IBRAHIM ZOTHANPUIA BY Pekpeki Malneu (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

IBRAHIM ZOTHANPUIA BY Pekpeki Malneu (Completed)

Unread post by Ngaia » July 3rd, 2022, 1:42 pm

z7mgf6dw.jpg
CHAPTER - 1🕊️





“Jenny” tiin ka hnunglam aṭang chuan min rawn kuah ngawt a, ka phu zawk. Ka hawi chhuah chuan hmeichhe pakhat hmelṭha tak, a hausa a ni tih hriat tak hian min lo melh a. A nui sang bawk. “Thiannu min lo hrethiam la, Jenny ka ni lo a, Chloe zawk ka nia” pangai takin ka ti a.


A meng kawk, mahse a in control leh vat. “Awi a ni maw?! In inang lutuk a, ka lo hai palh che nih chu. Ka tihpalh lutuk” a ti sawk sawk a, ka nuih a. “A pawi hleinem inhai palh te chu a awm thei alawm” ṭha takin ka ti leh a. Min melh vang vang a. “In hmel pawh a inang chiah chiah” a ti sap a. “Engtin maw?” ka lo ti ha. A lu a thing nak a, "Aih engmah ka kal phawt ang e. Ka tihpalh lutuk aw" a ti a. A kalsawn ta a.



Ngaiah ka nei tawh, mi tamtak hian min hai nasa ṭhin, mihring inang tak hi a awm ve theih a. “Bawihi bus i nghak ve tho em ni?” tiin putar pakhat zâng kul tawh tak. A hnunga bag rih hmel ang reng tak ak hi a lo kal a, “Aw nghak ve tho e, ka pu i bag kha a rih hmel si a ka lo ah sak dawn che em ni?” “A va lawmawm dawn ve bawihi” a ti a, a bag chu ka lakthlak sak nghal a. A rit vak lo nain ani ang tar chak lo tawh tan chuan a rit tho ang. Rit ti a sawi tur chu a ni loa, a rit lo tih tur pawh a ni miah lo.



“Bus hi chu a rei thei lutuk a, a hneawm ṭhin ngawt mai. Bus driver ho lah hi an duham nasa thei si a” ka pu chuan a ti chuar chuar a. “Ni e tiraw khaw lum nen nen hian min inhnawh tir ṭeuh a. Thawk a har lek lek zel alawm le” ṭhutnaa nu pakhat ṭhu ve chuan a ti a. “Pu tah khuan zu ṭhu ve daih rawh i ke a kham vat palh ang" tiin ka kawk a, a kal ve mai bawk.


"Chu chu alawm, petrol man vel a to vang an tia, nih chu a ni lutuk tho anga mahse a ni em em lo thawk harsa lek lek khawpa passenger lak hi chu maw. Conductor te hi an duham leh mah mah zel" a bula nu pakhat bag ak samkir chuan ring ve ang reng tak hian a ti a. Amah han en mai chuan nu hausa deuh a nih duh hmel. An sawi zawh hnu lawkah bus a lo thleng a, an thawl hlauh.


Kan chuang lut nghal a, ka pu bulah chuan ka ṭhu a. Kan tlan chhuah hnu deuhah conductor chuan passenger a lak belh zel a. Nu pakhat chuan, "Ka pu, ka hrethiam lutuk cheu a mahse lak belh tawh lo teh u thawk a harsa lek lek alawm khawlum nen" a ti a, conductor chuan engmah a sawi loa mahse a lak belh ta lo thung. Thaw a veng deuh huai e.


In ka thlen rual chuan ka nu leh Madini inhau thawm ka hre nghal a, ka thaw hawk. In thlen pawh hian thaw a veng thei chuang lo.


Inchhung ka lut chiah chu Madinin, "Khaw nge i len kawi a?" A lo ti nghal hlar a. Ka chhan hmain ka nuin, "A duh duh naah a kal ang chu, a tha chhawr hi chak viau mah la eizawngtu a ni a. Hna nei a ni. Nang ve ina awmin i inchei hliau hliau a, inchhungkhur chet i peih leh tak tak mang si lo" a lo ti hlak hlak a. Kalpelin choka lamah ka lut a, tuivawt lain ka in nghal khawlh khawlh. "Ani tha te mai mai ka mamawh lo, nang zawk khan alawm ka tha chhawr tum che le" a ti pawr hlar a.



Ka nu erawhin a chhang tawh lo thung, kan inchhung boruak hi a ṭha tak tak thei meuh lo. A chhan pawh ka u nupui neih sual vang a ni.


Han sawi vak dawn chuano rel chan kan chang dawn si a, mahse a em em lutuka ka'n sawi ve tho ang e. Madini hi ka u nupui a ni a, kan unau hi pathum kan ni a, a naupang ber ka ni. Ka u te hi mipa ve ve an ni a, kan upa ber hi ramdangah hnathawkin a awm a. Ka u chiah hi chuan sawrkar hna chhete a thawk ve bawk a, nupui nei chu a ni. Kei hian private company lian ve takah designer hna ka thawk ve bawk a. Team manager ka ni bawk.



Ka u'n nupui a neih hian, kei chuan hna ka hmuh tirh lai a ni a. Ka u hi mipa lerh ve tak a ni a, tuna a nupui pawh hi a rawn ruk a ni nghe nghe. A la naupang ve em em zui, ka u nen hian kum 4-in kan inthlau a. A nupui ruk chu kei ai kum 2 hnihin a naupang. Mahse ka u en ve fo a, ani erawh a la naupang chhia viau.



A rawn lawi tirh chuan inchhung chet tih vel hi a ti ngai mang lo a, a la naupang ve bawka tiin engmah kan sawi ngai lem lo. Keiman inchhung khur chet chu ka timai zel a, hna nei ka nih vangin tlem chuan ka buai ve deuh. Mahse inchei leh phone khawih ringawt a buaipui takah chuan ka nu a lungawi ta vak lo a. A sawi ve lah hian ka u bulah dawt dawt hian min lo hek a. Ka u'n min hauh phah erh zel. Ka pa erawh mi zaidam tawpkhawk, engmah sawi lem lo chi a ki ve bawk si nen a buaithlak duh viau zel. Ka u lah nilenga chhuak reng, inchhung lam chanchin hre vak lo ania. Madini thusawi hi a kawi a ngilin a awih vek zel.


Chhungkaw inlungrual tak ni ṭhin kha mo kan neih vanduai vangin kan in ngur chher chher reng zel chu a ni sia. Room-ah ka lut a, khumah ka ṭhu hnawk. Ka chau takzet.


Phone a rawn ri a, phur lo zetin ka la a. "Chloe in i thleng tawh em?" Fiona-i hian a ti lang lang a. Scooty chuan laiin min lo be leh tawh mawni le? "Thleng tawh e, eng nge ni ta?" "A ṭhat chu, hei i design kha vawiinah khan boss kha i hmuh tir hman em tih ka hre duh a" a ti leh a, "Hmuh tir nang ti nge? Hmuh tir a ngai em ni? A thu hrimah boss a dam leh tawh em ni?" A chek hlak. "I va han news lo ve chiang tak, boss fapa a aiah a rawn kal kha mawle. Hmuh tir ngei ngei a ngai a, vawiina i hmuh tir loh chuan naktukah hmuh tir ngei ngei rawh a ṭim nek mai ang che a hlauhawm teh mai nia" a ti leh zat zat a.


"Aw le, ka lo hmuh tir dawn nia inbual te ka la ngai ka dah aw" tih leh off ka rual nghal. Mizoram pawh a changkang tawh a kan incheina te sumdawnna hrim hrim pawh kan changkang tawh tih a hriat. Kan sumdawnna pawh hian Mizoram pawn a pel ve a. India ram pawh pelh tir zel kan la tum.


