BINGBI_PAR #By #Irene_H_muankimi

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: BINGBI_PAR #By #Irene_H_muankimi

Unread post by Ngaia » July 3rd, 2022, 1:51 pm

Chapter 7



NGURSAIPUII P.O.V.




"I Chiang maw? Mahni a awm hi thil awlsam a ni lo ania"



"Ka hria alawm. Mahse,ka nu Siamtei te hi ka ti buai reng theilo alawm. Nakinah u Raymond-a'n nupui a neih leh phei chuan ka tan an in a lo awm ve reng kha a mawi lo" ka tih chuan "dik chu a dik ve tho bawk sia" a ti leh a,ka nui tawp tawh.




Rinsanga hi he khawvel maksak taka ka thian neih hmasak ber a ni a. Chawngi pawh awm tho mah se,class nitin a kal thin avangin inkawm nan hun kan nei ngai lova. A hun awlah erawh kan la inkawm nasa viau thung.




U Thanga... nilo, u Raymond-a alawm a nih. Ani kha ka u Thanga kei min hmangaih em em tu kha a ni lo tih hi ka pawm thiam a ngai tawh a ni. Nupui a nei dawn tih a ka ngei atanga ka hriat ni khan ka khawvel ngaia let kha ka duh em em a,kawng ka zawn ngial pawha let dan ka hriat tak si lohah chuan mahnia in enkawl theih leh u Raymond-a hlata awm chu ka thil tum ber a ni.




Rinsanga hian online shopping an ti emaw ni a buaipui a vangin nitin a hnathawhna kiangah hun ka hmang thin a. Tunah chuan a hna thawh pawh ka hrethiamin thil sema a chhuah changin order hrang hrangte pawh ka lo laksak ve thin a.




Mahni a indan ka duh thu ka sawi chuan mak a ti dawn viaua,ka dinhmun a hriat chian hnuah erawh an inhnuai kudam atana an hman chu ka luah tura min tihfai pui a tum ta a ni.




Ka thil tih tum chu zanriah kan ei lai, kan kim thap lai chuan ka sawi ta a. Nu Siamtei leh u Raymond-a an lawm loh viau laiin Sangpuii erawh a thu ngawi renga eng nge a ngaihdan ka hrethiam chiahlo.




"Ti nge Nguri i lungawi lohna turin thil tih kan nei em ni?" Nu Siamtei chuan a rawn ti dam dupa,lu ka lo thing vat.




"Nilo,ka chunga in thatna te hi engtikah mah ka rul seng leh tawh kherlo ang che u. Mahse, hetianga in kianga a thlawna awm ve reng hi nuam ka ti lo a ni" ka tih chuan Raymond-a chu tho vutin a kut a sil zawhah pawnlamah a chhuak ta daih a.



"Kha Bawiha pawh a lawm vaklo a nih dawn kha. Keipawh ka lawm vaklo,ka fanu i ni a,i awmna tur chu he in hi a ni. Chuvang chuan insawn tih vel kha chu a ngaihtuah pawh ngaihtuah tawh suh" nu Siamtei chuan a rawn ti leha,han hnial ka tum chu " i in sawn chhuak lovang" tiin min lo tawng khalh vata,ani pawn chaw ei dawhkan chu a thawhchhuah san ve leh.




"Ti nge kan in hi nuam i ti lo em ni?" Kan pahnih chauha kan awm hnuah Sangpuii pawh a rawn tawng chhuak ve ta hram.




"Chuti lam pawh a ni lo"



"Anih chuan kan bulah hian awm ve reng rawh. Ka unaunu leh thian i ni a,ka nu leh ka u pawn an phalloh em kha chhuah tum miah suh. U Lancy-i a rawn mo phei chuan ka u hian min ngaihsak hman tawh lo a nga nang leh zel i awm loh chuan ka khua a har lutuk ang" a ti a. An vai mai hian ka chungah an tha em em a,ka tan pawh hian an in atanga insawn chhuak tura thutlukna siam hi a awlsamlo tih hi min hriatthiam sak se ka duh takzet.




Ka khumah muhil thei lova ka in leh ka in leh lai chuan ka khum sira ka dah ka phone chu a rawn ri a. He thil hi a tha asin aw, Rinsanga min pek ania, a thar a neia tichuan a hman hlui hi min pe a. Hla deuh atang pawn midang kan be thei a,a tir chuan ka hrethiamlo viau a Rhinsanga min zirtirna a zarah hetiang khawl lam thil pawh hi a chinchang ka hre tawh khawp mai.




Hetiang cell phone hi kan khuaah khan nei ila kan hmang tangkai dan tur ka ngaihtuah chang chuan haw vat vata hetiang thil tam tak hawn hi ka thil chak ber a ni. Phone ka en a,number lawng chauh hi alo ni a. Thil rawn order leh duh an nih ka rin avangin zan tlai a nih leh nih loh lam ngaihtuah lovin ka chhang nghal vat.




"Kawngka min lo hawn teh" ka phone chu phawk zetin ka hmai zawnah lekin ka en a,tun ami kha u Raymond-a a ni em?




"Hello, Ngursaipui ila awm em?" Chutia phone ka en reng lai chuan ring zet hian a rawn au leh lang lang a.



"U Raymond" ka tih zawh rual chiahin a nui ri in a zui nghal.



"Keimah i u Thanga" a rawn tih chuan ka in sehruh vak. A hma zawngin 'u Thang' tia koh a duh lova. Tunah ka koh loh veleh 'i u Thang' te chu a rawn in ti leh vel a. "Pawnah ka awm kawngka min lo hawn teh" a rawn tih leh chuan rang zetin inhnuai lam ka pan nghal.




Kawngka pawh chu alo inkalh chuanglo a,pawnah bang nghenin alo thu bama,zu a in tih a rim atang chuan ka hre nghal. Heng laiah chuan in tinin zu an um ve tawh ngai lova dawrah zu rawng sen te nen lam lei tur a awmin a chi hrang a tam lutuk tawh tlat. Tin,kan khawvel anglo takin tlangval la naupang tak tak pawn khawlaiah mawilo khawpin zu an ruia tuman an zilhin anni pawn aia upa zahna an nei tawh lo.




"Kawngka chu a inkalh tawp loh hi,lo lut ta che" ka tih chuan a thutna atanga tho in inchhungah chuan a rawn luta a hnungah zui lutin kawngka chu ka kalh tha nghal.




Ngawi rengin inchung lamah kan in zui chho a,a room kawngkhar zawna a ding chu kal pelh mai ka tuma ka hnunglam atanga min rawn kuah thut chuan ka khawng Chiang kher asin.




"U Ra.. Raymond"



"Ai..u Thang..u Thang tiin min ko leh rawh" a rawn tia, ka mit ka chhing vang vang. Ti nge ti hian a awm thut? Ka awm zawna na vawng vawng chu duhlo zetin ka meng a.




"Hetiangin awm suh" tiin tal chhuah ka tuma min la kuah nghet hrep zui.




"Tunah chuan u Raymond tiin min ko tawha ti nge? Ti nge,a hma a min koh ang khan min koh duh tawh tak miah loh?" A tih chuan ka hmui hnuailam chu ka pet fan fan."maw,min chhang teh eng vang nge?"




"Ka u Thanga kha i ni tlatlo alawm." Ka tih chuan zawi muanga min thlahin alamah min kuai her a.




"Ka ni lo maw? Anih tu nge ka nih?" A tir lam chu zawi hle mahse,a tawp lam erawh a ring tha khawp mai.




"Hetiangin awm suh midang i ti harh a nge?" Sangpuii room kawngka lam ka va melh tawk tawk,nu Siamtei chu inhnuai lamah a riak daih zela ani chu a harh ka ring chiah chuanglo.




"Hmeichhe a tak kei min atchilhtu kha ka ngai a ni" tiin ka darah a lu a rawn nghata a a che zawm tawh miahlo.




"Hei,i muthlu em ni?" Ka tih pawn min chhanglo hepa hi a muhil tak tak a nih chu,awiawm loh hian! Rit ti zetin a room chhungah ka luh puia a khumah a tluk rual chiahin a rum nghal tiah tiah a. "Tun ang hian a hma khan awm turin keipawn ka duh ve tho che" ti supin a pheihkhawk ka phelh saka ka mut that tir tawp. Puan pawh sin tir lovin ka kalsan a,thil engmah hi kan inkarah hian a thleng dik ve thei ngai dawnlo a nih hi.
~~~~~~~~



"Awi! Min ti phu chiang lutuk" bathroom atanga ka chhuak chiah chu min lo melh runa hnunglamah ka zuang zawk alawm. "Eng nge ilo tih dawn?" Ka awm la dawm reng chung chuan ka ti a.





"In sawn chhuah kha tum buai suh ang che" a ti rum al a,nizana ka mipa hmuh kha chu a bo leh daih tawh.





"Eng vangin? Kum khuain in kiangah hian ka khawsa theilo tih i hria a ni lawm ni?" Ka lo ti ve vat.




"Hre lo"



"Maw?"



"In sawn chhuah chu tumlo la a ni mai" ti hmukin a kal a.




"U Raymond" ka tih that chuan a rawn hawi let.




"Ka rem ti dawn chuanglo" tiin ka room chu a chhuahsan. A hnua inhnuaia ka zuk chhuk leh pawn ani chu hmuh tur a awm tawh lo. Tukthuan kan ei laiin nu Siamtei chuan Lancy-i leh u Raymond-a inneih hun tur vel a sawi luam a,eng ang pawn han tum ve mah ila lawmpui harsa ka ti takzet.





"Vawiin ah Rinsanga te inhnuai chu tih fai kan tum a" ka tih chuan nu Siamtei chuan min en deuh vung vung a.




"I ti lui tal dawn em ni?"



"Veng khatah kan la awm dawn tho a,i fanu ka nihna ala bo dawn Chuang hleinem nitin ka lo leng thin ang" te chu ka han ti ve luam a. Rem min tih pui se ka ti tak zet.





"Anih chutia i tum tlat chuan ka chelh lui lo ang che,mah se Bawiha hnenah erawh i sawi tha leh hrim hrim dawn ania" a tawp atawpah chuan a ti ta nghe nghe.





Chumi nileng chu Rinsanga te inhnuai chu kan ti faia,a nau Tluangtea'n min pui bawk. A lian vaklo na chu keima a luah atan chuan a tawk viau thung. Chaw pawh Rinsanga te inah chuan ka ei nghala,an chhungkua hi panga an niin, Rinsanga hi fa lai a ni. A u hmeichhia hian pasal a nei tawh bawk.




Chaw ei khamah Rinsanga chuan min thlah leh thlapa mipa nui duh leh fiamthu duh tak a nih avangin keipawh ho te te ah min ti nui fo va,ka hlimpui thin takzet.





"Naktukah kan silfai vek a nga,a tuk lehah rawng kan hnawih leh a nga i in sawn lut thei vat mai ang"




"Bungrua leiin min bazar pui a ngai ang" ka lo tih chuan Bungrua engmah lei a ngaih loh thu leh an mahnin an neih thu in min lo chhang." Mahse,chutiang ngawtte chu a" ka ti hram a. Engkima an mahni rin vek kha ka duhlo a ni.




"Hman loh kan nei alawm, mahnia khawsak chuan sum rena hmanthiam a ngai thin. Nangpawh mi ta a thlawna hman tur a awm chuan hmang zel rawh" awlsam zet hian a ti mai a. Ka hnial buai peih ta lo lawh lawh,ka hnial hneh dawn chuanglo tih hi ka hre chiang em a ni.




Inkawt kan thlen chuan kawngka chu rawn in hawngin nu Siamtei, Raymond-a leh Lancy-i te chu an rawn in zui chhuaka keini min hmuh chuan, "hei Ngurite pawh an rawn haw alawm" nu Siamtei chuan a ti nghal zat a. An kianga ding erawh in min melh no lo leh viau tawh.




"Chaw in ei tawh em ni a?" Nui luih ve ngial ka han tuma ka ti hleithei derlo leh nghal.




"Aw, hei Lancy-i a haw tawh dawna Bawiha'n ava thlah dawn a nih hi" a tih chuan Lancy-i leh u Raymond-a chu ka melh zawk.




"Hmundangah chaw ilo ei chhuak daiha" Lancy-i chuan alo ti a. Hmanni khan vawikhat chaw a rawn ei tawha chu chu a hmel vawikhat ka hmuh na a ni a,chuan tun hi a vawihnihna. A hmel hmu khat hle mah ila a hming erawh in ka beng a luh ngun viau thung.





"Nia, ka inluah tur kan ti fai a" ka tih laia mipa rum nghut ri chu hre Chiang tak ka ni.




"Mahni a in luah hran i tum em ni?"



"Aw,Rinsanga te in hnuaiah hian ania kar leh velah chuan ka insawn thei tawh ang" ka tih chuan hmeichhia mahnia inluah a hautak bik zia leh min ngaihtuah thu chu a sawi ve luam a.




"Kal ang" A bula ding palian zetin a rawn tih hmuk takah chuan an kal ta a. Keini pawh inchhung lamah kan luta reilo te a rawn len hnuah Rinsanga pawh a haw leh a.





"Vawiin chuan in va thawk tam awm ve,kar leha luah luh theih i in beisei ni?" Nu Siamtei chuan tv channel thlak kual pahin a rawn ti a.





"Rinsanga te unauin min puia,naktukah inchhung kan silfai ang" ka lo ti vat. A en duh zawng Korean a hmeh chhuah chu ka inluah thar tur leh u Raymond-a chungchang sawi pahin kan en dun ta reng a. Sangpuii erawh a room ah lehkha zirin a inkhung leh tawh aniang hmuh tur a awm leh tawh lo.





Ziak leh chhiar hi pi Mawii bula ka awm atang khan ka zir tan tawha, Rinsanga'n min pui leh bawka ka zia ve tawh khawp mai. Ka vanneia thil thiam chak chi ka nih avangin ka tih tawh lamah hi chuan ka tha thei fu bawk. Sangpuii'n a zirna hmun leh chanchin vel a sawi hian kal ve ka chak thei hle a,sum sen tur a tam em avangin ka sawi lang ngamlo a ni.





U Raymond-a alo let leh pawn nu Siamtei nen chuan tv kan la en renga,a room lamah a chho tlang mai lo chuan ka bulah min si chet hian a rawn thu a. Thawh ka tum tih a hria nge ka kut chu nghet zet hian a chelha,nu Siamtei hmuh loh lamah kan kut kan insual tir ngar ngar. A mi uapna na bik thei lutuk hian ka awm a ti nuamlo thin lutuka, a kianga awm tam hi ka duh lo.





Kan thil en a tawp chuan "Kawngka kha kalh tha ru aw" tiin a room lam a pan nghal daih a. Rum zeta ka bula thu ka en chuan pawisawilo zet hian min lo nuih ang sawnga ka va han ngei mai mai tak.




"Min thlah rawh" ka ti chu min chelh nget rawh tihna ang vel a ni ka kut chu chelh nghet sauhin sofa hnung chu a nghena a mit a chhing zui hmak bawk.Hepa hi eng nge a hriata nizan atang khan min la ti buai char char. A hma in a kianga ka awm chu sawi loh ka hmel a hmuh lek pawn ka lu la chak ber awm ang maiin min melhin min ngaitheilo thin kha a ni a. Tuna a khawsa zia hi ka hrethiamlo a ni.




"Ka mu duh tawh ania" ka thawm pawh a hre reng awm sia a rawn meng duh miahlo, "u Ray..."





"Ka rem tilo ka ti a ni lawm ni" ti khur khura a rawn meng chu a mitah rei ka en ngamlo.




"He..hetianga i awm chhan chu kei min venghim tura i in tiam vang kha a ni em? Chuvanga ka in sawn chhuak tur hi rem tilo i nih chuan duh tawk tawh rawh. Tun atang chuan min venghim turin ka ti tawh lovang che kei mah nilo venhim tur pahnih i neih belh tawh si a. Kei chu keimahin ka in enkawl ve thei tawh alawm" tiin ka hawi chhuaka ngun thluk fe a min lo en rengna a mitah ka en ve ta ran a.




"Chutiang khawp chuan em ni ka lak atanga zalen ilo chak?"



"U Raymond"



"Kha hming khan min ko teivet Suh" rawn ti that chuan awm sep dawrin ka phu a,ka lungphu a pangngai hma hauhin ka hmui chu a hmuiin a rawn si nghal zat.





Ka biang tawn tawnah dawmin a duhthawh hle a,hetiang hi ka vawikhat tawnna a nih avangin awmdan mai tur pawh ka hre lo. Ka che lova min fawhna chu ka dawh tawp. "Ti nge a hma khan ka lo hriat loh le" a hmui a lak sawn rualin a chal leh ka chal chu a ti si a. A thusawi awmzia pawh chu ka hrethiam chuanglo ka ngaihtuahna ah chuan tun maia min fawh lai chauh kha a awm.




"Ka duh che" a ti zo hman tawk ang..




"Lalawmpui" ka nu Siamtei aw vin that chuan a rawn zawm zata aw lo chhuahna lam ka hawi chu mak tihna a khatin nu siamtei chuan keini pahnih chu a room kawngka bul atang hian min lo en reng a.




"Nu"



"Engthil nge ka hmuh kha?" A rawn tih that chuan hlau thawng tawh tak ka ni.




"Nu,kei hian Nguri hi ka duh a ni" thinrim tih hriat taka min rawn panhnai tu nu Siamtei chuan a fapa biangah tak chuan a beng ta pawp mai le,te thatin ka ka chu ka hup vat.




"Nupui nei tur i nih kha, tunah hmeichhe dang i duh thu i sawi a maw? A zah pawh hi i zak em em lo em ni?" A tih chuan u Raymond-a chu a ngawi ngala, nu Siamtei chu ka lam alo hawia ka lo kun vat.




"Chuan Nguri nangpawh ka fanu ang chiahin ka en che tih i hria a ni lawm ni?" Min ti a nih chu,a aw ri atang a rilru nat zia ka hre thei bawk.




"Ka ...ka tihpalh"



"Anin thiam lohna a neilo"



"Lo ngawi rawh" u Raymond-a lo tawng chu alo khap vat.



"Nu..nu Siamte i hmuh ang kha a ni lo ani,kei hian u Raymond-a hi ka duh lo" ka lo ti nawk nawka u Raymond-a'n ka kut rawn vawn leh a tum pawh chu ka kut ka lo la sawn vat.



"Nguri"



"A tawk u Raymond i nu bulah hian kan inkarah engmah a awmlo tih sawi ve ta che." Ka tih chuan lawm loh hmel zet hian inchung lamah a kal vuta a nu nen chuan kan en zui ta reng.



(Chhuna kan dawr kan siam tirna ah a vil tu ah ka tanga,zanah lah kan inah inkhawmna hun kan hmang leh sia a sei theilo. Chuan naktuk hi YMA day a ni sia,zing atanga zan thleng kha story type nan hun ka nei dawn lova. Story ka awl ang aw. Chuan ka dah leh hunah Bonus chapter ka siam ang che u 🤗)


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:51 pm

BINGBI PAR
Chapter 8


(A LAI ATANG ZAWMNA A AWM)





"Nu Siamte" chauh hmel zet hian sofa ah chuan a thu thla a,a bulah ka thu thla ve vat. Rawn hawi chhuak in uluk zet hian min en vawng vawnga ka inthiamlo tawlh tawlh.




"Nguri,ka fapa i duh tih hi ka hai lo asin" a tih chuan ka awmdan ka hlauh hman thelh a ni. "Mahse,engvanga pha nge i nih?" Tiin min zawta ka kha lah chu a chih tlat bawk si a.




"Kha i mitmengah khan ka hmu thei a ni. Ka fapa i en changa i mita hmangaihna lo lang chhuak thin kha thup tum eng ang mah la i thei lovang."




"Nu Siamte"




"Hei hi min han hrilh teh ka fapa hian Lancy-i thenin ilam lo pan tum tal se ilo pawm a ngem?" Ngawi rengin kan in en renga tuna a zawhna chu awlsam taka chhan mai chi a ni lo tih ka beng ka hriat chian tlukin ka Chiang.




"Nguri.."




"Chu hun chu a thleng lovang, u Raymond-a hi ka duh thin tih chu ka hria. Mahse, tunah chuan khang ka duhna te kha an bo tawh. U Raymond-a chu mipa puitling leh fel tak a ni a, Lancy-i leh a fa lo piang tur chu a kalsan hauhlo ang,tunah rih chuan a rilru a buai deuh mai chauh a nih kha. Ka in sawn chhuah hunah chuan engkim hi a pangngaiin a kal leh vek mai ang" tiin U Raymond-a duhna ka pawm loh tur zia chu ka sawi a.





"Ni e,i sawi chu dik hram teh se" eng emaw ngaihtuah muk hmel zeta hma lam a melh run run laiin inchung lamah ka chho sana u Raymond-a kawngka zawn ka thlen chuan ka han ding vang vanga,rilru a amah mangtha na thu sawiin ka room lamah ka lut zui ta a.





Zan tir khan ka nu Siamtei nen kan in biak tui em avangin in ti fai lo in TV kha ka en pui ta reng sia. Ka han in tifai leh hmasa te te a, tuna ka duh thlanna hi ka thlan sual loh ngei ka in beisei.




Khum bula drawer chu hawngin 'BINGBI PAR' bu chu phawrhin zan hmasa lama ka chhiar bak chiah chu ka chhiar zawm leh. He bu hian makna deuh mai a nei a, hmania u Raymond-a room ka luh khan a lehkhabu dahna ah ka hmu a.




A kawma pangpar lem chuang chu kha zana pangpar ka phun kha a ni tih ka hriat avangin ka mit a la nghal hle a. Chhiar turin ka room lamah ka la phei a ni. Ziak leh chhiar chu thiam tawh mah ila ka la chaklo viau a,zankhatah tlemte te in ka chhiara ka chhiar thui pauh leh thil engkim chu a hun lai ang chiah khan ka tuar leh vek niin ka hria.




He lehkhabu ah hian ka khawvel diktaka ka thil tawn zawng zawng chu a in dawtin a chuang vek a. Chu aia thil danglam leh zawk chu he lehkhabu hi alo chhuahna ka hre lo. Rinsanga hnenah khan ka sawi zuai tawha mahse, chutiang lehkhabu ala hriat ngai loh thu in min chhang maia u Raymond-a kawl a nihna angin a mah chu zawh duh hle mah ila tunah rih chuan ka la zawt thei lo.




A chhan pawh he lehkhabu ah hian ka hriatloh thuruk tam tak ka hriat belh a,a tu hi nge ka rina ka rin loh tur pawh ka hre tawh lo. Engtin nge ka thiantha ber nena kan mipa duh alo in ang reng tih te hi ka lo hriat loh theih. Tin,ka pa thuruk leh u Thanga thuruk zawng zawngte engkim mai hi a bul atanga a tawp thlengin ka chhui chhuah vek a ngai a ni.




Chuan mi tu pawh nise he thil ziaktu hian ka khawvela ka let leh dan tur a hriat ka ringa,ani zawn hmuh chu ka tih mak mawh a ni.
~~~~~~~~~~




