ERASED BY Krystal Vanchhawng (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ERASED BY Krystal Vanchhawng (Completed)

Unread post by Ngaia » June 12th, 2022, 3:54 pm

ERASED


CHAPTER 13
☆☆☆☆☆☆



SHARONI POV:


"Ummm" tih pahin min sawi che dat a,sawitur reng ka neilo,neih chu ka neih teuh a,mahse,ka hmui hian chet zai reng a rel theilo.






"Tinge kei kher. Khawvel hmeichhe hei zozai zingah keimah kher min thlan. Keichuan tlinlohna leh thatlohna tamtak ka nei a,chu chu ka sawi zawh chiah kha?" Ka tih chuan thaw suai suai pahin min melh a,chutah,khum lamah chuan min kai phei in min thuttir a,ani chu ka hmaah a ding thung.








"Ramdinpuii inih chhung ka duh che,kut ke kimlovin,rualbanlo pawh ni la nangmah inih chhung chuan ka ngai reng ang. Eng ang pawhin lo dai sual tawh mah na a pawilo. Khawvel dang atangin Setana rawn lang thutin ,'ani hi ka tirhkoh rinawm anih hi' tiin rawn chhal che pawh nise,Setana tirhkoh rinawm chu ka ni ve mai ang" atih chuan mittui baw hawkin ka lo nui hak a.







Ka mittui tla chu lo hru thuakin a nui ve thova,ka kut chelh chungin ka bulah a rawn thu zui ve bawk.






"U,i awm em?" Kan ngawih deuh reng hnuah Elizabeth-i rawn au ri ka hre ta a. Thu tha sawk sawkin ka hrawk ka thian leh te te a
"Ka awm,lo lut suh" ka tih chuan
"Aw,i awm leh awmloh ka lo en mai mai" tih pahin a kal leh nghal mai ni tur a ni.









"Engmah min zawt dawnlo ami?" Hnuailam bih paha ka tih chuan
"Eng chu?" Alo ti mai a.
"Ka pa hrawn Lianzuala chanchin te,ka naute thi ta pa te kha" ka tih chuan ka lam alo inher ruai ruai a..








"Min en teh" atih chuan ka en duh lawk lova
"Min en teh ka tih chu" tih pahin ka khabe ah chuan vuanin min kuai her a,mit thip hlurin ka melh ve hram. Ka beisei aiin a hmel alo dam a,a hmel ka en chiah hian a hahdam hmel bik hluah hluah.







"Ka sawi kha,ka nawrlui lovang che. A tul chin chu i sawi a,ka hre tawh,kha kha a tawk. Ka hriat ngai ala awm anih chuan ka la hre zel mai ang chu" atih chuan keimah zawk hian hrehawm ka lo ti thin.







"Mary kha ka fanu a nilo" amah en reng paha ka tih sep chuan mak ti hmel pawh a pu chuang lova.
"Ka naute kha chu ka pum chhungah alo boral tawh a,Mary kha chu khulam ka awmlaia ka thiannu boral ta fanu anih kha,anu in a boral san vanga khata dah kha kan nia" ka tih leh chuan ka hun tawn tawh te ka ngaihtuah let a,lungngaihna hlirin min fan. Ka naute thisa a lo piang hmel ka mitthla ah alo lang a,Anita-i boral turin a fanu a melh tawk tawk te kha ka ngaihtuah let chuan ka hnuk a ulh lo theilo.








"Ka hria e ka hria e,sawi tawh lola,ka ngaithla duh tawhlo ania" tih pahin a dara lu ka nghah theih nan min kuai kun a. Ngawi rengin tiang chuan kan awm vang vang a. Kan chhungte'n min rawn tibuai lo chu a zia hle.







"Chuan,Lianzuala hi chu" ka ti chiah chu alo thaw hrawih a..
"I sawi duhloh chuan sawi a ngailo ka tih kha" chang lam lek leka atih chuan
"Nilo,ka sawi duh alawm" ka ti tlat a. Inzawmna siamin siam dawnlo pawh ni tehreng ila,a hre ta sa sa,a chin chhuakin hre vek teh se.







"Elizabeth-i pa hi ania,ka nu nen kum 8 mi ka nihin an innei a,ka nu alo rai lawk vang a ni pakhat. Chuan" tih pahin ka thu ngil a.







"Pa ka nei tur kha ka lawm em em a,ka tan chuan malsawmna thuah hnih a ni ringawt. Vawikhatah nau leh pa thar ka nei kawp dawn a" tih pahin ka nui hak a,a za hauh si lo. Ka lo lawm lutuk te kha ka inchhîr vangin ka nui zawk mai a ni..







"Atir chuan engkim a dik vek,kum tamtak chhung chu. Mahse,hunin nundan a rawn tidanglam a,rilru thlengin a hruai khawlo zo a. Tah tak chuan ka tuar ta ber a ni" tih pahin ka thaw hak a. Ka sawi zawng pawh hian ka hah. Mahse,a hre ta sa sa,hre zo vek law law se ka duh a ni..





"Ka tleirawl chhuak a,mitmei ven ngai reng rengin hun ka hmang a. Thau te kha ka hlau thei asin,ka thau chuan ka ti tuaite alo nalh anga,a rilru sual a tizual mai mai ang tih ka hlau thin,kha ai kha chuan cher reng ka duh a,itawmna nei reng reng lova awm kha ka duh ber. Khawlum eltiang lai pawhin ani ina a awm ve chuan kawr banbul leh kekawr bul,chawn lang thei takngial pawh ka ha ngam ngailo" ka tihlai chuan ka mittui alo ba zawih a.








"Shhhh,lokal teh. Sawi tawh suh" tih pahin min lo kuah vat a,keipawh ka insum thei tawh biklo,min kuah nghet ang zeta nghet chuan ka kuah a,a kawr hnungah ka tham nghek bawk. Ani pawhin min kuah pahin ka samah a chul a,a kar lakah ka bek a fawp mawlh mawlh bawk.






"Chuan,ihhh,zanah hian ka mutnaah alo lut thin a. Elizabeth-i chu ala tet deuh vangin an bulah a mu thin. Ka nu awmloh changte hian alo kal a,chuan,ka tawngtai a,nasa takin,khaw thim phat atang bang lovin ka tawngtai a. Ka mutnaah pawh blanket in ka intuam bet tlat thin. Nipui khawlum lai pawh nise,ka samzai khat pawh a langlo,ka taksa hrim hrim a lan kha ka hlau a,thlan tla phungin ka in vet kual thin" tia ka sawi zo chiah chu a tawplamah ana zual antih ang maiin ka tumloh tawp chuan ka insut ta hlawp hlawp mai a.









"Hrep chuan,sawi tawh suh ka tih kha" tih pahin min nemsawn a,ka biangah chuan dawmin ka hmel en a tum a. Ka lo tang tlat bawk si nen
"Thu pakhat pawh sawi tawh suh" tih pah chuan a mal chungah min hlang lawk a,amah chu kar chehin ka kuah bet tlat a,a darah chuan ka mittui a luang nghal zawih zawih.








"A pawilo,tap rawh. A pawi reng renglo,ka tan chuan hmeichhe thianghlim ber ila ni tho tho" tih pahin ka hnungah chuan alo chul ve reng bawk. Sawilo mah se a lungphu rang leh a tan tung danah chuan a thinrim hle tih ka hre thei.






"Nilo,amah vangin ka nu thlengin ka pawh theih tawhloh phah a,ka enkawl tur ang pawhin ka enkawl theilo. Pathian ka rinloh phah hial a. A chhan pawh ka dil a,tap zawih zawihin khapa lokal loh nan khan ka dil alawm. Mahse,a chhanglo. A lokal tho,alo dang theilo ami,khawvel zawng zawng control tu khan ani mi pakhat mai mai kha a control theilo ania. Ka tawngtaina kha a chhang ngailo,ka dil apiang hnawl a ni a,,ka hlauhna hmunah min chhan turin a lokal ngailo" insut hlawp hlawp chuang ka tih chuan min pawm nghet bawk nen ka thaw a sak vek tawh a,tunah tak hian au vak ka chak ber a,ka ti anih chuan kan awmdan an rawn hre dawn si.








"I duh chuan min chum rawh" a hnung ka tham ngar ngar vang chuan ati ta tawp a.
"Ka duhlo" tap chunga ka lo tih chuan
"Anih min seh mai rawh" ati leh a.







Ka taksa khur bawk,ka ngaihtuahna avanga thinrim bawk nen. A darah chuan ka seh ta vak a. Seh pahin ri chhuaklo tur chuan ka rum nghek bawk.







Pathian awmloh ring angin ka inhria a,a awmlo ti em tur chuan ka rinna hian a cho bawk silo. Khatih hunlai khan rin tur a awmlo a,ka au nasa,alo lang ngai reng renglo,keimah chauhin ka beilet thin anih kha. Chhete talin amah kha lo tel ve ni se chuan,heti em em hi ka ni bik lovang.








"Tawk tawh em???" Lo tih dut paha ka hnunga beng thek thek tu lakah chuan ka inthlahrung ru hle.
"Ka tihpalh" tih paha awm sawn ka tum chuan min lo dang vat a.







"I tah zawh tawh pawhin tikhan awm rawh" atih chuan ka che deuh dat a.
"Midang khan min lo zawng tawh ang,ka bo rei tawh lutuk" ka tih chuan min nem sawnin min melh deuh vang vang a.







Ka biangah chuan a kut pahniha rawn khuap in
"Tap tawh suh aw,i mit a bui vek ang" atih chuan ka melh reng ringawt a.
"Chuan?" Atih leh chuan a sawi awmzia ka hre reng a. Mahse,engtia chhan tur nge ka hrelo.








"Min chhang dawn em?" Tih paha a kut a lakthlak chuan a chung atangin ka chhuk ve ta a. Ani paw'n min lo dang tawh biklo.







"Ka hrelo" ka tih hap chuan chil a lem khawlh tih a hrawk bawk che ralh atang chuan ka hre thei.






"Hlau suh,ka tina ngailo ang che,ka tina che anih pawhin i thatna ka duh luat vang chauh a ni ang. Chupawh a thleng lovang,nangmah ah hian siamthat ngai lehchuang awmin ka hrelo. Ka mitah chuan englai pawhin i tling vek" atih ngheh charh chuan siamthat ngaihna ka ngahzia a hre ve der si lo.






"Hun min pe rawh" tih paha ka melh chhoh chuan
"Eng chen" alo ti bul deuh hmuk a,min nghah theih tawhloh hmel viau lawi si.







"Ka hrelo,ka nunhlui khan ka nunah nasa taka nghawng ala nei a,ka sawi hmaih pakhat chu mipa hi ka hlau thin. Atir phei kha chuan mipa naupang in min hnaih takngial pawhin ka hlau a. Chuti chung chuan inzawmna nghet nei nghal tut tut ka theih ka ringlo. Tum chu ka tum ang" ka tih chuan a hmel a dang ta deuh.







"A tha,i thei em em ang. Hun i mamawh reilo ang" atih chuan a inrintawk hmel hle.






Kan chhauh phei leh hma chuan bathroom lamah ka inphih fai leh a, ka tah leh a hlau nge kawngkhar bulah min lo nghak reng a. Ka rei deuh hnu phei chuan lo luh te a tum ut ut.






Kan chhuah phei chuan kan awmlo tih lo hretu vak pawh an awmlo. Ka nu chauh chuan ka awmloh alo hria a,min zawngin alo phe vat vat mai. A bulah Lianzuala pawh alo awm a,a hmel ka hmu chiah chu ka tang leh nghal phat mai.







Saia chuan alo hrethiam a ni ngei ang,mi hmuhloh tur chuan ka kutah alo chelh vat a,hahdam tura min hrilh ang maiin a hum nghet zawk a,ka melh chhoh chuan nuih suk pahin alu alo bu nghut a. Ni e,ka ti thei ang,nichin boruak kha theihghilh ila,ka nau hlawhtlinna ka lawmpui tur a ni. Ka tihloh dan pawh a ni hleinem.






Boruak rit zet karah chuan zanriah kan kil ve thei hram a,kan zawh meuh chuan ka luak a chhuak hlui thei. Lianzuala pawh a ți deuh ta nge,melh pawh min melh ngam eih tawhlo. Saia ka bula a din reng vang pawh a ni pakhat ang.






Kan haw hma deuh chuan midang thlahin pawnah kan chhuak a,Saia te erawh inchhungah bungrua vel an rem fel vel mek.






Kan cousin zinga ka nelloh ber pawl,Patea unaunu fanu chuan min rawn be ru sar sar in
"Doctor-a nen khan in inngaizawng ami?" Atih chuan
"Enga tan nge itih?" ka ti mai a,ani nen hi chuan kan in chu-kha vak ngailo hrim hrim.






"Ka zawt mai mai che,i zia ka ngaihtuah a,an chhungkua hian mo atan an duhloh mai che ka hlau. Anau nen khan kan inkawm thin a,a over ve reuh sia,ani pawh kha buaina tham a tling ang,a u laka a rilru ala danglam loh phei chuan" atih chuan a sawi awmzia pawh ka hrelo,ka hre peih bawk heklo.







"I hriat tur chin chu kan la hrilh dawn che nia" ka tih chuan ner nang in,țhelrêt thial sawk sawk pah chuan a kal ve ta a. Ani kha chu harh vang leh kawp lawr ve khat ani ve a,midang zia pawh a man viau ang chu.






Inchhung ka luh leh chuan la awm hnu fualho leh Saia chu anlo che zung zung a,makpa zuan zang an sawi ang maiin a thahnem ngai ngaiah chuan a tang a,a che vel hmuh a nuam takzet.






Haw lamah chuan min thlah a tum deuh tlat a,ka hnial fe hnu pawhin ala beidawng duh chuanglo. Hetia nileng deuh thaw a kan inzui vang hian kan chhungte thenkhat chuan kan inngaizawng emaw anti mai a. Ka duhlo viau. Bul tan hma hawta hetia inzui khuk huam te hi tul ka tilo.







Kan haw hma chuan pindanah ka lut leh zuai a,Elizabeth-i pawhin a present dawn alo hawng nasa,a lawm hmel vur vur lutuk..







Nutei lo awm ve kher chuan mood uih sa a rawn chhem darh ang mai hian min ti nguai zo.





Ka rin ang ngei ngein ka chhauh hma chuan
"Inpa thar pawh a that hmel kha,pathlawi tharlam kha chu kalsan daih rawh,an fate buaipui an ngai nasa duh,a thalo" atih chuan midangin anlo hre ve ang tih hlau takin ka en kual a,present hawngin alo buai hloh.






Saia pawh chuan a dinna atangin min lo chik hle a. Ka bula miin a thusawi a zawm zel chuan thildang eng eng emaw ala hriat belh leh lohvang tih pawh sawi theihloh.






"Chuan Mate,film thalo kha en tawhlo la" atih leh kher chuan ka ter ta at a,Nutei mah nise chhan hrep mai hi ka chak thin.






Elizabeth-i tet deuh lai,Lianzuala'n ka laka rilru tenawm a put tirh atang khan anni nupa hian an kianga awm turin min sawm thin a,ka nu te ka ngaihtuah vangin ka zui nghal lemlo.






Mahse,Lianzuala a hlauhawm telh telh a,kan in atanga hla taka awm ka chak telh telh bawk. Pate Ramsanga hi Saitualah an post dawn a,chuta zui ve tur chuan min sawm leh a..






Ka pa hrawn lak atanga him ka tumlai ber alo nih ve bawk nen khan ka zui ve ta a. Atir chuan Nutei pawh a fel,Patea phei chu ka pa ang chiah chiah a ni. Khatih hunlai khan fanu kum 4 mi an nei a,abak anla neilo.






An bulah chuan kum 2 ka awm hman a,mahse,ka awmchhung khan ka tha bak chhawr duh an neilo.




Tah tak khan Lianzuala ka huatna a zual thin. Hrelo an tam ang,mahse,thilthleng tak tak a ni tlat. Kum tlin hmaa hmeichhiat mipatna lama daisual leh,duhloh chunga khawih luih te hian an thanlen dan azirin an nuna nghawng a neihdan a inang lova. A nghawng chhe berte zinga mi ka ni ve.






A then chuan sex leh a kaihhnawih lam hrim hrim an hua a,an ten a,nupui/pasal neilo te'n an awm tluan thin. Mahse,keichu ka ni ve lo.






Lianzuala vangin ka ten ve tho a,mipa pawh ka hlau thin. Mahse,ka huat ber chu ka chaklohna ber alo ni a. Hetiang lama tuihalna hi ka neih chhoh phah ta a.






Phone ah khatiang lama min chawkphur thei thilte en ka hrat a,chuta pawi lehzual chu,ka thil en leh ka tawn hnu apiangah mipa aiin hmeichhia khan ka mit anla ta tlat thin a ni. Mipa thalak maksak pui pui te khan min chawkphur ngailo,ka thisen tilum a,Lianzuala min khawih thin dan tenawm tak pawh ten hleihtheilova min siam theitu awmchhun chu hmeichhia chauh kha anni thin.






Nutei te ina ka awmlaiin phone ah chutiang lam ka en chu min man fuh a,min hau ve bawk na a,inchhung enkawl a puitu ber ka nih vang leh ka la naupan vang khan min hau na em em lo.





Mahse,vawikhat,Patea hna bang rawn haw chu a chau hle a,khua a lum bawk nen an pindanah kawngka kalh lovin a mu ta a,khami ni berkher khan a tawnzau a phelh a,kekawr bul nen chauh alo mu bawm.




Kei lah,kan inah chuan khawlum lai pawha inha up reng ka nih vang leh,ven tur nei ta lo anga ka inhriat hnu chuan Nutei te inah chuan kekawr bul te ka ha ve ngam ta a.






Chumi ni pawh chuan ka inha pan in a chhing ve hle a,mahse,ka zangkhai hle thung. Venthawn tur nei lova kawr lumlo tak ka ha ve theite kha ka lawmna chu anni mai.





Nutei chhuak turin an pindan chhuat nawt tura min tih vangin nawt tur chuan ka lut a,Patea mu thluang duai chu ka hmu reng. Nawhloh mai ka tum rum rum a,ka lo tihloh chuan a rawn thinrim haw leh mai ka hlau si chuan ka va nawt ta a.





Engtin nge a rawn luh lai berkher khan kan lo awm ka hrelo. Bungbu kut kut in chhuat ka lo nawt a,a bal bet lai kuta ka lo kheuh lai vel pawh a ni ang. Chutah tak chuan alo lut a,Patea lah ka lam hawi zawnga sai sir khan alo mu ve chiah bawk si.






Kawngka a rawn luh phat atangin a pasal muhil hmu ve ta lo chuan min rawn vin phar awrh a. A au ri ah chuan Patea pawh a rawn tho ve nghal.





Eng emaw tih dikloh ka nei emaw tiin ka hlau zawk hle a. Mahse,a thinrim chhan kha alo ni hauhlo.





A pasal mu lo thlem tum velah min puh anih chu. Rapthlak ka ti lutuk kha sawi mai tur pawh ka hre lova.




Pindan hranga min koh luh vangin Patea kha chuan engmah a hre ve lo. Min dawp kual vel a,a pasal thlem anga min chhuah chu a tum lui tlat a. Min ngaih khawlohna tizual tur tingin phone a thil diklo ka en kha alo hre bawk si.





Khata tang khan kan 2 chauha kan awmlai chuan hlim hmel min hmuh tawh ngailova,Patea awmlai chauhin min be thin. A awmloh veleh tihtur min pe teuh a,ani chu a chhuak leh daih zel.





Pahrawn bula hlauthawng reng renga nunhman ai chuan ala nuam zawkin ka hre thin a. Hah mah ila ka rilru tal ala thlamuang tiin ka inhnem thin.




Mahse,tullo deuh deuha min khak a ching a. A fanu tahin min puh ziah bawk. Patea lo awm fuh chang hian min chhanin alo hau thin a. Chu te hlei hlei chuan min rinhlelhna a tizual.





Nikhat an nupa an inhau a,an nupa inkar vanga inhau anni emaw ka tih laiin an au thawmah ka hming an lam ka hre ta a.





Chuta Nutei thinrim chuan kan 2 a min rinhlelh thu a sawichhuak ta a. Patea awihlo leh thinrim bawk si chuan kut a thlak ta thuai a. Ahma daih atang tawh khan hmeichhe dang nen a ringhlel kual thin a,chuvang pawh chuan an inkhak thin nghe nghe. Mahse,chutia,a laizawn neihchhun fanu ber nen min ringhlel chu a ti thei tawh biklo ania nge.






Reilote chhung chu a zia ve. Mahse,vawikhat a fanu damdawi ka lo pe sual chu min tim ta hrep a. Ka chetsual hun chang reng renga awm anih vang khan min ankhum hrep a,a fanu tap te chu a hau bawk.






Patea rawn haw chuan thil awmzia min zawt a,ka sawi chuan Nutei chu hau letin a fanu damdawi chu ama buaipui tur anih thu a hrilh chuan an inhauh zawm leh ta chiam a..





Patea te hi Excise and Narcotics lama thawk ani a,an hna vangin hmeichhe tamtak nen an inbe thin. Chu chu Nutei hian a thinrim phah fo.





Chutiang zawng zawng inmung khawm nen chuan ka lakah a tuan ta thin a. A tawpah chuan ka tuar zo tawh lova,hahdamna zawnga ka chhuahsan kan inah bawk chuan ka let leh a. Khatiang thil kha ka tawn zawm phah ta a ni.






Tun thleng hian mak hi ka ti thin. Kan chhungte lo zawk Patea khan min duhsak in min tan thei em em a,pocket money pawh min pe thin. Chutah,ka nu laizawn neihchhun meuhin khatianga min ti thin kha chu sawifiah theihloh khawpa mak a ni. A pasal zawkin tha theihtawpin min enkawl a,ani ve thung chuan fahrawn ang chiahin min ngai.





Ka thiamloh pawh a ni ve pakhat a,khatiang thil tullo tak takte kha en in min lo manlo chu nise,tiang em em khan min ngai khawlo lovang.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:57 pm

ERASED


CHAPTER 14
☆☆☆☆☆☆



SHARONI POV:

Khami ni atang khan Saia chu nitin tih theih deuh thaw ka inah chuan a rawn kal ziah a. Hna bana alo kal loh chuan zanah alo leng mai thin. In neitute phei chuan ka ngaihzawng emaw tiin min zawt hial.







