MY PSYCHO BOYFRIEND BY Zualy Juneblies (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: MY PSYCHO BOYFRIEND BY Zualy Juneblies (Completed)

Unread post by Ngaia » May 29th, 2022, 12:58 pm

CHAPTER 25





Ka mu dawn tak ngial a mahse ka lu na et er thin chuan min ti nghet thei lo,ka thu chhuak leh hluai thin,ka chet hlek chuan ka bul a uite note hi alo bauh that zel









“Misual ka ni hleinem"ka ti sap a,tho deuh tharh in ka balcony lam kawngkhar chu ava hnim dun dun bawk,a che zia chu ka en reng bawk









“Hey enge a?" Ti a ka va kal hnaih chuan arawn let leh nghal a,ngai thu tak ta em em lo chuan ka pawm hmak bawk,khum lam ah ka pan pui dawn chiah tih in kawngkhar chu arawn ti chum dat dat a










Mali han ti dawn ila,ka room balcony atang a rawn luh a ching tawh ngai si lo,kawngkhar ka va hawn chuan tumah ka hmu hauh lo,chhuak deuh in a ka hawi kual a









Uiii ka rei! Ka phu nasa lutuk, Eric chu thuthleng ah chuan alo thu a min lo melh ngur bawk,hoodie dum a hak chuan a vun ngo lampang chu a kap eng zual









Luh leh ka tum et et a,kan inmelh reng ringawt tawng hmasak ka tum lo hi ani tawp mai,tun ah tak chuan ka hmu peih lo ani tawp









A tu amah in tawng kan tum in ka hriat si loh ah chuan luh ka tum a “Ding rawh!" Arawn ti cool ruih bawk,engah mah ngai lo in room lam ah ka lut tlang hmak a,kawngkhar chu ka kalh nghal hmak bawk









Khum lam chu pan in ka inkhuh nghal hmak a,ka thinlung chuan vakal a kuah tur in min tur et et,mahse ka hriatna tha zam hian a haw tlat si,inlum khup hmak in ka mit ka chhing nghal daih bawk.













“Mali..." Mali chu ka zawng ruai a,mahse ka hmu lo,kan classroom pawn lam ah chuan chhuak in ka va zawng leh a







Ka la hmu Chuang lo,ka lam pan a Eric alo phei chuan Mali awm na ka zawt vat a,inhnuai lam ah a awm ti in min lo hrilh mai bawk









Inhnuai lam ka pan lai chuan ka sir vel ah hian phun sup sup thawm hi ka hria a,a sawi chu a hriat theih loh mahse Eric aw ngei chu ani








Inhnuai lam pan a ka kal chhung zawng chuan chu thawm chu a awm reng a, Mali awmna awm a sawi ka thlen chuan tumah ka hmu bawk si lo









Ka hnung atang hian ka hmai nge ka hmui hi an rawn tuam thut a,thil rim hiar tak ka hip lut nghal hrawk bawk,chu thil ka kip luh chuan ka bo nghal vek in ka hria













Chu mumang atang chuan ka harh chhuak zawk a,ka mit ka meng nghal diar diar bawk,ka bek lum ther ther ka feel rual in ka haw phei a, Eric chuan min lo nuih ver ver










“E...enge hetah...keiii..." Thawh ka tum chuan ka kut lehlam chu chain in a inthlung tlat,pawh vak vak pawn a chhe dawn lo tih a chiang reng,keimah ka inti na zawk mai ang









“Bawihte..kan pahnih khawvel chiah a awm tawh dawn" Eric chuan nui suk hian arawn ti a “Min phelh vat rawhhh" ka tih chuan “Nope" nui chung hian arawn la ti reng tho









“Min phelh vat teh,khawnge ka awm hi?" Tal deuh nawk pah chuan ka ti leh a “Kan pahnih khawvel" a khabe dawm pah chuan arawn ti sup a








“Ka fiamthu lo ania Eric" ka ti leh hap “Ka fiamthu bik lo" arawn ti ve leh nghal a,amah ka en lah chuan mittla lo lek hian min lo en dauh dauh bawk










“Enge thil awmzia hi?"ka ti chhuak vak a,ka hmui rawn fawh zeuh pah hian “Ka ru chhuak che" arawn ti sup,sawi tur pawh ka hre tawh lo,amah chu ka en reng ringawt









“Tun atang chuan ti buai tu kan nei leh tawh lo ang,kan pahnih khawvel chu hetah hian ka din ang,kan fate....thil engkim kan ti dun tawh ang...engkim!" arawn ti a









“I â mi" sawi tur hre lo chuan ka ti chhuak hak,ka kut phuar chung hian maw.....“Nangmah vang hian ka â vek tawh,chuan kan hmelma pahnih hnawk sak zet te pawh kha an bo tawh"









“Tu kan hmelma,hmelma kan neih awm pawh ka hre lo" ka ti hmuk,ka biang rawn dawn in “I thinrim hmelthat zia hi i in hria em,kei lo chuan an hmu tur hi ani lo tawp"a tawp lam chang tha zet chuan arawn ti a









“Bawihte,ka thu i awih lo chuan ka mize pakhat i koh chhuak thin a,ka thu i awih erawh chuan i rin phak bak a hlim in ka siam ang che" ti in ka ban chain chu arawn phelh a









Min rawn pawm tho nghal bawk “Heyyy..." Ka ti that a “Ka suangtuah ang ngei in tun atang chuan kan awm tawh ang" rawn ti in ka bek ah arawn fawp a









“Min dah thla teh chuan thil awmzia ka hre duh ania,he tah hian engtin nge ka awm theih chuan...." Ka tih lai mek in khum ah chuan min mut tir in ka kawng ah arawn kuah a,ka awm ah arawn bei nghal hmak a









“Tho teh ka thaw tha thei lo ania aw" ka ti vak a “No,ka tho dawn lo" ti in min kuah nghet sauh sauh a “Thil awmzia chu sawi vat la,ka chhungte'n min ngaihtuah tawh ngawt ang"









“No,i chhungte ta i ni lo,ka ta chauh alawm i nih,kei lo chuan an tawk tur che ani lo. Nizan khan min tih thinrim zia inhria em,mahse zantin ka lo suangtuah dan ang chiah in ka che ta anih hi,min dem thei lo ang"arawn ti cool leh ruih a









“Tho vat teh!" Ka ti vak a,a che sawn duh eih lo “Eric ka ning ania tho teh" ka ti leh hap a,ka awm ah hmai phum in “Ka bul a awm nuam I ti lo ami?" Arawn ti sup









“Tho vat mai teh" ka ti ringawt bawk “Ka thawh chuan min kal bo san I tum ami?" Arawn ti leh sup a,a che zia naupang chhia lutuk hian tun ah tak chuan ka nuih ati za lo hle








“Eric....." Beidawng tak chuan ka ti leh hap a,ka huat lak lawh vang nge ni a che zia engkim hian min ti thinrim amah pawh hi ka hmu peih lo









“Anih thinrim tawh lo la" ti in a tho a mahse min pawt tho ve nghal in ka kawng ah min la rawn kuah cheu “Ka ning ania,ka haw dawn" tal chhuah tum chuan ka ti a








