20. Minute.. by Emanuel_huha (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: 20. Minute.. by Emanuel_huha (Completed)

Unread post by Ngaia » July 3rd, 2022, 1:39 pm

20 Minute. Bung-7 na
Zîng khua a var chuan mi zawng zawng te chu an insiam sap sap a,kum hnih zet lo awm ho tawh an ni bawk a,tu te mai pawh an in nêl in an in ngaina em em vek a,tichuan chulai hmun chu chhuah san in kolkata Airport lam chu an pan ta a.kolkata Airport a țang chuan Mizoram lam lam pan in an thlawk haw leh ta a.
Lengpui Airport ah chuan an chhûngte țheuh in an lo hmuak a,Hluna pawh chu a nu leh pa te leh Sarahi leh Remremi te chuan an lo hmuak ve a.Hluna chu thlawhna a țang chuan chhuak in,kailawn ah chuan a han chhukthla a,Sarahi chuan,"a putea,"tiin a tlan nghal vat a,Hluna chuan lo pawm in,"e heee,bawihte,i lo dam țhin em?kan in hmuh loh chhung in i lo lian tawh hle mai,ka pawm zo lo țep tawh che a lawm le,"a ti a,Remremi a va hmuh chuan mak tih hmel deuh a en in,"e Remrem,i lo kal ve elo?"a han ti a,Remremi chuan,"nia,vawiin te chu a pawimawh em a lawm,ka lo kal lo thei hlei nêm,"a ti a,a nui var var a,Pi Hruaii chuan,"Remremi te chu a fel em a lawm,vawiin ah in rawn haw dawn tih a hria a,kal ve ngei ngei a tum a,tukin ah pawh chawei kham a lo kal nghal a lawm,"a lo ti a,Pu Rina chuan,"i zuk tluang maw?a nuam em?"a lo ti ve vat a,Hluna chuan,"aw tluang e,a nuam khawp mai,"tiin a lo chhang a,Pu Rina chuan,"a țha e,i zu tlingtla fel thei a,"a ti a,Hluna chuan,"nia,mahse kan la zo chiah lo a,"a ti a,Pu Rina chuan,"eng nge i sawi awmzia?"tiin a zawt ha a,Hluna chuan,"hotu te lam a țang in training sang zawk ti tur in min tia,ti țha an thlan zing ah ka tel ve a,chûng tițha an thlan te chuan training sang zawk in kai ang,an ti a,"a ti a,Pu Rina chuan,"a nih te chuan a țha hlei hlei a nih chu,a eng a mah hma in i kaisang nghal a ni mai a lawm,"a ti a,Hluna chuan phûr hlim hmel pu sâng chung,"nia,"a lo ti a,Pu Rina chuan,ti teh u,i haw tawh phawt ang u,chulam chu nakin ah kan la sawi ho zawk dawn nia,"a ti a,motor awmna lam chu an pan ho ta a. Hluna chuan,"ka pa,motor chu ka lo khalh dawn em ni?"a ti a,Pu Rina chuan,"awle,a țha a lawm,Remrem,a hma ah khan țhu mai rawh aw,"a ti a,Remremi chuan,"awle,tiin a lo chhang a,a hma ah chuan a țhu lut nghal a,Pu Rina te nupa leh Sarahi chu a hnungah chuan an chuang lut ve nghal a,in lam pan chuan an tlan haw ta nghal a.
Hluna ten in an thlen meuh chuan chawhnu dar hnih a ni tawh a,in ah chuan Pu Zuala nupa leh Kimkimi te nufa leh,Hluna U te chhûngkua nen chuan an lo awm laih laih a,Hluna chuan motor chu ti ding in,motor a țang chuan an chhuk a,inchhûng ah chuan an lut ta a. Hluna chuan a U Sangpuii te fapa Sarahi nau chiah Kimkima chu a han pawm a,"e hee,hei pawh a lo lian ve tawh hle mai a,in hmuh loh chhûng in a lo lian hle mai,"a ti a,Sangpuii chuan naute hnute a lo pe mek a,Hluna bawk chuan,"â hei pawh,naute thar a awm a ni maw,khawi maw,"a ti a,a biang ah chuan an piai nâ nâ a,Sangpuii chuan,"kha Kimkimi te naute pawh a kal thei tawh a nia,"a lo ti a,Hluna chuan,"a ni maw! bawihte lo kal teh,i patea hian maw,hmuh hlân che a nghak hlel tawh tawh mai nia,ka awm loh chhûngin thil a lo danglam hman lutuk a,"a ti a,Kimkimi chuan,"bawihte,a patea bul ah kal rawh le,"a ti a,Sawmtei chu Hluna bulah chuan kal in,Hluna chuan a lo pawm a,"hm, kei pawh naute neih ve tawh mai te hi ka duh ve rum rum in ka hria,"a han ti a,Kimkimi chuan nui hak hak chung in,"âw,nei ve tawh la a ni mai a lawm,"a lo ti a,Hluna chuan,mahse ka la zuam chiah lo a ni,tu nge ka neih rêng rêng ang ni? tak a Kimkim,inpa hi engtik ah nge a lo haw dawn?"a ti a,Kimkimi chuan,"nichin a kan in biak kha chuan ka rawn haw țep tawh a tia,"a ti a,chutih lai tak chuan Remremi chu bualin a țang a lo chhuak in,"Hluna,va in bual la,hrukpuan leh inthlakna tur ka dah vek tawh a nia,"a ti a,Hluna chuan"awle laksmi,nang nge nge i fel teh e,kan awmpui ah hian lo awm tawh mai la,"nui kak kak chung chuan a han ti a,Remremi chuan,"ka duh mai mai lo,vai rim nam bul ah ka awm peih lo,Lalraju,"a ti a,Hluna chuan,"a nih leh ka pi duhtak,kan in bual ang e,"a ti a,bualin ah chuan a lut ta a. Rei vaklo Hluna inbual hnu lawk chuan kawngkhar chu a rawn ri dat dat a,Kimkimi chuan,"ê bawihte,i pa a ni tawh ngei ngei ang,"a ti a,kawngkhar chu a han hawng vat a,pawn ah chuan Sangtea chu a lo ding reng a,Sangtea chuan a fanu biang a fawh zaub pah chuan,"vawiin ah i lo fel em?"a ti a,Kimkimi chuan,"aw fel lutuk ti rawh,"a lo ti a,Sangtea chuan Kimkimi biang a fawh zauh pah chuan,"nang i țha maw?"a ti leh a,Kimkimi chuan,"aw țha e,nang vawiin i thawk tluang em?"tiin a zawt let nghal a,Sangtea chuan,"tlûang e,"ti a chhâng in Kimkimi naute pawm lai chu a pawm sak a,inchhûngah chuan an lut zui ta a.
Zanriah ei hun chuan an han țhukhawm a,Pu Rina chuan ding chung in thu a han sawi a,"hei kan hriat țheuh ang in,Hluna rei tak chhûng phai ah a awm a,a duhthusâm ang ngei in sipai te a han training ve a ni a,phone ah te chuan in be ve țhin mah ila,kum hnih chhûng ngawt hmel in hmu lo in,ram hran ah te kan han awm a,vawiin ah damtak in kan in hmu leh a,a lawmawm hle a,zaninah hian chumi pual a chawei khawm tur te chu kan ni a,chhûngkua tak tak kan ni a,a bik tak in Remremi pawh a ti lawmawm hle a,Kimkimi te hi chu sawi loh ah lo ruat deuh tawh ila,kan mo a ni tawh a,chhungkua,Remremi,țhianțha ti in a rawn ngai pawimawh viau a,a lawmawm hle a ni,tichuan chaw te kan ei dawn tawh ang a,chumi hma in țawngtaina ka nei ang a,chaw chu kan ei zui dawn nia,"a ti a,ti chuan a țawngțai a,zanriah chu an ei zui ta a.