Saia lo len a chin chu Scott-a te thianho pawh anlo lang tawh ngailova. A chhan ka zawh lahin
'Khawhar hnemtu i nei tha tawh a,nula rim ve te pawh kan duh' anti mai thin.






Ka hnaah hian a nghetin ka thawk lova,a ngheta thawk tur chuan interview pek nawn leh angai. Chumi tur chuan karleh hian interview ka pe dawn a,ka zam rual rualin ka nghahna a rei tawh bawk a,tih zawh thuai thuai ka duh. He hun thleng tur hian ka bei nasa bawk a,ka thei anih ngat chuan hmalam ka pan pumhlum thei tawh ang..







Elizabeth-i kal turin min tibuai hle a.
'Chu chu min lo lei' atih loh leh
'Lokal pahin lo lam lawk' ati reng a. Vawiin paw'n Dawrpui pheia a thil order lamsak angai leh dawn anih hmel..





Millennium bulah scooty ka dah a,ruah lah chu alo tla seng seng bawk. Damdawi zawrhna opposite a kawng ka kan dawn lai chuan ka hminga min ko tu awm ang deuhin ka hria a. Mahse,ruah a tla bawk nen ka kal ta daih a..






Dawrpui pheiah chuan kuta inhliah khuh chungin ka phei pawp pawp a,chutia ka kallai chuan ruah in min farna chu a tawp ta daih a. Ka melh chhoh chuan nihliap lianpui mai hi tu emaw in min lo zawn a,min zawntu melh tuma ka inher dawn chuan ka sirah Saia alo ding thut a..







"Koh iva hrelo ve" atih chuan ding meuhin ka en a..
"Min lo hmu law?" Ka tih chuan
"Damdawiin atangin ka hmu che lawm,ruah do tawh suh,i damlo mai ang" tih pahin ka kawr huh vel chu a rawn hru thuak thuak a,nichina min lo ko tu kha ani tih ka hre nghal mai.






"Elizabeth-i thil tur ka lam lawk dawn a" tih paha kan kal chuan midang kal ve chuan min su deuh nawk nawk a. Saia chuan ka dara kuah pahin a lamah chuan min hnuk phei deuh a..
"Khawiah nge?" Tia min en chuan
"Saw saw" tih pahin dawr chu ka kawk a..





Dawr zawn kan thlen chuan min kuah tawh lova,Elizabeth-i chuan a thil chah chu a man alo la pe reng renglo chu niin. Ka purse lah scooty ah ka dah daih bawk si,Saia chuan pek a tum a,nuamlo ti deuh chuan
"Kan chhoh hunah ka pe mai ang che" ka ti ta ngawt a.







Aman chu a pe a,inbe tawh lemlo chuan scooty dahna hmun thleng min thlah a. Kan thil lakna man ka pek dawn chuan a duh der lo.






"Ka leisak nimai rawh se" atih chuan ka duh hauhlova.
"Ka duhlo,keima lei tur ania,pawisa ka ken theihghilh alawm" ka ti leh a.





A ngaihdan anih vak tawhloh hmel
"La rawh" tih pahin ka scooty hmaah chuan a khai ta hmak a. Lungni zanlo chuan ka la ta hram a,Elizabeth-i chu vuak hrep tur anih hi.






Kan interview hun alo thleng a,a buaipui tute lamah chhiat tawk an awm vangin interview chu online in tih tur anti ta zawk a.





Interview laia min lo call thei tura ka rinho chu min be hrihlo turin ka hrilh lawk vek a. Saia phei chuan rawn kal a tum hial a,mahse,ka tling dawn anih chuan fair taka tlin ka duh.







Kan tan hma deuh chuan ka nu in min rawn phone leh ta chat a,Lianzuala damloh thu a rawn sawi chuan ka thin a tirim zawk hle. Min call lo tura hrilh na nâ nâ,ani damloh vang mai maia min call chuan ka mood zawng zawng a rawn chhem uih leh vek.







"Tihtur pawimawh ka nei a,ka dah" tiin ka dah ta a. Interview ka nei dawn tih ka sawi kher lova,sawi ila chuan a enga mah hmain alo phur leh vak anga,chhungkaw group ah te alo va sawi leh ka hlauh vang a ni.







Interview chu kan tan ta a. Video on chungin midang pawh anlo lang thap a. Kan nihna vel min zawt diat diat a,an inrin tawk hmel hlawm lutuk chuan min tizam zo vek.






Ka hun a thleng ve ta chiah,zawhna 2 pawh min zawh hma chuan ka nu bawkin min lo call leh a,rang lutuk in ka off a,min interview tute chu ngaihdam ka dil nghal vat.





Mahse,minute khat pawh ral hma chuan a rawn tinawn leh a. A ngaihna pawh ka hre tawhlo,thinrim tak chuan ka la a,interview laklawh laia phone hmang awmchhun ka ni hial ang..





"Enge?" Ka tih chuan
"Awi,Mate,ipa hi thi in a luak a,damdawiin lam panpui kan duh a,biak mai tur kan hrelo. I Doctor pa number kha min lo hrilh teh" atih chuan ka puak keh lo chauh.






"Ka rawn thawn ang che,ka laklawh" tih pahin ka dah leh ta nghal a. Interview chu kan han zawm leh a,an fel a,min lo hrethiam hloh lo se chuan result chhuah hma atangin ka tla nghal ang.







Kan zo fel tep tihah,hmeichhe pakhat dang anla interview lai chuan kan thu ngil thap a,an ngaihdan nghak kan nih vangin naupang thuawih ber ang mai chuan kan awm hle hle a..





Keimahni a an ngaihdan tlangpui an sawilai chuan ka nu bawk chuan alo call leh a,ka vin hrep loh nan thawk ka la ham ham a,phone ka lek chuan ka tha te a khur thei hial.







"Aw" sak talha ka tih chuan
"Mate,damdawiin chu kan pan a hei. I hman veleh lokal la" tih pahin ka ken tur ho a rawn sawi a.
"Aw,ka lo keng ang" tih paha dah ka tum chu.
"Iva hmanhmawh ve,dah i tum zung zung a,chhungkuaa damlo an awm hi chuan buai ana ania,mal tlat reng theih a nilo" atih chuan min interview tute lawmthu kan hrilh hun alo ni ve chiah bawk nen..








"Aw,in chhungkua khan lo buai teh u. Ani damloh vang mai maiin min rawn phone tawhlo teh,ka laklawh ka tih chu maw le" ka ti ta hrep a. Mak ati deuh nge a ngawi vang vang a,
"Aw,anih chu. Mal tlat reng i duh vang alawm ka bulah pawh i awm duhloh" tih pahin a dah ta daih a.





Ka thinrim lutuk chuan ka phone chu bangah ka vawm pawp a,a ri nghal thawk thei. Awmngaihna pawh hi min ti hrelo,ani vanga ka interview buai vek pawh tih tawh nak alaia,ka nu nen kan la inkhak phah bawk.





Lianzuala hi chu khawvel atang hian bo vang vang se ka lawm ngawt ang. Tuna a damlo pawh hi ka khawngaih chhete lo,ani damloh thu hla vang mai maia ka tlinglo anih chuan a pawi viau ang..





Ka zirnaah engmah min pui lova,ka zirna senso pawh ka intum vek. Zirtirtu ka nih theih nan nasa takin ka bei a,anmahni vanga a khawlo zo anih chuan ka ngawi mai mai lovang.








Thinrim lai takin Saia chuan min lo call a,ka phone hmai keh nuaih karah chuan a hming lo lang chu ka hmu ruai ruai..





Chharin ka la a
"Inu te anlo kal a" atih chuan ka tap mai dawn in ka hria.
"Kal ang hmiang,lo enkawl hlum thak rawh. Min rawn tibuai tawhlo teh u" ka tih zek chuan ka inthlahrung chawpchilh leh hle a. Mahse,ka insum thei tawhlo.






"Ummm,a pum ka lo zai chhe vek ang" atih chuan ala fiamthu lehnghal em maw ni.
"Ka dah ania" tih paha dah ka tum chuan
"Interview chu eng nge a an?" A rawn ti ta chiah a.







"Engmah a anglo,Lianzuala damlo khan a rawn tibuai vek" la thinrim taka ka tih chuan a ngawi vung vung a
"Lungngai suh,i tling em em ang" tiin kan dah ta a..






Tlin ka in rin aiin ka rinlohna a tam zawk. Interview pawimawh neih laiin tuma'n phone hmang ve hek lo.





College ka kal chuan Saizami chu Vanthahlua te nen anlo nui ham ham a. Ngaihsak lo chuan ka kal pel nghal mai a. Mahse,office ka luh hma deuh chuan min lo ko leh a.






"Ka u nen hian in inkawp takzet em?" Atih chuan
"Min zawh tur a zir a nimai" ka ti ve leh a..
"Nuthlawi ini em?" Atih chuan ka meng phawk hle. Midang lokal ve chuan an hria ang tih hlau takin amah chu ka en a,engah vak alo ngaih hmel siloh.







"Tu sawi nge i hriat?" Zawi taka ka tih chuan
"Ka thiannu min hrilh. An zai che a,chuan,an hrechhuak tih kan lo hria a" atih chuan 'kan' tihlai tak chuan ka beng a verh zual a.





"Nangmah chauh lo maw?" Ka tih chuan
"Kan chhungkua in kan hria. Chu chu ania ka sawi duh,ka nu leh pate hian ka u hi an zilh zen zenlo. Mahse,nuthlawi nen an inkawp tih an hriat hnu chuan an zilh ngun ta khawp mai" ati ta a..






Han sawi leh mai tur pawh ka hrelo. Amah hi a lokal tawp a,a chhungte ngaihdan reng ka lo dawn ngai lova. Anau sawi atanga ka hriatchhuah tak chu,ama'n min pawm mah se a chhungte'n min duhlo ve thei tlat tih hi a ni.






Zana a lokal chuan peh hel deuh hian
"I lokal dawn hian i chhungte'n an hre thin em?" Ka ti ta a.
"Hria e" ati mai a.
"An phal maw?" Ka tih leh chuan min melh vut in
"Lenglo rual ka nih tawhloh hi" ati leh mai a.






Ka tawng that duhloh em vang chuan a ngaih a tha ta lo nge.
"Saizami nen in inhmu em?" Ati ta ngei a..
"Hmu e" ka tih chuan a thaw hawk a.







"Sawi a neih chuan enga tan mah ngai suh. Eng nge a sawi?" Tih paha min melh run chuan
"Eng vak a sawilo,kan inbe mai mai" tih pahin ka hawisawn ta daih a.





"In ngaihtuah buai duh suh. An duhloh thu che an sawilo,mipa ka nia,an fapa neihchhun ka ni bawk,ka kawppui thlan chungchanga ka fimkhur nan min fuih mai a ni" atih chuan ka ngai kawi deuh deuh..




Fa ka nei tawh tih an hriaa,an fapa fimkhur tura an hrilh anih chuan min lawm tehchiamlo tihna chu a ni phawt anga.





Saia chuan ngaih tha turin min hrilh a,mahse,ka ngaih a tha thei chuanglo. Zan hnih ngawt a rawn lang tawh lova,mahse,sawi buai thei ka nilo. Inngaizawng pawh kan ka ni lova,bakah,an hnaah an buai anih ka ring deuh a,Phone in min rawn be reng thova,va tihbuai hmasak loh kha ka duh biklo.






Mahse,a rawn lan khat chu sawiloh,nikhatah Vawikhat takngial pawh min be lovin a awm ta zeuh zeuh a,min hmu tura a lokal te,min lo biak rengte kha ngaiah ka nei hman tawh a ni ngei ang. Chutia a reh ta daih chu ka awm thiamlo lek lek a.






College ah pawh min thlah turin a rawn lang lova,call emaw message takngial pawh ka dawng chuanglo. Ka thinlung sak atih em vangin a beidawng ta anih ka ring hial a. Mahse,a dinna ngaia ding reng turin a intiam ve bawk si.






A awmdan chu ka hrethiamlo hle,va biak hmasak lah ka hreh bawk si. Anau chu college ah ka hmu reng a,biak ka tum lahin Scott-a te nen an awmho reng bawk nen,a fala han biakna hun pawh ka neilo.







Karkhat zet a reh hnu chuan ka rilru ah a awm bur tawh lova,a reh hlen dawn ta ah ka ngai mai.






A chhungte'n min duhloh vangin a hnial theilo te anih ka ring ta rum rum. Lo inkawp tehreng pawh ni ila,kan rem zui theih hi ka ring hlawllo.





Zingah college ka thlen chuan a Car ang deuh ka hmu thut a,ka enchian chuan alo ni ngei bawk. A chhung atangin a nau chu alo chhuak a,Saia chu alo chhuak ve dawn emaw tia ka lo nghah lai chuan inher in,a sira ka lo ding reng chu ngaihsak miah lovin a tlan tlang ta daih a.






A awmzia ka hrelo hlawllo. Mahse, min hmulo der anih ka ring ta a,a nau chu panin a u chanchin ka zawt a.
"Ka pu a enkawl" ati mai a. A sawi tha duh derlo lehnghal.





Mipa nghet leh rintlak tak,ka nunhlui vanga min kalsan ve mai mailo tur emaw ka tih khan min hlat tial tial maiin ka hria a. Ka ngaihdan pawh a inthlak ve ta hret hret e.




Zanah chuan ka awmngaihna hrelovin ka call ta tawp a,ala tawh dawnlo emaw tih hnuah a rawn la ta a.
"Hello" ka tih chuan an ri deuh nawk nawk a.




"Hello,tunge aw?" Rawn titu chu hmeichhia ani,phone chu hum in ka ngaithla leh chhin a.
"Tunge i biak duh" atih leh chuan Saia aw ang deuhin
"Dah mai rawh" atih ri chu ka hre leh a..






Ka hlauthawng nge ka hrelo,ka lungphu chu a rang hle a,ka tah a chhuak ve ringawt lehnghal..







Anau in inhmuh puia min sawm leh ngat phei chuan thu lawmawm hre turah ka inngailo tawp.





Saizami nen kan inhmuh tur chu tumah ka hrilh duh lova,an hria anih chuan tul lovah anlo buai mai ka hlauh vang a ni pakhat,Saia ngei pawhin a duh hauhlo ang.





Saizami lokal hun nghaka ka thut reng lai chuan nu pakhat inchei ve deuh nen hian an lokal a.




"Hei ka nu ania" atih phei chuan ka hlauthawng lehzual.
"Thu rawh,iva nula ve" atih kher chuan ka tang nghal teuh thei.





Anu chuan kan chhungkaw chanchin vel te min zawt luam a,dik takin ka chhang vek.
"Kum 20 mi ka nihin in keimah in Bangalore ah ka kal" tiin keimaha ka inchawm zawm thute chu ka sawi a.






Mahni inchawm nana ka hnathawh vel min zawh danah chuan Spa vela thawk turah min beisei tlatin ka hria.





Ka duhloh zawng tak a ni. Inzawmna neih hma hawta hetia interview ang maia inkawm vel hi.





Kan haw hma deuh chuan rin ai takin boruak a zia sawt ta phian a,Saizami pawn mei nei takin a tawng tawh lova,anu paw'n ka ngaih kawih theih turin thu a sawi tawh biklo.





Mahse,an tawng paha an han hawisawn deuh hmak danah te chuan min ngai pawimawh vak lemlo tih a lang reng. Keipaw'n chuti tehlua in ka ngai pawimawh biklo. An fapa nen kan innei dawn pawh ni zeng lova,inzawmna siam hma hmaa Chutia min ko chu ka lawm tehchiam biklo.







Kan chhuah dawn chuan beiseiloh takin Saia leh Nurse kha anlo inzui lut ta thut a. Min hmuh hlau deuha kal mai ka tumlai takin Saizami reuh chuan
"U" tih pahin a ko ta vak mai a..






Saia leh Nurse chu anlo hawi thuai a,Nurse Awmawmi antih nu nui hmel chu a tawp riai riai a,Saia erawh a hmel a chang tha hle thung.





Ka bag lak paha kalsawn ka tum lai chuan kan lama rawn pen phei pawk pawkin
"Ding rawh" ati hrawk a,ka dinglo ngam tawh teuhlo.






"Ka nu" tih paha zawhna nei taka anu a melh chuan anu te chuan nuamlo antih hmel hle a.
"Eng nge intih?" Atih leh chuan ka lo ngawi reng a. Inhmu satliah kan nih thu sawiin phat mar ka tum dawn teuhlo,mahni tih nilo puia tuar tur khawpin ka rilru a thalo,an monu duh vaklo ang maia min en pawh hian min ti lawmlo tawk viau..






"I thiannu te nen kan lo inhmu lawk maw le" anu chuan ati mai a.
"Saizampui,in exam dawn a ni lawm ni,inah awm ta che. Ka nu,nangpawh,hmulo turin ka hrilh che kha" tih paha min rawn melh thut chuan ka phu zawk a. Kei thleng chuan min melh rum em em vek.







"Engmah kan sawilo" Saizami chuan ati sep a.
"Engmaw?" Saia'n alo tih leh chuan anau bawk chuan
"Inneih tir che u an tum thu engmah kan sawilo" alo ti hlar a,ka lo ip zawk thei. Inneih maw????




Awmawmi chu a rawn inrawlh ta vat a.
"Ka nute,Saia nen innei turin min duh tih ka hria,mahse,tihluihna hman ka tumlo. Tuna ka chhungte rorel hi chu enga tan mah ngai suh u. Chu lovah,ani hi Saia ngaihzawng a nilova,keimah vangin inlo tibuai ang tih ka hlau" atih chuan Saia ka melh dawrh a.






Sawifiah tum ang deuha a an zuau chuan lu ka lo thing vat a. A nu te chu melh pahin
"Nia,a sawi kha a dik. I fapa nen hian inzawmna kan neilo,hlauhthawng duh suh u. Ka kal mai ang e" ka tih chuan a inthiamloh hmel hnuhnawh hle a,Engkim thlen hnua inthiamloh vel hian emgmah a siamtha tawhlo.






Saia lam pawh chu melh tawh lovin ka chhuak nghal nal nal a. Dawr kawngkhar pui ka pel chiah tihah min rawn pawt her sawk a.





"Eng nge?" Aw zuai raiha ka tih chuan
"Inbe lawk ang,ka sawifiah vek ang" atih chuan za lo fahran in ka nui a.
"In sawifiah angai hleinem. Inzawmna kan nei lova,i ngaihzawng pawh ka ni bawk lova,enge la awm?" Ka tih chuan a thaw hawlh a.





"I ex hnena i zui satliah ka nih thu sawi kha ka tan pawh a nuam hauhlo" ka tih chuan min pan hnai hrut pahin
"Loh theihloh vanga sawi ka ni. Engkim ka sawifiah vek ang" mangan hmel taka atih chuan
"Engmah sawifiah ngailo" tih sep pahin a kut chu ka lasawn a.






A phone lo ri ve chiah alak laitak chu remchangah la in ka che thut a,mahse,a che rang zawk hret. Ka banah chuan man in a kut lehlam chuan phone a lek kang a.




"Tikhan awm rawh" ti supin phone chu a be zui a,kalsawn theih zia zang a nilo. Ka kut mu chum chum khawpin min man bet miau a.





"Aw,ka lokal vat ang" tia a phone hmang chu a hlauhthawn hmel hle a. A zo chiaha kal mai a tum chu nui hawk chungin ka lo en tawp a.





Hrechhuak thutin a rawn hnai tha leh a.
"Engmah sawifiahna hun a awmlo,tunah hian ka pu damlo chatthla lek lekin a awm a,chumi enkawl chuan phaiah kan kal bawk. Inneih lam an sawi rik kha chu hrelo angah inngai rawh,naktukah inhmu ila,aw,tah chuan ka sawifiah vek ang. I ngaih ang kha engmah a awmlo,ka thlahthlam lo che" atih chuan a phone lo ri sek bawk nen a buai hmel hle a.






"I phone kha la rawh" ka tih chuan phun hluk pahin a la ta a.
"Ka lokal,a drip kha tichak la,a zunthlum damdawi kha lo pe bawk rawh" ati bul hmuk a. A phone chu a ipte ah thun leh zawkin ka kut chu a rawn chelh zawm a..





"Naktukah inhmu ila,ka sawifiah vek ang. Tunah ka pu dinhmun a hniam leh a,ka kal angai aw" atih chuan a hamhaih hmel bawk nen ka khawngaih deuh a.
"Va kal vat rawh" ka tih chuan thaw huai hmel hi a pu a.





"Naktukah chuan ka hman veleh ka rawn be vat ang che" tih pahin ka kut a hum nghet salh a,a kal let leh ta a.





Atuk chu Inrinni a ni a,Lianzuala damloh atangin ka nu te nen kan inbe mumal tawhlo hrim hrim a. Ka vin vak kha ka inthiamlo ve tho. Mahse,a hunlai kha chuan a ninawm ve em a ni.






Inrinni chuan ka awm ve mai mai ang tih nen,ka nu chuan min rawn bia a.
"I nau insiam a duh bawk nen,Civil ah khan result min lo lam mai teh" a rawn tih chuan Lianzuala ta anih leh nihloh ka zawt vat a..






"Keima test na,ka lung check up na ania" atih chuan i he lovin ka lak theih tur thu ka sawi nghal a. An nula kawl chhun Elizabeth-i lah Doctor zir tura kal mai tur ani bawk nen,an buai ve hle ang.






Civil hi kal nawn leh ka duhlo viau a,ka nu vangin ka kal leh ta phawt chu anih hi. Cardiologist(lung lam) department lamah chuan a result chu ka lam a,ka chhuah hma deuh chuan Saia'n min lo call a.






"Damdawiinah ka awm a,ka haw theih veleh ka lo tlawh ang che" atih chuan
"Keipawh ka awm. Ka nu result ka lam a" tih pahin thutna awmah chuan ka thu pah a.






