ERASED BY Krystal Vanchhawng (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ERASED BY Krystal Vanchhawng (Completed)

Unread post by Ngaia » June 12th, 2022, 3:59 pm

ERASED


CHAPTER 25
☆☆☆☆☆☆



LILY POV:


Ka haw atangin ni li lai a liam leh tawh,ka U chu ka be thei lova,ka text chu a en a,min chhang chuanglo. Mahse,ka ngaihtuah lo,U Saia nen an inbe deuh reng tih ka hria a,ka thla a muang sawt. Tunah chuan hmangaihtu diktak a chhar a,innghahna tlak tak a nei a,ka lawmpui takzet.






Ka thlen atangin ka nu leh pate nen hian kan la inbe mumal lova,ka zirna lama let leh mai tur ka ni a,lehkha zir tur ka hawn teuh bawk nen ka buai hle a,biak pawh ka be peih vak biklo.






Ka nu hi a phunchiar ve tawh nen a phun reng a,ka u chanchin chhe lam a sawiloh leh a thinrim thu ringawt a sawi a. A hmangaih a,a hmangaih em em vangin a thinrim zual tih ka hria a,ngaih khatah ka ngai mai. Ka naupan lai ata tawh ka u hi chu a hmangaih zia ka hria a,ka u pawhin a hmangaih hle bawk. An in hmangaih tawn em vanga hetia awm pawh hi anni reng..






Ka pa hi ka pa anih vangin ka tan reng renglo,ka pa anih angin ngaih changte chu ka nei ve thin,mahse,ka u laka a chatdan vanga huat chang ka ngah zawk. Ani pawh hian ka hua tih a hria a,min biakdan tawk pawh a thiam..






Ka u in min ngen tlatlo se chu ka pa awmdan te kha ka sawichhuak vek tawh anga,ka nu nen inthen daih mah se pawi ka tilo. Mahse le,a tuartu berin a duhloh miau a,keini'n tihtheih kan nei bik silo. An boruak rit tak chu thinrim zetin kan lo enliam vel mai mai thin a ni.





Tunah pawh ka nu chu an pindan lamah a muhil a,ka pa erawh a chhuak thung. Ruah a sur a,a sur nasa hle a,tek te pawh a tla hial. Tlema ruah a rawn han hnu chuan kawngkhar ri rawk rawk ka hre ta a,hmanhmawh deuhin ka phei a,ka u anih mial takah tiin ka lawm hman hle.





Mahse,alo ni teuhlo,kan buaina bul Ka Pa chu a rawn haw a,ruah in a nan a ang.
"Khawnge i nu?" Tih paha a rawn luh chuan ka awmsawn thuai a
"In pindanah" ka ti mai a. Mahse,Ngawi teh lawk,ani hi
"Zu i rui maw?" Mak ti zeta ka zawh chuan min melh zawk a..






"Inu bulah chuan ka va phei ange" tih paha min kalpelh a tum mai chu a kawr hnungah ka lo tham a
"Zu i in a maw,ka pa engtin nge tiang hunah zu ila in theih. Nangmah vanga ka u harsatna tawhte hi i hrelo ami?" Ka nu tihharh hlau takin sehchilh nawk ka ti a,min chhang lova,a kut huh takin a hmai chu a tuai thuak ringawt.






"Inpuang nghal ang che,Police bula i inpuang theilo anih pawhin,ka nu hnenah tal inpuang rawh,nangmah vangin ka u pawhin harsatna tamtak a tawk a,mipui chu sawiloh,ka nu ngei pawhin a ensan hi" ka tih khum tuarh chuan min vai sawk a
"Ngawi rawh,i u mualphonaah ah chuan eng nge tih ka neih,ka tihsual chu ka hria. Tuna a mualphona ah hian inrawlhna ka neilo,ngawi hmak ang che" min tihkhum khur khur chuan thinrim luatah ka khur vek lo chauh.







"I sawiloh chuan ka sawi ang,ka sawi khawp ang. Ka nu in hetianga ka u chungchang a sawi rengte,a rilru na hmelte,chaw pawh ei thei lova a awmte hi hmuh hrehawm ka ti takzet. I inpuang lo anih chuan mi zawng zawng kei hian ka hrilh ang,nang ang pa neih reng ai chuan jail ah tang daih mah la pawi ka tilo zawk" ka ti chiah ka hmaiah min beng sawk a.







"Min beng maw?" Tih khum vak pahin ka ding tha a,ka nem pawp a,chhuatah chuan a thu sawp nghal nawk. Ani zurui mai mai hi enga tan mah ka tilo. Ka pa ani,ka zah,ni e,ka zah tawk tawh viau chuan ka hria. Amah vanga midangin an tuar reng hi ka hmu thei tawhlo.







"Mate,ka Tihpalh ka tum a nilo" tih pahin a rawn tho tuah tuah a,ni e,a tihpalh khawp ang. Ka naupan lai ata tawh vawikhat pawh kut min la thlak ngailo,kutthlak chu sawiloh,tawngkam vin in min be ngai lova,ka tan chuan pa tha ber ani thin. Ka u tan erawh pa tenawm leh sual ber ani si.







"Ka pa,Pathian hmingin ka ngen che,ka nu bulah hian sawi ang che. I sawilo anih chuan keima'n ka sawi mai ang" ka tih leh chuan a thinrim leh deuh em maw ni.







"I u buaina ah chuan eng nge tih ka neih ka tia lawm?" Ati hrawk a. Za lo lutuk a nuih pahin ka sam chu ka tham vak a,khawpui ri dur dur ri ka hriat phei chuan khami ni kha ka ngaihtuah chhuak leh a,ruahsur buan buan hnuaia ka u ka um zui tum kha.







"Ka u kha a duhlo chung i khawihchhia a,i khawihchhiat hmain vawitam i khawih tawh. I hrelo maw,i hur herh lutuk vangin anu bul ngei atangin a tlanchhia a,vai ramah mahni inchawmin a khawsa a,a nun chu a sualin a sual takmeuh meuh asin. A nun khawchhuah theih nan hna tawp tak tak a thawk thin a. Chu chu nangmah vang vek a ni,i hre tawh em?" Tia ka aukhum nghek chuan eng emaw ri rawk ka hria a,ka hnunglam ka hawilet chuan khawng veka ka nu lo ding ka hmu nghal..







"Nu" hlauthawng zeta ka tih chuan ka nu chu mi a ang mai hian a meng a,a tiang pawh a bulah alo tlu reng tawh..
"Tunah khan eng maw ilo sawi a?" Tih pahin kan lam chu a rawn pan chhet chhet a,awmze nei taka ka pa ka melh chuan alo meng buai nasa hle a..






"Ka pa,sawi rawh" tih pahin ka tawlhhnung a,sawi tum hmel pawh a pu lo,a zu in vanga dang ro hmel tak chuan chil a lem khawlh khawlh a,a hmai a tuai thuak thuak ringawt.






"Elizabeth,eng nge in sawi kha?" Tiin ka nu chuan min vin ta thak a,ka phu zawk lehnghal.
"Ka pa kha zawt mai rawh" ka lo ti ve thak a..






"Lianzual,sawi ta che. Ka fanu chungah chuan eng maw ilo tih a?" Tih pahin ka pa chu a pan a,thinrim luatah a kut pawh a khur nghal dar dar..





"Ka pa,sawi ta che. Iva dawihzep ve,ka u i pawngsual thu chu sawi mai la" ka ti chiah ka nu chuan a hmaiah tak a beng hawi sawk a.
"I pawngsual maw,ka fanu chu ilo khawihchhia a maw,nang mihring hian ka fanu ilo pawngsual a. Lallianzual,ramhuai inih hi" tih tawn tawn pahin ka pa kawr awmah chuan a tham a,chin lem awm lovin a hmaiah chuan a beng hawi sawk sawk a,vawi 6 vel chu a ben tlir hman ang. Ka pa pawh chuan lo dan a tum lova,ka nu ben ang ang chuan alo thle vel mai mai a ni.






"Nu,duhtawk rawh,i chau ang" tia ka va dan chuan a zawi deuh hnawk a,mittui tla zawih zawih chungin chhuatah chuan a thu a.
"Mate,ka fanu,i nunchhiat chhan hre lovin ka lo enliam mai mai che a,keimah vangin ilo va tuar nasa em. Ka fanu" tih pahin a tap rawih rawih a,mittui tla zawih zawih chungin nghet zetin ka kuah a,mahse,a tal nasa lutuk chu kuah that theih pawh a nilo.







"I u chuan a inchawm nan hna thalo tak tak te a thawk thin a maw?" Aw khur veka atih chuan
"Umm,mahse,nu in bengdai rawh,a tuar chhuak tep tawh alawm" ka tih chuan lu a thing vak vak a.
"Nilo,ka fanu kha,tawngkam na tak takin ka lo tawngkhum a,mahse" tiin a tap pawh chu a richhuak thei tawhlo.







"Min ngaidam rawh,ka thiamloh vek a ni" tia ka pa lo thingthi chu a en a,hrechhuak thut ang maiin a tho thut a
"Nilo,ka fanu kha ka zawn angai,a kalbo palh ang,ka fanu" tih pahin banga Car chahbi chu a la lawk a.







"Ka nu,nilo,chhuak suh,i kal theilo,alo haw tep" tia ka lo man chuan mi â ang maiin a hawi ruai a
"Nilo,min dang suh,ka fanu khan min lo zawng ang,a mangang dawn lutuk" tiin kal luih a tum a.
"Ka nu,inti harh rawh" tia ka sawi deuh chuan ka inrin hmain min nem pawp a.






Chhuatah chuan ka tlu nghal a,ka tlukna lamah thutthleng tlangah chuan ka lu ka vaw bawk. Ka hai deuh chhiuh a,inthin harh paha ka menchian chuan a tlanchhuak tur chiah ka hmu hman..




Inbeng kangin ka thova,kal mai ka tum chu ka pai leh nawk a,ka pa in min lo man chuan
"Va umzui ta che,ke pawh a hman that theihloh kha" tih khum vak pahin ka nem sawk a,ka nem na deuh nge kawngka pel thak chuan ka nem chhuak a,ruahsur hnuaiah chuan step ah a thu hnawk thei.





A tlu pawh chu buaipui zawm lovin ka tlanchhuak ve nghal a,taxi stand ka thlen chuan tlem anlo la awm a. Ka hmuh hmasak ber chu thil awmdan hrilhin kan chhuak zui a.





"Santro Pawl i hmuh chuan zui tawp rawh" tiin ka hrilh a,tlan pahin ka kekawr ipte a ka phone chu ka phawrh a,ka u ka call,busy a inti bawk si. USaia chu ka call ta ngawt a,ani chuan alo la vat. Ala chiah Hello pawh atih hma chuan thil awmdan ka sawi par par a,ka sawi zo chiah
"Mai mai chuan,in inlam pahin ka rawn chhuak nghal" tih hluk pahin a dah nghal a,rawn intawng mawlh teh se.






Thui pawh kan tlan hma chuan motor alo ding deuh thup a,driver in thil awmzia a zawh chuan
"Zemabawk pelhah sawn Car a chesual a,chumi buaipui tur chu an kal dawn a,anla ti Jam anih hi" ati mai a,ruahsur bawk nen au deuh lawng lawng angai a,ka zawt zui lemlo..





Minute nga dawn kan din hnu chuan motor lian pui,motor dang khai chhuak thin chu a rawn tlan ta a,chumi ka hmu ringawt pawh chu ka lo hlau ve ngawt thei.





Ka phone chu la in USaia call leh ka tum a. Pawn lama mite chuan tlan deuh hlawk hlawk paha
"Mi pakhat chiah a chuang anti,nu valai a ang"antih ri chuan ka beng a verh ta riau a. Glass chu up in
"Ka pu,eng motor nge Accident a?" Hlau ru tak chung chuan ka ti a.






"A lum thui deuh a,a hmuna kalte sawi danin Santro a ni awm e" anti chiah ka thaw a tawplo chauh
"Anih eng rawng nge?" Aw khur der dera ka tih leh chuan
"Kan va chiang biklo em,ngawi rawh,hei a thlalak" tih pahin a phone chu a rawn lek a,ka hmu chiah chu ka au thawt a.






"Nilo nilo,ka nu a ni,kan motor anih kha" tih pahin kawngkhar ka hawng rawp a,accident awmna antih lah ala hla mai si,khawilam ber nge pan tur pawh ka hre tawhlo.






Ruahsur hnuaia ka hawi kual vel ruai lai chuan tu emaw hian
"Lokal rawh" tih leh ka bana rawn man a rual a,tlan paha ka en chuan USaia alo ni. Kan tlan char char a,ruahsur nasa nen motor pawh alo ding hnem khawp mai a.







Kan tlan fe hnu pawh chuan accident na hmun kan la thleng theilo. Usaia chuan ka hah a ring deuh nge
"Ka paw mai dawn che mi?" Atih chuan ka hnial vat a.
"Kal vat ang" tih leh ka tlan chak zual sauh a,hah pawh a sawi theihloh,a hmun kan la thleng lova,eng ang chiahin nge a chetsual kan la hrelo.






Thui fe kan tlan leh hnu chuan ruah pawh a han lehzual a,mipui lo awmkhawm laih laihna kan thlen chuan hmanhmawh lutuk in kham lam chu ka pan a,a nal bawk nen ka tawlh thlu thelh lehnghal..






"Fimkhur rawh" tiin USaia chuan min lo dawm vat a. Kan bula awmho hnenah chuan
"A khalhtu an lachhuak tawh em,eng nge chanchin" tiin a zawt nghal a. Kei chuan kham lama kan motor lang det det chu lungchhe deuhin ka en a,tahkhuan ka nu chu a awm awm sia,ava han lum thui tehlul em. Engtin nge ka tih tak ang le..







Minute nga vel kan din hnu chuan khawl hmangin motor chu an khai chhuak a,ka thaw tha theilo mai dawn in ka hria,chhungkuaa kan chuan thinna motor ngei mai chu a sawi chhe vek a,hmuh tlak reng a awm tawhlo.





Khur beuh beuhin ka mittui luang zung zung chu tihtawp ka tum a,mahse,ka theilo,ka tum nasat poh leh a rawn tla nasa emaw tih mai tur a ni..





"Vawt iti ang" tiin USaia chuan puan lian zet hian min rawn vet a,a hmel ka en a,ka ngaihtuah ang tho a ngaihtuah ve tih ka hre mai. Ka u bulah eng nge kan sawi tak ang.







A hnuah kham lam atang chuan an rawn au lung lung a
"Kan rawn chhohpui e aw" antih chuan ka khup a zawi hnawk a,ka bula ding tu emaw ber chuan min lo dawm a ni,tunge anih pawh ka hre chuanglo.






An rawn chhoh pui fel a,thei leh thei lovin puana an tuam mihring chu ka va keu a,a hmel ka hmu chiah chu nasa lutuk in ka khek vak a,a nat zia chu dar lehlam sah thlak an sawi chu nep te. Ka nu hmel chu,nunna reng nei tawhlo ang chiah in a duk vek a,thisen in a bual khat vek bawk..






"Mami,damdawiinah kan hruai vat angai a" tia min lo biak chuan
"A mar phu ala awm em?" Ka ti vat a.
"Awm che che e,hmanhmawh ang aw" tih leh rawn zawn an rual a,Ambulance ah chuan an dah lut a,zui ve ka tum USaia chuan min lo man bet in
"Car in kan kal dawn nia" ati ta a.






Ambulance khalhtute chu bia in kan zui vat tur thu a hrilh a,Greenwood Hospital lam pan chuan kan inzui chhuak a. Kalkawngah pawh chuan ka mittui a luang zung zung a,eng nge tih a,tihloh tur reng ka hre tawhlo.






"I U kha lo biak tum rawh" USaia'n atih chuan kut khur beuh beuhin phone ka en a,ka call chuan ala thei lawklo. A tawp dawnah chuan ala ve hram a.





"Ka nu Car in a accident a,tunah Greenwood kan panpui mek" ka tih nghal tawng chuan a ngawi vang vang a.
"Engmaw,sawi tha teh?" Atih sep chuan ka sawi nawn leh a,a awihlo lutuk nge a nui hak a
"Intih derna hun a nilo" a rawn tih hrawk chuan
"Ka tihder lo che,a damlai hmel i hmu duh anih chuan tunah lokal rawh" ka tih khum ta vak a..







"Khawi keiman" tih leh USaia chuan phone min rawn chhuhsak a,mahse,a biak hma chuan alo dah hman anih hmel.





SAIA POV:



Ka kut lehlamin phone chu ka hum bet a,a lehlamin steering chu ka chelh nghet hle. A awmdan tur ka ngaihtuah ringawt pawhin ka sa pup pup thei. Mangang takin a hawi vel ruai anga,hmelhriat tha a nei dawn der silo..





Greenwood kan thlen chuan rang takin kan chhuk a,ka pi chu ER lamah an la a,a mar la awm ve bawk mah se keichuan beisei ka nei sang viaulo. A tlakna kha a sang em a,car lah a sawh chhe nasa mai si,a damchhuak anih chuan a vannei hle ang.






Ramdinpuii biak ka tum a,ala theih hauhlo lehnghal. Darkar khat dawn kan vei tawn sek hnuah chuan an chhungte dang pawh anlo thleng khawm tak tak a,apa pawh kha pawr phungin a rawn lang ve..





Ka call nawn leh chuan tu emaw hian alo la a
"Ramdinpuii phone a nilo ami?" Ka tih chuan
"A thlenna in neitute kan nia,Greenwood chu kan lo thleng tep e" ati dam thluam a.
"Amah ka lo bia" ka tih tawp chuan a thaw ri deuh hawlh a
"I biak tawng zawh ka ringlo,kan lo thleng tep a,kan lo call leh ang che" tih pahin a dah ta a,ka rin ang ngei a ni,kan biak tawng zawh kha ka ringlo reng a..





Kan awm leh vang vang hnu chuan Doctor alo chhuak a
"A chhungte khan in hmu thei ang,mahse,pakhat te te in" antih chuan rindan ka nei thiam mai,Elizabeth-i pawh Doctor zir ani a,a hrethiam deuh nge a lut hmasa ber a,rei pawh a awmlo,tap pur chungin a rawn chhuak a,a hnuah apa a lut ve leh a,ani phei chu a lut chauh emaw tih laiin a rawn chhuak lehnghal mai..






Call ka dawng a,ka en chuan amah a ni,nichina pa tho khan
"Kawngpuiah kan awm tawh aw,ka rawn chho mek,ilo hmuah theih chuan a tha khawp ang" a rawn ti ta a. Midang chu hrilhin kal tur chuan ka inher chiah a,anu awmna lamah chuan Doctor leh Nurse an tlan lut hlawk hlawk a,midang chu anlo tap nghal chiam..





