Page 5 of 5

Re: THINGTLANGNU MAW! BY_MRSBABE_KHAWLHRING (Completed)

Posted: June 19th, 2022, 7:58 pm
by Ngaia
*THINGTLANGNU MAW!*



Chapter-25



by_MrsBabe Khawlhring



Zothanfeli Pov.



"Chutiang lam a nilo"ka tih sep chuan,"A nih loh chuan eng vang nge?"arawn ti rum ul mai...



"Ban ka duha chu chu a nimai,a bak dang a awmlo"ka tive leh ngat,"Min haw viau ami?"zawi supa arawn tih chuan,ka lu ka thing vat...



"Ka haw lo che,nangmah vanga ban tum pawh ka ni heklo,ka zirna a tihbuai phah ka duhloh vang a ni"tiin dawt ka sawi ta ringawt,ka zirna atihbuai phah hichu hlau tho mah ila,ban ka tum chhan diktak chu Dr.Roberta vang hian a ni...



Min en vang vang hnuah,couch-ah chuan aṭhu thlaa,ka dinna ngaiah chuan ka ding deuh reng,"Aṭha e ban na chu rawn theh lut ang che"thawchhuak deuh hawk paha alo tih chuan,chhang lovin ka bu nghut ringawt...



Min be tawhlo chuan ahawisawn ta daiha,nuamlo ka ti deuh chu,"Anih ka chhuak nghal mai ang"ka ti sepa,inhera kal mai ka tum chu,"Ka ngai lutuk che Zothanfel"ka hriat tur tawk lek hian alo ti a,ka rilru ti ném duh lovin ka hawilet duhlo lui tlat...



"Ahma ang khan ṭha deuhin awm leh rawh,zu te in tawhlo la,i nupui tur tan pasal ṭha tak nih tumla,i fanu tan pa ṭha ber nih tum bawk rawh"amah hnungchhawn chung chuan ka ti a,ka rilru diktak a ni ka sawi...



"I hmangaih miah loh bulah hlim takin i awm thei bik dawn ami?"arawn tih chuan,a ṭawngrí aṭangin minlo awm hnaih deuh tih ka hria



A zawhna chu chhanna pek harsa ka ti hlé,muangchangin alam chu ka hawia,"I fanu hi engkimah dah pawimawh hmasa ber la,amah hringtu anu pawhhi ila hmangaih thei mai ang"ka tih chuan,Dr.Roberta chu a nersak...



Kal mai ka tum chu ka kutah alo chelh leha,thinthlak nghal mai ka tum chu a chelh nghet lutuk tlat,"Min thlah teh"ka tih chuan,"Bul ṭan ṭha leh mai ang"tak rún hian alo ti a,"Aih,mí pa ini dawn tawh,ṭhian chauh kanni thei tawh ang ka tih kha"ka tinghala



"Aih,ka duhlo ka theilo bawk,ka hmeichhe duh em em hi engtinnge ṭhian angin ka en theih ang che"alo ti chang run mai,"Ṭhian angin min en theilo anih chuan i farnu angin min en rawh"ka ti let leh sak chu,dr.Roberta chu za lo tih hriat zetin akiai suk



"Min thlah tawh rawh"ka tih leh chuan ṭha deuh chuan min thlah maia,engmah pawh sawi tawhlo chuan hmanhmawh deuhin ka chhuak nghal vat...



Room aṭanga ka chhuak chiah chu kawngkhar chu nghengin ka thawchhuak ham ham,hetiang hian awm fo lo se,awlsam takin ka theihnghilh thei mai tur hi ania...



Sir lam ka en chuan u Kimi khan tray-a thingpui keng pah hian mak tih hmel deuhin minlo en renga,"Ka lo,,,chhuk dawn tawha"ka ti bah nak



"U Roberta thingpui kan pe lawk ange"ṭha deuh hian alo tive maia,min kal pelh hnu chuan ka thaw huai thei...



Inhnuaia ka chhuk hnu chuan Memei leh Nu Mazuali chu anlo ti ti barh barha,"Hei,Zothan dawnfawh hi lo eive rawh"Nu Mazuali chuan alo tivat,abulah chuan va ṭhu thla pahin,"Aih,ka eilo zawk ang"ka tih chuan



"Awww,ngatinge athlum tui reuh asin"Nu Mazuali chuan alo ti vara,"Aih,tukinah ka ei hnem lutuka,ka hné deuh tlat"ka tih takah chuan min ti lui biklo



Memei'n dawnfawh a eizawh hnu chuan rei pawh kan ṭhu tawhlo kan haw phei nghala,gate aṭanga kan chhuak chiah chu Bryana kan tawk hlawl,"Awi,he mi lerh hi saturday-ah pawh in ah hian a tang hman hlawllo"Memei chuan ati vata




"Lalchhuansang ave ache,i bialpa lu len len nen"Bryana chuan alo ti let vat,"A ve zawk che hian,khapa kha ka ṭhen daih tawh"Memei'n atih chuan Bryana chu a chèk hlak hlak



"Haw vat teh Zothani hi ka be lawk duh ania"minlo en pahin Bryana chuan alo ti leh supa,"U Zothani hming ihreve elaw"Memei'n alo ti hau mai



"Nge ka hriat loh ang,i à mi"Bryana chuan ati deuh nghut,"A hmingin i ko khàt em alawm"Memei'n atih leh chuan,"Kal vat mai teh"Bryana chuan ati hluka,Memei pawh chu akal ve mai



"Engatan nge min biak chu i duha?"ka tih chuan,"Zanah kalo leng dawn,chu chu ka hrilh duh che"arawn ti tawi tak,"Engatan nge ilo len dawn?"ka tih leh chuan




"I à mi thingtlangnu,,,ka tih Zothanfel tlangval nula in a len dawn chhan chu a rìm dawn vang a ni mai"alo ti hluk chu,ka nernawng mai,"À em em lutuk va phei tawh rawh"arawn tih leh chuan



"Saturday-ah te khawnge ikal reng renga"ka ti sep,"Doctor ka hmu lawk"arawn ti bul tak,"Saturday-ah eng doctor nge ihmuha"ka tih leh chuan,"I va dilchhut reuh e aw"min en vang vang pah hian alo ti a.



"Min hrilhve mai ta che"tiin ka phun chhuak sep,"Hman zana ka thusawi kha ka fiamthu lo,khami tan khan min pui thei tur doctor ka ràwn"min melhchhuk ngur paha thutak zeta alo tih chuan,"I ruia i sawi ve mai mai emaw ka tia"nuipah deuh hian kati a




"Ka sawi mai mailo"lungawilo angreng taka ti pahin,min kalpel nul nul,ka en zui renga,ka nuisuk bawk,Bryana'n damdawi nghei atum ta chu kalo hlim ve em em ringawt...




In a ka haw hnu chuan intifai hmasa lem lovin nutei rawngbawl ka pui nghala,,,dar5pm velah patea alo thlenga,chawhmeh leh thildang alo hawn nual bawk...



Chaw eilai chuan patea'n a zinna chanchin asawi ngawt chu kan ngaithlaa,"Kimi hian nuhrawn alo hrawn a ni awm e"patea'n atih chuan,"Nia hmani khan asawi alawm"nutei'n ativat



"A nu tak phei kha chuan,inneih kha alo phal khawp mai,a pa erawh kha chuan a fanu neihchhun tak meuh anih avang khan a lunghnur deuha,mahse chanchin lawmawm nen kanlo haw thei hrama,a zia tak tak a ni"antui hawp kharh paha patea'n atih leh chuan nutei'n,"Alo luhkhung ber tawh techuan inneih mai hi aṭha alawm,an mualpho zawk mai mai dawn asin"alo tih chuan patea chu abu nghut




"A fel reuh phiana u Kimi chu"Memei'n alo tihve chuan,"Keichu ka ngainat zawng a ni miahlo"Mama'n minlo en zawk pah hian alo tive thunga



Zanin tlai kan chaw ei chu kan ti ti nasa khawp mai,chawei khamah chuan asawi ang ngeiin Bryana chu alo lenga,nutei leh patea te an in lamah an leng pheive thung dawna



An phei dawnah chuan,"Lalbryan Joshua kha ilo chhuah pui leh ringawt ange aw"Bryana bulah chuan nutei'n ati mawlh mawlh



"Ve chhen che hian"Bryana chuan ati duh chauh,nutei chu a phun zui hlak hlak,anni pahnih hichu an in ngam bawka,ṭawngkam ṭha tak leh pangai taka an inbiaklai hi ka hre khàt khawp mai...



Memei a ṭhiannu te inah lehkhabu la turin akala,Mama tenen kan pathum chuan common room lamah tv kan en a,kan en pawh a nilo ,an pahnihin an en,inkhel an en a,an ti ti pah mawlh mawlh,engmah awmzia hrethiam velo ta na na na chu ning zet chuan ka ṭhuve renga...



Dar8pm velah Mama chu room lamah a chho ta daih,Bryana nen chauh kan ṭhu ta chu keimahah zàmna lo awm ve leh ringawt...



"Aizawlah hian i awm char char tawh dawn em?"alo tih chuan,"Maw?"ka ti hluai,"Ka sawi awmzia chu Tlabung khua tiraw inih?"alo ti vat



"Aw ni e"ka tih chuan,"College i graduate zawhah hian i zir zawm leh dawn em?nge i haw daih dawn?"alo tih chuan,"Ka hre biklo,B.Sc hi ṭha deuhin ka pass thei anih chuan zir zawm leh chu ka duh,mahse haw techu ka haw ve ang chu"ka tih chuan Bryana chu a bu nghut,kan thilsawi chu ho kati angreng...



Inbe lo chuan kan ṭhu dun leh char chara,"Heihi ka nu anihhi"tiin Bryana chuan a phone chu ka hmaah alo lek hluaia,thlalaka hmeichhe lo lang chu nu upa ve lam tawh deuh mahse la nula deuh si a ni,"Ava hmelṭha em em"nuipah chuan ka ti a




"Engtinnge ka pa hian midang aneihsan theih ka ti ṭhin"Bryana chuan arawn ti chuai raih,"I nu kha tunah khawnge a awm a?"ka tih sep chuan,"Tunah chuan Shillong-ah"ṭha deuh hian alo tive maia



"I ngai ve ṭhin em?ka sawi awmzia chu i ngaihtuah ve ṭhin em?"ti a ka zawh leh chuan,a ngawih vang vang hnu ah,"Ngai ve ṭhin e,kum4 mi ka nih laia ka hmuh bak kha ka hmu leh tawhlo a,phone-ah hichuan kan inbe ve leh zeuh ṭhina,mahse ka ngaihtuahna chu aluahkhat ve reng ṭhin,nang ka tawn hma che phei chuan ka nuna hmeichhe awm chhun chu ka nu leh ka pinchauh kha an ni"alo tih charh charh chuan,Bryana chu uluk zetin ka en a,zanin phei chu a rui lo tih a mitmeng aṭang ka hrethei bawka,a thusawi pawh a awihawm fú...



Min melh reng avang chuan ka zàm deuh chu,"Ngatinge inu bulah i awm daih loha"ka tisep,"Ka chak alawm,ka nu duhdan pawh a ni,tunhnai phei chu a bula awm turin min rawn sawm nasa,mahse Roberta te nufain ka awm loh chuan nuam anti dawn lutuk asin,an kawng daltu atanah ka pa in ah hichuan ka awm vereng dawn"alo tih chuan ka ngawi ta daih...



Dr.Roberta te nufa nen innghirnghona annei ṭhin tih chu Bryana ṭawngkam leh awmdan aṭang hian ahriat ta khawp mai...



"Bryan"ka tih leh sep chuan,minlo en pahin a mitko alo san uk,"Engtik aṭang khan nge min duha?"ka tih chuan,"Ka hmuh hmasak ber ni aṭang che khan"alo ti sam et mai...



"I bike-a min taithluk lai khan maw?"ka tih deuh hlur chuan,"Aw, ka tai thlu lui che anih kha"arawn ti hmak,"I hria em,thingtlangnu,ohh ka tih Zothan love at first sight hi a awm tak tak theih ka ring ngailo,mahse nang ka tawn hnu che hian chu ka ngaihdan chu a inthlak danglam vek tawh"thutak zeta alo tih chuan,mak tizetin Bryana chu ka en...




"Ngatinge min hua ang deuh deuh khan i lan ṭhin si?"lungawilo angreng taka ka tih chuan,"I hmelṭha lutuk hian ka thin i tirim alawm,i hria em?college-ah pawh nise mipa nangmah duhtu leh star tu an tam em em a,khangte khan ka thin an tirim,chu mai pawh ala nilo ka u nen in inzui tih ka hriat phei kha chuan ka thin arim zual"asawi zawng pawn a lungawi loh zia ka hmu thei...




"Mihring chu an duh ber leh an hmangaih ber an tawn chuan an nunhlui zawng zawng kal sanin an insiamṭha thei ṭhin,keipawn ka thil chin ṭhalo hi ka sim anga,i hnen ka rawn pan hunah che chuan minlo pawm ngei ka beisei dawn ania"ka mitah tak min en chunga nghet charha alo tih chuan chhan dan tur ber pawh ka hrelo....




Bryana chu rei pawh a ṭhu tawhlo,a haw tur chu kawngkapui thleng kava thlaha,,,room lamah chho ta lo chuan Memei chu ka nghak deuh renga,reivakloah alo hawa,room-a kan mut hnu chuan ka ngaihtuahna akal thui leh hlé tawh




Keimah vanga insiamṭhat tum mipa chu min duhna han hnar ngawt hi thil mawi a ni dawn emni,tihte ka ngaihtuaha...A insiamṭha thei tak tak anih dawn chuan min duhna hi ka chhanglet ve mai zawk dawn nge tih mawlh chuan min tibuai a ni....




