THINGTLANGNU MAW! BY_MRSBABE_KHAWLHRING (Completed)

[Ngaia]

*THINGTLANGNU MAW!*




Chapter-7




by_MrsBabe Khawlhring




Mipa pakhat hi bang ngheng deuh ti tih hian alo tlu sawp nuaia,ka sawithiam dan ber chuan amu deuh ti tih a ni ber,ka kal pelh dawn lai khan kalo hawilo lutuka ka lo hmulo a ni ngei ang.




Ka awm dawm meuhin thaw deuh ham ham pah hian ka pan hnai deuha,ka va pawh ngam chiahlo,ahmai lah chu a inphum deuh zawngin a awma, athim em avangin ka hmu chiang thei derlo...




A thi nge a dam tih pawh ka chian ngamlo,ka ding deuh renga,mi thi chhawnga awm han kalsan ngawt chu a ni thei bikin ka hre silo,khur dar dar pah chuan ka dinchilh renga



Kawngsira hmawlh pakhat chu lain amah chu ṭi dek chuan hmawlh chuan ka va chhuna,arawn che hrut chu ka tawlh hnung vat,ala dam tih ka hria chu ka thaw huai thei



Ka hawikuala,zan tir lam chaw eikham hun lai vel anih vang nge motor vai vak tih loh chu mihring vaivak tak chu an awmlo khawp mai,kalsan ngawt chi niin ka hre siloa tihdan tur lah ka hre bawk silo,abulah chuan ks ding mawlh tawp



Ka en deuh renga,abulah chuan ṭhu thlain,"Pu"ka ti sepa,ahmel en chian tum chuan hnai deuh hlekah chuan ka biha



"Enge tih itum?"hnunglam aṭanga rawn ti thum dut tu avang chuan ka phu chiang lutuk chu leiah chuan ka ṭhu sawp nuai mai




Ka hawichhuak chu Bryan misuala lo nirengin,ka ding vata ka inbeng fai nghala,"Thingtlangnu leh"min eilo zeta alo tih chuan rum zet hian ka melh



"Enge hetah itih"arawn tih leh chuan,"Ihh,dawrah kal ka tuma,hepa hi ka hmu a"ka tih chuan,ka mi kawhpa lam chu Bryana chuan a en vata



A ṭhu nghala,chupa chu tung tho vat pahin,"U Zual,u Zual"tiin Bryana chuan asawi deuh nawk nawka,mak ti zet chuan ka enreng,ahmelhriat ani ngei ang




"I harh em?i harh em?"tiin abiangah chuan adawma,chupa chu alo rum leh hak ṭhina,"Pahnih chiah ti rawh ka tih che kha mawle"tiin Bryana chuan chupa chu aphun khum deuh mawlh mawlh



A thusawi awmzia chu ka hreve derlo,"Hey"arawn tih chuan ka phu leh zawk,"Ding zum ut renglo khan tui va zawng rawh"arawn tih chuan ka hawikuala,tui han hmuh mai tur a awmlo hrim hrim,dawr ami lei angaih ka ring, kal mai ka tum chu pawisa ka kenglo tih ka hre leh chiah




Bryana chuan u Zuala atih pa chu tih harh tumin abe deuh mawlh mawlha,inthlahrung deuh chuan adarah chuan kava khawih dek deka,lo inher deuhin,"Engee"alo ti hlura




"Pawisa ka kengloa"ka tih sep chuan,a chek deuh hlak hlak,"Dawrah ka kal dawn tive si pawisa i kenglo maw"ti pahin a in dap rawk rawka,a wallet chu min rawn pe a,kalo banve vat



U Zuala atih pa chu a kut techu ahmeh saka,ka ding reng chu minlo en leh pahin,"Enge ila tih reng kal vat tache,kan tih harh vat angai ania"alo ti chang runa.




"E,,,aw,,"ti bah nakin,engmah sawi tawhlo chuan dawr lam chu ka pana,atlan ngawtin ka tlan,dawr ka thlen chuan ka thawchhuak deuh ham ham phawta,ka sam techu tuai ṭhate te phawtin dawr chhungah chuan ka luta



Tui an neih leh neihloh ka zawt nghala minlo pe vat,pawisa ka pek dawn chuan wallet chu ka hawnga,rs500 tlang hlir leh cheng10 pakhat chiahhi alo awma,condom lo awm ka hmuh chuan ka nernang,tenawm hian,mahse hetiang ngaihtuah hman ka nilo



Rs500 tlang pakhat chu ka pe vata,pawisa nawi techu ka nghak leh rih,Bryana chuan rei minti tawh viauin ka ring.



Pawisa kir ka lak hnu chuan atlan ngawt chuan ka tlan leha,zan zanah lum ka ti vek,,,,nichina anlo awmna kha ka thlen chuan tumah anlo awm tawhloa



Ka hawikuala,kawngpui lam techu ka en a,"Heyy,Thingtlangnu hetah"lo ti sar sar tu aw ka hriat chuan ka inher vat



Thing pakhat awmna hnuai a thim zual laiah chuan Bryana chuan u Zuala atih pa kha alo ṭhut pui renga,kava pan vat




Tui bottle chu pe pahin,"Ala harh na nge"ka tih chuan,min chhang lemlo chuan Bryana chuan tui chu akutah bunin u Zuala lu chu atih huh saka



"U Zual,u Zual i harh em"a ti pah mawlh mawlh,"Minlo pui lawk teh"arawn tih leh chuan tui bottle chu ka lak sak vata,"Lo intir rawh aw"alo tih chuan,kalo bu ve nghata



A ká chu akeu sak deuha tui chu tlem chu kan tulh luh saka,lem pawh alem thei chuanglo,hetianga mi awm hi ka vawikhat hmuhna anih avangin han buaipui dan vak pawh ka hrelo




Bryana chuan ka bottle ken chu lo la in tui chu akutah bun lehin u Zuala hmaiah chuan atheh ṭhat ṭhata,u Zuala chu alo che deuh hruta,alo meng deuh zawka,mahse a chhing leh riai riaia




"U Zual keimah Bryana min hria em?"tiin Bryana chuan abe leha,chupa chu aphun deuh ser ser a,Bryana chuan abe mawlh mawlh,ahau ni maiin ka hria




Reifé kan ṭhutchilh hnu pawh chuan alo la harh chiang theiloa,ahnuah alo rum deuh nghut nghuta,Bryana chuan asawi asawia,chupa chu alo mengchhuak hlawla,amit ala sen ram zui,athim em avangin ahmel chu ka hmu chiang theilo,amah apalian angreng tih chu ks hria




"Ngatinge hetah ka awma"alo tih ser ser chuan,"Kawngsirah i mu tawp alawm,tlaia ka pek che kha iti zo vek ami"thinrim aw deuh chuan Bryana chuan ati hlak hlaka



Chupa chuan aṭhutdan insiam rem deuhin alu atuai vut vuta,akawr huh techu akhawiha,minlo en zawk chuan mak tih hmel deuh hian min ena,keilah chuan chik deuh hian kalo enve reng



"Henu hian ahmu che a"Bryana chuan alo ti sapa,chupa chu abu nghut,"Khawimaw min kai tho teh"tiin Bryana chu ahrilha.




Bryana chuan akai tho vat,keipawh chu ka ding ve nghala,u Zuala chuan min melhchhuk run pah hian,"Ka lawm e"alo ti thawp supa,sawi mai tur pawh ka hrelo ka ngawi vung vung




"Kava thlah ang che"u Zuala en pah chuan Bryana chuan ati sapa,u Zuala kal mai atum chu apai deuh chhapa,Bryana chuan alo dawm vat




"I zawh loh tur chen chen chu hre ṭhin rawh ka ti ziah che a ni lawmni,zahthlak thei lutuk"tiin Bryana chuan u Zuala chu ahau leha,an thusawi awmzia ka hreve derlo




An pahnih chuan ka en deuh renga,chutah Bryana chuan minlo en pahin,"Kal tawh rawh enge ila tihve reng"nelawm loh zet chuan arawn ti a



"Ka hria"ti pahin ka kal nghal daiha,thui pawh ka kal hmanlo Bryana wallet ka ak reng tih ka hriat chuan kava let leha



Anni pawh anlo la thleng thui hman biklo,U Zuala kha kawngpuiah kuah chungin muangchang hian alo kal puia



Hnunglam aṭang chuan,"Heyy"ka ti vaka,alo hawi thei derlo,chil lem khalhin,"Bryann"ka ti leh vak chu muangchang hian u Zuala nen chuan inkuah chungin alo inhera,tun hi ahminga ka vawikhat kohna a ni.




A englaiah an ding tawh bawka,amitko lo san uk pawh chu ka hmu thei,a wallet chu keng kangin ka kawka,minlo en deuh reng



Pan hnaiin a wallet chu ka pe a,U Zuala hmel chu ka hmu chiang ve chiah,ka en chian deuh chuan ahmaiah ser alo awm deuh ṭeuha mahse ati lang pa takzet,a hmel pawh a chhe lemlo,, ,enge maw ka ngaihtuah ni.




"Dawrah chuan ikal dawnlo ami"lo titu chu ka en vata,"Pawisa ka ken theihnghilh daiha,ka haw leh phawt ang"ṭha deuh chuan ka tive maia



Chutah a wallet aṭang chuan rs200 note nichina pawisa kir ami kha rawn la chhuakin ka kutah chuan alo hmehbawma,mak tizet chuan ka en




"Haw ngai tawh lovin dawrah chuan va kal rawh,zan zanah hmeichhia an chhuak reng ngailo"alo tih sup chuan Bryana a nilo emaw ka tihial



"Angai kherlo ania,ka haw,,,"ka sawi zo hmanlo ,"Kal mai mai teh Thingtlangnu"alo tinghala,Bryana dik tak kha ani leh tawh




Amah chu ka nek lui khera,a phun zui hlak hlak pawh chu ka hre reng,muangchang chuan dawr lam chu ka pana,chart paper chu pa3 ka leia



Hmanhmawh angreng deuh chuan inlam chu ka pan vat,tumlo deuhin khatiang thil kha ka tawng ta sia, duh aiin ka rei phah vek...



In ka thlen chuan alum ka ti leh hlê tawh,kawngkhar ka hawng chiah chu Memei hmel ka hmu nghala,"Awi,u Zothan dawr awmna ihai amk,i bo ta daih emaw kalo tia lo zawn che ka tuma"min ngaihtuah hmel zet chuan alo ti a




"Aih,,,ih ka bo hleinem"ti pahin chart paper chu ahma zawnah chuan ka leka,alo ban vat




"I bo tak tak emaw ka tihman alawm"nuipah deuha alo tih chuan ka nuive tawp,inchhungah chuan Memei nen chuan kan inzui luta




Common room lama Doctor Roberta lo ṭhu reng ka hmuh chuan mak ka tideuh chu ka en reng,minlo hmuh chuan alo nuisànga,ka nuih letve zeuh



Nutei leh patea tenen chuan anlo ti ti mawlh mawlha,Mama leh U Notei pawh sofa room lamah phone khawih nuap nuap pahin anlo ṭhu vereng bawk...



Nutei'n minlo hmuh chuan minlo hui vata,"Zothan ilo haw tawh maw,hei lo ṭhu pheive rawh u"alo ti a,Memei nen chuan kan phei nghal vat.




"I dawr kal chu iva hah awm ve"Patea'n alo tih chuan ka thlan fim lo chhuak chu ka hru nghala,a chhan erawh ka sawi lemlo



"Roberta'n anghahna che arei tawh lutuk alawm"nuipaha Nutei'n alo tih chuan doctor Roberta chu ka en vata,"Mawiah ala rei vakloh kha"alo ti sapa,ka inthiamlo angreng



"Zothan"patea'n alo tih chuan,patea ṭawng hun chu ka ngaichang renga,"Hei Roberta hian a clinic lamah hnathawk amamawha,i college kal tibuai lo zawngin weekend lamah chiah a ni dawn a ni awm e,i peih dawn em?"alo tih chuan



Ka peih thuin ka chhang vat,Nutei pawn ṭha alo ti khawp mai,tlai chaw eilai khan ka hrilh ang ka ti kha ania,Mama an hau char charsia,ka sawi duh talo kha ania




"Nangmah medical lama kal tum i ni hrim hrim bawka,inzirna atan pawh aṭha dawna,chutia thawh ihreh loh chuan aṭha lutuk alawm"nutei chuan alo ti leh siam siam a,ka bu nghat



Nutei leh patea ten phal taka ka thawh an remti chu ka lawm takzet,"Awi,,,u Roberta hi u Zothani chiah iti bika,keipawh ka awmve renga"Memei chuan doctor Roberta fiam titih zeta alo tih chuan kan nui deuh hak hak




"Kan lalMerilyni techu e,damlo enkawl chi anilo hrim hrim,amah lah hian hriau ala hlau zui amaw"Nutei chuan alo ti sapa,Patea pawn alo tuihnih veleh bawk...



Memei nen chuan thingpui lum turin choka lamah chuan kan pheia,gas-a thingpui ka chhuan dawn lai chuan,Memei chu ka bulah lo ding pah hian



"U Zothan,u Roberta hian a star chiang che"alo ti ser sera,"Awihawm loh lutuk"ka tivat,"Ania lawm,ahma pawn ka hrilh tawh che kha,a en dan aṭang che hian ka hre vek,awi duhve nge nge rawh hmelṭhasi,fel bawksi,hausa bawksi,si hlir a ni mai"a tih chuan




"Chini leh bawnghnute va la teh"ka ti daiha,"Ehh,ehh ilai chiang"alo la ti hrama,min fiam zui hlak hlak pah chuan akalve maia




Thingpui kan siam zawh hnu chuan kanva phei leha,doctor Roberta thingpui ka pek lai chuan chiang zet hian kan in melha,ka biang a sa leh hat hat tawh...




Memei phone a thlalak hochu kan en a,Doctor Roberta erawh Patea nen chuan eng eng emaw sawiin an ti ti a...