Doctor pakhat hmanhmawh zeta lokal chu ka lo pawt ding chawt a,ka hmelhriat alo ni hlauh lehnghal.
"Eng nge thleng?" Ka tih chuan
"A mar a awm tawhlo,a chhungte kha inring deuh turin lo hrilh la" tiin a kal leh nghal a.





Chutiang ringawt a ni theilo,a fanu in a damlai hmel a hmulo anih chuan a â thei mai ang. Doctor chu ka zui lut ve ngawt a,a awm zawmah chuan anlo charge vak vak tawh a,a oxygen pawh a hniam viau tawh.






"Eng nge i rawn tih ve,pawnah lo va awm rawh" antih chuan kawr ban pawh chhoh sawk sawk pahin a khawihtu Doctor chu ka nem sawn lawk a,thinrim lek leka min en chuan
"Ka pizawn ania,keimah ngeiin le" ka tih chuan min dang ta lova.





Ka charge a,vawithum chuang,mahse,a lungphu a awm tawhlo. A awmah te chuan nasa takin ka nem a
"I thi theilo,i fanu a lokal mek,bei let rawh" tih mawlh mawlh pahin ka nem tauh tauh a,mahse,khawl kiu vung vung ri kan hriat chiah chuan beisei tur reng a awm tawhlo.





Mahse,beidawng duh lovin ka tihngai chu ka tihzawm a,awmzia a awm tawhlo tih hre mah ila,ka tawp theilo.
"I fanu in i damlai hmel a hmulo anih chuan kumkhua in a inchhîr ang,tang rawh ka Pi" ka tih vak chuan Doctor ho chuan min lo dang a.






"A tawk tawh e,tih theih kan nei tawhlo a ni. A thih hun chawhnu dar 3 tiin chhinchhiah ula,a thih chhanah Cardiac Arrest inti bawk dawn nia" atih chuan ka melh hrawk a..
"Accident a ni lovem ni,engvanga lungphu chawl anga chhuah nge inih?" Ka tih hrawk chuan
"Accident vang chu ni teh meuh mai. Mahse,a accident hma darkar chanve chhung khan Cardiac arrest a nei tawh,chuvanga accident chu a ni" ati ta a.






Pawnah chuan ka chhuak a,Elizabeth-i te ho chuan beisei nei takin min lo thlir thup a. An lam hawia lu ka thin takah chuan Corridor chu tap thawmin a luah zui nghal.





Keipawh chu ka dik chiah tawh lova,intuai thuak tuaka pawn lam ka pan chuan ka mi nghah ngei mai chu mipa leh hmeichhe pakhat nen hian anlo kal a. Ka hmel a hmu chiah chu a lungchhiat hmel ngawih ngawih..






"Eng nge a an,ka nu chu engtin nge a awm?" Tih pahin min rawn bawh deuh rawk rawk a,lo man in midang hmai pawh chu zah zo tawhlo chuan ka kuah thlawp a..
"Inu chu a hahdam tawh e,ka tihpalh a ni" ka ti chiah chu a tal chiam a,nghet zeta ka kuah beh chuan aw chhuak tha thei silo hian a rak vak vak a..






"A tha vek,tap rawh tap rawh" tia ka chul chuan nghet zetin ka kawr chu a tham a,a tapchhuak thei silo tihngaihna hrelo chuan min seh ta vak a,a nat laiber a ni bawk a,a seh na kher mai.





"U" rawn tih ri ah chuan a hawichhuak a..
"Bawihte" tih sep pahin Elizabeth-i lam chu a pan tawk tawk a,a nau pawh chu tap zawih zawih chungin a rawn tlan phei a,an inkuah chiah chu chin lem awm theilo ang maiin an han tap tehreng a. Khap chi anni silo,damdawiina awm ve ho chu phawk hru hian an rawn chhuak a,an unau tap an hmuh chuan an hrethiam mai anih hmel..






"Dawt a ni tiraw,dawt a ni em,ka mumang tih sawi rawh" tih pahin a nau chu beiseinaa khat chuan a en a,a nau chuan khabe sai dar dar chungin a u chu alo en ve bawk..
"Ka tihpalh,ka pa nen kan inhauh ri alo hria a,Zemabawk lamah a rawn kal ta anih kha" a nau in atih chiah a lungngaihna mitmeng chu thinrimna in a thlak a.







Chutia an din reng lai chuan apa te ho an rawn chhuak ve chiah bawk. Ramdinpuii'n apa hmel a hmu chiah chu ava pan phei pawp pawp a,mi zawng zawng hmaah chuan a hmaiah tak a beng hawi nghal sawk a..







"Nang teh chai vang hian ka nu kan chan a maw,ko kir rawh,iva zaklo ve,engvangin nge tiang hian itih. Ko kir rawh,i theilo anih chuan nangpawh hi thi ve law law rawh" tiin apa nghawngah chuan thei leh theilovin a rek a.





Thelh anlo tum chuan a khek tuarh a
"Nang ramhuai pa,ka la that ve khawp ang che" tih pahin apa chu a nem pawp a,apa a nem sawn rual rualin amah pawh chu a zawi hnawk a,a tluk hma chuan ka va pawm hman a,mahse,a thi dang zui nghal..





SHARONI POV:



Ka mumangah chuan ka lo tap nasa em em a,chin lem nei lovin ka lo tap rawih rawih a,ka tah chhan ka hre der silo. Lily chuan min rawn kuah a,a phena ka nu lo ding ve reng ban tuma ka phar chiah chu a thim mup a. Thaw hrawk in ka mit ka meng hlawl a,khuang ri tleng tleng leh zai ngaih ngaih ri chu ka hre zawm nghal..





Ka bul vel ka en chuan pindanah ka awm tih ka hre nghal a,Elizabeth-i nen kan khum thinah khan ka mu bawk. Ka kut ka en leh a,drip alo inkhai a,ka kawr ka en chuan kawr dum vek ka ha bawk..




Thilthleng ka ngaihtuah chiang a,ka mumang emaw ka tih ka nu lo bo daih kha atak ngei a ni tih ka hre chawpchilh nghal a,atir chuan melh ngai melhin ka thu reng a. Mahse,Damdawiina Lianzuala ka tihdan vel ka ngaihtuah chhuah chuan thinrim luat vangin ka bula thil awm hnai ber chu ka ban lawk a,hmalamah chuan na fe in ka vawm nghal thuai.






Chu veleh pindanah Saia chu alo lut zui nghal a
"I tha em,ilo harh tawh maw?" Tiin min rawn pan vat a.
"Khawnge ka nu?" Ka tih rualin mittui a rawn hnai leh nghal kuar a
"Ka mangang hman lutuk a,nizan zankhua in i harh lova,tunah inu vui turin kan nghak che" ati ta mai a.





Awihlo lutuk chuan ka en a
"Nimin khan i thidanga,i bp leh hb a hniam lutuk a,zankhua in i harh leh tawhlo" tih pahin min kuah a..




Hrehawm ti tak chung chuan ka intiharh a,Saia rinchhan takmeuh meuh chuan ka nu ruang chu ka va kil ve a. A hmel te chu ka en a,mahse,ka mittui far khat pawh a luang thei tawhlo. Lily leh midang chu an tap rawih rawih a,keichu ka tap ve theilo.






Ka tawt up up a,puak keh mai tur angte'n ka inhria a,thawk a harsa em em bawk. Ka awmdan chu alo hmu nge Saia chuan ka hnungah alo chul vat a,
"Hahdam rawh aw,i tlu leh palh ang" atih chuan ka bu nghat a.




Ka hahdam hlawllo,ka theilo. Mahse,ka natna te hi ka tah chhuahpui theilo. Ka nu an vui laite,thlalak na hun kan neihlai te chuan keimah leh keimah pawh ka á emaw ka inti hial. Vawikhat pawh ka tawng tawh lova,ka mittui a luang eih tawhlo bawk.





Thlanmual lamah chuan ka zui ve a,Lily tap nasa lutuk chu a thaw a hah lek lek a,midangin an buaipui leh hrih. Chu thil ka hmuh te chuan va hnem ka duh,mahse,ka che theilo,engmah tih ka tum lova,an awm ang ang chuan ka enliam vel mai mai a ni.





Saia rinchhanin ka kal ve tawk tawk a,ani pawh hian min bia tih ka hria. Mahse,eng nge a sawi ka hre theilo. Ka chhan beisei takin min bia a,min en a,kei erawh chuan ka lo melh â hu ringawt.




An phum ta a,ka nu chu vawikhat pawh ka hmuh leh tawhloh turin an phum tawh. Tunah chuan zawng zawng mah ila ka hmu tawh dawnlo,khawvel kil tin kiltang hrut chhuakin au au mah ila ani chu ka hmu tawh lovang.





Tiang tur a ni tih hria ila,ka awmbona ata haw hmain a hmel te ka hmu tur. A aw takngial pawh ka hre tawhlo chu ania,a nui hmel hmuhtur ka neiloh pawhin a thinrim hmel tal kha ka lo hmu nawn lehlo a aw. Tunah chuan inchhîr ngawih ngawih mah ila ka siamtha thei tawh silo..





Lianzuala vangin in ka chhuahsan a,amah ngei pawh a chhan ka hriat silohvin ka hlat tlat a,keimah ah beisei a nei sang tih ka hria. Mahse,huatna vangin ka in kharkhip tlat a,a hun tam zawkah mal takin a awm a,a thih dawnah pawh amal tho anih hi. Hun hi koh kir theih nise,huatna vanga ka hnaih duhlo lai zawng zawngte khan a kiangah ka awm anga,hun tam ber hmanpuiin,thil hlimawm tak tak ka tihpui ang. Mahse,chu chu duhthusam mai anni tawh si. Ka ko kir theihlo ang bawkin ani pawh a rawn kir tawh dawnlo. Tun atang chuan ka lo hlat thin vanga inchhîr reng rengin nun ka hmang dawn ta a ni.






Zanah chuan lengkhawm an awm nual a,zai pawh ka zai lova,Saia dar ngheng chung chuan ka thu zawi nguai reng a. Kan piahah ka thawhpui thenkhat leh Saia chuungte an awm a. Vanthahlua leh Saizami te pawh a thuho ve bawk..






Kan reh thuap lai chuan Police 3 hi anlo lang thut a,a chhunga thute kan lo din suau chuan
"Sharon Ramdinpuii video leak out chungchang a lokal kan ni e,min hrethiam dawn nia" antih chuan mit zawng zawng chu keimah ah a fu leh ta fur mai.






"A tha e,kawmchar lamah inbia ila" Saia'n atih chuan a pawimawh chin chu kan chhuak vek a. Police officer chuan
"A thehdarhtu chu Mizoramah a awm lova,kan la man chiahlo,mahse,naktuk chuan kan man hman tawh ang" tih pahin keini chu min melh zawk a..





"Chuan,a thehdarhtu hian phone dang a hmang a,chumi phone neitu chu helaiah hian a awm ve vanga lokal kan ni" antih leh chuan kan phawk hru hlawm a.





"A thehdarhtu leh phone neitu chuan eng nge danglamna an neih?" Saia chuan alo ti vat
"Phone neitu khan Video kha alo kawl daih tawh a,a phalna in a tihdarh tir thei. Emaw,ama'n midang phone atangin a la anga,a tidarh thei zawk bawk" antih leh chuan ka awm hle hle thei tawhlo.





"Tunge,chu chu,tu phone nge?" Ka tih vak chuan
"Helaiah hian Saizampuii Sailo in awm em?" An ti ta. Saia pa bula Saizami ding zum reng chu a phu zawk a..




"Engmaw?" Anlo ti rual that bawk.
"Saizampuii Sailo phone atanga darh tan a ni" anti leh chiah chu engtia dawnsawn tur nge ka hrelo..




Apa chuan a bana man pahin
"Saizam,itih a ni em?" Ati thak a,chhang mai lovin hlauhthawn hmel em em chuan min enkual a.




Ka bula Saia ding chu englaiin nge ava thlen phei hman ka hrelo.
"Saizampui,itih a ni em?" Aw-ki hlauhawm tak chuan ati ban charh a,Saizami chuan kut sih neuh neuh pahin
"U" ati sep a.




Saia thin in a tuar tawhlo nge
"U U ti renglo khan min chhang rawh,i phone atangin a ni em?" Tia a aukhum vak chuan a tap hawk a.
"Aw,ka phone" ati chiah,a sawi tum pawh a sawi zawh hma chuan a hmai a ri thuai a,Saia chu mak ti zetin ka en mawl tawp..





Tunah khan keimah vangin a nau a beng anih chu.
"U" tiin Saizami chuan mittui tla zawih zawihin a U chu a en a,Saia erawh chuan thinrim thaw hawlh hawlh chungin a nau chu a en a
"I u pawh ka ni love" atih khum nghal hrawk.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:59 pm

ERASED

CHAPTER 26
☆☆☆☆☆☆



SHARONI POV:


Kan boruak chu a sang ta hle a,anu leh pa te ber pawhin engmah an sawi lova,an fapa in a farnu a beng chu pawi tiawm pawhin an awmlo.






"Saizam,tinge itih,ka U hian harsatna a tawh nasatzia pawh i hrelo ami?" Tiin Lily chuan alo nem ve sawk a,ka dang buai peih lova,midang pawh chuan an en mawl tawp.






"Aw le,inleng anla tam bawk nen,Police station lama kaltur tur kal ula,keini'n helam kan lo buaipui ang" Saia pa in atih chuan Police pakhat chuan Saizami chu a nawr kal a..





Tap pur chungin a zui a,rawn hawi letin keini ding khawm chu a rawn en leh a,engmah sawi tawhlo chuan an chhuak fel ta a.






"Va zui ila" Saia'n atih chuan a aw pawh a dam ta deuh a,a hmel erawh ala pe chang hle. Lily chu melh zeuhin kan inzui chhuak a. Saia hmeleh chuan hlauthawnna ka hmu,a chhan awm pawh ka hre mai.





Police station kan thleng a,tawng chak fahran kan awmlo nge ngawi reng chuan kan inzui lut a,Saizami chu chair ah anlo thuttir ngal a,a kun chhal bawk.





Police in kan thleng tih an hmuh chuan thu an han zawtfiah ta a.
"Khawi atanga nei nge inih?" Antih chuan a chhanglo,a kun reng ringawt.
"Engvanga tidarh nge inih,i sawilo anih chuan case kan file tawh ang" antih leh chuan rawn hawichhuak miahlovin
"Ka tilo" ati sep ringawt a.





Saia chu a thinrim deuh nge a nau banah chuan ava man lawk a
"Midang tibuai renglo hian sawi vat rawh,jail tan i duh ami?" Atih hrawk chuan a U chu a en ve ta a.
"Ka tilova,sawi tur ka neilo" ati ta tlat mai..




A ngaihna hriat a har ta hle a,a phone neitu berin a tihloh thu a sawi reng si chuan han tihngaihna vak a awm tawhlo.





"Haw phawt ula,Naktukah inlo kal leh dawn nia" tiin keini chu min hawtir a,Saizami erawh anla kawl thung..




Kan in kan thlen leh chuan anlo la awm deuh thap a,Saia chhungte chuan chanchin min lo zawt vat. Thil awmdan kan sawi chuan hahthlak antih ve hmel hle,
"Naktukah kan kal dawn nia" anti ve ta a..





Midang ho pawh chu an haw deuh sap sap tawh a,Saia chuan
"Ka riak ve ang" ati deuh tlat a.
"Ngailo,haw rawh,riahna pawh a awmlo" tia hnar haw ka tum pawh chuan
"Chhuatah ka mu mai ang" ati tlat a. Chauh nen,ka hnial peih ta lova..





Mut hma chuan thutthlengah mutna ka siamsak a,kan țhutthleng a sei vak silo nen a chep ve viau ang.






Pindan lama mu turin ka pheisan mai a,Lily chu alo thu ngui deuh bar a.
"Mut tum la,i chau lutuk ang" ka tih chuan eng emaw hi a rawn phawrh a.
"Heihi i ngaithla dawn nia" atih chuan ka en a,ka nu phone alo ni.






"Khawia mi nge?" Tih paha ka lak chuan
"Damdawiina kan hruai khan a ipte ah an hmu a,i ngaihthlak tur ni awm tak a ni" tih leh khumah chuan a let nghal thak a.





Ka nu kha sumdawng thin anih vangin phone 2 a nei a,pakhat kha chu a insawhna lamah a chhe vek nghe nghe,heimi zawk hi chu ka tana thil a hnutchhiah vangin alo la hum ve tang tang anih dawn hi.






A reh thiap a,midang chu an mu vek tawh anih ka ring. Lily muhil thei chu ka lawm hle a,chu nilo se chuan a chau chhe der mai ang. Ani chu a natna te a tahchhuah pui thei a,ala vannei letling zawk. Kei erawh,ka chhungah hian a inhnawh tup tup reng a,ka tawt em em ringawt anih hi..






Phone chu ka charge a,ngaithla lawk ngamlo chuan ka mu meng kar a,ka phone alo en chuan ka en vat a,Saia alo ni.
'I mu thei em?' Tih a rawn thawn a..
'Ka la mu lo' tih tawpin ka chhanglet a..
'Ka lokal' atih chuan ka lo thu chhuak vat a.






Pindan kawngkhar chu a rawn inhawng nghal them them a. Amah ngei chu a rawn lut ta a,tunlai kan buai bawk a,a chauh hmel khawp mai..





"A muhil tawh ami?" Tih pahin Lily lam chu a melh zawk a.
"Umm,ala mu nghetlo maithei" tih sep pahin thutna ka lo kian a,ka bulah chuan a rawn thu ve nghal..





"Nangpawh mutthilh tum la,ka lo veng ang che" atih chuan ka nuih mai a. Ngawi rengin kan thu ren rawn a. Chutah,ka rin ang ngeiin
"I rilru i thlak em lovang chu tiraw,Saizami chetdan vang hian?" Atih chuan hnuailam ka bih daih a,a hlauhthawn kha ka ring reng a..






"Ka thlaklo,ka rilru chu angai reng alawm" ka tih sep chuan a thaw huai ri te lam nen chu ka hre thei.
"Lokal teh" tih pahin ka lu ah a rawn dawm a
"Tah hian mu rawh" tih pahin a thu tha a,min kuai mu in a mal chungah chuan ka lu a nghat nghal bawk..






"Tikhan mut tum rawh,i chau ang" tih pahin ka bek ah chuan a kut a rawn nghat a,ka lu na ngut ngutte pawh a zia sawng sawng theiin ka hria..
"I chau lo ami,i hah ropui sia" ka tih sep chuan a kut alo tiche deuh a.






