Stay with me BY Kimkimi Tlau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Stay with me BY Kimkimi Tlau (Completed)

Unread post by Ngaia » July 3rd, 2022, 1:29 pm

n7oe7dxt.jpg
Boss leh Personal Assistant inkara hmangaihna lam ani dawn a,,A kalphung hi ka sawi thiam vak lo, lo chhiar ve tawp mai ru hehe😄😄

Story ka vawikhat ziahna tur ani a,,Mahni lamah phei chuan ka thiamlo ka inti khawp mai mahse usangtei in min duhsakna vangin dah ve ngei turin min duh bawk si a, kalo dah ve tawp mai ani hriatthiamna nen in lo chhiar a min tih dik pui ka beisei bawk ania😊 Mizo tawng ziah te hi ahar kan ti khawp a Adik lo deuh nuai maithei a mahse uluk takin ka thiannu in proof reading min tihsak ve ania haha engpawh nise chhiar nuam vek ule

Ka story Hming hi in ang a awm tih ka hre tho a mahse Ka ziah tirh te a kalo thlan ve tawh Kha ani ve si a,, Story hming phuah mai awlsam tak kalo nilo bawk nen nuamlo ka ti takzet a,,ka story ziah hi A hming nen a, inmil tura siamrem alo ni ve bawk nen,ka thlak talo mai ani e🙂



Chapter1
Kimkimi tlau

_____
"Kan Hotel hi a fapain a enkawl tawh dawn asin" Ka thiannu Lani chuan min hrilh ru sur sur a, ka lo en ha a, news thei bik sia(h).

"A ni tak tak, a fapain a enkawl tawh dawn. Kan boss hi a hrisel tawh si lo a" a ti leh sar sar a. Khawi khawi atang hian nge a hriat bik le.

Remlalhruaii ka ni a, kum 23-na ka hmang mek. Unau pathum niin, naupang ber ka ni. Ka u-ah hian mipa leh hmeichhia awmin, kan upa ber hi mipa ani a doctor ani bawk tunah hian LRM Hospital-ah surgeon-in a awm mek. Collage kal chhuak loin tuna ka thawhna Paradise Hotel-ah hian nikum khan ka thiannu lani nen hian kan thawk ve a, kei chu PA hna ka chelh a, hlawh pawh a tha viau. Mizoram hotel atan chuan a lun in khualzinte an thleng nasa a, a changkang hle bawk. A neitute hi Aizawl mi hlun tak an ni a, keipawh hian a nuam ka ti.

A neitupa hi Pu Roliana Sailo a ni a. Fa pathum neiin, mipa pakhat leh hmeichhia pahnih a nei. Mahse a fanute erawhin hnam dang pasal an um ve ve. Ka sawi tawp ang, ka ngaisang lem lo. Mahse ka va sawisel lem chuang lo, a fapa erawh thlalakah chiah ka la hmu. Mipa tih hming a pu zo hliah hliah ka ti tawp. A hmel chu tha hluah hluah a ni lem lo mahse, a zuna uai a na ve ngawt ang. Amah hi Mizoramah a awm ngai lo a, Dubai-ah an Hotel a enkawl a ni awm e. Tunah hian Pu Roliana hi a hrisello em em a, fapa pakhat chauh a nei bawk nen, a fapa chu a lo hawng dawn aniang, hrawn a hreawm viau ang em le? Kei hi ka te chhe lem lo a mahse ka lian lutuk lem lo, 5ft boruak pawh ka hip pha ve val val, ka taksa hi ka uluk ve a, pian mawi lo ka ni ngai lo, mahni infak hi nuam ka ti tih kan sawi tel hram ang e.

"A hrawn a hreawm ang em le" ka ti hram, a hmel a rorum ve angreng si a, a lo sual viau maithei a, PA(Personal assistant )ka ni bawk si a, ni tin hmuh ka ngai awm bawk si a.

"Awi! Kei chu lo thawk thuai thuai se ka ti a nia, a hmel pa lutuk ni tin hmuh theih ka chak tawh mahse, ka hmu zen zen thei dawn chuang lo" a ti ta chiam a, ka melh nghek. He nu lerh em emzia hi chu aw... Kan mizia hi a inang lo lutuk a mahse, kan inkawm thei phian lawi a, kei chu Hmeichhe lerh lo tak mai ka ni a, ka luck lo pawh a ni bik lo, hnaah hian rilru ka pe nasa a, ka hunawlah Lehkhabu leh story ka chhiar deuh chawt thin. Lani erawh mi harh tak a ni a, mahse a rilru a thain a tluang em em thung, ka tan chuan a tha lutuk tlat. Mipa hmeltha a hre em em a, ngaihzawng pawh a thlak deuh zut ze,l amah hi a chhe lo ve bawk a.


"Nasa nu" ka ti hmuk a, a la nui nasa em em zui.

"Ka thik lawk che ni tinin in hmu bik dawn a" an ti leh hram a.

"Ka chak hran lo, a hlauhawm hmel e mai"

"I mawl si, lehkhabu i chhiar nasa lutuka i mawl zo tawh a nih hi, ani ang mipa chhe lo, Mizo hmeichhia mai ni lo, hnam dang chhe lo tak tak, model hial pawn an bem thin mipa hi hlauhawm hmuhin i hmu leh bik maw" a ti hluai a, ka lo ner nang.

"Ni hmiang. A reng rengin lehkhabu chhiar tamte chu finna asin. Ka mawl lo tihna" ka tih chuan a chek tlak tlak.

"I mawl emai, kal rawh bazar ang" an ti zung zung a, min pawt pah nawk nawk. Ka ning a, he nu hi chu. Vawiin chu weekend a nia kan chawl, a chang chuan weekend-ah pawh hna thawh chang ka nei thin, bonus ka dawng ziah tho, laklawh a awm ve thin a. Nula intodelh ka ni ve ta reng mai, ka duh ber thin a ni bawk a.

"I ninawm sia maw, lei tur i ngah thei si" ti niah niah chungin ka zui chhuak ve tho a, kan vak kual leh nasa khawp mai. Keiin secondhand thin ka duh si a, tum burin min kalpui a, readymade aiin secondhand hi ka duh zawk, ka u-in a thui thiam tho a, ka fit-tir leh mai ang kan inlei zawh chuan.

Restaurant-ah thil ei turin kan lut a, a chawl an tam viau mai a, kil lam chu ka pan a, Lani chuan min zui ve zel. Kan inlei ve nual tawh a, kan inkhai bawr ve khawp mai. Ei tur chu Lani'n a chah a.

"Awi!" Kan thil ei tur a lo thleng a, ka chawh kual lai chuan Lani chuan a ti hluai. Ka hnung lamah thawm a ri hak tih pawh ka hria.

"Enge!" Lani chu ka en haw a, hawi let pawh ka tum lem lo.

."Saw kan boss thar tur chu "a ti ta chiam a ka hawi let rang lutuk. Vanmalsawma, Paradise Hotel neitu ni mai tur chu kan chawlhna dawrah chuan hmeichhe pakhat inkam sang ve tak, tunlai tawng tak phei chuan inla high class kan tih ang nen hian an lo inzui lut a, ka en rei duh lo. Mahse, Vanmalsawma hmel tak ngal leh rorum ru viau bawk si erawh ka hmu chiang viau. Hawi let vatin ka chow chu ka chawk let kual a.

"Lan, i thil chah kha ei rawh. I mawl hmel lutuk" ka hma mi nu mit tla lek lek chu ka melh nghek, min tihzah vaih chuan a hre viau ang.


"Awi... a lo hawi vel maw le. A kalpui nu saw i hre ngai em? Ka ngei e" a ti leh zung zung a, sawi belh tur ka hre lo. Ka hna hi ka atchilh a, khawvel thilah hian ka knowledge teh chiam lo. Mizoram thil thleng te hi zan lama ka pa te nen Chanchinthar kan en tih loh chu thu thar ka hre vak ngai lo. Hna ka thawh loh chuan phone-ah hian story ka chhiar emaw, ka ngaithla emaw a ni thin a, hla te pawh ka ngaithla ve tho. BTS hla ka ngaithla zing ber a, ka tlei ve em em thin. Mizoram Miss te, Minister te hi min zawt pawh ni se ka hre lo ang tih vel a ni. Ig ka luh hian news te chu home-ah a lo lang ve tho a, story nih loh chuan thil chhiar te hi ka peih leh miah chuang lo, ka hna a nih leh tawp loh chuan. Lani erawh Knowledge hlang a ni a, a rual pawl tawk erawh chuan ka inchhiar zau ve a.

"A bialnu a niang Model a nia, Dubai'a Mala a awm pawh khan a zui kual reng peih, Mala mei a nih saw" a ti leh sep sep. Kan sir deuha an thut avang chuan ka va hawi phei a mahse, Vanmalsawma chuan min lo en ve chiah, chuan kan inmelh chiang asin. Ka hawi let rang lutuk. A hmeichhe kalpui chu ka hmu ve tawh thin chuan ka hria, model tih lam hi ka ngaihtuah lo ka tih kha, lo inngaizawng vel mai mai teh se, ka rilru chuan ka ti a, mahse an pahniha hmuh dun erawh nuam lo tihna ka nei.


Zing dar 6-ah ka tho, walk turin ka insiam nghal, zing thawh hi ka tithang a, ka hreh tawh lem lo. Kawng sirah chuan tlan zelin, headphone chu ka vuah a, BTS hla bawk, 'Life goes on' chu ka play, ka ngaisang kan ti tawp teh ang. Mahse ka atchilh chuang lo. Mihring kan ni a, Ngaihsan zawng, ngainat zawng kan nei hrang theuh, insawisel hi ka duh miah lo, tuma ngaihsan zawng ka sawisel ngai lo, keipawh min sawisel lo se ka duh. Thlan hliama ka tlan hnu chuan kan in lam pan chuan ka tlan let leh a, ka nu a lo tho tawh.

"Morning, Bawihte" a lo ti nung sarh a, ka nuih let ver ver.

"Morning, Nu" ka ti ve a, tui bottle chu la chhuakin ka in khalh khalh a.

"Hei, Green tea aw" ka bu nghat. Zingah hian tui ka in teuh hnuah green tea ka in leh thin. Ka in zawh chuan room lam ka pan a, ka inbual zawh chuan hna kal turin ka insiam nghal a, ka suit chu ka la chhuak, ka u-in hmani lawka min thuisak coat sen nalh deuh, a suit chu ka inbel a, ka pian hi a nalh ve a, ka inhmeh ve via. Ka hmaiah chuan make-up chhah lutuk lo in ka inbel a, Sneaker ka bun bawk. Ka hand bag-ah chuan ka mamawh tur thil pawimawh dah lut sawk sawkin, ka phone ka charge chu ka phawi a, darthlalangah chuan inen vang vangin confi deuh chuan inhnuai lam chu ka pan a, ka nuin rawngbawl a lo peih tawh a, chaw ei ka siampui vat. Ka u te chu an lo chhuk ve a, ka pain tawngtaina tawi te a hmang a, chaw kan ei nghal. Zing lamah hi chuan chaw hi kan ei hma thin, hna nei vek kan nih vangin. Ka u erawh a ma dawr a nia tlai a hlauhawm loh. Kei hi ka tlai dawn chiang tawh. Traffic a jam veleh awm sia. Mahse scooty ka keng dawn tho a, a karah a inzeh theih ang chu. Boss thar kan nei dawn bawk nen ka zam ru em em a, kan inpeih chuan ka chhuak nghal a, ka nuin fimkhur turin min chah ngun hle bawk. Dar 9 hi ka hna tan hun a ni. Tunah dar 8:30 a ni a, kan in atangin Hotel hi a hla angreng a, traffic a jam phei chuan ka tlai ngei ang. A speed pawh ka san ve viau. Traffic a jam leh ngei a, sana ka bih deuh sek, a tawp a tawpah chuan ka thleng ve ta. Ka scooty ka dah that hnu chuan ka bag chu khaiin hotel chhung ka lut. Sana ka bih chuan 9:05 AM a lo ni. Min hau em lo ang chu. Pu Liana kha chu hetiang lamah chuan a fel lutuk, ka hna ka tlin ve bawk a, ka tlai hlek khan min hau vak ngai lo. Mahse a fapa a lo kal tawh awm si a, nizan khan call-in min lo hrilh ve ngei kha, ka office leh boss office ho chhawng hnihnaah a awm a, leave chu nghah a ngaih avangin step atang chuan ka kal a, aw... a van hahthlak tak. Heels ka bun ang tih ka hlau hle bawk. Kan room hi a inhlat lo a, room luh dawn hian secretary a awm ve bawk, min lo hmuh chuan tawi te hian min nuih a.

"Sir-in a hmu duh che a, a office lamah khan lut hmasa rawh" a lo ti sep, ka lo bu nghat a, hreh zetin kawngka chu ka kik dat dat. Aw thum lampangin 'Lo lut rawh' a lo tih nghut te chuan ka zam nghal em em a, thaw hawkin kawngka herhna chu ka herh rak a, hawng zauin ka lut a, ka khar phui leh nghal. Ka hawi chhuak chuan Darthlalang chhah zet mai hmaah chuan pawn lam thlirin a lo ding a, a pian nalh zeih zawih tak chu hmeichhe tam tak mit latu a ni ngei ang, kei ngei pawh hian hmuh hmaih a har ka ti.


"I tlai." A aw chu a thum fiah kak a, a zahawm ru em em bawk. Businessman aw dik tak ni maiin ka hria. Ka thaw chhuak pawn ka hre tawh lo.

"Ihh... ka.." Ka ti nawi niai a, a lo inher, a hmel chu a tur khai a, a mit meng rum ul te chuan min tikhur chhe thei hial dawnin ka hria. Ka confi ve tehlul nen khan ka tawng tur pawh ka sawi zawm thei lo.

"Chhan tha tak a awm ngei ka ring" ati leh nghut a, chair lam a pan ,a thu thla dawt a.

"A... traffice a jam nasa deuh a, ka tihpalh a ni." Ka tha khurh ang aia ka tawngka chhuak dik thlap vang chuan ka lawm ru hle a, min en tlang vek a tum emaw tih turin min melh a, ka taksa hi a sa hat hatin ka hria.

"Ka pa ang mai kha chu ka ni dawn lo. Tun hi a tawpna ni rawh se" ti leh hmukin, a hmaa laptop chu a en a.

"Va indah fel rawh. Vawiin a ka tihtur ho lo endik leh la, min lo hrilh ang che." A tawngka chhuakah chuan a thu hliah hliah a, a tawngdan chuan mi thunun theihna riau a neiin ka hria.


"Aw le."