Ka mit ka chhin vang vang chuan ka mitthlaah Bryana alo langa,Dr.Roberta nen kan inzui lai aṭang tawh khan zan mut dawnah tehian Bryana hi ka mitthlaah hian alan chang atam khawp mai,hepa hi enge maw tak chu a ni...



____________________________________________



Hun leh nî te a ral zel a,Dr.Roberta ngaihtuah tawh lovin hmalam ka pan zel a,ka zir naah ka insawrbing nasa hlé,rilru natna leh rilru hahna han neih hian thil dangah niloin kan zirlaiah hian inhrithla thei ṭhin ila,kanva hlawkpui dawn em...





Bryana nen kan inkawm nasa em em a,college lamah pawh kan inzui char char ṭhin,han belhchian tak tak chuan a chhungril nun khawngaihthlak tak leh mipa chak tak anih bikloh zia thlengin ka hmu tlanga,ka rilru a khawih takzet...



Min ngaihsakna kawng engkimah a ti lang nasa ṭhin em em a,,,damdawi pawh vawi leh khatah athlah thut theih bikloh avangin muangchangin a beive renga,ataksa hial pawn a tuar phaha,amah pawh tunlai chu a tla ve deuh...



Naktuk lawk hi Dr.Roberta te inneih nì a ni tawha,han ngaihtuah chhuah takah chuan kan inhmu khàt khawp mai,a fanu Daphne leh u Kimi kha chu anlo leng zeuh ṭhina,a fanu phei kha chuan min ngaina ve takzet...



Clinic aṭanga ka ban tirh khan Mimii leh Chhani'n a chhan min zawt nasa em em a,ka zirlaia insawrbing ka duh thu in ka chhang maia,khami ní banna lehkha ka submit ni tih loh kha chu ṭhenawm e,tilo hian dr Roberta hmel chiang takin ka hmu leh tawhlo...




A chang chuan ahna kal tur hi motor chhunga achuan tawh hnuah ka hmu leh zeuh ṭhin,phone aṭanga minlo biak zeuh hi a ching ṭhin a,mahse tunah chuan a reh vang vang tawh...



Nimin piaha u Kimi lo lengin asawi danin,Dr.Roberta chuan a duat viau a ni awm e,,,hmeichhe care thiam tak leh hmangaihna ngah tak mipa kha a ni miau alawm...



Kohhran dan thianghlim phalo mahse tih pui an tum khawp mai,Biakin hawnga an inneih theih dawn loh avangin,an resort lamah in neihna an buatsaih dawna,mi pawh an sawm zau khawp mai,,,,nutei leh patea pawh an buaive char chara



Thil engpawh ti dawnse,Pa Sanga leh nu Zuali'n anlo ràwn ve zela,anva phei leh nge nge ṭhin,Bryana pawh mikhual an ngah bawknen a buaive hlé aniang,tunlai té hi kan inhmu khàt riau,college-ah pawh nise kan awmdun hman meuhlo...




"U Zothan,naktuk chu ikalve dawn em?"hnunglam aṭanga lo titu chu Memei a ni,inher vatin,nuilui pahin,"Ka hrelo,,,mahse kal chu ka tum lemlo"kati ban charh




"I kalloh chuan ka kallo ve mai dawn"alo tih nghal chuan,"Awihawm loh emai,ka kalloha nang ikalloh bawk ten a chi nang"ka ti vat,"Nuam kati hleinem ka ngaihtuah ve tho che a"Memei chuan alo ti leha,ka nui ta tawp



"Chu lohah i kalloh chhanah enge i puh ang,ka nuin zawt ta che se"alo tih leh chuan,"Naktuk college chawlh anilo hrim hrima,a chhan tur techu a tam dawn lutuk,nang chu kal ang che ihria em"ka tih chuan peihlo hmel deuhin min hnial ngam chiah silovin a bu ta nghat...



Chaw eilai chuan,"Nute,Pate naktuk hi kan section in thil pawimawh lutuk kan zir dawna,inneihnaah ka kal thei dawnlo a"tiin dawt ka sawia,"Aww,anih chu avan zialo ve"Patea'n alo tivat



"Chawhnu daih ania inneih programme chu,i hmanlo ang maw?"nutei'n alo tih chuan ka bu nghat,"Anih nang Mama"tiin nutei chuan Mama chu azawta,engmah ka hrilh lawk bawk silo,,,ka inhumruh nasa hlé




"U Zothani'n kan zir hochu min hrilh thei dawn tho a,keichu ka kal ang"min hrethiam deuh hian Mama chuan alo ti supa,ka lo lawm ru veng veng mai...



Chaw eikhamah chuan nutei'n afala min biak aduh avangin an room lamah kan inzui lùt a,ka ngaih ati ṭhalo angreng...



Couch-a a ṭhutthlak hnu chuan abulah chuan ka ṭhu thla ve maia,"Sawi tlang tawp mai ila,Zothan Bryana nen hian eng inzawmna nge inneih?"dam dap hian nutei chuan alo ti a,azawhna chuan minti hamhaih hlé...



"Ṭhian kan nia,chuzawng chu a ni mai"ka tih chuan,"I chiang maw?in inngaizawng lo maw?"Nutei chuan alo ti leha,amitah tak enchung chuan ka bu nghut...



"A ṭha e,tunlai in inkawm nasain,in inzui nasa riaua ka ngaih aṭhalo deuh mawle,Zothan Bryana hi mipa ṭha tak anilo ania,ka sawi fo kha chuvangin hnaih vak tawhlo ang che"Nutei chuan damthluam hian alo ti leha...



A thusawi chuan ka rilru a tinà ve ringawt anih chu!!!


(END OF CHAPTER-25)


Show post links
Top

Re: THINGTLANGNU MAW! BY_MRSBABE_KHAWLHRING (Completed)

Posted: June 19th, 2022, 7:58 pm
by Ngaia
*THINGTLANGNU MAW!*


Chapter-26



by_MrsBabe Khawlhring



Zothanfeli Pov.


"I hrethiam em?"nutei chuan alo ti leh sepa,rilru nuamlo deuh chuan ka bu nghat ringawt...



Zanah chuan Bryana nen kan in text a,chaw eikhama nutei thil sawi vang khan nge nuamlo ka ti ru tlat anih chu...



Ṭha deuh chuan kan inbiaa,a ṭawngkam pawh kan inhmuh tirh leh hriat tirh ai kha chuan a pangai tawh fú...



(Naktuk ilo kalve angem?)Bryana chuan alo ti a,(Aih,tih tur pawimawh ka neia)tiin ka chhanga,,,a seen nghal vat...



Typing-in a zawm nghal chu nghakhlel deuhin kalo en renga,(A ṭhat chu programme zawh velleh college-ah lo lam tur che in kalo kal ang)hi alo ti a,ka nuisuk



(Angai kherlo,ka ngaihtuah awm loh)ka tih chuan,(Kan inhmuh khàt em hi,thilsawi dun tur kannei alawm)alo tivat...



Kan inbiak zin leh kan inhnial zing hi a ni ringawt ṭhin,a tir lamah ṭha deuhin inbe ve ṭhin mah ila,atawp lamah chuan kan inhau leh nge nge ṭhin...



Dar8 velah chuan Bryana chu assignment tih tur ka neih avangin ka biak theih rih loh thu ka hrilha,minlo hrethiam ve khawp mai...



Mak deuh mai chu kan inngaizawng chuang miahlo na in,inngaizawngte awm dan tur ang maiin kan tih tur kan inhrilh thlap thlap ṭhin,anuam ka tireuh takzet bawk...



Memei chuan ka assignment tih chu minlo puia,kan zo hma khawp mai...



Khuma kan mut hnu chuan ala hma bawka,kan ti ti dun deuh barh barh



"U Zothan irilru anà ve tho em?"Memei chuan zawi sup hian alo ti a,"Engah maw?"ka tih chuan



"Naktuka u Roberta nupui nei tur hi"Memei chuan alo tivat,"A tir kha chuan nà ve tho a,mahse ka lawmpui zawk,karah fa annei tawha,an fanu kha fahrah ni tur chuan ka khawngaih"ka tih chuan Memei chu alo nuisuk



"I rilru hi aṭha ngawt mai,,,anih u Bryana nen hian inzawmna innei ami?"alo tih leh sep chuan,ka lu ka thing vat...




"I nu pawn tlaiah khan min zawta,,,ngatinge inzawmna nei kan ang ami?"ka tih chuan Memei chu alo bu nghat...



"Ṭhian chauh alawm kan nih"ka tih leh chuan,"Ahma khan in inhuat tehlul nen"Memei chuan alo ti a,kan nui dun hak hak...



"Nia,ahma kha chuan a ni lawm,mahse tunah chuan ṭhian ṭha tak kanni tawh zawk"zàngkhai vaha ka tih chuan Memei chuan uluk deuh hian minlo en a



"U Zothan,u Bryana hian u Roberta nena in inngaihzawn lai khan a ruih laiin Mama bulah a duh thu che alo sawia,,,Mama khan ahrilh ngamlo che a ka bulah asawia,tun hnuah hian ka hrilh ta chauh che anih chu"Memei'n alo tih siam siam lai chuan,han sawi mai tur pawh ka hrelo



"U Bryana hian i bulah chutiang lampang chu asawi tawh em?"alo tih leh chuan,zep lem lovin,,"Umm"ka ti sep,"Chuan engtinnge i chhan,i duh velo ami?"hriatchak hmel deuh hian Memei chuan alo tinghala



"Bryana hi ka duh leh duh loh ka hrethiamlo,mahse ka ngaina tih chu ka hria,,,a u nen kanlo inzui tawh ṭhin vang hian Bryana hichu inzawmna siampui ka duh tawhlo"thawhak paha ka tih chuan



"U Zothan ka khawngaih che eee"Memei chuan alo ti hap,"Ngatimaw?"ka tih chuan,"I dinhmuna ding ang hian ka in chana,keipawh ni ila ka rilru abuai ve ngawt ang,lehlamah U Roberta venthawn angai bawksi,leh lamah u Bryana awmve bawk,mahse maw i thinlungin ti tura atih ang che kha ti tawp rawh"Memei chuan amah anglo takin alo tive duah...



"Ka hrethiam bik rihlo le,tunah tak hichuan Bryana nen chuan ṭhian nihhi atawk fú,i hria em?Keimah vangin a ruihtheihthil tih ṭhin hi sim atum asin"hlim angreng taka ka tih chuan



"Maw!a ni maw?"Memei chuan alo tinghala,ka bu nghat,"Awi,tunlai chu a fel kati reng a ni,a thil chin ṭhalo sim phah hial aduh anih chuan u Bryana chuan aduhve hlé che aniang"Memei chuan alo ti a...



Ka ngawi deuh reng,"U Zothan,u Roberta hichu ngaihven duh tawh suh u Bryana hi duhve tum tawp rawh,itisual miah lovang,mipa in a thil chin ṭhalo hmeichhia vanga sim phah hial aduh anih chuan chu hmeichhia chu ahmangaih hlè tihna nimai"Memei chuan alo ti leha,"Tunah rih chuan aharsa rih"ka tih sep chuan,min hrethiam a ni chawk ang chu engmah asawi tawh biklo...



Bryan Roluahpuia Pov.


"Tun hi khatianga awm hun pawh a ni em ni?Haw ang"ka u melh ngur pah chuan ka ti nghut,"Ka haw dawnlo"rui nawi tawh tih hriat zeta alo tih chuan



A bulah chuan ka ṭhu thlaa,"Naktuk lawkah nupui inei tawh dawn,ka pa in hetianga i awm hi ahriat chuan alawm i ring em?kan chhungkaw mualpho theihna anihhi haw ang"ka tih leh chuan,ahmaa no chu banin whisky chu atlak leh pap



Hahthlak tizet chuan ka en deuh renga,"Haw ang ka tih chu"ka tih leh hluk chuan,"Roluahpui hmela,nanghi inla fel viau teh suh aw"bah nak hian alo ti a,ka thawchhuak hak...



"Ka pa uite ang maia athu zawm reng hi ka ning tawh,ka hne takzet,tuna ka nun hi ka ning"whisky thli paha atih leh lai chuan bur chu ka laksaka,rui chhe tawh tih hriat zetin alo dingchhuak vut



"I rui tawh lutuk,thil nilo lo isawi leh hmain haw teh ang,ka nu leh pa in an nghak reng che"ṭha deuh chuan ka ti sapa,tunah tak hichuan ka dawh theihna pawh a pàn viau tawh...



"Roluahpui i ù ka nihhi,min zah rawh aw hmela"alo tih sap chuan,"Aw,ka hria ka u ini,ka zah che tunah chuan haw phawt teh ang"ti zung zung pahin a coat chu ka hak tira,alo che ve chhen lehnghal



Bar aṭang chuan kan inkuah chhuaka,kan pai deuh dawr dawr mai,"Roluahpui,kei Robert Rohluzuala hian e,,,Lalfamkimi hi ka nei dawnlo ihria em?"sehchilh zeta alo tih leh chuan



"Kal ṭha mai mai teh"chang deuh chuan ka ti a,"Ngatinge ka duhdan hian ka nun ve theih loh,ngatinge ka hmeichhe hmangaih miah loh ka neih angaih bik"tiin khawlaiah chuan aràk ta chiam mai...



Mi ho chuan minlo en deuh ṭhup,akal ṭha duh tawh miahlo lehnghal,a hnuh ngawt chuan motor dinna thleng chu kan inhnúk thlenga...



Motor-a ka ṭhut luh tir laite chuan hriatchian theih mang loh hian a phun deuh renga,Zothani hming alam tel ṭhin erawh chu ka hrechiang hlé...



