka tum ta a. Mahse, Monica-i tawng sual a zarah min lo call tih ka hre chhuak a. Rawn biak che ka tum lahin switch off a in ti tlat a." Tiin harsa tih hmel zet hian thawk a la a.





"Monica-i chu tu nge i zirlai nge Nurse?" Ka tih chuan nui hak hakin min rawn en. "Ka zirlai ania,Nurse kha chu ka causin a nih kha. In khuaah ka pa thlahna inkawm hmang tura ka haw chho khan i nau in min lo chhuahchhal viau mai a. Thudik hrilh ka tum lah khan min awi duh bawk silo a" a tih chuan Puitei'n an in biak dan min rawn hrilh lai vel kha ka ngaihtuah a.



"Chuan" ka tih chuan ngunthluk ve a min rawn en in, " ka pa a damlo zui nen,i number thar ka nei silo a rawn biak pawh dan mai che ka hre lo a ni. Amit-a te Hospital ah I thawk tih lo hria ila chuan hmana hmanah khan ka rawn hmu daih tawh ang che" a tih chuan ka awi nghal vek.




He mipa hian dawt sawi a thiam loh tluk zetin a mitah kei min hmangaihna kha ka la hmu tlat a ni. "Ka tihpalh" ka tih chuan min en vung vung. Ka tina ngun lutuk hi ka inthiam lohin khang natna ka pek zawng zawngte kha theihnghilh tir veka hlimna ka pekte chauh hre thei tura siam theih ni se eng thil pawh ka ti duh ngei ang.




Ka en reng lai chuan zawi muanga rawn kun hniamin ka hmui chu a rawn fawpa a tirah dam dap ni mah se a duh thawh tial tiala ka chhanlet meuh chuan khumah min mutin ka kawr chhung lama ka hnute chu a tham tawn tawna ka lo thaw leh hak thin.




Ka kawr min phelh saka ka hnute a lei thap hrak hmanga a liaha a hmuan meuh chuan tawrh har khawpin tisa chakna in min luah khata mahse kan insum a ngai tih ka hria.




"Mesak" vawithum ka koh that takah chuan harsa ti zetin ka awmah chuan hmai a phum tlat a.Chutiang chuan rei tawk tak kan thaw dep depa "Inneih ang" rawn ti hrawkin a thu chhuaka keipawh ka mit chhingin tun maia kan thil tih kha ka ngaihtuah leta thil pawi thleng hma a kan ti tawp thei chu ka lawm tak zet.




Ka kawr ka hak that lai chuan min hnungchhawn zawnga thu in a kun ngura a bula thu a a kap lam ka melh chu insum hmanlo in ka nui chhuak hak.




"Min nuih hlek suh" rum zeta tiin puan hian a in khuh a. Ka nuih azat rualin ka khawngaih bawk sia.Atan insum a harsat tur zia ka ngaihtuaha chuti chung pawha ala in sum thei chu ka fak hle bawk. " Zaninah in in lamah palai ka kal tir dawn" a ti leh nghuta ka hnial tawh lo.




"Engtia rei nge kha tia a awm dawn?" Tia ka zawh chuan rum zet hian min rawn melha keiin nuih insum zetin ka lo en ran.




"Lalneihsang" a rawn tih that chaun insum hmanlo in ka nui leh huk,a insum hmel zawng zawng nen hian khawngaih viau mahila ka nuih a za tlat bawk si a." Ka l* pawp zawk dawn che em maw ni" tiin a tho nulha a kal tur chu a banah lo chelhin a hmel ka en meng rum leh tawh tak a ni.




"Pastor fapa ve si" ka tih chuan a chal a ti chuar nanga, "khatiangin hmeichhe dangin an hmuh che ka phallo" ka nuih in sumin ka hmui hnuai ka seh vak ringawt tawh. Ka nui leh a nih chuan ti chung hian min chhuahsan duh dawn tak takin ka hria.




