Miracle Love by Amy Cck (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Miracle Love by Amy Cck (Completed)

Unread post by Ngaia » July 10th, 2022, 5:46 pm

IMG_.jpg
IMG_.jpg (25.64 KiB) Viewed 15963 times

Miracle Love by Amy Cck



Chapter - 1 ๐Ÿ’•




Mitin hian kan nunah hian duhthlan theihna kan nei theuh a. Chu kan duhthlanna chuan kan hma lam hun tur thui tak a hril thin. Kei pawh mihring ve tho ka nih ang in chutiang chiah chuan duhthlanna pek ka ni ve a. Mahse chu ka duhthlanna chuan midang nun a ti chhia in damthlak hlelhna hloh hial in a siam ang tih ka ring ngai lo. Mahse ka hriat chhuah meuh chuan engkim a tlai tawh thung si a!




A vawi thum nan ka khum bul dawhkan a ka phone chu a rawn vibrate leh der der a. Tu call nge ka hre chiang lutuk mah mah bawk. A hma a vawi hnih a rawn call pawh kha hre lo ka ni lo, a la hma lutuk tih ka hriat vang a la duh lo ka ni zawk mah a. Mahse a rawn call tu hian tuktin ka mutui lai min ti buai tur hrim hrim hian a rawn ti lui thin a nih chu. Peih ve tak chu a ni, a sual thiam bakah min tihbuai hi a chak ve hrim hrim vang a ni pakhat bawk a.




" Ka hria ka tho tawh. " Call ka lak rual chuan ka ti nghal tawp chu a rawn nui hawk a. Chiang tak in dawt ka sawi tih a hre miau a.




" Pastor fanu dawt sawi hmang.... " A rawn tih rual chuan thinrim zet in khum atang ka petek tho nghal a, ka tukverh parda chu na zet in ka pawt hawng a kawngpui thlang lam a mipa sang tha zet, a zing walk zo tih hriat zet a lo ding chu tho phang e ti lo chuan ka melh tur khai mai.




" I chak dawn lo a nia aw. " Ka tih rual in ngeiawm zet a min rawn nuih in a kut phone a ken lohna lam chu a lu zawnah a lek chho a. Hepa hi chu a nghal thiam ve chiang a nia. Tuk tin kan in thenawm chin hi zing a walk tur hian min rawn call harh ngei ngei a, a rawn haw lamah a ti leh ziah bawk a. A hranpa a alarm set hi ka ngai lo reng reng.




" In i luh hma in rawn lut kawi lawk la. " Thil hre chhuak zawk in ka ti a. Thlang lam kawngpui a ding pa lah chuan a hmui min la rawn tih sawih khum zauh ringawt a nih chu.



" Kawi lo mai ang, tun lawk kha ka chak loh tur thu i sawi zo chiah sia. " A rawn tih chuan ka va han ngei ber mai tak.



" A nih ti hian ka sawi mai ang, vawiinah khawiah emaw min kal pui la. " Ka ti leh ta nge nge.



" Min sawm dan a zir a ni mai. " A ti ve kher a. Rum zet a ka melh chu a sam buk lam mah chu a tuai zauh a. Hman atang tawh thil ka dil emaw min tih sak tur a ka duh chuan hmai chhan kher a sawi a ka dil hi a phut kher zel.



" A nih tah khan lo la ding rawh ka rawn chhuk dawn. " Tih leh in her in kawngka lam pan ka rual nghal a. In hnuaiah ka chhuk chu chokaah ka nu a lo che leh rak rak a. Dawhkan bulah ka pa pawh chanchinbu chhiar pah in thingpui a lo in chhawp bawk a.



" Tukchhuah nuam u. " Ngawi reng a kal pelh aiah ka ti lang lang a. An rawn hawi rual dun nasa mai.



" I va tho hma ve khawnge i kal dawn? " Ka nu chuan a rawn ti let a. Pawn lam kawk zeuh in " Pawnah lawk sawn. " Tiin kawngkapui lam ka pan nghal a.



Pawn ka chhuah rual in kawngpui leh lam a mipa lo ding chu ka hmu nghal a. Kan in bulah a ding kha a lo kal sawn hman khang lang a. An gate bul a lung rem chu lo ngheng in a phone emaw ni chu a bih ngur a. Kan gate ka hawng ri a hria nge a rawn hawi chhuak vut a. Gate atanga ka chhuah rualin ding tha in chimawm zet a min melh in a kal sawn chu , ner nang in hman hmawh zet a kawngpui kan in ka um zui a. Mahse kawng ka kan rual in an gate ah a luh fel der tawh.



" Zoremsang.... Suala! " Ti hlak in an in lam chu ka pan a. Min hmu reng chungin inchhungah min luh san daih leh nghal.



Doorbell chu ka hmet a rang zet in kawngka chu a rawn in hawng a. Ka hmaah Zoremsangan chimawm zet a min melh chu tho phang hlim e ti lo in ka melh let rawm thung.



" I va sual ve min lo nghak ve mai ta che. " Ka ti hlak a. Engah mah min la ngai lo em em zui.




" A mamawhtu zawkin an pan thin. " Tiin a in her zui hmuk a. A hnung lam atanga chhiat khum vak in ka zui lut a. Kan in hriatna a rei tawh bawk a an inah hian ka mikhual lo hrim hrim a a zia zawk. Ni lo se chuan min luh san rual khan ka let leh daih ang chu.



" Ehee... Zonuni chu i va rawn lang hma ve. " Choka kan luh rual in Zorema nu, nu Ruatin a lo ti vat a. Ka nui tawi tak mai. Tho chiah a hmai pawh phih lo in ka kal kha a nia. A ruk chuan a nuam vak lo.



" A tho chiah a a rawn leng nghal a nih hi. Zing thingpui chu sawi loh a hmai pawh a phih hman lo sa. " Zoremsangan a tib rual in chuan ka melh nghek a, min nuih suk duh lek leh nghal.



" A ni maw.... Hmeltha te chu hmai phih loh pawn that dan a ngai reng a lawm ti raw? " Nu Ruatin a rawn tih chuan zal lo zet in ka nui heu mai. Zoremsanga erawh a lo chek hluk thung.



" Thingpui kha lo in thlit ve mai ru aw Zonun, i pa Lawma ka va pe lawk a nge. " Nu Ruatin a tih chuan nui sangin lu ka bu nghat nghat.



" Chuan... Khawiah maw kal pui i duh a? " nu Ruati a chhuah takah chuan Zorema chuan chair a thut thlak pah in a rawn ti a. A bul a chair chu pawt chhuak in a beng ri thuk a, pan hnaiin ka thu ve nghal vat.



" Ihmaw... Ka cousin kan in a lo awm tur kha i hria em? " Ti a ka melh chu " I sawi hma chuan hre nang. " A lo ti awl sam et a ner sak in a malah ka chhum zui tawlh a a ner ve sawk.



" Papuia fanu kha, i hre reng aw... A hma pawn I bulah ka sawi thuak tawh kha. Kha kha a rawn chhuk dawn a an khua atangin. Chu chu min va lam pui la. Aww... I fel kha. " Tiin ka nuih tlawn ver ver a. Min la melh run zui, a sual a chhuah leh ang tih chu ka hlau zek zek mai.



" Ka hre lo le, vawin hi ka buai dawn riau in ka hria. " A ti kual vel chu ka melh leh rawm thin. Ti hian a ti ve ziah a mahse min kal pui leh ziah tho.



" I van sual tak, i hman tih ka hre reng a nia aw. " Ka ti rual in chokaah U Lka a rawn lut a, min hmu rual in min nuih suk a. " I va rawn leng zing ve. Zingkar thawm pawh a tha khawp mai a. " Fridge hawng in bottle la chhuak pah in a rawn ti a. Nia, tunah zing dar 6 vel chiah a la nia. A hma ve bawk em a ni, chutah ka in sum lo lekin ka tawng bawl bawl a, ka bengchheng reuh viau ang.



" Zing vak a mi? " Ka tih chu choka a sana in tar melh in lu a bu nghut. U Lka hi Zorema te unau zing a upa ber dawntu a ni a. An upa ber chu U Baby-i a nia pasal a nei tawh a. U Lka hi a chhang chiah ni leh in doctor a ni thung a, a kum pawh a naupang chhe tawh lo. A nau leh chiah u Duati hi nurse a ni ve thung a. U Lka nen an damdawiin thawnna a in ang bawk a. Zorema hi an naupang ber tihna a nih chu. A ni erawh a unau te ang lo tak in a thawveng ve hle thung.



" I tho chiah i rawn phei a ni maw? " Min nuih suk in u Lka chuan a ti leh a. Zoremsanga lah kan bulah a thuin min lo nuih char char.



" Teuh lo mai a. " Ka ti hlak chu min melh vung vung a " Kha i mit ekte pawh an la awm. " A rawn tih chuan rang fahran in ka mit ka nuai a, ka bul a mipa pahnih te chu za zet in an nui chhuak nghal hawk hawk a. Min tih der tih ka hre ve chiah.



" In van sual unau tak e aww. " Ka ti vak chu an nuih a la za zual sauh zui.



" Thingpui tui tawk min siam la ka kal pui dawn che nia. " Zoreman la nui deuh chung hian a rawn ti a.



" I van phakar ve chiang tak, min siam sak zawk tur i nia. In leng te zawk min tir a. " Ka ti nang nang.



" Kei pawh a sen hang in aw. " U Lkan a rawn la ti zui. Phun niah niah in ka tho a. Ka siam ta tho. An inah hian ka leng lut nasa a, school kan kal dun vang leh inthenawm kan ni bawk a. Exam dawn phei chuan lehkha pawh kan zir dun fo a, in kawm ngeih ve tak kan ni.




" Zonun admission vel chu in ti fel tawh maw? " Thingpui ka siam laiin u Lka bawk chuan a rawn ti a ka tih fel tawh thu in ka chhang vat. College kan kal tan ve dawn tawh a, chuan kan college kalna tur pawh Zorema te chhungkaw ta a ni ang chu. Zorema pa Pa Lawmsanga hi Principal a ni nghe nghe a. An chhungkua hi an theu neu lo khawp mai. Chuan ka sawi hmaih tep, u Baby-i Zorema te unau a upa ber kha an college ah hian professor a ni bawk a. Nu Ruati pawh hi a awm mai mai chuang miah lo, dawr an nei a tah chuan a buai ve thei viau a. A fa te hna nei thah an ni bawk nen an pui hman bik si lo a. Zorema a tlawng awl ber hian a pui ve nulh nulh thin a chang chuan.




" A ti tha chin chu interview ngai lo in admission an ti hmak mai maw le. " Zoreman a rawn tih chuan ka ner nasa ngei mai. Distinction ah ka pass a, Zorema erawh 1st ah a pass thung. A zir vak lo chung pawn chiang chu a ni a, kei ang in tang ve se chuan khi tah a ni ang chu. Distinction tan direct admission a nia, Zorema erawh interview a ngai ve ngei a. A pa principal mah nise Pa Lawman ti ve tur in a ti tlat a, mahse a tling dawn chiang tih erawh hriat sa vek a ni thung.




" Zorina kha a lo lut ve dawn ti raw? " Dawhkan a thingpui dah pah chuan ka ti sap.



" Umm... A ni pawh in a ti fel tawh! " Zoreman a ti hmuk chu u Lka nen in en in kan nui tawp.



" Terini pawh a lut ve dawn a, a ni pawh interview hma chhawn tur a nia, in ti rual thei ang chu! " Thingpui in pah chuan ka ti a, a la ner nasa em em mai leh nghal. Mahse engmah erawh chu a sawi lem lo.



" Ka phei dawn a nia, dar 2 velah a lo thleng dawn a. Lo in ring rawh aw. " Thingpui kan in zawh chuan tiin ka ding thak a. Ka tawng a hre duh lo der chu a sam tuai sak vakin choka atang ka tlan chhuak nghal a. Mipa aw lian zetin ka hming a lam rualin ka nui zui nghek. A sam a khawih hi a duh lo ve em em ringawt a. Kawngka lam ka pan chu U Duati pawh a rawn tho ve chiah a nih hmel. Inchung lam step atang a rawn chhuk a. Min hmuh chu min nuih nghal sang.



" I rawn leng e law? " A rawn tih ve nghal vat.


" Umm... Zorema ka rawn be lawk a. " Ka ti let ve vat. Choka lam atang a Zoremsanga thawm a rawn awm takah chuan hman hmawh tawkin ka chhuak nghal. Min rawn man hman chuan a tih tur ka chiang ve em a. Kan in lamah ka let phei meuh chuan dar 7 a ri leh daih tawh.



" Khawnge i kal vang vang a? " In ka luh rual in ka nu in min lo ti nghal a. A bulah chuan ka thu thla ve nghal vat a.



" Zorema ka va be lawk a. Vawinah Terini min lam pui tur in ka va sawm. " Ka tih chuan hahthlak min tih hmel zetin min en a, keiin ka nuih tlawn ver ver thung.



" I ti mak thin. I u Mampuia te pawh an awm reng a. Mihrang va tih daih te chu. " A rawn tih chuan ka hmui ka ti pawrh vak ringawt.



" Zorema a hman tho a lawm. U Mampuia te chu an in la buai thei e mai ka be buai duh lo law law. " Ka ti sam et. Kan veng piah chiahah hian ka nu u , ka pu te chhung an awm ve a. Ka pa a hna atanga a pension hma kha chuan an bulah school kal in ka awm ve reng a. Higher ka kal kum khan vanneih thlak tak in hetah an rawn dah hlauh a.



Quarter ah kan awm reng a. Ka pa a pension chhuah hnu in tunah kan chhenna hi leiin , tah hian kan in sawn ve a. Kan vengah hi chuan awm ve reng tawh mah i la kan chenna in tak hi chu kan luah luhna a la rei lo a nih ber chu. Mahse Zorema nen erawh kan school kalna a in an chho zel vangin heta kan awm hma pawh hian kan in hre daih tawh. Hetia kan in hnaih hnu phei chuan tuk zan in kan in hmu in kan in hnaih zual sawt nghe nghe.



Kan in kawm tanna pawh high school kan luh lI niin, function ah zai tur in min ruat a, guitar min perh sak tu tur kha, kha mi ni khan a damlo thut vangin midang kan zawng buai nasa mai a. Chutah chuan chawpchilh deuh in Zorema hian min perh sak a. Kha mi atang khan ti hian kan in kawm in kan in nelh chho ta em em chu a ni ber.




" I u in min rawn bia a, a bul a college I zawm duh lo chu a lawm lo deuh in ka hria. A mah in a awm rei tawh sia awm pui che a chak a ni mai thei. " Ka pa chu veranda lam atanga rawn lut in a rawn ti a, ka lo ner sak thung.



"Nizanah pawh min rawn bia a, admission ka tih vek tawh thu te ka lo hrilh nghek kha. Sermon tenau ka lo nei tawh a lawm. " Uar zet a ka tih chuan ka pa chu a nui ve suk suk mai.



" Heta I kal hi a tha zawk. Nang leh zel I awm loh chuan kan khua a har lutuk ang. Kha leh chen kan awm ho tawh lo a. " Ka nu in a lo ti ve bawk a. Kan unau hi 2 chiah kan nia, han ti I la ka nu chuan fa 3 min nei ve ngei a. Kan upa ber hi Lalrinchhana niin, tunah Mumbai ah computer technician in company lian tak hnuaiah a thawk mek a. U Mama nen kan in karah hian hmeichhia pakhat a awm a mahse a ni erawh a pian hlimin a boral a. Rei fe hnuah kei hi ka piang leh a. U Mama nen hian kan in upat hleih viau bawk.




Tukthuan kan ei a, kan ei zawhah ka nu nen I chung room kan ti fel a. Ka room bul chiah hi Terini roomah kan lo rua hman a. Terini te hi Champhai ah an awm a. Kan in rual vel viau a. Class 12 kha 1st ah a pass ve a, helamah rawn kal a duh ve vang in ka pa te Papuia ten an rawn bia a. Kei ni lah kan chhungkua kan lo tlem bawk nen a pawi lo khawp mai.



Kei ma tan tak pawh a tih zia viau. Kan college kalna a in an phei chuan a nawm viau ka ring. Mahse in nel turin kan in hmu in kan in be ngai lem lo a, chu erawh in chenchilh chuan kan in nel vat ka ring thung.




" Kan zo thawkhat in ka hria. Terini lo thlen hunah pawh lo kawm nel hram hram tum la. Nu nei lo an ni tawh a, an rilru ti na zawngte a awm miah lo tur. " Ka nu chuan a ti dam dap a. Class 10 kan zir kum khan exam dawnah Terini nu hi a boral a. An unau hi hmeichhia vek niin, a u in pasal a nei tawh a. A nau erawh highschool kal lai mek a ni an ti thung a.



" Ka hria e... Ka sual duh I ring reng reng a mi a. Unau ang chiah in ka en dawn a lawm. O Maman a thik zawk hial ang. " Fiamthu a ka tih chuan ka nu pawh a nu tawp.



" In tlai mai dawn, va in ti fai la in siam tawh rawh. Zorema chu i va sawm dawn nge a lo sawm dawn che? " Ka nu chuan a rawn ti a. Kawng dawm in ka thaw hak.



" Ka hman hma dan a zir. " Tiin room ka chhuah san a. Ka room ka luh rual in bathroom ah ka lut tlang nghal a. Ka in ti fai sawk sawk a, ka chhuah leh meuh chuan dar 2 chu a ri thuak tawh.



Ka in ha sawk sawk a, in siam pah in Zorema ka call a, ka rin ai ka tlai sia lo in siam lo a a lo awm mai mai chuan kan tlai leh zual dawn chiang. Call lah chu a la har reuh phian a.




" Mutduhnu i va in siam rei ve. " Call a lak rual in a rawn ti nghal. Mi mah hman hmawh ve nak a laiin. Ka hman tawh thu ka sawi chuan a rawn awi lo nasa leh tawh mai.




" A nih chuan tukverhah khan lo hawi rawh. " A rawn ti leh kher a hepa em em thin hi chu .



" Min ring lo ve thei sia aw. " Tih leh tukverh lam pan ka rual a. An in lam ka hawi chu a room tukverh zawnah a lo ding vuah mai. Zoreman an motor a keng a, Terini lam tur chuan kan chhuak a. Kan chhuah dawn in kan call sa thlap a. An rawn thlen tep thu te pawh a rawn sawi ve luam.



" I unaunu thar chuan in in a hre lo a mi lam te a ngaih thlap a. " Driver seat a thu chuan a rawn ti a.



" Sual thiam thin lo teh. "Unaunu thar han tih kher. " Ka lo ti hlak chu a nui hawk a.


" Ka sawi dik lo a mi? " Mit hmul san uk in a rawn ti chu ka melh tur ngang mai.



" Kan in chu a hre tho e mahse kan la in nel lutuk lo a, mahni te chauh a lo kal chu a nuam loh a tih kan hlau a. Engmah tih tur ka nei chuang lo a ka pa in lam tur in min tia lawm. Nang pawn i hmuh hunah chuan fel chhuah viau ang che. " Ka ti let chu min rawn melh zawk a.



" Engvangin? " A rawn ti kher leh nghal. Nghal tha ve sia e.



" Aww... Ka unaunu a nia, nang nen thian kan ni ang chiah hian in ni ve tihna a ni mai a. " Awlsam zet chuan ka ti a. A meng tur ngang mai.



" Hmeichhe thian neih hi ka sim tawh. Pakhat pawh hian min ti buai hneh e mai . " A ti kher chu a ban bulah ka va beng hlak.



" Zawk a che. Tunge zing thawh hlim atanga min ti buai reng zawk kha? " ka ti nghal vak. Kawng kualah chuan stearing herh kual pawp in min rawn melh zawk a.



" Tunah pawh ti buaitu zawk chu kan hriat mai a lawm. Motor chhungah tal hi chuan in sum la. " Chimawm lutuk a min en in a ti leh a. Chhan dan tur ka hre lo chu ka thu tum hmak.


A sawi ang tak tak in kan in hriat a chinah hian thian hmeichhia hi a neih awm pawh ka hre lo. Mipa erawh chu a ngah phian a. College kan rap a nga, a nei thar teuh lo ang tih erawh ka sawi thei lo. Kei nen kan in kawm pawh hi kei mah ngei pawh hian mak ka ti zawk.



Champhai sumo counter kan thlen chuan Terini te pawh an la rawn thleng lo . Kawng sir rem laiah chuan motor hungin kan nghak reng a. Passenger seat ah thu in ka phone ka khawih mai mai a. Kan thian ho kan luhma college a in ang dawn lo vek a. Kan huphurh hlawm ngang mai. Midang te tawn hnu tho a ni a mahse ngaihtuah chet chet chuan lung a leng lawk sa.



" Saw an lo thleng a nia. " Kan hma a sumo rawn ding ka hmuh rual in ka ti vat a. Ka phone pawh a rawn ri ve nghal chiah a. Terini call a ni vang chuan chhang pah in motor kawngka chu ka hawng a. Zorema pawh a rawn chhuak ve nghal a. Tunge a biak ni earbuds a bengah vuah in a tawng mawlh mawlh a. Terini awmna lam ka pan san a min lo zui ve tawh mai rawh se.



Terini bul ka thlen chuan a bungrua vel a lo buaipui a. Ka va pui ve vat a Zorema pawn a lo thleng phei rang khawp mai.



" Kawngah rawn thlah kawi kan neih pheuh pheu a, rin ai kan rawn thleng har deuh a. " Terini chuan a ti nghal mawlh mawlh a.



" kan nghak rei khawp mai che mutduhi unaunu chu. " Zoremsanga lah chuan a ti kher a, a banah a ruk in ka sik nghal vak. Terini pawh a hawi buai nak mai.



" Kal ang u , a tlai zel zel a nia. " Ka lo ti vat a. Bag vel keng in Zorema chu motor lam a pan a. Kei ni pawn kan zui ve nghal vat.



" A ni kha i bialpa a mi? " Motor chhungah Terini nen kan thut luh hnu chuan a rawn ti a. Zorema erawh motor hnung lamah Terini thawmhnaw vel a dah lut thung.



" Ni lo e... Ka thianpa zawk. " Nui sangin ka lo ti a, a hmel atang chuan a awi loh hmel em em mai leh nghal. Mahse kan in chen chilh a nge a hre ve zel mai ang.



" Dawrah peng kawi lawk ang u aw. Ka nu in min rawn be leh sia! " Motor a rawn thut luh pah in Zorema chuan a ti a. Kan hnial lo tlang viau. Hnial pawh ni i la sawtna a nei leh chuang lo ang tih ka chiang.



Haw lamah Zorema te dawrah kan peng kawi a. Nu Ruati a haw tlai dawn vang in chawhmeh leh thil dang lak kawi a lo ngai chu niin. Rei erawh kan awm lo, kan haw zui nghal mai a. Terini veng thawng lo i la chuan dawr bungraw thleng kha rei lo te tih fel pui ve tur kan nia.



" Kan in kawtah motor ti ding in bungrua vel min dah luh pui vek a. In hnial ve reng mah i la ka tan hi chuan a tangkaiin, a awm lo ang tih hi ka hlau thin.



