IBRAHIM ZOTHANPUIA BY Pekpeki Malneu (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: IBRAHIM ZOTHANPUIA BY Pekpeki Malneu (Completed)

Unread post by Ngaia » July 3rd, 2022, 1:44 pm

ZIAKTU: A POST TU🙂





CHAPTER - 13






"Remruatsang, i dam maw?" Edmund-a chuan a rawn ti a, Edmund-a chu high school kan kal laia kan classmate ṭhin a ni. Kan inkawm ve zeuh zeuh ṭhin. Mahse class 11 kha phai lamah a kalzawm tak vangin kan inbe ta ngai lo, min lo la hre reng te chu a mak ka tizawk.


"Ehe! Edmund! I va dang tawh ve" ka ti ve hluai a, a nui hawk hawk. "Kan upa ve tawh lawm" a lo timai a. "I lo haw leh tawh tihna mi? Engtin nge min la hriat zawk a?" Tiin ka nui hak hak a, "Ka theihnghilh phal nang che." Tiin a mit a siai zauh, "I awm hlen tawh dawn mi?" "Um, awm hlen tawh ang. Ka chhungte pawh ka ngai ve tawh a" a ti leh a, a bula awm a hahdamthlak ṭhin a nia.



"Haw tawh ila" Thanpuia chuan a rawn ti sup a, Edmund-a chu a melh ngur bawk. A thîk leh tawh a ni pek ang chu. "Um, kal ila, kan kal mai ang aw Edmund bye" tiin ka kut ka vai khum zauh a. A bu ve nghut. "Ee ngawi rawh i number min lo pe rawh, ka lo bia ang che" ka pe ve mai a.



Kan haw nghal, "Tu nge a khapa kha?" A lamah chuan thle zauhin, "I thîk em ni?" Ka ti a, a lu a thing a. "Ka ṭhian hlui a nih kha" ka khuh leh nghal a, "I dam sam si loa i lo kal kher a ni" a tisup sup a. Ka chhang lo thung. In kan thleng a chhuk mai ka tum chu min pawt ding leh rih a, "Damdawi ei ṭha rawh aw, ka lo bia ang che" tiin ka chalah a fawp a. Ka chhuk san ta a.




Inchhung ka luh chuan sitting room-ah an lo ṭhu ṭhap mai, "Mamte i lo haw tawh maw? Lo ṭhu lawk teh, hei i u hian thil sawi duh ka nei e a tia kan lo nghak che" ka nu chuan a lo ti nghal a. Kei pawh ka ṭhu ve mai, "Bawiha han sawi tawh la" ka nu chuan a ti a, a aw a thian kharh. A sawi zawh chuan ka nu leh pa chuan an melh ngar ngar ringawt. A thaw hawk a, "Aw le, ka hria e, ani hi ka hmangaih ania khawngaihin" tiin mitmeng hnual raih hian ka nu leh pate chu a melh a.




"Bawiha, i thu min hrilh chuan min va ṭhawng ve, rilru fim pawh ka lu hlei thei lo. Naktukah kan sawi leh dawn nia" tiin ka pa chu a tho thurh a, room-ah a lut tlang nghal. Ka mu pawh a tho ve nghal a. "Mâmte, intuam lum ṭha rawh aw. I dam ṭhat loh nen nen i chhuak leh khanglang si a." Tiin min ngaihtuah zetin min melh a. Ka lo bu nghat.



Ka u nen inchungah kan chho a, a thaw hawk. "U, lungngai suh, an rilru a la fim lo ve rih a nih kha. Naktuk zingah chuan an zia ve deuh tawh ang chu" tiin ka hnem ve mawlh mawlh a. Min nuih suk a, "Ka lawm e naute, muttui" tiin a room-ah a lut a. Ka inthlak hnuah ka mu nghal a, ka phone a rawn ri chu ka en vat. Mahse Fiona-i zawk a lo ni a.


"Hello Fio.." "Awiii mate, Stefan-a'n palai a lo tir" ka ṭhu hlawl. "Awi! A ni maw?! Ka va'n lawmpui che em." "Kei pawh ka hlim lutuk, ka inring lo." "Chuan engtin nge an lo chhan?" Phur zetin ka ti a, "A, midang tihdan thoin, 'Chhungkua kan lo inrawn phawt ang e' chu an tih ve kha" ani pawh a hlim zia a hriat theih. "Fio, ka lawmpui lutuk che. Mahse pasal i nei mai tur anga ka han ngaihtuah hian ka ṭah a chhuak et et nia" aw chhâng deuh hian ka ti a.


"A, chutin ka neihsan bik nang che. A hrim hrimin i aw (voice) te chu a va chhâng ve, i damsam lo em ni?" Ani ang ṭhian hi chu ka tawn leh kher pawh ka ring tawh lo. "Aw, ka pik ve deuh a. Mahse hei damdawi te ka ei a, ka zia ve mai ang. A vawt si a. Muttui aw" "Aw le, muttui le naktukah kan inhmu dawn nia" kan inbiakan kan titawp ta a. Hun hi chu kan hriat loh karin a lo kal zung zung mai a nih hi. Fiona-i paw'n khiang min awi san mai dawn chu a ni si a. Ka awih thei lo zawk. Ka lawmpui rualin ka ui leh ṭhin.



A tuka kan inhmu chu kan te chul mai. "A nuam awm bik" "Nuam ve tho, mahse ka nu hi kalsan ka hreh" "I la tawn ngei ngei tur alawm hreh suh hreh suh, hmeichhia i nih chuan i paltlang hrim hrim tur thil a nia." Ka lo tiduah a. "Nia tiraw" kan sawi chhunzawm ta lo.



"Hey, Remruat lo ding lawk” ka ding dat a. "I tha maw?" "Um, tha e ti nge?" Ka chal a rawn khawih a, "I khua chu a sik lo a" a kut chu dahsawn sak pahin. "Ka tha, ka dam" tiin ka inhersan a. Ka kalsan nghal nal nal. A nui suk ri chu ka la hre pha ta tho.



"Zaninah lo leng la" office banah Fiona-i'n a ti a, "Zanin chu ka hman ang em ka va'n hre mai lo." "E aw le, eng nge i tih dawn a?" A ti leh a. "Chhungkuaa buaipui tur thil kan nei a" tichauhin ka chhang a. "Oh, okay nakinah chaw ka rawn ei ang" "Lo ei rawh ka lo hrai nghek ang che. I puma leng lo khawp khawp kan ka lo barh ang che" tiin ka nui hak hak a. "Min barh kher suh" a lo tihlak. Kan nui ta vak vak a.





"Mamte, i u Bawiha i hmu em?" In ka luh rualin ka nu'n a lo ti a," Aih, hmu nang inah a awm lo mi?" "Nichin khan a lo chhuak a, in lo inhmu em ka ti mawle. Khawiah nge. a kal dawn tih a sawi si lo a." A ti leh mai a. "Tih tur pawimawh a nei thut aniang chu, tidaih ila Madini hi tunlai eng nge a an i hria em?" Ka tidaih a.




"Aw, hman niah a nu nen kan inhmu a, missionary-ah a inpe a ti" "A ni maw?!A va lawmawm em em! Ka lawmpui tak zet." "Ni e, alawmawm khawp mai. Han inthlak rawh" ka room ka luh rualin khumah ka bawk thlawp. Ka hahdam sawng sawng mai. Ka taksa a rawl thum thei alawm le.



Inbual tura ka insiam laiin min lo call a, "Eng nge?" Ka tinghal tawng. "Fiona-i'n pasal a nei dawn mi?" A rawm ti hu a. "Hre nang, nei dawn aniang chu palai te an tir si a" ka lo ti ve mai a. "Pasal a nei dawn maw? Bialpa a nei reng reng mi?" Ka chek hlak. "I va han chhaw tak, bialpa kum hlun a nei reng alawm" ka tihlak hlak a. "Ehe! Tu maw?" "Stefan" "Mahse Stefan te chu.. Valerie bialpa ni lo mi?" "Aih, ni lo. Valerie te nen hian an inchhungin ka hria." "Umm a nih chu, a va ho leh si ve. Eng a poh chu ni se ka lawmpui hle mai." A rawn ti ve sup a.




A tuk zingah thawh ka hai a, dar 9-ah ka tho a, inhnuaia ka chhuk chu sitting room-ah an lo thu thap. “Ehe! Teh thap cheu chuan" ka ti a, ka nui bawk. Tumah chuan min nuih let hran lo, "Mamte lo thu teh" ka pa'n a tidam thlap a. Ka thu ve nghal vat, "Ka chanchin em ni?" Ka ti ha a. "Aih, ni lo e" ka nu chuan a lo ti leh thliam a.




"Nizana i u thusawi chu i hre ve vek a, keini'n kan hriat hma daih tawhin i lo hre tawh a. I nu nen nizanah kan ngaihtuah a, Rinchhana thihnain min thawng tih in hria a, chu mi hnua Bawiha thusawi han hriat leh chu a mi den dan a na tak zet. Mahse tawngtaiin Pathian kan rawn a, ani'n chhanna min pek kan nghak ang a. Chuvang chuan lo dawhthei phawt r'u aw." Ka pa chuan a ti charh charh a, "Ni e, Pathian rawn chu a dik berin a finthlak ber alawm" tiin ka ding hluai a. "In thutlukna insawi dawn emaw ka tia, mahse thutlukna a la ni chiah lo deuh a nih hi" tiin ka nui hak hak a. Anni pawh an lo nui ve hawk.



"Chaw ei ang u, ka ril a tam" ka tinghal a. "Va siam ula" "Thangbawih" tiin Thangtei lam ka hawi zauh a, a thi nghal vat. Chaw ei kan siam nghal mawlh mawlh, "U, kumin Christmas hi ka nu te bulah hman ka duh deuh a" a ti sap a. "E.. i duhte chuan i hmang dawn nia, kan vaiin kan hmang ang chu le." ka ti hluai a, "Ka chak tawh e, mahse Christmas thleng tur chuan thla 6 vel a la ngai dawn sia" a ti sap a.



"Thla 6 chhung hian thil lawmawm tak thleng tur a awm alawm" tiin mit ka siai zauh a. A meng phawk hra, "I hrethiam ve mai ang" tiin ka nu te ka ko a. Kan ei zui nghal. "Nu, hei kumin Christmas chu kan khaw lamah putea te bulah kan hmang ang chu tiraw?" Ka ti a, "Kan tum ang chu le.. a hun te lo thleng phawt se." A ti mai a. Ka pa erawhin engmah a sawi lo thung.




Chhunah chuan inah ka awm a, a chhan pawh ka khua a sik vang a ni. Ka khua a sik a, ka chau hluah hluah, "Zan lam i meng rei thin si a. I chau lutuk a mawni le, in entir mai ila" ka nu chuan a ti leh thin a. Dar 1 velah ka room kawngka an rawn kik a, "Um lo lut rawh" ka titham chhel a. Ka tawng zawng te hian ka mittui a tla leh thin. Ka mittui tla chu ka hru zauh a.



