DETECTIVE RUBY By Brenda Chhakchhuak (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

DETECTIVE RUBY By Brenda Chhakchhuak (Completed)

Unread post by Ngaia » July 3rd, 2022, 1:56 pm

f9qg8k7i.jpg

DETECTIVE RUBY
BY BRENDA CHHAKCHHUAK


PROJECT-1 EPISODE-1


Motor ka chuâng tur chu tluang taka ka thlen theih nan min mangṭha hlawm liam liam a, hnuk te pawh an ti ulh dâwn dâwn mai ka ti! Chu zawng aia ka mittui ti hnai tu chu Building chhâwng aṭang a bân min lo vai lauh lauh tute khi an ni. Ngaihzawng lam ka hriat ṭan tirh aṭang tawh a ka lo vei rûk ve em em leh khawkhat Pathlawi hmelṭha ni a an sawi ngat kha ani ve hrim hrim rêng bawk a.... Fa pahnih nei in an khaw High School lian ber enkawl tu ani bawk. Vanduai thlâk takin a Nupui hian Cancer vangin naupang te in a boral san a, tihian nupui neih leh pawh tum chuanglo in a fate pahnih hi a awmpui deuh chawt mai ani. Min nei duh se chu a fate pawh ka hmangaih nghal vek thei ang....



Ka phone ri vang chuan ka ngaihtuahna aṭang ka harh chhuak hlawl a! 'Detective Ruby' tih alo in ziak kuau mai!! 'He nu hi chawlh ala ni khan ka hre si a', ti a phun nang nang chung chuan a message chu ka hawng a, "New Project" tih zawng te hi ani.



Kan tlan rei deuh hnu chuan ka muhil ta daih a, nizan kan inthlah vel kan meng rei bawk nen ka meng hlei thei thlawtlo...



Kawng chhe lai a kan chhuanna motor a in sawh deuh dawt vang chuan ka harh a, ka bula ṭhu te ho chu an lo ti ti nasa khawp mai.... Ngaihven lemlo a pawnlam ka thlir san daih lai chuan nu pakhat hian "Detective Ruby te kha chu hnu chhui lamah na na na chuan a ṭha a sin" a tih chuan ka Boss chanchin anih bakah amah Detective Ruby hi ka ngaisang ve hrim hrim bawk nen an thusawi ngaithla ve tur chuan ka in siam rem ta a.



Ka bul chiah a ṭhu nu hausak hmel tak mai chuan "Mahni pasal hual jail bang zût tir tu mihring hi ka ngaisang nek lo ve" alo tih chuan a bula ṭhu putar lam deuh hian "Bawihi.... ngaihtuah chiang ve deuh la, a man tir khan chhan ṭha tak a nei tih kan hriat vek kha" a tih chuan chunu bawk chuan "A man chhan kha mahni pasal ni mai tawh tur tan chuan a ho deuh mah mah lo maw? Bâkah hmangaihna neilo mihring em ni anih a? A pasal tur hi a hmangaih miahlo tihna em ni?" a tih chuan insum thei lo in "Ka Pi, min lo hrethiam la Detective Ruby hian hmangaihna a ngah êm vang zawk a a pasal hual hi man ania sin..... A hmangaih lo bik hauhlo. Mahse ama mihring pui te ngei chunga a pasal hual thil tih rapthlak zia chu kan hre ṭeuh in ka ring." ka ti lêt ve ta zêk a.....




Min en deuh vang vang hnuah "A chhûngte em ni i nih?" tiin min zawt a, ka nih loh thu leh a hnuai a thawk ka nih thu te chu ka hrilh ve luam bawk a, chu mai bâkah; Ruby dik zia leh a pasal hual thil tih rapthlak tak te chu hrilhfiah in kan inbe ta char char a....




Aizawl kan thlen hnu chuan ka rin loh leh beisei loh ber kan Detective ngei mai chuan min lo hmuak a, amah rel hrep tunu ka va en chuan a lo mit sir ralh ralh a, ka nuih avan ti za reuh tak.... "Kawngah te khan ilo luak bârh bârh lo maw?" nuihza insum zet a atih chuan ka melh râwm râwm a, ani aia upa min naupang chei lutuk hi ka ngei reuh tlat. "Motor rui rual ka nih tawh loh hi Mawli" ka tih chuan a nui hawk hawk a, a hmel hi chu a ṭha mawle....mahse a ma hriatah chuan sawi chi miahloh. Kan sawi anih chuan hahîp in a infak leh awm sia🤫🤣🤣




"Taka eng nge 'New Project' chu?" ti a ka zawh chuan "Case thar chhui tur ania.... Tlangval mahni intihlum anih hmel" a tih chuan ka lo bu nghauh nghauh a, "Mahni intihlum ti na na na eng nge chhui kher ngai?" ka la ti hrâm a, "A chhûngte lam ngenna anih bakah mahni intihlum anih ka ring ve vaklo. Tlêm a zawng chu ka lo chhui tawh a, rin ai takin a awlsam phian mai thei ani" tiin kan in lam pan chuan kan in khalh haw ta a.



In kan thlen chuan ka bungrua te rem fel in thingpui in in kan ṭhu khawm a, ka zinna vel te chu min zawt ve luam bawk a, a haw dawn chuan "Naktuk zîng lama hna ṭan nghal thei tur khan Inspector Aaron kha ilo hrilh lâwk dawn nia" tiin a chhuak zui nghal daih a..... Ka biak hreh zia a hre ve reng sia be tur hian minti ve ziah lehnghal a. Inspector Aaron hi Pathlawi ve tho niin fa pakhat nula ve tawh ang reng tak a nei a, Rubyi'n Pathlawi ka star tih a hriat tirh a min chhaih lai lo hre fuhin amah emaw a inti tlat a, zanah te min lo call nulh châng lah a tam... Khata ṭang khan ṭul fe ah lo chuan ka be ngai ta lo a, min chhaih nan tak lah an la hmang zui......




Inspector Aaron chu text a bia in zîng kara hna thawh ṭan kan tum thu vel hrilh in phone ka off nghal daih a, min lo chhân lêt ka hlau nge pawh ka hrelo... Kan motor chuanna ka chau deuh bawk nen rei vaklo ah chuan ka muhil zui ve mai bawk a.