“Tum chhin la ka duat!" Tiin min thlah a,kawngkhar lam chu ka pan nghal vat bawk,mahse ka chhuah chiah chuan ka bo nghal vek in ka hria,room luh na tur pa 3 vel hi alo awm a







_____________________________________________



Eric Lalrinzuala POV







Thinrim lutuk chuan ka room ah ka lut a,ka thil tih ngei ah ka thinrim tih chu ka hria,thil ka tih hian nghawng anei dawn em tih lam ka ngaihsak lo









Ruatpuii phone arawn ring ral ral chuan ka en a, Mali bawk! Henu hi a hnawk sak dawn riau, Moses an a chheih kual mai mai tih lah a hre der si lo








“Hello" ka ti hmuk “Ruatpuii kha phone pe vat teh" arawn ti a,thinrim sa bawk si nen chuan ka vin ta hrep,phone chu rang mangkheng in a dah nghal bawk a









“Lalruatpui enge ka rilru hi i tih buai em em le" ka lu dawm pah chuan ka thu thla nghal a, classroom a kalh khum kha ka tum ani lo,ka thinrim lutuk insum zawh loh hlau leh kei lo midang a pan ang tih ka hlauh vang a kalh khum mai kha ka ni









A mitmeng ah hlauhna ka hmu lo a,ka chhuah dawn kha chuan a mitmeng mawi zet ah khan huatna ka hmu thei,chu thil hlei hlei chuan a hmeltha na ati zual









Midang a hnim hnaih ai chuan classroom ah khan awm reng se ka lawm zawk ang,vawiin a ka insum nasat zia lah kha a hre si lo,a hmel hmu tur ringawt pawn classroom vawi 5 ka chhuah san hman ania









“I game khelh dan hi a thing lutuk" kawngkhar atang chuan arawn ti a,a khawi ber ah pawh sawn lut se a chhuak thei Chuang lo ang,a chhan chu a chhuah na kawng ani miau lo a









“Bawihte nuam ila ti dawn chauh alawm" khum a in nem khalh run chuan ka ti sup a,a thinrim hmai sen tawlh tawlh chu hmuhnawm tak ani









“Ka haw duh" arawn ti a “I haw lo ang" ka ti hmuk,kan pahnih a kan awm hi chuan ka thinrim har thei em em leh lawi si a









“He hmun hi ka ngaina lo" Tukverh en pah chuan arawn ti leh sap a,ni e,tu hmeichhe innocent lutuk in nge ramhnuai ngaina ang









“Lo kal teh" ti sap in ka hui a “Tinge ka huat zawng tur hlir a awm hi i chin a!" Arawn ti hap a,tap mai tur hmel a pu deuh bawk









“Lo kal la ka hrilh ang che"ka ti a,rawn kal tum lo tih hriat tak chuan tukverh lam chu a melh reng ringawt,thil ngaihtuah a nei tih hriat tak hian arawn ti thaw chhuak hak a









Pan phei in a ban ah ka vuan a “Lo kal la!" Ka ti leh sup,a tang tlat reuh a “Luhlulnu" ti sup in ka pawm kang nghal lawp a,rawn au that in a chhuk duh thu arawn sawi vat bawk









“He....he...hetia i awm hian ka haw thin che" arawn ti tiau a,a mittui a tla chu ani nghal mai,phun hluk in khum ah chuan ka thut thlak pui a “Tihpalh!" Ka ti sup bawk









“Tihpalh i ti ziah a,i ti nawn leh ziah tho" tap chung chuan arawn ti leh a,ka awm ah kuah bei in a tap tih zia awm tum chuan ka hnung ah chul hliau hliau bawk









Nizan khan hetia chet hi ka tum miah lo,mahse ka inngaihtuah chian khan,kei lo midang pan tur ang a ka ngaih tlat vang in hetiang hian ka che ta mai anih kha.





👽


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 29th, 2022, 12:58 pm

CHAPTER 26







Vanlalruatpuii POV






“Ka haw duh ka tih chu" ka tih chuan a hma ang bawk in “Aih" arawn ti leh hmuk a,engtin nge ka haw ang









“Bawihte ka bul ah i awm char char tawh dawn!" Chiang fek fawk chuan arawn ti leh a,ka rilru hi a hah nghal ngawih ngawih,engvang a insawm na lo siampui kher kher nge maw ka nih le










Tun ah lem ka tal chhuak thei tawh lo anih hi,hetiang teh nuai hian thil a thleng dawn tih hria ila chuan.......










“Khawnge i kal dawn?" Ka tho tur chu min kuah nghet sauh pah hian arawn ti a,chhang lo chuan ka tal vak bawk









“Ka duat sual i chhuah chuan hremna a awm ania!" Arawn ti a,amah ka en chuan min melh ngur a,enge hmuh a tum pawh ka hre lo,min en Chiang em em ringawt









Hetia min en hian ka tah a chhuak tlat zel,new comer ka nih tirh vel a min en dan chiah chiah khan min en leh tawh,a hmel chu a tha thlawt mahse ka hlau tlat









“I fel chuan ka hrem lo ang che" ka sam rawn chul zeuh pah chuan ati leh “I mental health lam hi a Chiang vak lo mi?" Ka insum hman lo chuan ka ti chhuak phawng a,kha ka sawi tum ani lo mahse ka ka hi ka control hman lo









“Ka hma mi hian ka thluak a ti buai vek alawm" nui suk hian arawn ti a,ka thusawi kha min chhang ah pawh ka la ngai lo,a chezia hi a mak!










“Ka tia awm hi ka duhlo" tih pah chuan thawh ka thum leh a,min dang ta bik lo,chhuah na tur ka hriat mai lo vang chuan tukverh lam chu ka pan a









Pawn lam ka thlir chuan ka tim uar uar thei,thingkung lian pui pui te,chhum zing deuh riai te nen hian ka rap lek lek,hetiang hmun te hi khawi atang nge a hriat le









“Lungngai suh,i hlauhna te hian an la kian san vak ang che nuam ila ti vat mai ang" ka kawng a rawn kuah pah chuan arawn ti a,ka tawlh sawn deuh dawr mai










“Enge ni leh ta!!!" Arawn ti deuh nghut a,tun ah khan min ti phu Chiang lutuk,pawn lam ka thlir bawk nen a,a aw cool leh pa zet chu misual dawp nan a that viau ka ring









“Khawi hmun ah nge kan awm?" Ka ti sap a,khum lam pan pah chuan “Kan pahnih khawvel ah!" Awlsam tak hian arawn ti mai a.









“Min chhang tha mai mai teh" ka tih chuan khum ah a let nghal thak a “Mu ang,ka mut a chhuak!" Arawn ti sup thung











“Engtik ah nge la haw dawn?" Ka ti leh a “Haw ringawt hi ti lo teh i haw dawn Chuang lo" cool ruih hian arawn ti leh bawk









“Dar engzat nge?" Ka ti sap,rawn thu chhuak in min en vang vang a “4:00 PM" arawn ti sup










“Engaaaaaaa" ka ti chiam,zing chiah a nih ka la rin nen,tlai lam daih maw lo ni tawh a









“Aw bawihte surprise lutuk suh,i damdawi hnim luh kha a chak alawm" arawn ti leh bawk “Lo kal la,chhuah ka ngai ania" arawn ti leh sup bawk





He hmun ah hian min kalsan a tum amaw???

