20. Minute.. by Emanuel_huha (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

20. Minute.. by Emanuel_huha (Completed)

Unread post by Ngaia » July 3rd, 2022, 1:36 pm

20. Minute..
by Emanuel_huha.
Bung-1
Zing dâr ruk a rik meuh chuan Hluna chu a
tho var tawh a, choka lam a a nu eirawng bawl
chu a pui mawlh mawlh a. Pi Hruaii te nufa chu
an titi dun mawlh mawlh in, Hluna te Collage lam
chanchin te chu an sawi dun a. Pi Hruaii chuan
a zawt zel a,a zirna leh a ṭhian te chu an sawi
chhuak zel a. Hluna chu a ngawi dat a, e tak a
nu, kan Collage ah chuan lo lût thar an awm a,a
ti a,Pi Hruaii chuan, tute nge ni a, a lo ti a, Hluna
chuan, ka hre chiah bîk lo, hmeichhe pathum an
nia,mahse an lan dan ah chuan in kâwmngeih
tak chu an nih hmel, nui var var chung
hian a ti a,Hluna bawk chuan, pakhat chu
Remremi ni ta in ka hria,mahse in hmelhriat na
hun pawh ka nei hman vak lo a, a ti leh a,Pi
Hruaii chuan, a nih tak chu,a ti a,thingpui chu a
siam mawlh mawlh a,bawiha, lo chhunzawm
rawh aw, a ti a,inpui lam ah chuan a phei san ta a.
Pu Rintluanga chu thutthleng sei a âwn der
dawr a ṭhu in chanchin bu chu a lo chhiar
mawlh mawlh a.Pi Hruaii chuan thingpui no
chawi in Pu Rina hnenah chuan, pâ a, nizan i
mutui em?a ti a, Pu Rina chuan,aw, mutui
tehreng mai, nang zawk, i mutui em?tiin a lo
zawt let ve a,Pi Hruaii chuan,mutui a niang, i
muttui leh tui loh pawh ka hre lo a nia,nui
huk huk chung in a ti a.
Hluna chu choka ṭhutthleng a ṭhu in
lehkhabu chu a chhiar mawlh mawlh a,
eirawngbawl a zawh hnu chuan a pa te chu koh
in tukṭhuan chu an ei ta a.
Tukṭhuan ei kham chuan Hluna chu a in siam
mawlh mawlh a,a in siam zawh chuan, nu,pa,
ka kal aw, a ti a, hmanhmawh deuh in a chhuak
a, Collage pan in a bike chuan a in khalh
chhuak ta a..
Hluna hi tlangval a ni ve ṭan tawh a,a fel em em
a,a taima in,tihhreh a nei lo va,ruihtheih thil
engmah a ti lova,a hmel chu ṭha em em lo mah
se chhe lutuk chu a ni bik lo, sâng lam, sa
inphut mawi tawk ai a rîa lam deuh a ni.Unau
pahnih ni in, a U hi hmeichhia a ni a, mahse
pasal a neih san tawh a vang in Hluna te chu a
nu leh pa te nen chauh an awm a ni.
Hluna chu Sangkima te in lam ah chuan kual in
a ṭhianpa chu a sawm kual a, kal pah chuan an
ti ti dun mawlh mawlh a,Sangtea chuan,
ṭhianpa, nimin a lo lut thar te kha i hria em? a ti
a,Hluna chuan, hria e,eng nge ni ta?a ti a,
Sangtea chuan, an fel hlawm teh a sin, ka in
hmelhriat tir ang che,pa khat phei chu a
hmelțha lutuk, i hmuh hun ah i hre mai ang, a ti
a.Hluna chuan, tunge a hming ni a?a ti a,
Sangtea chuan,Kimkimi a nia,a ti a,Hluna
chuan, a ṭha a nih chu, kan hmu ang a, a hriat
mai ang, a ti a,Collage chu an thleng zui ta a.
Collage an thleng fel awrh tih ah ṭan dar chu a ri
nghal a,Hluna te ṭhian dun pawh chu class
room chhung ah chuan an lut ve nghal a. Class
room chhung ah chuan tu mah mah in be lo in
an ṭhu reng a,an ṭhiani te lam pawh chu
ngaihtuah tawh lo in an zirlai lam ah chuan an
rilru chu an pe ta zawk a..
Class room a ṭang a an chhuak chiah chu
Sangtea chuan ṭawng chu a chuh vat a,ṭhiana,
vawiin chu ka rilru ah eng mah a lût thei lo reng
reng, a ti a,Hluna chuan,Kimkimi vang a niang
chu, a ti a,Sangtea chuan,ni teuh lo mai, mahse
a ni ve deuh tho, a ti a,Hluna te chu Collage
kawt a ṭhutthleng an siam ah chuan an ṭhu a,
Sangtea chuan a sawi zel a,Kimkimi chu a sawi
leh a,Hluna chuan,chutia ṭha i tih viau chuan
hrilh la a ni mai a lawm, a ti a,Sangtea chuan,i
hrilh ngam bik dawn a mi,mawl leh lutuk mai, a
ti a,Hluna chu a nui suk a, a bag a ṭang a
lehkhabu phawrh chhuah pah chuan,mipa i ni
lawm ni, a ti a,lehkhabu chu a chhiar san ta a.
Sangtea chuan,aw haw! ka van riang ta ve, ti ti
pui tur pawh ka nei tawh lo a ni,ka ṭhian ṭha
ber lah chuan min phatsan tawh bawk si,a ti a,
a nui hak hak a,chutia a tih vêl lai chuan
hmelṭha a tih em em mai Kimkimi te ngei chu
an awm na lam pan chuan an lo kal ta a,
Sangtea chuan a ṭhian pa chu nghawk zauh in,
saw ṭhiani te ho an lo kal a nia,a ti a,Hluna
chuan a lehkhabu chhiar lai chu dah in a hawi
chhuak a, an awm na an thlen chuan Sangtea
chuan,in van chhelo hlawm ve,a lo ti a,Kimkimi
chuan,nangni a lawm chhelo,a ti a.Sangtea
chuan,kei te chu sawi ngailo in ka chhelo sa alawm, e, hei hi ka ṭhianpa Hluna a nih hi,Hluna,
hei hi Zuali a nia, hei Remremi,hei hi Kimkimi a
nia,a ti a,in hmelhriat ṭha ber ni awm tak in a in
hmelhriat tir zung zung a.Hluna chuan chibai
pah in,Remremi hi chu nimin khan kan in hmu
tawh a,mahse mi dang hi chu ka la hmu lo,a ti
a,Kimkimi chibai pah chuan,hei hi maw hmelțha
i tih a i sawi i sawi chu, nui tet tet chung chuan
a ti a,Sangtea zak lutuk chu a sen nghal ṭâwn
ṭawn a,Kimkimi lai lutuk chu a nui suk a,a tawp
ah chuan an nui ta hawk hawk a.
An ngawih vang vang hnu chuan Hluna chuan,
hawh u,saw lai Restaurant ah sawn va in
hnawh puar teh ang u,a man chu ka pe vek ang,
a ti a,Sangtea chuan hniak zawm vat in, nia,i va
kal teh ang u,a man pek pawh a ngaih loh chu,
a ti a,an ṭhian dun chuan an nui var var a,
Restaurant lam pan chuan an kal ta a.
Dawr an luh hnu chuan Hluna chuan,eng nge
in ei duh,in duh duh lam rawh u,a man chu kei
man ka pe dawn a nia, a ti a,Remremi chuan,kei
chu coffee ka lo in ang,a ti a,Kimkimi leh Zuali
pawh chuan,keini pawh coffee chu a ni mai,an
lo ti ve a,Hluna chuan,in va lam ho ve,in in
thlahrung a ni lo maw? a ti a,Zuali chuan,aih,
inthlahrung lo e,engmah pawh kan ei châk lo,a
ti a,Hluna chuan,a nih leh le,a ti a,Sangtea chu a
mitmei zauh a,Sangtea chu a lo bu nghauh a,
Hluna chuan,waiter hnên ah chuan,artui plate
hnih,coffee no thum nen aw,a ti a,waiter chuan,
awle a ti a. Reilo tê ah an thil chah chu a rawn
thleng nghal a,an ei zawh hnu chuan Collage
lam ah chuan an kir leh ta a. Collage a an thlen
leh hnu chuan an ṭhut na hmum ah ṭheuh an
ṭhu a,tumah chu in be tawh lo mah se an hlim
hlawm hlê a,bân vat vat an chak tawh vek a
ni. Class an bân leh hnu chuan an ti ti leh bawrh
bawrh a,hlim tak a in mangṭha in an i ṭhen ta a,
Hluna te ṭhian dun chu bike chuan an in khalh
haw leh ta a.
Sangtea te in an thlen chuan Hluna pawh chu
a lût kawi ve lawk a, thingpui te an in zawh
chuan haw leh nghal mai a tum a,Sangtea nu
leh pa te chuan chelh an tum a, mahse Hluna
chuan,ka hman hmawh bawk sia,ka haw leh
nghal mai ang,a ti a,kawngka a a chhuak tur
chu bual pindan a ṭang a rawn chhuah pah in
Sangtea chuan a rawn au zui a,zân ah ka lo
lêng ang,chaw ei tui,ti in an in vai liam ta a.
Zanriah an ei kham fel hman deuh chauh tih
ah chuan kawngkhar chu a rawn ri dat dat a,Pi
Hruaii chuan lo lût rawh,tih pah in kawng ka chu
a hawng vat a, kawngkhar pâwn lam ah chuan
tlangval hmêlṭha leh pumrua tê lêm lo tak hi a
lo ding reng a,chutia kawngkhar a hawn tâk ah
chuan inthlahrun hmêl deuh hian,ka lo lût thei
ang em?zawi sap hian a ti a,Pi Hruaii chuan,i
van ho mai mai tak,lo lût rawh,eng nge ni ta?a ti
a,Sangtea chuan,eng ni hran lo e,Hluna hnen ah
khan,zân ah ka lo lêng ang ka ti a,ka lo lêng mai
mai,a ti a,inpui lam ah chuan an lût phei ta a.
Inpui ah chuan Pu Hriata te pafa chuan
lehkhabu an lo chhiar mawlh mawlh a,Sangtea
te thawm an hriat chuan an lehkha chhiar lai
chu an dah a,Hluna chuan,Sangtea chu,i lo lêng
elo,i lo lên tak tak pawh ka ring lo a,a ti a,
Sangtea chuan,ka lo lêng ang ka tih kha,dâwt
ka sawi ve ngai hlei nêm,a ti a,a nui huk huk a,Pi
Hruaii chuan, thingpui kan lum ang e,a ti a,
choka lam chu a pan ta a.Pu Rina chuan
Sangtea chu a be vat a,thingpui te an in a,an ti ti
luam,Sangtea chuan,ka haw phawt mai ang,a ti
a,a haw ta a.
Zîng khua a lo var chuan Hluna chuan a dân
pângai in a nu ei rêl chu a pui leh a,tûkṭhuan ei
kham chuan a in siam a,Collage lam pan chuan
hmanhmawh tak in a kal leh ta a.Collage a
thlen chuan a ṭhian te ho nên chuan hlim tak a
ti ti chung in class room ah chuan an lût a,
chhûn chawlh ah chuan hlim tak in canteen lam
chu an pan ho leh ta a.
Sangtea chuan,naktuk chu kâr tawp chawlh a
ni bawk a,lêng ho ve i la,in duh lam zâwng a ni
em? a ti a,Hluna chuan,nia,a nuam ngawt ang
chu,a lo ti a,Kimkimi chuan,tih tur chu ka nei lo
a,ka pa ten an remtih leh tih loh a ni mai,a ti a.
Zuali chuan,kei pawh ka hman ang,a ti ve bawk
a,Remremi chuan,kei chu chawhma lam chuan
ka hman lo vang,a ti a,Sangtea chuan,eng ngati
nge?a lo ti vat a,Remremi chian,ka pa te
damdawiin ah kal an ngai a,a ti leh a,Hluna
chuan,eng ngati nge,an nuam lo em ni a?ti in a lo
zawt a,Remremi bawk chuan,aih,nuamlo lo e,ka
nî a awm a,ka nau te awmpui ka ngai dâwn a,a
ti a,Hluna chuan,a nih chuan chawhnu lam ah
kan kal ang a a ni mai a lawm,a ti a,Sangtea
chuan,ni e,ni e,chawhnu lam ah kan kal ang nga
a ni mai a lawm,mahse eng tin nge kan in
thurual theih ang,a ti a,Hluna chuan,kan in phone mai dawn nia,a ti leh a,an ti ti leh
luam a,class room lam pan chuan an kir leh ta
a.
Tlai bân ah chuan Hluna chuan Remremi
hnen ah chuan,khawi lai ah tak nge in awm,a ti
a,Remremi chuan an awmna chu a hrilh a,lo lên i tum em ni?a ti
leh a,Hluna chuan,nakin ah,ka hman remchan
hun ah ka la rawn lêng ang,a ti a,Remremi
chuan,i lo lêng dawn nia,a ti a,an in mangṭha
hnu chuan Hluna te ṭhian dûn chu bike chuan
an in khalh haw nghal a,Remremi te ho pawh
taxi rawn tlan chu lo phar in in lam pan chuan
an chuang haw ve nghal a.
Zanriah an kîl lai chuan Sangtea chuan,ka
pa,naktuk chu ka ṭhian te nên lên kan tum a,
rem in ti em?a ti a,Pu Zuala chuan,aw,rem ti e,
mahse tu i ṭhian te nên maw? a ti a,Sangtea
chuan,Hluna te leh Kimkimi te nên,a ti a,Pi
Rinfeli chuan,tu nge Kimkimi chu?a ti a,Sangtea
chuan,kan Collage a mi a nia,a ti a, Pi Rinfeli
chuan,a nih tak chu,a lo ti a,zanriah ei kham
chuan Sangtea chuan lehkha a zir leh a,ti chuan
hlim tak in a mu ta a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:37 pm

20 Minute. BUNG 2 na
Zîng khua a lo var chuan Hluna chu a hmâ tak
ah a tho a,a nu eirawng bawl chu pui lo in bazar
lam ah chuan a chhuak ta thung a,Bus chu a
rawn ding rìai riai a,Hluna chu a chuang nghal
vat a,bazar thleng chuan a kal ta a.Bazar ah
chuan mi an tam hle mai a,chawhmeh eng ilo a
lei hnu chuan haw mai a han tum a,haw a tum
lai tak chuan Zuali chu a hmu a,Hluna chuan
Zuali lam chu a pan phei a,an in biak lai tak chuan la nuvalai deuh
mai,hmel felfai leh hmelțha deuh mai hi an lam
pan in a rawn kal a,chu nu chuan,bawihte min
lo nghâk rei tawh em?a ti a,Zuali chuan,aih,
nghak rei lo ve,a ti a,Pi Siami bawk chuan,hei,tu nge a? i
ṭhianpa em ni?a ti a,Zuali chuan,aw,kan
Collage a mi a nih hi, a ti a,Pi Siami chuan a han
chibai a.Zuali chuan,Hluna, hei hi ka nî Siami a
nih hi,a ti a,Pi Siami chuan,nakin ah i lo la lêng
dawn nia,kan in te pawh i la hmuh loh kha,a ti a,
Hluna chuan,nia,ka la rawn lêng dawn nia,ka
haw phawt ang,a tlai tawh sia,a ti a,a haw zui
nghal a,Zuali te pawh taxi rawn tlan chu lo phar
ding in,in lam pan chuan an haw ve ta nghâl a.