Zîngah chuan ka Nu in min sâwi dawt dawt pah hian "Sawmzual.....Rubyi'n a nghak reng che ania tho ve tawh em em rawh. Nula Senior ve si hi zîng thawh hrelo mai" alo ti zêk a, kei nge Ruby-i hi a fanu tih pawh hriat a har tawh. A reng reng in Sawmzual hi min ti ve ziah a, common lo ropui si. Ms tih emaw Sawmte tih emaw pawhin min ko ve mai se..... Ka hmingpum a ṭhing lai ber Sawmzuali tih lai kher hmang hian min ko ve ziah......




"Sawmzual minti ziah suh a ṭhing si" tiin tum bur in ka tho a, "I inhmeh ber alawm..... I hming a common lo ang bawk in nangmah pawh hi i common lo a" ti pahin a chhuak zui daih a, ka ṭha tâwk lo atih na nge mawni?




Ka mutna te thlep felin ka in tifai a, ka in tihfai zawh hnu chuan Sitting room lamah kalin Ruby lo ṭhu vang mai bulah chuan ka ṭhu thla ve a, "Kan Nula Senior chu i tho thei maw kha?" a tih chuan rum fe a melhin "Senior mah ila ka lian tal alawm..... Nang ve chu. Te si, tawi si, sual si, thinchhe si, luhlul si, bawn tho bawk si eheeee! Boss Siruk-i ti che ila a ṭha ang!! Awiiii i inhmeh dawn eee...... I nihna vek ani tho bawk sia Boss Siruk-i ni rawh aw" ka tih chuan a thinrim ka rin tehreng nen "Woww....a nalh lutuk tlat, i van phuah thiam em em. Ka duh lutuk ringawt " a ti ta reuh a, a thinrim nan ka sawi ve em em a, a hlim pui leh daih sia.




Thingpui te kan in zawh hnu chuan mitthi In(House) lamah kan in khalh chhuak ta a. Nikhat chiah ala liam bawk nen kal an ṭhahnem ang reng si a, lusun nat zual lai ani dawn bawk nen va tihbuai chu inthlahrung viau mah ila, kan tlai chuan Case a hlui zel anga kan tan a buaithlak ve dawn bawk si. Ruby ohhh Boss Siruk-i hian engtin nge maw tiang ang karah te hian rilru fim a put theih zawk ni. Mi lusun ṭap urhsun lai ka hmuh tawh phei hi chuan keimah zawk hi ka lo buai ve vak zel.....



Nu Zaii te In(Mithhi In) kan thlen chuan khawhar in kal pawh an lo la awm nual a, midang chim buai kan duh loh vangin Nu Zaii fapa Dika room ah chuan thu zawt fiah tur in kan chho a, Dika hi tlangval sa ṭha nelh nawlh tak, mahni indah sâng mi leh ṭhiante lakah pawh a filawr ve tak mai ani. Mual a liam ta mai pawh hi amah hmangaih leh a mizia hrechiang te tan chuan awih a har ve dawn bawk em a tin ni....



Nu Zaii chu Dika khum ah ṭhu in a ṭap hliam hliam a, en har ka tiin hreawm ka lo tih pui em em ringawt mai ani... "Bawiha" tiin khum bul dawhkan a thlalak chu la in a kuah vawng vawng a, hetiang tak hian thihna hi a damlai te tan a na thei ang tih ka lo ring ngailo. Mahse Nu Zaii aṭang hian thihna hi mi pakhat mai in a tuar lo a, amah hmangaih tu te tan chuan damlai hremhmun mai alo ni.



Ruby chuan a bula ṭhu pahin "Nu Zai, kan tawrh pui che in hreawm kan tih pui khawp mai che. Hun lo taka kan lo tihbuai vang che hian min hrethiam la, Detective ka nihna angin a rang lama chhui hi ka tih tur ani miau sia.... I fapa chanchin leh tun hnaia a awmdan hi min hrilh thei angem?" a ti a, Nu Zaii chuan ṭap aw ṭiau hian "Ka fapa anih vanga ka fak angah min lo ngaih sak lo ula, amah hi a fel in a rilru a ṭha a, lehkha thiam thei tak leh taima tak ani bawk. Ṭhian ti a sawi tur hi a nei em em lo a, a unaunu Baby-i leh a ṭhianpa deuh ber David nen hian an inkawm deuh chawt ani ber. Tun hnaia a awmdan sawi tur vak pawh ka hrelo, a nitin hun hman dan hi a Diary ah a ziak vek zel a, Drawer ah khan a dah ṭhin. Chhiar mai ula a ṭhat zawk ka ring" a tih chuan Ruby chuan mit meiin la turin min ti a, "Anih chuan Nu Zai kan kal phawt ange. A ṭhianpa leh a unaunu be turin naktuk lamah kan lo kal leh dawn nia...." tiin kan chhuahsan ta a.




Ruby Office ah chuan ṭhu in kan ti ti ho a, Inspector Aaron chu tih tur a neih thu sawi in a chhuak lehnghal daih a, Ruby nen chuan Diary chu kan en deuh vang vang a, a sawi tur ka hriat lâwk sa vangin "Khawi i melh ringawt chuan a chhûng a thu awm kan hre thei nang" tiin ka la a, Ruby hian lehkha emaw thil vel hrim hrim chhiar hi a peihlo in a ai chuan mi sawi ngaihthlak mai a duh zawk ṭhin.



Diary chu keu in ka chhiar ta a......

My name is Dika, they call me Dika, just call me Dika
tiin bul alo in ṭan a, nui chhuak deuh hawk in ka keu zel a.....

Date:25thApril2020
Vawiin zet zawng ka nui bâng theilo ani ber e. Ka ṭhianpa kawm ngaih em em, ka thuruk zawng zawng hre tu leh ka mawlpui ber ṭhin David, a sakhming pawh a ka koh phal loh ka Dave leh Pa Ringa(Dave-a Pa) te nen Bazaar ah kan chhuak ho a, kan naupan laia kan ei ṭhin Pani Puri ngei mai chu a siamtu ngai a hmun ngai ah an lo zuar a, Dave nen chuan 'Panlai nun minti hrechhuak rum rum alawm le' tiin lei ngei tumin kan va pan ta a.... Davea'n 'Ka treat ziah tho che kha nangman lei mai rawh' atih vang chuan chu pitar bulah chuan 50 man kan duh thu chu ka hrilh a, 'Valdik, heyyyy Dika, Pawnga' tiin Dave chuan min pawt vak vak a, ka beng bulah ring ang reng tak hian 'En teh saw lai nula saw! A mawng in sîk sâwi dan te saw! I duh chi' a tih chuan ben deuh pawp tum a ka phar chhuak chiah chu a tukhum a ri thlawrh a, Pa Ringa alo ni! "David Malsawmhlu, i lerh ngawih ngawih lutuk. 12 pawh la pass lo in hmeichhia ka melh e te iti elaw, zak hle rawh.... Iti leh tih ka hriat chuan i phone i hmu tawhlo ang" tiin min kalsan ta daih a, Dave lah chuan "Nangmah vang vek" tiin min la tihtauh khum zui.... Lerh lutuk hi chu alo pawi anih hi...


