THINGTLANGNU MAW! BY_MRSBABE_KHAWLHRING (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: THINGTLANGNU MAW! BY_MRSBABE_KHAWLHRING (Completed)

Unread post by Ngaia » June 19th, 2022, 7:54 pm

*THINGTLANGNU MAW!*



Chapter-13




by_MrsBabe Khawlhring




Zothanfeli Pov.



Engmah sawi ta lo chuan min en vang vang hnuah,"Ka phei phawt ang,kalo bia ang che,chuan enge maw tal chu lo ei ang che"arawn tih chuan ka bu nghut ringawt.




"Muttui"alo tih leh chuan,"Muttui le"ka ti ve vat,gate aṭanga achhuah hnu chuan ka en zui deuh reng





Ka kuta ka damdawi ken chu en in mak tideuh hian ka awm,Bryana hi enge maw ahriat ni?




Inchhunga ka luh hnu chuan,room lamah ka chho nghala,Memei pawh alo mu reng tawh,Bryana damdawi minlo pek chu a inziak ka chhiar zawh vek hnuah chuan ringhlel ru deuh chuan ka hmaiah chuan pan té in ka hnawiha,a sa deuh hat hat mai,a thíp seng seng bawk...



Khuma ka mut ve hnu chuan doctor Roberta nen chuan kan inbiaa,a ṭawngkam felfai ṭhin lutuk leh min ngaituah ṭhin lutuk hian min ngainat tir zual takzet...


__________________________________



Robert Rohluzuala Pov.



Ka lehkhabu chhiarna room-a la ṭhu reng chung chuan Zothani chu ka be paha,ka rilru anuam thei derlo.



Bryana khan engvanga damdawi kha rawn pe ringawt nge maw anih le!Hepa hian Zothani hi aduhve deuh emawni le?



Kan in mangṭha hnu chuan ka room lam pan tur chuan ka chhuaka,Bryana room zawn ka thlen chuan ka ding deuh vang vang.



Ka inngaihtuaha,kan pahnih hian inbiak kan mamawhin ka hria,a room kawngkhaar chu ka kik zeuha,ala meng ni ngei tur a ni chhunglam aṭang chuan lut turin minlo chhawn vat




Room chhunga ka lut chiah chu minlo en vat,a tih ṭhin dan ang bawkin duhdah deuh hian khuma mu chungin games hi alo khela,minlo mitsir zeuh zeuh duh chauh.




"Inbe lawk ang?"ka tih sup chuan,"Eng thilah maw?"arawn ti sam et mai,"Sawi dun tur kan neiin ka hria"ka tih leh chuan



Minlo melh zeuh pah hian,"Ka hreve miahlo"min thamlo zet chuan alo ti a,ka thaw chhuak hak,"Bryan"ka tih khup chuan



Nin hmel deuh hian,a thil khelh lai chu dahin ka ṭawng hun nghal ni awm tak hian minlo en a,pan hnai deuhin




"Zothani hi engvanga lo hnaih ve nge inih"tiin ka sawi tum chu ka sawi tlang ta tawp,Bryan chu anersak mai




"Eng vang nge anih irina"tiin zawhna chu minlo zawt leta,khuma aṭhu chu ka melhchhuk run



"Ka bialnu anih saw lo hnaih tawhlo la ṭha ka ti khawp mai"ka tih sup chuan arawn nuichhuak hawk



"Chu chu Zothanfeli ngaihdan ani ve em?"alo ti leh ngat,"Roluahpui inihna hi hrechiang rawh aw, ka sawi ang chuan ka hmeichhia saw hnaih lo la a ni mai,"ka tih hlak hlak chuan khum aṭang chuan rawn thoin minlo pan hnaia




Kan pahnih chuan kan inmelh tawn sak,"I duh leh lo inthiar fihlim zawk rawh,,,Zothanfeli sawn nang aiin min thlang zawk lo ang tih tunge sawi thei"ngeng zeta alo tih chuan ka sa phat




"Ngawi hmak rawh"ka ti chang run,"I thuruk tenawm zet ahriat hunah phei chuan aduh che hi ring miah suh"alo tih leh chuan ṭawng tumin ka ká ka ang zuaua mahse ka insum leh rih





"Drugs addict hi aduh bik chuang dawn che em ni?"mitko san ak pah chuan ka tive leh khera,amitmenga thinrimna ka hmuh chuan minti phur zual takzet





"Kei chuan ka thil chin ṭhan hi ka sim thei mai ang,mahse nang chuan i thil tihsual kha i siamṭha thei tawh siloa,tiraw?kan dinhmun hi a in anglo khawp mai"alo tih chuan a kawr awmah ka ṭham vat,min hlaulo zet hian ala kiai suk zui




"Kha thil kha nang hian sawichhuak ziah suh,chuan heihi hre rawh i hmeichhe kawp ṭhin te anga hmeichhe sihnip ani velo ani,hnaih suh ka tih che chuan inthiar fihlim la ani mai"thinrim zeta ka tih chuan




"I sawi ang chuan ti duhlo ta ila"ala rawn ti hram,"Roluahpui"ka tih hrawk chuan akawrawma ka ṭhamna chu athing thlaa



"I duh apiang nei theia i inngaih ṭhinna kha paih bo rawh,Zothanfeli saw,saw hmeichhia saw Bryan Roluahpuia hi ka awm chhung chuan inei bik hauhlo ang"arawn ti charh charh chu mak ti zetin ka en reng


Khum lam chu panin games chu ava khelh chhunzawm leh daih,rei pawh awm tawhlo chuan thinrim insehru ṭeuh chung chuan room aṭang chuan ka chhuka,ka room-a ka luh hnu chuan ka ngaihtuahna akal bing nasa hlê




Zothani hi ka hmuh ni hmasa ber khan ka mit ala nghala,kha sumo-ah khan kalo chuanglo ang tih ka hlau takzet...




Kan veng awmna alo in an leh zel bakah kan ṭhenawm lawka awm anni tih ka hriat phei kha chuan ka tana Khuanu'n min ruat sakah ka ngai nghal hmiah...




A hmelṭhain amah anu deuh hnáp reuha,a nui sen sen ṭhin tehian min hîp tak zet,amahah hian hmel duhna chiah emaw ka neih ka tih laiin alo nilo




Ka awm mai mai laite hian kalo ngaihtuah leh veng veng ṭhina,ka mitthlaah ahmel hi a cham reng ṭhin,alakah hian feelings ka neih hi ka ring ngailoa,hun akal zela ṭha ka ti telh telha ka thup thei ngang bik lo a ni...



Mahse ka tun hma nuna ka thilsual lo tih tawh ahriat hunah hian min pawm duh angem?tihhi ka rilru tibuai tu ber chu a ni.



______________________________



Zothanfeli Pov.



Vawiin aṭangin class banah clinic lamah ka kal tawh dawna,ka phur angreng khawp mai.



Nidang ang bawkin Mama hoin college lam chu kan pana,mak deuh mai chu hmani thil thleng aṭang khan ni5 ngawt aliam tawha,college-ah Alfreda hmuh tur a awm leh tawh miahlo



Doctor Roberta nen kan inbe ṭha em em a,min ngaihsaka min duat bawk,abialnu ang chiahin min ngai a ni ber.



Mahse,nuamlo ka tih mai bakah kan chhungkaw dinhmun ka en in ka phulo ka inti deuha,ka rilru puthmang hi ka la tilang ngam chiahlo a ni...



Class lam pana ka kallai chuan kan class kawta Bryana lo ding reng hi ka hmu a,be lo a luh mai ka tum chu minlo koh avang chuan ka ding leh rih




"Thingtlangnu"alo ti leh tawh,ning zet hian alam chu ka hawia,a á leh deuh tawh a ni maithei,a khi leh sáng tawh mai...




"Inbe lawk ila"alo tih chuan,"Class kan ṭan ṭep tawh"ka ti vat,"Anih lunch ei dun ang ka treat ang che"alo ti leha,ka chhan hma hma chuan akal ta daih lehnghal



Ngatan nge maw min biak chu a duh le?,,,class-a ka luh hnu chuan Mama bulah chuan ka ṭhu a,reilo tê ah professor arawn luta class chu kan ṭan nghal mawp mawp...




"Zothanfeli"professor-in alo tih chuan ka phu zawk,ka ding vat bawk,"Hriatthiam loh inei em?"alo tih chuan ka neih loh thuin ka chhang vat.




"A ṭha e,ṭhu rawh le"damthluam hian alo ti a,"Thank you Sir"ti pahin ka ṭhu thla nghal vat,anlo ehh dual dual chu ka hrelo der hmak,aṭhenin'A zawt bik ziah'anlo tiru sar sar leh tawb



Professor Sama hian zawhna min zawt ngun deuh ṭhin bik riaua,hei vang hian kan class ami ho hian min chhaih phah ziah.



Pathlawi a ni anti lehnghalin ka hria,Mama pawh hian,'A en dan che hi a diklo'a tive ngei tawh bawk...




Lunch break-ah chuan,chhuah nghal mai ka tum chu,"Thil ei pui tur inei ami?"Mama chuan alo ti sapa,"Ihh,,,aw,,,Bryana khan inhmu lawk ang atia tinge?"bah naka ka tih chuan




"Anih chu,apawilo mai"alo tivat,"Ngatinge a?"ka tih leh chuan,"Sawmi'n lunch eiho ang u atia,mahse nidangah a ni mai"alo tih chuan,ka nui tawp,Sawmi atih hi abialnu a ni.



Nimin khan a ṭhiante honen anlo lenga,a fel reuh khawp mai,kan inhmuh tirh khan minlo be nghal siam siama,amah a tê ve deuh tih mai loh chu ahmel pawh aṭha...Memei nen an subject lak pawh a in ang nghe nghe.




Classroom aṭanga ka chhuak chiah chu ka phone alo rí nghala,number chauh alo ni,a pawimawh takin tiin ka la nghala,Bryana lek chu lo niin




"Canteen kawtah ka nghak che,ṭhutna awl a awm lai hian lo kal vat rawh"alo ti nghuta,a dah nghal daih bawk



Hmanhmawh angreng tak chuan college canteen lam chu ka pan nghala,a sawi ang ngeiin canteen kawtah chuan alo ding reng...



A inchei dan kha kalo enchiang lo a,a pa ru reuh takzet,a hmel hichu chhia han tih chi zia zang chu anilo mawle,a pian analhin a inkhai thli nalh bawk si a



A hnar ngul sàng vah te,chuan mipa mah nise a mitmeng pa hràk tehi en chet chet hichuan a nalh ka ti,mahse amizia hi siamrem ngai atam em a ni.



Doctor Roberta nen hian ka tehkhin leh ṭhina,Doctor Roberta hichu ahmelṭhat piah lamah a polite em em a,ahnathawhin azir bawksi,min duhsak lutuk leh min duat lutuk hian amah ka hmu ṭhalo theilo a ni...



A bul kava thlen chuan,"I sawi duh chu sawila,ibulah thil ka ei peih kherlo"ka han tinghal ringawta,min melh chhuk run mai



"Minlo zui mai mai rawh"arawn ti nghuta,ka melh ve hrep,canteen chhunga a lut ta daih chu ahnungah chuan ka zuive maia,,,Ngatinge maw Bryana bula ka awm tawh hichuan mi mit fûkna anga ka inhriat leh tlat ṭhinni



Nuamlo ti deuh chuan,"Ṭhutna awl a awm tawh lohhi"a kawr hnungah chuan pawtin ka tiru sar sara,ka thusawi chu hria ang pawn a awmlo,akal zela ka zuive zel tho bawk




Chutah akil ber kan thlen chuan,mipa pahnih hi anlo ṭhu a,Bryana chu akhuh kharha,chumi te chuan lo enin,an ṭhutna aṭang chuan an tho vat




"Senior lo ṭhu rawh u"ti sap sapin ankal ta daih,Bryana chu aṭhu thla nghal vata,nuamlo ka ti lutuk chu ka la ding reng



Ṭhu ta che ti ni awm tak hian amitko alo san uka,ka hawikuala,min en duh hlawm em em zui,ka ṭhu thla ve ringawt chu ka awm pawh anuamlo



"Enge i ei ang"arawn tih chuan amah chu ka en reng,menu chu enin kan thil ei tur chu azawngkuala




"Anuamlo e,keimahni vangin ṭhutna an chan loh phaha"ka tih sep chuan minlo melh zawkin akiai suk mai



"Rilru nuam deuh khan awm rawh,senior te ken nachang an hria anih kha"alo ti sam maia,"Mahse senior ka ni ve hleinem!"ka tih chuan




"Kei ka nia lawm"alo ti leh maia,hnial pawh ka hnial peih tawhlo,,,eitur a order hnu chuan chik zet hian min melha,ka hmai a za mer mer mai




"Enge min enrenga"ka tih chuan,hmui tisawi zeuh pah hian,"I hmel hichu,,,"a ti deuh vawng vawnga,a ṭawng leh hun ka nghak reng




A hnu fé ah,"A chhia mawle"thutak zeta alo tih chuan,ka mengrum leh hlê tawh,mi fak hi atheive thlawtlo anihhi hepa hian




"I sawi duh chu sawi vat rawh"ka tih tak daihah chuan,aṭhu ṭha sauh sauhva,chutah uluk deuha minlo en pah hian




"Ka u nen eng inzawmna nge inneih"alo tih chuan,"Ngatan nge itih?"ka ti sep



"In inngaizawng em?"alo tih leh chuan amah chu ka en reng,"Min chhang ta che mawle,Thingtlangnu"alo tih leh chuan




"I buaina tur anilo"ka tive saka,anersak,"I nat phah ang ka tih kha,mi ṭha tak angin ngai miah suh"thutak zeta alo tih chuan,ka nuilui hak



"Ka nat pawh chu eng vanga hlau viau nge iniha"amitah tak enchunga ka tih chuan ameng buai nak,mahse a insiamṭha leh vat



Kan ngawih dun deuh vang vang hnuah,"Ka hrelo,i nat ka phallo ve tawp"arawn ti maia,a mitmeng a thu tak hlê bawk...



Eitur alo thlen hnu chuan kan ei nghal a,Bryana pawn engmah asawi tawhlo,mak ka tih deuh chu ngati nge maw doctor Roberta vanga nà tur anga min hrilh ziah ṭhin ni



Engvang nge ni ang?doctor Roberta hi zawt mai ila aṭha angem?tih techu ka ngaihtuah



Kan eizawh hnu chuan Bryana chu a ṭhian ten an rawn fina,ka kal ta daih,Doctor Roberta hnaih ka tum apiang hian thu mak deuh hriat thiam theih loh tur hi Bryana hian minlo hrilh ziaha,ka rilru ati buai leh vek tawh...



Class ban hnu chuan Mama chuan clinic lamah min thlaha,Memei nen an haw tlang nghal bawk



Doctor Roberta clinic awmna hmun chu a rem khawp mai,hmun lun lutuk laiah nilo mahse ahmun anuam tak zet.



