UNI BY B-MALLOW (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: UNI BY B-MALLOW (Completed)

Unread post by Ngaia » June 12th, 2022, 3:14 pm

UNI


By- B-Mallow


Chapter 31



"Awih, i va lo zaithiam ve" UBiakteii chuan a lo tia, "Ka chhun che lawm" Ka ti let ve mai a, ner nawk pah hian, "Min ti zak e a" Ati daih leh nghal.




"AuTluangtluang" Kawngkhar rawn rik karh karh pah hian naupang hi alo au a, Alexa nih ringin ka va kal nghal vat a, a lo ni chiah reng bawk.




"AuTluangtluang ka lo leng dawn"in thlahrung deuh hian a rawn tia, hei te lah hi hmeichhia vek kan awm chungin kan in hi nuam ati ve em em chu nisia, lawmawm dangdai tak ani.




"Thil te te ka lo keng a sin" kiai suk a tih leh pahin a hnung lamah hian enge maw hi alo thukru hi a nia.



Lehkha bu chhah deuh mai a rawn phawrh chhuah a, "Engtih na tur?" Ka lo tih chuan, "Thlawhna siam ila, kan in do dawn nia" Ati mauh mai.



"Lo kal rawh, tih leh center table ah chuan ka siampui nghal mai a, kan siam tam thawkhat tawh viau aniang,, " A tawk tawh, a tawk tawh"ati vak vak a.



Kan in thlawh siak vel lai chuan, "Ka lu in ti hai emai,room lamah kan mu zal lawk ange" UBiakteii chuan atia, a kal daih zui.



A ngai te bawkin kan inkhawh siak leh a, door bell rawn rik zawh rualin UJei leh Awmawma te hmel ka hmu pah zat a, ka hmu thut chu mak ka tiin ka hnuk te hial a ulh leh thei.




"Lo lut ru, helamah hian"tiin sitting room lam chu ka luh pui a, a lo hnawk rem rum bawk sia, Alexa nen chuan kan han chhar khawm hmasa leh a.




" UJe, engtik khan nge in lo haw thlak a?"lehlha chhar khawm pah chuan ka han zawt a, "Nimin piah khan kan rawn thleng ve chiah,kan rawn kal hma thei loa a pawi kan ti khawp mai, kha i nu lah kan hmu ve hman ta siloa, ka in thiam lo tak tak, awih a har ropui sia, a fel thei bawk sia, ka ui tak tak ani aw" Ati leh vang vang a.




"Nia, a mak thut thut lutuk a, nanglah i lo awm lo ve zel bawk sia khua a har duh thin khawp mai" Ka ti ve luam a, an awm loh lai a thil thleng te kan sawi hnuah chaw ei tur ten kan in sawm nghal a.




Kan eirawngbawl dawn chuan, Awmawma chawhhmeh duh zawng ka zawt chu, UJein, "I nu kha chu an chawhmeh duh zawng a hriat tawh phawt kha chuan, chi hrang hrang in a siam zel mai a nia tiraw" chawhmeh chan mawlh mawlh pah chuan atia, "Tullo kha ka van ti thei tak"ka lo ti ve bawk a.





" Awih, ei rawng in lo bawl tawh law, ka duh aiin ka mu rei a"UBiakteii chuan alo ti nghal zat a, a mit meiin hei hi tunge UJei chu ati deuh bawkin ka hria.




"UBiakte, hei hi UJei, chuan sawlaia mipa saw Awmawma" Ka tih chuan, "A fapa maw?" Alo ti pek a, "Au fapa" Ka lo ti vat bawk.



Kan eirawngbawl chu thawm a tha deuh a niang Thenawmte min lo auh na pawh kan lo hre chang loa.




"Tluangtluang, an au vak vak che u ania" Awmawman a lo tih chuan, ngawi nghal thup in min auh leh hun ka chang a, "Hnawk in nei ve lo mi?" Thenawmpa ngeiin alo ti mek.




Hmanhmawh tawkin ka tlan chhuak a, "Awmawm min lo zawnpui lawk teh" Ka ti lehnghal a, "Huihamm" Tih pahin min lo zawnpui ve vat a.




Motor a kan paih dawn te chuan thenawmpa Alexa u Bawiha khan, "In beng a chhet ta maw ka tia, in hre thei siloa, ka auh na lamah che u ka hrawk a thip vek thei" Ati zet zet a.





"I hriat phak lekin i au lek aniang chu" Ka tih san mai a, "Teuh lo rapthlak" Tiin a ner nang nang a, "In leng i nei a law" Tiin Awmawma chu a thlek zeuh a, "Aw" Tih chiahin ka lo chhang.




A kal zui nal nal a, keini pawh kan kal ve nghal.



UBiakteii bawlhhlawh rawn paih tur nen kawngkhar ah tak kan in tawk a, "Awih, thawmnei ten rawn lut ta che u" ti hluk hluk pahin a in vai fai thuak thuak a.




In chhung kan luh rual chuan Awmawma chuan min be ser ser a, "I u saw khawi ami maw?" Thutak hian min zawt a, ka nuih hawk vang chuan min melh rum hle



"Ka ti tak tak ania, ka hriat hnu nichiang lutuk" UBiakteii eirawngbawl vel en pah chuan an ti leh a, "Buarpui khua anih saw, engtin nge i hriat daih theih" nuih za in sum deuh chuan ka han chhang let vel a.



"Ka thianpa bialnu lawm, amah chuan min hre kher loang, Jonathana hian a sawi nasa thei lutuk" Ati zat zat reuh a, ka rin ai daih in alo hria, eheh!




"Jonathan-a iti a law?" Tiin ka zawt a, "Aw, in inah pawh kan lo kal tawh kha" Atih tak ah chuan ka hrethiam ruak, hmanah Jonathana leh Awmawma leh Isaaka an rawn len tak kha.



"Uiii!" Ka ti hliai ringawt a, "Enge"ati ve hu bawk. " Khawnge tunah a awm? UBiaktei hi a rai tih a hria em?"UBiakteii melh leh zawk zawk pah chuan ka tia.




"Hria e, Inrinni pawh khan thian ho in kan bazar ve e kan tia, naute thawmhnaw dawrah hlir min kual puina, diaper kan pawm thul, miin min en duh sia, a zahthlak zia chu" Nuih deuh suk suk pah chuan atia, an awmdan tur ka lo mitthla thiam thei.




"Guys, in ril a tam tawh em?" UBiakteiin a lo ti lut a, "Awhaw, Awma" Tih leh a bula rawn thut nghal a rual a.




"Min hria law" Ner deuh sawng pahin a lo chhang let vat a, "Ka hriat loh che i ring ami? Jonathan-a nen in in hmu ngai em?" Ati nghal vat a.



A bu zeuh ringawt chu duh tawk lo deuhin"In in hmu ngai lo mia?" Phawk deuh zawk in ka lo in rawlh ve, ngai loh thuin a chhang.


"A nu a hrang a, thla li em a tlin hma chuan a thawmhnaw tur lei sak tawh suh atia, a lei luih zel sia, thla li a tlin hma chu inah i tawm dawn, i chhuak tur anilo, tiin thutawp a siam a lawm." Ati hnual ruih a, mahse a rei lo.



"Kan in hmu tep tawh tho a, nangni pawh in in hmu ve tep tawh ang" Ati zat zat a, Awmawman mak ti tawkin a lo thlir vauh vauh ringawt.



Chutia UBiakteii tawng bawrh bawrh lai chuan, "I englai hi nge a duh em em che chu le, a chhungte thlengin an duh vek mai che sia" Ner nang nang pah in Awmawma chuan ati ta nge nge a.



Nie en mai hi chuan UBiakteii hi tuman an duh tawp loang, mahse belh chian chi ani veleh tlat, in chhungkhur chet a peih in a mawng a zang em em a, a rilru te hi a tha ania, rilru chhia a pu ve ngai miah lo bawk.




"Magnet ka kawl a lawm" Alo ti sam mai a, kan nui ho dar dar ringawt mai ni.




"Chhung inkhawm kan hmang tawh mai dawn mi?" UJei chuan sitting room lama lo thut phei ve pah hian atia.




A in en nghal zat a, Pathian hnen a lawmthu sawina ni pah fawmin hun chu a hmang a, a hmang rei phian lehnghal, ala hman rei ber tum a niang chu.



"Chham tur in hre thin e, kei chu ka hre lo thei rap mai" Chaw ei laiin UBiakteii bawkin ati lehleh barh barh a, ani hi chu a phawk tha ve teh e.





Chhan vak ngaihna UJei pawn a hre lo ani, a nuih liam ringawt a.




Kan chaw ei kan seng fel lai te chuan UBiakteii chu a ti ti char char a, UJein a tui pui viau bawk.




Zanah chuan Joseph-a pawh smart takin a rawn lang a, UBiakteiin alo chhaih zui nasa mai.




"Ilo haw tih tinge mi hrilh loh" Joseph-a chuan Awmawma hnenah chuan atia, alo pha buai nasa mai.




Kan han inkawm chho a, in hmu khat tak kan ni bawk a, kan hlim tlang viau aniang, dar 10:30Pm ah haw an rel thlu vek a.



An haw hnu chuan UBiakteii a chhungte a rai thu hrilh a tum a, a zir nasa mai, a thinrim in 'Tinge ka lo rai kher kher le'te ati leh thin, khawngaihthlak tho bawk sia, nuihzatthlak nen khan a in pawlh nawk sia, puih pawh ka pui thei rih loa, kil khat ah ka lo nui tet tet ringawt.




"Ka phone anga min sawipui rawh aw" ati ta nge nge a, ka lo um e liam ringawt a, sawipui dan tur em em phei chu ka hre lo.




"Hello" An rawn tih rualin, "Nu, pa, ration card ah hming ziah belh tur ala awm thuai dawn nia" Ati mai chu, ka lo nuih chiam ringawt, ber kher chuan!




"Engah! Eng nge awmzia?" Leh lam ami te chuan hriatthiam loh hmel fe in an rawn ti a, "Ka rai a" A aw chu a ri chang chang ringawt tawh, UBiakteii ti khawp a a in thlahrun ka hriat vawi khat na ani hial ang chu.




Phone ami te thawk la ri pawh chu phone ah chuan a chiang hle a, "Ka ring sa reng a lawm" A nuin a lo tih chuan mak tih hmel tawkin min lo en a, a hmui phun in 'I hrilh ami?'a rawn ti vat lehnghal a, ka lu ka thin rang zia chu.




"Bawihi, i nu ka nia, ka hre chiang che, lo rai tawh kan nih na angin i awmdan ah khan ka chiang a lawm, ka hrethiam lo der mai mai ringawt anih kha bakah hau vak che pawh ni ila awmzia awm tawh dawn chuang loa, rilru nuam deuh khan lo awm rawh" Ati dam dap a, UBiakteii pawh a thawveng sawtin ka hria.





"Nu ka lawm e aw, min hriatthiam na in ngah zia hi chu aw, ka lo haw hunah ka paw ve ve ang che u" An ti fiamthu leh hram a.




"Tunge a pa? A chhungten an duh che em?" Apa chuan alo ti ve ta daih a, "Awih duh pui zia chu, naute pa phei chuan a thawmhnaw tun atangin a rawn lei reng a, anu leh paten an hre leh sia, lei tawh suh an tia a lei lui zel bawk sia, thla li a tlin hma chu i chhuak tawh loang an tia, an khung daih lawm" nui huau huau chung chuan atia, a sawi chak zawng tak an zawt fuh chu a khi reng mai ni.




"Tu maw naute pa hming chu?" Apa in alo ti hluk a, "E ka sawi theihnghilh daih, Jonathana nia a fel lutuk, nakinah ka la in hmuh tir vat ang che u" A phur zia chu a aw kiah ringawt pawh mipangai tan hai chi rual ani lo.




"Bawihte, fa neih hma a in neih te kha a tha lo maw? In neih in duh reng reng em?" Apa bawkin alo ti leh a, "Awih, duh loh chi hlei hnem, in neih in phal loh kan hlauh vangin tiang hi a thleng a lawm" Ati mauh mai, keiin ka hau in an in be lai chu ka lo thlir ringawt a.




"Sawi ve phawt tur che u nia, Anu leh pa te pawh i sawi phung ah an fel hmel em chu" Atih lai mekin, "An tih tawh loh chu tih loh bur, ngaihtuah la tunah pawh, naute in thla li a tlin hma chu kan khung ang che an tia, an la khung char char hi" Ham bui bui chungin atia, tih vak ngaihna an hre lo niang lehlam ami te pawh chuan, an nuih liam ringawt a.




"Lo sawi ve hrim hrim ru, fa neih hnu a in neih ai chuan fa neih hma a in neih kha a tha, mu tawh ru a tlai tawh" A pa chuan atia, keini pawh kan dah zui vat a.




"Tluang, in neih puiah ka sawm dawn mi? Mahse hmeichhia zawk in a sawm chu ka ti deuh bawk sia" Hmun han hawl fai pah chuan a ngaihtuah zui char char a.




"Hmeichhia zawk in a sawi lan hmasak chang te a awm ve a, sawi chhin la a ngaihdan hriat ve nan te pawh a tha ang chu" Ka lo tia, "Zan mut naah ani tawh mai, ka chau riau" Peih loh hmel tawk chuan a kawng a dawn pah kher zui a.




"Ka mu dawn nia, i duh hunah lo mu ve mai rawh, kawngka chu ka kalh tha tawh bawk ania"tiin inchung lamah ka chhoh san a.




Joseph-a nen in be vatin a zin leh tur chungchang te sawiin kan tui phian a, UBiakteii lo luh lai pawh ka hre lo.




Joseph-a chuan vai rama an thenawm pa Raju chanchin a sawi luam a, zingkar hma tawk ah a kai tho thin ni awm e. A lo haw tirh khan zawh na hun pawh alo awm loa tunah kan sawi tha leh chauh a, hun a hmang nuam viau anih ka ring bawk.





"Kal chu i peih lo viau em?" Ka tih chuan, "Peih tho a mahse kal san ka hreh che a?" Ati hniam ruih a, "Min ngaihtuah duh suh, UBiakteii pawh a awm aaa" Ka ti vang vang ringawt a, sawi chhun zawm tur pawh ka hre lo, ka nui tawp tih loh chu.




"UBiakteii pawh a awm a, chuannn?" Ka tih hluk chiah khan a rawn ti veleh a, nghal ngai te bawkin a nghal leh dawn ta.




"Hlim deuhin i kal dawn nia, i unaupa Raju nen chuan" Ka ti ve salh a, "I unaupa ala ni ve dawn anih chu" Awmze nei deuh chuan a rawn tia, "Over e" Tiin kan nui dun hak hak a.




"Bawihpui, i la mu nange"ati daih a, keimah min bia chu anilo, An naute zawk aniang.



" Goodnight" atih zawh veleh keimah zawk chu min rawn beleh in, "Bawihpuia a rawn kal lawk a, takah Bawihpuia leh URuati pawn min zui thlak an tum a" A tih chuan, "Enge an tih ve dawn?" Ka lo ti leh vat a, "Min awmpui ve ang, Bawihpuia phei chu school te pawh a rawn kal ve ang" Ati nghal zat zat a.




"Apa a tel ve dawn lo mi?" Ka lo tia, "An in then a" Ati bul mut a, "Engati nge?" Ka ti nghal vat a, "URuata khan bialnu alo nei aniang, an in then fel nghal hmak" A thusawi chu zawh nawn leh kher a ngai lo chiang kelh kawlh tak ani.




"Avan zia lo ve, URuati pawh chu khawngaih thlak tho mmahse Bawihpuia ka khawngaih leh zual" Mut rem pah salh salh chungchuan ka chhang let a.




"Nia, mahse ram danga kan awm daih chuan a zia ang" Ati mek laiin, "Lawk, URuati hi NuBeck-i fa zawk maw!?" Ka ti ha a, "Aw" Alo ti tawi tuk thung. "Ka hre chiah mawle" Kanti vang vang a alo nui liam leh ringawt.




"Muhil tawh dwwn rawh, i chau ang" ati daih a, UBiakteii ka melh zawk a, alo muhil leh daih tawh.



"Ummm,, muttui aw" Ka tih chuan "Muttui" Tiin kan tawp zui ve mai a.







~~Zing~~




"Rawn tho vat teh, mi an lo kal ania" UBiakteii chuan min lo sawi dawt dawt pah hian a rawn ti chul a, "Va ninawm e, tunah dar engzat nge?" Ka tih pah chuan khum sir a, Sona chu ka en a, dar 7 chiah alo la ri.




Peih lo deuh chuan kan tho chhuak a, in hnuaiah chuan Joseph-a exer la haw leh Bawihpuia ka zu hmu kiai mai.




"Zing kar kar ah te" Ka tih rualin, "Nuteponyo" Bawihpuian alo ti vak a.




"Bawihpui, exer in la mia?" Pawm kan nawlh pah chuan ka tia, "Apate nen ball kan pet a, miin thla min laksak vak vak zui a" Ati ve zat zar reuh a, a hmui a sen taih tuk bawk sia, hmuhnawm tham anii, hmeltha bawk sia, anu leh pate vanneih zia chu aw.




Joseph-a ka en chuan phone a lo en mial mial a, a la khi ver ver zui, "Mimawl chu lawm loh in an nui thin" Ka tih chuan rawn hawi chho zawkin a nui tawp chiang viau chumi chu Bawihpuia nen kan lo nuih let veleh a, a tum lian viau.




"En teh ka luck a sin" Tih pahin a phone min rawn hmuh a, Instagram ah an lo mention tuar tuara chu niin.




Followers lah chu 7800 vel lai zu han nei a, "I khawih na a rei tawh em?" Ka ti hmasa te te a, "Nikum atang khan" Nui suk chung in ati leh zel a, "Ka lo hre lo reng reng, follower te chu i ngah ang reng sia" Ka ti veleh, "E tinge an rawn biak vak vak che a, an mention kher lehnghal che" Ka ti hluk hluk chu, "Lo thu phawt teh" Nuihza in sum deuh chungchuan min pawt thu pah a.




"A ho emai, nangmah chiah ka duh tho che" An ti leh vel a, Bawihpuian a kut zung pui pahnih hnihin alo like va leh zui.



Ka ha ti ziau tlat zel chuan, ka seh ta nge nge, "Ka thlem peih lo ania" Josephan min lo pawt then ve bawk.