"Taksa chu chau tehreng e. Mahse,ka hmuh theihah i awm tawh a,ka chak leh tawh alawm,kalbo tawhlo la,a dik vek a nimai" atih chuan ka melh chhova,kan inmelh ta kar mai..






"Ka lawm e aw,engkim i buaipui vek a,ka awmloh lai leh ka nu" ka ti chiah,sawi pawh ka sawi zo hmanlo. Rawn kun hniamin ka hmuiah chuan a rawn fawp thut a,rei fawp lovin a tawp a. Hnaih fe a mi melh pahin
"Lawmthu sawi tawh suh ka tih kha,ka tihtur ve reng alawm. Ka bula ila awm hi ka lawm zawk. I hria em,lawmthu sawi tawh hauh suh" tih pahin ka hmui a tawk leh zauh a..
"Aw le" tih pahin ka lo nuih seih a.







"Le,tunah chuan mut tum tawh la,naktukah inleng innei leh dawn ania" tih paha ka lu a hmeh kual chuan
"I chhuak dawnlo mi?" Ka lo ti he haw a..
"Dawnlo,tihian ka veng dawn che alawm. I taksa a chauh hian i buai thin tih ka hria a,keipawh ka mu thei biklo ang,tihian awm ang" tih pahin a chhing zui a..





"Anih,awm tha ila. I mu ve duh em?" Zawitea ka tih chuan
"Ka mu lovang,ka thu anga,tihian i mu zawk dawn nia" atih chuan ka tho vat a,a pheikhawk tlawh phelh sut sut chu ka lo pui vat a..





Khumah chuan a rawn lawn a,bang rinchhanin lukham kan dah a,chu chu nghengin a thu mu deuh a. A sawi ang chuan keipawh a mal chungah bawk ka lu ka nghat leh a,ka sam kara a kutțang a rawn rawlh luh chuan ka lo thaw ham ham a. A han zut kual phei chuan ka dam nghal huai huai thei..






Ka awmdan chu siamtha deuhin a pum lam chu ka hmachhawn a,a kawngah chuan nghet zeta kuahin amah si chet chuan ka mu ta a. Chutia ka awm chiah chu ani pawhin nghet zetin min lo kuah ve nghal a.





Hetia thlamuang zeta ka awm hian ka nu ka ngaihtuah chhuak leh dawn lek lek a,hnuk a rawn ulh nghal titih mai. Ka thawkdan atang chuan alo hrethiam nge.





"Hahdam rawh aw,i hahdam loh chuan i nat belh zel ang" tiin min hnem tum zet chuan ka hnungah alo beng thek thek a,ka in ngaihtuah lungpuam pawh chu a zia ta deuh.






Chutiang chuan nghet zetin ka kuah char char a,englaiin nge ka mutthilh hman ka hre hauhlo.




"Ala mu law?" Lily aw ri chu ka hre ruai a. Ka mi nghen chu a che deuh hrut a
"Ummm,la mu rawh se,tihtur a awm ami?" Ati sup a. A tawng zawng chuan a dul zawn pawh a rawn nghawr deuh dar dar thei.







Chet deuh dat pah chuan
"Ka harh tawh,tinge?" Ka ti vat a,ka chunglam ka en chuan phak chuapin Saia chuan min lo melh thla run a,ka nuih ta ringawt..





"Ka nu thiante anlo kal a,chuan ka pa thawhpuite pawh" ati sap a,a tawplam chu a zuai raih raih tawh hle. A inthlahrung hmel lutuk chu ka en a,nuih sak pahin
"Ka lo chhuak ang" ka ti ta a...





Ka thova,ka delh beh reng pa chuan ka sam thur vel chu alo tuai nghal thuak thuak a..
"Ka delh zankhua che sia,a hrehawm em?" Ka tih chuan nuih sak pahin alu alo thing mai a.






"Na hauhlo. Le,va intifai la,ka lo va chhuak ang aw,kan chhuah rual chuan i zak leh dawn emai" tih pahin ka biangah a rawn fawp tawk a,nuih suk pahin a chhuak nghal.





Ka nu thiante leh Lianzuala thawhpuite chu alo lang tam reuh hle a,a ruang awm ni kha khua a nawmloh deuh vangin anlo lang tam thei lutuk lo anih hmel..





Ralna leh thusawina hun te chu an nei ve a,Saia pawhin engkim min tihpui vek a. Keini unau mai chuan chet ngaihna kan hrelo. Mahse,ama'n engkima engkim min buaipui a,eitur leh inchhung sing sak zawng zawng nen lam a buaipui vek chu ka lawm hle. Lianzuala lah,a thu ngawi ngul reng a,ka nu thi chu a tawrh ve hmel hle a,hei ai hian ala tuar dawn chauh ang tih chu ka rindan a ni.






Chawhnu lam chuan Saia chu Damdawiin lamah a kal ta a. Keimahni vangin a chawl rei tawh a,a buai zual phah khawp ang.





A chhuak fel ta maw tihah Nute Siami te anlo lang leh a,nimin nileng khan vawikhat mah ka be lova,a tap nghek nghek a,keipawh tap chung khan min bia chuan ka hria. Mahse,tawng ngaihna hre lova ka ngawih reng lai kha anih vangin ka chhanglo anih ka ring.






Inleng an chhuak fel a,a thutna atang chuan a rawn tho a,kan awmna lam chu a rawn pan phei pawp pawp,a mitmeng a rapawm bawk nen chuan min rawn phih nawk dawn maw ka ti hman tawh a. Mak ti zeta ka lo en reng lai chuan a kut a vai fua a..





Mahse,kei nilovin ka hnunga ding Lianzuala hmaiah zawk chuan a bang ri sawk a,ka hup thutin mak ti zeta ka en chuan midang pawh anlo ri hak a.





"Nang hi" tih pahin khur hlawk hlawk chuan a kawk a,thinrim lutuk chuan thawk a han la leh hawk a..




"Nang hian,ka fanu hi ilo" tiin sawi zawmlo chuan a sam a hui pap a,sawi zo lo mah se a sawi tum chu ka hre nghal. Engtin nge alo hriat zawk. Lily ka en chuan alo bu zeuh a,alo hrilh a ni ngei ang.





"Engtin nge i theih zawk. Pa tak tak anga en tu che i fanu chu engtin nge i khawihchhiat theih zawk" tih leh tuarh pahin a beng leh sawk a. Pate Ramsanga chuan hnunglam atangin alo pawt sawn deuh a,chu nilo se a beng leh mai duh ang.






"I thil lo tih tawh tenawm lutuk vang anih chiah hi,Ramdinpuii pawhin khatiang kha alo tih. I thiltih pawi zia hi hre rawh. Nangmah vangin ka unaunu neihchhun a boral bawk a,thi ve tlak inih kha" ala tihkhum tawn tawn a..





An awmdan ena a sira ka lo ding reng chu mittui tla zawih zawihin min en a,anpa kuahna chu phelhin min rawn pan hnai a. A kut chu a rawn phar chhuak a,ka enchian chuan a khur der der mai..






"Mate" tih pahin sak fe chuan a chil a lem leh khawlh a..
"Ka tihpalh a ni,i Nutei hian ka lo hrelo a ni. Min ngaidam rawh" tih leh min kuah a rual a,awmdan tur pawh ka lo hriatloh vang chuan ka ding khawng reng a..






La tap zawih zawih chung chuan
"Ka tihpalh takzet,ka tihpalh" ati mawlh mawlh a. Midangin min lo en thup ka hmuh chuan
"Nute,a pawilo" tiin ka nemsawn ta a..





"Ka tihpalh takzet,min ngaidam rawh aw. I harsatna hrelovin kha chen ka lo tihhrehawm belh chhah che a" atih leh chuan ka nui lui a..
"A pawilo,hun kal tawh anih kha" ka ti sep a. Ni se,hun kal tawh a ni. An inah khan awmin,khang harsatna te kha lo tawklo ni ila chuan tuna ka chhel ang hian ka chhel kher lovang a,Saia nen pawh kan intawng kherlo maithei ni..







Ka video chungchanga Saizami a inrawlh tih kan hriattirh khan ka hun kaltawh tam zawk chu ka ngaihtuah let hman thuak a. Ka nutei te ina ka awmlai kha ka chhuikir lo theilo. Kha'ng hunlaia ka rilru a awm thin thu chu
'Ka tawrhna zozai te hria ni ula,tikhawp hian ka hringnun in nghaisa zawm lovang' tih kha a ni thin. Police in phone neitu anlo sawi pawh khan kha thu bawk kha alo lang leh..






Saizami ngawr ngawr ka tihna a nilo,ka thawhpui Rosie ngei pawh kha,ka nutei te leh ka unau thenkhatte pawh. An vai mai khan ka tawrhna te kha lo hria nise,min hmusit in,min tibuai zawm biklo tawp ang.





Tlaiah chuan Saia pawh alo let ve leh ta a.
"Police station lamah kal kan ngaih kha aw" atih chuan hrechhuak thutin ka melh zawk a,alo meng khup deuh lup in ka hria.






"Kan kal dawn nia,Lily pawh lokal a tum a" tih pahin Lily ka ko a. Kan 3 bawk chuan Police station lam chu kan pan leh a. A hahthlak ka ti,pasal turte farnu dawp tura kal reng mai chu,mahse,kan tawpsan tawp thei bik silova..






Saia awmdan chu a buai tih ka hre reng a,Lily nen eng emaw kan sawi laklawh vangin ka be lova,ani pawhin min rawn ngaihsak biklo.





Kan thlen chuan a chhungte pawh anlo awm ve thap tawh a,kan hun tawn zawng zawng vang chuan an inthiamlo ve hle tih an hmelah pawh a lang. Chuvang chuan,zawhna zawh a hunah pawh ka ngawi reng ang.





Kan lut a,Saizami ngei mai chu pawr deuh chhapin an rawn hruaichhuak a,a landan vang chuan khawngaih hmel pawh an pu chuanglo.




Police 3 vel chuan min din hual a. Saizami chu an han zawt leh a
"In sawifiahna tur i nei em?" Antih chuan kun ngal chungin
"Ka tilo" ati tawp a. A bak engmah a sawi leh duh tawhlo.





"Saizam,jail tan i duhloh chuan tha takin sawi rawh,i inpuang anih chuan ngaihdamna te pawh ala awm thei ang" antih chuan ala tawng chuanglo. Ka bula lily ding chuan thinrim deuhin min lo sik ngar ngar bawk a.






Kan ngawih thap lai chuan police pakhat hi alo lut a,Constable chu eng emaw hi a rawn hrilh ru a,a chhuak lehnghal mai.





Chutah,Saizami chu melh pahin nelawm fahranloh hian
"I thurualpuite pawh kan kutah an awm ta,le,Mami,inpuang mai rawh. In chhungkua i tihmingchhe mai mai" atih chuan Saizami chu a rawn tapchhuak hawk a.







"USharon,ka Tihpalh. Mahse,ka tihdarh a nilo tak tak. Ka nu entir tura kan kal khan ka thiante nen hun hmang turin ka cham zui a. Ka rawn haw hma zan khan kan thianpa birthday party ah ka kal a. Tah chuan Beer ka in ve a,ka intur ah chuan mutna damdawi anlo pawlh a,ati tu pawh ka hrelo. Chuan,anni chuan ka phone lo khawihin anlo post darh ta a ni" atih chuan kan meng phawk hru hlawm a.





Apa chuan
"Chutiang te chu atirah sawi daih tawh ta che" alo ti hrawk a. Ani lahin
"Party naa kal a,Beer vel ka in vangin min hau dawn tih ka hre sa a,bakah,khami zan khan khumah ka lo mu ringawt a,ka kawr pawh ka lo ha tawhlo,ka hlauthawng a,ka thlalak mak deuh deuh anlo nei ang tih ka hlauh vangin engmah ka sawi ngamlo alawm" alo ti ve teu a..





Midang zawng chu kan hahdam huai vang nge,kan pik sawt vang pawh ka hrelo,kan thaw deuh hawlh hlawm a. Apa chuan va pan hnaiin
"Tinge nangma phone kher an hman?" Ati lrh ta chat a,keipawh chu chu ka lo ngaihtuah reng.





"Ihh,kan thlen tirh khan ka u leh USharoni thlalak hi midang ka hmuh a,an inneih tur thute ka sawi a,tah khan anlo hria aniang. Tu ber nge ka hre lova,mahse,rin deuh chu ka nei tho" insut hraih paha atih chuan engkim a chiang ta uar uar mai.






Chutah,Constable chuan kut vai thuak pahin
"Imm,kha zawng kha kan hriat duh a ni e. Abak chu kan hre vek tawh,i inpuanna kan hriat ve duh vang hrim hrim ania,in haw thei" awlsam fe hian ati mai a.
"Misual berte chu" tia ka lo zawh chuan min melh kur a,a tarmit a chhah mai sia,a hlauhawm lek lek.
"Kan man tawh,Vai 2 anlo nia,tleirawl sa-hawk,awmngaihna hrelo zet zet maw le. Khawi emaw Bar vela an kalna atangin Video vel kha chu anlo nei aniang" ati leh mai a..






Saia chuan ka beng bula rawn kun pahin
"An neihdan kan chhuitir leh dawn mi,i duh em?" Atih chuan ka la ka lo thing vat a.





Ka duh tawhlo a ni,ka zahna khua a sei mai mai. Tikhan,an man tawh ber chuan a tha nimai. An chhui a,an haichhuah belh zel anih chuan ka zak telh telh zawk ang. Tikhan,ka nunhlui leh ka natna zawng zawng te nen a vaiin in phumbo vek tawh rawh se.






Midang an chhuak vek tawh a,Saizami pawh anu in a kuah chhuak a,ala hlauh deuh vang nge kal pawh a kal tha theilo. Saia chuan Constable chu chibaiin
"Kan lawm lutuk e" ati sup a. Constable chuan
"Kan tihtur alawm,i mi ngenna ang ngeiin i farnu chu zirtirna kan pe tawh bawk a,a inzirchhuak khawp ang" alo ti leh a.






"I hre tawh ami?" Tia Saia ka melh chhoh ha chuan min en ringawt a,kan hmaa mi zawk chuan
"Kan hre tawh alawm,inpa pawh hian a hria. Mahse,a farnu zirtirna pek a duh vangin khatia ti mai kha kan ni,a tihsual hria se,zankhat tal Lockup ah riak ve se a duh a,min ngen vangin kan chhuah nghallo anih kha" atih chuan mak ti zetin ka en a,min kuah pahin min nuih sun sun ringawt..





Kan chhuak a,Lily chuan min lo nghak ran tawh a.
"Khatia tih kher angailo asin" ka tih sep chuan min vuan nghet sauh a.
"Ngai e,ka farnu ania,i nau ani thuai dawn bawk. Atih a ni emaw,nilo emaw,khatia nuam a chen vang ringawt pawh khan hrem a phu alawm,tikha chuan a fel tawh viau ang" alo ti mai a. Keipawhin alo nih lehloh vang khan inthiamlohna em em pawh ka nei chuanglo,ka sual vang pawh nilovin,hrehawm ka tilo ve tawp.




Lily bul kan thlen tawh vang chuan engmah kan sawi zui tawh lemlova.






Ka nu thih atangin Lianzuala chu a tawng tlem em em a,kan mit hmuh theihah pawh hian a awm tam vaklo. Lily ber pawh chuan a ngaihsak vak lemlova,anmah leh keimah ngei atanga ka zirchhuah tak chu. Huatna hian nu leh pate hmangaihna ngei pawh alo pawlh dal theihzia hi a ni. Keipawhin,Lianzuala vangin ka nu ka hlat a,ka hua chu ka ti kherlo. Mahse,'i pa' atih deuh sekte khan ka puak keh mai dawn khan ka hre thin a,a chhan ka hriat silohvin a bula awm ka thlakhlelhna kha a reh tial tial a ni ber. Mahse,min kalsan meuh chuan ka tan a hlutzia leh ka la hmangaihzia ka hrechhuak a,chu erawh chuan awmzia a nei tam vak tawhlo.







Saia pawhin a hna a zawm pangngai leh tawh a,Lily pawh tukin khan a zirna lamah a kal zui leh a. Ka in luahah chuan ka thu reng a,ka haw tirh khan inleng ka nei neuh neuh reng a,a then min khawngaih tak tak an awmlaiin,a then erawh,engtin chiah nge ka awm,ka zah hmel em,ka nu thi chu ka tuar tak tak em tihte en tur leh min rawn hmuhsit tum renga lokal te pawh anni nawk hlawm.





Mahse,Saia'n min awmpui tlat a,keipawhin hmachhawn dan ka zir a,ka huaisen lehzual sawt chuan ka hria.




Ka hmingchhiatna vang khan college a ka hna pawh ka chan ta a,a hming chuan min sawm leh. Mahse,khatiang tehhrep hnua han inlan leh kha ka duh tawhlo.





Keimaha ka awmlai a ni bawk a tiin ka nu phone chu ka phawrh a,ka ngaihthlak ngam ngailoh thil chu ngaithla turin ka thu tha te te a..





Chutah,a phone ngei mai chu ka han hmet eng a,a wallpaper te mawlh chuan min ti lungchhia,Lily leh keima thlalak a ni a,kan la naupang hle.





Ka hmet dawn a,ka tim leh deuh si,mitchhing chung chuan 'play' chu ka hmet ta pawp a. Atir chuan engmah a sawi lawklova,a ri deuh ruk ruk a,a thaw deuh halh halh bawk.




A hnu deuh chuan a rawn tawng ta a..
"Ka fanu,Bawihte. Ava han pawi tak em,sawi mai tur pawh ka hrelo. Inu ka nih angin ka zak hle tih hi lo hre phawt mai teh. Ka fanu,mahse,maw,chhete tal khan lo huaisen la,min han hrilh thawi hlek ni la chuan,ani mai mai kha chu ka kalsan vang vang anga,a damchhunga a theihnghilh leh tawhlo tur hremna kan pe mai tur.




Ka fanu,ka hmangaih zia che hi ka lo lantir tawklo a ni mahna. Engtin nge nang aiin ani kha ka thlan ilo rin theih. Engkim dang aia ka thlan chu nangmah chauh inia sin,ka fanu,ka neihchhun,ka hmangaih hmasa ber leh ka emchimloh kha ini a,tunah te hian duat taka pawm che a,fawh vawng vawng che ka va chak tehlul em..





Lianzuala nen hian zankhat kan chesual palh vangin kan innei zui mai mai a,ka hmangaih hranlo. Pa neilova i awm hi hmuh hrehawm ka ti che a,ka naute pai mek tihfahrah leh ka duh tawh bawklo. Chumi vanga ka thutlukna siam erawh in nasa takin i nun alo tichhe si. Ka inchhîr zia sawi dawn ila i awih kherlo maithei.