Ka inbual zawha ka chhuah chuan chaw pawh a lo la chhum lo a, ka thinrim ve ta deuh. Thleng sil tur lah chu a awm vum thur bawk a. "Madin thleng hi lo sil lawk mai teha, chuan chaw lo chhum bawk la naktuka submit ngei ngei ngai hna ka nei tlat a" tiin ka room-ah ka lut zui a. A tum leh bur mai ang.


A che sawk sawk mai, rapthlak reuh hian. Min u ngai eih lo, ka u nupui ni mahse ani ai ka upat naah min u ve tur a ni tawp.


"Remruatsang" a rawn ti lawl a. Ka thin a khei zak, mahse ka inbengdai leh hram. Hawrawppui ngata min han koh ve khanglan chu le. "Min ko em ni?" Room aṭanga chhuah pahin ka ti a.


"Eirawngbawl rawh, chaw ka chhum tawh." "Hna la khawih ngai ka nei sia lo bawl lawk mai rawh, arsa kha kang la a tawk mai alawm adang chu chawhmeh ṭhing kan ring thei a" ka tih chuan min melh khui khui mai.



Room lamah bawk ka bo san leh a, hna khawih ngai ka nei tak tak a. Naktukah boss chu hmuh tir tur a nih chuan en fel leh thuak thuak chu a pawi hran lo.


"Remruatsang" ka u aw ṭeng chhuai ka hria a. Ka chhuak nghal vat. Eng nge thleng tih pawh ka zawh hmain ka biangah a rawn beng a ka hawi sawk. "Engvangin nge ka nupui hi tel saa i lo tih per a. Heti khawp hian i lo rapthlak ang tih ka lo hre lo a ni." A tih chuan ka melh vat a. A thinrim zia chu a mit a sen vek thei, a hnunga Madini ver ther zeta zui chunga a lo ding ka hmuh chuan ka hrethiam nghal.



To be continue...

Note: Ka regu em em hran lo ang. Ziah khawl ka tizet nain ziah pawh ka ziak khawl tha thei meuh lo. Weekly test kan nei a. Kumtir atanga tan a ngai ve si a.
Ni hnih danah kan dah zel ang aw. Post ve uk a, rei deuh dah kha ka inthlahrung em a. 💝


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:42 pm

Ziahted by Pek Hirha-i





CHAPTER - 2






"Engtin a? Kei hian ka tih per amaw?" Ka ti hâ a, ka melh ngar bawk. "Ni e, a kut hi en ta che" tiin Madini lam a hawia, a hmel chu thlakik na tih hmel zetin a ban chu a lek kang a. Telin chhe te chu a per ve a nih hi.



"A phu tawk a nih kha" nui chungin ka ti a. Min ben leh a tum lai takin ka pa a rawn lut a. "Lalrinchhan" a ti ṭhawt a. Ka u chuan a kut a dah thla leh zal zal.



"Eng nge awmzia? Engvangin nge i nau ben i tum a?" A ti vin ṭhawt a. Ka pa aw vin ka hriat vawikhatna. Ka u chuan a sawi a, ka pa'n min melh leh. "I tih per em ni?" A ti a, ka lu ka thing a. "Tih per nang, room-ah thil en felin ka awm char char alawm. Ka buai deuh vangin eirawng lo bawl mai turin ka tia a intih per palh aniang chu" ka lo ti a.


Ka u'n, "Eng a? Eirawng i bawl tir amaw? I zak miah lo em ni? Ka nupui a ni asin, a tha hi i ît viau em ni?" A ti ṭeng leh chhuai a. Madinin, "Ka tha hi an ît ve hrim hrim alawm ka sawi mawlh mawlh kha" a lo ti zat zat a. Ka nu meuh pawn a melh tawp.


"A va han awihawm loh ber tak, kum chanve dawn chu i rawn mo ve tawha i tha kan phut ngai lo, i tih loh pawhin kan hrethiam mai zel che a. Vawiinah eirawng lo bawl ve lawk teh ka tih vang chein dawtin min puh a?" Ka ti piap piap a, ka u lam melh lehin, "Nangpawh thåi bõih i nih kha" ngeiawm zeta nui chungin ka ti a. A meng sen rum mai.



Mahse min beng ngam tawh eih lo, ka pa ṭawngkam a vin tawh vang khan a hlau tih ke hre vek.


"Duh tawk rawh u, hetianga unau intihbuai fo hi a ṭha lo a mawi lo bawk. Lalrinchhan nangpawh i nau kutthlak tur khawpin engtin nge i rilru a fim loh theih? Zû hi vawikhatmah rawn in haw tawh reng reng suh, Remruatsang nangpaw'n i u a nihnaah zah ang che. Madini pawh a ṭul chuan lo ti ve sawk sawk mai rawh. Chloe chu hna nei a ni a, a buai chang chuan lo pui ve ang che. Tikhan buaina a zo, vawikhatmah inhau tawh suh ang che u. In inhau thawm ka hre leh a nih chuan he in aṭang hian inchhuak tawh ang." A ti ta hmak hmak a. Engmah kan sawi tawh lo.


Ka u te nupa chu an room lamah an kal tai nghawng nghawng a, an va han zak lo tak. Ka nu'n ṭhu turin min lo ti a. Ka ṭhut chuan, "Eng nge thil awmzia?" A ti nghal vat. Ka nu hi nu sual a ni hran lo a, mahse mi taima thil ti vat vat chi a nih vang hian mi awmhnawk deuh hi chu a hau mai zel. Hei vang hian keipawh ka taimain ka hnawk ngai lo.


"Tlaiah hna en fel lawk ngai ka nei a, in inhauh hnua i chhuah hnu khan ka inbual a, ka inbual zawha ka chhuah chuan thleng sil lohin a lo la dah a. Chaw pawh a lo la chhum si loa, 'Lo chhum lawk rawh hna tihfel tur ka nei' ka tia a tih hnuah eirawng lo bawl leh lawk turin ka tia chuan ka u rawn haw khan min rawn beng ngawt a nih kha." Ka tih chuan ka nu a ner sak.



"Enliam hram hram tum rawh, i û hi mipa emaw ka lo tia thãi bõih a nih hi." A ti a, rilru nat hmel zetin a thaw hak. Nia, ka u hi lerh mahse mipa sual a ni ngai lo. Madini a tawn aṭang leh a inneih aṭang hian zu in te hi a ching riau a. Nu tana a nat tur zia chu.


Room-a ka luh rualin ka phone a rawn ri ve nghal a Fiona-i a ni. "Hello" ka ti sap a. "Chloe, zaninah design kha min lo pe lawk hman ang em? Nge in inah ka rawn kal dawn?" A rawn ti a, "I awmna sawi la ka rawn kal zawk ang" zangkhai thei ang berin ka ti a. An ina a awm thu a sawi chuan ka kal nghal tur thu ka hrilh ve bawk.


Fiona-i hi a... engtin nge ka sawi ang hetiang director hnena kan pek luh hmaa enfel leh vek tu a ni. Team kan awm a, team tin chuan manager kan nei vek a. Team manager in kan en fel hnua enleh tu an awm leha chu chu Fiona-i hi a ni. Ani hi ka bestfriend ti a ka chhal theih a ni. Interview ka tih tirh vela min buaipui vek tu a ni a. A fel ngawih ngawih a nia. Bialpa nghet a nei mek bawk.


T-shirt leh joker pants ka ha sa a, chapal ka bun bawk. mawza bun lehin hoodie ka ha a. Ka chhuak nghal. Kan veng ṭhenawm chiahah an awm a, ka thleng har lo.