"Pastor fapa nih vanga zawi reng tur tihna pawh a ni lo" ti hmukin khumah chuan a rawn thu leh a.



(Kha nangmahni vang a last chapter tur ka phuah belh e ka tia ka duh ai thui ka phuah belha ala tawp leh thei si lo a 😭 A tawp dan tur pawh ka hre tawh lo. Inneih tir ila kan ti tawp tawp mai dawn u mi. A tawpna chu a tla chawpin lo thleng tawh mai rawh se, comment kha min pek that loh vaih,ti hian ka ti tawp tawp tawh ang)

E! Ads pawh lo click ve hram ula


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 22nd, 2022, 10:30 pm

Chapter 23 (Last Chapter)





Damdawiin atanga kan haw chuan khua pawh alo chawhnu ruih tawh. "Ipa chu engtik atang chiah maw a dam loh" ka inluah kan thlen chuan ka ti tha leh. Office ah khan Amit-a khan sawi ve nual mahse,ka hre Chiang mang tlat lo.





"A rei ve leh tawh,a inkhawm kal tur a tlu suala,a nerve a sawh khawlo deuh a nih kha. A hnuah a kal a function tha lo tih kan hre leh a" tiin a pa nat dan vel chu a sawi.





"Nangmah nilo midang a kal milh in awmlo em ni?" Ka tih chuan ka ngaihtuahna hrethiam ni awm takin ka kut chu rawn vuanin lungngai lo turin min hrilh pah zeuh.





Mahse,tu nge ka dinhmuna ding lungngailo awm ang ni? Kei phei chu lungngaihna mai nilo hlauhna nasa lutukin min luhkhung mek a ni si a. Thil ka hriat fuh loh avangin kum tamtak ka hmuh tawh loh hnuah ka hmu leh in kan inkar pawn ngai a awh ve chauh a ni a. Mahse,ni reilo te hnuah ka mipa hmangaih chu ka zai a ngai dawnin a nunna chu ka kutah a awm dawn a ni si a. Thil pakhat lek pawh lo tisual palh ta ila...nilo,nunna hi awlsam taka hlauh theih a nih zia hepa hian a hre lo a ni.





Ka ina zanriah a ei zawh hnuah an thlenna Hotel lamah min let san a. Naktukah Hospital ah an rawn lut a nga,a pa dinhmun a zirin a tukah inzaina chu kan tan nghal mai dawn a ni. A nerve lam a chiangkuang theih loh avangin a kal thlak pawh an lo ti lawk ngamlo alo ni a. Tunah erawh a hlauhawm lutuk tawh lo ni tur a ni. Inzai an duh dan a.




Atukah chuan Mesak-a te chu an chhungkua in Hospital ah an rawn kal a. Kha hmeichhia a bialnu emaw ka tih Nurse pawh kha a rawn tel ve. Nu Biaki ka hmuh chuan hmana thil thlengte kha hrechhuak thar lehin ka zah deuh riau a,a mitah ka melh tha ngamlo.





"Dr. Amit-a pui tu tur i ni tih ka lo hria a." Tia min rawn biakte chuan inthlahrung tak hian ka lo chhang a. " I chunga mawilo taka ka lo khawsak thinna te kha i vei renglo ang chu tiraw?" A rawn tih chuan hawi a deuh hu in Mesak-a ka en a,alo nui huk.





"Ka nu chu i chunga a thinrimna te inzai laiin ka chungah a hringthlak i hlau deuh a niawm?" Nui huah huaha tiin ka darah a rawn kuaha a nu chu a fapa in a fiamna avang chuan a meng nur nang a.





"Chutiang pawn ka tih loh kha,min ngaihdam tawh leh tawh loh ka hre duh a ni ve mai a" a tih hmuk chuan hmanlai hun te chu ka theihnghilh vek tawh thu in ka lo chhang.