Zanriah eikham chuan Kimkimi leh Remremi chuan thleng chu an sil dun mawlh mawlh a,Hluna chu thleng sil na ah chuan kal in a apron ken lai chu a han thing pharh a,Kimkimi te hnungchhawn pah chuan,"kha min lo suih sak teh u,"a ti a,Kimkimi chuan,"Remrem,nang han suih teh,"a ti a,Remremi chuan,"aw,"a ti a,a han suih sak a,Hluna chuan,"i suih rêk lutuk ang e aw,ka puar teh mai a nia,"a ti a,Remremi chuan,"aih,rêk tawk in ka suih dawn,thâwk theih loh khawp a rêk in,"a ti a,Hluna chuan,"i suih rêk vaih chuan i châk lo viau ang,rêk deuh a i suih te chuan ka thaw theilo ang a,thawchham in ka thi mai ang a sin,"a ti a,Remremi chuan,"i îp vak ang a,i sang leh vak ang a,a hrui te chu i sang țet vek mai ang,"a ti a,a nui hak hak a,Hluna chuan,"teuh lo,teuh lo,ka dul hi kiar tur a awm ve lo,a sek țang mai a nia,pack te hi a awm ve țalh a nia,"a ti a,Kimkimi chuan"nangni pahnih lah hi in in hnial reng a,mahse in be lo chuan in awm thei miah lo ang,"a lo ti a,Hluna chuan,"teuh lo mai,kei te chuan ka thei lutuk,mahse henu hi chuan a theilo,minute reilo te pawh min be lo chuan a awm theilo,"Remremi lu a na vak lo a nem pah chuan a ti a,Remremi chuan,"ve a che,min biak loh chuan zan ah pawh i mut țhat theih loh kha,"a lo ti ve bawk a,Hluna bawk chuan,"tak a Kimkim,inpa puih a ngai a sin,lo va pui teh,naute a e a nia,kha chu ka lo tih zawm mai ang,pitari hian a mah chauh a tih chu a peih leh awm si lo a,chumi sawi tur a lo kal chu ka nia,mahse VanLalchatuanremruatpuii vang vek,min lo hnial char char a,ka sawi tur pawh ka theihnghilh daih a lawm,"a ti a,Kimkimi chuan,"awle,"a ti a,Remremi chuan,"i van hai hawt ve,sipai laktlakloh i nih chu,indo na ah i kal ve ang a,i silai kah nachang i hrelo vel ang tih a hlauhawm hle mai,"a lo ti a,a nui hak hak a,Hluna chuan,"i țawngthei em mai,min ngai tawh lutuk a,ka bul ah chuan ngawih nachang pawh i hrelo a nih hi,"a han ti a,Remremi chuan,"min hnial ngaihna hrelo,dang nih duh bawk silo,sawitur i hre tawh lo mai mai a nih chu,"a ti a,Hluna chuan,"chu lam pawh a ni lo,i bulah te chuan a nuam ve a,bâk ah,țawngkam a ka hneh loh che chuan ka tharum pawp mai dawn a,kha aw,"tih pah in a kut huh chuan Remremi hmai ah chuan a han theh a,hlim tak in thleng chu an sil dun a.
Zîng ah chuan Hluna chu a phone ri chuan a ti harh zawk a,phone chu la kâng in,"hello,eng nge ni ta?zîng zîng ah te mi lo phone teh mial a,"a ti a,Remremi chuan,"eng ni vak lo e,vawiin lam eng nge tih i tum a?"a ti a,Hluna chuan,"Lunglêng ah kal ka ngai a,eng nge ni ta?"a ti leh a,Remremi chuan,"eng ni vak lo e,in a i awm dawn chuan ka rawn lêng phei mai mai ang chu ka ti deuh a,Lunglêng ah eng nge i tih dawn a"a ti leh a,Hluna chuan,"bungrua dah ka ngai a,lo lêng tho la,ka awm loh pawn i lo lêng thei tho a lawm,"a ti leh a,Remremi chuan,"i van fel tak aw,niminah ilo haw chauh si,tlâi ka lo lêng ang,"a ti a,Hluna chuan,"awle,i lo lêng dawn nia,"a ti a,phone chu a dah leh ta a.
Chhûn ah chuan Hluna chu Lunglêng ah chuan a kal a,a hlat loh a vang in rei thang lo in a haw leh nghâl a,chawhnu lam ah chuan dawr nghâk in,Remremi chu Hluna te dawr ah chuan a lêng a,chawhnu tlai lam deuh thlêng in dawrah chuan a awm ve ta reng a.
Inrinni zîng ah chuan Remremi chuan eirawng a bawl mawlh mawlh a,a eirawng bawl lai chuan a phone chu a rawn ei a,a han en chuan Hluna a lo ni a,"Remremi chuan,"aw,eng nge ni ta?"a ti a,Hluna chuan,"vawiin ah eng nge i tih dawn?"a ti a,Remremi chuan,"eng mah ka tih dawn pawh ka hrelo,"a ti leh a,Hluna chuan,"lêng ila,i hman chuan,"a ti a,Remremi chuan nui hak hak chung in,"i ti tak tak em ni?"a ti leh a,Hluna chuan,"ti tak tak e,ti tak tak lo ila ka fiamthu ang chu,"nui tuh tuh pah chuan a ti a,Remremi chuan,"awle,engtikah nge niang?"a ti leh a,Hluna chuan,"lo in siam la,dar thum ah ka lo hruai ang che,"a ti a,Remremi chuan,"aw,ka lo insiam ang,"a ti a,phone chu a dah ta a.
Tlaiah chuan Remremi chu a insiam mawlh mawlh a,a incheina te chu a inhmeh kher mai,a nalh thlawt,a in siam pah chuan sana chu a han bih zauh a,dar thum rik nan minute ruk chiah a awm tawh a,in u ah chuan chhuk thla a,țhutthleng ah chuan Pu Hriata chu țhu in chanchinbu hlui chu a chhiar mawlh mawlh a,Remremi chuan,"Pa,ka lêng chhuak lawk dawn a nia aw,"a ti a,a chhûak zui nghâl a,Hluna pawh thleng ve chiah in,Remremi hnen ah chuan,"i van chhelo em em,"a lo ti a,Remremi chuan,"nangmah kha a lawm chhelo chu,chuan khawiah nge kan kal dawn?"a ti a,Hluna chuan,"lo chuang phawt la,"a ti a,Remremi chu biike ah chuan chuang in,an tlân zui nghâl a.
Dawr kawt ah chuan Hluna te chu an ding a,bike a țng chuan chhukin,dawr chhûngah chuan an lut a,Remremi chuan,"eng nge hetah kan tih dawn?"a han ti a,Hluna chuan,"ka thawmhnaw tur lei lawk ka ngai a,"a lo ti mai a,Remremi pawh chuan ngei reng chuan a zui zel a,elevator ah chuan lut in chhawng chung lam ah chuan an lut chho ta a.Hluna chuan Remremi kutah chuan vuan in,"he lamah hian kal ang,"a ti a,thawmhnaw zawrh na pindan ah chuan an lut a,dawr nghâk tu chuan,"lo lêng rawh u,in thawmhnaw duh zâwng lo en kual rawh u,in pahnih khân in inhmeh hle mai,"a ti a,Remremi chu a lai deuh a,Hluna chuan thawmhnaw chu a han en kual vel a,Hluna chuan hmeichhe thawmhnaw in khai pakhat chu en in,Remremi hnen ah chuan,"nalh i tih zawng a ni em?"a ti a,Remremi chuan,"aw nalh lutuk,mahse eng atan nge i tih a?"tiin a zawt a,Hluna chuan,"han ha chhin phawt teh,"a ti a,Remremi chuan a han ha chhin a,Remremi chuan,"tlêm in a te deuh a nih hi,"a ti a,dawr nghak tu chuan a dang chu a han en leh a,"hei hi han ha leh chhin teh,"a ti a,Remremi chuan a han ha chhin leh a,"hei chu ka ha tawk chiah a nih hi,"a ti a,Hluna chuan,"hei hi kan lo la ang e,"a ti a,thawmhnaw dang chu an han en leh a,Hluna chuan Remremi thawmhnaw tur chu a leisak a,Remremi chuan,"ka thawmhmaw tur ka lei dawn i ti emaw ka tia,keima ta tur hlir i lei a,"a ti a,Hluna chuan,"kei te chu a ngai hlei nem,vawiin i birthday a nia,chuvang a lawm ka lenchhuah pui che,"a ti a,Remremi chuan,"awi ka van lawm,ka lawm takzet,"a ti a,Hluna chuan,"e,tak a,ka thawmhnaw tur chu kan lei ve ang e,"a ti a,mipa thawmhmaw chu an en kual vel a,"hei hi kan ha ve chhin ang e,"a ti a,a in thlak a,Remremi chuan,"awiii,i inhmeh lutuk,i duhawm takzet,"a lo ti a,Hluna te chuan an thawmhnaw duh ang zawng an lei fel hnu chuan dawr chu an chhuah san ta a. Dawr kawt ah chuan Hluna te chu an ding ràn a,taxi lo tlân hmasa ber chu lo phar ding in Hluna chuan a thuamhnaw chu an in a phur haw tur chuan a ti a,taxi pawh chu tlân zui leh nghal in Hluna chuan taxi dang lo tlan leh hmasa ber chu phar ding leh in, driver hnên ah chuan lehkha pakhat hi a pe a,"list a mi ho hi ka chahna che dawr ah khân i lei ang a,a bâng chu i nei nghâl mai dawn nia,chuan lehkha kha i va dah na te in neitupa i be dawn nia,"a ti a,driver chuan,"awle,"tiin a kal ta nghal a,Hluna chuan pu Hriata chu phone zuiin,Remremi chu zanriah a ei pui tur thu a hrilh a,Pu Hriata chuan a lo rem ti a,Hluna chuan,"Remrem,kan pahnih in zanriah kan ei dun thei a nih chu,i pa pawh in rem a ti vek tawh,"a ti a,Remremi chuan,"awle,khawiah nge ni ang?"a ti a,Hluna chuan,"nakinah ka hrilh mai ang che,a la hma bawk a,sawtah lêng kual phawt ila,vawiin te chu nuam deuh in kan hmang ang chu,i birthday te a ni sia,"a ti a,Remremi chuan,"awle,a nuam e,"a ti a,bike ah chuan chuang in an tlân zui ta nghal a.