Motor chhûngah chuan Zuali te ni vah chu
ngawi reng in an an ṭhu dun rân a,Pi Siami chu
ṭawng chhuak hmasa in,"mâte,i ṭhianpa chu a
fel hmêl hle mai a,khawi vêng ah nge an awm
a?"a ti a,Zuali chuan,"Dawrpui vêng ah an awm
a,a fel lutuk,"a lo ti a,Pi Siami chuan,"a niang,a
hmêl en khân a fel ka ring a ni,bakah,mi
zahawm tak an ni ngei ang,â!! kan thleng tawh
e,driver,tah hian ding rawh aw,"a ti a,motor a
ṭang chuan chhuk in,inchhûng ah chuan an in
khai lût ta a.
Tukṭhuan ei kham chuan Pu Hriata te nupa
chu damdawiin a kal tur chuan an insiam
mawlh mawlh a,Pi Muani chuan Remremi
hnênah chuan,"bawihte,i nau te hi lo awmpui la,
kan lo haw har lo ang,i ni hi a bawrhsawm lutuk
a,a buaithlak a nih hi,mahse Pathian zarah a
ṭha ve leh mai ang,"a ti a,Remremi chuan,"in
lam chu ngaihtuah suh u,ka awm a lawm,chulo
rengah,nau fel deuh deuh ka nei a,"a ti a,Rinrini
chuan"a nu,thil min lo lei rawh aw," a lo ti ve
bawk a,Pi Hruaii chuan,"aw,tehreng mai,ka theihnghilh
loh phawt chuan aw,"a ti a,damdawiin pan
chuan an kal zui ta nghal a.
Tukṭhuan an ei kham hnu rei vak lo ah chuan
Kimkimi chu dawr a thil lei tur chuan a chhuak
a,chhuah pah chuan a nau Remsanga chu
sawm in,dawr ah chuan a kal a,dawr ah chuan
hmawmsawm eitur te lei in an haw leh nghal a,
Pu Ruata te hnênah chuan,"pa, vawiin chawhnu
chu kan lêng dawn a nia,"a ti a,pu Ruata chuan,
"i duh a thu a ni mai a lawm,"a ti a,Pi Hriati
chuan,tu te nen maw,"a lo ti vat a,Kimkimi
chuan,"Remremi te,Hluna te nen,"a ti a,Kimkimi
chu a pindan ah chuan a lut zui nghâl a.
Sangtea chu choka ah chuan a thingpui
chuan chu a vil vat vat a,a thingpui chhuan a so
nghawr ṭan tih ah chuan a phone pawh chu a
rawn ri nghawr ve dar dar a,a han en chuan pi
Hruaii phone a lo ni a,Sangtea chuan la vat in,
"hello nu,eng nge ni ta?"a ti vat a,Hluna chuan,"i
nu ka nilo Sangkawi,"tiin a lo chhâng a,Sangtea
chuan,"e,teh daih chuah,ka hai che nge ka
hresual zawk che,"a ti leh a,Hluna chuan,"a
pahnih in,chuan vawiin chu i hman thei dawn ta
emaw chu?"a ti a,Sangtea chuan,"hman tuk e,
nang zawk?"ti in a chhâng a,Hluna chuan,"teh
rêng mai,rem chîangkûang tak a nih chu,hmân
ni nimin naktuk khân an phal,"a ti a,Sangtea
chuan,"a nih tak chu,e chuan maw,min rawn
sawm phei tawh aw,"a ti a,Hluna chuan,"aw
mahse lo va kal ka tum a,dawrah te kal ka tum
a,"a ti a,Sangtea chuan,"umm,a nih chuan a
pawi lo mai,"a ti a,Hluna bawk chuan,"mellinium
kawt ah ka lo nghâk ang che,"a ti leh a,phone
chu a dah zui ta nghâl a,Hluna chu a thaw halh
a,a hmai te phih fai in,a chhuak zui ta nghâl a
ni.
Hluna chu dawrah pawh kal chuanglo in,
Remremi te in lam chu a pan nghal a,Remremi'n
a hrilh na hmun ngei ni a ahriat,in lian deuh
hmun chu a thleng ta a,kawtah chuan ding in
thawk a han la halh a,tichuan kawngka lam chu
pan in,a han kik karh karh a,Remremi'n a hrilh
kha chu ni ngei chuan a hria a,a ngaihtuah lai
chuan kawngkhar chu chhung lam a ṭang hian
a rawn hawng a,hmeichhe tleirawl ve ṭan tawh,
hmêlțha deuh mai hian,"lo lut rawh,"a lo ti a,
Hluna chuan,"hei hi Pu Hriata te in a ni em?"tiin
a han zawt nghal a,tleirawl bawk chuan,"aw ni
e,lo lut rawh,a u kan ko lawk ang e,"a ti a,Hluna
chu ṭhutthleng ah chuan a han ṭhu a,Sawmtei
chu bual pindanah lamah chuan a kal tlang
nghal a,Remremi chu a lo insu mawlh mawlh a,
Sawmtei chuan inlêng an neih thu chu a hrilh a,
Remremi chu inpui lamah chuan a chhuak phei
ve nghal a.
Inpui ah chuan Rinrini chuan tv chu a en a,
Hluna chuan ṭhutthleng a ngawireng a ṭhu in a
lo en ve a,Remremi chuan,"e hê!! Hluna,i lo lêng
elo?teh hlawl chuan,"a ti a,Hluna chuan,"nia,
dawr kal pah in ka tia,ka rawn kal mai mai a nih
hi,mahse engmah pawh ka lei lo,"a lo ti a,
Remremi chuan,"a ni maw,eng ngati nge a?"a ti
leh a,Hluna chuan,"nia,a ṭul vak chuang lo a,"a
ti a,Remremi chuan,"thingpui kan lum ang e,lo
ṭhu rawh,"a ti a,Hluna chu ngawi reng chuan a
ṭhu a,rei vaklo hnu ah Remremi chu thingpui no
chawi in Hluna bulah chuan a rawn ṭhu leh a,
Hluna chuan,"khawiah nge i pa te hi?"tiin a han
zawt a,Remremi chuan,"damdawiin ah ka ni an
han tlawh lawk a,"a lo ti a,Hluna chuan,"e,a ni
tak maw kha,nimin khân i sawi tak e,a nih,hei hi
i nau te em ni?an fel hmel hle mai,"a ti a,
Remremi chuan,"aw,an fel vak lo,hauh an ngai
ve reng mai,"a lo ti a,Hluna chuan,"hauh ngailo
tak tak kan awm bik hlei nem,kan awm a nih
pawn an tlem viau ang,mihring te nun hi chhût
ila,kan famkim vek hlei thei lo a nih hi,ṭhatna lai
nei mah ila,ṭhatloh na lai chhe te tal kan nei ve
zel a lawm,"Remremi chuan,"a dik chiah,"a lo ti
a,Hluna bawk chuan,"tak a,chuan eng nge i tih
a,ka rawn tibuai viau che em?"a han ti leh a,
Remremi chuan,"aih,tibuai viau lo e,ka insu a,
chu chauh chu a ni mai,tihtur a tam vak lo,"a ti
a,Hluna chuan,"a nih chuan insuk tur ila ngah
em?a hahthlak viau lo maw?"a ti a,Remremi
chuan,"hahthlak love,a tam vak lo,"a ti leh a,
Hluna chuan,"ka lo insuk pui ang che,i inchhirlo
viau ang,"a ti a,Remremi chuan,"a ngailo,a ho
lutuk,insuk tur a tam chuang hleinem,i hah lutuk
ang,"a ti a,Hluna bawk chuan,"teuh lo mai,ka
chauh leh ka thu a ni mai,hetiang te chu ka ti
ṭhang tawh a lawm,ka chak teh mai nia,"a ti a,
Remremi chuan,"a nih insu ila,i inchhir vaih
chuan nangma thiam loh vek aniang,"hmui
tihner deuh nâng nâng pah chuan a ti a,bual
pindan lam chu an pan dun ta a.
Bual pindan an han luh chuan insuk tur
chu a lo awm ṭeuh a,Hluna chuan,"insuk tur a
tam lo i ve sia,hei a tam em hi,hetiang te mahni
a suk tum te chu,a tir ah min rawn hrilh la ka
rawn kal vang vang mai tur a nia,"nui huk huk
chung chuan a ti a,Remremi chuan,"kan
washing machine a chhia a,insuk tûr kan in
hnâwk khawm deuh a,"a ti a,Hluna chuan,
"lungngâi mahta che,ka awm a lawm,insuk te hi
chu ka thiam ve zâwng tak a lawm,"a ti a,a
kekawr chu a han pawt hlim a,bucket lian a
thuamhnaw awm chu an rap ṭan ta a. Insuk
pah chuan an titi dun mawlh mawlh a,a châng
in an nui leh hak hak ṭhin a,an insuk zawh
chuan inchungah chuan an zawn chho a,an zar
zawh chuan inhnuai lam ah chhuk leh in
Remremi chuan thingpui a lum leh a,thingpui te
an in zawh chuan Hluna chuan,"ka lo va kal mai
ang,Sangtea lo va hmuh ka duh deuh a,
chawhnu lam chu i hman ang tirawh,i hman loh
chuan a nuam lo dawn sia,"a ti a,Remremi
chuan,"aw,hman ang chu,mahse ka pa te an lo
haw phawt loh chuan,ka nau te hi awm pui an
ngai dawn sia,"a ti a,chutih lai tak chuan
kawngkhâr chu a rawn in hawng ri rak a,Pu
Hriata te nupa chu kawngka ah chuan an rawn
lut a,Remremi chuan,"in lo haw tawh elo,ka ni
chu eng nge a lo an a?"a lo ti sawk sawk a,Pu
Hriata chuan,"nia kan lo haw der mai,i ni pawh a
ṭha e,a ngaihtuah awm loh, hei inlêng i lo nei
elo,tu nge a,?"a ti bawrh bawrh a,Remremi
chuan,"ka ṭhianpa Hluna a nih hi,a lo lêng a,min
insuk pui a,"a ti leh a,Pu Hriata chuan,"a nih chu,
a va lawmawm ve,i lo lêng tih te chu hria ila
chuan thlâ te pawh a mûang deuh tur a nia,
naupang an mahni chauh a dah chu ngaihtuah
a na duh si a,i lo lêng hlauh pawh chu a
lawmawm e,"a ti leh a,Pi Muani chuan,"bawihte,
thingpui han lum teh,i ṭhianpa pawh hian a duh
ang,"a lo ti a,Remremi chuan,"awle,"tiin choka
lam ah chuan a lut phei nghâl a,Hluna chuan,
"â!!ka haw mai ang,haw ka lo tum deuh a,in lo
haw chauh nângin,"a ti a,Pu Hriata chuan,"la
haw bik lo ang,kan lo haw ve chauh a,thil sual
tiru ang mai a chutia a neitu te awm veleh a
haw daih te chu a,thingpui te pawh kan in ho
ang chu,"a ti a,Hluna chuan han chhân lêt dan
tur a hrelo hle a,nghetlo deug chung chuan a
han ṭhu leh a,Pu Hriata bawk chuan,"tunge i nu
leh pa?"tiin a han zawt a,Hluna chuan,"ka pa
chu Lalrintluanga a nia,ka nu chu
Lalhruaitluangi,"a ti a,Pu Hriata chuan,"khawi
vengah nge in awm?"a ti leh a,Hluna chuan,
"Dawrpui veng ah sawn,"tiin a lo chhâng leh a,
Pu Hriata bawk chuan,"e,Tv leh Fridge fel zawrh
na dawr neitu te saw maw,i pa hi chu a lâr bawk
a ka hre ve a lawm,Pu Hriata chu a ṭawng
bawrh bawrh a,Hluna chuan han sawi vak dan a
thiam silo,imm,aww,a ti a,a lo bu nghauh
nghauh a,Remremi chu thingpui chawi chungin
ṭhutkhawm na ah chuan a lût phei a,Hluna
bulah chuan a han ṭhu a, thingpui te an in a,an
in zawh chuan Hluna chuan Remremi chu
nghawk zauh in,"kal rual law law ila,"hmuiphun
in a ti a,Remremi chuan zawi sap hian,"imm,"a
lo ti a,kawngkhar chu a rawn in hawng ri rak a,
Kimkimi leh Zuali chu in chhûngah chuan lut in,
"in awm maw,"nui var var chung chuan an ti a,
Pu Hriata chuan,"e he! nangni pahnih chu,eng
nge ni ta? tehhlawl chuan,"a lo ti a,Kimkimi
chuan,"nia,Remremi hi len pui ah kan rawn
sawm dawn a,"a ti a,Pi Muani chuan,"a leh ta
ngawt a,lo ṭhu ve phawt rawh u,thingpui te
pawh a awm ang,"a lo ti ve a,Zuali chuan,"Hluna
chu,hêng hêng ah te,eng nge i tih a? i lo va
thleng phei hmâ ve,"a ti a,Hluna chuan,"nia hei,
dawr kal pah in ka tia,ka thleng phei mai mai,a
remchâng em a,"a ti a,Kimkimi chuan,"Sangtea
a lo kal ve lo em ni?"a lo ti a,Hluna chuan,"kal lo,
sawtah min lo nghâk mai ang,"tiin a chhâng a,
Zuali chuan,"pate,Remremi chu lên i phal em?"a
ti a,Pu Hriata chuan,"a ho mai mai,len len a ngai
lo,a chi loh reng reng,"a ti a,Kimkimi chuan,"pate
phal la,chuan chhang ka lo lei sak ang che,"a ti
a,a nui hak hak a,Pu Hriata chuan,"ka duh lo,
chhang chu a tuilo em mai,ka ei peih lo,"a ti leh
a,Pi Muani chuan,"keimah min dil ulang chuan
in ti fuh daih zawk ang mawle,"a lo ti a,Zuali
chuan,"a nih leh ni,kan leng dawn aw,"a ti a,Pi
Muani chuan,"min dil tlai em mai ka phal tawh
lo,"a ti leh a,Kimkimi chuan,"hmm,a ni chu i
sualthiam em mai,kan chawhmeh pawh ka
suah tawh miah lo ang che,"a ti a,an nui hak
hak a,Pu Hriata chuan,"tak tak a mami,han
insiam rawh,an nghak rei lutuk ang che,"a ti a,
Remremi chuan a pindan chu a pan ta nghâl a,
reilo te hnu ah chuan Remremi pindan
kawngkhar chu a rawn inhawng rak a,pindan a
ṭang chuan Remremi chu rawn chhuak in,
inhnuai pan in kailawn ah chuan a chhukthla a,
a thuamhnaw a inhmeh zia chu,jeans kekawr
leh tshirt var a ha a,convers dumpawl a bun a,a
kawrchung hak chu a kiu hnuai deuh thleng in a
ban a pawt tawm chho bawk a,a inhmeh zia
chu,he thawnthu ziak tu meuh pawh hian a hmu
châk a ni. A hmêlțha in a pian a nalh bawk si,a
sam a thlah a,a sam lah chu a kir chiah lo na a,
a ngil em em lo, a mawi zia chu a mah ang a
inhmeh an awm kher lo ang,awmlo han tih
dawn chuan a ṭhian te pahnih an awm ve bawk
sia,an thîk palh ang,an tlem viau ang,mit a hmu
tu tan chuan mit tla lo lêk a thlir vawng vawng
awm rêng a ni. Hluna chuan Pu Hriata hnen ah
chuan,"Zuali te nen hian engtin nge in inchhûn
a?"a ti a,Pu Hriata chuan,"mami te nên hian an
inkâwm ṭhina,chuta ṭang a in ti chhûng kan
nia,"a ti a,Remremi chuan,"kal ila,"a lo ti a,Hluna
ṭawng tui laklawh chuan Remremi ṭawng chu a
lo hre mai lo a,Zuali chuan,"Hluna,i kal ve dawn
lo em ni?"a ti a,Hluna chuan,"e aw,a nih ka pu,
kan kal mai ang,"a ti a,Pu Hriata chuan,"awle,ni
dangah te i lo lêng leh dawn nia,"a ti a,Hluna te
chu an chhuak zui ta nghal a ni.