Motor chhunga ka luhfel ve hnu chuan ka phone alo rì a,ka pa alo ni,"Aw pa"tiin ka kala nghala,"Enge chanchin?i u chu iva hmu thei em?"alo tih chuan



Ka hmuh thu ka hrilh nghala,"In lam rawn pan nghal ang che u,Lalroberta mai mai chu minti zak lutuk emai,mikhual kannei ṭeuh lehnghala,kawngkapui aṭang nilovin inchung aṭang khan lo lut ang che u"ka pa chuan alo ti deuh duah....



Kan inbiakna kan tih tawp hnu chuan in lam panin kan inkhalh chhuak nghala,ka u chu achatthla ta daih nge ni,alo ṭawng leh tawhlo...



Naktukah lawk nupui anei tawh dawna,tunkar chho chu a awmdan apangai viau ania,zu te alo in leh reng renga,a awmdan chuan minti hrilhhai takzet...



Inchhungah chuan pangai takin a awm a,u Kimi nen pawn an inbe ṭha ve viauin ka hria ania,an han innei dawn ta tak tak chu a inngaihtuah lungpuam leh a ni ngei ang...



Kan inzawna motor ka tih din hnu chuan ka u chu ka sawi harha,,,"Ka haw dawnlo"tiin ala ṭhu tlat zui...



Amah a rit ve angreng si a,han pu lut dawn ringawt ila,a sei ve zuah bawksi,kan driver pakhatin minlo pui hlauha,engtin tin emawni inchung aṭang kan luhpui thei hram...


Ka u room chhungah chuan u Kimi leh ka nu anlo awm renga,minlo puive vat...



Khuma kan mutthlak tir hnu chuan u Kimi chuan a pheikhawk leh mawza vel alo phelhsak vata,tuivawtin alo hru vat...



"Bar-ah chuan ami alo awm a?"ka nuin alo tih chuan ka bu nghut,"Kimi tikhan lo in buaipui ula,Bawihtei pawh amut achhuak tawh viau maithei a ni,ka zuk buaipui ange"ka nu chuan u Kimi bulah chuan ati sap sapa,a chhuak nghal vat bawk...



U Kimi chu ka u bulah chuan aṭhu renga,ka u hmai vel chu a dep sak mawlh mawlh,ka u chu alo meng leh zawk ṭhina



"Lalfamkim min khawih suh"alo ti deuh hak ṭhin,U Kimi chu inthlahrung deuh chuan a awm renga,ka u amutthilh leh hnu chuan Zothani hming bawk lamin alo ṭawngvai leh ṭhina



U Kimi chuan sawichhuaklo mahse hrehawm ati ru viauin ka ring,,,chhuahsan mai ka tum chu ka pa alo lut hlawla



Ka u mutna lam pan nghalin,"Rohluzuala awmdan mai mai chu aw,,,engtinnge maw ka tih dawn ni"ati deuh vang vang



"Kimi khatiang mihring buaipui reng duh suh,va mu hahdam daih rawh,hetianga a awm avang hian naktuka in inneih tur hi kan ṭhulh phah dawn chuanglo"ka pa chuan a ti leh deuh hlak hlak...



Room aṭang chuan ka pa nen chuan kan chhuak ruala,"Tunlai nang i fel ṭan riaua,i u tiang hi a ni ve leha,rilru nuam tak hian ka awm ve thei dawnlo anihhi"ka room kan thlen dawnah chuan ka pa chuan alo tichhuak sup



Chhang lemlo chuan ka ngawi renga,"Tui deuhin mu ang che"ti pahin ka darah chuan alo hmer salha,ka pa kal liam lai chu ka en zui deuh reng...



Ka pa nen hian inpawh tak hian kan inbe khàt khawp mai,a chhan chu ka haw miau,ka nu chunga a thil tihhi kala theihnghilh lova,ka theihnghilh ngai bawk heklo ang,,,ka pa min hringtupa ngei ni mahse hmangaih hi ahar kati...



Ka room chhunga ka luh hnu chuan,khum hnuaia ka suitcase chu ka pawt chhuaka,damdawi leh syringe chu kala chhuak vat...



Awlsam takin ka thlah tawp thei lova,achhan chu ka taksa peng hmun hrang hrangah hian ka damdawi tih ṭhin khan bù akhuar hnem tawh lutuka,thlah mai aharsa tawh a ni...



Zothani pawh khan 'muangchangin ithlah thei tih inhria la,vawi leh khatah chuan ithei dawnlo ania'min ti a,athusawi kha adik takzet...


Ruihtheihthil hi vawi leh khatah,zan khata nghei tawp theih leh thlah tawp theih anilo,abikin damdawi ngat phei chu...



Duhlo chung chung chuan ka taksa chhungah chuan ka chiu lut leha,ka rilru leh thinlungin duh tawhlo mahse ka taksain ala mamawh miau si a...



A hma kha chuan nikhatah vawi4 tal ka inchiu loh chuan ka awm thiamlo ṭhina,lungawi lohna leh thinrimna ka neih chang phei chuan vawi5 vawi6 hial ka inchiu ṭhin...



Mahse tunah chuan ka dose hi ahniam ve zela,nikhatah vawi3 chiahte inchiu chang ka nei tawha,engkimah hian a chhanah Zothani ka puh lo theilo...



Min fuih phur tur leh min tichak turin ka kiangah a awm reng ṭhina,,,kan inhrechiang chho tial tiala,a rilru alo tluan zia leh hmeichhe nun ngil tak anih zia ka hmu chho a,abula ka awm hian ka nu bula awm ni maiin ka inhre ṭhin...



Khuma ka mut hnu chuan Zothani bible min pek chu ka keua,'Zan tin imut dawnah chang1 emaw chang2 tal chhiar ṭhin la,ṭawngṭai ṭhin bawkla,tuna i thil tumah hian apui nasa ngawt ang che,bible chuan hneh theih loh aneilo ania'tiin min hrilha,a thusawi kha ka bengah hian a rì nawn reng ṭhin...



Zothanfeli Pov.



Tunah chuan Dr.Roberta leh u Kimi chuan inneih thutiam pawh ansawi tawh ngei ang...



Chawhnu class kan awl avangin canteen-ah pawh chawl lem lovin zawi deuh chuan dawhkan chu ka bawha...



Ka ngaihtuahna akal thui leh hlé tawh,,,"Zothanfel"lo tizawi sup tu an awm avang chuan ka ṭhu chhuak hlawla,ka hawikual chu ka dinglamah hian Bryana alo ṭhu reng...



"Nang maw?"ka tih vat chuan,amitko alo san uk,"Tinge hetah i awm a?"ka tih leh chuan,"Programme azo tawha,ka ngai tawh che a,kalo pan vat che anihhi"uang zet hian ati a,ka melhrum hrep



Nidang anglo takin a u te inneih ni a ni bawka,coat suit dark blue nen a inthuang zara,ala inhmeh phian zui...



Ka phone message rawn ri tleng avang chuan Bryana chu ngaihsak lem lovin ka phone chu ka en vata,Memei hnen aṭang thlalak pahnih ngawt kalo dawng reng chu niin,,,



Ka en chu doctor Roberta te nupa thlalak alo ni a,an inhmehin an lang ṭha dun takzet,Dr.Roberta chu ka zoom deuha,thlalak anih vang nge acher riauin ka hria,,,a nuisànga,ka rilru chuan 'hlim reng rawh aw',ka ti mawlh mawlh



"Ṭah itum ringawt elaw"Bryana'n alo tih chuan,alo la awm tih ka hrechhuak chiah,hnaih setsawtah hian ka phone chu alo bih verenga



"Mopa ai chuan ka chhelo zawk fé"fiamthu zeta alo tih chuan ka nernawng,"Haw tawh rawh"ka tih sep chuan mit tizim sun hian minlo en a,en rei duh lovin ka hawisawn daih



Chutah ka rinloh lutukin Bryana chuan ka biangah alo fawp thut,ka hawikual vata,mi anla tam ropui lehnghal,mahse minlo ngaihven hlawmlo hlauh,,,Bryana chu ka chum nghal pawp,ala rak ṭhat zui



"I à mi?"ka tih vak chuan,"Ka bialnu tur ka chuk chhin anih kha"ngaihsam zet hian alo ti a



Thinrim deuh chuan ka melh ngat ngat,ala kiaisuk duh chauh lehnghal...


(END OF CHAPTER-26)
School kan ṭan tawha,1st day aṭang assignment tam tawkkk kannei nghala,ka chawl rei bawksia,naktuk sunday zan ka awl zan ni mahse,lehkha zir zawhah tlai deuh hlekah kan dah leh dawnnia....

Ads click thin in tlem sawt e, i click ngai lo a nih chuan lo click ve hram tawh la pleaseeee


Show post links
Top

Re: THINGTLANGNU MAW! BY_MRSBABE_KHAWLHRING (Completed)

Posted: June 19th, 2022, 7:58 pm
by Ngaia
*THINGTLANGNU MAW!*


Chapter-27



by_MrsBabe Khawlhring


Zothanfeli Pov.



Ka biang chu ka tuai deuh vak a,Bryana chu alo nui khur khur lehnghal,"Class inla nei dawn ami?"alo tih takah chuan



Ka ṭhutdan siam remin,"Period khat kanla nei"ṭha deuh chuan ka tive maia,a bu nghut...



Chutah thatchhe zet chuan dawhkan chu abawha,a hmai a phum ta daih,"Hei,i á mi tho rawh,lecturer alo lut ṭep tawh ania"a dàra sawi deuh paha ka tih chuan



"Ṭha deuh khan ṭhu mai mai rawh,tihian kalo awmve dawn"thatchhe zeta alo tih chuan ka chum leh pawp



"Á viau lo mai teh,a chi loh lutuk,chhuak vat rawh"ka ti deuh hlak hlaka,engah mah angaih loh hmel khawp mai ahawisawna,a bawk ṭha sauh sauh



Class kan ṭan leh ṭep tawh bawksi ka hlauthawng ru takzet,Bryana erawh kalsawn a tum hmel siloh...



Ka rilru hria ni awm tak chuan,"Mi kan tam lutuk min hre tak tak teuhlo mai,ṭha deuh khan ṭhu mai mai rawh"ka lam lo hawi chuang miahloa alo tih nghut chuan,a tukhum chu ka melh rum nghek


Nghetlo deuh chuan nuam tilo deuhin ka ṭhu renga,lecturer chu alo lut ta nge nge...



Bryana sawi ang ngeiin engmah pawh asawi miahlo,ka bula ṭhu hi alo hmulo a ni maithei...



Class zawh hnu chuan Bryana chu kaihthawh ka tuma,alo mutui hman ngang mai,a hmai a kutin tlema ahliah deuh chu hnai setsàwtah ka en a...



Mipa hmelchhia ti a sawi tur hichu a nilo ve chiang alawm,mahse ka thin hi a tirim tlat ṭhin...



A bengah chuan ka pawh sak vaka,alo tho chiang teh asin,a meng buai nak mai...



Mit tizim sun in rei fan min melh hnuah alo kiaisak mai...



Class aṭang chuan kan inzui chhuaka,ahmasa zawkah akala,aruala kal chu nuamlo ka tih deuh avangin ahnungah chuan ka zuia...



Pawna kan chhuah hnu chuan,parking lot lama motor la tura akal chu ka en zui renga,coat suit nen chuan a zahawm ru ve takzet...



Alo let leh hnu chuan motor-ah chuan ka lutve nghal maia,kan tlanchhuak nghal mai bawk...



In lam panin kan tlanlo a ni tih ka hriat chuan,"Khawiah nge kan kal dawna?"tiin Bryana chu ka zawta



"Kan leng mai mai dawnnia,in lamah chuan ruai ṭheh vel a awm dawnsia nuamlo iti ang,hmun nuam deuhah ka hruai ang che"damthluam hian alo tivata,hmalam a melh leh vat bawk



"Enteh,apawilo ania haw zawk ang,inneihna ah ka lang tawh siloa,Nutei leh patea ten mak anti lutuk ang"ka tih chuan,"Aho lutuk,ngaih ṭha deuh khan awm rawh,nuamlo iti dawn tih ka hria alawm"alo ti maia



Diktak chuan vawiin na na na chu in a awm ka chak lemlo ,,,mahse nutei leh patea te hmai ka zah ve tho a,nuamlo tihna chen erawh ka nei



Kan tlan zela,in malding pakhat building in lian angreng tak zawnah chuan Bryana chuan motor chu a ti dinga



Chhuak ta mailo chuan motor chhung aṭang chuan in chu ka thlek vang vanga,alian ṭha khawp mai,tu in nge mawni le!



"Lo chhuak rawh",lo ti tu avang chuan ka ngaihtuahna aṭang chuan ka harhchhuak thuta,ka chhuakve nghal vat...



"Tute in nge a?"in awmna lam hawi paha ka tih chuan,"Keima in anihhi"Bryana chuan alo ti supa,amah chu ka en nghal vat



"I awih vak na nge?"alo tih leh chuan,ka lu ka thing vut,"Aih,awihlo lo e"ka ti ve sep



"Heihi ka nu in min leisak ania,ka pa pawhin a hrelo,mal ngawih ngawiha ka inhriat chang leh kan inchhung hrehawm ka tih changin hetah hian chawlh hahdamna zawngin ka kal ṭhina,mi tumah ka hruai ngailo,ka hruai hmasak ber ini"ka mitah tak enchunga alo tih chuan,ka zam chhe lek lek



"Ngatinge min hruai khera"ka tih chuan,"Ka tan hian i pawimawh em alawm Zothanfel"arawn ti dam ruih mai...



"Hawh,lut ang"alo tih takah chuan inchhung lamah chuan kan luta,anuan ngang mai,bungrua hochu ato chi vek a ni tih ahriat hlawm hlé bawk...



