By- B-Mallow
Last chapter🌬❤
Kan chhuah dawn chuan Bawihpuia a nuar tak tak mai a, tih ngaihna thlawt a awm loh hnu chuan ticket te kan han en sak leh a, pakhat chuan alo refund hlauh a chu chu rem changau la in tum lawk miah lo in Delhi ah chuan Bawihpuia chu kan hruai ve a. Engmah tih tur ka nei dawn chuang loa, Bawihpuia school lo kal pui pawh chu a zia viau ang.
Bakah anuin hna a zawng leh dawn bawk nen, an tan phei chuan rem chang a lo ni hlauh a, a tir atangin kan lo tum lawk lo kha tih rum rum a awl khawp mai.
~~~
Delhi kan thlen thlak chuan kan in lam min pan pui leh vang vang a, chauh a na duh khawp mai.
Heng lai boruak phei chu Mizoram chu tluk lo tak ani, ka luak a chhuak but mai a, "I tuar thang a nga, i thiam ve mai ang" Joseph-a lah in ati bawk a, ngai a neih chu la hla tak ani.
Mahse kan rin ang ngawt hi alo nilo a, thla khat vel kan awm hnu chuan ngaiah ka nei khawp mai.
Kan thenawk ni Roshni nen kan inkawm deuh chawt a, vai tawng ka la thiam vak loh avangin pawn phei chu keimah in ia chhuak ngai lo.
Joseph-a hna ah kal reng a ngaih avangin zan lamah ei rawng ka bawl lawk thin a, zing lamah chuan tih lum ringawt a nia a awl sam phian zel.
Nitin deuh thawin URuati leh Ka nu chuan min lo phone thin a min ngai ve khawp mai chutiang bawkin UBiakteii te ho pawn minnlo video call a, "Pasal neih i ngeih hle mai a" A chang leh an tia, a chang leh, "Delhi awm chu i ngeih kha, ka pa rawn awm ve daih ang" An ti fiamthu thin a, a kal kawng ninawm zia hria se an chak buaiinnka ring hauh lo.
Tuk khat ka tho chu ka nuam lo deuh bur a, Joseph-a chu damdawi ka lei tir ringawt a, eng damdawi nge a rawn lei dawn pawh ka hre chuang lo.
Ka khuante chu a sik ser ser a, Bawihpuia school kal tur a hruai a ngai bawk sia, Roshni hnenah chuan, min awmpui turin alo ti ringawt a, in thlahrun a na khawp mai.
An kal bo hlan chuan, "I rai ani lo maw?" Atia, ka pi8 hun ka ngaihtuah a ka p8 loh na a lo rei ve tawh ang reng a.
Test kid min lei sak a, tih dan tur te min hrilh hnuah bathroom ah lutin ka va in test a,, ka lo rai ve ngei chu niin.
Joseph-a ka hrilh chak tawh sia, phone call hmang a hrilh chu ka ti deuh bawk sia.
Phur tak chuan Joseph-a chu kan lo nghak a, Roshni chuan ei tur tha te min hrilh ve mawlh mawlh a, cake a siam thin a, tunah pawh min siam sak leh pek a, an fel thin khawp mai, mizo thenkhat te hian an tluk pawhin ka ring miah lo.
Joseph-a leh Bawihpuia an rawn haw chuan, ka lo hrilh vat a, Joseph-a mitmeng mawlh chu ni thlir nuam a tle sar mai a, Bawihpuia lah a lo hlim ve bawk.
Joseph-a chuan min kuah deuh hlu hlu a, "In dim hle rawh, engmah pawh ti ve suh" Atia, tlai kan chaw ei na thleng te chu an sil vek pek a, a lawmawm lutuk ringawt zawk.
Ka nu te kan hrilh te chuan in dim turin min chah mawlh mawlh a, Joseph-a zawk chu an rawn hau ti tih ringawt leh nghal a, Joseph-a chuan, "Enge min hauh nghal ringawt a" Alo ti vin hlar a, keiin ka lo nuih ringawt thung.
