BINGBI_PAR #By #Irene_H_muankimi

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

BINGBI_PAR #By #Irene_H_muankimi

Unread post by Ngaia » July 3rd, 2022, 1:50 pm

jhcws8a7.jpg
jhcws8a7.jpg (19.45 KiB) Viewed 3941 times
#PROLOGUE

"U Thang i hmeichhia chauh ka ni reng ang" tiin ka phun zawm mawlh mawlh. Ka zahawmna,ka thianghlimna chu...u Thanga hnenah ka hlan tawha tunah chuan tu mipa mahin an beisei theih ka ni tawh lo.

"Ka rei maw....Nguri,khawsarih en pha hial khawpa an sawi Sailo lalfanu chuan heti hian i hringnun chu i hmang mai ang maw! Kei zawng ka ngaihtuah thui ngamlo,a pawi ka ti em mai,hnamchawm an nih avang maiin an chungah hlei kan hlena,tunah chuan ka fanu min laksak ta a nih hi" ka nu tah hla pawn min ti harh zo tawh lo.
~~~~~~~~

"U..u Thang"

"I u Thanga pawh ka ni lo khatin min ko sek suh,ka hming chu Raymond... Raymond Lalawmpuia a ni. Chuvang chuan min ti buai tawh suh" tiin ka au khup nghek.

"Ai,i nilo nang chu Ralkapthanga alawm i nih? U Thang i chunga hian engnge thlenga he khawvel hi eng khawvel nge a nih chu ka hrelo mahse,khawngaihin ka mitah tak hian en teh kei hi min hrelo tak tak em ni? I ta chauh ka nih thu i sawia engtikah mah min phatsan ngai loh tur thu i sawi kha" mangang chi ai tih hriat taka ti nawk nawkin ka kut chu a rawn chelha na zet hian ka lo thing tla.

"Hmeichhia i suangtuahna khawvel atang khan harh tawh teh,anih loh pawn i khawvel siam chawpah chuan min telh ve hauh Suh. A hma kha chuan puih i ngaih em avanga i chunga that chhuah mai chauh ka ni a,tunah erawh kan in then a hun tawh i chhungte pawn an zawng nasa tawh ang che" thinrim insum zetin ka ti charh charh.
~~~~~~~

😂 Thawnthu dang rawn dah hmasak ka tum teh reng nen,he thawnthu hian ka rilru leh ngaihtuahna zawng zawng a luah khat tlata,thawnthu dang ka ziakzo theilo. Chuvang chuan in ngainat zawng a nih leh nih loh lam leh a ngaihnawm dawn leh dawn loh lam pawh ngaihtuah lovin ka rawn dah leh tawp mai dawn. Khawngaihin in like leh comment te kha ui lovin min lo pe leh theuh ru aw🥰🥰🥰
~~~~~~~~~~~
~~~~~~~~~~~



BINGBI PAR

(STORY HI MONDAY - FRIDAY TUR A NI A, MAHSE ZAN 9:00PM HMA A STORY KA RAWN POST LO A NIH ERAWH CHUAN STORY A AWM DAWNLO TIHNA A NI THIN ANG)

Chapter 1



NGURSAIPUII P.O.V.




Ka thu hriat avang chuan pawn lamah tlan chhuah mai ka han tuma mahse, ka nu leh midangin min lo dan avangin ka thei mai lo. Mahse, thih tha tak meuh meuha tang ta chu ka buanbih nen lam a in phelh veka,ka puanbih chhuat laia tla min bih that tir an tum lai tak chu remchangah la in pawn lamah ka tlanchhuak phuta,Sahlama ka hmangaih lu in tar ka hmuh rual rualin leiah ka tlu sawp hnawk. Tha khur zawih zawihin Sahlama ka hmangaih hmel chu ka han en,he thil hi mumang mai a ni,a tak a ni thei ngailo ang.




"Nguri" Chawngi ka bula rawn thu chu mittui kar atangin ka lo en. A awmah min kuah beta kei lungchhe vankaiin ka tap thung.





U Thanga hi hnamchawm tlangval a nih avangin ka pa hian vawi tamtak hnaih tawh lo turin min ti a. Mahse,a thu chu ngaipawimawh duh lovin u Thanga chu keimah zawkin ka umzuia tunah chuan chu ka lululna chuan ka hmangaih ber nunna a laksak ta a ni.




Sahlam chu kalsan ka phallo,u Thanga nena kan nun hlui te chhuikirin a kianga ka kal ve hun chu ka nghak ngawt ngawt mai a ni. "Ka fanu hetiang tur a ni lo" tia ka nu in puan min rawn sin that tir a tum chuan lo duh lovin ka in let thuka van thiang kuk mai chu thlirin ka mittui a luang leh ngiai ngiai a.





"U Thang i hmeichhia chauh ka ni reng ang" tiin ka phun zawm mawlh mawlh. Ka zahawmna,ka thianghlimna chu u Thanga hnenah ka hlan tawha tunah chuan tu mipa mahin an beisei theih ka ni tawh lo.




"Ka rei maw....Nguri,khawsarih en pha hial khawpa an sawi Sailo lalfanu chu heti hian i hringnun chû i hmang tawh mai ang mâw! Kei zawng ka ngaihtuah thui ngamlo,a pawi ka ti em mai,hnamchawm an nih avang maiin an chungah hlei kan hlena,tunah chuan ka fanu min laksak ta a nih hi" ka nu tah hla pawn min ti harh zo tawh lo.





Ka bul vela mi rawn kal leh ka thiannu Chawngi aw te pawh hre thin mah ila ka ngaihsak theilo. Ka suangtuahna ah chuan u Thanga nen hmun nuam takah kan awma chu hmunah chuan kan dinhmun avangin tuman min pawh then an tum ve lova. Ani nen chuan kan hlim dun takzet a ni.





"Lalfanu,Ngurpui" ka dar rawn sawi tu hmel ka hmuh chuan thinrimna avanga in sehruhin a hmaiah chuan ka tha neih zawng zawngin ka beng a.




"Ka pa ui sathiam, sum leh ro hmanga thlemthluk mai mai theih" ka tih khum nghek. Ani ngei hi a ni,ka U Thanga lu laksak tu chu. Engtin nge ka mit hmuhah te hian ala rawn in lan ngam zawk. Ka thusawi ngaipawimawh lo zeta puana min tuam chu duhlo zetin ka tala, beidawn hmel zeta min en vung vung hnuah min kalsan ta vut.

~~~~~~~~~~
~~~~~~~~~~~


RAYMOND P.O.V.



"Khatiang thawnthu lem lutuk buaipui lo khan i zirlaiah in sawr bing hle la a tawk" a thawnthubu chhiar lai laksak pah chuan a lu ah ka tuai a.




"I ninawm" ti nghekin a sam a tuai mama ka nu alo nui hak hak. "Nu,hau rawh ka sam ka set that sa vek hi ti hian min tuai chhiat sak ve ziah" ti pang pangin a chaw thleng a thawnthu chhiar avanga vawikhatmah ala ban lo chu a lamah pawt hnaiin a ei nghal hmawk hmawk.




"I thil tih tur thulh thak thakin lehkhabu I chhiar fova,heihi ka duh lo. Chu bakah lehkhabu chhiar nuam i ti viau a nih chuan i zirna atana tangkai tur lehkhabu te hi chhiar zawk rawh" ka lo ti leh.




"Chutiangte chu ka chhiar ve tho alawm,mahse engtik lai pawn ka chhiar peih bik hleinem. Tun ami phei kha chu a tak tak a nih kha..." A ti zat zat reuha ka va han awilo tak.




"Vawiin chuan dar engzatah maw i chhuah dawn?" Ka nu in kan unau in hnial kar laka a rawn tih chuan Chawhnu lam 1:00pm a ka chhuah tur thu in ka lo chhang vat.




"Class chawlin ka lo kal ve daih dawn em maw ni?" Sangpuii'n alo ti ve zat.




"Christmas hmang turin kan zin chho dawn ania" ka nu in alo tih chuan a tum lian leh viau tawh.




"Apa thih hnuah vawikhatmah ka la kal lova ka kal ve chak alawm,tunah phei chuan a thihcham ala ni dawn zui" a ti a,ka pa hian kum 14 ka nih laiin min boral sana chutih lai chuan Sangpuii hi kum 10 mi chauh ala ni.




"Tun tum chu i zirlai i laklawh ema nakumah chuan ka hruai ve tawh dawn che ania" tiin ka chaw ei chu ka kham zui nghal. Ka room lamah chho in ka khumah chuan ka let tawpa, ka pa bo hunlai leh a ruang kan hmuh lai vel te chu mitthla letin thawk ka la hawk.




Ka hming chu Raymond Lalawmpuia a ni a.Tunah hian Durtlangah keimahni in ah ka nu leh ka nau nen kan khawsa mek a.Mizorama a hmasa ber ni turin Paper industry Zonuamah ka neia,Thingtlang khaw tam takah ram leiin chung hmunah te chuan Mau chi tha tak tak ka ching bawk.




Ka tum ber chu kan ramin kan mamawh thil chi hrang hrangte hi ram dang atanga chaw lut kher lova kan ram ngeiin amah leh amah a in todelh theih hi a ni.Chutih rualin Zokhawthar lama kan inhmun, chhungkaw kima hun kan hmanna thin ngei neih let leh ngei hi a ni bawk.




Ka pa hi Adventure lam ngaina tak a ni a,tum khat chu Buannel ah kan pafa in September thla tawp lamah kan kal a. Buannel kal nana hun tha tak nilo mahse,ka pa kha engin nge mawlh pawh ka hrelo ka nu thu awilo in Buannelah khan kal a ti lui tlat a.




Hmunluahah ka pa hian thianpa Khuma a neia an hnenah chuan zankhat riakin a tukah Buannel chu ka pa thianpa pa Khuma nen kan pathum chuan kan kal ho a. Phul hmuna ka thut chawlh laiin ka pa chu kan piah ram ngaw ah chuan a lut pheia pa Khuma nen pawn a hnungah kan zui nghal vat.




Mahse,mak tak maiin ka pa chu kan hmu zui ta hauhlo. Ka pa kan zuina leh ka pa kal inkarah khan hun tam a tla lo a,chutia ka pa thawm ri leh a mah a reh ta vang vang chu kan hrethiamlo hle a. Rei fe kan zawn hnuah pawh ka pa chu hmuh tur a awm ta reng renglo.





Pa Khuma nen chuan khaw lamah letin midang kan Puna ka pa chu kan zawng ta a ni. Chutiang chuan ka pa chu Mizo danin ni sarih lai kan zawnga mah se, a kalna hnu tak ngial pawh hmuh tur a awmlo. Pa Khuma beidawng duh lo chuan a thiantha zualte sawmin ka pa chu tlawmngaih chhuah tak meuh meuhin an zawng leh a. Chumi tum chuan an rem tilo chung ka zuia ka pa chu a bo na zawn vel nena in hlat tak Buannel thlen hma si Luangdam lui mawng lamah kan hmu ta nawlh mai.




Sawi hlawm lo mahse,ka pa bo dan leh a ruang kan hmuhna vel chu mak kan ti tlang theuh tih chu kan hmelah chuan a hriat hle a. Ti chuan ka pa chu Zokhawthara kan in ah vui liam a ni a. Ka pa kan vui liam hnu lawkah kan in hmun leh ram chu ka pa u pa Lianchhunga'n min rawn chuhpuia keini nufa thum chu tih theih dang nei lovin Aizawl lama ka nu nu te kan zuk fin ta kha a ni.




Ka pi te inhnuaiah ka nu ho chuan kan in dang ve a. Ka pu in kan veng kawna eichawp dawr ka nu a siam sak hmang chuan kan chhungkua chu kan in chawm ve hram hram a.Ka pu puihna zarah Shillong lamah lehkha te ka zir ve thei bawka, chuta kan professor min sawi hmuhna a zarah chuan Sumdawnna lam luhchilh ka rilruk ta a,a tirah chuan a harsa in beidawn chang pawh ka ngah thin khawp mai.




Mahse, vawitamtak ka beidawn hnua ka thawh leh thinna chuan tun hun hi min hruai kaiin CT Paper chu Mizoram mai pawh nilo India ram chhunga hralh kal ber a niin tunah hian a ai zau zawka Sumdawnna kalpui tuma beih mek a ni bawk.




Pa Lianchhunga khan kan in hmun leh ram kha Lunglei lama pa hausa tak kutah alo hralh daih hi a ni a. Chupa hnen atang chuan ram chu nikum hmasa khan man to takin ka lei leta ram thenkhat lai erawh alo khawih chhiat hman avangin a hmaa kan ram zatve aia te hret chauh chu ka chang tawh a ni. Mahse,vanneih thlak takin ka lei letna bawr chu kan chhungkaw in awmna vel a ni hlauha chuvang chuan a manah pawh to deuh mahse,ka ngaipawimawh lo lui ve tlat a ni.





Zokhawthar ka thlen chhoh chuan in leh huan enkawltu pi Mawii leh a pasal pu Zaia ten min lo dawngsawng tha hle a. Anni hi nupa rek chauha khawsa an niin an fel em em a, ram ka neih let hmaa helai vel enkawltu te an ni a,keipawn tihian ka chhawr zui nghal mai a ni.




Zanriah te ka ei zawh hnuah ka in tifaia ka nu te pawh zan a rei tawh bawk nen a tuk lama biak tum ranin ka mu nghal a. A tuk zing ka thawh veleh ka nu te chu ka zuk bia a,Buannel kal ka tum thu ka nu hnena ka sawi chuan alo phallo viau mai Sangpuii lah chuan 'BINGBI PAR min lo hawn rawh' alo ti ve chhen a. BINGBI PAR hi a danglama kei phei chuan Buannel tih loh hmun dangah ka la hmu hauhlo. Chumi ni chu chawlh hahdam nana hmangin a nithum ni chuan Buannela kal turin Zokhawthar atang ka in khalh chhuak leh a,Buannel hi Myanmar rama awm a ni.




Karkhat cham ka tum avangin ka hna pawh ka thiantha ber Papuia leh ka secretary Lancy-i te kutah ka dah veka,an buaipui theih loh chin erawh min rawn thawn mai turin ka ti thung. Hmunluaha pa Khuma te in ah ka chawl kawia pa Khuma pawh a boral tawhin a fanu Zotei chuan min lo lawm thiam hle a. Zan pawh Buannela riak lovin an in a riak tur chuan min sawm a.





Mahse,zankhat chauh a ni dawn tho bawk nen Buannela riah chu ka duh ta zawk. Hmanlai hun te chu mitthla hian a chhui kirlo thei lova. Ka pa ka ngaihna pawh a tharin awm zawnah hian eng emaw hian mi hnawh leh tun thin.




Motor hmanga kal theih chin ka thlen chuan ka bag lian zet chu motor atang la chhuakin ke in ka kal a. Hetianga ke a kal ngai zat hi 1km a ni. Luangdam lui ka thlen te chuan ka han ding vang vanga ka pa kha dama hmuh mai ka in beisei deuh tlatin ka in hria.




A hma ang thoin chhum a zing chiaia,Buannel kal nan hian March-May tluka boruak tha a awmlo a, Buannelah hian mak tak maiin eng thing mah a to theilo a,he thing to theih lohna phul hmun kual chhuak hian Chhawkhlei kung a awm a. March - May chhung hian chung Chhawkhleite chu pariin an mawi em em maia Buannel par an tih mai heng phul zinga to thei awm chhun Bingbi par nen hian Buannel ti mawitu an ni.




A tlang a sana thing ala tam em avang hian March - May tih lohah hi chuan chhum leivak leh thli a tamin ruah a tla deuh renga,tlawhtu pawh an tamlo thin khawp mai. Chuvang chu ania ka pa in tun ang huna Buannel kal a rawt tum pawha ka nu in rem a tih vak loh.




Kan in leh ram ka neih let hnu hian ka pa thihcham apiangin Zokhawtharah ka kal thin a. Ka nu erawh in ala ngam tlatlo,a hmel atang a chak zia ka hria mah se ka pa nena an sulhnu danglam tawh tur chu a hmu hreh niin ka ngai.





Phulah chuan mu in rei tak chutia ka chawlh hnu chuan chhum pawh a kiang ve ta deuha khaw hawi pawh a nuam sawt khawp mai. Buannel hi 8500ft a sang niin a phul chin hi Mel hnih leh a chanve a zau a ni thung. A phul laiah hian BINGBI tih loh chu thil dang a to lo a,heihi BINGBI PAR danglamna pakhat a ni.




BINGBI PAR hi Len tlanga a tlang sang laiah a awm a. Mizoram chhungah tak phei chuan a awm awm ka hre hauhlo,chutih rualin Mizo te tana hmun pawimawh tak Chawngtinleri tual lenna Buannelah erawh hmuh tur a tam em em a. Zinghmu(h) lamah pawh hmuh tur a awm bawk. Mizoram lamah 'Bingbi' tia kan lam laiin Lai ho chuan 'Bingbir' tiin an lam ve bawka thenkhat 'Dairial' tia lo sawi ve tawk pawh an awm.





Buannel hi Zakhala hmuh chhuah niin an sawi a. Nikhat chu pu Zakhala ramvak chuan Buannel hi a han pawh hlawl mai a, ramsa chi hrang hrang an lo tam em em mai a. Kah ber tur pawh hrelo in a silai chuan a tin a tin kual ta mai a. Chutianga a awm lai chuan khua in rawn thim hnanin lei kawrawng chhungah a tawm a, zan tirah chuan a tawmna lei kawrawng chu a thawl tha ngang maia mahse, zan a rei tial tiala,a tawt tial tiala, a ngaih tha lo chu a zan azan in a haw ta nal nal a ni.