Ka in thar tura ka in sawn luh ni chuan Sangpuii leh Rinsanga te unau in min puia, Nu Maremi'n (Rinsanga nu) thingpui min lo lum bawk.




Bungraw tam zawk chu Rinsanga te ta vek ka hmanga, kei erawh in ka thawmhnaw leh ziak leh chhiar nana ka hman thil tlemte chauh chu a ni ka in sawn luh pui.





"Ka ngai ngawt ang che, kan in ai pawn ka rawn awm tam zawk mai thei a ni" tiin Sangpuii chuan a sawi deuh seka a hmelah chuan ka insawn chu hreawm ti ve tak tak hmel a pu a. Kei erawh in nizana ka thil chhiar avang khan a hmel chu ka lo en uluk hle. Ka thiantha ber niah ka ngaia engtik lai pawha ka lam tang tlat thin Chawngi khan ka hnunglamah min lo bum duh ang tih ka ring ngai hauh lo.




"A pawi miahlo,keimah chauh chuan keipawh ka khua a har dawn lutuk" ka lo ti ve mai a. He khawvelah hi chuan a tak taka min ngaina ni ve tawh se ka ti. Keimah tih loh chuan kan khawvela thil thleng kha an hrelo veka ti hian Chawngi pawh hian hre chhuak theilo se tuna min ngainat ang reng hian min ngaina se ka ti a ni.




"Anih ka u nen hian in la in be lo reng em ni?"




"A len len nen a naupang chhia ngawt mai" tiin ka nuia, ka chhunglam erawh a nui hauhlo. Kha zan min duh thu a sawi zan bak kha vawikhatmah kan in be leh tawh lova. Inkhata cheng dun ni mah ila in hmuh miah loh chang pawh kan nei.





"Ka u chu i hriat kha,a mawhphurhna ah a ngai che a,nangmaha i khawsa thei tih a hriat chian hunah chuan a be leh vat mai ang che. Keipawh Board ka exam lai khan ka thiante Hostel-ah an awm sup sup sia a thu awilo in Hostel-ah ka luta min be duh lawk lo alawm" a ti ve luam a.

~~~~~~~~~
~~~~~~~~~



RAYMOND P.O.V.




Inchhung ka luh chuan ka kimlo riau a, office ban apianga Nguri hmel hmuh tur awm tawhlo tur ka ngaihtuah chuan thinrimna hlirin ka khat. Ka room lamah chho vatin ka in ti faia ka inthlak laiin Matei ka room ah a rawn lut,a hmel atang a sawi tur ka hre nghal bawk.




"Lehkhabu chu" ka ngaihtuahna angin a rawn ti nghal chat.




"Tihpalh mate a thar chu lei mai rawh" ka tih chuan a lungawi loh hmel ngang mai.



"Ti nge ti bo leh tur si a,min laksak" ti thatin ka room atang chuan thinrim zet in a chhuak tau a,ka um zui vat. A room ah lutin a la in kalh tlat zui.




"Mate lo hawng teh" tiin kawngka ka chuma ani lah chu mi lulul tih takah a ngawi reng a, "ngati nge in in hau leh tawh em ni?" Kan thawm hria in ka nu pawh inchungah a rawn chho.




" A lehkhabu ka tihbo sak a" ka ti chu hahthlak min tih hmel zetin a chek tlak tlak a.




"In hahthlak unau em mai,Sangpuii pawh a thar kan lei leh mai dawn alawm lo chhuak teh chaw ei ang u" a ti hlak hlak a.




"Bu dang a awm tawh hleinem,lo ngawi mai mai rawh" rawn ti vin thattu chu ka nau Sangpuii kha a ni lo emaw tih mai tur a ni.




"Lalsangpui kawngka hi lo hawng rawh. Engtin nge khatin ka nu i tawngkhum theih. Lehkhabu te chu lehkhabu ve mai a ni a,a thar ka lei ang che ka ti mawlh mawlh alawm le" ka ti ve tuar a. Ka nu hi vawikhatmah tawngkam vin in ka la be ngai lova. Khatianga ka nau in a be ta mai kha ka hrethiamlo hle bawk.





Tun tum chu ka nau lululna tak tak ka hmu ta niin ka hria,ka beidawn thak thlengkawngka bulah chuan ka ding a. Ka nu in 'chaw ei san ang' a tih avangin inhnuai lamah ka chhuk san ta hram. Ka awm erawh a nuam chiahlo, a lehkhabu duh tawhte chu a hlut zia pawh ka hre ve veka engvanga lo laksak reng reng nge maw ka nih le.





"Nguri insawn a pui ve sia a hah deuh aniang" ka nu chuan a ti mai a,ka lu ka lo bu nghut. " Lancy-i chu engtik atang nge a chawlh dawn?" A rawn tih leh chuan ka nu chu ka va en a,min lo en ve reng.




"Nau len deuh hunah ka chawl ang a ti tala mahse, ka duh anga tha a aiawhtu tur ka hmu a nih chuan kei chuan chawl tawh mah se pawi ka ti lo" ka lo ti a.





"Ni e,nau pai lai hi chuan fimkhur tluk a awmlo." A ti leh maia tun lai chu kan inchhung boruak pawh hi nuam ka ti teh chai lo ve. Ka nu nen pawn kan in be tam lo hle a,hman zan avang khan ka chungah hian a lungawilo viaua,tun thleng hian a tul viau te a nih loh chuan min be zen tawh lo.




Chaw ei kham lamah tih tak te in ka nau chu ka han thlem leha,ka la ti lungawi zo lo. Ka room ah lutin lehkhabu chu a thar lei dan kawng ka ngaihtuaha Sangpuii thinrim em em chhan ka hre chhuakin ka hria.




'BINGBI PAR' tih bu hi lehkhabu hlui niin tun thleng hian a ziaktu leh nihna hriat tur ala awm lova. A bu pawh hi thangtharte ah hrelo chu a tam zawk an ni. Lancy-i ka mit leh ka beng ber ni thin pawn alo hre lova a zawn kual hnu fe ah State Library ah chuan a awm mai thei asin tih chauh a ni a hriat theih.




Engtin nge chutiang khawpa lehkhabu vang chu kei hian ka tih bo theih. Sangpuii room lamah chuan va kal leh in ngaihdam ka va dil tha leha,tun tum chu a room ah ka luh alo phal ve ta hram.





"Lehkhabu kha engtia i neih nge?" A thian pakhat hnen atanga a haw a nih thu in min lo chhang vat. A hawh a nih vang a ni ngei ang ti em em a alo lungawi loh em em ni.




"I thian hnenah chuan thupha chawi nan chuan engpawh tih ka huam tih lo sawi la. Nge ni a keiman ka lo be dawn,khatiang anga lehkhabu vang kha chu a hlu awm ropui si"




"Engtin nge a vang tih i hriat?"




"Aw,lei tur a awm tawh lo i tih kha, Lancy-i pawh lehkhabu chungchang kha ka chhui tira a van zia chanchin bak hriat belh a nei biklo. Eng lam chanchin nge ni reng renga?" Ka tih chuan a nui maia sawi erawh a tum hmel lem loh.




"I tih bo manah engmah ka hrilh dawnlo che,a tawpna kha a nia ka chhiar chak ber a chanve vel chauh ka la chhiar hmana a tawp thleng chhiar hman ila chuan a zia tal tur" a tih nang nang chuan ka lo in thiam loh leh hle tawh.




"Naktukah State Library ah ka zuk zawng a nga ka hmuh chuan ka lo hawh sak ang che"ka tih chuan rang mang kheng hian, "a awmlo ka zawng vek tawh" a rawn ti a min ti Phu zuk leh nghal.




"A tha e,chaw ei lova awm a tha lo. Tho la ka nu pawn a ngaihtuah teh mai che a nia" tiin ka kai tho nghal zat.




Inhnuai lamah chhukin a chaw ei tur ka siam saka Artui pawh a duh ang chi takin ka kan sak. Hei hi a titau ka thlem apianga ka tih dan a ni a,ngaiah kan nei tawh in a ni.




"Vawiin ah Nguri insawn i pui em ni?" Min en chuang miahlo hian lu a bu nghut. " A inluah chu eng nge i hmuh dan a him tawk ang maw?" Ka tih leh chuan a rawn hawi chhuak ve ta hram a.




"U, hmeichhe puitling a nih ve tawh khu i ngaihtuah mah mah a nih kha" a tih chuan keipawh chu ka ti ve mah mah deuhin ka in hria a,ka zawt zui tawh lo.




