UNI BY B-MALLOW (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: UNI BY B-MALLOW (Completed)

Unread post by Ngaia » June 12th, 2022, 3:12 pm

UNI


By- B-Mallow



Chapter-19)



"Tunlai tleirawl ho tawng theih zia hi, a rapthlak zawk, hman lai kan pi leh pute ngawih ngawih phei kha chu la dam se, in lu an la thin hial in ka ring" ati zui nek mai.



Alawmi chuan, "I khawl chu a tha piap piap hle mai, mahse cheng 5 pawn lo zuar se ka lei duh loang" ati ve ngei a, "Khawl ka nih ziah loh hi, enge maw, ka tupa Lalramengi vang vek" api chuan ati kher a. Ruby leh Api chu an in men rum chhawk ani ta ber ang chu.




"Va haw phawt ang u,kan awm rei tawh emmai" tiin haw ka rel a, kawt thleng Ruby chuan min lo thlah a, "A ninawm zia chu, in ning ve hman em kha ti chhung ringawt pawh khan"Ruby chuan ati nghal hmak a.




" Khatiang chu in hnial pui an nuam mai mai lawm, in tih hlim nan te pawh tha vei phian ang chu"Alawmin alo tia, "Chuti chu i hawh duh em?" Ruby bawk ani. "Duh mai mai lo, nangmah khan va infiam pui rawh, kan kal phawt ange" tih leh Jenny nen chuan kan darah rawn chelh tawn tawnin min kal zui pui ta hlawk hlawk a.




In ah chuan ka chhungte an lo awm thap a, chu mai bakah, nutling te ve deuh lam pang alo thu bawk.



Ka nu chuan min lo hui zeuh a, an lam pan chuan ka va phei ve vat bawk.



"Mambawih, hei hi high school kan kal thin lai a ka benchmate ve ber anih hi, NuRuth iti dawn nia" ka nu chuan alo ti var a in chibaiin ka hming te chu ka han hrilh ve a, a nuisang reng a biak vel pawh a nuam phian in ka ring.




"Hei hi bank manager hnathawh te a rilruk ve a, min pui thei la, a tha viau ang a" ka nu chuan raen deuh chung chuan a tia.



"Ka puih theih na che u anih phawt chuan puih che u ka lo tum dawn nia, tha deuhin lo in buatsaih ve tho bawk la aw" min tih vang chuan nuisangin, ka inbuatsaih zo thawkhat viau mai"ka lo tih ve chuan a nui zui hawk a.




"I confi reuh bawk a, i tling thei ngei tur ani" min ti ve luam a, ka lo nui liam ta vel ringawt.



A haw hnu lawkah chaw te kan ei a, ei kham zawhin rei pawh ka thu lo, mahni hma khua ngaihna vangin lehkha bu te ka chhiar leh malh malh a, chutiang chuan tunthla chu ka hmang ral a. Chutiang bawkin Joseph-a pawh, sunday bak hi chuan alo leng ngai tawh meuh lo.




Kar khat zen zawn hnnu chuan Ruby leh NuRuthi kha an lo kal dun nawlh mai a, a niteii sawi ve kha ni awm a, "Hmanni ah alo kal a lawm" ka lo tih chuan a ka hau ringawt tawh.



"In in hria mia?" atih lai mekin NuRuth-i zawk chuan in, "A nu te nen khan kan in kawm thin a, hmanniah ka kalin min in hmelhriat tir a lawm" alo ti var a. A bu ve te nghauh nghauh mai.




"Nite, a tlin ngei theihna turin tan lak pui teh aw" Ruby chuan kei ai pawn a ngai pawimawh zawk lek lek in ka hria.



"I thiannu tan chuan min len pui lawp lawp mai bakah i in phal hle mai a"nui tha chungin NuRuth-i chuan alo tia. Ka lo nui tawi tak thung.



An haw tur chu an pa Thlamuanpuia an tih hian a rawn hruai a, an in duat dun hmel viau bawkin ka hria, " E takah, niteii te bulah hian ka awm daih mai thei nia, ka awm chuan in thlah na hunte siam ang u aw, mahse in inah"atih vang chuan a ding khawmuang leh rih a, a niteii te chu motor ah an lo lut tawh.




"Khawiah nge an awm a?" ka tih chuan, "Lunglei serkawnah sawn JBS nei tu fapa kha Pa Muanpuia saw ania" alo tih chuan ka lo bu ngut ngut



"Awih ka chak zek zek tawh, kan khawl hmuh theih tawh lo tur ringawt pawh saw ka lawm, mahse,,, ka ngai dawn che u e" ati zui vang vang reuh a. A kal dawn tih pawh an la chiang awm tawp siloa.




Motor horn an lo pek vang chuan kan in mangtha sawk sawk a, an tlan pil a ni der e.



A tuk zanah chuan ka hriat ngai loh hnen atangin phone call ka dawng a, ka lak chuan, Alawmi lek alo ni!



"Tluangtluang, naktuk tuk lehah hian a interview theih dawn ani awm e, va interview ve ila" a rawn ti vat a, a remchan lai tak ani nghe nghe in ka ring.



"Mahse seat hnih chiah a awm dawn a, tan viau angai dawn nia aw" alo tih chuan, Fiamthu ti takin, "Hun tawi te kan la neih lai hian tlaivar ngei ngei kan ngai dawn nih chu" ka lo tia anui kur kur mai.



Kan dah hnu lawkah Joseph-a ka hrilh ve nghal a, ani pawh in min phur pui tawh ngang mai. "Ka lo zirpui dawn che mi?" ati thul. A helhhawlh ani ve ber ang chu!



"Tha deuhin zir la, tawngtai kha theihnghilh lo bawk la, ei tur tha te kha ei bawk ang che" min ti thlap a, ka lo "Aw" ve vat bawk.




Ka nu ka hrilh leh pawh in alo phul hlut a, "I tling ve ngei ngei tur ani ringawt, mi pawhin an theih chuan i theih loh bik na chhan tur a awm lo nia" ati dam dam a, eng nge maw zawng chuan min ti phur ve viau bawk.



A tukah chuan Joseph-a a rawn kal a, thei leh in tur lam pang a rawn keng teuh bawk, "I van fel chiang tak e aw" ka nu chuan alo ti vang vang a, a nui suk suk mai.



Rei vak lo a awm hnuah a phei leh vat a, kan in hmu rei lo thin teh e. Mahse kan mamawh ve ve zawk ani sia, ui chung chung pawn kan in kal san angai leh thin nih hi.



Zanah chuan ka mu tur chu ka muhil thei ta reng reng lo mai, Joseph-a ka call tawp a, "I helhhawlh anih dawn kha" alo ti sam mai a, helhhawlh pawh lo ni reng ila, ka hah hlui thei, ka zam ti tih der bawk, engtin tak naktukah chuan awm ang maw!?




Zing dar 6 velah ka harh a, ka inbual a, ka in siam nghal zung zung a, a chang leh ka khur ti tihin ka hria.



Ka nu lo tho chhuak chuan ka lu chungah kut nghatin min tawngtai thlap a, tlem chuan ka awm nuam deuh, mahse, ka khur zel mai.



"Mambawih, zam reng reng suh, i va tling tla fel vat dawn nia,, fighting" tiin min thlah ta chu ania.



Kan interview na tur kan thlen chuan an lo zi ve huaih huaih a, kei anga zam chhia han sawi tur chu ka hmu ve miah lo.



Thutna ah chuan min rawn koh hun ka nghah laiin, ka bulah chuan Pa Muanpuia, NuRuth-i pasal kha alo ding reng a.



"I khur a law?" alo ti hmasa ber.


"Aw, ka in sum thei bik lo, vawiin zing hma ve deuh a tang khan" ka lo tih chuan a nui deuh suk a, "Keipawh ka interview dawn khan, ka khur ve vak vak tho, ka khua te hial a sik phah a lawm, mahse kha leh chen ka beih ve na kha alo thlawn a luan ral tir ka phal loa, ka tet te tanga ka nih tum(aim in life) chu tih puitlin ngei ka tum a, hei min en la, Bank manager ngei chu ka nih hi, zam mah ta che, nangmah kha in ti chak lui la"alo ti siam siam a, chu chuan min ti thawl hawk in ka hria.




Kha leh chen ka lo beih ve na kha, a rah ka seng ngei tur ani, tum chuan kawng a awm a, mahse a laih a ngai zawk, chuvang in ka lai ang ka beih a nga, ka tling ngeii bawk ang.



"Interview dawn reng reng chuan confi a ngai ania" ka beng bulah hmeichhe pakhat in alo tih vang chuan ka en vat a.


"Alawm" ka ti vak a, ka bul mi te chuan min lo en thap.


"Mi koh vak vak angai mi? ka hmu reng che lawm" alo tih chuan ka lo nui suk. Pu Muanpuia ding reng pawh chu a kal sawn chiah bawk.



"Confidence always andd forever iti thin ani lawm ni?" min cho deuh awka chuan alo tia, "Ti chiang e, ka awm reng zel bawk ang" ka tih lai mekin.



"Lalnuntluangi" tia min lo koh tak avang chuan, interview na tur room ah chuan ka lut a, ka rin ang he hu chuan ka zam leh ta tlat tawh lo mai.



Ka chhuah leh dawn pawn, "Nang ang a tling tlak dang an la awm miah lo ania, i hma a lo kal tawh te ah khan" min lo ti zeuh tu chu ka en a, "Ka lawm e" tiin ka chhuah san vat bawk.



Alawmi pawh alo lut dawn chiah a, engmah pawh kan sawi dun hman lo.



Ka nu ka phone vat a, min tih dan ka sawi chuan a au ani tawh ber ang chu, mahse hnung lam ka en let chuan interview zel tur an la tam sia, tling zo tak a nge maw?



"Mambawih, iti tha lutuk ania" min tia bawk. Alawmi alo chhuah ve tak avangin kan in biak na ka ti tawp a. Ani pawh alo chhang tha thawkhat viau anih ka ring.



"Tluang, lo tling dun hlauh mai ila tiraw" ati leh thin, ka beisei na ka dah sang vak duh rih loa, engpawh hmachhawn thei tur a in buatsaih kan ngai miau ani.



"Joseph-a kan be lawk ange" ka tih san a, Alo la rang khawp mai, "Hello" a rawn tih rualin,,"Ka lo phone hun che i chang ani maw?"kan ti hmasa leh te te a.



"Chang e, i tha maw?" ati daih mai. "Tha sa reng lawm" ka lo tih chuan a nui hawk a, "A hma a Ponyo-i kha alo let leh ta, 'Zam' tih tawngkam pawh hre lo tu tih tur khawp a zam ngai lo, engti naah pawh confi ber zel-i kha" ati duah kher a, ka lo ner nang nang ringawt.