"Hmeltha bawk sia, ka ha ti ziau tlat lawm" Tiin Bawihpuia chu ka chal chuan ka nawr a, "Hmeltha zawng zawng seh vek ilo tum ange, min seh ngun lutuk palh ang" Ati kher a, "I over e, i eng rau nge maw thawk ni" Tih pahin a phone ka la hum reng lai chu ka pe a, "Naktuk zing chu lo kal vela, exer te hi ila khat tawh ropui si" Atih pah chuan min en thla den den a, a chalah tak ka ben sak thawih a, "Anah Lalnuntluang" Tiin kut min thlak ve a tum a, la let lehin a chal chu a tuai vung vung ringawt.




Bawihpuia lah a nui uarh uarh bawk.




Joseph-a hi kan in hriattirh atangin kut min thlak awm ka la hre lo reng reng, a fak awm ka ti pakhat bakah hmeichhia te nih na hria in a zah thiam em em bawk a, fiamthu a duh tel bawk nen mi ngainat te hi a hlawl duh bik ania aw..




"Bawihpui, haw tawh ila, chaw ei hun tep tawh" Tiin haw pui a tum chu a duh ta reng reng lo.



"Nangmah in haw rawh" Ati tlat sia, a thlem zui tak ngial pawn a thlem hlawl chham thak a, "Nakinah rawn lam leh mai rawh, hetah chaw eu mai rawh se" Ka tih vang chuan lung ni zan ko chungchuan a haw san ringawt a.




"Bawihpui,enge ei chak i neih?" Tia ka zawh chuan, "Carrot" Ati mauh mai, hei chu hrisel hle mahse ei chak a ka neih ngai loh tur thil ani ve tlat.




Fridge ah ka en pui chuan a lo awm siloa, in chung lana UBiakteii pangoar tui pe chu ka han zawt a, a awm tawh lo atih a vangin dawrah ka kal chhuah pui nghal vat a.




Dawr kan kal lai te chuan Bawihpuia chuan lawm tu alo nei thei zel lehnghal a, a biang an piai sen hlar tawh mai.




Dawr nei tuin, "I naute chu va hmeltha ve" Tih pah a piai leh a tum chu, "Api ka biang ana vek tawh" Nurnang in alo tia, "Awih a van thawnaih em em, lo kal rawh chocolate ka pe daih ang che" Tiin ka pawm lai chu min rawn chhuh sakin chocolate chu ava thlan tir nalh a, a to hmel hmel pahnih a thlang a, a in thlahrun awm duh viau.





"Bawihpui pakhat chiah kha la la" Ka tih pawn, "Apiin pahnih min pe a lawm" Ati ve tal reuh sia, inthlahrung deuh chuan kan han la ta nge nge a, dawr nei tu chu alo fel khawp a, carrot te chu min belh nual bawk sia, in thlahrun awm thuahhnih tawp.





"Lo kal ziah ru aw, thil ka lo pe ziah ang che u, in hmeltha em mai" Ati luam a, kan in mangtha fel hnuah kan in lam pan chuan kan kal phei leh hnu hnu a.




"Nute, kal leh ang aw, api kha a fel e" Ati ve mial mial reuh a, naupang te berin a an ngainat chu a fel turah ka dah tawp.





In chhung kan luh chuan Ruby alo thu vung a,a mit chu a buih vu a, atum bur leh nghal.




"Tinge a?" Amah en chungchuan ka han zawt a, "Kan khawl in min hnawt chhuak a, ka rawn tlan tau tawp anih hi" Ati deuh hmuk hmuk a.



"Engati nge?" A bula thut ve pah chuan ka va ti chu, "Ka damdawi ei lai min man angin a sawi a, ka pa bulah sawi a tum a, chhuah nge i duh i pa bula sawi min tia, chhuah ka thlang zawk mai a, bakah ka rochun tur In ani chuang loa, ka tan awm reng pawh anuam lo, PiKhawli saw a sual sia rapthhlak tak ani" Ati pah bul bul a.




"In rochun chungchang te tinge i sawi chhuah? Bakah In chu tu rochun tur nge ni vak anga, nang lo tunge awm?" Ka tih chuan, "Ka pa nau chiah, chumi fanu chu a rawn awm a, a hma chuan a nutei te hnenah a awm a, ka pi hian a bula awm turin a sawm char char a, min ngei tawh lutuk ringawt, a hma mi pawh engtia tih thu loh Rammuanpuii a rawn awm atang phei chuan kan in chhung saw Setana chen na ani ringawt tawh"ati hluk hluk a, a thusawi ka lo ngaihthlak sak ringawt thung.




"Ehe Bawihpuia chu ilo awm ve reng a law" Ka mal chunga Bawihpuia ka pawm chu a be ta daih a, "PateRuby" nui sen sen chungin Bawihpuian a lo ti ve chu, "Naa, nang leh zel chuan thinrim na tur chu min pe lo teh" Hniam tawk a thut thlak hnuk pah chuan a rawn tia ka khawngaih ang reng.





"Ruby, tinge damdawi te chu i ti tawh lo ani lawm ni?Dawt a a puh ringawt che, bakah i pa chu thudik te hriat ve phawt te a tum lo mi?" Ka ti mawlh mawlh a, "Hmanah tawh, kan thian ho a kan lo len tum khan, kha mi kan haw hnu khan Joseph-an min hau hrep a, ka ti ngam tawh lo hrim hrim" Atih chuan Joseph-an chutiang min la sawipui lo hrim hrim bawk sia, enge maw a zep tlat le.




"Mahse i in sawifiah lo pawh chu a tha viau?" Ka ti leh lawi sia, "Nia sawi ila chu saw inah sawn ka awm ve min la phal sak thei tlat ani" Tiin anui ro hak a.



"Nilo, i in sawifiah chuan a hma pawhin damdawi i ti thin tih an hre dawn a sin" Ka lo tia, "Nang hi chu thil i thlir thiam thin teh e" Ti chuan a nui huk a, ka lo nui ve mai bawk.




"Nute carrot kha ka ei chak tawh e" Bawihpuia an atih chuan chaw ei ka rawt a.



"Chaw i ei tawh em?"Ruby ka zawh chuan ka thu hriat chuan miin deng hle. "Ka pain min hnuk thla tawp a lawm ka chaw ei lai" A tih chuan a mittui a tling pam a, a in sut hrawih leh nghal.




Thil awmzia chu ka hrethiamm ruak a, an chaw ei laiin Apikhawli chuan a damdawi ti a man thu a sawi a, chuan Ruby hi a pa in a hnuk thla nghal ani. Ehe chupa chu aw!



UBiakteii pawh in hnuaiah lo chhuk thla in chaw ei te chu kan han siamhlawm a, hmeichhe awm khawm na na na chuan mi kan rel lo thei loa, tunah pawh Isaaka an rel dun chiam hi, rin ai takin UBiakteii leh Ruby pawh an in kawm thei a, leh lam zawng chuan a tha phian lehnghal.




"An lo koh che pawn haw duh miah suh aw, kan inah hian awm ve char char rawh, i awm ve chuan tawngna tur te pawh a tam a, Awi Tluangtawii nen ringawt chuan thu pawimawh ah lo chuan kan in be ngai siloa" Ati zat zat reuh a, "I sawi uar anih chu" Ka lo ti ve hmak.



Bawihpuia chuan carrot chu a seh thla ve hmak hmak a, ka fiam leh zeuh tih loh chu a ngawi ve vung vung zel a, enkawl a nuam phian in ka ring.




Chhun thingpui kan in dawnin Joseph-a leh Tom-a an rawn kal a, Bawihpuia chuan a patea a hmuh rualin a va bel nghal chawt a.




"Bawihpui, nuteponyo-i te in chu a nuam em? An lo duat che em?" Min lo melh zeuh pah hian ati kher a, "Uii, Lallawmawm" Tiin a chawn chu ka en vut a.


Ads kha lo click ru aw sukpuii te u


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:14 pm

UNI

By- B-Mallow


Update chapter 32



Joseph Lallawmawma POV



"Ehe a thi nih kha" A tih pawh chuan en lawk nachang ka hre loa, ka zuk en thla vut chu a thi nasa lutuk ringawt.



"Thisuk ka nei a nia" Tiin ka mit ka chhing vat a, Bawihpuia ka pawm lai chu chhuat ah ka dah thla vat a. Ka khur ti tih der.



"First aid box hi khawnge awm?" An tih lai te chuan, "Ti vat teh u" Ka lo ti vin hlur tawh a, Tom-a lo nui ri re chuan ka thin a ti rim hlur tawh, "Serious lai lai a, lo nui reng reng suh aw" Tih pahin Toma chu ka vaih deuh fua a, fuh pawh a fuh lo.




"Kha, engtia thi nge a? Khawnge in kal?" Tluangtluangi hlauthawng chuan ati nghal zung zung a, "Huanah" Toman alo chhang bul ngang mai.



"Huan ah chuan engtin, vangvat zuk na ami?" Ati leh zel a, ka lo bu ngut a min hmuh leh hmuh loh pawh ka hre lo, ka meng ngam tawh lo hrim hrim ani.




"Kan hru zo" Rubyin atih chuan muang changin ka meng a, an lo khi tha ringawt.



"Van hmelchhe hlawm e aw" Tiin ka ner khum duh lek a, "Kan buaipui peih zawk che a lawm hle rawh" UBiakteiin a rawn ti vat chu, "Nangmah vang anih hi" Toman alo ti vat a. Ka lo khap vat.



"UBiakteii vanga!?" Tluangtluangin alo tih chuan min lo en vat a ka melh sawn rang hle lehnghal.



"A hre vek tawh"UBiakteii bawkin alo tia, "An huan ah strawberry a awm thu ka hria a,, ka lawh tir a lawm ka ei chak sia" Tiin a in sawi ve vat a. Strawberry kan nei tih pawh Tom-a in lak polite luatah a hriat ve phah a, thi chhawngin ka let loh chauh phah bawk.





Bawihpuia chu an thil ei lai te chuan ka bulah a awm chawt a, min ngai ve aniang, tunlai chu in lamah kan in awm ve nasa sia.



"In lo ei ve loang maw?" Ruby in atih chuan, "UBiaktei khan ei a phal loh hmel emai" Ka ti fiamthu a, "Nia, kan siam kep lo lak lawh che u sia, in heh hmel bawk sia" A rawn ti let veleh a, UBiakteii nen hi chuan thutak in kan in be ngai lo tak zet ani.




"Tikhan min lo thlir dauh dauh mai ru, Bawihpui lo ei va la, carrot pawh ala awm kha" Tluangtluangi chuan a rawn ti veleh a, Bawihpuia pawh tho nalh in carrot chu ava dil ve a, hei te hi carrot te hi a duh ve nia aw.




"Ei turin van duh reuh, ka rin ai daihin in ei rei"Tom-a chuan alo ti hlut a, " Awih, in ei ve chak chuan lo ei ru, ka khawngaih em mai che u"UBiaktein a ti veleh. Chutih rualin Tluangtluangi chu a tho chhuak daih bawk.




"Ruby keini chu ei teuh ang aw" UBiakteii bawk in ati leh a, "Awih in ei hnem tawh tawh nen, ei teuh ang te in han ti leh a" Toman games khelh pah chuan ala hnial char char a, UBiakteii lah tlawm duh bik lo.




"Ka pasal ini ang tih ka hlau, i tawng peih si" Ner nang nang chungin atih chu, "Ka nupui i ni ang tih ka hlau, i thu hnuaiah kan kun duk duk reng awm sia" Atih ki chiahin ati veleh zel a.



"In hnial reng teh suh u, fiamthu pawh nise"Tluangtluangin ati leh hlak hlak a, " Awih, hnial tur i neih loh lai anih vang mai mai anih kha"ati zui leh hram.




"A ho emai" In la mitak tawkin ka tih chu an huat tawk a tling leh hle, an upat tawh hlawm zia an hre chang thin lo.




"Tluangi nen in inhnial nasat theih zia kha" Rubyin atih chuan, "Tunah chuan an in hnial ngam tawh lo" Tom-an alo ti leh zeuh a hepa hi chu twwngthei lutuk chu ka pet awk chak thin.




Rei fe kan awm hnuah keini pawh kan haw a, Bawihpuia in ka thlen pui hnu pawn an un nuam a tih zia anu alo hrilh ve nasa mai a.



"Bawiha, in siam tan tawh la, ken hmaih neih te kha a hlauhawm ania, thawn na a hla ropui sia" Atih chuan lo chhang vatin ka room lamah ka kal zui a.




Ka in rem fel lai chuan ka lunglen dan tur hlir ka ngaiahtuah a, zep lo chuan ka phur teh chiam lo ani, mahse kan tan vek ani sia, tiin ka in siam chhun zawm leh char char a.




Ka nu lo lut thawm pawh ka hre lo a, "Bawiha" A rawn ti thup dut a.




"Min ti phu lawm le" Ka ti ve vak chu, "Ngah nge kha tia i tih vak kher keipawh min ti phu a lawm" Tih leh ka dar ah chuan na lo te in a rawn beng zui a.




"Bawiha" Atih leh chuan ka en vat a sawi hreh nei hmel a pu, "Aw, enge" A hmel nui ngiai chu en in ka chhang let a, "I hreh viau em?" Ati chu 'Hreh e'tih chi ni hek lo, "Hreh loe, kei ai chuan i hreh hmel zawk" Ner khum nanga ka ti chu, "Hreh ve tho, ka khawngaih che a" Ati leh zat a.




"Min ngaihtuah suh, ka vawi khat kal na tur pawh ani hlei nem, keimah a in buaipui rual ka nih tawh hi" Tih pah in ka thawmhnaw chu ka rem mial mial a.




"Nu, i thiante an rawn kal"tiin URuati chuan ka nu chu a lo koa, " Lo in siam rawh aw, nakinah ka lo en pui leh dawn che nia"tiin a chhuak zui nghal a.




Chutia ia in rem fel malh malh lai chuan Bawihpuia a rawn tlan lut leh nawlh a, "A pate i zin naah ka kal ve dawn niah" A rawn ti vak vak a.




"Api kan zin san daih dawn sia i ngai danwn lo ami?" Khum a nghat pah in ka tia, "Ngai dawn tho e, mahse ka zin chak bawk sia" Ati reuh a, he note cute zia hi chu.



"Api hi hruai ve mai ila" A tih chuan, "Sawi pui chhin la" Ka ti ve vat a, a 'Aw' phei chu ka ring lo.



Phone ka khawih tir mai mai laiin a rawn ria, Tluangtluangi anih vangin Bawihpuia nen chuan ka in biak tir phawt a, hemi te pahnih pawh hi an in ngai ve ngawtin ania ka rin.




"Pate, a be duh che" Tih pah in phone chu min lo pe a, "Hello" Ka tih rualin, "I in siam nasa tawh em?" Alo ti var a, "Siam ve nasa tawh, mahse keimah hi ka la in peih loa" tiin ka nui zui deuh hak a.




"Uiii, vai ramah vallunglenga i zuk ni dawn anih chu" Rawn tih pahin a nui zui ve barh barh aa.




"Zanah ka lo bia ang che" Tiin ka chah zui a. Kan in biakna kan tih tawp hnu chuan Bawihpuia nen kan lo muhil daih a, tlai chaw ei dawn ah URuatin min lo kaitho chauh lehnghal.



"Bawiha, chaw te hi i ei ve teuh tho sia, i engah nge a thawh le?" Ka nu chuan atia, "Mipa te chu a lang mawh ve a lawm, lang tur chuan kg 100 chuang lai ka nih ve a ngai ang" Ka tih chu an nuih pui ve huk huk a, "Ve lutuk che chuan a" Uruatin awih loh hmel deuhin ati bawk




Kan chaw ei kham URuatin Bawihpuia a ek tir chu, "Nu, Bawihpuia ek hi a orange vek ania" A rawn ti chhuak a, Bawihpuia hmel hrilhhai lutuk te chu a nuihzatthlak zawk.




"Vawiin ah enge i ei tir a?" Tiin URuati chuan min zawt a, Tunlai chu Bawihpuia nen hian kan awm dun chawt zel avangin a ngaihthah ringawt zel lehnghal a, dam lo se min mawhpuh vek zel lehnghal.




"Engmah ka ei tir lo.... " Ka tih chuan carrot a ei kha ka hrechhuak a a ni thei dawn tlat in ka hria.




"Carrot a ei"ka tih chuan, tinge i ei tir ziah a kua a that loh leh a normal lo ziah a" Ati hlak hlak a, "Bawiha carrot ei tir tawh loh tur kan tih che kha mawle, Ruati nangpawh damdawi chu han pe vat la, kan tlangvaltea chu a tha leh mai ang" Tih pahin URuatin Bawihpuia a pawm chu a chhuhsak nghal vat bawk.




Damdawi a rawn pek dawn te chuan min melhrum nasa mai, a den zia chu ultra pro max ni ringawt.




Tom-an min lo phone in, "Khel ang" Alo ti leh tawh a, "Ka lo lut dawn" Tih leh phone dah ka rual a. Room ah luh san daihin game chu Tom-a nen kan khel dun aa.




"Kha, Bawihpuia hi zanin chu mutpui teh, ka chau lutuk vawiin chu" A rawn ti deuh nghut a, Strawberry huan kha ka nuin alo thlawh tir ani awm e.




"Fa neih tak tak hmain fa nei ang chu i ni reng tawh sia" Phone atang chuan Tom-an min lo chhaih zui char char a, ka voice ka on a vangin alo hre vek tih na.



"Ka bomb hlum mai ang che, ngawi reng khan khel rawh" Ka ti bul bul a, min la chhaih zui tho, hepa hauh ve hi chu a awmzia lo thei ania aw.




"Pate, ka mut chhuak tawh e" Bawihpuia chuan ham bui bui chung chuan a rawn tia, "Dude, min bomb hlum mai rawh, Bawihpuia tih mut ka ngai tawh" Ka va ti chu, "Chhangchhe pa chiah chiah" Tih leh min bomb hlum a rual a.




"A pate, ka zun chhuak e" Bawihpuia min lo sawi dat dat ri vang chuan ka harh nawlh a,, "Lo kal rawh" Tih leh pawm thawh ka rual ve nghal vut a.




Zung tur a bathroom lam kan pan lai te chuan misual man tur niawm ang maiin dim deuh in kan kal phei them them a.




Choka a thawm ka hriat rek rual chuan Bawihpuia chu ka pawm beithlawp a, URuatin choka ah zu alo in mawle!




"U" Ka va tih rual chuan alo phu deuh zawk a, zu in nilo se chu a phut vak kher ka ring lo, thil sual ati tih a in hriat chian em vang te pawh aniang chu.