"Sawi la ka lo lam mai dawn alawm" atih chuan a ngaihloh thu pawh ka sawi peihlo. A bulah chuan Saizami aw ang deuh ka hre zui bawk.





"Inhmuh i duh chuan inhmu nghal ila,ka nu te tlawh ka ngai ania" ka tih chuan
"Aw le,i awmna sawi la" atih lai chuan Nurse Awmawmi lo phei ka hmu a.






"Cardio department bulah" tih pahin ka nu result chu ka bih ta daih a,lo phei saw ka hmuh peih vakloh vang a ni.
"Ka awm hla lo,kan rawn phei ang" atih vang chuan Saizami nen an awmdun tih a Chiang mai,apu kha damdawiinah hian a awm pawh a ni maithei..






"USaia i nghak ami?" Ka hlauh ang nge nge in a rawn ti ta a,ka nu result chu khung that pahin
"Nghak em emlo,result ka rawn lam a" ti chung chuan ka melh chho a.







"Saizami bulah khan i chanchin kha ka lo sawi ve ringawt a,a pawi em,min zawt nasa lutuk a?" Kuttin sik neuh neuh paha atih chuan
"Pawi love,thu diklo a ni chuanglova" ka ti hap a. Ka ding zui nghal bawk,ani be reng tur hian hun awl ka ngah biklo.







"Kan chanchin kha ilo hre ve ta a. Mahse,ngai thutak duh suh,Saia kha zawt la,alo hrilhfiah ang che" atih chuan buk zeuh pahin kal mai ka tum a.
"Leh lawk,thil pakhat" atih chuan ka ding leh dat a.







"Heihi i hriat ngei ngei ngaiin ka hria a. Ihhh" tih pahin hnunglam chu a en let zeuh zeuh a
"Saia hi neih i duh anih chuan Saizami atangin hma la rawh" atih chuan ka en ha a.
"Chu chu enge awmzia?" Tih paha ka hmachhawn chuan,ka kutah alo man a,step bulah chuan min kai pheiin








"Saizami duhzawng lo chu Saia hian a nei lovang" atih leh phei chuan a ngaihna ka hrelo lehzual. Saia neihtur chu ani duhzawng anih teh daih chhan tur ka hrelo em a ni.






"I bo maithei. Keipawh an chhungkua nena kan inpawh em em chhan chu Saizami vang hi ania,an chhungkaw naute anih bakah" tih pahin hnuailam a melh zeuh a.
"I hre tawh tho em?" Atih chuan
"Eng chu mawww?" Ka lo ti vat a,min tivir zo vek.







"Englo ania,Saia leh a nau hi an inngaizawng thin a" atih sep chuan
"Eng maw?" Ka lo ti vak a. Awihawmloh lutuk
"Saia i duh vangin dawt i sawi tiraw?" Ka tih chuan
"Nilo,teuhlo. Dawt ka sawilo,hman deuh khan an unau hian an inngaizawng thin alawm,kan hre ru nual" atih chuan ka nui hak a.





"Unau naua inngaihzawn thu a awmlo" tih pahin kut ka vai thuak a.
"Unau diktak annilo tih i hrelo ami?" Atih leh chuan ka nui tawp nghal chat. Henu hian eng thu nge maw a sawi le.






"Unau hrawn maw?" Awihlo taka ka tih chuan
"Aw,Saia nu hi chu kan naupan laiin a boral daih tawh. Tuna anu hi chu Saizami hringtu chauh alawm" ati ta mai a. A thusawi chuan min deng dawt dawt ni berin ka hria.






"Unau diktak annilova,hmanah khan khawtlang sawi hat khawpin an inzui ve zuai alawm. Thu thang atang pawhin ilo la hre ve lova" atih chuan Saizami hmel ka ngaihtuah a,a u laka a inlak naupangchhia zia te,Saia'n a ngaihsak zia leh,nitin a rawn thlah ziah thin te. Kan inkara rawn inrawlh a tum phet thin vangte leh min enthla tur ang maia ka in a rawn thlen tumte ka ngaihtuah let chuan a thusawi hi a rinhlelhawm viau tawhlo.








"Eng nge i ngaihtuah?" Tih pahin kut a rawn vai zeuh a,
"Dawt i sawilo tiraw?" Ka tih chuan
"Engvangin nge tiang thuah dawt ka sawi duh ang. Fimkhur la ka duh mai che ni,Saizami a huaisar reuh teh ania" atih chuan ka bing mup mup maiin ka hria.






Engtin nge anih theih,unaua inngaizawn te chu,ava mak awm ve. Tunah pawh eng emaw inzawmna anla nei hial in ka ring. Engkima Saizami lo inrawlh ziah ka ngaihtuah phei chuan a mak lehzual. Saia zia ka ngaihtuah in chutiang mi chu niin ka hre silo. Nge,hmaikawr vuahin min lo bum reng zawk.







"I awihloh chuan anmahni ngei zawt rawh" Awmawmi'n atih leh chuan
"A ni thei dawn ami?" Ka ti halh a,ka ngaihtuah nasat poh leh amak ka ti tulh tulh.






"Awmawm" rawn titu aw kan hriat rual rualin ka phu zawk a. Step atangin Saia te unau chu an rawn lang hlawl.





"Engmah sawi suh" atih sep chuan dawt min hrilh anih ka ring leh ta hial a.
"Tah ilo awm a?" Tih pahin Saia chu ka bulah a rawn ding a.





Saizami pawh chuan a thiannu a be nghal siam siam a. Awmawmi hlauthawng hmel ka hmuh chuan fiah ngei ka duh ta a.







"In pahnih hian unau diktak inni em?" Ka tih thut chuan an mit chu Awmawmi chungah a fu zui nghal.





"Awmawm" tih zuai raih pahin Saizami chuan min melh zawk a. Saia erawh a awmdan ala thlak eihlo,ani hi ka lo ringsual takzet anih dawn hi.







"Unau diktak inni em?" Tih paha Saia ka melh chhoh chuan a din ngai rengin a ding a,zahna chhete mah nei miahlo ang maia min melh chhuk in
"Kan nu a hrang,chu chu tinge?" Atih chuan ka nui hak a.






"Engmah nilo,kal ang Sai" tih pahin Awmawmi chuan Saizami pawh sawn a tum a. Saia pawh chuan ka bana rawn chelh pahin
"Kal ila" ati nghal mai a. Keimahah nghawng an neih nasat zia hrelovin anni chuan ngaiah an nei tawh anih dawn hi,nun tawp tak neiin tenawm viau mah ila chhungkaw zingah a ruka inzawmna nei awm hi khawvela ka ten ber a ni.







Min vawnna chu dah sawnin ka din hlat deuh a
"Chu lo sawitur inla nei em?" Ka tih chuan a ngaihna a hriatloh hmel hle a. Hlauthawng awmchhun chu Awmawmi chauh ani,Saizami pawh a thinrim ve hmel deuh a,mahse,nichina ka zawhna vang chauh khan..






"Eng nge sawi zui tur awm?" Saia chuan alo ti puat a,
"Kal ila" tih pahin a inher zawk a..
"In inngaizawng tawh em?" Ka tih chuan a rawn inher leh zawk a..






"Engmaw?"an unau chuan an ti rual nghal that.
"In inngaizawng thin em tih ka zawt che u" ka ti chiah chu Saia mitmeng a rawn inthlak chawpchilh nghal rawih rawih thei. Tunah chuan hlauhthawnna mitmeng ka hmu ve ta,a dik anih hmel e.







"Chu chu khawi atanga hria nge i nih?" Atih hrawk chuan ka chhang lova,Saizami chu tap lek lekin alo ding reng bawk.





"Tunge sawi ka tih chu?" Dam deuh zawka atih leh chuan Saizami zawk chu harhchhuak thut ang maiin a thiannu chu a nem dawrh a
"Awmi,nanghi ini tiraw?" Tap tiaua atih chuan Awmawmi chu a kun chhal a.







"Sawi teh,thudik a ni em?" Tia Saia ka melh chhoh chuan chil lem khawlhin min melh run a.
"Sawi rawh" ka tih leh chuan Saizami te lam ava melh zawk a,Saizami chuan a mittui hru zeuh pahin sawilo tur chuan alu alo thing a..






Saia chuan boruak a hip vang vang a,a kut hum ruh talh talh pahin a rawn thaw chhuak leh hawk a,
"Aw" ati zawih sup chuan Saizami zawkin tap tiau chuan
"Uuuu" lo ti vak a. Awmawmi'n hnuailam bihin a hmui a pet ngar bawk.







"Ava ropui ve" tih paha ka tawlh sawn chuan min lo man zawk a,
"I ngaih ang a nilo,engmah hi a diklo. Lalrinawm,eng thu nge ilo sawi?" Atih hrawk chuan a kut chu ka lo dahsawn a.






"I sawi zawh chiah kha" ka tih sep chuan beidawn hmel taka bang lam hawiin a bula bawlhhlawh bawm chu chhir zawtin a thaw ri hrawk a.






"I sawi kha a dik vek. Mahse,i ngaih ang kha chu a nilo" tih paha min rawn din hnaih leh chuan lu ka lo thing vat a.
"Khawvela ka ten ber i hria tiraw?" Ka tih chuan
"Aih hrelo" tih pahin ka kutah alo man a. A hrechiang lutuk hi ka tah a chhuak zawk.






"Ka hrilh nawn leh ang che. Khawvela ka ten ber chu...." tih pahin rum fe chuan ka melh a..
"Chhungkua tih hming pu kara inzawmna siam anlo awm hian a ni,duh reng vang anih phei chuan ka haw lehzual. A chhan i hria. Chuta kara i zep kher hi ka hrethiamlo" ka tih chuan a mittui a tla ve lek lekin ka hria. Keipawhin zak leh insit Chung chungin ka hrilh a,ani pawhin a thei tur a ni,a duhlo tihna nimai.






"A nilo ka tih chu,Nangnu kha,eng dawt thu nge ilo belh" tiin Awmawmi chu a vin hrawk a. Saizami chawp chuan kan phu zawk thei.






"Ka kal phawt ang,i sawi duh chu sawi zo tawh angah ngai rawh" ka tih chuan
"I kal lovang" tih pahin min man leh mai a tum chu ka tawlh sawn dawrh a.
"Atir ah pawh ka sawi kha,a rem theilo. Rem dawn viau angin lang ve thin mah se,engtin emaw tak a remlo zel ang" tih paha ka melh ngar chuan a bek a pawng tawlh tawlh a,a thawk lak sak hmel lutuk vang chuan a awm pawh a rawn pauh sawt sawt thei.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:57 pm

ERASED


CHAPTER 15
☆☆☆☆☆☆



SHARONI POV:




Kawngpui lam pan chuan ka chhuk thla hlawk hlawk a,ka hnunga min zuitu chuan min ko leh ang tih mawlh ka hlau.




Kawngpui ka pawh chiah a,Taxi lo tlan hmasa ber chu ka phar nghal vat,ka hmaa alo din rual rualin ka hnunga min zuitu chu a rawn kal chak thut a. .






Hmanhmawh fe a lut rawk rawkin driver chu kal turin ka hrilh nghal a,kan tlânchhuak chiah ka hawilet chuan tukhum dawm meuhin min lo la thlir zui.






En rei duhlo chuan hmalam ka hawi a,thawk chu ka la zui nghal ham ham. Driver chuan min melh leh zuk zuk thin a,ka khuh kharh kharh takah chuan
"I tha maw?" A rawn ti ta chiah a.






"Tha e,ITI lamah aw" ka tih chuan buk nghut pahin hmalam chu a hawi zawm leh mai a..






Taxi ka chuan chung pawh chuan engdang ka ngaihtuah theilo. A mak em a ni,engtin nge anih theih. Unau diktak lo nilo tehreng pawh nise,inzawmna neih kher eng nge a tulna.





Tihluihna hmangin a ruka lo awm diklo pawl kan awm pawh tih tawh nen,unau diktak anga chengdun reng tan phei chuan a rapthlak takzet.






Saia pawh rawn lan zawm tawhlo mah se pawi ka ti hauhlo. Kan hun tawn chingchi vet kual nuaih kara hmalam pana,inzawmna siam ngaihtuah theih pawh a nihloh hi..






Inah ka lut fel chiah,ka nu'n min call avang chuan hahthlak ti zetin ka thu dawt a. A result kha pek ka ngai tak alawm. Saia te unau vang vekin ka theihghilh leh tawh anih hi. Pawilo,zanah emaw ka dah zuai mai ang.





Ka nu hi nasa takin a haihawt a,a chhul lam dikloh vang nge a rilru a no a,a na hma em em bawk. Lung thalo a nei bawk nen thu dengkhawng lam dawngsawng thei a ni lova. Ka venthawn em em chhan pawh a ni..





Kan naupan deuh lai khan ka pi a boral a,nat lawkna pawh neilo anih vang khan ka nu chuan a tuar em em,zanhnih ngawt nikhaw hrelovin a awm zui phah nghe nghe,tah pawh chuan kan chan lo chauh a nia. Engtin nge ka hun tawn rapthlak takte chu ka hrilh theih tehreng ang ni. Nu neih ve ka la duh tho alawm,ka nu hian Lianzuala nen kan chungchang vanga min kalsan anih ngat chuan ka in ngaidam thei ngailo ang..






Zanriah ka ei pawh chuan a hmingin ka lem vel mai mai a,chaw chakna ka nei hlawllo. Naupang an exam dawn vangin kan buai ve hle a,kei phei chu ka inzai laia hna ka khawl nen zan lamah pawh inah hnathawh tur ka hawn tawk mai zel.







Chuta karah,Elizabeth-i kal tur hian engkimah min tibuai bawk. Shimla ah seat a hmu a,a kalna ah pawh chuan thlah ve turin min beisei tlat a,ka hman der silo. Ka nu te nupa in va thlah mai se ka tih lahin a duhlo ve ngei bawk. A dika dik chuan Lianzuala hi apa ni ve bawk mah se,kan boruak neih tawh vang khan a pawh tak tak bik lova,apa anih angin a harsatna te chu a thlen ve thin. Mahse,pafa inpawh ang tak tak hi anni biklo. Chu chu Lianzuala pawh hian a chiang a,hrehawm ala ti telh telh bawk ang.








Chutiang vel kara thu dang dang,thin thawng deuh deuh hriat reng mai hi ka peih tawhlo. A hmaa ka nun ang khan nun leh ka duh. Tuma'n min tibuai lose,keimah in awm tawp ila,ka hnaah buai hle ila,chu chu nun ka chen ve theihna awmchun a ni.






Harsatna dangin min rawn tlakbuak leh anih ngat chuan ka nunhluiah bawk khan ka let leh mai ka hlau bawk.





Saia phei chu a theihloh,bei tang tang pawh nise,a chhungte lakah ka tling thei ngai dawnlo. Chhungte'n an pawmpuiloh inkawp lui hi chu tluang viau angin lang ve bawk thin mah se,khawi emaw laiah hian fuh lohna a awm nge nge thin. Chhungte pawmpui thlap kawp se,a dik ber ang.







SAIA POV:



Thinrim zetin an tlan liam chu ka thlir a,han tih mai tur ka hre der silo. A kal dik ve dawn tan chauha,a buai leh vek thin.






Hmanhmawh zetin Damdawiin lamah chuan ka chho leh a,Garage ka pan chuan Car bulah Saizami lo ding zum zât ka hmu nghal.





"U" tih paha min lo pan a tum chuan Car chu kal hualin kut ka vai thuak a.
"Lut nghal rawh" ka tih chuan insawh nghawng pahin a inher a,Car ka start vut vut lai chuan a rawn thu lut ve a,ani vang hian eng chen nge ka buai dawn ni. Saizami takzet hi chuan min va tibuai teh hrep em..





Chak zetin ka khalh a,a sira indawm bet taiin a thu a,
"Khalh muang deuh teh" atih pawh chu hrelo ang maiin ka awm a,kan inkawt ka thlen chuan brake ka rap tuar a,au that in hmalamah a bu nghal dawrh.







"I pindanah lut nghal la,kalh suh ang che" hmalam melh reng paha ka tih chuan
"Uuuu,ka tum a ni biklo" tah chhuak hmel zeta atih chuan a hmel pawh ka en duhlo,ka khawngaih leh mai dawn.







"Saizampui,lut rawh ka ti em?" Ka tih thawt chuan phu zawkin a mittui a baw zawih a. Lu thing nghat nghat pahin kawngkhar chu a hawng rawk rawk a,inchhungah chuan a tlan lut nghal.






Motor chu Garage ah dah lut nghalin lut ve ta mailo chuan thawk la ham ham in ka thu deuh reng a. Engtia han tih chi nge ni ang,kan hun tawnte ka hrilhfiah pawhin a awih ka ring chiah silo.






Ka nu te lah khan anlo va hmu ve kher bawk nen,engkim an tibuai zo vek. Anmahni vanga a rilru a let leh a,hmeichhe vawt tak ani nawn leh anih ngat chuan ka chhungte anni tih ka theihghilh thak tawh ang.






Inchhung pana ka kallai chuan ka nu chu lo chhuakin min rawn pan vat a
"I nau saw i hau ami,apa nen sitting room ah an thu a,a mittui a tla reng ania" atih chuan kalpelh thuak pahin
"Hau" ka ti chhum hmuk a.





"Ava buaithlak e aw" tih pahin ka hnungah min rawn zui lut ve nghal. A sawi ang ngei chuan Saizami leh ka pa chu anlo in thut chilh ran a,hnuailam bih pahin a heh a pet ngar ngar bawk,ka pa chuan a be tawng zo lo anih ngei dawn saw.





A hma takah chuan ka thu thla nghal a,ka bulah ka pa a thu ve bawk.
"Engvanga Lalrinawmi kha hrilh nge inih?" Ka tih chuan mit hnawm chapin a rawn hawichhuak ve ta a.






"Eng nge ni Mama?" Ka pa in alo tih chuan Saizami chuan hnuailam a bih leh daih a,ka nu chuan a thutpui ran bawk.






"Saizami hian Lalrinawmi hnenah hmana kan boruak kha alo sawi a,Lalrinawmi lahin ka hmeichhe kawplai bulah alo sawi chhawng leh bawk. Engmah hre fumfe si lovin an zeldin kual a,min ti hmingchhe hle" ka tih chuan Saizami an melh vat a.







"Mate,khatiang thilte sawichhuah chi a ni hlienem. Nangmah vanga i u kan nawrluih nasatzia kha hre ta che" ka nu in alo tih chuan a mittui chu a hru zeuh a.






"Ni e,mi inkar iva tichhe ngawt asin" ka pa in alo tih ve leh chuan la kun reng chungin
"Awmawmi khan a hre sa vek alawm,hman atangin an hre tawh" ati zawi sap a.





"Engtin nge a hriat theih?" Bung lam lek leka ka tih chuan
"Hmanah khan ka hrilh" ati zuai raih a.
"In sawitheih nan i hmang tih sawi hauh suh" ka tih chuan a rawn tap chhuak ta hawk a.





"Ka tihpalh,ka tleirawl chhuah lai vela ka sualzia chu ka hria. Ka tihpalh liau liau a ni,U,Miss Sharoni pawh keima'n ka hrilh mai ang" tih paha min en chuan chhang lovin ka melh rum hle ringawt.







"Saia,nangpawh,i hmeichhe kawp chu eng ang mi maw. Nuthlawi intia mi?" Ka pa in atih leh phei chuan ka nu chawp chuan ka melh ta hrawk a.







"Ni e,a vanduai vangin a fa a chan a,eng ang nunhlui pawh lo nei se ka thlahthlam dawnlo. Lalrinawmi nena inneih lam kha chu ngaihtuah buai duhlo mai rawh u" tih paha ka thawh hluai chuan
"I hmeichhe kawp lamah inrawlh ka tumlo. Mahse,hmingchhiat theihna tur thil engmah ti suh ang che" atih chuan tlem chuan ka thaw a veng ta deuh.







"Puitling ka nih tawh hi. Chuan,ka nu,Sharoni va hmu tawhlo la ka lawm viau ang" tih paha ka nu ka melh chuan alo meng khup zal zal a. Ani hi ka nu diktak a nilo,mahse,Saizami nen min enkawl danah engmah danglamna a awmlova,a chang chuan ka pa ai mah hian ka pawh zawk thin.






"I nau nen an inhmu dawn tih ka hria a,ka kal ve mai mai alawm" tih sep paha ka pa a melh zeuh chuan
"In thusawiah ding lul rawh u. Saizampui,nangpawh,lehkha zir nilo thildanga i buai leh anih chuan Vai ramah i awm leh ang" ka tih chuan a meng phawk ngang mai.






A hreh ber pawh Phaia awm a ni a,hmana a awm dawn khan kan bei nasa hle bawk.






"Naupang mimal nunah inrawlh tam vak tawh suh,mahni in ngaihtuah thei rual anih tawh saw" tiin ka pa chuan alo tuihnih veleh bawk.






An thu thap chu enin thawk la hawk chung chuan pindan lam ka pan ta a. Ka kawng sah sa zawng zawng an rawn tihnawk leh ta vek mai. Ka kit hnawk ang tih hlau reng renga awm laiin,ka chhungte vangin a buai leh ta anih hi. Tunah chuan ahma ai zawngin a rilru a buai anga,ka beih let fe khan beih a ngai tawh ang.








Ka mi hneh tum lah hi hmeichhe naran mai ani silo. Thinlung kehsawm leh harsa taka hringnun kawng zawh chho tawh anih vangin hmeichhe dang zawng zawng aiin a inhawng har a,mahse,a rilru ka hneh meuh chuan chhuak leh tawh ngailo turin ka lam alo pan tihna a ni ang,a din tawhna ah chuan a ding nghet tlat dawn tih ka chiang. Chu chu kan in anna lai a ni a,ka duh lehzual chhan em em a ni bawk.







Ni e,ka nau Saizampuii nen hian thawk-khat lai khan kan inzui ve ngei. Amaherawhchu,kan inzui chhan an hrelo,loh theihloh ka tih dawn chuan kawng dang pawh a awm maithei a. Mahse,kha kha kawng awlsam ber anih vang a ni. Inzui ve bawk mah ila,keichuan nau ang bakin ka en lova,ani chuan rilru dang a pu thung. Mahse,tunah chuan ani pawh a danglam tawh. Kan hun kal tawh kan theihghilh a,ani pawhin a unaupa ang bakin min en tawhlo.







