Transmigration BY Vtei Jahau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Transmigration BY Vtei Jahau (Completed)

Unread post by Ngaia » May 22nd, 2022, 10:35 pm

Mawitei's P.O.V






Zan ka mu chu ka bul a thil ri deuh rawk in min ti harh a, ka mit nuai nawk nawk in ka meng a, ka bulah chuan eng emaw thil dum run ka hmu thut a, ka rak deuh thawt, chu mi rual chiah chuan ka tukhum a ri nghal bur a, engmah ka hre ta lo.







Ka dang ro hulh hulh vang chuan ka meng deuh siar siar a, ka bula lo thu chu mak ti zetin ka melh nghal kawk Buarpui Lalfapa Ramngheta chuan hlauhthawn hmel zet in min lo en a nih chu, "Kha maw Lalfapa, a rawn harh ve mai ang ka tih kha" rawn ti tu chu a Pasaltha Lianlura a ni, "Engvangin nge hetah min hruai, min hruai haw nghal rawh" ka tih chuan Lianlura chu a nui deuh huk.








"Ka bulah i in thar ah i haw dawn e" Ramngheta chu a ni, ka hawi kual a, a lo thim mup bawk si, tih theih ka neilo lutuk chu hreawm ka ti takzet a ni, in tih hlum daih mai te chu ka duh, ka thinlung chuan Uchuhpuia a au vawng vawng a, mahse awmzia a nei silo.









Ka kut chu an phuar tlat a, ka ke pawh an phuar tel lo chauh.









"Nikhat tawp i harh silo a, i thi dawn ta emaw ka ti a lawm" Ramngheta chuan ka hmai a zut riak riak pah in a ti a, a kut chu ka lo vai sawn dawr.









"Luhlul chu chhuah vak suh, kei bak hmangaih tu dang i neih loh hi" tiin a nui leh huk huk a, Zanah chuan min veng tlat a, a tlangval ten, a tuk ah chuan eirawng bawlin chaw chu an fun a, hmanhmwh zetin min tlan pui nghal dawr dawr, ka hah tawh lutuk chuan chawlh ka rawt a, "Chawl hman kan nilo" a tih hmuk chuan ka ngaihdan a pel nghal hle.








"In duh chuan lo va kal rawh u, keichu ka chawl dawn" tih leh ka bula lungpuia thut chu ka rual a, min en nghal thap, " Tih luih che ka duh lo, tho vat teh" a ti khur khur a, a thinchhiat zia ka hre thar niin ka hria.








"Teuhlo, ka hah ka tih chu, ka chau lutuk" ka tih rual chuan min rawn pu nghal nawk a, "Heii, min dahthla nghal rawh" tiin ka tal vak vak a, ka au zui chiam bawk.








Mahse engah mah ngai lo in min kal pui hmawk hmawk a, "Lalfapa a au ri kha midang in an hre thei a nia" Lianluran arawn tih takah chuan a hma ai mah a ring in ka au leh nghal a, mahse ka ka ah chuan eng hnah emaw tuilo zet hi nui vur vur in Lianluran a rawn hnawh a, chu thil chu chhak nghal in ka au tawh lo chiang hle, ka ka chu a aa mup a, ka au thei tawh lo hrim hrim.








Tichuan an khaw lam chu chak zetin min pan pui a, nihnih hnuah buaina nei vak lo in kan lut ve mai bawk.







Apa chu Lal fel hmel tak a ni a, mahse a fapa in ka duhlo chung min hruai pui tih erawh ka hrilh duh lo, a fapa a tan zawk tho a nga, ka tan buaina a tam mai mai dawn in ka hriat vang a ni.









Tichuan an khua a ni thum kan awm niah chuan kan in nei ta a, mahse a zan a min mutpui a tum lai chuan ka thla bi neih a rawn in tan chiah a, vannei in ti zet chuan ka lo hnar vat, a mah duhlo thlu tawp ang chuan ka awm duh lo a chhan chu tlan chhuah hun ka zawn reng vang a ni.









"UMawite, kan khual valte hi an hmeltha in an fel hlawm teh a sin, mahse an zing a pakhat chu a damlo a, a mu reng a" Ramngheta nau, Ramtei a ni, "Umm" tih te chuan ka chhang a, tlanchhuah dan tur ka ngaihtuah nasat em vang a ni.








"Ui, Uchuhpuia nen phei chuan thing te kan phur dun a" a rawn ti ta mai, meng kawk in ka en nghal ha, "U, U chuhpuia i ti em ni" ka ti a, a bu nghat nghat a, an awm thin dan zawng zawng chu a sawi vek a, a nu leh pa te hrilh lo tur chuan min ngen nghal bawk, "A fa ka pai maithei a ni" a tih leh sa sa chuan ka na zawk zawk thei, Uchuhpuia a ni nge nilo pawh ka hre lo a nia.






