ERASED BY Krystal Vanchhawng (Completed)

[Ngaia]

ERASED


CHAPTER 1
☆☆☆☆☆☆



DR. SAIHMINGLIANA POV:



Ka phone ri chur chur vangin bathroom atang chuan towel veng chungin ka chhuak a,ka phone ka ban chuan kan department Head alo ni..




A nupui chhungte boral an awm vangin vawiin a lokal thei dawnlo tih a rawn sawi chuan a aiawhin ka buai leh hlek dawn tihna nih chu.





Ka inhruk mawlh mawlh lai chuan kawngkhar a inhawng thut a,
"Uuuu" tih vak pahin ka nau chuan lehlam a hawi vat a,
"Kawngka kik ta che maw le" tih hluk pahin khuma ka thawmhnaw awmho chu ka inthawlh sawk sawk a.





"Lo hawi tawh rawh" ka tih chuan khi vur vur chungin min en a.
"Eng nge?" Tih pahin ka khum tlangah chuan ka thu thla a,ka lam rawn pan pahin
"Ka nu in a be leh dawn che nia,ani chu i hnial thei tawh lovang" atih chuan a ngaihna hrelo takin ka melh ringawt. Min en rei lutuk ngam lovin ka thil hun mawiho chu a khawih kual vel a.






"Mate,ka sawi vek tawh kha" ning aw hreta ka tih chuan ner nawng pahin min rawn en a.
"I upat tawh em kha,miin 'i u saw a expired tep tawhlo maw,nupui a neih hmain a pension mai dawn' te anti thin ania" atih chuan khabe tuai thuak pahin ka nui hawk a. Leh ta mai mai thin hian,ka lan upat vak pawh ka hriat siloh..





"Ka expired pawhin min siamtha leh mai dawn lawm" ka tih liam puat chuan a thil ken lai chu a rawn thlawk fua a,lo man chatlo ila chuan ka hmaiah tak a fuh ang.





"Ka sawi peih tawhlo" tih paha ka tho chiah chu rin ang ngeiin ka nu a rawn lut a,ani pawhin thu ngai bawk a rawn sawi dawn tih ka hre nghal.





"Bawiha" ati chiah Saizami chuan lei min lo chhuah khum zeuh a,ka nu phenah a biru daih lehnghal.
"I nau sawi kha ngaihtuah rawh aw" atih chuan Saizami chu ka melh hrawk a,ka nu phen atangin mi rawn melh kar mai.






"Ka lo ngaihtuah dawn nia,chhuak phawt teh u" tih pahin ka nawr chhuak a. Saizami lah chuan rawn hawilet pahin
"Ka lo hrilh ang,damdawiinah inhmu rawh u aw" ala ti tawk tawk.




Chhan pawh chhang tawhlo chuan ka insiam zawm a. Tukthuan eikham chuan hna kal turin ka chhuak nghal vat.




Ka pa talin nupui nei tura min la nawrlo chu ka lawm,ani alo inrawlh leh phei chuan tilo theilo in min siam ngei ang.





Damdawiin ka thlen chuan dan ngaite in mihring anlo phe leh hut hut tawh a,a then OPD card an la a,a then chu damdawiina awmlai, boruak tha hipa chhuakte anni.





Ka hming vel ka ziah fel hnu chuan Surgery department lamah ka chho nghal a,ka hma viau emaw tih pawh hian damlo zawk hian min lo kal khalh hman teuh thin.





Ka thu fel a,zai tur leh tlema na zual deuhte lehkha vel chu ka en mawlh mawlh a,damlo lo luh hun pawh chuan ka en zo hman chiahlo,chhuna en atan dahin ka damlo ho chu ka en hmasa ta zawk a..





Chhunah chuan ka rin ang ngeiin ka nau thiannu Nurse Awmawmi chuan ka chhuah hun nghak ang deuh in a rawn vei chhen a. Ka pumpelh theilo ang tih mawlh ka hlau.




Min nghak tih ka chian vangin chawlh hun tawh ah pawh damlo chu ka ko zel a,ka bula hnamdang Doctor Ramesh-a chuan alo hrethiam nge,thawh pahin ka darah a rawn beng thak thak a.
"A en reng che nia" tih pahin a nui sun sun a,pawnlam ka va hawi chuan Awmawmi chu alo la ding reng a,a kutah coffee ni awm tak a keng bawk.





Tho vutin ka Pen ken chu ka dahthla a,ka kawr chung chu khai tha in,ka sana chu ka sawi rem hret bawk. Ka thih phah dawn pawh ni hleilo,vawikhat tal chu han bei leh chhin ila,ka hlawhchham leh anih chuan ka beinawn tawh lovang.




"USai,ilo chhuak tawh alaw?" Tih pahin alo nui sen sen a,a hmel hi chu a tha,a nungchang pawh. Mahse....




"Ummm,khawnge i kal?" Tih leh a bula din ka rual a
"Ka lo nghak che a,thil eirual ila?" Atih chuan kan bul vela mite chu ka enkual a,heitak hi ania kan inmilloh na..




"Aw kal ila" tih pahin ka kal hmasa ta zawk a. Kan thil eina hmun kan thlen chuan rin ang ngeiin min melh duh hlawm hle,ngaihsaklo awm tak chuan thutna awl lam chu ka pan a,Awmawmi chuan nuih reng pah hian
"Min va en duh ve,mahse,engah mah ngai suh" ka rilru a awm hrelo tak chuan ala ti tak deuh deuh a.






Kan ei zawh chuan chak fe mai hian ka chhuak nghal a,hah hmel deuha ka hnunga min rawn zui hnek hnektu chu a mawiah ka nghak zeuh zeuh peih chauh a ni.





Ani nen hian kum 4 in kan inthlau a,awmzia chu,kum 32 ani tawh tihna. Doctor ka zirchhuah tirh khan internship kan tihna a inang a,vawikhat kan inah Matei khan a rawn lenpui vangin kan inhria.




A nu leh pate nen thleng kan lo inhriat pawh tawh vang khan kan chhungte chuan inkawp turin min duh hle a,ani pawhin min melh danah khan beisei a nei tih chu ka hria. Mahse,ka ngaihsak lawklo. Internship kan tihlai tho chuan hnamdangbDoctor pakhat keini aia senior hret hian min ngaizawng ta tlat a,kalsan hleih theihloh khawpin min zui peih.





Midang tana mawilo hial khawpin kan inluah ah te khan a rawn kal peih a,ka chenpuite nen anlo inhre tha tho si,hnar ngawt kha nuam chiah heklo. Mizoram a kan haw lahin chawlh hmang tur angin a rawn zin ve a,kan inah lah a rawn chhuang lut ngun khawp. Matei phei kha chuan lo tih fak chang a ngah. Amah hnawhbo nan hrim hrim pawh tiin midang min rawn ang chuan Awmawmi chu ka kawp a. Mahse,ka thei reilo.




Ka sual vang nge ka khirh vang ka hrelova. Mahse,khatih hunlaia ka hmeichhe duh chi a nilo tlat. A naupangchhia em em a,tihnat awlsam tak ani bawk. Chhungte laka la naute em em,engkima chhungte la pur buai thin ani a. Kha kha ka duhlo chhan pakhat anih ka ring.





Keichuan,hmeichhia mahni lu zo veh vawh,engkima 'anu,apa' ti reng ngailo kha ka duh thin a,tun thlenga ka duh pawh ala ni. Kha tleirawl kawlhrawg zet angte kha.




Mahse,Awmawmi kha chuan englai pawhin a chhungte chanchin a sawi reng a,khawilo kalin buaipui angai fal em em bawk a,Matei ai ai pawhin a che naupangchhia thin. Kan inzui ve lai pawh khan ka ngaihdan ka hrilh vek a,Doctor nu hnawhbo nan ka hmang tih pawh a inhria. Mahse,ani chuan ngaihzawng ang tak tak in min ngai a,ka then pawh khan ala na reng. Mahse,hei,tunah chuan a bul atang bawkin kan tan leh anih hi.






Hman ai kha chuan tlema alo puitlin ve deuh tawh hram ka beisei. Hmeichhe buaipui khu chuk tur hian hun ka nei lova,an buaina ho te te ngaithla reng tur pawhin ka hman heklo. Mi zawng zawng hmuh laiin ka Care hman reng lova,ngaihtuahna a kal bing chang leh,damlo ka ngah chang phei chuan tunge ka bulah awm tih ngaihtuah leklova mahni kal kala kal mai chang lah ka ngah.




Mahse,hei,a hmingin tlangval senior chu kan ni ve ta der mai a. Nupui neih lam pawh hnaih ve angai ta. Ka duhthusam ang tak kha ka nghak chhuak zo ang em tih ka hrelo. Mahse,Awmawmi ka neih chuan ka duhthusam ang hmeichhia kha ani ngai dawnlo tih ka hria.





Keiin inlaichinna tlangzarh vak tul ka tihloh laiin,anni ang mizia nei hmeichhia chuan,mipa nen inzawmna an neih pawhin mi zawng zawng hriat an duh a,midang hmuh laia kan inkaih kuah mai te nuam anti thin. Mahse,chutiang let thawk chu ka duhdan a ni lawi si. Ka hmangaih thei ang em ka hrelova,an sawi angin hmangaihna te chu alo piang chawp mai thei bawk.




Mahse,siamchawp leh nawr luih hmangaihna ai chuan,amaha rawn insiam,nawr luih ngai hauhlo,kan duhlo chung pawha rawn lang zual deuh deuh ang tawng tur khan ka la in beisei ve tlat,pian hmang mawina a chuai hnu pawhin a daih rei zawk ka ring fan.






SHARONI POV:


"U,inah lo haw ve tawh la. Anu pawhin a sawi reng zel che nia,tunlai phei chu a hrisello zual a" ka nau Elizabeth-i'n atih chuan a hmel ka en vang vang a,ka khawngaih tho bawk si. Mahse,ka haw theilo a ni.





"Lily,ka theilo alawm" ka ti ringawt a.
"Hmana thil thleng vang khan ami?" Melh pawh min melh tha ngamlova atih chuan a kut ka lo chelh vat a
"Ni hauhlo,hetah hna ka nei a,ka tuina tak a ni bawk. Ina ka rawn haw chuan kalkawng a hlat bakah,ka nu in bansan tura min tih ka hlau alawm. I hriat kha,he dinhmun thleng tura ka beih nasat zia chu" hrethian hram se ti taka ka tih chuan a bu ta nghat nghat a.




Ka nau Lily nen hian kum 8 ngawtin kan inthlau a,nula uaih tawh mah se a rilru ala nau hle. Ani hi ka nu leh pate bulah a awm a,kei erawh chu kum 20 ka tlin dawn kumin ka duhthu ngeiin in atangin ka chhuak a. Ka chhuak tih awmzia chu phaiah lehkha zir turin ka kal a,chuta tang chuan tun thlengin in ka la luah hrang char char a,ka chhungte chu ka tlawh zeuh zeuh ringawt.




Tunah hian ka in luahna chhak lawka Aizawl Synod College ah ka thawk a(ka phuahchawp aw,kohhran college hman ka duh sia,tuna awm sa hi chu ka hmang ngam hrihlo),he hna hi ka nih chakber nilo mah se,ka tui em em a. A nghet la nilo mah ila,ka ngheh ve thuai theih ka beisei bawk....




A chang chuan ka ngaihtuah thin,kohhran college ah ka thawk a,Education subject ka zirtir thin bawk. Mahse,he hna nen hian kan inhmeh reng em,he hna thawk tur hian ka nun hian a zir em,he hna nei tura ka beihna kawng en khan he hna hi ka chan tur tak a ni reng em????






Kawngkhar kiktu an awm vang chuan ka tho vat a,ka hawn chuan inchung tlangval alo ni a. Plate a eng emaw keng chungin inchhung lam chu a rawn melh zuk zuk a.
"Kha,ipi in zuk pe rawh ati" tih pahin a thil ken chu min hnawn a.





Ka in luahna neitute fapa ani a,anu hi ka bulah chuan a nu duh hauhlo,'ipi' ati deuh tlat zel. Anu pawhin a hau zing,mahse,amah hi thawveng,veng vak silo kan tih ang deuh kha ania,a ler mai bakah a sual ve hle bawk. Ka insawn tirh pawh khan a nghal hi ka ti mai mai khawp a,tlangval in nula an rim ang tak tak hian a thiante nen an rawn leng a,an rawn inla zei vel lutuk. Mahse,a hnuah an zirtirtu ka ni tih an hre leh a,college a an class ka la chiah chu dawhkan an bawh rawk rawk mai.





A thiante chu an zak hle a,zah deuhin,zirtirtu ang tak takin min bia a. Ani ve thung hi chuan ka inah min rawn kal chilh in an zirtirtu ka ni tih ka hrilhlo chu ala rawn vui zawk. Mahse,a tha ve hrim hrim,tihian a tlangnel ve phah a,a fawr peih lutuk tih sim nan anu hian ka inah a rawn len luihtir bawk thin.






"Plate hi i hawn leh nghal dawn nia" ka tih chuan hnunglam a hawi zuk zuk a. Plate ka va sil zawh chuan hmanhmawh fe hian a ban thut a,a kal chho ka en chuan an in piah Sintex phenah chuan a bialnu ni ngei tur hian alo nghak chu niin.






A han thleng chu engkhaw sawi set set lovin Sintex phenah chuan an han in fawp leh ngawt a,an in chul ang thuak thuak lehnghal.





Ka ina rawn kal tura chhuak si,a rei zek a,anu chu a țek tha leh mai mai tawh ang chu ka tih mek laiin an in lam atang chuan anu chuan vin zetin
"Scott Vanthahlu" ati tuar a,ani lah chu a bialnu nen anla in ei tui bawk si,ka awmhmun atang chuan thlir in ka lo nuih char char a.





"Vanțhahlu" anu in atih leh thak chuan Scott-a chuan a bialnu chu nem sawn deuh dawrhin
"Vawkchaw ka pe" ati hluk a,bialnu chu a fawh zawm lehnghal. Anu chuan a awihlo teh ang chu
"Rawn chho nghal rawh,khatah vawk 1 mah a awmlo,ka hmu reng che nia" anu in atih leh chuan an inthlah ve ta chauh.





A bialnu chu biak pawh be tawh chuanglo chuan a kalsan ta daih a,phun bul bul chungin an in lamah chuan a chhova. A kal pahin an plate khan anu dinna lam chu a tin uaih uiah lehnghal. A bialnu pawh chuan Scott-a chu a enzui tawh biklo,a inher a,a kal nal nal.





Zanah chuan inbual turin bathroom lam ka pan a,khua vawt viau mah se zana inbual hi ka tihthan a ni tlat. Ka inbual zawh chuan lotion vel ka inchulh nghal vek a. Mahse,ka awmbawr vel ka chul lai chuan eng emaw pial relh relh hi ka tawk fu ta tlat mai a.





Ka hmaah darthlalang ah chuan phawk lutuk in ka in en a,ka thil khawih lai chu ka khawih nawn leh,mahse,ala bo chuanglo. Chiang takin ka hnute ah hian bawk a awm tih ka hre thei. Mahse,engtin,tereuhtê pawh a nilo,artui tiat zet a ni tawh. Engtin nge ka hriat ngai miahloh theih.





Mak ka ti lutuk chu engdang ka tihzawm thei tawhlo,a dang te chu ka dap kual a,a dinglamah chuan a awm ve lo,mahse, veilamah hian hmun 2 laiah ka tawk fu ta.




Engtin nge ni ang,Cancer te lo ni ta se,fa ka nei thei dawnlo tihna mi,ka hnute tui te hi lo thianghlimlo ta se. Chu zawhna ringawt chu ka rilru ah a awm a,mahse,a chhanna ka nei theilo. Ka rin anga Cancer alo nih vaih chuan ka tum angin ka awm theilo tawp ang..





Ka hun kal tawh ka ngaihtuah let leh a,ka fimkhurloh vang a ni thei ang em. Ka tihsual tawhte khan min la rawn um zui reng tihna em ni ang.






Zanah pawh chuan rilru hah luatah ka mu thei lawk lova,ka ngaihtuah ngai char char ka ngaihtuah a,zawhna ngai,chhanna ka hriat siloh bawk ka inzawt nawn chhen.





