NUTHLAWI HMELTHA BY Tluangi Sagy Pachuau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

NUTHLAWI HMELTHA BY Tluangi Sagy Pachuau (Completed)

Unread post by Ngaia » July 3rd, 2022, 1:46 pm

70qxiscy.jpg
70qxiscy.jpg (35.62 KiB) Viewed 6717 times
Ramdinsanga : Tlangval hmeltha leh pian thiam em em mai...a vun rawng ngo hluak ti a sawi tur ni silo a sen uk deuh kharh... A mitmeng fiah uk kharh mai te chu Zoram nula te thlunglu ti haitu a ni chiang ngei mai... A mize vawt kharh kar a a nunnem em em mai si te chu tumah reng in an hriat pui lo... Amah hmangaih tu Api leh pu te leh a thiantha ber chauh lo chuan..... A chungah eng nge thleng a naupang harhvang tak leh nunnem tak ni thin kha hetiang a thinlung khauh tak a lo nih tak le.... He a nun hremhmun a khat beidawnna ruam a ta hi tunge hruai chhuak ang le?

Miriam Laldinsangi : Hmeichhe nunnem tak leh zaidam tak harhvang tak mai a ni a..... Chhungkaw duhawm tak atang a seilian in a lo tleirawl chhuah chuan a mah hmangaih em em tu tawng ve niin a in hre ta.... Mahse chu a hmangaih leh a mah hmangaih ve tu ni a a hriat chuan a taksa mawina chiah it in a duh a neih hmu chuan a kalsan ta.... Nun beidawng tak a a awm lai a a fa phir ten a nun hlimna an pek leh tak a chu..... A hma lam hun ah eng nge lo thleng zel ang... A nihna ang ang a pawmtu a hmu zo tawh angem le?



♡Nuthlawi Hmeltha♡
Chapter 1


Ka fate hlim tak a kawt zawl a an infiam chu ka thlir reng a... Thlir nin an va har tehlul em.... Tu nu in nge mahni fate chu hmuhnawm ti lo tehlul ang le....


"Bawihpui ; Jojo lo kal tawh ru le i nau kha lo ko la chaw ei ang u le"Ka tih chuan Jojo chuan a nau chu ko in " Nanau lo kal rawh mommy in min ko a nia" A tih chuan a nau chuan Nanau tih bik chu a duh lo ngang mai "nanau min ti bik ziah suh nanau ka ni biklo" Tiin a u chu a melh rum ve ang khai khai reuh a.... "I ni alawm mommy pawn i nau a tih ziah kha" A tih chuan Jejea chuan "Nanau ka ni biklo kan piang rual" Tih pah in mittui parawl kuang chung chuan min rawn en a


A tap thei dawn takngial a ka hriat avang chuan thil dang chu ka sawi ta daih a "leee tah loh tur vawiin ah school in tan dawn kha chaw ei vat vat ang u le" ka tih chuan an phur leh hleee tawh naupang tih tak ah a tap tep tih pawh a theihnghilh leh daih tawh...


Ka fate school kal tur an phur ang bawk hian keipawh ka phur ve a ni.... A chhan chu vawiin hian ka lo dream fo thin leh ni ila la ka tih thin Teacher hna chu ka thawk tawh dawn miau a ni...


Ka fate school lam pan a kan kal lai chuan Jeje-a chuan "Au school ah chuan nanau min ti bik miah suh ang che... Jeje min ti tlat rawh" A tih chuan ka nuih a za nganggg mai...Nanau tih bik chu a lo duhlo hlee nih hi


School kan va thlen chuan ka thiannu Sawmthangi ka va hmu nghal min lo nghak reng tawh a nih ka ring... E chuan school hi an mahni ta a ni bawk .


Kan luh chuan bell chu a ri chawpchilh ve nghal mai a.... An class a an awm a introduction vel an pek lai chu pawn atang chuan ka thiannu nen chuan kan en reng a... Chumi hnu chuan compound vel fang kual in kan titi vel mai mai a....


Chutah thil ka hre chhuak zawk.... Awiiii pawi lutuk ka hna ve kha engtin nge ka theihnghilh theih zawk... Rang fahran in ka thawhna tur lam pan chuan ka tlan chhuak nghal thuai a ka rei traffic a la jam zui.... Ka ning ngawt mai rilru hmangmawh nen a inrem thlawt lo...


A tawp a tawp ah chuan ka thleng thei ve hram e... Rang tak in ka tlan lut nghal a corridor a ka tlan phei lai chuan tuemaw ni hi ka su dawt.... Hnung lamah ke pahnih vawr suau mawng sawh dawm in ka tlu... Awiii a na lutuk..


Ner sak sak chung in ka mi sut a chu ka han en a... Min lo melh chhuk runn mai ka phu leh dawrrr ui a va meng rum ve le a thineim amawni... Ka la tho thei mai lo ka khel bawr vel chu ka tuai vut vut a


"Ka pi tho rawh ka pawm thawh kher che i phut em ni? " A rawn ti a ka han hawi chhoh leh chuan a kal chhuak nghal nal nal nia.. Van polite lo reuh

"I pi rual chu ka nilo deuh asin le" Ti rilru nuah nuah chung in engmah sawi chuang lo chuan ka tho a office lam pan chuan ka kal chhunzawm leh nghal a...




A thui loh viauu chu ka ring a Chapter 1 na hi chu a har ve emmm a ni.... A ngaihnawm loh viau ang lo chhiar tang tang ve tho ru aw😁🤭


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:46 pm

♡NUTHLAWI HMELTHA♡

CHAPTER - 2

By Tluangi Sagy Pachuau


Office a ka luh chuan "Ka rawn tlai a pawi ka ti lutuk traffic a jam nasa lutuk a" Tih zung zung pah chuan ka thutna tur ni awm tak (MIRIAM LALDINSANGI) tih inziahna lam chu pan in ka thu nghal a


Ka thawh pui tur te chuan "a pawi reng reng lo inthlahrung duh suh a tanni chauh a la nia introduction vel kan neih chuan vawiin a tan chuan a tawk a ni mai.... Principal pawh a chhuak leh daih tawh" Tiin nui thaww pah chuan an rawn sawi a.... Ka inthiam ve leh deuh


Awi lawk tunah khan principal a chhuak chiah an ti em ni.... Nihchuan ka sut pa kha a ni thei mai angem... Ehee... A va rum dawnnn veee..


"Miriam; Miriam" "Ah aw eng nge ni ta"
"Nichinnn atang tawh khan ka ko che a ka be char char che a i hre theilo a"
"E,, aw,, Thil ka lo ngaihtuah nasa lutuk a... Eng nge i sawi a" Ka tih chuan"Ka hming chu maw Uniky a nia Kyky min ti mai rawh thian ni ang aw eee... Chuan ka sawi tum tak chu nangmah chauh in introduction i la pe lo a va pe la chuan Principal khan introduction in neih zawh ah compound ti fai ula in bang mai dawn nia a tia... Lo sawi nghal la" A ti a.... Awii a sawi zo vek hman ka thawk a ti chham tep alawm...


"Awle nihchuan ka va kal ange" Tiin ka tho a classroom lam chu ka pan ta a
B. Sc ka graduate hnu khan ka fate pa kha tawng in ka rai ta kha a nia mahse a ni chuan ka rai tih a hriat khan min tih tlak tir a tum a ka duhlo a min kalsan ta kha a nia...


Khatih lai khan ka la naupang a kum20 chauh ka la ni ka hlauthawng a ka chhungte ka hrilh ngamlo.... Ka pum chhungah ka thisen ring in nunna nei a ni ve tawh a tih tlak kha ka phal silo.... Ka la hmuh miahloh ka pum chhung a nunna nei si kha ka hmangaih nghal em em si a....


Ka huaisen na zawng zawng sawm khawm in ka chhungte kha ka hrilh a mahse anni chuan min lo hrethiam em em in ka fate an pian hnu ah khan zirtirtu min training tirin tun dinhmun hi ka thleng theih phah ta a nia.... Ka tan chuan an hlu a ka lei Pathian te an ni tak meuh meuh a ni...


Classroom ah chuan ka lut ta a "Good morning miss" An lo ti rual thup ka phu chiang lutuk thil ka ngaihtuah nasa lutuk a tiang pawh kha ka lo beisei hleinem "Morning sit down" Ka tih chuan an thu ve leh nghal mai a....