"Ramte, i lawmpa chu rawn hruai ve la" ka tih chuan "Aa len pawh a rawn leng ngam lo" tiin a nui har har a, apa in Chuhpuia thianpa chu khawkhat Lalfapa a ni tih a hriat vang a a tih that hle thu a sawi leh lai chuan ka rinhlelh na a nasa sauh, mahse ka nat mai mai ka hlauh vang in an khaw hming erawh ka zawt duh ta lo.









mahse a tuk zing tui chawi tur a hma tak a ka kalin tuikhur piah deuh a mipa pakhat lo ding ka hmuh chuan ka mak ti hle a, ka hlau deuh bawk.









Hmanhmawh takin tui chu ka thal sawk sawk a, mahse min rawn pan a ni tih ka hrethei, ka hlau rilru tawh takzet.








"Nula" rawn ti tu aw vang chuan ka phu zawk, a aw ngei a ni, ka la hai hauhlo, a ma aw ngei kha a ni, ka hawi chhuak a, ka hmel hmuh chu ka rin lawk deuh tho mah nise awih a har ka ti a ni, ka lungchhia chu a kaitho bawk a, a ni pawh chuan mak a ti hle tih a hriat theih, a mit ah tak en chung chuan ka mittui a luang char char a, a awm ah min kuah bei nghal thlawp.






"Mawite, nang hetah maw" a tih chuan ka tap chhuak hawm hawm a, mahse thawm a hria a ni ngei ang, ka hmui chu rawn hup vatin thing hmun lamah chuan min pil luh pui vat.








Parthani's P.O.V








Hmanhmawh taka kan kal sawk sawk chuan khaw pakhat zau pui kan pawh hlawl a, tlangval pakhat hi kan lam pan in a rawn kal mek bawk.








"Eee, Pasaltha te u, in va hlauhawm thuau thuau ve, mahse kha hmeichhia te nen in ni nuk a" tiin min rawn be nghal a, a hmelah chuan sual hmel a pu hauhlo.









"Nie hei, kei ni khualpang zin tur hian rem in ti hre fahran in pumpelh lam kan zawh e kan ti a mahse hei kawng kan bo a nih der hi, hei khawi khaw ram valh chin nge kan awm na pawh hi kan hre ta lo" tiin nui sang in Uchhingan s lo chhang vat a, "Aw a ni maw maw, Kan khua hi LalSaimana khua Khawhai khua a ni a, keihi Chalkunga ka ni e" a tih chuan thil ka hre chhuak zawk, hepa hi Keimi a ni, He thawnthu a main bet te pui tur a ka ziah a ni, hepa hian min pui thei ngei ang le.








"A ni maw, a nih chuan helai atang hian Diakkawn hi a la hla em" Uchhinga bawk chuan a ti leh a, "Hla ve thawn khat a ni ang chu, tlangval chak tha tan pawh ni hnih kal vel a la ni" a tih chuan kan rwi dawn lutuk a ka hriat vang in, "Ukung a nih chuan min pui thei a ngem" ka ti ta rawih a, a lo hamhaih hmel hle.









Midangin an hriat vak ka duh pui loh vang chuan ka hruai hla deuh a "I nih na ka hria a ni, khawngaih in min pui rawh" ka ti leh a, mak min tih hmel hle, "I sawi awmzia ka hre hauhlo mai nula" a rawn tih tlat takah chuan "Nang hi Keimi i ni tih ka hria" ka ti leh a, ka nghawng ah a rawn rek nghal chawt, "I duh duh nang hian sawi suh" ha chang thial bawp bawp chung chuan a ti a, Uchhinga chu a rawn tlan phei nghal a, tlangval dang ho pawh.







"Thlah nghal vat rawh, thih i duh loh chuan" tiin silai in an rawn tin a, mahse ka lo khap vat "Khawngaihin, kan tlai chuan ka hmangaih ber ka chan dawn a ni, khawngaih tak in i thian te nen min pui a nih chuan an hnen chu a hun takah kan thleng thei ang" a mut ah tak en chung chuan ka ti leh ta a, in ngaihtuah vung vung hmel hi a pu a, a hnuah chuan lung thlu zan loh hmel tak chuan a bu nghut a, ka nghawng a a reh na pawh a thlah nghal a, ka thaw nghal kawk kawk a, Uchhinga chuan min rawn pui vat.