Kawngka lam ka chhawn avangin tu nge ka room-a lo lut chu ka hre lo. "Nauvi" ka meng kawk. Ka inlet a, "Ehe! Nang elo? Eng nge i lo tih ve a" tiin thawh ka tum a, ka mittui rawn tla leh chu ka hru zauh a. Khumah a rawn thu thla nghal a. "Ti nge i tap em ni?" A ti deuh nghut a, "Aih, tap lo e. Ka mit a na nih hi" "Nizan te khan lo hruai malek tur che hi nia aw" a tisup a. "Aih, i thiam loh a awm lo a nia." Ka lo tinghal vat a.




"Aih, a ni alawm zan reiah ka chhuahpui chea ka tihpalh liau liau a ni" a ti a. "I ho emai a, i thiam loh a ni lo. Keima thiam loh vek zawk alawm. Tui kha min lo ban teh" tiin thil dangah ka sawi zawm daih a. Min rawn pe vat, ka in nghal a. Ka kâ pawh a tui vak lo.



Ka nu a rawn lut ve leh a, Thanpuia pawh a tho vat. Khum bulah chuan a ding a, "Mamte, i khaw sik a awm tawh lo tiraw?" Ka chal chu a rawn khawih a, "I pang chu a sa tawh lo a ang. Mahse naktukah inentir tho rawh aw." "Aa.. a ngai lo, a buaithlak mai mai" "Ka kalpui ang che" ka nu chuan a ti ve tlat a. Thanpuia chuan, "Keiman ka kalpui thei alawm lungngai suh. Ka hman alawm" a lo tisup a.



"Nang hi..?" Hre chiah lo awki hian ka nu chuan a ti a, "A bialpa ka nia" a lam ka hawi vat. "Aw... A nih chuan Ibrahim-a i ni ngei ang a, i hman theih dawn chuan a va lawmawm ve. Hei amah lah hian kal a duh der si lo a. Lo hrilh ve teh aw." A ti vat vat a, a lawm hmel vur vur khawp mai. "Nuu" ka lo tivak a. "Shh, a lawmawm zia hi. Puan pho ka va en lawk ang e," tiin a chhuak nghal. Hetia ka room-a ka bialpa nen min kalsan ngam hi keimah min rin tawk vang a ni tih ka hria. Ka chiang bawk.




"Naktukah chuan kan inentir dawn nia," a tisup a. Ka melh nghek. Ka phone a rawn ri chiah bawk nen ka la vat a, "Hello" tu nge ka biak tih hriat tumin chik zetin min lo en a. "Tlaiah chaw ka rawn ei dawn nia, hrilh tur che ka ngah tawh raps. Rawn hrilh hmasak che ka duh viau na a. Ka hman leh ta ngang si lo a." A rawn tinghal siam siam a.



"Um, lo ei rawh. Chaw kan lo chhum teuh ang" ka lo ti ve sap a. A rawn nui hak. "Ka puma leng lo khawpin min lo hrai ang tih chu ka hlau ve tho mai" a rawn ti leh a. "E.. a sira hnawh dan kan zawng dawn nia" tiin ka nui hak hak a. Thanpuia chuan min lo la melh ngur mai, khum atang chuan ka tho a. Varanda lam ka pan a.


"Ka rawn ei dawn tak tak a nia, eitur lo siam tui hle ang che'u." A tileh a. "Aw le, phone dah rawh inbiak rei leh i lo thleng har tihna nimai" tiin phone ka off ta daih a. Ka inher chu Thanpuia ka hnung lawkah a lo ding si a, ka phu zawk. "Min tiphu lawm" ka tihlak a.


"Fiona-i mi?" "Um, chaw a lo ei dawn a. Ka nu ka va hrilh lawk ang e, tirawh inhnuaiah chhuk ang i ril te pawh a tam tawh ang" tiin room atang kam chhuak a. Inhnuaiah kan inzui thla a, ka tha a khur nasa tak zet. Mahse min hriat ka duh loa ka inthup ve tlat.


"Nau-i i tha meuh maw? I chauh hmel si, i tluk palh ka hlau emai ka lo kai thla ang che" tiin a kut min rawn pe a. Ka lo benthlak sak pawp, "Ka nu a awm ve reng hi over suh" tiin ka chhuksan a. Vawiin a thawmhnaw inbel hi ka hrilh tawh cheu em? T-shirt var leh black jeans a ha a. A inhmeh leh viau tho.


"Nu, Fiona-i'n chaw a lo ei dawn aw. Nichin khan min rawn hrilh chiah a" ka tinghal lang lang a. "Ni e, lo ei tak teh se. Pasal a nei dawn te an tiin ka hria" tiin min zawt titih hian min melh a. "Aw, palai an tir a. A nei tep tawh. Chuvang ania chaw ei a tih deuh thut. A nulat laia a chaw rawn ei hnuhnun ber te pawh a ni thei a" ka tisap a. Tui vawt chu la chhuakin ka in nghal khawlh khawlh. "I âwm a na si a, tui vawt te kha in mah ta che mawle" ka nu'n a ti hlak a. "A ho e a, ka dam ve tawh tho alawm" ka tihsan mai a.



"Chloe, ka kal mai dawn asin a tlai zel si a." Thanpuia chuan a rawn ti a, "I kal mai ang maw? Thil te pawh ei ve phawt la" ka nu zawkin a lo ti a. "A, a chakawm viau na chu hna khawih tur te ka la nei si a. Ka kal phawt ang" A ti a, a chhuak nghal ka zui chhuak ve nghal a. "Ka haw hmain vawikhat kuah tal chu ka phuin ka hria" a tisup. Nui chungin ka kuah ve mai a, ka samah a rawn fawp zauh.


"Hey, ka sam chu fawp suh. Ka la su lo" tiin ka inlahrang daih a. A nui hawk, "I va ho mai mai tak. Nih bye bye aw" "Bye" tiin kut ka vai zauh a. A tlan liam hnu chuan ka lut leh a. "Eirawng bawl tawh ila" ka ti nghal a. "Ve lutuk che hian a" tiin a nui hak hak. "Han intifai la, chuan i rawn bawl dawn nia." A tih chuan keipawh ka chho ve mai. Ka inbual hnuah ka chhuk a.



"I lu kha tuam rei suh aw, phelh vat ang che i hritlang si" a lo tinghal a. Ka chhang lo. Fiona-i pawh a rawn thleng vat a, ka nu'n a lo be ve luam. "Fiona-i chu pasal neih te i tum thut a mi i barakhaih lutuk alawm" a lo ti siam siam a. A nui hak hak, "Nia, kan tideuh thut a" a ti a a la hma deuh avangin ka nu a chhuak leh a. A bazar leh dawn a ni awm e.


Thingpui in pahin kan ti ti a, "Ti nge in tih deuh thut a? A hma khan in hmanhmawh vak lo emaw ka tia" ka ti a. "Stefan-a pa hi a thin a cancer tih an hrechhuak a, a stage a lo sang tawha dan theih a ni tawh si lo a. Stef-a nupui nei lai hi hmuh a chak thei em em a, chuvang chuan kan tideuh thut mai a ni" a ti a. "Aw haw! A va han pawi ve, mahse a fapa nupui nei lai a hmu thei tur chu a lawmawm lamah i ngai mai ang tiraw" ka ti a ka nui deuh bawk a. Ani pawh a then ve sak.





An lo haw khawm takah chuan chaw kan ei nghal a, naktukah U Bawiha a kal leh tawh dawn a. Ka ngai dawn tak zet. A bialnu chungchang chu ka nu leh pain ngaihtuah that leh tur an tih vangin engmah thu chiang a la awm lo. Kan chaw ei lai chuan ka nu ten Fiona-i chu zawhna te an zawt ve luam a. "A innei tur te ber in inrem chuan tihvat pawh hi a tha zawk a nia, hmeichhia phei chu kan upa tulh tulh a naupai te hi kan harsat a" ka nu'n a tih chuan kan inmelh zauh a. "Nu Piani mai mai thin hi a, chutiangin ka la upa lo min va ngai upa ve" nui hak hak chungin Fiona-i'n a ti a. "Chu chiah" ka lo ti ve a.

"In intan mai e a" a lo tihlak. Kan ei zawhah kan eina te ka tifel a, Thangtei'n a sil a. Fiona-i'n sil a tum a, bakah a lo kal hi chuan thleng a sil ziaha kan in ngama kan intichhung ve bawk a. Mahse tun tum chu Thangtei'n ka lo sil ang a tih tlat vangin hnial loin a sil tir a.



Pawnah kan thu chhuak a, ka nu te chu Pa Liana te inlamah bawk an kal leh a. "Taka! Vawiin khan Zothanpuia a lo kal em?" A ti a, "Kal e, engtin nge i hriat?" Ka ti ha. "Min rawn hrilh alawm" a ti liam puat a.



Ni a kal zung zung mai a nih hi. Fiona-i te inneihna tur lamah kan buai chho tana, hna lamah pawh leave ka la rih. Juteii a awm tho a, an buai lutuk lo'ng chu. Fiona-i te lam hian ruai siam tho an tum tho a, man hlan pawh kar leh a nih tawh avangin keipawh Fiona-i te in lamah ka tal tam. A hun a lo thlen dawn meuh chuan hnuk te pawh a ulh lek lek alawm le.


"Ka chak rual rualin ka huphurh, ka nu leh ka unau te kalsan mawlh hi ka va'n hreh tak" a ti a. A ngui hle. Sawi mai tur pawh ka hre lo, "Khiang min awi san ta mai tur hi awih a har ka ti" tiin ka nui hak a. "Nia keipaw'n awih har ka ti" a lo ti ve leh bawk a. Kan nui dun leh hak. "Ka va haw phawt aw, zanah ka rawn bia ang che." Tiin ka hawsan ta a.



Chaw eikhamah ka phone a. Kan inbe rei lem lo, naktukah bazar leh kan tum bawk a mengrei vak loin kei pawh ka muhil nghal a. Ka khum mawngah chuan a ding run a, min melh ngur ngur bawk. Min rawn ban a tum a, ka che thei lo, ka feel thei a ka che thei lo. Maimizialin ka awm tih chu ka hai lo. Ka ke zungpui chu tih chet ka tum ta vak a. Mahse ka thei lo, min rawn hnaih zel a. Ka hrawkah a rawn rek ta tlat, au chhuah ka tuma ka thei lo. Ka ke zungpui chu ka tiche thei ta hlauh a. Ka thu chhuak nghal hlawl. Ka thaw hlawi hlawi a, tui bottle chu ka ban vat a. Ka in nghal khawlh khawlh, ka phone ka zawng ruai a. Ka lukham hnuaiah ka dap fu ta a. On-in Thanpuia ka call nghal a, ka rilruah a awm hmasa ber miau a.


A rawn chhan chuan a mut a chhuak tih a hriat, dar 3 a ni a. Mi pangngai mut a hun tawh. "Eng nge ni tun ang zan zanah?" Ngaihthat hmel vak lohin a ti a, "Ka hlau" ka ti ringawt. "Maw?! Eng nge i hlauh?" A rawn timghal vat. "Ih.. eng lo a nia" tiin ka awmdan te chu ka hrilh ta vek a. "Lungngai suh, hlau tawh suh aw. Hei ka awm alawm tawngtai la i tawngtai zawhah min lo call leh rawh ka lo nghak ang che aw" a tisup a. "Aih, dah suh" ka lo titlat a. A nui suk ri pawh ka hre pha. "Aw le, ka dah lo ang tawngtai phawt rawh" a ti a keipawh ka tawngtai ve mai.