An in ka luh chuan a nu'n min lo be nghal sawt sawt a A nelawm thei a nia, Fiona-i hi a pain nikum khan thluak TB vangin a lo boral san tawh a, tunah hian a nu hoin an khawsa mek a ni. An chhungkua an harsa lo a, an unau hi pali an ni a amah hi a upa ber a ni. A nu hi college lecturer a ni a. Amah hna nei a ni bawka, an naupang pahnih hian college an la kal ve a. Midang chuan hna an nei vek a, an harsa hran lo. An mahni chhungkaw awm thei sa an lo ni ve bawk a.


"Hna enfel lawk turin ka lo kal a, khaw nge amah hi?" Ka ti a. " A room-ah chho mai rawh a buai lutuka chaw pawh a la ei lo" a tih chuan ka lo chek hlak. "Ka han chho ang e" tiin thingphel hmanga siam kailawnah chuan ka chho zai zai.



A room kawngkhar ka kik a, "Lo lut rawh" a ti lang lang. Ka va luh chuan paper nen a lo inzam hnawk nasa mai. "Ehe!" Ka'n ti hluai a. "I lo thleng tawh elo? Lo ṭhu lawk rawh, ka la buai deuh a" a ti a a nui var var bawk.

"I va buai ve chaw i la ei lo mi?" Tiin couch-ah chuan ka ṭhu nghal a. "Ei nang, ka zo ṭep tawh lawm" a ti mai a. A hnaa a inpek zawh zia hi chu aw. "Zanin chu kan ina lo kal te i duh ve mial a" a ti satliah a, min melh zauh bawk. "Nia, hawi khaw thawn ve a nuam a ṭha ka tia" ka ti mai a. Madini chungchang vel pawh a hre ve vek a, mahse zanina thil thleng erawh hrilh vek ka duh lem lo.



"Chaw chu zu ei phawt rawh, ka lo tihpui dawn che mi? Ka thiam chi te a awm ve em?" Ka ti a. "I thiam lutuk ang, mahse ka signature a ngai a. Chaw chu nakinah ka ei mai ang" tiin a nui leh var var a.


"Enfiah tur a tam dawn sia. Team kha paruk (6) lai kha kan awm ve tiraw?" ka tih chuan, "A.. sawi tawh chuang lo la team manager careless deuh an awm a a bul aṭanga tih ṭhat vek a ngaia ka buai a thuah hnih deuh hlek mawle" a tih chuan ka lo chek hlak.



"Chungte chu ka lo ti ang, zu chhuk la chaw zu ei rawh" tihpahin ka pawt a. A tho ve mai. Kan chhuk dun leh ta tho, a chaw ei lai chuan a nu nen kan lo inbia a. A hnathawhna lam chungchang te kan sawi a.


"An fel hlawm khawp mai, mahse tunlaiah chuan Mizoramah ngei pawh rethei leh hausa inkar hi kan lo thliar nasa ta mah mah a nih hi. Hetiang chuan incheina lamah changkanna kan par hurh anga, a mize lamah kan changkang tak tak thei lo ang." A ti siam siam a. Dik ka ti hle. "Nia, tunah pawh hian mami te hian ka duh ai incheina lam an buaipui mah mah ka ti. Nu hau deuh la a ṭha ang" Fiona-i paw'n a rawn ti ve bawk a.



Lehkha vel a enfawl zawh chuan ka haw nghal a, dar 10:30 a lo ri der tawh. Ka tlan chak ang reng. In ka thlen chuan an lo mu ṭhap tawh a. Keipawh ka mu ve nghal, ka let tawn sek mai. Naktuk chu ka va huphurh si em!





To be cont...


A tawi em?🥲 Ads click hi ka sawi ngai loa min lo click sak ve ziah tho em? Min lo click sak ve ṭhin r'u aw. Khawngaihin lo comment ve ula, feedback min lo pe hram hram r'u aw. In comment te khan min tiphurin min tihlim a nia. 🤗


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:42 pm

Ziahted by Pek Hirha-i






Chapter - 3









Ka thawh veleh eirawng ka bawl nghal a, chaw a ei theih vek hnuah Madini chu phak chualin a rawn tho ve a. Ka be lo a, ani pawn min be bik hek lo. Ka nu chuan, "Bawihte i hmanhmawh chuan chaw ei siam la ei mai ang u" a ti a. Ka buaina hi min hriatthiampui ṭhin a nia.


Ka siam nghal sawk sawk a, Madini chu a hmuh veleh, "In pa han kaitho la, chaw ei tawh ang u" awka zaidam takin a ti a. "Kan ei dawn lo, ka nu te inah kan eidawn" a ti hmak a. A la titau roh emawni.


Chaw kan eikhamah ka tifel a, sil erawh ka sil hman tawh lo. Ka nuin emaw Madinin a lo sil tawh mai ang chu. Ka insiam a, kamiz ka ha a. Coat suit eng(yellow) hmuh nuam deuh mai ka ha bawk a, pheikhawk sang ka bun leh a. Ka sam ka ṭawn bawk. Ka hman ta.


Car-in ka chhuak nghal a, office ka thlen chuan team ho an lo thleng kim vek tawh a. Ka vanneihna em em chu, ka team te hi an punctual em em hi a ni. Min thlen khalh deuh ziah, Mizo ho hi chu hun te hi kan ngaipawimawh lo riau a. Valerie team te ho hun ngaipawimawh lo lutuk pawh a buai em kha.


"In va thleng hma hlawm ve" tiin ka dawhkan lam ka pan vat a. "Thleng hma hleinem, vawiinah kan design kha boss i hmuh tir dawn em ni?" Julie chuan a ti a, a hmelah phurna a lang thei. "Um niminah hmuh tir tur tih ka lo hre ve pek lova, vawiinah chuan hmuh tir ngei ngei a ngai." Ka ti a.


"Awi a hot tawp an tia, min hrilh ve rawh aw, kan hmu ve thei der si lo a." Fela chuan a ti a, ani hi 'she is' deuh type hi a nia kawm a nuam fu. Fiona-i a rawn lut a, "A lo thleng tawh aw" a ti sap a mit min siai zauh bawk.


Keipawh file chu lain ka tho nghal a, ka chhuak ta a. Ka huphurh ve det. Kan boss hmasa kha chu nise ti em em hian ka huphurh lo ang, mahse a fapa a ni a a duh uluk hle an ti bawk nen. Ka rilru a hah a ni.


A office ka thlen chuan ka ding deuh dat a. Hmeichhe confi tak kha ka zâm ve det. Kawngka chu ka kik karh karh a, "Lo lut rawh" mipa aw thum tak hian a ti nghut a. Ka luh chuan min hnungchhawn zawngin tukverh lam hawiin a lo ṭhu a.


"Uh... next show ami tur design ho chu ka lo keng a" ka ti a, "Um dawhkanah khan lo dah rawh" a ti leh nghut. Dawhkanah chuan ka dah a, a rawn inher ta a. A hmel ka hmuh rual chuan keimahah eng emaw a awm. Ka ṭek chhawkin ka hria.


A hmel chu a 'pa' a ni deuh tawp, a khabe-ah hmul a ṭo siar siar a. A mithmul a buk lek lek bawk. A vun a uk deuh kharh a, coat suit pawl tak deuh a ha a. Sana lawk zet a bun bawk. Ka ding ngil vat a.



"Duh dang i la nei em?" A ti hmuk a. "Nei lo e" tiin kawngka lam panin ka inher zui nghal. Kawngka ka thleng ṭel tihah, "Lawkin" a tih chuan ka ding dat. Chik zetin ka file pek kha a en a, "Dik lo a awm em ni?" A lu a thing vut. "Awm lo e, i kal thei tawh ang" a tih chuan ka chhuak vat.



Thawk ka la vang vanga, kha pa bula awm chu a mi uap a na hle mai. A hûhâng a na hrep mai ka ti. Ka lut chiah chu ama chanchin ngawt min lo zawt a, "A hmelchhe lutuk. A sual si" ka tih chuan an nur nang hlawm a. "Nih chuan dawt an sawi a nimaw, van ho tak lo phur ve tawh teh reng nen" Julie chuan a ti nghat a. Ka lo nuih mai thung.


