Miracle Love by Amy Cck (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Miracle Love by Amy Cck (Completed)

Unread post by Ngaia » July 10th, 2022, 5:51 pm

Miracle Love 💕 by Amy Cck



Chapter 24 zawmna i chhiar loh chuan keu let mai rawh aw


Chapter - 25



" U... Ka lakah i thinrim tih chu ka hria mahse chhan awm lo in Zorema hi ngai sual ringawt suh. " Ka hma a ka u ding ngur chu en in ka ti let a. A hmel erawh chu a la chang tha viau thung. Ka zin loh chung chang dawt ka sawi vang kha chuan min hau mahse ka hre thiam. Ka duh vang reng a tlan bo ni lo mah i la Zorema puh vek a ka u in a huat zual ai chuan kan in thu rual ang in ngai law law se ka duh leh tawh zawk. Chutih rual in Zorema nen kan boruak a tha ve chauh a, hun rei tak ka lo up beh tawh; ni lo, kan up beh dun ti i la a dik zawk mai thei. Kan in duhna kan ti lang ve tan chauh a, thu hriat sual palh vang leh midang, ka u emaw Terini vang pawh a tih chhiat leh ka tum lo bur.




" Tunah chuan i la naupang a i tan a tha tur i la hrethiam lo a nih kha. Zorema ka huat ngawr ngawr vang a sawi ka ni lo. Mipa tha tak pawh a nih ka ring a mahse ngaihzawng a tan chuan a tha ka ti lo. Zorema saw chu ngaihzawng ni lo in thian tha tak ang in en la i tan pawh a tha zawk ang. " A rawn tih leh chuan ka in eh ruh nghek a. Ka u chu ka khum tlangah chuan a rawn thu thla a. " Ka nau i ni a kawng dik lo i zawh hi ka duh lo. Tunah pawh i chhungte lak a zep nei ngai lo leh dawt sawi ngai lo khan khar khat zep mipa nen zin ang a in sawiin in awm dun a nia. " A tih rusl chuan, " Mipa dang ni lo in Zorema a lawm ka awm pui. Chuan misual a ni lo a sin. A tawng tam lo a, mi ngainat ni tur in a awm thiam lo mai mai a lawm. A chhungril chu ka hre chiang a lawm. " Ka lo tih khalh vat.




" Chuvang tak reng chuan a lawm i tan a tha lo ka tih. Mipa dang ni lo in Zorema a ni a. Kum tam tak i thian lo ni tawh in a hre chiang che a. Mipa dang bul a i tih loh tur kha a bulah chuan tih mai duhna i pu tlat dawn. Tunah pawh mipa dang chu ni se tlan bo lo in i classmate dang te bulah i zin ve ang tih ka chiang. Zorema a nih vangin i zui a, kar khat meuh leh nghal. I chungah thil dik lo lo ti ta se... "



" Chutiang mi a ni lo ka tih chu! Ti nge a dik lo zawng ringawt a puh chhiat i tum tlat a. Engmah i hre ve lo a nih kha. Ka tan chuan eng pawh tih a huam a, min hmangaih in kei pawn ka hmangaih a. Ka lakah rilru sual pu se chuan hman hmanah khan a ti lang daih tawh ang. " Ka ti zui nghek. Mi sual leh nung khaw lo deuh ang a Zorema chhuah a tum chu ka thin a rim tun mai.



" A nih chuan engvang a tlanbo pui che nge a nih? " A ti ve hrawk. " A ma thiam poh chiah a ni lo ka tih chu. Kei pawn ka duh vang reng in a lawm ka zui. " Ka ti ta nghek. Tlan bo kha ka duh miah lo a mahse Zorema a ngaih khaw loh phah dawn ai chuan ka duh vang a tlang boah min ngai zawk mai rawh se.


" Tunah pawh dawt i sawi leh tawh a nia kha pa vang khan. Fim tak in ngaihtuah rawh, a ni khan a hmangaih tak tak che a nih chuan i tan a nun tha lo leh a zu in te, a thian te hi a thlah phal meuh ang maw. " A tih chuan chhan ka tum zuai a mahse ka chhang thei lo. Chu kher chu ka hre bik lo, a thian dangte kei vang a a thlah chu ka ring lo. Zorina nfat phei chu a unaupa ang hial a nih a, an mahni hrechiangtu te phei chuan phir ti hial in an fiam thian a nia. Chuan a zu in pawh kha nizan a ka sawi khan ' a tihpalh' thu chiah a sawi bawk a nih kha.




"Tunah chuan i lak a that a chhuah hunlai tak a ni rih a. A ngaihsak che in duat pawh a duat viau ang che. Mahse a duh ang duh leh a mize mil hmeichhia a kawp san hunah che... "



" Duh tawk rawh. I sawi ho kha chu ngaihruatna mai mai an nih kha. Zorema chuan min hmangaih a hmeichhe dang hnaih chu sawi loh biak pawh a be ngai lo. " Ka lo ti that. Ka u chuan hahthlak min tih hmel zet in a hmai chu a tuai chho puat a.




" U Duati vang em ni kan in kawp i phal loh a chhuan lam i siam zel. " A hnu chuan ka u en chuan ka ti chhuak sep. Ka u chuan min rawn melh ngawt ngawt a. " Ka ngaihtuah vang zawk che a nih hi. Nakin zelah i tan a tha lo tur ni a ka hriqt vang zawk a sawi ka ni. " A ti dam leh dup. Mahse ka lu chu ka thing vat.




" Ka tan chuan Zorema tluk a mipa tha an awm lo tih ka hria. Ka nu leh ka pa leh nang tih lohah chuan a mah hi ka ring in ka hnaih ber a. Buaina leh harsatna ka neih chuan ka rilruah a lang hmasa ber thin bawk. " Ka la ti fan a. Ka u chu a ding ta hluai a. Luhlul zet in ka khumah chuan ka la thu ngar thung.




" I hriat miah lo a tlem tlem a i mize dang lam hi kei chuan ka hria a nia. Mahse puitling i in ti ve tawh a ka thu i zawm loh chuan tih theih ka nei bik lo e. Chuan Terini bulah ngaihdam dil bawk ang che. Buaina i tawh hlau in i tan kha tiang kha a lo ti a. Kit thlak kha thil dik pawh a ni lo. An chhungkaw chanchin i hre vek a. Kei ni lo chu belh leh tur chuang a nei tawh lo tih pawh kei ai i hre chiang ang. A lakah hian that chhuah la, mi hrang tih tawngkam kha hman khum tawh suh ang che. " Tiin a pen sawn vut a. Ka room a chhuah san lai chu ka melh ngawt ngawt.




" Kei ni lo in nangmah a nih kha danglam chu! " Tiin ka u chhuahna lam en chuan ka phun sep. Ka biangah ka mittui chu a luang zung zung a. Ka u sawi dang hmangah kha chuan Terini hi hmusit a tawngkhum fo te pawh ka ang zawk hial a lawm. " Engmah pawh hre lo in min puh chhe ringawt a. " Ka ti leh tiau. Terini kan in a a awm atang khan ka unaunu ang chiah in ka en a, ka theih tawk chuan ka ngaihsak in a chhungah pawh that ka chhuah ve in ka in hria a.




An chhungkua in chhiat an tawh hnu phei kha chuan a tan ka in pum pek ve tawp a. Ka thian tha ber leh ka mipa hmangaih ni bawk rilru pawh tih nat sak hial in a mah tan tiin Zorema pawh kal san a, a rilru a dam phah dawn phawt chuan inkawp tir hial pawh ka tum a. Ka nun a ka thil hlut ngawih ngawih te ka pe phal a nih kha. Mahse a ni lo lam vek in min ngaih sak chuan min ti na ngawih ngawih.




Khumah chuan mu in puan chuan ka in khuh vek a. Ka tah chhuak lak lawh bawk nen a ri lo chuan ka tap khur dar dar a. Zorema nen a kan kar khat chen dun hun chhung kha ka ngaihtuah let a ka ngai rum rum mai . Ka nu leh pa ten min duat ka in ti ve viau a nia mahse kha kar khat lek chhung a Zorema min duat dan ngaihtuah let chuan Zorema zawk ka ngai rum rum.



Ka mittui a tlak hlek chuan a mang ang in a buai nghal vek a. Ka thinrim chuan a dik rengna zawkah pawh ka hlim nan chuan thiam lo in chan in ngaihdam min dil reng a. Ka sawi lan ngai miah lo in ka duh leh mamawh a hre chat chat a ka tan chuan a ni bak a tha hi an awm lo. Ka u hian ti nge sual tak ang a a ngaih tlat ka hrethiam lo. Zu a in ve in insual ve zeuh a ching tih mai a ni a. Chu pawh chu mipa tam tak pawh an ni ve tho a, a tha chu ka ti bik lo, Zorem pawh ka hauh tamna ber leh a lakah ka lungawi loh chuan ber a ni fo a mahse Zorema a nih vang in a sual uchuak bikna ka hre lo. College te kan chhuah chuan a zia ve mai ka ring bawk.



Engmah ngaihtuah lo a muthilh chu ka tum a. A chhan pawh ka ngaihtuah kual vak vak chu rilru chhiah ka pu mai mai dawn miau a. Tunah ringawt pawh hian Terini vang in ka u ka haw lek lek tawh a. Mahse ka muhil thei tlat lo. Mit ka chhin a piang in kei ai in ka u in Terini a tan zawk tih ka in hrilh nawn tluk tluk a. Bakah kar khat zet Zoremsanga taksa lian leh lum nuam zet kuah in ka lo muhil thin a, ka zawng chhan hman a nih te ka ring thul.




Chutia ka rilru ka lawm mawlh mawlh lai chuan ka room tukverh lam chu a rawn ri khep a, rei lo teah tukverh chu in hawng tih hriat zet hian a ri zui leh a. Tu nge rawn luh tih ka chian em vang chuan ka che duh lo. Tunah chuan biak tlak pawh ka awm lo. Ka muhil a nih ring in haw phei leh vat se ka tih zawk vang in hre lo der in ka in lu khuh zui tlat a. Ka har nge harh lo hriat tum ni ang hrim in a hrawk a thian kharh a, ka la che duh chuang lo.




Ka lam chu a rawn pan tih hriat zet in ke pen chu a rawn awm a. Rei lo teah ka khum sirah a rawn thu tih hriat zet in a rawn hniam nghal sulh. Chil chu lem khalh in puan hnuaiah chuan ka meng kar a. Ka tah vang a ka hnar ping nen ka ka hmang chuan thawk ka la a. A lum duh ngei mai.




" Ka lakah i la thinrim ti raw? Ka dik lo tih ka hre tawh a chuvang chuan min be ve tawh la." A ti thum dut a. Ka heh ka pet fan fan. Ka biak duh loh hlek a hreawm ti a buai nghal chung zel hian hmeichhe dang min pan san chu ka ring lo hul hual. " Nizan a motor a i sawi zawng zawng pawh kha a dik vek. Lo ngaihtuah chiang tur ka nia. Tun hnuah chuan a thleng tawh lo ang. " A ti leh sup. A hriat hlau zet chuan thawk ka la ham ham a.



" Lo tho la in bia ang, i harh tih ka hria a nia. I tel lo chuan ka muhil thei lo. " A ti leh nghut a. A tawp lam chu a pang chang aw lek lek. " Zonun.. " Tih leh ka puan ain rawn pawn hawn a rual a, mit erawh ka chhing zui tlat. " A tha lawm. Muhil rawh i bulah ka mu ve mai ang. " A tih takah chuan rang zet a tho in ka nem zui vat a, a nui suk tih pawh ka hria.




" Sawi nawn ngai lo hian awm ve thin mai la. " A ti nghut a. Mahse min rawn en chian rual chuan a nui hmel chu a danglam leh nghal vek. " Ngati nge i tap leh em ni? Nge na i nei zawk? " A ti nghal ruai a. A kut hlai leh lum ham ham chuan ka biang chu a rawn dawm a. Hawi sawn tum eng ang mah i la min dawm nghet lutuk tlat.



" I tai kha a na leh tawh zawk nge? Damdawi kan la ang aw. " Ti a a che hrut chu rang zet in a nghawngah chuan ka ku ah bet chawt a. Ka awm dan chuan a thawng nge che lo chuan a a ve ta reng. " Zonun... " Tiin min awm hran tir a tum chu ka kuah nghet sauh.




" Kal san che ka duh lo chuvang chuan nang pawn min kal san miah suh ang che. " Ka ti tiau ringawt. Nui nghaqr dat in ka taksa chu a rawn kuah khawm ve ta vek a. Hahdam hmel fe hian a thaw suai suai bawk.




" Chu chu ka sawi tum chiah a nih chu. " Tiin ka nghawng chu a hmui lum ham ham in a nawr tawk a. A taksa ka kuah beh takah chuan ka hahdam sawng sawng a, ka thinrimna te kha an zia huaiin ka hre hial. Mahse a hma ai zawng in ka tah a chhuak in ka pang chang zual zawk thung.




" Ka bulah i awm reng dawn tih i in tiam hma chu ka thlah dawn miah lo che. " Ka tih leh rual chuan nui hawk in naupang chhiat min tih thu a sawi ve ngei a. Mahse a hnuah chuan thu tak zet hian min kal san loh tur thu chu a sawi leh ta tho.




Ka khumah chuan ngawi reng in kan mu dun a. In be lo in ka ngawi dun kar a. A tu a ve ve pawh chuan kan ngaihtuahna kan kawm ngun hle tih a hriat. A taksa si thlawp a min kuah in a kut pakhat chu ka kham a, pakhat ka hnungzangah nghat in a mal sei leh hrawl zet chuan min khan run bawk a. Kei in a awm zawnah a thinphu ri dup dup chu ngaithla in ka meng kar bawk. Zorina in a kan awm dun chhung zawng khan room hran a mut ka rawt thin vang in tiang hian ka kal bo loh nan min kherh bet tlat thin kha a nia.




Tawng ka tum chiah a rawn tawng hmasak vang chuan ka hmui chu ka chip leh nghal vat. " Kei mah vangin i rilru a na tih ka hria a chuan hreawm ka ti hle bawk. Ka nunah hian i pawimawh ber a, ka ngaihtuahna zawng zawng luah tu leh chan ka hlauh ber i ni bawk. I tan chuan eng pawh tih ka huam ka tih thin kha. A hma ka sawi kha i la hre reng em? I tan a nih phawt chuan mipa fel leh tha berah pawh ka in siam mai ang ka tih kha. Chuan ka ti ngei bawk dawn. " Tiin min kuah reng chung chuan a phun bul bul a. Ka chhipah a khane nghah chu a tawng zawng a a chet a piang in ka chip chu a rawn nghawr ve dar dar bawk.




" Chuan ka lakah beiseina sang tak i neih ang chiah khan i lakah pawh hian ka nei ve dawn bawk. Min hmangaih thu i sawi kha ka la hre reng a, chuan kan inneih tur chung chang thleng khan ka chhin chhiah vek bawk a. Kei lo mipa dang i hnaih ka phal lo a. I lakah hian ka thik thu pawh a hma zawng aiin ka pe na dawn bawk.



Nangmah ngeiin i sawi kha, induhna in bul tan a in ngaizawngin, chu mi zawhah hmangaihna a lut leh in inneih a nupa a insiam a chhen dun tiin. Chuan bul chu kan tan tawh a, kan in hmangaih tih kan in hrilh tawn tawh bawk a. A dawt leh chu pangai tak a inneih a ni tawh. Chu chu i duh lo a nih chuan a vawi hnih nan ka ru leh hreh miah lo che a nia. " A ti leh sup a. A tawng thum dut dut chuan min ti hahd sawng sawng a. Ka u in a kal san leh ang che a tih a mahse chutiang chu a thlen ka ring hauh lo.




" Ka u in kan zin lo tih a hre chhuak a." Ka ti sep. Tlem chuan min awm hran tir deuh a. Min ti zin sun chuan min melh bawk. " A hau che em ni? " A tih chuan nui lui sak in lu ka bu nghat. " I tah chhan kha a ni ti raw? " A tih leh chuan lu ka bu leh nghat. " Thil dang thleng a awm em? Kut a thlak che nge.. " A tih lai chuan lu ka thing vat a. " A thinrim lutuk a, ka sual thu leh nau zah pui awm tak ka nih thu te a sawi a. Mahse chu chu ka hawi miah lo. A chhan chu ka ti dik lo a a nau ka ni a min hau kha a awm lutuk. Mahse ka thu sawi ngai thla lo a Terini thu sawi chiah a ngaihthlak sak duh vang khan ka thinrim a ka haw tak zet. " Ka tawng tawp lam chu ka tap leh ti tih tawh.



Thaw chhuak hawk in Zorema chuan min kuah beh nghal tlat a. " I u chu kei man ka be dawn nia. Engmah thiam lohna i nei lo a, i duh vang reng a tlan bo i ni lo tih pawh ka hrilh vek a nga. A nau fel lutuk a hauh che vang khan a in chhir viau ang. " Tiin min hnem tum zet chuan ka hnung chu a chul hauh hauh a. A awmah hmai phum chung chuan lu ka thing vat.



" Aih... Ka u bulah chuan ka duh vang reng a zui che ka nih thu ka sawi tawh. Ka thu sawi ngai tha duh lo a, a dik lo zawng a a ngaih tlat vang pawh khan ka hua. Ka tan i tha lo tih min hrilh khan ka haw leh zual a. Kei lo hmeichhe dang i la pan dawn tih a sawi vang pawh khan ka thin a rim. " Ka ti chhuak sep sep a. Zawi te te chuan ka lawm lohna leh lungawi lohna chu ka sawi a, dawh thei tak in min lo ngai thla a. Ka in sawi thawl zawh takah chuan ka kawchhung tawt tun pawh kha an kiam duak in ka hre hial.




Zing ka thawh meuh chuan ka khumah kei mah chiah in ka lo mu leh tawh. Vartianah a haw phei a nih ka ring a. A hma vak tawh loh vang in tho in ka in ti fai sawk sawk a. Ka phone ka en chuan Zorema morning wish na pawh a lo awm vang a. Ka thianten class ka kal dawn leh dawn lo min lo zawt bawk a. Ka kal tur thu chuan ka chhang let hlawm a. In siam peih sa in in hnuaiah ka chhuk a midang pawh an lo tho leh vek tawh. An damlo te a nih ngaqt loh chuan ka chhungah ka tho tlai ber thin.




" Bawihte i zia tawh em ni? class in lak that vak loh chuan kal loh pawh a pawi lo a sin. Chawl hahdam hman mang lo in in zin kual a, i la chhau rih a nih ka ring. " Ka nu chuan a lo ti vat a ka pa pawh chuan a lo pawm pui viau. Ka u kan piah a thu chu ka melh zawk a. A phone a hmet mual mual a ka nu tawng chu hria ang pawn a awm ve lo.




" Ka dam a lawm. Kar khat tha bak kan kal tawh dawn lo a. Exam a a pawimawh tur an sawi hunlai a nia kal loh chu a uihawm. " Ka ti ve mai a. A ruk tak chuan ka in thlahrung. Ka u in ka zin lo tih a hre chiang bawk nen.




" Nute chaw ei ka siam zo. " Choka lam atang Terinin a rawn ti a. Kan vai chuan kan in zui phei a. Chaw ei lai pawh chuan ka tawng mang lo.



" Tak a Mambawih i thawmhnaw leh bag vel chu Zorema motor a I theihnghilh chu i lam tawh em? " Ka pa chuan a rawn ti a ka chaw ei lai la tawp dat.



" Aw, pate nimin khan ka lam pui a lawm. " Terinin a tih chuan ka melh phei a. Huat awm miah lo hian min lo nuih sang a nih chu. " In va rang ve, nang hi chu i puitling bik khawp mai. " Ka pa in a tih chuan ka phian khen chu ka hmer nghet tawh viau.




" In zin haw pawh i damlo in a zui leh ta sia in thlalak vel pawh kan la en hman lo a. Mizo thil hlui leh hmun pawimawh velah in la ve nual awm sia, en a chakawm khawp mai. Zanin chu en i la a tha ang. " Ti tu chu ka nu a ni.



" An rawn haw zan khan en sak ka tum a a phone la hmeh sual sak palh a ka tih bo sak deuh vek a sin. " Terini thu sawi chu awi lo zet chuan ka melh leh a. Ka lakah that chhuah tum ni ang hrim hian a awm a ka mil phah chhung si lo. Ka u erawh a hma a ei tur chu a ei mial mial a, ka pa te bul a thu dik sawi chu a tum bik lo a nih hmel.




" Kan fak zo chiah che a a va mal leh thin ve. Dikite nakinah la dil tur a nih chu en ve pawh a chakawm a lawm. " Nui hawk in ka pa chuan a lo ti ve a. Terini erawh a dang a nal par par viau a mahse ka dik lohna sawi miah lo in ka dik lo na ngei ngeiah pawh min khuh mawi dan a zawng leh zawk chu a nia. Mahse ka huatna erawh a bo phah hauh lo.




" Bawihte i la zawi riau in ka hria. Vawin chu kal lo in kan in check up zawk dawn em ni? " Chaw kan ei kham a sitting roomah Zorema ka nghah lai in Ka nu chuan min en leh thin a a tawpah chuan a ti leh ta nge nge.



" Ka tha lawm. Min ngaihtuah suh. " Ka ti ringawt thung. " Zorema rual in em ni i kal leh dawn. " A tih chuan lu ka bu nghat a. " Ka rual in i kal thei reng a lawm. " Ka u in a rawn tih chuan ka thaw hak ringawt.




" Ka duh lo Zoreman min lo sawm dawn. " Ka ti ve hmak. Ka nu pawh chuan kan in chhan dan chu mak a ti deuh nge min en dun ha mai.



" Ka sawi chu... " Ka u in a tih leh rual chuan " Mama Zorema rual a a duh chuan kal tir mai la. Nang chuan Terini kha phur mai rawh. An kal dun reng reng a lawm Zorema nen te chuan. " Ka nu chuan a lo tih khalh vat a. Ka u erawh a ner sawk.



" College an in thlen ngei em tih pawh hriat va ni suh. " A ti leh kher chu ka thin a khei leh ta zak mai. " Chung i hriat duh chuan ka atendant kan college ah rawn en mai la ti nia. " Tiin ka ding nghal hmak a. Kawngka lam ka pan chu ka nu in " Enge in hriat dun a. In in hau em ni? " Ti a ka u a zawt pawh la hre reng. Ngaihven zui lo in ka chhuak a. Zorema pawh an gate atang a rawn tlan chhuak ve nghal a. Kan gate bulah a bike a rawn din rual chuan a helmet glass chuna up a mit a rawn kan uk takah chuan ka lawn zui vat a. Chak zet in kan college lamah chuan kan tlan zui nghal bawk.




" I mood a fuh vak na nge? " Garage a kan tlan luh hnu a bike atanga ka chhuk lai chuan a rawn ti a, ka thaw chhuak hak. " Ka u maw le. " Tih zawng ka sawi. Zorema pawh a bike hung fel in ka bulah a rawn ding ve a. " Buaithlak thin ve aw. " A ti ve hluk mai.




" Chinfel dan ka hria a sin. " Step kan chhoh lai chuan a ti a ka en vat. " Engtin? " Ka ti let vat bawk. " Min nei mai rawn. " A tih chuan ner nang in ka ban ah ka chum talh a, a nui hawk hawk leh nghal.




" A nih loh chuan ka lo bia a nga thu dik ka hrilh ang. " A tih leh a, " Chi nang, min ruk vang khan a duh lo sa che nen a duh lo zual ang che. " Ka ti hlar a. A t leh bur tawh mai.




" I u ngaihdan chu a awm lutuk a lawm. A fanu hi a mitah chuan hmeichhe tha famkim, angel ang mai a thinghlim i nia nangmah ti bawlhhlawh tu che chu min huat loh ten le. Mahse bawlhhlawh pawh ni mah i la i bulah hian ka bet ve tlat dawn tho a. Mahse... " Tiin a ngawi zui dat a. A hnar chu a kut zungpui a tawk zeuh in a then leh suk phawt a. " I rilru ti hah a i nun ti hreawm tu nih ka duh loh vang chauh in engmah ka ti tawh dawn lo. Vawin atang hian... Ni lo, nimin atang khan ka ngei vek tawh. Biakinah tawngtaiin thu ka in tiam nghal thlap a nia. Kei mah vang a i rilru a lo hah a i lo damlo phah ve zel hi ka phal miah lo. " A tih chuan ka nui sang mai.




" I ban san thei ang maw? " A tih nawn kher chu ka chalah a rawn pen ri fawk a. " Zonunmawii tih lo chu ka bansan thei vek. I ngawlh chiah ka vei a bak hi chu eng atan vak ka ti lo. " A tih chuan ka ner nang a. A ni erawh a thu tak leh fu si. Fiamthu emaw ka tih hi a thu tak sawi a, thu tak tur a ka ngaih hi a la fiamthu leh daih zel a. A mal ve thin a nia.




Class kan thleng a, a ngai te bawk in tlar hnung ber kilah ka thu a , ka bulah Zorema thu in a air berah Zorina a rawn thu ve a. Ka thiante pahnih erawh tlar hmasaber dawttuah an thu leh at tawh. Sawi ang tak tak in professor te an tang tawh bawk a. Zilar kan ennawn char char a. Xerox tur min pe nual bawk a.



Lunch break ah xerox na room ah kan xerox tir a. Terini te pawh kan tawk a. Ka thiante chu a be tha em em zui a. Kan in karah thil thleng kha mumang emaw tih tur ang vel in a mizia chu a dang hlawk mai.



Lawma te nen pawh kan in tawk nawlh a. Trip na a min hmuh lo thu leh ka kal loh chhan te min zawt ve luam a. Chhuan lam lah chu a vang phian leh nghal. Mahse Zorema pawh a kal lo tih a hria a rin dan chu a nei ve deuh nge a sawi lang ve zuk a. A sawi thui ka hlauh em vang in ka be rei duh ta lo zawk a.




Banah Zorema nen kan in phur haw leh a. Last period kan lak rei deuh vang in kan haw hma lem lo. In ka lut chu ka nu choka lamah a lo awm a. Ka pa erawh a leng a la haw lo a nih hmel. Chuan ka u pawh a la haw lo a nih hmel. Inchungah ka chho nghal a. In thlak sawk sawk in ka paper xerox vel chu ka phawrh chhuak a. Ka neih kim leh kim lo ka check kual zuai zuai bawk.




Chaw ei a hum dawn vang in inhnuai lamah ka chhuk ve a. Ka pa leng pawh lo haw tawh in ka u nen an lo ti ti dun a. Ka nu eirawng bawl puih tum chu chokaah ka lut ve nghal a. Terini pawh a lo awm ve a. A ni hi chu a tih dan ve hrim hrim a nia. A hma a rawn awm tih atang khan ka nu hi a chet pui nasa thin viau.



" Bawihte chawhmeh hi lo chhung lum u la, kawmchar a ka pot dah hnawk saw kan dah fel thuak thuak a nge. Ka khawih leh hman ka ring a nia ka hman hmel ta si lo a. " Tiin ka nu chu a chhuak zui mai a. Terini nen chuan in be miah lo in kan che dun reng a.




" Zorema bulah thil ni lo lo i lo sawi a. I rin aiin I tawng thei daih. " Terinin a tih chuan thaw hak in a lam chu ka hawi a.



" Enge ka sawi chu? " Ka ti kha fak. " I hriat chian khawp kha. I u i lam a a tan tak lohah chuan lam tang dang i zawng ruai mai a lawm ti raw. " Nui sak a a tih chuan ka ner sak.



" I enga hi nge dik lo a. Ti nge tiang a ka lakah I khaw sak tak tlat a. I eng pawi nge ka sawi pawh ka hre lo. Ti nge min huat tak viau a. " Ka ti ta thlawt. A hma a Terini ka hriat thin nen an dang ta lutuk hi hreawm ka ti tawh zawk.



" A chhan chu I hre chiang viau a ni lawm ni. " A ti ve hmak a ka thaw hap ringawt. " Zorema a nih chu kei mah vang a ni lo a. A mah mimal duh thlanna a nia. Nang I duh vang ngawt khan a duh let ve thei kher lo che. " Ka ti leh a. Hrethiam se ka ti, hetia in mil lo leh in haw reng a awm hi hreawm ka ti.




" Chuvang tak reng chuan ka hua che. Awm lo la chuan kei hi min thlang ngei ang. Kei ai a a lo hriat hmasak vang che a ni tih ka hria. Kei in engkim ka chan lai a nang in engkim i nei bik te hian min ti thinrim a. Engkim hi ka lak sak vek dawn che. A mal te te in. " Ka beng bulah rawn kun hniam in a rawn ti sep a. A â tawh emaw tiin ka melh tlawk tlawk thung.



Zawmna


" Nang hi i â tak tak a nih dawn hi. " Ka tih chuan a nui lui sak a. A mit meng erawh chu a rum tha viau. " Ni lo e, ka lo â rei tawh lutuk a tunah chuan ka fing tawh zawk. Hre rawh i thil neih te hi a mal te te in ka chhuh sak vek dawn che. Mal tak a awm chu engtiang chiah a hreawm nge tih ka hmuh tir ang che. " Tiin min melh ralh a kei erawh ka in seh ruh ngawt ngawt.




" Nang hi i la dam chiang lo a nih ka ring. Nge ni a i rilru hi a kim lo zawk. I tan a engtik lai pawh a awm a nangmah hmangaiht em emtu te tihnat tum leh thik na rilru i pu tlat hi ka hrethiam thei lo che. Mi a ang maiin i ngaihdan i kal pui a, ngai tha rawh hetiang a i awm reng a nih chuan kan in atang hian chhuak law law mai rawh. " Ka ti ve hmak. Tawngkam mawi leh dawn sawn nuam tak chu a ni lo tih ka hria. Mahse ka hmaichhan ngei a kan chhungkua tih chhiat a tum thu min sawi khum ngam a nih chuan ka dawh mai mai chuan tur ka hre lo.




"Nang hian min hnawt chhuak ang maw? " Seh chilh zet in a ti a. Lan danah chuan a thinrim hle tih ka hai lo. " Ti nge ka tih thei loh i ring em ni? Kan in a la awm ve i duh chuan tha tak in nung la thil dik lo ngaihtuah lo khan ngawi ve hle hle rawh. " Ka tih rual chuan ka biang a ri nghal chawrh a. Ka hawi chhuak chu ka hmaah ka u a lo ding reng tawh. Mak ti leh awi loh lutuk chuan ka u chu ka melh ngawt ngawt a. Tunah khan ka u in kut min thlak a nih chu.




" Nang hi engtin nge i rapthlak tak em em a? " Ti vin hluk in thinrim zet chuan min melh a. " U... " Sawi zawm thei lo chuan ka in sut hraih a ka biang min benna avanga sa hat hatah chuan ka mittui a rawn luang lum thla nghal pap bawk.



" Ka sawi chiang viau a ni lawm ni hetiang mizia i neih thar hi sim tur che in. Terini hi i unaunu a ni tawh tih pawh ka sawi chiang viau. Hmusit tak in engtin nge i tawngkhum thei zawk a? " A tawng tawp lam chu a thinrim bawk a vin in a ring ta viau mai.



" Chutiang a ni lo a ni hian kei hi... Ni lo, kan chhungkua hi tih chhiat vek a tum a sin.... " Ka sawi zo hman lo " Dawt in i la puh fo dawn em ni? " Ti vin leh hrawih tu chu rilru na lutuk in ka melh ngawt ngawt ringawt.




" Eng thil nge ni rum rum a? " Ka pa pawh kan thawmah a rawn phei a ni ngei ang a rawn ti a. Kan lo dinna lam chu a rawn pan ve nghal a. Kei erawh chet pawh che sawn lo in ka u chu rilru na lutuk in ka melh mawl tawp.



" Mama, enge buaina a awm em ni? " Ka pa chuan kan lo din ngawih thap vang chuan a ti nawn leh a. Kan la tawng chuang loh vang chuan ka pa chuan min rawn en a, ka hmel a hmuh rual chuan a meng buai nawk tih pawh ka hria.




" Engtik nge thleng tih ka zawh cheu chu. Bawihte i hmai chu... " Tiin a ngawi dat a. Chutia ka pa a tawng takah chuan ka mittui ka biang a lung chu ka kut hnung chuan ka hru tawk a. A la na em em zui a. " Kei man ka beng a nih kha. " Ka u in a tih chuan ka pa chuan mak a tih hmel ngei mai. Kei pawh chu ka lung a chhe zual sauh a mahse tah mai erawh ka tum lo chiang viau. Ka mittui erawh ka dang seng lo thung.



" Engmaw? Nang hian i nau kut i thlak a maw? " Ka pa aw a thinrimna ri chhuak chu ka hriat tawh chianah ka vawi khat hriatna a ni. " Enge a chhan? " Ti chang bawl in ka u hmaah chuan a ding a. Kei erawh in swh ruh ngawt ngawt in ka ding thung.




" Pate u mama thiam loh hi a ni lo a nia. Thil hriat sual palh vang liau liau a ni. " Terini chuan tap tiau in a lo ti ve bawk a. Ka nu pawh pawn lam atang a rawn lut a. Kan lo awm dang vang chuan hrilhhai zet in kan lam chu a rawn pan ve bawk a.




" Sawi ta cheu? Ka fanu hian ben tuar tur khawp in enge a tih sual a. " Ka pa chuan lawm lo zet in a ti leh a. Ka nu chuan min rawn melh vat " Tu chu maw i ben a. Enge thil thleng hi awm zia? " Ka nu chuan a to ve ta chiah a. Ka pa chu a thaw hrawih hrawih bawk.