Zingah chuan college kal turin ka insiam sawk sawk a,class ka neihloh awllai in Civil lamah ka tlan chho zawk mai ang ka ti rilru ta a.





College ka thlen chuan naupang za rual fe anlo zi leh mum mum tawh a. Inchung tlangval Scott Vanthahlua pawh nula alo chhaih leh zuk zuk mai.





Parking hmuna ka scooty ka dah tur chiah chu Car dum pakhat hi chak fe in a rawn tawlh lut zawk a,ka brake tuarh nghe nghe.




A chhung atang chuan kan college zirlai ni ngei tur hmeichhia,la tleirawl hmel fe 1 hi alo chhuak tharh a,keia lo tlu tep chu min melh zawkin thawven hmel fe hian a bag then lauh lauh pahin a kal nghal daih a. Thupha rawn chawi nachang pawh chu a hrelo anih hmel,an zirtirtu ka ni tih pawh a hrelo aniang.





Ka scooty ka hun that mawlh mawlh lai chuan chu Car chu a tawlh chhuak leh a,passenger seat lam atang chuan hmeichhe 1,nurse uniform ha hi nui sang chunga rawn dak chhuak in min melh kiau a
"Kan tihpalh lutuk,damdawiin lama let leh tur kan nia,kan lo hmanhmawh deuh a" a ti ta a.





Inher a ka enchian chuan a sirah mi pakhat,steering chelh paha a ban thisen zam pawng deuh țulh chu ka hmu thei a,sana dum nalh zet a bun bawk.






Ka helmet phelh pah chuan
"Pawilo,engmah buaina awmloh kha" tih pahin ka inher leh mai a,anni pawh chu an tlanchhuak zui nghal anih hmel.




Parking atanga ka chhuak tur inher chiah chuan college hela an tlan chu ka va hmu fuh ve leh a,a khalhtupa chuan a steering her pahin ka dinna lam a rawn hawi a,a bula thu nu chuan kut vai kual meuhin a be mial mial bawk.





College building kawt kawng kawia an kual dawn laitak chuan a sir zawngin an lang ta a. A khaltu hmel chu ka hmu chiang ve ta deuh. Mipa langsar luah mai tarmit vuah,khabe hmul to siar siar,steering her kual paha ka lam lo hawi run nen chuan mit takah kan in melh ta siah mai a.






Chutia mit leh mit a han intawng chiah chu a thle deuh zawk a,an hmaa gate chu a su dawt tep nghe nghe. Keipawh chuan ka hre ngai a zeng pawh nilo chuan ka en zui ve reng a,min en bik em chu ka hrelo. Mahse,ka dinna lam a rawn hawi pah reng vang chuan ka lo melh ve char char tho,an tlan chhuah dawn chiah chuan eng emaw sawia phun sup pahin hmalam chu a melh ta a.
Mahse,an liam dawn chuan kun hniam zuk pahin darthlalang atang min la rawn melh zawk tho.






Amak hle mai,tunlai hi thilmak pui pui ka tawng reng. Hmanni ah lah ka inluah lehlam chiah luah ve tu Pathlawi nen min lo sawi zawm ringawt tawh bawk. An han fel pafa tehlul nen,engti tiha mi hian min lo sawi zawm ngawt nge annih pawh ka hrelo,ani phei chu annu nen inhruai an hnaih viau tawh lehnghal.

[Ngaia]

ERASED


CHAPTER 2
☆☆☆☆☆☆


SHARONI POV:



Civil lamah ka inentir ang chu tih laiin,ka zirlai naupang 1 a chesual leh hlauh mai a,kan buaipui chhung chuan alo tlai duai tawh a,card la chawp tur ka nih vangin naktuk lamah tha tharin ka tum leh ta mai a.






College atanga ka haw hmain ka nu in min lo call a,la ta mailo chuan ka melh vang vang a,Lily khan thil sawi alo nei em maw ni..





"Aw,nu" tih pahin ka dawhkan vela thil awmho chu ka rem tha mawlh mawlh a.
"Mate,ilo va leng khat ve. Min lo tlawh kawi la" atih chuan
"Aw,ka lokal ang. Ei chak te i nei em?" Tiin ka zawt let a.
"Nei love,engmah a ngailo. Ipa pawh alo thleng tep tawh ang,lo kawi ngei ngei la aw" atih chuan
"Ummmm" tih pahin ka dah ta a.






Nu leh pate ina kal tur e tilo chuan ka phur fahranlo hle. Muangchângin ka chhuak a,an inkawt ka thlen pawh chuan lut mai lovin ka'n ding leh deuh vang vang a.





"Nu" tih paha ka luh chuan ka beiseiloh tawpin Nutei Siami alo thu kur a,ka beiseiloh lam ai mah chuan kan chhungte zinga ka hmuh peihlo ber ani.





"Khawnge Ka nu?" Tih paha dawhkan lam ka pan chuan a bawp khaw kherh that pahin
"Ipa nen an pindan lamah an lut lawk anih kha. Eng nge,i hnathawh te chu?" A titha ve mai a.





"A tha,a nuam" tih hap pahin ka thu a.
"I chin thalo deuh deuhte kha sim la,a tha lehzual ang" atih kher chuan ka chhang hrep dawn emaw ka ti hman tep,mahse,Lily lo lut ka hmuh vang chuan ngawih ka chuh leh ta zawk a.






"Ilo haw alaw?" Tih paha Lily ka lo biak lai chuan Nutei chuan a phone phawrhin a hmet mial mial a. Elizabeth-i chuan Nutei lam melh zawk pahin
"A sual alo chhuah leh pek em?" A rawn ti sa sa a. Lu thin pahin ka lo nuih mai a,ani pawh rawn thut pahin an Coaching kal chanchin eng enge maw te a sawi a,a thusawi ngaithla reng mah ila kan piaha Nutei awmdan chu ka en daih thung.







Rei vaklo ah chuan ka nu leh pate an rawn chhuak phei ve a,ka nu in ka hmel a hmu chiah chu a hmeleh hlimna ka hmu chawpchilh nghal mai. Ka pa pawhin ka nu hnunga kal chungin keini thutna lam chu a rawn melh ve a.





Ka hnathawh chungchangte min zawt a,ka theih tawpin sawi nawm ka tum a. Ka rin ang ngei ngeiin kan sawi thui hnu chuan an 3 in an țan rawn a,in pui a awm ve tawh turin min sawm leh. Ka hnial char char a,a tawpah phei chuan ka nu ber chu a thinrim titih deuh a,mahse,thinrim lutuk chu a nilo.








"Helaiah chhungte awm reng a,eng nge khulai veng mawngah khuan i hmuh bik ni,i rawn haw duh miahloh. Nge,rawn haw hreh chhan i nei ami?" Atih chuan chhan mai dan tur ka haihchham hle,Elizabeth-i chu lo inrawlh vatin
"Nu,an college nen a inhnaih atih kha" tih pahin min rawn melh zeuh a,hetiang kan sawi apianga hrehawm tihna alo nei hi ka duh hauhlo.








"Ni e,a awlsam chuan a tha zawk alawm" ka pa pawh chuan alo ti ve a. Ka nu tawng a tum leh laitak chuan ka hlauh ang nge nge in Nute Siami chuan min rawn melh pahin
"Inluah pui tha deuhte hi i nei a ni lo maw?" Fiamthu titak deuh si hian alo ti a.






Ani hi chu ka Nutei ani na vang vangin ka ngainalo thlawt. An bula ka chen ve chhung reilotê khan a laka ka rilru put hmang thlak turin a che nasa lutuk a,ka pawh tum angin ka pawh thei tawhlo.
"Nei love,hna kalna a hnai a" ka tih chuan Elizabeth-i chu alo ner nang a. Ani pawh hian kan Nutei neihchhun hi a ngaina vaklo a ni.






"Hmanni khan eng emaw an sawi ka hre tlat,Pathlawi tharlam deuh an awm aniang" atih leh kher chuan ka chhang hrep dawn zawk em maw ni.




Ka nu te chuan a ngaihna hriatloh hmel zetin min melh a,eng ang pawhin awm ila ka nu hi chuan min ringhlel dawnlo tih ka hria,rinhlelh awm turin ka awm ngailo miau a.





Ka ngaihdan nilo lutuk hi sawi ngaihna pawh ka hrelo,thaw deuh halh pahin Nutei lam chu ka hawi a,chhan ka tum laitak chuan kan lam pana Patea lo lut ka hmu thut a,engmah sawilo in thinrim ru angreng tak chuan ka thu tha ta zawk a.







"Ramsang,ilo kal ve hman a ni maw?" Tih pahin ka nu leh pate chuan alo be vat a. Kan thutna lam rawn melh pahin
"Aw,hman ve anih hi. Sharoni pawh ilo kal a" tih pahin min kalpel thuak a,Nutei chuan awmze nei zeta min rawn melh pahin a pasal chu alo kuah that a.







"Chaw in ei ve nghal dawn nia,hei,Matei pawh alo leng a" tih pahin ka nu chu a tho ta a,midang pawh Choka lamah an kal a,Nutei leh kei chauh kan awm tawh.






"Hei en la,hmanni khan i Patea min lei anih hi" tih pahin a silver thi awrhlai chu a rawn tilang a. Lo nuih luih sak pah chuan
"Ava nalh ve" ka ti mai a. A thi chu han pawh kual vel pahin
"Nia,a to teh ania. Bawihtei te pawh cycle te kan lei thar sak a. Lo phei ve la" atih leh chuan a thusawi leh a hmel a inremlo hle. .






"Nia,nakinah ka lo kal dawn nia" ka ti leh tawp a. A chhan pawh ka kal dawnloh vang a ni,ka kal dawnlo hi a ni tawp. An in atang sawn hlimna pakhat mah ka chhawm chhuak lo.






"Nia,i hman remchan hunah lokal teh. Kan in pawh kan sa tha deuh a. Mahse" tih pahin a ner nawng a
"I khum hman thin kha chu kan la dah reng. Kha kha chu,i hman thiam kha niin ka hria a. I lokal leh hunah tah bawk khan i mu leh ang chu,khum dang ti țawp lovin" atih chuan ka ter at a,thawh zawk pahin





"Nute,tiang kha i sawi chhuak zen dawn anih chuan in hmel hmuh pawh hi ka peih tawhlo ania. Ka lo che mawilo deuh min man kha chu ka hrethiam,ka thiamloh pawh a ni. Mahse,tinge Patea nen hian min sawi zawm phet i tum?" Ka tih thak chuan a rawn ding ve hluai a.






"Ka sawi zawm lo che u. Nang hian i Patea laka i rilru put hmang kha ka hrelo emaw itia mi. Naupangte ni siin i Nutei pasal kha ilo ngaih melh ania. Chutah,i thil chin than thalo tak nen" ten hmel zeta min melh pahin a kuangkuah a. Sawi tur pawh ka hre tawhlo.







Ka chetchhiat vawikhat a rawn hmuh fuh vang khan sual viau turah leh,a pasal ngaih melh turah min ngai tlat anih chu. Ka insawifiah nasat poh leh ka chet dikloh min lo man tum kha a sawi ziah a,ka in sawifel thei meuhlo.





"Eng nge a. Eng nge Siami?" Tih pahin Patea chu a rawn phei a,keini lo in melh si khaw chu alo hrethiam a ni ngei ang.






"Eng ni love,Ramdinpuii hi awmdan mawi ka lo zirtir maw le" tih pahin a thu hmak a. Patea'n a ngaihna hriatloh hmel zeta min en chuan engmah sawifiah tum lovin ka thu hnawk a.







"Eng buaina nge in neih leh tak a?" Tih pahin Patea chuan min zawt nawn leh a,zep buai ka peih tawhlo,annu hian a sawichhuak peih em a,duh leh hre rawh se.






"In bula ka chenlai chanchin alo sawi a,nangma chungchang pawh" ka tih chuan a manthiam nghal mai a,Nutei chuan tur zet hian min lo melh hrawk bawk.






Patea tihngaihna hrelo chu a police uniform kekawr kawnghren sawi chhin pahin Nutei thu chu a en a
"Hmanlai thil kha i sawichhuak leh anih chuan a thalo ang ka tih kha. Min ring zo lo anih chuan tawpna siam ka hrehlo tih ka sawi lovem ni. I ngaihtuana thalo vanga i vahnu i tihbuai reng hi sim ang che" a tihkhum deuh hrawk chuan kun chhal chungin a thu reng a,engmah sawi a tum tawhlo a ni ngei ang..





A tana tha turin a pasal in thu tha a hrilh a,a rilru kawih luatah tuna mi pawh hi keimah zawk min chhan vangah ala ngai thovang chu.





"I hria em Siami?" Atih leh deuh hrawk chuan a hmaa mi chuan kan pahnih in min melh zawk a,chhang ta lo chuan a thu ngawi leh reng. Luhlul leh sual ve ngar ngat tak chu ani.





"Eng nge a?" Tih paha ka pa te lo kal chuan mak antih hmel hle a.
"Eng ni love,thil kan lo inzawt mai mai alawm" tih pahin Nutei chuan anpa chu a signal zeuh a. Putea chu thinrim hmel deuha rawn inher thut in
"Chaw chu ka lo ei ve lo mai ang. Hna lamah ka let leh angai thut,nidangah nimai rawh se" tih pahin chhanna pawh nghaklo chuan a chhuak vut a.






Ka nu chuan keini lam rawn en pahin
"Buaina inlo nei ami?" Ati ha a.
"Ka hrelo" tih liam puat pahin ka tho hmak a,Elizabeth-i pindan lam ka pan san ta daih. Engtin tak lo in sawi fel leh ang maw.






Ka rin ang ngei ngeiin chawei kan siam lai chuan ka nu hian min rawn hrilh ru sa sa a
"I nutei te chu anpa nen khan anlo inkhak deuh aniang,a buaithlak. Siami pawh hi anpa a ringhlel reng a" atih chuan ka nui hak a.





A u bulah chuan midang nen a rinhlelh vanga inhau angah alo insawi leh then tawh anih chu. A tha ve reng reng e,engmah lovah ka chhungte tihbuai angailo tihna a nimai.






Ka in ka thlen leh meuh chuan ka chau hle a. Naupang internal test a hun leh tep tawh vangin kan buai zual a,question siam leh an portion enfel ngai a awm nual bawk nen,tunlai chu buai ana hle..






Khuma ka bawkkhup chiah chu ka bâwk kha ka hrechhuak leh zawk a. Alo bo tawh mial takah tiin beiseina sangtak nen ka han dap nawn leh a,mahse,angaite bawkin alo ruh leh țelh tawh.






Ka nu kha ka zawt ang ka tia,mahse,khatiang han zawhna hun kha a awm ta lo. Bakah,Nute Siami kha a awm ve reng a,a hriat laia ka zawh chuan thil nilo lo te alo sawi zui leh anga,a buaithlak zo leh vek ang.





Zingah chhuak tura ka insiam lai chuan inhau thawm ang deuh hi ka hria a,ka thenawmte emaw tiin pawnah ka va chhuak a. Mahse,anni nilovin kan in neitute zawk alo nia,Scott-a an hauh rawn leh tawh pawh a ni mah na.





College kal tura ka chhuak tur chiah chu ka thenawmpa,Pathlawi leh a fanu chu an rawn inkai chhuak a. Ani ngei hi a ni miin min lo sawi zawm ve ringawt chu.





"I chhuak tawh dawn alaw?" Tih pahin a fanu chu a kai a,a fanu pawh chuan min melh kiau mai.
"Aw. School ah i thlah dawn ami?" Tih paha ka melh zawk chuan keimah ang thovin min melh tha ngam bik miahlo.





"Aw,anih hi" tih pahin a nui suk a. Kan inkar pawh a chhe zo vek. Inngaizawng thanin kan thang a,annu nen an inthen chhan ang hialah te min lo puh tawk lah bo lo.





An rawn awmna pawh ala rei vak lo,an fel pafa em em a,a fanu phei hi chu college kalloh ni chuan ka bulah a rawn awm ve ren rawn thin. Apa pawh hi pa fel leh naupang ngaihsak tak ani bawk.