"Enge in rawn tih?" Ati chang fak a, "U, engvangin zu kha i in?" Ka tih hlakk chuan, "Ngawi rawh, ka fapa khan kha tawngkam kha hre suh se, va mut pui rawh" Ati hriam hrak a, chhan let duh viau mah ila Bawihpuia ka ngaihtuah a ngai bawk sia, "Zingah ka zawt tha leh tho ang che" Tiin bathroom ah ka luh pui nghal a.




"Anu mi?" Bawihpuian te tuau in a rawn tia, ka chhang lem lo, "Bawihpui zung vat la, kan mu fel leh vat dawn nia aw" Ka ti ta daih a, ka u zu lo in khan min run ve em ani. Khatiang khan zan dangah pawh a lo awm ve ziah angem tih te.




"Pate ka zung zo" A rawn ti lauh a, "Lo kal rawh" Tih pahin ka pawm kang nawlh a, ka chhuah pui lai chuan dawhkan ah chuan a lo la in dawm kun reng a, Bawihpuian a hmuh ve hlauin ka kal san pui vat bawk.




A hnu rei lo te ah Bawihpuia chu a mu ve mai a, kei chu phone en kual vel in ka la meng reng a.



Instagram ah chuan zep thu cheng lo, ka lo luck vei phian taka, mahse ka luck ang aiin ka ler lo, Tluangtluangi nen kan nih hma atang tawhin Tluangtluangi hi ka lo duh ru ve reng tawh a, chuan a tawpah ka nei ta nge nge a, tuma bulah ka kal san ngai loang, kum tluangin, Tluangtluangi hi ka hmangaih tak zet tawh ani, mahse mite ang in ka zei ve lem loa, bialnu pawh ka vawikhat neih ve na chauh ania, ka ngaihsak dan tih lan lah ka thiam hek lo, mipa tawng thei deuh a awm mai loh chu. Ka phone rawn ri thut chu ka phu chiang hle. "Raju maw" Tiin ka phun sep a, phone ka la zui nghal.




"Bro, lo kal dawn mi?" A rawn ti zawih deuh hnup a, "Dawn chiang, nge ka lo hawn ang che" Ka toh chuan, "I bialnu lo hruaii ve la" Ati ta daih a, ka nuih hawk rualin, "Ka bialnu pawh tunlai kan in lamah a awm a, hmuh ve che u a chak aniang, i chanchin ka hrilh thin a" Ati zui duah a, a va ho thin e aw.




"Chutin alo hruai ve ringawt chi hlei nem, tunge inah lo awm nga?" Ka ti a, "Awm loanga" Ti ve leh hmiah bawk.




"Tih chi hlei nem, nidangah remchan hunah aw, bakah ka u te nen kan lo kal dawn tho a" Ka tih chuan a lungawi ve hram a, "Chaw ka lo chhum kep dawn che u nia, in lo thlen hun tur sawi ula" Ati deuh thlap a, Raju hi chu vai fel chi ka ti mai, a rilru te hi mizo tam tak chuan kan tluk kher in ka ring lo.





Rei vak loah ka muhil ve a, zing ka tho chu ka phur lo ngang mai, zin phur tawh loh sa nak laiin, ka u in siam rawn alo bawl veleh kher nen, thin hi a rim tlat.




"Bawiha lo tho tawh ru" Ka nuin a rawn tih phei chuan ka thinrim a zual tawh zawk, "In lo harh tawh a law, rawn tho chhuak vat ru" Tiin a kal zui leh nghal a.




Ka u in zu a in thin tih hria se, ka nu hian engtin nge a tih ang?Engpawh chu nise a hriat tho tho angai, mahse Bawihpuia awm loh hlan a sawi angai awm sia.



Tluangtluangi chu ka phone ringawt a, "Chaw ei kham a nau min lo laksak lawk rawh, kan buai deuh dawn a, a rei loang" Ka ti nghal vat a, a ni pawn peih lo pawh a sawi lem lo.




Chaw ei te chu a tui lo lutuk chu URuatii chu ka melh leh kawk thin, ani inthlahrung dekin a lo awm ve thin bawk.




"Enge kha tia in awm reng, ei tha hle hle ru" Ka nu chuan alo ti dut dut a,, kei a ei chak tawh lo chuan ka kham san nge nge a, ka nu school kal a ngaih dawn loh avangin sawina hun rem chang ah lain Bawihpuia ka len chhuah tir dawn ani.




Tluangtluangi lo leng chu ka nuin a lo be luam a, Strawberry te kha a pe leh teuh in ka hria.



"Khawnge Bawihpuia chu" A rawn tih rualin an room a tangin a rawn tlan chhuak a, a kutah chuan helicopter a keng bawk a, a rawn "vruuuuunnnn" nasa mai.




"Bawihpui kan inah lo leng leh rawh aw" Tih pah chuan Bawihpuia zawk chuan alo ban vat a, an in pawm ta ran mai.




"Khawnge kal i tum leh tak, khawiah mah leng loang" URuati chuan ti dak hian alo tia. Henu zet chu aw, a fapa hmanrua ah hman a tum a nih hrep hi!




"Ka va hruai phei leh ange" Tluangtluangi chuan a lo tia, ka nuin, "A ti buai lutuk ang che u" A lo ti bawk a. "Tunlai chu a leng nasa lutuk a, vawiin chu in awm ve rawh se,lo kal rawh Bawihpui" Tih pahin URuati chuan ava ban a, Bawihpuian alo duh lawk lo chu a thinrim ringawt a.





"Malsawmhlu" Tih hrawk pahin ava pawt chu ka va chelh bet a, "I bulah a kal duh lo nih kha, naupang an duh lo chung tih luih thin loh tur" Ka va tih lai te chuan a thinrim au vak vak te chu Bawihpuian a lo hlau lutuk a a tap vak vak ringawt




Tluangtluangi chu ka en zawk a, "Room-ah lo va awm pui rawh" Tiin ka room chu ka mit sir zawk a, an ka ve nghal vat bawk.




"Lallawmawm, i zak lo mi? I in rawlhna lo tur puiah in rawlh tum suh" Ati fiahfak a, chhan let chi ah ka dah lo, ka u ani miau ani.



"Enge buaina in neih a, mi awm lai laiin in zak lo mi? Puitling vek kan nih tawh hi, enge buaina ber" Ka nu chuan ati hlak hlak a.




"Vanlalruat, nangman sawi rawh" Atih vang chuan ngawih chuhin ka u thusawi tur chu ka lo ngaithla a.




"Nizanah choka ah sawn zu ka in a..." Atih rual chuan a hmai a ri zui thlawp a, ka en chuan ka nu chu tur fe hian alo meng tawh a.




A beng leh tur chu ka lo khap vat a, ka nu mahnise ka khap loh chuan ka nauin hreawm a tuar belh anga awmzia a awm dawn lo.




"Engtin nge ka inah hian zu i in ngam a?"ati deuh hlak a, " Nu, min ngaidam rawh"URuatin a tih chuan a mittui te chu a sur zung zung a.




Ka nu chuan a kut chu a hum nghet tawh tak zet tih chu mitdel lo tan chuan hriat loh chi anilo.




"Nu in bengdai rawh" Ka lo tia, "Ti khan lo awm ula, khawiah mah kal loang che u, Tluangtluangi te kha i duh leh an in lamah phei tir rawh" Ati charh charh a, "Nu, Bawihpuia chu hruai tir suh" URuati bawk ani.





"Lo ngawi hmak rawh" Ati fiah fak a.



Ka nu chu a room lamah a kal zui daih a, keipawh Tluangtluangi te lam chu ka pan ve nghal a.




"Tluang, ka tihpalh, in hriat loh tur puii ka hriattir che u vangin" Ka tih te chuan ka in thlahrun zia a hriat ngei ka ring.




Ka mit ah chuan chiang tak a min en hian, "A ho lutuk, i tha maw nangmah kha, engtiang a thinrim pawh ni la, nang chu i in sum theih kha" Tiin min beng zui thlawp thlawp a, ka lo nuih ve sak bawk.




"In inah chuan Bawihpuia hi va phei pui phawt la, boruak that hunah ka rawn lam leh vat ang" Tiin Bawihpuia meng fiah tak chu ka en a, a nu awmdan phung hian a awm veloh hram ka beisei.




"Aw, kan kal nghal dawn aw" Tiin a chhuak zui nghal a, an motor in alo kal avanginn taxi chan buai a ngai loa, alo awlsam phian lehnghal.




In chhung ka luh leh rualin, "Tinge, Bawihpuia kha i hruai tir kher a" URuatin alo ti vat a, "Chhuan lama i hman takin" Ka ti sap a, "Ka fapa nia, thuneih na te chu ka nei ve lawm ni?" Tiin min zawt a.




"U, thuneihna chu i nei teh meuh mau, mahse sual rawng i bawl chhung chu Bawihpuia chungah ngei pawh thuneih tum buai suh ang che, zu in ve tur a tan ka phal lo" Ka ti malh malh a.




"A reng reng ah tinge ilo in ve a, hmeichhia lehnghalin" Ka tih chuan, "Mipa chiah zuin tur tih a awm hlei nem" Min cho fe hian ati sak a, ka kiai deuh suk ringawt.




"Chuti te chu, i awm ang khan awm ve ila engtin nge min tih ang" Ka ti chu, "Ka en liam ang che" Ati mauh mai, awihawm loh lutuk ringawt thleng chiiah se chu in atangin min hnawt chhuah a tum ang tih vel.




Ka nu rawn chhuk chuan, "Bawiha room ah kal rawh" Khauh tha tak maiin thu a rawn pe a, keipawn zawmin ka lut vat a Eng tak sawi dawn ni maw.





Ads click here 👇


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:14 pm

UNI



BY-B-mallow


Chapter 33




Bawihpuia te chu thenawm te nau nen an in fiam reng a, an lian deuh nain an in kawm thei viau bawk.




"Tluangtawih lo kal vat teh" UBiakteiin min lo koh avang chuan Bawihpuia hruai haw lo in in lamah ka let san a.



Ka va thlen chuan Jonathan-a a lo awm kiau mai, "Ehe, i chhungten an phuar bet tawh na che nge" Ka ti var a, a nuih tet tet ringawt.




"Ka rin ai daihin in lo in hre sia" UBiaktei bawkin Jonathana bula thut pah chuan alo tia, "Hre ve tawk tawk ringawt a lawm" Jonathan-an alo ti thung.




"UBiaktei chu a khi reng mai a lawm" Ruby chuan a rawn fiam ve pah zak a, an lai vel a mawni.




"Awih, ilo van chhuak hma leh si, thla li pawh a la tling siloa" Thentha chung chuan uBiaktei mak ti chuan a zawt leh thin a, Pakhat lahin, "Chaw ka nghei phah char char sia, min khawngaih vang mai mai anih hi" Alo ti ve hlut a.




Tlaia chaw ei tur te chuan UBiaktei chuan a sawm a, hei lah hi a za ruaih ani tawh ber, an lo in duh ve hle anih dawn hi.




Chhunah chuan Bawihpuia a mut a chhuah tawh takin tiin paw mu turin ka va kal a,



An nu ber chuan, "Ka paw muhil a, a lo harh hunah in phei dawn nia" Ati talh sia, thingpui te chu kan in ve a, a khat tawkin A fapa Bawiha khan in min lo fiam leh zawk thin bawk.




A nu hi Remi ania, nu kian deuh chi entirnan Joseph-a nu ang kha ania, a tawng buan buan a, a nui zui leh hawk hawk zel tih ang kha ania, a bula awm a nuam viau a, keini pawh fa ang chiahin min an a an fel chhungkua tak tak, Pastor chhungkua an nih vang pawh ani mai thei.





NuRemi chu a sawi dan phung ah, missionary thin ania, an pa hi Pastor ania, sawn kual reng an ngaih avangin hna bang zawkah atang ani mai awm e
.





"Bawihpuia chu a van harh har em em" Alexan ati ve chhen a, kei pawn mu rei ka ti tawh nia, naupang zawk tan phei chuan a mu rei fe aniang.




"Ka va en chhin ange aw" Tiin ka tho tharh a, Bawiha roomah a mut tir avangin luh hreh viau mah ila ka lut lui tho a, Bawihpuia chu khumah alo thu tum bur mai.




"Bawihpui ilo harh tawh law" Ka tih chuan, "Ka thu char char a" Tiin khum chu a kawk a.




"Lo kal rawh le,,,,, i zun chhuak em?" Ti pahin kawngka lam ka pan chu Bawiha kha a rawn lang hlawl a ka phu chiam lehnghal.




"Iva mawl tak" Ka tih chuan, "Mawl min ti tu awm chhun i ni, nangmah kha in enfiah i ngai" Ner nang chung chuan a rawn tia, min kal pel tha hle hle dawn maw tih laiin ka sam ka lo thlah avangin a tuai phir vak lehnghal.




"NuRem ka va phei pui nghal ange, a chhungten an lo lam palh takin" Tiin ka chhuak nghal a, NuRemi pawn min lo zui chhuak vatin,, "Khi laia in pangpar ho khi a nalh hmel e, ka lo len hunah min en pui chhin rawh aw" NuRemin atih chuan a en na lam pang kan in chung chu ka en va a.




"Teh reng mau, ka nu phun ho kha ania, tui kan pe tih loh chu kan khawih tha miah loa, duh zawng i neih chuan ila ve teuh dawn nia" Ka ti ve luam a, kan chhungte ka nu thih na a an lo zin tum khan an la ve nual bawk a mahse chuti chung chuan ala tam em em tho a, ka ui vak lo.




"In fel hlawm bawk sia ah, Bawihte lo leng leh rawh aw" Tih pahin min thlah zui ta daih a.




In ka thlen chuan Joseph-a chuan ner nang chung hian min lo en a, "Ee, enge"ka ti bahnak a.




" Ava nuam awm ve"alo ti ringawt, "Het het in hauh loh tur aw" UBiakteiin thingpui no rawn seng khawm pahin a lo tive bawk a. Eng tak maw lo hrilh ang.





"Bawihpui in len na chu a nuam em?" Min lo en pah ralh chungchuan an ti ngei a, "Aw nuam lutuk, ui lian tawk an nei a" Tiin an in chanchin chu a sawi nuaih a, a patea chuan ngaihthlak nuam a ti chiah lo aniang a meng dur khawp mai.




Ka va nuih tlawn ringawt lai chuan, "Nuteponyo-i chuan enge a tih ve a?" Meinei deuh a a rawn tih na chu, "Enge maw i hriat le" Ka ti hlak a.



"Ka hre teuh" A ti thum dut ringawt.



"Eng nge sawi tha la, i pawi te ka sawi chuan" Ka tih laiin, "I sawi ami?" Mit hmul kan ak in ati leh, ka va ning tawh tak em!




"Ninawm ah"tiin ka kal tau nghawng nghawng a, a hmel a nuihzat na cham bang chu ka hmuh hmaih lo chiang ani.



A bula thut ve pah chuan, " I van chhe tak"ben pawp pahin ka tia, "Nang tal i tha a lawm" Nuih chhuah hawk in ati nge nge a, ka melh rum nasa sin aw.




"Va kal daw daw reng suh" Thutak zawk a a tih chuan a hmel ka en vut a, ka mit ka kan ak a, "Kal tawh lo la ni mai" Ati ringawt, a thikthu a tih chhiat ve dan anih ka ring, nidangah chuan thik tur an awm vak ngai siloa.





"Lo la teh ka tih chu" Dawhtheih loh hmel tawk hian alo ti a, "Engmaw" Ka tih chuan, "Lukham" Bawihpuian alo ti ve chiah a.




"I piah a kha a awm ve reng sia" Tichungin lukham chu ka laksak tho a,,"Ka ban phak hlei nem"a tih te chuan, "Min tir chak ve hrim hrim anih kha" Ka ti zel a, "Pawi lo, ka tir chak che tih na ani mai" Ati ve ta ngawt bawk.




"Tinge i u kha?" Ka ti chhuak phawng a, "Alcohol a in" Bawihpuia hriatthiam loh dan tur ber chuan a rawn ti chhum hmuk a, ka lo bu ve ngat ngat a chhan pawh ka zawt lem lo.




"Kan va bazar lawk ange, tlai chawhmeh tur vel kan nei tawh lo riau a" Tiin UBiaktei chuan chhuanlam a rawn siam a, chawhmeh kan la ngah zia chu chiang takin ka hria, an chhuak ve chak hrim hrim niang.




"Awww, rei su aw" Tiin ka chah thlap a, an rei loh tur thuin min chhang vat bawk.




"Kan muhil ve lawk" Tiin Joseph-a chu sofa ah chuan mutthilh zui a tum ringawt a.




"Bawihpui i ril a tam em?" Bawihpuia phone khawih lai chu ka zawt a, "Aw" Alo ti vat a, "Carrot i duh leh em?" Ka ti pah zat a, "Pe tawh suh, a ek rawng a in thlak vek" joseph-a muhil tawh emaw ka tih chuan a rawn la sawi a.





"Nih leh pan cake i ei duh em?" Ka tih chuan, "Ehe, va siam teh, ka ei chak zia chu, i van sawi fuh tak e aw" Ti chuan Joseph-a mutthilh tum chu a rawn in perh tho nalh a.




"Ka luhai vek mai" ati zui a, "Thawh thut luhai i nei anih kha" Ka tih chuan, "Nia, va siam vat teh, ka nuin min lo phone haw hma in" A tih chuan lo nuih deuh suk a, a nu chu hlau ve rap mai.





Ka thil siam chu an theih ang tawkin min lo thlir ve a, an in lamah siam ve an tum aniang,, an en uluk ngang mai.




"Kha te kha anie"ka si zawh a ka tih chuan, Bawihpuia a nuih vur vur laiin Joseph-a chuan a thlek vung vung a.




" Enge"ka tih chuan, "Iva han ti kual, ka theihnnghilh leh vek tawhin ka hria" Nui chhuak hawkin alo tia, "Ava buaithlak, YouTube ah an tih dan en mai rawh" Ka lo tih sak a.




Kan pancake siam kan ei lai chuan tui an ti deuh aniang tawng na chang pawh an hre lo, "Uii, Ruby ka theihnnghilh" Tih leh Ruby ka va au a, sofa ah alo mu kek lehnghal.



"Ruby" Tih pahin ka va sawi nawk nawk a, alo te deuh tulh tulh a, "Puan min lo lak teh" Ati chhang deuh chhap a, "I khuasik mi?" Tih pahin a pang ka khawih sak chu alo sa vur a.