"Le le le.. khatiang lam buaipui hman in ni tawh lo, kan design lam hi en chho ṭan ang ule" tiin paper chu ka la nghal a. Table lam an pan ve nghal bawk.


Kan sawi zawh hnuah hna chu an thawk ṭan dawn a, kan ṭhui nghal bawk dawn a ni. Company dang nen te kan inel dawn a, chuan chuta chak zawk company chuan Mizoram ai awhin India ramah an chhuak ang. Ṭan a na duh hle a ni.



Ṭhuina tur bungrua vel kan la khawm ṭan a, a hautak duh khawp mai. Tlai lamah chuan boss in min koh avangin a room-ah ka kal a.



Ka luh chuan a mitmeng thim khup chuan min lo melh ngur a. "Min biak duhna i nei em ni ka pu?" Ka tih chuan paper min oe ringawt a. "Hawng rawh" a ti nghut bawk. Ka hawng ve mai bawk a, kan kawr design ang chiah chiah kha ka hmu hlawl a. A rawng(colour) zawng zawng pawh a inang vek. "Chuan hei hi eng nge awmzia?" Ka tih chuan.


"Company dang style i ru amaw? Kha kha B&P company design a nih kha, company dang design i ruk avangin in lo chawl rih dawn nia" a ti nghut a. Mak ka ti lutuk chu ka meng kawk ringawt, "A awihawm loh lutuk. Keima design ngei a nia lawm" ka tih chuan min melh a. A mitmeng chu hlauhawm tak a ni.



"Insawifiahna ṭha tak i neih ka beisei e" a ti leh nghut. Ka hrethiam ta, "Aw le, a finfiahna chu ka pe khawp ang che. Mahse min ban ngawt thei bik lo ang" ka tih chuan a nui suk, a mitmengah erawh a nuih a zat loh zia chu ka hmu. A ṭhutna aṭanga thoin min rawn pan a. Ka dinna ngaiah ka lo ding ve ran bawk, "In chawl ang nang vanga kan company hming tih chhiat hi ka tum reng reng lo" hriam hrakin a ti a. A sang bawk a rawn kun hniam a, 5'5 ft kha chu ka ni vein ka hre sia. He pa lakah erawh ka lo hniam hle mai.


"I duh dan chuan ti ta che, mahse mi design ka ruk loh zia erawh ka hmuh tir ve khawp ang che" ti vein ka melh let ve kar a. "Chhuak rawh" a ti nghut, engmah sawi loin ka chhuak nghal a. Ka rilru a buai tak zet, engtin nge khatiang kha an lo neih ve theih?


Ka design hi an ru zawk em ni? An design ka ru der si lo. Eng nge awmzia ni ta ang? Kam office ka thlen chuan min lo melh ṭhap a, "Eng nge changchin? Eng nge a lo zawh che?" An lo ti sap sap a.


Thaw hakin ka chair-ah ka ṭhu a, "Kan design ang chiah kha company dangin an nei ve a. Midang design ru anga min ngaih avangin kan chawlh rih a ngai a ni. A pawi ka ti takzet, competition aṭang pawh khan disqualified nghal kan ni bawk" ka tih chuan an hmel a ngui nghal vek. An phur zia leh an tui zia ka hria a pawi ka ti ngawih ngawih.


"Mahse mi design kan ruk loh zia erawh kan hmuhtir ve ngei a angai" ka ti a, an rawn hawi nghal vek.



Ka nuih a, "Kan team-ah hian min phatsantu an awm tihna a nimai" an inmelh hrek hrek a, an hmelah chuan an inringhlel tlang tih a hriat vek. "Mahse kan team ami hi chu tumah kan ni lo tih ka hria a, team dangah an a awm tihna a ni leh mai" an hmel chu a buai nuaih tawh.



"Eng a poh chu nise, kan chawlh rih dawn avang khan hna kan mal dawn lo ka tihna a ni loa, kan inbuatsaihna kha kan chawl ang ka tihna mai a nia. Tu nge kan design ru chhuaka, company dang hnena lo pe ru tih kha hriat ka lo tum ang. Haw phawt ula, ngaihngam takin mu rawh u aw" ka tih chuan an bu nghat nghat hlawm a.


In ka thlen chuan Fiona-in min lo be nghal a. "Lo kal rawh, kan inah sawi ang a awihawm loh lutuk emai" tiin a rawn ang nghal hlak hlak a. Ka kal tur thu hrilhin phone ka off zui a.




To be cont...
Comment theihna tur link
https://www.facebook.com/groups/9913546 ... 752568743/


Spelling mistake a lo awm palh chuan lo chhiar dik mai r'u aw. Ka theih tawk chuan ka en ve a, mahse hmuh hmaih palh te a lo awm ve ṭhin a.

And this is a surprise. 🤓


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:42 pm

CHAPTER - 4








"Chloe, eirawng lo bawl rawh ka nu te inah chaw kan ei dawn" Madini chu ka room-a rawn dakin a ti a. Ka room chhung chu a melh kual thuak bawk. Ka chhang lo a, ka ngaihtuahnaah chuan thil dang daih a awm.


"Ka sawi chu i hria em? Lo bawl rawh aw" tiin a chhuak nghal a, ka inbual zawhah eirawng ka bawl a. Bawl ngai vak pawh a awm lo, zinga chawhmeh ho a rin theih a.

Chaw eikhamah Fiona-i te in lamah ka inkhalh phei a, a naute'n dawhkan an lo tifel mek a. Chaw an lo eikham chiah a lo ni, "Lo ṭhu teh" tiin a bul chu a beng thak thak a. Keipawh ka ṭhu ve nghal a.


"Mi design i ru an tih kha ka awih lo lutuk a, boss-in a sawi te khan ka chhang ṭep a mahse ka insum hram hram a" a ti nghat nghat a. "A titu zawn ka tum mek alawm" ka ti tawp. "Ka room-ah chho ila thil ka hrilh ang che" a room lamah kan inzui chho a.


"Eng nge sawi la?" Ka tih chuan min melh vang vang a. "Sawi tur ka nei hran lo, i design kha in team ami tu emawin an ru chhuak aniang" a ti a. Min ngaihtuaha, min hmangaih tih ka hria. Ka natnaah min natpuia, tunah pawh min thinrimpui em em tih ka hre bawk.



Lu ka thing a, "Aih kan team ami chu a ni lo," ka tih chuan min melh kawk a. "I hria em ni?" A tih chuan lu ka thing tlat lawi si, "Ka hre lo a, mahse kan team ami a ni lo tih erawh ka chiang. Rinhlelh chu ka nei alawm" ka tih chuan hriat chian chak zetin min melh vat a. A rawn ṭhu ṭha sat sat bawk.



Nuihin ka lu ka thing a, "Ka hrilh dawn lo che" ka tih chuan a ner sak.



Ni hnih a liam leh tawh a, keipaw'n ngawrh takin ka design ru tu chu ka zawng ve mek zel a. Ka hre teuh tawh khawpin ka hria. Vawiinah ngei hian thudik leh, tu ruk nge tih chu ka hriattir dawn a ni.


Office ka luh chuan min lo en ṭhap a, "Tunah hian kan ṭan ang. Julie boss te chu han hrilh la, chuan Fela team dang ho kha lo va ko bawk rawh" an che nghal sang sang a.


Rei vak lo hnuah team dang ho leh boss Ibrahima te chu an rawn lut ta a. A hmaah tak ka ding a, "A ru tu ka hre tawh a. Ka hrilh bawk ang che, he company chhung ami ngei hi a ni bawk a." Ka ti a.