"Ka pui thei ang che u, mahse ka thiante chu ramhnuaiah an awm vek a, kan koh an ngai dawn a ni, keimah ringawt chuan ka pui vek seng lo ang che u" ti nghut in ram hnuailam chu a pan a, "Ukung i chhungte i hrilh dawn lo em ni" ka tih chuan a lu chu thing ringawt in, a kal zawm hmawk hmawk a, mak ti zet a min en tu Uchhinga leh Tlangval dang ho chu melh kual dan dan in, "Nakinah ka hrilh fiah ang che u" ka ti a, Chalkunga hnungah chuan kan zui diah diah hlawm a.







Chhunzawm tur.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 22nd, 2022, 10:35 pm

Rochuha's P.O.V





"Mawite engvangin nge hetah i awm" ka tawng ring duhlo, a mit ah tak chuan ka en ran a, a chhungte a tlawh em ni a, mahse a chhungte tlawh nise khatiang lungchhe van kai khan a tap awm silo a.








A mittui te hru a, ka mit ah tak min en chuan natna ka hmu thei, "Mawite" ka tih leh chuan ka lak atang chuan a in la hrang vat a, "Kal ka ngai" tiin in her a kal mai a tum a, mahse ka lo phal teuhlo.








"Heta i awm chhan i sawi hma loh chuan khawiah mah nang emaw kei emaw hi kan kal lovang" tiin a ban ah chuan ka vuan deuh ran.









"Ka kal a ngai" a ti leh a, "Sawi phawt rawh" chhum hmuk chuan ka ti leh, "Pasal ka nei tawh, ruk chhuah ka ni" a tih chuan ka rilru a rawn awm chu thil pakhat chiah a ni, thinrim na in min tuam nghal tup tup bawk.








Mawitei's P.O.V









"Pasal ka nei tawh, ruk chhuah ka ni" ka in rin hma chuan ka sawi chhuak a, Uchuhpuia chu a thaw deuh hrawk, "Tu in" ti deuh hmuk in a lam ah chuan na zetin min pawt hnai a, a thinrim hmel takzet a ni.









"I lawmnu unaupa in" a mit ah chiang zet chuan ka en a, a lawmnu a nih loh thu te, engtin mah an la khawsak dun loh thu te sawi tur in ka duh takzet a ni.









"A khawih tawh che em?" hniam ruih a a rawn tih tak daih ah chuan ka thinrim in ka rilru a na takzet a ni, ka kut chu phih thla sawk in, "Chu chu eng atan nge i tih" ka ti deuh hmak a, thawm kan hre nghal zat, Ramngheta leh tlangval dang sawmhnih rual chu an rawn lang nghal zat bawk.









"Mi hurnu, mipa i lo tawm pui ngam a maw, engtinnge i ngam zawk" tih leh Ramnghet a chuan ka sam a rawn tham a rual a, a tham na bawk a, ka lu chu a hit nghal mup thei ka rak deuh that bawk.









"A sam hmawr pawh kha khawih hlek suh" thinrim lutuk vang a ha chang thial bawp bawp chungin Uchuhpuia chuan a rawn ti chhuak leh hrawk a, mittui tling piau in ka lo en reng.









"Mikhual tlangvang ve mai mai lehnghal, ka tlangval te u, he migring hi chil hlum nghal law law rawh u" tiin ka sam a min hnuk chung chuan min kal pui a, Uchuhpuia chu an sual rawn nghal a, mahse a lo bei let ve nghal, mahse an tam hneh em a, hriam a hum lo bawk nen.








A hnu deuh ah phei chuan ka hmu pha tawh lo, mahse a beih pui te chu a zah ve vel an tlu tawh tih chu ka hmuh hnuhnun ber a ni.









"Kapa kan mihur nu hian a thla tin hun bi kha a lo chhuan lam mai mai a nih hrep hi, mipa dang a lo tawm pui awt awt a" tiin Lalpa upa te hma ah chuan min theh tlu deuh tawp a, min sawi dan vang a ka zah em vang chuan ka kun deuh chal.









"Eng nga i sawi a!" Lalpa chuan a rawn ti thawt a, "He kan mihur nu hian Mikhual tlangval Sethlun tlangval nen khan tui khur piah ah an lo tawm dun lai a hmuh thu Chhiarin min rawn hrilh a, rang tak a kan zuk tlan thlak nak chuan thing lian tak tak phen ah an lo awm dun chu niin an lo in zut kual vel a" tiin rilru nat hmel zet chuan min en a, ka khawngaih ve takzet tun a a rilru na hmel hi chu, mahse in sawifiah kual ka tum lo, tun a ka nat na tawh tawh vang hian thih daih mai a ni ka chak tawh.