Mahse,maw,ka ti tak tak ania. I rawn haw atang khan min hlat sawt tih ka hria a,ilo nula ve tawh a,hun thawl te i mamawh anih ringin i awm ang ang khan ka enliam tawp che a. Mahse,alo ni silo.





Ka pasal tenawm takin a khawihluih lai che a,i hlau thlabar turte,naupang te ni si a min ngaihtuah ve turte. Kei min hmangaih vanga hlau chung chunga kan bula ilo awm thin turte ka ngaihtuah hian thih daih ka chak asin. Engtin nge ka lo hriatloh theih. Hlau thlabar a i awm tur ka ngaihtuah ringawt pawhin nu thinlung hi chema vih sawk sawk ang mai hian ana a,ana lutuk hi ka â mai dawnin ka hria..



Bawihte,ka tihpalh aw. Ka lo hre lova. Mahse,hei erawh hre reng la ka duh. Khawi hmunah pawh,tu lakah pawh duhthlan ngai ta se,nangchu ka thlan hmasak ber tur ila ni reng ania. I nu in a hmangaihna che in eng nen mah tehkhin tawh ngai suh,englai pawhin ka neihchhun ini a,ini reng bawk ang..




I hmel hmuh ka duh a,i awmna ka hrelo,ka duh duhna lam panin ka rawn tlan ve tawp a,ka zawn hmuh hunah che chuan min lo hau mai suh aw. Ka" atih zawm chiah,a ri bur bur a,tek tla ri leh khawpui ri bak hriat tur a awm tawhlo.





Mahse,ka la kang a,ruahsur ri karah chuan ka nu aw ngei mai chuan chau tih hriat takin
"Ka hmangaih che,i nau lo enkawl tha rawh aw. Pasal tha tak i nei dawn nia,i pasal neih niah ka lo thlir reng ang che. Ka naute,tap ngai tawh suh,hlim reng ang che,mangtha aw,anu hi min ngaidam ang che" ri che che,thaw kawk kawk paha atih chuan ka mittui a luang zung zung a.






Ka awm zawn tawt lutuk chu ka chum vak vak a,ka bula lukham chu la lawkin ka seh bet a,ka theihtawp chuan ka au vak vak a,ka natna chu ala reh thei chuang derlo.





"Nu" tiin ka au vak a,ka sam tham pahin ka leng vak bawk. Awmngaihna pawh ka hrelo,hmangaihte chan tluka na he khawvelah hian alo awmlo anih hi.





Mittui luang zawih zawiha ka thut lai chuan kawngkhar alo ri a,thei leh theilova thovin ka mittui luang pawh hru lemlo chuan ka va hawng a. Ka hawng fel chaih,phe ruaiin Saia mak ti hmel chu ka hmu zui nghal.





Ka hmel a hmu chiah
"Hrep chuan,enge thleng,tinge?" Tih leh rawn luh a rual a,mahse,thutthlenga ka nu phone let bal a hmuh chuan a hrethiam nge
"I ngaithla ami?" Tia ka biang a dawm chuan ka lo bu nghat a.





Min khawngaih hmel zeta min melh chuan insum thei lovin ka kuah thlawp a,ka kuah aia nghet chuan min lo kuah let ve nghal.





"Usai,ka nu" tiin ka sawi tum pawh ka sawi zo thei lova.
"Shhh,i chau ang" tih pahin min pawm lawp a,ka kuah ang ang chuan sofa lam min panpui a,a kawrah chuan nghet zetin ka lo tham vak vak ringawt.





"Le,thawk la la" tih pahin a mal chungah chuan min nghat a,la insut hlawp hlawp chungin ka en a,ka insum hleih theihloh vang chuan tihngaihna a hrelo nge a awmah chuan min kuah bet leh ta ngawt a.




Tapchhuak thei silovin a awm zawnah chuan ka bei char char a,ka hnungah alo chul reng bawk.




Ka in tah thawl deuh hnu chuan ka awmsawn deuh a.
"Ka nu khan,ka awmna a hrelo. Mahse,a rin thu in min rawn pan a,a kawng rawn zawh kha a dik bawk. Chuan,a boral dawn tih a hriat vang aniang,ngaihdam min dilna te kha alo record a" lungchhe zeta ka tih chuan khawngaih hmel deuhin min en reng a..






"Ka nu khan hrilh ila chuan Lianzuala a hrem tur thu leh kei min thlan zawk tur thu a sawi a" ka tih leh chuan ka hmui alo hup vat a.
"A tawk e,sawi tawh suh aw. Ka hre vek tawh,i mut laiin ka lo ngaithla tawh alawm,sawi angai tawhlo" dam thlup chuan alo ti a.





"Mahse" la dam thei chuang lova ka tih chuan ka biang huh chu alo tuai thua thuak a.
"Tap tawhlo la,inu pawhin taplo turin a duh che kha" atih chuan mittui la luang reng chung chuan en a.




Rawn kun hniamin ka mit,ka tahna vanga bui leh lak tawhah chuan dim fe hian a rawn fawp a
"Dam tawh rawh se" tih pahin a lehlam pawh chu a fawp leh a..
"Heta tang hian mittui lo luang tawh suh se" tih leh ka mittui luanna zawn chu a chhui thla a,a fawp thla zel a. Ka biang a fawh zawh chuan
"A dam tawh tiraw,tikha chuan ana tawhlo ang. Chuvangin,tap tawh suh aw,i tah chuan hrehawm ka lo ti ve thin a,ka tap ve thei bawk silo,a hrehawm emai" atih chuan ka en reng a..






"Min nei rawh" ka tih thut chuan a meng zau awk a.
"Innei ang" ka tih leh chuan nuih zawk paha
"Kan innei dawn alawm,hun han liam deuh se" atih chuan
"Nghah ka duh tawhlo,innei tawh ang. Keimah in ka awm ngamlo. Ka mumangah ka nu ka hmu thin a,a hrehawm thei emai" ka tih leh chuan a meng a danglam leh nghal vek a.






Ka tah leh mai a hlau nge min kuah thlawp pahin ka lu chu a fawp vang vang a
"Aw le,kan innei khawp ang. I inpeih hun ka nghak mai che lawm,tun thlaah ngei hian kan innei ang" tiin a thaw ham ham a.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:59 pm

ERASED

CHAPTER 27
☆☆☆☆☆☆



SHARONI POV:



Ka thusawi apiang i he lova ti thin,ka sawiloh thleng thlenga min tihsak thintu Saia chuan ka duhdan ang ngeiin inneih lam chu a chhungte alo sawipui leh a. Anni pawh anlo phur ngang mai
'In tum tawhlo emaw kan lo ti zawk a' fiamthu titak hian anlo ti zawk a..





Palai kalthat a ngaih leh ngaihloh lam te an sawi a. Mahse,chu em chu ngaiah kan ruatlo,ngai pawh nise,Lianzuala lo dawnsawn tur annia,a tul berlo. Ahmaa an kal kha kan ring mai dawn a ni..





Rilru la dam fello mah se,a ni telin hmalam ka pan ve hret hret a,hrehawm ber chu ka mumanga ka nu ka hmu thin hi a ni. Zantin ka hmu a,a chang chuan a accident dawn laia ka ngaihthlak tur alo record lai awm te,a chang leh khawvelah alo let leh daih ang te hian ka hmu thin a.





A tak emaw tiin ka harhchhuak hlawl thin. Mahse,ka lawm ve em em na pakhat chu,a hmel a hlim thei em em a,vei neilo ang mai hian a mitmeng pawh a nung a,min en apiangin min lo nuih thin. Chumi ka hmuh chuan ka thla a muang a,zanlai laiah te hian ka nuichhuak leh ringawt thin.






Engdang buaipui lovin inneih lam ringawt chu kan buaipui a,ka Nutei te ho pawhin min ngaihsak thar em em a,anni chang a nilo,ka nu chhungte dang pawhin engkimah min buaipui vek a,a hmaa man eitu tur kan lo ngaihtuah vakloh te kha anlo inruat fel vek a,tunah chuan ka nu awm tawhlo mah se,inneihna fel tak ni thei dawn in a lang ta.





Saia te inah pawh ka lang ve reng a,a nu leh pa te an fel a,engmah inthlahrunna tur awm lovin min siam thiam a. Saizami erawh ala inthlahrung deuh dek reng a,ka biak luih pawhin min chhang a,a kalsawn leh daih thin. Saia ber pawh chuan
'Ilo lawi hunah a zia mai ang,thil a tihsual chuan a khati ziah alawm' ati mai a,khatiang reng anih dawn kha chuan ka tan pawh a nuam dawn hauhlova,a ziaawm zel ka beisei..






Man hlan ni a thleng dawn tawh a,engkim kan peihfel thuak tawh ang a ni. A khat tawkin ka nu thlan kan tlawh reng a,ka bulah Saia a awm tlat vangin ka tap vak thin em lova. Bakah,ka nu thu min hnutchhiah kha ka hre reng a,taplo tur leh pasal tha tak nei a,ka nau enkawl zui turin min chah anih kha.






Tun atang chuan kha thil chiah ka ka ngaihtuah tur a ni tawh ang,hna buaithlak tak tak thawh ka tum tawhlo anga,ka nau ka enkawl anga,pasal,min hmangaih tak tu ka nei dawn bawk a. Chu chauh chu ka hna leh buaipui tur anni tawh ang. Ka nu hming chhalin ho mai maiah ka mittui hi a luang leh tawh tur a nilo.





Man hlan ni lo thlen hma deuh chuan ka nuamlo riau a,ka khua sik chiah silo hian khawsik tur ang deuh hian min tham er er a. Saia ngaihthalo chuan thisen test turin min hruai a,Malaria te alo nih palh takah ati ni maithei..






Civil ah min hruai a tum a,ka lo duh hauh silo.
A tihngaihna hrelo chuan Bawngkawn lama damdawiin ah chuan min hruai ta a. A hmun kan thlen chuan ka la kal ngai hauhlo tih ka hre mai.
'HIGHLAND HOSPITAL' tih alo intar kuau a,a changtlun hmel khawp mai.






Doctor ve tho anih vangin hmelhriat a nei nual a,kan luh pawh chuan nghah vak kan ngailo. Lehkha vel min ziahpui zung zung a. Kan luh hma deuh chuan kei aia upat hmel deuh hmeichhe hleitling zuar hi alo phei a. Saia nen an han inhmu chu an inkuah deuh thuak thuak a,an awmdan mak ti fe a ka lo en chuan chunu zawk chuan
"Heihi mi?" Tiin min rawn kawk a.






Chutah,Saia chuan ka dara min kuah pahin
"Aw,anih hi,inneihna ah tal inlo lanloh chuan kan vui khawp ang" ati ve ngei a. Chunu chuan a kut rawn phar chhuah pahin
"Chibai,Sarah ka nia,Saia te senior thin hi" atih chuan ka lo chibai vat a. Eng eng emaw sawiin kan ding kawi reng a. A hnu deuhah
"Va lut tawh rawh u,ka naute ka va hruai ve ang e" tiin a kal ta a.







A kal fel chiah tihah Saia chuan
"A fel ania,hemi damdawiin neitute fa upa zawk hi ania,kan senior ani thin" ati sup a. Hnunglam atangin a phei lai chu ka thlir a,a lu a zawh hmel vah vah khawp a,a hawiher ah pawh vantlang chunglam tih chu a hriat reng.






Nurse in min lo koh hnu chuan kan lut a,ka thisen te chu la in test tur neuh neuh chu an han test a,a result erawh naktuka lam leh tur a ni daih..





Kan zawh chuan
"Ka thianpa hmu lawk ang aw" ati sup a. A chung berah chuan kan chhova,helam pawh alo nuam ngang mai.





Kawngkhar lian zet chu a kik kauh kauh a,a chunglam atangin
"Come in" mipa aw thum lam deuh hian alo ti vat a.
"Hey thiana" tiin kan lut fel chiah tihah mipa chu a rawn thova..





"Inhmuhlohna ava rei ta ve,heihi maw innu tur chu?" Tih pahin min rawn melh zat a,a mitmeng ka hmel ka hmu chiang chiah chu ka phu deuh zawk thei. Ani hi chu ka hre daih tawh,a that ngaiin alo la tha reng anih hi. Jail a tan lai vel khan kan nula tan a,ka star ve theih zia kha.







"Nupui i nei tha dawn hlemai,kan nu la tluklo deuh mah se" nuih suk paha atih chuan ka lo nui ve ngawt a,ka nui hak ri chu Saia'n alo hria nge,mak ti zetin min en a. Ani pawh chu ka lo nuih ringawt..





Kan thu a,Coffee te in pahin mipa 2 chuan eng eng emaw an sawi a. A thianpa chuan
"Ka sawmna che i pawm duh silo,Civil ah sawn i hlim tawk anih hmel?" Tiin Saia chu a fiam a. Pakhat chuan
"Nia,hlawh a that zawk chuan ka la rawn insawn nulh maithei ni" alo ti ve bawk.






Rei thu tawh lovin kan chhuak a,kan chhuak fel,kawngkhar a hming intar ka en chuan ka hresuallo tawp. Amah ngei kha a ni,Gordon-a kha. Ka nutei te khuaa ka awmlaiin chanchinthar ah ka hmu thin a. Tleirawl hovin
'Fall in love with Criminal' tih caption a tana an hman uar chhan pawh kha a ni. Alo upat ve hmel ta hle mai.






Ngaihtuahna kawm char char paha ka kal chuan ka sirlam ka en a,Saia chu alo awm tawh hauhlo. Mak ti zeta ka hawilet chuan kawngkhar bulah khan alo ding reng a,kuangkuah deuhin khabe alo dawm run mai.





"Tinge?" Ka tih chuan muang fe in a rawn phei a.
"Mawizuala kha i duh chu a ni emlo maw?" Nui miah lova atih chuan ka nuih hak a.
"Tinge min zawh a?" Ka tih chuan
"I hmuhtirh atang khan min la be leh lova,en pawh min en tawhlo. Mawizuala ringawt kha i en ania,ka lawmlo" ati deuh hmuk a.





A awmdan vel chu ka lawm lutuk.
"Iva ho tak,hmanah ka hre thin alawm" tih pahin a banah ka kuah that a.
"Engtin?" Min melh tha duh miahlova alo tih leh hmuk chuan kalluih pui pahin
"Aw,hmana Jail a tan lai khan" ka lo ti mai a.
"Ilo hre ve a nimaw?" Tha tak chuan ati leh mai a..







"Nia,an lar ve a" tih pahin kan chhuk zel a.
"A thiamloh pawh a nilo,a nupui hlui kha ania"atih leh sup chuan ka lo bu nghat nghat a.





Man hlanni alo thleng a,ka nu awm tawhloh nak alaiin Lily alo la haw thei bawk silo,nuam pawh ka tilo hle a. Saia chuan theihtawp in min hnem a. Ka Nutei te hovin ka lungngaih hlauvin min be reng bawk. .





Man kan hlan fel a,dan ang chuan Pasal nei ka ni ve ta der mai. Ka ngaihtuah chian hian ka awihtheilo hial zawk. Naktuk tukleh maiah inneihna a awm anga,tichuan,nupa tak tak kan ni lehzual ang. .





Inneih hma nikhat ala awm tih chuan picnic an rawt a,kan veng atanga hla vaklovah chuan kan kal a,a nuam khawp mai. Tiang khawpa inpawh hian kan chhungte nen kan awm ngailo,ka nu kha la dam ve se nuam ati ngawt ang.






Inneih ni chu alo thleng a,ka nu te in leh ka in luah pawh a hlat ve ve vangin thiana ka hman turte inah chuan zing atangin kan inpuahchah a,an in a zau tha bawk a,chet vel pawh a rem hle..





Duhthusam chuan kan in atang ngeia han kal kha ka duh a,mahse,Lianzuala bak a awm chuanglova,awmzia a awmlo.





Kan insiam laite chuan Saia chuan min lo be sek a,min cheitute chu anlo khi vur vur zel. Thiana ka hman tur ber pawh chuan
"U Saihminga hi chu aw" alo ti ve vawng vawng tho.





Dar 10 velah Lily alo thleng ve ta a,Shimla atangin khawi mah peng kawi lovin helai hi a rawn pan ngha a,naktukah a let lehnghal bawk ang..





Hun kan la ngah viau emaw tihlaiin alo ral duak duak a,inkhawm kha dar 1 tan a ni a,tunah 12 alo pel der tawh. Peih chu kan inpeih thuak tawh a,mahse,ka pheikhawk bun tur ber kha ka kalpui vel hian ka tawt ta tlat a,kan buai chiam hnuah Saia chu lokal in
"Heihi bun rawh" tih pahin pheikhawk nalh zet chu min rawn pe a..






"Khawia mi nge,ava nalh ve?" Ka tih chuan
"Ka va lei chawp anih kha" alo ti mai a,ka nui ta ringawt. Inneih tan dawn a ruaiah mo neitu berin monu pheikhawk buntur ava lei leh chu ania..





Inneih dar chu a ri ta ral ral a,zam zetin pawna motor ah chuan kan lut a,biakin lam chu kan pan ta a.






Ka beisei ai daihin lokal an tam a,step ka chhoh laia ka thla lo la an awmte chuan nuam ka ti ve em em a,min hmuhsitna leh tenna nilo,mitmeng hmuh nuam zeta min lo en te chuan min tilawm lehzual..





Chu zawng zawng ai chuan,step tawpa min lo hmuaktu chuan ka mit ala a,a hlim hmel ka hmuh chuan ka nuih nghal sen sen a,khap miahlovin min lo en char char a,kan thla latu pawh chuan chulai thla chu alo la char char bawk..





"Ka inhmeh maw?" Tiin a bul ka thlen chuan ka zawt vat a. Min la chhang chuanglo
"Tinge?" Tih paha ka hawikual chuan hawikual ve nghalin a khuh deuh khurh khurh a,chutah,ka beng bula rawn kun hniamin
"Biakin kawt chu nilo se ka fawp hrep tawh ang che" atih chuan zah vangin ka lo mur chhuak vek thei..





Kan 2 leh kan thian ve ve te nen chuan kan lut rual nghal vek a,biakin khat tlata mipui thu chu,ka lam hnaite vek nilo mah se,kan hlimna nia anlo lan vang hrim hrim chuan an fel ka ti a,ka hmu hmeltha hlawm vek mai.





Ka zam em vangin ka kawr ka tham ngar ngar a,chu chu alo hria nge Saia chuan midang hmuhloh turin alo vuan vat a,ka kut chu a hum vang vang a,ka en chuan khap fan ruih hian min lo en ve chiah bawk..





Pastor in inneih thutiam min chhamtir a,ka sawilai chuan zah nen ka fawm vangin ka sawi bah nuaih te hian ka hria a,ka hmaa ding,ka mit taka min melh tlattu vang pawh hian ka zam lehzual hle.