Millennium center kawtah chuan Sangtea chu
a lo ṭhu vâng a,taxi a ṭang chuan Hluna te chu
an chhukthla diah diah a,Sangtea awmna
lamah chuan an kal phei a,Sangtea chuan a
awmna a ṭang chuan a lo en reng a,a lo en dan
aṭang chuan Sangtea ani tih engti kawng maha
hai theih a nilo,a hlim sâng a,mahse lungnihloh
hmel a pu si,thinrim hmel a pu lo a,engthawl tel
bawk si,a hmelah diriamna hmel a lang a,mit
ngei a hmuh loh phei chuan sawifiah thiam rûal
a ni lo,a rilru a lo thupui a,a ngaihtuahna a lo
tuitam deuh nge ni,Hluna a biak chuan a phu
deuh zawk a,melh nuih suk pah chuan zawi sap
in Hluna hnenah chuan,"i van phakar reuh tak,
hei vâng hi a ni maw kal i lo hmanhmawh em
em a,mahse! ka hrethiam e,tu emaw ber hi i star
a ni chiang,hey,, Kimkimi hi bem ilo tum vel ang
e aw,ka hual a nih hi,"a ti a,Hluna chuan,"teuhlo
mai,chutiang engmah a awmlo,i ngaihtuahna
vak vek thudâwn a nih chu,"a ti a,Sangtea
chuan,"awih loh loh tur,zep ṭit ṭet duh suh ka
hre vek tho,"a ti leh a,Zuali chuan,"Hluna,
khawiah nge kan kal dawn?kal tawh ang u,in
pahnih chauhin in inbia a,min ngaihtuah lo em
mai,"a ti a,Sangtea chuan,"hmm,ka hrethiam e,
êh êh,"a lo ti a,Hluna chuan,"ninawm,Sangkawi,
khawi lamah nge kal i duh,kei chuan khawi
hmunah emaw hruai cheu ka tum a,chumi hma
chuan kal duh na te i nei em?" a ti a,Sangtea
chuan,"ka hre nâng,chutiang te eng ngati nge
nangin kei mi zawh,ding lamah kal ang i tih
chuan kei vei lamah ka kal lo ang a,vei lamah
kal ang i tih leh ding lamah ka kal lo ang a,i
kalna chu ka kal na a ni mai,"a ti a,Hluna chuan,
"nang pawh hi i râwn tlak loh tulh tulh mai,
khawilam âthlo nge ṭin chhia a i rawn khai ṭûn
le,i chilper a piang in ât tûr i rawn paipâwn
chhuak tel ziah leh nghâl,"Sangtea chuan lo
zawm ve zat in,"nang pawh hi i in ti puitling rîau
tawh,engtik aṭang emaw ni khân,hmânni deuh
a ṭang khân niin ka hria"a ti a,a nui tut tut a,
Hluna chu Sangtea bengbul a kun hnaih pah
chuan,"a nu in puitlin zir rawh min tia,"a ti a,
Sangtea chu a nui chhuak var var a,Kimkimi
chuan,"eng nge insawi a,Hluna, Sangtea kha
eng nge i hrilh a,"a ti a,Hluna chuan,"âhh,ïhh,
englo,,, i hre duhlo ang,naupang hriat ve chiloh,
in rilru in ngaihtuah ve tawh mai rawh u,chuan
kal tawh ila,in ril te pawh a ṭam ve tawh lo em
ni,kei chu a ril a ṭam tawh a nia,mahse motor
chuan a peihawmloh,ke in kal ang u,a nuam
zawk,bakah a hrisel an ti,"a ti a,kawngpuiah
chuan a kal ta vut a,midang ho chuan a
hnungah chuan an zui ve hnak hnak a.
Kartâwp chawlh te a ni bawk a,mipui tei vâk
pawh an awm nawk a,kawngpui sir ke a kalna
an siam ah chuan an kal ṭhâm ṭhâm a,thui ve
tâwk an kal hnu chuan restaurant lianpui chu
an thleng ta a,a chhûng lam leh pâwn vel te chu
a thianghlim in changkáng tak a ni. Inchhûng
an luh chuan Hlutei chuan a lo hmu a,"e he! U,in
lo kal elo,in lo van kal khât em em,"a ti a,Hluna
chuan,"nia,tunlai chu hun ka neilo lutuk a,in
dam maw?" a ti a,Hlutei chuan,"aw,Pathian
zârah kan ṭhat lai tak a ni,hei i ṭhiante em ni,lo
ṭhu rawh u,in ril a ṭam em?eng nge in ei duh?"a
ti leh zung zung a,Hluna chuan,"aw,an nih hi,
chuan eng nge eitur awm a,tui deuh han siam
teh,ka ṭhian te pawh hi an ril a ṭam tawh viau
ang,chuan khawnge ka u te hi? "a ti a,Hlutei
chuan,"choka ah an awm,lo nghâk rawh u,eitur
chu kan siam ang e,"a ti a,choka lam ah chuan
a lut phei ta nghâl a. Hlutei luh hnu lawk chuan
Rema te nupa leh Sarahi te chu choka a ṭang
chuan an rawn chhuak ve nghâl a,Sarahi chu
Hluna bulah chuan a kal nghâl a,"a pute,i van
rawn kal khât êm êm,"a ti a,Hluna chuan,"nia
bawihte,hun ka neilo lutuk a,min lo ngai tawh
em?"a ti a,Sarahi chuan,"imm,"tiin a lo chhâng a,
Hluna chuan,"kei pawh in ka ngâi tawh lutuk
che a lawm,mahse hei ka lo kal tawh hi,i lawm
tawh em?"a ti a,Sarahi chuan,"aih,i lo kal khát
thei lutuk a,"a ti a,Hluna chuan,"a nih,tun a ṭang
chuan kar khatah vawi thum tal rawn kal ka
tum tawh ang,"a ti leh a,Sarahi chian,"hmm,ka
awih lo,i lo kal loh vaih chuan aw,"a ti leh a,
Hluna chuan,"awle,ka lo tum ngei ngei tawh
ang,"a ti a,Sarahi chu a pawm ta hle hle a,Rema
chuan,"Hluna, in va fel ve,in rawn lêng vang
vang a,chhûn thil te in ei tawh em?" a ti a,Hluna
chuan,"Hlutei khân kan siam ang e,a tia, vawiin
chu engmah kan tilo bawk a ka ṭhian te ho hi
ka rawn lên pui a nih hi,"a ti a,Rema chuan,"in
dam ṭha maw?" a ti leh a,Hluna chuan,"Pathian
zârah kan dam ve ṭâwk ṭâwk e,"a ti a,Hlutei
chuan eitur tui hmêl deuh deuh hi a rawn chawi
chhuak a,dawhkan ah chuan a chhawp a,Rema
chuan,"dawrtu awm loh lai tak a ni bawk a,ti
khân ei mai rawh u,nau te in ni bawk a a free
vek in aw,in duh belh leh chuan lam leh mai
rawh u,"a ti a,Hluna u,Mami chuan fiamthu in,
"Sangtea chu a ei thei leh mai mai ang chu,"a lo
ti a,an nui hak hak a,Sangtea chuan,"eng nge,ka
talent dawn a ni ve mai a,khuanu ruat dan a ni
ve mai a ni,"a ti a,thil ei pah chuan an titi ho
bawrh bawrh a ni. Tlai lam dar hnih leh a
chanve a pelh chuan Hluna te pawh chuan haw
zai an rel ve ta a,hawkawng ah pawh chuan an
hlim tlâng hle a,mahni in lam pan chuan an
haw ta ṭheuh a ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:37 pm

Bung 3 na
Kimkimi chu inkhawm tur chuan a in sîam mawlh mawlh a,kawngka chu a rawn ri dat dat a,lo lût rawh,ti in kawngkhar chu a hawng a,pâwn lâm a Sangtea lo ding reng a hmuh chuan,e hee!Sangtea chu,i lo kál dêr tawh e lo?i va hman hmâ ve,ka la in peih lo deuh a,mahse ka réi tawh lo âng,a ti a,Sangtea chuan,i Pa tê an kál tawh em ni?a ti a,Kimkimi chuan,aw kal tawh,a ti leh a,Sangtea chuan,an va hmâ bîk ve,nang lah i mûang êm êm a,hmanhmawh rawh,kan tlâi a nge,a ti a,Kimkimi chuan,awle,kál i la,mahse kan tlâi chhan kha nángmah vang a nih kha aw,a ti a,an chhûak zui ta a.
Inkhâwm bân chuan Sangtea leh Kimkimi chu in lam pan in an haw dùn hnak hnak a,kawng sîr a ṭhut na tur an sîam ah chuam ṭhû in an ti tî dûn bawrh bawrh a,rei vak lo an ṭhut hnu chuan Sangtea chu a tho a,mûang châng a kal pah chuan a sawi zêl a,Kimkimi chuan a hnung ah chuan a zui ve zêl a,an ṭhut na a ṭang a hla vak lo ah chuan Sangtea chu a ding a,kawng thlang lám chu a hawi a,a bul a lo ding Kimkimi hnên ah chuan,Aizawl hi chu zân ah hian a nalh ngawt mai ti raw?kei mah a ka kal châng te hian ka en reng zêl,a hmuhnawm ka ti lutuk a,ka lung te a ti lêng veng veng zêl,a ti a,Kimkimi chuan,ummm,kei pawh mâwi ka ti,nangmah nên a thlir phei chuan a mâwi leh zûal in ka hria,a ti a,a nui hak hak a,Sangtea chuan thutak deuh mai hian a lo en reng a,a hmêl ah chuan dik lo a awm tih hriat tak hian a sen deuh ṭân ṭân a,a sa deuh pup pup tawh a,Kimkimi'na lo en a,a mit ah tak en in,nui sen sen pah a,ngati nge? i va zâm hmêl êm êm ve?harsatna i nei em ni? ti a a sawi lâi vel te chuan a zahna na chu a ti zûal a,a ṭawng lai a a nui sen sen a hmuh phei chuan a thi dâwn híal in a in hrîa a,Ramhûai pawh hmi sê tûn a a hmêl put dân ai hian a danglam bîk chûang lo ang.Kimkimi dâr a vuan chung chuan,Kimkimi, thil pawimawh deuh mai hrilh tûr che ka nei a,a ti a,Kimkimi chuan,aw eng nge?sawi la,a ti a,Sangtea chuan,eng lo a nia, ih, ih,ka sawi hreh viau nâ a,ih. Eng nge ih ih tih chu?i sawi tur chu sawi vat mai la,ka dawh thei lo mai ang,a ti a.Sangtea chuan,ka, ka,.....ka hmangaih che.
Kimkimi chu a meng fiah kâwk a,a ngâwi reng a,eng mah sawi ngaihna pawh a hre lo,Sangtea bawk chuan,ka hmuh hmasak ber che a ṭang khân ka duh nghal che a,mahse sawi dân tur pawh ka hre lo,ka hrilh ngam chiah lo che a,a ti a,Kimkimi chuan,zêp lo ah chuan kei pawh in ka hmuh tirh che a ṭang khân ka duh nghal che a lawm,hrilh che ka tum ṭhîn a,mahse hrilh che i la,min lo duh lo ang a,kei ái a ṭha bialnu te lo nei ta se la,ti in ka ngaihtuah a,ka ngaihtuah hian ka sawichhuak ngam lo ṭhîn a,mahse engtik ah emaw,hê thû i sawi hun hi ka lo nghâk ve tawp mai,a ti a. Sangtea chuan,a nih chuan hlím tak in ka awm thei tawh ang,ka duh ber in min duh ve a vâng in,tûn ah hian ka hlim hlê mai,a ti a,Kimkimi chuan,umm, kei pawh ka hlim takzet a ni,nang chuan mín kal san dâwn mahla,kei chuam engtik ah mah ka kal san lo ang che,a ti a,Sangtea chuan Kimkimi chu kuah pah chuan,a ṭha e,kei pawh in engtik ah mah ka kal san ngâi lo ang che,kumkhûa in ka hmangaih reng ang che,a ti a,an in kuah ta vawng vawng a. Chutia an din dun vang váng hnu chuan Sangtea chuan,hawh,ti teh,i haw tawh teh ang khai,i chhûng ten an ngaihtuah lutuk ang che,a ti a,an in zui haw ta hnak hnak a..
Zîng ah chuan khum bul a phone chu a rawn ri ral ral a,thophang zet hian Hluna chuan,tu nge i nih,a ti chhâr chhâr a,Sangtea chuan,hey,ṭhian pa,kei mah,Sangtea. I va rawn phone hma ve,Hluna chuan a lo ti a,Sangtea chuan,a hmâ tawh lo a nia,dâr sarih leh a chanve a ri tawh a lawm,thawh a hun tawh lutuk,a ti a.Hluma chu khum a ṭang a tho chhûak in,a hâm bai bai a,bath room ah chuan a lût nghal a,Sangtea chuan,U naupa,thil ṭha deuh mai hrilh tur che ka nei a nia,a ti a,Hluna chuan,eng chu mâw? han sawi vat teh,a ti a,Sangtea chuan,Kimkimi nên khân kan ni tawh,tûk in chu ka tho hmâ lutuk,ka phûr takzet a ni,a ti a,Hluna chuan,aw,a va ropui ve,ka lâwmpui takzet che,engtik a ṭang khân nge ni rêng rêng a,a ti a,Sangtea chuan,nizân khân a nia,inkhâwm bàn khân ka hrilh a,a ni pawh in a aw ve nghal a,nangmah hi hrilh hmasak ber che ka duh a,ka rawn phone che a nih hi,a ti leh a. Hluna chuan,a ṭha e,vawiin ah kan in hmu dâwn nia,chawei tui,a ti a,phone chu an dah ta a.
Chhûn ah chuan Hluna te ho chu inkhâwm tur chuan an kál a,inkhâwm na tur hmun khat a ni bawk a,Hluna te ṭhian ho chu an in thurûal hlê a,Hluna a chuan car chu a khalh a,an ṭhian ho chuan an kál a,Pu Hriata te nupa chu Hluna bike chuan an in phur ve thung a,biakin lâm pan chuan an in khalh lîam ve nghâl a. Chawhma i khâwm ban ah chuan Hluna te in lam ah chuan an kal a,i chhûng a an luh chuan Hluna chuan,thingpui ka lum ang a,tu mah haw lo mai rawh u,chawhni inkhawm in tlâi ang,a ti a,Sangtea chuan,ni e,ti hîan awm i la,chawhnu lam ah kan kál ho leh ang a a ni mai a lawm,a ti a, midang ho pawh chuan,ni e, ni e,a ṭha a lawm,an lo ti ve bawk a. Hluna chuan,tikhân lo awm ula,ṭhenawm ah sâwn kan kal lawk ang e,a ti a. A chhuah hnu rei vak lo ah chuan Pu Rina te nupa pawh chu an thleng ve nghal a. Pu Rina chuan,e he! Sangtea te an ni reng mai a,ti khân awm reng rawh u,chawhnu in tlái ang. Khawi ah nge Hluna hi a awm a?a ti a,Sangtea chuan,nichin lawk khân ṭhenawm ah ka kal dâwn a tia,a chhuak,a lo lêt leh ṭêp tawh ang,a ti a,an sawi lai chuan Hluna chu a kut a chhang khâi chung in inchhûng ah chuan a rawn lût a,hei chhûn ei tur ka lei,a ti a,Hluna bawk chuan Zuali chu a mitmei a,choka lam ah chuan an in zui lût ta a.