Zanah Hluna te chu Remremi te in kawt ah chuan dingin,Remremi chuan,"i lo lût dawn em,nge i haw tlang nghâl dawn?"a ti a,Hluna chuan,"thingpui min lum sak dawn leh dawn loh a ni mai,"a lo ti a,Remremi chuan,"a nih chuan lo lut la,tui deuhin ka lo siam sak ang che,"a ti a,inchhûng ah chuan an lut ta a.inchhûng chu a thim vek a,Hluna chuan,"khai a,a va thim em em ve,khawiah nge i chhûngte hi an awm a?"a ti a,Remremi chuan,"ka hrelo rêng rêng,"a lo ti a,dim te a an kal lai chuan dawhkân a light ngu a rawn êng thut a,light êng hnuai ah chuan thil in ziak pakhat hi a lo awm a,an han en chian chuan,"Happy birthday Remruatpuii,"tih hi a lo in ziak a,Hluna chuan,"e he,kan lawm dawn lo iti emaw ni ka tia?"a ti a,Remremi chuan hriatthiam loh hmel tak in,"nia,,,mahse,"a ti chiah a,thawkleh khatah,inchhûng chu a rawn eng pup in,Pu Hriata te chhûngkua chu an awmna hmun a țang chuan an rawn tho chhuak a,"Happy birthday,"an ti rual dial a,lehkha mawi te chu a lêng chum chum a,Remremi chuan mak a ti hle a,"ka lawm e,ka lawm lutuk,"mahse hêng zawng zawng hi min tihsak a maw?"a ti a,Pu Hriata chuan,"kan tih pawh a ni chiah lo,a nihna takah chuan Hluna tih vek zawk kha a nia,hêng zawng zawng hi i tan a tih a vek a nih hi,"a ti a,Remremi chu Hluna lam ah chuan hawiin,"ka lawm lutuk,"a ti a,Hluna chuan,"lawmthu sawi a ngai lo,i tân te chuan engpawh tih ka huam a lawm,Happy birthday,"tiin a hnung lama a bawm ken chu Remremi chu a pe a,Remremi chuan,"e he,eng thil nge ni a?"a ti a,Hluna chuan,"hawng la i hre mai ang,"a lo ti a,Remremi chuan bawm chu a han hawng a,a chhûngah chuan țhi leh sana a lo awm a,Remremi chuan,"awii,a mawi lutuk,"a ti a,Hluna chuan sana chu la chhûak in Remremi chu a han bun tir a,Remremi chuan,"țhi pawh hi min lo awrh tir leh teh,"a lo ti a,Hluna chuan țhi chu a han awrh tir leh a,Remremi chuan,"ka lawm lutuk aw,"tih pah in Hluna chu a kuah ta châwt a,Pi Muani chu Pu Hriata beng bul ah chuan kun hniam in,"mate-i hian mițha tak a tawng ni in ka hria,ka lawm hle mai,"a ti a,Pu Hriata pawh chuan Pi Muani dar a kuah pah chuan,"ni e,kei pawh ka lawm takzet a ni,Hluna hian a ngaihsak bawk sia,in kawprem tur a ruat an ni ngei in ka hria a ni,"a lo ti ve a,Hluna chuan Remremi beng bul ah chuan zawi sap hian,"a tawk tawh,i nu leh pa ten min en reng a nia,a nuam lo,"a ti a,Remremi chuan,"an hrethiam vek ang,lungngai duh suh,"a lo ti let ve sa sa a,tichuan cake te chu zai in,hlim tak in an ei ho a,zan duhawm ber te zîng a mi chu an hmang ho ta a ni.
Thawhțanni chuan Hluna chu Falkawn ah chuan bingraw dah in a kal leh ta a. Chhûn lai vel ah chuan a haw leh nghâl a,in a thlen chuan Pu Rina chuan,"bawiha,naktuk chu Saitual ah i putea te tlawh pah in han kal ta che,"a ti a,Hluna chuan,"aw eng nge ni ta?"tiin a zawt let nghâl vat a,Pu Rina chuan,"i putea te khân dawr hawn thar ve an tum a,thuamhnaw han dah chho la kan tia,"a ti a,Hluna chuan,"aw,kan han kal ang,"tiin a chhâng a,inchung ah chuan chho in a pindan ah chuan a lut tlang nghal a,inbual tur chuan bualin ah chuan a lut in a inbual nghal a. A inbual lai chuan a phone chu a rawn ri a,"a van buaithlak tak aw,pawi lo,a pawimawh chuan a rawn phone leh mai ang chu,"a ti a,a inbual zawh chuan phone chu a han en a,Remremi a lo ni a,phone let a tum lai tak chuan Remremi chuan a rawn phone leh ta a,Hluna chuan a la vat a,Remremi chuan,"nga ti nge vawiin khân ka phone tlang theih miah loh che a,ka phone ngun lutuk nge,i phone tlang theih miah loh,vawiin eng nge i tih a?"a ti bawrh bawrh a,Hluna chuan,"nia,zîng a țang in signal ka nei lo char char a,chhûnah Falkawn ah ka va kal a,nang eng nge i tih zawk a?"a ti let vat a,Remremi chuan,"Saitual ah kan kal,rawn hrilh che ka tum a,ka phone tlang thei silo che a,"a ti a,Hluna chuan,"a nih chu,eng nge Saitual ah in tih a?"a ti leh a,Remremi chuan,"ka pi lung an phun a,vawiin hi a ni a nia,zîng ah khân kan kal a,"a ti a,Hluna chuan,"a nih tak chu,in chhûngkua in em ni kal che u?"a ti leh a,Remremi chuan,"aw,"tiin a lo chhâng a,Hluna chuan,"a nih chu,zan ah ka lo be leh ang che,"a ti a,phone chu dah nghâl in inhnuai ah chuan a chhuk thla leh ta a.
Zanriah kil lai chuan Pu Rina chuan,"naktuk ah chuan kan vai in kan kal leh si dawn a nih chua,i putea'n nichin lawk khân min rawn phone a,kan vai a kal tur in min rawn chah a,"a ti a,Hluna chuan,"a nih chu,a nuam daih zawk ang chu,"a lo ti a,Pi Hruaii chuan,"chu ti chu Sarahi kan hruai ve dawn nia,"a lo ti ve a,Pu Rina chuan,"a pa te pawh kan be ve phawt ang chu,"a ti a,zanriah ei kham chuan Sangpuii te chu bia in,Sarahi pawh chu kal ve tur chuan an ti a,zanah chuan an mu ta a.
Hri țhalo vei ni awm tak in Zuali chu a office dawhkan ah chuan a kiu chu nghat in a khabe chu a dawm a,mit chhîng dîar dîar in a han ngaihtuah a,a hma darkar chanve liam ta a tlangval a zai zawh chiah tak kha engtin nge a awm zel a,a dam chhuak thei ang em,a dam chhuak lo a nih chuan engkim chu a chhe vek dawn si a,eng vangin nge a chung a a thlen kher le,a biang a țang chuan a mittui chu a rawn luang chhuak ngîai ngîai a,pawn lam ah chuan hawi thawveng tur in a chhuak ta a.
Motor chu a ding rîai rîai a,Sarahi chu rang tak in motor a țang chuan a chhûak nghâl a,kawngkhâr lam chu pan nghal in inchhûng ah chuan lut in,"a pu,kan lo thleng e,khawiah nge o Jenny-i?"a ti nghâl zung zung a,Pu Chhunga chuan,"in lo thleng tawh maw,iu Jenny-i chu a inbual a,"a ti a,Hluna te chuan bungrua chu dah chhûak in,inchhûng ah chuan an lut a,thingpui te an in a,Hluna chu a inbual fai a,bazar lam pan chuan a teichhûak ta nghâl a.