"I kal khàt awmsia engtinnge a fai em em theiha"hawikual paha ka tih chuan,"Karkhatah vawi2 ka tihfai tir ṭhin alawm"Bryana chuan alo tivat...



"I ril aṭam em?"alo tih leh chuan,"Aih"ka tinghal vata,"Anih coffee in ang"tih pahin Bryana chu akal ta daiha



Kava zui chu choka lamah alo awm reng,a coat hak kha aphelh ta daiha,a kamis var hak chuan akàp eng takzet...



"Engtinnge i awm zel,hma i sawn zel em?"dining chair-a ṭhutthlak paha ka tih sep chuan,"Ka hrethiam biklo"thawchhuak hak pah hian Bryana chuan alo ti sap



"Enge awmzia?"bangbo zeta ka tih chuan,"Hman zan khan ka kawlsa zawng zawng kha ka paih veka,,,ti lo a ka awm theih tawh mai kha ka inringa,mahse a nilo"a chawl data



"Zan khua khan chhin khat pawh ka chhing theilo hrim hrim,ka taksaah damdawi mamawhna alo langa,ka thaw ṭha theiloa,ka dang a ro veka,ka tiril thlengin ka khur chhuak vek,ka taksa azawi vek bawk"asawi ring lemlo mahse ka hrechiang hlé



"Ka thi tawh mai dawn emaw ka tia,mahse vawikhat mah Pathian biaa la ṭawngṭai ngai miahlo kha,i bible min pek kha kuah chungin Pathian ka au a,khua alo vara,a ahrehawm tawh em avangin ka va lam leha"alo tih leh chuan ka khawngaih takzet



"Enteh,hmanhmawh suh ka tih che kha,muangchangin ithlah thei alawm"hnem tum zeta ka tih chuan



"Zothan aharsa tawh lutuk,a hrehawm ka ti,ka inchhir takzet bawk"alo tih leh chuan,abulah chuan va kalin akutah chuan ka chelha



"Enteh,Bryan khawvelah hian thil theih loh a awmlo ka tih kha hrereng rawh,ruihhlo bawih aṭanga talchhuak tawhhi tam tak an awm alawm,midang pawn anthei anih chuan nang pawn i thei ka tih kha"ka tih lai chuan Bryana chuan ka kut chu alo hum hnana,a mit a chhing vang vang



"Hma deuh hlekah ka luh thûk tak tak hma khan ka tan hian lo lan tur che alawm"alo tih sup chuan,ka ngawi reng...



"Ruihtheihthil hi tuma tih atan ka duhpuilo takzet,kan taksa tan hlawkna a awm bawk silo,awlsam taka thlah theih a ni tawh bawk silo"alo tih leh sup chuan...



"Bryan ngatinge i beidawn tak mai,i thei ang ka tih kha"ka tihve sep takah chuan thawchhuak hak pah hian ka mitah tak alo en a,chutah minlo kal hnaih deuhin



Nghet deuh hian minlo kuaha,a awmdan tur ka hriatthiampui avangin ka hnar lemlo ka kuah letlo bawk...



Reifan ngawi renga min kuah hnuah Bryana chu a inla hranga,,,kan pahnih chuan eirawng kan bawl dun a,chaw eikham hnu chuan kan haw ta chauh...



Kawngah chuan kan inbe tawhlo ve ve a,mahse ka ngaihtuahna erawh akal thui leh viau tawh,Bryana hi engtinnge ka ṭanpui zel theih ang tih mawlh hian minti buai a ni...



Kan in zawnah chuan motor chu ati dinga,kan in mangṭha hnuah chuan ka chhuak nghala,Nutei te bulah engtinnge chhuanlam ka siam ang tih mawlh ka ngaihtuah...



Bryan Roluahpuia Pov.



Zothani inchhunga a luh thleng chuan ka enzui renga,zep loh chuan abula awm hi ka thlahlel ṭhin takzet a ni,ka duhna heti khawpa ka lan tir tawh chung hian chhanna erawh tun thlengin kala dawng thei silova,,,a chang hichuan ka beidawng rum rum ṭhin...



Kan in lam ka pan hnu chuan phurlo zetin gate chhungah chuan ka tlan luta,pawn aṭang pawn thawm rì aṭhat danah inleng vel antam tih chu a hriat khawp mai...



Inchhunga ka lut chu ka pa hmel ka hmu nghala,minlo ngaihven lemlo,inleng ho leh mikhual honen anlo ti ti nasa khawp mai,ka pa farnu neihchhun ka ní chuan ka bo daih nachhan chu minlo zawt nghala...



Chhang ṭha duh lemlo chuan inchung lamah ka chho ta daih,step-a ka chhoh lai chuan U Kimi mittui tling piau chunga rawn tlan deuh ti tih nen hian kan intawka,min hmu chu alo ding chawt nghal...



"Bryan"rawn ti ṭiau pah hian ka awm ah arawn bei thlawp chu ka hrilh ahai angreng,a hmel en tumin ka nam hla data,"Enge awmzia ngatinge tiang hian i awm a?"ka tih chuan



"U Roberta saw,,,,"aw khur dar dar pah hian ka u room lam kawk chung hian alo ti a,sawi pawh a sawi ṭha theilo,"Inhnuai lamah lo zuk chhuk la,ka lova bia ange,pangai thei ang berin awm tum rawh aw"ka tih chuan U Kimi chu a bu nghat...



Ka u room lam pan chuan hmanhmawh deuh hian ka kal nghala,ka nu pawh chu room aṭang chuan alo chhuak ve hlawl mai,mangan hmel deuh hian minlo en chho a,engmah pawh sawi set setlo chuan room chhungah chuan ka luhsan ta daih...



Room chhunga ka u lo awmdan ka hmuh chuan mak ka ti hlé,whisky nen hian alo awm a,amah pawh a ruih hmel khawp mai,vawiinah nupui aneia hetianga awm tur hi a nilo asin...




Pan hnaiin,"Enge i hriata?"ti nghut pahin no chu ka laksaka,whisky pawh chu chhuatah ka paih darh vek,ka u chu alo ding chhuaka,ka awmah alo ṭham leh chat tawh,ning zetin khumah ka nam thlu pawpa,za lo tih hriat zet hian alo nuisuk zui...



"Hetiang em em hi inih kalo ring ngailo asin,eng ang mipa nge maw inih le?mipa nep tak ilo nih hi,mipa rilru ṭha tak i ni emaw ka tih laiin,U Kimi hi ikhawngaih miahlo ami?in inneih zan anihhi"ka tih hlak hlak chuan ka u chu hriattham loh hian a phun sur sura,hahthlak kati takzet...



Reifé chu couch-ah ṭhuin ka nghaka,inhnuai lamah chuan thawm ala ṭha khawp mai,ka u chu alo ṭhu chhuak hlawla,"Roluahpui enge ilo tih"alo tih chuan,ka rum hak




"Nang hian enge ti a i inhriat zawk le"ka tih chuan,a kiaisuk ringawt,"Ahma ang khan pangai deuhin awm leh rawh,tianga awm hi i inhmeh velo"ka tih leh chuan,"Nang hian keihi thu ṭha min zirtir ang maw?drugs addict ve mai mai inih kha"ngeiawm zeta alo tih chuan ka insum hmanlo,ka hnek ta pawp



Ka u chu a pai dawr mai,"I ṭawngkam kha fimkhur viau rawh"ka ti chang runa,ka u chuan a kamsir chu atuai puat,"Zothanfeli ilo hel ṭhin tih pawh ka hria,nang hian hetianga ka awm min hmuh hi nuam iti a ni lawmi,ka hmeichhe duh em em min laksaka i hlim em?"alo tih deuh hrawk chuan



Ka thawchhuak hak,"Nang hian Zothanfeli hi i phu hlawllo,theihnghilh tum rawh"ka tihve fak chuan,"Anih nang hian i phu bik ami?"alo tive a,sawi mai tur pawh ka hrelo,ka ngaihtuaha Zothani hi ka phu bikin ka hrelo,,,mahse ka thinlungin a duh tlat si!!!



"Zothani hi ka tan chuan vantirhkoh ang mai a ni a,ka tan chuan ahlu lutuk,keichuan ka duh mai ni lovin ka hmangaih,,,,kan tetlai aṭang tawhin i hnen aṭang hian engmah kala dil ngailo che,mahse Zothani hichu ka duh takzet,i nau anga min ngaive anih chuan ṭha deuhin thlah hram rawh"ka tichhuak supa,ka u chu arui bawknen a meng buai nak...



"Sawi tur ka nei tawhlo,i nupui neih zan anihhi buaina siam lovin muhil ang che"ti lehin ka inhera,ka chhuak tur chu ka hawilet leh hrama,ka u chu a dinna ngaiah alo la ding reng...



Zawi hnakin ka room lam ka pana,room chhunga ka luh hnu chuan kawngkhar nghengin ka ding deuh vang vanga,ka phone lo rí pawh chu ka ngaihven duh lemlo



Alo rik nawn sek takah chuan ka la kànga,ka rin loh lutukin Zothani alo ni,mak ka tih deuh avangin la ta mailo chuan ka en deuh vang vanga,a ring tawp dawn ṭepah chuan kala a...



'Hello'pawh ka tih hma hauhvin,"Bryan,ka rilru ka siam fel tawh,zanin aṭang hian bul ṭan ang"tih chiah hi zawi sep hian lehlam aṭang chuan arawn sawia,a dahnghal daih bawk.



A thu rawn sawi kha ka hresual emaw ka ti hial,mak tizetin ka phone chu ka enrenga,Zothani ngei chu a ni si!!!



(END OF CHAPTER-27)
(KA REH REI VAWNG VAWNG HLÉ MAI,CHAPTER TAM A AWM TAWHLO BAWKA,MINLO HRETHIAM HRAM TEH U AW,A MOOD-A CHÉN PAWH A HAR VIAU MAITHEI A NI)

💕💕 A rawn comeback na a ni bawk a, kan vaiin ads click vek ang u aw, lawmthu sawinan, in hmeltha hlawm si - J 💕💕


Show post links
Top

Re: THINGTLANGNU MAW! BY_MRSBABE_KHAWLHRING (Completed)

Posted: June 19th, 2022, 7:59 pm
by Ngaia
*THINGTLANGNU MAW!*



Chapter-28



By_MrsBabe Khawlhring



Zothanfeli Pov.



Ka muhil tur chu ka inlet kual seka,Bryana chuan ka thusawi awmzia kha ahriatthiam hram ka beisei...



Ka ngaihtuah nasat pauh leh hetia tih mai hi aṭhain ka rin tlat vang a ni,diktak chuan min duatna leh min ngaihtuahna tehi ṭhian inkar chauh anih loh zia ka hriaa...



Min duh thu pawh min hrilh nawn fo ṭhin,keimah vanga a thil tih ṭhin ṭhalo a sim thei dawn anih phawt chuan a bulah awma,amah tichaktu nih ka duh...



A hma aṭang tawh khan kalo chìk ṭhina,mipa ṭhalo tak anilo tihhi ka ring thiam nghal hmak...



A hun kal tawha a thil tawn tawhte ka ngaihtuah chang phei chuan mipa chak tak a niin ka hre ṭhin...



Doctor Roberta nena kan inlaichinna chu engpawh nise,tunah chuan a danglam tawh mai bakah kan kawng zawh adang tawha




Ani pawn nupui anei tawha,kei pawhin ka hlimna tur ka pan ve hi thilsual a niin ka hrelo...



Bryana bula ka awm hian ka hlima,ka duhve reng em chu ka hrelo mahse abula ka awm tawh hichuan Dr.Roberta hi ka theihnghilh lek lek ṭhin...



Tunah chuan mi pasal a ni tawha,ka hriatve reng a ṭul tawhlo mahse aṭha zawngin kawng engkimah ka hre reng tawh ang...



___________________


Zingah chuan Nutei nen eirawng kan bawl dun a,nimina ka haw khan Memei'n minlo sawifel sak hlauha,zawhna min zawt miahlo kha ania...



"Tunlai Notei a damṭha siloa,ka ngaihtuah reuh tak tak a ni"Nutei chuan alo ti hapa,"Ngatinge,a khawsik kha ala reh theilo ami?"ka tih chuan



"Aniang,nizan khan minlo call a,kalo haw mai dawn emawni te atia,a damṭhat loh hichuan in lam hi a thlahlel ve ṭhina"Nutei chuan alo ti siam siama



U Notei chu ka khawngaih reuh ang reng,,,mahni in luma awma dam loh leh hmundanga awm laia dam loh hichu a dan a dang ve em a ni...



Chaw eilai chuan Patea chuan,"Roberta te tluang takin an innei theia,a zia tak tak a ni,a hmingin palai te kanni ve si a,thil a kalsual mawlh kha ka hlaua"a tih chuan



"Ni e,ṭha deuhin an awmdun zel thei ang e maw!Nizana a awmdan ngawta awm atum chuan an inkar a chhiat phah vat ang"Nutei'n alo tih vat chuan a thu rawn sawi dan chuan ka beng a verh hlé



"Tinge?engtinnge u Roberta chu a awm a?"Memei'n a tih chuan,ka beng kalo chhi vereng



"Programme zawh tawh hnu khan zu alo in leh a,a rui buai ṭep alawm,azialo tak tak a ni,,,Kimi saw hmeichhe fel tak anih hmelsia,ngatinge maw a duhlo em em ni?"Nutei chuan ati deuh vawng vawng



"Chutiangah buai angaih loh chu a"Mama'n alo ti hluka,"Kan buai hleinem thu awmzia kan sawi anih chu,tiangte chuan Kimi tan a thaw ipik thlak dawn em asin,inthlahrung reng rengin a awmve ania,ka khawngaih reuh tak tak a ni"nutei chuan a ti leh duah...



