IBRAHIM ZOTHANPUIA BY Pekpeki Malneu (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: IBRAHIM ZOTHANPUIA BY Pekpeki Malneu (Completed)

Unread post by Ngaia » July 3rd, 2022, 1:43 pm

Ziahted by: Pek Hirha-i

Thil ka'n sawi leh lawk mai ang e, ka kum zat hi chu ka sawi kher lo anga mahse ka la naupang a ni tawp. Ka kum zat leh ka thil hriat chin aṭang hi chuan Mizo thil vel ziah hi a harsa ka ti em em a. Inthil rawn sawi thinte vang hian ka lo fim ve zel a, a awihawm deuh zawk leh a kawnghmang zawk ka hre ve zel a. Ka story min lo chhiarsak tawhte kha chuan ka kum zat kha chu inhriat ṭheuh ka ring. 😄 Only 1*👀




IBRAHIM ZOTHANPUIA
CHAPTER - 7
















Inkhawm turin biak in lam kan pan a, scooty ka khalh peih loh vangin kein kan kal a. Kan biak in leh kan in hi a inhlat vak lo bawk a. Biak in kan thlen chuan an lo tam tawh hle a. "Sunday school-ah sawn lut mai rawh aw" ka tih chuan a lut ve mai.




Intermediate-ah a inziak lut ve a. Kan ban rual loh vangin min lo nghak a, a peih reuh khawp mai. Mix leh momo tih vel kan lei kawi a, "Inah pani puri kan siam dawn nia" ka ti a. Kan haw ta nghal, in kan thlen chuan ka nu te'n min lo thlen khalh a. Room-ah inthlak turin kan tlang nghal, kan inthlak zawhah kan thil lei te chu lasi nen kan in a. "Nu khaw nge ka u te nupa hi?"


Tiin kel êk chana chu ka ei a, "Madini te inah an phei" a ti puat. Ka ner nang. "Anî, AU hian pani puri kan siam dawn nia a tia" phur tih hriat zetin a ti a. "Va siam r'u ril a ṭam laklawh" ka pa'n a tidam thluam a. Choka lamah chuan ka pahnih chauh pawhin kan bengchheng viau a ni.




Kan siam zawhah kan chhawp a, Thangbawihi chuan a ei hnem ngang mai. "Ka puar lutuk" a ti deuh reng mai, "I tui tih chi a ni em?" Ka lo ti vat a, "Ni e mahse a puar a na tawp" tiin a nui a. Ka nui ve hak. "Zan inkhawm leh a ngai si a. Chaw ei har lo ang u aw" ka pa'n a tih chuan kan bu nghat a. "Pot a lei ho saw dah ṭhat a hun tawh asin" ka nu'n pawn lam enin a lo ti a. "Kan lo dah ṭha ang" Thangtein a lo ti vat.





Zing ka thawh veleh ka inbual nghal a, thawh ka hai vangin ka hmanhmawh viau. Ka chhuk chuan chaw an lo ei dawn mek a, "Bawihi chaw i ei hman lo mi?" Ka nu'n a ti a. "Aw ka tlai tawha ka kal dawn bye bye u aw" tiin ka kut ka vai zauh a. Office ka thlen chuan Thanpuia bolero pawh a awm tawh a, ka ner deuh nang. Kan room ka luh chuan min lo en ṭhap.



"Eng nge?" tiin ka mithmul ka san ak bawk a. "I van lo kal tlai em em" Adrian-an a ti a, ka nuih ringawt. "Thawh ka hai a" tiin ka dawhkan lam ka pan nghal a. "Kan kawr ṭhui kha vawiinah kan zo thei dawn a, chawhnu lamah chuan a ha chhin hman tawh ang" Juteii chuan file min pek pahin a ti a. "A ṭhat nasat chu tu nge kan model hi ni reng reng?" Ka tih chuan an in melh ralh ralh hlawm a. "Thanchami kha" Grace-i chuan a ti a.



"Oh... ni maw. A chhe lo bawka a inhmeh tur zawng kan design beisei ang" tiin ka nui a.



Kan buai leh nghal char char, dar 12 velah kan zo thei ta a. A nalh vei phian, han ha chhin se a nalh lehzual khawp ang. Thanchami hi Mizo model lar leh hlawhtling ber tih theih tur a ni a, a hmelṭhain a pian a nalh a. Lar a zo hle bawk, a tam zawk chuan Nupuii tih pawn an hre bawk ang. Modeling lam hi a kalna tur niawm takin a zei harh mai a ni. Kan company tan model a a ṭang thei te pawh hi intihtheih pui larh tham a ni. Miss Universe lal lukhum hial lo khum ve tawh kha a nia, Paris lamah a awm char char ṭhin a. Tunah hian kan company model atana min ṭansak turin a lo haw vang vang a. Kan company tan chuan hawi larh larh na tham.



Lunch kan ei zawhah Nupuii chu a lo thleng a, a felin a polite tawp. “Hei hi i kawr hak tura kan tih chu a nia, i try dawn em niang?" Juteii chuan nui sangin a lo ti a. "Aw" tiin a bu nghat. Dressing room lamah an lut a, keini erawh chuan kan lo nghak ṭhap thung a.



A rawn chhuah chuan a inhmeh takzet, a hak tur thlapa duan niawm tak a ni. A ni reng bawk a. "Wow wow wow" tiin Andrian chuan kut a beng thak thak a. "In puanthan hman hi hak a nuam kher mai, ka inhmeh hle bawk" Nupuii chuan tiin a mit a siai zauh a. Kan lo nui hak hlawm. "I inhmeh takzet, khatianga i hak chuan kan chak dawn hrim hrim" Fela chuan a lo ti duai a. Nupuii pawh a nui tawp.




In ka thlen chuan Thangtein leh ka nu an lo awm a, eirawng an lo bawl mek. "Thangbawih eng nge i result chu?" Ka ti vat a, nui var var chungin. "Ka tling lo" a ti a, phawk lek lekin ka melh a. "I tling lo maw?! Lungngai suh hmundangah kan try leh dawn nia" ka ti a. Inchungah ka chhohsan ta phawt a.




Ka inbual hnuah ka chhuk leh a, "Nu khaw nge ka u te hi?" "Madini te'n family picnic an neia chutah chuan an kal ve" a ti liam puat a. Ka chek hlak. "Ka pa a lo haw ṭep tawh em? Ka ril a ṭam ania" ka tih chuan min rawn en a. "Haw ṭep ang, i rilṭam chuan Thangbawihi nen hian lo ei ula i pa chu ka lo nghak mai ang" a tih chuan ṭul ka ti leh chiah bawk si lo. "Thingpui ka lo in mai ang" tiin gas lam ka pan a. "Induh ve em?" Ka tinghal zat, "Duh lo mai" an lo ti ve ve a.


Thingpui so hnu chuan insiamin ka in a, Thangtei chu a lo pheia, kan titi mai mai a. "Au family picnic tih vel hi neih ve ka chak thei tawp. Anu te nen khan nei ve ila luiah te kalin ka naute infiam vel kha en ila" a ti a. A ṭah a chhuah hmel kher mai. "Kan la nei ve dawn nia, nutei te pawh a theih veleh an lo zin anga chumi hunah pawh chuan kan la picnic leh ang chu an lo zin hma paw'n kan picnic ang a" ka ti a ka nuih bawk. Ani pawh a nui ve sak. Ka pa lo haw pawn a result chu a lo zawt ve vat a.



A tling lo tih a hriat chuan ani paw'n a danga exam pe leh turin a ti a. "Govt te khi try ve la" ka nu'n a lo ti a. "Nia ka la tileh chhin ang" a ti ringawt a. "Ka kalpui hman dawn lo che a mahse" "Aw.. Madini a hman ang chu Madinin a lo kalpui mai ang chu" a ti a. Ka ner sak.






Zan kan mut tawh hnuah kawngka inhawng riin min tiharh a. Ka ngaichang deuha room kawngka inkhar thawm vang chuan ka maimichhing leh mai. A tukah hma takah ka tho a, exer lak lohna a rei ta bawk a vawiin zing chu walk ka tum a. Insiam sa veka ka chhuk chuan Thangbawihi a lo tho leh reng tawh a, "Thangte i va tho hma ve?" Ka'n ti hluai a. A nui sen sen.



"Lo walk ve la i duh em? Eirawngbawl chu a la hun chuang loa" tiin ka sana bun chu ka bih zauh a. "Pawi hleinem ka'n insiam ve lawk ang aw" tiin a room lamah a chho leh a, a rawn chhuk chuan ka inchei dan deuh chiahin a rawn inchei a. "Hak tur ka hre loa i inchei dan ka copy hmiah" a ti a nui hak hak bawk.





Kan vengah hian tlang nuam deuh mai a awm a. Mimal ram a ni a. Len kual vel nana nuam deuh mai hi a nia. A ram neitute hnenah park hawng tura an tih pawn an duh ngai lo reng reng. "Tihian nature hian awm hle hle rawh se a ṭha zawk e" an ti mai thin. Chulam pan chuan kan tlan a, kan han thlen chuan ni pawh a lo chhuak tawh. Midang pawh an lo awm ve nual a. Kan kawmchhak naupang Zolawmi te pawh an ṭhianhoin an lo awm ve laih mai.



"U Chloe, i dam ṭhin maw?" Nui var var chungin a rawn ti a, "Dam e nangni indam zawk em?" Ka lo ti ve a. "Keini pawh kan dam e" a ti a kan inbe zui tawh lem lo. La naupangte Thangbawihi nen an inrual vel mai thei, kum 13 vel aniang. U mipa pa 3 a neia a u chiah hi kum 16 a ni a. An upa ber hian nupui fanau a nei tawh thung a. An milai erawh kan hmu ngai mang lo, thingtlang lamah a che nasa zawk mah a. Zolawmi leh amah chhangtu chiah hi an piang tlai ve deuh a.




Kan haw leh dawn chuan a rawn tlan ve a, "Inrualin ka lo tlan ve ka ṭhiante khi kan in lama haw tur an awm si loa inthlah kual tir a buaithlak sia" a rawn ti sar sar a. "Pawi lo e lo kal ve rawh" kan ti a, kan in chhak lawk hi an in a ni. "U Chloe in nau hi tu nge a hming?" "Amah hi zawt la" ka ti daih.



An hmingte an inhrilh tawn a, kei erawhin hla ka ngaihthlak san thung. An inkawm thei phian aniang chu an nui leh hak ṭhin, kan in kan thlen chuan. "U Chloe, Thangtei chu vawiinah exam a pek dawn chuan kan rualin lo kal se keini paw'n kan tidawn tho a" a ti a. "Khawiah nge inpek dawn? Govt-ah maw?" Ka tih chuan a bu nghat, "A ṭha viau anga mahse ka nu te kan lo be phawt anga kan lo hrilh leh ang cheu aw" kan ti a. Ani pawh an in lamah a chho ve nghal.




In kan luh rual chuan ka nu leh Madini lo indinchilh ran kan hmu nghal a, Madini chuan thip zetin kan lam a rawn melh a. "Nangnu kha" tihpahin Thangtei chu a kawk va a. Keini erawhin a ngaihna hre lo zetin kan lo melh thung.




To be cont....




Note: An inngaizawng har inti tih ka hria e. Mahse an in ngaihzawn hnu hian buaina vak an tawk dawn lo a, chuvangin an chhungkaw buaina leh thil dangah kual hrep phawt mai ang aw. An in ngaihzawn hun in nghakhlel tih ka hria, mahse tun maiah chuan a la rem rih lo a ni e. Mahse an la inngaizawng em em ang aw. 🥰


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:43 pm

Ziaktu: Pek Hirha-i







IBRAHIM ZOTHANPUIA
CHAPTER - 8






"Eng nge awmzia?" Ka tihman chiah a, "Lo inrawlh suh" a rawn ti hrawk a nih chu. Ka nu lam ka melh vat a, thinrim tih hriat zetin Madini chu a lo melh thung.


Madini chu Thangtei hmaah chuan a rawn ding a, "Nang hian ka chan ṭha ai zawng zawng i chang vek amaw? Awihawm loh lutuk, nang thingtlang naupang ve mai mai hian ka chan ai min chhuh tawp lovang i hria em?" A ti vawt raih a, a mitmeng chu a rapawm hle mai. A â ta emaw ka ti hman hial. Thangtei banbulah chuan chelhin a thing nawk nawk a, ka harh chhuak zawk. A ban chu phih lawpin. "Eng nge maw i hriat le?" Ka ti nghat a. Ka insum lam mah a ni.