Ka awmna veng lamah chuan kan thang teh vak lova,annu te veng lamah zawk kan lo va darh chiam a ni awm e. An pafa hian a nupui chhuahsan in,kei min rawn luhkhung ta ah an chhuah a,bang inpin dan mai kan nih vang leh,a fanu ka lo awm ve zeuh zeuh vang pawh hian an sawi nasa lehzual.





An sawi fe hnuah chauh ka lo hria a,ka hriat theih chhan pawh kan in luahna nu kâ atangin a ni. Ani hian min hrechiang ve thawkhat a,Sangsangi nu te veng lamah hmelhriat a ngah a,anni sawi chu alo hria a ni awm e. An sawi tirh phei kha chuan thinrim en ah pawh ka en lo,ka nuih aza zawk.





Mahse,khawlaia a nupui chhungte ni awm tak nen kan intawh tumin,
'Heihi maw,UMami a kalsan chhan chu' tiin deuhsawh takin min sawi zui a,tah chiah khan ka la thutak ve tan a. Sangsangi pa pawhin thupha a rawn chawi nghe nghe. Khata tang khan a fanu pawh a rawn leng tawh ngailova,amah nen pawh kan inbe lutuk tawhlo. Zawi zawiin thu thang pawh a reh chho ve zel a,kan vengah a darh hmanlo hloh chu a zia viau.






College ah chuan 1st period ka la a,Principal hnenah ka in report a,chawhnu lamah class ka la neih vangin ka thlen leh hman ka beisei.




Civil ah inentir tur chuan ka kal ta ngei a. OPD card lakna ah pawh anlo la zi hut hut mai,tamtak chu anni tawhlo. Mahse,nghah rei a ngaih hmel.






Card te chu ka la fel a,ka panna tur lam ka'n hrelo nghal pang a. Building luh dawn a Security ka zawh chuan chhawng hnihna anih thu min hrilh a,lawmthu hrilh in chhawng hnihna lam chu ka pan chho nghal.





OPD card lakna a ka mihring hmuh kha chu nepte,Surgery department kawtah chuan thutthleng khat tlatin anlo thu hmur mai a,ka han phei ve chu min lo melh duh phian lehnghal.





Pawna hming ziaktu nu hnenah ka hming ziah pahin Card chu ka pe a
"Tah sawn lo va thu ve mai rawh,ila hla ang. An tam riau" atih chuan a chhung lam ka melh zeuh a,a chhungah pawh an thu khat tlat tho.






Darkar 1 dawn ka nghah hnu chuan ka hun a thleng ve tep tawh a,kan thutna pawh kan sawn phei ve hret hret. Pindan chhunga YMA thutthleng an siamah chuan 5 vel kan thu a. Ka zam deuh tlat nia,zam tur ka nilo,mahse,ka zam tho si.






A chhungah chuan Doctor 5 anlo thu a,ka piah chiahah chuan Hnam dang Doctor hi alo thu bawk,ka va hawi phei lai chuan a tarmit chhan atangin min lo melh kuau lehnghal. Amah ber saw ka rawn fuh ang tih ka hlau hle. Ka sual vang lam pawh a nilo,biak an har bakah,tawng an thiam chiang si lova,ka tum ang ka sawi theihloh ka hlau deuh mai a ni.






Ka hlauh ang nge nge in Vai Doctor chuan ka hming chu âwn fe mai hian a rawn lam a
"Sharawnyyy" tia a thluk duai chuan a bul chiaha Doctor,lehkha en mawlh mawlh pa chu a khabe hmul tuai zauh pahin alo khi suk a. Midang ka enkual chuan phone khawih pahin anlo thu nui vur vur hlawm a.






"Nangmah khawilai nge na?" Pai deuh hleka atih chuan sawi ka phur teh fahranlo hle. Hnamdang anih leh nihloh vang lam pawh a nilo,hmeichhia ni mah ila hetiang han sawi phawng phawng hi a nuam bik chiahlo.






Tha takin ka bawk awmna te chu ka hrilh a,enchiang turin pindan hrangah chuan min luhpui a,hmelhriatloh hmaa han inphelh kung kung chu ka zak ve deuh tho bawk sia,a tul bawk si. Ka rilru thlakin ka let leh daih mai zawk dawn em maw ni,chu erawh a chi chiah tawh silova.





Ka huphurh ang hu in alo hrehawm zawk zawk lova,ka bâwk vel a han tawh pawh chuan nuamlo tihna ka nei vaklo,sawi tur chin leh awmdan tawk a thiam vang pawh a ni mahna.






A en zo kan chhuak chiah chu pindan chhunga mit zawng zawng chu kei leh Doctor pa chungah chuan a fu a,makti zeta ka hawikual chuan khuh kharh kharh pahin an hawisawn leh vek. An HOD thlengin min lo en thup nia.





Pindan chhungah khan eng emaw kan va tih an ring nge,hmuhnawm min ti ve hrim hrim. Ka awm te pawh anti nuamlo rum rum,kan hnung lawka hmeichhe lo lut te kha en thup chu sawiloh,chhetê pawhin anlo melh tawp si lo.





Ngaih tha fahranlo chuan Doctor dawhkan hmaah chuan ka thu leh ta ran a,ka thu chiah chu boruak te hi a uap nghal churh ni maiin ka hria. Ka thu ngil hlei thei derlo,ka hnung lamah hian min lo en thup leh pek em maw ni,min ti confi lo zo vek.





Doctor chuan FNAC test ti turin min rawn a,vawiinah chuan an inkhar a rin tawh vangin naktuka test a,a tukleh lamah result lam paha amah hmuh leh turin lehkha chu a ziak fel ta a. A sawi zawng ringawt pawh hian ka tah a tichhuak thei,heihi ania Civil a inentir buaithlak na chu,kal kawi reng angai a,hna hnih kan insiam a ni ringawt. Mahse,pawisa sen tlemna alo ni ve bawk si.





A kawng ala thui hmel si,ka huphurh angreng. Naupang internal test a hun tep tawh bawk nen,buai chuan min hrawm na deuh dawn anih hi.






Pindan ka chhuahsan dawn chuan awmze neilo takin ka han hawilet leh zawk a,Doctor pakhat,nichina lo nui khi suk suk pa khan ka chhuak lai chu min lo en kur a,ka hawilet leh thut vang nge a lehkha chu a bih zawm leh mai a,a chet thutna lamah a pen ken chu a thlauh ri bawl a,phun deuh hluk pahin a kun hniam țuih țuih a,a pen tla chu a zu chhar ta a.





A chetdan țial țualah chuan nupui nei tawh te pawh a ang,ala neihloh pawhin a upa fe tawh ang. Pension mai thei hmel te pawh a pu in ka hria.






A rawn hawichhuah chuan keia lo ding reng chu min melh zawk a,mak ati deuh nge amit ko a san ûk a,keipawh chuan a chelai ka lo en reng tih ka in hrechhuak chiah,lu thin mat mat pahin ka inher ta a. Ka inher tur chuan nui deuh suk a,a Pen kena a chal khawng kerh kerh chu ka hmu hman.






Step a chhuk pah chuan ka nui ka nui a,nurse pakhat ka sut pawp vangin ka harhchhuak thut a,khatiang ngaihtuah hman ka nilo. Tleirawl pawh ka ni lova,vawikhat in nuih vang mai maia lai rual pawh ka nihloh hi maw. Zirlai naupang question siam tur ngah nen,keima tawkah buaina ka ngah thawkhat viau.


Show post links
Top

[Ngaia]

ERASED

CHAPTER 3
☆☆☆☆☆☆


DR. SAIA POV:


A chhuak chiah chu ka thutna atangin ka tho zawk a. Ramesh-a dawhkan chu ka pan phei vut bawk.
"Khawimaw?" Tih pahin a chair pakhat zawkah chuan ka thu sauh sauh a.






"Khawnge tuna mi nu file kha?" Ka tih chuan a tarmit chhan atangin min melh kuau a,
"Tuna hnute rawn entir tu che kha" ka tih pawp takah chuan
"Keimah engmah hrelo,amah file chu keng daih lawm" tih pahin a kut chu a vai a.





Phun hluk pahin ka thova,ka sam chu tuai pawk pahin ka dawhkan lam chu ka va pan leh a.




A ni dawn tak alawm,a file chu amah khan a keng let tak,rawn inentir thar chauh anih vangin OPD lehkha bak ala neilo.





Amah kha ani em?
Kha khuaa hmeichhe tleirawl kawl hrawng zet kha.
Kum tam vei tawh mah se,a hmelah khan kha naupang hmel kha ka hmu tlat.





Naupang ka ti vei rawk a,kei aia a naupan em em chhan tur ka hre chuanglo. An khuaa kan kallai khan a te reuh hle a. Mahse,a tawngkam chhuak leh chezia zawng zawng chu kei ai mahin a puitling vek. A chhip atanga a ke ler thleng khan diklo leh kimlo a awm lova,a tawng mawh tih mai a ni.





Nilengin amah ringawt chu ka rilru ah a awm a,in zai ni a nilo hloh a,a zia viau. Nilo se chu,thildang ngaihtuah nei reng chung chuan ka zai turte ka zai tha thei hauhlo ang.




Tlaia ka haw dawn chuan parking lam ka pan thla a,ka Car bula Awmawmi lo ding reng ka hmuh chuan ka sana ka lek vut a,a haw a hun daih tawh sia,min lo la nghak hram em maw ni. Hmeichhe ho zet hi chu,an duh an neih theihna nih chuan hmeichhia anni tih pawh a hriat tawh ngailoh.






"Ilo thleng tawh maw. Saii khan lo leng kawi rawh atia,ka lo nghak ve tawp che" tih pahin ka banah a rawn kuah rawk a,ipte zen run pah chuan ka thaw hawk a. Engmah sawi fel awm hma hma a min pak huam hi chuan ka tei thei derlo. Tunah pawh ka ning leh tan mai dawn.






"Khawimaw,lokal rawh" tih pahin min kuahna chu ka phelh a,motor lam ka pan san nghal nul nul a,thinrim chuanglovin ka hnungah chuan min lo zui ve det det tho.





Motor bul kan thlen chuan a beisei ka hre reng,a beisei vang tal pawhin ka ti lovang. Kut a nei ve reng alawm. Inla Korean lutuk a kawngkhar hawnsak thlap turin hun ka ngah love.






Min melh reng chu haider luiin driver seat lam chu ka hawng rawk a,a dinna lam pawh chu en tawh lovin ka thu lut daih a. Ka chahbi lakchhuah theihghilh chu thei leh thei lovin thu chung chuan ka phawrh leh a.






"Ilo lut dawn nge ka kal dawn?" Lo lut mai lova a din reng vang chuan ka zawt ta nge nge a,che hratin a rawn thu lut ve ta a. Rilru a vei dang neih nen,hmeichhe dawm chawp ngai lutuk ka buaipui hmanlo chu a ni e.







Ngawi rengin ka khalh mawp mawp a,sawi duh nei ang maiin min melh zeuh zeuh a,eng emaw sawi tum anga a lan apiangin ka thaw hawlh a,lehlam hawiin a thu leh hle hle thin.





Kan inkawta ka din chuan a seatbelt phelh pahin min rawn melh a.
"Enteh" atih chuan ka hawi vut a,nuih luih sak pahin
"Ka en" ka tih chuan a then deuh sak a.
"Min ning ami?" Tih paha min melh kiau chuan chhan dan tur a vang hle.







"Ka nin turin i awm em?" Tih paha chahbi ka phawi chuan thaw huai hmel hi a pu. Enga mah hmaa han hnar dawt chu ka hreh deuh si. Khanu tereuh kha,kha tleirawl kha alo nih si chuan Awmawmi ai hian ka rilru ala luah dawn tih ka hrechiang bawk.




Ka rilru an tibuai zo. Ka bula thu nu hi han hnar leh ngawt dawnin nimin lawkah bul tan leh ang chauh kan ni a,chhungte hmai zah pawh ana dawn.






"Lut ila" tih paha ka chhuah chuan phur hmel fe hian a chhuk tharh a. Inkawtah Saizami alo vei thuak thuak a. Keini inzui lut min hmuh chuan khap hmanlohvin ka nu a au ta vat a.






"Saizampui" ka tih hluk chuan engmah hrelo ang maiin ka bula mi chu a rawn pan a,an insik hma hma chuan inkuah tumin an phar a,a kuma kum inhmu tawhlo ang maia an han awm vel chu an nuihzatthlak lehling zawk.






"Inlo haw tawh maw. Awmawmi pawh chaw ei nghal rawh aw" ka nu in alo tih chuan a lama ban va phar zauh pahin inchung lam ka pan nghal a. Step a ka chhoh lai chuan Saizami bawk chuan
"U,lo chhuk leh har suh aw,Awmawmi a awm hi" atih chu hria ang pawhin ka awm zui tawhlo. Ka rilru ah thil 1 chauh a leng hrih,chu chu kha nu kha a ni.






Naktukah register bu kha en ka dil anga,a hming chiah hre tawhlo mah ila,ka tin zawn thiam maiin ka ring. Amah vang reuh khan ka duhtui a,amah vang bawkin hmeichhe laka phut ka ngah bawk.






Awmawmi chuan chaw alo ei ngei a. Ka nu leh ka nau chuan chaw te chu an barh lo chauh tih mai turin an be tha a,chawei chhung an tawng char char a. Kei,ka pa nen kan ei mawlh mawlh a,ka pa in a chaw a bar zawh chuan ngawi rengin a thova,keipawh chuan ka zui ve nghal.





Ka nu in kan chhuah dawna
"An inchhun pafa lutuk anih kha,ngaiah ila nei ve mai ang. Apa phei chu Saihminga aiin ala tawng mawh zawk ania" atih ri chu ka hre phak a. Ka pa pawh chuan a hre pha ve thovin ka hria.






Chawei kham chuan sitting room ah thingpui sen hang in pahin kan thu khawm a,ka pa chuan a thingpui no dawhkana nghah pahin Awmawmi lam chu ava hawi a
"Awmi,inu te chu an tha maw?" Atih chuan Awmawmi chu ka melh reng a,chutia ka pa in a be ta chu lawm hmel takin a nui sen sen a.







"An tha e,ka pa pawh a tha lutuk. An sawi reng che u a,lo leng ve vat rawh u" atih duah chuan ka pa chu a bu nghut nghut a. Saizami leh Awmawmi chu an mipa star in a bia ang mai hian an awm a,in hrilh ruk pahin an nui khek khek reng a. Saw tak saw ania ka mit tikham thin pakhat chu,nula thankin uaih tawh si,an che naupang chhia tlat hi.






Ka nu leh pate hian an sawi thin,naupang ber chu duat tur anti a,dimdawih pawh an dimdawih reng. Mahse,ka ti ve tlat. Naupang ber annih vanga duat khu chuk an ngaihna hi ka hrelo,nau te annih angin kan duat ang chu. A huna puitling theilo khawp khawpa kan duat chuan mi inah va mo se,engtin nge an awm ang. Saizami pawh ka duat,mahse,ka zia a hrechiang a,ka nu leh pate bula a awm no ang hian ka bulah pangchang takin a thle no kual vel ngailo. Chu chu ka duhdan a ni bawk.





Hmeichhia annih phei chuan mihran hlak ina va mo tur anni a,an vannei viau anihloh phei chuan an va hrawna te an khirh viau thei. Eng emaw hleka nu leh pate pun rengte hi ka ngaihdan a nilo. Saizami pawh engkimah ka pui ngailo,'Mate' tih pawh hian mi bulah ka ko ngai heklo.






A tleirawl chhuah hnuah pawh,admission ti dawn se,ka nu a nihloh leh kei min tibuai anga,Class 11 anih dawn atang kha chuan tuma'n buaipui loh tur tiin ka hrilh a,ka nu kha chuan buaipui ala tum talh a. Mahse,ka pa pawhin min thlawp tlat vangin tun thlengin a school luhna ah kan buaipui tawhlo,uniform leh eng ilo vel buaipui pawhin an thiante nen an kal mai. An duhna ah chuan an puitling thei lutuk,kan thlah fal hmaloh chu naute emaw an intia,a thalo. Mahse,thlah fal leh lutuk a hlauhawm a,chintawk hriat erawh angai.







Awmawmi haw hma chu ka pindanah ka inkhung a,naktuk mi zai ni anih vangin in puahchah ve deuh ka duh vang a ni pakhat.
Dar 9 velah chuan min rawn phone a,thlah angai antih chuan ka lehkha enfel ho chu dahfel thuakin inhnuai lamah ka chhuk a.






