NUTHLAWI HMELTHA BY Tluangi Sagy Pachuau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: NUTHLAWI HMELTHA BY Tluangi Sagy Pachuau (Completed)

Unread post by Ngaia » July 3rd, 2022, 1:48 pm

♡Nuthlawi Hmeltha♡

CHAPTER 13

By Tluangi Sagy Pachuau.


MIRIAMI POV*

A sawi ang ngeiin Sunday a inkhawm bang chu a lo kal a..... An inah a haw hmasa lo amawni le.... A rawn chhelo lut khawp mai.... Coat suit navyblue a ha a....a chhelo takzet ani....



"Min en reng lo la" Ka hawi sawn nghal vat.... A nui sup ri chu ka hre reng....



Ka bulah chuan a lo thu thla a "i duh chuan min en leh tho la" A rawn tih chuan a mal ah ka lo chum chawrh.... "Ramdinsang nghal viau thin suh... I nghal sawt dan hi i hria em?" Ka tih chuan "Hmangaihna thil lo tih theih ziaaa hi" Ti deuh hluai in ka hnung atang chuan min rawn kuah a




Mak ti deuh chuan min kuah na chu phelh in a lam chu hawi in ka in her a... "Eng nge i sawi zo chiah kha?" Ka tih chuan....ngaihtuah lem lo hian "Hmangaihna thil lo tih theih ziaa hi ka ti" A tih chuan a hrechhuak ve leh chiah... Min rawn en ngur ngur in "ka hmangaih che a nih chu" A tih chuan ka lo nui hawk...




"I thutak lo emmai aw" Ka lo tih chuan a hmel a thu tak tawh mai sii... "Ka pian a hnu lamah ka thutak laii ber" Tiin min rawn fawp zawm nghal zat....



Rei ngial min fawh hnu chuan min thlah in "Ka hmangaih che alawm Miriam" A ti a.... A thuk ruih hian ka hria... Mak tak mai in ka ring nghal thlap bawk....




"Khawnge naupang te" A tih chuan Uvala te nupa in inkhawm tur a an hruai thu leh lo len pah a lo dah leh an tum thu ka hrilh a..... A lo bu nghut nghut.... "Vala te pawh hi fa nei vat rawh se... Kan fate hi min chuhsak fo ka hlau tlat" A tih chuan ka lo nuih hak a..... A ni lah a lo thutak ropui....




Ka tan hian a va han hlu tak em.... Miin nuthlawi mai mai.... Sawn pai.... A hawmherh vang a a bialpa pawh in a a kalsan..... A over deuh phei chuan call girl min tih thin hian hmangaih tu ka tawn leh hi ka in ring tawh lo.... Ka hmeichhiat pui ngei te hnen atang in chirhthehna ka dawng a... Mahni inrintawkna ka hloh vek a nih kha.... Ka chhungten hmangaihna nen min tuamhlawm lo se chu ka tluchhe tawh ngei ang.... Hmangaihtu leh hmangaih ka tawn leh ka in ring tawhlo kha a nia....



Ka beisei loh lamah hmangaihtu ka tawng leh si chu a nih hi... Pathian hnen a lawmthu sawi mawlh mawlh reng tur ka ni... Pathian that zia hi nitin mai hian a hre duh tu tan chuan hriat belh tur a lo awm zel zawng a ni hi...



"Eng nge i ngaihtuah vung vung thin le?" Ka harh zawk... Ka ngaihtuahna ka lo kawm tui deuh a ni..."ka lawm" Ka ti ringawt chu lo hrethiam leh pek lo "engah" Lo ti hee haw



"Min hmangaih avang te... Ka kiang a i awm avang te....min zahpui miahlo a min pawm vang te in" Ka ti deuh duah a...



"A ti leh dawn ta.... Zahpui na chhan tur che a awmlo ka chhuang lutuk zawk che asin.... I duh chuan nau i pai tih i hriat khan i ti tla thei reng... Mahse chutiang chu thlang lo in.... Tlawm leh zah,, mi sawi dan pawh ngai pawimawh lo in pai toang i thlang a... Ka chhuang lutuk che" A tih chuan hnukulh teuh chung in ka kuah nghal chawt....



"Ka lawm lutuk" Ka tap ta ringawt... Mahse ka lawm emm a ni... "Heii amak... Tap suhh... Miin ka vel che emaw an ti ange" A tih chuan "mi an awmlo" Ka lo ti nghal vat....



A hnu ah chuan ei tur te siam in kitchen lamah a awm a.... Kawnkhar rawn ri rak ah chuan ka hawi chhuak a.... Ka fate pahnih chu "mommyyy" Tih pah a rawn tlan lut in min kuah nghal chung chung a.... Uvala rawn lut ve chuan "het het het... Mommy kha a damloh khaaa" A rawn ti lut nang nang a...



A hnar len vut vut in "ehee tunge midang awm a... A va rimtui ve" Ti a kitchen lam pan a tum chu Ramdinsanga rawn chhuak chiah nen an in melh ta vang mai.... "Eheee Valsenior Dinluliana" A ti hluai a... An nu chu a lo nui hak....




"Lalrinhlua ang mai i in ti pa leh lutuk... In nu pawn awp kei tur a la pai loh saw... Bakah kei chu pa ka ni tawh fapa pahnih ka nei khawimaw awmsawn teh" Tih pah in a rawn kal pel a.... "Ehee heee.... Ramdinsang i va tawngthei ve a...Khatiang khan i nu hi min tawngkhum ngam anga maw" A tih chuan ka lo nui hak....



Pakhat lah chuan "ka tihpalh ka nu" A lo ti ve mai bawk si..... "Hrim hrim ah i va tawng thei ve... Bawrsaibe i ei ami... A va nal per per ve.... " A tih leh chuan
"Ka tihpalh ka nu" A lo ti awlsam leh then si....



"Khawi eng nge ka ei ve duh" Tiin kanbulah chuan a rawn thu thla a.... "I ei ve tur ka siam lo i duh leh in nu siam tir mai rawh" Tih pah in a kut a lo ben sak chawrh.... Uvala chuan a kut chu tuai vut vut pah hian "nangni pahnih hi in awmdan hi ka hrethiamlo amaw ti su aww... Ka hrethiam vek.... In incarawlai bik lutuk" A tih chuan Ramdunsangan a lei a lo chhuah khum.... An va han naupang chhiaaaa. Tak.... Usangpuii nen chuan in en in kan nui tawp...



"A ho lutuk kha ei ve rawh se" Ka tih chuan Ramdinsangan phal tlatlo... "Siam vei mai rawh se" A ti tlat a... Eng nge maw a hriat ni.... A naupang chhiat em em mai le....



A tawp ah chuan an va in siam ve tak hram kha..... Buaithlak hlawm hian aaa....



Ka fate chu kan sira sofa ah chuan an pahnih in an thu mu a... TV an en pah mai mai bawk...


