AMANTE(Hmangaihtu) By: Irene H muankimi (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: AMANTE(Hmangaihtu) By: Irene H muankimi (Completed)

Unread post by Ngaia » May 22nd, 2022, 10:28 pm

Chapter 13
(ZAWMNA A AWM AW)



"Eng nge khatia ilo nuih ruh ruh a" a pa in min kalsan rual rualin ka bul ami chu a nakah ka piai vak. Kha tiang em em a mi ka biaka ka zam ka la hre ngailo,nui sang leh dam dapin min be renga mah se kan inbiak chhung zawng khan vawikhat te pawh ka tha ka thlah zawi miahlo.




"Vanramneihsangi hi khatiang khawp khan a che buai thei ang tih ka lo ring ngai miahlo" tia min fiam let chuan rum deuhin ka melh.




Thara te in lamah committee leh thil dang tih tur an neih avangin kan in a min thlah hnuah Thara te in lamah a kal a. Tun ang hunah hian tih tur ka hre lo thin. A hma te kha chuan thiante nen kan leng chhuaka hun hlimawm tak kan hmang ṭhin. Tuna ka nun tharah hian ka la mi khual lutuk vang nge keimaha ka awm chang chuan lunglenna ka nei ṭhin.





Mesak-a a buai ka rin avangin be duh rih lovin YT ah video ka en kual mai mai a. Engtin nge ka awm chhunzawm tak zel ang? Measak-a hi ka duh takzeta a kianga awm ka duh a nih chuan ho lam takin ka khawsa thei tawh dawn lova. A chhungte hmuhah leh khaw mite hmuhah Mesak-a tan ka tling a ni tih hi ka hmuh tir a ngai a ni.




Chutianga ka hmalam hun tur ka ngaihtuah mek lai chuan number hriat loh hnen atang thlalak ka dawnga chu thlalak ka download a ka en chhiah chu mak tih avangin ka phone chu ka melh ngawt ngawt.




Mahse, a reilo rang takin Mesak-a chu ka call a a chhang thei lo. Call nawn leh ka tuma mah se ka rilru thlakin phone chu ka hmet thima blanket hmanga in khuhin ka mu nghal hmak.




Ka mit atanga mittui rawn chhuak chu duhlo hle mahila ka ti tawp thei si lo. Ṭap chhuak ngamlo in ka blanket hnuaiah chuan ka ṭap khur hlawk hlawk. Ka phone rawn ri leh message tone ri leh ral ral thin chu hre mahila en ka tum lo.





Bum nawn leh ni a ka in hriatna avang chuan ka na em em a. Chhin khat pawh chhinglo in chu zan chu ka hmang ral. 'Mipa zawng zawngte hi kan in ang vek' Lalruatpuia thusawite kha ngaihtuahin Mesak-a chu a danglam ka beisei. Mahse, kha thlalak kha eng tiangin nge ka sawifiah ang?





Phur tih hriat taka Puitei ka room rawn lutin ka hmel a hmuh rual rualin a hmel awmdan a thlak nghal vek a. Engtiangin nge ka hmel chu a lan ang ka ngaihtuah thiamlo. Ka muthilh loh mai bakah ka ṭah reng avangin ka hmel erawh chu a lan ṭhat zawk zawk erawh ka ring lem lo.





"Ti nge i hmel kha? Nizan i mu ṭhalo em ni?" Ka chal rawn khawiha a tih chuan a kut ka lo lakthlak sak vat."I khua chu a sik silo ti nge a?" Ngaihṭhat loh hmel zeta a tih chuan chhanglo in ka la ngawi reng.





"Û" a rawn tih leh takah chuan ka nawmsam vakloh thu chu ka hrilh ta ringawt.




Tukṭhuan kan ei lai pawn ka chhungte min biakna chu a rul tawk te te a chhangin ka ṭawng thui peih lo. Inkhawm tura ka insiam laiin Sangkimi a rawn thlenga, ka hmanin ka kal pui nghal.




"U Mesak-a'n a rawn sawm dawn lo che em ni?"




"Um" ti ringawta ka chhang chu duh khawplo tih hriat takin zawhna mit meng hian min en a,engmah sawi zui ka tum chuang lo.




"In in hau em ni?"




"Ai, kan in ai an in aṭang Biakin a hnai zawka engvangin nge min rawn sawm kher ang" ka tih leh deuh hmak chuan thil zawh zui chi ka nilo a ti deuh nge ngawi reng chuan min kal pui ta a.





"Eng nge in awmzia,u Mesak-a lah sawn a rawn en reng che a nanglah um tum ang maiin hma lam melhin i ṭhu tum buau a" ka beng bula a rawn tih sar sar chuan a en na lam ka va en ve,Mesak-a chuan a ṭhut hmun aṭang min lo thlir ve reng hi alo ni a,rei ka en hmain kan in karah chuan midang rawn ṭhu in thlek deuh loh chuan kan in hmu thei tawh lo.





"Nizan khan Thara te inah i kal ve tiraw?"



"U Thara maw!" Mak ti zeta a tih chuan ka lu ka lo bu nghut. Thara leh Mesak-a te ho hi ka u rual daih ni mah se a tir aṭanga ka koh dan a dik loh avangin ka u duh lem lova, Sangkimi erawh Thara te ho kaih hruai a nih avangin a u ngei ngei ṭhin.





"Nizanah number lawng hian Mesak-a leh hmeichhe thlalak min rawn thawn" ka ti leh sup. Kha thlalakah khan chiang takin Mesak-a leh kha hmeichhe hmel kha langlo mah se a thawmhnaw aṭang Mesak-a a ni tih ka hria.




"Eng thlalak maw? Rawn thawntu che number chu ila nei em?" Ṭawngka a chhang lovin ka lu ka buk nghut chuan inkhawm ban lama sawiah khek rih ang a tiin kan ṭawng zui tawh lo.





Hnunglama kan ṭhut miau avangin a hnuhnung lamah bawk kan chhuak leh a,ka ruala rawn chhuak ve kan Pastor leh Mesak-a pa ni bawk chuan kan thian dun chuan an in a thingpui in turin min sawm ta tlat. Hnial han tum viau mahila Pastor ber chu kan hnial ngam leh ta lo a,kan aw ta ringawt. Tunah kher kher hi chuan Pastor Quater tluka ka kal chak loh hi a awm lo ang.




"Aw Mama hei Kuri te ṭhian dun hi kan in lama thingpui in turin ka sawm a" kan lam pana rawn kal mek hnenah chuan lo ti thuaiin, Mesak-a chuan hriatthiam har zeta min rawn en hnuah a pa chu a buk khum zeuh.





An in lam pana kan kal lai pawn min biakna chu hrelo derin a pa min biakna chu ka chhang zela, a tawpah phei chuan a alo va kal hmasak tur thu sawiin kan hmaah chuan a kal vâwk vâwk a. An in kan va thlen chuan ka rin loh deuhin kohhran upa ho leh nu ho tlem an lo ṭhu ṭhapa,chu aia mak ka tih zawk chu Vanlalruati choka lama lo awm ve chu a ni.





"A rem remah khan lo thu ve ru, room lamah ka han in thlak lawk a nge" tiin thingpui in a min sawm ber tu Pastor chuan an room lam min pan san a. Sangkimi chu Kohhrana lo in hmang ṭhang tih takah chung pa ho nen pawh chuan an titi nghal thei mai a kei erawh betlo zetin ka ṭhut hmunah ngawi reng hian ka thu tawp a,ka lo kal ve ta kher kher chu ka inchhir tawh tak zet.






Awm hmun thuam hnena sitting room rawn lut chhiah chu ka lo en rang hle a,ani erawh in vawikhat min rawn melh zeuh tih loh chu min ngaihven zuina pakhatmah neilo in choka lamah a lut phei a. Chutia ka en reng lai chuan Vanlalruati nen eng emaw sawiin an nui dun hak hak.





"Kuri nang i zirna zawm leh te i tum em? Doctor thar kan nei dawn e tiin ka lo lawm hman hle asin" pu Siama kan school kal laia kan zirtirtu lo ni ve tawh chuan a rawn tih avangin alam chu ka hawi nghal vut.





"Ka hrelo...a ka la zawm leh mai thei a ni" ka tih bah nawka ka mit sir erawh in choka lam chu ka la melh ang tawk tawk a.




"Ni e, zir zawm leh rawh nang chuan i hming spell tih loh chu i thiam theih khawp kha maw" a rawn ti bauha ka nui ringawt. Ka hming thui lutuk hi ka thiam theih loh vang pawh nilo in ka ziah peih loh avang khan kg 1 kan nihin ka zir peih lova, ka ziah dan ka thlak hma kha chuan ka hming spell ka thiam ngai lo. Exam paper vela hming ziahna tur an siam chhungah pawh ka hming kha a leng ngai miau lova kei mi dawhtheilo khan chep taka hming ziah len tum kha peih miau heklo. Kha chanchin hria a min ngamtlak deuh ho hi chuan min chhaih nan an hmang fo mai.





"Kha in titi na lamah in dangte a ro hlawm tawh ang,thingpui hi in rawh u" rawn ti lang langin Vanlalruati chu sitting room ah tray chawiin a rawn lut a. Ani hi Mesak-a a duh ve avang hrim hrimin ka ngainat lohna a zuala,hetia an monu ni awm fahrana a han che ka hmuh leh ngat phei hi chuan ka haw so bawrh bawrh.





"Ruattei zawng ṭawngkam te hi i thiamin i fel bawka monu atan ka duh zawng tak i ni" pu Siama chuan alo ti leh,kei erawh in a thil sawi chu awilo lutukin ka lo ner nawk. Ka hawi chhuak leh chuan a thingpui no dawma min lo en rengtu chu ka va hmu leh nghal zat rang zeta hawi sawnin thingpui chu ka ban ve vat.





"E, pa Siam Ruattei te zawng ka monu hual a nih hi aw. Min lo chuhpui tum reng reng suh"nui har har chungin Mesak-a nu chu choka lam aṭang a rawn chhuak phei a,a thusawi avang chuan ka zuai rawih thei. Ka hriat lai reng pawha chutianga a sawi duh a nih chuan kei chu engtiang kawng pawn min pawm theiin ka ring lo.





Pastor pawh rawn let leh tawhin midang ho nen chuan an titi malh malha,kei erawh a tuman min ngaihsak lema ka hriat tawh loh avangin Sangkimi hrilhin haw mai ka duh thu ka sawi a. Ani pawn alo pawi tih loh avangin kan thingpui no kan in ruah hnu chuan kan lam hnaih bera thu Mesak-a nu hnenah chuan kan haw mai tur thu kan hrilh a.





"Chuti tur maw, lo leng leh ṭhin ang che u" tiin ṭha tak hian min thlaha mah se kha a mitmeng phena min en dan avang khan chu a mi min thlahna ṭawngkam ṭha pawh chu ka chhang let thei meuh lo.





"Lalneihsang" ti riah chuan ka ding chawt,ka hawi let nak chuan Mesak-a'n min lo zui chu niin. " Sangkim i ṭhiannu hi ka lo be lawk ang chu" kan bul a rawn thlen phei ruala tiin Sangkimi pawn hrethiam zetin min kalsan nghal.





Ka awmna chu a khawlai deuh a ti nge amah zui tura min tih hnuah Biakin lamah chho in Biakin thlang kawngkual pil deuhah chuan min din pui a.





"Engvanga min peh hel tlat nge i nih?" Ti ram hmakin a kekawr ipte zen chung hian min melh chhuk run a.




"A chhante chu i hre zawk daih ang chu" zam duh biklo in ka ti ve fak. A ti sualtu zawk mahin zak map lova min biak theih chuan engvangin nge ka theih loh bik ang.




"Ha...kei hi maw! Hria ilang chuan hetia ka zawh buai che hi a ngai dawn em ni" dawhtheilo tih hriat zeta ti tuarin a ka atang boruak a thaw chhuak hawk.





"I awki san reng reng suh,eng angah nge keihi min lo hmuha addict ka nih avang leh ka u pasal ka ngaihzawn avang te hian i duh duh dana min tih kawi theih ilo in ring em ni?"




"Eng nge i sawi awmzia?" Nel awm loh zeta min en run hian min din hnaih zual sauh.




"Hrelo der suh,nizana kha hmeichhia nena in in fawp lai thlalak kha ka hmu ve vek. Ka chak lohna hmang ṭangkaia min chhaih buai i tum a nih chuan tunah hian bansan nghal rawh. A chhan chu i thil ka hre vek tawh" a mit taka en chungin ka ti charh charha,hetia ka sawi chhuah takah chuan ka thawl huaiin ka hria.





Kal mai ka tum chu ka banah pawtin min kuai her nawka,ka dar tawn tawna rawn dawm in ka mitah tak chik zetin min en. "Eng thlalak nge i sawi chu? Tu chu maw ka fawh" Nichin anglo takin a awki chu a zawi em em a,mahse nelawmna pakhatmah a nei hauhlo.





"Lalrambuatsaih kha tin hrelo der suh,nizanah Thara te in a i kal hnuah tu emaw in thlalak min rawn thawna tah chuan hmeichhe dang chiang taka i fawp lai a lang vek" ṭah chhuak zetin ka ti ta tawp. Kha tia Lalrinchhana'n chiang taka min bum tawh avang khan Mesak-a lakah hian ka inrin tawk loh mai bakah hlauhna nasa tak ka neia kha thlalak pakhat ngawt pawh khan min ti na thei a ni.





"Keimah ka ni tih i chiang em?"




"Um, in hmel chu langlo mah se i thuamhnaw aṭang leh i taksa pian aṭang nangmah ngei i ni tih ka hria"




"Khaw nge thlalak chu..?"



"In ah,ti nge mawilo taka i khawsa lai miin an lo hmuh avangin thlalak chu delete i tum em ni?" Ngeiawm zeta nuiin ka chhung lam erawh nat avangin a rum mek si.




"Kal ang" ti bul hmukin ka kutah chuan kaiin kan in lamah min chhuk puia,kawnga mi kan tawh tak ngial pawn ka kut chu thlah a tum lo. Kan in kan thlen chuan ka chhungte tumah an lo awm langlo hlauh. Thil dang ti kawi lovin ka room ah kan in zui chho a. Khuma ka phone chu rang zeta la in a check nghal.




"Ruati a nih hi" ka rin loh lutuk a rawn sawi avang chuan ka nui chhuak hak.



" a ni tak ang,engtin nge ka lo hriat loh zawk ni! " ban phar hluaia ka tih chuan hahthlak min tih hmel zet hian min en a. Kei erawh beidawng zetin ka khumah ka thu hnawk.




"Hriatthiam tum teh, Ruattei a nih thu ka sawi ringawta mah se kan in fawp lo" a thusawi chu awilo zetin ka nui leh chiam. "Kuri min en teh" thutak zeta rawn tiin ka hma ah chuan a rawn thu hniam.




"Ka hmaia thil kai min tihfai sak mai chauh a nih hi, he thlalak hi tu rawn thawn che nge ka hre lova mahse he thil rawn thawn tu che chuan kan pahnih tana thil tha chu a duh haulo ang tih ka chiang" ka mit taka min en chunga a tih charh charh chuan " mahse" ka lo ti leh zeuh a.




"Ka chungchangah midang ringlo turin ka tih tawh che kha, tu tih pawh i hriat loh avangin ka chunga i rinna te hi ti bo suh" a tih dap dap chuan a sawi dikin ka hria. Kha thlalak min rawn thawn tu kha ka hre lova mahse,thlalak min rawn thawn danah Mesak-a nen inṭhen turin min duh tih a chiang reng. Chuan chutianga ti duh tu tur chu tu nge ni ta ang?




"A tu chhuan nge maw rawn thawn reng reng che ni?" Min zawt pawh nilo in a mah leh amah chu a in bia a ang mah zawk.




"Vanlalruati tih a nih kha" ka ti chhuak phawng. Mahse, kha thil min rawn thawn duh tur kha tu midang mah ka hre tlat lo a ni.




"Ani chu a ni lo ang, engvangin nge hetiangin a tih rikngawt a nga?" A thusawi dan ki aṭang chuan ka thusawi chu a ringngam chiahlo tih ka hria.




"A duh che alawm,a awmdan atang pawh hian i hre thiamlo em ni?"




"Ṭhian alawm kan nih,chutiangin ka lakah rilru dang a pu lovang" ala rawn ti hram.



"Hmeichhia leh mipa ṭhian a nih theih loh" ka lo ti leh thuai.




"Anih chuan nang leh Lalruatpuia ve hi?" Nuih zat hmel zeta a rawn tih chuan rum zeta melhin, " ani nena kan in ṭhian ṭhatna leh Vallalruati nen in kar chu tehkhin hauh suh" ka ti rap hmak. Engtin nge a tehkhin ngam zawk,he thilah kher kher hi chuan a danglam lutuk.




" Theihnghilh teh ang" a rawn ti chuan ka la lawm chuanglo.




"Vanlalruati hnaih tawh suh,a kawm pawh kawm tawh suh" ka tih leh chuan a ri meuhin a nui chhuak. "Eng nge nuihna tur awm?"




"He ti em em hian ka bialnu hi a thikthu alo chhia a ni maw?"




"Chhia e, Lalrinchhana avangin ka hlauthawng hmaa chuvang chuan hetianga ka rinhlel tur hian awm tawh suh. Chhuanlama ka ṭhian tih vel kha ka pawm lo" ka tih leh charh charh chuan a hmelawm dan chu a danglam nghal vek.





"Engtia rei nge kha Lalrinchhana nen khan min tehkhin i tum. Ruattei nen kan in kar chu nang leh Lalruatpuia in thianna ang tho kha a ni a. Mipa leh hmeichhia ṭhian an ni theilo i tih chuan nangni pahnih hi engtin nge Sangkimi'n a ngaih ve ang che u tih i ngaihtuah ngai em?" A rawn ti ve ta hmak.





"Eng nge i sawi awmzia?"




"I hriatthiam loh chuan ka sawifiah peihlo, nakinah Lalrinchhana i theihnghilh hunah kan in be leh dawn ania" tiin min chhuah san a. Ka ruak huai in ka in hria.



(Zawmna)



Ka room ah inkhungin zanriah pawh ei lo in ka tawm tlat. Nichin maia Mesak-a nen kan in biakna kha ka ngaihtuah nawn ngun pauh leh ka rilru a buai.Ka tihsual chiang takin ka hria a,mahse Vanlalruati lam aṭan tlat avang khan a chungah ka thinrim tho bawk si.




Chutia buai tak maia ka in ngaihtuah ngut ngut lai chuan Sangkimi phone call ka dawng hlauh. Mesak-a zawhna kha hre ranin call chu ka chhang.




"Ka rawn peng ta lo mai." A rawn ti nghal zata, zanin khawm dawn khan min rawn sawma mahse ka awmdan en in ka zui dawnlo tih a hria a niang,min rawn tlawh kawi tur thu sawiin min kalsan ta kha a nia.




"A pawilo mah se Sangkim" ngawi leh rihin engvang nge ni ka zawt hreh tlat.