_____________________________________________

Malsawmsangi POV




“Ruatpuii chu call han tum leh teh Mali,kei chu ka rilru a hah e mai,nizan te kha chuan dam tak in alo haw asin mawle" Ruatpuii nu chuan mangang tak hian arawn ti a









“Lungngai suh,alo haw ve vat mai ang,thian dang te inah a kal pawh ani thei" tiin ka thlamuan ve mawlh mawlh bawk









Ruatpuii hian ka thil tum a hriat vang in a tlanbo ani thei mai angem le? Nge ni a Eric nen an tlan dun zawk mahse an tlan dun han ti dawn ringawt ila, Ruatpuii te inah hian arawn kal miah awm si lo a










“Eric in in ti thiam lo deuh ami?" Ruatpuii nu chuan ati a, Eric chuan “Chu tiang a awm lo" alo ti sup thung,hepa hian min mil vak lo tih chu a chezia atang hian ka hria









“Tu nge hria ang thudik chu?" Eric melh pah a ka ti chuan min rawn melh ngur a,a hlauhawm lek lek “I buaina tur ah chuan buai mai rawh" arawn ti hmuk bawk








“Ruatpuii pa chu ka call a a rawn haw vat ang" ka tih chuan Ruatpuii nu chu a thla a muang deuh,a fanu a bo tih a hriat khan a che buai vek









“Eric, Ruatpuii chu i zawng dawn lo em ni?" Ruatpuii a bo a mahse a mah ah hian hlauhthawnna ka hmu miah lo,min rinhleh hmel tak in min en a min chhang chuan lo bawk









“Zawhna chhan dan i theihnghilh ta ami?" Ka ti ve sak a,mahse engah vak mah a ngaih hmel loh “Chhan tlak ah ka ngai lo ani mai!" Arawn ti hmuk bawk









School ah lah Ruatpuii a hmuh loh hlek chuan kut thlak duh mai hmel a pu a,tun ah ngaihtuah awm khawp in a bo a,a engah vak a thawk si lo









“Ka kal phawt mai ange!" Eric chuan ding chung hian arawn ti a “Aw le!" Ruatpuii nu chuan arawn ti a,a chhuah dawn chuan ka zui chhuak ve nghal a










“Ka thiannu bo chungchang ah hian rinhleh deuh i nei em?" Pawt ding pah chuan ka ti a,a awm dan ah hi chuan en pawh min en peih lo,chu chu remchang ah la in camera te reuh te chu a bag ah ka bel hman











“Thiannu? You mean friend" kiai suk hian arawn ti a,a tawng hi chu a ngeiawm ve thei Chiang alawm










“Aw ka thiannu thiantha ber!" Ngam sarh chuan ka ti vat bawk “Ruatpuii lo i sawi na ah ka ngai ang,a chhan chu i thian emaw thian tha ber ani lo tlat" tiin bike dah na lam chu a pan a










Eric tlanchhuak chu ka melh vang vang a,ani hian Moses nen a kan ruahman na kha a hria chu vang ania Ruatpuii pawh a bul ah a awm tir a,a phone a lak sak










Ruatpuii room ah chuan chho in laptop chu ka on nghal a, connect leh neuh neuh a ngaih vang chuan ka hman hmawh ru hle









Eric hnung a ka bel miau avang in kalkawng ho chu ka hmu thei, Moses an min hruai thin na lam khawpui pawn daih lam ah akal, camera chung lam a ‘No signal' tih awm chuan ti Chiang thawkhat










A bike chu ati ding thut a,enge a tih ka en reng lai chuan a bag chu a peih pawp anih chu! Ka thil en lai pawh chu arawn chhia a,arawn blur nghal vek bawk










“I fing lutuk mah mah ani!" Ka ti chhuak hap a,engtin nge camera ka dah tih kha a hriat le,a tukhum ah mit a nei reng anih dawn kha.










Call ka dawng a Moses alo ni bawk
*Hello*

*Ruatpuii chu ila hmu lo em ni?*


*Immm*



*Min va chhang tha duh lo ve a!* Arawn ti hrawk a




*Umm ahhh....la hmu lo,Eric alo kal a mahse a ni hi ka ringhlel riau*





*Chuan*





*A hnung ah camera ka dah a,mahse...*




*Fimkhur thin rawn ka tih kha! Laktlak loh lutuk mai* he thu hi nitin min hrilh thin,ngai ah ka la nei thei meuh lo






*Engkim hriat tum ang che,anih lo chuan i tuar ang*





Phone chu a dah hmak a,phone chu ka hum ngawt ngawt “Lalruatpui a hma kha chuan bo ka ti thin mahse enge thleng ta hi,thi la Moses hi ka nei ve tawh thung ang!" Ka hriat tur chuan ka ti sap a









Ka ngaihtuah chian khan Eric hian a kawl ka ring chiah lo,mahse khaw pawn daih ah enge a tih ang, Eric hian alo kawp anga Ruatpuii rilru na hi a inthat ani mai lo maw...





Chu thil chu thleng ngei se ka ti!








👽


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 29th, 2022, 12:58 pm

CHAPTER 27
{Ka edit lo🧓}




Eric Lalrinzuala POV






Ka bag chu ka vawm nghal a,ka hnung a camera khan thawm rawn chhuah lo se chu ka hre hauh lo ang,hmeichhe â tak zawng anih kha











Kan in awmna ava hlat deuh avang chuan chak tak in ka tlan a,kawng a free bawk nen a nuam reuh phian, Ruatpuii kalsan rei ka hlauh vang a haw vat reng kha ka nia











Kan inkhawt ka thlen chuan bike ka park a,inchhung lam chu ka pan nghal vat bawk,kan room lam ka chhoh chuan Ruatpuii chu ala muttui hle










A bul ah chuan ka kal phei a,a hmeltha tak chu ka thlir vang vang bawk,a biang chu a tai tek a,a sam hnung lam chu a hnawk deuh niai a












“Ka ngaih hman zia kha hi i hria em!" Ti sup in a biang chu ka chul nghal zat,darkar reilo te chhung pawh khan ka ngai hman em em anih hi











“I zalen na ka tih chhiat sak che tih ka hria mahse min hmangaih ngawih ngawih tur in ka siam dawn che,ka tel lo a nun thlahlel lo ngawih ngawih tur in!" Ka ti sup a,a hmui ah chuan ka zuk fawp zeuh bawk











Chhuah san kha a hreh ve reng,mahse hetiang anih chuan rinhleh ka hlawh mai ang tih ka chiang











~FLASH BACK~






“Keimah chiah a min kalsan i tum maw???" Arawn ti vak a,a thinrim hmel chu hmuhnawm tak ani,a thinrim hi chuan tomato nen ka teh khin ber thin











“Lo kal teh!" Ka ti sup a,pawn lam a melh leh daih a “Hetiang ah tunge hmeichhia kalsan ngai i â tak tak tawh anih hi!!!" Arawn ti leh vak bawk