Gate bulah alo ding vang tawh a,a bula ka va din chuan ka chhungte mangtha in a rawn chuang nghal mai a. Ka rin ang ngei ngeiin ka chhungte fel atih thu chu ha-hipin a sawi a,a bikin ka pa chu a rin aiin alo fel bawk anih chu.





Ka thlah zawh chuan chhuah pawh chhuak ve lovin ka let leh nghal a. Lut ve turin min duh viau tih ka hria. Mahse,inzui tih vanga inlen chilh reng hi mawi ka tih chi a ni ve lo,an chhungte an awm thap lai anih ngat phei chuan,inthen hnuah a buaithlak mai mai.





Ka haw leh chuan ka nu leh Saizami'n ka awmdan vangin min hau char char a,an duh angin Awmawmi ka be thalo a ni ngei ang. Kha bak baka awmdan ka thiamlo. Ka pa chuan engmah a sawi lehpek lova,a tha viau.






Zingah hnaa ka kal chuan inzaina lam building ka pan chhoh hmain department office lamah ka tlang hmasa a,register kha en ka duh vang a ni pakhat.
Ka han en chiah chu ka rin ang ngeiin
'Sharon Ramdinpuii,kum 30' tih alo inziak kiau a,khatih hunlai khan 'Sharon' antih thin tak kha maw,ka ring sual dawn love.





Tifuh inti takin inzaina building lam chu ka pan chhova,kawnga kal pahin FNAC test tihna lam hawi chuan ka mit ka len hram a,ka hmuh beisei lah chu a mawng phe pawh hmuhtur a awmlo.





Inzaina pindan chhunga ka luh hma chuan Verandah lamah zial zu lawk turin ka chhuak a,ka zu zo chiah,ka inher tur chuan Casualty kawta Car var ding chu ka zu hmu fuh riau a,eng nge maw ka hriat,alo chhuak tur chu ka chang a,ka beisei ang ngeiin amah ngei kha alo chhuak ta zan mai.





Mahse,tunge lo thlahtu khu ni ta ang. Niminah khan scooty in a lokal tih ka hrechiang mai si. Ka hriat theih chhan pawh a scooty chahbi ken kha ka hmu tlat a.





Kawngka a khar dawp pah chuan darthlalang zawnah kun hniamin a chhunga mi chu a bia a,a khalhtu chu ka hmu theilo. Mahse,mipa ani tih chiang takin ka hria.





A kal hma chuan a nui sen sen a,a kal pahin mipa nen chuan an ka in bye bye pah bawk. Ka hriat miahlovin ka lo țang țung a. A rawn thlahtu a tlan let hnu chuan ka inthlah dul ve ta chauh,ani lah chuan a lan theih chhung chu a enzui char char bawk.






Tu chiah nge ni ang,ngaihzawng nei hmel a pu bawk silo,chiang takin unaupa a neilo tih ka hre bawk.




Tiang chuan a thalo tawp ang. Eng emaw ka tih vat angai ngei dawn anih hi.





Inzaina pindan Corridor ah chuan Ramesh-a nghakin ka lo vei thuak thuak a,alo thleng har zek lehnghal. Alo lan hmain ka sana hi vawi engzat nge ka bih hman pawh ka hre hrep love.






"Ramesh" alo thlen chuan ka ti hluai a. Mak tih hmel deuha min en chuan inthlakna pindan lamah ka nawr phei pawp pawp a.




"Eng nge ni ta?" Atih hu chuan han sawi tan mai dan tur ka hrelo hle.
"I damlo kha min pe rawh" ka ti tawl chuan a phu deuh uih a. Nuih thu pah hian
"Damlo inpek theih mi,nangmah chu buaithlak emai" tih pahin a inzaina kawr chu a lachhuak a..





"Nimina lokal kha,hmeichhe hnute bawk kha" ka tih leh chuan a aia chiang zawka min melh chhoh hu pahin
"Duh mi?" Ati heu mai.





A inzai form lukhum pawh sak pah chuan ka nui hawk a.
"Duh nimai rawh se" ka tih chuan a ngaihna hriatloh hmel deuh hian a nui leh thaw a.
"Nangmah bialnu in hriat chuan thalo ang" then thaw paha atih chuan inzai tur anlo luhtir tan a.







"Ka lo enkawl zui tawh ang" hmanhmawh angreng taka ka tih chuan
"Buaithlak maw le,nangmah duh duh danin tirawh" tih pahin a kal ta a. Khi suk pahin kut silna lam ka pan a,operation theater a ka luh chuan Doctor leh Nurse dang pawh anlo ding thap tawh a. Vawiin hian kan HOD in nu pakhat pile a zaina ah ka pui dawn a ni.






Midang zai paha ka khik pui ka khik pui nu chu lokal se,mak ati awm e. Doctor hi kan inthlak zen zen lova,an refer anihloh chuan phalloh a ni bawk. Mahse,tunah chuan thlak angai tlat.





A hriat huna a awmdan tur ka hmu chak hle,a thinrim viau ang nge anih dan danin a pawm mai ang.




Engmah lah hi a hre ve der si lo. Nimina a rawn inentir te khan,a rawn luh ve hma atang tawhin midang mit ala a. Amah lo entu Doctor nih kha kan chak vekin ka ring,kan HOD pawh a bang chuanglo.





A rawn lut zan zan a,kan lo thlir thup a,Ramesh-a berkher in alo chang fuh kha ka ngei hle a,mahse,alo remchang zawk anih hi.




A natna zawitea a sawite khan Doctor duty dangho khan kan hre pha vek. A hnute bawk a sawi chiah kha kan tung hru hlawm a. Ka bula mi,Doctor intern ti 2 phei chu an inmelh hruk hruk a. Ramesh-a nen pindan danga a bâwk en tura an lut chiah kha kan ri zui nghal huk.






Fiamthu titak deuhin Ramesh-a an thik thu an sawi sup sup a,anlo chhuak chiah kha ngawih leh thup pahin kan lo melh lo theilo. Amah pawh khan mak ati tih a lang reng,Ramesh-a kha chuan a hrethiam mai a.





Ani kha chuan kan lo en thup chhan kha a hrelo tawp ang. Ni e,a hrelo a ni. A ke chauh nâ pawh nise en kan hreh hauh dawnloh laia,a awmbawr bawk han check sak chu,keini,mipa hrisel tha leh lawmzawng nei thiau tan chuan a tihzia dawn em asin.





Doctor khawlo tak angah mi chuan min ngai maithei. Mahse,mihring ve tho kan ni. Mi nazawng kan thlahlel lova,kan mit la bik riau tu an awm ve. Duh zawng leh tha tih zawng kan nei thei vek. Ani pawh kha hei chen Doctor ka nih hnua ka enkawl chak ber ani a,vawiinah phei chuan ka chak zual deuh deuh.





A natna ngaihtuah phei chuan tuma'n ani ang kha chu hreh tak chungin an enkawl zui lo tawp ang,hreh chu sawiloh,man chawi pawhin an enkawl duh hial ang chu. A natna a sawi hma hauhva pindan chhunga mit zawng zawng fukna kha ani miau a.





Ka Doctor puite'n an enkawl ka phal dawn reng renglo,keimah ngei hian a bâwk pawh ka paih anga,ka enkawl dam bawk ang. Ala naupang a,Ramesh-a sawidan hmangah pawh cancer chu anihloh hmel,chuvangin,a dam thak thleng ka enkawl zel ang.




SHARONI POV:


Vawiin chuan FNAC test ti tura kal ka tum a,dar 1 thleng chauh an hawn vangin kal hma ka ngai hle a,college ka thlen hnuah ka scooty ala chianglo lehnghal.





Ka han enchiang chu petrol alo zo reng a,hahthlak ti tak chuan ka chal ka dawm reng a. Mahni a inluah tih takah
'Chu chu iti maw?'
'Kha kha i ennawn em?'
Tia engkim min hrilhnawn thintu an awm lova,keima'n ka theihghilh chuan engkim a nihtur ang a ni tawp thin. Purh buai tur an awm lova,buaina ka neih pawhin keimah vek,theihghilh ka neih pawhin eng anga hla pawh thleng tawh mah ila,ka let leh mai thin.







Taxi han koh mai tur ka hriatloh vangin chang chawp tura kal ka tum a. Kan insiam vel mek laiin Psychology department a kan Sir pakhat hi a rawn vei nulh nulh a.
"Miss chu,i chhuak dawn law?" Tih pahin ka bulah a rawn ding a.






"Aw,Civil lamah eng emaw tih lawk ka ngai a" ka ti mai a.
"I chianglo ami,tunlai hi i chhuak deuh ziah mai?" Fiamthu titak deuha atih chuan
"Nia hei,hmeichhe hi chuan buaina kan ngah taktak" nuih let pahin ka ti leh a.






"Keipawh Zarkawtah eng emaw dah tur ka nei asin" alo ti hloh a.
"Aw,anih chu. Ka petrol alo zo daih a,Taxi chan ka lo tum mek asin" ka tih chuan a chahbi vai vir pahin
"Kan kal rual dawn nia,hawh,a awlsam mai lawm" tih puat pahin min kalpel thuak a.





Kan thawhpui dangte chuan min lo fiam zuk in
"Sir Ch-a nen in in date dawn ni maw?" Anlo tia,a then lahin nuih pahin
"Annu i ngamlo ang e" anlo ti bawk. Nupui ngamlo thanga thang kha ani ve miau a,a ngamlo tak tak em tih phei zawng ka hrelo.




(An awmdan thenkhat vel chu SAIA POV ah a awm nual kha,ka ziak nawn tawhlo mai ang)




Casualty kawt thleng min thlah zawh chuan a let leh mai a,puitling e tilo chuan khawlaiah kan han in bye bye leh ang lawp lawp kha,patling pui hi a che naupangchhia thei riau.





Thisen test na lam pana ka kal hlawk hlawk lai chuan eng emaw hian min mawlh tlat a,a ngaihna hrelo taka ka hnunglam building ka leh en thut chuan inchung sangah hian tu emaw hnunglam ka hmu vuai a. A kawr pawl(blue) hak ka hmuh atang chuan Doctor,mi zaitur anih ka ring.





FNAC test naah chuan tu vak mah anlo awm tawhlo hloh a. Ka lehkha pek pahin cheng 100 ka pe tel a,ka thut fel hnu lawkah chuan ka hming an lo lam nghal mai a. Min vit tur chu hmeichhia alo ni hloh a,a zia viau. Mahse,a bulah hming lamtu pa upa lam kha alo thu ve reng a,kawngka bula thu tur ni ve si,Doctor in midang a vihna bulah alo thu ve kur chu a zialo deuh.





Ka kawr ka hlim chuan vanneihthlak takin pawnlamah a chhuak ta a,a thutna ah ava thu tawh dawn pawh a ni mah na.
"Ka vit aw" tih paha Doctor in syringe sei zet mai a vih luh a,ka bawk atanga thisen a hip chhuah meuh chuan ka mit ka chhing ta daih a,mahse,ka rin aiin ana lo.




Ka zawh chuan ka let zui nghal mai a,naktukah result lama,ka Doctor hmu turin min hrilh bawk.



A tukah chuan ka in test naah bawk khan result ka nghak leh ren rawn a,vawiina Doctor hmuhtir leh hram ka duh vangin duty pa chu ka va zawt tawp a.
"Lo nghak rawh,ka va ensak ang che" tih pahin a lut vut a,minute 1 pawh a ral hma chuan lehkha keng chungin a rawn chhuak a
"Doctor bulah tlang nghal mai rawh" atih chuan tlemin ngaih a tha ta deuh.




Ka hma lawka mi kha chu Doctor bula tlang lovin eng emaw lehkha themah an ziah sak a,test tinawn leh turin an hrilh anih kha. Keichu ka tlang nghal thei a,ven khat chuan ka veng ta deuh.





Test result nen OPD awmna lam ka thlen leh chuan ka Doctor ngai bawk kha ka pan a
"Keimah chuan en tawh dawnlo che,heihian a en ang che. Keimah chu damlo ngah lutuk a,en senglo" alo ti ta mai a. Ka sir ka en a,a sawi Doctor lah chu hmanni ka lo melh reng kha ani zui bawk,a Pen hmawr tiri kauh kauh chungin min lo melh ngur mai. Enga mah hmain ka zam mai dawnin ka hria.





"Mahse,Doctor thlak ringawt te chu" ka tih chuan chu Doctor chuan keini pahnih chu min melh pahin ngeiawm deuh hian alo nui leh suk a,eng nge maw a hriat ni.






"Keimah hmanlo,zai tur ngah lutuk" tih pahin Vaipa chuan a kut a thing a,a kal daih. Inzai ni leh damlo en ni a hran tih ka hre ve reng sia,an phakar hle mai.






Tihngaihna hrelo zeta ka din reng lai chuan
"Le,lo thu la. Khawimaw i test result chu" tih pahin Doctor,a dawhkana 'Dr. Saia' tih inziak chuan ka lehkha chu alo ban zat a.
Ka Doctor berin min sawn chuan rawnloh theih a ni tawh silo.





"Ummm,A hlauhawm lohva. Mahse,test neuh neuh neih leh angai dawn anih hi. Ana thin em,engtin nge a awm?" Tih pahin ka mit takah chuan min melh ngur mai a. Min tizam lek lek tep.




Hauhawm miah lovin a meng dur khup a,a mit khur chu thuk lam lek lek a ni. Min melh reng paha dawhkan chunga a pen tihvir chuan a tawng a tibahlahlo tih hriat takin a awmdan ngai chuan a awm reng thei.





"Na lo,a hlauhawmloh tak tak maw?" Beisei nei zeta ka tih leh chuan
"Engtin nge a awm a?" Ati daih a.
"A bawk" ka ti tawp a,ka sawi ngun viau chuan ka hria.
"A bawk tih chu a inziak kulh a,a awmdan tak ania ka zawh che" ati leh a.
"Ka sawifiah thiam chiahlo" ka tih chuan lehlam hawiin a khi leh suk nia.






"Pindanah sawn va lut rawh,ka lo enchhin ang" atih chuan ka ter at tep a.
"Doctor hmasa khan a en vek tawh" ka tih chuan thawh hluai pahin a Doctor coat var chu a vai thuak a
"Doctor hmasa kha ka nilo tlat,ani chu Ramesh aw. Keichu" tih pahin a dawhkan hmaa a hming ziak chu a kawk a.






Pindan lamah chuan a phei ta a. Hreh chung chung chuan ka zui phei ve a,a palian hrep lehnghal a,a Doctor coat chu ata bik tura siam ang mai hian a inhmeh hliah hliah,a dar hlai tak leh a khan sang tawk takte chuan ati Doctor bik ngawih ngawih hian ka hria. Heti taka Doctor form inhmeh ka hmuh ngaihloh vang pawh a ni mahna.






"Tah khan thu la" tih pahin khum chu a kawk a,khum hmaa stool ah chuan a thu nghal bawk,a glove chu bun that mawlh mawlh pahin
"I kawr phelh rawh le" ati sup a. A tilui deuh nge ka awmdan hriat a duh ve hrim hrim pawh ka hrelo,engpawh sawi se ka mitah tak min melh reng a,min en zam a tum te anih ka ring hial.





Phur fahranlo chuan ka kawr chung chu ka hlip a,ka chezia engkim chu chik takin alo en reng a,a uap lah chu a na em em zui,pindan chhung boruak pawh a ip-pik churh mai. Ahmaa zam chhe lutuk lo kha,a hmuha ka han inphelh mai dawn chuan ka zam chhe ta der mai.





Ka phelh zo a,ka bra ka hlim dawn chuan ka awm zawn chu a melh ngar a,chu te hlei hlei chuan min ti hreh lehzual. Mit chhin pah chuan ka hlîm ta vek a. A rawn tawk fuh chiah chu a glove hit bawk si nen chuan ka phu uih a.






Ka men chuan ka hmai si lek lekin min lo melh hnai a
"Ka seh lovang che,hlau suh" tih sup pahin a bawkna lai vel chu a hmet kual a. Heti vak vaka khawih kual a ngaih pawh ka hrelo,ahmaa mi pawh khan vawikhat a tawk a,a duhtawk reng. Ani hi chu Doctor khawlo tak anih dawn hi.