"Ka rawn lawi tirh aṭang khan min ngaina lo hrim hrim alawm, hei tunah thingtlang naupangin ka neih theih loh ṭha ṭha a nei leh thung a. Hei bak baka inthliar hranna" a ti tuar tuar a. "Ngawi tawh rawh a tawk, in room-ah lut nghal rawh. I duh chuan i pasal bulah ngen mai ta che. I pasal hlawh hi naya khat pawh kan kutah a lut lo, chuti chung chuan in kuhva leina tur takngial pawh min la dil a nia. Zu in nan in hmang zo vek a" a rawn ti ta piap piap a. Ka pa a rawn chhuak ve bawk. "Eng nge zingkar karah in au chiam chiam?" A rawn ti dam thlap a.



Madini chu an room-ah a lut tau nghawng nghawng. Thangtei erawh a inthlahrung leh hle a, "Thangbawih inthlahrung duh reng reng suh. Han inbual la, chaw kan ei dawn nia exam nei leh tur te i ni sia" ka ti a. Ngawi rengin a room lamah a chho a. Ṭhutthlengah chuan ka ṭhu thla nghal a, ka nu thil awmzia ka zawt a.



"A rawn tho kha a awm dan a mak nghal tawp, Thangtei khan phone a neih leh neih loh min zawt a. A neih thu ka hrilh a, a room-ah a lut a. A room-ah chuan rei deuh a awm a rawn chhuah chuan Thangtei kha a rawn sawi chhe chiam chiam a, 'Khatiang thingtlang naupang ka awmpui peih hleinem' te a ti a. An pa chu an room-ah a la mu thung a. 'Kan room aia ṭhaah te inmut tir a, keini pahnih kan nia kan room a tè kan ti a. Ani pakhat zawk chauh kan room aia lianah inawm tira' te a ti a. Amah kha lungawi lo sa hrim hrimin a tho aniang ka titawp. Ka lo chhang kha a vin nghal hlur a, chumi lai takin inrawn haw a" a ti a. Ka pa a chek hlak.



"Chuti a nih chuan an room inthleng rawh se, vawiinah i lo thlakpui dawn nia." A ti a, ka melh haw. "Thubuai rem dan ṭha ber a ni rih" a ti a. Chhang loin ka room-ah ka chho a. Ka inbual hnuah insiam nghal loin ka chhuk leh a. Zolawmi thusawi ka hrechhuak thut, "Nu, vawiinah khan Zolawmi tè kha kan hmua Thangbawihi nen khan an inbia a. Vawiinah ani paw'n exam kha a pe ve dawn thoa chu chu kan rualin lo kal mai se a ti a" ka ti a. "E.. a ṭhat chu, mahse amah hian hrehawm a tih ka hlau a la mikhual ve ang reng si a." A ti a. Ka ngawi vang vang, "Keiman ka kalpui mai ang" a tih chuan 'aw' ka ti ngawt. Room-ah ka chho leh a, phone ka lak rual chuan a rawn ri ve chiah a.




U Bawiha (upa ber phai lama hnathawk kha)a ni, "Aw Bawih" ka ti nghal tawng a, Bawiha tih hi mi'n an koh dan vek a nia. Nitin kan inbe ziah, "I tho nuam em?" A rawn ti a. "Nuam e nang?" Ka ti let ve a, room aṭang ka chhuak bawk.



"Thawh ka haia ka tho chiah" a tih chuan ka nui chhuak hak. "Khaw maw anu kha phone pe teh, ka be duh" a rawn ti sup a. "Yes boss" tih pahin ka nu chu phone ka pe a, "Nu kha U Bawiha" ka tih chuan phur zetin a la nghal a. Varanda lamah a chhuak daih, a tih dan ziah a nia kan ei lo der ṭhin.



Ka nu chawhmeh chhuan chu chawh pahin Thangtei lam chu ka hawi a, "Chaw ei lo siam ila" ka tih chuan a bu nghat. Kan eifel na vel erawh ka seng hman ta lo.






"Vawiinah kan thawh rah kan seng theih ngei ka beisei" ka ti sap a. "Ni e" an lo ti ve tliar tliar. Vawiinah hian Mizorama company lian leh ṭha zualte chu kan in el dawn a. Kan company aiawhin kan team kan tel a. Kan chak hlauh chuan Mizoram aiawhin India ramah kan chhuak leh thei dawna, a lawmawm dawn lutuk ringawt. Kan show neihna tur lam panin kan kal mek a ni.


Thangbawihi pawh a tling ve hloh va Govt-ah khan Zolawmi nen an kal rual ṭhin a. Zolawmi u erawh kha chu St. Pauls-ah a kal thung, a fel ve reuh khawp mai. Thangtei (Thangtei leh Thangbawihi hi thuhmun aw) pawh lehkha a zir peih bawk a, a thiam thei reuh viau.




Kan thlen hnuah a ṭul ang ang kan ti sawk sawk a, kan tih zawhah kan ṭhutna tur lam ka pan a. Rilru ṭawngṭaina ka nei nghal mawlh mawlh. An rawn chhuak ṭan a. Nupuii chu a rawn chhuak ta a, a confi bawk a a inhmeh tak zet.



A rawn kal deuh lah lah mai, a luh leh hnu chuan ka team mate te nen kan inmelh zauh a. Kan nui tawp. Result puan a lo hun ta der mai, ka phone rawn ri avang chuan pawnah ka chhuak a. Zothanpuia a lo ni, "Hello" nelawm vak loin ka ti a. "Parking lot-ah ka awma i lo kal lawk thei ang em?" A ti sup a. "Eng a tan?" "Lo kal tawp mai rawh zawhna ngah tak hmeichhia ka ngaina lo" a ti nghut a, ka thaw hak. "Aw" tiin na zetin phone ka hmet a. Thinchhe lutuk, mipa thinchhe deuh ka ngaina bik lo. Thin awrh lutuk.



Message-in ka teammate te chu ka hrilh a, message an check kher pawh ka ring hran lo. Parking lot lamah chuan ka phei a. A car ka hmu mai lo, ka'n hawi kual leh deuh a. Motor chhunga a light on vang chuan ka va hmu a. Ka phei chhat chhat, "Eng nge?" Ka ti tawng a. "Lo lut rawh" a ti sup a. Hnial loin ka ṭhu lut nghal a. A maimichhinga chung lam a en bawk.



"Nang tè reuh hian thla hnih chhung ka thluak i tibuai tih i hria em?" A ti sup a a zawi hle, "Engtin maw?" Ka ti ha a, "Engmah" a ti nghut. Min 5 vel chu ngawi rengin kan awm a. Ka ning ta deuh chuan, "Sawi tur i nei si loa min ko chhuak a. Ka ning ka let dawn" tiin kawngka hawn ka tum a, a che hrut a. Ka darah min kuahin seat ngheng dawt chuan min nam a. "Engthil..." ka tihman chiah chu ka ṭawng tawp chawt. A hmui leh ka hmui a insik rual chuan ka ngaihtuahna a nu nghal but but nia!


Ka harh chhuak zawk, ka nam sawn vat a. "Eng thil nge maw i hriat le?" Ka tih chuan a thaw hawk a, "En teh, i hnuaia thawk ka ni a ni mai thei mahse i duh duh dana i tihkual theih hmeichhia chu ka ni lo a nia." Ti chang fakin car kawngkhar chu ka hawng a ka chhuak nghal a. An awmna hmun ka thlen chuan an lo bang dawn chiah a, "Khawiah nge i kal daih a? Kan zawng nasa lutuk che alawm" Fela chuan a lo ti a.



"Nia, sawtah ka kal lawk a ti nge min lo zawn?" "Uii, kan chak a chu chu lawmman la turin kan zawng che Fiona-in a va la ta nih kha" a ti mai a. "Nimaw?! Van lawmawm tak" ka ti hliai a. "Ngawrh leh zuala kan thawh a ngai dawn a nih hi" ka tihzawm bawk. "A tlai tawh ang reng sia, kan haw tlang dawn nge office-ah kan let leh dawn?" Juteii chuan a ti a, vawt a ti deuh nge a inkuah khawm deuh hlun bawk. "Nangni chu haw tlang r'u, kei chu office-ah let leh lawk ka ngai ka rei dawn lo" ka ti a. Inmangṭhain kan motor-ah kan lut dial a.




Office-ah chuan ka let a, tumah an awm si loa nuam lo ve duh reng. Computer chu on-in ka thil ziah leh ka drawing ho zawng zawng chu ka lock thlap a. Ka zawh hnuah computer ka shut down a. Ka hawi chhuakin kawngkaa mihring ruangam ka hmuh vang chuan ka ṭe ṭhawt. A nui tih chu a taksa chet dat danah ka hria. Light a on nghal a, ka luh khan light pawh ka on lo tak.


"Eng nge hetah i la tih a?" A ti a, a aw a thum si ka nel hlawl lo. "Thil ka siamṭha lawk a, naktuk chawlh a ni si a." Tiin ka tho a, "Mangṭha le" tiin ka chhuak a. Elevator ka luh dawn veleh ka motor chahbi ka theihnghilh tih ka hrechhuak a, ka let leh a. Kan room-ah chuan a lo awm tawh lo. Ka dawhkana ka chahbi chu lain ka chhuak leh nghal a.



Elevator a inkhar hma chiahin Zothanpuia a rawn inzep lut a, mit ka lo san ak. Ngawi rengin kan chuang a. Eng nge a tih tihte chu zawh a ngai lo, an company a nia engpawh a ti thei a. Building kan chhuahsan rualin ka car lam ka pan vat a, ka tlan chhuak nghal vang vang.





In ka thlen chuan Thangtei a lo la mu lo a, "Ehe! Thangbawih i va mu har ve ti nge?" Tiin ka sana ka bih zauh a, dar 12 a ri ṭep. "Naktuka submit tur project kan nei a, ka la ti" a ti mai a. A nui sen sen bawk. "A nih mu har suh aw, naktuk te chu sawrkar chawlh a niin ka hre sia" ka ti niah niah a. "Maw?!" A rawn ti a. A duh ai a au ring leh si, a hmui a hup chat.



"Aw ni e, sawrkar chawlh" a tih chuan a chek hlak a. "A nih chuan Zolawmi u khan dawt min hrilh a nih chu, Zolawmi ka'n hrilh nghal ang e" tiin a phone a on a. "Ani pawh a la online vu alawm" a ti bawk a. Kei pawh ka la ding reng.
"Ani paw'n homework chu a la ti, a u thusawi chu a awih ve tak tak a nih hi ani pawh hi a va han fing bik lo tak" tiin a nui hak hak a. "Indah fel la mulum vat rawh aw a vawt si kei pawh ka han intifai ang e" tiin inchungah ka chho a.




Tuiluma ka inbual hnuah ka chau ve deuh nen ka mu nghal a, ka lu leh lukham a indeh rualin ka muhil nghal.



To be cont......


Boring lek lek em?


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:43 pm

BRAHIM ZOTHANPUIA CHAPTER - 9 by Pek Hirha-i








Ka phone ri chuan min tiharh a, meng mang loin ka la a. "Chloe" a rawn tisup a. "Umm" thatchhe aw zetin ka lo ti ringawt, ka mut ala chhuak lutuk. "Gym i kal dawn lo em ni?" A ti leh a, "Um kal dawn lo zing zingah eng atan nge min rawn biak a?" Ka tih chuan a reuh deuh vang vang a. "Thil zawh che ka duh a, mahse i mut a la chhuah hmel emai mu leh rawh" tiin a off daih a. Sana ka en chuan dar 5:15am heiha min va han call hma reng reng ve. Vawiin chu chawlh a ni tho a, tiin ka tho peih ta lem lo a.





Thangte'n min rawn kai tho a, ka chhuk chuan chaw ei an lo peih vek tawh. "Vawiin chu mut i âm ve deuh a ni maw?" Ka nu'n a lo ti a, "Ka chau ve lawm" ka ti thung. "Nia, chawlh te a ni bawka i duh tawkin mu la kan tia kan kaitho duh lo che a nih kha mahse chaw ei kan duha kan rawn kai tho che" a ti duah a. Ka bu nghat.



"Naktukah i U Bawiha a rawn haw dawn" a tih chuan ka melh vat a, "Tak tak maw?!" Ka tihluai a, nui hak hak chungin a bu nghat nghat. "Awii! Kum engzat nge ka hmuh tawh loh? Ka va'n ngai tawh tak, thil ṭha tawk min lo hawn se ka ti" ka tichul a. Ka u bulah hi chuan ka la naupang chhia thei asin aw. Min duat ve em bawk a.