Uvala te an haw hnu chuan "mommy ka mut a chhuak e min zai sak la" An rawn ti a.... "Pa ramdina hi zai tir ula" Tiin ka lo chhang a.... Ramdinsanga chu beisei nei deuh in an en nghal karrr bawk.... "Pa ramdinnn" Tiin an han in la cute kual vel a.... "Aw aw lo kal ru... In la cute lo mah ula ka zai sak dawn reng che u" A ti a... A lam chu an pan nghal vat... Keipawh chuan a zai ngaithlak tum chuan ka mut dan chu ka lo in siam rem ve zat



Nau awih hla a sak chuan ka hriat chian em em a nih vang in ka lo zawm ve a...mak tih hmel em em a min en hian "engtin nge i thiam ve a?" A ti a... Mak a tih hmel bawk sia mak ka lo ti ve vek...




"Kha ka sawi kha i la hria em ka nautet deuh lai in ka nu thiannu in min awm thin ka tih kha... Khami khan min awih nan a hmang thin alawm" Tiin ka lo chhang a...



"Chu nu chu a hmel i la hria em?" A tih chuan ka lo bu nghut nghut.... "Thla pawh kan la dun alawm a print in ka nei lehnghal" Ka tih chuan.... "Lo la vat teh ka lo en" A ti a.... Min ti hamhaih dawn alawm le... Nge maw a phawklek vak le....




"A vawt sia ka tho peihlo asin le" Ti niah niah a thawh ka tum chu.... "Leh lawk heihi lo en zawk teh" A tih chuan a lam chu ka va hawi leh a.... Phone a nu pakhat thlalak hi min en tir a... "Aww heihi alawm.... A bo daih a.... Engtin nge a thlalak i neih theih a" Ka tih chuan.... Mit meng de sawr sawr a min en hian "ka nu alawm keima nu" Tiin min kuah chul mai...




"Ehee ka tet lai a min awm thin tu kha i nu maww? " Ka tih chuan bu nghauh nghauh chung hian "a lo ni dawn a nih kha" Tiin min kuah tha leh.... "Nu heihi emni khuanu ruat i tih fo kha"((jason an a mumang a a nu in khuanu ruat ti a a lo hrilh tawh kha aw in lo hriat tawhloh tak in😂😂))Tiin a phun chhuak sep.... Eng nge a sawi tum pawh ka hre ve lo e a.....



Min kuah na a phelh chuan ka mit ah tak min en in " Heihi khuanu ruat a nih hi innei ang aw" A tih chuan a darah ka lo beng thlawrhhh...



"Ramdinsang inneih na hi thil mai mai a nilo.... Kan la inzui ve phawt ang chu" Ka lo tih sak a....



"Engtik hunah pawh ni se... Ka nupui i ni dawn tho tho" A dar tuai vut vut chung in a ti a.... Lehlam zawng chuan ka lawm a ni... Heti tak a min duh ve mai hi....

_________________

Thla thum(3) chhung kan inzui ve ta.... Ka lak ah hian engemaw zep a nei tih ka hria.... Ka u te nen an nih avang in ngaihthatlohna ka nei lem lo a... Rinhlelhna ka nei heklo....



Ka fate nen min duat em em a sarurday tin min len chhuah pui loh leh kan in ah emaw an inah dinner kan ei thin....



A pi leh pu te min hmelhriat tir lai a ka laih a ka zah ziaaa kha....



A pi in "heihi emni i sawi fo thin nuthlawi hmeltha i tih chuu" Tiin kei min fiam tel pah in a zawt a... A ni lah ta pek chuan.... "Aw hman ah pawh ka hrilh che kha... Nuthlawi... Ka nuthlawi hmeltha." Tiin nui vur vur chung in min rawn kuah a.... A kawngah ka lo sih sak a... A na tiin a la au tuarhh zui.... A pi te lah kha an lo nui hawk hawk a... Mahse tunah chuan ngai ah ka nei tawh... A pi leh pu te an fel a fiamthu an duh mai bakah an in hmangaih bawk.....



Ka nu bulah Ramdinsanga hi a thiannu fapa kha a ni tih kan hrilh a mahse a mah chu a thi tawh tih kan hrilh khan a lungchhe lutuk a engmah a sawi theilo a nih kha... Kan in ngaizawng tih kan hrilh leh lek phei kha chuann...
"Ka thiannu khan ka fanu hi ka hmangaih ang chiah in a hmangaih a.... A ai awh turin a fapa a lo tir a ni" Tiin Ramdinsanga kuah khan a tap ngai ngai a nih kha.....



A thiannu fapa a ni tih a hriat hma khan lo nel tho mahse a thiannu fapa a ni tih a hriat hnu chuan fapa ang tak tak in a en a.... Kei ai pawn a kawm ngun zawk... Ka thik tep.... Mahse kei chuan kha leh chen ka nu hmangaihna ka lo dawng tawh a.... Ka hmangaih ni bawk Ramdinsanga hian a dawn theih tak loh a nu hmangaihna kha ka nu atang in dawng se ka duh pui hliah hliah a ni.....



Inrinni a lo nih chuan a ngai te bawk in kan nufa leh amah chu kan leng chhuak a khawi khawi ah emaw kal in kan in ti hlim vel a....



Thingkung hnuai a kan thut lai chuan phone call a dawng a a caller id ka va en sak ve chuan "Sawmi" Hi a lo in ti a... Asawmi a nilo tih ka chiang.... A nih chuan kha kan Sawmphakari kha emawni dawn... Ka sa nghal zak a.... A biak dawn a a kalsan te hlei hlei chuan ka thin an ti rim zual... Mahse engmah hrelo ang in ka awm ta zawk a.....



A chhan chu kar kal ta khan Asawmi te school (sawmphakari nen hian cousin an ni kan tih tawh kha aw.... Asawmi a awm tawh loh avang in kan sawmphakari hian a lo enkawl ve khanglang a nih chu) Ramdinsanga te school hian join a thil an tih dawn avang in an inbe ve mai mai ah ngaih sak hram ka duh a ni.....



A rawn let leh chuan pangngai thei ang ber a lan ka tum a... Mahse ka pangngai thei der lo.... Haw ka rawt ta a....



Car ah chuan kan thu ta vang a... Hnung lam seat ah ka fate an thu a an zai ve al al reuh a....



Ice cream zuar kan tlan pelh dawn lai chuan jojoa te unau in an ngen leh tlat pek a.... Lei sak turin ka chhuk a... Kan dinna hi a laili em avang in traffic kan tihbuai kan hlau si a a rem lai ah chuan a lo va ding a....



Ka lei zawh hnu a ka va let leh chu a seat hma a lo thu ka hmuh avang chuan thinrim em em in ka melh.... Ramdinsanga chuan "hei le a chuang tur diktak a lo thleng ta a i chhuk thei ang" A lo ti a.... Kan Sawmsual zaktheilo i chuan "Miriam a hnungah khan thu ve mai la tun chauh te chu i fate bulah khann he lai seat hi i ta bik a ni hleinem" A ti deuh kher a....