" Thu ve rih la, thingpui kan lum dawn nia. " Chhuah leh mai a tum chu ka ti vat a. Ka nu leh Terini pawh inchung atang an rawn chhuk a. A room kan si chu nuam a tih thu a rawn sawi zui luam bawk.



" Zorina a rawn kal dawn a. Ni leh lo....a lo thleng tawh zawk hial ang. Zanah zawk le." Zorema chuan a rawn ti tha ve mai a lu ka bu nghat. Ka nu ten Terini bungraw thenkhat an khai chho leh a. Kei erawh Zorema thlah tum in kawngka lam ka pan ve thung.




" Lut tawh rawh. " Kan gate bulah chuan ding in a ti sup. Motorah lut in a in turn a, an garage a a in dah luh fel thleng ka thlir ta thung.




In ah let in inchungah ka chho ve nghal a. Ka nu leh Terini pawh an lo la awm reng. Terini a tawng duh bawk a, rin ai chuan kan in nel hma dawn a nih hmel.




" Nu thil ei phawt i la. A thawmhnaw vel chu nakinah ka rem fel pui mai dawn a nia. Ka pa zaninah committee a ngaih kha. " Ka tih chuan in hnuai lamah kan in zui thla a. Thingpui kan in laiin ka pa pawh a rawn haw ve chiah. A thianpa a boral a, vawiin chu chu lamah chuan a va awm ni leng a ni ber.



Zanah committee a ngaih vang in rawng kan bawl hma a. Chaw kan ei laiin ka pa in Terini te kaw lam chan chin leh Papuia te chanchin a zawt a. Zanriah kan ei khamah inchungah chho in Terini roomah kan lut nghal a. A thawmhnaw kan rem fel hma in room kan sik sawi kual leh phawt a. Pahnih chauh e ti lo chuan kan thawm chu ring dun tak a ni.




" Zonun... Vawin a I mipa rawn hruai kha i bialpa a ni lo tak tak maw? " Thawmhnaw kan thleh fel lai chuan a rawn ti leh a. Nui chung in a nih loh thu bawk chu ka hrilh leh a.



" Mahse ngati nge... Ka sawi awm zia chu bialpa dang i nei zawk a mi? " A rawn ti leh tawl.



" Nei lo e. Ngaihzawng lam hi ka buai pui lo hrim hrim a. Bakah ka pa in class 12 ka pass hma han ti i la, school uniform hak chhung chu tiang lam ngaihtuah hi a phal lo a, kei pawn ka tum lo hrim hrim. " Ka ti liam puat.




" I pa chu a van strick. " A tih chuan ka nuih a zal ngang mai. In sum hman lo in ka nui chhuak hak nghe nghe.



" Ka ti tak tak a lawm. Tun angah te chuan naulang kum 10 mi pawn ngaihzawng an in ti nei ve ngei tawh a. " Nui chung chuan a rawn ti ve ta nge nge.



" Nia ti raw. Mahse hei ka la tlai chuang hleu nem. Min duhtu leh duh te kan neih ve chuan kan la nei ve ang chu. " Nui hak hak in ka ti ve mai a.


" A nih i thianpa khan ngaihzawng a nei em? " A rawn tih chuan ka thil tih lai chawl in ka en vat.



" Nang hi i lo star a ni maw? " Fiam deuh chuan ka ti sap.



" Teuh lo, kei te chuan bialpa ka nei aw. " A rawn ti nasa mai. A pha nasa lutuk chu ka nuih a za zual sauh.



" Tak tak in a neih pawh la hre lo. A ngaih sak lo chi a ni ve a. A mah chauh ni lo in a unau te pawh an ni vek. Thenawm kawngpui leh lam chiah in saw an mahni an nia. Ngaihzawng nei se chuan min thik nasa thei ngawt ang. " Ka ti deuh duah a. Kan ti ti kan ti ti a Zorema chan chinah kan lut daih a ni ber. Mahse sawi tur hriat loh ai chuan a zia zawk.



" Bawihte i thiante an lo leng a nia. In zawh chuan lo chhuk u la. " In hnuai atang ka nu chuan a rawn ti lang lang a.



" Mi chhe sawi chu koh aiin a rang an tih kha. " Nui hak in ka ti vat. Zorema a nih ka ring hmiah. Tlaiah kan zanah a rawn len phei tur thu a sawi ve ngei kha.



" Kan chhuk dawn mi? Kha chu kei mah pawn ka ti thei tawh mai ang. " Terini chuan a rawn ti a. Inhnuai lamah kan in zui thla a. Sitting room kan thleng chu Zorema chu khawi lam ka thiante ho zawk chu an lo leng ni in. Asawmi, Jenny, Siamsiami leh Ruattei te lo leng chu kan in hmu khat ta deuh bawk nen kan in hmu chu kan ri nghal chul mai.



" Zanin i chhuak hman si lo a kan rawn len chilh che. Jenny hi naktukah Bengalore ah chhuk a tum tawh sia. In hmuh leh mai mai a har dawn sia kan tia kan fel em? " Asawmi chuan a rawn ti a. Kan ngaih tur thu vel kan sawi luam a.




Terini pawh hmel hriat tir in kan in kawm laih laih a. Hmeichhe awm ho tih takah kan te chul hlawm mai.



" Zanin chu riak vek mai u la. Kan riak khawm leh har tawh awm sia. " Ka tih chuan Ruattei chu a phur ngang mai. " Nia thil ei tur va lei i la zan in chu riak ho ang u. " A rawn ti zui nghal a. Jenny pawh a in siam sa vek tawh vang in riah chu a pawi ti lo khawp mai.



Ka nu bulah dawr a kan kal lawk tur thu sawiin kan chhuak dial a.



" Zonun... Ka arsi hi a rawn leng ngai em? " Siamsiami chuan Zorema te in lam melh vang vang in a tih chu midang ho an lo ner nasa mai. Siamsiami hian Zorema hi a vei khawp a. An in thlir tur ringawt te hian a rawn leng thin maw le.



" Thin chiang e. Zanin pawh rawn len a tum kha. A theihnghilh leh tawh pawh a ni mai thei. " Ka lo tih sak vat.



" Hepa hi chuan min duh se ka luh khung nghal ang maw le. Bialnu a la nei lo te hi min lo nghakah ka ngai hmiah! " A la ti zui chu kan nui nasa ngang mai.



Dawr awmna lam kan pan a. Zanin chiah hi kim tak a kan thian ho kan awm tawpna a ni ta mai a. Naktuk atang chuan mahni kawng lam theuh zawh in kan hun kan hmang ve tawh dawn a. Enge kan tawn ang tih erawh tu man kan sawi lawk thei lo thung. Chu chu khawvel pian ken a ni miau a.




๐Ÿ’ž๐Ÿ’ž๐Ÿ’ž a ngaihnawm a ngem ka hre lo a mahse kan tan leh beuh beuh ang aw. ๐Ÿ˜‚ zan khatna atang tlai nghal em2 ringawt chu a nia. Zorinpuia te story ah kan kal duai tawh a mahse Zoremsanga teah chuan kan back leh duai dawn a ang riau๐Ÿ˜‚๐Ÿ˜‚ ๐Ÿ’ž๐Ÿ’ž๐Ÿ’ž



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:47 pm

Miracle Love by Amy Cck



Chapter - 2 ๐Ÿ’•



Kan thian ho chuan kawnah kan phei a. Kawngah chuan kan ri phei nak nak hlawm mai kan in ngai tlang bawk a. Dawr pawh a la tlai lo bawk a an la in hawng fur mai. Zanah in kawm pah a ei tur leiin kan in khai bawr tun a. Kan in lam a kan let chu min tawk zawng hian bike hi chak zet in a rawn tlan a. Min tlan pelh rualh in tunge tih lah chu ka chiang ngang mai.




" Zorema a ni in ka hria! A ni ti raw? " Siamsiami lah chuan a lo ti ve bawk. Melh zui vang vangin lu ka bu nghauh nghauh a. A rawn tlan vung nen a bike ah khan a lo chhinchhiah tih ka hre reng mai.



" A lo leng dawn I ti maw ka tia. " Siamsiami bawk chuan a rawn ti leh.



" Dawn kha chu a tia mahse tih tur a nei leh thut a niang. Kal ang u ka nu in rei min lo ti ang. " An ban a kuah in ka ti nghal vat.



" Naa.... A rawn leng dawn I tia riah ka lo phur ve em em a. Plan a fail leh vek. " Siamsiamin a ti nang ngang chu Jenny in a luah a rawn beng nghal lawl.



" Lalsiampui min ngaih vang a riak tur i ni nange? " A rawn ti vin hlar a. Siamsiami lah chuan a nuih tlawn nghal ver ver a. " Ni tho a mahse sava pakhat a lungte pahnih vawm.... Ah... Ni leh lo lungte pahnih a sava pakhat... Nilo... Engtin nge kha... "



" Lungte pakhat a sava pahnih.... " Terini chuan a rawn tih sak a. " Aww.... Chu chu... Chutiang chu nih tir ka tum a. " Tiin Siamsiami lah chuan a lo thlawp ngang mai.



" Jenny in a khawng na lutuk che a i รข vek a nih kha. " Asawmi chuan nui hmel pu deuh chuan a rawn ti a. Siamsiami lah a lawm lo ngang mai.



" Ninawm... Kal ang u. An in tal ka thlir tho ang. " Ti vin hlar in kan hma lamah chuan a kal tau nghawng nghawng a. Kan vai chuan kan nuih zui hak hak.




" A duhna a rei ve tawh sia Zonun lo biak la. Nih loh pawn lo tih pui dan ngaihtuah mai la. " Ruattein ring lutuk tak mai a ti chu kan hma Siamsiami kal vawk vawk chu a ding zui chawt a.



" Nia, school kal ho tur pawh an ni tawh lo a ka sawi pui... " Ka tih lai chuan ka tawng zo hman lo.


" Zonunmawi a tul lo ang aw. " A rawn ti fiak that chu a aia na in kan nui leh vek.



" Hmm... Enge a ho lutuk. Duh loh leh ngai awh. Khawi maw Zonun i phone. " Tih leh Ruattein ka kut a ka phone chu min rawn pawh thlak sak a rual a.



" lalruathlu han ti vaih teh i chak dawn lo a nia. " Tih leh Siamsiami chu kan lam pan a rawn let a rual a. Ruattei lah in ti tak tak ang zet in ka phone chu ka hmet der a. Mahse Siamsiami chuan a rawn pawt thla hlak.



" A nih ti tau lo la. I tih tauh chuan Zonunin a Zorema no chu a sawi thei tho a nia. Phone dangin ka puan vek tho ang che. " Pakhati lah in a lo ti ve nasa mai.



" Hmelchhe hlawm lutuk , nih... Ka tau tawh lo haw vat ang u. " Tiin Ruattei banah chuan a pawt dawr dawr a. Nui chung in Jenny leh Asawmi pawh chuan an zui a. Kei leh Terini an hnungah kan zui ve bawk.



" Nuam lo i ti em? An mizia ve a nia, engah mah ngai suh aw. " Terini bulah chuan ka ti ve luam a. Ka thiante hi tawng duh leh ri phawr phawr chi an ni ve a. An bulah hi chuan muk deuh a awm tum pawn a theih ngai lo. Terinin a vawi khat hmuhna a ni sia nuam lo a ti a, a lo in thlahrun ka hlau a ni ber.



" A ho lutuk an fel la ti lutuk. " A tih chuan ka hahdam huai mai. Kan in chu rei lo teah kan thleng a. In kan lut chu ka pa pawh a lo haw tawh a nih hmel. Sitting roomah ka nu nen TV an lo en dun a. Ka thiante ho chu a lo be ve luam a. Ka thiante lah chuan an riah tur thu te an sawi khum ham ham zui. Ruattei pa te biak sak tur in ka pa kan ti zui a. A chhan chu Ruattei chhungte hi an strick ve reuh lutuk a. Ka pa in a dil chuan an hnial dawn lo tih kan hre chiang bawk nen kan dil tir leh hnu hnawh a.



" Engtin nge khumah in leng vek awm si lo a. Terini room ah pathun mu u la, Bawihtei roomah pathum in mu bawk mai dawn a mi? " Inchhung a kan chho tur chu ka nu in a rawn ti a.




" Chi nang, riah khawm kan chak ve em em a. Zonuni room ah chhuatah te kan mu tlar dul zawk mai ang. " Ka thiante chuan an lo ti a. Ka nu pawh in nui chung in " In tih tih khan han ti kual teh u. Mut bu in in daih loh chuan rawn sawi u la. " A rawn ti ve mai a. Inchhungah chuan kan in zui chho a.



Ka room ah kan awm a. Ka room hi chutiang em em a lian a ni lo a. Khum dah awl a chhuat a mut chu a hnawk dawn riau a kan hriat vangin Terini room a thuthlengsei pakhat kan dah chu zawn chhuak in ka room a kan dah pakhat nen kan dawh zawm a. Thuthleng dawhzawmah Jenny, Asawmi leh Ruattei an mu a. Siamsiami, Terini leh kei khumah kan mu ve thung a. Fit 4 khum lek a ni bawk a, a te ho deuh kan mu a ni ber.



A laiah ka mu a, Siamsiami lah chuan min khat bet tlat a. Khum mawng lamah thithleng chu dah in midang ho an mu a, kan mut a chhuak lawk thei lo chu kan in kawm vel mai mai a. Kan tawng tui hlawm lutuk chu duh aiin kan meng rei hial.



Midang mutthilh hnu chuan mutthilh ve mai ka tum chu ka room tukverh kan kalh loh vang chuan peih lo zet in ka tho leh a. Tukverh bulah hian April kung lian deuh hi a awm a. Hnuai lam atang an rawn lawn chuan awl sam deuh in ka room tukverhah hian a luh theih a. Misual lo luh ka hlauh thin vangin ka kal ngei ngei zel. Ka pa in kih a tih in ka phal lo ve tum hrang a. Thingkung hi a awm loh chuan ni a rawn lut tha leh lutuk a, nisa lutuk dal tuah ka duh ve bawk sia. Ka la phal rih lo.




Tukverh ka va kalh tur chu Zorema an in gate ah a tlan lut tur chiah ka hmu hman a. Sana ka en chu 12 a lo pel daih tawh leh nghal.



" Eng tak chu ti ang maw? " Ti sep in khum lamah ka let a. Lalsiampuii mangchhe lutuk a laia mut leh theih pawh a ni tawh lo chu, nawr pheiin a sirah ka mu zui ta ngawt leh nghal.


*

*

" Vawin chu college lamah in va kal dawn a maw? " Tukthuan kan ei laiin ka pa chuan a rawn ti a aw kan lo pawh vat. Vawin hi Terini te interview ni tur a nia. Ka nu in va kal pui ve hrim hrim turin min ti a, kan pahnih a kal kan tum kha a nia.



" Tha deuh in i va interview dawn nia. I tlin loh pawh hnual phah lo tur a nia. " Ka pa chuan a ti dap dap a. College in angah luh theih chu kan duh vek a. Mahse a lo tlin loh palh pawn college dangah direct admission tihna tur pawh a la awm tho a. Rilru erawh tih hahna tur a ni hran lo.




" Pa a tling hrim hrim ang. Hmanni a pa Lawma bulah pawh kan sawi ve deuh a. Lo duh sak rawh ka ti ve hmiah. " Ka tih chuan ka pa a nui hawk hawk mai.



" A ni pui rauh sawn I thu sawi hi a awi dawn a maw ni. " A ti ve sup a. Tukthuan kan ei zawh in inchhungah in siam tur in kan chho a. Ka in siam rei theih theih nen ka zawh chuan Teirini chu a lo la in siam mek a. A roomah chuan ka nghak a.



" Khawi.... A la hma tho a ka lo chei ve ang che. College kan kal tawh dawn a makeup hman pawh a theih vek tawh a lawm. " A rawn tih chuan " Nasa vak lo in aw. " Tih leh ka hmai chu dawh ve mai ka rual a. Min chei mawlh mawlh lai chuan ka bag a ka phone a rawn ri a. Hawi sawn ngam lo chuan ka dap rak rak a. Ka la chhuak chuan Zorema lek a lo la ni zui.




" Aw... Thenawmpa. " Call ka lak rual a ka ti chuan a phun hluk a, a lawm loh hmel ngang mai.



" Kha ti kham min ko ziah suh. " A rawn ti ta chiah a. Loudspeaker a ka dah vangin Terini pawh a lo nui tawp.



" I ni lo a mi? " Fiamthu chuan ka ti let nghal zat.



" Ni lo pawh ka ti loh kha mutduhnu. " A rawn ti ve kher leh nghal. Terinin che lo tur in min lo ti zui nghal.



" Ka dah dawn a nia sawi tur i neih loh chuan. Ka lak lawh lutuk a. " Ka ti ta vat.



" I hman dawn tawh em? โ€ a rawn ti bul hmuk chu ka ner sak.



" Zingah ka sawi lawk tawh kha. " Ka hnial dawn tih hre sa ang maiin a rawn ti hmuk.



" Zingah ka sawi ve vek tawh kha. " Ka ti let ve thung. Vawiinah a interview ve dawn tho a. Ka kal pui a phut ve khang lang a. A ni te chu kal pui a ngai lo lutuk hi sawi ngaihna pawh ka hre lo. Professor ho hmaah engmah sawi lo in an zawhna chhang miah lo mahse an tih tlak pawh ka ring chuang lo. Principal fapa a ni tih an hre dawn miau a.



" Min rawn tawiawm pawh chu i va hreh ve. " A rawn ti hluk.



" Ka hreh pawh a ni lo, Terini kal pui ve ka ngai a lawm. " Ka ti let ve thung.



" A ti ve dawn tak ti raw, kal ho a rem viau zawk ang a. " Terini pawh chuan a ti ve sap.



" Ni tak.... Zorem... Terini nen hian kal rual mai u la, a rem viau lo maw? " Ka ti nghal vat. Min chhang lo in call a la off daih leh nghal, sual thiam ve ngawt mai.



" Hepa tak hi chu. " Ti hlak i ka phone chu ka dah a.



" A in thlahrun awm e. Kei mah vangin i kal pui thei lo a nia. " Terini chuan a rawn ti sap.



" A ho lutuk, a sual a chhuah vel mai mai a nih kha. " Nui chungin ka lo ti vat.



" Min thik a niang a. " Nui ve hakin a rawn ti a. A rawn sawi takah chuan a nih duh hmel viau leh nghal.



" In in kawm nasa kha i ti sia, tunah kei mah hlir min buai pui hi min thik a nih ka ring deuh. " A rawn ti leh a. Nih pawh a ni mai thei. Zingah min rawn call khan Terini engmah hre lo zawk a nia kal pui ka tum thu ka lo sawi sia, Terini rawh awm chin hi la rei lo viau mahse Zorema te inah ka lang phei khat ta deuh bawk nen, ka lakah a lawm lo a ni mai thei.



" A zia ve leh mai ang. Kan hman chuan kal i la. " Ka tih chuan a bag la in kan in zui chhuak a. Inhnuai kan thleng chu common room thuthlengah Zoremsanga a lo thu vung mai. Ti tau in phone a dah a, a kal daih tawh ka ring kha a ni.



" Min kal san emaw ka tia. " Ka ti riah chuan a rawn hawi chhuak a. Thlarau hmu ang maiin min la melh vung vung leh nghal.



" Tuan i nei lo ve sia ka khawngaih che a ka nghak hram che. " A tih chuan ka ner nasa ngang mai. Pawn lamah kan in zui chhuak a, kan gate bulah motor a lo hung reng mai.



" In pahnih in va kal u la tha ni mai tur. Ka rawn tel ve kher hi a tul miah lo. " Motor lam pan chuan ka ti niah niah.



" Admission i tih khan tu nge kal pui che kha. " Zoremsanga lah chuan chimawm fahran in a la rawn ti zui.



" Kan thenawmpa in. " Ka tih khang lang chu a la na leh mai mai.



" Class kal that hun chu ven uluk i ngai dawn riau. " Ti hluk in motor kawngka chu a hawng a. Leh lam atang Terini erawh a lo lut tawh thung.



" Kei mah hi maw? Engvang ringawt in maw. Kei ai i ngai fe zawk. " Ka lo ti hlak.



" Tunah ringawt pawh i hmai te i chei mawi kual vel tawh a nia. Ler reuh lutuk. " A rawn ti chu za lo lutuk chu in ka nui heu mai.



" Hei hi maw... Ler tihna a ni thlawt lo. " Ka tih rual chuan " Sawi kual lo mai rawh. I in la nula nghal der a nia. Lut rawh kan tlai leh dawn. " Tiin min nem lut rawk rawk a. Ka tawng ve hma in kawngka a rawn nem khar hmuk zui.



" Sual thiam thei si. " Driver seat a a rawn thut rual in ka ti hlak.



" Kha tiang khan i hmelthat phah emaw i tia mi? " Fron mirror atangin min rawn melh a, a rawn ti leh kher a. Ka kut ka tin uai ringawt.



" I hmelthatna zawng zawng a hliah vek. Laina hrilh in ka hrilh che a nih chu! " Tiin a tlan chhuak a. " Ka hman hma pawn ka hmeltha i ti ngai chuang a mi? " Ti hlak in ka bag ka hai a , compact ka la chhuak a darthlalangah ka in en nghal vat. Min ti confi lo zo vek tak tak.



" A nasa lo ti raw. Hepa vang hian ka dik lo zo vek. " Terini en chuan ka ti a. Min hnawih nasat loh thu vel chu a sawi ve vat a. Zoremsanga lah in front mirior atanga min melh in a nui leh suk suk zel a. Ngeiawm thiam ve tak a ni.



" Nang ni pahnih hi in in hnial reng bawk sia, in in kawm thei viau bawk sia hriatthiam in har. " Terini pawh in a ti thlawt. A sawi dik tak tak, kan in hnial reng a mahse kan in kawmngaih em em bawk si a. Zorema ka hmuh loh rei hi chuan a ngaihawm ve tlat zel.



" Ka thian ni tur hian ka duh vak lo. Mahse a mah hian min zar buai hneh em a. " A rawn tih chuan ngei lutuk in ka melh rawm.




" School kan kal lai pawn ka bike hnung seat hi a permanent seat a ni ringawt. Min hnaih tum hmeichhe dang pawh a hnawt tiau vek zel. " A rawn tih leh phei chuan a seat hnung nghenchham chu ka tlawh dat.



" Ka tel lo in awm thei hek lo che. Zing a thawh ve leh a min biak loh hi chuan a nileng mood a fuh thei lo leh nghal. A mumangah pawh hian kei mah hlir min hmu thin in ka ring. " Ka ti let hlak hlak chu hma lam atang min lo nuih suk suk duh chauh leh nghal.



College kan thleng a. Tih tur tul ang ang kan ti fel a. Rin loh lutuk Siamsiami pawh kan hmu nawlh mai. A cousin a rawn kal pui ve a lo ni a. Zorema a hmu chu a lai chhe leh ta lutuk a, a khawngaih thlak zawk. Duh viau e ti lo in a hmeichhia zawk in duh thu sawi vel hi a ngaihdan a ni lo ve tlat a. Hrilh ai chuan ral khat star char char pawh ka thlang a ti ve ngat a nia.