"Coffee min lo siam ang che, tak deuhin" ka inher zet tawh, ka ding leh, ka siam kher maw a duh. A van sual tak. Coffee hi ka ngainat teh chiam loh avangin ka office lamah coffee machine ka dah ve duh lo a. Thaw hakin machine lam cu ka pan a, dawhkanah chuan ka bag hungin ka siam nghal vat vat a, tak tha deuh in ka siam sak. Ka tukhum za leh mer merah chuan min en emaw ni ka tihial, ka hawi let ngam der si lo. Ka siam zawh chuan ka bag chu ka khai leh a, a awmna lam ka pan. Laptop chu a lo melh ngur ngur a, ka story chhiara changtupa ang maia Pa hliah hliah a ni. Ka ngaihtuahna vang hrep chuan ka nui hak a, ka hma mi chu a lo hawi chhuak vut, ka nui tawp chiang asin. Dawhkanah coffee chu dahin ka inhera, ka chhuak nghal vang vang.

Note- Story hi ka vawi khat ziahna a ni a, keima lamah phei chuan thiam lo ka inti takzet. Mahse ka tuina a nih avangin ka lo ziak rawih a, tih dik loh tam tak ka nei ang tih ka ring a mahse, ka theihtawp chuan ka uluk ve a, Mizo tawng hi hmang ve thin mah ila a dik taka ziah hi ka thiam lo lutuk a, hei hi ka harsatna ber a ni thin. Mahse min lo chhiarsak a, a dik lo lai min siam rempui turin ka ngen che u a, heta dah pawh hi ka tum lo nachungin ka thiannu, ka u ni bawk U Sangtei'n dah ve la tia min fuih char char vanga lo ziak ka ni. Ka completed tawh a ni a mahse, siam that ngai a awm nual a, min lo chhiarsak zel turin ka sawm bawk che u. Ads pawh min click sak ve theuh ul.💜💜please😊



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:30 pm

chapter-2

Kimkimi tlau

Chhiarnuam vek ule💜
------

Ka chhuah hnu chuan ka thaw hawk. Ka room lam chu ka pan nghal a. Ka indah fel hnu chuan, a vawiin hun hman dan tur chu ka en fel. Email chuan ka thawn nghal a, office-a va luh leh ka duh tawh lo. Mahse ka dawhkana phone(Boss nen kan inbiakna bik) chu a lo ri a, hreh zetin ka la.

"Email min lo thawn rawh ka ti lo che. Ka room-ah lo lut la, nangmah ngeiin lo sawi rawh." A cut leh hmak. Eheu! A va khirh dawn em em ve. Ka sam, ka hmai lo zartu chu ka hui kiang a, thaw la hakin, lehkha chu kengin ka chhuak nghal. Ka room ka chhuahsan chuan, pawna duty Puipuii chuan min nuih sen sen a, tawi tein ka nuih let a, boss duh khirha room kawngka chu ka kik a, lut tura sawmna ka dawn hnu chuan ka lut them them a. A chair nghengin min lo melh ngur a, ka zam leh nghal der. Insang mar luiin ka pen hnai a...

"I office-ah engmah i ti lo. Email chu a tul tawp a nih loh chuan ti tawh ngai suh" a ti leh hmuk. Ka rilruin 'I duh khirh a nih mai chu' ka ti chiam a mahse, a takah erawh nui luiin.


"Aw le, Boss" ka ti sep. A ner nak chu ka hmu hman.

"Sawi rawh" a tih leh nghut chuan ka sawi malh malh a, sawi sual hlau tak chuan insang mar atin ka sawi tluan parh.

"Sawi hmaih i nei em?" a tih sup rual chuan ka file ken chu ka bih, aw ka lo hmuh kân daih a nih hi, ka lei ka chhuah tet a, hei hi chu ka tih thin dan a nia, ka zah leh thil ka tih sual hian ka inrin hma in ka lo chhuah leh thin.

"Aw, nei e" Ka tih chuan min melh leh ngar a.

"A nih chuan sawi ta che"

"Chawhnu dar 1-ah Mr Robert nen meeting in nei" Ka tih leh sep chuan a bu nghat a.

"Hei hi lo en teh" A computer mouse tih chet zeuh zeuh pah chuan a ti a.


"Kei, keimah maw!" ka lo ti haw. Mawl min tih hmel deuh chuan min melh a.

"He room chhungah hian nang leh kei chauh kan awm" a ti nghut a, ninawm, enge a hriata min biak dan hmuk hmuk hi, nge a nihna ve reng zawk. Huiham!

"I lei chhuah tet suh" a tih leh chuan ka melh ram ram a, ani erawh a kiai suk.

Phur lo lutuk chuan ka pan hnai a, ka va bih hnai ve. Tunah hian Champhai lamah hotel sak an tum mek a, chumi vel chu a ni. Engmah ka hriatthiam vak loh nen aw.

"Min hlau ami?" A computer ka bihpui reng lai chuan a lo tichhuak thut a, ka phu chiam teuh kher mai. Meng deuh kawk chungin ka en a, min lo melh ve kur mai, ka hawisawn leh nghal daih.


"Aaa... Aih, hlau lo" Ka ti deuh niai a.

"A nih chuan tinge tlanchhiat inring renga i din si? Ka seh dawn che pawh ni lo" a ti leh hluk a, ka din dan ka inen chuan keipawh ka nui hak, amah hlat thei ang bera dingin a computer lamah ka awn a, tlan chhe mai tur ka ang khawp mai, ka ding mar a.


"Hei hi lo en fel ang che" tiin file chhah deuh tak hi min pe a, ka pawm vat. Ka chhuahsan leh nghal a. Tukin kha ka tlai vangin Lani ka la hmu lo a, ani chu VIP lam a buaipui thin, kan inhmu mang ngai lo. Banah hian kan haw rual ve thin. mahse keimah hi tlai deuh chang ka nei leh thin bawk sia. Hotel-ah hian Restaurant a awm tel a, hei hi a remchan vena a nia, Hotel-a thleng ten hmun danga kal ngai loin an room-ah emaw a hmunah emaw an ei thei. Thlen man pawh a tlawm lem lo. Ram pawn atanga mikhual an tam hian kan buai zual a, a nih loh chuan kan buai em em ngai lo. Boss-in hna min pek chu ka khawih ve mial mial a, ka zawh chuan ka zi mar ar ar. Ka mit a kham hle. Ka chair ngheng chuan ka chhing vang vang a.



Ka phone a lo rik chuan ka meng chhuak leh thuai. Dawhkana ka phone chu ka la vat a. U Ropuia a lo ni.

"Mate, in hotel-ah kan awm a. Bawiha hian a hmu chak che a, thil ei ho ang u hmiang. I hman em?" a l lo ti a, ka nui ver ver. U Ropuia hi ka ni fapa a ni a. Ka cousin-ah chuan ka nel ber pawl a ni. Min duat thei viau a, mipa hmeltha ka tih tak a ni bawk. Tlema ka naupan zual lai phei chuan ka star ru tlat thin. Nupui a neih hnuah erawh chutiang lam chuan ka en lem tawh lo. A nupui erawh ka nel lem lo. A mi tak ram zel a, thawk khat lai phei chu min thik tlata, tun thleng hian U Ropuia ka hmu vak duh tawh lo. A tizahthlak tlat alawm.


"Awle kalo tum ang boss kan be lawk ange"Tiin kan in thlaha fapa kum5 mi anei tawh min nel ve hle a keipawn ka duat ve viau naupang hi ka ngaina ve hrim hrim a ka room chu ka chhuahsan a room pawna duty puipuii chuan min lo nuih leh sang a

"A thiannu alo kal a"Boss room pan ka tum chu alo ti vat a lut peih lo viau mahila boss nei ka ni miau si a ka bu nghata hrilh ve hrim hrim chu ka duh kati buai ang tih hlau viau mahila ka pan lui tho a

Tunge maw a inleng chu le kawngka alo in hawng deuh avang chuan luh mai ka tum a mahse ka thil hmuh chuan min thulh tir leh chiang e Boss leh nimina a hmeichhe kalpui kha an lo in ei lo chauh hi alo nia,,Inti thu viai si hna leh mimal nun pawh dah hrang ngailo ka ner nak a Ka rin ang ani dawn lo tawp mai inher in Puipuii hnenah chuan thil ei tur a ka kal tur thu ka hrilh boss hnena lo sawi ve mai tur in ka ti

Leave nghah angailo hlauh a awlsam tein inhnuai lam chu ka pan Restaurant lam chu ka pan phei nghal thuai a Ka va luh chuan thil ei an lo tam viau bawihtea te pafa pawh akil lam ah chuan an lo awm a bawihtea in min lo hmuh chuan aban min lo vai khum lauh lauh a ka pan nghal thuai

"Min nghak rei em"Tiin an hmaah chuan ka thu ve nghal a bawihtea chuan min lo pan nghal

"Anite kan in ah ivan lo leng khat"Ati ve niah niah a chhan dan tur ka vai riau mai

"Anitei hi maw ka buai thei lutuk a min hrethiam rawh aw kalo leng ziah tawh ang"Ka ti ve sep sep a a phur hmel kher mai

"Khawnge unguri"Uropuia chu ka melh a kan pahnih chuan min lo en reng

"Abuai deuh a bawiha ka lama helam ah kalo kal pui pah anih hi"Uropuia pawh chuan alo ti ve sup a ka bu nghat

"enge i ei duh ang mate"Atih chuan Donut ka lo ti vat min nuih suk a bawihtea chu a zawt ve ani erwh in burger a chah a

"Intur lam te"Atih chuan kalu ka thing a

"I hek lutuk ang"Ka tih chuan ka chal ah min nam dat kan nui hak hak a Eitur an lo dah chuan bawihtea chu ka buaipui a amah pawn a ei ve thei tawh viau kan in hmuh loh karin a lo fel zual tawh em em a


"Lani in ahmu ve chak viau ang bawihtea hi"Ka tih chuan min melh vut ka nuih a anui ve suk


"Abuai viau thin em ni?"

"Buai ve e a VIP lam a buaipui thin a a phe buai ve thei lutuk"Ka ti leh a a eitur chu a ei ve mual mual a Tak in Uropuia fapa hi Victoria Nunhlimpuia ania victoria hi ka phuah ani chhan tha tawk a awm a mahse ka sawi dawn lo haha


"lunch time ala nilo"Rawn ti nghut tu an awm vang chhan ka leh hawi chiang teh asin Uropuia pawh chuan ka hnungmi chu alo melh ve vut Boss hmel chu a rum deuh ul a abul ah chuan Kan modeli kha ading

"Ava zialo ve bawiha hian ahmu chak sia kan lo ko buai anih kha kan tihpalh lutuk"uropuia chuan alo ti hluai a ka lo inthing harh vevat

"Min hrilh hre tur ini"Keimah min en ngal chuan ati leh a

"Ihh ka lo luh dawn khan"ka ti buh niai a

"Chhuanlam ka hre duh lo dar1 ari dawn meeting room check fel leh rawh"Ati nghut abula hmeichhia chuan min nuih sawh viau bawk chu chuan min ti na nget nget ni maiin ka hria ka thinrim tun mai ti teh vak nge alo thinrim ngawt ni diktak chuan hrilh tum lo pawh ka nilo

"Pu chu i sual e tinge anitei i hauh"Bawihpuia in alo tih chuan ka melh vat rum deuh in Boss duhkhirha chu alo melh ve reuh a tawi te in ka nuih a alu ah ka chul sak mi dang ho chuan min melh hrek hrek


"Mipa ngaihzawn ching"kan modeli in alo tih chuan ka nui suk Enge maw ka Nuta ka hmu ve ani maia mipasal anih vangin ka unaupa anilo pwh ni hlei lo

"Dingsang i tawng fimkhur rawh"Uropuia chuan ati nghut a,,an in hre ngai mi le uropuia hi mipa lian tha ve tak ani a Pa ani tawh chung pawn star tu anei thei viau Mahse boss ai erawh chuan ate hret ang

"Mate keimah ni vangin hauh ituar a azia lo hle mai han kal tawh rawh keini pawh kan kal ang"min nuih suk chuan ati a Uropuia mit a pawi tihna lang chhuak chuan hreawm min tih tir viau Mipa ngawichawi tak leh inthlahrung mi tak ani tih ka hre chiang mai si

"Ehe Victoria"Lo ti chul tu an awm vang chuan kan hawi chhuak hlawm Lani chuan kan boruak hre map lo in hmel nung sarh pu chungin Bawiha chu alo pan a bawiha pawh alo nui sang a


"Ehe teh thap che u chuan enge thil thleng a awm em ni"Min hmu khawm thap chu a ngaih athalo tih ka hria tawi te in ka nuih a

"Awmlo e Lan i buai loh chuan uropuia te hi va thlah la meeting kan ngai sia"Ka tih chuan hrethiam takin an buai loh thu asawi a uropuia chuan min melh reng ka nuih lui var var a tlem chuan angaih athat hmel deuh Boss duhkhirha ka ngei zia chu pui tak ani hetah lo hian min hau thei reng sia inti thu si sual ropui si


"anih kan kal ang aw"Tiin ka dar ah a hmer ka bu nghat nghat a Lani te nen an kal chu ka en reng


"kal tawh rawh hna thawhna ah min lo hmu tawh suh"Abul Mi melh zawk in ati nghut a Lo in chinfel ve rawh se ka buaina anilo ka kalsan daih a mahse leave ka nghah chhung chuan ka bul alo thleng leh hman An in chingfel thei aniang chu maw huiss Remlalhruai i buaina tur anilo Kan pahnih te in kam chuang a Tawng ka tum lo a ani paw'n atum bik lo kan ngawi reng a


Chu tah min lo hnaih deuh rawk a ka lo tawlh ve rawk hlauthawng lutuk in ka melh chho a ahmel atak ram si A ngaihtuah tur awm ka hre theilo


"E...Enge itih"Ka ti sep a

"Mi nupa inkar tih buai khan nuam iti ami"Atih chuan ka awih theilo enge maw ka bialpa emaw an tih ziah ni abula ka insawifiah chhan tur ka hrelo ka nam a a tawlhsawn ve mai bawk thaw la hak in

"Ka nun ah nuam kala ti ber"ka ti ve hmuk a leave a din chuan kan chhuak dun leh a Kan meeting pui tur te an lo thlen chuan kan tan mawp mawp a Darkar3 dawn kan meeting hnu chuan kan zo thei hrama an thusawi pawimawh zual tur chu kalo type ve mawlh mawlh a kan zawh chuan ka room lamah ka print nghal a Ka print sa pe tur chuan a room lam ka pan ka kik a ka lut nghal laptop alo bih leh nghur tawh a


"Boss hei hi vawiin a pawimawh zual tur ho an nia"Tiin dawhkan ah chuan ka dah a abu nghat a awmdan chuan nuam lo min tih tir ringawt bawk


"I hawng thei ang"Atih chuan bu nghat in ka chhuahsan a Scooty chuan ka in khalh haw leh hna hna mai in ka thlen chuan ka nu in min lo la thiam leh khawp mai vawiin thil thleng vel pawh min theihnghilh tir mai dawn lawm


Intihfai ka duh avangin room lam ka pansan a, Ka intihfai hma chuan U Ropuia biak ka tum deuh. Mahse amah zawkin a lo call hlauh a, rang deuhin ka la.