A sawi hun alo thleng ve a,sawi tawp mai pawh duhtawk lovin ka kut chu a chelh a,ka mit taka min la melh reng chung chuan thutiam a sawi a,a hmel en chuan thinlung zawng zawngin a sawi tih a hriat mai..




Nupa a puan kan lo ni ta a,inneih tawplam kan hnaih chuan hla kan sa a,kan hlasak berkher lah chuan ka nu min ngaihzual tir hle a. Ka naupan laiin he hla hi asa rat rat thin a
'Pasal i neih hunah chuan hemi hla te hi kan la sa ve maithei asin' tiin min hrilh thin..






Mipui chhuah hmain kan chhuak a,mipui zawna muangchânga kan pheilai chuan ka sir vel ka enkual a,mittui parawl kuanga Lily min lo en ka hmuh chuan ka nuih sak a,tukin khan a hmel kha ka nu hmel angin ka hmu thut anih kha,amak khawp a ni..





Kan phei zel a,ka Nutei'n mittui hru mawlh mawlh paha min lo en chuan ka hnuk a ulh ve leh nghal mai a. Ka nu thusawi
'I pasal neih ni chuan ka lo thlir reng ang che' atih chu ka thinlung ah a in thum nawn tluk tluk a,Saia ban nghet zeta ka vawn chuan min lo en vat a,min khawngaih hmel ka hmuh chuan ka mittui chu ka khap per nghal sak..





Pawnah kan chhuak a,naupang hovin pangpar leh eng emaw nalh deuh deuh hian min lo theh a.





Van thiang kak mai,pawl raih kara chhum inleng kal muai muai lam hawi chhovin,zawite chuan
"Nu,min lo en maw. Ka kawr hi a nalh em,eng nge ka an. Min lawmpui thu tal i sawi dawnlo ami?" Ka ti sep sep a,sawi pawh ka zo tha theilo,midang hmaah chuan ka in tap mualpho mai ang tih ka hlau a,insum zet chuan thlalakna hmunah ka ding ve ta hram a..





Kan ding fel chiaha tihah ka pasal chuan zawi sup hian
"I mawi lutuk ania,inu pawhin alo en reng ang che. Ka mita i mawi ai pawh hian a hmu mawi zawk maithei che. Lungngai duh suh aw,ka awm hi" tih pahin ka kut chu a chelh nghet sauh a.
"Aw le" tih zawih sap pahin ka bu nghat nghat a.





Thla te chu kan la a,Saia te lam hmelhriat leh thenrual ngah anlo ni bawk nen a rei duh khawp mai a. Thlalak hun atana darkar 1 vel hun kan ruatah pawh chuan a chanve pawh kan la zo hauhlo.






An in a lian tha a,kawt zawl a zau bawk a,an in kawtah chuan ruai kan theh nghal mai a. Zanlam boruak erawh chu chhunlama lo lang hmanlo lokal belh tur an awm nual a,chep zeta hman ai chuan tiin hall kan be fel vek tawh a,kan chei diam tawh bawk.





Hall lam pan chuan chawei khamah kan phei sang sang a,a hmelhriat band te chu alo sawn nual a ni awm a,min hrilh silo chu kan thlenga, ka hre chawp ve leh chiah. Anni chuan mipui chu zaiin anlo awi char char a,a tira boring lutuk tur pawh a tiziaawm khawp mai.





Kan chhungte lam ve ve atang chuan thusawina an nei a,ka lam atangin Nutei'n a sawi teuh a,Saia pa in a sawi ve leh bawk. In hrechiang kan nih vangin a zavaia sawi erawh angai lo,mahse,ka Nutei ve thung chuan ka naupan lai atangin a rawn chhui chhova,a rei duh khawp mai.






Lamna hun te an buatsaih a,Host te chuan kan 2 a lam turin min phut tlat a,midang ho pawh chu kut ben dur dur pahin min lo au ve vak vak bawk. Saia chuan nuih sun sun pahin ka kut chu a chelh a..





Chutah,lam tualah chuan kan inkai chhuak a,kan ding fel chiah tihah Band ho chuan
'You're still the One' tih ngei mai kha nalh fan reih rawihin an rawn sa a,a mood a cheng veng veng chung chuan kan lam a.





Kan lam chhung zawng kan intawn dante ka ngaihtuah chhuak a,ka hnute ah khan bawk lo awmlo ni se kan intawng leh awm tawp silo. Chu mai pawh nilo,ka inzai zawhah te khan min rawn buaipui zuilo nise tiang hun hi kan thleng hauhlo anga..






Ka dinhmun chhiat ber lai leh,min kalsan tura ka tih lawm lawm laite,zoram pum huapa ka hmingchhiat vanga ka pilbo daih laite pawhin ani chuan hmangaihna dai ngailovin min hmangaih a,a hmangaihna in min chhanchuak ka tilo theilo.






Zai chu a tawp dawn a,a tawp hma deuha
'I'm so glad we made it
Look how far we've come,my baby'
tih laite ah chuan midang hmaah min fawp thut a,ka thil ngaihtuah nen,an hla sak nalh ka lo ti lutuk bawk nen chuan ka ding khawng nghal vek a,mipuiin kut ben dur dur paha an lo sa hawk chiam chuan min thlah ve ta a,ka hmui rawn tuai thuak pahin
"Ka hmangaih che" ati sup a. Ka kut chu chelhin thutna lam chu kan pan leh ta a.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:59 pm

ERASED


CHAPTER 28(LAST)
☆☆☆☆☆☆




Mi hrang hrang an zai a,Saia thawhpuite leh midang hnen atangin lawmpuina thilpek te kan dawng bawk a. Chumi kar lakah chuan eitur te anlo sem leh bawk.






Programme nawlpui kan zo a,ban lam kan hnaih tawh lam chuan Host in thusawi duh apiang sawina hun a hawng a. Lo in buatsaih lawk ila chuan midang leh a bik takin ka pasal lakah hian lawmthu ka sawi ngei ang. Mahse,ka inbuatsaih lawkloh bakah mipui hmaa la din vak hi ka la ngam chiahlo a ni.





Midang an ding dawn emaw tia ka lo kun renglai chuan ka kut chelhtu chuan a kut chu lasawn in a ding ta vut mai. Mak ti zeta ka melh chhoh chuan
'Min ring rawh' ti ang mai hian alo bu nghut a. Kan hmalamah chuan a pen chhuak a,mipui hma takah chuan ava ding ta luah mai.







Mike chu anlo pe vat a,a ban a,sawi ta mailo chuan min rawn en leh a,chutah,a nu leh pa te,midang awmna lam chu a en leh a..





A enkual zawh vek hnu chuan
"Aw le,vawiin hian thusawi tum em em pawh ka ni lova. Mahse,kan host te hi an zahawm em a,ka nupui thar lah ala zakzum si a,kan nupa aiawhin ka rawn ding chhuak a ni" atih chuan midang anlo nui hak a.






"Vawiina lokal zawng zawng hian kan thawnthu in hre kherlo anga,a then hi chuan in hria ang. Chuvangin,in zavaia inlo hriat theih nan tihian ka han sawi ang e" tih pahin Thutthleng banah chuan a han thu leh te te a,a sawitur chu ka lo en kar bawk.





"Doctor ka zir hma khan kan chhung zinga Doctor pakhat hi Health Clinic a hawnna ah ka zui ve a. Tah chuan tuna ka nupui hi ka tawng ta a. Chulai chuan hmeichhe tleirawl te ala ni a,hmeichhe naupang pakhat nen hian an rawn inzui hnak hnak thin. Ka vawikhat hmuhna atang khan ka mit ala nghal em em a,nitin alo kal hun kha ka lo chang ziah a..






Tlangval dangin anlo auh fiam te khan thinrim hmel deuhtê hian a kal hlawk hlawk a,a phun nang nang thin. Tichuan,kan awmchung zawng khan vawikhat pawh mumalin ka be lova,kar lovah kan haw alo hun leh mai bawk..





Kan haw a,a hlim chhawn chu sawiloh,kum tamtak hnu,Doctor ka zir hnu thleng pawh chuan ngaihtuah chhuah chang ka la nei a. Kawppui mumal ka nei thei lova. A chhan pawh ka nupui vang hi a ni. Amah ang zia nei kha ka zawng a,amah anga lu zo,induh silo. Engkim mahnia tih tum vek,puih luih ngai zawk hmeichhia ang kha ka zawng a. An vang pharh mai. Mahse,hei,a hun takah chuan pekin ka awm leh ta a.






Chu'ng ka sawi duah chhan chu inla manlo maithei. Hmanni deuh lawk khan Video viral vak a awm a. Chu video ah chuan stripper pakhat hi Bar ah a intheh kual a,thawmhnaw sexy tak tak a ha bawk. In hria,keipawhin ka hria. Chu chu tudang a nilo,tuna in rawn kal chhan,ka nupui neihnaa ka nupui ngei hi a ni" atih dap dap chuan ka lo kun nghal daih a.





Mahse
"Ka nupui kha kun lovin lo hawichhuak rawh le,ka hmel hi en rawh" tia a sawi leh chuan kut hum ruh vak pahin ka hawichhuak a,amah ka en hma chuan mipui lam ka en hmasa phawt a,khap miahlovin min lo en hlawm
"Mipui lam en lovin keimah hi min en rawh" atih leh chuan amah chauh chu ka en a..





Mawi taka min nuih pahin
"Saw saw a ni,amah ngei saw. Video viral a hmeichhia kha" tih pahin mipui lam chu a en leh a.






"Engvanga rawn sawi nge ka nih. Tih mualpho ka tum em,tihzah ka tum vang a ni em?. Aih,a nilo,ka hmangaih em a,ka chhuang em em a,chuvanga rawn sawichhuak mai chu ka ni" atih leh chuan ka lo nui hak a.







"Vawiinah hian ka nupui ani tawh na vang vangin ka hmangaih lutuk hi neih nawn awn awn mai ania ka duh" ati chiah mipui chu anlo nui leh huk a,keipawh amah en reng chung chuan ka lo nui ve reng a.






"Dawt ka sawilo ania,ani anga hmangaih hi ka la tawng ngailova,tawn nawn leh pawh ka duhlo. In hria em,ani hian vawi engzat nge min hnawl,min hnawl mai pawh nilo,a lak atanga bo tur hian vawi tam min hrilh. Mahse,ka duh chuanglo" tih pahin amah zawk pawh chu a nui sak a..





"Nangni pawh hian mak inti tih ka hria. Hmanni lawka video viral vangte pawh khan. Mahse,ka tan chuan engmah a danglam chuanglo. A video aia rapthlak pawh kha rawn chhuak nawn lehin,vawi sang sawm pawh mualpho rawh se. Ka tan chuan ka hmangaih Ramdinpuii kha ala ni reng a,ka thlah phah chuanglo anga,ka tan chuan hmeichhe thianghlim leh fel ber ala ni tho tho. A paltlang chanve pawh inla paltlang hlawmlo ang,keipaw'n ka la paltlang biklo. Chuvang chuan ka ngaisang a,ka nupui anih vang hian ka damchhungin Pathian hnenah lawmthu ka sawi tawh ang..







Nichina hla 'You're still the one' tih kha kan hla bik ngawih ngawih ka ti a. Kan inzui tak tak tan hma ata tawh khan tamtakin
'In inzui rei thei chuanglo ang'
'Dinhmun inanglo leh lutuk chu a inkawp reng theihloh'
'I duh angin i inhria a,a rei anga i ning vat ang' te anti thin. Ka zeplo,ka chhungte takngial pawh hian an ti a. Amah,ka nupui ngei pawh hian
'Inkawp tur kan nilo,kan daih rei lovang' tiin vawitam a sawi thin..





Mahse,han en teh u. Vawiinah hian eng nge kan lawm hi. Kan inneihna a ni lawm ni,vawiin hian ani saw ka nupui a ni a,keihi a pasal ka ni. Bawihi lo chhuak teh le" atih chuan ka tho vat a.





A bula ka va din rual rual chuan ka kutah alo chelh a. Mipui lam chu en lehin
"Heihi anih hi,midangin an awihloh chu. Vawiinah chuan ka nupui ani tawh. Tun atang chuan ka ta chauh ani tawh ang. Mite chuan engpawh lo sawi rawh se. Eng ang nunhlui pawh nei se,ka kianga a awm chhung chu ka duhtawk a. Ka hmangaih ber ani reng ang" tih pahin min melh a.






Mawi taka min nuih leh suk pahin
"Ka hmangaih che,Ramdinpui. Ka nupui inih vang pawhin ka lawm. Nangmah hringtunu ka pi kha vawiin hian vanah chawimawiin a awm ngei ang. Nang ang hmeichhe tha leh ka kawppui tur tak alo hring che hi Van Angel te khian ka aiawhin lawmthu anlo hrilh mawlh mawlh ka ring" tih pahin min kuah nghal a..






Mipui chuan kut anlo beng dur dur a,a then phei chuan ding meuhin anlo beng a. Kan chhungte thenkhat chu an hnuk alo ulh a,Lily phei chu a mittui a luang zung zung thei.





"Ka lawm e" inkuah reng chunga ka tih chuan nghet zeta min kuah in ka sam a hnim vang vang a.
"Lawmthu sawi angailo,ka hmangaih inih hi,hre reng rawh" tih pahin kan inthlah ta a.






Kan hun neih tur ang zawng zawng chu kan hmang zo ta a. Pawna kan chhuak chu min lo chibai sap sap hlawm a. Saia thusawi chu ropui antih thute an sawi luam bawk. Ka Nutei phei chuan hnuk ulh teuhin lawmthu a hrilh mawlh mawlh bawk..






An in lam pan chuan kan chhuak a. Kan luh fel hnu chuan laina hnaite nen thingpui in pahin an titi kawi leh a. A nawlpui an haw meuh chuan dar 11 alo ri thuak tawh a,vawiin chu hlimawm hle mah se ni a rei duh ngar ngar hle mai..





Saia chu thaw hawlh chungin inchhungah alo lut a,kan chhungkua chiah kan awm tawh tih a hmuh chuan thaw huai hmel a pu.



"I chau em?" Tia ka lo zawh chuan lu thing pahin alo phei a.
"I chau zawk em?" Tiin min kuah nghal zat a.





Apa,ka pa lo ni ve ta chuan
"Han inti fel tawh ula,zan a rei mai dawn" atih chuan hnial lovin,kan mangtha a,kan pindan lam pan chuan kan chho ta a. Step kan rap tan chiah,midangin min hmuh theihloh chinah chuan ka inrin hmain min chawi kang lawp a.






"Hey,ka tla ang. Min lo hmu ang e" tia ka lo tal chuan min fawp tawk a.
"Tla teuhlo,tihian pindan ka luhpui dawn che,lo hnial suh" atih sup chuan tha te chuan ka lo awm ta hle hle a.





Pindan kawngkhar kan luh dawn chuan
"Vanram tlafual tem turin inring rawh" ati sup a. A ke pakhat in kawngkhar chu a tlawh hawng a,chu'ng te pawh a dawhthei lutuk tawhlo nge,a tlawh deuh pawp a.






Dim te in khumah chuan min nghat a. Awmze nei zeta min melh pahin
"Inbual phawt i duh nge?" Ati sup a. Chhang lova ka en reng vang chuan
"Eng chhuanlam mah ka pawm dawnlo ania" ati leh a.
"Aw le Pu Doctor,ka va in tleuh lawk ang e" nuih hak pahin ka tho nghal a.






"Rei suh aw" ala tih talh chuan
"Ti maw?" Ka ti vat a.
"Sakawlh i chhaih thinrim rei" alo ti ngei a. Lu thin mat mat pahin bathroom lamah chuan ka lut a..






Bathroom a thil a remdan vel pawh ka duhdan vek a ni. Ahma khan min zawt tawh a,ngaihtuah vak lem lova ka duhdan ka sawi ang zawng zawng chuan alo ti vek alo nia. Inneihna ropui tak,ka beisei phakloh min neihtir tawh a. Chutah,mipui tamtak hmaah ka mualphona chu dinhmun awhawm takah a chhuah hlauh zawk bawk a. Ani anga tha mipa hi chu an vang hle ang.






Lily nena kan lei Lingerie dum chu ka lachhuak a,darthlalang hmaah ka han pawt parh vel a. He thil hi a hmaa ka ha tur ka ngaihtuah ngawt pawhin ka zak chem chem thei. Zak tur ka nilo,hetiang chu sawiloh,hei aia sexy fe fe hi hnamdang hmaah ka lo ha tawh thin a,ka zak ngailo.





Mahse,zanin chu a dang si a ni. Zanin chuan ka pasal hmaah ka ha dawn a,hmanah chuan mi hran daih hmaah ka ha thin. Bakah,anni lakah Khan eng feelings mah ka nei lova,ka hmangaih ve bawk heklo.





Ni e,ka zak tur a nilo. Min hmangaihtu leh ka pasal ngei hmaah ha tur ka ni a,a nupui ka ni tawh bawk. Kan inkar ah engmah lutuk a awm thei tawhlo ang e..






Ka kawr chu ka phelh a,ka lingerie sexy zet chu ka ha ta a. A chungah bathrobe ka ha leh a. Darthlalang hmaah chuan ka han in thlek vang vang a.
'Ka pasal a ni,ka zak tur a nilo' tih chu ka zanin thupui ber a ni.






Kawngkhar chu ka hawng them them a. Ka bih dek dek a,alo awm hauhlo. Ke lawng chuan ka chhuak a,pindan chhuat ka rap fel chiah tihah kawngkhar atangin alo lut ve chiah a. Kan inphawk chiang lutuk chu kan ding chawt nghe nghe.





A lai khuhlo tawk vel chiahin towel a veng a. Towel dangin a sam huh chu a hru pah bawk. Mahse,chupawh a tawp chawt tho. Bathrobe chhing zet nen ka chhuak chu a kawngkhar khar lai tawp chawtin min en reng a. Kan 2 chuan 'pause' ang mai hian kan awm ka ti mai.






"Ahhh,tinge pindan dangah i inbual duh,ka zo thuai asin" tiin tawng hmasa zawkah chuan ka tang a,ala che chuanglo.
"Inti hul la,i hritlang mai ang" tih pahin khum lam chu ka pan a.






Chutah
"Tikhan i mu dawn ami?" Ti supin a rawn tawngchhuak ve ta a. Amah chu ka en a,ka kawr hak ngawt chu alo la en.
"Aw,dawn e. A thalo mi?" Ngaihsam hmel zeta ka tih chuan hmuh hmanloh khawpa rangin a che phut a.