Ka tawngtai zawhah ka beng bulah ka dah lehnghal a, "Tikhan mutthilh tum rawh aw. Tihian ka lo on reng anga i mutthilh hnuah chauh ka dah ang aw" a ti a. "Aw le, ka lawm e" tisapin ka maimichhing ta a. Ka muhil leh thei hram e. Dar 6:30-ah ka tho lehnghal a. Ka chau ve hnap mai. Ka zing tho pawh ka zang vab lem lo. Chaw eikhamah kan chhuak nghal a, thiante nena awm hi chuan kan hlim ve leh zel mai.



Man hlan ni kan lo thleng leh ta reng mai. Tihtur ang ang kan tih zawh chuan Fiona-i'n mun rawn ko a, "Eng nge ni ta?" "Kha hei hi la rawh, ka tan thian nih i tlin em vangin" tihpahin box tereuhte hi min pe a. Ka hamhaih deuh, "Eng nge a?" Ka ti ha a, "Hawng phawt la" a ti thung. Lain ka hawng ve mai a. Bracelet nalh zet mai a lo ni. Butterfly hi a awm kalh bawk a. Ka bun tawk chiah, "A nalh lutuk ka lawm lutuk e aw." Tiin ka kuah thlawp a, min lo kuah let ve vat



Kawngka rawn kik ri vang chuan ka hawi phei vat a, Thanpuia chu kawngka biang nghenga inkuangkuah atin a lo ding a. "In inhmangaih zo tawh em? Lo chhuak ula hmu duh cheu an awm a" a tisup a. "Aw hman e" tiin. fiona-i chu a kal nghal a. "Lo kal teh, mi hmuh tir duh che ka nei" tiin ka banah min kai hmak a.


Inhnuai kan chhuk chuan ka ban a vawnna chu ka paih thlak sak a, "Helamah lo kal rawh" tiin choka lamah min luhpui leh a. Chokaah chuan hmeichhe nelawm tak zahawm tak si leh Fiona-i nu hi an lo titi mek a. "Nu, hei hi Chloe chu" tiin Thanpuia chuan a va bia a. Ka meng phar awk. A nu maw? An van inang lo si em em, a pa a chhun pawh a ni mai thei a.


"Chibai ka hmu che chu ka lawm hle mai" ka ti ve vat a. "Kei pawh" nelawm taka nuiin a ti ve a. "Ka fapa te i lo duh ve a, i ti lawmawm hle mai. Mahse i mit kha doctor hnenah i entir tawh em?" A ti a, "Aw entir tawh e ti nge?" "A chhan chu ka fapaah hian eng nge i hmuha i duh chhan ka hre chak" tiin a nui hak hak a. Fiamthu a duh hmel hle mai. Ka nui ve sak a. "Amah tawp hi ka duh" ka ti ve mai.




Dar 11 velah in ka thleng ve chiah a, ka muhil nghal. Inneih ni a lo thlen meuh chuan Fiona-i pawh a zam ve hle, a kut ka vawn ringawt pawn a khurh nasat zia ka hre thei. "Fio... hlau suh aw, i hmangaih ber nen 'Tiam tlat e' inti tawh dawn a. I hmangaihin i kut a chelh tlat tawh dawn alawm" ka tisap a. "Vawiin hi i nuna ni pawimawh ber a nih hi" ka tizui leh bawk. "Ka lawm e" a ti ve sap.


Thutiam an chham lai chuan an ti mai mai lo tih an hmelah a lang, ka mittui tla tur chu ka khap per sak sak mai. Ka hmangaihnu, ka tana thian nih tling em emin pasal min han neih san ta mai chu a nia. Mahse kan inthianthatna a chhiat phah dawn chuang lo a, ka lawmpui tak zet. Tunah chuan an room-ah kan awm a, bungrua a let rem rum mai. "Tifel vat vat ila," ka ti a. "Ka chau ka kê te hi a na lutuk" a ti a, ka khawngaih ang reng. "Ka zu chhuk lawk aw" tiin ka chhuak nghal a.



Inhnuaiah ka chhuk a, ka phone charge kha ka la a. Ka hawi kual thuak a, tuidehna bula mi pahnih dingte chuan kan mit an la nghal chat. Hmeichhia chu ka la hmuh ngai loh a ni, a bulah chuan Thanpuia a dinga hmeichhia chuan Thanpuia chu a kuah bawk. Ka thîk ve ta tlat, ka sa phat mai. Saw nu sawn ka lam rawn hawi ngat se chu ka mitmeng alh phat hi a rawn hmu thei hrim hrim. Inher ka tum lai takin Thanpuia'n min rawn hmu a, a hmela hlauhthawnna lo lang chuan a sawifiah vekah ka ngai. Ka nuih lui sak a. Ka kalsawn nghal.


Inchung lam pawh pan leh ta loin pawnah ka chhuak ta daih a, ka kuta rawn man chawt tu vang chuan ka hawi let vat. Ka ner sak a, engmah sawi loin a car dahna lamah min pawt dawr dawr. Kei pawh engmah sawi loin ka kal ve zel, an car-ah chuan min nam lut a. A rawn thut ve thleng pawn engmah a sawi lo. "Heti lai hmunah lo hmundangah ka sawifiah thei" a tinghut a. Ka chhang hran lo.




Stefan-a te in atanga hla vak loah hian peng a awma, chumi chuan ramhnuai a pawh bawk a. Ramhnuai tih lemah kawng pawh an metal vek tho a, mahse in a la ding lo. Chulam pan chuan a kal a, ka hlau deuh hlek nain engmah ka sawi duh lo. "Ani kha ka thiannu ania, kan inhmu leh a kan inkawm ve a nih kha." A tisup a, "Um" tih ringawtin ka chhang. "I thinrim em ni?" "Aw" "Engvang?" "In khatah ka bialpa nen kan awm a, a bialnu ka awm ve reng laiin mi zingah hmeichhe dangin a kuaha ka bialpa chuan a dang miah lo bawka engvangin nge ka thinrim loh ang" ka ti let a, ka aw erawh a dam viau lawi a. "A tih than dan a nia" "A tih than dan pawh ni se bialnu nei i ni tawh a, khatianga a tihfo kha a mawi lo. Nangpawn i hnar thei i ti miah lo" ka ti a. "Car tiding rawh ka chhuk duh" ka ti a. A tiding duh thak lo, "Ding rawh ka tih chu" ka ti leh hrawk a. A ding ve mai. Ka chhuk nghal a, na zetin kawngka ka khar bur. Ka kal hmawk hmawk a, a reh ang reng si. Khua a tlai deuh tawh bawk si a ka kal chak viau.


Ka hnunglama pen thawm ka hriat ngat phei chuan ka tlan lo chauh tawh, Thanpuia car lah ka hmu pha tawh si lo. Bakah ka let duh lo hrim hrim. Min rawn kuah thut a, ka au chhuak tur ka hmui a rawn hup hmak. "Shhh keimah" Thanpuia aw hian. a tisup a. Ka thaw huai thei, ka hmui a hupna a thlah rual chuan a lamah ka inhera a biangah ka beng sawk. A na ve thawkhat ang.



"Mawla, i bialnu hi lungphu tha loin thi se i ti mi?! Mawl lutuk" ka ti vak a, a kiai suk duh chauh. Rum zetin ka melh a, "Ngah nge i chhuah daih teh reng" "Ka thinrim a nih hi, i bula ka awm reng chuan ka thinrimna a zual tulh tulh alawm" ka ti leh hlak a. "Thinrim tawh suh, eng nge i thinrim tih reh nan ka tih dawn?" A ti a. Min melh kar bawk, ka melh let ve duh lo. "Ka tihpalh" ka inher san hmak.



"Ka tihpalh nau-i" ka hmaah rawn dingin a beng a pawt zauh. Ka nui leh ta nge nge. "Ka ngaidam che" ka ti a. "Khati mai tur kha lawm, ka naute hi thinrim tawh suh se" tiin ka hnar a rawn tawk zauh a. "Heyy" ka lo tivak. "E! Fiona-i'n min lo zawng hrim hrim, khaw nge ka phone" tiin ka ipte ka dap a. Ka ak miah lo, khaw nge ka dah ang le. "Kha ka phone hmang mai rawh" tiin Thanpuia'n a phone min rawn pe a. "Ka lawm e engtin nge i save?"

"Fiona" ka hmu nghal, ka call ta a. A pick-up lawk thei lo zui. "Khaw nge i awm? Chloe nen in awm em?" A rawn ti nghal a, "Keimah Fio, kan rawn kir tep" ka ti a. "Ehe! Remruatsang ka zawng che lawm, i lo chho har lutuk a khaw nge in awm?" "Kan rawn haw" ka off daih.




In kan thlen leh chuan chaw an lo ei mek a, ei ve nghal turin min ti a kan ei ve nghal mai. Chaw eikham lamah chuan haw nghal ka duh avangin Fiona-i ka zawng a, ka hmu mai lo lehnghal. "Stefan, Fiona-i i hmu em?" "Aw inchungah a awm" "In room-ah maw?" "Aih, in chung berah ka nu nen pangpar khawi an en." A ti a. Bu nghatin ka chho ve nghal a. An lo awm ngei e, "Fio.. ka haw dawn. Ka peih chuan naktukah ka lo phei leh ang" ka tisawk sawk a. "Chuti maw, aw le bye bye aw" tiin kan inmangtha a.





A tuk zingah chuan tlai tawkah ka tho, ka phone a rawn ri ral ral a. Ha ka nawt mek bawk si, ka pick-up ta tho. "Morning" a rawn ti a. A 'aw' ka hriat rual chuan ka hahdam sawng sawngin ka hria. "Morning" "Vawiin hi eng ni nge i hria em?" "Ah.. Tuesday ania ni 4 a ni bawka chuan a dang eng nge?" "I theihnghilh maw? Kan 6th monthsary a nih hi" lungawi vak lo awkiin a ti a. Ohh!! Ni dawn tak engtin nge ka theihnghilh theih.


"Oh! Ni tak, ka lo theihnghilh daih tihpalh lutuk" "A pawi lo ve, i buai ve thei em a ni. Office i lo kal tawh ang em?" "Aih, vawiin chu awm hahdam nan ka hmang ang. Naktukah ka lo kal ang" "Ok, zanah ka lo leng ang aw bye" tiin a dah ta nghal a.




Nilengin ka mu a, in ka tifai bawk a. Mahse ka chau ve deuh nen ka titha vak peih lo. Zanah a lo kal ta ngei a, "Hei hi kan 6th monthsary lawmpui nan ka pe ang che" tiin bawm lian ve pangngai tak hi min pe a. Thi nalh zet mai a lo ni, silver niin sîn te tein a inphiar a. Locket-ah half moon a awm bawk. A nalh takzet, "Ka lawm lutuk mahse engmah ka pe ve si lo che a." "Engmah ka phut lo, min hmangaih la a tawk mai" a ti a. Ka nui hak. "Ka lo awrhtir ang che" tiin min awrhtir nghal a. Ka inhmeh hle bawk.


"Ka lawm e hmelthapa" tiin a biangah ka fawp zauh a. A phu zuk.