"Nuam lo i tih ka hlau lutuk a" 'hello' pawh tih hma chuan ka tinghal tawng a, a lo nui hak.


"Nangmah zawk kha in boss khan a hau hrep lo che maw?" a lo ti thung.


"Teuh nang. A khirh ve hrim hrim a nih kha. Engah mah ngai suh" ka ti nghal zung zung a, U Ropuia bulah hi chuan ka tawng ve par par zel.


"A that hlauh chu. Keimahni vangin a ban ang che tih ka hlau a" a ti ve luam a. A nih ka ring hrim hrim, nuam lo a ti hmel kha ka hai lo reng reng.


"Teh nang. E, ti daih ila vawiin hmeichhia kha i hriat ngai a ni ami a?" Kha hmeichhia kha a hmingin a ko thei tla.t A hre chiang a ni.


"Umm i u nguri Cousin anih kha"Atih chuan kalo au chul vawiina uropuia nen kan in hmuh kha unguri ahrilh hrim hrim ang ava buaithlak an in hauh phah leh ang a



"Awi leh! U Nguri a hrilh vek dawn a nih chu. In inhau leh ang a" U Nguri mizia hi chu ka hre chianga, an inhau leh lo a nih chuan a mak zawk ang. Eng emaw hlekah pawh min thik reng thin a, engvanga min thik em em nge a nih pawh ka hre lo.


"A ho lutuk. Ani te chu a phun chiam a, a hre rei ngai chuang hleinem. I tha nge tha lo ka lo zawt che a nih hi. Ka dah aw" a tidam thluam a, a cut nghal daih. Thawk ka la hak a, ka nî te in lama kal chu ka tum tho. Rilru khingbai deuh chuan ka inbual a, ka intihfai zawh chuan inhnuai lamah ka chhuk thla ve nghal.



"Nu, puih i ngai em?" ka ti nghal lang lang a.


"Aih, ka zo tawh. I inpeih tawh ami? I hman chuan hei, i nî-in chawhmeh min lo suah ru a ti sia, i va pe lawk dawn em ni?"a lo ti zung zung a, kal ka tum rilruk tho avangin ka bu nghat nghat.


"Awm rei suh aw. Chaw kan ei hma dawn a nia" ka kal dawn chuan a ti bawrh bawrh a, hmm... Ka pa te pawh an lo la hawng tawp si lo a.


"Aw le, Boss" ka tih chuan ka hnung a ri dawt.


"Awi ka nu, a na lutuk! Nu, i fanu hi min dim ve che" kan tinghal tuarh a, ani erawh a nui duh lek leh nghal. Phun nai nai chungin ka nî te in lam chu ka pan a, kan inhlat lutuk lo a, mahse kan inhnaih em em chuang lo. Kal ve fe chu a ngai, scooty ka keng ang ka ti zet a, vah harh pah ka duh vangin ke zawkin ka kal a, ka kal pah chuan vawiin thil thleng vel ka ngaihtuah a, Boss duh khirha mizia te chu ka ngaihtuah mai mai. A hmel leh pian te Mizo mipaah chuan a tha ber pawl a ni hrim hrim tih vel ka ngaihtuah. Mahse inthing harh vatin, hui... enge ka ngaihtuah! Tullo lutuk. 'Ngaihtuah suh, vawiinah pawh zak deuhin a siam che kha, misual a nih kha ' ka rilru chuan a tizung zung a, ka ngaihtuahna tihdanglam nan ka hawi kual nasa mai.

Ka nî te in ka thlen chuan kawngka ka kik dat dat a...


"Eee... Bawihte, tunlai i va reh ve" ka nî chuan a tisawk sawk a, kan inzui lut nghal.


"Nia... hna ka nei ve tawh a, ka lo kal zen zen thei bik lo a nih hi" tiin ka thil ken chu dawhkanah ka dahsak a.


"Aw, Ropuia ka lo tir mai dawn lawm. I lo keng duh mai mai a nih kha" a lo ti leh zung zung.


"Ka hman tho a. Ni, Bawihtea hi a leng ami?" Bawihtea thawm a reh em avang chuan ka ti a.


"Aih, room lamah an chhungkuain an awm ang. Han chho ve la" a ti sam et a.


"Aih, chho lo mai ang. Ka haw leh tawh zawk dawn" ka nî-in engmah a sawi loh danah an inhau lo aniang chu maw...


"Timaw? Bawihtea pawh kan au ang e. A ngaih thin che nen i lo leng duh si lo a" chhoh mai a tum chu...


"Aaa... nî, ka han chho zawk ang e" ka ti ta zawk a, a bu nghat. Kailawnah chuan ka pen chho them them a, inhnuai atang hian inchung thawm hi a hriat hleih theih loh a, inchung ka thlen chhoh chuan inhau thawm ka hria. U Ropuia te an ni tih lah ka hai lo.


"Vawiinah te khan enge va hmuh a ngaihna. Ka thik tih i hre reng a, i hmu lui zel a, kan inah lo leng lo mah se in inbe awl chuang lo" U Nguri phun hlak hlak vang chuan nuam lo ka tihzia chu. U Ropuia nen hian kan inbe ngai lo, txt phei chuan a tul tawpah bak kan inbe ngai lo. Chutianga min ngai dik lo vel chu a mak ka ti kher mai.


"Eng hi nge i hriat, Matei chu enge i thik viau? I zeldin ang hian mi awmtir phet hi tum thin suh. Nupui pakhat ka nei, ka lungawi. Fa hial kan nei tawh, i ngaihtuahna kawi lutuk hi sim rawh. Dinsangi hi kawm tam tawh lo la a tha. Thil ni lo lo hi a sawipui che a, nang lah hian thu tak vek emaw hi i tia, i hahthlak." U Ropuia chuan a tihmuk hmuk a, ngaithla rei duh loin ka chhuk leh daih.


"Nî, an mu vek a nih khi. Ka haw mai aw" tiin ka chhuak nghal daih a, pawn boruak ka hip vang vang. Ka thil duh loh ber chu mi pasal ngaihzawn hi a ni a, ka huat ber pawh mi pasal an ni tih hre chunga lo ngaizawng thin hmeichhia hi an ni bawk. Mahse chung dinhmunah chuan U Nguri ngaihdan chuan ka ding reng tawh. Ka hui pap a, kan in lam ka pan chhet chhet. Engtin nge U Nguri hi ka hrilhfiah ang aw... tih te chu ka ngaihtuah a.


Cont...
Story ka type sa hi Yt lama chhiar tura ka ziah leh chapter ka then ani a, Mahse Fb lama ka dah vangin ka edit tha kual a,Han tih that leh takah chuan duhkhawp loh leh siamthat duh alo tam khawp mai a,, a tawi deuh anih pawn min lo hrethiam hram hram ru,,a dawt leh ah chuan sei deuh Dah kan tum tawh dawn nia


Ads click kha please💜


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:30 pm

Chapter-3
Kimkimi tlau💜

----
In ka thlen chuan ka pate an lo hawng tawh a, kan ri ve deuh hlut mai. Chhungkaw hlim tak kan ni ve reng a, ka pa hian mi chhawnchhaih hi a peih a, thian ang vek hian kan inkawm thin. Engmah zep kan nei ngai lem lo a.

"Chaw ei teh ang u, in ri leh hlut thin, thenawmte pawn min ning ang, puitling vek tawh si, ri hlut thin su" ka nu chuan a ti hlak hlak a, kan nuih mai mai thung.


"Mai mai thina, inhauh vang ai-te chuan hlim vanga rik hlut chu midang tan pawh ngaihthlak a nuam alawm" ka pa chuan a ti let mai a, mahse kan awm tha vek tawh thung. U Zothana pawh a night dawn avangin a lo hawng hma ve tlat. Hospital lamah an buai ve thin a, kan inhmu khat thei viau. U Mami nen chaw ei kan siam a, kan ei dawnah ka pain tawngtaina tawi hmangin chaw kan ei a. A hranpaa chhungkaw titi-na hun kan neih theih tawh meuh thin loh vang hian chaw ei hun hi kan titi hun a ni ve tawh a, chaw pawh kan ei kim khat ve thin viau bawk.


"Bawiha, Damdawi in lam in buai em?" ka pa chuan an tui hawp pah chuan a ti sup a.


"Damdawi in hi chu serious em em awm lo mah se kan buai ve viau zel" U Zothana pawhin dam dapin a ti. U Zothana hi chu a dam dap a, a hmel pawh a chhe lo. Ka u a nih vang ni hauh loin ka chhuang ve a, mipa tlawmngai tak mai a ni. Kan unau mizia hi a danglam hlawm a, mahse kan in kawmngeih viau tho. U Zothana a dam dap a, U Mami erawh mize harhvang tak a nei. Kei chu ka u-te mizia ang hian ka insiamrem thiam ve ve a, ka mizia hi ka sawi thiam lo, mi harhvang ve tak ka ni chungin, mahnia awm nuam ka ti a, hmelhriatte bula tawngthei ve tak hi mikhual leh nel loh zawngte bulah chuan tawng thei lo ang mai ka ni thung.


"Ka duatte nang?"


"A pangngai a ni mai,a fapain a enkawl tawh a" ka tive maia.


"Hrawn a hreawm dawn em?"
Min ngaihtuahzia a aw ki atangin ka hre thei.


"Ka hre lo, nimin atang chauhin a lo kal a, mahse a duhkhirh lutuk. A sual em em chuang lo vang" ka ti deuh nawk nawk a.


"Tha deuhin i hna thawk la, chutiangin a sual lo vang. Mahni hian zir vete a ngai thin" ka nu zawkin a lo ti. Ka pa hi chuan ka nu ai hian min ngaihtuah deuh a, ka nu erawh a ni fak fak ka ti mai, ka pain 'A harsa lutuk ang ti lo mai rawh' a tih pawh 'ti rawh se, harsatnate chu a la paltlang dawn, kan dampui reng lo vang' a ti zawk fo a, min hmangaih loh vang erawh a ni lo thung. Kan ngawi leh deuh reng hlawm a...


"A chang hi chuan Zonunkima leh Lalrinchhani fanu hi ka ni ve lo hialin ka hre thin" kan ngawih deuh ren rawn laia U Mami'n a lo tih chuan kan en hau hlawm.



"Tinge Mamte?" ka pa chuan a lo ti thuai a.


"Pa, tunah khan ka u leh ka nau chu an hnaah an tluang em tih i zawt a, a nih leh kei ve hi" a tum lui bar bar a, a tih chhan hriain kan nui deuh hak hak hlawm a.


"Aw ka fanu, ka hmangaihte, i hnate i tluang em?" ka pain a tih chuan a ner nang a.

"Sawi chawp ngaihsakna hi ka ngaisang lo. A tha e, he inchhungah hi chuan awm ve lo ang hi ka nia" a ti deuh nang nang a.


"I pa hi chu a haihawt em a ni" tiin ka nuin a lo chhan veleh chaw ei lai laiin kan han inthlem leh vel a. He chhungkua hi ka chhungkua a ni lo ang tih ka hlau takzet.



Chawte kan eikham fel chuan hna kan neih tlan hlawm avangin U Zothana a kal a, U Mami pawh a bungrua lo thleng enfelin a buai hle a, keipawh room lamah ka chho ve nghal. Ka hnathawhna Dawhkan hmaah thuin Laptop-ah hnathawh tur ka hawn chu ka thawk ve malh malh a, ka bula ka phone msg tone a lo rik chuan ka melh thla vat, U Nguri hming ka hmuh vang chuan ka en nghal thuai a.

'Remlalhruai, ka pasal hi vawikhat mah lo hmu tawh suh. Hmeichhe nasa reuh lutuk mai' msg chu ka chhiar nawn tlut tlut. A mak ka ti ngei mai. Chhan let mai ngaihna pawh ka hre lo, hreawm ka ti takzet.


"U Ngur, i hre sual a ni. Vawiin khan a hranpain kan inhmu lo, an lo peng kawi mai a ni. I hre sual a nih chu." Zawldawh tak chuan ka reply a, ka phone chu dawhkanah ka dah thla leh nghal. Ka chair hnung chu ka ngheng dawt a, a mak ka ti takzet. Tinge U Nguri hian min ngaih dik loh tlat le? Mawi lo khawpa ka biak lah ka hre lo, kei aiin ka cousin dangte pawn an hnaih zawk a, kei kher hi tinge ka hrethiam lo a ni. Ka hna pawh chu rilruah a lut thei lo. Chutih lai chuan msg a lo thleng leh a, mahse U Nguri tho a nih ka rin avangin ka mit ka chhing daih. Min reply-na ka en ngam lo a ni ber. Mahse ka phone a lo rik avang chuan ka meng chhuak vat a, number hlang a ni. Ka la dawn lo emaw ni ka ti zeta, mahse pawimawh a nih ka rin avangin ka la hram a.


"Hello" ka ti sep...


'msg en nachang hre ta che' lo ti nghuttu avang chuan ka thu ngil awt. Boss Duhkhirh-a a ni chiang lutuk. Engtin nge ka number a neih le!.. Hah! Mawl lian, a hnuaia thawk i nih hi tiin kan inhau leh rih.


"Ahh" ka ti ringawt. Loud speaker-ah dahin, Whatsapp-ah ka lut a, number hlang msg a lo awm. Nichina U Nguri msg a nih ka rin avanga ka en ngam loh kha Duhkhirh-a a lo nih reng hi maw le.


"En la Arang lamin min lo thawn ang che" ti hmukin line a cut nghal. Ka phone chu ka melh rum deuh vak a, mahse awmzia erawh a awm tam viau lo. Msg chu ka hawng a...

"Paradise Park Project kan dinhmun tlangpui min lo thawn rawh" tih hi a lo ni. Huiham...!!!

Hotel ka thawh tirh vel khan Park siam hi Project-ah kan nei a, changkang deuh taka tih Pu Liana khan a duh tlat avang leh a duh khirh ve deuh avangin hma kan la lawk lo a, kumin kim tir khan hma lak tan a ni a, sum lamah harsatna a awm lo bawk a a thawktu mi thiam vek an ni bawk a hna a sawt viau. Tunah kum laihawl vel kan kai chho a, peihfel a ni tep tawh. Thlalak leh thildang project vel chu email-in ka thawn nghal a, a number chu kan save ve ngei kha. U Nguri msg pawh a lo awm a, ka en ang nge en lo ang tih ka inngaihtuah neuh neuh a, ka en chuan ka na leh ngei dawn tih ka hria, mahse ka en ta tho a.

"A dawtah chuan ka ngawi mai mai tawh dawn lo a nia. Mi pasal ngaizawng thin hmeichia hi ka dim vak dawn lo a nia" ka chhiar zawh chuan ka chhing sawk. Ka chhang let buai peih tawh lo a, rilru lak pen nan ka hna lam chu ka tih zawm leh a, mahse rilruah a lut chiang lo. Ka phone chu lain Lani ka call ta ngawt a, a lo la rang khawp mai.


"Min va ngai thei tak" a lo ti hlut a.