Hmanzan khan ka duh thu ka hrilha min hnar a nih kha. Mahse, a mita kei min duhna kha ala ngai reng tih ka hria a beidawnsan ka tum lo. Chutih rualin vawikhat leh chauh duhthlanna siam tir ka duha chuta a duhthlanna atang chuan keipawn thutlukna ka siam ve tawh ang.
~~~~~~~~~



"Kar leh in inneih a ni tawha engtikah nge i kawr hak turte hi thlan i tum a. Lancy-i pawh amahin mo kawr i thlan tir tawh bawk ania" ti ham hamin thatchhe zet hian sofa ah chuan a thu a.




"Hna a tam zia chu i hria alawm" ka ti mai a.




"Thil dang i rilru ti buaitu a awm a ni tiraw?" Dil chhut zeta a rawn tih leh chuan ka file bih lai chu ka khupa,thawk la leh hmasa te te in ka thianpa chu ka en a, 'han sawi la' tih melh hian min lo melh a.




"Lancy-i nei tura thutlukna ka siam hi ngaihtuah that leh ka duh a ni" ka thil sawi chuan a thawng deuh a ni ngei ang a mawng a thutna atang a kan nghal awk awk alawm le.





"Na..nanghi eng nge maw i sawi kha le?"




"Ka hre lo,eng nge ka sawia,eng nge ka ngaihtuah tih pawh hibka hre zo zai tawh lo." Ka tih chuan awilo zet hian a nui ro hak a.





"Nang meuhin i ngaihtuahna a awm te pawh i hriat loh chuan tu in nge hria ang ni?"




"Papui hei min han hrilh teh Lancy-i nen hian lo inneih ta ila kan hlim theih i ring em? Keini pahnih hi lo inneih ta ila reilo te ah kan inthen leh mai lo maw?"




"Chutiang chu i kutah a in nghat ang chu.. Lancy-i te chuan a awmdan atang a duh hneh zia che a chianga nangmah khan in chhungkaw keh darh leh darh lohah chuan i pawimawh ber" a ti mawlh mawlha, a sawi dik khawp mai. Chuvang tak chuan Nguri hi vawikhat tak meuh meuh ka biak leh a tul a ni.




"Le,eng chiah nge i rilru ti buai ber tu chu min han hrilh teh?" A rawn tih leh chuan ka hmai tuai pawkin thawk ka la ham ham a.




"Hmeichhe dang duh ka nei a ni" ka ti chhuak ta nghe nghe.




"Wow! Min thawng hle mai. Chuan ka rin hi a dik ngei pawhin ka ring" awmze nei taka a tih chuan ka nui suk. "I haw viau thin khan ka hria a?"




"Duhna leh hmangaihna hi kan thunun theih piah lam alo nih dawn hi" tih bak sawi theih ka nei lo. Keipawn Nguri laka ka rilru put hmang hi khawngaihna chauh a nih vawitam ka beisei a nih kha. Mahse,a rei tulh tulha khawngaihna bak a lakah hian rilru dang ka pu tih ka in hre Chiang tulh tulh bawk si.




"Anih engtia tih nge i tum. Raymond in ngaihtuah chiang rawh Nguri nen chuan eng in zawmna mah in la nei lova Lancy-i chuan i fa a pai tih kha hre reng rawh"




"A pawi ngawt mai,ka nu thu kha lo zawm hle hle ila chuan hetiang dinhmun khirhah hian ka dinglo mai tur"




Papuia'n ka office a chhuahsan hnu pawh chuan ka rilru kawmin eng hna mah ka thawk thei lo. Naktuk lamah khaw hla deuha kan chhungte pawh inneihna hmang turin an rawn thleng khawm tawh dawna chutih laiin kei lah chuan rilru dang ka pu mek chu a ni si a. Engvangin nge Lancy-i nei tura thutlukna ka siam lai khan hun reilo te ka lo nghah hlek lo.





Lo nghak hlek ni ta ila chuan Nguri laka ka rilru put hmang diktak pawh hi ka hre thei a nga,tun ang hian ka buai lohna tur turah ka buailo mai tur.



(ZAWMNA)




"Ilo lut kawi dawn lo em ni?" Motor atanga a chhuk dawn chuan beisei nei zet hian min en a.




"Lut kawi lovang"




"Raymond eng nge i awmzia hi,i lung tih awilohna ka nei em ni? Ka nei a nih chuan sawi la a nih loh chuan ka tan awm thiam a har em mai" vin ni chiah si lova a rawn tih hluk chuan "kan inneih chungchang hi ngaihtuah that leh ka duh a ni" ka ti mawl tawp.




"Eng nge i sawi awmzia?"




"Lancy..."




"Sawi suh, kar lehah kan inneih tawh dawna chu thil chu tih tawp i duh a nih chuan kei chuan ka duh ve lo" ti ram hmakin lungawilo zet hian motor atang chuan a chhuka keipawh ka tlan chhuak nghal. Ani duh leh duh lohah khan engmah a in nghat lo,Nguri'n a duh a nih phawt chuan ka ti tawp khawp ang.




Kan in lamah tlanglo in Ngursaipuii inluah thar lam ka pana alo la in kalh zui. Reilo te ka nghah hnu ah Rinsanga nen Scooty a in phurin an rawn thlenga a kawngkhar bula ka lo ding chu a meng deuh kawka keiin ka lo nuih suk.




"Naktukah Sihphir lam chu kan kal dawn ania" tiin an in thlah fel hnuah bag lian ve ang reng tak khai hian a rawn kal hnai a.




"Eng nge ilo tih dawn?" Rum zeta min melhin a chahbi chuan tala chu hawn a rual a.




"I in thar ka rawn hmuh pui dawn che a nih hi." Ka ti chu mit ti zim deuh sun hian min melha a lu a ka lo tuai zeuh chu a duhlo ngang mai.




"Nanga min hmuh pui pawh ka ngai bawk lo" ti leh deuh hmukin inchhungah a luta a hnungah ka zui lut ve nghal. A chhung chu a lian hran lova mahse,a felfaiin a nuam vei phian mai.




"Haw tawh rawh"



"Chaw ka ei nghal dawn" Sofa pakhat in hungah chuan ka thu nghal hmaka min melh leh tak vak kha.




"U Raymond.."



"Ni e,i aiin ka upa daih zawka ka thu chu ngawi rengin i awi zel mai tur a ni" a mit taka melh ran hian ka ti a, lu thing nar narin a ei relna lamah a pheia chaw chhum tur a siam nghal mawlh mawlh.




"Mahnia khawsak chu eng nge a an dawn awma i hriat?" Ka ti chu min chhanglo a lamah va kal hnaiin a hnunglam atang chuan ka va kuaha a lo chet dan tur ka hriat lawk avangin ka chelh nghet hle bawk.





"Che Suh" tiin a nghawngah chuan hmai ka phuma thawk ka la ham ham,ani bulah hian ka hah te chu an dam ber a ni.





"U..u Raymond"




"Reilo te chauh heti hian awm lawk ang"




"Mahse,thil dik a ni lo" a rawn tih chuan a hmel ka hmuh theih nan ka khuai her a.




"Ka hmeichhia i nih thu i sawi a ni lawm ni,ti nge tunah hian min hnar leh tak si a"




"U Raymond hetiangin awmlo ang" tiin ka zawhna pawh chhang chuanglo hian tal chhuah a tuma a gas dawhkanah chuan ka nam bet na zual sauh.




"Engtin nge kan awma....maw? Ngursaipui nang hian min ti a dawn tak ngial. A hmain min duh awm ang deuha awmin ka hmeichhia i nih thu te i sawia mahse,tun...tunah ilakah duhna thinlung ka put veleh nang hian min hawi san leh si a,he thil hi engvanga ti nge i nih?" A tir lamah in thunun viau mahila a tawp lam erawh a au in ka au chhuak chiam tawh.




"Khawngaihin hetiang hian ka chungah ti suh. A nunrawn thlak em mai Nguri"




"Mahse,engthil nge ka tih?" A tih chuan za lo zet hian ka nui a. He hmeichhia hian ka chunga a thil tih mek hi a hrelo a nih chu! Keiin ka at pui lo chauh tawh a ni si a. "Ti nge i nuih?"




"Aw.. ti teh Nguri ka atchilh lo chauh tawh che tih hi i hrethiamlo tih sawi miah suh"




"Mahse,engmah ka ti hleinem" lu ka lo thing mat mat.




"I thil tih chu heihi" tiin a hmui nichin atanga ka mit la em em tawh tu,ka hmui fawh tawh zawng zawng zinga fawh nuam leh tui ber, ngaihtuah zui vawng vawng theih khawpa zun ngah ka fawh nawn leh hun tur engtik lai pawha ka suangtuah ngei mai chu zawimuangin ka fawp a.




"Ka lo suangtuah ang chiah a ni" ti supin a khabe ah dawmin ka fawp uar sauha ka beisei loh zeta min chhanlet phei chuan duhthawh tawh tak ka ni. Thaw chham dawn lek leka ka hmui ka lak san meuh chuan zawi zet hian min nghen chiala a hmui chu ka kut zungpuiin ka tuai neuh neuha ka la khamlo takzet.





"Han sawi teh kei hi min duhlo takzet em ni?"



"U Raymond.."




"Nilo,tun tum chu ka hming lam ringawt kha ka duh tawklo. Nang hian keihi min hlat thei tak tak ang maw?" A mit taka en ran chuan ka ti a. Ka zam zia erawh thup ka tum hle a. Tuna min chhanna hian kan inkar thu hi a ti Chiang dawn tlata kei chuan ani thutlukna ang ang chu ka pawm dawn a ni.





"Ka duh leh duh loh che chu eng nge a pawimawhna Lancy-i nen in in neih dawn kha" tah chhuak insum zeta a rawn tih chuan a biang tawn tawnah dawmin min en turin ka ti a.





"Neilo tura min tih chuan ka neilo ang,mah se i duh thlanna ah a in nghat" ka tih chuan a biangah mittui a rawn luang nghal ngiai ngiai a. "I u Thanga ka nih leh nih loh chu fiah rawh,ka lo nilo a nih pawhin i u Thanga hmangaihna che aia let tamtakin ka hmangaih ngei ngei ang che tih ka tiam e."




"Anih chuan nei suh"



"Eng maw?"



"Nupui nei suh ka ti che a nih chu mi mawlpa, min duh a nih chuan keimah chauh hi min en la,tu hmeichhe dang mah i nunah hian seng lut suh" a rawn tih meuh chuan a hmui chu duhthawh zetin ka fawpa ani pawn min chhang let tha khawp mai.




Pawm kangin a khum lam ka pan puia, "Tunah nilo" ti a min dan chuan ka hrethiamlo viau.




"Engvangin?"




"Lancy-i nen in inkar ti tawp phawt rawh" a ti reuh a nih chu. Han tih luih ngial ka tuma mahse, ka beidawng thak. He tiang a nih chuan a thil duh chu ka pe ngei ang. Tunah he hmeichhia hian min thlanga, khawvela hmeichhe vannei berah kei hian ka siam dawn a ni.




Zan rei tak thleng chu ka leng renga a thianpa nena an Sumdawnna online shopping chungchangte chu hlim zet hian min hrilh siam siam renga,hetiang taka hmeichhe duhawm hi a hma khan engtin nge ka lo hmuh thiam loh zawk thin le. Mi anglo tihte khan ka lo sawi thin a,kei hi mi anglo diktak chu ka lo ni.




"Naktukah Lancy-i chu ka bia a nga engkim ka ti tawp vek ang" kawngka bulah ka haw tur chu min thla a.




"A pum chhunga naute ve kha le?" A tih chuan a biangah ka dawm sak vat.




"Ka fa chu ka thlathlam theilo tih i hriat kha, Lancy-i nen kan inkar ka ti tawp ringawt dawna naute nen kan inkar chu tih tawp ka tumlo. Chu chu i hrethiam ti raw?" Ka ti a,hrethiam se ka duh hle bawk.




"Aw le,mahse ka thik theih tur zawngin i awm tur a ni lo ang" a tih chuan nui hakin ka awmah ka kuah beta "hmeichhe vannei berah siam che ka tuma nangmah zawk hian mipa vannei berah min siam ta zawk a nih hi" ka tih chuan a nuih a za ngang mai.




Ka haw kawngah chuan keimahin ka lo nui leh vur vur thin. Ka pa boral hnu a ka hlim ber tum a ni ngei ang. "Iva rawn haw tlai ve" Ka nu TV en zo mu tura insiam chuan kawngka ka luh rual rualin alo ti nghal.




"Nia,i mu tawh dawn em ni?"




"Aw, naktukah mikhual te an rawn thleng khawm tawh dawn si a. Nangpawh rawn haw hma ang che. I ni te ho kha chu kan inah an rawn thleng dawna midang chu i pu te in lamah an thleng ang. Chuan Lancy-i kha zanriah ei turin ka lo sawm tawha in rawn haw rual dawn ania" a ti zung zunga ka nu pawh hi hrilfiah dan tha deuh ka ngaihtuah chu a ngai a ni.




Mut hmunah chuan phone in Nguri nen kan in be leh reng a. Message type vel ka peih ve vak loh avangin ka call ta tawp kha ania, kan in biak rei deuh hnu chuan min mutthluk san daiha nui sukin phone chu ka off ta a.




"Tukin chu mang tha bik mang kan awm a ni maw" rawn ti tu ka nau chu lo nuihin a thingpui hmeh tur ka pe nghal zat. "I nupui neih hunah min la duat reng a ngem?" A tih chuan a lu ah ka lo tuai sak a.




"Ka nau duat i nih hi" tiin choka atang chuan chhuakin inchung lamah hna kal turin ka in siama,ka insiam zawhah tuk thuan kan ei leh a. Ka nu leh ka nau hi chu thil engkim ka tih fel hunah chauh Nguri nena kan chanchin hi ka hrilh ang.




"Tlailam kha i theihnghilh a nge?" Chaw ei lai chuan ka nu in a rawn ti leh.




"Eng nge tlailam chu?" Sangpuii'n alo ti heu bawk.




"I ni te ho in Lancy-i an hmu ve chaka zanriah ei turin i u bulah rawn hruai haw turin ka ti a nih kha. Nangpawh leng chhuak lovin rawng min bawl pui ang che" a tih zawm mawlh mawlh a.




"Ka van peihlo kan inah an rawn thleng dawn tih na em ni?"




"Aw, nimin khan room chu ka peih fel tawha,vawiin chu tih vak tur pawh a awm tawh lo. Ka u te ho in min pui hneh bawka kan lang mawi ve dawn khawp mai. Bawiha pawh office chawl tawh rawh ka ti renga thu lah hi i awi duh reng reng bawk silo in hahthlak unau em mai" a ti leh hlak hlak.




"Ka u nupui neih tur avanga min hauh tel ve ziah," Sangpuii chu ka nu nen kan nuih a. Mi zi nuai nuai te hi a ngaithei vaklo thin a. Nuam a tih ber chu mahnia awma lehkhabu chhiar hi a ni mai.




"Ka kal dawn ka rawn haw har lovang." Tiin chaw ei dawhkan chu ka thawh sana Nguri in ah ka peng kawi leh zawk hnu ah office lam panin ka kal ta chauh.




Vawiin hi thil engkim ka tih tawp ni tur a nih vang nge,phurna leh zamna inpawlh deuh nawk hian ka awm. Office ka thlen chuan Lancy-i chu alo la thleng lova. Tunlai chu a rai avang hian mut leh ei a duh thar viau a, office pawh ka thlen khalh ta zeuh ziah mai. Mahse,a dinhmun ka hriatthiam pui avangin ka hau ngai Chuang lo.




Assistant Secretary a awm tho bawk nen Lancy-i nghah pahin paper thenkhat ka chingfel leh zung zung a. Sana chu ka bih sek tawh,nidangah tiang em em hian ala tlai ngai miahlo.




A phone a ka call lah chuan a chhang thei derlo leh nghal,an in ka va call chuan a nu in lo chhangin kan in lamah ka nu in a koh avangin a kal tih alo sawi daih a. Pawi hi ka ti ber mai awm e. Tih theih dang awm ta lo chu haw hma tum ranin hna chu ka thawk zawm mawlh mawlh.





Chhun chawlh laiin Nguri ka va bia a, " i va buai awm ve" ka tih chuan a kalsawn nge pen ri khap khap ri ka hria a.




"Khawnge i awma?"



"In inah i nu in chaw ei tura min sawm pahin rawngbawl pui turin min ko a" a tih chuan ka ner sawk.




"Ka nu tak hi chu aw, Sihphir lamah khan kal i tumin ka hre sia"




"Rinsanga'n 'keimahin ka han kal mai ang atia' he tah Lancy-i a awm sia engmah ila hrilh lo a ni maw?" Ka chal dawmin thawk ka la hak.




"Ka tihpalh,hmaichhana hrilh kha ka duh si a. Ka nu in min hrilh lovin khata kal tur khan alo ko leh daih bawk sia" tiin ka lo in sawi thiam zung zung.




"A harsat viau chuan i sawilo thei tho ania" a rawn tih chuan "nilo, zanin ah ka hrilh a nga engkim ka ti tawp vek ang tih ka tiam a che" ka lo ti vat.




"I buailo em ni?" A rawn ti ta daih a.




"Buai lo ve, nangmah zawk kha i hah tawh em? Ka nu chu i hman loh thu lo hrilh tur che ania" ka lo ti ve nghal.




"Sangpuii a awm bawk silo a,a buai lutuk alawm. Chubakah inchhung chette chu a hahthlak vak lo" a rawn ti ve luam a. Khawiah nge maw Sangpuii pawh chu alo chhuah leh hman ni,ka nu khan leng chhuaklo turin a ti mawlh mawlh si a.




"Ka nupui ni awm tak i ni" tia ka fiam chuan nui kar karin, " in inneih huna fatu tur ka ni zawklo ang tih pawh a sawi theih loh" a rawn ti let ve a. Chutih lai chuan hmeichhe pakhat hian a hmingin a rawn ko a.





"Dah phawt mai ang"




"Aw le,keipawh ka rawn haw har lovang."



"Um,thil tui tawk min rawn hawn ang che,ka ril a tam tawh teh mai ania" a tih chuan ka hawn tur thu ka lo sawi vat a. Kan inah Nguri leh Lancy-i an awmdun tih ka hriat atang phei chuan rilru ah hna lam reng reng a lang thei tawh lo.




Chawhnu 2:00 pm velah chuan ka haw ve thei ta hram. " Zik zek che hian in lamah hmuaktu i nei tha deuh a ni maw" Papuia a rawn lang ve leh hlawl. Ani pawh hi Delhi lam office a enkawl turin ka dah bawk nen a buai khawp a. Kan inneihna program a tel ve duh avang chauha he ta la cham hi a ni.





" A nih pawh a ni mahna" ka ti mai a.




"Ka nu Siamtei'n min rawn bia a,i rualin ka lo haw ve dawn" a ti chu ka hnial lem lo. Leitan chho a kan thlan lai chuan Nguri thil sawi kha ka hrechhuak a.




"Tah hian ding lawk ang" tih pahin Food Truck chhak deuhah ka car chu ka ding.




"Kan ding ta ro ro thil ei phawt teh ang" ka thianpa'n alo tih ve leh avangin thil eiin kan ding leh rih a. Burger chu hawn turin ka pack tir bawk.




"Nimin kha chuan inneihna ti tawp duh ang mai khan i tawng vela tunah lem ei tur te i lei sak leh bawk sia. I mak ngawt mai!" A tih chuan ka nui zui hawk.




"Lancy-i ta tur a ni hleinem" ka ti maia a meng phawk leh viau tawh. "Nizanah engkim kan sawi fel tawh. Chuan vawiin hian Lancy-i pawh hrilh ka tuma mahse,kan in lamah ka nu in a rilru thlakin alo ko leh daih sia. Zanin ah engkim ka ti tawp dawn" ka ti leh zung zung. Engkim chu ka ti tawp ngei bawk ang.




"Cyclone a thleh dawn a nih chu"




(Ti khan a zawmna nen a full chuan a thui pangngai viau chuan ka ring ania aw. Chuan tun chapter chu rilru hahdam deuhin in chhiar vek ka beisei bawk😊Kar tawp chawlh hman nuam vek u, Pathian zarah kan dam a nga Monday zanah dam ver vawra in hmuh leh vek kan tum dawn u ania aw. )


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:51 pm

BINGBI PAR
Chapter 9

(Tunlai chu spelling han ennawn vel hi ka thatchhe lutuk ania🤭)




Kan compound kan tlan luh rualin Gate bulah Sangpuii chu tu emaw hian bike in a rawn thlaha Helmet full face a khum tlat avangin a mipa hmel erawh ka hmu thei lo. A tlan chhuah hnuah pawh ka en zui deuh vang vang a.Khatiang mipa kha engtik atang nge ka nau hian kawm alo chin tan le?





"Ani kha tu nge? Ka nu in chhuak suh a tih che kha" kan bul alo thlen chuan ka lo ti nghala ka aw atang ka lawm vaklo tih pawh a hre thei ngeiin ka ring.




"Kan class ami a nih kha, University lamah thil pawimawh tih tur a awm thuta Nguri a awm tho a ka kal lawk alawm" a ti mai a.





"Unaupa khirh hi chu an buaithlak ania Sangpui" Papuia'n alo tih chuan an pahnihin an nuia,ka Burger ken nen in lam ka pan san.





"Eng nge i khai kha?"



"I ta tur a ni lo" ka nau chu Papuia bawk in alo chhang leh mahse, inchhung kan lut chu thil pawi lutuk a thleng.




"U Lancy hei ka u in Burger alo hawn che ania" tiin Sangpuii chuan ring zetin Lancy-i chu a ko a. Dan hman a nilo ka ni te leh a fa te ho chuan min lo fiam nghal bawrh bawrh a.




Chutih laiin Lancy-i leh ka nu chu room atang an rawn chhuaka, hlim zet hian min rawn pana min kuah chungin lawmthu a sawi . Choka lam atanga min lo en ve rengtu Nguri chu ka va en a, hnuailam melha a kalsawn ta daih chu um zui ka tum a.




"Bawiha ka room lamah min lo zui teh" ka nu in thutak hmel fe a a rawn tih leh si avangin Choka lam chu melh leh zawkin ka nu chu ka zui nghal.





"Lancy-i bulah inneihna ngaihtuah that leh chungchang ilo sawi a ni awm a" lungawilo zet hian min melh ngar a.




"A dik alawm, he inneihna hi ka kal tlangpui theiin ka in ringlo"




"Lalawmpui"




"Ka tihpalh nu, mah se Ngurii hi ka duh takzet a ni" ka nu chuan ka tum ruh zia hre ngei se ka duh avangin a mitah tak ka en ve ran a.




"A theih loh Lancy-i lo hi chu ka mo atan tumah ka pawm dawn lo."



"Nu"



"Ka fapa i ni a,la nih zawm zel i duh a nih chuan Nguri buaipui lovin Lancy-i hi nupuiah i nei tur a ni. Chuan Nguri pawh hetianga thil a kal takah chuan kan inah pawh hian rawn kal tawhlo se a tha ang,kha leh chen a chunga kan thatna hetiang zawnga min rul let ta mai hi ka awi theilo e" a tih mawlh mawlh lai chuan awilo zet hian ka lo en.




"Anin thiam lohna a nei lo" ka lo ti bung nghut.




"Heti khawpa a thlakdanglam hnuah che pawh ani chu ila tan cho ang maw, Lalawmpui i nu ka ni tih hi hre reng rawh. Engtin nge hmeichhia i hriatchian pawh nilo avanga i fa leh a nu chu i kalsan theih zawk mai le?"




"Nu"




"A tawk, Lancy-i nen in in neih ang chu chu thu tawp a ni" a kut zung tanga min kawkin a in sehruh hle a,tunah chuan eng thil pawh sawi ila awmzia a awm dawnlo tih ka hria. Room chu vung zet hian ka chhuahsana, kan awki kha a sang bawk nen midang chuan kan thawm kha an lo hria tih hriat zet hian ka nu room atanga ka chhuak chu min lo en thap a.




Midang zawng zawng hnunga ding Nguri chuan mittui tling pap hian min lo en a, " Raymond" tia ka bana rawn chelhtu chu Lancy-i a ni. He thil chungchanga ka nu bula alo zualko chu ka thin a tirimin heti zawnga min kalh a tum chu ka duhlo hle bawk.





"Min thlah rawh" ka ti rum ul a,Nguri ngawr ngawr chu a ni ka en,saw a mita mittui tling saw keimah vang a ni tih ka hria,chuan chu chu tunah hian tih bo sak ka duh bawk.




"Raymond eng nge thil awmzia hi" ka pu in a rawn tih chuan ka ban lo chelh ve rengtu kut chu fai per pawpin Nguri lamah ka kala, ani erawh chuan eng thil nge a tih hi,pawnlamah min tlan chhuahsan a nih chu.




"Lalawmpui i umzui chuan kan nufa inkar hi a chat nghal ang" ka nu au ri ai chuan "ka pum" tia te ri chuan ka beng a thleng rang zawk.




Ka hawilet nak chuan Lancy-i chu chhuatah a pum dawmin a lo thu kun ngar ngara,ka rilru mumallo nen ka ban kha ka lo vai na deuh a ni mai thei. Ka rilru chu a phir ta tlat, Nguri umzui ka duhna leh Lancy-i puma ka fa na tuar mek te ah chuan a tu zawk nge ka buaipui hmasak dawn ka hre lo. Ka hmalama ka pen leh tur chiah chu ka darah Papuia'n alo chelh a.




"Lancy-i khu buaipui hmasa phawt rawh" a rawn tih avangin in her vutin Lancy-i chu ka pawma Papuia nen pawn lamah kan tlan chhuah pui. Ka car in Damdawiin kan pan pui a,tunah chuan ka hlauthawng ve tan tawhin ka hria.




"Tlan chak rawh" tiin Papuia chu ka tur seka Lancy-i lah a pum a nat thu sawiin a tap fep fep reng bawk si. Nau pai lai chuan tluk palh lek pawi zia pawh ka hre ve veka engvanga khatia lo vai tlu reng reng nge maw ka nih le. Lancy-i pum chhunga naute hi a thi a nih vaih chuan engtikah mah ka in thiam thei tawh lovang.