“Aw bawihte ka ruchhuak tawh che a,an hmuh leh che chuan an hruai haw leh ang che tih ka hlau alawm" nui chung chuan ka ti a











“Nui reng suh,chu tiang ah nuihzat na tur phakhat mah a awm lo" arawn ti ve leh vak a,a biang chu a puar tha tawh hle











“Aw nangte chu ka duati i nia,ka bul ah i awm char char tawh dawn lo,hetiang ramhnuai ah te chuan i thla a muang daih zawk lo ami?" Mit ko san zeuh chuan ka ti a











“Ka thla a muang lo fe zawk,a hrim hrim in i va tawngthei ta ve" arawn ti leh chiam a,kalsan hreawm khawp in a che anih hi











“Imm lo kal phawt teh" ka ti leh sup “Tun ah ti khan i tawp zawi leh em em a" hawi deuh hmak hian arawn ti leh bawk,a chezia chuan min ti nuih chhuak teuh hle











“Immm anih chuan khawpui lam ah ka kalsan che nga,heti lai hmun ah hian nangmah in ilo awm thei ang" ti leh in ka tho nghal tharh a











“Heyyyy!!!" Ka chhuah dawn chuan arawn ti chiam a,hawi let in mitko ka san ak thung











“I rilru ava chhe ve a,min hruai haw leh nghal rawh" arawn ti leh a,tum hmuk a en in a haw dawn tawh loh thu in ka chhang nghal hmak bawk











A thaw chhuak hawk a,a mittui arawn hnam nghak tiam tiam bawk “I ti ve ziah!" Ti sap in a tukverh lam chu a hawi daih,ka khawngaih leh deuh si chu va kal hnai in a hnung lam atang chuan ka kuah nghal than a











“Ka duat haw sawi tawh suh,a thleng ngai dawn Chuang lo"a ngawng fawh zeuh pah chuan ka ti leh a,a hmui hnuai lam chu a seh vak bawk











“K....ka haw duh alawm,hetah chuan min kalsan i tum zel a,ramhnuai thim zet leh a vel ami te nen hian ka rap vek!" Arawn ti tiau bawk











Thaw chhuak hawk in ka pawm kang nghal lawp a,khum lam ka pan pui hmak bawk,khum ah chuan ka mut a,min hnial lo,a bul ah chuan ka inthawlh ve nghal bawk











“Ka duat tui in rawh" ti sup in bottle chu ka pe a “ Ka tui a hal lo!" Arawn ti sap bawk “I hrawk a hnip vek ang" tiin ka inluih tir ta tho a











Amah chu nghet tak in ka kuah a,ka awm ah chuan ka kuah than bawk,a hnu lawk ah chuan tui ti tak in arawn thaw sek sek a,hetiang a thlen ka rin vang hrim hrim a,a tui in tur a muthilh na pawlh ka ni.









~End of flash back~







Vanlalruatpuii POV






Sava chiap ri ah chuan ka mu tui lai chu ka harh hlawl a,ka kawng ah nghet tak a min kuah tu an awm chuan ka rak nghal that











“Ka duat la mu ang......" Eric zing tho aw pa zet chuan arawn ti a,ka thla a muang deuh,mahse nimin a thil thleng ka hriat chhuah vang chuan ka au leh nghal vak a











“Enge ka duat???!!!" Eric chuan arawn ti vut a “Nang hiiii!!!!" Ka ti chhuak chiam bawk









“Enge kei hi?" Nui suk a ti in arawn a kut leh lam in ka kawng ah arawn ruah a lehlam in a tukum a dawn bawk,min en ngur leh tawh









“Tho teh....." Ti in a awm ah chuan ka nem vak vak a mahse ka inti hah mai mai,gym kal ang vel ka ni,a che dawt tih loh ah chuan a awmsawn lo reng reng









“Ka naute biangpuar te" Arawn ti chuan ka thin a sa phat a,ka tal nghal nawk nawk bawk









“Ka tho duh...kal teh" Tal chiam chiam chuan ka ti vak vak a,ahma ai nghet in min kuah amaw tih tur ani









“I tho dawn leuh!" Arawn tu sup chuan ka puak thei mai dawn “Dawn emaw dawn lo emaw ka tho duh ani mai"Ti vak a tal leh chian ka tum chu ka kut pahnih chu chunglam ah arawn vuan bet thut a









Ka chung ah chuan a bawk nghal run bawk,ka khum chuan thil ruh tak ka tawk fuh a,ka phu nghal zawk mai









“Nangte hi hrem na pek i ngai!" Nui suk hian arawn ti nih chu!








👽


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 29th, 2022, 12:59 pm

CHAPTER 28







Vanlalruatpuii POV




“Tho vat rawh ka Ning ania aw!!" Ka ti nghek,amah lah chu ala nui suk zui,ka ngei a ka ngei zia hi,a thusawi ber kher khan ka thin a ti rim











“Ka tho dawn lawm mahse ka thawh chuan enge tih i tum?" Arawn ti sup a,a zawhna te hi a ho thei si,mahse chhan har tak tak an ni ziah











“I thusawi a ho si tho vat teh........" Ka tih lai mek chuan kawngkhar arawn in chum bur bur a “Enge????" Ka ti chuan engmah sawi lo in min rawn fawp nghal ngawng ngawng











Min fawh dan chu ka phiantirh ata ka vawikhat tawn na ani,ka â vek in ka hria,ka thawk a sak talh mai,ka hmui chu a fawp dek dek a,a chang leh a seh leh vak thin











“Duh.....duh....duh tawk teh ka thaw thei lo!" Ka ti bah niai a,min melh ngur a,ka thawk a buai lutuk chu che lo in thawk ka la vang vang











“Hremna dang ala awm ania!" A aw chu a lawi ve rat mai,a chhan lah ka hre hrep lo!











Ka chet reng reng chu ka khawr tut mai,tho sawk sawk in bathroom ah ka lut nghal a, bathroom mirror a ka in en chiah chu ka rak that











“Dik lo a awm ami?" Eric chuan pawn lam atang chuan arawn ti a,chhang lo chuan ka hmui ka hup ta ringawt












Mirror a ka hmui lian ta sawt chu ka melh reng,ka biang lah chu a sen hlur a,ka chal sam lah chu chunglam ah a phir chho vek zui,ka zak lutukkk












“Lalpa ka zahna hi la bo hram teh,engtin nge Eric ka hmuh ngam tawh ang" ka ti sap a,tun ah hi chuan amah hmuh loh nan engpawh tih ka huam












“Ka duat i va rei ve!" Eric chuan arawn ti thut a,kawngkhar a hawn lai reng reng ka hre lo,ka au nghal vak a











 min tih hmel lutuk hian min melh ngur a,kei lah lai lutuk a inpal khut khut in ka chhuak nghal hmak,hnunglam a a nui ri suk ka hre thei












Khum ah chuan bathroom lam hnungchhawn zawng chuan ka thu a,ka lu chu ka dawm vang vang,thil ka hre chhuat thut!












Tunge kawngkhar kha rawn kik ta ang? Mahse tun ah chuan thawm chu a awm leh tawh si lo a,ka nu hian a hria anga min rawn zawng aniang a











Chu thil chu lo ni ta se......mipa um ah min ngai angem! Min ngai dik lo ngawt ang,ka bialpa nen inkhat ah kan pahnih chauh in ka cheng a,khawtlang tan chuan tlanbo ka ni tih na!