"Nang ber ka ngaih lohin" ka nuih hak hak a, mahse chhungril hi a nui hleithei lo.


"I nuih dan chu sawi duh i nei a nih chuan sawi la." Min va'n hrechiang tak. Tet t�� atanga inkawm tawh kan ni a, kan hlim leh lawm te, ka nat leh hreawm chang paw'n kan inhnem tawnin kan inlawmpui tawn thin. Ka tan hi chuan thian nih hi a tling ngawih ngawih. Kei erawh thian nih hi ka tlin lo leh thin.


"Umm... ka rilru a buai lutuk a, hna pawh ka thawk thei lo" Th?wk ka la hak a.


"Enge thleng?"


"Vawiin lama U Ropuia nen kan inhmu kha U Nguri'n a hria a, min lo txt a" ka ti sep sep a, a lo chek hlak hlak thung.


"A thik leh che a?"a tih chuan...


"umm tlaiah khan an in-ah ka kal a, an inhau a, nichin mai khan min lo txt alawm. Lan, ke ichu awm dan pawh ka thiam lo, mi pasal ngaihzawn ka duh lohzia chu i hriat kha" ka tap tep tawh. Ka rilru hi a no a, ka mittui lah hi a pawn lang bik a nia.


"Rem, hey, inngaihtuah vak vak suh. Nguri mizia chu i hriat kha. Mahse a em em tawh viau a ni. Hauh ve deuh hlek a ngai a nih kha" a lo ti hlak hlak a.


"Min ngai dik lo reng hi a mak ka ti" ka ti tiau a.


"Tap suh, i tah chuan hreawm ka ti thin tih i hriat kha. Chuan i thiam loh pawh a ni lo, nangmah indem suh. Ngurthanpuii chu a la hre viau ang. A reng rengah Ramropuia pawh hi nupui ngam lo lutuk mai, tianga a ringhlel peih lutuk che u pawh hi amah zawk hian ngaihzawng hi a neih a nia ka rin" a ti bawrh bawrh a. Kei ai hian a thinrim ziah zel. A ang bawrh bawrh a ,a sual vang erawh a ni ngai lo.


"Nei lo ang, a hmain U Ropuia ka ngaina sia, U Ropuia pawn min duat thin sia a ngai dik lo mai mai aniang" ka ti ve zung zung a.

"Eng mihring nge maw i nih le? Ngurthanpuii te i lo la tan a, i rilru tha lutuk hi chu a chang hi chuan ka ngei thin che. Tun ang khawvelah hian thleng thei lo a awm tawh lo. Mi hi i ring hma thin bawk si" Min zilh chhunzawm leh nghal hlak hlak a.


"Aaa... chu pawh a ni lo"


"Inngaihzawnnaah pawh hian maw, Ngaihzawngte kan kawp chuan an mahni hi kan ringhlel zung zung a nia, a chhan chu kan tihsual vang a nia, kan awmdan anga an awm kan rin ve tlat thin vang a nia" a. lo ti luam a.


"I kawp thin a ni maw?"


"Aaa.. kawp ve thin e, tleiawl lai te kha chuan" an tidaih a(h). Phakar sia.


"I daw! Tun hunah pawh i kawp reng"


"Ka kawp lo" a tirah thu tak viau thin mah ila a tawpah hi chuan kan ho leh viau zel. Rei fe kan inbiak hnuah kan dah ve theih hram kha. Ka rilru pawh a la peng hneh viau a, a tlai ve deuh tawh avangin mu turin ka inruahmana, night routine tiin ka mu nghal a. Ka vannei a ka damloh nikhuaah lo chuan zan muttheih loh hi ka nei vak lo a. Office tlai ka hlauh luatah alarm ka set hma zual a, Bible chhiarin ka tih ziah danin ka tawngtai a, ka mu ve ta nghal a. Ka mit ka chhin vang vang lai chuan Duhkhirh-a hmel pa hrak mai ka hmu. Ka meng chiang asin. Ka lu ka thing nawk a 'misual a nih kha' ka rilru chuan ka ti mawlh mawlh bawk.



Next morning 🌅

Zingah chuan ka alarm riin min tiharh a, peih lo taka thoin zing tin tihdanin ka hun ka hmang leh a, exer ka lak zawh chuan ka nu pawh a lo tho ve tawh. Ka inbual fai hnu chuan ka pui sawk sawk a.


"Bawihte"

"Aha..." ka nuin min koh thut avang chuan ka ti ha a.

"Tih tur tul pawimawh i nei em ni?" a tih chuan lu ka thing a.


"Tinge?"


"Aaa... i che deuh sawk sawk sia, tuk dangah ti hian i awm ngai si lo a" a tih chuan ka che lai, ka tawp deuh chut. Enge ka hriat tak ni ka che deuh sawk sawk a, keipawh ka hah vek tawh.


"Hmanhmawhthlak hran chuang lo mah se traffic jam tak tak hmaa Office thlen ka duh deuh a" ka ti ve mai a. Ani paw'n a thil tih lai a zawm ve nghal. Tlai ka hlauh vangin ka u leh ka pa an lo thawh hnu rei vak loah chaw kan ei a. Hna kal turin ka insiam nghal.


"Nu, ka kal aw" pawn lam ka pan nghal. Scooty start-in rei lote ka nghak a, ka pa leh ka nuin min lo din chilh a.


"Fimkhur la aw, Bawihte" ka pain a ti dam thlap a.


"Anih, ka kal ang aw, Bye. Nu, Pa, ni hman nuam u aw" tiin ka tlan chhuak a, kan in leh Hotel hi a inhlat ve angreng a, tlan fe a ngai. Traffic jam leh tho mah se ka hma avangin an lo la tawt lutuk lo a, Office tan nan 5min a la awm tihah office ka thleng ve hman a, ka room lamah inti felin, Boss Duhkhirh-a a lo thlen hmain Duty Puipuii bulah thuin kan titi mial mial. Rei loah Boss pawh a lo thleng. Ka ding vat a, ui lui s?ngin.


"Good Morning,Boss" zangkhai deuh chuan ka lo ti a.

"Morning" a ti thum sup. A room lam a pan nghal. Keipawh chuan ka zui lut ve a, a bula awm hian boruak hi a tang deuh awt zel mai hian ka hria.


"Boss, coffe nge...?"

"Coffe" a ti nghut a, Coffe machine lam ka pan nghal. Ka siam zawh chuan a dawhkanah ka chhawp a.


"Vawiin lam appointment" tiin ka lehkha ken chu ka keu a, ka sawi mawlh mawlh bawk. Pen-a dawhkan tuk rik keuh keuh pah chuan a ngaithla kar a.


"Chhun chawlhah Paradise park kan va tlawh ang. Lo inring ang che" a tih sup chuan ka bu nghat a. A mi melh chian theih em avang chuan ka khur ru dar darin ka hria. Ti em ema huhang neih tam mai chu a chhun a zanin kan awmdun ang tih ka hlau. Ka boruak thawk luh turte hi a lo hip lut tel thin zawk emaw ni...


"Ka thusawi chu i hria em?" tih ri avang chuan ka inthing harh nawk.


"Maww... Ihh... eng maw i sawi, Boss?" ka ti bah nawk nawk a.


"I lu ?m chhunga thluak te takah khan eng hi nge maw i ngaihtuah ve thin le?" thawk hawk pah chuan a ti leh nghut a. Ka ding ngawi ran mai.


"I tih tur i zawh chuan i kal thei"
Nui lui ver verin ka kun khum zeuh a, ka chhuahsan vang vang. Kawngkhar chu na taka khar mai ka nap. Mahse insum hramin zawitein ka khar a, kawngkhar bulah chuan thawk ka la kawk a, engmah tih theih nei si lo chuan kawngkhar pawisawi lo chu ka melh nghek a, Puipuii ka va en chuan tawi tein a lo nui a, ka nuih let thei hram. Ka room lam panin hna ka thawk malh malh a, Boss nen kan inbiakna phone chu a lo ri a, melh nghek chungin ka la.


"Ka room-ah lo lut rawh" a ti hmuk a, a dah leh nghal daih. Mai mai chuan a! Tum bar barin ka chhuak a, Duhkhirh-a room-ah chuan ka lut tlang nghal. A computer a lo en ngur ngur a, thawh lawka hnek thluk tawp mai a nia ka chak.


"Tah khan din reng i tum em ni?" a chalah te hian mit a nei amaw ni...


"Enge ni ta, Boss?" tiin ka pan hnai a, ka kun zeuh bawk.


"Saw lai room saw a va bal ve" tiin, hna ban tlai changa riahna tur a bika room an siam chu a kawk a.


"Ahh... an tih fai reng kha" tuk tin an tifai ziah thin sia. Pu liana kha chuan a hmang ngai meuh lo, mahse kan tifai reng tho.


"Va en la, saw saw fai ani em tih min hrilh leh dawn nia" a tih nghut chuan ka thaw hak. Tinge maw a sual thiam em em mai ni? Duh khirh ropui si. Room lam chu ka pan a. Mi pakhat chenna khawp vela zau a ni. Mamawh tur chu dah tel vek a ni a. Dawhkan vel ka en chuan a sawi ang tak takin a lo bal deuh a, tukin khan an tifai lo em ni le, tianga han balh theih le? Khum vel chu ka en a, a fai reng a.


"An tifai lo a ang khawp mai"
Ka vir nawkin ka hria, ka phu chiang lutuk. Ka lung hi ka tetlai atangin a tha vak lo a, Phut chiam te hi ka ngah thei viau. Hnunglam atanga biak thut chi pawh ka ni lo.


"Ahh...Ihh... a nih dawn hi tukin khan an tifai emaw ka tia" thaw la deuh kawk pah chuan ka ti a, ka lung chu a phu zawih zawih mai.


"Office leh a chhunga thil te ho a dik em, a fel em tih hi ihre vek tur a ni dawn lawm ni" a tih leh sup chuan ka chhang tawh lo.


"Ka tihpalh a ni e. Boss, ka lo fimkhur tawh dawn nia" ka ti ta zawk a. Min din hnaih deuh mah mah avang chuan ka tawlh sawn hlek bawk.


"Office leh helai room hi chu nangman tifelin tifai vek tawh ang che. Midang lut tawh suh se" ti hmukin a inher a, kawngkharah a pen chhuak nghal pawk pawk mai. Ka kutah chuan ka mittui a lo far a, inhnit hrawkin ka mit chu ka nuai fai a, 'Remlalhruai inti Pachang rawh, i ti thei' tiin ka in fuih mawlh mawlh a, pawn lam ka pan ve nghal. Duhkhirh-a chu pawn lam thlirin a lo ding tau a, phone a hmang pah bawk a, chhe lo pawh ka ti tawh mai mai lo. A sual ropui si.


"Ka hman dawn lo, tih tur kan nei. Zanah ka lo kal ang" a ti nghut a, a tawng dan ve hrim hrim a nih ka ring. A ti deuh nghut nghut a, a tawngkam a chhumbung thei si. A thinrim nge lungawi pawh ka hrethiam lo. A thu hmu loa chhuah chu a lo thinrim ve leh ang tih ka hlau bawk sia, ka ding reng a, a phone hmang zo chu a lo hawi...


"Chhun chawlh a hun dawn i mamawh va inla la, kan chhuak ang" a ti nghut a, ka bu nghat. A rang a rangin ka phit chhuak nghal a, Puipuii lo duty chu panin...


"Puipui, Boss room bik saw in tifai lo em ni, tukinah?"


"Aw, ka hrilh theihnghilh che, tukin chu an tifai lo a" a tih chuan ka bu nghat.


"Aw le, a pawi lo, tihfai a ngai tawh lo aw" tiin ka kalsan a, ka room-ah lutin ka bag leh file pawimawh park project vel chu ka keng, ka chhuak nghal. Pawnah chuan a lo ding khawng luah a. Ka te chhe lo ka inti ve viau a, mahse Boss Duhkhirh-a tawnah chuan kan te chem chem mai alawm. A dar ka chen ve tawk a ni. A pen pawk pawk a, keiin ka zui ve dat dat. Hotel kawtah dingin a driver-in Motor a lo lak chhuah kan nghak a ni. A kuta sana man to tih hriat ngawih ngawih chu a en leh zeuh a.


"I ril a tam em?" min melh ngur paha a tih chuan, lu ka thing nak nak a.


"I k?-in min chhang rawh" a ti sup.

"Aih, tam lo e."


"Park kan en fel hnuah Restaurant-ah kan inhnawh puar dawn nia" a aw chu a dam thlup a, amah a ni lo hial emaw ka ti alawm le... Motor kan hmaa a lo din chuan...


"Ka lo khalh ang e" Duhkhirh-a chuan a ti a, ahnung kawngkhar chu pawh hawn mai ka tum a...


"I driver ka ni lo" a lo tih nghut avang chuan ka chawl rih...


"Maw...!!!"

."A hmaah sawn lo thu rawh, kha ta i thutte chuan miin i driver emaw min ti mai dawn asin" a ti a ,driver thutnaah chuan a thu lut nghal. Keipawh chu motor hel kualin ka thu lut ve nghal a. Ac awm mah se boruak chu a uap deuh churh tho.


Seat belt ka hreng nghal sawt sawt a, ka insiamrem zawh chuan a tlan chhuak. Mi kawm nel zung zung mi ka nih ngai loh bakah Boss phei chu han biak dan vak ka hre lo. Kan thu ngawi tlawk tlawk a, ani pawh a tawng lem lo. Mipa ngawichawi tak a nih ngei ka ring. Sawi tur a awm lo bawk nen, boruak ni deuh churh nen, ka thi mai dawnin ka hria. Hneh zeta a stearing herkual lai chu ka en a, hmuhnawm ka ti takzet. Mi motor khalh lai ka en dauh dauh ang tih ka inring ngai lo. Haha... Park kan thlen chuan motor park-na rem deuh a awm a, he hmun hi chu a fuh khawp mai. Ka chhuk nghal thuai. Boruak chu ka hip lut kawk a, ka zia huai huaiin ka hria.


"Thaw chham lek lekin kan lo inphur a ni maw?" ka bula lo din pah chuan a ti a, a nui suk bawk. Ehe... tunah khan fiamthu a thawh a a nui ve vel tihna em ni? A va mak ngai ve. A nui mawi phian leh nghal a, kan inhriatna a la rei lo bawka thlalakah leh a takah a nui hmel ka vawi khat hmuhna.


"Boruak i thaw lut tam bik a ni ang" ka tih chuan min melh chhuk run a, sawi sual ka nei emaw ni ka ti hial zawk. Chutah za zet in a nui a, ka en reng. A nuih zawnga a ha rual that lang chuan a titha zual a ni. Ka lu ka thing na na a.


"In lo thleng thei maw" hnathawk hoin min lo biak takah chuan tum leh hmukin, tak ranin a lo chhawn a, Engtin nge chawpchilh deuha a nuih tawp thiam ni. An inzui phei a, ka bag khaiin ka zui ve det det hlawm.






