UNI BY B-MALLOW (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: UNI BY B-MALLOW (Completed)

Unread post by Ngaia » June 12th, 2022, 3:13 pm

UNI

By- B-Mallow


Chapter25



Martin-a thih atangin ni 5 lai alo ni ve tawh a, keimah ah chuan Ka u thihna ni reng kha ala niin ka hria, Upa hoin Khuareiin min hnem thin a tih kha chu ka la dah hla vang vang khawp mai.




"Bawihte, vawiin chu chhuak lawk ang aw, damdawiin lamah" ka nu chuan alo ti lauh lauh a, choka lamah a che leh tawhin ka hria, UJe-i chu an in lamah a phei a, kan buai phah hrep lehnghal a.



Ka in siam ve thuak thuak a, dar 8:30 chuan kan chhuak hman der, ka nau nilo ka u lo ni reng zawk kha, kan chhuah dawn te khan a ban vaiin min thlah liam thlap zel kha a nia, tunah erawh a hmel hmuh tur tak ngial pawh a awm lo, a reh thawm a ring chang a ani mai.






"Bawihte, Damdawiin ah kal hmasa ang aw" atih vang chuan kan kal hmasa a, thut thleng a kan lo thut laiin, ka nu chuan, "Ka zuk lut hmasa nga, ka lo ko leh ang che"ati thlap a, ka lo nghak ve mai bawk,




Ka nu lo chhuah leh chuan, Min hui zeuhin ka va kal nghal a, Doctor chu hmeichhia ani, nui sang hian min lo en a, ka nuih let lo chiang a sin, ka nuih thin na te, mi hlim thei mi tak ka nih na te kha, Ka u thihna khan a thih pui, a liampui ve nghal vek sia.




"Bawihte tah hian thu rawh le" tiin ka nu chuan thut na tur min lo kawh hmuh a, Doctor chuan ka chezia te chu chik fahran hian min lo en bawk. Ava tullo vee...



In entir ve ro ro ah chuan a ho ber awm e, engmah a sawi zui bawk siloa, mahse ka nu chu ala awm khawmuang leh a, ka lo nghah chhungin bang a an thil tar vel chu ka lo en kual mai mai.



"Bawihi, kal ang le" ati nem duaih a, "Nu, enge doctor chuan a hrilh che?" ka ti ngawt q, ka that thuin min lo chhang a, "Chuti kan haw thei tiraw" ka ti leh a. "Awle, kal ang" a ti nghal zat a, keipawn ka zui ve nghal.




Motor a kan chuan lai chuan, "I nu Becki te in lamah kal ang aw, naktukah Joseph-a a zin dawn sia" tunge a sawi pawh ka hre loe ah.



"Tute nge chu chu?" ka lo tih chuan ka nu chuan thawk a la deuh hluaih a, "Ka thiannu te an nia, Joseph-a chu a fapa a nia, Delhi ah a kal dawn, takah Bank manager tur i nia, Karleh atang hian training i neih a ngai dawn a i thei ang tiraw?" ati nghal zat a, "Nikhat ka kal chhin phawt anga, chuta ka awm dan a zir chuan a ni mai" ka lo ti sam et a. A bu ve ngat ngat bawk.



~~



Vawiin chu Joseph-a thlah turin kan kal a, Lengpui thleng kan kal a, ka nu chu a tap ti tih lehnghal, Umartina kha chu la awm se, Jozseph-a nen hian kal dun tur an nia.




"Anah" ka tih chiah lai a ka hnung lam ka hawi chuan Joseph-a hmel nguaih deuh chu ka han hmu nghal a.



"I phur vak nange?" ka ti ner nang a,, "Phur chu khawi lam tih vel ani" ati duh lek chauh, "Sawi tha ve mai lah" ka tih chuan, "Chu ai chiang a awm thei dawn mi?" tih pahin a nui deuh seih a.. Cute lutuk hian.




"Lo in enkawl tha rawh aw, hna te tha deuh a thawh i tum dawn nia, ka lo haw leh vat ang" atih lai chuan dak vah in ka lo en a, ka lu a lo tuai thung. "Teh reng e, ka sam i ti thur vek ania" ka ti ve a. A tuai thur tak reng bawk a, a mah tawp pawh a, a pheng pheng nen a.




"Mangtha phawt, in enkawl tha ang che" atia, ka hmai a piai kher leh pek a, naupang chhe bawl hian min bawk thin a.



"Bye bye" ka tih ve chuan, a kal nghal a, a pil tep tih in a rawn hawi let a, a ban a lo vai leh thuak a, ka vaih let lem hlei lo a.



"Bawihte, kal ang u" tiin ka nu chuan min lo kuaih phei a, Nu Beck-i chu bazar nghal a duhh vangin, a chhuk hma a, ka nu nen chiah a motor kan chuan hnu phei chuan a ruak huaih mai hian ka hria.




Ka u kha ka ngai tak zet, min hnial tu tur leh duat tak a min chenpui tu a awm tawh lo hi, a na ka ti tak zet, tinge a lo chhuah kher le?han ti dawn ila, keimah vang a chhuak a ni bawk sia, ka in hniam thei mawlh lo.




"U,,, Martin.. Misualpa" tia ka auh vak vak pawn "Ninawm" ti a phun zui pah a, ka bula rawn kal thin kha a awm tawh silo.



"Bawihte" ka hawi let vut a, ka biangah chuan mittui a rawn far nghal a.



"U" tiin ka kuah nghal chawt ka tum a, ka harh hlawl mai. Ka nu chuan ka thlan a lo hru mial mial a, a awmzia pawh ka hre tawh lo..



"Nu" ti chuan ka phun sep a, i thlan a va tla nasa ve a, i mumangah enge i hmuh?"alo ti nghal zung zung a, chutih laiin room ah chuan UJe-i leh mipakhat an rawn in zuo lut a




"Awmawm, tui chu lo la rawh le" ka nu in a tih rualin mipa chuan a tui ken lai chu a lo pe ve vat a, Awmawma tih hi hriat tawh na ka nei a, ka hre thei mai tawh lo, a rei ve deuh tawh niang.



"Tluangtluang, i tha tawh maw?" min tih chuan ka lo bu ve ngat ngat a.




"Nu, engtin nge khumah hian ka lo awm leh daih theih a?" tiin ka nu chu ka han zawt a, "I luhai kha i tlu a, hei Awmawma nen hian kan zawn che lawm le, i rih zia chu" tiin a nui suk suk a.



"E hei hi, I UJe-i fapa ang ani mai, Awmawma anih hi aw, a fel teh nia" ati lleh zubg zung a, a taeng duh veih pharh phary bawk a, Bawrgsaiabe kan hmeh a maw ka ti hial zawk ani.



"Hei damdawi hi ei la, muhil leh daih rawh, i chau anih kha" UJe-i chuan min tih avangin a damdawi rawn lek kan chu ka la vat a, ka ei ve mai bawk..



Mutthilh na a mawni, ka meng tha thei tlat lo mai a, a hnu lawk ah chuan ka lo sing siar siar a, tlai dar thum velah ka harh daih tawh..




"Ka van mu rei em em" tia ka ham buih buih chu, sir lam a thawm ri set set vang chuan ka hawi phei hrawk a, engmah chu an lo awm hlei loa. Kawngka in hawng chiah chu ni.



Ka tho chhuak chu, in hnuai lamah bel ri rawk rawk thawm ka hria a, ka nu anih ngei ka ring, ka nu hi thawm a nei lian thei sia, UJe-i nen chuan in ang lo tak an ni.



"Mambawih, ilo tho tawh law?" ka nu chuan a lo ti reng a, ka ring dik vel mai mai.


"Aw, khawnge UJe-i?" ka ti nghal zat a, "Chawhmeh a lei lawk dawn nih kha, Awmawma sawn chaw alo ei dawn a, a chawhmeh duh zawng ka zawt a, I UJe-i ka lei tir anih kha". ati leh nghal mai a, ka nu hi chu a fel ve nia aw, ka fak lo thei lo thin.



" Kha hei hi va ei ru,, tv a en in ka hria"ka nu chuan pop corn tam deuh min pek pah chuan atia, a sawi ang chuan, tv chu alo en ngei a, a tv en mawlh chu, tom and Jerry, ka mitthlaah chuan chiang lo tawk in, Joseph-an tv a en lai a lo lang nuaih nuaih a, ka lo chu ka thing nawk nawk a, chiang tawkin ka mitthla ah chuan nui heu chunga Joseph-a min lo en lai chu a chiang kher leh nghal.




"I la nuam sam vak nannge?" alo tih vang chuan ka harh kawk a, ka hma a lo awm chu Josepha nilo in Awmawma zawk alo ni.



"Nuam sam e, hei lo ei ve rawh, tv en pahin ei ang" ka lo tih chuan sawm nawn a ngai lo nasaa, ka bulah chuan lo thuin tv chu kan en dun a, tv a hmeh kual lai a rhymes lo ri leh zuaih thin te chuan enge mawni zawng hian ka lung a len riau lehnghal a, ber kher chuan!?



"Khi khi en ang aw" a tih lau chuan Titannic ani alo chhuah chu, ka lo bu liam ve mai a.



Rilru ah a lut meuh lo ani, kan thil en chuan, ka lung a leng tlat mai bawk sia, keimah ah hian kim lo riau awm hian ka awm a, rei pawh en pui peih loin, in chunglamah ka chho vat a.



Phone ka hmeh kual lai chuan, Joseph-an status alo update hlauh a,Aizawl thlalak chu hmangin, a caption ah, 'Nikir an sawi ang in kir leh thei ni ila, ka kir leh tawh ngei ang le, mahse, nikir ka ni ve silo"tih chu a hmang a.



Video call in ka va call a, a online lai anih vangin a la rang hrep leh nghal.



"I lungleng ani maw?" ka tih chuan, "Leng ve tho mai" alo ti cool ruih a, "Min ngai ami?" nuihza aw deuh a ka tih chuan, "Ka ngaih zia che chu, van angel aw te leh lei tawng te pawh in a sawi zo thei loang" zu han ti duah chuan.



Ka ner khum nang nang a, a ni nuih a za telh telh emaw tih turin a la nui zawm zel leh nghal a.



"Bawihi, lo chhuk teh, Awma hi va kawm rawh"ka nu in inhnuai lam atangin alo au leh vak vak tawh.




" Ka dah dawn sin ka nuin, 'Awma lo kawm rawh'ati leh tawh a, ka nin zia chu a"ka tih laiin, chiang tak in min rawn en a, phone atang mah nise, a chiang ve em ani.



"Tu Awma maw?"



"UJe-i fa ang deuh ani mai, Awmawma" ka tih chuan, "Hnaih vak suh ang che" ati khauh at a, den ve hnel reuh, a takah a hlauhawm loh loh nen a, "Ka hre lo le" tih leh phone ka dah nghal a.



"Enge room ah tawm reng suh" alo ti leh hlak hlak tawh, ka phonee a rawn ri leh chiah nen chuan, ka nu chu a meng rum leh ngang mai.



Phonee ka lak pahin pawn ah ka chhuak a, Alawmi alo ni, "Tluangtbawih, naktuk ilo kal thei ang tiraw?" tawng ve hma hma in alo tia, "Thei ang, min lo sawm la" ka tih chuan a phur thak ani tawh ber ang chu, "Uii,, kan in siam nghal teng, eng kawr nge hak i tum, sneaker mi i bun ang, i sam i thlah dawn em?" zawhna mun zawt nghal char char a.




"Chhan seng i ni lo,, eng ber kha nge chhang tur a min duh? Pakhat chiah sawi awih" ka lo ti let ve a, "I sam i thlah dawn em?" zawi muangchang fahran chuan a lo tia, "Thlah ang, tawn chu ka in hmeh lo em mai" ka lo ti ve mai a.



"A dang leh, i la peih em? please in" ati kher a, naupangchhia hian ah!.



"Sawi la"


"Eng kawrh leh pheikhawk nge i bun dawn?" ati mai, "I van phakar tak, question pakhat ah zawhna pahnih min zawt a" ka tih chuan, "School kan kal lai pawn a tam thei e, chutianh te chu" atig chuan a dik ve viau lawi sia.



"I sawi ho thei e" ka tih san daih a, "Anih leh phawts" tih pah in a dah leh nal nal, a sawi tur a sawi zo a, a dah hmak mai a.




"Enge maw pawnah chuan i tih reng" ka nu bawk ani.


"Ka lo lutttt" tih pahin ka zui lut ve a, sitting room lamah chhung inkhawm hmang turin kan phei nghal a.