“Enge i ngaihtuah?" Ka hnung atang chuan arawn ti sup a,tun ah chuan ka phu tawh lem lo,mahse ka zahna erawh ala bo chuang lo











“Eng......." Hnunglam ka hawi chuan towel chauh veng in alo ding reng a,ka au leh nghal vak











“What?" Arawn ti a,hmalam ka hawi nghal daih “Engmah!" Ka tih chuan “Fel lo chu a awm alawm!" Ti in arawn pen phei a












Ka hma ah chuan arawn ding ta,a pian chu kei ngei pawh hian nalh ka ti,ka rilru a dik lo dawn tlat,hnuai lam ka bih nghal daih












Ka kut chuan bedsheet chu ka tham ngek bawk,ka hma zawn ah chuan a khup pakhat hian arawn thingthi a











Ka kut, bedsheet ka tham na chu rawn vuan in a hmer nghal salh “Min en lawk teh", arawn ti sup a











Amah chu ka en a “I hlauh tur in ka che miah lo ang,chuan....ka hmangaih che!" Arawn ti cool ruih a,engmah sawi tur pawh ka hre lo,amah chu ka en reng ringawt












Kei hi ka chhungte,thiante tang ni miah lo in hmangaih ka ni! “Ka hmangaih che! Ka kiang ah ka awm tir reng bawk dawn che" ka biang arawn vawn pah chuan arawn ti leh a












“Eric!" Ka ti sap,min hmangaih a,ka lawm bawk mahse ka chhungte ka hmu leh angem tih erawh ka hre lo chu chuan ka rilru a luah hle












“Enge ka duat?" Rawn tawlh hnai pah chuan ati sup a “Ka chhungte?" Ka ti sap,ni e,ka chhungte hmu lo in ka awm theih ka ring lo













“Theihnghilh rawh!" Arawn ti cool ruih a,ka biang arawn fawp zeuh bawk











“Kan thusawi nen a in mil deuh han sawi teh!" Arawn tih chuan ka bo hle,mit ko ka san ak chuan “Lawm thu sawi nan tal thil ti rawh!" Arawn ti a












“Eng chu?" Ka ti hu ringawt,enge sawi tur a min duh ni hepa hian












“Ka biang ah vawikhat kiss la ka lungawi mai ang!" Ka sir leh sir ah chuan arawn in nem khalh run a












“Inbual ka duh sia ti vat la!" Phur surh hian arawn ti leh a,tun ah chuan ka zah na pawh kha a bo leh tawh a,a nghawng ah vuan in a hmui ah zawk chuan ka kiss a












Ka thil tih in a thawng tih hriat zet chuan a che lawk lo,harh chhuak thut ni awm tak hian ka tukhum ah dawm in min lo fawp let ve ngawng ngawng











A hmui va si chauh kha ka nih vang in ka chhang thiam ve mai lo a,a chawlh phah lo bawk











“Nidang ah pawh ka la beisei zel dawn nia!" Ka hmui rawn tuai pah chuan arawn ti sup a












“Va inbual vat rawh!" Nui ver ver a ka tih chuan ka chal ah fawp leh in bathroom lam a pan a











Eric luh hnu lawk ah chuan lawm loh in ka nui ver ver a,inhnuai lam a kawngkhar ti ri ri ka hriat chuan ka ngawi nghal hmak











Inhnuai chhukthlak na ka hriat tawh avang chuan muangchang in ka chhukthla a,kawngkhar ri pawh ala awm reng











Misual an nih tak ah ti in kawngkhar chu ka hawng duh chuang lo,mahse tukverh arawn rik leh kharh kharh ah chuan hnunglam ka hawi vat a,parda a inzar avang in pawn lam ka hmu lawk lo












Va kal hnai a ka keu chuan Mali lek chu lo ni in,parda chu keu in tukverh ka hawng nghal a,mahse a indang tlat











“Mali?" Ka ti vat “Ruatpuii....." Mali chuan min ngaihtuah hmel tak hian arawn ti ve a












“Ruatpuii ka thusawi hi ngaithla rawh,hun ka nei tam lo a,rawn chhanchhuah vat che ka tum dawn nia. Eric hian a ru bo che nia,chuan sawmpuii te thian ho chunga thil thleng pawh khan Eric thil tih vek ani, Eric hian a ru bo che a,nakin ah chuan ala that ve ang che" arawn ti a













“Maw?" Ka ti ringawt,inchung atang a Eric min koh ri ka hriat chuan tukverh chu khar sawk sawk in parda ka zar nghal vat bawk











Eng thil nge Mali khan a sawi! That a? Chuan Sawmpuii chunga thleng kha Eric a thil tih maw! Mahse min hmangaih alawm,engvang in nge min thah ve rihngawt ang?













“Ka duat!" Eric chu step atang alo chhuk a,joker pants a ha tawp,kawr pawh a ha lo,a sam chu arawn hru thla mawlh mawlh a













“Tunge kha tah khan awm a?" Arawn ti vut a,ka bul ah chuan rawn kal in tukverh chu ka rawn hawng nghal vat a,vanneih thlak tak in Mali chu alo kalsawn hman hlauh












“Min that dawn ami?" Ka ti sap a,tun ah chuan thi sa ah ka in dah tawh, Mali thil sawi khan ka hlauhna a koh chhuak












“Enga?!" Arawn ti a,amah melh chuan hnunglam ah ka tawlh hret hret bawk, Eric chuan mak tih hmel tak hian min en a












“Sawmpuii i tih ang khan min ti ve dawn mi?", Ka ti leh sap,ka hlau lutuk hi tah vak mai ka duh













“Shit!!!!!! Tu in nge sawi?" Arawn ti hrawk a,ka phu nghal zawk,ka harh chhuah meuh chuan bang ka si dawt a














“Ti khan awm lo teh ka duat!" Arawn ti leh hluk thung “Min ru bo a,chuan mi....min thah i tum leh a!" Ka ti leh a












“I ngai dik lo anih kha,kha thu kha tu sawi nge ka hre lo mahse awi hauh Suh!" Arawn ti a











“Tu....tun ah hian k ...ka...haw duh...tuh ah!" Ka ti bah leh niai bawk,ka lo chhuk kher kher hi ka inchhir,mahse ka chunga thil thleng tur ka hriat phah a













Thaw chhuak hrawk in min rawn pawm nghal lawp a “Min dah thla rawhhhhhh" tiin ka au vak bawk












Room lam ah chuan min chhoh pui nghal hmawk hmawk a,khum ah min dah in ka kut chu chain in a thlung nghal mawlh mawlh bawk













Ka tap thei lo,ka mittui pawh a tla thei lo “Shhhhhh" arawn tih chuan ka tal vak vak a












Khum ah chuan min mut a,ka bul ah chuan arawn thu bawk,a lam ka hawi peih loh vang chuan lehlam ah chuan thei leh thei lo in ka in her nghal a













Ka sir ah chuan arawn mu thla a,ka kawng ah arawn kuah bawk,ka nghawng ah chuan arawn fawp zeuh a