Chaw kan ei lai chuan a rawn haw chhan tur ka zawt a. "A, an hnathawh an chawlh lai te a ni si a tiin remchangah a rawn la. Kar khat pawh a cham lo ang" ka pa'n a ti a. "Rei lo te chauh a lo haw tur pawh a phurawm tawh alawm" ka lo ti vat. Kum 3 lai chu a rawn haw tawh lo, Christmas pawh an hnathawh hna hmunah a hmang mai zel a. Ka ngai tawh tak zet.





Chhunah Thangtei chu Zolawmi te inah a kal a, an assignment an tidun dawn a. Kei pawh in ka tihfel hnuah ṭhutthlengah ka mu zâl mai mai a. Ka nu leh pa an bazar a, ka u te erawh an bo leh hmak tawh. Thangtei chu a rawn haw a, "In chau em?" Ka lo ti vat a, "Aih mahse a har ve reng. Thil i ei tawh em?" A ti ve thung a. "Ei lo, ka lo nghak che a" "A nih chuan eng nge kan lei ang? Thingpui kan lum mai dawn mi?" A ti nghal var a. "Ka hre lo ka ei chak lo i duh duh kha siam rawh" tiin TV lam ka en san leh a. Choka lamah chuan amahin a ri rak rak a, "AU engtik nge i birthday?" A rawn ti a. "Ni 13" "Engtik thla?" "May" "Tunthla a nih chu! Ehe! Monday khi a ni der tawh" a ti hliai a. "Chuti maw?" Tiin ka tho ve nghat vat, calendar chu ka en a. Thawhṭan khi ka birthday a lo ni der tawh. Hun hi a lo va'n kal chak em em. Hmanni lawk khan kum a thar chauh emaw kan ti a, karleh ka birthday a ni leh der tawh a.







"Chloe, i birthday chu engtin nge kan lawm dawn?" Office ka luh rual chuan an lo ti sap sap a, "Lawm pawh ka tum lo" ka ti mai thung. "Naa, birthday te hi dam taka kan thlen theih chuan lawm ve chu a ṭha asin" Andrian-a chuan a ti a, ka chhang lo a ka nuih ringawt.




Naktuk ka birthday a ni a, lawm ka tum lo. U Bawiha pawh ka birthday a nih dawn vanga lo haw a ni a. Lawm ka tum lo tih hria se a lungawi lo khawp ang. Thangtei nen in kan thleng rual a, "I va bang tlai ve?" "Kan stay back a," tiin tui a in nghal khawlh khawlh.




Ka phone a rawn ri a, ka en chuan ka u number a lo ni. "Hello" ka tih chuan an ri deuh nuai nuai a, ka la hriat loh pa tling aw hian. "Hei, phone neitu te hi car in an accident hlauh mai a. A chhungte number kan hmuh theih hmasak ber kan rawn bia che a nih hi" a tih chuan ka bing mup mupin ka hria.



"Engtin nge an awm?" Ka ti thei hram a, "Hmeichhia zawk kha chu a lo harh tawha mahse mipa zawk kha a nat hmel ang renga tunah Greenwood Hospital an pan mek a, lo kal mai ta cheu" a rawn ti leh a. Ka hrawkah hnawhtu a awm, ka ṭawng chhuak thei lo. U Bawiha chuan, "Eng nge?" Tihpahin ka phone min laksak a rual a. An inbia chu ka en reng ringawt. Ka hamhaih a ni ber, ka u hi ka hmangaiha ka ngaina bawk.

A nupui vang chuan ka ngeiin ka haw ngei alawm, mahse ka u a nihna a bo lo. A thih ka phal bik lo, ka u'n phone a dah rual chuan. "Kal ang u, ka nu te lo be rawh aw naute, motor ka va la chhuak ang e" a ti a, ka nu ka call nghal a. Chanchin ka hrilh chuan a phi buai chung mai, "Nu, chi ai lo la damdawi inah lo kal vat zawk r'u" ka tih hnuah phone ka off nghal a.





Hospital kan thlen chuan lo buaipui tu ho an lo tam khawp mai a, Madini chu casualty ward aṭang a ban awrh chungin leh a chala bandage bel chungin a lo chhuak a. "Eng nge i an? I ṭha em?" Ka lo ti vat a, min melh vang vangin, "Ṭha e" a ti sap. Ka u chu ICU-ah an dah a.



Darthlalang aṭang chuan kan en reng a, a lu an tuam luk a. A ke an cher khawng bawk a. A ban nen. Doctor lo kal chuan a chhungte kan nih leh nih loh min zawt a, kan nih thu kan hrilh chuan. "A thluakah thi a tling a, internal bleeding a nei bawk a. Operation tunah kan nei anga theihtawp kan han chhuah ang a, mahse a chhe ber thleng thei turin inrilru pawh lo puahchah deuh ula. Inchhan theihna chance hi 100-ah 10% vel chauh a ni." A tihhnuah a kalsawn a. Ka nu chu a tlu a inhnit nghal hlap hlap a.




Kan lo nghak ran a, darkar 4 an zai hnuah doctor a lo chhuak ta a. “Kan theihtawp kan han chhuah chu a ni a. Kan hlawhtling viau chuan kan hria, mahse a lo harh hun nghah phawt a ngai ang" a ti a kan thaw huai hlawm mai.





Zanah pawh a lo harh lo a, ka nu leh Madini chu haw turin kan ti a. Mi awm tam an phal si lo a, "Lo va hahdam rawh u" kan ti a. An tho duh tlat lo, Madini erawh ka u awm dan a hriat aṭang khan kan la be ṭawng zo lo.




A tuk ka birthday ni mahse birthday lam rilruah a lang lo. Chhunah chuan a lo harh a, ka va han lawm tak. Mahse a la biak theih loh. Ka va lut ve a, ka en vang vang. Ka biangah mittui a luang ngiai ngiai bawk a, min nuih hram hram. Ṭawng a tum a, "Aih ṭawng suh, lo dam vat rawh aw. I chak tih ka hria nia, i thei ka ring che lo dam vat rawh aw U" tiin a biangah ka chul zeuh a. Ka chhuak lehnghal mai.





Tlai lamah intifai turin ka haw ve a, zanah ka han kal zuaih a ka haw lehnghal. Han tih theih vak kan nei bik si lo a, ka chau ve deuh tho bawk nen.



A tukah chhunah ka han awm leh a, dar 11:40am velah a thawk a rawn buai a, ka nu te an lo thleng thuai a. Ka rilruin ka ṭawngṭai mawlh mawlh. Ka u a ni, ka ngei ṭhin ngei alawm mahse ka u a nihna a bo lo. Doctor a lo chhuak a, "Kan theihtawp kan chhuaha mahse kan chhan hman ngang lo a ni pawi ka ti takzet" ka nu a ṭhu hnawk. A ṭap nghal zawih zawih a, kei erawh ka khawng vek. Ka hamhaih bawk, a theih loh ka u hian min kalsan thei lo ang.



Dawt aniang, a ni lo dawt a ni. Ka mittui luang tur pawh a awm lo. Dar 12:00noon chiah chiahah ka u chuan mu hlen tawh turin min kalsan ta. Hriatthiam a har ngei mai. ICU aṭang chuan puan var veka khuh an rawn nawr chhuah rual chuan Madini a tho a, va kuah betin. "Aih, aih, in kalpui thei lo ang. A ni thei lo a kal thei lo" tiin a au tuar tuar a. A ṭap nghal hlawp hlawp bawk.





Midangin an kai hrang a, ka u ruang an nawr liam chu phe lo riaiin ka hmu a. Ka tlu tur chu tu emawin min rawn dawm a, a bak chu a thim ta vek. Ka harh leh chuan damdawi in khumah ka lo mu a. Ka bulah Thanpuia a lo ṭhu bawk a, ka harh tih a hriat chuan. "I lo harh tawh maw?" A tisup a.




"Khaw nge midang? Ka haw duh" ka ti thung. Khum aṭanga ka chhuk tur chu min rawn pui a. Fiona-i a lo lut ve chiah bawk, "Chloe, i harh tawh maw?" A nui var var a. "Ka haw duh, min hruai haw rawh" Thanpuia chu a melh zauh a. "Mahse.." "Mahse tih a ngai lo, ka u ka hmuh theihna hnuhnung berah chuan awm ve ka duh" ka ti sep a. A thaw hak a, kan chhuak zui nghal.







Kan in kan thlen chuan mi pawh an lo tam tawh hle, ka u ruang chu khumah an zalh a. Ka nu bulah chuan ṭhuin ka u chu ka en reng a, tui taka muhil hmel a pu a. Hahdam takin a chawl tawh awm si a. Mahse kan tan erawh tawrh a harin hriatthiam a har hle si. Lalpa thil rei dan hi hriatthiam a har a ni.





Kuang an chhin dawn meuh chuan ka u chu a tawp nan chiang takin ka en leh a, "U Pa ángchhungah chuan min lo nghak rawh aw. I little girl hi min lo nghak rawh aw" tiin a biangah ka chul leh a. Ka mangṭha ta tak tak e.




To be cont...


A van tawi...😆🫢


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:43 pm

IBRAHIM ZOTHANPUIA CHAPTER - 10 by Pek Hirha-i








Ka harh leh chuan ka khumah a vawikhat nan ka u sun nan nasa theih tawpin ka ṭap ta a. Ka thawk chham lek lek khawpa ka'n ṭap meuh chu ka thawl ve hawk mai. Ka thawh chhuah chuan ka ṭhiante an lo ṭhu ṭhap a. Min lo nuih var var hlawm a, ka ṭhen ve sak.





Ka ṭhu ve a, ka zawi nguai mai. Ni a kal ve zel a, in leng pawh kan nei ta vak lo. Kei pawh ka hna lamah ka kir leh tawh a, Madini chu room-ah a inkhung deuh chawt zel a. Anu te an rawn kal paw'n a be chuang lo, an in lama haw tih vel pawh engmah a la ngaihtuah theih rih loh.




Tlai khat chu ka haw hma deuh a, ka haw hma takah chuan tiin ka nu a chhuak a. Ka u te room-ah chu ka kik a, min chhang si lo ka lut tawp a. Tukverh bulah ral lehlama tlang chu thlirin a lo ṭhu a.


"Madin" ka tih chuan a rawn hawi zawk a, min chhang loin a hawina ngai bawk a hawi leh. "Madin, thil ei la thil i ei lohna a rei tawh emai" ka tih chuan a thawk hak a. Room chhung chu a melh kual a, khum mawng lama an inneih thlalak an tar chu a melh ta reng a. A mittui a hnam ṭiam ṭiam bawk.




Ṭhu thla vein, "I duh chuan ṭap bawrh bawrh rawh." a duh tawka a inṭah thawl hnuah a rawn hawi chhuak a. "Ka inthiam thei leh tawh pawhin ka ring lo, U Rina kha keimah vanga thi a ni asin. Kha mi ni khan ruih tur zawngin ka chhuak, chu chu min rawn umzui a. Zu in tawh lo turin min tia kan inhau a, kawng pawh a en lo a. Mipa naupang kawng rawn kan a hmuh khan a balance a hloh a, kopang kha a su ta mai a ni. Keimah hi ka inthiam thei lo. Ruih tur kha ti nge ka lo zawn kher le. In ngaih ang kha a ni lo, engkim a bulpui chu keimah vek ka ni. Ani chuan ka sim theih nan nasa takin hma a la zawk a ni. A hmangaih cheu a inthiam lo ve thei lutuk mahse keimah vang vekin heng thil hi a thleng a ni" thaw chham ṭah chhuak aw tak hian a ti a, a thusawi tawp lam phei chuan awmzia pawh a nei tawh lo. A buai nuaih mai.







Mental hospital lamah an dah ta ngawt a nih kha, thla a lo vei leh dawn ta reng mai. Ka khawhar hlauin ka thiante ka kiangah an awm reng a. An va hlu thin tak em. Tunlai chu Thangtei hi a nguai riau hian ka hria, a lehkha zir a chau deuh nimai turah ka ngai.



Ka tui halin min tiharh a, ka bottle-ah tui a lo awm si lo a. inhnuaiah chhukin ka zu in a. Bathroom atang chuan Thangtei a lo chhuak a, "Mu thei na nge?" Ka ti a. "Um" a ti ringawt, a mit chu bui deuh riauin ka hria a. "I tap em ni?" A lu a thing vat a, "I mit kha engtin nge i tih a?" "Ka thil chhiar lai ka tahpui a" a ti sap a. Ka bu nghat a, "Mu tawh rawh naktuk school kal i ngaih kha" ka ti a. A mitah chuan eng emaw kal lo tura ngentu ang deuh hi a lang zawk a. Mahse a bo lehnghal.