Tikual vel loin ka sawi tawp ang, Valerie hmaah chuan ka ding chat a. "Kei hi maw?" A ti haw a, nuih seihin. "Ni lo ani zawk kha" tiin a bula ding hmeichhia chu ka kawk ta chat a.


"Maw?!" Valerie chuan a ti a, an meng phawk hlawm kher mai. Ani pawh chu a tirah chuan a meng buai nak a, "Kei hi maw? Haha.. finfiahna i nei em ni?" Cho zetin min melh a. Mit ka san ak.



A kut chu laksakin a coat chhunga a thil zeh chu ka phawrh sak a, lek kang vain, "Hei hian a sawi chiang thawkhatin ka hria" ka tifiah kak bawk. Zothanpuia chuan a aw a rawn thian kharh a, "Eng nge thil awmzia sawifiah rawh" tiin min melh ngur a.


Rinngheti chuan a ban ka vawn chu a lo phihthla ve chiah bawk, "Hmanniah daih tawh khan office-ah ka motor chahbi ka theihnghilh ṭumin ka let leh hian Rinngheti ka dawhkan bula a lo awm ka hmu tawh a. Eng nge a tih tia ka zawh chuan bungrua a zawn thu a sawi a, keipawh ka haw lehnghal a. Khatia company dang nen kan design a in takah khan ka rilruah a rawn awm thut a, chuan an inlaichinna zawn ka tum ta a. Rinngheti leh kan elpui tur company a an designer pakhat saw ṭhianṭha tak an ni tih ka hre ta a, ta ṭang khan thil chu ka hrethiam chho ta a ni. Chuan he camera hi ka design a lakna camera chu a nih ngei ka ring a, chuan a pendrive a la awm ka ring bawk a. Chu pawh chu enfiah a fuh ang. He company data eng eng emaw hi a ruk ka ring." Ka ti ta duah a. Ka thaw a chham ṭep, ka sawi hnem bawk a ni.


Rinngheti chu an melh ta ṭhap a, "Ka tih a ni lo, amah a inchhan theih nan min puh mai mai a ni." A ti a, ka lo nui hak. "A nih chuan fiah ila" ka lo ti. Mahse Thanpuia chuan a kut a lo vai zauh.


"Chu chu kan kutah dah rawh, a lo dik a nih chuan kan sawi ṭha leh zawk dawn nia. In hna ṭheuhah let leh tawh r'u." A ti a, midang pawh an chhuak nghal sang sang. "Chloe ka office-ah min lo hmu lawk ang che aw." A ti a, a chhuak chu ka zui nghal.



"Competition lamah inrilru in lo sawrbing dawn nia" a ti sup a, ka meng awk. "Ah!" Ka ti ringawt a, "In tel leh e" a ti leh bawk. Ka khi var var mai. "Mahse design dang in tih theih chuan a lawmawm ngawt ang" a tih chuan ka en vat a. A lo nui sak, a nui hmelte chu a ṭha thlawt. Kei hi! Ka hmu ṭja ta riau a nih chu! Awihawm loh zawk hian a, ka thil tawn vangin ka hmu ṭha rih mai mai aniang.



"Aw le ka lo ngaihtiah dawn nia ka lawm e" ka ti nghal vat vat a, team te chanchin hrilh ka chak tawh tak zet. Chhuah nghal mai ka tum a mahse ka ding leh dat, "Rinngheti kha" ka ti dek dek a. "Ani chu dah ṭha tawh rawh, i buaina a ni tawh lo" a ti nghut. Ka sawi zui tawh lo chiang e.


Office ka luh rual chuan confetti in min lo phuh nghal a. Ka nui hak, "Congratulations" an lo ti dual bawk a. "Thank you, nangni pawh" ka ti bawk a. Kan hlim dar dar khawp mai. Kan infiam a, lunch ka treat tur thu kan sawi chuan an au dar dar mai. A nuam bawk a ni. He khawvelah hian chhungte tih lohah chuan ṭhianṭha/ṭhian te hi an hlu berin ka ring.





To be cont...


Zan hnih danah ka'n ti tak nain duh ai a rei dawn tlatin ka hria. Zankhat danah ti ila, chuan ka ziah khawl sa a zawh hunah duh leh kan thlak leh zawk anga tiraw u?


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:42 pm

CHAPTER - 5🪷









"Lunch chu ei tawh ang u, ka ril a ṭam tawh nia" Fela chuan a rawn ti a, Julie pawh rawn thoin, "Nia kal tawh ang u" ka sana ka bih zauh a, rilṭam chu a hun tawh. "Kal ila, ti r'u" tiin ka tho hluai a. Midang pawh an tho ve sap sap.


Kan team-ah hian mi pa 9 kan awm, kei chhiar telin, Julie, Fela, Audrey, Andrian, Ricky, Jacob, Juteii, Haryany leh kei kan ni. Kan building bulah hian restaurant nuam deuh mai an hawng thar a tah chuan kan lut dial.



Kan luh hnu lawkah Thanpuia te pawh an lo lut ve a, a secretary nen. "In duh duh chah r'u aw, vawiin chu a lawmnan kan ei nghek dawn nia" ka ti sar sar a. "Awi ka ril a ṭam bawka plate thum ka chah dawn" Mercy chuan a lo ti fiam a. Kan nui hak. Midang pawh an awm nual mai, a tam zawk chu college naupang an ni.


Eitur kan nghah chhungin thil kan lo sawi mai mai a, Faith chuan, "E! In hre ve em? Ibrahim-a pa hi a lo kal tawh dawn lo an ti asin." A ti a, "Tu? A hmaa kan boss hlui kha maw?" Grace-in a lo ti a. A bu nghat.



"Ti nge?" Ka lo ti ve thung a, "A cancer an tia. Mahse chiang deuhin ka la hre bik lo, a damloh chuan a fapa hi a lo kal ziah a ngai tawh dawn tihna a nia awi hna kal a phurawm leh sawt" a ti sar sar a. "Lerh viau suh u, hnaah chauh insawrbing r'u" ka lo ti hlak a. An nui mai. Eitur a lo thlen tak vangin kan sawi zui ta lo a.



Ka haw dawnah Rinngheti nen kan inhmu a, "Sawi duh i nei mi?" Tiin ka sana ka bih zauh. "Ah..." "Um sawi la" "A ngai leh lo mai" a ti sap a. A kalsawn zui a, ka dar ka chhin ak. Ka hmanhmawh deuh avangin ka car lam ka pan nghal a. Car ka start laiin Thanpuia te pawh an lo chhuak ve chiah a, a va haw tlai ve.



A sana a bih vut a, a secretary chu biain eng emaw a hrilh a. A secretary a bu nghat a, ani pawh a car-ah a lut nghal. Ka tlansan ta daih a. “Chloe, hei i lehkha tur” inchhunga ka luh rualin Madinin a lo tinghal a. “Tu lo thawn nge?” ka ti a, “Ka hre lo mipa pakhatin a rawn dah a, i ta tur tih a sawi a.” A ti a, thil a ṭhial nuan nuan bawk. “Aw le, ka lawm e vawiin chu ka chau deuha eirawng lo bawl mai rawh aw” a chhanna pawh nghak loin ka room-ah ka lut nghal a. A ner sak kha ka hmu hman.




Khumah chuan a váng zawngin ka bawk thlawp a, ka hahdam sawng sawng mai. Tunah chuan ka rilru pawh a hahdam thei ta deuh e. Ka envelope dawn chu ka hawng a, ṭhuṭhain ka chhiar ta a. Ummm... lawmpuina thu leh thil lawmnaa sawmna a ni. Huiz nuam deuh ve. Ka khawvel te chu inthlak ve chiang khawp mai.