Mahse,A khawih zawngte chuan keimah ah nasa takin danglamna a thlen a,ka thawk a pangngai thei meuhlo. Chutia Doctor in min check vang mai mai a ka danglam leh ngawt chu ka inhua a,ka inten bawk. Mahse,ka thanlen pui,ka chaklohna lai ber a ni miau a. Ka thunun theih piahlam daih a ni si.





"A hlauhawmloh ka tih kha aw. Chhass te khawihtir vak vak loh tur hi ania" atih chuan ka ngaihtuahna hnaisailo zet atanga harhchhuak zawkin amah chu rum fe hian ka melh a,min melh tha duh hauh tawhlo lehnghal. Lehlam hawiin a glove bunlai chu a hlip pawp a,a sira bawlhhlawh bawmah chuan a vawm lut chat bawk.





"Khawih lawr vak hian bawk te hi a siam duh a" atih leh chuan a fiamthu emaw tiin a hmel chu ka en a,fiamthu hmel a pu hauhlo. Ka kawr chu pawt thlain ka tho zawk a.







Ka thutna atanga chhukin
"Doctor inih chuan i tihtur chauh ti rawh" tih pahin ka chhuak hmak a,min hnungchhawn zawnga a thut vang chuan a awmdan ka hmu theilo.






"Lo ding teh" tih paha ka ban a rawn vawn chuan kan piaha nurse uniform ha hian mak tih hmel deuhin min lo en kal a,midang pawh chu anni tho.







"Eng nge?" Thinrim tih hriat taka ka tih chuan
"I lehkha i theihghilh" tih pahin ka test result kha min pe a. Amah pawh melh tha duhlo chuan ka pawt thla lawp a,kal leh nghal mai ka tum.





"Ka fiamthu kha ilo ngai thutak anih chuan thupha ka chawi e. Ka thutak lo ania. Naktukah heihi lo test la,Zirtawpni ah ilo kal leh dawn ania" dam thluama atih chuan ka thinrim pawh a zia ta deuh. Ka ngaihbel nge ani deuh dui in ka hria.





Ka la thinrim deuh vang chuan midang hmai pawh zah peih tawhlo chuan ka chhuak nghal nal nal a. Ka kalpelh Nurse lah khan phung hmu ang chiahin min en bawk a,ka mak viau em maw ni dawn.





Khati taka a thusawi la na tur ka nilo,khatiang te lek lek chu ka lo paltlang tawhte lakah chuan a si pawh a tluklo. Mahse,tinge???
Amah anih vang ami,amah anih vang ngawtin a lakah beiseina ka lo nei sang nge. Midang ang bawkin hmeichhe khawlo taka min ngai kha ka la na zawk.


Show post links
Top

[Ngaia]

ERASED

CHAPTER 4
☆☆☆☆☆☆



SHARONI POV:


A tuka test leh tura min hrilh chu test turin Civil lam bawk chu ka pan leh a. Thawhpuite lakah pawh a inthlahrunawm tawh takzet,ka class lak aiin anlo la zak zak a,nakinah eng emaw tak tihsak chu anla ngai dawn a ni..






Damdawiin ka thlen dawn tep chuan ka phone alo ri țet țet a,kawnga din paha ka en chuan Elizabeth-i alo ni.





"Aw lily" ka tih chuan
"Uuu,vawii hi eng ni nge i hrelo ami?" A rawn ti al al a. Ka ngaihtuah a,ningani a ni tih chauhlo chu engmah ka hrelo.





"Ka va hrelo ve" ka tih chuan
"Iva'n haihawt reuh tak,Entrance ka pek ni anih hi,duhsakna pawh min hlan lova" atih chuan ka hrechhuak zawk a,mawl inti tak chuan ka han inpet kual leh hnuhnawh a.





"Bawihte,ka theihghilh chiang lutuk. Sorry aw,tlaiah ka hman chuan ka lokal ang. Tunah chuan eng emaw test turin ka kal a" ka tih chuan
"Aw,pawilo,a hmun ka thleng tawh. I buai hmel sia,ka dah mai ang aw" tha tak chuan ati leh mai a.




"Aw,tha deuh khan ti la aw. A zirna lam kha chu lungngai suh ka tih che kha" ka tih chuan min chhang tawh lova,a awmhmunah ka hmuh theih silohvin a bu leh nghat nghat tawhin ka ring..





Doctor a nih theih na turin a vawi 3 na'n entrance exam a pe dawn a,tum tawhlo mai se ka duh hial a,a chhan pawh kum a hloh hnem tawh em a. Pawl 12 a chhuah khan college a kal duh lova,coaching kalin entrance a pe tlang a,a tlinglo nghal pang.





Tun hi a zawnin țum 3 a exam na a ni tawh dawn a. Tuna a tlin leh loh cheu chuan ka nawrlui tawh ang. Ka nau ania,tihluih ka duhlo,mahse,a tilui zel anih chuan a kum a hloh hnem dawn lutuk a,a rualpuite'n an graduate san a,hna an thawh san vek bik tur kha ka duh biklo.




Tiangah bawk hian hrehawm ka ti thin. Doctor ah pawh rilru lam thiammi,Psychiatrist nih a duh tlat a. A nih duh chhan pawh engdang vang a nilo,kei,a unaunu,nunhlui mak leh buaichuar tak nei vang hi a ni.






Ka thil tawn zawng zawngte kha a zavaiin hre veklo mah se,a hnai kaitu leh a intan dan ber a hria a,ka buaina tawh ten eng ang takin nge ka nunah nghawng an neih tih pawh hre ve veklo mah se hriata mual mual chu a nei tho.






Keimah vang vek hi ania Psychiatrist nih tuma a beih tang tang,ka lo awm tawh dante a hria a. A zualkai lai phei chuan
'U,Doctor ka nia nga,keimah hian ka enkawl ang che' tiin a sawi thin. Ni e,khatih hunlai khan eng Doctor mah ka pan ngam ngailova,ka chunga thleng ang ang kha ka tuar tlawk tlawk a,ka buaina te khan kian lam pan a hnehin an zual zel si.






Amah chiah hi mite'n ka nun pumpuia an ngaih,mahse ka tana ka nun chanve chauh ni si,hretu awmchhun ani a,tuma bula a sawichhuah ka phallo,phallo mai pawh nilovin,ka duhlo bur.







Kum tamtak kalta a ka nu leh pate in ngei chhuahsan tuma ka insiam lai khan
Țap chungin
'U,sawi ang. Anu te bulah sawi ang' tiin min ngen anih kha. Mahse,kei,hlauhna a khat hmeichhe tleirawl khan huaisenna nei heklo
'Bawihte,i sawichhuak anih vaih chuan ka ruang in chhar nghal ang. I thih hnuah pawh he thu hi a chhuak tur a nilo. Nilo,ka lo boral hmasa anih pawhin i sawi chhuak tur a nilo,ka thlarau tal rawn zah rawh aw. I sawichhuak ngai tur a nilo' tia ngen in,ka vau pah bawk anih kha.





Ni e,a sawichhuak theilo. A them pawh a sawichhuak anih vaih chuan ka sawi ang khan ka awm tak tak ang. Mualphona nena nun hman zawm ai chuan,awm ve tawhloh kha ka duh zawk ngei ang.




Phai lamah ka chhuk thla ve rawih a,eng hna mah thawh tur ka hrelo. Ka phone ka paih bova,ka sim card pawh ka chhu chhe vek.




Mizorama ka let leh khan ka inluah ah hian ka lut hmasa ber a,a hnuah kan in lamah ka va kal a. Khata ka nu min lo lawmdan kha mak ka ti lutuk,a ngaihna thlawt ka hrelo.




Engmah thlenglo leh,lehkha zir satliah lo haw leh ang maiin min lo thlahlel a,an awmdan ngai vekin an awm.





Mak ti taka Elizabeth-i ka zawh khan a thiltih a ni tih ka hre chiah a
'Khatiang khan i kal ngawt thei hleinem. Ka nu leh pate hnenah chuan in college atangin offer tha tak i dawng a,i chhuk chawp chuk chuk angin ka sawi. Biak pawh i biak tlang theih dawnloh thu pawh ka hrilh vek' atih khan thil tha nge a hnulama thalo tur engmah ka hrethiamlo.






Thinrim leh huatna nen Mizoram ka chhuahsan a,tumah ka hrilloh vangin an duh duhin min ngai rawh se ka ti mai. Mahse,min hauh chu sawiloh,tha takin min lo lawm leh hlawm a.





Elizabeth-i vang chauhin tun hunah hian pangngai takin kan la awm thei a ni. Ni e,khami ni khan ka lehkha hnutchhiah ang takin lehkhathawn alo ziak a,ka nu leh pate alo chhiartir anih kha.





Khatia fel fai taka lehkha hnutchhiah ta chu,reh vang vang pawh ni ila ka chhungte chuan min lo ngaihtuah nep ta deuh a. Pangngai taka chhuak emaw ka nih antih phah reng bawk.





Hun leh ni liamin,ka nat chhante leh a mihringa te ngei pawh in hmalam an pan a,engmah thlenglo ang maiin an nunah hma an sawn a. Kan intawn leh chang pawhin pangngai takin an awm a. Hah leh hrehawm ti tak chungin an kiangah lem ka chang thin.






Mahse,a hrehawm hle a ni. Ka theihghilh theih tawh ngailoh tur ser min petute hmaa pangngai taka awm chu. Anmahni vangin ka na fova,ka tap a,kehchhiat vek chang lah ka ngah,ka â mai dawn emaw ka tih hnuah vanneihthlak takin ka tha chhuak leh a,mahse,mihring damlai na nâ nâ chu inhmuh loh theihloh,angai te bawkin lem chan angai leh a,huatna kara nui hmel hian eng chen nge min thlenpui dawn ka hrelo.





Thuruk zep hlen theih a awmlo. Mahse,he thuruk leh ka nunhluite hi an puak chhuak anih ngat chuan. He khawvelah hian hmuh tur ka awm ve tawh lovang.






Motor horn ri tuarh vang chuan ka phu zawk a,ka lehkha kenlai ka thlauh daih bawk. Ka nunhlui chhuiin ka lo in ngaihtuah let nasa lutuk a,kawnglaiah ka ding tih pawh ka lo inhre tawhlo.





Casualty lam atanga thisen test na Block panna kawnglaiah tak chuan ka lo ding reng a,ka chehvela mipuiho lah chuan rilru kimlo melhin min lo melh bawk.





Kalsawn pahin ka hnunga horn min rawn petu chu ka en let zawk a,a hmel ka hmuh phei chuan ka phu nasa lehzual. Kha Doctor kha alo ni a,chu aia mak leh bawk chu. A bulah nimina Nurse,mak ti zeta min lo thlir rengtu kha a thu ve bawk.





Ka ngaihtuah let a,hmanni college a ka tawhte kha anmahni hi ni tlatin ka hre ta a. College parking hmuna thupha rawn chawitu kha a chuanpui Nurse saw a ni ngei bawk.





Dr. Saia chuan chik fe in min lo melh a,a bula thu chuan min ngaihsak teh vaklo. En zui reng duh lovin ka kalna turah chuan ka kal ta daih a.





Test tul ang te ka test zawh chuan chawhnu dar 2 leh dar 3 inkara result lam turin min hrilh a. Tunah dar 11 chauh a ni si,nghah dawnin a ninawm hman ka hlau a,nghahloh lahin kal leh tingtang kha a buaithlak bawk si. Engkim a buai zo ta vek.






Tihngaihna hrelova ka scooty bula ka din kawi reng lai chuan Dr. Saia chu a rawn chhuk mek a,a hnungah an nau te zinga mi ni awm tak pakhat in a rawn zui bawk.





Engtin emaw ka chebuai leh ang tih ka hlauh vangin ka hmulo der ta ringawt a,mahse,ka hnungchhawn rual rualin ka hnungzanga a za nghal chuai chuai thei.





Pakhat zawk chuan min rawn kalpel in kan piaha Car lam chu a pan a,khawnge maw ani kha a kal ve daih tih ngaihtuah paha ka inher chuan ka hnung lawkah alo dung run a.







"Awiii,min tiphu" ka tih zawih sap chuan engmah a sawi lova.
Kal mai tumin ka scooty a chuan ka tum lai chuan
"Test chu iti tawh em?" A rawn ti ta dut a.
"Aw,ka zo chiah" ka ti mai a.






A Doctor coat hnuaia a kekawr kawng a zenna lam chu phar vutin a sana chu a bih zeuh a.
"Dar engzatah nge lam tura antih che?" Atih leh chuan ka melh chho ha a,rin aiin a sang zek lehnghal,ka tet em vang pawh a ni maithei.






"Chawhnu lamah" ka tih chuan lehlam hawiin a kiai leh suk tawh.
"ITI a awm tan chuan result lama rawn kal leh kha a buaithlak ang. Damlo kan pahin ka rawn dah dawn nia" atih chuan awihlo fe hian ka melh a.






"Ka lam thei ke(scooty) ka neih hi,bakah hna thawh ka la ngai" tih paha ka chahbi ka rawlh luh chuan rawn pen hnai hrut in
"Ka hria,Synod College,Department of Education lecturer" tih pahin min kalpel thuak a.






Ehe,engtin nge ka hnathawh alo hriat vek theih.
"Heyyy,ka lam thei ka tih chu" tia ka auh zui pawh chuan a Car lam pan nul nul pahin min hnungchhawn zawng chuan a kut a phar zauh a. Auh zui phak tawh lohvin Car ah chuan a lut nghal daih.





Ka duh teuhlo,keiman ka lam ve mai ang. Dar 2 rik hmain ka kal anga,ka hman em em ang. Ani,nihnih vel bak ka la hriatloh khan min puih chhan tur ka hrelo.






Chawhnu lama ka class la chu a zawh hun hmain ka chhuak ta daih a,sana ka en chuan dar 1:30 alo ni daih tawh. Hmanhmawh fe in ka bag ka la sawk sawk a,department thenkhat chu alo bang fel leh der tawh bawk.






Parking lam pan chuan hawi pawh hawichhuak lovin ka chhuk chhalh chhalh a,naupang haw tur thenkhat in min lo wish zeuh zeuh bawk.





Ka scooty dahna hmun ka thlen a ka hawichhuah chuan ka thlawk dawrh lo chauh. Ka scooty ngheng chungin Dr. Saia chu alo ding kawi ngul a,ka lehkha tur ni awm tak ken pahin a pheikhawk chuan chhuat chu alo chhir alo chhir bawk.






"Eng nge itih?" Ka tih chuan alo hawichhuak va ta a. Ka lama lehkha rawn lek pahin
"Hei" ati ringawt a.





"Ka la ve thei ka tih kha,angailo asin" tih paha ka ban chuan alo khai sang thut a,a ngaihna hrelo taka ka en chuan min lo melh chhuk run a,a kut lehlamin a bek bul vel hmul chu a tuai thuak bawk.






"A hlauhawmloh ka tih kha. Mahse,a bawk paih tur hian zai angai ve hrim hrim dawn a,naktukah lokal la,tihtur vel kan sawifel dawn nia. Nula ila ni em?" atih thut chuan a zawhna vangin ka phu deuh zawk a,ka meng buai nak in ka ring bawk,hlauhna hian min rawn tham er er thei.





"Eng maw?" Ka aw thunun tum taka ka tih chuan
"Nula ila ni tiraw,naute hnute pe tawh nilovin?" Atih leh chuan ka dang a ro nghal hulh mai. Ka awm zawnah hian thil sakhat lian takin min dang ang maiin thawk a harsa talh bawk.





Amah chu ka en a,ka chhanna nghak tih hriat takin min melh run a.
Thil nilo ngaihtuah duh lovin ka insang mara,ka chil awm zawng zawng fawm khawmin ka dang ro hulh chu ka'n tinal leh a.






"Aw la ni e" ka tih chuan ka aw pawh a zawi chhal mai. A zawhna vangah ngai lul suh se.




Ka chhanna pekah chuan a lungawi ta aniang buk nghut nghut pah hian
"Amak hle mai" tiin a phun sup a.