Buan tih hi Tiddim lam tawng a ni a, Leidiak/kawi tihna a ni a. Nel pawh hi chuti lam hawi sawina tho chu niin an sawi.Kan pipute khan, 'Sa zawng zawng hi Buannelah an lo piangin Chawngtinleri siam' tih hi an rin dan a ni a. Buannel hian a nu tlang leh a pa tlang a nei hrang a. Tin, Buannela lung reng reng te hi an dumin an chang em em a,an rit tel em em bawk a ni.Buannel phul chhim lamah hian 'sabual' hmun lei kawi diak a awm a. Tah chuan sa zawng zawng hi inbual turin an in sul pel zut zut mai thin a ni.






Tin phul hmar lam a nu tlang an tihah hian tlang danglam deuh lungchangdum kham ang deuh Adama thlan an tih mai chu hmuh tur a awma, Chawngtinleri puan tahna leh Sailungvar kehthem hmuh turte pawh a awm bawk a ni.




Tlai lamah chuan chhun lam aia thli a tam avang leh khua a dur deuh avangin eng emaw palhah tiin Ramngaw hnaih deuh takah Tent ka siam a. Zanah chuan ruah sur silo in thli hi na zet hian a thaw vuk vuk a.





Thli thaw karah chuan hmeichhe tap leh phun sep sep ri hi ka hre leh zeuh zela,uluk deuh taka ka beng ka chhit lah chuan chutiang thawm engmah hriat tur a awm leh Chuang bawk silo. Thil danga ngaihtuahna ka sen dawn vel leh hmeichhe tap ri fai fai chu ka hre leh thin. A hnuah chuan Tent pawna chhuak meuhin ka va hawi kuala thli chu a thaw nasa ngang mai. Chhum lah chu a zing phui Chuka khawi lam mah hmuh theih ka neilo.





Chutianga thawm ngaichanga ka din reng lai chuan mipa au lang lang thawm ka hre zawm leha ka piah ram ngaw ah leh Phul champut lam atangte chuan chung thawm chu ka hre ta. Ka hawi kuala chhum vang bawkin tumah lah chu ka hmu ve thei der silo.



"Zawng ru"


"Lalfanu"



"Nguri,Ngurpui" tih ang reng chu ka hria a,mi bo zawngin Buannel chu tu ten emaw an rawn thleng ta ah ngaiin ka lo au leta chutia ka auh veleh chuan chung thawm ka hriatte chu an reh leh ta daih.



"U Thang" tia hmeichhe aw tham tak Chiang taka ka hriat rual rualin ka hawi let vuta mahse,mi tumah hmuh ka neilo.




"Hello,tu nge awm che u" tiin ka light ken chuan ka bul vel chu ka en Kuala thli thaw leh engkim mai chu an reh thupa rannung hram ri tak ngial pawh hriat tur a awm lo. Chutianga rei fe ka din hnu chuan Tent chhungah ka luta ka mutthlih lai pawh ka hrelo. Sava chiar nak nak thawmah chuan harhin ka thu chhuak vat a.




Sana ka en chuan zinglam 8:00 am alo ri der tawh. Pawn lamah chhuakin ka han hawi kuala chhum zing hmuh tur a awmloa boruak chu a thiang em em a. Nizan lama ka thawm hriatte kha ngaihtuahin ka piah Ramngaw ah chuan ka va luta mah se eng mah ka hmu chuanglo.





Ka bungrua te chu khung fel zung zungin ka pa Ramngaw a a luhna lam chu ka pan leh ta. Vawiin hi ka pa thihcham a ni a,ka hmuhna hnuhnung ber a ni bawk nen he hmun hian min chenchilh renga Buannelah hian kal nawn leh pawh ka duh tawh ngailo mah se,tun tum erawh engtik lai pawha min kap reng tu thil hi tih bo ka duh avangin he hmunah hian ka kal a ni.





Ka kal thui zela a hnuah phei chuan ka kal ruala ka kianga kal an awm ve tlat hian ka hre ta. Hnunglam ka hawia a reh tlawk tlawk si. Chu ramhnuaiah chuan ka kal zela nakinah chuan Thingkung lian zet bul hi ka thleng ta a. Chhunglam atanga chu thing kal hnaih tura min turtu chu a nat em avangin zawi muang hian ka pan hnaia chu thing chu a lian tha kher mai. Thing chu khawiin a chunglam en chuan ka dak vel thin. A zar in pharh duai te chu hmuhnawm tham a ni.




Mahse le! Chu thing ka han kal hual tur chuan thingin a din hliahna lama tu emaw leia saruaka lo mu zawi reng hi ka va hmu thuta ka Phu nasa lutuk chu hnunglamah ka tawlh nghal rawk rawk. Chu ka mi hmuh chu hmeichhia a niin a sir zawnga mu in min hnungchhawna ka hnaih mai ngamlo.




Ka dinna ngaia dingin ka en vang vanga nichin maia ka phut na avanga ka lungphu a pangngai hnu chuan va kal hnaiin chu nu bulah chuan ka thu thla a,"thiannu" ka tih pawha min chhan loh avangin a hmai zar tu a sam dum leh sei tha zet chu hui sawn mai ka tuma ka ngam ta tlat lo.




Ka ngaihtuahna ah ramhuai rawn langin a sam ka hui sawn rual ruala min rawn melh kawr chu ka hlau deuh tlata,ka thau ah hian min man ta tlat. Tun angah hetiang ram hla ah lehnghal tu mihring mah hi hetiang in hmuh tur an awm ka ringlo, chunu taksa chu ka melh kuala ka hlau thar takzet.




Mahse,mahni leh mahni in fuihin tlanchhiat rem deuh zawnga thu in a sam chu meng dere ti tihin zawi muang hian ka hui sawna chuta a hmel ka hmu chu ka meng kawk thei. Che chang lek lo hian a hmel chu ka en renga a mit chhing mahse,a mit meng mawi tur zia chu ka hai lo.




Harh chhuak thutin chu nu chu ka kuai zangthala a taksa chu melh loh hram hram ka tuma mahse,ava har si em. A thawk zawnga a awm bawr che thin te hlei hlei chuan mipa ka nih zia a rawn finfiah Chiang kher asin.




Taksa tang Tung hian chu hmeichhia chu ka sawiin ka au a,ala harh har hrem zui. Engtianga he lai hmuna rawn awm ngawt nge maw a niha engvanga silhfen pakhatmah in bello nge a nih. Chutianga ka ngaihtuah laia ka thil ngaihtuah chhuah avang chuan thinrim zetin chunu chu ka ko leh that that.





Ani hi mipa tu emaw in a pawngsualin helai hmunah hian thi turin a kalsan anih ka rinna chuan nasa takin keimahah thinurna a rawn thlena chutianga ti tu chu hre ngatila ka that duh ngei ang.





Ka mal chungah a lu nghatin ka ko a,ka sawia, ka tui kena a hmai ka theh that that hnu chuan rawn rum tiah tiahin chauh hmel zeta rawn mengin ka mitah tak min rawn en vang vanga, "U Thang" ti supin a mit a chhing zui leh ta daih.





Zo zeta pawmin ka Tent lamah ka tlanpui hlawk hlawka a taksa a vawtin ka ti lum vat lo a nih chuan a thih mai ka hlau a ni.




(Ka'n nui hmasa lawk😂😂 kan thawnthu thar tur chu eng nge in ngaihdan? He ti lam hian rilru a luah leh thin a, Comment lamah rawn sawi ru aw.A chunga ka sawi ang khian zan 9:00 pm hma lama story ka rawn post lo a nih chuan hotspot cannect tur ka neilo tih min hriat sak Ula😅story hi lo chang su aw. Signal tha lo hi ka story hmasa lam atanga ka buaina a nih thin avangin chhuanlam ngai reng rawn siam kha a hreawm ka ti ve deuha,chuvang chuan ka harsatna ka rawn sawi lawk a nih hi.)


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:50 pm

Chapter 2




Puan ka neih ang anga tuamin ka mut tira, nichina a rawn men zawk bak kha vawikhatmah a rawn meng leh tawh lova. Tent pawnah thu in a khat tawkin a harh leh harh loh ka va en leh thin. Ani hi em ni ang nizana miin an zawn kha?




Chuti nisi engvanga vawiin lama thawm rawn nei leh ta miahlo nge an nih. Nge ni a anni ho kha he hmeichhia hian hlau in a tlachhiat san zawk. Thil chu ka ngaihtuah ngun pauh leh zawhna ka ngah tulh tulha min chhang theitu ber lah a la harh thei bawk si lo.





A hmel chu uluk zet hian ka en,hmeichhe hmeltha tak a ni a. Hetianga ram palai lenga tawhsual a tawk ta erawh ka lainatin hetianga a chunga ti tu te chu tu te pawh nise hremna hmu ngei se ka duh a ni. A tawngvaih apiangin "u Thang" a ti deuh reng bawka,tiang chuan chawhma lama haw tum kha hmeichhe nikhawhrelo buaipuiin ka ni leng hun chu ka hmang ta zawk a. Ka rin aiin ala harh har zek zuia thli thaw vuk vuk thin nen chuan hah a damlo tak zet.




Ka tent chhunga hmeichhe khuh ri ka hriat chuan rang zetin ka va dak luta mahse,ka hawisawn rang hle. Engtin nge saruak a ni tih kha ka lo theihnghilh theih.




"U Thang" mak tih hmel zeta a rawn tawng chhuah chuan tent hnungchhawn zawnga ding chhuakin "puan khan in tuam rawh" ka ti a. Khatia ka va dak lut kha ani alo thu nen a awm bawr zawng zawng Chiang takin ka va hmu leh vek a lawm le. A hma pawn ka hmu tawh tho na chu....na eng nge maw ka ngaihtuah hi le?




"U Thang" tia ka kawnga a rawn kuah thut chuan Phu Chiang tak ka ni. Ka hnunglam atanga min rawn kuah a nih miau avangin ka hmel a hmu lo hlauh zawka chuti nilo se hetiangin a che duh tawp lovang. Chumai bakah tunah hian eng thuam mah a hahlo tih a taksa hmu kherlo mah ila kan taksa a in sik reng avangin ka hre Chiang takzet.




"Nula" ka ti hman tawk rawn tap chhuakin "ka ngai lutuk che,heihi ka mumang a nilo ti raw? U Thang kha hmunah khan ka let duh tawhlo i kiangah hian min awm tir reng rawh aw" tiin a in sut hlawp hlawp a.




'U Thang' he hming hi a muthilh lai pawh khan a lam chamchia a bialpa nge nia a pasal hming zawk. In herin min kuahna chu ka pawh phelh saka mak tih hmel zeta min en chuan a u Thanga ka nilo tih a hre ve chiah a ni ngei ang. Tent ah chuan lutin puan pakhat chu ka la a,chunu chu ka bah tir vat.





"Nula tu nge i niha engvanga he lai hmuna awm nge i nih?" Ka tih chuan uluk tak hian a mittui kar atang min ena ka zawhna leh nichina ka hmel a hmuh khan a thawng deuh nge a tap leh tawh miahlo a,a mittui erawh a biangah a luang ngiai ngiai reng tho.




"U Thang" a tih hap a.




"Thanga chu i pasal,bialpa nge i u? Khawi khua ami nge i nih?" Ka lo ti zung zung.




"U Thang kei..keimah ka nih hi Nguri,i Ngurpuii ka nih hi" tap tuau in a rawn ti leha tah a in sum ve nge a hmui te chu a sai dar dar.Mahse,a thil sawi chu ka hriatthiam loh em avangin amah chu ka en runa,he nu hian a u Thanga angah min ngai tihna em ni? Ani hi mi a nge a hriatna a hlauh zawk.




Ka ngaihtuahna avang chuan chunu ka hmaa tah insum zeta min en ngawt ngawttu chu kuai her thutin a lu chu ka cheka kak emaw vung emaw engmah hmuh tur a awm lova. A lu a sawha, a hriatna a hlauh lo a nih chuan mi a a ni thei mai a ngem?




"Nula an pawngsual che em ni? Tu nge he hmunah hian rawn hruai che" a dar tawn tawna dawmin a hmel chu uluk zet hian ka en a.




"Ai,mahse U Thang chu chu a pawimawh ber hleinem. A pawimawh ber chu he hmunah hi chuan tuman min then hrang thei tawh lovang" nui ver vera tiin ka kut chu a rawn hum a. Kei ro zetin ka nui ta tawp,he nu hi a a tak tak a nih dawn hi.




"Hmeichhia kei hian ka hre ngailo che a,hriat pawh ka hre duh heklo che. Chuvang chuan ka thin i tihrim hma hian tu nge i nih min hrilh vat mai rawh" tia au khum nghekin a kut chu ka thing tla a.




"Ka pa in i chunga a thil tih kha ka hria mahse,chumi avanga kei thleng thlenga min huat ka ringlo asin" a bianga a mittui tuai tawkin a puan sin lai ngaihsak map lo hian phul lamah chuan a kal.




"Hrep hian" ti hrawkin chunu chu va man betin puan chuan ka tuam leh a. Mi anglo pawh lo ni mahse,taksa nalh tak a neia a hmel lah duhthusam. Hetianga mipa dangin an hmuh chu ka duh hauhlo,chutiangin kei ngei pawn. Hetianga ka hmu nawn fo a nih chuan ka in sum theilo thuai mai ang tih ka hlau.




Tent lamah hruai letin tent chhungah chuan ka thut tira pawn lamah kei erawh ka chhuak leh. Tunah haw dawn ila khua a thim a ni der tawh a,ei tur lah chu Biscuit bawmkhat chauh ka nei tawh. Zankhat chauh riah tuma kal ka nih avangin ka mamawh bak engmah ka keng lova tunah lah he nu hi ka hmu leh kher kher bawk nen engtia han tih chi nge maw ni ang aw.




"Kha heihi ei rawh" bag atanga Biscuit phawrhin a hma ah chuan ka theh thlaa,a che zia chu mak ka ti ang reng puan leh tent te chu a zut Kuala thil reng reng chu a vawikhat hmuhna ni mai awm angin a khawsa alawm.




Ka Biscuit thehthlak pawh chu mak ti zeta a en kual hnuah a kawr chawp chuan a seh ta mai. Ka va han chhuh rak tak. Lungni lo zet hian ka kheh saka khatia min kalsan a tum atang khan ala tawng leh miahlo a,mak ti zet hian min en leh vung vung thin.




"Kha" tiin Biscuit pakhat chu ka pe a,keipawn pakhat chu ka ei ve nghal. Min en leh reng hnuah a biscuit ken chu a ei a,a nui nghal ver ver. Chu a nui hmel ka hmuh chuan ka lo nui ve suka biscuit chu a vaiin a hma ah chuan ka dah. Tent kawngka ah thu in vanlam chu ka thlira,chutianga boruak thiang em em mai chu mak ka ti,tun ang hunah leh nghal.





"A tak tak i ni tiraw?" A rawn tih chuan alam chu ka hawi vata amitah chuan natna thuk tak ka hmu thei. "A tak pawh nilo mahla i kianga awm chu ka thlang tho" a mittui rawn luang tur chu hru hulin min nuiha,a biscuit ei lai chu a ei zawm leh.





A hmel chu ka en a,ka ennawn leh thin. Hmeichhe pangngailo ni tur chuan a uihawm mah mah a ni. Kei hi engnge maw ka ngaihtuah le? Hmeichhia hi ka hna lama ka buai thin em avangin ka ngaihsak ngai lova ka nuna hmeichhe awm chhun te chu ka nu leh ka nau Sangpuii te chauh hi an ni.




Ka jacket ka hak tir daih avangin thli a rawn thawt deuh phei chuan vawt ve tak a ni. A chhang ei zawhin tui ka in tir leha ngawi rengin ka thu chu a awi em em a,a khawsa zia mak viau mahse ka thu tal a awi chu a tihzia phian.




A ham bai bai ka hmuh chuan "mu rawh" ka tih hnuah thu awi zetin a mu leh mai.Tawngtam chi ka nilo a,ka thin a chhe hle bawk. Ka hnunglama mu chu a chet sek chuan ka va hawi leta rawn thu chhuakin "u Thang heihi phelh teh min ti mu theilo" tiin ka jacket a hak chu a pawt deuh nawk nawk a.




"A chi loh ti khan mu mai mai rawh" ka tih chuan a meng nur nasa teh e, mut tum lova min melh ngur takah chuan jacket chu ka phelh sak leh ta hrama,ka thisen pawh ka ngaihtuahna avang chuan a lum leh nghal pup pup mai. Lawm tih hriat tak hian a mu tha nghal sat sat a.




"Ila rawn mu ve dawn lo em ni?" Tia min zawh chuan lu ka thing maia,ka in thunun hle tih hi a hrethiamlo nge a hrelo der zawk tih pawh ka hrelo mawi zeta min nuih pahin a kianga mu ve vat tur te chuan min la sawm zui.





Rei tak ka thut reng hnu chuan ka mut a chhuak tana,ka thu reng peih ta biklo,a hmeichhia zawk pawn a zah loh chuan ti rilru in ka va mu ve ta a,a kianga ka in thawlh rual rualin min rawn kuahin a ke chuan ka kap zawn tak a rawn kham nghal chata ka thaw nghal kawk thei.




Mut chhuak in ti a mu si kha hmeichhe taksa in min han khan chial takah chuan nghate rep ro an sawi ang maiin ka mu meng kara ka in sehruh ngawt ngawt bawk. Ka thil tawn chu hnuailam ami lah chuan a hrechiang bawka tunah hian ka awmna hmun hi hremhmun nen a danglamna a awm hauhlo.




Ka hna avangin Hmeichhia ka ngaihsak hmanlo ka tih tawh kha. Mahse,zanhnih khat Papuia nen han zelthel deuh chang chu kan nei ve thin a. Chung hunah chuan hmeichhia hotel a hruai pawh ka nei ve fo. Heng ka khawsak dan te hi ka nu'n a hre lova hre tur pawn ka duh hek lo.