Inbualin hna ka hawn tlemte chu ka khawih zawm zuai a, design thar siam hi a har ka tihran lo. Ka tuina a ni bawka har ka ti loa ka hne ngai lo. Mahse ka hah ve ṭhin, inah kan haw a, in a lo hnawk nuaih phei hi chuan hah hi a zual bik hliah hliah.





Chaw eilaiin vawiina thil thleng vel ka hrilh a, min lawmpui hle. “Dikna hi chu a tawpah a dingchhuak leh nge nge zel a nia.” Ka nu'n a lo ti a, ka u te erawh a ngawi reng.


Chaw eikhama ka mut mai mai laiin Fiona-in min lo call a, “Ange?” Ka ti nghal tawng a. “Lawm ila, lawm tham chu ni lo mahse a lawmawm ve hrim hrim a” a rawn ti zat zat a. “Ka money loh lai” ka lo ti zauh, “Kan rawn tum vek ang” "Tu te nen nge in nih ang?” ”Valerie, kei leh i team ami ṭhenkhat te." “Um lo kal ula, mahse engmah ka siam peihvlo nia inrawn siam a ngai ang” ka tih chuan an tih vek tur thu sawiin a off ta a.


Ka mut a chhuak riau, an lo thlen hmaa mut lawk chu a pawi dawn mawni le. Thil ho mai mai ka ngaihtuah laiin an lo thleng a, “Awi !! My dear ka lawmpui lutuk che” Fiona-i chuan tiin a khek nghal tuarh a. Nui hak hakin kan inkuah a.


"Zan zanah inlo kala, ka mut a chhuah nen nen nangmahni vangin ka lo la memg char char" ka ti a, ka nui bawk. Ka fiamthu tih an hre chiang ve bawk a. Kei ai nasa sain an nui. “Awi! Kan rawn tinui chak che a, kan rawn kaitho che" Fela chuan a ti duai a.





“Bawihte tho tawh la i tlai ang e" ka room kawngka chu a rawn beng dat dat a, meng mang hlei loin ka ṭhu a. Mumang nen ka la tho. Ka inphihfai zawhah thingpui in in ka ṭhu a, ka nu nen kan titi mai mai bawk. “Mate, i putea fanu Thangtei kha he lamah lehkha zir tir ve an duh si a. Kan inah lo thleng se a pawi lo ang chu tiraw an tia nizanah khan min rawn bia a.” a ti siam siam a.


“Mai mai a, a pawina tur a awm reng reng lo. A chhungte kan nia, engah nge an inthlahrun viau”
“Nia, i pa pawn chutiang chiah chuan a sawi a. Naktuk lamah a lo kal dawn a nih hmel, i tan lo buaipui a har ang em?” “Har lo ang” ka lo ti puat.




Office ka thlen aṭang kan buai nghal char char a, kawng a kham ṭhum thei alawm le. “Lunch kan eichhuak dawn mi induh em?” Ka tihchuan peih mang pawh an awm lo, “Kan chah mai dawn nia nih chuan, Jute lo chah rawh” ka ti a. Ka laptop lam ka bih leh nghal.



An rawn dah rualin kan ei nghal. Ka haw dawnah ka nu’n min rawn bia a. “Mate, Thangtei kha vawiinah a lo kal leh sia, tunah Sumo counter-ah a awm a nih chu lo lam haw lawk mai rawh” a ti a. “Aw le” ka dah nghal. Motor ka ken chhuah loh ni berkherah. Taxi chan mai a ngai dawn nih hi.




Taxi chu a vang riau mai, office chhak deuha taxi stand a ka chhoh dawn laiin Thanpuia car ka hmaah a rawn ding a. “Haw na tur i nei lo em ni? Ka lo thlah dawn che em ni?” a ti a, “Ka haw nghal dawn loa mahse ka lawm lutuk e” ka ti a. Taxi stand lamah chhoh zui ka tum a.



“Lo chuang rawh, ka lo kalpui ang che” a ti nghut a. Ka nu'n min lo call ve chiah bawk. Ka hmanhmawh deuh bawk nen a hmaah chuan ka chuang ta ngawt a.



Note: Comment hi invan inthlahrung thei em em🥲 comment ka phut ngawr ngawr vang a ni loa induh khawp loh laite insiamṭhat ka ngaihna lai te. Ka tihdik loh laite kha min hrilh ula ka duh a, ka improve theih nan. Chuvang chuan lo comment hram hram ṭhin r'u aw. 🌺


Love you all💞 wish you guys to have a good day.


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:43 pm

Ziahted by: A post tu jkjk Pek Hirha-i








CHAPTER - 6🤓










“Khawiah nge pen i ngaih a?” A ti sup a, “Lalnui sumo counter-ah” tiin ka nu call chu ka la a. "Mate i hman tawh em? I nau chu a lo thleng tawh ania" a ti a, "Office aṭang ka chhuak chiah" "Hmanhmawh deuh rawh aw, a la naupang si" a ti leh a. "Aw le."


"Eng nge sumo counter-ah chuan i tih dawn a?" A tih chuan ka phu deuh zawk. "Ka nau a lo zina, chu chu mawle" ka ti mai a.
Thangtei hi class IX(9) kal tur chiah a ni ve a, eng a ti nge amah chiaha an rawn kal tir inti mai thei a. Ka nu te unau hi pathum an ni a, ka nu hian Aizawlah pasal a nei a, ka nu nau chiah hian Aizawlah nupui a nei ve bawk a. A nupui te bõih a ni zui a kan inbe ngai tawh lo. Ka nu nu leh pate hi an boral ve ve tawh a. Kan khuaah ka putea te hi an awm a, ka putea hi mi'n driver-ah an hmang ve zeuh zeuh a. Lo an nei vea chu chu an eizawnna a ni ve mai. Kan inhlat si a, inpuih tak tak theih pawh a ni thin lo. Tunah pawh hian ka putea hi bungraw phurin khaw thenawmah a kal a, Thangtei naute hi an la te ve a, ka pitein a lo awm thin a. Thangtei rawn thlah hman an awm ngang lo a. An rawn kaltir tawp a ni, Thangtei hi unau zinga upa ber tihtakah a kum ang aiin a puitling reuh a. A nu te pawn an ngaihtuah viau a ni.



Khua a tlai tawh si a, addict vel a lo tawn ka hlau tak zet. "Kan thleng e" tiin motor a ding dat a. Ka chhuk nghal vat, "Ka lawm lutuk e aw. Ka tikhawtlai ta si che a, a pawi hle mai" ka ti sawk sawk a. Thangtei zawngin ka hawi kual nghal ruai.




Thingkung hnuaiah a lo ding ka va hmu a, ka pan phei vat. "Thangte min lo nghak rei tawh em? Ka motor ken chhuah loh ni berkher a nia a pawi hle mai" ka ti sawk sawk a. "Nghak rei lo e" a ti var a. "Taxi kan la anga kan haw nghal dawn nia, heng ho chauh hi em ni i bungrua?" Ka ti a. "Ka mamawh tam hleinem" a ti sep. "Inthlahrung suh aw, inthlahrunna tur a awm lo a nia" ka ti a. A bu nghat. Suitcase lian vak lo pakhat leh rucksack pakhat a ni mai.





Taxi phar mai tur a vang khawp mai, addict pakhat hian, "Thiannu tu nge inzawn a?" A rawn ti a. A mitmeng chu a dava riai bawk. "Tu mah zawng lo e" tiin Thangtei chu ka mitmei a. Kan kalsan ta nghal a, khatiang kha a nia ka hlauh chu. Taxi lah chu a vang hrep lehnghal.



"Ka lo thlah ang cheu lo chuang rawh u" Thanpuia bawk chuan a rawn ti leh a, lu ka lo thing vat. "Ka tibuai tawh che emai" nui sangin ka ti a. A mitko a san uk. "A ho lutuk, khua a tlai zel a nia" a ti sup a. Kan chuang leh ta nge nge e. A nui suk chu ka hmu hman.