Tichuan inzaina chu kan tan a. Mesak-a pa chu Senior Amit-a'n a khawih dawna kei chu Mesak-a zai tu tur ka ni. Ti hian han ngaihtuah teh u in mi hmangaih em em taksa chemte hriam tak maia in zai lai leh a taksa atanga a thisen chhuakte leh a taksa pek in la chhuak tur lai nen. Ka mitthla ah "ka hmangaih che" tia Mesak-a'n a mit a chhin hma chiaha a sawi lai kha a cham renga rilru tawngtaina nen chu inzai chu ka hmachhawn tak meuh meuh a ni.





Tluang takin inzai kan zo ti mah ila Mesak-a chu a harh har ka tiin,thil chu a nihdan pangngailo ang tlata kal hian ka hria a. Hnimhlum te chuan a thawk rei ka tiin ka thu mai mai theilo chu ka tel kual sek.





Mawitei chuan "a harh ala hunlo hrim hrim alawm,i hlauthawng lutuk a nih kha" tiin min hnem ve ngial a tum thin mahse,ka hlauhna chuan min kiansan thei chuanglo.





Chutianga a harh hun chang reng ta na na chu tlailam 6:30 pm velah Mesak-a chu a rawn harha ka lawm lutuk chuan ka zaina lam reng reng ngaihtuah tawh lovin ka lo kuah pek a nih kha,a te thata a nu in ka hnungah min chum dawp.





"I a em ni?" Min tih chuan zak chem chem tak ka ni.Zawite in 'ka tihpalh' ka ti sup a, Mesak-a leh Mawitei an lo nui ruh ruh.





"Puitling ve uai tawh si,chutah Doctor ila ni zui" a tih chhunzawm leh phei chuan khuka khuk ral daih ania ka duh.





"A pawilo, nu na ka nei hleinem" ka thlavang hauh tum taka Mesak-a rawn tawng pawh chu , "na i tih vangin i te that kha lo ngawi mai mai rawh" alo ti let zek a. Chutah uluk zet hian min rawn en a, " ka fapa hi duat lovin a rilru han tih nat sak na teh ka mo i nih ka phal leh tawh ngailo ang" a rawn ti charh charha kei ka lo meng kawk.





"Ma..maw i ..i mo maw?" Ka ti bah nak a.




"Tikhan lo awm teh u,i pa ka va ngaihven a nge" tiin ka zawhna pawh chhang tawh lemlo hian a chhuak zui daiha a hnungah Mawitei khan a zui ve nghal. Khuma Mesak-a lo nui ruh ruh chu rum zet hian ka va melh a.





"I nu hi a heti reng thin em ni?" Ka tih chuan a kut hum a hmuia chuktuah chunga nuih in sum chung hian lu a thing mat mat. "Kan inneih hunah in dang daih mai ila,i nu kha nitin ka hmuh reng chuan ka thih vat theih ka ring" zawi zeta thutna a thut thlak paha ka tih chuan alo nui chhuak haka a pum chu na ati leh si nge a then leh chak chaka rang zetin ka pan.




"Fapa mal ka nih hi kan in dan daih ten" a tih chuan dik ka ti ve tho bawk si. Mahse,a nu kha nitin ka hmu hreh e,nakinah ka la sawi pui tha leh tho ang.

.........


"Amak e,ka rin loh berin Dan khatna in pasal i nei dawn ania" Lalruatpuia'n a rawn tih chuan ka melh nghek a. Mahse, tu in nge kei Vanramneihsangi hian Biakin hawng ngeiin pasal ka nei dawn tih hi tu nge awlsam taka pawm thei reng reng ang ni?




Vawitamtak khawtlang hruaitu te zilh tawk tawh ka ni a. Chutah mahni makpa te pawh zak maplo khan ka kawp duh ania. Keipawh hian ka nun dan thin ka ngaihtuah letin 'eng tin nge ka lo ngam?' ka in ti ve hial thin.





"I mawi takzet" ka bulah rawn dingin darthlalanga ka thla chu a en a hmela lunglenna lo lang chu thup tum viau mah se,a theilo chu a ni e.