"Eng nge sawi la"




"Englo a nia,i maw...kei leh Lalruatpuia inkar hi engtiangin nge i ngaih?" Ka ti tawl, kan in karah chuan inngaihzawnna lam a awmlo tih chu chiang takin ka hria a. Mahse, Mesak-a sawi ang khan Sangkimi hian alo ngai kawi thin ang tih ka hlau a ni. Chutiang chuan ngailo lul rawh se.




"Ha...teh daiha,eng nge sawi i tum a" ka zawhna chu mak a ti tih a awki ah chuan ka hre thei.





"Vawiin khan Mesak-a nen chuan inbia in thlalak vel te kha ka sawi vekin ka hmuh tira, kha thlalaka hmeichhia kha Vanlalruati a nih thu a sawi a.."




"Taka! Thlalak kha eng thlalak nge a? Vawiin khan i sawi chiang silo a,ka lo theihnghil hman alawm" pawi ti zetin a chek zui tlak tlak.




"Engmah a nilo,an in fawp emaw ka tia.."



"Eng nga" a rawn tih ṭhat chuan ka beng bul aṭang ka phone chu ka dah hla chiang hle. "Han sawi chiang teh,an lo in fawp tak tak em ni? Anni hi...na a ni lo ang, u Mesak-a chu chutiang mi a ni lo ang" a ti nghal zung zung.




"Lo ngawi ve phawt la" ka tih chuan a ngawi ve mai bawk a. " Mesak-a hmai bal alo tih fai sak mai mai a ni a. Mahse, en mai kha chuan an in fawp a ang em a" ka ti leh niap niap a.





"Ni e, i hresual a niang. Chuan in in rem thei ta em ni?" Alo ti leh vat vat.




"Ai, Vanlalruati hnaih tawh lo turin ka ti a. Mahse,ṭhian an nih thu sawiin min hnial, hmeichhia leh mipa ṭhian an nih theih loh thu nasa zetin ka sawi khuma tah chuan kei leh Lalruatpuia inkar a sawi chhuaka i ngaihdan tur te a sawi bawk a." Mahni in ring tawklo zet chuan ka ti a.





"Lalruatpuia nen in in kar ka ngaihdan maw" a rawn ti muang fan ruih.




"Aw,mahse i hriat kha Lalruatpuia'n a hmangaih zia che leh kei leh ani inkarah chuan in ṭhian ṭhatna bak engmah a awm lo" ka duhloh dan deuhin min chhang mai ang tih ka hlauh avangin ka lo ti zung zung.





"Ka hrelo le" kha maw, ka hlauh ang ngeiin engtin nge ka hrilhfiah tak ang. Kum kha leh chen kan lo inkawm tawha hei chu a hriat chian viau ka lo ring tawh asin.





"Tak taka,ka ti mai mai a nih kha. Mahse, tuna i sawi ang khan a tir lam kha chuan Lalruatpuia nena in in ṭhian ṭhatna kha hrethiamlo in ka thik thin che u alawm. Mahse hun a reia ka lo rin sual zia leh ka tan ṭhian ṭha tak i nih zia ka hria a. Chutiang bawkin Lalruatpuia rilru put hmang pawh ka hria chuvang chuan hlauthawng duh suh" a rawn ti sep sepa ka thaw huai mai.




"Sangkim"




"Chuvang chuan nang pawn Mesak-a chu i hriatthiam ve deuh chu a ngai ang. Vanlalruati chuan a duh tih hre tho mah la U Mesaka hian a dut let ve in ka ringlo" a rawn ti leh, heihi ania ṭhiante an tangkaina chu mahni a inngaihtuah ngut ngut chuan mahni in khawngaihna nen thuthlukna siam hi a har ṭhin a,kan nu leh pa te bula sawi ngam chiah loh sawi dawn hian ṭhian ṭha te tluka hlu an awm lo.





"Anih thil dang Lslruatpuia hi ila be theilo reng em ni?" Tiin ka zawt leh a thaw la ri ka hriat danah ala be thei biklo a ni ngei ang,hepa hian tunah chuan rilru a ti hah tawh tak zet.




"A tan thil ka ti harsa zawk mai mai ang tih ka hlaua biak pawh ka tum tawh lo. Mahse, nang chuan thlahthlam suh aw" a ti zuai raih a,sawi thui pui duh lovin Lalruatpuia chu engtik lai pawha ka ngaihsak reng tur thu sawiin kan in biakna kan ti tawp.





Mesak-a number chu hmet chhuakin call ka tum zuau zuau mahse, ka ngam chiah loh avangin ka ṭhulh leh ṭhin. Ka room a chhuahsan lai khan a thinur hmel em a,ka call a la duh kher pawhin ka in ringlo.




Zanrei tawh lamah boruak thianghlim hip tumin ka buk tia ka lo chhal in te lam panin ka kala,ka va thlen chuan rin loh deuhin Mesak-a ka va hmu. Amah chauhin a ni a, ka thawm a hrelo nge thlang lam chu a thlir renga,va kal hnaiin a bulah chiah engmah sawilo in ka va thu ve hmiah.





"Ka tihpalh" Ngawi renga kan ṭhut dun hnuah ka ti sup.




"Zanah mahni chauhin chhuak tawh suh ka tih che kha" alo ti duh leka,min ngaihtuahna tawngkam chu a ni teh meuh mai mahse,tunah chuan ka ngaihdam dilna kha a pawm leh pawm loh hriat ka duh a ni.





"Lalrambuatsaih" ka tih chuan tak ngul hian min rawn a,eng nge hepa ngaihtuahna ah hian awm ṭhin ang le. Mi mizia te leh an ngaihtuahna te hi mi ṭhenkhat chuan an hre thei em em a. Kei erawh ka ni lo,ṭawngka leh chetzia in mi ṭha leh fel chu ka teh mai ṭhina chuvang chuan Lalrinchhana anga sual kha ka tawn phah a ni.





Mi rin ka awlsama,ka bulah awmin ka duh zawng titi an vawrh thiam chuan thianah en in ka ring nghal mai zel a. A chang chuan chutiang chu nilo a hmeichhe smart leh hlauhawm deuh ang hi nih ve ka chak thin.





"Kha ti pawh khan min en suh,ka huaisenna zawng zawng nen ngaihdam ka dil che a,min ngaihdam leh dam loh tal sawi ta che" ka ti nghek,min en vung vung ringawta min en laih a tum ve khanglang em maw ni.




"Ngaihdam ngai khawp sual i ti em ni?" Dam thluama a rawn tih chuan mak ti zetin ka en. Tuna ka biak hi amah Mesak Lalrambuatsaiha tak tak kha a ni em? Nge ni a,a thla ka lo be zawk.





Zawi muanga ka kut chu lek chuakin a taksa ka khawih. Hlau thawng rilru taka khawih ka ni bawka chutia ti sa lum ngei ka tawh fuh takah chuan ka nui nghal var var. Ani lah chuan chutia ka che zia chu mak ti zet hian min lo en a.





"Ruih i nei em ni?" Tiin chik zeta min en hnuah a hnar a len leh vat vat.




"Engmah ka ruilo, vawiin khan i thinrim hmel sia tunah lah tihsual ka neih leh neih loh te min zawta,i awmdan a mak em a thlarau ilo nih takin tih thuah ka finfiah a nih kha" ka lo ti thuai.





Nui ri hakin," Anih chuan thlarau chu ka lo ni ta em?" A ti leha,rang zetin ka lu ka thing. A lamah min pawt hnaiin min kuah a.





"Inngaihzawnna chu mipahnih te tan chauh a ni. Midang an lo tel ve tawh chuan chu inngaih zawnna chuan rawp lam a pan ṭhin tih hre reng rawh" a tih chuan a thu sawi awmzia chu chiang takin ka hria. Kan pahniha kan sawi loh chu midang thusawi awi loh tur a ni a, kan in karah chuan in rin tawnna a pawimawhin thuchiang hriat hma a in biak duh loh ngawt ang te,entir nan tuna kan buaina thlalak avanga ka khawsak dan ang chi kha. Ṭul lohah ka mipa hmangaih ka chan nawn leh ṭep a ni.





Ni e, Mesak-a hi tunah chuan ka hmangaih tawh lutuk tlat. Eng angin nge min ngaih ve chu ka hrelo mahse kei min duha ka kianga awm a duh chhung hian min hmangaih let ve nan theihtawp ka chhuah dawn a ni.





"Ti nge tun ang zan tlai tawhah hengah te ilo awm reng reng?" A tira ka va hmu a mak ka tihna chu thup theilo in ka zawt tawl.





"Ka lo nghak che" a tih sup chuan awilo zet hian ka melh, "i awi chiahlo em ni?" A tih chuan uar fahran hian ka awi loh thu ka sawi khum.





"Ka lo kal dawn tih pawh i hriat tawp loh kha" ka ti khar khar.





"I sawi kher a ngai hleinem, hmangaihtu thinlung hian a hmangaihi ngaihtuahna chu a hre kim vek alawm" nui chungin a ti a, a thusawi avang erawh chuan ka nui ve thei derlo.





"Nang hian kei hi min hmangaih a maw? " min ṭhawn em avangin ka aw pawh chu tham chhelin a ri chhuak ṭawk ṭawk a ni.





"Ala reilo tih chu ka hria mahse, hmangaihna piang tur hian hun rei alo ngailo pawh a ni mahna" ka mit taka en chungin a ti leh.




"Mahse, Lalrinchhana laka ka khawsak dan pawh i hre vek a. Chuti chung chuan min la hmangaih thei tho em ni?" Ka tih chuan ka kut chu vuanin a kut khingkhatin ka biang a dawm a. Ani hi ka hmangaih ngei alawm,tin ka hmangaih anga min hmangaih let turin ka duh bawk mahse,tun anga hma hian ka lo beisei lo.




Min duhna kha chu lan dan vang niin ka pawm sak mai thei a. Hmangaihna erawh ka nun ṭawp zia hre vek tu a nih avangin chuti maia ka hlawh chhuah theih ka in ring lo a, harsa taka ka beih hnuah min hmangaih ve mial mahna tih kha ka in nghahna a ni a.





"Ka hria,chuvang chuan min hmangaih let ve kher ka phut lo che a. Ka duh ber chu min kalsan lo in ka kiangah hian awm reng la ti zawng a ni" Tiin zawi muangin ka hmuiah a rawn fawpah, ka chhan let chuan a duhthawh sauha,ka kawngah rawn dawmin a mal chungah min thut tir.




A mipatna lo danglam te thleng chuan hre mah ila mipa insum thei ngang a nih avangin in kiss aia thui erawh min thlen pui lo. Hei tak hi amah ka ngaihsanna leh in nghahna tlak a ni tih min rin tir tu a ni. Pastor fapa leh kohhran rawngbawltu tam tak tisa chakna lama insum theilo a hming chhe ta ka hre ve nual tawha Mesak-a erawh chung ho lakah chuan a danglam hlak a ni.





Thawnthua a changtupa ten an hmeichhe hipna am mize pa leh ngeng ngulh ang te,an mitmeng thim tak hmeichhia te zawng zawng tui ral theihna ang kha a nei ve lo. Chutiang aiah chuan Mizo mipa pangngai tak niin a thutak run ngai lo a, chutih rual erawh chuan a lungawi loh leh a mi ngainat loh te bulah erawh nelawm teh chiam chi a ni lem lo. Chu chu kan in tawn tir lam atang khan ka hre thei.





Ka mizia leh nungchang a ngainat loh em avangin min biakin ṭawngkam chaltlai tak hmang chang a nei a. Midang nelawm taka a nuih laiin hmel hlim min hmuh ngailo chuti chung chuan ka chungah a ṭha a,hetia inzawmna kan neih tak hnuah phei chuan mipa fel leh nelawm tak a ni tih ka hria.





Dar hnih velah kan gate thleng min thlahin ka lo en liam ang che ka tih pawn duh lovin inchhung ka luh thleng kan gate bulah chuan a ding. A sawi dan chuan a nupui ni mai tawh turin a boral san aṭang khan zan mut lamah harsatna a neih thu a sawi a. Keipawh ka ni ve tho, ka rui chhum hmuk te a nih loh chuan khang ka naute ka tihtlak te kha ka mangah hmu in an chunga ka thil tih te avangin zawhna maksak tak tak min zawt ṭhin a. Chuvang chuan harhfima mut kha ka ngam ngailo.




(Ka mut a chhuak lutuka ka edit ta lo mai,mahse ads chu click tho ula)


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 22nd, 2022, 10:28 pm

Chapter 14




MESAKA POV




Inchhung ka lut chu ka tum loh deuhin ka pa sofa a alo ṭhu hi ka hmu thut a. Ka chhuah dawn kha chuan an mu vek tawh si a,engvanga lo tho leh nge maw a nih dawn le?




"Ka pa chu ngati nge i muhil theilo em ni?" Ti thuaiin a ep chiah sofa ah chuan ka ṭhu thla ve nghal. Khatianga Vansangkimi'n min boral san hnu khan mut lamah harsatna ka tawk nasa hle a,zan tam tak chu kha accident kha mang phanin zan ka mu hi thlan sa phulin ka harh leh thin.





"A nih hi" a ti nghuta,lungawi loh hmel zet hian min en bawk. " Nang zawk tun ang tlai tawhah khawnge i kal" a ti leh bul bula ka ngaih a ṭha zan lo.




"Ka muhil theilo kawng dungah ka tei mai mai e ka tia" za vaklo a ka nuih chuan ka pa chu in hum ruhin a lu a bu nghuta harsa tih hmel zetin a thaw ham ham.





"Pa i dam ṭha lo em ni? Ti nge i awmdan kha?" Ka tih chuan a ṭhat thu sawiin mu tura min tih hnuah an room lam a pan a,keipawh ka pa berin a ṭhat thu sawia min kalsan takah chuan ka room ah ka lut ve nghal.





"i thleng tawh em?" Kuri message chu eiin ka nui suk.




"Ka thleng chiah,muthilh tum rawh naktukah i chauh lutuk a nge?" Tih ka thawn let chiaha a seen nghal rang hle. Henu te hian ka chhan let hun nghakin a phone alo bih reng a nih dawn hi.




" Ka mut pawh a chhuaklo"



"Naktukah zanriah kan ei chhuak dawn em niang?" Mu mai lo in khumah chuan ṭhu in message ka type leh rih.




"School ah kal i ngai a ni lawm ni?" A rawn ti vat.



"Ngai e,mahse Thara nen kan class neih hun kan in thleng thei alawm" ka tih chuan rang zeta min lo chhang letin "thil tui tawk min ei pui ang che" a rawn ti a. Ka nui chuak hawk,a mize naupang chhia tak kara a lai hma lutuk te hian ka nuih an ti za ṭhin. Ka hrechiang tulh tulha ka rin ang hmeichhia a nih loh zia ka fiah tawlh tawlha chu chuan a lamah min hip tawlh tawlh bawk.





Ka mu tlem hle na chu ka tho harh ṭha hle a,rilru lam a hlim chuan taksa pawh a chak nge nge an lo tih kha maw. Ka harh rual rualin Kuri message tur type in bible chang tawi ka thawn a. Heihi amah puih ka intiam atanga ka tih fo dan a nih avangin ngaiah ka nei tawh.





"Tunlai chu i hmel hmuh a nuam thei khawp mai" Hlim hmel pu sanga ka nau min biakna chu ka nuih pui suk. Ka hmelah ka lo ti lang viau em maw ni ka ti deuh.




ka pa min kohna avangin thingpui no chawi chungin a awmna lam ka pan a,zing tin a tih ṭhin angin tukver bulah ṭhu in chanchinbu alo chhiar leh mek a. A hmel pawh nizan ai chuan hmuh a nuam deuh tawh.





A ep chiaha ka ṭhut thlak rual chiahin a chanchinbu chhiar a daha, " kan room lamah va in be teh ang" a tih avangin an room lamah kan in zui leh a. Eng thil nge mi sawipui a tuma eng thil nge pindan lam meuha sawi ngai ta chu?





"Thil engkim chu a ṭha a maw?" Ka ngaihṭhat chiah loh avang chuan ka ti vat. Ka pa hian natna khirh deuh a vei thu sawi a tum chu a ni em lo ang chu maw?




"Kha nula kha ṭhen ang che" tia ka pa tawng ka hriat chuan ka ding dat, " Ṭhen la Aizawl lamah let ang che" A ti deuh hmuk a.




"Ngati teh thut nge,nangpawn Kuri chu hun pek ve i in tiam a ni lawm ni?" Tiin a hmaa ka hnena a thusawi chu ka sawi chhawng leh.




"Ka rilru ka thlak leh a ni mai" ti leh hmukin an khumah chuan a ṭhu tla a.




"Pa.."




"Kha hmeichhia kha hmeichhe ṭha a ni lo,chuvang chuan a rang thei ang berin in in kar ti tawp ang che" Engvanga a rilru thlak leh thut nge maw a ni le,tuna a awmdanah lah hian eng ang pawn sawi ila ka thusawi awi duh hmel a pu der si lo.




"Ka duhlo,eng thu pawh sawi ula Kuri hi ka ṭhen dawn chuanglo" ka sawi zawh rual rualin ka pa chuan ka biangah a rawn benga mak tih vangin ka pa chu ka en. Ka nu pawh rang zetin a rawn tlat luta ka pa hmela thinrimna chu chiang takin ka hmua mahse,ben tuar tur khawpin a chungah eng nge tih sual ka neih. Ka naupan tet atang an thu hnial ka nei ngailo a,tunah a vawikhat nan a thu ka hniala a kut ka tuar nghal a maw!




"Awi engah nge i fapa te i ben tak mai,Mama a na em?" Ka nu chuan ka biang dawmin lainat zet hian min en.




" Eng tin nge ka thu te a hnial ngam zawk, zanlaiah chhuak ru in hmeichhia a tawm pui duh ka fapa hian ka lo ring ngailo asin" thinrim avanga tha khur hlawk hlawka ka pa thil sawi chu ka hrethiamlo kei hian tu hmeichhia mah chutiangin ka tawm pui lo.





"Maw, eng nge awmzia Mama pa tunah khan eng thu nge i sawi?" Ka nu pawn mak a ti ngang a niang ka pa leh kei chu phawk zet hian min enntawn sek a.




"Nizan ka zunchhuak tho in kawngka pui lo in kharlo ka hmuh avangin Grace-i nen an room ka va check a, chutah Lalbuatsaiha hi pawn lamah a chhuak tih ka hria a ka nghah fe hnu pawha alo luh mai loh avangin pawn lamah ka va zawnga chuta ka thil va hmuh te chu e sawi chhawn leh atan pawh ka duh lo" a tih barh barha anih chuan nizanah Kuri nen ka pa hian min rawn hmu dun a ni ngei ang.





"Eng nga,eng thil nge i va hmuh? Mama eng emaw tal sawi ve ta che nizan chuan engvangin nge pawn lamah i chhuah reng reng" ka nu chu mi hlauthawng hma chi tih takah a chiai vek tawh ni ber maiin ka hria.





"Kha a awmdan zahthlak zia hria in ṭawng pawh a ṭawng chhuah ngam loh kha" ka pa chuan a rawn ti leh hmuk.