" Pate u mama hian thiam lohna a nei lo tak tak. Engkim hi ka thiam loh vek zawk a ni. Ihh... Zonuni nen kan thu a in hmu lo deuh a chuvang chuan.... " Terinin a tih lai chuan " Chu pawh ni se i nau te ve ve an ni a kut thlak hi a tul em ni? " Ka pa chuan a ti vin hluk.



" Bawihte i tha em? " ka nu chuan min rawn pan in a ti sep a. Chhan pawh ka chhang thei lo. Ka taang a nih chuan ka tap chhuak nghal mai dawn si a.




" Ka nau te an nih vang reng chuan a lawm ka tih. Zonunmawii awm dan hi dik hek lo. " Ka u chuan ti ve nghut in a sam chu a tuai chho puat a. Ka han melh chho chu thinrim zet in min lo la en reng . " Enge a tih dik lo chu? Kut thlak kher lo in tha tak in thu a hrilh theih reng a ni lawm ni. " Ka pa in ka thlavang hauh zet a a tih leh rual chuan ka u chu a ner sawk mai.




" In duat lutuk vang a nih hi nun dik lo a zir tak ni. A u ka ni a dik lo tak a a awm chuan zilh tur ka ni. Hauh pawh ka hau reng bawk a mahse a awih chuan loh vang a kut thlak chauh ka nih kha. " Ka u chuan a lo ti ve hmuk a. Ka pa chu a lawm loh hmel ting mai si.




" Thiana... In bengdai u la tha tak in i sawi ho ang u. Heti rum rum chu a chi loh e mai. " Ka nu chuan ka pa bengdaih tum chu a lo ti ve vat bawk.




" Tun thleng hian ka fanu hian kut thlakna tur khawp thil sual a la ti ngai lo. Chhan mumal tak a awm a nih loh chuan ka lawm lo viau ang. " Ka pa lah chuan a ti nghet churh thung.




" Tak zet chuan.... I fanu a ni a kei pawh hi a u ka nih hi. Awm ze nei lo a kut ka thlak i ring a maw? " Ka u pawh chuan a ti ve nghut.




" A tawk Mama I pa kha tin chhanh suh. " Ka nu chuan ka u chu a lo khak ve vat a. " Zonuni hian Terini hi in chhuah san tur a tiin ngei awm tak tak in a tawng khum a la in sum thei ta lo a nih kha. " Dam deuh hlek chuan ka u chuan a ti a. " Chutiang a ni lo henu hian kan chhungkua min then hran a tum thu a sawi a nih kha. " Ka lo ti ve nghek. Ka nu leh pa chuan hrethiam lo zet chuan min melh kual a.




" Enge maw in sawi hlawm ni. Engmah khan awm zia an nei lo. Mambawihin chutiang in a ti lo ang tih ka ring nghet bur a. Chu tih rual in bawihte i thu sawi pawh kha thil awi awm loh tak a ni. " Ka pa chuan a ti ta nghut.



" A ni lawm, a mah ngei a a sawi a lawm. " Ka la ti fan. " Ni e ka sawi ngei a lawm. Mahse ka rilru tak tak in ka ti lo. Dik tak chuan a zin loh thu ka hriat vang khan ka sawi chhuah hlau in min vau reng a. In bul a ka sawi a nih chuan in atang a min chhuah tir tur thu in min tawng khum reng a. Chhungkhat dang pan tur ka nei tawh lo tih a hriat vang in min hmusit tih pawh ka hria. A hma a ka nunna hial lak ka tum tawh vang pawh khan mi â tiin min tawng khum fo a mahse ka tuar hram hram thin. A chhan chu in bul lo awmna ka nei si lo a.




Mahse ka ti thei tawh ngang lo a. Zan in khan ka chhang let ve a. In atanga chhuah tir a min vau fo emaw min hmusit zawng a a tawng fo chuan hmanni an dept an zinna a a zin ve lo thu leh zin anga in bul a awm mai mai thu ka sawi tur thu ka hrilh a. Zonuni dawt a sawi tih in hriat chuan in rilru a na a nge chhungkaw nuam tak thin kha a chhiat tur thu ka sawi mai a nih kha. " Terini tap pur chung a a ti chuan dawt heh ti fe in ka melh ngawt ngawt.




" Engmaw? Tu maw dawt sawi a? enge thil thleng hi ni nei nuai a? " Ka pa chuan bang bo hmel zet hian a ti a min rawn melh bawk. " Zonun enge thil awm zia hi , Nang hi i zin ve lo a maw? " Ka pa bawk chuan ka lam rawn hawiin a rawn ti nghal a.




" Zawt duh suh thu dik a nih kha sawi tur pawh a hriat loh kha. " Ka u chuan a ti nghut.



" Bawihi... I u sawi chu a dik em? " Ka pa chuan a ti a. A awah chuan a lungawi lo hle tih ka hria. Thaw chhuak halh in ka pa chu ka en a lu ka bu nghat. "Eng thil nge thleng a? I zin loh chuan kha tih chhung khan khaw nge i lo awm? " ka pa chuan zawhna mit meng a min en in a ti leh a. Ka taksa tang tung chu thlah dul deuh in ka pa chu ka melh a.



" Ihhh.... Zorema nen kan awm dun a, mahse thil sual engmah kan ti lo a nia. He nu thu sawi zawng zawng hi awi suh u. A ni hian Zorema a ngaihzawn vang in dawt hmang in min puh a nih hi. " Ka ti let ve a mahse ka pa hmelah chuan min ring em tih pawh ka hre tawh lo.



" Enge dawt a ka puhna che chu? Ni e Zorema chu ka duh ngei a mahse nang man i duh thu i sawi vang in chutiang rilru ka pu tawh lo tih pawh ka hrilh tawh che a mahse min ring duh tlat loh a nih kha. Duh i lang chuan in zin chhung pawh khan patea te hi thu dik ka hrilh thei mahse hauh I tuar ka duh loh vang in ka zep sak che a. Chhungkua leh innghahna ka nei tawh lo vang in he chhungkuaah hian beh hram ka tum a mahse tunah chuan ka thei tawh lo. Min duh lo a min hmusit tu bul a awm reng chu enge ka tan a tangkai na. In atang hian ka chhuak mai ang. " Terini chuan a rawn ti ve nghek a. Thu dik hrul a dawt a sawi thiam lutuk chu sawi ve tur pawh min ti hre lo zawk.



" A tawk tawh e. Tunah rih chuan engmah sawi tawh suh u. Terini nang pawh kan chhungkaw zing a mi I ni tawh a. Inhauh changte chu a awm ang. Chutiang huna mihrang ang mai a chhuah sawi kha ka lawm miah lo a nia. Chuan Zonun nakinah I zin loh chhan chiang tak a hriat ka duh bawk. Kan chhungkua hi kan buai ngai lo a, buaina awm pawh ka duh hek lo. " Ka pa in a tih takah chuan Terini chu a tap zui hlawp hlawp a. Kei erawh ka haw ve a ka zin ve lo tih ka sawi loh vang khan ka in chhir viau tawh.




" Kei pawn helai chhuah san chu ka hreh lutuk. Mahse ka awm reng thei tawh lo. Hmusit tak a min tawngkhumna ngaih thlak reng ka suh tawh lo. Ka chhungah in tha lutuk tih ka hria. Zonuni ngei pawh ka unaunu dik tak ang maiin ka ngai a. A ni pawn min ngaihtuah em em thin. Mahse Zorema ka duh ve vang mai a hetiang a min ti hi chu ka dawh thei tawh bik lo. Ka chhuak zawk mai ang. " Ti a kal a tum chu ka u chuan chelh a tum a mahse a kal lui ta tho.




" Enge thleng zo zai hi? Nui Terini chu han buaipui teh. Tun ang zanah chhuah chu ka rem ti hauh lo a nia. " Ka pa chuan a ti nghut a. Ka nu chu kal lo se ka ti tak zet. Duh leh chhuak daih mah se ka pawi ti lo tak tak bawk. Sual min ti zawk mai rawh se mahse kan in a awm a tan hian kha tiang mihring kha ka duh lo tak zet.




" A rilru a na tawp khawk tawh a nih kha. Zorema a duh ve vang ringawt a hetiang a sual i chhuah hi ka hrethiam thei lo che. Eng rilru chiah nge i put hi? " Ka u in a tih chuan ka pa in a lo khap vat a. Mah se ka ngawi mai mai thei bik tawh lo.




" A sawi kha in awi tak tak a mi? Kei hian ka hmusit in ngeiawm tak tak a ka tawng khum chu in ring tak tak a maw? A ma thiam loh hmasak kha a sin. " Ka ti ve ta nghek. Ka nu chuan duh tawk tur in min lo ti ve vat bawk.




" Ka mit ngeiin ka hmu tawh cheu a ka beng hian i tawng khum dang pawh khan ka hre bawk a. Enge hriat la ngai cheu a. Ka nau hmeichhe fel leh nun nem tak kha hmuh tur i awm tawh lo. " Ti tu chu ka u bawk a ni.



" A tawk tawh e, thinrim lai in thu sawi vak a tha ber lo. Unau in ni a rilru in hliam tawn te hi a tha ngai lo. " Ka pa chuan thu lai rem tum chuan a rawn ti a. A awah chuan a la lawm bik lo tih ka hria mahse tun a sawi a fuh lo a ti te pawh a ni mahna.




" Chu chiah chu ka ngiahdan a ni. Chuan terini bulah khian ngaihdam dil ang che. " Min en chung a ka u in a tih chuan ka melh thip ram tawh. Tiang din hmunah pawh Terini zawk a ngaihtuah fo chu ka pai dam thei thlawt lo.




" Ni e bawite, i u sawi kha a dik a ni. Terini pawh a thiam bik vek lo ang, chutiang in nang pawh i dik bik vek lo a. Zawl dawh zawk a awm ngaih chang hi a awm thin a nia. " Ka pa in a tih rual chuan " Ai... Teuh lo mai, ngaihdam ka dil chhan tur a awm lo. Nang ni pawh hian kei ai in a ni kha in ring zawk a ni ti raw. Ka nu leh pa leh ka u te zawk in nih hi. Ti nge tiang hian min tih a. Kut min thlak in min beng leh in min vaw dawn pawh ni u la ka dil chuang lo ang. " Ka ti chhuak ta nghek.




" I dik lo hlawm tawp kan ti loh kha bawihte mahse hetiang a awm hi a tha ngai lo. " Ka nu in a tih rual chuan min vawnna chu ka thing thla hnawk a. Rilru na lutuk chuan an pathum chuan ka melh a. " In vai hian a lam tang vek in nih hi. Ka haw lutuk cheu. " Ti tuar in kawmchar lam kawngkaah chuan ka tlan chhuak a. In chu hel in gate a ka chhuah rual chuan ka pa min au ri chu ka hre hman. Mahse hawi let duh lo in ka hma lam chu ka pan mawp mawp a. Min rawn um phak ka hlauh em vang chuan kawng kan ka tum chu motor a lo tlan tih ka hre lo. Ka hawi chhuak a motor hight eng ka hmuh rual deuh thaw in motor break ri tuar ka hre zawm nghal .




Tawi teng2 a ni ringawt. Naktuk zanah ch thar in kan zawm dawn nia aw.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:51 pm

Miracle Love 💕 by Amy Cck



Chapter - 26



" Bawihte i tha em? " Ka pa tawng ri ka hriat rual chuan ka hawi kual ruai a. Ka hma zawn chiahah taxi chu min su hman lo chiah chiah in a ding tih ka mittui kar atang chuan ka hmu phe ruai bawk. Kawng sir a lo awm leh vei vak thenkhat chuan min rawn din hual deuh a. Driver pawh chu rawn chhuak in ka that leh that loh te a rawn ngaihven zui a. Kei erawh ka hai chhawlh a kawngpui lai takah chuan ka la thu sawp niai thung.




" I na lo ti raw? " Ti a ka pa in ka ban bul a min rawn vawn chuan ka melh chho vat a. Engmah sawi bik lo chuan ka pa kaih thawh ang ang chuan ka ding chhuk a. Midang ho bulah chuan kan that thu te chu a sawi zui luam a. Ka banrek vei lam ruh chu a hit chem chem a mahse ka sawi duh lem lo. Midang ho pawn phun mer mer in an kal darh ve leh mai a.



" Lo kal rawh in lamah let phawt ang. " Taxi pawh a tlan tlang leh takah chuan ka pa chuan a ti a. Kan in lam a kan in her chu kan gate bulah ka nu , ka u leh Terini te lo ding ka hmuh chuan pen sawn ta lo chuan ka ding dat.



" Ti nge? Na i nei a mi? " Ka pa pawh chuan min en chungin a rawn ti a. In a thil thleng ka ngaihtuah let a ka tah chhuak lutuk chu ka in seh ruh nghek ringawt. Ka nu chu kan lam pan chuan a rawn phei ve nghal a.



" Ngati nge in din a, in lamah phei ang u. " Kan bul a rawn thlen rual chuan ka nu pawh chuan a ti ve a. Mahse ka che sawn eih lo. Ka pa in min kaih phei a tum pawh chuan ka tang tlat a.



" Zonun " Ka pa in a tih rual chuan " Ka lut tawh dawn lo. " Tah chhuak tun chung chuan ka ti tiau. Ka pa chu a thaw chhuak hawk a. " Bawihte tha tak a sawiin buaina kan chingfel dawn nia aw. Khawlai a hetia awm chu a tih chi loh a nia. Lut phawt ang. " Ka nu chuan a rawn ti ve bawk.



" Nang ni pawh hian kei aiin Terini saw in tan zawk tih ka hria. " Ka ti hap a. " Chutiang a ni hlei nem... " Ka nu in a tih rual chuan " A nih chuan ti nge ngaihdam dil tur a min tih si. " Ti hlak in ka pa min vawnna chu ka pawt let sawk a. Ka in her rual chuan Zorema te gate a Zorema rawn chhuak nen kan in melh fuh chiah bawk. Kan dinna lam pan chuan a rawn pen pawk pawk a. Rei lo teah kan bul a rawn thleng fel der.




" Tun angah hetah enge in ti a? " Ka hma a rawn dingin nui deuh hian a ti a. Mahse ka hmel awm dan a hmuh vang nge a nui hmel chu a reh leh nghal vek. " Nang hi i tap leh em ni? " Ti nghut in chik fahran chuan min melh a. Ka chhan loh vang chuan ka nu leh pa chu a melh leh tih ka hria.




" Zonun inah let phawt i la kan sawi tha dawn a nia kan tih chu. " Ka pa in a tih leh rual chuan " Saw nu saw a awm ve chuan ka lo lut tawh dawn lo ka tih mawlh mawlh chu. " Tiin ka vin deuh nghek a. Mahse ka pa thinrimna ka chawk tho tih a hmel ka en rual chuan ka hre chhuak nghal.




" Zonunmawi engati nge maw ni a buaithlak zawng hian i awm tlat bik a. Tawngkam tha a tih pawh a sual i chhuah tlat chuan ka hnuk let tho ang che. " Engtik laiin nge ka u a rawn phei ka hre lo. Ka pa chiah ka lo en vang nge ni, ka banrek vei lam ah chuan a rawn hmer chawt a. Ka tlukna a ka lo in nem khalhnaah khan ka ti na viau a niang, dim lo zet a a rawn hmer chawt rual chuan ka te that a. Mahse na ka nei tih hre lek lo chuan kan in lamah chuan min pawt let dawr dawr a. Ka banrek na lutuk vang chuan tan pawh ka tang thei lo, ka zui dawr dawr a. Ka mittui chu la biangah a dir in a dir zung zung bawk.




" Lawk in... " Zorema chuan tiin ka u hmaah chuan a rawn tlan phei a. Ka u a din tak ah chuan kei pawh ka ding zui dat a. " Lo in rawlh suh. " Ka u chuan a ti nghut. " Kha tiang khawp a thinrim tur khan Zonuni hian enge tih sual a neih a? " Zorema lah chuan lawm vak bik lo chuan a ti hluk.



" Kan chhungkaw buaina a ni a i lo buai ve a ngai lo ang. " Ka u bawk chuan a ti bung nghut. Zoremsanga erawh za lo fahran a then suk in ka u chu a melh a, kei min rawn melh leh in a nui hmel chu a bo zui hmak a. Ka banrek sa hut hut vang chuan ka taksa pum hian ka sa chhuak vek tawh in ka hria.




" I nau chu a ni mai thei. Mahse ka bialnu pawh a ni ve tho a, hetiang a a duh lo chung a I ti lui hi ka en liam tawp thei lo. " Tiin ka u chu a melh ve run a. Ka u chu a thinrim zual sauh tih ka ban a hmer nat zual danah chuan ka hre thei.




" Nangmah vang a kan chhungkua hi buai kan ni hi, tha tak a ka hrilh lai che hian lo in rawlh buai lo mai teh. " Ka u lah chuan thinrim zet chuan a ti nghut thung. " Kei mah vang a nih phei chuan ka in rawlh ngei a ngai zawk a nih chu. " Zoreman vin hauh si lo a thinrimna thup chuang hauh si lo a a tih vang chuan ka u hmel chu a chang tha tawlh tawlh tawh viau.




" U... " Tap lek lek chuan ka ti tiau a. Zorema thinrim zet a a melhna atang chuan min rawn melh chhuk a, a mit mengah chuan kut min thlak a chak hmel tak zet bawk. " A na a nia. " Ka tih rual deuh thaw in in sum thei tawh lo chuan ka in sut zui hlap hlap a. Min vawnna chu melh vutin rang zet chuan min thlah nghal hlawk a. A mitengah chuan a in thiam lo ve deuh in ka hria. Ka ban a thlah rual chuan a na lutuk chu ka marphu te thlenh chuan a phu dawt dawt a min tur nghal ut ut bawk.



" Mama a tawk rih e. Kawng kal in min en duh in hmuhnawm kan siam mai mai a ni. In bengdaih tawh rawh u nang pawh Zorem." Ka pa in a tih takah chuan ka u chuan pik hmel zet hian a thaw chhuak hawk a. Ka ban rek nat lutuk a vanga khur der der chu ka kut leh lam chuan ka hum bet ta ringawt.



" Ni e in bengdai teh u. In lut tawh ang u. " Ka nu pawh chuan a rawn ti a. " Bawihte lo kal rawh le. " Min thlem ti tih chuan a rawn ti leh a ka thaw chhuak ve hak a. " Vawi eng zat nge ka lo lut tawh dawn lo tih ka sawi ngai dawn? " Ka ti chhuak ta nghek.




" Nangnu hi... " Ka u in a tih vin hluk rual chuan " Zonuni hi biak lawk ka duh a, nakinah ka lo thlah haw mai dawn em ni? " Zoreman a tih pawh chuan luhlul zet in ka la ding ngar a. " A tha lawm, kan lo va lut a nge rei lutuk lo u la chaw pawh i la ei loh kha. " Ka pa chuan tiin Zorema nen chuan min en dun a. Ka u thaw ri hrawih ka hriat rual in kan in lam pan chuan a pen phei hlawk hlawk a. Ka nu tawng tum chu ka pa chuan khap vat in an ni pawh chu an in zui phei a. Zorema nen chuan kan ding ngawi ta reng ringawt.




" Kal ang le. " Rei fe kan ngawih dun vang vang hnu a a tih chuan " Ka haw dawn lo. " Ka lo ti hmak. " Tu nge haw rawh ti che a. Min lo zui rawh lehkha zir tur ka nei ve lo a rawn zawh che ka tum a nia. In in a I haw duh tak lohah chuan ka neih sa ho atang sawn exam na a a pawimawh tur min hrilh la a tha zawk ang. " Tiin ka ban a rawn vuan chu a na sa bawk nen ka si hlak a Zorema pawh chuan min thlah leh rang lutuk ringawt.



" A na viau em ni? " A tih chuan a mah chu en in ka hawi chhuak a, min ngaihtuahna mit meng ka hmuh chuan ka hnuk a ulh leh viau a mahse ka dam sawng sawng thung. " A dam ve mai ang." Nui lui sak chuan ka ti a mahse ka mitah erawh mittui bawk a rawn hnam leh tiam tiam thung. Chu chu duh lo in ka hawi sawn ta vat a.




" A that chu kal ang le, pass na khawp tal min hrilh ka phut a nia. " A ti ve mai a. Ka awm dan a hai der tih ka hria. Chuan lehkha zir kha chu a chhuan lam mai a ni tih ka hre bawk. Mahse a mah lo chu zui tur ka nei lo tih a hria a. Ka zui theih nan chhuanlam min siam sak tih pawh ka hre chiang.



" Ti nge exam a hnaih tawh nen xerox engmah i la nei lo a mi? " Ka tih chuan nui suk a lu chu a bu nghut a. " Kal ang le. " Tiin a kut a rawn phar chhuak a. Min kaih a tym leh emaw tiin ka lo tawlh sawn dat a mahse ka darah zawk min kuah in an in lamah min kal pui zui a. Tunah hian lehkha zir tur a neih loh vang a min kal pui a ni lo tih ka hriat chian tluk zet in lehkha zir tur hrilh tur a zui ka ni lo tih a hre chiang ve bawk. Mahse a tu ve ve pawn tih lan kan tum po thung.




Inchhung kan luh chuan common roomah pa Lsa leh nu Ruatin chanchinthar an lo en a. U Duati pawh a lo thu ve a kan lut thawm hria on an rawn hawi phei a. In hmu lo mah i la ka hmel a bui luk in ka lan dan chu a tha dawn lo tih ka hria a Zorema phenah chuan ka ding nghal vat a.



" Nu Zonuni nen ka roomah kan zirlai kan en dun dawn a nia. " Zorema chuan tiin thil dang an sawi hman lo tur khawp a rang in inchung lam stepah min kai chho a. Kei pawh chuan ngawi reng in ka zui a, a room kan luh rual chuan kawngka khar in min kuahna chu a thlah ve ta hram.




" Engvangin nge i u kha i chungah khatiang a a awm? " A ti ta nghut. A aw ah chuan a thinrim tih ka hriat hmaih lo chiang viau bawk. " Tunah chuan sawi rih lo ang. " Ti hap a kal sawn ka tum chu ka banrekah bawk khan a rawn hmer leh chawt a. " A na." Tiin ka rak that a. Zorema pawh chuan inthiam lo zet a phun hluk in min thlah leh vat a. Ka ban ka en chu a lo sen vek a, a vung deuh tawh bakah ka tluknaah khan ka ban hnuai lam vun ka ti pilh bawk tih ka hmu zui a ka thaw chhuak hak. Kawngpuiah khan engemaw thip ve tur kha ka hre reng a. A na kha a reh deuh tawh emaw ka tih kha a nia mahse a la zual dawn chauh a nih hmel.




" Engtin nge ti em em hian i tih nat theih? " Ti hluk in ka ban chu dim zet hian a la kang a. A mah zawk chu na nei zawk ang maiin a hmel chu a nur nang bawk nen tum loh deuh in la nui ta hak. Hriatthiam loh hmel zet chuan min en ta khui a ka nui tawp zui riai riai bawk.




" Kawngpuiah khuan ka tlu a. " Ka tih chuan a awih loh hmel ngang mai. " I tluk vang ringawtin i ban a pilh phung a, a ruh thlengin a na a maw? " Nui hawk in sawi mahse a mit meng erawh chu a dur khup thung.




" Hetiang a ti na tu che hi i u pawh nise ka en liam dawn lo tih i hria ti raw. " A tih chuan ka melh kawk. Ka u min tih natah khan a puh a ni tih ka hre nghal. " Hei... Ka u tih a ni lo a nia. Kawnglaiah ka tlan a taxi in min su tep a ka tlu a chuan ka in nem khalhnaah a ruh ka ti na a niang. Ka u khan a na tih hre lo in min vuan mai mai a nih kha. Chuan a pilh hi chu tunah khan ka hmu ve chiah. Chuvang chuan thil tha lo ngaihtuah miah suh. " Ka ti zung zung a. In bengdaih tum a thaw chhuak hawk in min rawn en a ka lo en ve reng bawk.



" Ti... Ti nge kha tia min en a? Tun tum chu dawt ka sawi miah lo a nia. " Tiin ka lo in tawng khal nghal vat a. Mit ti zim sun in ka hmai zawnah chuan a rawn kun hniam a. Ka banrek a vawn lohna kut pakhat zawk chuan ka biang chu a rawn khawih a, ka u min benna hre chhuak zawk in sir lam chu ka hawi vat a, Zorema erawh a thaw hrawih thung.




" Kha pawh kha i tlukna ti a sawi i tum tho em? " Swh chilh zet a a tih takah chuan a mah chu ka en leh a. A mit meng chu a rum in a in seh ruh nasa tih hriat ngawih ngawihin a bek ruh te chu an pawng tawlh tawlh a mit chhing vak in ka thaw chhuak hak.




" Ka u a nia kut min thlak theihna dan a nei a lawm. A pawi lo, a na lo a dam leh mai ang. " Ka tih rual chuan za lo fahran chuan a then suk. " Mahse keiin pawi ka ti a lawm. " Ti nghut in a ding mar vut a, kawngka pawh hawn a tum rual chuan a banah ka vuan nghal chawt.




" Engmah a ni lo ka tih chu, tunah rih chuan ka bulah hian awm rawh. Heng ka taksa na hi chu engah mah ka ngai lo. Heng ai chuan ka rilru hi a na zawk. Tunah... Tunah tak hi chuan mal ngawih ngawih in ka in hria a, chuvang chuan ka bul a awm tur hian ka mamawh tak zet che. " Tah in sum zet chuan ka ti a, thawk la hawk in ka lamah chuan a rawn pen hnai hrut a. A taksaah chuan min kuah bet thlawp a kei pawh chuan a awm hlai hlupah chuan ka hmai chu phum tlat in ka tap khur nghal dar dar.




Rei fe a mah rinchhan a ka tah hnu chuan a khum lamah min kai pheiin khumah chuan min thut tir a, a mah chu kal sawn leh in a drawer chu a va hai rawk rawk a, a damdawi dahna box nen chuan ka lam chu a rawn pan leh a, ka hma zawn a a rawn thu chu ka lo en ve reng a. A thinrim a la reh lo tih chu ka hre chiang ngang mai.




" I lungawi lo viau em ni a? Kei man a lawm na a nang ni lo in. " Nui lui sak in ka ti a. Min la rawn melh rum deuh deuh zui a. " Chuvang tak chuan a lawm ka thinrim. Na i tawrh hi ka phal lo. Tu mihring kut a tang pawh ni se. I chhungte, i thian te emaw a tu a pawh chu nise natna an siam sak che a nih chuan ka tan chuan ang khat ve an ni. " Ti a sawi chung in ka ban pemah chuan pemthar damdawi a hnawih zui mawlh mawlh a. A thu sawi vang a ka nuih sak rual chuan lawm lo zet chuan min rawn en leh a.




" Kha tiang chiah khan a lawm ka awm thin. Ti khan ka rilru tur i hrethiam tawh ang chu. Na i neih hian ka lo na ve thin a, in in sual a mi kut i tawrh chuan ka lo na ve em em a, a kut tuar lo tu zawk a i tan pawh in i chungah thil thleng dang a awm ang tih hlau in ka hlauthawng em em tho bawk a. " Tiin ka nui sak a, " Vawin khan a vawi khat nan ka u in kut min thlak a sin, mahse maw min benna ai mah chuan ka thinlung hi a ti na zawk. Min benna hi chu a dam leh mai dawn a mahse ka chhunglam zawk hi dam tir tum eng ang mah i la a dam mai mai thei tawh dawn lo.




Chuan ka nu leh ka pa, hmm... An ni pawn engmah an hre lo, ka thiam tawk in sawi fiah ka tum a, thil ka ti sual tih pawh ka pawm a chumi rual in ka thu sawi kha ngaithla se ka ti bawk a. Mahse an sawi chu ' ngaihdam dil rawh ' tih chiah. Dawt ka sawi a ka bum tih pawh ka hria mahse ka thu sawi an ring duh miah lo khan min ti na. Kei hian Terini saw ka hmusit thin hi an ring tak tak a maw ni le. " Tiin ka in sut leh hlawp hlawp a. Zorema pawh chuan min thut hnaih in min kuah leh vang vang a.




" A tha leh vek mai ang, keiin ka ring che in i lam ka tang tlat a lawm. Hmeichhe fel leh rilru tha tawp khawk i ni tih hi ka hrilh hre vek ang. An rin loh che avangin an la in chhir rum rum hial mai thei a ni. Chuvang chuan tap tawh suh le. " Tiin ka chipah chuan a hmuiin a nawr vang vang a. Tunah hian tap mah i la a taksaah hian ka hahdam em em thung a. Ka thawk pik lutuk pawh ka tap thawl vek in ka hre hial.





" I phone atang Opi ka lo be lawk. A pa te kha zin an tum a, an zin tak leh tak loh zawh ka duh a. An zin chuan a mah chiah in a awm dawn a, an inah riah a rem dawn a. " In phih har a bathroom atanga ka chhuah rual chuan ka ti a. Kum mang lam a sofa in hung a thu pa chu a raqn hawi vut a. Min en ren rawn hnuah " A no ka nei lo. " A ti hmuk .



" Awiawm loh e, i nei ang. A nih loh pawn class group atang khan la mai la. " Ka ti ve vat a aner nawng mai. " Ka duh lo hetah riak mai rawh. " A tih chuan ka melh nghek.




" I â a mi? I chhungte an awm khu ka duh teuh lo. " Ka ti hlak. " Ka bialnu i ni tho a, ka ru tawh bawk che a khum pawh kan in tawm tawh bawk a. Enge zahthlak? " A tih chuan ka melh rum tha viau. " Ka duh chuang lo. In ngaizawng mah i la nupa kan la ni hlei nem. " Ka ti chuan a rawn ding chhuak hluai a, ka hmaah tak rawn ding in " A nih chuan innei tawh mai ang. " A ti sup. A thu tak lutuk chu awm mai dan tur pawh ka hre lo.



" Kum 5 chu a rei tawk tawh i ti ve lo em ni? A ni tel hian ka dawh thei lo tulh tulh a nia. " A tih leh pawh chuan ka la tawng chuang lo. " Zorem.. " U Duati aw in ti a kawngka a rawn kik takah chuan ka harh chhuak zawk a. " I mu tawh a mi? " U Duatin a tih leh rual in kawngka lam chu a pan a " Enge ni a tlai tawh hi. " Kawngka tlem hawng a a tih chuan u Duati chuan a hawng har lutuk chu a hau mawlh mawlh a.




" Zonuni kha a la awm a mi? "



" A haw tawh. "



" A ni maw, a haw lai ka van hre lo ve. "



" Zan tir lam khan ka thlah haw i hre lo mai mai a nih dawn chu. " Zorema chuan a ti awl sam et a.



" Aw... Pawi lo mai. A U in kan inah a la awm emaw tiin min lo bia a. A nih chuan mu tawh rawh. " Tiin u Duati kal saan thawm ka hre nghal. Ka u in a rawn bia a maw. Min ngaihtuah vang nge ngaihdam min dil tir a tum leh vang zawk. Engpawh ni se Terini a awm ve chhung chu ka haw duh tawh lo a ni tawp.




Midang mut reh vek hnu in Zoreman ei tur min lak sak a. Ka in ei puar hnu in kan mu a. Han zah emaw timna pawh ka nei tawh lo. Khum khatah mu in a taksaah chuan min kuah bet tlat a. Ka hahdam puiin ka thlamuan pui a ka rilru natna a ti reh sawng sawng bawk a. Ka ring tawk in ka tan a tha lo a ti ngai dawn lo tih ka chiang bawk a. A bulah chuan hahdam tak in ka muhil thei ta reng bawk.




Zingah Zorema chhungte zawng zawng hna thawk a an chhuah vek hnuah kei ni pawh kan chhuak ve a. Opi ka biak tawh vangin an in lamah Zoreman min thlah phei a. Vawin chu class pawh thulh ka tum ta ringawt . Ka thawmhnaw leh phone thlengin ka keng chhuak lo a. Zoreman remember ti chiah lo mahse ka tih luih tlat vangin min hnial ta bik lo kha a nia.




" Nizanah i nu in min rawn bia a i lo kal leh kal loh te min zawt a. Enge thleng a? " Opin min hmuh rual chuan a lo ti a. Kan in hauh thu chiah sawiin in atang ka chhuak ka tih chuan a meng tal tap. " I chhuak tak tak maw? I in hmeh lo e. " A ti nang nang a. Zawh nelh chiah min ngai vak lo nge class kal a ngaih thu sawiin a in siam a. Xerox leh note copy tur a awm chuan min lak kep tur in ka chah a. Zorema pawh class kal tur in ka nawr viau a mahse min awmpui a duh thu a sawi tlat a, a kal duh thak lo.




Ni thum chu Opi bulah ka awm tawh. Ka chhungte pawn ka awmna an hre tawh a. Haw tur pawn min rawn ri nasa in ka pa phei chu ka lakah a lawm lo viau tawh. Mahse a hma ang mai mai a pal zam a, enliam ka tum tawh bik lo. Ka pa bulah pawh Terini a awm chhung chuan ka let lo ang tih ka lo sawi hmak a, kha vang khan ka pa chu a lawm lo leh zual a, luhlul leh khawngaihna nei lo ang hil in min ngai ang tih pawh ka hria. Mahse ka chhungte nen min pawh hran tum tu hi kan inah sawn ka chen pui thei tawh bik lo.




