Miracle Love by Amy Cck (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Miracle Love by Amy Cck (Completed)

Unread post by Ngaia » July 10th, 2022, 5:54 pm

iracle love by 💕 Amy Cck




Chapter - 37



" I tho ve tawh em tawk maw?. " Ka roomah ka lo in ngaihtuah rauh rauh laiin kawngka rawn in nem hawng in Jenny chu rawn lut in a ti lut lang lang. Ka lo phu deuh zawk chu mak ti hmel a pu zui nghal bawk.




" I nuam sam lo a mi a? " A tih leh takah chuan lu thing in ka nui lui sak a. Ka phone ka hum reng chu khumah dah in ka thaw deuh halh. Nizan khan u Duatin Zorema phone no leh awmna address min rawn hrilh kha a nia. Inthenawm mai kha leh chen kan lo in hmuh loh chhan pawh an inah sawn a haw ngai loh vang a ni tih u Duatin a sawi atangin ka hria a. Ka bia ang tiin rilru pawh ka la siam chiah lo nanin a no vel chu min rawn thawn hram a. A no ngai kha a lo hmang leh tawh tih ka hre ta bawk.




" Chaw ei kan hman tawh a mi? " Ti a Jenny ka zawh chuan lu chu a bu ve nghat a. Chu mi rual in ka bul maiah chuan a rawn thu zui ve dat.




" Vawin chu bazarah min kal pui la Eddie hruaiin. A bday a mi tur Inchhung cheina leh mamawh tur lei ka duh a. I u hruai ka tum deuh a mahse I hriat kha vah kual vel hi a ning hma thei sia. " Tiin beisei nei zet a min entu chu nui sangin lu ka buk khum nghat.




" Chaw eikhamah a hma lamah kal I la tlai lutuk a haw lo tur in. " Tiin inhnuai lamah kan in zui thla a. Kan bazar kal tur vel kan sawi chuan ka u in eddie hruai lo a kal turin min la ti zui. Khua a vawh tawh bakah chrismas a hnai tawh bawk nen bazar pawh mi an tam dawn si a kan han ti damloh an hlau a. Ka nu leh pa pawn an pawmpui viau leh nghal.




A tir chuan Jenny in hruai a tum viau nan an sawi an sawi takah chuan hruai lo a kan thian dun a kal chu a rem ti ve leh ta tho a. Chaw kan ei kham a kan tih vel hnu in kan in siam zui nghal a. Kal hma kan tum viau nan kan insiam zo kan chhuah meuh chuan a hma leh chuang miah lo.




" I hmel a dik lo riau in ka hria. Thil thleng a awm zawk nge? " Tiin taxi a kan chuan hnu chuan min zawt leh a. Engmah a awm loh thi bawk chuan ka chhang leh thung. Jenny hi kan monu ni mahse ka thian a ni reng tho a. Mahse he thil kher hi chu sawi pui chi niin ka hre lo. A bikin Zorema chung chang phei chu.




" Tunlai hi Puipuia nen in in be ngai em? A reh riau in ka hria a. " Eddiea thawmhnaw tur kan en laiin a ti a. Kan in biak thin thu te chu ka sawi ve luam.



" Bawihtea piancham hi lawm zo i la chrismas hmang lo in Bengalore lamah ka let leh mai dawn em ni le ka ti deuh. " Ka tih chuan min en haw.



" Ti nge? " A mak ti hmel thup miah lo chuan a rawn ti a, kei erawh ka lo nui lui sak.




" Puipuia ka khawngaih deuh mai mai. Min rawn biak hian a khua a har hmel thei lutuk a. " Tiin ka chhang a mahse ka rilru chuan thil dang daih a sawi thung. Ka kal bo hnu a thil thleng ka hre chho zel a ka rilru hi a nuam thei lo. Duh lo viau mah i la Zoremsanga chanchin ka hre zel a, hma lam ka pan pawh ti i la a nun a hman nawm loh zia leh hun harsa a paltlang nasa tih ka hriatna hian awm nuam in min awm tir thei chuang lo. Chuvang in engmah hre lo law law a awm kha a tha zawk in ka hre tawh.




" Ka pa te rawn ve phawt la. Mahse an phal pawh ka ring lo. Bakah kum thar lamah Puipuia pawh rawn haw a tum tho kha. " A ti zui siam siam a.




" Tak a Siamin lo leng kawi ru a tia sin tlawh kawi i la nau kan hruai lo ta sa sa. " Bazar atanga kan chhuah hnu chuan a ti a. " Nimin a ka kal tawh a sin. " Ka ti niah nih chu ka banah min rawn kuah chung hian " Ka la kal ve hlei nem. Hmanni an lo len khan a fapa a rawn hruai ve si lo a. Bakah pasal a neih hnu in an in ka la tlawh miah lo a. Min kal pui ve hrim hrim rawh. " A tih tlat vang chuan ka hnial ta bik lem lo. Taxi hmang in Dinthar lamah kan in phur thla a. Siami pawh kan call zui nghal bawk.




Rei loah an in kan thleng a. Higher kan chhuah hnu atang khan midang ho nen kha chuan kan in be khat tawh khawp a. Siami pawh University lut ho leh lo i la chuan tun ang hian kan in kawm lo mai thei. Kan in kawm zui zel ang te kan tih nasat ve nen tum ang hian thil hi a kal lo theih zia a lang chiang ka ti mai.




Inchhung a kan kawm ho laiin pawn lamah tho ri huk leh au chul ri a rawn awm a. Eng nge thleng tih hriat tum in kan va chhuak ve hlawm a. Kawng thlang lam deuh kawngpui lai chu an lo hual tuau tuau a. Motor in mi a su emaw motor leh motor an in tai palh a nih kan ring hlawm a. Inchhung a luh kan tum tawh chu mipui kar atanga rawn pen chhuak ka hmuh chuan ka hawi let rang teh e.




Zoremsanga chu ka en reng a, a ni pawh chuan min rawn hmu rang ngei mai. Min hmu thut chu kei mah ang tho in a thawng tih a hriat. Mahse che sawn hmasaah tangin kawngsir deuh a a bike ni ngei tu tlu reng chu tung tho in chak zet chuan a in khalh chhuak nghal a. Chutih lai mek in Siami te in piah a dawr nghak chu mipui pun khawm nasa atang chuan a rawn let ve mek bawk a.




" Pa Sawm enge thleng a? Che sual an awm a mi? " Tiin Siami chuan a lo au lang lang. " Che sual tihah tlangval thenkhat an in ti buai deuh a." Tiin an dawr ni ngei turah chuan a lut zui mai a. Kei ni pawh kan in zui lut ve nghal. Modang hi chuan Zorema kha an hmu ve lo ni ngeiin a lang.




" Ka ning a nia tunlai chu a khat tawk hian buaina hi an siam reng mai a. Kan thlang deuh a inah khuan zu an zuar an tia. Khawi khawi emaw atang hian a rawn kal a. Vengchhung hruaitu te pawh hian an hre ve awm reng sia an rawn en dik duh miah lo leh nghal a. " Tiin Siami chu a phun zui barh barh a.





" An va ti mak ve khaw en lai pawh in kha tiang kha a thleng a nia. " Jenny in a tih chuan " Sawi teh suh zan lam te hi chhuah mai mai chi pawh a ni lo. An mak a nia an harsa lem lo a nia. Pa Sawma te thlang chiah in lian pui khu a nia. An pa ber chu kohhranah pawh a in hmang lutuk. An fapa pakhat khu ruihtheih thil lamah a fihlim lo ve a. Hmanni lawk khan nupui neiin an in hnuaiah khun an indang ve a. Chu mite chuan an zuar an tia. A pa hausakna vang hian khawtlang hruaitu te pawh hian an en kan niin ka hre ber. " A ti leh barh barh a. Ka ding deuh thut chu min melh dun haw mai.




" Haw tawh mai ang, ka nu ten rei min lo tih palh ang. " Ka ti deuh thut chu mak ti lutuk in min la en reng. " Min ti phu lawm. A la rei loh en hi la leng ru. " Siami lah chuan a ti ve a. Mahse Jenny zawk in Eddie a ngaihtuah ve deuh tawh thu a sawi zui ve mai a. Kar tawp hi Eddie bday a nih tawh vang in an nufa a lo kal ve tur chuan kan sawm bawk a. Kan haw ve ta hram.




" Zorema kha i hmu ti raw? " Taxi a kan in lam kan pan lai chuan Jenny zawk in a rawn ti chhuak hlawl. An hmu ve lo tur ah ka ngai kha a nia. A lo hmu ve hman ni ngei tur a ni.



" A mah vang khan em ni Bengalore a chhuk i hman hmawh chhan? Zonun i u nupui pawh ni mah i la i thiannu tho ka nih hi. Ka lakah hian zep nei lo la ka duh. I u nupui ka nih hma daih in thian kan lo ni tawh a. Harsatna emaw rilru ti buaitu i neih chuan min hrilh ve la pui theihna che ka neih chuan puih che ka duh a nia. " A ti dap dap a. Kei erawh chuan ka chhang lem lo. Ka ngawih reng vang chuan a beidawng nge thawk la halh in a ngawi zui ve mai.




Eddie a piancham kan lawm zo, inleng te an haw hnu in Jenny nen kan ti fel thuak thuak a. Ka nu in Eddie a lo paw mu thung a. Kan ti fel zo ka room a ka chho chu khum a ka phone lo let ngat lo eng pap pap ka hmu a. Ka en chuan Puipuia call a lo ni.




" Chuan lo chhuk leh chu i tum chiang ta em? " Ka tawng hma hauh chuan a rawn ti a. Thaw chhuak ham ham in tukverh lam chu ka pan a. " Umm... Ka nu te bulah pawh ka sawi tawh a. " Ka ti ve sep. Phone atang chuan a nui suk ri ka hre thei.




" I lo chhuk leh nghal dawn a nih chuan kum thar lamah pawh ka chho kher lo mai ang kei pawh. I lo chhuk duh tawh loh ka hlauh vang a rawn hruai tum pah che a lo chho tum ka ni sia. Ka rawn kal chhan tur ber I awm leh dawn lo chuan. " Zangkhai zet chuan a rawn ti zui a. Ka nui ve sak sak thung.




" I chhungte pawn an ngai ve thei che a, kha ta awm hlen I tum a mi? " Ti a ka fiam let chu a nuih a zat hmel ngang mai. " Ka awm bo thang tawh lutuk a ngaiah min neih tawh. " a la ti ham ham zui. Kei pawh chu ka nui ve mai a mahse tukverh atanga kawngpui ka en chuan ka nui tawp riai riai. Kawngpui sir lam thim chin lai a ka mi hmuh vang chuan ka thinphu chu a rang nghal dawt dawt a.




" Tricket vel in la fel tawh em? " Tia Puipuia min zawhna chuan min ti harh zawk. " Ka u khan ka lo buaipui ang a tia. " Ka ti let a. Ka chhan mumal loh tak viauah chuan ," i mut a chhuak tawh a nih kha, muttui aw. " Tiin a mah zawk in kan inbiakna a rawn ti tawp zui ta daih a.




Ka phone sana ka en chuan dar 12 a lo ri tep tawh chu niin. Kawngpui lam bawk ka en leh chu ka thil hmuh kha a lo bo leh daih tawh. " Ka hmu sual em ni? " Tiin ka phun sep. Nichin khan Zoremsanga ka hmu than in ka in hria a. A hmel chu thingkung hlim in a hliah vang khan ka chiang lo a mahse a mah ni a rinna lian tak ka nei.





Light off in khumah chuan ka mu a, a rang lam a Bengalore a chhuk tum in ka rilru ka siam tawh a. Ka chhungte pawh ka hrilh vek tawh a, mak an tih hmel viau nan anphal lo thu erawh chu an sawi lem lo. U Duati lakah pawh ka in thlahrung viau nan mahse Zorema biak ka hreh em vang in be lo a kal tawp ka rilruk a. Bia pawh ni i la engmah kan siam that phah dawn pawh a ni lo a. Hun kal tawh sawiin kan in ti na that leh mai mai a nga. Chu bak thil thleng tur vak a awm chuang lo.



*


" Mate i thianpa a lo thleng a nia, hman hmawh ve deuh la. " Ka room kawngka rawn kik in ka u in a rawn ti a. Kei pawh chu darthlalangah in en leh thuak thuak in inhnuai lamah ka chhu a. Sitting room a Rla lo thu chu ka nui sak. Ka pa te nen an lo ti ti mawlh mawlh a.




Chhuk leh mai ka tum vangin ka thianten leng chhuak ve reng reng ang u kan inhmuh hun tur a hriat leh si lo a an ti ve a, kei pawn ka hnial lem lo khawp mai. Tun ka chhuk leh chuan la haw leh hun tur la sawi lawk thei tawh dawn tlat lo a.




" Kan kal mai dawn em ni, an lo call ngun tawh sia. " Ka tih chuan a rawn ding ve vat a. " Va fimkhur u la aw. " Tiin ka nu in kawngka thleng min zui a. Chhung lam atang Jenny lo fiamthu zauh chu ka hre hman hram a ka melh let zui vak.