"Engtikah nge result chhuah leh ang?" alo tih chuan kartawp lamah anih thu ka lo hrilh vat a. A phur ve ngang mai.



~~~



Kar tawpah chuan kan interview na result a chhuak a, vanneih thlak takinn ka tling ve hlauha, chutiang bawkin Alawmi pawh. Ka nu te ka hrilh chuan zanah lawm kan han rawt let chuk chuk a.




Zanah chuan kan thian ho chu kan kim thawkhat hle, mahse Ruby ati hot tu tur ber alo tel ve thei loa, Api kha a chak lo sawt riau a tunah pawh damdawi inah an awm pui mek.




Alawmi nen a kan tling kan lawm e tilo chuan, inchung varanda ah Joseph-a nen chuan kan awm san vek a,a boruak hip a nuamin thli a thaw nuam viau bawk.



"Ponyo i kal leh zel na turah i nun fimkhum hle rawh aw" Joseph-a chuan tak deuh hian ati nghet charh a. A peih lo lawk ve ngawtin ka ring.



"Kal lo mai la, ka chawm thei tho ang che u" ka tih chuan alo nui hak a, hna pawh la thawh tan hma em em a, pawh min ti mai thei ni.



"Hmeichhia zawk in chawm tir ka tum lo hrim hrim" atih pah chuan ka kut chu alo hum a, a daih nuam viau bawk.




"Engtikah chuan maw i kal ang?" ka ti leh rih a, "Karleh ah khian a niang, Delhi a chhuk vat a buaipui kha a tha in ka hria a"atih chuan ka hnuai rulh thei. Mahse kan hma hun ngaihtuah ve kan ngai miai sia ni.




" Tluangtluang"



"Ummm"



"Ka kut hi vuanin chelh reng thei lo mahla, ka thinlung i chelh reng ita a ni, tih hla kha i hria tiraw"kan kut inkaih na chu enchungin atia, " Aw, hria e"ka lo ti ve bawk.



"Chutiang chiah chuan tunah pawh, ka lo let leh hma chu rinawm deuhin ilo awm dawn nia aw, UNI Forever" ati tel zeuh a. ka lo nui deuh suk chu ka biangah chuan min lo kuaih dak in, ka hmui ah chuan alo fawp chat a, vawi leh khatah khawvel hi an chawl duk ni ta berin ka hria.




"Tluangtawi" an lo tih thut vang chuan kan in la hrang chiang hle.


"Hming chi hran hran hi ka nei a" ka ti zui nang nang a, ka bula mi chu alo nui ruh ruh ringawt.




"Chhuk ang, i la kal dawn chuang hlei nem, i kal dawn ah kan sawi tha dawn nia" ka tih chuan a pawm zawng aniang, a bu ngut ngut a, inhnuaih ah kan in zui thla nghal bawk.



Click hram la aw ads hi


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:12 pm

UNI


By- B-Mallow


Chapter-20:(



Ka harh chuan zing alo ni reng tawh, ka muthilh lai reng ka lo hre lo reng reng.


"Mamawih lo chhuk vat rawh, ka kal tep ania"ka nu in alo tih lawng lawng ri chu ka hriat hmasak ber ani, " Ka lo chhuk"ka tia, khum atang a tho chhuakin ka zuk chhuk a, Chaw an lo ei tawh a mawni, UJe-i phei chu thleng alo sil char char tawh.



Dar zat ka en chuan dar 9:00Am ali ri tep tawh chu niin, "Ka van mu rei em em" ka ti sep a, "Nula pui si mu rei khawp mai, thawh hma te hi zir ve teh" Ka nu ani!



"Nidangah ka tho hma ziah aw, ka thawh tlai ve chhun a" ka ti zui nang nang a, "Ka kal phawt, ka tlai mai dawn" tiin a chhuak zui nghal a.




Chhunah chuan Jenny a rawn lang hlawl a, ka lo en phawk nasa, a reh em ani.



"Teh hlawl che chuan, lo kal rawh" ka lo ti nghal vat a. "Teh hlawl ami?" alo tih chuan ka lo bu nghat.







"Tluang, tunlai hi Tom-a hian min be tha riauin ka hria" Jenny chuan atih chuan ka lo nui hawk. "I ngaihbel anianga" ka tih zawm nghal a.



"Naaa,,,, ngaihbel pawh ni mai thei,,, mahse,, ani tak tak lawm" te chu ati kual leh a, ka lo nuih liam vel ringawt.



"Taka, Isaak-a kha a chhungten Dubai ah an thawn daih a sin" alo tih chuan, "Ehe, daih daihh a" ka lo ti hluai a. "Chuchiah, hetah an mit hmuhah pawh a awm that duh loh laia, khulai a a zuk awm that duh an ring mile" ati zui nang nang a, keipawn an mak chu ka ti ve ang reng.



"Engtik atang nge in hna chu in join dawn?" ati teh khauh a, "Aizawlah hian kar khat vel kan training leh zuai anga, chumi zawh atang chuan ani mai ang" ka tih chuan min en vung vung a.



"Joseph-a ve thung kha?"


"Naa,, ani pawh Delhi lamah karleh ah a chhuk ang, kan in hmu lo rei dawn sia, ka ngai lawk" ka ti cool ruih a. "A peih awm awm loh e" ati veleh khanglang zui a.



"Nang chu, chutiang in sawi lo la min hnem ve zawk ta che, ka thinlung a khi mek anih hi" ka tih chuan a nui kar kar a, keipawh ka nui ve ringawt.



"I pum a law ri chu!?" atih lai chuan ka pum alo ri rawk rawk tawh. "Chaw ka la ei loa, chawhmeh vel ka va kap sa lawk ange" tih pah chuan ka thawhsan a.



Ka chaw ei lai chuan tv a lo en a, kawngkhar lam atangin Ruby a rawn lang nawlh mai.


"In khawl chu awmpui a ngai tawh lo amia?" ka lo ti hmasa a,, "Awih ka ning lutuk, a hmuh loh hlanin ka lo chhuak ru thei hram, a che hlek a, khaw nge ka tupa kha min tireng a, a mah kán tur te alo kal ho phei chuan min nuih ru tet te zel, ka zah mah nak laia" ati nghal char char a.



"Awih Laljelly chu! ilo awm ve reng law?" a tih pahin Jenny chu ava en a, "Ka awm na a rei tawh mai" alo ti ve bawk



"Jelly bawihte, kan khawl tunlai chu a chiang vak loa, lo kán ve la" a tih leh chuan, "Khawl te chu siam tir mai ula" ati daih mai.



"Kan khawl tih ah, KA PIIII!!" zu han ti vak chuan.. "Kan beng a ngawng lo nia" ka lo ti ve hlut a, "Chaw kha ei mai mai rawh" min lo ti let erh mai.



Ka ei zawh a an bula ka va thut phei chuan, "Mate, thuruk ka sawi dawn a, khawiah mah sawi chhuak suh aw" a ko ti vat a, "Sawi la" ka tih chuan, "Tom-an mim bem a" Ruby chuan ati hem mai.



A bulah Jenny a awm ve tih a hre leh tawh lo niang, Jenny mitmeng pawh mak tih na in a zui nghal zat.



"A awihawm loh emai, a bawl che niang" ka lo tih sak a, "Bawl loang, a thutak ve lutuk, zan inah pawh lo len a... " atih lau chuan a ke ah chuan ka va pet sak thut a,mitmeiin sawi tawh lo turin ka tia, a ngawi ve mau bawk.



"Ruby, haw ila" Jenny chuan alo tia, "La awm ve ru, tih tur in neih loh kha", ka lo ti ve a, a awih chuang lem hlei loa.



" Nakin deuh ah ka rawn phei ve ang"Ruby chuan atih vangin a haw phei san a. A kal leh hnu chuan, "Jenny khan Tom-a kha a star thin tiraw khah?" min tih chuan, "Star e, enge khatiang te a hriat a i sawi?" ka lo ti let a, "Min signal hnu khan ka hre chhuak chauh a lawm le" Ati ve nang nang a.



"A bem tak tak che mia?" ka ti leh a, "Bem e,nizanah khan, ka haw hma daih chhan kha lawm, awm a ti nuam lo vek leh nghal," a tih nang nang vang chuan ka lo nuih a, nizan khan a haw hma daih tak e.



"In sawi theih na thil pawh nilo in, ka in thlahrung e Jenny lakah, ka khawngaih ve bawk sia" ati leh a, "Chuti te chu 'Kei ni loin Jenny bem rawh' iti lo anih chu," fiamthu ti tak chuan ka tia, "A sawi leh velah aw" alo ti sam leh et a.




"Mate, Joseph-a nen hian in in then dawn lo mia? In van ni rei tawh em em" zu han ti chuan, "Duh leh duh an in tawn fuh tawh te chuan, kan hetu chawk a lawm" ka lo tih chu ner nang chungin min rawn en.




"Van over tak, mahse in in hmeh chu ka ti tho nanga, in zei lo vel sia, a nawm loh hmel e" ati hniam ruih a, "Zei vak angai hlei nem, in ngaihzawn lai ten" ka lo tih avang chuan a nui ta kar kar mai.




Chutih lai takin door bell a lo ri a, Joseph-a a rawn lang zui bawk.



"Mi chhe sawi chu koh aiin a hnai an tih kha" Ruby in alo ti nghal a, "Thianpa chu ilo leng leh tawh ni maw, Rubylencheh-a" ngeiawm deuh lek lek in Joseph-a chuan a chhaih a, "In ninawm, mipa ka ni ziah lo" tih pah chuan thuthleng a, lukham chuan alo vawm a, Joseph-a lah in a lo man chat a.




"Ti khan awme ru, ka va haw phei ange, ka pa in lo haw leh vat rawh min ti sia" ati hlauh a dawt ani chiang lutuk.



"Awihawm loh emai, la leng ve mai mai rawh" ka tih chuan, "I mawl thei e, chance ka pe dawn che u lawm" te chu ala ti tak deuh deuh a.



"Ka kal phawt, bye u" tih leh chhuah nghal a rual a, koh din leh chi pawh ani tawh lo, a tlan zui nal nal.



"Khawnge i chhung leh kua te" Joseph-a min biak hmasa ber na ni.



"Ka hnawt chhuak vek" ka lo ti fiamthu a, "Han hnawt chhuak chhin tak tak teh, an hawi lil lel viau mai a ngah"ati zui ve nghal a, kan nui dun vel hak hak a.



" Sunday ah chuan in thlah na hun siam kan tum a, rawn kal ve rawh aw"Joseph-an atih chuan, "In inah maw!?" ka lo ti he haw a, "Ni mai ang chu" ka lo bu ngat ngat a.



"I ngaihawm dawn e" te chu kan han in ti leh khat tawk thin a, kan in ngai tawn ve dawn em ani.



Bakah Martin-a lah hi Kolkata ah kal a tum a, hna a zawng dawn ni awm e, kan lung chu a leng tlang viau in ka ring, Joseph-a te chhung ho pawh.



Rei fe Joseph-a alo len hnu chuan, Martin-a a room atang in a rawn chhuak nawlh mai. Mu tho tih hriat tak in a ham bei bui leh nghal a.



"I awm reng a law?!" ka lo ti hluaih a, "Awm e, zing dar 3 velah ka mu chiah lawm" ati phak chhulh a.



"Eng nge i men vak vak zel? I cher sawt em kha, i mu tlem lutuk a" ka ti duah a, Joseph-a chu ka sirah phone khawih in a kun melh melh reuh e, phone neih tawh hi chuan kan lunglawm te hi a kim thei.



A rawn tho thut a, "Ka va haw phei tawh nge, Tom-a a rawn leng dawn a" atih chuan, "Rawn ko ve zawk la" ka ti tak nain a duh der lo.


"Zanah lo len ka tum ang" tiin a kal zui nghal a.



"U, hnaptawlh ang mai in tunlai chu UJoseph-a hi a rawn lawr reng mai, ninawm lutuk" alo ti zui hlak hlak a, thinrim leh ringawt mawni, thinrim. na tur awm loh teh reng nen a.



"I phun peih ve hrim hrim a nih kha" ka lo ti liam puat a, "Phun peih vang nilo in, mi mit te a lo kham thei a, a zahthlak lawm, miin engtiang in nge min sawi pawh i hre loa" atih chuan,, "I hre bik ami?" ka lo ti ha a, a lo a thing rang nasa mai.




"Ka mu leh dawn nia, awm lo angah min ngai leh mai rawh" tih in room lamah chuan a phei zui a.



Zanah chuan Joseph-a chuan a rawn len hman lo tur thu a sawi a, Ktp hla an zir dawn ani awm e.



Khumah chuan phone khawihin ka mu mai mai a, chutih lai takin Alawmin min lo call a, ka lak rualin, "Tluang" a rawn ti nghal.



"Enge" ka lo ti ha a.


"AuHlimi te hi an in then mawle, room ah a tawm char char" nuihza in sum deuh chuan a rawn tia.


"An in then a?" ka lo ti, "Then chiang lutuk" a rawn ti mai.


"Kan chhurbura kha a thin a chhia ka ti reng ani" ti chuan ka phun sep a. "Engati nge niang le" a rawn ti daih a, ka hriat loh lam tak ani.




"Ka hre bik lo, i u chu zawt chhin la" ka tih chuan, "Awihh,,, biak ngam pawh anilo, a hlauhawm rapthlak zawk, a thinchhe sia, tiang em em in a thinchhe ngai lo" a rawn ti char char a. Tih vak ngaihna pawh ka hre lo..



"Lawkin nakinah kan in be tha dawn nia, ka nuin min lo ko" tih leh dah nghal ka ruala.



In hnuai ka chhuk chuan Chhurbura pawh hmuh tur a awm tawh. Mim lo melh rum nghal thawr a. "Eng nge" pawr tawkin Martin-a chu ka ti kha a.




"Mambawih, thlawhna ticket lo la teh, i nau hi naktuk a kal nghal a duh nih hi, ticket te awm ange maw" a lo tih vang chuan mak ka ti viau.



"Naktukah ahh!?"... " Eng nga ti thawt thawt nge" ka lo tih chuan, "Va la vat mai rawh" alo ti hluk a.



"Bawiha i u nih kha, zah rawh, in bengdai bawk rawh" ati nghal zung zung a.



Pawnah chuan ka chhuak zui nghal nal nal a, "Bialnu te then vang mai a,zin bo daih tum te chu" ti nang nangin kawn lam pan chuan ka kal a.



Ka hnung lamah chuan khuh kharh ri ka hriat rualin ka hawi phei a, Joseph-a alo awm reng chuan.



"Engtik tang khan nge min zui a?" a mah nghah pah chuan ka zawt a, "In in bul atang khan" alo ti hem mai.