"Naktuk chu...." a ti zuau a. Mit ko ka lo san ak a, "Ah... ih muttui" tiin a room a pan nghal a. A awm dan chu mak ka ti.



Zingah school kal a hun dawn thleng pawha Thangtei lo la tho lo chu ka han kai tho dawn a, a room kawngka ka kik karh karh a. Min chhang lo, ka kik nawn leha aw tham deuh chhalin min chhang a, ka luh chuan min hnungchhawn zawngin khumah chuan a ṭhu tlat a. "Thangbawih i hman tawh em? I tlai dawn a nia" ka ti a. "Umm"
"I ṭha em? Tunlai hi i chauh hmel thei lutuk a, i damlo te a nih chuan sawi la damdawi te kan lei dawn nia" ka ti a. Ngawi rengin a tho a, "U school kal ka duh tawh lo" a ti sap.



"Eh.. eng..a.. ti maw?" Ka ti bah nuai a, a inhnit feih feih. Khumah chuan ka ṭhut tir a, "Ṭhu phawt teh" a inhnit faih faih a, "Um sawi tawh rawh le" ka tih chuan a rawn hawi chhuak a. “Ih.. Zolawmi kha a thin a ṭhat loh vangin in check-up turin phai lamah an kal a, kha ta ṭang school-a hmeichhe ṭhenkhat hoin min ti duhdah ṭan a. A.. u sawi vek pawh ka duh lo zawk, toilet-ah te min kalh khum a. Teacher te hnenah dawt te'n min hek a, teacher te'n an thusawi an awih zawk zel si a." A ti ta a. Ka chek hlak.



"Mai mai a, in ringtawk takin awm phawt rawh. Insiam phawt rawh le, chuan ka thlah ang che" tiin room aṭang ka chhuak a. Ka nu bulah ka sawi a, ka nu pawh a chek hlak. Engmah phei chu a sawi lo, min en vang vang a. "Ka ring tawk che ka fanu" tiin min nuih seih a. Tum dan ka nei lawk tih a hria te pawh a ni mahna.





Chaw eiin ka insiam a, kan chhuak nghal. An building kawtah chuan kan lo ṭhu a, mi lo kal te chuan min rawn melh leh hrek hrek zel. A ṭhente chuan min rawn be ve bawk a, ka kawr design te an lo hmu ve ṭhin a lo ni a. “Hi, ih Chloe i ni em?" Hnunglam aṭang hian an rawn ti thut a, ka hawi let vat.



Hmeichhe pahnih hi an lo ding a, "Ni e" nuih chungin ka ti a. Thangtei chu ka beng bulah a rawn phun sap a, "Saw mite saw alawm" ka khi sak. Chu mi te chuan ka bula Thangtei an hmuh chuan an ner sak a, "Ka ngaisang tawp che. I kawr design lo chu kan ha duh miah lo" an ti har har a.






"Ka va lawm em aw. Hei hi ka nau a nia, a lo lut thar ve chauh si a, a theih chin chinah in lo guide dawn nia aw. Class engzat nge in nih kha(h)?" "Class IX kan nia, chuan hei hi i nau maw?" Tiin an kawk va a. "Ni chiang e, blood related. Ka ring ang cheu aw. Bye bye bawihi hei an ni an awm bawka ka kalsan ang che aw" tiin a samah ka chul zeuh a. Ka kalsan nghal bawk, office lam ka pan nghal vat bawk a.





Vawiin chu kan awl letling phian mai, Fiona-i kan room-ah a rawn tal nileng a. Kan titi vel mai mai, "Mak deuh chu Thanpuia hi ka ex classmate a lo ni reng alawm, high school vela ka bestfriend mipa ni ve ṭhin kha a nia. Inhria em? Chuan a lan ang hi a ni lo, a fel lutuk mahse ṭawngkam hi a thiam lo ve a. A naupangchhia ve thei lutuk, chuan tunah hian tu emaw duh chu a nei" a tih chuan kan melh ṭhap. A nui hak a.


"Naaa ka van awih lo" ka lo tizauh a, "Ni lawm hmanniah album hlui ka hai chhuak hlawl a, a pic te pawh ka la nei. A rawn thawh tirh aṭanga kan innel danah te hian ngaihtuah ve ula" a tih chuan kan ngawi vang vang. "Nia, in innel chu ka ti. Mahse bestfriend kha chu ka ring pha lo hrim hrim" ka tih chuan a chewing gum chu ham puak a.


"A high school kal lai pic chu in en duh em?" A ti a, a nui kar kar bawk. "Nakinah banah" ka ti ta zawk a. Hnathawh tur ka hrechhuak thut a, chuvanga bana ti thut ka ni.





Banah chuan parking lot-ah kan ding ṭhap a, "Fio... thlalak chu..." ka ti a. "Eng thlalak maw?" Hnunglam aṭang chuan an rawn ti dut a, kei lah chu lo ngaihsam ve. "I high school kal lai thlalak min hmuh dawn a" ka ti mai a. Fiona-in a phone a phawrh mek bawk, "Hey Ramnuntluang" tih leh Fiona-i phone phih thlak sak chu a rual a.



"Va ho e aw" ka ti sap a. "Fio... ka kal dawn, in thlen vat vat ka duh" Thanpuia lam chu ka hawi a, "Bye bye" tiin ka car-ah ka luhsan a. Side view mirror aṭang ka va melh zauh a, min la en zui reng. Eng emaw ngaihtuah niawm takin a nui sak a. A nui hmel mawi zia kha!



To be cont..


Ka type khawl sa a zo ṭep a. A thui thei vak dawn lo a ang. Btw love you guys🤎🫶🏻 chuan pic kha ka tibo daih🥲 nalh deuh min lo zawnsak te'u.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:44 pm

IBRAHIM ZOTHANPUIA CHAPTER - 11 by Pek Hirha-i






Chaw an lo ei dawn chiah a, "Lo ei ve nghal mai rawh" ka pa'n a tih vangin ka ei ve nghal a. Thangtei ka zawh chuan, "Mak an ti. 'Ani kha i u tak tak pawh a ni l lo ang, in inang lo emai' an ti" a tih chuan ka nui sak. "An va huaisar reuh ve, an hausa mi?" A bu nghat nghat, "Uniky nangmah betu zawk che kha apa chu veng khat pa hausa leh mi zah kai a nia. A ṭhiannu kha chu modern family, mahse intichangkang ve si ang chi kha" ka hrethiam mai.




"Tidaih ila, nu U Bawiha nen in inbe ngai em tunlai?" tiin ka nu lam ka hawi a, "Be ngai nang. In inbe ziah tho a ni lo'm ni?" "Be tho e, mahse nimin piah aṭang khan min rawn la be miah lo" "A hna lamah a buai ve deuh aniang" ka pa'n a lo ti hlauh a. U Rina thih hnu kar khatah a hna vangin a chhuk lehnghal a, a tihdan ziahin min be ziah a. Nidang aiin min be ngun zawk. Mahse sawi tawh angin nimin piah aṭang min la rawn be miah lo. Chaw eina tihfel chu Thangtei kutah ka dah tawp. Pawi a ti em lo'ng chu.




Ka inbual hnuah varandaah chhuakin ka u chu ka call a, rei fe a ring hnuah a rawn la hram a. "Hello" a rawn tihsup chuan ka thaw huai, "U i dam em? Min va rawn be ngai lo ve" ka tinghal a. "Tihpalh aw naute, hna lamah ka buai deuh a" a tisup a. Chau deuh aw a ni.



"A nih chu, inenkawl ṭha rawh aw. Bialnu te kha zu nei lo la, i neih paw'n ka interview hmasak phawt loh chuan an qualify lo a nia" tiin ka fiam zauh a. A nui hawk. "Aw le aw le, ka neih veleh i interview turin ka lo call nghal ang che" a ti a. "Tu nge i biak? Ka tihpalh ka tih kha Mal" hmeichhe aw hian a rawn ti a. Ka meng phawk teh e.



"Ehe! U hmeichhia i tawmpui mi?" "Aih nakinah ka rawn be leh ang che aw" tiin a hang up nghal hmiah. A va mak ngai ve. Ka phone chu ka melh a, ka mit ka khap fak fak ringawt. Lut leh tawh lem loin room varandaah chuan ka ṭhu reng a. Van chu ka thlir a, thla chu a eng a. Chhum dum a lo kal bawk, thla a awmna a thlen hunah chuan thla êng mawi tak khi a khuh bo dawn. Mahse a khuh reng dawn lo, kal kian hun a nei leh ang. Chu mi hunah chuan thla êng mawi tak kha a rawn êng leh ang.


Hetiang deuh chiah hi hringnun hi a ni, kan rin loh lam aṭang emaw kan rin sa na lam aṭang paw'n buaina hi a lo kal thei. Mahse kha buaina khan min chenchil reng dawn lo, rei deuh mahse kal kian hun a nei leh ang. A kal kian hunah chuan kan êng leh mai ang. Dawhtheih ve a ngai tih mai a ni. Kha chhum dum chhem kian dan kha kan zawn ve a, kan nghah ve hlek a ngai. Ka phone ri chuan ka ngaihtuahna aṭang min kai harh zawk a.




"Hello" "Awi Chloe" nuih za tih hriat zet hian Fiona-i chuan a rawn ti a, a tlan a ang bawk. "Hey i ṭha em?" Ka tih chuan, "Um um ṭha thil pawimawh lutuk hrilh tur che ka nei" a ti a. A nuih a za hle aniang a nui bawk bawk a. "Ih maw.." a ti a, a sawi leh hlei thei lo. "Ramnuntluang phone kha dah rawh, sawi a ngai lo" Thanpuia aw hian a ti ram hmak a.



"Blehh i thu lo best ka hrilh dawn chiang lutuk" "Dah rawh" phone chu an inchuh nge mawni a ri deuh nuai nuai a, an va han naupang chhia9 tak e aw. "Chloe, a lo tibuai che a a pawi hle mai. Muttui aw, a thusawi kha chu engah mah ngai suh" a rawn ti hmawk hmawk a. "Aw le, muttui le" a hang up nghal. He mite pahnih hi an chhungte aṭanga lo inkawm ṭhin lek an lo nia. An va han ho tak! Ka hre ve lo.





Dar 5 velah ka phone vibrate-in min tiharh leh a, U Bawiha a lo ni. "U, enge tun ang zing zingah te min lo call? Pawimawh a awm em ni?" "Naute, thil hrilh che ka duh a" a thaw deuh hak a. "Um, a hmanhmawh thlak viau mi?" "Hmanhmawh thlak a ni deuh mai, i duh chuan inphin harh hmasa la" a ti leh a. "Nih chuan ka'n inphih harh hmasa lawk nge" tiin ka tho nghal a.




Coffee ka insiam leh te te hnuah varandaah chhuakin ka call leh ta a. A pick vat, "Sawi tawh la" tihpahin coffee chu ka tem hlek a. Nuam deuhin ka ṭhu ar ar bawk. A la vawt deuh suk mai, a thaw hak phawt a. "Ka sawi nghal tawp mai ang. Ka rawn haw hma deuh khan ks pakhat ka dawr a, chu mi hnuah hnathawhna lamah te ka hmu leh ṭhin a. Mizo tho a ni a, mak ka ti vak lo. Ka hmuh dan kha a hniam phah lo a, a san phah lo bawk a. Engtin nge ka number a neih ka hre lo, nikhat chu min rawn be hlawl a. Kan inhmu ta a, a chanchin min hrilh ta a. 'Kan chhungkua hi chhungkaw awm thei kan ni lo a, khawsak harsa tak kan ni lo bawk. Ka nu leh pate hian zu an zuar a, an chatthla reng zel. Class 12 ka pass hnuah ka zir zawm lo a. Zan khat chu ka pa costomer pakhat hian min sual luih a tum a, theih tawpin ka ṭang a. Pangpar khawinain a lu-ah ka vua a, ka him thei chauh a ni. Chumi hnuah ka nu leh pa ka hrilh a, i thiam loh aniang chu mi hur herh nu min tilet hrep a. Ka rilru na lutuk khan ka nu leh pa pawisa ru chhuakin he lai hmun hi ka pan ta a ni. Mahse khawsak a harsa em em a, thingpui dawr pakhatah ka thawk a. Thingpui dawr neitu nu chuan he eizawnna bawlhhlawh zetah hian min hruai lut ta a ni. Ka thiam loh pawh a awm tih ka hai lo, he eizawnnaah hian kum 2 ka tang tawh. Tal chhuah ka duh, tlanchhuah ka tuma mahse min mana min sawisa hrep a. Talchhuah dan kawng awmchhun ni a, ka hriat keima nunna lak ka tum lai takin nang hi ka tawng che a. Mizo i nih vang khan mak ka ti hran lo, chhan chu Mizo tam takin an pan nasa lutuk. I mitmeng ka hmuh khan ka ring nghal che a. Ka rawn pan tawp mai che a ni. Min pui rawh' a ti a." Tiin a chawl dat a. Ka lo ngaichang thung, "Tih dan tur kan zawng a. Police hnena kal chu a awmzia loh thu min hrilh tawh a, chuan evidence a theih ang angin aman a la khawm a. A ṭhiante an duh vang pawh ni loa chunuin a tihluih vanga inzuar ho chu a be bawk a, anni paw'n a support a. Social media lamah kan sawi ta a ni. Mipui support na kan dawng ṭha a. CID lamin chhui chian an tum ta bawk a." A ti a, nia hmanni deuh khan issue lar tak tuna ka u sawi hi a awma mahse ka u tih a ni ang tih rin ngaihna ka hre lo. Ka u hi computer thiam tak, network lam tuitak a ni a. A tan fake account siam a harsa lo. Tunah pawh hian networking lam a thawk a ni.