Introduction te chu kan han nei zumg zung a... An fel hmel hlawm khawp mai thu pawh an awi hmel.. Introduction kan neih zawh chuan"Le lo ngaithla ula vawiin chu a bul tan na chauh a ni bawk a Principal in compound vel kan tifai anga kan bang mai dawn nia ti a nih chu aw" ka tih chuan an phur hmel khawp mai.... Ni e, kan naupan lai te chuan tiang hi kan ni vek alawmmm school ban hma kha kan chak thei em em kha nia


Tih tur ang ang te kan tih zawh hnu chuan ka fate school bang lam turin ka kal ve nghal a ka thlen chuan school kawt a min lo nghak reng tawh a nih saw... Ka chhuk a Jeje chuan" Mommy mommy i va rei ve kan bang daih tawh asin" A lo ti a Jojo thung chuan "Zirtirtu ten kan bang hma ang an ti a" A lo ti thung a


"Awle bawihte sorry lutuk aw mommy kha a buai deuh a haw ang u le" Ka ti a kan tlanchhuak leh nghal a Jeje-a bawk chuan "Mommy pupu te inah kal ang u hrilh tur ka ngah tawh a nia" Tiin hmel phur sarh chuan min lo en a


Ni e hrilh tur chu an ngah tawh ngawt ang le kan in dan hnu in kan la tlawh leh miah lo a bakah thian ang maiin an inkawm thin si a...


"Awle pupu chu kan call anga chaw kan lo ei dawn kan ti ang aw" Ka tih chuan an lo YES rual dual a


Ka pa chu ka call a "Hello" "Aw hello pa kan lo leng dawn a chaw lo ei nghal a rem em? " Ka tih chuan "Aw aw lo ei rawh u ... E chuan aw tha dawn lutuk i hna thar lawm pah a ni mai lo kal ngei ngei ru " A ti nghal zung zung a engmah pawh ka sawi ve hma chuan "Siamtee" A tia a dah leh daih... Ti khawp khan a phur dawn tih hria ila lo va len vat tur a nia


Ka pa te in kan va thlen chuan an lo phur ngang mai.. Kan thil ken vel te chu an la sawk sawk a kitchen lamah chuan an phei hlawm a... Ka lut a sitting room ah lo thu ka hmuh chuan mak ka ti nganggg mai nge a lo tih ngawt ni a bulah chuan Uvala hi a lo thu a (Uvala chu kan cousin a nia kan upa ber te nen an inkawm thin)


"Ehee Uval eng nge in loh tih dawn a" Ka tih chuan "Patea(miriami pa) hian chaw ei ah min sawm a thil kan lawm dawn a tia" "Ee a nih chu" Tih pah chuan a bulah ka zuk thu a Uvala bula lo awm pa chuan min lo melh dur leh khup tawh engtik lai pawh hian a thinrim reng amawni...

Uval a bulah chuan "Uval i thianpa chu tunge a? " Ka han ti a "Ramdina a nih hi Ramdinsanga" A ti a..." Nih leh Uval i thainpa hi a thinrim ami" Ka tih chuan a rawn nui chhuak hawk "Aaa thinrim lo e ngatinge? " A tih chuan"A thinrim hmel em a hihi" Ka ti ringawt Ni leh maw Uval 1 leh chiah I thianpa hi maw kum engzat nge? " Ka tih chuan mak min tih hmel tawh ngangg mai..

"Kum 33 val a nih ve kha tinge i dil chhut em em a" A tih chuan a thianpa chu ka va melh a... A men dan ang chiah a meng chuan rum deuh in ka melh a "Uval i thianpa hi hrilh teh a pi rual pawh ka nilo a nia" tiin ka thawhsan a ka nu te awmna lamah ka phei tum in ka kal ta a

A hnu ah chuan ka u(kan upa ber) a lo haw a "Ehe Val senior Dinluliana ni reng chuan eng nge i lo tih dawn a? " A tih chuan ka nuih a lo za nganggg mai Dinluliana chuan "Lalrinhlu tikhan min ko ziah lo teh i inla nupui nei bik emmai" A ti a....nui vur vur pah chuan an thil sawi ngaithla tawhlo chuan ka kal ta a

Chaw te kan ei kham chuan haw nghal mai ka rawt a mahse naupang ho chuan riah an ngen leh ta tlat mai "Mommyyy riak ang u kan room pawh a la awm vek a" An tih chuan ka pa chu ka va en vat hre lo ang hmak in TV a melh ngur mai sawi tur in a ti tih ka hre vek....

"Awle kan riak dawn nia" Tih pah a ka pa ka va en chu a lo nui suk... Phakar reuh lutuk mai... Amah pawn min sawm ve mai se naupang ho a fuihpawrh kher a....

Ni e,,, ka pa hian min ngai tih chu ka hria a tirah pawh khan indan kha a phallo a,, mahse mo nei kan ni tawh a an sual e tihna lam nilo in hnawksak in tihna kha a awm ve tawh a ka fate nen kan ni bawk nen dil tak teee a ka dil vang in an phal ve hram kha nia....

Unau zing a hmeichhe awm chhun leh a naupang ber ka nia min ngaihtuah dawn tih ka hre lutuk.... Nu ka nih tak hnu phei hi chuan nu ten an fate an lo hmangaih tur zia leh an tan a an inhuam zia hi ka hrethiam ve vek a ni.

Mu tur in roomah chuan ka lut a naupang te erawh chu a pupuia(miriami u te) te nen an la infiam rih a....naupang te nen an nih tawh chuan kan val senior kawl lai Lawmkima pawh a naupang tha leh a ni ringawt alawm..

Khumah chuan vawiin thil thleng te chu ka ngaihtuah a engtin nge ka u leh kan principal kha Dinluliana kha an lo inkawm daih theih le tun hma a ka hmuh ngai awm ka hre miah silo a.... A meng rum ul lehnghal a.... Mahse a ti pa em em lawi sia....."Awi miriam eng nge i ngaihtuah hi mu rawh mu daih rawh" Tih pah in ma hmai ah chuan ka in beng thek thek a

Kawngkhar chu rawn in hawng in ka fate chu an lo lut a " Mommy zanin chu i bulah kan lo mu angaa" Jojo chuan a rawn ti a... Ka sir ve ve ah chuan mut tir a... An mutthilh hnu chuan ka thlir reng a.... Khang hun ka tawn lai khan vanduai ka in ti in hreawm ka ti em em thin.... Mahse tunah chuan ka vanduaina amaw ka tih te kha ka khawvel te an ni si a.



A thui ve tawh tho em??🤭🤭Next ah chuan Dinluliana POV kan ziak ve dawn nia😁😁


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:46 pm

♡NUTHLAWI HMELTHA♡

CHAPTER-3

By Tluangi Sagy Pachuau

Ramdinsanga(Dinluliana) POV


Thianpa Rinhlua te in ah khan chaw ka ei ve nghal ringawt mai a.... An fanu HA!! ni e ka hnuaia hna thawk thar min hlau lo em em tu kha a hna lawmna ah khan min ei tir ve nghal ringawt a



Lalrinhlua lah kha in la nupui nei ropui si kan zing ah pawh a tel ve hman thathum tawh lo... Vala lah in thla leh lamah nupui min neih san leh daih dawn bawk si



In ka thlen chuan ka pi leh pu te chuan in bul thlai hmun zim te an siam ve chu an lo ti fai melh melh a.... Ka haw tih pawh an la hrelo.... Zawi muang in ka va veh den den a ka pi mit chu ka va hup thuk..."Awi tunge tunge i nih Duhtak min pui rawh"a ti chul mai....



Ka pu chu mit mei in a chal ah lo pen sak tur chuan ka ti a... Pen tur a a tin uai uai lai chuan a mit ka hup na chu ka thlah thut a ka pi in a hmuh chuan a thin a rim ve ngangg mai.... "Min pui turin ka ti ka ti che a min pen i lo tum zawk amaw" Tiin ka pu chu a chem kawi ken chuan a tin uai uai a...



Chutah min rawn melh leh in "nangpawh kha" A rawn tih chuan... "Pi keichu ka nilo ka pu min tih tirr vek" Tih pah chuan inchhung ah ka tlan lut daih a Puitling nupui nei rual zet tawh si hi i la â emai min la rawn ti zui hram ah...