Mahse,kei erawh chuan nizan khan eng thil sual mah ti ah ka in ngailo. Kha hmunah khan tum vang renga in hmu pawh kan ni lo a. Chuan in fawh hi inngaihzawnna ah chuan sual a nih ka hre hek lo.




"Eng thil sual mah kan ti lo" ka lo ti chu ka pa ka tih thinur belh mai mai niin ka hria. Ni e, a hmuh danah kha chuan zanah chhuak ru in hmeichhia ka tawppuiah a ngai miau a,dem thei ka nilo. Keipawh khatianga khawlaia khawsa tur ka nilo tih chu ka in hria. Mahse, zan a rei tawha khatianga awm kha pawilo turah ka ngaia a chhan pawh infawh bak engthil dang mah kan ti tlat lo.





"Tunah chuan i hmeichhe kawpin a zir bawka zahna chang pawh i hre ta lo a nih hi,i hmel pawh hi ka hmu tui tang nek lo ve room aṭang hian chhuak vat teh" a ti leh hlura ka chhuak rang hle. Ka room ah lutin thinrim lungawilo zetin ka khumah ka ṭhu a. Engvanga ka pa pawh chu nizan ber khera min rawn zawng nge a nih. Zan dangah pawh tei hawiin pawn lamah ka chhuak fova min zawng turin alo kal ngai der si lo a.




Muang changa ka nu ka bula lo ṭhu pawh chu ka hmulo der. Ani phei chuan ka pa aiin Kuri a ngaitheilo zawka nichina ka pa thusawi a hriat leh hnu ngat phei kha chuan kan lam a ṭang dawn lo tih ka chiang em a ni.





"Ka fapa kha khawnge a awm tak" a ti dam dapa ka nu ka en chuan natna a mitah chuan ka hmu thei.




"Ngati nge in hriatthiam theih loh, nizanah chuan Kuri kha ka fawp mai alawm. In fawh chu sual a ni em ni? Ti nge kohhrana a in hman ngai loh avang leh a nun hlui avang mai maia in en hran em em?" Ka ti ta thlawt.






Ka pa zirtirna ah chuan eng angmi pawh ni se kan en dan a danglam tur a nilo,tiin Heng addict te leh zu leh sa tlana nuamsit bawlna hmuna khawsa te hi heng kohhran member ṭha tak tak te nen hian en hranglo turin min zirtir ṭhin. Mahse, tunah eng nge thleng ta chutianga min zirtirtu te ber chuan an thu min hrilh fo chu an zawm leh si lo.





"Ni lo e,kha hmeichhia i fawh vanga i pa saw thinrim a ni hleinem. A thinrim chhan ber chu hmeichhe tha lo lutuk..."




"Nu nangmahni ani lawm ni Kuri te ang a nun hmang ho hian tuna an nun dan hi an duh dan a ni bik vek lova,an hun tawnin a zir loh em vang a ni a. Chuvang chuan ṭanpui thei dinhmuna kan awm chuan hawi san lo tur tia min hrilh tu kha" ka nu chu ka lo ṭawng khalh vat.





"Kan hrilh ngei che u alawm. Mahse,mi ṭhenkhatte erawh hnaih miah loh tur kan tana mi hlauhawm takte pawh an awm ve bawk alawm" a rawn tih chuan za lo zetin ka nui. Ka chhungte hian eng tikah mah min hrethiam thei ngailo ang.





"Hei hi i hria em? Mipa sual hi chu hmeichhe ṭha in kawng dikah a hruai mai theia mah se hmeichhe sual erawh mipa sual khur thuk taka hruai lut tu an ni."





"Ha ...chu chu i ring amaw?"




"Ring mai nilo in nangmahah hian chu chu ka hmu mek a ni. Kuri i tawn atanga i nundan hi en la,zah pah lo takin kei leh i pa min bia a. Inkhawm ṭhulh ngailo khan i ṭhulh bawk. Chumai nilo in zanlaiah amah hmu turin in atang i chhuak ru hial tawh a ni a. Heng hi ka fapa duat taka ka enkawl seilen kha chuan a ti duh hauhlo ang tih ka chiang a ni." A ti dap dapa chutiang zawnga thil thlengte ala kawi thei chu awilo zetin ka nu chu ka en a.





"Inlaichinna siam pui lo in a nun siam ṭhat chauh tum nila chuan keipawn ka khap lo ang che,chutiangin i pa pawn i thil tihah chuan zilh a hnekin a pui zawk ngei ang che tih i hria alawm. Pathian rawng bawltu chhungkua kan nih avang hian hlauh kan neilo tur tihna a ni lova. Keini hlauh ber chu he hmeichhia avanga i nun a chhiat vek hi a ni" a ti dap dapa,heng a thusawi zawng zawngte hi min hmangaih vanga sawi a ni tih ka hria. Tin Kuri ka tawn hnua ka khawsak dan chu ka hre teh meuh mai.Mah se tih luihna a awmlo,heng zawng zawngah hian vawikhat pawh Kuri hian min la thlem chhin eih lova engkim hi keima duh thu veka ka tih ala ni.





Ka ngawih reng takah chuan ka nu pawh a chhuak ve maia,an thusawi avang mai mai erawh chuan Kuri hi ṭhen ka tum lo. Ka thil duhah hian ka chianga ka la hlawhtling ngei bawk ang.





"Kha iva ngaihtuah muk awm ve" Thara chuan ka dara rawn beng dawtin ka dawhkan bulah chuan a rawn tawlh hnai.




"Ni e" ka ti mai a.




"In la in hmuthiamlo reng em ni?" A ti leh nimin khan Kuri nen kan buaina kha ka sawi zuaia a kim chang erawh chuan ka hrilh lo.





"Chulam pawh a ni lo,ka chhungte zawk hi ania." Ka tih chuan a hrethiam tih ka hria.




"Anni tan pawh a harsa in ka ring. A mihring mihrinna aṭanga thlir chuan keipawh Kuri chu ka duhpui vaklo che a,mahse ka ṭhian i thil tihah hian ka thlawp tlat che a i hlawhtlin ngei pawh ka beisei. Kuri hi a naupan lai pawh ka hriat ve zawng a ni a,mifel tak a ni ṭhin. Kha a nun duhawm taka hruai let leh thei an awm a nih chuan nang ka ṭhian pa chauh hi i ni" a tih zawm mawlh mawlha ka phur leh ta deuh alawm.




"Class chu in thleng lawk mai ang, Kuri kha ka lo tiam tawh sia" ka tih chuan alo rem ti ve maia chawhnu last period a ka class ai aniin class alo la anga keiin lunch break zawhah a class ai class ka la thung ang.





Sangkimi te dawra min lo nghah tawh thu a sawi chuan chhun chawlh kan lo neih lai tak a ni bawk nen reilo te call hmangin kan in be leh lawk a. Tun ang reng hian pangngai takin a nun a hmang reng a nih chuan ka nu leh pa pawn an la pawm vat maiin ka ring.





Ka class hun nilo a ka lut chu naupang ho an lo ner nasa mai. Friday khan note thiam tur ka pe ve nuala an huphurh ve a nih ka ring. An vaia ka zawh zawh vek hman ka rin loh avangin ka home work pek zawng zawng thiam kim ka din tira mi 60 bawrah 10 te chauh zuk dinga.





"A ding ho zawng kha he tah hian lo chhuak ula midang zawngin in dawhkana thingthi chungin in la thiam loh zawng lo zir leh rawh u" ka tia an che ve phat phat mai.





Naupang ka koh chhuah ho pawh chu avai vaiin ka zawt duh lo, a chanve vel an sawia an thiam chiang nia ka hriat chu thiamah ka pawm sak zela nakinah ka test tir leh dawn tho avangin tunah rih chuan ka hmanhmawh nen ka khirh lutuk lo.





Bell a rawn rik chuan " Friday ah tuna in Home work zawng hi kan test a nga,chu ta pass ve lo hauh chu hremna kha a awm leh dawn tih hria ula tumah fail tum loh tur" tiin class chu ka chhuahsan a. Office ah pawh tawi khawmuanglo in ka in khung fel zung zunga Sangkimi te dawr lam ka pan nghal.





"Ka rin aiin i rawn lang hma" ka hmel alo hmuh chuan alo ti nghal var a. A makeup hman dan a dang nge a hmel chu ka hmu dang riau a,a hmel thatna erawh a belhchha zawk mah.





"Thil danglam chu a awma mah se ka sawi mai theilo" ngun zeta ka en chuan a sam rawng pawh a dang deuh tih ka hre thei.





" Ka in hmeh tho tiraw Dingtei te dawrah ka colour tira" a sam khawih paha a tih chuan a inhmeh thu ka hrilha a lawm hmel khawp mai.





Rei awmlo in kan kal thuaia,khaw ṭhenawm te nen kan khaw in karah hian dawr thar hmani deuh khan an rawn hawnga tah chuan hruai ka tum a ni. Kawngah te chuan thil ho te te sawiin a nui renga chu tluka ka tan hmuh nuam a awm lo.




Kan la hma deuh tho avangin spot rem lai deuhah ka dinpui a. Thim dawn lek lekah dawr lam chu kan pan chauh. Dawhkan ka hauh lawk vek tawh avangin bathlar thlanglamah chuan kan dawhkan tur an lo dah awlsa diama,a dawr an chei dan leh an ei tur siamin a zir vang nge khawkar kawnga awm mah nise in hawng tharah chuan customer an ngah phian.





"Restuarant an hawng thar tih chauh ka lo hria a,a nuam phian mai" hawi kualin dawhkan piaha an eitur chhawp te chu a en chik ngang mai.




"Vawt iti em, inchhung ai pawn hi nuam i tih zawk ka lo ring ringawta" ka tih chuan rang zetin nuam a tih zawk thu min hrilh a. A chang hi chuan naupang kum 5 mi lek ang hian a khawsa leh thin.




"I ril a tam tawh em?"



"Ka la nghak thei alawm" a rawn tih chuan insum hmanlo in ka nui chhuak hawk.




"Kuri" hmeichhe aw kan hriat rualin kan hawi chhuaka rin loh deuha Lalrinchha leh hmeichhe nau pawm ka hmuh chuan ka nui tawp chiang hle.




"U" ti sepin Kuri pawn an ni a hmu chu mak a ti ve hle a ni ngei ang. Chuan ani hi maw Lalrinchhana nupui chu.




"Hei tunge a" min rawn e a a tih chuan ka lo nuih suk.



"A..ani hi ka bialpa a nih hi" a tir lamah ban deuh mah se a thusawi avang chuan ka lawm ve veng veng mai. Zep miahlo a in hmeichhe duh em em ten a bialpa i nih thu mi dang hnenah sawi ta se nang pawh i lawm loh bik ka ring lo.




"Ani chu.. chibai le Kuri u hi ka nia" ṭha taka rawn tiin a kut chu ka lamah a rawn phara keipawn ka hmingte hrilhin ka lo chibai ve thuai.




"Thil in ei dawn chauh nge in haw tawh dawn?"




"Kan ei dawn chiaha nangni zawk in la ei lo a nih chuan ei ho ila" ka tih chuan an pa chu a melh zawka an pa erawh a ngawi ngula chutah dawhkan an hauh lawk ve tawh thu sawiin min kalsan ta zawk a.




"Ti nge vawiinah kher an rawn kal ve" ka bul ami in lungawilo tih hriat zeta alo tih bul bul chuan ka nui mai a. "Nangpawh kan bula ei turte khan engvanga sawm nge i nih?" A rawn ti leh khar khar a.




"An rawn ei chuang loh hi,ti nge ila thik deuh em ni?"




"A sawi pawh sawi suh ka haw sau bawrh bawrh ania. A theih chhung chu hmuh loh hram hram ka duh a nih loh chuan ka thinrim puak keh hian khaw hmulo lekin ka sawisa duh mai ang" tia a in hrosa hmel chu amah leh amah pawh in hmu se a nui ve tho in ka ring.





"Chuti khawpa ila huat chuan ila theihnghilh lo tihna a ni thei em?" Tiin ka fiam leh zeuha min melh no vak tawh lo.




"Nang ang ka ni lo, mi zawng zawng hi in ang khatin ka en thei lo a,ka pawi sawitu te chu ka tan an pawimawh emaw pawimawh lo emaw ka haw hlur zel. Chutiang chiahin Lalrinchhana hi ngaihvenna chhe te mah ka nei tawh lo. Nangpawn sawi chhuak tawh suh ang che" min ti let zeka.





Kan ei tur chah a rawn thlen pawn ala lungawi loh vang nge a ei deuh hmawk hmawk a. Keiin nuihza insum zetin ka thleng ami chu ka ei ve zela,kan ei zawh chuan khawiah mah peng kawi lovin kan haw tlang nghal.




"Zanah lo len i phal em?"



"Phallo pawh ni ila ilo len hmel tho si a,ka phal mai ang" uang zeta a tih chuan a hmuia fawh ka duh hle a,mahse vawiin zing lam thil thleng vangin ka ti ta em lo.




"Mama ka thil hriat hi a dik em?" Inchhung ka luh rual rualin ka nu chuan alo ti leh nghal. Eng thu tak chu sawi leh ang maw?




"Eng nge i hriat chu?" Tiin fright awmna lamah kalin tui vawt ka in nghal khawlh khawlh.




"Kha nu Kuri kha a u pasal nen an in ngaizawng em ni?" Ka nu thilsawi avang chuan rang zetin ka pa ka va en a,min lo melh ve run mai.




"Khawi aṭanga i hriat nge?" Ka ti bul hmuk.



"Vawiin ah i nau leh Ruattei te thil sawi ka lo hre fuha engtin nge a makpa te a lo khuaikhem thei,nangpawn ila hre lo ang tiraw? A kawp che tihna a ni thei a ngem?" A tih mawlh mawlh lai chuan Grace-i'n inthiam loh hmel zet hian min lo en.




"Ka hre tawh"ka ti hmuk.



"Maw i hre tawh maw!"



"Aw" ti leh tawpin ka room lam ka pan a, ka pa chuan sitting room ka kal pelh dawnin " ṭhen nghal ang che"alo ti leha chhang buai duh tawh lovin ka room ah ka lut tlang.




Thil hi a kal diklo zel dawn tlatin ka hria. Hetiang chuan ka chhungte rilru pawh kan hmin mai theiin ka ringlo. Ka in bawlh fai hnuah Kuri te in a leng turin ka insiama Thara ka sawm sa bawk nen ani chu a rawn thleng hma viau.




Kuri te in kan zuk thlen chuan aman kawngka min lo hawna kan hmel a hmuh rualin lai zetin a nui ringawta a chhungte an awm ve vang nge ni a ṭawng tamlo hle a, a nu bulah ṭhu in a nu chu a banah a kuah tlat bawk si a. "Kan nula rim ber hi a nu naute duat lek alo la nih hi" Thara'n ka beng bulah a rawn ti sar sara ka nui chhuak ṭhelh a ni.





Reilo te hnuah a nu leh pa chuan mu turin an room lam min pan san a. Thara pawh in ti zei fahranin zung turin a chhuaka a chhuah dawn lah chuan "i aia rei ka'n zung a nge" a ti deuh khera a chimawm duhna lamah hi chuan chimawm thiam ve tak a ni.




Kan pahnih chauha kan awm rual rualin a bulah ka ṭhu pheia, " ti nge in lengte thingpui min lum miah loh" ka tih chuan hre chhuak zawk ang maiin "ni dawn tak, Sangkimi khan a sawi tak asin le" a ti ta mai.




"Sangkimi'n maw! Nanghi ahma in in leng ila nei ngailo em ni?" Ka ti ta khawl,nidanga kan in hmuh changa pangngai viau si kha zanin chu a zia a dangin a nu bulah naute ang maiin a awma khang te kha awm dan tur a hriat loh vang a ni ngei ngei ang.





"Um,mahse ka luck loh vang chu a ni miahlo a nia" rang zet hian a ti a.




"I luck loh vang a nih loh chuan engvang nge ni a nga,nula in vawikhatmah inleng la neih loh chu....taka Lalrinchhana vang em ni?" Ka thil ngaihtuah chhuah chu duhlo hle mah ila ka sawi chhuak ta tho.




Inthlahrun hmel zeta min en in," zep loh chuan amah kha ka duh hnen em a,mipa min duh dertu te pawh kha ka be ṭha ngai lova an lo len chang pawn ka room ah ka tawm san ṭhin" a tih chuan amah chu ka khawngaih nge ni ka lainat thar a. Chutiang khawpa amah hmangaihtu a kalsan thei hi Lalrinchhana chu a mawl ka ti thar hle a. Mahse,ka tan chu erawh thil tha tak a ni a,Lalrinchhana'n ka tana thil tha min tih sak ve awmchhun ni ah ka ngai.



(Kha ti zawng kha ni leh phawt se,thawnthu min lo chhiar sak avangin ka lawm e)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 22nd, 2022, 10:28 pm

Chapter 15


(ZAWMNA a awm aw)

KURI POV



October thla a in her chhuaka keipawh awm mai mai tawh bik lovin Sangkimi thawhna Restuarant ah ka thawk ve a. Vawitamtak ka pa in ka zirna zawm leh chungchang min sawi pui tawha mahse a hma a ka thil lo tawn tawh te avangin Mesak-a hlata kal bo ka la ngam loh avangin ka la hnial zela,mahse eng tikah emaw keipawn ka zirna chu zawm leh ka duha tun tut tutah ni lo.





"Kuri dawhkan 9 na ami te order kha kan peih tawh aw" an rawn tih avangin order ho chu chawiin ka thiante lo ṭhut ṭhapna lamah chuan ka kal. Vawiin chu eng nge an hriat ni chawchhun ei turin kan dawr hi an rawn pan vang vanga an thawm lah chu ala ring em em leh nghal.





"Ti khan kan bulah lo thu ve rihrawh" tiin Joel-a'n thutna awla min pawh thut ve nghal avang chuan a darah ka chum pawp.





"Hnah ka thawh hi,nangmahni avangin ka hnah hi chan ka duh reng reng lo" ka ti hlak hlak a.





Sangkimi'n ka ken bak an thil chah ho alo chhawp ve bawk. " Lalruatpuia chu kan rawn sawm ngiala kan sawm chhuak zo lo a nih kha" Veronica-i'n Sangkimi en chunga alo tih chuan phawk zetin Sangkimi nen kan in en ve ve.





"Tu..kan Lalruatpuia maw in sawi?" Tiin ka thiante chu ka en kual.




"Ni ang chu,mah se tun ṭum a zin rawn haw hi eng nge a hriatni keini aiin Dawnga te a kawm nasa a, a harhfim lai hmuh tur a awm ngailo" Joel-a'n a rawn ti ve leh.





"Engtikin nge alo haw a?"




"Karkhat lai chu a ni leh tawh, in in be ngailo em ni?" Vei neilo zeta Veronica-i thil sawi te chuan min thawk tak zet.





Karkhat teh meuh he lamah a rawn awm tawha mahse, engmah ka hrelo a maw? Kei mai pawh nilo in Sangkimi pawn a hre bik lo. He pa awm dan hi eng a hria chu ni maw,vawitam a mah biak tumin ka call thina vawikhat pawh a tlang ngailo.