Ka nutei te, NuMalsawmite chhungte ho ka hrilh te chuan an lo lawm thiam khawp a, "Engmah tilo awm chhun kan MA pass satliah hi kan lo thawn mai dawn mi?" An tih chuan, "In sual e, ka pass satliah lo" Hruaiin alo ti hlar a.
Kan in biakna kan tih tawp hnu chuan zan mut alo hun tawh der.
Zan kan mut lai te chuan kan hun tawng tawh te ka chhui kir a, tah na tur tam thin hle mahse hlimna a tam veleh zawk tlat a, Pathian chungah hian lawmthu sawi sen loh kan ba ani.
~~~~~
Ka pum pawh a puar lian ve tawh in chet te pawh ka harsat tan a,, NuZikpuii delhi a awm ve khan min rawn awmpui hlauh a a tih chi tak tak ani.
Fa neih hun a hnai telh telh a Joseph-a phi buai chuan chawlh a la ringawt pekna, rin ai takin ka la nei har a.
Thawhleh zing dar 2 vel tang in ka veih a, zing dar 4 vel te chuan a na hreawm lutuk chu nau pai sim thak na khawp ani.
4:30 velah naute chu kan nei ve nge nge a, mipa niin a pa second copy ani ringawt. An in ang em em a, an kut te reuh te te, an mit, an hnar, Joseph-a chiah chiah ani.
Kan chhungte kan hrilh chuan an hmu ve chak khawp mai a, an rawn vedio call deuh reng mai.
Chhunah chuan naute mut laiin Ruby ten an lo call chu ka chhang ve a, loud speaker a ka dah lai ani bawk sia, "A pa chuan a va siam thiam ve" An rawn tia, a pa zak bawk, nurse duty ho an lo nui suk suk bawk nen boruak chu a nuam phian a.
An hming kan phuah dawn chuan, ka nu phuah tir kan tum a, Pathian zara in neih leh hunah le ati tlat sia.
A sap hming ah, "Moses" Tih apain a sain, a hming pumah "Lalhruaizela" Ka sak sak ve bawk a. Lalhruaizela tih hi ka crush kumhlun ve ber Pathawi ngat kha ani ve a, Joseph-a nen kan in tawn hma mi ni mahse Joseph-a hian engkim a hre vek tho a, lungawih takin a pawn thlap bawk ani.
Damdawiin kan chhuak vat a, ka nuzikpuiin min awmpui ve char char reng bawk a, chhungte ho lahin chanchin hriat tumin min lo phone zan tin reng bawk.
Kan Moses-a lah chu mut a duh tlawk tlawk lutuk a, a pa phei chuan, "Ala thau duh ngawt ang" Ti deuh reng bawk a, an han in awih ve deuh pur pur phei chu hmuhnawm thin tak an ni.
Thla hnih a tlin ve hnu chuan NuZikpuii pawn min haw san nge nge a, mahse a rawn la lang ve zeuh zeuh tho.
"Awih, a cute zia hi" Khum a an mut laiin kan pa chuan a rawn tia, ka va kal phei ve vat a, a ke hnuai a lo zat sak chu niin a nui kuar kuar lehnghal.
"Dek tawh suh, in dek a tha lo" Ka tih chuan min rawn la dek veleh chhawng a, Bawihpuian min rawn dek ve a tum chu, a kheuh kheuh hian min la kheuh hahthlak bet but tak ani.
"Thianpa, min lo pui teh" Ti ri kan hriat rualin kan tawp hmak a, Joseph-a chu a chhuak nghal vat a.
Ka zui chhuah ve rualin, "Roshni saw, a tlu a, damdawiin a hruai a ngai ang, in motor hian min lo hruai mai teh u" A tih chuan Joseph-a pawh a in siam vat a, "Kan lo haw har lo ang chu a, ti khan lo awm ula, kan rawn let leh vat ang" Ka khabe dawm chung chuan atia, min kalsan hi a hreh ve ngawih ngawih zel a, enge maw tak zawngin a nuam viau lawih a.
"A zia leh vat mai ang"ka ti ve luam a.
An kal hnu chuan kan nufa leh Bawihpuia nen chauh kan awm tawh a.