"Ka hmu lo reng reng che" ka tih chuan, "A thim chin a ka awm laiin ka hmu che a, ka rawn zui che nih hi" mit ko san uk chuan atia. Ka awih ve tho.



"Enge i tih dawn, zan zanah" a tih pahin min rawn kuah a, a kawng bula kush ve pah chuan, "Ka nau ticket ka buaipui dawn nih hi" ka lo ti hluk a.




"Eng tikah chuan maw?"



"Naktukah, a theih loh chuan a hma thei ang ber ah" ka lo ti tawi tuk a. "Ava hmanhmawh leh si ve a" a tih chuan, "UHlimpuii nen an in then a, chuvang chu niang" ka lo ti sam mai a. A hmel ka en chuan ngaihtuah zui vang vang hmel a pu.



"An in duh hmel viau sia" ati hap a, "In duh deuh chung pawn in then a ngaihchang a tam a lawm" ka lo tih chuan a ner sawk a.



"Eng nge"


"Tiang chuan keini chu kan awm dawn lo tiraw" a tih chuan, "Theih hram chuan" ka lo ti sam leh mai a.



"A chiang loe" a mit ko san ak chung chuan a lo tia, "Then dawn lo reng reng,thig na chauh lo chuan,, eiss" ka ti tel kher a, a nui deuh suk suk mai.



"Nui tawh suh" ka tih chuan min en vut a, "Eng vang chuan" alo tu hmuk.
"I nuih khan i hmeltha thei lutuk a, miin an lo hmu ve ang che nga an lo star vel ang che tih ka hlau lawm" naupang chhia deuh a ka tih na chuan a nuih a ti za ting ni mai tur ani.



"Cute vak teh suh" a ti duh lek chauh ani.



Ticket lak na ah chuan kan kal a, karleh monday ah chauh a kal theih dawn ani awm e, a tha zawk daih ang, rilru nuam lo deuh a kal tir ai chuan kan rilru pawh alo nuam ve deuh ang chu.



"Helai thleng hi ka thlah msi ang che aw" atih chuan, "Awle, mangtha aw" tiin ka thlah a, ka kal liam thleng chuan min en liam ta.




"Monday nghah a ngai anih chu" ka nu te bula ka tih chuan Martin-a nichin deuh a thinrim deuh khan a ngai thiam leh lawih viau a. Eng nge maw a hriat reuh ni.



Ka nu mu tur a a chhoh hnuah chuan Martin-a room ah ka va phei a, chair a thut pah chuan pawn lam chu a thlir vung vung a.



"Hauh!" ka va tih chuan a lo phu zawk a, "Mawli lehh!" ati vak mai. Ka phu ve zawk tep ani.



"Eng nge i ngaihtuah a?" tia ka zawh chuan, "Puitling hriat chi loh" ati duh lek chauh.



"UHlimpuii nen in chungchang ka hria nia aw" ka tih chuan nersawkin, "I hriat ai tam ka hria" a lo ti daih..




"Tinge in in then a?" ka tih chuan, "Hmeichhe ho hi rin harsa ka ti tawh.... tak zetin" ati chuaih ralh a, Eng a sawi tum na tak maw niang?!?




"Eng vang chuan maw?" ka ti leh a, "Hmeichhe ho lo ler zia hi" ati leh kher a.


Dawhthei lo zetin, "I sawi tur tak chu sawi vat ta che" ka tih leh kha kha lai takin, "Dawhtheih na an tlachham ropui si" min en pah a nernang chung chuan atia, min sawi chhan chiang ani..




"Enge chuan"



"Vawiin ah Hlimi nen in hmuh kan tum a, a thiannu ni a in chhalin ka bulah a raen kal a, chu chu tunge mawni in thla a lo la ru a, ka kawp angah a ngai tlat a" atih chuan, "Sawifiah ve mai ta che, UHlimpuii thiannu a nih phei chuan, a hrethiam lutuk ang chu" ka lo tia.




"Teuh lo rapthlak, ka kawp angah a ngai nghet bur. Vawiin tlai la lain mipa dang ka hmuh lai ngeiin a len chhuah pui zui lehnghal a" ati nang nang a.



"I thik turin a ti niang chu" ka lo tia, "A tul tam loe" alo ti leh mai. An buaina a va ho tak e aw, nge ka tawrh ve vang loh zawk niang.



"Tikhan lo awm phawt la, UHlimpuii chu ka lo sawipui dawn nia" ka tih chuan "A ngai thlawt lo, a ler si" ati hluk a. "Chutiang chiah chuan a ngai ve mai thei sin, in in ngai dik lo tawh a, in dikna sawi ve ve na hun in siam rawh u, ka lo pui dawn che u nia" ka tih leh chuan.




"Angai lo ka tih chu" a ti bul hmuk tawh.. "A ngai tho tho" tih leh tlan chhuah nghal nal nal ka rual a. . . .








(Ka edit hman looo😂😂)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:12 pm

UNI


By- B-Mallow


Chapter - 21




Zingah chuan,Ruby te in lamah api kan turin ka va kal a, Nizan hmasa lamah an chhuah tawh thu leh min lo kan ve ta che, atih avang a kal tum deuh ber pawh ka ni.



"Ruby" ka ti lang lang phawt a. A room tukverh a lo dakin, "I rawn luh dawn tho te chuan min koh vak vak angai hlei nem" tiin a let phei leh nghal a. Kawngka chu min rawn hawn a.



Ka luh rual chuan Tom-a ka hmu nawlh mai. "Eng nge i tih a? zing karah lehnghal" ka tih chuan, "Naupang hriat chi loh" ati hmuk. "Tuman zing karah nula an rim ngai lo" ka tih chuan, "Keiman ka rim thin ani mai lawm" chu ala ti tak tal a. "Ká i nei ber a lawm" ka tih leh laiin Ruby chu thingpui lo chawi pheiin dim fahranin a rawn kal pui a.




"Tih buak iva hlauh hmel ve" ka lo ti ha a, "Hlau e, ka hru peih dawn siloa" ati mauh mai. "Va naupang chhia tak e" ka ti nang nang a, "La vat mai teh" ati hluk thung.



"Khawng i khawl chu?"ka tih chuan, " Ala mu, i rawn kal hma mah mah nih kha"atih vang chuan, "Tom and Jerry pawh kei ai daih in a lo len hma hi aw" ka let kha kha a.




"Hei te chu kan khawl a rawn kán ve hlei nem" ati mauh mai. "Ehehh" ka ti hluai ringawt. Thingpui chu ka in vat vat a.



"Lo seng mai rawh aw, ka hmanhmawh tlat" ka tia, "Nidangah lo leng leh rawh aw, i rawn kán tur ber lah chu ala mu daih bawk sia" ati luam a, ka haw phei chuan dar 8:30Am alo ri thuak tawh.




Ka phone ka kekawr a ka ak chu alo ri tat tat a, "Hello"


"Vawiin chu bazar ila, bazar na hun kan nei khat tawh dawn sia." atih chuan ka lo phur hle. Kan chhuak dun khat tawh ropui sia.



"In siam la, ka lo lam ang che u" tichuan a dah zui a.



Ka bazar tur thu ka nu ka hrilh a, ka in siam zui nghal a.




Joseph-a alo kal chuan ka in siam peih vek tawh a, chaw chu ka ei peih loa, ei lui turin min ti na a, ka hnial fithla thak.



Kan chhuak ta chu bazar kawn vel a kan kal te chuan min en duh hlawm hle mai hian ka hre pek a.



Dawr pakhat ah chuan kan lut a, T-shirt nalh tak tak alo in khai teuh a, "I duh thlang la, a couple in kan ha dawn nia" a tih vang chuan ka en kual nghal vat a.



A tshirt hma a, Zawhte lem pahnih awm dun cute deuh chu ka en laiin, "Kha kha a that kha" atih rualin, dawr nei tunu mawni chuan, "In in hmeh ngawt ang,in hmeltha dun bawk sia, ha chhin ula" alo ti nghal zat a. Kan tih ngaihna hre vak lo chuan kan in nuih ta ngawt a.



Kawr chu kan ha chhin a, "A hunger dik takin in hak chuan in in hmeh hle mai" Dawr nghaktu nu bawk chuan alo ti leh a, dawr nghak tute hi chuan min fak thiam thei a nia aww....



Kan chhuah leh hnuah chuan Jeans lo khai teuhna ah chuan min kal pui a, Jeans kekawr nalh deuh min lei sak leh a, lei sak ve tur ka hre bawk siloa.



"Eng nge i duh ve?" ka ti tawp a, "Duh ka nei lo" alo ti sam leh et bawk sia.



"Lo kal rawh" tih leh kuah phei ka rual a, Pheikhawk ori tunlai a Mizoram deng chhuak phei khawk an tih ngat kha mahse hei hi chu a rawng pawh a common ve vak loa. Joseph-a chuan a bun chhin a, a in hmeh phian leh nghal. A man pawh 4500 daih ani.



"Haw tawh ang, ka ke khap tawh"ati tlat mai sia, " Thingpui dawrah kan chawl dawn lo mi?"ka ti leh lahin, "Min zui tawp phawt teh" tih leh min kaih phei pah a rual a.




"Heyy" kan hnunglam atangin hmeichhe aw in alo tih chuan keimah ni anih ringin ka hawi phei a, thei leh thei loa mi kara rawn in rawlh phei tu chu Jenny ani.



"Ka tello in eng nge in lo bazaar dun bik a?" ati hmasa ber a, "Tel ve na awm deuh te hi a awm" Joseph-a chuan fiamthu deuh hian alo tia.



"Ho emai, ka zui zel dawn che u" ati tlat sia, Joseph-a min hruai na ang angah chuan kan kal ve zel a.



A tawpah chuan in nalh deuh kawt zau nuam deuh leh phul hring dup hmunah chuan min hruai a, basketball khelh na pawh alo awm.



In kan luh rual chuan Bawihpuia khan, Joseph-a chu alo au chel chul a, an in ani tih ka hre chiah!



An in pawn lam ai daih in chhunglak chu a nuam leh zual a. "NutePonyo" alo tih lauh lai chuan ka en chuan Joseph-an alo pawm a thuthleng ah alo thut pui ani.



"Lo thu rawh u, kan in anih hi" nuihsuk pah chuan a tia, Jenny nen chuan kan va thu ve nghal vat a. Bawihpuia pawh ka bulah a rawn kal vat a.



"Bawihpui, khawnge i nu te?" ka tih lai takin room atangin NuBeck-i a rawn lang hlawl a, ka zak ram ram ani.



Kan lam pan chuan a rawn kal vat a, a nui hmel hmuh tur a awm bawk siloa, ka hlau dawn dawn a, mahse rin loh takin a thu lo sawi chu, "In lo thleng tawh ani maw" nui varin kan bulah chuan a rawn thu a.



Kan kal dawn tih a hre sa mawni?



"Bawiha hi ka rawn hruai tir che u anih hi, tlai ah chaw lo ei nghal ru aw, i thiannu chu Jenny kha law" atih chuan, Ka lo "Aw" vat a, a ni pawn a nuih sang mai.



Joseph-a pui reuh chu a bo deih a, eng nge mae atih daih ni!?



"Bawiha" a ko eih bik mai lo. A ko nawn leh a, a room atang ni awm takin a rawn chhuak a, "Ti khan lo in kawm ula, biakin ah kan pangpar khawi hun ani sia, kan han khawi lawk ange, Tluangtluang thingpui te kha lo in ru aw" ati nghal zung zung a, ka lo bu ve ngut ngut bawk.




"Sawi lawk ve ta che" Joseph-a chu ka ti nghal thawr a, "Ka sawi lawk chuan in duh loh ka hlau a" ati sam leh et a hahthlak hiann.



"Lo kal ru, thil ka en pui ang che u" a tih pah chuan kawm char lam ni awm takah a chhuak zui a, Jenny te nen Bawihpuia te nen chuan kan zui a.



An huanah chuan Strawberry a lo tam khawp mai a, Strawberry huan anih hial ka ring. "Ava rim tui chek chawk ve a" Jenny in atih laiin, "Hmmp, a rimtui i tih dan kher kher chu" alo ti hluk thung.



"Ava rah nasa ve, a lian bawk sia" Joseph-a bula kal phei pah a ka tih chuan, "Kan lo dawn nia, a hmin tam sia, kan ei tha peih siloa, thenawm te kan sem mai mai a" atih rualin, "Hralh ta che u" Jenny bawk ani.




"Kan zuar thiam lo" alo ti bung hmuk. "Tiang anih chuan ka lo leng fo ang" Jenny bawkin a tih chuan, "Sawm hran i ngai miah lo mai a" Joseph-a chuan a mit lo san ak pah chuan a tia, a nui zui hawk bawk.




"Taktakin a tha sia, a it awm ropui si... tiang in nei tih iva sawi lo thei" ka tih chuan, "Ka sawi te chuan en i tum phet anga, a rah hmin that tak tak hma in ilo vek ang tih ka hlau deuh" ati kher, ka melh rum khai khai ringawt.



"Bawihpui, basket lo la teh" atih chuan Bawihpuia chu in chhuung ah a tlan lut vat a. Basketball nen a rawn let daih.



"Basketball a lawm ka tih, bawihpui... " ati vang vang a, Bawihpuia lah ner sung chungin a let phei veleh a, basket nen chuan a rawn chhuak ve nge nge.



"Hre sual ve e" Jennny in alo ti zeuh a, "Nangpawh thil i hresual ve thin tho" Joseph-an Bawihpuia thlavang hauh in alo ti leh a.



"Kha hei hi keng la, a hming tha ho kha lo ru" ati leh mai a, "Ilo ve dawn lo mi?" ka tih chuan, "Ka lo thlir mai ang che u" ati mauh mai. Strawberry chu kan lo nghal char char a.



"Awihhhhh.... pangang" tiin Jenny chu a rawn tlan phei awrh awrh a, "Ivan dawih reuh, khawmaw?" Joseph-a chuan a tih chuan kan va enchiang lek chu, pangang ani aw zawng lo, Hnah ro in vial lek hi alo nia.



Joseph-a chu nernang chungin, "I meng nange?" Tih chuan a fiam zeuh a, "Ka men avangin lawm le ka hmuh" Jenny in alo ti leh kha kha a, "Ava buaithlak" ati hluk thung.



"Kan lo tam tawh sia, a tawk tawh ang" ka tih chuan, "A uiawm loh ania, lo teuh r'u"ati leh mai a, mahse kan lo belh tawh bik em lo.



Inchhung kan luh chuan NuBeck-i pawh a lo awm tawh a, " Tluangtluang, Jenny nen khan fridge ah khan Strawberry jam ka dah sin, chhawngthawp pawh a awm, ei rawh u"alo ti nghal char char a.




Kan tih ve hmain NuBeck-i chuan a lo phawrh leh hman vek tawh, a in thlahrun awm zawk.