Kal pah chuan Remremi chu a phone a,Hluna chuan,"eng nge i tih a?"a ti a,Remremi chuan,"engmah ka ti lo,ka awm mai mai,nang eng nge i tih a?"a ti let nghâl a,Hluna chuan,"kei pawh eng mah ka ti lo,thil te te,ih maw,bazar ah khân i kal hman lawk em?"a ti leh a,Remremi chuan,"hman e,eng nge ni?"a lo ti leh a,Hluna chuan,va kal lawk la,i thlen hun ah min lo phone leh dawn nia,"a ti a,Remremi chuan,"awle,"a ti a,phone chu a dah ta a. Rei vaklo hnu ah chuan Hluna chuan Remremi chu a lam pan a lo kal chu a va hmu ta a,mahse Remremi chuan a hmu ve miah lo. Remremi chu bazar bulah chuan a ding vâng a,Remremi chuan Hluna hnên ah chuan,"hei,bazar ah chuan ka awm tawh a,eng nge ni ta?"a ti a,Hluna chuan,"han hawi kual vel teh,eng nge i hmuh?"a ti a,Remremi chu a han hawi kual vel a,"engmah danglam awm ka hmu lo,"a ti a,Hluna chuan,"i mit han chhîng teh,"a ti a,Remremi chuan a mit chu a han chhîng a,a kut ah chuan thil eng e maw ni hian a rawn tawk zauh a,Hluna chuan,"meng tawh rawh le,"a ti a,Remremi kut ah chuan pangpar te mawi em em hi a lo awm a,Remremi chuan a ngaihna a hrelo hle a,Hluna chuan,"i hnung lam han hawi teh,"a ti a,Remremi chu inher in a hnung lam chu a hawi a,Hluna chuan bân a lo vai lauh lauh a,Remremi chuan,"i ho em mai,ka haw daih dawn,"a ti a,phone chu a dah a,kal mai chu a tum a,Hluna chuan umzui vat in,"min lo nghâk ve la,"a ti a,Remremi chuan,"aih,i sual thiam em mai,"a lo ti a,Hluna chuan,"ka surprise che a nih kha,ti tau tawh suh,"a ti a,Remremi chuan,"a nih chuan ka ngaidam ang che,tak tak a,eng nge i tih ve a?"nui var var chung chuan a ti a,Hluna chuan,"ka putea te dawr bungrua tur kan rawn dah lawk a,"Remremi chuan,"nangmah chauh in maw?"a ti a,Hluna chuan,"kan chhûngkua in,len vah pahin kan tia,"a ti a,Remremi chuan,"a van nuam awm ve,"a lo ti a,Hluna chuan,"nia,a nuam dawn khawp mai,lo tel ve la,"a ti leh a,Remremi chuan,"nia,ka hman chuan aw,"a ti a,Hluna chuan,"a nih leh naktuk ah engnge i tih dawn?i hman chuan lêng ila,mahse chawhnu lamah bak ka hman lo ang,"a ti a,Remremi chuan,"nia,naktuk chu engmah ka ti lo ang,i hman hun hun ah min lo sawm ang a,a ni mai a lawm,"a lo ti a,Hluna chuan,"aw le,mahse in in ka hre silo a,khawi lai vel ah nge in awm?"a ti leh a,Remremi chuan,"vengchhak ah kan awm a,nang ni khawi lai ah nge in awm?"tiin a zawt let nghal a,Hluna chuan,"kei ni chu venglai ah kan awm,"naktuk ah chuan ka li phone mai ang che,a tlâi tawh,i pa ten an ngaihtuah lutuk ang che,"a ti a,an haw zui ta nghâl a.
Tukțhuan eikham chuan Hluna chuan,"hawh u,hna thawk vat vat ang u,chawhnu lamah len ka duh a nia,"a ti a,a putea fate ho nen chuan hna chu an thawk sap sap a,tlâi lam lên hman loh hlau lutuk chuan Sarahi leh Jenny-i te pawh chu a phût tûk tawh a,a putea fapa Mawitea chuan,"tun țum Omama lo kal hi a dang riau mai,bialnu i nei a ni lo maw,lên ringawt i ngaihtuah mai,"a ti a,an nui hak hak a,Hluna chuan,"a teuh lo mai,ka țhian pakhat nên kan in hmu lawk dawn a,chu mai mai chu,a ho lutuk,hna kha thawk mai mai rawh Mawi lulian,"nui huk huk chung chuan a ti a,Mawitea chuan,"hmm,ka awih lo,"a ti leh a,an U nupui nei tawh chuan,"âw,in hriat duh leh,en thla ula,a hriat vek mai ang chu,"a ti a,Hluna chuan,"in duh leh min lo enthla ula,a ho têt tâwt,"a ti a,an han nui leh hak hak a,an tihfel zawh meuh chuan dar hnih leh a chanve a ri tawh a,Hluna chu inbual fai in a insiam sawk sawk a,in a țang chuan a chhuak ta nghâl a. Kalpah chuan Remremi chu phone in,"sikul-1 tlâng ah khân kan in hmu dawn nia aw,"a ti a,Remremi chuan,"kawiah nge sikul-1 tlâng chu?"a ti hâ a,Hluna chuan,"i hriat loh chuan,pawilo,bazar ah khân kan inhmu mai dawn nia,i â ve teh tuh sia,sikul-1 awmna pawh i hre bawk silo,"a ti a,Remremi chuan,"kha ti khân min ti kher suh aw,ka lênpui duhlo tawp mai tur che a nia,i buai viau mai ang,"nui huk huk chuan a ti a,phone chu dah in bazar chu an pan ta a,bazar a an in hmuh hnu chuan sikul-1 tlâng ah chuan an kal ta a.
Hluna chuan Remremi hnên ah chuan,"naktuk chu,Țamdil ah kan kal dawn a,lo kal ve ula,"a han ti a,Remremi chuan,"nia,ka kal châk lutuk,mahse ka pa ten rem antih leh tih loh a ni mai,"a lo ti a,Hluna chuan,"rem ti ang,naktuk ah te chuan engmah in ti dawnlo a ni lawm ni? ka lo sawm ang che,i pa te bul ah chuan ka sawi ang a,an phal em em ang,"a ti a,Remremi chuan,"nia,kei pawhin ka lo sawi ang,mahse kan in i hre bawk silo a,engtin nge i lo kal ang?"a ti a,Hluna chuan,"vawiin ah ka lo kawi ang,a nih loh pawhin min kawhhmuh ang a,ka hraw thei mai ang,"a ti a,Remremi chuan,"awle,a țha a lawm,a nih,tunlai Sangtea te an dam maw?tunlai tak chu Kimkimi pawh ka be khât lutuk a,"a ti a,Hluna chuan,"aw damțha e,hmân ni deuh khân Sangtea chu a nuamlo ve deuh na a,mahse tunah chuan a țha tawh,Zuali pawh,nimin ka biak kha chuan biak a har,a buai lutuk a,mahse a ni pawh ka țha e,chu a tia,"a ti a,Remremi chuan,"a nih,nangmahni in dawr lam te a tlûang em?"a ti leh a,Hluna chuan,"aw,a țha,mahse chutiang lam min zawt lo teh,"a lo ti a,Remremi chuan nuih var var pah in,"engvang in,"a ti leh a,Hluna bawk chuan,"khual khua ah pawh dawr chung chang sawi te chu,thil dang nuam deuh te sawi ve la,i ti nuam lo e,ka haw daih dawn,"a ti a,Remremi chuan,"hmm,a nih leh eng nge ka sawi ang,"a ti a,Hluna chuan,"ka hre bik lo,i duh duh a ni mai,"a ti a,an han ngawi vang vang a,Hluna chuan thlang lam hawi vauh vauh pah chuan,"haw daih mai ani ka duh ni,"a ti thut a,Remremi chuan,"eng vang in?"a lo ti a,Hluna chuan,"ka hre bik lo,kan in ka ngai a niang,"a ti a,khua a tlâi lam deuh chuan ti ti pah in an haw ta a. In thlen hnaih lam ah chuan Hluna chuan,"khawi lai vel ah maw in awm na chu?"a han ti a,Remremi chuan kawh hmuh in,"helai kawng ah hian i chho ang a,khi lai deuh ah khian,"tiin an awmna lai vel awm chu a han hrilh mawlh mawlh a,Hluna chuan,"imm,ka hre thei mai ang,naktuk zingah ka lo kal dawn nia,"a ti a,an in kalsan zui ta a.