Bawihpuia lehkha zirtir pahin Moses-a chu ka pua a, chutia kan in zirtir lai vel chuan kawngka an rawn kik ri a. Tute nge niang tih ka ngaihtuah hmasa ber. Ka nuZikpuii te an lo kal dawn chuan min hrilh hmasak ve awm tak ania, in lamah hi chuan Raju te nupa chiah an lo len deuh thin vangin tunge tih rin ngaihna ka hre lo.
Ka hlauhna dah tha in kawngka an lo kik leh rual chiahin ka va hawng a, rin loh deuhin Awmawma te unau leh UJei te an lo ni.
"Khawnge in pa?" Tom-an a ti nghal vat a, "Raju-a nupui kha a tlu a, damdawi inah an hruai lawk a" Ka lo ti vat a.
Bawihpuia pawn Tom-a chu a pan vat a, "In pathum chiahin in awm alaw, khawmaw no te chu kan lo en ve nge" UJein tih leh pahin Moses-a ka puak chu a bih pah vut a.
"Ava hmeltha ve a, a nu leh pa te a chhun hle mai che u a" Tih pah chuan a nui zui deuh suk suk a.
"Khawmaw kan lo en ve chhin"Toma leh Awmawman an lo ti ve vat a.
Tom-a pek chuan, " Anu leh pate hmel fu loin a hmeltha nih kha"an ti zui kher a.
"A sak hmingah enge in phuah?"Awmawma chuan ati ve nawlh a, " Moses Lalhruaizela"ka tih chuan, mit san ak chungin Tom-an, "Lalhruaizela" Ati deuh suk a. Ka lo nuih tlawn vel ringawt.
"Kei chu Joseph-a hi a fel mah mah ani" Awmze nei fahranin a tih chhun zawm leh a, "Ama phal na ngei a sa lawm kan nih" Ka lo ti vat chu an nui duh lek chauh.
"Engtin nge in rawn kal nawlh theih reng reng a, bakah kan in awmna te engtin nge in hriat a?" Ka ti zung zung a.
"In pa ka zawt lawk vek a lawm" Toma bawk ani, "In lo kal dawn tih a hria mi?" Ka ti leh chu dilchhut min ti ngang a niang, ner nang chungin, "Nu i nu tawh chung hian ila dilchhut tho, puitling chu la hnai lo tak ani"ati nang nang a.
" Dil tu awm loin a chhut theih hleih nem"ka ti ve leh tho, ka fapa chu alo te deuh avang chuan ka han awih leh rih a.
Ka awih vel lai te chuan, "Nute, tihian fa chu an nei ve mai sia tiraw" Tom-an UJei bula a tih chu ka hre ru reng a, "Nang pawh puitlin lam te ngaihtuah ve la, nupui fanau te nei ve vat ta che" Alo tih chuan, "An ni pawh an puitling kher hlei nem" Tichungin Bawihpuia phone khawih chu a bih pui zeuh zeuh a.
"Iva han hahthlak bet but tak" Awmawma pawn ati tawp a.
Chutih laiin kawngka lam chu a rawn ri leh a, kan pa anih tawh ringin ka va hawn vat a, alo ni chiah bawk..
"Ehe, eee,, engtin nge,, in lo kal a?" A rawn ti bah deuh nuaih a, "Kan rawn thlawk" Ti pahin Tom-a chu a rawn tho nghal vat a, Joseph-a chu a rawn kuah deuh chul a.
Chutia an hlim dun lai vel chu ka lo thlir ngawt ngawt ringawt a, an in ngaih zia lah a lang reng bawk, phone ah pawh an in be reng peih ania, mipa si hi.
"Thingpui te in lo in tawh em?" Atih chuan thingpui ka la thlit lo tih hrechhuakin, "Ka lo mangnghilh daih lawm, a thlum in nge a hangin ka siam ang che u" ka ti nghal zat zat a.
"A hang pawh khan a pawi lo" UJein a tih tak ah chuan ka va thlut sak a. Ka pek leh lai te chuan an lo ti ti nasa khawp mai.
An rawn kal chhan lah chu keini naute thar nei min rawn hmuh pui turin ania.
Pawn lama an car a an thawmhnaw dah chu mipa ho chuan an va la vat a. Mikhual roomah chuan kan han dah lut a.