~~~~



Kan chaw ei kham chuan Joseph-a chuan kan thian dun chuan min thlah a, Jenny te in bulah chuan kan chhuk thla a, Theihai kung hi a lo awm a, a rah pawh a awm ve far mai.




"Lo ang u"Joseph-a chuan alo tia, " Ahh, mi ta te lawh ringawt te chu"ka lo ti hluk a. "An awm loh lai chuan an phal vek"ati sam leh mai a.


Jenny chuan a hawlh thlak na tur mau a lo la a, an vaw thla tuarg tuar mai. Keiin " Ka lo zuk chhar ang"ka tih lahin, a hnaiin a tlak ang che an ti tlat bawk sia. Ka lo thlir ringawt.




"Tute nge kha lai a mi te kha?" Pitar aw ngei ani! "Pi in theihai kan ei chak lutuk a" Jenny chuan tih pahin kun pag chuan a bu lawp lawp a. A rawn hawi chhuah a pitar a en chuan.



"Awih" ati hluai ringawt a, ka en chian ve nak chuan Jenny pi lek a lo ni. "Jenny leh, eng nge maw zan zanah te i vah reng le, zuk haw nghal rawh" alo ti bak hlur a.



"Ka haw dawn reng" alo ti ve vat bawk. Joseph-a chuan theihai chu alo chhar malh malh a, "Pi Par eng nge in tih a?" Jenny Pi sir lam atamg chuan mipa pakhat hian alo tia. "Hei ka tunu hian in theihai a ei chak deuh ani awm e, an lo lawk anih hi" Tha deuh chuan Jenny Pi, Pi Pari chuan alo tia.




"A la sen sia, kan nlo duh rih loa, a pawi loe, in ei chak miau te chuan" tih leh pahin an in lam ni awm takah chuan a lut nghal a.



"Jenny, min rawn zui nghal rawh, mawl telh tulh lutuk mai" ati phei hlak hlak a, "Min ti zak lutuk"atih chuan, " I star thin vang mai a"Jenny in a tih chuan a te zui chawt nghal bawk a.



An in khaizai deuh ani mai thei...




Joseph-a pawh chu kan in ah a rawn peng zuai a, awm pawh a awm rei tawh lo.






Sunday ah chuan Joseph-a te in lamah kan thian ho chuan kan tleh phei ani ber. Kan awm thluah a,, a chhungte ho chu an lo chhuak vek ani awm e.




Ruby chuann, "Offer te hi in nei lo mawni, lam vak vak ila, light dim tawk nen, awih he zan boruak thiang tak hi ava nuam dawn em!!" atih vang vang lai chuan kan lo nuih vak vak a.



"Chutiang chuan awm thei se, nuam in ti ve ngawt ang, tiraw, Jerry" atih leh phei chuan, "Jerry-a ka ni tel kher lo, Tom-a bak ka nilo" alo sam mai a, thinrim hmel pawh lang chuang lo.



"Khawnge Alawmi nelh nulh kha, Jenny pawh" Ruby tawng duh lutuk barh barh chu ruih a nei zawk emawni ka ti hial.



"Maw u?" atih leh chuan "Thiana chuan min lo zawng leh tawh law?" Alawmin a rawn ti vel leh chiah a. Eng nge maw an hriat ni!?




"In chhungah lut tawh ang u, a vawt tan riau ania" ka ti chhuan lam a, an hmel ka en chian duh vang ani.



"Yessi lo zuk lut hmasa ula, kan rawn lut nghal ni mai" Jenny in alo ti ve thung bawk a.



Kan luh hnu deuh lawk a an lo lut ve a, ka hma zawn takah thu se chiang fek fawkin ka en ang ka tih laiin, ka sir lamah an lo thurual thup leh nghal a.



Ruby chu ka en deuh vang vang a, "E.. enge kha,, ti vak vak a, min en a" ati bah deuh nawk a. Thup chu an nei chiang ani. Damdawi te hi an lo tive nge mawni!? mahse ka ring tak tak phal chuang bawk siloa.



"Jenny" chiang fek fawka ka tih laiin ka awmdan chu ko hrethiam ni awm in, Joseph-a chuan ka banah chuan min lo chelh a, a lu a lo thing ringawt a. Ti rih lo turin min hrilh na deuh anih ka ring.




Kan thut ren rawn laiin, kawngkhar lam atang chuan Rosy a rawn lang hlawl a, ka en phawk viau nghe nghe in ka ring.




"Eng nge lo tih i tum a?" Joseph-a chu a ding vut nghal a, "I zin bo daih dawn sia, ka lo thlah ve cheh nih hi" Nuisang in ala ti tak deuh deuh a.



"I rui a law?" Joseph-a chuan ati ta khauh a, Rosy chu melh tur zawngin a hawi kual nghal ruai a, kan lam alo en chuan, "Guys, I'm back" a rawn ti phul dut a, rawn tlan pheiin Alawmi leh Jenny in kar takah chuan a rawn thu tharh a, "Rawn kal suh kan tih mawlh mawlh kha" Alawmi chuan kan hriat hlau ni awm deuh chuan atia. Ruby ka en chuan a bo hmel viau lehnghal.




"Ehh,, eng nge ni ngai a?" Tom-a pawn ati ta tawp a. "Laljoseph-a ka lo thlah ve dawn nih hi, min va lawm lo bawk, ka haw leh nghal mai ang." ati hluk hluk a.



"Thu mai mai teh" tiin Jenny chuan alo kuai thu leh a, minute 30 vel kan thut hnu chuan a muhil ta daih a.



Keini pawh ei tur te kan ei fel vek tawh bawk sia, haw kan rel thlu a, Joseph-a chuan kan thiante an chhuah vek hnuah ka bulah rawn kalin.



"Bawihte, I thiante khan eng pawh tise, in sum theihna kha a pawimawh ania aw" atih chuan damdawi vel an ti anih ka ring ber tawh.



Ka ngaihtuahna hria ni awm takin, "Nichin a pawn a ka va chhuah khan kan strawberry awmna hnuaiah khan Damdawi leh Ganja zuk na bang te a lo awm a" a tih vang chuan khawvel hi an mang duk mai hian ka hria.



