ERASED BY Krystal Vanchhawng (Completed)

[Ngaia]

ERASED


CHAPTER 7
☆☆☆☆☆☆


DR. SAIA POV:


Ka bula ngawi renga thu nu chu a thu hle hle a,a khat tawkin a thaw leh halh thin,min melh zeuh zeuh tihloh chu engtin mah a awmlo.





A rilru a buai tih a hriat reng,ni e,keipawh buai tak a ni. Ani aiin a buai ti ila ka sawi uar maithei,mahse,buai ve tak hi ania. Kan rilru buai dan a inanglo maithei bawk a.






A chhuk duhna a sawi hmuna ka din chuan ngawi rengin chhuk mai a tum a,a kuta ka va vawn chawt chuan phu zawk pahin min melh dawrh a
"Tihpalh,tihphut che ka tumlo" ka tih chuan a nui mai a.
"I result chu ka kawl anga,ilo kal niah ka pe mai ang che" ka tih chuan a bu nghat a.





Ka en reng lai chuan bai auh auh chungin a chhuk a. Duh viau mah ila a in thleng ka thlah theilo. A ka hupa ka pawm lawp anihloh chuan midang ngaihdan tur a dawn leh anga,a thin tihrim ka hlau mai a ni. Nichin pawh khan rawn hmasa ni ila chu pawm kha a duh hauhlo ang,ka pawm laklawh tawh vang leh a ual au vang khan a awmtha zui mai kha ania.





Tinge maw hmeicheho hian midang rilru tur hi an dawn em em mai le,an duh antih chuan a tawk mai a,engkima midang an ngaihchan reng vang hi alawm an dawih em em..






A luh fel hnu chuan la chhuak lawk lovin ka thu deuh vang vang a. Ka hrethiam theilo,engvanga in khar khip tlat nge maw anih. A tleirawl lai ang chiah kha a ni. An khuaa ka awm chhung rei viaulo mah se ka hrechiang ve hman viau chuan ka hria.





Ka tlan chhoh leh lamah chuan Saizami college ban tawh ringin ka hawi kual vel a,ka hmuh mailoh vang chuan tlan pelh mai ka tum a. Mahse,ka side glass atanga an Gate lam ka hawi chuan an thiante nen haw tumin anlo in buatsaih mek a.





Ka motor chu tiding nghalin ka chhuak zui vat a,an lam pana ka phei chuan min hmu lawklo. Midang chuan min en duh hle a,mahse tunge ka nih an hre lemlo ang.





"Aih,Scott-a nen hian kan haw rual ang" tih paha alo nuih laitak chuan a sirah dinga
"Lokal rawh" ka ti thut chu a awmsawn dawrh a,a phu nasa hle.





"Awi Lalpa,Uuuuu,min tiphu" tih vak pahin a âwm a dawm a,min rawn pan hnaiin midang awmlai chuan min beng thlawp lehnghal.





"Lokal rawh,haw ang" tih paha kaih mai ka tum chu alo tang teu mai.
"Ka thiante nen hian kal kawina tur kan la nei" tih pahin a thiante chu ava melh zeuh a. A thianteho chuan ți dakin min lo melh bawk.






"Thim hma in rawn haw suh ang che" ka tih chuan
"Awmawmi nen kan inhmu dawn" alo ti vei hmak a.
"Saizampuii" ka tih hluk chuan nuih seih pahin
"Ka ti mai mai anih kha,a rilru na ala tap ang. Kal teh,haw tawh rawh" tih pah chuan min nem tang tang a.






Engmah sawi zawm tawhlo chuan ka kal mai a,a phurtu tur ni awm tak a bula mipa lo awm ve reng kha ka rin zawng a ni hauhlo. An rui deuh em maw ni lehnghal. Ani kha han rui ve vaih se chuan a chaklo chai chai ang chu.



Damdawiin ka thlen chuan kan department pindan lam ka pan vat a,anlo haw hlawm tawh vangin duty pawh an tlem pharh tawh.





Ka hmuh hmasak ber chu ko lutin result lam ngaihna hmun leh a lam tur result,Sharoni hmingpum vel chu ka ziak a.
"Heihi min lam sak ta che,hetah hian ka lo awm ang" tih paha lehkha ka pek chuan a kal chhuak nghal mai a.





Sharoni ti hian ka sawi thiam tlatlo,ka lakah chuan Ramdinpuii tih hi a inhmeh zawk tlat. Ni e,Sharon par ang maia mawiin vul chek mah se,Sharoni tiin ka ko phal tlatlo,ka tan chuan Ramdinpuii ala ni tho tho.




An khuaa ka awm ve lai pawh khan Sharoni antih chu ka hria a,mahse,a mizo hming bak kha ka bulah a sawi tlat lova,ka hriat hmasak dan leh a mizo hming ngat kha inhmeh ka la ti fan..





Minute 20 vel a ral hnu chuan ka mi tirh pawh alo thleng chho leh mai a. A result ho pharh a ka enchian chuan amak tulh tulh.





Veilam chauha awm ang khan a sawi a,X-ray atang chuan dinglamah pawh bâwk ang deuh 2 chu a lang a. Chu aia mak lehzual chu,a hnute hmur hi a ni.





Naute hnute pe tawh leh pek mek in hnute bawr velah bawk an neih pawhin,kan han sâwr tir a,Hnâi ang hian tui hnang alo chhuak mai a. Nula pangngai chu naute in an hnute tui ala fawh haw ve loh vangin kan sâwrtir ve ngailo. Mahse,Ramdinpuii result lo chhuak apiangah hian hnute hmur atanga tui hnang chhuak thei angin a inziak vek bawk si.







Chutiang anih a,naute ala nei bawk silo anih chuan zai dan pawh thlak deuh hlek angai ang. Nula hnahkhat ngat ala ni a,fa neih hma chu a hnute tui haw awmloh tak hi ania. Mahse,a danglam tlat bawk si.






Engtin emaw ati khawlo anihloh pawhin,eng emaw sulhnu tal chu anih ka ring ta. Inzai hmain vawikhat tal chu zawt nawn leh hrim hrim ila,tiang lam damdawite pawh hi alo ei a ni maithei a,anih ngat phei chuan damdawi a ei zawm te pawh angai hial ang.





SHARONI POV:


Ka inzai ni chu alo hnai ve telh telh a,ka chhungte ka la hrilh hauhlo. Lokal se ka tih aiin lokal lo se ka tihna a tam zawk a. Midang hmuha inngaihtuah chuk chuk te hi ka hua a,ka sual vang a ni em ka hrelo. Ka naupanlai ata tawh mahni a tal tam ka nih vang pawh a ni maithei.






Dam mawh hritlan vela ka chhungte'n min ngaihsak hluai a,min chei naupangchhia changte hian ka ti thei thaklo. Ka ning a,ka damlo anih pawhin ngawi reng se,mu tawp ila,ka dam hunah ka sawi mai dawn a,thi dawna na pawh ka ni ngailova.






Zawhna mi anlo zawh sek te hian ka kham hluah hluah thin. A then chuan thinchhia min tih phah fova,mahse,ka thinchhiat vang em em pawh a ni biklo. Ka lawm zawng a nilo ve tawp.





Damdawiin lam bawk chu ka pan leh a,ka Doctor hmu turin ka tlang nghal a. Ka thleng chiaha ka lut thei nghal mai.





Dr. Saia dawhkan bulah chuan Nurse nu kha alo ding reng a,midang pawh an awm tam. Mahse,Nurse chuan Saia chu zawite te hian a be sep sep a,Saia ve thung chuan chhan tumlo ang maiin thu ngul chung chuan thil a ziah san mual mual bawk.





Midang pawh chuan an melh hrek hrek hlawm a,an Vai Doctor phei kha chuan a tihlai thulh thakin a thlir.




Saia berin chhan a tum takloh vang nge,Nurse chu a rawn inher a,midangin kan lo en thup tih a hmuh chuan a zak leh deuh aniang,a kun deuh chhal a. Saia ve thung chu a tihngai tiin ala thu reng.





Kun chhal paha rawn pheiin keia lo ding reng chu min su her deuh lawp a,ka pai deuh khat ri ah chuan anlo hawi nghal thup a. Saia pawh a Pen humlai dahthla in a rawn hawi nghal vut.





"Awi,ka Tihpalh,ina em. Kawng ka lo enlo a ni?" Tia thupha a chawi mawlh mawlh lai chuan Saia chu alo che deuh hrut a,a rawn thawh hma in an HOD ber chuan
"Eee,fimkhur ang aw,pindan a chep si,inlo insu na mai ang e" alo ti hlauh a.





"Ka na lo" ka tih chuan inthiamloh hmel deuhin min melh a. A tilui lo chuan ka hria,kun chungin a rawn kal miau a,a thiamloh vek pawh a ni biklo. A kawng en zawk pawh ka lo ding sawn bik si lo.



Saia rawn tho ûk tawh chu a thu leh mai a. Nurse pawh chu zah hmel deuhin a chhuak zui ta a. Miho pawh chuan en zui tawh lemlovin an awm ngai chuan an awm leh mai a.




Ngawi rengin a hma chair ah chuan ka va thu a,min melh hauh lovin a pawh dawh chu a hawng a,ka result ni awm tak rawn lachhuak in dawhkanah chuan a pharh a.





A tarmit vuah leh sauh sauh pahin thaw suai suai chung chuan min melh va ta a.
"Heihi i keng anga,Psychiatrist Department awmna building ah khian PAC tih inziak pindan alo awm anga,tah chuan i bp leh eng ilo anlo endik anga,i tlin chuan hetah ilo chhuk leh dawn nia" tih duah pahin min melh kur a.





"Aw,aw le" tih pahin ka tho hlawt a. A awmdan chu danglam riau hian ka hria a. Nge,nimin thilthleng vang mai khan ka lo beisei sang zawk.





PAC tih hmunah chuan ka lut a,ka bp leh Mar phu(pulse) vel anlo enfiah a,zai ka tawk tawh em tihte chu min lo interview a ni ber. Ka lehkha ah chuan eng emaw an ziak mawlh mawlh a. Doctor bawk hmu tur chuan ka chhuk thla leh ta a.





Ka let leh chuan a bulah Doctor ve tho 1 hi alo thu a,lehkha lo bih mawlh mawlh pahin eng emaw an sawi sup sup bawk.





"Engtin nge anlo tih?" A hmaa ka va thut chuan rawn hawi miahlovin min zawt a.
"Heihi min pe" tih pahin ka lehkha chu ka pharh a.





"Ummm,i tling vek anih hmel. Lei tur ka'n ziak ang e" tih pahin a bula lehkha 1 chu a pawt thla leh a,thil inziak thla diat diat zawnah chuan a thai thla pawp pawp a.





"Ka thai ho hi lo lei vek la,ni 14 zing dar kuaah chuan lo thlen hman i tum dawn nia" tih pahin lehkha chu min pe a. Lo buk nghat nghat pahin a thil ziah chu ka en pah bawk.





Kal nghal mai tuma ka thawh chuan
"Chuan,thil ei hun kha aw" atih leh zauh chuan ka nuih ta ringawt a.
"Anih chhungte lokal ve kher angai ang em?" Tiin ka zawt ta nge nge a.





"Ngai em em love,Admit tur ini lova,mahse,pahnih khat chu lo tel thei mah se a pawi miahlo" tih pahin a Pen kenlai chu dawhkanah a khawng ri kauh kauh a.




"Chuan,a vawt dawn a,in haw hmaa i mutna ami tur Blanket 1 tal lo keng la" tih pahin a ding hluai a,a bula thu chuan keini inbia chu min ngaihsak vak hmelloh.





Ka bul cheta rawn dingin
"Ka kuah lum i phut kher a nihloh chuan Blanket lum tha tak lo keng ang che" ka beng bulah a rawn ti sur sur a,midangin min lo en ang tih hlau takin ka hawi kual a. Vanneihthlak takin an phone an lo bih hlawm hloh a.






"Ka kal tawh mai ang" ka tih sep chuan ka ban a rawn chul thla thuak a.
"Ka sawi kha" tih pahin ka ban rek chu a vuan a.
"Engmah hre lova i mut lai lo hman tangkai i duhloh chuan hnawihsen rawn inhnawih suh" atih leh sup chuan ka sam min zarna nen ka beng kawm vel a za mer mer thei.





"Aw le" sawi tur reng hre tawhlo chuan ka ti ta tawp a.
"Thu i awih sawt hle mai" tih pahin min nuih suk a,min vawnna kut chu hrut thla in eng emaw min hmehbel a.





Ka en nak chuan ka Scooty chahbi lek alo ni a. Ka hmanhmawh luatah ka lo theihghilh leh tawh anih dawn hi.




DR. SAIA POV:



Vawiina ka thu dawn berkher chuan min ti nui vur vur lo tawp. Ramdinpuii lokal pawh duh angin ka ngaihsak tha theilo.




Kan HOD nupui hian nau hmeichhia,pumpui thalo tak mai a nei a. Kan enkawl tirhin inzai a ngai tih a lang nghal a,a duh lova,a hlauh tlat vangin na a tuar tawp.




Mahse,eng vang teh hrep nge maw,zai tur ka neih veleh inzai a rawn duh thar leh a. Kan hun awl theih lai nghak tura kan tih pawhin ni 14 ah ati kher kher lehnghal.



Kan HOD te ina khawsa ve hi ani a,kan HOD vang tal pawhin kan hnial thei silo. Chutah,HOD hian a zai huna pui turin min ngen tlat lehnghal. Ka hnial tang tang chung pawhin
'Nanglo chu min puitu atan ka duhlo' ati mauh mai si.




Pu te berin min phut tlat chuan tul viau pawh ni ila hnial thei hek lo i. Ramdinpuii pawh keimah ngeiin ka zai ang ka tih laiin,ka hman dawn ta lo a ni.



Kan mi zai tur hian darkar chuang fe a daih dawn a. Ramdinpuii zai hun dar 11 a ni a,kan mi zaitur dar 10 chauh a ni bawk si.




Rilru buai ru taka ka thut lai chuan Ramesh-a a rawn nui lut vur vur a. Ka lo melh kur chuan ka bula rawn thu pahin
"Keimah damlo min dil kha,keimah zai leh daih dawn lawm. Nangmah chu buai emai" a rawn ti vei ham ham a. Ka hem zawt dawn em maw ni,rilru buai nen.




"Kal mai mai teh" ka lo tih hluk chuan a manthiam lehzual.
"Nangmah chu pawi emai. Amah chu zai chak vaklo sin" min tih el kual leh a. Thawh hluai pahin ka melh hrawk a,ala nui zui vur vur tho.




Ka chhuak chiah chu kan HOD in min lo zui chhuak ve reng a.
"Saia,lo ding teh" atih chuan ka hawi let vut a.
"Ava zialo ve,mi pawimawh deuh zai tur ilo nei a ni maw?" Inthiamloh hmel zeta atih chuan
"Nei love,ka thei alawm" ka ti mai a.





Ramdinpuii chu zai ve lo pawh ni ila ka enkawl zawm thei thova,ka bul hnaiah a awm reng dawn tho. Mahse,vawikhat in zai tlansan vanga hotute lung dumloh chu a pawi zawk,kan mimal nun aia kan thlan fo tur kan hna chu kan dah pawimawh hmasa ber reng tur a ni. Chu chu Doctor kan zirlai zawng zawng leh tun thlenga ka nunpui ala ni reng bawk.





Mahse,Ramesh-a berkher chuan a zai lovang,a zai tur hi a nilo tawp. Ramdinpuii lakah rilru danglam pu ve lo mah se,tul ka tilo. A zaitute zingah Male nurse an tel tur pawh hmuh mawh tawh nak alaiin,ani mi phaw sawlh lutuk hian a zai ka duh hauhlo.






Surgery department lama kan senior tho Dr. Hruaii office ah chuan ka kal a,min hmu chu a meng phar deuh awk a. Kan inbe khat ve bawk em a ni,biak chhan tur em em ka neihloh bakah a fanu hian min ngaizawng thin a,kei min hmuh duh vang ngawtin anu hna kal te a rawn zui thin.






"Kan makpa țhelh chu ve teh hlawl che chuan" tiin min lo fiam nghal zat a.
"Englo ania" tiin ka han ngen nghal thawr a. Ka sawilai chuan nu fing tih takah chîk fe mai hian min melh ngar mai a.





"Nang meuhin min ngen te chuan kan hnial ngam nang" atih chuan kuah thlawp mai tur em maw ni ka ti hman hial. A fanu duh ang zawng zawng tihsak tum lova ka hnar fithla thak min lo hriatthiam pui pawh khan a fin felzia a tilang chiang hle in ka hria.






"Iti lawmawm takzet,khawih ka tum tehreng nen. Kan HOD hian pui turin min phut ve bawk sia" ka tih chuan
"Aho lutuk,ni 14 te chuan ka awl ve alawm. Lungngai reng reng suh,tha takin ka lo zai dawn nia" atih chuan thla a muang huai huai thei.





Ramesh-a'n a zai ai thlawt chuan a inzai hun tihtlai mai pawh kha ka duh rum rum a. Mahse,Dr. Hruaii'n ka dilna alo tihlawhtling hloh a,a zia viau. Chulai kara zia viaulo pakhat lo awm ve chu,Awmawmi kha a ni. Ani kha Ramdinpuii an zai ni turah OT(Operation Theater) ah a duty a hun ve chiah dawn a.





Mahse,thil thalo ti duh tur khawpa hmeichhe sual a ni lova,khalamah kha chuan ka buailo khawp mai. Amaherawhchu,ka bialnu hlui,vawihnih lai ka then nawn tawh,ka bialnu thar ni mai tur zainaa a han tel ve tur chu a mak deuh.




SHARONI POV:


Naktuk mai hi ka inzai hun a ni tawh a,ka chhungte pawh ka la hrilh chuanglo. Mahse,buaithlak ta ber chu,Elizabeth-i hian lo riah a tum tlat mai hi a ni.




Nidangah sawm lohva rawn kal tum der silo,ka inhrêk a ngaih zan bera lo riah a tum chu ka ngei reuh hle a. Han hnar ngawt theih lah ani bawk silo.






Zanriah ei hun hma si chuan a rawn thleng ta nge nge a,a thiannu ala rawn inthlah tir lehnghal.





"Chaw ka ei peihlo,ka mu dawn. Zanah thil ka ei mai ang" a han tih phei chuan ka lung ati ngai lehzual. Dar 10 hnu lamah keiin thil ka ei thei dawn der si lova.





Alo thlen atangin a mu char char a,kaihthawh duh viau mah ila in exam zo hlim,mut kham theiloh lai kha ani bawk si. Dar 9 pelh hretah chuan thil ka ei ve ta a. Min zai zawh hma chu engmah ka ei theih dawnloh vangin ka ei ta nghek a,tui rîl lam pawh awmze nei em em lo chuan ka in teuh a.





Ka thil eilai chuan Saia thusawi
'Dar 10 ril hma in ei teuh kherlo la' atih kha alo lang a,thil ei pah chuan ka han nui leh rih.




"Ava za awm vur vur ve?" Tih paha Elizabeth-i rawn lut thut vang chuan ka nui tawp chat a.
"Iva ei tlai ve. Taka,naktuk chu Civil ah thisen pe ve ang aw?" Tih pahin eitur a rawn chhawp ve mawlh mawlh a.




"Ipe dawn nia,keichu ka hmanlo" ka tih chuan min melh ha a.
"I hman reng kha,Vday te chuan kan pek rual ziah kha. Ehe,nanghi,ngaihzawng i nei chiang?" Ati ta chiam a.




"Chulam a ni mai mai lo" tih pahin ka hmaa intur chu ka in khawlh a.
"A ni chiang lutuk. Ka va han lawmpui tak che,i neih theih pawh ka lo ring lova" a tawp lam zuai raiha atih chuan ka khawngaih deuh bawk nen thudik hrilh chu ka duh ta a.






"Min zai dawn alawm,naktukah chuan" ka tih sep chuan a thil inlai a phuh chhuak thawt lo chauh,phuh em lo chuan a hâk zui hram.




"Eng maw,zai maw. Tunge,i enge na a?" Tih vak pahin ka bulah a rawn thu sauh sauh a.
"Ka hnute ania" tia thil awmdan tlangpui ka sawi chuan min khawngaih hmel deuh te hian min melh a. A landan chu a duhawm reuh lutuk,ani hi ka nau alo ni lovang tih ka hlau thin.





"Tiangte chu eng nge min hrilh loh,ka kalpui thei reng che sia. Mahse,lungngai suh,naktukah chuan ka kalpui em em ang che" min thlamuan tum taka atih chuan ka nuih mai a. Thil ka hrechhuak leh zawk.





"Mahse ka nu leh pa hrilh suh ang che" ka tih chuan min melh zawk a.
"Tinge?" Ati zawi sap a,kha maw,a ngai kawi leh dawn ta.





"An hriat ka duhlo ve tawp. Nangmah i awm tawh thova" tih paha ka nghen chuan min chhang lawk lova,a hnu daihah
"Nia,kan 2 chauh pawh a tawk ang. Minor operation (inzai tenau) hi chu an haw leh nghal zel alawm" ati vei reuh a. A hrilhloh tak tak chu ka beisei.





Zing alo nih chuan thawh veleh ka insiam nghal a,ka hlauh ang nge nge in dar 7 vel chuan ka nu in min rawn phone a. Min zawt ta chat reng a.
"Malsawmkimi chu" thinrim taka ka tih sep chuan
"I nau puh suh,kan ngaihtuah em em che a. Chutiang thil liantham te chu engtin nge zep hlen ilo tum reng reng. Han inzai zo la,ka la hlap hrep ang che" a rawn ti fiam a. Nuih mood ah pawh ka awm chiahlo a ni e.







"Elizabeth Malsawmkim" ka tih thak chuan bathroom atang rawn chhuakin min melh tha ngam chiahlo hian
"Tihpalh u,tianga thil liantham hi chu ka zep theilo a ni. Ka nute'n kan zep tih an hriat chuan an thinrim dawn em a. Bakah,an rilru a hah dawn lutuk" inthiamloh hmel zeta atih chuan hauh pawh ka hau zawm peih tawhlo.





Civil lam pan chuan kan inkhalh chhova,ka hnungah ka blanket nen a chuang ve tai a. Ka la biak lehloh vangin ka thinrim emaw ati a,a awm a nuamlo ve khawp ang. Mahse,a lakah ka thinrim lo,ka tawng peihlo mai a ni. Keimah leh keimah hi ka intithinrim a,han tawng duah mood ah pawh ka awmlo.






Civil Canteen bula ka din chuan a chhuk tharh a,Damdawi lei tura ka phei dawn chuan ka banah man chawtin
"U,thinrim tawhlo la,ka ngaihtuah ve che alawm" atih chuan a samah ka chul zeuh a.
"Ka thinrim hleinem. Ka zam ve deuh a,ka tawng chaklo mai a ni" ka tih chuan thaw huai hmel a pu a.





Doctor in lei tura min tihho chu ka lam khawm a,Polyethylene(Pawlithin) lian khat tlat mai hi a ni a,heihi ania Civil thatloh leh chhan chu,ka lei zinga hmun 1 pawh hi ka tan an hmang awm tawp si lo. Drip te lah hi bur 3 lai min leitir a,bur 1 bak an hmang tawp lovang. An eiru zo vek nimai hian ka hria,a thalo tak tak.