Kan in hi lian vak lo chung hian room pathum a awm ve a, kan chhungten min rawn tlawh tum hian an awm thin tih loh chu keinu chu kan awm khat khawp a, room pakhat a kan in hnawh len vek vang ani.
Kar khat vel zen zawn chu an awm reng hnuah an haw ve chauh a, Roshni te pawh a tha chho zel a.
Moses-a pawh thla nga lai ani ve tawh a, a changkang ve sawt khawp mai.
"Lo en teh" Tiin ka eirawngbawl chu kan pain min lo au a, ka va kal chuan, Moses-a te muhil chu a lo thlir vang vang a, "Enge" Ka tih chuan, "An in ang a sin"ati vang vang a, ka nui tawp, pawimawh deuh a sawi dawn maw tih a.
"Ka rin aiin i sawi ho" Ka tih chuan, "Nizanah ka nu lungleng in min rawn call a, lo haw ve ula in chawlh lai ani tho sia atia" Atih chuan, ngaihdan siam mai ka harsa, "I tih dan dan ani mai, haw chu tha ka ti viau a, chhan chu kan awm rei hman bawk siloa"ka tia.
" Ticket hauh a ngai nih chu, vawiin chu leng ila,, Bawihpuia te an chawl tho sia"atih chuan chak tak mai hian ka chak a, len pangaiin ka leng khat ve em a, in ah kan tawm tawp zel a, Bawihpuia birthday kan lawm tum a kan chhuak tih loh kha chu chhungkua in kan chhuak leh miah loa.
"Chuti chu chaw ei hma ngai dawn nih chu, ka va bawl chhun zawk nge ka la zolo deuh a" Ka tih chuan min lo chelh vat a, "Ila ngaihawm ve lawm, tikhan la awm ve rawh a hmanhmawh thlak loh" Ati zat a, a aw a nuihzat na pawh chu chiang takin ka hria.
"Iva han over tak e aw" Ti pahin a banah chuan ka beng a, "A nia lawm aw" An ti leh hram a.
Naupang ho an lo harh hnuah chaw te chu kan ei a, kan chaw ei laia kan len tur apa in a sawi chuan Bawihpuia lawm lutuk chu a au chul a, a nau hrethiam pang hlei lo pawh alo te ve chel chul a, thawm a tha khawp mai.
Chaw ei khamah kan in siam sap sap a, kan chhuah theih chuan 9:30Am a ri der tawh.
Ticket kan hauh hmasa ber a, karleh monday ticket kan la a, ka nu phone a ka hrilh chuan alo lawm thiam khawp mai a, a lunglen zia te nen a sawi luam bawk a.
Taj Mahal ah pa ber chuan min han hruai a, mak an ti in nuam an ti bawk a, thla pawh kan la nasa malh malh khawp mai.
Hmun hrang hrang ah kan kal kual a, kan vak kual nasa lutuk ka chau deuh chuan, "Nidangah pawh kal na hun la tam sia, ka chau tawh nia" Ti pahin Bawihpuia chu ka kai nghal a. Joseph-an Moses-a a pawm thung a.
"Kan kal tawh lo mai thei sin, ka lo paw dawn che mi?" Nui hawk pahin atia. "Eng nge awmzia?" Ka tih chuan, "Hma hun hria tumah kan awm lo tih hriat tir na nih kha" Ati zeuh a.
Restaurant-ah chawlin chaw kan ei a, in hmeh min tih thu dawr nghak tu ten an lo sawi luam bawk.
Dawhkan kan kil kual laih chuan Bawihpuia chuan waiter chu polythene alo dil a, "Engatan nge i tih?" A patean alo ti vat s, "Sawi duh lo" Laih ang reng tak hian atia.
Waiter in polythene alo pek hnuah, Sandwich chu a khung ta teuh a, "Ina ei ah iti mi?" Ka tih chuan, "No" Alo ti vat a, "Engtur nge a?" Tiin chik deuh hian Joseph-a nen kan in melh pah hrak a.