Tinge ka thian ka hriat chian emaw ka tih te hian thil mak deuh deuhin min rawn den leh thin a, a mak tak zet, a mak tih bak chu ngaihtuah theih pawh ka nei lo, ka ngaihtuahna hi a tawi tup mai ni.



"Va kal phawt la, zingah min thlah rawh aw" atih chuan, Nui lui sakin, "Min lo phone tho la" ka tih chuan a nui deuh hawk a, "Teh reng mai" ka beng bula rawn tih sup pahin ka biang ah chuan min rawn chuk zeuh a.



A hnu lawkah duh thawh tawk in min rawn fawp zui bawj, ka eng tih mah pawh hi a tui lo, ka in la hrang vat a. Ani pawn ka lan dan tang chuan min hrethiam aniang.



Duat hmel tawkin ka samah chuan min lo chul a, "I rilru lo ti hreawm suh, a tha leh vek ang" ati sap sap a. Motor horn lo in pek tuar tuarh avang chuan kan va chhuak vat a.



. Tom-a pui reuh chuan, "In va duh thawh awm ve in in hmu khat tawh dawn bawk sia, minute 5 vel chu kan lo nghak leh zuai dawn che u mi?" ala ti tak deuh deuh a.




"Ka sawi ve nge" Joseph-an nuih pah ralh ralh chung chuan atia, a ngawi zui hmak mai. Motor ah chuan chuang lut in, kan in mangtha ta a.




Tom-a chuan kan vaiin min thlah den den a,, kan in a hnai ber sia, min thlah har ber zui lehnghal a.



"Ivan ninawm" ka ti leh hlak thin a, a ngai pawimawh teh chiam lo ani.



Ruby a bem tih kha hre chhuakin, "Ruby kha i.. " ka tih lai takin, "Ka tifiam anih kha" alo ti nghal vat a. "Iva mawl tak" ka ti hlut ringawt. Sawi vak tur hre hek lo le.



"Joseph-an a zin bo san daih dawn che chuan i lung a leng awm" ati ta daih a, "Leng ve viau ang," ka lo ti sam mai a. Darthlalang a tanga a hmel ka en chuan a la duh famkim lo a ang riau.




"Tunah chuan a la awm a, ka ngai lo vel mai mai a, kal chiah se chuan a reh ve ruih a nga, a khawhar thlak dawn lutuk" ka lo ti duah a, "Nia, an awm loh tak chiah hian kan lo hmangaih leh hmangaih tak tak loh te hi a hriat ve theih a sin awww... " ati deuh vang vang chu en ha in.





"Tawng hriat i nei tawh mi?" ka tih chuan, "Nei ve zuk e" a lo ti mai a, ka zawt chiang chak riau mai.




"Engtin deuh nge a thlen?" ka ti leh a, dilchhut min ti ang tih chu ka hlau viau.
Kan inkawtah motor pawh chu ati ding nghal mai a, mahse a sawi hun ka nghak ve tlat.






Ads hi min lo click sak ru aw


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:12 pm

UNI


By- B-Mallow


Chapter-22



"Sawi vat teh, ka hre chak ania" ka ti leh cheng chung a, a lo thaw hawkin, "Ram ropui i thlen pui lo ang, Chhuk rawh. Ka haw dawn" ati chang fak zui lehnghal a. ka chhuk nghal nal nal bawk.




UJe-in tv alo la en a, ka nu chu a Nau-a thawmhnaw a en fel pui ani awm e.... Martin-a room ah ka va lut tlang ve nghal a. An lo buai dun nasa mai.



Ka luh rualin Mother-i chuan, "I lo haw tawh law, lo in rem pui nghal teh, ka khawm hlei hlui tawh lutul"alo ti nghal zung zung a. "Sawi uarh thei e" Nau-a pawh chuan alo ti ve nghe nghe.



Ka remfel pui nghal phat a, "Ti khan lo ti rawh u aw, in zawh tep tawh kha, ka lo han mu teh ang, zingah in kal dawn ah min kai tho dawn nia aw" ati leh char char a. A chhuak zui nghal a.




A thawmhnaw drawer ami chu a ken tur ho ber a hriat loh vangin "Min thlan sak mai rawh" atih vang chuan ka thlan sak nghal a.



Martin-a lo haw tirh dawn a, diary ka hmuh pawh kha a lo la awm reng a. Nau-a thawmhnaw ken tur ho chu ka siam pui sawk sawk a, "Ti khan a bak chu lo ti la, ka rawn kal leh ang" tih leh chhuah ka rual a.



Ka room-ah chhoin diary chu ka keu a. Phek hmasa ber ah chuan hawrawppui vekin 'LALREMRUATA CHINZAH"alo in ti kiau a. A dawt leh ah chuan, "KA FATE TAN" tiu hi a chung tlangah chuan alo in ziak leh a.



Amak ka ti viau keimah chiah fa a nei sia, ka chhiar chhun zawm leh a.



KA FATE TAN


"Lalnuntluangi Chinzah, ani hi ka fa naupang zawk ania, a u chiah chu Martin Lalrinfela ani. Ka fate u in nulat tlangval hun ah ka hmu thei ve tawh dawn tawh siloa, a pawi ka ti tak zet. He ka natna hi a na em ani! Nunna hlutzia in hriatthiam theihna turin he thil hi in tan ka ziah sak che u a, in lo puitlin deuh hnu ah chauh in hriatthiam pawh ka ring.


In pa hi ka pumpui a cancer vangin ka chak lo zual em em a, in nu hian ka natzia hi a hrethiam ve bawk a niang chu, a tak sa pawn he natna an hmuhchhuah tirh atang khan a tuar viau bawk a, ka natna hi in bulah a sawi ngai kher lo anga, chu mai bakah, unau in ni tih thleng in in hre lo kumkhua thei a, chuvang chuan ti hian ka ziak ta mai ani.



I nu khan in unau pahnih leh keimah kha a neih chhun tak tak kan nia, hetih hunlai hi chuan hna tak ngial pawh kan la nei loa, kan harsat zia hria in min tanpui tawk lah bo lo.



He ka natna hi i nuin a hriat tirh khan a tuar viau a ka tih tawh kha, kei chiah damdawiin a awm lo in, in nu pawh hi a awm ve nghe nghe a.



Keilah lo dam lo lawk ka ni bawk sia, Doctor te phei chuan i nu chanchin kha min hrilh tha duh loa, mahse i nu thian kawm ngeih ber, Becki te nufa khan min lo tlawh hlauh a, chu chu rem chang a la in, A fapa kha in nu chanchin ka zawt a, naupang e tilo chuan alo hre phian a.



"A hriat na a hlauh loh pawn, a rilru buai thut thei, kawr var ha lianpui khan atia" alo tih chuan, ka taksa chhungril hi a na thla ut ut ani tawh ber.



Ka rilru hah lutuk leh ka taksa na lutuk chuan in sum hman lo in, ka luak nghal bawrh bawrh a, Becki fapa chu tlan chhuak vatin doctor te a ko ta niin ka hria..



Ka harh leh chuan ka nu hi khum sirah chuan nguai bur hian alo thu a, ka awm a ti nuam thei chuang lo,ka che hrut chu hria in,ka ban ah chuan chelhin"Mama, chhiat na, harsatna, mangan na, vanduaih na,tinge chhia zawng zawng hi kan kawl bik mai le" ka biang a rawn chul leh pah chuan ka nu chuan ati fan ruih a.


In tih chak luih ka ngai ani ti in, "Ka nu, hei tak hi lawm Pathian hla pawh in a, 'Malsawmna danglam'alo tih chu, kan tan a tha lo turin engmah rem a ruat ngai loa, kan that na tur zelin ati, heng natna la tuar thei a min dah te hi lawmthu sawi mawlh mawlh kan ngai in ka hria" harsa hle mahse, lawmthu sawi chu kan ba nasa tak zet. Hei leh chen min hruai na ah ringawt pawh hian ka lawm ani. He natna te hi min pe lo se, mihring in a chhiatna, harsatna, mangan na vanduaih na te hi, malsawm na danglam ani tih hre lek lo in, khawvel ah nuam kan chen anga, amah hre lek lo a hun kan hman a hlau ah ka ngai, thil chu a eng zawng hian thlir tawp phawt ila, a tha vek ani mai.




Ni thum hnu vel kha chuan ka nupui pawh alo tha tawh a, doctor sawi ang chuan a thleng lo aniang ka tih laiin, in unau hian i nutei (I nu unau nu) hian a rawn hruai che u a.


Vanduaih thlak takin, Martin-a hi i nutei fa ah a ngai tlat a, ka nu ten an hrilhfiah tak ngial pawn a pawm thei lo. 'Fa pakhat chiah ka nei lawm, hei Lalnuntluangi, ka fa neih chhun ani"ati vak vak a, a rilru a kim lo tih atan chuan ka phak bik loa, mahse, mi thenkhat chuan rilru kim lo chhuah in kan khaw lamah chuan an chhuah tawh in ka ring.



I nutei chuan, Martin-a tap vak vak chu pawm kangin an in lamah a awmpui rih tur thuin min hrilh a, a hriat chhuah leh hunah sawifiah vek turin ka hrilh bawk.



Ani tel chuan ka chak lo telh telh a, I nu thiannu te pawh an lo lang fo a, An fapa leh Tluangtluangi pawh an in kawmngeih viau a, tlai khat chu A fapa te chuan, kan harsat na a hria ni awm takin, enge mawni zawng deuh hian min hnem riau a.



"Pate, Tluangtluangi te chu lo ngaihtuah duh reng reng suh, ka awm chhung chuan ka lo veng him tlat ang" ati tlat mai a, mak ka ti viau bawk, a mah en chuan kum 5 emaw kum 6 vel bak anih ka ring lo. Naupang tein a khatiang thu a sawi kha a puitling ka ti tak zet a, ka chhuang ru hle bawk, ka fate pawh hi min enkawl sak theih ngei ka ring bawk.



Ka natna chu zia lam pan ni awm tak hian, ni khat kha chu a dam vek ni mai hian ka hria a, Lalpa ah hian ka lawm ani, Amah pawn ka nunna hi la tawh mah rawh se, ka dam chauh zawk ngeiin ka ring.


Ka fate u, hei hi ka thu hnuhnung ah min ngaihsakin min hriat reng sak dawn nia u.




Unau hlim tak leh chhungkaw in pawh leh hlim tak ni reng ang che u, chutih hun chuan kei chuan in bulah awm duh ve viau mah ila, ka awm thei tawh loang, amaherawh chu van atangin ka lo thlir reng thin dawn che u ani.



Nakinah chuan ka fapa duh tak Lalrinfela hian a la enkawl theih ngei pawh ka ring che u, In kal zel naah Kristian chhungkua din tum tlat ula, sual lakah in veng tha bawk ang che u.



In nunna kha hlut bawk ula, damchhung khawsak rei lo teah hian i siamtu Pathian chu hre rengin a thuawih in a duh dan pawh in awm zel ula ka ti hle bawk a,a remruat pawm harsat chang pawh alo la awm ang, mahse he thu hi min hriat reng sak ang che u, 'Harsatna min petu bawkin min khai chhuak leh thin' tih hi, ka duhna hi in zawm theih ngei ka beisei.



Tluangte nangpawh i nu kha lo enkawl tha la, a duh loh zawng leh ti thinrim zawngin lo khawsa tawh bawk suh aw, I tet lai kha chuan i harh vangin i nu kha i in um kawi tir zak zak zel kha ania, He thu i chhiar hunah chuan engtin tak maw ilo awm tawh ang!?