Ramdinsanga lo tawng leh tum chu pawt chat in "awle... Ka fate bulah hian kan thu ange" Ka ti a... Ramdinsanga hmel ah chuan inthiamlo hmel ka hmu..... Ka awi bawk lo e a... Nichin ah pawh khan an inbia alawm le... Lo chuang rawh a ti a ni ngei ang chu...


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:48 pm

♡Nuthlawi Hmeltha♡

CHAPTER 14

BY Tluangi Sagy Pachuau



Kan tlan chhung zawng chuan ka tawng duh miahlo a... A front galss atang chuan Ramdinsanga min melh leh zawk na thin pawh chu ka mit sir in ka hmu reng.




A ngaih a tha tawh vaklo tih ka hria.... Sawmphakarin a biak na pawh chu a rul tawk bak in a chhang ngailo.... "Jojo in ril a tam leh tawh emm" Tih pah in hnung lam rawn hawi pah in a ti a... Naulang ho a bia e ti lo ah chuan keimah hlir min en leh ta nghal a....



Melh rawm rawm chung in "i motor khalh ngaihtuah rawh" Ka lo ti hmuk.... Ka tawng ve ta chu a lawm nge ni ka thinrim tih pawh ngaihtuah chang leklo in zu han nui a....



Sawmphakarin "Ramdin tinge i nuih a" Ti a a lo zawh chuan.... "Cute deuh mawle" Tih zawng in a lo chhang.... Kei in hnung lam atang in ka lo hmm vak....




A hrethiam deuh nge ni rawn hawi chho in min melh no lo teh asin aww



Sawmphakari te in ai a kan in a hnaih zawk miau avang in kan chhuk hmasak a ngai a... Theih chang se chhuk lo a chuan tlang daih a nia ka duh ni... Mahse tleirawl inngaizawng ang mai a thikthu pek chhiat lutuk kha ka duh silo...




Kan chhukthlak hnu chuan an thutna zawnah chuan va kal in Ramdinsanga chu ka melh kar a... Ka mitmeng hmang in ka warning a ni ber... Hrethiam tak ang maw...




"Lo mangmang lo la ka lo let leh ang" Mit siai zeuh chung a Ramdinsangan a tih chuan ka lai ru angreng viau a... Mahse tih lan loh hram ka tum...



In chhung kan luh chuan naupang te chuan kan thil lei te chu dawhkan ah an dah a.... Vawiin chu bazaar na ah kan hruai ve a an chawhmeh duh an thlang zat zat mai a ni..... Sa te hi an duh zawng a in anglo sia.... Jojoan vawksa a ei duh ber a... Jejean sangha.. Mahse a thian thiam leh chuang miahlo




Ramdinsanga chu a rawn let har reuh phian a..... A rawn let hma in eirawng kan bawl zo vek hman alawm le...




A rawn let leh chuan khi tha hian a rawn lut a... Nuih pawh ka lo nuih let peihlo... A ni pawn ka thinrim tih a hrethiam a ni ngei ang hmel thutak deuh zawk hian ka bulah a lo thu a....




Naupang ho chu inchung atang a rawn tlan thla in.... "Pa ramdin i va lo let har ve" Tiin a bulah chuan an lo thu a.... An nel ta lutuk te hi a mak... Mahse a awm ve tho lawm... Nitin inhmu na na na..... An nu bialpa lehnghal.... Ngainat loh ngaihna awmloo




"Nia" Tiin a lo nuih tawi tak ringawt.... Jojoan "pa ramdin nuclear i hlau em?" Tiin a zawt a... Ramdinsangan "hlau ve e a" Tiin a lo chhang thuai....




Jejea zawkin "chaw ei khamah emaw chaw ei hma hian nuclear a puak dawn" A lo ti a... Ka nuih a za ka insum hram hram...



Ramdinsanga chuan min rawn en in... "Nuclear hmeltha chi ami" Tiin a nui suk a.... "Ramdinsang uang reng suh lera" Tiin ka lo vin




"Awww hmeltha an thinrim ngailo hmeltha an thinrim ngailo... Jeje nuclear chu a puak dawn chiah inchung ah chho daih ru" A ti a inchungah an tlan chho nghal daih.... A thu te hi an va han awi tak....




"Ramdinsangg"

"Aw ka hria ka uang dawnlo"

"Sawi la"


Hmel pha dai hian "engmaw" A lo ti duh lek chauh...



"I rei em kha.... Lera.... Sawmphakari kha i duh a nih kha... Ka hre vek kan lenna ah pawh ka hriat loh turin i bia a.... Carah pawh khan lo chuang turin i ti.... Ramdinsang.... Engvang in nge tiang tur si min ngaihzawn" Tiin ka tap titih derr.... Eng nge ka tah ringawt nachhan pawh ka hre lo e a... Min kawp ni tlat a ka rinna ka neih vang niin ka hria...




"Hey hey tap suh..... Ka duhlo.... Nangmah chiah ka duh che... Nangmah jojoa leh jejea nu Miriam Laldinsangi hi ka duh ber che tap suh.... Nutling kan ni lawm ni" A tih chuan ka tah nuih hak....



"I ni ve lo" Ka lo ti tiau...



"Aw awle.. Tap lo la" Tiin ka mittui chu a hru hul a.... "Tap tawh miah suh... I tah te i lungngaih te hian awm ngaihna ka hrelo a nia" A tih chuan ka en kar



"Ramdinsang"

"Imm"

"Ka hmangaih che"

"Awle"

"Maw maw engtin maw.. Min hmangaih maw... Han sawi nawn leh teh"

"Ka hmangaih che"

"Kha thu hre tur a ka nghah rei zia kha i hria em thla 3....thla 3 ka nghak a nia.... Tunah chuan ka hre ta ka lawm e ka lawm lutuk" Tiin min rawn fawp nghal vang vang...



Hetiang khawp hian a lawm dawn tih hria ila chu lo hrilh daih tawh tur kha ka ni asin mawle.... Ka hmangaihna chu a rei tawh... Hlauhthawnna ka la neih tlat avang khan ka sawi duhlo kha a nia....




Mahse vawiin a Sawmin a hope lutuk hmel ka hmuh khan ka thik a.... Ka chân mai ang tih ka hlau a ni.....



Min fawhna a thlah hnu chuan "tikhan kan tha em?" A ti a



Ka lu lo thing nar nar in "aih tinge i rei em em?" Ka lo ti vat....



"I thinrim leh ang" A tih avang chuan a sawi hma hma in ka thinrim nghal in ka hria..... "Sawi la" Awka nem thei ang ber chuan ka lo ti a... "I thinrim leh lo ang tih min tiam phawt rawh" A ti leh... "Aw aw aw" Ka lo ti vat....



"Thlaleh khian Lunglei ah kan zin a ngai dawn a.... School din thar chungchang ah" Ka ngawi reng.... Lawk kan a ti... Amah chauh a ni dawnlo tih na... "Tu nen" Ka tih chuan sawi hreh hmel a pu..... "Tu nen thuai vat" Ka lo tih chuan "Sawmi" A ti zawi sap....




