THINGTLANGNU MAW! BY_MRSBABE_KHAWLHRING (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

THINGTLANGNU MAW! BY_MRSBABE_KHAWLHRING (Completed)

Unread post by Ngaia » June 19th, 2022, 7:50 pm

Untitled-2.jpg
#Prologue
____________
Bryan Roluahpuia❌Zothanfeli❌Robert Rohluzuala
"Khatiang thil kha thingtlangah chuan avang teh ania"rawn titu chu ka en vata,nidang ang bawkin angaité chuan ngeiawm zet hian min melh leh tawh
A thusawi chu ngai pawimawh duh lem lovin kalsawn mai ka tum chu,ka kutah alo chelha,"I duh chuan ka lei ang che,in khuaa i haw hunah intih theihnan i hmang thei dawn alawm"ngeiawm zeta arawn tih chuan
A kut chu ka thingthla vata,rum deuha melh chung hian,"Chapo lutuk mai,nu leh pate thawh chhuah hmangin inla milian ve em em ringawt"ka tive hlaka,arawn nuisuk
"Nu leh pa te thawhchhuah hmang pawha inlak lenna tur neive derlo hi a"arawn tih chuan,ka thinlung anà vawng vawng
A thusawi hian keimahah engtiang chiahin nge min tih nat dawn ahrethiam pha kherlo ang...
Ni e,ka nei velo ka pain min boralsan hnuin ka nu hovin kan hmeithaia,unau pali ngawt kanni a,kan upa ber hi mipa a ni a,keihi upa ber dawttu ka ni a,nau hmeichhia pahnih ka neibawk,ka pa kha kut hnathawka eizawng ṭhin ve mai a ni a,ka nu erawh a hrisel loh em avangin engmah athawk theilo thung,mahse loh theih lohna vangin ka pa boral hnu chuan kan unau min enkawl nan theih tawpin a thawk ṭhin...
Kan upa ber hi a hmingin Regiment a ni ve a,ka pa boral hnu chuan kan eibel ber ani a,mahse nupui neiin an indan hnu chuan anupuiin azir loh avangin kan ban buai tawh ngailo
Kan harsa em em a,ka nuin a hmelhriatte hnen aṭangin chawhmeh zawrh tur ala ṭhina, bazarah aṭhutpui ṭhin,chu chu kan eizawnna ber leh ei hmuh ve na a ni.
Mi min khwwngaihna zarah pawl12 chu a thlawn liau liauin ka zirzo thei hrama,mahse kan khua Tlabungah hian college a awm silo a,ka nu erawhin ka zir zawm zel aduha,ka naute school ankalve bawk nen,ka nu chawhmeh zawrhna aṭang ringawt chuan engti kawng mahin kan indaih thei silo a
Ka nu mangangin Aizawla awm ka pa nau te nupa bulah ṭanpuina a dil ta tawpa,anni nupa chuan kan harsatna te min hriatthiam puiin anlo fel em em a,Aizawl lama ka zirna chhunzawm turin leh anbula awm turin min ti ta a,ka zirna senso zawng zawng pawh an tum vek tur thu anrawn sawia
A tir chuan ka nu leh ka naute kalsana hmun danga awm chu duhlo viau mah ila,ka nuin mi hlawhtling tak kanih aduh miau si a,ka nu thil duh tih hlawhtlin tumin hreh tak chungin Aizawl lamah ka patea te bulah chuan ka awm ta chu ania...
An ṭhenawm mi hausa fapa naupang zawk hian min hmusit em em a,a pawisawi chu ka nei miahlo mahse a huat tawk ka tling em em ringawt,chu chu tuna ka hmaa ding mek hi a ni.
Khawvela ka mipa hmuh tawh azawnga huatthlala awm ber leh chapo ber a ni.
"I ṭap elaw"rawn ti pahin ka bianga rawn khawih atum chu akut kalo vaithla vata,"Heyy,come on thingtlangnu ka fiam che nih kha"a rawn tih leh chuan ka ngawi reng
_________________
Min hmuh tirh aṭang khan,'Thingtlangnu'tih hlir hian min ko a,kan intawn dan afuh vaklo bawk nen,min hmusit mai pawh ni lovin min haw em em ringawt
Min zuikuala min tihbuai dan tur ringawt hi angaihtuah ṭhin ,a u Doctor Robert-a nen chuan in anglo tak an ni....



*THINGTLANGNU MAW!*




Chapter-1




by_MrsBabe Khawlhring




Zothanfeli(POV)



"Nu Lunglei chu kan thleng chiah aw,dar1:30-ah kan chhuak lehnghal ang"tiin ka nu chu phone-ah biain ka hrilha,"Awle,awle tluang deuhin in thleng theia alawmawm"arawn ti dam diaia,ka ngai nghal vawng vawng





"Chuan Aizawl i thlen hunah chuan i patea emaw inutei kha i be mai dawn nia aw anlo hruai mai ang che"alo tih leh chuan,"Awle,anih ka dah phawt ang"ka tive sepa,"I thlen velah minlo call theihnghilh lo la aw,tluang deuhin inkal dawnnia"alo tih leh hnu chuan kanin biakna chu kan titawp nghala




Ka thawchhuak hak,,,ka nu hmuh theih loha ka awm tur chu ka huphurh takzet mahse tunah chuan upa ber chan chang ka nitawh si a,puitling taka awm ka ngai a ni,mahse aharsa ve ṭhin...




Ka hawikual thuaka,counter kawta ṭhutna awmah chuan kan kalna tur motor lo thlen hun chu nghakin ka ṭhu renga,counter nghak tupa chu lo chhuakin



"Mami inchhung lamah pawh sawn ṭhutna a awm ania,lo ṭhu daih zawk tache"arawn tih chuan,angailoh thuin ka chhang vata,"Motor hi alo thleng ṭep tawh angem?"ti a ka zawh chuan




Sana abih zeuha,"Dar1pm chu apel daih tawh nihhi,lo thleng ve ṭep ang,ahun taka chhuah hi aharve thei lutuk amaw,chu lohah Puia Sumo-a kal tur hi passenger lo la thlenglo an awm nual anihhi"alo tih chuan ka bu nghata,chupa chuan a phone chu phawrh chhuakin phun deuh bul bul pah hian counter lamah alut ta daiha




Reifé kan nghah hnu chuan motor chu dar2pm rik ṭepah alo thleng ve hrama,dar1:30pm-a chhuak tur kha kan tlai duai mai,bungrua vel kanin load felvek hnu chuan dar2:30pm a pel duai tawh,hun vawn dik hi apawimawh sin mawle




Motor-a kan luhfel vek hnu chuan ahmaa ṭhu tur pahnih chu anlo la kallo nge mawni,ala ruaka,hnunglam aṭang chuan,"A hmaa ṭhu tur pahnih tehi enge awmzia"ahnunga ṭhu patling pakhat hian arawn ti a




Driver chu lo hawi pheiin,"Seat pahnih hi mi pakhatin alaa,kan chhuak anga tihian Serkawnah alo awm dawna,kan lam pah ang"alo ti dap dapa,reivakloah kan tlanchhuak nghala




Passenger kan full lo a,azia phian,kan ṭhut naah hian mi pathum kan ṭhu a,pakhat hian nau apawma pali ang kanni tihna nihchu,ahnungah mipa hlir pathum an ṭhu bawk,tukverh bulah ka ṭhua azia phian




Driver chuan motor chu ati dinga,Serkawn chu kan thleng tawh a ni maithei,Lunglei lam mi ka nih loh avang hian a veng hohi ka hrelo hrim hrim.





Driver chu lo hawi pheiin,"Reiloté nghak lawk ang aw"alo ti sapa,a ṭhen chu anlo chek deuh hlak hlak




Reivakloah mipa pakhat lian angreng tak a hmel chu ka hmu chiang theilo alo ṭhu lut chiah chu a perfume rim pahràk chuan motor chhung chu a uap nghala




A rim tuizet vang chuan a hmelchhiat ka ringlo ve ringawt,"A zialo tak tak a ni thawhpuiten inthlahnan antia thla minlakpui leh rih hlawma"driver chu biain a ti thawp supa





A ṭawng zawnga a hrawkbawk lo che ṭhin chu hmuhnawm tizet hian ka en a,chutah hnunglam alo hawi chiah chu a hmelṭhat lutuk avang chuan ka mit atla lo chauh.




A hnar ngul zum nalh lutuk mawlh hi ka awt,"A zialo tak tak keimah vangin kan tlai phah ta vek sia"tiin thupha alo chawia,ahnung bera ṭhu pakhat chuan




"Eeee,,,doctor Roberta nirengin enge itihve dawna"alo ti a,"Aizawl lamah ka awm tawh dawn anihhi"nelawm zet chuan Roberta antih pa chuan ativata




"Aw,ka lawmpui hlé nang chein ka ui hlê mai che i patient nih anuam asin mawle,kan nu kha i zai tawh kha ila hria em?"a tih chuan,doctor Roberta chu angawi deuh vung vunga




Nui deuhsuk pah hian,"Patient tehi ka hre rei theilo lutuka,hmu leh ila chuan kala hre mai thei"ati sapa,a ṭawngkam engkim felfai thlap thlap danah hian doctor anih vang nge mi puitling tak anih ngei ka ring.




A inher leh hma chuan minlo melh zeuha,kei lah chuan hmuhnawm tizetin a ṭawnglai vel kha kalo thlir char char si a,ka mit ka lasawn hman derlo,minlo nuihsukin hmalamah chuan a inhera,kan tlanchhuak nghal vat.




Ṭawngṭaina hmun tur ni awm tak sign board intar ṭeuhna kan thlen chuan,driver-in"Zumram thiar sang sang ila,inthiar duh kan awm pawn inthlahrung lovin inthiar ila,chuan motor-ah kan lutkhawm leh anga,ahnung bera ṭhu ka pu kha nang i upat hmel bera ṭawngṭaina min hman sak dawn ania aw"alo tih chuan




Putar chuan alo hniallo khawp mai,an chhuak deuh sang sanga,ka bula ṭhu tepawh nau pawm nen khan an chhuak ve a,kei erawh ka chhuak peihlo thung.




Doctor Roberta pawh kha achhuak bik lova,amah nen chauh chuan motor chhungah chuan kan awma,ka lungphu rang lutuk chu mak kati takzet a lum ka ti hlé bawk.




Doctor Roberta chu lo hawi zeuhin minlo nuihsuka,ka hauin ka lo en passenger dangte anlo luh leh hnuah chuan,kan ṭawngṭai zawh hnuah Aizawl lam pan chuan kanin khalh chhuaka




Kalkawngah chuan Doctor Roberta leh Driver chu inhresa ni awm tak anni,a inbe siam siam a.




Driver chuan,"Ngatinge i motor-in i haw mai loha"a tih sup chuan,"Ka motor chu nimin piah khan kan driver Aizawl aṭang alo kala ka bungrua nen ka hawn tirvek alawm"a chawl data




"Hetia midang tenena chuan hohi nuam ka tizawk,a khawharthlak loh deuha,chu lohah i sumo-ah hian ka chuang khat tawh awmsia"a tih leh chuan Driver nen chuan an nui dun hawk hawka.




Chutah ka bula ṭhu nu naupawm chu luak tur ang mai hian a inhup ṭuna,naute chu lo pawmrawh ti ni awm mai hian ka lamah arawn lek vuta,naute chu ala ṭap zui,ka ban vata.




Driver chu motor tiding turin kan ṭhutpuinu pakhat chuan ahrilh vat,chutah motor a ding chiah chu naute nu chu atlan hian atlan chhuaka,kawngpui sir lam apan vat





Driver chuan,"Avan zialo tak e aw,nau pawm ber chu"a ti deuh sar sara,Doctor Roberta kha tui kengin motor aṭang chuan achhuak ve vuta,naute nu awmna lam kha ava pana,kalo thlir deuh reng




A hnungzangah chuan ava chul sak hiau hiaua,doctor tih takah amah saw caring tak chi anih ka ring.




Anlo let leh hnu chuan,"Puia ahmaah khan naute nen hian ṭhu maise ahnungah hian kalo ṭhu zawk mai ang,tukverh bul ania arui pawh azia deuh ang"tiin driver chu ahrilha




Mak tizetin kalo enrenga,"Nangman pawi itih loh chuan apawi hleinem"Driver chuan alo ti sapa,naute nu chuan naute chu arawn la a,Dortor Roberta chu lawmthu ahrilh ve luama




Motor kawngkhar chu doctor Roberta chuan lo hawngin,"Lo chhuak lawk la,a laiah khan ka ṭhut angaih hmelsia"minlo enpaha damthluama alo tih chuan bu nghutin motor kawngkhar chu hawngin ka chhuak nghala




A ṭhut luh hnu chuan ka ṭhu lut veleha,a mah nen chuan kan insi deuh tak tak bawksi a perfume rim mawlh chu a ni,ka híp lut deuh mawlh mawlh mai.




Ka bula ṭhu chu driver nen chuan an ti ti leh zeuh ṭhina,earphone phawrh chhuakin hla ka ngaithlaa,ka chhing deuh siar siara,engtik laiin nge tui titaka ka mutthluk hman pawh ka hre tawhlo.





Ka harh leh chuan,motor alo ding reng tawh kan inah ka awm emaw intihna ka neia,ka bekin thil nghen ka nei tih ka hriat chuan ka meng chhuak vata ka bula ṭhupa doctor Roberta antih kha a darah kalo ngheng reng chu niin




Minlo nuihsuka,"I lo harh tawh maw"a tih chuan,intuai ṭha puat pahin ka bu nghuta,ka hawikual chu driver leh midangho anlo awm tawh miahlo,alo kiai suk,ka lai lutuk chu ka khi ṭhaw mai.




"Ihhh,Aizawl kan thleng tawh a mi a?"inthlahrung angreng taka ka tih chuan,"La thlenglo e,Thenzawl kan thleng chiah zawk,Aizawl chu thim hnuah kan thleng chauh ang"alo ti supa




"Thenzawla chaw ei antia,midang chu an chhuk vek tawha,i muhil tui sia ka kaitho duhlo che a"alo tih chuan,"A zialo tak tak a ni"ka tive sepa




"A ho lutuk,chhuk ila kanva eive dawnnia"a tih chuan,"Aih ka ril aṭamlo"ka tivata,"Kanla tlan thui dawn ania,chaw i eichak loh pawn enge mawni tal kan ei dawnnia,keipawh chaw tak chu ka eidawn biklo ka chhungten in lamah minlo nghaka"a tih thawp sup chuan




Tlemin ka ril aṭam ve deuh tho bawksi nen ka hnial duh ta biklo,motor kawngkhar chu hawngin ka chhuaka,kan ṭhu rei bawka ka ke vel chu akham ṭhum mai,Doctor Roberta chu lo chhuak vein ka bulah arawn kal chiah chu ka te rawih maiin ka hria.





Hotel chhungah kan luh chuan kan chuan puite leh midang pawh an tam khawp mai,anlo khat deuh veka,"Hetah hian anthil siam atui bera,an lun leh khawp mai"ka beng bulah chuan Doctor Roberta chuan alo ti sar sara




Kan din reng hnuah chuan hnathawk pakhat hian,mipahnih chiah ṭhut theihna tur dawhkan pakhat awl anseng fel mek chu minlo kawh hmuha,kan pan nghal vat,Doctor Roberta nen chuan inhma tawnin kan ṭhua,ngatinge maw ka zam em em ni.