" I in ha lum tha em kan tlan thaw dawn sia. " Bike bul a kan din laiin Rla chuan a ti a nui seihin lu ka bu nghat. Kan tlan chhuah hma in Opin a rawn call a min lo nghah tawh thu a rawn sawi zui luam a. Rla nen kan veng a in an vang in kal rual tur in kan in si fel a. Kan tlan chhuak chu a speed a muang lo bawk a kan thiante pawh kan va fin rang khawp mai.




Lawma leh Opi an in phur a, Bda leh Diki an in phur ve bawk a. Bda hian Diki hi a duh thin kha a nia a la duh reng em tih erawh ka hre lo. Duh hlauh se Laldiki a la single bawk a ni daih se Opi nen kan ti ru nauh nauh mai.




" I in duh ve thei khawp mai. Engmah sawi lo in i awm book hmak a. I phone no lah I la thlak ang vek zui a, min lo ning thin viau a nih dawn hi ka ti ringawt. " Ti Lawman min fiam chuan za lo zet in ka nui ta ringawt.





" Chuan engtik maw I chhuk dawn? " A ti leh mai a. " 22 ah a niang. " Ka tih chuan ka chek tlak tlak. " Mas te chu han hmang ho thei I la tha tur. " A ti leh hluk a. Thil dang dang sawiin kan ti ti a, kal tumna em em pawh nei lo in khawlai kawngdung an chei eng phe tuar chu round in thla te kan la a. Diki leh Bda sawi rem kan tum tlang bawk a thla te kan lak duniya tir thul, Diki aiin Bda zawk a lai zel bawk nen kan nui leh tih thin.




" Helam hi nuam i ti vak tawh lo a niang maw chhuk leh i tum hmat danah. " Ka bulah Lawma rawn ding in a ti a. Kan hma lam a kan thinte thla la chu kan thlir pah bawk.




" Nuam tih loh pawh a awm chuang lo. " Ti ringawtin ka chhang a. Kan awmnaah mi snd tam ve bakah chrismas hla an play ring bawk nen tawng pawn kan au deuh lang lang mai.




" A tawpah chuan i kawppui tur tak i tawng ve ta chu a nia, college kan kal tirh a in in huat theih zia ngaihtuah let hian hetia in in kaqp hi rin harsa ka ti. " Opi melh zeuh a ka tih chuan a ner nawk mai.




" Khang lai te chuan side lam nei rang in rilru in pu miau a. Eng thil pawh ti i la kei ni lam kha chu misual kan nia leh lam ho kha chu a changtupa te an ni miau a. " A tih ve chuan ka nuih a zat rual in ngaihtuah let hian ka lung a leng thar a, loh theih loh in Zoremsanga ka mitthlaah a lo lang nghal bawk.




" Hun hi a lo kal chak ve khawp mai ti raw. Ka duh ve thin lai che te kha.. " Ti a a nui suk suk chu en in ka nui ve sak a. " Nia, a kal chak khawp mai. Kan mi huat ber te emaw kan tih kha kan hmangaih ber an lo ni a, kan hmangauh te kan mi huatah an chhuak ve bawk a. " Tiin van lam a arsi phe tuar chu ka en vang vang.





" Kan rei e, ka ril a tam tawh lutuk a nia, saw lai piah deuhah sawn dawr a awm a. " Kan thiante rawn pheiin Diki chuan a ti lang lang a. Kei ni pawh an lam pan in kan phei ve vat.




" I in la ngah thei maw? " Ti a ka fiam chu Rlan phone memory a full tep a lo ti zauh a. Kan nui dar dar mai. Dawr lam pan chuan kan in zui phei a, chawl pawh an lo tam phian leh nghal.




Dawhkan ruakah chuan kan thu ve a. Kan ti ti a kan nui dar dar lai chuan kawngka lamah thawm a rawn awm huk a, ka thut dan zawng a ni bawk nen tawng pah a ka melh zeuh chu Zoremsanga nen kan mit a in tawng chat. A mah mai pawh ni lo in Roa te ho pawh an tel a. An thian thenkhat erawh ka hriat ngai lo pawh an awm nuk.




Kan thutna opposite lamah an thu ve q, Zorema ber chu kan lam rawn hawi zawng in a thu bawk nen ka va mit sir a piang in chiang zet hian min lo en ve thin a ka awm pawh a ti nuam lo zo. Hman ang bawk in an thawm chu a ring leh ber tawh. Ka va melh leh rual chuan min hnung chhawn a thu Roa chu a rawn hawi fuh a, min hmu chu mak a tih hmel ve tho.




Chutah a bul a thu Dinpuia te chu a hrilh zeuh a. Ding hluaiin kan lam chu an rawn pan a. Ka en ve reng vang chuan Lawma te pawh kan melhna lam an en a. Kan bulah Roa te chu an lo thleng ve chiah. Zoremsanga erawh a thutnaah a la bur ngur mai.




" Teh hlawh che chuan engtik nge i lo let a, thla emaw la rawn ti dawn che a lawm. " Nui chungin Roa chuan a rawn ti a. Ka lo nui ve sak.




" A rei ve tawh, in dam hlawm em? " tiin ka melh kual a. Mit kan uk in lu a bu nghat nghat. Chutah midang kan thut puite melh kual in " Hmuh in nuam hle mai, rem changah la chhuak ho i la. Inkawm ho lohna pawh a rei tawh a lawm. Heng ho lah hian min hmelma en hlawm emaw ni. " Tiin Diki lu a tuai sak chu Diki a kut a lo ben thlak sak rang ngei mai.




" Mawl thin lo leh Vanlalro. " A ti nghal hlar mai. Nui suk suk in an thutnaah an let a. Zoremsanga min enna avang chuan ka che a khawr vek a, ka awm a nuam lo tih ka thianten an hria nge ni chhuah an rawt vat reng a.




Bike kan hunna lamah kan let a. Kan thiante pahnih chu an tlan chhuak mai a. Kan zui ve tur chu Rla phone a rawn rik vang in tlan chhuak ve mai lo chuan a chhang leh rih a. A biak danah a bialnu emaw a la ang em em zui.




" In in biak chhung tah sawn tui ka va lei lawk ang. " Tiin dawrte lam chu ka pan a. Mi an tam bawk nen ka in zep phei ve zel a. A tawpah chuan ka thleng ve ta hram.




" Tui ka lo duh ang aw. " Tiin ka purse a mi 100 chu ka phawr a.



" A nawi a awm lo a. " Dawr nghaktu nu lah chuan a la ti zui. " Thil dang lak belh mai la, a tlang hlir kan dawng a a nawi a awm hman meuh lo. " A tih leh takah chuan lak tur chu ka en kual a.




" Ka lo pek sak mai ang. " Ka sir mai a ti riah chuan ka melh zawk a, tlangval pakhat ka hriat ngai pawh ni lem lo chu a lo ding reng mai.




" Aa... A ngai lo a dang ka lak belh mai ang " Ka tih pawh chuan " Pek sak che ka duh a lawm. " A la ti tlat zui a. Midang dawr tu an tam ve bawk nen dawrnghaktunu chuan cheng 10 zawk chu a lak takah chuan 100 chu min pe kir leh a.




" A nih ka lawm e aw. " Mawi hnaiah tiin ka in her a. Ka kal sawn chu " I hming min hrilh ve la, chuan in vengte pawh. Kan lo la leng duh mai thei a sin. " Tiin min rawn zui ve zel a. A mah chauh ni lo in a thiante pawh an awm tih min zui takah chuan ka hre ve chiah.




" Nangte reuh hi i va in duh ve a. " Chhang lo a ka kal zel vang chuan ka banah chuan min pawt ding chawt. Rla auh mai dawn in a la hla ting tang bawk nen ka hlauthawng ru ngei mai.




" Enge maw I hriat le, min thlah teh ka thianten min nghak a nia. " Ka tih pawh chuan min thlah mai duh lo leh nghal.




" I hming min hrilh phawt la. Chuan I thiante chu hmeichhia ve tho em ni? Kan nu lah rawn tel ve ta cheu. " Nui sawng a tiin min din hual ang thup a. Ka hlauthawng tawh ngei mai. An thian paruk vel an niang min hual thup a, enge thleng rawn ngaihven deuh chu pawr zet in an lo hnawt sawn zel nen ka tah te hial a chhuak ut ut mai.





" Lee.... I hming chiah a lawm kan zawh che, a uihawm viau a mi, a ral thei pawh a ni hlei nem. " A tih leh pawh chuan ka la ngaqi tlat a. Ka tui bottle ken chu ka hmer ngawt ngawt tawh.




" In kal sawn vat loh chuan ka au vak dawn .... " Ka tih rual in a tu ber nge ka hre lo hnung lam atangin ka mawng a rawn tham deuh tawk chu ka phu chiang ngei mai.




" A tha e, a nih chuan i hming ni lo in i phone no chiah min hrilh mai rawh. " A tih leh chuan tanpuitu auh vak mai ka tum tawh chu " A duh loh cheu a nih kha. " Rawn ti tu lam chu kan hawi a. Kan sir mai a Zoremsanga chu a lo ding reng tawh.




" Thiana lo in rawl lo mai teh khawih i duh loh chuan." Min din hualtu te zing a mi chuan a ti sup a. Zoremsanga erawh a kiai suk duh chauh.




" I no chu min pe la kan kal tir nghal ang che. Ni leh lo in in thleng kan thlah dawn che nia. " Tiin a hma a mi bawk chuan a phone chu a rawn lek kang leh a. " Tak zet cheu hian! A no kha a to viau a nia, tui cheng 10 man nen a thleng a tan chuan. " Nuih za aw deuh tak hian Zorema bawk chuan a ti leh a. Ka bul a pa chu a lawm loh hmel tawh khawp mai.





" Lo in rawlh lo la himdam in kan kal tir ang che. " A ti chang ta rat. Kan bul vel a mi pawh chuan min en ta thup.




" A kut kha thlah la himdam in ka kal tir ang cheu. " A ti ang chiah chuan Zorema chuan a ti ve bawk. A sawi zawh rual in nui suk mahse a mit meng chu a hlauhawm lek lek.



💕 link ngaih zawm leh tur aw 💕💕


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:54 pm

Miracle Love ❤ by Amy Cck




Chapter - 38




" Tu nge maw I nih le khawih deuh hlek I duh a nih hi. " Thinrim zet a tiin pakhat chuan a pan phei nghal buan buan a. Ka bul a a thian te lah chuan khawih hrep tur in an la au lawng lawng zui. Zorema bul a thlen phei rual a hnek tum ni awm tak a posi a lak rualin Zorema zawk chuan a hnek thal nghal thuai a. Midang a ve ho chu au dual in an ding hlat nghal thup.




" Mai mai chuan... " Tiin kan bul a ding mipa panga vel chu an tlan phei a. Ka no min dil tu ber pa erawh in ka ban a la vuan tlat thung a. Ka tal lah in a herh in a hreh deuh bawk nen ka na zawk zel chu tih ngaihna hre lo zet in Zorema te chu in seh ruh te uh in ka en ve ta ngawt.




A tir lamah chuan tleirawl lai atanga in sual lo hrat ve ta chu tam zawk mah nise Zorema chu an khawih na thei bik mai lo a. Mahse an tam hneh hrim hrim bawk nen an hnek fuh ve leh chawrh thin te chuan ka tha a lo ti khur lek lek a. A hneh lo a nga an khawih rawn hrep chu ka lo hlau ber tawh.




" I luhlul zar a tuar dawn a nih saw. " Ka bul a ding pain a tih rual chuan ka au nghal tuar. Hnung lam atang in pakhat in ri chawrh khawp hian a rawn chhu a. Zorema pawh chu a pai zui nawk a, a rawn chhutu pa in lei a a thil ken a paih chuan helmet in a rawn chhu tih ka hre chiah. Hlau thawng lutuk in Zorema chu ka en a, a lu a hai nge a in thing leh nawk thin. Chu chu rem changah la in pakhat chuan hnung lam atang bawk in a rawn tlawh chawrh a. Lei a a tluk rual chuan a khawih zui bawrh bawrh a, lo khawi let ve dawn mahse an tam hneh lutuk leh a lu hai bawk nen chuan a che tha thei tawh lo tih ka hmu reng bawk si min vuan bet tlat bawk nen tap chungin pui tu ka au chul a, kan bulah mi tam tak awm mahse tuman han pawh then emaw thelh an tum miah lo chu mak ka ti zawk.




Kan vanneih a siamin kawi atang nge Roa te ho an rawn chhuak ve hlawh a. Zorema khawih rawntu te chu rawn pawt sawn in an in sual zui nghal buan buan a. Min kai bet tlattupa pawh chuan phun hluk a min thlah in a thiante pui tur chuan a tlan phei a. Rang zet in kei pawh Zorema lam pan chuan ka tlan phei a. Thawh chhuah a lo tum meuh chu a banah vuan in ka pui zui nghal vat a. A pem nasat bawk nen thil thleng vel nen khan ka tha chu a khur ru der der bawk.




