SHEST DEVUSHKI BY Tetei Velez Khiangte (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

SHEST DEVUSHKI BY Tetei Velez Khiangte (Completed)

Unread post by Ngaia » June 12th, 2022, 3:19 pm

oz9hfl0m.jpg

PROLOGUE

"Thawveng deuh hi in pass duh a ni hrim hrim ang kumin chu tumah in fail lo tlat a lawmawm hle mai"kan principal in a tih chuan zirlai ho chu kan lo nui dar dar. Dik tak chuan kan class , class 12 ho hi chu kan thawveng ve hlawm em a ni.Exam tura kal exam tur ennawn hauh lova kawnga pop song sa thei ngat kha lawm le kan nih le.

Class 12 board pass thar lawmpuina function kan school ah kan hmanga dik tak chuan tumah fail kan awm loh avang hian kan teacher te an lawm ve em bawk Ani.

Function kan hman zawh hnu chuan kan chhuak ţham ţham hlawm. Sir Sanga kan teacher te zinga fel leh tha ka tih ber chuan "Nangni, class anga thawveng túk ho hi kan hmu leh tawh awm si lova in ngaihawm dawn hlawm khawp mai" rawn tih pahin a khi nghal suk.

"A bikin nangte hi" tih pahin ka Sam darthlalang a darkar chanve chhung in en meuh a ka siam ve a rawn tuai thur nghal vek.



SHEST DEVUSHKI 🦋



CHAPTER 1🌝



CINDY POV****


"Thawveng deuh hi in pass duh a ni hrim hrim ang kumin chu tumah in fail lo tlat a lawmawm hle mai"kan principal in a tih chuan zirlai ho chu kan lo nui dar dar. Dik tak chuan kan class , class 12 ho hi chu kan thawveng ve hlawm em a ni.Exam tura kal exam tur ennawn hauh lova kawnga pop song sa thei ngat kha lawm le kan nih le.









Class 12 board pass thar lawmpuina function kan school ah kan hmanga dik tak chuan tumah fail kan awm loh avang hian kan teacher te an lawm ve em bawk Ani.







Function kan hman zawh hnu chuan kan chhuak ţham ţham hlawm. Sir Sanga kan teacher te zinga fel leh tha ka tih ber chuan "Nangni, class anga thawveng túk ho hi kan hmu leh tawh awm si lova in ngaihawm dawn hlawm khawp mai" rawn tih pahin a khi nghal suk.






"A bikin nangte hi" tih pahin ka Sam darthlalang a darkar chanve chhung in en meuh a ka siam ve a rawn tuai thur nghal vek.





Ka hming chu Cindy Ramngaihkimi a ni a,Cindy pawh min ti mai thin.Tunah chuan higher naupang nilovin College zirlai ka ni ve thei tawh thung ang "Lal Sir darkar chanve lai ka siam ve sin" ka tih nghal nui nui chuan a nui nghal hawk hawk ka classmate dang te pawh an ni tho ka ţhiannu ber Lalmuanawmi (Tebawihi) pawh chu alo khi thaw mai séng sung hlawm hian a.








"Kan ngaihdawn thu che kan sawi ve na nih kha" Sir Sangan nui chunga a rawn tih leh chuan "Don ti warry sir ka lo khamback soon thuai ang" ka tih chuan kan vai chuan kan nui nghal vek "English te hi inpawng sual ta ţhinah" tih pahin a kalsawn Turin ka nàkah a lo la dék hràm, ka lo eu deuh zawk bawk si nen ka ţhiante ho inring lo ka nek thlu suau mai.An rawn thawh hma in rang tawkin ka phir San nghal vek mipa ho lah chu an lo nui nasa em em mai lehnghal.










Kan chhungkua hi chhungkaw pangai ve tak kan ni. Ka pa hi Ramzaua a nia Zaua an ti mai thin a hnar kua thlengin a zau .Ka nu hi Hmingthansangi a nia Sangi tih lai hian an ko ţhin a,mahse a Sang hran leh Chuang lo.Nau buaithlak ve em em mai ka neia Buainarallian tiin ka ko hmiah zel.










"Cinkebal I awm em"Teluliani chu a lo lut zui zat "Chhan hma hma che a,enge I duh "ka lo ti nghal thawr "Amak thawt thawt sa free ei na tur ka rawn hrilh ve dawn em em che ka tum a hre ve leh lo mai rawh " a tih chuan hriat ve loh ka hlau leh si"Tebawih hmeltha em em nu "tiin ka tlawn leh nghal huam huam tiang hunah hi chuan tlawn ve a ngai ţhin inni ve tho ang ka ring.










"Ka tha rei leh awm lo emai"tih leh kal luih atum chuan a bawp pahnihah chuan ka kuah bet nghal Tai "Please in ka beng I ti vir laklawh ka hre ve chak nia, en ta che ka chhingmit pawn far fep fep a ti dawn nia" ka tih chuan kan nui dun nghal hawk hawk








"Khawimaw tho teh " a rawn tih chuan rang tawkin ka inperh tho zat. A aw te an thian hmasa kharh kharh"Sawi vat rawh" ka tih chuan pawr zetin "I va ninawm e aw" a ti hlar mai ka lo nuih tlawn vur vur.










"Ih Sir Sanga kha I hria em"a tih chuan a darah ka beng pawp "Kan teacher te enge ka hriat loh anga" ka ti zui zat "I kutthlak a na ropui si" a tih chuan thil dangah kan pen thui ka hlauin "Chuan engtin sawi rawh" ka tih leh chuan "Karlehah nupui a nei dawn a min lo hrilh a, an puang zar hran vak rih lo a" a tih chuan ka khék tuarh.












Ka bul ami chu alo Phu zuk "I mawl thei lutuk kha tin bé vak zel Suh" tih leh ka hnung Rik nghal awk a rual a na em em mai lehnghal."Min thawng ve ni mai a" "Ţhawng che pawh ni se" "Nge I damloh phah Chuang mi" "Dam lo tep" kan inhnial chhun zawm char char.