Menu en pah hian,"Enge i ei ang,thlang hmasa la"alo tih thawp sup chuan,menu chu ka ban vata,chicken roll,soup leh milkshake chu ka ordera,mipa chhelo leh hmelṭha deuh hmaah chuan ei nalh theih ber loh tur chu ka order duh teuhlo.




Doctor Roberta chuan a duh a order ve hnu chuan,min en deuh vang vanga,ka lai lutuk chuan hmundang ka hawisawn daih,"Chuan khawi aṭangin nge ilo kala,Lunglei lam mi ami inih"alo tih chuan



"Aih,nilove Tlabung"ka tive sepa,mak tihhmel deuh hian min en vung vunga,"I hre ngailo ami"ka tih chuan,a nuisuka,"Hre ngai lutuk e,ka nu nu ka pi hi Tlabung khawchhuak alawm"alo ti supa,ka nuive suk




"Aizawlah eng ti turin nge ilo kal dawna"alo tih leh chuan,"Ka patea ka pa nau te bulah college kalin ka awm dawn a"ka tivat,"Ila naupan hmelsia,college i rap der dawn tawh animaw"alo ti supa,ka buve nghat




"Ihh,zing karah Tlabung aṭang Lunglei panin kan rawn chhuaka,hnamdang vek annih vang khan ka muthlu ngam lo a,nichin khan kalo mutui lutuka azialo tak tak a ni"ka tih siam siam chuan,kiaisuk pah hian,"A ho lutuk,i thla amuang anih kha"arawn tive maia,ka nuive suk




"Taka,Robert Rohluzuala ka nia,i hmingte min hrilh vela"tiin akut arawn phar chhuaka,kalo en reng,alo khuh kharh chuan ka ngaihtuahna aṭang harh thutin,akut chu ka banve vata,"Zothanfeli"ka tivat




"Hming mawi tak anih chu"alo ti supa,eng eng emaw min zawt luama,a ṭawngkam felfai thlap leh hriatnuam em emte chuan ati ṭha zual takzet.



Kan eitur chah alo thleng chiah chu ka phone alo rí a,patea alo ni,kala nghal vata,"Aw,hello pate"ka tih chuan,"Eee,Zothan khawilai nge inrawn thlen tawha"alo ti a



"Thenzawl kan thleng tawha,hei thil eiin kan chawl mek"ka ti vata,"Anih chu,chaw chu eilo mai rawh aw,i nutein i chawhmeh duhzawng hlir asiamsak che ania"alo tih chuan lawmthu ka hrilh ve luama




"Tluang deuhin inrawn thleng dawn ania,chuan Aizawl inrawn luh velleh i nutei emaw keimah minlo call la Mama'n alo lam dawn che nia aw"ti lehin kan inbiakna chu kanti tawpa.




Kan thil chah ho chu kan ei zung zunga,driver leh midangte chuan chaw anlo eikham tawha,hmanhmawhlo turin min rawnti ve luama,mahse nuam kati derlo,keimah vang vek.




Ka thil ei ka hmanhmawh lutuk chu,doctor Roberta chuan,"Hmanhmawh lutuk suh"nuipah hian arawn ti thawp supa,ka hmanhmawh loh phah chuanglo.




Kan eizawh hnu chuan counter lamah chuan kanin zui pheia,counter nghaktunu chuan doctor Roberta chu ahria ni maithei alo be nghal siam siama




Ka eina man pek tuma ka purse ka phawrh chhuak chiah chu,minlo dang vat,ka enheua,"Ka pe mai ang"alo tih chuan ka hnial ve vata,mahse awmzia awm derlo alo pe fel vek tawh.





Hotel aṭanga kan chhuah hnu chuan pawisa chu pek ka tuma,la duh loin akal ta daih,ka en vung vung ringawt,chutah lo inher lehin,"Min tlansan ange lo kal vat rawh"nuipah deuha alo tih chuan ka kal vata.




A bul kava thlen chuan,"Anuamlo kati ania"ka ti sepa,"A ho lutuk,i hming mawi em vangin ka treat che anih kha"alo ti sam et a,motor chhunga kan ṭhut luh hnu chuan kan tlan chhuak lehnghala




Doctor Roberta chuan tumai pawh chu abe ṭha em em veka,a inthuam dan leh aṭawngkam kauchheh engkim aṭang hichuan an awmthei dawn tihhi hai rual a nilo,inngaitlawm tak leh hawihhawm takin tu pawh mai abe zel theihi mak kati takzet...




"I mut leh duh chuan"tiin adar abeng tharha,ka kut vai meuhin,"Angailo"ka tivata,ala kiaisuk zui.



_____________________


"Aizawl kan lut chiah aw"ka beng bula lo ti sar sar tu avang chuan ka muhil leh tawh tih hriain ka inthing harh vata,tun ṭum ka muthlu chu Doctor Roberta darah ani tawhlo hlauh.




"Milennium Centre kawtah kan ding ang aw"driver-in atih chuan passenger dangte chuan anlo chiau au vata,khua athim fel der tawh,mahse mipui chu anla zi nuai nuai mai,motor pawh atam khawp mai,"Kan thlen hun afuha traffic jam-ah kan tangloa,azia hlé mai"driver chuan alo ti leh sapa



"Khawi vengah nge i patea techu an awm a"Doctor Roberta'n alo tih chuan,"Khatla-ah ania"ka ti sepa,mak tih hmel deuh hian min en a




Ka phone phawrh chhuaka,patea call ka tum chu a tlang theiloa,nutei call leh ka tuma,a tlang thei chuanglo,driver-in,"Kan thleng e"alo tih phei chuan ka hlauthawng hlê tawh




Aizawl hi ka pa damlaia kan zin tih loh chu ka vawikhat kal lehna a ni a,patea te veng chu thleng thei pawh nitak reng ila,an in awmna lai ka hre tawhlo hrim hrim.





Motor aṭanga kan chhuk hnu chuan bungrua chu driver-in sumo chung aṭangin alo dahthla zung zunga,doctor Roberta chuan abungrua awmve lo mahse alo laksak char char hlawma.




Passenger dangho chuan anpan tur lam an pan sup sup tawh,Milennium Centre kawtah chuan ka luggage pakhat leh zin bag pakhat nen chuan ka ding renga.Khua lah athim vek tawh bawksi,mahse veivak anla tam hlauha




Patea leh nutei chu ka call leh ṭhina,a tlang thei chuanglo,hmelhriat dang ka nei der silo,,,,doctor Roberta kha akal daih tawh emaw ka tih laiin ka lam pana alo kalphei lai ka hmuh chuan kalo enrenga.




Ka zawn alo thlen chuan,"Enge ila tih"alo ti thawp supa,"Patea leh nutei ka call tlang theiloa,Mama minlo hruai tir an tuma"ka tivata,"Kalo thlah mai dawn che mi"a tih chuan




"Maw!mahse engin"mak ka tih em avang chuan ka tideuh ha a,"Kan Driver-in ka motor alo dahsa tawha,hawh lo kal rawh kava thlah ang che"a tih chuan hnial lovin ka zui nghal vat.Hnial chi zia zang ka nilo,engmah Aizawl khaw chin ka hre bawk silo,ka bo mai ang




Ka luggage chu hnuk pheiin ka bag chu a aka,motor chhunga kan ṭhut luh hnu chuan,"Bungrua engmah ineive lomi"ka tih sep chuan,bu nghut pah hian,





"Ka bungrua ho nimin piah khan ka thawn haw vek tawh zawka,thawhpuiten inthlahna min siam sak veleh ṭal sia,ka chhungte chuan keimah tak aiin ka bungrua ho an hmu hmasa tazawka,ka rackshack chiahhi nimai"alo ti felfai khupa,ka bu nghut




"Khatla iti tiraw?"a tih chuan,aw kalo tivata,Khatla lam chu min panpui ta nge ka hrelo,mahse veng hming inziahna sign-board chu ka chhiar zela,Khatla-a kan tlan lut chiah chu




"I patea te in chu ihria em"alo ti thawp supa,"Hrelo"ka tih chuan,a nuisuka,"Kan zawng chawp mai aniang chu,i patea hming i hria em"alo ti vata,ka sawi chuan mak tih hmel deuh hian min en leh tawh





Kan tlan zel a,"Kan thleng e"a tih chuan dak chhuak deuhin kan dinglama Concrete building lian deuh chu ka en chho ha a,tumah zawt miah lovin engtinnge patea te in ahriat chat theih le.





"Engtinnge ihriata"ka tih chuan,nuisuk pah hian,"Ka hreve tawp"alo ti maia,motor aṭanga kan chhuah hnu chuan ka bungrua ho chu alo la chhuak vata.




"Luh pui kher i ngai angem?"a tih chuan ka lu ka thing vuta,"Patea te in a ni tih ichiang maw?"ringhlel ru zeta ka tih leh chuan,amitko a san uka




Motor-a aluh leh hnu chuan,lawmthu te ka hrilh ve a,"Kan la inhmu fo ang"kiaisuk paha alo tih sup chuan mak tizetin ka en reng.




(END OF CHAPTER-1)
(Chapter-1 chauh ala nia aseiloh pawn minlo ngaidam ru aw,chuan vawiin dt.07.02.2022 dar11:56am khan,Pathian zarah naute mipa 3kg.500g laia rit ka vah hmasa ber tur chu apianga,a pianni pual liau liauin hemi story hichu ka dah a ni💙,minlo nghak ṭang ṭang tute chungah ka lawm em em a,minlo chhiarsak zel turin ka sawm bawk a che u,angaihnawm dawn leh dawn loh comment lamah lo sawi ṭheuh ru aw🥰)

Comment-na tur link👇
https://www.facebook.com/groups/9913546 ... 004991987/


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 19th, 2022, 7:51 pm

THINGTLANGNU MAW!*




Chapter-2




by_MrsBabe Khawlhring




Zothanfeli(Pov)




Mak tideuh chuan ka en renga ,"Enge i sawi awmzia"ka tih chuan,"Lut tawh rawh"alo ti daiha



"Aih,kalo enliam phawt ang che"ka tive sepa,"Angailo,lut hmasa rawh"alo tivata,ka hnial duh ta biklo




"Anih leh phawt aw,ka lawm lutuk ania"ka tih leh chuan abu nghuta,inlam pana ka kallai chuan ka hawi leh zeuh ṭhina,motor chu alo la ding reng




Hawilet tawhlo chuan ka kal zela,kawngkhar bulah chuan ka ding va tawha,kawngkhar chunga patea hming lo intar ka hmuh chuan ka thaw huai thei.




Doctor Roberta khan a dik loah min hruai ang tih kha ka hlau ru lutuka,,, patea te in tumah pawh zawt lem lova ahre chat hichu mak ka ti ang reng...




Doorbell hmeh tuma ka kut ka lek kàng chiah chu chhunglam aṭang chuan kawngkhar chu alo inhawnga.




Patea a lo ni,min hmu chiah chu,"Zothan"alo ti hluaia,ahnungah chuan mipa sang ṭha angreng tak hi alo dinga,Mama anih ka ring,kan tetlai khan kan inkawm ṭhin.




Nutei alo kalve vata,"Awi,Zothan kan ngaihtuah lutuk che lawm,tinge minlo call loha,engtinnge ilo thlen theih zawka,i bo ta emaw kan tia,i patea leh hei Mama hian lo zawn che antum meka"alo ti nghal zung zunga




"Ihhh,kalo call che u a patea nen,ka call tlang theilo che u a"ka tih chuan,"Avan zialo tak,hawh lo lut vatrawh,Mama i u Zothani bungrua hohi lo la lutrawh"tiin Mama chu ahrilh nghala,minlo melhchhuk deuh runa,ka enve chiah chu a mit alasawn nghal daih bawk




Ka bag leh luggage chu alo ban nghal vata,"I nu in alo call a,ilo la thlenglo tih pawh kan hrilh ngam reng reng hleinem,a inbual kanti ringawt che a,inu chu hlauhthawng hma chi a ni sia,nakinah ṭha deuhin ihrilh dawn nia aw"Patea chuan alo ti thawp supa,ka bu nghat




Sofa room kan thlen chuan Nutei nen chuan kan ṭhu thla nghal vata,room aṭang chuan hmeichhe pakhat hi alo chhuaka




"Pa u Zothani chu alo thleng tawh ami"alo ti lang langa,Merilyn-i Mama phirpui ani ngeiin ka ring,Mama leh Merilyn-i hi phir mah nise mipa leh hmeichhia annia phir pawh an anglo,tunah phei chuan Mama a sàng tawhsia Merilyni erawh até felfai at thung.




Alo ṭhang hmelṭha tawh bik khawp mai,Mama leh Merilyn-i hi kei aiin kum1-in an naupanga,mahse kan inkawm tawk ve em em ṭhin.




Kan tetlaia Aizawla kan zin changa kan haw dawn ni apianga Merilyn-i ṭah nasat ṭhin ziakha kala theihnghilh theilo.




"Aw,lo thleng tawh anihhi lo chibai ta che"Patea'n atih chuan,Merilyn-i chuan minlo pan vatin nuisàng hian minlo chibaia



"Minla hria em"alo tih chuan,ka hriat thuin ka chhang vata,"I van hmelṭha em em"ti pahin ka bulah chuan alo ṭhu thlaa,minbe nghal siam siama




"I u Notei chu Delhi lamah a awm a,karleh hian ani pawh alo haw dawn a"Nutei chuan alo ti sapa,Patea tehian fa pathum anneia,U Notei an tihhi an fa upa ber a ni...




"Meme(Merilyn-i an koh dan)nang i U Zothani inbualna tur tuilum ka chhuan kha lova tilum ṭha leh la,chaw kan eichhunga so hman tur khan,chawhmeh tekha lova tilum rawh"Nutei chuan alo tileha,Merilyni chu atho nghal vat




"Nute ka ril aṭamlo ania,ka eilo mai ang"ka tih chuan,"A chiloh lutuk emaia,i patea nen chaw ei kanlo nghak reng che alawm"alo tivata,chaw eite minlo nghak duh chu ka lawm takzet.




"Ni e,i ei nge nge angai,i nutei'n i duhzawng hlir alo siamsak ṭeuh che alawm"patea chuan alo tive leha,ka bu nghut




Mama chu ka bag ak chungin luggage nen chuan inchung chhohna step bulah hian alo ding renga,"Nú"alo tih nghut chuan,Nutei chuan a chhawn vata




"Bungrua hi"bul angreng tak chuan alo ti leh a,aṭawngtam vak hmelloh,"Eeee,Bawiha i u Zothani bungrua kha maw?Memei room-ah lohan dah mai rawh"tiin Nutein ahrilh chuan




Inchung chhohna step-ah chuan a pen chho nghal hlawk hlawka,"Zothan,room ruak dang pawh a awm tho nain,nuamlo iti ang tih kan hlau sia,Memei room ṭawmve rihla nakinah i duh chuan room dangah i insawn daih mai dawn nia aw"nutei chuan alo ti siam siama




"Nute keichu min vengthawng duh suh,Merilyn-in nuamlo ati zawk ange"ka tih chuan,"A teuhlo mai Memei techu aphur mah naklaiin,a u Notei nen hian an mizia a in ang silo a,Mama lah mipa anih avang hian phir e tilo hian an inmil thei der siloa,ṭhian kawm tur hi a duh thei lutuka,ilo awm tur thu ahriat phei chuan amahhi alawm ber"nui hawk hawk paha alo tih chuan ka nuive sak.