Van ah Angel te nen kan lo hmuak reng che u anga, Kan in hmuh khawm theih ngei na turin Pathian duh zawng chauh ti ula, a mah chauh ring bawk rawh u aw.



Mangtha ule, van atangin ka lo thlir reng thin dawn che u nia.


In pa duh tak,
Lalremruata"


tih alo in ziak kalh vang chuan ka nghilh dup mai hian ka hria.



Eng nge ka tih dawn?



Tih ngaihna ka hre lo chu ka tawngtai tawp a, Pathian chu zawhna hlir ani ka zawh chu.



He thu hi ka nu ka hrilh phawt ang nge ni a, Martin-a ka nau, cousin emaw ka tih kha ka u lo ni reng zawk-a kha!?



Ka hi hrilh ila, a buai leh viau ang nge, Martin-a lah hrilh ila, a lo hrethiam lo viau ang.



Martin-a chuan a hrethiam em em ang, harsat na tawk ve tho mahse ka nu ai chuan alo tuar thiam mai thei sin tiin Martin-a ka U room lam chu ka pan leh a.




"I va han rei em em, min lo en pui leh teh" tih deuh hluk hluk pah chuan min en mang lo chuan lehkha bu a rem malh malh a, a hlima tih chhiat ka duh bawk siloa. Ka hrilh tawp mai dawn.



"Eng nge i ngaihtuah a?" tih pahin ka hmai zawnah chuan kut a rawn beng khu thuk a.


"I nuam sam lo mia?" chiang zawk a min en chung ati leh a, "Martin ka thusawi tur leh i en tur hi engpawh nise, harsat na tam zawk thlen miah suh aw" ka ti te te a, ka hlauthawng ve ani Martin-a hian a tuar thiam lo viau thei bawk sia, Mipa mah nise a rilru hi a no ve ani tih gre chiang ber tu ka ni veleh miau bawk sia.




"Eng nge, khawmaw" tih leh ka kut a, diary ka ken chu min chhuh sak a, "Hei chu ka drawer a mi kha ni lawm ni" tih pahin a keu zui a.



"Hei chu i pa diary nih hi" ati leh zat a, chutih lai chuan phek hmasa ber kha a keu ani tih ka hre thei.



A keu leh tur chiah chu ka lo zam lutuk chu ka khur thei hialin ka hria ni.



A chhiar laklawh lai chuan a ner leh sawi thin a, ka hlauthawn tak zet, rei fe a en hnu chuan a mittui chu a tuai zeuh a.



A rawn ding hluaih a, ka ding ve nghal vat bawk. "Huhh!?" tih pahin a khumah chuan a theh let thuaih a, phek hmasa ber mi, ka pa hming in ziah na chu, a paper tak chu a tla daih leh nghal.



"Martin" ka tih rual chuan min nam rawk a, a khum ah chuan ka let thawk nghe nghe. Dawhkan a a phone chu la in a chhuak zui nghal nal nal a.



"Martin" tia ka auh zui na pawh chu engmah lo mai ah angai, a chhuah na thleng in ka zui a, Bike ah lawn in a tlan chhuak nghal nal nal a.



Martin tia ka auh na te chu chhang tu awm lo un boruak ah chuan an thawm ral a, ka nu pawh a rawn chhuak ve nghak vat a.



"Mambawih, eng nge nia, khawnge i u chu a kal dawn?" a rawn ti nghal zung zung a. Tap tiau chung in ka nu chu ka kuah a, a hrilhhai hmel viau bawk, "Eng nga ti nge i tah a?"ti chuan min zawt a.




Ads hi min lo click sak ru aw


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:12 pm

UNI


By- B-Mallow


Chapter-23


"Nu" ka ti leh hluai ringawt a, sawi tur a zeng pawh ka hre leh chuang lo a. Hrilh tlang vek ila a tha zawk in ka ring.



"In chhung ah lut phawt ang" tiin min kuah lut a, in chhung kan luh rual chuan UJe-i mit meng ka hmuh pawh chuan zawhna mit meng bawk ani.




"Han sawi teh le" dam diai in ka nu chuan alo tia, hrilh ta ila, Martin-a ang khan a awm ve a ngem? Tih thleng in ka ngaihtuah hman, Martin-a chu hre chhuakin, "Nu, Martin-a kha" ka ti leh a.



"A rawn let leh vat mai ang" alo ti sam mai a, khang zawng zawng kha chu hre tawh se chuan chutiang in a sawi hauh lo ang le...



"Nu tikhan lo thu la. ka thil rawn lak tur hian, engtiang pawh in khawih na che se, engmah danglam na thleng tir loh tum hram rawh aw, in control tlat rawh aw" te chu ka ti hmasa te te a, a hma a a awm ang khan a awm leh ang tih ka hlau tak zet zet ani.



"Han la la" atih rual chiahin Martin-a room ah tlan pheiin a khum a diary let hawng chu ka chhar a, ka nu ka pek chuan alo en ve vat a, "I pa diary nih hi" Martin-a ang chiah in ati ve bawk.



A chhiar zawh chuan Martin-a ang a thil tih rum rum tum hmel chu a pu ve lo hlauh.


"Mambawih, engkim ka hre tawh lawm, ka hrechhuak vek tawh a, ka hrilh lo mai mai che u a, khawngaih in in unau hian min ngaidam dawn nia u aw, unau thisen zawm pui in ni tih tak ngial pawh in in hre silo a" tih pah in a in sut hrawih a.



"Khawnge Martin-a kha a kal dawn a?eng nge in awmzia" ati leh daih a, "Hei hi ka hmuh a, a chhiar zawh rualin a tlan chhuak nal nal"tia ka chhan let chuan, alo chek hlak hlak a. Ka in thiam lo leh ang reng, ka nu kha lo hrilh hmasa in, a thurawn te lo la hmasa phawt ila tha tur ania.



" Han call chhin teh"ati leh a, in chungah ka phone ka dah vangin ka tlan chho vat a, room ka luh rualin ka phone ri ka hre nghal zat a, a tawp dawn tep in ka la hman chiah.



"Phone iva la thei lo ve?" alo ti nghal vut a, "Ka buai rih lutuk, ka lo call leh ang che" tih leh dah nghal ka rual a.



Martin-a ka call chuan a la thei miah lo leh nghal a. Ngaih ati tha lo zual hle leh nghal.



Vawi 7 vel ka call hman tawh ang tih a ka beidawng a khum ah chuan leh thlak pahin ka theh phei nghal a, ka maimi chhing chiah tih ina rawn ri ri ka hriat leh lai chuan ka tho rang hle leh nghal.



Mahse, Joseph-a zawk alo ni.



"Hello" ka ti fan raih a, "Eng nge thleng a?" a rawn ti nghal thawr a, sawi ber tur pawh ka hre lo, "Thleng lo pawh a awm lo" ka lo ti nghal vut a, "Enge awmzia, sawi chiang la" atih chuan beidawn na hlir in ka khat hluah hluah tawh.



"Martin-a a tlan bo, a call theih bawk siloa, a awm na chin kan hre loa, ka mangang tawh lutuk" ka ti tiau a.

"In in hau ami?"


"Hau lo, thil dang" ka ti tawi mat a.


"Engtia awm nge in tum? In zawng dawn nge dawn lo" atih chuan ka rilru a buai nak a, tlangval pui zawn te chu lo ti pawh nise, ka hnial buai kher tawh pawhin ka ring lo.



"Zawn chu a tha, thinrim a chhuak ani bawk sia,, thil tha lo pawh ati lo ang tih a sawi theih bawk siloh" ka tih chuan a che ri hrat hrat a.



"Ka lo chhuak dawn, kan zawng dawn nia" tih leh dah zui a rual a, kan thianho group ah Martin-a an hmuh leh hmuh loh zan rei pawh sawi loin ka zawt tawp a.



A hnu lawkah Alawmin min rawn call a, "Eng nga tinge?" alo ti bawk, "A tlan bo daih, thinrim a chhuak ani sia, ka hlauthawn a lawm" ka ti hluk hluk a, ka aw te chu a khur hialin ka hria.




"Ka u nen an chhuak in ka hria, nichin deuh khan in bike ri ang deuh ka hria a, kan bike in a chhun zawm nghal a lawm" alo tih vang chuan mak ka ti hle, UHlimpuii nen chuan an in then tawh sia, an in kawp leh a mawni.



"I u chu phone vat teh, khawnge an awm tih te Martin-a that leh that loh tee" ka ti nghal zung zung a, 'Aw' pawh ti lem lo chuan a dah nghal a.



In hnuai lamah ka nuin min lo auh pahin, "I phone tlang thei em?" alo ti ve chhen bawk a, rilru hi a hah tak zet, tinge diary kha ka lo keu kher kher le?




Ka phone alo rik rualin ka la leh nghal vat a, "Phone an la thei lo" tih bawk ani. "Zawng mai ang" ka beidawng chuan ka ti tawp a, "Aw, ka chhuak nghal thei ani mai" alo ti ve bawk a..




Martin-a thiante chu hre ve nel nual mah ila an number ka nei hlawm bawk siloa.



Ka nute nen UJe-i te nen a kan chhuah ho rual chuan, kawnah Joseph-a pawh a rawn lang nawlh a, an motorin ani.


Ka chuang lut ve vat a, ka nu te chu motor dah na lama kal in an zawn ve nghal tur thu an sawi bawk a, rilru chu a hlauh thawng ve tak zet ani.




Ka kut khur dar dar chu rawn chelh in, a rawn hum lum vang vang a, a nuam tak zet, Joseph-a bula ka awm hian ka thla te a muang huaih ve thin in ka hria.


Ka pa diary a NuBeck-i fapa a sawi kha hrechhuak in ka en ha a, "I ni em?" ka tawp a, ka zawhna pawh chu a mawl mang atih viau ka ring.



"Eng chu maw?" alo ti ha reng bawk, "Ka pa kha i hria tiraw" ka ti leh a, min lo melh vutin hma lam a en lehnghal a, "Hre ve e, enga tinge?" atii ve nghal a.




"Ka pa bula i in tiam ang khan i ti hlawhtling thei angem?" ka ti hliai a, "Enge khah,,,,, e,,,'in unau in ka veng him tlat ang' ka tih kha maw?"atih chuan ka bu nghat a.




" A theih chuan"ati zawi sep ringawt.



"Engvang chuan maw a tlan bo a?" a tih chuan, "Ka pa diary ka chhiar tir a" ka ti zuaih raih a, min chhang let lem hlei loa, min dem anih ka ring tawp mahse a hnu daih a, "In ngaihtuah fim na hun nei turin a chhuak anih dawn chu" ati leh mai a, mipa ho hi chu an ngaih te hi a sam thei hliah hliah, a chang chuan mipa nih ve daih te hi chak chang ka ngah mai.




Kan kal kual nasa viau tawh nanga hmuh tur a awm bawk silo, sona ka en chuan dar 2Am alo ri tep tawh a.



Ka nuin min lo phone in, "Haw mai ang u, zingah a lo let leh mai ang" atih vang chuan rilru nuam zan lo chung chuan kan haw a. Joseph-a pawh diary en ve nghal tur chuan rei lo te a awm khaw tlai veleh a.



A haw hnu lawk ah kan mu ve nghal a, ka muhil thei lawk lo chuan thil ka ngaihtuah kual nasa lutuk a, ka muhil thei lawk lo nghe nghe, dar 3 Am a ri tep tih in ka muhil a.



~~


Ka phone ri rat rat ri ka hriat chuan ka harh zawk a, khua pawh ala eng vak lo, Alawmi ani hlauh mai!