Tun tum chu UJe-in hmangin, a chham duah leh nghal a, chham tur a hria ka tih zia chu aw, kei nen chuan in ang lo tak kan ni.



Ka nu pawn i tawngtai hian chham belh ve la, a ngai ngawr ngawt, i sawi mai zel a, minn tih tawh a, mahse, tih takzet a kan tawngtai chuan Pathian hian a chhang ve zel tho.



Ka duh tam tak min pe in, ka mamawh te chenin leh ka dil te chen in min pe thin, a hma kha chuan.



Mahse, Ka u kha, ti dam tur a ka ngen lawm lawm chungin, Ka u lei rah na thin ngei mai khan kan vur liam a ngai tho sia,a remruat pawm thiam ngai viau mahse, a har lutuk, mahse, ka duh leh mamawh, engkim min pek a bang loa, lungawih zel ka chin a ngai sia le, malsawm na danglamah ka ngai leh tawp a nih hi.



Chaw ei te chu kan siam zung zung a, chawhmeh ka en chian nak chuan, Sangha chi hran hran a siam; A kan, a rep a chhum, a rawt thak, a sangha pangai tawp, a pum a ngan ani bawk.




"Nuuu" ka ti hluaih a, UJe-i pawn min hriatthiam pui aniang, a lo en kual vel mek bawk.



"Duh zawng na na na te chu, ei tawk rawh aw, Awma" tiin Awmawma darah chuan a ben sak thawk thawk a, ani pawh a nui thaw ringawt.



"Ee,, a man hla dawn e, ei hma atanga i khik vur vue te chuan" ka nu tho ani.



Dawhkan kil a ka thut lai chuan, mitthla ah bawk ka cheng leh tawh, chawhmeh ngai, a siam dan hrang hrang a rawn lang a, chu pawh Maipawl ani.
UHlimpuii khan kil chung in a nui vur vur a, Awmawma awm ang chiahin.



"Ei ta che" ka nuin alo tih chuan, "Nu, tiang ang deuh hian maipawl chi hran hranin i siam tawh tiraw" ka tih chuan, "Aw tehreng, ila hria ami?" nuisang in a rawn tia, a kang deuh uaih bawk, a phur vuain niin a lang.



"Aw, UHlimi chaw lo ei tum khan" ka tih leh lek phei chuan ka nu mittui chu a biangah a tla der tawh.



"Nge i tah ringawt, a hoe" ka tih chuan,, ka nu min lo chhan dan chu a mak tih bak sawi tur ka nei lo, "I zia chho ve mai ang" ati leh dap dap a. Hriatna hlauh an tih hi ka chunga a thlen ka rinng ngai lo hrim hrim.



Kan chaw ei kham chu tunlaia ka biak tam ber Alawmi leh Joseph-a hrilh turin ka call ve ve a, Joseph-a chu vawi khat na ah a la mai loa. A vawi hnih naah a rawn la chiah.




"Ka buai lutuk a, tihpalh tawp" alo ti nghal baw







Ads click here


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:13 pm

UNI


By- B-Mallow


Chapter26



"A ho lutuk,hrilh tur che ka nei a" ka han tih chuan alo phur leh em em ringawt a, "Sawi vat la" alo ti pek, "Dawhthei ve deuh la" ka tih lai mekin, Jenny te in a kan kal tum te kha ka mitthla ruaih a, "Ila awm em?" ati leh.



"Ka hriat na ka hlauh a" ka ti tawlh maih a, "Chu chu engtin nge i hriat?" alo ti chiah bawk. "Ka nuin kan chaw ei laiin a sawi lawm" ka ti ve a.



"Sawi chiang teh, a hrilh chhan te leh, i rin chhan te" ati malh malh a, keiin thil thleng chu a kim chang zawkin ka hrilh a. "I zia chho leh vat mai ang" atih leh lai mekin, nichin a ka hriat chhuah pawh kha thil thleng tawh anih takin kan zawt chhin ange.



"Jenny te inah nangmah nen hian Jenny kan nghak tawh em? Chuan, dawhthei lo tawk in ilo awm leh vel a, tiang chuan a thleng em?" ka ti chel chul a.




"Thleng tawh e, iti tha lutuk ania, hma i sawn chho ve zel a" Joseph-a aw ah chuan a phur zia a lang thei hialin ka hria.




Joseph Lallawmawma POV



Phone a dah zui a tang khan ka ngaihtuah neuh neuh a, tun hma a alo tawn tawh ang a tih nawn leh emaw a thleng nawn leh a a hriat na a tam belh chuan thil tih dan tur ngaihtuah ka ngai ani.



Ka phone chu alo ri leh a, ka nu a nih ring a ka lak chuan Tom-a zawk a lo ni.



"Hello" ka tih rualin, "Va in duh ve, min theihnghilh nghal a law?" a rawn ti vut a, tuai ang mai, mipa hetiang a a be duaih duaih thin hi chu ka ten tlat.


"Vanduaih thlak takin ka la hre ve che" ka tih chuan nui hawkin, "Vanneih thlak takin min la hre ve e" ka tih dan zir deuh chuan min chhang let ve zui.



"Sawi tur i pai tam vak nange?" ka tih lai chuan lehlam a thawm ri chu a ring fahran tawh.



"Naktukah one day tournament kan nei dawn a, ka tel ve duh sia, hei ka in siam a nih hi"alo ti mauh mai.



" Eng tournament maw?"ka ti leh kher a, Tom-a tel ve na awm chi ka hre miau lo ani. A pian en hi chuan sport thei viau tur chu ani, mahse, a thiam hlawl lo tih hi ka chiang.



"Basketball" a ti tawi tup a, a nui zui kar kar bawk, "I van thiam awm lo" ka ti lehh sak a. Kan khelh ho pawn a ding ngil deuh tung zel a, Coach in a chhuah tir daih kha a nia.




"Kei aia thiam lo an tam mai, lo tel ve thei la chu, kan chak sa ang" ati kher leh nghal. In chhuang ve tak ani, Fiamthu a duh bawk a, a nui duh bawk nen, a bul a awm a nuam, mahse pahnih chiah a awm chi loh, hmeichhe rilru an nei ru tlat zel.




"Ka dah phawt, thleng sil ka ngai" tih leh dah a rual a, hman ata tawh, thlengsil hi chu a hna ania, Anu hi chuan a fanu zawk a duat lutuk a, a nau zawk a chet tir char char zel ania.




Ka ngaihtuah neuh neuh a, Tluangtluangin min hriat chhuah leh theih na tur chuan a hma a kan tih zawng zawng tih that leh a ngai anga, mahse, kan in kar a zau tawh sia.



Zanah chuan Tluangtluangi ka be leh a, "I lung a leng amia, min call chhen a" ati leh hlak hlak tawh a, vawi hnih chiah ka la phone sia.



Thu ho te te a in hnialin darkar chanve vel chu kan in bia a, a damdawi ei avangin a mutthilh hma a ngai ani.



Tom-a ka call a, a la rang zek " Ka in siam mek a, game pawh ka khel hman lo"tiin a nui zui kar kar a, "Kal lo mai ta che" ka tih chuan zawhna a nei pang mai.




"Nula rim tur ka hria" ka ti hmasa te te a, "Tu chu?" ati vat bawk, a hahawlh zawng hi chu ka hria lawm, hmeichhia a lawm ang huin bialnu a nei lo, star tu hi chu a nei ve nual a, a duh let veleh hlem hlei lo a.



"Sawi vat rawh, ka buai a nia" ati leh hluk hluk tawh, "Tluangtluangi te inah zanah va kal la" ka tih chuan, kan in then a maw a lo ti leh hman a.