"Engmaw mak,thil eng emaw a awm ami?" Hlauthawng deuha ka tih chuan chet leh vut pahin
"Awm love,case vang tak mai ania. Test result ah hian hnute tui chhuak tawh angin a in report a,mahse,tleirawl tirh atanga a hmahruaitu,naute in an hnek thin nilo,hnute tui lem,tlem tlema put ve reng te hi an awm ania" atih ve duah chuan a thusawi vang nilovin,keimah min ngaihdan vang zawk chuan ka thaw huai thei.





Ka danglam tih a hriatloh nan kan insang mar a,ka awmdan leh thawk lak thleng chuan a pangngai chho leh ta.





"Tah hian sawifel mai ila,naktuka lokal leh chu" kan thusawi thlak tum taka ka tih chuan mit tizim sunin min lo en a.
"A theihloh,i lokal angai" ati bur mai.






Naktukah College program a awm dawn a,ka kal ngei ngei a ngaih bakah,naupang fuihthar ni a ni bawk.





Mahse,ka hmaa mi lah hian a theihloh thu a sawi bur mai bawk si. A theih ka ring tlat,ati mai mai anih ka la ring fan.






"Tah hian sawi la,ka lo note thla mai ang" ka tih chuan hahthlak min tih hmel deuhin min en a.
"A theihloh ka ti,damlo tan Damdawiin hi a hrisel ber. Lokal la,a pawimawh chhan i hre mai ang" atih leh chuan a awmdan zawng zawng nen hian ka ngei deuh tlat,min tihbuai a tum ni maiin ka hria,dil pawh ka dil buai peih tawhlo. Ka zawhna chhan hreh tak tak min zawt leh mai ang tih ka hlau deuh bawk nen,a sawi ang chuan awm tawp mai ang.






Buai chung chung pawhin ka kal anga nimai,ka tihloh dan pawh a ni lova. Hmun danga ka awmlaite chuan zan khatah darkar 3 vel bak mut mu ka tuah hman ngai meuhlo. Mahse,nun nuam tak ka neih phah chuang reng renglo.





"I result ka lam manah eng nge min tihsak ve ang?" Kan ngawih ren rawn hnua atih chuan ka nui hak a.
"Enteh,Pu a,ka lam thei ka ti chunga lo lamtu inih kha" ka tih chuan meng phar awk pahin a ding ngil zawt a,sawisual ka nei ta emaw ka ti hman hial.






"Pu a' a?" Ngaihdan nihloh hmel fe a atih chuan ka kohdan ah a lawmlo tih ka hre chhawm mai.
"Aw,Pu a ka ti che" ka tih leh chuan kawng dawm meuhin a thaw hawk a.






"Nang tereuh hi" atih laitak chuan tu emaw hian
"Uuuuu" alo ti vak a. Aw lo chhuahna lam kan hawi chuan hmeichhe pakhat hi thawven hmel zetin a rawn chhuk a.






"I result ka lam manah vawikhat tal chu ka la rawn kal leh ang" tih pahin ka result chu min hmehbel a. Hmeichhe lo chhuk lam chu a melh leh run a.





U tia a rawn koh vang chuan a nau anih ka ring mai a,in anna lai pawh an nei deuh bawk. A nau chuan kan hmaa rawn din pahin Saia banah a kuah nghal chat a.
"Min lo nghak rei tawh em?" Atih chuan Saia chuan keimah min melh daih pahin
"Reilo" ati sup a.






"Ahhh,kan Miss kha anih hi,in inhria alaw?" Tih pahin min kawk va a.
"I kut kha" tih pahin Saia chuan a kut a ben thlak sak a.






"Aw,Education zirtirtu ka nia" ka tih chuan engmah a sawi leh tawh chuanglo. Saia lam en pahin
"Awmawmi tinge ilo hruai ve loh?" Inla pangchang angreng taka atih chuan Saia awmdan ka lo en reng a.






"A tullo" ati hluk ringawt.
"A chhungte leh ka nu te'n in inneih lam an sawi kai tawh ania" ati chiah chuan Saia chuan min rawn melh zawk a.





"Aaa,ka va kal ang e. Ka lawm lutuk aw ka pu" ka tih chuan a che hrut a,a banah chelh tu awmlo se chu min ban zui duh ang.





Ka result vang chauha lokal emaw ka lo tia. Tikha chuan ngaih a tha ta deuh,a lakah beiseina chi ka theh tur a ni lova,a thatna lai hmuh ka tum tur a ni bawk heklo. Ka tan chuan an zahawm emaw,zahawmlo emaw,khawvela mipa zawng zawng hi an inang vek,mi tenawm mai anni.




(Engmah pawh ka sawi peihlo🥴🥴)


Show post links
Top

[Ngaia]

ERASED

CHAPTER 5
☆☆☆☆☆☆



SHARONI POV:


Ka haw hma chhan ber min lo pek tak si ah chuan Elizabeth-i exam ni a bawk nen,in lama kal ka rilruk ta zawk a.





Kalkawngah chuan eng emaw eitur neuh neuh ka leisak a,a taksa chakna tur deuh,Gulabjamun leh Thei buhfai te pawh ka lei tel nual.





In ka thlen chuan Lily chauh alo awm a,ka nu hi sumdawng thin anih vangin inah a awm tam ngai vak lo. Ka pa pawhin hna nghet a neih vangin nilengin a chhuah angai bawk thin..





"Lily,ka lokal" ka tih chuan kekawr bul te nen hian alo chhuak teu teu a.
"Enteh,anu in ka exam zawh lawmnan Nutei te ho chaw eiah alo sawm a. Midang pawh anlo kal ang" atih chuan keipawh ka hnual nghal rawih rawih thei.







"A tha alawm,thil lawmawm lam ania" ka rilru thup tum taka ka tih chuan a tum bar a,kan Cousin kualho nen hian kan inmil tehchiam lova,kan millo bik pawh a nilo,anmahni hian min millo ve tawp a,min be tha duhlo na nâ nâ chu biak that huam thu awmlo.






"U,ka blanket hi ka suk lohna rei tawh lutuk a,min lo suk pui teh,ka chiah char char tawh. Zanah kan zar hil anga" atih chuan
"Ka inthuam dan hi en la,engtin nge niang?" tih pahin ka jeans kekawr hak chu ka kawk a.






"Kekawr bul leh tawnzau ka ngah mai,i ha dawn nia" atih chuan eng emaw ka ngaihtuah thleng daih.
"Midang chu anlo la kallo ang,tlaiah bak" atih takah chuan ka va inthlak ve a.






Kekawr bul leh tawnzau ka ha chiah chu hnuk te lam lam a ulh dawn alawm maw le,tianga ka inthuam lohna rei tawh zia leh,khawlum eltiang lai pawha ka in hak uap churh lai kha ngaihtuah let chuan lung lam a tichhia.






A blanket chu kan sawp a,an thawmhnaw thenkhat kan su tel nghal bawk.
"Ka kawr bal pakhat ka va la leh lawk ang" tih pahin inchhungah a tlan lut leh daih a.





Kun chungin blanket chu ka lo rap a,ka kawr hak tawngchham zet nen confi lo zeta ka awmlai chuan
"Mate,i lokal alaw?" Tih ri ka hre ta mai a.





Rang lutuk in ka ding ngil zawk a,ka sira thawmhnaw bal kan dahkawm zinga 1 chu la lawkin ka intuam vat a. Mahse,ka taksa hmun thuma thena hmun khat pawh a khuh kim zo lo.





Ka nu leh pa,Nute Siami te nupa leh kan chhungte thenkhat chuan inchung atangin min lo thlir thap a. An hmel ka enchiang a,an zinga mi pakhat min melh dan sawn hlauhna min thlen chawpchilh nghal,an hmuhloh tur chuan ka puan bah chu ka hmer vak ringawt a.







"Ahhh,inlo haw der alaw?" Tih paha Elizabeth-i a rawn chhuah leh chuan ka hmalama mite bawk chu ka en leh a. Min la en,hmana min en thin dan bawk khan,hmangaihna mitmeng nilovin îtna mitmeng in a ni min melh.





Ka puan bah in min khuhloh china ka mal a melh thlak leh ngat phei chuan ka tha a khur titih mai a. Thawm nei miahlovin an lo ding reng a,chuti anih phei chuan ka kun laite khan ka kawr awm zau nen,ka awmbawr alo lang thelh awm si a.






"U" tih paha Elizabeth-i'n min rawn khawih chuan tumah pawh be tawhlo chuan kawmchhak bathroom lam zawkah chuan ka tlan lut rawp a. Kawngkhar nghengin ka tha khur zawih zawih chu tihreh ka tum nasa hle.





Mahse,ka theilo. Ka mal a hmuh laia a rilru a awm tur ka ngaihtuah a,ka kun laia ka awmbawr lang alo melh dan tur hmel zawng zawngte ka ngaihtuah leh lek phei chuan thinrimna leh huatna vangin ka thisen luang lai a rawn lum chhuak vek a,dan ruallohvin mittui a rawn baw zawih bawk.






Tinge,ngati nge. Ka thei tawh tur asin,ka damchhung chuan a hmel ka hmu dawn. Mahse,tinge,a hmel ka hmuh apianga ka hriatchhuah leh zel.





"U,lo hawng teh" tap aw tiaua Elizabeth-i rawn tawng ka hriat vang chuan ka mittui ka hru tawk a,khup sai deuh titiha din pahin thawk ka la ham ham a,ka tha la khur nasa lutuk chuan min ti ding ngil theilo.





Bathroom kalhna chu ka hawng a,a in hawn rual rualin min rawn kuah nghal thlawp
"Ka tihpalh,ka thiamloh a ni. Engmah ngaihtuah nachang ka hre lova,ka tihpalh" tih pahin a tap chiam mai a.






Kut la khur der der paha kuah let in
"Engmah i thiamloh a awmlo" tih chauh ka sawi thei.
"Tinge tiang hi kan tawn kher le?" Atih chuan chuthil chu ka zawhna ngai chiah a ni.





Ka kalsan theilova,ka huatna leh tenna te ka tilang thei bawk heklo. A chhan pawh,he khawvelah hian minung ka ni ve tih ka inhriat theih tirh ata,ka hmangaih hmasa ber in duh taka a thlan,a hmangaih kha ani ve miau a. Haw viau mah ila,ka hmangaih berin a thlan a,a hmangaih tak anih si chuan,hlimpui mai kha ka tihtheih tawk a ni si.....






Rawng an bawlna lamah chuan kan phei ve a,kan chhuah hmain hmai kan phih hrep bawk a,kan tap tih an hriatloh hram ka beisei.





Kan u leh naute pawh an awm ve laih laih a,tumah be ta chuanglo chuan Elizabeth-i pindanah ka lut a,ka bag a lekha pawimawh ho ka enfel hnu chuan ka thu leh deuh vang vang a.





Helai hi ka tan chuan pindan anchhe dawng a ni,ka lu nghahna thin khum hian a chungah mittui engzata tam nge ka surtir a hrechiang ber ang. Mihring anga tawngtheiin,che ve thei se zawng,min tuam hlawm tur in a kut leh ke a rawn phar chhuak thin ngei ang.






An thut khawmna lama ka va phei chuan
"U Sharon,lo thu rawh" tih pahin Elizabeth-i rual vel,ka nu unaute zinga mi pakhat fa hian alo ti vat a. An kianga thut ve pah chuan ka enkual a,an inchei dan leh an phone ken en chuan mi hausa fa emaw tih vek mai tur anni,ani vek teuh silo.





Hmanlai ai thlawt kha chuan min be tha hlawm a,an hmel hmuh pawh a nuam tawh. Mahse,heipawh hna ka neih tawh vang chauh a ni. Mahni inchawm zo nilo ila chuan min endan ngai reng khan min la en khawp ang. Chu chu an nu leh pate zia ka hriatchian tluk zetin ka chiang.






Hrehawm leh zahthlak em em pakhat chu,ka naupan deuh lai khan engvanga min haw hlawm em em nge annih ka hrelo. Chhungkaw picnic a awm a,tah chuan keini chiah min sawmlo,an kal dawn tih ka hre vek. An rawn haw a,a nawmzia min sawi khum char² a,zah zelah
'Nangni chu inlo kal ve hman si lova,a nuam asin' anti zaih zel. A ngaihna ka hre ngailo. Mahse,ka lo lian ve telh telh a,chhia leh tha hre rual ka nih hnu chuan chhungkaw picnic a sawm ka nih ve loh chhan te,kan vengah innei an awm a,kan kawmthlang lawk pawh nise,min sawm ve ngailoh chhan te,ram dang atanga zin haw awm se,naupang dang zawng zawng an lawm zawng an hawn sak a,keini chiah thil min hawnsak ve ngailoh chhan te leh ka harsatna tawhte khan inkungkaihna anlo nei vek tih ka hrethiam ta a.





Chaw chu kan ei ta cheng a,hmanlai thilthleng tawhte theihghilh in inngeih tlang takin kan awmhova,in tai thinte pawh an infiam bawrh bawrh a,inbe vak ngailo te pawh inpawh takin an inkuah thuak thuak thei tawh.





Mahse,kan chawei dawhkan hnuaia kut ka hum ruh nasatzia te,an hmaa nui hmel put reng hrehawm zia te,ka nihloh dana awm hahthlak zia te hi min hriatthiam pui ve silo. Ka hmangaihte an hlimna anih dawn chuan,ka tuar zel mai ang. Ka hmangaih ber hian ka tan thil tamtak ati tawh a,tunah chuan keipawhin ka hrehawmna theihghilh in,a hlimna ka tawmpui thiam ve angai ta.

...............



A tukah chuan college ka kal hmasa leh a,Gate chhung ka luh phat atangin Dr. Saia nau kha ka hmu nghal a,ani chuan min hmu ve lo anih hmel.





Dar 12 pelh hretah chuan Civil lam panin ka chhuak chho ta chauh a. Card lak chawp ngai ka nihloh vangin ka hmanhmawh lutuk peih tawh lemlo.





Ka thlen chuan anlo tam lutuk tawh lova,a chhunga ka va luh chuan an dan ngaite bawkin anlo buai leh hle. Ka mit fuk chatna pa pawh a damlo bia in an inbih hnai hle bawk.





Ka hun a thlen chuan thawh mai ka tum a,Dr. Saia ber chuan
"Nangmah kha lokal hmasa rawh" tiin ka hnunga mi chu a ko daih a,a ngaihna hrelo zeta ka va melh chuan nghak tura min tihna ni ang hmiang ka ti mai,a kut a rawn vai thuak a. Kal ta lo chuan ka thu thla leh a.





An in en zawh chuan kal ka tum leh a,mahse,amah bawk chuan ka hnung daiha mi chu a ko hmasa leh ta zel a. Midang chuan mak anti deuh nge,Dr. Saia nen chuan min melh tawn hrek hrek hlawm a,helai pindana awm tam zawk chu hmeichhia kan ni a,hmeichhia phei chuan ngaihdan maksak tak tak neih kan ching si. Ani sawn eng nge a hriat leh tak ni,helaia mawng hung reng hman ka nilo asin maw le.





5 vel chauh kan bang tawh ang tihah chuan ka phone alo ri a,ka en chuan awihlo takin ka tho zawk a,ka nui nghal ver ver mai. Lak pahin be tur chuan ka chhuak vat a
"Hiii" ka tih chuan a rawn nui hawk a.





"Ka damlo chu eng nge ilo an tawh a?" Uang angreng taka a rawn tih chuan nuih hak pahin
"Ka Doctor lo haw hun ka nghak mek" ka ti ve a.





"Vawiinah ka lo haw alawm,i hrelo emai" atih chuan
"I sawiloh te chuan engtin nge ka hriat ang" ka ti leh mai a. Ka hnunglama thawm ri deuh rawk ka hriat vang chuan ka hawilet zawk a
Doctor leh nurse thenkhat haw tum vei thuak thuak bak hmuhtur an awmlo.






"Tak tak a,ni 14 khian ka Clinic thar chu hawn ka tum a. Min telpui ve ang chu" a rawn tih chuan pindan lam panin ka let leh a.
"Nia,eng nge Valentine's day berkher" ka tih chuan
"A hlu alawm,i hman ang em?" Ati leh daih a
"Vday hi chuan ka buai viau thin a,ti ila i awih dawn silo. College ah thisen kan pe thin a,mahse,i pawimawh tho sia,inhmuh hram kan tum dawn nia" ka tih duah chuan chumi hmaa rawn len a duh thu te a sawi nual a.