Alarm ri ah chuan Hluna chu a harh zawk a,khum a țang a tho chhûak in,a hmai te a phih fai a,ke in Remremi te in lam pan chuan a kal ta nal nal a. Kawngkhar chu a han kik dat dat a,pitar pakhat hian kawngkhar chu rawn hawng in,Hluna chuan,"hei hi pu Chalngura te in a ni em?"a han ti a,pitar chuan,"nilo e,a piah zawk saw a nia,lo kal rawh,lo lut rawh,"a lo ti a,Hluna chuan,"nilo e,ka kal leh zawk mai ang,"ti țan a han tum a,pitar chuan,"a khai,lo lut ve hrim hrim la,kan in ah pawh i lo la kal ngai lohkha,thingpui te pawh i in ve phawt ang chu,ti teh vala,lo lut ta che,a ti a,inchhûngah chuan an lut ta a. Pi Chhingi chuan thingpui te chu a han lum a,thingpui te chu an han in dun a,khawiah nge maw mami pawh hi a awm le,in suk khawl a chhia a,zing ah insu rawh ka ti ka tia,khawiah nge maw a lo kal leh daih ni,"dam dap hian a han ti a,Hluna chuan,"eng lai nge chhia a,khawi maw kan en chhin ang e,"a ti a,Pi Chhingi chuan,"i siam thiam dawn em ni?"a lo ti a,Hluna chuan,"kan en chhin phawt ang e,"a ti leh a,khawl chu an en vel a,a siam a har loh a vang in reilo te ah khawl chu a siamțha mai a,Pi Chhingi chuan,"i van thiam ve a,hetiang siam hi i zir țhin em ni?"a ti a,Hluna chuan,"zir vak chuang lo,hetiang lam hi kan zuar țhin a,eng eng emaw hi kan khawih ve reng a,kan thiam ve chu a ni mai,"a ti a,chutih lai tak chuan a lên na te nula chu a rawn haw ve hlawl a,inchhûng luh pah chuan,"ka van insu peih lo tak em,"a ti lut bai bai a,Pi Chhingi chuan,"khawlah a insuk leh theih tawh kha,"a lo ti a,chu nula chuan,"a chhe sia,"a lo ti hâ a,Pi Chhingi chuan,"kha,kan inleng pa khan min siam sak a,a fel teh mai a sin,"a ti leh a,Hluna chuan,"engmah a nih loh kha,chuan nula,Hluna ka nia,tunge i hming ni a?"a lo ti a,njla chuan,"Zothanpuii ka nia,mami tiin min koh țhin,"a ti a,Hluna chuan,"ka lawm e,a nih mami,ka pi,ka kal leh phawt mai ang,ni dang ah ka lo leng leh zawk dawn nia,kal na tur te ka la nei sia,"a ti a,a chhûak zui ta nghal a,țhenawm chiah a Pu Chalngura te in ah chuan a lut ta a.
Pu Hriata chuan,"e he,Hluna chu,hetah te eng nge i tih ve a?"a lo ti a,Hluna chuan,"nia,ka putea te dawr bungrua tur kan rawn dah a,chuan vawiin ah Țamdil ah kal kal tum a,Remremi te hi kalpui tur in ka rawn sawm a,i phal em ka rawn ti dawn a,"a ti a,Pu Hriata chuan,"e,tehreng mai,i thu te chu kan hnial ngam nang,eng tikah nge in kal ang?"a ti a,Hluna chuan,"chawei kham ah kan kal nghâl ang,"a ti a,pu Hriata chuan,"a nih chuan mami chu a lo insiam ang a,a rawn kal dawn nia,"a ti leh a,Hluna chuan,"chawei kham ah ka lo hruai ang,an vaiin lo insiam rawhse aw,nangni pawh lo kal ve ula,"a han ti a,Pu Hriata chuan,"ka peih ve lo ang,"a lo ti a,Hluna chuan,"Saitual kal ve manah,Țamdil kal loh te chu,"a ti a,a sana chu a han bih zauh a,dar riat a lo hnai thuak tawh a,"ka lawm lutuk,chawei khamah Remremi te chu ka rawn hruai dawn nia,kan haw phawt ang e,"a ti a,a haw zui ta nghâl a.
Tukțhuan ei kham chuan Hluna chu Pu Hriata te in pan chuan a in khalh chhuak ta a,Pu Hriata hnên ah chuan,"in kal ve dawn ta em?"a han ti a,Pu Hriata chuan,"kan lo kal velo mai ang,insiam pawh kan insiam velo,"a lo ti a,Hluna chuan,"a ho lutuk,insiam lawk ula,in kal ve loh ten a nuam nang,"a ti a,chutia a sawm ngawrh em a vang chuan Pu Hriata chuan,"a nih leh nu i,kan kal ve mai dawn em ni ang,Hluna meuh in hetia min han sawm te chuan hnar reng a har dawn em mai,"a ti a,an han insiam mawlh mawlh a,Hluna patea te in lam chu an pan leh ta a.
In an thlen chuan Hluna chuan,"inchhûng ah lut ang u,thingpui te pawh kan in phawt ang chu,"a ti a,inchhung ah chuan an lut ta a. Pu Rina te leh Pu Hriata te ho chu thingpui in pah chuan an han ti ti luam a,Mawitea chuan a nau Zamzami chu kheuh zeuh in,Hluna te lam chu en tur in a han mittei a,Zamzami chuan a phone en lai chu dah in Hluna te chu a han en a,Hluna leh Remremi chu in nghêng deuh chât hian an lo țhu a,an lo inbe mawlh mawlh chu a hmu ta a,an Unau chuan an in en a,an nui dun var var a,tichuan Țamdil pan in motor chuan an inzui ta diah diah a.
Țamdil an thlen chuan an hlim hle a,an ri chel chul mai a,lawng ah te chuan in a kam huan ah te chuan an leng kual vel a,chhûngkua,in pawh tlâng tak an nih hlawm a vang in an inlungrual thei hle a,chhûnah te chuan eitur an ken te chu eiin,nuam an ti tlâng hle a ni. Chawhnu lam ah chuan Hluna leh Mawitea chu phul ah chan țhu in an thil an sawi duhawmawlh mawlh a,Hluna chuan,"zanin chu leng ila,nula rim tur țha deuh ka hria a nia aw,a hmeltha lutuk,"a ti sa sa a,Mawitea chuan,"i bialnu in hau mai ang che,"a lo ti a,Hluna chuan,"bialnu ka nei bawk lo,tunge i lo tih nge ngawt a,?"a ti a,Mawitea chuan,"tukin a mi kha,"a ti leh a,Hluna chuan,"a teuh lo mai,ka duh chuan ka rim thei,a thu a awm lo,"a ti bai bai a,chutih lai tak chuan Remremi chu an bul ah chuan kal in,eng maw in sawi a?"a rawn ti a,Mawitea chuan,"Omama,hian zan ah nula min rîm pui rawh a tia,"a lo ti vat a,Remremi chuan,"a ho lutuk,nula rîm rîm a ngai lo,"a ti a,Mawitea chuan," kha ka tih reng kha,a phal lo ang ka tih kha,"a ti a,a nui vur vur a,Hluna chuan Remremi melh zauh pah in,"i thu lo,ka duh leh ka rîm bawk ang,a ho em mai,"a ti a,a nui tut tut a,Remremi chuan,"tak tak in,khawiah nge in len dawn a?"a ti a,Hluna chuan,"in veng lam ah,"tiin a lo chhang a,Remremi chuan,"kan in ah lo kal la,"a ti leh a,Hluna chuan,"i thu vek a lawm ka pi,"a ti a,Remremi chuan,"hmm,"tih pah in Hluna hnungah chuan a han chhuih zawt a,a kal san zui ta a,Hluna chuan au zui in,"a va na ve,"a ti a,Remremi chuan hnungchhawn a kal lah lah pah in,ka tihpalh lutuk,"tiin a nui har har a,tlâi lam ah chuan khamlo leh ui tak chung in,la awm chak viau mah se an haw ta a.
Zanah chuan Hluna leh Mawitea chu an leng chhuak ta a,Hluna chu phur tak in Pi Chhingi te in pan chuan ke pen zângkhai vah hian a kal tûrh tûrh a,Mawitea chuan a hnung ah chuan a zui ve hnak hnak,Pi Chhingi te in zawn an thlen chuan Hluna chu a lut tharh a,Mawitea chuan mak ti angreng tak chung chuan a zui lut ve nghal a. Pi Chhingi te chu an fel hle a,thingpui an in zawh chuan Hluna chuan,"Mawite,tah hian lo awm la,țhenawm ah chuan kan kal lawk ang chu,"a ti a,Pi Chhingi chuan,"țhenawm ah hian eng e maw țha te a awm a ni lo maw,i va birh ngun tluk tluk ve,"a ti a,Hluna chuan,"Pa Hriata te mawle,naktuk ah haw ve an tum a,ka va zai lawk ang e,in thurual kan tum deuh sia,"a ti a,mami chuan,"naktuk ah maw haw in tum,i va ngaihawm dawn ve,"a ti a,Hluna chuan,"nia,nangni pawh in ngaihawm ngawt ang,mahse inah tihtur kan ngah ve sia,"a ti a,Pi Chhingi chuan,"nia,i lo la zin leh vat ang chu,"a ti a,Hluna chuan,"nia,lo zin leh vat ka tum dawn nia,"a ti a,a chhuak zui ta a,Pu Chalngura te in ah chuan a lut leh ta nghal a.