Ani chuan ka secretary Lancy-i hi ka nupui turin min duh pui viau a, ka hnenah pawh vawitam tak a sawi tawh. Mahse, nupa inkar chauha thleng tur chu Lancy-i nen vawitamtak kan in karah hian a thleng tawh tih hi a hre lo. Lancy-i hian min duh tih ka hria,ka chhungte tih loha ka kianga hmeichhe awm tam ber a ni a,ka pan ngai lovin ani chuan min pan mai thin.




Vawitamtak hna thil avangin kan zin dun fo va,chung hunah chuan hna leh tisa thilah a hna a tlinin ka lungawina a siam thiam hle. Ka nu pawh a ti lawm thiam viau,chutiang chu a nih avangin kei pawn nupui neih ka ngaihtuah chang chuan ka nu hmeichhe duh leh ka hnathawhna a min pui thei tu tur a nih dawn tho avangin neih ka pawi ti vaklo.





Mahse,chuti lam chu tun hi a ngaihtuah hun pawh a ni chiahin ka hre lo. Nge ni a kei hian ka bula mu hi Lancy-i ni se ka ti zawk?





Chutiang taka ka ngaihzawng leh nupui pawh nilo nena kan khawsak hnuah leh sex hman la lap tak thin kei hian engvanga he nu hi it hle si a khawih in thlahrung tlat nge maw ka nih. Rualbanloh a nih vang hi em ni? Ni e,chumi vang chiah chu a ni ngei ang. A tawpah phei chuan tuar thei ta nganglo in ka tho chhuak leh ta nghe nghe a.




Pawnah chuan ka thu tlaivar ta zaka,zing lam 6:00am velah Buannel atang chuan kan chhuaka,ka jacket chuan a mal te thleng chauh a khuh avangin ka blanket chuan ka in tuam tira ka hnungah chuan min zui ve hnek hnek mai.




Kelawnga a kal ka phalloh avangin ka sneaker ka bun tira keiin muza chauh ka bun thung. Kal zelin nakinah chuan ka motor awmna kha kan thlenga,chuta ka motor a hmu phei chu meng phawk tawh tak a ni. Motor a ka ei tur dah te chu eiin tah chuan kan han thu chawl leh phawt a.





Mak ka tih deuh chu mibo zawng tura rawn thawk chhuak tumah kan tawklo chu a ni. Ka lo rin dan kha chuan bo zawngin mi tutu te emaw kan tawh ka lo ring kha a ni a. Mahse,chutiang hmuh tur chu tumah an awm lo.




"U Thang engtikah nge kan let leh ang?" Tia min zawhna chu ka chhanglo. 'U Thang' tih lah hian min ko tei veta, a dinhmun hi hriatthiam pui viaulo ila chuan ka vin chiam duh tawh ngeiin ka ring. A zawhna chhanglo chuan motor chu ka khalh chhuaka Hmunluah kan thlen hma chu kan in be leh tawh lo.




Pa Khuma te in kan then chuan Zotei hnenah Nguri ka tawn dan leh zan lama ka thawm hriatte chu ka hrilh vek a.




"Kan khua ami chu a nilo a,Lianngha leh Chawte lamah pawh chutiang mibo an neih awm ka hre lo; mahse, kan zawt chhin hrim hrim dawn ania." Tiin Nguri chu a melha Nguri lahin Zotei te in kan thlen atang ka banah vuanin min kal hlat san duh derlo leh nghal a. Han ning viau dawn pawh hian ka ning hleitheilo,a mit fiah tak hmanga ka mit taka min melh let ve kar hi chuan ka insum leh nghe nghe zel.




"Nizana amah zawngtu ni awm takte kha misual amah pawngsual tumtu te pawh an ni maitheia,mikhual lam pawh ngaihven an ngai ang. Chuan test te pawh tih a tha" ka tih leh chuan alo bu ve nghut.




"Nula tu nge i hming?" Tiin Nguri chu a zawh ta daih a.




"Nguri,Ngursaipuii"




"Anih Nguri khawi khua nge i nih?"




"Lalsaivunga khua Chungverh" a tih chuan Zo-i chuan min rawn melh zawka "a pangngai zanlo ka tih kha" ka lo tih sup chuan a bu ve ta nghut nghut a. Kan chin hria in thenawm khawveng an rawn kal khawm tak taka, Nguri pawh Zotei nen inthlak turin room lamah an in zui lut a. An khaw hruaitu lo kal te hnena chin ka hrilh fel hnu chuan ka hmanhmawh ve tawh tho bawk nen engkim chu an kuta daha haw ka tum ta a.




Zokhawthara ka address leh min biak pawhna tur number vel ka pek hnuah ka chhuak a. Chawhte ka thleng dawn tawh tihin call ka dawga kawngsir rem laiah dingin phone chu ka chhang.




"Vala hei i nula rawn hruai kha a awmna kan hre hauhlo mai. I chhuah hnu lawk khan a bo zui daih maia" a rawn tih chuan sawi tur mai pawh ka hre lo. Ka let leh tur thu sawiin phone chu ka ti tawpa ka let chuan rin loh takin Nguri chu kawngah ka tawk hlawl.A thawmhnaw pawh alo la thlak lova,ka jacket chauh a hak miau avangin a taksa hnuailam chu a lang vek lo chauh a ni.




Motor atanga ka chhuk chu nghet zetin min lo kuah, "min kalsan tawh suh ka tih che kha" tiin a tap hluam hluama ka dawhtheihna in a tlin tawh nganglo,ka taksa atang ka nam kat deuh dawr a.




"Tu nge i nih? Engvanga min ti buai reng nge i nih?" Ka ti that a.




"U..u Thang"



"I u Thanga pawh ka ni lo khatin min ko ziah suh,ka hming chu Raymond... Raymond Lalawmpuia a ni. Chuvang chuan min ti buai tawh suh" tiin ka au khup nghek.




"Ai,i nilo nang chu Ralkapthanga alawm i nih? U Thang i chunga hian engnge thlenga he khawvel hi eng khawvel nge a nih chu ka hrelo mahse,khawngaihin ka mitah tak hian han en teh kei hi min hrelo tak tak em ni? I ta chauh ka nih thu i sawia engtikah mah min phatsan ngai loh tur thu i sawi kha" mangang,chi ai,tih hriat taka rawn ti nawk nawkin ka kut chu a rawn chelha na zet hian ka lo thing tla.




"Hmeichhia i suangtuahna khawvel atang khan harh tawh teh,anih loh pawn i khawvel siam chawpah chuan min telh ve hauh Suh. A hma kha chuan puih i ngaih em avanga i chunga that chhuah mai chauh ka ni a,tunah erawh kan in then a hun tawh i chhungte pawn an zawng nasa tawh ang che" thinrim insum zetin ka ti charh charh.





"Ai,i hrelo em ni ka chhungte ai ka thlang zawk che tih hi" a mita natna chu Chiang takin ka hmu thei,mahse ani mi anglo hriatthiam tuma buaipui tur hian hun ka neilo.




Ka motor chhungah chuan nam lut rawk rawkin Zotei te inlam bawk ka pan pui leh a. Zotei te ho in min hmuh chuan thil awmzia min lo zawt nghal a. Kawnga ka tawh thu in ka chhang.





Ngursaipuii chu vin chiam chiamin kalsan tum mah ila awmzia a awmlo. Zotei'n "a lainat awm em mai,hruai haw ve mai rawh" a tih tlat avangin phurlo zetin ka hruai haw a. A chanchin an hriat hunah min rawn be pawh mai dawn a ni.

~~~~~~~~~~~


"Kha ei teuh rawh i ril a tam hmel tawh si ka van lainat che" pi Mawii nen dawhkan kil dunin pakhatin ei tur chu duhthawh zetin a eia pakhat lahin leh lam atang khawngaih hmel deuh hian alo en ngawt ngawt bawk a.




Inchung lamah chhoh sanin ka in bual faia,inhnuai lama ka let leh chuan chhuatah thu in tv hi hnai zetah alo en a,Thaw hakin tv chu ka va off sak. 'Eng vang nge' tih ang hrimin min rawn melh nghal rawm a.




"In tifai rawh" tiin ka kal sawna choka ah lut in ei tur ka en Kuala chaw ka ei peih vaklo nen Apple pum khat chu la in ka keih nghal,sitting room lama ka va let leh chhuan chhuatah a thutna ngaiah thu in hnuailam alo melh ngur a.




" Eng nge ila tih?" Ka aw a hriat rual rualin a rawn hawi chhuak. Ka jacket chauh kha ala ha a, light hnuaiah phei chuan a vun no tak leh hmel tha tak chu a in chawih mawi tawkin a duhawmna a zual sawta thinrim hmai sen deuh hlara min melh phei hi chuan ngaihtuahna kawi a put loh theih thin loh.




"He lai hmun hi nuam ka ti lo" a rawn tih sup chuan ka nui suk. A tira min zui duh tu kha amah ania,tunah a inchhir thu sawi a tum leh si tihna em ni? Hmeichhe hahthlak tak chu a nih hi maw le.





"Nangmah anih kha min zui duh tu" ka tih chuan a thut hmun atanga rawn ding chhuakin ka hma ah tak a rawn dinga ka biang chu zawi muang leh dam zet hian a rawn khawiha ka che sawn eih lo.




"Ka mipa hmangaih thil dang zawng zawng aia ka tlan i nih vang chauhin ka zui che a nih hi. Kei chuan vawikhat chauh tal pawh ni e,min hmangaihna mit meng kha hmuh leh hi ka duh em em a ni." ka mit taka min en ranin zawi fiah tak hian a ti thawp supa,chu a thil sawi leh a mitmeng chuan keimahah feelings mak danglam tak tu emaw Chan hlauhna min neih tir a. Ka awmdan chu ka hrethiam hauhlo!




Ads click,like leh comment kha ka duh ve tho tih min hriat sak ru aw😁


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:50 pm

BINGBI PAR


Chapter 3



NGURSAIPUII P.O.V.




"Mi anglo diktak i nih hi" ngeiawm tak bawka tiin a biang ka tawhna kut chu min vaithlak sak a. Ka na lutuk chuan hnuk ulh tunin ka hmui hnuailam ka pet fan fan a. Ani hi ka Ralkapthanga kha a ni tak meuh em?




"Ka lakah hian eng nge i beisei?" Tiin min zawh zawm zat. Ka tawng leh a nih chuan ka tap thei mai dawna ka in hriat avangin ka thutna ngaiah chuan ka zuk thu leh a,kha khawvel ai pawh khan he khawvel maksak zet hi a maksak ang ang hian a nuamlo a nih hi.




Ani pawn min be zawm miahlo in min kalsan a. Ngawi renga ka lo thut laiin pi Mawii kha rawn lang lehin ka thawmhnaw hak tur a rawn keng bawk. Zawhna ka ngahin thil reng reng chu zai dawh takin min hrilhfiaha a kianga awm chu nuam ka tiin ka nu bula awm ang mai niin ka in hria.




Inchunglam atihah min hruai chho a,kan khua a kan in nen chuan he in hi chu in ropui hleih tak a ni. In pakhat chhungah ringawt pawh chunglam leh hnuailam a awma thil reng reng chu a tha in a dangdai vel vek a ni. Tah chuan tuikhur nilo in Bathroom an neia pi Mawii chuan thil tih dan tur chi hrang hrang min hrilh fiah hnuah pawnlamah min chhuahsan a. Keipawh pi Mawii'n min hrilh tawh bawka ka in bual ve nghal.




Kan khua a ka let leh hun chuan hetiang thil mak deuh deuh tha bawk si ho hi ka theih anga tam ka hawn ang maw le,ka taksa a ka thil hnawih lah chu ala rimtui em em zui. Vawitam ka hnima ka hne theilo reng reng.





Puan var thianghlim zet ka bih hnua ka chhuak tur chu ka rahna a nal avangin ka tleng deuh zawka, chhuatah chuan ka thal nghal dawr bawk.




"Eng nge ri dup kha" hmanhmawh tih hriat taka u Thanga rawn lang chu a aia rang zawkin leh lam a hawi leh nghal. Ka puan bih kha ka lo bih nghetlo nen ka tluk zawng chuan alo in phelh bawk si a,keipawh chu ka in tuam tha mawlh mawlh.




U Thanga min hnungchhawn zawnga ding chu melh zawkin han thawh mai ka tuma 'ai a' ti thatin chhuatah chuan ka thu hnawk."Ti nge?" Tiin u Thanga chu a rawn hawi leh. Uluk taka min en hnuah a chal a ti chuar tapa thil dang ka sawi hma hauhin zo zet hian min pawma khumah min thut tir lai chuan ka lai lutuka hawi pawh ka hawi chhuak tha ngam lo.




U Thanga chu tho lehin eng thil emaw hi a rawn kenga,chuta thil awm hmang chuan ka ke na chu a enkawl a. "Ka hmaa in phelh ruah hi ngaiah i nei em ni?" Ka ke tuam mawlh mawlh paha a rawn tih chuan ka meng kawk.




"Eng nge i sawi awmzi" ka ti muang fan ruih a.




"Fimkhur tawh ang che" ka zawhna pawh chhanglo hian a ti bul muta, ka ke a enkawlna hmanrua vel chu a la khawm pah bawk. He pa hian a mize chhe lai zawng zawng chauh kha he khawvelah hian a nei emaw tih mai tur alawm. Room atanga a chhuak chu ngawi reng hian ka en a,engtia rei nge hetiang hian a awm ang le? Khatia ka mit ka mena a hmel ka hmuh khan ka lawm em em a. Ka awmna hmun a danglam aiin ani ka hmuh leh na khan keimahah nghawng a nei lian zawk bawk.




Thil thlen dan chu ka mut hmunah ka ngaihtuaha mak ka ti takzet. Kan khaw lamah ka chhungte khan min zawng ngeiin ka ringa,chutiangin eng tianga he khawvel maksak lutuka awm ta thut nge ka nih pawh hi ka in hrethiam lo. Mahse, u Thanga ka hmu leh thei erawh ka lawm takzet.

~~~~~~~

Zingah chuan hma takah ka tho a,ka ke chu na ti viau mahila ka rap lui theia,inhnuai lamah chuan bang rinchhanin ka bai thla a.




"E! Kha Nguri chu iva tho hma ve tukin chu thawh ka hai deuh alawm maw le?" Pi Mawii chuan ka hmel a hmuh rual rualin a rawn ti nghal.Nui ver vera ka lu ka buk hnuah, "kha i ke chu ngati nge?" Tiin min rawn kaia thutna ah min thut tir nghal.




"Nizanah ka tlu sual a" ka ti mai a. Tiang chuan titi pahin a ei relna bulah ka lo thu ve reng a. A che reng reng chu a rangin ka nu kha min hriatchhuah tir leh thin.




A hnuah a pasal kha a rawn lang ve leha "Bazarah ka kal dawn ilo kal ve duh em?" Tia min zawh chuan pi Mawii'n ka ke a nat thu alo sawi vat a.




Pu Zela a chhuah hnuah u Thanga pawh amah leh amah in be mawlh mawlh chung hian a rawn chhuk a.
" Ruahhman angin a awm theih loh a nih hi, Kar khat dang leh chu ka cham ang. Meeting chu Papuia khan lo kai hruai se anih loh pawn zoom kaltlangin kan ti mai dawn ania" tih vel a ni a sawi.




"Miin mi mawl emaw an ti che a nge?" A bula va kal paha ka tih chuan min hrelo der tlat leh ta nghal.





"Tumah a ni lo,ka lo let hunah zanriah kan ei chhuak dawn ania" a ti leh mawlh mawlha he ti em em hian Ralkapthanga hi alo sual thiam ang tih ka ring hauhlo.





"Mai mai che chuan tumah ka nilo a maw?" seh chilh zeta tiin Pi Mawii ei relna bulah lungawilo deuhin ka thu tum leh bara Lalfanu ka nihna pawn tah chuan awmzia a nei ve vaklo. Lalfanu ka nih lai kha chuan hetiangin ka chungah a awm ngai tawp silo. Ti nge maw khawvel pahnihah hian a mizia hi a danglam em em.




Pu Zela lo let leh chuan "Raymond Bawngsa chu engtia siam nge i duh?" A rawn ti nghal lang lang a. Eng hming maksak nge alo in phuah hi,kei chuan a lam pawh ka lam thiamlo mahse,ka tan chuan Ralkapthanga u Thanga a ni reng tho ang.





"I siam dan dan kha a ni mai" tiin ka bulah a rawn dinga melh pawh ka lo melh tha duh lo.




"Vawiin ah I thla kan la dawn ania, Lianngha khawhlui lamah hmeichhe bo report chu alo awma vawiin lamah rawn chian tur che in an rawn kal bawk ang" a tih zawm leha vawikhat pawh ka hawi chhuak lo. 'Thlalak' maw eng dawi thil nge ni ang,thla lak te chu ka ngam reng renglo.





"Chu chu dawilam thil em ni? Nang hi i mak takzet,nizanah lah Bawlpu ang maiin ka ke min enkawl sak tawh bawka" ka tih chuan a meng rum leh viau tawh.




"Pasaltha alawm a ni. I u Thanga te chuan thiam loh pawh a neilo" nui huah huah ti tu chu pu Zela a ni.





"I hria maw?" Mak ti zetin pu Zela chu ka en a, "mahse,hepa hian a hrelo der tlata u Thang nang hian dawt min lo hrilh reng tihna em ni?" Phur bawk si,mah se ngei bawk siin u Thanga chu ka en a.




Hahthlak min tih hmel zeta lu thing mat matin min kalsan. Kei lah chuan ka ngei tulh tulha,pu Zela bulah chuan thil chi hrang hrang ka zawta min chhan dan avang hian ka awilo lek lek dawna mah se han awi loh dawn ringawt lah hian a thil sawi tamtak te hi a dik bawk si a. A nui leh put put thin leh pi Mawii'n alo khak leh thin avang hian min fiam mai mai a ang ka ti deuh tho bawk sia, ka rilru an ti buai.