Engmah sawi lo chuan tho thurh in kitchen lam ka pan nghal daih min rawn zui ve nghal in... "Miriam i thinrim lo tiraw? " A tih chuan a zawhna chhanglo chuan a lam ah inher in nui sen sen in "ka ril a tam chaw ei ang" Ka lo tih sak a..




"Ngatinge tikhan i awm a ka hlau che nia" A tih chuan "eng nge ka thinrim i duh bawk silo... Thinrim loh leh ka hlau che i ti bawk si... I duh khirh lutuk" Tiin ka lo vin leh.... "Awle" Tiin naupang ho ko turin a kal nghal daih




Chaw ei lai chuan Jejean.... "Pa ramdin nuclear chu a puak na em?" Tiin a lo zawt a.... Ramdina chuan nui huah huah chung hian "aw puak na e pangpar a leng chuai chuai" A lo tih sak a....




An ni naupang ta nafam chu "ni maw tiang te chu tinge roomah min chhoh tir pangpar leng chuai chuai ka hmu ve duh asin" A lo ti a... A u jojoan a lu ah fian a khawng chawrh in "i mawl" A lo ti ringawt



Jejean mittui parawl kuang a min lo en hian "mommyyy ka mawl ami" A ti tiauu a... Ka lo thlem vat... "Aih aih aih... Jejea hi a mawl reng reng lo au tinge mawl i tih jejea a fing ber" Ka tih chuan jojoan a hmui a lo ti pawrh tarh ringawt.... Jojoa hi chu a in la cool riau a... A in ti tawng tlem si a.... Buaithlak... Kan be tawng zo lo lek lek thin a ni....




"Thla leh maw i zin dawn? " Ka tih chuan aw tih nan a lo bu nghauh nghauh.....



"Awle i lo haw hunah thil ka zawt ang che" Ka tih chuan meng nur nang chung hian "a la rei dawn eee... Thla leh ah kan zin dawn a kan lo haw hun tur pawh kan rel zawh hma dan a zirin a nia" A tih zat zat lai chu ka lo melh reng a hmuh chuan "awle" A ti ve leh mai bawk...




Ka lak a a zep... Ka u te nen a an tih ho fo thin hi hriat ka chak a ni... Mahse tun tut tut a zawh chu ka duhlo....min hrilh loh chhan tha tak a neih ka ring a ni....




Monday a lo nih chuan school kal tur in kan nufa za in min rawn hruai a jojoa te unau an school ah kan thlah leh phawt.... Vawiin hian an sport ve khanglang dawn a an phur ngang mai.... Mahse jojoa ve chu phur ang pawn a awm duhlo... A inkuangkuah a a tum hmuk reng mai a ni....




Keimah ni school lam ve kan pan lai chuan Ramdinsangan "jojoa chu a inti tlangval tawh hle mai" Tiin a nui kur kur a... Keipawh ka lo nui ve tho....




Kan thlen chuan ka thawh pui ten min lo be sap sap a... Uniky tih loh chu upa lam vek hnathawk an nia.... Ramdinsanga nen kan inngaizawng tih an hre vek a.... Kum upa rilru tha nafam chuan min lawmpui zawk hlawm khawp mai.....




Ramdinsanga chu class a lak ve ngai loh avang in eng eng emaw tiin a lo awm ve thin.... Ka class la lai te hi tukverh atang a min lo melh laih phet hi a tum thin....


_____________________________


Naktuk hi Ramdina Lunglei kal hun tur a ni tawh a.... School atang a kan haw pawh chu ka tawng tha peihlo... A ni pawn a hrethiam aniang min be vaklo.....




Kan thlen chuan Ulawma a lo awm a.... Ka fate a lo dah a ni awm eee..... "Nangni pahnih hi tih huk lam a awm dawn em.... Kan in lamah in rawn in rim silo ahh.... Engmah kan hriat pui tawh silo che u a" Tiin min fiam ve deuh ngei...




Ramdinan "ti huk tep... I nau hi a inpeih hunah a ni mai" A ti a... Nui vur vur chung in Ulawman "palai chu kan inah tho aw" Tih pah in a chhuak a... "Uniky- i chu aw" Ka lo ti lang lang...




"I thiannu kha maw tinge a" Ka thian an a lo tih chuan nui kur kur chung in "Uniky-in ka u kha a star a ka u in a naulang emmai a ti ve khanglang a" Ka tih chuan....





"Kum engzat in nge an kn tlhauh a? " A lo ti leh "kum 5 bak a nilo.... A lai kual vel chhuanlam tur hrelo a nih kha" Ka tih chuan min kuah chung hian.... "Dik chiah keini phei chu.. Nang aiin kum 8 in ka upa a nia" A lo ti a... "Mahse i naupangchhia zawk" Ka lo ti vat... A nui huah huah.....




Jejea ten an classmate birthday a nia an tia kal ve an duh vang in kan kal pui a... Ramdinan ka kal ve duh a tih tlat vang in a lo kal ve a... Over tak tak a ni... "Mî pa an awm ang" zu han ti tlat a.....




Kan thlen chuan naupang birthday e tilo chuan puitling party ang mai an ni... Hla an play a naupang te chu a pair in an lam ve ngei a... Jojoa pawh hmeichhe naupang pakhat hian lo kai in an lam dun a... Jejean "mommu au bialnu a nih saw" Ti a min hrilhruk ser ser chuan ka nuih a za viau... Hei vang hi a nih hi a lo in lak cool thin em em...




Ramdina ka hrilh ve chuan a ni pawh a nuih a lo za ngangg mai.... "A zaklo reuh eee... Cute bawk si" Tiin an lam chu a en a.....



Jejea pawh chu lam pui ah an lo sawm ve a... A lo hnial zel Ramdinan "tinge lam ve ta che?" A tih chuan jejea chuan thaw hak chung hian... "Mommy nula an awm thlawttt lo ami" A rawn ti a Ramdina nen kan in en nghal zak.... "Nula in an lo sawm che pawn i duhloh kha" Ramdinan a rih sak chuan




"Niloo nula mommy ang tiat hi" A tih chuan ka meng phar awk awk a ni berr.... Ka fa te hi tunge lo hruai ler a..... Lawmkima ti dawn ila a nula mi lo ve ropui si.... Uvala a ni chiangg lutuk... Ramdina ka en a ka sawi tur hria ang mai hian "Vala" A lo ti nghal vat.....




Dar 9:00pm vel ah kan haw a... Ruah a sur buan buan a.... Nauoang ten light on en an duh vang kan on a.... Ramdina chu a buai leh ang tih hlau in ka va en a... A thlan fim a lo chhuak leh tual tual tawh.... Ka han hruk sak lai chuan ka kut chu lo man bet in nghet tak in a vuan bet a.... In kan thlen thleng in a thlah lo.... Vanneih thlak takin a buai lo hlauh....




A sur nasat em vang in a haw kawngah a buai ang tih ka hlau a riak ve mak turin ka ti a... A ni pawn a hnial biklo....