"Uram min that mai rawh" ka chak na neih zawng zawng sawng khawm in ka tawng chhuak a, a nui deuh hak "A teuhlo mai, i thi aw kawng lo ang" tih leh Lal te thut na atanga hla tak pindan ang a an pin hla zawk ah chuan min pawt lut a, tih luih na chuan min khawih a tum ta mai.









"Khawngaihin ti suh" tiin tap zawih zawih in ka ngen az mahse a hmel a zahngaihna ka hmuh thin a kha ka hmu tawh lo, a hmel ah chuan ramsa hmel chiah chiah a ni ka hmuh tawh.









"Ramnghet, hmeichhia ka tiang in an ti ngailo" ti a Lalpa lo au ve pawh chu a ngaithla tawh lo, ka puan chu a pawt thla lawp a, a puan pawh thlak ve a tum lai tak chuan tu in emaw a rawn tham tawk a, puan zar lehlam ah chuan a theh chhuak nawlh.









"Mawite" tiin min rawn kuah thlawp tu chu tap zawih zawih in ka lo kuah let a, ka puan chuan min rawn khuh nghal.









"Uzir" tiin ka tap chhuak hawm hawm a, "Nang khan hmeichhe awm nem zawk chauh maw i khawih ngam ka that dawn che" tih leh Ramngheta pan leh chu a rual a, "Pasaltha engnge thil awmzia hi" Lalpa chuan a rawn ti a, a hmel ah chuan a lawm chiah lo tih a hriat.








"Lalpa nang hian i hre lo a ni maw, I fapa hian a nupui hi a duh vang reng nilo in a rawn hruai lui a ni, chuan tun a i mo hi, ka thianpa lawmnu a ni bawk" tiin Ramngheta chu a tham a, Lal tual ah chuan a theh thla nghal tawk.








Kawngka bulah chuan ka dak a, Laltual lai a, Uchuhpuia a chem nen a a hmel dur khui nen a a lo ding ka hmu nghal a, Uchuhpuia chuan Ramngheta chu a pan nghal a.









"Heihi ka khua a nih hi, tu in nge rorel turin thu neih na pe che u, Ka fapa kha hnaih hlek suh" Lal leh upa te chu aluh ka puiah an va dak chhuak a.









"Nang kha lo ngawi hmak rawh" tiin Uchuhpuia chuan Lalpa chu a chem in a rawn kawk vu mai, Ramngheta chu Uzira'n chem a theh thlak sak a, "Char rawh, thih i duh loh chuan min bei let ang che, min hneh a nih phawt chuan kan zuah ang che" Thum chhak in Uchuhpuia chuan a ti a, Ramngheta chuan thinrim ve hmel zetin chem chu a chhar a, "Nang ni hian kut min thlak vel a tiraw, ka that khawp ang che" tiin Uchuhpuia chu a pan a, a bul a thleng teo tih ah chuan a chem chu a vai nghal pawp a, Uchuhpuia chu a lo kun zauh, a thinrim na chuan hneh in a fimkhur na a hloh vek ang tih ka hlau hle, chutih lai chuan mipui ho pawh an lo pung khawm nasa tawh a, khaw tual tlangval te pawh val upa in che lo tur a a tih vang chauh a, che lo an ni.









Ramngheta chuan a khan loh em vang in tlu ang in leiah chuan a thingthi hnawk a, chutih rual chuan lei a tham sak bawk, chu thil ka hmuh rual rual chuan ka rak that a, chutih rual chuan Ramngheta chuan a lei tham chu a hma lam ah a theh thawt a, mahse a hma ah chuan tumah reng reng an lo ding lo.









A hnunglam a tangin Uchuhpuia chuan "Tenawm lutuk" ti deuh hluk in lu per nawlh in Ramngheta chu a sat ta chawrh mai, chu tih rual chuan silai a rawn puak thuai a, Uchuhpuia dar ding lam chu a kaw nghal phar mai, chu velleh Uzira chu au deuh that in Uchuhpuia lam ah a tlan phei a, mahse a lu verh hawk a silai in a rawn den tak ah chuan a bawk deuh thlawh a, Uchuhpuia chu van lam hawi in a au nghal nghek a, beidawng zetin keipawh chu Luh ka ah chuan ka thingthi deuh hawk.










Parthani's P.O.V









Ka mumanga ka khaw hmuh ngei kha kan lut ta, a lo reh thuap a, Keimi Sakei lian tak tak chungah chuan kan chuang deuh far.