Choka lam aṭang chuan Merilyn-i chu 'chaw a eitheih tawh'tiin alo au lang langa,pate a chuan,"Va eiphawt ang u,Zothan chaw eikhamah i intifai anga ihahdam nghal daih dawn ania"tho vut pah chuan a ti a.




Choka lamah chuan kan pheia,Merilyni chuan kan chaw ei chu min vil renga,Nutei chuan eng eng emawni min zawtin amah chu ati ti siam siam renga,patea erawh pa ṭawngtlem lutuk anih vangin aṭawng meuhlo.




"Zothan Mama hichu atetlai ang tho khan ala ṭawngtlem renga,mi tehi abe hmasa khat ṭhin teh ania,a chhungte ngawih ngawih pawhhi min kalpel lawl lawl zela,ibe hmasa hram hram ṭhin dawn ania aw"Nutei'n alo tih chuan ka bu nghata




Chaw eikham chuan nutei'n engmah sengfel aphalloh tlat avangin intifai turin Merilyn-i chuan kan room tur lamah chuan min hruai chhoa,patea te inchhung hi alo zau phian anuam bawksi.




Kan room tur pawh chu a zau ṭha angreng,Merilyn-i chuan ka thawmhnaw dahna tur vel leh ka rem ve na tur ho chu min hrilh zung zunga.




"I inbual chhungin i thawmhnaw hohi kalo tihfel sak dawn che ami"alo tih chuan ka hnial vata,"Anih i inbual zawhah kan tifel dun dawnnia aw"alo tih chuan





"I fel sia ka lawm lutuk ania"ka tive sepa,"A ho lutuk unau inkarah 'ka lawm e' tih angailo"alo tive vata ka nuisak,"Taka,kan room bul chiahhi Mama room ania,chuan dinglama kal zela kawngkhar lo awm hmasa ber saw U Notei room ania"alo tih chuan bangbo zet chuan ka bu nghat nghata




"Naktuk velah emaw kan inchhung vel pawh zau lemlo mahse ka fankual pui dawn che nia"alo tileha,"A ṭha viau ang"ka tive vat




Chutah ka phone lo rì chu ka ban nghal vata,ka nu alo ni,chanchin engmah kala hrilh lo tak e,"Bawihi inthleng tluang maw?"alo tih chuan




"Aw tluang e,kalo call hman thlawtlo che a,kan mu dawn tawh a"tiin dawt chu ka hrilh ta ringawta,"A pawiloh chu,enge a an dawn anuam dawn em?"alo tih chuan




"Nuam dawn khawp mai"ka ti vata,ka nu chuan eng eng emawni awmdan turvel min hrilh luama,"Lo damṭha ru aw"ka tih chuan,"Nangpawh i hriselna ngai pawimawh la"alo tivata




Kanin mangṭha hnu chuan kan inbiakna chu kan titawpa,ka ruak huai mai,Merilyni chuan minlo en deuh vang vanga





"I lungleng ami"a tih chun ,ka mittui chu hru zeuhin ka nuiluia,"Lenglo e"ka tih chuan,anui saka




"Va inbual tawh rawh"alo tih chuan,kala inbuallo tih hrechhuak zawkin towel chu ka phawrh chhuaka,bathroom-ah chuan ka lut nghal vat.




Ka inbual zo chu ka zàng hawkin ka hria,ka chhuah leh hnu chuan Merilyni chu alo ang hlak hlaka




Min hmuh chuan alo nuisuka,"Anuam em"alo tih chuan ka bu nghuta,keimah vanga ang anih loh hram ka beisei.



Chutah ka room bang chu Mama room lam aṭang chuan alo in chum ri dawta,ka phu zawk,Merilyn-i pawh chu arak ṭhata,"Bryan Roluahpui hmela haw rawh"ati hlura




"Hepa ka nin zia hichu awwww"tiin minlo en zeuha,"Kanin hrik pakhat ania,kan ṭhenawm a mi ania,asual rapthlak dan chu pui tak a ni"alo ti sar sara,bang chu alo chum leh dawt ṭhina,tu tak ni ang maw




"Sawi tilai puanzar phen saw ka inthlakna room anih saw,tahsawn va inthlak mairawh"tiin Merilyni chuan inthlakna tur chu min kawhhmuha,khuma ka thawmhnaw haktur ka dahchhuah sa chu la in ka pan nghal vat.




Mama room nena kanin daidanna bang alo nibawk nen,mahse bang hi achhah ṭhat hmel mai bakah aphui ṭha em em a,azia phian




Ka inthlak lai chuan phun ser ser rì hi ka hriaa,mipa aw ve ve a ni,Mama leh a ṭhianpa chu anni maithei.




Pakhat zawk chuan,"Mikhual innei maw"a ti sar sara,"Mikhual anilo,Papuia fanu ania hetah college kalin alo awm dawna"a ti sar sara.



"Nula maw"pakhat chuan ati leha,thawm chu areh ta daih,ka inthlak zawh hnu pawh chuan ka ngaithla renga




"Khawi ami nge"tih thawm ka hriat leh chuan,ka ngaithla kara,"Tlabung a mi"titu chu Mama aw a ni.




Nui hawk hawk rí ka hre zawm nghala,"Tlabung aaa!!!Thingtlangnu tihna nimaw"tiin anui ri leh hawka,ka lo inhum ruh hlé tawh




"I ṭawng ring lutuk"tiin Mama chuan a hrilh leha,"A hmelṭhat pawh ka ring nek love a"a tih leh chuan ka sa hat hat.




Min hmuh hma hauha ka landan tur thleng thlenga achhe thei ang ber tur anga min ngaitu leh thingtlang aṭanga kal ka nih avanga min hmusit em em tu chu ka hmuve chak khawp mai.




Lungawilo zet chuan inthlakna room aṭang chuan ka chhuaka,Merilyn-i chu phone khawih nuap nuap pah hian khumah alo mu thàn tawha.




"Lo muve nghal mai rawh,naktukah i bungrua hochu kan tifel mai dawnnia"alo tih chuan ka hniallo nasa,zingkar aṭang tawhin motor-ah ka chuang char char si a,ka chauve tak zet




Khumah chuan ka inthawlh ve vata,Merilyn-i chuan a phone chu dahin ka lam alo hawia,"Aizawl chu nuam iti dawn em"alo ti sepa




"Nuam dawn viau chuan ka hria"ka tih chuan,"A ṭhat chu,kan college kalna a in ang dawna nuam dawn e,mahse kan subject lak a in ang dawnlo a,Mama nen in subject lak a in ang dawn"a lo tisapa




Eng eng emawni chu sawiin ati ti siam siama,a nuih apiangin abiangsum fiah zet chu alang kalh ṭhina,keipawn biangsum lehlam lehlamah chiang vak loin ka neive bawk.



"Meme tih iduh zawk em?"ka tih chuan,"Aw duhzawk e,Meme minti daih rawh"alo ti vata,room lehlam aṭang chuan,"LALDUHSANG"tiin ring lenglawng hian mipa àw chuan arawn au leha




Lalduhsang tihhi Merilyni hmingpum a ni,"Roluahpui,rochhepa haw rawh,bike ṭhingpa"Merilyni chuan mu chung chuan ative chiama




"Hepa ka nin dan em em hichu aw"Merilyni chuan ati leh hlak hlaka,"Tunge a"ka tih chuan,"Mama ṭhianpa,,, tihah,ka nu kawnngaih deuh mai aṭhiannu fapa ania,an in chu ihmulo ami Concrete building chhawng nga kha,a rawng chu a grey deuh kha"alo tih chuan





"A thim tawh lutuka,engmah ka enchiang lo alawm"ka ti hapa,"Kanin leh anin inkarah in pakhat chiah a awm,ning khawpin ila hmu mai ang"alo tih chuan ka nuisak




"Mi hausa fapa duat ania,mahse e sual over lutuk,kan veng wanted ania,Mama lahhi alo kawmve ziah lehnghala ka ning teh ania"ti lehin amah leh amah chu a insawi thinrim nimaiin ka hria





"Bike rì ring thei ropui si,nuthlawi ala hrethei em em zui"ati leh hlak hlaka,"Mama nen an inruallo mi"ka tih chuan,"Teuhlo mai,U Notei aiin kum1 chiahin anaupang 24 tihna anih chu"alo tivata





"Mama pawh ahruaisual vek tawh,an in aimahin kan inah hian ariak zing zawk lehnghla"alo ti leha




Merilyni chuan chupa chungchang ngawt chu min hrilha,ka ngeive nghal ringawt,nichina min sawidan zawng zawmg nen khan ka mil dawnlo sa.




Muhil tura ka mit ka chhin siar siar lai chuan ka mitthlaah Doctor Roberta kha alo langa,ka mengchhuak vat




A nuihzawnga abiang chuar deuh ṭhinte,aha var nalh zet lo lang ṭhinte,aṭawng zawnga ahmui pan mawi tawk lutuk mai atih chet dan velte ka ngaihtuah chuan ka lai em em ringawt.




A perfume rim pahràk kha ka hnarah hian ala cham renga,a number tal tekha lo dil awm hi ania?tihte chu ka ngaihtuaha,ka ngaihtuahna vang chuan ka zak leh rih.



Min ngaihtuah zuive tho angem le?tih ngawt chuan ka rilru aluaha




'Kan lain hmu fo ang'kha a ti si a,engtik hunah nge khawi hmunah nge kan inhmuh leh ang le???



______________


Zinga ka harh chuan khua pawh alo la varlo a,kan ina awm emaw ka inti a,mahse ka bula mu Merilyni ka hmuh chuan anilo tih ka hre chiah




Mutui em em hian alo thaw rì deuh sak saka,mutthilh leh tuma ka mit ka chhing chu thoh ma ṭhang tih takah ka muhil lui thei thlawtlo




Khum aṭang chuan muangchangin ka tho chhuaka,ka kawrlum la chhuakin room aṭang chuan ka chhuaka,step-ah chuan thawm dim thei ang berin ka chhukthlaa



Khua pawh alo èng deuh ṭana,Aizawl chu mihring tamna leh lirthei tamna tih takah motor tlan rì chu a awm der tawh.




Boruak ṭha hìp pahin tiin pawnah chuan ka chhuaka,ka hawikuala ṭhenawm vel hriat belnan tiin ka kal kuala




Nizana Mama room-a lo kalpa bang lo chum ri dawt dawt ṭhintu pa te in awm ang deuh chu ka zawnga,Concrete in chhawng5 laia sàng a grey leh a senduk deuh rawng ka hmuh chuan ka en vang vanga.




Gate-in a inhung thlapa,hetiang in lian lutuk hi an luah vek tihna emawni le,an garage lam ka en chuan motor pawh alo in park hnem ngang mai



Ngawiteh saw tilai car saw chu!!!hmuh tawhna ka nei tlatin ka hria,doctor Roberta car nen khan a in ang lutuk,ka phul hlut hmana mahse motor in ang chu atam emai,a ni ringawt lovang ka rilru chuan kati leh rih




Khua pawh alo var der tawha inlama let leh ka tum chiah chu,bullet hi ring zeta race vak vak pah hian ka lamah hian arawn tlana,kalo kianve vata



A rí ring lutuk mai mai chu aw,,,chutia kawngsira ka kal chiah chu bullet chu kawngsir lamah chuan arawn tlana,minlo hnaihchilh thut chu ka insaseng hmanlo,minlo tai ti tih deuha




Leiah chuan ka ṭhu thla hnawk,"I mawl emaw nile,ka rawn tlan luh dawn kha ihmulo a mi,khawnge imit idah"ka ṭhat leh ṭhat loh pawh min zawt lo chuan bullet khalh tupa chuan alo ti vin hlura




Inbeng fai vatin ka tho chhuaka,"Kawngsirah ka kalve mek kha"ka tive saka,mask avuaha helmet akhum bawk nen ahmel chu ka hmu theilo




Mahse amah a palianin ahleitling takzet,a bike aṭang chuan rawn chhukin,"Mawl lutuk mai"a rawn ti hluka,'i nà em'tih chu ahnailo...



(END OF CHAPTER-2)
(A tirlam ania,ala boring viau maithei a point-ah kan lut ṭep aw,,,Ads minlo click sak leh ṭheuh ula,comment minlo hnutchhiah ṭheuh bawk ru aw,chuan Tlabung hi thingtlangah ka chhuah ringawta ka hmuhsit vang a ni miahlo a nia aw🥰❤️tuman lo haw suh u)


Comment-na tur link👇
https://m.facebook.com/groups/991354610 ... 004991987/


Wassap Group👇💚
https://chat.whatsapp.com/DOEuXhbrOUG6hN42unmAhJ


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 19th, 2022, 7:51 pm

*THINGTLANGNU MAW!*




Chapter-3




by_MrsBabe Khawlhring





Zothanfeli Pov.



"Ka kalsawn ve mawlh mawlh kha mawle"ka tih ve hlak hlak chuan mit tizim sun hian hnai zetah hian minlo en a



"Enge ihming"alo tih chuan,ngawi rengin rum zet hian amitah tak chuan ka en a,"Hey,Mami i hming ka zawh che chu"ngeiawm zet hian a kut lo vai pah hian arawn ti supa




"Mami ka nilo"ka tihve chuan,kiaisuk pah hian,"Anih ihming chu sawi ta che mawle"tih pahin a helmet chu ala thlaa,a sam buk ve deuhlam chu a bike side glass-a in en pah hian a siamṭha mawlh mawlha,ngei zet hian kalo en reng




"Ngaihdam min dil rawh"kutkuang kuah thana ka tih chuan,ka lam lo hawiin a rî meuh hian alo nuichhuaka,minlo pan hnaiin




"Keihian nang hi ngaihdam ka dil ang che maw"amah a inkawh hnuah minlo kawk velehin alo ti supa,ka bu nghat



A kut bengin za zet hian anui leh vaka,hepa hi a á deuh emawni le,chutah anui lai chu insiamṭhain rum zet hian alo menga,"Thil thleng ngailo tur anih chu"arawn ti ram hmaka,hnaih set sawtah hian minlo enbawk



Ka tawlh hnung hreta,minlo awm hnaih zela,"Khawnge in in a awm"alo tih chuan,"I hriat angailo"tiin ka nemsawn pawpa




"Ngawiteh nang hi Joshua(Mama apatea fapa kha)-a te ina awm tur thingtlang aṭanga lokal kha ini em?"min thamlo zeta alo tih leh chuan ka ngawi reng



Chhan vak ngaihna ka hrelo,a sawi ang hian thingtlang aṭanga kal chu ka ni ngei alawm,"Ka ring dik a ni maw"alo tih leh chuan




"Chutah chuan enge buaina ineih"ka tive hapa,"Buaina nei hranlo e,i hawi her vel i mawl hmel danah thingtlang aṭang lokal inih ka ring deuh renga"ngeng zeta alo tih leh chuan,ka insum zolo chuan ake chu ka theihtawpa ná chuan ka rahsak pawpa




Na a ti deuh nge,a zuang deuh titiha,"Thingthlangnu leh"thinrim sehchilh zeta alo tih chuan,ka nuiro hak



"Thingtlang mi awm lo ila,nang ni hi khawppui mi inni biklo ang chapo lutuk,i bike rí rin rin nen"ka tih chuan,a ke ka rahsakna lam chu dawm vawng vawng pah hian rum zet hian minlo melha




"Ila hre khawp ang"a tih chuan,ka nuilui hak,inherin inlam chu ka pan ta daiha,ka hnunglam aṭanga anchhia min lawhna vel pawh chu hrelo derin ka kal zela




Engtinnge tiang mihring hi an awm theih le,chapo leh em em lutuk mai,ahmelṭhat tehlul nen a mizia leh a awmdan vel zawng zawng khan ati chhe vek!ka rilru chuan ka ti mawlh mawlha




Ka va hawilet leh chuan,khapa kha concrete building chhawng nga awmna gate chhungah khan atlan lut chiaha,nizana Mama room-a awmve char char Merilyni sawi pa kha a ni ngei ang,a ṭawngkam aduh uluk loh danah tekhan,an hausak hmel bawksi sual hmel bawksi,ka ngeizawmg tak a ni




Inchhunga ka luh chuan nutei chu choka lamah chuan alo che mawlh mawlh tawha,khapa vang khan ka tum aiin ka rei phah vek.