“Ka duat inngaihtuah fim teh!" Arawn ti cool ruih bawk












“Ka hmangaih che min ti ani lawm ni!" Ka ti chhuak hap a











“Immm ka hmangaih che,khawvel ah ka hmangaih ber che!" Arawn ti leh bawk












“Anih chuan tinge min thah i tum?" Ka ti leh nghal a,arawn nui chhuak hawk mai












“Thah ka tum awm che ka hre lo ka duat!" Arawn ti let zawk a












“Ka hmangaih em em te hi engvang ngawt in nge ka thah ngawt ang,ka nunna i nih hi. Ka hmuh hmasak ber che kha ila hria em,ka tan chuan kha ni kha theihnghilh a har lutuk tlat,kha ni khan nang hmu lo che ilang chuan America ah ka kir leh ang. Tun ah chuan ka nunna i ni tawh,i tel lo a nun ka tum tawh lo bur,thihna chauh lo chuan min then tawh lo ang...nilo,thihna pawh in a min then thei Chuang lo ang!" Arawn ti sup sup a













A thusawi tawp lam chuan ka mittui a koh chhuak ani ber,ka inhnit nghal hrawih,ka ban chu rawn phelh in,min rawn kuah khawm nghal vek











Amah chu nghet tak a kuah let in a awm ah chuan insum na tel miah lo chuan ka tap ta a,tun ah chuan ka hlau tawh lo,amah ah hian rinna ka nghat bur tawh,a thil sawi te khan min ti danglam Chiang ani.







👽


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 29th, 2022, 12:59 pm

CHAPTER 29 LAST

(KA EDIT LO)




Eric Lalrinzuala POV






“Ka duat tu in nge khang thil kha sawi le?" A sam chul pah chuan ka ti sup a,nichin lawk ai kha chuan a ngaihtuah na pawh a fim deuh tawh












“Ih....." Arawn ti awn duai a,kei in min chhandan tur hre chak in ka ngaichang reng bawk












“Mali ania chuan..." Arawn ti leh a,min hrilh duh pawh ka ring lo kha nia mahse engkim min hrilh ngam dan ah hian ka chungah rinna a nghat ve tih min hriat tir












A thiantha ber in a chung a a thil tih tum i hria se engtin nge a awm ang? A rilru ana viau dawn tih lah a lang reng












“Ka duat midang thusawi awih mai mai hi thil atthlak tak ani!" Ti chhuak sup in a chal ah chuan ka hmui ka nawr nghal vang vang bawk












“Eric, Sawmpuii te chunga thil thleng kha....." Atih lai mek chuan ka lo pawt chat vat a “Thil ei tawh ang le,ka ril a tam ania!" Ka vat a












“I tho hma em alawm!" Ka awm atang chuan arawn ti ve hlak a,a tet ang si hian a nghal ve reuh ania!












Inhnuai ah chuan ka chhuk pui a,eitur ka siam thiam lo a tih deuh tlat vang in ka thiam thiam chu ka siam ve,mahse a ho lam hret ani












“I eirawng bawl dan atang hi chuan ka future chu a bright lo hle mai" ka thil siam thlek kual pah chuan arawn ti sap a,ka hriat tur a sawi ani lo tih ka hre reng mahse vanduai thlak tak in ka hre hlauh












“Ka nupui tur hian i zir mai dawn lawm" Nuih ver ver a ka tih chuan lai tih hriat zet hian hnuailam a big daih,lo kal rawh ka tih pawn aih ati deuh tlat













“I puar em?" Ka tih chuan “Puar e" arawn ti fel et a,a chang leh tih tawp theih loh khawp a in a tawng a,a chang leh tawi fel et hian mi hi a chhang leh reuh a












“I puar vak lo ani maw?" Mit ko san zeuh a ka tih chuan lu rawn thing nak in “Thil ka ei tam lo ve hrim hrim a,mahse i siam hi ka ei tam ber ani angem aw...." A thusawi tawp lam ah chuan a inngaihtuah vang vang leh tawh












“Ani leh lo si!" Min nuih tlawn tak a arawn tih chuan piai nawk nawk a chakawm mahse a thintertek arawn chhuak leh palh mai a hlauhawm










“Anih enge i ei tam ber chu?" Ka khabe chu dawn in amah chu ka en a “Ngawi rawh aw....enge nih ka hre tawh lo mahse thil thur lam chu ani" arawn ti leh a










“Tun atang chuan ka thiam siam i ei hnem ber tawh ang" a sam chul zeuh pah chuan ka ti a,thaw hak hian “Uite maw min ti thin hi sim rawh!" Arawn ti hlak a











“Ka uite note i ni lo ami?" A ngei theih dan ber chuan ka ti sup a,ka nui duh miah lo bawk,ner suk in a tho nghal daih anih chu!








___________________________________________________



Vanlalruatpuii POV





Ka va han ngei mai mai tak,a hma in biangpuar tun ah uite note! Nghal chikim hian a nghal anih hi












Room lam chu ka pan ve tawp a,khawi mah kal thei ka ni si lo,room ka luh chuan pawn lam atang a min au thawm hi ka hria a,ngaihven tum a ka pan phei lai tak chuan Eric arawn lang hlawl













A rawn chhoh lai awm reng reng ka hre si lo, magic a thiam hial amaw tih tur ani,tukverh lam ka thleng tep tih ah chuan ka hma ah arawn ding thut a












“Hey...awm sawn rawh,min koh ri ka hria ania!" Ka tih chuan lu alo thing nghal vat a,melh deuh vak hian a sir lam atang chuan kal ka tum leh vat a mahse a kut pakhat chuan ka ban ah alo vuan hman












“Min koh ka tih chu,buaina a tawk te pawh ani thei, tiang ang ramhnuai ah kan awm a,zui ngaihven loh chuan thil tha lo a thleng palh ang" tih pah chuan tukverh lam pan chu ka tum tang tang a












“A theih loh ka duat,pawn a awm khuan i chungah rilru tha lo a pu tih i ring pha lo ang!" Arawn ti hmuk a,ani leh hmuk hmuk tawh,kei zawk hi thinrim tur ka nih lai a ani lo thinrim daih chuan min ti hrilh hai lek lek ani











“Tu in nge min koh pawh i hriat loh kha!" Ka ti vak a,engah mah ngai lo chuan ka ban lam sir ve ve ah chuan min vuan in khum lam ah chuan min kal pui daih a












“I thiannu anih kha!" Khum a thut thlak dat pah chuan alo ti sup a,kei in a chezia chu ngawi reng chuan ka melh ta ringawt












Ka thiannu ni si tinge ka zuk chhan kha a phal miah lo leh, Mali chu a hrechiang ve viau ang chu ka ti asin











“Mali anih chuan kal ngei ngei ka ngai zawk anih chu?" Ka ti a,min rawn chhanchhuah vat tur thu a sawi tak kha mahse chhanchhuah ka ngai tawh chiah em ka hre lo













Chhunlam ah chuan room ah tawm in kan inkawm hi ani ringawt,a chang leh min fiam a a chang leh a thinrim leh thut a,awmzia hi a awm thlawl lo hepa hi