" I tha ti raw? A na viau em? " Tiin a banah chuan ka vuan a. Roate ho erawh chu an la ri nasa mai. Mi chhang mai lo chuan a lu chu a thing nawk a, a kut a a tukhum a khawih a kut a rawn dah thla leh chuan ka meng nghal kawk. A kutah chuan thisen a kai nasa lutuk ringawt.




" Thi... Thisen.... I thisen a chhuak a nia. " Aw sai der der chuan ka ti a. Zorema chuan min en vut a tawng tum ni awm tak a a awm rual in hnung lam atang in ka hmingin min rawn kauh vang in chu lam chu a hawi leh vut a. Kei pawh a hawi na lam ka hawi chuan Rla kan lam pan in a rawn phei ve nghal a. Kan bul a rawn thlen rual in engtik laiin nge Zorema a chet hman ka hre lo Rla chu a lo hnek nghal chawrh a kei pawh chu ka rak that nge nge.




Rla rawn ding tha leh chu a kawr awmah a tham sak zui chawt a. Mangang lutuk chuan ka pan hnai ve nghal vat bawk. " I chhuahpui ve a nih chuan a bulah awm in venghim ta che. " Thinrim thaw ri hrawih hrawihin Zorema chuan a ti a. Rang zet in Rla a thamna kut chu thlah tir tum in ka vawn sak zui vat. " Zorem a thiam loh a awm loh kha tha teh. " Ka tih pawh chuan nghet lutuk hi a vuan a hnaih set sawtah a melh ngur bawk.




" Bawiha duty an lo kal a nia, kal vat ang u. " Dinpuian a rawn ti lawng lawng a. Zoremsanga erawh in chet sawn tum lo ang maiin Rla chu a tham bet run bawk si. " Zoremsang thlah rawh ka tih chu. " Thinrim aw ki sang zet a ka tih takah chuan phun hluk in a thlah ta hram a ka thaw deuh huai mai.



" Bawiha.... " Ti a an rawn auh leh takah chuan kei mah zawk chu min en vut in " Kal ang. " Tih leh ka ban a rawn vawn a min kal sawn pui chu a rual nghal a. Tang hman pawh ka ni lo mipui karah chuan hma hruaiin a tawn tlangna hnuah chuan ka kal ve zel a. Ka ban chu ka bo hlauh hmel zet hian nghet tak in a vuan a, a na lek lek zawk.



An bike an hunna hmun kan thlen chuan a thian dang te chu an tlan chhuak then tawh a. A bike a a thut rual chuan " Rawn lawn rawh le. " Dam dup a tiin lawn ngei se min ti tih hriat zet in min melh a. Kei erawh a sirah chuan ka ding ngawi reng thung. " Vatin duty in min rawn hmuh hmain. Nge ni a kha pa bulah khan let leh i duh zawk? " A tih rual in a hnungah chuan ka thu nghal thak a. Then suk in a tlan chhuak zui nghal a, a speed a chak bawk a rei lo teah a thiante hnung kan um pha der a. A tir chuan ka thu char at a, mahse a tlan chak em vangin thliin min chhem nasa leh vaqt bawk si, ka tlak mai ka hlaug deuh vang chuan a lamah ka awn lo thei bik lo. Kuah tawp chu ka hreh ve ting tang bawk nen a jacket ah tham in a mah hnaih zet chuan ka awm ta ringawt.




Kawng peng lo awmah a thiante an kawi sap sap a. Kei ni erawh an mahni zui ta lo chuan kan tlan tlang ta daih thung. Rei pawh tlan lo chuan kawng sir rem lai deuhah chuan a ding a. A bike chu hung rem sauh sauh in hnung lamah chuan a rawn thle deuh a, " Chhuk lawk la. " Zawi sup a a tih chuan hrilh hai deuh in ka en ringawt. Kan awmna chu ram palai leng a ang bawk nen, in hmuh mai tur a awm bawk si lo chu a hlauhawm lek lek. " A rei lo ang. " Chhuk bawk si lo tawng bawk si lo a ka thut reng vang chuan a rawn ti nawn leh a. Hreh ru tak si chuan ka chhuk zal zal.




Bike sir mai a ka ding chu ka hmaah tak a rawn ding ve a. Kan dinnaah chuan thingkung thliin a chhen ri dul dul leh rannung hram thawm bak hriat tur a awm lo a, thla eng chiah chu eng awm chhun niin vanah chuan arsi an phe tuar bawk.




" Tun tum chu i duh lo chung ka ru miah lo che a nia. " Kiai deuh suk a tiin min din hnaih zual sauh a. Ka tawlh hnung dat a mahse ka hnung mai a bike awm vangin ka ding leh nghal. Min din hnaih leh zual in ka sir ve veah a ban rawn kham in ka hnung lam bikeah chuan a rawn in nem khalh a. Ka hmai bul chetah rawn kun hniam in chiang fahran chuan ka mitah tak min en a. Kei pawh chuan ka en let ve reng, a mit ko, a hnar leh a biang vel chu a khem nual a, a nat hmel tak zet leh nghal. A mit chu sawn hret hret in min en kual dan dan a, ka hmui zawnah tawp leh chawt in a hmui chu a pet zeuh a. A rawn awm hnaih sawt em vang chuan ka thaw ngam tawh lo hial.





" Enge?" Ngawi reng a min en reng vang leh ka hmui a rawn si tak ngial dawn a ka hriat avang chuan ka ti lawi rat. " Engtin nge ka tih dawn che tih ka ngaihtuah mek a nih hi." Ti zawngin min chhang a a ding ding zui vut chu nasa lutuk hi thawk ka la zui vak.




Chutah a jacket a phelh chu mak ti zet in ka en a, min rawn khuh rual chuan " A vawt i ti ang ha rawh, kan tlan thaw dawn a nia. " Hnial tum a ka tawng dawn chiah chu min tih khalh a, jacket zipper chu a rawn zip phui nghal vek bawk. A hnuah a bikeah a thu leh nghal daih bawk si. " A ngai lo vawt i ti ang, ka in ha lum reng a lawm. " Ka tih pawh chuan hre lo ang hmak a awm in bike chu a ti nung zui a.




" I in ha lum tha em tih chu ka hmu che a ka hria, vawt ka tih i hlauh chuan thu tung ut lo khan min rawn kuah bet la ka tan pawh a nuam zawk ang i ti ve lo maw. " Tiin mit ko min san uk a. Lung dam zan lo chuan ka lawn leh a, a kawng a ka vuan lui hram chu ka kut rawn pawt thut in a hma lamah a pawt phei a kei pawh chu a taksaah ka bet zui thlap mai.




" Tlak i duh loh chuan awm sawn tawh suh. " Tiin a hma ai zawng a speed chak chuan a tlan chhuak a. Kan tawng tawh lo a, a hnungzang hlai hlup a bei thlap in a taksa phiar fat chu ka kuah bet a, a taksa lum ham ham pawh chu ka feel thei. Chu chuan kan hun kal tawh min ngaih tir a, he taksa ka thlahhlelh thin zia leh ka ta a ka lo ngaih nasat thin zia bawk min hriat tir a, kawng dung chei phei tuar kan tlan pel zut zut a. Kei erawh hun kal tawhah cheng in Zorema taksa kuah bet chuan a khat tawk in ka biangah ka mittui a rawn luang vawt leh pap thin.




Bike a tih din dawt takah chuan ka thu ngil a kan in kawt kan lo thleng reng tawh. Hma lam ka hawi leh chu Zoremsanga nghawng a thisen ni awm tak a tukhum zawn atanga rawn luang ngiai ngiai chu ka hmu a. Hawi sawnna chang pawh ka hre lawk lo leh nghal.




" I chhuk dawn na nge? " Ti a a rawn thlek buk takah chuan ka chhuk thla ve ta hram. A sirah chuan ka ding reng a. Kan dinna a eng tak utah chuan a hmai pem pawh ka hmu nasa zual sawt leh nghal.



" I tukhum atang khan thi a la chhuak.... " Ka ti dek dek chu " Min ngaihtuah duh suh. " A rawn ti nghal sup. Kei pawh chu ka ngawi zui leh daih. Tlan chhuah tum ang mai a bike a tih nun leh rual chuan " I la haw dawn lo a mi? " Ka ti leh hram. A luah hliam a nei a, a hmai pawh a khem nual a, tlan chhuah leh mai a tum chu ka zep lo ka ngaihtuah a ni.




" Haw ve ang. " Tih chiahin min la chhang zui a. U Duati khan an inah a awm khat thu kha a sawi tak e. " Min lo nghah peih chuan i pem a hnawih tur damdawi la va la ang, a nih loh pawn i tukhum kha a nat hmel sia damdawiinah ka kal pui zawk mai dawn che a mi? " Tiin la melh deuh vang vang chu nuih za hmel pu deuh a min en in a bike chu a ti thi leh a.




" Ka tha min ngaihtuah suh. Kei ai chuan nangmah kha in ngaihtuah zawk rawh. Zanin ang te kha, mahniin chhuak tawh lo la mipa dang leh hmelhriat loh hrim hrim thil lei sak la mai tawh lo bawk la a tha vek a ni mai. Ka kal a nge tui deuh in i mu dawn nia. " Tih leh tlan chhuah a rual chu mak ti lutuk in ka en zui reng ringawt. Misual ho in tui min lei sak lai kha a lo hmu vek emaw ni ka ti rum rum.




Kan in lamah chuan muang changin ka phei a. Kan kawngka ka hawng chu a lo reh thap tawh, a hma tawh lo bawk nen min lo mut san vek tawh a nih ka ring. Lut in kawngka chu ka kalh tha sawk sawk a. Inhnuaiah pawh tawi khaw muang lo in ka room lamah la chho nghal a. Ka room ka lut chu thaw hak in khumah ka thu zawi hnak.




Ka phone rawn ri dar darah chuan ka in dap a, Zorema jacket ka ha haw tih ka la hre chiah zui. Phone vibrate nghawr dar dar pawh chu ka phone ni lo in Zorema jacket ip a phone zawk a lo ni a. Rawn call tu hming a save dan atang chuan Roa a ni tih ka hre nghal.




" I lo let leh dawn em? " Call la a ka beng zawn a ka dah rual chuan a rawn ti a. An awmna chu thawm a that hmel khawp leh nghal. " A phone a theihnghilh a. " Ti a ka chhan chu a reh zui ta vang vang.




" Zonun nangmah ti raw.? " A rawn ti ta vat. " Umm... Hei a jacket ka ha haw a a phone a lo awm tel a. Naktukah lo la tur in lo hrilh u la. E... A ngai leh lo an inah ka lo va dah mai ang. " Tiin kei mah leh kei mah chuan ka in bia a. Hmu lo a an in a dah chu a fuh k ring leh hnu hnawh a ni ber.





" A tha lawm. Mahse nang mah ngeiin hmu in pe la ka ti khawp mai. Ka thianpa hi i hua tih ka hria mahse a nun khaw har lutuk leh rilru hreawm lutuk hi ti bo turin in sawi thawlna hun pe ve hram la. " A rawn ti chu ka ngawi vang vang a chu tah " Ka bulah kher a ngai hlei nem, thian a mah ngaihsak tak tak tu a nei cheu a, chhungkaw tha tak a nei bawk a. Nang ni chuan in hnem thiam zawk ang. " Ti a ka chhan chuan a rawn thaw chhuak hawk mai.




" Ni e, a nei ngei a lawm mahse i bul a chiah sawi a a hahdam theihna thil a ni tlat si a. Kan bul a sawi a dam thei nise i biak kher ka phut lo ang. Kan bulah pawh hian awm nuam a ti tawh lo ni te hian ka hre thin. Zanin pawh kha nang mah vang chauh a kha hmun a awm kha a nia sin. " A rawn tih leh chuan awi lo lutuk chu la nui hak.




" I tan a nih pawn dawi awiawm deuh te sawi zawk la. " Ka ti let sep.




" Dawt a ni si lo a lawm. Kan thian ho khan kan chhuak ngei a mahse Zorema kha chu kan rual in a rawn kal ve lo. Dawr a kan in hmuh hmai daih khan kan hmu tawh cheu a, Zorema phone in boruak thianghlim dawng leh rilru ti thawveng tur a rawn kal ve tur in kan bia a, a peih loh thu a sawi hnu in i a ve thu ka hrilh a, chuvang a rawn kal ve chiah a nih kha. " A rawn tih chuan chhang let lo in ka ngawi vang vang ringawt.




" I rilru a ti na tak zet tih ka hria ngaidam kher tur pawn ka ti lo che. Mahse a rilru tawt leh nun hreawm lutuk a zia nan tal pawh bia la. Kha leh chen thian in lo nih vang tal pawn. " A rawn ti nawn leh a. A hming a kau tu an awm nak nak nen Zorema be hram tur a min chah nawn leh in phone chu a dah ta hram.