Naupang te kan tih mut hnu ah keini pawh kan mu ve nghal a.... Sofa ah mut a tum uk nangin ka bulah mu turin ka sawm a... A hnial loh zawng tak a ni....




Ruah sur a vawt bawk si nen in kuah rial in kan mu dun a.... Min fawp a... Min fawp a... Min fawp nawn leh thin...



A duhthawh tial tial a... Insuntheihna a tlachham tawh hle tih ka hre thei keipawh chutiang bawk in.....



Nuthlawi ka ni a virgin ka ni tawhlo.... Ngaih a sam a... Thianghlim tak a inngaihzawn pui ka tum... Mahse zanin hian a duh hi pek loh ka hlau a ni....


(A thleng tur a thleng taaa ti mai ang😂ka ziak thiamlo ka zak😆)



A tuk zing ah chuan ruah sur lo ang hmak in ni a chhuak a khua a la thiang em em zui.... Ramdina chu a haw ta a... Chaw ei khamah a chhuak dawn a... Kal hma in ka lo tlawh leh ang che a ti a ni...


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:49 pm

♡Nuthlawi Hmeltha♡


CHAPTER 15 (LAST CHAPTER)


BY Tluangi Sagy Pachuau...



Chaw kan ei lai in Ramdinsanga chu a lo lut a.... Nizan thil thleng vang khan ka lo hmu zak ve em em ringawt.... "Chaw ei lai a biang tai nu" A rawn tih chuan ka lo melh let leh ram ram....





Kan ei zawh hma zawng a lo thu a.... Ka ei kham chuan a bul a thu tur a min tih vang in ka thu ve nghal mai bawk... "Tinge chhuah hma in va tum awm ve" Ka tih chuan "tum em em chuanglo... In school kal thlah leh phawt che u ka duh alawm" A tih chuan ka lo nui vur vur....





Jejea aw in "mommyy min siam rawhh" A rawn tih chuan Ramdinan "chu jojo-an a ko che" Melh deuh hrak chung hian "Jeje-a alawm" Ka tih chuan "Aa.. Ka hre hrang thei thlawt lo an aw hi"nui hui chung hian a ti thaww




A mak ka ti Ramdinsanga hi.... Miin a mizia an sawiin a tawngmawh an ti a.... Ka bulah chutiang chuan a awm leh chuang miah silo... Kan in hriat tirh atang in a nghal em em vek.... Uniky phei kha chuan a nel awm loh a ti kha a nia....




"Ka va siam lawk ang aw" Ka tih chuan "ka lo kal ve duh... Ka siam thiam ve an ngai lawm ka fate tur an nia" A tih chuan "i over" Ka lo ti vat..a lo nui huah huah thung....a nui hmel te hi a tha ka ti....Lehlam ah chuan a lawmawm angreng zawk....nupui a min neih a tum tlat hi ka tan chuan lawmna nasa tak a ni. . .




Kan siam zawh hnu chuan inhnuai ah an tlan thla nghal a... Keipawh insiam turin ka room lam ah ka phei nghal... Ramdinsangan min la zui zel zui....




"Ramdinsang ka in thlak ve dawn alawm lo va chhuak rawh" Ka tih chuan "in thlak rawh" Lo ti sam ettt ka ngei lek lek zawk a nii... "I awm ve kur aaa lo va chhuak laa" Ka tih pawh chuan "a ho mai mai" A ti tlat si....




Kawng dawm meuh a ka melh tak reng ah chuan "eng nge eng nge nizanah pawh ka hmu vek" A tih chuan "Ramdinsang" Ka lo ti thawt.... Ka biang a sa leh nghal hat hat.... Nge maw a sawi chhuah kher le mi mah zah tawh nen....




"Insiam rawh ka lo en lo ang che" Tih pah in tukverh lam chu a hawi vei tharh a.... En zuk zuk chung chuan ka in thlak a.... Ka in ha zo ka va en leh chuan min lo en kur chu ni in "Ramdinsang ka en lo ang che i tih kha" Ka ti leh tuarh tuarh....




"Amak vak vak... Ka hmu pawilo" Tih pah in ka lam ah a rawn kal hnai a.... Ka sam chhawl lêng chu ka beng a zeh that mawlh mawlh pah hian..... "Ka ngai dawn che ee... Nikhat pawh i hmel hmulo in ka awm ngai silo a nitin ka lo video call ang aw" A tih chuan ka nui tawp..





"Nui suh mi thutak lai lai a.... Ka cham chin tur a hriat loh kha aw" A tih chuan ka lo nui tawp hmak a lungngaihna keimah ah a rawn awm leh nghal.... A kal pui tur ka ngaihtuah hian ngaihthatlohna ka nei a nghal a.... En chho kiau chung hian "kal lo mai la... I ai tuemaw tir mai la" Tih chu ka chak mahse mahni hmasial mai ka ni dawn bawk si....




A kawngah chuan ka kuah a.... Kumkhua atan a min kalsan tur ni mai hian ka hria.... Kal lo se ka duh ngawih ngawih....




Ka kuahna ka kut chu min phelh thlak sak in min nam hla hlek a.... Chiang fahran a min en hian "min ngai ve angem? " Ril tak thuk ruih hian a ti a.... A mit meng tak ngul rum lam mah ah chuan min thlakhlelh na ka hmu thei...




"Imm tehreng" Ka tih zawh rual chiah in min fawp nghal buan buan... A duhthawh takzet..min fawhna chu thlah in ka nghawng ah a insawn thla a..... A kut pawh a hlei leh tawh hle... Ka taksa ah chuan a vah kual tir ruai a... Chutah ka kawr a zen lut tur chiah chu lo man bet in "a tlai tawh" Ka lo ti tham tiakk..




A ni pawh chu a tawp ve mai.. Mahse a insum hle tih ka hre thei....




A thaw lak te a pangngai hnu chuan inhnuai ah kan inzui thla nghal a jejean min lo hmuh chuan "ehee mommy chu phungpuinu i va ang vee" Min lo ti a... Jojoa pawh chuan a lu a lo thing ve mat mat... Hrilhhai deuh a Ramdinsanga ka va en chuan a lo nui tiah tiah.... Eng nge maw an hriat hlawm ni....




"Eng nge a?" Ka tih chuan la nui reng chung si hian ka lu chu a kawk a... A nui leh tiah tiah... "Eng nge ka lu chu" Tih pah a ka han khawih chu a lo bur chhup chu ni in room ah ka tlan chho leh nghal vat.... Ramdinsanga reng reng pawh kan chhukthlak hma khan a hmu reng awm si a.... Mi pawh hrilh ve mai tur a nia....




Ka sam ka khuih that hnu chuan school lam pan in kan tlan ta nghal a.... Naupang te chuan an pa Ramdina kal bo tur chu an huphurh ve ngnangg mai... Weekend a len chhuah pui tu tur an nei tawh dawn bawk silo a..