Khum chu helin min keuh thlu nghal dawt thei.
"Tha leh mah mah" tih sup pahin min fawp nghal vawng vawng a.
"Khawi maw,kawr va ha phawt rawh" tia ka nemsawn chuan
"Phelh leh tho tur hak angai ami?" Ngeiawm zetin alo ti a.






"Ka kawr hak hi a nalh maw,tha iti em?" Tia ka'n zawh kual vel chuan min bawh ur ur pahin min han thlek kual leh vel a.
"Tha lutuk" ati hluk a. A tawngdan lah chu a hmanhmawh hmel mai sia..






"Hei aia tha ila hmu duh em?" Tih pahin a awma ka zut chuan a meng phawk awk thei.
Amah chu nam sawnin ka thochhuak a,chhuatah chuan dingin zawi muang chuan ka bathrobe hrui chu ka phelh a.





Khuma innem khalh run chungin mitmeng danglam fe hian min melh a. Ka thiltih lai chu ka zawm zel a,ka bathrobe hrui ka phelh fel a,ka dar atanga ka hui liam chiah chhuatah a tla nghal hnawk a. Lingerie nen chauh chuan ka ding ta teu mai.





Saia hmel awmdan ka en chuan khap fuk fuk chungin ka kawrhak chu alo melh thla dan dan a. A melhna zawn apiang chu a za thla deuh mer mer thei.





Chelo leh engmah sawi lova min melh reng vang chuan vawt ti miahlo kha zah luatah vawt ka ti zo ta vek a. Ka kut suihin ka hmalam chu ka hliah deuh a,ka mal ka chip deuh cheih cheih chuan rang lutuk in a rawn dawk zawk a..





Ka kawngah chuan kut rawn nghatin
"Ka rin phak bak a ni" ati hawlh a. A tawngdan atang pawh chuan a beiseilo tih a chiang reng.
"Ka thusawi lo ngai kawilo la" tih pahin ka lingerie hrui chu a zut thla a. A sawi leh tur ngaichanga ka en chuan a hmalam chiah alo melh tawh..
"Ngai kawilo la. Mahse,zanin hian,Bar a i chet thin ai nasa khan che la ka duh" atih chuan ka phu deuh zawk a.






Min rawn melh chho zawk a,mak ti deuha ka meng tih a hmuh chuan
"I hria em?" Ati leh a. Ka chhanna pawh nghaklo chuan a hmalam bawk chu a melh a,a sir hrui sin chu a zut thla zel a,ka mal zawna a hrenna lastic a pawh kau pahin a thaw deuh hawlh a.






"I thinrim lovang maw,ka thiam thilte ka tihlan chuan i rilru a dang daih mai lovang maw?" Tih paha a sam ka tham salh chuan
"Teuhlo. Kha kha ka duh. Khulai mihring laka ila tihloh zawng zawng ka lakah hian ti la ka duh" atih leh nghut a.





"Aw le,i duh ang chuan le. Zanin hian i sal ka ni anga. Mahse,ka thu zawk ang" ka tih ve leh salh chuan lungawi hmel lutuk in min rawn en chhova. Heihi ka tihsak theih tha ve ber a ni,englai pawhin ka tana tha tur hlir min ngaihtuah sak a. Lawithat zana nawmna siamsak te chu ka hna a nilo em ni,a nupui ka nih anga ka hna a ni. Ka hnathawh reng rengah sawiselna tawh ka duh ngailo. Chuvangin,zanin hian a duhkhawp zan ka pe bawk ang.







"He hun hi ka nghah rei tawh zia i hria em. I nunhlui vangin ka en hniamah che i ngai ang tih ka hlau a,fawh bak ka pel ngam ngailo" tih sup pahin min hnuk hnai nghal a.
"Damdawiin ilo kal hmasak ber nia ka mit i lakzia kha i hre ve kherlo ang. Khami ni atanga tun hun thleng hian belhchian che ka chak tawh" tih sup pahin ka dul thep zaih chu a fawp thut a. Ka lo phut deuh zawk chuan min man nghet sauh a.






"Helai hi ami?" Tih pahin naute ka neiha min zaina ser chu a kawk a.
"Ummm" aw nghetlo zeta ka lo tih chuan a chul thuak a. A kut chu a hmuiin zui ve nghal.
"A dam tawh ang,helai ser leh he thil tereuh vanga ser i neih zawng zawng pawh lo dam tawh rawh se" tih pahin ka ser ah chuan a fawp leh a. Thawk hak pahin a samah ka kut tang ka rawl a,ka tham nghal salh bawk.






"I thiam thil chu min han hmuh tawh ta che" tih pahin a kut chuan ka mawng a tham tawk a. Ka lo phu lehnghal zawk.
"Tiang chuan engtin nge niang. I mawng ka tawh hlek paw'n i phu ania" atih chuan ka nuih sak a. Ka rilru te te chuan
'Ila hmu mai ang' ka ti a.

(In chhiar chak lai hi ka ziak ve dawnlo😂😂😂😂. Ka zak🙈🙈🙈. Ka chhungte'n min hlap zuang tawr tawr palh ang😂😂😂)





Ka alarm ri cher cher vang chuan ka harh hlawl a,ka meng chiah ceiling var vek ka hmu nghal a. Mak ka ti lutuk chu ka tho â dawn lek lek a,ka chet deuh hrat chuan min kuahtu an awm tih ka hre leh a. Ka hun tawn chu ka hrechhuak leh ta zawk a.






Dim te in ka inlet a,ka hnunga min kuah run tu muhil thaw suk suk ka en chuan ka nuih hak a. Ka nui ri a hria nge,a che deuh hrut a,harh ta lo chuan min kuah nghet leh sauh a.





A kut chu dim te in ka dah sawn a. Ka tho them them a,dar 6 a pel thuak tawh a,thawh hma ngailo mah se mothar tuk chuan thawh hma ve hrim hrim ka duh a. Ka intleuh thuak thuak a,ka chhuah leh chuan ka pasal pawh alo thu chhuak luau tawh..





"Tukchhuah nuam le,iva harh hma ve" tih paha ka pan chuan sam pawr phungin alo nui suk a.
"I inbual ri kha ka hria a. Iva tho hma zawk ve?" Atih chuan a mit ala kham deuh nge a ner deuh nung a.






"Mothar tuk chuan tiang tur hi alawm. Ka chhuk dawn sin,ila mu duh em?" Ka tih chuan a puan sin a theh hlim a.
"Lokal lawk teh" a slipper inthawlh sut sut paha atih chuan ka pan vat a. A bul ka thlen chuan ka kut la huh deuh chuan a hmai vel ka tuai sak a,thle sawnin alo ner nasa.






"I harh tawh maw?" Tia ka nuih chuan min lo kuah vat a.
"I chau em?" Atih chuan ka lai lek lek a. Mahse,in ngaihtuah ang deuh chuan ka awm a. Chutah
"Ka inpuahchah nasa a,ka chau vaklo" ka ti ta a. Ka sawi zo chiah chet deuh vut pahin
"A tha,tiang tur kha. Nang aiin upa tawh mah ila ka la fit hle ania" men zeuh zeuh paha atih chuan ka lo nui ringawt a.






Mu leh tura ka tih pawhin mu duh tawh heklo. A hmai phih fai vel chu ka nghak leh rih a,a zawh hnu chuan kan inzui thla hnak hnak a. Step ah te chuan a awm hle hle theilo. A kut chu a chet sek a. Midangin min lo hmu ang tih ka hlauh vangin a hlat deuhah chuan ka kal a. Mahse,min man leh zel tho. A tawpah phei chuan hnunglam atangin ka darah a rawn kuah a,kan inchhuih thla khet khet lo chauh..





Choka kan luh chuan ka nu alo tho tawh a. Alo tho tawh mai pawh nilo,kan inkuah thla chu min lo thlir reng tawh a,ka zak leh deuh si chuan Saia kut chu dahsawn ka tum a,ani lah chuan engah mah alo ngailo nasa.





"Ka nu,ilo tho tawh a. I mutui maw?" Ka tih chuan min nuih pahin
"Aw,mu tha e. In mut that awmloh nen i rawn tho hma duh anih kha" tih pahin no a ban zat a. A thusawi vang chuan ka lo lai nghal chem chem.






"Ka nu" Saia'n alo tih hluk chuan ka nu chu alo hawi vat a,hrechhuak thut awm mai hian a chal a beng zeuh a.
"Aw,Bawihi,tiang lam kha ka sawi tum a ni chiahlo ania. Nimin lam vangin in chau awm sia ka ti" nuihzat hmel zet chuan ati ta a. Saia chu melh zeuh pahin thingpui lumna lam chu ka pan a..







Ka nu leh Saia thingpui tur chu ka chhuang nghal a. Anni 2 lah chu anlo over
"Ka nu,a fel zia saw. Mothar tukah hma deuhin a thova,thingpui a lum thlap ania" atih chuan over ti zetin ka hawilet a,Cabinet ah chuan kiu a nghat a,khabe dawm vaw in min lo melh ve ve..






Ka nu lah chuan
"Kan thlang suallo tawp alawm. Bawiha,hna a thawh phal miah suh" alo ti ve bawk. An thusawi naupangchhia reuh lutuk chu thingpui lum pahin ka lu ka nui ka nui ringawt..






An hmaa thingpui ka va chhawp chuan ka pa alo chhuak ve chiah a. Ka biak dawn lai takin Saia chuan
"I tha maw Ka pa" min lo tih khalh vat a. Ngei zeta ka melh chuan mit min lo siai zeuh zeuh lehnghal.






Kan inneih hmaa a sawi ang ngei ngeiin hna ka zawn a phal tawh lova,henglai hnai vela zawn mai mai ka tum pawhin a phallo bur. Ka nu leh pate pawh chuan
'Tilui lo mai rawh. Inah tihian a tul ang angin kan che anga,hna chu thawklo la kan duh zawk' anti ve a. Ka zawng lui duh ta lo. Mahse,tlemte chuan hrehawm ka ti ve,thawhchhuah nei reng thin,midang pawisa hmang ngailo ka ni a. Pasal neih hnua hetia thawhchhuah reng neilova ka awm mai chu ngaiah ka nei thei meuhlo.






Ka pawisa khawl tlem ka la nei a. Inneih naah a then ka hmang a,Lily ka thawn ve zeuh zeuh bawk nen ka nei tlem tawh hle. Lianzuala'n Lily chu thawn thin tho mah se,ka nau ania,a chang changa pek ve te kha ka duh a. Mahse,ka pe thei tawhlo thuai ang.






Saia pawh hna lam vangin a zin zeuh zeuh a,Mizoram chhungah anih chuan a thang rei ngailova. Mahse,Shillong leh Delhi velah paper present tura an kal chuan karkhat dawn te cham chang an nei thin.





An zin chhung chuan ka khua a har thei em em a. Inbe reng mah ila a taka inbiak nen a inthlau hle thin. Buai chung chungin ka tan hun a insiam thin a,zanlaiah pawh nise ka mut theihloh chuan a rawn phone mai thin.





Amah a zin emaw zinlo emaw,nilengin inah ka awm deuh reng a. Ka hna ber chu ka nu nena rawngbawl leh pangpar enkawlte,bazar dun te a ni tlangpui.





Naupang result alo chhuak a,Saizami pawh tha takin a rawn pass ve a. A U sawidan takah,han zir tha peih phei se chu a thiamthei ngawt ang. A heheu pah deuh mai pawh a.






A zia sawt tawh hle a,unau ang tak takin kan inbe pawh tawh a,tihsual lo nei nual tawh mah se tuma'n engmah kan in hriatsak tawh lova,chhungkaw inpawh tak chu kan ni ve in ka hria..





Ka nu leh pate hian ka zai an ngai thiam em em bawk a. Ka nunhlui pawh an hre ve vek. Mahse,ka tana nuamlo turin engmah an sawi ngailo. Eng emaw min zawt duh anih pawhin tha takin an sawi a,keipawhin an hre tawh sa sa tiin tha tak chuan ka chhang mai thin.






Kan inneih nia Saia thusawi khan kawng tam takah miin min hmuhdan a thlak nasa a. A hunlai khan a thusawi a ropui a,ka lawmah tla viau mah se,tun thlengin ka tan hian thil tha a ni leh zel dawn tih ka hre silo. An chhungte leh midang lo chuangkai thinte pawh hian mihran enin min en lova,Saia thusawi leh min chawimawi thiam em vang a nilo ka tilo theilo. Kan inneih ni khan mipui hmaah khatiang thu kha sawilo se chuan vawiin ni thleng hian Video Viral a hmeichhe zahpuiawm tak,Sailo chhungkaw monu lo ni ta hi en chakin anlo kal ngei ang. Mahse,chutiang nilovin,Sailo chhungkaw monu,Saihmingpuia nupui hmangaih em em en turin anlo kal tawh zawk thin.








A nuam em em a,chenpui pawh an nuam. Leh,an chungkua ka fak ve em em chhan pakhat chu,awmpui an neilo hi a ni. Saizami hi chu sawilo phawt ila,ka nu pawh a upa ve tawh a. Mahse,heti chunga awmpui pakhat mah an neilo hi ka fak thlawt. An khawsak a harsa lova,anni anga chhungkaw hlun hi chuan inlak milen nan hrim hrim pawh awmpui 1 tal an nei thin. Mahse,anni chuan
'Kan hrisel that a,kan thawh theih chhung chu kan mamawh love' anti mai.






An fel rual rualin,an laka ka inthlahrun chhan pakhat chu,nau ka la pai theilo hi a ni. Beisei chu ka nei em em chuanglova,mahse,an hmai ka zah tawlh tawlh mai. Ka pa khan a sawi chiang a,Saia atang chauh hian an thlah kalzel turte an chhuak thei. Chutiang anih si chuan an lung ka dum reilo tawp ang. Ka naute a thih tirh khan Doctor khan a sawichiang viau a,nau ka pai leh thei anih chuan thilmak a ni ang.







Tunlai phei chu inleng kan nei zeuh zeuh a,fa phir an nei bawk. Ka nu leh pate hian an lawm thei em em a,Saia paw'n a awm chuan a lawm ve zuk zuk thin..






Zanriah kan ei a,kan ngawih deuh thap lai chuan ka hlauh ang nge nge in ka pa chuan
"Fa neih lam te hi in awn deuh tawh em?" Tiin min zawt thut a. Ka chaw eilai ka hak thawt lo chauh. Ka nu zawk chuan
"Chutia inzawh ngawt chi pawh anihloh chu. A hunah chuan an nei ve mai ang" alo ti vat a.






"Fa kan nei theilo maithei" tih pahin Saia chuan ka kut a rawn vuan a.
"Engmaw?" Antih thak chuan ka phu nghek lehnghal. Saia chuan min vawn ngheh sauh pahin
"A naute a chan tak kha,khami a neih naah khan fuhlo deuh a awm a,beisei kan nei sang viaulo" ati leh a.






Nuamlo ka ti lutuk chu ka kun chhal a,midang lah chu an ngawi thap a,an chawei lai an tawp chat lehnghal.
"Ka pa" Saia'n atih leh chuan ka pa chuan
"Inbe teh ang" tiin a tho ta hluai a. Ka hlauthawng lutuk chu awmngaihna reng ka hrelo nghal..





Saia tho tur ka lo pawh deuh tung chuan dam deuhin min melh a.
"Lo hlau suh,hahdam deuhin awm rawh. Engmah a thleng lovang" tih pahin ka biang a tawk zawk a.
"Mahse" ka tih sep chuan
"Shhh,engmah lo sawi suh" tih pahin ka kut chu a thlah a,a ka ta a.






Thawh ve nghal mai ka tum ka nu chuan
"Lungngai suh,a hrethiam em em ang" alo ti vat a. Saizami pawh chuan
"Nia,ka pa chu a suallo ania. A hrethiam mai ang" alo ti ve vat a. Mahse,ka thla ala muang thei meuhlo. Tu hmel hmuh a chak tawh zia hretu ka ni a,a nuamlo hlawm tawp.







Kan pindan lamah chuan ka vei tawn sek a,alo chho har phian lehnghal. Ka vei leh thuak thuak hnu chuan kawngkhar alo ri rak a.
"Enge a sawi?" Tiin a hmel pawh ka hmuh hma chuan ka phei vat a.
"Tinge ilo hahdam loh" tih vat pahin min pan a.
"Ka hlauthawng alawm. Engtin nge alo ngaih ve?" Ka tih leh sek sek chuan a nui suk a.






"Lo lungngai suh ka tih che kha. A hrethiam alawm,mahse,tlem chuan mak ati ve deuh hlek a" ati mai a,ka awm ala nuam thei chuanglo..
"Lungngai suh. Ka nu nen an inneih leh hma hian Saizami hi a piang daih tawh a. Chuan,ka nu hi a rai theih an ring tawhlo bawk. Chuti chung chuan a nei alawm,kan inang chiah" ati mai a. An inang lo nasa mai sia,ka pa chuan amah hi a nei tawh a,fapa a mamawh belh tawh tawp silo.







Ka chhungte hmelah chuan engmah danglam a awm lova,an pangngai vek. Mahse,kei chu ka pangngai ve thei thlawhlo. Naute nena lo leng an awmte hian an theihghilh chuan
'Tu hmel kan hmuh ve hunah chuan' anti leh hlawl thin a. A nuamlo thei hle.






A hnuah ka beidawng lutuk chuan Pathian hnena tawngtai ka rilruk ta a. Kum tamtak ka tawngtai tawhlo. Kan inneih dawn khan kohhran lam thilah kan buai a,ka inkhawm ngailoh vangin member ni heklo. Kan buai zek a. Mahse,Vanthahlua nu leh pate khan Upaho min biaksak a,engtin tin emaw kan tifel thei ta kha a nia.







Ka tawngtai apiangin chhan ka ni ngailova,chuvanga tawngtai tawh ngailo pawh ka ni. Ka nu accident ni khan kum tamtak hnua a vawikhat nan mangang takin Pathian chu ka au leh a. Mahse,chutah pawh chuan chhan ka ni chuanglo. Chuvangin,tuna ka tawngtaina pawh hian awmzia a neih vak pawh ka ringlo..





Sunday ah chuan lohtheihloh vangin ka inkhawm ve thin a,abak kohhran thilah ka inhmang ngailo. Kumthar ruai theh ah takngial pawh ka kal ngailova,Saia nen inah kan ei mai thin.





Ka beiseina neihchhun chu tilian luiin Pathian chu ka au ve ta a. Nitin zantin ka tawngtai a. Chumi Saia'n alo hriat chuan a lawm em em a,a rualin kan tawngtai dun thin ta a.





Mahse,kum meuh a vei leh pawhin nau ka la pai thei chuanglo. A ni telin ka pa lah a upa ve zel a. Ka beidawng lutuk chuan thil nilo lo te ka ngaihtuah chhuak zeuh zeuh a. A chang chuan ka nu thlanah kalin hnuk ulh teuhin ka va thu reng thin..