Chaw eilai chuan dr.Roberta-te nupa chungchang ngawt chu nutei chuan asawia,nuamlo ka ti takzet


Chaw eikhamah chuan college lam pan turin in aṭang chuan kan chhuak nghala,gate pawna Bryana bike nena lo ding reng ka hmuh chuan,nizan ka thusawi avang khan ka lai deuh tlat...



Mama nen chuan an inbiaa,Memei nen chuan kanlo nghak deuh reng,,,chutah Mama alo phei hnu chuan...



"Motor-ah lova lut rawh,laptop kava la lawk"Memei en pah chuan alo ti a,"Ngatinge u Zothani"Memei chuan ati vat,keipawhina ka zawhna zawh tum tak a ni



"U Bryana rualin akal dawn"Mama chuan alo tinghala,mak kati angreng,"Ngatinge tihtur innei ami?"Memei'n alo tih chuan



"Ka hrelo"ka ti sepa,"Anih,ka luhsan dawn che aw"tiin Memei chu motor lam a pan ta daih



Bryana lo dinna bulah chuan kava kalve maia,"Lo lawn la"alo tihnghal chuan,"Ngatinge minlo nghah kher,,,Mama te rualin ka kal thei reng alawm"ka ti vat



"Ka bialnu nen college kan kal rual dawna,chu chu thilmak a ni hleinem lo chuang vat rawh,kan tlai ange"nuisuk paha alo tih chuan ka lai angreng



"Chuangla"alo tih leh chuan,ka chuang vata,Mama te tlanchhuah hma chuan kan tlan hmasaa



Ka zak lutuk chu Bryana tukhum chu ka melh ngawt ngawt,"Nizan i mu thei em?"alo tih thawp sup chuan



"Aw,muthei e?"ka tivara,"Keichu ka mutheilo"alo tih hmuk chuan,"Ngatinge,engtinnge i awm leh tawha"ngaihtuah angreng tak chuan kati nghala



"I ngaihdan ang kha a nilo ania,ka hlim em vang zawk ania"alo tih sup chuan,"Minti hlauthawng hman alawm"ka tinghal vat



"I ti tak tak em ni?"zawi supa arawn tih leh chuan,"Phone-a ka sawi ang khan a ni mai,ka sawinawn duh tawhlo"kati sapa,min zawt zui lemlo bawk...



College kan thlen hnu chuan kan classroom thleng minlo thlaha,luhsan mai ka tum chu,"Mipa dang lo melh lo la,keichu ka thikthu achhia ania"amitko san ak paha alo tih chuan



"Kal mai mai teh"ka ti hmaka,"Break-ah kalo hruai ang che"damthluan hian alo ti leh a,a kal ta daih,a kal hla tial tial chu a rimtui inkah kha ka hnarah hian a dal tial tiala,mak deuh maiin Bryana hi ka ngai nghal ringawt



Class lak lai chuan Bryana tana pawimawh tur thil hrang hrang ka ngaihtuaha psychiatrist tehi rawn ve hrim hrimse aṭha angem?nge ni a,Pathian thu nena hrilhfiah theitu tur pastor leh speaker-te pan zawkse,eng hi nge atan ṭha ang tih mawlh ka ngaihtuah...



Tunah rih chuan Bryana puih chauh hi ka rilruah a awm,a hmel nung sarh leh a hlim hmel tak tak hmuh ka chak a ni...



Hlim tak angin lang ṭhin mahse amah chìk tu tak tak chuan a chhungril nun hi kei ang bawkin anhmuh fiahsak theih ka ring a ni...



Ruihtheihthil ti mi ṭheuh ṭheuh pawhhi an in anglo a, nuam an tih vang leh an duh vang bik em em a ti an ni biklo...



Bryana ah hian chu chu ka hrechiang hlê bawk,a tetlai aṭang tawh khan khatiang em em kha lo tuarlo se chu arilru hahna leh mal ngawih ngawiha inhriatna kha aneilo anga,ruihtheihthil ṭhalo lutuk drugs hi a tih bik kher ka ringlo...




Sim a tum mek lai hian a harsa ati tawh lutuk hi achang chuan kei ngei pawh hian ka beidawn pui lek lek ṭhin,mahse amah tichaktu tura a rin ve ber hetiang ka ni anih chuan atan chuan hmalam pan aharsa dawn tih ka hriaa,kei ngei pawhhi ka inti paukhauh lui hram hram a ni...




Lunch break-ah chuan asawi ang ngeiin Bryana chuan minlo hruaia,canteen-ah chawl lovin restaurant-ah kan chawl daih bawk,kan thil eitur kan chah hnu chuan ka rilrua thu awm hi ka sawi dawn leh dawn loh ngaihtuahin ka buai ru hlé...



Atana ṭha tur a ni tho a,a pawi chuanglo ang tiin ka rilru ka siamfela,"Bryan"ka ti ta sep,"Umm,enge ni?"a phone hmet nuap nuap pah chuan alo ti a



"Ihh,englo,,,ihmaw"ban charha ka tih chuan,"Aw,enge sawila"min melh chuanglo chuan a phone en chung chuan alo ti leha...



"Ka biak che hi,i phone kha dah la min enve ta che"ka ti nang nang chu,thuawih deuh hian a phone chu dawhkanah dahthla nghalin minlo en nghal vat,min en kar chu ka lai leh deuh...



"Ihh,kalo ngaihtuah mai maia,Pastor emaw Psychiatrist hi vawikhat tal chu la hmu vela ka ti deuha"ka tih sep chuan,Bryana chuan min melh ngur mai,"Nangmah chauha ikal hreh anih pawn ka kalpui zel ang che"zawi sep hian kati leh hap!




"Ka mamawhin ihria ami"chang deuh run hian alo ti a,"Ihh,diktak chuan 'Umm'i mamawhin ka hria,englo i thil tih tum mekah hian anni chuan puih theih dan che an hre dawna"ka ti bah naka,Bryana chuan min melh ngawt ngawt...



"Zothanfel nangmah chiah ka mamawh che,midang tumah ka mamawh hleinem"arawn tih nghut chuan,ka thusawi hriatthiam tir tum chuan,"Enteh,Bryan keichu i bulah ka awm reng dawn tho alawm,mahse puih theih dan che ka hre velo,anni chuan thil tamtak anhriaa,itan a awlsam deuh dan tur pawh an hrilh thei dawn che asin"kala ti hrama,Bryana chu athawchhuak hak



Reifan a ngawih hnuah,"Aṭha alawm,kalo inngaihtuah ang"alo ti ta hram chu ka lawm takzet,"Ka lawm e aw"ka tih vat chuan,"Keimah zawk hi lawm lawmthu sawi tur,nang chuan ka tana ṭha tur ilo ngaihtuah char chara"alo tih sup lai chuan a mitmengah lawmna tak tak ka hmu thei...



"I kiangah ka awm reng tawh ang,hre reng rawh aw kan pahnihin kan fight anga,kan thei em em ang"a kuta hum sak chunga ka tih chuan a bu nghut...



"Ka bialnu"zawi supa alo tih chuan ka biang a sa leh hat hat tawh...




Eitur alo thlen hnu chuan kan ei vat vata,chawhnu lamah class kanla neih ve ve avangin college lam kan pan leh vat...



Haw lamah chuan Bryana'n psychiatrist hnenah appointment siam nghal aduh avangin Mama te rualin ka haw a,,ka thusawi a awih duh chu ka lawm takzet a ni...



In kan thlen chuan vawiin chu kan bang har deuh nge nutei'n rawngbawl alo peih diam tawh mai,Patea hna kal pawh alo haw tawh bawk...



Room lama inthlak tura kan chhoh hnu chuan,"U Zothan,tinge u Bryana khan athlah deuh kher che a"nuipah deuha Memei'n alo tih chuan



Ka hrilh dawn nge dawnlo tiin ka ngaihtuaga,Dr.Roberta nena kan chungchang pawh kha Mama nen chauh khan an hriaa,min zep pui char char kha ania,hria pawh nise a pawi chuangin ka ringlo...




"Ihh,Bryana nen hian kan inngaizawnga"zawi sepa ka tih chuan Memei chuan mak atih hmel ang reng,ahmelah zawng zawng chuan alang chhuak vek,mahse a insiamṭha vat



"Awi,avan mak em em,ava ṭha ve"alo ti bah niaia,"Mak iti em?"ka tih chuan a bu nghat nghat,"Ihhh maw,U Zothan engkim ihre vek thosia i duh tho ami?"alo tih sep chuan



"Umm,a dik lohna leh aṭhat lohna ringawt ka hmuhsak ṭhin lai kha chuan ka duh ngailo,mahse belhchian a dawl zia leh a mize diktak ka hriat hnu hichuan ka duh takzet"ka ti sap,ka sawilai khan mak deuh maiin ka zam miahlo...



Memei chuan engmah min zawt zui tawhloa,mahse mak atih hmel khawp mai,ka dem hranlo bawk...



Chaw eikhamah chuan Memei'n thleng asil avangin bawlhhlawh dah chhuak turin ka chhuak,,,gate aṭang ka chhuak chiah chu Dr.Roberta motor nghenga mitchhing chunga alo ding reng hi ka hmu hlawla



Hun rei tak hnuah ka hmuve leh ta,minlo hmuh loh avang chuan bawlhhlawh ka dah hnu chuan kal nghal mai ka tum chu,"Zothan"zawi ruiha lo titu avang chuan ka ding chiag hle




Zawimuang chuan ka in hera,Dr Roberta chuan minlo en reng tawh,"I dam em?"mitmeng dul ruiha min enchunga alo tih leh chuan ka ṭawng chhuak mai theilo chu ka in zahpui takzet,ka bu nghat ringawt



Amah a dawldàngin a cher em em a,kan dinna in hlat deuh mahse tunah hian aharhfim lo tih chu a perfume rim kara rim dang ka hriat tel aṭang chuan ka hrethei...



Engmah sawi tawh lova min en reng avang chuan,"I dam zawk em?"ka tive sep,chutah a rawn nuilui haka



"Ka taksa chu a dam,mahse ka thinlung erawh nasa takin a damlo"zawi sup hian arawn ti a,ka bengah erawh achiang hlé thung...



(END OF CHAPTER-28)

Ads kha click theuh ang u aw, ads click dan kan hriat loh chuan comment lamah sawi ila, kan inpuih dawn nia


Show post links
Top

Re: THINGTLANGNU MAW! BY_MRSBABE_KHAWLHRING (Completed)

Posted: June 19th, 2022, 7:59 pm
by Ngaia
*THINGTLANGNU MAW!*



Chapter-29



by_MrsBabe Khawlhring



Zothanfeli Pov.



A thu rawn sawidan chu han chhan mai dan tur ka hriatloh avangin ka hawisawn daih,Dr.Roberta chuan minla en reng tih chu ka mitsir aṭang chuan ka hmu thei...



Luhsan mai nuam ka tih loh avangin ka ding renga,reifan kan din dun hnu pawh chuan dr.Roberta chuan engmah a sawi tawh biklo...



"A hmaa ka hriat ṭhin Riberta kha ni leh rawh,Doctor ka hmuh tawh azawnga tlawmngai leh fel,mi hriatthiamna ngah tak kha ni leh rawh"a mitah tak enchung chuan ka ti ta hap...



Dr.Roberta chu a meng khup zul mai,"I hria em?i nupui hi ihmangaih lo anih pawn hmangaih tum rawh,engkim hi Pathian ruatah ngaila,pawmthiam zir tum ve rawh,keimah vang mai mai chuan i nun tih chhiat tum suh"ka tih leh chuan,minlo en zauh



"Ka tum alawm,ka tumve nasa lutuk mahse aharsa ka ti a ni,Kimi hi hmangaih ka tum ve nasa takzet asin Zothan"zawi sup hian a rawn ti a,ahmelah a tih tak zia ka hmu bawk ....




"Heti hian ka inzawt ṭhina,ngatinge nang nena kan hun hman tawhte kha ka theihnghilh theih miah loh,engtik lai mai pawh hian tinge ka mitthlaah ilo lan reng ṭhin"alo tih leh chuan,ka ngawi reng



"Zothan ka hmangaih che anihhi,i hrethiam ve mai lo em ni?"alo tih leh lai chuan,"Min hmangaih suh"ka tinghal vat,Dr.Roberta chu a meng buai nak



"Nangmah hmangaih velo tu che hi min hmangaih suh,kei chuan ka hmangaih velo che,tihian ṭha deuhin inthlah fel tak tak tawh ang khawngaihin"ngen ngawl zet chuan ka ti leh a



Za lo tih hriat takin arawn nuilui hak,"Min hmangaih velo amaw?"alo tichhuak sup chu bu nghat pahin,"Aw,ka hmangaih ve lo che,chuvang chuan nangmah hmangaihtu i nupui saw hmangaih let rawh,keichu min hmangaih duh suh"a mitah tak enchung chuan ka ti chiama,lehlamah chuan hrehawm pawh ka ti




A hmai tuai puat chungin a inher ta daih chu hnunglam aṭang chuan ka en renga,ka rilru chuan 'apawi ka ti'ka ti mawlh mawlh...



"Ka lut dawn ania,in enkawl ṭha ang che aw"àwkì pangai tak chuan ka ti sep a,dr.Roberta chu a rawn hawilet leh tawhlo,gate chhunga ka luh hnu chuan ka hawilet zeuhva,a dinna ngaiah alo la ding reng...



En reng duhlo chuan in chhungah chuan ka luta,a hmaa inringtawk taka ka awm theih tawh danah khan feelings ka nei tawhlo tih chu ka chiang,mahse a hmel ngui lutuk leh thà hrui neilo tih hriat taka a dàngbam ka hmuh kha chuan hrehawm kati a ni...