2nd Floor-ah chuan chhoin ka card te ka hmuh hnu chuan min luh tir nghala,doctor Roberta ka zawngkual nghala,mahse hmuh mai tur a awmlo



Hmelchhe pakhat hmel fai veng hi ka hmu a,ka lo en deuh reng,"Zothani ami?"nuisanga alo tih chuan,"Aw ni e"ka lo tivat



"Kanlo nghak deuh reng che a,lo kal rawh minlo zui rawh"alo tih chuan ka zuive vat,"Doctor Roberta hi"ka tih dek dek chuan




"Civil Hoslital lamah ward ahan fang lawk dawna,alo let ṭep ang,kei pawh thawk thar ve tho ka nia"alo tih chuan ka bu nghat,a fel hmel ka ti riau bawk



Room pakhat chhungah hian kan luta,hmeichhe pakhat hi alo awm reng bawk,,"Heihi mi,Zothani chu"alo tih chuan,ka bula mi chu alo bu nghat



"Eee,,taka Zothan kei hi Mimii ka nia,chuan heihi Chhani aw,kan pathum hian ka thawk ho dawna"Mimi zawkin alo tih chuan ka bu nghat nghat mai,kawm tur ka nei nghal mai hi atih zia takzet.




Inthlakna tur nurse form ang deuh apawl dal hi minlo pe a,anni chuan anlo ha sa tawh bawk,ka locker tur techu min kawh hmuh nghala,,,inthlakna room awmna lam chu panin ka inthlak ve vat.



Clinic chauh mah nise a puisui reuh takzet,a zau angreng bawk si,,,,

tlaiah chuan doctor Roberta alo thlenga...



Thawktu pawh kan tamve angreng,mipa pahnih an awm a,peon pahnih an awm mai bakah,doctor hmeichhia pakhat alo kalve ṭhin bawk dawn a ni awm e...



Naktuk aṭangin a in entir ṭan theih dawna,Saturday tih lohah chuan tlailam dar3pm aṭangin zan dar8pm thleng an hawng ṭhin dawn a ni awm e.




Thil pawimawh vel asawi zawh hnu chuan kan haw theih thu an sawia,Chhani leh Mimii tenen chuan kan number te kan inpe sap sap



Doctor Roberta chuan nghak tura min tih avangin clinic kawtah chuan kalo nghak deuh renga,ala rei phian zui.



Alo chhuah hnu chuan,"Tihfel tur alo tam phiana,duh aiin ka rei,ilo ning hman em?"alo ti zung zunga,ka lu ka thing vat



Motor-a kan luh hnu leh kan tlan chhuah hnu chuan hna lam ngawt chu doctor Roberta chuan min hrilha,"Nuam iti dawn em?"alo tih chuan,"Aw"ka ti vat...




Kan tlan zela,traffic jam a kan tan lai chuan ka rilru abuai ru hlé,ka zawt dawn nge dawnlo tih mawlh ka ngaihtuah,ka thaw leh hak ṭhin chu doctor Roberta chuan minlo mit sir zeuh zeuh tih ka hre reng




"Sawi duh nei i ang!"alo ti ta nge nge a,amah chu ka en vat,"Ihh,englo,,,,"ka ti deuh vang vanga,minlo en kur mai



Nuamlo ka ti deuh chu,"Angai lehlo mai"ka ti ta ringawt,Bryan misuala khan min sawi ṭhaih mai mai anih ka ring zawk...




Doctor Roberta nen chuan kan inbe leh tawhlo a,kan inzawn kan thlen chuan chaw eitui tihte chuan kan hanin thlah leha,motor aṭanga ka chhuah hnu chuan



"Zothan"alo ti thawp sup a,ka va let leh rih,"Aw"ka tih chuan,"I chhanna kha kala nghak reng ania"awmze nei zet hian alo ti a,ka lai leh em em ringawt tawh...



Inchhunga ka luh hnu chuan Nutei leh patea techuan nuam ka tih dawn leh dawn loh minlo zawt nghala,nuam ka tih thuin ka chhang vat...



Ka inthlak zawh hnu chuan Memei leh ka nutei te eirawngbawl chu ka pui nghala,u Notei chu sofa-ah thatchhe zetin amu leh reng tawh.




Eirawng kan bawl zo hma si a,chaw ei ala hun bawk silo nen,ka nuin vawiin lama nutei bulah call tura min tih avangin room lamah chhoin ka nu chu ka biaa



Ka thu hriat avang chuan ka thin arim tak zet,"Bawihte,i u Mama ten pawisa puk minlo dila"ka nu chuan alo ti chuai raiha,ka tawp up up mai



"Hlawh nei zawk an nia ngatinge pawisa hi an indaih loh renga,Carolyni leh Matei te monthly fee tur pawh kan indaih ṭawk ṭawk laiin"ka ti hlak hlak



"Nih chu a ni tho a,inhmun lei nana an loan lak kha an rul ve char char bawk sia,i u Remi arai leh tawh bawksia,in check-up na tur te anneilo a ni awm e"dam dap hian ka nu chuan alo ti a,ka thin arim hlur tho




U Remi ve ziah lah hi,alo lawi luh aṭang buaina bak min thlenlo,sum ngaina mi tak a ni a,amit asàng em em bawk,u Mama hi ati thiam em maia,thla4 pawh kan inah an awm hmanlo,,,in(house) dan an rawta,an indang nghal hmak





"Pawisa pawh inei reng reng ami?"ka tih chuan,"Tlem azawng chu ka neia,tun lai chu ka inhralh ṭha riaua,thla hmasa khan i patea'n cheng singhnih minlo thawn bawka,tun thla i naute monthly fee chawi angai dawnlo bawka"alo tih siam siam chuan ka ngawi ta reng




"A ṭha alawm,i thu thu ni rawhse"ka tih chuan ka nu chuan eng eng emawni alo sawi leh hnuah kan inbiakna chu kan ti tawpa,ka thawchhuak hak...



Ka nu hichuan angaihtuahlo theilo ṭhin si a,keipawh hian u Mama hichu khawngaih viau ṭhin mah ila,a nupui hian azir thlawt siloa,ka thin arim leh ṭhin...




Kan inbe zo chu ka lung aleng leh vawng vawng tawh mai,ka thin arima mahse ka nu dinhmuna ka inchan chuan a dik ka tive tho bawksi...



Chaw eikhamah chuan Memei nen chuan room-ah chuan thawmhnaw thlep fel pahin kan ti ti a,pawnlama kawngkhar rawn kik tu anlo awm chuan Memei chuan lo lut turin a ti vat



U Notei hi alo lut hlawla,amit chu keimahah a fû nghal chat bawk,"Zothan ka room-ah lo kal lawk teh"alo tih chuan a aw chu a dik zanlo


A chhuak nghal daih chu Memei nen chuan kan en zui reng,"Ngatinge le?"ka tih chuan Memei chuan a dar alo san ak ringawt



Rilru nuamlo deuh chuan ka thil tih lai chu ka daha,U Notei room lam chu ka pan vat.



Room chhunga ka lut chiah chu u Notei thinrim hmelzeta khuma lo ṭhu hi ka hmu nghala,minlo pan hnai vat




"U Note,tinge min hmuh,,,,"ka ti chiah chu ka sawi zo hmanlo ka rin loh lutukin ka hmaiah minlo beng pawp mai,ka hmai dawm chung chuan U Notei chu mak tizetin ka en tlawk tlawk.



Tihsual ka neih awm ka hre siloa,ka hmaa ding mek lah hian huatna mitmengin min en bawksi!!!Enge a chhan ni ta ang?


(END OF CHAPTER-13)
(In fel chuan zanah chapter-14 kan dah lehnghal ang,comment tekha lo uar sauh sauh ula,chuan ads click kha aw👇)


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 19th, 2022, 7:55 pm

*THINGTLANGNU MAW!*



Chapter-14



by_MrsBabe Khawlhring



Zothanfeli Pov.



"Zothanfel iva zak theilo ve a"chang zeta alo tih chuan,"U Note enge isawi awmzia"ka biang dawm chung chuan ka tive sep ,min melhrum ngang mai



"Tikhan hrelo der miah suh,hmelchhe khawlo zet ilo nihhi"alo tih chuan athusawi awmzia chu ka hrelo takzet




"Ka khaw lohna hi ka hre miahlo chuan i chet dan kha ka hrethiamlo takzet"in ti pachang lui hram hram chuan ka tive sep



"Zothanfel hmeli hrethiamlo der miah suh,hmeichhe fel tak leh ṭha tak angin ilanga,ilo hur herh zia hi"min tih leh fak fak chuan




Ka insum thei tawh biklo,"I sawi duh chu chiang takin sawi rawh ka hur herh na hi ka hre lo tlat"ka tihve leh sak chuan,u Notei chu a nersak



"Hrelo der vel miah suh Bryana hi ka bialpa anihhi,nang techu u Roberta nen in inngaizawng reng a ni lawmni?engvangin nge Bryana ilo zar buai"min kawk sak sak chunga alo tih chuan,ka meng phawk hlê



"I sawi awmzia chu ka hrelo takzet,Bryana hi ka zar buai ngailo hrim hrim"ka tih chuan,"Chu chu ka awih i beisei ami?zar buailo nila chu Bryana hian nang tehlul hi kei ai hian athlang miah lo ang che,engkim ka nu te ka hrilh vek dawn ilerh zia leh hmeichhe sihnip tak inih zia hi ka sawi vek dawn,ilo kalna thingtlangah khan let leh ang che"thinrim hmai sen ṭawn chunga min tih khum riap riap chuan



Ṭaplo turin ka inthunun nasa hlé,"U Notei,ka u inihna angin ka zah lutuk che,mahse heihi hre rawh Bryana hi ka zar buai ngailo,hmeichhe sihnip tak pawh ka ni heklo,i duh phawt chuan nutei techu hrilh rawh,chuan thingtlang mi ka ni hi ka zak ngailo"ka ti ve sak




"Mipa pakhat chiah duh tawklo mihring ka ten lutuk che"min tih leh chuan,ka nui lui hak,"Engtinnge Bryana'n ibulah thil asawi chu ka hrelo,mahse amahhi duhna ka neilo hrim hrim,chuan in inngaizawng tih pawh ka hrelo bawk"ka tih ve leh chuan



"Bryana hi hnaih tawh miah suh,chu chu hre rawh ka bialpa anih saw hrereng ang che,anih loh chuan ka nasa viau ang"min tih khum leh chuan ka ngawi reng




"Chuan i dinhmun hi hrechiang hlê ang che"min tih leh chuan room aṭang chuan ka chhuak ta daih




U Notei hi tiang em em a mihring chapo anih hi ka ring ngailo,engtinnge tiang mihring hi anlo awm theih.



A hrim hrimin Bryana hian engtinnge ka zar buai angin u Notei bulah alo sawi theih le!engtinnge tiang mipa alo nih theih.



Ka rilru ana takzet,a hrehawm ka ti bawk,u Notei nen kan inkar aṭhat vakloh sa hrim hrim nen engkim a tibuai vek...



Ka mittui lo tla chu ka tuai puat mai,hetiang em em a rilru nà hian kala awm ngailo,ka zak chem chem mai,,,Bryana ka haw ngawih ngawih bawk




Eng ang mipa nge maw anih le,mipa dawthei tak a ni,room chhunga ka luh dawn lai chuan ka mittui chu ka hru tawk mai...




Ka rin ang ngeiin Memei chu alo la meng reng,"U Zothan ivan rei reuh,enge intiha"alo tih chuan,"Engmah pawh kan tilo"amah pawh en ṭha duhlo chuan ka ti sepa




Khumah chuan ka inthlawh nghal sat sat,Memei pawh chuan engmah min zawt tawh biklo,ka phone ka en chuan Doctor Roberta message alo awm renga,chhan pawh chhanglet lo chuan ka dah ta daih...



Hmuhsitna ṭawngkam dawn hi hrehawm ka tih ber zing ami,tlawm ngawih ngawih hian ka inhre ṭhin,ka chhungril tak aṭang pawn anà kati...




Dawta min puh avang pawn ahrehawm ka ti bawk,Bryana ngawt hi ka hua,ka thin a tirim hlur thei


____________________________




Zingah chuan hma deuhah ka tho a,inhnuai lamah chhukin tih tur awm ang ang chu ka ti zung zunga,Nutei lo thawh hnu chuan eirawng kan bawl dun a...



Patea pawh azing chhuah dawn avangin alo tho hma angreng,"Zothan,vawiin chu clinic inhawng ṭan dawn sia,ilo haw har ang a tiraw?"Nutei'n alo tih chuan




"Ka hrethiam mai biklo,ban har deuh chu ka ring"ka tih chuan,"Nia,inhawn hmasak ber ni a ni dawna,tih tur neuh neuh a awmve ṭeuh ang"Patea'n alo tihve chuan,ka bu nghat




"Zothan eng hna pawh thawk ila,rinawm leh dik takin thawh tur ania,chuan ithawh chhung na na na chu theihtawp chhuah itum dawn ania aw"Nutei chuan alo ti siam siama,patea'n alo tuihnih zeuh bawk




Patea office lama akal hnu chuan inchung lamah Memei leh Mama kaitho turin ka han chho a,U Notei nen kan intawk chu nuamlo ka ti ngang mai.



Melh pawh min melh lo hian u Notei chuan min kal pela,ka hawi let hram,,,inchhungkhur khata awm reng inhmuh thiam loh chu ahrehawm kati takzet,chu pawh dawt thu vangin lehnghal




Bryan Roluahpui ihre dawn khawp e!!!



Memei leh Mama ka kaihthawh zawh hnu chuan,Memei nen chuan insiam sa in inhnuai lamah chuan kan chhuka...



Rei vakloah Mama alo chhuk ve a,chaw kan einghal vat,chaw eilai chuan ka hma zawnah u Notei aṭhu bawksi,a ni chu chaw chu abar mawlh mawlha,ka inthlahrung deuh tlat anih chu




A ṭawngkam ka ngaihtuah let apiangin keimah ka insit phaha,ahrehawm ka ti bawk....




Chaw eikhamah chuan ka puar leh puar loh pawh ka hrelo,"Note vawiin chu kan va bazar lawk dawn ami?"Nutei'n atih chuan




"Ka peih teuhlo mai,bazar chep lutukah ka kal peihlo,chhuahna tur ka nei"nin hmel zet hian U Notei chuan alo ti a,kei kalo ip chawih mai




"Lalthantluang mahni nu te ka peihlo an intih khum ngawt ngai enawni le,mi zahna reng reng hi neilo,nitin ichhuaka,hetiang reng anih dawn chuan Delhi lamah let leh vatla aṭha ang"Nutei chuan ati hlak hlak



"Dik chiah mai Delhi-ah kal leh tawh rawh,ilo haw ve chhunah pawh inchhungkhurah ṭangkaina inei chuanglo"Memei'n alo tihve chuan U Notei a ṭeu nasa ngang mai




"Lalduhsang lo ngawi hmak rawh,nang te hi themtleng té zawk ang mai,ka nu min hauh apiangin lo inrawlh ve hman ziah"U Notei chuan alo tivat,"Sawi dik loh ka nei ngai chuang ami,ni leng lengin inchei vurin i awma"Memei chuan alo ti leh hram



"Merilyn ngawi tawh rawh,Lalthantluang nangpawh nau te zilh ngai zawka awm reng reng i zak theilo lutuk,i pa awm laiin ka hau duhlo mai mai che i awmdan hi mit a khamawm lutuk"Nutei'n atih leh chuan tumah ṭawng ngam pawh an awm tawhlo



Inchung aṭanga Mama rawn penthla thawm ka hriat chuan ka en nghal vat,"Kal ang u"a phone bih chung hian alo ti supa,Memei nen kan pathum chuan kan chhuak nghal vat



Motor-a kan luh dawn lai chuan doctor Roberta ka hmu hlawl mai,"Zothan"motor chhung aṭang chuan alo ti supa,ka va pan nghal vat




Abul kava thlen chuan"Nizanah ka message i chhang lo a,enge itiha"alo tinghala,,,,, han sawi mai tur pawh ka hrelo,"Ihh,englo ka phone kha alo thi daiha"ka ti ta tawp




"Ka ngaihtuah deuh hlek che a,ka muttui loh phah vek"nuisuk paha arawn tih chuan za lo tê chuan ka nuive sek




"Ka rualin lo kalla"alo tih leh chuan,"Aih angailo,kan kalna tur lam a in ang lo emai"tiin ka hnial vat




"Apawi hleinem,ka hmanhmawh chuanglo a"alo ti leh sup chu ka hnial leh vat,"Angailo tak tak"ka tive leh ṭal




"Anih,class banah tal kalo lam ang che aw,class kal nuam phawt"alo tih chuan ka bu nghat,"Eee,taka"pawimawh hmel zeta alo tih leh chuan



"Aw"ka tivat,"Keimah chiah minlo ngaihtuah lovin i zirlaiah in concentrate rawh aw"min fiam tih hriat zeta alo tih chuan ka nui ta tawp




A tlan liam hnu pawh chuan ka thlir zui deuh reng,doctor Roberta ka hmu chu ka rilru hahna te pawh ka zàng ta hawkin ka hria,abula ka awm hichuan ka hah hi adam ṭhin a ni....




