MY PSYCHO BOYFRIEND BY Zualy Juneblies (Completed)

[Ngaia]

CHAPTER 13





Eric Lalrinzuala POV







“Uang reng loh teh!" min en chuang lo chuan arawn ti sup a,a lai leh tawh ani tih hriat tak in a biang arawn tai deuh hlar bawk










“Bawihte a pawi lo,i ti duh lo anih pawh!" mit ko san ak a ka tih chuan a hreh hmel kher mai,inngaihtuah ni awm tak hian a ngawi vang vang a









Kei in a awmdan hmuhnawm ti lutuk in ka en reng bawk,a rawn thaw leh hluai thin









“A pawi lo ka tih vang khan ka hrilh dawn che ka tih na anilo ania!" nui suk a ka tih chuan min rawn melh rum hle “Ka hre ve reng" arawn ti hmak a









“Bawihte vawikhat kiss mai mai chu i ti thei ang!" pen hnai deuh in a hmai bul chet ah chuan ka kun hniam nghal run a,meng deuh awk hian a tawlh hnung dat










“K..ka...ka dinhmun khirh zia hi hre ve ta che" a taksa sawi deuh nawk chuan arawn ti chiam a,a che zia duhawm lutuk vang chuan ka nui chhuak ta hawk hawk a









“Vawikhat! vawikhat chiah chu!" amah hnaih leh zual tur in ka pen hnai deuh a,thaw hak in “Engtin nge ka awm dawn??" arawn ti leh hap









Ka biang ka kawh zeuh chuan a hrethiam tih hriat tak in hnuai lam a bih nghal daih a!









“ I'm your boyfriend no need to shy!" ka ti sup a,hreh hmel deuh chuan arawn pen hnai ve hret bawk,a thil tih tur ngaichang reng chuan ka en ngur a









“Ih...tu mah hrilh suh aw" hmai sen deuh ten a arawn tih chuan ka nui chhuak hawk a “Imm" ti sup in ka biang ka kawk leh zeuh bawk









Ka biang chu rawn tawk de de in ka mit ah min rawn en a “ You better close your eyes!" arawn ti sup,engmah sawi set set loh chuan ka mit ka chhing nghal a









Hmui lum thar thar in a ka biang arawn tawh chuan ka tek chhawk in ka hria,hmeichhia ang mai! a hmui nem tak in ka biang arawn sik chiah khan feeling mak tak ka nei nghal a,ka kham lo em em bawk










“Kal ang!" en pawh min en duh tawh lo chuan arawn ti sup a,min hnung chhawn zawng in a ding nghal hmak reuh a!









“Bawihte!" nuih insum deuh a ka tih sup chuan arawn hawi duh thak lo,pan hnai in a kut ah ka kai a,kawng dik zawk ah chuan ka kal pui ta,hnuai lam chu a bih ngur a










“Ka bialnu te hi a laih ava reh har ve" chheih deuh pah a ka tih chuan ka ban ah min rawn chum deuh dat a,ana lo mahse min nghawr ve dat









Kan bag dah na kan thlen chuan la sawk sawk in a kal nghal hmak a,nui hawk hawk in “Bawihte ding lam side zawk ah khan kal tur!" vei lam a a kal tawh chu rawn let phei leh rawk rawk in ding lam ah chuan a phei a









Nuih suk suk chung in a hnung ah chuan ka zui ve zel.



_____________________________________


Kawng tluan pawn ka be duh lo,min biak pawn ka chhang hek lo,ka zahna hi ala reh thei lo









Bike atang chuan chhuk sawk sawk in kan gate lam ka pan nghal hmawk hmawk “Bawihte i bag!" nuih insum aw lutuk a arawn tih chuan hawi kual thuak thuak in ka tlan phei leh a,ka bag la lawk in ka tlan phei leh nghal char char









Inchhung ka luh chuan bike tlan chhuak ri ka hre thei “Iva lo haw tlai ve" ka nu chuan step a ka chho tur chu min rawn ti thut a









“Oiiiii" ka ti vak,min melh chik khawp mai “Thil sual ti ang mai in tinge i sen deuh hlur a!?" arawn ti leh,chhan ngaihna hre lo chuan ka ding ngawi reng bawk









Lu thing dat dat in living room lam ah chuan a phei nghal daih,thaw hak in ka room lam ka pan hmawk hmawk,ka khum ah ka bag theh thlak pah chuan ka bawk thawp









Ka nun ah a vawikhat nan mipa ka kiss hmasa chu nia! Ka thil tih atthlak zet chu ngaihtuah let in ka tal nawk nawk









“Ruatpui bialpa i nei ami?" ka nu chuan zan riah kan ei lai chuan min rawn zawt ta chat a,ka ka chu ka ang zuai a mahse ka chip leh ta zawk









“Ka hrethiam e!" ka pa chuan nui ruh ruh hian arawn ti










“Ram ropui in thleng dawn em ni? A chawm zo che ngem?" ka nu chuan arawn ti leh a,chhang mai lo chuan ka ngawi vang vang









“Kan innei kher dawn pawh ani lo a" ka ti ve sap a,ti kha chuan bialpa ka nei tih a chiang viau!









“Pasal atan a tlak kawp pui neih hi tha nia" ka pa chuan arawn ti ve leh a,pasal atan hian Eric hi a tha chiah ang em chu ka hre lo









“U i bialpa kha a sual hmel ka ti" Ethan chuan arawn ti ve leh,melh deuh vak in “A fel reng aw!" ka ti ve vak “Bialpa hauh iva pe na ve lalruatpui" ka nu chuan min melh run pah chuan arawn ti,tum hmuk in chaw ka ei chhunzawm daih



____________________________




“R. Vanlalruatpuii a awm em?!!" ka insiam mawlh mawlh lai chuan inhnuai atang a ti ri lawng lawng ka hria,nui sak in ka necktie chu ka awrh mawlh mawlh









“Engvang a nimin lo kal lo nge inih?" Arawn ti lut bawrh bawrh,ka hmui a ka kut dah in ka khap vat









“Sawi mai mai teh!" arawn ti hluk,melh deuh vak in “Ka nu in hria se chuan ka thi ani mai!" ka ti hmuk









“I sawi dawn nge ka zuk hrilh dawn?!" arawn la ti talh anih chu! Nimin a thil thlen dan chu ka hrilh a,kiss erawh kha chu ka sawi ta lo









“I rai pung ange aw!!" arawn ti chhuak phawng a,zak bawk si lai bawk si chuan lukham in ka vawm chawrh.









“I lovely alo kal e!" tukverh a ka dah veng veng lai chuan ka hnung atang a min rawn kuah thak in Mali chuan arawn ti sap









Ka hawi let ngam lo hrim hrim,nimin thil thleng vang khan ka la zak tlat









Min pawt sawn deuh dat tu an awm chuan ka en vat, Eric hmeltha leh pa zet chu ka hmu nghal,a tum hmak reuh a









“Saw tah kal lawk ang!" ti cool ruih in ka dar ah min kuah a, Mali chuan mit min la rawn siai keuh zui









Kan mi tawh phei apiang te chuan min en zui vawng vawng tih pawh ka hria,kei mi chut ve tak hian engtin nge he tiang mipa hleitling lutuk leh hmeichhe duh rawn ka kalpui theih tih an ngaihtuah mek ang









Inchung ber kan devotion hall chung,zawl nuam em em leh thli thawt heuh heuh na ah chuan min hruai chho a,ka zui mawl tawp ringawt









A din dat chuan ka hawi chhuak,a mawi lutuk,vawiin chu ni a sat lutuk loh vang in khua pawh a nuam hle,van te pawh chhum in a ti var hluai a









Ka hnung lam atang a ka kawng a min lo kuah chuan ka phu zawk,ka zak thar leh “Morning!" ka bek rawn fawh zeuh pah chuan ati sup a









“Immm" ka ti ve sap ringawt,nghet deuh a min kuah in arawn kun hniam ngul a,ka nghawng ah hmai phum in “Ka massage i seen loh chhan?" arawn ti thum huk bawk









“Zing atang ka phone ka la khawih miah lo a!" ka ti tha ve mai a,ka nghawng a lum hak chuan a nui tih ka hre thei









“Ka thik zia kha!" thaw leh hluai pah hian arawn ti leh sup,chu mi rual deuh thaw chuan ka nghawng arawn seh zeuh,rak that in ka kimki nghal chawih bawk










“Bawihte..." Arawn ti leh deuh vang vang a “Rilru kap tu i nei ami?" Ka ti sap,thil vei deuh nei ang hian a awm tlat









“Nothing!" arawn ti thum leh hak a “Chhuk ila,bell pawh a ri tep tawh ang" a lam a ka lu thle deuh chuan ka ti sap









Rawn hawi chhuak a min en leh vang vang in ka hmui ah chuan arawn fawp tawk a,a nui suk bawk









Inhnuai lam a min kaih thlak chuan min en hrek hrek tu pawh an la awm reng,kan classroom kan thleng chiah tih in bell a ri nghal a









“Inchung ber ah break ah lo kal rawh aw!" ti sup in ka biang a piai zeuh,a kal liam chu ka thlir reng,ka duh tak ngial dawn!!!!!!