Chaw kan eia chawhmeh lah chu kan la ngah em em zui. Ka duh aia tam tam chaw chu ka ei,ka bula chaw ei te pawn min en leh vung vung thin tih ka hria a,ka ngaipawimawh duh lem lo.Hetah chuan mahni te te in chaw thleng an neia,pi Mawii'n ka chaw thlengah ka ei tur zawng zawng min dah sak nghal vek avangin ka ei a. Anni erawh chuan chawhmehte chu an chaw thlengah an suak zela kan chaw ei dan pawh a in anglo khawp mai.





Chhun lamah tutu te emaw hi rawn kalin u Thanga te ho nen chuan titi khawchang an sawia an bulah ngawi rengin ka lo thu a,ka chanchin chu an sawi tam ber a nih avangin sawi ve tur vak ka hre lo a ni.





"Nguri uluk deuh khan han ngaihtuah teh,i chhungte tu emaw tal hriatchhuah theih i neilo em ni?" Kan in a rawn leng te an chhuah ruala a tih chuan ka hawihai lek lek. He khawvelah hian tu chhungte mah ka neilo, Lalpa leh! Kei..kei hi fahrah ai pawha khawngaihthlak ka nih hi. Ka tah rawn chhuak chu duhlo zetin u Thanga hmelah chuan ka melh renga ani chauh hi ka mi hriat awm chhun a ni a,ani lah chuan min hrelo in alak atanga hla takah min hnawh kian a tum mek bawk si.




"I tha em?" A rawn tih rual chiahin ka tap chhuak leh ta nghe nghe. Lalfanu ka nihna kha u Thanga nen kan inkar dal tu ber niin ka hre thin. Mahse,tunah erawh kha Lalfanu ka nih na kha ka ngai takzet. Ti nge u Thanga leh ka nihna kha ka neih kawp theih loh.




"Mi..min kal tir i tum a ni tiraw? Ka sawi kha nangmah chauh hi ka neih chhun i ni. Tu bulah mah min kal tir suh,u Thang khawngaihin i kiangah hian min awm tir rawh" a kawr awmah thamin a ngenin ka ngen mawlh mawlh.




"Shitt" tiin a awmah min kuah beta chu thil chu a ni he hmun ka thlen tirh atanga ka mamawh chu. Chu a pang ti lum chu hmana mi kha ala niin danglamna pakhatmah a awmlo. A hmel leh a mi uapna zawng zawng la ngai vek siin engvanga a mizia hi dang ta em em nge a ni.





"Engvangin nge i in thlak danglam em em a?" Ka tih chu min chhanglo. Nakinah chuan mi pakhat hi rawn lutin u Thanga chuan alo chhawn thuai a.




"I kohna a nih tawh chuan mawng vawmba ang maiin ka'n rawn tlan nghal dawr dawr mai alawm le" nur var vara tiin ka piah thutna ah chuan a rawn thu a. Ani pawh palian tak niin a hmel a tha hle a,a vun erawh hmeichhia ai pawn a eng zawk.





"He lama ilo awm lai a ni chu a tih zia viau mai" u Thanga'n alo ti ve vat. An in hre tha viau a niang an in nel hmel em mai.




"Nia,kar hmasa khan ka chho a nanglah chuan hnah min thawh tir tumin min rawn um zui zel hi i bansan thei bawk silo." Ti a,nui hak hakin kei chu min rawn e a. "Ani hi em ni?" A tih zawm zat.




"Um,i buai awmsia han check nghal zung zung teh"




"Nguri ani hi ka thian Doctor a ni a,engkim i harsatna leh na i neih te chu zeplo in a hnenah hian i hrilh vek dawn ania" u Thanga chuan tiin ka darah a dawm zeuha ei relna lamah a kal zawm nghal.




U Thang'n ka thianpa a tih chuan nelawm taka min nuihin min rawn thut hnaia ka lo tawlh hla hret. Ka hming min zawh lai chuan u Thanga rawn let leh chu ka va melha 'hlauh suh' tih melha min melh takah chuan a thianpa zawhna te chu ka chhang zel a.





Kan khua leh ka pa hming vel leh thil chi hrang hrang min zawh hnuah ka lu te chu rawn dawmin hnai zet zetah a en a. Ka awm a nuam ta hauhlo,kan bulah u Thanga lah chu ngawi reng hian alo thu ngur bawk a. Ka lu khawih mai chu duh tawk lovin eng emaw hmang hian ka awm chu a rawn khawih a nih chu. Ka Phu uih chu u Thanga nen chuan an nui maia kei erawh ka nuih a za hauh lo.





Engtin nge u Thanga hian ka taksa midangin an khawih laiin ngawi rengin alo thlir theih. A hma te kha chuan mipa dangin min sik hlek pawh a phallo thin kha a ni si a. Rilru na zetin hnuailam chu ka bih ngara a hmel vawikhat pawh ka en leh a nih chuan ka insum zawh loh ka hlau a ni.





Min hre tawhlo pawh nise ka zahawmna talte chu min ngaihpawimawh sak ve ka ring ania. "A tha a lungphu pawh dik lohna a awmlo" ka awma a thil dah a lakthlak rual rualin a beng ami pawh a la thlaa a bulah a thil ken chu a dah tha nghal.





"Thil thleng engmah a hre tawhlo i tih khan damlo serious deuh hmuh ka lo in beisei a. Aizawl-ah in chhuk hunah emaw Champhai in thlen hunah Damdawiin lamah in checkup zawk rawh u,ti hi chuan a tha viau a khawl pui zawka checkup tir kha a tha" tiin u Thanga nen chuan an in bia a,kei erawh tun maia thil thleng avanga ka lungawi loh em avangin thil ka ngaihtuah thui khawp mai.




Pawn lama u Thanga leh a thianpa an in zui chhuah rual rualin bai auh auh chungin inchung lamah ka chho a,zan lama ka riahna ah khan lutin ka mu nghal daih. Ka bianga mittui lo luang chu ka tuai hul leh tawk thina a hul reilo thei khawp mai.
~~~~~~~~~~~


RAYMOND P.O.V.




"Nimin lam Hospital ah in kal tawh tih ka lo hria a"




"Nia, ka va hmuh dan khan a zirlo em a. Test kan va ti alawm maw le" inchhung lam ka melh leh zeuh.




"Anih chuan..."




"Ai,pawngsual a ni lo. Chuvang ania vawiin hian ka koh che" ka lo ti vat. Nimin khan he hmeichhe mak zet hi hmeichhe doctor ka pan puia mahse, vanneih thlak takin pawngsual a ni lo hlauh.





Danny-a ka thlah zo inchhunga ka lut leh chu Nguri kha hmuh tur alo awm tawh hauh lo,inchung lamah chho in a room ka va en vat. A room a ka va hmuh chuan ka thaw huai,ani hi tu chiah nge a nih? Engvanga a mittui tla te kha hmuh harsa ti em em thin nge maw ka nih le?




'Lalfanu' chu thu ka ngaihtuah chhuah rual rual chuan ka nui chhuak hawk. Ka nui ri hria in a rawn hawi rang hle,hrep hian! "Eng vanga tap nge i nih?" Ka ti nghal hrawk. Min chhanglo in min hnungchhawn zawng hian a mu tha leh a.




"Chungverh chu khawi hmunah maw a awm?" Tiin khumah chuan ka va thu a,engvanga chu thu awiawm loh lutuk pawh chu zawt nge ka nih hrep ni? Mahse,hei erawh Chiang takin ka hria.He a mittui tla hi eng vang pawh ni se tih tawp ka duh a ni.




Lalsaivunga Chungverh lal fanu angin Danny-a bulah khan a in sawi miau a. A tir atang khan a ngaihtuahna hi a pangngailo tih ka hriat avangin a chanchin a hming tih loh kha chu ka zawt lem lova. 'U Thang,u Thang' tia min koh sek avang khan a bula awm pawh hi ka peih lemlo. Hmeltha viau lo phei se chuan ti em em hian a lakah ka dawh thei hauhlo ang.




Tunlaiah pasaltha thawnthu kan vawr lar thar leha a tha viau. Mahse,heti em em a at chilhtu leh lo at phah an awm erawh ka rin loh lam daih a ni. A chhungte ka hmuh sak hmaa Aizawl lama han let san em chu ka tih ve deuh avangin kar thar lam pawh hna tul viau tawh mah se,cham leh ka tum a. Chumi chhunga ka hmuh sak hmanlo a nih chuan ruahmanna dang siam leh ka ngai bawk ang.




"I hriat reng kha" a rawn tih hmuk chuan han tawng leh mai ka tuma ka phone a rawn rik leh si avangin,room chu ka chhuahsan ta zawk.





"Hei,eng nge awmzia vawiinah ilo haw dawnlo maw? Lancy-i'n min rawn hrilh a" ka nu in a rawn tih chuan ka thil tawn ho chu ka hrilh a.





"Ava zialo ve, tunah i hmeichhe sawi chu eng nge a an reng renga?" A rawn tih chuan a that thu in ka lo chhanga,rei kan in be lo phone chu kan ti tawp a. Nguri room lama ka va let leh chuan alo muhil a,a mang lah chu a chhe em em leh nghala a mut dan chu siam remin puan ka sin that tir hnuah kei pawh ka room lamah vawiin zinga hna thenkhat Papuia min rawn thawn ho chu ka ti fel zung zung.





Thla leh atang chuan CT Paper hi International Sumdawnna a ni ve tawh dawn a. Kan paper siam nana kan hmanraw hman kan uluk avangin duhsakna kan dawng nasa a,China ah kan thawnchhuak hmasa ber a nga,a dawt lehah Africa khawmualpui lamah kan thawn dar leh ang.





Delhi lamah office kan bun thar bawk nen hna chu a tam khawp mai. Nakinah chuan khulam atang Sumdawnna tam zawk chu kalpui ka duh dawna chumi tur atan chuan office building lian zawk ka mamawh dawna chu thil tur chu ka zawng mek bawk a ni.




Nguri chanchin chu Papuia ka thawn bawka,a thlalak han thehdar tir ka tum viaua mahse,a tan a that loh ka rin leh deuh si avangin a thlalak tello a, T.V. leh chanchinbu vela a chanchin lo chhuah turin ka hrilh tel bawk.




Chaw ei tura pi Mawii'n min rawn koh chuan sana ka en vata alo tlai leh viau tawh. Ka laptop chu khupin ka room chu ka chhuahsan a. Choka ka va thlen chuan kan Ngurimaksaki chuan chaw ei dawhkan alo kil fel leh der tawh. Ei lah chu ala thei em em zui. A chaw ei dan a mak si,a hawiher reng reng atang a fing vaklo tih a hriat bawk.





Ka ngaihtuah tam pauh leh ka thin a rim deuh hlur thei. Hetiang hmeichhe smart lo lutuk hi ka chek hian a milh ve thlawtlo. Chutianga ka ngaihtuah mek lai chuan ka ngaihtuahna ah Lancy-i a rawn langa ani hi chu duhthusam hmeichhia a ni ve Chiang alawm.




Tunah chuan thuthlukna ka siam fel ta niin ka hria. Delhi lama kan buaina leh China lam nena kan indawrna ka tih fel rual rualin min nei turin ka sawm dawn a ni. Hetianga mi khawlo tak anga awma ka nu hriat lova inzawmna diklo tak neih pui ai chuan inneih vat kha a tha zawk a ni.





Hmangaihna hi engnge a nih chiah ka hrelo a,mahse chhungkaw nu ni tur chuan hmeichhe fing leh fel nih a ngai tih ka hria. Chuan chu thil chu Lancy-i tluka tlin tur an awmin ka hre lo.
~~~~~~



Ni aliama Nguri chhungte awm reng reng hriat kan neilo.Pi Mawii nen inkawm in thil reng reng chu naupang thil kan zirtir ang mai hian zirtir a ngai a. Ka dawhtheihna in a tlin loh lek lek chang a tam viau a. Mahse, pi Mawii hi a zaidama dawh thei takin thil engkim chu a zirtir thin a. Nguri pawn thil a hrethiam sawt khawp mai.





Keiin a ka huat leh ka tih theih thak loh chu 'u Thang,u Thang' min ti thin hi a ni a. Ani lah chuan a ti lui emaw tih mai turin nui ver ver hian 'u Thang' min ti ziah a. Pi Mawii ten ka hming an hrilh pawn thil danga thu awi thei em em khan ka hming chu a lam duh thaklo a, 'ka tan chuan u Thanga i ni reng ang' a ti tlat zel.





Chanchin ngaichanga karkhat kan cham leh hnuah pawh eng thu thar mah kan hre ta silo a. Aizawl lamah Nguri hruaiin ka let leh ta a, ti hian muangchangin a chhungte chu ka zawn sak tawh mai aniang chu. Ani lah hian a chhungte lam a ngaihven hmel loh em em bawk si a,rilru hi a ti hah ngawt mai.





Ni tlemte mah nise,tunah chuan a khawsa zia pawh a pangngai tawh hle a. Hrechiang viaulo ila chuan nula pangngai leh ngaihzawn awm tak angin tunah hi chuan ka hmu thei tawh ngei ang. Motor a chuan chu nuam a tiin tukverhah chuan a dak leh vak vak thin a,a tawpah phei chuan a chung chu ka hawn sak ta ngawta keimah lo ang deuhin kan zin kawngah chuan ka nui hnem viau a. Mahse,ka nuih tam ang zat chiahin ka thin erawh a ti rim ngun viau.





Tlan chak lutuk kan nilo bawk nen kan in kan thlen chuan 6:00pm a ri tawh a. Ka motor ri hria in ka nu leh Sangpuii chu pawnah an rawn chhuaka ka seat piaha thu chu ka va en,alo la mu tui khawp mai. "Nguri" tia ka va sawi chuan Phu chiamin a rawn meng a. Ka lo melh rum leh viau tawh.





"Chhuk rawh" tiin a seatbelt ka phelh sak hnuah kawngka ka hawn a. Keipawh ka chhuk zui ve mai bawk.





"Eng nge min lo hawn" ka nau in phur zet hian min rawn pan a. Mahse, "Chawngi" tia rawn kuah tu an awm avang chuan ka bul a rawn thlen hma in phawk zeta min en chung hian a ding chawt a. Keipawhin chu thil chu mak ka ti ve tho.





(Kan hna thawh tur kan thawh zawh vek hnua story chhiarna hun kan nei ang hian a ziaktu pawn a hna tul te a zawh hnuah chauh story ziah nan hun a nei ve thin tih hria ila kan vaiin mi rilru ti na lo zawnga in nghah thiam i zir ang u aw❤️)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:50 pm

BINGBI PAR

Chapter 4





"Nguri" tia ka va pawh hran rualin, "u tu nge a?" Sangpuii chuan a rawn ti nghal ha a.




"Ani hi ania ka hmeichhe rawn sawi kha" ka tih chuan ka bula ding chu uluk zet hian a melha,a duh tawka a zir chian hnuah ka lam rawn hawi leh in "ka Bingbi par tur chu" a rawn ti a. Ka nuih tlawn ta ringawt.




"I sual lutuk" tiin in lam pan chuan a kal tau zui a. Ka nu pawh chuan Nguri chu a en uluk khawp mai.




"Nguri heihi ka nu.."



"Ka hria alawm..mah se,ti nge Chawngi kha?" Lo ti vatin Sangpuii chu a en zui vang vang.




"Nguri maw i nih? Raymond-a nu hi ka nia nu Siamte min ti mai dawn ania" ka nu chuan a kut a rawn phar chhuak a.




"Aw le,he tah chuan i hmeltha hle maia" ka nu kut vawn paha a tih chuan a suangtuahna khawvelah a let leh dawna ka hriat avangin inchhung lama luh ka rawt a. Hmeichhe pahnihte pawn min hniallo an kala an hnungah ka zui ve nghal.





Ka nu leh Nguri chu an in nel nghal hmel hle a, inchhunga ka nau ka hmuh mai loh avangin inchung lamah ka chho a,ka rin lawk chiah a room ah lehkhabu bihin alo thu leh ran tawh a. He nu hi chu thil dang ti tur hian a hrilh theih thlawt loh.




"Ka naute hi ala thinrim reng em ni?" Tiin a bulah chuan ka dinga min hrelo der hmak. " Mate hriatthiam tum teh ka thiltawn pawh i hre veka ka tih luih pawh a ni biklo" ka tih chuan rum em em hian min rawn melh a.




"Pangpar pakhat lak chhung kha a reilo lutuk" ti tawi takin a lehkhabu ken chu a bih leh.



"Lak chu ka la ngei alawm"



"Anih khawnge?" A rawn tih that chuan ka thaw hak. Keipawn engtin nge kha pangpar kha a bo ka hre biklo. Ka nau in min chah uluk em avangin Buannel ka thlenni khan kung khat kha chu a zung nen lam ka la chhuak ngei a. Kha tia pangpar ka phawi lai pawh khan thli na zet zetin a thaw bawk a nih kha. Chutiang khawp chuan pangpar ka lak lai ka hria a,mahse kha pangpar bo dan erawh kha chu ka hre hauhlo.




A khawi duh ka rin avangin uluk takin a zung lam pawh polythene chhungah ka khung thlapa, Tent bulah ka dah bawk. Mahse, khatia kan haw turin pangpar lak ka tum kha alo awm ta silo a. A dang han lak leh mai ka tum khan mak tak maiin ka Tent bul vela pangpar ho chu an lo bo veka a tih ngaihna tak pawh ka hrelo.Ti chuan miten lak tianglo tia an lo sawi chu hre chhuakin a dang la leh tura zawn pawh chu ka tum buailo lawh lawh a ni. Chung zawng zawng aia mak chu ka Tent piah Bingbi par ka lakna ka lei chawhkhuar pawh kha kan haw dawn ni chuan khawih danglam a ni tih hriat miahlo hian lei chu alo changin a chungah phul alo to leh vek tawh.