"Chuan?" Ka lo ti leh a, "Karlehah ka rawn haw dawn. Ka nu te ka hrilh ang, ani hi ka duh. Nupui atan pawh ka duh, a sumdawnna kha kalsan a duh. A nunhlui chu eng pawh nirawh se, a nihna ang ang hian ka pawm." "Aw le, kha chu i duhthlanna a ni. Lo haw phawt la hmaichhanah te pawh kan la sawi leh zawk dawn nia, ka nute pawh hrilh la" "Ni e, mahse Mama thihnaah pawh an la dam fel loh tehlul nen tuna hetiang thu hrilh leh hi ka ngam ngang lo a ni." "In inzui tihna mi?" Ka ti hu a, a nui huk. "Niang chu maw le" kei pawh ka nui a. "Aw le, lo haw phawt rawh. A pic min lo send rawh aw. Ka dah phawt ang ni pawh a lo lang ṭan" kan dah hnuah chuan ral leh lam tlang chu ka en reng a.







Tunlaia kan thil tawn hi a awmzia pawh ka hre nek lo ve. Message a lo thleng a, ka en nghal. An pahnih pic chu a lo ni a. An selfie na, camera kengtu chu hmeichhia zawk a ni. A hmelṭha phian, nula pawisawi lo zet a ang. Tih nat awlsam hmel tak a ni. An inhmeh vei phian.



Office-ah pawh ka lo pending leh vung vung ṭhin. Chawhnuah Fioan-in, "Shooting nei turin Singapore lamah kan kal dawn" a ti a. An phur hlawm viau. Kei pawh ka u te hmuh theihna remchang tak a nih vangin ka phur. Mahse Mizoramah hian Mizo thuam vel kan shoot phawt dawn a ni.



Lianchhiari lunglen tlangah shoot kan duh si a, naktukah kan kal dawn. Zan lamah Thangtein min insiam pui a, "Chuan in school lam chu eng nge chanchin?" "An zia an paih lo, mahse Zolawmi a lo haw tawha chu loah ka confi ve ema an duh ang diak diak chuan ka awm tawh bik lo." A biangah ka piai zauh a, "Mahni kan inrintawka kan confi lah hi chuan mi hian min hnuichhiah ngawt ngam lo a nia. A hma ai khan inringtawk sawt rawh" ka ti a. A nui sen sen. "Bialpa te hi i nei ve em? Duh emaw star emaw i neih chuan min hrilh vat rawh aw. Zah tur a awm lo" a laih hmel tak zet.




"I lo nei reng tawh zawk em ni?" Lai zetin a bu nghat a. Mitko ka san ak, "Tu nge ni a? Min hrilh ve dawn em?" "Mahse ani te i hrilh ang tih ka hlau lawm" "Hlauh tur a awm lo. An hau dawn lo che, i zirlai tihchhiat phah lo turin an hrilh che nga a nimai. In ngaihzawnna lamah hi chuan ka nu hi hrilh vat zel rawh, lo experience tawhtu a nia. Thurawn ṭha tak tak leh zilhhauna ṭha tak tak a hnen aṭang i dawng thei zawk ang." Ka tiduah a. A nui mai.




"Ih maw.... ka duh chu eng lo ih," "Umm sawi rawh ka seh lo ang che" "Zolawmi u khi nia" a zak aniang hnuai lam a bih nghal daih. "Um.. ka nu hrilh la, kei ai thil a hrilh thei zawk ang che." Ka ti a, a beng bulah, "I rin aiin i nî(aunt) khu a tunlai ang" ka ti zauh bawk. A nui hak.






Chaw ei loin zingah kan chhuak nghal a, mut a chhuak duh tlek tlek khawp mai. Ka car ka keng ve a. Mahse Fiona-in a khalh daih. Kei erawh Thanpuia car-ah ka chuang thung. A car zawk a rawn keng a nih hi, che common lo ve khawp mai. Nidangah amaha a kal dawnin Bolero a keng ziah a. Thanpuia motor-ah Juteii, Fela, Haryani leh kei kan chuang. Ka car khalh ka tum paw'n Ramnuntluangin a phal tlat lo a. Thanpuia motor-ah a nawrin min nawr lut a ni ber mai.




A hmaah ka ṭhu a, mut ka kham chiah lo nen ka lo muthlu leh ṭhin. Motor ding datah ka harh a, Thanpuia chauh a lo awm a. "Kan thleng tawh mi?" Ka ti hu a, "Aih kan chawl lawk" "Nih chu, nizanah ka mu tlai bawk si a. Mut ka kham lo" ka ti niah niah a. "Nia, i kham lo niang i intauh bawp bawp pawn i harh thei lo" ka melh vat a, nuih za insum tih hriat zet hian min lo melh a. Ka ner khum sak.





"Thil ka'n lei ve te'ng, ei mai mai tur pawh" tiin ka chhuk a. A lo chhuk ve tih pawh ka hre lo, dawr pakhatah ka lut a. Chips vel ka en kual dun dun laiin, "Drinks pawh la rawh" a rawn tithut a. Ka phu zawk. "An nei ngawt dawn mi? Zawt la" ka ti ṭha mai. Motor lam kan pan laiin Juteii leh Fela an rawn kal a, “Chloe lo ding lawk teh” an tih vangin ka ding leh rih. “Nge i din ve zel? Lo va lut rawh” a kal ve mai.





“Thanpuia nen khan in ingaizawng mi?” Fela'n a rawn ti a, ka nui hak. “Kan in ngaizawngin inhria mi” ka tilet hlauh a. “Aw” an la tirual zui. “In ngaih dan dan khan lo ngai te'u ka hne” car lam pan ka tum leh a. “Nichinah pawh dawrah te inkal dun vel. In inhmeh tawp thla pawh kan lo la hman vek asin” ka chek hlak a. “Paparazzi ho tak hi chu a” tiin ka kalsan a.








Kan tlan leh dawn thleng paw'n kan chuan puite kha an lo la lut thei lo a. “Han zawt teh” a tih vangin ka call a. “I car-ah kan chuang daih. Fiona-i chuan pui te kha an bialpate ho motor-ah an kal vek a tikhan inpahnih khan lo kal mai rawh u” a nui kar kar a. “Aw nih chu” ka off nghal hmak. Biak rei leh sawi tur a tam.





“Motor dangah an chuang a nih chu” a bu nghut a. Engmah sawi tawh loin motor a start a. Kan inbe lo ve khawp mai, sawi tur ka hre lo. Ani lahin min be bawk si lo. Lays chu khehin ka ei a, “I duh ve em?” “Duh ve e” tih leh rawn ban a rual a. “Designing lam hi i tuina hrim hrim a ni em?”
“Ni e,” ka chhang tawi tek tawk viau.




“I talent dawnna pawh a nih chiah hi” a ti a. A lam ka hawi chuan min lo melh run, “Kawng lam en rawh accident ka duh miah lo nia” a nui suk.

“I u thihna vang khan pawi ka ti takzet”
”Tih theih a awm tawh chuang hleinem, rawn thar thawh suh” eng nge a chhan pawh ka hre lo. He pa chungah hian ka thinrim ve ringawt.




Phone ka en a, “Phone khawih suh i rui ang” “I sawi tur awm lo” a thaw hawk. Mahse ka dah ta tho. Phone khawih loh paw'n motor te chu ka rui ziah. Tukverh lam chu ka hawi a, Mizoram tlang ram lo mawi zia hi ka hrechhuak. Kan thlen chuan ka chhuk nghal a. Ka lu na deuh bur mai. Motor hi a lo inchuan chauh theih hle mai a.




Ramhnuai deuh hlekah ka lut a, hmun nuam leh zawl deuh hi a lo awm hlawl a. A hmawr deuhah chuan ka ding vang vang, thlifim lo thaw chu a nuam em a ni. “A va nuam awm dauh dauh ve koh pawh i hriat theih loh” a rawn ti thut a. Ka phu zawk chu ka ke chheh a sual a, ka rap pial ta mai! Ka tla tur chu hneh zetin min pawt let lawp a. A awmah ka bei rawk rawk. Ka thinphu te chu a la su dup dup mai. Nghet zetin min kuah a. “Tihpalh” a ti zawi sup a.


To be cont..


A tawi rawh titawh miah s'u, ka type chhung reizia hria ula chuan a tawi inti bik miah lo ang. 🥲 Type khawl sa pawh ka nei tawh si lo a, ka chawl leh lawk dawn aw. Min lo nghak leh hram hram turin ka ngen a che'u. 😊


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:44 pm

Ka lo khambek leh ta hlawl mai a. In dawhtheihna vangin ka lawm em em e. Love kap puak lai sticker.







IBRAHIM ZOTHANPUIA
CHAPTER - 12









Ka thinphu pangngai deuh hnuah ka inlahrang vat a, "I thiam loh awm hleinem.” Ka ti sap. Ka zak tlat. “Chuan min ko em ni?” “Thil ei ila kan ti,” ka bu nghat nghat a. “Aw..aw ka rawn phei ang” ka pheikhawk hrui chu a dul vangin suih ka tum a.


Mahse ka kut khur nasa lutuk vang chuan ka suih ṭha hlei thei lo, “Khawi” tiin ka kut chu a dahsawn a. Min rawn suih sak ta a. Ka thaw hak ringawt. Ka tha khur chu a la reh thei lo. Midang ho awmna kan thlen chuan an lo ri nuaih nuaih tawh a.



“Chloe lo ei ve nghal rawh u” Valarie chuan tiin min lo hui a. “I ei ve nghal dawn lo mi?” A lo phei ve loh vang chuan ka zawt ha a. “Dawn e” tiin a nui a. Ka meng kual ralh. Ka ril a ṭam bawk a, ka ei ṭeuh mai. Thil ei laia lan hmelṭhat tih vel kha chu ka care lo hrim hrim.


“A va han duh awm hlerh hlerh tak che em. Mit tla lo lekin a melh dauh dauh mai che” Juteii chuan ka beng bulah a rawn ti sa sa a. “Ha? Tuin?” Ka ti let hu, “I piah saw en la” ka hawi phei nak chuan Thanpuia'n min lo melh char char hi a ni a. Lai deuh takin ka nuih ringawt. “Nichin aṭang khan a melh char char tawh che.” “A ho e a” ka ti daih thung.






Thil eizawh lamah kan hna tak tak kan ṭan a. Make-up lam an buaipui laiin thawmhnaw vel kan lo buaipui thung a, team leader ka nihnaah ka enpui an ngaihna chen a awm ve si a. Ka vir buai char char viau. Kan ṭhut laiin Julie'n tui vawt min rawn pe a. “Ka lawm e” tiin ka innghal khawlh khawlh. Kan dai deuh sawng sawng mai.


“Ibrahim-a nen chuan in inngaizawng tak tak em ni?” A ti ha a, ka tui in lai ka phuh chhuak ṭhelh a ni. “Awihawm loh lutuk, tu nge kan in ngaizawng ti?” “An sawi nasa sia ka ti, mahse an fiamthu mai mai a nih dawn hi” a ti a. “Aniang” ka lo ti ringawt.