" Bawihte lo haw tawh rawh, i pa pawh a lawm lo tawh teh a nia. Terini pawn nuam lo a tia hostelah a in suan luh chung chung phah a. I u lah naktuk mai hian a hna lam zawm tumin Bengalore ah a chhuk tawh dawn bawk nen, chhungkaw kim a thlah te a tha ngai. " Ka nu in a tih vangin vawin tlaiah ka haw phei dawn a. Terini in sawn chhuah tak vangin ka pa leh ka u chu ka lakah an lawm lo zual viau dawn tih ka hria. Mahse ka thil tihah hian inchhirna chhete mah ka nei chuang lo.

IMG_08042022_202533_(612_x_700_pixel).jpg






" Awii... La haw lo la ka ti a sin mahni a awm ka peih lo e. Ka nu te karleh lamah daih rawn haw an tum bawk si. " Opi class rawn bang chu ka haw phei tawh tur thu ka hrilh chuan min ui der ve viau a. Ni thum ti i la kan in kan chhuah san atang khan class pawh ka la kal lo. Ka thawmhnaw leh mamawh zawng zawng kan inah a awm vek vangin kal thei din hmunah ka ding lo a ni ber a. Mahse class pangai a awm tawh loh bakah attendance an lak tawh loh vangin a pawi lutuk hran lo a. Zirtur pawimawh leh note xerox pawimawh tur ang chu Opin min lo lak kep ve zel a. Chutiang lamah chuan engmah harsatna ka neih phah lem lo.



Thil pawi ber erawh zan lamah lehkha kan zir hman meuh lo. Hmeichhe 3 chiah kan awm a, kei, Opi leh a cousin tleirawl pakhat kan awm a. Zanah Zorema te thian ho rawn len an chhing a, chhuan lamah lehkha zir an rawn sawi ve ngei a zir tur pakhat mah an rawn keng ngai chuang si lo. Roa te, Dinpuia te ho an rawn phu sa a, an tawngkamah Hruaizela hian Opi hi a lo duh ve deuh niin a lang a. Hruaizela lah an thian zing a zakzum ber a ni bawk nen an ti khawngaih thlak thei reuh sia Zorema ka lo melh rum nghek zel.




" Kei aisa chuan zan lam a kan in leng te i ngai zawk a ni lo maw. " Ti a ka fiam chu ner nang in kut min thlak tum in min tin uai a. Mahse doorbell a rawn rik takah chuan min melh nghek in a thutna atang chuan a tho a. Min melh rawm rawm a a kal chu nui hak hak in ka en zui bawk.




" I bodyguard rinawm a lo thleng a nih hi. " Kawngka lam atanga rawn au lang lang in sitting room lamah an rawn lang ve nghal a. Opi hnung a mipa lo kal chu phawk hra in ka en a. Ka bul an lo thlen hma hma chuan " Ngati nge i sam kha? " Ka lo ti vat. Phun hluk in a sam chu a tuai chho thuak a. " Zorinpuia vang a nih hi. " A ti hluk ringawt chu ka nuih a zal ngei mai.



Higher kan kal chhuah atang khan a sam hi sei ni si lo hian a zuah buk ve ngar ngar tawh a. Met then ve tawh rawn tih pawn kawng lutuk hian a met ngai lo. Tun tum erawh mipa dqng lu met kawng ang chu la ni lo mahse a ma tawkah a kawng ve lutuk a, a lang fai vuk in a fel hmel ta vek in ka hria.



" Zorina meh che maw , i in hmeh tur a hre hle mai. Hepa pui hi ka va hmu khat ve. In thian ho in rawn lena pawh a lo kal ve ngai lo reng reng mai. " Opi chuan a ti let a.




" A in la buai ve a, in lamah charbettu a nei tha a lawm. Kei pawh kan nu hi awm lo se ka lo kal peih in i ring em ni? " Zoreman a tih chuan Opi chu a ner nasa ngang mai. Zorema banah chuan a beng zui hlak bawk.



" Nia, a ni chu miss Zualtei an inah a cheng ve sia exam a hnai bawk nen a len chhuah vak a rinawm loh. A pa lah kha a strick ve hmel bawk sia. " Opi bawk chuan a ti leh a.




" Ka sawi i man hlawl lo. Tih tur tul i neih tawh loh chuan phei nghal mai i la. " Tiin Zorema lah chuan min rawn melh nghal vut.


" Chhe viau lo mai teh. Rawn thleng hma viau mah la i hruai haw chu ka la phal mai lo a nia. Ka la ngai ve a thu ve phawt teh. " Ka piah thuthleng a thut thlak pah chuan Opi chuan a lo fiam a. Zorema erawh nui suk in ka bulah a rawn thu thla ve ta thung a.




" Ka van haw peih lo tak. " Thil ngaihtuah rauh rauh in ka ti zui hap. Tunah tak hi chuan kan inah haw hi ka phurkan hlawl lo. Chuvang a ka nu in min rawn hruai a tum pawn tlaiah Zorema rual in ka lo let ang ti a chhang kha ka nia.




" A nih chuan la haw lo mai la. " Opi lah chuan a lo ti rang ngang mai. " Haw lo mahse hetah chuan a awm tawh lo ang. Kan inah rawn awm ve tawh rawh se. A tel lo chuan lehkha ka zir thei lo. " Ka bul a thu lah chuan a lo ti nghut a. Ka en phei chu a lo la thu tak fu leh nghal.




" Awi... Awi... Zonuni mit in i en in a ka in i chhiar a mi? " Opi lah chuan a lo ti nghek. Pakhat lah chuan " Umm... A awm loh chuan lehkhabu hrim hrim hi ka khawih peih lo. " A lo ti bur leh nghal. Opi ngaihdan lah chu a nih loh hmel ngang mai.



" A enga pawh chu nise zaneiah ei leh law law u la. Zanah haw zawk mai rawh u. Hma deuhah chaw kan ei a nga. " Min en in a rawn ti leh a. " Rawng pawh i la bawl lo kha. Kan hma leh chuang lo ang. " Zorema lah chuan a lo tih khalh hluk.



" Ai... Kan tlai zel mai mai. Kan phei mai ang. Hauh khat chu ka la hmabak a, tuar vat vat zawk teh ang. " Ka ti ta hliai. " Kal ang le, hetah chuan in ngaizawng thar te chance pek na chang pawh an hre si lo. " Ti in Zoremsanga lah chu a ding leh hluai a. Opi hmel ka en chuan ka in sum hman lo ka nii chhuak hak.




" Awii... Zoremsanga over dan em em hi. In la bialnu nei vel lutuk. Kal nal nal ru. " A rawn ti zui chiam a. Zorema pawh a nui ve ta ngawt. " A mah vang hian ka single rei tawh. Tunah chuan ka hauh bur tawh dawn. Lo beisei ve vak lo khan min kian tha hle hle ula rilru nuam in in awm a ni mai. " Tlawm duh bik ta mai lo chuan a la ti let hram.



" A tawk a tawk, kal tawh ang. In inhnial zo thei dawn lo tak ngial. " Ka ti ve ta ngawt . Ka din chhuah rual chuan " Min lo thlah rawh. " Ka ti leh hram a, Opi pawh Zorema melh rawm in a rawn tho chhuak ve ta hram. Kawngka bul thleng min thlah a. Kawtah Zorema bike lo in hunna lam kan pan lai chuan " Ti nge i lu chu i meh tir deuh thut a? I ui thin viau sia. " Tiin ka melh chho ha a. Han khawih tum a ka ban ka phar chu ka tih tum hre sa in ka kut chu a lo man bet zui chawt. Hman atangin a sam khawih hi a duh ngai lo hrim hrim kha a nia.





" I pa in kan inkawp takah chuan a fanu tan a mipa tha ka nih leh nih loh min en zui reng tur thu a sawi a. Zorinpuia maw le, i sam atang hian i sual hmel nghal a ti khang lang a. Heti em em a a paih ka ring hlei nem. " Lawm lo lutuk a a tih chuan ka nuih a za ang reng. Hemi te thian dun hi lian in sang zuar mah se an chet nawi theih dan em em hi.




" Zorina bawl in i awm a ni maw? " Nui chung a ka tih chuan a lawm loh hmel zual sauh. " Teuh lo. Nidangah pawh kan pahnih hlir in a lam kan in meh tawn sak thin. A lu meh a hun hunah chuan a hre ve khawp ang. " A ti leh hluk a , a tawng dan leh a lawm lo aw zawng zawng nen chuan in sum lo lek in ka nui nghek ringawt.




" A ni te chu nang ang lo tak in a sam a zuah buk ve ngai loh kha. " Ka tih chuan in thunun tum fr chuan a thaw zui hawk mai. " A la hria ang. " A ti leh nghut ringawt.




" Kal tawh ang. " Ka tih leh takah chuan a bikeah chuan a thu vuah a. A helmet a khum mawlh mawlh lai chuan a sirah dingin ka lo en reng a. Chhiat hi chu a chhe mawlh lo. Thian ang a kan in kawm lai pawh khan a chhelo tih chu ka hre ve. Mahse kha tiang lam a en ka tum miau loh vang khan ka ngaihven lem lo kha a nia. Mahse tunah kan ngaihtuahna a danglam takah hian ka hmu tha leh zual in ka hria.



" Lo chuang la. " Ka lo en vang vang chu ka hma zawnah kut hmet ri khap in a rawn ti a. Ka harh zawk thei hial. Rang zet chuan ka lawn kai ve nghal a. " Min rawn ku ah rawh. " A tih leh rual chuan nui ver ver in a zakah ka zen lut a. A dul hma lamah chuan ka kut ka suih bet nghal thak. " I kut kha enge a an tak? " Tlan chhuak ta mai lo chuan a rawn ti leh a. A kut chuan ka ban vei lam chu a rawn tuai nghal zeuh bawk.




" Umm... A dam tawh. " Ka ti ringawt. A vung kha chu a reh tawh a. A ruh tak erawh hi chu a la dam chiang lo na in na em em a ni lo bawk a sawi ka tum hran lo. A thin a rim zual loh vek pawh a rilru ka ti buai tam mai mai dawn a.




" In ti na tawh miah suh aw. " Ti nghut in a helmet hnung lam chuan ka chal chu a rawn tauh dat a. " Yess boss " Nui sang in ka lo ti thung. " Awii... An la chhuak lo ka ti. In thleng tawh ang chu tih lai a. In hman hmawh viau a ni lawm ni. " Opi rawn chhuak chuan a rawn ti leh lang lang a.




" Haw ai mah chuan hun fal kan mamawh vang zawk a nia kan hmanhmawh. Zanah Hruaizela ka rawn len tir ang i khawhar hnem tuah. " Zorema lah chuan ti let in a tlan chhuak zui nghal a. Opi rawn au lang lang chu ka hre thawi fua a mahse a sawi tak erawh ka hre hman ta lo.




Rei lo teah kan in kawt kan thleng a. Bike atanga chhuk in kan pahnih chuan kan in zui lut a. Nidangah chuan hma ka hruai thin kha a nia. Tun tum erawh thil ti sual zawk ang maiin ka lut hreh lutuk chu Zorema hnung ka zui dat dat mai.



Zoreman doorbell a hmeh hnu rei lo teah ka nu in kawngka a rawn hawng a. Min hmu chu min lo nui nghal sang a. Ka pa leh ka u an rawn lan mai loh vang vhua Zorema phen atang ka hawi rual nghal vat bawk.



" Lo lut ru, ka rin aiin rawn haw hma a. Zorem class i kal na nge? " Ka nu chuan a ti a , " Chawhma chu kal ve e. " Tiin Zorema a pen luh rual chuan ka zui lut ve nghal vat. Dik tak chuan thil sual chu ka ti in ka hre bik lo a mahse hetiang hian kan la awm ngai lo a. In atanga thinrim a tlan bo chu sawi loh riah chhuah pawh hi a tul tawp loah chuan ka nei mang lo a nia. Ka ni deuh hu a ka awm thiam lo a ni mah.




" I pa leh i u pawh pawimawh vel buaipuiin an chhuak a an la rawn let lo. I duh chuan lo han in ti fai la. " Ka in thlahrung hmel a hmu nge ka nu chuan a rawn ti leh a. Ka pa leh ka u an awm loh thu ka hriat takah chuan ka hahdam suai suai in ka hre hial.




" Ka han chho lawk ang aw. " Zorema bul a tiin ka ding nghal a. Inchyng step ka chho lai chuan ka nu in Zorema a be zui mawlh mawlh chu ka hre pha deuh. Ngaithla zawn lem lo chuan ka chho tlang a. Ka room ka thlen chuan ding dat in ka piah room kawngka chu ka melh vang vang a. Ka room a lut ta mai lo chuan Terini room lam chu ka pan a. Kawngka chu hawngin ka lut a. A reh thiap mai bakah a ruak huai mai hian ka hria. A thawmhnaw dahna chu ka pawt hawng a ka thaw chhuak hap.




" A chhuak ta chu a nia. " Ka ti sep. A chhuak tak tak tih la hriat takah chuan keimah hian nuam tih loh riauna ka nei a. Terini fahrah tawh zuah hrechiangtu ka ni bawk nen sual chu ka in ti ve tak zet. Mahse a ni a chhuak lo a nih chuan engtik niah emaw chuan kei mah zawk min theh chhuak mai duh hmel a pu miau si a. Ka u pawh a lamah a pawt bet tawh a. Ka nu leh ka pa leh zel an rilru a kawih her sak a nih chuan nu leh pa leh chhungkua nei reng chungin fahrah ang mai a ka chhuah ka hlau ve em a ni.




Tun boruak atang hian hmeichhe chak tak emaw ka lo in tih thinna te kha dawt a ni tih ka hre chhuak a. Kei chu hmeichhiaah pawh a chak lo ber te zing a mi ka lo ni. Ka nu leh pa thlazar a dam khawchhuak ve mai ka ni tih la hre thar bawk a. Kei ni lo a Terini zawk ngaihtuah ang mai a an tawng lai a ka thinlung nat dan kha ka theihnghilh thei tawh kher lo ang. Terini khan a sawi dik chiah in ka hre bawk. Kei chuan engkim ka nei a, hmangaihna ka dawng in hmangaihtu leh ngaihsaktu ka ngah a. A mah ang hian chan vek ta i la ka dam zo kher a ngem ka hre tawh bik lo.




Room chu chhuah san in ka room lamah ka let leh a. Kawngka ka hawn rual chuan ka room chhung a ruangam ka hmu thut a ka phu chiam leh nghal. Mahse tu dang ni lo in Zoremsanga a lo ni reng a. " Engtik laiin nge i lo luh a? " Tiin room chhungah chuan ka lut ve a. Ka lam chu a rawn hawi vat .




" Kei au i chho hmasa a mahse i rawn lut hmu hnung zawk a. " A tih chuan ka nui tawi tak. " Nia, saw tah ka lut kawi lawk a. Ka nu in i lo chho tih a hria em? " Ka ti leh mai a. Ka room chhung chu hun tei tak hmu tawh lo ang maiin ka en kual dan dan bawk. Min chhan mai loh vang chuan a lam chu ka hawi leh a. Chik zet a min lo melh ngur vang chuan ka nui lui sak ringawt.




" Ni thum chiah ka chhuah san a mahse engkim hi a danglam ta vek ang mai hian ka hria. " Ka leh ta ringawt. " Enge danglam chu, ka hmuh dan chuan engkim hi a dik vek zawk in ka hria. " Ti tu chu en in ka thaw hak. " Nia, ka room, ka bungrua leh kei mah ngei pawh kan la ngai a lawm. Mahse he mi chhung a mi zawk hi... " Ti hap in ka awmah chuan ka kut ka nghat a. Thawk ka la zui halh bawk.




" Thlirna kawng dangah chuan ka patea a dam tawh miau loh vang in a ai awh in a fa te ka pa hian enkawl a duh a. Mahse tunah hian Terini leh kei mahse duh thlang tur in ka nawr lui ta chu a nia. He thil hian ka pa thinlung a ti na in patea lakah inthiam lohna nasa tak a neih phah ngei dawn a. Ka u lah in a nau hi misual tak hmuh in min hmu reng tawh bawk a. Dik tak chuan hetah let leh mah i la kan chhungkaw nun nuam tak kha chu a pangai kher tawh in ka ring lo. " Mahni in sawi thawl a thiam in chan luih tum chuan ka ti sap sap a.




" A nih chuan min nei tawh mai rawh. " Ti tu chu en in ka nui chhuak hak a. " Fiamthu hun a ni lo a nia. " Ka ti ringawt. A ni pawh chu a nui ve suk a, ka lam chu rawn pan in ka hmaah tak chuan a rawn ding a. Ka kawngah a kut rawn zen lut in a lamah chuan min pawt hnai zui dat bawk.




" Ka fiamthu lo a nia. " A tih leh pawh chu a awmah ka beng dat ringawt. " Ti nge? Min neih chu i duh lo em ni? " ka chhan loh vang chuan lungawi loh hmel zet hian a ti ta hmuk a.



" Kan thu sawi a in mil lo lut e mai aw. Mahse ka chhang tho ang che. Pasal te ka nei ve ngai a nih chuan Zoremsanga hi ka pasal tur chu a ni ngei ngei ang. Ka thuruk ka hrilh ang che. " Ka tih leh rual chuan a mit chu a rawn kan uk a. Nui sak in dingdihlip deuh in a nghawngah chuan ka han kuah bet a.




" Ham atang tawh in ka pasal tur chiah ka ngaizawng ang ka ti thin a. Ka thiante chuan fiamthu thawh emaw min ti hial a. A chhan chu ngaihzawng ka neih phawt loh chuan engrin nge ka pasal tur a ni tih ka hriat ang tihah an buai a ni ber. Mahse hei ka sawi sual mai lo tih chu an hre chiang tawh ang. Kan in ngaihzawn hma in ka pasal tur in ka hual ta daih che a. Kan zirna kan zawh a tlem a kan upat a kan puitling ve tak tak hunah chuan Zoremsang... Nang nen ngei hian chhungkaw hlim tak din a, nang mah ang fa lian pui pui nei hi ka duh ve a. Mahse an thianten an bawl ve erawh ka phal miah lo ang. " Tih leh a sam chu han tuai sak ka rual a, a rawn phun hluk chu ka nuih ta hak hak. Mahse ka hmuiah a rawn fawh thut takah chuan ka nui lai chu ka tawp chiang ngei mai.



" Ti khan nui reng tawh rawh. Lungngai a in dawm kun vel kha i in hmeh ve lo. I lungngaih a i thinrim pawn kei mah vang chauh in chutiang chuan awm la ka duh. I ngaihtuahna ka luah tlem sawt riau. " A tih leh takah chuan nui ver ver in a hmuiah chuan ka fawp leh zeuh a.




" Het... Fel I zir tawh kha. " Ka tih chuan " Ka sual ngai reng reng lo. " A lo ti hluk a ka nui ta hak. " Chuan.... Pangai tak a kan in ngaihzawn hnu pawh hian kan awm dan hi a ngai reng a. Thil thar eng emaw kan ti dawn em ni? " Min chawi nawlh in ka lehkha zirna dawhkanah min nghat a. Ka sir ve veah chuan a rawn in nem khalh zui hmak bawk.



" Eng thil maw? " Ka hmai zawnah a rawn kuan hniam miau vang chuan a nghawngah ka la kuah bet reng. " Thil thar ve deuh. Entir nan, kan chhungte in hmehhriat tir dawn I la kan in pawh sa em em si a. Kan in ngaizawng tih puang hluai tur in kan veng leh college ah inngaizawng than in kan thang sa vek tawh bawk a. Keimahni pahnihah lah kan in kawp hma pawh in kan in kiss fo thin a. Thil thar a ni chuang lo. " A tih chuan ka lum pup pup mai.



" A nih chuan enge kan la tih loh chu? " ka ti a. Hnuai lam meuh chuan a khi suk a. A hmui pet sawi zeuh in min rawn en a. A mit meng nuih in sum deuh leh min melh dan vang chuan chil lem khalh in ka kuahna chu ka la thla riai riai.




" Ti nge kha tia min en? " Ka ti ban chap.




" Kan pahnih chauh a hun hmang dun tur in khawiah emaw kal ang. Nikhat mai ni lo, zan riak in. " A tih chuan ka melh haw mai. " I uang ti raw? " ka ti hap. A chhan pawh exam a hnaih tawh lutuk ringawt.




" I chak ve tho a ni lawm ni. Trip naah kan kal ve ta si lo a. Kan pahnih chauh in khawi hmun emawah puan in te kan kaih ve a nga, zalen takin chu chu kan la tih loh awm chhun niin ka hria. " A tih leh chuan ka ngaihtuahah a nawm hmel tak zet.




" A nawm hmel mahse tunah chuan a tih chi teh chiam lo. Exam kan tan tawh mai dawn bakah kan chhungkaw boruak a la dik si lo a. Ka nu leh pa bulah sawt sawi lah ka duh tawh bawk si lo. A hma a thil thleng vang khan an thinrim pawh a la reh hman lo a. Chutiang dil leh chu ka ngam rih lo. " Kun ngalin ka ti zuai raih.




" A pawi lo. " Tiin ka chal chu a rawn tauh dat a. A mah chu en in " Tihpalh aw. " Ka ti leh ringawt. A duh thusam chu thil har a ni hran lo mahse tunah chuan a la harsa tlat dawn miau.




" Exam zawhah, engmah rilru kap tu kan neih tawh loh hunah kan ti dawn nia. Kei mah ngeiin i pa chu ka dil bawk ang a. " A tih leh chuan ka nui ringawt . Ka pa strick zia hre chiangtu ber a nia dil dan pawh a hre ber ang chu.




Inhnuai lamah kan chhuk leh a. Zorema erawh awm rei tawh lo in a haw phei a. Ka nu eirawng ka bawl pui lai chuan mipa leh hmeichhe awmdan chung chang sawiin thu tha min hrilh chungin min zilh pah ka ti mai. Zorema nen thian mai kan ni tawh lo tih an hriat takah chuan a hma a an hmuh liam mai mai theih ang chi khan a mit a ti kham ta thut a nih te pawh ka ring. A hma te kha chuan a fal a kan awm pawn engmah an sawi ngai si lo a. Inchung atanga kan chhuk dun min hmuh takah khan tlai tluan in min zilh ta thak.




An ni chauh ni lo in kei pawh ka dang lam ve tho tih ka hria. A hma a ka room a Zorema a awm lai reng a inbual san a, bathrobe emaw mai mai ha a ka hma a ka din ang khan ka ding ngam ta miah lo. Vawin tlai pawh bathroom ah ka thahnaw ka leng lut sa vek a. Ka room pawmah Zorema a awm miau vang in bathroom atang in ha sa in ka chhuak ta ngawt a. Zorema pawn mak min tih hmel ngang mai.




Kan pa te an lo haw chuan nuam ti vak lo chungin ka lo bia a. Ka pa erawh engmah thleng lo ang maiin a awm ve mai a. Ka nu nen hreawm ka tih an hlauh vang tih ka hre thiam mai. Ka u erawh ka chungah a la lawm chiah lo niin ka hre thung.




Chaw kan ei laiin ka pa in kan chhungkaw boruak vel a sawi chuan ka ngawi reng a. Vawinah Terini te hotelah an va kal tih te pawh an sawi a. Ka u chuan hruai let a duh viau a mahse kei mah min ven thawn vang in ka nu leh pa erawh in hotel awm tih chu an thlawp ta zawk a. Hreawm chu ka ti mahse a tawp thleng a Terini min tawngkhum dan ka ngaihtuah let a inchhir ka ring lo a. A inchhir a a sim loh chuan buaina ngai bawk a tan leh kha ka peih lo.


*


" U ka chungah i la thinrim em ni? " Ka u roomah lut in ka ti sep. Vawinah Bengalore ah a chhuk dawn tawh a. Hna a neih leh nghal dawn vang in kan in hmu leh har tawh mai thei a. Rileu hreawm deuh a in thlah hi ka thil duh loh ber a ni. Ka u chu ka lam rawn hawiin a thaw chhuak hawk phawt a.




" Tlem in. " A tih chuan hreawm ka ti tak zet.



" Tihpalh ka dawt sawi vang khan hetiang khawp hian i thinrim dawn tih hria i la chuan ka ti miah lo ang. " Ka ti ta hap. Ka lam rawn pan in ka hmaah chuan a rawn ding a. Ka dar tawn tawn a min vaqn rual chuan a mah chu ka en chho a ka rin loh deuh in a hmel chu a dam thluam mai.




" Thil thleng kha ka hrethiam tawh a lawm. Mahse a vawi hnihnaah leh zel pawh dawt min la hrilh erawh pai dam har ka ti deuh. " A tih chuan ka melh phawk hra.



" Dawt maw? " ka tih chuan lu a bu nghut.



" I duh vang reng a Zorema kha zui i ni lo tih ka hria. Zoreman engkim a rawn sawi tawh a lawm. Mahse i u hi engmah hrilh tlakah min ngai tawh lo ang maiin min in ngaih tur thung a. Hetiang a kan inkar ti hla tur hian enge ka tih dik lo la ngaihtuah mek bawk. " A tih chuan hreawm ka ti.



" A chhan chu i thinrim sa em a, Zorema i duh lo leh zel nen ka hriat loh in min ru tih i hriat phei chuan ka hmuh i phal tawh loh ka hlau a ni. Tihpalh aw hreawm i tih ka duh lo a, chu tih rual in Zoreman a tawrh ka duh bawk si lo a. Kha tia ka sawi chuan kei man chiah in hauh ka tuar a nga a zawh mai ka rin vang a nia. " Ka ti ve vat a. Ka taksa te hi an tang tung mai. Zoreman a lo va sawi vang em ni ka pa pawn engmah a sawi a min zawh tak miah lo ni.




" Heta tang ka kal bo leh tawh dawn a. Tu nge i ngaihzawn a i kawp lamah ka control thei lo che. Chutih rual in i nun uluk la, mipa tu pawh Zorema nge pawh tiam in ring but suh ang che. Nupa in nih hma chuan thinghlim tak a inkawp tum tur. Kei ni phei chu mi chhungkua kan ang lo a. Ka pa in a that lai zawng a a hmung lo chher tawh hi awl sam tak a ti chhe thei kan ni tih hria la, i nun fimkhur tur in ka duh che. " A ti zui duah a, thuawi hmel fahran chuan ka bu nghat nghat mai.



" Chuan nakinah hun te han liam se Terini pawh haw lo a i koh let leh ngei ka lo beisei tlat dawn a nia. He buaina a bultantu chu i dawt sawi vang a ni tih ka hriat kha. Terini lak a lungawi loh reng hi thil tha ber a ni lo. A nun hi a hahthlak a nia, a phurrit phurh pui tur hian kei ni lo chu neih a nei lo. Nang chuan engkim i nei a tlem te lo a ve chu a pawi lo tur ah ngai ang. Kan naute i ni a Terini heta a chenve vang in kan hmangaihna che a tlem phah dawn lo tih hre reng rawh. " A tih leh chuan ka chhang tawh lo. Terini rilru dik tak an hriat lohna hian an rilruah khawngaihna a la phian chhuah tir mai pawh a. Ka rawn hnu vek a ni a, ka hre chiang. Ka mipa hmangaih em em ken tumna rilru ka lo pu ringawt pawh kha tunah chuan ka in chhir tawh. A lakah sawn engmah sem emaw pek tumna ka nei lo ang chiah in tih luihna a chan tumna pawh ka nei hek lo.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:52 pm

Miracle Love 💕 by Amy Cck



Chapter - 27



Ka u pawh a hna zawm turin Bengalore lamah a chhuk tawh a. Kei ni pawh final exam nei mai tur kan nih tawh vangin subject bat kan hlau ve bawk nen kan tang in kei mahni tawkah lehkha kan zir nasa ve viau a. Class pawh kan chawl tawh a, in lamah kan in zir ngaweh bawk nen kan thian ho pawh kan in hmu khat pharh mai. Chuti rual in Zorema nen erawh chhun zan zawm in kan in hmu a. College pangai chawl mah i la kan inah hian class a rawn kal hi a ni ringawt.




Terini pawh hostelah a la awm reng a. Ka nu leh pa hian kha tiang a a chhuah vang khan a lakah an in thiam lo in hreawm an ti em em a, an ngaihtuah vangin an va tlawh ve thin tih pawh ka hria. Ka thinrim tawh lo tihna ni lo in chutiang a an va tlawh leh zel chu sawi sel a lo lawm loh phah erawh ka tum bik lo. A pa leh a nau a channa khan a rilru lamah nghawng dik lo tak a nei a nih ka ring nghet hmiah a. Neih engmah nei lo, hmangaihtu leh ngaihsaktu nei lo hial in a in ngai tih ka hria. Chuvang chuan an duh chuan va tlawh ve rawh se. Chutih rualin ka lakah ka ti dawn nge kan chhungkaw lak a a rilru put dik lo zet vang khan a rawn let leh ka duh tawh lo hul hual.




Dan ngaite bawkin zanriah kan ei kham hnu rei lo teah lehkha zir turin ka roomah ka chho leh a. Ka zir tur hma bak chu en kual in ka lehkha zirna dawhkanah chuan ka chhawp chhuak a. Chair ah ka thu thla chiah chu ka phone a rawn nghawr dar dar a. Screen ka en chu Zorema a lo ni. Rang zet chuan ka la nghal vat a.




" I lo phei dawn tawh em? " Ka ti nghal lang lang.



" Zanin chu ka rawn phei hman dawn lo tih rawn hrilh che ka tum a. " A tih chuan ka hnual nghal rawih rawih.



" Ti nge?" Ka ti let vat a. A thaw hawk a " Zanin chu chhuahna tur ka nei a. " A rawn ti tha ve mai a mahse ka la duh tawk chuang lo.



" Khawnge i kal dawn?" Ka ti leh hram chu a rawn nui chhuak hawk mai. Ner sak in mit ka chhing sawk a. Ka zawhna chu kei pawn em em ka in ti ve hial. Ka thikthu a chhiar hmel ngawih ngawih in ka hria.




" Lungngai suh tu hmeichhe dang mah ka hmu lo ang. Kan bialnuah hian ka lungaqi tawk a lawm. Zorina va hmuh ka tum a. Tunlai chu a awm dan hi a dik lo riau a. Engpawh nise ka va kal phawt anga ka haq hma dan a zir in ka rawn kal dawn nia. " A rawn ti zung zung a. Kan in biak zawh chuan chair ah chuan ka thu thla dat a, ka thaw zui hak bawk.



Zanah hian lehkha zir tur hian a rawn kal ngei ngei a mahse a zir erawh a zir tha ve ngai pawn ka hre lo. Ka khumah emaw ka roomah lo awm ve in rei lo te tak tak ka note leh xerox kawl vel hi a keu in a chhiar ve a. A bak chu a awm awm hian a lo awm kual a. Kei lah hi byheart a zir chi ka nih vang hian ka chhiar tlauh tlauh a. Ka note vawn sa te ka in zawh tir ta vel mai mai a. Chutiang chuan zan rei tak tak thleng ka roomah a rawn awm a. Chhunah an dawrah a kal lo a nih chuan a rawn awm ni leng ve leh mai zel a. Ka nu leh pa pawn ngaih khatah an ngai tawh niin ka hria. Chuan kei pawn ngaiah ka neih tawh a nih ber hi. A rawn kal dawn loh vang ringawt in lehkha zir pawh ka tui lo zo vek.




Phur lo zet chuan ka chhiar a, ka phone ka mit sir reng bawk a, message tone a rawn rik a piang in ka en vat zel a. Mahse midang an lo ni ziah leh nghal. Kan dept group lah lehkha an zir lo emaw tih mai tur hian a hma aisa zawng khan an active hlawm a. Chung zingah chuan Roa leh Dinpuia an la active ber zui. Professor ho nen a kan awmna group official zawk erawh a reh hmak thung a. An phakar ve hlawm a nia.



Roa lah hian Zorema nen kan in kawp hnu hian min chhaih hi a ching em em mai a. Group ah pawh ka lan duh loh phah fo a, chuti chung pawh chuan min la rawn mention hram hram zel a. Nghal ve tak a ni ringawt. Group ka en zawh chuan kan thiam ho group ah an thiam hnem tawh leh tawh loh ka zawt a, an on9 pawh ka ring hran lo kha a nia. Opi leh Didiki lah chu ka va lan hun chang ang maiin typing tih a rawng i hrin chhawk zak zak a ka nui hak.




Ka rilruah a lut thei ngang lo bawk nen phone ka khawih ta reng ringawt a. Kan thian th chuan ka ti ti tui viau leh nghal. Kan pass tih in hriat hma hma in college kan vhhuah hun tur kan sawi a kan phur viau leh nghal. Didiki chu a tum lawk angin diet ah training zawm a tum a. Opi leh kei erawh University kal zawm zel kan tum ta thung a. Didiki chu kal zawm ve tur in kan thlem ngar ngar thung a. Chutiang vel chu sawiin kan in be rei ta phian a. Ka phone sana ka en meuh chuan dar 11 a lo pel daih tawh.




" A van rawn haw har em em. " Tiin tukverh bulah chuan ka va ding a. Zorema te in kawt a a bike hunna la ruak huaiah chuan a la haw lo tih lah a chiang. Chutia ka en reng lai chuan Zorema chu a rawn haw ve ta hram. Mahse kan tlan tlang lo in an in gate ah a tlan lut daih chu ka lo lawmlo ringawt bawk.



Mahse rei lo teah ka phone ah message a rawn lut a. " I mu tawh em? " Zorema message chu en in la nui sak. " Mu lo, i va rawn haw tlai ve. " Tiin ka reply a. A seen a mahse min reply tawh lo. Tukverh lam chu ka hawi vat a, kawngpui rawn kan a mipa kan in lam rawn pan chu ka nuih sak a. Rang zet in ka tukverh a rawn lun thinna chu ka lo hawng vat a. Rei lo teah a rawn lawn chho zui vat a. Mahse a rim ka hriat rual erawh chuan ka ner sak.