Kan luh chhoh hma chuan lehkha tihfel ngai leh ziah ngaite kan han ziak fel leh te te phawt a.




Kan zo chiah tihah ka nu in min lo call a,ka lak chuan
"Khawnge in awm?" A rawn ti lawng lawng a.
"Gate bulah kan awm tawh. Eli nge nangmah lo lut chho ve dawn. 1 chiah in luhpui an phal a?" Ka tih chuan rik rawk rawk pahin
"Ka hrelo kan lo thleng phawt ang. Hei,i u Vala'n i inzai zawha i dang tih hnawnna tur a lei lawk a,ipa nen ka hnungah anlo kal" tih pahin a dah ta a.




Ka dinna ngaiah chuan ka ding reng a,ka phone chu nghet zetin ka hum ngar ngar bawk,ka tihngaihna hrelo lutuk chu ding reng chung te chuan ka vir muai muai ni berin ka hria. Midang pawh anni ve tho ang,thinrim lutuk laia che thei lova kan awm hian kan hai chhulh thei.




Tunah hian tiang chiah chuan ka awm. Tinge tih bak zawhna ka neilo. Elizabeth-i pawh hian lo hrelo tawp se tha tur. Ti bung bunga an rawn kal pawh hi ka duhlo. U Vala ngat phei chu.




Elizabeth-i chu ka bula lo ding pahin
"Anu in luhpui tir mai rawh,tah hian ka lo thu ve mai ang" atih chuan ka bu nghat a. Chhan pawh ka chhang peihlo,kan tun hun chiah atang hian khawvel rawn tawp thut mah se pawi ka tilo. La inpeih lo viau mah ila,tunah tak hi chuan engmah ka pawisa lo a ni ber.





Ka nu te chu anlo thleng chhova,ka tawng tlem hle a. Ka zam vangah an ngai vek. Ni e,ka zam ve tho. Mahse,ka awmdan inthlak hlawk hi chu chhan dang vang a ni daih.





"Tunge lo kal dawn che u,chhoh angai tawh ania" Gate duty nu in alo tih chuan ka chhungte thu thap chu ka melh a.



"Ipa nan han kal mai rawh u,keini hetah kan lo awm ang" ka nu in atih chuan U Vala nen kan inmelh fuh zawk a,rang zeta hawi sawn leh pahin
"Ka pa nen maw?" Ka tih chuan Elizabeth-i chuan
"Nu,nangmah kal zawk rawh. Apa chu hetah a awm angai alawm. Thil lei ngaite hi a awm thut thin a,zuan zang leh rintlak deuh tak awm angai. Bakah,in zawn angai dawn lova. Apa hi thil ka sawipui duh" alo tih chuan ka pa pawh chuan
"Ni e,kan lo thu anga. Vala pawh a awm a,kan lo nghak ang" alo ti ve a.






Ka nu nen chuan kan chho ta hnak hnak a. Kan nghah chhung zawng chu zamlo tur leh a hlauhawmloh thu sawiin min fuih char char a.
Ka hlauh loh thu ka sawi pawh chuan a sawi ngai char char ala sawi.





'I U Vala pawh kha alo awm hloh a,a ngaihtuah ve lutuk che a' tih leh
'Ipa nen phei chuan kan lo hlauthawng hman lutuk a,eng anga na nge inih kan hre si lova' tih ngawt chu min sawikhum char char a.






Chhungril atanga thinrimna inmung sa tawh ka nih vangin amah ber chu ka thinrim khum mai ang tih ka hlau a. Thawh hluai pahin Corridor velah chuan ka tei kual ta vel mai mai a.





A ruk chuan tu emaw zawn deuh ka nei a,mahse,a aw ri takngial pawh hriattur a awmlo. Amah ka Doctor anih vangin min zai turah ka ngai ve ngawt a,alo nilo anih phei chuan zahna thuahhnih a ni ringawt ang.





11 rik hma hret chuan ka hming anlo lam ve ta a. Pindan pawn zawka lo nghah lailawkna ah chuan khum chungah ka thu ve ta khar a,Nurse lo chhuak chu ka hmaah rawn dingin
"Khawi le i ban" a rawn ti dam diai a.




Ka ban ka pek chuan a han thlek kual vel a,chiuna mai tur a hmulo nge vit lawklo chuan OT lamah a lut leh rih a,Male Nurse 1 nen an rawn chhuah chuan enlenna nen meuh ka vein chu an han zawng a.





"Lo lut phawt mai rawh,i slipper leh kawr chung kha phelh la" antih chuan ka kawr vel chu ka nu in alo la vat a. Ka damdawi leh lehkha zawng zawng nen chuan ka inkhai lut ve ta a.





Kan lo thut lailawkna atang khan kawngka zau takah kan lut leh a,Corridor thim leh vawt zetah kan phei a,a tawpah chuan Doctor leh Nurse zirlai anlo inthlak ve mek bawk.





OT ka thleng chu ka khur ve lek lek,a vawh chu sawiloh,ka thil hmuh zawng zawng nen ka zam vek.




OT luh chiah veilamah chuan Doctor rualin Major Operation(inzai liantham chi) anlo bei mek a,tu emaw pum anlo zai hawng huau lai berkher chu ka hmu fuh a,Doctor ho Glove a thisen kai nuaih leh a boruak vawt bawk si nen chuan ka khur beuh beuh thei.






"Helamah aw" dinglam atanga Doctor hmeichhia in alo tih chuan ka phei vat a.
"Tah khan mu la,i bra kha lo phelh la" antih chuan khum sang takah chuan ka lawn a,ka lu zawnah hian light eng lutuk mai a inkhai ruau bawk.





"Le,ngil deuhin mu la,hnimhlum ka hnim tir tawh dawn che a,hahdam deuh,zam lola aw" atih chuan Male Nurse pakhat in min nem awn riai riai a.




Ka mut fel hmaa Doctor rualin mi an zai mek lam ka va melh zawk chuan ka mi zawn ngei kha ka hmu ta a. Major operation neihnaa alo tel daih vang anih chiah hi,ka hmuh miahloh.





Ka lam a rawn hawi a,a mask leh lukhum chhanah pawh chuan ala lang tha em em tho. Thlamuang tura min hrilh ni awm takin lu a bu nghut a,a khap fan raih bawk.




Ka mu fel chiah tihah oxygen mask an rawn vuah ta a. Vawihnih vel ka hip chiah chu ka lu a rawn hai nghal muai muai a,eng vak ka hre zawm tawhlo.





DR. SAIA POV:

Ramdinpuii zai hmain kan mi khawihlai chu zawh hman hram ka duh a,mahse,OT chhunga rawn lut ka hmuh vang chuan ka nang hman dawnlo tih ka hre mai.



A awmdanah chuan a zam hmel hle a,a hawikual deuh ruai a,min zawng deuha hriatna ka nei tlat. A awmdan chu ka lo thlir reng a.



An male nurse duty berkher lah sawn a thlir duh em em mai a. Awmawmi phei saw chuan min en tawn zak zak reng.



A mut dawn chuan min rawn hmu ve ta ni ngei tur a ni,ka mitmeng hmanga ka lo thlamuan pawhin za vaklo chuan a nuih va sak kha.



Drip an khai dawn chuan ka hlauhthawn ang ngei ngeiin a vein an hmu ta lo chiah a. Dr. Hruaii chuan min rawn melh zawk a,ka lo hawisawn daih thung.




A kutphah chunglamah an han vit chhin a,a an vit thlawn nghal pang. A ban rek sir lamah chuan an han tin leh a,chutah pawh a fuhlo zel. An vih thlawnna atang chuan thisen a hnam a,an hru te lah chu an han dimloh hmel nasa mai si.




A kiu zawnah an han tin zawn leh a,sawta an theihloh cheu chuan ka va inrawlh tawh ang ka tih rilruk lai takin amah chuan mitchhing reng chung hian
"Ana" a rawn ti sep a. Nurse in
"Engmaw i sawi?" Atih chuan
"A thip" meng chuang hauhlo hian a rawn ti leh a.





Chu thu ringawt pawh chuan engtiang chiahin nge ka lungphu a tihran tuma'n min hriatpui lo. A zawh tawk tur hnimhlum kan pe a,na ala hre fo anih chuan mi pangngai aiin a harhvang tihna a ni mai. Hnimhlum hman laia na rawn sawichhuak hi Doctor ka nih hnuah mi 3 chiah ka la tawng.




Mahse,vanneihthlak takin an thei ta ania nge. Dr. Hruaii chuan thaw huai pah hian min rawn melh a. En zui reng thei ka nih tawhloh vangin ka hmaa mi ah chuan rilru ka pe ta zawk a. Mahse,ka rilru chuan ka tawngtai sak ve reng,hnimhlum hman phei chu a risk a sang ve thin si a.




A dinglam chu an zova,hnute a bawk awm kan paih reng reng hian,hnute hnuai a ni emaw,a khawilai pawh nise,a hmur atang vek hian kan paih thin. Ser a awmloh nan te,chet a nawm zawk nan te a hmur hi kan zai hawng a,a bawk chu kan chep chhuak mai thin.






A dinglam an zawh chuan keini pawh kan zo thuak a,thui chiah kan hmabak tawh.




A veilam ti tura an han bei leh chiah chu thisen a rawn chik chhuak ta zawrh mai a.
"Ekhai aw" tih pahin an tawlh hnung dawrh a,OT chhunga awm zawng zawng kan phusa nghal vek.





"Engtin nge anih theih,nula ani lovem ni?" Tih chu an zawhna a ni. Ka hriatchhuah tak chauh chu,hnute tui tihaw thei zawngin a chesual tawh em,damdawi ei a nei em tih zawh nawn leh ka tum tih kha a ni. Ka buai bawk nen ka lo theihghilh daih a,chutah,Doctor saw engmah khalam kha ka sawipuilo bawk.






"Rhisen a hloh nasa dawn tlat. Blood bank ah thisen zu la teh u,mahse,eng nge a blood group?" Tih pahin an che buai nuaih a,Awmawmi chuan khurh hlak hlak pahin a file chu a keu a,a khur nasa bawk nen a keu fuh mai theilo.





"B,a blood group chu B,zu la vat rawh" ka tih chuan a rawn hawi hai hle a,
"Eng maw?" Makti deuha atih chuan
"A blood group chu B ka tih chu,eng nge inla ngah,zu tlan vat rawh u" ka tih hrawk chuan midang chuan min lo en thup a. Zah pawh a dawn theih tawh meuhloh.





"Saia,a thui chu kan ti thei. Va buaipui rawh" kan HOD in atih chuan hnial buai ka tum tawhlo nasa,rang zeta pheiin ka glove bunlai chu ka phelh sawk sawk a,bawlhhlawh bawm pawh ka pan hmanlo,ka sirah chuan vawm hlawm tawpin a dang chu ka inthlawh nghal vat a. Nurse pakhat chuan ka hmanhmawh zia hria in alo paih nghal vat.




Lalrinawmi'n Thisen a rawn lak chu pe vatin kan che nghal sawk sawk a.
"Ka thiamloh a ni,ka lo enlawk leh lova" Dr. Hruaii'n atih chuan amah pawh chu en chuanglovin
"I thiamloh a nilo,ka hrilh theihghilh che anih kha" ka ti mai a. Lalrinawmi chuan ka awmdan zawng zawng chu mit tla leklovin min thlir reng a,mahse,chutianga buai hman ka nilo.




Ka hmeichhe duhlai zahawmna hi ka venhim angai. Helaia Doctor awmho chuan phat ruallohvin ka hmaa mu mek hian fa a nei tawh tih kan hre nghal vek. Ahma kha chuan eng emaw tihsual vangah ka ngai a,a damdawi ei effect velah ah ka ngai mai.




Mahse,an zai chiah khan a nihna tak chu alo lang ta chiah a. Phat tur a awm tawhlo,ka hmeichhe vei em em hian fanu emaw fapa a nei tawh tih a chiang ta.





Buai viau tur ka ni,ka hrechhuak chiah chu ka na ve viau mai. Mahse,na hman pawh ka nilo. Amah ber hi a that angai,a thisen hloh vanga a chau anih chuan a pawi khawp ang,a hnim hlum hman lah a sang si,a harhchhuak zo lo ang tih mawlh ka hlau.




A zaina ka thui leh dawn thleng chuan ka la hlauthawng reng a.
"Doctor" an rawn tih rual that chuan ka kut ka en a,ka thiltih lai chawlin ka lo ding khawng reng chu niin.




Monitor(anla nun leh nunloh enna ang kha) lam melh pah reng chung chuan ka thui a,ka thui zawh meuh chuan khuma innem khalhin ka thlan tui a far zawih zawih thei hial.





SHARONI POV:



Eng emaw thawm ka hre ruai ruai a,OT atangin min nawr chhuak ni ngei tur a ni. Khuma min hlan dawn chuan
"Khawi ka lo pui ang che" tia midang inbe ri chu ka mang hriat deuh reuh a.




Mahse,Saia aw ang deuh hian
"Keimah in ka ti thei" atih chuan amah ni ngeiin ka hria,ka kawng zawnah chuan chawiin khumah zo zetin min mut a,ka muhil lehnghal.




Ka rit deuh nulh a,rit viau e tilo chuan ka zang deuh haih bawk si. Ka hnute zawn thip hlur avang chuan ka meng dawn riai riai thin a,ka khap zuau a,ka chhing leh daih thin.




"Alo harh tep tawh ang" tia ka nu leh midang inbe thawm pawh ka hre tan a. Ka chet sawn hma hret chuan Saia aw bawk ka hre leh ta a.




Ka nu nen chuan damdawi eitur vel an sawi ni ngei tur a ni. An inhrilhfiah pah chuan ka ngalah a ban a nghat tih ka hre mai. Ka nu nen an tawng pahin ka kephah vawt thler chu a hum zeuh zeuh a,pindan chhung hi a vawh em vangin ka khur deuh reng. Ka drip an khai haw chak lutuk vang pawh hi a ni mahna.





Ka chet det chuan ka lu zawn a rawn thleng phei nghal a.
"I tha em?"tih pahin ka chal a tawk a. Chhanglo chuan ka en reng a,a mitmenga min ngaihtuahna nasa tak lang chu hmu fiahlo mah ila a lang chiang em em si.






"Mate,i tha maw?" Tih paha ka nu in min ban chuan
"Aw ka tha,tuiii" aw khur beuh beuhin ka lo ti vat a.





"Vawt iti mi,iva khur nasa ve?" Saia bawkin atih leh chuan melh chungin ka bu nghat a,ka blanket hnuaia ka kut hmawr vawt vek chu a rawn hum vang vang bawk.




"Drip hi a rang lutuk aniang" tih paha ka nu in drip lam a ban chuan Saia chu a che vut a,Drip dir zawih zawih chu a tizawi zui nghal bawk.





Theitui chu min fawhtir a,ka hrawk nat em vangin ka fawp haw tha thei silo. Amah bawk chuan min tulh a,muangchanga min tulhin ka sam hnawkte chu a hui kiang zel bawk. OT atanga lo chhuak leh inzai ve turte chuan kei leh Saia chu min melh hrek hrek a,ka nu pawh a bang biklo.




Kan haw dawn chuan Taxi dinna thleng min kuah thla a,kan Taxi chuanna tur pawh hi ama min koh sak a ni.
"Zui che chu ka duh viau a,zai tur kan la nei sia" tiin min thlah ta a.



Ka vui hauhlo,vawiina ka tan atih zozai te en phei chuan a lakah lawmthu sawi senloh ka ba nasa. .





Ka nu pawhin kawng tluanin fel atih thu a sawi reng a,Elizabeth-i beng verh zawng tak alo chiah bawk.





Ka ina kan thlen chuan pindanah ka Drip khailai nen chuan kan lut tlang nghal a. Ka in neitute'n kan haw thawm hria in min lo pui vat bawk a,Scott-a pawh meng si sapin a rawn lang ve.





Ka mut deuh vang vang lai chuan midang chu sitting room lamah thingpui an in hova. Ka chhin sek hnua ka harh leh chuan Ka nu leh pa,UVala chu an rawn inzui lut a,an hmel ka hmu chiah chu an hriatloh hlanin lehlam ka hawi ta daih a.




Ka nawm leh nawmloh thute min zawt luam a,ka that thu bak ka sawilo. Pahnih an chhuak a,khawvela ka mi huat ber nen pindan khatah kan awm dun ta ran mai.




"I tha maw,na i nei em?" Atih chuan chhang lovin ka ngawi reng a,lemchan reng kha ka ning a. Tunah chuan kan 2 chauh kan ni bawk a,ka huatzia hi hre nawn leh mah se pawi ka tilo.




"Na i neilo tak tak maw?" Atih leh chuan inhum ruh lutuk,tha khur zawih zawih Chung chuan rum lutuk in ka melh a
"Chhuak rawh,ka that leh thatloh min zawt turin tunge inih. Ka unaupa nge ka pa nge,tumah ini lo. Chhuak rawh" ka tih khurh dawt dawt chuan ka khuh bawk bawk a.





"Ka tihpalh a ni. Vawikhat mah ngaihdam dilna hun che ka nei lova. Min ngaidam rawh,min hua ang tih chu ka hria,ka tenawm tih pawh. Mahse,i hmel hmuh apianga i ngui hmel hmuh te,ina i awm ve duhlo te,i nu takngial pawh i hua ka hmuhte hian thih daih maite ka chak thin asin. Khawngaih takin min ngaidam rawh. Tumah hi haw suh,keimah chiah min hua la,i duh chuan min that mai rawh. Kalbo tura min tih pawhin ka thei mai ang. Mahse,ka damchhung hian hlim taka i nui hmel hmuh te,i chhungte nen inpawh taka in awm te,i nun zalen taka i hman laite kha hmuh leh ka duh a ni" kun ngul paha atih chuan thei ngat ila ka that duh tak tak ang.







"Chhuak rawh,Khawngaih takin chhuak rawh. I hmel ka hmu reng anih chuan ka puak darh mai ang" ka ti ta thlawt a.
"Sharon" tih paha min lo pan chuan
"Hmela,chhuak rawh ka tih chu. Ngaihdam min dil turin tunge inih,nangmah vanga ka nun chhe ta hi i siamtha leh dawn anih loh chuan chhuak rawh,ka haw lutuk che,ka haw ngawih ngawih che" tih pahin thei leh theilovin ka phone chuan ka vawm pawp a. Choka lam atangin an rawn au ve chiah bawk nen chhuah a tum ve ta a.






Beidawn hmel taka min melh leh chuan mittui tla zawih zawihin ka in lukhup hmak a,tunah tak hian tlang chhipa lawn a,chin lem nei lova au vak vak ka duh. Mahse,ka thei si lo.




Tinge,ka hua tih hre renga min hnaih a tum. Tinge,ka la hmuh reng. Nitin mitthi tamtak an awm a,chu'ng zingah chuan a tel ve mai theilo em ni. Tinge mihring anga nunhmang silo hi mihring nihna ala chan.




Tualthah hi sual nilo se zawng he mihring hi vawi sang sawm ka that tawh ang.





Tinge ka lak atang hian a thlawh bo vang vang loh. Tinge amah vanga ka hmangaih takte pawh ka huat vek. Tinge ka hua tih ka auchhuah pui theihloh. Ngati nge ka huatzia ka lantir theihloh.





Ni e,ka theilo,ka theilo a ni. Engtin nge ka theih tehlul ang.
Ka nu pasal ani miau a.


Show post links
Top

[Ngaia]

ERASED


CHAPTER 8
☆☆☆☆☆☆


SHARONI POV:



Khumah chuan ka mu reng a,ka pindan chu a reh hian a reh tlawk tlawk mai,ka drip khai far ri chiah chu ri awmchhun a ni..





Choka lama mite pawh chuan ka muhil emaw tiin thawm an dim hle a,an ri leh hak thin tihloh chu thawm dang pawh a awm biklo.




Ka ngaihtuah let a,ka harsatna te,ka natna te leh buaina ka paltlang zozai te pawh kha. A chang chuan engtin nge nungdama ka la awm theih tih ka inzawt nawn fo thin.





Hahdamna zawngin in atangin ka tlanchhuak a. Hahdam chu ka hahdam ngei,nawm pawh ka nuamsa. Mahse,ka nawmsak dan kawng kha a dik zui tawhlo. Hlimhlawp hmangin nawmsak ka zawng a,sum ka thawhchhuah theihna tur anih phawt chuan tiin thil thalo tak tak ka ti thin reng anih kha.






Ka drip khai a zo chiah tihah ka nu leh UVala anlo lut leh a,ka nu chuan tawng bawrh bawrh pahin ka drip leh Venflon vel chu a rawn phelh a. A zawh chuan a chhuak leh mai a.





UVala chuan din reng pahin min melh hruk hruk reng a,a tawng ngam mailo tih ka hria. Keipaw'n ka be peih biklo.






"I dam tha thin maw?" Tih pahin min rawn pan hnai deuh a,melh pawh melh lo chuan
"Dam" ka ti mai a.
"A zialo hle mai,zai ngaiin ilo awm a" tih pahin ka khum mawngah chuan alo thu ve a.





"Khami ni khan eng emaw thilthleng a awm em? Ka kal hnu khan?" Atih chuan thei ngat ila ka tlawh thla zawt ang.
"Awm se engtin nge itih ang?" Tih pahin ka lukham ngheng chuan ka thu a. Ka melh kal bawk.






"Ka tum reng vang a ni biklo ania,kal mailoh kha chu tih tur ka hre lova,ka huaisen tawklo a ni. Bakah" atih chuan kut ka lo vai thuak a.






"Chip chiar takin ka hrilh dawn che mi. Engtin nge,engtia rei nge,eng anga hlau nge ka nih?" Tih el fe a ka tih chuan a thu kun chhal a.





"Eng em a thlen ka ring lova,bakah,min hmu tih ka hrelo. Khatia ngawi renga kal leh mai kha ka tum a,ka rawn inrawlh a,ka lang ve anih chuan i zak anga. Engkim ka hria anih phei chuan inu ka hrilh ngei ngei dawn a,chu chu i duh dawnlo tawp tih ka hria. Ka unaunu diktak nilo mah la i duhlo chung sawichhuah kha ka duh bik dawn lova,Lily lokal ka hmuh khan ka kal ta mai a ni" atih chuan a hmelah pawh pawi ati tih a lang reng a. A dinhmun kha a laklawh ve bawk em a ni.







Tunge mahni pa leh unaunu hrawn lo inchai laia rilru fim tak pu thei ang. Ni e,UVala hi ka pa,midang bula ka pa pawh ka tih peihloh,Elizabeth-i pa,ka nu pasal 2 na,Lianzuala fapa neihchhun a ni. Ka nu nen an inneih hma hian nuthlawi ve tho nen an innei a,UVala chiah hi fa annei hman.






"Ka pa hi ka tan ngailo,keipawh in ka pa ani hi inchhîr chang ka ngah,mahse,khawvel awmchhung chu ka pa anihna a bo dawn lova. I chunga a thiltih thalo tak ah khan keimah zawk hi ka zak a,ka pa mah nise kutthlak ka chak hial thin asin" tih pahin a sam a tham pawk a.