A hunlai khan Doctor zir tuma ka inbuatsaih lai a ni a,Saizami ve thung chu Higher kal rual,kum 17 vel lek ala ni. Khanglai vel khan kan chhungkua hian buaina chi hrang hrang kan tawk a,keini unau nunah pawh nghawng tamtak a nei bawk.








Kan inzui ve zawk chhanah khan Saizami thiamloh chu ni tho mah se,keimahni thiamloh pawh a tel ve thova. Khawtlang sawi pawh kan kai ve hat anih kha. Mahse,kan chhungkua min hrechiang a,a chhan hretute chuan min sawi zui ve vak lemlo.






Tunah lah,ka pa lama ka pu hi damlo khum betin a bawksawp reng a,chumi buaipui chu angai bawk.






Hmanni khan Phai lamah Major Operation nei turin ka Patea fapa te 2 nen kan chhuk a. Kan chhuk hma khan buaina chhete ka tawk leh bawk. Mahse,kha kha chu engah teh vak ka ngailo,ka tihhlawhtlin ngailoh tur anih bakah,ka ngaihtuah zuilo hrim hrim a.






Lalrinawmi kam tam lutuk in a chhungte bulah Ramdinpuii chanchin alo sawi vak a. Anu te lah ka chhungte nen unau ang maia inpawh anni bawk nen,ka chhungte beng alo thleng vat a. Ka pu damlo ber chuan thu kimchang hrelovin then tur chuan min ti ta ngawt a.






A ho ka tih em vangin engmah ka sawi zui ve lemlo. Mahse,ka pu bawk chuan ala harh lai deuh khan kan inkawp reng ai chuan Lalrinawmi nena innei mai tura min duh thu alo sawichhuak a,chu chu Lalrinawmi chhungte beng alo thleng leh a. Engmah ka hriat ve hma hawtin ka chhungte anlo bia a,inneih anlo sawi kai ngawt chu niin.






Kan zin hmain ka pa khan min hrilh a,Lalrinawmi nen kan inpawh thova a hriat vangin rilru pe deuh tur chuan min rawn a,a sawi rilru thawhtu ka pu ber buaipui a zin ngai bawk,inneih lam an lo sawi ve sek bawk nen ka thinrim thut chuan ka phone ka vawm chhe ringawt bawk a. Number thenkhat chu Sim Card ah ka save telloh vangin Ramdinpuii number pawh a bo phah ta a.






Ka pu kan kalpui a,kan Cousin pakhat, khulaia pasal neite inah chuan kan thleng a,phone thar leiin number chu neihlet leh dan ka zawng a,Ramdinpuii number ka nei let chiah tihah ka pu a rawn zual leh thut a,kan buai zui ta chiam a ni.








Buaina hrang hrang in min chim vel laiin,Saizampuii thiannu tawngtheih zar kan zo a,kan buai belh leh deuh dawn anih si hi.






Ramdinpuii lah chuan ka call ala duh thak si lo,a kaw tawp ka thleng tawhin ka inhria a,let in a bul atang bawk ka tan angai leh dawn anih hmel.





A tukah chuan college ah va hmuh ka tum ta a. Saizami chu phurhloh ka tum lek lek a,ka phurhloh chuan Scooty ken emaw te kha a tum leh anga,thinrim laia a khalh phei chuan a accident leh mai ka hlau bawk nen vawikhat mah be lo chuan kan chuang dun a.





Min biak a tum tih chu ka hre reng a,mahse,ka men rum em vang chuan a ngamlo pawh a ni mah na.





College kan thlen chuan muanchangin a che a,a chhuak turte chu thawk a'n la leh te te phawt a,an Miss hmuh a hreh tih hriat reng reng.





A chhuah hma chuan ka kal chhan ber chu Gate atangin a rawn lut ta zan zan mai a,ka hnaih theihloh apiang hian ka hmu tha tulh tulh emaw tih mai turin a awm,tunah pawh Kurta dum leh kekawr dum tlang arh ve deuh a ha a,Sandals a bun mai bawk. Inchei uchuak a ni ngailo,a incheina ang sawn midang inchei se an mawipui vek kherlo ang. Mahse,ani chu Ramdinpuii ani tlat,ka tana hmeichhe special ber.






"Miss Sharoni" tih sep paha Saizami chhuah tum chu a banah ka man zui vat a
"Be tawh reng reng suh,engmah ilo sawi ve angai tawhlo" ka tih chuan
"Mahse" ati zuai raih a.
"Engmah sawi a ngailo ka tih chu,i tibuai zo vek ang. Keima'n ka chingfel mai ang" ka tih leh chuan
"Anih ka tihpalh" tih pahin a chhuak ta hna hna a. .






Ka nau ngeiin hetia inthlahrung taka min be reng hi ka duh dan a ni biklo. Mahse,tihsual a nei a,a inchhîr ve tur a ni.






Car atang chuan ka chhuak a,zirlaiho lah chuan min en duh phian mai,damdawiin lama lokal tawhte pawh anni hlawm mah na.





Ramdinpuii awmna lam chu pan phei pawk pawk in a hmaah tak ka va ding a. Min hmu thut chu a phawk reuh hle a,zirlaiho chu a melh kual nghal vat.





"Inbe lawk ang" ka tih chuan min melh kal pahin
"Ka hmanlo" ati hmak a.






"Anih i hman hun ka lo nghak ang che" ka tih leh chuan a thaw halh reuh a.
"Ka hman pawhin sawi tur kan neilo" sehchilh nawka atih chuan a thin ala rim hle tih ka hre mai. Hetia ka nawrlui anih chuan a hel telh telh anga,a rilru a let mai ka hlau bawk si.







"A tha e,ka lokal leh vat dawn nia" tih pah chuan ka inher ta a. Car ka luh hma chuan alo hawilet ve eih em tih en turin ka inher a,hawilet chu khawilam,a lan pawh a lang tawhlo.





Ka hmabak a ko lehzual dawn hle mai. Mahse,ka beidawng lovang,hei chen ka kal tawh a,ka in sawifiahna tal a ngaihthlak loh chuan a dik theilo.





Ka insawifiah anga,chuta a dam thei thlawtlo anih chuan a duhthlanna ka zah sak anga. Mahse,chupawh hun rei tak chhung a ni lovang.






SHARONI POV:



Engtin nge ka hmaah alo la inlan ngam zawk ni,zirlaihovin min la en thup lehnghal. An unau hian ka nun an tichep takzet.





Saizami pawh chu an room bul velah tawk mah ila,en pawh min en ngam lovin min kalpel mai a,min pumpelh ang chiah hian a U pawh hi awm ve tur ania,ani ve thung chu englai pawhin min tibuai emaw tih mai tur a ni.






Vawiin paw'n ka in chhakah alo ding leh vung tawh a,scooty a ka kal theih tawh vangin kawngpui atangin ka inkhalh chhuak mai thin.





Ka scooty dahna bulah chuan a Car nghengin alo ding kawi ngul zel a,ka be peihlo tih a hria nge min biak luih pawh a tum biklo. Ka chholai leh ka scooty tinung vel chu khabe tuai thuak thuak pahin min lo en reng zel a. Ka tlânchhuak ta maw tihah ka hnungah rawn tlan ve in,ka speed a san leh a tlan chak a,muang fe a ka tlan leh alo tlan muang ve zel a,tiang chuan min tlanpel duh lovin min zui reng thin.






Kawng a te si,traffic tizam duh hi kan ang thin a. Thinrim deuhin Darthlalang atanga ka en chuan a steering bawh titih hian hma fe ah a thu a,chuti chung chuan min zui char char tho.






Tiang hian nithum vel chu kan inzui tawh. Muang fe in ka tlan a,ka ning tawh lutuk chuan Traffic police lo duty na zawn atang chuan ka speed ka san thut a,chutah,a inring silo,a han san ve phut a,kan inkara bike rawn inzep lut hnungah chuan a su dawp mai.







Traffic police te nen lo sawifel ve mai teh se tiin ka tlansan ta daih a,eng nge nitin min zui ziah teh ei. Ka be duhlo tih ka sawi mawlh mawlh a. Ani chuan a ngai ho pawh a ni thei,ka tan chuan khawvela thil ho lo ber a ni.







Bike a sut atang khan a reh leh ta vang vang a. Mahse,hei chu ngaiah ka nei tawh,a rawn inlan thut a,a reh leh a. Ka hnaiha a awm lai aiin a reh hian a thawm a ring zawk emaw tih mai turin keimah ah chuan a ring telh telh bawk si. Engvanga tiang teh nuaih tawng hi nge maw kan nih hrep ni.






Eng vak chu ka ni biklo. Mahse,Lianzuala vanga mipa rinna ka tlakchham zia pawh a hre reng a,hetia awm tur hi chu a nilo.






Sawifiah a duh thu a sawi a,keichuan sawifiah lehchuan tur awmin ka hrelo. Alo awm tehreng anih pawhin tun atan chuan ka ngaithla peihlo.






Hnaa ka buai vanglai tak a ni a,Elizabeth-i thlah alo hun ve tep bawk. Chutah,ka nu in luhai alo nei leh tan a,a pasal lah hmanni lawkah an zai zo chauh a. Bangalore lama Mary ngaihtuahin phone hman reng angai a,Naupang exam tur buaipuiin kan awllo viau bawk. Chuta karah ka interview result huphurhawm tak khan min la kam ve tun bawk.







Chulai kara Saia te unau inngaihzawn thu hlaa lo buai chiam kha ka theilo a ni. Harsa takin ka thinlung ka hawng ve tan a,mahse,ka rinloh lam daih thu ka hre leh bawk si. Ka tan hian hahdam hun reng a awm ve dawnlo emaw tih tur khawpin hringnun hian min sawp zal hneh zawng anih hi.


_______________



Nimin khan Elizabeth-i kan thlah fel ta a. A hmun thleng ka thlah a beisei viau na chu Lengpui bak ka thlenpui theilo,duh leh lo titau mai rawh se,a U hi ka buaizia a hrelo a ni.




Ka nu leh Lianzuala'n an thlah a,na nei ve ve ni mah se ka zui hmanloh bakah Lianzuala a tel chhung chu ka zui lovang.




An bula insawn turte chuan min la sawn leh ta nghal a,chakai hi a thlawk thei thut anih pawhin ka insawn ngailo ang. Lianzuala nen khawvel pakhata kan la cheng ve reng pawh tih tawh nen,inkhata boruak bial khat han hip za phei chu ka mihrinna hian a tlinlo ang. A hmel chu sawiloh,a aw ringawt pawhin nasa takin min la tithinrim thei tlat si a.







Inrinni anih vangin chawhmeh vel lei tur chuan chhuah ve ka tum a. Kawngka ka kalh lai chuan Thenawm te pafa an rawn inkai chhuak a,an in lah chu an hawng huau bawk.






"A U,mikhual kan nei dawn a,apu kha" Nautei'n atih chuan apa chuan alo khap vat a.
"Ka thian pakhat alo thleng dawn a" tih pahin a nui deuh ruh ruh a.






"Anih chu,keipawh bazar ka kal dawn a" ka ti mai a.
"Nia,va kal rawh. Kan mikhual tur chu kan lo hmuak ang e,a zak palh ang" tiin a fanu chu a pawm a,kan inzui chho ta a.






Scooty a ka tlanchhuah dawn chiah chuan Car var 1 hi a rawn ding a,thenawmte mikhual tur chu anih ka ring mai.




Tlan pahin darthlalang atang chuan ka en a,bungrua a ngah danah mipa chu a nilo phawt anga.





Ani hian Naute nu thar tur alo nei ru tawh te anih ka ring ta hial,a laih kual vel danah te khan,mahse,naute khan mipa angin a sawi bawk si.






Zin satliah mai maiin khati zat bungrua an nei ngai silo,a fanu nu tur anihloh vek pawhin a farnu te vel annih ka ring ta a.





Bazarah chuan ka vak kual hrep a,mahni chauha awm ka nih vang hian chawhmeh leh eng ilo chu karkhat daih tawp tawp ka lei mai thin.




Ka haw chuan khua alo thin thet thet tawh a,kawngpuiah nichina Car var kha alo la inhung reng a. An chhungte chu an khawsa thei thawkhat tih a lang reng mai.






Ka chawhmeh lei khai thla chung chuan in ka pan a,Scott-a leng haw nen kan intawk zuk a,ani pawh hi tunlai chu a vang riau.





"I dam maw,khawnge Saizampuii U nelawmloh deuh kha?" Atih chuan nuih paha
"An inah aniang chu,kinah alo kal chuan in inkawm dawn nia" ka tih chuan a ner nung a,a nel chi a ni vaklo aniang.





"Khawi,ka lo khai ang che" tih pahin ka chawhmeh vel chu ala lawk a,a pen thla ta thauh thauh a,a leng haw ania tuna kan intawh hi. Ina a awm hun chhung hi chu reilote a ni,anu pawhin
'In hi Hotel emaw atia,chaw a ei a,a mu a,a bak chu pawn lamah a awm ber. Vuak sim tur emaw ni,khawlaiah han intawk ila,a hmeichhe phurh lawp lawpte nen hian hmelhriatloh ang maiin min tlânpel vuk vuk zel a,a â tak tak a ni' ati thin. A lenloh nan tiin ka inah te hian a rawn thut tir reng zel.






In ka hawn fel hnu chuan a chho zui leh mai a. A tlai deuh tawh vangin rawng ka bawl zawm a,chaw ka eikham meuh chuan dar 7 alo ri thuak tawh.





Sister-in Mary chanchin a rawn sawi vangin Verandah bathroom lamah chuan ka chhuak thla a,a that thu vel a sawi chuan lawmthu te ka hrilh nual a. Pawisa ka thawn pawh anlo hmu a,an lawm hle a ni awm e.





Kan inbiak zawh hma deuh chuan Thenawmpa Verandah zawnah hian eng emaw a ri hrut hrut a,inbe sur sur thawmte pawh ka hria. Inchhunga an mikhual leh Naute inchhaih rak ri pawh a hriat theih vek.







Phone daha ka inher chiah chu
"Lalpa" tih pahin ka phone ka thlauh dawp a,ka hmaa ding chu ka mitvai emaw tiin ka enchiang leh ngat. Ka mitvai anilo,amah ngei a ni.






"Nanghi,eng nge hetah itih?" Bo taka ka kawh chuan bang nghengin a kuangkuah ut a
"Ka rawn insuan lut" ati liam puat a.






"Uang hauh suh" ka tihlai takin Thenawmpa alo chhuak zui ve nghal.
"Kha,ka mikhual chu anih kha,veng hla tak atangin a rawn insawn a,ilo kawm ve thin dawn nia" nuih sun sun paha atih chuan ka nuih aza ve hauhlo.






"Iti mah mah lo maw,anni pafa kha i chhungte pawh annilova,khatia i rawn fin ngawt" ka tih chuan a bula ding chu kuah thuakin
"Inchhunglo mah ila thian alawm kan nih. Tiraw?" Tih paha a en chuan Thenawmpa pawh alo nui mai a. A zaktheilo lutuk chu a ngaihna hrelo takin za lo lutuk chuan ka nui ve ta tawp.





Khawi lama thian chu,a enga mah hmain a thik hle anih kha.
"Thianpa,zanin chu nula rim tur min zawnpui rawh aw" tih paha Thenawmpa awm a ben thuk thuk chuan a awmdan leh a chetdan engah mah a ngailo chuan min tithinrim telh telh.






Thenawmpa a lut chiah maw tihah chuan
"Ka sawi kha,hlat tur che in min ti mah la,ka hlat theilo che. Hlat tur che a min duh poh leh ka hnaih zual zel ang che" nichina uang mai mai hmel pu tawh hauhlova atih chuan ka melh ngar a.






"I thlenna te kha mihran annih kha i hria em. Chutah,eichawp zawnga khawsa anni bawk. Engtin nge i tihbuai theih zawk,midang i ngaihtuah ve lo ami,an retheih ve em kha. Bakah,i chhungte paw'n an phal ami,i farnu huam hauh tak pawh khan a phallo tawp ang" ka tih salh chuan a hmel a danglam zawk a. Mahse,ding ngil vut in,ipte a zen thun a.






"Kha lamah kha chuan lo buai suh,ka awm man leh ei in man chu ka pe vek dawn. Ka rawn insuan luh chhan ka tihhlawhtlin hma chu ka let lovang. Engmah ka chhungte ah pawh buaina ka neilo,ka buaina awmchhun chu nangmah ini" atih chuan ka tang teuh a.







"Lo buai suh ka tih che kha. Engvangin nge kei chuan ka tihbuai ngawt ang che?" Tih pahin ka melh ve ar a.
"Min tihbuai chhan maw?" Tih pahin kan indanna ban chu a rawn hnaih ruak a.






"Aw,engtin nge ka awm mai mai chuan ka tihbuai che. Nangni unau zawk hian asin min tibuai" ka tih chuan
"Ka buai vek,engkim vangin. Min be duhlova,phone takngial pawh ila duhlo bawk. I hmel hmu rengin i hlim hmel ka hmu tel ngailova,ka khawih phakah awm reng mah la sik takngial pawh ka si theilo che. Chuti chung chuan min tibuailo angah i inngai maw???" tih pahin ban chu awlsam hmel fe in a rawn zuan kân thut a.







Ka hmaah min si lek leka din pahin min melh chhuk run a,keipawhin ka melh laklawh em vang chuan ka lo melh chho ve kar tho.





"Min tibuailo angah i inngai a. I hresual chhia va. I aw ri hrelova ka awm te,i biak duhloh nih te hian min tibuai. I lungngai hmel ka hmu reng maite hian kei Saihmingpuia hi min ti buai asin. I hnung zui reng chunga ka tawk thei miahlo che pawh hian min ti â lo chauh. Chuti chung chuan min tibuailo iti tiraw. Teuhlo,he khawvela Ramdinpuii inih chhung chuan milim mai mai pawh nila min tibuai tho ang" duhtawh taka atih chuan a thinrim emaw ka ti hial.





Khap fawk fawka ka melh renglai chuan tawlhnung hrutin a kut zungchal chuan ka hmai zawnah tak min kawk a
"I lung ka tih awi hma chu ka let hauh lovang,tupawh lo thinrim rawh se,zah pawh dawn lovin hmelhriatloh inah ka rawn invawm lut a,helai ka rawn thlen vanga ka chhungte ensan ka lo tawk ta anih pawhin pawi ka tilo. Chutiang khawp chuan ka inhuam,tudang tan a nilo. Ramdinpui,Nangma tan a ni" tih pahin a inher vut a,rawn hawilet tawh miahlo chuan inchhungah a lut nghal daih.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:58 pm

ERASED


CHAPTER 16
☆☆☆☆☆☆


SHARONI POV:



Ka hun tawn mek awihlo tak chuan ka vei kual chhen a,min nawr luih a tum ve hrim hrim nge a rilru tak tak tih phei zawng ka hrelo.
Engpawh nise,tun maia rilru siam fel thei chu ka nilo tawp.





Zanah chuan a rawn lang hauhlova,rawn lang turin ka beisei em em vang pawh a nilo,min rawn kal chhan ang khan a sawi ve sia,a rawn lang leh miahlo chu mak ka ti ve reng.





Dar 11 vela mut ka tum chuan ka muhil thei lawk lova,ka thil lo tawn tawhte vang pawh kha a ni ve pakhat a,mut hi ka harsat bakah ka harh hma em em a. Kha chen Lianzuala a rawn kal ang tih hlaua ka awm thin vang pawh kha ni mahna.






Muhil thei lova ka leh ka leh hnu chuan Thenawmpa Verandah lamah hian phun sup sup ri ka hre ta a,a aw thum dan atang chuan Saia anih ka ring mai.





Thenawmpa Verandah hi ka room ep chiah anih vangin thawm awm hlek chu ka hre hma thei em em a. Tunah pawh Saia phone be ri thlengin ka hriat leh tak hi.






A hman zawh hnu chuan a ri deuh sut sut a,inchhungah a lut ta anih ka ring,eng thawm mah a awm tawhlo.







Mit ka chhing chiah tihah chuan ka phone a rawn ri leh a,ka en chuan amah ani.
Ka la a,ka beng zawn ka dah thleng chiah tihah
"Mangtha aw,i mumangah min lo hmu dawn nia" ati thawp sut a.
"Heyy ihh" ka ti ve hman chauh tihah a dah leh daih. A duh a sawi a,a tawk ania nge.






A zan khatna chu tihian kan tling tlak ve theih mai dawn hi. A sawi ang tak tak chuan ka mumangah ka lo hmu zui a,ka hmuhdan erawh chu a dang daih,awihawmloh takin Bangalore lam nen alo inzawm bawk.





Ka kawngkhar kik char char ri vang chuan peihlo deuhin ka thova,ka va hawn chuan amah bawk alo ni.






"Enge?" Tih pahin luh leh mai ka tum a.
"Workout ang" atih chuan ka en haw a.
"Dar 6 a pelh tawh khi,a zahthlak" ka tih chuan min kalpel thuakin a lut tlang nghal hmak.






"Anih thingpui min lo lum rawh" tih pahin Sofa ah ava thu nghal zat a,zing zingah thingpui lum tura han in kaihthawh,a putar hna e..





"Kha" tih pahin thungpui chu ka va nghat deuh chawrh a,nui vur vur chungin a ban a,ngawi rengin a in a,a in zo ta maw tihah țhutthlenga ka lo mutthlu chu min si chet hian a rawn thu phei a.






"Enge?" Tih paha tawlh sawn ka lo tum chuan ka hnunglamah kut a rawn rawlh a,ka kawngah a man leh hmiah.





"Min be duh tawh ang em?" Ka hmai si lek leka atih chuan ka thaw halh a.
"Ka thinrim hranpa lo,bakah,thinrim thei ka nilo. Thinrim turin i engmah ka ni lova" ka tih chuan ka kawng a vawnna a tham na salh a.






"A teuhlo" ati ringawt a. A phone a rawn ri zui bawk.
"Tunah chuan engmah ka la sawi peihlo" tih pahin ka tho a,a phone chu a en zui nghal bawk.