Inchhung ka luh chuan tukverh atang chuan ka pi leh pu te inchhaih nui uar uar chu ka en reng a.... An ni hi awm lo ta se engtin nge ka awm zel ang tih hi ka ngaihtuah ngamlo a ni...



Ka pi leh pu te hi ka tan chuan nu leh pa an ni a ka chhungkua neih chhun te an ni... Kha zan chhiat kan tawh zan khan ka nu leh pa te chuan a hmun ah min boral san a. .. Naupang mai mah la ni mah ila engkim kha ka hrethiam ve vek asin



Ka pi leh pu te rawn thlen hma khan ka chhungte ka ni ka patea ka nu leh pa te dam lai a min duat em em thin tu te khan min hawisan in min enkawl tur in an lo in hnawn chhawng vel a nih chu...



Ka chhungte ni a ka lo ngaih ka nu te dam lai a min duat em em thin tu te kha an danglam tawh a... An unau te ka nu leh pa te tan khan an mittui far khat pawh an senglo..



Kei erawh chu kha accident khan min thawn em avang in ka la tap theilo a mittui tla tur ka nei heklo... A hnu a ka pi leh pu te an lo thlen khan an rilru na kha an tap rawi rawi a... Chuchuan ka hnu ti ulh in ka tap ve thei ta nasa tak in ka tap a



Ka nu leh pa ka chhungkua chu ka thlah liam ta kha a nia.... Kha tih lai a ka tah bak kha tun thleng hian ka la tap leh lo... Ka nat ber lai ni a ka hriat... Ka hmangaih ber ni a ka hriat in a min phatsan takngial pawh khan ka tap lo... Mittui tla tur ka nei tawhlo a ni mahna....



Khang hun lai tho kha tun a ka thian te Vala leh Rinhlua hi ka tawng a... Ka chungah an tha in an fel em em a... Ka tawng tamlo tih hre reng chung khan min ninglo a min kawm chawt thin... An fel a ka ngaina em em a... Ka harsatna min hriatthiam pui a... Engkim ah ka tan an awm thin.. Ka pianpui unau te ang mai an ni an ni pawh hi ka tawnglo ang tih ka hlau takzet.



Ka hnung a min lo khawih tu an awm chuan ka phu zawk
[ ]"Bawiha i va in ngaihtuah nasa awm ve" Ti a ka pi in nui sen sen chung a min lo tih chuan "A pi engmah ngaihtuah lo e hlim tak a in inchhaih lai ka hmuh khan in hmuhnawm ka ti em a ni" Ka tih chuan ka pu chu kitchen lam a tang a tui vawt keng chung a lo phei chuan "Ani dawn renggg asin nupui te han nei ve la hetiang nupa inkar a hlimna hi chu i hrethiam ve mai ang" A rawn ti a...
[ ]"Pu chutiang ka mamawh reng reng hleinem nangni ka kiangah in awm a ka duh tawk em em alawm" Tiin ka pu chu ka lo chhang let a... A rawn nui nghal vur vur... Heng an hmel a hlima rawn lang chhuak thin hi engtik lai pawh a hmuh reng ka duh a ni...



Ka pi leh pu te chu room ah ka chhohsan ta a... Shower te nei a ka in tih fel vek hnu chuan khua pawh a lo thim vek tawh.... Zan lam ka mut that thin loh vang leh ka tih fo dan ang a chhun lam a ka muttilh hman loh avang in zanin chu ka mut a chhuak kherr mai....



Engdang mah ti khawmuang lo chuan ka mu nghal hmak a....


"Nilo anu ngatinge" Ka tih chuan ka nu chuan"Bawiha bawihte hlau suh aw... Engkim a tha hi a nia ruah sur mai mai a nih hi bawihtea pa eng nge thil awmzia? " Tiin ka pa chu a zawt a"Nu-i ka hrethiam biklo... A break hian awmzia a nei tawhlo" A tih rual chuan Truck lian pui lo tlan phei in a eng pup a ka harh zawk



Ka thlan fim in min bual huh vek a... "Mang ngai leh bawk maw" Tiin ka phun chhuak sap



Tho chhuak a ka in phih fai leh hnu chuan khumah bawk ka mu leh a... Mutthilh leh chu har tawh tak a ni kha mang kha accident kan tawh atang khan ka la mang zawm char char.... Ka nu te nen a ka pi leh pu te in atang a kan haw lai kha a nia ruah nasa tak in a sur a chuan khatiang thil kha a lo thleng ta kha a nia...



Thil dang dang ka ngaihtuah lai chuan khanu kha ka mitthla ah a lo lang zawk Val a bulah dil chhut tak a tunge ka nih tih a zawh hnu a min rawn melh rum ve khai khai te leh "A pi rual ka nilo"a tih te kha



Vawiin a ka sut tluk a ka pi ka tih kha a lo la na hle a nih dawn kha



Ni e, ka pi rual chu a nilo ngei alawm a nilo takzet kei aiin kum 8 laiin a naupang alawm le



Ha nge chu nu pawh chu ka ngaihtuah ve vak le.... Kum 5 lai a liam hnu a hmeichhia ka ngaihtuah chhunzawm veng veng leh hmasa ber aniang chu mawle....



Hmeichhe tam tak ka melh zam thin ang khan a ni chu ka melh zam ve theilo... A danglam bik riau a ni.... Hmeichhe danglam tak a ni.



Chutia ka ngaihtuah melh melh lai chuan ka lo chhing sek ni tur a ni ka harh leh chuan zing khua a lo var leh daih tawh.... Inti fai vel in hna kal tur in ka insiam nghal a



School ka thlen chuan gate bul a ding in school lam chu ka hawi reng a ka pu hnen atang in School tam tak rochun tur nei mah ila he school hi keima kut ngei a ka din a ni a ka ngaihlu bik a ka awm tam na ber a ni bawk



Chutia ka in ngaihtuah melh melh lai chuan ka hnung ah tuemaw hian min rawn su dawp a ka hawi let nak chuan chu nu bawk chu



Melh khai khai chung chuan"kawng en ta che"ka ti a a ni lah chuan "kawng ah ding suh che" A lo ti ve hlarr min vin let ngam tih ka hriat chuan ka melh reng



A hnu ah chuan mawng tuai vut vut chung a lo tho in... "Ninawm ka su ve ziah mai che i lian lutuk a bang amaw ka ti che nih kha" Ti sup sup chung in min kal pel a school lamah chuan a tlan lut daih...



Ni e, Ngatinge maw kan in hmuh dawn hian min sut hmasak ziah ni... Bang a? Ha bang amaw te chu min la ti zui a... Chuan min vin let ngam bawk... A mak dangdai takzet a ni.




Hei leee🤗Min lo comment sak ve leh hram hram ru aw... Comment a awm hian min ti phur ve a🥰🤭 Chuan diklo a awm chuan min lo hrilh zel ru aww insiamthat zelll nan🤗🤗🤭


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:47 pm

♡NUTHLAWI HMELTHA♡

Chapter-4

By Tluangi Sagy Pachuau

Dinluliana POV

Miriami kal na lamah chuan kal in school ah chuan ka lut chho ve nghal a... Office a ka luh chuan class a lo la hman tawh a ni maithei a ni office ah hmuh tur a awmlo....



Keima office bik ah chuan kal in luh ka tum chiah chu hmeichhe zai rat rat ri hi ka hria a...Zaithiam fa lua chu a nilo mahse ka nunhlui tamtak hlimna zawng zawng te ka ta an nih vek lai... Ka nu malchung a thlamuang tak a mu chung a a zai ngaithla a ka mutthlih thin lai te kha min ti hre chhuak a....


A ni lah chuan ka awm ve tih hre miahlo in a la zai chhunzawm char char a... Ka dawhkan vel te chu a hru fai pah mawlh mawlh bawk....


A zai chu ka ngaithla reng a... Ka lo ngaithla tui deuh nge ni ka sir a globe awm chu ka su thla bur mai... "Awi" Ti in a phu zawk a paper rem fel tum mek pawh chu a thloh darh vek....


Chutah rawn meng ling hraa in "thawm rawn nei ve ta che" A ti hlar a... Kei lah chuan ngaihsam hmel feee in "kha kha thawm chu a nih khaaa" Ka lo ti ettt a...


Paper chu a chhar nghal mawlh mawlh a engvang a ka dawhkan lo ti fai ve ngawt nge a nih chu ka hrethiam lo khawp mai.... A ri fai tu tur an awm ve reng a mahse ka zawt tui tam peih vel lo e a... Henu bulah hian ka duh ai in ka tawng tam leh dawn tlat thin....