"Han phone teh" choka lama kan let hnuah thinrim zetin ka ti.Mahse,Sangkimi pawn a call tlang thei chuanglo. Tlaiah an in lama va kal ka rawt chuan a hmanlo thu in min chhanga,a nu hi a dam hleithei meuh lova amah a kal chhuahsan hi a ngam chiah thin lo.





Tlai lamah Mesak-a pawh a rawn peng kawi a. He ti laia ka thawh atang heihi a nitin tih dan a ni. " I haw hman tawh em? Ka rualin lo haw la"





"Vawiin chu kan in hawng rei deuh dawna min haw san mai rawh" ka lo ti vat. Vawiin chu Zirtawpni a ni bawk nen kan pu khan nimin lama alo sawi tawh angin kan hawng rei thin tawh dawn a ni.





"Aw le,zanin kha ka lo leng hman dawnlo ania. Paper check tur ka nei nual a."





"A tam viau em ni?" Ka tih chian a bu nghut. " Keipawh zanin chu Lalruatpuia te in lamah va len phei ka duh" ka tih zeuh chuan zawhna mit meng hian min en.





"Vawiin ah ka ṭhiante ho dawrah an rawn lenga, Lalruatpuia he lamah a awm thu an sawi a,ka va ngaihven teh ang" ka ti zung zung.





Kal pui ka ngaih leh ngaih loh min zawh chuan a ngaih loh thu a chhangin rei awm tawh lovin a haw a. Keini pawh dawr atanga kan chhuah chuan khua a thim tawh. In ka va thlen chuan ka chhungte pawh inkhawmna nei turin an lp in peih tawh viau a. Ka inbual zawhah inkhawmna hun hmangin zanriah kan ei nghal.





"Pui chawei kham hian Lalruatpuia te inah min va kal pui teh aw" tiin ka nau chu ka sawm a. Scooty hi Puii hian a khalh ve thin a,kei erawh in ka khalh ngai manglo.




"Eng nge kan va tih ang,naktukah test tur kan nei asin"





"Ti nge, zan zanah te?" Ka nu in alo ti ve vat.





"Kha vawiinah Veronica-i te ho dawrah an rawn kala Lalruatpuia he lamah a awm thu an sawia va hmuh lawk ka duh alawm"ka tih chuan ka chuan " a zin i ti emaw tia?" Alo ti vat.





"Chu chu lawm,keipawn a nu te khuaah khan ala awm reng emaw ka tia. Ka call leh Sangkimi call pawh a chhang duh silo a" ka ti leh niah niah.




Chaw ei na te kan tih fel zawh hnuah Puitei chuan Ruatpuia te inah chuan min va daha,ani erawh lehkha zir tur a neih avangin a haw leh nghal.





"Pa Zorem Lalruatpuia alo haw em ni?" amah chauha TV lo en pa Zorema bulah chuan ka thu thla a.





"Haw tawha,tunlai chi iva rawn leng ngai tawh lo ve?" Atih chuan Restuarant lama ka buai ve thin avangin zanlam chhuah ka tih vak loh thu ka hrilh.





"Chu iva ti ṭha bik ve,i ṭhianpa hi zawng lung a ti zing tu mai a ni. Kha a u in min ti zak zozai lutuk tiin a rawn tir haw a,sawn te alo va thlak a ni awm a. Kei zawng i thianpa hi tih ngaihna pawh ka hre tawh lo" a ti bap bap a.





"Khawnge a mah hi?" Inchhungah chuan midang awmve lo ang maiin a reh duka a eng emaw zawk takin a khawhar thlak ka ti.





"I rawn thlen hma deuh khan tu emaw phone hmangin a be renga a chhuak ta a nih kha" a ti leh a.





Khawiah nge maw a lo len chhuah hman reng reng ni. Hmuh ka duh teh reng nen. " Anih chuan pa Zorem Ruatpuia chu nupui i nei tir dawn em ni?" Tiin pa Zorema chu ka en kar.





"Chu tak chu ania ka rilru ti hah tu nakinah i pa pawh titi pui turin ka la rawn leng ang" a ti hmasa te te a,a hmel leh a tawng dan atang chuan a rilru a hah hle tih ka lo hmu thiam ve." A u sawi dan chuan a rui rengin an VC hruai tu te pawn an lo man hial a ni awm a. A hmeichhe chhungte khan chutiang mipa nena an fanu inneih tir ai chuan sawn man an duh zawk thu te an sawi a" a ti dap dap a, Lalruatpuia chu engtiang chiahin nge a zinna lamah chuan alo khawsak ang le?





"Anih chuan sawn man chu pek Lalruatpuia'n a duh em ni?" Ka ti leh.





"I duh duh danin ti rawh min ti maia thuthlukna pawh ka la siam thei rih lo. A u in thil thlengte min hrilh lo phei se chuan amah ngawt hi chuan engmah min hrilh lo ang tih ka chiang" thaw halhin a ti leh,tunah tak hian pa Zorema dinhmunah hian ka awm ang tih ka hlauh.





A tihsual avangin an chhungkua an keh darha, chung a thil tih chhiat ho chu a hriat chhuaha siam tha leh tura a ke a pen chhuah meuh chuan siamṭhat theih tawh loh khawpa nasa in thil alo thleng hman tawh si. Keipawh he dinhmunah hian ka lo ding ve tawha a hreawm zia ka hria a ni.





Lalruatpuia ber a awm tak si lohah chuan ka awm reilo,pawn ka chhuah rualin Joel-a call in Lalruatpuia awmna ka zawta an awm ho thu in min lo chhang. Min rawn hruai a pawi tih vak loh avangin ka in hruai tir nghal bawk a.




Chutianga kan thian ho a zantin deuh thaw hun kan lo hmanna a ka kal leh ta chu eng emaw tak hian ka danglam a. Ka lung te lam lam a leng in ka hria. Ka thiante pawh kei min lo hmu chu an lo phul ve hlut a,a tir lamah chuan pangngai deuhin awm ve mah se a rei deuh hnu chuan zu te chu in ve turin min hnawn ta sek.





Lalruatpuia lah chu hmuh tur a awm hauh lo leh nghal. Joel-a ka zawh leh lah chuan min chhang ṭha duh tawh miahlo leh nghal a. Lalruatpuia chu a awm ka ring ta lo tawp bawk.




Chu tia kan rik nuai nuai lai chuan call ka dawnga Mesak-a phone call a ni. Music a ring bawk zen pawn lamah ka chhuak, "Hello" ka beng leh lam hupin phone chu ka ngaithla.




"Aw,khawnge i awma" ka hnunglam in a music ring lutuk chu a hre phah tih ka hria.




"Lalruatpuia hmu turin ka kala" inthiam loh zetin ka ti ta ngawt,ka mi va hmuh tum ber lah chuan ka hmu bawk silo. "Tu nge ilo biaka,lo kal rawh" rui zetin Joel-a chuan ka darah min rawn kuah.




"Lo va kal teh" nam paha ka tih chuan a zu ken min la tih buak zui.




"Kuri khawnge i awm,i ṭha em?" Mesak-a min zawhna chhan ka tum laii n Joel-a chuan ka phone chu min laksakin a hmeta a ak daih.




"Joel-a khawi ka phone kha,ka haw duh engvangin nge dawt min hrilh?" Thinrim zetin ka ti ta fak.





"Kuri" tia min rawn din hnaih chuan ka tawlh hnung data,ani lah chuan min melh runin min rawn din hnaih zela a tawpah phei chuan ka darah vuanin min fawh a tum ta mai. Tha ngah tawk leka ruiin keia hmeichhe tha chuan ka hneh lo lam chu a ni.





"Laljoel kal rawh" tiin ka lo nam let ve ṭang ṭanga, "hmela leh" ti ri ka hriat rual chiahin Joel-a chu tu emaw hian a rawn pawt hrang nawlha,ka hawi chhuah chuan Lalruatpuia'n Joel-a chu leiah alo bawh beta,mahse joel-a chuan rawn lehthalin Lalruatpuia rui zawi lutuk chu a sawisa zui ta mai.





"Ruatpui" mangang zetin Joel-a'n Ruatpuia hnek leh tura a kut a phar chiah chu ka va man bet chawta,chumi chu rem changah la in Lalruatpuia chuan amah bawhbet chu Joel-a chu a rawn tlawh pawpa Joel-a pai nawk nawk chu a kut ka lo vawn beh tlat avangin ka zui ve zela, Lalruatpuia chuan rawn tlawh zui leh chawrhin ka banah min kaia min tlan pui nghal.





"Ding ang,tuman min um lo" Thaw hlawi hlawia ka tih chuan chau zetin kawngpuiah ka thianpa chu a let nghal tawp. "Min tlan pui thuta ka phone Joel-a khan ala ak daih asin"ka ti nang nang.




"Khatia ka tih mai loh chuan min sawisa nasa dawn lutuk asin,ka khabe ruh lah chu ala na phian zui" alo let daiha,khawi aṭanga lo lang thut nge maw a nih le.




"In ah khan ka zawng che a,ka hmu miahlo che?" A bula zuk ṭhu thlain ka thianpa chu ka en a,vanlam hawiin a kam sir kak chu a leiin a hawl zeuh zeuh.




"Kei chuan ka hmu reng che alawm" alo ti sam mai,chutiang min lo hmu a nih te chuan engvanga rawn in lan mai lo nge maw a nih le?




"I pa in chanchin min lo hrilh a,engtia awm nge i tum?"




" Lo ngaihtuah ve suh,tunah chuan kha pastor fapa kha chelh tlat dan tur ngaihtuah rawh" hmel tak runa tiin ka lam pawh a rawn hawi lo.




"Sangkimi'n a ngaihtuah lutuk che a,sawn man in pek dawn ro ro chuan Sangkimi nen bul ṭan ṭha leh rawh u" ka thusawi avang chuan ngun thluk fe hian min rawn en.




"Haw tawh rawh" rawn tho chhuakin a ti ta daih,hrilh hai zeta ka en chhoh lai chuan " i nunhluiah rawn kir tawh lo la,kha i nun tharah khan cham reng rawh. Ti chuan i laka ka inthiam lohna pawh a nep deuh mah na" ti sep sepin kan tlanna hnu lamah khan zawi muang hian a let a.





"Lalruatpui" tia ka auhna pawh chu hrelo ang hmihin vawikhat pawh a rawn hawi let lo. " Lalruatpui min tiama Friend Forever kan ni tiin, engtikah mah ka phatsan dawnlo che. Engtiang anga nasa pawn min hnawh bo tum mah la kei i thiannu nih nuam ti em em tu hian ka zar buai reng tho ang che" ka biaga mittui lo luang chu duhlo zetin la hru hul vat.





Ka thianpa chu hun thawl pek rih ka duh avangin a kallohna lamah rilru na zeta in herin ka hmalamah chuan ka kal ve ta a. Ka mittui lah chu a rawn luang chhuak ve chhen bawk si a,ka khaw hmuh chu a phe ruai thei.





Min tawk zawka light rawn eng chu a hnai zela, kawng sir lamah ka kal vat. Mahse, chu light chu Bike head light niin tu bike nge a nih tih chu hrilh hriat hran pa ka ngailo. Ka bul chiaha bike a tih din rualin ṭap chhuak hawkin ka ṭhu a.




A bike aṭanga rawn chhukin min rawn kuaha chungte hlei hlei chuan ka ṭah a ti chhuak zual a. " A ṭha vek tawh e " ti sup supin ka lu ah a fawpa, a bike a ka lawn tur pawh min lo puiin a kawngah kuahin a hnungah ka bei tlata, ka ngaihtuahna chu a mang duk thei.





Kan gate bulah a bike chu ti dingin zawi muang hian ka chhuka, "ilo kal avangin ka lawm e" hnuailam bih rana ka tih chuan a awmah min kuah betin dam dap hian ka hnungah a chul a.





"Thil ngaihtuah vak vaklo la,in ka thlen hunah ka rawn be dawn che ania" A ti leh sup.




"Ka phone ka kawl lova" ka lo tih sep chuan ka dara dawmin ka hmel a hmuh theih nan min nam hla deuh, "Joel-a khan min laksak daiha" inthlahtung zetin ka ti sup.





"A pawilo, mut hma i tum mai dawn ania. Chhun lamah i chauh thei awm si,i damlo palh a nge?" A tih laia a lawmlo hmel chu thup tum viau mahse ,ka hmuh hmaih lo.





"Min be lovin i muhil thei dawn bik em ni?" Tia ka zawh chuan a meng phawk deuha nui lo turin ka in sum ṭang ṭang.





"A harsa viau ang" min chhang dawn tawhlo emaw ka tih hnuah a rawn ti leh khauh. "Naktukah i phone chu kan la dawn a nia" a ti deuh hmuk bawk.





"Hei hi ka phone ka kawl loh vanga ngaihdam dilna" dingdihlipin a hmuiah ka han fawp zeuh a,ka hmui ka la let tur chiah chu ka kawngah min rawn kuahin dam leh duhthawh ru zet hian min fawpa,nui sukin a nghawnga kuahin ka chhang let ve nghal.



(ZAWMNA)





"Lut tawh rawh le" ka hmui rawn fawp leh zeuha a tih chuan nui hakin kal hmasa turin ka hrilh. Zana min thlah apiangin kan gate bulah dingin inchhung ka luh thleng min en liam ṭhin a, zanin chu en liam ve ka duh tawh.





"Zanin chu ka lo en liam ve tawh ang che" ka tih avangin a bike ah a lawn kai a. "Naktukah kan sawi dun dawn ania,zanin chu hahdam tum hram hram ang che" tia min thlah hnuah a tlan chhuaka kawng kuala a tlan pil hnuah kei pawh gate chhung lamah ka lut. Mut erawh ka muhil mai thei lo,thil eng eng emaw ka ngaihtuaha Lalruatpuia'n 'i laka ka inthiam lohna' a tih kha eng nge a awmzia ni ta ang?





Chutiang vel ngaihtuah chuan ka in let seka ka muthilh lai awm reng reng ka hre lo. Ka harh leh chuan ni engin tukverh aṭang ka room a rawn chhun eng uar tawha ka phone ban mai ka tum chu nizanah Joel-a'n min laksak tih ka hrechhuak leh. Engvanga kha tia che ringawt kha nge a nih ang? Kha leh chen ṭhian angin kan in kawm tawha Lalrinchhana runluih nan reilo te chu kan in kawp zeuh tawh bawk. Mahse, a hnuah kan inkar chu ṭhian bak a ni tawh lo.





Tukṭhuan kan ei laiin Puitei'n engin nge nizanah ka haw tih min zawta,Mesak-a'n min rawn hruai thu ka sawi a. Engmah an sawi zui tawh lo, Puitei khan ka haw dawnah amah call leh mai turin min ti a,mahse ka thil tawn teh nuai nen Mesak-a alo kal hlauh a. Puih ka ngaih changa lo lang hmasa ber leh min hrethiam ber tu a ni a,ka tan chuan ani ka tawng hi thil hlu tak ka tana Pathianin min pekah ka ngailo thei lo.





Dawr ka thlen veleh nizan lam chanchin hre duhin Sangkimi'n zawhna min lo zawt thuai. Customer an la awmlo bawka dawr chhung ti fai dunin nizana thil thlengte chu ka hrilh ve malh malh.





"Ti nge chutiang chuan a awm le?" Rilru hah tih hriat zeta a tih sup chuan a dawhkan hruk faina bulah va kalin, " kalsan che hi a duh lo a nih ka ring. Sawilo mahse a hmangaih zia che kan hria alawm." Ka va tih chuan awi loh hmel zeta khi sukin dawhkan chu a hru leh mawlh mawlh.





"I phone chu engtin nge tih i tum, Joel-a chu ka rin alo anglo hle mai" a rawn ti ta daih a. Chu chu ani keipawh ka rilru buaina pakhat engtin nge ka phone kha ka lak let tak ang,nakinah Mesak-a'n a peih chuan min va lak pui tak tak teh se,keimah chuan Joel-a hmuh leh ka duh rih lo.





Chutia kan in biak lai chuan kawngka lamah thawm kan hria a,kan hawi nak chuan Lalruatpuia alo ni. "Hei i phone" Sangkimi melh zawk pahin thil dang sawi lovin ka phone dawkan a hnaih berah a daha a chhuak nghal daih.





Hamhaih deuha ka din laiin Sangkimi kawngka a atlan chhuak chu ka hmu a,ka um zui lemlo engkim va sawi fel se ka duh. Hetia inṭhen duh ve ve anga an awm hian an thinlung tak takin inṭhen an duhlo tih ka hria. An at luatah an mahni leh mahni an in ti na mai mai a ni.

......



SANGKIMI POV





"Lalruatpui" a bike bulah hmeichhe ngo veng mai,sam sen lam lek lek nen hian an lo ding a. Chutia ka va lang chu a hmel a danglam deuha mah se a reilo. Insiam ṭha thuaiin ka kohna chu hrelo derin a bike lamah in herin a chuang kaia,hmanhmawh zetin a bulah chuan ka va tlan phei.





"Lo chhuang rawh" keimah nilo zawk a hmeichhe lo din pui chu en in a ti hmuk. Chunu chuan hrethiamlo zetin min lo en ve reng a.




"Lalruatpui" ka ti leh ṭhat, engvanga min hrelo der tlat nge maw a nih.Chutia ka koh leh nghek takah chuan ngun fe a min rawn en in, " let tawh rawh" a ti supa mahse,a thu zawm ka tum lo.





"Ai"ka ti mawl tawpa,eng thu nge ka sawi pawh ka hrelo mahse a thu awia let erawh ka tum hauh lo.





"Vansangkim" nelawm loh zet hian min melh runa tunah chuan ka hreta he pa hi ka kaltir dawn lo. Mite chuan engtiang pawn lo sawi mah se a tello a ka nun a hlim loh zia ka hria a kal tir nawn leh ka tum tawh lo.






"Ilo let a nih chuan ka ta chauh ni turin lo let ta che" ka tih sup chuan mak ti zet hian min en, " vawikhat ka kal tir tawh che a mahse,tunah chuan khatiang khan ka ti tawh dawn lo." Ka ti leh sup.




Min en vung vung hnuah "chhuang rawh" a ti leh a, che chang lek lova ka din laiin "nilo,nangmah zawk kha lo chhuang rawh" Sam seni zawk a bike hnunga chuang tum chu lo phallo in keimah chu min rawn en,nui vur vurin bike ah chuan ka chuanga a kawngah nghet zetin ka kuah nghal zata,kan tlan chhuah hma erawh chuan Sam seni lungawilo hmel ka hmu hman hram.





An inah min hruaia,nidanga a room felfai ṭhin em em kha alo hnawk nuai a. A hmel ka han en chuan khi sukin a khumah a bawk nghal daih. Ka theih ang anga tih fai sakin ka zawh meuh chuan Lalruatpuia hnar ri hriat tur a awm tawh.





A pheikhawk phelh sakin a mut dan ka siam rem saka,a bulah ṭhu in a thla ka lak sak.A taksa chu a hma anglo takin a cher guam tawha,a sam te pawh a pawr sung mai. Ka phone a ka thlalak vel ka enkual laiin ka kawngah rawn kuahin ka mal chungah lu a rawn nghata ka kawr chhan mah nise a thaw sa chuan ka taksa a ti sa huam huam thei.