“A nuam bawk maw?" Ka seat ka thlen chuan Mali chuan mit siai zeuh hian arawn ti,a dar ah beng deuh chawrh in ka thu thla hnawk,ka hlim veng veng bawk









“Ka zun a chhuak lutuk min lo zun pui teh!"Mali chuan arawn ti su su a,ka hnial lem lo









“Ruatpuii leh Eric hi an ni tak tak amawn le?" toilet leh lam atang a ti ri kan hriat chuan Mali nen kan in en nghal vat,kan toilet luh hian kawngkhar pahnih a awm a,a pakhat zawk chu kut sil na ani a,pakhat erawh toilet ani thung









“An ni aniang!" pakhat zawk chuan arawn ti ve leh a “Ka ning eeee Vanlalruatpuii hi chu high lam ah hian atla na alawm,a hmel chu a tha ka ti ve reng mahse a chut eeee,biak te hian min chhang lawk ang lo,a at hmel thei si" an thawm atang chuan pahnih chauh an ni lo tih a hriat










“Eric hian a vei ve em alawm,Ruatpuii chu lehkha a thiam vang in alawm a lar mai mai,a chut ropui si, Eric an bawl mai mai atan bak ati lo" chu thu chuan ka mittui ati hnam sawk,fanu neih chhun ka nih vang in ka rilru ano em em a,tah ka awlsam em em bawk









Mali che uai chu ka khap nghal vat,tah insum zet in ka chhuak nghal daih bawk.






(Ka lu hi ana fek fek thin a,a tawi in tih deuh chuan min lo hrethiam ru,lehkha zir alo ngai ve zel bawk nen)


Show post links
Top

[Ngaia]

CHAPTER 14





Class lak chhung zawng pawh chuan ka mood a off vek,kei hi ka lo chut tak tak em ti,chuan Eric hian min lo fiam mai mai











“I rilru ti hah duh suh,lehkha thiam lo in la chapo an nih kha...." Mali chuan min tawng thlamuan ve luam a,mahse ka dam thei Chuang lo











A nun hi ka hmang nuam ve dawn chauh asin mawle, depression ka nei mai dawn ten ka hria,teacher in a thil explain lai pawh chu ka ngaihtuah tha thei lo











“Ka haw mai dawn mawn le? Ka lu hi ana riau mai!" Mali bul ah chuan ka ti hap a,tun ah tak chuan inbual a mut hmak ka duh. Ka mizia a ka ngei ber chu thil a eng lampang thlir ai a thim lampang hi ka thlir tlat zel hi ni










An thu sawi khan engtiang fa ko in nge ka suangtuah na a tih chhiat an hre der si lo,ka lo suangtuah dan chuan Eric nen tha tak in lo inngaizawng ila tih hi ani mahse an thil sawi atang kha chuan hope hi ka nei tawh lo bur











“I thu thu ani mai!" Ka thiannu ka mize hre Chiang em em chuan arawn ti ve a,mahse teacher te dil phawt a ngai ang











Mali chu sawm in teacher te bul ah chuan min kal pui a,lung ni zan lo chuan haw an lo phal ta hram bawk,kan driver min call sak in classroom ah chuan min nghah pui a











“Ruatpui kha tiang kha chu la thu tak duh suh,an it sik vang mai mai che nih kha, ngaihtuah la, Eric hi kan school a mipa lar ber ania chuan in ngaihtuah ve teh,nang lo chu kan school ah hian hmeichhe lar vak ka hre lo, Mizoram a school tha ber pawn lut tur in a ngen in an ngen che kha..." Ka lungngaih hlau lutuk chuan min fak nghal bawrh bawrh











“Driver alo thleng!" Arawn ti ta,ka bag la in ka chhuk thla nghal,car chhung a ka luh chuan “Ruatpui I damlo em ni?" Alo ti vat a,ka nawm sam vak loh thu in ka chhang,engmah sawi tawh lo chuan a inkhalh chhuak nghal.











“Aw...bawihi tinge ilo haw a?" Ka nu chuan kawngkhar rawn hawn pah chuan arawn ti chiam a,min ngaihtuah na aw ri chuan ka tah ati chhuak takzet,ka mittui a parawl nghal kiau bawk











“Aw bawihte!" Ti in ka bag arawn ban a,living room lam ah chuan min kalpui,ka tap chhuak hawk,ka nu chuan mangang lutuk in a chhan min zawt nghal chung,sawi thei lawk lo chuan ka tap char char











“Bawihi tinge? An hau che mi?" Ka nu chuan ka tah ban deuh hnu chuan arawn ti leh a,mittui tling pam a en in “Nu....kan school ah sawn ka kal duh tawh lo" ka ti tiau











Ka dar ah rawn kuah in “Tinge? A chhan sawi la,chuan a thu a zir in ka sawn ang che!" Ka dar beng thek thek pah chuan arawn ti a,min rel dan leh Eric nen a kan chungchang an sawi dan te chu ka hrilh ta vek,ka nu chu a thinrim ve hmel khawp mai











“Tinge chu tiang mai mai a ka fanu an lo sawi! Naktuk ah i Pa Alvin te bul ah sawi angai anih chu!" Arawn ti ve vat a,ka lung chhe zual a reh chuan ka room ah ka chho











Inbual fai in ka mu ta hmak a,mut hilh tum chuan ka chhing ngial bawk,mahse ka beng ah kha thu kha arawn ri leh zel,thu ho te te pawh in min den nat zia an hre lo ani ngei ang











“Ka fanu duat chaw rawn ei rawh le"ka lo chhing sek hman aniang ka pa in ka room rawn luh pah a a tih chuan ka harh zawk












“Bawihi ei teuh rawh aw Pa Alvin pawh ka phone tawh ania" chaw ei lai chuan ka nu chuan arawn ti a,ka pa chuan chu thu chu alo hre tawh tih hriat tak in mak ti hmel pawh a pu lo.






__________________________________________



“Kan Eric hian bialnu anei!!" Sangliana chuan nuihza lutuk hian arawn ti a,ka lo rum nghut thung, hmeichhe hnaih ngai lo ber in a bialnu ka nei chu mak an ti tih ka hre reng.











“Khawnge Ruatpuii?" Ka zawn ngial pawh a ka hmuh loh vang chuan a thiannu chu ka zawt ta tawp a,min chhang duh thak lo,ka thin a ti rim hle











“I beng a chhet em ni?" Ka ti hmuk a,ngeiawm deuh a min en pah hian “A haw!" Arawn ti ve hmak,rum hawk a chhuah ka tum chuan “A chhan chu nangmah vang" arawn ti leh a











“Enge awmzia?" Ding dat in a lam chu ka hawi a,alo haw daih chuan ka thin a ti rim hle,min rawn ve awm hi nia











“I fiam kual mai mai tih a hre ta anih kha" hah! Chung thu mawl mang zet chu khawi atang nge a hriat ni











“Sawi Chiang nghal rawh!" Ka ti chhuak hrawk a “A rilru nat hma zia pawh i hria,chuan a tha lam ai a a chhe lam in a rilru a luah nasa thin zawk tih pawh,i fiam kual mai mai tur in ka thiannu hi ka phal lo......." Chung hmeichhe ho in a ka bawihtei an sawi dan leh,kei min lo sawi dan ka hriat chuan thisen chhuah chak na ka thisen ah hian arawn in tham a











Thinrim lutuk a pen hmawk hmawk in Sangliana te bul chu ka kal nghal a “In in then leh ta em ni?" Nui ruh ruh a an lo tih chuan kut ka thlak loh nan ka insum tang tang
“Stop it!!!!" Ka tih hrawk chuan ka fiamthu lo tih an hre thiam












“I thinrim chhan chu enge?" Sangliana chuan arawn ti ve vat “Sawmpuii te in hria em?" Ka ti leh hrawk “Kan section ami kha anih chuan hre maithei!" Arawn ti vat a “Ti chhe rawh u!" Ti leh hrawk in ka bag ka la a, classroom atang chuan ka chhuak nghal hmawk hmawk.











Bawihtei ka call lah in a ti lui nge a in ring ral thak thak a,min ti mangang lutuk bawk,a chung a ka thinrim na te kha chu chhem bo ang duak ani,amah ka ngaihtuah vang hian ka â lo chauh.