."Hei nang hi a nupui neih tur I sawi ringawt a tunge neih dawn" ka tih chuan "Kha maw ih bank a thawk nula chhelo deuh kha I hria em " a tih chuan ka bu zat "Maw!! Zonunsangi kha maw?!Awi ka duh theih dan em em hi engtin nge a lo chhai thluk ve hman a" ka ti chul mai."Amak ti raw" a rawn tih chuan uar tawkin ka bu vaka ka ţhutna tangin ka tla thla chawrh a na reuh lutuk.












.
"Telulian min kai tho vat teh"ka tih chuan Tebawihi chu uar tawkin a nui "I che nghapih e" tih pahin pum dawm meuh vin a nui lungawi lo tawkin mahniin ka tho chhuak. Ka nau chu a rawn lut zui bàwk "A u hei enteh ka lukhum hi maw amak rap ka lak hmain maw ka ena a thler daih "a rawn ti lut"Awih awm loh lutuk en ringawtin a thler lovang" ka tih chuan "Magics a nih hi" tih pahin akut chu a hmai zawnah a vai phei kei aiin a hahthlak leh chhawng zawk.











Ka bul a thu chu alo la nui char char "Va inbual mai teh" ka ti ta tawp."Chuan inneih hun chu engtik nge" ka ti tha leh "Monday ah hian nia mawm dar 11 ah an inkutchar dawn" a tih chuan ka lo bu ve nghauh nghauh.







"Dawrah kal ang wiwiwai(wai wai sawina) lei ila ei ang"tiin kan tho chhuak zui kan dawr kal chu sawi loh va rei mawi tawk kal an tih ang kha kan ni ve hrim hrim a in kan thlen chuan kan kawtah Lalhriatzela a lo ding luau mai "Hriatkawisawi engtik khan nge I lo thlen a" tiin kan rak nghal chul mai "Niminah ka lo haw " a tih chuan inchhungah kan pawt lut ve nghal.










Wiwiwai chu kan chhum nghal a awmna chanchin vel a sawi chuan ka awm ve chak that thut Shillong ah a awm a a tir chuan a huphur ve lutuk amah hi chu chhia Ani lo mahse ka mitah chuan a tha leh Chuang lo mit hi a inang lo ve a indem ngawt theih pawh ni lo.











. Sunday a nih te chuan ka phur tawh lutuk hi ni ngawt inneihna ah mawlh chuan ka kal chak ka za Cheng mai.Hriata leh Tebawihi pawn min nuih char char ringawt.




******************






"Awi ka phur tawh vawt vawt lutuk" tiin Tebawihi chu ka hrilh ru sa sa "Saw an lo ka bengchheng Suh" a tih chuan ka hmui ka hup vat kan HMA deuh lawk a inneihna maicham a thu te chu ka en reng "Keichu a monu zawk saw ruk mai ka duh" ka tih chuan Tebawihin min rawn sik vak."Awm hlei su Monu ka hmu tha thei lo" Hriata pawn a lo ti zaipawl te zaiin a tawpah chuan kan bang ve thei ta hràm e.








Thla lak pui tur a kan hming an lo puan ve chuan rangtawkin monu leh moneitu awmna lamah ka tlan nghal an inkarah ka ding chawt.Thla la tuin ding sawn Turin min lo la ti zui ka ngei a nia aw.







Thla an lak zawh hnu chuan Keimah va kal hnaiin selfie puiah ka sawm rawk Sir pawh a lo nui tiah tiah mai "Awi Uzonun ka star ràp mai che " ka tih chuan " I van ti lawmawm ve" nui sang hian alo ti "Nangte hi a pasal ka awm ve reng hi" Sir Sangan a lo tih chuan "Kiri nang chu I chhiat ngaiin I la tha" ka tih chuan kan nui ho dar dar.