"Enge ka va tih ang, hriat pawh min hre tawp nang chutiang a nih te chuan" ati mai a,, "Chu reng chu lawm, a hriat leh theihna tur ber chu, a hma a kan thil tih ho kha, khatiang deuh type a kan tih nawn leh khan a hre thar thei zel a, a zia ve zel lawm" tiin ka hrilh fiah a, ka lo ngaihtuah dawn nia a ti duh lek chauh.





~~~~~




Riah ngai loh naah ka riah vang niang, zingah chuan ka harh hma phian. Phone ah chuan Tom-a miss called alo awm va a. A tho hma phian mai.




Ka call let nghal vat a, rei ve deuh a rik hnuah a rawn la chauh a, a la thaw hluuam hluam zui.



"Kan practice a" alo ti var a, "Zawt che hi ka ang thin" ka ti let ve, "Zanah chuan dar engzat vel ah nge ka kal ang?" a tih chuan ka ngaihtuah zui a, tlai deuh a kal chu a chi bawk siloa, kan thil tih tum lah kha, a nu a awm chuan a chi dawn siloa.




"Tluangtluangi nu a awm a ngem aw" a mah zawt em em siloa, ka tih chuan, "Doctor ho meeting naah a kal ve dawn lo mi?" ati khauh a, ka lo theihnghilh daih tak e, NuSiamtei nen kan in biak khan, zanin ah meeting an neih dawn vangin Tluangtluangi chhuah san a ngaih tak kha.




"A in pha man chho dawn e, iva kal ngei ngei dawn nia, tih tur chu phone hmangin ka hrilh mai ang che" ka ti zung zung a, Tom-a pawn a hman hmawh sia, a "Aw" liam zung zung a.



Vawiin nilengin lehkha bu vel zawng kualin ka vak kual a, ka chau khawp mai, Zan ah chuan dar 6:30 vel atang tawhin Tom-a chuan min lo be tawh a.




"Chauh pawh sawi loin ka kal nghal a, hei ka thleng chiah" tih min lo thawn a, a that viau rualin, a kal hma lutuk chu a zia lo lam mah zawk ani.



"A nu a la awm em?" ka tih chuan, ala awm thu min hrilh mai bakah, ka haw hma chu lo leng ang che min ti"ala ti zui a.



"Engtin nge ka awm zel dawn?" tih message dar 7 velah min lo thawn leh a, "Tv en dun ula, a bulah i thu dawn nia" ka ti ringawt a, eng tak chu ang ang maw!?



"Kan thu dun sa reng" a rawn tia, a takah ohei chuan sawi se a vin hlurin ka ring.


"Engtin maw ka tih leh dawn?" a rawn ti leh chhen tawh, ka hre tawh mai bawk silo, ka bialnu, ka duh em em lai mipa dang nen a in kiss tir chu ka duh bik hauh siloa, mahse, min hriat leh theihna tur awm chhun a ni bawk sia.



Tinge le Tom-a hi ka lo tih tir kher kher? Ka haw hunah keimah ngei hian chingfel zawk mai ila a tha anga, mahse, min hriat har lutuk chuan nuam ka ti dawn siloa.



Phone ka en leh chu Tom-a message pali ngawt a lo awm leh hman, chingvheng chuan, a phur leh lutuk hi ka ngei..



"Ka duh che ti phawt la, chumi zawh ah, fawh tum ang deuhin i kuaih dak anga, muangchangin, korean film a mi ang hian" tih te ka va thawn a,, "Korean film chutiang ka en ngam loa, ka mit ka hup daih zel" ati mauh mai, Ava hahthlak bet but tak!




"Muang changin a hmui bulah i thaw lum ham ham a nga, chu chu ani mai" ka ti ta tawp a, "Ok" tih te a rawn thawn, a hrethiam a niang chu maw





A reh zui vang vang a, keiin ka room zim te ah chuan a rawn online hun ka lo chang char char thung a, eng lo hi kan ang ber, in ngaihzawng lai a, a hmeichhia zawk or a mipa in a, a bialnu emaw a bialoa lo online hun a nghak char char hi.



Dar 9 ah pawh chuan min rawn la be lo, a rawn online zuai a, a out leh daih bawk sia, ka lo hah ve em en ringawt mai ni.




Ka muthilh san ta daih a, zing dar khat velah ka harh hlawl, Tom-a te bawk ka ngaihtuah leh nghal.

A tawpah chuan ka call ta nge nge a, rei fe a ring hnuah a rawn chhang leh chauh tawh, "Hello" thatchhe aw tawkin a la rawn ti zui.



"Enge a tha dawn em?" ka tih na chu a chhang lo chiang ani, A off hmak!?



Ka call nawn leh ngat a, "Iva ninawm sek e aw"ati zui bul bul lehnghal.



" Nizan chu engtin nge in awm?"ka ti tha leh a, "Hei, an inah ka riak a, mahni lo mah a muthilh theih loh laia, min rawn la phone tho zui a" ham chung chuan a ti bui bui a.



"I mutthilh theih reng chu, an in ah i riak a maw?" ka tih chuan, "Riak e, a nau khumah ka la mu zui,ka hlau bawk sia, han hrilh kha chu nuam ka ti bawk siloa" ati thum dut dut a.




"Min hre chhuak thei ta em?" ka ti daih a, "Teuh lo rapthlak mai, a si them pawn a hre lo ang che" ati zawt zawt reuh a, "Tom snd Jerry, ka zawh chin chiah che hi mnin chhang ve thin la tawng duah zel suj, tuai nghal loh chuan" tia ka hrilh chu a thinrim ngang mai,, a off zui daih a, ka call leh pawn a in switch off tawh tlat, zingah ni tawh mai.




Thenawmpa ar khuang riin dar 5 velah min kai tho a, ka thenawmpa hi vai ania, mizo anga ar vulh peih an tih ang kha ania, ar ringawt pawh hi Sawmhnih chuang a nei hial ang, a sawi dan phei chuan sawrkar hna thawk ang chiah ka ni, a hlep a tha lutuk, mahse iti ve peih kher loang nangchuan"nimin kan thlen tirh khan kan inah a rawn luh ve pahin a ti duah tawh. Min hmu nep mai sia.



Sawi lai na mekin, kan in luah bang a rawn beng leh dawt dawt tawh chu, "Ka tho tawh"tiin ka au vak a, "Kawng lo hawn teh" paih tawk in min rawn chhang let a, ka la sawi lo tak e, a hming chu Raju-a nia, mizoram ah kum 4 vel a aawm ve tawh niin a sawia, mizotawng pawh a la thiam ve khawp.



Ka va hawn chuan plate lian tawk hi a rawn keng lut a, a kut pawh a bal khawp mai, "Chhungte la mu mi?" a ti nghal zat a, "Vawiin ah an lo chhuk ve dawn chauh" ka lo ti ve a, ka chhungte a sawi hi URuati te chhungkua bik te an nia,, ka nu a mah chauh a a awm chuan a khawhar viau in ka ring bawk.




"Ei rawng la bawl nange, tlangval a chu" nui rah rah chung chuan a ti leh a, "Zingah chaw keimah mha ei vak ngai loa" tiin ka chhang.



"Ei loh mai mai tur ni hlei hnem, pum te na duh a" tih leh pahin a plate lian tawk ken chu a khawng ri bul a, kka phuchiam nghe nghe.



"Nang mah chhurbur e" ka toh chuan Tluangtluangi ka hre chhuak thut, Martin-a kha Chhurbur ti khan a au ve ziah zel kha a nia, koh tur a nei tawh dawn siloa, a khuahar ngawt ang.



"Va phei a nge, vawk chaw la pe bawk siloa, buai tuk buai tuk"ati ve bawk a, a chhuah hnu chuan mahni chauh a awm ka nih vang chuan a reh nghal ruih mai.



Mahni te chuan ei rawngte chu ka bawl ve rek rek a, khua chu a har duh ngei mai, nidangah chuan eirawngbawl ngai loin, chhungte siam sa ringin kan khawsa ve a, an hlut na tak tak pawh kan hre fum fe ngai lo kha nia, tunah chuan an lo hlut zia te thlengin ka hriat tak hi. Ka nu in zingah min kaihthawh ziah lai te kha ka hre thar leh zel a, tunah ve Thenawmpa Raju-an....



Ka nu ka ngaihtuah lai mek chuan phone alo ri a, ka nu ani!



"Hello"



"I tho tawh a law?" ka nu chuan a lo tia.



"Aw tho ve tawh"



"I va tho hma tawh ve a, lo kaih thawh che ka tum a" alo ti reng bawk, ka nu chu kan in hmuh phak loh na pawh nise, a chin than kha a thlauh thla thut thei lo hrim hrim ani.



"Ka thenawm chhiah ah hian Raju-a ka tih khan ka room bang alo chum vak vak a, harh loh na chi pawh nilo" tiin ka nui ve ruh ruh a.



"A that phian dawn chu a" ka nu chuan alo ti duh lek chauh.



Ei rawngte ka bawl tawh leh tawh loh te min zawt a, chaw ka ei that loh mawlh chu a hlau a, min chah ngun malh malh viau bawk e.



Kan dah hnu rei lo te ah Tluangtluangi chu ka phone a, alo la vat bawk.



"Morning" a tih rual leh ka wish lai chu a in rual lutuk a, kan nui dun tawp.



Vawi leh khat ah a nui ri chu a tawp hmak a ka ngaih ati tha lo hman, "Tluangtluang" ka tih chuan, "Aw" ati leh ang lawi sia, chu bak a sawi zui lo.



"Ka hria che, i ni tiraw, class room bul ah Jenny te nen kan lo dun tum a, ilo kal kha, chuan, uiii ka zak e" ati nghal bawk a. Ka lawm lutuk chu chhan mai nachang pawh ka lo hre lo pek a.




"Ila awm em?,,, Joseph"



"Aw, awm e,,, engkim i hre tawh em?" ka tih chuan, "Phone battery ang vel hi ka ni, ka tam telh telh a, nakinah chuan Pathian zarah ka full ve mai ang" alo ti duah a, ka lo khi ver ver ani ringawt tawh.




"Nu" ring taka Tluangtluangin ati ri chu phone mah nise, ka beng ah chuan a kiu vung vung thei.



"Tluangtluang" ka tih chuan chhang tu a awm lo, tap ri emaw ni ka hriat chu.

Ka au nawn leh a min chhang chuang lo.




"Lalnuntluang" ring tak a ka tih pawn, thawm ri hlat hlat ri bak hriat tur a awm lo.




Ads hi click karo


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:13 pm

UNI


By- B-Mallow


Chapter-27



"Tluangi" atih leh lai tak chuan ka phone chu ka ban vut a.



"Aw, en teh,,ka nu step atangin a lum a, i nu te kha min call sak vat la, kan inah lo kal tir teh, damdawi inah hruai nghal loh chuan, vat vatin aw" tap pur chuang chuan ka lo ti a, a dah zui vat bawk.




Ka nu awmdan teh thut chu ka hrethiam bawk siloa, ka nu lu atanga thi lo chhuak chu ka hup phui a, a thi pawh a zia hlek.




Ka nu lah a mengphi ruaih tawh bawk nen, rilru ati hah tak zet



"Nu" ti chuan ka ko leh thin a, ni khawhre lo in a awm a ni mai thei, a mengthei tawh tlat lo.




Rei pawh nghah ngai lo in, Nu Beck-i te chu an lo thleng vat a, An motor pawh URuatan a lo khalh ve bawk.



"Damdawiin ah kal pui vat ang u" tih leh ka nu chu 'Zawn ang u'tih a rual a. Kan hmanhmawh tawh khawp lehnghal.



Phone lo ri ve chhen lah chu ka ning kher mai, phone ka en chuan Ruby alo nia.



Ka la vat a,, "Damdawiin in pan nghal ami?"alo tia, tuin nge lo hrilh leh hman ni.



"Aw kan thleng tep, lo kal ve teh" ka ti nghal zat a, "Ka rawn kal, kan in hmu dawn nia" tih leh dah nghal a rual a.




Damdawiin kan thlen chuan nurse hoin an lo nawr lut nghal vat a.



Ka nu kan lo nghah lai te chuan rilru tawngtai nna nen, ka rilru buai tak zet..


A hnu deuh lawkah, Ruby pawh alo thleng aa. ..




"Eng nge chanchin?" min ti nghal a, "An check mek" ka lo ti ve thuai bawk.



"Engtin nge a tirin a awm reng reng a, a that loh viau awm ka hre bawk siloa" ati leh nghal a, A sawi takah chuan Pathian khawngaih na zarah ka nu hi han hrisello em em ang chi hi a ni miah loa, a dam loh hi chuan a na tawp khawk hle thin.




"Step atangin a rawn lum thla a, chuan, a tawp a banah khan a in toh" ka lo ti tawi tak thung a, chu bak sawi tur dang pawh ka nei chuang lo.



"A dai sual nge nianga, a luhai aniang aw" keimah min en lem lo chuan ICU lam chu a melh ve vun vun a, "Ka hre bik lo" tih pah chuan ka thaw hak bawk.




"In rilte tam em?" rei fe kan nghah hnuah nu Beck-i chuan min lo tia, "Kei chu tam loa, Tluang, i ril a tam em?" min kuahtunu Ruby chuan min zawt a, ka lu ka lo thing mai a.




"Tluangtluang lungngai miah suh, i nu te chu a tha leh vat dawn lawm" ka lu lo tuaih pah chuan atia, Joseph-a ka hre chhuak leh zawk tawh. Taka, a ni kha engtin nge a lo awm ang aw, engmah ka sawi tha hman bawk siloa.




"NuBeck, Joseph-a kha i hrilh tawh em?" NuBeck-i chu ka zawt a, "La hrilh miah lo, kan phone a nge" tih a kal a tum chiah chu, Doctor chu a rawn chhuak a, ka zam nghal chung ringawt bawk.




Tho thuaiin doctor lam chu ka pan a, "Doctor ka nu chu tha em?" ka zawhna hmasa ber ani.



"Ka be lawk thei che ngem?" NuBeck-i en chungchuan ati daih a, ka ngei dawn dawn lawm le, a fanu ka awm ve reng sia, taka min hre lo niang.



Nu Beck-i leh Doctor chu kan awm loh na lam zawk pan chuan an in zui phei a, an in be rei phian lehnghal




"Hei coffee hi in ve ru" PaRuata chuan coffee no min pek pah chuan ati nghal zat a, kan lo la ve mai bawk.





Doctor nen a rawn let tawh loin, NuBeck-i chu amahin a rawn kal tawh a, a hmel chu a dang ve lepin ka hria nia.




"Ka nu chu a tha em?" coffee ka ken lai dah thlain, a bulah chuan ka va kal nghal vat a.



"Aw, a tha ni mai..... mahse damdawiin ah awm rih deuhin la ngai dawn a nia"a tih chuan ka rilru a buai tawh hle, UJe-i lahh London-ah Awmawma awmpui turin a kal ve chiah bawk sia, kan buai dawn lutuk ringawt.




"A theih dan dan in ka awmpui dawn che u nia" Ruby chuan ka rilru hria ni awm fahran hian a rawn tia, ka melh zawk a, "In buai lo ami?"tiin ka zawt a, " Kan buai a reh tawh lawm"ngaihsam fein ati zui bawk.




"Thisna, ka in thlahrung viau na a, min buai pui ve theih dawn chuan ka lawm ngawt ang, eng tih mah hi ka zei ve bawk siloa" ka ti ve luam a, ka thiam ang tawk chuan, "In thlagrun a ngai hlei nem, i in thlahrun loh khan nangmah kha ati nangmah zawk che" tih pah in mit a siai zeuh kher a(h)!





Nurse sanglam pang deuh, hmeltha deuh chu ka nu awmna ward atanga lo chhuak chuan,"A hmuh theih tawh a mahse, amah tak ala harh lo deuh aw, a muhil a, tih harh palh a hlauhawm sia, in in luh chhawk dawn nia"ati nghal siam siam a, a fel hmel khawp mai.




"Aw, kan lawm lutuk e" PaRuata chuan alo tia, "Va lut hmasa la" tiin NuBeck-in min lo ti ve bawk.



Ka va lut vat a, ka nu chu damdawiin kan kalh tirh ai kha chuan, a hmel pawh a dàng nasa tawh zawk!



A bulah chuan thuin a kut chu ka va chelh sak nghal a, 'Nu, dam leh vat rawh aw, nang lo chu neih ka nei lo ania' a bula bawk pahin a mah chu ka en a, ka mittui chu ka biangah a rawn lum thla nghal pup bawk.




"Nu, tinge, vanduaihna te, harsat na te hi kan chungah a thlen bik zel a, Au thihna lak ata kan zalen tan dawn chauh a, tunah lem, i dam lo leh daih bawk sia mahse i tha leh vat ang tiraw" zinga a in toh na an tuam na lai en kual pah chuan ka han ti leh a, hma hun hi a thim hliah hliah, nu tel loa, awm tur a ka in ngaihtuah phei chuan, duh aiin ngaihtuah tam a awl leh zual a, chheber lo tawk ta ila engtin nge niang? Keimah chauhin maw!




"Nu lo harh leh vat rawh, i ei duh te sawi la, keiman ka siam sak vek ang che, Nu, inah haw lehh vat ang" ka ti dap dap a, ka nu ve thung chuan min chhan let na tan, rei lote te dan a, a rawn thaw ri leh hrawi zel bak chu hriat tur a awm lo!




Pawn lama min lo nghak ve reng tu te hrechhuak in, ka in hru hul nghal mawlh mawlh a ka chhuak phei vat bawk.



"NuBeck va lut la" ka ti nghal phat a, a lo tho ve vat bawk, sona ka en chuan ka rin ai daih in ka lo awm rei a, lut duh ve vek an ni sia.



"Tluang, lo thu teh" Ruby in atih vang chuan ka la thu lo ani tih ka hre chiah, hahthlak chuan.




"Ka theihnghilh daih lawm" ka tih chu a nuih pui kar kar leh ta nghal a, mite nuih hmuh hi a nuam ka tiin ka lawmpui tak zet thin, mahse kei chu Ka u thih tang khan ka la nui miah lo ti ila dawt ka sawi ani ngei ang, mahse, ka nui hmel hian ka thinlung a thleng ngai meuh siloa.