"Aizawlah kan awm tawh dawn chuan hei hi anu leh api hawn ka tum a, an duh thei lutuk a, hei phei chu Aizawl ami aiin a tui a" Ati reuh a, ka nuih deuh tawp laiin Joseph-a thung chuan, "Bawihpui, Friday chauh ala nih hi, dah that rei a ngai dawn sia, kha chu ei phawt la, a hranin kan order zawk dawn nia" Atia.
"Heta mi kher hi ka duh lawm" In kuangkuah chungin a tum bur a.
"Bawihpui tami hi kan chah dawn lawm, kha chu ei rawh le" Ka tih chuan, "Ta mi hi chah tak tak rawh aw Nute" Ati a, "Chah dawn chiang lutuk, kha chu ei rawh le" Ka ti leh a, a ei ve nghal malh malh a, Joseph-a nen kan in en a kan nui ringawt bawk.
In kan haw hnuah Bawihpuia chuan anu chu a phone a, "Nu thil te te api nen ka lo hawn dawn che u a" An ti velah, Anu lah chuan alo hre chak ve viau bawk.
An dah hnuah ka bulah rawn kalin, "Nute theihnghilh miah suh aw" Khat tawkin ati deuh reng mai a.
Sunday chuan an rawn deliver ngei a, Bawihpuia chu a lawm khawp mai.
Kan han in siam vel te chu kan phur tawh khawp mai a, mahni pianna ram ngei a haw tur nge nge chu a phur awm bawk ani.
Mi rama awm chiah hian kan ram nawm zia hi alo thar thin.
"In awm em?" Roshni in aniin ka hria a rawn tih chuan ka chhuak phei vat a, Roshni ngei alo ni.
"Khawnge Bawihpuia?" Ati vat a, a muthilh thuin ka lo chhang vat bawk.
"Zanah in thlahna hun siam ila, ei tur vel ka lo tum dawn nia" Ati nghal var a, thil awm hi chu a hria nia aw.
"Iva hek duh awm ve, Ka nutei te chhungkua an lo kal ve bawk dawn a" Ka tih chuan, "Ka siam hnem a lawm" Ati leh zel a, hnial en ah pawh ka en bik lo.
Rei fe kan ti ti a, kan awm lo tur chu a huphurh ve hle bawk, nitinin kan in kawm chawt vang hian kan in nel a, Bawihpuia pawn a ngaina khawp mai.
"Moses-a chu a ngaihawm dawn hle mai a" Tiin ka fapa ka pawm lai chu a biang alo piai sak a, alo te ve nasa mai, biang piai hi chu a ngai thei thlawt lo.
"Ava khirh tak e aw" Nuisang chuan atia, "chuchiah naupang te si hian" Ka lo tih chhun zawm ve a.
"Ar chaw ka la pe siloa, ka va haw phei ange aw" Atia a chhuak phei nghal a.
Eirawng ka bawl laiin NuZikpuii te chhungkua pawh an rawn thleng ve a, NiZikpuii leh Lucy chu an tawng ve bawrh bawrh a, Lucy chu alo kal ve chak thu a sawi cham chi a, anu in a phal lo bur thung.
NuZikpuii fapa Hruaizela chuan, "I nu leh pate hian ka hming nalh hi an ti sia, an lo put tir ve ringawt mai che a" Moses-a lawm pah chuan a han tia, Moses-a lah alo nui uar uar ringawt.
"U, Hruaizela tih hming pu hi an hmeltha duh bik aniang, Hruaizela pawh hi a hmeltha emai"an ti deuh kher a.
" Moses-a kha chu a hmeltha, hmeltha a maw i in ti ve mai mai nih kha"Lucy chuan alo ti a, NuZikpuiin alo nuih pui kar kar zui.
Room lamah Hruaizela nau chiah Tom-an games alo khel ve a, ala beng chheng em em zui.
"Saw ti reng saw, a chang leh, zuang ta che, a tih loh leh, Nice nice nice, te atia, an han rak nawk nawk zel hi chu an â ta maw tih awl rap" Nui huau huau chung chuan NuZikpuii chuan alo tia.
Joseph-a chu ka nu phone lei sak a a kal kha a rawn haw chauh a, "Khawnge kan makpa chu i kal a?" NuZikpuiin alo ti vat a.