"Kal pui man awm lo lutuk mi hi tlan San dawr dawr zel Suh" Tebawihi leh Hriata rawn phei chuan an rawn ti nghal lang Lang ka theihnghilh daih che u ka tih chuan an lawm lo nasa mai thlem an ngai chuang lo a ho e mai.




~~~~~~~~~~~~~~~~~





"Awww college ka kal ve dawn ta" ti a ina ka lam vak vak chuan ka nuin" Ramngaihkim awm hle hle rawh" a rawn ti "A hlim ve nih kha" Ka pain ka thlavang hauh lutuk chuan a lo ti chu mit ka siai khum suk.Hriata pawhin helamah college a zawm thung dawn tih a sawi.









"Cinkebal hman hmawh rawh"tiin Tebawihi chuan min lo tur chhen miin min tur lah hian ka hmanhmawh thiam thak lo leh nghal."Hriatan college ah min lo nghak dawn nia" a tih chuan "Ka hria ka hman kal ang" tih leh ka pawt kal nghal dawr dawr.









"Ka ke kham ding lawk ang" a tih chuan ka chawl dat "Scooty I lo keng lo mi" ka tih chuan "In in kawtah ka dah "a ti ringawt "Let ang nge I sawi vat loh" tiin kan tlan let leh nghal dawr dawr ka hah lutuk.College kan thlen chuan a tlai tawh lutuk kan class tur lam pan chuan kan tlan nghal mahse Professor a lo lut hman kawtah pawh chuan midang pawh an lo awm nual mai thap mai.
















"Luh dil duh rih suh u"tiin hmeichhe pakhat chuan min lo hrilh zat han inhmelhriat tirna te kan nei vel Pensyi , Sawmtei,Hlutei leh Nungnungi te an ni ţhian kan neih belh nghal der. Professor chu kawngkaah a rawn dak kur mai ka Phu zawk thei a hmel chu ka sawi thiam danin vawk a ang a hmai a thau tha sia a hnar a Lian leh tho bawk sia."Vawk tarmit vuah a ang e" ka tih chuan nuih kan insum vek."In rawn lut dawn nge in ding reng dawn" a rawn tih takah chuan kan inzui lut tham tham mai.Hruaikawia pawh a lo ţhu kur tawh miin min en duh hlawm asin aw.















"Introduction chu pe buai lo khan kal mai ru"professor chuan a ti a hnunglam kan pan tur chu tlar hmaah thu rawh u a tih vang chuan kan ţhu thap mai rin aiin a ninawm dawn tlat.Break ah chuan kan hnunglam aţang chuan Mipa chhelo tawk hi a rawn chhuk thlaa a chhuak zui zat."Avan chhelo" ka tih sap chuan Hlutein kan class representative tur a nih thu a lo sawi zat "He is my mit fukna " ka tih chuan min lo en nghal ţhap.








CHAPTER 1 TE ALA NI CHAUH BAWK NEN ALA NGAIHNAWM VAK LO MAI THEI NI

ZANTIN HEI CHU KA DAH DAWN LO AW


ADS HI KHAWNGAIHIN MIN LO CLICK SAK THEUH DAWN NIA.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:19 pm

SHEST DEVUSHKI 🦋




CHAPTER 2 🎁





Kan class representative nia Hlutei ten an sawi chhuak ta lam chu ka en char char ringawt a chhelo in a sang em em a a lu a buk deuh chhap bawk mipa ah ka lerh lem lo nangin Timothya kha chu ka mipa lo dream thin ang chiah chiah a ni ka ti lo thei lo."I hria em" tiin ka ban a rawn thip nghal vawt vawt."Ana lutuk Teluliani mi hi beng pawp pawp zel suh" min rawn Zawhna aw ki chuan ka ti ve that "Ka thil sawi chu I hre re re em" a rawn ti tha leh.




"Hriat ka chak mahse ka hre lo sawi tha leh mai teh"


"Ka peih tawh teuh lo mai ngaithla ve ta che"
"Sawi mai mai rawh"
"A teuh lo mai"



Kan inhnial char char a ni ber kan bula mi te chuan min en tawn Zak Zak tawh."In bengchheng inhnial reng Suh u" Hlutein a lo tih takah chuan kan tawp ve hram."Inhriat chian Nan len ho kan rawt a"Sawmin a lo ti ve vat."Inva sawi har ve" ka tih rual chuan "Ngaithla hek lo che"an vai chuan an rawn ti rual dual an inen ţhap .Nang pathlawi neih tih chu khawi lam "kei pathlawi neih nang tlangval neih" an ti vek.








"Keiin tlangval chhelo ka Hui anga nangni zawng pathlawi" ka tih chuan "A pawi hran loh chu" an ti vek.Pathlawi an lawm bik ania ngaihna chu awm lo a takah phei chuan nise pathlawi fa pawm te chu an fate mahni rila rah ang tak taka en a harsat tur zia an hre der si lo.





Class kan van chuan kan chhuak deuh sap sap hlawm Hriata chu ka zawng kual deuha ka hmu mai lo.Ka dara min lo khawih tu vang chuan ka zuang deuh zawk."Keimah lawm Kebal" rawn ti thum dut tu ah chuan ka leh phei vat"Ninawm Kebal min ti ziah suh Cindy min ti ve mai rawh"tiin ka hau let hrep.A bula midang lo ding ve te chuan min lo nuih char char.









"Hei ka ţhian tharte" tiin min in hmelhriat tir zung zung "Rindika,Terema leh Mala te an nih hi" a tih chuan ka lo nuih nghal sang "Chibai Ule " tiin an hmaah chuan kut dah lovin ka Kun zauh zauh."I bialnu mi a mawl reuh e" nui huah huah chung chuan Mala a tih chuan a rawn ti."Ni mai mai lo Hetiang te chu a,ka duh ten ka mit entir ka ngai anga sin" uar fe chuan Hriatan a rawn ti .








"Lalhriatzel ti khan min ti reng reng suh aw hmeichhe ho pawn an tih che" ka tih chuan ka bula ka ţhian te ding chuan min kheuh zauh "Hei I ti zahthlak thei lutuk"tiin ka beng bula Tebawihi lo phun Sur Sur chu melhin "A ho ber mai" ka ti tawp."Chuan hei ţhian I chhar thar ve tihna mi?"mit ko min San khum àk paha a tih chuan"Dawn lawmni the late commers kan ni tawh"uar zeta ka tih chuan an vaiin an nui vek.Kan inhmelhriat tir ang lawp lawp tak kha.