"An la naupang chhia hle mai maw.... A tir lam kha chu kan hnu chhuina nena in kaihhnawih a awm hmel loh riau.... Ni 17August hnu lam aṭang khan han chhiar leh teh" Rubyi'n a tih takah chuan ka keu zel a....

Date:17August2020
Vawiin chu........




Note:Zanin chu ti thleng hi ni phawt se a naktuk zanah ka lo chhunzawm leh dawn nia.... Vawikhat a zawh vek chu duh viau mah ila readers fel tak tak ten min nawr nasa ve sia in mi hriatthiamna ka ngen e. Hun rei tak hnuah ka ziak leh chauh ani a, mistake ka lo nei anih chuan comments lamah min lo hrilh zel dawn ula, Ads min lp click sak ṭeuh bawk turin ka ngen a che u.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:56 pm

DETECTIVE RUBY
By Brenda Chhakchhuak


Episode-2


'Birthday lawmna lampang anih hmel a ka chhiar dawn tho em?' ka tih chuan "Aw chhiar tel mai rawh a thih hma nihnih liam ta a thil thleng tho ania kan tan a ṭangkai takin" Boss Siruki'n a tih tâkah chuan ka chhiar leh ta a.....

Date:17August2020
Vawiin chu kan ṭhiannu Msi birthday ani a, kei, Dave leh Baby-i te chu Dave-a Car-ah chuangin kan nui ho leh dar dar ṭhin a, ka chêt chhiatna hlir sawiin nuihza siam nan tak min hmang leh ta nghal a. Party na hmun tur kan thlen chuan an lo zi nak nak hlawm a, a hmun a fianrial in a hahdam thlâk ang reng hle bawk. Dave pawh a ze ngai te te chhuah in nula bulah a in sawi theih leh tâk daih kha. Baby-i i zawng a ka hawi kual ruai chuan mipa pakhat nen hian an lo in pawt deuh châwt châwt a, a mipa zawk lah chu a ruih hmel mai bawk si..... Ka sawi tawh em ka hrelo a ka unaunu Baby-i hi ṭawngtheilo ani a, a naupan lai aṭanga in ṭan anih tawh vangin Doctor te pawhin tih ngaihna an hre lo.


"Baby-i kha a ṭawng thei lo ati em ni?" Rubyi'n atih chuan ka chhiar nawn leh a, "Aw anih hi.... Mahse tinge Nu Zaii khan engmah a sawi loh le?" ti a ka ngaihtuah rauh rauh lai chuan "Lu sûn zo hlim an ni a, an thil sawi tur leh tur loh pawh hi hriat a har tawh ṭhin.... Chhiar zawm rawh le" a tih zawm nghal zat a....



Diary......
Va puih tum a ka kal tur chiah chu Dave chuan min ben deuh pawp pah hian min kai dâwr dâwr a, 'Ngawi teh Dave Baby-i' ti a an awmna lam ka va hawi leh chuan ka hmu ta hauhlo!


"Aaaa eng nge awmzia?..... A ziah zawm lo" tiin Diary chu ka keu vak vak a, Boss pawh chuan "Khawi maw" tih leh min laksak rual nghal in a en ve leh a, "A ziak zawmlo ani lo. En la hei pawh thler anih dawn hi" tiin min en tir a, phêk thum phêk li vel in pawh thlêr na hnu hma niawm tak chu lo awmin a beidawn thlâk ta viau mai....



"A buaithlak ang reng hle mai.... Haw phawt rih mai rawh, thil pawimawh a awm chuan ka lo be dawn che nia" tiin a ṭhutna aṭang chuan a tho nulh a, min ngaihven zui lemlo in min kalsan daih lehnghal.



In(House) lamah haw in ka Nu chu ka theih ang ang in ka pui ve a, zanriah te kan ei zawh hnu chuan awl inti zet in khum ah bawk in ka PATHLAWI HMELṬHA-A ngei nen mai chuan inbia in eng eng emaw te kan sawi a, mahse hlim chhûng hi alo van reilo tehlul em....... Kan inbiak mêk lai chuan Boss Siruk-i hnên aṭang call ka dawn vangin ka Pathlawi-a nen a kan inbiak pawh kan ti tâwp ta ringawt a, lungawi lo ru zetin call chu ka pick a, "Hyde Inn-ah ka awm min lo hruai teh" a tih chuan ka meng kâwk a, chulam daih daih ah engti turin nge maw a kal reng reng ni. "Eng nge i tih?" tih zawt pah chuan ka Jacket leh Bike chahbi chu la in hmanhmawh thei ang ber in ka tlan chhuak a, "Tlangval ka zui" tiin call a dah hmak a. Mak ka ti ang reng khawp mai.... hetiang hian a awm ngai si lo va, a rilru a hah viau emaw ka lo la hrechiang tâwk lo pawh ani mai thei....



Ka chhuah dawn chuan ka Nu leh Pa ṭhutkhawmna pindan a lo ṭhu te chu hna vanga ka chhuah tur thu leh kawngka kalh mai turin ka hrilh a, hna a kan laklawh deuh chang hian Ruby te In ah ka riah chhuah fo vangin mak an ti lemlo.



Chak ang reng taka in khalh chhuak in Boss awmna lam chu ka pan ding nghal a, ka tlan chak bâkah zan a rei tawh deuh bawk nen kawng a free zual avangin thlen nan hun ka duh rei hranlo. Hyde Inn ka thlen hma deuh chuan ka call a, lo phei mai tur a hrilh ka hawi kual hrek hrek a, zan anih mai piah lamah kan awmna lai hi a him zân lo tih ka hriat vang te pawh ani mahna ka tukhum te hi min en tu awm ang mai in a za mer mer rengin ka hria.....