"Nizanah i mu ṭha lo em ni?" A sam tuai sak paha ka tih chuan a rum ṭiah ṭiaha,min kuah nghet sauh.





"I thusawi kha i sut tawh lovang ti raw?" Zawi fiah zeta a rawn tih chuan hnuailam ka en a,ani pawn min rawn melh ve run.




"A chang chuan kan thinlung duhdan nilo a,kan rilru duhdan zawm chang kan nei ṭhin tunah chuan ka thinlung duhdan chauh zelin ka awm tawh ang" ka tih sep sep chuan lungawi hmel zetin min lo en vang vanga ka lai leh si chuan a mit ka hup sak ta ringawt.





"Lo mu ve rawh" tih pahin a tawlh rem set sawta, a sirah ka mu ve vat. A inchunga a thlalak tar chu en in a tam zawk chu keima thlalak a ni.Ka lo chhing ve sek a ni mahna thil ri rawk rawk avangin ka ṭhang harha Lalruatpuia Bathroom lut tur chu ka hmu hman vuai.





Nichin maia ka rem fel tak a almira te chu alo hnawk leh nuai tawha,engvang nge a nih tih pawh ka hrechiang khawp. Khumah ṭhuin Lalruatpuia lo chhuah hun chu ka nghak ran. A rawn chhuah chuan pangngai takin a rawn chhuaka ka lo en uluk em vang nge min melh ṭha duh lo.





"Ka ti harh che em ni?" Inthlahrun hmel taka a tih chuan lu thing nar narin ka lo ban a,ka bulah a rawn ṭhu ve mai bawk a." I in tiam tawh kha,min kalsan lo turin" a ti nghet chur a. Ni e,ka intiam tawh alawm he mipa hi ka kalsan ngai lovang.
.........


KURI POV




"Kha iva buai awm ve" ka tray chawi lai nen kawngka lam ka hawi a. "Khawi lo la teh" tiin ka tray ken chu rawn la in choka lamah a keng phei a. Order lak leh nghal ka ngaih avangin kei erawh in ka zui lem lo.




"Vawiin chu customer in ngah hle mai" tlema kan awl deuh hnuah chuan ka ṭhu chawl ve thei hram.




"Nia,Sangkimi a awm bawk silo a a thawh ai ka kep a nih hi" ka thlan hru paha ka tih chuan tissue paper dang min rawn pe leh.




"Khawnge a kala tinge hnathawh laiin a chhuah a" lungawi hmelloh zeta a tih chuan ka nui hak hak. A thil duh loh zawng leh ngaihtheihloh zawng a hmela a lak chhuak ṭhin hian ka nuih a ti za tlat zel.




"Ruatpuia a rawn kala an in zui chhuak a nih kha,nang ve eng ti turin nge i rawn kal" ka tih chuan a hmui a ti sawi zeuh a.





"Nizanah ka sawi vek tawh kha i phone ka lak pui ang che ka tih kha" a ti deuh hmuk. Nizan khan sawi chu a sawi ngeia mahse,zing lama Ruatpuia'n min rawn pek tawh avangin ka lo theihnghilh hman daih tawh alawm.






"Kha kha maw ka lo theihngilh daiha, tukinah Ruatpuia'n min rawn pe tawh alawm" ka phone lek lang paha ka tih chuan a lawm nge lawm lo tih takngial pawh a hmel aṭang chuan ka hre thiam lo. "Tih tur i neih loh chuan min lo pui ve la,kan pu sawn Sangkimi chawlh chhana chhuanlam ka siamsak avangin hna mim pe hnema ka chauh teh mai ania"tlawn zeta a kut ka va vawn chuan mit ti zim sun hian min en a,ka nui lui sang mai.





Ahnuah nizan thil thleng vel kha min zawt chianga,phone a kan in biak laia thil thleng a ni bawka zep nei lemlo in ka hrilh fai ta vek. A kut a hum ruh dan aṭang leh a bek pawng ṭawlh ṭawlh aṭang chuan a lawmlo hle tih ka hria a. Bengdaih tum takin a kut chu ka va vawn sak,chutah chuan 'ka venghim tlat tawh ang che' tih melh hian min melhin ka hriaa ka thla a muan phah hliah hliah.






Tih tur dang a nei biklo nen ka sawmna chu a pawma rin ai ala zei daih zui. Ka thawh tirh ai pawh khan a zei. Tlai lamah kan ṭhut chawlh leh lawk laiin ka dar na lutuk chu min hmeh saka a nuam tak zet.





Kawngka lama thawm a awm chuan " lo ṭhu rawh" tia min nam ṭhu in customer chhawn turin a kal a. Athawm a reh zui tak daih avangin in herin kawngka lam chu ka hawi ve a,ka mi hmuh duh loh ber mai ka va hmu.






Mesak-a nu leh Vanlalruati te chu bazar haw tih hriat taka in khai bawr te leh Mesak-a chu an lo in din chilh run a. Mesak-a bula ka va din ve rual chiahin chibai ka buka min melh no lo tak zet.






"In be teh ang u" ti rap hmakin ṭhutna lam a pana keini pahnih pawn kan zui ve maia,ka hawichhuak ngamlo hrim hrim.





"Tu nge i hming kha?"



"Maw?"



"Nu" mesaka nen chuan kan ti rual ṭhat.





"Nang kha ka be lo che" a fapa chu melh hrawkin ka lam alo hawia a mit meng hmangin a zawhna chu chhang turin min signal nghal.





"Va...Vanramneihsangi" bah deuh naka ka tih chuan a lawm hmel loh leh zual.





"Hetianga tih kher chu ka duh lova mahse,ti lo thei lova min runluih avangin" tih hmanga bul ṭanin " Ka fapa kawppui tur atan hian ka duh lo che a, a puihna avangin i nun in hma a sawn tih chu ka hria a. Mahse, nang a kawp aṭang che hian ka fapa hian a pa zahpah lo taka biak a chinga,zan chhuah a chingin inkhawm te hial a ṭhulh phah fo. Hetianga a awm dan mawilo tak tak hi Pastor fapa a nih avangin miten an sawi duh bika, nangmah avanga ka fapa mualpho ṭhin leh nun chhe mek hi hmu thiamlo tur khawp chuan i mawlin ka ringlo"a tih dap dap chuan ka nghilh dupa engtia lo dawnsawn tur nge tih tak ngial pawh ka hrethiam lo.






A sawi duhte a sawi zawhah Mesak-a nu chuan kan dawr a chhuahsan a. Mesak-a'n a zui chhuah leh thleng pawn che lo in ka la ṭhu reng. Nutling meuhin a fapa kawp pui tura min duh loh thu hmaichhana min hrilh chu dawnsawn alo nuam zawk zawklo hle a.Mahse,chu ai chuan keimah avanga Mesak-a hmingchhiat na leh an chhungkua thlengin a tawrhna te chuan min ti na in,amah Mesak-a chungah pawh ka in thiam theilo a ni.





"Tikhan nu Biaktei leh a chhungte laka i din hmun tur chu i chiang viau tawh ang chu. Palai hmel pawh ka hmu thuai mai thei a ni" lo ti ve tu chu en in za lo zet hian ka ṭhen suk. He nu nen hian eng nge kan danglamna,engtiang chiaha danglam nge kan nih. Ani hi an duh laiin engvanga min duhlo em em bik nge an nih? Tiin ka in zawt nawn mawlh mawlh a.






"Ka tihpalh" Mesak-a'n ka dara min rawn dawmna avang chuan harh zawkin ka hawi kuala Vallalruati pawh kha alo awm tawh lova. Mesak-a'n min ngaihtuah hmel zeta min enna chu ka en reng.






A kut chu vawn hnanin " min ngaihtuah suh ka ṭha alawm" ti supin ka tho chhuak a. "Nangpawh va haw tawh rawh kan buai lutuk tawh chuanglo" ka tih tel nghal avang chuan ka dar tawn tawna min vuanin ngunthluk zet hian min en.






"Ka nu thil sawi vang khan eng thilmah hi danglam turin ka duh lo" nghet churh hian a ti a.




"Mesak"




"Ka va haw phawt a nga,zanah ka rawn leng ang. Chuan ka thil sawi hi hre reng rawh midang thil sawi avangin kan inkar hi a buai ka duh lo" ti leh zetin kan dawr chu hmanhmawh tak hian a tlan chhuah sana a nu hnenah khan eng thu emaw a sawi leh ngei ka ringa a. Keimah avanga a chhungte a do tur ka ngaihtuah thui ngam lo.






In a ka haw chu ka nu chauh hi lo awmin midang chu an lo inkhawm tawh. "In va bangtlai ve inkhawm pawh i in khawm ve hman hleinem" alo ti a. Dawr kha chu kan khar hma a mahse,keimah zawk hi ka haw nghal mai loh avanga in thleng har mai zawk ka ni.






Ka nu bulah chuan va ṭhu in ka nghena ka lu ah min lo chul sak pahin thawk hah lutuk lo turin min lo hrilh pah bawk. "Nu Mesak-a hi ka ṭhen mai dawn em ni?" Ka ti sup. He thil hi tlai aṭang khan ka ngaihtuah renga ka rilru a buai tak zet a ni.






"Ti nge, thil thleng a awm em ni?" Tia min zawh chuan thurawn tur min neih ka rin avangin vawiin lama thil thlengte leh Mesak-a thil sawite,ka thuthlukna siam tura ka buai thu te ka sawi siam siam a.






"Chutianga an chhungkua in nghirngho na boruak thlentu i nih chuan kei chuan in ṭhen rih mai ula ṭha ka va ti ve. Engkimah chhungkua hi dah hmasak tur a ni a, Biaki pawn chutia hmaichhan meuha a hrilh che chuan atan pawn a nuam dawnlo tih hria la. Thuthlukna dik tak i siam ngei ka beisei tlat a ni" a ti ve dap dapa,ka nu pawn Mesak-a chu ṭhen turin min duh tih ka hria. A chhan pawh Mesak-a hi sual a tih vang leh ka tan a ṭhat loh vang lam nilo in,an chhungkua ti kehdarh tu ka nih a hlauh vang zawng a ni.




(Bonus chapter hi dam chuan naktuk chawhma lamah dah ka tum a nga,zan lamah nen naktuk chu chapter 2 dah tum ang u aw)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 22nd, 2022, 10:28 pm

Chapter 16





Ka room ah chho in muangchangin ka in tifai a. Inhnuaia ka chhuk leh meuh chuan inkhawm pawh an lo bang der tawh.




"Ka u chu a awm reng hi" Puitei'n ring zeta a rawn tih chuan hre thiamlo zet hian ka chhungte chu ka en . Ka pa leh Puitei erawh in ka nu an en thung.





"Eng nge a?" Ka tih chuan Puitei'n "u Mesak-a hnenah khan i awm loh thu a nu hian a sawi a,a haw a nih kha" alo tih chuan ka nu chu ka en a.




"Hmuh ka phallo a nih kha,Pastor chhungkua an nih vang maia ka fanu an hmusit hi ka duh hleinem. Amah hrim hrim kha ka hua tihna pawh a ni lo,mahse a chhungte rem ti lo chung chu ka fanu hi rawn zar buai tawh suh se. Ani aia ṭha ka fanu hian a phu tih hi hre rawh se" a ti zui hlak hlaka,nichina ka thil sawi lai khan a pawm thiam viau emaw tia tuna hetia a tih danah hian ka nu chu a thinrim thawkhat ve hle tih a hriat. A hma in ka nu hian hetiang hian inchhungah awki sang ala hmang ngailo.





Ka pa pawn chutia ka nu awm ta chu mak a tih vangin zawhna a zawt vat reng a. Ka nu in nichina ka thil sawi ho chu a sawi chhawng leh a. Chung thu ka pa in a hriat chuan pawi tih hmel tak hian a chek zui tlak tlak a. Ka tan hian hmangaih neih ve a remlo hialah ka ngai. A hmasa ah Lalrinchhana a ni a,a dawtah Mesak-a an ni pahnih hi an hunlai teh dawn ila ka duh dan leh hmangaih danah a khawi zawk nge thuk zawk min zawt ta se ka chhang thei hauhlo ang. Mahse,ka tan an rem lo ve ve tih erawh ka hria.





"Ni e,chutianga Biaki berin hmaichhana a hrilh che a nih chuan Mesak-a chu ui hle mah ila i ṭhen dawn a nia. Kan pastor te hi miṭha chhungkua an ni a,zep thu chenglo Kuri avanga Mesak-a mualphona te hi a chhungte tan chuan hriat a nuam dawn bik hauh si lo" a ti dap dap.




"Chu pawh nise,keini in pui turin kan ngen pawh a ni lova,kan fanu a hmel duh avanga hetia awm hi an ni a, Pastor nupui ve meuh si a khawsa zia a mawilo em mai" ka nu lah chuan alo la ti pharh pharh.




"Nih chu a ni viau a,mahse Biaki te pawh mihring ve tho an ni a,Pathian rawngbawltu chhungkua ni mahse an mihring mihrinna dan zawh loh changte pawh an nei ve ṭhin a nga,han sawi zui chiam pawh a ngai lo. Nangpawh in i fa te kawppui tur chuan mifel leh ṭha khawtlanga hmingchhiatna neilo ve tho asin i duh dawn" dam dapin ka pa chuan a ti leh.





ka nu leh pa thusawi zui zel dan aṭang chuan kei damdawi eddict leh zu leh sa hmuna tal ṭhin. Mahni makpa te pawh ngaihzawng duh khawpa nun chhia nei chu Mesak-a te chhungkaw tan chuan ka sit awm deuh a nih hmel e. Engtin nge Vanlalruati nen khan ka lo in tehkhin theih ka pa ngei pawn Mesak-a te chhungkaw tan tling tawk lova min ngai a ni a. Tunah chuan ka thuthlukna tur chu chiang takin ka hre tawh.





Ka room a ka let leh chuan Mesak-a message tur chu ka type a ka type ṭha leh ṭhin. Hmaichhanah ka hrilh thei dawnlo tih ka in hria a chutih rualin message kal tlanga hrilh pawh chu thil harsa tak a ni.





'Ka tihpalh,kan inkar hi titawp ila a ṭha zawkin ka hria. I chhungte duhpui ngei hmeichhia chu kawp zawk mai rawh" tih ka message a tlang rual rualin ka mittui a luang nghal zung zung a. Midang avanga kan inkar tihchhiat a duh loh zia ka hria. Mahse,a hma pawn ka hma ka sial em avangin ka u te nupa inkarah buaina ka thlenin Lalrinchhana laka ka thuthlukna siam a dikloh zia ka hretawha tunah pawh mahni hmasial taka Mesak-a ka chelh leh tlat a nih chuan kan chungah engnge lo thleng dawn ka hrelo a,thil ṭha lam a thlen erawh ka ring lo.





Mesak-a phone call leh message te chhang let turin huaisenna ka nei lova,a hmel hmuh pawh hlauh takte in ka hlau a. Ka theih chhung ka pehhel a, ka hna aṭang ka banga ka pa hnenah ka zirna zawm ka duh thu ka hrilh bawk. Mahse,ka pa chuan kum a tawp tawh dawn tho avangin kum thar lama zawm turin min ti thung.





Chu chu ka hriat sa a nih tho rualin tuna ka sawi chhuah chhan tak chu khulama zuk awm nghal kha ka duh vang zawk a ni a. Mahse,ka pa in chu pawh chu min rem tih sak loh avangin Mesak-a pehhel chu ka hna pui ber a ni.





"U, umesak-a nen hian in inṭhen tawh tak tak em ni?" Puitei min zawhna chu ka awka a chhanglo in lu ka bu nghut.Kha tianga ka pehhel reng takah chuan phone call emaw message hmanga min rawn biak a tum tawh lova, kan in ah lah rawn len a tum tawh lo bawka, inṭhen a duh ta ah ka ngai. Chutih rualin hmaichhanah chiang taka in hmuh kan la neilo thung.





"Chuvang a nih chu U Ruati nen kian an in zui nasa ka lo ti a,Grace-i sawi dan phei chuan a nu ten kum thar lamah palai tirh an tum a ti a" tiin a cake ei chu a ei mawlh mawlha a thusawiin keimaha nghawng a neih lam reng reng a ngaihtuah zawm lo.





Ka TV en kalsanin pawn lamah ka chhuaka,u Teremi dawr ka thlen chhoh dawna bike rawn ding chiah avang chuan ka ding nghal chawt kei hian eng thil nge tih ka tum. Kan inkar ti tawp hmasa tu chu keimah ka ni a,a chhungtena an pawmpui ngei kawppui ka duh sak kha a ni a. Tunah engvanga he lai thleng thleng kal nge ka nih.





Vanlalruati dawra a luh hnua a bike a hung ṭha turin an piah deuha ka lo ding reng min rawn hmuh chuan a tawp ve nghal chata,rei tawk fang chu tia kan in en lai chuan "ka hman tawh e" ti lang langin Vanlalruati a rawn chhuak leha zawi muanga in herin kan in lamah ka let leh.





"Ila duh hle si a?" Inchhung ka luh rualin Puitei'n a rawn ti leh nghal. " U,ti nge ila duh reng si a,duh tawh lo anga i awm tlat mai ni? Ka nu leh pa te thusawi vang kha em ni?" A tih leh chuan ka nuih suk ringawt.





"Grace-i pawn i chanchin min zawt ṭhina ani pawn u Mesak-a nen in in kawp hi a pawi ti biklo niin a lang" a ti leh hram,chu erawh ka tan hriat nuam tak ni mahse ṭangkaina a awm tawh si lo.





"Ani pawi tih leh tih lohah ka buailo ka buaina chu Mesak-a nun keimah avanga chhe mek zawk kha a ni"ka ti sup. Khang inkhawm a ṭhulh te,a nu leh pa laka ka thlavang a hauhna te leh zan rei pawh sawi lova puih ka ngaih apianga ka tana alo awm ṭhinna te kha midang tan chuan thil ṭha lo tak ni mah se ka tan chuan thil hlu tak a ni a. Mahse khatiang renga awm tur chuan khawvel hian ani pastor fapa hi a pawm mawlh si lo.





"U Vero-i'n a rawn phone a,rawn call back rawh a tih che kha" ka phone ka charge ka lak ruala a rawn tih chuan Veronica-i chu ka call nghal. Anni ho pawh hian Joel-a ka chunga a khawsak dan kha an hre veka,Joel-a pawn vawitam ngaihdam min rawn dil tawh in a ruih vanga ngaihtuahna fim a hman theih loh thu a rawn sawi tawh. Ka ngaihdam thu lo sawi mahila thinlung taka ngaidam ka nih loh vang nge a hnu zela min rawn biakna pawh ka chhang ṭha duh lova, an zingah pawh ka tel duh tawh lo.