"Ava hmuhnawm awm vawng vawng ve,class kan tlai dawn ania"hnunglam aṭanga Memei'n alo tih avang chuan ka ngaihtuahna aṭang chuan ka harh thut




Ka inher nghal vat,Memei chuan,motor kawngkhar ngheng chung hian minlo nuih vara,keipawh chu ka khi ṭhaw mai



Motor-a kan luh hnu chuan kan tlan chhuak nghala,Memei chuan min fiam zui mawlh mawlh



"U Roberta hichu aw,afel ve chiang a ni"Memei chuan ati sar sara,"Nia"ka tive sep,"Tar leh upa,naupang pawhin tupawh mai hian an ngaina vek"alo tih leh chuan ka nui deuh sen sen



College kan thlen chuan Memei chu an class lam apan nghala,Mama nen kan inzui vat,Bryana leh Muana kan tawh chuan vawikhat pawh ka melh duhlo



Ka kal tlang hmak,mahse hnunglam aṭang min kuai her deuh lawp tu chu ka en chuan Bryan dawheha ngei a ni...



"Enge"ti hlur pahin ka kut chu ka thingthlaa,"Ka auh che kha"arawn ti hluk chu ka ngei tawk atling em em




"Thingtlangnu tih lohin ka hmingin min ko ta che"ka tih chuan,akhi suk mai,"Nidangah pawh ka koh fo che alawm,vawiin hi enge ihriata"alo tih chuan ka melhrum hrep



Nizana amah vanga u Notei'n min ben lai ka ngaihtuah chhuah phei chuan ka tawt up up mai,"Hei,Thingtlangnu enge ihriata,khati khan min melh suh ihmel chhiat chhiat nen"alo tih leh chuan



"Misual dawheh tak ilo nihhi"ka ti sep,"Enga?"alo tih chuan ka ngawi ta daih,"Keihi ka dawheh amaw?"alo tih leh chuan ka bu nghat




"Thingtlangnu enge ihriata"alo ti leha, kal mai chu ka tuma,ka kutah chuan alo chelh leh hman,"Ka zawhna chu min chhang tache mawle"alo ti chang run



Ka kut lakthlak ka tum chuan ahum nghet lutuk ringawt,"Min thlah teh,miin min en ṭhup ania?"ka tih chuan,"Chutiang ka ngai pawimawh lo,engvangin nge dawheh mintih"alo ti chang runa




"Bryan min thlah teh"ka tih leh sep chuan min chelh nghet zual sauh,"Min thlah phawt rawh ka tih chu"ngen ngawl zet chuan ka ti leha,min rinloh hmel deuh hian ka kut chu athlah ve hram




A hmerna lai chu asà deuh hat hat mai,"Sawi rawh"alo tih chuan,"Tunah nilo,class banah ka hrilh ang che"ka tih chuan arum nghut



Mama kan lam pana lokal mek ka hmuh chuan remchangah lain kava pan vat,hnunglam ka hawi zeuh chuan Bryana pawn minlo zui tawh biklo



Class kan ṭan hnu chuan Nancy nen khan kan ṭhu duna,alo fel phian,chawhnu lam class kan neih loh avangin in lamah ka haw phawt ang ti a rilru kalo sen mek laiin



"Kan section bik library lamah kal vek tur,college week kan hman tura items nei tur ho leh kan section aṭanga miss tur vel thlan angaih avangin,lunch eizawhah tumah haw lovin kal ṭheuh tur aw"kan Cr chuan alo ti sap sapa,an phur tlang hlawm khawp mai




Mama leh abialnu Sawmi tenen lunch chu kan ei ho a,Sawmi ti ti siam siam chu kan ngaithla reng....



Lunch eizawh hnu chuan kan section ho chu library lamah kan inzui chho deuh sup sup mai,Nancy nen chuan kan inzui deuh chawt a,amah aṭawng duh reuh bawksi a,abula awm anuam takzet...




Kan tihtur chu kan ti nghal zung zunga,kan section aṭanga miss chhuak tur kan thlan dawn lai chuan mipa ṭhen khatin nominees turah ka hming an sawi ve ṭala,ka hnial deuh ngiala,mahse ka hming chu an ti telve ta tho



Hmeichhia pa3 ngawt min thlan hnu chuan vote kan han thlak leh te te a,ka huphurh ang nge nge in keimah chu ka tlinga,eng amah hmain ka zak nghal ringawt.




Cr chuan introduction nei turin min ko chhuaka,anlo au deuh dar dar chuan min tizam angreng,ka han intriduce ve luama,ka lungphu chu rang tak a ni



Kan haw theih thu ansawi hnu chuan inhnuai lamah chuan kan chhuka,Nancy bulah chuan ka phun zui hlak hlak



"I hmelṭha a,ipian afuh em alawm"Nancy chuan alo ti maia,ka chek hlak hlak.



"Experience engmah la neilo tan chuan huphurh awm ve e,kei aia ṭha tur an tam tehreng nen"ka tih chuan Nancy chuan min hnem ve mawlh mawlh




"Enteh,Zothan Joshua hi ka star e,mahse bialnu anei tiraw?"Nancy'n alo tih sar sar chuan ka bu nghat,"Awi ka star na rei tawh zia hi maw,bialnu nghet anei tlat bawksia"Nancy chuan ati chuai leh raih mai



Chutia Mama chungchang kan sawi lai mek chuan hnunglam aṭang hian Mama ngei chuan minlo au a,kava hawi phei chu Bryana nen anlo ding dun reng chu niin



Mama chuan kut alo vai zeuha,Nancy chu mangṭhain phurlo zet chuan an dinna lam chu kava pana,anni pawn minlo panve mek bawk



"U Bryana rualin haw itum ami?"Mama'n alo tih chuan ka lu ka thing vat,Bryana chuan amitko hi alo san zeuh



"Kala haw thei hleinem,clinic-ah pen ka ngai"ka tih sep chuan,"Kava thlah ang che"Bryana chuan alo tivat,Mama chuan min melh tawn chhen mai



"Anih,Bryana chuan min thlah mai rawhse"ka tih chuan Mama chu abu nghut,"Merilyni a ṭhiannuin alo thlah dawn bawka,ka haw mai ang aw"ti supin a kal ta daih



Mama kal hnu chuan ka hmaa ding pa chuan min melh chhuk run pah hian,"Sawi dun tur kha kan neiin ka hria"alo ti thawp supa,ka en kar mai



"Minlo zui teh"a tih chuan,ka ding reng,"Luhlul chhuah lo khan minlo zui vat rawh,anih loh chuan apawi viau ang"alo tih leh chuan




Cho ar chung hian,"Enge itih chuan anga?"ka tive sep,chutah mit tizim suna min en pahin ka rinloh lutukin minlo pu lawp mai



A hnungah chuan theihpa tawpin ka chuma mahse engah mah angai duhlo,class kal hun lai anih vangin mi antamlo hlauh zawk



Zirtirtu te motor park-na lamah chuan min pu luta,leia min nghat thla chiah chu ka theih tawpa nàin ka pet pawp,"Thingtlangnu lehhh"tiin aṭeu hlur mai



"Sawi tawh rawh,zinga ka zawhna che kha a chhanna ka duh"alo tih deuh sup chuan,amitah tak enchungin,"Engvangin nge u Notei bulah ka zar buai ṭhin ang chein ilo sawi,engvanga dawta min puh nge inih"ka ti ta thlawt



Ka rin loh lutukin Bryana chu anui chhuak hawk,"Chu Lalthantluangi chuan alo ngai thu tak viau ani maw?"U Notei thamlo zet hian alo ti a



"Ila nuithei amaw,nanga dawt sawi avang hian ka biangah ben ka tawrh phah asin"ka tih chuan anuilai chu achawl dat



Ka biang lo khawih atum chu akut ka benthlak sak vat,"Engvangin nge khatiang dawt kha isawi"ka tih leh chuan,rum nghut pah hian




"Ngai thutak duh suh,amah zawk khan min zar buai chhena,ka bum ta anih kha,min zar buai ṭhin ang pawn ka sawilo che ka bialnu angin ka sawi che"alo tih phei phei chuan ka thinrim lutuk chu ka ṭap lo chauh




"Engatinge keimah kher?"ka tih chuan,"Ka duh vang chein"alo ti sam et anih chu,"Fiamthu thawhnan min hmang ziah lo teh"ka ti hlura,a kiaisuk duh chauh




"Eng ang mipa nge maw inih le"ka tih leh chuan,"I bialpa Roberta anglo tak mawle!"min thamlo zeta alo tih chuan,ka nuichhuak hak





"Ni e,doctor Roberta nen chuan in anglo tak inni,a ni chu mipa dik tak a mawhphurna hlen chhuak ṭhin mi a ni,nang anglo takin adawheh ve lo"ka tih chuan ,min rawn hnaih chilh thutin bangah chuan min nem beta,ka thawk apangai lo vek



"Ani angin ka tenawm velo tal alawm"arawn tichang run mai,"I bialpa mawhphurna hlen ṭhin mipa chu champhai lama amawhphurna hlen turin hrilh ang che"awmze nei zeta alo tih chuan hrethiamlo zetin ka en




Doctor Roberta'n Champhai lama mawhphurna hlen tur aneih chu enge ni ta ang?


(END OF CHAPTER-14)
(Comment sap sap ang aw,ads click leh ṭheuh bawk ila)

Ka story thar
Poor But Right Person
Chapter-1
https://m.facebook.com/groups/991354610 ... 593983560/


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 19th, 2022, 7:56 pm

*THINGTLANGNU MAW!*



Chapter-15



by_MrsBabe Khawlhring



Zothanfeli Pov.



Bryana chuan min melh chhuk runa,mitmeng tenawm zet hian min en chhuak vek ani ber



"Kal sawn teh"ti paha nemsawn ka tum chu ka kut hi alo chelh hnana,ka phu zawk lehnghal,"Enge ihriata"ka tih fak chuan



Min thlek deuh vung vung,damdawi hichuan rim anei silova,arui a ni thei mai angem?tih ka ngaihtuah mek laiin,"Thingtlangnu min en teh"hi arawn ti supa



Ka en chho vat,chutah ahmui hi liak huh zeuh pahin,sexy zet hian a mit asiai zeuha,min rawn awm hnaih sauh sauh chu hnunglamah tawlhna tur awm tawh silo chu,ka kut pahnih hian ka nem ṭawk ṭawka,mahse sawt lo tak a ni.



"Enge ihriata"ka ti leh chiah chu ka rin loh lutukin ahmui chuan ka hmui chu arawn khar chilh hmiah




Nasa deuhin talsawn ka tuma,mahse kan inlen hleih reuh em a,akut pakhatin ka kawngah nghet deuh hian a chelha,pakhatin ka hmaiah akhawih bawksi,min fawhna chu ala duhthawh em em zui,ka hmui chu vawite khat pawh ka ti che velo




Ka hmui chu a pet deuh ngat ngata,ka theihtawpin nemsawn tumin ka ṭang ṭang ṭang bawk,chutah ka hmui chu a seh deuh vaka,a thi ni maiin ka hria,amah pawh chuan nuisuk pahin min thlah vat




"Tenawmpa"ti deuh hrawk pahin ka nem pawpa,ka chil ka chhak vat bawk,ka hmui chu a thi chiang nge mai,"Eng ang mihring nge maw inih le?"ti pahin ben tum chuan ka kut ka lekve vuta,mahse alo man bet vat



"I bialpa Roberta tih ngam loh ka ti lawk anih kha"kiaisuk paha alo tih chuan,"Ka hua che"ka tih deuh fak chuan,"Hmelṭhanu"ngeng zet hian alo ti a,ka kut kala thla vat bawk




Kan in melh tawn renga,ka thinrim lutuk chu ka mittui a tla ṭep,chutah ka phone lo rì avang chuan ka mit chu ka lasawna,ka mittui lo tla tur chu ka tuai phei puat



Caller id a doctor Roberta hming lo inziak kalh ka hmuh chuan,ka lungphu a rang hlê,"A rawn inla Romeo lawk dawn ani maw?Kan Lal Solomon-a chu"chek deuh hlak hlak paha ka phone rawn bih deuha alo tih chuan,ka melh rum hrepa,kalsawn mai ka tum chu




"Thingtlangnu,ka sawi tawh kha hnaih vak suh,ilo nat phah lutuk ange"alo ti leh sup chu,"Chuchu ibuaina tur a nilo,ka mit hmuhah hian lo inlan tawh miah suh"ka ti deuh runa ngatan mah tih loh hmel zet hian a mitko a san uk duh chauh....



Garage aṭang chuan chhuakin doctor Roberta call nawn ka tum chiah chu ka phone alo ri leh nghal zat



"Aw,hello"ka hmui thi khawih zeuh paha ka tih chuan,"In college kawtah ka awm tawh ania,khawnge i awm?"damruiha alo tih chuan ka hawikual thuaka,Doctor Roberta motor chu ka hmu vat




"Aw,ka hmu che kalo kal"ti vat vatin kan inbiakna chu kan ti tawpa,ka hawilet leh zeuh chu Bryana hian bang ngheng chung hian nghal zet hian minlo thlir reng.



En pawh en rei peih lovin ka kal ta daih,nichina a chetdan zawng zawng ka ngaihtuah let phei chuan ka thinrim hlur thei,eng ang mipa nge maw anih le?tenawm lutuk mai




Doctor Roberta motor dahna bul ka thlen chuan glass down-in minlo enve vat,lut turin minti nghala,,ka lut nghal vat bawk



Motor a tih nun hnu chuan minlo melh zawk zawka,ahnuah hnaih set sawta minlo en chung hian,"Ngatinge i hmui kha a thi ser ser ania"alo ti ta nge nge



Ka hmui chu hup deuh ngialin,"Nia,ihh,ka seh palha"ka ti bah niaia,Doctor Roberta chuan min en deuh vang vang



"Clinic kan thlen hunah damdawi kan hnawih dawnnia"min thlek vung vung pah chuan alo ti supa,ka bu nghat



Kan tlan chhuah hnu chuan eng eng emaw sawiin kan ti ti a,kar lovah clinic chu kan thleng vat bawk.