A phone a ri a, motor-ah a connect si avangin an inbiakna kan hre ve vek a. A lak rualin hmeichhe nutling aw hian, "Bawiha khaw nge i awm? I rawn haw pahin Melody te inah chawhmeh rawn la kawi ang che" a ti hlak hlak a. Mak ti zetin ka hawi hu.


"Naa nu ka hria" a ti nghut a, a lawm hmel vak loh. "Rapper te kha min ti tawh reng reng suh ang che" a ti leh hlak a. Thanpuia chuan phone a off hmak. Min rawn melh zeuh a, a aw a thian kharh bawk. Keipawh nuih insum deuhin ka chuang zui ta zel. In kan thlen chuan ka nu leh Madini pawnah an ṭhu a. Min hmuh veleh ka nu a ding vat.



Ka nu chuan Thangtei chu a be nghal siam siam a, Madini pawh ka nu bulah a lo ding ve reng. "A zia lo hle mai kan tibuai hrep che sia, petrol man tur tal ka lo pe ang che" tiin ka purse phawrh ka tum a. "A ngai lo, ni hman nuam le" ti supin a tlan chhuak daih a. Ka chhang hman lo chhan pawh.





"Chloe, kha kha tu nge i bialpa mi?" Madini chu ka bulah dingin a rawn ti nghal a, a tlan liamna lam chu a bih duk duk bawk. "Ni nang, kan boss a nih kha" ka ti ṭha mai. "A van chhe lo em em, bialnu a nei em?" A ti leh a. Ka melh tawp. A pasal nau bulah mipa dangin bialnu a neih leh neih loh a zawt ngam chu a nia. A va han huai tak.


"Nei ang" tiin inchhungah ka luhsan a. "Thangte indah fel la chaw kan ei dawn nia" ka nu'n a ti a. A room tur chu ka room bul chiaha room awlah a ni. Inchungah ka u te nupa room leh ka room a awm bawk a, inhnuaiah ka nu te room bul chiahah room awl ala awm bawk. Keipawh chhoin ka intifai nghal a. Ka chhuk leh chuan chawhmeh an lo chhuang lum mek.




Thangtei lo chhuk rual chuan chaw kan ei ta nghal a, "Thangbawih naktuk lamah i u nen hian i admission vel chu inhan ti dawn nia." Ka pa'n a ti a, a bu nghat. "Inthlahrung reng reng suh aw, i in ang chiahin ngai rawh i in a ni reng bawk a" ka nu'n a ti ve bawk a. Madini lo ner nang nang chu ka mitsirin ka hmu. "Ni e, he in hi chu i in a nia i thu ber aw" mit ka siai zauh a. A nui ve hak.





Chaw eina ka tifela, Thangtein sil a tum a. "I chau ang nang chu lo va ṭhu rawh, Madinin a sil thei alawm nidangah i sil leh zawk dawn nia" ka ti a. Madini ka mitmei zeuh bawk. A hnar tum datin a tho ve mai.


"Nih leh Thangbawih, school han kal chakna deuh te i nei em?" Ka pa'n a ti a, "A, chutianga chakna bik pawh ka nei lo. Ka grade-in a phak na hmunah a ni mai" a ti a. A inthlahrung mah mah a ni. Hmeichhe ze zawi tak a niin ka hre ve a, a inthlahrung hle bawk. Lehkha a thiam thei a, English pawh a thiam fu. 1st Position a ni a. A duh duh naah a lut thei thei lo mai thei bawk. Kha chu ka hre tawh lo le. School ṭhenkhat hian an duh lo ṭhin a. "Govt-ah kan try dawn nia" ka ti a. "A hunte lo thleng phawt se" a ti sap a, Madini thleng sil zo lo chhuak chuan.


"Thangte, khawpuiah te i awm tawh sia i kawr hak ang chi kha chu a ṭhing em mai. I cousin hi designer lar tak a ni ve bawk a, a zahthlak. kawr thar lei rawh aw" a rawn ti zat zat a. Thangtei zak leh inthlahrung hmel chu ka hai lo, "Incheina hmanga tunlaia mi lo judge te chu a ṭhing emai. Thangbawih lungngai suh, naktukah ka lei ṭeuh ang che" ka ti a. Thangtei erawhin chhuat lam a bih ngar thung. "Ka chau deuha ka mu mai ang aw" a tizawi sap a. A ṭah chhuak aw chu hai theih a ni lo. Dang duh loin kan chhoh tir a. Madini chu nidang zawng zawng aiin ka ngei lehzual. Thangtei tana a hrehawm tur zia hi, a inthlahrun tawh sa nen a awm tinuam thei lo tur zawnga kam a lo cheh ve chhen dawn ai chuan insawn daih mahse pawi ka ti lo khawp ang.




Zingah chaw kan ei laiin ka nu'n a chhuah ve a ngaih thu a sawi a. Madini te pawh a nu te in lamah an phei dawn. Ka insiam a. T-shirt dum a hmaa eng painting emaw ni awm ka ha a, jeans nen sneakers ka bun leh tawp a. Kawr chung erawh ken a ngaih ka ring lo. A lum emai. Ka sam chu ka bawk khawm tawp a.


Ka nu rawn lutin sîngkhat (10000) min pe a, "Hei hi a thawmhnaw lei nan chauh hmang r'u a admission tihna vel tur kha chu i pa'n a pe tawh che tiraw?" A ti a. Ka bu nghat. Nizana Madini ṭawngkam kha a lak natpui ve deuh a nih hi.



“I hman tawh maw? Car-in kal ang aw” kan chhuak nghal a. Entrance exam te pek ve phawt a ngai a, Mount Carmel lam kan pan phawt a. Engtin tin emaw kan ti zo ve mai. “Bazar ang thil kan lei ṭeuh dawn nia” department store-ah kan lut a. “I duh duh thlang rawh” nuih var var pahin ka ti a. “A ngai lo asin, ka neih lai pawh a la ṭha lutuk alawm” a ti a. “Kan inah i awm tawh a, i mamawh ang chu kan pe vek tur che alawm mamawh leh duh i neih chuan inthlahrung loin sawi tawp rawh. I U Madini ṭawngkam te kha chu engah mah ngai suh a fiam ve che a nih kha” ka ti ngawt a. Thawmhnaw vel chu kan en kual a, kan lei hnem ngang mai. Kan inkhai bawr ṭun a.



“U ih ka sam hi tan ka duha min tan sak la” a ti a, "Salon-ah kan kal nghal dawn nia. Ka tan thiam reng reng lo" tiin motor-ah kan thil lei vel ka dah lut a. "A to awm e" a ti sep. "A to ve ang chu, ina kan tan ang ngawt khan an tan ve dawn lo a" ka ti a.





A sam chu a hnute thleng lo a dar aia sei hret siin kan tan tir a, chalsam a inhmeh dawn riaua ka hriat vangin a siamsak chhin a. A inhmeh zet mai, a sam a ngil bawk a. Kan haw lai chuan a lawmthu min hrilh mawlh mawlh a, "Lawmthu sawi a ngai hleinem" ka ti ve a. A mitmengah chuan a lawmzia a hriat hliah hliah. A nu te'n hmu se an hlim ve ngawt ang, "Phone i nei em kha(h)?" ka ti thut a.


"Um"
"Eng nge a model khaw maw?" Samsung a hlui ve lam tawh chi a ni a, ka nui sak. "Phone lei nghal ang aw" tiin phone dawrah kan kawi leh duh lo viau mahse nakinah hrehawm a ti dawn tih ka hriat vangin ka leisak tho a. Samsung F23 chu 15,000/- in ka leisak a. Hei hi chu keima hlawh liau liau aṭanga ka lei a ni. A lawm lutuk chu a mittui a tla tawp.