"Joseph, First aid box ah khan nachhawkna a awm, Ruby lo pe teh" Tih pahin in chung a rizai ka han laksak a.




Ka chhuk leh lai chuan damdawi alo ei vel mek a, "Kha puan hi sin tha rawh" Tichungin ka puan ken chuan ka khuh a.




"I hritlang amia?" Ka tih lahin, "Ka hritlang lo" Ati ve tlat bawk sia, a khawsik ringawt chhan ka hre bik loe ah.




Bawiha a rawn leng lut leh nawlh a, Joseph-a ka en vat chuan, "Thil ei na vel kan la ti fel lo" Alo ti daih a, a hmel lah ka chhiar thiam hauh lo lehnghal.




Ka va ti fel zung zung a, a tlai tawh viau nain UBiakteii te an rawn la haw thei loa, ei rawngbawl tur lah ka hre lo.



"Thingpui in duh em?" An thutna lama thu pah a ka tih chuan a tu a mah chuan min chhan nachang an hre loa.




"In duh lo aniang" Ka tih chuan, "Duh e" An rawn ti rual leh chiah a, Joseph-a chu a mengdur khap a, chutiang bawkin Bawiha pawh.




Ka va thlit sak lai te chuan, ka rilru lo hah khawp a, Tinge maw Bawiha hi a rawn len kher kher ka ti rum rum ani.




Kan in boruak chu a rit deuh charh a, mahse UBiakteii te bazar an lo haw hman chiah.




Bawiha pawh a haw phei ve nghal a ka thawhuaiin ka hria.



"Bawihpui chaw kan ei ve dawn siloa, haw ang lem" Ati deuh kher a, "Lo ei ve ula" Te chu ka ti tak na a an ei dawn lo tih ka hriat chian lutuk vangin ka sawi liam ve mai mai ringawt.




"Zanah chuan in lo kal dawn em?" Kawngkhar bula a tih chuan ka hrechhuak zawk a, "Naktuk hi i kal ni a ni tawh law?" Ka ti ha a, ner nang chungin, "Aw" Alo ti tawi tak ringawt.




"Ka hre lo le, Ruby saw a that hman dan a zirin ani mai, phone in ka lo hrilh leh ang che" Ka tia, an haw zui nghal hnek hnek a.




"I in leng te chu an va zahawm khep khup ve a" UBiakteii chuan nui rah rah chungin alo atia.




"Biaksaum enge ilo sawi a? Nge khati tak a an in melh?" Ka ti kha kha a, "Ka hre bik nang, in ngei na deuh an nei niang chu" Ati sam maia, "Awihawm loh lutuk, enge maw in lo hrilh aniang an in a ka va kal hlan khan"Ubiakteii melh pah ralh chungin ka tia.




" Engmah kan sawi lo hrim hrim"ala ti tho, a hmelah chuan nuihzat na hmel chu a hmuh theih.



"In hahthlak sia" Tih pahin choka atang chuan ka chhuak zui a.











Zanah te chuan Ruby a khua ala sik reng avangin Joseph-a callin kan kal theih loh tur thu ka hrilh a, a pawi loh thu a sawi luam bawk bakah chhungkaw buai lai anih phei chuan a phur awm loh ve bawk em ani.




"Ka typhoid anianga" Ruby chuan alo tia, "Naktukah damdawiinah kan kal dawn nia" Ka tia hreh viau mahse hruai luih tho ka tum.




Kan mut naah chuan Joseph-a nen kan in be ve reng a, "Naktukah ka lo thlah duh che ngem?" Ka tih chuan "Ruby chu damdawiin lamah kal pui zawk rawh" Alo ti deuh tal sia, keilah chu Ruby ka lo sawi hmasak vang vek, "Vawiin tlai kha kan in hmuh hnu hnun ber tur anih dawn chu a" Ka ti vang vang a, ani chu a ngawi zui daih.




"In thenawmpa kha lo leng reng suh se" Ati mauh mai a, "Tinge?" Ka tih chuan, "Ka mit a ti kham" Ati hmuk a zawh chhun zawk zel chi pawh va ni suh.





Rei fe kan in biak hnuah kan in biak na kan ti tawp a.



Khum khatah Ruby te nen UBiakteii te nen chuan kan riak khawm vek a, chep deuh mahse tumah sawi chhuak ngam kan awm lo.




Khum chuang chu pahnih lai a awm a, kan riak ngam lo ani ber ang chu, in a zau sia, kan pathum chauh pawn kan la thawl em em anih chu.




Zingah doorbell riin min kai tho a, kawngka ka hawn sak lai chuan Bawiha alo.



"Tluangbal, ka birthday zanah kan lawm dawn a, lo kal ve la" Min rawn tia, "Ka lo in ngaihtuah tha dawn nia" Ka ti ringawt a, kal em em pawh ka tum lo a chhan chu Joseph-a ka ngaihtuah vang ani.



A haw leh hnuah Joseph-a ka va phone a, a thawhhma thu leh a mutthilh theih loh thu a sawi ve mual mual a.




"In ngaihtuah awm lo ang chu maw" Ka tih chu a duh lo hle, "Nupui nei rual ka ni tep tawh lawm le" Alo ti mai a, enge maw zawng chuan in fuih nan a tha phian mai.




An chhuah hun tur te min hrilh hnu ah, "Bawihan ka birthday kan lawm dawn lo kal ve rawh atia" Ka ti chu, "Kal kal a ngai lo" Alo ti deuh hmuk a, ka sawi chhun zawm tawh loh laiin, "Duh leh i kal dawn nia" Ati leh sia, a ngaih a ngam zan lo aniange.



"Ka nuin min ko a kan kal lawk" Tih leh dah a rual a.



Keipawh inchung lama pangpar tui pe turin ka han chho a, UBiakteii te chu an la muttui ang reng.





Ka nu pangpar ka hmuh chang hi chuan ka nu ka ngaihna a zual zia a chutiangin ka pa leh Martina pawh.




Ka pa in Joseph-a thu a chah naang chuan min enkawl tha ngei mai mahse in hmuh loh hun chu a thleng ngei dawn sia.




Ral leh lam a chhum in vial mawp mawp chu kan mangan na nen ka teh khin a, ti sawn a pai ruah tui chu a sur chhuak anga rei lo te ah chhum chhah pui saw a lo reh anga, Ni a rawn lan hnuah chhimbalin a zui veleh anga.




Chutiang bawkin mihring nun pawh, mangan na te harsatna ten min tuam mup mup zel a, mahse alo rei a, hlimna te alo awm ve a,, lunglen chu a hun hian alo hnem nge nge zel e.




Ruah tla chuan min lo far tak ah chuan ka nu pangpar te chu chawi sawn in ruah theh phak loh naah chuan ka hung rem a.




Nidangag chuan ka nu nen hlim takin kan chawi dun thin kha ania, tunah chuan mahniin ka tih tlawk tlawk a ngai tawh anih hi.




Ka rem fel hnu chuan kan hun na pawh alo bal ngang mau mahse ruah sur zawh a tih loh chuan a tih na chi tawh loh.




In ka pen luhchiah rualin UBiakteii bathroom lut tur nen kan in tawk a, kan au ring tha khawp mai.




"Thawm nei ve ta che" Tih pahin bathroom ah a lut zui nghal a.



Keipawh inhnuaiah eirawng te ka zuk bawl a, ka phone alo rik chuan UJei alo ni hlauh a.




"Tom-a ka lo tir ania aw, in lo hlau ange, ruah a sur nasa ropui sia" Alo tia, "A ngai lo sin mawle aw" Ka ti tak na a, a lo kal luih tho avang chuan ka hnial buai ta lo ta a.




Khawpui te chu a ri nasa sia, hlauhawm ve tak chu ani. Tek a rawn tlak rualin, UBiakteii rawn chhuk thla lai chu a au leh vak pek a, hei pawh hi a rai a tang hian ho te te ah a phu chiam zel a, damdawiin a kal pui chi ani.



Joseph-a te hi an kal thei tho angem le, ka tih laiin kawngkhar chu a rawn sawi dawt dawt a, Toma alo ni.



"Lo lut rawh, pawn chu a vawt em?" Ka lo ti nghal vat a, "Vawt rapthlak, ka khur hlum tep" Ati hluk hluk a, ka khawngaih ang reng.





Sikri kan pathum a kan lo ai laiin, "Awih, Bathroom ah sawn thawm a awm in ka hria" UBiakteiin bathroom melh vung vung pahin a tia.




"Awihawm loh emai, keini pawn kan hriat veloh hi" Ka lo ti vat a, "Ani chiang lutuk,,,, chu,, a ri leh tawh" Ati khur dar dar tawh.



Ruah sur ban lai deuh anih vangin thawm pawh chu rawn awm leh se kan hriat ve tawh ngei ka ring.



"Anu" Tih pahin Tom-a hnung lam pangah ava biru a, keipawn tun a thawm kha chu ka hre ve ngei tawh.




A rawn rik leh rek laiin bathroom kawngka chu a rawng in hawng a, "Ruby nang maw!" Tom-an a lo ti chiah a.




"Min ti hlau lutuk a lawm" UBiakteiin then vu chungin ati ve bawk.



"Ava hahthlak e" Nui suk suk pahin Tom-an ati ve bawk.




"Eng nge kha ti teh chiam a min lo hlauh, dawih hlawm lutuk"atih laiin, "Kan Ruby-a a che leh dawn e" Tom-an alo ti chu an in hnial ta char char a. Boruak a in thlak chiang khawp mai.




"Ruby i khua chu ala sik em?"ka lo tia, " A reh lai takin ka rawn tho ve anih hi"tiin min chhang a, "Damdawiin chu kal tho angai anga, UBiakte nang pawh in check up tir nghal la" Ka tih chu tha an ti tlang khawp a.





"Ka va haw tawh teh ang, Ruby a awm tho" Toma chuan atia, chaw ei nghal turin ka sawm a, "Hmeichhe hlang bulah chuan ka ei ngam loang" Zuk ti tal chuan.

..



.
.


Kan chaw ei kham damdawiin a kal tur kan in siam laiin Joseph-a chuan an kal tur thu min lo hrilh a.




"Tha deuh khan zuk awm rawh aw, lehkha te kha zir kual nasa viau bawk rawh" Tiin ka chah mawlh mawlh a.




"Kan in hmu khat tawh dawn sia,, ka ngai ngawt ang che" Ati vang vang a, tunah tak hian a bulah awm ka chak ani. Mahse a theih tawh mawlh siloa.





"Kan in hmu leh em em ang, hna neih tum ran khan han awm phawt la" Ka tih chuan, "UNI forever, rinawm in lo awm reng la i tan ka lo haw leh ang, chuan kan in neih dawn nia" Tiin min tiam thlap a, an kal hun anih tawh avangin a dah nghal a.





"Lung va leng dawn ve" Ti ri ka hriat rualin kawngkhar lam ka en vut a, Jenny alo ding vang mai




"Awih, Laljenny iva in duh ve" Tiin ka va kuahh nghal chawt a..




"Ka in duh loh hi" Ti ve mahse ka nu thih hnuah kan in hmuh awm pawh ka la hre loe a..




"Damdawiin ah kan kal dawn a, lo kal ve la" Ka tih chuan, "I dam lo ami?" Hlauhthawn hmel zet hian atia, "Dam tha e, UBiakteii leh Ruby te mawle" Ka tih chuan alo thaw deuh huai a.




"E hmeichhe pakhat dul kiar deuh kha mi i UBiakteii chu" Alo tia, nuih deuh kar kar pahin, "A rai a" Ka lo tih chu, "Sorry sorry" Atia, "Aho lutuk" Ka lo ti vat bawk.




"Eng nge i hriat a, ilo lan teh nawlh a" Ka tih chuan, "I lunglen rawn hnem tur che in ka lo kal vang vang" Awih loh hmel deuh hian ka lo ner a, "Khawnge i awm reng reng a" Ka tih chuan, "Singapore ah, nimin khan ka lo hse chauh a lawm" Ati chu "I va han sawi lo thei em em" Te ka tia kan hau tlai khawhnu leh a.




Hman a a chetdan avang khan a la inthlahrung reng a mahse in thlahrung lo turin ka chah mawlh mawlh reng a, chuti chungin a zin tur thu min la hrilh lo tho, henu in thlahrun em em zia hi rapthlak zawk.





"In hman tawh em?" Ruby in kawngka a lo dah dwk dek chung hian alo tia, "Aw kan lo kal" Tiin ka bag chu laiin kan chhuk thla zui nghal a.





Kan motor kengin kan pali chuan kan kal a, ka nu thawh na thun damdawiin kan thlen chuan mi pawh an lo tam viau.



Doctor ka biak sak lai chuan lo in hre tha sa deuh kan nih avang chuan a buaithlak loh khawp mai a, a lawmawm viau mai.


Doctor UBiakteii leh Rubyin an nghah chhungin damdawiin kawtah kan lo awm a.



"Joseph-a chu a mah en ang ai khan a lo puitling zek a, tunah lah hna buai pui turin ram dangah a kal lehnghal mai sia, i vanneih e" Ka thiannu chuan ati char char a, keiin, "Kan ti deuh thut mai thei ani" Ka lo ti fiamthu ve a, a nui ring nasa mai lehnghal.





"Niminah Tom-a ka hmu a, min be duh miah lo mawle, min hmu ve reng sia ka ngei zia chu" Ati hlak hlak a, "In inah a rawn kal ngai em? Joseph-a nen hian an la in kawm ngai em?" Tiin min zawt pah nghal zat a.





"Kal thin e, vawiin zing pawh khan UJein kan hlauh takin atia, ruah sur hnuaihah a rawn tir phei a lawm. A khawngaih thlak reuh tak tak" Tiin kan nui dun uar uar a kawngkal hi chuan min en duh khawp mai.





Rei fe kan thut hnuin, "An lo chhuak tep ang, va phei ve chhin ila" Ka tia kan kal phei lai chuan kan in tawk chat a.




"Awih khawnge in lo kal daih a, kan zawng hrep che u lawm" UBiakteiin a ti hlak hlak a.
"Min lo phone mai ta che u" Ka lo tu ve thung.




"Ruby i result a tha em?" Ka tih chuan a typhoid thuin min lo chhang.




"Damdawi te i ei tha anga i dam leh vat mai ang" Tiin ka tawng thlamuan ve bawk a. UBiakteii pawh a nau pai chu a hrisel thu an lo hrilh bawk.





Jenny a chhungten singapore lamah an zin san leh vek avangin, kan in lamah a rawn awm ve a, ei leh in lamah aman tum ve vek a tum a, kan awm thei phian mai.





Zantin Joseph-a nen kan in be ziah a, a hna in terview oawh kar leh lamah a tum ani awm e, zir tha hle turin keiin ka lo chah ve mawlh mawlh bawk.




UBiakteii pawh a puar lian ve tawh a, chutin Jonathan-a alo leng chawl lo bawk.




Ruby lah a chhungten rawn hruai haw an tumin a duh lo tlat bawk sia, "Pasal ka nei tawh ah min ngai hmak ru" Ati ve tlat bawk.




Ka bula a thinrim na a sawi pawn, "Thudik hriat tum mang hlei lo a min tih dan hi ka haw hluur, chuvang chuan i inah hian ka awm ve tlat dawn, i nau angin min dah la, ration-card ah te ka hming te hi tarlan tir ve mai teh, pawisa pawh tlem a zawng chu ka nei ve, ka nuin min lo thawn thin a" Ati duah a.





"A ngai kher hlei nem, arham kan lei thin tho a, ration-card tih buai vel kha chu a buaithlak mai mai, ka nu pension hlawh a awm ve reng tho a, kan daih lutuk ringawt" Ka ti ve luam a.




Kan pali chuan kan inah chuan kum khat dawn ian cheng ho ve tawh a, a tu a mah chu mahnu in ngai reng an awm loa.




UBiakteii te lah chu fa neih huna in neih te an la sawi chauh a, apa in, "Lo haw ve phawt la,, Tluangtluangi pawn awm pui tu tur a nei a, iti buai mai mai ang" Atih pawn, "Kha lam chu in enkawl na te a chhia a, helam a tha daihh zawk a lawm, Pathian zara tkuangte a naute ka nei thei anih chuan in lo kal ve dawn nia u" Ati zat zat a, a pa chuan hahthlak a tih hmel fu ani.




Ads min lo click sak leh ru aw


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:14 pm

UNI


By- B-Mallow


Chapter 34





Joseph lallawmawma POV




"Joseph" Bang a rawn ru leh karh karh tawh a, "Ka tho dawn e" Ka tia ka chhing keh nghal daih, a rawn rik nawn leh chuan, "Kawngka min lo hawn teh" Ati ve tawh a. Tho tharh in kawngka ka va hawn chu Raju te nupa ti tawh mai ang an la in neih chuang lo na a an pahnih chuan an lo ding va a




"Lo lut rawh u" Phak chulh in ka tia, "Kha hei hi chi thlum hi ei rawh, i interview naah hlawhtling ngei tur in duhsak na ka hlan a che" A hmeichhia chuan tih pahin a thil bial ken chu min lo barh a, Raju a barh ve tur chu, "I interview ve dawn mi?" Ka tih chuan a bo hmel viau.



"Tinge?" Ati vat a, "Aw, chithlum kha i ei ve sia" Tiin ka nui zui a, "Ei tel zek tur lawm" An nuin paih deuhin alo ti ve bawk. An nu hming hi ka la sawi lo tak e, Roshni ani aw.




"I in buatsaih na sa bawk a, i tlin chuan lawm ngei ngei ang u aw" Rajuan ati var a, "In ar saw kan talh dawn mi?" Ka lo tia, "Phal lo viau mah ila, i tan anih phawt chuan kan talh em em ang" Ati ve luam a, vai rilru tha ka tawngfuh hi ka lawm tak zet.




Bawihpuia chuan kan thawm hriain a rawn tho a, "Eng nge kha kha" Roshini thil ken en chuan atia, "Bawihpui ang rawh le" Tiin Bawihpuia chu a barh zui ve a, tui ati lutuk chuan an dil belh nghe nghe kha.



An haw hnuah Tluangtluangi chuan min lo call hmasa a, "Ka muhil tha thei lo vel mawle, nang ai pawn ka huphurh zawk daih ang" Ati char char a, "Ka huphurh lo ka ti reng a, ka ai ilo huphurh daih vang anih chu" Ka tih chuan a nui kar kar a, a bula awm a chakawm tawh viau ani.