Ka phone ri vangin ka kalsawn a, ka u a lo ni. “Aw u” ka ti nghal tawp a. “Ka nute i lo hrilh tawh em?” “Hrilh nang, inah pawh ka awm lo” “Aw le, amah chu i hmu ve duh hrim hrim em?” “Um duh e, i bulah a awm em ni?” Ka ti a. “Awm e, ka rawn video call ang che” a off nghal a.



Rei lo teah whatsapp-ah min rawn video call nghal a. An lo lang ta a, a thlalak ami ang chiah khan a hmelṭhain a innocent hmel hle. Ka awmna chu min zawt a, “Oh! Shoot nei turin Lianchhiari lunglen tlangah kan kal a” ka ti puat a.


“Hmm.. nuamawm hle mai, nakinah ka rawn haw hunah kan la kal leh dawn nia” a ti a. Ka bu nghat. Camera chuan ka la kual vel a, Hruaii (Ka u bialnu) chuan, “Awi nawm hmel tawp” a ti a. Min lo koh tak avangin ka dah ta phawt.



“Hey, tu nge i lo biak a?” Fiona-i chuan a lo tinghal tawp a. Ka nui mai, “Eh! I bialpa maw?” “Ni lo ni lo, ka u” ka ti hlak a. Nupuii te lamah chuan ka kal nghal a.


“Lawks aw, i kawr kha a hnung lam kha tlemin tidarh leh hlek te'u” camera man chuan a rawn tih vangin ka va kal a. Ka va tidarh leh hlek a, “Good” tiin thumbs-up min lo pe a. Kei pawh ka let leh vat.



Ramhnuai pil ril lamah chuan ka lut leh a, a chhan chu a boruak kha nuam ka ti zawk tlat. Hnah ro chu a che leh hrut hrut ṭhin a. Ka hlau ṭan deuh tlat tawh, intihuai luiin ka va pan hnai lui a. Rul(snake) chu a rawn ding ta ur ur mai. Ka inring hman lo ka au tuar a, ka tlan let nghal rawk rawk.



Ka banah chuan nghet zeta vuanin a lamah min pawt dawrh a. Eng emaw ni hian hnah lamah chuan a vaw ta hrep a. Rul chu a thi tain ka hria. En leh pawh ka duh lo, ka hlau lutuk. “I vak cheh lutuk a nih kha” a ti nghut a. “Kiri, ka duh duhnaah ka kal ang. I thu lo ve thlawt” ka ti ta vak vak a.


Min chhang loin min melh char char thung, “Enge?” Ka tihlar a. “I hmelṭha” ka ner sak. “I zak lo” “Zah chhan tur ka nei lo” “Phuihnam i mamawh” ka ti leh hram.


“I va han ṭawngthei reuh tak.”
“Nang pawh mipa ve si hmeichhia i hnial zat zat tho alawm”
“Ka duh vang chauh che lawm” ka dang daih.

“Ka duh che” “Ka lawm e” “Ka bialnu ni rawh” ka lu thle meuhin ka en a. Ka chhan hmain Fiona-i te ho an lo kal ve tak avangin ka chhang ta lo. “Eng nge in lo tih a? In lo inbe romantic vel mi?” Fiona-i chuan nui var var chungin a rawn ti a.


“I ngaihtuahna chhe zet kha kan mamawh rih lo aw” ka tih chuan a nui mai a. “In mamawh vanga rawn sawi ka ni bik hleinem” “Kiri, i ṭawngthei” “I hriatna a rei tawh kha” “Hneawm lutuk” ka ti ta vak ringawt a. Min la nuih vek zui.



“Thla la ang u, thlalak hi a pawimawh a nia aw” Fela chuan a ti a. Dik chiah, a hlu duh asin aw. “Kha Jute lo click teh, this two love birds an pahnih hi ka lakpui chakna a rei tawh lutuk” “Maw?” “Lo kal vat r'u le.” Tiin Fela chuan min hui vat vat a. Beidawn hmel zetin a chek hlak a, amah zawk a rawn kal.




“Le tikhan click rawh le” tiin kan inkarah a rawn ding a. “Nui r'u le.. 1..2..3” Fela chu a kalsawn leh nghal a. “Lo kal r'u kan vaiin la zawk ang u” ka ti a. “Nia“ an ti sap sap.



Fela chuan camera a keng a, kan chhe lo hlawm asin aw. Anni chuan kan thlalak vel an lo en a, kei erawh van lam ka hawi daih thung. En harsa khawpin ni a êng lo a. A mawi tawk viau.


Ka hnungah chuan ding an awm tih ka hria a, hawi let kher ka tum chuang lo. “I mut a chhuak em?” Ka nui chhuak thut, “Chhuak hmel ka pu mi?” “Nghal lutuk” a ti nghut. Ka nui mai mai thung.



Fiona-i te ho chu an ṭe chul a. “Enge?" tiin kan tlan phei vat. Nui ṭhain min lo en hlawm a. Ka mit ko ka san ak a, “Hei” tiin kan thlalak a ruka an lo click chu min hmuh a. Kan hre miah lo nangin a nalh reuh tawp, keiin van lam ka hawi a. Ani'n ka hnung aṭang min lo en char char thung a.


“Cute couple” tiin thumbs-up min lo hmuh far hlawm a. Ka meng kual ralh.



Kan haw dawnah ruah a sur a, a sur timing ka tidawn nge timing lo ka tizawk dawn. Haw kawngah chuan a tla seng seng a, khaw awmdan te chu engtin emaw riau hian a romantic tawp. 'D' leng ngai tawk velin a sur timai ang. Car tukverha ruah mal luang thla chu ka en reng a.


“Ka zawhna che kha min chhang tawh la” Ka hawi vat a, “Eng maw?”
“Ka bialnu ni rawh” “Ah..” “Yes or no?” “Ka lo in ngaihtuah ang?” A rum nghut. “Chu chu ka chhanna duh a ni lo” ka ngawi vang vang a. He pa hi ka duh lo chu ka timiah lo, mahse risk ka la ngam ang em ka hre lo. Ka hrechiang si lo. “Zanah aw” nuih tlawn titihin ka ti a. Min chhang tawh hran lo.





Ka khum ka thlen veleh ka let tawp, ka chau ve tak zet. “Vawiin chu Madini va tlawh ve ila” ka nu’n chaw ei laiin a ti a. “Pawi chuang hleinem, chawlh a ni thoa” ka lo ti ve vat. Rilru lam chian lohna te a nei chho a, tunah hian mental hospital-ah a awm mek a. Kan ngaihsak vak hman ta lo deuh a. Kan thlahthlam tawp tihna chu a ni chuang lo a nia.



Ka u thlanah kan kal leh a, ka nu leh Thangtei nen kan ni, thla lo liam leh tawh mahse nimin lawk ang mai khan ka la hria a. Hnuk no a chhuak leh ṭhin, kan haw lamah ka nu leh Thangtei chu ka pi te inah an leng a. Kei pawh ka bazar leh rih.




Chawhmeh ka buk tir lai chuan ka bulah Thanpui a rawn ding teh hlawl a. Kan inbe ve hlut, “Saw mi dawrah sawn a nia ka pheikhawk duh ang chu an zawrh min va en pui teh” hmeichhe tleirawl kum 19 vel tur hian rawn kaih pahin a ti a.


“Aw kan en dawn nia, mahse mi ka'n be lawk ang e” tiin ka beng bulah a rawn kun hniam a. “Ka zawhna che kha zaninah chuan min chhang ngei tawh ang che” a ti sup a. A aw-ah chuan thinrim te pawh a ang. A nau hruai te chuan chik zetin min lo en a. An kalsawn nghal.




Zanriah eikhamah ka nu bulah kalin Thanpuia thil min zawh velte kha ka hrilh a, “Aw.. chungte chu i duhthlanna a pawimawh ber alawm. I duh ve chuan aw titawp rawh, nula i ni tawh a. I tana ṭha lo tur leh chhe tur chu i thliar hrang thiam ve tawh turah ka ngai” a ti a. Nia, kum 25 ka ni ve tawha nula chu ka ni ve tawh reng.


Ka room-ah lutin Fiona-i ka be leh te te a. “Aw haw!! Chungte chu min zawh a ngai mawni le, i duh chuan aw ti la nimai lawm” ani paw'n a lo ti a. Zothanpuia hi ka duh, nia ka duh alawm chiang takin ka hria. A mizia hi chapo hmel ka tih avangin ka duhna kha ka hai der lui tlat a. Mahse tunah chuan hai der ngaiin ka hre ta lo, a dik tak ka hre tawh. Kan inbiakna kan tihtawp hnuah ka thaw ham ham a.


Message-a hrilh chi niin ka hre si lo, call lah ka ngam chiah chuang bawk si lo. Ka inngaihtuah kual vel laiin min rawn call a, “Hello” “I channa chu sawi tawh la” ka chhang mai lo a. “I lo chhuak lawk thei ang em?” A rawn ti a, “Ah.. engtin maw i tih?” Mawl hmel zetin ka ti ha a, “Aw lo chhuak lawk teh in in kawtah ka awm” ka meng vak ringawt. “Car-ah ka lo nghak ang che aw” tih leh phone dah a rual.


Ka phone chu ka melh char char ringawt. Kawrlum pawh ha chuang loin ka chhuak leh a, zan a la rei vak lo bawk nen. Gate ka chhuah veleh ka hawi kual nghal a, a thim deuh laiah chuan a lo ding a ka pan phei vat. Ka ṭhut luh rualin min lo melh vat a.



“Ka lawm e” a ti sup a. “Engvangin?” nui chungin ka ti a. “I chhanna chu?” A mitko a san uk a. “Aw” ka ti teh tawp a. “Ka lawm e” tilehin min rawn kuah thawk. Ka che chang loa ka awm tawp. Ka hamhaih deuh a nih ber chu.


“Kan inngaizawng tawh tihna tiraw?” mawl hmel zetin ka ti a. A nui hawk. “I va han mawl reuh tak e aw” tiin min kuah nghet sauh a. “Khaw maw teh a lum” ka ti daih. Ka awm a nuam lo tlat.


Min melh vung vung a, kan ngawi reng. Sawi tur ka hre si lo a, min be bik bawk si lo. “Eng..” ka tihman chiaha ka hmuiah a rawn fawp zauh. “Kal tawh rawh, naktukah office i tlai palh ang” nui chungin a ti a. Rum zetin ka melh a, “Ka bialnu i ni tawh a. Ka thikthu a chhe teh a nia aw” tiin ka biangah a piai zauh a. Ka ner nang. A rukin ka nui ver ver.





A tukah mood fuh zetin ka tho a, ka che reng reng chu ka phur sarh mai. “Eng chu i hria nimaw? I mumang a ṭha deuh mawni le?” ka pa chuan a ti nui nui reng a. Ka nuih mai mai thung. “Aw.. eng nge maw i fanu phur pawh chu mak i tih em em le a! Thil phurawm a tawng a nimai lawm” tiin ka nu’n min lo chhan ve a.



“A! Chupawhnise a..” a riat nawi vel ta mai mai a. Thangtei te nen kan innuih tet tet. “Ni(aunt) ajino a awm tawh miah lo” Thangtei chuan a rawn ti a. “Va insiam rawh, eirawng chu ka lo bawl ang” ka nu’n a ti a. Ani pawh thuawih deuhin a kal ve mai. “Nang pawh han insiam rawh mate, i tlai palh hlauh ang e” ka chho ve mai.



Summer kawrfual hak nuam tak chu ka la chhuak a, a hring dal deuh a ni a. Hmuh a hahdamthlak reuh. Ka ha a, ka inen leh. Open toe sang vak lo bun nuam tak chu ka bun a. Ka sam chu ka ṭawn bawk a. Ka hman ta, ka confi ve khawp mai.



Inhnuai ka chhuk chuan ka nu’n min lo melh vung vung a, “Ti nge a ṭhing mi?” “Aih, i nalh lutuk” ka nui sak. Zolawmina rawn lut a, “Ehe! U Chloe chu i va inhmeh em em” a rawn tihluai a. “Ka lawm e” ka lo ti ve mai. “I hman tawh elo a?" Ka nu chuan a rawn ti hliai a. “Aw, vawiin chu ka u thlah a ngai a, ka insiam vek tawha mahse ka kal leh peih loa” “A nih chu mawle..” ka nu chuan a lo ti leh mai a.



Thangtei chu a rawn chhuk ve a, “Awi Zoi min lo sawm ve teh mial a” tiin a bag chu rit tih hmel zetin a rawn khai thla a. “Nia, a u kha thlah a ngai a.” Thangtei chu a chek a, “A ke chu a na viau elo?“ Zolawmi chu a bu nghat a. “An in entir nghal dawn, an lo let tawh dawn si lova driver-in min thlah dawn. Ka rawn chhuk mai mai, ina awm reng chu ka ning a.”