"Sawmzual" ka hnung lam aṭanga mipa aw in alo tih thut chuan ka phone ken lai paih tawp in ka tlan nghal chiam a, ka hnung rîk zui khut khut danah min um zui ngei ni a ka hriatna chuan hlauhna namen lo a min tuam in thi tur ang hial ten ka lo in dah hman a, ka tlanchak ve viau emaw ka tih laiin ka kutah min rawn man thut in min kuai her lawp a, "Min kalsan rawh nang zurui" tih leh mit chhing chungin ka theih tâwp a ka kut lek kâng in a pawi lai tur ber ni a ka hriat a hnar zawnah chuan ka hnek pawp a, "Mimawlnu" tih leh min man beh rual nghal in ka kut chu a hnungkhirh a, ka mit ka men tâkah chuan kan piah lawk a Rubyi'n nin hmel zet a min lo en reng lai hi ka va hmu a, ṭap aw ṭuau in "Min pui rawh" ka tih chuan min man tu zawk chu a nui chhuak hawk a, ka en chhoh nâk chuan ka College kalpui ṭhin Malsawmzuala kha alo ni. Ka lo hnek na deuh nge ni a hnar a thi deuh phung a, ka inthiam chiahlo bawk nen ka en deuh tlawk tlawk ringawt mai ani.



"I lo la pa reng ani maw?" nuihza insum zet a atih chuan a ke ah ka kick pawp a, "Malsawmzual....min tih thlabar zia kha i hria em? Lungphu chawl in thi ta ila mawh i phur ngam dawn em ni?" ka tih tan tan chuan Ruby awmna lamah kal in a nui hawk hawk a, "I kawr hâk a pan ang reng sia ka Jacket hi ha mai rawh" a tih daih tâkah chuan an pahnih chuan ka melh deuh haw a, an inngaizawng ti dawn ila ka ring chiah bawk si lo..... Boss Siruk-i zet hi chuan ka thluak hi ala ti chawmawlh zo dawn anih hi.



Malsawmzuala nen kan haw na lam tur a in an miau loh avangin Ruby nen chuan kan in phur a, a In kan thlen meuh chuan dar 2 a ri deuh thuak tawh. Room lam pan nghal khumah chuan ka let thla tawp a, ka hlauhthawnna kha ala châm reng mai.



Ruby zawk erawh chu thutak hmel deuh a a en ngai en vung vung in tukverh ah a dâk chhuak a, a chungah eng chiah nge thleng hrelo mah ila saw tiang a a awm sawn nuam ka ti lo..... Boruak thlâk tum tak in "Kan pasal nei teuh-i chu a lung a leng ni maw?...." tiin a lam panin ka va phei a, "Chimawm suh aw Pathlawi lo chu i hmuh zawh ve loh kha. Bâkah a duh tak tak che em tih pawh i hria mi?" min tih tak zêk ah chuan tum bur in ka mu ta daih a, "Ka mu hmak dawn Mangṭha" tiin current te chu ka off nghal vek a, thim zingah in dap chawp ve tawh mai rawh se.....



"Naktukah Nu Zaii te In ah kan kal leh angaih kha mu hahdam rawh" a tih te chu ka mumang nge a tak ram tih pawh ka hre tawhlo. Mut chhuak in min hneh lutuk tlat tawh......



End of Episode -2

WhatsApp Group join duh tan 👇🏻💞
https://chat.whatsapp.com/KPlbGxbXWEgFCqIm9IRMtV



Note: A tawi deuh chuan min hrethiam mai ru aw😪😪Chhunah ka type hman si lo a, zanah chauh chuan ngaihtuah chawp nen duh angin ka ti thui thei thlawtlo ani e🤧


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:56 pm

DETECTIVE RUBY
By Brenda Chhakchhuak



Episode 3



"Sawmzual" ti a Rubyi'n min sâwi nawk nawk chuan nizan avang khan mut ka khamlo bawk nen mit men chu har tak ani. A sawi aia hmaa min kaihthawh ziah vang hian ngai ah neiin rizai chu pawt in ka sin ṭha sauh sauh a, a thaw hawk ri pawh ka hre thei. Tunah tak hi chuan khum hian 'Tho suh, mu rawh, ka la ngai che' ati ni tlata hriatna ka nei.....



Phone ri deuh ral ral te chu ka mang hriat ruai ruai a, "Aw hello, U Rinpui (Lalrinpuia hi Pathlawi khaw dang ami hming kha aw)" a ti chiah chu ka mut chhuak zawng zawng te kha vawi leh khatah chhum chhah mup veng kâwk ang mai hian a kiang nghal duak a, rang lutuk a ṭhu chhuakin Ruby lam chu ka va hawi a.... Awiii ka rei!!! Ruby chuan phone camera chu a hma zawng in keimah lang thei tur hian alo keng a, ka ṭhu chhuak kha U Rinpuia min hmu chiang khawp mai! Amah mai ni lo in a fate pahnih nen an la ni zui.......



Ka zak lutuk chu bathroom lamah tlan lut in ka zuang vak vak a, Ruby ka ngei zia hi chu awww.... Ka awmdan vanga an nui ri te chu ka hre vek a, khu chem chem in khu ral daih ila tih chu ka tun dinhmun atan a ka duhthusam ani. Nizan lama thil thleng te chu sawi in an nui ho leh dar dar ṭhin a, an inbiak chhûng kha chu bathroom aṭang ka chhuak leh tawhlo hrim hrim. U Rinpuia'n call ka lâk theihloh vanga mangang in Ruby alo va call chu niin, ka phone lah kha! Nizan ka thlauh hnu khan engtin nge a awm pawh ka hre tawhlo.....



An in be zo ta maw tihah bathroom aṭanga chhuak in Boss Siruk-i chu ka melh rum râwm râwm a, "Tho phâng hmel lah hi i pe chhe ve sia" tiin min nuih char char a, ka thinrim zak bawk si nen "Ka haw dawn" tih leh ka bike chahbi lâk ka rual a, min koh zui hma in chak zetin ka in khalh chhuak ta daih a....