Lalnuntluangi ka chhar hi ka vanneih tak zet, a felin a rilru a tha a, tunah pawh a thiante pahnih leh a cousin a enkawl ve tawp chu ani sia, chuti chung chuan a huphurh tawngka hi vawi khat mah a ka a tangin a la ri chhuak ngai lo bawk




"Tha deuhin chhang rawh aw, tawngtai thlap bawk la" A tih chuan Pathian a a in nghat ve tawh zia min hriat thar tir a, ka lawm hle ani, a nu that loh boruak vel ah kha chuan Pathian nen a in biak hi awmzia awm loah a ngai thin a, "tunah chuan a natna te a chhawk sakin, ei leh intur te in min vur bang loa, a mite kal tlangin a thuneih na a rawn lan tir ziah bawk a. Kan tawrh zawh loh tur rilru natna min pe ngai lo mai bakah, ka nu ka neihchhun tak tak min laksak tawh chungin ka bula awm tur te ka thiantha tak tak leh ka unaunu te thlengin min awmpui tir leh vek a, ka lawm tak zet ani"ati ve fo reng ani.




"Ka dah rih phawt ang, phone ahnkan in biak chhunzawn mai dawn nia, hnawk paih motor a rawn kal a" Atih vang chuan a dah hmasa zawk ah a tanga.





"Pate i phone ka lo khel" Bawihpuian alo tih chuan phone ka khawih tir mai a, Bawihpuia pawh nursery te a kal ve tawh a, nuam ati thei phian lehnghal.




Ka nuin ka u a hauh vak atang kha chuan ka u pawhin zu a in tawh ngai loa boruak pawh a tha phian.




Lawyer interview tur chuan ka chhuak ta nge nge a, kal kawngah chuan ka nuin min lo phone a, zam miah loa tih tur aw, atih luam hnuah kan inbiak na ti tawpin Lawer interview natur thut na ah chuan ka lo thu ve a.




Hmana Tluangtluangi ten bank manager an lo interview tum khan a zam ve ngawt ang tih te chu ka han ngaihtuah leh vel thin.



A chang leh rilru in ka tawngtai mawlh mawlh a, ka interview pui tur te chu an tawngtai ve awm pawh ka hre lo, kan biak a in ang lo hlawm em ani, vai leh dumka an tih mai thin hi tam tak an awm a, chuta karah chakma ho te pawh an awm ve nawk.




Ka number zat a min lo koh chuan ka kal vat a, zawhna te chu rin ai takin chhan alo nuam in alo awl khawp a.



Ka chhuah leh hnu chuan mizopa pakhat hian min lo bia in, "Thianpa, mizo ilo awm ve reng a law"alo ti var a, pate lam pang ania, hmel chu tha lem lo.




" Aw awm ve e, i lut tawh ami?"ka ti ve vat a, "Aw lut tawh e, i ti tha em?" Min tih chuan ka rin aia ka tih that thu ka lo sawi luam a, ani erawh chu a ti tha vak lo ani awm e.




"I hming te min hrilh la, kei chu Malsawmsanga ka nia, Sawmsang min ti mai zel" Alo tia, chibai let ve pahin, "Joseph Lallawmawma ka nia"ka tia, kan awmna te in hrilh in thil kan in zawt luam a, chumi hnuah keipawh in lam pang panin ka haw ta.




" Ti tha bawk maw?"Rajuan alo tia, "Ti tha ani mai" Ka lo ti ve vat bawk a. Ka u in ka interview chungchang min lo zawh te chuan a awl ka tih thu ka lo sawi luam a mahse ka pass angem tih hi le?




Tluangtluangi pawn min lo phone vat a chanchin ngai chang tur a min lo phone a nih ring chuan phur sarhin ka lo la, "I ti tha em?" Alo ti reng bawk.




"Ti tha vak lo, ka tlin pawh ka ring chiah loa" Tiin dawt ka lo hrilh a, "Beidawng mah ta che, i lo tling lo anih pawn tih tur dang te chu a tam a lawm" Ati ve luam a.




"Ka ti mai mai nih kha, ka rin aiin alo awl ang reng a" Ka tih chuan, "uii iv van hmelchhe teuh tak" An ti ringawt a.




"Zanah ka lo bia ang che, ka nu thian te ho kha an rawn kal a" Atih avang chuan ka hmet tawp hmasa zawk a.




Ka u Ruati chuanin, "Engtikah nge in results chu a chhuah ang" Atia, "Rawn chhuak deuh thut mai ang" Tih pahin, "Naktuk ah a rawn chhuah nghal loh chuan a tuk leh vel ah anih nghal ka ring" Ka lo tih chu, "Ava chiang lo ve" Ati hluk a, "A chhuak hma thin a lawm" Ka ti ringawt.





Bawihpuia chhun muhil a rawn tah zak chuan URuati a tlan phei vat a, an rawn chhuah leh chuan, "Raju ar alo chhuak a lawm, tukverh ka hawng sia rawn luh a tum a, Bawihpuia khan alo hmu nih kha, Raju kha hrilh nghal vat rawh, alo bo ange" Ati zung zung a.





Keipawh Raju te in lam ka va pan a, tv an lo en ve ngei chu, "Tv in en ve thin law, in ar a chhuak ania" Ka zuk ti chu, "En ve thin e a" Tih pahin pawnah chuan a rawn chhuak ve nghal a.




"E, helai hi alo chhia nih hi" Tiin ar rawn chhuah na awng chu a kawk va a, "Siam a buaithlak em? Mau te hi a vang bik sia" Ka tih chuan, "Ka stock a lawm" Alo ti sam mai a, nachang a hre phian lehnghal









Hun te lo kal in kan interview na result te chu a rawn chhuak a, Kei chu vanneih thlak takin ka pass hlauh a, Sawmsanga thung chu a tling ve ta lo.




Ka u ka hrilh chuan a lawm kher mai a,, lawm ve ngei kan tum bawk Aizawl lama kan chhungte kan hrilh darg nual a, ka nu pawh a rawn tap lek lek zawk ani.





Midang ang tho in Tluangtluangi pawn min lawmpui ve a, "I thawhrah liau liau anih kha, tak takah Pathian hnenah lawmthu sawi mawlh mawlh rawh" Ati ve luam a. Lawmthu chu ka rilru pawn ka sawi mawlh mawlh tawh.




Tiang dinhmun a ka din theih chhan hi Pathian vang liau liau ani, chumi dawtah ka chhungte leh ka bialnu Lalnuntluangi ka ti lo thei lo, beisei na min siam thar thin tu te ber an ni ve tlat a.





"Thianpa, ka ar hi ka lo thawh ange aw" Rajuan alo tih vang chuan, Tluangtluangi nen kan in biak na ka ti tawp vat a.




"I thawh tak tak ang maw" Tiin ka zawt let a, "Ka in tiam nasa tawh ani sia, thawh ngei ngei ngai lawm" Atih tlat siah chuan an ar talh chu kan rel thlu ta a.





Zanah chuan an nupa a rawn lengin cake te min lo surprise a an fel thin ania aw.




Chutia kan ei zawh vek hnuah chuan, "Thla leh ah in neih kan tum ve a, lo kal ve vek ru aw" An ti chu, "Ava lawmawm ve,, in inhmeh dawn bawk sia" URuatin alo ti ve vat a.




"Ka lawmpui khawp mai che u" Ka lo ti ve luam bawk






Hun te alo kal a, ka hna tlin kan lawm zawh a kar khat naah hna chu ka join ve a, ka lo zir nasat thin anih avangin court ah pawh hnen na ka chang ve fo a, chan loh chang lah a awm zeuh bawk a, Pathian khawngaih na a zarah ka join a tangin hnenna ka la chang ngun zawkin ka ring.





Thla khat hnuah chuan Raju te in neih naah kan unau chuan kan kal ve a, an chei nasa in rawng in kah chi tih te a awm nawk mai chi hrang hrang chu, Raju nupui tur te hi an hausa viau anih ka ring.



Ka lo la hriat miah loh chu Raju te pawh hian hostel an lo nei ve a, a enkawl peih loh avangin apain a enkawl a, Raju chuan ar vulh a thlang zawk anih chu, mauh mai ah!




Bawihpuia chuan nuam ati khawp mai a, chung zinga naupang chu tumah a kawm tha thei loa a chhan pawh duh ang tawk in hindi a la hman thiam loh vang ani..





An in neih boruak a zawh hnu chuan kan in lamah kan haw a, Raju te in pawh an thawm a tha khawp mai, zan lamah an la party zui a.





Tluangtluangi nen pawh kan in be mumal loa, Raju te in a bengchhen deuh avangin hreawm atih hlau in ka dah hma deuh a, phone ah kan in be zui thung.




Kum 1 a vei hnuah.




Lalnuntluangi POV




"Jenny naute diaper lo la teh" Ka ti vak a, Ruby zawkin diaper chu min lo pe a, "Khawnge UBiakteii kha" Alo tia.




"A é" Ka lo ti hmuk thung, "Anu velah hi a naute a chhawnh chhaih thiam lo bawk sia, keini lah in kan thiam vak bik silo" Ruby chuan ati deuh reng thin.




Joseph-a zin atangin Kum khat leh thla khat lai a vei ve tawh a, Pathian khawngaih na a zarah a hna pawh a tluangin duhsak na te a dawng fo mai bakah chawimawi na te hial a dawng thin ani awm e.




"Melisa-i kha khawnge a?" Ka tih chusn, "Jennyin a pawm" Alo ti vat a, UBiakteii hian phir a neih avangin a taksa a chhiat ve phah khawp a, a mah pawh a cher dak bawk.




"Khawi, Kaka-a chu ka lo pawm ange" Tiin UBiakteii bathroom lut zo chuan a rawn la tharh, zei lo tak a a rawn pawm vel chu Ruby nen ngun thluk deuhin kan lo thlir ringawt.




"Pawm thiam lo min va tih hmel" Nui hawk hawk chung chuan UBiakteii bawk chuan an ti a, "Ti vak nang" Ka lo ti duh lek chauh.




"Mate, office ah chuan thawk ve tawh mai la, an rawn sawm reng tho che sia" Rubyin atih chuan ka en vat a, lehkha an lo dah kha alo chhiar chu niin.




"A buaithlak mai mai a lawm" Ka ti mai a, mahse thawh ve chu ka duh tawh viau, in lama lo awm tur an awm tho sia, "I nu pension hlawh rin ringawt kha a tha ber hlei nen, nangmah pawhin hna i neih ve kha a tha a" UBiakteii chuan alo ti ve zeuh a.




"Pasal lawer hna chelh meuh a nei dawn a lawm"Rubyin alo ti veleh lawi sia. Awmdan tur thiam a har tak meuh.





" Jenny ka han ko ange, chaw ei dawn ang u"ka ti ta daih a, "Ka lo chhuk" Jennyin koh hmain alo ti ve vat.




Kan chaw ei lai chuan Alawmi a rawn leng a office chawlhni ani awm e.




Ani pawh chuan hna zawm tur chuan min ti veleh a, "Chutia min sawm talh chuann naktukah office ah ka va kal ve chhin ange" Ka ti ta nge nge a, tha an ti tlang in an thawm a tha phian.






"Awih, Melisa-i te unau chu ka hmuh tirh khan an chhiat ve reuh nen, an va tha chak ve a" Alawmin atih chuan, "Lawm tur nge lawm loh tur pawh ka hre loe a" Nuih deuh hawk pahin ati a.




Jonathan-a pawh dan ngai tein, diaper nen a rawn leng leh tawh a, "Saw chu a lo chho reng zel mai ami?" Tiin Alawmin alo fiam a, dik chu a dik reng mahse nuam lo ati ang tih a hlauhawm.




"In neih te hi engtikah nge in sawi dawn?" Alawmu bawk ani.




"kan sawi reng zel, min chhaih ve hlekin kan sawi kai ngei ngei zel" Alo ti hlak hlak a.




"In neih vat ru, a fel mai dawn a lawm" Rubyin a tih chu, "Ngaihtuah ve tawh mai ila a tha anga"thutak hmel deuh zawkin Jonathan-a chuan a sawi a.




An lo eu dur dur lai chuan, " In thutak lo hlawm em mai"UBiakteii chuan atia. Kan nui thaw hlawm ringawt mai ani.



"Khawmaw ka naute chu" Tiin Jonathan-a chuan Melisa-i nau Kaka zawk chu a pawm nawlh a.



"Phir te chu i va siam thiam reng reng ve" Tiin Ruby in a lo chhaih fiam a, an nui tha duh lo ngang mai.




"UBiakteii leh Jonathan-a in sawi char char a, Tluangtluangi te pawh hi a hun viau tawh" Jenny chuan alo tia. Ka nui tawi tak khawp mai.




"An ni te chu hna neih ve ve phawt an tum a lawm" Ruby chuan ati zeuh a, "An in neih hunah pakhat zawk zawkin hna chelh lai bansan a ngai awm tho sia, a buaithlak awm e" UBiaktein a tih chu ngaihtuah na a ti thui duh khawp mai





"En teh u, Joseph-a Instagram account kha stalk teh u, a luck rap mai, hei tunlai a social media hmanga lar an sawi ang chi kha anih hi" Jenny chuan sawi pahin a phone chu a bih pah a.





"In neih vat ru, i chhuah palh ang tih a hlauhawm" Rubyin alo ti hman hmawh pek, thutak hi chu an pai lo ve ngawt mai.




~

~

..



Hun te a kal ve beuh beuh a, hna pawh chu ka zawm chuang ta mang loa.



Joseph-an min lo call chuan karleh lama an lo haw thlak tur thu a sawi a, krismas leh kumthar an rawn hmang dawn ani awm e.




Ka phur viau tawh a, kan in hmuh loh na chen lah a rei tawh, a kal a tang khan an rawn la haw leh miah loa, Bawihpuia pawh a lian tawh ngawt ang.




Ka thiante ti ila ka chhungte zawk aw, ka hrilh chuan an lo phur ve ngang mai a, "Thil min rawn hawn ngei ngei loh chuan a chak lo viau ang" An tih loh leh, "Naute in neih hunah ka awm sak ve lo ang che u, Melisa-i te unau chiah ka awm dawn" Te chu an han ti fiamthu ve a. Ka nuih liam pui ringawt zel.




Krismas dawn anih avangin, Ka pa thlan leh ka nu leh ka u thlan te chu chei fai turin inrinni chuan kan chhuak a.




UBiakteii chu an chhungkua in Jonathan-a te nen in an lo nghak a.



Thlan chu rin ai takin alo fai a, kan chei zawh vel hnuah thla te kan han la leh a kan haw chuan dar khat alo ri meuh tawh.




"An va reh chhip chhap ve" Kawngka luh pah chuan kan han tia, inchungah han chho tlang nghalin, khumah naute te an lo mut tir a, pawn lamah chair ah an lo thu dun chu niin.



"Kan lo haw" Ka tih chuan an phu deuh zawk a, "Motor thawm ka hre lo reng reng" UBiaktein alo ti vat, "Ka hre lo der" Jonathan-an alo ti hmuk thung.




Ka chhuk san leh ta daih a, rei lo te hnuah Jonathan-a chu a rawn chhuk thla a.









Monday zingah chuan, "I mu tha thei nange" Jenny in min lo tia, ani hi chu a tho hma thei a, eirawng alo bawl peih hman vek zel.




"Chulam pawh anilo" Ka ti tak na a, "Sawi tur pawh i hriat chuan miah loh kha" Alo ti zui.



Thingpui ka in thlit laiin ka phone alo ri rat rat a, ka en chu NuBecki alo ni.




"Hello" Ka tih chuan.



"Tluangtluang, i tho tawh maw?" Alo ti var a.



"Aw tho tawh e, enge nita?" Hawihawm thei ang ber a ka tih chuan, "Vawiin ah Joseph-a te hi ilo hmuak hman angem?" Atih chuan, "Aw hman e, ngati nge i hmuak hman lo ami?" Ka ti chu, "School lamah results puan ni ani sia, ka lo kal hman loa" Atia. Ka va hmuah tur thuin ka hrilh thlap bawk.




Ruby nen kan va hmuak teh reng chu kan tum aiin kan awm rei a, an lo thleng thei lawk lo chuan thla te kan la kual vak a.





An lo thleng tih kan hriat velah kan va pan ve a, kan in hmuh rual chuan kan in pan vat a.




Kan in kuah deuh nghal chawt a, video an lo cover a, khatia an in kuah lai vel te kha ka feel ber.



"Khawmaw min dah thla teh" Ti pahin ka chum a, min dah thla ve mai bawk.




Airport a hmeichhia lo kal ve ho chuan thla te an rawn lakpui sap sap a, ho ka tih viau laiin Ruby chuan, "In pa luck zia saw chu aw, i vanneih lil lel ngawt mai, i hmel chu a en lo phawt che nga" An ti kher ah.




"Ka luck ve mah lai a, min bem tawk an awm reng zel, mahse crush te a nghet bur chi kha ka nia" Ka tih chuan ngun fe a min en in a ner deuh sak sak a.




"Kal teh ang, i ho emai"ka ti ta daih a.




Kan motor chuan kan in khalh haw a, Bawihpuia lah chu a tawngpai tep lehnghal. A awm lo hran lo kum 2 vel ami vai ramah an zuk awm hman ania.




" Bawihpui, in awmna chu a nuam em?"tiin Joseph-a pawm chu ka melh zawk a, "Nuam rap, ar kan ngah sia" Atih chuan, "Ar in vulh ami?"ka ti vat a.





" Vulh loe, Raju te ta kha mawle, kan ta ang ah a ngai tlat zel a,, ar chaw pek te hi a chuh tlat zel a lawm"URuati chuan alo tia. Bawihpuia lah a nui kar kar lehnghal.




An in kan va thlen chuan chahbi an dahna a sawiah chuan ka va la vat a, an in chhung chu alo fel deuh thlap mai bawk





Kan in remfel pui hnuah Rubyin haw a rawt avangin kan haw phei a, Joseph-a pawn "zanah note en pahin ka lo leng dawn ania"tiin min thlah a.





In kan va thlen chuan an lo ri leh chel chul tawh a, " In va hlim har har ve"ka ti lut a min lo en deuh thap mai.




"Bawihteii khan min lo ngai tawh em?" Zuk chhaih pahin ka tia, "nanana" Tichungin a kut chu alo vaih ve lauh lauh a, "Van chhe reuh tak e aw,, kan seh tap phawt teh ang che" Ka ti seh ka tum chu, "I seh thi ange" Anuin a lo la ti zui.