An inlam ka pan ang nge,ka in ah haw hmasa in biak pawh ka tum dawn tih ka in ngaihtuah vang vang phawt









Ka chungah alo lawm loh tak in kan inlam ka pan hmasa ta zawk a,zan lam ah ka kal mai ang,tun ah chuan a rilru ala buai dawn em mai









“Hello!" Sangliana call arawn luh chuan ka ti sup a “Eric hei school thlang in ruak ah khan an thian ho in kan dah atawh e,i lo thlen hun kan nghak" nui suk hian arawn ti a,ka nui ve nghal suk









Ruatpuii rilru an tih nat vang in hmeichhia pawh nise dim nachhan tur ka nei lo,ka bag dah in pawn lam chu ka pan leh nghat vut a,chak zet in kan school thlang lam chu ka pan









Ruatpuii mizia hi chu ka hre chiang tawh viau,thil a ngaihtuah tawh chu ngaihtuah ngut ngut chi,rilru no em em ani bawk









Ka tlan chak bawk a ka thleng vat,ka bike chu park tha in in lam ah chuan ka phei ta a,ka va thlen chuan thu thleng ah hian an lo phuar a,an ka an lo tuam sak bawk,an hlauh hmel hle,mahse an tawrh tur ve reng ani









“This kids!!" ka ti sup, Ruatpuii rilru an tih nat sak vang in an hriat reng tur thil an tuar dawn hi ani ringawt mai









“Ruatpuii chungchang sawi tur khawp a nei nung in ni hlawm em ni?" an ka tuam na an phelh sak hnu chuan ka ti sup a,an hlauh hmel hle,a then an lo in hnit feih feih bawk









“Sawi ta che u!!" tiin ka vin hrawk a,an phu zawk pakhat chu rawn tawng chhuak in “Sawmpuii hian a sawi hmasa ber!" arawn ti khur hlak hlak a









Sawmpuii ber ka hriat loh vang chuan ka en ngur a “Hei hi!" Sanglian an hmeichhe pakhat kawh zeuh pah chuan ati sup









Pan hnai in ka thu hniam dat,min hlauh hmel deuh hian min en zak zak a,nui suk in “I thil tih pawi zia i hria em?" ka ti sup,a rawn inhnit nghal hrawih bawk









“I tap anih chuan ka that ang che" melh ngur chuan ka ti sup,tah insum zet chuan hnuai lam a bih ngur a,a thutna chair chu ka tlawh nghal chawrh bawk,a let nghal tawp a,arawn tap nghal vak vak bawk










“A bengchheng lutuk!!" ti hrawih in vase chu ka vawm keh nghal thuai a,an hlau lutuk chu a hmuhnawm phian









“Saw nu tih loh saw chu an inthleng thei tur in siam ang che!" sawmpuii kawh pah chuan ka ti hmuk Sangliana chu arawn nui suk







“Nakin a chhin fel tur ah dah ang che! Sawi chu ka duh ang in ka ti ang" ka ti leh hmuk,ka helmet la in ka chhuak zui nghal a




Pawn ka thlen chuan khua alo thim fel der tawh,bawihtei te in lam chu pan ka tum ut ut a mahse uniform ka la hak avang in ka in lam ka pan leh ta zawk









In ka thlen chuan ka room lam ah ka chho nghal vat a,inbual fai in ka phone chu ka phawrh chhuak a bawihtei chu ka call nghal vat bawk






“Hello!" bawihtei aw zuai raih ka hriat chuan ka dam sawng sawng in ka hria




“Bawihte?" Thaw chhuak hawk in ka ti sup



Min chhang lo chuan a ngawi vang vang a




“Ka duat ka lo kal ang!" ka ti leh sup





“Aih..." arawn ti tiau,ka kawchhung chu a tawt up up nghal a,phone dah in inhnuai lam ah chuan hman hmawh tak chuan ka chhuk zui hmawk hmawk,ka bike start in bawihtei te in lam ah chuan chak zet in ka pan phei









Minutes 20 vel hnu ah chuan an inbul thing kung chu ka thleng,an in chu ka thlir vang vang a room alo la en chuan ka thaw huai thei









Ka phone phawrh in a number ka dile nghal a





“Bawihte!" a lak rual chuan ka ti hap a



“Bawihte!" min chhan mai loh vang chuan ka ti leh hap



“Immm" arawn ti leh tiau,ala tap reng anih dawn hi!





“Lo chhuak teh ka duat!" ka ti leh sup




“Ka duh lo" inhnit leh feih hian arawn ti leh a,ti hi chuan ka luh chilh duh mai ang







“Bawihte lo chhuak rawh le! i fel kha!" ka ti leh sup, naupang thlem tak te a ka thlem loh chuan he ka naute luhlul zet hi arawn chhuak dawn lo









“Haw daih rawh!" arawn ti leh tiau a “Lo chhuak la!" ka tih leh,phone chu a dah hmak a,ka rum nghut,thinrim deuh tak chuan ka bike chu ka ngheng









Minutes 3 vel hnu ah bawihtei chu arawn chhuak a,ka thinrim na te kha a bo nghal hmak,gate alo thlen chuan arawn hawng a,min hmu tih hriat tak in ka lam arawn pan









Alo thlen hma chuan a ding dat a,a lam ah phei vat in ka kuah nghal vek,arawn insut nghal hlap hlap bawk,nghet thei ang ber a kuah in a chhip chu ka fawp zeuh zeuh a









Hmeichhe bul a awm tam ka ni lo,a thlem dan phei chu thiam lo tak hi ka ni ringawt!









“Haw rawh!" tal deuh nak hian arawn ti vak a,a aia nghet in ka kuah leh nghal hmak,chu chuan a lung ati chhe leh ni tur ani arawn tap leh nghal hawk hawk a









“Ka tihpalh ka duat em em te!" Kuah hlu hlu chuan a chhip ka fawp leh zeuh a “An thusawi kha a dik chuan in zawm na neih reng ka duh tawh lo" arawn ti leh tiau









A dar ah vuan in a hmai zawn ah chuan ka kun hniam nghal ngul a,a tah vang a hmai sen deuh tan leh,naupang ang mai a tah men a meng piau chung chuan min lo en ve reng a,a hmui ah fawp zeuh in a sam chu ka tuai thuak thuak









“Dawt vek anih kha ka duat! Min kalsan rawh ti in min ngen lawm lawm mah la kalsan che ka tum lo,i tel lo in ka nun hi ka suangtuah ngam lo,ka fiam kual lo che,fiam kual mai mai atan chuan i tha lutuk mah mah!" Ka thiam ang tawk chuan ka sawi ve,ka pian tirh ata ka la tawng hnem ber ani ang,mahse a chhan hi thil ho tak ani lo miau










Inhnit leh feih in ka awm ah chuan min rawn kuah nghal a,a thil tih vang a lawm lutuk chuan nghet tak chuan ka lo kuah let ve nghal bawk,a chhip a ka hmui nawr vang vang in ka kalsan ngai loh tur thu ka hrilh sup bawk.







(In comment hian phur na te hi ka nei ve thin a,in comment ka chhiar zawh te hian ka type leh nghal ania)


Show post links
Top

[Ngaia]

CHAPTER 15






“Are you regret?" Kiai suk chuan ka ti sup,min hlauh hmel deuh chuan a tawlh hnung hrut hrut bawk,ka nunna tluk a ka hmangaih rilru ati na a,a mittui a tih tlak sak bawk,ka en liam mai mai tur a a ngaih chuan a ti sual let der ang.











“Khawngaih in Eric ka ti leh tawh lo ang!!!" Tap pur chuan arawn ti a,ka nui suk thung,a hlauthawng hmel chuan hlim na min pe











“Ni e! I ti leh tawh lo ang" nui suk in ka ti sup,pen hnai in a hma ah chuan ka ding ta ran a











“Khawngaih in min kal tir rawn ka ngen a che, Ruatpuii pawh ngaihdam ka dil ang!" Tap hlawp hlawp chuan arawn ti leh a,engah mah ngai lo chuan min ko ka san ak thung











“A ngaihdam i phu lo,chuan i tih leh tawh dawn loh avang in lawmthu sawi rawh!" Nui suk hian ka ti “E..eng...maww?" Arawn ti bah niai a











“Khawvel i hmuh tawp ber na ni hi nuam tak in hmang tum ta che!" Melh ngur chuan ka ti leh sup,hlau lutuk a bawpkhup in a thil tih sual a in chhir zia a sawi nghal char char











“I bengchheng lutuk!!!!!" Ti hrawk in thuthleng chuan ka vawm chawrh,a na tuar ri chuan kan awmna chhung chu a luah khat vek bawk











“He mi bawlhlawh hi that rawh u,mahse a ruang an hmuh hun a a hmel mawi deuh theih nan a lang lam chu ti lutuk suh u" nui suk a ti in ka chhuak nghal “Eric ka tihpalh....." Arawn tih lawm lawm pawh chu ka ngaihven tawh lo.