Tukțhuan eikham chuan Pu Rina te chhûkua leh Pu Hriata te chhûngkua chu bazar ah chuan chhuak in,chu ta țang chuan in lam pan in an in zui haw ta a ni.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:40 pm

20 Minute. Bung-8 na
Ni a liam a,hun a liam a,dar kar,minute a liam a,ni sawmpanga thawhțanni niin,Hluna te training zawm leh ni tur pawh chu a thleng leh ta reng mai,an training na hmun tur pan chuan an thlawk leh ta vang vang a,a țhian te sawmhnih leh pakua nên chuan thlawhna ah chuan an chuang leh ta țhap a,a hmâ a an training na hmun a țang a hla vak lo ah,ramhnuai mêl sawmpanga vel ah chuan an awm tawh a,a leh a ling in an awmna chu a nuam phian a,an awmna bul a lui lian vaklo luang chuan a tinuam lehzual. Zalen tak,thununna țha tak tho si,a ni a,training hautak leh țha tak a ni thung.
Hun a kal zel a,Pi Hruaii te pawh chu an lung a lêng thei hle a,an training hmasak kha chuan an duh duh hunah an be thei a,tunah erawh chuan an be thei hrih silo. Sangtea pawh a hna ngai thawk in nitin a chhuak ziah a,Kimkimi pawh damdâwiin ah a la kal ziah bawk a,Remremi pawh a lung a lêng thei hle a,a hma kum hnih chhûng ai khân tun thla li chhûng lek hi rei zawk in a hria a,a hma kum hnih chhûng kha chuan an inbe reng țhin a,tunah erawh inbiak theih a ni hrih silo. Thla li chhûng zên zâwn tumah tlawh pawh miah lo in an mahni in an in khurbing char char a,chûng a training ho chu indo thiam tak,a țha chungchûng an ni.
Febuary ni sawmpanga thawhțanni a nih meuh chuan training pawh an zo fel thei ta a. Zanriah eikham a țangin an party a,hlim takin hun an hmang a,Hluna pawh a rilru ah engdang a leng tawh lo,in a haw vat vat chu a chak ber a tawh a ni.
A tuk zîng ah chuan mi zawng zawng te chu insiam in thlawhna in Mizoram chu an pan leh ta a. Airport an thlen chuan Hluna chuan a nu chu a han phone a,an hmuah dawn leh dawn loh te a han zawt a,Pi Hruaii chuan,a pa a țhat loh deuh vâng a an hmuah theih loh tur thu a lo hrilh a,a hma in inbiakna hun an neih loh a vang in Hluna chuan an haw tur thu a hrilh theilo a,tichuan Airport a motor hman tur a an tih chu hmangin Aizawl pan chuan an tlân ta nghâl a. Hluna'n in a thlan chuan Pu Rina chu țhutthleng sei ah chuan a lo mu zân a,Hluna chuan a bag chu chhûat lâi ah chuan a nghat a,"ka pa,i van nuamlo awm ve a?"a ti a,Pu Rina chu mûangchâng a tho chhuak in,"nia mawle,ka Bp te a hniam a,ka lu hi a hai muai muai reng a,"a ti a,Hluna chuan,"a van zialo ve,ngati nge i lo nawmloh le,â,kan inbual fai phawt teh ang,"a ti a,a pindan lamah chuan a chho ta nghâl a.
Zanriah ei lai chuan Pu Rina chuan,"naktuk chu Lunglei ah kal ka ngai dawn sia,ka huphurh ngei mai,"a ti a,Hluna chuan,"eng nge nita,bungraw dah a ngai em ni?"a lo ti a,Pu Rina chuan,"nia mawle,"a ti leh a,Hluna chuan,"a nih chuan keimah ka lo kal dawn nia,"a ti a,Pu Rina chuan,"nilo e,kei mah ka kal ang,vawiin ah i lo haw chauh bawk si a,"a ti a,Hluna chuan,"nilo e,i nawmloh em kha,zingah,hmâ deuh in ka kal ang a,ka lân peih leh ka lâng ang a,"a ti a,zanriah eikham chuan Hluna chu rei pawh meng lo in a mu zui ta nghâl a.
Hluna chu khawvar hmain a tho hman a,khua pawh a la vawt hle a,motor chu ti nung in Lunglei pan chuan a tlân chhuak ta a. Thenzawl ah tûkțhuan ei in,chhûn dar sawmpakhat leh a chanve pelh ah Lunglei chu a thleng ta a. Bungrua an in hlânthkâk fel hnu chuan Zuali tlawh tum chuan a in khalh kawi leh ta nghâl a,Zuali te in ah chuan mi lo awm laih laih chu a va hmu a,naupang pakhat lo kal chu a han bia a,"sawlai a mi te saw eng nge an tih a,an awm em?"a han ti a,naupang te chuan,"aw,nichin deuh lawk khân biakin lam pan in an chho ka hmu,"a lo ti a,Hluna chuan,"ka lawm lutuk e,"a ti a,biakin pan chuan a kal leh ta nghâl a. Biakin thlen hma deuh chuan motor chu ti ding in,biakin hung chhûng ah chuan a lût ta a,biakin kawt a mo kawr var nên a mawi tak a Zuali ding chu a va hmu a,chutih rual in a kîang a mipa lo ding chu a hmu tel nghâl a, mahse thil engkim chu a danglam zo ta vek mai,a rûk taka a lo duh ve êm êm Zuali chuan pasal a nei dâwn tlat mai,a mittui chu a rawn hnâm țiam țiam a,tumahin an hmuh ve hmâ a kir leh chu a tum ta a,mûang châng a inher in kal mai a han tum a,mahse chutih lai tak chuan hmeichhe pakhat hian,"hey,minute sawmhnih in i tlâi,"tiin a rawn au a,Hluna chu a han hawi lêt a,Kimkimi chuan a rawn nuih sen sen a,mi zawng zawng te chuan an lo en țhap a,Hluna chuan a han nuih seih a,Kimkimi chu Hluna lam lam pan chuan mûangchâng in a kal phei a,Hluna pawh chu Kimkimi lam pan chuan a kal phei ve bawk a,Kimkimi chuan Hluna chu a han kuah ta vawng vawng a,"i rawn kal thei a ka lawm takzet a ni,i lo kal thei dawn lo a nih hi kan lo ti tawh a sin,"a ti a,Hluna chuan,"engmah ka lo hre ve lo a,hria ila chuan a rang thei ang ber a rawn kal ka tum tur a nia,mahse hei,ka lo kal tawh hi,"a ti a,a biang a mittui rawn lûang ngîai ngîai chu Kimkimi chuan a han hrûk sak pah chuan,"ngati nge i mittui a tlâk a?"a ti a,Hluna chuan,"lawmna mittui a nih hi,ka hlim lutuk a,tunah hian ka hlim takzet a ni,"a ti leh a,Remremi chuan lo au in,"lo kal ru,thla la ho ang u,"a lo ti a,Kimkimi chuan,"nia,lo kal rawh Hlun,thla la ho ang u,"a ti a,tichuan hlim takin thla chu an la ho ta a,Hluna chuan Kimkimi hnên ah chuan,"tihpalh lutuk aw,a hun takah ka lo thlen theih loh a vang in,"a ti a,Kimkimi chuan,"nilo,keima thiamloh zawk a ni,ka hrilh thei bawk silo che a,"a ti a,Hluna chuan,"a pawi lo,inthiamlo duh suh,engkim chu a nih tur ang a ni vek tawh,"a ti a,Hluna chu a kal ta a,Remremi chuan a umzui nghâl vat a,"khawiah nge i kal dawn?"a han ti a,Hluna chuan,"ka haw tawh dawn,"ti ringawt in a lo chhâng a,Remremi chuan,"eng vangin?"tiin a zawt a,Hluna chuan,"engvang pawh in,hetah tihtur ka nei hlei nêm,"a ti a,Remremi chuan,"nilo,Kimkimi tan pawh a nuam lo ang a sin,"a ti a,Hluna chu a kuah ta châwt a,"khawngaih tak in la awm hram rawh,engtik ah emaw i la hrethiam ve mai ang,"tiin a phun sap a,Hluna chuan Remremi kut a kai in,"lo kal lawk teh,"a ti a,an chhâk tlâng ah chuan hruai chho in,in hmatawn chuan an ding rân a,Hluna chuan,"enteh,thil tam tam ka lo tisual a ni,thil tam tak,tam tak a ni mai,ka hrethiam ngai miah lo a,mahse tunah chuan ka harh chhuak tawh in ka hria,ih,nang hian kei hi min hmangaih a ni ti raw?"tiin a han sawi țan a,Remremi chuan ngawi rengin a lo ngaithla a,ka tih palh takzet a ni,a hma daih khân lo hre tawh ni ila,hun rei tak chhûng â takin ka lo awm reng a,ka lo hrethiam ngailo a,mahse tunah chuan ka hrethiam,thudik tak chu eng nge a nih ka hria,thudik chu maw,kei pawh in ka hmangaih che,kha thu kha ka sawi ang tih ka suangtuah phâk lo,ka rilru pit dan diktak pawh ka hre ngai lo a,mahse tun ah chuan ka hre ta,kha ngaihthlak kha i phu takzet a ni,"a ti a,Remremi chuan,"tak tak maw,kei pawh in ka hmangaih che,engtik ah emaw chuan i la hrethiam ang tih hi ka ring tlat a ni,"a ti a,an inkuah ta vawng vawng a,Hluna chuan Remremi hmui ah chuan a han fawp a,chutih lai tak chuan Remremi phone chu a rawn ri ral ral a,Kimkimi chuan,"khawiah nge i awm,hei chawei a hun tawh dawn a nia,"a ti a,Remremi chuan,"awle,ka lêng lawk a,ka rawn haw nghâl,"a ti a,phone chu dah in an nui dun hawk hawk a,kut in kai rial in in lam chu an pan dun ta a ni.