U Notei chu khawiah emaw kal tur niawm tak hian in chei deuh hian alo chhuaka,ani hichu a inchei deuh reng ṭhin a ni mah zawk.




"Nu,chhuah lawkna tur ka neia"a phone en pah reng chung chuan alo ti a,"Tunah maw,dar8pm arik tawh dawn hi"Nutei chuan alo tivat



"Nia mawle,tun ang hunah khawiah nge ikal dawn"patea chuan alo tivea,"Nula ka nih tawhhi,ṭhiante'n kalo haw min lawm sakve dawna,chutiang inzawh vak pawh angai ami"U Notei chuan alo tilet zeka,keimah zawk kalo ip chawih thei




"A chiloh emai,naktuk lamah tirawh u"nutei chuan lungawilo tih hriat zet hian ati a,u Notei erawh kal atum hmel khawp mai



"Ninawm ahh,ka kal dawn kalo haw har lo ang"alo ti vara,patea chuan a en deuh reng,"U Robert leng reng rawh aw"u Notei chuan ti lehin akal ta daih



"Lalthantluangi(U Notei hmingpum)mai mai ṭhin hichu aw"enzui vawng vawng pah hian Nutei chuan ati hap



"Delhi-ah ala awm reng emaw ati nihhi"Memei chuan alo tive sepa,patea pawn alo thlawp vat,,,"Kan chho teh ang,ka project ka tizo hmanlo palh ang"ti lehin Memei chu inchung lamah a chho ta daih




Nutei leh patea pawh chu rei pawh ṭhulo chuan doctor Roberta chu leng reng tura hrilhin room lamah an lut ta daiha,Mama erawh sofa room lamah ala ṭhu reng




Doctor Roberta chu ka bulah chuan alo ṭhu pheia,kalo zam leh em em tawh,tv chu kan en deuh tawpa,han biak hmasak dan tur lah ka hre derlo



Amah zawk chuan eng eng emawni min zawt leh zeuh ṭhin tih loh chu kan ngawi dun renga,mahse hetia insi deuh lek leka ṭhut dun hi nuam ka tireuh takzet...




Dar9pm velah chuan Mama hi alo pheia,"U Zothan ka chhuak lawk dawn ania,ka nu te lo hrilh mairawh aw"alo ti supa,ka chhan hma chuan akal nal nal,doctor Roberta nen chuan kan enzui deuh reng



"I hlau angem?"doctor Roberta chuan alo ti thawp supa,"Maw!,,Eng"ka ti heua,"Lehkha pawimawh en fel tur ka neisia,ka haw phei dawn emawni ka ti deuha"a tih chuan




"Anih chu ka hlau hleinem,Memei pawh a project tiin ala men ka ring va haw phei rawh"ka tive maia,abu nghut,ading hluai chu ka dingve nghala



Pawn thleng chuan kan inzui chhuaka,"A vawt si,va lut tawh rawh"Doctor Roberta chuan alo ti sapa,"Aih kalo enliam ang che"ka ti ve vat,a kiaisuk chu pa tak a ni.



A kal mai dawn emaw ka tih laiin minlo hnaihchilh deuha,hnai setsawtah hian ka mitah tak chuan minlo en a,ka lo eu deuh



"Zothan"ril ruiha alo tih chuan,ka mit ka khap zeuh,"Thil hrilh duh che ka neia"alo ti leh a



"Sawila"ka tive sep,"Tunah nilo,phone-ah ka hrilh ang che,lo mengrei deuhla"amitko san ak paha alo tih chuan hrethiamlo zet chuan ka en reng...




"Muttui kala ti rihlo mai ang che,kan la inbe dawnsia,a nih phawt"tiin akal ta daih a




Enge a sawi awmzia ni ang?hrethiamlo zet chuan ka enzui vawng vawng!!!



(END OF CHAPTER-7)
(Ads click ṭheuh ang u aw🥰,hmelṭha lutuk ho,in vaiin muah fû)

comment-na tur link
https://m.facebook.com/groups/991354610 ... 004991987/


Show post links
Top

[Ngaia]

*THINGTLANGNU MAW!*



Chapter-8



by_MrsBabe Khawlhring




Zothanfeli Pov.




Rilru nuamlo deuh chuan inchhungah chuan ka luta,room lamah ka chhoh chuan Memei chuan a project chu alo la ti meka.



Minlo hmuh chuan,"U Roberta ahaw tawh ami?"alo ti a,"Umm"ka ti vat,"Kalo tihpui dawn che mi?"ka tih leh chuan




"Aih ngailo atam tawhlo,lo mu chhung daih rawh,hemi hi ka ziak leh anga ka zo a ni mai"alo ti vara,ka hnial lemlo



Ka phone charge chu phawiin khumah chuan chuan ka inthlawlh nghal salh salha,wassap-ah ka lut nghal vat.



Doctor Roberta message a awm tawh leh tawh loh chu ka en nghala,mahse alo la awm lo.



Lehkha pawimawh enfel tur ka nei a ti tak e,a enfel zawhah minlo be chauh dawn aniang?ka ti rilrua




Ka za cheng tawh a ni ber,eng tak min hrilh ang maw?ka beisei loh ang deuhhi min hrilh leh si anga,,,tih techuan ka ngaihtuahna ati buai



Puan te chuan ka in bili khuha,sana ka en zeuh zeuh bawk,"U Zothan"lo titu avang chuan ka ṭhu chhuak hlawl mai,Memei chu ka en vata,mak tihhmel deuh hian minlo en reng.



"Ngatinge i tal vak vak a"nuihza insum deuha alo tih chuan ka sam tuai ṭha sauh sauh pahin Memei chu ka nuih tlawn ta tawp.



"Boruak ṭha kan híp lawk ange aw"ti sepin khum aṭang chuan ka tho nghala,Memei nui deuh sen sen rí pawh chu ka hre reng.



Room aṭang chuan chhuakin Mama room bul lawka balcony lam chu ka pana,ka chhuak chiah chu avawt deuh súk mai.



Vanlam hawi chuan thla eng chu ka en renga,ka lung ati leng riau lehnghal,,,kan khua Tlabung minti ngai tak zet...



Kan khua Tlabung hi a boruak aṭhain athiang nuam em em a,ami chengte pawh kan harh vangin kan hrisel em em a.Kan inngeih tlang hlê bawk...


Kan khua hi Bangladesh Ramri bul Lunglei aṭanga khaw thlang lam 98km ah a awm a,Lunglei district-ah min chhiar telve bawk.



Kan khuaah hian tuipui te a awmve a,lawngah te kan chuang ṭhina,anuam ve reuh em em ṭhin...



Han ngaihtuah let chuan lung ati leng vawng vawng mai,,,



in hau thawm ang deuh ka hriat avang chuan ka ngaihtuahna aṭang chuan ka harhchhuak thut



Ka thawm hriatna lam chu ka hawithla vata,gate bulah hian hmeichhia leh mipa hi an lo indin chilh renga,mahse a thim em a ka awmna asàng deuh bawk nen ka hmu chiang theilo,an inhau ni maiin ka hria



Ka beng chu chhi chiang deuhin anṭawng chu ka ngaithla kiaua,ka hriatsual loh chuan hmeichhe aw chu U Notei aw ngei a ni.



A mipa khu tunge ni ta ang?ka en deuh renga,u Notei chuan a mipa chu a chum deuh dat data,an inhau tak tak nge mawni?



Mipa erawh chu aṭawng ve vaklo,a pianzia aṭang chuan tunge anih hriat tumin chik zet chuan ka en a,athim em a ka hmu chiang theilo,abialpa emaw nile,ka hre chak zual tak zet.



"U Zothan i phone ari ania"ka hnunglam aṭanga lo titu chu Memei a ni,ka phu deuh zawk,ka phone chu ka hma zawnah chuan alo lek renga



Ka ban nghal vat,caller ID ka en chuan Doctor Roberta hming alo inziak kalh mai,Memei chu awmze nei deuh hian ala nui sen sen zui



Phone chu chhang ta lemlo chuan thlanglam chu ka hawi leh zeuha anlo la ding reng,hrechak deuh chuan,"Lut ila"ka ti sepa,Memei nen chuan room lamah chuan kan inzui pheia



"I chhanglo a?"room chhunga kan luh hnu chuan Memei chuan alo ti sapa,ka phone chu ka la kang vat,alo rì leh nghal chiah bawk



"La vat rawh"Memei chuan alo ti leha,ka la taa,"Aw,Hello"ka tih chuan,lehlam aṭang chuan,"I muhil ta daih emaw ka tia"alo ti thawp sup




"Mu lo e"ka tive vata,"Message lo en rawh aw"alo ti leh sapa,kan inbiakna chu kan titawp nghal bawk.



"Enge insawia"hriatchak hmel deuh hian Memei chuan alo ti a,"Engmah"tipahin khum lam chu ka pana,ka muthla nghal vat,puan sin ṭha sauh sauhin,wassap-ah ka lut nghala




Memei chu zai deuh rat rat pah hian bathroom lamah aluta,doctor Roberta chat chu ka luhchilha,typing tih a inziak kiau mai.



Reifé ka nghah hnu pawh chuan typing tihhi a inziak char chara,eng em em nge maw lo sawi atum ni?ka rilru chuan ka ti a.




Ahnu fé ah chuan message pakhat chu alo lut a,a type rei ngaihtuah chuan a message chu tawi tak a ni



(Bialpa lo nei suh aw,muttui le)tih chauh hi alo ni a,hrethiamlo zet chuan chu amessage minlo thawn chu ka chhiar nawn ka chhiar nawna,enge a sawi awmzia hi ni ta ang?



Chhan let dan tur pawh chu ka hrelo,rilru nuamlo deuh chuan phone chu ka daha,ka tum bur mai kalo nghahhlelh ve tawh tehreng nen...



Ngawiteh,kei hi engvangin nge kalo phul ve hlut ringawt ni,ka phone chu dah hmakin saisir zawng chuan ka mu nghala,ka rilru chuan keimah leh keimah chu beiseina ka lo insiam ve ringawt vang chuan ka inhau mawlh mawlh



Mahse,'Bialpa lo nei suh'a tih dan aṭang khan athusawi kha lak kawih theihna chin ka neive thoin ka hria



Bathroom kawngkhar ri khep ka hriat avang chuan ka mit ka chhing vat,mu ang hmakin ka awm,Memei chu alo mutve hnu pawh chuan mutthilh tumin mit ka chhing char char



Ka muhil riai riai tawh tiah,,,U Notei room aṭanga bungrua in vawm ri ṭhuai rí ka hriat chuan ka ṭhuchhuak hlawla,Memei pawh a ni tho.



"Enge le!"Memei chuan ati sapa,ka thin aphu dep dep mai,"U Notei room aṭanga thawm lo chhuak a ni lawmni?"ka tih chuan Memei chu abu nghata,"Ngatinge le"thawm ngaithla vang vang pah chuan Memei chuan ati sep




Kan nghak deuh renga mahse thawm a awm tawhlo,u Notei chu thil enge maw vangin athinrim ani ngei ang,,,nichina mipa nena an inhauh vang kha a ni thei mai angem?khapa kha tu tak ni ang maw.



Memei nen chuan rilru nuamlo deuh chuan kan mu leha,Memei pawh chuan a phone chu akhawih tawh biklo.



Alamah chuan inherin,"Ihmaw,Meme"ka ti sar sara,minlo enzeuh pah hian,"Umm"alo tive sep



"Zan tira dawra ka kal laikhan maw,ka rei nachhan chu ihh,,,mi pakhat kawngsira lo mu tawp ka hmuh vang ania"ka tih chuan,Memei chu alo saisir ve nghala.




"Animaw?tunge a"hriatchak hmel deuh hian alo tinghala,"Ka hre biklo,Bryana kha alo kal amaw,amah khan abuaipuia,ahming kha u Zuala ati nge mawni"ka tih chuan Memei chu ahmel adang ta vek



A inher riai riaia mak ti deuh chuan ka en reng,"A ti tawh ngailo emaw katia"arawn ti chuai raiha,"Engmaw?"ka tih chuan,Memei chu angawi deuh vang vang,amittui lo luang thla ka hmuh chuan ka hrethiamlo takzet



"U Zuala kha drugs addict ania,zu pawh a in ṭhin"arawn ti sapa,"Animaw?"ka tih chuan,minlo enzeuh pah hian,"Umm"alo tichuai raih mai.



Anih chuan Bryana pawh kha drugs addict ve tho tihna maw nile?a thil sawi dan leh aṭawngkam vel aṭang tekhan,,,Nutei thilsawi dan tekha,chu mai nilovin Doctor Roberta nge pawhin 'thil chin ṭhan ṭhalo deuh sim.theih tawhloh anei'tiin min hrilh tak kha mawle!!!ka rin ang alo nilo tawp mai.




"Ih maw U Zuala hi ka star thei lutuka,ahma chuan afel thei lutuk ahmel tehi ṭha ka ti thei lutuka,ka tleirawl chhuahhlim aṭang khan ka star nghet deuh tawpa,mahse nikum lam aṭang khan tiamg thil ṭhalo hi ati ṭana,khawtlang pawn an zilh hial tawh,khawilaiah tehian alo od leh ringawt zela"Memei chuan arawn ti siam siama,amah chu en pahin athusawi chu ka ngaithla kiau




"Hun rei tak kalo duhve tawh ṭhin mipa hetianga a awm ka hmuh hian ka rilru hi anà ṭhin takzet,atana ṭawngṭai bak tih theih ka nei siloa,vawikhat phei chu ka ṭah khum chiam tawh,min hmuh tehian a inthlahrung thei lutuk"alo tih leh chuan asawi zawng chuan ṭap chung chuan anuipaha,ka rilru akhawih ve takzet.