Ka phone ka hmet thim chiah ka hnunglam atangin
"Rawn lut rawh" ka beng zawna rawn ti thuttu vang chuan ka vir zawk a. Hepa hian min tiphu ziah.





Rum ngat pahin ka zui lut a,tu vak mah pawh anlo awm tawhlo. Vai Doctor pakhat leh pawna Duty thin nu kha anlo chhuak dawn chiah zawk a. Ani nen chauha awm chu ka hreh deuh asin maw le.





"Thu rawh" atih chuan a dawhkana paper chu a han bih ngei a,a inla thu sawt riau lehnghal. Chutah,muangchanga rawn hawichhuak in
"Zai i ngai tih ka sawi tawh em kha?" Thu awn deuh chungin min melh vung vung a,ka chhu fawk chak tak tak,nimin maiah a sawi zo chiah sia.






"Niminah i sawi reng kha" ka tih sap chuan a khabe hmul tuai thuak pahin
"Nimina ka hrilh kha nangmah ini tak maw?" Te chu a han ti kual leh vel a,tiang khawpa hriatna thalo tur chu a nilo tih ka chiang ve emai.





"I natna hi a hming chu Fribroandenoma(Fibroid) a ni a,a hlauhawm loh chu ka tih kha. Nu la nilo leh tlema hmeichhe tleirawlho hian an nei duh a,bawk paih hnu chuan engmah buaina a awm tawhlo. Mahse,i bawk hi a lian viau tawh a,nakin zelah chuan mahni in dap ve reng angai anih chu. Vawikhat a awm tawh chuan a dang hi alo awm ve leh zeuh thin a,la awm ngailo tan pawh awm theihna chance a san vangin in enfiah ve reng angai" tih pahin a bula paper inthil ho chu a pawt thla mawlh mawlh a.







"Tun karah he'ngho hi lo test vek la,February ah kan in zai dawn nia" tih pahin lehkha 5 vel hi min pe a.
"Heihi eng nge?" Tih paha ka keu chuan
"Thisen test,X-ray,HIV leh eng ilo anih kha,nangni ang Case ah hi chuan kah hikna aiin hnimhlum hi kan hmang tlangpui a,chumi tur chuan test neuh neuh neih angai" ati leh a.






"Chuan,chumi zawhah kan zai nghal thei ang maw?" Tih paha ka en chuan khabe dawm meuhin min lo thlir vung vung mai,ka melh chiah chuan a che leh hrut a
"Ummm. Khami kha lo test vek la,inzai hmain hnim hlum i dawl zo ang em tih test nan khilaiah khian anlo endik che anga,zai a ni tawh mai" min la en reng chunga atih chuan ka en zui reng ngam tawhlo.






"Inzai ni chu sawi law law la" kun daih paha ka tih chuan
"February ni 14 ah khian tihtur i nei em?" Ati vah mai,ala hla ropui si.
"Ava hla ve" ka tih chuan
"Zaitur kan ngah hunlai ania,ni 14 ah chuan tihtur i neihloh chuan appointment ka siam fel ang aw" tih pahin a thutna chawp chuan a veilamah a inher zawk a,computer ah eng emaw chhu ri thluk thluk in







"Ka ziak fel dawn ania" a rawn ti leh a. Ka ngaihtuah chiang a,ni 14 ah chuan David-a Clinic hawnna ah kal ka ngai si.
"Lawk,ni 14 lovah a theih em?" Va thut hnaih deuh paha ka tih chuan rawn hawi thut pahin
"Theihloh" ati deuh hmuk a.






"Timaw,khawimaw,kha awl ala awm kha" tih paha Computer ka va bih chuan
"A awl ho hi chu VIP damlo zai hun ania,VIP annih vangin an hming kan ziak ngailo,an privacy atan" atih chuan dawt var zawng zawngah pawh ka awihloh berte zinga mi a ni.





Helai sawrkar damdawiin,chutah,Mizoram zimte ah hian Privacy ngaih pawimawh vanga an nihna thupa inzai ngai pakhat mah an awm ka hrelo. Kan tihdan a nilo bawk,Private damdawiinah takngial pawh anti ngailo tawp.





Awihloh hmel deuha ka melh chuan mit ko alo san uk a
"I duhlo chuan ni 20 hnu lam a ni leh mai,ka ziak ania" tih pahin a chhu ta mawlh mawlh mai.





"Ngawi teh,ngawi lawk,ni 14 chu ti mai rawh" ka ti zuai raih a,ka tana mi pawimawh tak tan nikhat lek hun ka pe theilo tur chu hrehawm ka ti hle.




A chhu lut tur hmel ka en chuan lehlam hawi pah deuh hian a khi leh suk suk tawh. Hepa hian dawt min hrilh em maw ni,ka Doctor ber ani sia,dawt a sawi ngawt ka ring silo.






A awmdan ka en reng tih a hriat vang nge,khuh khurh pahin min rawn melh zawk a.
"Ti daih tawh tur kha alawm" ala ti zui.
"Dawt i sawi a nilo maw?" Fiamthu titak deuha ka tih chuan a rawn meng dur tha teh e.





"Ka ti mai mai anih kha,a tawk chuan ka kal aw" tih pahin ka tho ta zal zal a. Tlema tlemah ka Doctor ber ka chhaih thinrim tep alawm. Mahse,a awmdan teh suk suk khan min ti ringhlel zo vek.







"Chuan" a rawn tih leh hluai chuan din dat pahin ka hawilet leh a,chair hnung ngheng awn duaiin,a bawp sei tak chu a dah kaw kalh deuh a.






"Ni 13 zan dar 10 atangin i kâ ah khan engmah a lut tawh tur a nilo. Tui emaw,tuilo pawh" chil lem khawlh pahin min melh a,a tukhumah a kut a suih nghet charh bawk.






"Aw" ka ti ringawt a.
"Engmah ka tih chu aw. Mahse,dar 10 rik dawn vang khan ei teuh kherlo la" tih pahin min nuih suk a,za fahran lova lo nuih let pahin
"Chuti fahran in ka ei theilo" ka lo ti hram.





"A tha anih chu,kal tawh rawh" a kut suih chu phelhin a vai thuak a,chair ah chuan thu tha in Computer lam min en san nghal daih bawk. A awmdan chu min ning riau te pawh a ang lek lek. Min ninga ninglo turin ka engmah ani bik love.







Kawngka ka rap tur chiah a thu rawn sawi vang chuan ka ding leh chawt a,second 1 lek chhungin ka lungphu a rang nghal zaih zaih thei.





"In zai ni chuan i hmuiah khan hnawihsen rawn hnawih tawh suh ang che,engmah hrelova i awmlai rengchanga la in kha i hmui nalh takah khan ka fawp duhlo ang tih ka sawi theilo" atih chuan ka awm ka dawm vang vang a,hepa hian min fiam a tum nge min tih thinrim a tum zawk.





A thusawi in min tihdanglam zia a hrelo chu a zia hlauh. Engmah hrelo ang maia kal ka tum leh lai chuan
"Tuna i bra sen kha rawn ha bawk suh,bra sen leh awmbawr no nalh tak hian mipa a tihdanglam theih zia i hriat chuan" atih leh phei chuan ka ngaihtuahna a ti nu vek tawh.






"Sawi tawh suh" ring vak lova ka tih chuan chair a ri hrawih a,englaiin nge alo thlen phei hman ka hrelo.
Min si cheta dingin a rawn kun hniam a, ka beng bul chetah min thawk khum ham ham a,ka sam min zarna zawng zawngte nen chuan ka nghawng leh a bul vel chu a tiza mer mer bawk.





"Inzai zawhah chuan i inbual mai theih dawnloh vangin rawn inbual hmasa la" tih sup pahin ka dul zawnah a kut a rawn rawlh a
"Nang ang renga damlo min tiphur thei an awmlo" thuk ruih maia tih pahin ka bek a rawn nul thuak a,ka din ngaia ding khawng rengin ka lo thaw halh thung.






Tianga awm hi ka duhlo tawp,a thalo. Ka awmdan tur a nilo,ka theilo. He mipa mi hipna ngah lutuk hi ka hnar zo lovang tih mawlh ka hlau.





"Ka ka lawm e,test tur ho chu ka lo test vek ang" ti bah deuh nawk pahin hmanhmawh fe chuan ka kal nghal hlawk hlawk a,ka liam hmaa vawikhat ka hawilet zawk chuan ipte zen run chungin min lo la thlir zui vung vung a.


Show post links
Top

[Ngaia]

ERASED

CHAPTER 6
☆☆☆☆☆☆


SHARONI POV:



Kan Doctor-a vang vek chuan in ka thlen thleng pawhin ka la pangngai thei lo. Ka scooty ka lakchhuah dawn laite khan an department room tukverh atangin min lo la thlir reng anih kha.





Tiang chuan a tha dawnlo tawp,keihian tu mipa mah inzawmna ka neihpui theilo. Belhchian lehzual tur ka awmlo ang bawkin,belhchin tlak ka awmlo. Min hrechianglo apiangin ka nun an awt a,ka zirlaite pawh anni tho. Mahse,min hrechiang ngat se chu min lo awt thinte kha an mumang nise an ti rum rum hial ang.






Ka kianga awm mipa tawh phawt tan chuan zahna ka thlen dawn a,inzawmna ka neih rei pui thei bawklo. Ka nunhlui tawp tak kha chu sawiloh,ka chin thalo tak takte kha hre vek se zawng,hnawmhne tlukah pawh min ngailo ang.






Zanah chuan David-a a rawn lang hlawl a. Reitak inhmu tawh love tilo chuan ka hriselna chungchang ngawt min zawt a.





Ka damdawi tur pawh min hawn nual,ani hi ka tan thiantha mai a nilo. Min chhandamtu ani tel bawk,ani nen hian intawnglo ila chuan,khalai hmun tawp takah khan ka nundan ngaia nungin,tunge ka nih pawh hre lek lovin ka zuih ral mai mai tawh ang.







"I damdawi ei tha la,damdawi i ei chuan zan mut theihloh pawh i neih ngailoh kha" min ngaihtuah hmel taka atih chuan
"Ka ei tha alawm,i nupui tur chu i rawn hawn tawh em?" Tiin ka zawt fiam a.





A nui hmel chu a reh deuh riai riai a.
"Uang uang suh" ati duh lek chauh. A thutak leh viau dawna ka hriat vang chuan engmah ka sawi zui ngam tawh lova,reilote chhung chu kan thu ngawi reng a.






"Mipa i mit la tu pakhat mah ila tawng chuanglo ami?" Tawng hmasa zawkah a tang ta nge nge a.
"Tawng thei pawh ka nihloh hi" khik sak paha ka tih chuan
"Sharon" ati deuh hawlh a.






"Aih,David,sawi suh. Tiang lam kha i sawi leh anih chuan ka Doctor atangin ka ban ang che ka tih kha" nuih luih sak paha ka tih chuan a kun leh nghal chhal a,za lo taka rawn nuih deuh hawk pahin
"Amak ngawt mai,a titu hre ve ngat ila chuan" tih pahin a rawn hawichhuak a,sawi zawm duh tawhlo chuan min melh reng a.






"Hun kal tawh anih kha,keipaw'n hmalam ka pan zel hi" tih paha ka va tawh chuan awihloh hmel deuh hian
"Chuti maww?" Ati kur duai a. Chhang leh lo chuan ka nuih tlawn vel mai mai.






"Atha anih chu,damdawi ei tha zel la,i thau thur thur mai ang" tih pahin a ding hluai a,haw atum leh nghal mai.






"Anih mangtha phawt" tih paha kawngkhar lam kan pan chuan
"Umm,tui deuhin lo mu rawh. Vday chu kan in date dawn kha aw,ka Clinic thar ah" nuih vur vur pahin kawngka chu a hawng a.






"Nia,thisen rim nam rum rum in kan in date dawn nia" ka tih chuan a kal chhuak va ta a.





Kha kha David-a ka pawh ve theih em em chhan pakhat a ni,ka lakah rilru dang pu ve bawk mah se,vawikhat pawh min la nawr chhin lova. Sawilo tura ka tih chuan a sawilo ve mai thin. Ka dinhmun a hrechiang a,min nawr anih vaih chuan ka mipa hlauh zingah a tel ve mai ang tih a hre bawk.






Ani kha ka thian,ka unaupa leh ka Psychiatrist Doctor pan thin ani a. Kan intawn dan chu midang hriata sawi chi pawh a nilo,mahse,kawng tamtakah min puiin mihring pangngai ah min siam leh a,Pathian ka rin ai maha rin zawk chang lah ka ngah.






Ka college hna atang chuan chawlh te la law law in X-ray leh eng ilo vel ti tur chuan ka chhuak a.




A hmasa berin thisen ka test a,tiang mai mai turah Syringe khat em em an lak thin pawh ka lo hrelo,ka ban veilam an vihna chu a duk kalh thei.





A dawtah X-ray ka han ti leh a,hnute zai turin X-ray tih kan mamawh chhan em em pawh ka hrelo,X-ray hian mihring in kan mamawh hauhloh Radiation a pek chhuah hnem vangin a theih chhung chu pumpelh hram hram ka duh. An X-Ray titu te lah chu kei aiin an naupang mah ang tihtur hi anni a,kei phei chu an la fuh lawk thei lova,vawithum lai kan tinawn lehnghal.





Dar 12 dawnah chuan X-ray kan zo ve thei hram a,sana ka en chiah chu a ranga rangin Thisen test na lamah chuan ka kal a,12 ah an khar dawn vangin ka kal hlawk hlawk a ni ber.





Step ah te chuan mi an awm vaklo bawk tiin ka tlan thla hlawk hlawk a,HIV test na ka thlen dawn tep chuan eng emaw ka su pawp a,ka sut nat ngaihtuah chuan ka na lo riau.




"I tha em?" Tih paha ka bana rawn dawmtu chu kawi zeta din pahin ka melh chhova,amah ala ni zui.




"Aw,ka tha" tih paha din mai ka tum chu ka ke ana thip zawk a,hunlo lutuk,ka lo bilh leh hman a ni ngei ang.





"I thatloh tawp kha" tih pahin zo ve chuan min chawi lawp a,kan sira thutthlengah chuan min thuttir in ka hmaa thingthit zui a rual a
"Ana lo" tih paha awmsawn ka tum chuan
"Che suh" tih hluk pahin min melh zawk a.




Hnial na hun a ni tawh silo,kan bul vela mite lah chuan ka hmaa Doctor palian tak mai thingthi ta mai chu an rawn thlek duh phian lehnghal a.





"I ke i bilh anih hi" tih pahin ka pheikhawk chu a phelh a,vanneihthlak takin ka ketin ah nail polish ka hnawih tum alo nih hloh,chu nilo se ka ketin sei kawi tak vang hian ka zak chem chem ang.




Chutia awm reng hman ka nilo tih ka hriatchhuah leh meuh chuan thisen test na atangin Doctor pakhat a rawn chhuak a,kawngka chu Tala in a kalh ta mawlh mawlh mai.





"Nilo,thisen test ka la ngai" ka tih chuan ka hmaa thinthi ut pa chu a rawn hawichhuak zawk a
"HIV vel kha ka la test ve hleinem" tahchhuak zeta ka tih chuan a tho vut a.




Vawiina ka test zo theilo anih chuan ka tap thei tak tak tawh ang,a ninawm zozai tawh emai.





"Tikhan lo thu rawh,lo che suh ang che" thu min pek leh pen sawn a rual a
"Che tur pawh ka awmloh hi" ka lo ti hram pek,thinchhiat hi ka hobby a ni thin a,tun ang boruakah phei chuan a chhe lehzual. Ka nu phei chuan ka thinchhiat em vangin Zirtirtu nilo turin min duh thin.




Thisen test na lam pan chuan ava kal a,Doctor hmeichhia lokal chu tiding in eng emaw a sawi sup sup a. An dinna a hlat deuh vangin an thusawi ka hre phak chiahlo.
"Amah saw ania" tia chahbi hum run pah chuan ka lam a rawn hawi zawk a.