Christmas pawh a lo hnai leh ta hle mai, Christmas bazar pawh chhungkaw thenkhat chuan an nei tan der tawh. ka nu te khaw lama hman kan tum a. Taka! Pa Liana fanu kha a naupai rilru hah chaw eitha thei lo kha vanduaithlak takin a naupai kha a chhiat ta hlauh a. A tuar na reuh a, an inkutsuih ta lo. Mahse an pahnih inkar erawh chu an pahnih kutah a awm tawh thung.



"Thangte, naktuk chu bazar ve ila i nu te thil tur pawh kan lei nghal ang a" ka ti a. A 'aw' rang khawp mai. Khaw dangah Christmas kan hmang dawn tih Thanpuia ka hrilh chuan a titau a, kar khat vel min be duh lo. Mahse, "A nih leh in kal hmain zanah advance Christmas kan hmang ang" a ti a ka aw lo thei si lo. Ni 22-ah kal kan tum a, ni 21 zanah kan chhuak dawn. Ka nute khua hi ka sawi tawh em ka hre lo a, Ngûr khua an ni. An khua hi a khawthleng a fuh viau a. A dik zaih mai, a boruak hi a Zo tawp. An khaw thenawm Zopui khua phei hi chu in hre nual tawhin ka ring.




Kan bazar kan chhuak tur chu kan phur sar sar hle, Thangtei phei chu zing atang a nu te nen an inbe deuh reng a. A naute'n eng nge an duh tihte a zawt a. "U, ih maw kan thiante chu cycle nen school an kal thina mahse kan nei ve si loa kêin au nen kan kal thin a." Mamawia an naupang ber chuan a ti a, ka khawngaih reuh hle. "A ni maw? Cycle chu induh ve em?" Thangtei chuan a ti a. "Aw duh ve e." "Aw le, nakinah ka la lei ang che aw" tiin a phone a off ta daih a. A mittui a hru zauh chu ka hmu reng, "Lungngai mah ta che. Kan lei nghal dawn nia tirawh kal ang" tiin ka chhuak a. Thangtei te unau hi pathum an ni a. Thangtei chiah hi hmeichhia a awm a, a naute pahnih hi mipa ve ve an ni. A nau chiah hi kum 8 a ni ve tawh a, an naupang ber hi kum 5.



Kan bazar kual a, kan rinai kan rei hrep. A nu te thawnhnaw tur te kan lei nghal a, a pa tan pawh kamis kan lei sak a. Thil chi hrang hrang kan lei teuh. In kan thlen pawh chuan kan chau reng a ni. Chaw ei laiin ka nu'n, "Mate zan lamah chhuahna tur i nei em?" A ti a, "Neih pawh ka hre lo ti nge?" "I pu te inah kal lawk ila ka tia" "E a tha lawm kan kal dawn nia. Zin hmaa tlawh te pawh a tha lawm" ka ti ve a.


Chaw eikham hnu-ah kan chhuak nghal a. Ka pi te in kan thlen chuan kan bengchheng lut hle. "Mamte, khaw danga Christmas i hman bo na hmasa ber tur a ni si a. Ka va ngai dawn che em aw" api chuan a tichuar chuar a.






"Haha.. piii nula ka nih ve tawh hi, naute pawh ka ni tawh lo a. Min ngaihtuah vak suh ka hnuk i ti no dawn nia" ka ti a. "Ka tan chuan naute i la ni reng alawm," tiin a tho a. An room-ah lutin rei deuh hnu-ah a rawn chhuak a. Sîng khat hi a rawn keng chhuak a, "Kha hei hi i putea te chhungkua chu Christmas thilpekah min lo pek sak la" tiin ka kut a laa a hmehbel nghal chawt.

Thangtei lam chu hawiin sang riat (Rs.8000) hi a pe a, "Christmas present a nih kha aw mate" a ti a a nuih sen sen bawk. Kei sang nga (Rs 5000) min pe a. "Kha le, hei hi i zin chhung atan ka pe ve thung ang che" tiin min pe nghal vat. "Ah.. pi" "Shh min hnial lo la" a ti a. Kei pawn engmah ka sawi ta lo. KFC an lo lei sa a, ka'n ei nghek kha. Chaw eikham puar laiin ka ei leh nghek sia ka pum pai a nuam hlawl lo.


In kan thlen hnu-ah ka mu nghal, zinga ka harh pawh ka zâng deuh vah mai. Phone ka en chu Thanpuia missed call 8 a lo awm a, Fiona-i missed call 2 nen. Fiona-i chu ka call hmasa a, a la thawh ka ring chiah lo nangin a hmanhmawh thlak hmel si. A rawn chhang vat a, "Aw min lo call em ni?" Ka ti a, "Call ang chu. Nizanah Zothanpuia'n a be thei lo che a, min rawn bia a. Ka rawm call ve che a, a muhil tawh aniang ngaihtha deuhin awm rawh ka tia a mu thei chauh alawm a over thit thet a nia." A ti hmak hmak a.


"I va tho hma ve" ka lo tidaih, "Eirawng ka bawl mek" a lo ti mai lehnghal. "I va bawl hma ve." "Nia, ka pa hi phai lamah check-up turin an kal dawna flight chhuah hmaa chaw ei a ngai lawm nih ka dah phawt aw. Inpa chu biak theihnghilh suh aw a mangang a nia" a tinghal mawlh mawlh a. A off nghal bawk.



Inhnuaia ka chhuk chuan ka nu a lo tho tawh a, Thangtei nen an lo titi a. Thangtei'n min hmuh chuan coffee ka duh leh duh loh min zawta ka duh tih ka sawi chuan min siam nghal vat, an bulah chuan thuin Thanpuia chu message ka thawn a. {Nizan khan ka chau lutuk a ka lo muhil daih a. Sorry aw) tiin. "Tu nge maw zingkar atanga i text nuap nuap le?" Ka nu'n a lo tizauh a, ka dak chhuak vat. Nui hmel pu lek lekin min lo melh a. "Ka thiante mawle" ka tiliam puat. "Taka! Nu zaninah chhuahna tur ka nei nia aw" ka ti a. "Khawiah maw? Naktukah kan chhuak tawh dawn asin" "K hria lawm, chuvang alawm zaninah ka chhuak duh ka tih" a nui hak hak a. "Ka hrethiam e, mahse fimkhur hle ang che. Ka ring tawk che a nia ka fanu" ka nu chuan a ti dam thlap a. Thangtei erawhin kan sawi awmzia a hre lo thung, hmundang a hawi sawn a.


"Vawiin chu insiam.nan hun kan hmang dawn nia" a ti a, "Eirawng lo bawl r'u aw. Ka va chhuak lawk teh ang" tih leh chhuah a rual a. Chhunah kan insiam a, thil kan leisak te chu kan tuam tha thlap a. Suitcase pakhatah kan dah a. cycle kha chu kan ti leh lo mai. Kumthar hman nghal tum kan ni bawk.



Chaw eikhamah chuan min lo call a, "I hman tawh em?" "Hman lo, chaw kan eikham chiah" ka lo ti a. "Lo insiam la" a tisup. Kei pawh thoin ka insiam ta nghal a. A vawh deuh tawh avangin ka inthuam lum ang reng a.


Kan kalna tur kan thlen chuan a vawt viau lehnghal, tlang sang lam a nih vangte pawh aniang. Tlang pakhatah min kalpui a, Aizawl khawpui pe un chu a hmuhnawm letling. "Tunkum Christmas chu ka lung a leng dawn hle mai" a tisup a. Nui chungin, "A rei dawn chuang hleinem" ka lo ti ve sap a. "Thil hrilh duh che ka nei a" "Um sawi la" ka lo ti vat. A hmel chu a thutak viau bawk.




"Midang ka atang i la hriat tho ka ringa chu ai chuan keiman hrilh vat che hi tha zawkin ka hria a, chuvanga lenchhuahpuia sawm che pawh ka ni deuh a." Mit ka lo san ak a. "Tuna ka nu hi ka nu diktak a ni lo a, ka pa fa hmasa ka ni. Ka nu kha a uire a, chuvang chuan ka pa nen pawh an inthen a ni. Ka sawi chhan zawk chu midang hian hmanrua ahmangin mi'n dawt an hrilh che ka hlau a. Keimah ngeiin ka hrilh duh che a ni" a ti ta dap dap a. Ka ang phuau ringawt. Sawi tur ka hre lo, "A thawng viau che ni maw" Tiin a khi suk a.


"Ka rin loh lam daih a ni" ka tichhuak hawk a. A nui suk, "Kumthar hman tlang intum em?" "Aw.. hmang tlang ang" a nur deuh a. Ka nui chhuak hak. "Lo kal teh min nuih vel amaw" tiin a lamah min pawt a min fawp chawt. "Christmas hi ka va huphurh tak em ka lung a leng lawk" a ti a. A hmui chu a la sawn chuang lo. Ka nui sak a, "I over" ka tihlak. "Haw ang naktukah thawh hma ka ngai" tiin ka ding a. "Ka ngai che" tiin min rawn kuah a. "Kei pawn ka ngai dawn che lawm" tiin ka kuah let a.




Kan haw ta a, in kan thlen chuan an lo reh thiap tawh a. An muhil vek tawh a nih ka ring, ka chhuk dawn chuan ka kut a hmer vang vang a. "Kal lo mai la" a ti, ka melh vata mitmeng ngen ngawl zet hian min lo melh a. Naupang thil ngen te pawh a ang alawm le. "I ti awm ang lo e a, khaw maw min thlah teh" tiin a kut chu phih thlak ka tum a. A vuan nghet sauh. "Mangtha aw" a tisup a. Ka chalah a hmuiin a rawn nawr a. Ka lo maimichhing tawp, ka kut a thlah a. Car kawngkhar ka hawn dawn chuan ka leh hawi leha, a hmuiah ka fawp zauh a. "Tunkum Christmas atan chuan kha kha aw" tiin mit ka siai zauha ka chhuak nghal. A hamhaih a ni tih a hriat ngawih ngawih, engmah sawi na chang pawh hre loin min en hu a. Ka nuih sen sen. Inthing harh vutin, a kiai suk. Ban vai zauhin ka luhsan ta a. Ruak huaiin ka inhria nia mawle!




A tuk dar 10:30-ah Ngûr khua ka nu seilenna khaw lam chu kan pan ta a. Ka muthlu lak lak mai, Thangtei pawh a muthlu lawp lawp a. Earphone-ah hla ka ngaithla a. Pawn lam chu ka hawi vauh vauh bawk a, thli thaw chu a nuam hle mai. Ka hla ngaihthlak chu ka feel ang reng viau lehnghal. "In ril a tam em?" Ka pa'n a tih chuan ka haw chhuak vat a, ka nu chuan ham bai bai chungin. "Khawi khua nge a?" A rawn ti a. "Zopui khua a nih hi" ka pa'n a tisup.



"A ni maw?! Ka hmuh lohna a rei tawh bawk a, ka fang kual chhin chak khawp mai a" a ti a. "Han enkual zuai ila ka thu rei lutuk a, ka taksa a na vek" ka ti ve a. Car atang ka chhuak nghal bawk. An lo zi nuai nuai a.