"Ka tihpalh" rawn hawi chhuakin min en vung vunga ka beng ka lo pawh zeuh chuan a nui suka na zet hian ka kuah.




"Min thlah teh" a tih pawn uang zet hian ka kuah nget sauh sauh." Khanu kha engtin nge i tih dawn?" A rawn tih chuan ka hriat mai loh thu in ka chhang. Kan pahnih chuan inhnuai lamah kan in zui chhuka ka nu leh Nguri chu nufa ang mai an ni.




Nguri chuan keini unau inhnuaia chhuk chu uluk hmel zet hian min lo thleka ka beng bulah, " a rilru lam a chiangkuanglo i ti tiraw?" Sangpuii'n a rawn ti sar sara ka lo bu zeuh.




"Nguri maw i nih?" Tiin ka nu te bulah chuan ava thu ve thuai a.



"Aw"



"Kei chu Sangpuii ka nia kan in rual hmel tho a,ka u lo ang che aw" tiin ka nau pawn a nel nghal em em a. Kei ber hi a ni lo hahthlak chu, han tum ve viau dawn mah ila ka ti hlei thei tlatlo.




Zanriah kan ei a,khi lamah kan in zirtir nasa bawka kan Nguri chaw ei dan pawh a pangngai sawt viau. Ka nu leh ka nau chu an hmingin a koh thei maia, kei erawh u Thang min ti tlata ka nau lawmah tla in min chhaih fiam zuk zuka ka ning lutuk chuan ka room lam ka pan san ta daih.





"Lo lut rawh" tiin kawngka lam chu ka hawia Papuia a rawn lang hlawl,a rawn kal dawn tih pawh engmah a rawn sawi lawk silo a. " Deuh thuta che" ka han ti ringawt a.





"Phone a i hmeichhe rawn sawi kha i rawn hawn leh Hawn loh ka rawn chian a nih hi" nui vur vura tiin ka khumah chuan a zuangkai nghal.




"Chanchin thar hriat tur a awm em?" Ka ti nghala a lu alo thing mat mat.




"Mahse, thil pakhat" a rawn tih chuan ka beng ka lo chhi rang hle, " engtin nge khutiang hmeichhia a saruak lai i mutpui chung pawha i khawih loh theih?" A rawn ti ta daiha ka bula lehkhabu awm chuan ka vawm nghal tawk.




"I rawn sawi dan hmangah kha chuan hmeichhe bumro tak rawn hmuh ka in beisei a. Mahse,ka tum loh deuh hmeichhia ka rawn hmu a,a number ka lo dil hmanlo chauh asin" a ti uang leha ka nui suk. Ka sawi tawh kha hrechianglo tan chuan khu hmeichhia Ngursaipuii khu a itawm ve em alawm.




Amahah khuan mipa te duhthusam a kim vek, a hmel a tha in a mawi tawk chauhin a taksa a liana,a awm bawr leh mawng bawr a mawi tawk chauha pawng leh a kawng fek rat te a mit meng mawi em em hmangte khuan mipa tamtak chu a zunah a uai tir thei ngei ang.




"Lancy-i chuan a ti fel thei a maw" ka ti ta daih a.




"Lancy-i ti reng mai,inneih tawh mai rawh u ka nu Siami lah khuan a sawi reng bawk si" alo ti a.




"Ka secretary anih saw" ka tih chu duhlo zetin a hmui min tih pawrh khum a, ka nui tawp tawh. Lancy-i nena kan inkar hrechiang ber tu chu Papuia hi a ni tlat.




"Midangin an neih khalh mai ang che" a ti a.




"I thusawi kha nangmah pawn i awilo a nih kha" ka ti leh zeuh chu duhlo tak a ni tawh. " Hmeichhia te chu an mak lutuk min duh hneh viau emaw kan tih lai pawh hian mipa dang lakah min phatsan duh viau ania" a ti a.



"Lancy-i chu chutiang mi a ni ve lo"




"Khati chung khan ka duhlo ka secretary mai a ni ila ti thei a nia" a rawn ti leh.




"I ho em maia eng nge ilo kal chhan chu" ka ti a. Papuia hian Lancy-i nen kan chanchin a hriat vek avang hian min chhaih fiam fova. A laka ka rilru put hmanghi Chiang takin hmangaihna a nilo tih ka hria a chutiang chiahin duhna pawh ka neilo a, Lancy-i nena kan in kar hi chu Boss leh a hnathawktu a nih loh pawn tisa thil taka inzawmna kan ti thei ang.





Hna chungchangah reilo te kan titi a,a haw dawn chuan tui inchhawm ka duh avangin ka zui chhuaka ka nau leh Nguri inchung lama lo inzui chho hi kan tawka,thawmhnaw chungchang an sawi avangin "mate zanin chu i thawmhnaw lo hak tir la,naktukah pawisa ka pe che u a nga i bazar pui dawn ania" ka ti zeuha a bula hmeichhia lah chuan Papuia ngaihtuah lem neilo a kailawna pen thla pawk pawk chu huat hmel zet hian a en a.