In ka va thlen chuan Malsawmzuala chu kan sitting room ah ka Pa nen an lo ṭhu vâng a, tinge maw tukin hi ka vanduai em em ni. In rin lâwkna awm lêklo in min ṭhâwng thut thut hlawm a, ka Pathlawi Hmelṭha-a pawh tukin zet zawng a chhe zo vekin ka hria.....mahse ka la star tho🤫🤣🤣



"Zîng lamah tih tur in nei ang khan Rubyi'n a sawi si a" ti a ka nu in zawhna mit meng a min melh chu chhân mai dan pawh ka hrelo. Ka thinrim laklawh ve bawk nen zîng kara Nu Zaii te In kal tur kha ka lo mangnghilh hman daih alawm le...... "Chaw ei khamah ka va zawm ve mai ang. Inspector Aaron nen lo ṭan rih mai rawh se" ka ti ta ringawt a.




"My Name(Malsawmzuala) eng nge ilo tih reng reng a?" ka tih chuan a kut a ka phone lek kâng va va chung hian mit min siai zauh a, "Engtin......" ti a va ban mai ka tum chu a keng sâng daih a, "Phût lêt ka nei" a tih chuan ka mitko ka sân âk a, "Detective Ruby phone number ka duh" tiin ka phone chu ka kutah a hmeh bel a, kawrlum te kha a hâk haw tir sia awmlo ta ila engtin nge maw lâk lêt a tum reng reng ni. Bakah inngaizawng ang maiin an khawsa zankhua deuh ṭhak a, phone number takngial pawh an in pe lo ania......



Ka room lama ka chho chu min lo zui ve zel a, ka pêk hma chu kal a tumlo em mawni? "Min pe vat teh ka hmanhmawh ve tho ania" a tih chuan "Nuthlawi suak anih saw ngaizawng duh miah suh. Bakah a te si, tawi si, sual si, thinchhe si, luhlul si anih saw i dawh thei lo ang" ka tih chuan za em em hian a nui a, ka thil sawi ah khan nuihzatthlak vak a awm pawhin ka hre si lo a.....




"Ngaihzawng ṭhen apiang an thlawi zel dawn chuan keipawh hi thlawi 20 vel chu ka kai tawh hrim hrim" sawi dik inti zet hian a hawi sâng vah a, "Aww....Ani te chu a danglam alawm..... ngaihzawng ṭhen ni loin a pasal ni mai tawh tur chu Jail ah a tan tir ania, ngaihtuah ve ta che. A hmangaih loh vanga Jail tan tur ani bik hleinem.... Kan ram leh hnam tana dan ken kawh hi a hna anih vanga harsa ti tak chunga man ania sin..... A pasal hual in a Jail a luh hnu khan nuamsa in a awm i ring em ni? A teuhlo. Zan tam tak mittui nen a hmang ral ve tho tih hi in hriat pui ve lo mai zawk ani" ka ti ta duah a, "Chu chu ka sawi tum ani lo.... Aaaaa i ṭawngthei si, khawi a number chu ka lo duat ve tawh ang a single rei ve tawh awm sia" tiin min nuih tlawn ver ver a, ka pêk loh chuan kal a tum bawk si lo nen kan in pêk tâk kha.




Tukṭhuan kan ei kham hnu deuh lawkah Inspector Aaron leh Ruby te chu an lo lang hlawl a, "Nula Senior chu ava tûm lian ve, ngaih a nei ni maw" atih chuan ka ngei tâwk a tling leh em em tawh. Chhân ka tum lai mêk in "Kal ang u. Nu Zaii te'n min lo nghak rei lutuk ang" a tih tâkah chuan ka chhâng zui ta lemlo. Ka tel lo kha chuan an kal ka ringlo deuh reng a, ka pawimawh ve em asin.....



Kan veng leh Nu Zaii te veng hi inhlat lutuk ani lo bawk nen reilo te ah kan thleng thuai a, Inleng an tam rih em em tawhlo bawk nen a zia ang reng phian bawk. "Nu Zai, min hrethiam la inchhung vel hi han enfiah deuh hlek kan duh a, a hlimchhâwn khan en theilo mah ila eng emaw alo awm tak thutin tih thil thu ah han dap ve hrim hrim kha ṭha ka ti deuh a, rem tihloh na te in nei em?" Rubyi'n atih chuan rem a tih thu leh room chhûng bungrua phei chu an la khawih chêt vakloh thu a sawi a, "Sawmzual, nang Dika room lam lo en la. Aaron nangin Nu Zaii te room lam hi ilo en dawn nia" tiin a kal bo zui nghal daih a.....




Dika room lamah lût in chhuar leh drawer vel chu ka en kual a, wardrobe a thawmhnaw vel ka en lai chuan a sir kil a documents niawm tak hi ka hmu a, la a kan en nâk chuan hmeichhe pakhat nen a an lakna hi alo ni. A pawimawh deuh a ka rin vangin Detective Ruby hmuh tir turin ka dah ṭha ta a, rei vaklo ah kan zo thuai a. "Taka Nu Zai, a hma khan ihhh sawi nuamlo ani viau tho na in Baby-i hi a ṭawng theilo tih min hrilh tel lo a" tiin Nu Zaii chu a mitah a melh kal mai a, hetiang a mi a en tawh hi chuan thil ṭha lo a thleng dawn hnai riau hian ka hre ṭhin. "Nia awiii ka lo mangnghilh chiang lutuk, a zialo hle mai a" tiin a lu a dawm deuh vang vang a, Inspector Aaron zawk chuan "Khawnge Baby-i leh David-a chu? An awm ve ve tawh ni khan i sawi sia" a tih chuan Nu Zaii chuan "Ni e mawle kha in lo thleng har ta phian sia dawrah thil lei turin an va kal lawk anih kha. An lo thleng ṭep ang" a tih chuan thlalâk kha ka hrechhuak thut a, "Nu Zai hei hi tunge i hre mial em? Dika nen hian an inpawh hmel ang reng sia.... A wardrobe ah alo awm a" tiin thlalâk chu ka hmuh tir a. Ruby chuan lo la vatin a en deuh vang vang a, a hnuah Nu Zaii chu melh lehin a thusawi hun chu a nghâk ta ran a.