"I ngai a ni tiraw?" Ka ti sup chuan a nui mai a,sawilo mahse Sangkimi kha a ngai takzet tih ka hria. "Keipawn ka ngai lutuk vawiin hian amah tluka min dinpui tu tura duh ka neilo" tiin ka mittui lo hnam chu ka kut tangin ka hru zeuh.





"Ani pawn van atang alo lawmpui viau che in ka ring" ti supin ka khumah ava thu a. " Nangpawh a chhuang ngawt ang che" a dara vuanin a bulah ka va thu a,a mittui far chunga min rawn en in..




"Ti nge ka kianga a awm lai khan tun ang hian ka nun ka lo hman tawh loh le" inchhirna mitmenga min en ngawt ngawtin a in sehruh tung a,ka kuah bet vat.




"Kal tawh ang u" ring zeta rawn tiin Puitei chu kawngka bulah keini thian dun lo in kuah min hmuh chuan a ding nghal chawt a.





" A chak ber chu Biakin hawng ngeia kei nena inneih kha a ni thin asin" a tih phei chuan ka kuah nghet tawh lutuk. Hmun hrang ve ve ah awmin kan nun sual kalsan tumin harsatna mahni in kan paltlang a. Kei aiin ka thianpa hian a tuar nasa tih ka hria.




Ani phei chu kha fa paitu hmeichhia khan OD in a boral san a. Tin a fapa kha nikum mai khan a enkawl turin a hnenah a awm tira,ka thianpa mahni pawh in enkawl zolo ka lo tih thin khan kum naupangte atang pa dinhmun a chelha tunah phei chuan a fapa nen a rawngbawlna kawngah an in zui ve rak rak zel a.




ATC atang a zir chhuah hnuah rawngbawlna a neih chhunzawm zela nakin lawkah a tum ber Pastor pawh ala nih theih ngei ka beisei pui hle a ni.




Dar a rik tak rang rangah chuan Lalruatpuia'n car a khala Biakin lam chu kan pan ve ta. Ka beisei ai tam kan inneih min lawmpui turin mi an rawn kal tama,khawtlang tana mi hnawksak ka nih laite kha an theihnghilh ta vek emaw tih turin a tu pawh mai chuan hmel hlim min hmuhin min lawmpui thu an sawi siam siam hlawm a.




Kan inneih thutiam kan chham lai te chuan thu mal tin mai chu uluk leh fimkhur takin ka chhama,he ka thutiam hi kumkhua a ka pasal laka ka vawn nun reng tawh tur anih avangin engkim mai chu Chiang taka hriat vek ka duh a ni.





Ka bulah chuan hmuh theih loh eng emaw min uap tlattu awmin ka hria a, ka bengah 'ka lawmpui lutuk che' ti ri hre tlatin ka in hre bawk . Ka nui nghal ver ver a,chutia ka nui chu ka pasal Mesak Lalrambuatsaiha chuan min nuihin ka chalah a rawn fawp zeuh a.


..........


Pathian malsawmna kan ti dawn nge kan inneih atanga thla hnihna ah ka ruaklo tih kan hre nghal a. Ka hna ka la zawmlo bawk nen chutia ka rai leh nghal si avang chuan Amit-a te Hospital atang chuan ka bang ta ringawt mai a.





Mizoram lamah ka pum a len hma tal ka thawk ang ka tih lahin ka nu(Mesak-a nu) leh amah Mesak-a chuan an phal ta tlat lova. Nitin ka nu nen chuan kan in awm ta chawta mah se,kan inneih hmaa a mizia ka lo rin loh ang deuh mize dang alo nei a.




Keipawn ka duh ai hmain ka nel,tawngkam nem a nei tlem hle a. A thil vei leh sawi duh te chu thup buai sise lovin a sawi mai zel a,han vin khur khur thin mahse a thinrim vang erawh a ni leh hauhlo thung. Chu a mizia ka hriatchian tawh em avang chuan kei pawn a hma ang em em khan ka hlau ta lova thinrim si lova kan han in chhang tak tak thin phei hi chu ka pa(Mesak-a pa) pawn 'Grace-i hi kan mo zawk ni awm a ni,nang leh Kuri hi chu nufa diktak in ang' ka nu bulah a tih phah hial thin.