“Bawihte kal lawk na tur ka nei a i lo awm thei angem?" Arawn ti a,min kalsan leh dawn ani maw keimah chauh in...ka rilru che hnual nghal ruih mai















“Le ti khan tum bur lo la,ka lo haw leh vat dawn alawm enge i duh?" Ka bul a rawn thut pah chuan arawn ti a,ka la lungawi thei meuh lo













“Anih lo haw har suh aw,chuan ka chhungte bulah khan ka that thu sawi ngei ngei ang che!"A tawp ah chuan ka pawm ve ta hram a












“Aw le,ka lo haw leh vat ang! Min lo ngai em em phawt mai la" ka chal a fawh zeuh pah chuan arawn ti a












Eric tlanchhuak lai chu tukverh atang chuan ka thlir reng a,parda chu zar tha in room lam ah ka chho leh, Eric laptop chu ka en kual vel mai mai a












Inhnuai atang a kan kawngkhar chum ri ka hriat chuan Eric anih ring in phur tak chuan ka chhuk thla nghal thuai a,pawn lam en lem lo chuan ka hawng nghal tawp,mahse rinloh lutuk in Moses alo ding kur a












“Ka va ngai tawh che!" Nui suk hian arawn ti a “E...enge???" Ka tih bah niai chuan arawn nui suk a













“Min lo zui rawh le!" Ti in ka ban arawn vuan nghal,chu chu duh lo in ka lo tal ve phat a,mahse hneh lo tak ka ni












Ramhnuai thuk lam ah chuan min pawt phei ta dawr dawr a,kei lah chu thih tan in ka lo tang ve bawk,a ni deuh nge ni ding thut hian min pu ta lawp a













“Min dah thla rawn!!!!!!" Au vak vak in ka tal chiam bawk mahse a kal ngai reng in a kal,chu ramhnuai ah chuan inpakhat hi alo awm ve reng a












Chu in chu Eric nen a kan awm na ai khan ava hla lo zawk mahse a biru angreng viau,sak zawh na ala rei lo tih hriat tak in ala thar deuh a













Inchhung ah chuan min luh pui a, thuthleng pakhat ah hian min thut tir a,ka chet leh hma hma chuan ka kut a phuar nghal anih chu,ka tal vak pawh chuan sawt lo tak ani












“Le ka duhtak,zawhna ka zawt ang che aw!" Ka hma a rawn kun thlak pah chuan arawn ti a,amah chu a nui ver ver a,a mizia hre viau lo ilang chuan a ngai nat awm viau ang












“Dam nge i duh Eric kalsan le?" Engthawl hmel zet hian arawn ti a,kei chuan chhang lo chuan mah chu rum thei ang ber hian ka melh bawk












“Min chhang vat la,dam ila duh tih ka hriat alawm" Nui suk a ti in ka sam chu hnung lam ah a hui nghal zeuh bawk












“Kal sawn rawh!" Ka ti vak a,thaw hak in “ Min chhang vat la,ramhuai i hmuh duh loh chuan" arawn ti leh a













“Aih Eric ka kalsan dawn lo" Amah melh reng chuan ka ti ta hmak a,thinrim tih hriat tak a thaw chhuak hrawih in a ding ngil nghat vut













“Ka ta i nih theih lo chuan i thih angai anih chu!" Arawn ti ta hmuk a,nichin lawk a aw nen kha chuan lei leh van ang vel ani












“Mahse lawk in......" Ti in arawn kun hniam leh a,ka biang chu arawn chul dun dun bawk “Tiang ang vun no nalh lutuk hi engtin nge ka hriat chian hmasak duh lo ang!" nui suk a rawn ti in ka biang chu rawn fawh a tum a,ka lo thle sawn vat thung














“Vanlalruatpui!!!!!!" Arawn ti vin ta hrawk a,ka thuthleng leh lam leh lam ah chuan vuan in arawn sawi deuh nawk














“Min duh chu a har viau ami? Hmeichhe dang chu ni la ka sawisa hrep tawh ang che!!" Arawn ti leh hrawk a












“I duh chuan min sawisa thei alawm!" Tun ah chuan Eric mamawh viau mah ila ka in tih chak a ngai hrih tlat













“Ni lo ni lo! Hmeichhe dang I ni ve tlat lo" A kut ti che zeuh chuan arawn ti vat vat a













Rawn kun hniam in ka biang tawn tawn ah chuan a kut pahnih chuan arawn vuan a,ka lu ka ti che thei ta lo,ka ke lah chu ti bawk












Ka hmui chu arawn fawp ta,ka duh lo!!!! “Zantin ka suangtuah thin ngei kha" arawn ti sup bawk












“Moses!" Tih ri ah chuan min fawh leh a tum chu a chawl ta a,hnunglam a hawi chuan Mali hi alo ding reng












“Ruatpui!" Min hmuh chuan arawn ti vat a,min rawn phelh a tum chuan Moses chuan alo nem let pawp














“Rawn khawih hlek suh,nang chuan tangkai na i nei tawh lo" Moses chuan ati hmuk a, Mali chu arawn nui hawk, muangchang a rawn tho chhuak in













“Nang zawk khan ania tangkai na nei tawh lo chu!" Mali chuan nui hak hak hian arawn ti,a awm dan mak ka tih em vang chuan ka en reng a













Mali chuan a pocket atang hian silai hi arawn phawrh chhuak ta mai, Moses chu a tin ran bawk, Moses chu a meng buai deuh nak a













“Kha thil kha dah thla rawn!" Moses chuan ati sup a, Mali erawh a nui mai mai thung,tun ah tak chuan ka thiannu hi rilru buai a ang ber













“Ruatpuii i hrilh zawh chiah ang deuh khan ‘Ka ta i nih theih lo chuan i thih angai' " tiin a kap nghal thuai a,ka kawr ah chuan thisen tak hlar hi arawn per nghal sawk bawk













Moses chu nunna nei tawh lo tih hriat tak in chhuat ah chuan a mu a













“Ruatpui i tha em? Na i nei em?" Min rawn pan phei chuan min phelh sawk sawk a,kei erawh chu ka buai vek “Mali tual i that ania!" Ka ti thei hram













“Lo kal teh!" Tiin min kai a chair pakhat lo awm ah chuan min thut tir nghal bawk













“Mali engthil nge i tih hi, police in an man dawn che sin!" Ka ti vat a,ani erawh arawn nui chhuak hawk hawk a













“Min man loh dan kawngkhat a awm....i thih a ngai!" Arawn ti chhuak hak,amah chu ka en reng ringawt













“Lalruatpui i thiannu Malsawmsangi,mi dawizep leh engmah tih theih nei lo,a thian tha ber kum 3 chhung thik em em thin leh,a mipa duh em em a duh tih hrilh ngam lo kha a thi tawh!" Tiin arawn au ta vak a













Kawngkhar chu arawn inchum nghal bur bur bawk “Hah! Eric...lungngai suh i ruang bak a hmu hman lo ang,a chhan pawh saw kawngkhar a tih chhiat hnu ah chuan nang leh kei hian khawvel kan chhuahsan dawn vang ani!" Arawn ti leh a














“Mali ti nge ti hian i awm enge i chung ah tih......" Ka tih lai mek chuan min lo tawng khalh a “Tih sual maw? I nei hnem lutuk mah mah zawk!" Arawn ti a













“I thih hma thu dik kan hrilh vek law law ang che aw........i thil tih sual lian ber chu kan school a ilo lut kha ani,ka lar na leh lehkha thiam na min chhuh sak a,chu mai duh tawk lo in ka position i hauh hial bawk,khang hun lai khan lawmpui der viau che mah ila chhung lam ah chuan nangmah tih nat chak na in ka khat tih i hria em?