Kan chhuak tur pawh chu hmeichhe hlanga chhuak ta lo chuan mipa ho pawh chuan min rawn zui ve vek restaurant ah chawlin kan thu deuh ţhap kan thawm chu a tha deuh ni ngei tur a ni mi te chuan min rawn melh leh hrek hrek zel."Zia thup ti ila"Tiin Terema chuan a rawn ti Tebawihi pawhin a lo pawm khawp mai."Mi hmaah kan nihna kan thup reng thei ngai lo,mahni nihna anga nun ngam hi a hlu"Sawmtei chuan a rawn ti khauh mai.








"Ka pawm e"tiin Pencyi chuan a ban a rawn phar hluai "Mipa chin hi chu ride kan duh a kan lo va kalsan mai ang che u aw"tiin Rindika chuan a rawn tih rualin an vaiin an ding nghal vek."La awm ve mai mai Ula aw"tiin Nung nungi chuan a lo ui der ve vel dik tak chuan a pawia tih hran chuan ka ring lo mipa bula awm chu hmeichhe hlang awm nen a dang tlat thin.







Tlaiah kan haw chuan couch ah ka thu thla hnawk "Ka chau" ka tih hluai chuan ka nau Ramhmachhuana buainarallian tia ka koh thin chuan"I ţawng vang Bakin I chau lo ang"a rawn ti lawng lawng "Kiri I beng chheng va mu lum hlun rawh"ka tih chuan "I duh leh ti mai rawh"tiin pawn lamah a tlan chhuak zui hmak.








Zanah roomah lehkha ka zir ve dawn e ka tia kan professor thil sawi zawng zawng chu lehkhabu hmaa ka thut chiahin a bo vek ka ti mai ka hre chhuak zo tawh thak lo,eng eng emaw kha chu a sawi ve ngei sin le.Dawhkan sir Lama ka phone dah chu ka ban zui zat.Ka phone ka en chuan group an lo siam thar reng chu lo niin kan class ah pawh kan section group bik leh kawhtebel group tih a lo awm vang mai.







Kawhtebel groupah chuan 500 Chuang lai message vel a lo awm vang tawh ka luh nak chuan Sawmtei leh Nungnungi te an lo inhnial kual vel mek,chhuak Leh in kan class group zawkah ka lut leh teacher te awm pawh ka hmu lo re re, mahse reh tha duk duk khawp mai.Kawhtebel group lam ka en leh chuan 100 Chuang a lo awm leh hman an hman thin em em e mai a.Min lo mention na hlir a la ni zui.





[Insawi zawng zawng ka amen thlap e] ka tih chuan angry emoji an lo thawn nghal vek.



*Tih sual ka neih chuan min ngaidam Ula,ka lo ti nawn leh dawn nia*ka ti tha leh

*Ramngaihkim rawn uang Suh,*

*Ka uang lo,insawi ka hre ve hleinem maw le*

*Naktukah class bunk kan tum*an rawn ti hem mai

*A chi loh lutuk kan tan ve chauh a* ka ti vat.


"I pawm loh zia kha aw🥴🐛,"tih Hlutein a rawn thawn chuan an rawn copy paste nge mawni an vai chuan a thu leh sticker in ang vekin an lo thawn vek.Kan hai let leh nak chuan class bunk chu sawi loh chaw eikhawm an lo rawt nghal chu niin. Pensyi te ţhian ho hi vawiinah hre chauh mah ila kan mizia a inan tlan em avangin kan nel hma lutuk.








"Kan inah chuan I eikhawm lovang u"tih chu ka thawn tha leh"A theih loh kan rel fel tawh,chu loah I pawm thu I lo sawi vek tawh" an ti leh lawi bawk si nen a tawpah chuan ka pawm ta tawp"Hei Cindy I sitar pa number kha save hmak rawh aw"Nungnungi chuan a rawn ti."Tu kha nge ka hre lo e a" ka tih chuan "Lo add tu che kha"a rawn ti leh "Chutiang ka hre lo"kan ti tha leh "I mawl e mai naktukah sawi tha ang u"tiin kan group chu kan khar hmak ti ila admin chauh Sawi theihin kan dah mahse kan vaiin kan admin vek tho.









WhatsApp lam ka luh peih tawh loh hnu chuan YouTube te ka enkual vel mai mai.Phone ka dah meuh chuan dar 12 a lo ri tawh.Ka phone chu dahin mut ka tum chu engvak ngaihtuah nei si lo chuan ka inlet chhen ringawt.





Ka harh chuan dar 8 a ri der tawh inhnuai lama ka chhuk chuan ka nu bawkin min lo councelling leh tan der"Nula nih chuan zingah thawh hma thin tur,nula ve si zingdar 7 hnu Lama thawh hi a mawi lo,inchhung khur chet te zinglamah hian tih ve tum tur"a tih dap dap chuan ka lo sawi pui char char thei tawh."Bawihtei nu sermon thupui hi thlak a hun I ti ve tawh viau lo maw" ka pain a rawn tih chuan ka lo nui dir char char.









"I fate ka hauh lai hian fiamthu lo thawh ve ziah suh" ti hlak hlakin ka nu chu choka lamah a phei zui a ang phei deuh hlak hlak chu ka pa nen in enin kan innuih tawp. Ka pa chu kuahin "Ka lawm e" tiin ka nuih var var."Inti fai la lo Insiam rawh chaw ei theih dawn Tebawihi I sawmni a nih kha"a tih chuan ka hmanhmawh thar riau Tebawihi nen hian insawmni tur kan siam thlap.









Hmanhmawh tawkin ka Insiam sawk sawk ka Insiam zawh chuan chaw einghal mawlh mawlhin ha ka nawt a ka tlan chhuak zui nghal scooty ka tlan ni lo ni hlauh nen chuan lawm tawkin ka tlanchhuak kawng laklawha a ke a thep tak tlat vang chuan ka ding reng."Puih I ngai em" aw thum tha takin a rawn tih chuan ka hawi chhuak vat "AA...ngai ...ngai lo ka hre lo"ka ti bah niaih .








"Puih I ngai chu a nih hmel" tiin a kiai suk a a bike chu hung remin ka lam a rawn pan,"Khi laiah khian workshop a awma dah mai ila pawi I ti em"a rawn tih chuan ka lu chu ka lo thing vat.






TEBAWIHI POV