"Saw tilai thingpui dawrah sawn thil ei ang u, ka ril a tam" ka ti a. Kan hmaa thingpui dawr lam chu ka hawi bawk a. "Nia.... ril a tam emai va ei teh ang u" tiin kan pan a. Kan lut ta diak a, min lo welcome vat. An hmel pawh a tha. An khua chu a la nuamin a la Zo râih mai.


"Saw ti lai nepnawi dawrah sawn thil kan va lei dawn" tiin Thangtei nen kan chhuak lehnghal a, keimah ber hian awmngaihna ka hre lo. Ka za cheng mai. Dawrah chuan kan lut a, lays, kurkure, bingo, Pringles tih te, dalmut te pawh kan lei. In tur lam chu pawh kan lei nual mai. "In khua chu a nuam hle mai a pi" tiin dawr nghaktunu chu ka nuih var var a. "Nia, a hmun hi a rem em a. Khawilam kal tur nge in nih?" A lo ti ve luam a. "Ngûr khaw lam kal tur kan nia. Kan rawn chawl lawk, haw lamah pawh rawn chawlh leh tur a ni a nuam emai" ka ti a pawisa kir chu lain kan chhuak nghal.




Car-ah thuin ka nu te kan lo nghak a, anni pawh rei vak loah an rawn phei a. "In duh tak in va lei em?" Ka nu'n a rawn ti nghal a, kan lo nuih ver ver. "A ṭha e, induh tak inhmuh theih chuan. Kal leh tawh ang u. A hla tawh lo darkar khat kal bak a ni tawh lovang" ka pa'n a tileh nghal a.



Kan muhil tawh bik lo, Thangtei nen kan inbe char char a. Thanpuia pawn min rawn message a, mahse ka chhang ṭha lo. Motor chuan laia phone khawih hi chuan ka rui dawn zel a. Ngûr khua kan lut ta. Zopui khua ang thoin a nuam a, a khaw thleng pawh a dik. Zopui khua nen a danglamna vak a awm lo.



Pitei te in kawtah chuan kan ding ta chat a, kawng an a awm a ni bawka a nuam viau. Naupang an rawn tlan chhuak nghal a, pitei pawh a rawn chhuak ve nghal. Thangtei te nen chuan an inkuah thlawp a. "In lo thleng tluang thei maw? Motor te in rui em?" A lo tinghal sawk sawk a, "Rui lo e. Kan lo thleng tluang" ka tivar a. Inchhungah kan lut nghal a. In pui tih takah a zau viau. Room pali (4) a awm a. Sitting room leh common room a awm hrang ve bawk a.



Kan bungrua leh thawmhnaw vel chu kan la chhuak a. Putea pawh a lo lut ve a, an thenawm te inah a va kal lawk a lo nia. Kan inbual fai hnu chuan kan thil hawnte chu kan phawrh a. Anni pawh an lawm thiam ngang mai. Naupangho chu an thiante'n an rawn sawm a, infiam turin an chhuak ta daih a. Hetiang hunte hi an la ngai ve ngei dawn sia.



"U, i phone a ri" Thangtei chuan a rawn ti lang lang a. "Aw ka lo phei" tiin chokaah ka lut a. Ka phone chu banin min lo call tu ka en a, Thanpuia a lo ni. Pick-up in kawmchar lamah ka chhuak nghal a. "Hello" "In thleng tawh em? Chanchin engmah i rawn sawi si lo a" a ti a. Lungawi lo awka a awm lem lo. "Aw thleng tawh kan thleng tluang. Mahse ka chau ve deuh" ka ti a. "I chau ngawt ang, a nuam em?" A ti leh sup. Sawi tur hi a hre lo ve thei sia.




"Nuam lutuk, a boruak a nuam tawp thlifim a tam bawk sia. A Zo raih mai" ka ti siam siam a. A lo ngaithla kar, "Zopui khuaah kan chawla Zopui khua chu maw.. Nakinah kan la zin ve dawn nia" ka ti leh siam siam a. "Sangbawih, lo kal rawh chhangban lo ei rawh" piteii'n a rawn ti lauh lauh a. "Sangbawih" ti ve supin a nui hawk a. "Hming ka ngah tawh tiraw? Chhang chu ka va ei ve lawks zanah ka rawn bia ang che bye bye aw" tiin ka off nghal a.



Chhangban tui hnai leh thar zet, ban tha zet mai hi a lo ni a. Ka nu leh putea te chu sitting room lamah an awm a. Keini chu Thangtei nen pitei nen chokaah kan awm a. "Sangbawih, i duh ber kha lo la mai rawh aw" a ti a. "Aw le" tiin a lian ber chu ka la nalh a. Thingpui nen kan hmeh a, Zopui khuaah khan thil kan ei hnem ang reng si a ril chu a tam vak lo. Mahse ka ei zo vek tho.



"Nu, ih maw duh ka nei ve a" Thangtei chuan a ti a. A nu chuan phawk lek lek hian a melh a, kei erawh ka lo thu ngawi reng chhangban chu ka lo thial nuap nuap a. "Tu maw ka fanu duh chu? Sawi teh" pitei chuan a ti sek sek a. Thangtei chuan min rawn melh zauh a, ka lo nuih sak. "Ih ka thiannu u ania mahse bialpa neih ka duh lo" a tinghal vat a. "A ṭha lawm mahse nakina i haw leh hunah a thlalak min lo thawn rawh aw. Ka lo hmu ve reng reng teh ang." Pitei chuan a ti a, Thangtei pawh a bu nghat.




Thil eina kan tihfel zawhah room-ah ka chho a, khuma ka mu chu ka lo muhil zui a. Ka harh chuan khua a lo thim thet thet tawh. "I mutui em? Kaihthawh che kan lo tum chiah a." Putea chuan min nuih var varin a ti a. "Tui lutuk, ka lo muhil daih alawm le" "I chau ve a nih kha" a lo tisam leh mai a.


Ka pa'n ṭawngṭaina a hman zawhah chaw ei kan siam nghal a. Thil ka ei nasa lutuk a, chaw ei pawh a tui lo. Ar min lo talhsak a. A lawmawm hranpa ve hrim hrim e. Kan chau ve deuh bawk nen zan lamah chuan rei lutuk meng loin kan mu hma ta a. Kei pawh ka mutui viau, a tuka ka tho chu ka harh deuh vah mah.




"Tunlai chu Zopui khaw lam hi chhiat an tawk nasa riau mai a, a zia lo tak tak a ni. An kum chhiat kum a ni dawn nge ni" pitei chuan a lo ti a. "Nga ti nge?" Thangtei chuan a ti a, "An khaw naupang a tla hlum a. Tun mai khan an rawn puang" a lo ti leh a. "A va zia lo ve aw" ka lo ti ve a. "Nia, a zia lo tak tak a ni. Tunkum chu chhiat hi an tawk nasa hrim hrim a."





Chhunah pitei insuk ai Thangtei nen kan insuk sak a, kan titi nasa khawp mai. Madini chungchang te pawh kan sawi a, Madini kan sawi takah chuan ka u rilruah a rawn lang lo thei lo. Ni e, a tel loa Christmas kan hmanna hmasa ber tur a ni a. Khaw dangah kan hmang daih bawk a, lunglen inhnem nan kan ti zawk a ni. A, ka sawi thui chuan ka hnuk a ulh tlat. Sawi thui lo mai ang.




Ka phone ri reng chu ka va la a, "Hello" min lo call tu chu Fiona-i a ni a. "Hello i ṭha em?" Ka ti a. "Chloe, ka rai" ṭah aw deuh ṭiau hian a rawn ti a.






To be cont...




Last chapter chu a tawi deuh dawn a nia aw. Kan inhriattir lawk a nih chu💋


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:44 pm

ZIAKTU : PEK HIRHA-I (A Â DEUH HLEKA IN LO HRETHIAM DAWN NIA)






CHAPTER - 14




"Awi! A ni maw.. a va han lawmawm tak em! Midang i hrilh tawh em?" Ka tinghal cheng cheng a, "Aih, tumah ka la hrilh lo a. Tun thlaah ka la period lo a, just for fun-in ka test chhina a lo positive sia. Christmas zawh hunah doctor ka hmu ang" a ti a. "Um, ka lawmpui lutuk che. Naute hmelṭha kan neih vat beisei ang" ka ti a. "I nghal reuh e a" a lo tinghat. Ka nui hak hak kan off ta phawt a.



Zanah Thanpuia'n min rawn bia a, chhunah pawh min rawn text deuh char char. Mahse ka chhang ṭha hman lo zawk. "Ka ngai lutuk che, i tel loa awm chu maw signal tel loa phone neih ang vel a ni" te a rawn ti a. Ka nui nasa tak zet. "Kumthar chu inhmang nghal dawn em?" "Ka hre lo, i va hre chak awm ve. A hunah chuan ka rawn hrilh ve mai dawn che lawm" ka ti a. "Dawhthei rawh prena" a rawn ti! Ka va han beng chak tak e aw.






Ka khum mawnga mi ding chu ka hmu reng a, rapawm zetin min nuih bawk. Min rawn ban a, ka hrawkah chuan a rek ta a. Ka thaw a chham titih ta a. Mahse thil tla ri dawp vang chuan ka harh hlawl a. Engmah a lo awm lo, ka mumang mai mai a ni. Mahse ka hrawk chu na taka min reh hnua min thlah leh ang mai hian ka hre si a. Thil nuam tak a ni lem lo.





"A na lutuk" room lehlam aṭanga rawm ti ri-ah chuan ka beng ka tun nghal hra a. Thawm a awm rak rak bawk. Ka room lehlamah hian Thangtei leh a nau chiah an mu a, an naupang ber erawh a nu te bulah a mu thung. "Thangte in ṭha em?" Ka ti a. "Ṭha e, khum aṭang ka tla a. Ka tla na deuh alawm le" a ti mai a. Kei pawh in khuh ṭha sawt sawtin ka muhil leh mai.





UPC hi Ngûr khuaah hian an tam lo a,mahse kan inkhawm thoa kan innel nghal hle. Chhun inkhawmah hlapui a tla a, kan rei ta deuh a. In kan thlen chuan chhangban nen thingpui an lo in mek a, "In va bang har ve" min lo tinghal a. "Nia, hlapui a tla leha kan rei ta deuh a ni" Ka pa'n a lo ti ve mai a."Thingpui in duh em?" Thangtei'n a lo tinghal vat a. "Kei chu ka duh, mahse ka'n inthlak phawt. A lum tawh lutuk" room lam ka pan nghal a.





Tlaiah Thanpuia'n min rawn call a, a ni hman dan tlangpui a lo sawi a. Kei pawn ka lo hrilh ve mai, "I Christmas present ka pek theihnghilh daih che a. Tunah pek che a theih tawh si loha i lo haw hunah nimai aw" a ti a. Ka nui sak. "Eng nge min leisak?" "Ka sawi ten present hlutna a bo palh ang asin" a ti ve tlat a. "Ok, ka dah phawt aw" tiin ka hang up nghal a.




Zan lam pawh boruak a nuam leh het het viau e, naktukah len kan tum a, khaw ṭhenawma len kan tum a ni. A chakawm tawh khawp.mai. Tlaiah chuan kan chhuak ta a, kan inhnawh ve thei mai. Ka scooty ka lo keng lo chu ka inchhir rum rum, tlang nuam deuhah kan kal a. Thla pawh kan la ve nasa. Kan.hlim ve hle a ni, chhungkimin awm phei ila chu kan hlim leh zual ang. U Bawiha chu a hnathawhnaah Christmas a hmang law law dawn, a laklawh lutuk vangin.