"A chhungte khan hmani lawkah camp-ah te an luh tira,asim tawh emaw ka tia,hetiang thu ka hre leh chu ka rilru aná thar takzet"a chawl data,"Ahma chuan ahmelṭha ṭhin teh asin aw,mahse aruihtheihthil tih hian a eichhe hneh ema,tunah chuan hmuhtlak pawh a awm tawhlo"arawn ti leh sapa,amittui chu atuai deuh puat bawk





Han hnem dan vak pawh ka hrelo,"Anih,Bryana hian ative ṭhin ami a?"ka tih chuan Memei chu thil enge mawni ngaihtuah ni awm tak hian angawi deuh vung vung



"Tive ṭhin e,mahse tumah hrilh kher suh aw"alo tih chuan ka thu hriat chu ka awihlo hial,ahmelah chuan hetiang thil ṭhalo lutuk ti ṭhin hmel pawh a pu silo




Mi te hi an pawnlam landan ngawta tehchi anlo va nilo tehlul em!



"Mahse,U Bryana hichu arui tih pawhhi ahriat ve vak ngailoh reng reng,an thil tih ṭhin hian rim anei siloa"alo tih leh chuan ka mutdan chu siam ṭhain ceiling lam chu ka en a...




Rin harsa ka tireuh takzet,mipa pangai tak angin kalo ngaih ve tehlul nen drugs addict maw alo niha!!!ka khawngaih reuh takzet zawk...


________________________




Zingah chuan ka thawh ruala thove turin Memei chu ka kaithoa,nizan lam kan titi rei deuh bawknen peih loh hmel deuh chuan alo thove maia



Vawiin class kal hma kan ngaih avangin thawh hma kan ngai hrim hrim bawk nen,inhnuai lama kan chhuk chuan Memei chu ala ham deuh bai bai mai.




Thingpui ka chhuang nghal vata,chaw chhum tur kala chhuak nghal bawk,Memei erawh mut ala khamlo ngang aniang dawhkan alo bawh chial ka hmuh chuan nuisuk



Thingpui ka siam zo chiah tihah Nutei leh Patea anlo tho a,Patea chu hna kal turin alo in peihsa at mai,"Zothan,thingpui isiam tawh ami?i patea hi a zing kal dawn sia lo thli nghalla"Nutei'n alo tih chuan ka bu nghata,thingpui chu ka thli nghal vat




Memei pawh chu alu vel tura ka tih avangin ṭha deuh chuan alo vel ve maia,thingpui inlai chuan,"Nizan i u Notei lo haw laiin inla meng em?"Nutei chuan alo ti sapa



Memei nen chuan kan in signal zeuh,"Aw la meng e"Memei zawk chuan alo ti a,Nutei chuan keimah zawk chu minlo ena,"Dar engzat velah nge alo haw a"alo tih chuan,Memei chu ka mitsir zeuh




"Dar10pm arî tawh maithei ani"ka tih chuan,Nutei chu a bu nghut,dik tak chuan balcony lama ka chhuahlai pawh khan dar10pm chu apel vang vang tawh,u Notei lo haw tak phei kha chu dar12 vel a ri daih tawhin ka ring




"Buaithlak lutuk mai,Lalthantluangi awmdan hichu"Nutei chuan ati hlak hlak



Patea chuan engmah pawh asawi ve lemlo,thingpui a inzo chiah akal tur chu Nutei chuan pawn thleng chuan ava thlaha



Memei chuan,"U Notei chu he tireng hi nimai,dawt sawi sak angai ziah"alo tih chuan,ka bu nghut


____________________



Nutei,Mama leh Memei tenen chauh chuan chaw chu kan ei a,u Notei chu atho thei thlawtlo a ni ngei ang alo chhuk miahloh danah.



Nizan khan eng chiah nge maw thleng ni,bungrua tekha a paih rì deuh bur bur sia...


Dik tak chuan nutei leh patea ten u Notei an tihdan hichu adiklo ka ti,anfa hmingkoh anih vang nge an duat leh lutuk hi an hau ngamlo ni maiin ka hria



Ka pa damlai leh tun thleng pawn kan chhungkua chu kan damṭha kim anih phawt chuan chaw ei rualloh tihvel hi athianglo tawp ṭhin,ka pa khan chhungkaw kima chaw eiho kha angai pawimawh em maia,a boral hnu pawn chu chu ka nu hoin kanla chhawmnung reng bawk.



Chaw eikhamah chuan kan tlaive deuh tawh bawknen,chaw eina vel pawh nutei sengfel turin kan dah tawpa,class kal tur chuan kan insiam nghala



Mama'n bike-a kal ngai tawh lovin motor aken zawk tur thu asawi chuan ka thaw huai thei,Bryana rual ten min haw tir atum leh ang tihte ania ka hlauh ni,drugs addict a ni tih nizan aṭanga ka hriat hnu phei kha chuan ka hlau ru riau lehnghal



Kawrfual levender colour ban half,ka khup khuh thlap a par dan changkang deuh hi ka haa,sandal ka bun leh tawp bawk,nalh ka intive takzet.



Memei nen kan insiam zo inhnuai lama kan chhuk chuan Mama chu alo in peih fel der tawh



In aṭanga kan chhuak tur chiah chu u Notei alo thove chiah bawk,a make-up hmanglo hmel chu ka rin aiin ahmuh tlak reuh takzet,u Notei hichu ahmelṭhave reuh hrim hrim a ni...



Motor-a kan ṭhut luh hnu chuan kan tlanchhuak nghala,Memei nen chuan traffic jam-a kan tan apiangin thla kan la deuh char char.




Ka phone lo ri ral ral chu hming pawh en lem lovin ka la nghala,"Hello"ka tih chuan,"Zothan,tlaiah i form fill-up tur kan inah lo lam rawh aw"lehlam aṭang chuan arawn ti a,doctor Roberta a ni.




"Eee,awle kalo lam ang"ka tivata kan ibiakna chu kan titawp nghal,nizan vang khan ka thinrim ve deuh tlat anih chu,,,enge ka hriatni.



________________________



Bryan Roluahpuia Pov.



Kan ṭhianho chuan Joshua nghakin waiting shed-ah chuan kan ṭhu renga,hmeichhe lo kal khal nalh deuh leh hnute lian deuh chu kan lo chhaih lai zeuh zeuh bawk.



"Saw saw Joshua te car a ni lawmni"Alfreda'n atih sup chuan asawina lam chu Muana nen chuan kan enve vata




"Anih chian saw,hmela saw lo kal har suh ti mawlh mawlha"Muana chuan ati hlak hlaka,ngawi reng chuan kalo thlir reng



"Merilyni nen anlo kal rual animaw"Alfreda chuan ati leh sapa,ka mit erawh motor kawngkhar lehlam aṭanga lo chhuak mek Thingtlangnu ah chuan a fu tlat thung



Vawiin a incheidan mai mai chuh,lairil a fan raih mai ka ti,henu tereuh hichu awww,,,,,A vun nel thep leh ngo sar mai te,ahnar ngul invuah dik lutuk leh apian fuh lutukte,ahmelṭha mai pawh nilo hmel ngaihno bei lutuk anei tehi,Thingtlang aṭanga lokal hi a anglo ka tihial.




"Ahhh,saw nu saw tunge a"Muana chuan Joshua te awmna lam enpah chuan ati heua,"Nimina ka sawi kha saw nu saw lawm,ahmelṭha reuh tak tak a ni"Alfreda chuan Thingtlangnu mittla lo chauha en pah chuan ati thawp supa,kei kalo rum nghut



"Ava han tawk reuh teu teu ve a,akawng fek laiah sawn han piai sak zeuh kava chak em"titu chu Muana a ni,"Ilo hisap fel leh diam tawh elaw"tiin Alfreda chuan afiam zeuha,Muana chuan alu atuai vut vut




"Nangni ang ngaihzawn atan chuan afel lutuk mah mah"ka tih chuan an ner nanga,"Joshua nen sawn engtinnge an inhriat le,hepa tehi chicks hre thei riau mai"Muana chuan alo ti deuh khur khura




"A cousin anih saw"ka tih chuan,"Ehh,van hrethei deuhve"ka dara rawn hmer salh pah chuan Alfreda chuan alo tive a,ka melh hrep



"In ṭhenawm alawm kan nih le"ka tih nghut chuan Muana chu alo nui deuh hak hak,"Taka,Thantluangi(U Notei kha)kha alo haw tawh tiraw?"Alfreda chuan alo ti a,ka bu nghut



He nu hi ka hne riau lehnghal,ahming pawhhi ka hre ning.Ka rilru chuan kalo ti hmanhmawh



"Vawikhat tal hichu Thantluangi hichu Joshua hriat loh hian vanram ka fanpui ve chak a ni,azei dawn maisia maw"Alfreda'n alo tih chuan,Muana chu alo chek hlak hlak,kei erawh ka nernang




"Heyy,i bul ami kha chuan ahne leh der tawh"minlo en pahin Muana chuan alo ti supa,"Ngawi mai mai teh"ka tih chuan Alfreda nen chuan an nui an nui



"Lo che rang leh thei bik ṭhenawm tih takah"Alfreda'n alo tih chuan ka phun deuh hlak hlak



Thantluangi ang hmeichhia sihnip lutuk techu tu mipa pawhin an mutpui thei vek ang chu le,,,vawihnih khat biak ṭhat deuh hlek chuan a dawt leh aphut zela,ka tithei ṭhai lo.




"Khawmaw,ding reng loin Joshua tesaw iva pawh teh ang u,a cousin hmelṭhai saw ahmingte va zawt ang u"Muana'n atih chuan,"Aṭullo"ka tivat,mak tih hmel deuh hian Alfreda nen chuan minlo en



"Hmeichhe dang ang ani velo"ka tih leh sup chuan min en vung vung hnuah an pahnih chuan an in signal zeuha



Thingtlangnu te dinna lamah chuan anva kal ta nge nge,hmela te pahnih mai mai chuh...



Dik tak chuan he Thingtlangnu hi keipawhin han lem kual vel chu ka chak hrim hrim.



Ka u hian abuaipui deuh tih ka hre bawk nen,ka u in aduh tawh phawt chu engpawh nise chhuhsak zel ka duh



Ka nih tur ang ni pha lova min siamtu anih vang hrim hrim pawh hian ami ngaihven zawng leh aduhzawng chu laksak zel ka duh.



He Thingtlangnu hi a duh tak tak anih phei chuan aneih hi ka phal dawnlo,eng tikawng zawng pawn ka chhuhsak ang!!!



(END OF CHAPTER-8)
(Comment azirin next-ah Doctor Roberta Pov kan ziak tel ang aw,exam kan zo tawh bawka,regu viau thei tawh turah in ngai ang aw,in vaiin muah fû)


Comment-na tur link
https://m.facebook.com/groups/991354610 ... 004991987/
Ads click leh ṭheuh bawk ang u in fel kha


Show post links
Top

[Ngaia]

*THINGTLANGNU MAW!*



Chapter-9



by_MrsBabe Khawlhring




Zothanfeli Pov.



"Mam,ka sawi chu ihria em,vawiin chu class kannei full a,U Zothani ina idah hnuah minlo lam leh rawh aw"Memei chuan Mama en pah chuan ati mawlh mawlha.



"Naa,taxi emaw bus-in lo haw mai rawh,ina haw tawh chuan kalo kal peih tawhlo"Mama'n atih chuan Memei chu aner nasa ngang mai.



"I rilru hi chhe ve nihhi,scooty chu min ngen pui ang che"Memei chuan ati deuh nang nanga,Mama chu angawi reng



"Lut ang u"Mama'n atih nghut chuan kalmai kan tum chu hnunglam aṭanga Mama rawn au tute avang chuan kan ding leh rih




Mipa pahih lian angreng deuh hi kan lam pan hian anlo kala,ahnungah Bryana peih loh hmel deuhin alo kalve bawk.



"Josh kan nghah rei tehreng chenen min luhsan mai itum elaw?"lo titu chu an zinga hang deuhlam ber a ni



"Kalo hmulo che u a"Mama chuan ati sam eta,"Kan awmna lam ilo hawilo hrim hrim alawm"pakhat chuan alo tive supa,Bryana erawh engmah asawilo




Chik zet hian minlo endeuh renga,ka awm zawn amelh lai chuan ka lo inhup vata,ala nersak zui.



"Ka luhsan dawn che u,U Zothan Mama rualin lut mai rawh aw"Memei'n alo tih chuan kalve mai ka duh zawk,mahse ka sawi hmanlo Memei chu akal nghal daih




Mipa pakhat zawk adum deuh zawk khan min en deuh char char lehnghala,Mama hnung deuhah amah si chet chuan ka ding ringawt.




"Joshua i unaunu chu min hmel hriattir ve dawnlo ami a"pakhat zawkin arawn tih chuan adum zawk khan arawn thlawp vat.




"E,,,u Zothan heihi ka ṭhiante Alfreda leh Muana annihi,Bryana hichu ihre tawha tiraw?"Mama'n alo tih chuan ka bu deuh nghat nghat,"Ka cousin Zothanfeli"Mama chuan ati leh supa,anlo nui deuh dar dar



A dum zawk khan min chibai tumin polite deuh hian akut arawn leka,alo nuisàng bawk,muangchang chuan ka kut chu ka lek chhuak ve a,awmze nei zet hian ka kut chu alo tuaia lasawn rang tak ka ni.



Alfreda atih zawk kha chuan pangai takin min chibaia,Muana atih zawk hichu a hur hmel kati takzet.



"Kan luhsan phawt ang che u,class kan ṭan dawn tawhsia"a sana bih zeuh paha Mama'n atih chuan ka thaw huai thei.




"Zothan kan inhmu leh dawn ania aw"Alfreda chuan alo ti supa,ka bu nghut ringawt,anui deuh reng lehnghal ani pawhhi alerh reuh viauin ka ring



Mama nen chuan college lam chu kan pana,ka hawilet zeuh chuan an pathum khan minlo enzui reng,Bryana phei chuan mit tizim sun hian minlo en.




"Mam i ṭhian tekha an hlauhawm e"kan classroom kan thlen dawn chuan ka ti sepa,"An awmdan ve reng alawm,ngatan mah tisuh"ṭha deuh chuan Mama chuan alo tive maia,mahse ka awm anuam thei chuanglo min melh dante kha ka ngaihtuah let hian ka ṭim sung sung thei.