" I in leh a ni maw? Hei vang em ni i rawn haw tlai. " Ka lo ti hlak. Kan in zui ve tak tak atsng khan zu leh a kaihhnawih reng reng a thlah hmak a, chutiang a tih loh takah chuan a thiante nen pawh an in zui khat ta pharh a. Roa pawn " Ka thianpa hi thaibawihah i chhuah zo tawh " Tiin min fiam zuk zuk phah a. An mahni zui lo a kei mah bulah a awm tak chawt vang a sawi a ni a. Mahse huat tur in an sawi lo tih ka hria a Zorema pawn a haw lem lo. " Ka thlarau kawl tu " Min ti let ve mai thin.




" Thinrim ngawt lo la, zanin chu ka thianpa rilru na hnem nan ka in pui ve lawk a nih hi. Zorina nen chiah kan in midang an tel lo chuvang chuan thinrim suh aw. " Tiin min rawn kuah thuk a, " Ka awm loh vangin lehkha pawh i lo zir miah lo tih ka hria a nia. " A tih leh chuan ka ner sak.



" Ka zir char char... " Ka tih rual in " Zan tor atang in whatsApp ah i hring tkuan thak. " A tih chuan sawi tur hre lo in ka dang lel mai. Engtin nge maw a lo hriat ni. " Engtin nhe i hriat? " Ka tih rualin " Tu nge i biak. " A ti ve hluk.



" Sawi chi lo i awm lo bawk a ka free theih lai a nia ka be teuh. " Ka ti let a . A thinrim leh mai mai ang chu. " Khawi maw i phone?' Tiin a kut a rawn phar a.ka phone ka hnungag ka thukeu zui vat.




" Ka ti fiam mai mai a nih kha. Tu mah ka be lo ka thiante an ni mai. " Ka tih pawh chuan min melh ta ngur mai. " Vatin." Thu tak zet chuan a la rawn ti ang hmuk a. " A ngai lo, a hma pawh mi i lo block teuh a an sawi leh in hreawm ka tih zia aw. " Ka ti let vat a. A kiai suk duh chauh leh nghal.



" 1 " Ka sawi hre lo ang hmak in zu han ti a. Hmanniah pawh ka lehkha zir hlanin ka phone a check a mipa pvt a min rawn be tu zawng zawng ka thian leh hmelhriat ve deuh, EU a ka in hman pui te thleng in an no min delete sak vek a. A then min duh thu sawi a min lo bem ve tu te phei chu a block vek a nih kha. An no neih pawh a ngai lo group ah in awm ho vek tho. Bakah college kan chhuak tawh dawn I mamawh lo zu han ti tlat a.



" Vawi 10 pawh chhiar mah la ka pe dawn chuang lo che. " Ka ti hlak a, ngeiawm lutuk hi min nui suk a, kal sawn ka tum rual chuan ka kawngah rawn zen lut in ka hmuiah min rawn fawp zui hmiah a nih chu. A thil in rim ka ngai thei lo bawk nen a awmah nem in ka tal zui nawk nawk a. Mahse min man bet hneh zual sauh in bang lamah chuan hnung zawngin min nawr let dawt dawt a. Ka hnung in bang a deh rual chuan min nawr bet na sauh in duhthaw leh uar fahran chuan min fawp tawn tawn a. Min fawh dan chu in hremna te pawh a ang mah zawk.




Rei lo teah kei pawh chuan ka chhang let ve ta vat a. Mahse a tawp zui leh daih nia. Mit meng phel phang a ka en chuan nuih in sum zet in min lo en reng tawh. Chutah a kut a ka phone ka hmuh rual chuan " Eka " Ka ti zui hlak. Engtik laiin nge ka phone hi a kutah a awm ka hre miah lo a nih chu. Ka rilru tih buai hi chu a thiam ve thlawt.



" Zanin chu ka lo va kawl phawt ang. Ka thr fai zawhah i nei let leh chauh bawk ang." Ti sup in a kut leh lam zawk chuan ka mawng chu a hrawm nawk a, phu zawk a ka ip chawih rual chuan rang lutuk in a kut chu ka vawn hnan vat.




" Tunlai chu i zir nasa bawk a i cher ta riau mai. I maang pawh a khal lo deuh a nih hi. " Nuih in sum zet a a tih leh chuan a awmah ka bengal ri nghal thlawrh mai.




" Duh tawk teh i kut hi la sawn vat rawh. Ka phone i kawl in zingah ka thi thei nang. Thawh hma ka ngai. " Ka ti nang nang a. Eng emaw ngaihtuah chhuak thut in a kekawr ip chu a dap rawk rawk a, a phone chu rawn phawrh in ka kutah chuan a hmeh bel a. "Hei hi i hmang thei ang. " Tiin ka hmuiah a rawn fawp leh zeuh a, tukverh atang bawk chuan a chhuak zui a. An in gate a a luh thleng chuan ka en zui ta ringawt.



Khumah let in ka mut chhuak an thlawh bo tak vekah chuan Zorema phone chu ka khawih kual mai mai a. Whatsapp a ka lut chu ka thil hmuh hmasak ber vang chuan ka nuih a zal ngei mai. A chat chung berah " Kan nu ❤ " Tiin ka no a save chu a pun vei hmak a. A dawhah group pawimawh a awmna vel a pin bawk a. Mahse ka thai thla zel a ka thil hmuh ho vang chuan ka ner sak.




Pvt message hmeichhe hnen atang a a dawn hnem zia chu, hei vang hi a ni chek ang chu ka no pawh a pin hmiah ni. Ka thai thla dan dan a a then chu ka hre nel nual hlawm. A en ngai lo tih hriat zet in hlui deuh deuh, an rawn biakna rei deuh deuh ho pawh open loh in an awm vek. A thar ho ah chuan kan in ngaihzawn chung chang hre thawi ho in an lo zawh chianna te pawh ka hmu. Chhan enah a en lo ni ber in ka hria.



Message la mit ti kham deuh deuh ka hmu tam lutuk chu ka en liam thei ngang lo. Kan in ngaihzawn ring lo a bialnu a neih ring lo ho chu an message open in a mah ang in ka reply hmiah hmiah a. Chung ho lah chuan Zorema ka ni tak tak emaw tiin zan a rei tawh nen an rawn seen ang zung zung a. Bialnu a neih awi lo tlat ho chu kan pahnih thlalak chu thawn in " Ka bialnu a nih hi. " Ka va ti ngat zel a. A luhlul fal ho phei chu ka block sak hmak hmak mai. Zoreman chhan enah en lo mahse kei chuan ka enliam ve thei lo hi a ni tawp.




Ni a liam ve zel a, exam pawh tluang tak in kan nei zo a, ka pa in ngaihzawng i neih vang a I zir lai a I tlak chhiar phah chuan ka lawm lo ngawt a ti a min tawng khalh vang in ka tang zual a. Bakah Distinction ka pass a nih chuan ka thil dil min tih hlawhtlin sak turin ka in tiam tir thlap a, chuvang chuan pass ngei a lawm manah Zorema lo sawi lawk ang khan chawlh hmang a zin min phal sak tur a dil ka rilruk kha a nia. Chuan ka beisei ang leh tum ang ngeiin tha tak in ka pass a, a ngai te bawkin Zorema pawh 1st ah, kan luh lehna tur pawh kan buaipui fel tawh a.




" Naktuk hian Darlawnah kal ka tum a. " Zanriah kan ei laiin ka pa chuan a ti a. Ka nu nen kan melh nghal vat. Darlawn chu Terini te khua a ni sia engmaw tih a tum ni.



" I va sawi lo ve, enge awm zia? " Ka nu pawh chuan a ti ve vat.. " Terinin min rawn bia a, " Tih pah chuan min rawn en a, ka lo in seh ruh nasa mai.



" Hmanni khan a hostel awmna atang a chhuak in a mah in in a luah ve a. Chuan an khaw lam a an ram leh huan neih te tih ral a duh thu a sawi a. In hriat angin nula naupangte mai chauh a la ni a. Ram hralh aa buaipui vel kha a in huam lo in a in ring tawk chiah lo niin a sawi a. Hei Bawihtei te pawh exam in zo fel a, resulh te pawh a chhuak tawh a, enge in tih leh zel ang tih in ngaihtuah ang chiah khan Terini pawh in zir zawm zel a duh thu a sawi a. Chu mi a tan chuan sum pawh a la mamawh dawn chauh a. An khaw lamah an huan leh ram enkawl tu awm lo a dah tawl reng ai tiin hralh a sum a chantir a duh a nih ka ring. Midang pawh pen tur a nei si lo a, kei ka lo hman tho bawk nen ka han buaipui sak loh chuan. " Ka pa chuan a ti a, ka nu pawh chuan a lo thlawp thiam khawp mai.




" An in kha hralh a tum tho em ni? " Ka nuin a tih chuan an in tak kha chu an hralh dawn loh thu leh mi a luah tir thu te chu a sawi a. U Mami pawh in chan neih tum lo in Terini kutah a hlan fai vek tih te a sawi luam bawk a. Kei erawh ka ngawi reng thung.




" Pa thil dil duh che ka nei a, result a chhuah a ka pass that viau chuan ka duh duh min pek i in tiam kha, Ihhh.... Zorema nen chawlh hmang a khawiah emaw kal kan duh a, zanriak in, kan zirna kan chhun zawm leh tak tak hma hian." A tawp lam chu ka sawi zawi ang reng. Ka pa ka en chu min lo melh ngur mai.



" A tha lawm, boruak dang dawn ve te pawh a tha. Chu tih rual chuan rilru fim tak put hram hram a, enge tha a enge dik tih ngaihtuah ran a hun hman i tum dawn nia. Ka fanu i ni a ka ring tawk che, kan zahawmna hi thil ho te vangin a chhe thei a. Hmeichhia phei chu fimkhur in ngai leh zual a nia. " A rawn ti charh charh a lawm ru deuh tak chuan lu ka bu nghat nghat.




Thleng ka seng fel zawh chuan ma roomah chho in ka phone ka la a. Zorema biak a ka pa in phalna min pe tawh tih hrilh ka tum bawk a ka phur sarh mai. Ka call a mahse a in ring ral thak nia. Exam kan zo a kei ka hman em em laiin Zorema erawh an dawr lamah a thawh zawm a, a buai thei bawk nen kan in hmuh ngun theih loh phah vek. Exam lai kha ka ngai rum rum zel.




" Tum chiah ka call leh ang, a la lak loh fo chuan ka hrilh lo tawp ang. " Ti hlak in ka call leh a, a tawpah chuan a la ta hram e. Mahse hmeichhe aw hian a lo chhang daih a, make ti zet chu ka phone chu ka en a, Zorema no ngei a ni bawk si.



" Tu nge ka biak ? " Ka tih sap a. Leh lam a mi chu a rawn nui chhuak hak a, " Min hre lo der nge hre lo tak tak unaunu. Oppss... Unau nih kha i duh lo tak e. " Rawn ti tu chu ka hre chiang lutuk tlat.




Zawmna 💕💕


" Nang maw, eng tin nge phone hi i lo chhan theih? " Mak ti bawk si thinrim bawk si chuan ka ti a. Leh lam a mi lah chuan min ngaih pawimawh hmel loh em em zui a. " I hriat ka duh vak lo a mahse ka hrilh hram ang che. Nileng in Zorema hi ka bulah a awm thin tih lo hre ve mai mai rawh. " Thawveng zet hian a rawn ti a. Ka thin chu a sa phat mai.




" Zahna te hi i nei ve miah lo em ni? " Ka ti ta thawt. Heti em em hian a lo rapthlak ang tih ka ring lo. Chutih rual in Zoremsanga ka ngei lutuk chu ka thinrim hlur bawk. Terini nen kan in mil lo in a mah vangin kan in pawh ka chhuah san phah hial tih pawh a hre ve reng a. Engtin nge a awm dun thei hre lo mah i la ka haw tho tho.




" Chitiang te min zawh a ngai em ni? I ngaih dan dan khan ngai rawh. Tak a i pa kan khua a a zin tur thu kha i hriat tawh chu ka ring a. " Tiin a rawn nui har har a. Ngaithla zui peih lo chuan ka off san hmak. Ka thutna atang chuan ka tho chhuak hliai a ka roomah chuan ka vei tawn sek a. Engtin nge Zorema phone a lo lak theih tih mawlh ka ngaihtuah naah a awm a. A khat tawk in tukverh lamah chuan pheiin Zorema te in kawt chu ka thlir leh thin.



" A chak lo ang chu. " Kawngpui a bike rawn tlan ka hmuh rual chuan ti hlak in ka room atang chuan ka tlan chhuak a. Hman hmawh ang reng tak chuan inhnuaiah ka tlan chhuk a. Sitting room a ka nu te lo awm chuan khawnge ka chhuah dawn tih min zawhna pawh chu chhang lo in kawngka lam ka pan a ka tlan chhuak nghal daih. Mahse an gateah chuan a lo tlan lut hman daih tawh. Kei pawh chuan pan ve vat in an in kawtah chuan ka ding a, gate chhungah a bike chu a lo in hung fel vek tawh a, a mah erawh chu hmuh tur a awm tawh lo.




" In bengdai ang, thinrim nghal chiam suh. Tha deuh in i zawt a nga a chhan that duh loh che chuan i thinrim chauh tur a niang. " Ti mawlh mawlh in an in lam chu ka pan a. Kawngka bulah ding in doorbell chu ka hmet a rei lo teah an rawn hawng nghal bawk. An nula ka hmuh rual chuan " Zorema a awm em? " Ka ti leh thawr. He in a mi te hi chuan min hrechiang tawh bawk a, an in a ka len luh hi chuan Zoremsanga vang bak a ni ngai lo tih an hre vek.




" Aw a lo haw chiah. " Tiin min luh tir a. Inchhung ka lut chu nu Ruati choka lam atang a rawn phei a min hmuh rual chuan nui sang in " Teh hlawl che chuan. " A lo ti vat. Kei erawh in peh hel lo in " Zorema hi.. " Ka ti let vat thung.




" E... A rawn haw ve chiah a, a roomah a awm a niang. " A tih ve rual chuan " Kan han be lawk aw. " Tih leh inchung panna step a tlan chho ka rual a, Pa Lsa aw ka hre ruai ruai a, nu Ruatin kei mah ka nih thu vel a hrih tih pawh ka hria. Kei mah chhungte chauh in kan in ngaizawng tih an hria a, Zorema chhungte hi chuan thian angin min la ngai thung. Engmah kan sawi lem lo a, min zawt a nih erawh chuan sawi pawh pawi kan ti chuang lo.




" Zoremsang. "Tih leh a room kawngka nem hawn ka rual a, ka aw chu a hrim ve hrak bawk. Mahse ka thinrim nen room lah chu a lo reh ang thiap a. Thaw hak in bathroom lam chu ka pan a, kawngka bul a ka beng dawh hnai in ka ngaithla a a awm ngei tih ka hre bawk. Kawngka chu ka kik keuh keuh a chumi rual in Zorema lah chuan " Ka Zo tep min lo tuk sek suh. " A la rawn ti hluk zui. Engmah sawi bik lo chuan ka let phei leh a, room chhung chu ka en kual dan dan a. Engkim mai chu a fel fai thlup a, a lehkha zirna dawhkan leh a sir a lehkhabu in rem tam ve zet ho chu a in rem fel vek a. A khawih khat vang nge a khawih ngun lutuk vang zawk ni. Ni lo, a zirlai pawh en tha peih lo hian lehkhabu chu a chhiar lul lo ang. Heti khawp hian kan in hria in kan in hmu ngun a , a hranpa a lehkhabu a keu hi ka hmu ngai lo. Kan zirlai pawimawh pawh nei peih lo in ka ta min tawp zawk thin kha a nia.




Bang thlang lam a room corridor bul a single sofa a guiter ka hmuh chuan ka pan vat a. A hmawr lam a keychain lo in khai va ka hmuh chuan nui sak in ka khawih a. Guiter chu ka thai ri vel a. Hun kal tawh ka ngaihtuah let a, kan pahnih a he guiter perh a kan zai dun khat tawh zia te, kan lo puitling ve tak zia te leh kan hun hman chho dan chu ka mitthla zut zut thei.




Bathroom ri rak ka hriat chuan ka in her vat a, Zorema ka hmuh chuan a mah hmu tur a kal e ti lo in ka meng buai nak. A inbual O chiah bawk a, kawr ha lo in towel a veng a, pakhat chu keng in a lu a hrui mawlh mawlh a, " Nang mah zawk e le? " Tiin a towel ken zawk chu a nghawngah a bat a. A lu hnawm chap leh a taksa sek phiar fat a tui la bawl thek thek te chu ka enkual hman vek.




" Enge i lo tih dawn a? " Ti a min rawn pan takah chuan harh zawk in sir lam ka hawi vat a. " Thil pawimawh lutuk maw le, ih... Thawmhnaw in bel phawt teh. " Ka ti hlak a. " Engemaw i hriat reuh ni? Kawr ha lo a I vawi khat min hmuhna pawh a ni tawh lo a. " Ti chuan a in her leh ta tho a. Nia, nidangah pawh ka va kal thut thut a, a roomah pawh thawng thut in hetiang te chuan ka hmu fo a ka lai thar riau chu ka in ngei leh hnu hnawh.




" Nichin khan tu angah nge min ngaih a? " Ka tih chuan " U Duati. " A lo ti ve mai a ka bu vei nghat. " Chuan enge i rawn tih? " A tih leh chuan ka kal chhan ka hre thar leh a ka thin chu a rawn rim tha leh nghal. Thinrim zet chuan a lam chu ka hawi a, a thawmhnaw hak tur chu a lo la chhuk mawlh mawlh a, khumah chuan a theh phei zel bawk a. Ka chhan loh vang nge min rawn en a, ka hmel a hmu chu a che tawp in ka lam chu a rawn pan a.




" Dik lo a awm em ni? Tunlai chu duh ang in i bulah hun ka hmang tam thei lo tih ka hria, chuvang a thinrim i nih chuan " A tih lai chuan " Khaw nge i phone? " Ka lo tih khalh vat a. A hmelah chuan a hrethiam lo tih lah a lang chiang viau. " Ka phone... Ka bag ah a niang a, eng a tan nge i tih? " A rawn ti leh vat a. " Min pe teh. " Ka ti ram leh hmak. " Eng chu? " Tiin min leh melh ang hu a. Ner sak chuan " I phone chu! " Ka ti vin hlak.




" Enge maw i hriat reuh le. " Ti nuah nuah in khum sir dawhkan a a rucksack awm chu a ban a, ka lo melh ran mai. A dap kual a, phone chu a hmu lo nge a phun ta hluk .




" Khawnge ka dah a? Dawrah ka theihnghilh a ni mai thei. " A tih chuan za lo fahran in ka lo nui hak a. " I theihnghilh tih chu i chiang meuh maw? " ka tih chuan min rawn melh vut a. " A nih mai loh chuan, ka hmu lo chu a nih hi. " A ti ve nghut. " A nih dawr a theihngilh in ti si engtin nge ka call kha hmeichhe dangin a lo chhan daih thei? " Ka ti ta chu a meng ve kawk mai. " Hmeichhia.. " A tih chuan ka meng rum ngang mai.




" Hmeichhe sathiah mai pawh ni lo, Terini ngat maw le. I dawr sawi chu Terini bul maw ni a. " Ka ti leh nghek. " Thinrim lo teh.... " Ti a min rawn pan a tum chu " Engvang chuan maw? Terini nen kan in mil lo tih pawh i hre reng a, a bulah i lo awm vel a nia. Hre lo phei i la chuan ka lakah i zep hial ang chu. " Tih leh kal sawn ka tum chu ka hmaah a rawn ding nghal vat.




" Ka sawi hi ngaithla phawt la, thinrim ngawt lo in. " A tih chuan ka thin a rim zual sauh. " Ka sawi chhuah hma kha sawi i tum bik em? Tunah ka hriat vang maiin in sawi fiah i tum a. " Ka tih chuan thaw hawk in a sam chu a tuai thuak a, a sam la huh bawk nen a tuai chhoh zawng chuan ka hmaiah tui a rawn per sep sep mai.




" Chutiang in a bulah ka awm lo a nia. " A tih pawh chuan ngaithla duh lo in ka kal pel lui a, mahse khum mawng lam ka thlen rual in ka hnung lam atang min rawn kuah nghal thuk a. Ka tal ve na in min kuah nghet lutuk tlat. Kawr a hak loh vang chuan a taksa luma chuan min ur ham ham thei.




" Thik na rim a nam deuh in la hria. " A tih rual chuan a dulah ka nghawk nghal sawk a, a phu zawk a a nui ngawr dawt bawk. " Ka phone chu dawrah ka theihnghilh chiang a lawm. " A tih chuan ka in swh ruh nasa ngei mai. " Terini chuan in dawr a I phone theihnghilh chu a va la vang vang tihna maw? " Ka tih chuan a nui suk ringawt.




" Dik tak chuan kan dawrah Terini a rawn thawk a. " A tih chuan a kuah na ata tal hrang in a lam chu ka hawi vat. " Maw, engtik atang in? Ti nge engmah i sawi lo. " Ka ti nghek. Ka thinrimna leh hlauhthawnna chu a in pawlh nghal nuk bawk.




" Tun thla tir atang khan. " A tih leh phei chuan sawi tur reng ka hre lo ka nui hul hak ringawt. " Thla tir maw, tunah thla a tawp dawn tawh a. Min hrilh pawh i tum miah lo a. " Tiin ka melh a. Ka rilru chu a na ru vawng vawng a. Terini lak a ta ka chhungte leh Zorema ngei pawh dah hran ka tum a mahse ka hriat loh lamah nileng thak thak in dawrah an lo awm dun thin reng zawk a. Chuan ka nu leh pa tak ngial pawn hostel a awm lai leh in a luah hrang an tih hnu pawn khan an va thlawh fo bawk a. Ka tum loh ang vek a thil a kal chuan min ti na ni maiin ka hria.




" Ka hrilh loh chhan che chu in in kar a tha vak si lo a, i rilru a nawm loh ka hlauh vang a nia. Mahse engmah thil pawi a thleng lo a nia, thinrim suh aw. " A tih chuan ka tah a chhuak ut ut mai.



" Ti nge tiang hian in awm vek a? Nang phei chuan i lak a a rilru put dan pawh i jrw vek a. " ka ti tiau ringawt. Ka thinrim lutuk lan chhuah tir thiam lo chu ka tap ti tih der mai. " Zonun... Tiang hian awm lo teh. Eng rilru pawh lo pu se kei chuan eng atan mah ka ti lo tih i hriat kha. Ka tan chuan nang chiah hi i awm. " A tih pawh chuan ka lungawi phah lo.



" Ti nge in ngaihsak em em vek a. Mi dang zawng pawh in kei min hmangaih leh ngaihtuah thu sawi chungin a mah zawk in pan vek a. I ka chuan min ngaihtuah thu sawi mah u la in che ziaah chuan Terini zawk in awn vek a. Ka u, ka nu leh pa, tunah nang leh zel pawh. " Ka ti ta nghek. Ka nu leh pa chuan va ngaihsak in va tlawh ve thin mahse ka hrethiam, sawi pawh ka sawi buai ngai lo. Mahse Zorema ber kher hi chuan hnaih ve lo se ka duh. Ka nu leh ka pa in la in tawm mah i la ka pawi ti lo mahse Zoremsanga ber kher hi chu ka tawm phal lo. A ni hi chu ka ta bil chiah ni tur in ka duh.




" Lo kal teh. " Ti a min rawn hnaih rual chuan ka lu ka thing nghat. "Nang pawn min ngaihtuah vang angin in sawi mah la in dawr ah a thawk a ni tih ka hriat chuan duh lo a ban tur a ka tih i rin vang a ni ti raw. "Ka tih chuan ka a ta emaw tih melh in min melh tawh.




" I ngai dik lo a nih kha. Ka sawi hi ngaithla rawh. " Kawngka lam a rawn rik takah chuan a ngawi ve chawt a. " I va rei ve. " Tih leh u Duati chu rawn pen luh a rual a. Kan lo awm dan avanga chuan min melh ve haw mai. " Ka rawn lut fuh chiah lo a ni maw? Ka tlai dawn duty ka ngai a niain can dah vat teh. " A tih zawm leh a. Kan tawng ve lo vang chuan min melh rawn zak zak a, "Zonun nang hi... " Ka hmel chiang deuh tak a min en a a tih chuan hnuai lam ka en ta vat a. " Haw ka lo tum chiah. " Tih leh kawngka lam pan ka rual a. U Duati pawh be tawh lem lo chuan kal pel in stepah chuan ka tlan thla hlawk hlawk a.




Inhnuai ka thlen chuan pa Lsan min lo la be kawi zui a. Ka mood fuh lo nen in mil lo tak a ni. Thla thar mai hian class pawh kan tan ve tawh dawn a, chu mi chung chang te chu a sawi luam a, ka lo aw liam vel mai mai thung. Zorema a rawn chhuk hman ka hlau tak zet, a in thlak zawh hma a chhuah vat ka duh vang chuan min biak zawh chuan tih tur ka nei tiin ka chhuak zui nghal a.




Kan in ka luh rual chuan ka room a chhoh tlang mai ka tum chu la nu in min lo auh vang in an lamah chuan ka phei a. Tunah tak hi chuan ka thinrim a, ka rilru a nat bakah ka kawchhung hi a tawt tun bawk.
Zingkarah ka pa chuan Terini te khaw lam a pan tur thu vel te chu a sawi a. Ka hliamah chi an phul belh hi a ni ringawt.




" Bawihte i la lungawi chiah lo tih chu kan hria a mahse heti ringawt a awm hi chu a mawi lo deuh a ni i ti ve lo maw. Terini hi haw tih viau mah la a chan hi han ngaihtuah ve la, sum han thawk chhuak tur in a kum a la naupan bakah hmeichhia a la ni zui a. A harsat dan tur hi ngaihtuah thleng ve la tha in ka hria. Tunah pawh a zirna zawm ve hram a duh vang in an huan leh ram tih ral a tum hial a. A hming a in hrang a chan tak vang leh thil thleng vang khan kan lakah pawh a in thlahrung em em a. A zirna sen so kan tum sak tur thu i nu nen kan hrilh pawn a duh lo ve tlat a. In a hruai let leh hi a tha mai lo maw kan lo tia, i nu nen kan sawi dun a, ka zin ka rawn let hunah ko let leh ta mai i la. " Ka pa chuan a rawn ti dap dap a. Ka kut chu ka hum ruh ngawt ngawt a, ka thinrim vang nge ka rilru nat vang zawk ka tawt up up bawk.




" Nia bawihte, mihringte chu ti sual thei vek kan ni a. Thinrimna hi pai reng tur pawh a ni lo. " Ka nu pawh chuan a rawn ti ve bawk. " A tu a mai pawh hian ti nge a chanchin hi in sawi a in ngaihtuah em em vek a. Ka u lah ni se phone kal tlang leh zel pawh thu ngai bawk a rawn sawi a. Nang ni lah in chu ti bawk. Terini ni lo in kei mah zawk hi in fanu ka nih hi. Ti nge ka ngaihdan tur hi in ngaihtuah ve miah lo. In khatah khawsa ho reng chung in kei chu min ngaihtuah ve ngai lo. Kha thil thleng in sawi ve foah pawh khan a tuar dan leh hreawm a tih zia ringawt in sawi cham chi a, kei hian eng rilru nge ka put a, ka thinlung a hliam tih lam pawh in ngaihtuah ve lo. Ka na ve tho tih te hi in hmu thiam ve miah lo em ni. Ka sawi tawh kha a ni a rawn let chuan kei ka chhuak ang.




Chu chu in pawi ti lo a nih chuan i duh ang chuan ti rawh u. Mahse ka chhuak a nih chuan rawn let tur in min beisei tawh bawk suh u. Ka thi te a nih ngawt loh chuan ka rawn let tawh lo ang. " Ka ti chhuak tan tan a. Ka pa chuan ka hming pum in min vin nghal hrawk.




" Enga ti vak vak thin nge maw ni? Tunlai i khawsa zia hi a danglam tak em em mai ni. I duh loh chuan tha tak in sawi mai la thinrim emaw nawr pawh kan nawr luih lo che a. Kha tia tawng hlawk vak kha a tul em ni. " A ti chhur chhur a. Engkim mai hian min ti thinrim vek tawh ni ber in ka hria.




" Hei bak a in nawr luihna hi a awm chuang em ni, ka hriatah in ngaihtuah thu in kur pui dup a. Kei mah vang a chhuak a ni tih min hriat tir ni awm hrim in in tawng a. Engmah ka sawi ngai loh vang hian ka dam a, ka na ta lo tih na a ni bik lo. " Ngawi bik mai lo chuan ka ti leh nghek. Tun hi ka pa ka lakah a thinrim vawi khatna a nia. Kei pawh in ka chhanlet vawi khat na a ni bawk. Mahse ka ngawi leh mai mai a nih chuan ka taksa chhung a mi te hian an tuar zo lo mai dawn in ka hre tawh.





" Kan ngaihtuah lo bikah che i ngai a maw? kan fanu i ni a kan ngaihtuah lutuk vang zawk che in Terini pawh kan chenpui lo chu a nih hi. " Ka pa chu en in ka nui hul hak. " Min ngaihtuah vang maw! Ni e taqngkam chiah in a lawm min ngaihtuah. Terini chhuah chung changah pawh ka kal dawn khan he in a a awm ve chuan ka rawn let lo ang tih ka sawi chuan em kha. Mahse ni thum chhung khan in chhuah tir emaw miah lo a nih kha. A ma duh thu in chhuak lo phei se chuan nang ni hi chuan chhuak rawh in tih pawh ka ring lo. Kha kha tu nge in ngaihtuah zawk chu a ti chiang viau a nih kha. A ni nu leh pa kha ni lo in ka nu leh pa zawk in nih hi. " Ti a ding chhuak in inchungah ka tlan chho zui ta hlawk hlawk.




Ka room ka luh chuan kawngka kalh in chhuak zet chuan ka tap hlawp hlawp a. Ka thinlung a ka lo pai reng ka sawi chhuah ngam lo sawi chhuak ang maiin ka awm a. Mahse ka rilru na erawh chu an dam phah lo. A chhan chu ka ngaihtuahna mai mai ti a ka ngawih bo pui kha tunah hian a dik a hriatna ka nei lian tawh em a ni.




Rei tak ka tah hnu pawh chuan ka tap zo thei meuh lo. Kawngka chu ka nu in a rawn kik thin a mahse tunah chuan mahni chauh a awm ka mamawh vang in ka hawn dawn lo. A hnuah phei chuan Zorema pawn a rawn kik ve a. Mahse hawn erawh ka tum chuang lo. An vai sawn kei ai Terini an ngaihtuah zawk vek ni a ka hriatna chuan hmuh min ti chak lo vek.




Ka nu chuan naktuk lamah min be mai tur a Zorema a hrilh lai pawh chu ka hre phah. An reh tak vang vang a chuan an kal bo ta a nih ka ring a. Mahse rei lo teah ka room tukverh chu a rawn in sawi dawt dawt a kei pawh chu ka phu zawk mai. Ka hawi phei chu Zoreman luh a lo tum tih la hre nghal.




Ka u khan a awm lai khan a ka kalhna a tha lo tih hria in min siam sak a, a hma ang kha chuan pawn lam atang duh duh a rawn lut thei tawh lo. Kei man ka va hawng kher a nih loh chuan. A rawn sawi leh rual chuan ka pan phei a, parda chu ka zar phui ta hmak.




Khum lam pan leh in khum tlangah chuan ka thu reng a, ka tah nasat lutuk vang chuan ka awm te chu an thip vek thei. A hnuah phei chuan ka awm ding lam hi a rawn na a, thawk ka lak zawng ringawt pawh a a nat zel vang chuan tah in sum zet in khumah chuan ka mu ta ngawt a. In sum viau mah i la mal ta riau a ka in hriatna chuan ka muttui chu a ko chhuak leh zel tho.




Ka harh leh meuh chuan khua a lo var vek tawh a. Ka phone ka en chuan a hma tawh lo viau. Ka pa pawh a zinna tur ah a kal daih tawh ka ring. Missed call a lo awm nual a. Chu pawh a tam zawk chu Zorema hnen atang a ni. A phone chu a kawl leh tawh pawh a ni mahna. A dang chu Opi, Didiki leh Siamsiami hnen atang a ni thung.




Chutia ka en kual lai chuan Siamsiami hnen atang bawk in call a rawn lut a. Ka lak rual chuan a rawn len thu leh inhnuaiah a thut reng thu a sawi a, ka chhuk tur thu in ka chhang ve mai a. In phih fai thuak thuak in ka room chu ka chhuah san a. Inhnuai ka thleng chu Siamsiami mai ni lo Opi leh Didiki pawh an lo awm ve.





" Mut hi chu i duh ve a ni. " Siamsiami chuan a lo ti vat a. An bulah ka thu ve nghal a. An ti ti mawlh mawlh a, class kal hun tur sawiin an tawng duh ngang mai.
Didiki erawh a tum leh bar bar thin. A chhan pawh Didikin University kal zawm a tum tawh lo a, Opi leh Siamsiami nen erawh kan lut ho ta vek dawn a, chung velah chuan an sawi chhan leh zawk thin a. Didiki awm lo mahse Siamsiami hi Didiki nen an mizia a in ang bawk a kan khaw har chu a hnem ve tho ang.