~~~~~~~~~~
~~~~~~~~~~


"Zawlnuam lalfapa neih ai chuan thih pawh ka thlang zawk" tiin Ngurpuii chuan a pa lal Lalsaivunga thu chu awi a tumlo hle mai a. Hetianga an pafa in hnial hun hi zanriah ei lai niin a fanu chhanna avanga a thinrim em avangin Lalsaivunga chuan chaw pawh chu a bar hlei thei lo.




"Kha i hnamchawm tlangval kha chu theihnghilh rawh,zanin hian ka tlangvalte'n a thil tih sual man an pe dawn a ni " tiin a thinrim insum zo lo chuan chhun lama a upa Luaia nena an ruahmanna chu a sawi chhuak ta hlauh mai.




Ni e, chhun lamah khan Ngurpuii,Chawngi, Ralkapthanga leh Do-a ten dai hnai vela thing an phur hlanin upa Luaia leh Lalsaivunga te hian Ralkapthanga thah dan tur relin zanin hian an nufa a dah that an tum a ni.





Lalsaivunga hian a tlangval laia Thanga nu in amah aia Thanga pa a thlan zawkna kha hre rengin Thanga pa Raldotawna pawh ral rama an awm laiin a hnunglam atang alo kap hlum tawh a. Tunah a fanu leh zelin a hmelma pa fapa a lo hmel duh leh chu a thinin a tuar ta nganglo a, upa Luaia Chawngi pa ni bawk nen chuan a upa dangte pawh rawn lovin ro an lo rel fel sa diam a ni.




"Ni lo" tiin Ngurpuii chu a chaw bar lai reng reng ngaihsak lovin tuikhur veng lam pan chuan a tlan a,chutianga an lalfanu ber hmanhmaw bakleka tlan chu zanriah ei reh lai ni mah se,alo hmu fuh ho chuan mak ti zet hian an en zui vawng vawng a.





Ralkapthanga te in ava thlen chuan zanriah an lo bar ve meka, chutia hah leh mangan hmel taka Nguri an in a alo lut thut chu mak ti zet hian an lo en a,tawng chhuah mai nachang pawh an hre lo.





"U..u Thang zaninah ka pa in tlangvalte hnenah in nufa a that tur che u in thu a pe a,tunah hian kan khua hi chhuahsan nghal rawh u" tiin a pa hnen atanga a thu hriatte chu a sawi nghal vek a.





Ralkapthanga chuan a pa mai thah sak pawh la duhtawk lova a nu leh zel nena an Lalpa in thah a tum chu a thinur tawh hle a. Nguri thu pawh zawm lova chung tlangval ho chu lo hmachhawn a tum ta rum rum a. Mahse,Nguri leh a nu in tih takte a an dan avangin zanriah pawh bar zawm tawh lo chuan an in siam nghal sawk sawk a.





"Ngurpui phuba la turin ka rawn kir leh a nga,chutih hunah chuan ka nupui ni turin ka kiangah ka hruai tawh ang che. Chu hun chu ilo nghak thei ang tiraw?" Tiin an chhuah hma chuan a hmangaih em em a phuloh ni mahse,a thlah phal loh hmeichhia chu a thlek vang vang a.





"I hmeichhia chauh ka ni ang tiin ka tiam tawh che alawm. Min rawn hruai hun chu ka lo thlir reng ang,rei lutuk lo la" tiin in hmangaih takte pahnih chu in ngai leh inthlahlel em em siin,nakina an awmdun theih beiseiin an in then ta.




Chutianga Ralkapthanga te an chhuah hnu reilo te ah chuan tlangval ho chu Ralkapthanga te inah chuan an rawn lut tak taka an mi duh te nufa an awm tak lohah chuan kawtchhuah lam panin an kal leh zung zung a.





Ngurpuii an in a a let leh chu a pa chuan alo thinrim khum nasa hle a,kut hial a thlak a ni. Upa ho leh a nupuiin an lo dan avangin a khawih nasa lutuk hman lo hlauh. Chin ngaichanga an awm thap lai chuan ral hla vak lova silai puak ri chu khawchhung atang pawh chuan a ring khawp mai.





Silai puakri a hriat rual rual chuan Nguri chu a tlu nghal tawpa Bawlpu in theih tawpa a enkawl chung pawn a rawn harh thei mai lo.




Chutih mek laiin Chawngi pawn silai puak ri kha lo hre ve in,khum pui lamah mi hriat hlau takin a tap khur hlawk hlawk a. Heng zawng zawng hi a pa ruahmanna a ni tih a hai lo. Khatia a mipa duh em em in amah hnawla a thiannu Nguri a tlangta kha a la na hle a,apa hnena a zualko hnuah a pa chuan an Lalpa chu a nilo zawngin a fuih a fuihpawrh ta a,tunah chuan Ralkapthanga nunna in a tuarta a nih hi. Tiin amah leh amah chu a in hau mawlh mawlh.





Khatia silai puakah khan Ralkapthanga nu chu Chiang tak maia kah fuh niin ka pawh chhawn lovin a thi nghala, amah Thanga pawh chu a lung zawnah tak silai mu chuan rawn fuhin pasaltha ngang nilo se chuan an kah fuhna hmunah khan a thi ve nghal ngei ang.




Ralkapthanga nu hi nu upa lam a nih ve tawh avangin duh angin an kal chak thei lova. An hnunglamah um tu an neih tih hre reng mah se, Ralkapthanga chuan a nu tha milh tawk chuan a kal pui zela,nakinah chuan an rawn umpha mai dawna a hriat tak avangin a nu chu bihruk tirin an mahni um tu te chu alo chang let a.




Silai Fung a neih ve loh avangin mi pathum vel chauh a dah tha hman ang tihah che sualin silai in an rawn kapa,fuh erawh a fuh lemlo. Chutih laiin a nu bihrukna hmun kha pakhatin lo va thlengin chupa nena an in beih lai chuan silai dang rawn puak lehin a nu chu a lu ah tak kah fuh a ni.





Ani Ralkapthanga pawh chu an tam hnen em avang leh a nu an kapfuh tih a hriat avanga a hawi buai lai tak chuan an rawn kap fuh ve ta a,a thlanglam awiah chuan lumin chuta tang chuan thei leh theilo hian a vak sawn leh a. Rei a vah hma in a piah atanga thawm rawn ri phei sat sat chu thih chilh tum ran hian alo nghak a.





Mahse,a vanneih a siamin a thianpa Do-a alo ni hlauh mai le. Do-a chuan a thianpa chu bawisawm nghal zung zungin a rawn thlen tlai avang chuan thupha a chawi mawlh mawlh bawk.





"Nilo e,lawmpa ka hun tawp dawna ka kianga i awm hi ka lawm asin" tiin thei leh theilo chuan a thianpa chu alo chhawn a.




"Pasaltha i nih kha ngenmu khat vang mai maia thihna te i sawi tak mai." Tiin a thianpa chu nghet zet hian a kuah a.




"Do-a ka chem hi la la,nangin ka hnuk chu chhat rawh. Hmelma ngenmu avanga fam khaw lawi ka tum love. Ka lo thi a nih pawhin ka chem zalah ngei hian a ni tur a ni."




"Lawmpa"




"Do-a hun tam i neilo, Ngurpuii hnenah khan ka thutiamte ka hlen thei dawn loh avangin thupha min han chawi sak la. Midangin min rawn hmuh hma hian i tih tur chu han ti vat teh khai. Chuti lo zawng phatsantu ah an ngai dah ang che" tia a thianpa in a ngen tak tlatah chuan hreawm ti tak chungin a thianpa hrawkah chuan a zai ta a.




"Lawmpa nang leh i chhungte phuba chu ka rawn la ngei ang"


~~~~~~~~~



NGURSAIPUI P.O.V.




Ka awm atanga ka hrawk thleng min hnawhtu chuan ka thawk a ti harsa hle a,ka biangah mittui dan sen loh luang mah se,ka tap chhuak theilo. Ka thawk sak talh leh sa huam huamah chuan ka tha a ti khurin ka mittui kar atanga ka hma zawn ka hmuh phe ruai chu ka thil hriat hnuhnun ber a ni.




Ka mit ka men leh chuan ka khum bul chhuatah ka lo let ngata,thil thleng tawhte rilru leh mitthla ah rawn langin ka mittui bawkin hma a hruai leh ta. Engkim kha a bul atanga tuar tha leh ang mai ka ni.




U Thang'n min rawn hruai leh ngei a in tiam lai hmel te,Engvang nge ka lo zui ve nghal mai loh le. Khatianga nikhawhrelo a ka awm ka harh leh kha chuan ka u Do-a'n u Thanga lu a lak thu ka pa te tawngka atang ka hria a nih kha.




Ka ke tawmin ka in kuah khawm chata,chhuak em em in ka tap,nizan khan tah chiam ka duha ka theilo. Mahse,tunah erawh insum miahlo in ka tap thei ta.




"Ka rei leh Nguri" Rinsanga rawn lut chuan min rawn kai tho vata ka tap tawp theilo chu a chhan leh avang engmah min zawt lovin a awmah nghet zet hian min kuah bet.





Chutiang chuan engtia rei nge kan awm ka hre lo. Ka ziaawm deuh hnu chuan khumah min sawn chho a."I khua a sik a nih hi,inchungah i ei tur ka han la a nga,i ei zawhah Damdawi i ei dawn ania" a ti zung zunga ngawi rengin a che zia chu ka en mawl tawp.




A ei tur rawn ken pawh chu eng tham ka ei lo,Damdawi min ei tir leh a, " mu hahdam la i zia leh vat mai ang" a tih chuan lawmthu ka lo hrilh vat.




"Nimin i han kalna ah boruak a tha vaklo em ni?" Tia min zawh chuan nimin thil thleng kha ka hrechhuak ve leh chiah. Khatia u Raymond-a leh nu Siamtei inhnial ri kha a ring bawka inchhung ami zawng zawng khan kan hre vek ang.




An vai chuan min en hrek hreka, hawi pawh ka hawichhuak tha ngamlo. U Raymond-a lo chhuak chu ka lo en ve renga,a bana Lancy-i'n a chelhna te chu ka thik takzet. Mahse,kei hi thik thei dinhmunah ka ding chiah em?




Anu khan kei min thlan chuan an nufa nihna a chhiat tur thu a sawi a nih kha. Kei hian mahni hmasial takin ani hi ka chelh zawm zel thei a ngem? Kan khawvelah ka nu leh pa an ni a, ka hma ka sial avangin ka thiannu in a duh ve tih ka hmuh hmaiha, ka hma ka sial avangin bawkin a nunna in a tuar phah bawk.




Tunah ka hma lo sial leh ta ila u Thanga hian a nu a chan dawn tihna em ni? Ani nen hian awmdun thei kan nih loh zia ti Chiang turin em ni he khawvelah hian ka kal?




Kawngka kik thawmah chuan Rinsanga nen ka hawi nghal vat. Kawngka chu rawn in hawngin ka nu Siamtei leh u Do-a,he khawvelah chuan Papuia an rawn lut a.




Rinsanga chuan khum bul thutna chu alo Kian sat sata,ka nu Siamtei chu a rawn thu thla nghal.




"Iva nawm loh hmel ve?" A hmela min ngaihtuahna chu ti der a ang ka ti lo. Mahse, ka thlamuan pui tehchiam chuanglo.




"Nia,kha a khua a sik ve deuh a nih kha"tiin Rinsanga chuan min lo chhan sak.




"Ava zia lo ve" a ti tha leh maia,kei erawh chutianga ka in luah thleng thlenga alo kal ta chu ka ngaih a tha vaklo.




"Nguri ka fapa i duh loh thu kha i sawi si a." Ka lo rin lawk ni mahse,chutianga a rawn sawi thut chu ka la phu tho mai. "Mahse,hei tunah eng nge thleng ta hi?" Min demna a mitah chuan ka hmu thei.




"Nu Siamte.."




"Khawngaihin ka fapa hi kalsan rawh,ka fapa a nihna angin ka hrechianga nangmah zawkin i kalsan hmasa a nih loh chuan ani chuan a kalsan hauhlo ang che tih ka hria. I hria em nizan khan nangmah avangin Lancy-i chuan a naupai a chhiat hman tep asin" a rawn ti chiah chu ka meng kawk a.




"Ma...maw naute maw!"



"Aw ni e,khatia rawn umzui che a tumna lamah khan Lancy-i chu vaithlu in Damdawiin lamah kan in phur chho vata kan in chhan hman hram a ni" a in sut hraih hraiha sawi tur mai pawh ka hre lo. Ka thu ngawi renga,naute chu u Raymond-a'n a ngaih pawimawh zia ka hria a,chutianga naute dinhmun derthawnga a ding chu a mangang hle in ka ring bawk.




"Khawngaihin Nguri ka ngenna che hi min tih hlawhtlin sak hram rawh" tiin a chhuaka, ka la thu ngawi reng. Papuia chu rawn kal hnaihin ka khawsik chu a reh tawh nge reh tawhlo hi min rawn zawt a,chhanglo in ka lo en reng ringawt.