An ruahmanna te sawiin an hmabakte an lo sawi ve hlawm a. Darkar khat dawn kan ding ve reng. Ka ke hi a kham lutuk tawh. Thil an inhrilh a, an thu mai mai thei si lo a, lo thut bik kha nuam ka ti si lo. Engmah ti loin ka ding ve reng a, an thusawi chu uluk deuhin ka ngaithla ve. Ka ke a kham deuh tak em avang chuan ka kun a, ka chawn chu ka hmet neuh neuh.


"Awi, ka nu...!!!" ka rak thawt a, mahse ka mawngin chair a deh takah chuan ka thaw huai. Ka hawi chhuah chuan Boss nen kan inmelh chiang ngei mai. Ka ke ka hmet lai kha a lo hmu a ni maithei, min pawt deuh nawk kha ka phu chiang lutuk a, ka rak chiam leh nghal.


"I lo thu mai lo a" a ti sup. A aw atang chuan min ngaihtuah ve tak tak a ni ngei ang. Tukina ngeiawm deuh kha a ni pawh ti ila tuman an awih lo ang.


"A nuam lo ka ti alawm" ka ti sep a, ka chalah a kut in a tauh dat. Kan boruak chu Hotel aiin a zang ta daih a, a nuam phian.


"Lo thu rawh, saw lai saw ka va enpui leh ange. Chuan kan inhnawh puar dawn nia" a ti a.


"Hmanhmawh suh, ka ril pawh a tam lo" ka ti zo deuh chiah ka pum a lo ri raih raih a. Ka zak lutuk chu khuk ral chem chem mai, ni lo, bo hmak ka chak takzet. Boss chu tim daiin ka han en a, nuih za insum hmel deuhin min lo en ve reng. Ka hawisawn rang lutuk. Ka en leh ngam tawh teuh lo.


"Min lo nghak rawh" ti sepin a kal sawn nghal a, a tukhum lam chu ka chhiat khum vak. Awi, ka zak lutuk. Ka pum chu ka beng thlep a, awmzia a awm lo. Ka zah tur ang angin ka zak vek tawh. Engtin nge Boss pawh ka hmuh ngam tawh ang, ka thu hle hle thei lo. Ka hawnsan daih zawk dawn em maw ni,ka thaw leh hak thin. Naaa... ka van ning tak.


Cont...


Please, ads click kha a. 😊 Naktuk zanah kan inhmu leh vek dawn nia. I lo chhiar ve a nih chuan comment pakhat tal hnutchhiah ve la💜


Nizan lamah ka thiannu hman loh deuh vangin kalo dah theilo a min hrethiam dawn nia💜


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:31 pm

Chapter-4

Ka pum rik rawk rawk ni atang pawn kar aliam ve tawh a, Boss pehhel dan zawng teh mah ila PA nih chuan ka hmu lo thei si lo. A sawi chhuak ngai lo a, chu te hlei hlei chuan hreawm min tihtir. Ka zak ve em a ni. A nui khat em em a, Mi sual lutuk a ni lo tih erawh ka hria. A mizia hriatthiam a har ka ti. La duh khirh viau tho mah se a tir ai chuan tunah chuan a zia tawh lutuk. U Nguri pawh a reh viau a, U Ropuia pawh hmuh loh ka tum char char bawk. Buaina insiam ka peih lo. Khang ni liam ta chhung khan kan Model-i hi Hotel lamah a lo lawr zing khawp a, ka mil loh mizia tak a nei bawk nen, ka ning thei khawp mai. Chutah, U Nguri cousin a ni kher bawk nen, ka be ngai lo tluk a ni e.


Ring...

'Umm, Lan...'

'I chawl tawh em?'

'Teh nang, hei, hna ka la nei neuh neuh a, ka chawl thei reng.'

'Ka lo nghak ang che, lo chhuk thla la'

'Aw le' chhun lamah kan inhmu khat sia hmanhmawh deuhin ka tih lai chu ka ti sawk sawk a, Boss room ka pan nghal rawk rawk. Ka luh chuan hna a lo thawk malh malh a, chawlh han dil pawh nuam lo ka ti leh deuh.


"Boss..."
A lo hawi chhuak vut a


"Sawi rawh"

"Chhun chawlh a nia, ka chawl thei em?"

"Min lo nghak rawh" a tih chuan ka en haw ringawt.


"I ei ve dawn em ni?"


"Umm" ti supin, a lo ding chhuak a. Tinge maw tel ve kher a tum le? Amah paw'n a kal ve thei reng sia. Kan inzui chhuak leh ta chu a nia, Boss ber ka kalpui bawk a, min en duh angreng hlawm khawp mai.


"Ihh... Ka thiannu nen kan ei dawn a" Pawn lam pan a tum avang chuan ka ti sep a.


"Restaurant-ah sawn maw?" tiin a kawk zeuh a, ka bu nghat.


"Kal ila" a ti leh nghal mai a. A va mak tak, enge maw a hriat ni? Lani'n min hmuh chuan mak a ti tih ka hria, mahse insiamrem vatin min lo be nghal siam siam a.


"Ka lo tel ve chu ka tibuai che u em?"
Polite tak chuan a ti sup a.


"Teh nang, Boss, ei teuh rawh" Lani'n a ti zung zung a, Boss bulah hi chuan ka zam deuh tlat zel a, a hma khan ka che chhe bawk nen, a bulah hian awm loh hram hram ka duh a nia, mahse nuam lo em em pawh a ni chuang lo. Lani nen an titi deuh char char a, ka bulah lo chuan a polite em hi a, Ka lakah a sual daih zawk. Keimah chuan ka inngaihtuah a, ka thinrim tun mai, thil te chu ka ei hmawk hmawk a.


"Ei teuh rawh" a lo tih sup chuan ka melh ram ram, a kiai suk duh chauh leh nghal a.

"Eee... saw! Lan, Danny kha a ni lo ami?" tiin lo lut tharte chu ka en a.


"Ni mai mai teh se,.kan inthen daih tawh" a ti liam mai a



"Nang tak hi chu engmah hi i care lem lo a, a zia" ka ti a, ka nuih vur vur a. Lunch zawh chuan meeting kan tan leh nghal a, hna a laklawh deuh avangin kan la buai hle a, ban hun a pel daih tawh leh nghal. Boss pawh phone hmang kualin a buai ve viau mai. Hna kan thawh mawlh mawlh lai chuan ka phone a lo ri a, ka en vat , ka nu a lo ni...


'Umm... Nu,'

'In laklawh em ni?'

'Umm, ka lo tlai ang, min lo nghak s'u' Thu dang vak sawi loin a dah nghal a. Zan dar 7 dawn thuakah chuan ka thil khawih lai chu ka zo ve ta chiah a, ka zi mar talh talh. Mahse, tunah hian keimah chauhin ka awm lo tih ka hrechhuak thut. Ka hawi chhuak a, Boss chuan min lo melh kar a.


"I zo tawh em ni?" a ti sup.


"Umm... ka type zo vek tawh e" ka ti a. Ka kut leh ka hnung, ka mawng te hi a na kham vek tawh.


"Duh aiin kan tlai, kan hawng mai dawn em ni?" a ti dam leh dap a. Mahse ka buai, vawiin hian sccoty ka keng lo. Kal lamah Lani nen kan kal a, mahse hna ka ban tlai avangin min hawnsan daih si.



"Aw le" ti sepin, ka indah fel a, room lam ka pan. Ka bag vel lain ka chhuak leh a, inpeih at-in a lo ding reng. Engtin nge ka hawn ang aw? Boss han tihbuai lah ka duh der si lo. Hotel a ni bawk a, mi an la awm ve a, zan rei lutuk a n ilo bawk nen taxi hman tur a awm mai ka ring. Pawn lam kan thlen chuan min kalsan mai dawn emaw ka tia...


"Hawnna tur i nei em?"


"Aaa... aih, nei lo. Mahse ka u ka phone mai ang"

"Min lo nghak rawh, ka thlah ang che" a tih chuan ka lo hnial vat a, mahse a hre lo der hmak. A motor a lak chhuah chhung nghak turin min ti a, a kal sawn nghal vut. A bula awm hian ka zam thei lutuk hi a hreawm. Ka hmaa a lo din chuan ka lut nghal a, hneh zeta stearing herh kualin a tlan chhuak leh nghal. Sawi tur avang si, ka hawi kual rak rak ringawt.


"Kha pa kha i bialpa a ni em?" a lo tih thut chuan ka melh vat a, mahse ani erawh chuan hma lam a bih ngur thung.


"Tu maw?" ka ti sep a.


"Mi pasal kha" a tih nghut chuan U Ropuia a sawina tih ka hria.


"Ka U a nih kha" ka ti nghek a, U Ropuia nen min sawi zawm an tum phet hlawm hi ka hrethiam lo. A bialnu Model-i sawite pawh a hria a ni ange.


"Takzet?" a tih leh sup chuan...


"Enge maw U Ropuia nen inngaizawng tura min ngaih tlat le?" ka ti vin deuh hlak a, ka bula awm hi tunge a nih tih lam ka ngaipawimawh thei lo, ka thinrim tlat, ka zak bawk.


"I thin ka tirim a nih chuan sorry" cool ruiha a tih leh takah chuan ka thaw hawk a, ka chau ve deuh aniang. Ka vin deuh chu nuam lo ka ti leh si.


"Ka insum hman lo a nih kha" ka ti ve leh sep a,
tawng zawm loin kan ngawi leh vang vang a, kan rilru kan kawm ve ve a ni ngei ang. Kan In kawng ka hrilh miah si loa kan In kawtah tak a din avang chuan mak ka ti angreng a, mahse hmanhmawh deuhin ka chhuk a.


"Ka lawm e, tluang deuhin i hawng dawn nia" tiin ka kalsan a, kan boruak dam ruih ni deuh churh si chu ka zo lo a ni. Ka nu a lo la meng a, ka hawn takah chuan min mutsan a,keipawh ka inti faia ka mu ve nghal. Ka mit ka chhin hlekin Boss ka hmu nghal zel a, ka meng leh kawk thin. A thu min zawh te chu ka ngaihtuah a, engvanga min zawt nge a nih le? Ka buai ru khawp mai. Ka mu hleithei bawk si lo, thawk ka la leh hawk thin a. Naktuk Saturday a nia, kan cousin ho in kan picnic dawn a, peih lo viau mah ila kal loh chi a ni bik si lo a, ka peih lo khawp mai. Lani lo kal ve rawh ka tia, ka cousin-te hi ka kawmngeih thei lo, an thiante an lo hruai veleh ang a, chuvang a nia Lani ka sawm ve ni .


Zingah ka alarm-in min tiharh a, nizan khan ka tal ka tal a, ka lo muhil ve ta aniang. Peih lo deuhin ka tho a, ka zing routine ka ti malh mal. Inhnuai ka chhuk chuan ka nu a lo tho tawh a.


"Morning" tiin ka zu kuah chiam a.


"A va mak chiam thin. Khaw maw... kha, hei, thingpui" a ti a.


"Nu, ka u te an la tho nange?"

"Tho tawh e, ti ila i u Zothana bak a la tho lo"
Kan ti nek nek a zing chaw chu kan ei leh tawh a, picnic turin phu lo fahranin ka insiam a. Top hain a chungah kamiz ka ha bawk a, Jogger pants ka ha a, Sneaker bun leh tawpin ka rocksy ka ak a, lukhum nen, ka inpeih chu a ni mai. Ka pu(Ka pa pa)te huan ramah picnic-na hmun rem deuh a awm a, chutah chuan kan kal thin. U Mami a kal dawn lo a, U Zothana erawh a kal dawn. Mi zi nuai nuai hi ka zo tehchiam lo bawk nen, kal loh tawp chu cousin dang te'n min ti leh fek fek awm si.


"Mate, i inpeih tawh em?" U Zothana lo au lang lang vang chuan ka chhuk thla thuai a, mahse ka hmuh tum loh deuh ka hmuh ve avang chuan ka ding dat a, ani pawn min melh ve ngur mai.


"Mate, hei, ka thianpa, in Boss ni bawk" tiin min lo hrilh zung zung a, ka u nen an lo inthian reng tih pawh ka hre ve chauh alawm le...


"Umm..."
Sawi belh tur ka hre lo.


"Ka nau hi chu tawngkam a thiam lo lutuk a, i hrethiam aniang chu" Ka u-in a tih bawrh bawrh chuan ka ngei ru hle. Sawi vak a ngai si lo a.


"Tawng thei deuh ai chuan a zia alawm" pakhat pa lah chuan a lo ti sup leh nghal. min melh reng avang chuan ka inthlek leh thin. Ka thawmhnaw inbel velah hian dik lo a awm emaw ka ti hial.


"U, Lani sawm phei a ngai dawn a nia" ka ti sep a...


"Umm, hei bawiha pawh a kal ve dawn alawm" a tih chuan ka mawl hmel viau ang. Mak ka ti lutuk chu ka ang deuh phuauin nia ka rin.


"Ahh... umm" ka ti ringawt a, chokaah ka luhsan daih. Ka nu te pawh hi khawnge an awm ni...?


"Mate, i inpeih chuan kan kal dawn ami?"ka u-in a tih chuan inak thain ka chhuak a, Duhkhirh-a a lo awm tawh lo.


"Pawnah min nghak"
Ka u chu ka en rang teh e, a la nui suk leh nghal. Engtin nge ka zawng tih a hriat ni.


"Ka zawng bawk lo" tih leh pawn lam pan ka rual a,a motor nghengin a lo ding awn a, min lo en ran avang chuan ka lai chhe hle.


"Bawiha motor hian kal mai ang u,ka motor ken veleh zel pawh a buaithlak, kan leng reng" ka u-in a tih leh chuan ka tap lo chauh a ni. Driver seat-ah chuan a thu lut nghal hmak a, hmanhmawh deuhin a hnung kawngkhar ka pawt hawng nghal. ka thut luh chuan a rum nghut a, ka ngaipawimawh peih lo.


"Ahmaah hian lo thu rawh" a ti sup a. Mahse ka hre lo der hmak. A hmaa thutpui tura kan inpawh em em ka hriat loh mai bakah a tul ka ti lo nasa. Ka bialpa pawh a ni lo. Tawng tuma a an leh chuan U Zothana a lo thu lut a, a hmui a chip hmak. Ka nui tet tet a, kan awmdan chu a naupang-chhia riau maiin ka hria. U Zothana'n Lani te in a hrilh a. Seat nghengin mit ka chhing vang vang. Ka peih loh dan chu pui tak a ni. Lani te in kan thlen chuan ka chhuk vat a.


"Vanlallan" tiin inchhung lam ka pan nghal a, a lo inpeih at tawh. Lo chhuah tum chu ka pawt lut leh a.


"Hei, kan boss a lo kal ve dawn nia" ka ti a


"Ehe! A ni maw! ava'n nuam dawn" a la phur hmel em em zui. Rum tawka ka melh avang chuan an inla mi tak thar leh vel a.


"Nuam dawn lo. Ama car-in kan kal dawn lehnghal" ka ti nai nai a.