“Ka lo thlah dawn cheu mi niang? A har chuang lova ka tan, i bag han la rawh Thangtei pawh a tiffin a thun anga a tawk mai” ka lo ti vat vat a. “A va remchang dawn ve, ka bag ka han la lawk ang” tiin a tlan chhuak nghal a.


“Thangbawih, ti nge a u chu a ke a na em ni?” ka nu'n a zawt nghal sek sek. “Niminah step-ah a tlu a. A ke kha a ulh aniang” a ti ringawt. Ka lo chek ve tlak tlak a. “A va pawi ve fimkhur a ngai asin” ka lo ti ve a.


An school thlen hmain ka ding a, “Mi hmuh lawk tur ka nei sia” ka tih chuan an chhuk ve mai. An school hnunglam aṭang ka lut a, an principal chu ka thil hriat ang ang ka hrilh a. A room aṭang Thangtei te chu kan en ta a.


Hmeichhe pahnih te khan an tibuai a, engtin mah a chhang let lo. Zolawmi erawh chuan Thangtei thlavang a hauh em em thung, Zolawmi zawk chu an nam ta a. A tlu hnawk mai, a ban a tina deuh nge Thangtei rawn tho chhuak leh chuan Uniky a tih zawk kha a hnarah tak a hnek! A chiang bawka a dak awrh mai.

“Tikhan ka sawi chu i hrethiam mai ang a. Hma i lo lak ka beisei a nia” fiah zetin ka ti a. A bu nghat. Ka chhuahsan ta nghal a.


“My dear, i va nalh ve vawiin chu chhan a awm em ni?” Awm ze nei zetin Fiona-in min hmuh veleh a lo tinghal a. Ka ner khum sak, “Ka inhmeh tur thawmhnaw hlir ka rawn ha tawh dawn” a zawhna pawh chhang loin ka ti a. “Hmm.. ka sawichhuah i duh loh chuan lehkhabu min lei ang che” “I duh leh sawi chhuak vek rawh pawi ka ti lo” “Ka timualpho dawn che” nui hak hak chungin kan room lam kan pan a.




“I inhmeh lutuk, khatiang kha ha ziah tawh rawh” Andrian chuan a lo ti lang lang a. Ka nui hak hak, hna kan ṭan leh nghal mawp mawp a. Kan chawlh laiin Fiona-i a rawn lut a, “Chloe, kha hei hi Ibrahim-a han pe lawk teh” ka dawhkanah file a rawn theh thla tawp a. “Ha?” ka lo ti hu.


“Stefan a lo kal thut a, zu hmuh lawk ka ngai. Lo han pe lawk mai rawh aw” tiin a chhuak leh nghal a. Kan inmelh ṭhap ringawt. “Ka han pe lawk nge, lo tihzawm mai r'u aw.” Tiin ka tho nghal a. Ka inbengfai thuak thuak. “In uluk deuh ve, ehem" tiin Jutei a lo khuh der vak vak a.


Ka ner sak, "I ngaikawi ve hrim hrim a nih kha" tiin ka chhuahsan nghal daih a. A room kawngka ka kik tur chu ka zam viau nia mawle, eng nge maw ka hriat hrep ni. Ka zak tur hi ni lo reng reng. "Ka bialpa alawm a nih” tiin ka phun sap a. 'Bialpa' ni e.. chu thu chu.


Kawngka chu ka kik a, lut tura sawmna ka hriat rualin ka lut nghal a. Badiana-i Valerie team ami pakhat hi a lo awm ve a, Thanpuia erawh chuan file a lo en mek thung. Mit tla dawnin a che vel chu a lo en a, ka thinrim ve det. Ka hrawk ka thian kharh a.


"Um hei hi chu a ṭha e, nakinah ka lo chhunzawm dawn nia i kal thei ang" a ti nghut a. Chunu pawh chu tha tho lo zetin a chhuak nghal a. A kal liam tawh ang tih velah ka file ken chu ka pe ve chauh.


"Kha Fiona-i a hman loa ka lo pe che" ka ti hmuk a. Ka lungawi lo ve ringawt, file chu a melh zawk a. Rawn tho chhuakin ka bulah a rawn ding a, lo pensawn daih ka chak. Mahse ka ti lo ang, "I nalh hle mai" tiin ka chhip aṭanga ke ler thlengin uluk zetin min melh a. A nui suk bawk.



Ngeiawm deuha nuih pahin, "Nia ka inhmeh tur hi chu ka hria lawm" elsen rawng kai lek lekin ka ti a. A nuih a zat hmel ang reng. "I mood a fuh vak lo em ni?" "Aih" "Ummn.. a fuh lo a va ang si ve" "Nia bad day te chu kan nei vek alawm" ka ti leh ringawt.


"I lungawi lo em ni? I lungawi loh chuan sawi rawh, a chhan sawi si loa intihtauh khum vel hi ka duh ve lo a nia" a ti nghut a. Dawhthei lo lutuk mai. Kan inbiakdan leh awmdan vel chu hun rei tak lo inngaizawng tawh kan ang takzet. Nizan aṭang chauh kan inngaizawng a nia.


"Ka ta chu hauh ka pe na thin, ka thikthu a chhe hle bawk chu chu hre ve mai mai rawh" a mitah tak ka en kal a. A mitmeng aṭang engmah ka chhiar thei lo. A khi suk a. "Aw le, nang hmeichhe tereuhte hian i duh chu hauh i pe na dawn hle mai. Kan hre chho zel ang" a ti a, ka biang a rawn nul thuak bawk.



"Thil pakhat leh ka sawi ang, kan in ngaihzawnna hi fair tak leh thianghlim takin kan kalpui ang. Hrethiam em?" "Fair tak leh thianghlim takin" a ti ve sup. Ka lo bu nghat a. Mit siai zauhin ka chhuahsan ta nghal a.






"In in ngaizawng tak tak ami?" Kan room ka luh rualin Jutei leh Fela'n an lo ti nghal a. An au ring ang reng sia keimah zawk ka phu zawk. "A tu nen chuan maw?" "Tu nge ni ang? Kan boss bak" Fela'n a ti a, "Sawi tehh mawhhh in ni tak tak ami?" Fela chuan a ti sek sek a. Ka chek hlak. "Tu nge sawi?" Ka tinghat.


"Maw?! In ni tak tak maw?" Tiin an au chul a, "Hey hey au vak vak s'u a bengchheng" Mercy'n a lo ti hlak hlak a. "Tu nge sawi ka tih chu?" "Badiana-i khan min rawn zawt a. Mahse office-ah i kal hrim hrim tih kan lo hrilh a, 'In ngaizawng ang chiahin an awm a thinrim hmel lutuk a' a ti a" ka rum nghat. "A thusawi lo awih tawh s'u. A ṭul hunah chuan ka hrilh mai ang cheu" pangngai tak chuan ka ti tho.


A mi sawidan chuan ki dang a nei, midangin chutianga min hmuh chu ka duh reng reng lo. Ka la hrilh ang. "Nia kan awih lo, a thîk vang che aniang" Audrey'n a lo ti nghal a. "Ee! A ni hrim hrim. In in ngaizawng tho tiraw? A va'n nuam tak, ka mi duh em em te pahnih an han in ngaizawng ta chu" tiin Jutei chu a phar hluai a. Andrian-a hnarah tak a hnek fu deuh palh a.


Andrian-a chuan na tih hmel deuhin a hnar chu a dawm a, a kun ngawih ngawih. Kei erawh ka lo nui pat pat thung. Andrian hian Jutei a duh tih hi ka hre daih tawh. Remchang a zawng reng tih ka hria, keipaw'n puih ka duh. Mahse Jutei zawk hian keimahah hian remchang an zawng daih. Ibrahim-a tan, ka nuih a za zawk e a.


"Uii Drian ka tihpalh lutuk, ka hre lo a a na em" a ti nghal ruai a. Fela'n, "A thi mi? lapua a ngai em?" A lo ti ve nghal chul a. An pathum chuan an buai ve khawp mai. Kei erawh ka computer lam ka melh zui nghal a.


"First kiss i nei tawh em?" Dawhkan bawh titihin Audrey chuan a rawn tileh hlawl a. "Nope" dawt ka sawi nghal pang. "Hm ka awih lo, ngaihzawng i la nei miah lo mi" ka bu nghat a. "Uii van mak" ka nui sak a. Kan haw dawn chuan parking lot-ah ka awm deuh char char a. Nghah ka nei.


Glass chu a rawn kik karh karh a, ka down vat. "Lo chhuak teh" ka chhuak ve mai. "Eng nge i duh?" "Ka fawp chak che" "I tenawm" ka lo tihlak. A nui deuha, "Ka duh vang chauh che lawm" "Huiz" ka meng kual ralh. "Ka haw dawn ka hmanhmawh, bye bye aw" tiin dingdihlipin a biangah ka han fawp zauh a. Ka luhsan leh nghal daih.



In ka thlen chuan an lo ri chul a, ka lut chiah chu ka ding chawt. "U" tiin ka kuah nghal thlawp a. Ka ngai tak zet, U Rina a awm ta si lo a, U Bawiha ka ngaihna a zual lutuk. "Vawiinah i lo haw dawn tih min hrilh miah lo" ka tisep a. A nui hawk, "Ka surprise che lawm. Han inthlak rawh le, thil ka lo hawn che nia" a tih chuan kei pawh ka inlahrang nghal a.


Ka room ka thlen chuan ka phone a lo ri ve chiah a, "Hello" "In i thleng tawh em?" A rawn ti sup a. "Aw thleng tawh, nang?" Ka ti let ve a, ka kawr hak tur ka la chhuak pah bawk. "Aih, ka nau ka hruai leh lawk a. In i thlen tawh leh tawh loh ka rawn zawt che a" a ti ṭha mai a.


"U, i va'n lo kal har tak. Liliana te ho bulah ka lo awm char char a, Gwenni te ho lah hian mi tihbuai dan chhen an zawng a ka ning lutuk, tu nge i biak a?" hmeichhia la naupang tih hriat zet 'aw' (voice) hian a rawn ti zat zat a. "I hriat ve thlip thlep a ṭul lo" Thanpuia'n a ti bung nghut. "Hmm anu ka hrilh dawn, i bialnu a ni chiang lutuk." A ti leh hram a.



"Ka dah phawt ang, nau nghal zet ka neih hi ka'n buaipui lawk ang e" a tih laiin, "Nghal min tiziah suh, ka hmangaih tho che lawm. I mize chimawm deuh nen khan keiai a hmangaihtu che an awm lo aw" a rawn ti leh a. Ka lo nui hak hak, "Ehe! chu hmeichhia a ni chiang lutuk. Ka lo be ve, i bialnu maw?" Phone chu an inchuh niin ka hria an ri deuh rawk rawk a, hahthlak tizetin ka lo thaw huai ringawt.



"Hello, ka u bialnu ami i nih.. a bial..." a sawi zawh hmain a tawp nghal hmak. Ka nui chhuak hak, "A nau te chu ka duh chi" ka phone chu ka charge a, bathroom lamah ka luhsan ta a.


Ka inbual zawhah ka chhuk a, ka u pawh a room lamah a intifai ve a.
A rawn chhuk chuan ka bulah a rawn phei nghal vut a, "Kya?" "Ka huphurh" "I nep sazu lutuk, khatiang te mai mai huphurh thak a ni lo tih hre tawp rawh. An seh lo ang che, an hap thut lo ang che" ka ti zat zat a. "I ṭawngthei zit zet." "Bruh" ka lo tihsan thung. "Khaw nge i thil min hawn chu? Give me" tihpahin ka kut ka hui zauh zauh a.


"Ka bag kha va check rawh" a tisup a. Kei pawh phur zetin a bag dahna lamah ka kal vat a. Ka hai nghal rak rak, ka hmu chu ka nur nang mai. "Naaa hetiang te han inhawn by the way ka lawm tho e" tiin sam ṭawnna rubber band chu ka la a. Ka ak nghal hmak. Thangtei leh ka nu'n min lo nuih char char a. Thil dang hmuh beiseiin ka hai leh a, engmah awm tawh lo. "Heiham! U mawl deuh ka nei hi ka vanduaina pakhat aniang" ka ti nghat a. Ka u lah chuan ti ṭha intih hmel zetin min la melh zui. Ka thinrim lo hrim hrim, mahse ka lungawi lo ve deuh. Thin han tih rim der leh dawn paw'n nuihza lamah a kal tlat.