"Nguri ka thianpa hian i sawi a nih phawt chuan eng thil pawh a ti duh ang tih ka hria. Engtiang chiahin nge i duh chu ka hrelo mahse,i aiin ka thianpa hi ka hrechiang zawka pa neihloh hreawm a tih thin zia pawh kei chuan ka hre veka,tuna a fa lo piang tur hi nangmah vangin kha a dinhmun hreawm a tih thin em em ah khan a awm dawn asin. Ani chuan chu thil chu a ngaihtuah changlo pawh a ni mai thei. Mahse,nakinah chu a thil tih chu a hriat chhuah hunah amah baka inchhir tur hi an awm dawnlo. Chutiang a nih chuan lo chelh tlat pawh nila in hlim thei ngailo ang." A ti ve dap dapa kei in a tawng chhung zawng pawn amah ngawt chu ka lo en.



Khatianga u Thanga'n a ngen lai khan a rilru ah eng nge awm ang,atana a harsat tur zia chu kei takngial pawh hian ka hriatthiam pui pha in ka in ringlo. "Ka tihpalh" ka ti chu lungawi loh hmel zet hian min en a.




"Maw? Anih chuan Raymond-a chu Lancy-i leh a fa lak atang i pawt hrang lui ang maw? Puitu i neih loh laiin a khawngaihin a tuamhlawm che a, chu a thatna chu hrelo derin mahni hmasial takin a chhungkua turte hnen atang leh amah hringtu hnen atang i la hrang ang maw? Nilo e,chu thil chu ka thlen tir hauhlo ang" ti piap piapin min kalsan.




"Ka tihpalh ka lo rin loh che avangin" tih zawng chu a ni ka ka atanga chhuak thei awm chhun chu.




Chumi nileng chuan ka khum chu ka thawhchhuah san lova. Ka mittui chuan tlak loh lai a neih pawh ka hre lo. Rinsanga'n chawhma lam min awmpui ren rawna Chawhnu lam erawh a order semin a kal chhuak leh.




U Raymond call emaw ka nghaka mahse,a thawm a reh zui hmak bawk si. Eng nge ka rilru ah hian awma eng hi nge ka ngaihtuah pawh ka hrelo. Duhthlanna siam tura min tih lai khan hmanah leh tunah pawh a kianga awm zel ka in tiam a.




Mahse, rem lohna leh dodaltu kan inkar pawmlo tu erawh an pun belh zel chu a ni si. Ka khawvelah chuan ka nu leh pa chauh an ni a,tunah erawh u Do-a leh u Thanga nu ngei pawn min pawmpui ta lo chu a ni si a.




Ka lukham hnuaia ka dah 'Bingbi Par' bu chu phawrh leh in,he thil ziaktu tal hi chu hria ila chuan tuna ka thil tawrhte hi a nem deuh tur. Khawvel pahnihah hreawmna in ang min tawrh tir bik hi ka hua a; mahse, ani chauh hi min pui theitu a ni tih ka hre bawk si.




Phek tlemte chauh chhiar ngai a ni ta. Mahse, a bu keuh leh pawh chu ka ngam silo. Rilru lama mahni in fuih mawlh mawlh chunga ka keuh lai chuan ka mit ka menglo. Ka ke hmawr atanga ka chhip thlenghi vawtin min tuam ta ang maiin a hik chhuak veka ka khur dar dar thei nia maw le.




Ka lungphu in thup rawn tluk tlukte chu Chiang takin ka hria a,heng phek ka la chhiar loh tlemte teah hian eng thil nge inziak dawn ka hrelo a,a rin pawh ka ring thiam hek lo. Kha aw ka hriat kha tu aw nge?




Kawngka in chum ri dawt dawtah chuan Phu leh chiamin lehkhabu chu khupin ka lukham hnuaiah ka rawlh nghal vat. Kawngka lah chu chum chhiat an tum emaw tih turin a in chum ring tulh tulh a.




(Mi tu emaw fakna thu dawn ve chak em em in a thil tihna apiangah fuihna leh selna tawngka ringawt dawng ta reng se engtiangin nge a rilru lamah pawi a khawih in rin? Kei chuan fuihna thu ringawt hi tu emaw hmasawn tir tum nan chuan tawk ka tilo a,in ngaihdan kha comment lamah lo sawi ve ru aw.)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:51 pm

BINGBI PAR
Chapter 10




"Ngursaipui" u Raymond-a aw ka hriat chuan kawngka chu ka hawng rang tak zet. Eng thil mah ka sawi hmanlo min lo kuah nghal chawt a.




"Ka tihpalh" a tih chuan zawi muangin ka kuah let ve ta chauh.




"I tha em?" Inlak hran ka tum pawn phallo in min kuah nghet sauh a.




"Lo kal vat tur kha ka nia mahse, Damdawiin lamah Lancy-i ka awmpuia ka tihpalh lutuk aw" a ti mawlh mawlh a.



"Ka hria alawm,i nu in.." ka tawng sual tih in hria in ka ngawi chiang lutuk.



"Ka nu alo kal em ni?" Amah zawk chuan min kuahna ata chu min nam hla deuhin min bih ngura,nizanah a mu miahlo tih hriat takin a mit khur chu a thuk deuh ruiha a mit meng pawh a sen deuh ram mai.



"Nguri?" A tih chuan harh zawkin ka hawi san nghal thuai. "Min han en teh" ka khabe ah dawmin chiang zet hian min en.




"Papuia nen an lo kala Lancy-i chunga thil thlengte kha a rawn sawi a, u Raymond keini pahnih hi kan hlim dun theih i ring tak tak em?" Papuia thil sawi te kha hre rengin ka zawt.




"Tehreng mai,i hria em? Tun ni reilo te chhung hian ka tih dan anglo takin thutlukna ka siam zung zunga, a chhan pawh nangmah vang a ni. Chuvang chuan ka hmangaih che tih ka hria, ka kianga i awm chhung chuan ka hlim em em ang" tiin min nuih suk a.





"Mahse,engtin nge min hmangaih thei. Min hmuhna ala reilo em kha?"




"Ka hrelo,kha i thawnthu sawia Thanga kha ka lo ni tak tak pawh a ni mai thei asin. Min en la, heng ni reilo te chhunga ka atchilh dan che hi a finfiahtu a ni" a tih tak dap dapah chuan tah nuih hakin ka kuah a. Engtin nge ani hi ka kalsan thei ang.





"Ka hmangaih che,ka hmangaih lutuk che" ka tih chuan a nui nghawr data min pawm kang nawlhin khum lam min pan pui.




"Ka chau lutuk mut hahdam ka duh" a tih chuan a hmel chu ka en uluk leh zual.




"Tunah Lancy-i chu eng nge a an tawh?"



"A tha" a ti maia a ngaihtuah zui vak hmel loh. Kei chu tho chhuak lehin kawngka te chu ka va khar hmasa leh te te a,a bulah ka mu ve leh.




"Papuia'n pa neihloh hreawm i tih thin zia a sawi a, chu dinhmun hreawm i tih thin em em ah chuan keimah vangin tuna i fa lo piang tur hi a awm dawn tih sawi a" ka ti leh sup supa a mit chhing reng mahse,min kuahna a tih ngheh danah eng emaw ngaihtuah a nei tih ka hria.




"Naute chu alo pian hunah a nu i ni duh a ngem? Kei chuan ka fa a nihna angin ka kalsan dawnlo ka tih tawh kha. Fa atana i pawm theih dawn chuan Lancy-i kan bia a nga kan enkawl daih dawn ania" ka mitah tak min en a,a thil rawn sawi chu ka ngaihtuah loh lam daih a ni.




"Chutiangin a phal ngawt ngawt dawn em ni? A fa ve tur tho a ni a, chubakah nupa ang maiin kan in kar kha i sawia Nilaini hian in in neih tawh dawn kha" ka lo ti vat.




"Kan inneih dawnlo Lancy-i nu leh pa bulah pawh ka sawi vek tawh. Chuvang chuan ka fa nena min pawm theitu chauh nupuiah ka nei ang" a hmui sehin a mit hmul min kan zeuh.




"Kal teh" a awma ka nam chu za zet hian a nui chhuak hawk hawk a. "Nui ringawt Suh,i nu pawn min duh loh kha, Lancy-i thena kei min thlang a nih chuan nufa in nihna tih tawp a tum a ni lawm ni?" ka ti leh a,ngaihtuah ka ngah lutuk hi ka thluak a puak keh mai dawnin ka hria.





"Lungngai suh a fapa a thisen zawm a hmangaih ka nih hi,a tirah lawmlo deuh mah se, chutiang em em chu a ti hauhlo ang" awlsam zet hian a ti leh maia min kuah tha sat satin ka awmah a hmai a phum daih.




"Takah u Do-a i thiantha ber nangmah phatsantu che ka tih khan alo phatsan reng reng hleinem che" lawm zeta ka tih laiin a ni chuan a hre tawhlo a mut dan siam rem sakin a hmel chu uluk zet hian ka en.