"Uchhing Lalmual lam lo han pan rawh u" tiin in tin chu ka melh kual a, chutah in pakhat chhungah chuan thawm a rawn awm rak, Chalkunga chu mihringah rawn chang in chu in lam chu kan pan nghal a, kan va luh chuan mipa pathum hian UTlankima chu an lo veh mek a, Chalkunga chu Sakei ah chang leh nghal in chung mi pathum te chu in atang chuan a theh chhuak nghal lawp lawp, in bang pawh chu a pawp huau hlawm.








"Utlankim" tiin ka pan nghal a, Chalkunga chuan a hliam chu a rawn en dik vel a, "Tur a nih hi" tiin a ipte atang chuan hnahthial a thil in fun mum deuh pel pul a pawl hi a rawn phawrh a, rawn lek kang in "Thial sawm a, ei tir rawh, a tha nghal mai ang, Lasi ho min pek a nih kha" a tih chuan thu awih takin a thil min pek chu ka thial sawm a, ka ka hmangin Utlankima chu damdawi chu ka fah a, rei vak lo kan nghak a, a taksa chhung lam atang chuan thil eng pawl a rawn chhuak a, a rawn rum nghal tiah tiah bawk.









"Utlankim" tiin ka lo hnaih nghal thuai a, a rawn men chuan na nei miah lo ang in a awm a, a rawn in perh tho awt a ni ber.








"Parthan, nang hetah maw" a tih chuan "Eng mah sawi hman a nilo, Lalmual lam kan pan a ngai a ni" tiin pawn lam chu kan pan a, Chalkunga chu Sakei ah chang leh thuai in Utlankima mak ti leh in ring nghal awt chu "A tha vek, thian a nih hi" tiin ka kut chu ka pe a, in thlah dul tial tial in a kut chu min rawn pe in chalkunga chungah chuan a rawn lawn ve a, Lalmual lam chu chak takin kan pan nghal a, Lalmuala ruang tam tak kar a Uchuhpuia mi lo pawm vang chuan ka rak nghal that, kan va pan hniah nak chuan Uzira pawh a bulah chuan Nunna nei tawh lo tih hriat zetin a lo nu ve reng bawk a, a pawm Mawitei pawh chu thisen in a bual zuih bawk, Utlankima thinrim lutuk mit meng in thlak nghal hawk chu ka rap lek lek.








A chem tum nen chuan Lalin luh ka a lo ding Lalpa chu a han pan a, "Tlangval zah ngai zah ngai" khur dar dar hian a lo ti , "Lal kut an thlak ngai love" a tih zawm leh.









"Ka tan Lal leh lal lo in danglam na in nei lo, hmeithai fa nen in nun na hlut dan a in ang reng" tih leh a lu sah per nawlh chu a rual nghal a.









Chhunzawm tur.






(Min lo chhiar sak thin vang in ka lawm e, next ah chuan Last kan tum tawh dawn nia😊)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 22nd, 2022, 10:35 pm

Last.








Parthani's P.O.V








Rang takin Uchuhpuia leh Mawitei chu ka pan a, Mawitei ka va en chian chuan a lo la thi lo hloh, "Ka hma ah a rawn ding a" Uchuhpuia chuan sawi supin a rawn ti a, "Uchuhpui, a khawiah hian nge hliam a neih" tiin Mawitei chuan ka dap kual a, "A hnung zâng ah" a tih chuan bu nghat in "Lalin lamah khian pawm chho ang u" ti a, meng aaa ruai chung hian dingin a pawm nghal nawlh a, Utlankima ka va en ve leh chuan a ni chu Uzira bulah a lo thu a, a ni leh ni lo ang in a mittui a luang zawih zawih, mipa hi an mittui a tlak tawh chuan an na thawkhat a ni tih ka hria, a thian a chan a, a nat tur zia hrethiam chiah lo mah ila, pawi ka tih pui takzet, Uzira kha ka mi ngainat em em a ni ve tlat.










Ni tam a liam tawh, Mawitei a la harh theilo a, Uchuhpuian a thut chilh run reng ti ila a dik ber ang, engmah a ei mumal lo, kan han tih luih chang hian a ei ve a ni mai, Buarpui khuaah kan la awm reng bawk a, Mawitei zawn sawn chi ni hek lo.










Mahse Kar 3 dawn chutia Mawitei harh tawh lo chu a thi mai dawn emaw kan ti vek tawh, mahse Nikhat chu a rawn thaw kawk a, a thawk chu a tawp zui nghal a, mahse ka pan vat a, ka thiam ang ang a CPR ka pek hnuah chuan rawn thaw leh kawk in a rawn meng kawk a, a khuh nghal bawrh bawrh bawk.