"Aw, sawi theih a awm tawh loh chu kal ang" a ti a, min pawt chhuak nghal. A phur hmel lutuk chu ka haw hlur mai. Ka tum bar a, kawngkhar pawt hawngin min hnawh lut deuh nawk nawk a.


"Hmelmuk, min dim che" ka ti hlar.
Ka u a lo nui hak a.


"Lo nui bawk suh"
Ka naupanna hi a lang leh thin. Nizana boss ka vin vak kha ka la inthiam lo tlat bawk.


"Boss, i lo kal ve dawn ni maw?" in la polite tawkin an ti vel a, ka lo ner khum nawng nawng mai. An pathum chuan an inbe deuh hlawm a, kei erawh ka tawng peih lo.


"I va inla cool ve?" min nek talh talh pah chuan Lani'n a ti a.


"I tawng ka rui" ka lo tih khum. Min melh rum teh asin.


"I chhe sia(h)"

"Ka tha intih mah nak laia"

"Tawng thei si"

"I thei lo bik lo"


"Aaa...ka ning. Ihnial hrat em mai. Tlau hnialhrat thu duh hi i ni ve a, Pa chhun"a ti chiam a, ka nui hak hak. Ka u leh boss chu an titi a, hna chungchang te an sawi mawlh mawlh a, Boss pawh thum(Bass) deuhin a titi ve dut dut a, amah ngaihtuah chuan a inhmeh lo angreng, mahse ngaihthlak a nuam phian lawi si.


A hmun kan thlen chuan an lo ri nak nak hlawm tawh a, kan chhungkua hi kan hung ve a kan tam tham khawp mai. Vawin phei chu an thian te an hruai ve dawn leh nghal. Car a dah rem hnu chuan kan chhuk a, ka zi mar deuh talh talh a, an awmna lam pan turin kan phei chhat chhat a.


"Awii..."
kawng ka lo en lo nge, thing zung chhuihin ka tlu tep a, mahse Duhkhirh-a'n ka kawngah min lo vuan a.


"Fimkhur rawh" a ti thum dut a, ka hlauthawng angreng si, ka thin phu pawh a la pangngai lo.


Cont..


Zanin chu a sei lo. Min lo hrethiam mai r'u aw, kan buai ve lutuk a, ka edit tha hlei thei lo thin a ni.


Plz ads click💜


Saturday leh Sunday chu ka chawl dawn a,Inkhawm zan te alo ni bawk nen ka hman dawn lo ani Pathian zarah dam chuan Monday ah kan t(r)an leh dawn unia


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:31 pm

Chapter-5


Kimkimi tlau💜🌻



"I tha em?" Lani chuan min lo ti sawk sawk a, keipawh ka ding ngil tawh. Boss chuan ka kawng a chelhna chu a tinghet sauh a, a kut lum veng veng chu ka feel thei. Mipaah hian U Zothana tih loh chuan ka taksa hi an khawih ngai lo tluk a ni a, ka sa pap pap maiin ka hria.


"Ka tha, kalna ka lo en lo alawm" ka ti sawk sawk a, ka che sawn hret bawk. Ka chet sawn deuh tak hret avang chuan a kut chu a la thla ve ta a.


"I mit kha meng ve keu kuau la"U Zothana'n a lo ti veleh khauh a, ka melh ram ram mai. Mize zawi-awi tak a nei chung hian min fiam hi a peih lutuk a.

"Ka meng reng, ka en lo mai mai"
Lani nen kan kalsan a. Ka kawng chu ka tawk zeuh, ka thinphu pawh a la rang reng.


"In lo kal ve thei maw?" Nui s?ng chuan patea fanu Jenny chuan min lo bia a, tui vak lo chuan ka chhan let kha. Mipa an hruai hnem leh khawp mai, mipa hi an ngam sia(h). Kan mizia a inanglo hlawm lutuk hi an zinga ka tel peih loh chhan a ni. Thing hnuaia thutna awmah chuan Lani nen kan phei daih a.


"I unaute hi chu an va nung hiar hiar tak" Lani pawhin a ti ve thlawt. Hla ring tawkin an play a, an lam bawk. Huiham...!!! U Zothanate pawh an lo phei ve a, In te chhung atangin U Ropuiate chhungkua an lo chhuak ve bawk, U Nguri chu a hlim hmel khawp mai. U Ropuia leh U Zothana chu an inbia a, Boss pawh a ding ve reng. Ka u chuan kan kal ve tih a hrilh nge, kan awmna lam chu an lo hawi a. U Nguri hmel chu chawp leh chilhin a inthlak nghal. Bawihtea chuan phur lutukin ka lam a lo pan a.


"Anite" a ti lauh lauh bawk. Nui lui sangin ka lo en a...


"He nau hi chu ka ngaina, a nu hi ka ngei mai pawh a" Lani'n a lo ti ve hmarh hmarh, ka nuih suk a, bawihtea a lo thlen avangin ka lo rik pui hlut a.


"Anite, ka ngai che a" a ti ve reuh a, ka ngaih ve thu ka lo hrilh vat.


"Nunhlim, lo kal rawh le, i nutei a lo kal ve dawn a, va hmuak ang" Ka naute pawm lai lo pawh deuh sawk pah chuan U Nguri chuan a ti a, ka zak lutuk chu hreawm ka ti takzet.


"Nguri, nangmahin va hmuak mai ta che. A n? a ngai ve a nih kha "Engtik laiin nge U Ropuiate an lo thlen phei pawh ka hre lo.


"Ka fapa a nih hi, lo sawi suh" a ti ram hmak a, ka hawi chhuah chuan Boss pawh a lo ding ve reng. A mitmeng hriatthiam har deuhin min melh. Victoria lah chuan min chelh ve tlat bawk si.


"Lo kal rawh" a ti leh that a.


"Aih, ?nitei bulah ka awm duh" men pui pui chung chuan Victoria lahin a ti bawk si.


"Vic, ?nutei chu va hmuak la, in lo let hunah tui awmnaah khan ?n? Lanite nen kan kal dawn nia aw" Ka thlem ve ngial a.


"Va kal rawh. Nguri, min tih thinrim tum phet suh"U Ropuia aw ri pawh a dam fahran tawh lo. Tiang tur tih hriata lo kal loh mai tur a nia.


"Tan khanglang lo mai rawh, Ramropui"U Zothana ngaihdan a ni vak lo nge, che hrutin ka naute pawmlai chu a la sawn a, U Nguri hmeh bel deuh nawk pah chuan...


"I mizia hi ka sawisel duh lova, mahse ka nau i tih dan hi ka lungawi miah lo a nia,hetianga i tawngkhum leh i tihzah tur hian hmangaih takin kan enkawl bik lo a nia, ka farnu lakah hian i awmdan fimkhur tawh ang che" a ti deuh hmak hmak a. U Ropui inthiam lo hmel chu ka hmuh hmaih lo. A kal sawnsan ta reng a. Victoria lah a tap bawk. U Nguri pawh titauin, a fapa pawmin a kal ta a, ka thaw hawk mai.


"Mate, ngawi mai mai zel suh, a tul naah chuan tawng chhuah ve tur"
Boss chu a ngawi reng a, ka bula thutna ruakah chuan a lo thu thla a, ka lo insiamrem vat. U Zothana pawh Lani sirah a thu ve.


"Aa... Lan, a ho em mai, U Ropuia a inthiam loh em kha"


"Ropuia pawh hi a nep tlat, la sawipui that a ngai aanih hi"a ti deuh nghut.


"Lani, saw tah sawn min kalpui lawk teh"U Zothana'n a tih chuan,


"Ka kal ve duh" ka lo ti ve vat.


"A ngai lo, Bawiha kha lo awmpui rawh" tiin Lani nen chuan min kalsan daih a nih chu. U Zothana hian enge maw chu tum a nei alawm, ka va'n ngei tak.


"Zanah ka lo leng ang" Kan ngawih reng lai chuan a lo ti sup a, ka melh vat, min lo melh ve reng a.


"Aaa... tinge?" ka ti haw a, min kiai khum suk.


"Nula inah mipa a lenin enge a tih thin?" a ti nghut a.

" Ka hre nang" ka lo ti vat a.


"Takzet?" a tih hluai chuan amah enin ka bu nghat nghat.


"Ka lo rim dawn che" a tih chuan ka melh kawk.


"A teuh lo" ka ti nghal a,


"I phalna lak kher ka ngai am?i"a ti sup.


"Ka be chuang lo ang che"ka tih chuan mawl min tih hmel khawp mai.


"Tawng loin kan inrim anga a ni mai lawm" a ti awlsam leh et a.


"Boss" kan ti ringawt a, a rum nghut thung.


"Pawn lamah chuan ka hmingin aw" a ti thum ruih mai. Kan inbiak dan chu a ho viau nain a nuam ru phian a.


"Ms, awi ka tum loh deuhin" Kan pahnih chuan kan hmalam kan hawi rual nghal a, Model-i chu a lo ding reng. Nui sang anga lang siin a thinrim tih ka hai lo. Tunge thinrim lo bik ang, mahni bialpa hmeichhe dang bula a nui lai hmuhte chuan.


"Dinsang" Boss chuan a ti nghut a,


"I kal dawnte chuan min hrilh tur alawm, i rualin ka hawng tawh dawn a nia" Boss bulah thuin a nek talh talh a, enge ka hriat ni, chu thil chu hmuh nuam lo ka ti tlat. Ka chhungrilah hian tawt deuh up up hi a awm. Ka bula thu ho t�� sawia a nuih avangte khan beisei ka nei tihna em ni? Beisei nei turin a lakah enge ka beisei? Min rim tur thu a sawi pawh kha a fiamthu vek tihna. 'Remlalhruai, engtin nge i awih theih. Bialnu nghet a nei tih i hre reng sia' Keimah chu ka inhau mawlh mawlh a, an bula awm chu nuam ka ti lo.


"Nangpawh chu i lo tel ve a ni maw? Mi pasal ngaizawng ho hi chuan zah pawh dawn lo hian an zui kual reng chu a ni sia, ka khawngaih thin" min tih khum chuan tawng mai tur ka hre lo. Boss chu a ngawi reng a, ka tap mai dawnin ka hria. Boss laka beisei ka lo neih san nen, ani pawn ka ngaihzawn a la ring tho a ni ngei ang. Boss ngaihdan tur ka ngaihtuah vang ringawt pawn ka na thei nia. Ka awmdan hi ka hrethiam nek lo e, mahse hnehsawh deuha intawngkhumtira lo dawh reng ka tum teuh lo. A chawm ka ni lo ve!


"Pasalte pawh ni lo hnuaia mut inpeih reng leh mi pasal ngaizawngte hi an danglam chuang em ni le?" ti ve ngatin ka thawhsan a, tui awmna lam ka pansan daih. Tui awmna rem deuh mai hi a awm a, thutna siamah chuan ka thu mai mai. Engvanga anni pahnih ka hmuh avanga hreawm lo ti ve ngawt nge maw ka nih le? Jenny-te ho bengchheng lutuk chu ka hne khawp mai. Lani te lah khawiah nge maw an kal ni...


"I va riang ve?" Ka hawi chhuak a, Jenny thiante zing ami pakhat chu ka lam panin a lo kal a, ka melh peih lo. A rui tih lah ka hai lo.


"I va'n chhe lo ve, tunge i hming?"


"Ngawi la, awm mai mai rawh"
Mood fuh loh sa nen, ka ning tlat.


"I va chaltlai reuh e" tih leh min lo pan a rual, kei ka lo ding ve nghal a.


"Min lo hnaih tawh suh" Hlau angin lan duh lo mah ila ka tha hi a khur der der. Ka awmna hi a fal angreng sia.


"I kawlh dan vel hian min tiphur riau" A nui sawng a, a nui hmel chu ka rap lutuk. Vawi leh khatah ka rak chiam a, chu veleh hmanhmawh deuhin min lo pan a, ka hmui a hup nghal. Ka tal ve chiam chiam a, kan insual deuh ti tih nghal. Ka hmui hupna kut chu paih thlak ka lo tum ve ngar ngar a, ka paih thlaksak chuan, ''min pui ru'' tiin ka au leh chiam bawk. Ka samah min kek a, ka lu lei a na vawng vawng. Ka mittui a tla sawk bawk. Ka rilruin Vanmalsawma ka ko mawlh mawlh thung. Vanneihthlak takin ka au thawm an hria nge, thawm a awm nak nak a, chutih rualin ka sam kek tu-pa chu tu emaw hian a lo phih sawn dawrh a, kei ka lo inring tawh bik lo bawk nen tui an khuapah chuan ka tla thla nghal a, tui hi ka hlauh zawng tak a ni bawk nen, ka thi tawh ngei dawn hian ka hria, mahse vawi-leh-khatah ka kang dawrh a, tui chu ka hak nghal bawrh bawrh bawk.


"I tha em?" ti thum deuh baltu chu ka kuah rawk rawk a, ani pawn nghet deuhin ka kawngah a hmer.


"Ka thi dawn emaw ka tia" tiin ka tap nghal hlawp hlawp a, tunge awm ve tih pawh ka hre lo, ka ngaihtuah thei lo. Ka hlauthawng lutuk chu ka tap uar tulh tulh a.


"I thih ka phal lo"cool ruih chuan a lo ti leh a, ka thlamuang nghal em em ringawt. Rei tawk fe chu ka tap ang. Ka inhnit feih feih a.



"A thawmhmaw a huh vek"a ti sup a...


"Thawmhnaw ka keng alawm, Inah khian lo pawm chho la" Lani aw ka hriat chuan ka lawm kher mai. Ka zia tak deuhah chuan ka zak hnuhnawh lutuk a, ka hmai chu Mala awmah ka ti si ngar ngar a.


"Ka pawm ang che, i in tihhul vat loh chuan i damlo ang" a tih pawh chuan ka zak lutuk ka hawichhuak ngam lo. Kha mihring min lo tibuaitu kha hmuh leha ben hrep ka chak lutuk.


"I zak ami? Zak suh, tumah an awm tawh lo" a tih takah chuan ka lu ka tikang de de a. Lanite nen kan pathum chauh chuan kan awm a, Lani'n min lo nuih thaw ka hmuh chuan ka melh nghek a, min pawm deuh lawp a, In t��ah min hruai lut. Ka inthlak dawn avangin Lani nen min kalsan a.


"Ka hlauthawng lutuk alawm" Ka thawmhmaw min phelhpui sawk sawk pah chuan Lani chuan a ti a.


"Hlauthawng la khati the thu khan min nuih lo ang" ka ti let zek a.


"Aaa... kha chu in awm dan kha a lawmawm em alawm"a ti leh maia,


"ka zak alawm ka tap vak sia..."


"Boss bulah khan i awm reng emaw kan tia, i ngal chak lutuk hi i buaithlak a nih hi"a ti hlak hlak a.