Clinic chhunga kan luh hnu chuan Mimii leh Chhani pawh kan luh rual chuan an hmel kan hmu nghal zat,minlo nuih leh súng tawh mai...



Inthlak tur chuan kan room lamah ka han lut te te a,doctor Roberta'n damlo a en ṭan hmain a cabin lama kal lawk tura min tih avangin ka inthlak zawh chuan ka kal vat...



Ka va luh lai chuan lehkha alo enfel meka,minlo hmu chu alo nuisàng mai,"Hetah lo ṭhu la"alo tih chuan,a dawhkan bulah chuan kava ṭhu vat




Damdawi chu minpe mai dawn emaw ka tih laiin minlo hnawih saka,ala thîp phian zui,ka hmui akhawih laite chuan ka za mer mer mai,"Engtinnge i hmuite i seh theih reng reng le?"alo tih chuan,chhan ngaihna pawh ka hrelo......




Damdawi min hnawih sak zawh hnu chuan min en deuh vang vang pah hian,"Engtikah nge chhanna kha ka dawn ang?"alo ti thawp supa



Ka ngawi reng,"Zothan nang pawhin ka rilru put ang hi i pu ve tho anih chuan hetia in hel tawn renga awm ai chuan bul iṭan tawh mai teh ang"arawn tih leh chuam,"Ka hrethiam lo,dik tak chuan ka rilru abuai a ni"ka tive deuh sep chu



"Ngatinge?"alo tivat,"Ihhh,Bryana hian thu mak deuh deuh asawi ṭhina"ka tih chuan,"Zothan ka sawi tawh kha Bryana hian dawta min puh atum fo ang ka tih kha"alo ti deuh sup chu ka bu nghat




"Mahse kan chhungkaw dinhmun a in ang lo em a"ka tih leh chuan,ka kutah lo chelh pahin,"Chutiangah buai suh kan inkarah induh tawnna a awm anih phawt chuan chu chu thup mai lovin hmangaihna kan pian tir zawk tur a ni,chhungkaw dinhmun tih vel chu buaina tur ber a nilo"alo tih deuh sap sap chuan aṭawnglai chu mit tla lo chauhin kalo en reng




"I hrethiam em?"alo tih leh sup chua,"Umm"ka tive vat,"A ṭha e,tun aṭang hian bul kan ṭan ni rawhse"alo tih chuan ka hnial lem lo



Dik tak chuan doctor Roberta anga mipa ṭha leh fel,hawihhawm leh rintlak bawksi,hmeichhiate'n gentleman kan tih ang mipa hichu tu in nge hnar phal tehlul ang...



Doctor Roberta chuan ka hmui chu a en leh deuh vang vanga,ka seh chu a ring chiahlo a ni maithei,tu mimawlin nge mahni hmuite seh thi duh reng ang,Bryan misuala vang vek a ni....



Cabin aṭanga ka chhuah hnu chuan Chhani nen damlo in entir tura lo kal ho chu kan buaipuia,Mimii erawh hming ziahna counter lamah apui hlawm thung...



Clinic thar anih vang nge in entir an tam lem lova,thim hmain in entir tur ho an in entir zo a,kan bang hma phian bawk



Doctor Roberta nen chuan kan haw dun leh a,kalkawngah chuan pangai deuhin in close deuhin kan ti ti a,kan boruak anuam tak zet...




Bryana misuala thusawi kha ka ngaihtuahnaah alo lang leh thuta,ka inngaihtuah deuh vang vang,reifé ka zawh dawn leh dawn loh ka ngaihtuah hnu chuan




"Ihh,thil zawh duh che ka neia?"ka ti ta sep chu Doctor Roberta chuan minlo melh zawka,mahse motor khalh lai anih avangin hmalam a en leh vat




"Enge ni?"nelawm taka alo tih chuan thawchhuak hak pahin,"Englo ania,Champhai lamah i awm tawh ami?"ka tih chuan minlo en leh zeuh pah hian




"Doctor ka zir chhuah tirh khan Champhai lamah ka awm ṭhina,thla8 vel chu ka awm"ṭha deuh hian damthlup hian alo ti a,ka bu nghat,"Tinge min zawha?"alo tih leh chuan



Tlang taka han zawh deuh chawt nuamlo ka tih avangin,"Ka zawt deuh mai mai che"ka ti sepa,Doctor Roberta chu alo nuisuk



"Hmun hrang hrangah i awmve nual tawh anga?"ka tih leh chuan,"Awm kual ve nual tawh,Champhai ka awm hnu khan Lawngtlai lamah thla6 vel ka awm a,chuan Kolasib-ah kum1 ka awm leha,Lungleiah kum1 leh a chanve dawn ka awm bawk"alo tih chuan



"Anih chu"ka tivat,inbe tawh lemlo chuan kan tlan zela,traffic jam-ah kan tan leh avangin thim hnuah in kan thleng chauh thung



Doctor Roberta chuan alo len tur thu asawia,ṭha deuh chuan kan inthlah bawk,in chhunga ka luh hnu chuan Nutei leh Patea'n minlo be vata,"Zothan chaw kanlo eisan mai che aw,Memei'n anghah che kha ,,,in eirual mai dawnnia"Nutei'n alo tih chuan




"Memei chu minlo nghak duh kher anih chu"ka tive luama,inthlak turin room lamah ka chho vat,room chhunga ka lut chiah chu Memei khuma phone khawih chunga lo mu reng chuan



"U Zothan ilo haw tawh maw?chaw ei kalo nghak che a"alo ti nghal vat,"Nia,ka inthlak anga kan einghal dawnnia aw"ka tih chuan minlo thlawp khawp mai



Ka inthlak nghal zung zunga,Memei nen chuan chaw ei turin inhnuai lamah kan chhuk vat bawk,u Notei ṭhiante pahnih anlo lenga sofa room lamah an ti ti tui khawp mai



Choka lamah chuan pheiin chaw ei chu kan siam zung zunga,kan eiṭan hnu chuan kan ti ti pah mawlh mawlh,"U Zothan Doctor Roberta chu i chhang dawn ta em?"Memei chuan alo ti sar sara



"Ka chhang tawp mai"ka tih chuan anui deuh ver ver,"A ṭha mai alawm,a fel emai,aduat ngawt ang che"alo tih chuan ka nuive tawp



Chaw eikhamah chuan kan tifel zung zunga,rei pawh kan ṭhu hmanlo tihah Doctor Roberta chu alo leng a,Patea leh Nutei nen an ti ti leh char char tawh



"Taka Robert Bryana hi inah a awm em?"Nutei'n a tih chuan,"Kalo phei lai kha chuan awm miah lo"Doctor Roberta chuan ati vat




"Mama nen hian an inzui leh tawh a ni maw?he pa pawhhi a chhuak leh daih mai,thil ṭha lo lo hi anlo va ti leh anga aww,,,"nutei chuan ati deuh vang vanga,"Aaa,leh ringawt ṭhina"tiin Patea'n alo khap vat...




"Ania lawm,Bryana nen an inzui chuan thil ṭhalo enge mawni tal an ti nge nge"nutei chuan ati leha,Patea pawn engmah asawi tawh lemlo



Ka bula ṭhu dictor Roberta pawh a dik ati deuh nge angawi reng



"Robert Zothani hi kaihhruai tak téin ilo kaihhruai angai dawn ania aw,lo hau hreh reng reng suh ang che"Nutei'n alo tih chuan Doctor Roberta chuan minlo en zeuh pah hian,"Zothani techu ti ṭhang tawh ang maiin azei khawp mai,amah afel bawka,angaihtuahawm loh"damthlup hian a ti a




"Chuti maw?ava lawmawm ve"patea'n alo tivat,doctor Roberta chu abu nghut



Rei pawh an ṭhu tawhlo,Nutei leh patea techu mu turin an luta



U Notei pawh a ṭhiante an haw hnuah Doctor Roberta alo mangṭha zawka,a room lamah a chho daih,Memei chu Mama lo haw hun anghak deuh renga,a ning ta deuh chu,"A room lamah ka han nghak mai teh ang,thil zawh tur ka nei asin mawle"ti deuh nang nang pahin achhove ta daih




Doctor Roberta nen chuan kan ṭhu dun deuh renga,ka kut hi alo hum leh vang vang ṭhina,ahmel ka en chuan pangai deuh hian a awm leh lawi ṭhin bawksi.



"I hmui chu a zia deuh em?"tih pahin alo thlek zeuha,"Tlem chuan zia deuhin ka hria"ka tih chuan alo khawih zeuh...



Dar9:30pm pelh hnuah chuan a haw tur thlah turin kan zui chhuaka,ka kut a chelh tlat bawk,nuam kati phian leh zui



Gate lam panin kan kal mek tihah thui pawh kan kal hmanlo,Mama ni awm tak hi chak deuh hian arawn tlan luta,doctor Roberta nen chuan kanlo en deuh reng



Chutah Mama chuan kan dinna zawn alo thlen chuan a helmet chu aphelha,a hmai alo thi hnuang mai,"U Robert,U Bryana te vengchhak honen an intibuaia,YMA hoin an hruai chho daiha engtinnge niang"thaw hlawp hlawp pah hian Mama chuan alo ti khur deuh dar dara




"Enge awmzia,engvanga insual leh ringawt nge anniha?"Doctor Roberta'n a tih chuan,"U Bryana kha arui deuh sia,Mawia vengchhakpa khan abialnu tawm pui angin apuha,tunah kan chhoh nghal loh chuan lock-up ah dah an tuma"Mama chuan hlauhthawn hmel deuh hian ati zung zung




"Avahan zialo ṭhin tak e aw,nangpawh itelve tihna mi?"tiin Doctor Roberta chuan Mama chu azawta,alo bu nghut



"Chuan Bryana chu aná viau em?"anau ngaihtuah hmel zet chuan Doctor Roberta chuan ati leha,"Ná em em lo ,a kamsir athi ve deuha"Mama chuan ati vat




"Tunah tute nen nge an awm a?"chik deuh hian doctor Roberta chuan ati leha,"YMA president-te in ah an awm mek,u Zuala pawh a awm,Ganza alo rui leh bawksia a ni phei chu anui reng mai"Mama chuan alo ti vata,Doctor Roberta chu achek hlak hlak



"Aṭha e,nang chu let tawhlo mai rawh keimah ka han chho ange"doctor Roberta'n atih chuan Mama chuan ahnial vat,"Zan arei tawh inu leh pa ten an ngaihtuah lutuk ang che,eng em an tilo ang"doctor Roberta chuan ati leh charh charha,"Nia Mam"ka tih ve sep chuan



Mama pawh chuan a aw ve ta hram,"Anih Zothan ka kal phawt ang aw?"minlo en pahin Doctor Roberta chuan alo ti supa,"Aw,chanchin minlo hrilhve la aw?"ka tivat chu abu nghut




Hmanhmawh deuhin gate aṭang chuan chhuakin motor lam apan nghala,Mama nen chuan kan en zui reng...



Bryan misuala tak hichu aww,,,mi hi avan tibuai ve tak,"Mam ihmai vel kha nà viau em?"ka tih chuan Mama chuan alu athing vut ,nutei athinrim leh viau ang



Inchhunga kan luh hnu chuan tuilum leh lapua nen Mama hmai chu ka tihfai saka,damdawi ka hnawih sak thlap bawk,lawmthu te min hrilh ve luam lehnghal



Room lama ka luh hnu chuan Memei chu alo mutui tawh ngang mai,khumah chuan ka inthawlh ve nghal vat.



Doctor Roberta'n minlo biak hun nghak deuhin ka meng deuh renga,an buai ta viau emawni tihte chu ka ngaihtuah...



Bryan Roluahpuia hi chhungkaw tibuaitu pakhat chu anihve ngei dawn hi....


____________________________



Ka mutthilh lai reng reng ka lo hrelo,zinga ka harh chuan dar6:30am alo rî der tawh,ka lu aná bur mai...



Ka phone ban hmasa berin wassap-ah ka luta,doctor Roberta mesage dar12:07am ami chu ka en hmasa ber



Eng em an tih loh thu leh ahruai haw thu min rawn hrilh ve ngei chu niin,avahan tihzia tak...


Memei chu ka kai tho a,peihlo deuh chuan alo thove mai bawk,inhnuai lama kan chhuk chuan Nutei pawh thawh ahai ni maithei,alo la tho biklo



Class kal kan ngaih avangin eirawng kan bawl nghal zung zubga,gas-ah chaw ka chhuangkai chiah tihah Nutei alo tho a,ahnungah Patea'n alo zui bawk



Memei'n thingpui alo thlit sak vat hlawma,eirawngbawlna bulah chuan anlo ṭhu vereng...



Chaw ei dawn hnaihah chuan Patea chu insiam turin room lamah chuan ava pheia,U Notei pawh thur bam chungin alo thove bawk...



Mama chu nizan lam boruak vang nge arawn la tho lo reng reng,nutei tehi hrilh chi anni angem?tih ngawt ka ngaihtuah



"Zothan Roberta hian amelh dan che hi enge mawni a awm chiang a ni?"nutei'n min fiam paha alo tih chuan,U Notei fridge bula ding nersak chu ka hmu reng



"Awihawm loh emai"ka tive maia,"Ania lawm,,,Roberta hichu afel sia,ahmelṭha bawksi,a hnathawh lah aṭha bawlksi chhuah miah loh tur aw"nui khur khur pah chuan Nutei chuan alo ti leha



"Mahse fa nei tawh ania,a bam vek"u Notei'n alo tih chuan mak kati lutuk chu u Notei chu ka en vat,a mitko min san khum uk ringawt



"Taka,u Roberta hi fa a nei tak e tiraw?"Memei chuan alo tive leh,kei erawh mak tihnain ka khat thung



Bryana'n 'i rin ang mipa hi a ni bik miahlo ania'alo tih ṭhin kha fa nei tawh a ni tih asawina hi a mi le?



Ngatinge doctor Roberta hian ka lakah hian a zep tlat le?eng ang mipa chiah nge alo nih le!!!


(END OF CHAPTER-15)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 19th, 2022, 7:56 pm

*THINGTLANGNU MAW!*




Chapter-16




by_MrsBabe Khawlhring



Chaw eilai techuan chawhmeh ho chu an tui leh tui loh pawh ka hrelo,,,chawhma class kan neih loh avangin Mama'n Memei college-ah ava dah lawka,keini erawh chawhnu lamah kan kal chauh thung ang.



Chaw eina ka sengfel lai chuan,U Notei peih lo chung nutei'n darthlalang anawh puia,a khàt tawkin a kuttin a ui thu ngawt chu asawia,nutei'n a zilh mawlh mawlh bawk...