Mahse,engmah ka sawilo Papuia haw hnuah bottle in tui ka la a,ka room lamah mu turin ka chho leh nghal.
~~~~~~~~~

NGURSAIPUII P.O.V.




" Chhelo i ti a ni maw? A rawn luh lam pawh khan i melh nasa riau." Ka beng bula Sangpuii'n a rawn tih chuan ka phu zawk thei.




"Chuti lam pawh a ni lo,ani kha tu nge a?" Ka tih chuan nui chung hian min melh ralh ralh a.





"U Papuia a nih kha ka u thian tha ber" Ka rei thil thlen dan hi a tha dawnlo tlat. He tah pawh he mite pahnih hi thian an la ni cheuh a maw? Hei vang hi em ni thawk lehkhata khawvel danga ka awm tak! Ani ngei ang mahse, tun tum chu u Thanga hi ka chan nawn tawh hauh lo ang.




He khawvelah hian ka awm rei tulh tulha zawhna ka ngah tulh tulh dawn niin a lang. Engpawh nise he hmunah hian chhan nei lova ka awm ka in ring lova chu thil he khawvela ka awm chhan diktak chu ka zawng chhuak ngei bawk ang.




Ka mutna tur room ah Sangpuii chuan min hruai luta a nuam khawp mai. Ka in tihfai hnuah a kawr min pek chu ha in ka mu a, "tumah ring suh" chu aw ka hriat rual rual chuan harh thutin khumah chuan ka thu chhuaka ka thlanin min lo bual huh vek tawh.




"Kha aw kha" ni e,kha aw ngei kha a ni kha zana min ko tu kha.
~~~~~~~~~~~~~~
~~~~~~~~~~~~~~


"Nguri,Nguri" tia min ko tu aw chu zui zelin kan khaw kawtchhuah ka thlenga,ka thil tawnin kan khua chu min hnungchhawn tir tlat avangin let leh tumna ka neilo. Aw chu ka zui zela Chiang taka ka harh meuh chuan phul hmun zo lutukah ka lo awm tawh.




Ka hmuh theih si loh eng emaw min uaptu awmin ka hria,min uap tu erawh tu huhang nge a nih ka hre Chiang ngang thung." U Thang" tiin ka bul vel chu ka en Kuala ka biangah mittui a luang nghal ngiai ngiai bawk. Thli lah chu a tamin khawi atanga lo kal nge tih pawh hriat loh tu emaw hmanhmawh taka kal hi ka hria a. An sawi tak hriat theih si loh in tutu te emaw tawng ri ka hre bawk.




Ring zet zetin u Thanga ka ko thin. Mahse,min chhangtu an awmlo. Chutah ka pen leh tur chiah chuan eng thil emaw hi ka rapa ka en nak chuan chu phul a to pangpar pakhat chu a zung lam thil mak tak langtlang thei hmanga in fun hi leiah chuan alo let ngata,chu thil chu chharin ka piaha lei lo in chawh phutna sa ah chuan amah tuamtu chu la sawnin ka phun tha leh a.




Chumi zawhah ka aw hriat bawk khan min rawn ko leh a,mah se a bak engthil mah hriat zui ka nei tawh lo. Ka mit ka men leh chuan u Thanga kiangah ka lo awm tawh a nih kha. He thil hi pian nawn lehna a nih chuan kei hi engvanga piang nawn leh lo nge ka nih?




Ka harh hunin a zir loh em avangin mu lui duh tawh lovin inhnuai lamah ka chhuka,Kawngka hawn dan pawh ka thiam vek tawh avangin pawn lamah ka chhuaka boruak chu vawt ver ver tak a ni.




Van thiang kuk mai chuan min ti hahdam tak zet. Kawngpui sirah thu a,rei deuh tak ka thut hnu chuan mihring pawh hmuh tur an awm zeuh zeuh tawh a. Mihring lo kal vel chu ka lo en renga ka tan hi chuan engkim mai hi thil thar a ni in an hmuhnawm em em vek.





"Hetah eng nge i tih?" Mipa aw thum tak ka hriat rual rualin hnunglam ka hawi vat. U Thanga chuan chal ti chuar deuh nang hian min lo melh leh run tawh a. He a mitmeng hi a mi beihte melh nan chauh a hmang thin a,tunah erawh kei min melh nan chauh a hmang tawh thung. Chu thil chu ka thil huat leh duh loh ber a ni. Kei hi a hmelma nilo in amah hmangaihtu ka ni tih hi hria se ka duha engtia han hriattir tur nge tih erawh ka hre rih lo viau mai.





"Khawnge i kal dawn?" Ka lo ti ta daih.




"Va lut rawh" ti hmukin min rawn kal pela ka thut hmun atanga tho in ka umzui ve nghal. Ka zui tih a hriat chuan ding chawtin a rawn leh hawia ka lo nuih sang a hmuh chuan a thaw haka, "let rawh" a tih nghut, lu ka thing nar nara a kal leh chu nui vur vurin ka zui.




Min be tawh lova kei pawn biak ka tum bik chuanglo. Mahse,inchhunga a luh chuan luh ve min phal tlat lo. "Membe nih a ngai",mipa pakhat chuan lo ti tlatin ka luh chu phallo in min dang tlat. U Thanga lah chuan min rawn ngaihven zui loh avangin ka hmu phah tawh silo.




Pawnah chuan chhuak lehin let leh mai ka tuma mahse,kawng Peng ka thlen chuan khawi lam nge kan kalna lam kha ka hre ta hauhlo. Tih ngaihna awm ta lo chu u Thanga luhna in tualah chuan a rawn chhuah hun nghakin ka thu reng a. Kawnga lo kal ho chuan min en duh hlawm lutuka nuam ka ti vak lo.




"Eng nge i tih a" ka bula mipa lo thu chu ka en ha a,mipa vun englam niin min nuih ver vera a hmeltha lutuk mahse,ka u Thanga ala tluk leh Chuang miahlo.





"Ka hmeltha tih chu ka hria a,mahse melh vung vung tur khawpa tha ka ni tih ka lo in hre miahlo" a biang dawm paha a tih chuan ka nui chhuak hak,a zaklo ve ham ham hle mai.





"Ka hmeltha tih chi i nilo" ka tih chuan mit ti zim sun hian hnai zetah min rawn en a.




"Kei chuan i hmeltha ka ti" a rawn ti a nih chu. "Rinsanga ka nia,tu nge i hming ve?" A tih zawm leh.




"Ngu.. Ngursaipuii" ka ti bah deuh nawka lu bu nghutin a thu tha ve hram.




"Nichin khan ka hmu che a,ti nge hetah ila awm renga?"



"Mi ka nghaka"



"Tu" zawhna a ngah lutuk chu ka han en leh ren rawn phawt a. " Ka tih awmzia chu i mut kawr nen Jym a kal i tum chu a nia. Chutah member pawh i ni tawp silo" tiin a nui a. A nuih chhan chu ka hrelo mahse,ka nui ve tho.




"Eng nge kan nuih chhan" ka tih chuan a hriat loh thu in min chhanga ka nui nasa zual sauh. Tun hi he khawvel ka thlen tira ka nuih nasat ber tum a ni. Chutia kan nuih laia min rawn kal pel tu ka hmuh chuan rang zeta ding chhuakin, "thianpa a nih phawt" tiin u Thanga chu ka um vat.




"U Thang min lo nghak" a kal chak em avang chuan ka ko a,ka tlan chak sauh mahse,ani alo ding thut sia a hnungah in tauhin hnunglamah ka kat deuh dawr.




Rawn hawi letin lawm loh hmel zet hian min melh chhuk runa,nuamlo duh tak a ni. Chutah ka pum a rawn ri rak raka rang zetin ka pum chu ka hup vat. "Lo kal rawh" tiin ka banah min kaia chu thil erawh nuam ka ti leh viau a,nuam ka tih zia lah he ka ban chelhtu hian a hre tawp awm silo, Lalthangtiberbura a nih hi.





Kawngsira ei lo siam bulah min din puia, "kha heihi ei rawh" ti leh tawpin chupa ei siam chu ka ei turin min pe a,amah pawn pakhat chu la ve in a tih ang chuan ka ei tur chu ka kheha a tui rap thlak. Kan ei ang chu a dang pahnih siam tir lehin a hawn a.




In kan thlen chuan nu Siami te nufa pawh an lo tho tawh. "Awi, Egg roll in lo hawn a ni maw" lawm tak hian Sangpuii chuan u Thanga thil ken chu a rawn lak sak a.




"Zing zingah khatiang ei chi pawh a ni em maw ni? Chaw ka ei peihlo te kha in ti leh a nga" nu Siamtei'n alo ti ve mawlh mawlh. Sangpuii lah chuan a nu thusawi chu ngai pawimawh lo zetin a u in a hawn chu a ei nghal tuam tuama ka mipa hmangaih ber nau a ni bik hi ka awt bik ngawt mai.





Kei chu engtikah emaw kha khawvel hreawm tak u Thanga awm ve tawh lohna ah khan ka la let leh ngei awm si a. Chu hun chu engtikah nge alo thlen dawn ka hrelo mahse,chu hun chu ka huphurh tak zet a ni.





"I tha em?" Hnai zeta Sangpuii'n min rawn en chuan har zawkin ka biang ka kawiha ka mittui alo luang leh reng tawh.




"A..aw,eng nge?"




"Ka nu biakna che i hre miahlo a" a tih chuan nu Siamtei lam ka va hawi a."Eng nge ni ta" ka ti vat.




"Eng nilo e,Mama bulah ilo kal ve daiha ka zawng hman che alawm" a rawn ti mai a.




"Nia" ka ti ringawt.




"Tikhan jym thleng i va kal ve tihna maw" tiin Sangpuii lah chuan ka inthuam dan chu en kualin a chek tlak tlak.




"Ti nge?" Tiin ka in en ve vat. Tuna ka kawr hakhi nizan ka mut dawna aman ka hak tura min pek kha a nia.




"Engmah a ni lo,mahse kha nen kha chuan pawnah chhuak tawh suh mut kawr a nih kha" a ti maia mut kawr leh kawrlo a awm hrang tih reng reng ka lo hre lo.




Chumi nileng chuan Sangpuii bulah ka awm a. Bazar an tihah min hruaiin ka thawmhnaw tur min lei pui a ni. Mi he ti zat zat khaw khata an awm chu mak ka ti viau,dawr pakhata Mizo thuam chi hrang hrang lo awm ka hmuh chuan ka ding nghal chawt.




"Chungverh i hrechhuak em ni?" Sangpuii'n a rawn tih chuan ka lu ka bu nghut. Mahse, lawk Sangpuii chu phawk zet hian ka en tha leha kan hmaa dawr chu alo en ve vang vang.





"Chaw..Chawngi" ka tih chuan hlauhthawn hmel zet hian min rawn en,mahse a reilo insiam tha leh thuaiin a nui a.




"Nguri thin hi Sangpuii alawm ka nih" a rawn tih chuan dawt a sawi tlat hian ka hria a.




"Ai, Chawngi i ni...tunah pawh khan Chungverh khua tih i sawi kha" ka ti chu kan bul vela kal ho chuan min en hu hu tawh.




"Lo kal teh" hawi kual paha tiin ka banah min kaia thil eina dawrah min luh pui. "Ka u khan a sawia, Chungverh khua i nih thu vel leh in khaw chanchin i sawi te kha. Chuvang chuan alawm in khaw hming pawh ka hriat" a tih chuan ka en vang vanga dawt sawi hmel a pu in ka hrelo mahse,keimahah hian eng emaw diklo awm tlata min hrilhtu an la awm.




Thil ei nghal ang a tih avangin dawrah chuan kan thu leh renga,kan ei tur an rawn dah pawh chu a tui leh pek hle. Ka thil ei zo ka hawi chhuak chuan ka nu dawr atanga a chhuak chiah hi ka va hmu a,thil ka ngaihtuah hmanlo "nu" tiin ka umzui nghal a.





Pawnah chuan mi an lo tam tawh si a,khawilam nge a pan tih takngial pawh ka va hmu hmanlo. Mi karah chuan ka nu ang deuh kha a hnunglam atang ka va hmu leha rang takin ka um zui nghal,thui tak ka um hnua ka um phak chuan lawm tak ka ni. Mahse, a hmel ka hmu chiah erawh bangbo tak ka ni thung.





Nichina ka hmuh kha chu ka nu a ni ngei si a,mahse tuna ka hma a ding erawh ka nu a ni tawh hauhlo. Mipui zingah chuan dingin ka hawi kual thin. Mahse,hmelhriat loh vek an ni.




"Kawnglaiah ding reng mah ta che" tu emaw in min rawn sut her sawk rual hian a rawn ti thata,Motor an lo ri ve vak vak bawk nen chu lai hmuna awmte mit chu keimahah chuan a fu vek a. Rang zetin kawng sir lamah ka kal vat.




Ka nu emaw ka tih ka zuina lamah khan ka kalna leh awmna hmun reng reng ka lo ngaihtuah lova. Chutah ka nu emaw tia ka zui kha ka nu alo nilo a,Sangpuii lah khawiah nge a awm ka hre tawh bawk silo.




"Nu,nangmah ngei i ni tiraw? Nu ka ngai lutuk che. Nu khawnge i awm? U Thang, Chawngi nangni pawh khawnge in awm?" Kalna lam tur ber pawh ka hrelo ka hmalam kawngah chuan ka rin kal ve mawp mawp.




Nakinah chuan khua chu rawn tlaiin mi khawlaia kal ho pawh an tlem telh telha ka tah a chhuak tulh tulh. Khua a rawn thim meuh chuan ka chau tawh lutuk chu kawngsirah ka thu leh ta tawp a.




U Thanga chu rilru in ka ko mawlh mawlha,lo lan tih a nei thei silo. Ani hian min zawn a tum a ngem? A hmel atang min ngaitheilo tih ka hria hetia a hnen atanga ka kalbo ta hi a lawm zawk mai thei a ni. Ka thil ngaihtuah chhuah avang chuan ka hmai hupin ka tap chhuak ta nghe nghe.




"Pialralah pawh kal mah ila ka hmangaihna che hi a dang ngailo ang" tia min tiam tu ka u Thanga kha khawnge a awm tak. Tunah chuan a hming ka lam ringawt pawh a duh tawh silo.





"Thiante u hei eng nge kan neih hi?"



"Nula" tia min rawn khawih tu chu fiahlo zet hian ka hmu thei. Ka awmna chu a thim em a,motor lo tlanin a rawn ti eng leh zeuh thin tih loh chu thla eng rinchhan tur pawh a awm lo.




"Kan vanneih zan a nih dawn hi" tiin thil eng zet hian min rawn chhuna pakhat chu ka hmaah tak a rawn thu bawk,a hmel chu ka ngainat chi a ni miahlo. A hmai chu a pem deuh neng nunga thil a in bel deuh fur bawk. A mit meng atang zupui a rui tih ka hre thei.




Ka nihna in a zir bawka zupui rui hmel hi chu ka hre hrang lutuk tlat. Chuan chutianga tlangval la naupan hmel takin rui hmel a pu a nih chuan hemi te hi mi vel zawk zawk an nih ka ringlo bawk.




"Min kalsan rawh u" ka tih chu ngaipawimawhlo zet hian an nui dar dar a. Ka ngei hlawm em avangin keimah zawk chu kalsawn tumin ka tho chhuaka mahse,tha chak zetin min pawh rual rualin leiah chuan ka thu sawp hnawk.




Khatia khua a thim hnu thleng pawha u Thanga hmel ka la hmuh loh avang khan kawngsira awm reng ngawt chu tiin ruah lo Sur thut pawh nise ka tawm hul theihna tur melhin tuna ka awmna hi ka thleng ta kha a ni a. Mahse,tunah chuan chutianga helai hmun ka lo pan chu ka inchhir tan der ta.




"Tu..tute nge in nih in va zaklo ve. Kei hi tu nge ka nih in hria em?" Thinrim leh hlauhna in pawlh chuan ka han ti that a,an la nui chau a nih chu.





"Kan hria alawm, hmeichhe hmeltha leh kan duh min pe tu tur i ni" tenawm taka min en in ka biang rawn khawih tum tu kut chu na zetin ka lo vai kiang.




"Kei Sailo Lalfanu hi kha i kut bawlhhlaw zeta i khawih mai mai tur pawh ka nilo" ka ti that chu ka samah min kek dak awr a,hnai setsawtah pakhat chuan min rawn en.





"A rui ve hle a nih dawn hi" pakhatin alo tih laiin hnai zeta min rawn en tu chu nui sukin, "a fing var chiahlo zawk, ti hian a tha zawk" a ti a. Tunah chuan ka hlau ta takzet ta. Rilru in u Thanga ka ko leh mawlh mawlh a. Chung mipa ho lah chuan ka chunga an thil tih tum chu ka hre Chiang tawh nasa mai si.





"Motor an lo tlan thla thut theia vengtu lo in dah ru,ti lai deuhah khian kan lang sarlo ang" tiin t
chhaklamah chuan min hnuk chho a,min chhuah tura ka ngenna te chu an thin ti rim zual tu mai a ni.





"Ngawi chipcham rawh"



"Nuam i ti dawn lutuk"




"Han au leh na teh ka that nghal che a ni mai" tiin ka sama thamtu chuan a ti chhena chem zum hriam taka min tin hnu phei chuan ka au ngam tawhlo,auh chu sawi loh chet pawh ka che ngam tawhlo hrim hrim.



(Bingbi par hi a thlalak rawn dah tel ka han tum viau na chu ka ti fuh hleithei thlawtlo, Google lamah a lem hmu duh ho kha chuan lo va en mai ru aw😊)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:50 pm

Chapter 5



RAYMOND P.O.V.




"A mak e,eng nge i ngaihtuah?" A rawn tih leh hap chuan kei pawh thaw hakin ka chair chu ka thawh chhuahsan. Tuna ka awmdan hi keipawn ka hrethiam chiahlo,eng emaw ngaih that lohna ka neia,chu thil chu engvanga nei nge ka nih ka in hriat loh ang bawkin engin nge ka ngaih ti thalo ka hre hek lo.





"I zin i chauh deuh niin a lang" ti supin ka hnunglam atang ka kawngah a rawn kuaha,a sawi dik mai thei. Ka pa thih chamah fianrial hun hman tumin ka zin kha a ni a,buaina dang ka han tawng leh si a. Chumi nghawng chu a lang dawn chauh pawh a ni mahna.





In herin Lancy-i chu a kawngah ka kuah leta rawn dakin a nui suka,a khabe ah dawmin ka kuai daka ka fawp nghal. Min chhang let tha viaua mahse,eng nge dik lohna ka neih ka in hre lo ka rilru ka pe thei lova ka fawh luih ngial pawn rilru ka pe theilo.





"Ka tihpalh" ka ti ta nghe nghe,ka awmdan chu mak ti zetin min en ha a. Boruak dang dawn ka mamawh ni a ka in hriat avangin ka office chu ka chhuahsan. Tunah khan kha hmeichhia Ngursaipuii kha engvanga ngaihtuah chhuak nge ka nih,hrep hian he nu hian engtia rei nge min tih buai a tum ni.




Inchung zawl ka thlen chhoh chuan thawk ka la ham hama, "veng him rawh" tih chu a sawitu hriat si lohin ka bengah chuan a ri nawn tluk tluka, ka mittla ah lah khanu ringawt kha a awma eng nge ka awmzia hi! Ka lungphu phu rang tak leh hlauhna ka neih te chu engvang nge? Ralling chu nghet zet hian ka huma hnuailam chu ka bih ngut ngut.





"Raymond Sangpuii ania" engtikin nge ka bulah chuan alo din ve tih reng reng ka hre lo.




"Eng nge?" Lancy-i kut atanga phone phih thla in ka ti hmuk.




"U, Nguri ka ti bo engtin nge ka tih dawn? Ka zawng nasa tawh lutuk ka hmu zo miahlo ania" tap deuh para a rawn tih chuan ding ngilin ka meng kawk.




"Eng nge thleng engtin nge i hlauh theih?" Ka ti that chu, "u..u" a ti chuai raih a.




"Ka rawn kal ang khawnge i awm?"



"MC ah" a tih chuan phone chu off in inhnuai lamah ka tlan thla hlawk hlawk Lancy-i min lo ko ri pawh chu ka ngaihven hman tawh lo. Hlauhna nasa lutukin min tuama, ani kha tunah khawnge a awm ang? A hlau in a mangang tawh dawn lutuk. Hmanlai hun atanga rawn kal ang maiin a khawsa a tumah hriat a neilo a ni a, tawhsual a tawh emaw khawi emaw laia hlau taka a awm chu ka hlau ber a ni.




Zonuam atanga MC inkar ka tlan rei loh ber tum a ni ngei ang. Sangpuii chuan ka han thlen veleh thil thlen dan vel chu min hrilh nghal zung zung.




"Zarkawtah Thil eiin kan chawla,thawk lehkhatah a tlan chhuak thuta ka umzui ve nghal tur kha dawr nghaktu in kan thil ei man min lo dila pawn ka va chhuah ve chuan ka hmu hman tawh lo alawm" a ti a. Chhuna bo tawh tuna min rawn hrilh chauh chu ka lawmlo tak zet. Tunah lah khua a thim der tawha khawiah nge a awm ang.




"Ti nge thil a thlen tirh khan min rawn biak loh" ka aw chu a rum lam mah a ni. Ka nau pawn min melh dan atang min hlau tih ka hria.




"Ka tihpalh,nang chu lo han haw la keiman ka lo zawn zawm mai ang. Ka nu i hrilh tawh em" ka tih leh chuan alu alo thing mat mat a. "A tha engmah lo la hrilh rih suh" tiin kan piaha taxi lo tlan chu ka lo phara ka nau chu ka haw tir.





Kawngpui dung chu thlirin han zawnna mai tur ka van khawp mai. Areng rengah ani pawh chu engvanga Sangpuii tlan chhuahsan reng reng nge maw a nih le? Ka motor ah chuan lutin Zarkawt lamah ka tlan pheia kawng sirah chuan ka melh pah zel.





Chanmari atang Bazarah ka kual luta a hma ang chiahin ka kalna lam chu 'a dik' tia min hrilhtu awm tlat hian ka hre leh ta a. Zodin phei ka thlen chuan zan vak an lo tam tawh hle a, chung ho ka hmuh chuan ka hlauthawng thar leh sauh a.




Tlan tlang phei zelin Vanapa hall hnuai chu luh thlak duh viau mah ila ka tlan pela,mahse eng vang teh reng nge ni min pawttu a nat em avangin motor chu dan a nilo tih hre reng chungin ka turn pawpa Vanapa hall hnuai chu ka tlan luta chuta ka thil va hmuh avang chuan motor break chu rap ri tuarin motor atang ka chhuk nghal.





Nguri bula mipa ho chu ka motor eng an hmuh rual rualin an tlanchhe veka,han um kha duh viau mah ila Nguri buaipui a ngaih avangin chung misual ho chu ka enliam ta ringawt.




"I tha em? An khawihna hman che em?" Ka ti chu chhuak em em a tapin a malah a hmai a phum tlat a, a bula thu hniamin ka kuaha duhlo in alo tal ve aih aiha ka thlah dawnlo tih hi hria se tal tal lo zawk se ka duh.




"A pawi ka ti lutuk ka lo thlen har avangin" ka tih chuan nghet zet hian min kuah let ve ta hram a.




"Ka hlau lutuk,an ni khan ka duhlo chung min sual luih an tuma ka hlau takzet a ni" a ti khur hlawk hlawka thinrimna avangin ka puangkeh lo chauh a ni. Hetianga hmeichhe chaklo zawkte chunga chet la thin ho hi thah vek tur tise chu a that tam ber ka ni ngei ang.




"Ka chhuah hauhlo ang,an vaiin hremna na tak ka pe vek ang" ka ti charh charh a.




"Ka ko,ka ko che a mahse ilo kal thei bawk silo" a tih chuan a lu ah ka fawp vang vang. A mal zia leh a neih chhun chu keimah ka ni tih ka in hriatchian em avang pawh a ni mahna chutianga kei minlo beisei thu a sawina chuan min dengna in ka awm zawna chemtea vih ang mai hian ka na a ni.




Ka motor a ka thut luh tir hnuah pawh a thu ngawi renga,keipawn biak a duh rihloh ka rin avangin ka be biklo. Ngawi rengin Durtlang lam panin kan in khalh chhuaka, Bawngkawn kan thlenin a rawn tawngchhuak ta hram.




"Ka nu ka hmu a" a tih sep chuan ka va en zawka hmalam alo melh ngara, "Thil kan ei na ah khan ka hmu emaw ka tia,mahse ka va zuia a hmel ka hmuh khan midang an lo ni daih a" ti a insut leh hraih hian "mahse, ka mi hmuh kha ka nu a ni tih ka Chiang" a tih tha leh ngat.





"I Chiang maw?" Ka lo tih chuan lu bu nghutin a chian thu in min chhang.




"Anih chuan naktukah dawrah khan kan kal leh a nga i nu chu ka zawn hmuh sak ang che" ka ti a. Cctv atang a nu chu kan hmuh mai theih ka ring,a chhungte ka hmuh sak theih chuan min delhrit em em tu pawh hi a kiang ve mahna. A hma khan a nu leh pa te chu hmanlai huna awm ang maiin a sawia a ngaihtuahna leh khawvel tak tak hi a thlunzawm vel mai mai niin ka hria.




In kan thlen chuan ka nau chuan ngaihdam alo dil mawlh mawlha a hmel atang pawn a hlauhthawn zia leh a inthiam loh zia ka hmu a,mahse nichina ka awmdan avang khan min la hlau deuh tih min melh that ngam loh dan atang chuan ka hre thei.




"Khawnge ka nu hi?" Tiin ka hawi kual a.



"A inkhawm,engmah lo hrilh Suh i ti sia" a tih chuan lu bu zeuh.





"Mate chaw ei lo va siam la kan han intifai a nga,kan rawn ei nghal ang." ka tih chuan choka lamah a phei vat a. Ka nu lo inkhawm daih pawh chu pawi ka ti vaklo chuti a nih loh chuan zawhna a ngah leh lutuk a nga chhanna pek tur ka nei awm silo a,a rilru a hah ve phah mai mai.





Nguri chu a room ah ka hruaia hahdam taka awm turin leh hlauthawng tawh lo tura ka hrilh hnuah, intifai turin ka hrilh leha ka room lam ka pansan. Ka phone phawrhin Papuia hnenah thil thlen dan hrilhin khang misual ho kha lo ngaihven zui turin ka ti bawk. Ka mitthla ah Vanapa hall hnuaia khang mipa ho in Nguri an lo pawh luih lai kha a la rawn lang sek zui. Thawk hi ava han sak duh thin tak.





Ka in tifai zo bathroom atanga ka chhuah chuan khuma ka phone chu alo ri ve chiaha, Lancy-i alo ni.



"Hello"



"Thil thleng ka lo hria a"



"Um"



"I tha em?"



"Um"



"Raymond...."



"Nakinah kan in be dawn em ni hei chaw ka ei dawn a" ka lo ti khalh vat.




"Aw le" a tih chuan phone chu off in ka hmai ka tuai nghal pawka ka thaw halh.




Nguri room a ka va lut chu chhuatah a khum nghenin alo thu renga,inbual pawh alo la inbual lo. Tih luih vak chi a nilo tih ka hria,heng a thil tawn te hi ani hmeichhe derdep tan chuan a mah mah deuh chu a ni. A dara ka va khawih pawh chuan alo phu zuka keimah ka ni tih a hriat veleh chauh a hmelah chuan hahdamna ka hmu thei a ni.




"Va inti fai rawh tah hian ka lo nghak ang che" ti supin ka kaitho a,towel nen bathroom ah ka nawr lut. A thawmhnaw hak tur lo lakchhuah sakin khum chungah ka dah a,a rawn chhuah leh chuan a hmel hmuh pawh a nuam ta deuh alawm.




Thawmhnaw ka lo dah chhuah ho chu ngawi rengin a ha a,a hak zawhah 'u Thang' a rawn ti zawi leh supa alam ka va hawi chuan alo in ha fel thlap tawh. Nuih sukin a kutah ka vawn saka,




"Ka venghim tlat tawh ang che" ka tih chuan lunglen hmel zeta min en vawng vawngin a lu a bu zeuh. Inhnuai lamah ka hruai chhuka chutia kut inkai chunga choka a kan lut chu Matei chuan mak alo ti hle a,zawhna erawh min zawt lem lo.




"Mate eng dawrah maw in chawlh" chaw ei laia ka zawh leh chuan an dawr chawlhna leh thil thlen dan chu sawi tha lehin Nguri hnenah chuan ngaihdam a dil nawn leh.




"In thiamlo duh suh i thiam loh a awm hleinem,keimah ania tlansan tu zawk che i thiam loh pakhatmah a awm lo".
~~~~~~~~



Papuia call ka dawn avangin ka nau leh Nguri TV enna atang chuan kalsawnin call chu ka chhang, " Thiana a beidawn thlak khawp mai" a rawn ti ringawt a.




Ka room lamah ka chho pah bawk, " Ti nge? Eng nge thlenga?"




"Dawrah khan ka va kala an CCTV kha alo chhiat lai alo nia" a rawn tih chuan ka thaw hak. Ti nge maw thil hi a nilo zawng hlira a kal zel mai ni. "Anih leh khang misual ho kha?"




"Anni pawh kha kan la zawng zui zela,an hmel Chiang takin i sawi thei bawk silo a. Hun chu a duh ve deuh mai thei a ni" a rawn tih leh chuan in hum ruh tawh tak ka ni.




"Zawng rawh Papui, anni kha man ngei ka duh a ni" tiin phone chu ka off nghal hmak.




Ka chair ah thu thla in male ka dawn chu ka check a,kan sumdawnpui Mr. Wang-a hnen atang a ni. Male ka chhiar zawh rual rual chuan chhang letin Lancy-i ka call a.




"Tunah khan Mr. Wang nen male hmangin kan in be zo chiaha America lama Paper hi kan thawn theih leh theih loh chung changah" ka tih chuan phur tih hriat tak hian naktuk lama Meeting alo buatsaih tur thu vel a rawn sawi nghal mawlh mawlh.




"Ka lawm e"



"Engah chuan maw?" Nui chung hian a rawn ti a.