"Ipa ani miau sia,ka tan chuan chatuan pawhin pa ani ngailovang" ka tih chuan alo bu nghut nghut a. Rawn hawichhuak in
"Ka pa nilo se tih chhan pahnih ka nei. A chhan pakhat chu khami ni khan ani leh ka unaunu lakah duh ka thlan angai a. A chhan dang leh chu" tih pahin ka mit takah chuan min melh a.







A sawitur hi chiang takin ka hria,mahse,sawi ve hrim hrim teh se.
"Ka unaunu hrawn ini tih hrereng mah ila ka vawikhat hmuhna atang che khan ka duh em em che a,i chhungte laka i zei zia zawng zawngte khan min hneh vek. Ka unaunu inih vanga kawng a pin tawh nen,ka pa ngeiin i chungah khatiang thil kha alo ti leh a,i kalbo ta reng bawk a. Engkim hian i laka rilru dang ka put a thianglo tih min kawhhmuh vek ni maiin ka hria" atih chuan ka ngawi reng a.





Ni e,UVala hian ka tleirawl chhuah tirh ata tawh min ngaizawng thin a,chu chu tuma'n an hrelo. Ka nutei te ina ka awm hma khan hriatthiam loh theihlohvin a khawsa a,kan bula a awm lai kha alo ve bawk nen. A rilru ka hriat chiah khan apa ang turah ka ngai a,ka hlau ta reng anih kha. Hlat ka duh a,apa ka hlauh vanga awmbo ka tumna kha ani hian alo belhchhah leh reng a,mahse,ani erawh apa ang em alo ni ve lo hloh.







Khami ni kha a vawikhat thlenna a ni lova. Ka la hre reng,ka nu chu a sumdawnna bungrua lo thleng chang turin hmun dangah a chhuak daih a,a pasal pawh hian zui ve tur a ni. Mahse,inah a tawm tlat a,a awmchhan kha keimah niin ka inhria a,ka nu kha zui ve daih ka duh a,ka dil a. Mahse,ani chuan min duat a,min thlahlel em em ang maiin ka nu hmuhlai chuan min kuah thuak pahin
'Inu chhuah hlanin kan lo in awm daih dawn alawm,i zirna lamte pawh sawi ila. I nau alo haw hunah in 2 a inlo awmloh phei chuan a hrilhhai lutuk ang' ati anih kha.






Ka nu hmanhmawh tawh bawk si chuan
'Ni e,i nau alo haw tep ang. Ruah a tla bawk nen,lokal lo mai rawh. College exam in neih tep tawh kha' tiin amah chuan a kal a.





Ka nu kha a chang chuan ka dem leklek thin. Ka mitmenga chhanna mamawh tak hi a hmu thiamlo nge a pasal kha a ring lutuk zawk. Ka sawi ngam ngai silo,ka tuar tlawk tlawk mai a ni.





Ka nu chhuah hnu chuan kan pindanah lutin ka inkalh khum nghal a,a rawn luh mailoh nan puana in lukhup chungin ka tawngtai char char a,mut pawh ka muhil ngamlo.





Hlauh luatah thlan tla vek khawpin ka tawngtai a. Mahse,chhan a nilo. Ka tawngtaina chu darkar chanve pawh a tlin hmain chhan a nilo tih ka hre nghal.





Kan pindan kawngkhar kalhna chhe tawh tak chu rawn zen in thawm dim takin a rawn lut a,khalaia ka hlauhthawn zia leh puitu ka mamawh zia kha ka ngaihtuah let pawhin ka thaw a hah mai dawn.




Ka rizai delh beh vek chu pawm khawmin nghet tak chuan ka tham vak a,ri lovin ka tap tawh nghe nghe.




Khuma a rawn lawna puan a rawn keu hma thleng chuan ka la tawngtai zawm reng a,min chhantu anlo kal mial takah tiin ka la beidawng duh chuanglo.




Mahse,
'Ka naute hian tlanchhiatte alo tum vel amaw?' Tih paha ka puan vawn beh tlat a rawn keu chiah khan Pathian awm hi ka ringhlel tan hial anih kha.






Nasa taka khek tuarh pahin bang bulah ka tawlh chhova
'Khawngaih takin ti suh,tiang hian min ti lul suh' aw khur zawih zawiha ka tih khan mitmeng rapawm lutuka min melh in
'Shhh,tiang kha sawi tawh suh,i tah ka duhlo ka tih kha. Lokal rawh le,ana dawnlo' tih pahin min rawn man thut a.





'Ka duhlo,ka duhlo. Nu,min pui rawh u. Tunge awm,min pawngsual a tum ania' ka theihtawpin ka khek vak vak a. Mahse,ka mangang min chhawntu awmchhun chu khawpui ri dur dur leh țek tla ri chuaih chuaih bak kha anni lo.





'Au suh,au reng reng suh' tih pahin min man bet a,khumah min bawh betin ka kekawr a phelh a. Mittui tla zawih zawihin ka dil a,tilo tur leh
'I fanu ka nih kha,tunge mahni fanu te pawngsual ngai' ka ti hial anih kha.





Mahse,a thluaka tulûm lut khan a hneh em a,ka thusawi a ngaithla duhlo.
'Nangchu inu fanu ini,ka fanu chu i nau hi'.tih pahin a kekawr a phelh ve a.




Vawitam a chakna hrilthlak nan min hmang tawh thin a,mahse,ka thianghlimna erawh ala ngailo. Ka thianghlimna tichhe lo tawkin min pawngsual a.




Mahse,khami niah erawh kha chuan tiang reng kha a ni tawh silo. A lak atanga ka lo hum ve tang tang,pasal ka neih zana ka pasal ka pek tur ka neih hlu ber dimna tel hauhlovin min laksak a..





Ana ai mah khan ka rilru ana a,kumtam pa anga ka lo en,ka chunga che mawilo thei tak,loh theihloh vanga ka hlat theih silohvin chutia ati ta mai chu ka kehchhia a. Tapchhuak tur pawhin aw ka nei tawh lova,ka aw te chu a tham chhel a,ka mittui takngial pawh luang tur a awm tawhlo.





A chawl deuh dawt a,chu chu remchangah la in lukham hnuaia chemte chu ka la lawk a,chin lem awmlova vih pawp pawp ka tum chu ka banah alo man hman a.






Khuma ka kut a nem beh laitak in kawngkhar bula UVala ding reng ka hmu a,phung hmu ang maiin a ding khawng reng a.




Apa in min delh bet reng a,puana a inkhuh vangin min pawngsual tih a lang kherlo.
A thilhhmuh chu awihlo takin a meng kuau a. Min pawngsual tih leh chemte nen kan inbei tih lam engmah a hre lova,a hmu tel bawk heklo.




Apa in min sual alo tum lai rawn phawkah a inngai a,min rawn dan a tum laitak in kawt lama Elizabeth-i tawng ri alo awm a. Ani chu rang zetin a chhuak ta a ni.




Elizabeth-i aw ri kan hriat chiah chuan ka chunga ramhuai chu a che hrut a,chu chu remchangah la in ka kut chu ka chet thut a.





Ka thianghlimna min laksak ta sa sa,eng nge ka hlauh. Ka nu maw,midang thusawi maw. Engmah ka hlaulo.





Chemte chuan a awmzawnah vih ka tum a,alo chet sawn hman hloh vangin a nâk veilamah ka vit fu ta zawk a.





'Hmeli' tih paha min keh sawn dawrh chuan kan inzawmna lak ata ka hrang ve ta a. Ka vanduai vannei nge,ka thianghlimna min laksak tihloh chu engdang mah a thleng hmanlo,sawn pai hlauhawm ah ka awmlo hlauh. Hmanhmawh takin ka thova,ani chuan a thisen chhuak alo buaipui.




Ka kekawr zawnga ka phi ruai lai chuan Elizabeth-i lo ding khawng reng ka hmuh zawm a.





'Engthil nge?' Atih sap chuan apa chu alo hawi zawk a.
'Nilo,pa engtin nge itih theih' tih vak pahin apa chu ava sual ta a. Keichu hlau hlawpa ka la awm vangin khur zawih zawih chung chuan ka kekawr ka inthawlh a.






Tute nge ka bulah awm a,tu in nge min bia,engtin nge an awm,tih pawh hre lovin ka kawr awm ang ang chu ka khung khawm a. An inhau thawmte chu a ri ruai ruai chauh a ni.




Air bag a ka thawmhnaw ka khung zawh chuan kan almira a pawisa tlem kan dah chu ka hui fai vek a. Hmanhmawh takin ruahsur hnuaiah chuan ka chhuak hlawk hlawk a.




Taxi stand ka thlen hma tepin Lily chuan tap par chungin min lo umzui a.
'U,kal suh. Khawngaih in?' Tiin min ngen a,ka tawng theilo,ka na a,ka kehsawm bawk a,ka nu ka ngaihtuah in ka thinlung hi chema vih ang maiin ana tlawk tlawk bawk.






'U mawh,Khawngaih takin kal suh. Anu pawh i ngaihtuah lo ami,i duh chuan apa pawh jail ah kan tan tir dawn nia,pa atan pawh ka duh tawh biklo' tiin tap Chung chuan min vuan tang tang a.





Tawngkam khat mah ka chhakchhuak theilo. Ni e,ka nu ka ngaihtuah,ka ngaihtuah em vanga hetiang dinhmun thleng pawh hi ka ni.




Thenkhat chuan dawih zep,nep min ti ang. Ni e,ka dawih zep a,ka nep bawk. Mahse,fanu in nu a hmangaihna vanga nep mai zawk ka ni.





An inneih tirh khan Liansanga hian engtin emaw min fiam zuk zuk a ching a. Hriat theih tirh ata pa neilo,pa awt ngawih ngawiha seilian ta chu,chutia pa ka nei ve ta chu ka lawm hle a,ka intithei viau bawk.




Mahse,an inneihna in kum pawh a vei hmain kut thawh a min fiam leh khawih kual vel hi a ching chhova,ka la naupan em vangin engmah ka hrethiam ngailo. Pa hmangaihna kha ka thlahlel ve thei em em a,khatiang kha pate awmdan tur emaw ka ti a,kan inpawh theihna tur zawk emaw tiin ka hlau ngailo.





Mahse,chhia leh tha ka hriat chinah meuh chuan Lianzuala awmdan chu ka hrethiam ve tan a. Hlauh nachang ka hriat meuh chuan alo tlai lutuk tawh,ka naupanchhiatna kha remchangah la in thah ah te min vau a.






'I sawichhuak anih chuan ka that che anga,tuma hriatlohvin ka phumbo ang che' atih loh leh
'Tlanbo pawh nih la i kalna hmun apiangah ka zawng ang che' ati thin..





Zankhat ka thianghlimna min laksak a tum tawh a. Tap zawih zawih chungin ka duhloh thu ka sawi a,ka ngen a,a chhan min zawh chuan
'Anu ka khawngaih,ka duhlo,Khawngaih ti suh' ka tih khan a tawp chat a.




Khami hnu hun reilote chhung kha chu kan chhungkaw boruak pawh a nuam ve viau. A nuam ka tih awmzia chu,ka nu leh Lianzuala hi nupa inzui peih tak ni siin an inhau peih em em a,ni khatah vawi1 tal inhau lo chuan an awm ngailo tih ang vel a ni,Lianzuala hian zu ngawl a vei vang a ni pakhat.





An inhau hrep a,a hnuah khum khatah an mudun leh mai thin. Tlema ka naupan deuh lai chuan ka ten a,ka nu pawh ka ten phah hial anih kha.





Mahse,ka nu in ka naupan lai zawng zawnga ka tan alo tihte,ka tana alo tuarna rapthlak leh hrehawm tak tak ka hriat khan a tan nun a harsat tur zia ka hria a. Kei nausen min paw chungin,sumdawng turin khaw dang daihah rit tak tak chawiin a vak kual thin a.






Tun hnuah a hriselloh phah reng bawk a,a natna neuh neuh bakah hian chhul thalo a nei a,a haihawt mai bakah lung lam thalo a nei tel bawk.





Lo mawl rei deuh ila,ka nu rilru a nghawng dan tur ngaihtuah thiam pha ka nih hmate khan tu emaw bulah lo sawi ni ila,tlem chuan kan danglam deuh tur. Mahse,anih tur ang chu a ni zo vek tawh si.





Tunah chuan ka nu bulah a thawi pawhin ka sawi ngam lova,sawichhuah chu sawiloh,min ringhlel ang tih mawlh ka hlau.





Ka nu nat lohna tur anih phawt chuan tawrh ka thlang a. Mahse,ka thianghlimna hlan hi chu ka tum a ni ngailo. Ka chungah a thleng ta sa sa tiin ka tuar zel a,ka theih chung ka tlanchhiat san a,Nutei te inah pawh ka awm phah hial anih kha..





Mahse,a tawpah chuan kan inah bawk ka tawp leh a. Ka tawn thin bawk ka tawng nawn a,ka hlauh ngai bawk ka hlau leh thin.





Thil reng reng hi zep hlen theih a awm lova,engtik niah emaw alo la puakchhuak anih chuan ka tuar thei ang. Tunah chuan ka huaisen tawh a,chan lehchuan tur neiin ka inhrelo.





A hunlai khan tu emaw in min lo phawk ta nise,midang lakah ka nu pasal nen uire anga chhuah pawh ka duh zawk,ka nu pasal ka duhthu a mutpui angah min lo chhuah mah se chu chu ka thlang fan ang,tunah ngei pawh hian.





Ngati nge??? A fanu in apa hlau reng renga kum tam alo hmang ral tihte,nu rilru na tur duhloh vanga hlau hlawpa ka lo awm thin te,an nupa inkar chhe tur ka duhloh vang leh Elizabeth-i fahrah tur ka duhloh vangte a ka tawrhna zozai ka nu in alo hriat chuan mahni inthiamloh vangin ana ngei dawn a,a kehsawm vek anga. Min khawngaih vangin ka lakah a inthlahrung ngei ang.






Chu chu ka duhlo a ni,ni e,ka duhlo. Chutia min khawngaih a,a in mawhpuh dawn ai chuan,a chhe ber. A pasal nen ka duhthu ngeia mudun thin angah pawh min ngai se pawi ka tilo zawk a. A fanu hi nawhchi zuar angah min ngai se,a pasal lo lem vel thin angah min ngai mah se. Amah a in mawhpuh a,min lainat reng renga a nun dawn ai chuan chu chu ka la thlang fan.






A pasal in ka chungah tihluihna hmangin min vau bet a,amah leh Lily ka ngaihtuah vanga ka tuar thin tih a hriat chuan a natdan a thuah thum dawn em a. Chu ai chuan,kei a fanu hi sual angah min ngai se,tih kha ka duhthusam a ni thin. Ka lo chet ngap naah ana ang,a pasal lakah a lungawilo ang. Mahse,a nihna tak ai chuan ala na nep zawk ngei ang.






Lily paw'n pa neihloh a inhuam alawm anlo ti a ni thei. Ni e,pate berin an zirloh miau chuan an awmloh mai duh zawk pawh a awl ang. Mahse,a takah ala tawng lova,pa hmangaihna dawng pha lova nun awmzia a hre lova,alo puitlin hunah inhumna tur pa ala mamawh tur zia a hre heklo. Finna leh tangkaina reng neilo pawh nise,pa tia sawitur in ala dampui ve a,inchhung a uap zui tawk tawk hlutzia hi a hrethiamlo a ni. A hunlai chuan min khawngaih a,apa aiin min thlang pawh a ni thei,mahse,lo lian zel se,engtik niah emaw chuan thinrim leh zah luatah min mawhpuh hun pawh ala nei thei.







Lo report in man ta ngat se zawng,kumkhaw daih mualphona kan tawk anga,keichuan mualpho ka huam,pawi ka tilo. Mahse,Lily an chirh theh ve turte,
'Apa in a unaunu a pawngsual a,jail ah a tang tawh'
'Apa chu pawngsualtu' anti turte chu pa neihloh ai pawhin a rapthlak zawk tih ka chian vang a ni.






Ka nu pawhin a pasal ai chuan min thlang dawn,min thlang fe ang. Mahse,sawi leh sawi hnu. Pasal a neih nawn leh hnu hian a nunah khawhar ngawih ngawihna ang kha ka hmu tawh ngailova. Kei min chawm seilen nana,nasa taka a thawk thin pawh kha tlem chuan a hahdam ve tawh a. Innghahna reng neilo ni thin khan innghahna pasal a nei ve ta a.





Fanu duhawm tak an nei leh a,han inhau in inkhak ve thin bawk mah se,nupa na nâ nâ chu an inngeih leh mai thin. A nunah hlimna tak ka hmu a,chu chu ka tihtawp sak theilo a ni.








A chhungte zawng zawngin an tuithlar thak phahna leh,tikhawpa alo vah vaih pui hi mitkhap kar lekah engmah lo maia a chan ka hlau a ni.






Ka putea te nupuite hovin hmeithai neih neilo anih vanga an hmuhsit thin zia te,ka unau dangte anga inthuam mawina ka neihloh vanga ka nu an dem rawn thin te kha ka la hrechiang em em a. Ka unaute laka ka lan mawiloh bik hlauvin zankhaw teirek thleng thleng hna a thawk thin a. Hmuhsitna leh diriamna tamtak a tawhte kha ka hrethiam vek a,tun thleng hian ka la hrefiah em em bawk..








Khami ni kha Elizabeth-i mittui tla ka hmuh theih ni ber a ni hial ang. Nidangah chuan a tah in ka tah pui tawp zel a,awmgaihna ka hre thinlo. Mahse,khami ni kha chu a dang a ni. A mittui leh ka nu hmangaihna aw ka thinlung a cham reng thin takngial pawh khan min ko let zo lo anih kha.





Anih nih ni rawh se tiin ka hmaa Taxi ka phar a,tap lawm lawm chunga min ui zuitu ka nau ka hmangaih em em kha engtikah nge ka hmuh leh ang tih pawh hriatlohvin ka kalsan ta anih kha..




Khawvelah hian mihring niin ka lo piang ve a,hmangaih ka ni a,hmangaihtu ka nei bawk tih ka hriat theih tirh ata. Harsatna awmzia leh zahna awmzia ka hriatthiam theih tirh ata ka tana awm reng,ka Hmangaih ber ka nu chu kalsan in,kan in ngei chu ka chhuahsan a. Duh taka a thlan a pasal vangin kei a fanu hian ka kalsan tih hre ve se zawng,ava na dawn lua em. Ka nu hi kalsan ka duh ngailo,alo thi palh anih pawhin a kuangah ka mutpui anga,ka au ka au anga,alo harh leh mai ang tih ngaihtuah a zan tam ka lo tah pui ve thin a ni a.




Ka tawngtaina ah pawh
'Anu tawrh ai chuan keimah min tawrh tir rawh,miin an hmuhsit tawhloh nan khawngaihin pui rawh. Anu hi thihtir suh aw,anu a thi anih chuan hmangaihtu pawh ka nei vw dawn lova,ka mal dawn emai. Anu min laksak anih chuan ka ngaihdam ngailo ang che. I thihtir dawn anih chuan a rualin min thihtir mai rawh' ti ngatin ka dil thin.





Mahse,thinrimna leh huatna hian hmangaihna pawh hi alo pawlh dal thei khawp tih hi ka hrechhuak leh a,ka nu ka hmangaihna hi tuma'n pawlh dal ve dawnlo mah se,thinrimna chuan a hnungchhawn zo tawh si.





A hnua a sawi leh danah chuan khami ni khan ka nu chhuak kha alo haw lova,a bungrua leimin in a dan vangin a hmunah an enfiah angai a,chutah chuan zanhnih dawn lai a riak a ni awm e.






UVala pawh kha lo let lehin Elizabeth-i chu thil awmzia a zawt a,alo hriat thuak tawh vangin a hrilh ta vek a. Tah chiah khan pawngsual ka ni tih a hre chiah a,inchhîr luatah apa nen an insual lo chauh a,khami hnu khan apa nen pangngai takin an inbe leh tawhlo.






Elizabeth-i pawhin apa ni mah se a pumpelh char char a,ka ziah ang taka lehkha alo ziah kha ka nu a hmuhtir vangin ka nu chuan min ngaihtuah nep deuh a,mahni a tla fal thang ka nih vang pawh a ni pakhat ang. Kha lehkha ah khan eng tak nge alo ziah ka hrelo,mahse,a ziak fuh hle a ni ang. Ka nu meuhin a awih theih chu.






Kum 1 chuang ka awm hnuah Elizabeth-i nen chuan kan in be tan a,inpuang turin apa alo nawr thin tih a sawi chuan ka khap zui vat a. A damchhung pawha a sawichhuah tawhlo nan thu ka tiamtir ta zawk a.




Duh viau lo mah se inthah ah meuh ka vau vangin UVala nen chuan khawiah mah anla sawichhuak lo.






Chumi hnu lawkah Lianzuala chuan accident a tawk tih ka hre leh a,khami tuma ka lawm zia kha. Hun reitak Pathian be tawh lo khan,a thih theih nan ka tawngtai hial anih kha.





Mahse,thi em lovin a harhchhuak leh a. A insawhna lamah hremhmun tenau a zu fang zuai nge,a damchhuak chu a nun a inlet thawk a. A zu ruih thin a sim a,hmeichhe ngai ang pawh khan a awm tawhlova. Ka nu nen pawh an inngeih lehzual a,ka nu pawh a hlim.





Midang an hlim chuan tiin ralkhat atangin lo hlimpui ve ka tum a. Amah vanga mang thalo ka neih thin te,ka chunga a chêtdan vanga ka nun kalsual ta te,ka rilru leh taksa nasa taka a hliam vangte pawh khan ka theilo.





Ka tum poh leh ka huatna a zual ting a,a hmel ka ngaihtuah ringawt pawhin thisen chhuah chakna ka nei thin.





Huatna nena ka chhuahsan Mizoramah chuan huatna nen bawk ka let leh a,alo fel ta lutuk te. Engmah thlenglo ang maia min lo fanu chei te,piangthar ber ni awm taka min lo fuih velte chuan ka thisen a ti nu leh a.






Ngaihdam a,hmalam pan ka tum ve tawh tehlul nen,'ipa' tih an sawi ri ringawt pawh hian ka luak a tichhuak a,thah daih mai ka duh thin.






Amah vang nilo se chu Zirtirtu ka nilo anga. Mahse,amah vang nilo se chu nunhlui tawp leh buaichuar tak ka neih zawm kherlo ang..






David-a tihloh chuan engtin nge Bangalore ah khan ka khawsak thin an hre lova,lehkha zir tura sponsorship hmu anga ka khawsak thin lai khan eng thil tenawm nge ka tih thin tih tuma'n an hrelo. Hre tur pawhin ka duh heklo.






"A hrehawm viau ang. Ngaihdam ngai chu keimah ber hi ka ni. Khawngaih in min ngaidam rawh,khami ni khan lo lut ni ila,tiang kher hi kan ni lovang" atih chuan za vaklovin ka nui hak a. Lo lut pawh nise a thleng tur ang kha chu a thleng vek tawh.