Doctor nu pawh chuan a tarmit bial lian kel kawl nen chuan min rawn melhin Saia bulah chuan eng emaw a sawi leh sep a,an han nui dun leh rih a,eng nge sawti taka nuih ava tulna chhan pawh ka hrelo.





Nilo,ngawi teh,hmeichhe dang bula a nui ka hmuh vangin ka thin alo rim ve ringawt a maw. Tunge ka nih ka theihghilh em ni,ka luahlum zawhloh tur mipa anih saw. Chu lovah,ani chu nupui nei mai tur anih tak kha maw le.




Doctor chu thisen test na lam pan chuan a let leh a,Saia thung chuan ka lam rawn pan pahin a phone a bih a.




Ka hmaa lo dingin a phone chu a ipte ah chuan a thun pah a.
"Lokal rawh le" tih pahin alo kun hniam leh a,ka zakah chuan dawmin min tung tho zui nawlh.






"I sawifel thei ami,a phal maw?" Tih paha ka melh kiau chuan min si chet chungin min melh chhuk run a
"I hrehawm ti hmel hmuh ai chuan dawt muhlum pawh kan sawi mai aniang chu. Le kal ang" tih pahin hma a hruai a. Ka zaka min dawm reng pah chuan ka bai phei auh auh a.






Kan luh chuan dim takin thutna ah min thuttir a,ka ke ngahchhanah herhsawp tê chu a rawn dah bawk.
"A hrehawm em?" Min ngaihtuah hmel taka atih chuan a awmdan vel vang chuan nuamlo ka ti zawk hle a. Ka thisen la tu tur lah chuan nuih ver ver pahin min lo melh kuau bawk.






"Hrehawm loh,i duh leh kal tawh rawh" ka tih chuan chal chuar tupa min melh chhuk run chungin
"Nangmaha kal thei inih loh kha maw le" ati hluk a,a thinrim hmel phian lehnghal.






"Khawilam ah nge kan lak ang le?" Doctor in atih chuan
"Ka veilamah hi chuan an la zo chiah a,dinglam hi ni mai rawh se" tih pahin ka tawlh hma deuh a,kawr chung ka haklai ka hlip tur chu hnunglam atangin Saia bawk chuan min lo pawh chhuah sak leh a.





Sawi tur hre heklo
"Ka lawm e" tih sep pahin ka ban chu ka phar a,ani pawh Doctor nu sirah chuan ding hnaiin alo en ve reng a.




"Khawimaw kha kha?" Tih paha ka ban dinglam a rawn ban thut laiin Doctor chuan
"I vein ava te ve" alo ti ve chiah.





"Heihi an vihna che ami?" Tih paha min chiuna hnu duk deuh kalh a kawh chuan buk nghat pahin
"Aw,chawhma lama thisen ka test naah khan" ka ti mai a.




"Ava duk nasa ve" Doctor pawh chuan alo ti ve chiah.
"Nia,ka vein hi a te deuh a" khik sak paha ka tih chuan
"Mahse,tiang em em tur a nilo asin. Khawi maw rawn phar teh" tih pahin min chiuna tur lamah chuan lapaw huh thler hian a rawn hru a.





"Ka vit sual ve mai ang a,i vun a mam sia,i duk thluah mai angah" tih paha Syringe a rawn tihsik tep lai chuan Saia chu a che hrut a,Doctor Syringe ken chu chhuh lawkin
"Khawi,keima'n" ati ta mai.




"Ka hlau hleinem" ka lo tih vat chuan ka hmaa Doctor thu ber ber lah chuan
"Awi,ka lo hlau reuh lutuk a. Hmanah mi pakhat ka chiu duk vek a,min khing tep lehnghal,tiang hi chu ka ti duh tawh vaklo" inthin ngher pah chuan ala ti tak deuh deuh a.





Saia chuan min melh zawk pahin ka hmaa Chair ah chuan a rawn thu ve a,ka awmdan pawh hi ka hrethian tawhlo. Inchiu ka hlauh vang nilovin tunah hian ka lungphu a rang leh zaih zaih tawh hle,ka zam em em mai bawk si.





"I kut hum ruh rawh" tih pahin lapua chuan a rawn hru ve leh a,ka kiu bul chiahah hian eng emaw a rawn hreng bawk,chu chuan ka thisen kallai lo timuangin ka vein chu a lang ve ta deuh a.




"Kha aw" tih pahin thip chhete pawh ka hriat hma chuan ka thisen chu Syringe khat vekin a hip chhuak ta pârh a.




"Kha kha nimai lawm" tih pahin Doctor chuan Saia darah chuan a beng thlawp a,Saia chuan a thutna chair nawr hnun pahin
"Ana em?" Min ngaihtuah hmel deuh hian ati leh a.
"Na lo" ka tih ve sep chuan a ngaih ala that hmel chuangloh.




Dawhkana lapua chu tam tham fe pawt chhuakin bura tuiah chuan a chiah a,ti fû leh deuhin ka thisen an lakna zawnah chuan a rawn hmeh bel a
"Tikhan a zia ang" tih pahin ka ke nghahchhan chu a lasawn a,min rawn dawm thawh a tum leh mai.





"Aiii,kan val Senior meuh pawhin a nakruh bo a zawn hmuh meuh chuan midang care dan te alo thiam ve ta anih hi" tiin Doctor chuan keini pahnih chu min fiam a.





"In inneihna ah chuan min sawm ve loh vaih,in thisen hi ka ti Positive ang" nuih ham ham paha atih chuan a ngaihna hrelo deuhin Saia chu ka melh a,mit min lo siai khum zauh a,Doctor lam chu hawi lehin
"Monu pangpar vawr dawng tur tal pawhin i rawn lang ve ang chu" atih zuk chuan Doctor-i chuan ben leh thlawp pah hian
"Saihmingpui,chuti'n ka Senior lo" alo ti ta hlar a.






An sawi awmzia hre chiahlo mah ila an awmdan chuan nuih a tiza reuh hle. Ka lo nui ve chu min rawn en in
"Innu tur pawh a nuih ve tak sen sen hi" atih chuan Saia chuan mitmeng danglam takin min melh a,tuna min melh dan hian ka piana hnulamah tu mihring mahin min melh ngailo. Hmana ka ui vulh thin thi ta Poppy-i tihloh chuan,ani khan min ngaih chang leh ka bula awm a thlakhlelh changin tiang mitmeng khan min melh thin anih kha.






"Iti lawmawm lutuk e,kan kal mai ang" tih pahin a rawn kal hnai a,ka kaihza ah chuan zen pheiin a kut lehlamin ka nghawng a dawm bawk.




"Kan kal" tih pahin min chawi kang ta lawp mai.
"Heyyy" ka lo tih that chuan
"Ngawi mai mai rawh,a en reng che ania" ka bengbul chetah a rawn ti ham ham a.





Kawngka kan pel chiah chu leng vakin
"Ka chhuk duh,keimah in ka kal mai ang" ka tih chuan hrelo ang hmiahin a awm nia.
"Doctor,keimah in min kaltir rawh ka tih chu" tih paha ka chet leh vak chuan min sawi deuh lawih pahin
"Che reng suh,ka thlauh che chuan a hunah kan inzai thei miahlo ang" ati duh lek chauh.





FNAC test na lam atang te chuan midang anlo chhuak ve a,a bul lawka Doctor ho haw tur pawh anlo chhuak ve bawk. An thawm ka hriat rual rualin rang lutuk chuan a awmah ka hmai ka thukru nghal rawk rawk a,nuih nghawr dat pahin ka kawr chung khan ka hmai a rawn khuh zui bawk.






"Euuu,kan Doctor chu,iva âwk tha awm bik ve?" Tia anlo fiam chuan mahni te in a awm zawnah ka lo sa ham ham a,a lungphu ri chiang fahran te chuan min tizam lehzual zo vek.





"Nia hei,ka thang kamah alo âwk nawlh mai" tih pahin min khuha âwng atang chuan a rawn nui suk a. A hnute ah hian ka seh sawk zawk dawn maw ni. Min chhuk tir tura ka ngen lai khan ka thusawi ngaihthlak ve hle hle tur ania.






"Eee,chhuah tawh miah suh. Khatiang kha chu awh fuh an har ania,an vang pharh zel" Kan tawhte bawkin nui huah huah chunga anlo tih leh chuan a awm zawnah ka lo thaw hak a,LalSaia chuan min pawm beh sauh pahin
"Chhuah tawh lovang,amaha chhuah alo tum anih leh ka hlîng tlat mai ang" chet luih pah hian ati a.





Nuih ham ham pahin midang pawh chu an kal ta anih hmel. An boruak hi fiamthu mah nise ka zo thlawtlo. Min pawm bet tlattu pawh chu step ah a chho ni awm takin ka kang deuh det det a. Midang kan kalpel tih ka hriat leh theihna chu an phun ri ka hriat zel vang a ni.





Sawi zuiloh ngaihna a awmlo,an Doctor khân sang tak maiin hmeichhe pakhat zo zet maia a chawi chu amak ve dawn em asin.





Ka kawr chhanah chuan a rawn eng deuh pup a,a ai nasa zahna kan tawng dawn anih hmel. Pawnah kan chhuak tawh tih hriat takin motor leh mipui tawng lawng lawng ri chu ka hre vek a. Ring taka phone lo hmangte pawh an zawn kan thlen chuan an tawng zawih sap loh leh an ngawi nghal hmak zel.






Parking na hmun min pan thlakpui dawn phei chuan ka zak lutuk chu a thuk thei ang berin a awmah ka hmai chu ka phum a,zah luatah ka mawng te hi a za uaih uaih thei. Kan kalna zawn apiang an reh sawt zel danah min enzui tih hriat reng reng. Min pawmtu lah chuan an ngaihdan engah mah ngailo ang maiin a pen ngaiin a pen pawk pawk a,chawlh pawh chawl eih lovin ala kal ngar ngar,ka rih ve awm tehlul nen.





Tlema ka hmai zawn a thim deuh chuan a ding chat a,muangchanga min nghatin lei rah inring deuh chuan ka lo awm a. Mahse,ka beisei aiin ka mawngin thil dang a si hma.




Leiah min dintir lovin a Car hmaah chuan min nghat alo ni a,ka bawp sei fahranlo nen chuan ke ka then nel nel thei.





"I engmah ana tawhlo em?" Rawn innem khalh run paha atih chuan ka lo zah tawhna zawng zawng vangte nen chuan chil ka lem khalh a. Chiang taka min melh kulh ang chiah chuan ka en ve kiau a
"Na lo,engmah" ka tih chuan ka tum aiin ka aw a zawi.




"A that hloh chu" tih pahin min rawn awm hnaih sawt a,ka lo awn ve nghal zat bawk.
"Ka thlah ang che" ti pah reng chung chuan ka hmui zawn a melh daih a,harhchhuak zawkin nimina a thusawi kha ka hrechhuak a,amah ka en chuan a hrawk bawk che ralh khawpa chil lem pahin ka mit leh hmui inkar chu alo melh tawn zak zak a.





"Ahhh,min thlah dawn chuan tunah kal mai ang" tih pahin ka hawisawn a,mahse, ka sirlam pawh ngil taka ka hawi hma hauh chuan ka khabe ah a rawn dawm thut a,ka chelai chu ka tawp chat bawk.




Zawimuanga a lam min hawitir pahin a ding ngil deuh a,min rawn hnaih lehzual sawt bawk.
"Ka nupui hual anga ka sawi chhan che kha i hria em?" Ka mit taka min melh chung chuan ati sup a.




Aih tihnan ka lu chu ka lo thing vak a,ka zam chhe mai dawnin ka hria. Tu mipa lakah mah tiang hian ka awm ngailo.





"Kha Doctor kha nimin piah maia ka then tak Nîtei anih kha" atih chuan ka meng bial kawk a,kha Nurse nu kha a sawina alo ni maw.





"Tinge dawt i sawi kher?" Ka tih chuan rawn kun hniam pahin ka khabe chu ala dawm reng a
"Thudik anih thuai dawn vangin" ka hriat tham che che a atih chuan chu thu ringawt pawh chuan min va han sawi nghing hneh si em.





Mahse,ka rilru ah sual hlawm alo lian leh a,khatia min ngaihsak kual chhanah khan lem a chan vang chauh niin ka ngai ta tlat. A bialnu then tak Nitei lakah chuan ngaihzawng dang nei angin a awm a,anlo awih theih nan.





Ka ngaihtuahna phuahchawp zet chu ka thinrim pui titih mai a. Min ngaihsakna kha lemchan mai atan chuan ka ui nge,a bialnu hlui chhungte tih-el nana min hmang chu ka duhlo zawk ka hrelo. An inthen chhan pakhat mah ka hre bawk si lova.






"Khawimaw,ka chhuk duh" aw-ki danglam daiha ka tih chuan che lovin min la melh ngur a,a ban nawr sawn ka tum pawh chu ka hlawhchham chiang hle.





"I rilru a buai a ni tiraw,,keipawh a buai asin" tih pahin ka hmui chu a kut zungpuiin a tuai zauh a.
"Hei vang te leh,a bulpui ber ka hmaa thu nula vangte hian" tih pahin min fawh a tumin a rawn awn riai riai a.





Reilote chhung chu rilru fim pu hauhlovin lo dawh tawp ka tum hman a,mahse,ka mithhla a thil lolang vang chuan mitchhing chungin ka hawisawn zawk a,ani ve thung chu thaw hrawk pahin ka awmzawnah a rawn kun chhal a.





"Ka nawrlui lovang che" la kun reng pah chuan ati leh sup a. A chal sa vung vung chu ka kawr awm zawn,pan tak chhanah chuan a hriat vek theih.





Reitak tawng lova kan awm vang vang hnu chuan a hnar tuai thuak pahin
"I result chu tlai lamah ka lo lam mai ang che,min hmuhtir leh tho i ngaih dawn vangin ka kawl tlang mai ang" tiin a ding ngil ta a.




Ka lo chet ve deuh sawih chuan min dawm zui leh nghal in
"Fimkhur la" ati vat a.





"Hetiang taka min ngaihsak tur hian i eng nge ka nih a,min hnaih tlat zel. I lemchanna vang bawk kha em ni?" Tiin ka zawt ta nge nge a.




Mitmeng danglam hauhlovin chiang tak chuan a meng a
"Ka mitah hian chiang takin en la" tih pahin ka hmai bul chetah chuan a rawn kun hniam leh a.




"Ka mitah hian en la,ka rilru ka pek theih miahloh hmeichhia zui reng peih turah min ngai em. Min ngailo ang tiraw?" Atih chuan ka lo bu nghat a.





"A tha. Chuvang tak chuan ka rilru ka pek,ka pek mai pawh nilo,ka hlan fel vek tawh hmeichhia zawk chu um zui ka duh ta a" atih chuan ka thutna Car hma atang chuan ka tawlh thla zawt lo chauh.




Ani hian tunah khan min duh thu a sawi ta mai em ni. Nilo,min duh lul suh se,ka lo duh palh anih pawhin ani hi chuan min hnar zawk tur ania sin. Min duh theilo.





"Min duh suh,min duh theilo. Mi tha ka nilo" tlang tak chuan ka ti ta pawp a. Mahse,eng teh hu ah vak angaih hmel tehchiamlo.





"Eng nge ka theihloh chhan chu sawi la,a chhan a tha tawk viau anih a,i tana tha tur zawk anih chuan siamrem dan a awm ang" atih chuan beidawng deuhin ka en a.




A chhan te chu tamtak a awm alawm. Mahse,ka sawi thei silo. Tlang takin han sawi thei ni ila chuan min thlahthlam nghal phah ngei bawk ang. Mahse,ka hnar chhan che ka sawi thei lova,ka pawm thei bawk silo che.






"Chhan tha awmlo nih chuan" tih pahin min hlang thla dat a.
A car hmalam kawngkhar chu hawngin dim zet chuan min thut luhtir a.






"Ka ngaihsak chhan che i ngaihtuah buai anih chuan ngaihtuah zui tawh suh. A chhan chu hei ai hian ka la ngaihsak zual zel dawn che. Chuvangin ngaiah lo nei tawh rawh" tih pahin kawngka chu a nam phui dawp a,Driver seat lam pana a kal kual chu tihngaihna hrelo zetin ka en reng ringawt.


Show post links
Top