"Ka pu en leh lawk ka ngai a,min lo nghak ang che. Kan kal rual dawn nia" tih leh a chhuak nghal vut a,rawn call tu kha Saizami tih ka hre reng sia,zing zingah ani khan apu vanga a rawn call ka ring hauhlo.





College kal tura ka insiam lai khan alo haw tih ka hria a,mahse,a ruala kal ka duhlo. Hmanhmawh fe in ka insiam a,ka che phelh phung mai. A rawn phei hmain ka chhuak hman hloh a,kawngpui ka chhuak chhova,taxi chhunga ka lut tur chiah chuan a rawn chhuak ka hmu zui ve nghal.






Ka kalsan a,ka hmanhmawh mai bakah kan interview result chhuahni kha a ni a. Synod office lamah lehkha lak te pawh ka ngai bawk.






Chawhma zawng class ka la a,ka chhuah dawn chuan ka phone ka bih zawk a,rin ang ngei ngeiin a call 10 chuang alo awm. Call let ta lo chuan ka chhuak zui nghal mai a.





Synod office lam ka thlen chuan result lam tur anlo awm ve nual a,a then chu an tling tih hriat takin an chhungte an phone ri chul a,a then chu an ngui bur thung.






Ka hming sawiin result chu ka va dil ve ta a,envelope min pek chuan hawng mai lovin thutna ka zawng te te a. Ka thu fel a,hlauthawng deuh taka ka en chuan beiseiloh lutuk in ka lo tling ve anih chu,ka hmu chiah chu ka nui hak a,ka paltlang tawhte ngaihtuah zui a awl khawp.






Ti hi chuan hna zawng reng reng a phet buai angai tawhlo anga,hna nghet nei ka ni ve tawh anga,ka chhungte pawh ka pui ve thei tawh ngei ang.






Hlim hmel taka ka chhuah chuan step bulah hmeichhe thenkhat anlo ding khawm laih a,ka lehkha ken chu an melh chat bawk.






"Thiannu,i tling em?" Anlo tih chuan tha takin
"Aw,tling ve hloh" ka ti mai a,ka chhanna chuan an thawng deuh nge an in melh deuh hrek hrek a..







"Tinge,in tifuh chiahlo mi?" Tia ka zawh chuan pakhat chuan nui lui deuh pahin
"Ni love,kan tling alawm" alo ti leh a. A thiante chu a mitmei vat bawk.






Min melhdan a mak bawk si,an awmdan ka hriatthiamloh em vang chuan mak ti takin ka kalsan ta a,ka kal thui hmaa ka va hawilet leh chuan min lo be hmasa ber tu kha alo insawh deuh nghawng nghawng a. A thiante chu ben deuh pahin
"A fair hlawllo,kohhran thil ni ve si" alo ti bawk.






Eng tak chu fair lo ti ang maw. Min melh dan lah kha a mak em em mai bawk si,an hmelhriat pawh ka ni lova,mahse,an pawi sawi hrep tawhtu ang maiin min en anih kha.






College a ka let leh chuan min lo zawt sap sap a,lawm tak chuan ka tlin thu ka hrilh a,anni pawhin min lawmpui ve hmel khawp mai. English teacher Rosie te thiandun tihloh chu,anni hi chu ngaih khata ngai chi annia.





Kan haw dawn chuan ka bulah an rawn kal a,lawmpuina thu min hlan ve ngai,a thu thlum mah se an thinlung a kha si tih ang deuhin,an thusawi leh an hmel chu inmillo tak a ni.






"Interview laiin call i chhang tih an sawi a?" Antih chuan ka melh chat a.
"Chu chu ngati?" Tih paha ka bag ka lak chuan
"Ka zawt mai mai che,amak em a?" Ala ti talh a.






Uk sak peih tawhlo chuan ka kalpel mai a,mahse,ka kal thui hmaa an thusawi vang chuan ka inher a,an lam chu ka pan phei pawp pawp.






"Han sawi tha leh teh" tih paha an hmaa ka din at chuan an tawlh hnung deuh dat a.
"Sawi leh lawk teh ka tih chu Miss Rosie,keihian tu maw ka tham?" Ka tih chuan a meng buai deuh nak a.






"Tumah i tham thu kan sawilo,interview zingah khan ka nau a tel ve a,a titha pawl chu a ni. Mahse,nangmah zawk hi,tlinglo tura ruat sa ang inia,i tling leh sia. Tu emaw hmelhriat tha deuh i neih anih kan ring" atih chuan ka nuih hak a.






"Ka chhungte takngial paw'n ka interview tih an hre lova,tunge min sawisak se itih?" Tih fak pah chuan ka inher hmak a. Naupang dang la awm ve ho chuan mak tih hmel takin min lo en bawk.






Gate chhuah dawna Saizami ka tawh chuan
"Miss,i tling tih ka lo hria a" tih pahin min chibai hlawl a. Tuvak ka la hrilh si lo,engtin nge alo hriat daih daih ni.
"Ka lawm e" tih pahin ka nuih lui a,sawi tur vak awm tawh heklo,ka kalsan leh ta mai.







Vawiin chu an awmdan a mak hlawm hle,ka hlawhtlinna chanah pawh ka in ringhlel dawn rum rum alawm.






Tlai rawng ka bawl lai chuan David-a call ka dawng hlawl a,ani hi a awm ve tih pawh ka lo hre tawhlo.





A thu rawn sawi vang chuan mak ka ti lehzual. Engtin nge tumah ka hrilhloh laia anlo hriat vek theih.





"Engtin nge i hriat?" Bo taka ka tih chuan
"I lar alawm" ati mai a,a thusawi dan chuan min ti thlamuang hauhlo.
"David,sawi tha teh,tinge mi zawng zawng hian mak ti taka min en a?" Ka tih chuan
"Zirtirtu interview grp ah khan i awm em?" Atih chuan ka awmlo tih ka hre nghal,a ho ka tih em vang leh message clear ka peihloh vangin group kha ka join ve lo.






"Khata message kha an ti darh deuh a ni awm e" atih chuan ka beng ati vir telh telh.
"Pehhel renglo khan sawi vat la" ka tih sek sek chuan
"Interview laiin phone i hmang ami?" A rawn ti ta chat a. Chu leh bawk chu maw.





"Aw,tinge?" Ka tih zuai raih chuan
"Kha kha an sawi chhan a ni. Message ka rawn thawn che nga lo en mai rawh" atih chuan dah mai ka tum a.
"Ngaithla rawh,keichuan ka ring che ania aw. Ka hrilh chhan che chu hrehawm itih ka hloh vang a ni" atih chhan chhang lovin ka bu ringawt a.





Phone kan dah hnu lawkah chuan group message an tihdarh chu a rawn thawn ta a. Ka en chiah chu ka hnunglama min lo sawi nasatzia ka hre ve chiah.





Ka chaw chhuan pawh ngaihsak tawhlo cuuan ka phone chu ka thut chilh a. An thusawi duh dan lah chu
'Khatianga manners hrelo kha chu tlinglo sa ania'
'Hmelhriat an nei tha tih hriat reng reng'
'PhD degree nei pawh a khum zak thei ania' tihte a ni nawk hlawm.






An lungawilohna chu ka hrethiam,phone hmang tur kha ka nilo. Mahse,phone hmanglo dang ai khan ka tha anlo ti pawh ni thei a,tinge chutah chuan an buai vak le. Engtin nge midang tham anga min lo ngaih theih..






In ngaihtuah buai taka ka lo thut ngawih reng lai chuan Lily phone call alo kal ve leh a,ani paw'n thuthang a hrelo anihloh vek pawhin min rawn lawmpui ngei ang. Mahse,engmah ka hre peihlo tlat.





Ka off a,a hnu lawkah Saizami'n a rawn call ve leh,eng nge maw an hriat hlawm ni. Ani pawh ka off a,mahse,Lily ang mai chuan a duhtawk lo. Vawi 5 vel a rawn tih naah chuan ka la ta a,a U in a phone a hmang emaw ka ti hman hial.






"Eng nge Saizam?" Ka tih hap chuan ka ning hle tih a hre ve tho ang.
"U Sharon,nilo,Miss Sharon" ati deuh halh a.
"Eng nge sawi rawh?" Tih pahin ka tiring a,dawhkanah ka kiu nghatin chal ka dawm pah bawk.






"Englo,an thusawi kha chu awih miah suh. A diklo miahlo ania" atih chuan phone chu melh pahin
"Ni e" ka ti ringawt.





"Ka u pawh a buai teh mai nia" atih chuan phone chu la kangin
"Engmaw?" Ka ti vat a. Engvangin nge ani chu alo buai ve vak,engmah pawh ka hrilhloh tawp kha.





"Englo,Patea kha ka u khan a hmu satliah ringawt,nangmah vang a nilo,a tham lo" atih chuan ka ding zawk a.





"Saizam,sawichiang teh. Tunge i Patea chu?" Ka tih chuan
"Ehe?" Tih pahin a phone chu a ri rawk rawk a,a in off nghal.





Eng nge a sawi kha awmzia. Saia hian ka result ah inrawlhna alo nei em ni,a neih ka ring si lo. Online in kan interview tih pawh Lianzuala damloh vang chauhin ania a hriat.






David-a bawk khan message min rawn thawn leh a,ka en hma in a rawn call zui zat bawk.
"Doctor zui i nei ami?" Atih tawng chuan sawi mai tur ka hrelo hle a. Zui tih turin thutawp kan la siam lova,zuilo tih turin kan inzui ve tho bawk si.






"Nei em em lo tinge?" Ka tih chuan
"Saihmingpuia Sailo ani em?" Ati leh a. Ka chhang tawhlo.
"Ava buaithlak e aw. Ka thil rawn thawn che kha en phawt teh" tih pahin a dah leh daih a,ani pawh chu.






A thil min lo thawn chu thlalak a ni a,ka hmuhdan chuan Saia te chhungkua leh tute emaw nupa a ni,Pakhat hi chu Saia nen an inan deuh vangin apa anih ka ring a. Mahse,tinge he thlalak teh daih hi.






"Ka buaina nen eng nge inzawmna an neih?" Tia David-a ka va zawh chuan,a chhanna chuan ngaihtuahna a tithui hle.
"Saihmingpuia Pa lo zawk kha a Patea anih kha" atih chuan ka enchiang a,hmuh tawhna ka nei chuan ka hria.







"Chuan?" Zawhna nei taka ka tih leh chuan
"Sharon Ramdinpui,tunge interview tu che hre ve ta che. Saihmingpuia Patea kha nilo mi. Tichuan a awmzia i hre tawh em?" Atih chuan ka fiah ta uar uar mai. .







"In inzui tih hretu anlo awm aniang chu,kawppui te kaltlanga hna hmu antih che. Synod an dem rawn luai luai lehnghal. A tlinglo langsar ber pakhat lah kha i thawhpui nau alo ni bawk si" atih chuan engtia chhan tur nge pawh ka hrelo.







Kawmchhak lama thawm ka hriat vang chuan ka hawi chhova,Saia ngei chu alo chhuk ta e.
"Ka dah aw,ka lawm lutuk" tih pahin ka dah zui nghal a. Ka pindanah lut sawk sawkin ka lehkha chu ka va phawrh bawk.









Ani pawh koh chawp ngailovin a rawn lut tlang nghal mai a. Keia lo ding ngawi reng a hmuh chuan a ding thut a,ka mitmeng chu a chhiar thiam nge.








"Englo?" Ati chiah a,lehkha chu ka vawm pawp a.
"Itih a ni em?" Ka tih chuan a ngawi ngul a.
"Sawi teh,itih a ni em?" Ka tih chuan min rawn pan hnai deuh hrut a,ka lo tawlh hnung ve nghal.






"Tinge,buaina ka ngah tawh tehlul nen,buaina bawk min thlen leh?" Beidawng zeta ka tih chuan a inthiamloh hmel hle a.







"Tinge itih?" Ka tih leh chuan
"Chhan a awmlo" ati sup a,min tibeidawng takzet.
"Tinge i Patea chu ilo va hmuh kher kher le,ka tlinloh leh ka tlinglo a ni mai a" tih hap paha ka thut chuan a dinna ngaiah a ding reng a.







"Va haw tawh rawh,keimaha awm ka duh" tih pahin ka melh zawk a. A kal hma chuan
"Buaina ka thlen che a ka tihpalh" ati sup a,a chhuak zui nghal.






Tinge maw buaina hlir mai ka tawn ni,ani berkher lenghal. Ngah nge maw ka nun hi a tluan ve theih reng renglo mai.







Zanah chuan ka inngaihtuah harh ang tih nen Saia chu engmah thlenglo ang mai hian Naute nen anlo leng phei anih chu. Hnar haw ngawt theih anni si lo,Naute lah chuan ka bula thut kher a ngen a,Saia a kai kual zel bawk si. Sofa tereuhte ah kan 3 in kan thu dal a,kan inkarah naute a thu kek bawk.








An awmdan velah hian an rawn len hmain an in fuihpawrh anih te ka ring hial. Tiang hian Naute hi a awm ngai pawh ka hrelo.







An len chhung zawng chuan Naute nen an inbia tihloh chu a tawng lova,kan infam min lo melh zuk zuk bawk. An haw dawn chuan kawngkhar thleng ka thlah a.








Naute mu thlu lawp lawp pawm chungin a rawn hawi let a,chauh hmel taka meng dul ruih in
"Mittui aw" ati sup a. Ka chhan hmain a kal leh daih..








Zingah chuan college kal turin ka insiam a,ka phur fahranlo hle a,ka che pawh a muang viau. Rosie te thian dun hmuh phei chu ka hreh lehzual.









LalSaia chuan ka chhuah hma daih atangin ka kawngka bulah min lo nghak a,chu te hlei hlei chuan min ti khawmuang lui bawk.









"Keimah in ka kal mai ang" ka tih chuan a ngaihdan anih vakloh hmel hle a. Mahse,kan boruak tawn nen,hrehawm ati ve nge.
"A tha e,ka lo zui ang che" ati ta zawk a.










Step a kan chhoh te chuan min si thuak thuakin a kal a,ka hawilet in a kal pangngai leh mai bawk si.









Scooty in ka tlan chhova,college ka luh hma chu ka hnungah alo tlan ve zel a. College ka luh chin chu ka enzui ta lova. Ka rin ang ngeiin helaiah pawh chanchin hre chin chuan min en dan a dang leh ta.









Engmah hrelo ang tak chuan ka kalpel hlawm a,ka zirlai zawk annia lawm,zam chhe tur ka ni biklo.








Office ka thlen chuan puitling nge nge min lo biak danah engmah danglam vak a awn lova,ka ngaihbel nge chu ka hrelo,an che khawr deuh tut a,min melh zeuh zeuh bawk.






Class ka luhna apiangah pawh chuan a mutthlu lo chinin min sawi sep sep a,sawi vak tur phei chu a awmlo. An zeldin kual vel dawn tih chu hriat reng reng a ni.






Tiang teh hrepa class lak ai chuan tiin chawhnu chawlh ka la a,bazar lamah ka tei hawi ta daih a.






Chutiang reng reng chuan kartluanin hun ka hmang a,college ah min la sawi zui tawk an awm a,zirtirtu pawh an bang bik chuanglo.







Inah lah ka awm hahdam ang chu tih nen,zantin Naute rawn lenpui chhuan lamin Saia alo leng ziah a,naute a rawn telloh chang chuan biak pawh ka be ngai manglo.







Ngawi rengin a thu a,a chang leh len rei tum hmel deuhin a hnathawh turte a rawn keng teuh a,ka mut hun hma chu a thu reng mai zel. A peih hi ka ti khawp a. Mahse,min nawrlui zuilo hi ka lawm takzet.








Zantin Verandah ah zan rei tak tak a thu thin a,a chang leh hla a play a,a hla play zarah ka mut alo chhuak hma ve hloh bawk. A thut tirhin zial a zu phawt thin anih hmel,ventilation atanga rim rawn luh thin danah.








Chumi hnuah ngawi rengin hla a play a,mizo leh sap hla te pawh. A hla play chu a tlangpuiin a muang fan raih a,mut a tichhuak hma thei em em bawk.







Zanin paw'n a rawn thu leh a,a chair hnuk ri ka hre zo chiah tihah lighter ri khep ka hre zawm leh a. Minute nga hnu velah hla a play a,a hla play ri chauh chu thawm hriattur a awm thin a,a thaw ri takngial pawh hriattur a awm ngailo.








A hla play khan min lo awi mu leh a ni ngei ang,ka harh chuan dar 7 alo ri thuak tawh a. Tho vatin rawng ka bawl sawk sawk a,class kal turin ka insiam nghal.








A hmel hmuh beisei takin kawngkhar ka hawng a. Mahse,ani leh nilo takin alo awmlo ve hlauh. Thawh a hai ve te pawh a ni mahna,a nihloh pawhin a haw tawh ni maithei.









College ka thlen chuan beiseiloh deuhin min interview tu,Saia Patea kha alo kal thut a,min hmuh chuan min nuih suk a,kan Principal room lam a pan nghal.








Enga mah hma chuan ka lo hlauthawng ve leh ngawt a,a tizual tur ringin midang chuan min lo melh rawn ve chiah bawk.








Hahdam lo zet chuan ka thu reng a. Darkar chanve vel an inkhung hnu chuan Principal leh HOD thenkhat nen anlo chhuak a. An hmel landan en chuan thu chhe lam an sawi hmel lemloh.








Kan thutna zawn an rawn thleng a,kan Principal chuan ka lam rawn hawi pahin
"Miss Sharon,kan pu hian a be lawk duh che a. Ka pindana pawh in inbe thei ania. Midang kha chu class in neihna hmunah kal ula" atih chuan ka tho vat a,Saia Patea kalna lam chu ka zui ve nghal.






A hmaa ka va thut chuan ngawi rengin min melh vung vung a. Chutah,rawn nui deuh hawkin
"Ilo tha lah tak em anih hi" atih thut chuan ka en vat a,min melh chungin alo la nui reng.






"Ka pu,engah nge min hmuh duh?" Ka tih chuan
"Min pu reng reng suh. I Patea ka ni vat dawn alawm" ati leh a,ka hlauhthawn ang aiin a thusawi a ho.







"Tak tak ina,han sawi nghal mai ila,kan nau nen in inzui vel vangin kan titlingah che anlo ngai ngawt a,a ni reng renglo. Ngaihtha deuhin awm rawh" atih chuan a thusawi man tum takin ka en kar a.








"Mahse,phone ka hman kha" ka tih sep chuan
"Hmang e,hmang ve ang hmiang. Midang pawh Khan anmahni interview lai lo chuan phone an khawih vek alawm" ati leh mai a.
"Anih Saia" ka ti chiah kut alo vai thuak a.









"Ani kha chu,engah mah ngai suh. Apu vangin min rawn tlawh a,interview pe tu ka ni tih a hriat khan i hming a sawi a,chutia tum neia sawi pawh a nilo. I bio data leh interview atangin kei chuan ka titling daih tawh che. I phone hman ka ziah telloh chhan pawh thil pawimawh tak anih ka rin vang a ni. A ni em?" Tih paha min melh kur chuan ka lo bu nghat a.










"Tikhan ngaihtha deuhin awm rawh,naktukah keini lam atangin thuchhuah kan siam anga,buaina chu a fel duak mai ang" tih pahin a tho hlawt a.
"Anih ka lawm lutuk e" tih paha ka nuih sak chuan ka dara rawn tawh zawk pahin
"Kan naua hi lo duat rawh aw,a chhungte kalsan thakin a rawn riah chilh che a. Tiang hian ala awm ngai hauhlo ania" tih pahin amah zawk chu a bu nghut nghut a.







A kal hma chuan rawn hawi let lehin
"Ka sawi leh ang,i tlin thuah Saia hian inrawlhna engmah a neilo aw. Kan inhmuh kha chuan result kan peih fel vek tawh,i theihna vang liau liau a tling ini" atih chuan lawm takin ka lo nuih a. Tikha chuan hah a dam ta sawng sawng mai.







Tlaia ka haw pawh chu ka thawveng sawt hle a. Ka inbual te chu ka zang deuh haih hian ka hria.






Zanriah ei hma deuh chuan Saia leh Thenawm pafa te chu anlo lut hlawl a. Sofa lama kan inzui phei chuan Saia ber chu a chhuak leh daih a. Ani pawh kha biak ka ngai asin maw le,atih ni lovah ka lo puh ringawt a.









"Hei,ka nu a damsam lova,kan han zin chhoh thut angai dawn sia. Ka mikhual hi helamah rawn transfer ila a pawi ang em?" Atih chuan a fiamthu emaw tiin ka nuih lui hak a,mahse,alo thutak hle thung.









"Timaw,tinge ka inah kher. Haw se nimai a" ka tih vak chuan kut lo phar zuau in tawng ringlo tur chuan min hrilh a.








"Enge?" Ka tih leh chuan Naute chu a melh zawk a..
"Nautei Pu hian a hmangaih tak tak che niin ka hria. A hnathawhna atanga hla lutuk ah a rawn awmchilh che a. I hria em,zantin a awihmut na lamah che darkar 5 pawh a mu tling ve ngailo asin. Zanah a rawn leng hmanlo ang tih hlau in a rawn haw phat atangin hna a khawih vat a,zanah i bula hun a hman theih nan" atih chuan ngawi rengin ka thu a.








"Eng ang pawhin haw tir tum la a haw lovang,i hria em. Nimin khan apu damlo kha a boral a,chupawh a haw phahlo" atih chuan
"Apu kha a thi maw?" Ka lo ti vak a.









"Thi e,Saia enkawl lai hi a ni nghe nghe. Mahse,Doctor dang rawih sakin helai a rawn pan ta zawk a,apu thihna vang pawhin a riak chhuak duhlo ania" atih chuan hrehawm ka ti hle a.







"Ka lo hre ve hleinem" tih pahin ka kun daih a,chu veleh Naute chuan ka pawm beiseiin,ka mal chungah a rawn lawn nghal.









"I hriatloh a duh a,ka sawi mai mai anih chu. A chhungte ni ila chuan ka lungawilo khawp ang" atih phei chuan ka inthiamlo lehzual.