"Tikhan min en reng suh, i mawl hmel lutuk" ka dar a min lo bengin Ruby bawk chuan min ti leh a, "E in in kha i khar tha hman ang chu tiraw?" Ati leh nghal zat a, "Awih tala in ka lock miah lo, engtin nge niang, ka nu ala rawn harh bawk siloa, a harh huna awm ve ngei ka tum sia" ka ti hnuai rawlh a, khawpui vel angah chuan rukru te hi an tam sia, in te oawh fel deuh a, check thlapa chhuah san a ngai thin reng ani.





"Chutia nih chuan,ka va kalh tha ang aw, mamawh te enge ken ngai ang?" min zawt nghal vat a, ka rilru a buai nak mai, enge mamawh kan neih tih ah chuan!?




"Eng nge kan mamawh anga i rin deuh?" ka tih chuan, "Min han zawt let hlauh ah" ati hmasa leh ang te te a.




"Pawisa kawlsa i nei ang tiraw?"



"Nei ve hlek"



"Chuan, i nu eu tur tha leh damdawi lei a ngai anga, a bak chu a chawmin ani mai"




"Chutia nih chuan ka room ah khan drawer ah khan, a dum zawk ah khan a chung ber ah khan ka purse a awm a chumi chu ilo keng tawp anga, Sangli zanga chiah chiah a awm ang, ka nu ei theih tur lo lei sak la, damdawi chu heta mi hi kan lei dun dawn nia" ka ti deuh zung zung a, ka hmanhmaeh tawh ani ber.




Ruby lah a tuan a muang dawn ropui sia!



"Va ti vat vat rawh aw" ka tih chuan, "Hmangmawh hun ka hre ve tho, ka kal nghal dawn, i nu chu nakinah ka hmu mai ang" tih peh tlan nghal a rual a, a pil dawn tepah chuan muang changin a kal leh nghal tho, a hahthlak siah!





"Tluangtluang he mi ward ami kha i nu ami?" min lo ti tu lam chu ka melh nghal zawk a, nichin a nurse nula kha ni.




"Aw nie" ka tih lai takin ka phone a rawn ri leh ta. Hun lo thei e.




Joseph-a alo nia, "Hello" ka tih laiin.




"Engtin nge in awm? i nu chu a harh tawh em?"



"La harh lo a, i nu nen an awm mek" ks ti nghal bawk.




"Enge a tluk chhan te, a luhai nih dawn hi, tih ang chi te an sawi em?" atih chuan ka lo zawt lo reng reng ka van mawl e aw.



"Ka,, zawt miah lo" in thlahrung deuh chuan ka tia.



"A mang nghilh theih lutuk ang" atih vang chuan ka thaw huai mai.




"Mahse hei an sawi dan chuan awm rei deuh kan ngaih hmel a, mun ngaihtuah suh aw"



"Ngaihtuah loh in har ve bawk sia, ka nu kha in awmpui tir la" ka rin lo lam daih ani.



"A ngai hlei hnem, Ruby a awm a" ka tih chuan, "Tuman hnem an ti ngai lo, nem tih tur" ati leh ta, dik lo lai te hi a hre sia.



"Awmpui in ngai lo tak tak maw?" ati leh zel a, "Aw ngai lo tak tak e, min ngaihtuah naah pawh kan lawm tawk viau, bakah lo awm lo ula chuan damdawi in hmuh pawh kan thleng zo kher nang, in awm hlauh chu atih chi tak tak" kan tlak ve duah a.




"Makpa tan ka tking tep tawh ang chu maw?" ati khauh a, "Awih, i over emai" tiin ka vin leh hlak tawh, khuh kharh ri vang chuan kan in sum leh rih a, ka en chuan nurse nu kha alo la awm ve reng chuan, a kal daih tawh maw tia.





"Ka dah phawt dawn, nakinah ka lo be leh ang che"ka tia, " Theihnghilh tawh lo la"ati leh hram, "aw aw aw" tiin kan dah ve thei hram.



"I kal daih tawh maw ka tia" zak fahranin, ka nghawng thak lo pui chu ka hiat ringawt a, "A ho lutuk, MZU ah i kal ve thin em?" min ti ta khauh a, ka lo beisei loh thil ani.




Sawi mai tur ka hre lo chu ka ngawi zui vung vung a, "Ihhh,, ka hre tawh lo" then tha a ka tih na chuan mak ati hmel chu a mak.




"Awih, in duh vak suh, Tluangtawi"a tih te chuan hmuh tawh na ka nei chuan ka hria a, mahse ka hre chhuak zo lo.





" Awih, Jenny ka nih hi, i best friend te chu ala ti tak deuh deuh a, ka lo then tha ringawt.




"Jenny, ilo kal ve law?" Ruby alo let leh reng tawh chu niin, "Aw, mi sawi ka hria a ka rawn kal ve nih hi, hei Tluangi phei chuan min hre tawh lo leh nghla a thla khat vel chiah kan in hmu lo ani sia" ati sa sa a. Ka nui tawi tak thung ani.




"Tah hian i thawk ve amia?" Ruby chuan ati ta daih a, ka lo lawm ru viau tho.




"Aw, ka pu khan min sawipui nasa a, hei a tawpah chuan ka thawk thei ve hram. a nih hi" ati zui bul bul a.




"Nangni kha enge khah in interview ve na kha?", a tih leh chuan Ruby chuan alo chhang tawi tha khawp mai.




"Engtik nge in join dawn a?" ati leh zel a, ka duh dan chuan kal vat vat se ka ti hle.




"Nurse lo kal lawk teh" Pitar pakhat hian a rawn ko hlauh a, tih chi lutuk ringawt.



Chutih lai mek in NuBeck-i pawh a rawn chhuak ve tawh a, a va tap ni ngei tur ani, a mit a sen ram mai.




"A la harh rih chuang siloa, bawihi kan va phei rih phawt ange aw, nakinah in kan hun an siam ah rawn kal leh kan tum dawn nia" ati sap sap a.





"Awle tehreng mau, in lo awm loang tih ka hlauh zia hi, ka lawm tak zet ania" ka ti ve a, "I nu pawh alo harh ve tep tawh ang, kal ang Ruata" ati nghal zat a. An in zui thla ve hnek hnek bawk.




Ads lo click ru aw


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:13 pm

UNI


By-B-Mallow


Chapter=) 28



Ka nu wardah chuan Ruby nen chuan kan awm ve reng a, Ruby in a thil lo lei sak ho a rem fel mawlh mawlh lai chuan, ka nu enin thil ka lo ngaihtuah char char a.




"Ruby, ka nu hi a mak a sin, a mut rei tawh zia, zing dar 8:30 atang khan tun thlengin a la rawn harh miah lo" ka nu en ran chungchuan ka tia.




"Tunah dar engzat?" Ruby chuan atih pahin a thil tih lai dah meuh in a sona chu a bih a, "Dar 3:30 a ri tep" ati nghal zat bawk.




"Doctor ka va ko chhin ange aw" tiin kal nghal ka rual a.






Doctor chu nupakhat nen bawk khan an lo in be leh tawh a, "Khawngaih in, a dam chhuah leh hram hram a ngai a nia aw"pitar chuan alo tia,doctor kawr chu a chelh a, a ngen ani mah zawk. " Kan theih tawp kan chhuah dawn nia"ti pahin nurce duty ve ho chu a melh zeuh a, lo chelh teh u atih na deuh a mawni, nurse ho pawh chuan an ve chelh vat a.




Ka lam panin a rawn kal mek chu min lo be hmasa in, "I nu chu a harh tawh em?" alo ti var bawk.



"Ala harh loa, ka rilru ti hah, engtia tih chi nge?" ka ti hliai ringawt a, "Va kal chhin ang, Jenny rawn kal ve rawh" ati nghal vat bawk a, Jenny pawh chu a rawn tel ve bawk.



Ka nu hmel ka hmuh chiah hian enge maw riau a beidawn na hi ka nei leh ut ut zel.



Doctor chuan an check kual vel a, "Dawhthei deuhin lo nghak hram hram ru, a thisen kha a hlauh hnem hman a, a chau deuh anih hi a tha leh vat mai ang" chu thu chuan beisei na ka la neih ve zia min lan tir a, ka nu damthat leh na tur anih phawt chuan hmun hrang hrang ah,mizo damdawi an sawi te heng Aizawl ah hmuh mai tur a van a vangin, mi khua ah te ka kal kual a, ka nu erawhin that lam aiin chhiat lam a pan nasa zawk a, NuBeck-in ka nuu chu a awm pui ve chawt bawk a. NuBeck-i sawi dan chuan "Natna enge maw a nei a niang doctor te hmuh theih loh"ati ringawt a ka ring ve viau tawh.



A chhan chu ka nu hi mi in uluk leh thil ti phawr phawr chi a ni loa, step atang khan a lum dan te kha, a luhaii thut tlu anih ka ring ber tawh..



Ka nu chu kar khat hnuah a rawn harh ve hlawl mai a, ka lawm lutuk chu ka mittui te chu ka biangah chuan a rawn sur char char a, mahse, a tawngtha thei vak rih lo, a chhan erawh ka hre loa, doctor ka zawh lahin min chhang thei lo bawk.
.



Ka nu chu rawn harh tawh mahse, that lam a pan thei loa, "Phaiah kal pui a tha a ngem?" tiin doctor chu ka zawt ringawt a, "Hei bak in an enkawl thei chuang lo ang che u,in tan a buaithlak mai mai a, chu lo ah, i nu hi a khawngaih thlak" min ti let hrep tawh, ka zir loh vang ani, ka nu dam na tur anih phawt chuan ka la kal ngai loh na khua ah te, ramhnuai ah te pawh ka kal ve zat zat miau ani.




Damdawiin kan luh atanga thla khat hnuah chuan, NuBeck-in, "Joseph-a alo haw dawn a" tih thu min hrilh chuan ka phur kher mai.



Ka harsatna te ka rilru hreawm na zawng zawng, ka ngaihtuah na te thleng a ka hrilh vek thin kha, ka bulah awm thei rih lo mahse, ka natna min chhawk ve em em a, tunah ka hmuh phak ngei ah a awm tawh dawn chu enge maw zawngin ka lawm viau bawk.



Zirtawp ni zingah chuan ka nu chu a luak vak mai a, thi te ni a luah chhuah chu, ka phi ruaih a ka che hlei thei meuh lo ani. Ka nu na tuar lai chu ka hmu thei lo aniang chu, ka meng thei der lo, kil khatah chuan ka thu thla hnawk a, a thim nghal vek bawk!




"Bawihte" ka u Martin-a aw ani. mangramah ka cheng leh ta mawni, "U, ka nu hi i hmu ve ang tiraw, enkawl ve tur talin rawn let rawh, tinge tianga i awm, i rawn in lan duh miah loh" ka sawi zawng chuann ka tap vel kei hi hmeichhe awmnem, dawih leh, tah belh tak ka nih hi, harsatna in a a kal san loh mihring.



"Tluangtluang" an tih rual chuan ka harh hlawl a, ka bula lo thu ka hmuh rual chuan, ka tap zui leh ringawt pek a!



"Joseph" tiin ka va kuah a, kan piah lawkah Ruby leh Jenny kha an lo dinng tau thung.




"Ka lo let tawh lawm, tap tawh suh le"ka hnung ben thauh thauh pah chuan a tia, a pang lum ka lo sik chak tawh zia te ka hre thar a, a lum nuam in min ti thawl huai in ka hria...




" Ka lu hi a hai deuhin ka hria " ka tih chuan Jenny a rawn phei vat a, ka bp a rawn check a, ka bp chu alo sang chu niin.



"Mut hahdam i mamawh nih kha, rilru nuam deuhin awm rawh, kha damdawi hi ei la" Joseph-a chuan dam tak mai hian atia ka lo la ve vat bawk.




A damdawi chu a thawk chak viau aniang chu, ka muthilh lai pawh ka hre lo, ka harh lai chuan Ruby chiah a lo awm tawh.



"Ilo harh tawh maw?"tiin nuisangin min lo chhawn a, nuihsuk pahin, " Ka nu kha engtin nge a awm? a tha tawh em?"ka ti nghal vat a, A muhil ve tho niin a sawi.




"Kal ang" tih leh thawh ka tum chu ka lu chu a rit bur leh nghal a, ava chhangchhiat thlak tak e aw.



"Ka lo pui ang che" tiin ka thiannu chuan min rawn pui vat a, ka nu awm na kan va thlen chuan NuBecki leh Joseph-a leh Toma an lo awm ve bawk.



"Tom-a ilo kal ve law?" tiin Toma chu kan be hmasa phawt a, min chhang tha ve mai dawn maw ka tih laiim, "Meng ta che" alo ti hluk duh chauh.



"Min chhang tha ve mai lah" tih pahin ka nu sir ah ka thu nghal a, "Chu bak bak a chhan na tha i dawn in beisei mah ta che" ala ti leh zel,"I tawng thei hlek hluk anih chu a"ka tih chuan a nui zuii uarh uarh ringawt.






Damdawiin an awm a tanga thla hnih hnuah•



"Ka mangang tawh lawm ti ringawt hi chuan a tha lo, doctor ten a natna sawi tur an hre bawk siloa, ka nu lahin that loh lam a pan char char ani bawk sia, min kalsan thut se engtin nge niang" tiin ka hma mipa ding chu ka an khum a, a niin ngawi rengin ka thusawi chu alo ngai thla ringawt.




"A natna te hi in lo zep ani lo maw?" a tawp ah chuan ka ti ringawt a, Joseph-a lah a lo thaw zui hawk bawk.



"Tluangtluang, tah khan thu phawt teh" tih pahin ka hnung lama thutna chu min kawh hmuh zeuh a, ka kal hma in a mah zawk chuan min nawr phei a ni ber ang chu.




"Tunah chuan i hriatna pawh a pangai tawh a, i nu dam loh tirh khan kan hrilh mai thei lo che a" tiin a ngawi zui leh vung vung a, "Eng chu maw min hrilh theih loh?" ka vin ani mah tawh zawk.




"I nu hi a hma a tluk chhan kha, stroke vang ania, tunah a nerve a khawih tawh a, a ke pawh a chet theih tawh loh chhan hi nia" ati zuaih ralh a, a aw ah pawh chuan a sawi chhun zawm chak tawh loh hmel khawp mai.




Chutih rualin ka nu chu, chutiang natna hreawm lutuk chu alo nei reng a, kei chuan ka lo hrethiam loa, dam leh vat tur in a bulah chuan ka lo tur reng zawk thin kha ania, ka nu rilru tur ka dawn pui miah lo. Mahse ka nu khan he thu hi a hre tawh ngem?



"Joseph, ka nu chuan a hre tawh em?" tiin ka bula kun ngul pa chu ka zawt a, "A nerve tha lo chiah a hria" ati mai a, "Enge adang a la awm ami? I sawi awmzia chu?" ka tih chuan,, "Aa,, ka sawi awmzia chu i nerve a tha loa, chuvang chu ania, tih in kan hrilh ringawt a, aaa,, natna neuh neuh kha i nu khan alo ngah lutuk a" ati leh ringawt.



"Enge a natna dang ho chu?" ka tih chuan ka rin ngam ngai loh leh ka ngaihtuah ngai loh puiin min chhang tlat mai, ka nghilh dup bawk, vawi leh khat ah thli thaw te chu an reh duak a, ka bula mi chuan min dawm bet tih erawh chu ka hria.



CANCER maw!? Nilo, ka nu hian midang te angin, an tawrh theih loh tawp ah min kalsan ve ang maw!? ani thei lo, ka nu i dam chhuak tur ani.



"Tinge min hrilh kher a?" ka ti vak a, "A natna la hriat ve hun i nei dawn tho a, mahse, tlai deuh a i hriat ai chuan tun hi i tan a hriat na hun tha ber ania, i rilru tur ka ngaihtuah pawn ka hriatthiam pui che, mahse, i nu hi dam thuai thuai turin hrilh tawh lo la, thlamuang deuh a awm turin fuih tur zawk i ni. Chuti lo chu i hriat kha, rilru nuam deuh in a kal san thei loang che"atia a ngawi zui leh vung vung a.



Kan hma lam a sintex lian tawk awm chu ka thlir tlawk tlawk ani ber.



"Cancer ah pawh a thin kher ani sia, a thawk chak mai bakah natna dang nen a in pawlh nuaih sia, i nu bulah a tam thei ang ber awm la, a rilru natna tur zawngin awm lo la, hlim luih hram i tum dawn nia aw" tiin min rawn kuah a, ka hnuk te lam hi a ulh tawh ani.



"Tiang zawng zawng ka hriat hnu a nuih luih a harsat tur zia i ngaihtuah tel ve em?" tiin ka zawt let a, "Immm, mahse i nu tal chu i nui hmel vang khan damna i pe thei a nia, chuvang tal chuan, in ti chak ang che"a ti leh dap dap a, a sawi anga awl chu nise, he a natna hneh thei tur khawp hian ka siam ang mawle, mahse kan thu lo ropui si. Pathian khi lawm!!



" A mak iti ve em? Pathian rorel dan hi?"tiin ka nui zui hak a, zawhna mitmengin min en ve nghal bawk.



"Tinge mi tha te, mifel deuh te chungah hian harsat na hi a dah bik zel a, i hria ani tiraw Ka nu hi a sual na tur sawi dawn ila ka hre miah lo, nangpawn i hriat ka ring chuang lo, chu mai bakah, Pathian vangin mitam tak nunna alo chhan ve tawh a, hei vang tal hi chuan a nunna hi chu han zuah sak ve se, a phu ani tiraw, mihring lam tak a en phei chuan a beisei awm tawh loh tak zet ania"ka tih zawh rualin ka tho thut a, "Kal ang, ka nu bulah ka awm angai" tih leh tlan thlak ka rual a, a hrilhhai hmel phian lehnghal..


Tiang a lungchhiat na deuh deuh sawi hi chuan thi tur a dah hi alo awl sia, chuvang ringawt pawh chuan ngaihtuah tawh loh ka duh, thihna hi ka hua a, pumpelh dan tur ringawt ka zawn angai mai anih hi. Tun ang chiah hian.