"Seh thi bik lo tawp ang" Jenny in alo ti ve vat. "I duat sia maw, kan lawm tha ngam lo tep ani" Thutak hmel deuh chuan ka ti a, "Lawm nui char char teh u, an lo hmelthat zawk nan" Ati leh lawi a.




"An hmelchhiat i hlau sia maw" Ruby in ati veleh, "Ka pai laiin in bulah char char ka awm sia, nangmah ni ang an ni ang tih ka hlau a lawm"UBiakteii chuan naute en pah a nuih vur vur hian atia.





" I rilru ang kha an nei ve ang tih a hlauawm e, tiraw bawihte"ti pahin Melisa-i chu ka chhaih chhun zawm a, anu chuan, "In va han tawngthei tak e aw" Nur nang hian ati ta thlawt a. Ka lo nuih duh lek chauh.





Jonathan-a chu ian chaw ei dawn tep ah haw a tum chauh a, "Haw reng hi ka kham, in neih vat angai ani tiraw Biakte" Ati ve reuh a, UBiakteii chu a lai chhe vel khawp mai.




"Va haw la in neih i chhungte va sawipui rawh"Rubyin a lo tia, " Ka va haw phawt ange, ka channel thlir tu te in zavaiin mangtha vek ule, zanah kan rawn let leh vek dawn nia"ti pahin UBiakteii chu, "Saranghae" Ti chungin a kut chuan love sign an siam ve ngei a. Kan lo nuih dur durr ringawt.





A chhuah hnuah, "Bawihteii te pa hi chu a funny ve a nia aw" Luangliam hmel deuh hian a kal tak na lam chu a thlir zui vawng vawng a.





"I chhe emai, chaw ei ang u" Ka ti daih a.




Zanah chuan Joseph-a leh Bawihpuia an rawn leng a, Bawihpuia chuan Melisa-i nau zawk chu 'Bawihpui'tia an chhawn chhaih rual hian alo eih ve zel sia.




"Nute, tinge ka hming ang in put tir ve kher a, keimah maw ka in ti ziah" Ati reuh a, Joseph-a ka en chuan ani pawh alo nui ringawt.





"Hming in ang in nei anga a tha dawn a lawm" Ka tih pawn, "Kan in hriat pawlh zel dawn sin" Ati ve tlat a, dik ve reng.




"Anu Biakteii bulah sawn va sawi chhin teh" Ka tih chuan UBiakteii te lam chu ava pan ve vat a.



"AnuBiakte, tinge Bawihpuia hi ka hming ang chiah in put tir ve a, keimah min au a maw ka ti zel" Ava ti a, kan lo thlir thap chu a zak leh deuh aniang, "Bawihpuia hi chu a hmeltha bik e" A va ti ringawt a, kan lo nui ru char char ringawt.




"Bawihpui lo kal rawh le" Apatean a tih te echuan, "Keimah maw?" Tiin a in kawk va a, "Aw nangmah" Nuihza in sum deuhin a patean alo ti.





"Bawihpui, saw saw chu Kaka kan ti zel dawn nia aw" Tiin a hming tak te chu a hrilh a, Bawihpuia chu alo lawm viau, khat tawkin, "Kaka" Ava ti ve deuh reng a, au chuu hmeichhia ani tih a hriat vang nge a lawm tha duh tlat lo a. UBiakteii chuan a lo chhaih leh zeuh zel a, a laih ve thei khawp mai.



Ads lo click ru aw please


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:15 pm

UNI


By~ B-mallow


Chapter-35




Urlawk zan chuan kan inah kan hmang deuh thup a, kawt laiah chuan meichhemin kan zai ve laih laih a.




Tom-a chuan guiter a perh a, a zai tui hman loh, "A chhun zawm dan ka hre tawh lo"a tih loh leh, " A tih dan ka theihnghilh"te chu a rawn ti reng a, Joseph-an aning deuh a niang laksak hmakin min lo pe tharh a.





"Nangman perh rawh" Ka tih pawn a perh duh thak lo.


Ka perh nge nge a, an zai pui nalh ang reeng viau laiin, Ruby chu a zai hniam bik tlat zel a.



Tom-an "Tinge i aw ki kha avan mak em em" Ati ner nang tawh, "Ka thlak thiam bik lo" Ruby in ati zawk a, a ngai te bawkin a rawn sak laih pui leh.




"I ngaihthlak peih loh leh, sawtah sawn va thu rawh" Rubyin ati ta nge nge a, "Ka peih bik hlei hnem" Amipa zawkin a ti hlak hlak a, "Hnem pawh a awm lo, nem a sin" Ruby chuan a la ti talh a.




A hnu rei lo te ah ei tur vel buai puiin kan thian te chu in chhunglam ah an lut vek a. Pawnah chuan Joseph-a nen chiah kan awm tawh.




Min pawt hnai deuhin ral hla tak chu kan thlir dun vang vang a, "Mainit chhing rawh" Ti pahin ka mit chu a rawn hup tharh a.




"Enge" Ka lo ti ve hlui bawk. "Wait a minute" Ati hnu rei lo te ah, "Lem" Tiin min thlah zui a.




"Min neih duh angem? Tluangtluang" Tiin ka hma takah chuan a ding a, zungbun a keng va bawk.



"Uiii"tiin a mah chu ka han melh kiau ringawt a, " Tirawh"alo ti ringawt.



"Duh chiang mai" Ti pahin ka kut chu ka pe a, zungbun min lo bun tir vatin ka dinh ve a, Awih! Kan in fawp zui ringawt, kha chu in dan na hman a awm lo.




Kan thiante chu an lo au dar dar a, thla an lo la la zui!



Ka nam sawn deuh a, in la hrang vatin, "Enge, in van zei lo" Ka ti ngawt a, an nuih tha ringawt.



"Nangmahni in zei tal a lawm" Tom-an alo tia, ka melh rum vak ringawt.



"Lo lut tawh ula, ar vel a ei theih tawh" Jenny in a tih avang chuan kan lut ve vat a.




"In inthurual ani maw?" Ka ti nge nge a, "Teuh lo" An ti rual thap a, an in thurual zia chu a chiang mai.




"Engtikah nge in tih ang?awih a van nalh em em, Joseph-a chu thil nalh iva hre ve" UBiakteii chuan a ti pah zat zat a.



"Ei vat ang u, a daih chuan a tui lo" An ti tak na a kfc te alo nia, kan han ei teuh kha.




Krismas tukah ka nutei te nupa an rawn chho veleh a, chumi beh chhan chuan Joseph-a te pawn palai rawn tirh an tum a.



Nutei te lo thlen tuk zanah palai hmel pawh an rawn lang leh ngei a, mahse an lo aw mai rih loa, vawihnih an rawn kal leh naah sawi an tum zawk ani awm e.




An haw hnuah ka nutei chuan, "An fel viau phei chuan i tan a tha hlei hlei a, mahse in hi engtin nge i tih ang" Min tih chuan ka chhungte ho lu nghah na vek anih avangin hralh chu ka phal loa..



"Duh leh UBiakteii te pawh an la awm duh rih tho anga, an in neih lawk loh phei chuan, bakah ka thian te pawh an awm a, an duh leh an la awm anga, an duh chen chen awm ka phal" Ka ti thlap a, min pawm pui viau a rualin an in thlahrung tel ve tho tih an hmel ah a hriat.




Kum thar hma in palai ho chu an rawn kal leh a, kan in neih ni tur te ruatin, kum thar ni 15 ah an rel thlu ta kha ania. In buatsaih nghal mup mup kan ngaih hmel ani.




Kum thar zanah kan inah bawk kumhlui kan thlah a, UBiakteii chuan, "Min tih khalh ringawt mai sia" Tiin a fiam deuh reng a, sawi tur a zeng a hria pawh anilo, chhaih hi nuam ati ve hrim hrim.




"Khawnge Tluangi kha, hei lah hi alo pe tek sawn hman ziah zel a" Jenny phun hlak hlak ri ka hriat rualin ka va pan vat a.




"Hetah ilo awm leh tawh law, en teh inlar teh ania, in video kha a viral a, mahse a tha zawngin" A tih chuan ka en vat a. Hman zana video a an lo lak kha ani. Coment section lamah min lawmpui thu an sawi chiam bawk.




"Tluangtluang, naute hi a e nia, engtin nge ka tih dawn?" Joseph-an sitting room lama alo tih chuan kan va tlan phei vat a.



"Nice lo ve" Ka zuk ti chu, ner khup nang in alo melh tlawk tlawk ringawt.




"I kaih em?" Ka tih chuan, "Mai thei" Alo ti tawi tak a, UBiakteii chu naute ka lak tir vat a, vanneih thlak takin a ek chu alo kai lo hlauh.




"Ngati nge diaper i hren tir loa?" Jonathan-an UBiakteii a zawh chuan, "Diaper hren tir reng tha lo an ti sia, ka phelh sak ve" Alo ti mai a, "Mi te chuan puan te te an hren tir tal thin ania, engmah hren tir loh ringawt te chu, bakah thlasik lai anih avangin in thlak tir reng te pawh an khawngaih thlak ve a"ka lo tia, " Ka lo hre tawh dawn nia"tiin a then va ringawt.




Zinglam dar hnih velah an haw rem chauh a, zingah inkhawm a ngaih avangin kan tho hma leh sia chauh ana duh lutuk ringawt.





"Han in siam lawk ru, ei rawng chu ka lo bawl vek ang" Nuteiin a tih vangin kan han in chei hmasa leh phawt a, kan zi nuaih nuaih mai bawk sia, lu te hi a hai deuh chiai chiai in ka hria.




"Jenny, Bawihtea hi chu min puak pui ve rawh aw" Tiin Ubiakteiin Jenny chu a sawm ngawr ve mai.




"Tinge fa phir kher in neih le" Ati chuaih leh raih thin, kumthar ni a nalh tak a inkhawm chu a te ber atanga lian ber thleng a kan chak anih ka ring.




Mahse nau pua chuan a inkhawm nge nge a, kei lah usher ka ngaih avangin biakin ka thlen na a rei tawh.





Ka usher pui te ho lah chu an chhawih ang reng sia, din dan tur thlengin ka la hrilh chawp ania, a ruattu te lah hi tun ang hunah chuan senior deuh zawk te ruat mai awm ka ti rilru char char.




"Awih, i va nalh ve" Ka hnung lam atangin miin min lo tia ka hawi let chuan UBiakteii lek.




"Nangni lawm, Bawihteii chu a muhil a mi?" Tiin a nau puak chu ka thlek dek dek a, Bawihtea zawk a lo ni.




"Khawnge, bawihteii?" Ka tia, Jenny te nen an lo kal thu in min chhang vat.




"Ka duh duh naah ka thu dawn nia" Tiin a kal zui nal nal a, nu ani tawh chung hian a la puitling thei tak tak meuh lo.




Tunlai chu zan lamah kan inkhawm ve zak zak a, zai khawmte nen a nih thin avangin Joseph-a pawh alo leng ve hman meuh lo.




Kan buai angin an ni chhung pawh an buai nasa a, an in buatsaih nasa ve fe aniang, mikhual te pawh an lo kal teuh tiin min hrilh nghe nghe.




Kan mo kawr tur buai puiin Jenny leh Ruby te nennkan chhuak a.




Kawr fual mawi tak tak kan han ha kual vak a, ka hak hmasak ber tho kha kan la leh sia, "Tiang tur tih hriat a hak vak kher ngai mile" Ka ti nang nang a, Ruby lahin, "Kha ai mawi a awm takin kan ti lawm" Alo ti ve bawk.




Pheikhawk te kan en leh a, kan ta tur theuh kan la a, UBiakteii kan lei sak bawk a, Alawmi lei sak ve ka rilruk lai takin kan bazar pui ve loh thu ka hre chhuak a.




Ka phone chu a lo la rang nasa mai.



"Min theihnghilh thei hi a mak ka ti" An ti ve tlat bawk sia, "Pheikhawk nalh tawk kan lo lei mai ang che, i hman reng reng ami?" Ka ti nghal zat a.




"Ka kua tha loa, ka chawl a lawm" Ati mai a, "I lo kal ve duh em? Kan la bazar dawn chauh a sin" Ka tih chuan a phur ngang mai. "Ka in siam zuai anga ka lo kal ang, khawiah nge in awm mek" Ati nghal zat zat a.




"MC kawtah kan awm mek, kan lo nghak ang che" Tiin ka dah zui a, ka thiante chuan ei tur ngawt an lo melh leh tawh.




"Uii min lo lei ve teh u aw, Alawmi nghah pahin" Ka ti pah zak a, "Min treat zawk awm che" An la ti nang nang zui. Hahthlak hlawm emai.




"Puan than en leh ila, kan thui tir nghal thlap anga" Jennyin a tih chuan, "Keiman a man chu ka lo tum ve vek ang" Rubyin a ti vat bawk a, ka chung a an that na hi chu ka rul seng dawn meuh lo ani.




"Awihh,,, in van chhur em em, tunge thianah ka hman dawn che u" Ka ti hluaih a, kan lo mangnghilh daih a lawm.




"Kei chu nang aiin ka hmeltha a, Alawmi lah naa...Jenny din pui mai rawh" Rubyin ati pah zat zat a.





Alawmi lo thlen hnuin kan hrilh ve chuan, "In va ngaihtuah tawi hlawm e aw, in mo kawr en naah chuan va kal leh ang u" Tiin hma a hruai zui nghal a. Keinin kan zui dam dam bawk.




"Enge in thluak ah hian awm le, kei lah min theihnghilh tawh bawk" Alawmin a ti hlak hlak a kan nui deuh suk suk ringawt.





A gown hak ve tur te kan en zawhin puanthan kan en leh a, a pawl lam pang chu an thlang chat a keiin an tih ang ang ka lo duh pui ve tawp bawk.





An designer pakhat chu kan in lamah min teh turin kan hruai haw tawp a, a chhan pawh in lamah chuan in teh tur tam tak an la awm avangin an dawr a va kal leh den den ai chuan tiin rem chang te kan han la a.




Kan in chu an lo ri leh hum hum tawh a, patea Buarpui lama a unaunu fanu tleirawl leh pakhat chu nula an nia, nimin lamah an rawn kal ve a, an lo che leh sap sap tawh a, an fel tak tak ani.




UJei pawh kum thar dawn khan kan buai hlauin min rawn awmpui veleh a, aniin mamawh tur te leh thuam chhawm mai bakah thenzawl ami puan alo lei khawl teuh a, a man pek ve ka tum lahin ka tih sak ve che ani mai ati tlat bawk a.




Ka nu thawhpui thin te khan an lo hre veleh zel a, thilpek min rawn pe deuh reng a, thuam chhawm tur te thlengin min rawn ngaihtuah pui ve a, man erawh ei ve ngei an tum tlat bawk..





Man ei tur te zan lamah kan siam fel lai chuan kan rin ai daih an lo la tam zui a, ka pa chhungte delhi lama awm ho kartawpah hian in neih hmang turin rawn haw chhoh an tum a "Man ei tur a hmaih chi miah loh" Ka nutein a ti ve reng bawk.




Jonathan-a lo lut chuan "Khawnge Bti" A rawn tia, hei lah hi hming chi hran hran hian a koh a.



Ka rilru hria ni awm takin nutei chuan, "Hming chi hran hran lah hi a nei a, in chung lamah a awm kha" Tiin a nui huau huau a, UBiakteii pawh an chhangchhe ve bawk nen room lamah kan tawm tir deuh chat a, tul leh mamawh a neih in patea unaunu fanu tleirawl zawk Ruthi kan tih chu a lo phone a a rawn tir kual zat zat mai zel a, Ruthi lah tirh na a piangah a kal kusl char char a. Ka khawngaih thei ang reng khawp mai.






Zingkarah chuan kan tho hma hlawm khawp a, mi buai kan nih avangin zing lamah tumah kan mu rei ngai meuh lo.


Thingpui kan in laiin
"Khawnge monu tur chu" Rawn ti deuh chhap ri ka hriat rualin kawngka pui lam chu ka thlir vat a, Rosy alo ni.




"Lo kal rawh" Tiin ka lo chhawn vat a, min lo pan ve vat bawk.




"In neih sawmna card ka la dawng ve miah lo ania" Aw chhang deuh hian a rawn ti chhuak a.




"I awmna chin pawh ka hre hlei nem, bakah nang te chu sawm ngai loa lo kal turin ka dah che a lawm" Ka lo ti var a, dawhkan hnuaia thuthleng chu phawrh chhuakin a thu zui nghal chat a.


.. Rosy hi ka nu thih tum khan a rawn lang ve a, khata tang kha chuan pangai deuhin kan in kawm ve a, anu thi tawh anih ang takin ka tuar tur min hriat thiam pui ve khawp anih kha.




"Cheng hnih in ka lo ral ve ang che aw" Ruby chuan alo ti zeuh a, ka khap nghal vat a Rosy lahin alo nuih liam vel ringawt.




Ruthi u Hruaii chuan thingpui chawh rak rak pahin, "UJoseph-a nen in ni ve deuh ani maw" Alo tia, "Niloe" Rosy chuan nui deuh sukin alo tia, sawi chhun zawm zel a chak loh zia chu a hmelah leh a aw ká ah a hriat theih.




"Hruaii, Rosy hi thingpui lo siam ve teh" Ka ti ta daih a, chutih laiin Ruthi chu lo kal vein, Kaka-a zawk chu a rawn pawm thla a.



Rosy chuan, "Ehe, fa ilo nei tawh law" Tiin min en dun zak zak a, Ruthi chuan naute chu min lo pe ve mek bawk a.





"Aww,,, i number ka nei bawk siloa, hrilh na hman i awm hlei nem" Tiin dawt chu ka han hrilh ve a, a lo la awih em em zui.




"Ka lung a awih ta reng reng lo mai, puanthan lah min chah kep tawh lo bawk a, in neih sawmna card ka dawng tawh lo bawk a, chumai bak ah i fa neih tawh thu pawh" Ati pah zat zat a.




"In va in ang ve, tunge a hming?" A biang a piai pah chuan a rawn tia, "Kaka Lalmuansanga" Nui suk suk chung chuan ka tia, choka a awm ho pawh chu kan nui ruh ruh tawh.





"Bawihi kan kawr thuii tir na mite chu an la phone theih ang chu, Rosy chu phone sak ula" Nutein alo tia, Jennyin,, "Ka lo phone dawn nia, Hruaii nen hian in size a in ang chiah tho ang, in teh buai ngai lo in, Hruaii kawr size in ti ve mai ang aw" Rosy chu atia, a ni pawh a lo lawn ve ngang mai.