Thleng ka sil zawh hnu chuan inchung lamah ka chho a,doctor Roberta chuan damdawiin lama akal tawh thu text-in min rawn hrilha



Ka thin a tirim ve deuh tlat anih chu,pathlawi anih tawh thu hi min hrilh lawk tur a ni asin,hei vang hi emawni le,zún alo ngah em em ni?te kati thul



Bryan misuala'n LalSolomon-a atih laite khan lo hrethiam daih tawh tur hi ka nia



Hre miahlo ta ila,Doctor Roberta hian min hrilh atum angem le?tih mawlh chu ka ngaihtuah


A message chu chhang vatin chawhnu lama class ka kal chauh tur thu techu ka hrilh ve a,,,a on9 loh avangin ka out vat bawk.



Ka nu nen reilo tê kan inbiak hnuah ala hma tho avangin thawmhnaw bal tlem azawng awm chu ka nuaia,ka rilruah doctor Roberta ngawt chu a awm.



Amah han zawh deuh rawt ai chuan Memei emaw nutei hi zawt chiang ila atih chi zawk angem aw?ka ti thul



Ka insuk zawh hnu chuan ka spin thlap hnuah inchung kawt zawlah chuan ka han zara,ka chhuk dawn chuan Doctor Roberta te inlam ka en zeuh chu Bryana ang deuh tukverh aṭang chuan ka hmu thei



En chian tum deuhin ka kal hnaia,ka hmu chiang theilo nain Bryana ngei chu a ni,class akal lo emawni!taka nizan lama an insual kha aná ve deuh hlek emawni le




Mama pawh vur a a deh vang nge ahmai kha azia riaua,Nutei leh patea te pawn engmah an sawilo,an hrelo a ni chawk ang chu.



Class akal loh ngawt danah aná ve viau anih ka ring sual hlé mahse ka khawngaih reuh riau,engvanga insualnaa tel ringawt nge maw anih hrim hrim ni



Inhnuaia ka chhuk hnu chuan class kal tur chuan ka insiam nghala,simple deuhin ka inchei ringawt bawk,inhnuaia ka chhuk chu Mama pawh alo hman reng tawh



College lam chu kan pan nghala,kan thlen chuan lunch break hun lai anih vang nge kawtah mi an tam khawp mai,Mama nen chuan class lam kan pan nghala



Professor in practical tih tur atih thut avangin kan section hochu practical ti turin kan inzui ṭhem ṭhem hlawma



Min vengtu an awm lemlo bawka,kan ti ti deuh dar dar hlawm,practical chauh kan tih avangin kan bang hma ang reng khawp mai



Peactical room aṭanga kan chhuah hnu chuan Mama ka zawng kuala,ka hmu lawklo lehnghal



Doctor Roberta'n minlo hruai tur thu asawi avangin amah be tur chuan bathroom lamah kutsil pahin ka kala


Ka call chiah chu rei pawh a ring lo,"Aw,Zothan lo call che ka tum chiaha"lehlam aṭang chuan alo ti nghala



"I hman tawh ami a?"ka tih chuan,"Ka hman a ni mai,ward ka round zo chiaha,hei ka cabin aṭang ka rawn chhuak dawn chiah"alo ti zung zunga



"Anih chu,keini pawh kan bang chiaha,college kawtah kalo nghak mai dawn che nge"ka tih chuan,"Engmah kala ei miah lova,in college bula restaurant-ah khan eitur vel lo order láwk la"alo tih chuan




"Awle"ka tivat,phone kan dah hnu chuan bathroom aṭang chuan ka chhuak nghala,Mama chu hmuh tur a awmlo reng reng



College aṭanga ka chhuah hnu chuan Sawmi ka tawk hlawla,Mama bulah doctor Roberta ruala clinic lam ka pan tur thu lo hrilh turin ka chah ta ringawt



Doctor Roberta'n asawi kan college bul restaurant-ah chuan lutin ka duh duh chu ka order ta ringawta,rei vaklo ah doctor Roberta chu alo thlenga,kalo hui zeuh



Ka hma zawnah chuan alo ṭhu thlaa,nelawm zetin alo nui leh tawh,engmah sawilo chuan kan ṭhu renga




Doctor Roberta chuan a phone a khawih nuap nuapa,amah chu kalo en deuh reng,chutah minlo en pahin,"Thil diklo a awm ami?"alo ti thawp sup a



Ka lu thing vut pahin,"Aih awmlo,ngatinge?"ka tivat,"Nichin aṭang tawhin min en dan aṭang khan sawi tur nei i ang ka tia"nuipah deuha alo tih chuan



Thaw chhuak hak pahin ka khuh deuh kharh,"Ihh,dik tak chuan thil enge maw zawh duh che chu ka neia"ka tih sep chuan



"Min zawt la"alo ti vat,"Kum engzat nge anih tawha"pehhel ang reng taka ka tih chuan,"Eng isawina nge?"alo ti sup chu han sawi mai dan tur pawh ka hrelo



"Ih,i fa kha"ka tih sep chuan doctor Roberta chu a meng buai naka,"Engmaw?"alo tivat



"Nutei te sawi kalo hriaa,ngatinge min hrilh loh"ka han tive thawra,min en deuh vang vang



"Hrilhna hun che ala awmlo em a"pangai deuh chuan alo tive maia,amitmengah dawt anih loh hmel bawk,"Kum engzat nge anih tawha"ka tih chuan




"Ka fanu chu maw?"alo ti vata,ka bu nghat,"Tum kumah kum4 atlingve dawna"alo ti sap,"Anih chu"ka tive sep



"Zothan hrilh che ka tumlo a ni miahlo ania,bul kan ṭan ve dawn chauha inhriat chianna hun kanla neilo em a"ka mitah tak enchunga alo tih chuan,"Ka hrethiam alawm"ka tive vata



A rilru chu anawm hmel chiah loh,"A pawi kati midang kà aṭanga hetiang thu ilo hria chu"alo tih leh chuan,"Apawi hleinem"a rilru tih nawm nan chuan ka tive leha,mahse dik tak chuan ka lung chu a awi chiah biklo



Kan eitur chah alo thlen hnu chuan kan einghal zung zunga,kan inbe leh tawh lemlo,min care em em renga,lehlam takah chuan nuamlo kati lek lek ṭhin,pa a ni tawh tih ka hriat hnu phei hichuan alo fel lutuk ṭhin hi a awm ngawih ngawih kati.



Kan in ei puar zawh hnu chuan motor awmna lam kan pan nghala,motor chhunga kan luh hnu chuan doctor Roberta chuan seatbelt min rawn hren tira,a rim pahràk chu ka hip chiang khawp mai



Kan tlan chhuak nghala,traffic jam-a kan tan lai chuan,"Zothan"doctor Roberta chuan arawn ti supa,amah chu ka en vat




"Pathlawi ka nih avang hian min duh loh phah em?"dam thlupa alo tih chuan,"I rilru dik tak min hrilh rawh"arawn tih leh lai pawh chuan amah chu ka en tlawk tlawk



"Chutiang rilru ka put awm ka hrelo"ka tih chuan ka biangah rawn khawih zeuh pahin,abu nghut



Ka kut chu nghet deuha hum pah hian a awm zawnah hian adaha,kan tlanchhuak lehnghal vat bawk



Clinic kan thlen hnu chuan,bana nghak turin min chaha,ka luhsan ta daih



Mimi leh Chhani nen chuan kan inkawp chawt nghala,vawiin chu in entir an tam ang reng,clinic tharlam tak ni mahse anei tupa hian a zir em a ni



Dar7:30pm velah chuan in entir tur ho an in entir zo a,kan bang thei ta hram,ka chau ve hnàp mai



Haw kawngah chuan ka muthlu tluan ṭhak,"Zothan"ka hmai bula lo ti sar sar tu avang chuan ka harh riai riaia,hnai sét sàwtah hian doctor Roberta chuan minlo biha,ka inthing harh vat



"I mutui lutuka,lut tawhla"nuihzà aw zeta alo tih chuan,ka ham deuh bai bai,"I rawn leng angem?"ka tih chuan,"Dar8:30pm a rí dawn hnai sia,lenglo mai ang"alo tih chuan ka bu nghut



Ka mangṭha hnua motor aṭanga ka chhuak tur chu ka hmuiah min rawn fawp zeuha,a inla hrang nghal vat bawk,mak deuh mai chu a mi fawhna dam ruih kha ka feel thei miahlo



Motor aṭanga ka chhuah hnu chuan inlam chu ka pan nghala,ka chauve deuh bawknen ka la ham char char



In a ka lut chu u Notei ṭhiante ni awm tak anlo awm leh ṭeuha,nutei leh patea te ka melh deuha,hmuh tur an awmlo an leng a ni maithei




Be hlawm lemlo chuan in chung lamah chuan ka chho nghal daiha,room chhunga ka lut chiah chu Memei laptop hmaa lo ṭhu reng ka hmu nghal zat



"U Zothan ilo haw tawh maw?i chau em?"arawn tinghala,"Chau lem love,nizan ka mengrei deuhsia ka mut achhuak deuha"ka pheikhawk phelh paha ka tih chuan,"Awi avan zialo,chaw ei ka nghak lo mai che aw"alo tivat



"Ka ril pawh aṭam em em lo"ka tih chuan,"Tlem tal ei itum ang chu"Memei chuan alo tinghala,"Nutei tehi?"ka tih sep chuan



"Ṭhenawmah an leng pheive anih kha ka pi té kha tunlai a chau leh deuh thut antia,chanchin anva ngaihven ve dawn aniang"Memei chuan alo ti siam siama



"Ka pi,,,,doctor Roberta te pi kha maw?"ka tih chuan,alo bu nghat,"Enge a natna?"dilchhut zeta ka tih chuan



"Natna em em pawh aneilo,upa lam anive tawha,tisawn a chau leh thut ṭhina"alo ti maia,ka pi chu ka ngaihtuah reuh takzet




Ka inthlak zawh hnu chuan chaw pawh ei lem lovin khumah chuan ka tlu zala,Memei pawh alo muve vat



Kan ti ti deuh renga,Doctor Roberta chungchang kan sawi lai chuan,"Pathlawi ani tih kha ihre lawklo tak tak maw?"Memei chuan alo ti sar sara




"Hrelawk miah nang"ka tih chuan mak tih hmel deuh hian a awm,"A nupui chu khawi mi nge a?"ka tih chuan



"Nupui a nei hleinem sàwn athlak alawm"alo tih chuan,aṭawng leh hun kalo nghak reng,"Ihmaw,doctor a zir chhuah tirh khan Champhaiah a awm a,chuan sàwn ava thlak alawm,nu Mazuali'n a fanu pawh alian tawh reuh lutuk ati"alo tih leh chuan




"Ngatinge an inneih loh le"ka tinghala,"U Roberta hian anei duhlo alawm,atir chuan a fanu pawhhi ka fa anilo ang te atia mahse an test thlapa,a fa ngei alo nia"Memei chuan arawn ti leh sap sap chu uluk zetin kalo ngaithla




"U Roberta hichu mipa perfect lutuk anih dawn reng lai hian a mawhphurna ahlen duhlo hichu nep kati riau ṭhin"Memei'n alo tih leh chuan,ka ngawi reng



______________________



Zingah chuan Memei nen eirawngbawl turin hma deuhah kan tho a,U Notei pawh alo tho hma khawp mai,Mama ṭhenawmah ariaka,nutei leh patea pawh zing kàrah khan anva pheive leh bawk



An sawi danin ka pi chu a serious reuh riau an ti a,doctor Roberta a awm avangin damdawi in lam chu a boruak arît dawn em a,an in admit duhlo a ni awm e



U Notei leh Memei nen chauh chuan chaw chu kan ei a,U Notei chu amah leh mah lovin a ti ti mial mial,hman zana thilthleng kha chu hrelo ang hmakin a awm



Saturday anih avangin muangchangin Memei nen chuan chaw eina chu kan seng fela,,,in leh a vel kan tifai chiam bawk



Doctor Roberta chanchin ka zawh chuan a ni pawh damdawiin lama akalloh thu minlo hrilha,api chu ṭawng ahre mumal lo thut ṭhin tih alo sawi bawk




Ni leng deuh thaw chuan nutei leh patea te pawh chu ṭhenawmah an awm a,Mama erawh dar11am vel khan mu turin arawn haw a,chanchin kan zawh chuan,'Ka hmu velo a'a ti maia,Memei'n ahau hrep ringawt



Tlai chaw eilai chuan Nutei'n,"Zanin chu i patea naktuk lamah a zin dawn avangin kan phei thei dawn silo a,i pi chu inva tlaivar pui peih lo anih pawhin zanlai thleng chu va ṭhutpui ve ula aṭha ang"alo tih chuan,"Nia mawle,inu sawi ang chuan va kal ula aṭha ang"patea'n alo tive vat




U Notei chuan,"Kei chu zanin chu ka hman dawnlo,meet kan nei dawna,duh leh Zothani leh Memei va kalse,Mama'n ariah pui leh hlawm anga nimai lawm"inla puitling tak chuan alo ti a



Patea chu abu nghut,"I nu Mazuali te phei chu an chau tawh viau ang,zan li ngawt anlo tlaivar pui tawha,an sawi lawk duh lova an ti awm anglo tak tak a ni"nutei chuan alo ti hlak hlaka



"A awmdan hi achianglo thei ve em a,aṭhat leh mai an rin vang pawh a ni pakhat ang"patea chuan alo tive a


Chaw eikham chuan Memei nen chuan kan insiam nghala,kanva phei nghal vat bawk



Ala hma bawka mi antam lemlo,u Zuala pawh alo ṭhuve reng,,,nu Mazuali pawh atla ve dàwkin ka hria,Doctor Roberta chuan room lamah ṭhutpui turin min tih avangin kan inzui luta



Bryana chu api bulah chuan alo ṭhu renga,a en tlawk tlawk bawk,ahmai ala khem nuai bawksi,amah a dawldàng reuh em em bawk,hetia han hmuh takah chuan mak deuh maiin Bryan misuala hi ka khawngaih reuh takzet



Khum bula ṭhutthleng an dahah chuan kanva ṭhu thla ve a,Bryana chuan minlo melh zawk zawka mahse amit ala sawn leh vat...



"U Bryana hi ka khawngaih e"Memei chuan ka beng bulah alo ti sar sara,"A pi hi angaina bik lutuka,a thih chuan atuar viau ang"alo tih leh chuan Bryana chu ka en renga



A pi kut chu hum vawng vawngin afawp leh zeuh ṭhina,ka pi hian Bryana hi aṭan em em ṭhin kha ania,nu Mazuali leh ka pi in hauh lai ka ngaihthlak aṭang khan Bryana tan chuan a pi hi ahlut bik zia ka hriatthiampui...



(END OF CHAPTER-16)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 19th, 2022, 7:56 pm

*THINGTLANGNU MAW!*



Chapter-17



by_MrsBabe Khawlhring




Bryan Roluahpuia Pov.



Pi min kalsan miah suh aw,i tello chuan engtinnnge he ka hringnun hi ka hman zel ang,i awmlo anih chuan he inchhunga awm nuam ka tihna abo ve nghal dawn asin,i thi theilo ania aw pi,ka rilru chuan ka pi kut hum tlat chung chuan ka ti mawlh mawlh...



Min hmangaihtu ka neihchhun ka pi,ka khawvel,he khawvela ka tana mi hlu ber,ka hmeichhe hmangaih ber nibawk hian min kalsan hi ka phallo hrim hrim...



Ka nu ni mah suh se,amah aṭang hian nu hmangaihna te ka dawngve a,ka tan chuan ka pi hi ahlu tak zet...