Ka rilru na thawi dam nan eng ruihhlo mah ka hmang tawh lova. Ka thiam ang tawkin ka ṭawngṭai ve ṭhin. Inkhawm erawh ahma angin ka ṭhulh leh a,ka pa chuan sawi chhuak leh zeuh ṭhin mah se a hma anga ka khawsak leh a hlauh avangin a sawi ṭha ngam vaklo tih ka hria.





"Zanin chu lo kal ve la,Dingtei Christmas hmang turin a pu te bulah a zin daih dawn sia. Inthlahna party kan siam dawn a" phone a chhan rual rualin a rawn ti nghal.




"Zaninah maw?"



"Um, Pastor fapa nena in chanchin pawh kan lo hre ve a. In tih thawven i ngai,kan rawn sawm ang che lo insiam rawh" tiin phone a off zui a,he nu zet hi zawng a hahthlak deuh chu a ni. Mahse party na a kal chu tuna ka mamawh ber niin ka hria.





Eirawng kan bawl laiin kan in kan chei dan tur leh Bawihpuia Hostel aṭanga a rawn chhuah tur thu vel sawiin kan nufa thum chuan kan ri ve hlut a. December thla tir a ni leh der tawha mi ṭhenkhat phei chuan an in an chei zo vek tawha keini erawh kan chei dan tura kan in lungrual loh avangin kan khawih har deuh a ni.





Zanah inkhawm tur an kal hun velah Veronica-i'n min rawn phone in kan gate bula an awm thu min rawn hrilh. Ka pa chauh ala kala ka nu leh Puitei an la kallo nen ka rilru a buai deuha mahse, an ni pawh reilo ah an kal ve nghal mai avangin ka chhuak ve thuai.





U Teremi dawr kawta kan din lai chuan thlanglam in te aṭanga Mesak-a rawn chhuak chho ka zuk hmu a,a tir chuan min hmu mai lova,ka ṭhian ten ka hminga min rawn koh avangin kan lam chu a rawn hawia car chhung aṭang chuan ka melh leh renga ani erawh chutia min hmu chu a lawmlo tih hriat takin a meng nur nang a.





Kan duh te kan lei zawhah kan tlan tlanga,side glass aṭang a lan theih chhung ka thlir a. Ka hmuh theih loh chin kan thlen meuh chuan ka thawk a pikin car aṭanga chhuk leh mai te ka duh rum ruma mahse,tih chi a ni si lo.Tun ṭum chu midang tel vak lo a hun hman an duh avangin Dingtei te in ah party chu an lo buatsaih alo ni a. Lalruatpuia te pawh a ṭhian thar te nen an lo awm leh hman tawh.





"He tah eng nge i rawn tih ve dawn haw rawh?" Min lo ti nghala,kei lah chutianga min lo tih avang chuan lungawilo zetin a kuta a zu ken chu laksakin ka in nghal pawp. Ka in lohna a rei tawha ka ner sawk thei.





"I ti ang ti ve turin ka lo kal" ka tih chuan min melh run a. Chu erawh ka hrelo der hmiah, Ruatpuia no ami ka in sak bak khan engmah dang ka in leh tawh lova. Ka rilru na hnem nan zu ka lo hmang leh a nih pawn damdawiah kher kha chuan let leh ka tum tawh lo.





"Kuri pawnah sawn mi pakhatin a hmu duh che ania" Zualtei Dingtei te lam hnai takin a rawn tih chuan pawn lam chu ka pan ve maia,tu nge a nih a sawi bawk silo nen ka va hawi kual pah vak vak.Chutah ka rin loh lutukin Mesak-a ka hmu thut.





"Hetah eng nge i rawn tih" lawm lo takin ka ti nghal,helai hmuna alo kal hi a member pui ten hria se mawilo takin an sawi leh a nga. A nu leh pa phei chu an thinrim dawn lutuk.





"Haw ang" nelawm loh taka tiin ka banah chuan rawn kaih mai a tuma ka lo tawlh hnung vat.





"Ka duhlo nangmahin haw rawh" a mit taka en in ka ti sup," Chubakah min hmu turin lo kal tawh suh,ka hmu duh tawh lo che"ka laka beidawng turin eng thu nge ka hrilh ang ka hre lo. Mahse,min beidawn san se ka ti a kei ang hmeichhia avanga a nun ti chhe turin ka duh lo.





"Ka nu thusawi vang kha em ni? Ka nu thusawi avanga he tia awm i nih chuan duh tawk tawh rawh" a au deuh ṭhata eng tin nge ka han hrilhfiah ang? A nu thusawi avang ti ila a nu nen an inkar a chhiat phah ka hlau hle a,chubakah a nu chauh nilo ka nu leh pa thusawi ka ngaihtuah aṭang ringawt pawn kan inkar tih tawp hi ka duh a ni.




"A ni lo" ka ti sup ringawt.



"Anih eng vang nge?" Tia min zawhna chu changlo in ka ngawi reng a, " heng khawvel thilte vang hian em ni?" Nuihza aw lek leka kan chheh vel enkual paha a tih chuan ka lu ka bu zeuh. Ni e,tiang chuan ngai zawk se a ṭha ang,a hmakhua ka ngaihvang a ni tih ka sawi chuan a pawm dawnlo tih ka hre si.




"Lalneihsang" ka lu ka buk ruala a rawn tih ṭhawt chuan phu deuh awrin amah chu chil lem khalh hian ka melh.





"I hria em i hnena hun ka hman chhung khan heng thil chak hian ka tui hal ṭhin asin. Ka laka i ṭhatna leh ka duhna che avang khan ka tuar hram hram ṭhin. Mahse,khatia i nu in hmaichhan ngeia min duh loh thu a sawi takah chuan hreawm ti taka i kianga ka awm reng ṭulin ka hre lova chuvanga ṭhen che chu ka ni" ka thusawi lai zawng chuan chhunglama ngaihdam dil mawlh mawlh chungin ka en a,ani chuan hreawm tih hmel taka min melhin a bianga mittui lo luang ka hmuh meuh chuan ka tawp chiang hle.





"Chuti khawp chuan ka kianga awm chu alo hreawm ṭhin a maw" zuai ruiha a tih chuan ka chhang thei derlo. Kei hian a kianga awm kha ka ning ngai reng reng lo.





"A pawi ka ti" ngawi renga kan in en hnuah ti supin ka let sana thui ka la kallo ang Mesak-a chuan min rawn kal pel fuahin inchhung lamah a luta keiin eng thil nge tih a tum tiin ka um zui vat.





"Keipawn ka thei ve tho alawm,i awmna apiangah chuan ka awm ang. Ka kianga awm hreawm i tih loh nan ka thisen ah hian Damdawi syringe hmangin ka thun ve dawn em ni?" Tiin dispo a zu an thlin chhuah sa dawhkana an hun ho chu dan hman lek loh hian pathum a in zo a. Midang ho pawn chutia Mesak-a khawsa chu an thil tih chawlin an en ṭhup.





Tam a in hmanlo a tlu tur chu Lalruatpuia'n a rawn dawma,hepa hi a ni ngei ngei ang ka awmna lo va hrilh tu. Chu thu ka ngaihtuah chhuah rual rual chuan Lalruatpuia chu rum zet hian ka melh. Midang pun ri mur mur karah chuan " Car chahbi va la rawh" tiin min min bia a,nakina la hauh tura khekin Car chahbi la turin ka kala Mesak-a chu Veronica-i te car in Lalruatpuia nen kan va thlah.




"Mipa ve si ava chatthla hma ve" a ti nung nunga keiin rum fahran hian ka lo melh. Chu chu a rawn hmuin 'eng nge' tih tak hian min rawn melh let a.





"Kan awmna kha nangma hrilh a ni tiraw?" Ka ti bul hmuk ani lo chu hrilh tu tur an awm lo tlat a ni.




"Kha hmuna lo kal tur kha i ni lo"alo ti daiha ka lung a awi tawh lo tak zet. Mesak-a zu in lai kha mi tamtakin an hmu a,an sawi darh leh ngei dawn tih ka hria. Heng zawng zawng hi Lalruatpuia'n kan awmna alo va hrilh vang vek a ni.





Car hnunga mipa mu chu ka en ṭhin ka bianga mittui lo luang chu ka hru leh zeuh zel a. Engvanga zu kha in kher kher nge maw a nih le?





"Lo va hrilh kher lo la a ṭha tur" hnuk ulh ṭuna ka tih chuan ka lam lo hawi zawkin, "ti nge ṭhen chu i tum kher a" a rawn ti. Mesak-a nen kan inkar boruak vel hi tumah ka chhungte tih loh kim chang taka hrilh ka nei lova. Lalruatpuia leh Sangkimi pawh engmah ka hrilh lo,an ni chuan Mesak-a ṭhen turin min duhlo tih ka hria a chuvang chuan engmah Mesak-a nu ṭwngkam leh ka chhungte ṭawngkam an hre ve lo a ni.





Ka hnukno chhuakin Mesak-a nu min tih dan leh ka nu leh pa in ṭhen mai tura thu min rawn dan vel ka sawi chuan a thinrim hle a. " Tunah pawh a nihna nena in hmehlo deuhin a khawsa mek a ni a, keiin hmasawn pui nan hmang mahila anin a nun chhiat phah nan min hmang dawn a nih chuan kal tir ka duh a ni. Lalrinchhana ka chelh tlat avanga thil thleng kan hria a tiang kha thleng nawn turin ka duh lo" tiin ka thusawi chu a tawp ka khar.





"Chu pitar mai mai chu,eng nge Pastor fapa nih chu a ropui viau na. Inngaizawng in nia mi hmuh lova in dut te pawh in duh a nga,eng nge a fala in in hmuh pawh chu alo huat em em. Pastor fapa nih vanga mahni bialnu te biakin muala awm pui reng tur tihna em ni?"a ti deuh hluk hluka a thil tlir dante lah chu a darah ka va beng pawp.





"Min hnemlo em mai" ṭap ṭuau in ka ti.




"Anih palai tirh ti te kha i sawia ti hian an fapa ber a awm sia,an ti lui dawn tihna em ni" hnunglam melh zeuha a tih chuan ka hriat bik loh thu in ka chhang. Vawiin lama ka hmuh kha chuan a nu te thu a pawmah ka ngaia,tuna a rawn chet dan erawh rilru ti buai tu a ni.




"Ṭhen miah suh. Nangmah avanga inkhawm a ṭhulh te, zana alo hmu ru ṭhin che" tak hram hram chuan aw...arukin zanah kan in hmu ngailo a,a nu zawk khan a ruka ko chhuak ang hrima min chhuah vang a ni reng si a. " leh zu hial a in phahna i nih chuan a tan i hlu hle tih a chianga mipa in thuthlukna kan siam tawh a nih chuan kan sut leh mai mai ngai lo" a tih zawm charh charha keipawh ka ngaihtuahna a ti buai khawp mai.





A tuk lama ka biak tur thu ka sawi chuan 'i ti ṭha e' tiin a bu nghut nghuta a in la puitling lutuk chuan ka nuih te lam lam a ti za. "Ka va phone lai khan Biakin ah a awma a rawn kal nghal danah a hmangaih hle che niin ka hria" car ti dinga a tih leh chuan ka hawi phawk tak zet.




"A inkhawm lai kalsanin a rawn kal maw?" Ti ha in Mesak-a thuamhnaw chu ka ennawna zan tir lama ka hmuh ang ang khan ala inthuam. A tir lamah thil thleng vel avangin a inthuam dan lam reng reng ka lo ngaihtuah lova ka chek zui tlak tlak.





Ruatpuia'n an inchhungah a kuah luta an hnungah an tluk hlau takin ka zuia mahse,inchhungah erawh ka lut ngam ve lo. Khatianga a awm chhan kha keimah ka ni a,a chhungte hmel ka hmu ngamlo a ni.





Thawm ri hlut ka hriat hnu rei vak lo a, Mesak-a nu chu pawnah a rawn chhuaka min hauhhrem ka rin laiin ka kut chu rawn chelhin mittui tling pam hian min en.





"Kuri khawngaihin ka ngen a che ka fapa hi kalsan hram rawh. Nangmah ka huat avang che lam pawh a ni lo,ka fapa in a duh zia che pawh ka hria mahse a thlarau in Vanram a thlenglo tur anga ka ngaihtuah hian ka na em a ni.Tunah chuan nangpawn ka fapa a zarah nun thar i nei tawha a hma a ka lo ṭawngkhumna ah che khan min ngaidam la ka fapa hi min pe let hram rawh" a ti ta mawlh mawlha kei lah in sawi tur reng ka hre si lo.





"Mama nu" tia a pasal in a rawn auh chuan an kawngka lam kan hawi duna Ruatpuia leh Pastor an lo ding dun.




"Ka pi i fapa hi hauhna lutuk suh, a nih loh chuan biakin aiah keini i hmuhsit em em ho kiangah hian ala rawn tlan san daih mai ang che" ngaihsam hmel zeta sawi ni mah se,amita thinrimna in phum chu hmuh hmaih rual a ni lo. Ka ṭhianpa hian ka thlavang hauh a ti na a,an dinhmun lam a ngai pawimawhlo a duh chu huaisen takin a sawi mai ṭhin.





Tun ṭumah chuan Pastor pawn min melhno teh chiamlo. Nidanga kan in hmuh hi chuan min ngaina vaklo tih hre tho mah ila pangngai takin ka lakah a khawsa ṭhina tunah erawh a thinrim hmel tawh takzet.





"Ka thlah kawi che a nga,a bike la turin ka let leh ang. A chhungte avang mai maiin ṭhen hlen kha i tum a nge. Pastor fapa a ruka zu in ṭhin ka hrehnem em mai. A nu runluih nan hrim hrim khan nakinah weed te pawh la zuk tir tur a nih kha" car chhunga kan luh hnuah a ti leh tan tan a.





"Ve a che,nangpawh Sangkimi chuan ruihhlo ti lo mipa ṭha tak a phu tih i sawia kan dinhmun hi a in ang reng" ka lo ti vat. Ka sawi dik reng bawka Mesak-a dinhmunah Sangkimi a dinga ka dinhmunah Lalruatpuia nen kan ding thung.





"Mahse,kei chuan ṭhen ka tum ve hleinem ka nihna hre veka ka kianga awm duh tu hi ka hmangaiha ṭhen ka tum lo. A hma pawh khan amah zawkin kal tura min tih avanga kal ka ni a,mahse ṭhen ka tum tak tak lova kan buaina ber ka va chinfel zawhah ka rawn let a nih hi" alo ti sam et a. A buaina chinfel dan chu a nupui tura chhungte iai theih tura va ruih chiam kha a ni awm si a.





"Anih chuan Sangkimi chu nupuia neih i tum nge hetia kawp reng hi i tum" ka lo ti hmuk. Hetia Mesak-a nen kan inkawp aṭang chiah khan ka lo nundan ṭhin pawi sia ka hria a. Tunah Lalruatpuia pawh hetia khawsak reng a tum a nih chuan Sangkimi hian mipa ṭha zawng tawng se tih puina rilru ka pu ve hial tawh a ni.





"Ka ru mai thei,mahse tun lai chu a hrisello lutuka kum thar lamah a niang" uang zet hian a ti a,ka hmui ka lo ti pawr zeuh. Thil a ngai awlsam ṭhin lutuk hian rilru a ti hah ṭhin.





"A khawsik kha ala reh lo reng em ni?" Ka tih chuan alo bu nghut. Hman khan a hritlan thu leh a khua a sik thu min rawn hrilha,tlang hrileng a kai turah ka lo ngaia ka rin ai a daih rei zek.





"Ka lo hre lova,naktuk ah va len phei tur a nih chu" ka tih laiin, " pastor fapa chauh i ngaihtuah a nih kha,va leng la ei tur te kha va ken ṭauh rawh" alo ti zawt zawt.





Puitei ka phone lawk avangin kawngka min lo hawna,ka nu leh pa erawh room lamah an lo awm tawh.A tukah chuan inkhawm reh laiin Sangkimi chu ka va kana ka tum ai ka va hmu damlo leh nghal.Titi phungleng sawiin ka ṭhu ve renga Thara te ho inkhawm bang rawn lut chu ka lo thlek da da a,mahse a rawn tel ve lo.





Anni ho chu rei an awmlo chawhnu inkhawm leh an duh avangin an let thuai a. Keipawh tlai rawngbawl hma deuhin ka haw.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 22nd, 2022, 10:28 pm

Chapter 17




"Kha iva rawn chhuak hma ve i zia deuh tawh em ni?" Sangkimi rawn lut chu ka lo be nghal vat.




"Um,ka nutei te chhungkua in he lamah Mas rawn hman an tuma Sumo counter lamah i hman chuan min lo hmuah pui la" a rawn ti ve a. Tih tur ṭul em em ka neilo bawk nen ka lo aw ve mai a.





"Hna i kal dawnlo em ni?"




"Ka hritlang khawsik vel avang hian chawlh ka la a.A reh lawk theilo khan banna ka theh lut ve ta tawp alawm. Ka u in kum thar lamah Aizawl lama insawn a sawi deuh bawk nen ban kha a ṭha ah ka ngai mai. Ban ka la tum tho bawk si nen" a ti then.





"Pem chu in tum tak tak em ni?" Pemlo se ti viau mah ila tih theih lah chu ka nei der silo.




"Ka nu nen hi chuan kan hreh deuhna a,ka u hnathawhna pa hi a fel lutuka a thlawnin an in ah min chen tir dawna an kiangah ka u a nghetin a thawk a nga,keiin ka zirna te ka zawm thei dawn bawka kan pem ka ring" a sawi dan aṭang chuan a hreh ve tih ka hria.





Sumo counter ah chuan kan thleng hma viaua,mahse kan mi nghah ber te lah kawngah kawngsiam motor in a dan avangin an rawn thlen hun tura an sawi kha an rawn pel duaia an chin tur pawh a hriat chian theih loh.





Lalruatpuia a rawn kal ve bawk a. Chhun thil kan ei laiin Lalrinchhana hnen aṭang call ka dawng nawlha mak ka tih em avangin ka la rang hle. "In ah i awm em?" A rawn ti nghal a.





"Awmlo, ti nge a?"




"Eng nilo e,Ramthansangi te nufa an rawn len leh len loh ka hre duh deuh maw le,hei ka khua a sik nen ka tlun chiam maia amah lah chu ka phone tlang thei bawk silo" lungawi loh hmel zet hian a rawn ti. Inlam ka phone sak tur thu ka hrilh hnuah phone ka off a. Puitei ka va phone chuan ka u te chu an len loh thu alo sawi bawk si ka ngaih a ṭha chiah tawh lo. Ti nge maw a pasal a dam loh laia a lensan mai mai theih zawk.





Lalrinchhana chu ka call let leha a aw te chu a chauh hmel tak zet. A khawsik chu eng tik aṭang nge tih ka zawh lahin 'tukin khawvar hma deuh aṭang khan' alo ti maia,hmanah Lalrinchhana damlo hi ka awm pui tawha a tlun nasat ṭhin zia te leh chet a harsat ṭhin zia ka hria. Chutiang chunga ka u in a len chhuahsan chu ka awi theilo.