A paper chhar khawm chu puih pawh tum lem lo chuan bookshelf a lehkha bu chu la chhuak in chair a thu chung in ka bih san ta daih a... Mahse ka chhiar tak tak lo eng nge a tih ka ngaichang reng a.... A ri sut sut a a hnu ah paper chu dawhkan ah a rawn dah a


A reh tak vung vung hnu chuan a chhuak ta emaw tiin lehkha bu kar atang chuan ka bih dek dek a


Ka phu zawk chik em em in min lo thlek vang vang a nih chu... Ka phu ah chuan a ni lah chu a lo phu ve leh chhawng a... A hnu ah rawn tawng chhuak in "Principal ngatinge lehkhabu kha a letling zawng in i keng a... I chhiar thei ami?" A rawn tih chuan rang tak in ka lehkha bu chu kan han en a a letling zawng chu lo ni tak tak in...


Zahzel ah chuan han khuh der vel vak vak in "Aahh,,, ehh,,, englo nichin khan hei he lai teee a inziak hi a diklo a a letling zawng in ka lo en vel a nih kha"
Ka tih chuan awi loh hmel fahrann hian "a nilooo nichinn atang tawhin..."tiin a sawi zawh hma hma chuan chhuak tawh rawh kal rawh i class lak a hun" Ka lo tih sak daih a


A chhuah pah chuan "Hmm hm a,,, inhmuh apiang in ka sut tur a awm loh leh min ti phu vak a bang lian chi a nih hi bang chhah deuh... " Ti nung nung chung in a chhuak a


A thil sawi chu ka lo hre ve vek sia ama hriat tham lek a sawi amaw chu a in ti ve awm tho sia...


A chhuah hnu chuan amah chauh a a awm lai a a zai chu ka ngaihtuah let vang vang a... Tinge maw henu hian ka nu kha a an em em mai le.... Engatinge henu ka hmuh hian ka nu kha ka hriat chhuah ziah ni...


Chhun a lo nih chuan school gate pawn a restaurant awm ah chuan ka va chawl ve a he dawr hi a mawlmang a a nuam ka ti in an thil siam hi a tui ka ti thei takzet...Restaurant changkang tak tak a an thil siam tamtak aiin he dawr te tak te a an thil siam hian ka lung an dum daih zawk....


Thingpui leh chhang vel ei a ka hawi kual vel lai chuan dawr bulah chuan Miarimi chu phone en chung chuan a lo phei a... A hnu ah chuan a phone chu rawn ri in a beng ah a chutuah nghal vat "Hello" A tih rual deuhthaw a a hmel a hlauhthawnna lo lang chhuak chu ka hmu thei...


"Mm.. Mm. Mawww.. Engatinge khawi damdawiin ah aw ka lo kal nghal" Ti sawt sawt in a phone chu dah in compound lam ah a tlan phei lehnghal a.... A hlauhthawn hmel em avang chuan ka zui phei ve nghal vat


Office ah a lut a a bag vel a inkhung fel pah a a thawh pui te chanchin a hrilh zung zung chu ka lo en reng... A che reng reng chu a buai chuar nuai a...rilru fim a pu tawhloh tih a hriat... Engtak phone ah chuan rawn hrilh ang maw


Office atang a a rawn chhuak leh chu a kut a loh chelh sak in " Eng nge thil awmzia" Tiin ka lo zawt a "Pri,, principal kk..ka haw ngei ngei angai ka ka fapa a thalo takzet" Tiin hlauhthawn hmel feee hian a ti a.... A thlan fim te chuan a bual huh zui bawk..


"Lo kal rawh ti kha chuan car i khalh theilo ang" Tiin ka car awm na lam ah chuan ka hruai phei a.... A che reng reng chu a hmanhmawh a a buai vek a ni ber car a kan thut luh hnu pawh chuan seatbelt hrenna chang pawh a hrelo....


A fapa damdawiin a an hruaina hming ka zawh hnu chuan kan tlan chhuak nghal a.... Damdawiin hming min hrilh bak kha a hmun kan thlen thleng in a tawng leh tawhlo hrim hrim


Kan luh chuan a fapa awmna chu zawt in a tlan leh nghal nal nal... Keichu min hre chang tawhlo reng reng....


An awm na ka va thlen phei ve chuan Miriami chuan a fapa chu a lo thut chilh nghal run a a bulah a nu leh pa a u Lawmkima leh Vala an lo ding bawk a Lawmkima chuan a fapa pakhat zawk chu a lo pawn bawk.....


An bulah chuan ka va ding ve a... Miriami chuan a fapa hmai chu a lo chul hliau hliau a chutah a nu chuan "Ramdin kan lawm takzet a ni i chungah hian kan lawm takzet" Tih pah in ka kut chu a rawn chelh a....


"Ngatimaw" ka lo tih chuan "Kan fanu helai thleng a i lo hruai vang in... A mah chiah in lo kal se chu car te a rawn khalh emaw a nia nga a chi ai lutuk tur nen a rawn chesual ang tih ka hlau lutuk a...i rawn hruai hi ka lawm takzet a ni" A ti a


"Aaa ka tih ve tur reng alawm a thawhna principal ka nih mai bakah ka thianpa nau a nia ka tih ve tur a nih kha" Ka lo tih sak a.


"Kan lawm tak meuh meuh a ni naktuk tlai ah chaw lo ei rawh aw" A tih chuan tawngka a chhang lem lo chuan ka lo bu nghauh nghauh a....


"Ti daih ila eng nge ni damdawiin luh ngai hial a in awm na chhan hi ni a? " Ka tih chuan Lawmkima chuan "Nia khatia an chhun chawl tiffin an ei kha a thianpa tiffin a lo ei sak ve a... Chutah chuan Soussage a tel a a ngaina bawk si nen ei chiloh tih kha lo theihnghlilh in a lo ei ti hi kan nih phah ta nih hi" A tih chuan "a nih chu mawle ka lo ti vat


Lawmkima chuan sawi zawm leh in... " Tiang chiah hian thla kal ta khan vawi 2 a awm tawh a... A hmuh ah soussage hi dah chi pawh a nilo a u ang hian a fing ve silo a" Tih pah chuan a mipa naupang pawm lai biangah chuan a piai sak a....


A hnu ah chuan doctor lo kal in "Zanin chu hetah riak phawt mai ula naktuk lamah in chhuak mai dawn nia" A lo ti a kal leh nghal mai a tum chu Miriami chuan "doctor kan riah dawn ro ro chuan cabin ah kan insawm thei angem le" A tih chuan doctor pawh chuan a lo phal ve mai a


Miriami bawk chuan a nu te bulah chuan "Nu , pa lo va haw phawt ula bawihtea hi ka lo awmpui ange jojo-a hi haw pui mai ula naktuk ah pawh min lo ngaiven kan ngailo ang in in lamah kan lo phei hmasa phawt ang" A tih chuan a chhungte chuan ngaihtuah viau mahse a thu ang chuan an awm ta zawk a....


Cabin a an insawn luh thleng chuan kan awm pui vek a a hnu ah chuan an haw ta a... "Keipawh ka kal aw lo in enkawl tha ula" Ka tih chuan a bu nghauh nghauh a.