"Mawite, i tha em, i tha tiraw" tiin kan ko nghal mawlh mawlh a, a hawi kual a, Uchuhpuia ah chuan a mit chu a tawp chat a, a mittui a luang nghal zawih zawih a ni ber.










"I tha tiraw" tiin a phun sep a, "I mawl em ni, engvangin nge i rawn in dawh, thi thei lo emaw i in ti em ni" ti a hau bawrh bawrh in Uchuhpuia chuan a kuah nghal thlawp a, mahse Mawitei chuan a lak atangin a nam sawn nghal dawrh.









"Min kalsan rawh" a ti ta daih, "Mawite" ka lo ti vat a, mahse Utlankima chuan ka ban ah vuan in pawn lam min pan pui ta daih.








"Utlankim, khaw maw min thlah teh, kan sawi fel pui a ngai a nia" ka tih lai in a ni erawh chuan, "An pahnih in kar thu a nia, kan in rawlh chhan tur a awm tawh lo, puitling ve ve an nia, an in sawi fel ve thei em em ang, tun a kan buaipui tawh tur chu kan pahnih kar thu ve hi a ni" a tih chuan ka hawi aaa deuh hu, "Engnge sawi tur awm" ka ti a, a lu a thing nghal nawk, "Palai tirh" a ti leh sup a, lai zet chuan hmun dang ka en ta daih.











"I duh em" a rawn ti leh vat a, "Ka, Ka hrelo" ka lo ti nawk nawk.










"Kan haw hunah" a ti a, luhka ah chuan a thu nghal thurh a, a thutna bul chu a beng thuk thuk bawk, rawn hawi chho in a nui deuh suk bawk a.










Chu tih lai chuan ngui zetin Uchuhpuia a rawn chhuak a, kawtchhuah lam pan in a kal vâwk vâwk a, Utlankima chuan min melh zawk in a thut na atangin a zuangthla a, a um zui vat, keipawh chuan in chhung lam ka pan a, Mawitei chu ka hnaih nghal bawk.










"Thante" tiin a lo tap hawm hawm a, Buarpui Lalfanu Ramtei chuan nuih sawh hmel fe a a lo en lai chu ka hmu a, a awmzia ma hre chiah lo.








"Mawite ngatinge hetiang a i awm a, Uchuhpuia hian a hmangaih takzet che tih ka hria a ni" ka tih lai chuan min lo pawt chat a, "Lawmnu a nei a lawm, a rai maitheih thu chu nu ka atang chuan ka hre bawk" a tih chuan mak ka ti takzet, "Tunge chunu chu" ka tih leh lai chuan Lalfanu Ramtei pawn a buh a deng chu a melh a, ka hrethiam ve mai.










"Ka awih ve lo" tih leh Ramtei lam pan chu ka rual a, Mawitei chuan min ko let tawk tawk mahse ka beng khawn duhlo.











"Dawt vek a ni tih ka hria a nia" ka va ti ngawt a, bang bo hmel leh pawisawi loh hmel zetin min lo en a, ka ten lutuk, nichin a a hmel kha ka hmu hman lo emaw a ti a ni ngei ang.











"Eng chu maw" kan ngawih vang vang hnuah a rawn ti leh a, "Ka Nutapa hian nang ang hmeichhe rilru chhe lutuk hi a duh ngailo ang che" ka ti leh a, a nui deuh hak, "I u nen hian kan chesual tawh tih chu hriat thiam har i va ti awm ve" ka mit a min melh ran chung a a tih chuan ka in sum theih na a paih bo zo a ni ber, a sam ah tham nawk in in chhung lam pan in ka hnuk dawr dawr a, a rak chiam lehnghal, mipui pawh an rawn dak nghal tiam tiam bawk a.









"Tenawmnu, tih mualpho i duh loh chuan thudik tak chu sawi nghal vek rawh" tiin Mawitei mutna hma ah chuan ka theh thu hnawk a, rum lutuk a min en chung hian "I u fa ka pai tih hre rawh, hetiang hian min ti a ni tih a hriat chuan i chung a a thinur dan tur ngaihtuah rawh" a la rawn ti ve talh.










"Ka u fa i pai theih dan kawng hi a awm lo hrim hrim" ka tih chuan a nui leh hak a, "Engvangin maw a awm loh, kan mu dun a" a tih lai chuan "Ka u hian chi a thlah thei lo hrim hrim" ka ti thawt a, a meng nghal kawk kawk a, Uchuhpuia leh Utlankima te hman hmawh zetin an rawn tlan lut ve bawk.









"Uchuhpui, i nau sawi hi a dik lo tiraw" Ramtei chuan tap tiau hian Uchuhpuia chu a pan a, mahse Uchuhpuia chuan a lo hlat vat a sam thur bum leh ka kut a sam kai nuaih chu an en tawn sek a ni ber.