"Sharon,Khawngaihin min ngaidam hram rawh aw. Accident in piangthar zuilo se chuan keipawh khan report ka tum hial. Mahse,kum engzat nge ka pa zawnga hun ka hmanral,ka nu in min boral san vanga ka khawhar zia te,pa neih ka chak thin zia te. Pa,pangngai ve tak neih a,chhungkaw neih ka chak thin ziate kha i hrethiam veklo maithei. Ka mamawh em em thin ka neihchhun,ka pa khatia han report nghal chuk chuk kha ka theiloh bakah,eng chiah nge thleng ka hre si lova. A hnuah Elizabeth-i hian min hrilh lo se chuan ka hrelo kumkhua dawn tihna ania,engpawh huama inu hrilh mai ka tum a. Mahse,hrilh i duhloh thu leh kan hrilh anih chuan intihhlum i tum hial tihte ka lo hre lehzel a" tih pahin min thut hnaih sauh a..








"Sharon,ka tihpalh tak tak" tih pahin ka kut hum ruh tlat chu a rawn vuan a,lasawn turin chakna ka nei lova,ka peih bawk heklo.






"Tiang em em kha a ni dawn tih hria ila,i tan chuan ka pa ngei pawh tihnat kha ka hreh hauh dawnlo asin. Mahse,heihi hre rawh,engpawh tawk tawh mahla,i laka ka rilru put hmang kha chu ala ngai reng ania. Hmana nangmah duhtu i unaupa tho kha ka la ni e" thutak fahrana atih chuan a em em tawhin ka hria a.





A kut dahsawn paha chhan ka tumlai tak chuan ka pindan kawngka bula Saia lo ding ngawi reng chu ka hmu thut a,ka sawitur zawng zawng ka theihghilh nghal vek.



A doctor foam nen zawng zawng alo kal a,eitur eng emaw a khai tun bawk. Min ngaihtuah vang tih a chiang reng. Mahse,,,




Kei leh UVala chu min melh tawn a,a thinrim nge rimlo ka hre theilo. Mahse,hlimtak chu a nilo tawp.



Tihngaihna hrelo taka UVala ka melh chuan alo ner deuh sawk a. Tunah tak chuan a mitah sawn rinhlelhna bak ka hmulo. Chu chu ka duhloh tawp thil a ni.



Engtin nge ni ang,kan thusawi zawng zawng kha alo hria tihna em ni????


Show post links
Top

[Ngaia]

ERASED


CHAPTER 9
☆☆☆☆☆☆


DR. SAIA POV:


Ramdinpuii te chhungkua chu ka enliam a,kan chhehvela mipui phu mur murho chu buai viai e tilo chuan an mit kan la viau aniang,min lo en ang he haw hlawm a.






Engah mah ngai duhlo chuan OT lamah bawk ka chho leh a,zai tur hmabak 1 kan la neih vangin anni pawh kha zui haw thei ka nilo..





Ka ngaihtuah viau a,inzai tenau ni mah se indim angai hle dawn tih a hrelo anga,alo che bawrh bawrh mai ang tih ka hlau deuh.




Mak ve deuh chu,a chhungte nen an awmkhawm khan hlim hmel tak a pu chuang hauhlo. Anu nen kha chuan an inbe ve zeuh zeuh a,midang nen phei kha chuan an inbia pawhin ka hrelo.





Apa pawh kha a awm a,mahse,Ramdinpuii scooty an khalh thlak sak ni ngei tur a ni,ka hmu zuai hman chauh. In anna lai reng an nei bawklo.





An khuaa ka awmlai khan a chhungte awm reng reng ka hre lova,hmeichhe naupang kai chungin health clinic ah khan anlo kal ve hnek hnek thin. A chang chuan amah ang rual tleirawl nena lokal chang pawh an nei..




OT luhna bulah Awmawmi chu alo ding ran a,nichin thilthleng kha mak ati tih a lang reng. Ni e, mak,keipawhin hriatchian lehzual ka duh a. Mahse,a sawi duh ka ring chuanglo.
Chu ai chuan eng emaw zawh hmasak duh ka nei tlat.






Ka va pan phei chuan alo hawi vat a. Midang hmuh hlau tak hian
"Khanu kha Nuthlawi ani em?" A ti phawng mai.
"Ni se,ni suh se,enga tan nge itih. Nang hian a thisen a chhuah theih nan khan tih i nei em?" Tih paha a bana ka hmer chuan na ati nge alo then deuh sak a. Ka thlah zui leh vat.






"Min ring chhe hle mai. Mi thisen chhuah duh tur khawpa rilru chhia pu ka nihloh hi. A thisen chhuah chhan chu i hre ber ang chu" atih chuan ka chhang tawh lo..





"USai,ngaihtuah chiang rawh. In inkar ah hian eng emaw a awm tih ka hre vek ania. In chhungkaw zia en hian tiang Nuthlawi mai mai hi i nupui atan an pawm dawnlo" atih chuan ka melh hrawk a.






"Ka nupui neihtur chu kei leh ka chhungte'n kan rel fel ang,lo inrawlh hauh suh ang che. Engtin emaw a Saizami ilo fuihpawrh anih vaih chuan hre rawh,i inchhîr khawp ang" kum hum ruh meuha ka tih chuan hlau hmel hi a pu deuh a.






A tah a chhuah hmel hle bawk. Ka thusawiah khan tah chhuahna tur a awm ka hre hauh si lo.





"Engmah ka tilo,tih ka tum heklo. Țumhnih lai i ngaihzawng ka lo ni ve tawh a,ka lakah rilru dang pu ve lo mah la tiang em em hian min ngai sual ang tih ka ring ngailo" tih pahin a kal nghal daih.





A kal chu ka thlir a,inthlakna pindan atangin kan HOD leh Dr. Hruaii te anlo chhuak thut a,keia lo ding reng leh Awmawmi kal hlawk hlawk chu melh pahin
"Saia,i hlauthawng lutuk anih kha. Kan kâ atang chuan khawi mah a chhuak lovang" tih pahin HOD chuan ka darah a beng thak thak a.





Dr. Hruaii pawh chuan nuih seih pahin
"Hmeichhia hi chu kan rilru ana hma ania,mahse,kan dam hma leh bawk" ati sep a. Ka lo bu nghut ringawt.






HOD zuia a kal chu lo hawilet lehin
"I hman hunah min rawn hmu ta che,eng emaw sawi lawk ila" atih chuan ka kal tur thu ka sawi vat a.





Tlem chuan Awmawmi lakah khan ka inthiamlo ve deuh. Ka tih mah mah em aw ka ti hial. Mahse,khatia a khawih lai reng atanga thisen a rawn chhuak thut kha ngaih thiam a har ve em a. Ramdinpuii vangin ka rilru a buai bawk si nen.





Tunah chuan zawhna pakhat chauh ka nei a. Khawnge a fa chu tih lam aiin,tunge apa tih hi a ni. Nuthlawi anih leh nihloh lamah ka buailova,eng nunhlui nge alo neih tawh tih lamah ka buailo lehzual. Mahse,thil 1 chauh ka hre duh,chu chu a fa paina pa a ni.







Mi 1 kan zai zawh leh hnu chuan hmanhmawh zetin Department pindan lamah ka chhuk vat a,dar 3 a pelh thuak tawh vangin Ramdinpuii in lama kal nghal vat ka tum.





Inthlak pawh inthlak ta lo chuan parking lamah ka chhuk a,Dr. Hruaii hmel ka hmuh chuan hmu tura min tih kha ka hrechhuak zawk a. Amah ber pawh alo tlanliam ve chiah,naktukah ka be tawh mai ang.







ITI ka thlen chuan motor dah remchan theihna laiah ka motor chu ka hung ve tawp a. Chumi bula dawr te vaklo ah chuan a eiduh tur awm ka lei nghal bawk.





Inkhai bawr taka a in ka chhuk tur chiah chuan an inchung kawt zawlah hmanni Saizami phurtu kha ka tawk thut a,min hmu thut chu mak ati deuh nge a ding chawt a.






Engmah sawi zuilo chuan a kal ve leh mai bawk a. Khapa kha mi tha a ni dawnlo tawp,tuna a awmdanah pawh khan a hahfim chiahlo tih hriat reng reng. Saizami pawh hi zilh deuh ila a tha ang,mipa maksak pui pui kawm a ching tlat.





Kawngka chu alo inhawn sa hiau vangin khuh khurh khurh chung chuan ka lut ve tawp a. Ka pen lut chiah alo awmho chu an ngawi thap a. Ka lang thut chu mak antih hmel hle.





Annu ber chu rawn ding tharh pahin "Ehe,Doctor chu lokal rawh,iva fel ve. Matei pawh pindan lamah a mu hahdam anih kha" ati ta hloh a. Chu nilo se awmdan thiam a har khawp ang.





Ramdinpuii nena inang reuh tak nula 1 alo thu bawk a,a nau anih ka ring ve tawp. An bulah nutling 1 leh pa valai 2 anlo thu bawk.





Anu bawk chuan thuho awmna lam chu kawk in
"Heihi Matei nau Elizabeth-i anih hi. Chuan,heihi apa. Helai mite hi chu a inluahna neitute nupa annih ve hi. I duh chuan va kal rawh,alo harh tawh ang" atih chuan hnial buai duh lovin a pindan lam chu ka pan phei nghal a.






Midang hnen atangin mahni a khawsa tih ka hre tawh a. A in pawh a tawk viau,a zau lemlova,chep tak phei zawng a nilo.





Thinga siam kawngkhar hnum hlarh ka hmuh chuan a pindan anih ngei ka ring a,mahse,a inkhar lo,inhawngin kawngka chu pawn lamah alo innem hawng a.





Ka thil khai en paha luh nghal mai ka tum chu an thusawi vang chuan ka ding ta chawt a. Tunah khan eng nge ka hriat,pakhat saw Ramdinpuii aw ngei ani si. Anih chuan.......







SHARONI POV:


"Eng nge ilo tih dawn a?" Ka sawi zo chiah ka zawhna chu a atthlak takzet tih ka hre zawm nghal. Min kan turin a lokal tih ka hre ve reng a. Ka hamhaih em vang a ni.




Kan thusawi kha alo hre hman anih hloh chuan ka chhe vek a ni mai. A hre theilo,a hre tur a ni hauhlo.





A din ngaiin ala ding khawng luah a,a kut dinglama Polythene a khaina chu a hum nghet hle tih ka hmu thei. Chu thil ka hmuh ringawt pawh chuan min tihlau thei hial.





"Lokal rawh,tah hian lo thu mai rawh" ka tih chuan kei nilovin UVala chu a melh daih a,melh satliah in a melh lo,a hmelma hmu thut ang mai hian a awm..





Rawn pen phei thurh thurh in a thilkhai chu ka dawhkan chungah chuan a nghat a. Thu ta mailo chuan UVala bawk chu a melh leh a,chutah kei..





Hrechhuak zawkin min si cheta thu pa hnenah chuan
"Ka nu khan a ko che in ka hria" ka ti ta tawp a..




Ani pawh chu min hnial lovin a tho a,a kal ve mai. A chhuah fel hma chuan rawn hawilet leh hram in Saia chu a melh a,engmah sawi lemlo chuan a chhuak fel ta a.






"Ilo kal kher duh anih kha,ka tha asin" ka tih chuan ka hmaa ding kun ngul pa chu alo hawichhuak a,kan han inmelh leh ta chiah chu ka zam thar leh thut. Kan thusawi kha a hriat phak a mual mual a neih ka ring tlat. Mahse,eng chin nge alo hriat,a pawi chin zawng a hre hman em???






"Ngai e,ka tihtur alawm" min chhan lawkloh hnu chuan ati leh mai a. A mitmengah chuan eng emaw a awm
"Nichin khan ilo thlenna a rei tawh em?" Pehhel taka ka zawh chuan a tho thut a.






"Reilo,ka lo thleng chiah a min hmu nghal anih kha" inher paha atih chuan awm dawmin ka thaw huai a. Thudik anih hram ka beisei.





A thil rawn khai chu a hai ri ruk ruk a,eng emaw bawm te lachhuak in ka khumah chuan min si chetin alo thu ve a,keipawh chuan lo tawlhsawn ka tum chuanglo.





"I kut kha lo la teh" atih sup chuan ka kut veilam chu ka pe mai a,lapaw vawt thlera a rawn hruk chiah chuan ka vein an hmuhlohna lai kha ana tih ka hre leh chiah.





A hrukna lai ka en chuan thisen khir alo kai nuaih a,a pawng deuh ul bawk,en nachang ka lo hre ve miahlo chu mawl ka inti ru hle..





Ngawi rengin ka kut chu a hru fai a,a hruk zawh chuan damdawi hmehchhuah chi hi a nawih leh thlap a. A hnawih zawh vek hnu chuan ka kut chu a hum hnan vang vang a,eng emaw ngaihtuah niawm taka thawk suai suai pahin hnuailam a bih tlat bawk,a awmdan hian ka ngaih a titha lo tawp.






"Eng emaw diklo a awm ami?" Ka tih chuan a rawn hawichhuak ruai ruai a,ka mit takah chuan min melh ta chat a,a mitmengah chuan ka chhiar thiam siloh eng emaw hi a awm tlat. Kan thusawi kha a rawn hre hman ti dawn ila tiang mai maia a thut hi ka ring si lo.







"Awm love" tih pahin a tho hluai a,a din rualin a hmai a tuai pawk a.
Ka dawhkana a thildah ho kha kawk in
"Eitur hi ilo ei dawn nia,i kut kha anat chuan damdawi saw lo hnawih zawm la. Awm hahdam a tha ber a,che vak vaklo la" tih dam thlup pahin a inher mai a.






A awmdan hi engmah ka hrethiamlo. Min kan tura rawn kal ve si tihian a awm zui leh daih a.




"Kal mai i tum ami?" Tih paha ka innem kan deuh chuan ka khum tlang ka nem pial zawk a,chhuah ah kut nghat si lovin ka bawk thla rawk rawk a.





"Pathian hmingin Fimkhur hram teh" tih hrawk pahin a rawn thleng phei leh thuai a. Tla tepa ka thu chu min rawn chawi lawkin ka lukham a siamtha a,lukham nghenga min thuttir leh hnu chuan ka bana la chelh reng chung hian min melh vang vang.






Tunah tak hian a rilru hriatthiam theih ka va chak si em,a chezia leh mitmengah hian eng emaw diklo a awm tih hai rual a ni lova,mahse,a chhan ka hre thei si lo.





"Ka kal phawt ang" tih pahin a hrawk a thian khurh a,ka kut chu zawi muangin a thlah riai riai a,ka kut a thlah hnua min melh danah chuan inhmu tawh ngailo turte pawh kan ang hle. Ui chung chunga inthen ang maiin a kalliam tur pawh ala rawn hawi let leh talh a.







"U,kha kha mi?" A chhuak fel chiah tihah Elizabeth-i a rawn lut nghal a.
"Eng kha kha maw?" Tih paha ka mut awm riai riai chuan min melhdan mawlh mai kha ka ngaihtuah let a,a hrehawm em a ni. Nidanga a awmdan nen inang heklo.






"Anu sawi Doctor kha?" Atih chuan buk nghat pahin ka mu leh ta zan a.
"Ava chhelo ve,a duh che ami?" Atih deuh tawl chuan tin zawk pahin
"Duh mai mailo,a damlo ka nia,min rawn kan ve anih kha. Va chhuak la,pawnlam atangin min rawn kalh khum teh,ka mu duh. An haw dawn a nihloh chuan min rawn kaitho suh u" ka tih chuan hmui tipawrh terh hian a chhuak a.





A chhuak a,kawngka a kalh fel hnu chuan mut pahin ka kut min hruksakte chu ka han thlek vel thin a. Ni e,ka haw lo,ani pawh kha a uanglo anih chuan min hawlo lehzual.




Mahse,mahse tih bawk hi alo awm leh thin. Tuma duh tlak ka ni lova,tuma'n min duhtur a ni bawk heklo.




Ka duh leh hnaih atana ka duhtak mipa ani a. Mahse,min hnaih ve turin ka duh si lo.





Damlo leh a enkawltu inkara thleng tur ang zawng zawng chu a thleng tawh a,amah ngei pawhin
'Ka tihtur alawm' atih kha. Chunglam khian ka dinhmun hria in ka tana awl turin rem a ruat a ni ngei ang. Heihi atan nilovin ka tana tha tur zawk a ni..





Reilote chhung kha chu ka nunhlui te theihnghilhin,hmalam pana inzawmna siampui hial kha ka duh ve hman a. Mahse,tiang zawk tur hi ania nge.




Tawpna tha tak zawng ava ni si em. Tu ve ve mah kan na hman lova,inhre pawh hmanin kan inthen hrang leh a. Hei bak bak chu a awm thei lovang.




Ka tan a tha a,a tan ka thalo. Chuvang chuan tuna ka awmdan ang hian ka awm zawm tur a ni. Tu mipa mah ka hnaih theilova,hnaih ka tum lui tur a ni heklo.



Lianzual'n ka chunga a thiltih nghawng chu a ni teh meuh mai. Mahse,khami hnu khan thil tamtak a thleng zui a. Hriat reng ka duhloh thlengin a thleng kim hman vek,ka rila rah ka fanu ngei hnute tui farkhat pawh ka pek ve hmaa laksak ka ni leh anih kha.





He khawvelah hian mal tura siam ka ni a,kawppui nghet nei ve tur ni lovin. Chu chu ka pawmthiam angai ang..


Show post links
Top

[Ngaia]

ERASED


CHAPTER 10
☆☆☆☆☆☆


SHARONI POV:


Ka chhungte dang chuan min hawsan ta vek a,ka la chet that theih vakloh vangin Elizabeth-i chu min awmpui turin ala awm bawk..






An haw fel hma chu ka chhuak duh lova,ka chhuak anih chuan lemchan bawk kha angai leh emaw ania nga,hah sa nen ka thi thei mai ang. Lianzuala hmel ka hmuh hian ka nunna atana bei ang maiin ka tang nasa a,midangin ka awmdan an hria ang tih hlau in chu chu thup ka tumna lamah ka hah zual vek thin.







Lily chuan rawng zawng zawng a bawl vek a,puih ve ka tum pawhin inla nula fahran hian
'Ka awl thei che lawm' ati vei then a.







Zanriah kan eikham chuan sitting room ah ka thu ve reng a,ka luh dawn lai chuan inchung Scott-a leh a thiante an rawng lang leh hlawl a.






"Ehe Miss,i Lacto Zen bur anlo zai alaw,kan rawn kan dawn che" tih pahin an rawn ri lut ham ham a. Rum fe a Scott-a ka va melh chuan alo nui hui a,hepa hi sawi awm leh awmlo pawh a hrelo.





Ka thawhpuite takngial pawh ka hrilhlo ania,ka zirlaite bulah alo sawi ham ham anih dawn hi. Mipa vek anla ni zui.





"Lo thu rawh u,Vanthahlu,khawnge i bialnu te?" Ka tih chuan a helmet lawk fe chu chhuata nghah pahin
"An ninawm emai,ka hruai kawi reng peihlo,bike lawm hlawm si" then sak pah chuan ati puat a.






Min rawn kan e tilo chuan an thianho ringawtin an inbia a,anla bengchheng em em zui,mut vat ka tum tehreng nen,haw mai anla tum hmel si loh.





"Ehe,heihi i nau kha nimaw?" Tih pahin Elizabeth-i chu an fiam vei zuk zuk a,Elizabeth-i lah mipa lo ngaina vak si lo,a tum khum deuh bar reng a.





"Miss,meizial zu ila pawi em,i phalloh chuan pawi chuanglo" antih chuan ka khawngaih deuh bawk nen ka lo phal ve mai a.






Zial an zuk zawh hnu reilotê ah chuan an tawng duh zual sauh a,thilho te sawi mah se an nuihpui ham ham a,tui in turin an tho sek a. A then phei chu an bialnu te an nin zia sawiin an in âng thinrim bawk.






An awmdan chuan ka ngaih a tihthatloh vangin an zial zuk bân chu ka hnim chhin a,zial pangngai reng alo nilo. Weed(Ganja) ni tlatin ka hre ta a.





Vanthahlua chu signal zeuhin ka be hrang ta a. A benga pawh pah chuan
"In miss te inah Weed in rawn zu ngam a maw,i nu ka hrilh dawn?" Ka tih chuan tal sawn pahin
"Ka zu ve lo hrim hrim
Bakah tiang ka zu ve ngailo,midang sawn an zu aniang,mahse,hau kher suh" atih chuan ka ngei reuh hle a.






"Tikhan lo thu r'u,ka mu hahdam duh tawh a" tih paha ka thawh chuan Lily chuan min melh rum hle a,ka inlengte ho hi mawlin che phial phual thin mah se an suallo tih ka hria a,ka ngaihtuah lemlo. Tunah pawh tihian rawn tlangnel viau mah se,college ah te chuan min zahthiam ber berte anni leh tho.






Ka phei dawn chuan kawngkhar an rawn kik det det a,ka dinna ngaia ka din reng laiin Scott-a chuan inla neitu deuhin ava hawng a.






Beisei ka nei rilru deuh a,mahse,anih ka rinloh bakah tunah tak chuan lo langlo mah se pawi ka tilo.






"Eng nge in rawn tih?" Tih thawmah chuan ka hawi phei thuai a. Kawngka phen deuhah hian hmeichhe 2 anlo ding reng a.






"Vanthahlu tute nge?" Ka tih chuan
"LalSharon tute mah anni lo,ka thiante annih hi,va mu rawh" alo ti mai a,a hming puma ka koh hi a duh bik thaklo.







"In eitur rawn ken te kha ei ula" tih pahin ka phei zui a. Pindan ka luh hma chuan a mi biakte bulah
"Haw rawh u,damlo kan kan anih hi" atih sur sur ri chu ka la hre pha.








Mut hma chuan ka phone ka bih sek a,rei vaklo ah chuan awmzia a neihloh zia ka hrechhuak. Tunge min lo bia se ka tih,tu call mah ka changlo. Bakah,ani kha chuan ka number pawh a nei lo hrim hrim. Doctor in a damlo laka a tihtur chu a hlen tawh a,engmah beisei tur ka nei tawh hleinem.



______________.....................



Damdawiin lama dressing ka tih leh hma chu inah ka tawm deuh chawt a. Engtin tin emaw ni ka thawhpuite chuan anlo hre ve leh a,an rawn lang deuh huk a,an hre vatlo chu a zialo antih thute an sawi luam. Scott-a te thianho ka atang bakin an hre tawp lovang.







Chawlh ka la sa tliah angin ka insawi a,chutia anlo lang leh tham tham chu a zahthlak lek lek. Inzai pui pawh a ni lova,in admit em pawh ka nihloh laiin min rawn damlo chei vak mai a,a nuamlo hle.







An zaina dressing a hun chuan Elizabeth-i bawk chuan min kalpui a,ani in scooty a khalh a,kei a hnungah ka thu ve thung.






Hmanlaia Ha entirna hmun kha dressing tihna alo ni tawh a. Ka luh hma te chuan ka hawikual vel thin a,ka mi zawn chu hmuhtur reng a awmlo. Nurse leh mipui phe nuaih nuaih bak chu hmuh ka neilo.





Ka hun a thlen veleh chuan keimah in ka lut a,ka hmanhmawh lutuk vang nge ka OPD lehkha kha ka lo ken theihnghilh leh pek a,hming ziaktu te bula ka sawi chuan an hmelah an lawm vaklo tih a hriat nghal mai.






Ka inzai ni leh min zaina lai vel ka sawi chuan pakhat chuan tu emaw hi a phone a,card tello chuan in dressing theih hekloh..