Saia chuan min hnem reng a..
'Kan ta tur chu a hunah alo thleng mai ang. Kan nei theilo anih leh la na vak duh suh,nu leh pa neilo naupang adopt tur tamtak an awm alawm. Mahse,keichu kan 2 chauh pawh ni reng mah ila pawi ka tilo. Damchhungin nangmah chauh ka buaipui che anga,ka duat reng dawn che tihna a nimai a' ati mai thin. A ngaihdan pawh chu a tha viau a,ka tan pawh a awlsam bawk. Mahse,hmeichhe tan chuan a ni ngawt thei thinlo a ni.







Zankhat chu ngaihdan tha deuh ka nei ta a. Chupawh,ka YouTube video en atanga ka ngaihtuah chhuah a ni.






Mut hmunah chuan a awm nghengin ka mu a,ani erawh chuan khum lu nghengin phone ah eng emaw ala type thung.
"Ngaihdan tha deuh ka nei a" ka ti dek dek a.
"Thil tullo tak anih leh dawn chuan sawilo law law rawh" alo ti deuh hluk a. Nuih hak pahin
"Nilo,surrogate ang hian kan ti ve mai dawn mi,kan fa anih na abo dawn chuanglova" ka tih chuan a thil type lai pawh alo chawl dat a.






"Tunah chuan inthen em i ngaihtuah tawh lova" ati deuh hawlh a. Hman deuh khan fiamthu in ka sawichhuak a,a thinrim zia chu,a thawi pawhin la sawinawn leh ngam tawhlo.






"A tha dawn em asin,midang pawhin anti thin thova" ka tih chuan a thaw suai suai a.
"Naktuk lamah ka pa te kan sawipui phawt dawn nia..tunah chuan mu tawh ang aw,i hah thei emai" tia phone chu tithimin dawhkanah a nghat dat a,light chu a tithim a,min kuahin a mu tha zui nghal bawk.






Kam chhungte chu kan sawipui a,anlo hmelhriat ve tawh tho anih vangin an duh hmel hle a. Chulam hawi chuan kan in sawrbing ta deuh a.




Mahse,kan dil rah ka ti dawn nge,thilmak ropui lutuk ka ti dawn. Surrogate ti tura kan kal hma karkhat lekah chuan ka ruaklo tih ka hrechhuak ta thut a.





Hmanhmawh zetin Lily ka call a,Doctor zir ani bawk a tiin ka va zawt a.
Ani lah chuan
"Khalam ka zirlo,rilru lam alawm ka zir" alo ti heu bawk.
Ka awihlo lutuk chuan vawi sawm chuang ka test nawn a,mahse,alo positive vek si.






Lawm lutukin ka nu leh pate chu ka hrilh a,ka sawitirh chuan an beiseiloh lutuk anih vang nge,awih chiahlo hmel deuh hian an ngawi reng a. Ka nu zawkin
"Pa-a,pu ini ve tawh dawn anih chu. Eng emaw sawi ta che" atih chuan ka pa chu a harh deuh zawk a. A lawm lutuk chuan tawng mai nachang alo hrelo chu niin.





Kan 3 chuan lawm luatah tih hmasak ber tur pawh kan hre lova. Ka nu chuan
"Inpa i hrilh tawh em?" La phar vak vak paha atih chuan hrechhuak thutin ka phone chu ka en a,a missed call pawh alo awm reng tawh.






Ka call turte chu ka khur deuh titih a. Ka nu chuan ka phone chu lo la in a be ta a.
"Aw,Bawiha,lo haw vat teh. Thu thar kan nei ania" ati hluai a. Pakhat lah chuan hahdam hmel fe in
"Ka lo haw tep" alo ti mai a. Ka nu in
"Lo haw rawh,pa ini ve tawh dawn ania" ati chiah Saia chu a reh deuh vang vang a.





"Ka nu,sawiloh loh sawi suh. Karlehah kan kal dawn chauh" ati deuh hluk a. Ka pa nen chuan inmelh in kan nui ta ringawt. Phone chu ka va ban a
"Keimah" ka tih chuan
"Ka nu khan eng nge maw a sawi le,kal hma hma in a rai theihloh" alo ti leh deuh hluk a..





"Lo haw phawt la,eng emaw sawi tur a awm a" ka tih sep chuan mak ati deuh nge
"I damlo mi,i tha em?" Ati nghal vat a.
"Nilo,thil eng emaw. Aaaa,lo haw vat mai teh" ka tih chuan a dah nghal a. Ka inbe zo chiah ka nu chuan
"A rawn ving haw khawp ang" alo ti vat a.





Keini pawh chu thu hle hle thei lovin kan vei tawn sek a. Ka pa in
"Thu mai mai rawh,i intihah ang" atih chuan kuttin seh neuh neuh pahin ka thu ve ta a. Ka thu fel chiah tihah kawngkhar chu a rawn ri ta a.
"Ka lokal" tih pahin ka nu nen chuan kan phei a. Hawn tuma ka ban laiin ka nu chuan min lo dang vat a. Mak ti zeta ka en chuan mit min siai keuh a. Kawngka chu a rik nawn leh rualin ka nu chuan a hawng a,a hnungah ka lo ding nghal vat. Kawngka a inhawng fel chiah Saia chuan engkhaw sawi set setlovin ka nu chu a rawn kuah thlawp a.







"Eng nge thleng,i tha em?" Tih pahin ka nu chu ala kuah reng a,a sirah ka lo nui char char a. A kuah mek chuan a chhan siloh ah chuan a hmaa ka pa chu ava melh zawk a,ka pa lo khi sun sun a hmuh chuan
"Khawnge ka nu?" Tih pahin ka nu chu a nem sawn a. A hmuh tumloh zawk a hmu chu phut zawk pahin a tawlh deuh hrut a. Kan 3 chuan ka nuichhuak ta vek a.







Chutah,an sira ka nui ri chu hriain min melh vut a. Lu hiah nauh nauh pahin
"Nangni ho hi" ati hluk a. Min pan nghal vat bawk. Ka nu chuan la nuih tet tet pah hian
"Bawiha hian min lo hmangaih ber anih hi" ati ngat a.





"Tinge,i tha em. Na i nei ami?" Tih pahin ka khabe ah a chelh a,min thlek kual nghal vat vat bawk.
"Ka tha,engmah na ka neilo" tih pahin ka nu leh pate chu ka melh a.
"Chuti si,tinge?" Hlauthawn hmel fe chuan ati leh a. Kan inneih hma deuha thisen kan test khan ka cholesterol leh thyroid zawng zawng nen alo hniam vek a,a zan phei kha chuan ka chau der lek lek anih kha,tunah pawh khami vang kha anih ala ngai a ni maithei.







"Englo ania. Naute ka paiin ka hria" ka tih chiah a thaw tawp deuh thutin ka hria.
"Engmaw,han sawi leh teh?" Tih deuh huih pahin ka dar tawn tawnah a vuan a
"Vawi 10 chuang ka test tawh a,a positive vek a" ka ti leh chiah a mit ko a san uk a.







"Iti tak tak em. Ka pa,in thutak em?" Tiin ka nu leh pate chu a melh a,ka pa te anlo buk nghat nghat chuan
"Ehe,ami. Mahse,engtin?" Tih bah nawk pahin min hnai lehzual a.





"Hawh,Doctor hmu turin kal nghal ang" atih chuan kan chhungte melhin kan inzui chhuak nghal a. Motor ka luh dawnte chuan alo hawng vei thlap a.





Kan thang chhung zawng chuan ka kut a chelh char char a,a remchan hun apiangin a fawp zeuh zeuh bawk.




A hnai ber anih vangin Civil bawk chu kan pan leh ta tawp a. Kan chhuk chiah ka bo hlau ang maiin min si chetah a awm a,atan a nawm zawknan tiin a banah chuan ka chelh vat a,ani'n ka darah alo kuah bawk.





Hmeichhe lam inentirna kan thlen chuan anlo awm vak tawh lova. A thawhna ania,hmelhriat vek annih vangin ava bia a. Chutah,Doctor nu chuan khik ver ver pahin min ko lut ta a. Zun chu ka lo test ngun tawh vangin min test nawntir tawh lova,ultrasound chuan kan en hmasa phawt a.




Keichuan ka en lova,zam zetin khumah chuan ka mu a. Saia chuan ka kut chelh pahin Screen lam chu alo en ngur bawk. A hnu deuhah Doctor nu nen chuan inmelh in a nui ta suk a,ka tang teuh pawh chu inthlah dulin ka thaw huai thei.






"In hre hmaa,a zia hlauh e. Kar 2 mi lek ala nih hmel" Doctor chuan ati var a. Ka tho tur chu Saia'n min lo pui nghal bawk. Doctor chuan
"Inpa Doctor ania,hrilh vak pawh in ngailo. A awm chin chu in hriat kha" awmze nei deuha atih chuan Saia alo phun hluk a. Nuih hak paha ka en chuan ha uingho lang thatin min lo nuih vur vur a.







Nau ka pai tih kan hriatchian a chin chu kan inchhung boruak pawh a dang ta zar a. Inchunga riak thin kha inhnuaiah kan insawn thla ta a. Saia phei chu a ham strict tha
'Puan pho tur pawhin chho suh,step hi i thi dawn te anihloh chuan rap suh ang che' ati hmiah a. Thupek a khauh bawk a,ka rap lui ngam teuhlo.






Pindan hnuiah kan awm ta a. Kan ep chiahah ka nu te pindan a awm bawk. Saizami chauh inchungah a awm a,a hlau deuh nge a thiannu pakhat chu alo riak ve thin a.




Ka naute thla a han tlin meuh chuan inchhung chetah min awl vek a,thleng seng vela puih ka tum pawhin an phallo bur. Inkhawm thlengin min hrek a. An rilru tur chu ka hrethiam lutuk,Surrogate kha thlawp viau mah se,mahni hrin tluka hlu a awmlo tih kan hre ve vek a. Beisei tawhloh hnua kan han nei thei dawn ta mai hi an lawm rual rualin hlauthawnna an nei a. Naute ka lo chan tawhna nen,ka chetsual pui mai te an hlau ve a ni. Keipawh in ka hlauthawng ve tho. Chuvanga fimkhur over extra em em pawh kan ni.





Ka pasal chuan min ngaihsak leh lutuk a,a chang chuan a ninawm lek lek zawk. Mahse,ka thlamuanpui em em tho si. Thinchhiat mood uih laia min lo biak sek hi chuan ka seh deuh sawk mai hi ka chak thin a. Alo hriattthiam chang chuan nuih vur vur pahin
'I duh chuan min seh rawh' alo ti mai thin. Tun thleng chuan kan la in seh em love.






Doctor in damdawi pakhat min chawh thar a nei a. Chumi ka ei,darkar khat pawh a tlin hma chuan ka chau ta ngawih ngawih mai a. Pen pawh pen tha hleitheilo chuan khumah ka thu tawp a,ka lu te chu a tihai deuh muai muai thei.







Englaiin nge khumah chuan ka lo mut fel ka hre hauhlo. Ka harh leh chuan puan nen lam ka lo sin then a,inbeng kanga sana ka en leh meuh chuan zan dar 7 alo ri reng tawh. Mak ti lutuk in ka tho sawk sawk a,ka slipper bun tur te chu ka lu ala hai deuh titih a. Mahse,ka tho lui a.




Bathroom lamah ka inphih harh a,ka chhuak leh chiah Saizami alo awm reng a.
"Ehe,ilo tho tawh alaw?" Tih pahin min rawn pan vat a.
"Aw,nia. Mak inti em,ka lo mu ringawt sia?" Ka tih chuan nuih sak pahin
"Ti love,i hrelo mi,ka u in a muttir che lawm?" Atih chuan ka bo hle a.







"I U alo haw tawh maw?" Ka tih ha chuan
"Umm. Chawhnu khan alo haw hmaa,kan rawn chho rual nghe nghe. Khumah remlo zetin ilo mu a,a hmuh khan a buai nghal vek,i damlo ah ngaiin a rawn buaipui vat che a. I mutui sia,khumah a mutpui tawp che lawm" atih leh lek phei chuan ka bo lehzual.







"Khawnge tunah amah chu?" Tih paha ka pan hnaih chuan
"Emergency a awm thut a,anlo ko a. A kal tawh" ati leh mai a. Min mutpui lai reng reng ka hrelo.






Saizami nen chuan inhnuaiah kan chhuk a. Ka nu leh pa te chuan min lo ngaihtuah ngang aniang,ka that leh thatloh min lo zawt vat a. An hlauthawn hmel em em bawk.





Chaw anlo ei vek tawh a. Keimah chauha ka ei leh tur chu nuamlo ka ti hle a,Ka nu leh Saizami'n min la siamsak talh zui. Ka nu zawk chuan nuamlo ka tih a hlau deuh nge
"Nuamlo tihphah suh aw. Keipawh ka raino lai chuan zanlaiah te ania chaw ka ei thin" tiin min lo hnem vat a.







Ka ei tan dawn vel tihah Saia chu alo thleng ve ta a. Tumah pawh be lo chuan ka lam a rawn pan nghal a,thut pawh thut fel hma hmain ka chalah a rawn dawm a
"I tha tawh ami,na i nei em?" Tiin min zawt nghal vat a.
"Ka tha alawm. A zialo tawp,ka lo mu daih a,ilo haw lai pawh ka hrelova" ka tih sep chuan ka biang a tuai thuak a. Ka bula chair pakhat chu pawtchhuak in min hmachhawn zawng chuan a thu a.







"Kha kha anih dan tur a ni,nuamlo ti hauh suh. En la,midang pawhin an ngaihtuah vek che hi. Tianga awm hi chu ngaiah nei tawp rawh. I duh anih chuan zanlai pelh thakah pawh zing chaw kan chhum mai ang" atih chuan a hmel tha ti lutuk in ka lo nuih tawp a.
"Ka hmangaih che" ka tih thut chuan a thutna atangin a tla zawt lo chauh.







"Ka hmangaih che. Ka hrilh har che vangin pawi ka ti. Mahse,tun atang chuan ka hmangaih che tih hre tawh rawh" ka tih leh chuan a lawm hmel lutuk,beng thleng dawn dawna nuih pahin
"Min hmangaih hmain ka hmangaih tawh che,min hmangaih let hi ka lawm lutuk. Kha thu hlawhchhuak tur khan ka va bei nasa si em" atih chuan ka lo nuih hak a.






"Eng nge kha kha?" Tia a thil rawn hawn ka kawh chuan
"I eitur maw le. Momo leh a dang dang,i restaurant ngainat deuhna mi kha nia,i chawei a tui si lova" tiin a rawn phawrh mawlh mawlh a. Ka riltam viau lai a ni nen,a chanve pawp chu ka ei a. A dang chu zanlai riltam huna ei leh ah tiin kan dahtha a.






Ka eikham a,ka eina seng fel a sil vel turin Saizami alo kal a. A U lah chuan
"Ka nu te bulah lo va thu rawh,ka lo ti mai ang" alo ti mai a. Ani lah chuan hnial buai eih lovin a chhuak leh vat bawk.
"Ka ti ve thei reng alawm,ka pum pawh ala puar lova" tia thawh ka tum chu.






"Thu mai mai rawh,i duhtawk in naute i neih zawhah ila che dawn nia" tih pahin a tho vut a. Ka kut tleuhna tur chu a rawn la a,ka hmui berhte chu tissue paper in a rawn hru fai vek a. A che ka en reng lai chuan a kamiz ban a thlep mawlh mawlh a,ka eina ruak vel chu khawmin ava sil ta anih chu.






Nuamlo ti zeta ka lo thawh deuh uaih uiah lai chuan ka nu alo lut a,ka bula lo thut pahin min hrilh ru deuh ser ser a.
"Ngaiah nei rawh. Doctor a zir hnua alo haw zawk zawk lai thleng khan thleng ala sil thin,hmun pawh a phiat thiam lutuk. Anau in a ngainat em em chhan pawh hi ania. A nau hia awl hneh thei ania. Lo en reng mah rawh,hmun a rawn phiat mai ang" atih chuan Saia thlengsil chu hnunglam atangin ka en reng a. A fel tih chu ka hria,mahse,tiang em em hian a fel ka ringlo.






Ka nu sawi ang tak tak chuan thleng a sil zova,a apron hren te chu hru hul leh thlapin hmunphiah chu a ban vut a,sek tung,khawng deuh lahin chhuat chu a hrut ta a. Tlem chuan a khawng deuh,mahse,mipa ah chuan a zei thlawt.






Nau pawh kan pai tluang ve zel a. Thla a liam a liam ve hnu chuan ka puar ve lah tawh a,duh duhin ka che tha thei meuhlo. Ka buaina leh min tichau tu ber chu Iron ka ei theilo hi a ni. Ka chau vak vak a,a awmzia ka bo hle laiin Saia'n ka Doctor kha alo zawt chiang leh a,ka Iron eilai kha a paih a,ka dik ta thlap. Mahse,Iron chu ka naute pailai tana tha tur a ni si a,ka ei theilo tawp chu ka inhaw lek lek.







A thawh rualin min kaithova,ka theih ang tawk tawkin exercise ka ti ve a. Ka tho tur te hi beih fe ka ngai thin. Tiangah chuan Saia hian a ning ngailova,phur fe in min tung tho mai thin.




Ka nu thlanah kan kal reng a,ka rihzual deuh hnu hian thla khat danah te kan kal ta a. Mahse,ka kal theihloh changin Saia hian ava tlawh mai thin a,a hnim lutuk turte pawh ava sam fai mai thin. Ka pasal baka fak chak leh fak phu mipa hi an awm tawh kherlo ang. Engmah hi ka ngaihtuah buai angailo hrim hrim,ka hma ve viau emaw tih pawh hian pen khatin min lo khalh leh nge nge thin. Eitur leh intur tha tinreng min hlui a,ani chang a nilo. Ka nu leh pa,Saizami thlengin anni. A khat tawkin naute thil tur anlo lei reng a,mipa leh hmeichhe thil anlo lei zel bawk.







Zanah chuan khumah ka mu a,vawiin lam exer ka la nasa deuh nge ka ke chu a kham ut ut a,a vung nasa bawk nen,a sa ham ham reng bawk. Saia pawh hna an thawk rei leh a,tunlai chu zanlai velah a rawn haw tlangpui. Ka tihhah belhchhah ka hlauh vangin a chang chuan ka lo muhil der a,anihloh chuan min buaipui phet a tum a,a mu tlem thin emai.





Zanin paw'n anlo bang tlai dawn a,eng nge an buaipui chiah ka hre ve lo. An rawn haw tlai thin danah a pawimawh hle a ni ang. Lily nen kan inbe zawk a,ani pawh an zirlai vangin a buai viau.