"U Bryana tih loh kha chu Alfreda leh Muana nen kha chuan kan inkawm em em lo,senior te annia han biak chhiat ngawt hi anuam siloa"Mama chuan alo ti leh charh charha,"Umm,anih chu"ka tive sep




"An tibuai che anih chuan min hrilh hreh suh aw,anni pahnih kha,,nilo an pathum khan hmeichhia hi an lawm ve a,an kut pawh ahlei ania"alo tih leh chuan,ka bu deuh nghat nghata,,,Mama chu ka en deuh reng



A ṭawng tlem ve tehlul nen,vawiin chu aṭawng tam ve ṭum tak anih ka ring...



Class-a kan luh hnu chuan Mama chuan aṭhutna lam apan nghala,keipawh ka ṭhutna lam ka pan vat...


Class chu kan ṭan nghal mawp mawpa,ka bula ṭhute pahnih chu class tluan chuan an ṭawng a ni ber,ka duh angin lecturer thusawi ka concentrate theih loh phah vek.




Break-ah chuan Mama ka melh kual deuha,alo chhuak daih tawh emawni,classroom aṭanga ka chhuak chiah chu Bryana ka tawk hlawl mai.




"Minlo zui rawh"arawn tih nghut chuan,"Ngatimaw?"ka tinghal vata,"Joshua chu thil eiturin a bialnu nen ankal,ibulah lo awm tir rawh atia lawm"min melhchhuk run paha alo tih chuan



"Aih,ka duhlo Memei bulah ka ei mai ang"ka tivat,abulah hian ka awm duh teuhlo mai,drugs ative ṭhin tih ka hriat hnu phei hichuan ka hnaih vak duh tawhlo




"Thingtlangnu enge i hriat reuh le"arawn tih deuh hlak hlak chuan,ka ngawi reng,"Memei techu inhnuaiah daih an classroom a awma,chhun chawlh laiin inkal pawh anphal hleinem canteen hrang a awm vek alawm"arawn tih chuan ka var ta uar mai.




"Chu pawh nise ka duhlo,keimahin ka eithei reng"amah melh deuh rawm rawm pah chuan ka tive leh ṭala,hahthlak tihhmel deuh hian min enreng,"Min hlau ami"alo tih sup chuan,ka lu ka thing vat




"Anih tinge ka bula thil ei chu iduhloh"arawn tih leh chuan han sawi mai tur pawh ka hrelo ka hlau tihhi ka hrilh tawp dawn emawni,mahse nuam ka tibik chiah silo.



"Ka hlau lo che"ri chang chang tur chuan ka ti sepa,"Anih minlo zui rawh"rawn ti supin akal ta daih,ka ril aṭam ve deuh tho bawk nen,hmel hriat ka la nei vak silo duhthlan tur ka neilo muangchang chuan ka zui ta tawp.



Canteen-ah kan lut chiah chu mi an lo tam angreng khawp mai,"Minlo dah awl sak em"tiin counter ami chu Bryana chu azawta,"Aw saw lamah sawn"tiin kan ṭhutna tur chu alo hrilh vat.




Bryana chu ahnungah chuan ka zuive zela,ka inngaih bel nge midang lo awm ve ho hian min enduh riauin ka hre lehnghal




Dawhkan ruak awmna kan thlen chuan Bryana chu aṭhu thla nghala,ahma zawnah chuan ka ṭhu thla ve nghal tharh




"Enge i ei ang?"arawn tih chuan,"Ṭam hnem tur tui deuh"ka ti vata,min melh deuh khui khui chung hian menu chu a en a,"Ka ei ang eive mai rawh aw"damthluama arawn tih chuan amah chu mak ti deuhin ka en reng




Damdawi chuan rim anei siloa,tunah hian aruih vang nge afel dan em em hi,mahse amitmengah erawh aruih hmel siloh,ka hrethiam lo a awmdan hi




Kan eitur vel achah fel hnu chuan kan inṭhutchilh renga,mit lasawn miahlo hian Bryana chuan uluk leh chiang lutuk hian min en char char anih chu,enve duh lemlo chuan ka hawisawn daiha,mahse ka mitsir aṭang minlo enreng tihhi ka hria,enge maw ahriat ni?



Eitur lah chu alo la thleng har phian zui,ka zah zelah,"U Zuala kha aṭha zel em?"ka ti ta tawpa,amitko san ak pah hian,"Ṭha lutuk mah mah tawh"arawn tih sup chuan ka bu nghat.



"I hmelchhiat tehlul nen hmelṭha alo ti che a ni awm a"arawn tih chuan ka nernang,hmelchhia minti tu hmasa ber ani hialin ka ring



Ka hmelṭha ka inti ngai miahlo na chu,mi hian hmelṭha min tih thu hi an sawi nasa ṭhina,hmaichhanah tak phei chuan ka hmelchhiat thu min hrilhtu hi anla awm vaklo asin mawle!!!




"Eheee,Lalbryana hi akal daiha,nula hmelṭha deuh bulah alo awm daih ka ti"rawn titu chu Muana kha a ni



Bryana chuan aṭhiante ahmuh chuan,achek deuh hlak hlak,"In ei daih tawh emaw katia"Bryana chuan ati supa



"Ei nang thil te te kha kanva lam hmasa alawm,kan rawn lam kep che"Alfreda khan arawn ti a,damdawi asawina ni maiin ka hria




Muana ka bula rawn ṭhutthlak atum chu Bryana chu arawn tho vuta ka bulah chuan alo ṭhu thla vat anih chu,,,,,kei chauh hi mak ti ka nilo Alfreda leh Muana pawn an ṭhianpa chet dan chu mak anti deuh nge an en deuh vang vang




Ahnuah chuan anlo ṭhu thla ve a,eitur an chah nghal vat,Muana leh Alfreda chuan min be deuh renga,rin ai tak chuan an fel phian reuh



"Tlabung khua ini tak tak maw?"tiin mak tih hmel deuh hian Muana chuan min en a,"Umm"ka tih chuan



"Ava makve,i hmelṭha ropui si"Alfreda zawk chuan alo ti a,ka hmai asa deuh hat hat."Be reng lo ula,aning ang che u"Bryana chuan alo ti nghuta,Muana chuan ahmui ati pawrh nasa mai



Thingtlang mi nih avang hian ahmelṭhat ve theih loh emawni?ngatinge an mi endan hi adan bik em em ṭhin le!



Mihring tehi kan chawr chhuahna a in ang vek theiloa,a ṭhen thingtlang mi kanni anga,aṭhen khawpui mi kanni bawk ang chu,Pathian hian ang khat vekin min duang lo a,dinhmun a in ang vek theilo.




Kan pi leh pu ten'Lungpui pawh lungtein a kamki loh chuan a awm theilo'an tih ang hian,mi hausa pawh mi rethei te tello chuan an awm theilo,reithei leh hausa kan cheng zaa,kan vaia min siamtu chu Pathian a ni.



Tute emaw vanga piang,tute emaw enkawl seilen,tu emaw ten'a zirtirna an pek,tu emaw ten'a intundinna tur an pek,tu emaw ten'a ngaihhlutna an pek,tu emaw ten'a thlan an la laih sak tur leh a neih anla rochun sak tur vek kanni a,tumah hi chapo thei kan nilo.




Kan eitur chah alo thlen hnu chuan kan einghal mawlh mawlha,mipa vesi e ti loin Alfreda leh Muana chu an ti ti pah char char,an ṭawng duh dun angreng,Bryana erawh anṭawng lai akhap zeuh ṭhin tih loh chu aṭawng velo tluk a ni.




Kan eizawh hnu chuan counter lamah chuan kan inzui phei hlawma,Bryana chuan kan eina man hochu ape vek,pawisa pek ka tum chuan ala duhlo tlat lehnghal.



An pathum chuan ka kalsan ta daih,ka thil ei kha ka puar nge pawh ka hrelo e a,mipa hlang bula thil ei chu zamna a awmve deuh bawk ben,eitui ahar khawp mai.



Chawhnu lam class chu kan ṭan leh nghal mawp mawpa,ka bula ṭhu te pahnih lah chu an haw ta daih nge hmuh tur pawh an awm tawhlo,hmeichhe pakhat hmel fai ving veng hi ka bulah chuan alo ṭhu a.




"Nancy ka nia"arawn tih chuan,"Zothani"ka tive sep,"Thil ka zawt duh che a"arawn tih chuan amah chu ka en vata



"Senior Bryana kha ibialpa ami?"arawn ti deuh sar sara,ka lu ka thing vat,"Anih loh chuan aṭha nih chu,kan section-ah hian amah duh deuhtu a awm a,chu chuan ahrechiang duha"arawn tih leh chuan,kan nih loh thu chu ka sawi leha,abu deuh nghat nghat




"Tun period chu kalo ṭhuve mai aw"nui deuh sen sen pah hian arawn ti reuha,ka nuive tawp


Class zawh hnu chuan Mama nen chuan haw turin kan inzui chhuaka,"U Bryana bulah chuan i eita ami"arawn tih chuan,"I bo daihsia,ka eive ta tawp"ka ti vata




"Nia,,,ka hrilh ang che ka tia u Bryana khan kalo eipui mai ang ati tlata"alo tih chuan,"Joshuaa'n va eipui rawh ati,alo tisia"ka ti vara.



Mama chu awmze nei deuh hian anui suk,"A fiam che anih dawn chu"alo ti maia,ka nuive thei derlo...



Parking lot kan thlen hnu chuan Mama motor la chhuak tur chu kalo nghak renga,ka phone lo ri chu ka bag aṭang chuan kala chhuak vat,doctor Roberta alo ni.



"Aw,hello"ka ti nghala,"In bang ṭep em?"lehlam aṭang chuan alo tinghala,"Kan bang chiaha,kan haw dawn mek"ka tih chuan



"Aṭhat chu,in ah ka awm tawha,chu chu kalo hrilh che"dam dap hian arawn ti a,ka nuisuk,a ṭawngkam damthluam han hriat hian hah adam vawng vawng thei.



"Aw,,,kalo peng mai dawn mi"ka tih sep chuan,"Angai chuanglo hmanhmawh duhsuh"arawn ti thawp supa,"Ilo kal dawnah minlo call la,gate bulah kalo nghak ang che"arawn ti leh chuan,"Awle"ka ti var




Kan inbiakna kan tih tawp hnu chuan Mama chuan motor chu alo la chhuak diam tawh,ka lu nghal vata,kan tlanchhuak nghal vat bawk.



Motor-a kan chuan hnu chuan Mama nen chuan kan inbe leh tawhlo,ani mipa ṭawngtlem chi alo ni bawknen,kei lah hmeichhe ṭawng duh leh titi vawrh thiam tak ka nilo bawk nen,han biak vak dan ka hre biklo




In kan thlen chuan motor aṭang chuan ka chhuk nghak vat,Mama garage-a tlan lut pawh nghak lem lovin inchhungah chuan ka lut nghala



Rinloh lutukin inah chuan nula leh tlangval anlo awm ṭeuh mai,u Notei ṭhiante ni awm tak anni,an ri deuh chuah chuah hlawm...



U Notei'n minlo hmuh chuan minlo be vata,a ṭhiante ho bulah chuan,apa u fanu ka nih thu leh ka hming techu ahrilh hlawma,aṭhian tepawh chuan minlo chibai deuh sap sap



U Notei ṭhian teho chu an hmel en reng reng pawh hian ka kawm peih chi pakhat mah an awmlo,an incheina a san hlawm mai bakah an hawiher aṭang hian mahni luzo deuh deuh vek annih duh hmel.




Inthlak hmasa lemlo chuan ka bag ak reng chung chuan choka lamah chuan kava pheia,Nutei'n eirawng alo bawl mawlh mawlh tawh.



Minlo hmuh chuan minlo be nghal vata,puih angaih leh ngaih loh ka zawh chuan angaih loh thuin min chhanga,inthlak tur chuan room lamah chuan ka chho a,U Notei leh a ṭhian teho ṭhutna ka kaltlang dawn lai chuan nuamlo kati ang reng.



Ka insil fai zawh hnu chuan ka inthlak zung zunga,room leh lama thawm ka hriat chuan Mama pawh alo chho tawh a ni ngei ang.



Inhnuaia ka chhuk leh hnu chuan choka lamah ka kal nghala,nutei bulah Doctor Roberta te ina form fill-up tur ka lam tur thu ka hrilha,"Eee,va kal rawh inu Zualin an pitar in asawi reng che atih leh nghal kha mawle!"nutei chuan alo ti vara,kan pahnih chuan kan nui kan nui.



In aṭang chuan chhuakin doctor Roberta te inlam chu ka pana,gate chhunga ka luh dawn lai chuan doctor Roberta chu ka call lemlo,va ṭhawng thut zawk ila aṭhat ka ring...



Step thui fê ka kal hnu chuan doctor Roberta te kawngkhar bulah chuan ka ding van mai,an kawngkhar chu tlémte alo inhawng deuha,han luh deuh tawp aichuan tiin doorbell chu hmeh ka tuma




Mahse chhunglam aṭang chuan inhau thawm ka hriat avangin ka kut chu ka la sawn vat.



Ka ngaithla chiang deuha,hmeichhe inhau thawm a ni,kawngkhar a inhawng zau vaklo bawknen ka hmu chiang theilo,mahse nu Zuali aw ngei chu a ni.



"Bryana hichu i en hrang hrim hrim,nizan alo haw duh loh chhan pawh i ṭawngkam vang anih kha"titu chu ka pi aw a ni,athinrim hmel takzet.