Ka ṭhiante pahnih hnenah chuan ka kalna tur sawiin Lalrinchhana te in lam ka pan a. Ṭullo ti viau mah se damlo engmah pawh ti theilo amah a awm tir reng kha tih chi ah ka ngai lo a ni.An in ka va thlen chuan kawngka pawh alo in kalh lova an khumah chauh hmel zeta lo mu in a puan sin chuan a ti lum zo lo tih hriat takin a khur dar dar bawk.





Puan dang thuah sakin thil a ei tawh leh tawh loh ka zawt, zing aṭang engmah a ei loh thu min hrilh phei chuan ka u demna hlirin ka khat. "Isaac-a school kal tur a thla kha ala rawn letlo hrim hrima,zingah an thil ei rualin ka ei ve bawk silo nen a rawn haw leh hun ka nghaka" tiin ka u awm loh chhan ka zawh chuan min chhang.






Isaac-a te chu pre school lek a ni a. An ban pawh a hun daih tawh. Eng a ti chu ni ang maw? A ei turte chu siam sakin khumah chuan ka ei tira an in hnawk lutuk te chu ka tihfel sak. a chala puan huh ka dah chu a khat tawkin ka thlak reng a. A khawsik lah chu damdawi a ei hnuah pawh a reh mai thei lo. Ka u ka phone lahin call a chhang thei bawk silo.





"I u rawn let hma chu awm ve reng rawh" tia min ngen avangin ka awmpui renga rawngbawl hun pawha ala rawn let loh chau avangin ka thinrim bur tawha, rawng te ka bawlsak leh rih a. Chair ah ṭhu in hla ka ngaithla a ka taksa kang leh che vel chu hre mahila ka mut a chhuah em avangin ka meng thei lo.





In hau thawm leh kawngkhar in hawng ri ka hriat hnu lawka tuiin min buak avangin ka harh chiang hle. Ka u chuan thinrim zetin a no ken chuan min vawm zui pawp. Ka awmna chu choka kha a ni tawh lo reng reng ka u te nupa khumah a ni ka lo mut.





"Eng nge thil awmzia" tia Lalrinchhana ka u hnunga ding chu ka melh.





"Eng thil mah a ni lo,chair a i muhil kha khumah ka sawn phei che a,i u rawn haw hian thil ni lo lo a rawn ring kual a nih kha"alo ti ve hluk.





"Thil ni lo lo a,damloh chhuanlamin in ah i awma Lalneihsangi nen tawm ruk in tum vang bak va ni suh" ka u rawn ṭawng duh dan chu mak ka tih em avangin ka lo en mawl tawp.





"Ka sawi peih tawhlo i ngaih ngaih chuan ngai rawh." Ti hlutin Lalrinchhana chuan room a chhuahsan a.




"Eng tin nge i tih theih,inṭhen ang deuha awmin in lo in hmu ru reng ṭhin em ni?"kei min en in ka u chuan ala rawn ti ta kau.





"I suangtuahna leng vang a nih chu,mahni pasalte damlo nilenga chhuahsan tu lakah hian sawi tur ka neilo e" ka ti ve ta fak.





"Nang i awma ka ngaihtuahlo a nih kha,tun aṭang chuan Lalrinchhana hi i nei thei ang. He in hi ka chhuahsan dawn" tiin room aṭang chuan chhuakin kawngka pui in khar ri in a zuia sitting room lama ka chhuak phei chu Lalrinchhana chauh hmuh tur alo awm tawh.Dawhkana ka bag vel chu la in chhuah ve nghal mai ka tum a.





"Ka lawm e" a rawn tih sup avangin ka ding dat. "Ka tihsualin min vaw let niin ka hria,tunlai chu i u hian ngaihzawng a neiin ka hria tunah pawh khan a rawn thlah a" a tih chuan ka phawk hle tawh.





"Ka u in maw?" Ka ti ha a.




"College kan kal laia a bialpa hlui ania. An in zuina a rei leh tawh. A laka ka tihsual avangin a tir chuan ka ringhlel ṭha ngam lova" a ti leh zel phei chu mak tih vangin sawi tur pawh ka hre tawh lo.





"Lo awm rawh ka va thlah ang che" min tih chuan lo hnialin ka haw theih thu ka hrilh.






"Anih i tih tlat chuan,vawiina ka kianga i awm avangin ka lawm lutuk. I u te nufa chu in in lamah lo awm rih se naktuk lamah ka rawn hruai ang" a tih leh hnuah ka chhuahsan a. Ka u in ngaihzawng dang a nei tur ka ngaihtuah chuan ka awi phallo a,Lalrinchhana khan dawt min hrilh te ka ring rum rum a,finfiahna lah chu engmah ka nei bawk silo.






In ka va thlen ve chuan ka chhungte chu ka chungah an lungawi loh hmel khawp mai. Ka u khan engtiangin nge thu alo va thlen ka hre lova kei min puh chhe zawngin a zualko tih erawh ka chhungte hmel awm dan aṭang chuan ka chiang hle.





"Lalrinchhana nen in khawsa dun lai i u hian a phawk che u niin a sawi a" ka pa chuan chang bel bawl hian alo ti reng a. Ka u thu thlen dan chu ka rin phakbak a ni,sawi tur mai ka hriat loh avangin ka nui ro hak.Engtin nge kei a thisen zawm pui ngei dawt chiang lutuk hmanga min hek theih.





"Kan khawsa dun lai min hmu maw?" Ka u chu ka melh deuh khera a hmelah chuan zamna chhete mah ka hmu lo.





"Ka sawi peih tawhlo Lalrinchhana hi ṭhen ka duh Lalneihsangi nen hian an in ṭhen tak tak thei chuanglo a, ṭhen ka duh ka tuar peih tawh lo. Zanah lah phone in an in be rei thei si,an inkar thup nan pastor fapa an la hmang ṭangkai zui" a tih zawm leh zat zat takah chuan in sum zo lo in ka u chu a samah ka va kek bu lawpa kut thlawn tuar duhlo tih takah min lo khawih let ve nghal.





"Daw heh lutuk heng zawng zawng hi i ngaihzawng nei vang em ni? I pasal damlo che hleithei lo pawh ngaihsak duh lovin i fawr bo san a" ka ti ve pang pang.





"Duh tawk rawh u"min pawh ṭhen ruala ka pa au tuar chuan keini unau insual chu min ti tawp chiang hle. Thinrim zetin ka u chu ka en a,tunah chuan Lalrinchhana sawi kha ka awi vek tawh. A hma a pasal ṭhen hlau ṭhin em em khan tunah dawt hmanga ṭhen a tum ta chu ania. A thil duh chu a puitling thei ngut a nge maw?





"Lalneihsang i room ah chho la,Ramthansang nangin kan room ah min rawn zui rawh" ka pa aw khauh zetin a tih zawh rual rualin Puitei nen inchung lamah kan chho a,ka room ah alo lut tlang ve zel.





"Ka u in a rawn sawi tirh khan ka awilo lutuk a,engtin nge khatiang dawt chiang lutuk kha a sawi theih" a ti nghal bawrh bawrha keipawh chu chu ka ngaihtuah a ni. Ka pa in kan in hmuh tam loh a duh avangin kan inah leng turin a sawm ngai tawh lova kan in hmuh lohna pawh a rei tawh. Tunah dawt chiang lutuk hmanga min rawn puh leh tur hian a lakah eng thil nge tihsual ka nei reng reng ni.




"Chhunah Lalrinchhana'n min rawn phone a nangpawh ka lo biak che kha" ka tih chuan alo bu nghut nghut. " Lalrinchhana ka ngaihtuah deuh avangin an inah ka va kal chilha zing aṭang a khawsik ala reh loh avangin ka buaipuia thil lah engmah alo la ei lo bawk nen ka ei tir leh a,ka u ka phone in phone a la thei bawk silo. Lalrinchhana awmdan kha kalsan chi ah ka ngailo nen ka u nghah pahin tlai ei rawng te ka bawl saka" tiin ka muthil laia khuma min sawn thu leh ka u rawn chet dan te leh ngaihzawng neia ka rinhlel thu te thlenga ka sawi kai takah chuan ani pawn mak a ti ve hle a ni ngei ang, "ka awi theilo" a ti ban chap mai.






"Taka sawi chhuah chi a ni em chu ka hrelo a thil mak deuh dang ala awm?" Kawngka lam melh zeuh zeuh paha a tih sup chuan 'eng thil nge' ka lo ti vat.





" Ka u leh ka nu leh pa te inbiakna ka hriat ania. Ka u hi ka pa fa bik a ni in ka hria" Puitei ka melh kawk. " Ka nu in ka u thilsawi te a awiloh thu a sawia,nangmah ṭan zawnga thu a sawi avangin ka u hian ' i fa tak ka nih ve loh vang a nih kha,ka thusawi pawh i awi duh loh' a ti a" a tih chuan zawhna tamtak a chhanna ka neih sil loh ka in zawt.





Ka pa fa bik a nih chuan ka pa hian ka nu nen an inneih hmain nupui dang alo nei tawh tihna nge,ka nu hian mipa alo ngaizawng ṭhin. Chumi zan chu rilru buai zetin ka tlingtla a,a tuk ka tho chhuak chu ka ni bur mai.






Zingah Lalrinchhana a rawn kala mahse ka u berin a hmuh duh tlat loh avangin Isaac-a nen reilo te an infiam hnuah a haw a,chutia a awm han hmuh chuan ka lainat hle a,ṭul loah kan nun hlui te thleng ka ngaihtuah chhuah phah. Kan chhungkaw boruak avangin thil dang ngaihtuahna hun mang ka nei lova. Ka u kan inlamah kar khat a awm meuh chuan khawtlangah chuan hmingchhe tawh tak ka ni.





"A u pasal nen an mudun lai a u in ava phawka,amah vangin a u te nupa pawh an in ṭhen phah" tiin mite chuan kan chanchin chu sawiin ka u chu tuartu a ni a,kei erawh misual ber chhuaha chhuah ka ni.





"I chungah eng nge tihsual ka nei,Lalrinchhana nen hian kan inkar kan tih tawpna a rei tawh. Engvanga min lo puh chhe fo nge i nih" ka tuar thei tawh lo chuan ka u chu ka chhuahchhal a.





"Dik chiah,u Mesak-a nen an inkawp pawh mitinin kan hria" Puitei'n min ṭan zeta alo tih chuan ka nu in min lo khap vat a. Mahse, Puitei zawng a lei a veng hman leh peklo, "nu nangpawh a nu tak tak i nih loh avangin a hmusit che a,engtin nge alam ila ṭan theih" a ti ta mai.





"Ramnunpui" ka pa rawn au ṭhawt avang chuan kawngka lam kan hawia ka pa chu thinrim hmel tak hian alo ding. Kan thusawi kha a hre hman vek tih hriat takin keini ho chu rum tak hian min melh kual a.





"Pa" tiin ka u chu alo ṭap.




"In u chungah hian ngaihdam dil rawh u engtin nge khatiang khan a chanchin in sawi theih" a ti leh tuara Puitei chhungte hauh leh vin la tawk ngailo chuan ka pa awmdan chu hrethiam lo zetin inchung lama a tlan tau daih a.





"Pa ka nu hi ka nu tak taklo angin ka en ngai miahlo asin" pakhat lah chuan in lak khawngaihthlak tum takin alo ti ve leh a.





"Room ah in nufa khan min rawn zui teh u" a tih avangin kan pathum chuan ka pa chu kan zui a. "Sum chhuah turin zanin ah kan kal dawn a,mahse Lalrinchhana nen in inkawp zui ka rem ti tihna a ni lo" ti paha ka pa in min rawn en chuan ka pa rin ka hlawh miahlo tih ka hria.





"Mahse pa.." a kut hmanga ṭawnglo tura min signal in, " kum alo thar veleh i zirna zawm turin Delhi lamah i kal bawk ang. Chuan Ramthani pawh hetia i nau chanchin mawilo taka i sawi darh vak vak hian i tan hlawkna a awmlo,hlawkna aiah chhungkaw hmingchhiatna i thlen mai mai a ni". A ti leh.




"Ka rilru a na em alawm,ka ṭhiante hnenah pawh insawi thawl ve ka duh a" zak map lo hian ka u chuan ala rawn ti thei chau a nih chu. Dawt thu a vawrh darha tuartu angah ala in ngai thei amaw? Ka dinhmun tur min ngaihtuah pui miahlo chu ka haw hle bawk.





Inchung lamah Puitei ngaihven turin ka nu nen kan chho a,alo la lungawilo khawp mai. " Engtin nge in hriat chu ka hrelo a,mahse in u hi en hrang reng reng suh ang che u" ka nu chuan a ti a.





"Engtin nge ka pa hian fa hmasa alo neih theih nu...ka pa chuan nupui hmasa alo nei em ni?" Ka ti a,hriat ka chak ema ka zawt lo thei lo.





"Nupui hmasa tih dawn chuan a dik chiahlo, ipa hi ka ṭhian ṭha tak a ni a a hmeichhe ngaihzawn ṭhin nen khan i u an paia a chhung ten inneih an rem ti lo chung kha i pa chuan neih luih ṭal a tuma mah se, khatia nau a nei zo kha thi put reh thei lovin a hnu lawkah a boral zui ta mai si a. Kei leh ipa chu lo in hrechiang sa kan ni bawk nen chhungte sawi rem chawpin kan inneih ta alawm. I u hi a sen tet aṭanga ka enkawl a nih avangin vawikhat pawh ka va a nih loh vanga en hran ka la nei lo. Mahse a kum 12 na birthday alo thlen khan a nu chhungte lamin rawn lak an tum vel boruak avangin a nu tak ka nilo tih a hre chhuak a" ti dap dapin ka nu chuan Puite mittui tla chu a hruk hul sak a.




"Mahse,ka la ngei tho. Amah avanga ka au Kuri mualpho dan te hi. U Mesak-a te thleng thleng khan thu diklo pui pui a theh darha hetia a tih hian eng nge atan a hlawk na. Au Kuri leh u Mesak-a chu engvanga pawh ṭhen kher tum nge a nih." A ti leh pang pang.





Ka nu chuan min rawn en a,hnuailam ka lo melh daih, "Mesak-a nen te chuan in inṭhen tawh a ni lawm ni?"tiin min zawta ka lu ka bu nghut. Mahse,hetia ka u in min sawi mualpho ta erawh hi chu ka lawm lo takzet. Inṭhen tawh mahila alaka ka lan dan tur ka la ngaipawimawh viau bawk.





"A pawi loh chu...ani chu ngaihtuah tawh suh" ka nu chuan alo ti sam eta ka ṭah a chhuak zawk. Ka nu hian ka ngaihtuahna a awm hi hre ngat se tunah ber kher hi chuan chutiang thu chu a sawi hauhlo ang maw le.






Mesak-a chu biak ka duha mahse,ka call a chhang duh silo. In ṭhen tawh mah ila alaka insawi fiah kha ka duha chumi ti tur tak ngial pawn hun pek ka ni si lo. A chunga ka tih ang chiahin ka chungah a let ta a nih hi. Heihi kan pahnih tana ṭha tur pawh a ni mahna.






Ka u te an in ṭhen fel a,a ṭhianpa tia ka nu leh pa a hmelhriat tir Muanzuala hmana Restuarant an hawn thar Mesak-a nen pawha kan kalna tawhna dawr nei tu kha lo ni rengin, Vanlalruati te lam hnai tak alo ni bawk a. Zantin rawn lengin ka u nen chuan an inkarah ṭhian bak thil a awm tih mi mawl ber tan pawh a hriat theih.






Urlawk zan a ni a,Ka u chu Isaac-a nen Muanzuala te in lamah an lenga,chutiangin Puitei leh Bawihpuia te pawh an ṭhiante nen ar kan tumin an leng chhuak bawk. Ka nu leh pa tv en na bulah ka ṭhu ve reng a,urlawk zan ka hman tawh zawng zawnga khawhar thlak ber ala ni. Thingpui te kan in hnu reivaklo ah mu turin an room lam an pana keipawh chutia awm ngawt ngawt chu nuam ka tih chiah loh avangin 11:00pm bawrah u Teremi dawr lam panin ka kal chho a ka thaw khu hlat hlat mai.





In te lo ruak hiai ka hmuh chuan thil hlui hre chhuakin chulamah chuan ka kal chhuk. Khaw chhung eng chu a hma zawng aiin a nalha hla taka Chrismas hla in play ri riai riai te chuan lung an ti lengin chutianga mal taka ka hmang ta chuan ka ṭha a ti chhuaka hetiang tih tur lo hriata Lalruatpuia kha lo zui daih tur a nia.





"I hlim em?" Ka bula rawn ṭhu chu awilo zet hian ka lo melh. Lalrinchhana nen kan hmingchhiat tirh lam khan insawifiah tumin ka call a ka call a chhan duh loh aṭang vawikhatmah biak nawn leh ka tum tawh lova amah phei chu ka hmu tawh ngailo hrim hrim.




" Ngaihdam che chu duh lo viau mah ila ka ngaidam ang che. Ka chunga i thil tih te avang pawh khan i hmel hmuh leh pawh ka duh tawh chuanglo mah se,fel fai taka inṭhenna siam hi ka duh avangin ka rawn kal a ni" ti dap dapin ka lam chu a rawn hawia,a aw chu dam hle mah se a mitah erawh kei min huatna chiang takin ka hmu thei.





"In...inṭhenna" ka ti sup.




"Ni e,zanin hi kan in hmuh hnuhnun ber na tur a ni." Lo tiin hnunglam aṭanga an rawn koh takah chuan min kalsan a,a rawn ko tu chu a hmel hmulo mah ila tunge a nih ka chiang.




Insum hmanlo in ka ṭap chhuak hawk. A bul aṭanga atawp thlengin ka nun chu a heti reng dawn a nih hi. Ka u huatna in ka khata ka nun tichhe tu ah hian ani chu ka puh lo theilo. Lalrinchhana min laksak kha tawk a ti viau lo em ni? Engah nge Mesak-a nen kan inkarah leh zel a rawn inrawlh. Ngaihzawng neiin a pasal a ṭhen duh a nih pawn dawt hmanga min puh kherlo khan a ṭhen theilo em ni.





"Kuri tho teh" ka nu in min rawn sawi nawk nawk chuan peihlo deuh hian ka ṭhu chhuak a, " Tukin ah nu ho in nizanah Sangkimi damdawiin lama an tlan pui thu an lo sawi a" a tih chuan min ṭhawn em avangin ka harh nghal kawk.




"Maw,engtikah ti nge?" ka ti zung zung. Khum aṭang chhukin ka thawmhnaw ka thlak nghal sawk sawk.




"Ka hrelo,a hma aṭang khan a khua asik reng ṭhin a ni lawm ni?" A rawn tih chuan a sik na a rei tawh thu leh a reh hleitheih loh thu ka lo sawi.




Zing chaw pawh ei lo in damdawiin lamah ka kal a. Sangkimi chu ICU ah lo awmin nikhua alo hrelo a, u Hruaikima'n alo awmpui a. A natna pawh an la hrelo niin a sawi test eng eng emaw vawiin lamah an nei leh a nga tah chuan an hriat chauh tur thu min hrilh. Hritlang khawsik a leng ve hrim hrim bawk nen tiang em em hi a nih ka lo ringlo asin le.