In an thlen chuan Hluna chuan a pa te chu a han phone a,Zuali pasal neih vanga a haw hman loh tur thu chu a hrilh a,phone chu dah leh nghâl in ruai țheh na lam chuan a phei leh ta a. Tichuan zan hun hlimawm tak hmang in hun nuam tak chu an hmang ho a,in tihhlimna hun an hman lai chuan Hluna chu dawhkan ah chuan a lawn a,"Pi leh pu leh,țhian duhtak te u,zanin hian hun hlimawm tak in hman ngei ka beisei,kei pawh zanin hian ka hlim takzet a ni,ka hlimna chuan chhan țha tak a nei ngei ang,vawiin khân lunghlu țha mi ka chhar a,chu chu ka neih vâng te pawh a ni mahna,"a ngawi dat a,mi zawng zawng chuan mak an ti hlawm hle a,Hluna chuan thâwk la halh in an sawi chhunzawm a,"chu lunghlu chu tunah hian helai ah hian a awm ve reng a,"dawhkan a țang chuan chhukthla in Remremi awnmna lam chu mûang châng in a pan phei zel a,"tu pawh in he tiang thawnthu hi chu in hrethiam deuh vek in ka ring,"Remremi hmâ a țhingțhi in,"min nei duh ang em?"a ti a,Remremi chu ngawireng in a ding tawp a,a lawm bawk si,a zak bawk si chuan sawi ngaihna pawh a hre lo,Hluna chuan,"min chhâng rawh,aw nge aih?mi in min en reng a nia,"a ti a,a tawpah Remremi chuan lu han bûk pah chuan,"aw,"tiin a chhâng a,Hluna chu ding in Remremi chu a kuah ta vawng vawng a,kut an lo bêng dar dar a,Sangtea chuan,ka ring rêng a,engtikah emaw chuan hetiang thil hi a thleng ang tih ka ring rêng a ni,"a ti a,Kimkimi chuan,"hey,keimah a nih kha aw ring,"a lo ti vat a,Zuali chuan Remremi hnên ah chuan,"i vannei hle mai,ka lawmpui takzet che,"a ti a,Sangtea chuan,"a hmasa ber ah kei ni,a dawt ah Zuali,tun ah nang ni a hnuhnûng berah,a țha hle mai,"a ti a,tichuan zân hlimawm tak leh hun nuam tak chu an hmang ho a ni.
Zîng ah chuan Hluna chuan a pa te chu phone in,"ka pa,vawiin ah chuan ka lo la haw lo ang aw,nikhat dang châm leh lawk ka duh a,"a ti a,Pu Rina chuan,"awle,mahse kha lai ah khân char bet tu țha tê a awm a nilo maw?"a ti a,a nui hak hak a,Hluna chuan nui hak hak in,"englo a nia,ih maw,pheichham ka man mai thei a nia,"a ti leh a,Pu Rina chuan,"a țha a lawm,ka rin dan chuan pahnih lam thil a nih ka ring a,in lo haw dawn ah min lo hrilh la,ropui thei ang ber a lo hmuak tur cheu in kan lo inbuatsaih ang,"a ti a,Hluna chuan,"ka lawm e ka pa,in hmuh hun chuan in phu nasa ngawt ang,a nih phawt,"a ti a,phone chu a dah leh ta a.
Ni khat liam hnu chuan Hluna te pawh chuan haw zai rel an tum ta a,Hluna chuan phone in a pa te chu an haw tur thu chu a hrilh a,tûkțhuan eikham chuan an in siam sawk sawk a,in lam pan chuan an haw zui ta nghâl a.Hluna chu a mah chauh in a motor ah chuan a chuang a,Sangtea te nupa leh Remremi te chu Sangtea te motor ah chuan an chuang thung a,kawngah chuan tlûang tak a tlân zel in,mahse Falkawn thlen hma minute sawmli tlân vel ah,khaw lian vak lo an tlan pel țep tih ah chuan naupang pakhat hi kawngpuiah chuan a rawn tlan thut mai a,Sangtea chuan naupang chu sut hlau takin a motor chu kawng thlang lam hawi zawng chuan a han herh kual thut a,kawngthlang metre sawmhnih vel thleng chuan an lumthla ta a,Hluna chuan a hmuh veleh a motor chu a khalh chak sauh a,accident thlen na hmun ah chuan motor chu a ti ding tuarh a,khaw chhûng a mi te pawh chu accident thlenna hmunah chuan an tlân nghâl vat a,Ambulance chu ko nghâl vat in,hliam tuar te chu kawngpui ah chuan zâwn chho in Ambulance ah chuan an hlâng a,Falkawn damdâwiin chu an pan pui nghâl a,Sangtea leh Kimkimi chu an hliam a na vak lo a,Kimkimi chu a ban ruh a auh a,a lu ah hliam chhete nei in,Sangtea chuan a lu ah hliam na lutuk lo nei in,a nakruh pahnih a auh bawk a,Remremi chu a hliam a na deuh a,a lu chu sawh in,a hmai vel te chu thisen in a bual sen nuah a,Hluna chu Remremi kiang ah chuan an țhu a,a kut a vuan in,"țang hrâm hrâm rawh,kan thleng țep tawh a nia,i dam leh dawn a nia,"a ti mawlh mawlh a,Hluna chuan Sangtea pa te leh Kimkimi pa te ho chu a phone nghal a,Remremi pa te pawh a phone nghâl bawk a,damdâwiin an thlen chuan Hluna chuan a pa te chu phone in,"ka pa,kan rawn thleng hma theilo ang,"a ti a,Pu Rina chuan,"eng nga ti nge?"a lo ti dam dap a,Hluna chuan,"tunah I.C.U ah a awm mêk,"a ti leh a,Pu Rina chuan,"awle,kan lo kal nghâl ang,"a ti a,phone chu a dah zui in,a insiam mawlh mawlh a,Pi Hruaii hnên ah chuan,"insiam rawh,damdâwiin ah kal a ngai a nia,"a ti a,Pi Hruaii chuan eng nge ni ta a?"a lo ti a,Pu Rina chuan,"kal pah in ka hrilh ang che,"a ti a,inhnuai ah chuan an chhuk ta nghâl.Remremi chu I.C.U ah an dah lût nghal a,rei vak lo ah Remremi pa te leh Pu Rina te ho pawh chu an thleng ve nghal a,Pu Rina chuan,"eng nge dinhmun?"tiin a han zawt a,Hluna chuan,"tunah I.C.U ah a awm mek,"a lo ti a,damdâwiin corridor ah chuan an nghâk țhap a,Sangtea te pawh chu thei leh theilo chuan țhutthleng ah chuan țhu in,Doctor chu an lo nghâk ve a,rei tak an nghah hnu ah chuan Doctor chu pindan chhûng a țang chuan a rawn chhuak a,Hluna chuan lo be vat in,"eng nge a an a,a rawn harh chhuak leh thei ang em?"a ti a,Doctor chuan,"a pawi khawp mai,kan in chhan hman ta lo a ni,a lu a sawhna ah khân a thluak a thisen zâm a chat a,thisen a hloh na sa lutuk a,'minute sawmhnih' chuan rawn thleng hma ula chuan kan in chhan hman tur a nia,"a ti a,Hluna te chu pindan chhûng ah chuan an lut a,khuma Remremi mu chu en in,tumah insûm thei an awm lo,an mittui chu hruk huk sên a ni lo,Pi Muani chuan,"awii,ka duh thei lo,"tiin khum a Remremi ruang mu reng chu a kuah in a țap zawih zawih a,Hluna chu khum bul ah chuan kal in,Remremi kut ah chuan a vuan a,"Remrem,min kalsan suh,ka kiang ah i awm dawn kha,min tiam kha,khawngaih tak in lo tho leh rawh,"tiin Remremi chu a ko mawlh mawlh a,Pu Rina chuan,"aw,a van zialo tak êm,eng nge ti nge hetiang thil hi a thlen mai le,hlimna kan tawng dawn emaw tih lai in thihna kan tawk leh ta si,khuanu ruat dan pawh hi hriatthiam a har mang e,"a ti zuai raih a,Pu Hriata a chuan a hma zan a Remremi nên an inbiak lai te chu a ngaihtuah a,Remremi chuan zân a Hluna'n in neih pui a asawm thu te chu a hrilh vek a,Pu Hriata nupa pawh chu an lawm hle a,an fanu tan a mi țha ber ni a an ngaih Hluna ngei in inneih pui a asawm chu an hlim hle a ni,Pu Rina te hnên ah pawh Hluna chuan engkim chu a hrilh ve vek bawk a,Pu Rina chuan a rang thei ang ber a inneih tir chu a lo tum ve rauh rauh a,mahse chûng an thil hriat leh an tum te chu mumang chang zo in,meikhu ang in a zam ral ta,tlai ni tla ang mai in a liam vawng vawng a,auh kir theih rual a ni tawh lo.