I thusawi chauh ringin vawikhat chu ka hma ka sial leh mai dawn em ni? Kei chuan ka hrin nilo mah se,i fa an nih dawn phawt chuan engzata tam pawh ka enkawl sak thei ang che. Ka pa in ipa a that tih hre reng chung pawha keimah avanga i phuba lak tum i thulh thei a nih chuan chu chauh te chu ka tan eng tham mah a la ni lo.
~~~~~~~~



"Mut duh nu" ka beng sa ham ham leh ka nghawng za mer mer avang chuan men pawh menglo hian ka nuia ka la mu tha sauh sauh. Nizan khan ka thil chhiar avangin ka mengrei ve deuh a, chumi avang pawh chu a ni mai thei ka mut hi a chhuak lutuk.




Mipa nui ri hak ka hriat rualin ka hnute khawihtu an awm avangin ka meng kawka, " mu leh rawh keipawn ka hna ka lo thawk ang" chimawm zeta min nuih hnuah ka kawr chu a hlim nghal pawk.




"Lalawmpui i chauh thu i sawi emaw ka tia" ka tih hluk chuan nur nang hian min rawn en.




"Tunah khan engtin maw min koh?" A tih chuan ka koh dan kha ka ngaihtuah let nghal. "Tunah chuan i aia ka upatna pawh i theihnghilh tawh a ni maw?"



"Chutiangin.."




"Ka bialnu i nih avang chauhin ka ngaidam ang che" min lo tih khal,ava han chimawm khat chiang.




"Awm mai mai rawh" tih chu awm mai mai suh tihna ang vel a ni. Zanah pawh ka in ah chuan a riak ve nghal a, a phone a kenglo nge ka phone hmang chuan tu tu te emaw a be Kuala,ka laptop pawh chu a hmang daih.




"U Raymond" a rawn hawi zawka " 'u' i telh tawh dawnlo emaw tia" nuih suka tiin a laptop chu a bih leh a.




"Kei hi ka khawvelah lo kir leh ta ila" ka ti dek dek chu, "ka zui zel ang che" uang zet hian alo ti a. Diktak chuan he khawvel nilo ka khawvel tak tak zawk ka sawi hian thawnthu emaw mai mai ka sawi angah hian ala ngai tlat thin a,ka manganna hi min hriatthiam pui lo a ni.




"Tun thleng pawn ila awilo a ni tiraw?" Thutak deun zawka ka tih chuan laptop chu khupin khumah ka kiangah chuan a rawn thu a.




"A tak tak pawh lo niin,nang hi ka khawvel ami pawh nilo mahla khawiah mah i kal ka phal tawh dawn chuanglo. Chuvang chuan i khawvel chungchang kha chu theihnghilh la, kan pahniha khawvel chauh hi ngaihtuah rawh" ka kut chelhin a ti a.





"Chutiang chu ni thei se ka ti mahse..."




"I sawi kha ila hria em? I u Thanga nen in in then dawn khan a rawn hruai leh tur thu che a sawi kha. Chuan i u Thanga chu lo ni ta ila ka kianga awm turin ka khawvel tharah chuan ka hruai ngei che a nih hi" min lo tih khal. Ni dawn tak min rawn hruai leh tur thu a sawi ngei alawm. Nizanah pawh ka chhiara, anih chuan he khawvela ka awm thei chhan chu u Thanga hian a thutiam a hlen vang tihna em ni?





"Le thil ho deuh deuh ngaihtuah renglo khan mu tawh rawh,keipawh ka rawn mu ve vat ang" dam dapa tiin ka lu ah chuan a fawp vang vanga ka mu tha vat. Ka mut hnu rei vak lova pangtilum harh Chiang manglo hian ka hria a,mipa nui ri nen. Hetiang reng hi ni thei se tih chu ka duhthusam ber a ni.




Zingah mipa tawng bul bul riin min ti harha,puan zar ka va keuh chuan Papuia leh u Raymond-a chu an lo in bia a,ka in luah hi a Lian hran lova room tur hi puan hmanga pin dan niin Sitting room leh choka awm hranglo in a in zawm vek bawk.




Chhuak phei ta mailo chuan khum atang chuan an in biakna chu ka ngaithla ve reng a.




"Ka thian tha ber i nih avangin engkimah i lam ka tang zela mahse, Raymond tun tum chu i ti diklo a ni. Lancy-i dinhmun khawngaihthlak lutuk te hi i ngaihtuah pui ve miahlo em ni? Nguri chuan reilo te chauh ala hria che in ala duh che a mah se, Lancy-i chuan kan tleirawl chhuah atang a duh tawh che a, Nguri hi chu kalsan mahla reilo te ah a theihnghilh thuai ang che. Mahse, Lancy-i chu a ni ve lo. Hun rei tak a nghak tawh che a sin, chuan tunah i fa a pai veleh i hawisan ang maw? Thiana han in ngaihtuah chiang teh".




U Raymond-a pawh a rilru a buai ve deuh nge a ngawi vang vanga,keiin thinphu dep depin a tawng chhuah hun tur chu ka lo chang reng.




"Damdawiin atang chuan a chhuak ta em ni?" A ti daih a.




"Aw,eng thil nge tih i tum?"




"Lo ngaihtuah suh,niminah ka nu nen Nguri in lo hmu a ni maw?" A aw atang chuan a lawm vaklo tih ka lo hre ve thei.




"I nu khan Peng kawi ang a ti tlata,Nguri hnenah pawh ilak atanga inthiar fihlim turin ka hrilh nghal bawk" a ti zo hman tawk thawm a ri rawk rawka kei pawh khum atang chuan ka per kang nawlh.




Puan zar phen atanga ka va chhuakin ka thil hmuh avang chuan ka ka ka hup nghal chawt. " Chutiang thu sawi tur chuan tu nge i nih? Thian..thian kan nih avang chauhin tun tum chu ka ngaidam ang che. Mahse, tun hnuah kei leh Nguri inkara inrawlh ve ilo tum a nih chuan Thian kan nihna hian a chhan tawh hauhlo ang che" ti khur khurin a thianpa kawr nghawngah chuan a tham a.





"I a tawh a nih hi,i a tawh." Pakhat lah chuan a tih khum.




"U Raymond a tawk tawh" ka tih takah chuan a thianpa kawr nghawng a thamna chu thlahin ka kut a rawn chelh a. "Nang tal chuan ka lam i tan ka lo ring a" a ti thawp leh sup.




" Ka thianpa rilru hi engtiang chiahin nge i suksak ka hrelo mahse, Nguri hetiang hi a ni rei dawnlo tih lo hria ang che" seh chilh zeta tiin inchhung atang chuan a chhuaka a kawngka khar ri ah chuan ka la phu chiam zui.




"Engah mah ngai duh suh khatiang kha chu kan la tawng dawn chauh ania" ka hnunglam atanga min kuah chuan ka nui maia chhan erawh ka chhang lem lo. " Le tukin chu eng nge kan hmeh dawna?" Ka nghawng nul thuak thuaka a tih chuan za ka ti lutuk chu ka nui hawk hawk.




"Eng nge i hmeh duh?"




"Nangmah" tih leh khum lama min pawm phei a rual leh nghal,he pa zet hi chu. Mahse, ka phone ri chuan kan thil tih tum chu min tih tawp tir Chiang lutuk.




"Hunlo leh lutuk mai" ti hlukin ka chung atang chuan a chhuka keiin ka phone awmna lam ka pan nghal vat. Rinsanga alo ni.




Call ka chhan chuan an in a chho lawk tur hian min lo ti a,a rei loh tur thu a sawi avangin u Raymond-a hnenah, " Rinsanga ania ka han chho lawk ang" ka ti chu a phun zui nang nang.




"Rawn biak hun che ava hre lo ve"


"Zing atang pawn fianrial hun kan nei thei lo ania,kan inneih huna kan chenna tur bik liau liau in hmun fal tha takah in ka sa ang" tih vel a ni a sawi.




"Eng nge maw i sawi ve neuh neuh le?" Ka hrelo pawh a nilo mahse,a awmdan chu fiam ka chak deuh tlat.




"Han kal mai mai teh" a tih hluka kei ka nui zui kar kar.




"Chaw chu lo chhum mai rawh" tiin ka chhuahsan a. Rinsanga chu a office ti ve mai ang, amah hian ka office a ti ve zia a. A thil stock ho a dah khawmna ah chuan alo in chhawp hnawk viau mai a.




"Bungrua alo thleng thar em ni?" Ka tih chuan ka lam pawh rawn hawi lemlo hian lu a bu nghuta a thil chhiar chu a chhiar zawm mawlh mawlh.




"Hengho hi hmani a bungraw tang nen khan a rawn thleng rual sia,min lo pui lawk mai teh. Heng ho hi ka thliar hran sa ania,a zat pawh ka chhiar vek tawh. Lo pack tha la" a thil chhiar lai a chhiar zawh chuan a rawn ti zung zunga keipawh chuan a sawi ang chuan ka ti ve zung zung.





"Hei chu ava nalh ve" kawrfual var pakhat chu ka thing parha a nalh ka ti takzet.




"I duh deuh em ni?"



"Mi chah sa vek a ni awm sia" tiin ka thlep tha a.



"Ka pe ang che,nimina miin an order an size alo nih leh loh avanga an kir leh ania.I duh chuan nei rawh a man chu ka lo pe mai ang" a tih chuan ka lawm viau.




"A man te chu ka nei ve alawm" ka tih pawh chuan, "a ngailo ka thil pek ve che a nih kha" a ti leh deuh tlat a,hepa hi chu a hahthlak thin.




Order thliar hran leh chhiar, a tha nge tha lo endik leh remfel a vaia kan zawh chuan rin aiin hun kan hmang rei zek. "A tlai tawh sia,chaw ei ve nghal mai la" a tih chuan rang zetin ka lo hnial.




Inhnuai lamah hmanhmawh zet hian ka chhuka,alo lungawilo nasa leh viau ang chu. Inthiam loh zeta inchhung ka lut chu alo reh duka u Raymond-a hmel reng reng hmuh tur a awm lo.




"Chaw chu ilo ei lo tak tak ang maw? Ka nu in Telhawng a bawl ania" Rinsanga pawh chu a rawn lut thla leh. Chaw bel ka en chuan u Raymond-a khan alo la chhum lo hlauh.




"Ti nge thil diklo thleng a awm em ni?" Ka hawihai hmel chu alo hmu pawh a ni mahna, "awmlo ve" ka ti maia mahse,u Raymond-a chu khawiah nge a awm ang? A kalna tur chin engmah min rawn hrilh bawk silo a,nge ni a thil thleng hmanhmawh thlak a awm a nga min hrilhna hun pawh a nei lo zawk.




"Lo kal rawh,ka chhungte pawn an nghak reng tawh che ania" a tih leh takah chuan rilru khingbai deuh hian kan in zui chho leh.




Chaw ei kham lama ka call pawn u Raymond-a chuan a chhang theilo,eng thil chiah hi nge maw thleng le? Mi inkhawm reh laiin Rinsanga nen chuan Scooty khalh zir pahin Aizawl khaw chhungah kan leng kual a,a nuam tak zet.




Nakinah chuan hmana ka nu ka hmuhna hmun kha kan thleng leh ta a. Ka mit ka len leh nasa viau tawh, he khawvelah chuan tupawh an hming a dang vek tawha ka nu pawh khan eng hming nge a put a,eng ang dinhmunah nge a din ka hriat miau loh avangin hetia ka hmuh fuh in beiseia ka zawn kual mai loh chuan hmuh leh dan kawng ka hre lo a ni.




Kan haw lamah chuan Kawnah Chips vel lei kawiin dawrah kan dinga,chutih laia ka thlang deuh hleka Cara lut chiah nu pakhat chu chianglo deuh hian ka zuk hmua,hmu chianglo mah ila ka nu a ni tih ka hria.




"Nu" tia au thatin chulam chu ka pana mahse,a tlan hman tukverh atang chuan Lancy-i a rawn danga min en zui vawng vawng.




"Eng nge a?"



"Rinsang min lo haw san mai rawh, u Raymond-a te in ah ka han kal lawk" tih leh tlan ka rual a. Car ah khan Lancy-i a Chuang ve a nih chuan u Raymond-a te in bakah an kal ka ringlo reng reng. Tin, ka nu leh Lancy-i khan eng in laichinna nge an neih,engvanga car thuhmuna Chuang nge an nih?




Ka rin ang ngeiin U Raymond-a te gate chhungah Lancy-i te chuanna car chu alo ding ran a. Zawi muangin gate chhungah chuan ka pen luta ka tha khur dar darte chuan min pen chak tir thei lo.




Ka nu chu va hmu ta ila engtin nge ka tih ang? Ka nu chuan midang ang thovin kan khawvel chu a hre tawhlo a nga,kei chu atan hmelhriat loh satliah chauh ka ni tawh ang,inchhungah sawn va lutin va hmu pawh ni ila eng nge ka sawi ang? Chubakah Lancy-i laichin hnai alo nih phei chuan...nilo,tunah chuan ka la hmu thei lo.





Gate bulah chuan dingin an lo chhuah hun chu ka nghak renga,khua a thim tan tawh tihah ka mi nghahte chu an rawn chhuak ve thei ta hram. Mahse,ka thil hmuh chuan min thawng tak zet.




Ka nu mai nilo ka pa pawh ka hmu tel a, tin mak ka tih leh zawk chu an kianga u Raymond-a awm ve leh ka nu leh pa te Lancy-i'n 'ka nu,ka pa' tia a ko chu a ni.




Eng nge a awmzia,min hrelo mai nilo in an ni chuan fanu dang an nei a,chuan tun tum chu ka pa pawn a fanu leh u Thanga chu an inneih a rem tih pui a ni tawh si a,ti nge kei ka nih avanga u Thanga ka duh kha a huat bik em em?




An rawn tlan chhuah hma chuan ka let thuaia, ka in reh ruiha ka luh chuan ka khua a har tak zet. He khawvelah hian tuman min mamawhlo kei hian engkim ka va ti buai zawk a ni. Kei chu awmlo ila u Thanga pawn nupui neiin fa a nei a nga,tun anga dinhmun khirhah hian a ding lovang.




Chutiang chiahin ka khawvelah kha chuan ka chhungte leh u Thanga chhungte an in haw em em a,hetah chuan inngaih takin chhungkuaa insiam hial an tum a ni a. Chawngi pawn a hmangaih a chan tih a hre tawh lova ti hian hlim takin nun a hmang a ni a. Kei chuan an zingah hian tih ve tur ka nei lo a ni.




Lehkhabu kha hre chhuakin ka khum lam chu ka pan vata mahse,eng nge thleng ta hi! Ka lukham hnuaiah chuan eng lehkhabu mah hmuh tur a awm tawh lo. Khum hnuai, drawer leh inchhung kil tin chu ka zawng chhuak vek mah se,hmuh tur a awm lo.




Lawkin? U Raymond-a nilo,ani chu a ni theilo. Lehkhabu vang kha em ni? Tukin khan alo bo daih, ka call lah a chhang thei bawk silo. Kha thawnthu tawpna kha ka chhiar ngei a tul asin.



(A thui,a thui lo ti vek ru🤗)

Nikhata vawikhat ads click pawh hi a har hranlo ania.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:51 pm

BINGBI PAR
Chapter 11



RAYMOND P.O.V.



"Ni e, chu chu in duhdan a nih chuan nghah leh lawk pawh chu a pawi hleinem. Nupa a insiam chungchang hi ngun taka ngaihtuah tur a ni a,fa te fahraha siam kan duh loh avang ngawt hian mi tamtak chu in hmangaih miah lova nupa a in siam ta kan awm a. Mahse, kan fa te ringawt khan kan inlaichinna an siam tha thei silo, reilo te a chhungkaw keh darh leh ai chuan inneih loh lawh lawh kha a tha zawk.



Inneih thulh in duh hi ka lawm e tihna lam nilo in,ka fanu hian amah hmangaih miahlo tu pasala a neiha hlimna a tawn loh hi ka hlauh ber a nih avangin tuna in thutlukna pawh ngun taka ka ngaihtuah hnuah chauh ka pawm a ni" Lancy-i pa in a tih dap dap lai chuan hnuailam ka melh runa ka nu pawn hnial dan vak a hre tawhlo a nia nge a ngawi ve ran mai.




Zanriah kan in ah chuan an ei nghala,chutianga kan boruakin sosan lam pan lova fel fai taka kan in hrethiam tawn chu ka lawm hle a. Mahse, Lancy-i te chhung an haw hnuah ka nu chuan a an hla a tan leh a, ani hi chuan naute lo piang tur a ngaihtuah em avangin Lancy-i nen hian inneih turin min duh tak zet a.




"Hmangaihna te chu in inneih a nga,amah in alo piang ve mai dawn alawm" a ti maia kei erawh in chu chu ka pawm lem lo.




Mi tamtak chuan inneih hnua khawsak ho te chuan duhna leh hmangaihna te chu amah in alo piang ve mai alawm an ti thin. A tak tak pawh a awm a nga; mahse, chutiang tawng chu an tam kher lovang. Fa te neih hnuah nupa inkar fel theih loh avanga inthen leh ai chuan Lancy-i pa sawi anga inneih loh lawh lawh kha ka duh zawk. Fa te hnena chhungkaw kehdarh lai hmuh tir hmasak kher ai chuan a tir atanga fel fai taka kal kha ka duh zawk a ni.




Ka nu thilsawi ka ngaihthlak ren rawn hnuah ka room ah ka chho a, ka phone ka en chuan Nguri call alo awm nual. Tukin khan khum siam ka tumna lamah kha 'BINGBI PAR' bu kha a lukham hnuaiah tum loh deuhin ka hmu a, eng thilmah ka ngaihtuah Chiang hmanlo lehkhabu chu la in ka haw nghal kha a ni.




Engtin nge ani hian alo kawl daih theih. Hetah keini kan unau in a bo emaw tiin kan mangang em em a, Sangpuii phei chuan ka nu awka vin in a biak phah hial a nih kha. Phone chu a awmna ngaiah dah leh in lehkhabu zawk chu ka ban ta zawk.




Eng thawnthu bu chiah nge ni ang,keini pawh min hrilh lova Nguri hian alo kawl ngawt ni. Han keu phata a phek hmasa berah chuan hawrawp nalh zet hian, "thuruk chu nangmah ngeiin zawng chhuak rawh" tih alo in ziak a.




Ka chhiar thui pauh leh ka meng phawkin mak ka tihna a zual zel a. Engkim mai chu Nguri'n 'ka khawvel' tia a sawina hmuna thleng ang vek kha a ni a. He lehkhabu hi a hma in alo chhiara a suangtuahna khawvelah a cheng ti dawn ila kan in tawn dan leh he lehkhabu kher kher hi chu duhna hmun hmuna hmuh theih a nih loh zia hre Chiang ber tu te zing ami ka ni bawk si.




Chutiang a nih si chuan Nguri khan alo sawi dik tak tak tihna em ni?
~~~~~~~~
~~~~~~~~


NGURSAIPUII P.O.V.




Eng thil mah ka ngaihtuah thei tawhlo, chuangtlai bika ka in hriatna chauh chu a ni,keimaha awm tawh chu.




Kawngpui lehlamah dingin ka nu leh pa chenna in chu ka thlir reng a, u Thanga nen kan inkar thuah thu han in hmuh fuh loh nei fo thin mah ila hetia fahrah taka ka awm tak hnuah hian ka tana an lo hlut zia leh ka hmangaih zia ka in hre chhuak a.




Keimah nilo fanu dang an nei ringawt pawh ka thik em em a,tih theih lah chu ka nei silo. Chutia ka thlir reng lai chuan taxi hi an in kawtah chuan a rawn dinga a chhung atang chuan ka nu ngei chu bawr deuh hian alo chhuak.




Rang tak hian ka va pana a bag khai ho motor atanga a hlan thlak pakhat chu va khai sakin, "ka lo pui ang che ka pi" ka ti a.




"Khai aw,ka va lawm dawn ve. Lo kal rawh hei heihi kan in ania" hlim hmel pu tak hian an inchhungah chuan min hruai lut a, u Raymond-a te in ang em em chuan a chhungpawh chu a zau lo mahse,ka nu leh pa chenna a nih vang hrim hrim pawn chu hmun chu nuam ka ti nghal em em ringawt mai a ni.





"Helamah hian lo kal rawh" a tih leh chuan choka lamah kan in zui phei a. "Tah khan lo thu rawh,thingpui nge thei tui i duh ang?" A ti nghal zung zung.




"Tui vawt ka lo in ang" ka ti maia ka mit chu ka len kual nasa viau.




"Tui chauh maw? Theitui tal hi in rawh" tiin theitui hi min rawn chhawp a. Rei ka awmlo theitui ka in zawh hnu chuan ka chhuak leh nghal mai a,chutianga ka ti a nih loh chuan ka nu hmaah khan insum zo lova ka tah chhuah mai ka hlau a ni.