"Ka nu vawi engzat nge maw ka sawi dawn le,Bryana leh Roberta hi ka en hrang ngailo,a thil chin ṭhalo hi sim se ka duh vang chauhin alawm ka hauh,i huatpui zel chuan kan siamṭha thei nang"Nu Zuali chuan ati hlak hlaka,ka ngaithla deuh reng




"Hetianga Bryana awm chhan hi nangmahni nufa vang vek anihhi"ka pi chuan ati leha,nu Zuali chu aṭap ni maiin ka hria



"Nangpawh nuthlawi inia ka fapa pawh pathlawi a ni tih hrereng chungin ineia,fa innei ve ve tawh bawka,inhmangaih tawn sak tur innih laiin nangmah hlir hian Bryana hi i en hranga,nangmah vang anihhi inah pawh alo haw duh loh"ka piin a tih leh chuan mak ka ti lutuk chu ka ding khawng ut,doctor Roberta leh Bryana hi unau tak tak annilo maw?




"Ka nu Roberta a awm reng ania,iṭawngkam fimkhur deuh rawh"zawi angreng taka nu Zualin atih pawh chu ka beng avar lutuk vang nge kala hrepha




"Mazual tiang em em a irilru chhiat hi ka ring ngailo,i fapa i rawn chhawma kan enhran sak ngailo che,kan hnam hming pawh kan pe hmak,,,mahse ngatinge Bryana hi Roberta i endan hian i enve theih miahloh?"ka pi chuan ati leha




Ka inthing harh vat hetia mi inhau lo ngaihthlak ruk hi adiklo,ka hriat loh tur thleng thlengin ka hriat phaha,ka inthiamlo u takzet.



Haw zawk mai tumin ka inher riai riaia,,, Bryana ka hmu thut chu ka phu chiang lutuk!!!



(END OF CHAPTER-9)
(A seilo ti chu an daw duai,naktuk zan lamah chapter thar beisei leh ang aw,ads click ṭheuh ila,comment lam pawh uar sauh sauh ang u aw🥰)

Comment-na tur link🥰
https://m.facebook.com/groups/991354610 ... 004991987/


Show post links
Top

[Ngaia]

*THINGTLANGNU MAW!*



Chapter-10



by_MrsBabe Khawlhring




Zothanfeli Pov.


"Enge i bih daw daw a"arawn tih chuan,han ṭawng mai dan tur pawh ka hrelo,"Engmah ka bihlo"ti bah nak paha kal mai ka tum chu ka kutah alo chelh avang chuan ka ding chawt.




"Enge"hlauthawng ru zeta ka tih chuan,"Enge tih angai mi,kan in ah enge lo tih itum?"pawr angreng taka alo tih chuan,akut thin thlak pahin




"Doctor Roberta,,,ka tih i u kalo hmu dawn"ka ti sepa,ahmui alo ti pawrh zeuh ka hmuh chuan ka nernang,"Anih ngatinge haw itum"alo tih leh chuan



Amah chu enin ka ngawi reng,"Heyy,thingtlangnu ngatinge i ngawih leh tak daiha"arawn tih chuan,"I ninawm ka haw duh a ni mai,kal teh"ti a ka nemsawm deuh chu min pawm kang lawp anih chu




"Heii,i á mi Bryan lulian min dahthla rawh"ka ti chiama,min dahthla ve nghal vat,"Á lutuk mai"ka tih leh chuan akiaisuk suh chauh




"Lut ang"ti paha kawngkhar akhawih chuan ka insiam ṭha vat,ka pi leh nu Zuali kha an lo inhauh tawh loh hram ka beisei.




"Lut ta che"arawn tih leh nghut chuan,inchhungah chuan ka lut thawra,Bryana chuan ka hnungah minlo zuive




Nu Zuali leh ka pi kha an lo la indin chilh renga,Bryana anlo hmuh chuan mak tih hmel deuh hian anlo en.




"Awi,mamte ka duat,ilo haw maw"ti pahin ka pi chuan Bryana chu alo pana,Bryana hmel ka en chuan a nelawm loh ang reng.



"Zothan,ilo lengve teh miala"lo titu chu ka en vat,Nu Zuali alo ni,"Ihh,nia,,,doctor Roberta kalo hmu lawk dawn a",,,,"Thil pawimawhah"ka tih leh sep chuan nu Zuali chu abu nghut



"Zothante ilo va leng phei duhlo ve a"ka piin alo tihve chuan,"Nia class kan ṭan tawhsia"ka ti vata,Bryana ka en zeuh chuan min eiloh hmel angreng khawp mai




"Zothan Roberta room lamah lo han chho mai la,nakin deuhah in tur ka lo pe ang che u"Nu Zualin alo tih chuan,bu nghat pahin inchung chhohna step lam chu ka pan nghala




Step-a ka chhoh lai chuan ka hnungah hian minlo zuitu an awm tlatin ka hriaa,ka hawithla chu Bryana hi alo chho ve mek.



Ka en deuh reng chu,"Engee"alo ti hlura,"Ngatinge minlo zuia"ka tih chuan,anui hak,"Kei hian nang hi kal zui che amaw"tiin amah chu inkawkin minlo kawk veleha



Ka bu nghat chu,a nersak,"I á nihchu,ka room-ah ka chho ve dawn alawm mawle,superman angin ka thlawk vethei siloa step-ah hian ka chhoh angai lawm"arawn tih chuan,ka zak lutuk



Chutah rawn pen chho thauh thauh pahin min rawn kal pela,step pahnih vel min kal pelh hnu chuan arawn let leha,kalo en deuh reng,ka beng bula rawn kun hniam pah hian,"I khal loh tehlul nen"nghal zeta arawn tih chuan




A dar zawn velah ka beng pawp,ka benna tuai vut vut pah hian ala kiai suk zui,akal ta daih chu ka en reng.




Ngawi teh,kei hi inchungah hian ka chho ve leh ringawta,doctor Roberta room awmna pawh ka hre reng reng hleinem...




Ka phone chu phawrh chhuakin doctor Roberta chu ka call nghala,rei pawh a ringlo,alo la nghal vat



"Aw ilo phei dawn tawh ami?"alo tih chuan,"Ih,kalo phei tawh zawk in inah ka awm tawh,inchungah kalo chhove ringawta i room awmna ka hre siloa"ka ti zung zunga,lehlam aṭang chuan nuihawk hawk ri ka hria



"Aw anih chu,dinglamah khan lo pengla,room pahnihna kha a ni mai"arawn tih chuan,phone pawh dah lemlo chuan asawina lam chu ka pan nghala




Room pakhatna zawn ka thlen chuan Bryana room anih ka ring hmiah,tlemin ka phei leh deuh chu doctor Roberta room ni awm tak tur chu ka thlenga




Ka kik dawn chiah chu chhunglam aṭang chuan alo inhawnga,doctor Roberta hmel ka hmu nghal zat



Ka nui deuh heua,ani pawh chu alo nuisuk,"I bo emaw katia lo zawn che ka tuma,lo lut rawh"ti pahin ka luhna tur chuan atawlhsawna



Room chhunga ka pen lut chu ka zàng ta huaiin ka hria,ka hawikuala thil reng reng chu a awmna tur hmun dik takah a inrem fel thlip thlep mai



Lehkhabu atam hlê bawk,doctor Roberta hi mi inzir peih mi leh ziak leh chhiar lama tui mi a ni tih ahriat ngawih ngawih.



"Lo ṭhu la"alo tih thawp sup chuan,a bulah couch-ah chuan ka ṭhu thla vat...



Doctor Roberta chuan form fill-up tur chungchang chu min hrilhfiah nghal mawlh mawlha,aṭawng laite chuan lehkha reng reng chu ka en theilo



Doctor Roberta ṭawng lai ngawt chu hmuhnawm tizetin ka en,kan mit a intawn fuh apianga alo kiai leh suk ṭhin ka hmuh phei chuan ka tuiral lo chauh,,,Ngawi teh!tunah khan ka tuiral ka ti em mi?enge maw ka hriat ni...



"I hrethiam em?"arawn tih chuan inthing harhin ka bu nghal vat,"I ngaihtuah loh hmel lutuka"arawn tih leh chuan,'Nangmah kalo ngaihtuah daih che a'tih mai ka duh mahse ka ngam teuhlo



"Ka phei nghal dawn mawni le"ti pah chuan ka ding hluaia,Doctor Roberta pawh chu alo dingve vat




"Kalo thlah ang che"arawn tih chuan,"Aih,angailo,i buaisi thlah ka ngailo"ka ti vata,kiaisuk pah hian,"Anih leh aw,chuan zan lamah rawn len iphal angem?"arawn tih chuan



Nui deuh pah sen sen hian ka bu nghut,,,doctor Roberta chuan a room kawngkhar thleng chuan minlo thlaha,room aṭanga ka chhuak chiah chu lawm lohva nui ang maiin ka khi ṭhaw mai.




Bryana room kawngkhar zawn ka thlen chuan tlemte hi alo inhawnga,ka en deuh reng,ngatinge maw kawngkhar tlema lo inhawng deuh ka hmuh apiang hian ka mit hi a vir em em ṭhin ni.




Ka bih deuh de de a,ka rei leh a room chhung chu hnawk tak a ni,doctor Roberta room nen chuan lei leh van ,,,ti a ka ngaihtuah mek laiin room chhung aṭang chuan tu emaw hian min rawn pawt thut.




Ka tlu ṭep lehnghal,ka hawichhuak chu Bryana hian mit tizim sun hian minlo en reng mai,towel var chiahhi avenga,kawr ala halo zui,ka mit ka hup vat



"Enge ilo bih leh daw daw a,minlo enthlak itum tihna ami?"alo tih chuan,ka kutkar aṭang chuan ka bih dek deka,minlo melhchhuk run mai.



"Ka enthla peih teuhlo mai che"ka tih hlak hlak chuan Bryana chu a nui hawk,"Kal teh,ka chhuak duh ka haw dawn"ka tih leh chuan




"Ka dang hleinem che"arawn ti ban charha,ka kut la thlain amah nek dek pawp chuan room aṭang chuan ka chhuaka,hnunglam aṭanga anui ri pawh ka la hre pha.




A taksa inphut mawi lutuk leh a six pack mawlh kha ka mitthlaah alo lang nghal...



Inhnuai lama ka chhuk hnu chuan ka pi kha tv enin alo ṭhu renga,ka va mangṭha ve luama,nu Zuali leh an awmpui nula eirawngbawl pawh chu ka haw tawh tur thu techu ka hrilh hlawma




Nu Zuali chuan kawngkhar bul thleng minlo thlaha,"Anih Zothan chaw ei tui aw"alo tih chuan,"Awle,nangni pawh chaw eitui u"ka tivat.



Nichina an inhauhna vel kalo ngaithla ru ve ngawt kha nuamlo ka ti takzet,ka inthiamlo bawk,,,ka hriat loh tur thleng thleng ten ka hriat phah ta sia




Mahse,ka beng ti vir tawk lek ka hria,lo ngaithla zo law law ila ṭha tur hi nia,Bryana luliana kha lo haw hman lo se chuhhh,,,,enge ka ngaihtuah leh tak ni.




Doctor Roberta leh Bryana pawh hian unau dik tak an nilo tihhi an hreve tho angem le?tih te ngawt chu ka ngaihtuah,ahma khan an unau hian in ang ka ti riau ṭhin ania,unau tak tak an nilo tih ka hriat hnu phei hichuan in ang ka tihna te kha an bo vek...




Nutei te hian an hreve tho angem le,Memei hi zawt ta ila min hrilh duh angem aw!!!



Robert Rohluzuala Pov.




Chaw eikham hnu chuan hnathawh tur tlem kala neih avangin room lamah chuan ka chho nghala,sana ka en chuan dar6pm a pel deuh awrh,ka ti zo zung zung anga ka leng tlai lutuk lo turah ngai ang.




Ka room-a ka lut chiah chu Bryana hi couch-ah alo ṭhu reng,a ṭhutna lama phei pah chuan,"Hetah enge ilo tih"ka ti nghuta,a mitko alo san uk duh chauh.




"I rui leh tawh em ni"ka tih leh chuan,arawn dinga,"Zothanfeli hi iduh em ni?"tiin zawhna minlo zawt leh daih.



Ka dawhkan lam pan pahin,"Chu chu ibuaina tur a nilo"ka ti supa,Bryana chu anuiro hak,"Chhuak tawh rawh hna pawimawh khawih tur ka nei ania"ṭha deuh chuan ka ti leha



Bryana chu ding hluai pahin minlo pana,dawhkana akut pahnih rawn nghat pah hian,"I nunhlui tenawm zet kha saw thingtlangnu,,, ka tih Zothanfeli sawn hre ta se,i rilru ang hi apu ve in iring em?"min cho zeta alo tih chuan




Ka rum nghut,tho vut pahin Bryana chu ka pan hnaia,akawr awmah ṭham sakin bangah ka nawr beta,eng tin mah minti let lo,ka tih dan dan chuan a awm tawp.




"Roluahpui ka thinrimna tur engmah tih tum miah suh"ka tih chuan,min elhsen zet hian anuia,chu chuan min ti thinrim zual.



"Anih ka hnen ata min laksak zawng zawng kha min pe let rawh"vin zeta arawn tih chuan,akawr awm a ka ṭhamna chu ka thlah riai riai




"Min vo tihna em ni?"ka tih sup chuan,thip zet hian Bryana chuan min melh.



"I rui anih kha,i room-ah let tawh rawh"ṭha deuha ka tih chuan,a dinna ngaiah ala ding reng...


(END OF CHAPTER-10)


Show post links
Top

[Ngaia]

*THINGTLAMGNU MAW!*




Chapter-11




by_MrsBabe Khawlhring




Bryan Roluahpuia Pov.



Ka u room aṭang chuan chhuakin thinrim deuh chuan ka room lam chu ka pana,ka phone lo ri ve tei sek chu la kàngin caller id ka en chu ka nu hming alo lang kalh.



La lemlo chuan ka phone chu hmet busy-in ka ak ṭha leh rih,tuna minlo call tu kha ka nu min hring tunu ngei a ni.



Ka room chhunga ka lut chiah chu khum lam panin ka muthla nghal hnawk,ka kut pahnih chu ka tukhumah dahin ceiling lam chu ka en deuh reng.




Robert Rohluzuala'n ka lak ata thil tam tak min laksak zawng zawngte ka ngaihtuah chhuah chang hichuan ka thin a rim thar leh ṭhin...