Nutei leh Patea techu tv anlo ṭhutchilh leh reng tawh,"Zothan,Memei'n room lamah a chhohsan chiah che anih kha"nutei chuan alo ti a,ka bu nghat...



Chho ta lemlo chuan an bulah chuan ka ṭhuve riha,phone-ah Bryana nen kan in text pah mawlh mawlh,vawiina a mi hmuh chungchang chu min hrilhve nasa mai...



"Zothan"lo titu avang chuan ka hawichhuaka,patea aw a ni,Nutei nen chuan minlo en reng tawh chu nirengin,"Eihah"ka ti sep chu,an pahnih chuan anlo nuia



"Tunge maw i biaka i hlim em em ni?nichin aṭang tawhin i patea'n a au a au che a"nuipah deuha nutei'n alo tih chuan ka khi ṭhaw ringawt...



"Enge ni ta a,pate"ka tih vat chuan,"4th Semester exam inṭan ṭep tawh bawka,i tih ṭhat dan a zirin kan chhungin Tlabung lamah i nu te tlawh pahin kan zin dawn em ni ang"damthluam hian patea chuan alo ti a,hlim zet chuan ka bu nghat nghat




Diktak chuan kan khua hi ka ngaive tawh a ni,ka nu leh ka naute ho pawh ka ngai ve tawh takzet,kan khua Tlabung ka ngaihtuah chhuah chang apianga ka mitthlaa ka pa hmel lo lang ṭhin pawh hi a zia deuh mahna le!!!




Mahse Bryana ka ngaihtuahna ah alo lang tlat thung,,,hun rei tak ni dawnlo mahse a hlata awm chu a harsa reuh viauin ka ring...



"Chu,Zothan i patea sawi ang chuan i ṭan hlé angai dawn anih chu aw"nutei chuan nui pahin alo tive a,"Nia,nute theihtawp ka chhuah ang"ka tive vat...



"I u Mama te lah kha,an nu kha arai leh a ni awm a,inu ngawt anti buai leha,an awmdan hi a ṭhalo ṭhin khawp mai"Patea chuan zawi dap hian alo ti a,a thusawi chu mak kati angreng nimin tlaia kan inbiak khan tinge ka nu khan min hrilh miah loh le?



Patea thusawi chu chhang lem lovin ka ngawi renga,rei pawh an bulah chuan ka ṭhu tawhlo,ka nu biak ngawt chu ka rilruah a awm...



Nutei leh patea techu ka mangṭha hnuah inchung lamah chuan ka chho a,room lamah chuan lut mai lovin balcony lamah chuan ka chhuaka,dar8pm chauh ala ni bawka,ka nu ala mut ka rin loh avangin ka call nghal zat...



Rei pawh a ring lo alo la nghal vat,"Aw,hello bawihte"dam diai hian alo ti a,ka thawchhuak hak phawt,"In mu tawh ami?"pangai thei ang ber chuan ka ti a



"Aih la mulo e,i naute lehkha zir ka la menpui a,nangni zawk inmu tawh ami"lehlam aṭang chuan ka nu chuan alo ti vat



"Aih mulo e,nutei tepawh tv anla en a"ka tih chuan,"Anih chu mawle"ka nu chuan alo ti a,kan ngawih dun reng hnuah,"Nu thil min hrilh duh i nei mial em?"ka ti ta nge nge



Ka nu chuan min chhang lawk lo,"Aih,nei hran love bawihte,tinge min zawha"alo tih takah chuan u Mama nupui rai thu chu min hrilh a duh chiahlo anih ka ring



"Tunlai i chawhmeh zawrh chu ihralh ṭha thhei em?"min hrilh duhlo na na na chu tiin zawhna dang ka zawt ta daih,"A pangai han ti dawn ila,tunlai chu chawhmeh man a tla hniam leh deuhsia,inhralh ṭha vaklo"alo tih chuan ka thaw kawk



"Nu tinge u Mama techuan anlo tih buai leh che a"ka ti ta sep,"Maw?minti buai hleinem"alo tih chuan phone chhanah chuan ka nernawng,"A nupui fin kherek kan chelh lova,chhungkaw khaiding ber tur anih laiin in hrang a changa,sawrkar hnathawk a ni lehnghal,i chawhmeh zawrhna pawisa hi tinge anlo dil zel che a"ka tih deuh duah chuan




"Aaa,bawihte chutiang a ni hleinem,i u Mama'n tun thla chu hlawh ala hara,in entir hun a ni tawhsia,rulh leh turin alawm kan pawisa chu an hman"min hriatthiam tir tum zet chuan alo ti a,mahse ka lung hi a awi thei thlawtlo....



"Anmah niin an in enkawl theih vangin alawm in hrang an chan,anlo dil leh che pawn hman tir tawh miah suh"ka tih chuan,ka nu chu nuamlo atu deuh nge min chhang lawk tawhlo...



"Nu,nangmah ka ngaihtuah vang che anihhi aw,u Mama ka huat vang pawh a nilo a nia,a sur a sa hnuaia harsa taka ithawhchhuah anni chhungin nuam ti deuhvin anlo hmang huau huau tur hi ka ngaihtuaha,ka lung hi a awi thlawtlo"ka tih leh chuan,"Ka hrethiam alawm bawihte"hriatnuam zet hian alo ti a...



Ka nu tak hichu aw,,,u Mama te chhung chungchang sawi tawhlo chuan reifan kan inbiaa,a hnuah kan inbiakna chu kan titawp thei hram,hmeichhia ve ve tafam chu sawitur kan ngah ve ṭhin khawp mai....




Ka ngai tawh takzet a ni,,,nu angchhunga awm hichu naupang chauh nilo,,,,tu pawh maiin an thlahlel ve tho ang



Room lam pana ka kallai chuan ka phone alo rì a,Bryana alo ni,ka la nghal vat,"Aw,hello"ka tih sep chuan,"I mu tawh a mi,ka message i chhanglo a"vui aw zet hian alo ti a



"Room-ah ka lut dawn chiah"ka tih chuan,"Umm,aṭhat chu naktukah thil pawimawh tawk hrilh tur che ka nei ania,mu hma ang che,chuan ka ngai che Zothanfel"alo ti leha,ka chhan hma chuan a dah ta daih lehnghal engthil nge maw min hrilh tur chu ni!!!!



Bryan Roluahpuia Pov.



Khumah chuan mu in ka tukhumah ka kut pahnih chu ka daha,ceiling lam chu ka en vung vung,vawiin chu psychiatrist ka va hmuh aṭang khan damdawi tive ngailo te nun nawm dan tur ringawt ka ngaihtuah...



Hun harsa ka tawh laite khan insum theihna kha lo nei ila chuan tun dinhmun hi ka thleng miah lovang mawle!!!ka temchhin dawn laite khan Zothanfeli hi ka kianga awm turin lo tir daih tawh tur che alawm tiin Pathian chu ka dem leh ṭhin...



Engtinnge ka awm zel ang ka hneh thei angem?awlsam takin thlah maithei ila ka ti takzet,,,zan tir lamah kala inchiu loh avangin tunah pawh hian ka taksa awm dan adiklo leh ṭan tawh,ka kà chhung hi chil lem tur awmlo ang maiin a ro leh tawh bawk...



Hetiang thil ka tih chhanah khan ka nuhrawn hi ka puh ṭhin anih kha,mahse tunah chuan tumah hi ka dem tawhlo,khang hun lai khan mahni inhneh theihna nun kha lo nei ila,a hnu a thil thleng tur zawng zawng kha dàwn hmasa chu lo ni ta ila,drugs hi ka ti ngai miahlo ang...



Tunah ka hmeichhe duh em em vangin thlah ka tum mek a ni a,heihi Pathian ruat anih ka ring bawk,,,Zothani hian ka thuthlukna siam hi min hriatthiampui se ka ti takzet bawk...



Kei ngei pwwh hian ahlata ka awm tur chu ka ngai ngam biklo mahse atan a ni a,reiloté chhung chu hrehawm kam tawrh rih angai dawn a ni...



Ka room kawngkhar kiktu anlo awm avang chuan ka ngaihtuahna aṭang chuan ka harh thut,ka ṭhu chhuak hlawla,ka hmai ka tuai puat bawk...



'Lo lut rawh'ka tih hma hauh chuan ka pa chu a rawn luta,tun ang zan zanah enge maw lo tih a tum ni!



"I la meng a?"alo tih sup chuan,ka mitko ka san khum uk ringawt,"Enge ilo tih dawn,ka muduh tawh ania"ka tih nghut chuan



"Vawiin tlaiah inu(a nu dik tak) ilo va bia em ni?"alo tih chuan,khawi aṭangin nge maw ahriatni,tih mawlh chu ka rilruah alo awm



"Bryan zawhna ka zawh che chu,min chhang teh,i nu chu iva bia em ni?"alo tih leh chuan,"Bia e,chu chu itan enge aṭangkaina"ka ti sap



"Khatin thamlo zetin min chhang miah suh,ipa ka nihhi"chang rùna alo tih takah chuan,"Aṭha alawm,ka nu chu thil pawimawhah ka va bia anih kha"ka ti ta sup chu ka pa mitmeng chu a buai nak



"Engthilah maw?"alo tih chuan,"Engtinnge ka nu ka bia tih chu ihriata sawi hmasa rawh"ka ti deuh nghut,"I nu in minlo hrilh alawm?"alo tih chuan



"Anih chuan ka biak chhan pawh chu ihre tawh ang chu"ka tih chuan,"I nu thusawi kha a dik tihna maw!"mak tih hmel deuh chuan ka pa chuan alo ti a,ka bu nghut



"Zawt lo ta che ila,min hrilh itum miahlo em ni?"alo tih chuan,ka chhang lawklo



"Tum e,ka pa inia hriatve i phu alawm"ka tih chuan ka pa chuan chiang tak leh uluk zet chuan min en reng



"A ṭha e,i thuthlukna chu ka pawmpui ang che,mahse tinge i nu bulah kher,hetah ka bulah awm la theihtawp ka chhuahpui thei reng che alawm"dam khup hian ka pa chuan alo ti a,ka lu ka thing vat



"Nilo e,ka nu chuan min pui thei tutur hmelhriat tam tak anei zawk ang,keimah anga drugs tih tawhloh tuma beive mekte pawh ahriaa,anni nen chuan ṭanrual ka duh"ka tih chuan ka pa chuan chìk deuha min en hnuah a bu nghut



"Ka fapa Bryan Roluahpuia kha ini tak tak em?!"nui hawk pah hian alo ti a,ka dar tawn tawnah lo vuanin minlo hmer salh bawk,"Pa,misual ber pawhin vantirhkoh a tawn meuh chuan a insiamṭha ve mai dawn zawng chu anihhi"ka tih sup chuan,ka pa chu a bu nghut



"A ṭha e,i duh ang chuan i nu bulah chuan i awm thei ang,kei chuan kalo support tlat ang che"ka pa chuan alo ti sup,"Ka lo haw leh hunah chuan Bryan Roluahpuia tak tak,fapa fel leh ṭha tak ihmu tawh ang"inringtawk zeta ka tih chuan ka pa chu a lawm hmel ngawih ngawih...



'Ka tih ṭhinte ka tih a rem tawhlo,ka tih ngai loh ka tih a ṭul tawh zawk'tih thupuiah neiin he ka thil tum addict bàwih ata talchhuah hi ka thei ngei dawn a ni....



END OF CHAPTER-29
(A inthlahrun awm ṭhin khawp mai,school ṭan tawh nen,damṭhat vakloh nen,readers-te rilruah in awmve renga,minlo hrethiam hram hram teh u,heihi kan zo anga,chawlh ka la rih vang vang ang)


Ads minlo click sak leh hram hram ru aw...


Show post links
Top

Re: THINGTLANGNU MAW! BY_MRSBABE_KHAWLHRING (Completed)

Posted: June 19th, 2022, 7:59 pm
by Ngaia
*THINGTLANGNU MAW!*



LAST Chapter



by_MrsBabe Khawlhring



Zothanfeli Pov.



Bryana'n minlo lam tur thu a sawi avangin Memei leh Mama'n min kalsan tawha,nutei leh patea'n min hmuh ka hlauh avangin inkawtah nghak duh lovin kan inbul lawk waiting shed-ah chuan ka nghak deuh renga,ka rin aiin ala rei phian zui ka sana ka bih sek tawh mai...



Call mai tuma ka phone ka la chhuak chiah chu ka hmaa motor rawn ding avang chuan a neitupa ka hriatchian em avangin ka phone chu ka dah leh rih...



"I va rei em em ve"ti hlak hlak pahin ka va pana,"Ala hma alawm kan thleng hman lutuk"alo tih chuan,"First period inneih ve loh vang maia"ti pahin b
Motor-ah chuan ka lut nghal zat



Kan tlanchhuak mai dawn emaw ka tih laiin,"Vawiin chu class kal lo mai ila"Bryana chuan a rawn ti sup,"Maw!Ngatinge?"ka ti deuh hluai,"Thil hrilh tur che ka nei ka tih kha"a rawn tih sup chuan



"Tunah min hrilh mai la,class kal loh ringawt te chu a"ka tih sep a,"A pawimawh alawm,vawiin techu kan pahnih chiaha hun hman dun ka duh"alo ti mauh mai



A hmel en tumin ka va thlék deuha,,side glass aṭang chuan a mitmeng tak rûn chu ka hmu a,a thusawi dan lah kha a ti tak viau bawksi...



Vawiin kan class neih dan tur ka ngaihtuaha,chutianga class pawimawh em em a awm chuanglo bawka,chutia kan pahnih chauha hun hman dun duh ta na na na chu,"Anih aṭha lawm,mahse khawiah nge kan kal ang"ka ti ta nge nge




"Ka in ah khan kal ang"a rawn tih rualin min tlanchhuah pui nghal daih bawk,kan inbe tawh lem lova,enge min hrilh duh ang tih mawlh chu ka ngaihtuah...