"LalCindyi rei theih zia hi chu aw"tiin keimah chuan ka Phun bul bul reng tawh dar 9 leh chanveah kan tan dawn a tunah dar 9 ni tawh ka tlai thei tak ngial dawn hian ka hria chuan ka call thin mahse a la thei thak lo lehnghal. Midang chu ka call kual leh a la thlen loh thu an lo sawi bawk si chu a tawp Nan tiin vawikhat ka call leh a lak theih tak si loh ah chuan message in ka kalsan mai tur thu chu ka hrilh tawp








"U" tiin ka ú chu ka au lang Lang Val senior a ni ve tan tawh a tunah hian sipai hna a thawka mahse chawlh a lak lai a ni hlauh. Ka hming hi Lalmuanawmi niin kan chhungkua hi panga kan ni a ka nu, ka pa ,ka u leh ka nau nen kan ni tlawng. Ka pa hi Lalthanzama niin ka nu hi Laltlansangi a nia ka u hi Vanneihtluanga a ni bawk kan unau zingah a lai hawl niin kan pang ber hi ka nu leh pa te hming chawiin Lalthansangi tihin an phuah bawk.










"Enge naute" tiin ka u chu inchung atang chuan a rawn chhuk vat"Ka tlan loh ni a ni sia,Cindy lo thleng thei bawk si lo a min thlah lawk hman mai em?"tiin ka zawt tawp."Hman e lo va chhuak la chahbi kan la ange" tiin a room lamah a let leh keipawh pawnah lo nghakin a lo chhuah veleh chuan motorah chuan ka Chuang lut vat."Cindy chu I kalsan tur thu I hrilh tawh em?"a rawn tih chuan message a ka hrilh thu in ka chhang vat a a lo bu nghauh "Eng nge maw buaina a nei aniang" a tih chuan "Nia" tih zawngin ka chhang.











College kan thlen chuan Cindy tih loh chu an lo awm vek tawh rang tawk chuan chhuakin ka ţhiante lam chu ka pan phei dawn chiah tih chuan ka u in min lo au tlai hruai leh ka ngai dawn em tia min zawh chuan a ngaih loh thuin ka lo chhang vat.Ka ţhiante awm na ka thlen phei chuan Cindy lo kal tawh leh tawh loh chu ka zawt nghal mahse a lo la thlen loh thu in min lo chhang thil tha lo a chungah a thlen hlauhna ka nei tawh.








"Kha kha I u mi"tiin Nungnungin min lo zawh chuan aw tih nan ka bu zauh "Avan chhelo em em min lo biak aw" a tih chuan "A Upa tawh sin si a kai tawh" ka lo ti vat "Pawi lo ka duh tho" a la ti talh "Lalrinnung I ngah tawh em kha duh tawk ve tawh rawh I ex te hi a chawh a chawh chhuah tham an ni tawh ang"Sawmtein a rawn tih chuan"I va tullo e aw" Nungnungin a ti nui nui mai.









"Saw sawi lai mek chuan I ex te pahnih an lo kal dun nia"Hlutein a tih chuan ka hawi vat a ex te pawh chu an chhe hran lo amah hi a chhelo ve bawk nen "An la inkawm ngeih hmel phian zui"Pensyin a lo tih chuan "A nih hmel" ka lo ti ve zui"Keimah vanga inhmelhriat an nih saw aw ka ban hnu khan an pahnih sawn ka inhmelhriat tir lawm" intih theih hmel fe a Nungnungin a lo tih leh chuan amah chu en ţhap in kan nui tawp.








"Keimah chauh min en lo khan saw lai bike a lo inphur te saw enzawk teh u" a rawn tih chuan Kan vai chuan rang tawkin kan hawi kan lalcindy mai mai chu mipa vangin min theihnghilh thak thei ania, a chak lo khawp ang.Kan bula Timothyan bike a lo tih din rual chuan Cindy chu a lo chhuk zui vat kei chuan rum tawkin ka lo melh reng."Tih palh u aw ka lo tlaia" a rawn tih chuan ka lungawi tawh thlawt lo Mipa vanga mahni ţhian tha ber te theihnghilh hi ka ngai thei thak lo.







TIAN CHAPTER 2 CHU DUH TAWK PHAWT ANG AW KA STORY PAKHAT KA DAH AVANG KHAN CHAPTER 1 NEN KA DAH KAR HLAT DEUH A MIN NGAIDAM DAWN NIA AW







KHAWNGAIHIN ADS KHA MIN LO CLICK SAK THEUH DAWN NIA.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:19 pm

SHEST DEVUSHKI 🦋






CHAPTER 3🌼





TEBAWIHI POV🌹








Cindy chu ka lam panin a lo kal phei vat"Te tihpalh aw ka scooty kha a ke a thep a,ka phone ka lo Keng tel si lo a,chuan Timothy khan min pui hlauh a"tiin a rawn insawi fiah nghal zung zung a mit mengah pawh a inthiam lo tih a hriat theih."Umm pawi lo ho lutuk ka u in min thlah tho lawm" tiin a awm nawm nan chuan ka chhang tun tum hi a tih vawikhatna chauh a ni bawk."Ovanneiha a lo haw maw" tiin a rak nghal chul."Haw e le"uar zet a ka tih chuan "Tlaiah in inah zawk ei ang u"a tih chuan Nungnungi chu a lo phur khawp mai.












Ka duh loh thu ka hrilh pawh chuan an ti lui tlat tho Cindy phakar ve na nia an in hi angai thei thak lo.Bell a rawn Rik takah chuan kan class lam pan chuan kan kal tham tham hlawm. Midang ho pawh an titi barh barh hlawm mai nun nuam ti I te an nih hi.












Kan class introduction an pek lai kan nan hman loh vang nge tu teh vak mah hriat pawh kan nei hran hlawm lo a tih theih ang.Kan paruk chuan kan thu khawm deuh ţhap. Hriata te ţhian ho chu lo lutin kan hnung chiahah chuan an rawn thu zui ve zat."Kebal mipa ilo inphurh tir vel alaw a"tiin Hriata chuan a rawn fiam zuk zuk Cindy lah chuan kebal tiha koh chu lo ngaithei vak bik lo nen chuan an inhnial char char.













Ka bula thu Sawmtei chuan "Ti reng saw mi an nih a"a rawn tih chuan ka va en zauh a Sawmtei nuih chuan aw tih nan ka lu chu ka bu nghal zauh. "An naupang chhia e mai a"a tih chuan an lo hre pha nge a rualin"Kan naupang chhia lo" an rawn ti rual that.