Mi an tam deuh vang in kan rei phian leh nghal. Haw lamah erawh Siamsiamin an in a leng tur a min tih tlat vang in Zorema rual in kan haw lo a. Terini pawh a hmelhriatte a hmuh vang in kan bulah a kal bik lo. Siamsiami te in ah ka leng a. A u in sam colour na vel min lo zawrh a, ka sam rawng ka thlak ve chal hrim hrim bawk nen kan lei a, Siamsiamin min khawih sak nghal thlap a. A sen duk lam deuh in ka colour tir a. A lang vak lo a, nithlarah a lang chiang deuh a, a nalh phian leh nghal.



Chaw ei tur in min ti nasa viau nan mahse chu em em chu a chi loh tiin tlai lamah taxi in ka haw a. Kan in kawt kan thleng a taxi a tang ka chhuk a. Gate ka lut tur chiah chu ka hmung9 lamah bike ding ri ka hria a, ka hawi phei chu Zorema a bike nen lo dingin a hnungah Terini a thu ve bawk a . An pahnih a ka hmu dun chuan min thawng ve det.



" I thleng ve chiah e law. " Terinin bike atanga rawn chhukin a rawn ti a lu ka lo bu nghat.



" Engtin nge in rawn haw rual theih a? " Ka ti let ta zawk. Bakah zingah Zorema hian motor kha a keng sia, bike in an rawn let daih chu mak ka ti.



" A... Kawngah kan in tawk a. Ka lawm lutuk aw, awm lo la chuan ka tlai viau ang. " Terini chuan Zorema en in a ti nghal vat a. Zorema chuan a lu a thle buk a. A hmel erawh helmet a khum a, a mit meng chiah ka hmu thei. Mi pawh be loh in an in lanah a in turn daih leh nghal. Ka lakah a lungawi lo ve leh ngawt a maw ni!



" Lut i la. " Zorema an gate a a tlan lut ka melh vang vang lai chuan a rawn ti a. A ngaihna hre lo zet in gate ah chuan ka lut a. Kha tiang khan Zoremsanga kha a awm ngai si lo a. Min hmuh chuan min fiam emaw min chhaih thinrim emaw kam khat tal a min be lo in a awm ngai miah lo.




In kan lut chuan ka nu ten vawin chungchang min lo zawt luam a. Kei chuan sawi tur vak ka hre lo a, Terini zawk interview hma chhawn a nih vang in a chhan that thu vel a sawi luam thung.



Kan room ve ve ah kan chho a. Ka in ti fai a, ka in tih gai zawh in khumah ka mu zal a. Ka chhuak khat bawk a ka chau riau leh nghal.
Ka muhil hman tep tihin ka nu te chaw ei kan hman thu an rawn sawi a. Ka chhuk thla a. Chaw kan ei zawh in ka seng fel a Terinin thleng a sil thung.




Inrualkhat tih takah kan in kawm thei viau a. Kan ti ti pawh a rual thei viau zel. Choka a kan in kawm mawlh mawlh lai chuan kawngka an rawn kik a, hawng tur in ka kal nghal vat a. Kawngka ka hawng chu pawn lam a lo ding te chuan min thawng viau leh nghal.

IMG_19112021_235130_(621_x_1000_pixel).jpg


( tawi te in zawm ang aw๐Ÿ’ž)


" Enge ni ta? " Pawn a mipa pahnih ding chu en in ka ti sap. Ka hriat ngai mi an ni si lo a, ka nu leh pa pawn an hriat ka ring chiah lo.



" Rintei te in a ni em le. " Pakhat zawk chuan a rawn ti a. Ka bo hu mai, in an rawn hai a nih te ka ring rum rum.




" E... In lo thleng tawh a. " Chhan ka tum rual in ka hnung lam atangin Terinin a rawn ti a ka hawi let vat chu kan lam a rawn pan ve mek bawk.




" I hmelhriatte a mi? " Ka bul a a rawn din rual chuan ka ti nghal vat a. A thiante tih dawn chuan kan rualpui an ni chiah in ka hre si lo a. Kei ni ai chuan an upat hmel daih zawk.



" Umm.... U Zuala leh U Rema an nih hi. " Terinin a rawn tih takah chuan ka lo bu nghat nghat.



" Tihpalh ka lo hre lo cheu a, lo lut ru. " Tiin kawngka bul a ka ding chu ka tawlh sawn deuh a. An rawn lut ve nghal vat a. An hnungah Terini kal ve nghal tur chu a banah ka pawt ding chawt.



" Tu te nge? " Zawi te chuan ka ti sar sar a. Min chhanna avang chuan common room lam a mipa pahnih kal chu ka en zui ha ringawt. U Zuala a tih zawk kha a bialpa a nih thu a sawi a nih chu!



" Mahse patea te bulah chuan kan chhungte ka ti dawn a nia. Min hau ang tih ka hlau, kal rawh zui vat ang . " Tih leh coomon room lamah min kaih phei a rual a.



Ka pa chuan tu te nge tih a lo zawt chat reng a. Terinin a cousin te angin a sawi a. Kei erawh in ka melh leh vung vung thin. Bialpa a neih thu kha chu a sawi ngei a, a kum rual pui a nih ka lo ring ve tawp a mahse tum loh deuh in ka hmu upa lutuk hian min thawng ve det.



An lo in hrilh lawk a ni chek ang chu mipa pahnih te chu a cousin te ang in ka pa bulah a sawi a, mak hmel pawh an pu lo. Terini chhungte an nih takah chuan ka pa te nen pawh an ti ti mawlh mawlh a. Thingpui te kan in hnu chuan mu tur in room lamah ka nu leh pa te pawh an lut a.



An ni pawh rei an leng lo. Terini bialpa chu Terinite khuaah hna a han thawk ve reng tawh a. Tunah Aizawlah Terini a awm takah chuan an rawn leng ve a ni awm a. Terini awmna rei ve tawh mahse midangin a awm a nih vangin Terinin inleng neih nghal ngawt kha a in thlahrung a, chuvanga tun a rawn leng chauh an nih hmel.



Dar 10 rik dawnah haw an rawt a. Terini kawt thleng a va thlah a. Kei in thingpuiin na no vel chokaah ka lo sil mawlh mawlh thung. An rawn luh leh chuan mu tur in kei ni pawh kan chho ve nghal a.



Khumah chuan muhil lo in ka phone ka khawih mai mai a. Kan thian ho group ah an kan tawng tui ngang mai. Group a ka type mawlh mawlh lai chuan private message a rawn lut a. Ka no save loh atangin a nih vang chuan reply tumna pawh ka nei lem lo.



11 leh a chanve a rik chuan mut tum in ka phone ka dah a. Ka muhil tep tihah chuan ka tukverh zawn hi a rawn ri thek thek a, tho in tukverh lam ka pan chu kawngpui thlang lamah mipa hlim thla ni awm tak hi ka hmu a, kun ngul in kan gate chu a ngheng run a, ka hlau deuh ti tih ngawt leh nghal.



Ka en reng lai chuan ka room lam hawi in a rawn dak chhuak a, a hmel ka hmuh takah chuan ka thaw huai thei. Tukverh chu ka hawng rak rak a. Min hmuh takah chuan kan gate a ngheng chu a ding ngil ve nghal vat. A hmel ka hmu chiang chu ka meng bial kawk.



" Ngati nge i hmai kha, in in sual a mi? " A rawn call ka lak rual chuan ka ti nghal tawl. Kan veranda light in fiah lo deuh a a chhun vangin chiang lutuk chuan ka hmu bik lo.



" Ka lo riak dawn. " A rawn tih rual chuan ka ner nang.



" Engvangin. In i thlen tep tawh saw, va haw rawh. " Ka lo ti let thung.



" Sual thiam viau lo teh. Ka nu in min hmuh chuan min hau dawn a sin. " A rawn ti hluk a.



" Hauh i ngaihte chuan a hau ang che chu. I tih sual i tuar ngam dawn lo te chuan in sual loh mai tur che a lawm. " Ka lo ti leh hlak hlak chu phoneah a thaw chhuak hawk ka hriat rual in a sam chu a tuai chho puat a.



" Ka tuar ngam a mahse ka peih rih lo a lawm. Zingah ka tuar dawn tho tukverh kha lo hawng rawh. " Tiin phone chu a dah a. Kan gate chu a rawn zuan kan thauh a. A mah a sang bawk a, kan gate a kawng pawh thleng lo chu a tan chuan awl sam tak a ni dawn sa a.



A kut zai zir chuan sir lam, kan kawmchar lam a ka room tukverh chu hawng tur in min rawn ti leh a. Thaw hak in tukverh ka khar a. Pakhat zawk lam chu pan in ka va hawng a, rei lo teah a rawn thleng chho ve nghal mai a. Tukverh atang rawn lut in ka hmaah chuan a ding a. Rum zet a ka melh chu min nuih tlawn ringawt a. A banbulah chuan ka beng thlawp ringawt.



" Ti nge i insual leh thin , i hahthlak e mai aw. " Khum lam pan a a kal chu a hnungah chuan ka zui a, ka hau zui hlak hlak. School kan kal lai atang tawh in i sual hi chu a hrat ve a. Class 10 bord exam kan neih dawn pawn exam dawn hnaiah hotel ah luh vek tur an tih vang in kan lut a. Buaina an lo siam a, hostel atang an hnawh chhuah phah tawh.



Hostel a lo awm hlun tawh ho nen bathroom hman chungchangah an lo in ti buai a. An insualna lamah school bungrua pawh an ti chhe nasa reng bawk a. Midang chu nise a exam thei lo hial in ka ring. Mahse an chhungkua an awm thei a, mi zah rawn an nih vangin pa lawman hostel awm kher lo a in lam atanga exam a dil sak a, an phal leh ta tho kha a nia.



" Min hau ve lo teh. Naktuk zingah ka nu in min hau leh dawn a nia. " Tiin khumah a thu thla chu rang lutuk a pan in " Thu ringawt suh i kawr kha a bal a nia. " Tiin a darah chuan ka nem tawng tawng a. Phun hluk in a tho a, sir lam chair ah chuan a thu tum hmuk.



" Sual ve thei ngawt mai. " A la ti zui. Inah a haw peih loh apiang in ti hian ka roomah a rawn lut ru ziah zel a, ti chual sual min la ti a nia.



" Khum a ngap ang. Ti khan lo thu rawh. I pem tih faina tur ka va la ang. " Tiin ka tho a. First aid box la in a bulah ka ding a. A mit ko a pilh a. A biang ki lai chu a duk bakah a hnar pawh a thi na hnu a awm leh nghal. Tha deuh chuan a dawh ve mai a, zu nge bear rim a la nam thur thur zui. Hei vang chiah hi a nih hi a haw peih lo.



" Zaninah in leng i nei ti raw? " Ka awm zawn atanga min melh chho in a ti sup.



" Umm... i hnar chu thi tawh lo a mahse lapua hi hnawh tho ang. " Tiin a hnarah dim lo zet a ka lapua ka hnawh chu a rawn ner sawk.



" Dim ve deuh ta che. " A ti vin hluk mai. Thinchhe ve thei sia.



" Tu te nge i in lengte chu? " A hnar khawih chung chuan a rawn ti zawi sup a. Khum lam chu pan in khumah chuan ka lawn a, a lam hawi zawng chuan ka thut dan ka siam rem sauh sauh bawk.



" Terini in leng te an nia. Kei chuan ka hre vek vak lo. " Ka tih chuan a bu leh nghut nghut tho sia. Ka hauh dalah thu dang a sawi tih ka chiang lutuk chu ka nuih a za zawk.



" Tah khan mu mai rawh aw. Khi lai a khi puan i sin duh chuan. " Tiin mu tur in ka in siam rem a. A ni pawh rei lo teah a mutna tur a siam tih ka hre thei. A lam hawi chuan ka in her a. A mutna ka en chu rem lo zet hian a lo mu a, a taksa a na nge ka hre lo.



" Zorem.. "


" Umm... "


" Thil ka zawt ang che aw. " Ka ti sep. A mut dan chu siam rem in ka lam a rawn hawi a. " Min zawt ta che. " A rawn ti ve mai a.



" Ihh... Kan pahnih hian kan in kawmna a rei tawh viau a mahse .... Tunah hian bialnu i nei em? " ka ti chhuak phawng. Nui deuh suk hian min rawn en a, ka lo en ve reng.



" I hriat loh danah ka nei lo a niang. " A rawn tih chuan ka then sak.



" A nih neih te i tum hnai em? I tum chuan fel tawk mai, nangmah duh deuhtu ka hria a. " Ka ti var a. Ka phu sar sar viau mai. Siamsiamin min lo biak ve reng reng rawh bialnu a neih loh chuan. A ti ve ngei a, a ni meuh in a ti chuan ka sawi lo phal teuh lo hi a ni ringawt.



" ka duh chuan ka zawng ve mai ang. Muhil rawh. โ€ a rawn ti hmuk a nih chu. Phur ve tawh nen phurna a ti reh nghal vek.



" Sual ve sia e. " Ti hlar in leh lam ka hawi a mit ka chhing hmak. A ler lo ka ti dawn nge, hetiang lam hi a sawi pui theih miah lo a nih chu.


*

*

Vawinah class kan tan tawh dawn a. Terini pawh a tling ve ngei a. Zorema erawh sawi ngai lo chiang ka tih tawh kha. Form ha lo a class han lak vel chu a phur awm ru viau mai. Tukthuan ei kham ve leh kan in siam nghal a. Terini chu thian kan vengah kal pui tur a lo nei hlauh a an khaw lam a mi. Class group atang an in chhar chawp a. Kei erawh Zorema rual in ka kal dawn thung a.




Kan in siam zo inhnuaiah kan chhuk chu Terini kal pui tur pawh a lo thu vang tawh. Be khaw muang lo in ka chhuak a Zorema te in lam ka pan a. Gate ah u Lka leh u Duati te hna kal tur nen kan in tawk a.



" Bawihpuia nen in kal rual dawn a mi? " u duati chuan a lo ti vat a. Aw ka lo pawh ve vat. Kan inbiak laiin Zorema pawh a rawn chhuak a. Kan dinna lam a rawn pan ve nghal vat.



" In first day a ni bawk a, nuam deuh in va hmang ru. Buaina ral liana hi i va veng uluk dawn nia. " U Lkan a tih chuan Zorema chu a lawm loh hmel ngang mai.




" Kal vat mai teuh kal kawng in dal. " A tih chuan u Lka chu a nui suk a an tlan chhuak zui nghal. Kei ni pawh kan chhuak zui ve nghal a. Terini leh a thiannu kan tlan pel chu min rawn bye lauh lauh a, ka kut ka vai let nghal vat.




College kan thleng a, nikhatna a ni bawk a an lo tam tawh ngang mai. Parkingah kan tlan luh hnu lawkah kan bulah bike pakhat a rawn ding a. Ka hawi phei chu ka nui nghal ver ver.



" Morning. " Ka tih rual in a rawn hawi ve nghal a. " Moring u. " Tiin Zorina chu a rawn nui ve suk.



" Kan va thleng rual ve. " Ka ti sap. Kan pathum chuan kan class tur lam kan pan a. Terini te erawh sec A ah an aem dawn a, kei ni erawh C ah kan awm dawn vangin class pawh a in ang thei lo.



Class kan luh rual in tlar hma lamah ka hmelhriat ti ila admission ka tih ni a mi te an lo thu a. An bul ruakah chuan ka thu ve nghal chat a. Zorema leh Zorina erawh tlar hnung lam an pan zui vang vang a. Principal fapa tih an hre nual bawk a an sawi zui sap sap hlawm leh nghal.



Rei lo teah professor a rawn lut a, tunah chuan ka hma lam hun atan a pawimawh tak, rah bi thar ka rap ve dawn tak tak tiin ka in hrilh zui mawlh mawlh a.




#Ads click kha aw, lo ti leh hram ru, in fel kha


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:47 pm

Miracle Love by Amy Cck



Chapter - 3 ๐Ÿ’•



First day a ni bawk a class kan la la tha lo a. Period tinah introduction min neih tir a ni ber a. A then ho tak tak an awm ve nuk bawk nen nuihna tur a tam phian a, firstday a tan chuan duhthusam a ni.



Ka thian chhar tharte ti i la, ka thut puite Didiki leh Opi te nen kan in pawh nghal em em bawk a. Lunch break a hun chuan tlar hma lamah kan thu bawk a kan chhuak hma ngang mai. Corridor pheiah chuan tawng barh barh in ka kal a. Tu emaw hian ka luah hian min rawn vuan ding chawt a. Kan thian ho chu kan banah kan in kuah vek bawk nen kan ding rual thap a. Sir lam ka hawi chu ka ner sak.



" Eka.. " Zoremsanga melh chuan ka ti hlak a, a kut ka lu a vawn behna chu ka beng thla hlak. Nui suk in kan sirah chuan Zorina nen an rawn ding a. Student dang ho pawh chuan min en haw haw hlawm mai.




" Ka haw dawn a, tlai ban hunah min lo call la ka rawn hruai dawn che nia. " Hrilhhai zet in ka melh dun a. " Class a la zawh loh hi. " An pahnih a melh tawn zak zak in la ti let vat.



" Kan hria. " Zorina zawk chuan ring vak lo hian a rawn ti. " Chuan in haw tawh dawn maw? " Ka ti leh hram.



" Inah chuan haw dawn lo e. Hei... Zorina hi nula ka hmuh pui dawn. " Zoreman then suk in fiamthu zet chuan a rawn ti a. Zorinan a darah a rawn hnek nghal tawlh a. A thianpa lah chu a la nui vur vur zui.




" Kan kal aw. " Tiin stepah chuan an chho a. Thawk la hak in ka thiante pahnih ka en chu Zorema leh Zorina kal na lam chu an lo melh zui vawng vawng zui.




" Zonun... Kha pa... Principal fapa nen khan in in hria a mi? " Opi chuan step lam la en zui vawng vawng chuan a rawn ti a.



" Umm.... Kal ang u in ril a tam kha. " Tiin an banah chuan ka kai leh a. " Pakhat kha ka hria.... Kan veng a mi a nih kha. " Didiki zawk chuan a la ti hram. Canteen ah kan lut a, kan chhuah hma ve teh reng nen kan din khaw muan leh vangin an lo tam tawh ngang mai. Kan thian thum chuan kan in line ve thap a.



" I bialpa a mi? " Opi chuan a ngawih vang vang hnu chuan a rawn ti chhuak thut. Chhang mai lo chuan ka nui hmasa phawt a. La nui reng chung chuan lu ka thing mat mat a. Kha zawhna kha ka vawi khat dawnna pawh a ni tawh lo a. Mak pawh ka ti hran lo.



" Ka thianpa ve em em a nih kha. Chuan min zawh leh hma in in thenawm kan ni bawk a. " Ka ti awl sam et a. Mahse an la suh tawk lo ngang mai. Thil kan ei chhung pawn min zawt char char a. An tawng zo thei lo a ni ber mai.



Canteen atanga kan chhun hnu in kawtah Terini te nen kan in hmu a. Class a in an lo na na na chuan a in zui thei loh chu a ni ber mai a. Mahse a ni chu an khaw lam a mi an class ah an lo awm hlauh a, kei aiin thian a nei hnem nghal zawk mah.


Zorema leh chawhma class chiah kal ti lo chuan thawm a nei tha khawl mai. College principal fapa meuh kan class a awm chu an haw hnu pawn an sawi zui nasa ngang mai. Class dang atang pawh in a hmel hmuh tum rawn kal te pawh an awm a. Kan in hria tih hre hek lo kan bul a ding in an sawi leh nak nak thin te chu a ruk in ka lo nui ka lo nui mai.




Chawhnu period thum chiah kan la a. Last period erawh professor a rawn kal lo an toh vangin kan haw hma thei a. Banah Zoreman min lo call rawh ti tho mahse ka call duh ta lo. Ka thiante ve erawh nen chuan kan veng a in an loh vangin Terinite an lo haw thei ve chiah nen an rual in ka haw thei tho a tiin ka be buai ta lo. Nidangah ka ti buai ve thei sia, in huam viau mahse ka la khek rih ni mai rawh se.




In kan thleng a, ka nu in kan ni hman dan min lo zawt a, chokaah thil ei pah in kan han sawi dun tak tak chu tawng hun kan in chan lo hial a. Kan nui dun leh rih thin. Ka nu pawh kan ti tiah a mahin a lo nui a lo nui ve bawk.



" Aww.... Enge ni? " Ti ti reng pah chuan ka phone rawn ri chu ka chhang a.



" Ka rawn thleng tep aw. " A rawn tih chuan ka thingpui in lai ka phu chhuak teuh lutuk.



" Ai... Ai... Lo kal suh. Ka tih awm zia chu ka haw tawh a. Inah ka awm tawh a nia. " Ka ti nghal chul a. Ka nu leh Terini chuan min en dun haw mai.



" In i thleng tawh maw? " A rawn ti a. Mit chhing sak in ka ner sak bawk.



" Umm.... Kan bang hma a. " Inthlahrung tawk chuan ka ti sep.



" Tu nge kha ti vak a i biak a? " Ka nu chuan phone ka dah rual in a ti nghal vat.



" Zorema... Chawhnu class a awm lo a. Banah haw pui ka nei loh a ring a, min khawngaih a ka lo lam leh ang che a tia mahse kan bang hma leh thut sia ka lo haw san daih a. Ka hrilh ang ka tia mahse ka tawng tui lutuk a ka lo theihnghilh daih a. " Ka tawng tawp lam chu a zui ral thak.



" I va han a thei tak. " Ka nu pawn min ti tawp. Thil kan ei zo a in thlak a in ti fai turin inchungah kan chho a. Bathroomah lut in fai ser sawr in ka in bual a. Inbual zawhah rawng bawl tur in ka chhuk a. Terini pawh a rawn chhuk ve vat a.


Rawng kan bawl laiin Zorema a rawn lut a, a hmel chu a tum tha vuau vuau a sin aw. Tlawn ti tih in thingpui te ka lo lum sak a. Ka nu lah chuan Zorema lam tangin min hau dun char char a. College a lo va thleng teuh lutuk chu ka khawngaih zawk.

*

*

Hun a liam ve zel a class pawh kan kal pangai tan a. Kal lamah Zorema rual in ka kal ziah a. Haw lam erawh kan in rual lo fo thung. A chhan pawh class a awm thatchhe bik lutuk a, keiin kal loh mai mai ka duh si lo bawk nen.


" Zaninah an lo leng leh dawn a. " Rawng kan bawl mawlh mawlh lai chuan Terini chuan a rawn ti a. Tu te tih nan mit ka san khum ak a. Ner nangin ka nu hriat hlau zet chuan " U Zuala te kha. " A rawn ti a, ka hre thiam ve chiah zui.



" Takin U Rema khan i no min dil a. Ka lo pe ve tawp a mahse i lo be duh lo a ni maw. " Ka nu choka atanga a chhuah hnu chuan a rawn ti a, ka hawi a heu mai.