"Thante, engnge thil awmzia" Uchuhpuia chuan a rawn ti a, "Kau ka tihpalh henu hian i fa a pai thu a au pui chiam a, i chi thlah theih loh thu ka lo hrilh a lawm le" ka tih chuan Utlankima a lo nui phuh thawt, a in sum hman bik lo a ni ngei ang, "Parthan, min tih mualpho i tum em ni" Ka beng bulah chuan a rawn ti su su a, "Ka u, zak reng reng suh, henu hian i fa a pai loh zia fiah nan hian ka sawi a ngai tlat si a ni" ka lo la ti leh lung lung a, ka hmui a rawn hup nghal vat, "Ramte, i hriat chian kha, kha mi ni khan i chungah engmah ka tilo, ka hmaah i puan i phelh chung pawh in ka khawih duh lo che a nih kha, nangmah vang a ka hmangaih thinlung a nat hi ka duh hauhlo, i dawt sawi kha bansan bawk rawh" hniam ruih lawm loh hmel zetin Uchuhpuian a ti a, Ramtei hmel chu a khawngaih thlak zawk e, Mawitei hmel ah pawh chuan lungawina chawp leh chilh in a rawn lang chhuak nghal bawk.










Time Skip.










Utlankima nen pawh kan in neih ni a hnaih ta viau, kanu leh kani te nen Sethlun ah chuan kan awm ho a, kim lo viau mah ila kan hlim ve viau tho.










"Uchuhpui, min in neih khalh dawn a, ka lawm thak lo a nia" ka tih chuan a nui huk huk a, "Kan faten in fate an vel a nga ti nia, in hmanhmawh lo em a nih kha, kha leh chen ram palai leng a kan vah ho lai te khan in beng lo hup ru ti mai ula chuan tun ah te hian i puar luah tawh ang chu" Ring zetin a ti a, ka chum nghal vak vak, mawl lung lung lutuk mai.









"I faten ka fate an vel awm lo em mai, chi pawh i thlah theih der loh kha" Utlankima pawh chuan lo ti ve in Uchuhpuia nen chuan an in buan nghal ti tih.









Rei vak lo ah Uchuhpuia chuan Mawitei te in min pan san ta a, Utlankima nen chuan in si rial in kan thu dun a, kan phun ve sap sap.











"Ka ta i ni tawh a nga, i ta ka ni bawk ang, chumi hunah chuan thihna chauh lo chuan min then hrang tawh lo ang" zak chung chung a ka tih chuan a nui suk a, a ni pawh in "Thihna pawh in min then hrang lo ang" a ti ve a, ka hnar chu a rawn tuai zauh bawk.










Uchuhpuia te chu naktuk mai a in nei tawh tur a ni Mawitei te pawh Sethlun ah an rawn in sawn a, a nu nen a khaw hran a awm kha a zuam ngang lo a ni.









Uchuhpuia te in neih kan hman zawh hnu lawk ah kan in neih a thleng ve lehnghal a mahse kan in neih ni a thil thleng erawh a duhawm lo takzet a ni.










In neihna kan hman zawh hnu lawk, ruai theh lai, hlim taka kan awm lai chuan silai a rawn puak dur a, ka tlu deuh tawp, nikhua ka hrelo zui nghal, Utlankima chuan min rawn dawm nghal vat a, min pawm lawk in in chhunglam min pan pui nghal a, Tlangval ten Silai puah na lam an pan nghal bawk mahse reilo te ah ka harh tha leh viau tho, ka meng a, Utlankima chu ka bulah mangan hmel zetin a thu a, "Utlankim" ti a ka auh pawh chuan a hre lawk lo, a hmai ah chuan ka chul riak riak a, mahse chu pawh hria ang in a awm lo, "Utlankima ka tha a nia" ti a ka thawh chhuah chuan ka zâng deuh hawk hian ka hria a, ka mut na lam ka en let leh chuan keimah tho ka lo la mu, "Engnge thil awmzia hi" mangang zet chuan ka au chul a, mahse ka au thawm chu hria awm ang pawh an awm lo, ka taksa khum a la mu chu an en thup ringawt.









Chutih lai chuan hmeichhe aw nalh zet kha ka hre leh ta, "Sangpui, i haw a ngai tawh a ni, heta awm hlen thei i nilo, i hna i zo fel ta e, i duhthusam chu i thawnthu ziah zawh fel a ni a, tunah chuan i zo fel ta" a rawn ti a nih chu, awih lo zet hian ka hawi kual a, "Mahse , Mahse ka kalsan theilo a sin, engtinnge a tello in ka awm theih a nga, ka tello in a awm theih ang" tap pur chuan ka ti a.