"A nih engtin nge min lo hmuh, tunge kha pa lo pawt hrangtu kha"ka ti a,


"Inchhungah i u nen khan kan lut zuai a, Boss bulah i awm dawn emaw kan tia kan ngaih a tha a, mahse i au ri kha kan hre ta sia kan lo tlan thla nghal a, midang pawh an chhuk thla ve tho. Boss kha a lo thleng hmasa ber a, lo tibuaitu che kha a pawt hranga a hnek nghal chawrh alawm. Mahse nangmah kha i lo ding nghet lo nge, tuiah i tla sia a chelh hman lo che a nih kha. Vawi khat hnek leh chawrhin a lo zuang lut ve nghal alawm"a ti sep sep a. Mala awm dan vel a sawi chuan ka lo lawm em em ringawt, zahthlak zawk hian.


"A bialnu a lo kal a, lo awm ve reng kha a nuam hleinem. Chuan amah pawh kha a huh vek ang a. A nih kha pa kha engtin nge in tih tak?"ka ti zung zung a.


"A chhakah kan chhohpui a, i u-in a sawisa veleh alawm. Mahse U Ropuia'n a lo dang vat a,Dinsangi zah lohzia chu 'a falin a awmpui ngam a nih chuan au kual vel a ngai lo a nia' a ti lar lar a, i u insum thei lo khan 'ka nau hi nang anga lepchiah a ni lo, ka hawntir i duh loh chuan hawng rawh' a ti fak fak a, Ngurthanpui'n a huatpui dawn a, U Ropuia'n 'in pahnih khan hawng r'u' a tia. Kan buai nuai nuai alawm, an hawng ta nge pawh ka hre lo. In awmnaah ka lo chhuk thla veleh daih alawm" Ka hriat lohin an lo buai ru hle a nih chu a, a va zia lo tak. U Zothana mipa dam dap tawng chhuah atan chuan a mak a ni, mahse a insum hman bik lo a ni ngei ang.



"Boss kha a huh vek awm sia"


"Ngaihtuah suh, i u-in a buaipui ve mai ang,kan buai sia chaw pawh kan ei dawn lo, kan hawng leh dawn"a ti zung zung a, ka tha khur pawh a la reh hlei thei lo, Hawn chu pawi ka ti lo viau a ni. Ka inthlak fel chuan kan insiam sawk sawk a, kawngkhar lo ri rawkin U Zothana leh Mala an lo lut a.


"Mate, i tha em?"a ti dam dup a.


"Umm... ka tha"ka ti sep a.

"Kan hawng mai dawn em ni? Kan buai ta nuaih sia"a tih chuan ka bu nghat nghat a, U Zothana leh Lani chu an kal hmasa a.


"Boss," ka ti sep a, a kal lai chu ding datin a rum nghut, min melh run a,


"ka tih, Mal" a hminga ka koh chuan ka lai deuh tut nia.


"Sawi rawh"

"Ka lawm e, awm lo la chu" ka ti sep a.


"Fimkhur tawh la, kal ang le" a ti a, ka zui ve dat dat. Tawngkam thlum hi a nei lo ve ngawt mai. Chau zetin kan in ka thleng a, ka intihfai hnuah ka mu nghal hmak. Ka chau takzet. Vawiin ka thil tawnte avangin ka tha hi a la khur ru der der a, ka nuin thil awmzia min zawh pawn ka chhang peih lo. U Zothana kutah ka dah tawp. Chaw ei dawnah min lo kai tho a, tlemin ka zia deuh. Peih lo deuhin ka chhuk thla a, min lo nghak a, ka kil ve nghal. Ka pain tawngtainate a hmang a.


"Ka fanu, i chau em?"


"Zep loh chuan ka chau, ka thil tawnte nen ka tha khurte hi a reh hleithei lo"ka ti ve sep sep a.


"Kha pa pawh kha a lo harhfim tawh a, a thil tih a hre chhuak hleithei lo. A rui sual ve deuh a nih kha, thil pawi liantham a thleng si lo a tiin kan ngaidam mai a nih kha"ka pa chuan a ti dap dap a.


"Tinge in lo ngaihdam leh thawt thawt. Reilote chu tan ve tur alawm" U Mami chuan a lo ti nghat a.


"Mami, chutiang tur a ni lo, keipawh ka thinrim alawm, mahse ani pawh a inthiam lo a ngaihdam min dil mawlh mawlh a, matei pawn harsatna a nei lo a, kut a tuar tawh tho a kan ngaidam a nih kha" U Zothana chuan a ti sup sup a.


."In rilru hi a tha sia" U Mami'n a ti hmak. Ka pate chu an ngawi reng a, kan chaw ei kham chuan TV te enin kan thu khawm a, mahse U Zothana a night dawn a, U Mami pawh a bungrua vel a tifel dawn aniang. Ka nu leh pa nen kan pathum chuan kan thu a, Chanchinthar kan en lai chuan door bell a lo ri a ka tho vat, kawngkhar ka hawn chuan ka beisei loh deuh mai ka hmu a, ka en reng ringawt.


"Min lawm teh chiam lo a ni maw?" Thum duta a tih chuan ka inthing harh a...


"Aaa ...aih"ka ti nawk nawk a.


"A nih chuan luhna tur min kian dawn lo ami?" Kaa ding sawn rang asin. A lo len tak tak ka ring lo a nia. Common room lamah chuan kan inzui phei a.


"E... Mala, nang i ni maw?" Ka pa chuan a lo ve vat a.


" Ka pu, in dam maw?"Polite deuh chuan a ti a, a thu thla nghal. A ep chiahah, ka nu bulah chuan ka thu ve a.


"Dam alawm, in dam zawk maw?"


"Dam ve e, Zothana a night em ni?" Upa lam kawm chu a thiam phian a.


"Umm... a nih hi, enge, pawimawh deuh a awm nge, i lo leng lut satliah"


"Umm, hey, Remremi hi a tha nge tha lo ka lo ngaihven a" a tih chuan tul lo kan ti khawp a.


"A ni maw, hei, a tha reng mai, i chungah kan lawm tak tak a ni, i lo awm hlauh a"
An ti ti luam a.

"Nu-i, thenawm pa chu kan va kan dawn em ni ang? Hei, Mala a awm tho a" ka pa chuan a lo ti a, awi, kal lo se ka ti ngawih ngawih.


"Bawihi, thingpuite kha lum sak la aw"


"Mala, lo leng rawh aw, thenawmpa saw a dam lo an tia kan va lang ve lawk ange"ka pa chuan a ti leh luam a, an chhuak ta. sawi tur avang si, Mipa inleng hi ka nei ngai lo bawk nen ka lai lutik hi bo daih mai ka duh.



"Min biak chu i tum lo tak tak a ni maw?" A tih sup chuan ka melh a, min lo melh ve reng. A mit meng fiah kak leh pa hrak chu ka melh rei ngam lo.


"Chu pawh a ni lo e a,coffee ka lo siam ang che"tiin ka tho nghal a, ka siamsak vat vat. Tinge maw kan inah a lo len ni? A bialnute in-ah khan len daih tur a nia. Mahse a bialnu tih ringawt pawh chuan min tihreawm. Awi, ka zah lohzia hi. Ka siam zawh chuan ka phei veleh nghal, a epah chiah ka thu leh a, ka phone a lo ri ve chiah bawk, ka n? a nih avang chuan ka la nghal thuai a...


"Aw, N?"


"Mate, i pa mte an awm em? Ka phone-a an la thei miah lo"a lo ti a, a aw chu a hlauhthawn hmel riau.


"Aih, thenawmte inah an leng a ,tinge, Ni?"


"Hei, i u Ropuia a thinrim lutuk a, an nupa an inhau a, an ri rum rum mai"a tih chuan ka thutna atangin ka ding zawk ni maiin ka hria.


"Tinge, enge a chhan? Chutia thinrim ringawt"


"Ka hre lo, a sawi duh mang si lo a, i pate chu lo kal teh se"a ti a, a dah nghal daih. Mala han tlanchhuahsan em chu ka tia kan thenawm nula chu ka call a,


" Nono, anu-te kha lo hawng teh se aw, thil hmanhmawhthlak a awm a"ka ti a, a ko nghal. Ka hlauthawng ru hle a.



"Engkim a tha em?"


"Aaa... tha chiah lo"ka ti sep a, ka pate pawh an lo lut nghal.


"Pa,an?-in kan inah lo phei nghal rawh a ti. U Ropuiate nupa an inhau nasa a niang, U Ropuia a thinrim lutuk a kan ri rum rum mai a ti"ka ti zung zung a, ka nu pawn mak a tih hmel viau. U Ropuia hi a thinrim tawpah pawh a ri ve rum rum ngai lo. Vawiin thil thlengte ka ngaihtuah a, vawiin lam thil vangte kha em maw ni le ka ti rum rum. Ka pate chu an kal nghal a.



"I ngaihtuah hle mai maw?" Ka ngaihtuahna ka kawm vung vung lai chuan a lo ti sep a,


"ngaihtuah ve bawk e"ka ti sep a, a ngawih tak reng avang chuan ka va en a, ani lah chuan ka awm bawr a lo melh ngar thung. Che hrutin ka awm bawr ka hup a, a nui hawk thung.


"Naupang neih tiat lek"a tih chuan ka huat tawk a tling, ka melh ram ram a.


"Ngaihzawng i nei lo tiraw?" A tih leh chuan, a thusawi in-tu-ha lo kual lutuk chu ka man thiam lo.


"Aih, nei lo"ka ti ve maia.


"A nih chuan ka ngaihtuah che phal rawh"


"Ma...Maw?"


"Ka ngaihtuah che remti rawh"a tih leh chuan ka melh reng ringawt.


"Min bem tihna em ni?"


"Chutiang chu"a tih leh chuan...


"Bialnu i neih reng kha, i sawi lo angah ka ngai ang"ka ti hmuk a, bialnu a nei renga min bem kual vel chu ka ngei ru hle.



"Dinsangi kha ka bialnu a ni lo"a ti hmuk a,


"ni lo se kha ti khawp khan a hnaih lo ang che"


"Insawifiah dan ka thiam lo, mahse ka bialnu a ni lo" Nghet churha a tih chuan ka thaw hak.



Cont....


Ka thiannu proof reading min tihsak tu kha abuai thei lutuk a duh angin ka regu theilo min hrethiam dawn nia🌻😊


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:31 pm

Chapter-6

Kimkimi tlau💜🌻



Kan ngawi leh ren rawn a,sawi tur ka hre tawh thlawt lo a ni.


"Kar tharah hian Champhai lamah kan zin a ngai dawn"a lo tih chuan ka melh vat.


"Ka kal ve kher a ngai em ni?"
Pu Liana kha chu ka kalpui kher ngai lo.


"Ngai dawn lawm ni,ka Parsonal Assistance i nih hi"a ti nghut a, ka melh ram ram mai.


"I duh khirh thin si"ka ti nai nai a, a la kiai suk leh nghal.


"Ka hmeltha tho alawm"


"What!" ka ti chhuak thawt. A thusawi chu ka hriat sual emaw ka ti hial. Ka tum loh deuhin ka au deuh chiam lehnghal. Min nuih suk suk lehnghal a, chutih lai chuan ka nute an lo hawng. An hmel atang chuan an thinrim hmel deuh riauin ka hria, mahse Mala chu tha deuhin an be tho a, an hmel atang chuan Boss chuan a lo hrethiam ve reng a niang haw a rawt a, ka thlah a phut kher bawk, a va'n mak tak. Gate thleng ka thlah a.


"Ka dawh thei vak lo a nia"
A car bul a thlen dawn chuan a lo hawi let leh a.


"Ka chhang ang che pawh ka tih loh kha,bialnu i nei lo ngei em tih pawh a chiang lo"ka ti hmak. A thaw hawk a...


"Ok, fine. Thu dik tak chu i hre thuai ang,muttui le, ka bialnu hual" tih lpah chuan min kalsan nghal daih a, motor-ah thu lutin a tlan chhuak nghal daih lehnghal. Inchhungah chuan ka lut nghal thuai thuai a, ka nu leh pa chu an lo thu reng.



"Nu, enge chanchin, U Ropuia chu tinge a thinrim?"
Ka hre chak em a ni.


"Aaa... Nguri'n ngaihzawng a lo nei a ni awm e" a tih chuan mak ka ti thlawt.


"Tak tak maw? A va'n mak ve" ka ti chhuak hluai. A mak ka ti ve em bawk a ni.


"Ni e, a mak khawp mai. Ropuia pawh a thinrim em kha"



"Engtin nge a hriat chhuah theih?"


"An inbulah a bialpa nen chuan an lo inhmu a niang, Ropuia'n a lo va hmu a niang"ka nuin a tih chuan U Ropuia hrehawm dan tur leh nat dan tur ka lo ngaihtuah. Ani ang mipa rilru nghet leh rinawm chawt tana bum nih inhriat chu a thinrim pawh awm ka tihpui a, U Nguri chu ka ngei ve ngawt bawk.


"U Ropuia nen min thik em em a, ama thiam loh lek a nih chu a"ka ti a. Zan a rei tawh avangin mu turin ka chhohsan a, Lani ka call...


"Lan, thil mak deuh ka hrilh ang che."


"Han sawi la..."


"U Nguri a uire."


"Umm..."


"Mak i ti ve lo ami?"
A lo te chul ka ring a nia.


"Ka rin sa alawm,a thik kual peih lutuk avang ringawt che pawh khan ka ring vak tawh hleinem. Ka hrilh tawh che kha, kan tihsual hi chuan tisual ve tur hian kan ngai thin"a tih chuan a thusawi kha ka hre chhuak leh a, a dik ka ti viau.


"Umm... chuan, sawi duh dang ka la nei."


"Han sawi la"a ti a, ka mutna ka siamrem a,

"Boss-in min bem."


"Tak tak maw?" A lo ti chul a.


"Aw."

"Engtin nge i chhan?" A lo tih chuan...


"Ka chhang lo, bialnu a nei reng alawm. Min bem kha ka hau a"ka tih chuan a lo chek tlak tlak.


"Awi, mawlmuk. Tunge a bialnu chu?" A lo tih chuan...


"Kha, Model-i kha, U Nguri cousin kha."


"I va han news lo tak em,kha nu kha a bialnu emaw i ti maw?" A lo tih chuan...


"Niang chu, vawiin pawn an awmdun a, ka kalsan ka tih kha."


"Aw... Boss-te chu duh e, mahse Boss-in a duh hleinem. Mipain a duh loh ten an in ngaizawng thei nang."


"Enge i sawi awmzia?"

"Dinsangi khan pasal a um."


"Enga! Vawiin pawn kan bulah a awm reng kha."


"Nia... zanin khan."


"Engtin nge i hriat? I va'n hre thei ve."


"Aw, a bialpa kha ka bialpa hlui nau a nia"a lo tih chuan ka nui hawk hawk a.


"Chuan, boss chu i chhang dawn em?"


"Aaa... Lan, ngaihzawng neih ka la peih lo."