" Min lo bia mi? " Ka ti ve mai a.



" Umm.... Min reply duh lo a ti che a. " A ti leh chu za lo zet in ka nui tawp.



" La hre lo a nih dawn chu! Bakah ti nge min hrilh lo a i pek a. " Ka ti let a. Tunlaiah group leh khawi khawi maw lai atang a min lo private nulh nulh ching an awm vang hian ka hriat loh hi chu biak enah ka en lo hrim hrim a. Chutiang zingah chuan a tel ve a nih te pawh ka ring.



Zanriah kan ei kham a, thleng kan seng fel hnu rei lo teah kan in leng tur te pawh an lo thleng a. Ka pa te lah in Terini chhungte angah an ngai bawk sia, ho te mah nise dawt kan sawi ringawt chu nuam pawh ka ti lo. Thu dik hrilh pawh nise an hauh pawh ka ring lo a nia. Mahse an rawn len hmasak zawk in a chhungte a ti tawh sia, thlak leh kha a fuh lo zawk bawk nen, kan lak lawh a ni ber.



" Zonun... U Zuala te va thlah lawk i la. " Sofa sir lam a ka phone ka hmet mial mial chu Terinin a rawn ti sap. Ka hawi chhuak chu an pathum chuan min lo en reng hlawm a.



" Ka lo kal ve ang maw? " Ka ti haw mai.



" Ke in an rawn kal a. Kawn thleng min va thlah pui a. Let leh lamah mahni chauh chu a nuam duh lo em a. " A rawn ti a. Sawi buai lo chuan ka tho ve mai a. Kan thlah thui vak ka ring lo bawk nen ka awm ang ang chuan ka zui chhuak ve tawp a.



Kan hmaah Terini te pahnih an kal a. An hnung deuh ah U Rema nen kan zui ve a. Kan ti ti phei mial mial a. Min lo biak a ka lo reply duh loh chung chang vel a sawi phei chuan Terini ka mawh puh nasa mai. Kawn thleng kan thlah a. Kan leh leh hnu in Terini roomah assignment kan ti dun a. Kan ngah dun bawk nen kan meng rei ta phian.



Ka room a ka let meuh chuan mut chhuak vangin ka meng phi chiai tawh. Bathroomah lut in ka in phih fai leh te te a. Bathroom atanga ka chhuak chu ka khum a lo mu pharh duai vang chuan ka phu nasa lutuk chu ka thlawk chhuak lo chauh.



" Heiii.... Engtik in nge i lo luh a? " Tih leh pan hnai ka rual a. A la che duh thak lo.



" Pheikhawk nen khumah mu thin suh ka tih ziah che kha aw. " Tih leh a sir a din ka rual a, mit a la chhing tlat zui.



" Zoremsang ka mut a chhuak teh a nia aw. " Ka tih pawh chuan a che duh thak lo.



" A va mak e.... Tho tehh... " Ka zai damna in a tlin tawh lo chu ka ti vin hlar a. A che duh miah si lo chu a banah ka pawt vak a, harsa zetin ka pawt thu a. Kan in hnaih takah chuan a rim danglam pawh ka hre thei.



" Heii.... Nangpa hi i rui leh a ni maw? " Ka ti chu a lu a thing nawk a. Awi lo tak hi ka ni mai.



" Dawt sawi suh. Ka room chhungah i rim a nam rum rum hi. โ€ ti hlak in a darah ka beng hlak a, peih loh hmel zet a min rawn en in a hnat a la tum kual hruk hruk a, a nui nghawt dawt bawk.




" I rim hriatna a dik lo a nih chu. " A ti sam et a. Ka ner khum nang.




" A tha mah mah zawk a nih hi! Tho rawh... " Tiin a banah ka pawt leh tawng tawng chu a rawn tang ve thut a, a lamah min pawt thut in a hmai bul chetah chuan ka kun hniam a. Khumah a thut zawk miau vangin a hniam zawk tlat sia.




" Thil tha lo i tih a piang a ka room hi rawn bih ruk nan i hmang a nih chuan ka kawm tawh miah lo ang che. "



" Ka duh che. " Ka tawng tawp chawt.


" Ti nge i hmel that em em le? " Ti nawn leh in kan in hnaih tawh teh lul nen a rawn awm hnai leh a. Ka kut pahnih chu man bet in a vuan tlat bawk si a min pawt hnai zawk a nih chu.




" Min thlah vat rawh! " Ka ti ram hmak.




" Ai. " Min chhang tawi tek tawk viau mai.




" A nih loh chuan i chak dawn lo a nia. " Ka ti leh a. Nui leh suk in min hnaih leh sauh a. A hnar in ka hnar a rawn si tawh chu che thut in a chal in ka tauh nghal chawr a. Min thlah ran dan chu pui tak a ni. Khumah chuan let thla tawp in a hmai chu a hup a. Kei erawh kawng dawm in ka ding ngil at thung.




" Ka warning che kha, kha kha i chan tur a nih kha. " Ka ti hmak. A vawi khatna pawh a ni tawh lo hrim hrim a. A ruih sual deuh hian kha tiang kha sawiin tih a tum ve ziah a. A vawi khat tihnaah kha chuan ka in veng hman lo a. Mahse a hnu erawh chuan in veng thiam tak ka ni tawh. Ka thianpa mah nise ka first kiss min lak sak kha a tawk viau. A harhfim hnu in a hre leh tawp si lo a. Ngeiawm leu luau a nia.




" Heiii.... Ti der kual lo khan awm tha la, i duh leh va in phih harh rawh. " Khumah a hmai hupah a la mut reng vang chuan ka ti leh a. A sual chhuah in a che leh duh tawh thak lo.




" A mak... Tho teh! " Ti a a dar a ka kuai her chu a muhil nge a chatthla zui daih leh nghal. Thaw hak in a taksa chu a thal zawngin ka nem a. Puan sin tur a delh beh vek vak in harsa tawk in ka pawh chhuah sak a. Rawn rum tuah tuah in hriat tham loh hian eng emaw a sawi a, mahse a sawi pawh ka hre thei chuang lo. A pheikhawk phelh sak in puan ka sin tir a. Kei mah zawk chu thuthlengseiah ka mu ta tawp.




College kan kal chin hi a hma ang em em khan kan in zui in kan in hnaih ta lo a. Nun a zal len ta deuh nge class a awm peih loh ngaihtuah in hmelhriat a ngah a. Kar tawpah ti hian rui zet in ka room ah a rawn lut ta ziah mai.


*


" Bawihte... Mambawih,.. Ti nge khum a mu lo in thuthlengah i mut a? " Min rawn sawi det dettu vang chuan ka phu nasa lutuk chu thawh phan pawh awm lo in ka thu chhuak hlawl. Khum lam ka en chu a lo ruak vek tawh leh nghal. Tukverh lam ka en chu pakhat zawk a lo in hawng deuh a. Ka thaw huai mai.



" Ti nge, i harh chiang maw? " Ka nu chuan a rawn ti leh vat.



" Umm... Harh e. Ti nge i lo chhoh a? " Ka ti let haw mai.



" I rawn tho har em a. Ka rawn ngaihven che, i damlo emaw ka tia. " A rawn ti ve nghal a.



" Dam e, nizan a lum lutuk a ka muhil thei lo a thawh ka hai a nih hi. Min kai tho lo la chuan ka la harh miah lo ang. " Tiin khum lam ka pan a, ka thlep tha nghal mawlh mawlh a, Zoreman min call harh loh chuan mahni chuan thawh ka hai liai liai zel miau a. A ni lah in min lo haw san daih leh nghal.




" A nih chuan ka chhuk a nia, lo chhuk vat la tukthuan kan ei dawn nia. " Tiin ka nu chu a chhuak a, kei pawh ka in siam nghal vat a. In hnuai a ka chhuk meuh chuan ka nu leh Terinin chaw ei an lo siam mawlh mawlh a. Ka pa pawh choka lam veranda atang a rawn lut ve nghal chiah a, dawhkan kan kil zui nghal mai bawk.




In siam sa a ka chhuk vang in chaw kan ei kham in ka chhuak nghal a. Kawngpui kan in Zorema te inah ka phei a, ka hman hma ve tum hi chuan in ti thei tawk in ka va tur sek zel.



" Zonuni chu i va hma ve. " Gate ah ka luh rual in nu ruati chuan a lo ti a, Zorema a hman tawh leh tawh loh la zawh chuan a la tho lo tiin min chhang a, rang zet in inah ka lut a, modang an awm lo bawk nen tumah be lem lo chuan inchung lam room ka pan a. Zorema roomah ka tlang nghal hmiah.




Room ka lut chu a lo la tho lo tak tak leh nghal. Khumah bawk khup zawng a lo mu in mut tui hmel tawk in a la thaw ri suk suk leh nghal. A bulah chuan kal hnaiin ka sawi det det a. Tho phang zet a rawn meng in min hmuh rual in a mit a chhing leh nghal hmak.




" Class i kal dawn lo a mi? โ€ ka ti sap.



" Umm... Ka lu a na. " Ka din lohna lam hawiin a ti hmuk.



" Ti nge? Nizan a i thil in i tuar lo a mi? " Nuih in sum zet chuan ka ti leh a, chek hluk in ka lam a rawn hawi chu mit ka lo san khum ak.



" Ni mai mai lo. Nizanah tu emaw in lung ang mai a chang a chal in min tauh vang maw le. " A ti hluk chu ka ner sak.



" Daw lo mai teh. A na lo lutuk a i chahthlak nghal hmak kha. Bakah ti nge i ruih hian i mawl riau zel a. " Ka ti ve hlak hlak a.



" Enge ka mawlna? " A lukhamah a hmai phum in a rawn ti hnawk tuak mai. A hre lo der hmak zel leh nghal.



" Ka sawi peih lo. I kal dawn loh chuan taxi ka chang rei lutuk ang ka kal dawn." Ti a kal ka tum chu a rawn thu tung leh ut ang lawi si.


" I kal leh si dawn a mi? Terini ten min kal san tawh sia ka lai vek a nia aw. " Ka ti leh vat.


" Zorina ka be dawn nia, lo lam kawi tur che in. A la kal lo ang lo nghak rawh. " Tiin ka chhan letna nghak lo in a phone a hmet mual mual a, a call a ni ngei ang. A rawn kal tur thu a sawi zui nghal sia ka nghak leh ta tawp.




" Chuann..... Ka thil hrilh che kha i lo ngaihtuah ta em? " A room en kual dan dan chuan ka ti a. A ni erawh khum lu lam ngheng in ka awm dan chu min en ve run bawk.




" Eng ber maw? Hrilh te chu min ngah em kha! " A rawn ti let thung a. A lam hawiin ka ner sak a, khum mawng lamah ding in ka melh let vat.




" Bialnu i neih loh chuan ka thiannu chu be ve chhin la. " Nuih tlawn ver ver in ka ti sap. Siamsiamin a sawi ve nasa thin sia, a hma zawng chuan ka lo biak ang che tih pawn a duh ngai miah lo a mahse school kal ho tak lohah chuan zahna tur a awm lo a ti ta deuh nge, min lo biak la a ti ve deuh sek sia.




" Ka biak tluk zet in ka hlim e. " A ti duh lek chu ka chhiat khum nghek.



" Tih dan tha deuh ka hria. " A guitar ka khawih lai chuan a rawn ti sup a, ka melh vat.



" Ka thianpa i biak ve dawn chuan i thiannu chuan ka lo bia ang. " A thu sawi chu a fiamthu emaw tiin ka melh deuh vang vang a, mahse a ma tawkah a thu tak ve lutuk chu ka awi lo hial zawk.




" Kei te chuan ka mamawh hlei nem! Minti buai tur chuan i tawk viau. " Fiamthu chuan ka ti daih.



" A nih chuan kei pawh kha kha ka ngaihdan a nih kha. " Tiin inchung lam hawi chuan a dak vang vang a. Kan ngawih rauh rauh hnu chuan Zorinan kawtah a awm thu sawiin a rawn call a. Chhuah tum a kawngka lam ka pan chu ka ding leh dat.




" Tun a i thu sawi kha i ti tak tak ti raw. I thianpa ka biak chuan ka thiannu chu i bia ang maw? โ€ a lam hawi chuan ka ti leh te te a. Lu chu a rawn bu nghut.




" A tha e, class banah ka rawn kawi ang. Lalsiampuii hian engvang a suh em che nge maw a nih le. " Ka ti chu " Ka chhelo em a lawm. " A la rawn ti ham ham zui.



" A zak thak si lo a e.... " Chek tlak tlak a tiin ka chhuak a, gate pawnah Zorina pawh a lo ding reng tawh. A hnungah thu in kan tlan chhuak zui ve nghal a. Zorina pawh hi kan school kal na a in ang chho deuh char char a, bakah ka best friend ti i la , mipaah chuan a ni ang a kawmngaih ka nei lo ka tih thei khawp Zoremsanga thian a lo ni leh zel nen kan in hre tha ve tho. Mahse thian dun rau rauah pawh an mizia hi a dang hlak thung.




College kan thleng a, kan tlai deuh tawh vang in class ah kan tlang nghal a. Vanneih thlak tak in professor te an la lut lo hlauh. Kei chu tlar hmasa ber atanga a pathumnaah ka thiante bulah ka thu leh chat a. Zorina pawh hnung lam a pan nghal nul nul mai.




" I va tlai ve? Zorema a lo kal dawn lo a mi? " Opi chuan a lo ti vat a. Nidangah Zorema nen kan in zui lut nulh zel sia mak min lo to ve pawh a ni mai thei. A dam sam loh thu te ka sawi sak ve luam kha.



A ngai te bawk in kan ti ti bawrh bawrh a. College week kan neih tep tawh thu vel an sawi hnu lawkah SU te rawn lut in an rawn sawi chiang nghal a. Kan phur tlang hlawm ngang mai. Freshers ho atang in college miss leh mister tur, rua khau lian leh chhelo ve deuh, sang leh hmeltha ve deuh ho chu an rawn thlang diat diat a. Zorina pawh an ko ve ngei a.




" Zorema chu lo kal se an tel ve hrim hrim ang. " Opin a lo ti hman hmawh.



" Kei pawh ka tel chak ve reng. Mahse kei ni pum 3 cheng 10 man ang lek lek chu min melh kan zel zawng a nih hi. " Didikin a tih chuan kan nui nasa ngang mai. A sawi dik ve tho bawk nen, hmeichhe dang sang tha zet zawt han hmuh hi chuan an awh awm ve thin.




Vawiin chu week kan neih tur buaipui chuan class pawh kan la mang lo. A then chuan an rawn la tho a mahse chung pawh chuan an la rei lo hlawm viau. Chaw hnu lam phei chu kan bang hma ta reng bawk a.



Terinin len kawina tur ka nei a tih vangin kan haw rual thei dawn lo leh nghal. Ka thiante nen kan veng a in ang si lo , kei mah in ka haw hnak hnak a. Taxi van lai a ni vang chuan kawng sir ah ke in ka kal ta tawp a.



" I lo tel ve duh em? " Ka zawn kawngpui sir a rawn ti tu vang chuan ka ding dat a. Min lo nuih sangtu chu ka nuih let ve vat. EU a kan in kawm a, hruaitu a ni tih ka hre bawk a. Kan veng lam ah a kal dawn vang chuan ka hnial ta bik lo.



Kan ti ti phei zel a, a ni chu 3rd semester daih a lo ni leh nghal. Kan in kawtah a scooty a din tir in ka chhuk hnu in a tlan tlang leh mai a. Kan in a lut ta mai lo chuan Zorema te in lam ka pan phei a.



" Haihawtlian. " Rawn ti ri vang chuan Gate ka lut chiah chu ka hawi chho a, Zoreman a room tukverh atangin min lo thlir reng chu niin. Ner nang in in lam ka pan phei a. Doorbell ka hmeh rual in an nula in kawngka a rawn hawng a. Ka luh chiah tiin Zorema pawh inchung panna step atang a rawn chhuk ve chiah.



" I ril a tam em? " A tih chuan lu ka bu nghat a. An choka lam a pan chu a hmungah ka zui ve nghal a. An nula bulah thingpui lum tur a a tih chuan kei man ka lum mai tur thu ka sawi vat a, an nula pawh chu a chhuak ve nghal mai a.




" Takin, vawiinaj college mister a tel tur in i hming ka pe lut ve a nia. " Thingpui lum pah chuan ka ti a, a ner sawk pawh ka hmu hman reng. A mah hnung chhawn chuan ka nui sak.



" Ti nge maw dawt sawi hi i chin reuh em em le? " A ti hluk duh chauh.




" Lemm.... Sawi fel vat ang. " Dawhkan a thingpui dah phah chuan tii. Chair min pawh chhuah sakah chuan ka thu thla nghal a. " Eng chu? " A la rawn ti daih zui.




" Zing a ka sawi kha. Ka thiannu chu nang pawh i hria ang. A fel teh mai a nia, dik tak chuan i phu pawh ka ti lo a mahse a man a duhna che a rei ve tawh a. Ka thiannu a nih vang in ka fak miah lo a nia aw. " Ka ti zui nghal mawlh mawlh chu min en reng ringawt.



" Chuan.... " A rawn ti sup chu hrethiam lo fe in mit ka kan ak.



" Ka thianpa ve thung kha. " A rawn tih chuan ka thaw hak.



" Ti nge ka biak ve kher a ngaih a. I thianpa chuan min hre ve awm tawp si lo a. Ka thiannu te chuan a hre sa che a. " In sawi fihlim tum zet chuan ka ti leh zet zet a lu a la thing ngut zui.



" Kan in biak dan a nih lo. Ka thianpa in biak tur i thianteah min lo zawn a tia, nang lo thian hmeichhia ka nei si lo a, kan in rem em? " A mit ko vei lam rawn san uk in a tih chuan thawk la hak in lu ka bu ta nghat.



" Mahse inbiak tih khan thian angin a nia ka tih. " Ka ti leh hram. Nui suk in lu a bu leh nghut a.



" Khawi i phone? " Tiin ka kut ka dawh a, a kekawr ip zen ruk ruk in min pe ve mai a. Ka phone min la dil ve leh kher zui.



" Zanah va bia ang che, ka zawt leh thlap dawn a nia. " Ka tih chuan a phone chu a melh vung vung a. " Nang pawh. " A la rawn ti let hram.



" A nih lo duh thei ngang lo i la? " Haw tum a ka ding uai tawh chu a rawn ti leh hram.



" Duh theih ngang loh te chuan kei a tih luih theih in ni mi? Bakah in in biak tak tak chuan ka thiannu zawk hian a duh lo hmasa zawk lo ang che tih a hriat loh. " Fiamthu a ka tih chuan a phun zui hluk.



" A naupan chhiat thlak hle mai. " Tiin a rawn ding ve hluai a.



" Kal rawh min rawn thlah rawh. " Tiin a banah ka kuah kal dat dat a. Kam in zui chhuak a, Lalsiami lawm lutuk tur hi ka hrilh chak zek zek tawh.




Kan inah ka phei a, ka room ka luh rual in Siamsiami ka call a, zanah Zoreman a biak tur thu ka hrilh chu a phur ngang mai. A chang leh a zah thu a sawi thul, tlai tluan in chu mi chung chang chu sawiin kan in bia hi a ni ringawt.



Thim dawnah Terini a rawn hawng a. Ka nu leh pa in khawm an duh vangin chaw kan ei hma a, kei leh Terini erawh inah awm kan tum thung. Thleng kan seng fel sawk sawk a room a ka luh rual in ka khum bul dawhkan a ka phone lo eng pap pap chu ka pan vat a. Siamsiami niin Zoreman a biak thu vel a rawn report ve ngei a.



Whatsapp ah ka lut a, tlai a Zoreman a thianpa no a save Puipuia tih atang a ka message dawn chu ka open ve ta ngawt.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:47 pm

Miracle love by Amy Cck

Chapter 3 zawmna kha i chhiar loh chuan keu let rawh aw๐Ÿ’•๐Ÿ’•

Chapter - 4 ๐Ÿ’•




" Mutduhnu. " Ka lukham hnuai a ka phone rawn ri der der ka lak rual in a rawn ti a, mit pawh meng lem lo chuan " Dar eng zat nge ? " Ka ti let hap. Leh lam a mi lah chu a rawn nui ri hawk a, kei erawh in mut ka kham hlawl lo.




" Dar 6 leh minute 15 . " A rawn tih chuan peih lo zet in ka meng a. Dawt chu a sawi em lo e.



" Dah teh nizan ka meng rei lutuk a, mut ka la kham lo a nia aw. " Ka tih pawh chuan a la nui mai mai zui. Ka fiamthu emaw a ti a maw ni.



" Nizan chu in in be tui viau a ni maw." A rawn ti let a, a awah chuan a nuih a za tel deuh in ka hria. Thawk lak halh in khumah chuan ka mu zang thla der der a, inchung lam melh chuan ka khap fak fak ringawt.



" Nih te pawh a ni mahna. Class kal tawh ang che aw, i hrem? " Ka ti let daih. Thil dang ka sawi chhuah loh nan kan thu pui ka thlak lui ngar ngar a, a tawpah chuan phone kan dah ve thei hram.




Nizanah Siamsiami hnenah Zorema a biak dan tur te leh reply dan tur , ka sawi awm zia chu Zorema sawi duh zawng tur a ni ber ang chu ka hrilh char char a. Leh lamah Zoremsanga lah in a sual chhuah in biak dan ka hre lo a rawn ti ve bawk a, ka hrilh ve zel bawk. A hming chuan an in bia a mahse a tak takah chuan kei mah leh kei mah in bia ang char char ka ni. Zorema thianpa Puipuia kha chu biak loh ai ka be mai mai. Dar 8 khan ka mangtha fel than tawh. Mahse dar 1 thleng deuh thaw Zoremsanga leh Lalsiampuiin vang in ka a lo chauh thung.




Kan in biak zawh chuan tho ta mai lo chuan ka muhil leh hram a, dar 7 pelh hnuah ka tho chhuak ve chiah. In phih harh in inhnuaiah ka chhuk a, ka nu in thingpui min lo pe a dawhkan kil in ka dawm a, ka phone ka hmet eng chu a chung berah Lalsiampuia message a lo awm leh vah tawh. Rapthlak dun a nia, hetiang chuan min ti a thei tak ngial dawn.



* Morning. * Siamsiami nen kan in text laiin Puipuia hnen atang khan ka dawng ve a. Online kur a reply loh chu Zorema thianpa te a ni ve sia, chutah nizanah ka be zet zet tawh a lo biak duh loh leh vel kha in thlahrung in ka morning let ve ta hram. Dik tak chuan a hmel pawh ka hre lo a ka be tui teh chiam lo. Zoremsanga leu luai vang chauh in ka bia a, nizanah khan mizoramah a awm lo tih a sawi ve bawk sia, a thlalak tal Zorema ka la dil ang.



* I mu tui em? * Tih a rawn lut leh a.



* Umm... Nang zawk??? * tiin ka reply a.



* Tui a ni ve mai. * a rawn ti a, ka sawi tur a zo nghal der. Reply dan tur ka hre tawh ngang lo leh nghal.