Chutia kan awm lai chuan door bell a rawn ri a, opi chuan a va hawng a Zorema a rawn lang ve hlawl mai. Engmah sawi lo mahse an zing a tu ber emaw hi chuan an va bia tih ka hria. Siamsiami nen kan thu dun a, kan hma zawnah a thu ve thung a. Kan sir lamah Opi leh Diki an thu bawk. Ka nu pawh rawn pheiin Opi te bulah chuan a thu thla a. Ka pa awmna an lo zawh takah chuan a zin thu te chu a sawi ve a. Kei erawh ka tawng lo hrim hrim.




" Tak in Zorem Zonuni nen hian zin khawthawn in tum tih ka lo hria a. Zonuni pawn a pa phalna a la vek tawh bawk a, khaw nge zin in tum? " Ka nu chuan ka mood tih that tum chuan a zawt a. Mahse tunah tak chuan Zorema pawh ka hua tih a hre lo. Zorema chuan min rawn melh vut a, " Zin han tihah hla deuh ah hruai in phal ka ring chiah si lo a, boruak tha dawng tur in khawiah emaw kal kan tia. A hmun pawh kan la thlang lo. " A lo ti ve mai a. Kei erawh lungtum ang maiin la ngawi ngal thung.



" Uii... Kan kal ve duh a nia, Reiek tlangah zan riakin han camp i la, a nuam lutuk an ti a nia. Kan lo kal ve dawn aw. " Didiki chuan a lo ti nasa. Midang pawh chu an lo phir khawp mai. Mahse kei mah ber hian ka chak leh tawh lo. Tunah tih ngat phei chuan phur lo tak ka ni.




" Ka nuam vak lo a ka roomah ka lo han chho a nge lo in kawm ru. " Ka ti sep a. Ka ding chu min en ha mahse hre lo der hmak in inchungah ka chho leh daih. Ka room ka luh rual chuan ka hnungah Zorema chu a rawn lut ve nghal a.




" In be teh ang. Nizan kha chu hriat sual a nih kha. Ka phone pawh kha Terini a kawl lo a dawrah ka theihnghilh a, a bo hlau in a lo hawn mai chauh a ni. Chuan u Duati ka thlah rawn haw lam in ka rawn lam tawh bawk a thinrim tawh lo hram teh. " Ka tawng miah loh vang chuan a ti a. Chutia a sawi pawh chuan ka la na tho.




" I phone a kawl ai mah chuan thla khat zet i zep a i hum tlat khan min ti na zawk a sin. Engmah hi in hre ve lo, a rileu chhiat zia leh phakar zia pawh i hre lo. " Ka ti tuar a. Nizan ang bawk chuan ka awm bawk chu a rawn thip leh tawh.



" Zonun.. " A ti sup a thawk ka la hap. " A hnaihah in awm loh nan ka tih thei ni a ka hriat chu ka ti vek a mahse engah mah in ngai lo. In khawngaihna kha a mamawh reng reng lo. A mah a in enkawl thei tih ka chian tluk in in lakah chuan hmeichhe der dep ber ang in a khawsa a nih hi. Ti nge in hmuh thiam miah lo a. In vai hian in in thlak danglam vek tawh saw nu vang sawn. " Ka ti chhuak ta phiar phiar.




" A tawk ! Duh tawk rawh. Kha tiang kha i rilru a ni lo tih ka hria. I thinrim vang in i sawi mai mai a nih kha. I ngai kawi lak lawh a nih kha. Terini nen chuan engmah in zawmna kan nei lo a kan nei ngai bawk lo ang. " A tih pawh chuan ka la ngawi duh chuang lo. " Ka thil tih avang khan ka in chhir tak zet bawk. Mahni in tih hlum a tum lai khan lo dan lo tur a nia. " Ka ti chiah chu rapthlak min tih hmel zet chuan min melh ta ringawt .



" I rilru tak in i sawi lo tih la hria. Hetiang ngaihtuahna hi i nei miah lo. Khawvel a ka mihriatah Nang tluk a midang khawngaihna leh lainatna nei ka la hre lo. Midang in na an tuar ai chuan na tuar pawh hreh lo i ni a, kha kha chu i rilru a ni hauh lo. " A tih chuan ka lu ka thing nawk nawk a.



" Teuh lo, tun a ka sawi hi ngaituahna fim tak ka ka ngaihtuah hnu a ka sawi a nih hi. Hun kha pawh kir leh theih nise kha tih lai khan ka chhan miah lo ang. " Ka ti zawi sep. Tunah khan ka rilru tak tak ka sawi bawk. Hetiang a midang tih nat a mi chhungkua pawh hran phet a tum tih hre lawk i la chuan inchhirna nei miah lo in ka en liam tawp ngei ngei a.





" I lo mak ta hle mai. Kei ni ni lo in nang mah zawk a ni in thlak danglam chu. Ka hriat thin Zonunmawii kha hmuh tur i awm tawh lo. Ka hmuh zawng chu mahni hmasial tak mihring chauh a ni. " A tih lai chuan in hum ruh ngawt ngawt in ka ding a.



" I sawi dik, midang ka dah hmasak thin vangin tun hun hi ka thleng a nih hi. Chutiang chu ka duh tawh lo. Nang pawh hi... " Tiin a mitah chuan ka melh chho a. " In dawr atanga i ban tir dawn a nih loh chuan ka hmaah rawn in lan tawh suh ang che. Kan pahnih chuan min ngaihsak rawn thei lo ang. " Tiin ka melh ran a. " Duh thlang turin min ti a maw? " A tih chuan ka chhang tawh lo na in ka ti tih chu a chiang reng. Kei ni lo a Terini zawk a thlan erawh ka hlau hle thung.



" Ka thlan zawk chu i hria a lawm. " A tih chuan ka thaw ham ham mai. " Mahse chutiang in ka ban ngawt thei lo. " A tih chuan ka hahdam ve na kha chhem bo ang hmak an ni leh tawh. " A nih chuan kei pawn ka hmu duh tawh lo che. " Ka ti ve hmak a. Zorema chu a meng buai nak.




" Engmaw i sawi kha? " a ti vat reng bawk." In then ang." Ka ti ta nge nge. Kei min thlan zawk thu sawi si a Terini a hum tel tho chu ka ngai thei bik lo. Nakinah zawi zawiin Terini lamah a awm ve tho dawn tih ka hriat sa vang a ni mahna. Ni lo... Tunah pawh a awn sa tawh reng zawk chu a nih hi. Chuan ka hriat miah lo in Terini vang in kei mah leh kei mah ka in rin tawkna te kha ka lo hlauh zo vek tawh tih ka hre thar bawk a, a chhan pawh inrin tawkna leh hlimna min thlen thin tu zawng zawng in a lam an hawi tak vek vang in.




Ngawi reng a Zoreman ka room a chhuah san lai chuan mit tui kar atang in ka en reng a. In then ka sawi a hnial pawh min hnial chhin miah lo a a pawm chuan ka thinlung a ti na zual. Min hre chiang tih a sawi a, in then ka duh tak tak lo tih leh kei min then ai chuan Terini zawk ban mai a thlan ka rin vang a sawi mai chauh ka nia. Mahse min then chu a lo duh reng a ka sawi hun a lo nghak reng zawk tih ka hrethiam chiah.





💕💕 dah tlai chhap chhap mah i la a thui viau chuan ka hria🤭 cmt lamah in hmu ang u aw, tunlai chu ka thatchhe riau a min han fuihpawrh teh u🤣🤣 tak2 in in cmt that viau chuan naktuk zanah kan zawm dawn nia, chuan 12 a pel ta bawk a dah tlai manah vawiin ni a a hmasa ber atan Ads min lo click sak ve theuh ru aw💕💕


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:52 pm

Miracle Love 💕 by Amy Cck



Chapter - 28

Chapter 27 zawmna i chhiar loh chuan keu let mai rawh aw 💕💕



Zorema chhuah hnu chuan ka khumah chuan ka thu thla hnak a. Ka awm zawn thip lutuk vang chuan ka dawm vawng vawng ringawt. Ka thian te an rawn luh pawh chuan ka lo ngaihsak thei lo, ka awm thip vin tuk chu dawm in ka tap khur ngawt ngawt a. A tap in sut rual in ka awm chu a na zual sauh zel bawk nen ka thawk a ti harsa tel vek a. Tah ka in sum thei bawk si lo, ka awm na lo phei se chuan a ri meuh a ka tah chhuah hial ka ring.




Ka thiante pawh chuan ka awm dan chu tih ngaihna hre lo chuan min thlir tawp a. Opi chuan ka darah a rawn beng det det a. A hnuah phei chuan ka bulah rawn thu in ka hnung chu a rawn chul hliau hliau a. Thawk ka harsat bawk nen in bengdaih tum zet chuan ka thawk ka hip let vak a. Ka thawk chhuah zawng a ka awm a nat zel vang chuan vawi khatah thaw chhuak vek lo in muang chang chuan ka thaw chhuak leh a. Ka nu pawh kawngka bulah a ding reng a mahse ka tap ka ban takah khan ka thiante an awm bawk nen a kal sawn a niang a lo awm tawh lo.




" Enge awm zia? In in hau a mi? " Tiin ka thiante chuan min zawt a. Lu ka thing ringawt thung. " I nu in min rawn bia a, kawm hlim tur che in min rawn tia. A hma a mi bawk kha a mi? " Opi thil hre ve ber chuan a rawn ti a. A hriat chhan pawh ka tlan tauh khan an inah ka awm miau a. Ka nu a rawn kal a kan thil sawi atang khan min zawt a ka hrilh ve kha a nia. Ka chhan loh vang chuan a thaw hak a.




" Eng chu maw? I hre ve a mi? " Diki chuan Opi melh chuan a ti vat a. Mahse Opi chuan a chhang bik lo.



" Ti nge buaina hi a zawn hian a zawn reng le. A mak ve ngawt mai. " A ti leh hap a. Kei erawh ka in seh ruh ngar ngar thung. " Enge in sawi bik hi, Zoreman hmeichhe dang a ngaizawng a mi? " Siamsiami pawh chuan a ti ve vat a. Dik tak chuan Siamsiami bulah hi chuan ka sawi vak duh ngai lo, Zorema a lo duh thin zia hretu ka nia kei nen kan in kawp tak daihah phei kha chuan tul tawpah lo chuan Zorema chanchin hi ka sawi pui ngai lo. Opi erawh in a duh che tih ka hriat atang khan ka duhna ka paih bo hmak a ti thung a.




" Terini chu ka rin ang a ni lo hle mai. A lakah heti khawp hian i tha a. Engtin chiah nge a awm leh a? " Opi bawk chuan a ti leh hlak hlak a. Thawk ka la halh a. Ka thiante pahnih chuan an zawh nasat bakah an tih tauh lek lek takah chuan a hrilh ve mai a. An ni pawh chuan an ngei ve nghal em em a. Min vui pui ve vek a, kan dept zin kan kal ve loh atang khan kan boruak a dik thei lo tih thleng chuan an hre ve ta vek a.




" Zorema te dawrah tunah a thawk mek a. Nizanah khan ka hre chhuak a. " Ka ti sep. Ka thiante chu an meng phawk hra hlawm. " Zoreman a hrilh che a mi? " Siamsiami chuan a lo ti vat a. Lu ka thing nghat a. Dik tak chuan a lang a pau a a sualna hi sawi tur ka hre lo, mahse a rilru dik loh zia erawh ka hre chiang a. Heti khawp a kan chhungkaw boruak chhiat chhan pawh hi enge a tih sawi dawt thei lo mah i la, a mah vang tih erawh ka chiang viau a. Ka hmangaihte ho hnaihah awm lo se ka duh ber a ni bawk a. Mahse chu mi let thawk chuan thil a thleng a. An mahni hian a pan in an pan hial in ka hre tawh.




Nileng chuan an rawn leng a. Mahse kei erawh ka mumal lo ni leng thak a. Tlaiah an haw ve ta hram a. Thil thleng a awm chuan be vat tur in min chah mawlh mawlh a. Tunah tak chuan ka chhungte ai pawn ka thiante hi ka hahdampui zawk hial ang. An ni chuan ka sawi ang ang an ngaithla a, ka lawm lohnaah min lawm loh puiin kei aiin Terini chu an hua emaw tih tur in an thinrim ve a. An ti der emaw ti tak tak pawh ni se ka tan chuan a hahdam thlak em em tho. Mi ring duh lo leh ngaithla duh miah lo tu te ai thlawt chuan.




Ni a liam ve zel a, Zorema pawh min hmuh tum in a rawn kal thin a mahse ka rilru na hi a dam thei tawh lo ni ber in ka hria. Hmuh chakna pawh ka nei rih lo. Siamsiami an dawrah a lo va kal a. Terini pawh a la thawh reng thu min hrilh a. Chu vang a ni ber ang chu Zorema pawh ka hlat tak hmak. A tawngka in min hmangaih thu leh min thlan zawk thu a sawi a mahse ka thu sawi erawh a zawm bik chuang miah lo. Ka nu leh pa te nen an danglamna ka hre bik lo. Terini an dawr atanga ban chu a lo harsa viau a nia nge.




" Naktukah i pa pawh a rawn let tawh dawn a ni awm a, I be ve reng reng em? " Tukthuan kan ei laiin ka nu in a rawn tih chuan lu ka thing mai a. Kar thum tep a zin a mahse hun dang ang lo tak in vawi khat mah ka han be lo a. Inah lah ka nu nen chiah awm mah i la kan boruak chu a nuam chuang lo. Ka rilru hi an ti nat mah mah tawh vang nge theihnghilh a pangai tak a awm ka harsat vek tawh.



" I pa pawh rilru khingbai deuh in a awm reng a. Hetiang a awm reng hi a tha lo a nia. " A tih chuan ka tah bawk a chhuak leh. Tunlai chu ho teah pawh ka tah a chhuak reng a ni ber. " Chuan kar leh maiah class in kal dawn tawh sia in entir chu engtik nge i tih. I pa lo haw hunah kan kal pui zawk dawn che nge? chaw i ei thei si lo i vun lah a dang bel bawk si. " A rawn tih zawm a.



" Kal pui ka ngai lo, vawiinah kei mah in ka va kal mai ang. " A ti ringawt. An bul a hun hman hi nuam ka ti rih lo tih a hrethiam a nih ka ring a thaw hap a. " Ka hman tho a, kal pui che chu ka duh. " A rawn ti ve a. Mahse ka thiante ka sawm vek tawh thu ka sawi takah chuan min ti lui ta bik lo. Mahse a hmelah chuan hreawm a ti tih ka hmu thung a. Ka nu rilru ka ti na tih ka hriat rual in kei mah bawk ka na leh tho bawk si. Ka awm dan hi a hreawm ka ti tak zet.




" A nih Zorema hi biak i la tum lo a mi? " A tih chuan ka chaw ei ka tawp chawt. " Ka puar, ka han in siam a nge." Tiin ka nu chu ka thawh san ta daih a. Room a ka chho zui ta hmak bawk. Min lo call ngun in kan inah pawh a rawn kal ngun a. Tukin zingah pawh a dawr kal tur a rawn peng a. Mahse roomah ka awm luih tlat zel vang in kan la in be leh lo hrim hrim. Ka ngai a ka hmu chak in a bulah pawh ka awm chak tawh. Mahse ka sawi ang khan Terini a ban thei lo a nih chuan ka hnaih thei bik lo. An dawr chiah saw hna thawhna tur a awm lo a. A ban a nih pawn hmun dangah a thawk leh mai dawn a, thil harsaah pawh ka ngai lo a, a ni chuan harsa a ti viau thung a.




Ka in siam sawk sawk a, ka kekawr vel ka in thawlh a ka lo thawl ta hlawm lutuk chu mak ka ti zawk. Chutiang a ka cher pawh ka in hre lo a nia. Ka kawrfual par chu la in ka ha ta ringawt a. Ka sam chu ka thlah hnak a, inchei mood ah ka awm loh vang chuan sunscreen in hnawih in lip gloss chu ka in hnawih leh tawp a. In entir tur ka ni bawk nen a tawk viau chuan ka hria.




Ka thiante biak ka tum zet a mahse mahni a kal ka tum leh ta zawk. Ka bag la in ka chhuak a. Ka nu in min lo zawh leh chuan bazarah kan in hmu dawn ka ti ringawt a. Two Wheeler taxi in Civil Hospital thleng ka in dah tir a. Ka kal hma viau emaw ka tia card la tur chu an lo in tlar thui leh tawh ngang mai. Kei pawh chu ka in line ve nghal a. Card ka lak zawh a step a ka chho tur chu ka hnung lamah ka hming a min ko ri ka hriat vang chuan ka hawi phei a Lawmkima chu nui vur vur in ka lam pan in a lo phei a rei lo teah ka bul a rawn thleng nghal.




" I nih khan ka hre reng a. Enge i tih dawn? I in entir dawn a mi? " a tih chuan ka lo bu nghat a. Ka in hmuh chu sawi loh kan in biak lohna chen pawh ka hre tawh lo. Exam lai lah khan subj in ang lo na na na chu kan in hmu ngai si lo a. A hma a phone a min rawn text a ka status rawn reply zuk zuk a chin lah kha a ti tawh ngai si lo a. Kan in hmu thut chu ka ham haih lek lek.




" I enge na a? I hmelah pawh a hriat a lawm kha. I khal loh sa nen hmawlhte I ang tep tawh. " A tih leh chuan ka nui hak. " I nui hmel erawh a la nalh reng. " A tih chuan ka nui tawp leh hmak a. Chu chuan a nuih a ti za ve thung a a nui hawk hawk mai.




" OPD ah a mi I kal dawn? " A tih chuan " Umm... Enge I tih zawk a. I in entir ve tho a mi? " Ka ti let a. A lehkha ken rawn lek kang zeuh pah chuan " Thisen test result ka lam lawk a. " A tih chuan ka lo bu nghat. " Chuan I engmaw na a? " A tih zawm a. Ka awm nawm lo thu vel te chu ka sawi ve mai a. Ka nu pawh ka hrilh lo kha a nia.




" A va zia lo ve Zoreman a chawm tha vak lo che a nih ka lo ring zawk a. " Nui hawk a tih chuan a banah ka beng hlak a. Ka rilru erawh chu a na ru vawng vawng mai. " Tumah kal pui I neih loh chuan ka lo nghak ang che, tih tur ka nei tawh bik lo a. Thil te pawh kan ei duh ve ang chu kan in hmuh lohna a rei ta bawk a. " A ti vel ham ham a. A thaw veng lutuk leh ka boruak pik zet let thawk a a awm vang chuan ka hahdam huai ten ka in hre hial.



" Ka rei mai thei a sin. Ka hmaah an la tam bawk sia. Kha kha midang hmuh i ngai ve lo a mi? " tiin midang in entir tur lo thu ho bulah chuan ka thu a, a rawn thu ve leh mai a. " Hei chu a hmanhmawh thlak tawh lo. " A ti liam puat a. Tu thisen test na nge ti a ka zawh chuan a pi a nih thu a sawi ve mai a. Kan tawng mawlh mawlh chhungin ka luh a hun der a. In entir tur chiah luh an phal vang chuan ka lut a. A awlah chuan ka thu ve vat a.



Ka hma a doctor chu ka natna chu ka hrilh a, chaw ka ei pawh a ka ka a khak tlat vang a tam ka ei theih loh thu te ka sawi tel a. In entir takah chuan natna sawi tur ka lo ngah khawp mai. Ka thawk lak zawng a ka awm zawn na te leh ka khawsik ru ser ser thin te, ka thawk a hah leh thut thin thu te chu ka sawi ta vek. A hmasa ber in xray leh thisen vel test ti tur in leh a mah hmuh leh tur chuan min ti a. Ka chhuah chuan Lawma chuan min lo pan vat a.



" Ihh... Xray tih ka ngai a, i duh chuan min haw san thei reng a nia aw. Rin ai ka rei hmel sia. " Ka ti vat a. " Thil min ei pui pawh chu I va hlau ve. " Tum deuh hmuk a a tih chuan ka nuih a ti za ang reng. " Chutiang lam a ni lo. Test neuh neuh tih ka ngai sia, ka rei la ring a. " Ka tih lai chuan " Tih tur ka nei tawh hlei nem ka kal pui ang che. Bakah damlo te chuan kal pui tu an neih a ngai a lawm. " A tih chuan ka ner sak.




" Kal ang le . " Tiin ka darah min rawn kual vei thuk a. " Chutiang a damlo ka ni lo aw. " Tiin a kut chu ka dah thla a ka kal san hmak a. Min rawn um pha vat in min rawn kuah nawn leh ta tho. Thisen kan test hmasa a, a hnuah doctor in xray tihna tur a sawiah kan kal leh a. Lawmkima lah chuan thisen min lak sak dawn a hriau ka hlau kha min fiam nan tak a la hmang zui a, ka ngei reuh tak tak a ni.




Xray kan tih zawh chuan a chhuah hun nghah a ngaih vang in dawrah thil ei chu ka rawt ta nge nge a. Thisen test erawh tlaiah daih a chhuak dawn thung. Dawrah kan chawlh lai chuan ka phone a rawn ri a, screen ah hming rawn in ziak atang Zorema a ni tih ka hmuh chuan ka reject hmak.




" Ka sawi lo ang ka ti na in ka rilru a na thar tlat." Lawman a tih chuan ka melh vat a. " Eng thil maw? " Ka ti vat " Ngaihzawng neih tak vang a in bock kher chu a na ka ti khawp mai. " A tih chuan ka hrethiam lo kher leh nghal.




" Tu maw block che? " Ka ti hu chu a chek hluk thung. " Nang mah maw le. " A tih leh hmuk. " Awi awm loh e. " A tih chuan a in dap rawk rawk a, a phone phawrh in ka hmai zawnah a rawn lek va a. Min biak a tumna chu a lo awm nual a mahse a in one tick vek. Ka dp pawh a hmu thei lo chu lo niin.




" Ka block lai che ka hre miah lo. " Ka ti ta ringawt. Zoremsanga bak a nih ka ring lo bawk. " A nih chuan phelh vat rawh. Min haw ta emaw ka ti char char. " A ti bui bui a, a no chu save tha leh in ka unblock a. Thil ei pah chuan eng tih leh zel a tum ye ka zawt kai a. A ni pawh MZU ah admission a lo ti ve vek tawh chu niin.




" I va in zep thei ve, kei pawh ka lut ve dawn a lawm. " Ka tih chuan " Ka hria lawm. " A lo ti mai a, min rawn melh leh zawk in " Chu vang a lawm ka admission ka tih ve. " A tih leh chuan ka ner sak. " Zorema nen in in then hun ka chang dawn. " Fiamthu tih hriat zet hian a rawn ti leh a mahse ka nui miah lo tih a hriat chu a hrawk a thian kharh a. " Xray kha a chhuak tawh ang ka ring. Kan chho dawn a mi? " A ti leh vat. Kei pawh chuan hnial loin kan in zui chho leh a.




Ka xray resulh chu leng in doctor hmu tur bawk chuan kan chho leh a, doctor in xray result a hmuh chuan ka chuap a tui a tlin thu min hrilh a, ka khuh thin leh khuh thin loh min zawh chuan ka khuh ngai loh thu in ka chhang a. Chuap a tui tling chuan TB a thlen theih vang chuan test nei leh tur in min ti leh a. Syringes vel kei tur min ziah sak a. Ka chhuah chuan Lawma chuan kei ngai chu ka kal ngai lo in min va tlan sak zawk a. Hriau ngainat loh nen thisen testna aia lian a min han vit tur chu huphurh tak ka ni.




Ka chuap a tui tling chu test tur in tlem an la chhuak a, naktukah thisen test resulh vel nen a hmuh kawp tur in min hrilh a. Ka kal lamah ka damlo em em pawh a ka in hre lo kha la ka haw damlo ta vek in ka in hre hial. Lawma pawh chuanin hre thiam tak in min buaipui ta char char a. Min kal pui a tum tlat te kha Pathian rem ruatah ka ngai ta zawk hial. Kan zawh chuan a bike in min phur haw a. Kan in kawt kan thlen chuan lut kawi tur in ka sawm a min hnial bik lo.





In kan luh rual in ka nu chuan rei min tih thu in min lo chhawn vat a. Sitting room lam a kan in zui phei a mahse la mi hmuh vang chuan ka ding dat. Zorema pawh chuan min lo em ve reng a, ka hnung lam a melh leh rual chuan a miteng chu a dur nghal khup. Tun ang tlaiah enge a rawn tih. Dawr atang a rawn bang hma tihna em ni.



Lawma nen chuan sofaah chuan ka thu thla a. Ka nu lah chuan chanchin min zawt zui zat a, ka natna vel chu sawi lo in ka that thu zawng ka sawi a. Lawma ngaihdan chu a nih loh hmel nasa. Zorema ka en chuan ka lak atangin a mit a la saan eih lo thung. Ka nu chuan damdawiin a min kal puityr a sawmah ngaiin lawmthu te chu a sawi luam a. Mahse a beisei leh rin zaawk erawh Opi te an ni tih ka hria.



" Thingpui kan lum ang e aw. " Lan boruak uap churh kal san tum a ka din rual chuan " Ti buai suh suh, ka haw phei zawk a nge. " Tiin Lawma chu a rawn ding ve a. " A.... Awle, a nih ka lo thlah ang che. " Tiin kan in zui chhuak a. Ka tukhum za mer merah chuan min en zuitu an awm tih ka hre thei.




" I nu I hrilh dawn lo a maw? " Pawn kan chhuah rual chuan a ti a, a sirah chuan ka kal ve nghal vat. " Tunlai chu a rilru a hah thei lutuk a, thil pawi em em a ni lo bawk a hrilh kher lo mai ang. Nang pawn engmah sawi suh aw. " Ka ti zui vata a ding chawt mai. " Thil serious tak a ni kha. Engtin nge ngaih sam zet a I sawi theih. " A awah chuan a lawm loh hmel tak zet. Ti nge ka chhungte ka hrilh lo tur pawh chu a lo lawm lo ve ngawt ni.



" A nih Zorema tal chu i hrilh ang ti raw? " Ka lam rawn hawi chuan a ti leh a. Ka lo nui tawi tak ringawt a hmuh chuan van lam hawiin a thaw chhuak hawk a. " In in hau em ni? nileng in a call i la duh lo a, eng un awm zia? " a ti ta hluai. " I rilru lo to buai ve duh suh. Kal tawh rawh I chhungten rei an ti tawh ngawt ang che. Chuan vawiin chungchang kha chu kan pahnih thuruk chiah ni rawh se aw. I sawi chhuak a nih chuan I chak lo viau ang. " Tiin ka nem kal dawt dawt a.




" I thu ber a lawm. Zanah ka lo bia ang che nga min chhan leh duh loh chuan I thuruk pawh ka zep sak bik lo ang che. " Tiin a bikeah chuan a thu a. " Ka chhang duh lo che a ni lo ka tih kha. " Ka ti hlak chu nui suk in ban min vai a, a tlan chhuak nghal vut. Thaw la ham ham a kan in lam a ka in her chu kan kawngka bul bang ngheng a mipa lo ding run ka hmuh chuan ka phu zawk a kal mai lo chuan ka melh ve ta reng.




Chutah har chhuak hmasaah tang in kan gate chu ka hawng a, kan kawngka zawn tak a a din miau vang chuan a awmna lam a kal duh lo in in chu hel a choka lam kawngka atanga luh chu ka tum a, ka tih tum a hria a ni mahna a lam ka pan tak lohah chuan a rawn che hrut a chuve leh chak zet in ka kal a. Choka luhna kawngka thlen a deuh a ka room a rawn lawn chhoh thinna thingkung ka thleng chiah chu min rawn pawt ding hman ta tho. Ka tal phat a mahse awmzia erawh a awm lo.




" Kha pa nen khan enge in tih? " Chang bawl a a tih chuan ka tal lai chu ka tawp chawt a. Zorema ka en chuan a hmel awm dan atang chuan a thimrim tih ka hre nghal.




" Kan sawi tawh ang khan kan in entir. " Ka ti ve hmak. Zorema erawh za lo zet in a nui a. " Nilengin maw? " A awah chuan min awi lohna a ri tel bawk. " A dik a lawm. " Ka ti leh a. " I thian dangte ni lo in a ni kher kha I sawm a. " A ti riah chuan natna a hre tlatin ka hria.




" Ka thei lo a mi.? " Ngeiawm lam lek lek chuan ka ti ve sak. " Aw thei lo. I nu emaw kei min sawm loh pawhin I thian dang pawh an awm. " A ti ve nghut chu ka nui ro hak a ka ti el a ni mah zawk.



" Chu chu ka thu niin ka hria. Bakah tunlai chu i sawi ho zawng zawng kha biak ka chak lem lo nang pawh tiam in. " Ka ti kha ve fak. " Zonun... " A ti sup a. Kei erawh in ka melh rum ngang thung.




" Thil harsa tak la dil miah lo che mahse nang chu i ti thei lo a nia. Ka dang lam i ti ti raw kha. Mahse kei ai i danglam fe zawk. A hma a ka thil duh a piang min tih sak thin tu kha i awm tawh lo. Min thlah rawh, ka chau a nia. " Ka ti leh hlak. Ka nu a rawh chhuah takah chuan ka kut chu pawt let hlawk in ka lut zui hmak a. Ka nu nen an in be zawm tih la hria mahse an thu sawi erawh la ngaithla zui lo thung.




Ka roomah chho in ka in thlak a, zanriah ei a hunah chauh chhuk leh in ei kham hnuah ka chho leh nghal a. Dik tak chuan tunlai kan chhungkaw boruak hi kei pawn hreawm ka ti. Kan darsarh ta nuai in ka hre tawh a, siam that dan chu a awm a mahse ka ngaihdan thlak ka tum bik si lo. Ka nu pawh ka khawngaih ka pa a awm si lo a kei lah ka roomah ka tawm chawt a. A khua a har viau pawh ka ring a mahse tun din hmunah chuan midang bulah awm ka chak rih thlawt lo a ni ber.




Zanah Lawman min rawn be ta ngei a. Naktukah damdawiinah min kal pui leh a tum chuan ka lo hnial nasa ngang mai. Mahse midang hrilhah min vau takah chuan ka hnial hneh ta bik lo. Kan thil test tir ho result lam ka ngai bawk nen kal pui neih chu tha ka ti tho a. Opi sawm ka tum pawh ka thulh leh phah a. Rei pawh in be lo ka mut chhuah thu chhuan lam in ka dah ta daih a. Vawiin lam ka chauh vang nge rilru hahdam a ka awm ve deuh vang rei lo teah ka muhil zui mai leh nghal.



Zan ka mutuiin la muhma bawk a kei lo ang tak in zing pawh ka tho hma khawp mai. Ka pa pawh chaw ei hma hretin a lo thleng a. Chaw kan ei lai chuan ka nu in a thil buaipui a tluan leh tluan loh te a zawt a. A tluan thu leh a fel vek thu te a sawi a. Nimin a ka in entir chungchang min zawh chuan ka that thu zawng ka sawi a. Chaw ei khamah ka in siam sawk sawk a, ka in siam zawh rual in call ka dawng a, Lawma a nih avang chuan ka la a, kan inkawtah a awm thu a sawi chuan ka chhuah ve nghal tur thu sawiin phone be pah chuan inhnuaiah ka chhuk a.




Ka nu leh pa bulah ka len chhuah tur thu sawiin chhuan lam ka siam a. Zawhna min zawh belh hlau tak chuan ka kal chhuak nghal a. Mahse kawt ka thleng chu Lawma leh Zorema lo in din chilh ka hmuh chuan hlauthawng ru tak chuan rang zet in ka pan phei nghal vat.

IMG_13022022_002801_(700_x_699_pixel).jpg


Gate ka hawn rik rak rual in an pahnih chuan ka lam chu an rawn hawi a. Kan in kawt atanga ka tlan hmanhmawh ve teh reng nen an rawn hawi takah chuan ti dak in ka pan hnai a. Lawma chuan min lo nuih vur vur a, Zorema a tih el vang lam ni lo in a mizia ve hrim hrim tih hre mah i la pakhat zawk a men rum em vang chuan ka nui ve ngam teuh lo.




" Rin ai i rawn chhuak rang, kan kal dawn a mi? " A bike a thu rem sauh chuan a ti zui nghal. Sir lam a Zorema ding chu ka melh zeuh a, a mit meng thim khup leh dur deuh khup chuan min melh ngur a, a thinrim zia lah a bek ruh pawng tawlh tawlh atang chuan a lang chiang ngang bawk.



" Zonun... " Lawman min koh leh takah chuan Zorema ka enna atang chuan a lam chu ka hawi phei a. Bike a thu run in a helmet chu a hma zawnah chuan a nghat a, a khawng ri keuh keuh bawk. " Aw... " Ka ti a ka chet rual chuan " Chuang miah suh. " Seh chilh nawk a ti ri vang chuan ka tawp chiang teh e. Zorema chu ka en leh vat a, chu mi rualin Lawma chu a thaw chhuak hawk a, " Enge i buaina? " Tih leh bike atanga rawn chhuk in ka bulah chuan a rawn ding a. Zorema erawh in min melhna atanga hawi sawn in Lawma chu a en a, ngeiawm lam lek lek hian a nuih suk thung.




" Buaina ka nei lo, ka bialnu hi mipa dangin an phurh chhuah ka rem ti lo, chu zawng chu. " A ti duh lek a. A mit meng a rum ngaihtuah in a aw chu a pangai viau leh nghal. Chu chuan mak min tih tir daih thung. " Bialnu... " Lawma lah chuan ngeiawm tawk lek chuan a ti sup a, a nui lui kher leh nghal. " I bialnu hi kei pawh in ka duh ve tho tih i hriat ka ring. Chuan chhuahpui theihna chance hi bawh pelh ka tum miah lo. " Nui chung deuh hian a sawi a, a tawng dan ngeiawm leh nghal lutuk vang chuan " Heyy... I mawl a mi? " Tih leh a kawr hmawr a pawh ka rual a. Min rawn melh in mit hmul min kan khum duh lek leh nghal. A nghal thin zia ka lo theihnghilh hman tawh a ni.