Ka chhuak dawn chiah tih chuan nurse pakhat hi lo lut in a BP te chu a rawn check sak a... A chhuah dawn chuan "ka pu innu leh i fapa te hi i riah pui dawn em ni? " A a ti a,,, chhan tum a ka kâ ka ang zuau tih ah chuan Miriami chuan "aw min riah pui dawn" A lo ti hmak mai


Nurse lah chuan "Awle" ti sam et in a chhuak nghal daih a.... Mak ti deuh a melh in in a bulah chuan ka va kal a
"Ka riah pui dawn che em ni? Ka nupui i ni em ni? " Tiin aw ka vin lek lek chuan ka va ti a


A ni lah chuan ngaihpawimawh loh hmel deuh in a kutzung chal a hmui ah chuktuah in bengchheng suh ti ni awm fahran hian min lo en in a fapa chu a en leh a... A lo muhil chu niin


A hnu ah chuan pawn bathlarah chuan chhuak in ka zawt nawn leh ngat a..."ka tihpalh mahse min riahpui hram rawh" Tiin mit meng dul ruih hian min en a... A hmel chu a khawngaihthlak takzet....
Mahse ka rilru sawh sawn duh chuang lo chuan "chutia riah pui tur i duh te chuan i nu te i u te an awm kha" Ka la ti fan a


"Ka nu te min riah pui tur a ka sawm chuan ka hlau tih an hria anga indan pawh an phallo leh mai anga kan haw leh a ngai dawn asin" A tih pawh chuan ka la hrethiam chuanglo


"Damdawiin pawh hlau chuan indang te i ti ve amaw i nu ten a an hruai phei leh che u chu a tha hlei hlei a nih chu" Ka la tih sak hram a a ngawi reng keimah bawk chuan "Engvang a indan chu duh viau nge i nih a damdawiin ah pawh riak ngamlo? " Elhsen rawng kai lek lek chuan ka han ti leh a


Chutah a mittui chu hru tawkk in "A chhan chu phurrit a ka in ngaih vang mawle.... Nuthlawi fa pahnih nei tawh chu mo awm tawhna ah chuan a inthlahrun te chu i riang thiam ve lo em ni chhungte tan a phurrit nih reng a mo te tan a an mit khamna khawp a awm ka duh hleinem i duh chuan haw rawh ka mamawh reng reng lo che" Tiin room ah chuan a lut leh ta daih a


A thlirna lam atang chuan a dik fai vek mai bawk si Rinhlua nupui kha misual tak chu a nilo a a fel lutuk mahse a duhloh zawng chu pe na ve tak a nia chu chu hria in Miriami pawh hi a inthlahrung a ni maithei a ni


Lehlam kawng zawng tak ah chuan khatiang a ka lo ti kha ka inchhir takzet... A vawi1 nan hmeichhia ka tawngkhum dan ah ka inchhir ve ta.... A mittui luang khan mak tak in keimah ah hna a thawk a ka khawngaih lo theilo... Riah pui chu ka tum ve leh ta tho a


Room chhunga ka luh chuan jeje-a pawh a lo meng leh tawh a min lo nuih ver ver.... "I ril a tam em ei chak te i nem em?" Ka tih chuan a nu chu va melh in min lo melh leh a "tam e" A lo ti ringawt


Miriami chuan "keiman ka zuk lei ang a ei duh ka hria principal lo awm pui lawk mai ta che chuan ka lo let leh hunah duh chuan i haw mai dawn nia" Tiin a chhuak a


A awmdan a thlak danglam thiam lutuk hi lawm ka fakna... Nichin a a thinrim hmel leh a tap tih pawh kha hriat tur leh hmuh tur an awm tawhlo a pangngai tak in min be thei a nia... An in a chaw kan ei khawm tum pawh khan thinrim deuh a min melh hnu ah a chhungte bulah a nui leh bawk bawk thei kha a nia... A danglam ka tih tawh kha


A rawn let chhoh leh hnu chuan a thil lei te chu a then jejea ei tirin a then chu dawhkan ah chuan a dah a.... An bulah chuan ngawi reng in ka lo thu reng Miriami chuan min lo melh vung vung in "Principal i duh chuan haw tawh la" A lo tih chuan


"Ka duhlo" Ka lo ti hmuk... Chiang leh zual a min melh in a tawng leh dawn chiah tih chuan " Ka duhlo ka tih chuuu" Ka lo ti leh... Amah pawh a nui tawp... Nichin ah riah duhlo hlee kha tunah lem ka haw duhlo leh a.. A nuih a za pawh chu a awm ve tho


"Ka pi te ka haw loh tur thu vel ka va hrilh lawk a nge" Ka tih chuan a bu nghauh a.. Keipawh bathlar ah chuan ka chhuak ve leh nghal..


Ka va luh chuan Jejea chuan " Mommy ka mut a chhuak eee min zai sak leh tawh la" A lo ti a... Miriami pawh chu a bulah inthawlh sat sat in a faoa chu kuah chial in a zai ve nghal mai bawk


An bulah chuan ve phei in mutna tur awm ah chuan ka va mu ve nghak a... Miriami zai chu ngaithla chung in ka lo muhil ve nghal daih


Ka harh leh chuan khua a lo var uarr tawh... Ka va han mu tui ngai ve..


Ehee ngawiteh kei hi nizan ah mangchhia in min ti buai miahlo... Accident a thlen atang a avawi 1 na a ni.... Mak ti tak in Miriami te nufa tui tak a muhil chu ka hawi phei a ka en reng ringawt



END OF CHAPTER 4
ti ve deuh ngeii ilah😆


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:47 pm

♡Nuthlawi Hmeltha♡

CHAPTER - 5

BY TLUANGI SAGY PACHUAU

DINLULIANA POV

Nizan a mangchhia ka mang miahlo kha mak ka ti hleee a ni... Eng nge thil awm zia ka hrelo takzet mahse mangchhia mang miahlo a han awm chu a nuam in ka zing tho pawh ka zangkhai phah hleee si...


Chutah Miriami te nufa damdawiin khum a an mu chu ka thlir reng.... Nizan khan Miriami zai kha ngaithla reng chung in ka lo muhil ve daih ta kha a nia... Chuan mangchhia pawh ka mang miahlo


A mak hle mai chu chu a chhan a ni thei dawn em ni? Engatinge henu hi ka tan a danglam bik em em? Engatinge a hmel ka hmuh hian ka nu ka hriatchhuah fo thin ni? Engatinge hmeichhe tamtak in min atchilh a min hlauh em em lai hian henu hi chutiang chuan a awm ve hauh siloh... Chuti a hnek in min hlaulo in min la vin let hrep lehnghal a...


Engatinge? Engatinge? Engatinge tih hlirrrr hi a ni mai....


Chutia thil ngaihtuah vung vung chung a ka lo thlir reng lai chuan Miriami chu rum tiah tiah in a rawn tho a min rawn hmuh chuan "Principal ramhuai i hmu ami" A rawn ti a "ngatinge" Ka lo ti thuai "hmu i ang em alawm heti hian i meng a" Tih pah in meng lian vak in melh ngai melh reng in a awm a a awm a a hnu ah rawn in siam tha leh in " Tiang khan i awm a" A tih chuan nuih ka insum hram hram


"Tiang khan ka awm a nih chuan ka hmelchhe awmm" Ka tih chuan mit meng no fahran lo hian " I nghal e a" A ti ringawt


A hnu ah chuan nurse a rawn lut a nurse chuan " Engmah harsatna a awm tawh chuanglo a in chhuak thei tawh ang" A tih chuan Miriami chu a lo nui vur vur nurse bawk chuan "mahse chaw ei khamah" A rawn ti leh si Miriami chu a nui tawp chiang teh e


Nurse chhuah hnu chuan " Ka chhuak duh tawh asin le an chaw sem a tuilo si Anu chawhmeh siam ka ei chak tawh" A tih chuan ka lo nui suk... Naupang teee a fa nei in a enkawl seilian a a chang hian puitling viauu thin mahse a chang hian a naupangchhiatna hi a lang leh thin.... A nu leh pa a unaupante duat rawn a ni ve si a..


Nurse in chutia chaw ei kham ah chiah a phal tak si ah chuan Miriami chu a thu tum luauu a... "Tikhan lo awm ula eitur ka zuk lei ange nutling puii tawh si tikhan tum veu vuau suh duhlo rai ang mai" Ka tih chuan min rawn melh rum vak... A melh rum te taih taih a na lo eee kal tum a ka chhuak dawn chiah tih chuan


"Kal mai mai teh DINLULIAN"


A rawn tih chuan ka pen tur chiah chu sut leh a hawi let in "engtin maw min koh kha" Ka ti a... Ka hriat chian loh vang a zawt pawh ka nilo min ko nawn leh ngam dawn em tih ka hriat duh vang mai chauh a ni....


"A mak eee DINLULIAN kal mai mai tehhh" A lo tih leh chuan thinrim vang em em pawh ni lo in awki sang chuan "LALDINSANG" ka ti vakk a ni lah lo duai bik silo "RAMDINSANG" a rawntu let ve nghal zat....


Ka nuih a za deuh tlat.


A hmel ka va en chuan a biang a lo tai hlarr lawk tisawn a thinrim ve tihna ami? Mahse a cute takzet.... A hmui lipstick tel hauh lo a senno chek mai te... A mutna avang a a sam thur bum leh a thinrim vang a a biang sen tai hlar te chuan an ti lang cute takzett..