* mutduhnu * ka phone ka en vang vang lai chuan Thenawmpa hnen atangin a rawn lut ve hlawl.




* mut theih loh hi a lawm hlauhawm. * tiin ka chhang let a, kan in hnial thla leh par par tawh. Zingkar atangin a ngaihna thlawt hi kan awm lo.




Tukthuan kan ei a, ei khamah college kal turin kan in siam a. Terinin niminah miss contest naah tel tur in an tih ve thu te a sawi a. Ka lo phur pui viau. A ni chu sang lutuk tih tur ni lo mahse a awm tawk vel in a sang a. A phian lah ria lam a ni bawk nen a awm ve viau mai.




A thianten an rawn sawm vangin a chhuak hma a, kei pawh ka in siam mawlh mawlh laiin pawn lamah bike ri ka hriat takah chuan tukverhah ka dak chhuak a, Zorema a bike ah thu in min lo nghak leh run tawh. Ka bag la in hman hmawh zet chuan inhnuaiah ka chhuk a, ka nu leh pa hnenah ka kal thu sawiin ka tlan chhuak ve nghal zat.




" Kal ang le. " Tiin kan gate pawn a min lo nghak tu chu ka nuih ver ver a. A bul ka thlen rual in a bike a ti nung a, a hnungah ka lawn kai ve nghal bawk.




" Chuan tukinah in in be leh em? " College lam kan pan lai chuan ka zawt a. " Bia e. " Tih zawngin min la chhang zui. Engmah sawi zui tawh lo chuan kan ngawih vang vang a, rei lo teah college kan thleng ve mai.




" Puipuia hnen atanga ka hriat dan in i lo be tha vak lo a ni tih la hria a, ka lawm lo khawp mai. " Bike atanga ka chhuk rual in a rawn ti a ka ner nang.



" I thianpa chu a va tawngthei ve. " Ka ti chuan a lawm loh hmel em em mai leh nghal. A mah pawh ka ti tawp si lo a.



" I thiannu pawn kan thu sawi a hrilh chhawng zel che a tawngthei ka ti ve dawn em? " Tiin ka bulah a rawn ding a, ka melh nghek ringawt.



" Hmeichhia leh mipa kan in ang lo aw. " Ka ti hram a. " A ni mah na, kal rawh le. " A hmui ti zawi zauh a tiin ka darah mi kuah in class lam min pan pui a. Kan in hnial bap bap laiin class kan thleng leh der. Zoremsanga nen hi chuan hun hi hriat loh kar in a ral zung zung zel.



Class kan lut chu an lo zi leh nuai nuai tawh a. Ka thiante ka pan vat a, Zorema pawh hnung lamah a phei leh nghal nul nul. Tlar hnung lam a pan thin pawh hi a dem awm hran lo. Kan bulah te thu ve luau se, a lian mai sia hnung lam a mi a hliah hneh dawn em a, a chi lo hrim hrim.



Rei lo teah kawngkaah kan SU pakhat rawn dakin assembly hall ah kal tur a rawn ti a, hall lam pan chuan kan chhuak a. Week kan hman na tur vel leh house min then a. A class ang zawng hlawk hlawk a mi then vang in a tih zia phian.



Vawiin nilaithawhtan a nia, naktuk kan chawl a nga karleh Monday ah week opening kan nei a nga, kan hmang chho dawn a nih hmel a. Kan college hall an siam lai a nih vangin Vanapa hallah kan hmang dawn a, kan phur hlawm ngang mai.



Assembly kan neih zawh chuan pawnah kan chhuak sap sap a. Monday week opening a kan kawr hak tur te kan sawi lai chuan kan hnung lamah tu emaw hian min rawn ko a kan ding ve vat.



" Zonun lo la haw su aw. Room no 3 ah EU in hla kan zir dawn kha. " U Afelan a rawn ti a, thu awi zet in kan lo bu nghat nghat.



" In thiante pawh sawm ve u la. A tam thei ang ber kha a pawi lo a nia lo han chho u la. " A rawn tih leh takah chuan kam chho ve mai a. Kan thlen chuan an lo la tam vak lo. A then cultural lamah in hmang an awm ve sia, lam zir ngai nen an lo indaih lo viau leh nghal.



" Khaw nge i awm? Canteenah ka nghak reng che a nia. " Hla kan sak laiin Zorema hnen atangin message ka dawng a. EU in hla kan zir thu vel ka sawi chuan nghah ka ngaih leh ngaih loh min zawt ve thlap. Kawng leh lam takah chua in hnial reng mah i la min ngaihtuah ve thin lutuk hi ka thlamuan pui thin.



" Kan rei tawh lo ang min lo nghak law law mai la ๐Ÿ™Š " Tih ka thawn let a. A rawn phun leh nuah nuah ka ring a nia " Ok " A rawn ti let ve hlauh. A ni leh ni lo ang in, sawi kual lo in a pawm ve thlap.



" Heiii.... Enge i tih reng zai ta che. Mi hrawkna vek in kan tang a. " Tiin Didiki chuan ka phone a rawn bi dak dak a. Ka mi biak a hmu chu a ner leh nasa mai.



" Enteh.... Zorema nen hian thian in ni tih chu kan hre tho a mahse a chang chuan inngaizawngte pawh in ang ka ti thin. " A rawn ti leh phawng mai. A duh duh hi an sawi a engmah lah hi an hre bawk si lo.



" Kei leh Zorema maw? I ti awm ang lo e mai a. Zorema te chu tunah pawh la thiannu ka tih pui mek. " Ka ti chu Opi a rawn te ring ngang mai. Solfa vaitu in min la rawn hau zui.



" Tu i thian nge? Dik tak chuan kei pawn ka star ve reng a min ti pui zawk ta che. " A ti hluai chu ka nuih a ti za.



" A englai hi nge maw in duh ni? " Ka ti let mai thung.



" Awii... A chhelo e lawm. A pa bawk si, a hmeltha si. An hausa bawk si. Enge duh lohna chhan tur awm sawi zawk rawh. " A rawn ti phiar phiar a, chutia a tih takah chuan ka hre chuang miah lo. Mahse kei chuan thian ang a kan in kawm chawt vang hian chutiang lam in ka ngaihtuah ngai lem lo a. A mah pawh hian ka ngaihdan hi a ngaihdan a ni tih ka hria.



Hla kan zir zo a, naktukah Jenet-i te inah zir leh tur tiin kan bang a. Canteen hi building hnuai lamah ve tho a awm a. Kan chhuk thla a, cultural ho lam zirna room kan thlen chuan mau nen cheraw an lo la zir nasa mai. Kan han en kawi leh vel a.




" Afel in sual an awm a nia. Rawn thelh teh u mipa an awm mang si lo. " Inhnuai step atang canteen nghaktu nu chu thaw hlawp hlawp a rawn chho in a rawn ti a. A hmelah pawh a hlau thawng tih chu a lang chiang ngang mai.



Rang zet in u Afela te leh lam zirna a mipa awm ho chu an tlan thla a. Midang la awm ve ho pawh chuan kan zui thla a. Canteen chhungah chuan an lo ri luih luih mai. Mahse an zim hneh bawk nen a insual a te hmel pawh ka hmu thei lo.




" Ehe.... Zonun, Zorema a ni tlat in ka hria. " Didiki chuan dingdihlip deuh chuan a en leh thin. Ka thin lah chu a phu rang em em zui leh nghal. Midang chuan thelh an tum a, mi kar atang chuan ka hmu thei deuh. Zorema chu an chelh bet ti ka hmu chiang ta ngang mai.



" Ka duh thei lo. Khawi maw ka lo kal lawk. " Tih leh mi in karan chuan in rawlh phei ka rual a. Dawhkan leh chair lah chu a let rum leh nghal. Mipa pakhat hian Zorema chu bengdaih a tum nge chelh bet pah in thil a hrilh mawlh mawlh a. Chhuatah mipa pahnih hi an let reng bawk. An zia awm takah chuan ka pan hnai em em ta bik lo.



Ka en tlawk tlawk lai chuan Zorema chu a rawn hawi chhuak a, min hmu chu a hmel awm dan saw ka hre thiam chiah lo. Sir lam a a bag chu ban in a rawn pen phei pawk pawk a. Ka zawn a rawn thlen rual in minelh vung vung in ka banrekah a rawn vuan a min kai chhuak nghal dawr dawr.



Stepah a pawh in min pawtthla hlawk hlawk a, a shirt hak hnungte chu a bal ve nasa mai. A kal chak bawk si parking kan thlen chuan ka thaw hlawp hlawp mai.




" Heii... Ti nge in in sual a? " Zorema melh chuan ka ti vat. Min ngaithla lo tih hriat zet a a chevel chu ka thlir reng a. Ti nge maw hetia a awm thut ni.



" Zorem " Ka tih leh rual in kan zawnah bike hi a rawn ding ri tuar a, ka hawi phei dawr chu canteen a a in sualpui te pahnih kha an lo la nj zui.




" Kan la duh tawk lo a nia, i la hre khawp ang. " Bike hnung a mi zawk chuan a rawn ti a. Zorema hmel chu a rum ul a, pan leh nghal a tum chu a kawngah ka kuah bet nghal chawt.



" Inrinni zanah i ngam a nih chuan a hmun chu i hriat kha. " Bike hma zawk a mi chuan ti leh in an tlan chhuak vut a. Zorema taksa tang tawlh tawlh leh na zet a thawk la hrawk hrawk chuan kei pawh min ti hlau tel hial.




" I tha ti raw? " Rei fe hnu chuan ka ti a, a buk nghut takah chuan ka kuah behna ka thlah a. Ka thlah fel chiah tihah kan sir a bang chu a hnek zui tawlh a, ka phu chiam leh nghal.


IMG_29112021_235214_(719_x_734_pixel).jpg

Ka awm ve tih hre lo ang maiin a bag chu leiah vawm nawk in vawi khat mai ni lo vawi tam tak kan sir a ban lian zet chu a chhir in a hnek chawrh chawrh a. A sirah chuan ka ding ngawi reng ringawt, a mit meng chu a rum in a sen vek a. A awm dan leh a mit meng hlauhawm lutuk vang chuan ka pawh ngam mai lo. Ka hriat thin, ka thianpa kha a ni lo emaw tih mai tur a ni.




Eng thil nge hetiang em em a a thin ti rim tur hian thleng le? Nidangah pawh vawi eng emaw zat an in sual in a hmai te pawh a pem pheng phung thin a. Mahse in sual zo chiah pawh ni se engtiang a nasa pawh hau in tawng khum mah i la, engmah thleng lo ang maiin a awm daih zel a. A chang phei chuan a chhungte hauh tuar aiin ka hau dawn tih hre reng in min rawn pan zawk hial thin. Khang kha ka haw let ling thin in kei mah zawk ka thinrim leh thin a nia. Mahse tun tum chu a awm dan hian min ti hlau lek lek.




" Lo chuang rawh . " A che vel ka en reng lai chuan a bike ah thu in a ti hmuk a. Ka che sawn thei lo chu ka din ngai in ka ding reng ringawt. Zorema pawh chuan min rawn en zui lem lo in a helmet chu a khum mawlh mawlh a. A khum zo ta maw tihah pawh ka la chet sawn loh vang nge ka lam chu a rawn hawi vut a. Ka awm dan a rawn hmuh takah chuan in bengdaih tum zet a thaw chhuak ham ham in a bike chu a ti nung a, tlan chhuak mai tur a rem in ka zawnah chuan a rawn ti ding leh a.




" Lo kal rawh le. " Ti leh sup in min melh ta ngur a. Chil lem khalh in ka sir lawk a a bag, nichin lawkah thinrim a lei a a paih chu ka la a, beng fai sawk sawk in a bike hnungah chuan ka thu kai ve ta hram. Ka lungphu la dik chiah loh vang nge a mah pawh ka thut hnaih ngam lo chu ka thu char ur a, kan in kar a a bag ka dah chu ka hmer nghet em em ringawt bawk.




" Lo awm hnai la. " A rawn tih leh zel vang chuan ka hrawk thian kharh in ka che hret a mahse chutiang in ka hnaih chuang lo. A ngaih that nan ka in siam rem mai mai zawk.



" Kal ang aw. " A tih rual in a phit in a phit chhuak chu ka hnung lamah ka eu awr thei hial. Rang lutuk in a taksa chu ka kuah bet a, chho zawngin kan tlan bawk a, ka kuah nghet mai mai khawp leh nghal.




" Ti khan a tha mai ti raw? " Kawngpui zawl chin kan thlen chuan nui nghawr dawtin a ti a, ner sak in a nakah chuan ka sik hlak a, a la phu zuk leh nghal.



" Awm mai mai rawh. A nih loh chuan ka tlan chak lek dawn a nia. " A zak hnuaiah ka kuahna ka kut lak sawn ka tum chu a kut leh lam a rawn vuan bet in a ti leh sup a, ka thut dan hi a rem lo ka khawr tut hian ka in hria.



" Min hlau a mi? " Ka tang deuh tung chu a hre ve a ni mahna a rawn ti leh a. A tawng zawi leh thum dut chu a taksa ka kuah beh vang chauh in ka hria.




" Maww? Teuh lo mai. Ka... Ka awm dan hi... Ni lo... Ka thut dan hi a rem lo lutuk a. Ka tla dawn a maw ka tih vang in i awmah ka kuah ringawt che a. A...a rem lo lutuk a lawm. " Bah nawk chuan ka ti a. Ka tawng chu a hriat loh ka hlau vang nge dawt ka sawi vang pawh ka hre lo. A hriat loh hlau ang hrim in a bike hnung chiah a chuang pah chuan a au in ka au a ni ber mai.




" I pa hian fanu dawt sawi hmang a nei che hi a in hria em le? " Nui hawk a a tih chuan ka va han ngei mai mai tak.




" Dawt ka sawi aw kawngka lo bawk!" Ka ti leh nghek. Engmah sawi lo in a la nui mai mai leh nghal.



" Khawii.... I kawngah ka kuah bet ang che. " Ka tih leh hlak takah chuan ka kut a vawn chu thlah thawl in a mah zawk chuan a dul zawnah a sawn thla a, chu mi rual in a hmer nghal salh bawk.




" I hlau tih a hria, I lungphu kha a rang lutuk. Ka hre thei a lawm. " A rawn ti leh mai a. Ni e... Ka hlau ngei a mahse ka thianpa a nia ka hlau tih tih lan kher chu tlawmah ka la ve tlat.




" Hlau e... Ka tla dawn a maw ka ti a lawm. Ka kut hi thlah la i kut pahnih in khalh rawh. " Ka ti zui hlak. Ka kut chuan a shirt a dul zawn chu ka hmer zui nghek bawk.




" Tang na ve thei sia. " Ti hluk in ka kut chu a thlah a, hahd huai ang mai A thawk ka la chu min la nuih zui. Tunah chuan ka Zoremsanga dik tak zawk kha a ni leh tawh a ka hahdam huai mai. A dul a ka kuahna chu ti nghet zual sauh in a hnungah chuan hahdam zet in ka bei ta hle hle a.



" A nih... Ti nge in in sual a? " Kan ngawih vang vang hnu chuan a hnung a bei reng chung chuan ka ti leh hap.



" Engmah a ni lo. โ€ a ti leh mai a ka ner sak.



" Luhlulpa. " Ka ti hlak. A luhlul zia ka hria a eng ang a nasa pawn zawt i la. A chhanna a ngai reng dawn tih ka hriat vang chuan ngawih ka chuh leh ta zawk.



Kan in bulah a bike a ti ding a. Rang zet a chhuk in an in lam a a in turn tur chu a banah ka vuan leh chawt.



" Ihh... I hliam kha damdawi ka hnawih sak i duh lo a mi? " Ka ti ta thlawt. A kut chang chu a melh zawk a min rawn en leh in a mah a a tih mai tur thu a sawi chuan ka ham haih let ling zawk. Nidangah chuan an in sual a hliam a neih chuan midang hriat loh in tukverhah a rawn lawn ang tawk tawk a nia.



" Ka tha. " A tih leh takah chuan a ban ka vawnna chu ka thlah riai riai a. An in lam a a in khalh phei chu ka en reng ringawt. An gate ah tlan lut in kawtah a bike a hung tawp a. An kawngka a a lut tur thleng chuan ka thlir char char. Vawi khat pawh rawn hawi let lo a a awm chuan min ti hrilhhai viau bawk.



" Bawihte i va rawn tlai ve. " In ka luh rual in ka nu in min lo chhawn vat a. Ka chauh hluah hluah mai leh nghal.



" Nia, kan zir rei deuh a. Naktukah pawh kan zir leh dawn a. Ka han inthlak lawk ang. " Tiin roomah ka tlan chho nghal a. Ka room ka luh rual in ka bag chu khumah theh thla in ka room tukverh lam chu ka pan vat a. Kawngpui lam tukverh zawk chu ka nem hawng a, kan in piah lawk a in lian zet ding luah chu ka melh vang vang a. Zorema room zawn chu tukverh in hawng ve mahse parda a in zar phui tlat thung.




" Ngaihtuah suh! Nidangah pawh insualpui te chu a neih ziah kha. " Tiin ka phun chhuak sap ringawt.



In ti fai turin bathroom ah ka lut a. Ka ngaihtuahnaah vawin a Zorema mit meng mawlh kha ka hre chhuak zel leh nghal. Bathroom atanga chhuak in ka in thlak mawlh mawlh a. Ka phone ri ka hriat vang chuan ka bag khum a mi chu ka hai zui rak rak a, phone screen a hming ka hmuh rual in thawk ka la halh.




" Aw... " Tiin Siamsiami call chu ka chhang a. Cream ka in hnawih pah mawlh mawlh bawk.



" Enteh Zorema hian ka message a chhang thei miah lo a, ngati nge ni ang le? " A rawn tih chuan ka thil tih lai la chawl dat.



" Heii.... Zonunmawi ka tawng i hria em? Ti nge a tawp daih a mi le? " A tih chhun zawm nghal zat.



" A... Ka hre bik nang. A mah vengtu ka nih loh hi. " Ka tih chuan a rawn chek hlak hlak a.



" Chhe viau suh. In in hnaih em kha, an inah va kal lawk mai la. " A rawn tih chuan pik zet in ka thaw chhuak vak.




" Ka peih lo ka hah. A buai a niang, a an hunah chuan a reply ve mai ang che. " Tiin call ka ti tawp daih a. Ti nge thinrim deuh tun ang hian ka awm ni, engmah Siamsiami sawi kha huat tur a awm miah si lo a. Vawiin vang khan ka mood a dik lo zawk nge.




Ka Whatsapp ah lut ka en kual dan dan a. EU group ah vawiin a Zorema te in sual chung chang kha an lo sawi ho nak nak a. Hla zir ho khan kan hmu deuh vek sia, cultural club ho pawn an sawi ve tho ka ring. A then chuan principal fapa a nih vangin a in la eng emaw angin an sawi bawk a. Awm hmunah ka lo thinrim ve em em ringawt a. Zorema hi chutiang a pa te nihna chhuang chi a ni lo tih ka hriat chuan vang pawh a ni mahna. Engmah sawi ve lo chuan ka chhuak hmak a, zing a Puipuia message ka la reply lo chu hawng in ka reply ta ngawt.



* class i kal dawn em?? * a tih kha ka biak nel em em duh loh vang in ka hawng lo char char a. Dik tak chuan Zorema hauh dalah ka reply ve zawk zawk zel chauh a ni. Ka biak loh tawp chuan kan misuala sawn la thiannu chungah a ti leh mai duh dawn si a.




" Ka haw chiah zawk๐Ÿ˜… * tiin ka reply let tawp. Ti hian khat deuh deuh in bia i la min biak rei peih pawh ka beisei hran lo. A online lo nge a seen loh vang chuan ' Thenawmpa ' ti a ka save chu a online leh online loh la chek a. A la hide ve khang lang leh nghal. A dp ka en chuan ka in rin hma in ka nuk chhuak hak.




" Hahthlak thei. " Ka ti sap. Kan in lam ti i la ka room chung zawn deuh, ka room tak lang thei si lo in van lam chu a lang tam zawk a. Kan in chu a lang dek dek chauh a ni. Kei chuan kan in a nih vang chauh in la hre thei mai zawk a. Midang chuan an hriat theih ka ring chuang lo.



* min ngaisang viau suh๐Ÿ˜Œ * tiin ka va message let hram. A hmuh hun chuan a la na leh mai mai ang chu.



*Chhang har ve๐Ÿฅด. * tih Puipuia hnen atang a rawn lut leh chiah a. Ka chhang har ve em bawk a. Zing a ka in sial lai a rawn thleng daih tawh kha tunah ka reply ve chiah sia.



* tihpalh * ka ti ve ngawt. Sawi tur chu vang duh tak hi a ni ringawt.



*biak tur dang tha deuh i nei a ni maw* a rawn tih chuan ka nur nang.




*nei lo e* tih te in ka chhang leh a. Min rawn biak tawh loh nan ' nei e ' tih mai ka chak a. Zorema a lo hrilh leh chuan saw pa leu luau sawn min chhuah chhal mai bakah dawt sawi hmang min ti leh dawn a chu chu ka la na ve ting tang sia, beiseina siam sak ang zia zangin nei lo te chu kan ti ve ngawt a.




Ka chhang tawi bawk a niang emoji chiah in min rawn reply. Reply loh ai min reply mai mai zawk pawh a ni mahna.




*tak a vawinah Zorema te an in sual a sin. * sawi tur thlawt ka hre lo chu ka ti let a. A rawn seen rang ngang mai. Ka thil sawi chu ka in chhir leh hnu hnawh a mahse a seen vek tawh bawk si.




* ngati nge a. * a rawn tih chuan khum ka chum nghek ringawt. Ti nge ka va sawi ve ngawt ni.



* ka hre bik lo. * ka ti leh ringawt. Sawi chhuak tawh mah i la sawi thui vak erawh ka tum leh ta lo. A tawng theih thlak ka to ve tho.



* i zawt lo a mi? *


* zawt e, min hrilh duh lo a. * emoji nui lai a rawn tawn vang chuan ka phone chu ka melh nghek.


* min nuih kher suh aw. Ka hlauh zia pawh i hre ringawt lo. ๐Ÿ˜ก* ka ti leh ta ngawt.


* midang nen an in sual a i lo hlau ve daih maw๐Ÿ˜‚* a rawn tih phei chuan ka sa leh zual sauh.


* Zorema hmel i hmu ve lo a nih kha. A mit meng te chu a alh chhuak lo chauh aw. * ka ti leh vak ringawt.


*mahse nangmah vang a nih loh chuan a pawi vak a mi? * a rawn ti awlsam et a. Ka ngei lek lek, kha ti lai khan ka hlau zia kha ka la feel thei.



*ni lo e mahse kha tiang a a awm kha ka la hmu ngai lo a lawm. * ka ti leh hram. Enge maw hrilhfiah ka tum kher chhan pawh ka hre tawh nek lo.



*a chhan zawt la. *


*a sawi duh teuh lo la zawt tawh. Luhlulliana a ni ringawt.*



*mipa dik tak tih dan tur a nih chu. * a la rawn ti ang deuh deuh a.