__________________________________




“Tho rawh le bawihi!" Ka nu in min lo kaih thawh chuan ka mut ala chhuak lutuk,zing dar 3 vel a mu tan chuan mut a kham awm hlawl lo











“School i kal dawn em?" Arawn ti leh,thil thleng kha ka hre chhuak zawk, inngaihtuah vang vang in “Immm" ka ti sup











“Insiam la lo chhuk vat rawh aw!" Ti leh in min chhuk san ta a,ka rilru ah Eric arawn lang nghal a











Nizan kha ni leh se ka ti veng veng,a bul ah khan ka thla a muang em em a,a thu sawi te khan amah min duh tir leh zual bawk,a mi kuah na te kha ka la feel thei,kei mah vang in zing lam ah a haw chauh kha nia!











Inbual sawk sawk in ka insiam a, school kal chu ka phur lo hle,tu fa nge hetiang ah phur tawh teh lul ang.Chaw ei kham chuan ka room ah phone ka han charge leh te te phawt,phone hi ka en ngai lem lo mahse charge erawh ka peih hle thung.











“Bawihte i thianpa alo kal!!!" Ka nu in alo tih lang lang chuan ka phu zawk, Eric a ni chiang! Phur lutuk chuan ka chhuk thla nghal a,mahse Malsawmtlunga lek!











“Enge?" Ka ti hmuk “Hei i lehkhabu kha" nui sun sun hian arawn ti a,la deuh hmak in “Ka lawm e bye!" Ka ti leh hmuk,ka room ah chuan ka chho nghal hmak bawk











Malsawmtlunga kha ka classmates ania,amah a thau reuh sia,chu bak ah dawt a heh ve ropui sia biak pawh ka be tha peih lo,kan inbul deuh lawk ah hian an awm a mahse kan in hnaih lutuk Chuang lo.











“Bawihi i thianpa alo kal!!" Ka nu in alo ti leh lang lang,ka va han ning tak! Tu mimawl ber nge maw ni leh ang le











Tum hmuk a ka chhuk thlak chuan Eric hmeltha leh pa zet chu ka hmu nghal,ka nui nghal sen sen a,ani pawh arawn nui ve suk,alam chu ka pan phei vat











“Ka lo sawm che a!" A bul ka thlen chuan arawn ti sup a,nuih ver ver in “Ka bag ka han la lawk aw!" Ti in ka room lam ah chuan ka pen chho hlawk hlawk,ka bag la in ka tlan thla leh nghal bawk











“I tlu mai anga sin! Tlan vak tawh suh" a bul ka thlen chuan arawn ti leh sup a “Bawihi!!" Ka nu in arawn ti chuan “Nu hei Eric!" Ka ti vat bawk,ka nu chuan a hrethiam ania nui chung hian “Ava hmeltha ve!" Arawn ti a, Eric pawh a nui ve suk











“Nu kan kal aw bye!" Ti leh in Eric chu ka nam phei a,nui suk in ka tih na na ah chuan a kal ve zel tho
.
.
.
.
.


“Bye..." Kal mai ka tum chu ka bag ah chuan min pawt deuh dat a,a lam ka hawi chuan min lo nuih ver ver,mit ko ka san ak chuan a biang a kawk leh zeuh,he thil hi a phut ve ziah lehnghal!











Va kal hnai in a dar ah chuan ka kuah a,a biang ka fawp zeuh,inlak hran ka tum rual in ka kawng ah arawn kuah a,ka hmui ah chuan min fawp nghal vang vang,inhnuai ber atang a kal kan ni bawk a tu man min hmu lo ang.











“K..ka...kal dawn!" Min fawh apiang hian ka sa chhuak vek zel “School kal lo mai ang!" Ka nghawng rawn fawh zeuh fah chuan ati leh a,a dar ah beng dat in ka chho san daih,nui suk chung in ka hnung ah alo kal ve zel











“Chance in va nei rei ve,test tur I thiam em?" Classroom ka luh chuan Mali chuan arawn ti vat,melh rum vak in ka thu tau sawk











“A dik ani chiang" nui ruh ruh hian arawn la ti zui,a mit a siai keuh zel bawk nen ka lai leh nghal der











“Enge kan test dawn?" Ka ti leh a,ka dar ah min rawn beng deuh chawrh in hahthlak tih hmel lutuk hian min en vang vang











“Bialpa neih zo lo nu" arawn ti chiam a,enge ka zawh loh na le “Sawi mai mai teh!" Ka ti hmuk, science kan test tur thu min hrilh ve mai a











“Aw le... students te u,kan zirlai pakhat a bo hlauh mai a,a hming chu sawi a rem loh vang in kan sawi hrih lo ang. Teacher dang pathum te nen hian a zawn na ah kan kal dawn a,test in neih hi a pawimawh em avang in class 11 students ho in an veng ang che u,entawn in awm anih erawh chuan in chung a pik viau ang!" Miss zawng zawng a den mutria lutuk chuan arawn ti dap dap a











“Tunge maw lo bo thawt thawt ni!" Mali chuan arawn ti sup,ka nui chhuak teuh asin!











“Ka star pa ten min veng dawn sia lo kal rawh in siam tha lawk ang!" Miss chhuah vel ah chuan arawn ti su su a, washroom lam pan chuan kan kal nghal











“Eric an a hrilh thei dawn bik che a!" A sam siam that mawlh mawlh pah chuan arawn ti a,ei lo lutuk hian ka melh kur bawk











“Ti khan min melh suh,chhiat ka tawk dawn tlat in ka hre thin ka tia mi melh khan" nui uar a arawn tih chuan ka nui ve hak











Classroom lam kan pan chuan fiamthu ho deuh deuh sawi in kan nui phei a,kan class kawt ah Eric alo din chuan ka ding dat “Zaiawn fanu zam suh!" Mali chuan alo ti hman hmawh











Eric an min hmuh chuan alo nui ver ver,nuih let ve in ka pan nghal vat “Ka bul ah i thu ang!" Arawn ti nghal sup,ka lu ka bu nghat,arawn kiai suk bawk











Class chhung khan luh chuan ka thutna ah Moses alo thu hmak anih chu! Min hmuh chuan min lo nuih a,nuih let ve lem lo chuan ka thut na lam chu ka pan











“Enge?" Ka ti sup chuan nui suk hian “Ka veng ang che" arawn ti, Eric ka en chuan mit sen deuh ram hian min lo en reng “Tho rawh"Moses bul ah chuan ka ti leh sup,thawh tum lo lutuk chuan athu nghet sauh sauh











“Tho ta che! Mi chance neih tum lai tih chhiat hi a polite loh thlak!" Mali chuan arawn ti bawrh bawrh, Moses a star teh reng nen.











Eric lam ka hawi chuan min lo en lo in chhuat lam hi a bih ngur,a nghawng ah thisen zam arawn lang tawlh tawlh bawk











Pan hnai in “A hma ah hian thu mai ila a pawi i ti em?" Tri duk chuan ka ti sup,min rawn en in a nui suk,ka bag la nghal hmak in kan hma lam a table ruak ah chuan a dah nghal hmak,kan dawh kan chu a pawt hma leh dat a, Moses an kan dawhkan rawn sawn ve a tum chuan “Thih i duh em ni?" Ati cool ruih











“Lo thu la!" A hma a a aw ngaihno bei lo zet chu hriat tur a awm tawh lo,nuih sen sen in ka thu phei a,a kil lam tuk verh awm phak loh na chiah chiah ah ka thu











Ka kut chu arawn ban nghal zat,amah ka en chuan a bek dawm in min lo nuih ver ver,lai lutuk Chuan hma lam ka hawi leh nghal. Test kan neih chhung zawng chuan ka sam a khawih loh leh ka kut arawn khalh deuh neuh neuh thin,ka melh vak chang lah atam.