"Kha kha maw..... Bawiha(Dika) bialnu hmasa ber ani ta in ka hria. Mahse an tluang vaklo nge ni an inngaizawng rei hranlo a, David nen khan an inhnaih zawk mahin ka hria" a ti a. Chutia kan titi ho lai mêk chuan David-a leh Baby-i te chu an lo lut a, Baby-i chu ka lo en chîk deuh nge ni nuamlo atih hmel riau in ka hria..... "Hello Detective Ruby ka ni e. In ṭhianpa chungchang ah hian theihtawp chhuah a min puih ka beisei" tiin a kut a phar chhuak a, an in chibai zawh hnu chuan ṭhutkhawmna pindan ah lut ho in "David he thlalâk a hmeichhia hi i hriat zawng ani mial em?" Boss in a tih chuan "Aw ni e, ka bialnu ania" tih a sawi zawh rual chiah chuan Ruby nen kan in melh chat a, ka rin ang hi a ring ve anih hmel.




"Dika bialnu hmasa ber ani lo em ni?" ti a ka lo zawh let chuan "Ni tho e, englo ania...... Muanpuii anih kha. Hun rei tak ka lo star ve tawh a, mahse hmeichhe dang laka zak theilo viau e ti lo hian ani bulah ber kher hi chuan ka ṭi deuh dâk zel a, Dika khan min khawngaih in a hnaih a ka awm theih nan hma ala nasa ve ṭhin asin. An inkawm tam in an inbiak tam tâkah chuan an in karah induhna alo piang chho a, ani Dika pawh ngaihzawng nei ngailo ani ve tho bawk nen anni ve ta rawih mai ani. Mahse Dika kha a inthiam thei thlawtlo a, ka vei leh duh zia a hriat vangin chhuanlam ho te te hmangin a hlat ta fo a, a tâwp ah an inṭhen phah ta nge nge anih kha" a tih chuan kan lo ngaithla ṭhap a, an in ṭhianṭhatna hi ka ngaihlu in ropui ka ti tak zet.... Tun ang laiah itsikna leh duhamna in ṭhian a thliar tawhlo a, sumdawnna ani emaw ngaihzawng lam ani emaw pawh nise an mahni hma hun atan anih chuan tih hreh an nei tawh ngailo. An ni pahnih anga in ṭhian ṭha hi chu an vang ve ngawtin ka ring ani.




"Anih leh Muanpuii nen hian engtin nge in inngaizawng?" Ruby bawk chuan a ti leh a, "Ka zu rui in a laka ka lo zep zawng zawng kha ka puang chhuak a, a tir chuan a duhlo viau na in kan inkawm a kan inbiak rei ve hnuah kha chuan a duhzawng ka ni ve ta nge ni a remti ta nih kha" a tih chuan ka nui chhuak hawk a, an inngaizawng dan hi a common lo ka ti riau atin ni.



"Aw le kan tibuai lutuk ang che u tikhan kan duhtawk rih phawt ange, thil eng emaw a awm anih chuan ka lo be leh dawn che u nia" tiin a ding hluai a, fimkhur tur a in chahin kan chhuahsan ta a.



"Aaron David-a leh Muanpuii kha lo enthla zui deuh teh aw" a tih chuan "I ringhlel tihna mi? Kei chuan ringhlelhna tur a awmin ka hrelo. An inngaizawng dan lah kha a common lo si" tiin ka nui kur kur a, "Ringhlel lam pawh ani lo, mahse hmaih neih ai chuan tumah hi ring rihlo ila a ṭha ber" Boss ber in a tih miau avangin Aaron pawh a bûk tak nghauh nghauh kha. Mipa Police Inspector ve meuh si hmeichhe tirh kawi a a awm reng hi ka khawngaih reuh ngawt mai.



"Sawmzual nangpawh Pathlawi tih a hunlo aw, i rilru kha vah kual tir nasa lutuk suh. Tun aia ngawrh zawk a kan chhui hi angai ania" a tih chuan ka tûm ngamlo reng reng. Hetiang a a ṭawng deuh fak fak tawh hi chuan a rilru a buai ve hle tawh tihna ania..... Kan case lak chu a hautak phian anih hmel e.





End of Episode-3



Note:Kha ti zawng kha ni leh phawt rawh se aw..... Kan exam ṭep tawh a, exam zawhah thui tâwk tâwk in ka lo dah ṭhin dawn nia. Chumi hma chu min lo hrethiam hrâm hrâm dawn nia.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 3rd, 2022, 1:56 pm

DETECTIVE RUBY
By Brenda Chhakchhuak


Episode-4 LAST


Kan case chhui lai pawh kan la chhui zel a, hma sawnna hmuh tur a vâng ang reng bawk si. Ruby pawh a rilru a hahin a buai ve hle a, zan amu ṭha lo in thil a ei ṭha ngai bawk si lo. Ka khawngaih ang reng khawp mai....



Kei lah tun hnai te hi ka nuam sam lo in ka khua te a sik leh ringawt zel bawk nen ka tih theih e tlem ang reng viau.... Nihnih lai chu hna ka kal tawhlo a, a rilru a hah dawn tur zia ka ngaihtuah in ka inthlahrung ang reng. Hna awmloh lai chu nise ka hrethiam a mahse hna hautak ang reng tak ani bawk si. Zan tin deuh thaw chanchin zawt ve ṭhin mah ila chhânna ka dawng ngai chuang lemlo a, ka rin lâwk sa mah nise a khawhar ka hlau ve tlat a tin ni.



Nizan lama ka damdawi ei ka ngaih deuh nge ni tûkin zîng chu ka tho nuam ang reng hle... Hna kal ngei pawh ka tum tawh avangin dar 6 vel aṭang ka in hmakhua a, ka kal tur thu hrilh lova va ṭhâwn deuh thut ka tum ani. Chaw ei lam la ti thei vaklo mah ila ka Nu ber in ei lo a kal a phal miau si loh avangin tlêm a zawng ka ei ve a, ka la dam kawr bawk nen ka bike ken ala phallo zui......



Ka Nu in taxi min koh sak ta tawp a, Office lam pan mai lovin Ruby te In lama kal ka rilrûk ta zawk a, ka va thlen chuan alo in kalh vâng mai a. Phone phawrh mai ka tum chu ka lo la kenglo zui! Ka taxi hman biak leh mai la tum chu alo tlan hman daih tawh chu niin..... tinge maw ka vanduai theih bik em em le aw......