*ngawih reng chu maw. Zorema hi chu a luhlul ve hrim hrim. Vawi 1 a sawi duh lo a nih chuan vawi 100 pawh zawt la, a ngai reng ang. * ka ti let a. Ka type zawng chuan la thine deuh nen ka phone pawh ka hmet sawk sawk mai.



*a hrilh loh vang che chuan i mood a off a ni maw. * a la rawn ti kher a. Enge maw a rawn sawi dik theih em em mai le.


*teuh lo. Engah mah ka ngai lo. A pem damdawi hmawih sak pawh a duh lo a. A duh duh in awm rawh se. * ka ti leh hlak.



*i ngaihtuah a nih kha. * a la rawn ti hram. A dik ve tho leh nghal.



*ngaihtuah e, mahni thiante chu ka ngaihtuah ve bawk loh in*



*i duh tel pawh ka ring. * a rawn tih chuan za lo lutuk in ka nui tawp.


*i rin dan mai mai a nih chu. * ka ti let a, emoji lei chhuah lai a rawn lut nghal.



*ni pakhat e. A chanchin sawi nuam i ti em a. * a rawn ti leh a, a lo ngai kawi a nih chian hi a.



*nuam ka ti pawh a ni lo. Sawi tur in a awm tlat a nih hi. * ka la ti hram.



*tang na ve tan tan sia. * a rawn la ti zui.



* na ang chu dawt ka sawi tlat lo. *


*i tih danah dawt a ang riau. *



* mipa ve sir in hnial i hrat lutuk aw. * chhan ngaihna ka hre ta lo chu ka ti let ta ngawt. A huat ka ring leh deuh a nia mahse emoji nui tlar dul a rawn thawn a, ka thaw leh huai mai. Ka mi nel lutuk ang mai a kan hnial chiam chu a. Kan in text lai chuan call a rawn lut a, 'Thenawmpa ' tih lian zet a in ziak in screen ah a hmel a rawn lang kulh bawk.



" Online reng in ka message i hmu der vel e law. " A la rawn ti hmuk zui. Ka phone ka en chu ka message a reply na pawh a lo a vang tawh.




" Hmu lo der nang, ka hmu lo tak tak. " Ka ti let a. A rawn rawn phun ang hluk zui a.




" Dawt hi sawi thin suh. Ka lu a na lutuk lo phei rawh. * a rawn ti bui bui a. Tukverh lam ka en chu khua a lo thim thet thet tawh.




" Nichin a ka enkawl duh lo kha tunge. " Ka ti let hmak. Kei mah in ka in buai pui ang te a ti vel a nih kha. Mai mai sala.




" I rawn kal dawn lo maw? Ka chhungte u Baby te inah zanriah ei tur in an kal chhuak vek a. Tumah awmpuitu ka nei lo a nia. " Pangchang zet a a rawn tih chuan ka ner sak.



" Chaw pawh kan la ei lo. " Ka ti hram. Ka in duh khum daih dawn maw ni.



" Hetah kan 2 in kan ei dawn nia. " A la rawn ti leh zel a. Ka nuih chu a za ru ang reng. Ka thianpa min ngai em em tua kha a ni leh tawh miau a.



" Ka lo in ngaihtuah ang. " Ka tih rual chuan " Ka lo kal dawn i tihnaah ka ngai. " Tiin a la dah daih zui. Whatsapp ah lut leh in Puipuia message chu ka reply a, Zorema te in a ka kal tur thu te ka sawi luam a. Ka sam towel a ka tuam chu pawt thla sawk sawk in ka room atang ka chhuak a. Terini nen kan in tawk chiah leh nghal.




" Chaw ei kan hman a ka rawn ko dawn che a. " A ti zui zat.



" Zorema teinah ka ei phei dawn a, lo ei mai ru. " Nui ver ver in ka ti a. A phur leh thut chhan pawh Zorema bulah Puipuia hmel emaw thlaklak en dil ka duh tel a. Puipuia lah hian a dp ah a mah a in hmang duh si lo a. Han dil mawl tawp ka hreh ve bawk nen Zorema awl sam deuh in ka dil ang ka to rilru tawp.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:47 pm

Miracle love by Amy Cck


Chapter 4 zawmna i chhiar loh chuan keu let rawh aw โค


Chapter - 5 ๐Ÿ’•



Inhnuaiah Terini nen kan in zui thla a. Chokaah pawh lut ve ta lo chuan kawngkapui lam ka pan zui daih a. Ka nu in min au ri ka hriat rual in Terinin Zorema teinah ka ei phei tur thu a hrilh ri ka hre zawm nghal a. Kawngka ka chhuah nghal vangin ka nu thu sawi erawh ka hre zui tawh lo thung.



Tlai lam a ni tawh bawk nen kawngpuiah chuan motor an tlan zut zut a. Kawngpui chu kan pheiin Zorema te gateah chuan ka lut a. Kawngka ka kik rual chuan an awmpui nula in a rawn hawng a. Ka hamhaih lek lek.




" Khawnge Zorema? " Ka ti haw. A chhan pawh an in a ka kal dawn hi chuan a mah pui rauh hian kawngka min lo hawn sak nulh zel sia.



" A roomah. " A ti ve mai a.


" Ti nge? A na viau a mi? " Kawngka lut pah chuan ka ti leh a.


" Ka hre lo. Tlai a rawn haw atang khan a rawn la chhuk lo a. " Tiin min chhang a, engmah sawi zui lo chuan inchung lam step panna lamah chuan ka kal a. Ka chho zui vat. A na viau a nih ka ring ta tlat. A room ka thlen chuan kik lem lo in ka lut tlang hmiah a. Mahse a awm miah lo.




" Khawnge? " Ka tih rual in bathroom kawngka a rawn ri rawk a. Ka hawi nghal vat bawk. Ka mi hmu vang chuan ka ner nasa ngang mai. Inbual zo chiah tih hriat fahran in towel var chu veng in towel pawl hi a nghawngah a bat bawk a. Mit pawh kap lo in ka melh ngawt ngawt chu mit min san uk duh chauh leh nghal. A mah ka hmu vang hrim hrim a mak ti ni lo in a dam tha leu luau lutuk chu ka ngei let ling zawk.




" I in ngaihtuah phawt dawn emaw ka lo tia? " Ngaihsam zet a tiin a towel a nghawng a mi chuan a lu chu hru mual mual in min rawn pan a.



" Eka min tih hlauhthawm hman zia hi. " Ti hlar in a ban bulah ka lo beng hlak a. Phun hluk in a ban a la tuai hauh hauh zui.



" Enge ka tih a? " Ti hu in ka benna chu a tuai nuah nuah a. Ka va han ngei mai mai tak.



" Hmelchhe lutuk! " Mak min tih hmel deuh a min melh chhuk run avang chuan ka ti zui leh hlak a.



" I na viau a maw ka ti ve em em a. Min ti hlauthawng lutuk hi ka ngei tlat che. " Tiin khum tlangah chuan ka thu hnak.



" Ti maw? " Tiin a thawmhnaw dahna lam chu a pan a. A shirt var chu la chhuak in a in thawlh nghal a. Min la melh zui ve reng tho.




" Kawngka min lo hawn lo a. " Ka ti tawi tak chu a la meng รข zual sauh.



" Kawngka la hawn loh vang che chuan maw I hlauhthawn a? " Nuih zal in sum zet a a tih chuan chhan pawh ka chhang peih lo. Ngaihtuah chuan chuan a nuihzatthlak ve tho sia.



" Tlai a ka message I chhang har bawk sia. " Ka ti ta daih. Khumah chuan a zang thal zawng chuan ka mu a. Inchung lam chu ka melh vang vang a. Zorema erawh a in thlak a nih ka ring.




" Ka lo muhil a, ka harh veleh ka rawn reply che kha. Chuan I lo phei chhungin ka lo in tleuh zuai a. " A rawn ti let ve a. A sawi takah chuan ka dik ka ring. Tlaiah a reh vang vang a, Puipuia nen kan in biak char char tak kha.




" Kha le, hnawih rawh le. " Tiin khumah chuan eng emaw hi a rawn theh thla a. Tho lem lo chuan a rawn thehna zawn vel chu ka dap rak rak a. Pem thar damdawi hi a lo ni a. Tho chhuak in ka ke leh lam khumah hlang kang in ka hma zawn khum chu ka beng thak thak a. A rawn thu thla ve mai bawk a.



" Rin ai a nasat loh hi. " Tiin a biang leh khawi emaw lai vel a pemah chuan ka hnawih sak a. Thu awi tak chuan a dawh ve hle hle a. Hnai zetah ka hnawih sak chhung zawngin min lo en char char a.



Zoremsanga hi chu ka thianpa a ni na vang vang a a hmel hi chu a tha ve thlawt. A mit meng rum lam mah leh a mit hmul buk lam hret hi a in hmeh viau a, a hnar ngul sang deuh vah te, a khabe ruh in vuah fuh zet te.... Chuan a hmui pawh!




" Min thlir zo tawh em? " A hmui ka en reng lai chuan a rawn phun sup a, ka la phu zuk zui leh nghal. Khuh kherh kherh in ka zawh tawh thu ka sawi a. Ka lapaw kan chu dah thla in damdawi ka chhin mawlh mawlh a.



" A la zo lo a nia. Ka hnung lam, ka kawng zawn hi a pem in ka hria. Canteen dawhkan sir zumah khan ka tauh a. " Tiin a in siam rem sawt sawt a. Ka hmaah chuan min hnungchhawn zawngin a thu run a. A lian in a hnungzang a sei bawk sia, hma lam atang chuan ka awm ve tih pawh a hriat in ka ring lo.




" Enge hneh lo tur si i in sual pui. " Ti leh hlak in a shirt a hlim rual in a hnungzangah ka beng ri leh thlawrh a, a la eu awrh zui leh nghal.



" Over suh! " Ti hlar in a taksa pem awm ang chu ka en kual a. A sawi ang in a lo awm tak tak bawk.



" Ka hneh reng kha. Pathum in minsual rawn a min hneh lo zawk a nih kha. " A la ti ang hmuk a.



" I hneh a nih loh kha. In in draw a nih kha an rawn thelh vang cheu in. " Ka la ti hram chu a duh lo ngang mai.



" In rawn thlen in tu te nge lei a lo mu sawp nuai zawk kha? " Sir zawng a rawn thle buk in mit a rawn kan uk a. A pem lai chu ka nem sak nghal vak a. A ner zui sawk chu ti fuh in ti zet in ka then sak. A sawi dik reng, a lan dan kha chuan an hneh lo chu a ni ber a. Ka fiam chak ve hrim hrim a, ka sawi mai mai a ni reng sia.



" Nih leh ti nge in in sual reng reng a. I hmel hriat sa te em ni? " Damdawi ka hnawih zawh chuan ka zawt leh a. Min hrilh duh pawh chu ka ring chuang lo, ka zawt ve mai mai a ni ber.




" Hre sa ve deuh. Ngaihtuah hah ve vak suh. Kal ang le ka ril a tam a nia. " Tiin a thutna atang chuan a ding a. Thil dang ka zawh emaw sawi leh a hlau tih ka hria. A chhan pawh ka zawhna min chhan sak loh hi a hre thin tih ka hre reng a. Chuan vawi 1 ka zawh a a sawi loh hi chuan ka hriat a ngai lo a tihna a ni ngei ngei bawk thin. Chutiang khawp chuan kan in hre chiang dun miau a.




Room kan chhuah san a. Inhnuai panna stepah chuan ka hmaah a pen thla thauh thauh a. A ngal a seiin a mah hrim hrim hi a zahawm ve khup mai a. Hmeichhe ta chuan han vei ve ngawih ngawih tham a ni ve tlat. Kan vengah pawh hian star tu chu a ngah mai. Chutiang in biakinah pawh a in khawm thatchhiat ngaihtuah hian tleirawl leh nulaah hre tu hi a ngah fu a. Chuan tunah college ah pawh thla khat tha awrh kan kal a, class a kal thatchhiat ngaihtuah in a lar leh tawh viau bawk.



Chhun tur an nei tha ve em bawk a, Zorema te unau hi chu. Pa Lawma leh nu Ruati hi an pian leh hmelah pawh vantlang chunglam an nia. An faten an chhun vek bawk nen, a awm lo hran lo.



" Aiah! " Ka hma a kal hnungah ka in tauh dawt chu ka rak that.



" Haihawtnu kawng en ve ta che. Ka din chuan ding la, a nih loh pawn ka sirah kal ta zawk la. " Rawn leh hawiin a ti a. Min la nuih vur vur zui leh nghal.




" I ding tih hre hek lo. Thil ka ngaihtuah nasa lutuk a. " Ka ti let ve mai a. A hmui ti sawi zauh in min e n ngur a. A kekawr ip chu a zen run bawk.



" Enge i lo ngaihtuah? " A rawn ti ta mai. Chhang lawk lo chuan ka mit ka khap fak fak a. Chhan beisei tawk in min la en run zui.



" Engmah! I hriat ve kher a tul lo. " Tiin ka kal pel daih. A chanchin ka ngaihtuah tih sawi I la chuan mawl min ti leh dawn sa. Sawi loh law law a him ber ka tan chuan.




" Min copy vel a. " Tiin min rawn zui a. Ka darah min rawn kuah thuk in choka lamah chua ka duh ai ai a chal in min kal pui a. A chang hi chuan a mah ang tiat lawi hian min chei bawl thin a, Mawlliana a ni ringawt.



An nula khan chaw ei a lo siam mawlh mawlh a. Fridge a chawhmeh vel lak chhuah puiin kan pahnih chuan kan kil dun a. A chhungte awm loh hi chuan chaw eiah min sawm ve ziah. Kan inah erawh a rawn ei ve ngai lem lo. Kei ni chu ka nu hian in a hlum hneh ve a. Ka sawm a a duh loh pawn ka ti lui ngai lo. Kei pawh a chhungte awm chuan ka ei duh ngai bik chuang lo a.




" Hrim hrim ti nge an vai a an chhuah vek a? An va ngaihsak lo che ve. " Chaw ei pah chuan ka ti a.



" U Babyi pasal kha a hna a kai sang a. Lawm nam chaw hlui kil an tia. Ka peih ve lo mai mai. " A rawn ti sam et. Kei pawh chu ka bu nghat nghat a.




" Tak in ka theihnghilh tep! Puipuia hi hmuh ka duh! " Ka ti chhuak pawng chu enge a hriat ni a thil ei a hak a, a khuh zui bawrh bawrh leh nghal.



" Enge i hriat a.? Kha... Tui in rawh. " Tih leh filter tui thlit sak ka rual a. A in zui nghal khawlh khawlh a. A sirah dingin a hnung chu ka lo zut sak a.




" Engmaw i sawi kha? Tu maw hmuh i duh? " Khuh la chhuah hmel zet chuan a rawn ti leh a. A mit pawh a sen vek thei nia.



" Puipuia, i thianpa kha! " Ka tih leh nghal a. A chair nghen chhan chu a ngheng zui dawt.




" I hmu thei lo. " A la ti ang hmuk a. Sual ve thei ngawt mai.



" Engvang chuan? "


" Hetah a awm lo. Bengalore ah thil zir in a awm. " A rawn ti leh a. Ner sak in ka chek hlak hlak thung.



" Ka hre ve tho a. A thlalak emaw i kawl ve ang chu i thianpa a ni lawm ni. " Ka ti leh hlak a. A lu a bu leh ang nghut nghut a.



" A mah dil ta mai la. " A tih rual in a tukhumah ka beng bu nghal lawp.



" Dil ngam i la i sawi hma khan ka dil tawh ang chu. " Ka ti zui nghal zat.



" Min dil thiam dan a ni mai. " A ti chuan ka va han ngei mai mai tak.



" Thu la ei leh tawh rawh. " A ti zui zat.



" Ka puar tawh. Khawi maw a thlalak chu. Kan in be ve ang reng sia han hmuh miah loh chu a nuam lo a nia. " Ka ti zawm leh a. A sir chair chu ka past chhuak zui nghal a.



" Nakinah min duat viau chuan ka hmuh tir ang che. " A ti deuh tlat leh nghal.



" A nih leh a hming pum tal min hrilh rawh. " Ka la ti hram.


" Ti nge? I va ngaihven thar ve. " Min melh run in a ti hmuk a. Enge maw lawm lo hmel a put ve ngawt ni.



" A chanchin ka hre chiang chak mai mai. A sual vak loh hmel ka ti bawk a. " Ka ti kual ta vak. Zoremsanga lah chuan min en chik mai mai khawp a.



" Lalhriatpuia! " A ti zawi sup a ka melh haw thung.



" A hming pum min zawt a ni lawm ni? " A rawn tih leh takah chuan aw tih nan ka lu bawk chu ka bu leh nghat.



Tho nulh in tuidehna lamah chuan a kal nul nul a. Zawh belh leh huphurh awm khawp in a khawsa ka ti mai. Kei pawh chuan ka zawt ngam ta chiah lo. Vawin chu a mood a fuh lo sa bawk nen Puipuia thlalak pawh chu ka dil lui ngam rih lo. Nidangah a mood a fuh deuh hun ka nghak mai ang ka ti ta tawp.



Midang lo haw hma in ka haw dawn ka tih vang in min thlah phei a. Kan inah erawh rawh lut lo in kan gate bul thleng mi thlah a. In a ka luh chuan ka nu leh pa in min lo be vat a. An bulah rei lo te thu in ka ti ti ve luam a. Terini erawh a roomah a awm a niang ka hmu lo thung.



Kei pawh ka room lamah ka chho a. Ka chau ve deuh nge ka mut a chhuak zui nghal mai a. Mu pah chuan Puipuia min text na kha ka reply a. Bengalore ah doctor zirin a awm a ni awm a. Kum in hi a kum hnihna chiah a nih thu te ka hriat belh a. A thlalak em han dil chu ka hreh vangin ka ti ta rih lo.


*

*

Vawiin saturday a ni a. Kar leh week opening a EU in ka hla sak tur kha zir leh an tih vangin ka kal ve a. Ka thiante pawh an lo awm vang mai. Kan senior Jeneti te inah kan zir a. An in a zau in a rem bawk nen a nuam phian leh nghal.



Nimin a Zorema te in sual hmu ve tu vek an nih bawk nen, Zorema lah khan min kai hrang daih in min haw pui vang khan chin chang hre turah min ngaiin min zawt chik hlawm mai mai khawp a. Engmah lah chu ka hre bik tawp si lo a.



A them chuan ka bialpa emaw an lo ti ve hmiah a. A awm lo hran lem lo bawk nen, min ngai dik lo tu te chu ka thiante pahnih hian an hrilhfiah hneh sawh bawk nen an sirah ka nui liam vel mai mai.



Nileng deuh thaw in hla kan zir a. Tlai lamah kan haw dawn chuan kan thian zingah ka fal leh nalh tawh. Kan veng a hrang bik tlat hi a pawi ber mai. Didiki Tuikual a nia, Opi Vaivakawn a ni thung a. A. Ni chuan an haw rual thei mai a.



" Zonun engtin nge i haw dawn? Haw pui tur i neih loh chuan Jerry hi in veng lam atang a haw thin a, in phur phei mai u la. ' u Afelan a rawn ti hlawl a ka lawm zia chu.




" Helamah i awm tih ka lo hre lo a. Nidangah pawh ka rual in i haw ziah thei ang chu. " U Jerry chuan bike a min phur chuan a ti a.



" Ka thianpa ne kan ni thin a. A chang zauh zauh in ka unaunu rualin ka kal thin bawk a. " Ka ti let ve mai a. Unaunu ka nei chu mak a tih thu sawiin kan han ti ti dun vel a. Rei lo teah kan in kawt kan thleng ta der a. A ni pawh a tlan liam zui nghal a.




In ka lut a, Terini leh ka nu rawngbawl pah in an ti ti mawlh mawlh chu ka zawm ve nghal a. Zanin inkhawm zan a nih vangin kan chhungkua a in khawm tum chuan chaw pawh kan ei hma a. Ei kham veleh kan in siam sawk sawk a, biakin lam pan in kan in zui ta hlawm a.




Kan in khawm bang chu ka nu leh pa te damlo kan tur an neih vangin an tlang nghal a. Terini nen kanet dun a. U Zuala te kha an lo leng dawn a tih leh khauh mai. Kei chuan ka ngainat vak loh vangin ka be nel lem lo a. Mawi hnaiah Terini ka thutpui ti i la ka sawi sual lo ang.



Kawnah Terinin u Zuala te a nghak chu ka thut pui reng a. An rawn thleng har phian leh nghal. Inkhawm bang kan nghal tlang sia, kan in chei dan nen nuam lo ve tak a ni. Rei fe hnuah an rawn thleng a. Ka banreka sana, Zorema min lei sak ka bun chu kaelh zeuh a. Dar 9 a ri thual tawh. Ka pa te pawh an rawn haw leh tep tawh zawk in ka ring hial.




Kan in lam pan in kan in zui a. Kan gate bul kan thle chu Zorema an kawngka atanga a rawn chhuak ka hmu a. An in kawt a a bike hun chu a ti nung tih la hmuh rual chuan hriat chhuah la nei thut a. Ka thin a phu zui dawt dawt leh nghal.




" Min lo va luh san ru! " Tih leh kawngpui kan a tlan phei la rual a. An gate a rawn tlan chhuak tur chu a bike hmaah tak ka ding chawt.




" Tun ang tlai tawhah khawnge i kal dawn? " Ka ti tawng. Friday tlai a canteen a a insualpuipa khan saturday zanah tih a rawn sawi kha la hre chhuak a. Kha mi te bulah kal kha a lo tum zawk nge ka hre si lo a. Ka hlauthawng viau leh nghal.



" Ka leng chhuak lawk dawn. " A ti sup a. Helmet a khum vangin leh enga hnungvhhawn a nih vangin a hmel ka hmu chiang thei lo.




" A ngai lo! " Ka aw ki chu a sang lam hret a ni.



" Ka rei lo ang. " A ti ringawt leh nghal.




" A ngai lo ka tih chu. " Ka ti leh hram a. Thawk la hawk in a bike ah chuan a thu ngil a, a helmet chu a la thla bawk. A mal sei thlurh chuan a un rahkhalh ngur a, a lan dawn chu a sual hmel ngawih ngawih.



" A tlai zel a nia. Ka va round lawk a nga ka rei dawn lo. " Min melh ngurin a ti leh sup. Mahse a nui miah lo a, a mit meng atangin a lawm lo tih pawh ka hmu thei vek. Chuvang chuan round kual mai mai tur atang chuan a awihawm loh e mai.



" A nih ka va in thlak a nga ka lo tel ve ang." Ka tih chuan za lo lutuk in a kiai suk.



" Zonun... " A tih rual chuan " Dawt sawi hmang. " Ka ti sap.



" I chhungten zan chhuah an rem tih loh kha. " A rawn ti daih.



" A nih thil ka zawt ang che nga dik takin min chhang rawh aw. " Ka ti ta nge nge a, a lu chu bu nghut in mit a rawn kan uk.