Memei chu text-in chanchin kava hrilha,nutei leh patea te laka chhuanlam min siampui turin ka hrilh bawk


Kan tlan zela,a speed a chak bawka kan thleng hma khawp mai,,,in chhung lamah chuan kan inzui lut nghala,inchhung vel chu a fai leh em em tawh...



"Juice vawt in tur i duh em?"a rawn tih chuan,"Duh pawn ka hrelo,i thil min hrilh tur chu min hrilh vat teh ka hre chak tawh ania"nuipah deuh chuan ka ti a,Bryana chu a nuih a zat ve hmel lem loh....



"Minlo zui lawk teh"a lo tih chuan a hnungah chuan ka zuive maia,balcony lamah kan inzui chhuak daih bawk,a balcony awmna chu khawthlirnan a rem bik ngawih ngawih,,,reifan kan din hnu pawh chuan Bryana chuan engmah ala sawilo...



Eng thil chiah nge maw min hrilh a tum ni?,,,a hmelah sawi a phur loh zia ka hmuh avangin ka zawt lui ngam chiah bawk silo,mahse ka hrechàk tawh takzet...



"Zothan"a rawn tih sup takah chuan,"Imm"a mah en pah chuan ka tinghal vata,Bryana chu a ngawi leh tadaih,"Nimina i psychiatrist rawn chungchang kha ami min hrilh itum chu?"keimah zawk chuan ka ti ta sepa



Min rawn mit sir zeuh pahin,"Umm,mahse chu lo pawh chu hrilh tur che ka nei"a rawn tih chuan ,"Sawila kalo ngaithla ang che"ka tinghala,Bryana chu a thawchhuak hawk



"Ka ngai ngawt ang che"a rawn tih thawp sup daih takah chuan a thusawi dan hmang chuan minti hrilhhai angreng,"Ngatinge?"ka tih vat chuan,"Ka nu bulah hun reilote chhung,nilo hun rei tak chhung pawh a ni zawk maithei"a chawl data,"Zothan ka nu bula awm rih ka duha"chuai raiha a rawn tih leh chuan



Bryana chu ka hau in ka en!,"Maw!mahse,ngatinge?"ban charha ka tih chuan,"Hetiang ringawt chuan hma ka sawn theilo ang,min pui turin ka bulah i awm a ka lawm lutuk,mahse ka nu in rilru lam leh taksa lama min pui theiti tur mi alo be fel tawha,i lak ata hla takah ka awm anga,ka neih theih nan che theihtawp chhuahin ka bei anga,ka rawn let leh hunah chuan Bryan Roluahpuia hi mipa fel leh ṭha tak,Zothanfeli tan mi bulah 'ka bialpa anih saw'ti a inchhuanpui theih tawh tur mipa ka ni tawh ang"ka mitah tak enchunga arawn tih charh charh lai chuan,a thusawi chuan min hneh takzet...Ka lawm lutuk vangin sawi mai tur pawh chu ka hrelo



"Mahse maw Zothan ka huphurh ber chu i hlata ka awm tur hi a ni,hmulo che a awm chu anharsa viau ang,mahse hetiang rilru pu duh tura min siamtu chu nangmah hi ini,drugs addict bialpa neih reng hi i duh biklo tih ka hria,chuvang chuan itan,i tan liau liau ka insiamṭha ang,mahse hei erawh hi ka dil duh che,rei deuh mahse minlo nghak rawh aw"a rawn tih leh charh charh chuan engmah pawh ka sawi theilo,ka bu nghat ringawt




Chutah Bryana chuan lungchim zet hian min rawn kuaha ka kuah lét ve vat,"Ka ngai ngawt ang che,ka ngai dawn lutuk che Zothan"ril lutuk maiin ka beng bulah chuan zawi sup hian a rawn ti sar sara,,,ka sawichhuak ngam ve lo na chu keipawhin ka ngai viau ang...




Nileng chuan insi deuh rial hian kan awm duna,movie-te kan en a,Bryana chuan min thlakhlelh zia a ti lang nasa hlé bawk,,,,ka awmdan hi ka hrethiam lo Bryana hi ka thlahlel ve takzet anih chu...



"A rei angem?"ka tih sep chuan,"Ka hrelo le,mahse nasa takin ka bei anga,rei ka innghah tir tawhlo ang che,ka rawn let leh hunah chuan kan inkar pawhhi kan thup reng angai tawhlo ang,,,addict zahpuiawm tak ka ni tawhlo bawk ang"ka chhipa rawn fawh zeuh paha alo tih chuan



Amah enthei tur chuan insiamrem vatin,"Bryan"ka tih sep a,a mitko alo san uk,"Ka zahpui ngai reng renglo che,eng dinhmunah pawh dingla Bryan Roluahpuia inih chhung chu ka zahpui ngai lo ang che"ti a ka sawi lai chuan Bryana chuan ngun deuh hian minlo en a,thudik tak ka sawi avangin ka inringtawk hlé bawk...



"Minlo nghak ang tiraw?"a rawn tih takah chuan ṭawngkaa chhang lovin ka bu nghata,Bryana chuan ka bianga rawn khawih pahin min rawn awm hnaih deuha,a thawlum deuh ham ham bawk,a hmui lum thar thara ka hmui a rawn sìk lai chuan kalo hnar lo chiang khawp mai



Lungchim tak chuan kan in fawp deuh vawng vawnga,tunah chiah hian ka awmdan ṭhin leh ka rilru puthmang kalo hriatthiam ngai loh kha ka hrethiam ve ta,chu chu hei hi a ni,,,Kei hian Bryana hi ka duhve takzet a ni tihhi...



A inlak hran hnu chuan a awmah min bei tirin min kuah vawng vawnga,min tih dan ang ang chuan ka awmve tawp,,,ka thla amuang ngawih ngawih bawk...



Bryana'n chaw einghal a rawt a,mahse ka hnial tlat thung,a ni pawn ka rilru tur a hrethiam a ni chàwk ang chu min tilui bik lemlo bawk...



In lam pana kan haw lai chuan ka ngaihtuahna chu ka kawm melh melh a,ka ngai dawn lutuk tih mawlh chuan ka rilru a luah...



Kan in thlen hma deuhah chuan Bryana chuan motor chu a ti dinga,chhuah nghal mai ka tum chu ka kut hi a rawn hum vang vanga,ka mitah tak minlo en bawk,"Naktukah ka kal nghal mai dawnsia,inhmuhna hun kan nei tawh awm silo,,,chiang deuhin kalo en teh ang che"a rawn tih chuan ka chè chànglo chiang teh asin



"Zothan rei ka inghah tirlo ang che,minlo nghak ang che,,,chu chu iti thei ang tiraw?"alo tih leh chuan,"Aw,kalo nghak reng ang che,engtianga rei pawh nise kalo nghak ang che"amah en kar chunga ka tih chuan Bryana chu a hlim hmel takzet keipawh ka hlim takzet bawk...



Inchhunga ka luh dawn thleng chuan Bryana chuan minlo en zui reng tih chu ka tukhum za mer mer aṭang chuan ka hre thei,mahse ka hawi letlo,a harsa pawh ka ti a,mahse ka insum ṭang ṭang thung,ka hawilet anih chuan kallo tura ka duhzia leh ka thlakhlel zia hi a hria anga,a rilru puthmang athlak danglam ang tih ka hlau a ni...



Inchhung ka lut chiah chu nutei chuan ka chauh leh chauh loh minlo zawtin minlo chiau au nghala,ka chauh loh thu in ka chhang vat,common room lama Mama ṭhu ka hmuh chuan ka haw tlai chhan nutei'n min zawh miah loh danah Memei nen chhuanlam minlo siamsak anih ka ring...



Inthlak tura room lama ka chhoh hnu chuan ka inthlak chhung zawngin Memei chuan vawiin lam chungchang chu min zawt char chara,Bryana anu bula akal tur thu ka hrilh chuan mak a ti ang reng
khawp mai ,an chhungkuaah buaina athlen vang emaw ati hiala,mahse ka hrilh chian hnu chuan Bryana tumna chu a fak ve nasa...



Ka inthlak zawh hnu chuan nutei eirawngbawl pui turin inhnuai lamah ka chhukthla nghala,rawngbawl chhung zawng chuan nutei nen chuan kan ti ti char chara,ka la hrelo emaw a ti a ni ngei ang Bryana Shillong lama akal tur thu min hrilh ve luama,ka hre lawk tawh tih erawh ka sawi duh biklo




Patea alo haw hnu chuan chaw kan eithuaia,chaw eikhamah chuan Memei nen chuan kan sengfel sawk sawka,patea leh a thawhpuite kan inlamah committee an nei dawn tih kan hriat avangin room lamah kan chho ta daih bawk...



Memei chu khumah chuan headphone nghaithlain a mu nghal daiha,kei study table-ah chuan ka ṭhu thunga,lehkhabu pawh ka inchhawp ve ngei bawk...



Phone chu ka khawih ve nuap nuapa,diktak chuan Bryana message ka chang a ni,a insiam anga abuai aniang ti rilruin ka be duh lem lova...



Be dawn pawh ni ila ka ngaih thu hrilh bak loh chu sawi tur ka hrechuanglo,mahse chu chu ka duhlo,Bryana hian ka ngai dawn a ni tihhi hrelo se ka duh,a hria anih chuan a thil tum ti ṭhuanawp tu mai ka ni dawn tih ka chiang...



Dar8pm velah pawh min rawnla be chuanglo....Mipa tan chuan insiam zawh chu a hun tawh a ni,,,min kalsan tur hi a ni pawn ahreh ve tho va,chuvang chuan ka lunglen a hlauh avangin min rawn biak a duhlo anih ka ring hmiah tawh...ka awmdan mak lutuk vang nge Memei chuan minlo mitsir zeuh ṭhin




Dar9pm a rik meuh chuan minlo be dawnlo tak tak anih ringin ka ṭhutna aṭang chuan muangchanga tho chhuakin khumah chuan ka va muthla hnawka,"Meme"ka tih sep chuan,"Umm"ka bula mu chuan alo ti vat



"A rei viau i ring em?"zawi sepa ka tih chuan,a hming sawilo mah ila ka mi sawi chu a hria a ni chawk ang chu,"U Bryana'n a reilo ang atih kha,theihtawp chhuahin a bei anga,a rawn haw leh vat mai ang,amah tichaktu nila,nawr lo bawkla,mipa a ni a a sawi ang chuan a awm em em ang"arawn tih chuan athusawi chu a dik ka ti takzet...



"Ka ngai dawn eee"ka tih chuan,Memei chuan lainat lutukin min en vang vang ringawt...


---------


Nî zungin ka hmai a rawn chhun ser ser avang chuan ka mengchhuak siar siara,banga sana in tar ka en chuan dar7am alo pel thuak tawh,ka ṭhu chhuak nghal vat...



Tinge tukin zing ber kher thawh ka hai le,vawiin hi ka tan a pawimawh asin,khum lah chu alo ruak huai tawha,Memei pawh chu a thawh dawnah min kaih thawh ve awm hi ania...



Lungawilo deuh chuan ka thochhuak nghala,room kawngkhar ka hawng chiah chu tum loh deuhin Mama hmel ka hmu nghal zat,tho hlim hlawl tih ahriat ve khawp mai..



"U Zothan,Bryana'n 'Thlen hma ka duh avangin khawvar hma zing dar4am velah ka chhuak ta mai'tih lo hrilh rawh atia a message ka hmu chiaha,kalo hrilh nghal che"phak chuapa a rawn tih chuan,han chhan dan tur mai pawh chu ka hrelo


Ka ding ngawi reng ringawt,Mama chu a kal nghal daiha,room kawngkhar chu nghengin rei fan ka dinga,tinge keimah min hrilh lovin Mama minlo hrilh tir kher le?tih ngawt chu ka ngaihtuah...



Ka rilru tur ahriatthiam avangin minbe duhlo a ni ngei ang,a awmdan aṭang hian min kalsan a hreh zia ka hre nawn leh ta...


Zanah chuan dar8pm velah Shillong a thlen tawh thu message-in min rawn hrilha,chu bak engmah a rawn sawi tawhlo bawk...



Hun hi akal muang ka ti em em a,minute khat pawhi a rei ka ti,Bryana tello chuan college pawh nuam ka tilo a,ka kimlo ngawih ngawihin ka inhre ṭhin...


4thSem kan exam zo a,ka pass ṭha ve khawp mai,christmas hmang turin kan khaw lama haw duh viau mah ila,Bryana alo haw thut rinna ka nei a,chu lohah tun aia hlaah chuan a mah hlatin ka awm duh tawhlo a ni...



Kan khaw lamah chuan haw lovin ka nu leh ka nau te pahnih zawk chu Christmas leh kumthar hmang turin Aizawl lamah an rawn chho ta zawka,U Notei Delhi aṭang alo haw ve bawka,kan rual bawka nuam kan ti tlang khawp mai...



Mahse keimahah hian kimlo riau chu a awm tlat ṭhin,zanah tehian Bryana hian minlo call anga alo haw thu min rawn hrilh thut dawn tehian ka hre ṭhina,mahse chu chu ka duhthusam mai a ni...



Pangai takin kan inbe khàt em em a,min ngaih thu a sawi ngai miahlo bawk,zan khat chu,'I hlata awm chu thinlung telloa awm ang mai ka ni'tihhi a rawn sawia,a thusawi chu ka bengah hian a cham reng ṭhin...