"Khawmaw, Ponyoi fapa te chu kan pawm ve ange" Tiin Bawihtea chu a lo ban vat a.




"Ka fapa nilo, ka u fapa zawk anih kha, phir an nei a" Ka ti zeuh a, "Awih i van hmelchhe tak" Tiin min han beng zui a.




Choka thawm chu a tha ham ham khawp mai.



"In neih in va chak tawh awm ve" NuRemi chuan alo ti lut var a, "In neih vat vat se a tha ang, dawt an in hrilh kual reng ringawt a" Nutein nui har har chungin alo tia. Nutei leh NuRemi hi an lo in kawm thei phian a, an ti ti dun ve sap sap zel.




Dar 10 velah chaw kan ei chauh a, Rosy pawn chaw a rawn ei nghal a, hman a thil thleng kha enge maw zawng chuan a tha phian a, kan han in kawm thei zui mai hi a tih chi khawp mai.





Tlai lamah chuan chhun lama lo leng te pawh an han haw fel a, zanah in leng lut an tam leh hle bawk.




Ka nu nu ti ila ka pi ti zawk teh ang, Kolasib atangin vawiin hian an chhungin an rawn kal dawn a, kan tam belh leh sawt dawn anih chu.




Tlai dar li velah an rawn thleng a, thawm a ring tha khawp mai.




Ka nu u hmeichhia pahnih te an lo kal ve a, pakhat kha chu nuthlawi niin fa pakhat a nei tawh a Ruthi nen an in rual vel ang, a hming chu Nonoi ani.




Ka nu te unau hi panga an nia, an naupang ber hi mipa ania, Lalremruata tiin ka pa hming ang chiah chiah a pu ve bawk. Sailutarah bank manager ve tho in a awm a, naktukah a lo haw ve theih chauh anga..





Ka nu hi an unau zinga mi lai ania, a nau chiah hi, Nutei ka tih UBiakteii nu hi ani a,, Siamte tiin an au mai zel.




Ka nu u chiah hi tawng huatthla la nilo se, nuthlawi pasal sun tawh alo nia, Hriati tiin an ko deuh tawp.




Ka nu te unau zinga upa ber hi Malsawmi ania, fa pali lai neiin hna a hming in an chelh deuh vek tawh, an naupang ber hmeichhia hian MA a kal ve mek thung a, an naupang ber dawt mipa hi City police ania, a u leh chiah mipa hi, High school zirtirtu ania, an upa ber hmeichhia hi Bank manager ve bawk ani.





Ka pi hian fiamthu in kan thlah te chu Bank a thawh an in tih hmuh a tiin miin hna chungchang an zawh chuan alo chhang thin.




"Ilo van thang hmeltha tawh ve a" NuMalsawmi fapa upa ber dawt Asawman an tih chuan alo tia,, "A awihawm loh e, in lo kal thei vek amia?" Ka tih chuan an naupang ber dawt city Police a tih kha "A hna vangin alo kal thei rih loa, in neih niah chuan a rawn lang ve thei tho ang, Aizawlah hian a awm a lawm" Ati nghal zat a, kan in pawh tha lo hlawm lutuk a, ka lo hre lo pawh hi awm ka ti hran lo.




"In bualna tur a awm em?" A rawn ti nghal zat a, "Aw awm e, tui vawtin ami?" Ka tih chuan alo bu nghat a, Ruthi chu auin a in bualna tur te ka kawhhmuh tir a kei chu ka pi te lo va bia in an bulah chuan ka va thu a.




"In hmuh loh karin ilo lian tawh hle mai a, kan in hmuh hnu hnun ber kha chuan, Ka kawng pawh ila chen hlei nem" Muang ban charh hian a rawn tia, ka pi hi a kum upat ang aiin a la lang upa loa amaherawh chu a aw hi chu a chau rau tawh khawp mai.



"Nu" Tiin ka nu u te ho hi chu ka ko vek mai a, "I pasal tur hmel kha min lo thawn kha a fiah lo lutuk a, hmuh chian leh te pawh a chak awm a lawm le" Nu Malsawmi chuan alo tia




"Hei a hmeltha reuh lutuk, Tluangtluangi thlan thiam zia chu" Tiin NuMalsawmi fanu upa ber chuan Joseph-a pic niawm tak hi alo hmuh a, engtin nge maw a thlalak te alo neih ni?.





"Hre lo an awm pawh ka ring lo, Instagram ah chuann followers a ngah lawm, hman nia Tluangtluangin a thlalak min lo thawn kha a ang sia, alo ni reng bawk a" Atih zawm zat a. A ruk chuan hmai chu uang ve tak ani.





"Eng hna nge a thawh kha?"NuHriati chuan kuhva ei tuan tuam chung hian alo ti ve zat a.




" Lawer ania, delhi ah a awm vang a lawm, keipawh in hna ka zawm loh ringawt"thentha in ka tia.





"I thlan thiam khawp chu a" Nui huiin nuMalsawmin alo tia.



"Grace-i te hian ania, tawng ve se kan tih, ngaihzawng lah hi a nei thei siloa" NuMalsawmin a tih zawk zat a, "Pawisa ringawt hi ani hlei nem, tiraw Tluangtluang, Nangpawh a hna neih hma daih in in in zui tawh tih ka hria nia" Ati zat zat a, UGrace-i thil hriat dan em em hi a mak zawk.




"Hmangaihna ah kei chu ka tluang ve loa, Gracei hian min chhun anih dawn hi, ka vanglau chuan luck deuh mai hi ka nia, kar khat vek bak ngaihzawng ka nei ngai hlei nem" NuHriatin kuhva in ei sen deuh luam chungin a rawn ti ve bawrh bawrh a.




Ka pi lahin, "Hriati te chu, a ler reuh bawk sia, in leng te kha a ngah thei ania aw, a mu hman ngai hlei nem" Alo ti ve khauh a kan nuih pui uar uar laiin.



Asawmi NuMalsawmi fanu naupang berin, "Hei kei chu naute ka nei a nia" Uang zau tak hian alo tia



"Ehe, Biakteii fate pawh kan lo mangngilh daih a lawm, kan tu hmasa ve ber a sin mawle aw"An han ti sap sap a.



"Khawnge, Meninai chu" NuHriatin alo tia, "Awih Nute i hre thelh nasa emai, Melisai a lawm" UGrace-i chuan alo tii vat a, Nu Hriati chu kan nuih pui nasa thei khawp mai.



"An bual mek a, an bual zo tep ang, no vel ka va sil pui leh lawk ange lo pawm teh u aw" Tiin Asawmi chuan anu chu naute chu a pe a, a kal zui leh nal nal a.



Keipawh choka lamah pheiin tih ngai te ka va zawt a, "Monu tur chu lo in uluk hle ringawt rawh, mopa khan alo iai leh si palh ang che" Ruby in alo ti vat a, an nui uary uarh leh nghal..




"Khawnge pa Msa hi, ka la hmu ve lo reng reng" Sitting room lama dah pahin nuMalsawmi pasal awm na chu ka zawt a, nutein, "Khawnge kan pa nen khan an kal tak pawh ka hre loe a" Alo ti sam mai a.




Nonoi chu ka bulah pawn ka chhuah rualin alo tlan phei vat a, "Au khi lai ui kha ka lawm chak e, min lo kal pui teh a, keimah chuan ka ngam siloa" Nonoi chuan alo ti reuh a.




"Lo kal rawh, ka hruai ang che" Tia kal kan tum laiin Ruthiin inchung lam atangin, "U ka lo kal ve dawn min lo nghak" A rawn ti vak bawk a.





Kan pathum chuan nuRemi te inah chuan kan kal a, Bawihan hmun a lo phiat tuau tuau a.



"Iva nula ve" Ka tih fiam chuan Nonoi leh Ruthi an lo nuih tet tet a.



"Enge in lo tih dawn?" Tiin min entawn zat zat a, "In ui kan lo en dawn" Nula puiin a tih chu a nuam teh chiam lo.



"En man a awm sin" Ati fiamthu ve hlut a, "Kan inkawtah alo e zing lutuk ringawt, kan in rul tawk chiah ani mai" Ka lo tia, Nonoi leh Ruthiin an lo lawm khawp mai.



An ui room ah chuan kan va lut a, a lo bawk zul bawk a, "Maxa thenawm nula ten an rawn rim che kha, mu zul mah ta che" Bawihan room a lo luh ve pahin Maxa chu an mihring biak vel a.



"Ah mizo tawng a thiam a law?" Nonoin alo ti vat a, chutih lai chuan Maxa pawh a lo zimar vel mek a.



"An khawi fing aniang" Ruthiin alo tih chuan, "I nau te chu leh" Alo ti hlak a, a chhuak zui nal nal a.



Pawn lamah chuan Alexa hian, "Tu te nge lo kal a?" Alo ti ve tung bawk.



Kan luh tirh khan ka hmu miah loa, bangah chuan, Chawimawi na certificate tih te leh Fai ber chawimawi na tih te hi alo awm nawk a.




Ka en chian chuan a dawng tu tu dangmah nilo in, Kan Bawiha lek chu alo ni.



Nui ruh ruh a ka loen lai chuan kawngka a rawn in hawng dawt a, Alexa alo ni.




"UTluangtluang in lo leng a law?" Alo ti var a, a sap chu a phir deuh nuaih a, a mu tho a rawn kal anih ka ring.




"Hei au te hian ui an en chak a, ka lo kal pui zuai a"ka tih lai chuan Nonoi leh Ruthi te chu a en ve vang vang a, " Khawnge Bawihpuia kha a awm daih a, alo van kal ngai tawh awm lo em em"ati deuh pur a. "An buai rih lutuk a, nakinah ka lo hruai leh ang aw" Tiin ka hrilh a a lo lawm ve khawp mai.




Kan in lam ami ten min lo koh avangin haw phei ka tum a, Nonoi leh Ruthi pawn min lo zui veleh vat a.



In ka luh chuan ka tum loh deuh in Ruby nu leh pa te ka hmu chu ka nui tawp hmak a
.


"Eng ber maw in lo tih a!?" Ka tu ve sak a, "Ka fanu hi rawn hruai kan tum, engtin chiah nge ilo chelh beh chu kan hre lo, mahse hetiang hian tum dangah a awm ngai lo hrim hrim" Ruby pain a tih chuan ka nui ro deuh halh a.



"Ruby thusawi i ngaihthlak duh loh avangin, in nei tuin a hnawh chhuah na ang in, in in atang khan a chhuak a, min lo pan ve avangin keiin in ka lo pe mai chauh ani, engtin mah Ruby hi ka nawr lui ngai loa, in hnenah haw a duh anih chuan sawi hreh lo turin ka hrilh thlap bawk, nute nang pawn min hriatpui kha" tiin Ruby nu chu ka ena





Ads kha lo click leh hram ru aw


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:15 pm

UNI


By- B-Mallow


Chapter 36



Ruby nu mit meng chu a dawih tak zet tawh.



"Eng nge a sawi awmzia chu" Ruby pain ati deuh hlak a



"Nute, room lamah in bia ang u" Tiin tha deuh in ka sawm a, mi an tam em avangin keimah ni chauh min thlir avanga ti ka ni.



NuMalsawmin, "Ka lo kal ve dawn em?" Alo ti vat a, "A angai loang, Ruby khawnge a awm? Min lo koh sak la, UMartina roomah sawn kan lo nghak ang" Ka ti ta zawk a.




Room ah chuan dawhkan kilin kan thu deuh thap a, Ruby lo lut lah chu a ti dek zui.



"Tluangi, Enge i sawi awmzia kha, Hriatpui nangpawn i hriatpui a, enge ka lo hriat loh bik a?"ati vin hlar a.




" Damdawi ati ah i ngai nghet hmiah a, i nu thusawi tawh phawt chu i awih a, i nupui leh fanau thusawi pawh min ngaihthlak sak ve ngai hlei nem, ka kham zo zai tawh, kan hmuh loh a i awmdan zawng zawng lah kan thianten min hrilh ve bawk thin, hriat a nawm loh zia i hria em? I thu i duh hlar a, i duh dan te in min awm tir i tum bawk a, i fanu ngei pawh i hriat chian loh zia hi, miin sawn a pai lo ti pawh nise hriat chian tum lo in i awih leh ringawt anga, a chhe ber thlengin min hnuk lut leh anga, i fanu rawn haw duh tawh loh chhan te hi nangmah vang ani tih i hre lo mi? Ngaihzawng neiin in in kar a chhiat a piangin chhungkua ah i thinrim na i leih bua a, Malsawmhlui pawh kut i thlak phah zia anih kha, tuin nge tuar reng peih anga, Malsawmhlui mai nilo kei thleng pawn, nangmah vangin ka chhungte tak ngial pawh min tlawh pawh ngam lo in an awm hi"ati hlak hlak a. Ruby nen kan lo ngaithla tawp a.




Ruby pa lah a in hum ruh nasa tawh mai. "I va han zak thei lo em em ve mawle"" Tia a kut a vaih a tum chu Ruby in ava chhan hman a, Ruby pawh a tlu tawp.




"Bawihte" Tiin anu chuan Ruby chu a chelh zui vat a, Ruby pa hlauthawng chuan rawn chelh ve a tum a.




"Min rawn khawih hlek suk, i kut tenawm tak khan" Rubyin ati vin hlar a, Ruby mitmeng ah chuan apa ngei na bak ka zuk hmu thiam lo.




"Va haw phawt rawh" NuHriatpuii chuan ati hriam hrak a. A kal zui ve nal nal bawk.



A chhuah velah nuMalsawmi a rawn lut nghal a, "Engtin nge a tih che u a?" Hlauthawng takinn alo ti vat a.



"Hei Ruby hi" Ka lo ti ringawt.



"Khumah khan lo mut ru, first aid box ka va la nge" Tiin a chhuak zui nghal a.




"Ramthianghlima sual rapthlak zia hi chu aw, hman a hmanah khan ka lo then lo kha ka in chhir, inthen na lehkha ka va sign dawn tak" NuHriatpuiin ati hlak hlak a.




"Nu, saw inah sawn haw tawh suh, in kan nei ve tho a, chumi ah chuan awm zawk rawh, i tan pawh a nuam zawk ang" Rubyin zawi te hian a rawn ti sep sep a.




"Kha, band aid hi rawn la rawh" Tiin NuMalsawmin min lo hrilh vat a, "La pua awm em?" Ka ti phawt a, kan thurfai sak zawh hnuah damdawi hnawihin band aid te chu kan han bel sak a.




Kan chhuah leh hnu chuann Ruby leh anu chu an la awm rih a, sawi tur te an nei ve aniang.




Asawma room luh tum pawh kan pawt phei leh rih a.




Tlaia NuHriatpuii haw tum chu chaw ei ve turin nu ho chuan an sawm lui tlat a, an sawm hlawhling ve thei hram a.



Zanah roomah bawk chuan min pawt lut a, "Tluangtluang, kan chung a i that na hi kan rul seng hauh loang che, amaherawh chu hei tal hi chu min laksak ve rawh, ka fanu hian a ti buai lutuk ringawt che a, bakah in neih hma chhawn tur te in ni sia, in buai lutuk loh nan a tam lo na a, min laksak ve hram rawh" Tiin pawisa hi ka kut ah a hmeh bel deuh chawt a.



"Nute, ka la thei loang, ka tih theih ve tawk ania, ngam tlak tak a kan in pawh theihna tur zawkin" Ka ti ve talh a, mahse min pek luih talh avangin a lak loh theih loh a, a pasal in a min vin vang te khan thupha te a chawi luam a, in thiam loh nan a hman phah ka lo hlau hle ringawt tawh.




"Nute, i pasal chu i then zui dawn nge engtin nge awm i tum? Sawi ve theih chu ka nei lo na a" Ka tia, "Then ngei chu ka tum, mahse Bawihi hian min zui haw duh ka ring lo deuh a" Ati chuai ralh a.




"Nangmaha i haw hreh leh he inah hian awmzui ve ula, kei lah chuan ka luah thei dawn siloa, a awm tawp aiah awm ve ula" Ka ti zui a, "Ruby hi ka lo rawn ve chhin phawt anga, a in thlahrun awm viau na a, mahse ka haw na tur in lam pang hi ka tan pan a nuam chiah loa" Atih chuan amah ka khawngaih lo thei lo. A huphurh ve zia a hriattheih ngawih ngawih.




"A duh em em ang, in thlahrun na tur awm hlei nem, i in ang chiahin en rawh, ka chhungte pawh i chhungte ang chiahin en la, an fel ve hlawn lutuk" Tiin ka nui a, ani pawh anui ve suk mai.




"Mopa a rawn leng" Asawman alo ti lut a, kan va chhuak vat a, ka zawng kual deuh a ka hmu lo reng reng.



Ruby nu chuan, "A tih der che niang" Alo tia, Nu Hriatin Ruby nu chu a koh avangin a kal daih a.



Keipawh Asawma awm na lam panin ka va kal phei hlawk hlawk a.



Room kawngkhar lo in hawng dek dek chu ka bih a, a bialnu a lo be ve deuh a mawni, "Tete, sual vak suh, rawn kal ve mai mai rawh" A in ti naupang chhia vel lutuk.



Ka khuh kharh a, a rawn hawi zawk a, "Hmela" Alo ti chhuak thut a, a kut zai zirin tawng lo turin min khap vat bawk.




Ka chhuah san leh vat a, in chung lamah ka han chho chu naupanh ho an lo te deh duah mai.



"Tluangtluang, kawr inang ka ha ve duh nia, khawiah nge in thui tir" UGracein alo ti vat a..


"Khawnge Jenny kha awm le, incharge deuh ber a nia" Ka tih chuan, Jenny chu a zawng nghal vat a.



"UBiakte, mut an harsat em? Kan ni duaih duaih bawk sia" Ka tih chuan, "An mu duh lutuk hi buaithlak zawk, pawm an in chuh reng a"alo ti dut dut a.



" A lawmawm lam anih ka beisei"ka ti ringawt a, Chutih laiin Jonathan-a haw a tum mek a. Ubiakteii chuan, "Ka zuk thlah lawk ange, naute te kha lo en teh aw" Tiin an in zui chhuak a.



Nonoi te nen Ruthi te nen chuan, kan thlir deuh thap a, "Thosi" Tiin Nonoi chuan Melissa-i kut zawk chu a zuk ben chilh a, a tap ta vak mai.