Mi a biak zawh chuan muang fe a min melh pahin
"Naktukah lokal leh mai rawh,lehkha tello chuan a theihloh tlat" ati ta bur mai. Vawiin hi a dressing hun a ni tawh si nen ka buai hle a.






Saia number kha ka nei a,amah chu ka be tawp dawn maw ni ka ti hman hial a. Mahse,buai taka ka awmlai chuan Doctor pakhat leh Nurse hi an rawn inzui a,keia lo ding reng an hmuh chuan a chhan min zawt vat a.





Ka lehkha kenloh thu vel ka sawi chuan Doctor zawk chu inchhungah ava lut vat a. Reilotê hnuah a rawn chhuak leh mai a,a nurse rawn kalpui nu lah chuan indin chilh reng e tilo chuan min melh duh khawp lehnghal.






"Va lut rawh le,anlo tihsak ang che" Doctor chuan ati mai a,mak ka tih tluk zetin a chhunga duty ho min melh dan chu a mak bawk..






"Ava tihzia ve,ka lawm lutuk" ka tih chuan ngainatawm taka nuih pah hian
"Min hre tawhlo maithei a,Nangmah zaitu Doctor kha ka nia" atih chuan mawl ka inti hle a. Min zaitu Doctor takngial pawh ka lo hre ve lo ania.






"Aw,anih chu maw le. Kan haw nghal sia,i hmel pawh ka lo hmu zui lova" ka tih chuan a nui mai a.





"Saia pawh alo haw tep ang" atih leh chuan a ngaihna ka hrelo hle. Ka awmdanah chuan alo hrethiam nge
"Aw,ni tak. I hrelo a ni maw. An team ho kha Shilong ah paper present turin an kal daih alawm" atih chuan ka bu liam ve vel mai mai a.






A chhungte emaw a ngaihzawng pawh ka ni lova,a nuna pawimawhna ka neihloh ang bawkin a nuna thilthleng engmah ka hrelo. Mahse,a tha vek,heihi ka duhdan tak a ni.






Lawmthu ka hrilh nawn leh hnu chuan an kal zui mai a,keipawh dressing turin ka lut zui nghal bawk. Vanneihthlak takin Doctor la naupan hmel deuh hmeichhe hian min khawih hloh a,khawih pawh a khawih reilo. A hmuam hma vel a en a,a lapua a thlak bawk a,ka zawh chuan haw turin kan insiam leh nghal mai a..





Kawngka ka pel fel chiah tihah a chhunga duty te chuan zawite hian
"Amah kha ani tiraw,hmanni a an zai kha?" Tiin min dressing tu chu anlo zawt ser ser a. Doctor chuan
"Shhhh,anih kha,hna thawk r'u" ati mai a. Eng chu nge maw an hriat hlawm ni,min melh hrek hrek reng bawk si.






Elizabeth-i nen scooty dahna kan pan lai chuan ka inentir tirha min entu Vai Doctor kha kan tawk thut a,kalliam mai ka tum chu alo nuih vur vur a,ka bul vel ka'n thlek chuan tudang alo melh lo,ka tihngaihna hrelo chu ka'n nuih let ve leh tawp kha.





A thuina an phelh hma chu hna ka la thawk duh silo,Elizabeth-i lah chhunah a chhuak daih zel si. Ka khawhar min hnemtu awmchhun chu Scott-a te thianho anni mai a,a chang chuan khawhar an hnem leh mah mah a,hnar haw te pawh an ngai thin.






An rawn len hun hma hret chuan kawngka alo inkik leh det det a,tun ang huna tumah anlo kal ngailoh vangin hawng tur chuan ka phei a,mak chu ka ti ve reng. Amah kha anih rinna ka nei deuh tlat anih chu.





Mahse,ka va hawn chuan alo ni lo hloh. Ka thenawmte anlo ni a,a fanu chuan eng emaw alo khai țai a.
"Kan lo leng dawn a,i phal em?" Apa zawkin atih chuan lut turin ka sawm vat a.







"I inzai tih pawh kan lo hre ve lova,a zialo hle mai. Kan lo kal ve thei chiah" tih pahin a fanu chu a pawm a,ka hma sofa ah chuan an thu zui nghal.





"Chutia na pawh ka nilo,ka dam vek tawh alawm" nuih paha ka tih chuan a fanu beng bula kun paha
"A U saw i thil ken kha va pe la" atih chuan a fanu chuan a thil khai chu ka lamah a rawn lek a.







"A u,heihi i eitur" tih pahin ka mal chungah a lawn nghal a. Apa chuan nuih deuh hawk pahin
"Bawihte,a U kha a damlo ania" alo ti vat a.
"A pawilo,ka pawm thei alawm" tih pahin lawmthu ka hrilh nghal bawk. Naute ka pawm leh chiah chu ka awmlohna rei tawhzia ka ngaihtuah a. Ahma te kha chuan school chawlh apiangin ka awm deuh ziah kha ania.





Inbe lo chuan kan awm ren rawn a,a hmaa kan boruak ang kha chu kan pha chiah tawhlo. Mi tawngthei zet ho vangin kan inpawhna pawh a chhe zo vek tawh.






A fanu in ka kut khalh paha thil a sawi siam siamlai chuan Scott-a te thianho pawh anlo thleng ve ta a,tlem chuan boruak pawh an rawn thlak beisei ang.




"Nautei te pawh anlo leng a ni maw?" Tih pahin a rawn lut a,a hnungah chuan ka beiseiloh lutuk in Saia nau hmeichhia kha a rawn lang tel ve bawk. Zan dangah a tel ngai tawp silo. Amah chiah hmeichhia a awm ve bawk.







"Ilo kal ve alaw?" A mawiah chuan ka ti a,za vak lova then sak pahin
"Kal ve anih hi" ati mai a. A awmdanah chuan min ngaina vaklo tih a hriat mai.






An rik zui ham ham vang chuan ka thenawmte chuan haw an duh nghal mai a. Kawngka thleng thlahin naute chu ka kai chhuak a,lawmthu hrilh pahin ka mangtha zui bawk.







"I bialpa ami?" Ka lut chiah Saia nau chu alo ding thut a.
"Eng nge itih?" Ka ti ringawt a,min tiphu nasa em a ni..




"Khapa nen khan in inzui tak tak ami?" Atih chuan nuih hak pahin
"A awm anglo emai" ka ti liam puat a.





"A nupui hlui kha kan chhungte ania,ka hriatna che chu a rei tawh" atih chuan thil awmdan ka man thiam nghal uar uar mai. Mahse,ani laka insawifiah ba in ka inhre lova,kal mai ka tum chu
"Ka u hi tina suh,midang nen i kawp dawn anih chuan inzawmna siampui lo law law rawh" atih chuan ka melh dawrh a.







"I u chu ka Doctor ania,inzawmna pakhat mah kan neilo bawk,ilo buailo thei ang em?" Ka ti ta hmak a. Mahni lo maha rilru hah nak alaia,chutiang te a min rawn tih.







"A that hloh chu,hmanni khan in inkawp tih miin an sawi a. I thenawm Pathlawi nen hian in inkawp thin tih a nupui hlui chhungte lam atangin kan lo hre daih tawh sia,ka sawi mai mai maw le. Buaina awmloh chuan in inkawp pawh pawilo,mahse,kan chhungkaw zia nen a inmillo deuh deuhin inlo awm ang tih ka hlau a" tih pahin ava thu leh mai a.






A awmdan chuan ka nuih a tiza zawk. Ka inah mipa rawn zuiin alo leng ve a,a U nen kan inkawp emaw tiin min la chhuah chhal zawk lenghal. An chhungkaw zia lo anga awm chu kei nilovin amah saw ani,a u awm se zanah a lenglo tawp ang.







Dressing ti tur chuan ka kal nawn leh a. Ka card pawh ka theihnghilh tawhlo chiang e. Ka luh hma hret chuan ka phone alo ri a,Elizabeth-i alo ni,ka lak chuan thil pawimawh tih tur a neih thut vangin min lo hruai leh hman dawnlo tih a sawi a. Ka inkhalh haw theih mai tur thu ka sawi pawhin UVala a rawn tirh tur thu a sawi tlat a. Ka hnial tang tang na chu a rawn tir lui thovang.





Kha thil thlen hma kha chu UVALA te nen hian unau diktak angin kan awm a. A hnuah ka lakah rilru dang a pu tih ka hriat pawhin ka hai der lui a,ani pawhin ninawm takin min duh ngailo. Mahse,apa vangin amah kha ka hlau a,a hnuah phei chuan ka thuruk chhe ber thlengin alo hre ve leh zel a. Inhlat em em lo mah ila ani nen pawh hian ahma ang kha chu kan ni thei tawhlo. Eng emaw hi a awm tlat tawh a,min en apianga khawngaihna mitmeng ka hmu tel thinte hi ka duh hauhlo.






Pindan chhunga Doctor ka nghah lai chuan pawnlama inbe sup sup thawm ka hria a,kawngpui lam chu melhin an thusawi ka ngaihsak vak lemlo.






Doctor mipa pakhat chu mask vuah chungin alo lut a,
"I kawr lo phelh la" atih chuan ka lo phelh nghal mai a.




Ka hmaah a rawn thu fel chiah,a khawih tan dawn vel tihah chuan parda a rawn inkeu thut a. Beiseiloh lutuk in Saia a rawn lang hlawl mai. Ka hmaa Doctor nen chuan kan hawi dawrh a. Amah ber pawh chuan engmah sawi lovin keini 2 chu min melh tawn reng ringawt..





Chutah rawn pen phei pawkin ka kawr hma hlim chhoh chuan ka âwm lang vek chu a rawn khuh tha a.
"Keima'n ka tihsak mai ang" tih pahin Doctor chu a en a,Doctor pawh chuan a thil kenlai dahthla in alo aw ve mai a.






"Lokal rawh" tih sup pahin min melh zawk a. Min kaih chhuah mai a tum chuan ka lo tang nghal vat a,min kaihna chu melh in
"Keimah in ka lo kal ang" ka tih chuan ani pawh chuan a melh ve zawk a..





"Min lo zui ang che" tih pahin a chhuak vut a,inthlahrung taka ka chhuah chuan duty 3 chuan min lo melh thap a,ava zahthlak mai mai tak.





A bawp sei nen,a pen chak bawk si,step te chu ala pen kân zui. A hnunga ka kal chu a tlan hian ka tlan a ni ringawt.





An department office pawh nilo ah hian a lut a,zui tura min tih vangin ka zui lut ve tawp a.
Thu ta mailo chuan a kawng dawmin tukverh lam hawi chuan a ding tlat a,a tawng bawk silo. Awmdan tur hrelo deuh chuan ka ding ngawi reng a.





Pawn atangin kan langchiang ropui bawk nen,pindan rawn kalpel ho chuan an rawn melh lo thei si lo,ka zui luh pa lah chuan min hnungchhawn tlat bawk.





Engmah sawi lova a din reng takah chuan tiin ngawi reng chuan chhuah daih ka tum a,inhnuaia ka in dressing tir vatloh chuan an khar a hun mai dawn.





Kawngka zawn ka rap chiah tihah chuan
"Ding rawh" ati thut a,din chawt pahin ka inher a,ala rawn hawi chuanglo.





"Ka dressing tir vatloh chuan an khar dawn a" ama lam hawi paha ka tih sep chuan a rawn inher thut a,ka mit taka min melh pahin a rawn pen phei pawk pawk a,min man thut dawn emaw tiin ka lo awmsawn dawrh a.




Mahse,min khawih ta lo chuan kawngka chu ava khar a,parda pawh phui vek pahin a rawn inher leh vut a,a chezia mak ti zeta ka lo en reng lai chuan min rawn ban zawkin engkhaw sawi set setlo chuan ka hmuiah tak min fawp thut a.






Ka beiseiloh lutuk anih vang chuan ka meng kuau a,ka kawnga a rawn dawm rual chuan ka lo nem vak a,mahse,a sawtlo. Banga min nawr beh pahin ka kut chu a man a,a aia uar chuan min fawp nawn leh sak.






Ka theihtawpa ka nem leh vak chuan a awmsawn deuh a. Banga ka kut la nawr bet reng pah chuan mitmeng buai nakin min melh a.
"Ka tihpalh,mahse,ka insum theilo" zawite a atih chuan engmah ka sawi lova,a rang em a,khawvela ka beiseiloh ber a ni bawk.







"Engpawh tawk tawh mah la ka rilru chu ala ngai reng" atih chuan ka hresual emaw tiin ka enchiang a. Mahse,fiamthu hmel a pu lo. Engvanga kha thu kha sawi nge anih,eng nge hriat alo neih?????






"I sawi awmzia ka hrelo,min thlah rawh" ka tih chuan hnar tum dat pahin zawi muang chuan min thlah a,ding ngil paha ka kawr ka pawh that chuan min hnungchhawn zawng bawk in a ding leh a.







"I sawi awmzia engmah ka hre lova,chu lovah kan inkara hian engmah a awmlo,damlo leh Doctor satliah chauh kan ni" ka tih chuan a rawn inher leh vut a.






"Nichina mi kha damlo leh Doctor inkara thleng tur chu a nilo. Tunah Doctor tihtur chu ka ti chauh ang. Tah hian lo thu rawh" tih zawm zat pahin thutna min kawhhmuh a.





Ngawi reng chuan ka va thu ve mai a,ka kawr chung chu ka hlim zui nghal bawk. Ani paw'n engmah sawi lovin lapua vel chu tihfel mual mual pahin kut kawr a bun a.






"Ana thin em?" Tih pahin ka bra chu a rawn hlim zui zat a. Ka duhloh tawpin ka lo danglam leh deuh tawh nia. Tinge amah anih vangin tiang hian ka awm ziah,min fawh pawh khan engtin mah danglamlo tur ka ni asin,mahse,ka danglam tho si. Tinge mipa dang anga ka hlauh ve mai loh.





Ka chhan mailoh vang chuan mit ko san uk in min melh a,na lo tih na'n ka lu ka lo thing mai a.




"Nimin lam khan NEIGRIHMS lamah paper present turin kan kal a" tih sup pahin a thuina lai vel chu bandage in a hru a.
"Ummm" ka ti ringawt a,ka hre tawh chu mak atih hmel hle.
"Min zaitu Doctor nen khan kan inhmu a,a sawi alawm" ka tih chuan
"Nasa takin ka inngaihtuah a,ka ngaihtuah ngun poh leh ka beidawn chhan tur ka hrelo" atih chuan ka melh ha a,a sawi awmzia pakhat mah ka hrelo. Ani hian midang rilru tihbuai hi nuam ati hle a ni ang.






"Ka hmaa thu hmeichhia hi ania ka sawi,i lakah hian beidawn chhan tur ka neilo" tih pahin a Glove chu a phelh a,
"Ka sawi kha,chhan tha tak i neih chuan sawi rawh,ka insiam rem thei em em ang. Mahse" tih pahin ka mit takah a melh a,keipawhin chiang takin ka lo melh let ve bawk.






"Ka hlat theilo che" tih paha a kut dahna vang chuan ka kawr ka tham vak a. Ka awmdan chu chiang takin min en reng bawk.





"Ti suh" ka tih chuan a kut ala lasawn chuanglo,keipawhin a kut chu dah sawn ka tum tur a ni. Mahse,ka theilo,ka kut hi a aikhirh vek ang maiin ka tiche theilo.






"Ti maw?" Tih sup pahin a rawn kun hniam a,a zungchal chuan ka hnute an thuina chunglam chu a zut kual riai riai a,chu chuan nasa taka min tihdanglam vangin ka in hum ruh nasa hle.






"I kut kha dahsawn rawh" thei leh thei lova ka tih chuan min rawn hnaih zel in ka beng nul thuak thauk pah chuan
"Ka theilo" ati hawlh a. A kut chuan a thai kual zel a,an thuina hil tawh lam lo thak bawk nen,a kut awmna zawn apiang chu aza hiar hiar a.






"Ka ta ni rawh" atih leh chuan ka lo thaw hak a.
"Ka ka theilo" ka tihlai tak chuan ka beng kawm alo liak zeuh a,chu phei phei chuan nasa takin min ti zauthau.






Tinge,amah anih vanga ka insum theih miahlo le. Mipa dang chuan tiang hian min khawih se ka thinrim loh vek pawhin engtin mah ka danglam lovang. Min khawihlai hian tinge Lianzuala awmdan kha ka hriatchhuah a,ka hloh ve loh.






"Ka hmeichhia ni la,ka ta ni rawh" ka dara a chal nghah deuh pahin ka nghawng chu a thawk khum ham ham a,a kut a chet reng bawk nen ka che thei meuhlo.






"Ka tling tawhlo,i hmeichhe ngaih ang kha ka nilo" min tawhna nena danglam nen,a thusawi leh ka chhanna vanga tahchhuak tun chuan ka chhang a.





"Engvangin.... nangmah inih chhung chu i tling reng" tih pahin ka kawngah chuan a kut lawngin a rawn man a,a lamah min hnuk hnai nghal dawrh.






Tunah chuan ka darah a chal a nghat ta tak tak a,a kut veilam chu a ngaiah ala awm bawk,thawh thut a,inhmu leh tawh ngailo tura kalsan vang vang ka duh. Mahse,ka duh tluk zetin ka thei silo.







"Ka ta ni rawh ka tih chu Ramdinpui" thawp suta tih leh pahin min fawp thut a,a kut dinglam zawk chuan ka kawngah a tham salh bawk.






Atir chuan ka lo tang ve bawk tak na a,ka tang rei thei hauhlo. Kum 20 ka tlin hnuah tihtak zeta min chawk phur theitu awmchhun ani.





Ka fawh let chiah chuan a rum nghut a,keipawh ka ni tho. Ka hnute an zaina lama a kut dah chu lathla in ka kawng lehlamah a rawn dawm leh a. Inthut chilh rana kan han inhawn tawn meuh chuan kan inhawng zau leh mah mah ang tih hlauhawm khawpin chintawk kan hrelo.








"Ka ta ni rawh,ka duh lutuk che" tih pahin duhthawh fe chuan min fawh zawm leh a,
'Aw ka ni ang,ita ka ni ang,ka duh che' tia han chhanlet nghal rum rum mai a chakawm takzet. Mahse,chu erawh ka thei silo.







"Ramdinpui,ka ta ni rawh ka tih chu" ngen ngawl zeta tih pahin ka hnute lehlam a rawn tham salh a,phut zuk pahin ka awmsawn deuh a. Chal leh chal insik tirin kan thaw dun huam huam a,a thaw sa ham ham chuan ka thisen thlengin a tilum vek thei.






Ka kawng atang zei tak chuan a rawn chhui chhova,rawn thai chho riak riakin ka hnute hnuai a thlen meuh chuan ka thaw a rang tawh hle. A thlen chin apiang chu kang tur ang mai hian asa ham ham bawk.





"Ka ta ini,tun atang hian. A ni em?" Tih pahin ka tawng theih miahloh nan a kut chu a chet leh a,zei taka ka hnute hmur kawh vek tawh zut kual paha min fawh leh meuh chuan ka chhip atanga ke ler thlengin aza chuai chuai a,ka kutin a Coat var chu ka tham tawk tawk.






Duhthawh taka kan han infawh leh meuh chuan ka hliam reng reng kan lo hre chang tawh lova,amah ka va rin lutuk na lamah an thuina lai chu alo thip deuh zawk a. Chutih rual chuan ka phone alo ri ve chiah bawk. (Ka va zak reuh e. Ka ziaklo angah ngai rawh u Hemi chin bak chu ka ngam tawhlo,ka chhungte'n an hriat chuan min hlap palh ang)






Thawk hak pahin ka nemsawn a,ka thawk ala pangngai lova,ani phei chu a intan dawn chauh emaw tih mai turin a thaw ala rang nasa.






La thawk hawlh hawlh pahin ka darah bawk chuan lu a rawn nghat leh a,keipawh amah rinchhan chuan thawk ka lo la ve ham ham tho.







Rilru a fim telh telh a,kan thiltih vang khan ka inchhîr chu ka tilo,mahse,ka zak hle a ni. Tianga awm ngam tur kha ka nilo tih hre rengin ka awm lui a,a nghawng a nat poh leh ka tan chhuahna kawng a ping tihna a ni ang.






"I phone kha la rawh" aw la pangngai chiahlova tih pahin a tho ruai ruai a. Ka phone ri sek ka en chuan 'UVala' tih hi alo lang kalh a,min lo hruai dawn tih kha ka hrechhuak leh chiah bawk.






Call let tuma ka hmet tur chiah ka hmaa mi thusawi vang chuan ka tawp chat a,kan thiltih zawh chiah vang nilovin a zawhna vang zawk chuan ka pangngailo zawm nghal.






"I naute pa chu amah kha ami?" Atih chuan awihlo lutuk in ka melh chhova,min lo melh chhuk run pahin a ipte a zen ap a. Nichin khan lem alo chang reng nge,engmah thlenglo ang mai chuan a awm zui thei nghal mai.







"Eng maw i sawi?" ka tih chuan ka kut a khur zui titih mai. Ani chu khik sak pah hian
"UVala itih,ka lokal nia lo awm kha ami i fa paina chu?" Atih chuan nghetlo taka ka vawn phone chu ka thlauh dawp a,ka hresual lo tawp.







"Tumah an nilo,ka ka ka kal mai ang" tih bah nawk nawk pahin ka kawr chu ka siamtha sawk sawk a,ka khur nasa lutuk chu ka duh ang pawhin ka che rang theilo. Ka phone tla chu thei leh thei lovin ka chhar a,ka dang ro lutuk chu hrawk a thip hlur thei hial.






"Kal suh" tih pahin ka tho chiah chu na zetin min lo man chawt a,a duh vanga min tina lui anih ka ringlo. Mahse....
"Ka kal duh,min thlah rawh" ka tih chuan ka manganna pawh ka aw ah a lang tawh hial.





"Ani kha i fa paina chu ani em ka tia lawm??" Ka hmai zawna atih hrawk chuan a mitmeng sen rum chu ka en,ka hlau lutuk chu ka thu thla leh nghal hnawk a.






Engtin nge fa ka nei tawh tih alo hriat,khawvel mi tamtak karah hian tinge ani berkher. Tinge ka nun a tluang ve dawn chauha tiang bawk hi ka tawn leh?????


Show post links
Top

[Ngaia]

ERASED


CHAPTER 11
☆☆☆☆☆☆


SHARONI POV:



"Ramdinpui" atih leh hawlh chuan ka melh chhova,nelawmloh zetin min melh chhuk ve run tho.





Ka phone alo rik leh chiah chuan a rawn bih nghal vut a,tho zawkin tlanchhuah daih mai ka tum hman a. Mahse,ka kawngah chuan man in min vir pui nawk a..






"Min thlah rawh,ka kal duh" tih paha ka tal vak chuan min chelh nghet sauh.
"Engdang mah ka zawt lovang che,tunge apa?" Atih leh chuan beidawng lutuk in ka thaw halh a.







"Khawngaihin engmah min zawt suh,engmah. Engmah ka hrelo" buai nuaiha ka tih chuan
"Chu chiah chu min chhang rawh,ka zawhna che khan ka rilru a tihbuai zia i hrelo ami. Chu chauh chu ka zawt ang che. Engpawh tawk tawh mah la ka danglam dawnlo ka tih kha,aw,sawi rawh le. Tunge apa" tih paha min kawih her chuan ka tumloh tawpin ka mittui a baw zawih a. .