Rei vak lo hnû ah chuan Zuali chu thingpui no chawi chung chuan inpui lam chu a pan a,a hnung ah chuan Hluna chuan chhang keng chung in a zui ve nghâl a,thingpui chu an in ho ta a. Chawhnu lam ah chuan inkhawm leh in,chawhnu inkhawm bân ah chuan Hluna chuan,ka pa,ka ṭhian te ho hi lên kual pah in ka rawn thlah kâwi ang aw,a ti a,Pu Rina chuan,awle,rawn thlah kâwi rawh,mahse rei lutuk lo la aw,zanriah ei hmâ ka duh a nia,a ti a,in lam pan chuan an tlân haw ta a,Hluna te ṭhian ho pawh motor ah chuan chûang lût nghal in Remremi te in lam pan chuan an kal ve ta nghâl a.Remremi te in ah chuan thingpui te an han in khawmûang leh a,thingpui an in zawh chuan kal leh nghal in,Kimkimi leh Zuali chu an thlah leh a,a tawp ah chuan Sangtea te in chu an thleng ve ta a.Hluna chuan Sangtea hnên ah chuan,ka lo kâwi tawh lo mai ang,a tlâi tawh dâwn si a ti a,Sangtea chuan,aw, chawei tui,a ti a,Hluna chuan,chawei tui le,a ti a,Sangtea chu inchhûng ah chuan a lût nghal a,Hluna pawh chu in lam pan chuan a haw ve ta nghâl a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:38 pm

Bung 4 na
Hun a kál zêl a,Hluna te exam hun pawh chu a lo thleng ve leh ta a.
Kawngka rawn hawn rawk pah chuan Hluna chuan,Sangte,i hman tawh em?kan tlâi ang e,a ti a,Sangtea chuan,aw ka hman e,kál nghâl i la,a ti a,hman hmawh tak chuan an tlân ta dawr dawr a,Collage Bus chu a lo tlân hman ṭep tawh a,hman hmawh tak a lût in,Collage lam chu an pan ta nghal a.
Bus chhûng chu a reh dak mai a,Lawmzuala chuan,Hluna te chu,in van tlâi teuh ve,kan lo kalsan hman ṭep che u a lâwm,a lo ti vat a,Hluna chuan,nia,ni zân ka mengrei lutuk a,zîng ah thawh ka hái a lawm,a ti a,Lawmzuala chuan,lehkha i zir em ni?dâr eng zah thleng nge i men a,a ti a,Hluna chuan,aw,dâr hnih ka meng thleng maw le,a ti a,Lawma chuan,chu, i va thîam âwm bîk ve,kei chu dâr sawm thleng bâk ka zir peih hlei nêm,ka rilru ah a lût thei thlâwt lo a,ka mu daih a lawm,a lo ti a,Hluna chuan,thîam teh nâng,kei pawh ka zir rei tulh tulh a,ka thîam lo tulh tulh,a tâwp ah phei chuan ka beidawng a,ka mut san daih a lawm,a ti ve bawk a,a nui hak hak a,Lawma chuan, a, nang te chu ti khân i tia,exam hall ah chuan i thîam leh êm êm tho ang,i sawi ṭha duh lo mai mai a nîang,a ti a,Hluna chuan,a ni lo lutuk,a ti a,Collage pawh chu an thleng ve leg ta a. Bus a ṭang chuan an chhuk diah diah a,exam hall chhûng ah chuan an lût ta a. Ngâwi reng in hall chhûng ah chuan an ṭhu a,exam chu an ṭan ta nghal a. Hluna te ṭhian dûn pawh chu ngâwi reng in an ṭhu a,tlâi ah an in be leh a,an exam chhûng zawng chuan an in be tam lo hle a ni. Exam an zawh hnu chuan mi zawng zawng chuan result chhuah hun chu an nghak hlel hlawm hlê a,chutih rûal in an huphurh hlê bawk. Result chhuah ni chuan Hluna leh Sangtea pawh chu phûr lo deuh,mahse nghâk hlel deuh tho chung chuan Collage chu an pan dûn leh ta hnak hnak a. Collage an thlen chuan exam result list chu an lo bih laih laih a,Hluna te ṭhian dûn pawh pawh chuan pan hnai in an han en ve a,a lâi hâwl vêl a ṭang chuan an en chho a,Hluna chu pariat na ah awm in,Sangtea chu pasarih na ah a lo awm ve bawk a,an in en a,an nui var var a,Hluna chuan,kum hmasa lam ai chuan kan sâng deuh e,a ti a,Sangtea chuan,ni e,mahse tu nge pakhat na ni rêng rêng?en ve chhin ang,an ti a,an en chho zêl a,a chung ber ah chuan an ṭhianpa Lawmzuala hming chu a lo in zîak kuau a,a hnaui ah chuan Zuali hming chu an hmu leh a,an phûr telh telh a,an en thla leh zêl a,pathum na ah chuan Kimkimi chu a lo awm leh a,pali na ah chuan Remremi hming chu a lo in zîak leh a,hnung lam hawiin an in her a,kal sawn pah chuan Sangtea chuan,khai a! Unaupa,kan ṭhian te chu an van sáng bík ve,pahnih na,pathum na leh pali na,an thîam awm bîk hle mai,kei ni,pasarih na leh pariat na kan ni a,kan hlim ve em em a, a ti a,an nui dûn ta hak hak a. Chutih lâi tak chuan Lawmzuala chu a rawn thleng ve a,Sangtea chuan,i va tlâi bîk ve,list pawh an paih leh daih tawh a lâwm,a lo ti a,Hluna chuan,en duh lo lâw lâw rawh,a hnûai ber ah i awm,a lo ti ve bawk a,Lawmzuala chu a meng phâwk hlê a,Hluna chuan,tak tak a,va en vat rawh,nuam i ti ngawt ang,a ti a,Lawmzuala chu hman hmawh deuh in a kál vat a,list chu an lo la en deuh laih laih a,a va hmuh chuan a lâwm lutuk chu a zûang lo chauh a a ni.
Sangtea leh Hluna chu inhnuai hmih theih na lâi ah chuan inhnuai lam hawi in an lo awm a,an ti ti dûn bawrh bawrh a,Kimkimi te ṭhian ho chu an hnung lám ah chuan ngâwi reng in an kál a,an hnung a ben thak pah chuan,eng nge in lo sawi a?an ti a,Hluna phu chîang lutuk chu,haih,tih pah in a zûang zawk a,Sangtea lah,a nû,tih leh zûan a rûal a,a phu chîang lutuk chu,inhnûai lam ah a tla thla ṭêp a,Kimkimi chuan,in van ho mai mai tak,a ti a,Sangtea chuan,kha tîang a i tih te chuan kan phu ve ang chu,a ti a,i mâwl êm mai,a ti a,Hluna chuan,in va â ve,Kimkimi chuan,nangmah a nih kha,kha tiang mai mai a phût te chu,in â êm a nih kha,a ti a,an nui hak hak a,an nuih hak hak lâi chuan an bul ah chuan Lawmzuala chû rawn kal in,Hluna chu a rawn kuah nawk nawk a,"Ka lawm lutuk ṭhianpa,pakhatna ka ni a" ati a,Sangtea chuan, "Khawi maw,kan kuah teh ang che" ati a,Hluna te chuan,"kan lawmpui takzet che" an ti a,Lawmzuali chuan,"A lawm nan kan kuah den den ang che u" a ti a,Kimkimi a kuah lâi chuan Sangtea chu a lo ner deuh nâng nâng a,"i kuah na lutuk ang e" a lo ti a,Lawmzuala chuan,"a ni maw,ka tihpalh" a ti a,Hluna chuan,"e...tak a,Lawma,i lawm na ah chian min sâwm ve dâwn em?"a ti a,Lawmzuala chuan,"tehrêng mai,in vâi in ka sâwm vek ang che u,a nih ka kalsan phawt ang che u,kan in hmu leh dâwn nia"a ti a,a kál zui nghâl a.
Hluna chuan,"hawh u,tláng ah han lêng ang u,tih tur dang a awm chûang hlei nêm,lêng mai mai ang u,"a ti a,mi dang ho chuan an lo pawm tlâng vîau a,tlâng lam pan chuan an chho ta a. An kal ṭhâm ṭhâm lai chuan Hluna chuan,"a thleng hnu hnûng hnûng in chhûn thil ei tur an tum ang,mipa leh hmeichhe kan in ṭhen ang,"a ti a,a tlân ta thut a,Sangtea chuan a rawn zui ve nghâl a,thûi pawh an tlân hmâ chuan Remremi te ho chuan an tlân pêl nghâl a,Sangtea chuan,"ṭhianpa, ka tlân peih tawh lo,ka hah tawh lutuk,"a ti a,Hluna chuan,"hah lo ang,kan thlen hmâsak a ngai,chhûn thil ei tur i châwi mai ang,"a ti a. A tlân hmasa zâwk ni mah se thui a an tlân hmâ in hmeichhe ho chuan an tlan pêl nghal a,an hah lutuk chu an tlân peih tawh lo a,an thaw hlâwi hlâwi a,Sangtea chuan,"ṭhianpa,hmeichhe ho hi eng tik ah mah kan hneh thei dâwn lo a nih hi,"a ti a. Zuali chuan,"awi awi awi,mipa ve si,nêp lutuk,exar tê la ve ṭhîn ta che u,kha ti te chuan zunthlúm leh thisen sáng in nei vat mai ang,in ei tawp a,in mu leh tawp ṭhîn a,in thâu bíal mút mai ang,kha tîang te chuan tu hmeichhia mah in an duh lo ang che u,"a ti a,an nui hak hak a,Sangtea chuan,"ngâwi teh,Vawk pawh hi thâu vîau mah se a sa te chu i duh thuih thuih êm kha,kei ni Vawk ang mai a hmêlchhia pawh hi nula duhtûi lo deuh chuan min duh ve tho,"a ti a,Kimkimi chu a lo ner náng nâng a,Sangtea chuan,"a nûam hlê mai,he tah hían kal ziah tur a nih hi,hmân ah te khân ngati nge kan kal loh le,"a ti a,Hluna chuan,nûam e,mahse hei ái a nûam ah hîan ka hrûai ang cheu,tu mah an la kal ve âwm ka hre lo,lo kál rawh u,"a ti a,ngâw chhûng ah chuan a lût a,ngâw hnûai chu a thelh hán mai a,ngâw chhûng ah chuan an kal zêl a,thui vak lo an kal hnû ah chuan phûl rai nûam deuh hmun ah chuan an chhûak hlawl a,Remremi te ho chu an âu chêl chûl a,khâm ko chung a lung phêr ah chuan ṭhu in,Sangtea chuan a bag chu a zen rak rak a,a sandwich ah chu phawrh chhûak in,"hei chhûn thíl ei tur ka rawn keng a,ei ang u,a tui dâwn teh mai a nia,"a ti a,Hluna chuan,"ei i la a ni mai a lâwm,"a ti a,an ei ho ta a.
Hluna chu a ding a,a kûk ráih râih a,mi dang ho chu an lo nui hak hak a,Hluna chuan,"duhthû te han sám ve teh u,kei chu he ta ka kal a píang in duhthû ka sâm ziah ṭhîn a sin,"a ti a,a ṭawng lâi chuan a hmêl chu a ngùi deuh lap a,Zuali chuan a lo hmu a,Hluna, ngati nge i van ngûai ve? i nawm loh hmèl e,"a ti a,Remremi pawh chuan,"nîa,i nawmloh chuan kan hâw mai dâwn nia,"a lo ti ve bawk a,Hluna chuan,"nûam lo lêm lo e,ka ṭha lutuk,"a ti a,Zuali bul ah chuan a ṭhu a,"ka nunhlûi ka hrechhûak zawk a lâwm le,"a ti a,Zuali chuan,"eng thil nge ni a?"a lo ti vat a,Hluna chuan,"hum rei tak lîam ta ah khân hmeichhe pakhat duh êm êm mai ka nei a,a hming chu Sarah Lalrinawmi a nia,mi tumah ka la hrilh lo a,tû hnên ah mah ka la sawi chhûak ngài lo,ka nu leh pa te chauh in min hrîatpui a ni,"a ti a,Zuali te chuan an lo ngáithla ṭhap a,Hluna bawk chuan,"kum hmasa lam khân,heta ka luh tirh hian Sarahi nên chuan kan in tawng a,a tîr ah chuan kan in be tam lutuk lo,thla hnih vel kan in kawm hnu chuan kan in ngaina hlê a,kan in duh tawn ve ve a,ṭhian ai a thûk zawk in kan i pawh ta a,kan in zui hnû,thla hnih leh a chan ve vêl a liam hnû chuan a damlo ta vak a,damdawi in ah an kal pui a,kei pawh damdawiin lam ah chuan ka hman châng a pîang in ka kal a,rei tak damdawiin a an awm hnu chuan a rawn zia awm leh deuh a,a thisen an test sak a,kâr khat hnû ah a result a chhuak a,Sarahi chuan phone in min rawn hrilh a," Zuali chuan,engtin nge a rawn tih a?a lo ti leh vat a,Hluna chuan," Cancer a vei thû min hrilh,"a ti a,a sawi zawm leh nghâl a,an in ah kál in lahkha chu ka en a,tah chuan thlûak cancer a vei tih a lo in ziak ngei a,sawi ngaih na pawh ka hre lo,ka vek ni mai in ka hria,ti chuan Sarahi hnên ah chuan,i dam leh vat mai ang,lungngai rêng rêng suh,ka ti a,ka thiam ang ang in ka hnêm ve a,mahse ti ngaihna vak a awm chuang lo,in a ka haw leh chuan ka awm dân a dik ta vak lo a nîang,ka pa chuan min zawt ta a,thû dik takin ka chhâng a,an hriat hnû chuan pawi an ti hle a,mahse tih theih an nei bîk lo. Doctor te chuan a dam rei an rin tawh loh thû min hrilh a,kei chuan âwih hârsá ka ti hlê a,mahse a damloh a ṭang a chawlh kâr thumna vêl ah chuan a rawn zia awm leh deuh a,a chhûngte pawh an lâwm a,kei pawh ka lâwm,doctor te pawh in pâwn làm a chhuah harh an phal sak tawh a,Sarahi nên chuan páwn lam ah te chuan chhûak harh in,kan lêng chhuak ṭhîn a,ka nû leh pâ tê pawh in min hrethiam êm êm a,chutih rûal erawh chuan kan hma làm hun tùr chu kan ngaihtuah lo thei si lo. Damdawiin a ṭanga a chhuah a ṭang a chawlhkár khat na chiah a ni a,zirtawp nî a ni a,Sarahi pâ te chuan chawei ah min sâwm a,zanriah kan kîl lâi chuan Sarahi chu a khûa a rawn sik leh sèr ser a,damdawi a ei a,a zìaawm leh mai tûr ah kan ngâi a,a hmâ pawhin chutianga a awm chuan damdawi te a ei a,a ziaawm leh mai zêl a vang in ngaih ṭha lo vîau mah i la kan rilru pawh tlêm in a nûam deuh a,chawei kham ah chuan ka pa te leh Sarahi pa te chu inpui lam ah ṭhu in an ti ti a,kei ni chu choka ah thingpui lum in kan awm dûn a,ka âwm nghèng in ka kuah vawng vawng a,kan pahnih chauh chuan kan ti ti dun melh melh a,thingpui chu a so ta a,thingpui a siam tûr chu, 'ka lu a na lutuk',a ti a,a lu hai chu a tlu dâwn a,kei chuan rang tak a lo pawm in ka lo kuah a,ti chuan hman hmawh tak in damdawiin lam chu kan pan leh ta nghâl a. Doctor chuan a lo en nghâl vat a,rei vak lo ah chuan room a ṭang chuan doctor chu a lo chhuak a,'ngaihtuahawm a ni lo e,tûn ah a rawn harh leh tawh a,a luhai thut mai mai a nih kha,'a ti a,rang tak in Sarahi awmna ah chuan ka lût nghâl a,Sarahi kut ah chuan vuan in,'duhtak,engtin mah i awm lovang,engtin mah i awm ka phál lo,min kalsan miah suh âw,'ka ti a,a ni chuan,'teh rêng mai,engtik ah mah ka kalsan ngai lo ang che,i kíang ah ka awm reng ang,tûn ah leh kum khûa in,a ti a,ka mittui parawl kùang chu a kut khùr der dér tawh chuan a theih ang ang chuan a rawn hru fài mawlh mawlh a,eng ngati nge i mittui a tlâk a,i pà lo lutuk,'a ti a,a nui sèn sèn a,a nuih zâwng a a hèh sen sâng leh a bîang tài têk ṭhîn kha a dâng làp mai a,mahse ka thinlung a ka hmangaihna erawh a la ngái reng tho,tichuan mittui tling deuh pàm chung chuan ka nui ve ta a.