Kan haw leh chuan dar 4 a ri ṭep tawh a, in kan thlen chuan dar 4:30 a ri der. Eirawng kan bawl sa lem si lo a, kan han bawl chawp leh rih a. Naupang ho pawn kan leng chu nuam an ti ve hle aniang an sawi nasa emai, an rilṭam thu an sawi bawk a. Chaw kan ei chuan dar 6 a ri der. Hun lo kal chak zia hi aw.




Ka mut tawh hnuah Thanpuia nen kan in text a, vawiina kan lenna vel ka hrilh a. {Mipa an tam em} a rawn ti a.{An awm ve nual, chhungkuaa leng pawh an tam ve a} ka timai a. {Ṭhat chu, midang lo melh reng reng suh} a ti leh a. {Aw le aw le} ka ti mai. Number save loh aṭang message ka dawng a.


{Chloe, i ni em? Pu Ngaizuala fanu?} tih te zawng hi a ni a. {Aw ni e. Tu nge aw?} Ka ti a, {E. Hei i putea nupui ka ni a. Tunah Aizawlah i awm em le?} A rawn ti leh a. Mak ka ti deuh, mahse putea chu ka la nei ve tho a. In la hriat ve tho ka ring a. A nupui te bawih a nizui ta a ka tih kha. {Awm lo, kan khuaah kan awm a. In dam em?} Ka ti ve a.{Dam e, Aizawla i lo haw hunah hmuh che ka va duh ve. Biak duhna che ka nei a} {Aw le, ka lo haw hunah ka rawn hrilh dawn che nia} ka ti ve mai a. {Ka lawm e} a rawn ti ve bawk.




Ka nu ten kumthar chu hman loh an tih avangin ni 30-ah kan haw dawn a. Thangtei erawh a la cham ang, school an kal vat dawn lo bawk a. Kumthar zawhah a lo chhuk ang a. Kan haw ni a lo thleng leh ta der mai. Ka ngai dawn hle a ni, "Bye bye u aw, zinkawng tluang takin in zawh dawn nia. Mangṭha u" an ti a. Ban an vai lauh lauh a. Keini pawn kan vei let ve.



"Kan kal khat leh tawh awm sia" ka nu'n a ti sap a. Ka hriatthiam pui, a pian leh murna kha a ni ve a. Bakah a unaute awmna khua a ni bawka a ngaih dan tur hi ka hriatthiam pui tak zet. Kan haw chu Thanpuia a phur em em a. Fiona-i pawh kha a lo rai ngei a, an chhungkua pawh an lawm dar dar viau.



"Zanah chuan i chau dawn sia, kumthar ni-ah inhmu mai ang" a ti a. "Ka peih dawn mi le?" Ka tivel chu min ei lo nasa mai. In kan thlen chuan kan intifai a, eirawngbawl ngai lo turin ka pi te inah chaw kan ei dawn a. Kan intihfai zawhah ka pi te in lam kan pan leh ta a. "In zinna chu a nuam em?" Ka pi chuan a lo tinghal a, "Nuam lutuk" ka lo ti vat. "A khaw thleng te reng reng khi a fuh a, a nuam asin Ngûr khua khi chu. Ngûr khua ai khian Zopui khi a nuam leh bawk a. A.. khiti lai rama khaw awm hrim hrim khi chu a boruak khi a dik em em mai a ni." a ti chuar chuar a. Ka chau deuh bawk si nen, ka mut a chhuak ngawih ngawih. Chaw eikhamah awm pawh awm rei loin kan haw leh ta nghal a.



In kan thlen hnu chuan ka mu nghal deuh mai, {Ka chau ka mu dawn muttui aw} tiin Thanpuia message ka hnutchhiah a. A seen mai lem lo. Ka mutui ngang mai, mumang bo ṭhakin ka mutui alawm le. Message a lo awm reng a, {Aizawlah i awm tawh em?} Tihte mai, ka seen ringawta ka la chhang rih lo. Ka inphihfai hnuah chhukin eirawng ka bawl nghal a. Ka nute pawh an chau viau aniang an la tho lo. Inkhawm a ngai si a, dar 7:40-ah chuan an rawn tho ve ta bawk a. Chaw eiin inkhawm turin kan chhuak nghal a.




Chawhma inkhawm leh chawhnu hi kan inkhawm kawp vek ṭhin avang hian a zia ang reng phian a. Dar 1 velah kan chhuak ta a. "I chau em?" a tisup a, "Chau hran lo e" ka timai a. Dawr pakhatah min luhpui a, thil ei tur a chah nghal bawk a. "Hei hi nia Christmas present ka pek hman loh che kha" tiin bawm nalh tak hi a rawn phawrh a. A hawn chuan zungbun nalh zet, butterfly awm hi a ni a. A nalh a ni tawp. Ka kut zung laiah chuan ka bun a. "I inhmeh lutuk" a tisup. Thla ka la a.



"Awi engmah pek tur che ka lei ve miah lo, ka mawl e" ka tisap a. A nui hawk. "Min pek ve kher a ngai hleinem," a timai a. Ka nuih a za deuh tlat. A chhan pawh ka hre bik chuang lo. Message ka dawng a, {Naktukah kan inhmu thei ngem} tih zawng. Ka putea fanu kha a ni. {Aw thei ang a hmun tur lo sawi la} a hmun a rawn sawi a. Cafe-ah a ni, Mizoramah pawh hiam cafe te pawh hi a lo tam ta.


"Tu nge i biak a?" "A, ka putea fanu hian min hmuh duh a chu chu mawle" "Thangtei pa lo hi putea dang i la nei maw?" A ti hu, "Nei e." A tuk zingah chuan thawh ka hai chiang khawp mai, dar 9 rik dawnah la tho a. Ka nu a fel hlauh zawk a.



"Nu, vawiin chu chhuahna tur ka nei aw" ka ti a. "Khawiah?" "Putea fanu hian min rawn be ṭhin a, min hmuh a duh thu a sawia kan inhmu dawn" ka nu leh pa chu an inmelh zawk a. Engmah phei chu an sawi hran lo. Khua a hnim em em a, ruah a tla cherh cherh reng bawk nen chhuah chu ka chak vak lo. Mahse ka lo sawi tawh si a. Jacket lian ka ha a, a hnuaiah t-shirt ka ha a. Jeans ka ha bawk a, ka sam chu ka thlah mawl tawp a. Ka chhuak ta a.



Cafe ka thlen chuan cafe lo nghaktunu hnenah kan table hauhsa kha ka zawt a. Min kawhhmuh vat, an lo awm tawh a. A nu nen an niin ka hria. Ka va ṭhu ve a. "Min lo nghak rei em?" Ka va ti nghal var a, "Rei lo e kan thleng ve deuh chiah. Coffee chah ila i duh em?" "Pawi hleinem" coffee chu kan chah leh te te a.



Kan coffee chah a lo thlen hnu chuan ka melh a, "Sawi tawh ula" ka tisap. Coffee chu ka tem hlek bawk a. "Sawi ṭan dan tur tak pawh ka thiam lo, i putea mualphona tur pawh a ni si a. Mahse hrilh ngei che ṭhain ka hre si a ni. Ibrahim Zothanpuia nen in in ngaizawng niin ka lo hria a" tiin a chawl dat a. "Nia kan in ngaizawng lawm" ka lo ti a. A bu nghat.


"Ani saw i unaupa a nih saw, i awih lo mai thei mahse ka'n sawi ang e. A nu uire thu kha chu i hre ve tawh ngei anga kha ta a nu uire tu kha i putea hi a ni a. Chuan Ibrahim-a saw i putea fapa zawk a ni. A nu khan a fapa nawmsak nan tiin a pa saw a pa angah a ngaih tir mai mai a ni. Mahse a uire tih chu an hrechhuak ta tho a, Ibrahim-a pa saw a mawl ve hrim hrim nge ngaihṭhat lohna a nei lo ve hrim hrim zawk ni. Tisawn ani chu a fapaah a pawm hmiah a. Keini pawn sawi ngai kan ti lo, i putea mualpho theihna tur a ni bawk si a. Mahse hetia in lo ngaihzawn takah chuan hrilh che ṭulin kan hriaa kan lo be tawp mai che a ni. Ani nen sawn unau in ni, in inkar thu chu inkut a ni e." A sawi zawh chuan ka thaw em pawh ka hre tawh lo. Mak ka ti lutuk chu awmdan tur ber pawh ka hre lo. Mahse ka ngaihtuahna fim pu vatin.



"A va mak ve. Ka ring thei cheu ngem?" "Min ring lo a nih chuan DNA test titur pawn i tithei alawm, tunah chuan kan sawi duh ang kan sawi zo tawh a kan kalsan phawt ang che. A nih phawt le" tiin an tho a an chhuak ta nghal a. Kei pawh inthing harh vatin ka tho ve nghal a.




In ka thlen chuan ka ni nuai mai, ka ngaihtuahna a buai nuai nuai a. Tih ngaihna ka hre lo, zawhna chhana ka hriat ngei mahse ka awih theih si loh tam tak ka nei a. A ṭhen phei chu chhanna awm si lo te pawh an ni nuai a. In ka thlen veleh ka intiharh a. Rilru fim ka put theih hnuah Fiona-i ka call ta a. Ka thil tawnte chu ka hrilh ta vek a, "Chuan DNA test tih i duh em ni?" A ti a. "Aw, mahse a pa DNA hi engtin nge ka neih theih ang ka hre lo a ni" ka tih chuan a ngawi vang vang a. "A nau ka lo bia ang" a ti ringawt a. "Engvangin? A nau biak chu a ṭangkai em ni?" "Min ring rawh. Nakinah ka rawn call leh ang che" tiin a dah nghal a.




Kei pawh awm mai mai thei ka ni lo, Thanpuia DNA neih dan tur ka zawn a ngai. Mahse engtin? Chhuanlam tur a awm lo. Chutihlai tak chuan ka nu chhuak tur ka va hmu a, "Nu, khaw nge i kal dawn?" "E! Mambawih inah i awm elo? Hei damdawi hi i pi ta tur ania pek ka tum mawle" a tih chuan,"Khawi, ka lo pe ang. Ka pi chu hmuh ka chak alawm eng damdawi nge ni reng reng a?" "Calcium leh vitamin vel mawle" "Khawi ka lo pe nge, eirawng lo bawl zawk rawh" tiin ka nui var var a. "Aw le, i tih tlatte chuan." Damdawi chu min pe a. Ka room-ah ka chho leh a. Thanpuia ka call nghal a, "Ka pi damdawi pek a ngaia min kalpui la i peih em?" "Peih e."




Rei vak loah a rawn thleng a, ka pi te in awmna ka hrilha a kal ve nghal mai. "Vawiin chu i va dang em em? Nidanga i tih loh dan a ni si a" a ti nghut a. Ngaih ṭhat hmel vak loin min en bawl. "Ka ṭha lawm, car ka khal peih lo deuh mawle" ka ti mai a. A mitko a san uk a. Ka pi te in kan thlen chuan kan lut a, eirawng an lo bawl ve mek tho a. Thanpuia nen min hmu chu an phu deuh zawk mai.