"Nilo,shhhh,tap suh. Ka tihpalh" tih pahin min kuah thlawp a,nghet zetin ka samah a hmai phum pahin ka nghawng chu a fawp pah tawk bawk.





"Ka tihpalh,ka zawt tawhlo ang che,ka tihpalh" atih mawlh mawlh chuan chet hun tak niin ka hre ta a. Amah chu ka nem sawn dawrh a.





"Ka kal duh,min kaltir rawh" ka tih chuan ka ban rekah alo la man hram a..
"Ka sawi theih zawng chu i ngaih ang hmeichhia kha ka nilo,abak engmah min zawt suh" tih pahin ka inher a,kawngka zawn ka thleng vel tihah
"Ka danglam dawn chuanglo ka tih kha,ka beidawng emaw ti suh" ala tih hram chuan aukhum vak mai ka duh. .






Inpawt mar thuak thuakin kawngka chu ka hawng a,vanneihthlak takin mi mit ka la vaklo hloh. Step ah chuan hmanhmawh fe in ka chhuk a,UVala pawh chu ka hmulo,tun atan chuan tumah biak ka peihloh vangin Taxi chu ka phar a,mahni in ka haw ta a.






Inah ka tawm tlawk tlawk a,rilru hah leh nat luatah ka mittui tlak chang pawh a awm zeuh zeuh. Elizabeth-i te result chhuah a hnaih tawh vangin inah a awm tam hman lutuk lova,tunlai tak Scott-a te thianho an reh riau bawk nen khua chu har duh tak a ni..






Ka buaina chu engtin nge a hriat tih hi a ni. A thawi pawhin ka sawi lang lova,a hretu awmchhun lah David-a chauh a ni bawk si. Min zai laiin ka tawngchhuak ti dawn ila a ni teuh dawn si lo.






A rin thua a sawi phei chu ka ringlo lehzual. Mahse,a hre bawk si,khami ni khan UVala nen kan titi kha alo hre fuh anih pawhin naute chungchang engmah kan sawi si lova,hriat ngaihna a awmlo.






Biopsy result lam tur chuan ka chhuak leh a,ka hreh lutuk chu tlanbo daih mai ka duh. Tinge Civil ah kher kher ka lo in entir le,pawisa chawitam mah ila Private ah khan ka lo ti hle hle lova.





FNAC test na building ah bawk khan result chu ka lam a,amah hmu tura ka phei lai chuan kawngah min zaitu Doctor hmeichhia nen khan kan intawk leh hloh a.






"Saia i hmuh hmain min lo hmu lawk ta che" atih chuan ka zui ve mai a,ngaihthatlohna em em pawh ka neilo. A pindan kan luh chuan ka zak chem chem thei. Hmanni Saia nen kan awmna kha ama pindan hi alo ni reng a,a danglam bik ka ti reng a ni.







"Lo thu la,intur te i duh em?" Tih pahin a thu nghal zar a.
"Duhlo mai,kal leh vat ka ngai sia" ka tih chuan bawp khawkherh chungin chik fe chuan min han en a..






"Fanu nangmah ang rual vel hi ka nei a,ani chuan Saia hi atchilh tak te in a atchilh thin,amah a hmuh duh vang ngawtin ka hna kalte kha min zui lui thin a. Pa tellova ka chawi seilen anih vangin ka duat a,a duh zawng zawng pek ka tum tlat bawk. Mahse,Saia laka a awmdan kher kher kha chu ka fanu tih atana mawilo a ni tih ka hria. Fate hau vak chi ka nilova,a awmdan kha ka enliam tawp a. Ka fanu in a duh vang khan Saia va biak that ka tum chuanglo,alo duh let ve anih leh in upat hleih deuh mah se a pawilo a ni mai a. Mahse,nawr luih ka tum ngailo" atih duah chuan a ngaihna ka hrelo hle a.







Saia leh a fanu chungchang min hrilh daih chuan ka tan tangkaina a neih awm reng reng ka hrelo. Mahse,a thutak hmel ropui bawk si..






"Chu thil ka sawi chhan chu i hrelo maithei,tuna ka sawi leh tur nen hian a inmil chiahlo bawk,mahse,pa tellova hmeichhe 3 enkawl selian thak ka ni a,chhang zing fe fe anni bawk" atih chuan a sawi tum awm ka la man pha chuanglo.







"College ah i thawk tiraw?" Atih leh daih chuan ka bu nghat a.
"Englo ania,kan zai ni che khan i hnute dinglam zawk kan khawih dawn tan chiah thisen a rawn chik thut a,kha kha a nihdan tur a nilo. A chhan i hria em?" Tih paha min melh kar chuan ka lu ka lo thing mai a.






"Fa i nei tawh em?" Atih thut chuan ka tho zawk lo chauh.
"Eng maw?" Ka tih vak chuan
"Naute i nei tawh em,emaw i chhiat tawh em?" Chiang deuh zawk chuan ati leh a.







Tinge mi zawng zawng hian ka chungah tiang hian an tih. Saia pawh tih tawh nen,mi hran hlak lak atanga tiang zawhna dawn chu a nuam miahlo.








"Hnute tui haw tawh ho chu tlema zai dan thlak angai thin. Mahse,nula pangngai dang nen in inang tlatlo a. Ka sawi tum chu i hria tiraw,thisen kha hloh miahlo tur ini" dam deuh zawka atih leh chuan ka tho zawk a. Ka bag ah lai hrui chu nghet zeta hum pahin
"Ka kal phawt mai ang" ka ti ta tawp a.







"Saia pawh khan chiang takin a hria ania,OT chhunga Doctor awmho kha chuan kan hrethiam vek. Chuan,a tihchian nan i dulah khan ser ka hmu bawk a,naute zai chhuahna ser" tih paha a rawn din chuan hmalam ka melh kuau a,sawitur reng ka hrelo. Ka thuruk te chu zawi zawiin a rawn lang tan ta niin ka hria.







"I hlauthawng tih ka hria. Mahse,hlau suh. Saia hi ring tawp rawh. Kan zai ni che a a hlauhthawn zia te kha hria la chuan mak iti hial zawk ang" tih pahin ka darah a beng thek thek a.







"Ka lawm e" tih sep pah chuan ka pen chhet chhet a,engtin nge an hmel ka hmuh leh ngam tawh ang. An rinloh dan deuhin ka awm si a,nurse duty pawh khan an hrethiam khawp ang. Tunah chuan ka nun chu hremhmun tenau ah a chang nawn leh dawn anih hi.






Amah ber pawh chu ka hmu ngam tawhlo,ka result ka en hian Cancer lam a nilova,Fibroids tho kha ania,chuvang chuan ka han hmu duh tawhlo.





Step a ka chhuk thla leh tur chiah chu tu emaw nen hian kan insu her sawk a,
"Ka tihpalh" tih pahin en pawh enlo chuan kal mai ka tum a.





"I tha em?" Titu vang chuan ka chau lehzual.
"Ka tha" tih pahin amah chu ka hel a..
"Lo han chho rawh,ka lo kir vat ang" atih chuan ka bu liam mai a. Mahse,ka chho lovang,ka chhuk anga,ka haw ang.






DR. SAIA POV:

Chakna reng neilo ang maia min rawn su hnawktu chu tudang a nilo,Ramdinpuii ngei alo ni. A hmel chu a dang bel a,a chauh hmel em em bawk..





Dr. Hruaii hmuh lawk ka ngaih vangin kal hmasa tur chuan ka hrilh a,en pawh min enlo chuan a bu ve mai a. Amah en leh angai dawn a,ka hmanhmawh bawk nen ka kalsan ta mai a..





Hmanni khan ka inthiamlo hle a,hrehawm ka tih em vangin biak pawh ka be zui duh ta lo anih kha. Hun thawl a mamawh niin ka hria a. Ka hahdam tir mai a ni,ka beidawng tihna erawh a nilo..






Engvanga khatia che kha nge ka nih ka inhrelo,mahse,ka zawhloh chuan awmngaihna ka hrelo mai dawna ka hriat vang a ni.





Kan zinna ah pawh engdang ka ngaihtuah theilo anih kha. A nihna ang angin ka pawm thei vek a,mahse,kha chiah kha ka hre duh,kha chiah kha. Khawvelah hian sawn pawm chu an tam alawm,ani kherlo pawh,sawn alo pawm tawh vanga ka duhloh chhan tur ka hrelo.







Dr. Hruaii pindan ka thlen chuan alo vei thuak thuak a.
"Min hmu duh ami?" Tih paha ka luh chuan alo hawi vat a.




"Sharoni nen khan kan lo inhmu zo chiah a" atih chuan ka bu mai a.
"Mak deuh ka hrilh ang che,kan zai ni khan a rukin a pum ka ensak chhin a,tah chuan inzaina hnu ser ka hmu,a naute neih chuan an zai chhuak anih ka ring a" ngaihtuah hmel deuha atih chuan mak ka ti zual deuh deuh.






"A lokal khan ilo hrilh tih sawi miah suh" Ramdinpuii awmdan ngaihtuah paha ka tih chuan
"Tinge,ka hrilh alawm. Inzai nia thilthleng te kha ka hrilh bawk a" atih chuan tihngaihna hrelo tak chuan ka thaw hawk a.






"Tinge,tihsual ka nei ami. In inkawp ni khan ka lo hre sia,pawilo turah ka ngai?" Atih chuan inher vut pahin
"Ka lokal leh ang" tiin ka tlanchhuak nghal a..






Ramdinpuii kha lokal a tumlo tawp,nilo,min hmu duh tawh lovang. Chuvang chuan ka dan angai a ni,timai kha chuan a kal theilo. Doctor leh midangin kan hria tih a hriat phei chuan hrehawm ati lehzual dawn lutuk,ka dan vat angai.





SHARONI POV :



Taxi stand ka thleng tep tihah chuan tu emaw hian min pawt her sawk a,min kai dawr dawr in Canteen phen lamah chuan min luhpui a. A tlangnel danah tunge anih fiah ka ngailo..





"Haw i tum tih sawi miah suh?" Tih pahin kan inhmachhawn ta ran a.
"Tum e" ka ti mai a,ka tum reng bawk alawm..






"Nilo,i result hi ka en angai" tih pahin ka lehkha ken chu a rawn pawt thla lawp a,damdawiin lama min kaih chhoh a tum chuan ka tang tlat a.





"Vawiin chiah angaih tawh hi,lehkha sign ngai i nei alawm" min ngen deuh paha atih chuan
"Ka duhlo,ka lokal tawh dawnlo" ka ti hmak a. Kal leh tumna ka nei chhete lo hrim hrim.





"I duhlo tak tak maw?" Tih paha chiang fe a min melh chuan
"Ummm" ka ti leh a.





"A tha e,sign lo mai rawh,i chau anih kha. Ka thlah ang che" atih chuan
"Keimah in ka haw thei" tih pahin min vawnna chu ka dahsawn a..





Beidawn hmel taka thawk hawk pahin
"A tha e,Taxi ka phar sak ang che" ati ta a.
Kan kal hma chuan min hnaih hrut pahin
"Ka sawi kha,eng pawh thleng se ka rilru a danglam lo" atih chuan ka tah khum vak zawk dawn maw ni.





Taxi chu min chan pui a,a uniform nen ala nih thlup vang chuan mi mit pawh ala hle,ani chuan engah teh vakah angaih hmelloh...



Taxi pakhat alo din chuan ka hnunga min nem deuh pahin
"Kal rawh le,ka hman veleh ka lokal ang" ka hriat tham tur lek hian ati sup a.
"Lokal suh,i lokalloh a tha zawk ang" tiin tlang tak chuan ka hnar a.






Min chhang lova,kawngkhar chu min hawnsak in ka lut a,ka thut fel hnu,kan tlanchhuah dawn chuan tukverh zawna rawn kun hniam pahin
"Ka lokal dawnah chuan ka lo phone ang che" tih pahin Driver chu kal turin a hrilh zawm a.





Chhan pawh ka chhang peih tawhlo,ka thil tawn zozai nen ka chau hluah hluah,ka kalsan tawh thilte hian tinge min lo la hmuah reng bik le. Ka hlim ve dawn chauha,buaina bawk..







Zanah chuan ka phone a ri sek a,Elizabeth-i,Vanthahlua leh Saia te'n a chhawkin min rawn call hlawm. Tumah mah ka biak peihloh vangin ka la duh lo lui a,ka nin tawpah chuan ka switch off zui ta hmak..






Thlamuang taka mut a,mumang ramah hun nuam tak hman a,ni lo chhuak thar nena hlim tak leh lemchan tel hauhlova nun hman ve ka duh a ni. Chu chauh chu ka duh. Ka beisei sang lua nge,chu ni chu a rawn herchhuak thei silo.





Dan ngaite bawkin zanah chuan ka thangharh leh a,ka thlan nasa hle bawk. Ka damdawi chu ban rawk rawk in ka hmawm pawp a,a hnu reilotê ah chuan ka kut a mu chem chem a,ka muhil zui ve leh ta a..






College a kal leh tawh ka tum vangin ka insiam hma viau a. Kan college hi kêa han kal ralah chuan a hla ve tham a,scooty ka la khalh ngam chiah silo,inchung tlangval in min phur chho mai dawn anih hmel. Kan accident em lo turah chuan ngai phawt ang.





Chaw ka ei a,ka intihfel zawh vek hnuah chuan ka chhuak chhova,an ina ka luh chuan anu leh pa anlo awm a.






"Vanthahlu,in Miss in a nghak tawh che ania,hmanhmawh rawh. Hmeichhia ang mai khan i sam te kha khuih hluau hluau zel suh" anu in atih chuan pindan lam atangin kan tlangvala chuan
"Tikhan lo thu rawh se,ka la insiam" ati chher a..





Rei tawk fang ka nghah hnu chuan rim tui em em mai hian a rawn chhuak a,a sam lah chu a tihphir nasa.





"Kal ang" tih pahin min kalpel thuak a,an inkawt kan chhuak chiah kawmchhak lamah chuan Saia alo ding reng a,a motor nghengin phone a hmet mual mual bawk.






"Khipa khi i hria mi?" Tih pahin Scott-a chuan helmet a khum a,a bike ah chuan a lawn zui nghal.
"Hria e,ka Doctor alawm" ka tih chuan ka thutna tur chu a beng thek thek a..





Ka lawn hmaa Saia lam ka hawi chhoh chuan chhaklam hawiin phone alo hmang a,anau alo thlah anih ka ring ta a,keimah vanga rawn kal chu nise tahkhian a ding mai mai tawp lovang. Chu lovah,helam atang hian a haw kual dawn pawh a ni mahna.





Kan tlanchhuak chiah chu a rawn inher vut a,keini inphur min hmuh chuan a chelai a tawp deuh chawt a,mak tih hmel fe chuan min lo en a.




Min biak a duh anih ringin Scott-a bulah chuan ding lawk turin ka hrilh a,ani lah chuan ka thusawi hrelo ang hmakin Saia zawn kan thlen chuan a race vak a,kan tlanpel nghal fua.





Ka hawilet leh chuan hrilh hai hmel deuhin min lo thlir zui vung vung a,a nuam viaulo.





Ka ngaihsak em em vang pawh nilovin ka awm a tinuamlo reuh hle a. College kan thlen chuan Scott-a lah chu a ual-au laitakah chuan a ding vang a. Hmanhmawh deuhin ka chhuk a,Saia nau kha ka la tawk zui bawk.






"Ka u in a rawn pan che a,Scott-a nen in rawn inphur leh tho sia" tih pahin min kalpel hmak a. He nau te hian awmdan mawi reng a hrelo niin a lang.


Show post links
Top

[Ngaia]

ERASED


CHAPTER 12
☆☆☆☆☆☆



DR. SAIA POV:

Zanriah eikham chuan biak tumin ka call ngat ngat a,ala duh thaklo lehnghal. Kal ka duh a,hrilh lawkloh chuan alo lungawilo ang tih ka hlau bawk si,phone lah ala duh bawk si lo.





Sana ka en chuan dar 8 alo ri thuak tawh a,ka jacket chu ban in a in lam pana kal mai ka tum a. Inhnuai ka chhuk chuan ka chhungte anlo thu thap a.




"Khawnge i kal dawn?" Ka nu in alo tih chuan
"ITI ah" ka ti mai a,chhuah zui nghal mai ka tum laiin ka pa chuan
"Tah hian lo thu lawk teh" alo ti leh a.





Saizami ka va melh chuan min lo en tha duh hauh lova,ani hian eng emaw sawi a nei anih ka ring ta.
"Ka hmanhmawh viau ania" tih paha ka thut chuan min melh thap hlawm a.







"Tuna i hmeichhe zuilai hi ini Malsawmi fanu in pasal a then chhan tih i hria em?" Ka pa tih atih chuan ka en dawrh a.
"Tu chu maw?" Ka tih chuan
"Dawrpuia ini Malsawmi fanu te nupa an inthen chhan kha ania ka sawi" ati leh a.





"In hrechiang ami?" Tih paha ka nu ka en chuan
"Ini Malsawmi te khan an sawi thin a,inlo inzui tih pawh kan hrelo. Ahma daih tawh khan ani chu kan hre tawh,bazarah Vawikhat chu kan hmu tawh nghe nghe" atih chuan ka la awih chuanglo.





"In hriatsual anih dawn chu" ka ti leh mai a.
"A nilo,chupa nen chuan in thenawm chiahin an awm bawk,bang inpin dan chiah annia. Hman zana kan kal pawhin an pafa chuan anlo awm ve reng" Saizami'n atih chuan ka melh hrawk a.






"Zanah i leng a maw,ITI ah khuan?" Ka tih chuan tawngsual inti takin a kun daih a.
"Saizampui" ka tih leh hrawk chuan rawn hawi chho leh dai pahin
"Ka thiante damlo kan tlawh alawm" ati sep a..






"Vawikhat mah zanah chhuak tawh suh,ka pa engtin nge inlo chhuahtir theih zawk?" Lungawilo zeta ka pa te ka en chuan an ngawi reng a. Saizampuii bawk hian dawt a hrilh leh tawh aniang chu.






"Khalam kha chu dahtha phawt teh ang. Saia,nupui tur nilo ngaizawng rual ini tawh lova,tu hmel hmuh pawh kan chak tawh. I kawppui thlanah fimkhur ang che" tih pahin ka pa chu a tho ta thurh a.







"Ni e,fimkhur hle rawh. Ini Malsawmi te nufa rengin an ngei ania,tianga hmai balhna lo nei tawh hi chu an tha vak ngailo" tiin ka nu chuan alo tuihnih ve leh a.






"Saizampui" kan pahnih chauha kan thut hnu chuan ka vin hluk a.
"Ka sawilo engmah. Ka hrilh daih tawh che kha,Miss Sharoni te chu ka hriatna a rei tawh. Hmanah pawh bazarah Ni Malsawmi te nufa nen kan tawk tawh. Dawt a nilo,a fanu pawh a awmsak ziah,an inchungte paw'n an hre vek alawm,an inluah pawh a mawiah a hrangin an luah vel mai mai anih hi" atih duah chuan ka chhang tawh lova.






Ka chhuah tum pawh chu thulh lehin pindan lam bawk ka pan leh a. Eng nge ni ta neih nuaih. Fa a nei tawh a,afa chu Khawnge a awm tuma'n an hrelo. Tunah Pathlawi nen an sawizawm leh tawh bawk a. Ramdinpuii hian eng anga nun buaichuar tak nge alo neih ni..








Ni Malsawmi fanu pasal chu ka la hmu ve hauhlo,anih chuan,tukin zinga lo phurtu kha a ni thei mai ang em????




SHARONI POV:


College ka chawlh rei tawh vangin hna ka ngah khawp a,eng dang mah ka buaipui hman meuhlo,naupang exam tur leh an mark khawl chhut reng rengin ka buai nileng zak thin.





Saia pawh a reh vang vanga,a beidawng ta ania nge. Mahse,a tha zawk. Kan nat tam hmaa tiang dinhmun thlen nghal hi ka duh zawk a,nilova,min chelh tlat anih chuan hmingchhiatna bak a tawng lovang..





Zanah chuan ka thenawmpa in a fanu ka awm hman leh hmanloh min zawt a,buai angreng viau mah ila zan lama hnathawk pah anih vangin ka awm tur thu ka lo sawi mai a.






A fanu chu awm a nuam hle a,a fel si,min tibuai vak bawk silo. Ka thutpui reng hnuah chuan ka phone chu rawn lekin.
"Thla la ang"
ati reuh a,thlalak lawm viaulo mah ila naupang mai ala nih vang chuan ka lakpui mai a.





Dar 9 rik hma chuan a muhil a,apa lo la hawloh vangin sofa ah chuan ka muttir a,a rei hnu chuan a tal a tal a,vawt ati a nihloh pawhin hrehawm ati anih ka ring ta a. Apa in engmah ala rawn sawiloh vang chuan ka pindan lamah ka mut ta ngawt a.






Ka mut fel hnu chuan Bangalore lam atanga call pawimawh ka dawn vangin Verandah lamah ka chhuak a,pawisa ka thawn hun alo ni leh der tawh a. Sister hnenah chuan ka thawn vat tur thu sawiin Mary that leh thatloh te chu ka zawt ve luam a,a that thu leh a hrisel tha a,a than pawh a tha viau tih a sawi bawk.







Loh theihlohah lo chuan ka be duh vak lova,anmahni min rawn biak a tam zawk bawk. Kan inhmuhlohna rei tawh vangin min hrechiang tawhlo maithei a,ka biak pawhin min kalpah biak vel mai mai. Mahse,ka tlawh leh hunah chuan min hriat leh mai ka beisei.







Kan inbiak zawha ka phone ka en chuan ka thenawmpa chuan min lo call reng chu niin. Ka call let vat a
"Kan hna lamah buaina chhete kan nei a,khawngaihin Bawihtei kha ilo riahpui thei ang em. Ka lo haw hman thlawtlo a" atih chuan ka ngawi vang vang a..







"Zingah ilo haw har ang em?" Ka tih chuan ka sawi awmzia leh ka ven thawn a hrethiam nghal mai a.
"Lungngai suh. Dar 6 velah ka lo thlen theih ka ring,midang thawh hmain ka rawn lam dawn nia" tiin a fanu ka riahpui theih chu a beisei khawp a..







Chuti na nâ nâ chu tiin ka riahpui theih thu ka hrilh ta a. Parawl chan chang a ni a,chutah fanu naupangtê ala nei bawk. Keipawh mahni chauha khawsa thang ka nih vangin dam mawh hritlan leh han buai zual changa ban tur neihloh hrehawm zia ka hrechiang a. Chuvang ania an pafa nen pawh kan inpawh em em.







Boruak chhia kan neih hma te kha chuan an rawn leng reng zel a,a fanu pawh in U ang tak takin min en a. Anu te ina apa ava len chhung pawhin ka bulah alo awm nileng thak mai thin. Mahse,sawi leh sawi hnu,tlangthang dik tawklo vangin kan inkarah chuan awl zautak a awm ta tlat a,inhlat hle lo mah ila ahma kan boruak kan phak tawh ngailo.