"Ka nu phone lei sakin ka chhuak lawk a, min rawn chah nasa sia, ka leisak zawk anih kha" Tiin a phone lei chu dawhkan ah a rawn dah zat a.
"Ehe, iPhone alaw?" Tiin ULucy chuan a rawn en vat a, "Thil tha hi chu i hria mawle" Tih pahin ULucy chu a beng dat dat a, "Tiang te chu tu pawn an hria ang chu mawle" Alo ti vat a..
~~
Zanah chuan Raju te nupa pawh an rawn phei a, pizza leh cake an rawn in tum a, keini pawhin vawiin khan Sandwich chah pah khan burger tih te, French fries an tia mi, kha tiang chi te kha a awm nual a. Tui kan ti hlawm khawp mai.
Dar 11velah Roshni te nupa chu an haw chauh a, "Nidangah rawn zin ve kan la tum dawn nia" Kan han ti veleh luam a, kan in thlah thei meuh lo ani.
"Naktuk zingah dam te chuan in inhmu leh hman em em ang, in thlah fel phawt teh u" Joseph-an alo tih vangin kan in thlah ve thei hram a.
Nutei te pawh an mut a chhuak tawh niang, mutna tur vel min lo zawt a, ka kawhhmuh zawh hnuah chuan kan mu diak a.
Zing hma takah thenawmte ar khuang riin min kai tho a, ka tum aiin ka harh hma sia, ka muhil thei tawh bawk lo nen ka tho ta nge nge a, tih tur lah avang phian bawk.
Ka phone rawn riah chuan tunge ani tih en tum in ka han la a, Jenny alo ni, ka la vat a, "Kan lo hmuak ang che u aw" Atih chu chak viau mah ila, Ka nu leh URuati khan min rawn hruai kha an tum nghet viau sia ka lo hnar zawk ta mai a, a thinrim lo turah ka ngai ringawt.
Kan chhuah rualin NuZikpuii te chhung pawh min thlah pah a haw an tum a.
Kan kal liam thlengin Roshni te nupa in min thlir liam a, a ngaihawm ve dawn khawp mai.
Airport thleng NuZikpuii te chu an rawn kal a, an let phei leh vat a, keini pawh thlawhna kan kal na tur lamah chuan kan lut ta a.
Thlawhna kan chuang chhung zawngin ka hun lo hman tawh te chu ka han ngaihtuah let a, Pathian hian ka tan hian a tha tur hlir hian ro min lo rel sak hi alo nia, Ka nu leh Martinn-a la ngai thin viau mah ila, ka tan Pathian in rem min han ruat sak leh hlauh a, Pathian hnenah chuan lawmthu te ka han sawi malh malh a, ka nau te lo te talh talh ah chuan ka en deuh vung vung a, Joseph-a ka melh leh zawk aa, ani pawn min lo thlir lai tak ani, ka nuih zeuh a min rawn nuih let ve leh bawk.
Lengpui airport ah chuan ka nu leh Uruatin min lo hmuak ngei a, kal lam ai chuan ka phur fe zawk mai, a chhan chu nun ngai ah leh chhenna ngai pianna laa ngai ah khan kan let leh miau dawn ani.
Pathian remruat hi a tha zawng a pawm thiam vek hi alo ngai khawp mai a, chumai bakah kan tum tlat chuan kawng alo awm em em bawk a ni.
~~~~
"Nu lehkha zir hi ka ning, ka bang daih dawn" Mosesa chuan ati lang lang a. Aizawlah tunah chuan kan awm nghet ve tawh a, engkim a dang zo vek tawh bawk. Moses-a tak ngial pawh kum 16 lai ni tawh in Hish school a kal ve tawh a, lehkha zir a tet te tangin a la peih lo ve ngar ngar bawk.
A tawp ta🥱
Ka thawnthu ziah te ngaihnawm vak lo chungin min chhiar sak char char peih tho a, chumai bakah hawrawp(spelling) dik lo(mistake) tam tak karah min chhiar sak zel peih avangin ka lawm tak zet ani.
Next story ah hian Moses-a story rawn ziah ka tum bawk anga, min lo support leh theih dawn nia u.
In zavai a chungah ka lawm e
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***
Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/