Nutei chuan minlo hmuh chuan minlo nuih vara,"I teihawi vel ami"alo tih chuan,ka bu nghuta,"Hawh,thingpui lo inve rawh"tiin thingpui chu minlo thlit sak nghala



Dawhkanah chuan alo chhawp vata,dining chair-ah chuan ka ṭhu thla vataNutei pawh chu a chawhmeh siam tur nen chuan ka bulah chuan alo ṭhuve a




A ti ti siam siama,nutei hi nu rilru ṭha leh tluang tak a ni a,mi pawisawi hlau tak a ni bawk,ral aṭang pawn minlo ngaihsak thei em em a,kan unau Krismass kawr tur leh ka nu chenin minlo thawn thlap ṭhin,pawisa kan mamawh lahin rulh leh ngailo turin min hman tir ṭhina,patea chu engpawh nise nutei lakah hian lawmthu sawi sen loh tam tak kan ba ka tilo theilo,patea'n tiang nupui ṭha lutuk anei hi avannei ka ti takzet bawk.





"Nuam iti dawn em?"alo tih chuan,"Nuam dawn viau chuan ka hria"ka tivata,"Kan awmna apiang hi nuam ti em em ila,kan nihlawh a nimai tiaw?"ti pahin anui khur dar dara





"Memei lahhi nula e tilo hian thawh hi ahrelo khawp amaw,i thawh rualin kaitho vezel ṭhin rawh"alo tih leh chuan,ka bu nghata




"I in ang chiaha i awmloh chuan nuam iti dawnlo ania aw,i patea lah ṭawngtamlo lutuk a ni sia,engmah hrilh nachang che ahre dawn siloa,chuvang chuan in ina i awm ṭhin ang chiah khan i awm tawp dawn ania,chawhmeh pawh eichak zawng ineih chuan sawila,kan ngaihtuah zel ang,chutiang bawkin duh leh mamawh ineih pawh"Nutei chuan a ti siam siama




"I hrethiam em?"alo tih chuan,"Aw hrethiam e"ka tive sep a,"Duh i neih pawn tlang deuhin ka bulah i sawi ṭhin dawnnia,i patea chu hrilh kher pawh angailo mipa ania maw thil hi anhre ve tak taklo a"tiin nutei chu anui leh chiam chiama




Chutia patea chungchang asawi lai chuan patea chu room aṭangin alo chhuak ve chiaha,nutei leh patea te room hi inhnuai lamah a awm anih hmel



"Zing kar karah min rel a ni maw"alo ti phak chuapa,anui deuh suk bawk,"Hawh,lo ṭhu rawh thingpui kalo thlit ve ang che"tiin nutei chu atho vata,a chawhmeh siam lai chu ka siam zawm vat




"Zothan,iva tho hma awmve i motor chuanna i chauh dawn tehlul nen"Patea chuan alo ti supa,"Niang chu mawle,ka thawh hmain alo tho daih tawh alawm"ka chhan hmain nutei chuan alo tivara




"Zing thohma ṭhang tih takah,thil tih ṭhan tawhhi chu thlah mai mai hi ahar anihhi"ti pahin patea chuan chanchinbu chu aban vata




Nutei eirawngbawl puih ka tum chuan 'engmah lo tih angailo,awm hahdam rawh' ati tlata in lamah chuan upa ber chan ka chan avangin keimah vek che tu ka ni a,chet tur awm reng laia chet loh tlat chu ahar ka ti dawn riau.




Rilru nuam zanlo chuan nutei eirawngbawlna bulah chuan ka ṭhuve renga,nutei chu ati ti siam siam renga,a changin zawhna min zawt leh zeuh ṭhina.



Dar8am velah chuan Mama chu alo tho a,minlo hmuh chuan amit ala sawn vata,a lai deuh ṭhin emawni




Nutei chuan,"Nizanah Bryan-a ava awmrei leh awmve a"nutei chuan Mama enpah chuan alo ti a,Mama chuan asam tuai vut vut chung hian,"Awm rei vaklo"alo ti supa




"Thil ṭhalo tehi atihpui leh che em?"Nutei chuan chik zet hian ati leha,Mama chu angawi reng,"Nang aia upa ania zui zui ṭhin suh ka tih che kha"Nutei chuan ati leh hapa




"Mama'n azui loh pawn u Bryan-an alo pan zel tho alawm"hnunglam aṭanga lo titu chu Merilyni a ni,alo ham deuh bai bai a,a sam athur hlê bawk




"Nang lahhi Mama ṭan zawng hian lo ṭawng ziah mai"Nutei chuan ati sapa,Merilyni leh Joshua chu an in signal zeuh zeuh




"Taka,Zothan vawiin chu inpeih leh in unau hoin chhuak ula,va leng khawthawng rawh u duh leh in bazar pah anga"minlo enpah chuan Nutei chuan alo ti a



Mama leh Memei telam ka en chuan ka ṭawng hun anlo nghak nimaiin ka hria,"Nia,Aizawl hriat chian nan animaia"ka tih chuan,nutei chu alo nuiseiha




"Yesss,nuam dawn lutuk,kan vak hrep ang"Memei chuan alo tivara,"Ni e i u Zothani hi hmun nuam deuh deuha inva hruai dawn ania"Nutei chuan alo tivata



"Ka kalve kher angai ami"Mama chuan alo ti thawp supa,"Ilo kalloh ten,kan driver-ah iṭang ang chule"Memei chuan ati nghal vat




"Ngai e,i kal nge nge angai,inah i awm ngai chuanglo,nilengin Bryan-a nen thilsual tih tur ngawt inzawng leh tho ang,weekday-ah chuan ṭul loah i chhuak tawh dawnlo reng reng"gas-a a chawhmeh chhuan chawk pah chuan nutei chuan khauh zet hian alo ti a




Mama chuan minlo en zeuha,alo nuive nge,ka nuih letve zeuha,ahawisawn leh daih




"U Zothan han intifai ila chaw eikhama intih fai aichuan"tiin Memei chuan minlo sawma,ka ṭhutna aṭang chuan ka tho ve vat




"Ni e,hei chawhmeh hi ahmin chuan chaw kan eithei a ni mai"Nutei chuan alo ti a,Memei nen chuan room lamah chuan kan chho nghal vata




Bathroom-ah chuan arualin kan intifaia,Memei hichu anu ang chiahhi ania sawitur ahriain a ṭawngkam aṭha em em a,arilru pawh aṭha bawk




Kan intihfai zawh hnu chuan kan insiam nghala,Memei chuan in ang deuha inchei aduh tlat avangin athawmhnaw hochu minhak luih tir tlata,pheikhawk thlengin




Incheina kalo nei ṭha vak silo nen ka hnial duh ta biklo,kan intiat angreng sia,a kawr ho pawh chu ka tawkve chiah hlawma,make-up te min hman tirve a,ka lang senior riauin ka hre leh nghal,make-up hmang ngailo tih takah




Memei chuan ka sam sei hniang chu min khuih saka,"I sam hi analh e,keichu sam sei ka inhmeh velo a,sam sei hichu ka awt ve reng"a tih chuan,"I inhmeh awm e"ka tihsak vata




"I hrelo anih kha,ka inhmehlo,ka samsei ve ṭhinlai chuan Mama hian hmanlai pasalṭha i ang minti tlat ṭhina,chuvang chuan samsei ka pu duh tawhlo hrim hrim"alo tih chuan,ka nuihaka,ani pawh anuive tho.




Kan insiam zo inhnuaia kan chhuk chu Nutei chuan chaw ei alo siam mek tawha,minlo hmuh chuan kan nalh thute minlo hrilh luama




Memei nen chuan a chawei siam chu kan puive vata,chaw eilai chuan,"Vawiin tlai chu eirawngbawl angai dawnlo a,inleng khawthawng tur pawh hmanhmawh duh su aw"antui hawp paha nutei'n alo tih chuan




"Taka,ṭhenawmah chaw eitur maw kha"Patea chuan alo ti vata,"Aw,ni e kan kalloh chuan i nu Zuali alungawi lo lutuk ang"Nutei chuan minlo enkual hlawm ralh ralh pahin alo ti a




Patea chu abu nghut,"U Roberta chu hetah a awm char char tawh dawn tihna mi"Memei chuan alo tive a,doctor Roberta ka hrechhuak zawk,,,Mahse Memei sawi hichu a ni aqm silo,"I nu Zuali sawidan chuan ania lawm"Nutei chuan alo ti a




"Zothan,vawiin tlai chu ṭhenawmah chaw eiin kan kal vek angai dawn ania,ihrehlo ang chu tiraw"Patea'n alo tih chuan,hnial ka tum deuha,"Ilo kalve nge nge angai ania,azahthlak loh hrim hrim"Nutei chuan alo ti vea



"Eng chaw eikhawm nge a"ka tih sep chuan,"Mama ṭhianpa Bryan-a nizana lokal kha ihria em?"a tih chuan,khapa hmel kha ka mitthlaah alo lang nghal,mahse ka hriat thu chu ka sawi duhlo




"Nizana bengchheng deuh kha"Memei chuan alo ti sepa,Mama ka en chuan kan thusawi chu ngaihven ang pawn a awmlo,chaw chu a ei mawlh mawlh




"Bryan-a u kha alo haw a,chu chu hetah a awm hlen tawh dawna,athla hual pah nifawmin chaw eikhawm anti deuha,an chhungte hnai vai leh keimahni chhung chiah kan tam vak dawnlo,ilo kalloh chuan nuam ka ti dawn miahlo ania"Nutei chuan alo ti sapa,hnial biklo chuan ka kal tur thu chu ka hrilha,mahse ka peih lemlo takzet




Chaw eikham chuan Mama insiam nghakin sofa room lamah chuan Memei nen chuan kan ṭhua,"Ava rei reuh e,a ngai ang thoin arawn chhuak leh awmsia aw"Memei chuan inchunglam en pah chuan ati deuh hapa




Ahnu reivakloah Mama chu arawn chhuka,a inchei nalhve angreng khawp mai,"Hmm,hmm tu emaw ihmu pah dawn animaw?"Memei'n atih chuan,Mama chu aphun bul bula




"Kal ang u"ti pahin kawngkhar lam chu apan nghala,ahnungah chuan Memei nen chuan kan zuive a,Memei chu ka bulah ṭhut kher aduh avang chuan ahnungah kan pahnihin kan ṭhu a.




Kan bazar hmasaa,ahnuah kan lengkuala,thlalak lawm tih takah thla chu kanla renga,achangin Mama kan hmeh tir a,peih loh hmel deuh hian minlo laksak veleh mai ṭhina,achangin kan selfie-naah alo tel veleh ṭhin




Nileng chuan kan lengkuala,ka var deuh uar uar mai,dar3pm velah chuan inlam panin kan haw a,kan kalkual nasa bawka,nimin lam ka motor chuanna aimahin ka chau zawk hialin ka hria





"Anu techu ṭhenawmah an phei tawh anihhi"Memei chuan a phone khawp nuap nuap pah chuan alo ti a,"Mam kan tlang ve nghal daih mai dawn mi"tiin Mama chu azawta,alo bu nghuta




"U Zothan pawi iti em?"alo tih chuan,"Aih,pawi tilove"ka tivata,kan tlan zela,Bryan-a te inkawtah chuan kan ding taran mai



Diktak chuan amah vang hrim hrim hian an ina kal hi ka phurlo takzet,a lo awmve awm nge sia,sual ropui si



Gate chu anlo hawnga,Mama chu atlan luta,motor ati ding chiah chu Motor aṭang chuan kan chhuak nghala




Mama motor park chu kan nghak deuha,mahse kan chhohsan ta daih,step-a kan chhoh lai chuan,"inchung ber leh adawttu khi anmahni chuan anluaha,abak hichu midangin anluah"Memei chuan alo ti a,ka bu nghat




Inchhungah kan lut chiah chu pawn aṭang pawn an in hi apui tawh ania achhung phei chu pui tak a ni,midang pawh anlo awm nual tawha




Nutei hian minlo pan vata,minlo be nghal luama,"Hei,Zuali lokal teh"tiin nu pakhat hi ahuia,"heihi anihhi kanpa u fanu Zothani chu"tiin nu pakhat thau lam deuh lo kalchu chu nutei chuan ahrilha.




"Animaw!ava hmelṭha reuh em em ve"tiin chunu chuan minlo chibaia,"Nu Zual minti mairawh aw"nelawm zet hian alo ti a,ka nuisek,nu hmelṭha tak a ni,mah azahawm bawksi




"Hawh lo ṭhu rawh u,khawnge Joshua hi Bryan-a nen anchhuak leh tawh ami"Nu Zuali'n atih chuan,"Mama chu kan bulah a awm char char,u Bryana nen an chhuak dunlo"Memei chuan alo ti sepa




"Awi,zing chaw eikham khan achhuaka,Joshua nen an chhuak aniang chu kalo ti maia,khawnge maw Roluahpuia chu akal leh tawh ni"a ti hlak hlaka




"Taka,Meme Zothani hi ipi bulah va hruai teh,inu hian Tlabung a mi tih ahrilha,alo phur khawp kha"nutei'n a tih chuan Memei chu anui sen sena




"Minlo zui rawh"alo tih chuan ka zuivata,Memei chuan pitar a lu pawh ṭuak var fur tawh,hmel fai veng mai bulah hian min hruaia,"Heihi nu Zuali nu anihhi"a tih chuan pitar chu ka en renga




Memei chuan ava biaa,"Pi heihi u Zothani anihhi"hnaih angreng takah chuan ava ti a,"Engaa,Zothani a"pitar chuan aw khur deuhlam hian alo ti a,a aw aṭang chuan a upa ve hlè tawh tih ahriat




Chutah pitar chuan abula ṭhu turin minlo huia,ka panve vat,"Zothani maw inih"alo tih chuan,"Aw ni e"ka tive vata




"Tlabung ami maw inih"alo tih leh chuan,ka bu nghata,"I hmelṭha hlé mai,keipawhhi Tlabung khawchhuak alawm ka nih"alo ti charha,"A ni maw"ka tivara




A bu nghat nghata,"Ka pianna khua alawm"alo tih leh chuan,"Keipawh"ka tivata,anui kerh kerh a




"Kan khawchhuahna mite ka hmuh hichuan ka lung hlui hi aleng ṭhin"ti lehin anui sen sen a,"Pi kum engzat nge inih tawha"ka tihve sep chuan




"Engaaa?"alo ti heua,"Kum engzat nge inih tawh ati che nihchu"Memei chuan ring lenglawng hian alo ti a,"Eee,a ni tak maw,kum77"tiin minlo nuih vara





Ehee!!!a upat tawh nen,akum ngaihtuah chuan alang naupang takzet,aṭawngkam telah ala felfai thlap thlap zui bawksia.