"Hrehawm iti mi?" Atih chuan ka bu nghat a.
"Tak tak a,tihhrehawm che tumin ka sawilo ania. I tana a inpekna te hi hria la ka ti mai ni. Mi pahnih kan nih tawh chuan mahni chauha kan awm ang kha a ni thei tawh lova,kal kawp reng angai thin. Tupawhin tihsual kan nei thei,a siamthat lamah pawh inpuih tawn zel angai. Nangni pawh,hetia Nuthlawi rim ang maia inhel tawn renglo hian sawifel vat rawh u" tih pahin a tho zui a.










Naute chu ka pawm tha a,apa chu melh pahin
"Tihian awm hrih mai se" ka tih chuan ka rilru alo man leh tawh nge
"Insiam kan la ngai sia,kan va haw phawt ang. Saia chu chaw lo chhum kep hrih lo la" tiin min nuih vur vur a.









A naute hi chhuanlam atana hman ka duh asin maw le,mamawh veleh a hruai phei daih a.








A sawi ang tak takin Zanriah eikhamah chuan tlan koh haw ang mai hian a suitcase nen an rawn kalpui a,ka nuih an tiza angreng viau.








Naute vang chuan kan boruak rit lutuk tur pawh a zia deuh a,han haw chiah se engtin nge ka awm ang pawh ka hrelo.








Dar 10 vel chuan haw an tum ta mai a. Naute chuan min ngen se ti takin ka melh a,ani lah Saia nen anlo in mangtha tui lutuk,Saia chuan a biangah alo fawh sak a,nui hak hak chungin an phei tak kha.









"Sofa ah nge pindanah i mut duh?" Boruak rit tak tikiang tur chuan ka han ti khaw mawi ve a. Ani lah chuan min chhang lovin thu chung hian min en reng a. A bulah a suitcase a inhung rum bawk.









"Khawi,i suitcase kha Lily pindan te ah ka lo dah ang" tih paha lak ka tum chuan ka kut alo man chat a,ka en chuan ka kut chelh chungin min lo melh run run a.









"Ka dah mai ang" tih sup pahin a thova,pindanah chuan ava ri ruk ruk a. Puan hlap pan te nen rawn chhuak lehin
"Tah hian ka mu ang" atih chuan
"A hrehawm lovang maw?" Ka lo ti vat a.







"Hrehawm love,i pindan nen a inhnaih zawk a" atih chuan awmdan tur pawh min ti hrelo zo. Hepa hian tinge hetiang em em a min hnaih hi a duh theih.







"Englo,i Patea vang Khan ka tihpalh lutuk,ka ngai diklo che a" ka tih chuan chauh hmel takin a then zawk a.
"A tha vek e" tih pahin a lukham tur a beng thuk thuk a.







"Va mu tawh rawh,tah hian ka mu ang,i pindan kalh lo la,eng emaw thut a awmin a buaithlak ang" atih chuan
"Aw le" tih pahin ka kal mai a. Hrehawm atih loh hram ka beisei.









"Zial zu ila a pawi ang em?" Ka pindan ka luh hma hreta atih chuan hawilet chuang lovin
"Nuam itih ang ang khan awn rawh,a theih vek" tiin ka chhang a.







Ka pindanah lut in a sawi ang ngei chuan ka kalh ta lova,hun remchang hman tangkai phet tum ang kha a nilo bawk a,thlamuang takin ka mu thei ang chu.








Ka mu fel chiah tihah a phone atangin hla a play leh a. Thenawmpa thusawi ka hriatchhuah zawk vangin
"Tinge zantin Verandah ah hla i play ziah a?" Mut paha ka tih chuan a reh deuh vung vung a.









A hnu fe ah
"Ka awih mut theihna che kawng awmchhun ania" ati mai a. Tho kangin kawngka awng atang chuan ka va bih a,a kut lukham in inchung alo melh vung vung a.










"Ka lawm e,min awi khawp mai" ka tih chuan
"Mut i harsat tih ka hria alawm" ati leh a.
"Nia,a chhan awm chu i hriat kha" tih pahin ka mu tha leh mai a.










"I muhil tawh em?" A hnu deuha a rawn tih leh dut chuan
"Aih" ka ti mai a. Min chhang tawhlo chuan a ri ruk ruk a,a rawn kal ta emaw tiin ka thin alo phu rang nasa.










Mahse,tho kangin a phone chu a ban aniang,hla chu a titawp a. A hnua a hla rawn play leh chuan harhfim kur chungin min ti hai muai muai ni berin ka hria.









'Chhaktiang kawl eng,zunzamah te khian
Hmangaihna a awm lo'm ni?' Tih ngei mai kha a play ta a. Ngaihsakloh luih ka tum poh leh ka bengah a ri ring ting mai.








"Ramdinpui" ril ruih,thawp suta atih zawh chiaha hla thu chuan min vel lo chauh







'I thinlung thianghlim tuma la hmangaih
Ngai lohna ngei khan e
I hmangaihna lova tlei zolo te hian
Hmangaihna ka ngen a ni'








Tih a rawn ri chiah chu ka tah te a chhuak ut ut a,kei ve mai hi eng nge ka nih a,heti khawpa min buaipui ni. A ngaihsakna pawh dawng tlaklo hian a hmangaihna chu a thlawnin ka pawm thei dawn em ni.









"I muhil ami?" Tih pahin hla chu a off a,ka chhang duh tawhlo,ka mittui lo tla ringawt chu hru thuakin bang lam chu ka hawi vat a.









A rawn phei ni ngei tur a ni,a pen ri alo hnai telh telh a,ka lungphu a rang telh telh.







A hnuah phei chuan ka hnung lawkah a ding tih hrilh nawn ka ngai tawhlo.






"Tui deuhin muhil rawh aw" tih paha ka biang a rawn fawh vang vang chuan ka thaw hi a tawp ni maiin ka hria. A fawhna hnu chu a kut in a rawn tawk leh a,dim te a chul kualin
"Ka hmangaih che" ati anih chu. Chutah zet zawng ka thaw tawhlo tak tak.







"Chu chu ringhlel ngai suh" tih pahin a kut chu a lasawn a,ka puan sin chu siamtha in a ding vang vang a,a chhuak ve ta. A chhuak chiah chu thu chhuak hlawl in boruak ka hip vak vak a,a chetdan leh thusawi khan min ti thidang lo chauh.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:58 pm

ERASED

CHAPTER 17
☆☆☆☆☆☆



SHARONI POV:



Cooker phit sur sur ri vang chuan ka harh hlawl a,thu chhuak thutin sana ka en a,dar 8 alo ri der tawh. Engtin nge tiang em em a ka mut rei theih pawh ka hrelo.






Tho nghal vatin ka kawr chung chu ka ha sawk sawk a,tiang chuan hna kal ka tlai ngei ang.





Pindan atanga ka chhuah chiah chuan mikhual ka nei tih ka hrechhuak zawk a,a mutna chu alo ruak huai tawh.





Sam tawn sawk sawk paha choka ka luh chuan ka phu deuh zawk thei.
"Enge itih?" Tih paha ka va pan phei chuan a thil chhuan alo chawk mawlh mawlh a,ka dinna lam lo hawi zawkin
"Ka bawl zo tep" ati ringawt a.







"Thawh ka hai alawm" inthiamlo deuha tih pahin a sirah chuan ka va ding a. Alu leh eng emaw a kang ve anih hmel.





Ka hriatchhuah tak chu chawhmeh leisa a lawi ka neilo tih hi a ni. Keimah chauh ka nih vangin ka ei a tlem em em a,tunah pawh bazar ka ngai tawh reng. Chuti chung chuan khawia chawhmeh nge maw alo siam ve ni.






"Khawi,ka lo tih zawm ang,lo va insiam rawh" tih paha chhuh ka tum chuan alo phal hauhlo.
"Ngailo,ka zo tep. Lo va intifai rawh" ati leh mai a. Kan awmdan vel chu nupa tuak tharte pawh kan ang alawm.







"I mutui tih ka hria a,ka kaitho duhlo che anih kha" tih pahin gas chu a off a. Dawhkan ngheng chungin ka lam a rawn inher ta chiah.






"Nia,ka mutui khawp mai,ka harh miahlo"
"Eee,khawia chawhmeh nge i siam?" Ka tih chuan
"Ka han lei chawp" ati mai a. Kawmchhak dawr ho khi chu zingah an inhawng ngai si lova,alo han kaitho em maw ni.






"Anih chu,a zialo hle mai" ka tih sep chuan hawisawn hauhlovin min lo melh char char a.
"Ka duhthusam a ni zawk" atih chuan ka melh ha a.
"Heihi,i zing tho lo lawm che a,i eitur siamsak che a,hna kal tura chhuah rualte hi" atih chuan kei leh kei lovin ka lai lek lek nia.






"I ninglo mi?" Ka ti ta tawp a.
"Eng chu?" Tih pahin a kuangkuah nghal thun a,a ding kawi run bawk.
"Hetia min veh reng hi?" Ka tih leh chuan in ngaihtuah ang deuh hian a awm a.







"Ka ngaihtuah vang vang pawh hian ka la ning chhin lo. Nangmah tawp hi hnaah ka nei tawh che" atih chuan mak ka ti zawk hle.
"Vawikhat chiah ka zawt leh ang che. Tinge min duh?" Ka tih chuan a thaw suai suai a.






"Lokal la" tih pahin ka kut chu a la a,sofa lamah chuan min kai phei nghal. Keipawh chuan hnial lovin ka zui ve mai a,sofa ah chuan min thuttir te te a,inher leh vutin ka pindan lamah ava kal a,a ngaihna hrelo zeta ka en reng lai chuan lo chhuak lehin ka dawhkana darthlalang ka dah chu a rawn keng chhuak ta mai. .







"Tinge kha kha?" Tia ka lo kawh chuan ka hmai zawn takah a rawn lek a.
"Eng nge i hmuh?" Atih chuan ka inhmu chiang ngang mai,ka tho hlim a ni bawk nen ka mawm hlup lenghal.







"Ka hmel" tih paha ka melh chhoh chuan ka bulah a rawn thu thla a. Darthlalanga lang tur chuan a rawn thu hnai a.
"Saw saw" tih pahin darthlalang atang chuan min en chiang hle a.





"Keimah leh nangmah chiah kan lang. Saw saw anih saw ka duh chu. Ka duh chhan chu" tih pahin a tawlh hlek a,keimah chiah ka lang leh ta.






"Kha kha anih kha" atih chuan amah chu ka en vat a.
"Kha kha ka duh chhan che chu anih kha. Khalaia lang Ramdinpuii kha a duh a,ka duh mai pawh nilovin ka hmangaih hial,nupuia neih pawh ka duh. A hmel kha en ve rawh,duhlohna lai tur i hmu em. A mitmeng pawisawilo tak kha en la,natna tamtak in phum ru i hmu ang,chu chu hmangaihtu diktak chauhin an hmu thei. Amah anih vang khan ka duh a,kha hmelah khan Ramdinpuii a nihna a bet tlat a,Chutiang bawkin Ramdinpuii ah ka bet ve thung" tih pahin darthlalang chu ala thla a.









"Min pawm thei chiah ang maw,hmeichhe dang ang ka nilo ka tih kha,nunhlui chhe ber nei tawh,Pathian tih lemlo tak ka ni a. Keimah ah hian chhuan tur a awmlo. Inzawmna kan siam anih pawhin eng hlawkna mah i hmu lovang" kun paha ka tih chuan ka kut alo chelh vat a,hum vang vangin
"Hlawkna um in ka zui hleinem che,ka bula i awm ringawt pawh hi ka tan chuan hlawkna hlir a ni" atih chuan ka melh chho leh a,a mitmengah chuan ring turin min duh tih ka hria,rin pawh ka duh. Mahse,mipa hi rin har ka ti em a ni..






"Anih Saizami nen in chungchang kha" tiin ka zawt ta nge nge a,ka hre chak zek zek tawh,min chhan dan azirin rilru ka siam fel ang.






"Kha kha maw?" Tih pahin a hnar a tuai thuak a,a zam chuan a hnar hi a tuai ziah.
"A hmasa in ka thusawi i awih ang tih sawi phawt la" atih chuan
"Thudik anih phawt chuan ka awih vek ang" ka tih chuan a thu tha te te a,sofa hnung chu nghengin keipawh chu min pawt hnung deuh a,ka kut ala a,ka kutphahah eng emaw thai kual pah hian.






"Pawl 12 ka zova,Doctor zir tumin kum 2 chhung chu Coaching ka kal tawh. Saizami chu kum 17 mi vel lek ala ni a,ala â ve hle. A lakah khan thil thup liantham tak kan nei a,chu chu ka pa fa ani ve lo tih kha a ni" atih chuan ka lo meng deuh awk a.






"Ka pa te inneih khan keichuan chhia leh tha ka hre deuh tawh,Saizami chu naupang chum chiap tak tak ala ni. Engmah ala hriat tak takloh vang khan ka pa fa angin kan ziak a,amah pawhin chutiang chuan a inngai zawm zel. A naupan lai ata tawh ka hmeltha atih thu hi a sawi thin a,a thiante nen hmeltha min tih a,min star thute a sawi uang thin. Higher a kal dawn tirh khan tleirawl ani ve tawh a,enkawl uluk a ngaih lai ber a ni bawk. Ka pa nen ka nu hriselna vel sawia kan titi chu alo hre ru a,tah chuan ka pa fa ani ve lo tih a inhre chhuak a,khata tang khan engkim a buai vek" tih pahin hah hmel zet chuan a thaw hawk a.









"Ka pa hi a ngaina thei em em a,an in awm nasa bawk. Kei ai aiin ka pa nen hian an in paw nasa zawk a,pafa diktak ang anni. Ka pa bulah pawh a pangchang thei hle. Khatia mihran hlak fa ani tih a hriatchhuah thut khan a zia a thlak em em a,a thian kawm zinga thenkhat in anlo fuihpawrh tel bawk. Ka nu hriselna thatlo vel vang nen chuan kan buai hle a,tah khan Saizami'n thudik a hre tawh tih kan la hre ve lo,alo zep anih hmel. Kan buai bawk nen,amah enkawl lama kan inthlahdah lai tak a ni bawk. A zia a thlak nasa em em a,a hmaa a fiamthu na thin ka hmeltha atih thu leh fiamthu a min fiamna te kha thutak deuh deuhin a sawichhuak fova.








Tumkhat,keimaha ka awmlaiin a thiante alo hruai haw a. A thiante awmlai chuan a ngaihzawng ang maiin min cheibawl a,a inlak nautet naah ngaiin atir chuan atih ang angin ka awm. Mahse,a thiante tawngdan atang khan a fiamthu hauhlo tih ka hre ta a. A thiante haw veleh ka zawt chiang a,ka pa te an lo haw ve nghal bawk. Tah chuan an hau zek a,a awmdan tha an tihloh thute an sawi,unau kan ni a,unau anga awmtur kan nih thute an sawi bawk. Tah chiah khan thudik a hrechhuak tih a sawi a,a rilru a nat hmel hle bawk. Tap zawih zawih tunge apa tih ka nu kha a zawt a,ka nu khan chhan mai dan tur a hre si lo. Khata tang chiah khan ka nu a runluih na ni pah fawmin kei min hnaih ta a. A rilru ana a,lo hnem a,lo duat ka duh. Mahse,a rilru kha a dik mawlh si lo" tiin sofa hnung chu a ngheng a,a chhing zui vang vang bawk. Saizami chu alo che bawn ve thei hle anih dawn chu. Tunah pawh hian hmeichhe ze zawi lutuk chu ani lo tih a hriat mai a,Vanthahlua a zui peih danah hian a lang vek.









"A laka kan zep leh pakhat chu,khatih lai khan ka nu kha a Cancer a,zai hmabak a ni. Zai tura kan buaipui nen,ani in min lo zar buai ve sek bawk. Zaktheilo leh lutuk a min zar buai ang kha chu a nilova,mahse,a hmaa unau ena min en ang kha chuan a nilo. Engkimah min tihbuai a tum a,min U duh thaklo lehnghal,ka pa pawh a pawhloh phah reng bawk. A thinrim chhan ber pawh thudik kan hrihloh vang kha a ni em em lova,ka nu in apa hming sawitur a hriatloh vang a ni.






Kum alo thar a,pawl sawn a hun a,keipawh exam ka nei dawn bawk. Ka nu pawh zai tura kal a hun mai dawn a,Saizami awmdan vangin kan buai zual zel. Zirlai chhuanlama haw tlai leh zan riah chhuah a ching a,a thian kawmte ah lah mipa an tam zawk.






Pawl sawn a hun chiah chuan Phaiah dah kan tum ta a,ka nu natna kan thup laklawh tawh bawk nen thawn bo vat vat kha kan duh ber. Kan thurel kan sawichhuak chiah chu ahma aiin a sual emaw tih mai tur a ni a,a pindanah a tawm nileng thak thak a,chaw pawh a ei mumallo. Nu leh pa,hmangaihtute tan chuan enliam mai mai theih a nilova. A awm ka ti ve reng,apa hming hriat kha a duh miau a. Phaiah pawh chuan dah lehloh mai kan tum a,mahse,ka nu te an zin chuan a natna a hre vat dawn si,ka nu in zep a duh tlat bawk nen. Kan nawrlui ta ngawt a. Tlem chuan a nem ve leh deuh. Mahse,chuta a thusawi chu i hria em?" Tih pahin a nui deuh hawk a,a hmel en tura ka hawi chuan za lo tih hriat tak hian alo then sak.







"Chutah chuan duh pakhat chauh a nei,a duh kan tihlawhtling anih chuan phaiah a kal anga,a nundan pawh sim a intiam. Mahse,a duh ber chu tih mai mai chi a ni silo" atih chuan
"Eng nge a duh chu?" Ka lo ti vat a.






"A duh chu,Phaia a kal hma zawng kan pahnih a inngaihzawn" atih chuan a uang emaw ka ti hial.





"I awihlo,keini paw'n kan awih biklo. Mahse,tihtheih awm miau heklo. Ka nu kal vat vat angai tawh si,Saizami kal fel hma chu kal a duh bik si lo. A ngenin min ngen tawp a,ka nu meuhin min ngen tawh si chuan ka tilo theilo a ni. Saizami thusawi vang chauh chu nise kumkhua pawhin ka tihlawhtling lovang. Mahse,ka nu khan min ngen nasa em a,a fanu kha tihngaihna vak a hre biklo ania nge. Ka pa meuh pawhin
'A beidawn nan tal awm mai teh u,a kal anga,unau ang baka i enloh zia a hria ang,a rilru a thlak mai ang' ati ta tawp a.








Midang hriatloh tur ber chuan kan inzui ta nge nge a. Mahse,Engmah danglam teh vak a awmlo. Nidanga kan tih thin ang thovin kan chhuak a,kal pahin min kuah rial bawk. Engmah kha a danglam lo,a hmaa kan tih ang vek a ni,a hma phei chuan ka paw hial thin,a hminga kan inzui ve hnu khan kan tih a tlem zawk. A kal a hun tep tihah a thiante zinga pakhat chuan alo sawidarh chiam a,kohhran leh khawtlangah kan hmingchhe hle a. Atir chuan zahna chang pawh a hrelo,kan awmdan ngai chuan kan la awm reng. Kan chhungte zingah min rawn len chilh a,zilh tak te a min rawn zilh rawnte pawh an awm. Ka pa lama kan chhungte phei chuan ka nu te nufa an dem hle. Mahse,tuma'n thudik kan sawi lova,ngawi rengin min sawina te chu kan tuar tawp.








A rei a,a rualpuite'n an sawina te a hre tam telh telh a,zahna chang a hre ve ta a. Mahse,a thu ala sawh sawn duh chuanglo. A rilru ah chuan a ngaihzawng ka la ni reng pawh a ni thei. Mahse,ka tan kha chuan ngaihzawnna rawngkai chu sawiloh,rilru dang engmah ka pu lo. Ka chhungte pawhin rilru dang an pu heklo,amah tihbeidawn nan hrim hrim khatia awm kha kan ni.








An lo hre zau zel a,a zak telh telh a. Chutah,ka nu natna kan lo zep ve tang tang kha alo hre leh bawk. Hrehawm ati in a inchhîr em em a,a tap zankhua thak. Atukah pawh a rawn chhuak ngam lova,ka nu in a pindanah luhchilh in thutha te a fah a. Ka nu pawh alo tahkhum nghek nghe nghe. Ka pa nen ngaihdam min dil a,ka pa pawhin a fa tak ai pawha a hmangaih thute a hrilh mawlh mawlh bawk. Chumi hnu chuan rei rial lovin Phaiah a thlawk thla ta a,hmana amahah khan a let leh a,khata chin chu a sual nawn leh tawhlo. Kan inkar pawh a dik chho vek tawh" tih pahin a thusawi mak ti taka ka lo ngaithla kar chu min lo melh a.







"I awih em?" Atih leh thut chuan
"Awih e,mahse,a mak e" ka ti mai a. Mak deuh a ni,kawng dang pawh a awm awm reng si a tih hi ka ngaihtuah a. Mahse,an damlohna nen an buai dawn em a,rilru fim an pu hmanlo anga,an fanu rilru tihnat an phal bawk silo anih ka ring.






"Tichuan a chiang tawh em. Nula tlangval inngaihzawnna lam anih loh chu,a hminga inzui kan ni a,a beidawn nan,kan tum kan hlawhtling a,a tha berah a chhuak bawk" atih chuan ka lo bu nghat nghat a.









"Chuan,Nurse nu ve kha" ka tih chuan nin hmel zeta ner nawkin a hawi sawn vat a.
"Kha zawng,enga tan mah ngai suh. I zankhat mumang,a tuk khawvar ruala bo lehnghal angah ngai rawh" atih chuan a'n ngaih hoh hmel em em khawp.









"Ka hre duh tho" tih paha ka melh zeuh chuan nuih hawk pahin ka kawngah a rawn man thut a
"Ka fawp phawt ang che" atih chuan chiang kel kawlin ka melh a
"Uang suh" tih paha awmsawn ka tum chuan a phal derlo.








"Ka uanglo,ka fawp phawt duh che. I hre ve lo anih kha,nizanah vawi engzat nge i pindanah ka lo luh" atih chuan ka ngaihtuah a,vawikhat chiah ka hria,tah khan ka biangah chuan alo fawp ngei anih kha.