"I tello in tumah an awm lo ang" a tih chuan Utlankima chu ka zuk en leh thin, a hmel ah chuan ka kalsan a hlau takzet tih ka hria, "Mahse" ka ti a, ka sawi zawm thei tawh lo.






"Lo kal rawh le, i haw a hun tawh e" a ti a, a kut chu min rawn pe a, ka hawi let vang vang phawt, 'Utlankim, ka tihpalh aw, ka kalsan che vang in' tia phun sap sap in Hmeichhe kut chu ka vuan a, a eng pup a, ka meng nghal kawk, "Sangpuii, i aa em ni, tinge i thawk vak vak a" Dindina chuan a rawn ti vat a, ka hawi kual a, ka room ah ka lo awm reng tawh, rang takin ka laptop ka va pan nghal a, ka thawnthu chu ka en nghal, a tir atangin a lo in thlak hlawk.










A tir a ka ziah dan nen khan in an na pakhat mah a awm tawh lo, tun a ka thawnthu hi chu, ka mumang a mi ang vek khan a lo in ziak tawh, mak ka ti takzet a ni, hriat chhuah thut ka nei a, a tawp na chu ka en leh vat.










Ka mittui chu a tla nghal sawk dawt min hrilh a ni, an bulah ka awm reng thu a sawi a, mahse ka awm renglo, kha ni kha ruai theh na ah khan silai a puak kha a nia, chu silai chuan Parthani chu a fuh a, ti chuan a boral nghal a ni, ka tap chhuak hawk a, Dindina chuan min rawn kuah vat, "Heyy, ngatinge hetia i awm, i thawnthu submit a hun dawn a nia, in siam vat teh" a tih chuan ka mittui ka hru thuak thuak a, ka han en nawn leh a, a heading a lo la awm lo chu niin.










A Heading a tan chuan 'Thihna pawh in min then hrang lo ang" tih chu ka vuah ta a.








Ka thawnthu chuan Competition ah pakhatna a la chiang hle, chawimawina pawh ka dawng tam malh malh hle bawk a, ka thawnthu chu kan district drama club ho in an film a an siam vang in Dindina nen chuan Hall lam kan pan ve a, an lo tan vel chiah bawk, vawiin hian an release dawn a ni.







Mahse chu ta Tlankima role play tu vang chuan ka meng kawk kawk a ni ber.









Ka mumanga Tlankima chiah chiah kha a ni, ka ang phuau a Dindinan ka hmui a rawn hup vat.





Film ka en chiah chuan ka mumang nen khan ka ngaihtuah kawp a, ka mittui a luang nghal zawih zawih thei, engnge thil awmzia hi.








ka mit chu ka chhing vang vang a, ka men leh chuan hmun var vek ah hian ka lo awm a, nula hmeltha tak khan, min lo pan mek bawk, "Engnge thil awmzia hi" ka lo ti vat a, a nui sang mai.









"Tlankima role tur i ziah lai a i mihrinh ngaihtuah kha a ni" a tih chuan ka ngaihtuah let a, ka tet lai a, ka crush kha a nia, Tlankima ka phuah chhan leh a hmel leh a mizia zawng zawng nen, mahse a len hnu a hmel erawh ka la hmu leh hauhlo.








"I ziah chhuah a, i thanwthu a i luh rual chiah khan Tlankima chu i thawnthuah i khung ve nghal a ni" a tih chuan mak ka ti takzet.








"Ka sawi tawh kha, i tello in a awm lo ang" tiin a bo nghal daih a, kei pawh chu ka meng ve nghal.









Film a a changtute awm khawm na lam chu ka pan a, Tlankima hmel reng reng ka hmulo, mahse ka zawh kual hnu chuan bathroom lam a pan thu min hrilh a, chu lam chu ka pan ve a, mahse ka hawi kual ngial pawn ka hmu lo, Bathroom ah lah tumah ka hmu silo.







Beidawng zat chuan Dindina awm na lam ka pan leh a, mahse bang a lem ziak ka hmuh chuan ka ding vang vang, Tlankima leh Parthani te Hlim tak a an thu dun lai a ni, a piah hret ah chuan Tlankima hmel ngui taka a thu lai a awm leh bawk a, chu lam chu pan in ka va khawih a, ka mittui a tla nghal sawk.









"Thih na pawh in min then hrang lo ang ka tih kha" ka hnung a aw ka hriat rual chuan ka ding mar zawk a, ka khur thei hial.







A tawp ta.


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)