Ka Pa te ho pawh chu room ah chuan an lo lût ve a,mahse rei awm lo in pawn lam a ti ti ho tùr chuan an chhûak leh nghâl vat a,Sarahi nên chauh chuan kan awm leh ta a,Sarahi chuan,"ka tih palh lutuk aw,kei hian i hmangaihna hi ka phû thlâwt lo a ni,i tân ka tling lo a,mahse nang chuan ti khawp hian min la hmangaih tho si a,"a ti a,a mittui chu a rawn lûang ngíai ngîai a,kei chuan ka lo hrûk sak mawlh mawlh a,"lungngai mah ta che,i dam leh vat ang a,kan pahnih in hlim tak in kan awm dùn dâwn a lawm,"ka ti a,ka kut ah nghet tak in a chelh a,'engtik ah emaw chuan ka mangṭha che a la ngâi dâwn si a,tunah pawh a ni thei,chutih hun ah chuan hnungtawlh miah lo la,hma lam pan zêl zawk rawh a,kei mah vâng in i num kha ti beidawng miah suh aw,ka hmangaih che,' min ti a,kei pawh chuan ka hmangaih thu in ka lo chhâng ve bawk a,a kut ah chuan ka vûan tlat a,ti chuan Sarahi chu a muhîl ta sìai sîai a,kei pawh chu rei vak lo chu ka lo muhil ve sek a,ka harh leh meuh chuan engkim a danglam zo ta,chu zân chu Sarahi tân a zân hnû hnûng ber chu a lo ni ta a ni,"Hluna chuan a ti a.
Remremi chuan,"a zîa lo hlê mai a,"a lo ti a,Hluna chuan,"nia,kei pawh in a tîr ah kha chuan hrîat thîam a har ka ti ve khawp mai,mahse tûn ah chuan engkim a danglam ve tawh a,a tîr ah chuan nîtin ka kal a,mahse Sarahi nû leh pâ te khân,"hetiang hian awm suh,i tân a ṭha lo ang,chu bâk ah Sarahi duh dân pawh a ni miah lo ang,"min ti a,kei pawh chuan ka pawm ve thei ta a lawm,ka ngâi thei ṭhîn khawp mai,"a ti a,Zuali chuan,"Sarahi chu ka hmu ve châk hlê mai,"a ti a,Sangtea chuan,"chu vâng chu em ni tûn thleng a bialnu i âwm ka la hre miah lo,"a lo ti a,Hluna chu a nui suk ringawt a,Kimkimi chuan,Sangtea hnên ah chuan,"a nih,nang,keimah lo hi bialnu i nei tawh em?"ti in a lo zâwt a,Sangtea chuan,"nei ve tawh thà thà ê,nang ái in a hmêlṭha zâwk mawle,"a ti a,Kimkimi chuan,"awihawm loh e! kei âi a ṭha chu i la nei âwm lo êm mai,"a ti a,Sangtea chuan,"a nia lâwm,i duh leh awih lo lâ,"Sangtea bawk chuan,"ṭhianpa,chutiang vang mai mai a bialnu neih tum loh te chu,a ho é!"a ti a,Hluna chuan,"ni lo e,i ngaih ang ngawt kha a ni miah lo a nia,nat leh hi ka duh tawh lo,"a ti a,Sangtea chuan,"eng mah a thleng tawh dâwn hlei nêm,"a ti leh a,Hluna chuan,"aih,kan hmâ lam hun tûr hi tumán kan hre lo,eng nge lo thleng dâwn tu mân kan hre thei hlèi nêm,"a ti a,Sangtea chuan,"a nih,chûng thil chu eng tik a thleng nge?ka van hre ve lo ve,"ti in a zâwt a,Hluna chuan,"Delhi a i awm lâi khân,heta ka luh tirh in a nia,ka hrîat dân chuan,helai hmun hi tù mân an la hmu ngâi lo,kan pahnih chauh in kan chho a,kan in fîam a,kan hah hnû ah helai lungpher ah hian mû in thû kan in tìam ṭhîn a,kan in hmangaihna hi thihna chauh lo chuan ṭhen suh se,kan kâr ah tu mah awm lovin kan in hmangaihma hi zûal zêl rawh se,Pathian chu min hrîat pui tû ni rawh se,ti in kan in tiam ṭhîn,"a ti a,Sangtea chuan,"a nih chuan kum khat vêl chu a lîam tawh a ni maw,nga ti ngê engmah min hrilh ve miah loh a?"a ti a,Hluna chuan,",nia,sawi chhuah chu ka duh ve ṭhin a,mahse sawi loh hi ṭha zâwk in ka hre leh ta a,mahse tûn ah chuan ka thâwl hawk in ka hrîa,",a ti a,Hluna bawk chuan,"Kimkimi,i bialpa ve kha,Delhi ah lehkha zir in a awm ve a,kum khat bâk a awm theilo a,a lunga lêng a,a rawn haw leh daih mawle,"a ti a,Sangtea chuan,"awih awm loh lutuk,ka lung a lêng bawk lo,"a lo ti a,an nui hak hak a,Hluna chuan,a lêng a niang chu,i zir zawh hmâ a i lo hâw,"a ti a,a sana chu a bih zauh a,"e hê!a tlâi tawh hlê mai,haw a hun tawh a nih hî,hâw tawh ang u,"a ti a,an hâw zui ta a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:38 pm

20 Minute. Bung-5 na
Hun a kal zel a,Hluna te pawh an graduate hun a lo thleng ve ta reng mai. Mi zawng zawng chu an hlim hle a,a țhen an ti ti a,a țhen an nui a,thu puang tu chuan stage a țang chuan,"Vawiin a lo kal khawm zawng zawng te,in hnên ah lawmthu kan sawi a,in zâ in chibai vek ule.He hmun a in zirlai zawng zawng khan result țha tak tak in nei țheuh a,a lawmawm hle a ni,mahse vawiin ah hian kan zirlai te zing a tițha ber kan puang ang a,chu chu,'Lallawmzuala' a ni.Le,Lawmzuala,stage ah hian lo chho la."mi zawng zawng chuan kut an lo bêng dar dar a,hun hlimawm tak hmang in mi zawng zawng te chu an in kuah a,an in mangțha mawlh mawlh a,mahni hmabak a tih tur awm te chu hlen ngei tum țheuh in an țîn darh ta a.
Hluna te țhian ho pawh zân lam ah chuan Hluna te in ah chuan an awm khâwm laih laih a,ei tur te ei in an hlim hle a,Zuali chuan haw vat a tum thu chu a sawi a,Hluna chuan,"i haw daih chuan i ngaihawm dâwn hle mai a,"a ti a,Zuali chuan,kei pawh in ka ngai ngawt ang cheu,mahse kan in hmu leh vat an chu,"a ti a,Kimkimi chuan,"a nih engtik ah nge i haw ang?"a lo ti ve a,Zuali chuan,karthar lam ah khian a niang,â hei,kan țawng kan țawng a,zan a rei tawh riau mai,haw a hun tawh a nih hi,"a ti a,Hluna chuan,"a nih chuan motor kan la chhuak lawk ang e,ka pa,ka țhian te ho hi kan thlah haw lawk ang aw,"a ti a,motor chu a la chhuak a,a țhian te ho chu a thlah haw ta a.
Kar a tawp a,chawlhni tlai ah chuan Hluna te țhian ho pawh chu an leng ho leh ta a.Hluna chuan,"vawiin tlai chu rei deuh leng ang aw,naktuk ah Zuali a haw daih dawn sia,chuan tlai ah in vai in kan in ah chaw in ei vek ang,chu chu hnial theih a ni lo,ka thupek a nih chu,"a ti a,a nui hak hak a.An lo lên tawh țhin na ah te chuan kal leh in tlai ah chuan chawei khawm tur in Hluna te in lam ah chuan an kir leh ta a.
Zing dar kua ah chuan Hluna te țhian ho pawh chu Pi Siami te in ah chuan an kal a,in thlah na thu te an sawi a,Pu Sawma chuan,"Mate,kan kal a hun tawh a nia,i in peih tawh em?"a ti a,Zuali chuan,"aw ka in peih a ni mai. Ka patea ten min thlah phei dawn a,"a ti a. Pu Zuala te chhungkua leh Zuali chu motor chhung ah chuan an lut a,an in mangțha hnu chuan an tlan zui ta nghal a,Hluna te pawh chu an in lam ah chuan an kir ve leh ta a. Chumi hnu chuan mahni tumna kawng țheuh ah chuan an kal ta țheuh a,Sangtea chu security hna a thawk in Cheaf-minister guard ah a țang a,Kimkimi chuan nurse a training bawk a,Remremi pawh chuan Ukil hna a zir ve bawk a,Zuali pawh chuan Doctor a zir bawk a,Hluna erawh chu an dawr ah chuan a thawk ve nghâl a,dawr lian tak nei in an dawr hming ah pawh a pa hming in 'R.Lalrintlûanga son's' an ti nghe nghe a ni. In chhung bungrua chi hrang hrang an zuar a,hmun hrang hrang ah an thawn chhuak bawk a, chung bâk ah chuan thuamhnaw leh pheikhawk lam chi te pawh an zuar tel bawk a ni. Chu tia Hluna dawr a a thawh hnu chuan bungraw sem chhuah chu a hna a ni deuh ber a,a châng in phai lam ah bungraw la tur in an kal bawk a,chutia dawra Hluna a thawh hnu chuan an driver hlui pu Hminga pawh chu a hahdam phah hle a ni.
Hun a kal zel a Hluna te pafa pawh chu bungraw phur tur chuan Gauhati lam pan chuan an chhuak leh ta a. Zing dar ruk ah chuan an chhuak var var tawh a,kawng lak ah chuan zan riak in rei tak an tlan hnu chuan Gauhati chu an thkeng ve leh ta.Gauhati an thlen chuan khua a thim tawh a vang in hmundang han kal vak na hun a awm tawh lo a,an bungraw lak na tur bul a hotel hnai ber ah chuan an riak ta a. Hluna chuan an zin a piang in hun insiam in Remremi te chu a tlawh ziah țhin a,hemi țum pawh hian tlawh keh ngei a tum a ni.
Zing ah chuan hma tak ah tho in Remremi te awmna lam pan chuan a kal ta a,mahse a hmun a thlen chuan Remremi awmloh thu an lo hrilh a,Hluna chuan,"a nih chuan tlai lam ah ka lo kal leh mai ang," tiin a haw leh ta a. chhun ah chuan Hluna te pafa chuan an bungrua tur chu an la ta a,an in lak fel hnu chuan khua chu a tlai lam tawh hle a,Hluna chu in bualfai sawk sawk in,"ka pa,kan tei chhuak mai mai teh ang,"a ti a,pu Rina chuan,"awle,mahse lo haw har lutuk lo a,in ngaihtuah a na duh si,i nu pawh in a ngaih tuah en che kha,"a ti a,Hluna chuan,"aw,ka lo haw vat ang,"Remremi te awm na lam pan chuan a chhuak zui ta a.Remremi chu kawt a thutthleng ah chuan a mah chauh chuan a țhu a,Hluna chuan ngawi reng a pan in a bul a thlen chuan,"a va lêng awm vawng vawng ve,"a ti thut a,Remremi chuan,"awi! Min tiphu nasa lutuk,i lo kal elo?engtik ah nge i lo thlen a?" a ti a,Hluna chuan,"nia,nizan ah kan lo thleng a,tukin ah ka lo kal a,mahse i lo awm lo a,"a ti a,Remremi chuan,nia, bazar ah te ka kal e ka tia,naktuk ah haw ka tum a,mahse ka haw leh thei dawn lo a ni,nang ni engtikah nge haw in tum ang?"a ti a,Hluna chuan,"naktuk ah a nih ka ring,kan rual in lo haw ve daih la,"a han ti a,Remremi chuan,"e ni tak,a rem viau ang chu,in ruala a haw theih te chuan ka pawi ti hlei nêm,ka Pa te ka lo hrilh leh ang a,kar leh ah bâk ka haw hman loh thu ka lo hrilh tawh a,mahse naktuk a ka haw ve theih chuan an ni pawh an lawm viau ang,a nih engtikah nge chhuah in tum a?a ti a,Hluna chuan,"dar tuk ah,a loh ber ah dar ruk ai a tlai lo ah ka tih na a nih chu,"a lo ti a,Remremi chuan,"awiii!a van hmâ awm ve,ka tho hman ve lo ang,"Hluna chuan,"nia,hmâ loh chuan tlan chhûng a rei thei sia,a thu hrim ah,thawh tlai i van tum awm ve?"a ti a,Remremi chuan,"aw,in siam chhûng leh in awmna a rawn kal chhûng nên."a ti leh a,Hluna chuan,"lo riak phei ve daih la a ni mai a lawm,"a ti a,Remremi chuan,"a chi loh,a chêp âwm si,"a ti leh a,Hluna chuan,"a teuh lo mai,țhutthleng te pawh a awm a lawm,"a lo ti leh a,Remremi chuan,"a nih leh,awle,ka remti e,mahse kan insiam lawk ang e aw,"a ti a,a insiam nghâl sawk sawk a,Hluna te thlenna hotel pan chuan an chhuak dun ta nghâl a.