Ka pawm tho a, naute ka awih thiam loh lutuk lah chu muthilh tir ka tum leh pawn a tap uar sauh a, kil khatah nonoi chu a awm kek ringawt.




"U, velh ka tum miah lo ania, thosi kha alo awm a" Tiin a in sawi thiam ve char char a, Ubiakteii a lo chhoh chuan.




"Ateiin a lo sik ru che mia?" Ala ti zui a. Nonoin, "Au, thosi in a seh a, ka beng palh a a lo harh a a tap vak a lawm" Ati ve char char a. A khawngaih thlak zawk




"Hei a tap bang leh mai dawn a lawm" Tiin ubiakteii chuan a biangah ava piai sak a, a lo nui ve leh seih mai



"Lo kal tawh ru le, mut na phah ila mu tawh ang u" Tiin naupang ho chu ka room lamah ka hruai a, mikhual an awm atang hian Ubiakteii te hi ka nu room ah an awm a,a nu leh pate nen an awm ho bawk.



Keini chu nuMalsawmi te chhung nen ka roomah kan awm a.



Mipa ho chu Martina room ah an awm vek thung.



Ka pi hi UJein a awm pui chawt a, tichuan UJei room ah a awm ve mai anih chu.




Chhuatah naupang mut na ka phah pui laiin NuMalsawmin a lo lut a.



"Bawihte, in mu tawh dawn amia?" Khum a thut pah chuan atia, "Aw mu tawh dawn, kan zung lawk" Tiin bathroom lamah an lut nghal a.




"Mambawih, in hi engtin nge tih i tum?" Min ti ta daih a, "Aa, hei ka thiante hi awmna tur mumal an nei chuang loa, awm ve rih mai mai se ka ti deuh a, Ubiakteii te chhungkua lah an in neih hma awm bawk se ka ti deuh bawk a."mut na siam mawlh mawlh pah chuan ka tia.





" Hei ka fapa naupang ber dawt Aizawla in luah a awm hi, rawn awm ve se ka ti deuh a"in thlahrun hmel tak chuan atia, "E a awm duh phawt te chuan lo awm rawh se, a hma daih te khan lo awm tir tur che lawm, Aizawlah a awm ve tih pawh vawiin khan ka hre chauh a" Ka lo ti zat zat a, a phur ve hmel deuh bawk.




"Anih Ruby te kha engtin nge awmzui an tum a?" Ati leh zel a, "Anu kha awm ve turin ka sawm a, a haw na tur ngaihtuah khan a khawngaih thlak ang reng sia, an chhungte nen an in pawh vak lo ani awm e" Thukhuh ang reuh deuh chuan ka han tia, alo bu ve nghat nghat tho.




"Awm ho dial dial mai rawh se aw" Tiin a nui zui mai a, mut na a suam ve nghal danah mut a tum anih ka ring.



Naupang ho chu an mu sap sap a,, light min off tir hnuah keimah ber chu in hnuaiah ka chhuk leh daih a.




Pa Msa te pawh muturin an lo in siam mek a.



"Bawihi te in neih tur hi a tih zia tak tak, hei ka thianpa nen kan riah khawm theih dawn phah a" Nui ruh ruh chungin Pa msa chuan uang thau deuh hian alo tia, "Ava tih zia ve aw" Ka lo ti ve bawk.



Pawn lam atang chuan Ruby a rawn lut a anu a thlah fel zo chiah anih ka ring.



"Khawnge kan mut ve dawn?" Thentha in ala rawn ti lut zui a, "Ka roomah mut na zau tawk in kan phah chhuatah in mut hreh chuan Nu Malsawmi te bulah pawh pakhat chu a riah theih tho" Ka ti tak na a, chhuat a riah an tih zawk tlat avang chuan chhuatah mut an thlang a.




"Khawnge NuHriati kha?" Tiin Jenny chuan nuHriati a rawn zawng a,, keipawn a awm na ka lo hre tawh lo reng reng, ka hmuh lohna rei tawh zia chu.




UJei room lam ka va en chuan chhuatah UJei leh NuHriati chu an lo mu a, khumah ka pi leh Hruaiu an lo mu dun thung.




Mut naah chuan Joseph-a nen kan in be zawk a zan a rei tawh avangin biak phei chu kan in be rei lo, an buai ve zia thu te leh an chhangchhiat zia te a sawi ve luam bawk a. Kan dah hnu chuan Ruby leh kei leh Jenny chu kan ti ti ve mawlh mawlh a. Whatapp hmangin Alawmin min lo be ve reng bawk.





"Kawr kha NuNalsawmi te khan an duh ve lo ami?" Jenny chuan alo la tia ngai an tih veloh thuin ka lo chhang vat.




"Kei chu in neih boruak hi zo vat vat se ka ti" Ka lo ti daih a, an bengkhawn rang nasa mai, a chhan min zawh chuan, "Ka hah tawh, ka lu te hi a hai vek" Ka lo tia, an nuih aza dun ngang mai.





Atukah chuaan an sawi ang ngeiin ka nu Malsawmi fapa chu a rawn thleng a, "Ka hming chu Zomuankima, Muana min ti mai rawh, chuan nang" Ati nghal zat zat a, en mai chuan a thawveng hmel viau bawk.




"Lalnuntluangi, Tluangtluang min ti mai rawh" Ka tih chuan kan bul vel ami te chu an lo nui thaw hlawm tawh a.




"Ehe, ava in hriat loh theih ve, Tluanghnap, i naupan laia hnap i ngah theih zia chu, tunah chuan pasal i nei ve tawh mai dawn chu aniah" Ati zung zung a, thawveng hah hah tak ani.



Pa Msan, "Muanengtheia thin hi chu aw" Alo ti ve a,, "Tak tak lawm pa, tluangtluangi hi a naupan lai pawn bag teah anuin romal a pai tir reng zek kha" Tiin a nui deuh hawk hawi a.



Martin-a nen pawh an in ang dawn dawn a lawm,, tunah te hian ka nu nen kha chuan la awm ve se min lawmpui ngawt ang.




UMuana chu ri deuh phawng phawng chi kha ania, fiamthu lah a duh, a mah hi a chhe lo ve reuh a, city Police anih phei chuan a luck ve viauin ka ring ringawt a.




"Tluang, khawiah nge ka thawmhnaw hi ka dah dawn" Ka beng bula min hrilh ru pah char char hian atia, "An dah luh daih tawh kha" Ka lo ti vut a, "E ka hre hlei nem, khawnge Au hi" Ati pah zat a, "tu i u?"ka lo tih chuan, " Asawma"ati tawi tak a, "Sawmi roomah sawn games a khel aniang" Tiin Martina roon thin kha ka kawk a, ava kal ve vat bawk.




"Muana hi chu a tawng duh ania, in hriatthiam tawn reng a ngai ang" Nu Malsawmin alo tia, "Ka tu te hi chu nuih na tur te hi in ti tam ve ngawt mai"ka piin alo ti ve bawk a.





" Khawnge UHriati kha alo awm leh hman a, thil pek ka tum sin le"Ubiakteii nuin alo tia. "UJei nen an chhuah leh tawh kha" UGracein alo ti vat bawk.




"E taka Jei in tih kha khawi ami maw?" NuMalsawmin a tih chuan, "Ka nu damlai atang tawh a kan awmpui reng thin a nia, ka nu boral hma khan a unaupa nge nu ka chiang lo chumi fa awmpui tur chuan ram dangah an awm a, an lo haw velah hei min awmpui leh a, a fek zia chu" Ka ti luam a, an ni pawn an lo fak ve khawp mai.




Inrinni ah chuan ka pa chhungte ho an rawn pang veleh a, mahse ka nu chhungte ai chuan an tlem deuh.




Nu lian ti ila lian chuang lo, amah chu a in khai thli hlarh a, ka pa nau ani awm e, Zikpui tiin an ko hlawm mai a, Fapahnih a nei a, a upa zawk chu UMuana te ang rual kha ania, Hruaizela ani, ka tleirawl tirh a ka star hming chiah chiah kha ala ni zui. (A tak takah pawh ani aw😆)



Chumi nau leh chiah mipa a awm a, "Jerry u Toma ka nia"nuisangin alo ti vat a, a T-shirt hma ah lah Tom and Jerry T-shirt ngei a ha bawk.



NuZikpuii pasal chu kum thum kal ta khan stroke avangin a boral ani awm e.



Nu Zikpuii hian fa bik a nei tih ka lo hre reng reng loa, hmeichhia zahawm deuh mai hi alo nei ve bawk a, a hming chu Lucy ani, a sawi danin lecturer hna a thawk a, biak pawh a nuam khawp.





Kawr lah chu Lucy ta tur a last nan tak tak kan chah belh leh a, a lawm nasa mai.




Hun te a kal beuh beuh a, chhungkua pawh kan hlimin kan bengchheng bawk a, thenawm te tan chuan kan ninawm deuh mai thei a ni.





In neih hma niin kawr kan thui tir chu an va la a,facial thiam deuh an tih hi an rawn hruai bawk a, ala gay zui. A tawngkam a nuih zatthlak in a bula awm lah a nuam em em a. Zan lama tih kan duh vangin tlai chaw te a rawn ei nghal a.




Zanah chuan kan dawh deuh sap sap a, Alawmi pawn tih tir ve a duh vangin a kawr lak pahin alo kal a, an tih har em avangin a riak ve nghal daih dawn leh nghal.




Kan mut fel chuan dar 1 Am a pel thuak tawh a kan facial tir pa pawh chu thuthleng ah a riak ve a, kan facial tir na man chu NuZikpuiin ka lo tum vek ang ati bawk a, ka lawm dan chu, thilpek leh mo chhawm tur te thlengin an ban phak ve tawkin min tih sak vek bawk a. Nu leh oa ka neih tawh loh na pawh an thup hneh ve khawp.






Zingah hma tawkah kan tho a,, nizana mi bawk khan min chei leh vek a, kei leh Jenny min chei hma deuh bik a, a chhan chu chaw ei hma bik te kan lo ngaih vang ani.





Kan inkhawm tur kan insiam te chu kan ri teng tung a, naupang ho lahin, "Ka chapal a bo" An tih loh leh, "Nu lo kal teh" An in ti deuh chhen hlawm a, tlangval pui pui thlengin an bang lo, ka nu te ho pawn phun nang nang chungin an koh na ah chuan an kal leh lawp lawp zel a, kan in neih naah hian a buai ber chu kei nilo in ka chhungte ngei hi an lo ni.




Biak in hawng ngei a in neih tur kan nih na angin Chanmari Kohranah ngei mai chuan ka han lawi ve tur chu ania, min lawmpui tu te lah an thahnem.




Biak in kawtah chuan photo booth nalh deuh mai an siam a, Joseph-a weds Tluangtluangi a in ti kalh bawk a. Ka nu leh pa te leh Martina chuan van atang khian min lo thlur ngei awm sia, an fanu leh an nau biakin hawng ngei a pasal ka nei turin min chhuang ve ngawt ang le.




Ka u Martin-a kha chu la awm se tunah te hian Asawman biakin a min hruai lut lo in Martina ngeiin min hruai lut awm sia. Ka zam lutuk chu kan khur deuh vel a.




Ka pasal tur ka hmuh rual chuan ka hlim kher mai nui sangin min lo en ve bawk a, ka zam ve na deuh te chu Joseph-a ka hmuh rual khan an reh nghal thap in ka hria.



Ka lo suangtuah thin ang ngeiin ka bulah ka thian kawm ngeih tak thinin min dinpui a, ka dinglamah ka hmangaih leh min hmangaih em em tu Joseph-a a ding ve bawk a. A dawt leh chiah ah Tom-a ka lo zep ve zuai anih kha. Amaherawh chu min hruai lut tu a tan a ka suangtuah thin Martinan a thei ta loa, chhungkaw ai awh a thusawi tu lah min hring tu ka nu niloin ka nu u Vanlalmalsawmi ani thung.



Joseph-a chuan, "Tiang reng hian hlim la ka duh ani, ka siam sak theih phawt che chuan i hlimna tur hlir ka ngaihtuah anga, nang mah ti hreawm thei zawngin ka awm loang" Ati sap sap a.




Kan chhawh lai mekin, Bawihpuian, "Nute Ponyo-i chu a hmeltha ve"alo ti vak peih a, kan nuih huk chu le, kawngka chhuah dawn tepah hnam dang lo inkhawm ve k hmuh rualin Joseph-a nen kan in biak khan Raju te nupa an lo kal ve vang vang thu min hrilh bawk a, an nih ngei ka ring bawk.



Thla te chu kan han la sap sap a, lak pui tur lah kan ngah phian a a lawmawm let ling tak zet.




Ubiakteii te chhung ti ila, Jonathan-a te nen zawk thla min lakpui lai chuan, "Chhungkua tak tak kan ang a sin" Ubiakteiin alo ti leh zeuh pek, "Over e" Ka tih chuan, "I tawnglai tak an oa fuh ange, i duh miah loang" Atih lai takin thla chu an la a.




"Awih ka tawng laii tak anih kha, one time one time" Ati chul a, mi ho lah chuan an lo lawm thiam phian zel leh nghal.




Rosy te pawh chuan thla min lakpui a, kan hlim tlang barh barh khawp mai. Thla lak pui loh kan neih awm pawh ka hre tawh loe ah.




"I chau em?" Joseph-a chuan thingpui kan in laiin min ngaihtuah hmel deuh takin atia, "Chau vak loe, mahse a lum ani" Ka ti chhuak hak a. "Kan haw tep lawm" Alo ti ve vat a.




"E thianpa, in va nalh ve" A tih ri ka hriat chuan a en lam chu ka en ve vat a, Raju te nupa an lo ni, "E nangni daih lawm, mawi tuk"alo ti zui a.



"Roshni ka nia" Tiin Raju nupui chuan min lo chibai a, mizotawng alo thiam ve zel mai a. Chibai letve vatin, "Tluangtluangi ka nia" Ka lo tia. A nui seih a a la nui mawi em em zui.




Ka pasal te in lamah chuan kan han haw ta chu ania, motor in kan in trip phei duah a, thuam chhawm ka ngah ang reng mai sia, delhi a ken thlak theih lah a tlem ropui si.




An in ka luh dawn chuan, NuBeck-i chu "Ka nu" Min tih tir vel chhin a, Joseph-a lah, "Pa a" Min tih tir leh a kei ai mah chuan Joseph-a a lai zawkin ka hria. Chumiii karah bawihpuia alo phu sa ve chheng a, "Nutei kan inah a awm tawh dawn bik"alo ti deuh lauh lauh a. Kan nui deuh tha reng mai.




Ka thiante ho chu ka pasal te in lamah ti ila, kan in lamah ti zawk teh ang. Chaw an lo ei phei ve a, midang ho chu an chelh bet tlat a, tleirawl ho in an rawn ei leh deuh tawp a.




Kan in neih ni tang khan social media ah lah ka lar ve vak a, kha Joseph-a vang ka ti lo thei lo.




Kar hnih vel mizoramah kan awm hnuin Delhi a chhuk turin kan in siam a lung a leng lawi ve khawp mai.



Kan kal hma tlaiin ka nu Malsawmi ten chaw ei khawm an rawt a, kan va ei ngei a, delhi lam ami te chu an haw tawh a, ka pi te chhung an la awm. Ve thung a. Monday lamah haw an rel bawk.




"In ngaihawm ve zia chu a, in awm hla leh zual dawn bawk siah" Ubiakteii a ti deuh reng a keipawn ka ngai ve thin khawp mai kha leh chen kha kan lo cheng ho ve hman a.



Joseph-a chu UMuana te nen an ti ti ho a, an fiam leh zeuh zel a, Joseph-a chu a nui tet tet ringawt zel.




Dar 9 velah kan haw phei a, "I lung a leng ve thin ngawtin ka hria" Joseph-a chuan ati pek a.




"Leng ve thin e a, bakah an bula awm kha alo nuam ve reuh bawk sia" Ka tia, a nui deuh suk a.



"In in call deuh reng zel mai dawn nia u" A ti deuh tawp a, Joseph-a nen hian kan in ngaihzawn a tang chiah khan sawi tur hi a bo duak duak vek mai hian ka hre tawh




In kan thlen chuan "Bawihpuia a mu duh lo"URuatin alo ti vat a, " Pate, in bulah ka mu duh"alo ti tal sia kan mut pui ve nge nge a.




A mang chhe phian lehnghal. Kan thian ho group ah lah chuan, "Muttui bik em em u" An han ti deuh reng a, "Pasal in nei ve chak anih kha, nei ve tawh mai ru" Ka ti pa tawi thin, "Pasal nei bik-i ni la a tha ang" Ruby chuan atia, an lo la like sap sap zui.



UMuana leh Jenny hi an lo ni ve a, chupawh kan tlai chaw ei khan min lo hrilh ve chiah a, ka nuih lah chu an ti za duh em em. An ni pahnih kher.



Zingah hma tawkin ka harh a, ka thawm a hria nge ni Bawihpuia pawh chu tuk dang aiin alo tho hma a, thingpui kan in dun laiin ka nu pawh a rawn tho a.



"Tluangtluang, in va tho hma ve a" Ka nuin ati nghal zat a, "ka muhil thei tawh loa" Nuisangin ka lo tia.



"In in rem fel tawh mi?" Tiin room chu a bik pah zeuh a. "Aw rem fel tawh ni mai, thingpui i duh ve em?" Ka ti nghL zat a, "Tui so kha lo ti rawh" Tih pahin a rawn thu ve nghal a.




"Mambawih, i thuam chhawm ho hi Delhi ah a ken ve theih dawn mang siloa, duh leh in mamawh awm ang chu in chhuk hunah i hre mai anga maw, pawisa ka rawn thawn thin che unnga, ilo lei mai dawn nia aw" Ati zung zung a, ka lo "Aw" Liam ve mai bawk.




Joseph-a a rawn thawh hnu rei lote hnuah chaw kan ei nghal a.



Zin tur chuan kan han in siam a, Alawmin alo phone chu ka chhang vat a.




"In la kal lo maw" Thaw hlawp hlawp chung chuan a rawn tia, "Kal lo deuh, enge nita" Ka lo tia, "Ka thlah ve duh che u a, ka rawn thleng tep" Tih leh dah nghal a rual a. Mak ve ngawt mai.



A rawn thlen hnuah, a hah a zia ta maw tihin lengpui airport lam pang kan pan a, lung chu a peng ve tan khawp mai.







Ads lo click ru aw


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)