Ka hma zawnah chuan ka bianga mittui rawn luang hru pah zelin ka pen deuh hlawk hlawka tu emaw ka sut hnu lawkah eng thil emaw rimchhe zet hi ka hria a,ka mit ka men leh meuh chuan pindan thim lutukah ka lo awm reng tawh.




Chair ah ka kut leh ke phuar beh ka ni a, light eng tha lo zet chuan ka awmna pindan chhung chu a chhun eng kim meuh lo. " Min pui rawh u" tiin ka au tuara ka kut an phuarna lah chu an la phuar nget phian zui.




"Nguri" chu aw ka hriatna lam ka hawi chu Lancy-i hi chauh hmel zet hian chhuatah a lo mu zawi ngiaia eng thil nge thleng,engtin nge hetah hian ka awm theih.




"Lancy, i tha em? Engtin nge hetah hian kan awm theih?" Hlauthawng zet hian ka ti nghal zung zung.




"Sa..Sangpuii" a ti zawi supa mahse,a thil sawi chu ka hre chiang lutuk. Chutianga kan lo inbiak lai chuan kawngka hi rawn in hawngin amah Sangpuii ngei chu a rawn lut. Light chu a dang a rawn ti en belha a hmela min nuih sawhna lang chhuak chu ka hmu Chiang takzet.




"Sangpui nang! Engvanga heng thil hi ti nge i nih?" Ka ti chu za zet hian a nui a, a rapawm dawn lek lek mai."Sangpui.."




"Chawngi...Chawngi zawk alawm ka hming chu. Nangmah ngei pawn Chawngi ka nih thu i sawi kha" a rawn tih chuan ka meng zau kawk.




"Anih chuan na..nang hian engkim kha i hre vek tih na!" Ka ti ban deuh chap.




"Ka hre mai nilo in he hringnun duantu hi ka nih hi." A tih chu ka hrethiam chiahlo. " U Thanga kha nang ai pawn ka hmangaih hmasa zawk asin. Mahse, nang chuan ka thiantha ber i nih thu i sawi chung pawn ka mipa hmangaih chu min chhuhsaka nangmah vangin a nunna a chan pha bawk"




"Ai..Chawngi"




"I hria em? Thing kan phur apianga in awmdan bihthlak reng kha engtianga na nge a nih tih hi,chuvang chuan i tel ve lohna khawvel din ka tuma mahse,khawi atang emaw i rawn lang leh a. Tunah chuan he thil hi kan tih tawp a hun tawh a ni." Mit meng rapawm zeta min enna chu rei ka en ngamlo. Ani hi ka thiannu Chawngi kha a ni lo ang.




"Sangpui i a tawh a nih kha,i u in he i thil tih hi a hriatchhuah hunah chuan i chungah a lawmlo nasa viau ang aw" kan piah atang Lancy-i chuan chau zet hian a rawn ti ve a,Chawngi chu a nui leh uar uar tawh.




"Nangpawh hi khawi atanga lo kal nge i nih ka hrelo e a,mahse buaina chu min siam sak hnem viau mai. Kha i naupai avang khan ka lung i ti awilo takzet. Chuan ka u chu ilo ngaihtuah ve vak a ngai lovang,ani chuan nangni hi a la theihnghilh vat dawn che u. Ti chuan keimah nen hlim takin kan inneih ang"




"Mi mawl i nih kha" Lancy-i'n a tih that rualin Chawngi chuan va pan hnaiin a pumah a pet sak a nih chu. Lancy-i na tuar ri ka hriat chuan Chawngi hnenah duh tawk turin ka lo ngen ve chula engtin nge hetiang em em a mi hlauhawmah hian a chhuah theih.




"A tawk ngawi rawh u" a tih that chuan tap khur hlak hlakin Chawngi chu ka en, chutih laiin mipakhat thawmhnaw maksak tak ha leh hmel tawp deuh tak hi rawn lutin " ka in peih e" Chawngi bula a tih chuan Chawngi hmel chu lawmna nasa lutukin a khat.




"Ka sawi kha engkim hi ka ti tawp vek dawn a ni. In pahnih hian ka kawng in dal man chu in hmu dawn khawp" tiin chu pa bumro deuh nen chuan an in zui chhuak.
~~~~~~~~
~~~~~~~~

RAYMOND P.O.V.




Door bell ka hmeh rik ral ral hnuah nula la naupang tak hian kawngka chu min rawn hawn a, " pi Rotluangpuii hmu turin ka lo kal a" ka tih chuan chu nula chuan min en uluk viau mai.




A duh tawka min zir chian hnuah ka kuta ka ken lehkhabu chu melh zeuh in amah zui turin min ti a,pindan pahnih kan kal pelh hnuah pindan hnuhnung berah min luh pui a.




"He tah hian min lo nghak lawk rawh" tiin kawngka bulah chuan min kal sanin single sofa lian ve tak min hnung chhawn zawnga an hunah chuan tu emaw a awm tih hriat tak hian ka hriat tham si lohin eng thil emaw hi ava hrilh a.




Ahnuah kha hmeichhe tleirawl bawk khan min rawn en in a lu min buk khum zeuha,an lam pan chuan ka va kal ve ta a, pitar kum upa tawh tih hriat tak hian min lo en vung vunga,tleirawl erawh kha chu ngawi rengin a chhuak ve nghal.




"Chibai le kei hi..."




"Ka hria che alawm Raymond,tah khan lo thu teh khai" min lo tih khalh avang chuan mak ti zet hian thu tura min tihna ah chuan ka thu a.




"Ka lo beisei reng tawh che asin" hmel nelawm zeta a tih laiin nichina tleirawl kha rawn kal lehin thingpui leh a hmeh hi a rawn chawi lut a. " Ka tunu a nih hi" pitar chuan chhuang tih hriat tak hian alo ti a.





"Tunu i nei hmeltha hle mai" a tunu chhuah hnua ka tih chuan a nui ar ar a. "Chuan ka lo kalna chhan chu he lehkhabu hi ania" tiin lehkhabu chu ka pe a,a kut Cher leh vun chuar tawh tak chuan zawi muang hian alo ban.





"A rei tawh hle mai, Khuanu rorel dana lungawi lohna avangin he lehkhabu hi ka ziak ta kha a ni a."




"Engtin nge kan nundan zawng zawng kha i hriat vek theih. Nge ni a,keini ang tho in nang hi kha khawvelah khan i awm ve zawk" ka in seh ruh ngawt ngawt.




Vawitam tak Nguri khan min hriat tir a tum thina mahse,kei erawh chuan a suangtuahna lengvang mai mai tiin ka lo ngaihsak tha duh ngailo. Keimah avanga a mualpho na te, keimah avanga a pa kut a tuarna te ka hriat hian ka na a ni.




Ni e,tunah chuan engkim ka hre vek tawh. Kei hi Ralkapthanga ka ni a, ka pa chu Raldotawna niin pasaltha ropui tak a ni. Mahse, ka hriatthiam loh chu engvanga he khawvelah hian Chawngi hi ka unaunu ni nge a nih? Chuan engvangin nge Lalsaivunga fanu hi Nguri nilo a Lancy-i a nih daih.




"Zawhna chu i ngah ang tih ka ring alawm, mahse lehkhabu a ka ziah ang hian a tawpna tu emaw siam tur a ni. Chu thil siam thei tu chu mi pathum chauh in awma chu chu nang leh Ngurpui bakah Chawngite in ni.




Khatia Ngurpuii aw hmanga hruaitu kha keimah hi ka ni a, chutianga ka hruai theih chhan erawh nangmah hi i ni. Kha dairial par(Bingbi par) kha phawilo lang chuan Nguri nen hian inzawmna kan nei theilo ang.





Chawngi leh a pa chuan pawi dawithiam thurual puiin i thlarau chu i nun thar neih leh zelna turah Nguri nilo a amah Chawngi nen zawka in awm dun reng theih nan dawi hmangin an phuar khawm a ni. Mahse,nang leh Nguri in hmangaihna hi khawvel hmangaihna awm tawh zawng zawng zinga hmangaihna dik leh chak ber a nih avangin an thil duh chu an ti puitling thei lo a ni." A tih chuan thil hriatthiam loh ka ngah khawp mai.




Lehkhabu ah khan Nguri min hrilh bak chu thil dang vak a chuanglo, Chungverh khaw tlangval ten ni sarih an zawn hnu pawha an lalfanu chu an hmuh loh avangin amah vuina hun an hmang tih leh. Upa Luaia'n an Lalpa chu a hnunglam atanga phiar ru in amah leh amah chu lalah a in siam tih vel a ni a.




A tawpna erawh la chhunzawm tur a nih thu a in ziak a. Chutah chuan a ni mak ka tih em em thil chu lo thleng, lehkha phek tawp berah chuan a hma a in ziak miahlo he lehkhabu ziaktu hming leh address chu chawp leh chilh hian a rawn in ziaka ka mak ti leh phu Chiang lutuk chuan lehkhabu chu chhuatah ka theh thla a.




Chutianga lehkhabu ka melh reng lai chuan eng nge ka chungah thlenga eng tik laiin nge ka mutthilh reng ka in hre lo. Hmana ka mumang ang chiah khan hmeichhe saruaka tap bulah chuan ka lo ding leh reng tawh a. Nguri ani tih pawh chu tun tum chu ka hre nghal.




A en na lam ka han en nak chuan ka lu,keima lu ngei chu sahlamah tarin ka han hmu a nih chu. Tah chuan ani engkim chu Chiang taka ka hriat chhuah tak vek ni. Ka harh leh chuan ni chu alo sang viau tawh mai a.




In phih pawh in phih fai hmasa lovin Nguri in luah lamah ka tlan thla a,mahse alo in kalh. Khawiah chuan nge maw alo kal hman ni. Engkim ka hre chhuak vek tawh tih hi hria se kei ang tho in a lawm ve ngei ang.




Kan in lamah let chho lehin ka call a chupawh chu a chhang thei chuanglo. Chutianga ka room a ka awm reng hnuah chuan ka rilru ah zawhna tam tak rawn lutin chung zawhna te min chhang thei tu a ka ngaih pi Rotluangpuii hi ka pan ta a ni.




"Engtin nge chu zawng zawng chu i hriat theih nang hi tu chiah nge i nih?"




"Raymond kei hi Lasi leh mihring thlahpawlh ka ni" a ti chu ka awilo hle,lasi leh mihringte awm dun theih loh zia chu ka hre ve viau chuan ka in hria.




"Chutiang thil theih loh a nih chu" ka ti nghut.




"A mak viau ang tih chu ka hria alawm mahse,heihi thudik a ni. Ka nu khan a lasi nihna zawng zawng kalsanin ka pa kha pasalah a nei a. Chutiangin kei pawn ka pasal Ambrose-a nun chhan him nan ka lasi thil tih theihna zawng zawng chu ka hlan a ni."





"I pasal maw?"




"Aw ni e, tun hma deuh kha chuan heng Keimi leh huai ho hian khawvel in lum let chak lutuk avanga an tawrhna te tih tawp tumin tan an la chiama khatih lai bawr khan Mizoram hi thihna rapthlak tak tak thlen thinna hmunah a chang hman tep a ni.




Kha buaina avang khan ka pa pawn a nunna a chana,mahse ka pasal leh Keimi ni bawk Ambrose-a leh ka lasi unau te tan hona a zarah tunah chuan ti hian thlamuangin kan leng thei ta a ni" tiin a pasal nena an chanchin chu lunglen hmel zet hian a sawi a.




"Khatianga Huai zawl zinga dawithiam thil ti thei berin khawvel kaldan phung a her danglam khan kei leh ka lasi unau te chuan khawvel chu a ngaia her danglam leh kan tuma mahse,kan mi beih hi thiamna sang lutuk nei a nih avangin he lehkhabu hi engkim chinfel a nih theih nan kum tamtak liam ta khan ka ziak ta a ni." A ti leh a.





"Mahse,nangni lasi te meuh pawhin in hneh loh chu engtin nge kei hian ka hneh theih ang?"




"A chhan chu i hmangaih ber tana i beih dawn avangin" a tih chuan ka ngaihtuahna a kal thui leh viau tawh. Chutih lai tak chuan ka phone chu rawn ri in Lancy-i nu alo ni.





"Raymond vawiin ah Lancy-i nen in in hmu em? Hei kan call a chhang thei bawk silo a,a room ah a awm reng emaw kan tih kha alo chhuak bo daiha a thiante lah in a chin an hre bawk silo" mangang tih hriat tak hian a rawn ti a.





"Hmu lo e,hei kei chu thil pawimawhah ka chhuak daiha"




"Anih chu,lo biak han tum ve chhin teh." A rawn tih leh chuan ka lo biak tur thu leh chin ka hrilh leh tur thu in ka chhang a.




Phone kan off hnuah Lancy-i chu ka call nghal mahse,a chhang miahlo. Papuia ka call leha ani pawn a zawn mek thu alo sawi ve bawk.





"Pi Rotluang i thu min hrilh te avangin ka lawm hle mai,nidangah kan la inkawm leh thei ang chu tiraw? Tunah chuan hmanhmawh deuha kalna tur ka nei a"





"Tehreng mai i duh hun hunah min rawn hmu thei ang," alo tih chuan hmanhmawh zet hian pawn lamah ka chhuaka, Lancy-i kalna tur awm ang ho ngaihtuah kualin chung hmunah te chuan zawn kual a fuh ber ka rin avangin ka in khalh chhuak nghal.




Khawthim hnu thleng pawha chin engmah kan la hrelo chu ka mangang viau tawh. Ani rilru na hian tih loh loh tur alo ti ang tih ka hlau hle a. Ka duh anga thil a kal tak avang maia ani ka lo ngaihtha lutuk te chu ka in dem ru hial bawk.




In a haw phawta a bul atanga zawn that leh ka rilruk avangin Durtlang lam panin ka in khalh chho a, Nguri in luaha ka Peng tur chu Ani pawh alo la in kalh thap. Chutia let leh mai tuma ka in her chiah chu inchung lam atang Rinsanga leh a nu rawn chhuk nen kan in tawk a.





"E! Raymond-a chu Nguri chin i rawn ngai chang ve em ni?" Nu Maremi chuan alo ti vat.




"Aw,khawnge a awm in hria em? Tukin khan ka kal tawha mahse,alo in kalha hei tun ah lah"




"Ni e,hei keini pawh kan mangang deuh tawh chu a nih hi, zinga a chhuak kha chu kan in a alo luh kawi avangin kan hria a mahse, a rawn haw har avanga kan han phone lah in switch off a in ti tlat bawk si a" a tih chuan, ka rilru a buai ta viau mai.





Lancy-i pawh a bo a,chuan tunah Nguri pawh maw? Thil diklo chu a awm Chiang a ni. "Anih nu Marem ka han haw phawt a nga,Nguri chu alo haw tak leh min rawn hrilh mai ta che u" tiin kan in lam ka pan.




Ka nu leh Sangpuii te chuan tv en in min lo nghak a. Chutia Sangpuii hmel ka han en chik deuh chuan lemchang nge aniha engmah hi midang ang tho in a hre lo zawk tih chu ka ngaihtuah hmasak ber leh ka in zawh hmasak ber a ni. Ka nau angin ka hmangaiha tunah engkim ka hriat chhuah hnu pawh hian ka nau a nihna anga a chunga ka rilru put hmangte kha pakhatmah an la danglamlo.




Nguri leh Lancy-i bo dan chungchang ka ngaihtuah ngun pauh leh Sangpuii ka rinhlelna a zual a. Nge ni a hmaichhanah ka zawt tawp dawn. Nilo,chutianga ka ti a nih chuan engkim ka hre chhuak vek tawh tih a hria a nga,tuna ka rin anga engkim hi a ruahmanna alo nih chuan a kutah ka in pe tihna a ni ringawt dawna fimkhur taka chet ka lak a ngai dawn a ni.




Zanah chuan Sangpuii thawm ka hriat veleh ka room atang chuan ka chhuak ve nghala,pawn lama a chhuak chu a hnungah ka zui ve zel. Tun tum chu he hmeichhe thuruk zawng zawng hi ka hre chhuak vek tur a ni.




Nakinah chuan ka pu te huan thlam kawtah kan in zui thleng ta a,tun anga chutiang hmuna a kal chu mak ka ti viau bawk. Tukverh atang chhunglam chu ka bih thla a engmah han rin hlel tur ka hmu hranlo.





Kawm char lama ka kual tur chiah erawh thil rimchhe em em mai hi ka hre nghala, ka hnar leh ka hupin ka kal zela nakinah chuan tawng thawm ka hre ta.




"Tunah chuan a hriatna a nei let vek tawha, kan hmanhmawh a ngai a nia"




"Ka hria alawm,reilo te chauh a ngai tawh ang, he inthawina hi kan zawh chuan kan tlangvala mitah chuan a engkim i ni tawh ang" tih vel an sawi hnuah room pakhatah hian an in zui lut a.




(Naktukah chuan ka lo in hmakhua lawk deuh a nga,Debate chhuah hma in rawn dah ka tum tawh dawn ania.)


Ads click theihnghilh su aw Hmeltha ho.


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:52 pm

BINGBI PAR
Chapter 12

(Spelling ennawn loh ania, a diklo a tam ang a awm ang in tih ber alfabet kha a diklo laiah khan han rem ula a dik zel mai ang😂)



Ka awmna Papuia message hmanga ka hrilh hnuah zawi muangin inchhungah chuan ka luta thawm chu a rehin Sangpuii te thawm takngial pawh kha hriat tur a awm lo. Nichina an luhna ni a ka hriat room ka pan lai chuan tu emaw in ka tukhumah hian an rawn vua a chhuatah chuan ka thlu nghal thuai.




Ka hnunglam ka hawi chuan Sangpuii leh khapa nichin maia a biak kha an lo dinga,a mipa zawk kutah chuan min vuakna ni awm tak bat(chriket vuakna) hi a keng ran bawk a.




"Min zuiru tih hi ka hriat loh i ring reng reng em ni?" Min thamlo zet hian Sangpuii chuan a rawn ti a. Han chhan let mai ka tum chu ka tukhum a rawn na zawk.




"Ti nge maw, thil hi a harsa zawng hlira kalpui in tum tlat thin ni" tiin lu thing pah hian a chek deuh hlak hlak a.




Kei lah chu ka lu a an vuakna vang khan ka lu a hai deuh muai muaia chutah Sangpuii leh a thianpa chuan ka kut chu min phuar sakin room dang pakhatah hian min luhpui leha chuta ka thil hmuh avang chuan ka tal nghal phata Sangpuii thianpa pawh chuan min thla ve maia rang takin Lancy-i chu ka pan vat.




Ani chu chau tih hriat tak hian chhuatah a lo mu zawi ngiaia, a bulah thu a ka koh ka koh hnu chuan fiahlo zeta rawn meng hian "Raymond" fiahlo zet bawk hian a rawn ti a,a chungah hian engthil chiah nge maw an tih le.





"Aw,keimah Raymond-a ka nih hi i tha em?"




"A awm tawhlo, Raymond kan fa kha a awm tawh lo" tiin a rawn tap nghal hliam hliam. Ka kut an phuar tlat avangin kuaha hnem turin tih theih ka nei silo. Chutih rualin ka fa thihna chuan min ti na in min ti thinur viau bawk.





"Nangmah kha i tha reng reng em?"




"Ai,Raymond ka naute...ka naute kha" tawng pawh a tawng tha hleithei.




"Lancy-i tunah chuan he hmun atanga kan chhuah dan tur hi kan ngaihtuah a ngai ania. Khawnge Nguri? Hetah a awm ve a ni tiraw?" Tiin kan awmna room chu ka enkuala,ka pu te huanah hian ka naupan deuh lai kha chuan ka kal ve fova,mahse ka kallo na alo rei deuh tawh bawk nen room te chu an lo siam danglam tir nge ka hriat thin ang kha a ni chiah tawh pawn ka hre lo.





"Sangpuii leh a thian samsei khan an rawn hruaia khawi hmunah nge an hruai tih ka hre lo" a tih chuan ka in hum ruh ngawt ngawt. Tunah chuan ka luhai pawh a reh vel tawha nat erawh chu ala na khawp mai. Kawngkhar bulah chuan va kalin thawm ka ngaithlaa eng thawm mah ka hrelo Nguri chu khawi hmunah nge an hruai ang.




"Lancy i ti harh hram hram rawh, Papuia police nena he lai hmuna rawn kal tur hian ka hrilh tawha an rawn thleng vat mai ang" Lancy-i rilru nat leh taksa chau tawh lutuk tawng pawh tawng peih tawhlo chu ka thiam ang tawk tawkin ka hnem ve a. Ka rilru leh ngaihtuahna ah erawh Nguri an dahna tur ngawt chu a ni.