"Ring deuh deuhin be ṭhin rawh,abeng hi aṭha vak tawhlo a,bengdar vuah aduhlo ce ngei sia"Memei chuan ka beng bulah alo tileh sar sara




"Pi Khawnge U Roberta chu"tiin Memei chuan ka pi chu azawt leha,"Khawnge maw a awm ni"tiin ka pi tereuh chu ahawikuala




"Eee,khi alo chhuk mek alawm"tiin inchung chhohna step lam chu akawka,akawhna lam ka enve chiah chu ka mi hmuh avang chuan ka mengphawk vak,ka hmusual emaw ka ti hial,mahse atak nge chu a ni si.




Doctor Roberta alo nireng,mak tihnain ka khat,mittla lo chauh chuan kalo en renga,kan mit a intawng chiah chu doctor Roberta chu mak ti ang pawn a awmvelo,pa zet hian alo kiaisuka





Midang awmve hochu alo be nghal siam siama,kan ṭhutnaah alo phei chuan,"U Robert i induhve khawp mai maw?"Memei chuan alo ti a,a nuisuk




"Ilo nula tawh lutuka,ka hai dawn che lawm"tiin Memei chu alo fiama,"Mambawih,heihi Zothani anihhi Memei pa u fanu ania Tlabung ami a nihhi"tiin a pi chuan doctor Roberta chu ahrilh nghal siam siama




Minlo en zeuhin api chu a en leha,"Anihchu mawle,,,inkhaw chhuak ihmu bawksia nuam iti awm"tiin api bulah chuan alo ṭhu thla ve a




Ka ngaihtuah leta,'Kan la inhmu fo ang'a tih kha,hei vang hi a ni ngei ang,ṭhenawm lawkah anlo awm renga,patea te in tumah zawt lova ahre chat tekha hei vang nge hi anihhi,ṭha deuha min hrilhve mai tur hi ania,avan phakar tak





"Zothan,heihi ka tupa upa zawk Robert Rohluzuala anihhi aw"tiin doctor Roberta pi chuan minlo hrilha,ka bu nghata





"Taka,pu Rodawla ihria em,Tlabung ami kha"tiin ka pi chuan minlo zawt leha,"Aw hria e,mahse kan veng a in anglo a"ka tivata,ka pi tereuh chu za zet hian anuia




"Pu Rodawla tenen khan kan nulat tlangval laichuan kan inkawm nasa ṭhin alawm"alo tih leh chuan,"Anih chu"ka tivata




"Ka pi chu Tlabung khua ami ihmuh tawh hichuan pu Rodawla chungchang hi izawt ziaha,i nulat laia i chhas a nichiang"nuipah hian doctor Roberta chuan api chu alo fiama.Memei pawh alo nuive chiama



"Aaa,Mambawih chutiang ansawi ngailo"tiin ka pi chu hmui hup meuh hian anuia,alai ve ngei emawni,tar alamah a awmdan hi aduhawm takzet.




Ka pi chu asawi duh zawngte sawi puiin eng eng emawni kan sawi duna,Memei pawh chu ka bulah alo ṭhuve renga,doctor Roberta pawh alo ṭhuve reng tho,achangin alo ṭawng veleh zeuh ṭhin tih loh chu a phone akhawih deuh renga



"Ka nu hunserh hi kan hmang tawh mai dawn ami"Nu Zuali chuan alo ti a,Ka pi chuan akut vai meuh hian,"Mamtea hi khawnge,kan hmansan ngawt theilo ang"ka pi chuan ati hmaka




"Roluahpuia hichu awww,mihi avan tibuak ṭhin tak phone ala duh bawk silo"Nu Zuali chuan a tiru ser sera,"Kan call chhin ange"tiin doctor Roberta chu akalsawn nghala




Min hria anga a awm duh miahlo kha ka thinrim ve ringawt,nge ni a min theihnghilh tak tak le,mahse ka ring chiah bik silo,nimin lawka inhmu kan nia min theihnghilh hmanlo hrim hrim




"Kan misawm ho pawh anlo thleng vek tawh ania"Nu Zuali chan ati leh hapa,"Mamtea awmloh chuan hunserh hman ringawt achiloh hrim hrim"ka pi chuan ative leha




"U Bryana hi api hian aduat tawpa,a sual sual nen hian"Memei chuan ka beng bulah chuan alo tileh ser sera,ka nuisek



Bullet ri vut vut rí ka hriat chuan kha mi chapo pa hmel kha ka mitthlaah alo lang nghala,"Chu alo thleng alawm"tiin Nu Zuali chu atho hluaia



Kei kalo inhum ruh ṭun mai,ka biang a sà hat hat bawk,ka hmu peihlo takzet,a mizia a awmdan leh a engkim khan ka pawi asawi hi a ni tawp.




Ka hlauh ang nge chuan kha chapoa nge mai kha kawngkapui aṭang chuan arawn pen luta,kalo enreng,,,nu Zuali chuan enge maw hi ahrilha



A hawikuala,kan lam alo en lai tak chuan kalo enve reng bawk nen kan mit a intawng fuh chiaha,min eiloh hmel zet hian ahmui tipawrh deuh hian mitmeng ngeiawm zet hian minlo melha




Kan ṭhutna lam chu alo pan ta mai,"Mamte,hawh ka bulah lo ṭhu rawh"tiin ka bula ṭhu ka pi chuan ahrilha,minlo melh zeuh hian alo ṭhu thlaa




Ka pi hian a tupa techu akoh duat angreng,Doctor Roberta Mambawih atia,he misual chapo lutuk hi Mamte a ti bawka.




Memei nen chuan kan ṭhutna kan sawna,ka pi chu Doctor Roberta leh Misualpa inkarah chuan aṭhu a




Hunserh hmangtu tur ading chhuak chiah chu,"Saw saw,anpa ber"Memei chuan alo tisepa,chiang deuh hian ka en a,afapa tehian atlangval laichuan antluklo ngawtin ka ring,pa hmelṭha tak a ni.




Doctor Roberta te ṭhutna lam ka en chuan,minlo enve renga,a mitmengah sawn sawiduh neihmel a pu,kamis var fresh zet aha bawk nen,ka hmu ṭhazual takzet



Ka mitsir za zek zek avang chuan Bryan-a zawk chu ka enve leha,rum zet hian minlo melh ngura




A hmui phun hian,'Thingtlangnu'alo ti anih chu,hmela mai mai chuhhh!!!




(End of Chapter-3)
(Ads click leh ṭheuh ila comment tam dan azirin naktuk zanah Chapter-4 kan dah ang aw,hmelṭha lutukho🥰❤️)


Comment-na tur link👇
https://m.facebook.com/groups/991354610 ... 004991987/

Wassap Group👇(Information pekna ber ania,group join hi pawimawh aw)
https://chat.whatsapp.com/DOEuXhbrOUG6hN42unmAhJ


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 19th, 2022, 7:52 pm

*THINGTLANGNU MAW!*




Chapter-4




by_MrsBabe Khawlhring




Zothanfeli Pov.




Ka nerkhum saka,ngeng zet hian minla kiai khumsuk zuia,abulah sawn va kalhnaia alu buk laiah sawn keh hrep kavan chak tak...




Hun serh anhman zawh chuan reilotéah chaw ei an rawta,Memei nen chuan nula keimahni pahnih ang deuh chiah kannih avangin fatu hochu kan pui hlawma



Mama leh Bryan misuala chuan chaw chu anlo dawhruala,Mama chuan a mahin chawhmeh chu a insuah zung zunga,Bryan misuala chu ading renga,nui vur vur pah hian beisei nei zet hian minlo en a




Nichin aṭang tawhin ala khi ver ver renga,ka ngaih tehi ati ṭhalo,ruih anei emawni,mahse engmah arim vel ka hre silo,hepa hi a â deuh emawni?




"Enge itih,i á deuh ami,chawhmeh ho tehi min suahsak tache"arawn tih hluk chuan ka ngaihtuahna aṭang chuan ka harhchhuak thut




"Kut ineih vereng kha"ka tih sep chuan,arum nghuta,"Min suah sak rawh"a mitko san ak paha alo tih leh chuan,zawimuangin chawhmeh hochu ka suah saka,salad ka suah sak dawnlai chuan,"A thak em?"hi alo ti vara




"Kala eibik hleinem"ka tih sep chuan,"Khu hmarcha te awm khu,athak awm emaia,ka duhlo"arawn tivin hluka,salad chu enin a chek hlak hlak,"Tiang em em a eithei turah hian min ngai hrim hrim nge thingtlang lama intih dan"ngeiawm zeta tipahin achawthleng chu a en a,rum zet hian ka melh




"U Bryan hmarcha um iduh em?"tilui tih hriat zeta Memei'n alo tih chuan,Bryana chuan,"I bialpa thau thau nen"a tihsak chu Memei chuan aduhlo ngang mai




"Kal vat maiteh,iding rei tawh lutuk ihnungah mi anla in line ania"Memei chuan ati hlak hlaka,"Ka lawm e"a chawl data,zawi sup hian,"Thingtlangnu"alo tih leh chuan ka khawng chak lutuk ringawt...



Mi antam vakloh avangin chaw chu an dawhzo hma a,kan eitur kan suah lai chuan Doctor Roberta alo kala,chaw alo la dawh velo ka rilruin kalo tihlai mawlh mawlh a ni.




"Ka bulah lo ei daih ula"alo tih thawp sup chuan,Memei chuan alo chhang vata,doctor Roberta chu balcony zau pui lamah chuan kan zui chhuaka,dawhkan zau angreng deuhhi hmun hnihah hian a awma,pakhat zawk chu kan kil nghala




Doctor Roberta nen chuan inhmatawnin kan ṭhua,ka chaw ei reng reng techu ka laivek a ni ber,chaw eichhung zawng chuan Memei nen chuan an ti ti deuh renga,,,keichu awm velo ang mai ka ni...




Chaw kan eikham hnu chuan Memei chu nutei'n alo auh avangin a chawthleng chu athawhsan daiha,kalve nghal mai ka tum chu.




"La ṭhu rihla"doctor Roberta chuan alo ti supa,ka ṭhu thla leh vat,"Minla hria elaw"ka tih chuan anui deuh suka



"Enge maw isawi le,engtinnge ka hriat loh ang che"alo tih chuan,amah chu nui deuh sen sen pah hian ka en renga,ka biang asa leh hat hat tawh




"Kan inhre tawh tih kha ka sawichhuah ihlauh hmel lutuka"alo tih leh chuan,"Teuhlo mai,min hre tawhlo emaw ka ti tak tak zawka"ka ti vata,anui deuh hawk hawk,anuihmel mawlh hi a ni ṭha chu




"Chuan tinge min hrilh duh miah loha"ka tih sep chuan,"Engmaw?"alo ti vara,"I sualve khawp mai"ka tih leh chuan hrethiamlo zet hian min en a




"Patea te ṭhenawmah inlo awm reng tih pawh min hrilh duhloa,keilahin patea te in ihriat chat danah tekhan rinhelh nachang che kalo hresiloa"ka tih leh siam siam chuan ,akiai deuh suka




"Ka surprise duh che alawm"alo ti sam eta,"Min surprise chiang khawp mai,kan inhmu leh tawh dawnlo emaw ka tia!"ka tihve leh chuan




"Inhmuh tawh loh chu ihlau ami"thutak zet hian alo ti a,ka ṭawnglai ka tawp chiang lutuk,,,chutah,"Ka fiamthu anih kha"nuipah hian arawn ti leh daiha





"Diktak chuan nizan khan hrilh che ka tuma,i chau awmsia i mut hmat ka ringa"alo tih leh chuan,"Ka number inei ami"ka tivata




Nuipah hian abu nghuta,"I mutthluk lai khan i phone-ah hla ingaihthlak kha,remchangah lain i number kala zeuha,chu lohah i number pawh neilo mah ila,kalo leng mai ang chu"min fiam deuh paha alo tih sup chuan,lai deuh hian ka nuive sek




Chutah hnunglam aṭang,"Ka u chu alo inla Romeo leh tawh em ni a"tih rí lo chhuahna lam chu ka en vata,Bryan Misual Lubuka alo ni




Lo kal hnaiin,"In chaw eina te tal kha chu in inchhai hmain dah fel hmasak awm che u hi ania"lo ṭhutthlak ve pah hian alo ti leh supa,ala nui deuh char char zui...




Doctor Roberta chuan chik zet hian a nau chu a en renga,"Aw,Romeoa chu minva melhrum ve"Bryana chuan atihsaka,"Thil diklo tih inei leh tawh emni?"Doctor Roberta chuan ati supa




Bryana chuan hmundang ahawi ta daih,a faifuk rat rat lehnghala,an unau chuan ka en deuh vang vanga,an ṭhat dan hi ahrang hlak mai




Doctor Roberta hichu mipa fel leh hawihhawm tak a ni a,a inngaitlawm bawksi,amah apalen mai bakah ahmel aṭhain anui mawi em em a,a rilru aṭhat hmel kati bawk,,,kanin hmuh hmasak ber nimina a rim pahrak kha ka hnarah hian ala cham reng





Bryan misual lubuka vethung hichu ahmel hichu a chhe hranlo,amah apian analhin,a inkhaithli zar maia,ka sawithiam dan ber chuan amahhi a MAN kati,mahse a u angin afel velo a,ṭha ka ti thei thlawtlo,chapo ropui si.




"Zothan kan kal dawn ami?"Doctor Roberta'n alo tih sup chuan,ka thove nghal vata,"Aw,la ṭhu ula"lo titu chu ka en vata,mitmeng hriatthiam har zet hian minlo en renga




"Tihbelh tawh suh ang che"Doctor Roberta'n melhchhuk run paha atih chuan,enge asawi awmzia ka hreve der lo,Bryana chuan amelh ngai chu amelh ngura



Doctor Roberta nen chuan kal kalsawn ta daiha,ahnungah chuan ka zuive dat dat renga,,,Kut ka sillai techuan minlo nghak renga,nuam ka tihna leh ka zahna chu a inzat reng ang,,,nutei te ka zawng deuha,anhaw ta daih emawni




Mama ka hmu hlauha,amah pawh chuan minlo hmu chu minlo panve vata,"Ka nu te an haw phei tawh aw,U Notei zaninah arawn flyte haw thut dawna"alo tih chuan ka bu nghat,"U Notei chu karleh lamah chauh arawn haw dawn emaw ka tia"ka tih sep chuan,"Arawn haw leh deuh thut"arawn tileh maia...