"Engkimah ka kiangah Papuia nen hian awm renglo ula chuan tun dinhmun hi ka thleng thei hauhlo ang" chutianga ka sawi lai chuan kan tun hma hun ka ngaihtuah leta Papuia leh Lancy-i hi ka tan chuan an hlu tak zet.





"I hria chu a tha e" a rawn tih chuan ka nui haka, " Chutianga ka chunga i lawm viau a nih chuan zanriah min ei pui min tiam kha naktukah ti tawh ila" a rawn tih chuan Zokhawthar ka awm laia kan inbiakna kha ka hre chhuak leh chiah.




"A tha alawm,tin vawiin avang khan ka tihpalh"




"Ka hrethiam che alawm,mahse khatianga i hlauthawng hmel kha a hma in ka la hmu ngai miahlo" za lo tih hriat taka a nui ri in a zui nghal.




"Chuti maw?"



"Um,hei hnathawh tur min rawn pek belh leh ta si a,kan dah rih mai dawn em ni?" A tir lamah zawi viau mahse,a tawp lam erawh a aw ri a kang tha leh viau tawh a.




"Delhi lampang kha chu lo khawih buailo lawh lawh mai rawh" ti ve leh in phone chu kan dah a. Keipawn ka chawlh chhunga Sumdawnna an lo kalpui vel chu ka enfel zung zung.





Ka room kawngka an rawn kik rik dat dat chuan banga sana intar chu ka melh zawk 10:00pm. Kawngka lam ka hawi chuan Nguri chu inthlahrun hmel tak hian a rawn dak a.




"Mamawh i nei em ni?"



"Sangpuii leh ka nu Siami an mu tawh a" tiin min rawn melh zawka hnuailam a bih leh.




"Chuan ka nau leh ka nu pawh an mu tawha nangpawh va mu ve tawh rawh" tiin ka laptop lam ka bih san leh a.




"Ka muhil thei lova" a rawn tih sup chuan alam chu ka va hawi tha leha ani pawn min lo en ve reng tawh. A mita hlauhna awm chu Chiang takin ka hmu thei. Ka laptop chu khupin ka tho chhuak ta nghe nghe.




"Eng nge tih sak tur che in min duh?" A hmaah ka kekawr ipte zen ran hian ka ding a.




"Min venhim tur thu i sawi a,chuvang chuan ka muthilh theih nan ka kiangah lo awm turin ka duh che" a rawn ti mauh mai. Hna ka ngah zia hi a hrelo zawk em ni. Mahse, a hnenah khan ka lo intiam tawha zan tir lama a thil tawn vanga muhil theilo a nih ringin a room lamah chuan kan in zui phei ta nghe nghe a.




"Ta tang hian ka lo veng ang che" a khum bulah chair ka hunga ani khumah a mu thung.




"A hahthlak mai mai alawm i duh chuan tah hian lo mu ve rawh" a tih chuan nui chung hian, "hmeichhia min thlem i tum em ni?" Ka ti a,a lu a thing mat mat.




"Ka tan thlem leh chuan i ngai tawh lo,kei chu i hmeichhia ka ni sa reng tawh zawk alawm" tia min melh tak rengah chuan ka in ngaihtuah vung vunga ka tan pawh chair a thut reng ai chuan a nuam zawk dawn tih ka hria. Khumah chuan ka in thawlh ta nghe nghe a,nui ver ver in min lo kuah nghal chata ka ban pakhat chu a khat chat bawk.





"Min han hrilh teh engvanga 'u Thang' min ti tlat nge i nih?" Ka ti chhuak sup. He hming hi a thing ka ti ngawih ngawih engvanga min ko chhen thin nge maw a nih.




"I hming a nih vang" leh thin bawk chuan,ka nui chu min rawn melh chho ha a.




"Anih chuan i rawn kalna hmanlai hunah chuan kei hi Thanga ka ni tihna maw?" Za zet hian ka nui chhuak hawk hawk. Thanga tih hming pu a hmanlai huna ka awm tur chu ngaihtuah pawh ka inngaihtuah thiamlo e a





"Um, ka sawi tawh ang khan hnamchawm tlangval i nih avangin ka pa khan kan inkawp a rem tilo hle a. Ti chuan i thiantha ber pasaltha Do-a kha ro hmanga thlemin a phatsan tir ta che a ni" tia a sawi lai chuan a hnuk a ulh deuh niin ka hria.





"Muhil tawh rawh" ka tih chuan nget leh zuala min kuahin a ngawi zui ta reng a. A muhil ta nge rawn phut leh zawk zawk a nei thin a. Nichin khan sawi dawt lo mahse,mahni a awm a hlau tih ka hria. Tunah pawh a mang lam thlengin a thil tawn chuan ala ti buai zel a nih hi. Nget taka kuah betin a chhipah ka vawp vang vang,hua in ngaitheilo viau thin mah ila hetianga a tah leh a mita thil danglam ka hmuh tawh hi chuan keimah Raymond Lalawmpuia kha ka ni ta lo emaw tih turin ka khawsa leh fo thin.
~~~~~~~~~



Ka hmaa hmeichhe tap chuan thuam reng reng a in belh lova. Ka awmna bul vel ka enkual chuan ka awmna ka hre hauhlo. In tam zawk chu Dap,Di,Thing leh mau hmanga sak niin khawlaia kal te chuan chu hmeichhe tap chu an thlir reng a.





Keipawn chutianga mizinga zah pawh hrelo a tap chu ka dinna hmun atang chuan ka en ve reng a. Nakinah chuan a rawn hawi chhuaka leh,ka va phu chiang teh reng em. Chu hmeichhia chu tu dang nilo in Nguri, Ngursaipuii ngei a ni.




A mittui kar atang kei chu Chiang em em mai hian min rawn en a. Khawdang reng reng ka hawi thei lo,ka hma a hmeichhia chu keimah avanga tap ni a ka hriat avangin a mittui tla chu hruk hul saka, a taksa khuhtu awmlo a lang vek te chu zuk khuh bo ka duh mahse,pen khat pawn ka ke ka sawn thei si lo.




"Ka...ka hmangaih reng ang che" a tih zawh rual ruala rawn hnuk san tu chu tu nge a nih ka hrelo a hmel ka hmu thei tlatlo a ni.




"Nilo,Nguri" tiin umzui ka tuma ka che thei silo. A tawpah phei chuan thim chhah lutuk hian Nguri nena kan inkar chu rawn dangin a pil dawn ta mai. Chutih lai tak chuan Chiang em em hian ka meng kawka ka thawk chu a sa in thlan tui hian min lo bual huh vek a.




Min lo khan chialtu ka en chuan boruak chu muangchanga hip lutin ka thaw chhuak leha,chutianga vawitam ka tih hnuah chuan ka zia ta deuh. Nguri ke chu ka taksa atang la thla in a kut min kuahtu pawh chu dah sawnin a mut dan ka siam rem nghal zat.




Mahse le! Nguri hmui atang chuan ka mit chu ka la sawn thei ta hauhlo. Hnawihsen ngailo in a senno chaka,a thlum hmel takzet. "Raymond i a a nih hi." "Vawikhat chauh alawm a harh dawn pawh ni hleilo." Ka rilru a in sual buai chhungin chu hmui it awm zet chu ka si hman der.




Ka rin ang ngeiin a thlum dep depa a nemin fawh a nuam em em bawk.Vawikhat fawh zeuh kha ania ka tum mahse,ka harhchhuah meuh chuan a hmui hnuailam ka lo seh hmanhmawh.




"A na lutuk" tiin Nguri chu a rawn harha khum atang ka zuang thla rang lutuk. A hmui chu khawihin a ner deuh nang nanga,nuih in sum zetin ka hmui hnuailam ka lo seh thung.




"U Thang,ka hmui hi a thi ania" mangang zet hian a rawn ti a.




"A dam leh vat mai ang" ngaihsam zeta chhuah mai ka tum chu, " min kalsan dawn em ni?" A rawn tih avangin ka ding leh rih.




"I mangchhe lutuka ka muhil theilo" ka tih chuan muang changin a lu a bu nghuta,keipawh chu ka chhuak zui ve nghal.




Ka muthilh leh theih ka rin loh avangin ka khum lam nilo in laptop lam ka pan a. Zan lama ka hna zawh loh ho chu ka thawh chhunzawm nghal. Sunday tuka Jym an hawn loh avangin chaw ei hma hretin ka room chu ka chhuahsan ve ta chauh.




"Nguri vawiin chu i inkhawm ve ang chu tiraw?" Tia ka nu in a zawh lai chuan ka piaha thu chu ka va melha a hmui ka seh pilhna lai ringawt kha alo buaipui.




"Va inkhawm pui rawh u" ka lo tih chuan Sangpuii pawn min lo thlawp khawp mai.




"Ka kawr i ha ve dawn ania,i in hmeh deuh tur kawr ka nei alawm" alo ti zung zung a. Tichuan an pathum chuan chaw ei kham veleh inkhawm turin an insiama keiin chaw ei na ka ti fel thung. Mipa ka nih avangin inchhung chet ka awl ngai bik lova,hun ka neih phawt chuan ka nu leh Sangpuii hi ka pui ngei ngei thin.





"Nu Nguri hi lo en teh,a in hmeh dawn ka tih kha,a in hmeh rapthlak" tia ka nau a au chung chung takah chuan sitting room lamah ka pheia ka thil hmuh chu ka awilo hial mai. Hetiangin ani hi a hmeltha thei ang tih ka ring hauhlo. A hma pawn a hmel chu a tha sa tih ka hria mahse,tunah kher kher hi chuan Angel pawh hmu ila ka hma a hmeichhia ai hi chuan a hmeltha in a mawi bikin ka ringlo.





Nilo,kei hi engnge maw ka ngaihtuah hi le? Ka awmdan chu duhlo zetin choka lamah pheiin ka thil tih lai chu ka va tih zawm le.




Tlai lamah Lancy-i zanriah ei pui turin ka chhuak ve ta chauh. Nilengin Nguri chu ka pehhel a ni deuh bera chutianga ka awm chu keimah leh keimah pawh chu mak ka in ti ang reng. Nizan thil thleng vang kha ti dawn ila hmeichhia ka vawikhat fawhna pawh a ni chuang silo a. Ka awmdan chu ka hrethiam lo a ni.




"Thil thleng a awm em ni?"



"Awmlo e,ti nge?"



"Engmah a nilo" tiin a nuia ka lo nuih ve suk.



"Chahla" ka tih chuan menu chu a en vat a. Sunday hian dawr in hawng a tlema chung zingah pawh chuan tuna kan kalna hi Kartluana in hawng tlemte zinga pakhat a ni.



"Raymond fa neih i ngaihtuah ngai em?" A zawhna avang chuan ka mit hmul ka kan khum zeuh a, chutiangte engvanga ngaihtuah nge maw a nih le.




"Min chhang ve mai la,engtik lai pawha hna chungchang sawi reng te chu a ninawm alawm" a rawn tih leh chuan ka nuih ta ringawt.




"Ka hrelo le,ka lo la ngaihtuah ngai miahlo a mahse,i sawi takah chuan fa te neiha chhungkaw din te chu a tluk a awm hleinem" ka ti a,chutia kan sawi takah chuan mitthla ah naupang duhawm tak takte nen kan infiam lai a rawn lak nghala,fa neih chu ka awt thar deuh ten ka in hre rum rum mai.




"Raymond thil hrilh tur che ka nei" thutak zawka a rawn tih chuan nichin maia a hmel kha inrintawklohna leh sawi hreh nei hmelin a rawn thlak a.




"Sawi la" a hmel awmdan a danglam tak daih avang chuan ka ti ta vat.




"Raymond..Englo..i...kei hian..i fa ka pai a ni" hnuailam bih rana a rawn tih chuan sawi tur leh awmdan tur ka haihchham Chiang asin. Tuna a thusawi kha ka hre sualin ka ring silo,kan pahniha kan khawsak dan hrechiang bertu ni mahila ka thu hriat chuan min la thawng cheuha ka thu ngawi ta reng.




(Comment tha leh chhiar nuam tak tak min pek thin avangin ka lawm e. Chuan Saturday leh Sunday zan chu story a awm dawn lo tuh kha hre reng ula chawlh chhunga ka chhiar ve tur comment tamdeuh min hnutchhiah ru aw,Ads lo click bawk Ula❤️)


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:51 pm

Chapter 6




"Eng emaw tal i sawi ve dawnlo em ni?" A rawn tih chuan ka lo la ngawi reng tih ka in hre ve chiah. Khuh kharh kharhin aw ka thian hmasa leh te te a.





"Sawi tur ka neilo" ka tih chuan rilru nat hmel zet hian min en a,mah se eng nge ka sawi ang? Tun mai khan fa neih nawm tur zia ka suangtuah zo chiah a ni a,mahse,eng vanga lawm kim theilo nge ka nih?




"Maw! I..i fa ka pai thu i hria a sawi tur ka neilo i ti amaw?"




"Chutiang pawh a ni lo,min thawng em a chu..chuvang chuan...."




"Ti nge? I fa chu i duh leh si lo em ni?"




"Lancy" ka ti nghal that,tap ni chiah silo hian a in sut leh thin a. " Engtik atang khan nge i hriat?"




"I zin hma khan ka hre tawh, ka rai tih ka hriat tirh khan hrilh che chu ka duh viau a mahse,kan hna lama kan buai avang leh hlauhthawnna ka neih avangin ka hrilh ngam mai lo che a" a tih chuan ka thaw leh halh thin.




"I chhungte ah..."




"Tumah ka la hrilh lo,nangmah hi a hre hmasa ber tu chu i ni" min rawn tih khalh vut a. A mitah chuan ngenna ni awm tak hi ka hmu a,tunlai ka thil tawn rilru ti hahdamlo zet zet hi ka ning ta khawp mai.




"I chhungte chu lo la hrilh rih suh,tunah chuan min thawng em a thutlukna han siam mai dan tur pawh ka hre rih mai lo"




"Eng thuthlukna naute hi min tihtlak tir i tum em lo ang chu tiraw?"




"Ngawi hmak rawh chutiang ti duh tur khawpa sualah chuan em ni min ngaih?" Ka ti let hrawk. Engtin nge chutiang ngaihdan te pawh chu a neih theih reng reng ni. Thutlukna ka han tih hluai chhan pawh kan inkarah naute ka fa ngei tur a tel tawh dawn avangin keimaha thutlukna siam rum rum kha ka duhlo mai chauh zawk a ni.




Lancy-i chu an inkawt thleng ka thla a,an inchhungah pawh ka lut kawi ta lo. Kan in ka va thlen chuan tumah an lo inkhawm lo a,ka nu bulah chuan a fala biak ka duh thu ka sawia,a room lamah kan in zui lut.





"Han sawi la,i nau te hriat ve loha sawi ngai chu eng thil chiah nge ni?" A tih dam dap chuan zahna nasa zet avangin hawi pawh ka hawichhuak ngamlo. Ka nu hian inneih hmaa sex hman hi a duhlo hle a,a fa te hi chumi kawngah chuan min ringtawk bawk. Mahse,kei a fapa hian chu a thil duh loh ber mai chu a hriat loh in vawitam tak ka lo hmang tawh a. Ka inthiamlo in tun hun hi ka thlen ka ring pha ngailo.




"Nu"



"Ka ngaithla che alawm,hlauthawng miahlo khan i tihsual chu han sawi teh" a rawn tih chuan mak ti zetin ka nu chu ka en vut.




"Engtin..."




"Bawiha ka fapa i nih hi,i hmela inthiamlohna lo lang chhuak kha hmu thiamlo tur chuan min ngai suh" a ti maia ka nu kut chu va chelh sakin ka nui suk a. Ka pa tello in kan unau in min enkawla engtin nge kei hian a rilru ti na tur thil chu awlsam taka ka hrilh theih ang ni.





"Nu,ka tihpalh...kei hian i thu ka awilo a ni" nget zetin a kut chu ka chelh a.




"Puitling i ni tawha engkimah ka thu i awi diak diak ka beisei hleinem,i tana tha leh thalo turte hre rual i ni tawha i nuna lo inrawlh vak hi ka tumlo."




"Ai nu..ai,chutiang chu a ni lo. Nu kei hian" thawk la leh te te in," nu Lancy-i'n ka fa a pai a ni" min ngaidam rawh rilru a ti mawlh mawlhin ka nu chu ka en a,ani pawn ka hmel leh mit meng atang a khawngaih ka dilna chu a hriatthiam ngei ka ring bawk.




"Ani nen chuan in in karah eng in laichinna nge awm?" A ngawih vang vang hnu ah a ti dam leh dap a.




"Nu.."




"Ka hrethiam e; mahse, bawiha i tihsual hi tlansan suh ang che" chu zawng chu a ni ka nu chuan a sawi. Heti tawp lo deuh hian min hau se min beng se,ka sual zia te sawi se ka tan pawh a nawm zawk tur. Hetiang ringawta a ngawi mai chuan ka in thiamlohna a ti pun belha hreawm ka ti a ni.





Kal tura min tih avangin a room atang chuan ka chhuaka Nguri nui ri ah chuan ka hawi chhuaka TV en in a nui har hara,engvanga inthiam lohna chu nei ve ringawt nge ka nih.




Ka en reng laia ka lam a rawn hawi thut chuan rang zetin inchung lamah ka pen chho a. Rilru lak pen nana hna thawh ka tum pawn rilru ah thil dang a leng mawlh silo. Lancy-i ka ngaihtuah chhuah ruala Nguri ka ngaihtuah tel zel te chu ka hrethiamlo a, ka rilru tawt lutuk tih zia awm nan thawk ka la leh hluai thina awmzia lah chu a nei vak bawk si lo.





A hnu ah phei chuan Nguri room lamah ka kal ta nghe nghe. A khumah thlamuang tih hriat taka mu in thawk a la siai siai a. A mang chhe lutuk mawlh chu a ni,nui suk sukin a mutdan chu ka siam rem leh.




"Nupui ka neih hunah chuan nangmahin i in buaipui thei tawh ang tiraw?" A muhil lai hmeltha zet chu ka en vawng vawnga, Lancy-i nen kan inneih hunah chuan tuna ka kianga a pangchan ang hian a pangchang thei tawh lova nga mahse,chu chu engvanga lo ngaihtuah ve chiam nge ka nih.




"Ngursaipui he thil hi itna satliah chauh ni hram teh se," a chalah fawp vang vangin Papuia chu ka call zawm nghal zat.




"Thiana dar engzat nge ni tawh i hria em?" Tho phang aw tih hriat reng reng.




"Thiana Nguri chhungte hi tunkar chhungin kan zawng hmu tur a ni. I hna dang zawng zawng kalsanin Nguri chhungte zawng ang che"




"I chungah hian eng nge thlenga,tunah pawh ka zawnglo pawh a ni lo a. Chumi mai mai sawi tura tun ang huna min rawn call chu i tho a a ni lo maw" Ning tih hriat tak hian a rawn ti leha sana ka en chuan 2:30am chiah chiah a ni.




"Thil pawimawh nilo se tun ang hunah hian ka rawn biak che i ring em ni?" Ka ti hrawk.




"Ka hria,ka dah zingah kan sawi tha leh dawn ania" tiin ka chhan letna pawh nghaklo in phone chu a off ta daih.




"I chhungte bulah him takin ka thlen hmasa phawt ang che" ti leh supin Nguri room chu ka chhuahsan.
~~~~~~~~~



Tukthuan ei lai pawn ka nu chuan min be tamlo hle a. Kei lahin ka tihpalh tih bakin ngaihdam dilna tawngkam dawnsawn nuam zawk leh a rilru hnehnana tawngkam hman tur pakhatmah ka hre bawk silo. Thutlukna lah chu puitling ka nihna angin keimaha siam turin min ti tlat bawk si. Tihsual leh ka hlauhna hi min hriatthiam puiin ka tana tha ber tur thutlukna min siam sak se ka ti takzet.