Zorema ka va en leh chu Lawma kawr hmawr ka pawhna chu a lo melh ngur a, rang zet a ka kut lak let la tum rual chuan Lawma chuan min rawn kai zui hmak a. Meng phawk hra in ka kut pawh let ka tum chu a vuan nghet zual sauh bawk si. " A kut kha thlah rawh. " Chang zet a ti tu vang chuan ka la phu chiam zui. Zorema ka en chuan a mit chu a sen rum a, Lawma chu kut a rawn thlak hmasa mai ang tih ka hlau bawk nen ka kut pawh let tum pah chuan Lawma chu ka en leh a. A ni lah chuan Zorema chu a ve lo ang hmak a ngaiin kei mah chu min en daih thung.



Tawng ka tum lai tak in min rawn sawi khalh a " Ngaihzawng i nei tih hre mah i la ka duhna che hi an bo thei chuang si lo. Kan hma a mi nen hian min kawp mai la. " Nui chung a a tih rual in Zorema chuan Lawma kawr awmah a rawn thawm zui chawt a. Engtik laiin a rawn pen hnai ka hre hman lo hrim hrim.



" Tun chiah ka sawi leh ang, thlah rawh. " Hnai set sawtah chuan a ti khur khur a. " Duh lo ta i la min hnek dawn tihna maw?" Lawma lah chuan ngaihsan zet in a lo ti let ve bawk. ' heii... Enge maw in hriat leh in thlah teh u. Zorema thlah rawh chuan nang pawh ka kut hi thlah teh. " Ka lo ti ve nang in ka tawng chu hria ang pawn an awm lo. Khaw en lai leh nghal in buaina lian zawk a chhuah ka hlau tak zet.




" Kei pawn a mah a I hmuh thin hahdamna kha a lakah hian ka hmu ve tlat a, ka thlah phal bik i ring em ni? " Lawma a tih leh rual in Zorema ban rawn vai fua chu ka hmu a thil ri chawrh in a zui nghal. Kei pawh chu ka pai ve nawk a mahse ka banrekah min rawn vuan leh hman a, ka en nak chuan Zorema zawk in min lo vuan tawh chu niin. Lawma ka en chuan a kamsir thi deuh chu khawih in a nui suk leh nghal. Chu chu Zorema huat tawk a tling nge pan leh tum a a chet hrut rual in ka kut leh lam chuan ka pawt bet zui vat a.




" A tawk, tun ang hunah buaina siam suh u. Lawma kal mai rawh . " I kal na tur ah ka va dah phawt ang che. " Zorema melh leh kher a a tih chuan Zorsanga chu a in seh ruh nasa hle tih a ban ka vawn miau vang in ka hre thei. " Ka hmeichhia a ni a nang a buaipui a ngai lo e. I rawn hnaih leh a nih chuan ka in sum tawh hauh lo ang. " Zorema chuan a ti hrawih a kei pawh chu thil ti sual ang mai ka lo ding tum chawih chawih ringawt. Lawma lah chuan ngeiawm tawk lek in a ner khum sawk a. Min rawn en leh in kal tur a ka duh zia a hre thiam a ni mahna, " Nakinah ka rawn bia ang che. " La ti hram in a bike a thu in a ti nung a tlan chhuak zui vut chu thaw hak in ka en ta tawp.



Inentir tur a kal ka ngaih vang in ka tlai zo vek bawk nen Zorema ka vawnna chu ka thlah a, kal mai la tum chu hnung lam atang in ka bag hruiah a rawn pawt a, ka ding chut a bag ahna zawn thla chu an thip nghal vawt vawt mai. " Engmah sawi lo in khaw nge kal i tum? kha pa kha zui hram i tum a ni lo maw? " Huatthla la zet a a tih chuan a lam chu ka hawi a ka melh nghal nghek.



" Nang ang turah min ngai suh. Nang pawn Terini in dawr a I thawh tir dawn khan i sawi bik em? " Ka ti let ve kher a. Ka bag hrui a vawn chu pawh let ka tum a a la hum nghet sauh sauh leh nghal. Ka pawh mat viau chuan dar bah hrui sin chi a ni bawk nen a chah mai ka hlau si rum zet chuan ka melh leh ringawt thin.




" Kha mi chhung chang kha min sawi fel tir phawt teh. Ka thu in ka ban ngawt thei lo tih hi hriatthiam tum teh. " Ti hlukin pik hmel lutuk chuan a thaw leh hawlh a. Tun a kan awm dan chu min lo hmu tu tan chuan kan nuih zatthlak viau in ka ring. A mah a lian in a sang si, kei lah a awm zawnah ka thaw ve tawk tawk a, chuti chung chuan mipa naupang a nu leng tur ngen te pawh a ang a lawm le. Mahse a thu sawi avang erawh in ka nuih a za miah lo thung.




" Nang ai Terini chu a thu zawk a nih dawn chu. A neitu pawh in a ban thei loh khawp a hnathawk zawk in thu a nei a, a duh hunah chauh a ban theih thu sawi i tum chu a ni em lo maw? " Ka ti let sak a. Ka thin chu a rim zual ngawih ngawih bawk.




" A kawi zawng ringawt hian ngaihtuah lo teh, a chhan ka sawi dawn a lawm. " A tih rual chuan " Chhuan lam ka ngaithla peih lo. Ka duh chu i hria a, i ti thei lo a nih chu kei min kal san in a bulah chuan kal zawk mai rawh. " Ti let nghek in ka bag chu ka pawt thawt a, ka hlauh ang ngei ngei in a hrui chu a chat a chhuatah chuan a tla thla zui hnawk. " I va sual ve ti nge i pawh chhah kher a? " Kei mah pawh zawk ni mahse ka ti khum leh tuar.




" I chhuan lam siam tum kha ka hriat loh i ring a mi? Ka tawn hnu vek an nih kha. Chuvang chuan Terini a a chuan kei ka bo ang, kei ka awm i duh chuan Terini i hlatah dah rawh." Ti nghek in ka bag chu ka chhar a, taxi lo tlan chu phar in ka luh san hmak a. A lan theih thleng Zorema chu front glass atang chuan ka en a. Ka nu leh pa te hnung a rawn dawl zel hi a ni ringawt. Ka chhungte pawn a lainatna leh khawngaihna chhuan lam in an hnaihah an dah a, kei min hlat tulh tulh a nih kha. Kha tiang ang chiah kha Zorema pawh hi a ni tan tih ka hria a, ka chhungte pawn kan fanu i nia kan hmangaihna che a tlem phah lo ti reng chung in ka chungah kha tiang khan an khawsa a. Tunah Zorema pawn ka thlang zawk che ti reng chung siin Terini a hlat duh chuang si lo. Engtin nge thil thleng tur hre lawk a hahdam tak a ka lo awm thei ang ni.




Damdawiin ka thleng a, doctor ka hmuh hma in nimin a ka thisen test result leh result dang lam tur ka neih ang ang chu ka lam hmasa a. Doctor ka hmuh chuan ka lo TB lo hlauh a. Naktuk sunday a nih vang in monday ah ka chuap a tui tling chu siak chhuah tur in a ti a. Damdawi min chawh belh leh in ka haw thei chu a ni mai a. A la hma bawk a tiin Siami ka bia a, a u dawrah a awm thu a sawi chuan bazarah ka awm ve tho bawk a tiin ka kal ve nghal.




An dawr ka thleng chu a u chuan min lo ne hlut a. Kan in hmuh khat thu leh ka tlawh khat thu sawiin a vui ve niah niah a. Nih pawh a ni reng a. A hma kha chuan school ban hma ni a piang in kan lut kawi kha a nia. College kan kal a Siami nen kan in hmuh khat takah chuan ka lo tlawh khat ve ta em bawk a. Ni leng deuh thaw in kan awm a. Customer a neih in kan lo pui ve a. Siamsiami nen MA kan zawm leh tur vel chu min sawi pui duah a. Kan ti ti tui ta phian a tum aiin ka haw tlai leh nghal.




In ka thlen meuh chuan zanriah kan ei zui nghal a. Chu pawh ka haw tlai vangin kan ei tlai viau leh nghal. Ka nu leh pa te lah chuan leng tur chiah a chhuakah min ngai bawk a, kei pawn ka in entir chungchang sawi ka tum lo. Monday ah ka chuap a tui tling kan siak chhuak a nga, chutiang a lo serious lutuk a la ni lo bawk a damdawi ka ei chuan ka dam mai la ring bawk nen, tunlai kan chhungkaw boruak nen damloh thu lo sawi vel kha ka duh lo. Ka nu leh pa an hlauthawng leh a nga, an lakah ka la lawm chiah lo bawk nen min buaipui leh vak kha ka duh lo.



Thleng ka sil laiin door bell a rawn ri a. Zorema bak a nih ka rin loh vang chuan hawn pawh tum lo in ka thleng sil ka sil zawm mawlh mawlh a. Ka nu in a hawng ta a niang, in chhung lamah pen thawm ka hre zawm a. Hman hmawh chuang miah lo in ka la sil mial mial tho. Mahse sitting room ka va phei chu Zorema hmel aiah Lawma hmel zawk ka hmu chu min ti hamhaih lek lek mai.



Min hmu chu min lo nuih suk a mahse ka ngei deuh tkat tukin zing vang khan. Ka pa hian Lawma hi ka nuam a tiin a fak ve riau a. A hma a a rawn luh ve zuk zuk lai phei kha chuan min fiam nan hian a hmang ve thin. Mahse an rin loh lamah Zorema nen kan in ka thu an hre ta kha a nia. Fiamthu leh thu tak in pawlh a han in bial hi an chiang ve riau a.




Tunah pawh kei aiin ka pa nen an in be nasa leh tawh zawk. TV ah UFC en in an pahnih chuan an in be char char a. A khat tawk in zir na lam an sawi ve leh zauh a. Ka nu nen erawh kan lo thu ve reng ringawt a. Ka phone ka khawih San daih vang in an sawi tam tak pawh ka hre ve lem lo. A hming a in leng neih ve ta chu zan dang anga room a in khung nghal kha a tih chi bawk si loh.




" Tukin zing vang khan i la lawm vak na nge? " Ti a ka bul a rawn thu an awm chuan ka phu zawk a ka hawi chhuak vat. Lawma chu a rawn in sawn chu niin. Ka nu leh pa thutna ka en chuan a lo ruak vek tawh. " An mu tawh. " Ka ngaihtuahna hria ang hrim in a rawn ti zawm nghal a. Min ti ham haih let ling zawk.





" Min hrilh ve tal tur a nia. " Ka tih chuan min nuih suk a ka melh ve vat. " An sawi kha i hre lo mai mai a niang. " A lo ti leh a. Kan thian ho group ah ka lo tawng nasa lutuk ang engmah ka hre lo tak tak. Vawin a Siamsiami nen kan in hmuh vel kan sawi a. Opi naktukah chawhma inkhawm banah ka lo leng ang a rawn ti ve thung leh nghal. Diki erawh a rawn hman dawn lo thung.




" Enge i ngaihtuah leh? " Ti a ka hma zawn a kut rawn vai tu vang chuan ka harh chhuak leh zawk. Ka lu chu ka thing nak ringawt.



" Chuan vawin chu in sawi fell thei ta em? " Tiin a nui deuh suk a kei erawh ka ner nasa ngang mai. " I nghal tih hi chu ka hre ve mahse tukin zing kha chu i ti ve mah mah a ni. " Ka ti nghal. Lawmkima erawh a ner zeuh duh lek .



" Ka hria lawm chuvang a lawm rawn sawi fel tur a ka lo kal. Kar tharah class kan tan tawh dawn a, kan kal na a lo in ang leh dawn bawk nen in hmuh thiam loh kha ka duh dawn miah lo a nia. " A ti let ta daih zawk chu sawi tur min ti hre lo. Kei ma sawi tur awm zawkah ka ngai hial mai.




" Nimin a i a dan leh a call i lak duh loh vel ka hriat vang khan nizanah Opi ka va bia a. " Ka ngawih reng vang nge a rawn ti a ka en nghal vat. " In in khar a tha chiah lo tih leh Zoreman hmeichhe dang buaipui deuh a nei tih a sawi khan ka awi chiah lo kha a nia. Mahse i awm dan ka ngaihtuah khan ka ring leh deuh a. Tukin zing kha a rem ta bawk nen nang hi hmeichhe special tak i ni a, hmeichhe dang nen a play kual mai mai a tan i uih awm tih kan hmuh tir hlak a nih kha.




A hmeichhe buaipui pakhat zawk chu tu nge tih hre lo mah i la kei chuan chu nu ai chuan i tha tih ka hre chiang a. Zorema khan a bialnu hi a duat a a enkawl viau loh che chuan midang duh tu i nei ve a ni tih leh i single hun nghak ka awm reng a ni tih kha hriat tir ka tum vangin ka che over ta deuh a nih kha. " A rawn ti ta duah a. A nih chuan awm ze nei ran in Zorema kha tih thinrim a tum tihna a nia, chu pawh ka tan.




A hmel chu ka en vang vang a, a kamsir pawh kha a pem tih ka hmu thei. Kei chuan an lo in mil loh sa vang in Zorema kha tih thinrim a tum hrim hrim a ka lo ngai kha a nia. " I ti der tih ka hre si lo a ka hlauhthawn hman zia kha. Hnek i tuar leh nghal a. " Ka ti sep a. Min en in a nui leh mai a, a hmui sir pilh chu a khawih ve zeuh.



" A thil neih hlut zia hi hriat fiah tir a ngai a lawm. Hmeichhe dang nen a kawp mai mai chi i ni lo tih hi a hriatfiah a ngai. Tukin khan min zui leh chiah la ka ti rilru khawp a. Mahse a mah kha i thlang ta zawk sia. " Za lo deuh a nui chuan a ti leh a ka then ve sak ringawt.



" Ka ngei hman zia che kha aw. Zorema kha ni la, kei khan zui daih ta che i la a tan a tlawm thlak mai bakah a zahthlak dawn tih la hria lawm. Chutiang a awm tir chu ka duh lo. " Ka ti ve sep. Ka sawi dik reng bawk, kan in tih thiam lo ngei a mahse mipa dang lak a tih thik kual ka duh lo. Tunah hian la in rem chiah lo mah i la a ma ta chiah ka ni a, ka tan a a chhun a ni tih hi chiang se ka duh.




" I ngaihtuah hle mai. " Titu chu en in ka nui ve seih. " Mahse kei pawn ka duh che ka tih kha chu dawt a ni lo a nia. Ka la duh reng bawk che. Mahse chuvang chuan i nun rawn tih buai erawh ka tum lo a nia. Kei aiin Zorema i thlang miau a, sawi buai thei ka ni lo. I thuan tha tak leh veng him tu che ang a i bul a awm hi ka la duh tho. Ka sawi ang khan ka ti lui thei lo che a mahse in lo in then palh a nih chuan chu chance chu bawh pelh ka tum bik dawn lo. " A ti nghet ve churh.




" Kan inthen hun maw... " Tiin ka ngawi vang vang a. Zorema then tur hian ka in ruat phal miah lo. A hma khan inthen kha ka sawi ve ringawt a mahse ka thinlung erawh in a pawm ve chuang lo. Zorema pawn eng atan mah a ngai lo tih ka hria a kha kha chu sawi lo angah ka lo in ngai ti tih tawh kha a nia. Mahse hetiang reng kan nih chuan kan in then tak tak ang tih ka hlau thar ta riau leh nghal. Chutih rual in ka ngaihdan sawh sawn chu hreh tak te in ka hre ve bawk si.




" I ngaihtuahna min kawm san daih zel a, min ning tawh ni in a lang riau. " A tih chuan ka inthiam lo ang reng . Kei mah vang in a lo leng a mumal pawn ka be lo chu a nia. " Ka ning lo che a nia aw. " Ka tih ta ringawt chu a nui chhuak hawk mai.




" A tlai tawh hrim hrim, kan haw phei a nge. Kar tharah chuan University lamah kan in hmu tawh dawn nia. Ka lakah i thinrim tawh lo bawk a. " Tiin a ding a kei pawh chu ka ding zui ve vat.



In atang chuan kan in zui chhuak a. Zorema chan ka hlauhna chu a zual tulh tulh a. Hmeichhe dang ta ni tur in ka phal miah lo, a bik in Terini nen ngat phei chuan an in kawp ka phal lo. Mahse kei in hetiang rilru ka put laiin Zorema erawh in Terini a hnaih luih tlat chuan a bulah ka hlim theih la ring chuang bawk si lo. Ka rilru chu a in sual buai tulh tulh tawh mai.




" Kha... Tunah pawh ka zawhna hre lo lekin i awm leh tawh a nia. " Lawm lo aw tak a a rawn tih chuan ka melh nghal haw. " Enge.... Engmaw min zawh? " Ka ti leh hu ringawt a a chek hluk mai.




" Vawin damdawiin lamah chuan engtin nge an lo tih che ka ti a nih chu. " A kut tang a ka chal rawn tauh dat datin a tih chuan a kut ka lo vai per a ka chal chu ka thai zui vat.




" Test result vel kha ka lam a. A tha vek an tia. Mondayah tui tling hi siak chhuah a ngai bawk a. " Ka ti tha ve mai a. Kan gate kan pelh tawh vang in ka ding a. Ka hmaah ka lam hawiin a rawn ding ve bawk. " Chu moday chu class i kal thei lo nghal dawn ringawt a maw? " a tih leh chuan lu ka bu nghat. " Ka kal pui i duh em? " Thu tak deuh a a tih leh chuan nui chung in lu ka thing leh a.




" Ti nge? Ngai dik lo tu an awm leh i hlau a mi? " Ka hmai zawnah rawn kun hniam in a ti sup kei erawh Zorema a sawi chhan tih hria in ka ner nang.



" Hlau ve bawk e. Chuvang chuan kan inah pawh lo leng tawh suh. " Tiin ka fiam let a, a hmel chu a tum nghal bur mai. " Teuh lo, tun atang phei chuan ka rawn lang ngun viau ang. " Tiin ka biang a rawn piai vak a. Keiin ben thlak ka lo tum bawk a, a thlah duh mai lo nen zai rei tawh nen thawm chhuah rin hlau chuan kan in sual ti tih ta ringawt.




Mahse enge thleng hi hnung lam atang Lawma chu tu emaw hian rawn pawt her sawkin a hnek zui chawrh a, kei pawh chu ka lo rak that. A hnektu chu tu dang ni lo in Zoremsanga a nih chu.




" Ka sawi chiang viau a ni lawm ni? " Tiin Lawma rawn ding tha chu a hnek zui leh siah siah a. Vawi tam tak hnek in lei a tluk hnu pawh a a la thut chilh miah miah takah chuan hlauthawng lutuk in ka pan phei a. College kan luh tirh week lai a an in sual kha ka mitthla let uar uar thei.




" Zorem... A tawk. Duh tawh teh. " Tiin va pawh sawn ka tum chu a tha a chal bawk nen engah mah min ngai lo. Hnung lam atang chuan a taksa chu ka pawm bet ta ringawt a. " A tawk, i ti hlum thei tak ngial dawn! " Ka ti ta tiau, Lawma lah in a khawih let hman lo nge a khawih let ve duh lo pawh ka hre lo a dawh mawl tawp bawk si. A duh chuan a tal sawn in a khawih leh thei tih ka hria. Kei a pawm beh te chu eng tham a ni tlat lo a. Mahse a tawp ve ta hram a. A thaw zui hrawih hrawih chung pawh chuan ka la pawm bet reng a. A rim atang chuan zu a in leh tih ka hre zui bawk.




Thawk leh khatah a rawn tal thut a, ka kuahna pawh chu a phelh nghal hmak. Rawn ding chhuak in ka lam chu a rawn hawi a. A mit meng chu a sen in a thim khup a. Min melh rum ngang bawk.




" Nang hi..... Eng thil sual fako nge ka tih a, he tiang a min hrem. Ka lakah i lawm lo tih hria in ka hre thiam zel che a mahse mipa dang hmang a min tih thinrim i tum erawh chuan ka en liam mai mai che ring suh. " A ti chang fak a. A tawp lam a vin lutuk chu ka lo ip chawi thei.




" Ka sawi a ni lawm ni, nang chiah ka en che a nang chiah ka hmangaih che tih. Nang hian... Nang hian min lo ring miah lo zawk a nih hi. " Rilru nat hmel zet a thaw hrawk hrawk chuan a ti a. Kal sawn a tum chu a banah ka vuan hman hram. " Zorem..." Tiin inbiak ka duh thu sawi ka tum a. Mahse min rawn melh in ka kut chu a thing thla hlawk a, " Tunah rih chuan biak che hi ka chak bik hlawl lo. Nang hian I kal thui mah mah tawh." Ti nghutin kan sir mai a a bike lo in hung chuan a tlan chhuak nghal vut chu mit khap lek lo in ka en zui tawp.


Kei hian ka ti mah mah tawh em ni min hrilh teh u!

Thui pangai bawk a cmt ah in hmu leh ang u aw. In cmt that dan a zir in naktuk zanah sunday bonus dah kan tum ang. 💞💞 muttui suk2 u.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:52 pm

Miracle Love 💞 by Amy Cck



Chapter - 29




" A kut thlak hi chu a na ve maw le? " Ka bul a rawn din pah a titu vang chuan ka mittui rawn chhuah tum chu ka khap per sak sak a. Lawma ka en takah chuan thawk ka la zui vak ringawt. " Lo in dang ve eih ta che? " Ka ti hap chu a hmui khawih zeuh in a ner nawk a min chhang lo a sir lam a hawi ta daih chu ka khawngaih leh hnu hnawh.




" Lo hawi teh ka lo en che. " Tiin ka lam hawi tur chuan ka pawt her a. Kan veranda eng in a chhun theih tur zawng chuan ka din tir a. Mahse mipa te chhe zawk zawk a ni bik lo nen ka hmu tha thei lo leh nghal.



" Lo kun teh ka hmu thei lo. " Ka ti leh chuan min la nuih ang suk a. Zan rei lam a ni a kan awmna a eng vak lo bawk nen chuvang a hmu thei lo chu ka ni deuh bawk.



" Ka tha. " In la pa fahran a tiin kun pawh rawn kun lo chuan a la hawi sang ang veh vuah a. Kei lah chuan ka lo ngaih theih loh zawng tak a ni bawk nen. " Ka en chiang duh a lawm le, vat in. " Ka ti hlak chu min rawn melh chhuk zawk in thawk a la ve hawlh a.




" Nih leh. " Ti hluk in a rawn kun hniam a. A mit ko leh hmui sir chu a thi ser ser a. Tukin a a hnek pilh sakna ngai bawk kha a hnek nawn sak leh tih ka hmuh chuan ka ner sak. " I na em? Lo in dang ve deuh la tha tur. " Si deuh hlak chuan ka ti a, a thil hmel hi ka ti ngawih ngawih.




" Ka in dang a nih chuan ka khawih let ve a ni mai dawn sia. Ka khawih let chuan min huat phah ka hlau a lawm. " Ti tu chu â ti zet chuan ka melh tawp. " Ka sawi dik lo a mi? " Ka tawng ve lawk loh vang chuan a ti leh a ka hrawk ka thian kharh phawt a. " Khawih let rawh ka ti hlei nem lo in dang ve deuh la ka ti mai a lawm. " Ka tih bah deuh nak chu nui suk in a ding ngil leh a. Zorema a khawih let ve erawh ka phal mai lo chu ka in thlahrung ang reng. Engmah tih sual nei miah lo in kut a rawn thlak hmasa zawk leh nghal a.




" A pawi lo inthiam lo vak duh suh! " Tiin ka sam chu a rawn tuai zeuh a a kut chu ka lo vai thla leh vat. " A ni ang em kha chuan min ngaihtuah lo mahse tlem te chuan min ngaihtuah ve tih hriat chu a nuam dangdai riau. A hma a kan insual kha chuan ka hliam chu sawi lo melh pawh min melh ve lo kha a nia. " Titu chu ka en chho vat a, a nuih leh rual chuan a khabe chu a dawm leh a. Pem chu pem lo mahse a khabe ruh pawh a na tel tih a hriat.



" Kha tih lai kha chu ka hmelma i nia tunah chuan ka thian. " Tiin ka nui sak a. A la lawm hmel vur vur viau leh nghal. Tlangval pui tawh si hi a lawmna hi a ho ve thei ngawt mai. Kan han in hriat chian deuh takah chuan rilru sual pu chi niin ka hre lo. Zorema nen pawh an mizia a in ang dawn dawn mai.



" Ihh... I duh chuan lo lut leh la, i pem kha damdawi te kan hnaih leh a nga. " Ka tih chuan lu a thing ve nghut. " I pa te an lo tho leh palh ang . Mark that ve tawh nen tiang a min hmuh hi ka duh lo. " A ti ve nghut. A hmel thu tak ve lutuk chu ka nuih pui hak a. " Ka pa chu i hlau viau a ni maw? " Lawm loh hmel lutuk a min en tu chu nui chungin ka bia a. " Ka la rawn leng zel duh dawn sia tih thinrim ka hlau riau. Chuan tiang hian nui reng thin rawh. I nui hmel hmuh hi a hahdam thlak bik. " A tih leh chuan ka nui tawp hmak.




" Sual ve reuh sia. Ka kal dawn nang pawh lut rawh. Chuan kha pa nen khan in sawi fel vat ru, in in sawi fel loh pawn in then fel vat ru min ti lak lawh. " Fiamthu deuh a a tih chuan ben tum in ka kut ka lek a, a lo awm sawn zui vat leh nghal. Tawngkam han in sum vak lah hi a nei der si lo a. A mil lo tu tan chuan a ngeiawm ve bawk em a ni. Kei pawh hiin rawn nel phet tum lo se chuan ka la mil vak pawn ka ring bik lo.



In lamah ka let a kawngka ka hawn rual in bike tlan chhuak thawm ka hre nghal a. Hawi pawh hawi let tawh lo chuan inah ka lut zui a. Ka pa an room atang a rawn chhuak a Lawma haw na rei leh rei lo te min zawh hnu in mu tur in kan room ve ve lam kan pan a. Ka room ka lut mut tum in ka in tin tuah ngial a ka ngaihtuahnaah Zoremsanga a rawn lang zel a ka muhil leh thei lo. A thu sawi ka ngaihtuah let phei chuan ka tih ve ta mah mah a in hriatna ka nei ta hial a. Mahse ka chapo na thenkhat hian min dang leh thin.




Zing ka thawh chuan a lo hma vak tawh lo. Zingkar a min rawn phone a min rawn kai tho thintu a reh hmak vang pawh a ni mahna. Ka phone chu en in ka mi beisei ruk message leh call tak ngial pawh ka hmuh loh vang chuan ka hnual nghal rawih mai.



Inhnuaiah ka chhuk a ka nu leh pa pawh an lo tho leh daih tawh. Nu leh pa thawh hria leh harhvang em em ka neih lai hian ti nge maw ka chhun lo em em mai le ka in ti hial. Chhung inkhawm hmang in chaw te kan ei a. Ka awm lam nuam chiah lo mahse ka nu leh pa ngaih tih that loh ka duh loh vang in inkhawm tur in ka in siam a. Kan chhungkua in biakin lam pan in kan kal a. Biakin pawnah U Duati leh Zorema ka nghal deuh ren rawn a. An rawn thlen mai loh vang chuan ka luh san ta ngawt.




Kan tlar a ka thut hnu rei lo teah u Duati chu a rawn thleng ve a. Chu ve leh mipa lam thutna ka melh phei nghal vat a. Zorema erawh ka hmu mai lo, a thutna pawh a la ruak vek a, u Duati hnenah an rawn kal rual lo a mi tih zawh ka tum chu a lo la tawngtai vang in ka la zawt lawk thei lo zui.



A tawngtai chhung ringawt pawh chu rei ka ti tawh, a tawngtai zo a rawn men rual chuan " I va tlai ve tu rualin nge i lo kal. " Ka ti nghal vat. U Duati lah chu a lawm loh hmel ngang mai. " U Mama rual in maw le ka in khawm lo tep a ni. " A ti zui hlak. " Ngati nge Zorema? " Ka in sum hman lo chuan ka zawt leh a. " Zoremsanga vang a lawm ka tlai vek. Ka ngei a nia. Var dawnah rui chungin a rawn haw a, an insual leh nge ni pem te a nei nual leh nghal. Zingah ka nu leh pa in an hau rei lutuk a. " A ti zui hlak. In thenawm kan nih bakah kan lo in nel bawk nen a thup peih lem lo a niang.




" An in sual maw? " Ka ti sep. " Ni ang chu, a fel ve tan tawh kan tia kan lo lawm em em a, aa... Ka ngei hi a ni tawp sawi tawh lo ang. Biakin leh zel a thinrimna sawi chu a. " Tiin a nui leh sak a. Kei pawh chu the ve sak mah i la ka rilru chu a nuam lo kher mai.



Inkhawm chhung zawng pawh chuan ka rilru chu ka kawm tluan parh a. Banah u Duati nen kan haw dun a, chawnhnu ka i kawm dawn em tih min zawh chuan Opi a rawn leng dawn a khawm lo mai ang tiin ka chhang a. " Lo kawi la i thianpa chu rawn hau ve la ka ti a sin aw. I thu hi chu tum bur bur hian a aqi ve leh tlat zel a." A tih chuan ka rilru in tu nahi chuan min haw rih lutuk ka lo ti thung.



" Rilru hahna deuh a nei a niang. " Chuan loh aiah ka ti ve ringawt. Kei mah vang a nih erawh ka ring nghet bur thung . " Nia, kei pawn la ring a lawm. Terini nen hian an in kawp ta tak tak a maw ni ka ti hial a. A mize in thlak thut khan , hmanniah ka nu bulah Terini dawr atanga chawlh tir tur in a ti ringawt pek a. An in ti thiam lo Terini chung a lawm lo a nih ka ring. Ka nu pawh in a hau zui hrep a lawm. Naupang chhia ang mai a an ni in tih thiam loh vang a Terini han ban vel kha a rem ti si lo a. " A tih chuan ka kal chu ka ding chawt.




" Terini ban tur in Zoreman a ti maw? ' ka tih chuan u Duati pawh in ding meuh chuan min en a. Nuam lo ti hmel a pu ve deuh in ka hria. " Umm.... I unaunu ni mahsw lo huat pui suh aw. Zorema pawh I thianpa ve tho a nia. A ni chuan a rilru a lang ang ang hi a ti leh ringawt zel a. A puitlin loh zia chu I hriat chian kha. An ni inngaizawng thu buai vel a a hna thleng han chan tir chu kei pawh ka rem ti lo hrim hrim a nia, terini chu a bang lo ang. " Tiin min nuih a. Kan rilru in perh san lutuk chu sawi fel ngaihna pawh ka hre lo zawk.




" Terini pawh a khawngaihthlak awm ve a. A fahrah reuh bawk nen inhrangte a chang ve a sum lamah a harsa dawn sa a. A hma a kan dawrah a lo thawh sil tawh vang khan ka nu a lo dil a, ka nu pawn a duh cheh chen a thawk thei ang a ti vek tawh a. Kan Zoluliana rui lungluam thu sawi vang mai mai chuan kan ban teuh lo. " A tih phei chuan Zoreman thiam lohna a nei lo tih ka hrefiah kuar kuar mai. Nu Ruati berin a chhawr miau chuan Zorema chuan a ban thei tawp lo ang. Chu chu em ni ngaithla tur a min tih kha.




" Zorema chu a awm a mi?" U Duati chu ka en a kan in kan thlen dawn vang in kan ding zui dat. " A muhil ang ka ring tunah chuan. I thiannu a lo leng dawn i ti sia nakinah tlai lamah rei deuh rawn leng thei tur in lo phei la, Zorema pawh chu rawn hmu la rawn hau ve rawh aw. " Tiin min la sawn zui hram.



" Tak a I u hi enge a an? A chhuk atang kan la in be miah lo a. Zu biak ka in thlahrunh ting tang sia. " A tih chuan a dam that thu chu ka sawi ve mai a. Ka u a chhuk hma khan an in then a ni awm a. An in kawp rei lo viau nan an in mil viau tih erawh ka hre ve a. Ka u in kei mah vang in a then a ni tih ka hai lo. Chuvang chuan u Duati lakah pawh hian ka in thiam lo ru viau a mahse ka u in nangmah vang a ni lo ka hnaah in sawr bing ka duh vang tiin min hrilh ve tlat thung.



In ka thleng a ka in thlak fel a, Opi pawh inkhawm ban veleh a rawn phei a. A u in a raw dah zuai a, a rawn thleng hma khawp leh nghal. Ka nu leh pa awm chhung chu sitting room kan thu ve a, chawhnu inkhawm tur a an kal hnu in ka roomah kan chho ta daih thung.




" Ti nge Lawma kha i lo hrilh a? " Ka tih chuan min nui tlawn nghal ringawt. " Sorry mahse min rawn zawt ngen ngawl lutuk a. Mahse Terini hming ka sawi lang miah lo a nia. Hmeichhe dang a ngaihsak deuh a tih chiah ka sawi. " A rawn ti nghal vat a. Ka hauh hlau in a in sawt thiam nghal tih lah ka chiang.