"Bryana hi ilo hmu mial em?"Mama chuan alo ti leh sapa,balcony lama a awm thu chu ka hrilh vat,hnunglam ka hawi chiah chu Doctor Roberta hi alo ding reng tawha...




"I haw pheive nghal dawn ami"alo tih sup chuan,"Ihhh,,,ka hrelo le"ka tih bah naka,min en deuh reng lehnghala,ka biang hi asen vek tawh maithei a ni.




"Ka pi kha kava mangṭha lawk dawn emaw nile?"ka tih sep chuan,"Hawh va kal ila"alo tinghal vata,ka pi awmna lamah chuan kan inzui phei leha




Ka pi chu ka haw tawh tur thu vel ka hrilh chuan leng leh nge nge turin min hrilh luama,doctor Roberta nu leh pate pawhin leng fo turin min sawm bawk an fel kati takzet...




Doctor Roberta chuan kawngkhar bul thleng chiah minlo thlah dawn emaw ka tih laiin minlo zui zela,step-a kan chhuklai chuan



"Ka pi hian ṭhian kawm tur hi engtik lai pawhin aduh reng ṭhina,ilo leng fo dawn ania"atih chuan ka bu nghut,"A upa tial tiala,khawharna leh lunglenna tehi angah tial tiala"alo ti leh supa



"A kum phu loin alang naupang kati,ala nula sia,a ṭawngkam tekha afelfai khup mai bawksia a bula awm kha nuam kati lutuk"ka tih chuan doctor Roberta chu anuisuk




"Ka pi pawh khan angaina che anih kha,mihi angaina har khawpa,nang chu i special riau mai"awmze nei zeta alo tih chuan ka nuive suk....



Gate pawna kan chhuah hnu chuan Memei phone khawih nuap nuap paha kan lam pana lo kal mek chu kanlo en deuh renga



Minlo hmuh chuan alo khi ṭhaw mai,minlo pan hnaiin,"U Zothan ka nuin va hruai rawh ati che a"alo ti nghal vata




Doctor Roberta chu mangṭhain inlam kan pan nghala,ka hawilet zeuh chuan alo la ding renga,nuisuk pah hian kut minlo vaia,"U Roberta chu ava fel ve"Memei chuan alo ti sapa




"Nia min hawsan daih sia"ka tih chuan,"Ka nu kha lawm,aphichunga"alo ti vara,"Enteh u Roberta hichu afel teh mai ania aw"alo tih leh chuan,"Ngatan nge min hrilha"nuipah hian ka ti sap




"Aww,lo thlah thlap che atum danah a star che pawh a ni maitheia"a tih chuan,"Awihawm loh lutuk"ka ti vat,dik tak chuan min star se chu ka titho mai




"Tak tak an,kum13,14 vel ka nihlai khan u Roberta hi kan star thei khawpa maw,amahhi ahmelṭha bawksia afel bawksia,an inah hian ka leng reng zel"a tih chuan kan pahnih chuan kan nui chiama



"Mahse tun hnuah ka ngaihtuah let hichuan ka zak tlat zel"techu ahan tileh hnu hnawha




In kan thlen chuan nutei chuan u Notei anlo thlawh chhuah chiah thu alo sawi nghala,"I chaw ei chu i ei puar thei maw?"ti a patea'n minlo zawh chuan,"Puar lutuk"ka tivata




"Nu,u Notei chu dar engzatah nge alo thlen theih ang"Memei'n alo tih chuan,"Delhi aṭang Lengpui chu darkar2 vel bak anlo thlawk lo ang"patea zawk chuan alo ti a




"Anih chuan tunah dar4 apela,dar6 velah chuan anlo thleng dawn animaw?"Memei chuan ati leh sap sapa




Room lama inthlak tura kan chhoh hnu chuan ka phone alo rì nghal zata,ka nu alo ni.



La nghal vatin,"Aw,nu"ka tih chuan,"Vawiin enge itiha"damthluam hian alo ti a,"Memei leh Mama tenen kan lenga"ka tih chuan




"Anih chu ava nuam dawnve"ka nu chuan alo tivata,"Anuam lutuk"chu ka tive vat,"Inchhungkhur chet tekha i nutei kha puive zel ang che aw"alo tih chuan,"Aw,ka hria lawm"ka ti vata




"Lo dam ṭha la,keini pawh kan damṭha ania"ka nu chuan alo ti leh dap dapa,kan inbiakna kan tih tawp hnu chuan ka ruak huaiin ka hria,nu te angchhunga awm chu anuama,ka nu ka ngai takzet,a àw hriat ringawt pawn ka lunglenna akaitho alawm le




Kan inthlak zawh hnua inhnuai lama kan chhuk leh chuan,Nutei leh Patea techu Lengpui lama kal turin an loin peih diam tawha.




Minlo hmuh chuan,Nutei chuan,"Zothan Mama leh i patea nen I u notei chu kanva hmuak anga Memei nen lo awm mai ru aw"alo ti siam siama,ka chhan hmain Memei zawk chuan




"Aw,va kalru"alo tihsak vata,"Bryana nen kanlo kal ang"Mama chuan alo ti thawp supa,"Enge Lalbryana'n alo tihve dawn"Nutei chuan ati heua




" 'I u Notei'n minlo call a,airport-ah minlo hmuak verawh ati' atia lawm"Mama chuan ati leh sapa,nutei chu achek hlak hlak,"Anih Bryana rual chuan lo kal mairawh"Patea'n atihve sup chuan Mama chu inchhung aṭang chuan achhuak nghala




"Kan kal nghal mai dawn mi,Mama techu Bryan-a a speed achak bawka,min rawn umpha leh tho ang"patea chuan ati sup a,Nutei pawh chu abu nghata,pawn thleng chuan Memei nen chuan kanva enliam ve a...


_________________________________



Dar7:30pm velah chuan Patea techu anlo thlenga,u Notei pawh ahmel hmuh anuam khawp mai,minlo be nghal siam siama




"Mama techu khawnge"Memei'n atih chuan,"Penna tur kannei anti leh tawh anih kha"lungawi hmel vakloh chuan nutei chuan alo tivata




"Zothan,Meme ka thawmhnaw hohi ka room-ah min ken chhoh pui ula"U Notei'n alo ti sepa,"I inbualna tur tui kalo chhuang ang aw"Nutei'n alo tive bawka





Memei nen chuan u Notei luggage chu pakhat ve ve a room lamah chuan kan ken chhoh saka,step-a kan chhohlai chuan,"U Notei hichu thawmhnaw hi angah maisia,mahse inhakṭawm aduhloa"a ti deuh sar sara





"A inla khirh vesia eee,a inti lal theisi i awm rei anga a mizia ihre mai ang"a tih leh chuan ka nui deuh suka,"Nui mai mai suh u Notei hichu maw a laizawnnu pawh hian ka mil theilo"ati leh deuh hapa




"Mama hichu aduat bik tawp amaw"a tih leh chuan,"Mama chuan atlawn thiam aniang chu"ka tihsak vezeuha,"Mama hichu a ṭawngtamlo a,kei chu ka ṭawngtama"nuipah hian alo ti sepa



U Notei room-a abungrua kan dah hnu chuan kan chhuak lehnghal vata,step-a kan chhuklai chuan u Notei leh Bryan misuala kha anlo chho ve meka


Minlo hmu chiah chu U Notei hi enge mawni hi ahrilh ru deuh sar sara,van ngeiawm thei tak,engtinmah min be lemlo chuan an chho tlanga




Nutei chuan thei eitur hi alo vel meka,patea'n tv alo en bawka,Memei nen chuan kan ṭhu verenga....




"Meme i u tuilum tur ka chhuah kha aso tawh em va en lawk rawh"nutei'n alo tih chuan Memei chu atho nghal vata,phone khawih nuap nuap pahin choka lam apan nghal bawk





"Zothan i u Notei te thei eitur hi han pela,chuan a inbualna tur tui aso ṭep tawh thu lo hrilh bawk rawh aw"Nutei chuan alo tileh nghal zata,thei plate chu kala nghal vat.




Phurlo deuh chuan inchung lamah chuan ka chho a,Bryan misuala a awmve dawnsia u Notei room-ah chuan ka lut chaklo takzet.




U Notei room kawtah chuan ka ding renga,kawngkhar chu alo ingawng sa deuha,kik mailo chuan ka bih dek deka,ka thil hmuh vang chuan ka ding khawng ut...





Duhthawh lutuk hian u Notei leh Bryana chu an loin fawp ngawng ngawng anih chu,rapthlak hian!!!



(END OF CHAPTER-4)
(Naktukah kan exam tawh dawna,kalo dah hram hram a ni,atawi lo tisu aw,exam zawh aṭang chuan rilru pe deuhin thui tawk tawk dah kan tum dawnnia,ads click ṭheuh ila,comment ṭheuh bawk ang u aw🥰❤️)

comment-na tur link👇
https://m.facebook.com/groups/991354610 ... 004991987/


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 19th, 2022, 7:52 pm

*THINGTLANGNU MAW!*




Chapter-5



by_MrsBabe Khawlhring



Kawngkhar chu dimté a ka khar hnuah chuan ka ding renga,ka thei ken hi peloa ka chhuk anih chuan nutei'n a chhan min zawt ngei anga,chhan dan tur ka hre dawnlo em a ni...





U Notei leh Bryan misuala hi an inngaizawng tak tak emaw nile?chu mawlh chuan ka rilru aluah,mak ka ti hlê bawk.



Reifé ka din hnu chuan kawngkhar hi arawn rí khepa,ka insiam ṭha nghal vat,Bryana chu alo chhuaka,min hmu chu ngeiawm zet hian alo kiaisuk




Biak pawh belo chuan ka nek lui salha,u Notei room-ah chuan ka lut nghala,u Notei chu dressing table hmaa ṭhu pah hian asam alo khuih hliau hliaua




Minlo hmuh chuan,minlo be vata,"Nutei'n thei hi han pe rawh atia,chuan i inbualna tur tui pawh a so ṭep"ka tih sep chuan




"Aw,ka lawm e,lo dah tawp rawh"alo tivata,thei chu dawhkan te a dahin chhuah lehnghal mai ka tum chu,"Taka,Zothan naktuk chu ka thawmhnaw hak duh tawh loh ho kan khawm dawnnia aw"alo tih chuan chhanglo chuan ka bu nghut ringawt




"Lo chhuk rawh aw"ti sepin ka chhuak nghala,room aṭanga ka pen chhuak chiah chu Bryan misuala kha alo la awm renga,ka hmu thut chu ka phu chiang lutuk




"Engeeee?"ka ti hlara,kutkuang kuah zar chung hian mit tizim sun hian min en a,"Ka u nen khan inlo in hre lawk ami"alo ti thawp supa




"Tah chuan enge buaina ineih"tiin ka inher nghal daiha,ka hnung aṭanga a chek hlak hlak rí chu ka hrereng,min be ṭha ngailo tu hi biak ṭhat ka tum bik teuhlo...



Inhnuai lama ka chhuk leh hnu chuan,reivaklo ah u Notei leh Bryana chu anlo chhuka,Memei nen chuan mu turin room lamah kan chho ta daih...




Khuma kan mut hnu chuan,eng eng emaw sawiin kan ti ti a,"Naktuk chu iphur tawh em?"Memi chuan alo ti sa sa a




"Phur ve reng,mahse kan subject lak a in ang siloa,kawm tur ka nei dawnlo a"ka tih chuan,"Break velah chuan kan inhmu thei dawn tho alawm,lungngai mah ta che,chu lohah Mama nen in section a in ang dawn alawm"alo tinghal vata




"Ni tho mai,mahse Mama chu mipa ania,ka bulah a awm reng peih dawn ami"ka ti leh hapa,a ngawih deuh vang vang hnuah,"Kan hrilh dawn ania"alo ti sepa,ka bu nghut



"Huphurh vak duh suh ṭhian thar i chhar ṭeuh nghal mai ang"alo tih leh chuan,"Nia"ka tive maia




Inbe tawh lemlo chuan kan phone ve ve chu kan khawih nuap nuapa,Memei chu a rí chhuak meuh hian a phone en chungin a nui leh hak hak ṭhina,a nuih za thei lutuk chu ka nuive tawp zel




Wassap-ah ka luh chuan number hlang aṭang chiah hian message hi alo awm va a,ka en chuan doctor Roberta alo ni



(I mu tawh em?)tihhi alo ni a,a hming leh a dp vel aṭangin tunge anih a chian em avangin hrelo der lemlo chuan,(Mu deuh chiah)ka tive maia





Mak deuh chu ka zam ru riau anih chu,hetiang hian kala awm ngai miahlo,(Vawiin tlai kha i eipuar mawṭ?)alo tih leh chuan ka nuisuk




Ka puar thu chuan ka chhang ve maia,kan inbe zela,eng eng emawni chu kan sawi dun ṭeuha,biak anuam lutuk leh a ṭawngkam a felfai thlap vang nge ni ka hriat miah lohin kalo nuichhuak zeuh ṭhina,,,anuam ka ti takzet...



________________



Zingah chuan khawvar hma chuan ka harha,mutthilh leh tumin puan ka sin ṭha sauh sauha,mahse ka muhil thei tawh derlo,ka let kual ka let kuala,Memei ka tiharh ang tih ka hlau lutuk chu ka tho ta daih




Room aṭang chuan chhuakin balcony lamah hian ka chhuaka,khawvar lam arsi pawh khàt pharhin ala langa,boruak athiang nuam hlê bawk...



Mitchhing vang vangin boruak ṭha chu ka híp luta,chawngzawng hram rì mawi zet chu ka bengah chuan akiu vawng vawng mai,chutah bullet thawm rí ring zet avang chuan chawngzawng techu anthlawk nghal daiha,ka mengchhuak vat




Thlanglam ka en chu Bryan misuala bike ni awm tak hi an gate aṭang hian atlanchhuak chiahhi alo ni a,tun ang zingkar karah enge maw atih dawn ni?



A tlan liam lai chu ka thlir renga,atlan hlat tawh nen a bike rì erawh la ring ṭha tak a ni,sawtiang bike engtinnge akhalh peih zawk le!




Khua pawh chu a eng deuh tawha,inchhungah ka lut ta daih,choka lam ka pana,tihtur ka hriat loh em avangin thingpui chu ka lum ta tawp



Gas bula dinga thingpui ka siam lai chuan nutei hi alo tho a,min hmu chu alo nui vara,"I va thohma leh em em ve"ti pahin dining chair chu apawt chhuaka,aṭhu nghal zat




"Nia,ka harh tawh hichuan mutthilh leh hi ahar katia"ka tih chuan Nutei chu phak chuap hian anui deuh hawk hawka




Thingpui chu thliin ka chhawp nghal vata,lawmthu te min hrilh luama...