"Chaw ei ila, i pu te inag kan kal nghal dawn nia an ngai ve si che a" ka u en pahin ka nu'n a ti a. Ani pawh a bu ve nghat. "Bawiha nu, saw tah ṭhianpa Liana te inah ka va kal lawk ang e aw, phei lawk a ngai tlat. Ka rawn haw har loh ka ring, ka rawn phei leh hunah chaw kan ei nghal mai dawn nia" a ti duah a. "Eng nge maw i tih dawn le? Chaw ei dawn dawnah te chhuah a ngaih teh thut a?" Lungawi vak loin ka nu'n a ti a, "A.. an buai deuha min lo ko, ka kal dawn min nghak" tiin a kal nghal.



"A va mak rum rum ṭhin ve aw" en zui vang vang pahin a tisep a. Pa Liana leh ka pa hi higher an kal lai aṭanga inkawm ve an ni a. Vengkhatah an awm bawk a, an inkawmngaih ve viau. Unau ang chiahin an inen a, Pa Liana fate nen erawh kan inbe tam vak lo. Pa Liana nupui hi mahni lu zo ve tak a ni a, kawm a har ṭhin. Sawi tawp ila, mi hausa pak huam chi hi a ni roh a. A fate pawh an nungchang a ṭha vak lo, a fapa pawh VDP te nen an inhmu ve deuh reng, an fanu lah a thak ve tha tha si. An fa naupang ber pawh Thangtei ai kum 2 velin a la naupang ang. Mahse nula pangngai pian ang chiahin a awm.



Ka nu leh a nupui pawh saw an inkawm vak lo, an inbe ve zeuh zeuh a nimai. Pa Liana saw a thãi bãwih hi ka'n ti em em khawp a Mi'n an chhungkaw pa ber rawn zawng se an nu a ko nghal ang tih tur vel a ni. A hmangaih ve bawk em a nih saw. Han sawi vak theih pawh a awm lo. Sawi tur ka nei lo bawk a.


Ka pa kan nghah pah chuan kan lo titi a, ka u chu thil vei lian tak nei ang hian a che deuh sek a. Ka nu chuan a chhan a zawt leh ṭhin, kei erawh chuan ka hre kar. "U, i mawng a mirh ami?" Thangtei chuan a rawn ti tawp a. Kan nui vek. U Bawiha chuan a melh deuh khai khai a, Thangtei chuan a lo nuih tlawn heu. "Mirh lo" a tihmuk. Rei lo teah ka pa pawh a rawn let ve thuai a.


"Eng nge in tifel thei em?" Ka nu'n a lo tinghal vat, "Fel thei chiah lo, chaw i ei phawt teh ang u ril a ṭam ṭan e" Thangtei nen kan che vat a. Kan chaw eilaiin ka pa'n a kalna chanchin chu a sawi ta a. "Dilary (Pa Liana fanu) kha a lo rai hlauh mai a. Engtia tihtur nge tih vel kan han sawi mai mawle. A fa paina pa lah kha phai lamah a awm a, an be thei tawh bawk si lo a. A nu lah sawn titla mai ang a lo ti ve sek nen a rilru a buai deuh a" a ti a. Ka nu a lo chek hlak.



"A va zia lo ve aw" a ti ringawt a tumah kan ṭawng leh tawh lo. Chaw eikhamah ka nu leh ka pa chu Pa Liana te in lamah an phei leh a, Thangtei Zolawmi te inah a leng bawk si a, ka u nen chauh kan awm a. Kan phone kan khawih ve ve. Thanpuia nen kan in-text a, message type hi a taihmakna lam a ni vak loa mahse ka tan erawh a peih ve viau. Min rawn call a.



"Hello" ka tisapa, ka u ka va melh zauha, ani erawh chuan a phone a lo bih ngur thung. "Party naah ka kal dawn a" a rawn tisup a, a aw(voice) chu a sexy riau. "Ni maw? Eng ti turin?" Lungawi vak lo awki hian ka ti a, "Ka fiam che nih kha. Ka mut a chhuak lutuk," a aw aṭang paw'n a chauh zia a hriat theih.

"Um, i chau a nih kha mu rawh muttui aw" "Muttui le, i mumangah min hmu rawh aw" a rawn tihrama ka nui hak. Phone ka daha ka u lam ka va hawi chu in ngaihtuah muk hmel zetin chhuat lam a lo bih ngur a. "U" tia a dar ka va khawih chu a rawn phu deuh zuk a.


"I va ngaihtuah muk awm ve" nui chungin ka ti a. "Ngaihtuah muk e, ka nu leh pate hrilh dan tur ka ngaihtuah" tiin a khabe a dawm leh nghal run a. "Zaninah hian hrilh tawp rawh, a.." ka sawi tur hre tawh lo chuan ka'n ti ngawt a. Thangtei a lo lut chiah bawk.




"U, anî te an lo haw tawh em?" A rawn tilut nghal a, "Haw lo" "Ka mu mai dawn sin, ka mutchhuak tawp homework kan neih loh ni te a ni ve sia" "E.. aw lo mu rawh, i chau ang ka nu te chu keiman ka lo nghak mai ang" "Muttui aw" tiin a room lamah a kal ta nghal a.



"A bula awm a nuam reuh khawp mai, a ṭawng duh barh barh reuh si a." U Bawiha chuan a rawn ti khauh a, ka nu te pawh dar 10 velah an lo haw a. "Eng nge chanchin?" "Chanchin vak a awm lo, a fa paina pa nu leh pate biak theihna an zawng mai aniang chu" ka nu chuan a lo ti a. Ka ner sak, "A zia lo hle mai, mahse an awmdan enin a mak pawh ka tivak lo" ka ti niah niah a. Ka nu'n rum ang reng taka min rawn melh tak avangin, "Thangtei leh U Bawiha chu an mu tawh a. Thingpui induh em?" Ka ti daih a.




"Aih, duh lo saw tah kan in tawh mu ve nghal mai ang u." Ka pa'n a tih vangin ka room lamah ka chhohsan ta a. Ka lu leh lukham a insik rualin ka muhil nghal a ni mai.



"Naktuk chu party naah chuan i kal ve dawn em?" Ice cream kan ei laiin Fiona-i chuan a rawn ti a, "Eng party?" ka lo ti hu. "Aw.. Thanpuia nau tana party an siam kha, Thanpuia'n a hrilh lo che mi?" Mak ti deuh hlek hian a ti a. "Hrilh miah lo," "A hrilh che ka ring a, Biakdiki te ho pawh an kal dawn a." "A nih chu, nakina min hrilh a tum te pawh a ni mahna le" ka ti mai a. Thanpuia nen kan in ngaihzawn aṭang karkhat a liam tawh a, kan innel tawh tak zet. Min care hluak angin lang lo mahse a lang lo lamah min ngaihtuah em em a. Min duh tak tak a, mi zingah min duh zia tih lan a hreh lo. Mahse han inkuah fawh tih vel kha keiman ka duh loh vangin kan ti ngai lo.





Ka ice cream ei vang nimaw ka chhungril lam a vawt a, min ṭham er er mai. Khaw vawh lai takin Ice cream ka ei ve bawk a ni. Ka che letling ve thei ngawt mai. Ban hun pangngai aiin ka haw hma a, bazarah ka lut leh zuai bawk.


In ka thlen rualin ka mu nghal a, nachhawkna ka ei ta bawk. "Mate, hei ruah a sur dawn a nia puam pho kha lo seng lawk teh" inhnuai aṭang ka nu a rawn au lang lang a. Ka seng zawh hnuah a rawn baw ta hawk bawk a. Ka mut a chhuak tak zet, ka phone chu ka khal neuh neuh a.


"Hello" Thanpuia a ni.
"Hey, i dam lo mi?" A rawn ti thum dut a, "Ka pik ve deuh a eng nge ni ta?"
"Zaninah party kan farm house-ah kan nei dawna, lo kal ve la tiin sawm che ka tum a. Mahse i pik chuan lo kal lo mai rawh" a ti nghal zat a, "Eng party nge?" Ka aw mai mai chu, a chhang tawp. "Ka nau tana party kan buatsaih a nia. A hmu chak lutuk che a, inhmuhna chance nia ka hriat vangin ka sawm dawn che a, mahse i hritlan hmel emai lo kal lo mai rawh."



"Damdawi ka ei a, ka zia tawh alawm ka lo kal ang. Rei lo te tal awm tur paw'n" ka ti a, a ngawi vung vung. Min hnial naa, ka tihluih ve tlat vangin lungawi zan loin engmah a sawi zui lo. Intifaiin inhnuaiah ka chhuk a.



"Nu, zanin chu ka chhuak dawn nia aw. Mahse ka rei lo ang" ka nu eirawngbawl chu a hnunglam aṭang ka va kuah a. "I hritlang si a, chhuak lo mah la a pawi lo asin mawle" chhang loin ka kuah nghet sauh sauh a. "Khaw maw teh, a lum si awmsawn rawh" a ti hlak a. Ka nui hak.



Chaw tlemte eiin nachhawkna ka ei a, ka insiam nghal. T-shirt ka ha a, jeans jacket ka ha bawk a. Sneakers nen. Scarf ka awrh bawk a, ka hman leh ta. "In in kawtah ka awm tawh aw" "Lo lut ve hrim hrim la, ka nute hmuh nan pawh" ka ti sap a. A dah hmak. Heiha! Luhlul leh lutuk, ka sam ka khuih leh a ka chhuk ta a.


Pawn ka chhuak tur leh Thanpuia lo lut tur kan intawk chiah a, min hmuh chuan a inher leh nghal vut. A car lam pan chuan a kal nghal a. Keipaw'n ka zui ve mai. Car a kan chuan hnuah, "I dam ṭhat loh chuan lo kal loh mai tur che lawm" thinrim awka a ni lo bawk a, hriat loh a nuam hran lo.


"I nau chu ka hmu ve duh lawm"
"Hmuhna hun a la tam lutuk" ka khuh kharh kharh a, "Kha i âwm te a na lehnghal amawni" tiin ka scarf chu min siam ṭhat sak mawlh mawlh a. Ka biangah chuan dawmin min en vung vung a, ka lo melh ve kar bawk. "Hmelṭha lutuk" tiin ka hmuiah min rawn fawp zeuh a. Kan tlanchhuak ta nghal a.




Ka khuh chu min rawn thlek leh vung vung ṭhin, party na hmun kan thlen chuan mi pawh an lo tam tawh khawp mai a. Mahse tleirawl tir kan tih ang vel deuh vek hi an ni tlangpui, inchhung kan lut chu dawhkan chungah hmeichhe pakhat no zet, harh ve hmel zet hi a lo ding a. Zu um a kut lehlamah a keng bawk a, a phar a a lo au lang lang a.




"Lalremruati mai mai chu(h)" a tisup a. "Saw tah sawn Fiona-i te an awma lo va pawh mai rawh" a tisup a, keipawh ka phei ve vat. "Lo kal rawh" tiin min lo hui nghal a. "Saw dawhkana ding mek saw Aruati a nia, Thanpuia nau, party kan neih chhan ber. A nuihzatthlak thei reuh asin aw. Mahse zanin chu a dose ai sang a in aniang a nawi riau. Thanpuia'n a hruai vat mai ang" Fiona-i chuan a ti zat zat. Ka lo bu ve nghat.


Pawn lamah ka chhuak a, thli rawn thaw chu nuam tiviau mah ila ka hritlang si a ka dawng ṭha vak ngam lo. "Hi, Chloe maw i nih? Ka u bialnu chu?" Ka sir aṭang an rawn ti a. Ka hawi phei vat, nichina hmeichhia kha lo ding a. Ruih nei hmel pawh a pu lo. "Aw Chloe chu ka nia lawm" ka lo ti ve mai a.



"Ka hmu che chu ka lawm hle mai" tiin a kut a rawn phar chhuak a ka lo vuan ve vat. "Ka u hi chu i rin ang a ni lo ang, a naupangchhia a. I rinai dimdawi a ngai reuh ang" a tinghal siam siam a. Keiin thla (moon) en chungin ka lo ngaithla thung a. "A landan ang ngawt a nih loh zia i hrechiang tulh tulh mai ang. Mahse ka sawi duh chu, i hmangaih tak tak chuan engvang mahin kalsan ngai suh ang che" a aw chu a hlauhawm phian bawk. A lam ka hawi chuan min lo melh kar a.

"Aw le, ka tiam a che ka kalsan ngai lovang" a nui sak.






To be cont...💫🦋


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)