"Pi, hei i damdawi tur ania." tiin ka pe a. "Aw tikhan lo dah rawh." tiin ka hnunglama Thanpuai ding chu a melh zauh a. "Pi,pu hei hi ka ṭhianpa Thanpuia a nih hi. Thanpui hei hi ka pi leh pu min duat em em tu leh min hmangaih em em tute an nih hi" tiin ka inhmelhriat tir sawt sawt a. An inchibai ve a.



Rei pawh ṭhu loin kan haw lehnghal a, "I pu leh pute min hmelhriar tir tawh bawk sia. Min ngai ve viau tawh aniang chu tiraw?" A tisup a. A samah ka han kek zauh a. A sam zai khat ka pawtthla tel ta hlauh. "Anah!! I va han nghal tak" a tinghut a. Min drop hnuah office a pan ta daih a. A sam zai ka pawh thlak chu bag te-ah ka dah ta a.



Fiona-i call ka dawng zui bawk a, ka pick-up vat. "A sam zai chu ka nei thei aw. Naktukah lo kal la, ka lo pe ang che." A rawn ti a, thawk khat chu a veng pawht e. "Aw le, ka lo kal ang. Ka lawm lutuk e" "A ho lutuk" a ti ve sap a. Ani tihbuai vak pawh hi a chi loh, naupai lai a ni a. A tih chi vak lo ang. Tunbak chu tibuai lo ila a ṭha ang.



A tukah chuan ka va kal a, midang an lo chhuak vek tawh a. An nula nen chauh an lo awm a. Min pe a, "Ka lawm e." Ka tisap a. A bu nghat, "Tunah i test tir nghal dawn em ni?" A tih chuan ka ngawi dat a. "Dawn" tiin ka buk khum zauh a. "Ka kal phawt. Lo hrisel zel ang cheu" tiin ka chhuak ta nghal a. DNA test na hmun lam panin ka inkhalh chhuak a.



"Naktukah result a chhuak ang, naktukah i lo lam dawn nia" "Ka lawm e" tiin ka chhuak a. Ka thaw huai huai mai. Thisen inzawm ngei ni se ka ti a, an nih loh ka hlau bawk. Ka hlauthawng.


Pangngai tak chuan ka awm ve mai zel a, naktukah chuan office ka kal leh tawh dawn a. Ka hreh ru riau nia. Office ka thlen chuan kan inchibai a, "Christmas leh kumthar inhmang nuam em?" Ka ti a. "Hmang nuam khawp mai" a ti tliar tliar a.



Ka hna chu ṭha takin ka thawk a, mahse min mawlh runtu a awm avangin ka hlim thei tak tak lo. Vawiinah Thangtei pawh a rawn haw dawn a. Hruai kawi a ngai dawn a, ka hruai hmain test result chu ga lam a ṭhat ka ring. Ban bun pangngai aia hma feah ka haw a, ka inthiam chiah lo nain a pawimawh miau si a. Test result chu ka lam a.


"Nangmahin lo en mai rawh aw, kan buai lutuk a" a ti a. A ni reng bawkah an zi nuai nuai mai a. Kei pawh ka hmanhmawh tho vangin ja bag-ah ka dah a. Thangtei hruai turin ka chhuak lehnghal a. An sumo ai ka thleng hmasa a, darkar chanve dawn ka nghah hnuah an rawn thleng ve ta hram e.



In lam kan pan nghal a, ka bag a ka thil ah(ak-ah) khan min mawlha biak pawh kan inbe tam lo. In kan thlen pawh chuan ka room-ah ka inkalh hnan nghal a. Inbualin ka inthlak te teah, khumah chuan ṭhuin test paper chu ka en ta a. Thisen inzawmna an nei lo, pafa an ni lo tihna.





Ka â vek, awmdan tur ka thiam lo. Ka unaupa, ka cousin ngei chu ka lo hmangaih a ni si amaw!! A va mak ngai em!! Ka nu hnenah engkim ka hrilh ta a. Ani pawn sawi tur a hre lo, "Engtin nge i tih dawn?" A ti ringawt a. "Ka ṭhen ang" "Kha lam chu i thu thu ni rawh se. I thutlukna a pawimawh ber, eng thutlukna pawh siam la kei chuan ka pawm vek. Thutlukna dik i siam ka beisei e aw" a tisap a. Chaw ei khamah ka pa engkim a hrilh ve leh a. Ka pa pawn engmah a sawi lo.




Fiona-i pawn min rawn call ve a, a tlangpui ka lo hrilh ve a. A vaia ka hrilh chuan ani naupai hlim lehnghal tan chuan thil tih chi loh lutuk a ni.




A tuk office banah min awm khawtlai tir a. "Ka ngai lutuk che" a ti a, ka ngawi reng. "Ti nge i damlo em ni? Nge tihsual ka nei zawk?" Thawk ka la hawk a. "Inṭhen ang" a hmelah chuan mak tihna leh awih lohna a rawn lang chhuak a. "Kan inṭhen a ngai. Unau kan ni, i nu kha a uire tih i hria tiraw a uirena kha ka putea a ni asin. Chuan nang hi ka putea fapa i ni a awmzia chu unau kan ni" ka ti leh a. Ka ṭah a chhuak tawh tak zet.


"A awihawm loh lutuk, infiamna chi a ni lo nia" a tinghut a. A hmel pawh a tak ngul mai. "Ka fiamthu lo" tiin DNA test result kha ka hmuh a. A en hnuah a ngawi vung vung a, "Ka hriat lohin hetiang thil hi i ti amaw? Ka awih thei lo zawk che Remruatsang." A tivin tuar a, ka chhing sawk. "Unau kan ni maw? A theih loh. A awihawm loh lutuk" tiin darthlalang chu a hnek a. A keh chhuai, a kut pawh chu a thi a.




"I kut kha!" Tiin ka va khawih vat a, a lasawn bik lo. First aids box chu la chhuakin a hliam chu ka buaipui nghal a. Ka tuam felsak thlap hnuah ka melh a, "Kan inṭhen a ṭha zawk" tiin ka kalsan ta a. Car-a ka luh hnuah chuan ri chhuak miah si loin ka ṭap ta hlawp hlawp a. In ka thlen pawh chuan ka room-ah ka inkhung leh ngat ngat a. Ka chhungte pawn min hrethiam a, min tibuai lo.


U Bawihan min lo bia a, ka nuten chanchin an lo zu hrilh a lo nia. Min rawn ngaihtuah khawp mai, "U hlauthawng suh, i nau hi maw hmeichhe chak tak ka nih hi. Ka tuar thei lutuk" ka ti a. Min ring aniang chu min rawn be leh ta lo a.



Fiona-i te inah ka kal nasa viau bawk, kan inṭhen thu ka hrilh chuan min khawngaih ve hle. Mahse khawngaih taka mi'n min en ka duh loh Ia a hriaa a tilang ngai lo.

Hna erawh ka bang lo, mahse kan inhmuh chang erawh chuan nuam lo ka ti ṭhin. Ani erawh chu min hre ngai lo ang hmakin min kal pel thei a. Chu chuan min ti na lehzual.



Vawiin pawh meeting kan nei a, vawikhat pawh min melh lo hrim hrim. Boss leh employee dik tak kan ni ta. A hrehawm viau nain a na a ni. Zanah chuan Fiona-i'n min rawn call a, "Umm" zawi deuhin ka lo ti a. "Chloe, ka pa a thi" a ti a a insut zui hlawp hlawp. "Enga?! A va za lo ve." "Lo phei rawh" a ti leh a. Kei pawh insiamin ka phei nghal a.



An lo tam tawh ang reng, chhiat tawh ni-ah Mizo nih a nuam ṭhin. Mizo tlawmngaihna a lo lang leh ta e. Ṭhalai an che nuai nuai a. Kei pawh a theih theih ka ti ve a. A changin an han ṭap leh rawih rawih ṭhin. Ka mut a chhuak deuh ta bawk a. Ka muthlu a. Ka harh leh chuan dar 2:00 am a lo ni. Eheu!



Ṭahni pawh a zo ta. Mahse an ngaih erawh a bang bik lo ang, Fiona-i phei chu a pa tak tak a lo chan tawh si a. A hrethiam lehzual a, a tuar na lehzual a. A naupai a
kan ngaihtuah si. Zan khat chu min lo bia a. Hnar ping deuh tak hian, "Chloe, Stefan-a hian bialnu a neiin ka hria" a ti a. "Maw? Ngati ringawt maw?" "Ih, zanah te hian a phone te hi a keng kual reng zel a. Khawih sak ka tum lahin a phal ngai lo a, a password pawh a thlak daih tawh. Zanah a lo haw har thei si, zanin a lo haw phei chu hmeichhe perfume rim a rawn nam haw a. Ka rilru natzia chu" a ti a. A inhnit zui leh nghal hlawp hlawp a. Hnem dan vak ka hre lo.




"Va zia lo tak em! Sawi tur ber pawh ka hre lo!" "Nia engmah sawi suh, tipawh hiak ka lawm tawk lutuk e.".A ti a. "Bathroom aṭang a lo chhuak chiah. Ka dah phawt" a ti a. Vanduaina a lo thlen hian a rualin a rawn thleng ṭhin a nih hi. "Malsawmna leh vanneihna hi a rualin a rawn kal ngai lo a, vanduaina pawh a mal malin a rawn kal ngai hek lo."




To ne cont...🫥

Hei ka hritlang ve amaw, ka ping khawp mai ka insut nasa si a. Ka âwm a na bawka ka khuh bur bur bawk a. Min lo ṭawngṭaipui ve r'u aw. 🥹💋


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:44 pm

ZIAKTU: PEK HIRHA-I






LAST CHAPTER






Stefan-a mai mai chu aw! A va han ho tak! Thanpuia nen kan inṭhenna pawh thla khat a nieh ta ṭep mai, ka thinlungah a thi ngai lo. Mahse min daltu bang lian tak a awm si. A zungbun min pek pawh kha ka la nei renga a ṭhi (necklace) min pek pawh ka la nei.






Vawiin chu bazar ka tum a, Vishal-ah ka kal a. Stefan-a ka hmu hlawl mai. Biakna hun remchang nia ka ngaih avangin ka va pan ta a, "Stefan indam maw?" Ka va ti a. A phu zuk lehnghal, "Dam e." A tisup a. "Tunlai Fiona-i a ṭha em? Kan inbe khat ang reng lutuk a" ka ti a, ka nui sang bawk. "Ṭha vak lo, a naupai a ngaihtuahawm deuh doctor-in a tia" zuai raih hian a ti a. A phone a rawn rik avangin a ipte aṭang a la chhuak a, a rawn call tu a hmuh chuan min rawn melh zawk."Hello.. Maw?! Aw ka rawn kal nghal" "Eng nge ni a?" "Fiona-i step-ah a tlu a, tunah damdawi inah an kalpui mek. A ngaihtuahawm aniang" a ti a a chhuak nghal. Kei oawn ka zui nghal a.



Grace hospital an panpui a, damdawi in kan thlen chuan operation room-ah an lo nawr lut dawn chiah a. "Rang taka operation kan neih vat angai" tih chauh doctor chuan a sawi a. Pawnah chuan rei fe kan nghak a, Thanpuia pawh a lo kal ve a. Kan inmh zawk ringawt.