Phone chu ka hum reng a, enge ngaihtuah ber tur pawh ka hre lo. Engmah hriat belh tawh lo a kal san leh daih ka tum a mahse chu chu ka thinlung hian rem a ti chiah lo nge ka hahdam phah der si lo. Thaw hak in Zorema phone ka hum reng chu ka hmet eng pap a, screen a thlalak rawn lang chu en in ka tah nuih hak ringawt. Kan pahnih a kan thlalak dun a lo hmang reng chu niin.




Lock a dah lem loh vang in ka hmet kual a. Whatsapp ah ka luh chuan ka thaw chhuak hak. Hman ang bawk khan chat chung berah ' Kan nu ' ti a a save chu a in pin vang a. Sawi ngai lo in a sir dp atang chuan hman a ka no hlui kha a ni tih ka hria. Bengalore ka chhuk dawn khan kha no kha chu ka hnawl ta daih kha a nia.




A chat a ka luh a ka thil hmuh vang chuan ka thaw chhuak hak . " Mawla. " Ti a phun sap in chat hlui chhiar chho zel in ka thai chho mial mial a. He phone no ka hmang tawh lo tih hriat tak a a in one tick char char chung pawn nitin a lo va be thin a. Chhangtu erawh an awm tawh lo. A hma a ka phone ka ti chhia a tih a no dang a hman lai a awm ze nei lo a ka lo biak thin na zawng zawng pawh kha a lo chhang let a. Mahse chhiar tu tur erawh an awm tawh lo.




Nitin chuan min ngaih thu leh min hmuh chak thu te, ka chung a sual tak a a khawsak vang a hreawm a tih thu te, min ngaih lutuk vang a zu a in thin thu te, a mah hau leh tur a min nghah thu te, tam tak a ni. Ka chhiar seng lo. Khang kum 4 kal ta khan a diary ang maiin a hmang tih theih tur a ni. Zung tin morning wish a thaw in zanah muttui tih in a tawp ve thlap thlap a. Ho deuh deuh mah nise hnuk ul tun in ka chhiar a ni ber. A awm dan leh khawsak dan chu a mawl thlak in naupang chhia viau mahse ka thinlung hi a ti na vawng vawng thung.




A message pakhat ka chhiar fuh chu ka en reng a * Nang mah ka ngaihna chu ti ziaawm tur in thian chhar thar ka nei a sin. I duh zawng chu ni lo mahse nang ka ngaihna chu ti bo thei tu awm chhun a ni miau si a. " Tih te hi a awm a. A sawi chiah hre lo mah i la ka thaw huai mai. Kei pawn ka ngai in ka buai phah nasa a, ka u te nupa leh Puipuia vang in tiang hian ka awm leh thei a, chutiang a pui tu a nei chu ka lo hahdam pui huai a nih chu.



*


Tukthuan kan ei lai chuan ka u in tricket vel a tih fel tawh thu chu a sawi mawlh mawlh a. Ka nu leh pa chuan chhuk rem ti chiah tawh lo mahse min hnial em chu an tum lo a nih hmel.




" Zo vawin chu ka nu te in lamah min len pui la i peih chuan. " Jenny in a tih chuan vawin chu ka hman loh thu leh vhhuah ka ngaih thu in ka chhang a. Ka kalna tur min zawh chuan ka thian te ka tlawh tur thu chiah ka sawi. Dik tak chuan Zorema hmu tur a chhuah tum ka ni a, sawi erawh tul ka ti hran lo.




Tukthuan kan ei zo chu Jenny te an chhuah fel hnu in nizan a Zorema jacket ka hak kha khaiin ka chhuak ve nghal a. U Duatin a chenna ni a a sawi lam pan chuan taxi ka la a. Hmu tawh lo a chhuk san ka tum kha thulh leh in ka chhuk hma vawi khat tal chu hmu in pangai tak a in biak tha a ka hriat leh vang zawk in. A tu a mai pawh in Zorema rilru hahdam lo zia leh hreawm a tih zia an sawi a, chutiang hre chung chuan kei pawh ka rilru a nuam in ka ring bik lo. Tha deuh a in bia in kan hun kal tawh vang a rilru ti na tawh lo tur leh kan kawng ve ve pan tur a in fuih tawn chu ka rilru a ni. Ti chuan kei pawh hahdam tak in ka kal ve thei chauh in ka ring bawk.





Building pakhat zawnah chuan ka ding ran a. In lian lutuk chu a ni lem lo mahse a pawn lam atang ringawt pawh chuan a changkan in a design hrim hrim chu a fel fai et mai. Kawngka lam chu ka pan a, doorbell ka hmet ve ta ngawt.



Rei fe ka din hnu pawh chuan a reh hian a reh tlawk tlawk a. A tawp nan vawi 1 hmeh leh a a la rawn hawn loh fo chuan haw mai ka rilruk a. Doorbell ka hmet leh chiah chu kawngka chu ri khep in a rawn in hawng zui nghal a. Chhung lam a Zoremsanga tho phang hlim tih hriat zet a ding nen chuan kan in melh ta ran mai.




Min hmu chu a beisei lo nge ni a hmelah chuan mak a ti tih ka hmu thei. " I mutui lai la ti harh che em ni. " Tiin pangai thei ang ber a lan tum chuan ka nuih sang a. A hmel chu siam tha ve vat in " Hetah enge i lo tih dawn? " Tiin min zawt let ve ta nge nge.




" Nizan khan i jacket hi la lo ha tlang daih a. Rawn pek che ka tum. " Tiin ka thil khai chu ka lek kang a. Rawn ban in kawng chu a hawng zau a, sawi buai lo in ka lut tlang ve hmiah. Ka rin dan chiah in inchhung chu a lo fel fai thlap a, kan inkawm lai leh in kawp hnu thleng in he in hi an neih awm ka hre ngai miah lo. Nge ni a tum hnaiah an lei zawk ni.




" I thawh hma thin nen tun ang a I tho chiah chu i in hmeh lo. " Tiin thutna awmah chuan ka thu a, nui suk in ka piah mai a thutnaah chuan a rawn thu ve nghal.




" He lai thleng thleng lo kal a ngai lo a sin. Kan inah pawh khan i lo dah thei reng a. " Tiin min en a. Tho hlim a ni bawk a kawr pawh ha lo in jokerpant gray a ha tawp a. A sam a thur sang bawk nen a in hmeh lo ve thlawt.




" Nia ka tum deuh a mahse hmuh che a pangai tak a in mangtha na hun siam ka duh a. Naktuk tukleh mai hian khu lamah chhuk leh ka tum tawh sia. Ka rawn chhoh leh hun tur ka sawi thei tawh si lo a. A hmasa khan kha tiang thil teh nuai vang khan tumah pawh ka hrilh lo a. Tun tum chu thian kan lo nih ve thinna vang pawh in in hmuh hi tha in ka hria a. " Ka ti sep sep a. A lam ka hawi chu mit pawh khap lek lo in min lo en char char.




" I chhuk leh dawn maw? " Harsa tih hmel zet chuan a ti sup. Kei pawh chuan lu ka bu nghat.



" Eddie a pian cham lawm pui tur a rawn chho kha ka nia. Khu lamah hna chhete ka nei ve bakah nuam ka ti mah tawh zawk a. He lam chu ka thiante an buai hlawm nen ka mal riau a. " Tiin la nui sang a. Zoremsanga hmel erawh chu en a nuam lem lo khawp mai.




" Chuan ka rawn kal chhan ber pawh kan pahnih in karah hian khi zau tak a awm a, siam that ka duh vang a ni ber ang. Kan in kawp chu a rem ngang lo a nih pawh in in hmelma en lo a thian ang tal a in en tha in ka hria a. Chuan ka bulah hian sawi duh te i neih ve chuan ka ngaithla ang. Tun hi a tawpna pawh a ni mai thei a sin tu nge hria? Kan in kar tha lo leh in hmuh thiam lohna leh dik lohna sawi fel tur hian. " Tiin ngun tak chuan ka en a. Sawi duh a neih chuan ka kal hma hian sawi se, rilru dam takin nun hmang se tih hi ka duh ber a ni.




" Sawi dun tur chu kan ngah a mahse kan sawi dun vang hian kan in kar hi a that phah sawt awm si lo a. Chuvang chuan engkim khai khawm nan a ka tihpalh tih sawi hi a tawk maiin ka hria. " A tih chuan ka en reng ringawt.




" Engmah sawi dun i duh lo em ni? thil thleng tawh te, Terini i hmangaih miah lo a i duh miah lo chung pawh i neih chhan te, kei min tih nat a min kal san tal i tum chhan te, " Tiin beisei nei zet chuan ka en a. Za lo tih hriat fahran a kiai suk in lu a thing nghut a.




" Chung zawng zawng ka sawi vang chuan ka bulah i awm leh theih phah dawn em ni? Hun kal tawh a nih ang a liam tir hi a tha ber a ni mahna. Nang pawn min theihnghilh tawh a, kei pawh in ka theihnghilh tawh bawk che a, sawi thar leh chu a tulna ka hre lo. " Tiin min en a. Ka in seh ruh fan fan thung.




" Nang hian min theihnghilh tak tak a maw? " Ti a ka zawh chuan " Ka theihnghilh thei lo che tih chu kei ai i chiang zawk ang chu. Mahse nang leh kei hi chu awm dun tur a ruat kan ni lo tih hi ka pawm thiam tawh a. Kan nun ve ve kan zawh tawh bawk a. I hlim ang chiah khan kei pawh ka hlim a, a tha mai lawm ni. " A tih chuan ka rin ang chhanna min pe lo chu ka thin a rim lek lek. A phone a ka thil chhiar leh tun a a thu sawi hi chu a in perh san em vang a ni pakhat.




" A nih khang hun chhung khan min ngai ve ngai reng reng em? " Tiin ka zawt leh a. A mit meng dur lam mah a min melh vang vang chung hian " A tir chuan ka ngai che a lawm mahse a rei a thla pawh a ral tam hma in ngaiah ka nei ve mai. " A tih chuan thinrim zet in ka ding hliai.



Nizan zan hmasa thleng pawh in ka no hluiah khan min ngaih thu a la sawi reng a, ti nge hetia a awm tlat. Ka lakah a in thiam lo in hreawm a ti a nih pawh in tha takin sawi se, kei pawn kan inkar ka pawm thiam tawh a thian ni a nun pangai zawh ve ve tha ka tih tawh thu ka sawi mai tur. Min mamawh ve ngai miah lo a, min ngai ve ngai miah lo tih a sawi khan ka ngaih thin zia leh ka mamawh thin zia sawi bik kha tlawmah ka la tlat a. A nin a zep a nih chuan kei pawn ka thei ve em em ang.




" Ka haw tawh a nge, chuan i lo in enkawl tha dawn nia. Nakin zel a kan la in hmuh leh a nih pawh in pangai tak a kan in biak a kan nunhlui vang a kan in tih hreawm tawn loh ka beisei dawn a nia. " Tiin kawngka lam ka pan nghal a. Kawngka chu pawt hawngin na zet chuan ka khar a. In kal san chuan kawngpui lam chu ka pan hlak hlak a. A thiam loh a nia engkim zep nei lo a kan in hrilh tawn chuan thian tha tak kan nih theih tawh loh pawn thian pangaiah chauh pawn kan in chhuah leh thei ka beisei a nia. Tunah chuan mihrang ang a awm hi a fuh ka ring ta zawk.




Ka kal fe hnu in a phone pe lo in ka chhuak tih ka hre thar leh a. Hahthlak ti zet a per tau nghek in ka let leh a. Kawngka ka pawt chu a lo la kalh em lo. Lut in kan thutnaah ka phei a mahse a lo awm tawh lo. Dah mai ka tum deuh nang in a kut ngei a pek a, nichin a dawt a sawi tih ka hriat thu hrilh ngei ka duh vang chuan choka lam ka pan a, tah pawh chuan a lo awm chuang lo.




Room lam ni awm tak chu ka pan leh a. Kawngka ka hawng chu ka thil hmuh vang chuan ka ding chawt. Zoremsanga chu a lo awm ngei a mahse ka hmuh dan erawh ka beisei loh hlawm tawp thil a ni. Chair ah lo thuin a hma dawhkanteah chuan damdawi ni awm tak leh syringe a lo in chhawp a. Ka awm ve tih hre miah lo chuan syringe pakhat chu keng in a taksaah chuan damdawi a lo thun mek bawk.




Ka en reng lai chuan a damdawi hna thawh nghak ni ang hrim chuan chair nghenchhan chu a ngheng awn ruai ruai a. Inchung lam hawiin a mit chu a chhing vang vang bawk. Pan pawh ka pan hnai thei lo, kawngka bulah chuan ka ding ngawi reng a. Ka hma lawk a Zoremsanga awm dan chuan ka rilru a ti na bawk si hrilhhai bawk si chu a mah leh dawhkan a damdawi chu ka melh ngawt ngawt a ni ber.