Bathtub-ah chuan ka inchiah vang vang a, ka hahdam sawng sawng mai. Tui thianghlimin ka inthleuh leh a, ka chhuah chuan Thangtei chu chaw ei dawhkan bulah a lo ding reng a. "Eng nge?" Ka tih chuan bathroom lam a kawk zauh ringawt, "Chaw hi no engzah nge ka chhum dawn?" "Chaw chhum chu hmanhmawh duh suh, Madini te lo haw phawt se kan chhum chauh dawn nia" "A lo haw tawh alawm bathroom-ah a awm" a ti a. Ka mitko ka san ak. "Bai i siam thiam em?" Ka tih chuan phur hmel zetin a bu nghat nghat, "A nih chuan bawkbawn hi lo bai rawh chuan chakawk (a spelling hi ka hre chiah lo a a dik zawk min lo hrilh mai r'u aw) ka lo kang (fry) ang" tiin fridge lam chu ka pan a. Chawhmeh siam tur chu ka la chhuak nghal a, bathroom kawngkhar chu rawn inhawngin Madini chu mitmeng phelh phang hian a rawn chhuak a. A rui emaw ni?



"He tah chaw in ei dawn em?" Ka ti a, a irh uk uk. A bu lak lak a. "Um..." tiin an room lam a pan a, a pai leh khat khat ṭhin. “Chaw chu chhum kep rawh no 5 chhum mai rawh" ka ti a ani pawn cooker a la nghal.





Ka u rawn haw chuan min melh ngur a, kan lo be loa ani pawn min be chuang lo. An room lam a pan a. An nu nen an inhau lo turah ngai ang. Bai a siam lai chuan an khaw chanchin te ka zawt a, nuam a tih thu leh a ngaih leh thut ṭhin thu a sawi a. An khaw chanchin sawi chu nuam a ti tih a hmela a phur sawt danah a hriat vek.




Eirawng kan bawl zawh hnuah tv kan en a, fiamthu te thawhin kan nui hak hak reng a. Nuih a duha, mi biangbiak pawh a thiam reuh zia ka hre chiah. Rilru hahna te kan neih hi chuan kan mizia tak tak pawh hi a langchhuak ṭhin lo. Min kap runtu a awm miau vangin rilru nuam deuha awm a har a ni e.





Ka nu te rawn haw hma deuhin ka u te room-ah inhau thawm kan hria a, kan hawi rual zawk. Min melh zauh a, kei erawhin thawm chu ka ngaichang ran. A reh leh deuh vang vang a, thil keh ri kan hre leh a. Kan hriat zawh rual deuh thawin thinrim zetin Madini a rawn chhuak a, kawngkhar a khar ri bur a. A kal pai deuh bawk si ka lo ding zawk a. Ka u chu thinrim mit sen rumin a rawn chhuak ve leh a. "U eng nge awmzia? Ti nge in inhauh?" Ka lo tih chuan min melh ngur a. "I thiam loh vek a nih hi" ti ṭhawtin a chhuak ve nghal a. Ka hrethiam lo tak zet.




Thangtei chu a hmelah mak tihna a lang a, hlau awmin a awm lo hrim hrim. "Lungngai suh an rui deuh mai mai a nih kha an fim hunah an zia ve mai ang" ka ti a. Min chhang lo, ka nu te an rawn haw ve nghal a. Ka u te kha an rawn hmu hman chiah bawk si thil awmzia min zawt nghal vat a, kan hriat bik loh thuin kan chhang.



"Chaw ei ang u ka ril a ṭam" ka ti ta a. Thangtei nen kan siam nghal mawlh mawlh, kan siam zawhah kan ei nghal a. Ka pa'n vawiin kan chhuahna lam chanchin min zawt a. "Entrance exam te chu ka'n pe ve a, ka tlin leh tlin loh a nimai" Thangtein a chhang a. "I tling turah ngai phawt ang, kawr te in lei em?" Ka nu'n a lo ti ve a. "Lei e kan lei hnem lutuk, O Chloe hian phone te min leisak a. Ka sam te kan tan tir a" a ti siam siam a. "I inhmeh zawk daih a nih kha" ka nu chuan a ti leh a. Thangtei a nui var var. Chaw eikhamah chaw eina tihfel ka tum chuan a phal tlat lo a, ka nu'n, "Thangbawih ani'n tifel se nangin i sil anga tiang chuan insem tal ula" a tih paw'n, "Keimahin ka ti vek thei" a ti tlat a ka room-ah ka chho ta ngawt.




A lawmthu sawi ve naah ka ngai mai, swing chair-ah ṭhuin reels vel ka en mai mai a. Team group velah an nawi nasa mai, weekend hi chuam an rak bengchheng ve thei khawp mai. Mahse mihring inpawhna a ni ve a, hetia inkawm te hi a nuam. YouTube-ah story ka ngaithla mai mai a. Story ziak ṭhinah chuan Toni Da Ralte leh Maengi Ralte hi ka hriat deuh chu an nimai a, an story hi Rca Chhangte Rûn hian a chhiar nasa bawk a.



An story te hian belhchian a dawlin a real thei khawp mai. Ka lo feel ve veng veng chang hi chuan ka hnuk te hi a lo ulh ve ṭun ṭhin. *Sulhnu rûnthlak* tih Toni Da Ralte ziah ka ngaithla a. Changtunu ka khawngaih lutuk hi ka rilru a lo na. Maimichhinga ngawi renga ka ṭhut laiin kawngka an rawn kik a. Lo lut tur a ka tih hnuah Thangtei a lo lut a.



"U ka phone hi min lo hrilhfiah teh ka khawih thiam tawh lo" nervous deuha nui chungin a rawn ti a. "Lo ṭhu la" tiin couch sofa chu ka kawk zauh a. A ṭhu ve mai. A hriatthiam loh lai vel kan inhrilh a, "Monday-ah i result a chhuah dawn kha i hria tiraw?" Ka ti a, "Hria e" tiin a tho a. "Muttui aw ka lawm lutuk e" tiin min kuah vang vang a. Keipawn lo kuah let vein kan inmangṭha a. Keipawh mu turin ka insiam zui a.






Ka chau ve deuh bawk nen ka muhil vat. A tuk zingah dar 6-ah ka tho a. Inhnuaia ka chhuk chuan Thangtei a lo tho tawh, thingpui a lo in a. "U thingpui ka lo in ve tawp ka ril a ṭam lutuk a" a ti a. "Aw, in tawp rawh i in alawm nthlahrun a ngai lo." Ka ti a. A nui sen sen, kum 14 tur a ni. "Thingpui ka lo siam ve ang che" tiin min thlit sak nghal a. "Vawiin chu kan kohhranah hming i ziak lut ve nghal ang chu tiraw?" Ka ti a, a bu nghat. "In khuaah khan eng kohhranah nge in lawi?" Ka ti a zawhna hi ka ngah reuh mang e.

"Presbyterian-ah"
"A nih chu, mahse hetah chuan UPC-ah kan lawia i lawi duh lo em? Pres-ah tho i awm duh paw'n a pawi miah lo a nia" ka ti a. "Aih, pawi hleinem kan Pathian biak a inang vek tho alawm Van a Pathian vek alawm kan biak" a ti a. Ka bu nghat nghat.

Hei hi ka ngaihdan chiah a ni, UPC an nih avanga hmusit zawng a ṭawngkhum te hi a ṭhing. Thangtei sawi ang deuh khan PATHIAN pakhat vek kan bia a inhnial reng te hi a ho lutuk. Mipa hi an dak thei hlerh hlerh khawp mai hetiang lamah hi chuan. Sawi thui lo mai ang he lam chu.






To be cont...



A la tawi em? Ka ziah sa chapter hnih kha chapter khatah ka rawn khung vek a nia aw. 🥲


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)