Ka muhil dawn tan a,ka ke sa leh na kham ut ut vang chuan ka harh leh thin a,ka inlet ka inlet ringawt. Ka muhil tan dawn siar siar a. Motor thawm ka hre ta a. Alo haw ta anih ka ring.






Reilotê ah chuan a rawn faifuk lut ruih ruih a,heihi ka rai hnua a tihdan thar a ni. Ka mut tawh leh tawhloh hriatnan a faifuk lui thin a,ka la mutloh chuan ka lo biak a beisei a,ka lo mut tawh palh a min rawn biak harh ngawt a hlauh vang a ni bawk.







"Ilo haw tawh maw?" Tiin ka lo inbeng kang vat a.
"Tinge ila mutloh,na i nei ami?" Tih pahin min pan nghal vut a.
"Nia" tih sep pahin ka lo ban a. Min lo kuah nghal vat.
"I ke ana leh ami?" Tih sup pahin min kuah hlu hlu a. Ka chhan mailoh vang chuan a man nghal nge..
"Lo mu la,tui ka va la ang" tiin a tho nghal a.







A peih phawt chuan ka hnial buai phal teuhlo. Ka lo mu rem vat a,chawhtawlh te ah chuan tui vawt a rawn chawi chhuak a,inthlak pawh hmasa loh chuan a kawr a phelh sut sut a,ka ke chu a rawn dep ta a. Ka dam nghal sawng sawngin ka hria. A deh zawh chuan oil in a zut leh a,mumang nen ruai ka dawh a,a nuam huai huai lutuk chu chet ngaihna reng ka hre tawhlo. Kan inhmet reng emaw ka tih laiin min chawi lawp a
"Tawlh deuh rawh aw" atih chuan ka meng kawk a,tla lek lekin ka lo mu chu niin. Ani pawh alo mu ve tawh dawn a,sana ka en chuan dar 2 alo ri thuak tawh. Kan heti zantin mai dawn chu anih hi.







Chutiang ngawt chuan zan hun kan hmang ral a. Raino ka han huat vakloh tehlul nen ka nei hnai telh telh a,ka na telh telh mai. Thlakhat vel ala awm tihah chuan Saia'n chawlh a nei thei hlauh a. Awm mai mai kan duh viau naa Saizami Delhi lamah a chhuk alo hun ve tep bawk nen Zemabawk lama kan huanah chuan zanhnih khat lek va riah an rel ta a. Ka peihlo viau na chu ka hnial ngam teuh silo. Ka pa ber lah a phur mai bawk si.





Saia pawhin
'Heihi kumtin ka tihdan ania,nikum khan kan awl tawh a. Bakah,ka pa hian vawk a vulh a,a hralh duh deuh aniang. I peihloh chuan inah kan awm dawn nia' ati thova. Ka chak ve deuh bawk si,peihlo chung chung chuan kal turin kan insiam ve ta a.





Chhungkua kha nei ve bawk thin mah ila,hetia chhungkuaa thil han tihkhawm tih vel hi kan nei ve ngailova. Chhungkaw picnic tih vel a awm pawhin keini chhung chu sawm kan ni ve ngailo. Chumi vang vel chuan kal te pawh ka chak ve a. Ka pasalte chhungkua vang hian chhungkaw tha din ka chak a,ka fate pawh chhungkaw diktak neihtir ka duh bawk.






Kan chhungkua leh ka patea te chhungkua,hmana interview naa min endiktu te nen khan kan kal a. Zemabawk pelh deuh hret,Tuirial thlen hma si ah chuan huan chu a awm a. A hmun pawh a nuam hle a. Ka peihloh ngaihtuah in a hmun hma vel thawveng lutuk chuan min tidam huai huai thei.






Saia'n
"Khawpui ri bengchheng tlansan a,hetia awm thawven ve te hi atha a,chuvang ania,i peihlo tih ka hriat reng pawhin ka hruai che. Ka pa sawidan chuan ka nu in min neih hma khan tah hian an kal thin a,ka nu pawhin nuam ati thei lutuk" atih chuan ka nuih sak a. Min kuah run pahin pi pu ah chuan kan thu dun a,kan inthen na ngam lemlo.







Nikhat ni chuan tlema tleirawl deuhte chuan tui te an cheng a,sangha dilte chu an tlawh a,nuam anti hlawm khawp mai. Keini nupa erawh ka kal theih vakloh vangin Farm house chu kan lo nghak a. An bo diak hnu chuan a reh lehzual a,nuam tak a ni.






Kan 2 chauhin tuiah chuan kan inchiah ve a,puar luah chung chuan ka han dai per ve a. Saia chuan ka tluk palh a hlau lutuk a min veng tung reng a,ka hnungah min si cheta dingin ka hmalam dul zawnah a kut a rawn dah reng bawk.





Kan intihfel hnu lawk chuan anlo thleng khawm ve leh a. Rawng te bawlin kan ri laih laih a,zanriah ei hnu chuan leikapuiah guitar an perh a,a thenin Board an pen bawk.





Zanah chuan ke a ka kal tam vang nge,ka na them thum mai a. Ka tai lah chu ana em em bawk. Ka pum pawh ana tel tho. Mahse,ahnu chuan a rawn reh leh mai a..
Atuk zing kan tho pawh chu ka luak a chhuak deuh hlui a,zingah pawh ka tho chhuak ve peih meuhlo. Kan chhungte chuan an hlauhthawn vangin kan nupa chuan haw mai turin min ti a. Saia pawh chaun alo hniallo nasa.





Haw turin kan in buatsaih a,kan chhuah hma deuh chuan ka tui bawm a rawn keh ta thut mai. Mak ti zetin kan inmelh he haw a,tih mai tur kan hrelo tlang hle.





Ka nu chu harhchhuak zawkin Saizami chu a beng thlawrh a
"Ipa motor khalh zawk hnungah khan suitcase te a awm,naute thil vel ka dah. Va la vat rawh" ati vat a. Chutah,ka ding kak reng chu min melhin
"Ana em?" Ati nghal a. Aw tihnan lu ka lo thing vat a,a rawn na tawlh tawlh lehnghal.






Saia chu rawn kawkin
"Bawiha,tun hi i chet hun a ni" atih chuan Saia chu alo inthing harh vat a.
"Nau ka chhar thiamlo" ati ti hluk a. Min rawn panin
"Lo tuar rawh aw,kan kal nghal dawn nia" atih chuan tap tepin
"Aih,damdawiin hnai ber pawh Greenwood ania,darkar 2 dawn kal angai" ka ti tiau a.





Rilru hah hmel zetin a sam a tuai thuak a. Ka nu bawk chuan
"Le le,Bawiha iti thei ang. Ka pui ang che. Midang kha,in pakhat zawkah sawn lo va awm ula,kan koh loh chu lo lut suh ang che u. Rinsang,nurse i zir zo tawh bawk a,min pui thei ang" ati leh zung zung a.





Midang pawh chu anlo phe nghal suau suau a. Saia chuan min rawn pawm a,khum te ah chuan min mut nghal dat.
"Ka ti thei ang em ka hrelo. Ka nu,tihsual ka nei ang" tiin thawh leh mai a tum a. Ka nu chuan ka na tuar vial ngawt ngawt tawh chu min en in
"I nupui leh fa te chan i duhloh chuan iti tur a ni. Doctor in zirlai khan in zir vek tih ka hria. Iti thei Bawiha" tiin a fapa chu a fuih leh rih a. Saizami leh kan nau pakhat Nurse chu a sirah anlo ding ve bawk.






Saia chu a thlan a tla nasa hle a. Ka na tuar hmel chu rawn en in
"Ka tina che anih chuan min ngaidam rawh aw. A na reilo ang" tiin a hmanrua vel chu a ban a. Doctor anih vang hian Motor ah Emergency a hman tur damdawi leh bungraw dang a dah reng thin.





Ana tawh lutuk chu ka thi mai dawn in ka hria. Ka pum rawn nat tirh atanga ka ngaihtuah chhuah hmasak ber chu ka nu ani. Tunah hian a kut chelh a,min thlamuan a,a hlauhawm loh tih tal min hrilh turin ka duh. Mahse,ani chuan min awmpui thei tawh silo.





San pe turin min ti reng a,ka sang viau tawh chuan ka hria a,ala tawk thei bawk silo. Saia chuan thlan hruk mawlh mawlh paha min melh zawkin
"Vawikhat chiah sang leh rawh aw" ati sup a. A aw te chu a khur deuhin ka hria.





San ka pek leh vak rual chuan ka hmaa mite pawh chu ka hmu phe nghal ruai a,Saia min biak mawlh mawlh na ri te chu hla tak ang a ni tawh..




Ka taksa na them thum vang chuan ka harh riai riai a,bang var vek chu ka hmu hmasa ber. Ka men chuan tawng ri deuh nuaih nuaih ka hria a. Ka ngaihtuah let a,ka pum ka dap chuan alo awm tawhlo. Thu chhuak thutin
"Khawnge ka naute?" Ka ti vak a.





Pindan chhunga awm ve te chu anlo hawi nghal thap a,damdawiin ah ka awm tih ka hre chiah bawk.





"Bawihi,naute chu a tha. Inpa in a rawn pawm lut vat ang" antih chuan ka thaw huai a. Ka kut ka en chuan drip an khai tih ka hmu ve chiah.





Ka mu leh a,ka mu fel chiah tihah ka pasal chu naute pawm chungin alo lut a.
"Ka naute ani em?" Tia ka lo ban chuan min nuih suk pahin
"Ni e,kan naute" ati sup a. Naute chu min pe nghal vat.






Kan naute hmel ka en chuan ka naute chan tak kha ka ngaihtuah lo thei lova,ka tah ati chhuak ut ut a,Saia chuan min lo kuah pahin
"Khaih khaih,anu ber i tah chuan i naute pawh a tap leh mai ang" alo ti vat a. Kan chhungte pawh anlo nui tawp.






Khatia ka san vak hnu khan nikhua ka hrelo zawm a,naute alo chhuak hman hloh a,hmanhmawh zetin damdawi pan chuan min chhuahpui ta a ni awm e. Tichuan,kan naute chu ka pasal min neihtir ngei a ni a,kan duhthusam ang takin mipa a ni bawk.





Damdawiin ah chuan kan awm rei phian a,huana nei chawp chuk chuk ka nih vang khan eng emaw palh a awm an hlau a,min chhuahtir duh lawklo a ni.




Kan chhuah fel meuh chuan kan naute pawh thla 1 alo ni hman tep tawh a. In kan thleng chu thawk huaina tham. Damdawiin ah kha chuan nitin mi hrang hrang anlo kal a,a ippik thlak emai..




Neih pangngaia ka neih anihloh vang nge,kan fapa Rochanhlua chu a hrisello reuh hle a. Tlang hrileng hlek a kai hma bakah a chiau hiar hle a. Ka nu chuan theihtawpin min pui a,lohtheihlohvin awmpui 1 kan nei ta bawk. Saia lah a chawlh alo zo ve tawh bawk nen,nitin kallo mah se a awm reng thei lova,buai zual chang chuan ngaih a zual thei hle.






Mahse,a theih tawp piahlam thlengin min pui a. Zana ka tlaivar changte hi chuan zingah min kaitho duh lova,hma takah an pafa in an thova,inhnuaiha an lo in awm mai thin. Chutiang tukah chuan hna pawh a kal tlai a
'In pute'n anlo hau ang che' ka tih lahin
'Ka nupui fanaute vanga hauh ka tuar anih chuan ka tuar mai ang. In pawimawh ber' ati mai zel.





Alo leikang deuh a,ka nu leh pa te chuan an atchilh ka ti dawn nge,an lawm leh lutuk chu kan chang hman meuhlo. Lehlamah chuan a lawmawm phian,zanah pawh an riahpui zeuh zeuh a,a harh changin hnute ka pe a,ka mutui deuha an hriat chuan hnute siamchawp anlo pe mai thin. Ka hnute tui a khamloh vangin hnute siamchawp hi a hne thin hrim hrim a,chuvang chuan zun pawh a ngah tlek tlek hle.





Ani Saizami leh Anute Lily te pawhin an awmna atangin eng eng emaw an chahsak reng a,toys lah a ngah narawh e. Apa hian a duh vaklo thin zawk a
'An khalh senloh lei angailo' tiin alo khap thin. Mahse,an lei lui zel tho.





Saizami chuan tap deuh parin min rawn call a. A chhan ka zawh chuan
"Scott-a khan nupui a ru a" ati ta mai. Ka nu boral hnu khan a chanchin ka hre zawm tawhlo kha ania.





"Tunge a ruk a?" Makti zeta ka zawh chuan
"Fiona nen" ati ringawt a. Anlo inzui ve nasa si a,ala na khawp ang. Fiona chu naupang fel leh lehkha pawh thiamthei tak kha niin ka hria.

...............

Mi chhungkua te,midang pasalte ka ngaihtuah changa ka pasal ka fak leh em em chhan pakhat chu,nau awih leh nau ek then te,hrai zawng zawngte hi phun hauhlovin min tihpui vek thin a. Zankhat Bawiha harh chuan hnute a duh a,siamchawp a duh bawk silo,ka mutui khan alo hre bawk si. Zangthal zawnga ka mu chu ka kawr alo keu them them a,ka harhloh theih dan tur ber nia a hriat chuan hnute lo hnektir alo tum ve ngei a. Ka harh leh hlawl si chu in en in kan nui ta vak vak ringawt a..
'Min kaitho ziah rawh' ka tih chuan
'Angailo,kan fapa te reuh hi a sual lutuk a,i cherpui vek tawh' ati mai a. Ka fapa ka ngei na lam nilovin,hetia min ngaih pawimawh bik hian nuam ka ti thin.






Tunah pawh tu emaw chuan ka hnute dap rak rak pahin a țe leh that that a,ka che dawn chaiha. Ka pasal tha famkim lutuk chuan a fapa chu rawn la in
"Hey Man,tah lohtur aw. Inu i tihharh chuan a thalo ang. Keima'n hnute ka siam ang che" ati sup sup a.





An in hrai puar ta aniang. A fapa lah chu a mu zawm duhlo nge
"A tha e,a tha e. Ka pua ang che" atih ri chu ka hre leh a.





An in awi ri chu hria in ka inlet thak a.
"Tahloh tur aw,anu i tihharh chuan ka vel ang che. Hria em,Man chu fel deuha awm tur. Min rawn chhun hle ang che" tih pahin a fapa chu a hmathlak a,a awi hluau hluau chu hmuhnawm ti fe in ka lo en reng a.





Alo inher chuan min hmu ta a.
"Ilo harh tho a" atih hawlh chuan ka lo nuih mai a.
"Mu leh rawh,ka timu mai ang" atih chuan thovin
"Khawi keima'n,i hah lutuk ang" ka tih chuan min hniallovin min pe ve mai bawk a.





Kan fapa ka awihlai te pawh chuan alo mu duh biklo. Min lo biak rengloh leh ka hnunglam atanga min lo kuah reng chungin naute ka suk pui rual chuan alo su ve hluau hluau a,ka chhipah chuan a khat tawka a fawhloh leh kan fapa meng kur chu a rawn chhaih zeuh zeuh a,pakhat tereuh lah hian alo hrethiam ve deuh nge,a ha la to chiang chaih silo nen chuan alo nui ve khek khek a,ka indaih zai khawp mai.





Ka pasal,ka hmangaih chuan engmah nilo hmeichhia hi min tuamhlawmin tangkaraw tha mi ah min chhuah a. Nunna eng hmuhtur nei ve ngai reng renglo hi eng thuamin min thuam a. Ka hnunglam leh hmalam mai pawh nilo,ka sir kiltin atangin min veng a. Nunhlui vanga Hmangaihna haw thin hi,hmangaihna vang bawkin nunhlui ka neihlo ang tih hlau khawpin min siam hlauh zawk a. A kiangah chuan hnawmhne mai mai pawh a kila lung tangkai takah kan chhuak ta a ni.






Ka nunhlui duhawmlo leh tawp tak tak te thleng pawhin ani chuan min hmangaih pui vek a. Ahma chuan Pathian hnenah ka hriatna ka hloh then theihnan ka dil thin,chhan ka niin ka inhre ngailo bawk. Mahse,min chhan dan kawng a dang mai alo ni. Saia kaltlang hian min chhang a,ka nunhlui nawhreh ka duh tak takte chu a ngial a nganin reh veklo mah se,hmangaihna in a tidal tial tial a,a tawpah chuan min nawhreh sak ta vek a ni. Ka thinlung chhungril berah hian la reh hlenlo mah se,a aia pawimawh leh tha,ka chhungkua leh kan hmalam hun turte buaipui tur ka ngah tawh vangin a chhe zawk kha a tha zawkin a luahlan ta a ni.







Ahma kha chuan Pathian hnaih ka hlau thin a. Mahse,tunah erawh,ka Pasal leh fapa vang hian Pathian ka hlat ang tih hi ka hlau em em tawh a. Amah ka hnaih a chin chu lawmthu ka sawi ngailoh vang khan ka zak a. Nitin boruak tha kan la hipte,khawvel thilsiam mawitak hmu theia ka la awm ringawt te hi a man to zia ka lo hrechhuak ta a. Lawmthu sawi satliah pawh nilovin,tiang kan nih reng theihnan hian a ngena kan ngen angai hial zawkin ka hria. Suma lei tur han nise,kan boruak hip tur pawh lei zo lova thi ta kan tam ngei ang. Ei leh in theia kan la awmte hi suma lei phak rual anihloh zia chu. Damdawiinah mi hausa tawntaw,sum ngah tak tak engmah ei leh in thei lova awm an tak an awm a. Sum ngah viau mah se an nunah eng thuneihna mah an neilo.







(Aw le. ERASED chu kan lo zo leh ta reng mai. A tawpdan duhkhawplo leh min ngei lek lek pawh in tam ang. Mahse,hei bak ka thiam tawhlo🤣🤣🤣. Ka tihbelh leh chuan buaina ka chawk chhuak leh palh ang😂😂😂. Tak² a,Lily khian story hran a nei dawn a. Apa awmzel dan te,Saia te chhungkaw awmzel dante pawh ala rawn lang zel mahna. Chuvang chuan lo inring tawp rawh u🤣🤣.





Ka exam lai nen a innan vangin ka dahlo zeuh zeuh a. Tumloh deuha ka zin leh thut vangin a khaihlak leh bawk. Min lo nghakhlel a,a tawp maitur lo ui der ve tute chungah pawh lawmthu ka sawi tak meuh meuh e.
Sailo family atangin lawmthu kan sawi em em e.


In zavaiin Khamsahamnida vek u💜💜💜


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)