Minutes 15 dâwn ka ṭhu tawh ang tihin Inspector Aaron alo lang hlawl a! 'Helai bul velah an awm bawk si lo va engtia lo lang hlawl nge maw anih le?' tih ka ngaihtuah reuh reuh lai chuan "Rubyi'n 'Nu Zaii te In ah lo kal rawh u' ati" a tih chuan "Engtin nge ka awmna i hriat?" ka lo ti nghal vat a, Rubyi'n case a chhui chhuah tawh thu te, phone ka lâk theihloh vanga ka Nu a call thu te leh ka Nu in Office ka kal tur thu te chu a sawi a, Office an biak pawh a ka la awmloh avangin Ruby-i In-ah min lo zawng tawp ani awm e.



Aaron nen chuan Nu Zaii te In lam chu kan pan ta a, tu nge tualthattu ni ang tih mawlh chu ani ka rilru ah awm ni. Ruby tih loh chuan tuman kan hre der si lo va, ani lah hian a hun te ah lo chuan a sawi chhuak duh reuh ngai si lo. Rinhlelh a neih pawhin a sawi chhuak ngailo bawk. Amah in engmah sawi lovin a chhui tawp mai ṭhin ani.



Nu Zaii te In pawh kan thleng thuai a, Nu Zaii, David-a leh Baby-i bâkah SI tlêm a zawng leh hmeichhe Police an lo awm bawk a, Ruby chu inngaihtuah mûk hmel zet hian hnuai lam a bih ngur a, eng chiah nge a ngaihtuah ang ni?....



"Nu Zai hei kan lo ti deuh hluai tak na in tual that tu ber kan hre tawh a, hma kan lâk nghal loh chuan tlai palh a awm thei tiin kan lo tibuai chûk chûk che u anih hi" a tih chuan David-a chuan a phone en lai chu a thlauh bawl a, a lam kan hawi ṭhap lai chuan kawngka aṭang Malsawmzuala leh Muanpuii (Dave-a bialnu) chu an lo lang hlawl bawk a. David-a chu a meng phawk nasa ta kher mai.




Ruby chuan a aw(voice) a thian kharh kharh a, "Dave, i hlauthawng em ni?" tiin a nui deuh suk a, David-a pawh chuan eng danga chhâng lovin a lu a thin khum tawp a, kei chuan tualthattu hi David-a anih loh reng ka ring tawhlo.




Nu Zaii chuan hawihai ang reng tak hian Baby-i chu thingpui lum turin ati a, "Kan ṭhahnem ang reng sia bakah kan puar deuh bawk nen juice vel kan lo in zawk ange, in tan pawh a buaithlak loh deuh zawk ang" Aaron chuan alo ti vat a, ka lo pawm pui khawp mai..... Thingpui ka ngainat loh zia a hriat vanga sawi ani chiang mai!.....




Nu Zaii chuan "Tunge tualthattu chu?" mittui tling piau chung hian a ti a, Ruby chuan Nu Zaii lam pawh en ta lo chuan David-a lam chu a hawi ta daih a. "Dave.....he thu ka sawi ngai hi pawi ka ti lutuk mahse Muanpuii nen hian ka zui ru che u a, in thil tih leh in thurûk zawng zawng pawh ka hre vek tawh" a tih chuan David-a hmel chu ka en nghal vat a, a in thlahrun hmel in pawi a tih hmel viau in ka hria..... A reh deuh vang vang hnuah Baby-i chuan juice chu tray-ah alo chawi phei a, chutih lai tak chuan Ruby chuan "Nu Zai..... Tualthattu chu tudang ni lovin i vahnu Baby-i ngei hi ani." a tih chuan Baby-i chuan a tray ken lai chu a thlauh ri chuai a, no te chu a keh rem rum mai! Tu pawh mai chuan mak tiin kan meng phawk em em vek a, kei tak phei chuan mak ka ti zual.....




David-a zawk emaw tiin rilru ka lo siam fel diam tawh a, chutia ka rin loh lam daih tualthattu ani ta mai chu a mak tih loh rual ani lo. "David-a leh Muanpuii hi ka rinhlelh avang khan ka zui ru a, thil ti ru ang tlat a ka hriat ṭhin vang ani pakhat. Kar hmasa Inrinni khan ka Bazaar laiin ka hmu fuh hlauh mai a, ka thil lei tur pawh ngaihsak lem lo in ka zui ve nghal mai a. Mahse Dawr pakhat a an lut chu ka hmuh zui tawhloh vangin ka lêt ta daih a, an mahni zawng reng reng a mit ka len na lamah Baby-i hmanhmawh ang reng taka a kal hlawk hlawk hi ka hmu a, rinhlelh vang pawh ni lovin ka zui ta zel a, Hotel pakhat a alut lai ka hmuh chuan min ṭhâwng ve ang reng khawp mai.... Mahse eng emaw thil dang anih ring in zui loh mai ka tum ta zawk a, lêt mai ka tum lai tak chuan ka rilru ah Dika Diary kan chhiar a mipa pakhat in Baby-i alo tihbuai lai kha hrechhuak thut in hotel ah chuan ka lut ve ta ani. Manager lo awm hnenah chuan Baby-i tih hming pu in room a book leh book loh te ka zawt a, Baby-i tih hming reng reng a awmlo bawk nen ka rilru a buai ru ang reng khawp a....mahse Pathian hi ka lamah a ṭang ka ti dawn nge? Baby-i zawng a ka hawi kual laiin Patling niawm tak hawi deuh hrek hrek hi ka va hmu a, a hmel aṭang khan nupa nun a tuihal tih ka hriat vangin Baby-i zawn nan hman mai ka tum ta ani. Tichuan alo hnaih deuh tâkah chuan a bulah va kal in harsatna lian tak tâwk angin ka in sawi a, engpawh ka huam thu leh a ṭul dan a zir a ks nih mai ka hreh loh thu te ka sawi hnu kha chuan min ring ta em em a, hnathawhna tur min kawh hmuh tur a hriat thu te sawi in min kaihruai thei tur an awm thu te a sawi bawk a, chutah chuan Baby-i hming ngei mai hi a lam ta ani. Rin harsa ti viau mah ila rinhlelhna ka nei chho ṭan a, chupa bulah chuan chhungkaw harsatna avanga haw ka ngaih thu leh zan lama ka biak pawh leh tur thu te hrilh in ka haw san ta a. In ka thlen hnu chuan ka ngaihtuahna te hi a bîng chûk chûk a, Dika Diary te chu a tir lam aṭanga kan chhiar loh vang khan ka chhiar ṭha leh vek a, in chanchin anih phawt chuan ka chhiar uluk em em vek mai ani. I piansualna vangin ka ringhlel phal ngailo che a, he thil i tih chhan pawh hi ka hre heklo. Mahse i thil tih zawng zawng sawi chhuak lo theilo in min siam ta anih hi" tiin Baby-i chu a melh kal a! Baby-i pawh a mittui a tla nasa ngang mai......