“Ruatpuiiii" kan haw dawn chuan Moses chuan min arawn koh a,ka hawi let chuan min lo nuih ver ver “Haw rual ila?" Arawn ti a,lu ka thing ringawt











“Eric aiin enge ka chhiat na?" Ka kal dawn chuan arawn ti vin tuarh a,ka phu zawk,midang an haw deuh vek tawh











“Enge?" Ka ti sup,hepa awmdan hi ka hlau riau,a thinrim hmel hle











“Vanlalruatpui eng tiang a rei nge min peh hel zel dawn? Ka duh na che a rei tawh,ka che zia atang pawn i hria! I duh duh a i chheih kual theih tur ah min ngai ami? Eric vang mai mai hian bansan che ka tum lo,ka bansan che anih chuan khawvel a mipa nep ber ka ni ang,min duh theih nan chuan ka thlarau pawh ka hralh mai ang!" Tawngkam malsawn lo pui pui chu arawn chhak chhuak a











Mak ti lutuk a ka en lai chuan arawn nui ver ver,thil ruih anei amaw ni le,ngawi reng a ka en lai chuan ka hnung lam atang hian ka ban ah hian min rawn pawt deuh hrawk











Eric thinrim hmel ka hmu nghal bawk “Kha thu lawi lo zet kha i thluak atang paih chhuak ang che!" Arawn ti hrawk a,min kal pui atum chuan










“Zo hnam ze mawi hre lo!" Moses chuan ngeiawm deuh hian arawn ti a, Eric chu a ding chat,an in insual ka hlau hle











“I ka kha chip hmak rawh!" Eric chuan arawn ti leh hrawk a, Moses chu a nui mai mai!











“Ka sawi dik ani lawm ni Eric!" Arawn la ti cheu, Eric chu a che hrut a, Moses chu a thal thuai mai!











Mahse Moses chuan ti let lo in a nui mai mai thung “In lo puitling ta e ka nau! Game ah ka lo lawm a che!" Arawn ti leh,ka nau a!











Min kai nghal dawr dawr in a bike park na lam ah chuan min kai phei a,tawng tawh lem lo chuan ka in zui haw ta.









Show post links
Top

[Ngaia]

CHAPTER 16



Eric Lalrinzuala POV



“I in rawlh loh na tur ah i in rawlh hnem mah mah ani!" Ka ti hrawk a,a la nui mai mai thung,ka insum theih loh chin a pelh chuan a nunna ka la hreh lo











“Unau pa,khang thu te kha chu kum 10 kal ta a i sawi ngun ber alawm anih" nui chung hian arawn ti ve nghal zat a











“I nihna hi hre reng rawh!" Ka ti ve nghal hmak bawk








“Haha,fa hmasa! Chu chu lawm ni ka nih na?" Ngeiawm lutuk hian arawn ti a,engmah sawi lo chuan ka melh ngur bawk








“Eric! Ka chan ai tha zawng zawng i chang thin,mahse tun ami kher kher hi chu i ta tur ah dah lo phawt mai teh!" Ban phar hluai pah chuan arawn ti a











“Thih i duh loh chuan i ka kha veng tha ang che!" Ka ti chhuak hrawk






“Oh Eric! Tun ah pawh ka nunna i la thei reng alawm,nge ni kha i nu lawi lo zet rilru nat i hlau zawk!" Nui hawk hawk hian arawn ti,insum hma lo in ka hnek nghal thuai a









“Ka nu chungchang a chhe zawng in han sawi leh teh!!!! Thi si lo dam si lo in ka siam ang che!!" Ka ti vin tuarh bawk







“Thu dik hi ngaithei lo viau teh suh!" Rawn ti ve hrawk in min rawn sual let a,mahse min hneh lo deuh hret chu ani,chhuat ah chuan nam tlu in “Thih i duh te chuan tun ah hian i thi anga ni mai lawm!" Ka ti hmuk








“Ruatpuiin tiang mizia i nei tih hi hria se second 1 pawh i bul ah a awm duh I ring em?" Nui suk hian arawn ti,chhuat ah chuan nghat chawrh in ka tho chhuak a








“Ze inang nei kan nih hi Moses!" Ka ti nghal hmuk bawk,tho chhuak lem lo chuan a nui chhuak hawk hawk a,a hmai ka khawih na vang a thi deuh niai chu a tuai thuak








“Tu ta zawk nge anih kan la hria ang unau pa duhtak!!!" Arawn ti, centre table chu vawm chawrh in ka chhuak nghal hmak a.









Kan la hria nang ah?!!! Ruatpuii hi ka ta anih loh chuan tu ta mah ani dawn lo,lo ni ta pawh nise ka dam chhung chuan an hlim ngai chuang lo ang









Moses kha ka nu fa hmasa ani,ka nu leh ka pa an intawn hian Moses chu kei ai a upa hlek chauh,mahse thil hrethiam ve rual anih vang in ka nu chu a haw ta em em a. Ka nu in a phal lo chung in atang a chhuak in a pa dik tak te lam chu a pan ta,thil pakhat leh chu ka nu leh Moses pa hi an innei lo,a pa dik tak hi mizo ani bawk. Chuan hnam dang lak a a fa ka nih vang hian min hmusit thei hle bawk.











“Eric mission completed!" Sangliana chuan arawn ti var a,nui suk hian ka bu nghat,ka kawng dal tu apiang te chuan khawvel hi an chhuah san nghal ang.








“A thiante kha engtin nge in tih tak?" Ka ti sup chuan Sangliana chu za lutuk hian arawn nui chhuak hawk hawk,an thil tih ka hriat avang chuan ka nui ve suk











“Rinhleh na tur che u engmah a awm tur ani lo,midang pawh ka lo hrilh ang che!" Ti leh in chak zet in ka tlanchhuak nghal.
.
.
.
.
.
.
.
.
.
____________________________________________



“Nu khawnge ka pa hi?" Kitchen luh pah chuan ka ti nghal a “Pathian ram a khawn anih kha!" Alo ti vat a









“Bawihi kha kha maw i bialpa ve chu?" Ka nu chuan arawn ti leh,ka tui in lai chawl dat in ka nu chu ka en a,min lo en ve reng chuan ka bu ta nghat









“In in pawl rual ami?" Arawn ti leh a,ka bu leh nghat,zawhna chi hran hran min zawt a amah ka la hrechiang vak si lo nen ka chhang buai deuh nak mai











“I zirlai ah rilru i pek leh deuh a ngai dawn nih chu!" Arawn ti leh a,ka bu leh nghat







“Enge homework?" Mali chuan min rawn call a


“Kan nei mai?" Ka ti vat



“Bialpa neih zo lo nu!! Kan nei reng!" Arawn ti nghek



“Kan neih te chuan enge min zawh si!" Ka ti ve vak, Moses chungchang arawn sawi chuan thil ka hre chhuak zawk a





“Moses hi class engzat nge?" Ka ti leh nghal


“I â mi! A class zat i hre lo a?" Arawn ti leh vak,ka beng te hi ana vek thei



“Hria ila ka zawt dawn che mi?" Ka ti leh hmak



“Class 12, Eric ai i duh deuh ami?" Nui kur kur chuan arawn ti




“Ka duh ka tia mi?" Kan inhnial chhunzawm chu ani nghal mai...











*Hello* ka ti sup,mi movie en tui lai lai in


*Bawihte!* Caller ID ka lo en lo anih hi

*Enge?" Ka ti hmuk,he tia min koh hian ka lai tlat zel


*I aw chu tho hlim aw ava ni lo ve?* Arawn ti hmuk,dar zat ka en chuan zing dar 2 alo pel uai tawh




*Nia..movie ka en a* za lo lutuk a nui pah chuan ka ti



*A vawt lutuk* arawn ti cool ruih a


*Aw puan sin mai la?* Ka ti ha


*In inkawt ah ka awm lo chhuak lawk la* arawn ti leh sup,ruah a tla cher cher bawk



*I mawl ami haw rawh!* Ka ti sup


*Ka vawt ka ti lutuk ka thi mai dawn* arawn ti leh sup,a aw atang chuan vawt ti awm pawn a awm lo




*I rawn chhuah lo chuan ka rawn lut ang* ti leh sup in phone a off daih! Ninawm a vawt si la tho peih lo asin le











Pawn ka chhuah chuan a vawh a vawh zia chu, inchhung ah zawi te a pen lut leh in ka hoodie chu ka han ha tha leh a



Ka chhuah leh chuan thingkung bul ah ka phei vat,a mah ka hmu miah lo,ka hawi kual lai chuan ka hnung atang hian min rawn kuah thut a,ka au that






“Ka duat keimah!" A rawn ti cool ruih,ka thin dawm vang vang in ka chum deuh pawp,kha tiang vak a mi tih hlauh!







“Vawt ti hmel pawh iva pu lo ve!" Melh rum pah chuan ka ti vak a,a nui suk duh chauh







“Ka ti reng!" Ti pah in ka kawr arawn zen a ka dul ah a rut arawn dah,a vawt lutuk chu ka au leh deuh that,thli thawt vang in kan thawm an hre lo mai mai






“A vawt si i kut kha!!!" Ka ti chiam,min kai phei in thing hmang a thutna kan siam ah chuan min thutpui dat






Ka kawr chhung ah bawk rawn zen leh in ka nghawng ah a hmai arawn phum nghal hmak,a biang vel pawh a vawt hle,min nghah vak vek ani!