In thing nawk nawk in a hmel ka va en leh chuan min lo la melh reng..... Rang deuh in ka tlan chhuak nghal daih


Ngawiteh tunah khan ka lai tihna em ni... Kei Ramdinsanga hi ka lai a maw... Hmeichhia vang in ka lai amaw... Chutih rual chuan a hmel kha ka mitthla ah a lo lang leh a awi ka biang a sa hat hat thei... Corridor ah chuan phei zel in ka kut chuan ka hmai chu ka zap pah hliau hliau bawk


Eitur te lei a ka chhoh leh hnu pawh chuan ka la lai ru tlat mawle... Tu min hriat pui siloh hian ka lai ve em em mai a ni


Room chhung a ka luh chuan Miriami chuan mutna vel a lo thlep fel mawlh mawlh a a zai pah rat rat bawk....


"Khawnge Jejea" Ka tih chuan "Bathlar ah sawn a awm" A ti a...


Jejea chu chaw ei tur chuan ka ko a.... Kan ei lai chuan Miriami hnen ah chuan " Zai hi i ngaina em ni a" Ka tih chuan " Umm ngaina ve eee.. Ka nu in asawi dan chuan kum 1 ka tlin hnu deuh lawk hian a thian hlui nen an in tawng leh a chuan kan inah chuan rawn kal zeuh zeuh thin in min rawn awm thin a.... Hla te min sak pui in min zai pui thin a... Min awih mut nan ten a zai thin a ni awm e... Chuan a sawi leh zel dan chuan kum 3 ka tlin thleng khan a lo kal thin a... Mahse a hnu chuan a chin a hre zui tawh biklo a bo hmak a ni awm e" A ti a...


Sawi zawm leh in " Chuan ka nu chuan a sawi leh dan chuan a thiannu vang khan zai i ngaina a i zai reng mai a hla te hi i duh duh dan hian i phuah ve vak vak zel min ti a" Tih pah chuan a nui deuh hak hak a


Jejea chuan " Keichu mommy hi a zaithiam ka ti berr" A lo ti a " Ni e i mommy chu a zai thiam hle mai" Tiin ka lo chhang ve vat...


Chaw te kan ei kham fel hnu lawk chuan Lawmkima pawh chu Jojoa nen an lo thleng ve nghal mai a


Jojoa leh Jejea an inhmu chu an lawm in an hlim dun ngangg mai phir tih tak ah zan khat lek pawh an awm dun lih chuan an in ngai hman hleee a ni


Lawmkima chuan ka lo awm ve chu mak a ti deuh nge ni.... "I va lo kal zing ve Uramdin" A tih chuan "Ni e hei an chhuak dawn tih ka hria a vawiin chu hna lo kal rihlo mai tur a hrilh pahin ka han kan ve a nih hi" Tiin chhuan lam ka lo siam vat....


A awi ve aniang a bu nghauh nghauh mai... Vala leh Rinhlua bulah tiang khan sawi ni ila chu an awi miahlo ang 🤭


Insiam fel a haw kan inpeih/inpaih chuan an bulah chuan "In thleng chuan ka lo zui ve tawhlo mai ang che u a tlai tawh si a"ka ti a " Awle" An tih hnu chuan kan in lam pan in ka in khalh chhuak nghal a


In ka thlen chuan ka pi leh pu te pawh an lo awm tawhlo Childrens Home thenkhat chu an tlawh ta nge mawni an sawi na kha a rei tawh riau a... Min han rawn ve tak na pawh ni se phallo mah ila an tih tur tho kha a nia.. Bakah phalloh chi pawh va ni nghal loh chuan a


Ka room ah chho nghal in intifai zung zung in ka zah chuan ka phone la vat in Vala ka call nghal "Hello" A rawn tih rual chuan "Vala thil mak deuh ka tawng.... Inah i awm em ka lo kal duh" Ka ti nghal a....


"Amak bawrh bawrh thumal i chhak chhuak hnem ve lutuk i thil tawn chu a mak hleee a nih dawn kha" A lo ti thann ringawt a... "Sawi laaa inah chuan i awm dawn emm? " Ka lo ti leh


"Nang ang a a neitu chan chang kan nih ve loh hi duh hun hun ah inah ka awm thei nang bakah tunah chuan Rinhlua te inah ka awm Jejea te an lo thleng a" A rawn ti deuh duah


"Nihchuan zanah tal ka lo kal ang Rinhlua pawh chu hrilh rawh lo kal ve nghal rawh se" Ka ti a ka dah nghal hmak


Ka awm dan hi a mak lutuk... Hmeichhia ang mai ka ni... Thil tawn mak deuh thiante bul a hrilh chak zek zek ang khan ka awm nia mawle...


School ka va thlen chuan a reh ruai mai hian ka hria Miriami school a kal bawk silo... A thawh na la reiloh nen a awm loh a hriat hle mai.. Midang ho sawn chutiang chuan ngai ve tak ang maw

_______________


Zan chu a lo thleng ta ngei e chaw ei kham hnu in ka pi te bulah " Nula ka rim dawn" Tiin Vala te in lamah ka chhuak phei daih a


Ka thlen chuan an lo thu dun leh kurr tawh an inkar ah chuan va inrawlh in " Enteh u ka awm dan hi ka nu dawn aniang ka phi cheng mai" Ka tih chuan Rinhlua chuan "I phurthak ami" A lo ti Vala erawh in "sawi la" A lo ti thung...


Chutah inla mitak thut in an pahnih a melh tawn chung chuan "nizanah mangchhia ka mang miahlo a" Ka tih chuan an ni pawn mak an ti tih an hmel ah ka hre thei...


Rinhlua chuan" Chuan engtin zell? " A lo ti a


Kei chuan" Tunge a nih min zawt lo ula" Ti hmasa te te in ka sawi ta a


"Nizan khan hmeichhe pakhat bulah ka riak a a zai ri rat rat a chuan ka lo muhil ve a a mak lutuk mangchhia ka mang miahlo asin.... Chuzawng ai chuan ka mumang neih kha a nuam lutuk ringawt ka nu leh pa te nen hlim tak in an kal dawn hnu chuan ka nu chuan " Bawiha Khuanu Ruat a nih hi" A lo ti "
Ka ti a


"A va mak ve a vawi1 na a ni em" An tih chuan ka lo bu nghauh nghauh.


A hnu chuan Rinhlua chuan phone call a dawng a pawn ah a va bia a rawn luh leh chuan hmanhmawh hmel tak hian "number 4 an man a ka kal nghal a ngai a nih chu" A tia a chhuak nghal


Vala chuan "I sawi nu chu Miriami tiraw?" A tih chuan kei mi azawng a dawt sawi thiamlo leh ka dawt sawi leh sawi loh hre chiang tu ber Vala hnen ah chuan ka zel zo leh ta lo... Ka bu leh ta nghauh nghauh a.





Awii sorry lutuk ka zir zawmna tur ngaihtuah in ka buai ve reuh lutuk a.. Bakah YMA day ami tur lam kan zir bawk sia.... Min lo hrethiam hram hram ru aw ka theih ang tawkkk a lo regu ka lo tum ang🤗🥰


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:47 pm

♡NUTHLAWI HMELTHA♡

CHAPTER-6
By-Tluangi Sagy Pachuau


Dinluliana POV

Vala bulah chuan "engtin nge ka hmeichhe sawi kha Miriami i
a ni tih i hriat theih a" Ka tih chuan meng kual ralh a thaw chhuak ham ham in " A hriat vek alawm Miriami i hmelhriat atang a i danglam tak dan ah te.... Tu hmeichhia mah rui lo hailo in i riah pui dawnlo tih ka hria alawmmm... Bakah nimin khan kan rual khan i haw ve lo a.... A ti a



Ni tak mawww an rual khan ka chhuak ve lo a hriat chu a lo awl ve dawn em a nih chu mawle...."eng nge Miriami a lo lan vang a ka danglamna? " Tiin ka zawt a.... Dik tak chuan keipawn ka danglamna chu ka in hre ve reng....



"Awwww hei i tawng tui tam ta lutuk te hi mawleee... Bakah nimin a damdawiin a i lo hruai te kha hmeichhe dang chu ni se i lo hruai dawn hauh lo tih ka kut zung tang ka hriat chian tluk in ka hre chiang" A ti deuh duah a....