"Kuri" a vawithum nana ka nu min kohna pawh chu hrelo derin ka pasal ka bula mu chu ka tlawh pawpa a rum tiah tiah. Chutih rual chiahin ka nu a rawn au leh a,ka va han ning tak. Zingtin tawngtai tura a kal apiangin min hruai tel ve a tum ziaha kei zing thawh harsa ti em em hian ka tlin nganglo a ni.




"Me..sak.." fan ruiha ka tih chuan a che sat sata a hnuah kan room pawnlamah chhuakin a nu nen chuan eng nge an sawi hre pha chiah silo in an tawng ri chu ka hria a. Mut that leh ka tum lai takin "Lo tho rawh i pasal sawi vang hian ka hruai loh phah dawn lo che" a aw atang chuan kan khum bul chiahah a ding tih ka hre thei.





Muangchangin ka menga ka nu chuan min lo melh run mai. Nuih tlawn vakin "khatin ti ziah suh zing tawngtai kher kher hi chu i thulh ka phallo" a ti khauh far a.





"Nu tukin chauh" tia ka ngen pawn kan khum bulah dingin min nghak ran a. Kan room kawngka a ding ka pasal chu rum zet hian ka va melh, a beng pawtin hmui phun hian 'sorry' a rawn ti a,ka va han ngei mai mai tak. Vawikhat chauh pawh chhuanlam min siam sak theilo ania.





Ka nu in min phut tlat takah chuan mut khamlo leh zawi zetin Biakin lamah kan in zui a. Thalai tumah zing tawngtai inkhawm ah an kal ngai tawp silo,pitar leh putar deuh vek an kal thin a. Ti nge maw ka nu hian min hruai ve ziah mai ni.





Grace-i pawh hruai a tum thin a,ani erawh a sawm chhuak zo tha manglo. Mo ka nih avangin khatia min sawm khan ka lo hnial ngamlo a mahse,hetiang hian min hruai reng dawn tih lo hria ila chuan a tir atang khan ka lo hnial tur hi ania.





Ka tawngtai chuan ka pasal leh ka fa pai mek tan ka dil leh hmasa ber a. Mak tak maiin tawngtai tura kal hi peihlo viau thin mah ila hetia ka han tawngtaia Pathian hnena ka in kawl tir chiah erawh hi chuan ka hahdam huaia ka nu ka zui hi inchhirna ka nei ngailo. Mahse,a tuk zingah a ngai te in zingthawh ka peih loh vang bawkin ka hreh leh thin tho😂





Kan haw kawngah vaipa'n paratha kawng sir, a dawrte a alo kang sar sar lai ka hmuh chuan ka nu bulah lei ka ngena 'inah thingpui leh cake kan nei reng alawm' tia min chhan pawn ka ngen tlat a. Naupangchhia ang mai tih pahin vaipa thingpui leh Paratha chu min lei leh ta tho a.




"A tui em? Ei muang deuh rawh" tiin kal paha ka thil ei chu min nuih leh hak hak thin.





In kan thlen chuan a tih dan ngaite in ka pasal chuan ka tuilum in tur leh ka nu in turin thingpui alo siam peih diam tawh a. Nau ka pai hnu hian ka nu nen hian min duat zuala ka ei leh in tur min en fel pui vekin exercise pawh min lak pui taima khawp mai.





"Vaipa thingpui lum ka lo in tawha ka in peih tawh lo" ka tih chuan lawmlo tak hian min melh run a. Tuna a men ang chiah hian ka pregnancy test kit a ka rai tih line pahnih in rin, a nau in a hrilhfiah khan min melh tawh.