Naute bula ka va mut chuan apa emaw tiin min lo kuah sat sat a. Ka lainat thin,nu leh pa kar nilova seilen hrehawmzia ka lo hre ve nual tawh a. Ani pawh hi a hma hun a ngaihtuahawm khawp ang. Apa sawidan chuan inhruai a,inneih that leh pawh a duh reng. Mahse,annu te lam kha anla ngiau nger deuh a ni awm e.






An inthen chhan tak sawilo mah se,a hmeichhe lam chhungte khawsak nuam bik lutuk leh,atir atanga an inneih an pawmpui loh vang hrim hrim a ni ber awm a. Naute pa hian thiamlohna tamtak nei mah se,a hmeichhe lamin an hnuaichhiah a,an duhloh tlat chuan tihngaihna awm heklo. Ani lah hna nghet tak nei ala ni chiah bawk si lo.






Ka mut hma deuhin Saia chuan alo call leh hlawl a,ka la duh lawk lova,a chhan pawh reh hlen mai tura ka duh vang a ni pakhat. Vawithum vel a rawn tihnawn naah pawh chuan ka khum sirah ka dah tawp a,ka phone screen a 'Dr. Saia' tih inziak de zeuh zeuh chu ka en mawl tawp ringawt.







A beidawn tawpah chuan a rawn tihzawm ta lova,mahse,WhatsApp ah message arawn thawn zui nghal.
'Ka phone call ila theilova,i hmanlo ania nge. I hman hunah kan inbe dawn nia' tih hi alo ni.





Chumi ringawt ka hmuh pawh chuan ka tah a chhuak hluah hluah. Tiang khawpa dinhmun laklawhah ding nilo ila chuan ti teh tawp hian ka hnawl biklo tur.






A message pawh chu seen lovin notification atang ringawt chuan ka en a. Ka hmeh thim hma chuan alo thawn leh a.
'Naktukah lokal ka tum a,kan inhmu dawn nia' tih tawp a ni. Thawk halh pahin ka hmet thim a,chhin vang vang pahin a hmel ka ngaihtuah a,ka hnawl tawp tur chi mipa chu a nilo. Mahse,pawm ngawt thei ka ni bik si lo.






Tui takin ka mu chauh emaw tih chuan ka phone alo ri leh ral ral a,ka en chuan ka bulah naute a mu tih ka hrechhuak zawk.
Apa call chu ka la vat a
"Pawnah ka awm a,ilo hawng lawk dawn mi,naute kha ka lo hruai ang" atih chuan ka tho nghal thuai a,phak chuapa sana ka melh chuan dar 6 alo ri chiah chiah.






Naute chu kaitho mai lovin kawngkhar lam chu ka pan a,ka hawng chiah tihah thenawmpa chu a rawn inrawlh lut nghal a. Makti deuha ka lo en chuan
"In neitunu alo tho reng tawh alawm,pawilo turah ngai ang" atih chuan keipawhin a pawiloh ngei ka beisei.







"Ka lo pawm chhuak ang" tih pahin pindan lam chu ka pan a,tui taka Naute mu chu dim te in ka va chawi kang a,ka pawm chhuah chuan dawhkan bulah apa alo ding run a.






"Khawnge a kawrlum leh a slipper?" Alo tih chuan ka theihghilh tih ka hre chiah.
"Ka va la ang" tih leh pindan lama luh a rual a,thawm chu dim dun tak kan ni. Kan tihloh dan a nilo. Ni e,vawitam naute hi ka bulah alo riak tawh a,ka nau ang chiahin ka en bawk. Midang ngaihdan ngai pawimawh em em chi kan nilo ve ve a,kan remchan ang khan kan insiam rem mai thin.






Naute pawm tai chunga ka din reng lai chuan kawngka alo inhawng thut a,
"Phone ila theilo" tih leh Saia hmel ka hmuh zawm nghal. Tracksuit dum leh var inpawlh in a inthuam a,sneakers dum bawk a bun..






"Eng nge ilo tih?" A ngaihna hrelo taka ka tih chuan kei aiin a ngaihna a hriatloh hmel zawk. Naute pawm chunga ka lo ding pawr chhap chu min melh reng a. Chu veleh ka pindan lam atangin Naute pa alo chhuak ve chiah bawk.






Ava hunlo ber tak,kei leh Saia lo in melh reng chu rawn hmu ve in nuamlo atih hmel hle a. A fanu pheikhawk leh kawrlum chu a kut lehlamin a keng a,min melh tawn nghal zak zak.





Ngawi rengin min rawn pan a,tui taka a fanu muhil chu ka hlan chhawng a,ngawi run chunga kan hmaa min lo en rengtu vang chuan ka che te chu ka khawr zo vek.






"Kan lawm e" min melh zawk paha ti supin an pafa chuan an inpawm chhuak ta zal zal a. Ahma ai zawngin boruak a tang tha lehzual,engtia awm zui tur nge pawh ka hrelo.






"Call ila thei si lova,kawngka alo inhawng bawk sia" a din ngai renga din pah chuan ati a.
"Nia" ka ti tawp ringawt a.
"Chuan?" Sawifiah se min tih hmel taka atih chuan thil tha deuh ka ngaihtuah chhuak ta a.







"I hmuh ang kha nimai" tih hap paha ka inher san chuan a rawn che ve nghal hrut a,ka kiu chung chiahah chuan rawn man in
"Ani nen khan in inkawp tak tak a maw?" Awihloh hmel lutuk chuan ati leh a.






Hnungchhawn reng pah chuan
"I hmuh ang kha nimai ka tih chu" nin hmel deuha ka lo tih ve chuan min rawn kal hual a,ka mitah tak en a tum leh tawh a ni ngei ang.





"Dawt i sawi" tiin ka rin ang chiah chu ka mitah tak min melh ta chat reng a. Eng chen nge ka pehhel theih dawn ka hrelo. Mahse,hetiang renga nun zawm pawh ka peih tawh biklo.







"Dawt ka sawilo,in chhunkaw makpa hlui anih nghe nghe kha" zahloh hmel zeta ka tih chuan min la vuan nghet ngang mai.
"Ramdinpui,ka awih che ring suh" ati chang fak a.







"Ka chau ania,khawi maw" tih pahin a kut chu ka vaithla a,sofa lam chu panin ka va thu ta thak a.





Rawn phei ve nghal vatin ka hma zawnah tak chuan a rawn ding luah a,min melh chhuk run pahin
"Anih chuan va zawt ila" ati ta mai. Ka melh zawk a,hepa hi tinge a luhlul em em mai le.





"A chhan duh che i rin chuan va zawt la" ka ti mai a. Min manchhuah chu ka hlau ve reng.






Kawng dawmin a thaw hawlh a,inher in a chhuak nghal vut. Hlauthawng lutuk in a kalna tur lam ka en a,a phei tak tak nia. Hmanhmawh lutuk chuan ka tho nghal sawk sawk a,a kalna lamah chuan ka phei ve nghal hlawk hlawk.





Thenawmpa in ka thlen hma tlema ban lian deuh zawn ka thlen dawn chuan Saia pui chu a rawn chhuak thut a,a awmah ka intauh dawt nghe nghe..





Ka melh chhoh chuan thutak fe in min lo melh chhuk run a,manchhuah ka ni tih ka inhre chawpchilh nghal. Hepa hi a kallo tawp.





"Tikhan dawt ila sawi dawn em?" Tih pahin ka kawngah a rawn dawm thut a,lo er zawk mah ila min pawt hnai leh dawrh tho.






"Dawt a nilo,ka rawn phei ve dawn lawm" hnuailam bih daih paha ka tih chuan chek tluk tluk pahin min nem sawn deuh a.
"Slipper nilo hu a bun chung khan maw?" Atih chuan ka ke lam ka en a,ka slipper enchiang mang hleilova ka bun chu a dinglam zawk a veilamah ka lo bun a,a veilam zawk a dinglamah ka lo thawlh chu niin.





"Khawimaw ka phei duh" tih paha ka tal deuh chuan min thlah leh mai a.
"Dawt sawi zawm tawh suh" ati leh tawp a.






"Nia,dawt ka sawi tih chu ka phalo. Mahse,ka pehhel chhan che chu a chiang mai lo mi,tinge min umzui reng a?" Ka ti ta thlawt a. Eng nge keimahah hian a hmuh em em ni.




"Ka umzui chhan che pawh a chiang mailo mi?" Ati ve leh chiah bawk si. Ka sam thur tak chu ka tuai thuak a,engtin mah chhang ta lo chuan ka inher a,ka in lam chu ka pan phei a.





Ngawi rengin ka lut a
"Thingpui i duh em?" Min rawn zui zel tih ka hriat vang chuan ka zawt a..
"Duhlo" alo ti hmuk a,ka hawi let chuan a lungawi hmel chiahloh..





Ka sofa lam pana ka kallai chuan pindana ka phone ri ral ral chu ka hre leh a. Saia lam pawh ngaihsak tawh lova ka va en chuan Bangalore lam bawk alo ni.






Mary damloh thu leh thi a luah reng thu an rawn sawi chuan ka chebuai vek nghal vek a. Sister chuan ka kal theih leh theihloh tur thu min zawt a,engmah ngaihtuah buai lovin ka kal tur thu ka sawi vat a.








"Aw,lokal vat ka lo tum ang. A chauh zual chuan min lo hrilh vat la aw" tia Mizo Sister awmchhun ka biak chuan lungngailo turin min hrilh a. Phone chu ka dah zui nghal bawk.








"Tunge damlo?" Ka chhip zawn atanga rawn ti thuttu vang chuan ka phone ka thloh tawp lo chauh. Ka phone hman ri alo hriatloh hram ka beisei.






"Tuman anni lo,khu lama ka thian pakhat a nuamlo deuh mai mai" ka tih chuan a bu ve nghut a.





"Eng nge ila tih dawn?" Tia ka zawh chuan
"Min nin tawh hmel emai,ka haw mai ang. Min han thlah la" atih chuan hniallovin ka zui chhuak nghal mai a. Zingkar kara helai rawn Workout thlen chu a peih hi ka ti khawp a.






Ngawi rengin a hnungah chuan ka chhova. Vanthahlua zing tlan zo nen kan intawk a,ka in lam panin ala rawn chhuk thla chiah zui. Saia chuan a hre ve lo nge a kapel mai a. Mahse,Vanthahlua rawn tawngdan vang chuan ding chawtin a rawn hawi let leh a.





"Lokal ka tum a" atih chuan ka melh hrawk a.
"Nizanah ka lokal dawn ka tih tawh kha" atih chuan ka chhu fawk dawn maw ni.
"Haw teh" ka tih hlak chuan ka in lama chhuk pahin
"Inah ka lo zu awm ang" ati hmak anih chu..






Saia hmel ka en chuan chhuk ve leh a duh ut ut in ka hria.
"Kal ta che" ka tih chuan ka in lam ala thlir tawk tawk a.
"Khapa kha" tih paha a kawh thlak chuan
"Scott-a anih kha" tih pahin ka kal pel ta daih a. Hma ka hruailoh chuan a let leh duh tak tak palh ang.






Kawngpui kan chhuah chhoh chuan a car alo inhung run a,
"Car in i Workout maw?" Nuihza insum tak chuan ka ti a.
"Umm,a theihloh mi. Kawng chanve ah Car in" tih pahin a chabi chuan a hmet ri tawt a.





Lut ta mailo chuan a rawn inher leh a,ka in lam chu hawi thlain a thaw deuh hawlh a. Chutah,a sira ka lo ding reng chu min rawn en ve leh in
"I hna kal dawnah ka rawn hruai ang che" ati chuan rang lutuk in
"Ka duhlo" ka lo ti vat a.






"Min hnial suh,midang i inphur tir ziah tho kha" atih chuan hmanni kha ka hrechhuak zawk a.
"Ka duh chuanglo,keimah vanga helai lai rawn thlen" tih paha ka kuangkuah chuan
"Nangmah vang a ni dawn hleinem. Ka nau ka rawn thlah pah dawn alawm" ati leh mai a.







"Chupawh nise ka duh chuanglo. Rawn kal miah suh" ka tih chuan a thinrim deuh mai
"Ka rawn kal ang" tih muan charh pahin a motor kawngkhar hawn a tum a.







"Rawn kal la,ka chuang lovang" ka tih chuan a tawp chawt a,kawngkhar vawnna chelh pahin hmalam a hawi vung vung a. Rawn inher leh ruai ruaiin
"Tinge?" Ati hawlh a.
"Eng ber?" Ka tih chuan







"Tinge kei ka nih vanga tia itih,midangin an thlah theih lai chea ka thlah ve theihloh che. Tinge min hnungchhawn reng bik. Tinge,i huatdan zawng takin ka awm bik ami?" Chiang taka min melh paha atih chuan sawi tur reng ka hrelo.






A zawhna chhanna chu ka nei vek,mahse,ka tawngchhuak theilo. A zawhna pawh thil har a nilo. Mahse,a thu tlemte in min tham natzia chu,ka marphu te pawh a phu lian sawt in ka hria..






"Ka zawh che chu. Tinge kei ka nih vanga a theihloh?" A Tih leh chuan in sang marin ka melh ve kal a.
"I zawhna chiah kha i chhanna a ni. Nangmah inih bik vangin" ka tih chuan beidawn hmel taka lehlam hawiin a then sak a.






Kan ngawih reng ve ve takah chuan zawimuangin ka inher a,min koh din leh ka rin vangin ka kal mailo. Mahse,a tawng takloh vang chuan ka chhuk chhet chhet a,step a chhuk paha ka mit sir zeuh chuan a motor bula din pahin min lo la thlir zui reng.






Chungnung ber,ani khi kawppui tha tak pe lul teh. Ka hnaih dawn apiangin ka hnunglamin min pawt na zual sauh zel si. Ka hlat dawn lahin ani'n min pawt na ve leh thung. Ka hnaih dawn anih chuan ka buaina zawng zawng hi min lak kian sak a,ka hnaih thei ngai dawnlo anih chuan beidawn tir mawlh rawh. Khitianga a awm hmuh reng khi a hrehawm ve tho asin.







DR. SAIA POV:



Karkhat lai a liam ta,ka hmu nawn leh tawhlo. Hmuh a,biak leh beiseiin ka kal ziah a,mahse,a hmel hmuh tur a awm ngailo.





Saizami sawidan chuan Education department ho in Delhi lamah Excursion annei a,chutah chuan a kal anih ka ring a,mahse,Saizami bawkin thlalak 1 min lo thawn ka en chuan a location Bangalore daih a ni. Chupawh khapa Scott atih nen khan.







Ramdinpuii hian ka lakah rilru dang a pu ve eihlo tak tak em ni,chutiang anih chu ka ring silo. A hmel ka en,a natna te nasa taka thup a tum tih bak ka hmu ngailo. A zia ka zirchiang a,pawisawilo a nihna bak ka hmu ngailo. Chutiang khawpa hmeichhe tha si chuan tinge tlinglo nia a inhriat reng,tinge ka lak atanga a inlak hran reng mai,ka beih ve viau tawh chuan ka hria,mahse,a rilru ka hneh thei thlawtlo.







Ka phone ri thut vang chuan thu awn deuh chungin ka kekawr ipte chu ka dap nghal a. Ka en chuan ka nui nghal suk.





Mahse,an thu rawn sawi vang chuan ka nui tawp riai riai. Ka hrechiang tulh tulh a,amak zual zel,tinge engmah hi thil chiang tak a awm theihloh. Tumah lah hian an sawi tha duh bawk silo.






Nilaini chuan Saizami'n an college atangin min rawn bia a. Ramdinpuii a hmuh thu a sawi chuan chet lak a hun leh ta chiah,ka chawlh vang vang vang hian ka beidawng tihna a nilo. Ka tih chu ka tih a nimai,ka hlawhtling hma chu ka bei ang. Inthah ah te hial min vau anih ngawt loh chuan ka beidawng mai lovang.






Atuk atang chuan Saizami thlah pahin a in lam ka pan ta a. Saizami pawh hi a phur teh hawrh lutuk a,Ramdinpuii nena inzui thin Scott-a vang kha a ni tih ka hre reng a. Kan inthurual ve na awmchhun anih vangin ka khak duh lemlo.





A in lam hawia ka din reng lai chuan a rawn pen chho ta dalh dalh a,ka hmusual nge,a cher deuh tlain ka hria a,a chauh hmel hle bawk.





Kawngpui thlang deuhah chuan Scott-a atih pa kha alo ding ve reng a,amah ka en nasat lutuk na lamah ani ding reng ka lo hmu ve lo.





Scott-a bike ah chuan lawnin an inphur leh a,ka dinna zawn an rawn tlan thlen hma deuh chuan min rawn hmu ta ngei a. Mak ti ang pawhin a awm chuanglo,a hawisawn lova,min melh reng chung chuan min tlanpel ta a.






Ka motor ah chuan lut ve nghalin ka zui a,an hnungah zel chuan ka tlan a,chu chu a hria a ni ngei ang. Hnunglam a rawn hawi zeuh zeuh a..





College gate chhunga an luh chuan ka zui duh ta lova. Mahse,ka motor chu tidingin a chhuk lai chu ka thlir reng a,ka ding tih hre rengin vawikhat pawh rawn hawilet lo chuan a kal ta daih.





A tukah pawh chuan ka tihdan ngai bawkin ka tihzawm leh a,kawngah ka ding tih a hriat vang nge a kal te chu step lam bih ngar pahin a pen a,luhlul ve thawkhat tak chu a ni.




A dan ngaite bawkin an inphur leh a,Keipawhin ka dan ngaite bawkin ka zui ve leh nghal.





College ka thlen ve chuan hmuh tur anlo awm tawh hauh lova,ka tlan muang deuh ania nge. Pawilo,naktuk ala awm alawm.





A tukah chuan nidang zawng aiin ka thleng hmaa,vawiin chu a rem chuan biak ngei ka duh tawh.




Mahse,beiseiloh takin Pathlawia te pafa nen chuan a in atangin an rawn inzui chhuak leh a,ka biak tum pawh kha chawp leh chilhin ka thulh nghal.





Pathlawia chuan a fanu sam chu hnunglam atangin a chul zeuh zeuh a,an nuiho reng bawk. Ramdinpuii a lam hawia a nuih phei khu chuan zuk chhuk ve nghak rum rum tur emaw ka ti hial. Mahse,ka tihel lehzual zo ang tih ka hlauh vangin ka insum tang tang.





Naute kha a kai a,kawngpui an rawn chhuah chhoh chuan naute biangah a fawp zeuh a,din ngil leh pahin Pathlawia nen chuan an inbe leh zawk a. An kal ta maw tihah a lam pan chuan ka chhuk nghal vut a. Hrep hian,ka tlai leh tho. Scott-a chu bike nen a rawn tlan a,Ramdinpuii chu hmanhmawh deuhin a lawn zui nghal bawk.





Min rawn tlan pel fua a,chhete pawhin min melh eih tawhlo. A pawi love,zanah ka kal tho ang.




Zanah chuan phone lawk miahlovin ka kal thut a,mahse,ka vanduai nge,a chhungte anlo awm ve thap a. A nau hmeichhia khan kawng a rawn hawn vangin let leh chi a ni tawh silo.





Ramdinpuii ber chu a awm lova,anu leh nutling pakhat anlo titi mawlh mawlh a. Anu in min hmu chiah chu min lo be vat bawk.




Ka thut fel hnu lawk chuan Verandah lam atangin ka kal chhan ber chu alo lut ve ta a,phone hmang zo tih hriat takin a phone chu a bengah ala chuktuah deuh.





Min hmu ve thut chu a meng awk a,mit ka lo siai zeuh chuan a ner sawk a,ka lo nui hawk thung.





Zawi hmel deuhin ka hma zawnah chuan a rawn thu a. An titi atang chuan a nau hian Doctor a inziak tling ni ngei tur a ni.




Chutah,a nau chuan chiang fe a min melh pah hian
"Doctor kha ini tiraw?" Tiin min zawt a. Ka nih thu ka sawi chuan Doctor a inziah tlin thute a sawi ve liam a,a kalhmang te min zawt nual bawk.




Ramdinpuii ber chu a ngawi ngal a,a nu te pawh chu a be chuanglo. Bawp khawkherhin thutthleng banah a kiu a nghat a,kawisawi fe a thut pahin TV lam chauh chu ala melh char char.





Doctor lam kan sawi fe hnu in anu chuan
"Dr. Saia chu ilo awm hloh a. Naktuk hian Sharoni nau pass hi lawm kan tum a,saw lama kan inah rawn tel ve ta che" atih chuan Ramdinpuii a thu ngil zawt a. Ka lam hawiin lu a rawn thing vat.






"Ava lawmawm awm ve,rawn kal ngei ka lo tum ang. Mahse,hna banah aw" tih paha ka va melh kher chuan min lo melh rum hle a.
Anu bawk chuan
"Hmanhmawh reng reng suh,Matei pawh a class banah chauh alawm a hman dawn" ati leh a.






Keichuan Ramdinpuii melh pahin ka nuih suk a.
"Kan lo kal rual anga nimai" ka ti chiah chu a ter at mai.
"Hna ka kal dawnlo,zing atangin ka lokal dawn ka tih kha" ati deuh hlar a.





Anu chuan min rawn melh a,nuih deuh sak pah hian
"Ni tak e,nangmaha lokal i hreh leh Matei hi ilo bia anga,kawng bulah alo nghak ang che" atih chuan a fanu ve thung chuan nin hmel takin sofa hnung ngheng chuan a awn dawrh a.





Ka phone message ka en chuan
'Ka nu te haw hunah inbe lawk ang' tih hi alo ni.




Anu te haw dawn chuan ka tho ve thurh a.
"La awm rawh ka tih kha" seh chilh nawka atih chuan anu te lam melh pahin
"Taxi la suh u,ka thlah nghal ang che u" ka ti daih a. Ka kuta rawn sik sawktu chu ka kalsan hmak.





Anu te nen kan tlanchhuak tur chu a tap lek tawh. Ka awm zui anih ngat chuan kal ve lo turin min ti dawn tih ka hria. A duhlo chung ka tilui hreh leh dawn si a,ka lo pawm leh mai ai chuan hetia ka haw san rih hi a tha zawk.








Hna ban veleh chuan an in lamah ka tlang nghal a,tukin zingah thilpek tur ka lei tawh vangin a dang chu ka ngaihtuah tawh lem lo. ka chhungte pawh ka kalna tur ka hrilh vek a. An phal lutuk lo tih ka hria a. Min khap nghal chiahlo mah se ka kal tho dawn tih an hriat vang nge haw hma tura min chahin an phal ve tak kha.





Ramdinpuii chu a kal daih tawh tih a nau hnen atangin ka hria a,ka ruala kal chu la hreh ve tak a ni.





Ka thlen chuan anlo ri deuh laih laih a,rawngbawlna lam pawh anlo phe buai nasa. Pui hmasa lo chuan Eli-i chu ka pan a,ka thilpek ka hlan chuan a lawm lutuk ringawt. A awh deuh thil niawm tak alo ni a,a hnuk a ulh lek lek lehnghal.




A u awmna ka zawh chuan a hriat bikloh thu a sawi mai a. An awm deuh thup vang chuan min hriat hran chuan ka ring lova,an pindan lam niawm tak pan chuan ka phei ta ringawt a.




Pindan hmasa zawk ka hawn chuan tumah an awm lova,khumah present a intiang urh tihloh chu tumah hmuh tur an awmlo.