Tuibur hmuamda awm velah Police syrin ri kan hria, ka thut hmun atang ka ding chhuak nghal. Inchhungah chuan tlan leh pen thawm hriat tur a awm rak raka, 'che tawh suh u' tih pawh a ri nawn ngun viau.





"Papui he lamah" tiin Papuia'n min ko ri ka hriat rualin kawngka bulah va dingin ka va au vaka kawngka kalhna in hawng ri ka hriat hnu lawkah kawngka chu a rawn in hawng a.





"Lancy-i saw buaipui hmasa ru" keimah zawk min ngaihsak an tum chu Lancy-i buaipui turin ka lo hrilh vata, "Papui Nguri an dahna ka hre lo" ka zui zat.





"Sir helamah hian lo lawk mai ta che" police pakhatin an pu ber kan bula ding ve a rawn koh chuan ka zui ve nghal vata chuta ka thil hmuh chu ava ramthlakin thin ava ti rim Chiang tak .





"Nguri" tiin khum bulah chuan ka tlan phei vat a. Hriau hmangin a thisen an hip chhuahsaka, chu thil han phawi mai ka tum chu midangho chuan minlo dang vat a.




"Min thlah rawh u,a thisen an hip chhuahsak a nih saw,kan phawi a ngai alawm" ka tih mek police ruala rawn kal an ni mai thei madical lam ami ninawm tak kawr var ha hian Nguri thisen an hip chhuahna Hriau te chu a phawi sak ta a.




"Ngu.. Nguri" zawi muangin a biangah ka chul sak, thisen pawh a nei tawhlo a, a taksa leh vunte chu an dang vekin a vawt em em a, pangtilum reng reng a nei tawh lo.




"Hei Nguri, keimah i u Thanga ka lo kal ania i mit lo meng ta che" a bulah ka awm tih reng reng ngaihsak lova a mit min chhinsan tlattu lu chu ka dawma a zawi em avangin a thle ngiaia chungte chuan min run em avangin a hming chuan ka han ko leh chiam thina ani erawh chuan a mit min chhin san tlat si.




"Khawngaihin, min chhang hramteh..maw..Nguri khawngaihin i mit kha han meng hram teh" tiin ka ngen ngawih ngawih.




"Thiana" ka dara rawn dawmtu Papuia chu beisei nei zet hian ka ena a lu min thinkhum phei chuan duhlo tak ka ni.




"Nang talin han hrilh teh ka hriatloh rei em avangin min tihtauh khum a nih hi"




"Aw le,mah se Doctor te hi an hna i thawh tir a ngai ania" tia min chhangin khum bul atang chuan min hruai hranga, 'a mar chu ala awm'. Tian an tawng leh 'kan chhan hman kher lovang' tih vel chu fiahlo zet hian ka hre rei ruai a.
~~~~~~~~
~~~~~~~~


PAPUIA P.O.V.



"Tu..tunah ka hre ve chiaha Nguri hian min kalsan theilo ang" Mumallo zeta ka thianpa rak leh nawk nawk thin chu ka khawngaiha, hetiang hmel pu hian ka vawikhat hmuhna a ni bawk.




Lancy-i kalsana Nguri a thlan khan a chungah ka lungawilo in a thutlukna kha ka hrethiamlo viaua mahse, tunah chuan ka hre ta. Ka thianpa hian he hmeichhia hi a hmangaih takzet a ni. Hun reilo te chhung a hriat leh thil dang zawng zawng aia a tlan hmeichhia avanga kan thian inkar tihchhiat a pawi tilo tih ka hriat tluka laknat kha ka neilo a. Mahse,ka thianpa na hmel ka hmu hian kha ai pawh khan ka na zawk a ni.




"A tha leh mai ang, Doctor ten an enkawl dawn alawm" ti ve mah ila kei ngei pawh hian ka thusawi chu ka ringlo hle a ni. A chhan pawh Nguri taksa en khan minung a ang tawhlo,a lungphu pawh an hmu tawh lova a marphu chauh a nih kha an hmuh.




Beiseina chau zet nen Damdawiin ah kan in phur chho a. Chanchinbu mi leh mahni in bengvara chin rawn ngaichang pawh an tam khawp mai. Sangpuii leh a thianpa chu Bawngkawn police station lamah an la tih bak ka thianpa ka buaipui a vangin an chanchin hriat zui ka nei rih lova.




Lancy-i nu leh pa leh an chhungkhat laina ten lainat leh khawngaihtaka an fanu Lancy-i an buaipui lai hmuh chu an khawngaihthlak viaua chu aia hmuh la hreawm zawk chu Nguri chhungkhat laina tia sawi tur pawh nei ve lo. Nu Maremi te chhung, Raymond-a te nufa leh khawtlang hruaitu tlemte te chauhin alo harh leh hun ICU pawna kan ngaichang chu a ni.




Doctor te thil sawi danah leh an hmelah chuan Nguri lakah chuan an beisei a san loh zia chiang takin a langa,chutih ruala mak an tih ve leh erawh chu khati khawpa thisen hlauh nem si kha engtin nge tun thleng thlenga alo la dam theih tih chu a ni.




Kha rooma Nguri kan va hmuh kha chuan keipawn mihringah kan in chan ta lo emaw ka ti hial a nih kha. Mahse, a marphu ala awm thu sawiin Damdawiin lamah kan in phur chho a mitlawmngai ten thisen pe in ICU ah kan in dah luta tunah pawh thisen chu unit eng emaw zat an khai zo tawh.





Chutianga Nguri chin ngaichanga kan thut reng lai chuan police station lam atang call ka dawnga, pawnlamah chhuakin rei deuh tak chu kan inbia. Engtin nge hetiangin Sangpuii hmeichhia ah pawh a nunnem ber chi leh dawi tak ni thin hian he thil hi a tih ngam zawk tih chu keipawn tun darkar liam ta chhung zawnga ka rilrua ka in zawh reng chu a ni.




Tin,kha pa maksak tak awmze nei lova rak chiam chiam leh rim mak tak nei kha khawilam mi nge a nih? Tin khang room pakhata kan hmuh satena hnena inthawina ni awm tak tak ho te kha...engtin nge kha hmunah khan a awm theih? Kha pa maksak zet kha tunlaia kan sawi fo satenic zing ami hi a ni tihna em ni? Zawhna chu ka ngah khawp mai,mahse zawi zawiin kan la hre chho zel turah ngai ang.





"I ngam chuan kha thu kha han sawi leh teh" inchhunga ka va lut chu Doctor pakhat leh Raymond-a chu an lo in din chilh run a. Raymond-a zawk chuak Doctor kawr awmah chuan a tham tel bawk.




"Raymond thlah rawh" tlan pheiin Doctor kawr awm a thamna kutah chuan va chelhin pawh then ka tum a.





"He Doctor hian Nguri hi a thi dawn a ti, engang Doctor in nge a damlo te an thi dawn ti ngai? Doctor i nih chhan chu damlo ti dam turin a ni." A thinrim zia chu a awki leh a thahrui lak thei khawpa pawng tawlh tawlhte chuan an ti Chiang viau awm e.




A duhtawk a sawi ta nge Doctor pa chu nam deuh sawkin chulai hmun atang chuan vung zet hian a chhuaka han zui ve mai ka tum chu nu Siamtei'n min lo koh avangin kan han in be leh rih a.




"Engtin nge hetiangin ka chawm ka chawi seilen ngei hian a tih theih zawk!" Tiin ani pawn Sangpuii thil tih anga an sawi ho chu a awi loh thu a sawi chamchi a. A chang leh " kha a ruala in man khan a vo a ni zawklo maw?" A ti thul.




"Tunah chuan thil hi ala ni teh nuaia,enghi nge thudik ni a dawt tih pawh hriatthiam a har a. I sawi ang khan Sangpuii pawh vo beh alo ni thei renga police ho in an chhui a nga thudik chu eng nge a nih kan hre chhuak vek mai ang" ka ti ta ringawt.
~~~~~~~~
~~~~~~~~


RAYMOND P.O.V.




"Engvanga ti nge i nih?" Sangpuii chu rilru na zet hian ka zawt a. Kan naupan tet atanga kan nundan ka ngaihtuahin hetiang em em a thilrapthlak a ti hi awilo ka duha mahse, a hrechiang ber tu ka ni bawk si.




"Liansangpui" ka zawhna hrelo ang hmaka a awm chu ngaitheilo in ka vin ta tuar.




"Ka pa in a zinna atanga hmeichhe naupang a nu leh pa ten an thihsan enkawltu neilo a rawn hruai haw kha ruahmanna vek maw lo ni?" Tiin ka pa in Sangpuii kan in a alo hruai haw lai chu ka mitthla a.




Hmeichhe naupang hmeltha tak ka pa in ka unaunu tur anih thu min hrilh khan ka hlim hle a nih kha. Ka thiante bula farnu ka nei thar, ka in tih theih zia te kha chiangin ka la hria a. Hmeichhe naupang dangin an tihbuai Chang pawn ka chhan nasa thei viau bawk.




"A dik alawm,a tir chuan keipawn he ruahmanna hi ka duh biklo. Mahse, katia i hmeichhe hmangaih i hre tawhlo hmel hmuh kha chu nuam ka ti khawp mai" nui chunga a tih lai chuan ka hnek thlu tawplo chu mak ka in ti viau zawk.




"Raymond..nge ni a,U Thang ka ti dawn che? I pa kha engvanga thi nge a nih i hria em?" A zawhna chu ... Eng nge a awmzia? Ka pa thihna a makin sawifiah theih a ni lo a. Lungphu chawl tiin Doctor ten a thichhanah an puha, tunah hian engvanga ka pa thih dan chu rawn sawi chhuak nge a ni?





"Engthil nge i tih?" Ka ti nghet chura ka kut erawh ka hum ruh ngawt ngawt tawh. Ka pa thihna ah khan a in rawlh a nih chuan hmeichhia a nihna theihnghilhin kut ka thlak duh tawh ngei ang.




"A in tihfin a zarah a nunna a chan ta a nih kha" rang zetin ka kut chu ka vaia Sangpuii biang ri no chawk chu han tham thawh leh mai ka tuma kan bula duty lo awm in min lo dang.




"Liansangpui ka that dawn che,engtin nge khawngaiha chenna leh chhungkua pe tu che chu i thah theih?" Ka ti tuar tuar a.




"Engthil nge ti se min tih?" Ti tuara a rawn hawi chhuak chu a mit a sen ve ta rap a, " ka pa kha ka duh vanga that ka nilo. Ani khan min hrechhuaka, chuvang chuan duhthlan tur dang ka neilo a ni". A bianga mittui luang chuan ka nuih a ti zat em avang chuan to zet hian ka nui.




"Duhthlan tur i neilo a maw?" Ka ti ro halh.




"Khami ni khan engvanga Buannela kal duh nge a nih i hria em? Ani khan Nguri nena in intawn leh theih nan khami ni khan Buannelah khan a hruai che a ni." Ka mit taka rawn en chho hian a ti a.




"Ka pa bulah khan ka ngena, ka thuruk kha min zep sak a nih chuan i nunah ka in rawlh lova nga,i unaunu angin ka awm ang. Tiin ka ngena mahse,ani chuan a duhlo, chuvang chuan a ni chu pawi dawithiam khan a dawi ta a ni" a tih chuan ka zawi hnawk thei.




"Nguri nena in in zawmna kha kha Buannelah khan a awma mahse,eng ber nge a nih a hre lo. Chuti chung chuan kha hmunah khan a hruai tho che a,keipawn khatianga thah kha ka duh biklo mahse,a dam reng chuan kan kawng kha min dal reng dawn vang a ni". Chung zawng zawng ka hriat hnu chuan Station pawnah ka chuaka ka khawchhung tawn lutuk tih bo tumin ka han au chiam chiam a.




"I tha em?" Papuia chu ka melh zawk,hman ata tawh ka tana a awm reng thin chu ka lawm tak zet.




"Engtin nge ka tih ang? Thiana tunah chuan kawng ka bo takzet a ni" ka hmai tuai tawkin thawk ka la leh halh thin.




"Eng thil chiah nge thleng hi ka hrelo a; mahse, engkim ala tha leh vek mai ang. Station ah hian ka lo awm a nga nang chu haw chho leh rawh. I nu pawn a rilru a hah em khan han awmpui rawh" a ti dam dup a.




"Ka lawm e"




"Ka hria alawm,han haw la chawl hahdam rawh i lu a an vuakna te kha dim ve deuh la" tia min nuih chuan ka nui ve ta.



Damdawiin ka thlen chhoh leh chuan zinglam 7:30am a ri tawh. Nguri chu ala harhlo renga ka nu chu inlamah ka hruai haw. Damdawiin kan thlen chhoh khan Nu Maremi te nen an lo awm ve reng tawh nen a chau tawh viau ang.




"Kei chu ka awi theilo reng reng, Sangpuii hian hetiangin a ti lo ang" a ti mawlh mawlha ka chhanglo. Ka nu hian Sangpuii a fa tak tak kei nen en hranna pakhatmah a nei lova,hmeichhia ve ve an nihna ang phei chuan kei aiin an in pawh zawk.




A tir atanga kan chhungkua hrelo ho phei chuan Sangpuii hi ka nu leh pa fa a nilo tih tuman an hre lo a. Keini pawn kan sawi chhuak ngailo. Ka nu nen chuan kan in be tamlo hle a,a khuma ka mut tur hnuah inchung lamah ka chhoh sana ka room a lut lovin Sangpuii room zawkah ka lut.




A room banga a thlalak tar ho ka en chuan ka mittui a hnam a,thawk a sak hle bawk. A tir khan ka hrethiamlo a, Sangpuii hian kei min ngaizawng sia engvanga ka unaunu anga awm ta nge a nih tih hi? A chhan pawh thisena inzawmna neilo mah ila khawvel hmuha unau kan nih avangin kan pahniha inkawp chu a rem dawn loh vang a ni.




Mahse, tunah chuan ka hre tawh. Sangpuii te ruahmanna ah chuan ani hi Nguri nu leh pa fa a ni tur a ni a; mahse, pi Rotluangpuii sawi ang khan an thil tihah lasi ho an lo in rawlh ve avangin an tum angin thil a kal lova. Chuvang chuan kei min hnaih theihna ber tura an ngaih ka unaunu ni turin an ruahmanna chu an sawn leh ta zawk a ni.




Ka thil ngaihtuah chhuah avang chuan rang takin ka tlanchhuak leh. Pi Rotluangpuii khan tuna kan buaina ata hi min chhanchhuak thei ngei ang. Anni chauh kha a ni Nguri ti dam theitu tur chu.




An in ka thlen chuan kha tleirawl bawk khan kawngka min lo hawn leh a. Tun tum chu polite na hun ka nei tawhlo, nimina kan in hmuhna room ah khan ka tlan lut a.




"E! Raymond-a chu eng nge ni ta iva rawn lang hma ve? Thil thleng a awm em ni?" Alo ti var a.




"Khaw..khawngaihin min pui rawh" ka dang a ro em avangin chil ka lem khalha, nimina kan inkawmna sofa lam chu a pana ka zui ve vat. Kan thut hnu ah a tunu kha rawn kalin tui min rawn chhawpa thingpui ka duh leh duh loh min zawt nghal zat.




"Tui hi ka duhtawk e" ka tih hnuah a pi chu Damdawi a ei tur a pe a, a chhuak zui leh mai.





"Chanchin tharah ka lo hmu a, Ngurpuii chu tunah eng nge a an tawh a?"




"I puih loh chuan a thi mai ang,khawngaihin min pui rawh" zah lam rilruah a lang thei tawh lo. Nguri tan a nih phawt chuan bawkkhup pawn ka ngen mai ang.




"Enteh Raymond.."




"Khawngaihin min pui rawh,a tello chuan ka dam zo tawh lovang." Chhuatah chuan ka thingthia ka beidawn zia hi min hriatpui ze min tanpui se ka duh takzet.




"Eng nge i tih,khatiang tur a ni lo...han tho phawt teh"




"Ai, min puih tur thu i sawi hma chu ka tho theilo" tiin ka lo tang ve tlat.




"A tha e,mahse thil awlsam a ni dawnlo ania" a tih chuan ka thaw huai thei.



"A pawilo engthil pawh tih ngai dawn se ka ti mai ang,ka duh ber chu Nguri dam leh hi a ni mai." Ka ti nghet churh. Thu tha tura min tih reng avangin keipawh chu ka thu tha leh a.




"Ka sawi tawh kha,ka lehkhabu ziah kha mi tamtakin an hre lova. A tawpa ka adress pawh khan Nguri, Chawngi leh nangmah tih loh chuan in chhiar thei lovang. Mahse,nangni pawn a bu chhunga thu engkim kha a bul atanga a tawp thleng in chhiar kim loh chuan in hmu thei dawn biklo.




Kha lehkhabu kha buhnih chauh a awma ka fa pa leh keiin pakhat ve ve in kan kawla,Zankhat chu ka fapa te in chu kangin chutah chuan ka fapa leh ka monu chu kang hlumin hei tuna min awmpuitu Bawihi hi an fanu ni in kha in kanga dam khawchhuak awm chhun a ni.




Inkangah chuan 'Bingbi Par' bu pakhat zawk chu a kang chhe veka, chuan ka kawl zawk pawh hi tun hnai lawk khan rukbo a ni a,ka fapa thihna nen khan chu thil chu inzawmna a neih ka ring bawk. Mahse,ka lasi unaute atang lehkhabu chu a kawl tur diktakin a kawl tih ka hre leha chuta tang chuan ilo kal hun hi ka lo nghak char char a ni. A tir chuan nang nilo in Nguri zawk kha a rawn kal dawn emaw ka ti hmana" tiin a han nui a.




"I tan chuan i nun hmasa a let leh chu a theih tawh lova. Mahse, Nguri tan chuan ala theih a ni" a tih chuan Chik zet hian min en a,ka ngaihtuahna chhiar a tum ni berin ka hria.




"Anih chuan a dam leh nan kha khawvelah khan a let leh a ngai i tihna em ni?" Ka ti thuai a.




"A dik alawm. He khawvela a nun a chan a nih chuan khawvel pahnihah hian kumkhuain a bo hlen tawh a nga,tuman an hre tawh lovang. Mahse, a thih hma a a khawvel ngaia a let leh a nih chuan chu thil chu a thleng lovang"



"Engthil nge tih ngai ang" ka tih chuan thawk la in a thut dan a siam rema,a hmelah chuan thil awlsam a ni dawnlo tih ka man thiam thei.




"Raymond a hma pawn ka hrilh tawh che a, i hringnun hi Chawngi nunna nen dawi hmanga phuar kawp a ni ka tih tawh kha. Chuvang chu ania he khawvelah hian midang zawng zawng an pian nawn laia Nguri a pian nawn ve loh. Chuvang chu ania Lancy-i hi alo awm ve chhan, tunah pawh kha dawi in nun in phuar khawmna kha phelh ala ni lo a,a phelh dan awmchhun pawh nangni pathum hriatna tih bo chauh hi a ni, Chutianga kan ti a nih chuan he khawvel atang hian Chawngi leh Nguri chu an bo a nga tuman an hre zui tawh lovang. Chutiang chiahin khawvel lehlamah pawh nang chu tuman i awm ve tih an hrelo thung ang."




"Maw?"




"Raymond Nguri nunna chhanhim dan kawng awmchhun a ni. Kha dawi kha kan sut a nih loh chuan Nguri hi a thi a nga,a thi a nih chuan kumkhua in i hmangaih i theihnghilh a nga, in awm dun theih loh chhan ber Chawngi zawk chu kawppuiah i nei tawh ang.




Hei hi ania in pathum chauhin a tawpna in siam thei ka tihna chhan. Nguri ko chhuak turin ka lehkhabu hmang khan Chawngi chu kan bum hmasa phawta ani chuan Bingbi par chu a chah ta che a nih kha. Ani chuan Bingbi par kha Kumkhua Nguri thih hlenna tur emaw a ti a, mahse, heihi a hrelo a ni kha Bingbi par i lak chiah khan khawvel pahnih in kal pawhna chu a in hawng dawn tih hi.Tih luih che chu ka duh lova mahse, Nguri hian hun tam a nei tawh lova thutlukna chu i siam thuai dawn ania." A tih chuan ka ngawi ta reng.




(A tawp tep tawh bawka in comment leh ads click kha ui lo turin ka duh che u a,ka dil bawk che u aw)


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)