"Vawi engzat nge ilo luh?" Ka tih chuan a chunglam hawiin a ngaihtuah vung vung a,chutah,min en leh thutin
"Vawi sawm ai chuan a tam" ati ta mai. A uanglo anih chuan a mu tlem khawp ang.








"Iva mu tlem awm" ka sawi zo hmanlo min pawt hnai thutin min fawp tak tak anih chu,a awmah chuan nem sawn ka tum a. Ka kut chu lo chelh hnan hmiahin min pawt hnai dawrh a,chutah,rawn meng thutin,a awmsawn deuh a,min nuih sukin
"Ka mut tlem chhan anih kha. Tuna ka thiltih kha nizan khan ka ti ngam ang em tiin i muhil lai ka rawn thlir sek che a. Mahse,hahdam leh thlamuang taka i thaw sak sak ka hmuh khan ka khawih che ngamlo che a ni" atih chuan hnuailam ka bih ta ringawt a. Ka paltlang hnem tawh viau e tilo hian a lakah chuan ka zamin ka zak hma em em lawi si.









"I zak ami" tih pahin min rawn melh a. Chhang lova ka ngawih reng chuan
"Zak suh,zahna chhan a awmlo. Chuannn?" Atih leh chuan ka chhanna a nghak tih ka hre mai.







"Nurse nu chu?" Ka ti leh,thildang felhlel la awm laiin thuthlukna ka lo siam mai ang tih ka hloh vang a ni. Ka fimkhur berna kawng a ni si a.








"Kha ve chhen lah kha" tih pahin a thu tha leh a.
"Sawi pawh ka sawi kual thui peihlo. Ka pu thi tep Khan thu a hre dik tawk lova,Lalrinawmi nei tur khan min nawr a. Mahse,ka pa te pawhin an thlawplo" ati mai a. Mahse,a sawidan ngawt chu anih hmel siloh. Anu hialin min rawn hmu ania.









"Ka nu kha i ngaihtuah ami?" Ati ta chat a.
"Aw,ani pawh khan min lo hmu sia" ka tih sap chuan
"Engah mah ngai suh,i hriat kha,a fa diktak ka ni lova,nupui lo nei fuhlo palh hloh ila,nu sualtak angah a chhuak hial thei a. Fapa te kawppui lo zirchian chu a hna ah angai ve te pawh ni mahna. A ho lutuk,a duhlo chuanglo che nia. Tuna ka rawn kal dawn pawh khan amah vekin alawm ka suitcase vel pawh buatsaih" atih chuan ka ngaih atha ta deuh.









"Tichuan i dam deuh tawh em" atih chuan thutak fe in ka melh a.
"Min tina suh" ka sawi hman tawka lo inrawlh a tum chuan ka lo dang vat.
"Min tina lola,ka nunhlui vangin min thlahthlam bawk suh. Ka nunhlui duhawmlo tak tak i hriatloh thenkhat pawh ala awm maithei. Mahse,chumi vang chuan min hmuhsit phah suh aw,ka ring che a. Nanglo chu neih ka neilo ania,ka thinlung ka hlan tawh che chuan ka zui tlat dawn che a,min tina anih erawh chuan na lehchuang tur ka awm tawhlo ang" tia ka rilru zawng zawng ka sawi chuan ngawi rengin alo ngaithla a.








Min chhang tawg dawnlo emaw ka tih hnuah ka kut pahnih chu ala kang a,fawp zauhin a hum leh vang vang a.








"Pathian hming khian ka tiam a che. Ka tina ngailo ang che,i tap anih pawhin hlimna vang chauh a ni ang. I nunhlui ka la hriat veloh chu engpawh ni rawh se,enga tan mah ka ngailo. Nunhlui neilo kan awmlo,alo chhe deuh anih pawhin eng nge pawi,kan nunhlui a ni miau a. Chuvang chuan mahni insit bansan la,inih ang angin keimahah lo tlu lut rawh. Keichuan tuna Ramdinpuii bak kha duh ka neilo,kha aia tha ka duh lova,kha aia chhiaa let leh turin ka duh bawk heklo che. Kan hun lo la awm tura Ramdinpuii ila nih zelna tur zawng zawng nen,tuna Ramdinpuii i nihna nen hian ka tan chuan i tawk,hei bak ka phut lova,ka mamawh bawk heklo" thutak fe a min melh paha atih chuan a thusawi te hian min hneh ngawih ngawih.









Ni e,insit reng tur ka nilo. Nunhlui chu nunhlui alawm,kan tun hun zel hi pawimawh zawk chu a ni. Mahse,a hmangaihna dawng tur hian ka tling mawlh si lo.






Ka rilru ka phawrh ve achin chu inzawmna nei kan lo ni ve ta reng a. Mahse,ka inchhîr lo,ka vanneihzia ka hriat belh telh telh zawk.





Engkimah ka zai a ngai thiam a,a buai chung chungin ka hnaah min puih a tum ziah bawk. Sofa ah ala riak reng a,haw tawh tura ka hrilh pawhin a duh thaklo.






Zanah ka mut theihloh hlauvin ka bulah alo awm a,hla te play in ka kut te a Malis thin,ka mu nghet ta maw tihah light te off in a mutna lamah a kal mai thin.






Chiang takin Virgin ka ni tawhlo tih kan hre ve ve a,daltu awmlova riak dun kan ni bawk. Mahse,ka virgin tawhloh vangin min khawih a tum lova,khatiang lam kha vawikhat pawh ala sawichhuak lo. Keipawhin ka duh heklo.





Mahse,ka bula mut a chak ve thin tih chu ka hre reng. Ka mu tawh emaw tiin a phei tur chu a tho uaih a,meng de re chunga a awmdan ka en chuan a chhuak hreh hle tih ka hre nghal. Tiang khan zantin a awm thin awm si a.





Ka puan a siamtha a,a kal mai dawn,a rawn hawilet leh,a rawn phei leh zuai a,ni thei chaihin a hre bawk silo,muangchangin light a tithim a. Tah pawh chuan ala kal ta mailo,thim zingah ka mu chu min melh leh vang vang.








Vawikhat phei chu
'A pawina em em pawh ka hrelo e' tih pahin rawn mut ve hial a tum tak tak. Mahse,mipa zahawm leh thil awm chin hria a ni a,a rawn mu ta em lo.







Zankhat chu a insum thei nganglo nge,zing ka harh chuan ka khum bulah puan alo phah a,chhuatah chuan thu mu deuhin ka kut chelh reng chungin alo muhil ve anih chu.







Ka khawngaih lutuk chu ka kaithova,tlai tawh mah se khuma mu ve tur chuan ka sawm ta a. Thawh a hun reng tawh,mahse,ka bula ala mut duh vangin hna pawh a tlai phah thak.







Chutiang tê tê te chuan kei,mipa tawh phawt chu haw hlur a,ten mai thin hmeichhia hi min tinem telh telh a,min tilawm a,mipa zawng zawng hi anlo inang veklo tih min hriattir phah ta a ni.








A thlazar hnuaiah chuan engmah ka ngaihtuah buai angai lova,ahma zawnga keimah chauha ka lo buaipui thin,Gas lak,tui lo haw a buaipui leh bawlhhlawh paih thlengin min awl vek a. A buai tih ka hria a,ka tihtheih thu ka sawi pawhin a tilui tho thin.







Zingah pawh kei aiin a tho hma ziah a,rawng alo bawl surh surh a. Ka thawh khalh anga,ani lo mu ve se,zanah hnathawkin a hah thin si a,ka tih chang pawhin ka rilru a hria nge,ka thawh hma ve apiangin zanah eng emaw tal chu alo siam lawk ziah a,zingah chuan chaw chhum chauh alo ngai tawh thin.







A chhungte hian hria se min haw lek lek zawkin ania ka rin. An fapa neihchhun Doctor meuh heti khawp hian ka lo chhawr rim ania. Mahse,amah hian thu awih duh tlat heklo. Naupang exam question siam thlengin min puih a tum a,chu em chu ka duh tawh bik si lo. Laptop a chhut luhah tal min la puih hram kha. Ka kut leh ke mai ni lovin,ka innghahna,ka rinchhan,ka hahdamna diktak a ni.






A awm achin chu mut theihloh leh mang thalo vanga harh ang kha ka nei tawh lova,damdawi pawh ka ei tlem sawt hle. Keimah pawh ka êng a,ani nen kan nih vang nge ka chawei pawh a tui ve sawt thin. Mahse,buaithlak ber chu,min pawh viau a tum ang hian ka thei ve tlatlo hi a ni. Ka lo thanlen pui mipa hlauhna khan min la chhuansan fel lova,ka tum anga awm theihloh chang lah ka ngah. Mahse,amah bawk hian min hnem a,min fuih bawk a,ka inthlahrun te hi alo hlau zawk thin.






Vawiin chu Sunday a ni a,Saia hi alo thlen atangin ala inkhawm hauhlo in ka hria a,inkhawm tur talin haw tawh se a tha ang,tiang ringawt hi chu a fello. Thenawmpa te lah hi,rawn haw thei reng renglo,an awm rei lui em maw ni ka ti hial.







"Inkhawm ila" bathroom atanga a rawn luh chuan ati ta reng a. Ka chhanglo
"Ka kawr pawh ka lo keng vek ania,inkhawm tura min tirh haw tum miah suh" atih chuan ka nuih ringawt a.





"Ka hrelo" ka tih sep chuan ka thlarau nun chauh zia a hria a,min tilui lo turah ka ngai.
"Inkhawm ang,kan pahnih in kan kal anga,kan thu dun dawn nia,i inkhawm khat ve bawk alawm" atih chuan ka lo nui hak a.






A ngaihna hriatloh hmel taka min en pahin ka bulah alo thu a.
"Tinge,i inkhawm peihlo ami?" Dam thluama atih chuan amah chu ka melh vat a.
"Ka inkhawm khat iti mi?" Nuih paha ka tih chuan alo bu nghut a.






"Ka rawn kal tirh atangin i inkhawm kal ka la hmulo che" fiamthu deuha atih chuan ka nui tawp riai riai a.







"Khawnge Biakin a awm pawh ka hrelo" ka tih chuan ka fiamthu emaw tiin min melh zawk a,ka nui hauhlo tih a hmuh chuan thutak hmel zetin
"In veng biakin awmna i hrelo maw?" Atih chuan nuih luih sak pahin
"Hrelo,khawi kohhran ah mah ka lawi bawklo" ka tih chuan mak ati tih hai rual a nilo.






Mak ati khawp ang. Bangalore atanga ka haw khan ITI ah hian ka awm nghal a,awmzia chu kum tam a liam ve tawh tihna anih chu. Chumi chhung chuan vawikhat pawh ka la inkhawm lo,inkhawm chu sawiloh,biakin kawng takngial pawh ka hrelo.







"Pathian i ring em?" Atih teh daih chuan
"Ka awm a,ani pawh a awm ka ring" ka ti mai a.
"Kristian ini em?" Atih leh chuan ka thin ati rim lek lek.





"Ka inkhawm ngailoh vangin min iai deuh ami?" Tih paha ka melh ha chuan
"Ni hauhlo" alo ti vat a.




Chuti si enge min zawh reng ni,Pathian thu sawi vel hi ka peih thlawtlo,ka mangan laiin ka au lawm lawm a,min chhang tur a awm ngailo anih kha. Ka ngaihtuah let ngawt pawhin ka la thinrim teuh a,ka in hum sak nghal vek thei.







"Lokal teh" atih chuan ka thut hnaih a. Min lo ban in min kuah nghal hlun a. Ka bekah chuan fawp zauhin
"Ka hria e,ka zawt tawhlo ang che" atih chuan hmana ka thusawi,Pathian ka auh a,min chhan ngailoh vanga ka thinrim thin thu vel kha a hrechhuak anih ka ring.







"I inkhawm ngailoh vangin ka iailo che ka tih kha,eng ang mi pawh ni rawh,ka tan chuan ila ngai reng. Ka hmangaih reng ang che" tih paha min kuah ngheh sauh chuan keipawhin nghet zetin ka lo kuah ve a.






Amah zawk in nuamlo atih hmel ta lutuk chu ka inthiamlo leh deuh si a
"Pathian chu ka ring a,Kristian pawh ka ni ve. Mahse,thlarau mi chu ka nilo" ka tih chuan ka sama lo chul pahin
"Ka hria e ka hria e,sawi angai tawhlo" alo ti sup sup a.


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2022, 3:58 pm

ERASED


CHAPTER 18
☆☆☆☆☆☆



SHARONI POV:



Thawhtanni a ni a,college kal tur chuan hmanhmawh takin ka insiam sawk sawk a. Saia erawh damdawiin lamah emergency a awm vangin a kal tawh a,a awm kha ngaiah ka lo nei tawh em maw ni,tuk khat a han awmlo meuh chuan ka che buai nghal em em ringawt mai a,ka tlai lek lek a ni.







Scooty in college lamah ka tlan chhova,ka thlen hma chuan Lily call ka dawng a,ka laklawh em vangin ka la ta lo.







College ka thleng a,garage ah scooty ka dah a,zirtirtu Car dahna phen lamah chuan phun sur sur ri hi ka hre ta a,naupang tute emaw annih ringa kalsan mai ka tum chu hmeichhe tap ri ang deuh ka hre leh a.






Ka hmelhriat tute emaw annih takah tiin ka va phei de de a,Car dahna hnunga Sintex phenah chuan tute emaw hi anlo inhau ngei a,a mipa hmel ka hmu chiah chu ka phu deuh zawk..







"Vanthlahlu,eng nge itih?" Tih paha ka va lang thut chu an phu zawk a,a hmeichhia zawk chu a tap tak tak nge lehlam a hawi vat. Vanthlahlua zawk chuan
"Engmah" alo ti hluk a.







A hmeichhe dinpui chu ka enchiang deuh a,kan college ami ngei chu ani,mahse,ka class ami chu a nilo. Hmeichhe nun nem leh ze zawi em em,lehkha thiamthei tak ani tih chauh ka hria.






"Lokal teh,eng nge maw hetah te inlo inhnial" tih pahin ka pawt a,alo tang deuh tung lehnghal.
"Khawimaw" tia hmeichhe lam ava melh leh chuan ngaihsak duhlo luiin ka kalpui pawp pawp a.






Tlema mi awmlohna deuh kan thlen chuan ka thlah a,tum bur chungin ka hmaah chuan a ding a.
"Eng buaina nge i neih a,kha te chu zirlai naupang thiamthei tak anih kha,i chhaih buai ami?" Ka tih chuan rum fe hian min melh a.
"I kawp ami?" Ka tih leh chuan hnuailam a bih leh daih a.






He mihring ler kawh lutuk hian hmeichhia a titap reng mai zawng anih hi.
"I kawp dawn anih paw'n hmeichhe fel tak kawp tawh suh,a zirlaiah te a tihchhiat phah thei" tha taka ka tih chuan a kawr a pawt deuh sawk a.
"Ka hria" tih hluk pahin kal mai a tum chu.






"Saizampuii nen in inkawp lo ami?" Ka tih leh chuan alo hawilet leh a,min chhang mailo chuan a ding deuh vang vang a.
"Amah vanga buai kan nih hi" thinrim hmel taka atih leh chuan ka lo meng deuh awk a.






"A tha e,zanah lokal la,sawipui i duh chuan kan sawi dawn nia,a tha em?" Tia ka zawh chuan a bu nghut a
"Kal tawh rawh,ani ang kha chu tina tawhlo la" ka tih chuan ngawi rengin a kal a.







Lehlamah chuan ka khawngaih ve tho,a langlo lamah an chhungkua hi an kehchhe ru riau a,thawkkhat lai phei kha chu a nu leh pate kha an inthen lek lek hial anih kha. Vanthahlua chiah hi fapa annei a,an duat luatah an sual zo vek lehnghal. A ler em em a,zan len a hrat bawk si. Tunah pawh nichina nula leh Saizampuii hi a kawp tih hriat reng reng.







Class ka la nghal mawp mawpa,tunah chuan tu vakin min sawi zui peih tawhlo. College group ah notice an siam a,zirtirtu leh zirlaite zawng zawng hmuh theihin an post a,hna nghet ka neih theih nan tu puihna mah ka la lo tih an hre ta a,ala sawi zui awmchhun pawh angai,Miss Rosie te thian dun bak anni lo. Mahse,anni chu ngaia neih ngai annih bakah,a nau kha alo tlinglo kher bawk nen,an kumkhaw sawi chu a tling maithei ni.









Saia khan a chhuah atangin min lo la be miah lova,a buai anih ka ring deuh. Chaw chhun kan ei lai chuan number ka save miahloh hian min lo call a,chaw kan ei laklawh bawk nen ka la lawk lova,mahse,vawihnih a rawn tih takah chuan pawnah chhuakin ka va la ta a.









"Saia pa ka nia" atih chuan awmze nei lovin ka hlau ringawt nia,a tawng reng reng chu a nghet charh a. Min hmuh a duh thu a sawi phei chuan ka hlauthawng lehzual. A fapa kalsan tura min ti anih vaih chuan ka thei dawn der si lo,chutiang anihloh hram beisei ang.








Saia pa hmu tura ka chhuak tur chu Saizami leh Vanthlahlua rawn inzui phei rawl rawl ka tawk a.








Ka biak chak fahran loh vangin ka melh zawk a,kalsan mai ka tum Saizami zawk chuan
"Ka pa khan alo bia che em?" Atih chuan ka ding dat a.
"Bia e,tinge?" Ka tih chuan Vanthlahlua ding ngawi reng chu a melh zawk a..
"Ihh,i number min dil a,ka u khan a pe duh lova. Mahse,hlauthawng suh,a hmu duh satliah mai mai che aniang" atih chuan Scott-a min melhdan zawk chuan ka awm a tinuamlo.







"Aw,ka hria,ka hmu dawn a,ka kal mai" tih paha ka inher tur Vanthlahlua hmel ka en zawk chuan tur ve mai hian min lo melh a. Enge maw alo thinrim hmel em em ringawt,a pawi ka sawi tawp silo. Nge,tukin zing ka hauh vang khan alo thinrim zawk??????







Kan inhmuhna hmun tur a tihfel tawh vangin chumi lam pan chuan ka tlanchhova,Dawrpui ah daih a ni. A hmun ka thlen chuan anlo awm deuh laih laih a,dawhkan awlah chuan ka thu thawr a,zam tawh sa nen alo lang lawklo lehnghal.







Minute 10 chuang ka thu tawh a,ka kut ka sik ka sik ringawt. Ahnu leh deuha kawngkhar rawn nem hawngtu chu tunge anih hrilh nawn ka ngailo,Saia nen double roll anni ringawt.







Min hre chiahlo nge a hawikual deuh a,ding chunga ka kut ka vai chuan buk ngut pahin ka thutna lam alo pan a,a mitmeng fin hmel lutuk zawng zawng nen chuan min tizam lehzual.







"Chibai le,Sharon Ramdinpuii ka nia" tih paha ka kut ka phar chuan alo ban vat a
"Saia pa ka ni e,thu ta che,tinge i din?" Tih pahin a thu zui nghal a.







Waiter in order alo lak chuan coffee chiah kan order a,tawng hmasak a tum bawk silo,eng nge sawi tur pawh ka hrelo.







"Eng hna maw i thawh?" A tawpa tawpah chuan ati ta a.
"Synod College ah zirtirtu ka nia" ka tih chuan engmah sawi lovin a bu leh nghut nghut a,a kut lah chu hum chungin a mal chungah a nghat reng bawk si,a zahawm ngawih ngawih.








"Eng nge min hmuh duh chhan?" Tim deuh taka ka zawh chuan Coffee hawp pahin min rawn melh zauh a.
"Ni tak maw,hmuh duh chhan em em che pawh ka neilo,inhmuh hi a tha hrim hrim ka ti mai ania" nuih deuh paha atih chuan ka thawveng hawk thei.








"Saia'n alo bia che em,kan inhmuh tur hi a hria maw?" Atih chuan lu ka thing vat a.
"Zing atang khan kan inbe lehlo" ka ti mai a.









Chutah,han thu tha sauh sauhin ka hlauh ang nge nge chuan
"Chhan awmlo ti mai ila,han sawi tlang mai ila" ati ta a. Ka thungil nghal zat a,hun harsa tak min thlenloh hram ka beisei.








"Englo ania,i hria anga,Saia hi kan fapa neihchhun ani a,ka thlah kal zel tur chu a kutah a innghat tihna anih chu" a'n ti te te phawt a,chhang mailo chuan a thusawi chu ka en kar a..







"I hrelo maithei a,kan chhungkua hi Sailo Lal thlah kal zel la dam awmchhun tlemte zing ami kan ni a,ka pianpui unau mipa awmchhun chu Saia Patea chiah hi ani tawh. Chuvang chuan kan chhungkaw member lo awm zel turah pawh kan fimkhur in kan duhtui hle" tih pahin a tarmit a chawi kang a,min melh kur bawk.





"Chu chu eng nge i sawi chhan?" Tia ka zawh chuan ka mal a khur dar dar thei.
"Tlang takin ka sawi ang. I chanchin an sawite ka lo hria a,fa pakhat hring tawh ini a,i nunhlui a duhawm vak lemlo tihte pawh" atih chuan ka kun nghal daih a,tiang leh bawk hi maw. Min hnawl dawna nih chuan an fapa hi dan hmasak tur alawm.






"Mahse" a tihlai chuan dawhkana ka phone dah alo ri a,inthlahrung taka ka en chuan a fapa ngei alo ni,amah chu ka melh zawk a,ka phone chu alo melh ve kur. La ta lo chuan ka off a,dawhkanah bawk chuan ka dah leh mai.







"Saia hnenah pawh ka sawi tawh angin,eng anga nunhlui thalo nei pawh nise,a hmangaih a,chhungkaw dinpui tura a thlan chu dan ka tumlo" atih chuan ka melh ha a.






"In inzawmna hi ka thlawplo hranpa lo ka tihna anih chu. Amaherawhchu,in hriat tur. Kan chhungkaw thlah kual hi kan tam a,inlo innei anih pawhin ze hran hran nei kan ni tih hria la,an zavaiin anlo lawm veklo maithei che. A bikin ka farnu Malsawmi te chhungkua" atih chuan tunge a sawi pawh ka hrelo.