Professor a lo luh zui vang chuan eng vak mah kan sawi tawh lo lecture a pek lai chuan ka mit chhuak lutuk chu ka lo bu leh lawp ţhin.History hi chuan mut a ti chhuak chu mai ni lovin a ninawm ngawih ngawih science la tur khan ka peihna khan a tlin ngang lo nen ka thlang tawp kha nia.Hman lai lal te ho ka huat ber a la ni hial ang an hman lutuk an lo indo ve hman hmawh ni kum zat byheard tur a Tam si,chuta karah Gandhi a pawh zalenna a sual a nih pawn thu tha tlema sawi tlem ve tur hi nia min ti chau zo vek thei.













Ka lu lo khawihtu ah chuan ka Phu zawk,"I intauh dawn a"Terema chuan a rawn ti sup "Pawi lo ka lawm zawk" tih pah chuan ka nuih nghal sen sen."Lalmuanawm ngaithla tha la aw hnunglam kha hawi reng Suh"Professor in a rawn tih chuan rang tawkin hma lam ka hawi vat."I rawn kal dawn hian Saum ei ziah suh"Pensy in a lo la ti zui.











Class ban hnu chuan college cafetaria lam kan pan thla nghal.Ka chet uih zia sawiin an nui thla uar uar."Tebawih Timothy hi I hria em?" Cindy in alo tih chuan kan vai a ding chuan kan en thap hlawm."Sawi la kan lo ngaithla ang"Hlutei chuan min lo tih khalh mahse ka sawi tum tho chu a ni.











"Class eight a kan classmate thin kha nia"a rawn tih chuan "Maw,a nih chuan I first love Timothy kha I tihna em ni"ka tih chuan a lu chu a lo bu nghat nghat."Engtin maw Timothy hi I first love maw"mi dang chuan an rawn ti rual thawt.Keichuan engtin nge a hriat tiin ka lo zawt thuai "Vawiin khan a sawi a,kan in classmate thin tih pawh ka hre tawh lo keichuan" a ti deuh niah niah.














"Khami vang kha niang ka hmuh tirh khan tha ka ti a hmuh tawhna nei tlata inhriat na ka nei bawk"a rawn tih leh chuan mak ka ti zual. Cafeteria kan thlen chuan Timothy lam chu kan sawi tawh lem lo.Tlai kan ina chaw eikhawmna tur vel chu kan sawi ho "Ka nu te ka la call lo" tiin rang tawk chuan ka phone phawrhin ka call nghal an lak theih mai loh vang chuan ka u ka call tawp a lo pick ve hram thil awmdan leh kan tih tum vel ka sawi chuan a lo rem ti ve mai.













"Ka u in a phal" ka tih chuan "Yes"an lo ti dual."Ka ru nih chuan bazar ang u" tiin Pensy chu a tho a kan inzui chhuak tur chu mi ka su chawrh "I va mawl e, I kalna tur en ta che maw le mit I nei lo mi"ka ti nghek mahse ka en nàk chuan kan Professor Mawia lo ni rengin ka meng khup nghal zal zal. Ka ţhian ten hnung lam atang chuan min lo nuih tet tet.Kan professor hi pa Lian tak mai amah ngo teh vut lo hmel rura ve deuh mai hi nia.











"SORRY SIR"kun reng chung chuan ka ti sap."Min hrethiam rawh ka mit a bo daih a"nui huah huah chunga a rawn tih chuan ka thaw huai thei.A thinrim min hauh hrep ka hlauh vei nen rin loh lam daihin min chhang chu a zia phian.









Kan chhuah hnu chuan ka thiante'n min hau sap sap "I hauh dawn pawn enchiang hmasa rawh I thinchhia tih chu sawi loh va tlang hriat"Cindy chuan a ti buan buan."Thinchhe zawk I nih duh hmel fe zawk"nui pat patin Hlutein a lo ti zauh."That's my girl"tiin a banah ka vuan zui "Ice cream min khiuriu ang che" a ti tlat.











Kan bazar ve chu chawhmeh aiin nepnawi kan lei tam zawk mah ang tih tur khawp in Nep nawi kan ngah.Chaw hmeh tur pawh sa lei lovin ALU leh Artui,dal leh Bai siam tur kan lei a kan duh tawk der.










In kan thlen chuan ka nu leh pate an lo awm vang tawh ka u chu inchung aţang a lo chhuk chiah bawk.Kan thil leite chu dawhkanah kan dah deuh ruih."Khaia naute heng ho hi ei zawh intum a mi"nuih za aw zeta ka u in a rawn tih chuan "Aw"ka lo ti vat.













"OVanneiha chu tinge ilo haw tur min hrilh loh a"tiin Cindy chu ka u lamah kal pheiin a banah a beng thawr a kut chu a thing leh vut vut tho."I chhungte hi min inhmelhriat tir ve vat rawh"Ka beng bulah Nungnungin a lo ti sar sar."Ka ti dawn reng lo ngawi rawh "ka ti deuh hmuk.













"Nu pa Ú hei ka thian te an nih hi,Hlutei,Pensy leh Sawmtei chuan helai mau tlawn ang deuh hi Nung nungi aw"ka tih chuan Nung nungi chuan rum mang Tara in min rawn belh.Midang ho chuan ka nu leh pate chu chibai an buk sap sap.













"Mambawih enge hmeh intuma ?" Ka pain a rawn tih chuan "Alu"tih zawngin ka chhang.Arsa emaw tal lei tura min tih tlat vang chuan ka u chu Nung nungi nen lei dun Turin ka tir tawp a rawn let leh chuan a rawn tawng nghal barh barh"Awi I u hu hang nat zia hi,mahse ka sim hmeichhia a care lo rap mai"a tih chuan kan nui hak hak hlawm."Hei vang hian alawm Val senior a nih ni" Cindy in a tih chuan a bu leh nghauh nghauh tho.













Dar 9 velah chuan haw an rawt a an haw Sap sap hlawm. Keipawh lehkha zir buai lovin ka phone chu ka en whatsapp ka luh chuan kan ţhian ho thlalak 300 vel download tur a lo awm Download in thil dang chu ka check number hlang pakhat in "Khawngaihin ka number hi lo save teh" a rawn tih chu tunge a nih ka zawt vat "Terema ka nia,lo save ve hrim hrim rawh aw" a tih chuan nui var var chung chuan ka save nghal thu hrilhin ka save zui hmak.Hriata pawn Sawmtei number min rawn Dil ve khiah a ka lo pe ve mai bawk.