Ahma chuan chhungkaw hlim tak kan nive ṭhin,Robert Rohluzuala te nufa anlo lan hma kha chuan,,,,kha tih hun lai khan naupangtê ka la ni



Chhia leh ṭha hre rual pawh ka la nilo,kum5 mi leka upa mipa naupang mai ka ni,ka nu leh pa kha nitin mai khan an inhaua,ka bula an awm erawh chuan an hlim hlê ṭhin...



Ka pa khan a rukin ngaihzawng alo nei ṭhin a,kha kha an inhauh chhan ber a ni ṭhin,ka nu khan angaidam reng ṭhina,mahse nikhat chu Robert Rohluzuala te nufa hi kan inah anrawn kala



Ka pa lo ngaizawnga lo zar buai char char tu chu anu hi a ni,chuta karah nuthlawi alo ni leh zui.



Ka pa kha alo luhkhunga,ka nu rilru ná khan min kalsanin an inlamah ahaw phaha,ka ngaihtuah chhuah chang apiang hian ka thinrimna hi alo chhuak leh ṭhin...



Naupang té nu ngai rual lek,duh duh sawi tura ṭawng thiam ve tawh ka ni a,ka pa bulah khan ka nu hruai haw leh turin ka ngen cham chi ṭhin...




Hun leh ni aliam zela,,,naupang lung finglo na na na chuan ka nuhrawn chu nu tiin ka kove maia,a fapa pawh u tiin ka ko ṭhin...




Ka nu ka ngaihna tekha an reh ve zela,ka lian tial tiala,keichuan ka nuhrawn hi ka nu angin ka ngai hmiah




Mahse a fapa tak tak nen chuan min en hrang ṭana,unau tak tak ang chiaha inkawnngeih,,,,, engtik lai mai pawha inzui reng ṭhin kha kan inkarah inhriatthiam lohna a awm ṭana.



Ka u hi a duat bikin ati hrang bik tlat ṭhin,nu hmangaihna thlahlel ve ta fam chu alakah tlak tlum tumin theihtawp ka chhuah ve ṭhin.



Keichuan ka unaupa tak tak ka pianpui ang tak takin ka ngai ṭhin,mahse anu hian rilru ṭha apu miau lova,kan unau inkar chu a inhlat telh telh thung.



High School ka rap ve a,khatih lai khan ka u khan Higher akala,ka pa kha inah pawh a awm ngai meuhlo,hna vang khan a zin deuh reng ṭhin...




Keiin tlaktlum duh viau ṭhin mah ila,pocket money tur thleng thlengin min ti hrang ṭana,keichu nitin mai khan ka hrang tial tial ṭhin.




A fapa angin min enve ngailo mahse,min enkawl seiliantu anihna angin ka zaha,ka nu hming min zawh chang pawn min hringtu hming ni lovin a hming ka sawi ṭhin...



Mahse vawiin ni thleng pawhin a fapa Robert Rohluzuala a hmangaihna mitmenga a en ṭhin ang hian vawi te khat pawh minla en ve eihlo...



Khatih hun lai leh tun thleng hian ka pi hichu awmlo se he inchhungah hian ka awmve reng tawhlo ang...



Ka lama ding awmchhun leh min ngai pawimawh ve tu,min ṭan tlat ṭhintu chu ka pi chiahhi a ni....



Tunge chhan awm lovin sual kawng zawh ngai?tunge chhan awm lovin thilsual ti ngai?Hetiang dinhmuna awm hi ka duh reng vang a ni biklo.



Hmangaihtu mamawhin chhungrilah hian ka rum ve vawng vawng ṭhin,mahse hmangaihtu ka hmu ngailo.



Anni nufa hi lo langlo se chu ka nu hmangaihna ngei dawngin ka seilian ve anga,hetiang dinhmunah hian ka ding bik hauhlo ang...




Nu hmangaihna dawn ka thlahlel ve ṭhin,ka thlahlel mai ni lovin ka chak ṭhin,mahse endawng bak ka hlawh ngailo.




Hetiang thil ṭhalo ka tih tirh hian min hmangaih vangin sim turin min tih kalo rin nen,ka ṭawngkam dawn erawh chu ka rin loh lam daih.




'Ka fapa ti a sawi che pawhhi ka zak,minti mualpho hle mai'tih ṭawngkam chiah ka dawng...




Ka pi erawh a rilru a ná em em thung,,,,hmani deuh lawk aṭang khan ka nu min hringtu hian min rawn be pawpa...



Ka ruih lai alo ni bawk nen,atir chuan ka dem a,mahse a ni pawn hetiang athlen hi a duh biklo tih ka hria,a bula awm daih ka duh leh duhloh min zawh chuan 'Aih'tiin ka chhang.



Ka nun min tih chhiat sak vek tute nufa hi tih chhiat ve vek ka duh,ka nu dinhmun an laksaka,ka dinhmun ka pa hnen aṭanga hmangaihna ka dawn tur zawng zawng min laksak bawk.




Ka thil tih ṭhin avang hian ka pa hian min hua tih ka hria,min huat ai nasa daih hian ka haw bawk,a thisen zawm ni miah silo ka unaupa hrawn hi aduhsak em em a,eng thil pawh tise a support bik em em ṭhin.



Kan inchhungah hian ka pi chauhlo chu hmangaihtu ka nei velo,in a ka haw loh chang leh zan rei tak tak pawha ka haw loh chang pawn,ka phone-ah hian ka pi missed call bak alo awm ngailo...



Mahse he inchhunga awm vereng hi minti chak lehzual takzet ṭhin,an mit tikham tur leh an mahni tibuai tur hian awmve reng ka duh.



Drugs ka tih aṭang hichuan ka kim riau ṭhina,engtik lai mai pawhin ruih reng ka duh hial ṭhin...



Hmangaihtu neive ta miaulo chuan khawvel thil lamah ka tlana,ka thil tih ṭhin hi a ṭhalo tih ka hria,mahse ka mi hmangaih tehian tilo turin min dang silo.




Ka ngaihtuahna kal bing nasa lutuk avang chuan ka ṭhu chhuak hlawl,ka drawer awmna lam chu panin damdawi chu kala chhuaka,syringe-ah chuan thun lutin ka kutah chuan ka chiu luta,ka khum lam panin dawhkana ganza chu la in ka pet nghal vat.



Ka ruih chhung na na na hichuan ka nun ruak lutuk hi akim ve deuh ṭhin...




Zothanfeli Pov.



Dar9pm apelh hnu pawh chuan doctor Roberta reng reng alo la lang theilo,"Nghah inei mi"Ka bula ṭhu reng Memei'n alo tih chuan



"Aih,neilo e"ka ti vat,"I hawikual nasa lutuka,nghah nei i ang lutuk alawm"alo tih leh chuan,ka hawikual nasa lutuk tih chu ka hre chawp chilh




"Mu tawh ila"arawn tih leh chuan,rilru nuamlo deuh chuan ka bu nghut,room lama kan chhoh laite chuan ka rilru anuamlo angreng




Room chhunga kan lut chiah chu ka phone chu ka ban nghal zat,wassap-a ka lut chiah chu doctor Roberta message alo awm va mai



(Hna ka ngah leh ta deuh sia,kalo leng phei hman thlawtlo,naktukah chhun chawlh hun awmah kalo hmu ang che)tihhi alo ni a,ka nuam huai mai...



Memei nen khuma kan mut hnu chuan Memei chu a phone khawihin ala meng renga,keipawh chu mu thei lovin,ka in let kual ka inlet kual ringawt



Ka rilrua zawhna awm reng hi zawh chi anih leh nih loh ka inngaihtuah a ni,,,ka insum thei thlawtlo chu Memei lam hawizawng chuan ka inleta.



"Meme"ka tih sep chuan minlo en vat,"Umm"alo tih chuan,ka ngawi leh deuh vang vang.



"Ihmaw"ka tih leh chuan amitko alo san ak,"Englo,doctor Roberta leh Bryana hi unau dik tak annilo ami?"ka tih chuan




"Umm,,,ahh,,,engtin nge ihriata"tiin Memei chu aphawk lek deuh vak,chhan dan tur pawh ka hrelo




"Hretu an tam vaklo asin,ka nu in ahrilh che ami"Memei chuan alo ti leh sar sara,ka lu ka thing vat



Zawhna mitmeng deuh chuan min enreng,"Amak kati lutuka"ka ti ta ringawt,"Nia,an chhungkua saw chu maw thuruk neuh neuh an ngah ve lutuk"ngaihsam deuh chuan Memei chuan alo ti a




Ngaihtuah zui vawng vawng tham a ni,hriatbelha hriatchian zel ka chak zual sauh.



Rilru khingbai deuh chuan ka muhil a,,,zinga ka harh chuan ka tho nuam ang reng.



Memei kaitho lemlo chuan inhnuai lamah chuan ka chhuka,nutei nen chuan eirawng kan bawl nghal mawlh mawlh.



"Nizanah i u Notei arawn haw lo a"Nutei'n zawi angreng taka alo tih chuan kalo meng phawk ang reng.



"I patea bulah zingkarah a bazar ka ti ringawta,khawnge maw akal ni Lalthantluangi hi"nutei chuan ati leh sar sara,a thusawi chu kalo ngaithla reng...




"Bialpa anei ami,Memei nen inhriat pui em?"nutei'n alo tih leh chuan,"Memei'n a hriat pui em chu ka hrelo a,mahse keimah chuan ka hriatpui miahlo"ka tinghal vat.





Ka hriat pui miaulo,alo haw aṭangin pangai takin kan la inkawm lo hrim hrim.



"Ngaihzawng neilo se chu hetianga engmah sawi loa chhuah hi ahrat miah lovang,a pawi ṭhin emaia"Nutei chuan chawhmeh chan pah chuan ati leh deuh hap




A hma khan Bryana nen duhthawh zeta an infawp lai ka hmu tawh kha ania,chuan hmani zan lawkah gate bulah mipa pakhat nen an inhau lai ka hmu leh bawka,u Notei hi ka rin ang hmeichhia alo ni hauhlo...




Chaw eilai chuan Memei chuan u Notei awm loh chhan ngawt chu Nutei chu azawta,nuamlo ka ti ang reng.




Chaw eikhamah chuan Memei nen chuan kan insiam sawk sawka,room aṭanga kan chhuak chiah chu Mama hi alo ding reng.



"Ngatinge ila insiam loha?"ti a Memei'n azawh chuan,a lu tuai vut vut pah hian,"Ihh,class ka kal dawnlo"arawn ti thawp sup chu makti deuhin Memei nen chuan kan en





"Ngatimaw?veleh ringawt che hian"Memei chuan ati leha,Mama chu sawiduh nei si sawi ngam silo ang hian a awm



"Merilyni dilchhut dan em em hichu aw,i unaupa hi abialnu birthday ania surprise ve atum anihhi"hnunglam aṭanga Mama sama lo tuaisak paha lo titu chu Bryana a ni.




Memei chu anui chhuak hak,"Sawive mai tur che hi nia"a tih chuan Mama chu ahmai a sen deuh ṭawn mai kalo khawngaih reuh zawk lutuk




"Mi inla romantic ve turte"ti pahin Bryana chuan minlo melh zeuha,kalo melh rum hrep.



"Bryana'n motor akeng dawna arualin kal mai ru aw"ti lehin Mama chu akal ta daih,"Angailo,taxi-in kan kal thei reng"Memei chuan ati nghala,Bryana chuan ahmui ati pawrh zeuh



"Ka ruala inkal duh loh leh ibialpa lulian deuh kha inhruai tir rawh"ti nang nang pahin Bryana chu inhnuai lamah achhuk ta daih



Hnunglam aṭang chuan Memei chu a phun zui hlak hlak,,,inhnuai lama kan chhuk ve hnu chuan Nutei chuan Bryana ruala kal mai tur chuan min hrilha,kan hnial lemlo



Memei nen chuan peihlo deuh chuan in aṭang chuan kan chhuaka,Bryan misuala chu motor chhungah alo ṭhu lut diam tawh.



Faifuk rat rat pah hian Memei nen chuan minlo en pahin,"Ka tlansan hma che u hian lo chuang vat rawh u"alo ti hmuka,Memei nen chuan hmanhmawh chuangloin muangchang chuan motor hnungah chuan kan luta



Kan ṭhu fel chiah tihah ati nung vut vuta,kan tlanchhuak nghal vat,Memei chuan a phone ala chhuaka kan pahnih chuan thla kanla nghal char char




"In hmelchhiat dun nen,in lang ṭha leh awm"ngeiawm zeta Bryana'n alo tih chuan Memei nen chuan kan ṭeu hlar



Thui pawh kan tlan hmanlo motor chu ati ding vut,hmalamah kan eu dawr thei,,,U Zuala hmel kan hmu nghal zat bawk.



Car tukverhah chuan rawn dak lut deuhin Bryana chu abeng bulah hian eng eng emawni hi ahrilha,Memei nen chuan hre chak zet chuan kanlo en reng




Chutah hnunglamah rawn kalin,"Zothani"nui var hian alo ti a,ka hriatsual loh chuan arui leh tawh a ni maithei,Memei chu alo phun deuh ser ser




"U Zual kan tlai dawn kan kal phawt ang,kalo hawn dawn che nia"Bryana'n alo tih nghut chuan U Zuala chu anui vur vur mai




Kan tlanchhuak leh chiah chu,"U Bryan U Zuala khan enge achah che a"Memei chuan ati nghala,Bryana chu angawi reng,"Ala ti ṭhin ami?"Memei'n atih leh chuan Bryana chu abu nghut



Tumah pawh inbe tawhlo chuan college chu kan thlenga,Memei chu motor aṭang chuan lungawilo tih hriat zetin achhuak nghal daih,u Zuala vang kha emawni le...



Keipawh chu ka chhuak ve nghala,Alfreda ka lam pana lo kal mek ka hmuh chuan ka inher vat,"Zothan"alo tih takah chuan ka inher leha,ka nuilui hram




"Bryana rualin inlo kal elaw"alo tih chuan,"Aw"ka tive maia,engmah min zawt zui lemlo




Kan class lam pan chuan ka kal nghala,reilotêah class pawh kan ṭan nghal vat.