" Engtia rei nge tah khan i lo awm tawh? " Ti riah chuan ka harh chhuak zawk a. Damdawi ka melh rengna a ta chu hawi sawn in Zorema chu ka en a, a mit meng chu a hma a mi ang kha a ni tawh hauh lo. Ruih nei tih hriat zet hian thatchhiat hmel zet chuan a meng tawk tawk a. A mit chu sen rum in a thim dur khup bawk. Ka tawng tak miah loh vang chuan thawk la hawk in chair chu a ngheng leh dawt a. Za vak lo chuan a nui zui hawk.




" Ti nge a tak emaw i tih leh thin? A ni chu a kal tawh. " Tiin a mah leh a mah chu a in be zui a. A awm dan mak ka tih em vang chuan chet sawn chu sawi loh tawng tak ngial pawh ka tawng lo. Ni lo... Sawi mai tur ka hriat loh vang zawk a ni.




" Eng thil nge i tih kha? " Chair ngheng awn ruai a thu chu aw lawi rat chuan ka bia a. Ka aw hria in ka lam chu a rawn hawi leh ruai ruai a. Min hmu chu a hma ang bawk khan mak a tih hmel leh tawh. Mak ti lutuk a min melh ngur chung chuan a thutna atang chuan a rawn ding chhuak a. Ka lam pan chuan muang changin a rawn kal zel a. Ka hma takah rawn ding in a hmelah chuan lungngaihna thuk tak bak hmuh tur a awm lo.




Chutah rawn che thut in ka in rin hma chu a taksa si chet chuan min kuah bet thlawp a. Ka tal tur chu nghet lutuk tak mai chuan min hmer zui vak a, a na lek lek hial. Awn deuh tak a min kuah vang chuan ka darah a khabe a rawn nghat zui a. Ka nghawng lamah rawn awm hnai in a hmai chuan ka nghawng chu a rawn nawr tawk a, a ni kawr ha bawk si lo taksa lum vung vung chuan min khuap hneh lutuk ringawt.




"Ti nge a tak i an em em a? " Ka beng bulah chuan a ti sup a, a hmui a ka beng zawn vel a rawn nawr leh rual chuan ip chawiin ka tal zui phat a mahse a thu rawn sawi leh vang chuan ka che chu ka tawp nghal chawt.




" A ni kha ka um zui a ka chelh loh nan nang tal chu ka bulah awm rawh. " Hnawk tuak a tiin nghet zet chuan min kuah zui chawt a. A aw leh chet dan atang chuan a hlauthawng hle tih a hriat theih.




" Ka kal tir theih nan nang tal chu kal bo suh. A ni chuan hma lam a pan tawh a ka tih buai zui loh nan nang chu ka bulah awm rawh. Kal suh aw. " Tiin mumal lo zet chuan a phun mawlh mawlh a. Min kuah nghet lutuk chu a na lek lek.




" Zorem... " Zawi sep a ka tih takah chuan min kuahna chu phelh thawl ruai ruai in chiang leh fiah zet chuan min en a. Chutah harh chhuak thut ang mai chuan min vawn behna ata chu min thlah zui hmak. A chet dan chuan min thawn en vangin awm mai dan tur pawh ka hre lo.




" Ti nge i lo let leh? " A ti hluk a. A tawng dan atang chuan a thin a rim hmel lek lek. Thaw chhuak hrawihin a kut chuan a hmai chu a tuai nghal puat a. A awm dan engkim chuan min ti hrilhhai em em vek.



" Ti nge tiang hian i awm a? Chuan damdawi saw eng atan nge? " Ka awah pawh chuan min thawn zia chu a lang chhuak hial. Zoremsanga lah chu min chhan tum loh hmel zet in a ding ngawi ngul a. Chu chuan hman ang bawk khan min ti thinrim. Mipa luhlul leh a tih loh lamah chuan tawng mawh tak a ni tih ka hre chiang a. Kha kha kan in hauh nasat thin na pawh a ni thin.




" Zawhna ka zawh che chu? " Thinrim vin zet chuan ka ti chhuak nghek. Ka ngaihtuahna thi rawn lut lah chuan ka duh loh zawng hlir a la ni zui. Chu chuan ka thin a ti rim zual sauh bawk.




" Ka mitthla a ka hmu che a ka suangtuah leh zel che pawh i rem ti lo a maw? Sual thiam viau lo teh? Ni leh lo... Chu pawh chu ka phu lo tih ka hria, Zonunmawii lam hrim hrim chu hnaih a ngaihtuah ngam tur pawh ka ni lo tih ka in hria mahse ka theih lo a nih hi. Hei chiah hi chu min phal sak mai rawh. Ka um kual in ka ti buai miah lo ang che mahse ka suangtuahnaah tal chuan ka bul a ka awm tir che min phal sak rawh. A nih loh chuan ka â thei mai ang! " Bah zet leh mumal lo lutuk chuan a ti chhuak hrawih a. A tawng tawp lam chu ring viau mahse a tawp lam erawh a zawi tak zet. A awm dan atang chuan rilru mumal a pu lo ni mai hian ka hria. Chutah min rawn hnaih thut in ka dar tawn tawnah chuan a rawn hmet leh chawt a.



" Ka ât chu i duh bik lo ang ti raw. Chutiang duh tur em a nunrawng i nih loh kha. Nge ni a ka tawrh tirna che vang khan min tih nat ve kher i duh zawk. Mahse maw... Ka lo â a rilru mumal tak ka pu lo a ni pawh in nang kher hi chu ka thlah thei chuang lo ang che. Tun ai hian ka buai thlak zawk mai thei, chuvang chuan ka zar buai reng che i duh loh chuan ka suangtuah zui che chu phal mai rawh. " Hnai tak a min en in a ti zawi ruih a. Sawi ve tur reng ka hre lo.




" Damdawi saw.... " Tiin ka sawi zawm mai thei lo chu ka ngawi leh dat a. " I kal hnu a ka neih chhun a nih saw. " Then suk a a tih chuan ka in sum hman lo ka mittui chu a rawn luang thla pap a. In sum tum mah I la ka mittui chu ka dang seng lo hrim hrim. Zoremsanga hmel hnai tak a ka en chuan nui mahse a mit mengah chuan beiseina reng ka hmu lo.




"


" Ti nge i tah a? Hlim zawk ta che. Natna ka pek zawng zawng che kha ngaihtuah let la, tun a hlim tak a ka awm min hmuh chuan i na zual dawn a sin. Chuvang chuan hetiang a min hmu hi hlim in min nuih zawk tur i ni. Kei mah ngeiin ka ti na che in ka kal luih tir che a mahse a thlah thei lo tu che leh theihnghilh thei lo zawkah che ka tang hi hlimpuiin ka phu tawk a ni tih min sawi khum ta che. "Dam dup a tiin a kut lum ham ham chuan ka biang a mittui luang chu a rawn tuai hual zui a mahse kei erawh ka mittui a luang tam zual sauh.




" Min khawngaih in min lainat hmel deuh khan min en suh. Kan pahnih hi chuan awm dun tur a ruat kan ni ve lo tih pawm la, hma lam pan zel rawh. " A tih leh pawh chuan ka in hnit hlap ringawt.



" A nih nang in i pawm em? " Ti a ka zawh chuan nui lui suk in lu a thing nghut. " Ka pawm theih loh vang a lawm nang in i pawm a ngaih. Hma lam i pan tawh tih ka hria bawk a. Min khawngaih vang emaw chuan min hnaih tum duh suh a ni lo thleng thleng in ka um zui duh leh mai ang che. Ka mawl tih i hriat kha. Hun kal tawh a thil thleng pawh hriat tum tawh suh. I hlim ka duh ber ti reng chung in ka ban san thei si lo che nang mah zawk hian min kal san a ngai a nia. " A tih leh chuan a kut chu ka pawh thlak sak hlawk a.




" Thil thlen dan hriat ve chu ka phu i ti lo em ni? Ni lo.... Ka hre vek tawh zawk. Mahse i lak atang ching zawk a hriat ka duh mai chauh a ni. Min kal san chhan pawh positive ni a i in hriat vang a ni tih ka hre tawh. Ka lak a engmah i sawi duh loh chhan hi enge ni a? Terini positive vang a i lo in rinhlelh ve ringawt chhan kha enge? In rinhlelh ve thei tur khawp a in lo khawsak dun vang em ni? Ti nge nupuiah i neih kher? Ti nge thu ding engkim a lan hnuah pawh kum 4 chhung khat vawi 1 lek pawh min rawn biak i tum loh? Zawhna tam tak ka nei te hi ti nge chhanna min pek i tum miah loh? " In sum hman lo lek chuan ka ti chhuak tuar a. Zoremsanga erawh chuan tak ngur in min en thung.




Ka rilru a na tak zet. Hun kal tawh ka mitthla let zawt zawt a. A kum teh meuh a mah haw em em chung khan ka thinlung khan a nghak reng tho a. An in neih atang a thla pawh a la ral tam hma in thu dik hre chhuak in an in then a, kha tih lai khan vaqi 1 tal pawh min lo bia se lang chuan kha tiang em em a na kha ka tuar lo in a ni pawh hi tun ang hian a awm lo ang. Tunah zep rual lo in kei mah vang in damdawi a khawih tih ka hre leh a. A lakah hian ka thinrim in ka lawm lo zual sauh.




" Kan sawi thar leh vang in engmah a danglam phah dawn lo. Kan pahnih a kan rilru kan in tih nat sak hi a tawk midang rilru tih nat belh ka duh lo. " Ti chauh a min chhang chu ka hre thiam thei lo. Ni e, rei lo te chhung chu ka khawngaih hman a mahse engmah sawi a duh lo a nih chuan a duh ang chuan ka ti em em ang.




" Hahh.... A tha lawm. Ka ngaihtuah tawh lo che a nga kan pahnih hian in hmu tawh ngai lo bawk ang. Midang rilru ti nat hreh viau si a kei min ti na em em thung hi i nunrawng khawp mai. Engtin nge a hma te khan ka chhungte zawng zawng aia ka lo thlan theih che ni, ka lo mawl tak zet a nih dawn hi. " Tiin ka kal san a. A hma zawng aia rilru na in In chu ka chhuah san zui bawk.




Ka lak a zep a duh chu a duh ang tawk in zep kum khua rawh se. Ka rilru nat a hlauh aia midang rilru nat a hlauhna te pawh chu venghim mawlh rawh se. Tunah tak chuan a hma ai zawng in ka huatna a nasa zawk bawk.



In ka thleng a ka chauh vang chuan ka room ah ka mu zui hnawk. Ka nu in zanriah ei a hun a tih pawn ka ei peih loh thu in ka chhang a. Ka room ah chuan ka tawm chawt a ni ber.



Ka phone ri nghawr dar dar vang chuan ka harh hlawl a. Min lo call tu ka hmuh chuan ka thu chhuak vat a. Puipuia call chu ka la zui nghal a. Naktuk tuk leh mai hi ka let hun tur a ni tawh bawk nen kan in be rei leh phian a. Hunpui kan thleng a an ni lam an hah zual sauh a tih chuan ka lo pawm pui khawp mai. Eng pawh nise Zoremsanga sawi ang khan kei ni chu awm dun tur a ruat kan ni lo tih ka pawm ngheh a hun tawh. Thian kan nih lai khan buaina kan tawk ngai lo mahse awm dun a inkawp kan tum atang chiah in buaina kan nei chho a, Pathian hian awm dun turin min ruat ve lo a ni mahna. Chuvang chuan theihnghilh a hma lam pan chu a tha ber niin ka hre tawh.




Puipuia nen kan in be zo chiah tihin ka bag atang in phone a rawn ri leh a. Zorema phone kha pe let ta lo chuan ka ak haw leh daih tih ka hre leh chiah. Ka bag zen rak rak a ka en chuan Roa bawk a ni leh tawh. Ka biak hreh em vang chuan lak loh ka tum zet a mahse ka rilru thlak in ka la leh hram.




" Ka lo kawi lawk dawn. " A rawn ti leh tawp tawh. A thianpa biak in min be leh hmiah niin ka hria.




" A phone ka la kawl a. " Ka tih chuan a reh leh vung vung.



" Lo lak sak mai la. Ka pek an tawh ka ring lo. " Ka tih leh takah chuan a rawn lam kawi tur thu a sawi ve mai a. Kan in biak zawh in ka room atanga chhuak in kawnah thil ka lei dawn tih sawiin ka chhuak zui a. Pawn han chhuah chuan khua pawh a vawt leh vuk tawh. Kawn lamah chuan ka phei zel a, eitur ka lei zawh chuan haw ta mai lo in waitingseat ah chuan ka lo nghak a. Kawng chei eng pup leh de sep sep chu thlir reng in thawk ka la leh halh thin.



Ka hmaah bike hi a rawn ding chut a. Ka hrilh lawk vang in min rawn hai lem lo a nih hmel. Bike atang chuan rawn chhuk in la bulah chuan a thu ve a. Roa hi chu Zorema thiante zingah chuan ka nel ve ber pawl a nia. Zorina kha a ni thin a mahse min hriat tak lohah chuan Roa hi a ni tawh mai a niang chu.




" Hmuh chu i duh ngang lo a. " Phone a lam a ka lek phei takah chuan a lo ti let a kei erawh ka thaw chhuak halh.