A THUI HRAN PA LO MAITHEI A MIN LO HRETHIAM HRAM HRAM RU AW TUNLAI CHU KA BUAI DEUH RIAU A




‌KHAWNGAIHIN ADS KHA MIN LO CLICK SAK THEUH DAWN NIA

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:19 pm

SHEST DEVUSHKI 🦋



CHAPTER 4🌺(LAST)





CINDY POV





College lam pana scooty a kan kal lai chuan Tebawihin nizan lamah Tereman a lo biak thu min hrilh chuan ka en hu ringawt.Kan thlen chuan kan ţhiante ho pawh chu an lo awm ţhap tawh an hma thei a nia kan hma ve viau maw tih pawh hian an lo awm zan tawh zel.







"Guys,inthlenna a rei tawh em"tiin Tebawihin w zawt zui."Umm rei ve tho mai"tiin Pensy in Hlutei ang zuai tawh chu a lo chhan khalh pek Hlutein a melh nghal rawm rawm.Class kan thlen chuan kan seat lam ti ila a tlar hnung lam kan pan leh tham tham hlawm.





Hun te a kal ve bek bek a kum chanve dawn chu kan kal leh tawh.Timothy nen pawh kan inbe zeuh zeuh renga kan middle school kal ho lai te pawh kan sawi dun ve nasa mai.Nungnungi lerh tih takah tunah Timothy ţhian pa Alex nen an Inngaizawng mek a mahse tun tum chu a tih tak ve tawh hmel khawp mai.







Hmeichhia bem thiam lo tura ka ngaih Hriata tak ngial pawn Hlutei a lo bem pawp a ni awm e,a sawi lai phei chuan kan khi thaw hlawm ni ta in ka hria.Hringnun hi a tawi a hun kan hmang rei lo viau emaw tih pawh hian alo kal ve duai zel chu a nih hi.






Bus ah keimah a ka chuan lai chuan aw an rawn thian kharh kharh midang in chhai emaw tiin ka lo ngaihsak lem lo.Ka ţhutna bul rawn hniam deuh ah pawh chuan ka melh hran chuang lo.Ka earphone vuah lai a rawn pawh thlak takah chuan ka hawi phei ve ta hram."I va induh ve nichin atang aw ka thian der tawh ka hrawk nat tawh zia hi aw"nui sang chung chuan Timothyan a rawn ti chu ka lo nui khum suk.








"Nangmah I ni tih ka hre lo lawm"ka ti let vat."Khawnge I mei?"a tih chuan ka hawi buai deuh nak "Ka sawi awmzia chu Tebawihi kha"a rawn tih leh takah Chuan ka hrethiam chiah."Nia a nu a dam lo a,a chhuak thei lo a"tiin ka lo chhang.








"Ava pawi ve"a rawn ti sup "A ho lutuk a na em em hran tawh lo a tia"tiin ka earphone vuah leh mai ka tum chu a la rawn pawt bet tlat tho."Khawi lo la rawh"tiin ka chuh char char "Ka ngaithla ve duh lawm"tiin a bengah a vuah zui ve hmak chu rum tawkin ka melh.








"Tian kan pahnih hian leng mai ang aw"a rawn tih chuan ka hmui ka ti pawrh deuh tarh.Ka darah a lu chu rawn nghatin a maimit chhing zui nghal hmiah.Ka khi deuh suk suk reng tho ka chhuk tumna kan thlen chuan tho in bus atang chuan ka chhuak zui."Min lo nghak ve ta che maw le"tiin Timothy chuan ka hnungah min rawn au zui lang Lang mi pawn min en thup tawh.






"Bengchheng Suh mi in min en thup tawh"tiin rang tawkin a hmui ka hup sak.Ka kut a rawn lak thlak rual chuan min pawt nghal dawr dawr amak tet tet emai."Ka hah nia"ka tih chuan dingin "ka lo pawm ang che" min rawn ti nih chu awm ang lo hian a."Ka duh teuh lo mai a"ka ti vak chu min nuih suk"Nih chuan kal pangngai ang"tiin ka zawnah chuan a rawn ding phei thuai..










Hmun hrang hrangah kan leng kual a bazar tur ka ni bawk nen min bazar pui nghal thawmhnaw leh thildang dang te kan lei deuh teuh a ka khai a phal hauh lo thung'Mipa tih tur a lawm'a ti deuh tlat mahse nuam chu ka ti tho.
Tlaia kan haw chuan kan vak kual nasa bawk nen ka chau lutuk chu couch ah ka mu thla nghal thlawp."Bawihi a mawi lo e mai in leng neih lai laia"ka nu in a rawn tih chuan Timothyan min zui haw tih ka hre chhuak chiah ka Zak lutuk chu inperh tho nghal at in Timothya chu ka nuih ringawt.









"Lo thu la thingpui ka lo lum ang che"ka tih chuan haw a duh tawh zawk thuin min chhang tlat."Zanah ka lo bia ang che aw"a tih chuan lai ru deuh chungin ka bu nghat nghat.Timothy haw hnu chuan ka nu in min hau ta ngei "In leng I nei a I rawn hruai haw te chuan khatia mut tawp tur a ni ngai lo"a ti leh barh barh tawh .' Ka Bal ka inbual dawn"Tiin room lamah ka tlan chho daih.









Zanah thil awm dan vel ka ţhiante ho video call a ka hrilh chuan min chhaih sap sap "I la duh ti raw"tia Tebawihin min rawn zawh chuan "Ka hre lo a ni mai thei ni"tiin ka chhang min hriatthiam hlawm hmel khawp mai.





Ka ţhian te nen kan inbiak zawh chuan chats vel ka en kual chuan Timothy message ka hmu hlawl zanah kan inbe dawn nia a ti tak."Sorry ka ţhiante nen kan inbia a"ka tih chuan a pawi loh thu in min chhang.Thil ho mai mai sawi chuan kan inbe ve reng ka type pah chuan keimah chu ka lai tlat zawk niin ka hria.









"Naktukah library ah inhmu ang thil hrilh duh che ka nei"a rawn tih chuan engthil nge min hrilh ang le tih ka ngaih tuah "I duh lo mi"a rawn ti tha leh "A pawi lo" ka ti let vat. Kan inbiak kan duh tawk hnu chuan group ah ka ţhiante ka hrilh chuan an lo phur hlawm hawrh hawrh khawp mai.