"Awi, Remlalhruai, chutiang sawi kual lo chuan chhang ang che. Nge, nang hian i lo duh lo hrim hrim"a tih chuan chhan mai dan tur ka van riau mai. A hmeltha ka ti a, chhe lo ka tiin ka mit pawh a la takzet tih ka hai lo. Mahse, ka duh reng em? Khing ka sawite khi duhna a nih chuan kei hian Vanmalsawma hi ka duh a ni.


"Ka hre lo"ka ti sep a.


"I duh a nih chu."


"Engtin nge i sawi mai theih, keipawn ka hriat loh chu?"


"Rem, nang aiin ngaihzawng lamah hian ka hriatna a zau zawk a, kan duh lohte lakah hre lo tih tawngkam hman a ngai lo, kan duh lo tawp mai a ni"a tih chuan ka thaw hak ringawt.


"Nia, nia, ka mit a la a,ka mipa suangtuah thin zawng zawng chu amahah hian a awm vekin ka hria. Mahse, ka natna turte a lo ni ang tih ka hlau, ka hlauthawng a nih ber chu"ka ti chiam a.


"Khatiang kha chu kan awmdan a ni vek thin alawm, i hlauhthawnna avang khan i mi duh chu i kaltir mai ang maw? Nakinah i inchhir mai lo'ng maw?" A lo tih leh chuan...


"Aaa... ka hrethiam lo."
Ka ke chu ka leng kual vak a.


"Aw, kan Remlalhruaii meuh pawhin duh a nei ve ta chu a nia,a mi duh lahin a lo duh let ve lehnghal. I va vannei lel lul tak"a lo fiamthu leh hlut a.


"Lan, i ninawm em mai."


"Chhang ngei ngei ang che."


"Ka be hmasa duh teuh lo."


"Nia, mipa dik tak a nia lawm, a lo bawhzui ang che, nghak rawh. A lo biak hunah che lo mawl fal lo la, nakinah zei tawka ngaihzawngte biak dan ka zirtir ang che"a lo tih leh chuan ka vin chiam a, a lo nui hawk hawk. Kan dah chuan a tlai leh duai tawh. U Ropuia ka ngaihtuah a, U Nguri chu a ngaihdam ka ring hauh lo. Victoria lah ni se naupang mai a la ni si, keima tawkah ka lo hah ve em em ringawt a, Zan chu ka hmang liam veleh ta. Zing ka harh veleh ka phone ka en nghal a, mahse ka beisei tak ka hmuh loh avang chuan ka lunghnur hle. Sunday hi chuan exer ka la ngai lo a, ka mu rei ve thin.


'min duh thu a sawi a min biak pawh a tum miah lo." Ka phone chu ka en reng a, ka rilru erawh chuan 'in inngaihzawn hma hauhin tiang hi a nia' tiin min lo hrilh hmanhmawh bawk. Ka sam chu pawt nawk nawkin...

"Aaa... Vanmalsawm, min ti ? zo dawn"ka ti chhuak vak a, mut luih ngial ka tum pawn ka mu hleithei lo. Inti faiin inhnuai lamah ka chhuk a, ka ni-te an lo awm.


"Hmalak dan tur pawh ka hre lo. U Kim, engtin nge ni ang?"Ka n? chuan a ti hliai a.


"Ropuia pawh puitling a ni tawh a,a duh dan anga hmalak kha a tha ber e a"ka pa pawn a ti ve charh charh mai. U Ropuia leh U Nguri hi inhmangaih vanga innei an ni lo. U Nguri hian U Ropuia fa a pai avangin U Ropuia mahni mawhphurhna tlansan ngai lo chuan a lo pawm a, a dawhthei thin a nia.


"Bawiha hi chuan then nghal a duh a,mahse Vic-a kan bulah a awmse a duh bawk."


"A hmeichhia zawk uire a ni a,Victoria lah thil hrethiam rual a ni ve tawh a, a nuin a kawl ngawt chhan tur a awm tawh hleinem. Tisualtu zawk an ni lehnghal" ka nu chuan a lo ti ram ve hmak a.


"Ni chiah mai,inti fel thuai thuai i la ka duh. A zahthlak em mai. Laitual pawh kan leng ngam dawn lo." Ka ni chuan a ti veleh a, eng eng emaw an sawi duah hnuah an hawng ve a. Ka nu siam zawh loh chawhmeh chu ka lo siam ve sawk sawk a.


"Nu, sangha hi kan tur ami?"


"Sangha buhchiar ka ei peih lo a nia." U Mami'n a lo tih chuan ka melh ram ram a, a la nui thaw lehnghal.


"Kal mai teh."Sangha buhchiar a lo tih chhan hi a hmain sangha hi ka la kang ngai si lo a, ka chhungte awm loh laiin eirawng ka bawl ve e ka tia, sangha kan kha chawh vak loh tur tih hre hek lo, ka chawk ngun sia a sawm vek a, 'sangha sawhchiar' min tihsak a. Ka pa pawh a nui tawp, tlaia kan chhawp kha chu U Zothana pawh ri meuhin a nui ve hawk hawk kha a nia.


"Ka lo kang mai ang aw.Buhchiar chu a hling a den em mai" a ti leh talh a.


"Kha kang vek rawh, i sual si" ti hmukin ka chhuak tau nghawng nghawng a, ka beisei msg ka dawn loh vang nge ni pawh ka hre lo, ka mood hi a tawih ngawih ngawih mai a ni.



"Kha, ngati ber bur nge?" Ka pain a lo tih chuan sofa-ah ka thu tau chawrh a.


"Kha, sangha buhchiar ka ei peih lo ka tia a titau a nih kha" U Mami'n a lo tih lawng lawng chuan ka pa a nui hawk hawk. Ka nu pawh a nui a.


"Aw, a tui alawm le, ka fanu siam a nih phawt chuan..."



"In sual hlawm sia(h)."


"Pasal nei rual ve tawh si hi i la titau bur bur a" ka nu-in a lo ti leh kher a, kan zing hun hman dan chu chhungkaw dang ang tho a ni. Chaw kan ei a, ka phone chu ka bih leh zeuh zeuh thin, ka nu phei chuan, 'tinge i phone chu i bih reng a' a ti nghe nghe. Kan inkhawm a, thusawi pawh ka rilruah a lut hleithei meuh lo. Rilruah thil dang vei neih phei chuan kan inkhawm bang chu inah ka hawng a, khumah ka let nghal tawp.


"Bawihte, kan feh chhuak dawn a nia aw" ka nu-in a lo tih chuan, 'aw le' ka lo ti ve vat a. U Mami chu ka room-ah a lo lut a, zam lo fahranin ka closet-ah a lut tlang nghal a.



"Mate, i top hi ka ha dawn a nia."


"Ha rawh. Ha suh pawh ti ila i ha leh tho ang" ka ti zui nang nang.


"Ha dawn tho e..."


"Enge i tih dawn, i leng dawn mi?"

"I va han mak tak, kan fellowship dawn. Kal ve ta che, thlalaiahte hian inhman ve tur" a ti zui hlak hlak a.


"Vawiin chu ka peih lo" ka tihsan daih a, an chhuah diak chuan in a reh leh sawt mai. Lani ka msg a, lo leng rawh ka va ti. A lo kal tur thu a sawi ve ngei kha. Ka phone chu ka bih deuh sek a, ka tum leh bar mai. Ka lo muhil nge doorbell ri chuan min tiharh a, Lani a ni tawh ang. Ka mit nuai nawk nawk pah chuan ka chhuk a.


"i va'n rei em em" kawngkhar hawn pah chuan ka ti a, ka mit ka la nuai tho. Mahse min chhan lawk loh avang chuan ka hawi chhuak a.


"Ehe...!" ka ti thawt. Vanmalsawma lek chu lo niin, min lo melh reng a, nuih za hmel a pu deuh.


"Luh i phal lo em ni?" A tih chuan kawng ka kian a.


"U Zothana a awm lo, ka pate pawh."


"Nang i awm alawm" a ti awlsam et a, a msg ka chang reng a, mahse amah zawk a lo lang chu awm dan ka thiam leh si lo. Common room-ah chuan inhmatawn zawngin kan thu a.


"Coffee i duh em?"


"I phal chuan." Choka lamah ka luhsan daih a, ka hmai chu ka dawm vang vang bawk, rei deuh awm bosan chu a ni bik si lo a.


"Dinsangi'n pasal a um" a lo tih chuan. A ngaihna hre lo zetin ka en.


"Bialnu ka nei lo, Dinsangi kha ka bialnu emaw i ti a ni lawm ni?" a ti a. Insawifiah a thiam lo ve hle mai.


"Umm... ka hria lawm" ka ti sep a.


"Chuan?" a ti thum dut a.


"i rilru a na em? I bialnuin pasal a umsan daih che sia." Ka tih fiam chuan a phun hluk a.


"Rilru na tur khawpin kan inlaichinna a thuk lo" a ti nghut a, ka fiam mai mai kha a nia, a thutak ve hle mai.


"A tha lawm."


"Ka zawhna chhanna chu ka hre duh tawh khawp mai" a tih chuan ka lai leh ngawt.


"I hmanhmawh e" ka ti a.


"I awih em chu ka hre lo,ka hmeichhe bem hmasak ber i ni, mi ka nghak ngai lo a, ka nghah hmasak ber i ni bawk" a tih chuan a hmel ka en, a thutak run mai bawk si. A thusawi chuan min tihlim veng veng. Ka ringhlel miah lo bawk.


"Umm, keipawn ka duh che,mahse thil pakhat" ka thusawi vang chuan a hmel chu a inthlak hlawka, phurna a mitmengah chuan ka hmu thei.


"Sawi rawh." A hmel ka en reng avang chuan ka sawi tur pawh ka theihnghilh dawn...


"Ihh... min ning a min duh tawh lo a nih hunah, chumi hunah chuan hmeichhe dang nen min kawp loin min hrilh rawh, chuan ka inthiarfihlim zawk ang" ka tih chuan a rum nghut a, ding chhuakin ka thutna lamah a lo kal, ka sirah lo thu thlain, ka kut chu a lo vuan a, ka mur chhuak chuaiin ka hria.


"Tawngkam ka thiam lo a,sawi duah ka thiam hek lo, mahse min ring rawh, ka hming ka hriatchian tlukin nang hi ka kalsan ngai dawn lo che tih ka chiang. Min hne a min kalsan a nih loh chuan. Ka hmeichhe tawn tawhah a danglam ber i ni, i engkim hian min hip a, hnaih lo thei lo chein min siam a ni" a ti dam ruih a, a mitah tak ka melh ve reng. Ka biangah dawmin min awm hnaih hlek a, a tih tur chu ka hre ve, mahse engtia lo awm tur nge ka hre lo. Ka mit ka chhing tawp a, mahse doorbell a lo ri. Rang lutukin ka ding chhuak zawt a, Mala erawh a phun hluk thung.



"Ka... ihh... ka va hawn ange" ka ti nawk nawk a, ka tlan phei nghal. A nui ri suk tih pawh ka hria. Kawngkhar ka hawn chuan Lani a lo ding reng a.


"Ihh... a awm." Lo luh mai a tum lai chuan ka chelh ding a.


"tu chu maw"hrethiam lo deuh chuan a ti a


"Aw, Boss... Ah! Mala a awm" ka tih chuan a meng kawk a.


"Ehe! Nang hi i va ngampa ve. Nizan lawkah a bem che a, i lo awmpui nghal maw..." a tih chuan ka beng dawt a.


"I zak lo, i ngaihtuahna sual kha dah bo rawh" ka ti hmuk a, min la nuih vur vur lehnghal. Lani nen kan inzui phei chu min en reng a.


"Boss, i lo awm ve a ni maw?"


"Umm... a nih hi, hei ka rim ve e ka tia, min be tha duh si lo a" a lo tih let chuan ka melh khai khai a, min la nuih suk lehnghal. Ka sawi tawh em? Vanmalsawma hi a nui mawi takzet a.


"Hrethiam rawh, a la naupang a..."


"Inzak lo em mai" ka ti ve ta nge nge.


"I awm tawh tho a ka va hawng tawh ange, hna khawih tur ka nei nual a" Boss-in a tih chuan...


"Aw, ka lo kal vang ami ka chhuak leh mai ang." Over tawka Lani'n a tih chuan a nuih mai a.


"Ni lo ve, kei nite chu kar tluanin kan inhmu leh dawn alawm. Duati min lo thlah la" a tih chuan ka melh haw, tunah khan engtin maw min koh. Lani'n min nam avang chuan ka zui chhuak ve a.


"Zanah ka lo leng hman dawn lo a" a motor bul kan thlen chuan a ti a, ka lo hnual nghal rawih.


"A pawi lo, kei ni pawh kan inkhawm dawn a"


"Naktukah ka lo lam ang che, min lo nghak dawn nia" hnial ka tum lai tak chuan min lo fawp thut a, awmdan tur ka hre lo. Ka vawi khat tawnna a nia ka lo dawh mawl tawp a, ani erawh duhthusamin a zei. A inlak hran hnu chuan ka biang tawn tawn ah vuanin...


"a vawikhatna ka ni, a dik tiraw?" A tih chuan ka hmai a sen talh talhin ka ring. Ka bu nghat a.


"Ka lawm takzet, infawh ka uar dawn a nia" a tih chuan ka melh nghek a.


"Tih nawn leh chak viau mah ila hun kan la ngah tho, i thiannuin a lo nghak rei ang che, lut tawh rawh" a ti a, ka biang khuapna pawh a la thla a.


"Kal hmasa la" ka tih ve tlat avangin a kal hmasa a, a hmuh theih thleng ka en. Ka hmui chu khawihin ka nui a, inchhung ka luh chuan Lani nen kan titi a, ka thil tawn vel ka hrilh a, a changin kan nui a, a changin ka titau a, tlai eirawng bawl dawnah min hawsan a, zanah chuan a sawi ang tak takin a lo lang lo a, msg ka chang reng a, mahse msg takngial pawh min lo thawn lo. 'a bialnu chu ka ni ve a, hetiang tho hian mi le midang inngaizawngte pawh hi an awm le'ka ti chhuak hluai. Mood chhe zetin ka mu a, kan ni khat ni a ni ve a, vawikhat call chu sawi loh, msg pakhat pawh min lo thawn lo.


Zingah ka alarm riin min tiharh a, peih lo deuhin ka thu chhuak. Ka tih ngai loh angin ka phone chu ka ban hmasa ber a, beisei vak loin whatsapp-ah ka lut. Ka msg dawn avang chuan tho chiah e ti lo chuan ka nui vur vur a.

'Ka hman ve chiah, i mu tawh em ni?" Dar 11:30 ami a ni a...

'Muttui, ka bialnu mutduhte" Dar 12:00 vel ami.

'Morning.'
Hei erawh nichin lawk ami a nih hmel.


'Morning' tia reply letin ka morning routine ka ti sawk sawk a, exer la turin ka chhuak nghal. Nizan ka mood chhiat tehlul nen a msg pathum lek pawn min tihlim veng veng thei chu a mak ka ti.



Cont...

Plz ads click aw😁 angaihnawm em comment lamah lo sawi ve ula💜


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)