"Malsawmi chu i Thenawmpa nupui hlui te kha annia" atih chuan ka hre ve ta chiah. Khami te nufa khan bazarah min tizak zek tawh anih kha,hmuh tamloh ka duh ber..







"Mahse,in in hmangaih anih chuan engmah buaina a awmlo. Ka sawi tum ber ka thelh reng mai,ka ngen duh tak che chu,Saia hi lo thlem la,ina lo let turin" atih chuan chhan mai dan tur pawh ka hrelo. A fapa luhlul turu zia hretu chu amah tho hi ania.








"A duhloh chuan tihtheih ka nei biklo" ka tih sep chuan ka phone alo rik zawm lehnghal,ka enlo,a chhan pawh tunge tih ka chian em vang a ni.







"Nia,a duhlo,a luhlul hle bawk. Mahse,hetia,nupa nih hma hmaa in riah chilh reng hi a tha ngailo,midang sawi sep hlawhte pawh a hlauhawm a,Saia chu mipa a ni a,nakina hmingchhe tur chu hmeichhia bawk hi inia,tunah an sawilo a ni thei,a rei anga anla sawi khawp ang" atih chuan dik ka ti hle. Tiang ka ngaihtuah vang hi ania,Saia lo awm pawh ka duhloh,chuta karah ka inah ala rawn insawn seuh seuh bawk si.








"Ka lo tum dawn nia" ka tih chuan lawm hmel takin a bu ta nghut nghut a,Coffee ka in leh tur chiah pawnlam ka hawi chuan hmanhmawh fe a Saia lo phei ka hmu ta a,ka phone ka On chuan a missed call alo tam hle.






Ka en reng lai chuan min hmu thut a,eng emaw sawia phun hluk pahin a rawn lut zui ve nghal.




"Ka pa" tih pahin kan sirah chuan a rawn din luah mai a. Apa chuan a fapa lo lang thut chu mak tih hmel deuhin a en a,chutah,kei min en leh chuan
"Ani hian min hrilhlo ania,ka rawn zawng che u" Saia'n alo ti hloh a.






"Tinge i lokal duh. Thu ve ta che" apa in atih chuan ka bulah a rawn thu ve nghal a. A mawng a hun rual rualin
"I tha maw,eng nge in sawi?" Ati nghal.
"Ahh,tha e,kan titi mai mai alawm" tih paha apa ka melh zeuh chuan alo nui ta sun sun a..






"Ka tih thaih hleinem,kan inhmu satliah mai alawm,hlauthawng lutuk suh" atih chuan dawhkan hnuaia ka kut vawn pahin apa chu ava melh zauh a.
"I tha maw?" Te chu ati leh hnuhnawh a. An awmdan chu a nuihzatthlak letling zawk,pafa inbia pawh an anglo.






"Tha e,engtik nge lo haw i tum?" Apa ina tih chuan ka kut a hum nghet sauh a.
"Ka hrelo" tih ringawt pahin ka Coffee in zawhloh chu a rawn ban zat a.






"Inu thihcham kha ila hre ve ang chu maw,hun kan hman thin kha" atih leh chuan Saia chu a tang deuh tung a,ka melh chuan a hmai alo sen deuh tun mai.






"Hria e" ati leh mai a.
"Sharoni nen hian hmuh che u kan in beisei ania. Inu Ropuii thih hnua inu in thil a tihsak che hre ran in i awm dawn nia,ka kal ang e" tih pahin a tho ta hluai a. Ding ve vatin ka mangtha a,Saia erawh chu a thut ngaiin ala thu ngul mai..






"Eng nge in sawi?" Apa a kal chiah tihah chuan min zawt leh nghal a.
"Engmah,eng emaw vel mai mai kan sawi" ka tih chuan a awih chiahlo nge,sir zawnga thu chung in mit tizim sun chuan min melh a.






"Tak taka,ka zep lovang. Haw turin a duh che a,keipaw'n haw turin ka duh che" ka tih hap chuan hmalam hawiin a thu ngil nghal hmak a,a hmaa tui chu thli in a tlak nghal pap.






"Min ning tawh anih kha" tih paha hmalam a melh ngur chuan ka nuih hak a,a titau deuh em maw ni.
"Teuhlo,ka ninglo che" tih paha a kut ka tawh chuan alo vuan let hauhlo.





"I hrethiamlo maithei,mipa aiin hmeichhia hian hmingchhiat theihna kan ngah zawk a,kei phei chu englai pawha puak chhuak thei reng ang kha ka ni tih i hre bawk. Tunah miin sawi rihlo mah se,nakin deuhah chuan anla sawi anga. Ka Thenawm satliah mai mai nen pawh khati khawp khan min sawi zui a,nang phei chu ka inah i awm ania,han ngaihtuah teh,miin hre ta se engtin nge an sawi a,inzuar thin ang hialin min chhuah mai dawn sin" ka tih chuan min melh zawk a.







"Engtik nge i nu thih cham chu ni reng reng?" Tia boruak thlak ka tum chuan țhutthleng hnung nghen dat pahin
"Karleh" ati mai a. A sawi tam peih vaklo anih ringin ka zawt zui tawhlo mai.





"Ka thusawi kha ngaihtuah zui ve deuh rawh aw,haw pawh nila nitin kan inhmu thei thova" ka tih chuan min chhang lova,ngawi renga a thut ngul hnu chuan a tho hluai a. A awmdan teh thut thut chu a mak hle.






"Kal ang" atih chuan
"I bang thei tawh ami?" Tih pahin ka tho ve nghal a.
"Thei e,haw ang" tih pahin min kai lawk a,chhuah pahin kan Coffee man chu a pe a,ngawi rengin min kalpui mawp mawp a,Civil Garage kan thlen chuan biak ka tum zet a,a hmel a chan em vang chuan ngawi rengin Car ah ka lut ta zawk a.







Apa nen kan inbiakna min zawt a,thu pehhel kual lovin ka hrilh tlang mai a,kan ngaihdan a inang chiah bawk. Chumi ngaihtuah zui ve tura ka hrilh chu a diklo viau em ni,tunah chhuak nghal rawh pawh ka ti lova,mahse,tinge,a awmdan vang hian tihsual nei anga ka inngaih tlat?????







In lam pana kan tlan chhung zawng chuan kan inbe leh tawh lova,biak tuma ka hawiphei apiangin a khabe che rawlh rawlh khawpa hmalam a melh ngur ka hmuh vang chuan ka be ngam meuhlo.






Kan kawmchhak kan thlen chuan scooty ka keng tih ka hrechhuak zawk,engtin nge ka theihghilh theih zawk ni,hepa hrek hruk vang vek hi..







Chhuk hma chuan ka phone ka phawrh a,MIZRUN ho chu ka be ta tawp a
"Dawrpui State Bank bulah khan ka scooty ka kalsan a,a chahbi inah ka kawl daih bawk sia,min lo lamsak thei ang em?" Ka tih chuan ka sir mi chuan a seatbelt vel chu a phelh ruk ruk a.





"Aw,in awmna lo sawi la,chahbi kan lo lam ang" antih chuan kan awmna vel chu ka sawi a,tikhan chahbi anlo lam anga,ka scooty chu an rawn khalh thla mai dawn a ni. Mizrun ho hian Instagram ah account pawh an nei a,khawilo kala thil dah/lam ngaite,awmhmun atanga thil tihfel duh chuan an koh mai theih,an rintlak a,an rate pawh a pangngai viau,ka hman ngun vangin hmelhriat pawh ka nei nual tawh...







"Tunge i biak?" Thut hle hle paha atih chuan seatbelt ka phelh ve nghal a.
"Scooty ka keng tih ka lo theihghilh daih alawm,anlo lam ang" ka tih chuan min chhang leh ta lo.







"Chhuk ila" tih paha ka va melh chuan a steering chu ava hum leh rih a.
"Naktukah ka haw dawn nia" tih leh a leia a biang hawl kual ralh pah chuan a thaw hawk a.








"Ka sawi awmzia i manlo deuh ami,tun tut tuta chhuak turin ka tilo che ania,ipa nen kan thusawi hrilh pah che in ka sawi mai mai anih kha" ka tih chuan
"Pawilo" tih leh kawngkhar hawn a rual a,engmah sawi zui tawh lovin a chhuak nghal.






Eng nge kha kha,eng nge pawilo atih ber chu. Pawilo ti siin a pawi hle anih kha. A awmdan khan min ti hahdam lo tawp. Ka tisual zawk em ni,tinge maw engmah hi a kal tluan fumfe theih reng rengloh??????





Mizrun ho lo chhuk chu ka lo nghah angai bawk si,Pakhat lah chu min hre tawhlo ang maiin a chhuk thla luah luah a,a lut daih tawh bawk.






Minute tam pawh ka nghah hma chuan anlo thleng mai a,college thil thawn tur vel vanga ka hman thin mipa tho kha alo nia,ani nen hian kan intawng fuh thei riau,nge,kalna tur veng an insem thin zawk.






Chahbi chu pe in a awmna lai vel chu ka hrilh a,pawisa ka pek zawh chuan a kal leh nghal mai.





Mahni inchhung ngeia zu luh pawh ka huphurh lek lek mai. Eng tak kha nge alak fuhlo ang aw,kan thusawi min zawt a,ka hrilh mai sia. Engmah kha keichuan diklo ka hre ve lo. Tihtak emah chuan,ka ina a rawn awm dawn te khan dan tang tang ka tum a,a chhan pawh vawikhat ka hming alo hliau tawh vang a ni. Mahse,apu thihna meuh pawhin a dang zo si lova,ka dan theih ni lul lovin ka hria a,ka pawm ta mai kha ania. Aaaa,Engpawh chu nise tuar mai ang,nakinah ala hrethiam zawm ve mai ang,mipa ania,Saizami nen an boruak tihloh,vawikhat pawh hmingchhiatna em em nei lovin chhungkaw zahawm takah a seilian a,a hrethiamlo pawh hi a awm lutuk tho.






Ina ka luh chuan alo reh duk a,sitting room ah a awmlova,bathroom lamah a awm anih ka ring. Pindan lam panin ka inthlak zui nghal a,ka chhuah hma hret chuan Lily bawkin min lo call leh a,ka buai a talangin call let nachang pawh ka lo hre leh tawhlo.






Min rawn call zin ngaihtuah in eng thu pawimawh teh vak a sawi chuang lova,an zirna chungchang leh ama chanchin hlir a sawi.






"Ka nu damlo chu eng nge a an?" Atih chuan
"A damlo ami,engmah ka hre ve hleinem?" Ka ti vat a.
"Eee,nimin nge maw ni khan a luhai a chhuak leh a,bathroom kawngka bulah alo tlu aniang,i mangan a hlauh vangin a hrilhloh che anih chu" atih chuan ka mangang nghal.





Kan inbiak zawh veleh ka nu chu ka call vat a,
"Hello" rawn titu aw ka hriat veleh rang zetin ka off leh vat a,a rawn call let a,ka off nawn leh hmak. Ani kha ka be peih reng renglo,a mawiah
'Ka pa,ka nu ka lo bia' tihte kha angai leh anga,ka peih teuhlo.






Ka thut deuh vang vang hnu chuan ka call leh a,Verandah lama Saia ri ruk ruk ka hre zui bawk. Lianzuala bawk chuan
"Hello" a rawn ti leh a,teh sek chuan
"Ka nu kha phone pe teh" ka tih chuan
"Ee,hei a mu" ati chiah
"A thiltih ka zawtlo che,amah ka be duh" ka ti deuh hrawk a,ka tum ai hma hian ka vin leh thin,ka haw em a ni.







"Aw,Mate" chauh hmel zeta ka nu in atih chuan ka tah a chhuak mai dawn.
"I nuamlo ami?" Ka tih chuan
"Nuamlo hranpa love,ka tlu sual deuh a" ati mai a,heihi ania ka ngei,ana hi ka bulah a sawi duh ngailo,ka naupan lai atanga tun thlengin. Lung thalo a nei tih pawh Lianzuala ka atanga ka hriat chawp a ni.






"Chutiang te chu min hrilh ve tur alawm" vui aw taka ka tih chuan
"Kan chhungkua angah i inngailo deuh khan ka hria a" ati tham chhel a,phone chu dah sawn in ka mittui tling chu ka khap let sak a..







"Chutiang in ka tihloh kha" hnuk ulh lek leka ka tih chuan a nui deuh hak a.
"Ka uan anih kha,i rilru alo hah ka hlau a,ka hrilhlo mai che alawm. Bakah,inau in a hrilh leh che ka ring thova" atih chuan chhang lovin ka ngawi reng a.







"I che thei em?" Ka tih leh chuan
"Che thei e,ka ke hi ana deuh tih mai ania,ipa a awm a,ka chetna apiangah min pui thei alawm,lungngai suh" atih chuan ka inpet ruh teuh a.
"Naktuk lamah ka lo tlawh dawn che nia,in enkawl tha la" tih pahin ka inhmer vak a.
"Aw le,min ngaihtuah reng reng suh,ka tha ania" tia a dah chuan ka khuma lukham chu ban in ka vawm pawp a,chupawh ka la duhtawk lo,ka ban chu en in ka inseh ta nghek a,ana lutuk chu ka vun asa mum mum thei.






Enkawltu a mamawh,enkawl a,a tihtheihloh tihsak a,duat ka duh. Mahse,ka thei lo. Kha ramhuai Lianzuala vang bawk khan ka theilo. Ka enkawl anih chuan riah te kha angai anga,tunah pawn ka riah a beisei khawp ang. Mahse,ka theilo,ka theilo a ni tawp. Ka nu damlo awmpuina bula alo vei ve sek turte,min be sek turte ka ngaihtuah ringawt pawhin ka thisen a lum pup pup thei.







"Tinge a harsat em em le?" Beidawng taka tih sep pahin ka bek sam chu ka tham vak a,ka natna alo chhuak leh mai dawn in ka hria. Chutia ka sam tham vak paha Lianzuala hmel ka ngaihtuah lai chuan ka kut chu tu emaw hian a rawn chelh hnan a,ka hawichhuah chuan Saia hian mitmeng buai nakin min lo en reng a.






"Tinge?" Atih thum sup chuan ka chhanglo,ani pawh hian min tibuai,min tibuai takzet.
Engtin mah ka chhan takloh vang chuan ka kut a rawn hum hnan chu a vuan nghet sauh a,ka sam ata ka kut chu phelh riai riaiin a lasawn ta a..





"Eng nge thleng?" Tih pahin ka hmaah a thu nghal a,ka kut ala hum tlat bawk.
"Eng nge thleng ka tih chu,nangmah in tina duh tur khawpin tu in nge i pawi lo sawi?" Chang deuh taka atih chuan ka beidawng zual sauhin ka hria.





"Engmah,engmah a nilo" tih paha ka kut laksawn ka tum chu alo hum nghet hle a.
"Chuti si tinge nangmah i in tihnat,i inseh a,i sam i tham vak vak bawk" atih chuan amah zawk hi ka thinrim khum mai ang tih ka hlau hle.





"Ka rilru a hah a nimai,ka buai anih hi. Ka nu damlo khum betin ana a,buaipui pawh ka theilo chu anih hi,chupawh huatna vangin" ka ti ta nghek a.






"Chutiang vang mai maiin tinge i intih nat,buai mah ta che,kan enkawl mai dawn alawm" atih chuan a ngai awlsam lutuk chu ka nuih aza zawk..






"I hrethiamlo a ni" ka tih sep chuan ka kut lasawn in min kuah thut a.
"Nangmah in tina tawh tawh,a harsa ang tih pawh ka hria. Mahse,tuvang mahin ina tur a nilo,chu chu i hria em?" Atih chuan ka ngawi reng a,min kuah ang ang chuan ka awm hle hle.






Ka mangan laia hetia min han kuah chiah chu,ka mamawh zia ka in hrechhuak a. A ângchhungah ngaihngam taka ka han bei leh meuh chuan hahdam ka mamawh zia te,thinlung taka min thlamuan theitu awmchhun a nihzia te chu ka hre nawn awn awn mai.






"I hrelo maithei,ka rawn riah tirh khan zanah i buai thin a" atih chuan ka nem sawn vat a.
"Engtin,tinge engmah ka hriatloh?" Hlauthawng ru taka ka tih chuan ani erawh alo meng dam thlup lawi si.





"Zankhat kha i au deuhin ka hria ,chuvang ania kawngka kalh lo tura ka hrilh che. A hnuah chuan ban vai chungin i auchhuak tak tak a,lokal in i ban te ka man a,i taksa a zawi vek a,i thisen kallai te zut in ka Malis hnu che khan i zia leh mai a,engmah hre lovin i muhil mai" atih chuan han awihloh ngawt thu a awm silo. Mahse,ka buai chuan ka buailaiin emaw,zingah ka hre leh ziah si a. Tuna a sawi chu pakhat mah ka hre bawk silo..






"Engmah ka hrelo" ka tih chuan
"Pawilo,i hrelo ang. Chuvang ania,i bula awm tam kha ka tum tlat. Zankhat phei kha chu i phone kha ila lawk a,i ban velah khan i chhu ringawt a,ka rawn hmu lawk silo che a,i ban pawh ana hial ang. I chet tawp lawk theihloh vangin ka ban ka dawh a,mahse,vawikhat i vai thuak a,i tawp nghal mai" atih chuan ka ngaihtuah chiang a,ka kawr hlima ka ban ka en chuan bial deuh hian alo duk thluah a,mahse,a rei tawh tih hriat takin a rawng pawh a dal deuh tawh..








Hei vang alo nih chiah hi,ka kut chelh tlat chunga alo mut ve thin. Lo hria ni ila chuan damdawi pawh ka ei leh mai tur ania. Mahse,amak ka ti tawp theilo,ka buai tih pawh ka hrelo ania,hetiang anih zel chuan a nasa telh telh ang tih pawh ka hlau hlel love.








"Ka tihpalh lutuk,ka lo hrelo a,hria ni ila chuan damdawi ka ei tur ania,i ban chu ana em?" Ka tih chuan alo nui mai a.
"Na lo,i vai thuak ringawt ka tih kha" tih pahin ka ban chu ala kang a.








"I thinrim chhan awm chu ka hria in ka hria. Mahse,tu vang mahin in tina lui tawh lul suh,min hliamtute avanga nat zawm reng nan chuan damchhung hi a reilo lutuk,mahni na insiam nawn mawlh mawlh nan pawh kan taksa hi a hlu. Nangpawh,midangin na an siamsak che chu kan sawi theih a tamlo hle,mahse,i duhthu ngeia na i insiam atan chuan i taksa hi a hlu lutuk,duk khawp khawp phei chuan in tina tawh hauh suh" ka mit taka min melh reng pahin a kut pakhat chuan ka sam ka thamna lai chu a han zen a
"Helai hi ami?" Atih chuan ka bu nghat a.








"Midang vanga i samzai khat tla tur pawh ui rawh,na insiam tawh suh" tih pahin ka in thamna lai na chu tihdam tum ang mai hian a kuttang chuan a chul kual a.







"Ila thinrim em?" Tia ka zawh chuan
"Engvangin?" Ati mai a.
"Ka thusawi vang khan,ipa nen kan inbiakna vel kha" inthiamlo taka ka tih leh chuan
"Engah nge ka thinrim ngawt ang,khatiang vang mai maia thinrim rual ka nih tawhloh hi" tiin min nuih sak a..







"I thinrim loh chuan a that chu,i tawng duh tawh si lova,min haw ta emaw ka tia,min kalsan mai turin ka ngai a" ka tih zawh chuan ka thaw deuh hawk thei.







"Tiang vang mai maiin ka kalsan dawn hleinem che,hei chen ka thleng tawh a,kawng laklawha tawpsan mai atan chuan i uiawm lutuk tlat. Chuvangin,i laka ka rilru put hmang hi ringhlel tawh ngai suh,eng mahin a sawi nghing lovang,i hria em?" Tih pahin min kuah leh a,ka bek chu a fawp vang vang bawk.








"Ka lawm e,ka kianga i awm reng vangin" tia ka kuahlet chuan min kuah nghet sauh a.


"Ka kalsan ngailo ang che,ka lam pana pen khat i rawn pen chuan i lam panin pen sawm ka pen chhuak anga,i kal chak poh leh kei ka tlan thung ang,ka hnaiha i awm tam leh ka hnaih zual zel ang che a,min chelh ngheh poh leh ka thlahthlam ngailo lehzual ang che. I natna te chhawk tura phurrit min siam duh anih pawhin ka awmphaw tichak zual sauhin i lak atanga ka dawn apiang chu lawm takin ka lo pawm zel ang. Chutiang vanga min hlat zawnga i kal anih erawh pawhin ka hlat dawn che tihna a ni chuanglo"

tih paha ka hnung a zut hluau hluau chuan lawm vangin biangah mittui a luanglo theilo. Tiang khawpa hmangaihna leh inpekna ropui hi,Agape hmangaihna aia a duai ka ring bik chuang reng renglo.



______________________________



Kha zawng kha nimai rawh se aw,han tihzawm ka tum viau a,mahse,a laklawh leh vek dawn sia,tah khian tan chhum mai ang🤣🤣🤣.


Marina-i Cousin te khan lo hria ula,zanin ka dah dawnlo aw,naktuk zanah ka dah theih ka ring.



Chuan,naktuk hian dar 9-5 thleng current awmlo tur angin an sawi a. Zuangtui sub station hmangho aniang. Mahse,ka hrechiang chuanglo,kan inleng sawi mai mai ania,alo nih thut takin,in phone te kha lo charge lawk ve ula,bettery low vanga nilenga Zoramthanga anchhia lawh ai chuan🤣🤣 ,a nilo anih tak leh atha nimai a,min chhuahchhal kher suh ang che u🤭😂😂(MNF ka ni tihna ni chuanglo ania😤😂😂)





Lalnuna leh lalmuana te pawhin
"Prevention is better than sure" antih kha🤣😂🤣🤣.




Chawlh nuam leh tha takin inlo hmang theuh dawn nia💜💜💜💜💜💜💜


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)