" Hmanni a canteen a mite kha i hmu dawn lo a ti raw? " Ka ti sap. Nidangah pawh a in sual fo ka tih kha. Mahse hmanni kha chu a mizia a bo vek a. Pawi sak nei hmel a put miah loh vang khan thil tha lo a thlen ka hlau tlat.




" Min chhang rawh! " A tawng mai loh vang chuan ka ti leh a, thawk a la hawk ringawt.



" Kal lo mai rawh. " Ka ti ta nge nge.



" Ka thei lo. " A ti sup chu ka melh tlawk tlawk.



" I kal luih chuan ka be tawh lo ang che. " Ka ti thla ve ngawt a, a nui chhuak hawk mai.



" Tlawm ka tum lo. An cho chhuah a lawm. " A la ti hmuk tho a. A tawng chu a seh chilh nawk bawk.




" Kal sawn rawh le. " Dam dup a a tih chuan lu ka thing ringawt. Mahse a helmet chu a khum mawlh mawlh a. Hnung lamah back hlek in ka sirah chuan mi hel zui nghal a.



" Ka ti tak tak a nia, ka be tawh dawn miah lo che i kal luih chuan. " A tlan tur chu ka ti zui nghek a. Mahse engmah hre lo ang hmak in a tlan chhuak lui tho !

IMG_29112021_235214_(719_x_734_pixel).jpg


Thinrim bawk si beidawng bawk si chuan kan in lam pan chuan ka phei hlak hlak a. Kawng pawh ka en lem lo chu motor a rawn tlan tih pawh hre lo in ka kal ve ngawt a. Ka zawnah taxi chu a rawn ding ri tuar a, ka phu nasa lutuk chu taxi pawh chuan min dai miah lo mahse ka tlu tho.




Taxi driver a rawn chhuak a, min kai tho in ka nat leh nat loh te min zawt a. Ka that thu sawiin kan in lam ka pan a. Kawngka a ka lut chu na zet in ka khar ri nghal bur. Terini leh U Zuala te thian dun chuan min lo melh thap.




" I tha em? " Terini chuan hrilhai zet chuan a rawn ti a. An meng phawk hlawm lutuk chu ka inthlahrung leh deuh. Mahse ka chhang thei lo , ka thin a rim hi chuan ka tah a chhuak tel tlat zel a. Ka tawng chuan ka tap ti tih nghal a ni mai.




" Ti nge i puan sir kha ?" A rawn tih leh chuan ka hawi thla vat a. Ka tlukna kha a niang a lo bal niai leh nghal. Thaw hak in ka bengal hlak hlak a.



" Lo in kawm ru ka han in thlak lawk. " Tih leh inchung lam a chho ka rual a. Hetiang te chu midang zing a awm chi pawh ka ni lo. Ka mualpho vek mai ang!



" Zoremsanga vang vek! " Ka room ka luh rual in ka ti hlak a. Ka pheikhawk tlawh phelh in ka puan bih lai chu ka pawt phelh sawk sawk a bal bawmah ka hnawh zui vak.



Khum sir dawhkan a la phone chu ka in call leh hram la tum a. A in ring ral thak thak a, a hre reng a a la duh lo tih lah ka chiang viau.




" Eka chu, i la duh lo vel a maw? I hre ve khawp ang! " Tih leh khum a ka phone thehthlak ka rual a. Mahse a khat tawk in ka melh sek mai, enge maw ka hriat ni.



Inhnuaiah pawh ka chhuk thla peih tawh lo. Tawng tur a vang thei si, bakah ka sawi angin Zuala te hi ka ngaina ve lo. Sawi chiah lo mah i la Terini tan pawh hian ka duh pui miah lo. An kum inthlau hi chu thu hran, a mit meng leh mizia hi ka ngaina lo tel bawk.



Dar 11 thleng vel ka roomah ka tei kual sek a. A khat tawkin tukverhah ka dak chhuak reng bawk a. Zorema rawn haw hun ka nghak a nih ber chu. Mahse an in lam chu a reh thap a, a bike a hunna lah a awl huau bawk nen ka tei kual sek mai.


*


" I tih dan vel chu, i duh tak zet a ni maw? " Ka harh rual in ka phone ka en hmasa ber a. Tuk dang ang lo tak in mi pawh rawn call harh emaw a tum miah lo chu a nia. Nizanah dar 1 thleng ka meng a, a rawn haw thei si lo kha ka mut chhuak nen ka muzal mai mai kha ka lo muthlu tlang daih a niang.



Tho in a hmasa ber in tukverhah ka dak leh a. Zorema te in lam ka tlir leh te te a, mahse a la haw lo nge a bike pawh ka la hmu chuang lo. In phih fai sawk sawk in, inhnuaiah ka chhuk a. Ka pa sitting roomah a lo thu a. Ka nu erawh choka lam kawngka a in hawn danah kawmchar lam a a thlai leh pangpar khawi ho tui a pe emaw a buaipuiah ka ngai hmiah.



" Ehee.... I va tho hma ve, " Ka hnung lam atang Terinin a rawn ti a. Ka thawh khalh ngai si lo a mak a ti te pawh a nih ka ring.



" Thawh i hai vang zawk a niang. " Nui chung chuan ka ti ve mai a a ner nasa mai.



" Nizan lah i rawn chhuk duh tawh lo a, min ti hrilhhai vek a lawm. Zorema nen in in hauh vang a mi? " Chokaah in zui lut in kan pahnih hriat tur tawk chuan a ti ser ser a.



" Aii... Ni mai mai lo. Kawngpuiah sawn motor in min su tep a. Ka tlu a, in lo hawi thup sia ka zak a nih kha. " Ka ti leh ringawt. Zoremsanga sawi thin ang tak in dawt var sawi hi ka lo hrat reuh awm hi ka tia.



" A nih chu, mahse a ho e! Chutiang vanga rawn chhuk duh loh te chu! " A ti leh mai a. Thingpui ka siam rak rak a, in pah in kan ti ti mai mai a,



" Tak in u Zuala a zin dawn a, nizanah min hrilh a. " A tih chuan ka ngaihven lem lo nan ka ti lang vak duh lo. A bialpa duhlai kha a ni ve bawk sia.



" Khawnge a zin dawn? " Ka tih ve mai a.



" Serchhip lamah a tia, an thlang rei dawn a tia. " A ti leh mai a.



" A nih chu! " Ka ti leh mai a. Ka nu a rawn luh avang chuan ka sawi zawm tawh lem lo.



" Bawihte kawt vel a hnah til saw chaw ei hma va phiat fai thuak thuak la. " Ka nu chuan a rawn ti ve a. Terinin kei man ka va ti ang a tih chuan ka hnial vat.


" Chawhmeh lo chhung lum zawk rawh. " Tiin ka chhuak nghal a. Kawmchar lam atang ka phiat phei a, kawngpui lamah ka kual zel a. Ka phiah zawh chuan gate bulah dingin Zorema room tukverh chu ka en vang vang a, eng emaw takin an ti thinrim a nih chu ka ring a , kha tiang khawp a awm tur chuan chhan tha tak pawh a neih ka ring mahse ka ngaihtuah loh phah chuang si lo.



Ka pa in min rawn koh takah chuan ka lut ve nghal a. Chhung inkhawm kan hman zawhah tukthuan kan ei a. Inkhawm tur in kan in siam zui nghal a.



Inkhawm tur a kan chhuah chuan U Lka leh pa Lawma te nen kan in tawk a. An hman hmawh hmel em em mai leh nghal.



" Kha... Khawi lamah nge? " Ka pa chuan a ti a. Pa Lsa a rawn hawi vut a, motor kawngka a pawt hawng tawh chu a ding khawmuang deuh a.




" Damdawiin lamah kan va in khal phei lawk a nge. " A ti ve sup a.



" Tu nge awm awm a? A va zia lo ve aw. " Ka pa in a tih chuan kan chhungkua in ka lo ngaichang ve thap.



" Zorema maw le. Zonuni thianpa ve hi zawng a puitling thei meuh lo. Ka va kal a nge. " Tiin motorah lut zui nghal a. Enge pa Lsa sawi awm zia kha, Zoremsanga chu damdawiinah a awm tihna a mi? Chuvang a mi nizanah pawh a rawn haw miah loh? Khang ho nen khan an lo in ti buai leh a nga, thelh a pawt hrangtu an awm tawh dawn si lo a damdawiin luh ngai hial in a awm phah e maw ni le!



" Kal ang kan tlai dawn. " Terinin a rawn ti sap a. Pa Lsa te pafa pawh an lo tlan chhuak daih tawh. Ka nu leh pa chu Terini nen kan zui a. Ka rilru erawh chu a nuam thei lo. Eng e maw hian min kam tun a. Biakin chhung a ka thut hnu pawn ka ngaihtuahna erawh a dang hlak. Kan zirlai leh thu phuan pawh hriat ka nei miah lo.



" Heii.... Zorema I ngaihtuah a mi? Lungngai suh a tha ang, a pa te pawh an hlauhthawn hmel vak loh kha. " Inkhawm kan ban hnu in haw kawngah Terini chuan a ti sap.



" Chutiang engmah ka ngaihtuah lo. " Ka ti tawi tak a, mahse a awi hmel lem loh.



" I awm danah a hriat vek a lawm. " A rawn ti leh mai a. Thawk ka la halh ringawt thung.



" Nizan khan kha aia nasa khan lo dang tur ka nia. " Ka ti ringawt. Tawngka chiah lo kha lo dang lui tal i la chuan a kal kher lo mai thei a ni!



" Haw i la, i ngaihtuah viau chuan inthlak i la damdawiin lamah kan kal ve dawn nia. I ngaih that nan pawh. A tha em? " A rawn ti leh a, aw ka lo pawh vat.



In kan thleng a kan in thlak sawk sawk a. Mahse an damdawiin kalna kan hre lo tih kan hre chhuak leh hnu hnawh a. Zorema te inah kan phei a, u Duati bulah kan zawt a mahse U Duati thu sawi chuan ka hlauhthawnna zawng zawng a ti bo vek.




" Mama thianpa Bawiha zawk a nia damdawiin a an admit chu. Nizanah bike in an lo in tlan siak leh a, a chesual a ni awm e. Maman a rawn phone a zing lam khan ka U leh ka Pa an kal kha. Ngaihtuah suh. " Min lo ti daih a nih chu. Rilru khingbai tho si mahse thawveng hawk in kan in lamah kan let leh a.



Chawhnu pawh in khawm kan lak lawh tak vek vangin Terini nen chuan inah kan awm a. Ka roomah laptop a hla play in khumah chuan kan mu a. Terini tawng vang chuan a lam ka hawi vat.



" A chang hi chuan kei pawh hian la hrethiam lo lek lek cheu. " A ti sap.



" Eng chu? " Ka ti let a.



" Zorema nen hian maw le. " A tih chuan ka nui ringawt.



" Ka ti tak tak. Kan in ngaizawng lo in in ti ve ve a mahse in awm danah hian in ngaizawng ang chiah in ni. " A ti leh hliai.




" I hre lo mai mai a nih chu. " Ka to ringawt. Kan in ngaihzawn loh zia chu Eka hian a thianpa min tih pui chu ka ti lo mahse ti pui ang type chu a ni ber a. Kei pawh Siamsiami ka tih pui ve deuh reuh tho bawk a. Bakah kan in karan vhutiang feeling a awm lo tih lan chiang, romance lam hi chu kan hlat vet vet chiang a lawm.




" A nih U Rema chu i be ta em? " A rawn ti hlawl a ka ner sak.




" Ka zep lo mai ang, ka be peih thlawt lo. Kan in a an rawn len hi ka duh tawk viau. Bakah ka sawi lo ang ka ti zet a mahse ka unaunu ang chiah in ka en che a ka hrilh mai mai ang che. U Zuala hi ka duh pui vak lo che. " Ka ti ve ngawt.




" Ho suh aw, " Ka ti leh hnu hnawh a a nuih a zat hmel ngang mai.



" Ho lo e, huat tur a awm hlei nem. Kei pawh kan in hmeh ka ti lo. Ka at deuh lai kha a ni ve a. Tunah phei chuan ka ngaihsak loh lutuk vang hian a thinrim ta fo." A rawn ti let hlauh mai.



" College ah pawh duhtu che chu an tam ang. " Ka ti ve ringawt a, za fe a nui chhuak hak hak in a thu chhuak a.



" I ta tur kan zawh hmuh hunah aw. " A tih chuan ka ner nasa.



" Ngaihzawng emaw mipa lam I ngaihtuah miah loh chhan pawh hian I thenawmpa va g hi a nih ka ring. " A rawn tih chuan ka ner sak.




" Kha ti lam khan kai lut ziah suh. " Ka ti hlak.



" Ka sawi awm zia zawk chu maw, Zorema hian a duat ve che bawk sia. Kan in ngaizawng lo chu ti tho mah u la in ngaizawng ang maiin in in zui reng tho a. Khawi i lo a i kal in a mah i pawt buai reng a, chutiang bawk in a ni pawn. Midang hi in ngai lo ni ber in ka hria. " A rawn tih chhun zawm leh malh malh.



" Ka la neih san daih ang. " Ka ti hlak chu a nuih ka ti zal zual sauh. Chutia kan ti ti lai chuan pawn lamah bike ri ka hriat vang in ka mu chu ka thu chhuak ve hlawl.



" Enge a? " Terini lah chuan a lo ti ha.



" Zorema bike ri la hria! " Ka ti chu a hrilh ka ti hai hmel let ling zawk. Mahse ngaihven chhun zawm lo chuan tukverh lam ka pan vat a. Ka sawi ang tak tak in Zorema bike a ni tak tak. Mahse a khalhtu erawh u Lka daih a ni.




" Khaw nge a mah chu? Ee... Khu! " Terin chu ka bulah rawn dingin a rawn ti vat a. An motor hma lam atang Zorema chu a rawn chhuak a. U Lkan a kuah zui bawk a.



" A na ve lo an ti emaw tia. " Terini bawk chuan a rawn ti leh a. Kei pawh chutiang chuan ka ngai kha a nia.



" Va kal i la. Chanchin va zawt i la. " A tih chuan ka lu ka thing vat.




" An in sual a nih khu. Ka thu sawi pawh awi duh hlei lo. Ngaihtuah hluak angin ka awm nguar ang. " Tiin khum lam ka pan san daih.



Terini pawh a rawn thu ve leh mai a. Kan pahnih chuan khumah ka mu a, hla ngaithla phah chuan kan phone ve ve kan hmet a. Puipuia nen kan in be char char a, a thianpa chanchin hi a hre lo nge ni engmah pawh a sawi lo. Kei pawh chu sawi chhuak hmasa a tan la tum tawh lo hual hual vang chuan ka sawi lan ka tum lo bur.




Hmanni a Zorema te canteen a an in sual ni a ka hnial vak atang khan kan in pawh thar zual a. A hma a a message chhan loh ai a chhang mai mai thin kha kawm nuam ka ti tan tawh a. Ka phone ka khawih a a message a lo awm hi chua ka reply ta ziah a. Chuan a fel in kawm a nuam a, la hmu miah lo chung pawh a ka ngaina nghal em em hi thil mak tak pawh a ni.




Zanriah kan ei kham in inkhawm tur in kan chhungin kan chhuak leh a. Biakin chhungah erawh kan thiante bulah kan thu ta daih a. Ka nu leh pa pawh an thu dun bik chuang lo. U Duati pawh tlai hnu hnawhah a rawn lut lai la hmu a. An chhungkaw dang hmel erawh hmuh tur a awm lo.




In khawm kan bang a, thil dang ti kawi lo in kan haw tlang a. U Duati pawh kan rual in a rawn haw a. " Zorema te pawh tlaiah khan an rawn hawng a, rawn hmu ve u la. I ngaihtuah sia, a tha tih te hriat I duh lo a mi? " Min fiam tel pah chuan a ti a. Terini nuih a lo zal ngang mai.



" A tlai tawh e mai! Naktukah a ni mai. " Tii mawi hnaiah kan nui let ve a. Dik tak chuan nizan a kal suh ti a ka ngen lawm lawm na kha a hre duh lo vel a. Ka be tawh rih dawn bik lo hrim hrim.




In kan lut a. Ka pa te pawh rei lo teah an lo thleng a. Thungpui ka lum dal hnu in imchungah ka chho a. Tukverh lam ka hawi chu Zorema room tukverh pawh a lo in hawng huau tawh.



Ka phone ka en a, thenawmpa message lo awm chu ka hmu lo der hmak a. Puipuia leh ka thian dangte chu ka reply kual a. Group ah ka lang leh zauh thin vang chuan Zorema pawh min rawn text nawn leh thin. Mahse ka chhang dawn lo hi a ni tawp. Online reng a message reply lo hi a haw thei bawk a. Ka runluih dawn hi a ni bur.



" Heii.... Zorema message i chhang duh lo a mi? "


" A thinrim chuan min lo zawh teh a ti a nia. " Siamsiami a rawn tih chuan a lo va bia tih a hriat nghal.



" A man a hriat chian khawp kha. " Ka lo ti khum hmak. Zoremsanga runluih nan hrim hrim ka online lui ngar ngar a. Dar 12 velah mut ka tum chu ka tukverh zawn a rawn ri thak thak a. Tho chhuak in parda ka va keu a, kan Gate bulah a lo ding reng mai. Jumper dum ha in a lukhum a khum vek bawk a. Lungte ni awm tak rawn vawm leh a tum chu ka lo en reng tih a hmuh vangin a tawp leh chawt.



Chu mi rualin ka phone ken lai chu a rawn ri a, a rawn call tu pawh sawi hran hi a ngai lo reng reng. Min melh chho reng chung chuan a beng zawnah a dah a. Kei pawh in en reng chung in ka reject hmak a. Parda ka pawt khar nghal hmak. Thian tiin a hma khua ka ngai a, a nat ka hlau ve em em a, engah mah min ngai lo a nih chuan engah mah ka ngai lo thiam ve tho.




๐Ÿ’•๐Ÿ’•๐Ÿ’• cmt leh click theihnghilh awi loh aw ๐Ÿ˜˜๐Ÿ˜˜


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:47 pm

Miracle Love ๐Ÿ’• by Amy Cck




Chapter - 6



Khumah chuan ka let phei a. Ka mut tawh hnu pawn ka tukverh zawn chu lungte in a rawn vawm ri leh kerh thin a. Thawh erawh ka tum tawh lo lui tlat thung. A call ka la duh tlat loh vang chuan message min rawn thawn zui nghal a. En loh ka tum zet a mahse ka in sum thei leh ngang lo chu ka open leh hram!




*min biak chu i tum lo tak tak a mi???? *



*sorry tukverh lo hawng la kan sawi tha dawn nia. *


*ka damlo a nia min khawngaih lo a mi??? *


A tam mai ka seen tih a hriat avangin typing a in ti nghal char char a. A in dawt dawt chuan a rawn lut a. Chhan let erawh ka tum lo. Mu chhung chuan ka chhiar char char a. A chhung a ka lawm lohna theihnghilh thak in a message chu ka chhiar nui ver ver a. Na a neih in ka ngaihtuah thin tih a hria a tunah pawh a in sawi khawngaih thlak in la in la pangchang char char a. A tha tih ka hre chiang bawk si chu ka nuih tawp.



Tlaiah khan u Duati lo va zawt hmasa lo i la chuan ka ngaihtuah in tunah pawh hian a chungah lawm lo tho mah i la tunah pawh hian hmu hrim hrim ka duh ang. Mahse u Duatin a tha tih min hrilh vek tawh a, min tih der tih ka hre ve kar.



*Luhlulnu * a tawpah chuan a rawn ti tawl. Ka nuih chu a za ang reng viau. Ka seen char char a ka reply duh si lo a a beidawng tih ka hria. A reh zui tak vang vang hmu chuan ka mu chu ka tho leh them them a. Tukverh bul a phei leh in parda chu ka keu deuh a. An in lam pan a a let chu a hnung lam atang chuan ka thlir liam ta thung.




" Mawla. " Ti sap in khum lam ka pan leh a. Ka phone chu dah in mutthilh ka tum ta hmak. Naktukah pawh biak ka la tum chuang lo. Engmah min hrilhfiahna tha tak a nei a nih loh chuan ka be tha bik dawn lo bur. Kha tiang khawp a a thinrim chhan tal kha min hrilh ve ka phut tlat dawn hi a ni tawp.


*


" Bawihte i va tho hma ve. " In hnuai ka chhuk rual in ka nu in min lo ti nghal a. Dawhkan bul a chair chu pawt chhuak in ka thu tum bar a. Ka nu chuan min en chik ngang mai.



" I nuam sam lo a mi? " Ka chal rawn khawihin a ti zui nghal a. Lu ka thing ringawt. Thingpui min rawn siam a ka in laiin Terini a rawn chhuk ve a. A ni chu a mood a fuh a niang a rawn nui lut ver ver mai.




" I va hlim awm ver ver ve? " Ka pa chuan a darah rawn kuah pheiin a rawn ti a. Ka nu pawh chuan thingpui an duh leh duh loh a lo zawt ve nghal a.




" Pate vawinah week kan tan dawn kha i theihnghilh a mi? " Chair pawt chhuak in Terini chuan a ti let ve nghal a.



" Miss thlannaah ka tel dawn kha i ti em? " Ka nu chuan thingpui pek pah chuan a ti ve nghal a a lo bu nghat nghat.




" Ka fanu chu a va tum lian ve. " Ka pa chuan a rawn ti a. " Hei... Enge maw a hriat ni, vawiin khan kan zai dawn i ti ve a ni lawm ni. Zingkar atang a hetiang hmel putte chuan i zai tha thei dawn a mi? " Ka nu chuan a lo ti ve nghal.




" Ka phur lo. " Ka ti ringawt. Midang ho chuan min en thap a. Ka nu leh pa chu an in melh vat tih pawh ka hre reng.



" A va mak awm ve. In ti harh la kawt zawl a hnah thel ho saw va phiat fai la, i mood a tha sawng sawng mai ang. " Ka pa lah chuan min fiam pah deuh chuan a rawn ti a. Thawk la halh in ka tho a, pawn hmunphiah nen ka chhuak hnak hnak. Hnah thel vel ka phiah lai chuan kawngpui leh lam atanga kan in lam pan a rawn kal pawh chu ka mit sir in ka hmu reng.




" I rawn chhuak dawn lo emaw ka ti hman a. " Kawt ka phiah lai chuan kan gate bul atangin Zoreman a rawn ti a ka melh zawk ringawt.




" Min be ve tawh em em la. Ngaihdam pawh ka dil tawh che kha. Zing a ka call pawh i la duh lo a. " Kan gate chu hma zawng a rawn ngheng in a ti a. Hre lo der hmak in ka phun phiah chu ka phiat ngar ngar thung.



" Heiii.... " Ti leh in ka kawr hnung lamah chuan min sawi det det a. Nin hmel zet in ka pawt let nak.



" Thinchhe reuh bawk si. " A tih hluk rual in a lam hawiin ka in her a ka melh zui nghek. Min ngai thu tak lo fe chuan min lo la nuih suk zui.