"Vawiin aṭangin tiraw college in ṭan dawn"Nutei'n alo tih chuan thingpui lem khalh pahin ka bu nghata



"Zothan,Memei leh Mama luhna college-ah kan han admit ve ringawt che a,nangmah hian college luh duhna dangte inei reng reng em?"alo tih siam siam chuan





"Neilo hran love,khawi college pawhhi aṭha a ni mai,Memei leh Mama kalnaa ka lut thei hi ka lawm zawk"ka tih chuan nutei chu abu nghata




Eirawng techu kan bawl dun a,nutei chu a ti ti siam siam renga,ngaihnawm tizet hian kalo ngaithla reng...Rawng kan bawl zawh hnu rei vakloah Patea alo tho a





Thingpui te ahan inve leha,dar8:30am a pelh hnu chuan nutei chuan college kal turte kannih avangin chaw ei arawta



"Zothan,Memei leh Mama han kaitho la,i u Notei chu achau aniang a thawh peih hunah amahin ei mai rawhse"nutei'n alo tih chuan bu nghatin inchung lamah chuan ka chho a




Mama chu a room aṭang hian alo chhuakve chiaha,chaw eitur tih chu ka hrilh ta tho.



Memei erawh alo la mutui khawp mai,chaw kan ei dawn tawh tih ka hrilh chuan peihlo deuh hian arawn thove maia



A intihfai ka nghah leh te te hnuah chaw eitur chuan kan chhuka,Mama,patea leh nutei techuan anlo eimek tawha,kanva zawm ve vat




Chaw eilai chuan,"Mama,Motor inkeng dawn nge,engtinnge inkal ang"Patea chuan alo ti supa,Mama chu angawi reng




"Nia pathum inni dawnsia,motor chu inkeng mai dawn mi"Nutei chuan alo tive a,"U Bryana bike-ah tu emaw zawk a chuang anga,keiin tu emaw zawk zawk hi ka phur anga nimai,motor ka keng peih kherlo,a chhangchhiatthlak thei lutuk" Mama chuan alo ti sap sapa



"A ni tak maw?chutianga Bryana'n pakhat zawk alo phurh theih dawn chuan motor chu kenglo mairu"patea chuan alo tinghal supa,"Awi,Lalbryana speed chak ropui si an chuang ngam dawn ami?"Nutei'n alo ti a




"Keimah ka chuang ngam alawm,u Bryana speed hi ka duhzawng ania"Memei'n alo tih chuan ka thaw huai thei




Bryan misuala hming alo lanve aṭang khan aman min phur ang tih ngawt ka hlau nghal ania,mahse azia hlauh e




"Nang lahhi aw,in in ngeih loh tehreng nen"tiin nutei chu a chek hlak hlak



Chaw eikhamah chuan kan insiam nghala,Memei'n aduh dan takin min chei a nalh ka inti ve hlê



Pawna kan chhuah hnu chuan Mama chuan a bike chu alo hru meka,Bryana pawh a bike chungah ṭhuin phone alo khawih pah nuap nuapa




Minlo hmu chiah chu ka chhip aṭanga ka ke ler thlengin chik zet hian min en a,ka za mer mer mai,chutah min eiloh hmel zet hian a nersuka,ka ngei tawk atling leh em em tawh...




Memei chu Bryana bike hnungah chuan alawn tharha,Mama chuan minlo au ve nghala,zeilo deuh chuan ka lawmve nghala




Kan tlanchhuah hma chuan ahan rest deuha,Bryana pawn a bike rì ring ṭhazet chu a rest ve a




Kan tlan chhuak nghala, Bryan misuala te inzawn kan tlan pelh dawn lai chuan gate aṭanga doctor Roberta motor lo tlanchhuak chiahhi ka hmu a




Ka hawi deuh vang vanga dictor Roberta ngei alo ni alo kiaisuka,lai zet chuan ka nuive zeuha,kut ka vailiam vat...



Bryana leh Memei chu kan hmaah chuan an tlana,reifé kan tlan hnu chuan,bike chu a dinga,"Kan thleng e"Mama'n alo tih sup chuan ka hawichhuaka,ka hmaa building lian zet chu ka en vang vanga



Mama alo khuh kharh chuan bike aṭang kala chhuklo tih ka hrechhuaka,rang deuh chuan ka chhukthla nghal,avahan zialo ṭhin tak.



Nuisuk rí ka hriat chuan rì lo chhuahna lam chu ka en vata,Bryana hian nuihza insum deuh hian minlo en renga,ka melh hrep...



Memei chuan an class lam apan tur thu sawiin akal nghala,Bryana pawh chu Mama nen kan dinna lam lo panin,"Banah kan inhmu dawnnia"Mama bulah chuan alo ti supa,akalve nghal daih




Nizana u Notei nena an awmdan kha ka ngaihtuaha,mak kala tireng...



"Lut ve nghal ila,class ṭan ahun dawn"a sana melh zeuh paha Mama'n alo tih chuan,ka bu nghuta,Mama chu ahnungah chuan ka zuive dat dat



Ka in ngaihbel nge tu pawh mai chuan min enduh hlawm riauin ka hre lehnghal,ka hmulthi te ading vel




"Heihi kan classroom tur chu ania"tiin kan hmazawna room awm chu Mama chuan akawka,ka en deuh reng




"Lut ila"alo tih leh chuan,"Aw"ka ti vata,kan lut chiah chu Mama chu aṭhiante ni awm tak hian anlo biaa,mipa vek anni...A cousin ka nih thu sawiin min hmelhriattir ve hlawma,rin aiin anlo fel phian




"Ṭhian kawm tur ala nei siloa,ka ṭhutpui rih mai ang"tiin Mama chuan ṭhutna ruak lam chu min pan puia




Reivakloah lecturer mipa la naupan hmel deuhhi alo luta,class chu kan ṭan nghal mawp mawp,introduction-te min neih tira,kan lecturer chuan ka hming nalh atih thute min hrilha,anuam kati reuh takzet...



Break lai pawh chuan Mama leh aṭhiante bulah chuan ka tapchawta,an hawihhawmin anfel hlawm takzet,kan vawikhat inhmuhna chiah a ni nangin min be nghal bawrh bawrh hlawma,ka rin loh ang daih anni




Ka hawikuala Memei ka zawng deuha mahse hmuh tur a awmlo,"Mam,Memei hi"ti a ka bula ṭhu Mama ka zawh chuan




"Taka,minlo text-a chawhnu class annei lo a,a haw daih"alo ti sup a,"A nihchu"ka tive maia




Chawhnu lam class kan han ṭan leha,putar deuhhi alo lutve thunga,a boring ka tireuh takzet.




Class kan ban hnu chuan Mama nen chuan kan chhuak nghala,parking lot lama kan phei lai chuan,Bryana a bike ngheng chunga lo ding reng hi kan hmu a




Mama chuan ava pan vata,kei erawh ka dinna ngaiah ka ding reng,reifé hi in din chilhin eng eng emaw ni hi an sawi duna,ka en reng hlawm



Chutah Mama chu alo pheia,"U Zothan,tihtur pawimawh ka nei sia,U Bryana rual hian lo va haw mai tache"inthlahrung angreng tak hian alo ti supa,ka ngawi reng




"I hreh viau ami?"Mama chuan alo ti leha,nuamlo ka tive deuh bawk nen,ka lu ka thing vat,"Aih,hrelo e"ka ti sep,dik tak chuan ka hreh ru takzet




"Anih,u Bryana rual chuan lo haw mai rawh aw"tiin Mama chu akal ta daih,ka ding deuh vanga,ahnuah Bryana dinna lam chu ka pana.




Mitko san uk pahhian ngeiawm zet hian alo kiaisuka,"Mama kha khawnge akal dawna"ka tih chuan,"Tukin zinga aphur lai che khan abialnuin alo hmu a, ava insawifiah dawn"alo ti sam eta



A vahan zialo ṭhin tak,"Taxi-in ka haw mai ang"ka tih sep chuan,a helmet la in akhum vata,a bike-ah chuan achuang nghal tharha,"Lo chuang mai mai rawh,ka sehlo ang che,Thingtlangnu"min elhsen zeta alo tih chuan ka ding reng




"Chuang vat rawh,arei ania"alo tih leh hluk chuan,peihlo zet chuan ka chuang ta hrama,bullet chu bike dang anglo takin a body ahniam sia ka hniam deuh rawhin ka inhria




Bike chu tinung vut vutin kan tlanchhuak nghala,ka mawng hi a za mer mer mai,hetiang bike hi a rì a rin tehlul nen ahnung lamah a rí a awm veka,rin ai tak chuan a chuan a chuan chuan arí hi a ring hran miahlo




Kan tlan zela,inlam panlo chuan hmun dangah kan peng ta daih,bazar lam nimaiin ka hria,nimin lama kan lenna laivel anih avangin kala hrethei.




"Enge helamah kan tih dawn"hlauthawng ru zeta ka tih chuan,"Thil lam lawk tur ka nei"alo ti maia,rilru nghet lo zet chuan ka ṭhu




Ahnuah bazar pui kan thlen hnu chuan a bike chu a ti dinga,"Chhuk ta che mawle"alo tih nghut chuan rang deuh chuan ka chhuk nghala




"Tahhian minlo nghak lawk ang che"tiin step-ah hian a chho ta daiha,ka dinna ngaiah chuan ka ding deuh renga




Ka ning ta deuh chu,kawngsira thil lo inpho ṭeuhna lamah chuan kawngpui kanin kava pheia.



Ka enkual ka enkuala,chutia thil kalo enkual lai mek chuan,hnunglam aṭang hian,ka beng bulah hian



"Khatiang thil kha thingtlangah chuan avang teh ania"rawn titu chu ka en vata,nidang ang bawkin angaité chuan ngeiawm zet hian min melh leh tawh



A thusawi chu ngai pawimawh duh lem lovin kalsawn mai ka tum chu,ka kutah alo chelha,"I duh chuan ka lei ang che,in khuaa i haw hunah intih theihnan i hmang thei dawn alawm"ngeiawm zeta arawn tih chuan



A kut chu ka thingthla vata,rum deuha melh chung hian,"Chapo lutuk mai,nu leh pate thawh chhuah hmangin inla milian ve em em ringawt"ka tive hlaka,arawn nuisuk



"Nu leh pa te thawhchhuah hmang pawha inlak lenna tur neive derlo hi a"arawn tih chuan,ka thinlung anà vawng vawng



A thusawi hian keimahah engtiang chiahin nge min tih nat dawn ahrethiam pha kherlo ang...




Ni e,ka nei velo ka pain min boralsan hnuin ka nu hovin kan hmeithaia,unau pali ngawt kanni a,kan upa ber hi mipa a ni a,keihi upa ber dawttu ka ni a,nau hmeichhia pahnih ka neibawk,ka pa kha kut hnathawka eizawng ṭhin ve mai a ni a,ka nu erawh a hrisel loh em avangin engmah athawk theilo thung,mahse loh theih lohna vangin ka pa boral hnu chuan kan unau min enkawl nan theih tawpin a thawk ṭhin...



Kan upa ber hi a hmingin Regiment a ni ve a,ka pa boral hnu chuan kan eibel ber ani a,mahse nupui neiin an indan hnu chuan anupuiin azir loh avangin kan ban buai tawh ngailo



Kan harsa em em a,ka nuin a hmelhriatte hnen aṭangin chawhmeh zawrh tur ala ṭhina, bazarah aṭhutpui ṭhin,chu chu kan eizawnna ber leh ei hmuh ve na a ni.




Mi min khwwngaihna zarah pawl12 chu a thlawn liau liauin ka zirzo thei hrama,mahse kan khua Tlabungah hian college a awm silo a,ka nu erawhin ka zir zawm zel aduha,ka naute school ankalve bawk nen,ka nu chawhmeh zawrhna aṭang ringawt chuan engti kawng mahin kan indaih thei silo a



Ka nu mangangin Aizawla awm ka pa nau te nupa bulah ṭanpuina a dil ta tawpa,anni nupa chuan kan harsatna te min hriatthiam puiin anlo fel em em a,Aizawl lama ka zirna chhunzawm turin leh anbula awm turin min ti ta a,ka zirna senso zawng zawng pawh an tum vek tur thu anrawn sawia



A tir chuan ka nu leh ka naute kalsana hmun danga awm chu duhlo viau mah ila,ka nuin mi hlawhtling tak kanih aduh miau si a,ka nu thil duh tih hlawhtlin tumin hreh tak chungin Aizawl lamah ka patea te bulah chuan ka awm ta chu ania...



An ṭhenawm mi hausa fapa naupang zawk hian min hmusit em em a,a pawisawi chu ka nei miahlo mahse a huat tawk ka tling em em ringawt,chu chu tuna ka hmaa ding mek hi a ni.



Khawvela ka mipa hmuh tawh azawnga huatthlala awm ber leh chapo ber a ni.



"I ṭap elaw"rawn ti pahin ka bianga rawn khawih atum chu akut kalo vaithla vata,"Heyy,come on thingtlangnu ka fiam che nih kha"a rawn tih leh chuan ka ngawi reng



Min hmuh tirh aṭang hian,'Thingtlangnu'tih hlir hian min ko a,kan intawn dan afuh vak lo bawk nen,min hmusit mai pawh ni lovin min haw em em ringawt ni berin ka hria...



(END OF CHAPTER-5)
(Avan sei tak em,exam kan zo ṭep tawh ania,minlo nghak ṭang ṭang ru aw,kan regu thei ṭep tawh e,rilruah hian in awmve reng zel ania,zanin pawh kalo dah hram annihhi🤧❤️)


Comment leh ṭheuh ang u aw👇
https://www.facebook.com/groups/9913546 ... 004991987/

Wassap Group Join duh tan👇
GROUP-4💚
https://chat.whatsapp.com/DOEuXhbrOUG6hN42unmAhJ

Ads click leh ṭheuh bawk ang u aw hmelṭhaho🥰


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 19th, 2022, 7:53 pm

*THINGTLANGNU MAW!*




Chapter-6




by_MrsBabe Khawlhring




Zothanfeli Pov.



Ka mittui tla chu hruk tum ni awm tak hian akut arawn leka,ka ben thlak sak vat



"Chapo lutuk"ti hlak pahin ka kal ta daiha,ka hnungah a bike rí ring zet nen khan minlo zui nghal tih pawh ka hre reng




"Lo chuang rawh"ti a arawn au lang lang chuan ka hawilet lo hrim hrim,bazar vel hichu ka kal tawhna anih avangin ka bo bik lo ang...



Horn techu arawn pe ri tuar tuara ka hrelo der tlat,"Thingtlangnu"alo tihte phei chuan ka insehru ve nasa hle a,mahse ka hrelo der hmak thung.