" Vawinah ka hmu a lawm. In sawi ang khan kan tha leh dawn tihna lam ni lo in kan in kar sawi fel a thian ang tal a in en pawh a tha a lawm tiin biak ka tum a mahse a lo la ngai reng. Hman ang tho in min biak a duh lo a nih kha. A rilru a na tih in sawi a, a dik ngei bawk a. Mahse a natna saw a mah in siam chawp a tam zawk. Terini nen an in kawp chhan chu Terini positive vang a lo ni a mahse a ni positive vang a a lo in rinhlelh ringawt pawh khan a dik loh zia a ti lang vek. Rinhlelh theih tur in an lo khawsa a ni mai. Chuan khang hun liam ta chhung a min biak pawh a rawn tum miah khan min mamawh loh zia chu a ti lang chiang viau a lawm. " Tiin ka thaw Ui halh a.




Roa lo tawng leh tur chiah chu lo tawng khalh vat in Naktip hian Bengalore ah ka chhuk leh dawn a. Zorema hi lo enkawl rawh aw, Zorina chung chang ka lo hria a, a ni kha tiang din hmun a nih takah chuan nang chauh hian ka ngen sak ngam i ni. Mal ngawih ngawih a a in hriat lohna turin lo tlawh fo la kawng dik lo a zawh loh nan lo enkawl tur in ka ngen ang che. " Ka ti sep sep a. Ka mitthlaah vawin a a damdawi ti lai a rawn lang a mit la chhing sawk.




" Nang hi Zorema hi i hre chiang viau emaw ka tia, nge i ngaihtuah kual duh lo ve hrim hrim zawk. Zorema khan Terini lak atang a kai thei ni se nupa an nih hnu khan kai lo pawh nise a kai zui thei. Nupa an ni tawh miah a chance a awm tlat. Mahse thla 2 hnnuah pawh a la fihlim a nih chuan nupa nun an hman chu sawi loh an in hnaih lo tih a chiang reng a ni lawm ni.




Ka sawi tur ni lo mahse i kal dawn ta ro ro ka hrilh ve ang che. Zuala hman a Zorema hlim tu pawh kha HIV a kai tih i hria em. Chu pawh tu dang ni lo in Terini hnen atangin. Zorema hian kha pa lak atang khan a inringhleh a. Ka hre thuk vak lo mahse a test tir ve ngei a a result kha khawih danglam tu an awm ni awm a ni an chhui leh atanga ka hriat dan in. Chuvang chauh in ring chu a ni a mipa ler leh hmeichhe ngaihsak lo tak a nih zia chu i hre chiang ber ang chu.




Tun hnu thleng pawh hian nghah nei ang maiin a la khawi sa a. Chuan biak tum lo tawp che chu a ni lo a nia. Hei chu i chhungte hnen atang hria la a tha zawk ang. Kei a sawi chi pawh a ni chiah lo. Engpawh nise Zorema chu kan thian a nia kan thlah thlam lo ang i kal duh tlat a nih chuan tluang deuh a kal turin duh sakna ka hlan a che. " Tiin a ding a, a tlan chhuak chu ka en zui reng ringawt.




In a ka let a ka room ah ka lut tur chu Jenny an room atanga rawn chhuak nen kan in tawk a min nuih sang in min rawn pan a. Ka hmel a hlim lo tih a hrethiam nge zawhna mit meng chuan min en nghal vat.




" Enge thleng a vawin i leng i rawn haw chu i hmel a dik lo reng reng. " Tiin min zawt a. " Khu ta kan awm lai khan vawi 1 tal Zorema hnen atangin call ka dawng em? " Ti a ka zawh let chuan a mit meng chu a buai nak mai.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:54 pm

Miracle Love 💕 by Amy Cck



Chapter - 39




" Lut phawt ang. " Tiin a mah zawk chuan ka room kawngka chu a pawt hawng a, min luh pui rual in kawngka chu a khar leh nghal vat a. Chu mai duh tawk lo in kawngka lock chu a hmet ri zui khep a. A che zia chu hrilhhai zet in ka lo en reng a. Khum lamah chuan min pawt kal zel in khum tlangah chuan min thut thlak pui dat bawk.




" Zorema nen in in hmu em ni? " Tiin zawhna mit meng a khat chuan min melh a lu ka buk nghat rual chuan pik hmel zet chuan a thaw zui hak a. " Ka zawhna kha.... Bengalore a ka rawn chhuk hnu khan Zoreman min lo biak a tum em ni? " Tiin ka zawt nawn leh a Jenny chuan kun lap in a lu chu a bu ta nghat . Kei erawh awm dan tur ber hre lo chuan ka nui tawi tak.




" Zonun .... Kan hrilh loh chhan che chu i nat zual kan hlauh vang a nia thinrim lutuk suh aw. " Inthiam lo leh hreawm tih hmel deuh a min en pah chuan a ti leh sep.




" A hma khan ka bulah i sawi tawh kha. Ka u nupui pawh ni mah la ka thian i nihna a bo lo tih. Thian kan nih angin engkim min hrilh turin ka duh che tih i hriatthiam ka ring. " Tiin Jenny chu ka melh ve ran a. Roa khan ka chhungte bul atanga ka hriat a that thu a sawi a nih kha. Engkim Jenny pawh hian a hriat ka ring tlat.





" I sawi dik a lawm Terini leh Zorema an in then thu pawh hi an in then tirh khan kan hre tawh a. Zorema u hmeichhia, nurse khan i u a rawn be thin a. A tir chuan kei chuan engmah kha ka hre lo a. Kan in neih hma kha a ni bawk nen. Mahse a rawn biak ngun tak emah khan ka ringhlel chho a, a hma in an lo in zui ve thin tih ka hre bawk nen i u nen pawh kan in tih thiam lo reng nghe nghe a. Mahse nangmah buaipui i ngaih thin em vang khan nang mah vang liau liau khan ka rawn kal thin a.



A hnu khan a reh zui leh ta vang vang a, he lam a awm thiante ka atangin Duatin ngaihzawng a nei tih ka hre ve leh a, kei in ka rawn tlawh reng thin che bawk nen kei ni pawh kha kan tha chho leh a, kan inneihna tur vang a kan haw chhoh khan kei chuan kha tih hun lai a Duatin i u a rawn biak thin chhan kha ka hre ve chiah. Chu pawh i u leh Duati te inbiakna ka hriat vang chauhin. Mahse keiin ka hriat ve meuh kha chuan that lam i pan chho tawh in hma lam pan i tum ve mek si a. I rilru ti na thar leh tur che a hrilh che kha ka thei ngang lo a ni.




A kum fe rilru mumal pu thei lo a in awm hnuah nunphung pangai I zawh tan ve leh chiah kha a nia, chu tah Puipuia a lo awm tawh bawk nen I rilru tih thar leh kha ka thei ngang lo a ni. " Tiin inthiam lo hmel pu lek lek chuan a sawi a. Kei erawh in seh ruh teuh in ka melh ngai ka melh ngawt ngawt.




" Ti nge ka u chuan chutiang chuan a tih a? Ka... Kha tih lai a ka awm dan zawng zawng pawh a hria in min hmu vek a. Ka mipa hmangaih, ni lo... Ka chhungte ai pawh a ka thlan hial in min bum in hmeichhe dang mai pawh ni lo in ka mi huat ngawih ngawih a nei kha hriatthiam har ka tih zia pawh a hre vek a. Kha tih lai khan thu dik a vai pawh ni lo, tlem te tal pawh min hrilh se chuan tiang em em hian thil a buai chuar lo ang. Chuan... Chuan Zorema pawh.... " Sawi zawm thei lo chuan ka in hnit zui hlawp hlawp.



Vawin lam thil thleng ka ngaihtuah let a ka rilru chu a na zual tak zet. Ni e... Kei chu ka tha na meuh mai. Hma lam ka pan thei a, ka rilru leh thinlung zawng zawng chuan la pan lo mah i la a ni ai thlawt chuan ka tuar nep tih ka hai lo. Vawin a Zoremsanga tal buai leh hrilhhai hmel ka mitthla let phei chuan ka in thiam lo lutuk zual ngawih ngawih.




" I u hi dem lutuk suh aw, a ngaihtuah lutuk vang zawk che a nia. A hmangaih zia che chu I hriat chian kha. Ka pa ten thil thlen dan kha a rawn hrilh ve vek bawk nen. Engkim I hriat chuan thil dang ngaihtuah lo a I let leh duh mai kha an hlau a. Helam boruak a tha chiah lo bawk nen. Zorema te chhungkua nen a in hnaih rih loh kha thil tha ber niin an ngai a. " A tih leh chuan ka nu leh pa pawn an hriat pui tih ka hre thiam nghal. Ni e, ka let leh mai thei, a nih loh pawn Zorema nen in bia in thil kan sawi fel mai thei bawk a. Zorema pawh tun ang hian a awm miah lo bawk ang.




" Bakah Terinin enga thil pawh lo ti se mi zawng zawngin an hriat pui ve vek si lo a, enga thil pawh thleng se Zorema chu Terini pasal a nihna a bo lo a, Terini pawh huat awm in ngei viau mah la unau in nihna a bo phah chuang lo bawk nen, in then tawh pawh nise i unaunu pasal hlui a ni tawh a i tan chuan hnaih chi a ni tawh chiah lo bawk nen, chhungkaw mualpho na thleng in a thlen thei tih nang pawn i hriatthiam ka ring. " Ka tawng ve miah loh vang chuan Jenny bawk chuan ka nu leh pa leh ka u te ka dem a ka huat hlau tak chuan a rawn tih zawm a mahse ka rilru chu a thlak phah chuang miah lo.




" An thil tih hian nghawng a neih pawi zia hi an hre miah lo. A nun a chhiat phah vek a sin. Ni lo.... kan chhungkua hian kan tih chhiat sak vek. " Ka ti chhuak hap. Zorema te chhungkua leh kan chhungkua ka khai khin a, pa Lsa te chhungkua chuan khawngaihna leh zahngaihna kan chhungah an lan tir char char a. An fapa nun hlauhawm a dah tu leh an chhungkua thleng a dinhmun hlauhawm a dah tu chu a hma hun tur dawn sak hram hram in ngawih an chuh a. Ka chhungte ve chuan enge an tih ve? Kei min biak tak ngial pawh an lo rem tih sak lo chu a nia.



" Hetiang lam hi ngaihtuah tawh lo la ka duh pui che. I thian la nihna leh chhungkua kan nihna ang pawh in. Hma lam I pan tawh a chutiang bawk in Zorema pawh a reh hmak tawh hi. I bulah chutiang a sawi chhuak pawh chu a ti mak ka ti zawk. I tan a tha ber chu engkim thrihnghilh a hma lam pan a ni tih a hrethiam ve reng awm sia. I hriat vang hian pangai takin in inkawp leh theih dawn pawh a ni lo a.



Tunah phei chuan Puipuia nen bul in tan tawh a, Zorema cousin a ni ringawt pawh hi pawi ka ti ve deuh a nia. Mahse a mihring mihrinna lamah a fel vangin I tan a tha turah ka ngai a, I u pawn a duh pui viau che. Chu vang chuan hun kal tawh ngaihtuah vak vak lo in hma lam pan zawng zel in kal rawh. " Tiin pawn lamah ka u in a zawng ni ngei tur a ni a kauh takah chuan min fuih pah mawlh mawlhin a chhuak a, kei erawh Zorema te chhungkaw lakah ka inthiam lo in hreawm ka ti lutuk chu ngaihtuah ber tur pawh ka hre lo.




U Duati bulah ka thu sawi te ka ngaihtuah let phei chuan ka zak lutuk hi bo vang vang ka duh hial. Kan chhungkua in an pawi kan sawi nasat teh lul nen min huatna lam engmah sawi lo in Zorema zawk la dem chungin zawl dawh tak in min be thei a nia. A nau nun ti chhe vek tu kan ni chungin a ngen in min la ngen zawk hial a. Eng ang tak a rilru zau leh tha nge an neih bik tih ka ngaihtuah hial.



*



" Ehee... Tukin chu I va rawn tho hma ve. I let leh tur hi I phur riau mai. " Zing ka tho inhnuai a ka chhuk chu ka u in min lo fiam a. Nuih let chu sawi lo ka u hmel ka hmuh te chuan ka thin a rim hluah hluah. " I tho hma lutuk a I tho fuh vak na nge. " Tiin min fiam zawm leh a. Jenny chuan hlauthawng zet in min en thung.



" Naktukah chhuk a tum sia vawin chu min chhuah pui se ka lo tia. Nizan khan ka sawm a a peih lo lutuk a zing atangin a mood a ti fuh lo lui a nih hi." Jenny chuan a lo ti vat a. Ka u chuan nui suk suk in Eddie chu a fiam zui leh mai a. Jenny chu rawn tho in choka lamah chuan a nawr in min nawr lut hi a ni ringawt.