Ani chuan khatia line pahnih in rin kha ka puma naute awm zat an ni emaw tiin alo lawm ve em em a. Mahse,a nau in line pahnih awmzia a hrilhfiah chiah khan lawm loh hmel lutukin min en a. A hnuah erawh 'phir an ni dawn emaw ka tia,mahse pakhat chauh pawh hi ka thinlung zawng zawngin ka hmangaih tho' a rawn ti leh ta tho a.





Phir a awh chhan lah chu nau neih a nat zia a thawhpui ten an lo sawi thin avangin phir paia vawikhat chauh hreawm tawrha fa pahnih neih nghal alo duh vang kha a nia. Tullo ah a ngaihtuahna hi a seng tam mah mah a thin chu a ni.





"Tun hnuah chutiangin hriat chian loh thil siam in in ei mai mai tawh suh ang che" a ti nghuta ngei zetin ka melh let.





"Zing kara i nu lak atanga min chhanhim zawh dawn chuan i thu ka la awi ve mahna" ka ti a,kan thusawi alo hre ve bawka ka nu pawh alo nui ar ar. Ka pum pawh a lian ve tawhin chet vel ka harsat tawh hle.





Midang puihna tello phei chuan inchung leh inhnuai in kal pawhna ah pawh ka kal hleithei tawh lo. Chuvang chuan Mesak-a chu a chauh zual phah em em a,zanah ka zung ngunin bathroom ah min hruai reng zela a chang chuan ka in thiam loh ve thin.





"Mesak...Mesak" ka koh ka koh hnuah pawh min la chhang theilo. Chuta ka pum rawn na leh ka thinrim tawh lutuk chuan au tuarin ka pasal chu ka tlawh pawpa khum atang a tla thum dawp.





"Nga..nga ti nge? Eng nge thleng? Ka tha em,i tha em kan naute eng nge a an?" A tho â nghal emaw tih turin rak deuh nawk nawkin a hawi kuala ka hmel a rawn hmuh chian chuan ka bulah a rawn thu thla vat a.





"Naute in rawn chhuah a tum a mi?" Rum zeta ka melh chuan ka bul atanga tawlh hla tial tialin 'ka..ka nu ka'n ko ang' tiin room pawnah va chhuakin a nu te chu ava ko lang langa ka nu rawn lut ka hmuh chuan ka biangah mittui a luang nghal.





"Mesak khatia ding renglo khan motor zuk la chhuak rawh,nau a vei a nih hi" ka nu chuan ti hlukin a fapa chu a melh vut a. Mesak-a pawh pawn lamah a tlan chhuak nghal.





Ka pa chuan Damdawiin lama kan luh huna kan ken tura kan dah lawk ho chu ak in ka nu leh Grace-i min kuahin kan room chu min chhuahsan puia Mesak-a rawn lang leh chiah chuan zo zeta min rawn pawmin a motor lamah min kalpui hlawk hlawk.





Damdawiin kan thlenga nau neihna ward ah kan in nawr lut nghal. In lam atanga lo vei tawh ka nih vang nge exercise ka lak that vang zawk pawh ka hrelo,a pahnih in belhbawm aniang naute chu reilo te ah hliam em em neilo in ka hring a, Hmeichhia a ni bawk.





A hmingah Vamrammawii tiin ka pa(keima pa) chuan a sa a. Vamrammawii chu a pi leh pu te pahnihin an at chilh bawka ka chang manglo. Nau ka neih atanga karkhat vel ka chhungte an rawn zin a. An haw leh hnuah pawh video call hmangin an tunu chu an rawn be ve fo.





Mahse,Vanrammawii chu maw ka naute hriat tawh zawng zawngah ala sual ber ang. Zanah te hian pangtilum a hre lutuk hi pawm emaw puak loh chuan a muhil duh lova. A tahbelhin a harhvang em em a,thawm awm hlekah pawh a muhil lai hi a rawn tap chhuak leh chiam zel.