"Ka unaunu hi i duh deuh em ni a? " A tih chuan ka lu ka lo thing ringawt... Ni e ka duh hleinem ka duh pawh ka hrelo... Hmeichhe dang ang a nilo a tih mai chauh a ni.... Chuan nimin kha chu ka khawngaih vang alawm ka khawngaih vang chauh a ni...



"I duh a nih vaih chuan min hrilh ang che hma ka lak pui thei che nangmah in hma la reng reng suh ang che" Nui vur vur chung hian a ti a....
"I makpa ni turin min duh deuh em ni a? " Ti a ka zawh let chuan... "Duhlo e... Mahse i tan a hmeichhe awm tur i duh a nih chuan Miriami tluk hi ka hrelo" A tih chuan ner nungg chung in "i unaunu a nih vang in i fak hrim hrim" Ka lo ti hmanhmawh a.



"Ni teh se ni teh se mahse i mit meng kha chuan ka duh ka duh a ti" A rawn ti leh a...



Ka chhan hma chuan "nih leh hmeltha i ti ve hrim hrim em" A rawn tih leh chuan tukin zing a a hmel lan dan kha ka ngaihtuah let a... Ka biang a rawn sa leh hat hat ka beng te nen lam "I beng kha ngatinge a va sen ve" Nuihza insum deuh a a rawn tih chuan melh rawn rawm in ka tho thurh a kitchen lam ah tui la tur a phei pah in



"Ninawm Valdawntawi i cousin kha ka duh reng reng lo... Khatiang nuthlawi hmelchhe si..... Keichuan nula hnahkhat ngat ka duh nuthlawi mawlmang deuh nilo in.... A mawll si" Ka ti zuah zuah a...



Kawngka zawn a lo ding reng ka va hmuh chuan ka phu zawk.... A hmel a natna lo lang chhuak chuan ka thu sawi kha a lo hre vek a ni tih a nem nghet chiang hle



Khang thu kha ka rilru tak tak a sawi ka ni lo a... Vala hnen a insawi fihlim ka duh vang a khatia sawi mai kha ka ni... Sawi fiah tum a va pan hnaih ka tum chuan tawlh hnung hret hret in a tlan chhuak nghal daih ka inthiamlo takzet... Engatinge khati teh duah a ka lo sawi kher le.... Ka ngainep hle ah a ngai ngei ang le.....



Vala chu ka awmna lamah lo phei in "tuna i sawi kha i rilru tak tak a nilo tih ka hria ka lak a in sawi fihlim i tum mai mai a nih kha tirawh kan nu rim ang" A lo tih chuan engmah ka sawi lo.... Vala ngaihdan hi Miriami ngaihdan kha ni ve se ka ti ngawt mai... Mahse a ni chuan ka hmusit hle ah a ngai awm si a...



Vala sawi ang chuan Sangpuii(Vala nupui tur) te in ah kal tur chuan kan in khalh chhuak nghal a... Kawng tluan chuan ka tawng lo a..... Vala erawh eng eng emaw sawiin a titi siam siam a a chang in min chhaih leh zuk thin bawk.... Mahse kei erawh in engmah ka sawilo....



Ka rilru ah chuan Miriami hlirrr a awm a ka awm a nuam theilo... A rilru na hmel mawlh kha.... Ka inthiam thei thlawtt lo.... Henu vang hian ka inthlak danglam nasa tawh tuh chu ka hria... Mahse heti em em hi ka nih ka in ring lo asin.... Hmeichhe dang hetiang a keimah vang a an awm chuan engatan mah ka ngai ngailo kha a ni si a... Tinge hetia ka awm tak...



Sangpuii te in kan thlen chuan ngawi reng in kan lut a... Sangpuii thiannu... Monu thian a a hman tur ni ngei tur pawh a lo awm... Ka luh atang khan an ni pathum chu an la titi char char a... Honey moon hmang tur a an kal na tur sawi ten an ti ti vel mai mai a.... Keichu an bulah ngawi reng in ka lo thu thung
A hnu chuan Sangpuii thiannu chuan "Ramdina maw i nih? " A lo tih chuan ka bu nghauh ringawt



"Sangpuii thiannu Sawmi ka nia" A tih chuan "E" Ka lo ti leh ringawt... Ka be chak hlawllo mood a chhiat tawh sa nen...



"Mopa thian tur hi maw i nih? "
A tih leh chuan ka ning tawh lutuk chu tho thut in "Sangpui tui ka in dawn aw" Tiin kitchen lam ah chuan ka phei a...fridge chu hawng in tui chu ka la a ka in khawlh khawlh...



Chunu teh hrel chuan min lo zui zel chu ni in "Ka lo hriat dan che chu a dik chiah a nih hi.... Tlangval cool tawngmawh leh nelawmloh" A rawn tih chuan in her in rum thei ang ber in ka melh.... "Mengmawi nen" A rawn tih leh chuan ka ngei tawh kher mai... Hetiang hmeichhia hmelhriat loh bulah pawh huangtau lutuk te hi ka hua....



"I hre dik chiah a nih chu... Chucang chuan min hnaih hauh suh" Tiin chhuah ka tum a "mahse keichuan nel che ka tum" A rawn ti leh hram a a tawng tam tawh lutuk chu ngaitheilo in ka hawi let leh a... "Hmeichhia tawng chin tawk hre rawh" Tiin kitchen atang chuan ka chhuak a "Sangpui ka haw phawt mai ang ka mu duh" Tiin ka haw daih....



Kan in kawng a ka tlan lai te chuan Miriami hlirr ka rilru ah a awm a engdang mah ka ngaihtuah theilo.... A rilru na hmel khan min ti chau hluah hluah..... Ka hmangaih em em ni a ka hriat ka bialnu hlui lakah pawh khan tiang rilru hi ka pu ngailo... Mahse ni rei lo te ka hriat lakah chuan ka awm tho si...


Ka rilru a luah em avang chuan inthiam theilo in a in luah ka hre tho a tih ngaihna em em pawh ka hrelo... Thlem dan ka thiam bawk silo... Mahse a in ka va thlen chuan a lo in kalh thim thiap a.... Ni tak e Jejea damloh vang in a pa te in lamah an phei hrih tak e.... Ka rilru a buai lutuk a ka theihnghilh vek....


Rilru a kap tung chung chuan in chu ka thleng phei ve ta a... Ka pi leh pu te pawh an mu tawh a nih hmel... An kalna chanchin chu naktuk ah ka zawt tawh mai ang....


Thil dang pawh ti khawmuang tawhlo chuan ka mu nghal hmak a.... Mutthilh erawh a har talh talh hle mai.... Zawhna ka in zawh tam ber chu engatinge henu hian ka nunah danglamna a neih bik em em tih hi a ni....


Ka mu te chu ka in let ka in let leh thin.... Tih ngaihna a va han vang ngawih ngawih tak.... Phone te chu ka on eng a ka off leh a ka on a ka off leh thin a... A hnu ah chuan Whatsapp ah chuan ka lut ta nge nge a...


Kan school teacher group a ka luh chuan Miriami message awm bik chuan ka mit a la nghal chat... "Tun kar chu ka chawl tlang law law mai ang... Ka fapa khawsik in a na chhunzawm nghal bawk sia.... Principal ka phone tlang thei bawk silo" Tih hi a lo ni a...


Min lo call pawh kha a tum miah silo a.... Keimah vang a school kal duh rihlo te hi a ni mai angem.... A nih vaih chuan a zialo viau ang.... Nge ni a Jejea chu a na chhunzawm tak tak zawk le.... Ka ngaihtuah hleee mai....


Jejea chu a lo na chhunzawm tak tak angem tih chuan ka rilru a ti buai leh ta.... Hemi te nufa hian thil ho te te ah min ti mangang chu a nih hi....


Insum theilo in Vala chu ka call nghal... Rinhlua chu zawh awm zawk tho chu ni mahse hna thawk khan a chhuak daih si a....


Call a lak rual chuan "Vala i haw tawh em? " Ka lo ti nghal tawng a... "Aw haw tawh e eng nge ni a? " A lo tih chuan "Aaa englo Miriami fapa kha a khawsik in a chhunzawm ami.... A na viau em?" Ka ti nghal mawlh mawlh a...