"Nute Asawmin min kal bo san a nangin min kal bo san leh dawn a.... Kan sual ami" Jojoan a tih chuan Ramdinsanga chuan keimah zawk chu min lo melh a... Keipawn mak ka lo ti... Tiang rilru kha an put ka ring miahlo....



Car chu kan ti ding a kan hawi let chuan jojoa chu a lo meng men purr a.... A tah a chhuah hmel takzet.... A nau in a lo hmuh chuan tahpui ve a tum ringawt....




"Bawihte tiang zawng khan ngaih loh tur aw... A lo haw leh vat dawn alawm" Ka tih chuan "nute asawmi pawn a lo haw leh vat tur thu a sawi ziah a.. A lo la haw lo min ning tawh hlawm a nih mommy nangpawh hian min la kalsan ve mai angem?" Tiin tap chung in car chu a hawng a a tlan chhuak daih....




Kum 5 mi lek a ni a... Khatiang rilru pu tur kha chuan ka lo ngailo asin... A nau chu car chhungah chuan a tap ve bai bai bawk.... Ka lo thlem vat a.... Ramdinan jojoa chu a umzui bawk.....




Jejea a tah bang hnu chuan Ramdina te pawh an in thlem bang thei ta aniang an rawn let a.... Ice-cream ei in an rawn in kokichhuan phei a.... Leh lawi si chuan....




An school a an kal hnu chuan kei min thlah ve leh a.... "Jojoa a kha khatiang a a awm kha ka ring miahlo asin" inthiamloh hmel tak in ka lo ti a..... "A pawilo a hma a kan titi kha a lo hria a.... Pa duhloh a ni tih a inhria a... Asawmi a kal bo nen.. Kei ka zin dawn bawk sia... A rilru a na a nih kha" A tih chuan pawi ti tak in ka lu ka lo dawm vawng vawng...




"Naupang awm lai a tawngkam lo fimkhur tur ka ni asin mawle" Tah aw tiau hian ka ti a....




School thlen hma kawi khat la awm ah chuan car chu a ti ding leh a....
"Hey nangmah vang a nilo inthiamlo suh... Engtik ni ah emaw chuan an hriat a la ngai dawn tho alawm" Min kuah pah hian a ti a.... Tah chu ka tumlo.... Kan nufa ho hian kan van tibuai tak....




"Nih engtin nge i thlem a?" Ka tih chuan min nuih vur vur a. . . "Sawi laaa" Ka lo ti vat.... "I daddy ka ni dawn alawm ka ti" A tih chuan ka melh vung vung ringawt.... Ka phu hlawllo a ni he tlangval hiiii....




School a min thlah hnu chuan an chhuah a hun tawh avang in a kal nghal a.... A kal liam ta.... Ka ruak a... Ka kimlo huih in ka hria.... Ngaih a tha lo a... Ka ringlo lam nilo in ngaih thatlohna a awm tlat a ni.... Chan dawn tlat in ka in hria a.... Tuna a tlan liam ta kha... Hmeichhe dang min pan san ni mai in ka hria....




Class te kan han la mawp mawp a... Thil kim lo chu a awm a ni.... Nidang a ka class la min ti buai a min lo chhaih laih tum thin tu kha a awm lo a.... Ka ni hman a famkim theilo...... Lunglei pawh a la thlenglo ang... Mahse ka ngai nghal vawng vawng mai si.....





An awm lai reng a kan hriat loh hi an kal hnu chiah hian kan nunah bu an lo khuar ngheh tawh zia hi kan hre chhuak leh si thin zawng a nih hi....

___________________

School kan bang a... Khai a ka va han mawl tak em.... Ramdinsangan min hruai a... Min thlah leh tu tur an awm lo... Ka va ngaihtuah tawi ve le.... Ka car te kha ken mai awm hi nia... Mahse min thlah kha a tum si.... Ramdinsanga pawh a mawll... Heiham




Uniky-in min thlah a.... Kawng tluan in Ulawma chanchih min zawt.... "Zu a in ve zeuh zeuh" Ka tih pawh in pawilo a ti zel a... "Hmeichhiana ngaihsak lo bem dan pawh a thiamlo ang" Ka tih lah in hma ka la thei a ti tlat bawk si a.... Engpawh ni se Ulawma chu lo sawi pui leh phawtt mai ang..... A duh ve emm a nih hi...




Naupang te Ulawma bawk chuan a hruai leh a... Tlai chaw ei khamah an lo dah dawn a ni awm e...




In kan thlen chuan Uniky chu chaw ei ve turin ka sawm a... A lo duh ve mai
"Thlem sam nu" Ka tih chuan "i u a lo kal dawn vang chauh in aw" A phone phawrh chhuak in a chhungte a be nghal zat....




Ulawma ve meuh duh tu te chu ka lo hnar sak dawn lo hrim hrim.... Ulawma hi a nula mi lo ropui sia.... A ler lo thlawtt hi ni mai.... Thawk khat lai phei kha chuan "hmeichhia ah allergy ka nei.... Nang leh ka nu tih loh chu ka hlau" Zu han ti tlat pek aa... Kan veng nula ho phei kha chuan a tawpah phei chuan ngaihzawn en ah an en tawhlo.... Ka nu leh pa pawh an beidawng tawh




Chaw ei kham chuan Ulawma a lo la thleng thei silo... Uniky a thu reng a kawngka lam chu a hawi leh zuk zuk thin.... "Ka haw mai ang kinah hmuh remchan hun a awm leh mai ang" Ti a a chhuak tur chu kawngka bulah an in tawk chat mai...





An lai dun teh asin aww... An ding reng a... "Ehem" Ka lo tih takah chuan in kal pel in Uniky chuan "ka haw aw miriam muttui" Tiin a tlan in a tlan chhuak daih... Ka lo nui hak hak...




"Eng nge khatia i lo ehem vak... A zak a a tlan daih kha" A tih chuan chik deuh in ka lo en a... "I tan ve deuh amawn le" Ka tih chuan "Laldinsang sawi loh loh sawi suh.... Bawiha te u lut ru le ka haw nghal mai ang" Tiin a ni pawh a tlan haw ve nghal daih....




Ka fa te pahnih chu ka lo be lumlam nghal vat a.... School a nawm leh nawm loh ka zawh chuan a nawm thu a min chhang in an Home work an neih thu an sawi nghal bawk a..... Home work ka tih pui leh chuan a lo tlai ve duai tawh...... Dar 9:00 a lo pel deuh awr a... An mut a chhuah avang in qn mu nghal mai bawk...




"Ramdinsanga hi a van reh em em an
thleng tawh ngei anga eng nge an tih ang le" tih ka ngaihtuah lai chuan chuan a phone call a lo lut nghal zat....





Ka chhan rual rual chuan "ka ngai nghal che" A rawn ti a ka lo nui sup thung.... "Min ngai ve em?"



"Umm ngai lutuk school ah pawh min tibuai tu tur an awm lo a... Ka ni hman a kimlo"ka ngai tih hi zep ka tumlo a theih phei chuan ka hmangaih a ni tih hi lan tir reng ka duh a ni.... A theihnghilh anga min kalsan ang tih ka hlau a ni..... Kalsan leh nih ka hlau a ni....