Hotel room ah chuan Pu Rina chu a mah chauh chuan țhu in tv a en a,Hluna te room a an luh chuan Pu Rina chuan,"e ilo haw tawh maw,e he Remremi chu,i lo kal ve elo,"a lo ti sawk sawk a,Hluna chuan,"nia hei,kan rual in rawn haw ve a tum a,tun kâr thlawhna thlawk tur a awm tawh si lo a,rel lah dhandhiraji khaw dai ah leimin in rel kawng a hnawh a vang in a tlang thei si lo,à mahse a țha tho e,thlawhna a haw tum kha truck ah a chûang ang a a ni mai a lawm,"a ti a,an nui hak hak a,zanriah chu an ei zui ta nghal a. Zân ah chuan Remremi chu Hluna room ah chuan riak ve in khum ah chuan a mu a,Hluna chu țhutthleng ah chuan a mu ve thung a ni.
Zîng dar nga ah chuan Hluna te chu an tho var tawh a,thingpui te an in zawh chuan an insiam a,Mizoram pan chuan phûr tak in an chhuak ta a ni.
Kawng lak ah chuan an ding tam lèm lo a,chawei chhûng leh zunram thiar chhûng bak chu an ding meuh lo.Hluna leh Remremi chu an titi bawrh bawrh reng a,Remremi chuan,"tak a,in bungraw sem hi Lunglei lam ah in kal țhin tiraw?"a han ti a,Hluna chuan,"umm,kan kal ve zeuh zeuh,eng nge ni ta?"a lo ti a,Remremi bawk chuan,"Zuali te i tlawh ngai em?"a han ti leh a,Hluna chuan,"aw,mahse ka tlawh tam vak lo,hun ka neilo ve thei lutuk a,"a lo ti leh a,Remremi chuan,"a nih chu,kei pawh tûnlai chu ka be tam vak lo,ka chhûng te hi ka chanchin ka hrilh hman țâwk a ni,a nih Doctor chu a zir chhûak ta em?"ti in a zawt leh a,Hluna chuan,"aw,Lunglei falkawn damdawiin ah a thawk tawh a,"a ti leh a,Remremi chuan,"a van lawmawm ve,"a lo ti a,kawng ah chuan a châng leh an zai a,a châng leh an titi a,motor tape te play in an bengchheng hle a,a châng chuan ngawi reng in an tlan leh a. Zanriah eikham chuan rei vak lo an chawl a an tlan zawm leh nghal char char a,zan dar sawmpahnih vel thleng tlan in an mu ve ta a.
Zîng dar nga vêl ah chuan Remremi chu a harh hlawl a,motor a țang chuan chhuak in pawn a Hluna lo awm chu a hmu a,"i van tho hma awm ve?" tiin a han zawt a,Hluna chuan,"nia,ka tih țhan a nia,ka tho hma thei lutuk,"a lo ti a,Pu Rina pawh chu a rawn tho chhûak ve țuih țuih a,"in va tho hmâ awm ve?"a rawn ti a,Remremi chuan,"kan tho ve chiah,"tiin a lo chhang a,rei vak lo an chawlh vang vang hnu chuan an tlan leh ta a. Hluna chuan,"Remrem,a hrehawm em?" a han ti a,Remremi chuan,"hrehawm loh e,"a lo ti a. Kawng lak ah chaw te an han ei a,chaw ei kham a an han tlan leh chu khua a lum bawk nen,Remremi chu a rui ta a,a luak ta bawrh bawrh a,țawng țha peih lo chuan a nguai bûr tawh a,lui lian ve tak chu an thleng ta a,Hluna chuan,"tah hian chawl ila,kan in bual ang a Remremi pawh i harh sawng sawng mai ang,"a ti a,lui ah chuan an inbual harh ta a,chuta chin chu an tlan tluang tawh hle a,kawng lak ah eitur te lei in an ei a,zan dar kua vel ah chuan Mizoram chu an lut ta a. In an thlen meuh chuan dar khat leh a chan ve a ri tawh a,Remremi chuan haw tlang nghal mai a han tum a,Pi Hruaii chuan,"riak ve nghal mai ta che,zan a rei tawh sia,"a lo ti a,Remremi chuan,"aih ka haw zawk mai ang,ka pa te ka hrilh tawh bawk sia,"a ti a,Pu Rina chuan,"a nih chuan bawiha,va thlah rawh,hmeichhia tun ang zan reh a mahni chauh a haw tir te chu a tih chi loh,"a ti a,Remremi chuan,"a ngailo,ka pa te ka phone ang a min lo hruai mai ang,"a ti a,Pu Rina chuan,"ni lo e,bawiha hian a thlah haw ang che,bawiha insiam rawh,"a ti a,Hluna chuan motor chu la chhuak in Remremi nen chuan Remremi te in pan chuan an chhuak ta a.
Kawngkhar ri dat ah chuan Pi Muani chu tho vat in kawngkhar chu a hawng vat a,pawn ah chuan Remremi leh Hluna chu an ding reng a,in chhung ah chuan lut in bag te chu an dah fel hnu chual Hluna chuan,"ka haw leh nghal mai ang," tiin a chhuahsan leh ta a.
Zing dar sarih ah chuan Sangtea chu Hluna te in pan chuan a kal chhuak a,Hluna te chu an lo la mu a,Pi Hruaii chauh chu lo la tho in,Sangtea chuan,"nizan ah dar engzat ah nge an lo thlen a?"a ti a,Pi Hruaii chuan,"dar khat leh a chanve vel khan an lo thleng,"a ti a,Sangtea chuan,"àhh,englo a nia,thil dang daih,nupui neih ka tum ve deuh a,ka pa hi min han sawirem sak tur in kan duh deuh mawle,chu chu zingah hian eng nge nizan in chanchin hriat pah in ka rawn kal a nih hi,"a ti a.Pi Hruaii chuan,"tak tak maw,Kimkimi nen khan em ni?"a ti a,Sangtea chuan,"aw,"tiin a lo chhang mai a,Pi Hruaii bawk chuan,"a nih chuan i pa ka va kaitho law ang e,"a ti a,a kal zui nghal a. Rei vak lo hnu chuan Pu Rina te nupa chu pindan a țang chuan chhuak leh in Sangtea bul ah chuan an țhu a,Pu Rina chuan,"eng maw i rawn kal chhan ber chu ni a?"a ti a,Sangtea chuan thil engkim chu a hrilh vek a,"ih,chutiang a palai em em pawh nilo in,àhhh,in sawiremna ang a ni mai,"a ti leh a,Hluna chu thophang tih hriat tak in a pindan a țang chuan a tho chhuak ve chhur chhur a,khi hui chung chuan,"tu maw kan mo tur chu?engtik nge mo kan lawm dawn?"a ti a,Pu Rina chuan,"hei,zanin ah kan sawirem nghal mai dawn em ni ka lo tia,"a ti a,Hluna chuan Sangtea bul a țhut pah chuan,"kal ila a ni mai a lawm,mahse țhiana,i timak ka ti hle mai!nupui min neihsan daih dawn sia,"a ti a,an nui hak hak a,Sangtea chuan,"a nih chuan ka haw phawt ang,ka ril a țam,chawei te pawh a hun dawn tawh e a,chaweitui u,"a ti a,a chhuak zui ta a.
Zanriah eikham chuan Hluna te pafa pawh chu pu Zuala te in pan chuan an kal a,Pu Zuala te in ah chuan rei pawh țhu lo in Kimkimi te in ah chuan an kal leh ta nghal a. Pu Ruata te in an thlen chuan an lo fel hle a,pu Rina chuan thil awm dan te a han sawi chuan Pu Ruata te chu an phur hle a,Pu Ruata chuan,"ê khai nangni nen a in zawm chu kan châk zawng tak a lawm,â,kan fa ye pawh an lo in duh ve a,kei ni hi chuan kan inrem lo ang tih hi kan lo hlau zawk a lawm,tirawh nu-i,"a ti a,Pu Rina chuan,"chu ti chu kan inrem ni rawhse,kan lawm hle mai,"a ti a,Pu Ruata chuan,"tak a Urin,kan thudang a lâi chuan,tunlai eng nge in hna lam te in an a,in tluang maw?"a ti a, an ti ti zawm nghal luam a,Hluna chu Kimkimi bul ah chuan țhu hnai in a phone chu a dil a,Hluna chuan Kimkimi phone hmang chuan Sangtea chu Whatsapp ah chuan a va bia a,"Sangte, hei hluna an lo lêng a,ka pa te nen an ti ti nasa khawp mai,"a ti a,Sangtea chuan chhâng lêt vat in,"englam thu nge an sawi a?"
"In neih lam thu a nia,"
"A rem hmel em?"
"Rem loh hmel,"
"Engtin nge niang?"
"Ka hrelo le"
"awle,Hluna kan bia ang e,"
Phone chu a ri ral a,Hluna chuan a en vat a,Sangtea messages chu a lo awm a,
"Țhianpa,Kimkimi bulah i awm em?"
"Aw awm e,in thil sawi pawh kha ka hria a lawm,"
"Țhianpa,sawifel dan han ngaihtuah teh,"
"Awle,ka lo tum ang,mahse in in rem tawh emaw ka tia?"
"Aw keipawh in kan inrem emaw ka lo tia"
Kimkimi chuan Hluna dàr a ben thak pah chuan,i van sualthiam tak aw,"a ti a,Hluna chuan,in kan thlen hma chu lo hrilh miah suh aw,"a ti a,Kimkimi chuan,tehreng mai,"a lo ti a, chutih lai chuan Pu Rina chuan,"ti teh bawiha,kan haw mai dawn em ni ang,chanchin te pawh an hre châk tawh ang,a nih Pa Ruat,kan haw phawt mai ang,"a ti a,Pu Ruata chuan,chuti tut tut tur em ni,à,mahse thu țha thlen tur in ni sia,in dan beh reng chi a nilo ang e,"a ti a,Pu Rina te chu an haw zui ta a. In an thlen chuan Hluna chu inchhhung ah chuan a lut hmasa a,Sangtea chu melh zauh in a lu chu a thing nar nar a,Sangtea chuan an remlo tak tak tur ah a ngai hman a,mahse Pu Rina in chhhunga a luh chuan,"le le le,chanchin lawmawm kan nei e,kan va in be rem vek e,an lo fel khawp mai,"a ti a,Sangtea chuan Hluna chu a melh rum hle a,Hluna chuan,"ka bawl khât tawh awm che em a ka tia,"a ti a a nui suk a,Hluna bawk chuan,"tak a,zanin chu ka lo riak ang,kan riak dun khât tawh awm sia,"a ti a,an mu ta a.
Hun a kal zel a,Sangtea te inneih hun tur a an ruat chu ni tam in a dang tawh lo,Zuali pawh chu Kimkimi te inneih na tur buaipui tur in Aizawl ah chuan a phei tawh a,Kimkimi te inneih tur chu an phûr tawh hle a, inneihna tur thil thil vel pawh engkim peih vek a ni ta. Inneih ni tur a an ruat chu a thleng ta,mi zawng zawng te chu an hlim hle a,moneitu țhian ah chuan Hluna chu ding in moțhian ah Remremi chu a ding ve thung a,inneihna hun a zo a,thlalak na hun an hman lai chuan Hluna chuan,"hawh u,țhian ho in a bik in thla la ang u,tun bak te chu kan la khât tawh dawn sia,"a ti a,Sangtea chuan,"teuhlo mai,kalbo i tum te a nih loh chuan kan thla te chu kan la la ho leh vat ang chu,"a ti a,Hluna chuan chek tlak tlak pah in,"ka kalbo mai thei a,"a han ti zauh a,"maw?"an lo ti rual dial a,Hluna chuan,"sipai ah ka țang dawn,"a ti a,Sangtea chuan,"tak tak maw?"a ti a,Hluna chuan,"tak tak e,ka tling ve te a nih chuan,kar leh thawhlehni khi intervew țan ni tur a nia,"a ti a,Sangtea te ho chuan an lawmpui thu chu an hrilh sap sap a,Remremi chuan,"a nih khawiah nge training na hmun tur?"Hluna chuan,"ka tling emaw tling lo emaw,training na hmun tur chu kolkata ah a nia,tak a,Sang-ek,nang i hna kha eng nge a an?"a ti a,Sangtea chuan,"kei chu a la ngai,ka pu hi a fel bawk a,Cm țha tak a ni,"a ti a,tichuan tlai lam ah chuan hlim tak in ruai chu an țheh ta a. Zan ah chuan Hluna te chu an hlim hle a,intihhlimna hun te hmang in,zan dar sawmpakhat a pelh chuan Hluna chuan,"țhianpa,zan a rei tawh bawk sia,kan haw tawh mai ang,"a ti a,an țîn darh ta a.
Zîng ah chuan Hluna chu hma tak ah tho in a hmai a phih fai a,exar la tur chuan a chhuak leh ta a,thui tak a tlan hnu chuan ding chawl in boruak thianghlim tak chu a han hip vang vang a,chutih lai tak chuan a phone chu a rawn ri ral ral a,"tu tak ni ang maw?" ti a a han en chuan Sangtea a lo ni a,Hluna chuan,"hello țhianpa, nizan lam te in muțha maw?"nuih hak hak pah chuan a ti a,Sangtea chuan,"teh reng mai,zan dang aiin mut a tui zawk emaw tih mai tur a ni,"a ti a,an nui dun hawk hawk a,Sangtea bawk chuan,"i lo kal tawh em?hei kan in daihlo teh mai nia,"a ti a,Hluna chuan,"aw ka lo kal mek,ka rawn thleng thleng har lo ang,"a ti a,Sangtea chuan,"aw le,a nih chuan phone ka dah phawt ang,lo kal vat vat rawh,"a ti a,phone chu dah in Hluna pawh chu Sangtea te in lam pan chuan a kal ta nghal a.
Inchhung vel an tihfel zawh vek tawh hnu chuan Hluna te țhian ho chu țhu khawm in an titi bawrh bawrh a,Kimkimi chuan,"tunge nei leh hmasa ber ang?"a ti a,Hluna chuan,"keimah a ni mai a lawm,"a lo ti a,an nui hak hak a,Zuali chuan,"tak a Hluna,engtik nge intervew tur kha?"a ti a,Hluna chuan,"kar thar thawhlehni ah,"a ti a,Zuali chuan,"țha deuh in i ti dawn nia,tling ngei ang che,"a ti a,Hluna chuan,"ka lawm a,a nih nang,engtik ah maw i haw dawn a?"tiin a zawt zui nghal a,Zuali chuan,"thawhțanni ah hian haw ka tum ang,"a ti a,thildang chu an sawi zawn leh ta a.