Hna kal tura ka chhuah rualin Sangpuii pawh class kal turin a chhuak ve nghal a. Ani hi MZU ah a kal mek a ni, kan office hi Aizawl khawpui chhungah duh anga hmun zau kan hmuh loh avangin Zonuam lamah bawk kan nei a. Ka in nen in hlat deuh mahse, office leh paper siamna factory a in hnaiha ka vanneih pui phiana Zonuama Office building kan nei pawh chu ka pawi ti vaklo.




Ka office ka luh veleh Lancy-i hmel hmuh tur a awm nghal a. A hmel atang chutia ka office a min lo nghah chhan pawh chu amah zawh ngailo in ka hre nghal. Sofa alo thutna ep chiahah chuan ka thu thla ve nghal zat a.





"Naktukah in in ah ka rawn kal ang,chuan i pum a len hma in inneih ka duh dawna tun atang i aiawh tur midang lo zawng nghal bawk ang che" tiin ka duhdan chu ka sawi nghal zung zung.



"In...inneih maw?"



"Aw, vawiin chu hna ka ngah dawn avangin i chhungte hmuh nan hun ka nei dawn lova,naktuk zanah i chhungte pawh lo hrilh lawk la,inneih kan duh thu hi kan hrilh dawn ania" ka ti leh mai a.




"Mahse,nang hian ka lakah eng feelings mah i nei silo a" a rawn tih chuan thip zet hian ka melh.




"Nangin i nei thung alawm" ka ti hmuk chu a mit a chhing sawka tunah khan ka tawngna mah mah em ni? Mahse,thudik chu lo na in kha deuh thin mah se thudik a ni miau si ale.




"I sawi dik kei hian ka duh mai che paw nilo in ka hmangaih che a ni. Mahse, hmeichhe tan chuan a mipa hmangaih aiin amah hmangaihtu zawk chu atana kawppui tha a ni thin."




"Anih chuan min neih chu i duhlo tihna em ni?" Ka lo ti bung nghut.Hmangaihna tih vel hi ka ngaihpawimawh ve vaklo,tuna ka ngaih pawimawh ber chu ka tihsual siam thata ka fa lo piang tur chu tlakchham neilo leh tha taka enkawl chauh hi a ni.




"Chutiangin ka sawilo.."



"Chuti maw? Mahse,i hmelah kha chuan ka sawidik niin a lang"



"Raymond?"



"Sawi la,eng nge i duhdan chu mahse,hei hre rawh i puma naute kha ka fa a ni a,ka lak atanga lak hran tum hauh Suh ang che" ka ti charh charh.




"Chutiang tih ka tumlo, ka sawi duh chu nang hian....kei hi min hmangaih,nilo...duhna chauh pawh nise a pawilo,kan innei a nih chuan chutiang rilru chu ka lakah i pu thei ang tiraw. Thil dang zawng chu i duhdan vekin i ti thei ang mahse,hei chauh hi i nupui ka nih chuan i nupui ka nihna ang talin zahawmna ka nei thei ang tiraw?" Chutiang khawpa Lancy-i inringtawklo lai hmel chu ka vawikhat hmuhna a ni.




A thilsawi chu uluk takin ka ngaihtuaha,ani hian a laka ka rilru put hmang hi a Chiang mah mah tlat. Mahse,sawi dik chu a nei alawm. " A tha e,tiam chu ka tiam theilo che a mahse,hmangaih tur che in ka theihtawp ka chhuah a nga. Ka nupui i nihna ang pawn zahawmna chu ka pe ang che." Ka ti ve ta a.




Inremna kan ti dawn nge kan inkar thu kan sawi fel hnu chuan meeting turin kan kal a. Ka rin aiin kan Sumdawnna hian hma a sawn chaka America khawmualpui a kan mizo thilsiamin hman a hlawh ve tur ka ngaihtuah chuan lawm avangin mittui a tla lo chauh a ni. Hmeichhia chu ni ila thlak pawh a tla mai thei.




Papuia'n misual an man tawh thu min rawn hrilh chuan Aizawl police station ah ka in khalh chho nghal a. Station a ka mi hmuh ho chuan kha zan kha min hrechhuak tirin ka thinrim thar leh hle a. An vai mai chuan na lua awmlo a han sawisak ka duh viau na a chu erawh ka tih theih phak bak a ni si.




An vai chuan an thil tih tum ber hlawhchham kha an ni bawk nen,jail a han khung phah nana an thil sual ti lai evidence awm ta lo chu police ten an zilh hnuah Bond sign tirin an chhuah leh ta diak a. Misual dan in a a hrem phak loh china sual chhuah thin ho hi ka mi huat ber te an nih phah ta in ka hria.




"Nizan kha iva dek mak sak ve?" Office lama kan let leh lai chuan a rawn ti a.




"Hma sawnna" keiin ka lo ti thung.




"Hmasawnna ka la neilo saw i hmeichhe kawl saw..."



"Nguri, Ngursaipuii" ka lo ti hmanhmawh.




"Ka hria,ka hria...nang hi eng nge i hriata,ani saw i duh deuh em ni?"




"Chutiang sawilo in i thlen chin alawm ka zawh che" ka ti chu min ngei hmel zet hian a phun zui nang nang a. " Ka nghak reng che ania" ka ti leh zeuh chu.




"Hmasawnna ka neilo" ring zet hian a rawn ti that.




"Thiana kei hian nupui ka nei dawn"



"Maw!"



"Lancy-i'n ka fa a paia"



"A tawpa tawpah chuan,a thleng har ka lo ti zawk ngawt asin. In venna in hmang lo em ni?" A tih chuan va melh zawkin ka hma lam ka en leh.




"A chang zeuh zeuhin" ka tih chuan a nui mai a. " Chuvang chu ania Nguri chhungte hi zawn hmuh thuai thuai ka duh, Lancy-i nen kan inneih hma ngeia zawn hmuh ka duh" ka tih chuan min en reng tih ka hria. Mahse,hrelo derin ka hmalam chu ka melh reng a.




"Thiana ani kha i duh em ni?" A tih lai chuan office building kawt kan thleng chiah.



"Ka hrelo,ka duh zawng chu Lancy-i nena kan inneih hmaa a chhungte kianga him taka dah let a ni" tiin car chu ka chhuahsan.




Ka office ah lutin nakin lawka kan thil tawn tur avangin hna chu khek duh lovin ka thawh zawm mawlh mawlh a. "Ka haw dawn asin,la awm i tum em ni?" Tia ban huna Lancy-i'n min rawn biak harh chuan sana ka en a, office ban hun Darkar chanve laiin alo pel tawh.




"Driver ka koh sak ang che,kei chu reilo te la awm ka duh" tiin landline chu ka ban.




"A ngai Chuang hleinem,keimah pawn ka haw thei."




"Indim turin ka duh che,naktuk atang chuan driver tello in hna i kala i haw ka rem ti tawh lo. Tin,i aiawh tur kha a rang lamin lo zawng hmu bawk ang che" tiin phone atang chuan ka driver chu office car lo buatsaih turin ka ti nghal zat.




Tul leh mamawh thut chang a awm thin avangin hnathawk ho hman theih turin car hi pahnih staff ho tan ka la ve a. Tul thutah a tangkaiin a tha khawp mai.




Reilo te office ah chuan ka thu leha,ka haw ve meuh chuan hnathawk tumah security guard bak an awm tawh lo. In ka thlen chuan khua a thim tawha thim chiah erawh ala nilo.




"Nu" tia ka au chuan choka lam atang min rawn chhang,chulam chu keipawn ka pan nghal vat.




"In va reh ve,khawnge Nguri leh Sangpuii?"



"I nau chuan assignment a ngah deuha room ah a awm,Nguri chu a thiante in ah a lenga alo haw tep tawh ang" a ti maia kei erawh mak tih avangin ka meng nghal kawk.




"Thian,tu a thiante in ah maw? Nu a dinhmun pawh i hre veka ti nge a mahin i chhuah tir a" ka ti chu ka au ring deuh nge ka nu chuan mak ti zet hian min en ha a,ka inthiamlo leh hnuhnawh chuan ngaihdam ka dil a.




"A dinhmun ka hriat avang takin alawm len tir ka phal. Thiante kawm tam se ama tan pawh a tha a,chubakah mihrang inah pawh nilo ka thiannu Pari fapa Sangtea nen an lo in hria a,in tih thawven nan ka len tir a nih kha" a tih chuan lawmlo viau mah ila engmah ka sawi tawh lo. Ka nu thiante inah a ni tal chu ka lawm rualin mipa dang a sawi tel kher erawh in ka awm a ti nuam zan lo.




"Ka han inthlak a nge" tia kal ka tum chu, "Nizana i thil sawi kha" tiin min ko ding leh.




"Tlan chhiat ka tumlo,ka mawhphurhna chu hlenin Lancy-i chu nupuiah ka nei ang." Ka tih chuan ka hnunglamah thawm ka hriaa,rang zetin ka hawi let. Sangpuii,Nguri leh ka nu sawi a thiannu fapa ni awm tak chu an lo ding a. Nguri chu rang zetin inchung lamah a tlan chho a ka umzui vat.




A khumah kawngka hnungchhawn zawng hian alo thu a. A bulah chuan muang changin ka va thu a,sawi tur ka hriat loh ang bawkin ani pawn min biak tumlo in a melh ngai a melh renga thawk a sak talh mai alawm le.





"Ka lo rin dan chuan he khawvela ka lo awm chhan chu nangmah nena kan hmangaihna kawng kan hlen chhuah tak loh kha hlen chhuak turin a nih ka lo ring a" ngawi renga kan thut vang vang hnuah a rawn ti ta sup. A hmel chu ka en,mah se eng nge a ngaihtuahna ah chuan awm ang tih ka hre thiam mai lo.




A tap lova,a lungngaih hmel hek lo. Chutiangin hlimna amah ah chuan hmuh tur a awm hek lo. "Haw ka duh a ni" tiin ka mitah tak min rawn en.




"Nguri" haw a duh thu a sawi chuan min deng dawt hi a ni ber. Vawikhatmah haw a duh thu ala sawi lova,ka lak atanga kalbo a hlau hle zawk thin a nih kha.




"U Thang,kei hi ka beidawng a ni." Ni e,chuvang chu a ni a hmel lan dan atang chuan engmah ka chhiar theih loh. Beidawnna,chu ngei chu a ni a hmel leh mitmenga engmah a lan chhuah loh chhan chu.




"Ka tiam a che i chhungte bulah him takin ka thlen ngei ang che" tiin ka chhuah san. Kha a hmel kha rei ka en ngam thlawtlo a ni.
~~~~~~~~



Hun a kala Lancy-i chhungte pawn min hrethiam khawpa an fanu nen chuan a rang lama inneih thuai tura min duh avangin November thla tir lam chu kan inneih ni atan kan ruat ta a.




Chutih rualin Nguri chhungte kan zawnna kawngah erawh hma kan sawn mawh hle a. Ani lah chu a khawsa zia a dang tulh tulha hmeichhe harhvang tak ni thin kha a zia a zawiin min hmuh chang pawn min hmelhriat loh kalh pelh vel mai mai thin.




Kha a thian thar Rinsanga in ti nen khan an in kawm ngunin,a hun tam zawk chu a kiangah a hmang thin ti ila ka sawi sual lovang. Chu zawng zawng aia min run ber tu chu min koh nana ka hming 'Raymond' tih a hmang ta chu a ni.




A hma pawn chutianga min ko tur chuan ka ti fova,tunah ka duh ang taka min koh hnu hian engvanga lawm lo nge ka nih. Chutiang vel ka ngaihtuah nasa lutuk chu duh lovin hna ka thawk ngawrh sauha, Lancy-i pawh a hma aiin ka ngaihtuah nasa mahse,darkar khat pawh hi Nguri ngaihtuah lova hun hman ka nei ngai miahlo.




Tunah chuan ka duh tih ka in hre tawha, Lancy-i nei tura thutlukna ka lo siam thawt thawt kha ka in chhir thin hle a ni. Mahse,ka fa ka fahrah tir thei bawk silo.




"U ka 'BINGBI PAR' bu kha min pe let tawh teh" ka room ah rawn lutin a lawm loh hmel viau leh nghal.





"Eng BINGBI PAR maw?" Ka lo ti hu,chutiang lehkhabu ka hmuh awm pawh ka hre hauhlo.




"Dawt sawi suh, Zokhawthara i zin dawn tuka min laksak kha" a tih chuan khami ni kha ka ngaihtuah leta a chaw ei laia a lehkhabu chhiar ka laksak kha ka hrechhuak leh.





"Ka bookshelf ah sawn ka dah in ka hria.." ka sawi zawh hma hmain bookshelf lamah chuan a phei a.




"Khawiah hian maw,a awm tawp loh hi" thinchhe zet hian a rawn ti teu hlar a. Eng nge maw a hriata ani pawh hi tunlai chu a mizia a dang riau,a period leh tawh zawk em maw ni. Bookshelf lam chu ka va pana rum zet hian min lo melh.




"Tah hian.." sawi zo lo in ka bookshelf chu phawk zetin ka en a,ka dahna ka hai emaw tiin hmundang te chu ka han enkuala mahse,hmuh tur a awm hauhlo. He laia ka dah lai kha Chiang takin ka la hre theia,mah se tunah lah hmuh tur a awm leh tawh bawk silo.





"A par ang bawkin a bu pawh a mak a nih dawn hi!"




"Maw..?"




"Engmah a ni lo,tah hian ka dah emaw ka tia. Ka lo zawng leh chhin a nga ka hmuh loh leh a thar leina tur ka pe leh mai dawn che a nia" ka ti ta ngawta a lawm loh hmel ngang mai.




Ka nau in ka room a chhuahsan hnu chuan lehkhabu ka dahna awm chu ka han ngaihtuah let ngial pawn ka hriat theih awm chhun chu a ngai reng. Hetiang chiah hian Buannelah khan Bingbi par pawh ka ti bo tawh a nih kha! Chuan tunah lah 'BINGBI PAR' tih bu ber kher maw? Thil mak tak chu a ni.
~~~~~~~~~
~~~~~~~~~~


UNKNOWN P.O.V.





"Nilo,hetiang hi thil thlen dan tur a ni lo. I ruahmanna hi a hlawhtling ang i ti a ni lawmni tunah eng nge thleng ta?" Tiin ka bula pot te awm chu ka vawm chhia a. Tunah hian thinrimna avangin ka puak keh lo chauha thil eng emaw tia Raymond-a leh Lancy-i inneihna ka ti chhe lo a nih chuan ka thi thei mai ang.




"Ngursaipuii a rawn lan khan ka hlauthawng hman hle a,mah se a nilo lam ringawta ngaihtuahna ka sen laiin chanloh khanah kan Ralkapthanga a rawn che leh si a. Engpawh nise kan ruahmanna pakhat a ngaihtuahna atanga Ngursaipuii nawhreh pawh a hlawhtling thei a nih chuan Lancy-i nena an inneihna mai mai te chu ka tan thil tih chhiat harsa a ni lo"




"Ni e, chutiangte chu thil harsa a ni hleinem. Mahse,kan buaina tur chu saw hriat rengna bur zawk saw a ni" tia a kawhna lam ka en chuan za zet hian ka nui a.




"Lungte pakhata sava pahnih ka perh thla lai hi lo en rawh. Ngursaipuii emaw Lancy-i pawh nise tu lakah mah Ralkapthanga hi ka chan dawn lo"




(Awi! In van felin in chungah hian ka va lawm hliah hliah tak em? Chawlh chhunga chhiar tur comment min hnutchhiah ru ka tia ka thawnthu ka tan tirh atanga comment ka dawn tam ber tum min tawn tira comment min pe tu ho zawng zawng kha hlimna min pek leta tam malsawmna Pathianin pe mawlh che u rawh se😊)


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)