"Hetiang em em hian alo hahthlak dawn tih hria ila ka rai thawt thawt lo tur" a pa in a awih dur dur laia ka tih chuan a fanu pawm chungin rum zet hian min rawn melh chutih rual chiahin a fanu chu a rawn tapa rang zetin min rawn pe. A naupang lawm thiam zawk pawn a tah meuh chuan tih ngaihna a hre bik lova a tah hlek chuan 'i hnute hnek tir mai rawh' a ti leh ngawt zela tunah pawh ka kutah a rawn dah fel leh der tawh.





Ka fanu chu alo Lian zela thla 5 a tlin meuh chuan tuman min lak chhawk thei ta manglo. A pa in reilo te a pawm ve thei e tih lohah chuan ka pawm leh puak chauh a duha, amah ngaihsak loh hlek hi a hre theiin a nuar peih em em mai leh ta nghala,a chhang phei chuan ka chau hah bawksi thinchhia leh rilru chhia a chhuah chang chuan kan fanu a nih ka han ringlo leh ngawt zel a.





Mahse,ka nu(keima nu) chuan ka fanu chuan min chhun thu min hrilh. Ti chuan hun a kal ve zela Vr-i'n kum hnih a tlinna kum turah kan fa pahnihna tur ka pai leha ka rai leh lawk tawh lovang ka tih ve teh lul nen ka Damdawi ka lo ei theihnghilh khang langa ka tawngtaina ah a u Vr-i anga sual a nih tawh loh nan erawh ka dil uluk khawp mai.





Tichuan kan fa pahnihna Lalremruata pawh Pathian zarah tluang takin ka hring leh a. Tun tum erawh a u anglo takin Remruata chu mut a duhin min tibuai ta mang lo. A u leh apa in an lawmin an kal hlat san phallo a,a muthilh laia a bula an lo infiam changa an tih harh leh a riltam chiauhiar tih lohah chuan a tap ve vak vak ngai lo.
...........



"Vamrammawi khatin i nau toy lo laksak zel suh,i u Isaac-a bulah lo va kal rawh" tiin ka puan bih tur ka siam tha mawlh mawlh. Christmas hmangin kan khua ah kan chhungkua in kan zin a,dar a ri tem tawh kei erawh ka fate pahnih leh an pa ber ka siam zawhah chauh inkhawm turin ka insiam ve hmana hetiangin chhangchhe nu ka ni dawn tih lo hriata nula senior lo nih mai mai zawk tur a nia.




"Lalrambuatsaih i fate kha lo en ve ta che" ka tih chuan 'anih nu hei kal a hun dah phawt mai ang' tiin phone a off a,a fate pahnih khuma lo in chheih rak ve chhen lamah chuan a kal.





Ka inpeih meuh chuan dar hmasa a ri tawh,Remruata ka pua a inhnuai lama kan chhuk chu a pi in Vanrammawii alo hau leh hman. Nichin khan a u bula lo va kal tura ka tih avangin a chhuaka eng pawi nge maw alo va khawih leh hman ni.





"I nu ang mai hawi lohna lam apiangah buaina i thlen" alo ti hluk hluka a pa a hmuh veleh rang zetin a rawn tlana "chhantu tur che lah hi i hre mai sia" ka lo ti ve vat.A pa in a duat zia a in hria a,kan hauh hlek chuan a pa a pan vat zel.




Biakin pana kan kalna ah chuan ka pheikhawk bun hnunglam an cheina vel chuan ka puanbih hmawr a bat a bat leh thin a. " Ka ning i pa pheikhawk min lei ve hi ka bun tawh lo Chiang ngawt ang" ka din apiang chuan ka ti a.




"Ti nge maw a man a to teh reng nen Aizawla kan let hunah va thleng leh tur a ni" a fanu pawm chungin alo ti ve nang nang, Mas present tiin pheikhawk sang min lei ve ngei a,kei erawh chhangchhe nu tih takah eng thil pek mah ka lo ngaihtuah ve lova engmah ka pe lo.