Doctor chu a lo chhuak ta a, Stefan-a chuan chanchin a lo zawt vat a. "Vanduaithlak takin naute chu kan chhan thei ta lo a ni. Pawi kan ti takzet" tiin a kalsawn nghal a. Stefan-a chu an hnem laih haih a. "Stef, Fiona tal a la dawm alawm. Lungngai suh aw" tiin ka hnem ve malh malh a.



"K thiam loh vek a ni, rilru hah takin ka siam a. Ka thiam loh a nih hi" tiin a indem a. A nih loh thu kan hrilh nasa hle.




Fiona-i pawh a rawn harh ve ta a, ka lawm tak zet. "Ka naute, ka naute kha. Ka venghim zo lo amaw? Eng ang nu nge ka nih?" Tiin a ṭap hawm hawm a. Stefan-a chuan kuahin a awmah a bei tir a. Keini erawh kan chhuak ta rih a.

A hnua kan va luh leh chuan Fiona-i mit chu a lo bui deuh lak a, "Fio.. a pawi ka ti lutuk mahse pawm thiam zir rawh. A nat tur zia ka hriatthiam pui pha lo che. Indem lo la, Pathian rorel a ni a. Kan sawi theih a awm lo a.." ka ti a. A bu ve nghat.




Fiona-i te pawh in lamah an in la chhuak ta a, keipawh office ka la kal ve reng a. A boruak erawh nuam lo tak a ni. Ka inbual laiin ka phone a rawn ri a, ka keng lut si lo a. Nakinah ka call back mai ang ka ti a. Mahse a rawn call nawn leh tak avangin intleuh fai sawk sawkin ka chhuak ta a.


Remruati Thanpuia nau kha a lo ni a, "Hello" "Hello, U Chloe, ka u leh ka pa an inhnial buaia ka u a chhuak daih ania. A phone a off tlat bawk si kan mangang lutuk" ṭah aw ṭiau hian a rawn ti a. Ka thaw hak, "Khawi lam nge a pan takngial pawh inhre lo maw?" Ka lo ti ha a. "Aih, hre lo hrim hrim.. e lawk aw, hei a ṭhianpa hnen aṭang call ka dawng. Ka'n chhang lawk ang e" a ti a. Ka lo thawk hak ringawt. Ti nge chutiang chuan a awm le.




Call ka tum chhin a, switch off a inti. A phone hi a vawm chhe zawk emawni le. "Ih, aû chu a ṭhianpa te hotel-ah a kal a nih chu" "A hotel hming lo sawi teh." "Nandini Hotel-ah" "Aw le," "In inṭhen em ni?" A rawn tisap a.


"Aw" ka ti tawi tak. "Hun harsa berah pawh i kalsan lo ang i ti sia" a ti sap a. Za lo zetin ka nui hak a. "Sawi ang diak diakin mihring hi a awm theih loh a nih hi. A rem tlat lo alawm" "A ni mahna" tihzawng a sawia a off ta daih. Hotel-ah chuan kal ka duh si, mahse va kal chu a dik ber em ka hre si lo. Engtin nge min lo dawnsawn dawn ka hre tlat si lo a. Mahse ka kal duhna chuan min hneh zawk tlat. Ka chhuak leh ta nge nge a.




Hotel ka thlen chuan a room awmna ka hre si lo a, a hming ka sawi a. Min hrilh ve mai. Kawngka chu ka kik karh karh a, lu tura sawmna ka hriat rual chuan ka hawng vat a. Min melh zawk a, a hawisawn lehnghal. Dawhkanah chuan royal stack bur ruak a let rum a. No chanve dawn la awm a keng bawk.


"Eng nge i lo tih?" A tinghut a. "I chhungten an ngaihtuah che haw tawh rawh" ka tiringawt thung. Ka dik lo tih ka hria, mahse hei hi chu ka mawhphurhnaah ka ngai ve tlat sia lawm. Za lo tih hriat zetin a nui hawk a. "Chhungte? Anni chu ka chhungte an ni hleinem" tiin a ner zui sawk a.



"Zothanpui anni saw i chhungte a i pawm loh a nih pawn keimah vang talin haw rawh" ngenngawl zetin ka ti a. "Nangmah vangin maw? Ka eng nge i nih a?" Ti el zetin a rawn ti a. Ka na zawk, "I unaunu" zawi tein ka ti sep. A hre pha em pawh ka hre lo. "Nangmah vangin ka nun a buai vek asin. Nangmah vangin zu ka in a, ka nunphung ka hloh vek a. Min tibuai tak zet asin" a rawn tihrawk a. "Kei chu mitthi angin min ngai la i nundan ngaiin nun zawm rawh." Na zetin min rawn melh a.




"Kei chu i nuna tel ve lo, awm ve lo, piang ve lo ang hmakin min ngai la. Mitthi angah min ngai la. I nundan tibuaitu-ah min hmang suh." Ka tileh a. "A ṭul chuan ka hna aṭang pawn ka bang mai ang." "Chu kher chu a ngai lo ang" a tihmuk a. Rui hmel a pu leh tawh lo. "Min chhuahsan tawh rawh. I mi ngaihtuahnaah ka lawm e. Mahse ka tan chuan mitthi i ni tawh" a tinghut a. Keipawh ngawi rengin ka chhuak leh ta a. Pawn ka thleng chiah chu ka thaw hawk mai. Ka mittui chu a luang ngiai ngiai a. Hru tawkin ka car lam chu ka pan ta a.



Motor ka khalh lai te pawh chuan ka mittui a tla reng a, ka hru zauh zauh reng. Ka kuta zungbun ka bun chu ka en leh a. Ani tan chuan mitthi ka ni tawh tih ka hrechhuak nghal. Ka hawi chhuak leh chu truck lian lo tlan leh a headlight-in min rawn chhun ka hmu a. A êng lutuk.Thil ri bur ka hria a. A hnua min ko lawm lawm ri ka hre leh a. A hnu erawh ka hre zui tawh lo.




Ka hriat leh hmasak ber chu ṭawng ri a ni. Ka kutah chuan nghet taka vuantu an awm tih ka hre bawk a. Men ka tum chuan a eng lutuk a ka meng thei lo. Maimichhing lehin men ka tum leh a. A zia ta deuh.



"Tui" ka tisap a. Ka harh tih a hriat chuan Thanpuia chuan min rawn melh vat a, "Tui" ka lo tileh sap. Lapuain ka ka-ah tui a far zauh a. Ka ṭhu chhuak tur chu ka taksa a na zawk zawk mai.


"Eng nge hetah i tih?" Ka tisap a, midang an awm lo. "Ka veng che." "Kan.." ka sawi zawh hmain. "Thil hrilh tur che ka nei, nang leh kei hi unau kan ni lo" A ti a, ka meng hra. "I putea khan ka nu chu a uire ngei a, mahse a fapa ka ni lo. I putea fanu kha min atchilh ṭhintu a ni a. Remchang an zawng mai mai a nih kha. DNA test result kha an thlak bawk. Doctor kha an tham anih ka ring. Plan mumal tak an neih danah an tumna a rei tawh ka ring." A ti nghal zung zung a. Ka melh char char ringawt.





Kawngka a rawn ri rak a, ka nu a rawn lut a. Min nui ver ver. "Mambawih, thu lawmawm tak hrilh tur che ka nei asin" a ti a. "Eng?" "Thanpuia hian a hrilh tawh che aniang" tiin a melh zauh a. Thanpuia a lo bu zauh. "Ramengmawia tih nuṭapa ka nei ngai lo" a ti sap a. Ka hrethiam nghal vek. A thil lei ho chu dahin a chhuak leh nghal a.




"Bul kan ṭan leh thei ang em? I hnena ka thusawi zawng zawng kha chu theihnghilh vek la." A tisup a, mittui nen ka melh a. Ka bu nghat. "Aw.. ka hmangaih che" ka ti ta thlawt a. Min kuah thlawp. "Keipawn ka hmangaih che" tiin ka chhipah a fawp zauh a.



Kawngka chu a rawn ri rak a, ka chhungte leh ṭhiante chu an lo lut a. Kut an lo beng dar dar. Mittui kar aṭang ka va melh hlawm a. An nui sang mai. Hei ngei hi alawm hmangaihna dik leh hlu chu. Kawng ka en loh avang khan ka side lo lamah ka lo tlan a truck lo nen insu a. Khati lai hmuna midang awm ve te leh truck driver te khan min buaipui ta nghal a lo ni. Truck driver kha Mizo a ni a, a tlanchhe lo a min pui kha a fel ka ti takzet. A thiam loh a awm lo hrim hrim a. Ka ban veilam ruh a tliak a, ka lu-ah hliam ka tuar deuh bawk a. Vanneihthlak takin ka ke lamah erawh engmah hliam leh na ka nei lo. Pathian ṭhat zia hi chu aw. Ka ti vawng vawng mai.




Ṭhianṭha hlutna, chhungkaw hlutna, hmangaihtu hlutna hre tur chuan harsatna leh buaina kan tawh ve a ngai ṭhin.


**A TAWP TA**


Epilogue



Biak in kawta mipa leh hmeichhe ding chu kan en a,, "Engtik ni-ah emaw chuan sawtiang sawn kan la ding ve dawn sia" a rawn tisup a. Ka lo nui hak, "Ka nghakhlel hle mai" ka lo ti ve mai a. Thangtei chu a rawn phei a.



Cake a rawn keng bawk, "A tui lutuk induh ve em?" A rawn ti a. "Nula ve si thil an ei tuam tuam ngai lo" Thanpuia'n a lo tihluk a, "I zak lo, a tui phawt a hnu" Thangtei'n a lo ti ve hlak a. An in ngam tawh bawk a. An infiam nasa ve thei lutuk.


Thangtei naute chu an rawn tlan a, an hnungah piteii'n a rawn um bawk. "Awm ve hle hle r'u. An hau mai ang cheu. Ka hah lutuk" a ti a. A thaw hlawp hlawp bawk. "Nia, awm ve mai mai r'u. Saw saw en r'u, an lang ṭha sin" ka ti a. "An chhe emai" an naupang ber khan a lo ti roh va. Kan nui hak.




"Chu chiah keimahni kan nih loh chuan an ṭha lo tiraw?" Thanpuia'n a lo ti a, a pawm nawlh bawk. "Nang chu i thai bawih dawn a" Thangtei'n a lo ti zauh a. "Pawi hleinem" tiiin mit a siai zauh.

Nang thâi báwih hi eng nge i ngaih ve dan? Mipa ṭap chak lo emaw tih tlatna te hi? I ngaihdan kha comment lamah han sawi ve la. 😉

*THE END*







Aw le, hei kan story kal lai chu kan lo complete leh ta der mai a. Inhriat ṭheuh angin hei hi ka'n chawlh san vang vang kha a ni ve a. He story hi a tluang ang reng viau mai a, buaina hi an tawk lutuk lo a ni. Ka ziak thiam vak si loa a ho duh ngawtin ka ring a, mahse a tawp thlenga min lo chhiarsak tute chungah ka lawm tak meuh meuh a ni. A tawp zan te a ni si a, comment ṭheuh ang u aw.😁 Story thar nen lo let vat ka tum dawn nia. Love you guys💋🤎


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)