Min kalsan tur hian kala ngaihtuah chhin ngai lova ka phal bawk heklo,he ka thinlung chhungril ber aṭang pawh hian ka pi in min kalsan hi ka phal thlawtlo a ni...



"Bryan enge mawni tal ei tum la aṭha ang,i chau chhe vek ange"ka dara rawn khawih paha ka u in arawn tih chuan,ka chhang lemlo



Ka pi in engmah a eitheih loh laia thil lo ei bik hi ka duhlo,damchhuah tumin ka tan a beive meka,chu chu ka nghak a ni.



Zing aṭang tawhin thil ei turin minti char char hlawma,mahse ka chhanna chu 'ka eichaklo'tih a ni



Ka chhan duhloh vang nge,ka awm dan chu ahrethiam a ni chawk ang chu,,, min zawt zui lemlo chuan room bang kil lama ṭhu Zothanfeli leh Merilyni te ṭhutna lamah ava kal ta daih,ka enzui deuh reng



Zothanfeli kava melh zeuh chuan minlo enve renga,a inthuam dan engkim mai chu a inhmeh leh em em tawh,he hmeichhia tereuh hichu ahmelṭha a ni...



Rei vakloah ka nuin thingpui in turin arawn hrilh hlawma,room-a lo ṭhuve reng ho chu an chhuak deuh sap sap



Kei erawh zing aṭang nileng leh tun thlengin ka awm hmun sawn lovin ka pi bulah ka la awm char char thung,ka kalsan phal thlawtlo a ni.



"Bawiha,nimin aṭang engmah ila ei silo va,enge mawni tal ei turin lo chhuak la"ka nuin alo tih chuan,"Ka ril aṭamlo"ka ti nghut



"I pi pawh a nurse-in a bp tepawh a normal ṭan atih kha,arawn ṭha leh vat mai ang,hawh thil enge mawni tal lo ei teh"dam dapa arawn tih leh chuan


"Ka ril aṭamlo ka tih chu mawle"ka tichhuak deuh hrawk,ka nu chuan engmah asawi tawhlo,a chhuak ta daih bawk



Ka pi chu puan sin ṭhat tir pah in,"Pi lo harh tawhla,i mu rei tawh emai,i pang a kham vek tawhlo ami,lo meng tawhla"keimah leh mah lo chuan ka tive sup



Nu hrisel tak a ni a,upa lam anih tawh avang hian hetia han chauh thut chang hi anei fo ṭhina,mahse rei vaklo ah arawn dam ṭha leh mai ṭhin




Mahse tun ṭum chu ṭum dang anglo takin a ni tel maiin a chau tial tiala,minti hlauthawng takzet,ka pi hi ka chan anih chuan neih engmah ka nei tawhlo ang...



Vawiin lamah damdawi engmah ka la tih loh avangin ka dang techu a ro vek tawh lehnghal,mahse ka pi kalsan ka hreh em avangin ka la insûm hram hram a ni.




Ka thil tih ṭhin hi hun bi neia ti ṭhin ka nih avangin a hun alo thlen tawh chuan ka taksaah danglamna lo insiamin a hun chat chatah min ṭhing chat chat ṭhin...



A vawh teh lul nen hian tunah te hian alum ka ti takzet,ka hrawk a zà ruai bawka,ka hmai tehi a sà deuh huam bawk...



Ka duh vang ngeia hetiang thil sual hi ti ka ni,ka zep lo,ka nun ruak hi min hnem ve ṭhin reilo mahse,nawmna pawh min pe ṭhin mahse nawmna tluantling chu a nilo...




Room kawngka rawn rí khep chu tunge lo lut dawn tiin ka en vata,tray keng chunga Zothanfeli ṭi deka lo lut chu kalo en reng



Ka ṭhutna lamah rawn kalin dawhkanah chuan tray chu arawn nghat thlaa,thei chi hrang hrang leh soup alo ni...



A che vel chu kalo en deuh renga,min lo melh zawkin ka pi ke lam chu akhawih zeuh....



Chutah ka bula lo ṭhut thlak pahin,"Nu Mazualin engmah ila ei loh thu asawia,tlem azawng tal hi eitum rawh"alo tih chuan



"Ka duhlo"ka ti nghut,"In tih chak ingai alawm,kha i hmel pawh adik miahlo ania"alo tih chuan,




"Min khawngaih hmel deuh khan min en miah suh Thingtlangnu"ka tih deuh hrawk pawh chuan amahah danglamna ka hmulo nidang chu nise athinrim leh viau tawh maithei ania



"Chutiang zawngin ngai suh,ka pi enkawl tur hian chak taka i awm angai lawm,damlo enkawltu nih chuan mahni pawh intih chak angai lawm"dam dapa ti siam siam pahin apple chu avel mawlh mawlha,nidang anglo takin a ṭawngkam hriat anuam takzet



"Ka pi hi aṭha leh ang tiraw"ka tih chuan Zothanfeli chuan minlo en vata,angawi ta daih bawk.



Zothanfeli Pov.



Ka bula mipa ṭhuin a zawhna chhanna ka pek hun nghak ni awm taka min en reng chu han chhan mai dan tur pawh ka hrelo.



Nichina thingpui kan inlai khan doctor Roberta'n,'A thawk a zawi tial tiala,a mar abo zeuh zeuh bawka,zan in hi min daih angem ahriat loha,kan in rin lawk deuh angai dawn a ni'a ti a




Memei nen kan insût deuh feih feih nghal kha ania,Nu Mazuali'n,'Engtinnge Bryana saw kan hrilhfiah dawn ni,api kalsan a duh lo tawp bawksi,saw ti sawn an pi tu in an in dawm hlum mai dawn chu a ni sia,a pawi emai'hnukulh ṭeuh chingin ati bawk.



Tu pawh maiin Bryana hi an ngaihtuah ber hlawma,kei ngei pawh ka ni,sual hlé mahse mihring chuan chak lohna kan nei vek a,Bryana chak lohna chu Api a ni tih ka hre bawk



"Nu hrisel tak ania,adamṭha leh vat mai ang"ka tih chuan minlo en zeuhin api chu a en leha,ka apple vel chu a hmaah ka va lek chuan,alo banve mai bawk...



La thlahlel tih hriat tak leh enchim loh taka api a en vawng vawng ṭhin ka hmuh hian ka ṭah a chhuak zawk.




Ka apple pek a ei zawh hnu chuan,"Soup hi hawp la,i eitur liau liaua i nu in asiam che ania"ka tih chuan a lu athing vut,ka tilui duh lemlo,ahmelah hian eitur chákna ka hmu miaulo



Nu Mazuali,Pa Sanga(Bryana Pa) leh doctor Roberta te anlo luh chuan ka ding deuh vat,"Zothani chuan thil alo eitir thei bik che a ni maw"Pa Sanga chuan nuisuk pahin arawn ti luta,ka lo zak lutuk,"Tu mahin kan eitir theihloh laiin"pa Sanga bawk chuan alo ti leha,ka nuilui hak



Doctor Roberta ka en chuan chik zet hian minlo enve renga,amitmeng chu chhiar thiam ahar kati takzet,a lungawilo ni maiin ka hria




"Bawiha,i ṭhiante pawn lamah an awm nual saw,va chhuak ve teh khai,i pi chu inu nen kanlo awmpui ve ange"Pa Sanga'n alo tih chuan Bryana chu alo dingve hluai



"A ṭha lawm,boruak ṭha hîp pahin kan chhuak harh ve lawk ange"Bryana chuan alo tive maia,"I chau awm bawksi,i theih phei chuan tlem tal mut va tum rawh"Nu Mazuali'n alo tive bawk


Room aṭang chuan doctor Roberta leh Bryana nen chuan kan inzui chhuaka,Bryana hmel ngui riai ka hmuh hian keimahah hrehawm tihna alo awmve ringawt anih chu




Bryana chu aṭhiante ho nen chuan an inbe nghal sap sapa,Doctor Roberta ka zui ve ta daih bawk



Choka lama kan inzui luh hnu chuan,dining chair pawt chhuakin kan ṭhu duna,Doctor Roberta chu a sir zawnga ka en zeuh chuan in ngaihtuah muk hmel deuh hian hmalam amelh ngur




"Min en reng lo la"alo tih takah chuan ka mit ka lasawn vat,engtinnge minlo hmuh theih ni,"Zothan"alo tih leh sup chuan



Ka kut khal niap niap pahin,"Umm"ka ti vat,"Bryana tu mai pawhin thil ei tura kan tih laiin a ei duh loh thuin min chhang veka,nang chuan awlsam deuhin i eitir thei bik a"a sawi zawng chuan doctor Roberta chu a nuiro hak,amah chu ka en vat




Ka rin ang ngeiin doctor Roberta chu a lungawi lo tih ka hre nghal,"Enge i sawi awmzia"ka tih chuan,"Bryana nen hian inzawmna innei ami?"arawn ti sup




"Ṭhian chauh alawm kan nih abak dang a awmlo"ka tinghal vat,"Bryana hi hnaih lo la ka duh ka tih kha,ngaina lutuk suh"arawn tih leh chuan ka ṭawng leh tawhlo,ngatinge anau hi athik tlat mai le.



In be tawh lemlo chuan kan ṭhu dun renga,kan boruak hi nuamlo kati takzet,"Thinrima sawi ka nilo ania"damthluama alo tih leh pawh chuan ka bu nghat ringawt...



"U Robert ka pi thàwk abuai leh deuha"chokaa rawn tlan lut paha lo titu chu Memei a ni,doctor Roberta chu hmanhmawh deuha thoin atlan chhuak nghala ka zuive vat.



Room kawngkhar bul aṭang chuan kan bih deuh renga,Doctor Roberta leh home nurse pakhat chuan an buaipui nghal mawlh mawlha,khum sira Bryana hlauhthawn hmel deuha ding ka hmuh chuan ka khawngaih tak zet...



A hnu rei vak lo ah ka pi chu athawk arawn pangai leh maia,an ṭhutchilh hlawm tlat tawh bawk.



Common room lamah chuan in sì rialin Memei nen chuan kan ṭhu a,chanchin hriain midang pawh anlo kal belh ve zel bawk



Dar11pm rik dawn hnaihah chuan Memei nen chuan haw kan tum ta a,mahse ka hreh ru tlat thung,nu Mazuali room aṭanga lo chhuak chiah bulah chuan kan haw phawt tur thu chu kan hrilha



"In ti lawmawm lutuk ringawt ania"alo tive luam bawk,haw kawngah chuan Memei nen chuan kan sawi zui char chara



"U Bryana kha ka khawngaih e,ka pi a zual thut lai phei kha chuan a khur chhuak vek mawle"alo tih chuan,"Thilmak hi lo thleng thutse ka pi hi lo damṭha leh var se ka van ti tak"ka tihve chuan,"Dikchiah mai"Memei'n alo tive vat....



In chhunga kan lut chiah chu Nutei alo la menga ,chanchin minlo zawt vat bawk,Memein zanin pawh min daih pui tawh lo maithei tih ahrilh chuan Nutei chu ahnuk a ulh ve deuha,a aw akhur dar dar...



Room lama kan chhoh hnu chuan Mama bulah va phei tawh turin kan hrilha,thu awih deuh chuan a kal ve nghal mai bawk...



Mut dawnah chuan ṭawngṭainaah ka pi damna turin ka dil thlapa,ka mut hnuah doctor Roberta be lehin chanchin minlo hrilh ve turin ka hrilh bawka,nghetlo zet chuan ka muhil nghal mai bawk....


______________________



"U Zothan i phone a rí ania"harh chianglo tih hriat taka ka bula mu Memein alo tih chuan meng mang lovin ka phone awmna chu ka dapa



Mutchhuak deuh chung chuan,"Aw,hello"ka ti hapa,lehlam aṭanga aw ka hriat chu doctor Roberta a ni



A thu rawn sawi avang chuan ka ṭhu chhuak hlawl bawk,"Zothan tun mai khan ka pi chu akal ta e aw"alo tih chuai raih chuan ka mittui alo hnàm sawk



Kan inbiakna kan tih tawp hnu chuan ka bula mu Memei chu ka kaithoa chanchin ka hrilh chuan a ni pawh chu aṭap nghal tawp...



Khua pawh ala var lo a,sana ka en chuan dar3:42am chiah alo ni,Memei nen chuan insiam sawk sawkin room aṭang chuan kan chhuaka,u Notei chanchin kan hrilhve a,a ni pawh a insiam ve nghal vat...



Inhnuai lama kan chhuk chuan Nutei leh Patea pawh anlo phei dawn chiaha,kan pa4 chuan kan inzui nghal bawk



Doctor Roberta te in ah chuan mi anlo tam tawh khawp mai,inchhunga kan lut chiah chu ṭap rí kan hre nghala,ka pi chu nu fel ngang a ni bawka,ui tu angah khawp mai



A ruang chu an la rawn la chhuak lo a,Memei nen chuan room-ah mi antam avangin han luh ngawt kan hreh deuh nen kan ding char char ringawt



Ka pi kuang tur room chhunga an zawn luh lai chuan an rawn chhuak deuh sap sapa,ka bula ding Memei lah chu mittui tling puau chung hian a awm



Room chhungah chuan kan va lut ve a,ka pi chu kuanga mut tir turin anlo in puahchah meka,Bryana chuan api chu akuah bet tlata



"Bawiha,ipi kha thlah rawh nuam deuha a awm angai ania"ṭap chungin Nu Mazuali chuan ati a,"Aih,a thi lo alo harh leh dawn alawm"Bryana chuan ati tlat



A ṭap miahlo,mahse a thinlung nat zia chu ahmelah alang chhuaka,api chu kal tir aphallo ve hlê a ni.



"Pi lo meng rawh,pi kuang chhungah dah che an tum ania,i mit lo meng teh"tiin api chu a au ruaia chhang tu tur erawh an awm tawh silo.



Doctor Roberta leh midang hochuan Bryana chu an hruai sawna,mahse a tal nasa ngang mai,ka pi chu kuang chhunga an mut tir hnu chuan room aṭang chuan an zawn chhuak leha,chutia an in buaipui chhung chuan khua pawh alo var ṭana



Bryana hmel mawlh chu a ni hmuh hrehawm ka tih chu,a u chuan akuah chhuaka,tunah hian ṭah chhuah vak vak a chak hlê ang tih ka ring,mipa a ni a a inti paukhauh lui mai a ni.



Khawvar hnuah chuan YMA- ho in vel singsa turin an rawn kal khawma,ruang pawh kan kil luih tawh,Bryana chu a pi bulah chuan an ṭhut tira,ngawi reng hian a zawi vek a ni ber...



Api kuang chhunga awm tawh chu a koh mawlh mawlha,thil thleng hian aṭhawn em vang nge amah a awm dan engkim hi ahlauh vek a ni ber.



"Bryana hi hetia awm reng tir chi a nilo,room lamah han hruai chho ula aṭha ang"YMA president ni awm takin a tih chuan,tlangval pathum hian an kuah chho a,Bryana chu a zawi vek vang nge an tih ang ang chuan a awm tawp...



Tu pawh mai chuan ka pi té chu an ui hlawm ngang aniang,lo lut thar apiangte chu an ṭap nghal zela,kei ngei pawh ka mittui alo tlak lai kalo hre hman ṭhinlo...