“Zan ah a vawt thei si lo kal tawh lo mai rawh" inthlahrung tak chuan ka ti sup a “Engvang in?" Arawn ti hmuk,a lung hi a awi lo hma thei sia aw!






“Aw nangmah i hah mai mai lawm,phone ah pawh kan inbe thei tho a,I damlo palh ang!" Ka ti nghal a,nui suk hian “Ka damloh chuan ka hruai haw ang che!" Arawn ti sup






“Khawi ah chuan?" Ka ti ve vat a “Ka inah! Nang man min enkawl ang!" Arawn ti leh,ava han nasa reuh tak!







“I â!" Nui chung hian ka ti sup








“Anih hmeichhe dang in min enkawl ta se?" Min rawn en pah hian arawn ti cool ruih,ka tum nghal hmak








“I duh leh in enkawl tir rawh ka haw dawn!" Tum hmuk a ti in ka tho nghal hmak a










Ka ban ah min rawn kai in a nui suk “I thik a mi?" Arawn ti leh sup a “Aih!" Ti leh hmak in kal ka tum









“Bawihte?!" Arawn ti leh nghal,chhang buai tawh lo in kan in lam chu ka pan tau nghawng nghawng,kha thu ka chu sawi lo se ka kiss ang ka ti sin mawle










Ka romantic ve ang chu tih nak lai in enge kha tiang thu te kha arawn sawi,natuk ah pawh ka be awm lo e mai ah!








Room ka luh chuan ka kawr lum chu phelh sawk sawk in ka mu tau nghal hmak,ka mut hmun ah chuan ka rel chiam bawk.











Ka lo muthilh lai ka hre lo khawpui ri chuan min ti harh a,darzat ka en chuan 7 alo ni,khua chu a dur deuh a,mahse ruah erawh a tla tawh lo










Nizan vang nge ka mood lah a on thei der lo,ka nu in min zawh pawh chuan ka chhang tha peih lo







Ka rilru lah chu a hah ru em em lehnghal a







Eric an min lo sawm pawh chuan tum hmuk in ka la thu tho,ka nu ka room a rawn chho tur a a tih ri pawh ka hre reng









Room kawngkhar alo hawn chuan min lo nuih lut ver ver,kei in tum in ka en thung






“Ka naute duhawm te!" Arawn ti in ka biang ah min rawn piai vak a,tum hmuk in ka tawlh sawn nghal hmak









Thutak hmel tak hian “Ka thlem thiam lo che nia!" Arawn ti leh a,min en ngur bawk,min thlem rawh pawh ka ti tawp si lo!









Ka thawh uai chuan arawn tho ve nghal a,tum hmuk in ka chhuk thla,a na chang a hre ve hrim hrim nge ka bag ka table a ka dah chu ban in min lo zui ve nghal









Pawn ka chhuah chuan ka ding leh dat,a ni pawh arawn ding ve dat,tum hmuk a ka en chuan mit ko a san ak a,gate ka melh ngur tak ah chuan nui suk in a rawn hawng nghal









Kal pelh deuh hmak pah hian ka su lui deuh chawrh,ka va han naupang chhia tak!







Bike chuan lai te chuan ka thinrim in a hnung ka chum leh awk zel,mahse eng ah mah hian a ngai lo hrim hrim,ka bag chu hma lam ah a ak daih thung, school ah a bag a dah lawk thin vang hian bag ak in min rawn sawm ngai lo.









Tum hmuk in ka chhuk thla leh a,nui suk in arawn chhuk ve nghal zat “I titau thiam lo si!" Arawn ti sup,melh deuh vak in ka kal tau leh nghal hmak hmak








Step ka chhoh chuan Moses step a lo thu kur hi ka hmu nghal,ka phu zawk chu ka au nghal that,min lo nuih ver ver,ka hnung ah Eric arawn lang nghal bawk!



[A ngaihnawm vak loh chuan min lo hrethiam ru aw!"


Show post links
Top

[Ngaia]

CHAPTER 17





“Good morning!" Moses chuan ngeiawm tak a nui suk hian arawn ti vat, Eric erawh alo rum nghut thung











“Oh! Step a thut vang hian min haw leh ringawt tawh tih na mi?" Alo la ti cheu, Eric ka en chuan thinrim insum tum tak hian alo melh ngur a











“Ruatpuii i bialpa huat thu chhe lutuk ai kha chuan ka tha zawk tih hre reng la" mit siai keuh hian arawn la ti nih chu! Mahse thil mak tak chu Eric an a khawih miah lo,a hma chuan midang in min biak hlek pawh khan school kal ngam lo tur khawp khan a siam thin kha nia











“Ka kal ange! E lawk... Ruatpuii,ka bialpa thar i nei vat ang,mahse E ni lo in M ani thung ang!" Ngeiawm deuh a ti leh in a chho nghal a, Eric chu a thaw chhuak hawk











“Awm lo lang chuan ka that ang!" Arawn ti cool ruih a,a thusawi mak ti lutuk chuan ka han melh haw











“He tiang i hmuh ka duh loh vang mai mai lawm ka insum ni!" Ti leh sup in min kai chho nghal a,mahse table vel dah na kan thlen chuan ka ding dat











“Buai na a awm ami?" Min ngaihtuah hmel deuh hian arawn ti sup,lu thing nawk in a awm ah ka va kuah nghal thak a,tun ah rih chuan tiang hian classroom chhung ah a lut thei lo,a thin khei deuh zawng an awm chuan a sawisa duh mai ang











Thaw chhuak hawk in min lo kuah let nghal vat a,a awm zawn ah bei pha chiah lo mah ila a thinphu ri erawh a rang hle tih ka hria











“I titau amaw ka tia?" Arawn ti leh sup, hrechhuak thut in ka thlah vat,tum tha leh in ka chho nghal hmak a,nui suk suk in ka hnung ah min lo zui











“Khawi ka bag?" Ti in ka ban ka phar nghal mahse min pawt deuh dat in ka biang arawn kiss zeuh a,nui suk a ka bag min pe in a kal nghal daih.











Class ka luh chuan hman hmawh tak hian Mali chuan min lo pan a “Lo kal teh!!" Tiin min pawt phei nghal dawr dawr











“Sawmpuii ruang an chhar!" Arawn ti thut a,ka phu zawk! “Khawiah?" Ka ti nghal vat “Mission veng lam ah daih an chhar" mak tih hmel tak chuan arawn ti ve a











“Chuan a thian te Esther te kha I hria em,khang ho pawh kha an sawisa lawm!! An chhungte an thinrim lutuk a,mahse a titu an sawi duh miah lo" arawn ti leh a











Kei ni ila thil ti sual tu te an man theih nan ka sawi zawt zawt tawh ang,an vo tih na amawnle aw!











“Ka hlau e! Kan chungah te hian a thleng ve mai ang tih ka hlau!" Ka ti sup, Mali pawh chu alo bu nghat a











Teacher alo luh chuan kan sawi chhunzawm ta lo,mahse kan pahnih rilru chu teacher thil explain lai ah chuan a awm mawlh lo ani,hmelma a neih awm pawh ka hre si lo,chu bak ah va hre tur in ka thian pawh ani lo.









“Kei chu keimah in ka haw ngam tawh lo!" Mali chuan min lo hrilh ru sup a,amah ka en chuan a hlauh hmel tak tak











“Kan haw rual dawn nia!" Ka tih sup chuan ner nawng hian “Misuala nen bak in haw aw kawng lo ange!" Arawn ti chiam a












“Vanlalruatpuii leh malsawmsangi te kha in ngaihthlak peih loh chuan chhuak nghal rawh u!" Miss chuan arawn ti tuarh a,kan phu dun zawk, Mali phei chu a au that bawk











Inthlahrung duk chuan kan chhuak hna hna a, Mizo period anih vang in ka ngaimawh vak lem lo











Corridor ah chuan kun ngul hian kan ding a,ka piantirh ata min hrem hmasak ber ani












“Ruatpuii!" Tih ri ah chuan ka hawi phei nghal vat a, Moses chuan nui vur vur hian min lo en,nuih let lem lo chuan hnuai lam ka bih leh nghal daih a











“Haw rual tawh ang aw!" Arawn ti sup,thaw hak hian “Aih!" Ka ti hmuk,a nui hmel chu a tawp nghal hmak a,ngeiawm lutuk hian arawn kiai suk bawk











“I haw dawn khawp alawm!" Arawn ti sup a “Moses!!!" Miss chuan classroom atang chuan arawn koh vak a, Moses chuan nui suk in “Yes beautiful lady!" Ati ve vat











Miss chu lai tih hriat tak hian hnuai lam a melh nghal vat a, Moses te ang mipa chhelo leh hleitling in chu tia an han koh mai chu nula pangai tan chuan laih loh na chi ani lo











“Ka rual in I haw dawn nia!" Ka sam arawn khawih zeuh tih in a thal nghal thuai a! Mali chu a rak that!