Zanriah eikham hnu lawk chuan kawngkhar chu a ri dat dat a,Hluna chuan rang tak in a hawng a,pawn ah chuan Remremi chu a lo ding reng a,"lo lut rawh," tiin inchhung ah chuan an lut dun ta a. Remremi chuan,"kawiah nge i chhûng te?"a ti a,Hluna chuan,"saw tah țhenawm lawk ah sawn damlo a n awm a,an va len pui lawk a nih kha,eng nge i lo tih dawn reng reng a?"a ti a,Remremi chuan,"naktuk kha in intervew tur ni kha a ni sia ka tia,ka rawn leng,"a ti a,Hluna chuan,"i van ti lawmawm ve,i van fel em em,ti khân lo țhu rawh thingpui kan lum ang e,"a ti a,thingpui te an han in dun a,Remremi chuan,"i tlin hloh chuan kan inhmu khât tawh âwm,i zin bo daih dawn sia,ka ngâi ngawt ang che," a ti a,Hluna chuan Remremi lu a chûl sak pah chuan,"lungngai mah ta che ka pi,kum hnih chauh a ni dawn a lawm,ka lo be țhin ang che,"a ti a,Remremi chuan Hluna dàr a a lû nghat in,"tak tak aw,min lo be ziah dawn nia,taka,engtik ah nge nupui neih i tum ve a? Sangtea'n a neihsan tawh che sia,"a ti a,Hluna chuan nuih hak hak pah in,"nia,hna te hi an thawk phawt ila,ka tling ve thei a nih hlauh chuan training zawh lam ah te chuan ka ngaihtuah ve ang chu,a nih nang ve?"a ti a,Remremi chuan,"aih,ka mi nghah hian a hman hma chu neih ka tum lo,"a ti a,Hluna chuan,"wow,tunge a?ka awm loh hlân in neih i lo tum ang e aw,"a ti a,Remremi chuan,"teuhlo mai,i awm hun ah ngei ka nei ang,"a ti a,a nui har har a,Remremi bawk chuan,"awii,a tlai tawh dawn,ka haw phawt ang,zanrei ah chuan ka nu te hian min ngaihtuah thei lutuk a,"a ti a,Hluna chuan,"ka lo thlah haw dawn che em ni?"a ti a,Remremi chuan,"aih nilo e,scooty in ka lo kal a,min thlah duh lo mai rawh,"a ti a,Hluna chuan,"a nih chuan i scooty awm na thleng tal ka thlah ang che,"a ti a,pawn ah chuan an chhuak ta a. Remremi chuan a scooty chu a han herhnung dat dat a,"Hlun,mangțha aw,naktuk ah chuan țha tak in i ti dawn nia,"a ti a,Hluna chuan,"awle,mangțha le,"a ti a,Remremi tlan liam hnu chuan inchhûng ah chuan lût in a pindan ah chuan a lût tlang nghâl a,mut pah chuan a tûk a an intervew tur chu a ngaihtuah a,a muhil ta a.
Hluna phûr tawh lutuk chuan tûkțhuan pawh a ei hleithei tawh lo a,tûkțhuan eikham veleh in siam in intervew na hmun tur lam chu a pan ta nghâl a.
Ni a liam zung zung a,Hluna pawh chu endikna ah chuan a tling ve zel a,sipai an lâk tur mi za thlan chhuah zîng ah chuan a tling ve ta a,september thla a ral țep tawh a,october thla a țang a training chu țan tur a tih an ni.september thla a zân hnuhnung ber a ni tawh a,Sangtea te nupa leh Remremi te chu Hluna te in ah chuan an lêng a,hlim tak in an in kâwm a,Kimkimi chuan,Zuali tel ve se a kim lehzual ang,"a ti a,Remremi chuan,"a dik chiah,"a lo ti ve a,Sangtea chuan,"video call ila a ni mai a lawm,Zuali chu video call hmang chuan an bia a,Kimkimi chuan, "țhiannu,naktuk hi Hluna te training țan ni tur a nia,"a ti a,Zuali chuan,"ka lawmpui lutuk che,țha deuh in tirawh aw,"a ti a,Hluna chuan,"awle ka lawm e,mahse i awm ve lo a,a kimlo húih mai,"a ti a,Zuali chuan,"nia,mahse awmlo mah ila kan in be thei tho a lawm,"a ti a,hlim tak in zân hun chu an hmang ho a ni.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:39 pm

20Minute. Bung-6 na
Zingah chuan Hluna chu phûr takin a insiam mawlh mawlh a,tûkțhuan eikham chuan Hluna chu thlah tur in Pu Rina te nupa chu Airport thleng chuan an kal ve ta a.Airport an thlen chuan Hluna chuan guard pakhat hnên ah chuan lehkha a pe a,guard chuan a kal na lam tur lo hrilh in Hluna te chu an kal leh nghal a,training tur ho chu an lo em laih laih a,chulai hmun a officer hnên ah chuan a lehkha ken lai chu a pe a,chupa chuan uluk tak in a lo en a,"a țha e,in peih rawh ule,kan kal a hun țêp tawh a nia,"a han ti a,mite ho chuan an chhungte chu an mangțha sap sap a,Pu Rina pawh chuan a fapa chu a fuih ve mawlh mawlh bawk a,"Mi zîngah zahpuiawm takin awm lo la,Pathian țih la,thil tihna rêng rêng ah taima tak in ti la,mite entawn tlâk ni turin leh,mi ten an zir ni tur in awm ang che,tin,nu leh pa hlat ah i awm dawn a,zûk leh hmuam leh thilțhalo ti rêng rêng suh ang che,tichuan fapa țha tak niin chhûan tlâk tak nila,chhawrtlâk ni tur in thawk ang che,hêng ka thuchah tlêm te hi vawng țha reng la,Mizo tlangval i nih kha,Mizo i ni tih hre reng ang che,"a ti a,Hluna chuan,"ka hria e ka pa,zawm ngei ka tum dawn nia,ka lawm e,mangțha u,"a ti a,Airport thupuang tu chuan,"flite-315 kolkata pan tur zawng zawng te,tunah thlawhna chhung ah lût vek tawh rawh ule,tun a țang a reilo te ah thlawhna a thlawk chhuak tawh ang,"tiin a puang dum dum tawh a,Hluna te ho pawh chu thlawhna chhung ah chuan an lut diah diah a,thlawhna chu a thlawk chhuak ta a.
Thlawhna a thui tak an thlawh hnu chuan kolkata Airport chu an thleng ta a.Thlawhna chu Airport ah chuan a țum rîai rîai a,training tur ho chu thlawhna a țang chuan an chhuk diah diah a,chulai hmun a țang chuan sipai hmun chu an pan leh ta a.
Sipai hmunpui ah chuan mi an lo awm nak nak tawh a,hnam hrang hrang,state hrang hrang ațang a kal khawm in,chûng ho chuan awmna hmun bik nei in,an bahrik ah chuan an awm țheuh a,Mizo ho pawh chu an awmna tur bahrik pan chuan an kal tlang nghal a,an in awmna tur ah chuan an in rem lût ta a. Thawmhnaw vêl an inrem fel zawh chuan khua chu chawhnu tlâi lam a ni tawh a, Officer Kima chuan training tur ho hnên ah chuan,"le,in vannei zia hria ula,training țha hle ang che u, India ram a state tin a țang a mi za thlanchhuah zîng ah in tel a ni tih hria ula,he training hi nidang a an tih nên a inang dawn lo a,a ti țha ber thlan chhuah an ni dawn a ni,chuvang in taima tak in training hi in ti ngei tur a ni,Mizo tlangval in ni tih kha hre reng rawh u,kan zâm ngai lo a nia,"a ti a,tlangval ho chuan,"yes sir,"an ti rual țhap a,a bak chu engmah tihna hman a nih tawh loh a vang in an duh ang ang in tlâi lam hun chu an hmang zo ta a.
Phone chu a rawn ri ral ral a,Pi Hruaii chuan rang tak a la in,"hello Sangte,eng nge ni ta?"a ti a,Sangtea chuan,"chaw in ei tawh em?"a ti a,Pi Hruaii chuan,"aih hei kan ei dawn chiah,eng nge ni ta?"a ti leh a,Sangtea chuan,"nia â,,eng ni vaklo e,eng nge Hluna te chanchin in hre tawh em ka rawn ti mai mai mawle,"a ti a,Pi Hruaii chuan,"aw nia,nichin deuh lawk khan kan in bia a,an thleng tlûang e,mahse rei pawh kan inbe hman lo,zanah kan in be leh dawn nia kan tia,"a ti a,Sangtea bawk chuan,"e,a nih chu,an thlen tluan chuan a țhat chu,eng nge maw an chanchin chu ni ka tia ka rawn phone che a nih hi,vawiin ah phone ka tum a,ka phone tlang thei silo a,â,eng pawh ni se chaw in ei dawn si ka dah leh phawt mai ang,tui deuh in chaw in ei dawn nia,chaweitui u,"a ti a,phone chu a dah leh ta a.
Zanriah eikham chuan Hluna chuan a nu te chu a phone a,Pi Hruaii chuan,"awi bawihte,chaw in ei tawh em?"a ti a,Hluna chuan,"aw ei tawh e,nang ni in ei tawh em?"tiin a zawt lêt nghâl a,Pi Hruaii chuan,"aw,keini pawh kan ei kham deuh chiah,eng nge in awmna chu a nuam em?"a ti leh a,Hluna chuan,"aw nuam lutuk,ka țhian te ho hi an fel hlawm bawk sia,bak ah a hmun te hi a nuam bawk,mahse hawi na lam a piang ah bari bara an tam lutuk a,"a ti a,a nui hak hak a,Pi Hruaii chuan,"hmm,i in ti thei êm mai,nangmah pawh kha Raju a in ti ve law law la a ni mai a lawm,in in ang tlâng viau ang chu,"a ti a,an pahnih chuan an nui dun hawk hawk a,Hluna bawk chuan,"ih maw,ka țhian te ho awmna piah lam ah chuan maw,vai rim a nam hum hum zel,kei pawh hi ka in hmu vai ve lek lek tawh in ka hria,"a ti leh a,chutia an nuih hawk hawk lai chuan Pu Rina chuan,"eng nge ni ta nu-i? i va nui nasa hawk hawk ve,"a ti a,Pi Hruaii chuan,"a hei,mate-a nên kan in bia a,"a ti a,Hluna chuan,"nu tu nge a? Apa em ni?ka lo bia ang,"a ti a,Pi Hruaii chuan,"aw ni e,Pa a,matea'n Apa kha ka lo bia ang a ti a nia,"a ti a,Pu Rina chuan,"eng nge ni ta ka bawihte?"a ti a,Hluna chuan,"Pa, Anu hi a sual lutuk,"a ti a,Pu Rina chuan,"eng nge ni ta,i nu chuan a lo hau che em ni?nge dawt a lo hrilh che?sawi vat rawh,ka lo hau ang,"a ti a,Hluna chuan,"ih maw,vai ni tawh mai rawh min tia,"a ti a,Pu Rina chuan,"a teh ngawt a,eng ngati nge a lo tih ve ngawt a,vai i ang viau em ni?"a ti a,Hluna chuan,"teuh lo mai,ti khân vai ram ah i awm a vai ni tawh mai rawh, min tia,"a ti leh a,Pu Rina chuan,"imh imh îm,a mah zawk hi ka rawn thawn ve mai dawn em ni,chutiang te a atih mai mai,"a ti a,an nui hawk hawk a,Pi Hruaii chuan,"hmm,in ho êm mai,vai ram ah pawh ka awm peih lo,"a lo ti a,Hluna chuan,"a nih ka dah phawt mai ang,hei ka țhian ten in kawmho na ah min lo au a,kan kal ve teh ang,"a ti a,Pu Rina chuan,"a nih chu,kal ve rawh,khang hmun ah te chuan țhian neih a ngai a nia,mangțha phawt aw,"a ti a,Hluna chuan,"mangțha u,ka hmangaih cheu,"a ti a,phone chu a dah a,a țhiante ho chu a zawm ve ta nghâl a.
Zuali pawh nitin hna ah chuan a kal reng a,nikhat chu Lunglei Chandmari vêng ah Sorkar building pakhat ah chuan bomb a puak hlauh mai a,mi tamtak an thi a,mi tamtak in hliam an tuar a,Damdâwiin pawh a lûn hle a,Zuali te pawh an buai char char hle a,Police te pawh in rinhlelh mi panga man in,Mizoram pawn a țang a rawn lût vek an ni a,Police te rin dan chuan misual pawl,drugs leh silai a sumdâwng ho thil tih a nih an ring a,mahse thu chiang tak erawh hriat an nei lo. Mahse chutiang a Sorkar Office ah kher a puah a vang chuan misual pawl in tum sa rêng a an tih a nih an ring a ni.
Zan ah chuan Hluna chuan Remremi chu Whatsapp ah chuan a bia a,"nimin ah Lunglei ah bomb puak em ni?hei vawiin ah ka hmu ve chiah a,"a ti a,Remremi chuan,"aw,chandmari veng a Sorkar Office ah a ni âwm e,"a ti a,Hluna chuan,"aw hâw,a nih chuan Zuali eng nge a an? ka be thei miah lo a,"a ti a,Remremi chuan,"Zuali te chu an ngaihtuahawm loh,nga ti nge i biak theih loh a?"a ti leh a,Hluna chuan,"nia,a number kha ka nei tawh lo a,hmânni khân ka phone ka khawih kual na lam ah ka lo delete daih a niang,mahse nangmah ka rawn be thei tho che a lawm,"a ti a,Remremi chuan,"nia,min biak theih te chuan a tawk a ni mai a lawm,"a lo ti a,Hluna chuan,"nia,chuan vawiin lam eng nge i tih a?"tiin a zawt leh a,Remremi chuan,"engmah ka ti lo,ka mu mai mai,"tiin a lo chhâng a,Hluna chuan,"hmm,ngati nge i mut mai mai a,hna thawk ta che,"a ti a,Remremi chuan,"aih,hnathawh tur ka nelo a,nang eng nge i tih?"tiin a zawt lêt nghal a,Hluna chuan,"eeeee,kei chu ka châu rapthlak,awiii,hna ka thawk nasa lutuk a,zîng ah exar kan la a,ka chau êm êm a,chhûn ah hna kan thawk leh a,sipai zawng zawng sazai min la pe zui,thui tâwk kan kal leh a,awi awi awi,ka rawl vek,ni a sa bawk si"a ti a,Remremi chuan,"awi ka van khawngaih che,rawn tlân bo daih mai la,in ah nilêng in i awm ang a,i hahdam mai dawn a lawm,"a ti a,Hluna chuan,"a chi teuh lo mai,sipai bâng pawh kan ni phâk dawn lo a sin,sipai training tlanbo nih te chu,mahse kei pawh penson dil mai te chu ka duh rum rum,he tiang reng reng chuan vai mistiri ah min chhuah thei tak ngial dawn,sipai rank nilo in lebor rank ah kan kaisâng lo chauh alawm le,"a ti leh a,Remremi chuan,"chuti chu,lo haw i châk tawh viau ang a,i lung a lêng tawh em?"a ti a,Hluna chuan,"teh nâng aw,a tîr ah kha chuan a lêng ve deuh a,mahse tunah chuan lêng tawh lo vai vai tak a ni,ka khum hnuai ah ka dah daih,"a ti a,Remremi chuan,"kher a che,min ngaih tawh vang mai mai a nih kha,"a ti leh a,Hluna chuan,"hmm,i tih tlat te chuan ni mai rawh se,chuan phone ka dah tawh dawn,ka chau deuh tlat,mut ka duh tawh,"a ti a,Remremi chuan,"a nih chuan awle,mangțha phawt aw,"a ti a,Hluna chuan,"mangțha le,"a ti a,phone chu a dah zui ta a.
Hun a kal zêl a,Hluna te chuan nitin an training chu zawm in hna an thawk reng bawk a,chanchin hrilh in in lam a a chhungte chu a phone ve reng bawk a,Kimkimi nau pai te chu a hre ve a,in a awm pawh a châk phah ve hle a,mahse hmabâk hlen tur tamtak a la nei tih hria in chu ngaihtuahna chu a ipte ah a ak bo leh ta zawk a ni.