Hun reilo té chung chauh inhre hman mah ila,amah hi a afel em maia,ka ngaina hman ve em em kha ania heti maia vawikhat mah hmuh leh tawh loh tura,akal ta mai hi ahrehawm ka tive takzet



Thihna nunrawng tak hichu aw,damchhung ní hi arei silo a,he khawvel eng hmuin kan lo piang chhuaka,min siamtu Pathian ngeiin a hun a tihah chuan
min hruai kir leh ṭhin si a,kan nunna hi kan ta emaw kan ti a,mahse alo nilo,nunna min pe tu Pathian chuan a hun ah chuan kan nunna hi chu min laksak leh mai ṭhin zawng anihhi...



Hla phuah tu in,'Cham hlen tur kan ni love,hawng leh tur kanni a sin'alo tih ṭhin hichu ava han dik tak em...



Lei mi ten ṭap in ṭhen mah ila,anni chu an awmna tur anuam tawh si a,ka pi pawhhi vanah hlim takin a awm tawh ngeiin ka ring.



Chung zawng zawng ai pawh chuan Bryana mawlh khan ka rilru a luah a ni....


__________________________________


Ka pi thih aṭang khan karhnih a liam ve leh tawha,doctor Roberta pawn clinic a hawng ṭan ve leh tawh bawk...



Mak deuh chu Bryana hi hmuh tur a awm ngai meuh tawhlo,college-ah pawh ka zawngkual deuh ṭhina,aṭhiante chauh ka hmu ṭhin...



Doctor Roberta pawh damdawiin leh clinic lamah akal loh rei deuh avangin tunlai chu abuai thei em em a,mut dawnah kan inbe ṭhin tih lohah chuan kan inbe khàt khawp mai...



Api thih hnu aṭang khan Bryana hi ka ngaihtuah deuh reng ṭhin a,ka khawnghaih vang ni tho mahse ka ngaihtuahna aṭang hian achhuak hlei theilo a ni ber...



Memei hman zana adawr kalin ka bula asawi danin Bryana ahmuh thu asawia,a rui hlé tih asawi tel bawk.



Nutei'n Bryans chuan damdawi ati tih loh chu zu vel chu a in ngailo a ti a,mahse Memei khan zu rim anam lutuk ati bawksi.



Api thihna kha insiamṭhatnana hmang lovin sualkawng lam zawh nana ahman belhchhah ta chu apawi ka ti takzet.



Ka ngaihtuahnaa Bryana awm reng chu duh lovin ka inthing harha,Memei inbualzo bathroom aṭang alo chhuak ve chiah bawk



"Eirawng bawl turin ka chhuk san dawn che asin"ka tih chuan,"Aw,ka inthlak anga kalo chhuk ve nghal ang"alo ti nghala



Ka chhuk ta daih,nutei nen eirawng bawl chu kan ṭan nghal mawp mawpa,zanin tlai chu patea pawh alo haw hma khawp mai...



Mama erawh vawiin abialnu birthday anih avangin chaw eikham aṭanga achhuak ala rawn hawlo thung...



Chaw eilai chuan u Notei'n karleh lama Delhi-a alet leh tawh tur thu asawia,"Ka peihlo tak tak a ni,in a rawn haw tawh hichuan apeih awm loh vek ṭhin,kum tawpah bak ka rawn haw thei tawh awm silo"atih chuan



"A rei tawh dawn hleinem,i zir zo anga Mizoram lamah i awm thei tawh dawn alawm"Patea chuan alo ti vata,"Ni chiah e,nang phei chu Delhi ihan thlen chhoh leh phei chuan lunglen ihre leh tak tak dawn teuhlo mai"nutei'n alo tive chuan Memei nen chuan kan nui kan nui



Chaw eikhamah chuan u Notei'n thlengsil a chuh ve ngei a,nidang zawng zawnga engmah tih tum ngailo kha apiangthar ve ta emawni...



Memei'n nutei leh patea te thingpui hàng ava pek lai chuan dawhkan chu ka tifel mawlh mawlha,"Zothan"u Notei'n alo tih chuan min mamawhna anei anih takin tiin kava pana



"Aw enge ni?"ka va tih chuan,minlo en pahin,"Tunlai Bryana nen in inhmu ṭhin em,anih loh pawn in inbe ṭhin em?"chik zeta alo tih chuan



Ka lu ka thing vut,"Aih,teuhlo mai,ibialpa ani tih ka hria alawm,ka be ngailo hmuh phei chu kan inhmu ngailo hrim hrim"ka ti vat,thil enge mawni ahriat avang hian engtin emawni tak min tih leh ka hlau a ni.



"Diktak chuan Bryana hi ka bialpa a ni hleinem,keimah hian ka duha,mahse min duh velo,chuan hman zana ka ben che vang khan pawi ka ti ania"arawn tih chuan ka hmaa ding mek hi u Notei anilo emaw ka tihial



"Bryana chu biak ka tum nasa ṭhina,a phone a in off tlat sia,an in a ka kal lahin alo awm ngai siloa,ka ngaihtuah takzet,a chanchin enge mawni hriat ineih chuan min hrilh rawh aw"alo tih leh chuan,ka bu nghat



"U Zothan,u Roberta alo leng ania"chokaa lo luh paha rawn ti lang langtu chu Memei a ni,"A hmanhmawh hmel teh mai ania,va phei vat rawh"nui paha Memei bawkin alo tih leh chuan,U Notei ka en zeuha,min biak leh tum ang pawn a awm tawhlo



Memei nen chuan kan inzui pheia,doctor Roberta chu ahmel hmuh anuam khawp mai,sofa room lamah chuan kan ṭhu duna,nutei leh patea tepawh ṭhenawmah anva leng phei daih bawk...



"Zin ka ngai dawna"alo tih sup chuan,amah chu ka en vat,"Khawiah maw?"ka tih chuan,"Champhaiah"alo ti sup chu



Ka rilruin a fanu hmu turin akal dawn anih ka ring nghal hmiah,ka rilru ahria ni chàwk ang chu,"I ngaihdan ang kha a ni miahlo ania,kan damdawiin aiawhin ania ka kal dawn"alo tih chuan




"Aih chutiang a ni hleinem"ka tivat,doctor Roberta chuan minlo en renga,"Engtikah nge ilo haw ang?"ka tih tak daihah chuan



"Ni3 bak ka cham lovang,ka awm loh chhungin clinic lamah doctor Ramtei alo kal ṭhin ang"damthlupa alo tih chuan ka bu nghut...



"Insiam ka ngai sia ka sawi duh ber ka sawi tawh bawka,ka haw phei phawt ang"a tih leh chuan ka hnial lemlo,thlah tur chuan ka zui chhuak ve a



Pawna kan chhuak chiah chu ka kuta lo vuan pahin,,,"I ngaihdan ang kha anilo tak tak ania aw,i rilru lo tihah miah suh"alo tih chuan



"Chutiangin ka ngailo ka tih kha"ka ti vat chu ka hmaiah alo khawiha,"I rilru anuam chiahlo tih chu ka hria alawm ka duat"alo tih chuan,ka ngawi reng,tu hmeichhia nge abialpain sàwn athlakna khuaa a kal tur rilru nuam deuhin awm thei reng ang...



Minlo kuah pahin,"Ka ngai ngawt ang che,rei ni dawn lo mahse"ka beng bulah chuan ril ruih hian alo ti a,kuah letve pahin,"Keipawn"ka tive sep...



A haw hnu chuan ka ruak huaiin ka hria,,,inchhunga lut leh ta mailo chuan kawngpuia tei kual mai mai turin gate aṭang chuan ka chhuaka...



Boruak athiang nuam bawka,ka zàng hawkin ka hria,ka let leh lamah chuan u Zuala ka tawk hlawla,min hmu chu alo nui heu mai.



A rui leh tawh tih pawh hai rual a nilo,a kutzungchala minlo kawk pahin,"Zothani"nui vur vur paha alo tih chuan,zalo zet chuan ka nuive sek



"Khawnge ikala"pangai deuha alo tih leh chuan,"Ka teikual mai mai anihhi,nang zawk"ka tih chuan,"Nula kan rima"alo tih chuan ka bu nghat



"Muttui aw,Zothan hmelṭha"ti paha min kal pelh mai atum chu,"U Zual"ka tih avang chuan arawn leh hawi leha




"Tunlai Bryana nen in inhmu ngai em?"ka rilrua awm ang chuan ka zawt ta tawp,"Hmu ve zeuh zeuh,vengchhak lamah nuthlawi arim ṭhin anti"nui pah bawka alo tih chuan,engmah ka zawt zui ta lemlo




Ka rilru te te chuan api thihna kha atuar viau emaw ka tia,kalo khawngaih rûk ve tehreng nen,hetiang mai maia alo awm tih ka hria chu ka thin arim deuh tlat...



Inchhunga ka luh hnu chuan Mama pawh alo haw reng tawh,kalna tur nei leh ni awm tak hian u Notei nen chuan anlo insiama,"U Zothan u Bryana a accident a"Memei'n hlauhthawn hmel zeta alo tih chuan



"Maw!"ka ti hluai,"Ka nu leh pate pawh damdawiin lamah an tlang nghala,Mama nen kanva kal ve ange,Memei nen hian lo awm ula,chanchin kan rawn hrilhve ang che u"U Notei zawk chuan hmanhmawh hmel zet hian alo ti zung zunga



Ṭawng pawh ka ṭawng chhuak theilo,Mama nena an kal tur chu Memei nen chuan kanva thlaha,"Awi u Bryana chu engtin mah awmlo hramse aw"Memei'n a tih chuan,ka hlauthawng takzet



"Engtia accident nge anih a?"ka tih hap chuan,"Ka hre bik chiahlo,ka nu sawidan chuan rui chungin bike akhalh a ni awm e,a ruih loh pawn a speed a chak ania,a ruih phei chuannn,,,"Memei chuan alo ti vang vanga a



Ka hmitsulh thei!!!


(END OF CHAPTER-17)
Nizan lamah kalo dah hman ta lova,a zialo khawp mai naupang ho ka exam puia,dar12:30am thleng kan menga,ka mit tehi anà vek mai,minlo hrethiam hram ru aw,chuan ka story kallai pakhat zawk,*A MAN WITH THREE CHILDREN*kha ka complete tawha,ala chhiarlo chuan inlo chhiar ṭheuh dawnnia,thu lawmawm leh deuh pakhat chu hemi ah hian kan insawrbing char char thei tawh dawna,Sunday zan tih loh chu zan tin a awm tawh ang aw❤️


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 19th, 2022, 7:56 pm

THINGTLANGNU MAW!*



Chapter-18




by_MrsBabe Khawlhring




Zothanfeli Pov.



Memei nen chuan chanchin ngaichangin inhnuai lamah chuan kan ṭhu renga,dar10:30pm velah chuan Mama'n minlo call a



Bryana chu a kut ruh a pelh deuh tih loh chu engtin mah a awm loh thu arawn sawia,mahse a bike erawh achhe ve deuh viau a ni awm e...



"Ka nu techu an rawn haw mek a,keichu damdawiinah ka riak dawn ania,naktuk kha class ka kallo mai ang ka pa inthlah tir mai ru aw"Mama'n alo tih leh chuan Memei nen chuan 'awle' kanti vat



Reivaklo ah nutei te chu anlo thlenga,nutei chu a ang zui hlak hlak,"Bryana hichu a buaithlak zawng anihhi,chhungkaw tibuaitu nihhi nuam ati emawni le"a tih chuan Patea'n alo khap vat




"Ringawt zel che hian,hmani lawkah api in a boral sana,a tawrh ve tehlul nen,a nà vaklo kha avannei zawk asin"U Notei'n alo tih ve chuan,"Nidangah pawh nise buaina hi a chawk chhuak zing hrim hrim,insualnaah a tel loh leh a rui buaia"Nutei bawk chuan a lo ti leha.U Notei ṭawng leh a tum chiah tihah




"Chu zawng kan buaina tur anih veloh chu,atlai tawh mu dawn ang u"Patea'n alo tih chuan,engmah pawh sawi tawh lemlo chuan Memei nen chuan room lamah chuan kan chho a



Hmai ka phih zo khum lam ka pan chiah chu ka phone alo rî a,doctor Roberta alo ni,ka la nghal vat...



Lehlam aṭang chuan,"I mu tawh em?ka duat"damkhup hian alo ti a,"Aw,hei ka mu dawn chiah"ka tih chuan,"Anih chu,ka insiam meka,ka mamawh tur vel,ka ngai riau che a"alo tih chuan



"Imm,kalo nghak ang che,i hman hunah kan inbe leh dawn nia"ka tive vat,dah mai a tum chu,"Ihh,Bryana chu enge a an a"ka rilruah a awm reng avang chuan ka zawt ta ringawt



"Vanduai vannei an tih ang hi a ni mai,akut dinglam ruh a pelh deuha,chuan a khup veilam apilh deuha,ahmaiah tak phei chuan helmet akhum vang nge ni a khem lai pawh a awmlo"arawn tih chuan ka awm alo nuam huai mai



"Aṭhat hlauh chu,anih insiam phawt rawh"ka tih leh hnu chuan kan inbiakna chu kan ti tawp nghal maia


Memei nen chuan kan mu lawk theilo ve ve chu kan ti ti ta renga,"U Bryana hichu maw,a tleirawl chhuah tirh vel kha chuan tiang hi a ni ngai miahlo asin,mihring hi kanlo inthlak danglam thei e ka ti"Memei chuan a ti deuh vang vang



"Bryana nu tak tak hi ala dam em?"ka tih sep chuan,"Aw,la dam e u Bryana nu chu maw ahmelṭha rapthlak,ka hreve deuh hman alawm"alo tih chuan hriatchian ka chak zual sauh



"Doctor Roberta leh Bryana hi an inmil lo deuh tawp ami"ka tih leh chuan,"Awi,ka hrethiam biklo,u Roberta hichuan aduatve viau chuan ka hria,u Bryana buainaa atluk luh pawn amah vekin alawm buaipui ṭhin"alo tip sap sap chuan,kalo ngaithla uluk hlé



"Keichu maw u Zothan nu Mazuali hichu fel viau mahse mi pasal a luahlan hichu a ti diklo ve thlawt kati,ka chanah ka dah phei hichuan keichu u Bryana nu hichu ni ila ka rapthlak viau ang"thutak zet chuan Memei chuan alo ti leha,dik ka tive fû



Ka pa pawh khan a dam lai khan,'Mipa i ngaizawng tur a ni,Mí pa ni lovin'ati ṭhin...



"U Bryana pawh hian damdawi ati tih loh chu thilsual ati khàt viau tawh ania,ka pi kha thi lo se chu tiang hian a awmlo ang mawle,u Bryana tan chuan api kha amah chawiliantu a nive sia"alo tih leh phei chuan ka mitthlaah Bryana ngawt alo lang...



Doctor Roberta nena kan in text leh hnu chuan Memei pawh abialpa ve deuh reuh nen chuan an inbiaa,Doctor Roberta chuan a zin peih loh thu ngawt chu minlo hrilh...