Ka bag chhunga ka phone ah lo ri nghawr dar dar chu phawrh chhuakin kala kàng nghal vata,dictor Roberta a lo ni,hnunglam ka hawi chu Bryan misuala kha alo awm tawhlo,min hawsan ta daih a ni ngei ang,aruala haw kha ka chak lemlo reng a ni




Chutia ka ngaihtuahna ka sen lai chuan ka phone ken chu alo tawp hmana,call let ka tum chiah chu alo ri leh nghala




Kala nghal vat,"Hello"ka tih sep chuan,lehlam aṭang hian,"Hello,Zothan"aw hriatnuam zet hian alo tinghala



"Aw,enge nita"ka ti sap,"Class inbang tawh em?,damdawiin aṭang ka haw dawn chiaha ka rualin ilo haw duh chuan kalo lam ang che"arawn tih chuan,ka lawm lutuk chu ka kallai chawl chuan phone dawr kawtah chuan ka dinga



"Aw kan bang tawha,mahse tunah chuan hetah Dawrpui-ah ka awm a"ka ti sep a,"I bazar ami?"lemlam aṭang chuan alo tivat



"Aih bazar lo e,Ihh,,,nakinah ka hrilh ang che"ka tih chuan,"A ṭha lawm kalo kal nghal ang"arawn ti sap sapa,awmna tur min hrilh hnuah kan inbiakna chu kan titawp nghala...



Ka thaw huai thei,doctor Roberta hichu avan fel ṭhin tak,awmna tura min hrilh nalam chu ka pan nghala,darkar chanve dawnah doctor Roberta chu a car i20 var nalh zet nen chuan alo thlenga,ka lo en deuh reng...



Lut tura min hrilh hnu chuan motor chhungah chuan ka ṭhu lut nghala,nelawm zet hian alo nui leh sàng tawh



Kan tlanchhuak nghala,mahse kan tlan thui hmanlo,traffic jam-ah kan tang nghala,vawiin chu ka hun tawnin azirlo lutuka traffic jam ringawt pawh hian minti thinrim hlur thei...




"Chuan,bazar lamah chuan eng maw itiha"lo tisup tu chu ka en vata,doctor Roberta chuan minlo enreng tawh




"Ihh,,,i nau nen kan kala"ka tih chuan mak tihhmel deuh hian min en a,"Englo ania maw,Mama nen khan haw dun tur kannia,mahse tihtur pawimawh dang anei ta sia,Bryana rualin haw mai turin min tia,chuan bazar lamah pen lawkna tur ka nei atia"ka ti deuh duaha,doctor Roberta chu angawi deuh reng




"Bryana chu khawiah nge akala"alo tih chuan,"Ka hre biklo in pakhatah aluta,pawnah lo nghak turin mintia"ka tih sep chuan abu nghuta,thil ngaihtuah nei ni awm tak hian a en ngai chu a endeuh renga




Ahnu fé ah lo ṭawng chhuakin"Bryana hian thil chin ṭhan ṭhalo deuh mai, sim theih tawh miah loh aneia"arawn tih chuan doctor Roberta chu ka en vata,"A chang chuan a mizia tehi ahlauh deuh hial ṭhin"alo tih leh chuan mak tizet chuan ka en a



"Enge i sawi awmzia"ka tih sep chuan,"Nakinah ila hre mai ang"a ti ta daiha,min ti hrechak laklawh lutuk mahse a sawichak loh hmel em a ka zawt zui lem lo.



Tlem chuan kan tlan hma deuha,mahse kan ding leh nghal vat,"Ti daih ila,weekday-ah enge itih ṭhin ang?"Doctor Roberta chuan alo ti supa



"Inlama nutei puih tih loh chu engmah tih tur pawh ka nei lemlo"ka ti vata,abu nghut



In be tawhlo chuan kan ṭhu ngawi deuh renga,"Khawi damdawiinah nge ithawh"tiin doctor Roberta chu ka zawt ve a,minlo en vat




"Civil-ah"alo ti supa,ka bu nghut,"Karleh lam aṭang hian weekday apiangin keima clinic-ah ka ṭhu ṭhin dawna"alo tih leh chuan,amah chu ka en kara



"Sawrkar damdawiina thawh pah chuan clinic mahni a neihhi arem em a,doctor kan indaih tho bawk nen"alo ti leha,"Ni e,aṭha ngawt tak ang"ka tive sep




"I duh chuan,hlawh neiin weekday apiangin ka Clinic lamah chuan minlo pui ṭhinla,hnathawk pathum vel ka mamawh dawna"alo tih chuan,"Maw?keimah maw!"ka ti heua,kiai deuhsuk pah hian abu nghata




"Mahse"ka ti hapa,ka ṭawng leh hun nghak ni awm tak hian minlo en deuh renga



Dik tak chuan nutei leh patea hian anphal anih phawt chuan thawh ngei ka duh,ka pawisa hman tur tal anmahni bula dil ngailoa mahnia ka nei thei anih chuan an tan phurrit pawh ka nih loh phah deuh anga,mahse anphal nghut ange maw!!!




"Zothan"rawn ti thawp sup tu avang chuan ka ngaihtuahna aṭang chuan ka harh thut,doctor Roberta chu ka en nghal vat




"I ngawi deuh vang vanga,enge ingaihtuaha?"alo tih chuan ka nui deuh tawpa,"Nangman i duh anih phawt chuan i nutei leh patea techu kalo biak sak ang che"damthluam hian arawn ti leh a



Ka ngawi deuh reng,"Ihh,keimah pawn kalo beve hlawm hrim hrim ang"ka tih chuan,"A ṭha lawm"alo tive vata




Traffic jam chu athawl deuha,kan tlan deuh par para,doctor Roberta chuan motor steering chu aherkual hneh khawp mai,kalo en deuh reng




"Ka hmuhnawm viau ami?"nuipaha alo tih chuan ka mit ka lasawn nghal vat,ka biang a sa leh hat hat tawh




"Zothan"dam dapa arawn tih leh chuan,"Umm"ka ti sepa,ka mitsirin ka en zeuh chuan hmalam hi a melh deuh ngura



"Bryana hi ka nau mah nise,hnaih vaklo la ka duh"arawn tih chuan ka kut vai meuhin,"Enteh,i hresual anih chu Bryan nen hian chuti vakin kan inhnaihlo hrim hrim,hriat pawh kan inhre ṭhalo a mizia hi ka mil lo hrim hrim"ka ti vata




Minlo en zeuh hian hmalam chu a en leh nghala,"Aṭhat chu"alo tih sup chuan,zalo deuh chuan ka nuive hak




Kan in kan thlen chuan doctor Roberta chuan motor chu a ti dinga,lawmthu te ka hrilh ve a,"Zanah chuan kalo leng ang"arawn tih chuan,ka bu vata,"Chaw eitui"pa zeta alo tih chuan




"Chaw eitui le"tiin motor aṭang chuan ka chhuak nghala,kut te kan hanin vailiam ve leh riha



Gate chhunga ka lut chiah chu Bryan misuala thawveng zeta a bike ri ring zet chunga duhdah deuha ṭhu hi ka hmu nghala




Ka melh hrep,"Thingtlangnu"arawn tih chuan chhang lovin kal pelh mai ka tuma,"Ka u ruala haw iduh vang a ni maw,ka rualin i haw duhloh,atir khan sawi mai awm che hi nia"ngeiawm zeta alo tih chuan ka nernanga




"Chu chu ibuaina tur pawh anilo"ka tive saka,a kiaisuk,"Ka u ai chuan ka zei daih zawk ania,ka siam nuam zawk ang che"ti paha ka awm zawn alo melh chuan ka inhup vata



"Tenawm lutuk"ka tinghala,chutah a bike aṭanga rawn chhukin minlo pan hnaia,min melhchhuk run pah hian




"Sum leh pai lamah hmangaih tur i zawng dawn anih chuan ka u ai chuan min thlang zawk rawh,ani chu Robert Rohluzuala anih saw,kei chu"tih pahin amah chu a inkawka,"Bryan Roluahpuia kan chhungkaw ro zawng zawng khawmtu tur ka nihhi"hawi cham vahin arawn ti leha,a á deuh emawni




Enge a sawi awmzia chu ka hre derlo,he misualpa hian duhthlang turin minti tihna em ni?"Chutiang em em a sum duhah chuan min ngai ami a"thinrim deuh chuan ka ti a,abu nghut ka hmuh chuan ka sa phat




"Eng ang mihringah nge min ngaiha"ka tih leh chuan,"Thingtlangnu ah mawle"nghal zet hian alo ti leha



Thawchhak deuh hak pah hian ka nek lui khera,ka hnung lama a phun zui deuh sar sar pawh chu ka ngaihthla tawhlo




Doctor Roberta sawi ang deuh khan,,,a nau hi hnaih vaklo turin minti anih kha,Bryana awmdan velhi ka hlau ta riau.



Inchhunga ka lut chiah chu Memei hmel ka hmu nghala,min kal hualin min thlek kual veka,Nutei choka lama aphun deuh mur mur pawh chu ka hre pha




Memei chuan,"U Zothan,nà i nei em?"alo tih chuan mak tizet hian ka ena,"Aih,ngatinge?"ka tih chuan,"U Bryana rualin Mama'n alo haw tir che sia,ka ngaihtuah zia che chu e,ka nu pawh a ang char char alawm"alo tih chuan ka nuitawp




Choka lamah chuan kan inzui pheia,nutei'n minlo hmu chiah chu Memei min zawh ang chiah,nà ka neihleh neih loh chu min zawt nghala,Bryana chu an ring love khawp mai




U Notei chu dawhkana thei chu ei pah hian a phone chu a hmet deuh nuap nuapa,min ngaihven ang pawn alang ve lemlo,top dar bah sin té chauh nei leh kekawrbul sen bul ṭha zet hi a haa



A inthuam dan ka en chuan keimah zawk hi kalo murchhuak vek thei,engtinnge ala confi em em theihni



Mihring kan lo in an loh zia hi,kei chu ka khup khuh lo deuh hlek ka hak pawn ka awm anuam ṭhinlo ania,U Notei ve chu amal var lang thleng thlenga bul kekawr aha chung pawn ahmelah danglamna ka hmulo...Mahse a duhdan anih chuan sawibuai theih ka neilo



Nutei chuan eng eng emawni asawi hnuah Memei chuan inthlak turin room lamah min chhohpui nghala



Inti fai tura bathroom-a ka luh hnu pawn pawn room chhungah chuan minlo nghak renga,u Notei nen hichuan an zia ahrang hlak ka tilo theilo



Rei chu kan la inhrawn miahlo na chu,mahse mihring chu kan mizia leh nungchamg hriatnan hian second khat pawh angailo an tih ṭhin ang hian...




U Notei leh Memei hichu an duhzawng leh lawmzawng thlengin ahrang vek tihhi ka chiang.


____________________



Ka intifai zo inhnuaia kan chhuk hnu chuan nutei chuan chaw ei alo siam meka,patea leh u notei chu anlo ṭhu diam tawh



Nutei'n chawhmeh achhawp mawlh mawlha,u Notei chuan apui lemlo,Nutei pawn aphut vak hmelloh



Memei nen chuan kan pui nghal vata,chaw ei kan siam zo deuh chiah chu Mama chu arawn chhuk ve chiaha



Dawhkan kila kan ṭhut ṭhup hnu chuan ka ṭawngṭai te tea,Nutei leh patea chuan chawhmeh techu minlo suah sak nghal bawrh bawrha



"Atam lutuk,atawk rih"ka tih pawn min duhsak khawp mai,"Ka nu techu,u Zothani hi mikhual pawh aniloa,amahin insuah tirve mai ula"Memei'n alo tih chuan,nutei chu anui deuh chiama




"Nia mawle"patea'n alo tive sup,chaw eilai chuan nutei chuan Mama chu akhàt tawkin Bryana bula min haw tir avang chuan ahau leh ṭhina



Nidangah min haw tir leh atum palh ang tih ka hlauh avangin amah ṭan zawng chuan ka ṭawng duh lemlo,Bryana ruala haw loin Doctor Roberta rual zawkin ka haw tih pawh ka sawilo hrim hrim bawk.




"A chiloh reng reng,Lalbryana bula i u Zothani dah rikngawt,alo awmna pawh ala reilo a,Bryana mizia leh a tih ṭhin pawh engmah ahreve lova"nutei'n a tih chuan,Mama chu a chaw eilai tawp meuh hian nutei chu rum angreng deuh hian alo melha




Patea chuan nutei chu alo khak vata,"Chutiang sawi angai kher hleinem"u Notei chuan thinrim aw lek leka rawn tiin a kham ta daih




Engmah ka hreve der siloa,ka bangbo takzet vawiin tlaia doctor Roberta thusawi zawng zawng nen khan engmah ka hrethiamlo,Bryana chuan eng chiah nge maw a tih ṭhin le?




Engmah sawi tawhlo chuan chaw chu kan ei mawlh mawlha,chawi eikham velah chuan Memei nen chuan eina vel chu kan tifela




Thlengsil chu Memei chuan achuh deuh tlata,atir chuan ka hnial deuha,mahse thil seng vel dah fel kual ai chuan sil tawp ka thiam zawk a ti tlata,ka hnial duh ta lo a




Nutei chu choka lamah chuan arawn luta,"Zothan,he lama i rawn awm chu,kan Merilyni pawn inchhungkhurah tih tur ahriatve phaha,azia tak tak a ni"arawn ti dap dapa,Memei chu alo phun deuh hlak hlak




Nutei chuan Patea thingpui hàng in tur la in choka aṭang chuan achhuak lehnghala



Dawhkan vel ka tihfel hnu chuan gas velte ka hru leha,chawhmeh ho ka chhuanglum leh te te bawka,ka tihfel zawh hnu chuan Memei thlengsil chu ka din pui deuh renga




"Zanin chu project tih tur ka neia,min tihpui la"Memei chuan alo ti sepa,"Nia,ka thiam chuan"ka tive vat



"I thiam ang"a rawn ti nghala,ka nui tawp,"Eee,taka chart paper leisa ka nei tawh miahlo,ka mamawh dawn asin mawle"min bia pawh ni lemlo chuan Memei chuan ati sar sara




"Kava lei dawn che ami?"ka tih chuan,minlo en vata,"Dawr awmna ihre dawn ami"alo ti vara,"Hria e,vawiin khan ka hmu alawm,ahlat vak chuan loh kha kava kal lawk ang"ka tih chuan



"Awi,ka inthlahrung e,ka sil zawh hi min nghakla,kan pahnihin kan kal dawnnia"arawn tive a,"Aih,apawilo"tiin choka aṭang chuan ka chhuak nghala




Common room lama ṭhu nutei leh patea techu ka kalna tur hrilhin in aṭang chuan ka chhuak nghala




Thui fé ka kal hnu chuan pawisa ka keng miahlo tih ka hrechhuak chiah,avahan haihawt theih ṭhin tak,let leh mai ka tum chu ka thawm hriat avang chuan,ka ding deuh chawt



Chutah thawm lo chhuahna lam ena ka inher chiah chu ka thil hmuh avang chuan ka hmui ka hup chawp,ka che sawn thei tawh derlo...



(END OF CHAPTER-6)
(Ni 23-ah exam kan zo anga,24 zan aṭang chuan kan regu chho viau ang🤗,inlo nghakhlel ṭhin tih ka hriaa,ka lawm ṭhin khawp mai,keipawn lo dah reng mai hi ka duha,mahse hun ka neilo ve em maia😔,minlo hrethiam hram hram ru aw❤️🥰)


Ads click ṭheuh ang u aw hmelṭhaho👇


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)