~~~>>


Tunlai chu kan tlaivar deuh reng a, ka nu lah a chang leh a zia deuh a, achang leh a tha lo leh deuh a chutiang reng chu, Pathian khawngaih na zarah kan veng hnai atang te hian min lo tlawh tu an awm ve reng zel a chumai bakah thil pek te, pawisa te min pe nawk a, ka nu hi doctor anih angin miin an hre zau a, khawngaih tu leh hmangaih tu pawh a ngah ve mai.





"Duh leh chhuah pui mai ila, awmzia tak tak a awm chuang tawh siloa, damdawi pek chi lah ani tawh bawk siloa, in lam ah in kawl tawh zawk ila" NuBeckin atih na chu kan pawm viau a, damdawiin awm man lah chu Ka nu thawh na ten an tum vek leh nghal a, a lawmawk bawk sia, lawmthu kan sawi mawlh mawlh reng tawh zawk ani.




Kan damdawiin chhuah atangin ka nu chu nithum ni atangin a dar(Shoulder) hnuai lam pang zawng hi a che thei tawh loa, tawng chu fiah lo deuh in a la tawng ve thei.


Ka nu bula awm tam duh viau mah ila,, ka nu na tuar hmuh chu ka tan a hreawm lutuk a, ka thei ngang thin lo, a bula ka awm chhun lahin ka tap reng bawk sia, ka in ngei zawk thin.



May ni 11 zanlai dar 12:30 vel atang chuan ka nu thawk a mu mal meuh tawh loa, mi pawh an rawn kal nasa viau tawh, ka nu kut che thei lo chu vuanin ks hmer ngawt ngawt a awm ngaihna ka hre lo zawk.



Zing lam dar 2 velah nutei i te lunglei lam ami ka nu nau te ho an rawn kal ve a, khawi khawi amaw tangin kan chhungte an rawn kal a, kan zi neih nuaih tawh a, tute nge lo kal pawh ka hre chiang lo.




Nuteii chu ka bulah rawn awmin min tawng thlamuan reng a chu chuan min ti zia awm viau bawk.




Kan thu hriat hmasa leh ber chu "Ropui ram min pan san ta" tih chu ani!



Ka nu bul a awm pui ho chu tap lo pawh an awm lo ang ani, chutih rualin ka mittui a tla ve thei ta tlat lo!



Ka nu chu ka melh tlawk tlawk a, ka chhungril atang hian min rawn hnawh nghal tup tup anih chu! Awmdan pawh ka hre lo.



Room atangin ka tlan chhuak vat a, min zui nghal tu an awm tih chu ka hria, ka hawi let thei tawh lo.



Mi lah chu an lo tam zek a, step ah ka tlan thla a, a tawpah tak chuan thu thla hnawk a, vawi leh khatah min hnawh na te kha lo reh in, ka thaw zui hlawk hlawk a, ka mittui in a zui bawk.




Min lo kuah tu chu ka en a, Joseph-a ani. Amah chelh chuan ka tap zui nghal char char a, mi mit pawh ka zah zo tawh lo.




Alawmi a rawn lang ve hlawl a, ani pawh min tah pui ve nghal a, eng dang pawh ngaihtuah theih tawh loh. Ka mal tawh lutuk ringawt... Tih chu ka rilru ah a rawn thar a chu bak ka ngaihtuah thei tawh lo reng reng.




Joseph-a chuan thutthleng lam min pan pui lai te chuan Ka awmdan zel tur ringawt ka ngaihtuah a, bei hi a dawng tak zet ani.




PA thlazar hnuaiah pawh awm thei lo, NU te thlazar hnuaiah chiah ka awm thin a, tunah phei chuan Nu thlazar hnuaiah pawh ka awm thei tawh dawn lo chu ni sia le!




Ads lo click ru aw


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:13 pm

UNI


By-B-Mallow


Chapter=) 28



Ka nu wardah chuan Ruby nen chuan kan awm ve reng a, Ruby in a thil lo lei sak ho a rem fel mawlh mawlh lai chuan, ka nu enin thil ka lo ngaihtuah char char a.




"Ruby, ka nu hi a mak a sin, a mut rei tawh zia, zing dar 8:30 atang khan tun thlengin a la rawn harh miah lo" ka nu en ran chungchuan ka tia.




"Tunah dar engzat?" Ruby chuan atih pahin a thil tih lai dah meuh in a sona chu a bih a, "Dar 3:30 a ri tep" ati nghal zat bawk.




"Doctor ka va ko chhin ange aw" tiin kal nghal ka rual a.






Doctor chu nupakhat nen bawk khan an lo in be leh tawh a, "Khawngaih in, a dam chhuah leh hram hram a ngai a nia aw"pitar chuan alo tia,doctor kawr chu a chelh a, a ngen ani mah zawk. " Kan theih tawp kan chhuah dawn nia"ti pahin nurce duty ve ho chu a melh zeuh a, lo chelh teh u atih na deuh a mawni, nurse ho pawh chuan an ve chelh vat a.




Ka lam panin a rawn kal mek chu min lo be hmasa in, "I nu chu a harh tawh em?" alo ti var bawk.



"Ala harh loa, ka rilru ti hah, engtia tih chi nge?" ka ti hliai ringawt a, "Va kal chhin ang, Jenny rawn kal ve rawh" ati nghal vat bawk a, Jenny pawh chu a rawn tel ve bawk.



Ka nu hmel ka hmuh chiah hian enge maw riau a beidawn na hi ka nei leh ut ut zel.



Doctor chuan an check kual vel a, "Dawhthei deuhin lo nghak hram hram ru, a thisen kha a hlauh hnem hman a, a chau deuh anih hi a tha leh vat mai ang" chu thu chuan beisei na ka la neih ve zia min lan tir a, ka nu damthat leh na tur anih phawt chuan hmun hrang hrang ah,mizo damdawi an sawi te heng Aizawl ah hmuh mai tur a van a vangin, mi khua ah te ka kal kual a, ka nu erawhin that lam aiin chhiat lam a pan nasa zawk a, NuBeck-in ka nuu chu a awm pui ve chawt bawk a. NuBeck-i sawi dan chuan "Natna enge maw a nei a niang doctor te hmuh theih loh"ati ringawt a ka ring ve viau tawh.