"Chu chu a nia ka haw chhan ni.... A khawsik a lo sang lutuk a damdawiin ah kan tlan chho leh nghal a hei" A tih chuan... Ka lo hlauthawng ve nganggg mai... Kei a tan han lan chhoh ve chi ni in ka hre silo "Val lo kal ve ila a pawi angem" Ka ti ta tawp... "Tinge i ngaihtuah ve deuh em ni? " A ti leh a...



"Ngaihtuah em em lo e ka hnuai a thawk fapa mai chauh a nia" Ka tih chuan a bul a hmeichhe aw chuan "Keini ang nuthlawi leh a fate hi chu ngaihtuah kan ngai hleinem" A lo ti a.... Ka in thiamloh na a rawn ti zual ngangg mai... Ngatinge ka tawngkam hi awww... He hmui bawlhhlawh hi ka huat berrr tum a la ni ang....


"Lo kal lo mai rawh bakah i chau ang... Hei a zia tawh alawm" Vala chuan a rawn ti a.... "Awle muttui" Ka ti a phone ka dah leh nghal....


Khumah chuan ngawi reng in ka mu a.... Muhil pawh ni ila mangchhia in min ti buai leh dawn tho a... Mut a chhuaklo bawk nen mutthilh chu ka tum buailo law law..


____________________________



Kar thar kan hmang leh tawh a... Karleh lawk hi Vala nupui neih a ni tawh bawk....


Miriami pawn school a rawn tan leh tawh a... Jejea pawh a damtha tawh bawk.... Mahse ka rilru la ti buai tu chu Miriami rilru ka la tih dam sak lo hi a ni...


A chang leh awm ve mai mai ang hmiang ka buaina tur a awm lo ka tia.... Mahse ka ngaihtuah lo thei bawk silo... Keimah vang a rilru na a ni miau a.....


Ngaihdam dil ka duh a in sawifiah ka duh.... Hun remchang zawng in ka dap reng a.... Ka tir kual vak vak a... A chang leh ka thinchhe lutuk hian ka lo vin leh palh thin....


Engmah sawi lo in ti tur a ka tih chu a ti mawlh mawlh a... Ama period a class a la tih loh chu ka bulah awm tirin ka tir kual thin.... Ngaihdam dilna hun remchang ka zawng a mahse biak theih loh in a awm leh thin....


Ka chhawr nasa bik lutuk chu thawktu dang te mak tih a ni tih ka hria... Mahse hun remchang ka duh ve tho sia ni.....


Vawi khat chu biak ngei tawh tum in a thil tih na bulah chuan ka ding reng a... Min hmulo leh ka awm ve tih hrelo ang hmak in a awm a....


Ka thin ter tek a chhuah chuan a kut a man chawt in ka pawt tho lawp a.... Bangah chuan nawr bet in "Nang hian tunge i nih a i inhriat a ka lakah hian induh thei niin i inhria em ni... Ka hnuai a hnathawk satliah ve mai i nih hi ka duh chuan ka ban thei che nuthlawi satliah ve mai nai" Ka tih khum piap piap a....


A mittui tling pam ka hmuh chuan ka tawng hlawk zia ka in hre chawpchilh nghal zawimuang in a kut ka man na chu ka thlah riai riai a.... A tlan chhuak nghal nal nal.....


Staff office lam pan lo a a car awmna lam a pan ka hmuh chuan ka umzui leh nghal vat.... A rilru na in car a khalh tha theilo anga a accident ang tih chu a ni ka hlauh ni......


A tlan chhuak chu zuiin ka tlan chhuak ve nghal a.... A hnu ah chuan hmun fal deuh lai ah hian kawng chhak lamah penna a awm a... Motor a luh len tawh loh vang in ke in a tlan chho a.... Ngawi reng in ka zui chho ve zel.....


A hmun ka han thlen chhoh ve chuan a nuam reuh kher mai.... Thli a tam in a thengthaw nuam bawk si.... A thlang ah chuan Aizawl khawpui chu chiag tak in a lang a....


A hnu lawk ah chuan ring tak in a au a... A tal nghal hawm hawm..... "Phatsan ka ni kha ka thiamloh em ni.... Nuthlawi ka lo ni ta te hi ka thiamloh an ni em ni.... Hetiang em em a hmuhhsitna tuar tur leh tih duhdahna tuar tur hian eng nge ka tih sual bik le..... Hna ka hmu a ka lawm em em a... Mahse ka chan hi eng nge ni ta... Ka thawh pui te mai bakah principal hnen atang thleng in maw hetiang hi ka tawrh a ngaih dawn.....tiin a tap hawm hawm a....


Maw tunah khan eng nge a sawi kha.... Tih duhdahna a ti em ni... A thawhpui te hnen atang in maw.... Tunge niang...
Tinge chutiang chu engmah ka lo hriat ve loh..... Chutiang chu ka school ah zirtirtu te ah a thleng amaw....ka en liam mai mai hauh lo ang....


Miriami chu let san in school ah chuan ka kal leh nghal a..... Staff office zawn ka thlen chuan Nguri te thian dun leh mipa pahnih hi an lo awm a... An lo nui dar dar a....


Nguri ber chuan "In hria em Principal pawn a tih duh dah theih em hi tunlai hian... Principal pawh hian a ngaina bik hauhlo a niang....tap purrr chung in a tlan chhiat kha" Tiin an vai chuan an nui leh dar dar a....


Chutia an nuih ho dar dar lai chuan ka va lut thut a an nui tawp chiang hlee...
"Eng thil nge in lo tih aa? " Tiin no fahran lo chuan ka melh kual hlawm a.... An hmel a hlauthawng hmel chuan ka ringlelh na an ti zual sauh.....


Engmah hre chuang silo in an hlauhthawn hmel em avang chuan ka puh risk ve tawp a... "Nang ni hian college zirlai amaw la in ti em ni a mi tih duhdah leh hmuhsit maw? " Ka tih chuan an pha nasa ve ngnaggg mai...


A tha eeee pha zel ru... CCTV a awm alawm kan en ang... Ka tih chuan an meng phawk tawh hle.... A hnu chuan an rawn in puan ta sup sup mai... An in puh chhawng nasa....


"A tawk e helai hmun ah hian awm ve chhan tur in nei tawhlo... Hetiang zirtirtu hi kan school in kan mamawh reng reng lo... Chhuak rang rawh u" Ka tih chuan staff sang ho chu an lo lut sang sang a... An ni chu hrilh in"hre rawh u an ni pali hi ban an ni... An nungchang ang nei kha in awm ve a nih chuan ka ban nghal hmak hmak ang cheu" ka ti a


Chutia kan chetla vel lai chu Miriami chuan min lo thlir reng.... A bulah chuan va kal hnai in a ban ah chuan ka kai a ka office lamah ka phei pui ta a...


"Principal CCTV chu a awm tak tak em ni? " A rawn tih chuan..... A mah chu en a nuih sen sen pah in "awm lo e... Ka phuahchawp ve mai mai a nih kha inpuang se ka duh si a" Ka tih chuan.... Tinge i tih kher... Nangpawh an ni ang tho alawm i nih" A tih chuan pan hnai in


"I chung a thil ka lo tih tawh na ah te khan min ngaidam rawh.... Chuan ka insawifiahna hi min ngaihthlak sak la " Ka tih chuan aw tih nan a bu nghat a


Khami zan Vala te in a i lo kal zan khan Vala nen khan kan titi a.... Min chhaih reng avang in insawi fihlim nan tiin khatiang khan ka tawng ta mai a.... A ruk in ka ngaihsak hle che a ni tih hi a hria ang tih ka hlauh avang in nuthlawi mai mai tih tawngkalam ah ka nei a.... Ngaihdam dil che tum in hun remchang ka dap a ka bul hnai ah awm tir che ka tum a... Mahse nang lah chu i lo luhlul phian sia biak theih pawh i nilo" Ka tih chuan


Rawn nui hak in "ka luhlul lo... Dik tak chuan nang lehzel in a khatiang a min ti kha ka rilru a na emmm a ni" A rawn ti a a lung a chhe leh nghal rungawt.... Rang tak in ka kuah nghal vat a.....


A tah a tah hnu chuan tawp chawt in
Chiang em em fahran hian min rawn melh a..... "Nang hian nichin khan a ruk in ka ngaihsak che i ti em ni? " A rawn ti a.....


Ngawi reng in ka en reng a.... Sawi mai tur pawh ka hrelo....




Tikhan episode thar a lo chhuah leh hma chu ngawi reng in lo in en reng mai rawh se😆


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)