Chhun chawlhah chuan classroom aṭang chuan ka chhuaka,ka phone lo rí chu ka la nghal vat,doctor Roberta a ni,chhun chawlhah kan inhmu dawnnia a ti tak e




Phur deuh chuan ka la a,"In college kawtah ka awm tawh ania,lo chhuak la"alo tih chuan nuam ka ti lutuk chu ka au chhuak lo chauh,phone chu dahin ka kal nghal vat.




A sawi ang ngeiin college gate pawnah chuan Doctor Roberta car var nalh zet chu ka hmu nghala,a car nghengin phone khawih chungin alo ding reng bawk.




Va pan vatin abulah chuan kava kala,minlo hmu chu alo nui leh sàng tawh,"In college bul lawkah hian ei mai ang aw,chawlh innei rei vak siloa"arawn tih chuan phur deuh chuan,"Pawi hleinem"ka ti vat



Ke chuan kan college bul lawka restaurant awmna lam chu kan pana,nizan alo kal theih loh chhan vel min hrilh pah mawlh mawlh




Dawr chhunga kan luh hnu chuan dawhkan ruak awmna kan pan vata,eitur kan order nghal bawk



"Thil sawipui tur che ka nei a"arawn tih chuan doctor Roberta chu ka envata,inngaihtuah mûk hmel deuh hian athaw deuh hak



"Bryana hi hnaih vak suh ka tih tawh che kha ihria tiraw?"arawn tih chuan,"Umm"ka ti sep



"Englo ania,ka duh che"arawn tih leh chuan awihlo zetin doctor Roberta chu ka en



"Bryana hian ka duh che tihhi ahriaa,ka chungchang dawt phuahchawp hrilh che pawh atum maithei,lo awih miah suh ang che"damthluama arawn tih leh chuan mak ka tizual.



"Keichuan ka rilru diktak ka hrilh che ania,min duh ve rihlo anih pawhin ka nghak thei che,mahse min nghah rei tir lutuk suh ang che"arawn tih leh sup chuan,mak ka ti lutuk chu ka ngawi reng.



Doctor Roberta hi ka duh ve em tih chu ka hrelo nain ka ngaina tih chu ka hria.



Kan thil chah alo thlen hnu chuan kan ei zung zunga,a tui leh tui loh pawh ka hrelo...



College gate thleng chuan doctor Roberta chuan min thlah leha,"I rilru lo tibuai lutuklo la,i inpeih hun ka nghak thei che ania"arawn tih chuan ka bu nghut ringawt




Motor chhunga aluh hnu leh a tlanliam lai chu ka enzui reng,"Ava hmuhnawm awm vawng vawng ve"ka beng bul cheta rawn thawlum deuh ham ham paha lo titu avang chuan ka phuzawk



Tunge anih en tuma ka hawiphei chu Bryana alo ni,"Nang leh bawk maw?"ka tih chuan amitko a san uk



"Thingtlangnu,free advice ka pe ang che"arawn tih chuan,"I lak aṭang hian eng advice mah ka mamawhlo e a"ka ti hlar



Chek deuh hlak hlak pah hian,"Ka u hi hnaih vak suh,i rin anga mipa fel hi ani miahlo ania,ilo ná palh hlauh ange"arawn ti hmuk



Mak tizetin ka hmaa ding Bryana chu ka en tlawk tlawk,Doctor Roberta'n Bryana hnaihlo turin minti a,Bryana'n Doctor Roberta hnaihlo turin min ti bawka



Tu zawk nge rin tur pawh ka hre tawh hrep love!!!



(END OF CHAPTER-11)
(A seilo lo tilo ula aw,ads khu minlo click sak leh ula,comment lamah in ngaihdan lo sawi leh bawk ula aw🥰)

Wassap Group join duh tan
https://chat.whatsapp.com/DnFkPmgVvVKF5K7KedXQCF


Show post links
Top

[Ngaia]

*THINGTLANGNU MAW!*



Chapter-12



by_MrsBabe Khawlhring




Zothanfeli Pov.




"I buaina tur pawh a nilo"ti paha kalsawn mai ka tum chu a thu rawn sawi avang chuan ka ding leh rih,"Ka hrilh lawk lo che tih sawi miah suh ang che"arawn tih chuan ka ding deuh reng,amah zawk chuan min kal pel ta nul nul chu ka enzui reng



"a Á deuh emawni le"keimah chuan ka tisep,class lam ka pan leh hnu chuan ka awm reng reng anuam thei tawhlo.



Class lah chu ala boring em em zui,enge kan zir ber pawh ka hrelo,,,rei vakloah class chu atawpa,lehkhabu ka khungfel lai chuan ka phone alo rî a,Memei alo ni,ka la nghal vat.



"Aw,Meme"ka tih chuan,"U Zothan,in bang tawh ami?"lehlam aṭang chuan alo a



Kan ban chiah thu ka hrilh chuan,"Ih maw,ka ṭhiannu birthday ania kan karokae dawna u Bryana rualin lo haw mai rawh aw,amah pawh ka hrilh tawh,ka nuin ka kalna azawh che chuan Library-ah aṭhu hnufual minlo ti mai rawh aw"alo ti zung zunga,ka chhan let hma hauh chuan phone chu adah daih lehnghal



Bryan misuala rualin ka haw peih teuhlo maia,eng eng emawni thu mak deuh deuh min hrilh leh palh ang...



Ka bag chu ak ṭha sauh sauhin classroom aṭang chuan ka chhuaka,Alfreda bawk chu ka hmu leh hlawl...



"Zingah khan Bryana rualin ilo kalsia,ahaw ta daihsia ka lo thlah mai dawn che mi?"alo tih chuan mak ka ti deuh chu,,,"Bryana ahaw daih maw?"ka ti sep



"Aw,haw daih last period arawn kal reng reng hleinem"arawn tih chuan ka thinrim deuh tlat,,,aruala haw chu duhlo viau mah ila,zing aṭanga akal rualpui ka nive em em a,a haw tur thu te tal chu minlo hrilh ve awm hi ania,ka rilru chuan ka ti mawlh mawlh




"Ka thlah che chu i duh em?"Aldreda chuan alo ti leh supa,ka lu ka thing vat,"Aih,angailo mai taxi-in ka haw mai,,,"ka sawi zo hmanlo




"Ka awm renga,,,enge taxi-a haw angaihna,lo kal mai mai rawh"nui pah deuh hian arawn ti a,han hnial luih ṭal nuam ka ti bik vak talo chu ka bu nghat ringawt



College aṭang chuan inzui chhuakin parking lot lam chu kan pana,parking lot kan thleng chu Muana kan hmu hlawl



A bike hi alo la chhuak ve meka,Alfreda nen min hmu chu alo nui heu mai,Muana hichu ahmel hi ka nel chi a ni vak bawk siloa,hmuh reng hi hrehawm ka ti




Chutah a bike chuan rawn tlan pheiin Alfreda nena kan dinna zawnah chuan alo dinga,"Freda iva phakar ve a"mitko san ak pah hian nui deuh sun sun hian alo ti a,Alfreda pawh akiai suk




"Zothan ka rualin lo haw daih zawk ta che"minlo en paha fiamthu thutak zeta Muana'n alo tih chuan,ka nuilui hak.



Muana atlan chhuah hnu chuan Alfreda bike la chhuak chu kalo nghak reng,ka zawna alo ding chu ka lawn ve nghal vat




Kan tlanchhuak chiah chu kan veng awmna min zawta,ka hrilh nghal vat...



Kan tlan zela,ka hawikuala ka hriatsual loh chuan heihi kan veng kalkawng a ni miahlo,"Alfred,kawng diklo ah i tlan ania"ka tih sep chuan




"Pum pelh anihhi kan thleng hma dawn alawm"arawn ti maia,,,engmah hreve lo tafam chu ngaih ṭha deuh chuan ka awm tawp,,,, kan tlan thui zela in pakhat mah awm lohna kan thlenga,Aizawl khawchhung hi kala hrechiang bawk silo,mahse he tilai thleng thleng hichu Aizawl a ni tawh pawn ka hrelo




"Alfred kan tlanna hi a diklo ania"ka tih leh chuan chhan pawh min chhang tawhlo,a tlan chak zual sauh chu ka ngaih pawh aṭha thei tawhlo,a hnungah chuan chum dat dat pahin




"Bike hi tiding rawh khawnge min hruai itum?"thaw hlawp hlawp chung chuan ka ti sap,side glass aṭanga akiaisuk ka hmuh phei chuan ka ip chawih thei




"Bike hi tiding rawh ka tih chu ka chhuk duh"ka ti leha,ka mittui pawh atling vek tawh



A hnu fê ah chuan atlan muang ta deuha,tunah tak phei hichuan khawilai nge kan awmna pawhhi ka hre tawhlo,in pakhat mah a awm tawh bawk silo



Alfreda chuan bike chu ati ding chawta,"Chhuk rawh"nelawm loh zeta arawn tih nghut chuan ka chil lem khalh pahin ka chhuk vat



"Khawnge min hruai,ka haw duh"ka tih chuan bike aṭang hian rawn chhukin a helmet chu ala thlaa,a sam tuai puat chung hian tenawm zet hian arawn kiai suk



"Kan tih tur kan ti phawt ang chu le hmelṭhate"rawn ti pahin mitmeng tenawm zet hian minlo en a,ka tawlhhnung vat




"Enge isawi awmzia,ka haw duh ania"khur deuh dar dar paha ka tih chuan,"Come on,,,, hmelṭhate nuam deuhin ka siam ang che"arawn tih phei chuan ka hlau lutuk ringawt




"Min pui ru,min chhan rawh u"tiin ṭap chung chuan ka au ta chiam ringawt,chutah Alfreda chu lo nui deuh hawk hawk pah hian,,,"I aw rawl tawp pawn au rawh tumah anlo kal lo ang"a tih chuan,tlanchhiat tumin ka pen sawn deuha




Mahse minlo chelh vat,"Min thlah rawh,ka duhlo mi tenawmpa min thlah rawh"tiin ka au khum chiama,"Ni love,ka hmuh tirh aṭang che khan nang hian min ti danglam tawh"alo tih chuan hrethiamlo zetin ka en




"Min kal tir rawh,ka haw duh"mittui tla chung chuan ka ti leha,min melhchhuk run,chik deuh hian ka chhip aṭanga ka ke ler thleng chu min en chhuaka,ala nuisuk zui,ka hlau takzet




Minlo hnaih chilh thutin ka nghawngah arawn fawp ta mai,"Khawngaihin min thlah rawh"ka ti chiam,theihtawp chhuahin nemsawn ka tuma mahse a chak lutuk,chutah a darah chuan ka seh sak ta tawp




Alfreda chu a rak ṭhawt,"Nang hmeichhia"ti pahin ka hmaiah min rawn beng pawpa,ka tlu tawp thei ka lu a hai chem chem mai




"Zirtirna ka pe dawn khawp che"ti paha min rawn pan hnaih lai chuan tho tur pawn chakna ka neilo,,,bullet rí ka hre riai riaia




Ka mitmeng afiahlo telh telh bawk,Bryana aw ang deuh ka hriat chuan ka meng zawka,mahse ka hmai ná lutuk in tur ut ut vang chuan ka ngawng deuh sulh,ka khaw hmuh a thim riai riai mai....


_______________________



Byan Roluahpuia Pov.



Alfreda'n Zothanfeli alo ṭhutchilh lai ka hmuh chuan ka bike chu chahbi pawh phawi lovin ka kalsan nghala,Alfreda chu ka tung tho nawlh




Min hmu thut chu a mitmengah chuan chi ai hmel ka hmu nghal,"Zawnga lehhh"ti hluk pahin ka hnek nghala



A pai deuh dawr,"Hmela" rawn ti paha min rawn pan hnai chu kalo tlawh thal ṭhuaia,pan hnai vutin ka ṭhut bet nghal vat,.,ka thinrim lutuk chu ka hnek ta pawp pawp




"Zothanfeli saw engtin nge itih ilo khawih chhe hman em?"sehchilh zeta ka tih chuan alo nuiro hak,"Zawngchhepa sawi rawh"hnek hawi leh sawk paha ka tih chuan



Hmai duk chur tawh chung chuan,"Lo khawih chhe hman ta ila"ngeiawm zet hian arawn la ti a,ka insum hmanlo,"Ka that dawn che"ti deuh hrawk pahin ka lu chuan a lu ah chuan ka tauh pawp



Tho vutin ka ṭhu thla leha,anghawngah rekin,ka tung deuh ti tih,"Engtinnge itih sawi rawh"changruna ka tih leh chuan,thisen hi arawn chhak zeuh



"Engtinmah ka ti hmanlo,lo kal har deuh la chu ka duh ang ngei ka ti hman tur hi nia"min cho ar chunga alo tih chuan ka hnek leh pawp,ka chhuih leh hrep hnuah chuan a vial deuh nawk nawk




Zothanfeli lei a lo let deuh bam chu ka pan pheia,ahmai dinglam sen deuh run ka hmuh chuan ka sa phat,ZawngAlfreda khan kut alo thlak a ni ngei ang,ka thisen alum lai tak ani bawksi,ka insehru nasa hlé




Atir aṭang tawhin Muana leh Alfreda hian hmelṭha an tih thu leh tawk reuh an tih thu kha an sawi renga,hetia Alfreda'n alo bawhzui hi ka ring phalo hrim hrim




He thingtlangnu pawh hi mawl lutuk mai,minlo nghak tur ani sin le,Merilyni pawh hian bike la tura ka haw thu hi ahrilh lehlo emawni le,,,,ka ngaihtuahna vangte chuan ka thinrim hlur thei




A hmaiah chuan dim te a chulin,"Thingtlangnu,harh teh"ka ti supa,a mit achhing nghet angreng,a lungphu awmna zawnah chuan ka lu chu kava daha,ala phu dep dep,ala dam ngei bawksi