A chhan chu ka nu hi mi in uluk leh thil ti phawr phawr chi a ni loa, step atang khan a lum dan te kha, a luhaii thut tlu anih ka ring ber tawh..



Ka nu chu kar khat hnuah a rawn harh ve hlawl mai a, ka lawm lutuk chu ka mittui te chu ka biangah chuan a rawn sur char char a, mahse, a tawngtha thei vak rih lo, a chhan erawh ka hre loa, doctor ka zawh lahin min chhang thei lo bawk.
.



Ka nu chu rawn harh tawh mahse, that lam a pan thei loa, "Phaiah kal pui a tha a ngem?" tiin doctor chu ka zawt ringawt a, "Hei bak in an enkawl thei chuang lo ang che u,in tan a buaithlak mai mai a, chu lo ah, i nu hi a khawngaih thlak" min ti let hrep tawh, ka zir loh vang ani, ka nu dam na tur anih phawt chuan ka la kal ngai loh na khua ah te, ramhnuai ah te pawh ka kal ve zat zat miau ani.




Damdawiin kan luh atanga thla khat hnuah chuan, NuBeck-in, "Joseph-a alo haw dawn a" tih thu min hrilh chuan ka phur kher mai.



Ka harsatna te ka rilru hreawm na zawng zawng, ka ngaihtuah na te thleng a ka hrilh vek thin kha, ka bulah awm thei rih lo mahse, ka natna min chhawk ve em em a, tunah ka hmuh phak ngei ah a awm tawh dawn chu enge maw zawngin ka lawm viau bawk.



Zirtawp ni zingah chuan ka nu chu a luak vak mai a, thi te ni a luah chhuah chu, ka phi ruaih a ka che hlei thei meuh lo ani. Ka nu na tuar lai chu ka hmu thei lo aniang chu, ka meng thei der lo, kil khatah chuan ka thu thla hnawk a, a thim nghal vek bawk!




"Bawihte" ka u Martin-a aw ani. mangramah ka cheng leh ta mawni, "U, ka nu hi i hmu ve ang tiraw, enkawl ve tur talin rawn let rawh, tinge tianga i awm, i rawn in lan duh miah loh" ka sawi zawng chuann ka tap vel kei hi hmeichhe awmnem, dawih leh, tah belh tak ka nih hi, harsatna in a a kal san loh mihring.



"Tluangtluang" an tih rual chuan ka harh hlawl a, ka bula lo thu ka hmuh rual chuan, ka tap zui leh ringawt pek a!



"Joseph" tiin ka va kuah a, kan piah lawkah Ruby leh Jenny kha an lo dinng tau thung.




"Ka lo let tawh lawm, tap tawh suh le"ka hnung ben thauh thauh pah chuan a tia, a pang lum ka lo sik chak tawh zia te ka hre thar a, a lum nuam in min ti thawl huai in ka hria...




" Ka lu hi a hai deuhin ka hria " ka tih chuan Jenny a rawn phei vat a, ka bp a rawn check a, ka bp chu alo sang chu niin.



"Mut hahdam i mamawh nih kha, rilru nuam deuhin awm rawh, kha damdawi hi ei la" Joseph-a chuan dam tak mai hian atia ka lo la ve vat bawk.




A damdawi chu a thawk chak viau aniang chu, ka muthilh lai pawh ka hre lo, ka harh lai chuan Ruby chiah a lo awm tawh.



"Ilo harh tawh maw?"tiin nuisangin min lo chhawn a, nuihsuk pahin, " Ka nu kha engtin nge a awm? a tha tawh em?"ka ti nghal vat a, A muhil ve tho niin a sawi.




"Kal ang" tih leh thawh ka tum chu ka lu chu a rit bur leh nghal a, ava chhangchhiat thlak tak e aw.



"Ka lo pui ang che" tiin ka thiannu chuan min rawn pui vat a, ka nu awm na kan va thlen chuan NuBecki leh Joseph-a leh Toma an lo awm ve bawk.



"Tom-a ilo kal ve law?" tiin Toma chu kan be hmasa phawt a, min chhang tha ve mai dawn maw ka tih laiim, "Meng ta che" alo ti hluk duh chauh.



"Min chhang tha ve mai lah" tih pahin ka nu sir ah ka thu nghal a, "Chu bak bak a chhan na tha i dawn in beisei mah ta che" ala ti leh zel,"I tawng thei hlek hluk anih chu a"ka tih chuan a nui zuii uarh uarh ringawt.






Damdawiin an awm a tanga thla hnih hnuah•



"Ka mangang tawh lawm ti ringawt hi chuan a tha lo, doctor ten a natna sawi tur an hre bawk siloa, ka nu lahin that loh lam a pan char char ani bawk sia, min kalsan thut se engtin nge niang" tiin ka hma mipa ding chu ka an khum a, a niin ngawi rengin ka thusawi chu alo ngai thla ringawt.




"A natna te hi in lo zep ani lo maw?" a tawp ah chuan ka ti ringawt a, Joseph-a lah a lo thaw zui hawk bawk.



"Tluangtluang, tah khan thu phawt teh" tih pahin ka hnung lama thutna chu min kawh hmuh zeuh a, ka kal hma in a mah zawk chuan min nawr phei a ni ber ang chu.




"Tunah chuan i hriatna pawh a pangai tawh a, i nu dam loh tirh khan kan hrilh mai thei lo che a" tiin a ngawi zui leh vung vung a, "Eng chu maw min hrilh theih loh?" ka vin ani mah tawh zawk.




"I nu hi a hma a tluk chhan kha, stroke vang ania, tunah a nerve a khawih tawh a, a ke pawh a chet theih tawh loh chhan hi nia" ati zuaih ralh a, a aw ah pawh chuan a sawi chhun zawm chak tawh loh hmel khawp mai.




Chutih rualin ka nu chu, chutiang natna hreawm lutuk chu alo nei reng a, kei chuan ka lo hrethiam loa, dam leh vat tur in a bulah chuan ka lo tur reng zawk thin kha ania, ka nu rilru tur ka dawn pui miah lo. Mahse ka nu khan he thu hi a hre tawh ngem?



"Joseph, ka nu chuan a hre tawh em?" tiin ka bula kun ngul pa chu ka zawt a, "A nerve tha lo chiah a hria" ati mai a, "Enge adang a la awm ami? I sawi awmzia chu?" ka tih chuan,, "Aa,, ka sawi awmzia chu i nerve a tha loa, chuvang chu ania, tih in kan hrilh ringawt a, aaa,, natna neuh neuh kha i nu khan alo ngah lutuk a" ati leh ringawt.



"Enge a natna dang ho chu?" ka tih chuan ka rin ngam ngai loh leh ka ngaihtuah ngai loh puiin min chhang tlat mai, ka nghilh dup bawk, vawi leh khat ah thli thaw te chu an reh duak a, ka bula mi chuan min dawm bet tih erawh chu ka hria.



CANCER maw!? Nilo, ka nu hian midang te angin, an tawrh theih loh tawp ah min kalsan ve ang maw!? ani thei lo, ka nu i dam chhuak tur ani.



"Tinge min hrilh kher a?" ka ti vak a, "A natna la hriat ve hun i nei dawn tho a, mahse, tlai deuh a i hriat ai chuan tun hi i tan a hriat na hun tha ber ania, i rilru tur ka ngaihtuah pawn ka hriatthiam pui che, mahse, i nu hi dam thuai thuai turin hrilh tawh lo la, thlamuang deuh a awm turin fuih tur zawk i ni. Chuti lo chu i hriat kha, rilru nuam deuh in a kal san thei loang che"atia a ngawi zui leh vung vung a.



Kan hma lam a sintex lian tawk awm chu ka thlir tlawk tlawk ani ber.



"Cancer ah pawh a thin kher ani sia, a thawk chak mai bakah natna dang nen a in pawlh nuaih sia, i nu bulah a tam thei ang ber awm la, a rilru natna tur zawngin awm lo la, hlim luih hram i tum dawn nia aw" tiin min rawn kuah a, ka hnuk te lam hi a ulh tawh ani.



"Tiang zawng zawng ka hriat hnu a nuih luih a harsat tur zia i ngaihtuah tel ve em?" tiin ka zawt let a, "Immm, mahse i nu tal chu i nui hmel vang khan damna i pe thei a nia, chuvang tal chuan, in ti chak ang che"a ti leh dap dap a, a sawi anga awl chu nise, he a natna hneh thei tur khawp hian ka siam ang mawle, mahse kan thu lo ropui si. Pathian khi lawm!!



" A mak iti ve em? Pathian rorel dan hi?"tiin ka nui zui hak a, zawhna mitmengin min en ve nghal bawk.



"Tinge mi tha te, mifel deuh te chungah hian harsat na hi a dah bik zel a, i hria ani tiraw Ka nu hi a sual na tur sawi dawn ila ka hre miah lo, nangpawn i hriat ka ring chuang lo, chu mai bakah, Pathian vangin mitam tak nunna alo chhan ve tawh a, hei vang tal hi chuan a nunna hi chu han zuah sak ve se, a phu ani tiraw, mihring lam tak a en phei chuan a beisei awm tawh loh tak zet ania"ka tih zawh rualin ka tho thut a, "Kal ang, ka nu bulah ka awm angai" tih leh tlan thlak ka rual a, a hrilhhai hmel phian lehnghal..