" Ti nge tiang hian i awm a. Engmah hre lo ang in awm zawm la kan vai a tan a tha a ni mai. Zorema pawh chu ti nge i ngaihtuahna ti buai tur a tiang te a rawn hrilh leh che ni. " Chair a min nem thu in a ti hlak hlak a. Zoreman ka hnenah sawi a nei emaw a la ti char char a nih hmel. Zoreman ka hnenah engmah a sawi duh lo a ngawih a chuh tlatna chhan chu ka hrethiam uar uar mai. Ka chhungte a sawi tel lo thei dawn lo tih a in hria a, tun ang chiah a ka chhungte ka dem a ka huat hi a duh lo tih pawh ka hrethiam nghal vek.




" Nang ni pahnih chu in lo in hau leh tawh em ni? " Kawmchar lam kawngka a rawn lut in ka nu chuan a ti a. Jenny zawk chuan chhang in rawng chu a bawl zui mial mial a. Kei erawh nizan zankhua ka mu lo bawk nen lu rit bur in ka thu ngawi reng a. Chaw kan ei lai pawh chuan ka ei tui thei meuh lo. Ka bul a ka chhungte thu ve chu ka en leh thin a, an hlim a, nuam an ti in an ti ti siam siam a. Mahse kei chu a der tak ngial pawn ka nui thei lo. Nuih chu sawi loh an nui hmelte hian ka thin a ti rim zawk lek lek.




Tukthuan kan ei zawh in Jenny in min in siam pui sawk sawk a. Kan chhungte bulah chhuan lam siam in naktuk mai ka chhuk hun tur a ni bawk nen min chhuah pui nghal daih a. Diki phone in dawrah a awm em tih a zawt a, a awm tih a rawn sawi chuan chu lam chu min pan pui vat a. Dawr kan lut chu Diki lah chu a lo buai ngei mai. A room bik lam a lo va lut tur a min tih vang in kan luh san a, a ni chu a la buai hmel ngang mai mhse a pawi lo daih zawk, kan hmel dik lo a hmuh chuan zawhna a ngah leh dawn e mai.




" Enteh Zonun i rilru ti buai kual tur a sawi ka ni miah lo a nia aw. Hetiang hian awm lo la i u in a hriat phei chuan ka lakah a lawm lo dawn teh mai a nia. " Jenny chuan beidawng zet in a rawn ti hap.




" Thil dang chu ka hre vek tawh a mahse ti nge Terini kha a neih kher? " A thu sawi hre lo ang mai a ka tawng chu hahthlak min tih hmel zet hian min en ngawt ngawt ringawt.





" Engkim hre vek chung hian engtin nge hma lam ka pan thei bik ang. " Ka kut a hmai hup thak in ka ti leh sep, a ni chuan hma lam a la pan theih loh zia ka hmu vek bawk si. Hma lam pan chu sawi loh a nun a ti chhe mek zel zawk a ni si a. Ka ngaihtuah nasat pauh leh ka chhungte ka dem tulh tulh leh nghal.




" Ka hman e, ka ril a tam lutuk thil ei tur in chhuak ang u ka hman lai hian. " Diki pawh rawn lut ve chiah a. A rawn tawng lut zui barh barh a. Engmah sawi zui lo chuan kan chhuak ho a. Dawr a kan chawlh lai pawh chuan la tawng ve mang lo. Ka chhuk leh tur chung chang vel min zawh pawn Jenny zawk in min lo chhan sak char char a ni ber.




" Ka hmu sual lo ti raw?" Dikin a tihna lam kan en chuan kan piah kil lam a Terini lo thu chu ka ve hmu ve chat. Ka hmuh lohna rei tawh zia ka hre chhuak uar uar a, buaina tam tak a thlen hnu fihlim thak a a awm bik chuan ka thin chu a ti rim tun mai.




" Saw saw Mami kha a ni lawm ni? A U kha? " Diki bawk in a tih leh chuan a bul a thu chu u Mami a ni tih ka hre ve chiah. Kan en reng lai chuan u Mami zawk chu a rawn hawi a, min hmu chu mak ti hmel a pu ve det. Ka mi hmu te in zir hek lo ka thinrim beng daih nan tiin kan eitur chah lo thlen hma restroom ka hman lawk tur thu sawiin ka tho ka daih.




Bathroom darthlalangah chuan thawk la in ka in em vang vang a. Kawngka ri rakah chuan u Mami chu a rawn lut ve nawlh a. Nuam tih hmel vak lo a min nuih seih chu ka lo nui tawi ve tak. Hmuh peih loh teh lul nen, ka hua ni lo in a nau vangin biak ka peih vak bik lo zawk.




" Zonuni chu engtik nge i lo haw a? " Tiin U Mami chuan tha deuh hian min rawn bia a.




" A rei ve leh tawh. " Chhan loh tawp aiah ka lo ti ve mai.




" A nih chuan nang chu tluk loh rim i nam tawh bik khawp mai. Patea te pawh lo tlawh ka duh viau nan mahse rawn hmuh pawh ka in thlahrung zo tawh. " Tiin ka bul a ding chuan thawk a la hap a. A nau khawsa zia chu a zahpui ve viau a nih ka ring ve hmiah.




" Enge helam in tih zawk a? " Kan in din chilh tlat bawk nen ngawih reng chu a nuam bik miah lo.




" Tei maw le, sawi pawh hi a nuam lo. Home ah a awm reng a lawm. " A tih chuan Tei a tih chuan Terini a tihna a nih duh hmel.



" Ka pa khan in bul a awm angin a sawi sia. " Ka ti thla ve rawk a. Mak ka tih ve deuh vang a nia ka pa khan a sawi tak tak bawk sia.



" Nia, pasal a then hnu khan kan bulah chuan a awm ngei a mahse a rei lo. Engthil nge thleng pawh hi ka hrethiam bik lo. Ka paten min boral sanna khan a tha lo zawngin nghawng a la nei a nih te ka ring tawh zawk. Inchhungkua mualpho tawp khawkin a siam cheu a, hreawm kan tih a kan zah em em laiin a sual zawng ringawtin a khawsa chho a ni ber. Kan bulah a awm hnu khan ruihtheih thil lamah a fihlim lo chho leh sia, i hre ve tho a nga a natna vei nen mi kan ang si lo a. " A tih chuan a positive chung chang kha a sawi tih ka hrethiam mai.




" Kan pate chhung lam lakah pawh a in thlahrunawm zo zai bakah tum lo deuh a in kai darh kan pa in a hlau sia, naupang nek nek kan kawl bawk nen a mah lah that lam aiin sual lam a pan zel si a home ah kan dah char char a lawm. Ti hian kum 1 ah vawi 3 ,... 4 vel kan rawn hmu in kan chhuah pui ve a ni ber. " Tiin min hrilh zui luam a. A rilru a buai in a na ve hle tih a hriat. A mah lo buaipui tu an awm tawh si lo a ka khawngaih ve det. Chutih rual in Terini khawsak dan la inthlak miah lo chuan mak min tih tir. In hmuh chhuah chu a hun ve tawh viau a ni.




" Kan pa in in lam a kawl ai chuan a home awmna a in sen a duh zawk sia. Hnial a Tei lam han tan dawn in a dik thlawt si lo. Ruihtheih thil khawi in a chang leh a lo zuar ve leh a, ka tan pawh awm dan thiam hi a har a sin aw. I pa te bulah pawh thu pha min lo chawi sak in kan biak lo a kan tlawh loh hi lan lawm loh vang a ni lo tih min lo hrilh sak la aw, kan inthiam lo in in el hmuh kan hreh em vang zawk a nia. " A ti leh siam siam a.




Midang rawn lut ve an awm nak nak takah chuan ka chhuak a. Diki leh Jenny chuan rei min lo tih hmel ngang mai. Kan thil chah pawh a lo thleng fel diam a, kan ei tan chiah kan bul a lo kal an awm vang chuan ka hawi chhuak a. Terini chu a lo ding vang mai.




" Mamawh i nei em ni? " Jenny chuan a lo ti kha fak.



" Nei em em lo e. Ka hmu thut cheu sia ka beisei lo em cheu a. Bakah kan mi bo pawh a lo let ve reng tih ka hmu bawk nen ka rawn chian cheu. " A ti vei ham ham chuan kan melh rum nasa hlawm ngang mai.



" Hun rei tak hnuah pawh i lo la in thlak miah lo hi mak la ti. " Ka tih chuan a meng kual ralh a. Nula hmelchhe tak a ni lo bawk a a in chei em em lo nang in a chhe miah chuang lo. Mahse hman ang ai khan a cher in a hmel chu a lo thu tawh a, a tla chhe ve hle tih chu a hriat tho mai.



" Inthlak chhan tur ka nei em ni. Enge thinlung na tak a awm chu a an tih ka zawt chak deuh che a. Hmanah na tak a ka awm lai khan kan tawrh zawh loh tur Pathianin min pek ngai loh thu te kha i sawi a. Mahni chungah a thlen meuh chuan a dan a dang viau lo maw? " A tih leh chuan hman a Papuia ten chhiat an tawh lai a a bul a ka sawi kha la hre chhuak zawk. A banrek zai a damdawiin a ka riah pui khan ka sawi ngei bawk. Kha thu kha a lo la na viau a, min tawrh tir phah tihna em ni. Mahse a huat tur a sawi ni lo in chak tak a a awm theih nan a sawi mai kha ka ni sia.




" Ti nge sawi ang chu a lo ni vak na nge? Engkim chan chung a a tha vek ang tih chu a harsa ta viau a mi? " Nui sawng a a tih leh chuan Diki chuan a lo khak deuh fak a. Terini lah chu a la nui sawng tho.



" Engkim chan i tih kha eng i sawi tumna nge ka man chiah lo. Kha tih hun lai khan engkim chanah i in ngai kha ka hrethiam thei lo che. Ni e, i pa leh i nau chu i chan ngei a mahse engtin nge engkim tiin i sawi thei. Nangmah hmangaih em em tu U i la nei a. A ngaihsak zia che chu sawi kher ngai lo in i hre chiang zawk bawk. Chuan kan chhungkua kha min nei bawk a. Nangmah a engkim pum bil tum lo kha tha tak in nung la chuan mi tam tak dawn phak lo malsawmna i dawn hnem zia kha i hmu thei ngei ngei ang. Kan pahnih min hmangaih a min ngaihsak tur khan ka nu leh pa te hmangaihna kha a tam tawk a sin.




Mahse duham chu channa an tih kha. Ka chhungte lakah min dah hrangin ka mipa hmangaih thlengin min chhuh sak i tum a, tunah hian han in en teh enge i neih? Neih engmah i nei tawh lo. I U tak ngial tan pawh phurrit I ni tih I hmu thiam lo em ni? A rinna pawh hlawh zo lo in an dah bo che a, chhungkua I nei lo a, thian I nei hek lo. Neih engmah I nei lo chu a nih tawh ber hi. Hei hi engkim chan awm zia chu a ni I ti zawk lo maw. Hmangaihtu pawh I nei lo hma hian I nun siam tha vat rawh, u Mami keh zel i tih lungawi loh chuan engmah nei lo i ni tak tak tawh ang. " A lakah ka thinrim leh rilru nat ngaihtuah a ka tawng dam dap chu kei pawn mak ka ti.




" Nang hi.... Danglam viauah i in ngai em ni? Nang pawn engkim i chan a kan in ang reng. " A tih chuan za lo fahranin ka nui sak.




" Kan in ang chiah em ni? Min en la, chhungkua ka nei a, thian min hmangaih em emtu te ka nei bawk a. Nang ang lo tak in mi ngaihnat ka hlawh em em bawk. Nia, a tir kha chuan ka chan emaw ka tia. Engkim kha min lak sak emaw ka tia mahse nang ang lo tak in ka mit leh lam a var hlauh a. Leh lam a thim lai khan a var lam khan ka la neih ho min hmuh tir ka ti thei ang chu. Ka sawi khan kan tawrh zawh loh tur Pathian in min tawrh tir ngai lo tih.




Ka hmuh hma che kha chuan nangmah huatna leh thinrimna hlir in ka khat ve a lawm. Mahse hei ka hmu che a, ka haw ta lo che chu ka ti chiah lo mahse ka khawngaih tawh zawk che. Midang nun tih chhiat i tumna lamah tal chhuah harsa khawp in i nun i siam chu a nih hi. Kei chuan ka din hmun hreawm tak atang khan min kai chhuak tu ka nei a nang hian tu nge i neih ve. Ka huatna che aiin ka khawngaihna che a nasa zawk. Thil tam zawk chu i siam tha thei tawh lo tih hria la, in chhir a dam chhung i hman lo nen i theih chho ho hi i theih lai ngei hian siam tha rawh. " Ka ti charh charh a. Ka thu sawi ngeiah chuan kei mah leh kei mah chu ka in hmu chhuak thar ve awn awn mai.




Thu tha tak tak chhak chhuak siin kei pawh hian ka zawm bik em. Siam that theih ka nei ve ngei a, mahse tlan chhiat san ka tum ve tho si chu a nih hi. A hmasa a ka tlanchhiat vangin a nghawng kan tuar mek a, tunah ka kal nawn leh a nih chuan ka sawi ang chiah khan kei pawh hian ka dam chhungin in chhir in hun ka hmang lo ang tih a sawi theih miah lo.