Eric chuan chhuat ah nam bet in a hnek nghal mawlh mawlh bawk, student dang te chuan an thawm hria in an rawn chhuak sup sup a











Thelh pawh an tum Chuang lo,an en ringawt hi ani mai, Miss pawh chu rawn chhuak in thelh ngam chiah si lo hian tawp tur in alo ti ve chiam bawk











Moses lah chu alo inring loh vang nge Eric lak ah a tlawm hret ani, Eric chu thaw hawk a rawn tho chhuak in ka ban ah min rawn pawt nghal hrawk a,min pen pui nghal pawk pawk bawk











A pen hlawk si,kei ve chu ka tlan char char hi ani ringawt,ka ban a vawn na chu a nghet em em mai a,lo tal chiam pawh ni ila ka tal chhuak thei lo tih a chiang reng











School thlang in bul mahse ramhnuai lam daih ah chuan min kai phei nghal dawr dawr a,a kal chak si kei ve erawh chu ka hah nghal der bawk











Kan lut thuk tulh tulh a,a thim tulh tulh bawk. Arawn ding chawt chuan ka ding ve nghal vat a,ka kut chu peih deuh hrawk in a sam a tuai phuat











Thaw hawk hawk in hnuai lam chu a melh kar a,a hnu deuh lawk ah min rawn en ta ngur bawk











“Eng vang a.....ni lo! Kha pa khan engvang in nge a khawih che?" Arawn ti hrawk,ka phu zawk,ka pen hnung dat bawk











“Oh min tlansan i tum amaw?" Nui suk hian arawn ti min rawn hnaih zel bawk











“Nilo....." Ka tih lai mek chuan arawn nui chhuak hawk hawk a










“Bawihte ka dawhtheih na fiah tum suh ka ti lo em ni!" Arawn ti leh nghal a,a nui suk suk bawk












“Min chhang ta che!!!" Arawn ti vin nghal hrawk bawk,a landan chu a hlauhawm takzet! Tun ah tak chuan ramhuai a ang ber











“Min chhang dawn lo maw?" Kiai suk hian arawn ti leh,a landan inthlak thut thut avang chuan mak ka ti hle bawk











“Okey, that's it, anih loh chuan ka thil duh loh deuh a thleng palh hlauh ang!!!" Ti leh hrawk in a kalsawn nghal daih











Ka zui chiah ngam si lo,zui ta ila a thin a rim awm si a











Kan chhuahna lah ka hre tawh der si lo,min hnutchhiah leh mai mai tur in tinge maw min kalsan le,ka ngaihtuah na a dik dawn lo tan a











Ka sir deuh a lung Lian ve tak rawn pawng chhuak deuh ah chuan ka thut thla dat, inngaihtuah lungpuam in ka mittui a far fap bawk











‘Keimah a min kalsan hreh lo tu bialpa ka nei ania,ka bialpa neih vawikhat na ala ni zui,kan hlim reng thei dawn em ni!' ka rilru chuan ka ngaihtuah neuh neuh











Ka khup ah ka khabe nghat in ka tap chhuak nghal hawk hawk a,tun ah tak chuan hlauhna leh rilru nat na in min tuam hlup hlup bawk











Eric mizia ka hrechiang zel chu anih hi,ka tah vak vak lai chuan ka hnung ah pen thawm ka hria












Ka hawi let nak chuan Moses chuan hmuhnawm ti lutuk hian min lo en reng.










Show post links
Top

[Ngaia]

CHAPTER 18





Vanlalruatpuii POV




Hmalam chu ka hawi leh nghal vat,tun ah tak chuan Eric hi ka haw lutuk,he tiang ramhnuai a min hnutchhiah ringawt hi a mipangai loh thlak ka ti











Ka hnung ah pen thawm ka hria mahse ka ngaihven lem lo,ka khup ah ka khabe nghat in ka la tap reng tho











Ka sir deuh a chuan rawn thu thla in min en veng veng a,amah ka va en chuan a nui suk “I tah khan i duhawm zul anih kha!" Arawn ti sup










“Chu tiang sawi na hun ani lo!" Tap deuh tuau chuan ka ti hap,arawn nui leh suk a,rawn ding chhuak in ka ban ah min rawn chelh a min dinpui nghal











Ka ban chu ka pawt let deuh nawk a,nui suk hian “Ka hruai haw ang che!" A aw ah chuan nuihzat na a awm tawh lo,a aw chu a zaidam in hriat a nuam mah mah











“Lo kal la!" Ti a min rawn kaih a tum chuan ka tawlh hnung leh dat,mit chhing suk in a nui leh a,hma lam ah chuan a kal,ka zui ve vat











Kan kal lai te chuan tawngthei lo ang mai hi ani,a hma a tawngduh leh nui suk thin kha chu hmuh tur leh hriat tur pawh a awm tawh lo,a ngawi deuh ngul a biak a huphurh awm zawk!











Kan school thlang ah hian kan chhuak deuh hlawl a,kan luh na lam kha ni lo mahse a kawng chu a dik tho,ka lawm lutuk chu ka tap tep hial ani











“Ka lawm e!!" Ka tih sup chuan min rawn en thla vat a,hei pawh hi Eric ang chiah in a sang,kan school ah pawh a luck ve hle,arawn nuih suk chuan kal mai ka tum a











“Ka rual in I haw duh lo mi?" Arawn ti leh lu thing mat mat in “Driver ka call thei alawm ka lawm e!" Ka ti leh sup











“Kan kal dun chhung kha rei lo viau mahse ka hlim em em tho!" Ka kal dawn chiah tih in arawn ti leh,awih awm loh hian! Kan kal chhung zawng a ngawi ngul leh biak huphurh awm em em kha ania











Class ah chuan ka han let a, students ho zawng zawng chu an lo haw tawh mahse Mali chuan ka bag lo keng in corridor ah min lo nghak reng,min hmuh rual rual in min lo pan nghal a











“Ka ngaihtuah lutuk che lawm! Eric kha a thinrim hmel si!" Arawn ti vat a,sawi tur pawh hre lo chuan ka ding reng ringawt,thil zawh chi vak ka ni lo tih a hria nge min kai in min kal pui nghal vat











Inhnuai kan thlen chuan driver alo awm reng tawh,ka chhoh lam kha chuan ka hmu si lo a, Malin alo phone ani ngei ang











Car ah pawh chuan engmah min zawt tawh lem lo,pawn lam chu ka thlir reng,ka rilru ah Eric kalsan duh na a awm,a khawsa zia te kha hmeichhe tam tak tan chuan then vang vang na tham ani











“Ruatpui kan thleng!" Mali chuan arawn ti,ka hawichhuah chuan kan inkawt kan lo thleng der tawh,chhuk vat in kan inlam chu ka pan nghal a











“Bawihi i lo va haw har ve?" In ka luh vel ah chuan ka nu in arawn ti vat “Kan stayback a" ka ti sup,a awih ani ngei ang engmah min zawh chhunzawm ta lo











Ka room ah chho tlang in ka inthlak zung zung a inbual fai in vawiin a homework kan neih ang ang te chu ka ti nghal,maths homework phei chu ka ti lo,rilru ah a lut thei hlawl lo











“Bawihi chaw rawn ei rawh!" Ka nu in atih lang lang chuan ka ngaihtuah na atang ka harh hlawl a,ka zuk chhuk vat











“Ka fanu enge i zir na lam te?" Chaw ei lai chuan ka pa in min zawt a,a pangai thu in ka hrilh ve mai bawk,ka school chanchin leh eng eng emaw ni min zawt leh neuh neuh bawk











“Bawihi Pi Rovi te inah register bu min va lak pui lawk la lehkha i zir loh chuan?" Ka nu in room lo luh pah chuan arawn ti a,ka lo aw ve mai bawk











Zan lam a chhuah chu boruak a dang zar mai,thil a thaw heuh heuh a,kan nufa chuan kan infiam leh bawrh bawrh thin











Pi Rovi te in kan thlen chuan thingpui min lo siam vat a, thingpui in ngai lo mah ila min chhawp tawh si,han duh loh leh a chi tawh si lo chu kan duh ai kan rei ta phian,nu ho ti ti an ni hlawm bawk nen











Ka room ka thlen vel ah chuan ka chau deuh nghulh in ka hria,mu tur in ka insiam sawk sawk,ka khum te siam tha in light ka off a ka mu nghal daih











Ka mut na ah chuan ka inngaihtuah neuh neuh, Eric hi ka kalsan angem? Kalsan pawh tum ila ka theih lawk ka ring lo,ka lo duh ve hman tawh em a,vawiin a a khawsak dan erawh kha chuan ngaihtuah na ati thui hle,nge ni chance pek leh hi tha zawk ang le











‘~Bawihte~' ka mang hriat ruai ruai a,ka kawng ah nghet tak in min kuah a,ka sam chu hmui lum thar thar in arawn si zeuh zeuh bawk











“Ka tihpalh!" Cool ruih in ka beng bul ah arawn ti leh sup sup a,ka mumang mai mah nise ka tah ati chhuak takzet!