Tiang a lungchhiat na deuh deuh sawi hi chuan thi tur a dah hi alo awl sia, chuvang ringawt pawh chuan ngaihtuah tawh loh ka duh, thihna hi ka hua a, pumpelh dan tur ringawt ka zawn angai mai anih hi. Tun ang chiah hian.



~~~>>


Tunlai chu kan tlaivar deuh reng a, ka nu lah a chang leh a zia deuh a, achang leh a tha lo leh deuh a chutiang reng chu, Pathian khawngaih na zarah kan veng hnai atang te hian min lo tlawh tu an awm ve reng zel a chumai bakah thil pek te, pawisa te min pe nawk a, ka nu hi doctor anih angin miin an hre zau a, khawngaih tu leh hmangaih tu pawh a ngah ve mai.





"Duh leh chhuah pui mai ila, awmzia tak tak a awm chuang tawh siloa, damdawi pek chi lah ani tawh bawk siloa, in lam ah in kawl tawh zawk ila" NuBeckin atih na chu kan pawm viau a, damdawiin awm man lah chu Ka nu thawh na ten an tum vek leh nghal a, a lawmawk bawk sia, lawmthu kan sawi mawlh mawlh reng tawh zawk ani.




Kan damdawiin chhuah atangin ka nu chu nithum ni atangin a dar(Shoulder) hnuai lam pang zawng hi a che thei tawh loa, tawng chu fiah lo deuh in a la tawng ve thei.


Ka nu bula awm tam duh viau mah ila,, ka nu na tuar hmuh chu ka tan a hreawm lutuk a, ka thei ngang thin lo, a bula ka awm chhun lahin ka tap reng bawk sia, ka in ngei zawk thin.



May ni 11 zanlai dar 12:30 vel atang chuan ka nu thawk a mu mal meuh tawh loa, mi pawh an rawn kal nasa viau tawh, ka nu kut che thei lo chu vuanin ks hmer ngawt ngawt a awm ngaihna ka hre lo zawk.



Zing lam dar 2 velah nutei i te lunglei lam ami ka nu nau te ho an rawn kal ve a, khawi khawi amaw tangin kan chhungte an rawn kal a, kan zi neih nuaih tawh a, tute nge lo kal pawh ka hre chiang lo.




Nuteii chu ka bulah rawn awmin min tawng thlamuan reng a chu chuan min ti zia awm viau bawk.




Kan thu hriat hmasa leh ber chu "Ropui ram min pan san ta" tih chu ani!



Ka nu bul a awm pui ho chu tap lo pawh an awm lo ang ani, chutih rualin ka mittui a tla ve thei ta tlat lo!



Ka nu chu ka melh tlawk tlawk a, ka chhungril atang hian min rawn hnawh nghal tup tup anih chu! Awmdan pawh ka hre lo.



Room atangin ka tlan chhuak vat a, min zui nghal tu an awm tih chu ka hria, ka hawi let thei tawh lo.



Mi lah chu an lo tam zek a, step ah ka tlan thla a, a tawpah tak chuan thu thla hnawk a, vawi leh khatah min hnawh na te kha lo reh in, ka thaw zui hlawk hlawk a, ka mittui in a zui bawk.




Min lo kuah tu chu ka en a, Joseph-a ani. Amah chelh chuan ka tap zui nghal char char a, mi mit pawh ka zah zo tawh lo.




Alawmi a rawn lang ve hlawl a, ani pawh min tah pui ve nghal a, eng dang pawh ngaihtuah theih tawh loh. Ka mal tawh lutuk ringawt... Tih chu ka rilru ah a rawn thar a chu bak ka ngaihtuah thei tawh lo reng reng.




Joseph-a chuan thutthleng lam min pan pui lai te chuan Ka awmdan zel tur ringawt ka ngaihtuah a, bei hi a dawng tak zet ani.




PA thlazar hnuaiah pawh awm thei lo, NU te thlazar hnuaiah chiah ka awm thin a, tunah phei chuan Nu thlazar hnuaiah pawh ka awm thei tawh dawn lo chu ni sia le!




Ads lo click ru aw


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:14 pm

UNI


By- B-Mallow


Chapter30

rVDZgtfh_400x400 (1).jpg
rVDZgtfh_400x400 (1).jpg (19.24 KiB) Viewed 369 times



"Aw hman e,,,, kan lo kal dawn nia" tiin a dah zui a.



"Eng nia?" ka lo ti vat a, "Ka nu te chuan na motor kha a chhia niang, 'min lo hruai leh daih teh u'atia" atih chuan, "An la thleng hla lo ami ka ti veleh vat, " Hla lo aniang, in siam ila, va lam zawk ila"a tih chuan ka lo bu nghat nghat a.





Kan inkhalh chhuak lehnghal ani ber.




"Ka rin aiin an thleng thui hman" khat tawkin UBiakteii chuan ati leh thin a, ka chhang lem chuang lo.




Ka kekawr ip te a ka phone dah chu a lo vibrate a ka en chuan Joseph-a alo ni.




"Hello" ka tih rualin, "I tho tawh em?" alo ti nghal var a, nutei zin tur thlah ngaih avangin kan thawh hma thu ka lo hrilh.




"Ei rawngte i bawl tawh em?" ati leh zat a, "Nuteii te sumo chuan na kha a chhia a, hruai turin UBiakteii nen kan kal a" ka lo tih chuan a phun deuh hluk a.




"Hmeichhia in nih kha, in chesual palh anga sin, min hrilh ve tal tur che u lawm" atih chuan,"Hei ka hrilh che hi"ka lo ti sam et a.




"Hahthlak bet but e aw" ati deuh vang vang ri chu chiang tak ani.



"Dar 11 velah ka lo lam ang che, chhuah ngei ngei a ngai ania aw" atih chuan, "Yes, hman chu ka lo tum dawn nia" tiin ka dah zui nghal daih.




Kawng kawih vawi thum vel kan tlan leh hnu chuan ka nutei te sumo pawh a lo ding vang tawh a, nutei pawh kan va hmu nghal vat.




"In va han rei, ka nin tawh zia chu"“Sawi lai ah sawn zurui phakhat a thu ve kuk a, ka ning rapthlai tawh, a tawngkam a thing bawk sia”ati ser ser a, ka va en chuan cher sang hmelchhe ve lam pang hi nia, a hnar pawh alo tawk tha khawp.




"Haw i ti lui tal anih kha" UBiakteii chuan alo tis, "Ka let leh dawn teng hi aw" Nutein alo ti ve bawk a, nutei lah hi kan rualpui kawm hmiah hmiah thei a, a tha phian lehnghal.





Kan haw leh lam pang chuan, patea, ka nuteii pasal hi a call a, min lo hruai rawh ati bawk a.




An tum dan chuan chaw ei kham a chhuah an rel aniang.




Kan hma zawnah chuan mipa tleirawl rual ho hi an lo awm deuh thap a, crips an tia mawni,, khatiang ho lam pang kha an lo nia, an hmel en mai pawn an la naupang hmel viau.





Nutei chuan tukverh a dak chungin, "Bawiha te u, lo awm sawn lawk teh u, kan lo kal lawk ang chu" atih chuan an zing a lian ve ber chuan, "Min va chei naupang chhia ve" pawr ang deuh tak hian alo tia.




"Guys,,, ehe, in la naupang hmel hmel nen a, damdawi te in ti a law?" UBiakteiin hnunglam atang chuan alo ti bul bul a, keilah ka lo hlau ru viau.




Chutia a sawi velah chuan an mask rawng pawl a rang neih nuaih chu an han hreng tha te te a.




"1, 2,3" an ti vak a, an tlan chhe nal nal daih a, "An va ho mai mai tak" tiin ka phun zui hlak a.




"Tunlai naupang ho chu khatiang mai mai kha, an in la blood ve a thenkhat an in la crips a" ati deuh zat zat a.




"I chawm i hrai nilo chu en liam mai mai rawh" nutein alo ti hluk a. A ngawi zui chiang viau.




~~




"UTluangtluang, Aubawiha ka then tir tawh nia aw" kawt atangin Alexan alo ti vak vak a, AuBawiha a sawi hi au chiah ani(😂)




"Kan compound ah lo luh tir ziah su" UBiakteiin alo ti veleh tawh a, nutei pawn"Naupang khing reng zel suh"tiin alo khak ve bawk.




"Ka thlavang hauh tu tur te hi han awm ve se aw" ati deuh vang vang a, "I over e" nutei bawk ani





"UTluangtluang, hei ka nu in thenawm te va pe ve rawh, lak hlim ania a tui viau ang ati" tih pahin Bawiha chuan Mautuai leh antam tel khat hi min rawn pe a.




"Ava tui hmel ve, ka siam hunah chaw lo ei ve ula" tiin nui zui kar kar chungchuan ka sawm a, "A tih chi loh, ka heh thei lutuk a, in ei ve hman loang" tiin a nui zui deuh suk suk a.




"Nih leh nidangah in lo la ei ve dawn nia aw, thingpui i duh ve em?" ka tih chhun zawm zat a. "Chaw kan ei tep a ei lo mai ang, bakah chaw ei tlem hlek chuan ka nu saw thil dang dang a puh kual a, a phun ri hriat a ninawm thei lutuk a" thutak deuh zawk chuan a sawi a.





"Nu te phun ri hriat tur in nei ringawt pawh saw lawmthu sawi mawlh mawlh ru, nu nei lo te hian nu te phun ri ringawt pawh hriat an chak a sin" ka tih chuann ka hnuk a ulh dawn dawn mai. Ka nu kha mi phun tam lo leh min hau ngai lo khawp kha ania, ka tan khan nu nih a tling ngawih ngawih, pa tello min enkawl te kha a har viau ang.





"Ka lo haw" tiin Bawiha chu a lo au vak a, anuin a lo ko leh tawh niang, "Ka va haw phawt nge, chaw ei tui u" tih leh tlan chhuah a rual a, a phit rang lutuk a "Chaw ei tui" pawh ka ti ve hman tawk ani.




"Chaw ei hi siam ve nghal mai ang u" nutei chuan ati nghal zat a, kan siam lai vel chuan UBiakteii chu a uak that that a, engmaw a hriat ni.




Bathroom ah a tlann lut vat a, nutei room atanga lo chhuak chuan, "Khawnge i u kha, chaw ei siam dawn veleh hian a tlanchhe thin a" ati deuh hluk hluk a.




"Bathroom ah a lut lawk anih kha" ka tih lai mekin bathroom thawm pawh chu a ring viau,, chaw ei dawn dawn ah!




Lalbiakhlu, rawn chhuak vat rawh, uak der ziah zel mai"tiin Nutei chu a kil zui nghal a.



Rei vak loah UBiakteii pawh alo chhuak ve, a hmel en chuan a peih loh hmel ang reng.




"I nuam... " ka tih laiin dawhkan hnuai atangin min lo tlawh zawk a, ka tawp chiang kher mai.



Kan chaw thleng kan sengfel lai te chuan a pum a dawm leh vawng vawng zel a, enge maw chu awm chiang a lawm.




"Thenawm te inah sawn ka va leng lut leh lawk ange, ka haw hma in" tih leh chhuah nghal a tum a, "Ka sahdah ka theihnghilh,... khawnge awm leh tak ni aw" tiin thuthleng te chu a bih kual den den a.



"In lo hmu em ka sahdah kha?" a tih chuan lo kan lo thing khum rang nasa mai



"E,, heta hi ka lo ak reng a lawm" tih pahin a kekawr ip te tang chuan a sahdah chu a phawrh zui nghal a, haihawt ve ngawt mai.




"UBiakte, enge i awmzia hi?" tiin ka zawt a, a awmdan kha chu hriatthiam loh chi pawh ani lo. Nutei kha chuan a tihder anih a rin avangin a awih lo mai pawh a.




"Ka nu hrilh miah suh aw" te chu a ti te te a, "Hrilh lo ang, eng nge sawi la" ka ti nghal vat a, "Ka rai a" a tih chuan ka rin sa mah nise awih har ka ti.




UBiaktei hi kohran a in hmang mi anih vang hian chutiang thil ti tur chuan ka ring lo hrim hrim.




"Tu fa?" ka tih leh chuan, "Jonathan-a ania, i hre ve kher loang" an ti kher a, "Nutei engtikah nge hrilh i tum?" ka tih chuan, "A haw thlak hunah,hmai chhanah chuan ka hrilh ngam bik loa" a tih takah chuan ka bula awm a duh ve tlat chhan kha nih dawn hi tiin ngaihdan ka lo siam ringawt pek a.




"Dar zat ka en chuan kua leh chanve a lo ri hnai tawh a, ka che zung zung a, chhuak tur chuan ka in siam vat bawk.




Darthlalang hma a ka in en chuan ka nalh thawkhat viau mai, " Tluangi, i thianpa alo kal"tiin in hnuai lamah chuan min lo au leh ul ul tawh a.





Joseph-a ka hmu chu, ka vanneih zia a nia ka hriat thar un un ni, chhe lo leh pek hle mai, kan in hmuh tirh ai daih khan tunah phei chuan a chhe lo zawk mah ang.




"Hmuhnawm thlir tak meuhin anih kha maw i bialnu chuan a thlir che" ngeiawm fahran chuan UBiakteii chuan a tia.





"In lo enkawl tha rawh aw, kan leng kan rawn haw har tak thutin" tiin thudang daih ka sawi a, a ner nang nang mai, "I nu ka hrilh i duh loh chuan" ka ti zeuh a, "Aw kal ru, lo buaipui su, ka lo ti vek ang" tih leh hmun phiah awmna lam a pan nghal a.


..




"Engin nge ilo kal?" tih pahin kawt vel chu ka hawi kual nghal ruai a, "Taxi in, i car keng mai rawh" atih chuan mak ti deuh chuan ka en a, "Ka nuin a keng" alo ti ve leh mai bawk.




Kan chhuah hnu pawh chuan a ngawi reng a lungawi loh na a nei a mawni aw ka ti rum rum.



"Khawiah nge kan kal ang?" ka tih chuan, "I duhna ber ah kal tawp rawh" ati nghut a, biak chakawm vak loh chu ni. Ngawi rengin ka khalh zui mial mial a.