Ka ngaia mahse ka ngaih thu ka hrilh thei bawk silo,,,thla1 tawp inbiak loh chang kan nei a,a nu number min pek a vangin amah nen kan inbiak theih loh chang chuan a chanchin zawtin a nu ka va be mai ṭhina,nu fel tak a ni a,a takah inhmu miahlo mah ila kan in nel nghal em em ringawt...



Bryana chu a suffer nasa em em ṭhin tihte,depression a neih phah hial thu leh a taksa pawhin a tawrh hlê thu te minlo hrilh ṭhina,amah fuih phur thei zawnga be ṭhin turin min chah mawlh mawlh ṭhin bawk...



Kan inbiak ve chhunah chuan a hlim hmel em em ṭhina,mahse thu tamtak asawi ngailo a,phone dah hmasatu nih erawh aduh ngailo...



Hunpui a zo a,ka hmang nuam em tih pawh ka hrelo,Zawl khawpui meuh pawh Bryana tello chuan a nuamlo kati takzet,khawlaia ka chhuah vah changte hian hnunglam aṭang hian,'Thingtlangnu'ngeiawm zeta a tih ṭhin ang khan loti leh se tihte mai maiin ka rilru a luah ṭhin...



Dr.Roberta pawh Champhai lamah an transfer dawna,kum thar velleh an chhungkuain an kal nghal dawn a ni awm e,an nupa nun pawh a tluang chho zela,hlim taka an awm ka hmuh tehian ka lo lawm ve em em ringawt ṭhin...



Ani pawhin Bryana nen kan chungchang engkim a hriaa,a hma aṭang tawhin ka awmdan aṭang khan alo hre reng ṭhin tih min hrilh bawk...



January thla kan chuangkaia,ka nau te pahnih school ṭan hma an ngaih avangin ka nu tepawhKan khaw lamah an duh ai hmain an haw a,u Notei pawh Delhi lamah a let leh hmà khawp mai...



College-te kan han ṭan leh a,nasa takin lehkha ka zir a,zanah bak Bryana nen kan inbiak theih ṭhin loh avangin zan hun hi ka nghakhlel em em ṭhin...



5th Sem kam exam zo a,Semester khat chiah ka hmabak ta,Bryana lah chuan alo haw theih tur thu lah a sawi lang ngai lova,hun ala duh deuh dawn anih ka ring,'Minlo nghak ang tiraw?'tihhi a sawi chamchí renga,ka nghah tur thuin kalo chhangve zel mai bawk...



6thSem kan han exam zo leh ta chiah chu lawmna ai mahin lungngaihnain min tuam nasa zawh hialin ka hria,tunah chuan Aizawla awm reng chhan tur ka nei talo,Bryana vangin awm han tum ringawt ila,ka nu leh ka nau ten minlo thlahlel ve tawh bawk si a ,chu chu thil theih a ni tlatlo...



Graduation day kan hman dawn ni chuan ka lung a chhe riaua,kan khaw lamah ka haw dawn tawh vang pawh a ni mahna,min ṭawiawm turin ka nu alo kalve bawka,nilengin ka rilruah Bryana ngawt a awm...



Alo haw hunah Aizawlah hmuh tur ka awm tawh awm silo a,,,engtin tak ngai ang maw?


Ka haw hma tal hian vawikhat tal hmuh leh ka chak zia hi hria se ka duh takzet,kan khaw lama ka haw tur thu hi hrilh ka huphurh takzet bawk...


Kan haw tur chu Mama leh Memei'n Tlabung thleng min thlah dawn a,karkhat vel cham ve an tum ve bawk...




Bryana chu ka call a,a tlang thei miahlo,vawithum ngawt ka try pawn signal a neih loh thu hlirin min chhanga,message-in kan khaw lama ka haw tur thu chu ka hrilh ta ringawt.



Kan insiam zo inhnuai lama kan chhuk chu inchhung vel chu ka en kuala kum3 zet ka lo awm tawhna a ni a,ka ngai dawn takzet,a chhunga cheng mihringte nen lam hian...




"Ka u mamawh innei anih chuan lo sawi hreh reng reng suh u aw"tiin nutei chuan ka nu chu a hrilh mawlh mawlha,"A inthlahrun awm zozai lutuk,nangni awmlo ula Zothani hi ṭha deuhin a graduate miahlo ang ka lawm tak tak a ni"ka nu chuan a tive bawka



Patea pawhin,"Eee,Zothani techu kan fanu alawm anih,inthlahrunna tur a awm reng renglo amah hian a phu ve hrim hrim alawm"alo tive vat bawk...



Nutei leh patea chuan ka nu chu pawisa te an pe bawka,ka nu chuan alo hnar ngiala mahse an tih luih tlat avangin a la ta nge nge a,lawmthu chu a sawi chamchi ringawt...



"Zothan,i u chu nupui neiin in hrang a chang tawha,tunah chuan upa ber ini tawha,i nu leh i nau te hi i kutah an innghat a ni tih hria la,puitling takin awm zel ang che"Patea'n alo tih chuan,"Aw,ka hria e,Pate"Ka tivat



Nutei chu ka bulah lo kalin,"Ka ngai dawn khawp mai che,lo zin fo rawh u aw,harsatna engpawh tawk ula min rawn hrilh hreh lo ula"a rawn ti mawlh mawlha,nutei chu ka kuah deuh chawt ringawt...



Ka nu sawi ang khan nutei leh patea te tello chuan tu dinhmun hi ka thleng thei hauhlo ang...



Motor chu Mama chuan a khalha,a hnungah ka nu leh Memei an ṭhu a,kei ahmaah ka ṭhu thunga,Nutei leh Patea chuan pawnah dingin minlo vai liam bawk...



Kan tlan chhuah hnu chuan Mama chuan ka rilru hrethiam ni awm takin Bryana te in kan tlan pelh dawn lai chuan muang tê in a tlana,Bryana te in lam chu ka thlir vawng vawng ringawt...ka rilruin,'Min dem lutuk suh aw'ka ti mawlh mawlh bawk...



Aizawl khawchhung kan tlan pel chiah chu ka lung a chhe ringawta,mit ka chhing vang vanga,ka mittui chu alo luang nghal zat bawk,ka mitthlaah Bryana chiang takin alo langa,ka ngai zual takzet ...



Thenzawl kan thlenga,dawra kan chawlh lai chuan dr.Roberta ka hrechhuak zawk mai,hemi dawrah ngei hian kan chawl dun kha ania,Lunglei-Aizawl sumo-ah kan intawnga,kan tawp dan erawh aṭha tiha sawi theih chu a ni...



Zíngkara chhuak kan nih avangin Dar1:30pm velah Lunglei kan luta,chawl khawmuang lovin Tlabung lam kan pan nghal bawk...Kan tlan tluang angreng a,zan dar7:30pm pelh hnuah Tlabung chu kan thlenga,kan veng Chawnpui kan pan ding nghal vat bawk



Kan in zawna motor a ding chiah chu ka mitthlaah ka pa alo lang nghala,van aṭang a fanu hi min rawn chhuang ve viauin ka ring...



Mama leh Memei lo zin chu ka nau te pahnih lawmah a tlaa,an chauh dawn tehlul nen,an be buai reng mai...


Chaw te kan eifel hnu chuan dar9pm a pel duai tawh,June thla a ni a,ruahtui a tla ve tawh nà in kan khua erawh ruah a sur ṭhalo a,a lum khawp mai...


Pawna long chair kan dahah chuan ṭhuin Bryana'n ka message a hmuh tawh leh tawh loh chu ka en a,mahse a lo la hmu miahlo...ka rilru nuam ta nganglo chuan chanchin zawh tumin a nu chu ka call ta ringawt....



Bryan Roluahpuia Pov.


Aizawl khawchhung ka tlan lut chiah chu ka phone ka en vata,signal ka neive chiah anih hmel,Zothani leh ka nu missed call a rawn lut zung zung mai,Zothani chu ka hmu tawh dawn tho a ti rilruin ka nu zawk chu ka call back-a,a rawn la rang khawp mai


"Aw,bawiha i thleng tawh em ni?"arawn tih chuan,"Aw,Aizawl khawchhung ka tlan lut chiah,signal ka neilo char char a ,i missed call ka hmu chiah alawm"ka tih chuan,"Anih chu,tluang takin ithleng theia avan lawmawm tak,,ihh englo ania Bawiha"ka nu chuan arawn ti vata



"Aw enge ni?"ka tihnghal chuan,"Zothani nen kan inbe zo deuh chiaha,a call tlang theilo che a,Ihh englo ania vawiinah an khaw lamah a haw a ni awm e,message pawn alo hrilh tho che tih min hrilh bawka,chuan Aizawla i haw tawh thu ka hrilh miahlo ania...I tih tur chu ihre mai em?"ka nu chuan nuipah deuh hian arawn ti a



"Aw,ka hrethiam e nu,ka lawm e,Tlabung ka thlen hunah ka rawn be leh ang che"ti vatin ka nu nena kan inbiakna chu ka titawp nghala,motor chuan in turn vatin Aizawl khawpui chhuahsan chuan ka tlan nghal vat bawk...



Ka pa chu call in chanchin ka hrilh chuan,mak atih deuh vang nge zawhna min zawt chík viau lehnghala,a hnuah chuan min hrethiam viau bawk...



Nimin aṭang tawhin surprise ka duh avangin ka be ṭha duhlo a,ani lah chuan an khaw lamah minlo zuk hawsan daih bawksi,hmuh hlan ka nghahhlelh tawh tehlul nen...



Kuah vawng vawng che a,ka hmangaih thu che hi hrilh che ka chák tawh takzet asin Zothanfel...



Kum1 chuang teh meuh a hlatah ka awm a,khang chhung zawng khan vawikhat tê pawh Zothani hi ka theihnghilh ngailo,Ka rilru leh ngaihtuahna luahtu ber a ni reng ṭhin...a nuihmel mawi tak kha ka mitthlaah a cham renga,a nui rí kha ka bengah hian a rí nawn tluk tluk ṭhin...



Be chàkin thlahlel viau ṭhin ila,biak tam loh hram hram kha ka duh ṭhina,harsa ka tih ber a ni,ka biak tam pauh leh ka lunglenna a tizual ṭhina,chuvanga belo lui ṭhin ka ni...



Ka hmel a hmuh chák thu a sawi fo a,in video call turin min sawm ziah bawk,mahse chaklo taka ka awmlai hi min hmulo se ka tih avangin ka duhlo tlat ṭhina,min tilui bik lemlo...



Ruihtheihthil hi misual ber tih atan pawh ka duh puilo,nawmna chu minpe ve ṭhin tak meuh mai mahse chatuan daih a nilo,kumkhuaa inchhirna min thlentu mai a ni zawk,a bawiha mi tantir dan athiam em em a,mi fel kha sualah a siam a,hun lo takah an nunna a laksak ṭhin bawk,mi bum a thiam em em a,kei ngei pawh mi á ang maiin min hruai kawia,dawi ang maiin mihring nun a zembuai thei bawka,a tihbuaite chhungkuaah harsatna tamtak a thlen a,,,khawvela thil tenawm ber chu ruihtheihthil hi a ni,bumhmang a ni bawk...Ruihtheihthil hi mihring nun chawkbuaitu leh mihringte tana hmelma lian ber chu a ni....



Mahse a bawiha tang tawhte tan tumna a awm phawt chuan theihloh a awmlo,kei ngei pawh hian a chang chuan addict nun ata hi talchhuah theih ka inring ngailo,ka beidawng ngawih ngawih ṭhina intihhlum duh hialna rilru pawh kalo neive tawh ṭhin,mahse Zothanfeli ka hmangaih em avangin tun dinhmun hi ka thleng a ni,min tichak turin ka nu ka bulah a awm a,Psychiatrist ṭha tak kawng engkima min puitu Dr.Partei mi ṭha tak ka tawng bawka ,,,chumai ni lovin ka lam ṭang Pathian hi a chak em em a... tunah chuan Bryan Roluahpuia hi mithar ka ni tawh...



Tu pawhin sim tuma beih ve a duh a nih phawt chuan an mahni pui turin ka awm reng tawh ang...



Hmangaihna chuan tih theih loh aneilo,khawvela thil tithei ber chu mihring hi anni reng renglo hmangaihna hi a ni...



"Ka tuara ka tuar chhuak ta,ka tuma ka hlawhtling ta,Zothan ka hmangaih i lam pan in ka kalo kal mek ania"...


~A TAWP TA~

Inveng chhungah ruihtheihthil ti ṭhin,drugs addict-te an awm ve em?Engvanga ti nge an nih in rin ṭhin?In khawngaih ve nge in hmusit ṭhin?Duh reng vanga ti annih in ring em?Ṭhenkhat chu tisa hlimhlawp vang leh tihve chhin chák vanga ti anni ngei anga,ṭhenkhat erawh chu an nun hahthlak lutuk vangin hlimna zawngin an ti ṭhin thung,hmangaihtu neilo leh ngaihsaktu,duattu anneih loh vang a nih inring ve ṭhin em?hetiang mite tan hian nang leh kei hian tihsak theih kan nei a sin,,,Chu chu enge i hria em?
-AN TANA ṬAWNGṬAI HI A NI.


Readers fel tak takte,inchungah hian lawmthu sawi ka van ba nasa tak em aw...Thlakhat chuang meuh ka chawla,minlo nghak ṭang ṭanga,ka tan hian invan hlu tak,in mi hriatthiamna zawng zawng leh he ka story 'THINGTLANGNU MAW!' tih min ngaihhlutsakna zawng zawngah hian thinlung takin invaia chungah ka lawm em em e...Lalpan malsawm zel che u rawhse❤️...


Ka story kallai
THAI_BAWIH_JOHANA
hi minlo chhiarsak leh ṭheuh ru aw👇
https://m.facebook.com/groups/991354610 ... 116257641/


Show post links
Top