Diary phêk kimlo kha i room ah a awm ka rin tlat vangin Nu Zaii hi a hranpa liau liau in ka tlawh a, Pathian in min pui ka tih tawh kha. Ka rinhlelh vang che a i room check ka duh lam sawi lan ngai lovin a hunah tak tlai ngailo Pathian chuan hun min siam sakin Nu Zaii chuan bawlhhlawh paih motor lo kal vangin bawlhhlawh paih turin min chhuahsan ta a, chu hun chu remchang ah la in i room chu ka dap ta ani. Ka rin ang ngeiin a phêk kimlo zawng zawng chu i drawer phênah alo awm a, i dahna aṭang thli in a len vel ani mahna le.... I zawng ve nasa viau in ka ring ani." a sawi zawh rual chuan a biang a ri thlawrh a, Nu Zaii'n alo beng chu niin..... "Eng vanga ka fapa kha that nge i nih? Sawi rawh. I eng pawi nge a sawi?" tiin a au chiam chiam a, Nu Zaii dar ah chuan vuan in in beng dai turin ka ti a, awmzia a awm lemlo khawp mai.





Ruby chuan sawi zawm lehin "Nu Zai....in bengdai phawt teh. Sawmzual...i hria anga, Dika Diary kan chhiar ni a a tâwp dan kha. Baby-i leh mipa in hnial lai a hmu anih kha. Khami hnua Dika'n Baby-i a hmuh tak lohah khan a ngaih ṭha lo chuan a zawng kual a, a zawn kual na lamah Baby-i leh mipa pakhat se* hmang lai chu ava hmu ta ani. A thin a rim in luhchilh mai a tum a, mahse mi zinga mahni farnu te ngei tih zah chu êm a ati deuh nge ni in hum ruh ṭeuh chungin In lamah a haw ta zawk a. Mahse khami zan aṭang khan a rilru kal diklo ṭan in a farnu ngei chu dream a ching chho ṭan ta a, khami zana a mipa hmuh chu amah ah te in chan in a farnu chu a ît ta em em mai ani. An birthday lawm zu lo lem ve sek tawh chuan taksa lumna pe in a leng haw chu a room lama kal ta mai lo chuan Baby-i room lamah a lut a, a thil in nen a tha a za in a insum zo lo in Baby-i hi khawih a tum ta ani. Baby-i alo ṭan ve vang chuan a thinrim in Baby-i vau/vo a, mipa dang nen a an mu dun lai chu a record vek thu leh a mamawh a pe theilo anih chuan a Nu bula a sawi tur thu a vau/vo in a mutpui lui ta a. Chutiang a a beisei fo vang chuan a thah dan tur te ngaihtuah in hun remchang a dap ta reng mai ani. Ani lawm ni Baby" a tih chuan Baby-i chu kan en ṭhap a, ṭawngthei lo ani bawk nen tuna a awmdan saw ka lainat tak zet.




Nu Zaii chuan harsa tih hmel zet hian "I tenawmna hliah khuh nan ka fapa chu min laksak a maw?...." tiin a in seh ruh ngawt ngawt a, kut a thlâk duh mai dawn a hria in Hmeichhe Police ho chu kan hruai tir ta ani.





Nu Zaii te In kan chhuahsan hnu chuan Ruby-i Office lamah kan ṭhu khawm a, kan ngaihtuah chu a inang tlang vek in ka ring. "Baby-i chu alo tenawm reuh hle mai" tiin ka phone ah ka PATHLAWI HMELṬHA-A ka text pah a, "Ni e, mahse ka dem lo asin.... A piansualna avang khan hun harsa tak a paltlang fo va, dan kenkawh duh viau lo ila chu ka hum in ka ring. Duh thlan tur dang a neilo em a tin ni" a tih chuan mai ti zet hian Aaron nen kan melh hu a, a mi man tawh khawngaih a neih ngailoh vang hian mai tih loh chi pawh ani lo.




A thil chhui dan te zawt in kan nui leh huk ṭhin a, lehkhabu chhiar peih ngai lo in a diary a chhiar ta mai te chu mak a inti in amah leh amah te chu a han in nuih leh rih ṭhin, Ks ang maia a in chhuah thu te leh mi awmherh ho anga a inchei dan te chuan min nuih tir hnem in amah ah zir tur kan la ngah zia min hriatchhuah tir phah ani.





Baby-i aṭanga ka hriatchhuah tak chu...... Rualbanlo te an rualban lohna hmuh sak mai lovin mi pangngai angin bia in kawm ila, kan chan ah te dah in an harsatna te hriatthiam pui tum zawk ila chu chuan an hreawmna te min hriatthiam tir in an hlimna tur te kan hriat phah bawk anga. Keimahni vang hian an lo hlim phah ve mai lo'ng maw......



End of Project-1



Project-2(Preview......)
Boss Siruk-i nen a Cup Noodles kan ei dun lai chuan Central Jail lam aṭang a call dawng in loud speaker a on a "Detective Ruby.....I pasal hual...aaa...Englo Pu Lalhmangaiha kha a tlan chhuak" a rawn ti bah nawk a, a thil ei lai chu a hak nghal bawrh bawrh bawk a, a thu rawn sawi chuan kei ngei pawh hi min ṭhâwng takzet.......



Note: Rei tak ka chawlh vang vang avang in min ngaidam dawn nia.... Hun ka neih lawk loh vang ani e. Tikhan Project-1 chu a tâwp ta phawt a, August thla lamah Project-2 ziah kan tum leh dawn nia. Tin, Detective hi ka vawikhat ziahna anih bâkah ziah nan hun ka neih tlem ṭhin em vang hian ka duh ang pawhin ka ziak bik chiahlo a, khawngaih taka min lo hrethiam hrâm turin ka ngên bawk a che u.


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)