Khawi laiah nge mawni hmun reh deuh ah hian ka kal pui a, "Chhuk ang"tih leh kawngka hawn nghal a rual a, keipawn ka zui ve vat a.




Leiah kan thu tawp a, ngawi reng a kan awm hnuah, "Delhi-ah ka chhuk leh a ngai tawh dawn a" a tih chu ka rin loh lam daih ani, ani pawh a aw ah a phur loh zia a hriat theih ang.




"Engtikah nge i kal ang?" phur hmel deuh chuan ka han zawt ve tak na a, phur awm loh tak chu ani.




"Zirtawpni ah hian a niang" a tih chuan tun hi thawhleh ni a nia, a tum hma lutuk chu mak ka ti hial.




"Ngati nge in va ti hnai ve, in lo hauh lawk a mi a?" tiin a mit tak a en chung chuan ka zawt a.



"Ka nuin min lo hauh sak a, hna te neih vat vat ka tum anga, nakinah kan la in nei daih dawn nia, nangpawh hna tha deuh nei thei dinhmun a ding ini tih in hre reng la, beiseina in siam thar zel bawk rawh aw, dam deuhin Pathian zarah kan la hmu leh em em ang, lo in enkawl tha la"ati dap dap a, tuna kal tawh tur ang mai chuan a awm le.




"A sawi ala hun loe, i kal dawn tak takah i sawi zawk dawn nia" ka ti ta daih a.



"Thil duh deuh i nei em? Ka lei sak dawn che nia" tiin thudang chu min sawi pui daih a, ka ngaihtuah deuh vung vung lai chuan, "Guitar min lei la, ka lunglen hunah pawh ka zai pui thin dawn lawm" ka tih chuan, "I perh thiam ve ringawt ami?" nuih za in sum deuh zawk hian atia.


"A hma chuan, guitar hi ka perh ve zeuh zeuh thin kha ka nu khan a thinrim na a chawk tho ziah zel a, vawi khat phei chu damdawi in a a kal hlan in ka lo perh a, a thawm ka hre silo kha khatia ka perh kha min chhuhsak pawp in ka hmuh lai ngeiin a ti chhe vek kha ania.




Kha mi tum a min hauh na kha ka beng hian chiang takin a la hre thei, a chhan chu khatiang taka min hauh nat tum kha a awm tawh ngai miau lo ani.




Tihian ka zawt a, "Nu tinge guitar perh hi i phal ngai miah loh a?" tiin vawi tam tak ka zawt thin, a tawpah chuan, "I pa khan guitar kha a ngaina lutuk a, vawi khat an concert naah thil pawi a khawih avangin jail te hial a tang a, mahse a tang rei lo hlauh khata tang khan guitar hi ka haw hluah hluah ani, bakah i pa thih hnuah phei chuan guitar ri ka hriat ngat phei hi chuan i pa hi min ti hrechhuak lo thei lo thin a, khata tang khan guitar hi ka haw hlur mai ani, min ngaidam ang che"ati hial anih kha, khatiang khawp a guitar a huat hi ka ring ngai lo, a mak zawk khawp mai, mihring ai pawn a huat nasat kha ka ring hial ani."tiin ka nui deuh hak a.




"Tunah chuan i perh thei tawh ni lawm ni, kal ang" tih leh thawh a rual a min kai tho ve nghak zat bawk.




"Kha khalh ve tawh rawh, an zawrh na pawh ka hre ve lo" tih leh chahbi pek ka rual a, a la ve mai bawk.




Kawng tluan chuan kan titi dun a, sawi tur nidang zawng aiin kan hre bawk.



"Sawlai ami saw a tha a sin" tih leh kan hma kawng vei lam a dawr chu a kawk va a, a pan ding nghal zat bawk.



Motor te a park that hnu chuan dawrah chuan kan lut vat a, guitar kan melh dun nghal hmiah bawk.



Kilkhatah chuan guitar dum nalh tak mai hi a lo awm a, "Teh,, saw saw a nalh saw" tiin ka pan pui a, "A pa e" ati deuh vang vang a, "Nu deuh aiin ka duh zawk lawm" ka lo ti ve talh bawk.



Ka tih talh avangin min laksak hram a, a man lah chu cheng sangthum lai an la ti zui.




Kan chhuah dawn te chuan, "I perh thiam leh siloh vaih" ati deuh khur khur a, "Kal mai mai teh, ka thiam loh tak leh tar mawi ah ani mai lawm" Ka ti ve sak a.



Kan inkhalh haw lehnghal vat a, "Nutei chu a pasal ten an rawn hruai dawn a, kan hmu ve hman ang chu a" Sawi tur ka hre lo lutuk chuan ka sawi leh ta daih a.




"That chu"ati deuh tawp, ka duh tawk lo khawp mai a, mahse thudang sawi tel tur avang dawn em ani.




"Naktuk ni engzat?"



Ka phone chu ka phawrh a, ni 25 alo ni ve kiau, "25" Ka ti tawi tak a.



"I u thihcham ani tiraw?" Atih chuan ka lo mangnghilh daih, "Aw nie" Ka ti thawp sulh a.



"Thlan a va kal te i duh em?" Min tih chuan ka chhang rang khawp mai, ani pawh a nui tawp.



"Ka awm rei hman lo ania aw" Atih chuan ka bo hman tep a, mahse kan in kan lo thleng der tawh chu niin.



"Aw,,,, nutei te chu an la kal lo a nianga" Tih pahin kan in kawt a bolero chu ka bih thuak a.



Thenawmte uiin min lo bauh vak vak lehnghal a, "Tom-a rawn lut mai mai rawh" Alexa chuan fiah lo tak mai hian a rawn tia, Tom-a chu an ui ek thlah dah deuh kha ania, Kan Tom-a zawk a lo len chang te hian kan chhaih fiam leh thin a, min ngei thei rap.




"Tluangtawi, in van rei em em ve"“Ehe, ava nalh ve a, khawi ami nge?" Tiin ka guitar awrh chu min lo zawt nghal chat a. "Joseph-an min lei a, a nalh tak tak maw?"ka tih chuan, "Hmmp a nalh leh loe a" ner nang chung hian an ti deuh kher a.




Joseph-an, "Nalh i tih reng kha" Tiin a fiam zui bawk, he mi te pahnih hi chu an in ngeih thlawt lo ani.



In chhung kan luh rualin nutein, "Mala, hei hi Tluangtluangi anih hi aw,,, chuan hei hi a thianpa" Tiin Joseph-a chu a hmelhriat nghal vat a.



"Wow, i guitar chu va nice ve a, a to viau lo maw" Ati nghal zat zat a, "To raps" Ka ti deuh tawp ringawt.




"Pate in lo thlen na rei tawh em?" Pate chu ka zawt ve luam a, a la rei vak loh thuin min lo chhang.



Alawmi a rawn lang ve nawlh a, "In office na nge?" Ka lo ti vat bawk, "Awih, ka kua khawh lawm" Ati vat bawk a, "Engtik nge office chu i join ve theih dawn?" Min ti nghal vat bawk a, "Nakinah kan sawi dawn nia, kan in thlak lawk ange, sitting room lam ah sawn lo thu phei ula" Ka ti zung zung a,, in thlak tur chuan ka chhoh san zui nghal bawk.




Ka chhuk leh lai chuan an thawm chu alo tha ham ham khawp mai a, an in kawm tawk viau bawk ani.




"Thingpui lo thli nghal teh" Mala khan a lo ti nghal zat a, kan chhungte ni mahse hei chu ka hmuh tirh atang phat khan ka ngaina lo a, a mizia hi ka ngei zawng tak ani bawk..




"In duh vek em?" Tia ka zawh chuan Joseph-a chuan a duh loh thuin min chhang a, "Zahder vak a ngai hlei nem aw" Mala chuan a lo ti veleh hram a, UBiakteii pawn alo khak zeuh nghe nghe kha, mipa tawng tam deuh hi chu ka ngei tlat.




Thingpui ka pek leh lai te chuan a lo tawng barh barh a, Joseph-a thung chu phone a en ngur ringawt.





Darkar chanve vel hnuah chuan nutei leng lo haw chuan haw a rawt nghal a, an in siam zui lehnghal ani ber.




"Mambawih, in rawn la zin ve dawn nia u aw, Bawihte, i nau kha lo duat la" Pate chuan ati ve liam luam a, kut in vaihin kan in thlah liam ta a.




Mala haw veleh nghal chu boruak pawh a zia sawt in ka hria, "Tluang, i hna chu ngaihtuah tha leh la, a uihawm ve e thawh tur dang i nei chuang siloa" Tiin Alawmi chuan hna lam min sawipui veleh a, "Nia buaipui ka lo tum ve deuh a, a theih tawh loh tak leh a dang ka ngaihtuah mai ang ka lo ti kha a nia" Te chu ka han ti ve luam a, Bank manager ber a theih loh chuan a dang chu ka peih vak lo.




"Ngaihtuah tha ngei ngei rawh, bakah keipawn sawipui dan tur che ka lo ngaihtuah ve dawn nia" Ati mial mial a, hna chungchang hi chu a tui phian zel.




"I va zawi awi ve" Joseph-a chu ati ta nge nge a, "Ka zin san leh dawn che u a" Alo ti vat a, "Engahh!! Ngatinge?" An men phawk dan chu den tawp zawk.




"Hna kan nei ve vat vat phawt anga, nakin deuhah Ponyo-i nen kan in neih theih hunah fatu leader ah te i tan ve theih nan, pawisa ka thawh chhuah a ngai sia"tiin a kiai suk a, "Awih, i over ultra pro max, tak takah i van ngaihawm dawn fiamthu thawh tu tur ber i awm dawn siloa, mahse fiamthu pawh i thawh khat tawh e" Ati leh ang lawi a.




"I nawi emai" Alo ti hluk bawk.



Hnâr ri ka hriat rualin UBiakteii lam ka hawi A, tui tawk in alo muhil lek chu niin.



"A chau awm hle mai a"nui ruh ruh chungin Joseph-a chuan a lo ti ve a, a rai vang emawni aw ka lo ti rilru ve bawk.




"In thlahna te siam ila, keiman ei leh in man chu ka lo chawi vek ang" Alawmin alo tileh daih a, "Ruby kan sawi hmuh chhin ange" Tih leh phone khawih nghal a rual a.




"Khawi i guiter kha lo la teh" Joseph-an atih pahin ka hnung lam a guitar chu a melh zawk a.




Ka pek phei lai chuan, "Eng hla nge kan sak ang" zei fahran hian a rawn kiai suk a, "Ka ngai zual thin tih kha, i hre ngai em?" Ka tih chuan, "Hre ve naw naw e" Tih leh perh pui nghal a rual a. Rin ai takin a perh thiam a, a zai pui lai te chuan a in hmeh tak zet.




"Awih, ka tum aiin ka awm rei, ka phei dawn" Tih leh thawh a rual a, "Laljoseph, 'awih' kha ti kher suh" Tiin a tawng tuai lutuk lai chu ka lo khak a, "Sorry" Ati deuh sup.




Kawngkha bul thlengin ka va thlah a, "Zanah ka lo be dawn che nia" Tiin a kal zui nghal a.



"Tluang, i phone a ri" Tiin Alawmin min lo au ruaih a, ka va kal phei a ka phone ka en chu 'UHlimpuii' tia ka save lek chu alo nia




"Hello"ka tih rualin, " Tluangtluang, Alawmi a rawn kal em?"a rawn ti bak hlur a,, "Aw lo kal e" Tim daih a tih pahin Alawmi chu ka melh pah zat a.




"Tinge a phone ava la thei lo ve, i bul hnaiah a awm em? A awm chuan ka lo be teh ang" Ati zui zat a, phun ser ser chungin Alawmi chuan, "A muhil ti rawh" Alo ti ve char char.



"A muhil a, a pawimawh viau em?" Tiin dawt chu kan hrilh ta phawt a, "Kai tho la lo haw tir vat ang che" Tih leh a dah zui nghal hmiah bawk.




"Enge a sawi a?" min melh run chung chuan min han zawt ve a, "Lo haw rawh ati che, phone te chu lo pick up ve maii tur che lawm, a pawimawh ve thei a" tiin ka hau zui nghal bawrh bawrh a, "Min hauh ka hlau a lawm, a rukin ka rawn chhuak a" Atih chuan ka nui tawp. Puitling viau tawh si hi, an chhungte hi chuan an la naupang chhe chei reng mai dawn a nih hi.





"Ka va haw phei phawt ange, nakinah Joseph-a thlah chungchang te chu kan la rel tha leh dawn nia u" Zik mar pah deuh awn awn chungin atia, "Thlah i ngai em?" Tia ka zawh zui na chu a ngaih loh thuin a lo chhang.









In leng te an haw fel hnu ah chuan UBiakteii nen chiah kan awm tawh a, UBiakteii lah a muhil daih lehngal.




A reh tluk tluk mai bawk sia, khua te hi a har leh riau thin, ka nu leh ka u bawk hi ka ngaih a zual zel thin chu a nih hi, an hmun ruak hi a zau ve sia, an thih chhan ah lah ka in mawhpuh lo thei siloa.




Guitar chu lain ka han perh a, 'Lungngaih ni leh lawm lai ni ah hian'tih kha YouTube ami play in ka perh rem ve a, ka hnuk ati ulh dawn dawn mai.




♪Leia lungduh ber ka then laiin,
Lalisuan min ngaihsak ngai em?
Tuar rual loh lungchhia, thinlai min run hi,
A hriaiin a ngai nep angem?♪



♪Aw, min ngaihsak fo tih ka hria,
Ka lungngaihin a tina;
Ngui chang ni leh zankhua rei hlauhawm hnuaiah,
Min ngaihsak tih ka hria.♪



Pathianin a min awmpui zia leh min ngaihsak zia ka hriat in lawm avangin ka biang ah chuan mittui a rawn lum thla pap a. Kan tan hian Pathian hian ro a rel thiam thin em zawk a, bakah a tawrh nat dan chiah min hriattir loin a tawrh theih dan min hriat tel tir hi ka lawm tak zet ani.








Ads min lo click sak aw


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)