"Thingtlangnu kalo thleng tawh ania,lo meng teh"hlauthawng ru zet chuan ka ti leha,kan mi tenawma awmna lam kava hawi zeuh chuan kawngpuiah alo la let reng



Ka hawikuala tui han hmuh mai tur a awm bawk silo,hetiang anga hmun hlà ah hian hruai tur a nilo asin,"Zothanfel rawn meng rawh"ka ti leh deuh hrawk,tun hi ahminga ka vawikhat kohna a ni



Han tih vak ngaihna ka hrelo reifê ka nghah hnu pawh chuan nghet deuh hian amit achhinga,tih ngaihna ka hrelo chu ka fawp ta ringawt,a harh hunah min dem loh hram ka beisei,a hmui chu ka fawp kuala,arawn che hrut chu ka inla hrang vat




A rawn meng chhuak diar diar chu lawm ru deuh hian kalo en,chutah min hmu chiah chu arawn ṭhu tho vat,"Nang,,,ilo va kal har ve"tiin alo insút nghal hlawp hlawp




Thaw chhuak hak pah chuan nghetlo zet chuan ka kuah ta ringawt,"Ngatinge min haw san daih"alo tih ṭiau chuan




"Ka hawsan lo che"ka ti supa,min chum pawp pahin,"I haw reng kha,i sual lutuk nangmah vang vek"arawn ti leh hlak hlak,"Ka hlauh zia ihria em"arawn tih leh chuan ahmel en tumin ka insiam rem a,alo kun deuh tlat





"Min en teh"ka tih chuan,insût feih feih chung hian hnuailam chu amelha,"Thingtlangnu min en teh ka tih chu"ka tih leh chuan muangchang hian arawn hawi chho va




"Engmah hlauh tur a awmlo ania,ibulah ka awm hi eng thil ṭhalo mah athleng hmanlo,ṭap tawh suh"ka tih charh charh chuan a hmui apet ngat ngat



"I hmelchhiat tehlul nen,i ṭah phei chuan i hmelchhe zual teh ania"ka tih chuan,anersaka,"I sual lutuk"arawn ti leh hram,muangchanga tung tho in,"Haw ang,atlai tawh"ka ti nghuta




Amah lah chu a zawi vek zui,tunah tak hichuan Alfred Ramnunmawia hi thah ngawt ka chak,ka bike awmna lam kan pan dawn laia Alfreda kan kal pelh dawn lai chuan Thingtlangnu chu a ṭi deuh dék mai,hmuh hrehawm ka ti lutuk chu Alfreda chu ka tlawh leh deuh pawp



Ka kawr hmawrah hian nghet deuh hian alo vuana,bike dahna bul kan thlen chuan bike-a ka lawm rual deuh thawin alo lawn ve a ni ber



Side glass aṭanga ahmel ka en chuan aṭang ul mai,"Hahdam deuhin awm rawh"ka tih chuan athawchhuak ham ham.




Kan tlanchhuak chiah chu sawi ngai miahlo hian ka kawngah minlo vuan ṭaia,ka hnungah alo bei hlé hlé bawk,Rohluzuala chuan hetia ahmeichhe duh nena kan awmdun laihi min hmuse chu engtin tak awm ang maw




Ka speed pawh chu nidang anglo takin ti hniam tak ka ni,a thil tawn khan azirlo em a,tunah chuan dimdawih angaih ka rin vang a ni.




Khawpui chhung kan tlan lut chiah chu dawr hmasa berah chuan bike chu ka ti dinga,Thingtlangnu pawh a inla hrang vat



Bike aṭang chuan chhukin,"Tui kava lei lawk ang,lo awm rawh"ka tih chuan min chhang lemlo ahawi kual hrek hrek mai




Ka let leh hnu chuan adinna ngaiah angai ngaiin alo la ding reng,tui bottle chu ahmaah kava lek chuan alo ban vat




A in nghal khawlh khawlh chu hmuhnawm tizetin ka enreng,nichina ahmuia ka fawh lai kha ka ngaihtuah chhuaka,fawh ala nuam phian zui,nilo,,,ka mi fawh tawh azawnga fawh nuam ber a ni,ka ngaihtuahna mai mai chuh,,,a hrelo a ni ngei ang emgmah asawi loh danah,hria se chu min lim nasa ngawt ang



"I zia deuh tawh em?"ka tih thawp sup chuan a bu nghat,"Engvanga Alfreda zui nge inih"ka tih chuan,a kà alo ang zuaua,a chip leh hmak




"Thingtlangnu tun hi khatia awm hun kha anilo,min hrilh ta che mawle?"hahthlak tizeta ka tih leh chuan,"Min hawsan anih kha"angaitê chuan arawn ti leh




"Ka hawsan lo che,Merilyni'n tih tur aneih thu minlo hrilh khan bike la turin inah ka haw alawm,lo lam leh tur chein kalo let leha,mahse Alfreda nen in haw thu minlo hrilh"ka tih chuan,mak tih hmel deuh hian minlo en



"Ihh,,class kan ban hnu khan Alfreda kha kan class kawtah alo awma,min hawsan thu minlo hrilha,chuan taxi-a haw ka tuma,,,min sawm lui ṭala,,"bah niaia alo tih chuan,"Hmela mai mai chuh"ka ti chhuak sap



College aṭanga ka inkhalh haw dawn lai khan Alfreda meuhin a thlah tur chu ka rilru anuamlo deuha,Joshua ka phone a,Zothanfeli'n in ala thlen loh thu alo sawia,a number lah ka nei derlo,Alfreda khan a location alo on hlauha,ka hriat theih phah hram a ni.



"Kan kalsan ta daih sia"inthlahrung zeta alo tih leh chuan,"A thilo ang,khatiang mi tenawm ngaihtuah suh"ka ti chang runa,angawi hmak




"Min en teh"ka tih chuan minlo en vat,"Vawiina thil thleng hi kan pahnih inkar chiah ni rawhse,i hrethiam em?"ka tih chuan,a bu nghat nghat,"Min zep pui tlat ang tiraw?"arawn tih chuan,"Umm"ka ti sup.



A biang sen deuh bam chu khawihsak ka tum chuan ahawisawn deuh vat,"A nâ em?"ka tih chuan,"Tlemin"alo ti sep,"Tuivawt khan dep char char rawh,in kan thlen hma chuan azia deuh hman ang,chuan zanah damdawi hnawih ang che"ka tih chuan tui bottle chu ahmaiah chuan adah vat




Ngatinge maw he thingtlangnu lakah hian ka nem tak em em ni?



"Tu mipa mah hi rintlak an awmlo,kei ngei pawh"ka tih chuan hriatthiam loh hmel zet hian min en,"Lo chuang rawh"ka tih tak daihah chuan alo chuangve leh mai




In lam pana kan tlan chhuah leh hnu chuan pangai deuh chuan a ṭhu a,,,,he ti hian nitinin min hnaih zual zel turin ka siam che anga,Rohluzuala ka tihnat nan hrim hrim pawh ka inhmangaih tir dawn che Zothanfel.




An in zawnah chuan bike chu ka ti ding a,achhuk nghal vat,akal mai dawn emaw ka tih laiin ka hmaah chuan alo dinga,"Enge,lut vat ta che"ka tih chuan,"Ka lawm e,lo kal lo la chu,,,"angawi deuh vang vanga,ṭah leh atum ta mai




"In kan thlen tawh hi ṭap tawh suh,iṭah phei chuan i hmelchhe zual ka tih kha"ka tih chuan,min melhrum hrepa,akal ta daih chu ka kiaisuk...

_____________________




Zothanfeli Pov.



Inchhunga ka lut chu alo reh ṭhiap mai,choka lamah ka luta nutei alo awm reng,"Eee,Zothan ilo haw maw"alo tih chuan,ka bu nghut



"Iva chauh hmel ve a"Nutei chuan alo ti leha,"Ihh,,,Nute ka awm anuam vaklo a"ka tih chuan Nutei chuan minlo pan vat




Ka chal chu arawn dek nghala,a chal dek leh pahin,"I khua sik deuh emawni,inti faila han mu hahdam daih rawh"alo tih chuan ka hniallo nasa



Ka kal tur chu,"Chuan Zothan Memei hi"Nutei chuan alo ti sapa,"Eee,taka library-ah lehkhabu a en dawna"tiin dawt ka hrilh ta ringawt,Nutei pawh chu abu nghut,"Lo han mu mai rawh aw,damdawi kalo pe ang che"alo ti leha,ka chhang tawh lemlo




Ka haw tlai viauin ka hria ania Memei karokae kal hi avan rei reuh,mahse ka haw tlai chhan chhuanlam ka siam angailoa a zia phian



Room-a ka lut chiah chu ka zawi hnuk mai,intifai lemlo chuan ka inthlak sawk sawka,khumah ka lawn nghal vat.




Ka chau takzet,thil thleng zawng zawng kha ka ngaihtuah leta,ka la hlau reng,Alfreda kha ka ten ngawih ngawiha,ka haw takzet bawk...



Khatiang mipa anih kha ka ringlo hrim hrim ania,mi hi an pawn lam landan ngawta teh chi hi anlo nilo...




Bryana kha lo kal hlauh lo pheise chu ka thianghlimna hi ka chan hman ngeiin ka ring,dam chhan pawh ka nei tawh hauhlo ang,achungah khan ka lawm takzet...


__________________________



Ka harh leh chuan khua pawh alo thim tawh,ka dang a ro rup mai,dawhkana kan tui chhawp alo zo tawh lehnghal




Khum aṭanga ka thochhuak chiah chu ka rawl ṭhum mai,room aṭang chhuakin inhnuai lamah chuan ka chhuka,Memei step-ah alo chho ve mek bawk




"U Zothan ilo harh tawh maw?lo kaihthawh che ka tum chiaha"alo tih chuan,"Ngatinge?"ka ti vat



"Inleng ineia,,,u Roberta alo leng"alo tih sar sar chuan ka nuisuk,Memei chuan,"Ngatinge ihmai kha"alo tih chuan,ka khawih vat,"Ka mutna aniang"ka ti ta ringawt,ala ná phian zui



Inhnuai lamah chuan kan inzui thlaa,U Notei pawh alo ṭhuve reng,Nutei leh Patea chuan chaw ei turin minlo hrilh nghal vat,mahse ka rilṭam loh thuin ka chhang vat thung.



Doctor Roberta chuan chik zet hian minlo en reng,"Karleh aṭang chuan clinic lamah ikal tawh dawn sia,Roberta hian form kha arawn lam dawn anihhi"Patea'n alo tih chuan




"Ka rawn pe mai dawn che lawm,ilo kal duh kher anih kha"ka ti sepa,Doctor Roberta chuan nuisuk pah hian,"Lo len pah a ni maia katia,aharsa chuang hleinem"damthluam hian alo ti sup



"Video call ka hmang dawn,room lamah ka chho teh ang"U Notei chuan ati sepa,achho ta daih,"U Robert leng reng rawh aw,Mama nen kan inchawi dawna ka han chho teh ang keipawh"Memei chuan lo tiin awmze nei deuha minlo en chung hian amitko asan zeuh




Doctor Roberta chu akiai suk mai,"Zothan chaw chu i eilo ang maw?"Nutei chuan alo ti leh a,"Aih,ka ril aṭamlo tak tak alawm"ka tivat




"Aṭam hunah a ei mai dawn alawm,mikhual a ni hleinem"patea chuan alo ti ve sap sapa,kalo thlawp vat




"Anih,kan mut san ang che u tikhan lo inkawm rawh u aw Robert"tiin Nutei chu a ding hluaia,"Tehreng mai,va mu rawh u"Doctor Roberta chuan alo tive a,Nutei leh Patea chu an room lamah an lut ta daih




Doctor Robert chu ka bul chêtah hian alo ṭhu pheia,kan taksa in si deuh rial chu vawiina ka thil tawn vang nge nuamlo ka ti riau lehnghal




Doctor Roberta chuan min en deuh reng tih chu ka mitsir za zek zek aṭang chuan ka hre reng



"Zothan"ril ruiha alo tih chuan amah chu ka en vat,"I hmelṭha lutuk"ka mitah tak min enchunga alo tih chuan ka lai angreng



"Ka duh che ka tih kha hre reng rawh aw"alo tih chuan ka bu nghat,chutah ka biang na lam zawk chu alo khawiha,ka chala alo fawp zeuh chuan ka thla ati muang takzet.



"Ka haw phei phawt ang,ihmel a diklo riau chawl hahdam rawh"alo tih chuan,ka ngawi reng,chawlh hahdam chu ka mamawhin ka hria




A haw tur chu pawn thleng chuan kan inzui chhuaka,"Eitur ka ngaihtuah sak dawn che ami,engmah i ei siloa"alo tih chuan,"Aih angailo"ka tivat




"Ka ngaihtuah che ania,eichak inei em?"alo tih leh chuan ka lu ka thing nar,"I mut hmain enge mawni tal ei ang che,anih loh chuan ka awm anuam miahlo ang"alo tih leh charh charh chuan,"Umm"ka tive sep



Chutia kan indin chilh lai reng chuan gate aṭanga Bryana rawn pen lut ka hmu chu ka en deuh reng.



Kan dinna lamah chuan lo kalin polythin var hi ka hmaah hian alo lek vuta,mak tideuh chuan ka en,Doctor Roberta pawn anau chetdan chu mak tihhmel deuhin a en



Bryana chuan,,,"La ta che mawle"arawn tih nghut chuan,"Enge a?"tih pahin muangchangin ka bana,ka en chu damdawi alo awm



"I hmaiah khan hnawih ang che"alo ti sam et a,thawveng zet hian inherin faifúk rat rat pahin akal ta daih.



Doctor Roberta'n hrilh hai tih hriat zeta min en chuan enge sawi tur pawh ka hrelo!!!



(END OF CHAPTER-12)
(A seilo ti chu an daw duai,a boring viau mai thei tun chapter chu,comment leh ṭheuh ila🥰,chuan chuan ads click mawlh kha aw)


Show post links
Top