Ka harh chhuah hlawl chuan ka mumang ani lo,hawi let kher lo mah ila Eric ani tih ka chiang,thawh ka tum chuan “Shhhh" arawn ti sup,ka che lai pawh ka tawp chat











Engmah sawi lo chuan kan ngawi dun vang vang,ka kawng ah nghet tak in ala kuah tho “Bawihte!" Arawn ti ril ruih,ka mittui a far nghal fap bawk











“Ka tihpalh!" Arawn ti leh ruih a,ka inhnih nghal hraih,vawiin a min kalsan dan zawng zawng te kha ka mitthla ah alo lang leh ni mai hian ka hria











“Ka tihpalh ka tihpalh!" Min kuah nghet zul sauh chuan arawn ti a,inhnuai daih ah ka chhungte an mut avang in kan thawm an hriat vak ka ring lo











“Haw...haw...haw rawh!" Tap tuau chung chuan ka sawi thei tawk ani “Aih ka kalsan dawn lo che ka duat!" Ka bek rawn fawh zeuh ka chuan ka beng bul ah arawn ti leh a











“Min tih hlauh zia kha,haw daih rawh! Ka hmu duh tawh lo che!" Tap chung chuan ka ti leh vak,thaw hawk in a lam hawi zawng in min kuai her a,a awm ah min bei tir nghal











“Hah! Ka kalsan dawn lo che ka tih tawh kha!" Nui hak hian arawn ti leh,tun ang hun ah ala nui thei te chuan ka tah ati chhuak zual sauh











“In...inthen mai ang!" Ka ti leh sup,thaw chhuak hawk hian “Ka tihpalh ka duat,a thleng tawh lo ang,ka ti tak tak ka tihpalh!" Arawn ti nghal sup a











“Ka kalsan ngai dawn lo che ka tih khan midang ang in ka sawi tliam satliah lo,min ngen lawm lawm mah la ka kalsan dawn lo che.Vawiin thil thleng vang khan ka tihpalh,mahse tu mipa in nge an hmeichhe duh leh atchilh em em mipa dang in khawih ta se ka chhet ang khan che lo bik ang, ramhnuai a thil thleng kha chu ka tihpalh,ka thinrim na ka thunun thei ngang lo anih kha,ka duat tu hnen ah mah ngaihdam ka la dil ngai lo mahse min ngaihdam rawh!" Chu thu a sawi chuan min hneh leh nghal der a












“Min ngaidam dawn em?" Ka hmui rawn fawh zeuh pah chuan ngen ngawl tak hian ati sup,chhang mai lo chuan ka en vang vang











“Ka tihpalh!" Thaw leh hawk hian arawn ti leh a,engmah sawi tawh lo chuan ka kuah leh nghal hmak bawk,a hrethiam ani ngei ang arawn nui suk a “Ka lawm e ka duatte!" Arawn ti sup bawk











Nget tak a min kuah let in ka chhip a fawp zeuh zeuh bawk,mutchhuak in min rawn zem leh chiai chiai a,ka meng thei tawh thlawt lo “Good night my baby!" Tih chu ka mang hriat leh ruai ruai











Zing ni eng in ka hmai arawn chhun chuan ka harh nghal a,ka bul ka en chuan Eric alo awm tawh hauh lo,ka mumang a mawnle ti neuh neuh in ka tho











“I va tho hma ve!" Ka nu in ka room rawn luh pah a atih chuan Sana ka en nghal vat dar 7 alo pel hret tawh












“Nu rawng ka lo bawl pui ang che aw?" Ka tih chuan alo rem ti ve mai a,nizan ka mumang vang nge ka mood chu ka dik riau,a tak pawh ni lo mahse ka hlim ve hrim hrim











“Bawihi dar 8 a hnai tawh chaw ei la han insiam rawh i bialpa alo thleng tep tawh ang!" Ka nu chuan arawn ti sawk sawk,ka melh deuh vak












Chaw chu ka ei sawk sawk a,i siam tur a ka chho dawn chiah tih ah kan door bell arawn ri,ka va hawn chuan Eric an min lo nuih ver ver a,ka en reng ringawt











“Min ngaihdam tawh kha!" Lu ti che zeuh hian arawn ti sup,anih chuan nizan kha atak!










“Lo lut rawh!" Nui suk a ti in ka room ah ka chho nghal vat,insiam zung zung in ka chhuk thla, Eric chu kitchen ah ka nu nen an lo inbe ve luam a










Va phei in “Ka hman!" Ka ti sup,min melh vang vang in arawn nui suk,pawn kan chhuah chuan a vawt deuh var mai,nikir thla anih vang nge ruah hi a tla cher cher reng a,mahse tam lutuk phei chu a sur lem lo











“Bawihte!" Eric an arawn ti sup chuan alam ka hawi vat,ka ban ah rawn pawt deuh dat in ka biang arawn tawk zeuh “Moses kha hnaih tawh suh aw!" Ka biang arawn fawp zeuh bawk,lu ka bu deuh nghat a,min rawn hnaih loh chuan hnaih nachhan tur ka nei lo











“Eric!" Ka tih sup chuan mit ko arawn san ak a “Sawnpuii ruang an chhar kha i hria em?" Ka ti sup,min en vang vang in lu athing nghut a











“Ka duat chu tiang thil chu ngaihtuah vak suh!" Arawn ti sup bawk, school lam ah chuan kan inzui phei leh a











Moses erawh kan hmu ta lo,kan classroom thleng chuan min thlah leh thlap a, Mali pawh school arawn kal lo reng reng,engmah min hrilh si lo a











Teacher te an rawn luh pawh alo la thleng thei si lo chu school arawn kal dawn lo ah ka ngai ta tawp,mahse school kal thei lo tur khawp a nat a neih ngai awm ka hre si lo











“Ka lo thu ve!" Tih ri ah chuan ka hawi chhuak mipa pakhat,mipa nge kan tih dawn hmeichhia,mahse a mix kan ti thei ang chu,chu chuan ka bul a thut min rawn dil a











“Immm!" Ti sup in tukverh lam ah chuan ka thu phei nghal vat,tukverh a ka dah reng lai chuan “Victor ka nia!" Arawn ti sup,ka hawi phei chuan min lo nuih a












“Kei chu......" Ka tih lai mek in “Ka hria che lawm,i lar lutuk!" Arawn ti vat,bangbo lutuk chuan ka en reng











“New commer ami inih?" Ka tih chuan arawn ti hak hak a “Ni lo e, class 9 vawi thum ka fail a,ka thu nawn leh,midang chuan min kawm duh lo a,mahse nang chu i fel e!" Arawn ti nghal bawrh bawrh a,rin ai in kawm a nuam reuh mahse ruih theih thil a duh ve hmel











“Meizial ka va zu chak!" Class lak lai chuan arawn ti sek,kawm tam vak a chi dawn loh anih hi











Teacher a chhuah chiah chuan a zuang tho nghal a “En teh lalthian,meizial ka zuk zu ru lawm aw!" Ti in pawn lam chu kawng sawi bawih bawih in a pan











“Bawihte!" Tih ri ah chuan ka hawi phei vat, Eric chuan min lo en reng “Tunge khapa kha?" Ati sup,nui suk in ka hrilh nghal vat,mahse hnaih lo tur in min la ti tho











“Mali alo kal lo a ka khua a har!" Ka ti sup,ka khua a har tak tak, Victor chu awm tho mahse min hnem vak Chuang lo











“Ka awm hi!" Ti sup in min rawn kuah nghal than a,min an la chhuak vat si lo nen a pum ah ka nghawk deuh vat











“Ahhhh!" Ti in a pum a dawm a,ka hlauthawng leh si chu ka buai vek,mahse arawn nuih deuh hawk ah chuan ka hrethiam a,a hnung ah ka beng deuh vak.









Show post links
Top