" Enge nuih zatthlak? " Ka ti let hlak a. Lei lam melh in nuih in sum zet chuan a hmui chu a pet sawi vel a. Ka hmunphiah hian ka hem pawp zawk dawn a maw ni.



" La lawm chiah lo mah la min be tal a a tha tho e. " A tih rual chuan ka in sum hman lo ka hmunphiah ken lohna lam chuan a ban puam ding lamah chuan ka beng hlak a, a na deuh nge a phu zawk a, kun chhungin na tih hmel lutuk chuan a then zui sawk. Ka beng na vak khan ka hre si lo a mahse ni zanah an in sual buai a, a na lai ka tawk fuh a nih ka ring leh deuh.




" Enteh kha tia min fiam kha tum miah suh aw. Ka engah mah a thawk lo a nia. " Ka ti leh hmak a. Ka rilru tak chuan ka ngaihtuah ru tho bawk si, tih lan ka hlau bawk nen ka hah vek thei.



" Ka lut dawn! " Tiin ka in her chu ka awr tlangah rawn vuan in " Zonunmawi i nun rawng e mai! " A rawn ti hluk a. A lam ka hawi chu thaw hawk in min lo melh ve reng.



" I thinrimna Ni in tlak pui suh se an tih kha i va zawm lo ve. " A la rawn ti hluk zui. A hmel chu a nur deuh nung a. Ka kal san mai hlau ang hrim in ka tshirt tlangah te chuan min pawt bet a. A lak a ka lawm loh hian a awm thiam lo tih ka hre ve kar a. Ka hriat duh min hrilh theih nan chuan ka lawm mai mai thei lo.



" Nang pawn i zawm bik a mi? " Ti hlak in ka kawr chu ka pawt a a la vuan nghet em em zui.



" Nang leh kei kan in ang lo. " A la ti daih zui. A phakar thei bik si. Mipa thawng thei ti a sawi tur a ni miah lo. Midang bulah phei chuan tawng tlem nih a hlawh vek. Ka bulah pawh hian a tawng duh chu ka ti lo mahse thil kan sawi emaw kan thu a in hmuh loh hian min hnial dang lel ve ziah.



" Eka " Rum zet a melh chuan ka ti a, min hnial dang tih a hre chiang a a kiai suk leh nghal.



" Min be tawh la. "



" Min thlah phawt rawh! "



" Ai! "



" Zoremsang! "



" Min chhang phawt rawh! " A la ti tal. Kan luhlul dun bawk a, min thlah nghal se chu a mak zawk ngawt ang chu. Ka luhlul zia a hria a, a luhlul zia ka hre chiang bawk.



" A tha e, ka zawhna min chhan dawn chuan. " Ka ti ta nge nge.



" A tha lawm. " Tih leh a mit hmul min san uk a rual a.



" Engvang in nge canteen ah khan in in sual? I in sual fo tih chu ka hre ve reng a mahse tun tum chu a danglam tih la hre ve a nia. Khang ho khan i pawi enge an sawi? " Ka ti leh hram. Tum hi ka vawi thum zawhna a ni tawh a, min chhang duh lo a nih chuan ka beidawng tak tak tawh ang.



" Kha chu kan sawi tawh kha. " A ti zawi sup. Nui ro hak in ka meng kual ralh a. Ka kawr a vawnna chu ka pawt let nghal hlak.



" Chhanna dik a ni lo. I sawi duh lo chhan ka hre lo mahse ka lakah kher chu hetiang em em a I zep hi ka ring lo a. " Tiin in chhung lam ka pan a. Min hrilh ve mai kha ka ring a nia.



Tukthuan kan ei a, kan ei zawhah week opening hmang tur in dar 9 ah hall ah kim tur an ti a. Kan in siam nghal sawk sawk a. U Jerry khan kal pui la nei dawn em tih min rawn zawt leh hram a. Zorema chungah ka la lawm loh reng vangin min lo sawm thei chuan a rual a ka kal tur thu ka sawi ve hmiah.




" I hman em? In hnuaiah Zoreman a nghak tawh che a nia. " Ka room kawngka rawn in hawngin Terinin a rawn ti a. Chu mi rual in u Jerry an a rawn thlen thu text in min rawn hrilh ve chiah bawk.



In hnuaiah kan in zui thla a. Siiting room kan thlen chuan Zorema pawh a lo thi ngur mai. Min hmu chu a ding chhuak ve nghal a, ka melh zawk a biak pawh be lo in kawngka lam ka pan san hmak a. Ka awm dan chuan la chhungte pawh a ti hrilh hai tih ka hria.



" Heii... Ti nge? In la in in ti thiam lo reng a mi? " Ka bulah Terini rawn kal in a rawn ti zawi sep a. Hnung lam ka melh zeuh a Zorema pawn a helmet keng in min rawn zui ve reng bawk. Ka chhang lem lo, kan hate pawn a u Jerry lo dinna l chu ka pan nghal vat.




" Terin Zorema rual khan i rawn kal dawn nia. Kei ni chu in hmuh khawm leh kan ngai dawn sia u Jerry a rual hian ka kal mai ang. " Ti zung zungin a bike hnungah chuan ka lawn a. Terini hrilhhai leh Zorema lawm lo hmel chu ka hmuh hmaih lo nasa.



" Hnung lam a mi khan min va melh rum tha ve. " College lam kan pan lai chuan u Jerry chuan a ti a. A lo hmu ve hman a nih hmel.



" Chutiang pawh ka lo hre lo a. " Ka tih chuan a nui hawk.



" Min rawn tlan pelh dan pawh kha a dik chiah lo in ka hria. " A tih leh chuan ka in rin hma in ka nui hak. Kan tlan chhuah hnu lawk khan chak zet in Zorema ten min rawn tlan pel fua a. Chu chu a sawina a ni tih la hria.




College kan thlen a. Khawiah mah tawi khaw muang lo in hall lam kan pan nghal a. An lo awm nak nak tawh. Kan senior EU a mi ve tho ye chu ursher ah an lo tang ve bawk a. Oppening a zai tur kan nih vang in kan kim ta maw tihah en nawn tur in kan in hmu khawm a. Ka thiannte pahnih pawh an rawn tlai dun laih laih khawp mai.




Dar 9 tan an tia kan tan tak tak erawh 9 : 30 daih a ni thung. Host in zai tur a min puan chuan kan in zui chhuak thliar thliar hlawm a. U Afelan min hruai in kan zir aisa daih in kan zai tha leh nghal.




Function chu kan hmang chhun zawm nghal mawlh mawlh a. Hall pawn a kan awm chuan Zorema re thian ho nen pawh kan in hmu leh zawk thin. Mahse biak erawh ka tum chuang lo.




" Enteh hmanni a Zorema te in sual chhan kha i hre tawh em? " Opin thil kan ei lai chuan a rawn ti a. Ka hriat bik loh thu bawk in ka chhang leh.



" I hria mi? " Ka tih chuan a lu a thing mai a.



" Mahse maw ka u ti i la, ka cousin in min hrilh a. Inrinni zan khan an lo in ti buai leh an tia. Chuan Lawma te thian ho khan Zorema thianpa hi Zorema emaw tiin an lo khawih rawn hrep an tia. Chuan Zorema te pawh hian phuba la in Lawma te kha an khawih ve hrep an ti. Damdawiinah an lut hial a ni awm a. " Opi bawk chuan a rawn ti a. Didiki nen chuan ka in en haw.




" Zorema thianpa kha chu damdawiinah a awm ngei a. Mahse kan college a mi a ni lo a. " Ka tih chuan " Lawma pawh Zorema khawihna avangin a awm an ti. Vawiin pawn a rawn kal loh hi. " Opi chuan a ti leh a. Chutiang pawh ka lo chik miah lo a. Mak ka ti ve deuh. Chuan Zorema thinrim chhan ka hre chak zual sauh bawk.




" A chhan vel i thianpa...oh...i cousin chuan a hre lo a mi? " Ka ti ta tawp.



" Hre lo a niang. Mahse bike racing an tihnaah a tel ve thin a, chuta tang a a hriat a ni awm e. " A ti leh mai a. Chutia kan sawi mawlh mawlh lai chuan Zorema te chu an rawn lut ve a ka lo hmu rang ngang mai.



" Ehee... Saw ni saw a va zak thei lo tak. Zorema nen sawn an in hre ve ngawt a mi? " Didiki chuan a lo hmu ve a niang a ti hlak hlak a. Zorema banah a rawn kuah lut hnap a nih chu. Tu nge a nih pawh ka hre chuang lo. Mahse saw tiang em a in nel tur chuan an in hriat that pawh ka ring lo.




" Tu nge a? " Opi chuan a lo ti vat.



" Sec C a mi Rpi a nih saw. Chawhnu lamah college miss thlan turah hian a tel ve dawn an ti. " Didiki chuan a ti zui zat.




" A chhiat loh reuh saw. A hmel pawh a chhelo, a pian pawh a nalh reng. " Opi bawk a ni. Kan en reng lai chua kil lam deuh a dawhkan chu pan in an thu a. Zorina te leh an thian dangte pawh an tel ve vek. Mahse ti nge Zoremsanga banah a kuah kher bik.




" A zak thei lo lutuk. Mi ngaihzawng chhuh sak a ching lutuk an ti. Ka Zorina zawk saw han kuah baih teh se ka kek bu lawp duh ang maw le. " Didiki chuan a ti hlak hlak. Didiki hian Zorina hi a ral khat star ve a. Be ngam si lo hian a duh ve em em mai a. Zorina lah hi hmeichhia a ngaihsak loh hmel em em mai leh nghal.




" Zorina te chu Tebawihi khan a in ti hauh viau in ka hria. " Ka lo tih chuan a tum nasa viau mai. Ka nuih pui zui hak. A khat tawk in Zoremsanga te awmna lam chu ka hawi leh thin. A bul a thu nu Rpi chuan a bia a, a lo nuih pui leh suk thin te chuan ka thin an ti rim. Ka lung awi lohna pawh engah mah ngai lo in hmeichhe dang a nuih vel a. A la hre ve viau ang maw le.

IMG_13122021_233257_(500_x_500_pixel).jpg


" In ei zawh chuan kal ang u. Thutna kan chang lo a nge? " Didiki chuan a ti a. Kan puar ta bawk nen kan pathum chuan kan ding a. Thil ei kan tam bawk nen chhuah dawn a ei man pe tur pawn nghah ve deuh a ngai a. Ei tur an rawn luh belh a, a then chhuak tur in kan ding bawk a.




" Ka lo pek sak ang. " Ka ei man ka pe tur chu ka hnung lam atang rawn tiin counter nghaktu hmaah chuan a poisa a rawn dah a. Hawi let kher lo pawn tu nge ka chiang mah mah.



" A ngai lo kei man ka pe ang che. " Ka ti ve tlat a. Ka bag ka hai rak rak a mahse counter nghaktu hnenah chuan a poisa pek a cut tur in a ti lui tlat a, a kir pawh a rawn pek let ve takah chuan Zorema chuan ka melh nghek ringawt.



" Kal ang u. " Ka thiante melh chuan ma ti hmak a. Opi leh Didiki chu an in melh hrek hrek a. Kan dinnaah a chep bawk nen kei mah chua ka chhuak zui hmak.



" Heii... Ti nge Zorema nen khan in in hau a mi? " Ka thianten min lo um in an ti a. Chhan pawh ka chhang peih lo. Hall ah kan in zui lut a. An lo awm ve nual tawh a. Tlar hma lam pan in EU ho thut khawmna bikah chuan kan va thu ve a. Rei lo yeah stage atangin kan tan tawh dawn a lut khawm leh tur tiin an rawn puang zui nghal a.



Function pawh kan tan leh nghal a. Kan house then khat chu tlar hnung lamah an thu a. Roll no a min them hran avangin class khatah house in ang lo kan awm nual bawk. Kan thian ho erawh kan awm ho thei a, nuam ka ti viau.



Kan nghah hlelh ber miss leh Mister hmang in bul an tan a. An rawn chhelo hlawm viau leh nghal. Terini pawh a rawn chhelo viau mai. An rawn chhuah hmasak ber in kelawe bul leh college tshirt an ha a. Pheikhawk sang tha zet nen. Tlar hnung lam thawm chu a tha em em leh nghal. Hmeichhia an zo a, mipa an rawn chhuak ve leh a Zorina pawh kan house aiawh in a tel ve ngei a. An rawn chhuak chuan Didiki a au ring ngang mai. Kan bul vel a mite pawn an en haw hlawm a. Kan thu hma bawk nen kan hma deuh a professor thu te pawh an lo hawi thap a. A zak leh hnu hnawh chu ka mal a rawn chum zui tawlh.



Opin ka zun a chhuak a toh vangin kan in zui chhuak a. Kan luh leh dawn chuan Didikin a hnung lam a thut a ngen ta tlat a. A hma lam chu huau huau an ngaina lo e mai. Tih ve hluai tum pawn min melh haw hlawm a, a in thlahrun awm. A la nuam dawn chauh sia a ti tlat a. Opi nen kan khawngaih ve bawk nen kan bag kan lak tir a hall hnung lamah luh kan tum a, kan lut fel vek tawh zawk.




Kan hawi kual ruai a thutna awl zawngin, a hnung ber kil a Zoremsanga te thian ho lo thu pawh chu ka hmu chiang ngang mai. A mah pawh chuan min u ve chiah a. Mipa hlang deuh leh hmeichhiaah pawh thawm na deuh ang chi kha an kat nuk a. Mahse thutna awl a awm loh vangin kan chhuak leh a. Inchung lam a la awl an tih vangin kan chho leh ta zawk a.



Inchung chu a lo thawveng ngei mai. Awm an tlem bakah stage a hmuh chiah thei bawk nen Opi nen chuan nuam ka ti nghal a. Mahse mi an tlem lutuk a Didiki erawh a ner nang thung. Mahse thutna tur dang a awm miau loh vangin lungawi lo zet chuan a thu ve mai a. Tlar hma a thut ai chuan a la thlang tho a nih hmel.



Rei lo teah midang ho pawh an rawn chho ve nak nak a. Zorema te thian ho pawh an rawn lut huk a. An thawm a tha in an lian tha hlawm sia an hlauhawm lek lek zawk. Zorina pawh round dang an tih leh hma chu a thiante bul ah a rawn awm a nih hmel.



" Zonuni i ni ti raw? " Kan thutna zawnah hmeichhe pakhat rawn ding in hah hmel zet hian a rawn ti a. Kan thian ho chuan kan melh haw a, lu ka bu zui nghat.



" I zai thin ti raw? " A tih chuan min ti hamhaih ang reng viau leh nghal.



" Thin deuh tho. " Ka ti ve tawp a. Higher kan kal lai leh biakinah te pawh ka zai ve fo a, thiam chu ka in ti ngam lo a mahse ka ti ve fo thin.



" A nih chuan kan house ai awh in zai mai la. Zai tur a kan ruat kha fami7 problem vangin a haw thut sia. I zai thin an tia kan zawng ngat ngat che. " A ti nghal zung zung a. Sawi ve mai tur pawh ka hre lo.



" Mahse ka in ring si lo a. Tih thut te chu.... " Ka tih lai chuan " Guitarist kan zawng a nga chu zawng chu a ni mai. I hla thiam nal deuh kha sa tawp mai rawh. House nil ai chuan a pawi lo. " A ti leh zung zung a. Ka thiante lah chuan min lo ti ve bawk.




" A nih tumhe guiter min perh sak dawn? " Din pah chuan ka ti ve a. An laklawh hmel sia ka hreh lem bik lo.



" Pawh chawp tur an awm mai ang. Afela te pawh an awm a lawm. " Tiin kan in zui thla a. Kan chhuah pah in Zorina chu au in second round an tan tep a, lo chhuk ve nghal tur in a ti a. A hmel chu a peih tawh loh hmel ngang mai.




" Tak in a pawi loh chuan guiter min perh sak turin Zorema saw va bia la. Kan lo ti dun fo tawh a, kan in man deuh ang. " Ka tih chuan a pawi loh thu sawiin Zoremsanga thutna lam chu a pan a. Kei leh Zorina erawh kan lo zu in zui thla thung.




" Engvangin maw Zorema chu i biak duh lo a? " Step kan chhul chu ka sirah Zorina chu kal in a rawn ti a ka melh chho vat.



" I hre zawk ang chu. Inrinni zan an insualnaah khan i awm ve lo a mi? " Ka ti let zui hlauh.



" Awm ve e. " Ti zawngin min la chhang zui.



" A nih insualnaah khan i tel ve lo a mi? " Ka ti leh ngat a. A hmui ti sawi zeuh in a tel ve thu a sawi leh sup.



" A nih chuan enge in in sual chhan? Canteen ah khan an in sual tawh a. Kha mi zan pawh khan kal lo tur in ka tia a a kal lui tho a. A chhan ka zawh in min hrilh duh si lo a. " Ka tih lai chuan " I hriat a ngai lo te pawh a niang chu. " A ti liam puat chu ka melh rum nghek.



" A ni vel a. A nih leh Puipuia hi i hre ve em? " Ka ti let ya thung. Zoreman min hrilh duh si lo a, Zorina hian a lo hriat ve tak in ka zawt zawk mai ang.



" Khawi a mi? " A ti ve sup.



" Bengalore a mi a nia. Zorema thianpa a nia i hriat ve ka lo ring a. " Ka ti let mai a. A la hre ve lo zui.



" Zoreman nangma sawm kher a duh a. " U Chhanin min tawn um thla in a rawn ti a ka ner sak. Ka biak hmasak theih nan a ti tih ka chiang viau leh nghal.



" Midang zawng mai ang. " Ka ti hmak.



" A nih chuan midang kan zawng mai dawn nia. Ee.... Zorin guiter i perh sak thei a ngem Zonuni hi ? " U Chhani chuan in a rawn ti ve nghal a. Zoremsanga chu a nghal a chhuah a ni chiang. Zorina chuan min perh sak thei dawn hlauh a. Pawi chai lo, ka be hmasa dawn bik lo hi a ni tawp.



Stage hnungah kan phei a. Midang pawh an lo awm nuai nuai mai.ka hla sak turte chu kan thlang chawl chuk chuk a. Terini pawh in min lo buaipui nasa viau mai. A pathumnaah ka zai a,in puah chah lo ta chu ka zam ang reng viau leh nghal.




Kan ti rek rek a kan zo ve mai a. Zai chhia chu ka ni lo mahse midang an thiam hlawm em vangin ka beisei sang lem lo. Ni chu kan hmang ral ve mai a. Second round ah Terini chu a la tling ve a. Chhun chawlh a Zorema zui tunu Rpi kha a tla thung a. Mahse a tawpah erawh Terini pawh a tling zo bik lo. Mahse Zorina erawh kan college mister ah an thlang ta nulh a. A mah pawh a in awi lo lutuk a a nuih a za hial. Mahse le an thlang miau mai sia. Kum khat chhung chu mister nihna a chelh ngei a ngaih hmel.




" Zonun lo kal vat teh mipa bathroom ah Zorema te an in sual a nia. Zorin nang pawh." Stage hnung a kan awm reng lai chuan Opi a rawn lut a, a hman hmawh hmel em em zui. A thu sawi avang chuan ka hawi phawk hra a. Rang zet in kan tlan chhuak a. Bathroom kan thlen chuan an lo in khawih nasa hman tawh. Lawma an tih pa bawk kha niin , vawiin a rawn kal lo emaw ka ti kha a nia. Opi Khan damdawiin a awm ang khan a sawi sia.




" Zorin thelh vat teh." Hlauthawng lutuk chuan ka ti a.Zorima bathroom a luh a tum chu an kalh khang lang leh nghal. Chhuatah chuan Zoreman thut chilh in a hnek zui hmiah hmaih mai bawk si. Professor then khat an haw tawh a. A la awm ho zu koh mai an tum a. Mahse SU vice in bathroom kawngka ti chhia in an lut a. Zorema chu an pawt hrang nghal bawk a, a la tang nasa viau leh nghal.




Bathroom chhuat a thisen darh nuai nen ka thauah min man tlat leh nghal. Zorina chuan Zorema chu a rawn kuah chhuak nawk nawk a. Midangin Lawma kha an lo buaipui thung. Rang zet in Zorema te kalna lamah chuan ka tlan phei a. Gate ka va chhuah fel meuh chuan bike in chak zet in Zorema chu a tlan chhuak fua a Zorina pawn a en zui tawp.




" Va zui rawh! A thin a rim rih sia thil tha lo dang te a ti a nge." Zorina bulah chuan ka ti a.Zorina pawh a thaw hawk mai.




" Lawkk .... Zorin kha pa nen an in tih buai chhan kha I hria ti raw? Ngati nge an in hmuh tawh chuan buaina a awm ziah ? " Zorina chu ka zawt tawp.




" A man sawi chhuah a duh ka ring lo a, kei a lo sawi chi a ni l bawk. Mahse chhan tha tak a nei tih erawh ring rawh!" Tiin a bike ah a thu a, a tlan chhuak ve nghal a. A hnu lawkah Lawma pawh kha an rawn kuah chhuak a, an sawi dan hmangah damdawiinah an hruai dawn a nih hmel.




" Engtin nge I zui ve dawn em?" Ka thian ten an rawn tih chuan lu ka thing mai a. An buaina pawh min hrilh duh lo a, zui ve pawh ni I la ka tangkai dawn chuang lo.




Hall lamah kan let ve a mahse ka rilru ka pe thei tak tak tawh lo . Eng emaw hian min kam tun a. Boruak pik zet chuan hun kan hmang zo ve hram a. Ban dawnah Roll call kan nei a. Zorema te pawh an roll no la in an report dawn a nih hmel Principal hnenah. Mahse an awm danah chuan an huphurh hmel hlawm khawp mai.




Tlaiah chuan Terini nen kan haw dun a . Zorema va hmu duh viau mah I la a a la thinrim ka rin vangin ka tulh leh a . In kan lut chu ka ni leh pa in min lo chiau au vat a . Terinin ka zai ve ringawt thu vel a sawi chuan ka pa chu a nuih zui hawk. Pawh chawp tak meuh meuh kha ka ni bawk sia.



In thlak tur in kan room ah kan chho a. A tlai ta bawk nen inthlak zawh veleh chaw ei turin kan chhuk a. Chaw ei kham vel a Zorema hmu tur a kal ka tum chu pawn ka chhuak chiah tiin Zorema te gate atang chuan police an rawn chhuak a. Zorema motorah thut luh tir in an tlan chhuak chu ka en mawl tawp. Vawin vang khan an rawn la a ni mai lawng maw? Tih ka ngaihtuah a, ka awm chu a nuam lo nghal ringawt a. Police ho chu pa Lsa te pafain an zui ve nghal bawk.



๐Ÿ™Š๐Ÿ™Š Tawi thei sia in ti in rilru in ๐Ÿ˜‚๐Ÿ˜‚๐Ÿ˜‚ mahse in chhiar ta sa sa ads click kha min lo tih sak ve u la. cmt lamah in hmu bawk ang u aw. Ka hul riau mai a , in cmt te hian min chawk phur ve a nia๐Ÿ˜‰


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)