Thla hnih a liam leh meuh chuan Kimkimi naute neih hun chu a thleng ve ta reng mai,engtik lai pawh a nei mai thei a ni tawh a,a chhûng te chuan an duat hle a,Sangtea erawh hna a akal a țhulh phah lo. Nikhat chu Sangtea Office kal hnu deuh lawk ah chuan Kimkimi pum chu a rawn na ta rîai rîai a,Kimkimi chuan,"ka nu,ka pum a na deuh rîai rîai mai,"a ti a,Pi Rinfeli chuan,"âw bawihte,i pa kan koh ang e,damdâwiin ah kan kal nghal dawn nia,"a ti a,Pu Zuala chu koh nghâl in damdâwiin chu an pan ta nghâl a. Kal pah chuan Sangtea chu phone in,"Sangte,hei Kimkimi i hian nau a vei țan der tawh a nia,i remchâng a nih chuan damdâwiin ah i lo kal thei ang em?"a ti a,Sangtea chuan,"awle,mahse ka pu kan dil phawt ang e aw,rem a tih chuan ka lo kal nghâl ang,"a ti a,phone chu a dah zui nghâl a,Pi Rinfeli chuan Kimkimi nu leh pa te pawh chu a phone leh nghâl a. Sangtea chuan,"ka pu,kan nu in nau a nei tawh dawn a,ka nu ten min lo hrilh a,rem i tih chuan ka kal lawk thei ang em?"a ti a,Cheaf Minister Pu Ramliana chuan,"teh rêng mai,va kal rawh,chuan vawiin a tan i hna pawh i bâng nghâl dawn nia,"a ti a,Sangtea chuan,"ka lawm e,"tiin a kal zui nghâl a.
Damdâwiin a thlen chuan Sangtea chu rang tak in a tlan lut nghal a,nau neih na pindan ah chuan a lût tlang nghal a,Sangtea chuan Kimkimi kut a vuan in,"țang rawh,i ti thei a nia,"a ti a,a lu ah chuan a chul pah bawk a,a âwm mawi tâwk an in buaipui hnu chuan nau chu an nei fel ta a,naute țap ngâk ngâk an hriat chuan an hlim hle a,Sangtea chuan Kimkimi chal a fawh zauh pah chuan,"tûnah chuan nu tak tak i ni ta,"a ti a,a nui suk a,Pi Rinfeli chuan naute chu an pawm vel a,chutih lai tak chuan Pu Ruata te pawh chu an thleng ve chiah a,Sangtea chuan,"minlo hrethiam lawk rawh u,pawn ah ka va chhuak lawk ang e,"a ti a,pawn ah chuan chhuak in Pu Rina te chu a han phone a,Pi Hruaii chuan phone a lo la a,Sangtea'n naute an neih thu a hrilh chuan a phûr hle a,Pi Hruaii chuan,"awle,kan lo kal nghâl ang,"a ti a,phone chu a dah leh ta a,Pi Hruaii chu in hnuai lam dawr ah chuan hmanhmawh tak in a tlan thla dâwr dâwr a,Pu Rina chuan,"eng nge ni ta?i va hmanhmawh ve?"a ti a,Pi Hruaii chuan,"Sangtea te chuan nau an nei tawh a nih chu,"a ti a,Pu Rina chuan,"e,a nih chuan insiam ila,kal ve nghâl ila,"a ti a,damdâwiin ah chuan an kal ta nghâl a. Sangtea pindan chhûnga a luh hnu deuh lawk chuan Pu Rina te nupa pawh chu an thleng ve zui nghâl a. Pindan chhung ah chuan Pu Zuala te nupa leh Pu Ruata te nupa nên chuan an awm ho a,Pu Ruata chuan,"U Zual,nang a hming han phuah la,"a ti a,Pu Zuala chuan,"nilo e,nilo e,hei hi chu a hmasa ber te a ni bawk a,nangin i phuah ang chu,"a ti a,chutih lai tak chuan Pu Rina te nupa pawh chu pindan ah chuan an lût ve hlawl a,Pu Ruata chuan,"e,U Rina hi tih tir ila a rem lawm ni,"a ti a,Pu Zuala chuan,"a țha viau ang chu,nang ni ber in rem in tin chuan kei ni chuan kan remti a lawm,"a ti a,Pu Rina chuan,"khawimaw kan naute thar chu,tunge a hming?"a ti a,Pu Zuala chuan,"i phuah a tân kan lo hual a,"a ti a,Pu Rina chuan,"e,kei nin kan phu hlei nêm,mahse chutia in tih tlat chuan hnial loh ka thlang e,â,ka rilru ah chuan Lalmalsawmi tih a lo lang a,chu chu ka phuah ni rawhse,"a ti a,Pu Ruata chuan,"a,ka rilru i hria a ni lo maw,ka rilru a lo awm ve roh roh a nia,"a han ti a,Pu Zuala pawh chuan,"ni e kei pawh ka rilru ah a lo awm a,ka phuah chu nise a hming ah ka phuah ang ka lo ti a,"a ti a,an nui hak hak a,Pu Rina chuan,"inchhung ah zawng,naute a muhil si,pawn lamah sawn i titi ho zawk teh ang u,"a ti a,pawnah chuan an chhuak ta a.
Zanah chuan Sangtea chuan Hluna chu bia in,"hei țhianpa,vawiin khân naute kan nei a,"a ti a,Hluna chuan,"tak tak maw,a hmêlțha em?tunge a hming?"a ti a,Sangtea chuan,"aw țha tehrêng mai,i pa in a hming pawh a phuah nghe nghe a,a hming chu Lalmalsawmi a nia,"a ti a,Hluna chuan,"aw a nih chu,ka lo video call ang,naute chu ka lo en ang,"a ti a,video call hmang chuan an in be ta a,Hluna chuan,"e he,a van hmêlțha em em,tu nge a chhun a?a van duhawm êm em,mahse a muhil elo,"a ti a,Sangtea chuan,"aw,a mutui khawp mai,hmêl ah chuan kei min chhûn a,a hmêlțha lo thei hlei nêm,"a ti a,Hluna chuan,"Kimkim,in pa thu sawi chu i pawm zawng a ni em?"a ti a,Kimkimi chuan,"teuh lo mai,kei mah min chhûn daih zawk,chu vâng a lawm a hmêlțhat,"a ti a,Remremi chu lo inrawlh ve vat in,"màwiah,kei min chhûn a tin lawm a hmêlțhat êm em ni,"a lo ti a,Hluna chuan,"e he Sangte,kha nu tê reuh khân eng nge a rawn tih ve a?"a ti a,Sangtea chuan,"a thatchhe awm awl a rawn lêng mai mai a nih hi,"a ti a,Remremi chuan,"i sualthiam êm mai,"tih pahin Sangtea hnung ah chuan a han bêng thak a,Hluna chuan,"hei pitar,bengchheng suh,naute a mut kha,"a lo ti a,nui ring ngam chiah silo chuan an nui hak hak hlawm a,Remremi bawk chuan,"Hlun,tûnlai hi min van be țha duhlo,i induh lutuk a,"a ti a,Hluna chuan,"tihpalh ka pi,induh vang pawh a nilo,tûnlai chu phone pawh ka hmet țha peih vak lo a,"a ti a,Remremi chuan,"a nih,tûn a țang chuan țha deuh a in biak tawh ah,phone hmeh peih loh tih awih tawh loh,a ti ti chu Sai leh Pathian ngam,"a ti a,Hluna chuan,"hlen chalh,sût leh awm loh,sût leh dawn a khawvel hêl kual phawt,vawi sawm thih hma loh,ke zungpui tan leh ring țhuai tliah,"a ti a,Remremi chuan,"i van țawng thei tak,mahse ka pawm thlap e,"a ti leh a,Hluna chuan,"kan in rûl tawk chiah a nih chu,"a ti a,a hâm bai bai a,Remremi chuan,"hm,i mut a van chhuak tawh awm êm êm?"a ti a,Hluna chuan,"nia,chhûnah hna kan thawk a,ka chau deuh a niang,ka mut a chhûak rîau mai,nangmah vang vek,i polite lo si,phone dah nachâng i hre bawk silo,ka mut a chhuak tawh a,ti chung pawn min mangțha duhlo a nia,i lo mak thei hle mai a,mi phone hmang in min la be zui,duhtawk nachang hre ve la,i ti zahthlâk thei êm mai,"a ti a,a nui hak hak a,Remremi chuan,"teh duah zel a,i ninawm êm mai,i lunglêng a lêng tawh a nih kha,"a ti a,Hluna chuan,"tunge lêng zawk chu a hriat mai a lawm,zan hnih khat kan be lo dêk dêk a,min van be khât,hmm,min mawhpuh tum lo mai rawh,"a ti leh a,Remremi chuan,"â! nimawm,hnial na tur te hi i hre si,ka mangțha tawh mai ang che,"a ti a,Hluna chuan,"tak tak a,nakinah ka lo bia ang che,mangțha phawt u aw,"a ti a,Remremi chuan,"awle mangțha muttui,tui deuh i mu dawn nia,"a ti a,Hluna chuan,nangni pawh tui deuh in in mu dawn nia,"a ti a,phone chu dah in a mu zui ta a.
Zanah chuan Mizo ho chu pawn ah te an zai ho țhin a,hnamdang ho pawh chuan nawm hmêl an tih êm a vangin Mizo ho zîng ah chuan an tel ve țhin a,hnamdang kristian awm ve te chu Mizo ho inkhawm naah te chuan an tel ve țhin a,an hlim thei hle a,hnamdang training te ho pawh an fel bawk a,tu te mai pawh an in kâwmngeih vek a ni. Hemi kum October thla hi kum khat an training na chiah a ni a,harsatna tam tak an paltlang a,thil tam tak an zir chhuak a,nitin training reng in,Hluna nuam tih ber chu silai kah zir a ni a,thiam pawh a thiam thei hle a ni.Tin,Mizo ho chu engkim ah an chungnung hle a,hnamdang ho chuan tumah in an tluk lo a,mahse an zah ru hle thung a ni.
Hun a kal zel.a,kum a ral a,kum thar an hmang a,kum thar pawh Febuary thla an chûangkâi leh ta. Zan khat chu Hluna Hluna chuan phone call a dawng nawlh mai a,phone chu la in,"Hello," tiin phone a țang a lo chhang lêt tu aw chu a ngaithla reng a,hmechhe naupang kum sawm tling țep tawh,kum sawm tlin nân a zan khat chiah ngai tawh chuan,"hello apute,i dam em?"a han tih chuan Hluna chu thaw halh in,"aw hey,bawihte,Pathian zârah ka dam ve țawk țawk e,nang ni in dam țha zawk em?"tiin a han chhang let ve a,Sarah-i chuan,"aw keini pawh Pathian zârah kan dam e,chuan maw apute,naktuk hi eng ni nge i hria em?"a ti leh a,Hluna chuan,"hre nâng,eng ni nge,?"a ti a,Sarah-i chuan,"i hre lo maw?naktuk hi Febuary ni sawm a nia,"a ti leh a,Hluna chuan,"kan ngaihtuah lawk ang aw,eng nge ni kha aw!!e,e,e,naktuk i birthday maw,ka lo theihnghilh daih a lawm,"a ti a,Sarah-i chuan,"aw,mahse i awm ve dawn lo a,nikum ah pawh i awm tawh lo bawk sia,engtikah nge i lo haw dawn?"a ti a,Hluna chuan,"aw,bawihte,ka tihpalh lutuk,i birthday ah chuan awm ve thei ila ka ti lutuk,mahse ka lo la haw hman silo a ni,mahse maw bawihte,October thla ah hi chuan kan lo haw ang,min lo hmuak ngei ngei dawn nia aw,"a ti a,Sarah-i chuan,"aw,lo haw vat rawh,ka ngai tawh lutuk che,"a ti a,Hluna chuan,"awle bawihte,a nih,mangțha phawt aw,nakzân ah ka lo be leh ang che,"a ti a,phone chu a dah ta a.
Zing thawh phat a țang chuan Hluna chuan Sarah-i birthday chu a ngaihtuah reng a,haw chu a châk tawh hle a,mahse duh duh a haw mai mai theih a ni silo. Zan lam ah chuan Sarah-i te chu video call hmang chuan a bia a,cake an zai lai te chu phone a țang chuan a en reng a,cake leh etur an ei lai te chu a lo en ve reng a,en mai loh chu tih theih a nei lo,ei châk viau mahse a lo en dawk dawk ringawt mai a ni. Zan a rei hnu chuan phone chu dah in Hluna pawh chu a muhil leh ta a.
Nitin in Hluna te haw hun tur chu a hnai telh telh a,thla a liam a,kâr a liam a,ni a liam a,darkar,minute a liam zel a,an chhuah ni a an tih dan tur an zir mup mup a.
Hun a kal zel a,October nikhat, thawhlehni a ni a,passing-out ni an thleng ta. Țhenkhat te tan chuan ni hnuhnung ber a nia,țhenkhat tan erawh a la ni velo thung. Chûng training zîng a țha thlan bîk te tan chuan training a la awm dawn a ni. State tin a țang in miza țheuh training tur in an kal a,chûng training ho chuan hruaitu officer pakhat țheuh an nei a,state pathum a țang in a țha bik,record nei țha bik thlan chhuah an nei leh dawn a ni. Chu mi ni chuan khual zahawm atan Prime Minister Pu Ranvir-khana chu an sawm a,tual lai ah chuan training ho zawng zawng chu an in tlar a,India ram state hrang hrang a țang leh U.t a țang a kal khawm zawng zawng te an han ding khawm chu an țhahnem hle a, chutiang mi zozai chu an ke pên thâwm ngawt pawh ram sakawlh tlanchhiat rawk rawk na khawp a ring a ni.
Captain Marvin Rajbat chuan,"awle tunah chuan training țha ber state thlan puan chhuah na hun kan nei ang a,ka thu neitu te lam a țang a report kan dawn dan ah chuan ti țha ber te chu,Mizoram state te an ni,tunah Mizoram state ai awh in officer Lalrinkima kan lo sawm ang a,tin,lawmpuina min hlan sak tur in kan khual zahawm Pu Ranvir-khan a kan lo sawm ang a,lawmpuina hi min han hlan sak se,"a ti a,lawmpuina te an hlân a,ti țha ber dawt a tan Goa state thlang in,pathumna ah Maharastra state an thlang bawk a,Captain Rajbat chuan,"khâng state pathum kan thlan te a țang khân mimal ti țha bîk kan thlang chhuak leh ang a,heng hming kan lam te hi a hma lam ah hian lo ding chhuak ula,tlai lamah report kimchang kan inpe țha dawn nia,"a ti a,Mizoram state a țang in mi sawmhnih an thlang chhuak a,chûng hming zîng ah chuan Hluna hming pawh a lang ve a,tin,Goa state a țang chuan mi sawmpanga an thlang chhuak bawk a,Maharastra a țang chuan mi sawm panga an thlang chhuak bawk a,nilêng in hun hmang in tlai lam ah chuan mi bîk thlan chhuah ho chu Captain Rajbat a hnên ah chuan an inreport a,cpt.Rajbat chuan,"tunah hian in vannei takzet ani,nangni ho hi a țha thlan khawm in ni a,he in training neih leh tur pawh hi țha tak a in zawm ngei theih nan duhsakna ka hlân a che u,"a ti a,chûng ho pawh chu an chhuak a. Zan ah chuan hun hlimawm tak hmang in a tuk lam a haw tur chuan an in buatsaih nak nak a,tichuan an mu ta a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)