" An hma lak dan a lo fuhlo lutuk a a sakna tur a an hmanraw hman lah hi a chhe chi hlirrr a lo nia.... A lo buaipui tu tur a kan tih a sum pai kawltu ber kha kan ban a... A dang zawn leh chhung nen a buaithlak tak tak a nii" A buaina tawh te chu min hrilh a.. Keiin ka lo ngaithla kur thung....




Hetiang khawtlang tan a thatna tur ah pawh eiruk tur lo zawn renggg mai hi chuh.... Nakin zel a kan tu leh fa te la rochun zel tur a ni tih hria a thahnem ngai a a tha tha hmang ang aww ti tur kan nih lai a hetiang a thleng tlat zel mai hi chu a thalo a ni....




Hmanraw chhe tak tak an hmang a... Reilo tee ah building chim an ti leh a.... In enfiah chu kan ngai a ni



An tlanna a thui bawk nen a chauh hlau in kan inbiak na chu ka ti tawp ta a.... Keipawh chu ka muhil nghal suai suai.....


______________________

Hun leh ni a ral a... Thla khat dawn an awm ta.... A buai thei em em a zingah min wish a.... Zan a mut dawn ah min lo be leh hramm a... Chupawh a chauh theih em avang in min be rei ngailo...




A sak dan tur an va rel pui ringawt dawn amaw ka tih kha a hna an lo va thawh pui chu niin... Engti dan nge ni...

___________________


Nikhat ka school bang chu Ramdinsanga messge a awm avang in a hman lai a niang a tiin phur tak in ka open a ka thil hmuh avang chuan ka phone ka thloh dawt....




Inti harhfim hram hram in ka phone chu chhar in ka en leh a... Ka hmu sual hauh lo.... Ramdinsanga leh Sawmphakari chu nui dun sang hian an lo ding dun a... A thu ziak ah chuan...




"I hmuh ang hian kan hlim a lo inrawlh lo phei lang chuan hman hman a in ngaizawng tawh tur kha kan nia.... Tunah chuan i awm ta lo bawk a... Tuma chim buai loh in..... Nuthlawi ve mai mai i nih khaa.... Kan inkar ah hian lo in rawlh tawh hauh suh ang che.... Ramdinsanga hi ka ta a ni tawh"




Tih hi a lo ni a.... Ka la ring thei chuanglo.... Ka call ngat a... Mahse chunu bawk chuan a lo la a ka record nghal zat bawk....a chhan chu Ramdinsangan min lo biak tum leh pawh ni se lo chhuahchhal nan a hman ka duh vang a ni..message te pawh chu ka delete duh lo....





"ka thlalak lo thawn khan a ti chiang mai lo ami.... A chau deuh a amu a lo tibuai tawh suh a nin zia che hi i hre lo em ni" A tih chuan ka lo chhing sawk sawk.... Ka mumal tawhlo... Chhan pawh chuang lo in ka off nghal daih...




A kal hma a ka hlauhthawnna chu a thleng dik ta.... Tah ngaihna ka hrelo a... Ka thin zawn ah hian hnawh tu a awm mahse a chhuak theilo... Ka chum vak vak a... Awmzia a awm theilo.... Ka mumal lo ruai a ka khawhmuh a rawn fiahlo a.... "Miriam miriam" Min kohna aw ri chu a hla tial tial a... A thim ta...





Ka harh leh chuan hospital ah ka lo awm a.... Thil thleng te chu ka ngaihtuahna ah an rawn lut leh zut zut a ka vai leh ruai tawh.....



Doctor a rawn lut a..... "In ti chak hram hram rawh aw... I pum chhung a naute chu a tha a.... Hna hahthlak thawk lo la chuan.... " Ka lo pawt chat vat "eng nge i sawi awmzia naute a?" "Aw i rai tih i inhre lo em ni.... Kar 2 ½ a ni tawh" A tih chuan ka mit sulh....




Vanduaina vanduaina.... Phatsan ka nihna te hian tinge tiang hi min hnutchhiah thin nilo vanduaina ka ti theilo ang....ka thisen ring alawm a nih a nu ka ni tur hi khawvel a naute vannei ber a ni pa tello pawn phir ka enkawl thei a heipawh ka thei tur a ni...





.... "Ka nu leh pa ten an hre tawh em?" Ka tih chuan an la hriat loh thu in min chhang a.... Hrilh lo turin ka ngen nghal.... Mak min ti mahse ka ngen tlat vang in a remti ve mai...



Ka nu te la hriat tir ka duhlo a ni....



Ka nu leh pa te chu ka fa te nen an lo lut a.... Ka hmuh chuan ka lo tap hawk ka nu chuan min pan hnai in min kuah hle hle a..... Ka tah chhan a hrelo... Mahse min hnem a tum a ni...




Nu te hi an va han hlu tak em..... Ka nu min kuahna chuan min thlamuan a tawrhchhelna min pe niin ka hria....


_________________


Kar khat a liam leh tawh a Ramdinsangan min biak pawh theih lohna turin ka block vek a... Ka u te bulah pawh min biak a duh chuan lo phal su ka ti tawp... Ka nu pawn mak a ti a mahse ka thuthlukna a nih miau avang in min hnial lo...




Hrilh ka duh a... Mahse an rilru a nat ka hlau a ni... Ka pa phei chu thu thinthawng hrilh chi a nilo...



Asawmi ka hrilh a.... Mak a ti hle... Ramdinsanga chanchin min sawi pui a tum in ka ngaithla duh ngailo..... Lo haw a tum a ni awm e.....

___________________
(Ti kal duai duai mai ang a last na ni tawh si😂)


Ka naute in thla hnih hmel a hmu ta... Tumah ka ti buai ngam lo a... Asawmin min buaipui tawp a..... Rai no ka lo la na bawk si nen.... School atang ka bang a... Bakah kha school ah khan thawh leh ka duhlo.... Sulhnu a tam mah mah....




Asawmin a sawi zeuh danin Ramdinsanga a rawn haw tawh thu ka hria a..... Min rawn hmuh tum in a rawn kal angem? Nilo eng nge ka ngaihtuah hi.... Min duhlo in midang a thlang alawm eng nge a lo kal ka beisei ve ngawt ni...



RAMDINSANGA POV*


Miriamin ka phone call a chhang theilo a... Nilo min chhang theilo a nilo min block vek zawk a ni zawk mah ang chu....



Sawmin mipa dang nen a an thlalak min hmuh tir in min kalsan thu min hrilh a... Mahse ka awi duhlo...



Awi duhlo in ti si in ka rilru chu a na a... Ka ti lang duhlo.... Ka awi phallo a... Ka chan ang tih ka hlau takzet.... Ka nu leh pa ten min kalsan atang a a vawi1 nan ka mittui a tla a.... Ni e,,, Kei Ramdinsanga hian a hmangaih chan hlau in a mittui a tla a nih kha.....