Nangmah vang in zirtir tu ten min duh sak thin na ka hlauh a,ka thiam na te chu min phek en mai mai tawh bawk,nang in thil ti fel lo hlek la excuse an pe che a,kei ve chuan toilet ka ti fai tih i hria em? I hriat miah loh hian i thih na tur ka ngaihtuah ngun mai mahse ka ti thei thlawt lo,mahse tun ah a hun a thleng ta a,ka mipa duh ber i zun ah i uai tir leh ta cheu bawk. Thih hi i phu hliah hliah" A tawp lam chu arawn au ta nghek bawk













Kawngkhar chu a hma ai na hian arawn in chum leh ta vak vak a “A lo luh hma in hrem hmun lam pan thuai rawh!" Nui hak hak hian a silai in min tin ta,bang lam ah chuan ka tawlh hnung nghak dat dat bawk













“Mang...." A tih lai mek in kawngkhar chu arawn in hawng a silai chu arawn kap nghal thuai bawk,ka beng a na vek thei












Vanneih thlak tak in,kei min fuh lo hlauh,bang ah chuan a kap ta zawk a,Eric chuan mitsen ram hian Mali chu a pan phei a













Mali chuan a lam ah a silai chuan a tin nghal,kah a tum chuan a mu alo zo tawh a













“I va ngam zawk ve!" Tiin Eric chuan arawn hnek nghal thuai a,chu tiang thil ka hmuh duh loh vang chuan ka hmai hup in ka thu ta ringawt













Eric an mali a tih dan chu ka hre lo mahse a thinrim hle tih thawm ah chuan ka hre thei,a hma ang tho in ka tam thei lo a,k mittui a far lo bawk














“Bawihte!" Ka hma ah chuan arawn thu hniam a,kei in ka kut la thla in amah chu ka en reng bawk “Eric!", Tiin ka tap ta hawk













A nghawng ah chuan ka kut suih zawm in ka pawt hnai nghal vak bawk,a nghawng ah hmai phum in ka tap ta vak vak a













“Ka tihpalh ka duatte!", Tiin ka sam hnung lam chu a chul hliau hliau a,min kuah let ve nghal vat bawk













“I lo kal har lutuk a,chuan min that an tum bawk a....chuan..." Ka sawi zawm thei tawh lo ka tap leh nghal hawk a














“Ka duat ka awm tawh hi!" Tiin min pawm kang a,kan inlam min pan pui nghal hmawk hmawk,chu mi chhung zawng pawh chuan ka la tap reng tho














Kan in chu muang chang hian a hawng a, living room lam chu min pan pui ta zawk a,a mal chung ah chuan thu in a nghawng ah chuan ka la kuah reng tho













“Min ngaidam rawh aw ka duat" tiin ka bek chu a fawp vang vang a, Mali thil tih khan ka rilru ati na lutuk,kei hi min lo haw thin takzet amaw,khang hun chhung zawng khan unau nu ang tak tak in ka en a














“Engkim a tha vek ang" tiin min tawng thlamuan mawlh mawlh reng a,tun ah tak chuan Eric Lalrinzuala aia mamawh ka nei hrih lo








_________________________________________________.






Eric Lalrinzuala POV










Khang thil thlen atang khan Ruatpuii chu a tawngtlem deuh sawt a,chu tiang a a awm chu hmuh hreawm ka ti,a hma a hlauh nei ngai lo Vanlalruatpuii kha ni leh se ka ti em em bawk













Ruatpuii thiannu chu police lam in an la a,a thil tih sual chu a inpuang nghal vek tih report ah an sawi bawk, Moses erawh chuan a nunna a chan thung,kha ni kha ka ngaihtuah leh thin, Ruatpuii ka chan hman teuh zia kha.















Ruatpuii chhungte pawn kan cheng duh tih an hre tawh a,ka chhungte pawn an hre tawh bawk, Ruatpuii te chhunglam in rem ti chiah lo mahse ka chhungte lam in min support that em avang chuan an sawi buai duh ta lem lo













Chu bak ah Ruatpuii hian khawpui lam a awm a duh tawh tlat lo bawk,a chang chuan a ruk hian alo tap leh thin a, hmangaih tu tan chuan hmuh a hreawm em em













“Bawihte en teh arsi khi a nalh lutuk ania, balcony ah thu ila thlir ang" Khum chung ah mu in chung lam a melh ngur a,min rawn en zawk












“Immmm" ti sap in arawn tho a,Ber thla kan chhuankai tawh vang in a vawt deuh vur mai,puan sin tur pan ve tak mahse lum ve ang reng tak chu ka keng chhuak bawk













Thuthleng pakhat ni mahse a zau angreng a,ka hma ah chuan thut tir in ka kuah hlu hlu,a kawr ka dap rak rak chuan a nui suk,a pang ti lum ka tawh chiah chuan ka awm a nuam veng veng













“Engtik tang nge arsi mawi ilo tih ve tan a?" Arawn ti a,min fiam ve ngei chu ani awm sia












“Ka bul a arsi hian ka rilru ala peng nasa lutuk a,van ami zawk khi ka lo theihnghilh daih alawm" ka ti sup a,arawn nui hak













“Mihring nunna hi chu a ho tiraw,mahse an dam lai a hriat reng tur thil hi an hnutchhiah thin sia,a chhia emaw a tha emaw,an thil tih ah chuan hriat reng an ni tawh ang!" Arawn ti sap sap a









“Kei chu ka thih ka tum lo,mahse mihring kan nih chuan chu thil a thlen hun chu ala awm ang,mahse......" Ka ti sup a,hriat thiam loh hmel deuh hian min rawn en










“Ka dam chhung mai nilo,thih hnu piah lam ram thleng pawn ka hmangaih reng ang che,ka hmangaih che!" A bek a hmui nawr vang vang chuan ka ti sup a














“Kei pawn ka hmangaih che!" Arawn ti ve sap,enge tun a ka hriat zawh chiah kha? Min hmangaih ve maw,min fiam kual mai mai anih chuan a chak lo viau ang













“Ka duat infiam hun ani lo ania!" Ka ti sup a,nui ver ver a ka lam rawn hawi in “Eric Lalrinzuala ka hmangaih che!" Tiin min rawn fawp nghal,nui suk chuan ka fawp let ve nghal vat bawk.







THE END

{A TIR LAM KA TAN THIAM LOH ANG BAWK IN A TAWP LAM KA KHAR THIAM CHIAH LO A,MAHSE A TIR ATANG A TAWP THLENG MIN LO CHHIAR SAK THIN AVANG LEH IN LIKE A IN COMMENT THIN AVANG IN KA LAWM E,LALPAN A LET TAM TAK IN MALSAWM CHE U RAWH SE👽

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)