____________________



Zing kàrah ka nu in minlo biaa,"I nau ten an ngai tawh che a"alo tih chuan,"Keipawn ka ngai tawh che u alawm"ka tive vat



"Thla thar chu i nutei leh i patea te hrilh la,exam zawhah in chawl dawn tho a,rei dawnlo mahse lo haw ve hrim hrim la aṭha ang"ka nuin alo tih chuan,"Nia nutei techu kalo sawipui dawnnia,clinic-ah ka kal ṭhin sia hei ber hi abuaithlak"ka tih chuan



"Nive tho bawksia,eng pawh chu nise keimahni zawk pawn reilotê cham tura lo kal dan tur kanlo ngaihtuah dawn nia"alo tih chuan,"Nia aṭha alawm"ka tinghal vat...



Kan inbiak zawh hnu chuan in siamsa in chaw ei turin inhnuai lamah chuan kan chhuka,U Notei leh Nutei chaw eisiam chu Memei nen chuan kan puive vat



Chaw eilai chuan,"Damdawiin lamah ka kal lawk dawn ania"U Notei'n alo tih chuan,Nutei alo inrawlh vat



"Enge iva tih anga,tih theih tak tak pawh inei chuanglo,chu ai chuan Delhi lamah i kal leh ṭep tawha,i mamawh tur lamkhawm zawk rawh"Nutei'n alo tih chuan



"Ka mamawh tur chu Delhi lamah a awm vek,lamkhawm ka ngailo"lungawilo tih hriat takin U Notei'n alo tivat,"Ngatinge Bryana hi ihuat em em a,i pawisawi anei pawh ni hleilo"U Notei bawk chuan ati leha...



"Mipa ṭha a ni lova ka ngaina lo a ni mai"Nutei chuan alo ti hap,"Drugs addict anih vang sawn asual ta viau tihna a nilo,anunah harsatna enge atawh engmah ihriat puilo"thinrim zeta u Notei'n atih letve chuan



"Enge maw in inhnial reng le,NoteiNu pawhhi iti mah mah ṭhin,Lalthantluangi pawh inu chhang zawt zawt ṭhin suh"Patea'n alo tih khur khur chuan U Notei chu atho ta daih...



Memei nen chuan engmah pawh sawilo chuan chaw chu kan ei mial mial,,,chaw eikhamah chuan patea'n college-ah min daha...



Taxi-a haw mai turin Memei ahrilh bawk,,,class ṭan dawn ṭepah chuan Doctor Roberta'n an chhuah chiah thu minlo hrilha,tluang deuha kal turin ka hrilhve luam bawk...



Class chu kan ṭan nghal mawp mawpa,,,lunch break-ah chuan Nancy nen canteen-ah kan chawla,Mama bialnu Sawmi leh a ṭhiannuin minlo zawm ve bawk...



Last period kan neih loh avangin clinic lam ka pan nghala,,,Mimii alo la thlengloa,Chhani nen chuan doctor Ramtei lo thlen hmain tiin tih tur ang ang chu kan ti nghal mawp mawp...



Doctor Ramtei lo thlen hnu Dar3:45pm vel aṭang chuan in entir hun chu kan hawng nghala,rin aiin damlo in entir anlo tam phian...



Naute hmelṭha deuh mai pakhat hi in entir turin anu in alo hruai ve a,a duhawm lutuk leh anui duh lutuk chu lawmawm reuk tak a ni.



Mimii nen chuan kan inpawm chhawk deuh chhena,a chum reuh bawksi pawm rei chuan arit reuh phian...


Dar6:30pm rik ṭepah chuan an in entir zo hlawma,tihfel ngai kan tihfel hnu chuan haw turin kan inpuahchah nghala...



Nutei'n call in Mama minlo hruai tura alo kal chiah thu asawia,clinic kawtah chuan ka nghak vàn tawh...


"Zothan ka rualin lo haw mai ta che"Doctor Ramtei'n alo tih chuan,"Aih,angailo mai,ka nau in minlo hruai dawna,ka lawm lutuk tho e"ka tih chuan,"Chuti chu anih leh aw"rawn ti sapin a scooty chu ti nungin atlanchhuak nghal vat



Doctor Ramtei hi nu a ni tawha,amahhi nu thau lam lianve lampang ngo vung chi hi a ni reuha,anui duh em em a,abula awm hi anuam reuh takzet bawk...


Reifé ka nghah hnu chuan Mama chu alo thlenga,"Eee,traffic a jam nasa lutuk a minlo nghak rei em?"alo tivat,"Reive reng,mahse apawilo"ka tih chuan Mama chu anui deuh sùng mai



Motor ni lovin bike arawn kenga,zan zanah pawh two wheeler pawh traffic jam-ah kan tang chu ania,ril ṭam tawh nen a inrem lo ṭhin khawp mai...


Kan tlanchhuak leh dawn chiah tihah ka phone rí avang chuan ka bag chu alo innghawr det deta,kala nghal vat...


Caller Id pawh en lem lovin ka la nghal tawpa,Doctor Roberta alo ni,"Kan thleng chiah aw,ka duat"damthlup hian alo ti a,"Aw,intluang em?i chau viau lo maw"ka tih chuan



"Tluang a ni mai ang chu,ka chau lemlo mahse ka ngai che a"alo tih chuan,ka nui deuh suk,thil dang arawn sawi leh chuan motor rí bengchheng lutuk avangin ka hre hleithei tawhlo chu ka dah ta ringawt...




Kan veng chhunga kan tlan luh hnu chuan Mama chuan Bryana chungchang chu min hrilh ve sap sapa,a sawi danin vawiin lamah alo chhuak nghal a ni awm e...



"Duh leh i chaw eikhamah kan pheive zuai anga Memei tenen"Mama'n alo tih leh chuan,"Ni e"ka tive vat...


In kan thlen hnu chuan Nutei'n ka chauh leh chauh loh minlo zawt vata,ka chauh loh thu chuan ka chhang tak naa,mahse a rùk tak chuan vawiin chu ka chau ve det...



"U Zothan lo han inthlak la,chaw ei kalo siam chhung ang che"Memei'n alo tih chuan,"Awle"ti vatin inchung lamah chuan ka chho nghala



In sil nghal zung zungin ka inthlak nghal vata,ka ril aṭam ve tawh bawknen inhnuai lamah chuan ka chhuk nghal vat...



Ka chaw ei chu Memei chuan min ṭhutchilh deuh renga,"Lunglen vang ten i chaw eite alo tuilo ange aw"min fiam tih hriat zeta alo tih chuan,doctor Roberta ka call leh tawhlo tih ka hrechhuak chiah



Nichinah khan a ṭawng ka hre ṭha thei ta silo a,chaw eikhamah ka biak ngei angai ang...


Chaw ka eikham hnu chuan doctor Roberta chu ka call nghala,"Zanin dar8 aṭang seminar kan nei nghal dawna kan bang har maithei sia minlo mutsan mai rawh aw,kan ban hunah chuan kalo hrilh hrim hrim tho ang che"min ngaihtuah zeta alo tih chuan



"Awle,aṭha alawm"ka tive vat,an in lama kan len phei tur thu erawh ka hrilh lemlo,,,




Nutei te kan hrilh hnuah Mama leh Memei nen chuan Bryana te inlamah chuan kan pheia




Inleng dang pawh anlo nei nual,,,"Eee,inva fel ve lo ṭhu rawh u"Pa Sanga chuan alo ti a,"Zothani leh Memei pawh inlo pheive a ni maw!"Nu Mazuali'n alo tive vat bawk...



Reilo té kan ṭhut hnu chuan,"Bryana chu a room lamah a awm a,nichin deuh khan a ṭhiante dang pawh anhaw chiah han chho ve mairu"Nu Mazuali'n alo tih chuan kan hniallo khawp mai...




Bryana room lama kan chho chu alo muhil daiha,a kut an char sak ka hmuh chuan tuna a muhil lai hmel zawng zawng nen hian ka lainat reuh takzet...




Couch-ah chuan ṭhuin kan nghak deuh renga,Mama erawh khumah ava ṭhu thung,,,"Maw tunah maw!"a phone-ah mi bia in Memei chuan ati deuh hluaia,aphun deuh sar sar




"U Zothan ka ṭhiante anlo leng anih chu ka va haw phei mai ang aw,an haw hma chuan kalo phei leh ang"hmanhmawh zeta tiin Memei chu achhuak ta daih,a haw ta daih chu nuamlo kati angreng



Minute10 vel hnuah chuan Bryana chu alo harha,Mama'n aṭhu tur chu alo pui vat,va kal hnai lemlo chuan couch-ah chuan ka ṭhu renga



Bryana chuan minlo en zeuha,kalo enve reng vang nge ahawisawn rang khawp mai,Mama nen chuan an phun deuh sur sura,an thusawi chu ka hre phalo vel chiah chiah leh nghal



A hnu ah chuan Mama chu a ding deuh vut,"U Zothan kal lawkna tur ka neia,hetah lo awm rihla,kalo lam leh ang che"alo tih chuan



"Mahse,khawiah nge ikal dawna"ka tivat,ka zawhna pawh min chhang lemlo chuan,"Ka reilo ang"ati supa,Bryana thil hrilh ru leh sar sar in achhuak ta daih



Rilru nuamlo deuh chuan ka ṭhutna pawh sawn lemlo chuan couch-ah chuan ka ṭhu renga,Bryana chu alo khuh kharh chuan ka en vat



"Tui minlo pe lawk teh"alo tih sup chuan,"Keimah maw?"inkawk chung chuan kalo ti heua.



"Nangmah lo room chhungah hian midang an awm ami?Thingtlangnu"ngeiawm zeta alo tih chuan,thawhak pahin ka ṭhutna aṭang chuan ka tho a



A khum bula dawhkan té a tui bottle chu ban in ahmaah chuan kava leka,"Ka kut ka hmang thei hleinem min in tir rawh"alo tih chuan



"Enga?"ka tivaka,a mitko alo san uk ringawt,ṭha te te chuan a kà chhungah chuan ka tulh luh saka,a duhtawk a inhnua,a hmui aliak huh zeuh chu kalo en deuh reng



Khumah chuan ka ṭhu thla ve maia,"Engtinnge i accident theiha"ka tih sep chuan min melh deuh ngur mai



"Ka ruih vangin"alo tih sam ét chuan,"Ruih hi anuam viau ami?"ka ti let vat,"Ruih chhung na na na chuan nuam e"arawn ti sup



Sawi tur pawh ka hrelo ka ngawi ta reng,"I dam em?"alo tih chuan amah chu ka en vat,"Keimah maw"ka tih chuan,thawchhuak hak pahin,"Nangmah lo midang an awm ami?"alo ti sup,"Aw dam e"ka tuve leh maia



"Tunlai chu kan inhmu khat ṭhin khawp mai tiraw?"alo tih leh chuan aṭawngkam engkim mai hriatnuam lutuk chu amah a nilo emaw ka tihial...



"Hmuh tur i awm ngai hleinem"ka tih chuan,arawn nuihawk,"Lal Solomona bak nangte chuan ihmu peih chuang ami,taka ingai viau tak anga"alo tih chuan angeiawm leh fû tawh



"Lal Solomona anilo"ka tih chuan,"I bialpa chu iṭanve hlê mai maw"nersak pah hian alo ti a,ṭawng leh tuma ka kà ka ang zuau tawh chu Bryana chuan minlo hnaihchilh thutin ka hmui chu ahmuiin arawn khar chilh hmiah



Ka nemsawn nghal pawpa,akut an chãr loh lam chuan ahmui tuai zeuh pahin,"Lal Solomona fawhna aichuan anuam zawk lo maw"alo tih chuan,"Tenawm lutuk,eng angah nge min ngaiha,i duh duh huna i fawh tur ka nilo"thinrim aw khur dar dar paha ka tih chuan



"Mipa i mamawh viau anih chuan ka awm ania,i bialpa in apek theih loh che khawpa nawmna ka pe ang che"min thamlo zeta alo tih chuan



"Chutiang hmeichhia ka nilo,khawngaih tlak pawh ilo nih lohhi ka haw takzet che"ka tih chuan arawn kiaisuk



"Ka u hian keiina ka pek theih loh che enge apek bik che"alo tih chuan,mak tizetin ka en reng



"Enge isawi awmzia"ka tih chuan,"Zothanfel ka awmdan hi hriatthiam loh tum miah suh"arawn tichang run mai...



"Ka haw dawn"ka ti ta daih chu,sawi duh la nei ni awm tak hian minlo la en renga,ka inher chiah chu athu rawn sawi avang chuan ka ding leh rih



"Ka u hian a duh tak tak che emaw ti miah suh i nat lutuk hmain kalsan rawh"alo tih chuan hawilet lovin rei fan ka din hnuah room aṭang chuan ka chhuaka



Nu Mazuali te bulah chuan ka haw tur thu chu ka hrilha,an nupain kawngka bul thleng min rawn thlah bawk...



In ka thlen hnu chuan Memei leh aṭhiante chu sofa room lamah anlo la inkawma,room lamah ka chho tlang ta daih,,, Mama bulah ka hawsan thu chu text-in ka hrilha,,,Memei lo mut hun nghak lem lovin ka mutsan ta daih...



__________________


(3days later)



"Naktuk aṭang chuan Dr.Roberta alo kal thei tawh anga,kan buai lutuk pawhhi azia deuh ang"Dr.Ramtei'n atih chuan,"Ni e"kanlo tideuh sap sap



Kan ban hnu chuan taxi-in ka haw a,dr.Roberta khan 'dar7pm velah chuan kanlo thleng ang' atia,tunah 7:30pm a rí tawha anlo thleng tawh maithei a ni...



Kan inzawna taxi a ding chiah chu pawisa pe fel sawk sawkin ka chhuak nghala,,,zan dang anglo takin Memei'n chaw ei minlo nghak teh miala




Chaw kan eilai mek chuan common room lama dr.Roberta ni awm tak ṭawng rí hi ka hriaa,ka ngaithla chiang deuhva,amah a ni ngeiin ka hria...



Kan chaw eina kan tih fel zawh hnua common room lama kan phei chu dr.Roberta ngei alo ni,"Hei,i u Roberta'n thil ṭha deuh alo hawn che u ania"Nutei chuan alo ti a



Doctor Roberta ka en chu minlo enve renga,alo nui sàng mai,nithum lek inhmu lo mah ila,a cher riauin ka hre lehnghal



Toilet bag ang deuh reuh hi pakhat ve ve minlo pe a,ala rit phian zui,abulah chuan ka ṭhu thla ve maia,Nutei leh patea nen chuan an ti ti mawlh mawlh...



Naktukah u Notei akal dawn tawh avangin Memei leh Nutei'n an insiampuia,patea pawh mu turin alut ta daih...



Doctor Roberta chuan minlo ṭhut hnaih deuhin ka darah minlo kuaha,ka biangah arawn fawp zeuh bawk,"Ka ngai tawh lutuk che a"ril ruiha arawn tih chuan,ka lai deuh chu ka nui ringawt...



Ka kut chu la kangin afawp deuh vang vanga,ka chhipah arawn fawp leh zeuh ṭhin bawk.



Eng eng emaw sawi chuan kan ti ti dun deuh char chara,ka rilrua thu awm hi zawh chi anih leh nihloh ka hrelo...


"Ihh,i fanu ihmu em?"ka tih deuh tawl chuan Doctor Roberta chu athusawi lai chawl meuhvin angawi ta daih



Chutah ka mitah tak minlo en chungin,"Umm"arawn ti sup!!!


(END OF CHAPTER-18)
(Naktuk zanah 19 awm ang aw,kan regu char char tawh ang,mahse dar11 hnu lamah chiah a awm thei ṭhin ang aw)


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)