Zan dar ruk leh a chanve a pelh chuan insiam in,Remremi ruang chu Ambulance ah phur in Aizawl chu an pan ta a,Hluna chuan a motor chu ngaihsak tawh lo in Remremi kiang ah chuan a țhu reng a,Pu Rina chuan an țhenawm hnai a an nau te chu phone in,an motor leh Sangtea te motor chu ngaihven tur in a ti a,an ni pawh chu an tlân haw ve ta nghal a. Sangtea chuan Zuali chu phone in Remremi thih thu chu a han hrilh a,Zuali chu a țap nghâl zawih zawih a,a pasal Rinsanga chuan thil awmdan an zawt a,Zuali chuan țap țûauh in,"Remremi kha a thi a,"a ti a,Rinsanga chuan,"insiam tawh,tunah kan kal nghâl ang,"a ti a,a nu leh pa te chu thil awm dan chu hrilh in,Aizawl pan chuan an tlân ta vang vang a ni.
Remremi an vui hnu chuan Hluna chu a danglam sawt hle a,a rilru na thawpik,lunglêng bawk si chu thlân ah chuan a kal reng a,ina a awm chuan a thawpik a zual zel si a,Pathian a hlat tial tial a,a tawp ah phei chuan ruihhlo ah cma țuan ta a. Zu leh damdâwi a tih vâng khân a rilru natna leh hahna zawng zawng te kha kîang vek tur ah a ngai a,zu a in tluk tluk a,zanrei tak tak thleng khawlai ah a tei vak a,a tawpah zu in in,damdâwi a in ei rui leh mai țhin,mahse chu chuan a na chu a chhâwk rêng rêng lo,a na chu a ti zual zel zawk a ni.
Thla khat lai in ah a haw tawh lo a,Pu Rina te nupa pawh an mangang tawh hle a,tih ngaihna lah an hre silo,a tawpah chuan Sangtea dawr kal chuan a hmu fuh ta hlauh mai a,motor ah chuan luh tir in hmun fianrial lam chu a pan pui ta a.motor a țang chuan Hluna chu chhuk in,kal bo leh nghâl mai a han tum a,Sangtea chuan a ban ah chuan kai in,an piah lam a tlâng sang vak lo,thlang lam erawh awih ve tak awm na ah chuan a hruai ta a. Hluna chuan,"eng nge ni ta,hei lai thleng thleng kan kal a,"a ti a,Sangtea chuan,"țhianpa,i awmdan hi a dik lo,a țhalo takzet a ni,"a ti a,Hluna chuan,"ka nun ah hian lo inrawlh suh,i lo buai ve na tur a awm lo,eng kim hi a tawp vek tawh,kei pah ka tawp tawh,"a ti a,thlang lam ah chuan zuanthlak a han tum a,Sangtea chuan a lo dang a,"ngathla teh,hei hi a la tawp rêng rêng lo,i thusawi te kha i theihnghilh tawh em ni,mahni intihhlum i tumloh thu i sawi te kha,ruihtheih thil tih i tumloh thu i sawi te kha,"a ti leh a,Hluna chuan,"aih,engkim hi a danglam vek tawh,khâng thil te kha chu hun liam tawh a ni,a tawl vek tawh,"a ti a,Sangtea chuan,"ni e,khâng kha chu hun liam vek tawh a ni ti raw,mahse khâng thi te kha dam chhûng a tan a ni,i hria em,tuna i thil tih hi,bansan rawh,ruihhlo i tih a vang hian i nun hi li tawo ta se engtin nge i tih ang,i nu leh oa te țap hmêl chu i hmu duh dawn em ni?i kîang a an awm lai a an hlim hmêl danglam dan tur ngaihtuah ve rawh,Remremi nu leh pa te ang bawk khân an țap dawn a sin,chu chu i duh em ni,nge mithi khua a țang a lo tho leh in ngaihdam i dil zawk dawn,i thih hnu ah i tho leh thei dawn miah lo a nia,"a ti a,Hluna chuan,"a tawk,min kalsan tawh rawh,"a ti a,Sangtea chuan,"awle,mahse hei hi hre reng rawh,i thil tih hi Pathian duh dan nilo in nangma duh dan a nih kha,Remremi pawh in thlarau khawvel a țang in a lo thlir reng che a,a zahpui ngawt ang che,Remremi duh dan pawh a ni miah lo ang,ka thu sawi hi i tan vek a ni,"a ti a,a kalsan ta a.
Sangtea kal liam hnu chuan Hluna ngaihtuahna chu a kal ding hle a,a ipte a damdâwi mum a ah chu phawrh chhuak in ei mai a han tum a,mahse Sangtea thusawi chu a han ngaihtuah nawn leh a,a awmdan te chu siam țhat a tum ta a,a thil ken lai chu paih in a jaket chhûng lama a zu ah chu a phawrh chhuak a,bunruak vek in a bur ruak chu hnawmbawm ah chuan a thlak ta daih a,in lam pan chuan a haw ve ta hnak hnak a. Zu leh damdâwi a nghei tirh chuan harsa a ti ve hle a,mahse Remremi ngaihtuah chung in a tum hrâm hrâm a,mahse a tawp ah chuan a awl tial tial a ni.
Hun a kal zel a,tlai lam ah chuan Remremi te ho nên a an lenna hmun,an țhian ho a kar tawp a an kal țhin na ah te chuan a kal țhin a,tunah chuan Remremi khân thlrau khawvel a țang in a lo thlir reng ang a,hlim tak leh thlamuang takin a awm tawh ngei ang,tiin a ngaihtuah a,rilru kimlo tak chung chuan hlimna chuan a hmuak ve țan ta.
Chu lai hmun chu tlai lam ni tla tur thlir nân a hmun nuam em em a nih avang in mi kal vel pawh an awm ve nak nak a,Hluna chu tlai lam ah chuan phûl chung a țhu in ni tla tur chu a thlir reng țhin.
Tlai khat chu ni tla tur a thlir țhin na hmunah ah chuan țhu in,Remremi nên a an hun hman dun lai,an len dun te,Saitual a an zin țum a an len dun lai te,țamdil an kal lai te chu a ngaihtuah a,Gauhati a țang a an haw dun țum te,an pahnih a an nunhlui zawng zawng te chu a ngaihtuah a,a mittui chu a biangah chuan a lûang ngiai ngiai a,miin an hmuh loh nan a han hru zauh a,chutia a ngaihtuah lai tak chuan eng nge maw ni hian a rawn ti harh zawk a,a han hawi chhuah chuan a bul ah chuan hmeichhe pakhat hi a lo ding reng a,chu nula chuan,"helai ah hian ka lo țhu ve thei ang em?"nui sen sen chung hian a han ti a,Hluna chuan nui sâng chung in,"teh reng mai,lo țhu ta che,"a ti a,chu nula chuan,"ka lawm e,ka hming chu Remruatpuii a nia,tunge i hming?"tiin nui sen sen chung in a han zawt a,Hluna chuan mak tih hmel zet hian a lo en reng a.
A TAWP TA —

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)