" Nimin chu an in sual teuh zia aw. A buaithlak tunlai ka awm dan hi khawvel hi ka ning tlat. " Ka ti ta thlawt chu min khawngaih hmel ve reuh lutuk. " Terini chu a la bang ta lo fo a mi? " A ti zawm a ka bu nghat. Thil a hre tam tawh bawk nen a ban theih loh chhan te chu ka hrilh ve a, a tir a Zorema a huat ve na pawh a ti reh ve a ni chek ang chu min en vang vang a.




" Kei chu tian ka ngaihtuah a, i tan lam hi chu dik ka ti tho a mahse chutia Terini ban thuah Zoreman tih theih a neih loh chuan huat reng hi tul pawh ka ti tawh lo. Rinhlupuii tan lawmna i siam mai mai. A tum chu nang pawn i hriat chian kha tunah pawh Zorema nen in in karah khi a siam tawh chu a nih ber hi. In in tih thiam loh rei pauh leh a lo lawm ting zawk ang. Chuvang chuan Zorema nen tal hi chuan in sawi fel u la ka ti. Duh leh an dawrah chuan lo thawk sawm sarih pawh ni se Zorema chuan nang bak duh a nei lo tih hi ka chiang ve a nia. Sawtiang Rinhluipuii te ang chu a type an ni lo. " A ti zui hlak hlak a. Kei pawh chuan Zorema chu biak ka tum rilru ve ta deuh.




" Nang hi chu i khawngaihthlakawm viau na in a chang chuan ka thik lek lek ve tho che. " A rawn ti ta daih chu ka ner khum sak. Tun din hmunah chuan ka nun hi a awhawm loh ber in ka hre tawh. Ka rilru te hi a kal sual in mahni hma bak ka sial tawh lo ten ka in hre hial mai.




" Ka mipa duh ve ho hian an duh zawk zel che a. " A tih chuan ka melh phawk hra. " Tu nge min duh Zorema te chu i duh tawh lo a ni lawm ni? " Ka ti vat.



" Nang kher a bialnu ni lo la chuan ka suh lo ngawt chhan tur a awm lo. Mahse ka thianu bialpa ngaihmelh tur khawp a hniam ka ni bik lo a. Tunah Lawmsakhia ve lah hi.... A duh che tih hi ka hai reng reng lo. " A tih chuan min thawng lutuk a sawi mai tur pawh ka hre lo.



" Heii... Lawma hi i duh a mi a? " Ka tih chu thaw hak in lu a bu zui nghat. " Enge i awm zia i ngei theih em kha. A hma te khan i u te nen pawh an in mil lo a ni la ni? " ka ti ta duah.




" Khang te chu hun liam tawh vek a lawm. Tunah chuan ka u te inah a rawn lang ve zauh zel a kan in nel tawh tih pawh i hriat vek kha. " A rawn ti hlar mai. Opi hi chu Diki leh Siami ang lo tak in a tawng ve mai mai ngai lo a. Chuvang a niang ka lo hriat loh.




" Mahse i duh ber kher chu a lawm mak ka tih. " Ka ti leh ringawt. " Ti nge that lohna a nei a mi? Rin ai a lo fel phian a a ni lah hian ka u leh a cousin an in neih vang kha nge min farnu chei deuh tlat leh nghal. Ka ning a. " A tih chuan ka nuih a za reuh a mahse ka nuih ngam teuh lo. A sin hmun hi ka hre thiam lutuk tlat.



Mahse nang chu Hruaizela nen hian in in hmeh ka ti daih zawk. " Ka lo ti chu min melh tum nasa mai. Zorema te thianpa Hruaizela khan a duh ve sia Opi lah hian a duh bawk si lo.




" Mipa mize cool lutuk chu ka ngaina lo. " A ti mauh mai. Dikin cool deuh a duh a, a star kum hlun Zorina ang hi. Opi erawh a ni leh ta miah lo chu a nia.



Tlaiah kan veng taxistand thleng ka va thlah a. Ka let leh tur leh Zorema bike a rawn tlan nen kan in tawk a, mahse min hmu ang pawn a awm lo. Min tlan pel fua ringawt a. An inah luh kawi ka tum a nia a mah ber a chhuak ka hmuh takah chuan ka lut kawi leh ta lo.



Zanah ka nu rual in ka in khawm leh a, kan haw pawh chuan Zorema chu a la haw lo tih hriat tak hian a bike hunna a lo ruak huai a. Ka room atang a lo haw hun ka nghal deuh ren rawn a mahse ka nghak chhuak zo chuang lo.



*


Vawin university kan tan ni a ni bawk a ka nu in min rawn kai tho hma khawp mai. Kei erawh in class kal lo a damdawin lam a kal ka tum nghet viau thung a. Opi leh Siami chu class kal tur in ka tia Diki a hman vang in min kal pui tur in ka ti thung.




Chaw kan ei kham chuan ka in siam zui nghal a. Dikin a u dawrah min lo nghah dawn vang in chu lam pan chuan ka kal a. Ka thlen rual in damdawiin lamah kan tlang nghal a. Tih tur tul ang angte kan ti a, kan rei lo viau emaw kan tia kan zawh fel meuh chuan a lo chawhnu leh ruih tawh. Damdawiin atanga kan chhuah chuan MC ah kan phei a, kan hnung lamah min ko riah chuan ka hawi a Rothawvenga lek chu niin. An thian ho chuan a rawn phei a. Zorema pawh a tel ve. Class an bang tawh a ni ngei ngei ang. Chuan u Duatin an in sual a tih kha a tak tak a niang an hmai a kem leh neng nung tawh.




" Nang te reuh hi ka rin i ang lo riau, class i bang nghal ngawt a. In pa pawh engmah i hrilh lo leh nghal. " An rawn thlen rualin Roa chuan a ti lung lung. Zorema ka melh zeuh a min lo melh reng tawh zawk.




" Lo kal ru Zorema te dawrah kan kal dawn. Kan Diktawntei chhailai di pawh a rawn kal dawn. " Ti tu chu Roa bawk a ni. Hruaizelan Opi a duh tih kan hriat ang chiah hian Dikin Zorina a duh tih an hre ve a ni ber ang chu.




" Hmela mi chhaih ve ziah suh. " Diki lah chuan a ti hlak. " Ekhaii... Zorina a plural tih i hria a i rilru a na a ni maw? " An la ti dual zui. " Zorinan bialnu a nei maw. " Ka ti haw mai. " Dawn lawm ni lalngo. Kal ang u. " An tih leh takah chuan Zorema biak ka duh vang hrim hrim ka hnial ta bik lo. Diki erawh a tum lian kher mai.



" Tu nge Zorina bialnu chu? " Zorema te hnung a kal pah in Diki chu ka zawt a a thaw nghal hap. " Miss Zuali nen khan an lo in kawp reng a lawm. College kan kal lai a hmeichhia a lo buaipui lo kan lo tih te kha kawp ngheh a lo neih vang lek a niang. Aa... Ka ning ka ui bawk si. " A ti hlak a kei erawh ka meng phawk hra.



" Miss nen te kha chuan unau lam zawngin an in chhungkhat a ni lawm ni. I hriat sual a niang. Bakah mahni aia upa chu a ngaihzawn ka ring lo. " Ka lo ti vat.



" Zorema pawh zawt la, ka sawi ai hian a sawi fiah thei zawk ang. An inngaizawn vangin Zorina pi khan Miss Zualtei a mil vak lo an tia. An in atang pawn a chhuak daih an ti. A nau nen in an luah an tia lawm. Ka chang dawn lo tih chu hre tho mah i la la single ve mai mai se a nuam a sin le. " A ti leh ringawt thin. Kei erawh sawi tur vak ka hre tawh lo. A mak tih bak chu.




Dawr kan thlen chuan rin lo lutukin Terini a lo awm ve a. Kawngka zawnah chuan ka ding chawt. " Henu hi class a kal ve lo a mi? " Diki chuan a rawn ti sa sa. Kei pawh chu chu ka zawhna a ni. Terini pawh chuan min rawn en ve reng a, a hmelah chuan min la vak lo tih ka hre thei. Dawrpui lam a an dawrah khan a thawkin ka hre sia tunah lah hetah a lo awm leh daih a. Henu awm vang em ni he dawr kherah kal an tum tih ka ngaihtuah nghal.




" In lut dawn lo a mi? " Ka sir mai a ti riah chuan ka hawi chhuak a. Zorema chu ka sirah a lo ding reng chu niin. Kan awm dan a hrethiam nge ka kutah chuan a rawn vuan hmiah a, dawrah min luh puiin thutna awlah chuan min thut tir a, ka bulah chuan a rawn thu zui hmiah bawk. Ka kut chu a hum zui reng a kei pawh chuan lak sawn ka tum bik lo.




Roa te chuan min chhaih loh leh Diki an chhaih a. Zorina a rawn thleng ta bawk nen an ngeiawm thiam zia chu pui tak a ni. Ka chuap a tui an sial chhuahna a num chiah lo bawk nen ka thu khawng at a. Zorema biak ka duh em vang in ka la tuar hram hram a ni ber.




Roate tawngduh na lai leng chuan Terini chu college kal pui thin tih takah an be ve bawrh bawrh a. Vawin chu class a lo thulh ve tho chu niin. Kan in mil loh sa nen kan la in hmu fo dawn chu a ang riau. Diki a hman hmawh takah chuan haw a rawt a. Mahse ka duh ang in Zorema ka la be bawk si lo chu ka hreh ngei mai.




" Zorem... " Tiin ka bul a thu chu ka en a min lo en ve chiah bawk. " Ihh... Zanah kan in hmu thei a ngem? " Tim deuh tak chuan ka ti a, min en vung vung a chutah nui suk in lu a bu ta nghut a ka hahdam huai mai.




" La awm la ka rualin haw mai la. " A rawn tih chuan ka duh reng a mahse thian pakhat chiah ka kal pui a a mah a haw tir kha a dik thei in ka hre si lo. Bakah ka awm a nuam lutuk lo bawk nen kan in be fal thei chuang lo a haw chu ka tum ta tho. Kan haw dawn thleng pawn Terini nen erawh kan la in be miah lo a, kan in melh hrek hrek chauh a ni.



Diki nen kan chhuak a, damlo e ti lo chuan ka zang vawk hian ka hre hial. Zanah Zorema a rawn kal a nga. Kan in kar sawi fel dun ka duh tawh. Opi sawi dan tak in hetiang a kan awm hian Terini kan ti lawm daih zawk. University kan kal chuan Terini pawh a thawh zawm thei kher tawh in ka ring lo a. Chuvang chuan tun chiah chu en liam hram tum mai ang tih rilru ka pu ta ngawt.




In ka thlen chuan class kal ang maiin chanchin min lo zawt a. Ka pa zin dawn a ka an khum chiam a tang khan ka nu leh pa pawn nuam a ti chiah lo nge Terini hming hi ka hriatah an sawi lang khat ta pharh . Ka pa ram han hralhna vel pawh Terini kutah a lut tawh tih ka hria a, ka duh dan ang thlap ni lo mahse ka bul a Terini an ngaihtuah thin thu an sawi ngai tawh lo ringawt pawh hi ka thawven pui.




Zanah chuan ka roomah awm leh in ka thian ho group ah thil kan sawi ho a. Siami leh Opi chuan vawin an class kal chu miss Zuali kha library ah an hmuh thute chu an sawi a, kan college ah kha chuan ai kal a nih vang in a ai kalna professor kha a kal leh thei tawh a nih hmel. Phone ka en lai reng chuan ka room tukverh chu a rawn ri a, khum atanga thu chhuak in ka va en chu Zorema ka room tukverh zawnah chuan a lo ding reng tawh. Tukverh ka hawn takah chuan a tih thin dan chiah chuan a rawn lawn chho zui nghal a.




" I rawn haw chiah a mi? " ka room a rawn luh rual chuan ka ti nghal. A chhan pawh a thawmhnaw hak a la ngai vek vang in. " Umm... Thil chu sawi dun ang. " Tiin min kal pel a ka khum mawng lamah chuan a thu zui hmiah. " In a a la luh loh chuan chaw pawh i la ei lo tih na a mi?" Tiin a lam pan chuan ka phei ve a. " Kan thian ho in kan ei khawm a. Ka ei kham veleh ka rawn haw nghal. " Tiin tha deuh chuan min chhang a. Ka rin loh deuh a thinrim leh lungawi lo hmel a pu lo chuan min thawn tluk zet in ka hahdam letling.



" Ihh... Terini kha nangma thawh tir a ni lo tih ka hria a... " A hma takah ding in ka ti sep. " Chuan.. " Mit san uk a tiin min en run a min ti zam zo vek.



" Chuan thil hre chiang hmasa lo a thinrim khum che vang khan ka tihpalh. " Ka ti leh ringawt. " Min ring a ka thu sawi ngaithla hmasa tur i ni a. " Thu tak zet a a tih chuan thawk ka la hap a " Ka hria lawm mahse in dawrah a thawk tih i zep kher a nih kha. Terini bulah nileng in i awm thin tih ka hriat phei kha chuan chan che kha ka hlau em a ni. " ka ti chhuak hap.




" Duh vang reng a awm dun kan ni lo. Kan hnuai a hna thawk pakhat a ni ve mai a. A ni i thik dawn chuan kan hna thawk nula dang te pawh saw i thik vek an ngai dawn a nia. " Nui tel deuh a a tih chuan mit ka chhing sawk. " Chu ti zawng kher in ka sawi lo aw, i zep kher a nih kha. " Ka ti hlak thung,




" Ka zep pawh ka hre lo. Sawi tur pawh in min zawt si lo a. Ka tan engmah a ni lo a sawi kher ngaiah ka ruat lo bakah i rilru a hah leh vak ka duh loh vang a nia. " A ti ve thung a. " I nu bulah ban tur in I ti tih pawh ka hria a. " Ka ti leh chuan a thaw hawk phawt a. " A ni leh nangah duh thlang tur in min tih kha. " A lo tih chuan ka in thiam lo ang reng viau mai.



" Tihpalh aw. " ka ti zui ta ngawt. " Lo kal teh. " Tiin ka lamah a kut a rawn lek a, ka ban ve rual in a lamah min pawt hnai thut a ka bawh zui rawk rawk leh nghal. " I mak. " Ti hlak a thawh ka tum rual in ka kawngah min kuah bet zui hmiaha a darah ka beng zui hlak.




" Kha pa khan enge a rawn tih thin? " Thu tak fe a tih chuan ka nuih tlawn ta ringawt. " A lo leng ve mai mai. " Ti a ka chhanna chu a lawm loh hmel ngang mai. " Hmanniah pawh inchhuak dun tih ka hria. " A tih leh rual chuan ka melh nghal haw.




" Min hmu maw? " ka tih rual chuan sawi sual in ti zet in ka hmui ka hup nghal chawt. " A sawi dik a ni maw? " Ti hluk in lawm lo lutuk chuan min en a. " Tu in nge sawi? " Ka ti ve thung.



" Chu chu a pawimawh lo. I lakah a rilru put dan hre vek chungin I la chhuah pui tho a maw? Ni lo... Inrini pawh khan rawn hmu lo cheu I la chuan len chhuah leh in tum tak kha. " A ti hluk hluk a. " Thinrimna tur a awm lo a nia, in hmuh fuh palh vang chauh a nia. Ka in entir a damdawiinah kan in hmu fuh a lawm. " Tiin zep bik lo chuan ka sawi a. Vawin a ka kal loh chhan pawh damdawiin lamah kan la kal vang a nih thu ka hrilh chuan ka damlo tih ka zep vang in a thin a rim lek lek a.




A mah ni lo a Lawma zawk in a hre hmasa tih a hriat phei chuan a lawm lo zual a. Kan han in thlem in kan in hrilhfiah hmasa leh phawt a. Mahse kan boruak erawh a hahdam thlak tawh viau thung.




" Nakin zelah pawh thil min zawt chiang hmasa lo chuan thinrim mai mai tawh suh aw. Terini a ni emaw hmeichhe dang pawh ni rawh se, ka tan chuan Zonunmawii bak hi an awm ngai dawn lo tih hria la. Nang lo chu hetah hian tumah an leng lo tih hria la ka duh. " Tiin ka kut chu la kangin a awm zawnah chuan a nghat vang vang a.




" Ka hmangaih che tih hi hria la, hun rei tak... Ni lo kum tam tak he thu ka hrilh theih nan che hian ka nghak tih hre bawk la. Tunah harsa tak in kan awm dun ve thei chauh a. Thil ho te vang a ka kal san che hi ring suh. Chuan inthen tih thu kha sawi tawh ngai suh ang che. " A ti dam thluam a. Lu bu nghat a ka nui seih rual in ka hmuiah min fawp zui vang vang a. Kei pawn ka hnial lo chiang kher bawk.




" Inneih tawh mai ang. " Ka in lak hran rual a ti tu chu en in ka nui ta hak. " Kan zirlai hi chhuak fel phawt i la. Bakah i u te pahnih pawh an la awm a, ka u pawh. " Tiin ka fiam let a. " An ni neih loh vang a lo neih loh ve ringawt ka tum hlei nem. " A ti hmuk chu ka nuih a ti za ang reng.




A rawn kal hma bawk a kan pahnih in ka roomah awm in kan ti ti mai mai a. Len pangai a a rawn len chuan ka nu leh pa an awm ve nen mit mei ven ka peih lo a ti ve ngei a. Sunday a rui a a haw chung chang vel te ka sawi pui luam a. " Nang mah vang chauh a sim tum ka ni a, Nang ber ka lakah i thinrim a mipa dang hmaah i nuiin hlim hmel i hmuh a. Kan nunah hian sual leh tha a awm i tih thin kha. Nang ka bulah i awm chhung chu ka tha ang tih hria la, i awm lo a nih erawh chuan that chhan tur ka nei lo tih na a nih chu. " Thu tak zet hian a ti a ka lo hnial vat thung.




" Kei mah vang a i nun dan thlak tur che in ka duh lo che. Min siamtu Pathian hi kei leh nang ai pawh a thikthu chhia a ni si a. A mah aia dah pawimawh i neih chuan thinrim in a lak sak duh mai ang che. " Ka lo ti ve thung.




" Nang hian min kal san lo la, engkim a tha a ni mai. " Tiin ka hmuiah min fawp leh zeuh a. Min kuah hlun chungin ka khumah kan mu a. Ka thlamuanpui hliah hliah hi a ni mai.



Hriat loh kar in hun a lo kal ve zung zung a. Class pawh kan kal tluang ve zel a. Ka dan ngaiin Zorema nen kan kal dun mai zel a. Zorina erawh law college lamah a zir zawm vang in kan in hmu khat raih a. Roa leh Dinpuia te ho nen erawh kan in hmu hne hlei hlui thung.




Terini nen pawh kal na in ang ta chu in hmu fuh chang kan nei ve thin a. Mahse kan in hre lo kal pelh hmak hmak thung. ka hriat chinah Terini tluk a huat leh mil loh ka neih hi ka hre lo hial. Engtiang fako in nge nu Ruati bulah a lo in sawi ka hre lo mahse in sawi khawngaihthlak chu a thim bawk a, nu Ruati pawh in duh sak tak in weekend a piang in an dawrah in hlawhna a siam sak thin tih pawh ka hria. Zorema ber in eng atan mah ka ti lo a ti miau a. Ka bialpa a ni a, a ni ka rin loh in tu nge ka rin chuan ang tiin ka en liam ve hram thin.



Ber thla kan chuangkai a. Exam te kan zawh fel meuh chuan Christmas kan thleng ve dawn ta reng a. Ka nu leh pa in ka u hnathawhna hmuh pui ve pah in christmas Bengalore lamah hman an rel a. Ka u pawh in min rawn phut ve deuh bawk nen class kan chawlh rem chan lai tiin chhuk kan tum a. Kei tak phei chuan ka hreh ruh viau a, helamah ka thiante leh Zorema bulah hman ka chak ru tak zet. Mahse ka pa in " I u in hna a chawl mai thei si lo a kei ni a tlawng awl zawk in kan pan hi a tha zawk e. " A ti mauh mai sia. Dik na chin a awm bawk nen ka hnial ngam ta lo kha a nia.




Zorema ka hrilh tirh chuan a lawm lo khawp mai a. Kan in zui atanga chrismas kan hman dun hmasak ber tur a ka zin san daih tur chu tiin a chang leh I nu leh pa chiah kal tir mai la min ti thul. Chu lah ka pa rem tih loh dan tir chu ka chiang reng mai si. A tawpah chuan rei cham tur kan ni lo bawk a kum thar veleh a haw leh nghal tur kan ni bawk a tiin a pawm ve ta deuh a.




Ka u bul a kan chhuk ni pawh chuan Lengpui thleng kan chhungkua in an motor min thlah a. Ka nu leh pa in kan in zui tih an hre tawh bawk nen Zorema pawh in a nel thiam ve fu a. Zorema chhungte ah erawh chuan u Duati chiah in min hriat pui rih a. Chu pawh kan hrilh ni lo in a man in min man chhuak a ni ber.




Ka u pawh kan chhuk chu a lo lawm khawp a. Mahni chauh a hman chu a khawhar thlak a ti ve pawh a ni mahna. Chu tih rual in a hnaah chawlh a la thei lo a. Christmas ni hma chiah pawh in hna an la kal chu ' em em ' kan ti pui ve viau mai. Zorema nen pawh kan in be awl lo a. A ni pawh a dan ngaiah chawl lai hi chuan an dawr lamah a buai ve chawt a.




Urlawk zanah min rawn biak chuan an thian ho a an hman tur thu te sawiin a rawn in report ve thlap a. Kei pawh ka thiannu Jenny kha helam a a awm vang in haw chhoh a lo tum bik lo nen kan bulah a rawn tel dawn thu ka lo hrilh ve a, Puipuia pawh he lamah a awmna a ni tih ka hre chhuak a, ka nu in sawm ve la a hma leh lo kal ve se a tih vang in ka va be ve a, min li hnial lo viau leh nghal. Kan in biak zawh in ka nu nen zan rei a ei tur kan siam a. Jenny pawh a rawn thleng zui ve nghal a.




Ka u in a thiante ti I la a thawh pui mizo ve tho mipa pahnih chu a sawm ve a. Kan ei tur siam pah in Siamsiami te kan video call a. An ni pawh hman nasat an tum hmel ngang mai. Puipuia pawh a rawn thleng chawp chilh ve nghal a, Aizawlah a rawn haw lawk khan kan inah a rawn leng lut ve thin bawk nen ka nu leh pa bulah pawh a mikhual bik lo.




" Khawnge i lo kal daih a, i phone kha a ri ngun lutuk tawh. " Bathroom atanga ka chhuah rual in Jenny chuan min lo ti vat a. Bathroomah ka kal thu chu hrilh in ka phone chu ka hmet eng a. Dikin min lo biak a tum chu niin. Ka call back nghal zat. Mila ho leh ka u thiante erawh an in kawm tui hlawm phian mai.




" Heii... Tunah hian khawnge ka awm i hria em? " phone a lak rual chuan a rawn ti ringawt a ka nuih a ti za ngei mai. " Min rawn in sawih theih khum ve dawn a mi? " ka lo ti vat. Opi leh Siamsiami te pawn an hman nawm dawn zia min rawn hrilh nghek tawh kha a nia.




" Chutiang a ni lo, ka cousin te ho nen karoke naah kan kal a. Chuan... Chuan... Zorema te pawh ka hmu ve a sin. " A rawn tih chuan engah vang ka lo ngaih sak lo. An chhuak dawn tih kha min rawn hrilh thlap tawh miau a.



" Ka hria lawm, min rawn hrilh a. " Ka lo ti let vat. " A ni maw... Mahse an bulah Terini pawh ka hmu ve a lawm. Chu pawh chu i hre lawk tho a mi? " a tih leh chuan ka chhang ta mai lo.




" Engpawh nise i hriat chuan a that chu, ka hmu thut sia ka rawn hre chhuak nghal che a ka rawn hrilh che a nih chu. Ka dah aw a bengchheng si. " Tiin a off zui a. Ka phone chu la thla in Zorema no chu ka hmet chhuak a a call nghal zat.



Rei fe a in ring hnu pawh chuan a la thei lo zel a. A tawpah ka beidawn hnu lamah chuan a rawn chhang ve ta hram. " Tunah khaw nge i awm? " A rawn tawng hma chuan ka ti nghal tawp.



" Zonun kei mah zawk. " Rawn ti tu chu Roa a ni tih ka hre thei. " Khaw nge Zorema? a awm hnaih chuan ka lo be lawk. " Thawk la hap chuan ka ti leh hnu hnawh.



" Eng lo a nia, Zoreman accident a tawk palh a. " Zawi deuh tak a a thu rawn sawi chuan min thawng ngei mai. " Accident maw? khawih ah, bike racing in nei leh a mi? A na viau em? " ka ti let vat. Ka nu leh jenny pawh chuan ka thu sawi vang chuan min en haw mai.




" Ni chiah lo, mi kut zawk a nia a tuar. " A rawn ti leh a. A ni leh ni lo ang in Roa pawh a tawng chu a zawi viau leh nghal.



" Enge awm zia, in leng chhuak ho vek a ni lawm ni. A na viau em? " Ka ti leh vat. Terini nen an leng chhuak em tih thinrim tak a zawh ka tum a nia, ka rin loh lam daih ka hria chuan min thawng tak zet.




" Kan chhuak ho ngei a mahse kan kal hran lawk chhung in maw le. Chem in an vit a, tunah damdawiinah kan awm mek. " A thu rawn sawi vang chuan ka bul chair chu pawt chhuak in ka thu thla ngha rawk.


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:52 pm

Miracle Love by 💞 Amy Cck



Chapter - 30



" Chuan tunah a mah chu a tha em? " Ka aw pawh chu a khur lek lek mai. Ka nu leh Jenny pawh chuan min rawn din chilh vat in thil awm zia min zawt a mahse chhan mai na chang pawh ka hre lo. " A hliam a thuk ang reng an tia , eng vak pawh kan la hre bik lo. Lo hlauthawng lo la chanchin dang a awm veleh kan rawn hrilh vat dawn che a nia. " Tiin phone chu a dah a. Ka rilru chu a nawm phah chuang miah lo thung.




" Zonun enge thleng a? " Jenny chuan a rawn ti a ka nu nen chuan ka thu sawi chu an lo ngai chang ve reng bawk. " Ih... Englo... Zorema.. Zoreman accident a tawk an rawn tia. " Ka tap chhuak zui hawk a. Ka nu te chu a thawng ve hle tih chu an hmelah a hriat.



"Eng accident nge? A ni hi hunpui lai nen lirthei vang zawk nge? " Ka nu chuan tiin ka darah chuan a rawn chul hliau hliau a. Kei erawh tawng lawk thei lo in ka in hnit zui hlawp hlawp a. Ka pa leh ka u te, sitting roomah awm ho Puipuia leh kan mikhual dang ho pawh ka tap thawmah an rawn phei ve a. Jenny chu ka bul chairah rawn thu in min kuah zui vat a. Ka pa te chu eng nge thil awmzia tiin ka nu an zawt a Zorema accident thu chu a lo hrilh ve nghal a.



Engtia accident nge an hriat loh vang an hrilhhai ve hle leh nghal. " Bawihte chiang deuh zawk in han sawi teh. " Ka pa pawh chuan a rawn ti a. Ka mittui chu hru hul thuak thuak in misual in an vit tiin ka sawi ringawt a. Chutiang bak in Roa pawh kha ka lo zawt chiang bik lo nen sawi belh vak tur pawh ka hre lo. Pupuia chuan midang ka be kual a nge tiin a kal sawn a. Kei erawh ka tah bawk chu a rawn chhuah leh thin vang chuan Jenny leh ka nu in roomah min luh pui a.




Ka phone chu ka hum ran a, min rawn call let leh har tak em vang chuan ka va call leh thin mahse an buai nge Zorema a na viau zawk ni, phone la thei reng reng an awm lo. Roomah chuan Puipuia chu a rawn lut ve hlawl a. Ka nu chuan chanchin a lo zawt vat a, Puipuia chuan u Duati a lo bia ni ngei tur a ni. Engtin nge a na chang ka hriat miah loh theih zawk. An thian ho ringawt biak ka lo tum a. Ka rilru buai lutuk vang pawh a ni mahna.




" U Duati ka bia a an hliam chu an la buaipui mek thu vel a sawi a. Thisen a hloh ve nual a ni awm e. Chanchin chiang tak a la awm lo . " A rawn ti ve tho. Ka u rawn lut chuan kan buai tak nuai vang in a thiante pawh an let thu a rawn sawi a. Chu mi rual in chanchin chu a zawt ve nghal zat.




" Chuan engtia tawh sual chu tawk nge a nih? A vittu chu an man nge a tlan bo? " Ka u chuan a ti a. Thil hriat ngei ngei tur nisi zawhna chang kan lo hriat miah lo bawk a ni. Puipuia lah in a sawi mai bik lo nen kan rilru a hamhaih tlang a nia nge.




" Aw... Kha kha... In nau ti mai i la Terini thianpa khan a vit tih a rawn sawi a. " Puipuia chuan a ti ve a. Puipuia pawh chu a thu sawi ngeiah chuan a bo hmel khawp mai. A chhan pawh Terini hi a la hmu ve lo a. Hman kum a rawn haw tum khan Terini te khuaah kan awm bakah kei mah chauh in ka haw thla bawk nen a hre ve lo pawh hi la dem hran lo.




" Engtin nge Terini chu a in rawlh theih? " Ka nu pawh chuan a ti chhuak hap. " He nu hi misual a ni ka tih mawlh mawlh kha. " Ka in sum thei tawh lo chuan ka ti chhuak nghek ringawt. Ka pa chuan min lo khap vat a Puipuia pawh chuan mak min tih hmel ngang mai.




" A... U Duati kha chuan Terini puih a tumna lamah a tia. A vittu chu Lalmuanzuala a ti bawk a. Terini nen an in pawt buai pui a tum na lamah a ni awm e. " Puipuia chuan a ti leh a. Ka chhungte chuan Terini tel ve chu an ngaihtuah zual hle a kei erawh chu a mah huat belh chhah in ka in seh ruh ngawt ngawt thung.




Chanchin ngai changin kan lo nghak thap a. Zing lamah u Duati Zorema pawh a that thu leh ward ah an sawn luh tawh thu te a rawn sawi a kan thaw veng hawk mai. Biak ka duh viau nan a ma tak a la rawn harh loh vangin biak erawh a la biak theih loh thu a rawn sawi a. A rawn harh ve leh a min rawn biak tir tur thu pawh a rawn sawi ve a. Urlawk zan hman kan lo tum dan nen in perh san hlawk a ka kan hman takah chuan kan lo in puah chah ve na zawng zawng pawh engmah loah an chang zo tawh.



Khaw var dawn lamah ka lo ka chhing ve sek a niang ka phone nghawr dar darah chuan ka harh hlawl a, mahse ka lak hma in call chu a tawp leh hman a. Ka phone chu ka hmet eng a screen a hming rawn lang vang chuan thawhphan pawh awm lo in ka thu chhuak zawk. Ka bulah Jenny mu chu a rum tiah tiah a, rawh harh mai lo chuan a mu tha sauha a la mutui ngang mai.



Khum atang chuan ka chhuk a. Ka nu leh pa pawh khum chhak lamah an la mu a. Sitting roomah ka chhuak phei chu ka u leh Puipuia thuthleng seiah an lo mu bawk chu niin. Corridor lamah chuan chhuak in tukverh chu ka nem tawlh a. Thlasik lai a ni bawk nen ka hit nghal sung sung mai.




Ka phone chu hmet eng leh in Zorema chu ka call back a, a rawn chhang rang viau leh nghal. " Mary Chrismas. " Engmah ka sawi hma hau in call a lak rual chuan a rawn ti sup a. A aw ka hria chu rei tak in be tawh lo ang mai chuan ka thaw chhuak siai siai a, ka hahdam sawng sawng bawk.



" Hello! Ka tawng i hre thei em? " Ka chhan lawk loh vang chuan a ti leh a. Engmah sawi lo chuan ka thaw chhuak leh hak phawt a. Chu chu a lo hria nge " Ka Duat. " A rawn ti leh sup.



" Ti nge i mawl em em a? Mi i pui duh a nih pawn hriam hrei an nei em tih te, i sa himna tur te pawh ngaihtuah phawt tur che a nia. " Thinrim thar deuh si rilru no thar leh nen chuan ka ti chhuak nghek a, a ni erawh engmah sawi lo chuan a thaw suai suai ri chiah ka hre thung. " Kha aia pawi turah khan lo vit ta se engtin nge tih i tum? Min ngaihtuah ve miah lo a mi a, ka hriat tirh a hreawm ka tih zia leh ka hlauhthawn hman zia te kha. " Tiin a tawng ve bawk si lo nen ka hau zui chiam ringawt.




" Mahse tunah chuan ka tha tawh a lawm. " Dam dup hian a rawn ti a, a hlauhthawn hmel loh lutuk chu thawk ka la zui hak thung.



" I hlauthawng ve miah lo a mi? " Ka ti ta thlawt. A ni erawh a rawn nui suk duh chauh leh nghal. " Na emaw hliam ka neih hian ka ngai zual thin che tih i hria em? " Thlamuanpui awm ngawih ngawih hian a ti leh a. Mit chhing in chil ka lem zui khal mai.



" I harhna a rei tawh em? Chuan i hliam chu a la na viau em? " Tiin ka zawt let ve ta thung a. A harh chiah a u Duatin ka ngaihtuah thu vel a hrilh vang in min lo biak nghal thu a sawi a. A aw han hriat takah chuan ka kawchhung tawt lutuk pawh kha a zia hawk thei. A in hliam dan ka sawi chuan sawi zaam duh lo in thu a la kawi zel a kei pawh chuan ka zawt ta bik rih lo. Eng ang pawn hau in zilh mah i la min chhan let dan tur chu ka hre sa vek a, awm zia a awm dawn lo tih pawh hre chiang ber tu pawh ka ni a kan haw hunah thu chiang zawk chu ka hre tho ang ka ti rilru ta ngawt.