Zing ka tho te chu ka tho nuam ni bik mai hian ka hria ka thawh atangin ka khi nghal sung reng a ka pa pawn "I dam lo mi"min tih Phah hial .



Chaw kan ei kham ve meuh chuan ka ţhiante ho an lo thleng kim vek tawh."I nalh loh kan hlau"an vaiin an ti vek an rapthlak hlawm nia kei aiin an phur zawk ni maiin ka hria."Kha chu ha Suh a pawl kha ha rawh an tih loh leh a sen zawk kha" an ti thul ka Ning lutuk chuan "In ninawm awm tha teh u"ka ti tawp a an ngawi thap."A senno kha ha rawh aw"Nungnungin ala rawn ti hram.







"Min hrilh tur pawh kan la hre lo a,chutia lo inruahman vak angai lo"ka tih chuan an vaiin "Ngai e" an lo ti dual "Ngaihtuah teh a duh thu che lo hrilh ta che se la,thing deuha I awm chuan a mawi dawn lo a,chuan a duh lo che a nih pawn I hawi larh theihna tur I hak angai lawm"Hlutein a rawn tih chuan pawm tlang lutuk chuan an vai chuan an bu dual







Tebawihi ngawi renga thu chu ka en engmah ala sawi ve hauh lo "Tebawih eng nge I ngaihdan"tia ka zawh chuan"Dy ka ngaihdan chuan I awmdan pangngai I thuamhnaw inbel thin ngei ha la ka ti ,a duh che a nih chuan I nihna ang ang khan a pawm em em ang che "a rawn tih chuan ka pawm zawng tak a ni.






"A nih chuan inthuam tan rawh kal tawh dawn ang u" tiin Sawmi chuan a rawn ti.Insiamin kan kal zui mai bawk class kan van veleh chuan Library lam ka pan vat ka ţhiante ho chuan duhsakna te min hlan vei sap sap vel.






Ka lut chu Library nghak tu hnenah a awm leh awm loh ka zawt kan librarian nen hian kan inngam ve bawk a ka zawt tawp.A awmna lam min hrilh chuan rangtawkin ka kalphei nghal mahse hmeichhe dang a lo kiss ka hmuh chuan ka na deuh zawk thei ka mit chu a rawn phe nghal ruai thei,min rawn hmuh chuan ka lam panin a rawn tlan a mahse ka tlan sawn nghal vat a inlam ka pan tlang nghal daih.








Ka ţhian ten min lo call chuan ka haw thu ka hrilh.Darkar khat hnu velah door bell lo ri chu peih lo zetin kawngka hawng Turin ka kal "Surprise"an rawn tih chuan ka melh ţhap."Eitur kan lo keng amaw hei en teh a tui ngawt ang"Pensyin a rawn ti lut bawrh bawrh.





"A mood ah ka va Cheng lo ve "ka tih chuan min rawn melh ţhap."Ka roomah aw"tiin inchung lam kan pan tham tham thil awm dan vel ka hrilh chuan Timothy chu an ngei hlawm lutuk."Cindy engah mah ngai Suh aw Alexa pawh ka lo hauh tir ang'tiin Nungnungin min thlamuan tum tak chuan a rawn ţawng."Tih ngaihna ka hre ve lo ka la tawng ve si lo"Tebawihin a rawn tih chuan ka nui hak a ni reng bawk nen.










"Cindy ULindai a Rai tawh sin sir bulah naute hming phuah dil ang aw"Tebawihin a rawn tih chuan rang lutuk in ka bu nghal. Midang chuan "Tunge chu chu"an rawn ti sap sap. "Tu emaw"tih chiahin kan chhang kan nui dun tut tut ka rilru lak pen a tum tih ka hria a la Peng Chiang hle bawk chaw kan einghal dawn an tih tlat vangin an rawn ei lui talh.







Khamini tang khan karkhat aliam tawh a Timothy pawh ka peh hel char char. Ka phone lo ri ah chuan ka mu tawh chu ka harh zawk peih lo lutukin ka chhang nghal. "Umm"ka tih rualin "Lo chhuk rawh pawnah ka nghak che"rawn ti thum dut tu chu ka hre Chiang lutuk."A tlai tawh haw tawh rawh"ka tih chuan "Ka nghak dawn che"a la ti char char tho. A hnuah chuan ka chhuk ta nge nge.









A bul ka thlen chuan "Haw rawh"tiin ka nam nghal chawt chawt."Ka sawi hi ngaithla phawt rawn Cindy"a tih chuan ka tawp chawt "Ngaihthlak tur ka neih ka hre lo"ka tih lai chuan "Ka duh che Cindy ka duh lutuk che"zawi sup chuan a rawn ti mahse ka hrechiang lutuk tlat."Mahse midang I kiss ka hmu che"ka tih chuan "Ka tum a ni lo amah zawk khan min lo kiss"a tih chuan ka melh ngawt ngawt.







Sahbawn tih hla Khiangawia te sak rawn in play thutah chuan ka Phu Chiang lutuk chuan Timothy chu ka kuah chawt "Surprise"tiin midang ho chu an lo chhuak dual "Hla dik lo play mah ila pawi Chuang lo e in inkuah tho"Mala chuan a rawn ti.Hriata te ţhian ho leh ka ţhiante ho an awm vek."Mahse engati nge nangni"ka tih haw chuan "Vawikhat tal Timothy hi ring Turin kan duh che"Sawmin arawn tih chuan Timothy lam chu ka melh."Vawikhat chiah min ring rawh ka ti beidawng hauh lo ang che"a rawn tih sup pah chuan a kun daih. "Aw le vawikhat vawikhat chiah a ni ang min ti beidawng a nih chuan I chak lo ang'ka tih chuan hlim tih hriat lutuk chuan min rawn melh a min pawm Kangin min vir pui vak hnuah dim te a min dah thla in min kuah nghal hlu hlu





Tupawhin chance neih an Phu a vawikhat tal kan rin ngam a ngai thin mahse chu kan rinna an tih chhiat chuan kan tan rin ngam an ni tawh ngai lo.





A TAWP TA 🤭


A CHAPTER HI A THUI LO TIH KA HRIA A CHAPTER TAMTAWK TURA DUAN A NI LO BAWK NEN A NGAIHNAWM LUTUK LOH PAWH A NGAIHNAWM MIN LO TIH SAK TUTE INCHUNGAH THINLUNG LEH TIHTAK ZETIN LAWM THU KA SAWI E.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)