"Hello" phak chhulh a ka tih rualin, "Tluangtluang, i u accident!" a rawn ti mai. Vawi leh khat ah hlauhthawn na in min rawn deng dawt dawt a, ka thinphu rang lutuk te chu, ka thin hi a chhuak daih dawn amawni tih tur hialin ani.




"Hello,,,, hello"a rawn ti nawn leh a, chungte chu fiah lo riaiin ka hre tawh.



Kawngkhar a rawn in beng ri nghal dawt dawt bawk a, "Hello" phone ami lah chuan alo ti veleh bawk. "Aw khawnge tunah an awm a? a tha lo viau em?" ka ti nghal zung zung a, kawngkhar ka va hawn chuan ka nu alo ni, a nguai bur mai leh nghal a.



"Khawpawn ah motor nen an in su ani awm e" atih phei chuan, ka khawngaih tak zet, chhiat na, harsatna, mangan na, vanduaih na, zawng zawng tlanchhiat san tum in a aia rit zawk ah a in barh lut ani mai sia, ka mittui te chu a rawn sur zung zung a.



"Kal ang u, keini pawh kan lo kal nghal ania" a aw ah chuan a hmanhmawh hle tih a hriattheih.


Ka nu pawn min lo tur vat vat a, tho phang viau e tilo chuan ka thawh ang ang chuan kan kal chhuak ve nghal a.



A hmun kan thlen chuan an lo tam khawp mai a. Martin-a bul kan thlen chuan a lo mut naah chuan ka va thingthi thla hnawk a, kikawr bul ka ha tih reng ka lo ngaihtuah tawh loa, ka khup ka hrut philh hruk leh nghal, mahse ka nau nilo ka U tuar ai chuan la nep tak ani.



Ka U Martin-a hmel ka en chuan a chau tak zet tawh tih a hriattheih a, a bulah chuan kun hniam tur hian min lo ban a, ka kun hniam ve vat a.



"Bawihte, ka nau, eng chhiat na, harsatna, mangan na, vanduaih na pawh tawk dawn mahla, tawk mahla, tlanchhiat san loin, bei let ngei rawh aw, Pathian nen, engkim in hma chhawn thin dawn nia, ka pain, ka nu leh nang lo enkawl tur che a min tih na chu ka ti zo thei dawn siloa, ka thusawi zawh tak te kha, theihnghilh miah loinn, zawm tlat rawh aw, kei chu khatiang pawh bei let ngam loin, Ka tlan chhiat san a, Pathian tello in, min en teh ka chung a thleng ta hi, Pathian khian ka tih sual tawh zawng zawng ah min ngaidam mawlh teh se"ati zawih sep sep a, ka mittui engtik laiin nge alo luan thlak leh hman pawh ka hre lo.



Ka nu pawh chuan alo ko ve malh malh a, "U i dam leh ngei ngei tur ani, ka pa thusawi te zawm turin, min lo enkawl in min la chawm ang chu" ka ti khur dar dar a.


"Nu, Bawihte, min ngaidam dawn nia u, ka hmangaih che u, in enkawl tha rawh u aw" a tih zawh rual chuan min kaih na kut chu a zawi thla nghal tawp bawk a.



Engthil nge thleng!? Ka bengah chuan tap ri hawm hawk ri te, motor ri te leh mipui tawng luaih luaih te chu a in pawlh nawk tawh. Ka darah chuan mipakhat hian min lo chelh a, tunge ani tih en tur tak ngial pawn chak na ka nei tawh lo.




"Û" tih pah chuan ka tap zui mial mial a, a na ka ti tak zet, u ka nei ve chiah a, tinge?? chhiat na, harsatna, mangan na, vanduaih na a thlen rei thin teh reng nen!? Hlim chhung ava rei lo bik ve!?




Vawi lehkhat ah khawvel chu a tawp ni mai hian ka hria, a reh ruih a, a thim vek bawk, "Û" tiin ka au a, chhang tu an awm lo, "Nau-a" ka ti leh chhang tu an la awm chuang lo.



"Martin"


"Û"


"Nu"


"Martin,,, Nu" tuman min chhang thei lo reng reng, vawi lehkhatah ka hnung lam atang chuan eng hi a rawn chhuak a, ka va en chuan mi pahnih in kuah lai hi ka va hmu a.



Ka va kal hnaih chuan an fiah lo telh telh a, ka kal let leh in an fiah leh thung lawi sia, enge awmzia, mipakhat a hniam zawk chu a rawn hawi phei a, ka u Martin-a ngei kha ni.



"Û" tih vak pah in tlan phei ka tum a, min lo sawi nawk tu vang chuan ka harh chiang hle.



"Martin" tih leh kuah nghal ka rual a, ka tap nghal ringawt. Mumang chu ani ngei mai, mahse ka u thihna erawh kha mumang zingah khan a tello!



"I tha em?" min kuah na phelh pah chuan ka hma a mipa lo thu chuan ati nghal chel chul a, ngawi rawh lawk, ka beng in a ri a hriat ri chu, Martin-a vin hluk hluk ri niloin, khuang ri ani, an zai! Aw an zai ngei e.



"Tluangtluang min en teh" min sawi deuh nawk nawk pah chuan ka hma mi chuan ati leh a, "Enge" ka tih vak rualin, kan sirah chuan hmeichhe pakhat hi alo ding ve kiau mai, ka hmu lo reng reng, "Ehe, ilo awm ve law"ka tia.



"Aw awm char char a, chhuk thla ila" alo ti nghal var a, ka zam ru leh hle ringawt tawh. "Zuk lang ve zuaih rawh aw" ka sir a mi chuan alo tia. Buk nghat pah chuan min kal thlak pui a.




"Keimah in ka kal ve thei" ka ti bak hlur a,hmeichhia zawk kha chuan min hlau aniang, min thlah vat mai,mahse mipa ve thung kha chuan min thlah duh miah lo.




Melh tur khaiin, "Min thlah nghal rawh ke ka nei ve tho" ka ti kha kha a, a nui suk duh lek chauh, ka va han ngei mai mai tak a nui ania.




"Ka unau pa thihna ah pawh nang chu i hlim hle mai maw" ner nang pah chuan ka tia, a nui tawp chiang. Hmeichhe pakhat chu a melh zawk ringawt a, zawhna a ngah hmel phian leh nghal.




"Eheh" tih leh ka nu te ho in a an lo thut kualh laih kuang bulah chuan ka va tlan phei nghal a.



"Û lo meng tawh rawh, i mu rei tawh lutuk, nidangah chuan tun ang hunah chuan i thawh ziah zel kha.... û" ka tih pawn lo rum ngut ngut ri hriattur a awm lo. Tap ri lehh zai ri a in pawlh nawk a ani mai e.



"Nu, zingah chuan alo haw mai ang i tih kha, en teh alo haw dan hi"ka ti hak a, min lo kuah vutin, "Mambawih" tiin min tah khum char char ringawt.



"Ka thaw thei lo nia" ka lo tih chuan hre chhuak ni awm takin a in la hrang a, a mittui te chu a hru mial mial a.




Dar 1 chuan vuina hun te kan hmang a, thlan a an kal pui thleng in kan zui ve zel a, ka nu erawh in lamah alo awm thung.



Zing ka thawhtirh a ka bula mipa leh hmeichhia lo awm dun khan min la zui char char a, "Ka mei ang mai" tia ka phun hlak chu min lo nuih ringawt.



"Ponyo" mipa in alo tih chuan ka en hau ringawt a, keimah hi tih nan ka in kawk zauh a.



"Min hria em?" ati tawl a, a bula hmeichhia chuan mak atih hmel viau. "Hre lo" tih leh kal san ka rual a, thlanah te chuan rose par te chu kan thlak a.




Thla te kan la tlai khawhnu leh a, kan haw meuh chuan dar 4 ari thuak tawh.



"Tluangtluang" atih vang chuan ka hawihai teh e, "Hoyy" min lo tih pahin ka darah chuan hmeichhia zawk khan alo beng a.



"Tunge?" ka lo ti ha a, "I hming chu Lalnuntluangi, Tluangtluang emaw Ponyo emaw Mambawih tiin an ko thin che" alo ti dam thlup a.


Ner nang pahin, "Bawihte min ti mai ru" ngaihsam fe a ka lo tih laiin, "Ponyo" mipa bawk khan alo ti zawi leh sup a. "Amak, ponyo te chu sangha hming, uii,,iti ang lo emai, naupangchhia lutuk" ka ti sap a. A nui suk duh chauh lehnghal.




In kan luh chuan thuthleng ah kan thu thap a, ka bulah zel an la awm tluang ve bawk e, "Kha thosi" tih leh ka bula mipa chuan ka mal takah rawn ben a rual a, a beng na zek lehnghal.




"Hmeltha nunrawng" tih leh ben let ve ka rual a, "Sorry" nui suk pahin alo sap a.



"Bawihte, kha kha Joseph-a i bialpa aw" alo tih rualin ka nu chuan alo melh zawk a, a hriatthiam loh ve hmel tho kei ang bawk in.



Chhang lem lo chuan ka nui ro hak ringawt a, "Kei hi Alawmi i thiannu" atih leh chuan ka nu lo tho hluaiin, "Enge awmzia?" alo ti chiah reng a.




"Nu Siaamte" Ka bul a thu pa chuan ati hluaih ringawt a engmah a sawi leh tawh siloa, a mawl phian leh nghal a





Ads lo click ru aw.


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:12 pm

UNI


By- B-Mallow



Chapter-24シ︎



Joseph Lallawmawma POV



Ka hrilh zawh chuan, "Eng ah!?" tih pahin a nui zui hak a, a zat loh zia chu chiang takin kei ai fein a hriat k ring.



"Hriatthiam a ngai rih in ka hria, a u boral hi a tuar ve sia, damdawiin te kal pui ila" ka ti leh dap dap a.



"Ka fanu hi a á lo, nangmah i á zawk a niang chu" ati fak fak a, mahse ka haw lem lo, mahni chanah in dah ta ila, tunge mahni fate tiang tawp a mi â ah ngai duh bik ang, a harsa tak zet in ka ring.




"Nute, keipawn confirm na tur chu ka nei chiah loa" tia sawi ka tum leh lai mekin, "Chu enge hre chiang mang hlei loa u sawi ringawt" ati kha kha a.



"Mahse, min hre tawh bawk siloa,,,, a,, ka hrethiam tawhh bik lo, a thih dan leh nangmah chen in a hre veleh vek tho bawk sia" ka tih chuan, "A hlim chhawn te ania, a tha leh mai ang, damdawi te kan ei tir anga" ati zui veleh mai a.




"Nu, i nau nge i u alo kal a nia" Tluangtluangi chuan a rawn ti lauh lauh a, tunah rih chuan naupang te reuh te, fel deuh ang mai hian a lang tawh.




"Va haw dawn ila,?min thlah ve nghal rawh" ka hnung lama lo ben pah chuan hmeichhe pakhat chuan a rawn tia, ka hawi phei chuan Rosy lek alo ni.




"Ehh, enge i lo tih ve mial a" ka ti kher a, ner sawng chunga min lo en chuan, "Enge ka tih loh ang" ati kher ah.



"Nute ka va haw phawt anga, zanah ka rawn kal tha leh ang aw" ti chuan ka thlah a.




"La awm ve rih la" Tluangtluangi chuan a ti khauh a, "Zanah ka lo kal leh ang" ka ti tak na a, "Sual emai" min tih khum duh lek chauh ani.




Rosy chuan a awmdan chu a hriatthiam ka hlau hle ringawt a, a hriatthiam chuan a tha dawn tlat in ka hre lo pek a.