" I va tho hma ve, nge i chhing miah lo zawk? " Ka hnung lam tukverh a rawn in nam tawlh rual in Puipuia tawng ri ka hre zawm a. Ka hawi vat a phone ka bia tih a hmuh chuan ka sirah a rawn ding zui ve mai a. " Tu nge tun a lo tawng ve kha? " Phone leh lam a mi lah chuan a rawn ti rang ngang mai. A lo hre pha a ni chek ang chu.



" Puipuia . .. " Ka tih rual in " Engtin nge tun ang hunah kha tah a awm theih? " A ti vin hluk a. Engtin nge a awm ni U Duatin a chet vang a a hau chu ka hre zui nghal. " Aw... Nizanah hetah kan hmang ho a..... "



" Ka riah thu kha hrilh tel rawh. " Tiin Puipuia lah chuan Zorema hriat tur ngei chuan a rawn tawng a pakhat lah chu a sa zual sauh ni tur a ni. " Kan nu kha lo hnaih vaih teh i chak lo ang. " A rawn ti hluk mai. An bulah chuan ka lo ner vak ringawt.




" I au rin theih danah i na lutuk lo a ni phawt a nga. Ti khan damdawiinah Christmas lo hmang la kei Zonuni bulah ka lo hmang ve thung ang. " Nui suk suk a tiin inchhungah a lut zui daih a. Zoremsanga erawh a rawn pawr tha ngang mai.




" A tawk... A tawk, a lut daih tawh. " Ka tih takah chuan a ngawi ve ta hram. U Duatin ' an thuina kha a peh a nge tang vak vak suh. ' a ti ri ka hre leh tawh. " Nizanah a riak ve tak tak em ni? " A rawn ti leh khauh mai. " Thik tur i nei khat bawk a, i hmuh chhun chu chhuah i tum lo hle mai. " Fiamthu deuh chuan ka ti let a a la rawn phun ang hluk zui a.




" Engtik nge i rawn haw dawn? Ka ngai tawh che a nia. " A rawn ti daih leh nghal. A phakar mai sia e. College chhuah dawn lamah khan kan in zui tanah hun lo kal chak zia hi ti ka ngaihtuah daih thung.




" Ka hre lo ka pa te tih dan dan a ni mai. " Ka ti let a. " Ka damloh hi min ngaihtuah ve miah na nge? Kei ai kha pa kha i thlang zawk a ni maw? " A tih phei chuan ka nui chhuak hak hak mai. U Duatin over a ti thu a sawi leh damdawi ei tur a a ti ri ka hre pha bawk nen nuih loh chi pawh a ni lo. U Duatin phone chu a lak sak zui nge ni min rawn be zui a.




Rei in be tawh lo in kan dah ta vat a. Inchhung ka luh chuan midang pawh an lo tho ve tawh a. An tho hma hlawm khawp mai nizan kan mu mang lo bawk nen. Ka hmel a hahdam ta deuh nge Jenny pawh chuan min nuih ver ver in Zorema chanchin chu min zawt a. A biak theih thu vel te chu ka sawi ve luam a. U Duati khan a ngaihtuah awm lo tih te a rawn sawi ve bawk a, thil thlengah Terini hming a rik tel takah chuan ka pa te pawn ngaihtuah in an bia a. Kei erawh in an thu sawi ngaithla duh lo in Jenny nen ei tur kan buaipui zawm ta thung.




Jenny pawh chuan Terini ka sawi dan vang kha nge zawhna a ngah nang mai a. Mahse chhungkaw thil deuh te a nih vang in Zorema a lo ngaih melh ve thu bak ka sawi vak lo. Bakah christmas ni a mi chhanchin chhe lam sawi vak kha a in hmeh ber lo bawk nen. Zorema vang a lawmthu sawi mawlh mawlh tur ka nih rih zawk tunah chuan.





Chrismas kan hmang zo a, ka pa te lah chuan haw lam an la sawi ri bawk si lo. Kei erawh Zoremsanga ka ngaihtuah bawk nen ka rilru chu a nghet thei tawh meuh lo a. Ka pa in kum thar zawh veleh kan let ang a ti bawk a, ni te chu an kal muang ka ti ta ngawih ngawih mai a. Puipuia pawh a rawn leng lut ve thin a, Jenny erawh hostel a awm a ni vang leh an awmna a hlat deuh vang in a rawn lang khat ang reng a. Kum hlui thlah zan erawh Puipuia leh Jenny an hostel ve veah function a a dawn vang in an rawn leng thei dawn lo a. Kan chhungkua tlawngin kan hmang dawn a nih hmel.




" Ngati nge le call a lak theih miah loh? " Tiin lungawi lo zet chuan ka phone chu ka en a. Tukin zing atang Zorema biak ka tum tawh mahse call a chhang thei miah lo chu ka thinrim hlur tawh. Christmas ni khan min rawn wish hmasa zawk sia kum thar hi chu wish hmasak zawk ka tum ve viau a nia. Ka mood chu a off zo vek tawh.




" A chhang thei na nge? " Ka u in a tih chuan lu ka lo bu nghat. " A buai rih a niang chu. Hun thawl te pe ve la, in biak ngun a i vil hneh lutuk chuan a ning mai tur che a nia. " A tih chuan kaeng buai nak a. Mahse a nuih tak hawk hawkah chuan ka ner khum vak thung. A chhan pawh ninawn khawp a kan in biak thin vang in min lo ning tak tak ang tih ka hlau hman tak tak miau a.




" Tun angah te chuan min rawn biak ve tal tur a nia. Enge maw a tih chen chen le? " Ka ti leh niah niah a. Ka thian te leh thian chiah pawh ni lo, ka contact a mi te pawh in kumthar chibai tiin message min rawn thawn loh leh call a rawn lut ve sek tawh a. Ka nghah ber leh a rawn ti hmasa ber tur a ka beisei leh rin lah hi thehhmeh ang maiin a reh tlawk tlawk bawk si.




" U... U Duati hi then hlen chu i tum tak tak a mi? " tiin ka zawt a. " Tunah rih chuan kan in karah awm a awm tawh lo a. Thian ang in kan in en tawh a lawm. " A ti mai a. " Kei mah ni vang em ni? " Ti a ka zawh leh chuan " Duh dang ka neih vang zawk maw le. " A lo ti sam et thung chu ka melh haw mai.




" Tu, Tu nge chu chu? Khawi maw a thlalak ka lo en? " Ka ti nghal vat a. " A la theih rih lo. A mah a la in peih chiah lo a, a in peih hunah chuan ka la in hmel hriat tir ang cheu. Chu mi chhung chu lo nghak leh hram rawh. " A tih phei chuan ka hre chak zual sauh.




" A nih chuan zirlai a la ni tihna maw?" Ka ti leh hram a. Lu a bu nghut ka hmuh chuan ka phawk leh zual. " I senior tawh hi, i lo nghak a nga, midang a neih san leh daih che chuan a buaithlak. " Ka lo ti thung. A nuih lah chu a zal ngang bawk si. " Chutiang mi a ni lo tih ka hria lawm. Engpawh nise kha lam chu duh tawk ang. Nang te reuh zawk hi a lawm, i awm dan hi i zir zawh hma a pasal i neih vaih chuan... " Tiin a ngawi dat a.




" Lungai suh a rei tawh lo, ka zir chhuak a nga pasal nei chungin hna chu ka zawng thei tho ang. Ka lawina tur chhungkua hi nei nung viau mahse hna thawh ngaisang mi an nia min hnial pawh ka ring lo. " Ka ti kher chu la u a lo ner nasa ngang mai.




" I awi lo a mi? Zorema phei chuan inneih puiah min sawm min sawm tawh zawk a. Ka la zir lak lawh sia, lo in nei i la ka zir na bansan an phal mai ka ring lo a, nang mah ni lam in min rawn tum kha an rem ti in ka ring bawk si lo a. Zir zo law law i la ka duh ta zawk a." Ka ti ve niah niah mai.




Ka sawi dik ka in ti ve viau bawk. Pa Lsa leh nu Ruati hian lawk lawg deuh in lo in nei i la min ban tir tawp tur chi mizia an pu miau lo a. Zorema pawh i bang dawn lo innei chung pawn kan pahnih in kan zir dun zel dawn nia min ti vei ngial a. Mi chhungkaw chawmhlawm tur ngawt a va lawi chu ka duh bik thak lo.




" I lo puitling tawh khawp mai. " Tiin min nui suk a, ka phone a rawn rik takah chuan ka en vat a. " A tawpah chuan. " Tiin ka lo nghah ruk reng call chu ka la a. Ka dan ngaiin ka hau zui leh barh barh a. A ni lah chuan damdawiin chungah a thiante an lo kal bawk nen kum hlui an thlah a. A phone cabinah a theihnghilh thu a rawn sawi a. Roa te tawng ka hriat takah chuan ka lawm lohna an bo leh vek tawh.




Vawin hi january ni hnih a nia. Eng ni nge in hria em? Ka nu leh pa ka tur luih deuh tlat vang in vawinah kan haw dawn a. Zorema birthday a ni bawk nen surprise ka duh vang in hrilh pawh la hrilh duh lo. Zingah khan biak chu kan in be ngei a, tun tum chu thian ni lo in inngaizawng anga a piancham kan lawmna hmasa ber tur tih hria in present ah pawh couple thil lam ringawt la melh a. A tawpah chuan hoodie in ang ka lei ta ngawt. Dik tak chuan neih loh leh mamawh a neih loh em vang hian zin emaw a birthday pawh nise hawn tur leh present ah hian ka buai ngei ngei zel.




Puipuia hnenah pawh lo han hrilh lo tur in ka ti vek a, ka thian te bak in kan haw tur chu an hre lo. Airport thleng ka u, Puipuia leh Jenny min thlah a. Ka nu leh pa te nen chuan kan thlawk haw a. In kan thleng a chauh pawh sawi lo in ka inbual fai sawk sawk a. Ka thiante pawh be hmasa lo in ka present lei sak keng in damdawiin lam ka pan nghal tawp.




Damdawiin ka thlen chuan a cabin awmna Diki te ka lo zawh sa vang in ka zawng buai lem lo. Kawngka bulah chuan ding in nui ver ver in ka nem hawng a. Ka thawm pawh chu dim tak ka ni. Mahse room chhung a lo awm ka hmuh chuan ka ding zui dat a ka nui hmel pawh chu a reh riai riai in ka ring. Zorema chu khumah a lo thu awn deuh a, a hma zawn ti i la a khum mawng lam chu a melh ngur bawk. A sirah kei mah min hnungchhawn zawng in hmeichhe pakhat a thu bawk a. Chu nu chu a hmel hmu lo mah i la tu nge a nih ka hai lo chiang viau.




" Hei chu.... Thlarau a ni si lo a. " Hnung lam atanga min rawn ku ah thut tu vang chuan ka phu chiam a. Chutiang tho in cabin chhung a mi te chu an lo hawi ve nghal vat. Ka en reng vang chuan khum chung a Zorema kut chu Terini a hum sak tih pawh ka hmuh hmaih lo chiang kher mai.



Zawmna



" Lut ang u, engtik nge i lo thlen a? " Tiin Roa chuan min kuah pah in min nem lut det det a. An thian ho chu tlangval lian thuau in kawm khawm tih takah an awm khawm tawh hi chuan an tum vang pawh ni lo hian an ri deuh khup khup zel. Cabin chhung kan lut fel a khum mawng lamah ka ding ran a. Roa leh Dinpuia te, an thian dangte chuan thutna an dap zui rawk rawk a Terini chu an be zui luam bawk.




Khum lam ka en leh chuan an kut in vuan kha ka hmuh sual zawk nge an lo la sawn hman ni engmah thleng lo ang mai chuan an lo awm tawh a. Zorema ka en chu chik deuh hian min lo en a. Terini erawh Roa te ho nen an in be zui bawrh bawrh thung.




" A changtunu ber ti nge mikhual ang mai a i din reng a. Hruaizel he ta rawn thu la i thutna kha Zonuni hi lo kian rawh. " A boruak ngam ber Roa chuan a ti lung lung a. Hepa hi chu a mah a phawk bakah a lu ruh hi a ring em em ringawt a. A awmna chin hi a hriat bik ngawih ngawih. " Chu chiah nang ai chuan Brotea pawn Zonuni hi a ngai fe zawk ti hria la. " Dinpuia pawh chuan a lo ti ve nghal a. Ner nawng nawng in Hruaizela chu a rawn ding a. Roa chuan a nawr in min nawr phei a. Ka hma zawn Zorema sir leh lamah Terini a thu a, Roa hian hriat a nei ve nel nual bawk nen ti lang chiah lo in min puih a tum tih ka hre thiam mai.



" Engtik nge in lo thlen? " A sir a ka thut takah chuan Zorema chuan min be ta hram. Min en danah chuan ka haw hi a lawm nge lawm lo tih ka hrethiam lo. " Kan lo thleng a inah in ti faiin ka rawn kal nghal. " Tiin pangai zet chuan ka chhang let a. A hmel awm dan vang chuan hlim deuh a chhan let lut a ni em tih ka hrethiam lo. Midang ho lah chuan min ngaihven lo tih hriat lutuk in an tawng bawrh bawrh hlawm a.




" Zorem i damdawi ei a hun a. " Leh lam atanga Terinin a tih chuan Zorema pawh chu a hawi sawn a. Terini thutna lamah damdawi leh mamawh engkim an danna a in hun vang in an damdawi in ei tir lai chuan lawm vak lo chuan ka en reng a. Ka mal chungah a birthday present tur ka ken chu ka hmer ngawt ngawt ringawt.



" Thil i la ei mumal lo lutuk a ei chak i nei em? " Damdawi a pek zawk in Terini lah chuan nui sang in a ti leh a. Tunah tak hi chuan kei ni lo in Terini bialpa zawk a ang lek lek mai. " Engmah ka chak lo. " Zorema a tih chuan ka thaw huai thei.



" Pum ruak lutuk a awm loh tur u Duatin a tih kha Apple hi ei lui rawh aw ka vel sak ang che. " Tiin a sir dawhkan a Apple leh chemte chu a ban nghal a. " Engpawh nise khang kha chu a changtunu tih tur ah hian dah la, pawn laman coffee in tur in chhuak teh ang u. " Roan a ti leh hluai a. Terini pawh chuan min rawn melh zawk a Roa chu ei loh hmel tak chuan a en leh a. " Ti khan va kal mai ru, u Duatin lo awm pui rawh a ti sia. " A tih lai mek chuan " Hei.. Zonuni a awm tawh a lawm. Lo kal rawh kan treat dawn che nia. Bakah brotea birthday a nih hi thu thlum tak tak pawh an lo in fah duh ve thei a. " Tiin an ding hluai a. Chutiang a a tih takah chuan Terini pawh chu hreh hmel zet chuan a ding ve ta hna hna.




" Kan kal a nia, zanah piancham lawmna hranpa chu kan nei ngei a ngai ang. Cabin chhungah pawh hian nuam deuh in kan hmang thiam. " Mit siai zeuh in Dinpuia chuan a ti zui a. Roan Terini darah vuan in a nem kal dat dat a. Hruaizela leh Dinpuia an in kuah chhuak bawk chu ka en zui reng ringawt.




" Dik lo a awm em ni? " Ti tu vang chuan ka hawi sawn ve ta chauh. Zorema chu rum zet in ka melh nghal a. " Ka haw dawn. " Tih leh din ka rual a mahse ka banrekah a rawn vuan nghal chawt. " Ti khan awm lo teh ka ngai che a nia. " A tih phei chuan ka sa pup pup thei. " Ka awm loh chhung a duattu i nei tha bawk a min ngai lo tawp ang. " Ka ti kher chu rum nghut in a kum sirah chuan min pawt thu dawt a. Ka banrekah min vawn miau vang in a lamah min pawt hnai zui salh.




" I thik a ni ti raw? " nuih za hmel pu deuh a a tih chuan ka melh leh nghek ringawt. " Lungngai suh hetah hian Zonunmawii bak a awm lo tih i hriat kha. " Tiin a awm zawnah ka kut chu a nghat a. " Ka rawn luh hma pawn i kut a vawn kha. " Ka tih hmak chu a nui leh suk. " Ka vuan let ve chuang em ni? " A tih chuan ka ngaihtuah roh roh a Terini zawk khan a vawn sak tih chu ka hria. " Chu pawh nise dah sawn sak i tum chuang a mi? " Ka ti leh hmak.



" I rawn luh hma chiah khan a nia dah sawn sak hma in i rawn lut a. " A tih leh chuan ka ner sak. " In pahnih chauh in in lo awm bawk a. " Ka ti leh hram. Zoremsanga erawh a nuih a zat hmel tulh tulh, " U Duatin a lawm min awm pui a. A duty a hun sia ka nu rawn thlen hma lo awm tur in a ti ringawt a nih kha. " A lo ti leh mai a. " Thinriman tur leh thik tur zawng hrim hrim i ang riau. " A tih zawm nghal a a awmah ka beng hlak chu na tih hmel lutuk in a kun zui a.




" Ti der suh aw. " Ka tih pawh chuan a awm ngai reng chuan a awm a. " Heii... " Tiin ka kut a vawn chu ka ti ve a, a vun rawn sen tawn tawnah chuan ka ngaih a ti tha tawh lo. " Zorem... A na tak tak a mi? Doctor emaw nurse ka va ko ang aw. " Ti a kal sawn ka tum chu ka kut a vawnah khan min pawt let in a mah chu ka bawh zui rawk rawk a. " Ka ngai che ka tih kha, min kal san tum suh. " A ti sup a ka thaw hak.



" I na tak tak a maw ka tia lawm. " Ka ti hlak thung. " Kha aia hnuaiah khan beng la chuan a na mai thei. " Tiin a kawr chu a keu a, a dul lai takah ni lo in a awm hnuai deuh ah zawk hliam chu a lo nei niin. Ka in thiam lo leh hnu hnawh viau bawk.




" Chuan enge min lo hawn hi? " Tiin ka thil khai chu a rawn la a. " Khawi ka lo hawng ang. " Ti a ban ka tum chu " Ka ti thei a lawm. Apple hi min lo vel sak zawk rawh. " A tih chuan ka melh ha a. " Nichin lawk khan i ei peih si lo a. " Tiin la fiam let a min rawn en in a ner sawk.




" Nangman min ei tir ka la duh a lawm. " A tih chuan nui sak in ka ban ve nghal a. Terini pek a suh loh vang a lo ei peih lo a ni tih ka hriat chuan ka hahdam huai mai.




" Hoodie.. " Tiin dum chu a la chhuak a. " Couple ta a nih kha. A te zawk kha ka tan, a lian zawk kha i ta tur. " Ka ti let var a. Khai kang in a thlek kual vel a. " Ti nge i duh lo a mi? " A hmel awm dan vang chuan ka ti let vat a. " Duh e... Min pek a nih phawt chuan lungte pawh ni se ka tan chuan a mawi ber tho ang. " Tiin a kiai suk a. Ka Apple vel sa chu a rawn ban a.




" Engtin nge u Zuala chuan nang a vih daih thei che a. Ka hrethiam thei lo, kha mi zan khan ka thianten an hmu che a karoke naah khan Terini nen.. " Tiin a mah chu ka melh reng a. " I zawn rawn haw hi enge i hria a i thik thu i rawn pe chhe riau mai. " Tiin ka thu sawi chu sawi fiah tum loh hmel zet in a Apple ken lai chu a ei zawm a. Ngei zet chuan ka melh reng ringawt.




" Thinrim nghal ngawt thin suh. Kha tah khan kan thian ho in kan kal a. Parkingah Terini leh kha pa lo in pawt buai kha kan hmuh a kan tanpui ringawt. Bakah kha ta tel tur khan kei ni lo in Roa a nih kha sawm. I thinrim chuan Roa i hau thei ang kei chu a tuartu ka ni. " A ti vei thlap a. Sawi fuh in ti fe in mit hmul min la kan khum uk zui.



" A nih midang an awm ve reng chuan ti nge nangmah kher in hliam i tawrh bik a? Roa sawm a nih chuan Roa chuan buaipui mai se. Ti nge i lo in lak hero viau. " Ka ti leh hmak. " Kha hmun kan chhuah san khan ka thianten hmeichhe phurh an nei vek sia thlah haw tur in min ti sia, kha pa khan lo la chang in rin loh laiin a rawn che thut a nih kha. A vih tum tak zawk chu Terini kha a nia ka lo dan vang khan kei mah zawk min vit a. Ti chuan i lawm tawh em. I thiam loh vek a nih hi. Zin suh la ti mawlh mawlh che min zin san a. " A tawp lam chu a lungawi loh hmel vei fu leh nghal.




Ka zawhna engkimah a in sawi fihlim zel vang chuan la lungawi chiah lo mah i la ka zawt bik ta vak lo. Thil dang sawiin kan zinna a ka hun hman dan te min zawt a ka sawi ve zel a. Ka thu sawi lai chu hmuhnawm min tih hmel lutuk chuan min en leh vung vung thin. Ka hoodie ka lei chu damdawiin a chhuah hunah hak dun ka rawt a. Naupang chhia a tih thu a sawi a mahse kan hak dun tur thu chu a sawi ve leh tho.




Rei fe kan ti ti hnu in midang ho pawh an rawn lut a, nu Ruati pawh a rawn tel ve tawh. Zanah a riah pui tur thu te a sawi ve mawlh mawlh a. Kan zin haw chauh a ka tlawh nghal chu fel min tih thu a sawi ve nasa viau bawk a. Terini nen chuan an in be leh a, class chawlh chhungin an dawrah a thawk reng a. Class kan kal lai pawh khan weekend apiang in a thawk bawk a, an in nel lutuk pawh chu a awm lo hran lo.





Tlaiah Roa te rual in ka haw a, Roa ber chuan kan in thleng min thlah ve thlap a. Dinpuian Terini a thlah ve thung a. Zanah Zorema birthday lawm sak kan tum a i thiante ho pawh kan hrilh tawh kha. I lo haw fuh cher cher bawk a, lo kal rual vek ru aw. Tiin min sawm zui a, kan inah pawh rawn lut lem lo in a tlan tlang leh mai.




In ka luh chuan ka nu leh pa in Zorema din hmun te min lo zawt ve a, ka rin ai daih in kei pawn ka va hmu dam bawk nen ka veng hawk mai. A a vak tawh lo bawk nen ka nu eirawng ka bawl pui zung zung a. Zanah damdawiinah kan kal dawn thu te pawh chu ka sawi ve a. Engmah an sawi buai lo bawk a an phal angah ka ngai zui hmiah.




Zanriah kan ei kham hnu lawkah ka thiante pawh an rawn thleng a. Damdawiinah in hmu mai ang u ka tih in kan lo hmuk ve hrim hrim ang che tiin an rawn kal lui hram a. An rawn kal tak ah chuan ka thil hawn ho chu ka pe nghal a. Thil ho te pawh hawn I la an lawm thiam thei lutuk hi thil hawn hi an man hla bik hliah hliah.




Taxi in kan thian li chuan damdawiin kan pan a. Roa te lah chuan min la rawn call sek leh nghal. Rei tak thleng awm kha a rem dawn si lo a tiin a hma lam a tih vat kha an duh ve bawk nen. A hmun kan thlen chuan cabin ah an lo awm kim vek tawh. An thian bik liau liau a lawm an ti bawk a kan tam hran lo.




" Khaw nge Dinpuia leh Zorina? " Diki chuan a ti a. Kei pawn ka lo zawn kual lai tak a ni. " Zorina chu a rawn tlai deuh dawn a, Dinpuia ten cake an va lam lawk a. " Hruaizelan a lo ti ve bawk a.




" Ti nge i rawn hak loh. " Zorema bul a ka thut chuan lawm loh hmel zet hian a lo ti hmuk a. Ka hoodie hawn sak kha a ha a, hnuai lamah erawh damdawiin kekawr a la ha thung a. Tlaiah khan ka ta zawk kha ka hawn let a. Ka roomah ka dah kha a nia. " Ka theihnghilh daih bakah i sawi si lo a. Roa pui leu luau sawn min rawn tur hman awh bawk nen. " Ka ti hlak hlak a. " Min tel hnai vak su aw. " Pakhat a lah chuan a rawn ti lawng lawng zui.




" Zorina chu a va rei e, a rawn theihnghilh em lo ang chu. " Tiin a khat tawk in a phun leh thin. " Zorina chu a tha leh tawh a mi? " Dik chuan a lo ti leh khauh mai. Single sofaah kei ni thu in Zorema mal in karah la thu fel than a. Kan hma a chair leh thutna remah mi dang ho an thu thung.




" Enge maw a that loh ang ni mipa a nia lawm. " Roa lah chuan a lo ti vei ham ham. " Ti nge Zorina chu a damlo a mi? " Ka lo ti haw. " I mak, engmah hi i hre ve lo a mi? " Di ki lah chuan a lo ti hliai a. Opi ka melh zeuh a a hre bik lo tih a hmelah ka hmu reng. Siamsiamo chuan a hre dawn lo sa. College kan kal ho tlat lo a university a kal ho chiah kan nia. Zorina phei chu law college lamah a zawm ta daih bawk nen.




" Sawi ve mai u la, a lo thlen hma hian. " Opi chuan a lo ti ve hlak.




" Miss Zuali nen khan an in kawp tha hle hle tawh emaw tih laiin hmeichhe pakhat in a fa paiin a luh khung a, mahse an in then phah lo an tia. Hmanni khan miss khan pasal a neih tur thu an sawi a. A pasal pawh kha a first love an ti in ka hria. Zorina hetiang a nih takah chuan a first love hnenah a kir leh an tia lawm. Chu pa chu MZU ah pawh a thawk an tih kha. In hre lo chu a mak hle mai. Kei a lut lo ber in ka hrilh ta cheu chu a nia. " A ti zui niah niah.




" Nang ang in a chanchin kan chhui zui ve hlei nem. Tu nge chu pa chu kan professor a nih chuan kan hre hrim hrim. " Opi chuan a ti ve a.



" Muanpuia, Assistant professor an tia lawm. Chuan kei chu an in hmeh zawk ka ti, Zorina chu a vanglai a la hmang dawn chauh a nakin zel a tan pawh Miss kha a tha lo ka tihna ni lo in tun a a pasal tur pawh hi mipa fel tak a nia, an in hmeh tho ka tia,ni 6 hian inneih an tum a lawm. " Diki bawk chuan a ti leh.




" Tu nge hria an inneih an thul lo ang tih. " Hruaizela chuan a ti ve thung. " Naupang chhia nghal loh ti nge an thulh ngawt ang. " Dikin a lo ti ve thung. Kei erawh a mual bo in ka bo.



" Ka hriat dan chuan Miss Zualtei kha a tlan bo tih lam daih a ni. Kan vengah an awm a, an thenawm te sawi ka hre thawi deuh a. Prof. Mpa pawh a rilru a buai hmel viau an ti bawk a. An in neihna tur hi a chhungte nawr luih vang an ti deuh bawk a. Chuvang in a tlan bo a. A pa pawh a damlo sa nen a nat zual phah a, damdawiinah an lut hial an ti lawm. " Heuaizelan a tih chuan ka ngawi thap hlawm mai. A ni mi tawngduh lo lutuk in a sawi chuan dawt chu a nih kan ring lo vek pawh a ni mahna.




" Chutiang ka awi hlawl lo, first love te hi chu theihnghilh an har a nia. Zorina lah in hmeichhe dang a kawl tawh phei chuan... " Diki chuan a lo ti let vat. " Sawi tawh lo ang, hlim zan a nih hi thianpa Zoa a lo thlen hunah phei chuan hre lo ang hmak in awm ang cheu. I sawi dan takah miss Zuali hi a first love a nia, a rilru hi a na ve lutuk a nia. " Roa lah chuan a lo ti ve hluai a.




" Tak in Dinpuia nen in bialnu te in rawn hruai dawn emaw kan tia. " Siamsiami chuan a lo ti ve a. A ner nasa ngang mai. " Nuam lo in ti palh ang. Couple pakhat kan kawl hi a tawk viau tih. " A lo ti let daih chu min rawn melh kher hlawm a. Ka hnung a thupa lah hian ka kawngah a rawn kuah deuh tlat a. A hliam nawk fuh ka hlau nen ka thu hahdam lo ang reng.




Kawngka a rawn in hawng a Dinpuia leh Zorina pawh an rawn in zui lut a. Cake an rawn khai lut bawk a. Roa lo nghahhlelh em em chu cake lam a ni aw zawng lo. Bear leh in tur dang chu an rawn leng lut ru zui a. " An phal a mi? " Di ki pawh in a ti thlawt.




" Phal se a ruk in kan la lut nang. " Roa lah chuan a la ti ham hma zui.



" In ve suh ang che. " Zorema melh chuan ka ti nghal thawr. Nui suk in lu a bu nghut a. Cake te zaiin game te kan khel kual a. Ka thlen tirh atang in Zorema lah pangrem ang maiin ka taksaah a bet tiin min chaih reng hlawm a. Awm pawh a awng viau. Min ngai leh min thlahlel lutuk ang maiin a awm a. Ka kal bo mia hlau ang hrim in ka pang depah a awm reng a. Game kan khelh lai pawh chuan thil hi ngaihtuah muk hmel zet in a awm leh vung vung thin. A chang chuan na a neih ringin ka ngaih chu a ti tha lo lek lek a, ka zawh lah in a that thu leh min ngaih vang a ti mai bawk sia, ka awm pawh a ti nuam chiah lo.



Roa fimkhur lo lutuk in a bear ken min la tih buak khum zui a. A rim la nam vek bawk nen bathroom ah tih reh tum in ka lut a. Tui a ka kawr lum ka tih huh mawlh mawlh lai chuan bathroom kawngka in khar thawm ka hria a la hawi let chu Zorema a lo lut ve chu niin. Kawngka chu a lock zui hmak bawk nen hrilhhai fe chuan ka loelh tawp.




" Ti nge a? " Ka lam pan a a rawn kal chuan ka ti sep. Ka hma zawnah rawn ding in ka sir ve veah a rawn in nem khalh a. Ka hmai zawnah chuan a rawn kun hniam run bawk.




" Ka rawn tlan bo san. " A tih chuan ka nui ve sak. " I tlan bo san hnai e mai a. " Ka ti ta ringawt.




" Tun ang hun hi a thleng leh a ngem kan hre si lo a. Ni lo... A thleng tawh lo pawh a ni mai thei. " Rilru buai hmel deuh a a tih chuan la hrethiam lo viau.



" Enge maw I sawi le? " Ka ti let vat. A awm dan chuan ka a a ti nuam miah lo bawk. " Zorem... " Ka tih leh rual chuan rawn che thut in la hmuiah chuan a rawn fawp chawt a. Ka in ting lo bawk nen ka tal deuh laih a, mahse a taksa bandages a an tum ka khawih fuh vang chuan ka tih nat ka hlau a ka in thlah dul leh riai riai a. Ngen ngawl zet a min fawh zawm in ka taksa chu min nawr bet zual sauh bawk.




Min fawh dan chu a duh thawh em em rual in min tih nat chu a hlauh hmel ngawih ngawih thung a. Rei fe chutiang a min fawh hnu chuan min thlah in ka darah a chal a nghat zui a. Ka thawk chu a rang in boruak chu kham lo ang maiin ka thaw zui halh halh a.




" Ka rilru hi a buai tak zet. " Ka nghawng lam chu a hmai sa vur a rawn nawr tawk in a ti leh nghut a. Tun a a awm dan hi ja hrethiam lo lek lek. A rilru ti buaitu lian tak a nei ni maiin ka hria. Che deuh in ka kut chuan a biang ve veah chuan ka dawm sak a min en tur chuan siam rem in," Min hrilh thei reng a nia. " Ka ti ve sep. Lu thing ngut in a mit chu a chhing vang vang a.




" Tih nat che ka duh lo tih i hria ti raw. " A tih chuan chik deuh tak in ka en a. A mit meng chi ka chhiar thiam chiah lo. Enge a ngaihtuah awm ang pawh ka hre thei lo. Taksa chu a sa vur a, a biang ka vawnna pawh chu a lum tak zet.




" I khua a sik a ni lo maw. Kal ang I taksa hi a sa lutuk. " Tiin kal sawn pui ka tum a mahse ka taksa chu a rawn ku ah khawm nghal hlun thung. " I bul a awm hi ka duh ber a ni tih hi hre reng rawh. " Ka beng zawnah chuan a ti sup a. " I tha miah lo, chhuak ang doctor kan ko dawn nia. " Tiin ka kuah chhuak a. Kan thian ten min hmuh rual chuan min lo pan vat a. An thil tih hnawk an lo thiam gai tawh chu niin.




Doctor kan ko a, room chhung rim chu hai theih ni hek lo min hau zui nghek a. Birthday lawm tur chuan an dil thlap a, in tur lak luh lam an dil lo tih hriat reng reng. Hmeichhe ho erawh in engmah kan in lo thung.




Dar 9 bawrah nu Ruati haw kha a rawn thleng a. Kei ni pawh haw tur in kan in puah chah sang sang a, Zorema rawn awm dan teh thut chuan ka awm a ti nuam lo viau a haw pawh chu ka hreh ngawih ngawih. Zorema mutthilh thleng nghal in kan chhuak a, hmeichhe ho min thlah tur in kan in daih chiah chiah a tih zia ta phian.




*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)