Test chi hrang hrang an tih kual hnuah Sangkimi chu Khawsikpui thluaka lut a alo ni a. A fanu chanchin a hriat chuan Sangkimi nu chu a kehsawm vek a ni ber. Ka hriat khawsikpui thluaka lut ṭhenkhat chu mi tlemte dam khawchhuakin a dam khawchhuak te pawh rualban loh zui te hriat ka nei bawk.





Engtin nge Sangkimi kherin chutiang chu a tawrh ve theih. Khuma a mu te chu mumallo zet hian a riat nawi nak nak zel a. Doctor ho chuan kan kal har lutuk chu min thiamlo deuh niin an ṭawngkam aṭang chuan a lang.





Lalruatpuia pawh tlailamah chanchin hria in damdawiin ah chuan a rawn kal ve chauha,zing aṭang khan phone ka tum tawha mahse nizan lamah a tal nasa deuh nge ka call tlang theih lova a rawn thleng chu a lainat awm tak zet.



Ads click vek ang u aw


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 22nd, 2022, 10:29 pm

Chapter 18




MESAK POV





" I chunga khatiang a ti chung pawh khan a chungah thinrimna emaw lungawi lohna i nei miahlo em ni?" An in lam pana kan kal laia a tih chuan ka nui mai a. Kuri laka ka rilru put hmang hi midang laka sawi vak ka tum lova ka duh hek lo.





"Zanin chu ka rawn tel ve lo mai ang" ka tih chuan min en vat. An in lamah tlaivar ve turin Thara nen min sawma Thara'n alo aw avangin ka sawi buai ta lo kha a ni a,tunah chuan ka peih leh vaklo a ni.




"MESAK" ti supin a ka lam hawiin a rawn ding rema,ka lo en ve reng avang chuan nui a hmui zeh zeuhin hnuailam a bih ta daih a. Chu tah zawi fiah tak hian " ka duh che" a rawn ti sup.





"Kuri nen in in zui avangin engmah ka sawi duh lova, mah se kei hian kan khua a in lo pem aṭang khan ka lo duh daih tawh che a ni" lai deuh taka nuiin ka mitah tak min rawn en a."Mahse,tun aṭang chuan ka duhna che hi zep ka tum tawh lo. I tana hmeichhe ṭha ber ni turin theihtawp ka chhuah ang" amah in ring tawk tak hian a ti leh.





"I sawi zo tawh em?" Ka tih deuh hluk chuan hamhaih hmel lek lekin "aw..aw" a ti bah deuh nawk a.





"Ka nu hnena Kuri chanchin i sawi ṭhin dan ka lo hria a" ka tih leh chuan meng phawk tawh tak a ni. "Hmeichhia i nih avangin engtin mah ka ti lovang che. Mahse,tun hnuah Kuri chunchung a mawilo zawnga i sawi leh tih ka hriat chuan ka ngawi mai mai tawh lovang" ka ti rum ul a.




"Mah se.."




"Atawk,engtin nge i sawi kha...ka tan hmeichhe ṭha ber nih i tum ang maw.. ha..tum buai duh suh ka mitah chuan Vanramneihsangi aia ṭha hmeichhe dang an awm lo" ka ti leh kher. In herin kan kal tawhna lamah chuan ka let thla hmawk hmawka,ka thil zuk hmuh avang erawh chuan ka ding chiang hle.





Thinrim in hum ruh ṭunin Lalrinchhana leh Lalneihsangi te in pawm lai chu ka thlir reng a.A hma kha chuan mi sawi chauh a ni a,ka mit ngeia ka hmuh tak si ah chuan a nat dan a dangin ka tlawm takzet a ni.





Ka nu zing bazarin Kuri leh Lalrinchhana chanchin duhawm loh tak a rawn hawn a. Kha thu ka hriat khan thinrim aiin tlawm in tihna in ka khata, Lalrinchhana nen an inkar thup nan mai maia min lo hmang tur ka ngaihtuahin ka zaka,ka hnunglamah engtiang chiahin nge min sawi zui ṭhin ang.





Ka nu thlir dan takin Kohhrana ka pa nihna lam ngaihtuah lovin amah ka buaipuia, KṬP lama ka member pui te leh Kohhran ho mit ti kham khawpa khawsak ka nei bawk. Vanramneihsangi tan a nih chuan khua hmulo lekin ka khawsa ṭhin. Chu erawh ka mualpho pui ngam Vanramneihsangi tan chuan nuihzat bur mai alo ni dawn tih ka hriatna hian min ti na em a ni.





In a ka let chuan alo reh ṭhiap tawh, ka khumah mu in muthilh ka tum pauh leh ka harh chiang tulh tulha,a tawpah phei chuan mut tum buai tawh lo lawh lawhin ka tho leh ta tawp.




"E! Mama chu zan i mu lo em ni?" Ka nu zing rawn tho in choka a min hmuh chuan a ti hluka ka lu ka lo buk nghut chuan. "I va ti awm anglo ṭhin tak,in menrei dawn teh lul nen muthilh leh tur che alawm" ti zawm mawlh mawlhin ka thingpui chhuan sa chu a in thlit ve a.





Thingpui a in zawhah ka nau leh ka pa rawn tho in kan chhungkua chuan Biakin lamah Ṭawngṭai turin kan kal. Heihi Chrismas apianga kan tihdan a ni. Tuk dangah chuan zing Ṭawngṭai hi ka nu bak a kal ngai vaklo a,Chrismas tukah erawh chhungkua in lawmthu sawi ṭawngṭaina kan nei ṭhin.





Ka pa ṭawngṭai thuchhamah chuan ka tana a dilna tam tak karah Kuri tan a dil bawk. Chutiangin ka nu leh ka nau pawn Kuri chu an ṭawngṭai sak vek. Chu chhungkaw ṭawngṭaina ah chuan Kuri hming lamlo an awm lo. Ka chhungte hian ani chi an haw viau khan ka hre si a. Ṭawngṭaina kan hman zawh chuan ka hahdam huaia,vawi leh khata ka phurrit zawng zawng tu emaw in min laksak vek ang mai hian keimah chu ka thawk a vengin ka zâng vak mai a ni.





"Ka nu i ṭawngṭaina kha ka hria a nia" a beng bula ka tih sup chuan rum zet hian min rawn melha ka lo nuih vur vur a hmuh chuan, " i ngaih ang em em a sual ka ni lo. Ka mo atan ka duhlo ringawt a, a nun sual sima nun thar a neih te chu nang ang tho in ka duh ve tho alawm" a ti deuh bar bara,kan lo nui dar dar a hmuh chuan ti tau in kan hmaah chak zet hian a kal a.





"I nu hi chu pawnlamah sual leh khirh viau angin lang mah se a chhunglam erawh tihnat awl tak a ni a. A fapa a duat leh a hmangaih ber tan chuan a ṭha ber zel a duhsak ṭhin che avang hian rawngbawltu a nihna lai theihnghilhin khatiang khan a khawsa mai chauh a ni" ka pa chuan ka nu kal tau en zui dauh dauhin alo ti ve charh charh a.





Ka pa sawi chu ka ngaihtuah chianga,ka nu leh kei chu danglamna kan neiin ka hre lo. Keiin ka hmeichhe duh ka neih theih nan Kohhran mi leh sa te min ngaihdan tur lam ngaihtuah lek lovin ka khawsa a,chutiangin ka nu pawn Kuri kha a mimal taka huatna neilo in ka kawppui tur atan a duh loh vang chauhin mawi leh mawilo pawh ngaihtuah lek lovin a theih ang angin hma a la ve tih ka hria.





Khatianga Kuri'n Lalrinchhana nena an inkar thup nan min ṭangkai mai mai tih a hriat phei kha chuan kei ai mahin a thinrim emaw tih turin Kuri thla kha a hau a nih kha.





Christmas inkhawm a nih avangin chhungtin te chu mawi taka inthuamin chhungkua te te in an ṭhu a,kei erawh ka mi zawn an chhungkaw zinga a ṭhut tel ve loh avang erawh chuan ka kimlo hle a. Tunah hian eng nge a tih ang? Kha pa Lalrinchhana bulah khan a awm nge ni a,khang a ṭhiante bulah khan zu leh sa nen rui takin hun a hmang mek zawk ang.




'I hria em i hnena hun ka hman chhung khan heng thil chak hian ka tui hal ṭhin asin. Ka laka i ṭhatna leh ka duhna che avang khan ka tuar hram hram ṭhin. Mahse,khatia i nu in hmaichhan ngeia min duh loh thu a sawi takah chuan hreawm ti taka i kianga ka awm reng ṭulin ka hre lova chuvanga ṭhen che chu ka ni' tih thu a sawi aṭang phei kha chuan hlauhthawnna in ka khat a.





Chutih ruala pawi ka tih leh ka inchhirna em em chu ka hmangaihna aia kan Lalpa Isua tuarna leh min hmangaihna ka lo hmuh fiah tir hmasa lo kha a ni. Ka duhna kha lo zepin piantharna diktak a neih hnuah chauh lo in puangila hetiang hi kan ni kher a ngem tih chu ka in zawh ngun ber a ni.





"Khawnge i u hi?" Inkhawm ban chuan Puitei hnenah ka zawt nghal. Nizan khan keipawn inṭhen ka duh thu chu ka sawi ngeia mahse,ka ngaihtuahna aṭang erawh ka peih bo thei ngailo ang.




"I hre ve na nge nizan khan u Sangkimi damdawiin lamah an hruaia tukin khan ka u pawh ava kal ve a,ala rawn let leh lo alawm" alo tih chuan ka rin loh lam daih a ni bawk nen ka meng kawk a.




Thara sawmin Damdawiin lamah chuan kan va kal ve a. Sangkimi nutei leh a nu chauh ka va hmuh avangin a rukin Kuri ka melh leh ruai a,a awmna han zawh em kha chu ka duh loh avangin ka zawt lova mahse, Sangkimi nu ṭawngkam aṭang Sangkimi chu Hruaia rualin in lamah a let leh tih ka hria.
.........


KURI POV




Darthlalang chhan aṭang Sangkimi muhil chu en rengin "ti nge a mit a va chhing rei tawh ve" Lalruatpuia chuan a ti chhen a. A thawhna ala reilo tih hriat takin a pawrin a rim lah chu a tui lo em em a,nizan lamah a che na viau a ni ngei ang.




U Hruaia rualinka haw a,a rual bawkin ka let leha Lalruatpuia nen Damdawiin chu kan thleng leh rual vel a ni. Kan thlen hnu lawkah Sangkimi nutei chuan Sangkimi nu a haw pui ve leh.





"A tan mut tam kha a ṭha alawm" ka lo tih chuan min rawn en zawkin Sangkimi bawk chu ava thlir leh.




"Engvanga hetia awm hi nge a nih,tlang hrileng mai mai kha a ti si a?" A aw ki ah chutia Sangkimi Damdawiin khuma a mu chu a ngai thiamlo hle tih a hriat. Chutah ka thiam ang tawka damin Sangkimi nat dan vel chu ka hrilhfiah.





"Sangkimi chu hmeichhe tuarchhel tak a ni a,a tuar chhuak leh mai ang" a ti charh charha keipawh chu chu ka inhnemna a ni.




Kan kiangah a ṭhut ren rawn hnuah a awmdan a danglam ṭana chu thil chu ka lo tawn ve tawh a nih avangin eng nge a chhan ka hre chiang khawp mai. A kutah ka va chela min rawn en chuan ṭap mai tur hmel hi a pu a,a tawpah phei chuan a tuar thei ta nganglo a ni mahna a ṭhutna aṭanga tho phutin pawnlam panin a tlana,chutia a tlan phut chu a vela awm u Hruaia leh nurse leh damlo ṭhenkhat chuan kei ang tho in an en zui vawng vawng.





Lalruatpuia kal hnu lawkah Sangkimi chu a rawn a. Hmeichhe fel tih takah a rawn nui leh nghal ver ver a,ngaihtuah awm a nih loh thu leh khawsik vang mai maia Damdawiin a a chhungten an hruai chu a u a han hau leh rih ṭhin.





"Ngawi reng khan mu hle hle rawh,min tih mangan zia kha" ka lo ti hluk. Nizan lamah a dinhmun a hniam em avangin ICU ah an dah kha a ni a,tunah chuan doctor ten rawn check leh in a dinhmun chu a ṭha leh viau si a,ward pangngaiah min sawn leh a. A nawm pawh a nuam ta zawk bawk.





"Christmas Damdawiin lamah ka hman ka lo ring ngai miahlo" tiin fiamthu ala thawh zela a dam ṭha tih chianna ah ngaiin ka lo nuih pui ve hawk hawk. Keipawh tun ṭum Christmas leh a vuakvela hun ka hman dan chu rin loh lam daih vek a ni.





In lamah haw a ka in bualzo bathroom aṭanga ka chhuak chu ka phone lo thim chiah hi ka va hmu a,mahse a rawn eng nawn leh nghal. Rang taka ka pan chuan Lalrinchhana alo ni. Ka u in a phone call a lak duh ṭhin loh avangin Isaac-a chanchin min rawn zawt ṭhin a.




Nizanah ka u leh Muanzuala thlalak a hmuh avangin Isaac-a a ngaihtuah avangin kan innlamah a rawn kala mahse, kan in a tumah a hmuh tak lohah chuan a rawn let leh lam khan inte a ka lo ṭap kha min hmu a,ka ṭah chhuak pui a reh hnuah pawh rei ve deuh tak chu titi in kan in kawma tunah chuan ani pawn a hmaa ka laka a rilru put hmang kha a pu tawh bikin ka hre tawh lo a.





"I u a inkhawm em ni?" A rawn ti hmasa ber a.




"Khawm lo,ti nge i call a chhang leh duh tawh na nge?"ka lo ti let vat. Ka room chhuahsanin inhnuai lamah ka chhuk.




"Um, Isaac-a ka lo be teh ang,hei a pi in ka be chak a ti reng a" a rawn tih chuan Isaac-a tv en chunga lo ṭhu a nu in phone a hman san daih bulah chuan ka va ṭhu.





"Kha Isaac a pa nen in be ru" ka tih chuan ka u chuan rang zetin min rawn en a,ka hrelo der tlat Isaac-a lah a pa ka sawi takah chuan alo phurin ka phone chu a rawn la vat.





"Bawihte api te room ah va bia la" a nu in a tih chuan ka nu te room lamah a kal nghal a.




"Lalrinchhana a rawn biak nghal chuk chuk che kha ka ring renga tunlai chu in in be ngun viau in ka hria" mei nei zeta a rawn tih chuan ka va melh zawka a phone bawk alo en leh.





"Pastor fapa lah kha Ruati nen an inkawp chungin ilo zar buai ve chhena,nanghi mi kawppui chuhpui i ching riau" a rawn ti leh kher chuan ka insum theihna bang a ṭhiat chiang tak zet.




"Vanlalruati bum kual mai mai theiha i mawl ka lo ringlo asin" ka ti ve fak.




"Maw..tunah khan kei hi mawl min ti em ni?" Thinrim zet hian a rawn ti ṭhata ka lo nui lui sang.





"Heng dawtthu i vawrh darh karah hian Vanlalruati a tel tih hi ka hriat loh i ring em ni? Kha a unaupa i ngaihzawn avanga dawt hmanga i pasal leh kei min puh chhia in Mesak-a nen kan inkar leh zelah dawtthu in theh darha tu in nge awi che se ula in tih. Dawt hi rei a in thup thei ngailo, thudik miten an hriat hunah chuan tun ang mai mai hian in awm thei tawh hauhlo ang"tiin ka kalsan a,ka hminga min rawn auh zui ṭhatna pawh chu hre mahila ka ngaihven duh tawh lo.




"I be zo tawh em ni?" Khuma lo bawkin games alo khel daih a.




"Um, Anute engtikah nge a pa bulah kan kal ang. A pi pawn min ngai tawh lutuk,anu chuan a pa bula kal a phallo a nangman a pa bulah min hruai rawh aw" alo ti zung zung. Lalrinchhana hi ka u nen an in ṭhen hnuah an in lamah a let leh a,vawikhat pawh ka u hian a pa hmu turin ala kal pui lo.




"Naktukah kan kal dawn ania" ka ti ve mai a,kan kal thei ngut a nge maw?




Ka thawmhnaw bawma ka kawl reng ṭhin in tur chu phawrhin tlem ka in. He hun hi ka hriat lawk vang a ni ngei ang a dang zawng ka peih bo laia hei kher hi ka lo dah ṭhat. Tamlo te te in ka in a,tunah chuan a zo ṭep tawh.





Sangkimi nen reilo te kan in biak hnuah ka mu a,Lalruatpuia erawh biak theih a ni lo. A rui leh viau tawh ngei ang. Mesak-a ka ngaihtuah chhuak tur chu duhlo in ka mutdan siam remin ka thaw halha, ka mut theih nana ka thil in chuan min chhawk vak dawnlo niin a lang.





Ṭhen ka duh thu ka sawi khan nasa takin min hnialin zu te hial a in ve phah a ni a. Ka u leh Vanlalruati dawt thu chu mite awi zawk tak a ni pawh a ni mahna Mesak-a pawn min ṭhen a duh ve thu a sawi ve phah ta hial a. Ka sawia keiman ka tum ringawt pawn hreawm ka ti tawh teh reng nen a ka aṭang ngeia min ṭhen a duh ve thu ka hre ta chu ka kehsawma,min kalsan lo tura ngen leh kha duh viau mahila a hma lawka a chunga ka thil tih avang khan ka ngen ngam bawk silo.





A tukah chaw kan ei laiin Isaac-a chu a pa ten an hmuh ve chak thu sawiin ka u chu va hruai turin ka hrilh a. " I duh chuan nangman va hruai rawh" alo tih hmak chuan ka pa ngaihdan a ni vaklo a niang,a fian chu dawhkanah a dah ribawl a.




" Engvangin nge anin a kalpui daih a nga,a nu i nih kha nangman va hruai ta che" Puitei'n alo ti ve leh khauh.




"Kuri hnenah alawm a rawn sawi,kei chu ka kaldawn lo" lo ti leh deuh hmakin dawhkan chu a thawh chhuah san a.




"Anute a pa bulah chuan kan kal dawn ti raw?" Isaac-a'n alo ti a,ka pa ngawi ta reng chu ka va melh a .




"Lalrinchhana nen chuan in la in be ṭhin em ni? Ka thusawi iva ngaipawimawh awmlo ve" ka pa chuan a rawn ti ta chiah.




"Ka u in a call a chhang duh ngai lova Isaac-a chanchin a hriat duh changin min rawn be ṭhin" ka tih chuan thil dang sawi tawh lovin ani pawn dawhkan a thawh chhuah san ve leh.




Inkhawm tura an in siam laiin ka khumah ka phone khawihin ka mu a,ka pa chu inkhawm tura insiam peih sa veka rawn lutin "Isaac-a chu a pa te in lamah lo va kal pui mai rawh,i inkhawm dawn chuang lo" a rawn ti leh a. A hnungah ṭap purin Isaac-a chu ka room ah a rawn lut bawk. A pa bula kal ngenin alo ṭap chu lo niin.


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)