Haw vat vat a engkim zawh chian ka duh a... Buiana a awm zel avang in kan haw theilo....



Chuan ka nu leh pa te thattu ka hre tawh bawk..... Sawmi hian min duh hlee tih ka hria... Chu chu remchang ah la in engkim ka hriat chhuah phah theih a....Rinhlua ka va hrilh a evidence te nen an man tawh ka ring...




Sawmphakari pa leh ka chhungte... Ha... Min ertu te ti mai ang.... Inthurual in kan motor break an ti fail a.... Chupawh ka pa thil rochun tur te an awh avang in... Haa... Tenawm lutuk hian....




Ka haw hnu chuan thu chiang hriat tum in ka kal a... Ka rin ang ngeiin min lo be duhlo....chutih a hnek in min hria ang pawn a awmlo...... A chhan ka hrelo a Asawmi ka zawh lah in a sawi duh silo..



Beidawng takin inah ka let a... Asawmi bawk ka call leh an awm dun tih ka hria a... Eng nge maw ni tak hriat belh ka in beisei a ni.....



Thil ka zawh ka zawh takah chaun a rawn tawng sual palh hlauh mai..
"Maw eng maw i sawi miriamin ka fa a pai mae?" awi chiah silo awi lo phal silo hian ka ti a...



"Hrilh loh che ka tum asin le.... I dilchhut lutuk a" Tiin a rawn phun nang nang....




Nui suk chung hian " Chuan eng maw min biak duh loh chhan hi?" Ka han ti a



Chutichuan min biak duh tawhloh chhan Sawmin a lo tih dan te chu min hrilh ta vek a... Ka thin a rim kher mai.... Keipawh min bum a lo tum a.. Mahse ka rin tlat loh avang in ka awi duhlo kha a nia... Mahse engmah hrelo Miriami kha chuan a awi dawn em em si....




Pa ka ni tawh dawn.... Hlim em em in ka room atang in ka chhuak a... Ka pi leh pu te mut tum tawh chu an biang ah fawp in.... "Zan hlimawm ber a niii... Hlim rawh u nui rawh u" Tiin ka chhuah san a miriami te in ka pan nghal...



Zan rei leh rei lo pawh ka sawi tawhlo.. Ka hlim ve emm a ni..



Ka thlen chuan an ni pawh mut an lo tum tawh a.... Asawmin kawngka a lo hawn miau avang in ka lut thei mai mai



Asawmi chuan hun thawl min pe a kan pahnih chuan kan awm dun ta vang mai.... A tirah chuan ka in sawifiahna chu a ngaithla duhlo a sawmphakarin a thil thawn te leh voice te chu min ngaihthlak tir vek a... Keiin dawt a nih thu in ka lo chhang vat...




Heti chuan min awi thei dawnlo tiin ka nu leh pa te thihna chungchang te chu ka sawi takah chuan a awi ve ta hram a... Kan inrem leh thei ta..



A nem ta maw tih ah chuan thu hniam in a pum chu ka zut sak a... "I lo hre vek maw" A tih chuan a pum zawn ah ka lu dah pah in ka lo bu nghauh nghauh...



"Tunah chuan keimah ngeiin ka enkawl ang che... Natna i tawrh ka phal leh tawhlo ang.... He naute hian pa tha ber a nei tih ka hmuh tir che anga..... Jojoa leh jejea pawh in pa tha ber an nei tih ka hmuh tir bawk ang che" Ka tih chuan a rawn tah nuih deuh hak....



"Ka nuthlawi hmeltha hi a tap em ni a?" Ka tih chuan "Ramdinsang" Min ti leh nghal vak...



Asawmi khan a rai no vang in a thinchhia a tiah.... A tawrhlelh awm viau dawn e... Mahse eng nge... Keimah vang a thinchhia alawm le a nih le.... Mipa chuan a siam chiah kan tum a hmeichhia in an pai a... Hreawm an tuar a... An mahni duat hi chu kan tihtur a ni ve a ni lawmni.... Camoinnn





Muangchang tawhlo in an in lamah Palai kan tir hmiah a... A chhung ten a rai tih an lo hre chiah.... Keimah vang in a chhungte a lo hrilh duhlo chu a nia... Ka van lainat tak em...




A rai miau avang in inneih pawh kan ti hla vaklo..... Holam tak in kan ti a..... Ka duhthusam chiah... Vala te inneih na ang kha chuan a hahthlak lo... Nge ni a sawi ang tak tak khan "duh ber nupui a neih chu hreawm a awmlo" a tih kha a lo dik zawk 😂




A beng bulah "Kan inneih hunah ti ve lo ang ka tih kha kan tilo tak tak" Ka tij chuan min chhang peihlo.... Min melh rum em em ringawttt


KUM HNIH HNU AH CHUAN🙀


Tual zawl a Jojoa te unau thum infiam chu kan nupa in kan en reng a.... Kum hnih kal ta ah khan ka nupui Miriam Laldinsangi hian fanu min hrin sak in a hming chu Rochanhlui tiin ka sa a... A chhan chu Pathian hnen a atang a thil pek kan dawn... Kan ro hlu.... A nih vang a ni...




"Fanu leh fapa tha tak min pek avang in ka lawm e NUTHLAWI HMELTHA TE"

ka tih chuan min ben thlawrh pah hian "Ramdinsang i nupui ka nih tawh hi nuthlawi min ti ziah suh"..... A thinchhiat ngai pawn a la thinchhia...




Min beng deuh thlawrh thlawrh ka fa ten an hmuh chuan an rawn tlan phei vat a.... An te ber Rochanhlui.... Ka fanu rangkachak chuan " Daddy attackkk" Fiahlo tak hian a ti a.... Min rawn bawh nghal chiam chiam..... Nui huah huah chung in tual zawl aj chuan kan inbuan a....




Hringnun hi a hring reng theilo a.... Hlimni a awm chuan lungngaih ni pawh a awm thin..... I vanduai ber ni a i in hriat lai khan nun kawng dik i zawh na tur a i bul tan na a ni thei.... Beidawng lo in tuarchhel tak in bei hram hram rawh..... A tawpah hlimna chuan a lo tlakbuak mai ang che.... Ka nuthlawi hmeltha leh ka fate... Hlim tak a kan awm ang hian...




A TAWP TA..




A MUMAL LO VIAU ANG TIH CHU KA HRIA.... KA PHONE ZANIN CHU A NUAR TLAT A.... KA TI TAWP DAWN KA TIH VANG KHAN TIH TAWP NGEI KA DUH SIA.... A TLAI PHAH TA DUAI A NI...



A TIR A TANG A A TAWP THLENG A MIN LO CHHIAR SAK TU TE..... CHHUM LO CHAT LO A KA UP THAR APIANG A LO COMMENT THIN TU TE... IN CHUNGAH LAWMTHU KA SAWI TAK MEUH MEUH E🥰❤❤


KA STORY HMASA BER CHU A LO TAWP VE TAA🥰


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)