NuSiamtei chuan a lo thlem thei hlauh zawk a, amaherawh chu Rosy in min zui a tum phet a, ka hnial hneh dawn lo bawk nen, ka phur haw nge nge a.




An in aiin kan in a hnaih vang in"min thlah rawh"ati ta phet a, kal kawng ah chuan zawhna min zawt chawl loa, ka lo um e liam vel mai mai ani.




"Martin-a kha i khawngaih ve em?" ati phawk a, "Teh reng, a felin, kawm a nuam a, a rilru te kha tha bawk sia, sawi tur chu a tam mai"




"Ka hmuh ve danah chuan a ler hmel loh nen a, a ler ru phian a sin" a tih chuan ka lo nui ro hak a, a chhan chu a ler lo tih ka chian ve em vang ani, nge nia ka hriat loh tam tak a in thup, mahse chutiang a ler ti a sawi tur chu ani miah lo..



"A bialnu nen an in then tih kha i hria em?" atih leh chuan ka lo bu nghat a.




"An in then chhan pawh kha a nia lawm" hmeichhia a nih vang niang, sawi tur a hre em mai, "Chuan" ka lo ti ve a.




"An nih lai reng khan a lo kawp a" chu thu chu ka awih loh zawng tak ani. Chutiang rilru pu mi ani tlat lo.




"Engtin nge i hriat?" hriat chian chak deuh a ka lo tih leh chuan, "A bialnu Hlimpuii ngei khan a man a lawm, chu a lo kawp pawh chu Hlimpuii thiannu a lo la ni zui a" a tih pah chuan ten hmel tawkin a ner sawk a.




"Chuan" ka ti leh ta zel a, "Zawhna i ngah e a" ati duh lek chauh.



"A kawp tih chu i chiang a maw?" ka ti leh vel a, ka ring thlawt lo ani. "Awih kawp chiang e, an thlalak pawh ka nei" tih pahin a phone chu a dap rawk rawk a.



A hmeh leh hnu chuan, Martin-a leh A thiannu ni awm tak chu restaurant a an chawl dun lai hi a nia, mahse, a kawp na tak chu ka la hre veleh tlat lo.



"An in hmu ve mai mai niang chu, ho emai, mi te nun kan lo va sawi sak ve vak hi a tul na a awm teh chiam lo em mai" ka ti deuh duah a, engmah pawh a sawi zui ta lem lo..




An in thleng chuan ka va thlah nge nge a, "Zanah lo leng la" te chu ala ti deuh deuh a, "Tluangtluangi te inah kal a ngai lawm" ka lo tih chuan, "Tluangtluangi ti reng mai" tih leh gate chhunglam ah luh nghal a rual a. A hnung lamah chuan ka lo nuih liam vel ta mai mai ani e.




Kan in ka luh dawn chuan Bawihpuia alo zai leh awl awl tawh a, ABC song alo la sa zui.



Ka thawm a hriat rualin kawngkhar lamah a rawn tlan phei nghal a, a ri chel chul leh tawh a, kan chhung hi tlem viau e, tilo chuan kan lukhawng chu a ring phian thin.




"Pate, en teh" tih pahin a then zui vak a, "Khawnge i orbit" ka tih chuan, "A thlawn daih, dawh kan ah ka tauh a" ati ner nang a, a nui leh suk bawk. Orbit a tih a ha hmai ani.




"Ti khan alo awm leh mai ang, tha em?" tiin ka nuih khum a, "Yes boss" alo ti ve vat bawk, ka ha hi ati ziau thin a lawm. A nui duh bawk nen hian




Martin-a a boral vang khan, ticket kan hauh pawh kan cancel leh ta kha ania, ka nu chuan kartawp lamah tal chuan kal ngei ngei turin min duh a, ka phur teh hawr tawh lo ani, Tluangtluangi hetiang anih tak siah chuan, kal san ka harsat dawn lutuk ringawt.




Zanah chuan ka nu ka hrilh chhin a, "Damdawiin lamah te kal se, a tha viau ang chu a, khawnge kan in siam ange, ka kal ve nghal duh" ati leh zung zung a,, Bawihpuia pawn min zui a tum tlat a, ka haw atang khan ka bulah ala awm char char, anu leh pate hi a ngai teh thlawt lo ani, ka bulah chuan





"Tikhan i kal dawn mi?"URuati chuan alo tia, ka lo bu zeuh a, a hrethian niang, "Bawihpuia kha hruai ve mai ta che?" atih chuan Bawihpuia chu alo phi sa cheng hman a.



An in kan thlen chuan khawhar in a leng ho pawh chaw ei a an haw lai tak ania, in leng chu tlemin an tlem deuh a.



"Khawnge Siamtei" ka nu chuan a tia, hmeichhe pakhat hian, In chunglamah a awm thu in alo chhang bawk.




Ngawi reng a ka lo thut lai chuan, mipakhat hian min lo beng dawt a, ka lehhawi lai chuan khi tha hian Rosy chuan min lo melh a, ka ning tep tawh ani!




"Enge min lo nghah loh, in ui in min bauh hrep leh nghal, ka la khur hial in ka hria" ati hlak hlak a. "Ka nghak ddawn che pawh ka ti hlei nem" ka tih san mai a, "Suala" tih pah a ka bula thuin ka mal ah chuan min lo beng kher a, miin min hmuh leh hmuh loh ka en nghal ruai bawk, min hmu lo hlauh a zia, hmeichhe dang bula awm reng hi ka tan chuan a tha lo ani.




NuSiamte-i lo chhuk thla chuan, "Bawiha, Tluangtluangi khi chaw han ei luih tir teh, in haw hnu tang khan ala tawm char char a, kawnka a hawng duh bawk siloa" hlauhthawn hmel deuh a atih lai chuan tho vutin, in chunglamah chuan chhoh ka tum nghal a.





"Ka lo kal ve dawn" Rosy bawk ani. "Thu hle hle mai rawh" tih leh tlan san ka ruala, a phun hluk ri bak ka hre tawh lo.



Kawngka chu ka beng ri dat dat a, thawm ri rek rek ri chauh chu hriat tur a awm, ka beng nawn leh a, "A mak sek, enge ni?" pawr ang reng deuh chuan a lo tia. "Lo hawng teh" ka ti ve nghal bawk.




A reh leh vang vang a, ka kik leh dawnn chiah chuan alo hawng a, "I tap a law?" ka lo ti ha a, "Eng nge i lo tih dawn?"Ka zawhna chhang lo chuan min zawt zui a.




" Ka lo lut thei angem?"ka ti te te a, ka luh theih thu min hrilh in ka zui phei nghal a, khumah chuan diary hi alo let bel a, hman zana mi ngei kha ni.




"Hei hi" ka tih chuan a rang thei ang ber hian ava la vut a, a drawer ah chuan a khung zui hmak bawk.




"Ka hmu tawh" ka lo tia, "Keipawn" alo ti sam leh et.



"Engmaw ilo tih dawn?" a tih chuan, "Tluangtluang min hria em?" ka ti tawp a, "Hria e, ka mei ang vel in ka ngai chr, ka kal na piangah min zui a, ka awm na a piangah awm i tum bawk, kha en la tunah pawh ka room ah a nih hi i awm" ati zat zat a, a tawngtheih dan leh mi a hnial peih dan chu hman ang chiah kha, mahse tamtak a hre ve tawh lo thung hi a pawi tak zet.




Mihring in a kan hma hun kan hriat loh dan hi, kan tleirawl lai a pawl sawm kan zirtum a, nunhlut tur tih kan zirlai vel kha ka hrechhuak uarh uarh mai.




"Engtia awm zel nge i tum, i hna... " ka tih laiin hriat chhuah ka nei thut, chungte chu a hre lo anga!?




"Eng hna" atih vang chuan, ngawi zawkin, "Engmah mawle" ka tih san mai a, ka rilru tak chuan ka beidawng ve, hma hun eng tak a nei ve a, mahse zan khat thil thuah chungte chu a chhe vek, mahse a tha leh thei angem, darthlalang a keh chhiat hnua char tha leh a, a keh na lai tak la lang reng tur te kha ani zawk angem?




Mahse, he thu erawh ka chiang, kan in tiam dun tawh angin, UNI forever chu thu chu kan zawm reng tur ani.



"Ka ril a tam, ilo chhoh thi chuan, ei tur min lo laksak teh" Tluangtluangi bawk chuan ati leh a,, sawi buai loin ka zuk la ve nghal mai a.





Ka luh leh lai chuan, a mittui a hru zuai lai chu ka hmu hman a, ka hrethiam lo viau.



"Tinge, i tah?"


Min chhang loa, a kun tlawk tlawk ani ber.


"Bawihte" tih leh a bula thut phei ka rual a, min lo kuah chatin "Martin-a kha kaih tho leh ru,... ka pa bulah min lo kal san daih a sin, a nau leh anu hi a ngaihtuah lo ve mi? Tinge??? tiang a hreawm a min siam zawh velah hmun nnuam zawkah min kal san" a aw chu a khur dar dar a, ka hnem thiam bawk silo chuan a hnung chu ka chul ka chul ringawt a. Ani lah a tawng chawllo, a tap pah char char bawk sia, a sawi hriat mumal theih pawh anilo.



"Chhiat na, harsatna, mangan na, vanduaih na, hlimna heng ho hi ka haw tak zet" tih pahin a in la hrang a, hma lam a melh ngur bawk.



Keiin a tawng dan chu ka lo ngaithla tawp ani thung a, "I chungah chutiang chu a thleng ve loang tiraw" tih pahin a nui ro hak a.



Pathian khawngaih na zarah ka la tawk chiah lo, "Kan la tawk ve dawn tho lawm, kan tawh dawnah thurawn ka la rawn la thin ang" ka thusawu chu leh ka va sawiu thiam lo tak ani!!




"Thi ve daih ila, nun nuam ka nei hma zawk anga" ati hak a, "Chutiang sawi tawh reng reng suh, ngaihtuah pawh ngaihtuah suh" ka ti zui hlak a.




"A hreawm em asin, a tuar lo tu tan chuan hriatthiam a har bawk tak ani tiraw" a nui suk a, "Engtiang a hreawm pawh nise, Pathian chuan 'Kan phurrit zawh loh rilru natna, kan Lalpan min pek hi ka ring lo'a tih kha" ka ti ve a.



"Kan tawrh zawh loh a lawm" tiin ka sawi sual lai a lo siam tha a, "Chupawh nise, i tuar zo thei hrim hrim.



Kawngkhar lamah chuan khuh kheuh ri ka hriat rualin ka hawi phei vat a, UJe-i alo ni.



" UJe enge nita?"be hmasa zawkah tangin ka zawt a, "I nuten lo chhuk thla ve ula atis, ka lo hrilh zuai che u nih hi" a tia, "kan lo chhuk ve nghal ani mai" ka ti veleh.



"Bawihte, va in phihfai lawk rawh, in hnuai lamah chhuk thlak a ngai a nia" tiin ka hrilh a, a tho ve vat a, a in phihfai nghal in ka hria.



"Kal ang" ati nghal mai a, "I in chei dawn lo mi?" ka tih chuan, ner sawiin, a tul kher hlei nem"a ti ve bawk. Make up a uar ve viau mae ka tia.




Kan chhuk thlak lai chuan kan kal tirh ai khan mi an lo tam tawh a, "Lo thu ru" tiin Nu Siamtei chuan min lo hui zeuh a.



Thu te sawiin an tawng liam liam hlawm a, keini tleirawl ho chuan sawi tur hre ve lo in, kan lo ngaithla deuh tawp a.





Ads click zeuh aww


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)