A piah leh deuh,tlema va thuk deuh si ah chuan pindan pakhat alo awm leh a,a puk deuh vangin choka lama an thawm pawh a ring vak tawhlo. Kawngkhar dum hlarh zawn ka thleng,ka kik tur chiah chu Ramdinpuii au thawt thawm leh inbeng sawk ri ka hre ta mai a.





Hmanhmawh taka ka hawng tur chiahin tap chunga tu emaw a tawngkhum thawm avang chuan ka tawp chawt a,hawng ta mailo chuan ngawi rengin ka ding a. Tap chunga sawi anih vang leh thinrim aw khur hlak hlak anih vang chuan ka hrechiang theilo.






SHARONI POV:


Ka nau in Doctor a inziak tling tih ka hriat chuan ka lawm hle a,a hmuhloh laiin ka mittui a tla nghe nghe. A doctor nih duh chhan pakhat ka ni a,ka lawm em em a,ka khawngaih bawk nen ka taplo theilo a ni.




A lawmna lamah chuan tukthuan eikham atangin ka kal nghal a. Saia a lokal ve dawn tih ka chian vangin nuam ka ti chiah lova,a chhan pawh Lianzuala hnaiha ka awm laiin ka awmdan alo hrethiam ang tih ka hlau a ni. Tunge pate bula an tum hmuk lai hmu renga mak ti lovang,alo hrethiam anih chuan eng emaw awm angin angai anga,chhui zui a tum ngei dawn tih ka chian vang a ni.





Ka thlen chuan vanneihthlak takin anlo awm nual tawh a. Lokal ho hi ngaina in thlahlel vak ngailo mah ila,vawiin chu min chhandamtu anni ringawt. Lianzuala hmel hmu tam lo leh lemchang lovin ka awm ve theih dawn phah a.






Chhuna thingpui kan in chuan ka mi huat ber mai chu ka bulah tak a rawn thu a,ka thisen a lum leh nghal pup pup tawh. Inla duhsak taka chhang min rawn chhawp hnaihte chuan amah vawmna'na hman mai ka duh.





Ka hahna titam tur tingin a bulah ka nu a rawn thu ve a,Elizabeth-i lah abo daih bawk si. An awmdan vel hi ka kham hluah hluah. A chet paha ka taksa a rawn sik hlekte chuan aukhum nghal vak mai ka duh a,an awm ve thup bawk si. Ka nu lah chu hlim taka nuiin a pasal nen chuan an inbe reng a,an sira thu reng min ngaihsak lo,dawhkana thil ei ve ho nen chuan an titi reng ringawt.






Ka nin em vang chuan thawk ngaihna ka hrelo mai dawn in ka hria a. Kawmchhak lama an rawngbawlna ah chuan ka chho ve a. Kan Cousin leh Patea te ho chuan sa leh chaw anlo chhuang khu hlut hlut a,engmah pawh tive chuanglo chuan ka vei kual a. Tumah ka be lova,tuma'n min be bik chuanglo.






An rawng bawlna atanga ka let tur chiah thingpui no chawia lokal nen chuan kan insu pawp a,a sa tha em em khawp lenghal.






Inthiamlo takin ngaihdam min dil a,midang chuan min lo buaipui vat. A pawiloh thu hrilhin ka kalsawn vat a,kawr dang ka kenloh vangin Elizabeth-i kawr ka hak mai angaih hmel.




Midang anlo lut ang tih hlau takin pindanah chuan ka lut vat a,thawmhnaw bawm ka hai chuan ka kawr haklai ang deuh pakhat hi ka hmu hloh a,chu chu lachhuakin bathroom lam pawh pan tawhlo chuan ka kawr chu ka hlip pawp a.





Ka inthawlh a,ka pawt chho tur inher chiah chuan Lianzuala lo lut ka hmu thut a ,ka kawr kenlaia inkhuh sawk sawkin thinrim lutuk chuan ka melh a,che lova min en reng chuan engdang ka ngaihtuah theilo alam chu pan phei pawp pawpin a hmaiah tak chuan ka beng hawi sawk a. Ka mittui a baw nghal zawih bawk.





"Hmela" thinrim luat vanga khur hlawk hlawk chuan ka ti a. Inthing harh zawka min en chuan
"Melh pawh min melh suh" ka tihkhum tuarh a.






"Ka tihpalh,i awm tih ka hrelo a ni?" Hnuailam bih thlak paha atih chuan
"Ka awm tih i hriat vang anih kha,i hria. Nanghian ka laka rilru tenawm i put kha ila bansan lova,tum nei ranin i rawn lut anih kha" tih paha ka nem sawk chuan ka tih ang angin a awm a. Chute hlei hlei chuan min tithinrim lehzual.






"Ka hrelo tak tak. I nauvin a khuma bawm a dah saw la turin min tir a" atih chuan khum lam ka hawi a,beidawng lutuk chuan ka sam ka tham vak a.





Engvanga kalh theihghilh nge ka nih. He ramhuai hi ka theihghilh ta em ni. Tinge ka haihawt em em a......





"Chhuak rawh" ka tih ram hmarh chuan khuma bawm chu ava ban a. A rawn let leh lam chuan min melh hram a.





"Min melh hauh suh" tih paha zungchal ka lo hmuh chuan a thaw zuai rawih a.
"Ka tihpalh,i awm tih ka hrelo takzet. Sharon,ka khawih hma che khan ka fanu ini tawh. Engin nge rilru sual min puttir kha ka hrelo. I laka ka tihsual vang khan hrehawm ka ti a,ka siamtha thei tawh silo. Khawngaihin min ngaidam lul teh,ka thiamlo em a ni" tih paha min en chuan ka insum theihna a bo vek mai dawn.







"I hur herh vang anih kha. Fanu lam kha sawi ve tawh suh,i fanu ka nih thu sawiin vawitam ka ngen che,i fanu ka nihloh thu sawitu chu nangmah bawk ini" ka tih khum leh chuan hnuailam a bih chhal a.





"Chhuak mai teh,i hmel ka hmuh hian thi tur angin ka inhre thin. Ka nu leh Eli vanga tuar mai mai ka nih hi" ka tih chuan min melh leh zawk a,ka mittui tla a hmuh chuan buk nghut pahin a chhuak ta chhur chhur a.







Thinrim lutuk in ka bula thil awmho chu ka chhuih vak vak a,ka theih theih ka vawm darh bawk. Ka fimkhurloh vang,keimah vangin kha mihring khan ka taksa a hmu nawn leh anih chu. Tinge ka kalh loh,kha ramhuai khan ka mal leh ka awmbawr a hmuh phah si.





Khuma thawmhnaw awmho te chu ka vawm darh vek a. Ka inher in Saia ngawi renga alo ding ka hmuh chuan ka tawp chawt a. Lehlam hawi zawkin ka mittui ka hru thuak bawk.






"Eng nge thleng,i tha em?" Tih paha min rawn pan chuan ka thinrim bawk nen ka bula ka thil dap fuh hmasak ber chuan ka vawm pawp a. Lo thle sawn zeuhlo phei se chu a hmaiah tak a fuh ang.







"Ramdinpui,eng nge thleng ka tih chu?" Tih hrawk paha min ban chuan lo awmsawn dawrh pahin
"Thlawkbo rawh" ka tih khum tuarh a. Ka thinrim lai leh hrehawm tih ber laia min lo vin turin tumah a nilo.







"Kalbo tura ka hrilh mawlh mawlh hnuah che pawh eng nge ila rawn inlan reng,i hmel hi ka hmu duh tawhlo. I hmel ka hmuh apiangin ka hah thin a,awmngaihna ka hre ngailo tihte hi i hrelo ami. Tinge min tihbuai reng?" Mittui baw zawiha tih pahin ka thu hnawk a.





Rawn thut hniam ve paha min khawih a tum chuan
"Min khawih suh,tuma'n min khawih suh u,mipa tenawm" ka tihlai chuan ka mitthla ah Lianzuala kha alo lang a,ka tawng tur ka insum theilo.






"Enga mipa tenawm maw?" Atih hluk chuan ka mitthla ah Lianzuala'n min rawn phawk lai ka hmu leh a,ka sama tham vak pahin
"Aw mipa tenawm,ka awm tih hria in i rawn lut a,min khawih i tum" Ka tih chuan ka darah manin min tung tho nawlh a.






"Eng nge i hriat a,kei hian khawih ka tumlo che. Ipa nen in inhau thawm kha ka hria a,ka lo lut mai ni" atih chuan a kut chu ka vai sawn lawp a.




"Min chhuahsan rawh" ka tih sep chuan ka rilru a rawn fim ve leh tan. Khang thil kha a hmaah hian sawitur ka nilo,mahse,ka in control zo silo a ni.





"I tha tak tak maw,ipa khan a beng che ami?" Tih paha ka biang a rawn tawh chuan khapa laka ka taksa ka lo ven reng avang khan ka kut chu ka control zo lova,Saia kut chu vai sawkin ka tumloh tawp chuan a hmaiah ka vai ri thlawp a.





Lehlam hawiin a then nghal sawk thei. Engthil nge ka tih,ka kut chu ka en a,a khur nasa lutuk,ka titawp theilo. Ani hi beng tur ka nilo asin.






"Ti khawp hian maw min lo nin a,kut hial min thlak duh ania,Ramdinpui,i lakah hian ka beidawng ta tak tak e" tih pahin rum fe chuan min melh a.





Ka kut khur dawt dawt chu hum vakin ka mittui lo tla chu ka hru thuak a. A nilo asin,ani hi ka ben tum a nilo. Mahse,ka beng hman si.






"Ka tibuai tawhlo ang che,a tha e" atih chuan
"Ka tihpalh" ka tichhuak thei hram a. Chumi sawitur ringawt pawh chuan engtiang chiahin nge tha ka pek nat a hre ve silo.






"Sawi teh,engvanga ka chunga sual em em nge inih. Mipa dangin an phur thei che a,kei chuan ka theilo. Zingkar hma taka i inah Pathlawi leh a fanu an awm thei a,keiin ka thei ve lo. Ka theihtawpa venhim che a,i natna thup tlatte pawh chhawk che ka duh. Mahse,ben chauh ka hlawhchhuak. Engvang nge sawi rawh?" atih hrawk chuan a thinrim ta tak tak tih ka hre nghal.






"Sawi rawh,Engvangin nge kha Pathlawi in a tihtheih kha ka tih ve theihloh. Kha tleirawl in a thlah theih lai che khan tinge ka theih veloh. Hlim takin an siam thei che,tinge chu chu ka tum chhin pawh i phal ve loh. Sawi ta che" tih paha min sawi nawk chuan ka tapchhuak hawk a.






"Tap hauh suh,sawi rawh. Ka hriatthiam ve theih miahloh tur a ni leh tawh ami. Ka hrelo anih chuan sawi mai la. Fa i nei tawh,khawnge i fa chu a awm ka zawt che a,i sawi duhlo. Bangalore a hnuchham inah khan eng nge itih?" Atih chuan ka meng phar awk a,





"I fanu nge midang fanu tih pawh hriatloh chu engvanga tlawh fo nge inih. Mak iti tiraw,i phone hman kha ka hre vek,ka bia a. I kal tih pawh ka hria. I hmeichhe naupang dah kha i fa a nilo tiin i sawi a,i enkawl zui tho. Khawnge i fanu ve chu,i fanu chu enkawl zui duhlovin hnuchham inah i dah a maw. Ramdinpui,Iva nunrawng ve" tih paha ka dar a hmer vak chuan ka then sawk a,engvanga hre vek nge anih.






Tinge Mary chungchang te alo hriat ve,ani hian engmah hre fum fe si lovin a hre zul a,chu chuan min ti beidawng takzet. Ka â thei mai dawn.





"Hmeichhe dang ang bawk ini" tih paha min thlah hnawk chuan a inher zui a. Ka awm tawt lutuk vang chuan thawk ka la vak a,ka chil lem zawngin ka pum a inlet nghal but but bawk.






Tuna a kal chuan alo kir tawh dawnlo. Ka mak ti lutuk leh khur nasa bawk si chuan a kal chu ka en kuau a,ka che theilo. Ani sawn tenawm min ti,nunrawng min ti bawk anih chu. Hmeichhe dang angah min ngai bawk,ka nilo,ka ni hauhlo asin..






"Tinge?" Au vak paha ka tih chuan a ding dawt a,ka awm chum dawt dawt paha
"Tinge i hriatthiam theihloh,ka sawi duhlo ka tih kha. Tinge?" Tia ka tah chuan a rawn inher leh a.






"I hrethiam ngailo reng ang" tih pahin ka pan hnai deuh a,ka awmdan chu chik takin a en tlat bawk.





"I hrethiam duh tiraw. Tianga ka awm chhan hi i hre duh a tiraw?" Ka tih chuan a kuangkauh nghal thun a.






"Ipa hrawnin vawitam khuaikhem che a tum tawh em,inu leh i naute vanga tuar in i tap ru ve thin em. Khaw lum eltiangah pawh a khawih ang che tih hlauvin blanket nen i intuam va tlat ngai em,taksa lang tam kawr pawh ha ngam lovin nisen sa hnuaiah pawh kekawr leh kawr ban tlawn i ha reng thin em. I pahrawn lakah i thianghlimna i hloh tawh em. Nilo,i fa hmasa ber chuan i hrin veleh a boral san tawh che em. Mahni inchawm nan i taksa hmangin mi i lem kual vel tawh em,khawvela tenawm itih dan berin ila khawsa ve lo tiraw. I huat ber chu i chaklohna lai ber ala ni ve miau lova. Chuvang chuan i hrethiam thei ngailo ang,engtikah mah" ka tih khum tawn tawn chuan midangin ka tawng an lo hre pha ang tih ka hlau nen ka hrawk chu ana vek tawh a,ka mittui alo luang sek bawk.







"Eng maw?" Ka thusawi in a thawng tih hriat taka atih chuan ka nuih hak a.
"Pawngsual tawk hnu ka ni ka tih chu. Fa pawh ka nei tawh ngei,a pian tirhin a boral nghal bawk, i lawm tawh em??? Tinge min nuntir ve mai mai theihloh?" Tih vak pahin khuma ka thut sawp hnawk chuan ka mittui karah a rawn pen phei chhat chhat chu ka hmu phe ruai a.







"I lawm tawh tiraw,i duh i hre tawh a. I hriatthiam tawh em,i duhtak chu?" Aw chhuak che che ka tih chuan ka hmaah a rawn thingthi rawp a. Mi â ang maiin min melh chho kuau bawk.






"Nilo" tih paha ka kut a rawn chelh chuan lo hum vak pahin
"Thlahlel lovah che min ngai a,hua angah che min ngai. A nilo,a ni hauhlo. Min thlakhlelh tluk zetin ka thlahlel che a,ka ngai thin bawk che. Mahse,min dangtu a awm. Chu chu ka sawi theilo. Ka duh vanga sual ka nilo asin" ka tih chuan a kut a rawn phar chhuak a,ka hmuh sual nge a kutte chu a khur ve hialin ka hria.





"Nun pangngai tak neih ve ka duh. Tinge tiang hian min tih bik reng" ka tih chuan min kuah thlawp a.








"Ka duat,ka hmangaih,ka tihpalh,ka hmangaih lutuk che. Ka tihpalh" inchhîr hmel taka min kuah beh tlat chuan ka lo nem sawn vat a.






"Nilo,min hmangaih theilo,ka tenawm ka tih mawlh mawlh kha. Ka thusawi te kha i hrelo ami?" Ka tih khum vak chuan min kuah nawn leh thlawpin
"Nilo,nilo nilo,ka iai lo che. Eng ang mi pawh ni rawh ka tih kha,ka zep ang. Nilo,hrelo angin ka awm ang,min hrilhlo angah ngai rawh. Min nei rawh,ina te chu ka theihtawpin thawi dam ka tum ang" rilru buai tih hriat taka a sawi buai nuaih chuan ka mittui ka lo hru tawk a.







Amah chu nem sawnin
"Nilo,keini chu tui leh mei ang kan ni. Pakhatin a nihna a hloh loh nan pakhat a nun angai. Kan inpawlh anih chuan kan nihna hlohvin kan thi ve ve ang. Chu chu a theihloh,mei leh tui a inpawlh theihloh" tih paha ka din chuan ka khup pawh ala sai dar dar thei.







Ka banah chuan rawn man chawtin
"I sawi diko,mei alh karah tui kan theh anih chuan a thih hmaa rawn alh belh hluai chang a nei. Chutiang chuan ngai rawh,a alh belh lai chuan kan bei ang,kan bei anga,a tawpah kan 2 in kan dingchhuak ang" atih chuan ka beidawng lutuk chu ka inseh vak a.






"A theihloh ka tih chu" tih vak paha ka en chuan alo tho chhuak ve chiah a,a hmel ala dik biklo.





"Ka naute thi kha i hria em. Kha kha,kha naute hmeltha tak kha apa pawh ka hrelo asin. Chuta tang chuan ka tenawm zia i hre mai em,tenawm hlawm tawp ka nih hi. Mahni fa paina pawh ka hrelo ania. Chuvangin beidawng mai rawh aw. I hriat duh chu ka sawi vek tawh,kha bak ila hriat belh duh anih chuan ka la sawi zel ang. Chuvang chuan khawngaih takin beidawng hram rawh. Keini pahnih hi kan inkawp theilo,inkawp tura duan kan nilo. Tah hian tawp ang,tawp tak tak rawh se aw. Nun thup leh mitmei veng reng renga nun te hi ka kham hluah hluah tawh. Tunah chuan i hre ta a,i hmel ka hmuh apiangin zahna ka nei ziah dawn,chuvangin khawngaihin duhtawk tawh rawh. Min hmangaih anih chuan zak taka i hmel ka hmachhawn reng tur pawh i phallo tur a ni. Khawngaihin" thawchham lek leka ka tih chuan a tawplam chu a ri chhuak che che a..






Ka hmaa che miah lova ding pa chuan min melh kur a,a che eih lova,tawng tum hmel pawh a pu lo. A nihna tak ka sawi chuan a beidawng ta ania nge,ni e,beidawng mawlh teh se,ka hah tawh emai..






A hmel chu a tawpnan chiang takin ka en a,a hmel ka hmuh apianga zah nawn reng ai chuan ka chan zawk mai ang. Mahni insit leh a tana tlinglo inti reng renga ka kawp ai chuan kawploh pawh ka thlang zawk. .




Ka inher a,zawimuangin ka kawr bah chu ka pawt chhova,kawngkhar ka hawng tur chiah chu
"Kal suh" tih pahin ka kawngah a rawn man zawk a. Nghet zetin min kuah zui bawk..







"Nilo" ka tih sep chuan ka beidawng hle tawh tih a hriat mai ka ring.
"Ka sawiduh ka la sawi ve lo" atih chuan
"I sawiduh chu ka ngaithla duhlo. Khawngaihin ka tih chuuuu" tih paha ka tal vak chuan ka pum na vek khawpa nghetin min kuah leh a.





"Doctor ka exam dawn khan kan chhungte zuiin thingtlanga Clinic an hawnah chuan ka kal ve a,Doctor hnathawn dan vel en ka duh vangin. Chu khuaah chuan hmeichhe tleirawl,sam kir chit chiat,tereuhte kawlh hlir hler deuh,mahni a awm rak rak thin hi ka tawng a,ani chuan ka hmeichhe duhzawng leh beisei thinte a thlak vek a,ka duhtui phah vek bawk" atih chuan ka tal vak a,a thusawi tur hi ka hrechiang lutuk tlat. Kha pawh ka nun a thim hunlai ber a ni.






"Lo che lo la,ka sawi zo ve dawn alawm" tih pahin a kut chu a tinghet sauh a,ka nghawngah chuan a rawn fawp tawk bawk. Kei erawh ka mittui alo luang thung.






"Chu tleirawl chu reilotê chauh ka hmu thin a,a hnuah phei chuan hmu tawh miahlo turin kan kalsan ta a. Mahse,an khuaa ka awm chhung khan amah chauh ka zawng thin a,a hmeichhe naupang lo kaih hnek hnek thinte,midangin anlo fiam a a awmdan te. Ka melh reng tih hre chunga min en duhlo lui tlat thinte leh. A lu a zo em em te,puih ka tum pawha min hnial ngat thinte khan ka ngaihnatna a tizual deuh deuh a. Kum tamtak liam hnu pawhin ka theihnghilh theilo a ni" atih chuan ka inthlah dul tial tial a.







"Amah vangin hmeichhia ka duhtui a,ka kawp ve te pawh ka kawp rei theilo. Amah vang bawkin hmeichhe ze millo tamtak ka nei a,amah ang ka zawnna lamah ka tar hman tep bawk" tih pahin za vaklo chuan a nui hawk a,kei erawh ka din ngaia dingin nghet taka min kuah tlattu chu ka ngheng tlat bawk. A thusawi zawng zawng nen hian ding nghet turin tha reng ka nei tawhlo.






"Vanneihthlak takin chu tleirawl chu ka tawng nawn leh a. A tawi zawngin ka sawi ang,a changtunu ber i awm ve tawh tlat a" tih pahin min kuahna chu a thlah a,ka darah vuanin min kuai her riai riai a.






Awmngaihna reng hrelova ka lo en chuan ka ban chu a zut thla a. Ka kutah chuan nghet taka chelhin ala kang a,mitchhing meuhin a fawp vang vang bawk.





"Ani chuan ka beiseiloh lam daih thil tamtak a sawi a. Kalsan turin min ti anih chu. Mahse,kha chen ka lo zawn ruk leh reilotê chhunga ka vei hman em em hmeichhia kha ka beidawn san mai i ring em. A nunhlui vangin ka zahpui mai i ring em,a thusawi awihin ka kalsan mai i ring em?. Anih nang nila i kalsan phal ang em??" Atih chuan mittui tla zawih zawihin lu ka lo thing vak vak a..







"A dik,i kalsan lovang. I ngaihdan ang chiah chuan keipawhin ka kalsan lovang. Ngaihdan inang kan intawm reng alawm,tinge ila hlauh tlat,ka venghim eng che. Ka zahpui ngailo ang che a,ka thlahthlam bawk heklo ang che. Min ring rawh,nichin khan kalsan tur che in khawngaih min dil a tiraw. Tunah Khawngaih ka dil che,min kalsan turin rilru siam nawn tawh lul suh,nun lo la awm zel tur chu kan pahnih in hmachhawn dun ang. A harsa anih pawhin harsatna paltlang dun mai ang. Tah angai anih leh kan tap dun anga,sual angai anih pawhin kan sual dun thei. Kalbo angai anih pawhin kan pahnih zelin le" tih paha hmangaihna mitmeng zawng zawng nena min melhtu chu mit phe ruaiin ka en a..






He mihring hmangaihna heti zozai dawng tur hian ka nunah engthil tha nge ka lo tih ve tawh. Tinge tiang khawpa hmangaihna ngah mipa hian min hmangaih le. Ani chuan ka hriat ve hma atangin min lo hre tawh a,ka duh ve hma hauhin min duh a. Ka hmangaih hma daihin min hmangaih tawh bawk. Tiang khawpa hmangaihna ropui dawng tur hian khuanu khian tihsual palh a nei em ni ka ti hial. Kei ve mai hi engtin nge min chelh reng peih,vawitam ka tina a,ka hnawl a,mahse,a hmangaihna chu a nghet zual deuh deuh si.


Show post links
Top