Biakin kan luh hnu lawkah a pa in Remruata a pawma a muhil leh nghal mai. Kan in karah Vr-i kan thut tira,a nau muhil chu en in 'a par leh tawh' ring zet hian a rawn ti thin a. A zahthlak thin ania,vawitam tak Biakin chhunga awmdan tur kan hrilh fo va a zawm lam erawh kan zawm tha lo khawp mai.





Remruata hian a muthilha thawk a lak nat deuh apiangin a hnar hi a parh deuh hak zela chu chu a u hmuh duh zawng tak alo ni bawk nen,a khat tawkin 'a nu a par leh tawh' a ti thin a. Biakin chhung ami te pawn kan lam an lo hawi leh thum thum zel.





A pa in zawi te te hian bengchhenglo turin a hrilha a nau hnar a hmuh tawh loh nan a han hup deuh thin. Vanrammawii lah naupang nghal tih takah a pa kut chu a vai sawn zela kan va han hahthlak bik thin tak em.





"Naupangte chu lo bengchheng mai mai rawh se,kan lal Isua pawn naupangte hnar lovin a hnena kal turin a tih zawk kha" pulpit tlang atanga ka thianpa in a rawn tih chuan ka nui ngawr dat. Kan lam alo hawi kher bawk nen ka thianpa Lalruatpuia kha ala danglam hauhlo.





Tunah chuan pastor a ni ve tawha Pulpit tlangah alo huat leh a awm tak taklo tia a chanchin alo sawi thin ngei Pathian rawng bawlin a thuchah ropui tak takte chu thahnem ngai takin midangte hnena puanchhuah hna a thawk ta si a. Hringnun mak zia leh ropui zia ti chiangtu a niin ka hria.





Pathian hmangaihna a bul tanin Bethlehem a kan sual tlan tura LalIsua lo pianna ah a lut chho a.a thutawpah 'Hmangaihtu diktak chu Pathian' a nih thu a sawi bawk.Hringnunah hian thil tamtak a thlenga hmangaihte aiin hmangaihtu in a let tamtakin hreawm an tuara mahse,mi tuman hmangaihtu tuarna chu an hmuh sak ngai silo.





Ka pasal leh ka fate ka en a,keipawh tunah chuan hmangaihtu leh hmangaih ka ni tih ka in hria,chutiang chiahin hmangaihtu dinhmunah ka dinga ka hmangaih ka chhungkua ka hmangaihna hian Pathian hmangaihna chu tluk pha kher dawnlo mah se,kei aia ka chhungkua hmangaihtu hi an awm bikin ka ringlo.





Buai chang leh hah changin ka fanu harh em em leh tahbelh deuh hi hauhin a pa nen han in hnial ve bap bap thin mah ila,ka hmangaihna a daih phah Chuang lova daih a hnekin a zual ting si. Ka fapa Lalremruata phei chu a nu min hrethiam ber tu ni mai awma mawiin a riltam chang tih lohah chuan min ti buai ngai lova,nakin zelah engtin nge alo than len chho dawn ka hrelo mahse hei erawh ka chiang ka fa te an nih na ang hian an awm ang leh an nihna ang angin ka hmangaiha an pa in ka chunga a tih ang chiah khan an ni pawh hi hmangaihna nen enkawl puitlin ka tum a ni.



( A TAWP TA)



(Thiamlo tak chunga ka ziah 'AMANTE' min lo chhiar saktu te zawng zawng leh like leh comment min pe thin tu te zawng zawng chungah thinlung takin lawmthu ka sawi a.Tin, ka mimal harsatna avanga story kal lai ka tih khaihlak thin avangin ngaihdam ka dil che u a, Pathian zara kan dam chuan story thar hmanga bul kan tan leh hmain nikum lama ka ziah harsatna neuh neuh avanga ka chawlhsan tak 'KA DAKTAWR' tih kha rawn zawm leh hmasak ka tum dawna min lo chhiar sak leh theuh turin ka ngen nghal bawk a che u.)


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)