U Mami rawn chhuak in Terini chu a rawn hruai hrang zawm mai a. Jenny te chuan sawi tha min lo ti khawp a. Chutih rualin Terini nun dan erawh an hre ve lo thung nen zawhna an ngah khawp mai.




Tlaiah kan haw chuan kan chhungte pawh an lo awm kim thap a. Leng rei min lo ti deuh nge Eddie an a nu chu a lo ban vat mai. Kan vai chuan sitting roomah kan thu a, ka pa in naktuk ka chhuk tur a rawn sawi lai chuan chhuk ka tum ka thulh leh thu ka sawi chu an vai mai chuan min en haw mai.




" Ti teh thut nge i hman hmawh viau khan ka hre sia. " Ka u chuan a rawn ti ta ngei a. Ka thulh leh chhan hi hria se chuan an lawm kher lo ang. Chu mai bakah an rem ti kher pawn ka ring lo. Mahse puitling ka ni tawh a, eng ang pawh a hun harsa lo thleng mahse ka duh thlannaah hian inchhir ka tum lo bawk.




Zawmna 💕



" Tricket pawh i u in a ti fel vek tawh a ni lawm ni? " Zawhna miteng takin ka pa chuan a rawn ti ve bawk. Ka nu leh pa leh ka u sawi loh Jenny thleng chuan mak tih hmel zet chuan min en vek.




" Tunah chuan ka chhuk thei rih lo. " Sawi chhuah dan tur mai ka hriat loh vang chuan ka ti leh hap. Zawhna mit meng a min enna chu hmu lo der in ka roomah inthlak tum chuan ka chho zui ta daih a. Ka room ka luh rual deuh thaw in Jenny chuan min rawn um pha in min rawn luh chilh ve nghal a. Ka thu sawi kha min thlak tir a tum tih ka hrethi nghal.




" Ti nge tiang khan i tih a? I chhuk tur i thulh leh chhan hi Zorema vang a ni tih sawi miah suh. A ni lo ti raw? " A ti nghal zat.




" A ni ngei sia lawm. " Tiin ka thawmhnaw chu ka phelh thawl a. Ka in thlak mawlh mawlh lai chuan pik lutuk a thaw chhuak hawk in khumah chuan a thu thla hnak.



" Kan chhe vek dawn a nih hi, midangin an hriat chuan an pawmpui miah lo ang che. Ti nge hun kal tawhah bawk chuan let I tum tlat a. Hma lam pan tur a I beih nasat zia te kha i theihnghilh ta em ni. Zoreman a tihnat tawhna zawng zawng che te kha i theihnghilh chuan ka ring si lo. Chuan... Puipuia! I lakah a dawh theiin a ngaihsak em em reng che a awlsam tak in i kal san mai dawn em ni? " A zawhna ka chhan hma hma in zawhna dang chu a sawi zui nghal zel a. A lan dan chuan a chi ai vek ni ber in ka hria.




" Ka duhthlanna hi a awlsam in i ring em ni? Engkim huam in a lawm he thutlukna hi ka siam. Vawin a Terini nen kan in hmu takah khan kei mah leh kei mah pawh ka in hmu chhuak ka ti mai ang. " Tiin Jenny chu ka en a. A rilru chu kei ai pawh in a hah hmel zawk.




" Mahse engkim a buai vek mai ang. Puipuia hi i khawngaih ve lo a mi? " Ti leh hap in min melh chho a. Puipuia ka ngaihtuah chuan ka inthiam lo ve tho.




" A ni chu ka tel lo pawn a awm thei. " Sak deuh tak chuan ka ti chhuak sep. Jenny pawh chuan beidawn hmel zet chuan min en a. Awm dan tur ber ka hriat bik loh vang chuan la nui tawi tak ringawt.




" Ka ti dik vek chu ka ti bik lo mahse hetiang a ka kal a nih chuan ka in thiam thei bik dawn lo tih erawh ka chiang viau. " Ka ti let ve thung a. Inhnuai lam atanga ka nu in zanriah ei kan hman thu sawi a a rawn auh lang lang takah chuan kan in zui thla a. Chaw ei chu kan siam zui mawlh mawlh.





" Nichin a kan thu sawi kha sawi nawn leh ta i la. A hma zawng a chhuk duh em em si kha engvang a nikhat thil thu a thulh leh duh nge i nih tih i sawi lo a. " Ka pa bawk chuan a rawn ti tha leh a. Sawi rih loh duh viau mah i la sawi ngei a ngai dawn chu a nih hmel.




" Zoreman min mamawh a, tiang ringawt chuan ka kal thei lo. " Ka tih chuan an vai chuan min en thap. " Enge i sawi awm zia? Zorema nen chuan in in hmu a in in bia tihna em ni? Kal lo turin a ti che em ni? " Ka nu chuan a rawn ti hliai a. Ka pa pawh chuan a hrawk a rawn thian khurh khurh a. " Kha chu kan sawi fel vek tawh emaw ka tia Bawihte. " Thinrim miah si lo mahse chhan let huphurhawm deuh chuan a rawn ti thung.





" Ka hria mahse engmah hre lo ang chuan ka awm thei lo. Pa... Min mamawh lutuk a sin Zorema sawn. " Ka ti ve sep. Engmah sawi lo mahse an mit mengah chuan an lawm vak lo tih chu ka hre thei.




" Tanpui i duh tih chu ka hria mahse chu chuan thil tha a thlen a ngem ka hre lo. Ka hrilh tawh che kha thil thlen dan chu. Zorema chhungte hian kan chhungkua nen a in hnim hnaih an lo duh lo mai thei a. An rilru lan tih nat sak zawk thei tih thleng ngaihtuah la ka duh. " Min hnial hre si la thu pawn duh chiah bawk si lo chuan ka pa bawk chuan a ti leh a ka thaw chhuak hap. Chaw ei chakna pawh ka nei tawh hlawl lo.




" Tu ma ngaihdan ka ngai pawimawh lo, thutlukna ka siam vek tawh. " Tiin ka tho a inchunglamah ka chho nghal hmak. Ka rilru chuan ka chhungte hi a dem lek lek a, chuvang chuan an bul a tawng chuang ka neih loh nan a inthiar fihlim ka ni mah zawk. Pem leh hliam aiin tawngkamin mi a tih nat theih zia leh na a thlen tawh a dam mai mai theih loh zia hre chiang bertu ka ni a. An chungah chuan lawm lo viau mah i la an upa ve tawh a rilru natna thlen sak ka hlau ve tho.




" Inhnuaia i thu sawi kha. " Ti tu vang chuan kawngka lam chu ka hawi a. Ka u chu a lo ding ve reng.enhtik laiin nge a lo luh ka hre miah lo.




" I ti dik lo chu ka ti lo mahse hetiang a tih kher hi a ngai em ni? Hma lam i pan tawh a, modang nen bul in tan ve tawh bawk a. Ti nge a buaithlak zawng a I awm kher a ngaih. Zorema i hnaih ngawr ngawr kan duh lo ni lo in eng thil pawh Terinin lo ti mahse kan chhungkhat lai na a nihna a bo chuang lo a. I unaunu pasal a nihna a bo phah dawn lo bawk a. Mi tam tak in ngaihdan dik lo leh kawi tak tak an put phah thei bawk a. Zorema te leh keimahni chhungkhua ti mualpho in mi kawh rawnah I siam thei tih I ngaihtuah em?




Nang chuan Zorema chiah I ngaihtuah a I thil tih hi dik ber pawh I ti mai thei. Mahse kei mahni vangin mualpho in an awm tawh a, a vawi hnih nan a mualphona tawh leh chu an duh kher a ngem? " Thu tak fe chuan a ti a. Kei erawh luhlul zet chuan ka melh ngai melh in ka thu ngar thung.





" Ti nge u Duatin min biak a tum lai khan rem I tih ve mai loh. Kha tih lai khan ti nge I zep tlat a? " Tiin ka u chu ka melh ram a. Engmah sawi tum hmel a put loh vang chuan ka thin chu rim thut in, " Kha tih lai khan min biak tir la chuan hreawm ka tawrh pawh kha a zia pha in engkim chu fel lo mahse a ziaawm phah tur a nia. Chuan Zorema pawh tiang hian a nung miah lo tur. Thil thleng hi nangmah vang vek a nih hi. Ka haw lutuk che. " Ka ti tuar a. Ka mittui rawn tla chu duh lo zet in ka khap let sak sak.




" I duh chuan min haw thei ang. " Tih ringawt a sawi chu mak ti zet in ka melh ta tawp. Ti nge a in chhir thu sawi pawh chu a harsat viau le.




" I la inchhir chuang miah lo em ni? " Tiin ka zawt ta thlawt.




" Ka nau I nia ka hmangaih em em bawk che a. Tlawm tak leh hreawm tuar reng reng a I awm ka hmuh khan hreawm ka lo ti ve thin. A hma a Terini vang a ka lo hau thin che te kha ka inthiam lo em em a. I keh chhe vek lai la hmuh phei che kha chuan venhim che kha ka duh ber a ni a mahse awmzia a awm tawh si lo. Zorema nen a in inbiak ngawr ngawr kha ka rem ti lo a ni bik lo. Zorema pawh a tuartu a ni tih ka hai lo. Kha tih lai khan a mah ngei khan rawn biak tum che se la chuan ka biak tir em em ang che. Mahse a mah ni loin Duati zawk a ni miau a.




I rilru tur chu ka hre chiang, tlawmah pawh la lo in I let leh duh mai dawn tih ka hria a. Ka farnu neih chhun I ni a tlawm tak in I awm tawh a I tlawm belh leh kha ka rem ti bik lo. Biak pawh rawn biak che tum lo tu buaipui a I awm kha ka rem ti lo a nih kha. Kum 4 lai a ni tawh a, vawi 1 pawh a ma pualin Zorema hian rawn biak che a tum em? Tunah pawh hian a bul a awm turin a man a ngen che nge a khawsak dan I hmuh vangin nangma thu in pan leh I tum? " Ka u thu sawi lai chu inseh ruh fan fan in ka melh mawl tawp.




" Ka rin dan chiah a ni. A ni chuan awm tur a ti che in a chelh miah lo che ti raw. " A tih pawh chuan ka chhang let lo. Ka u sawi chu kawng leh lamah chuan a dik ve tho. Ti nge Zoremsanga khan min biak a tum miah loh.




" Inngaihtuah harh ang che, a la tlai lo a nia. Zorema ka ngai na lo ni lo in tlawm zawk a I awm hmuh hi hreawm ka ti a. An chhungkaw lei kan ba tih chu ka hria mahse nang chuan a tuartu te zing a mi I ni a. Kawng dang zawh mah la tumah dem tur che an awm lo. " Tiin a chhuak zui a. Ka thutna ngaiah chuan ka thu reng ringawt.




Rilru buai zet a in ngaihtuah a dingin tukverh lam ka pan chu kan kawt a ka mi hmuh vang chuan ka meng buai nak. Rang zet in ka room atang chuan ka tlan chhuak a inhnuai lamah chuan hman hmawh zet chuan ka tlan thla a. Sitting room a ka chhungte lo awm pawh chuan min lo melh haw hlawm.



" Ding rawh. " Pawn ka thleng a, kan gate piah deuh a bike a thu a tlan chhuah tum ni awm tak chu ka a tlan chhuah hman hlau zet chuan ka au vak ringawt . Mahse ka au thlawn bik em lo. Min lo en rengtu lam chu pan in ka kal hlak hlak a. Ti nge a chelhtu zawk ka nih zel tih ngaihtuah in ka thin chu a rim tun bawk.





" Hetah enge I lo tih? " A bul ka thlen rual chuan ka ti a. Ka aw chu a vin lek lek.




" I hmuh angin kawngpui a nia, ka duh chuan ka kal in bike te pawn ka tlan ve thei a ni lawm ni? Nge ni a hetah pawh hian I phalna ka lak kher a ngai zawk. " Nui deuh suk a a tih chuan ka in seh ruh vak a. A hma a ka hnuk lo ulh tawh sa bawk nen mittui tling chungin ka melh rawm ringawt chu a bike chu hung remin a rawn chhuk a. Ka hmaah tak chuan a rawn ding nghal run.




" Dik lo a awm em ni? " Chik tak a min melh ngurin a tih rual chuan in seh ruh nghek in ka kut chu ka chet a, ka hriat leh meuh chuan ka kut chu a thip sa hat hat tawh. Ka hma a mipa ding hmaiah chuan ka benna thla chu a lang chiang viau bawk.




" Dawt min hrilh man a nih kha. " Ka ti ram hmarh a. Zoremsanga erawh in ka biang chu khawihin a khabe ruh chu a ti che rulh rulh a. Thinrim ang pawh in a awm ve miah lo bawk. A rawn hawi leh rual chuan a hma ang bawk chuan ka beng leh nghal chawrh.




" A tha lawm. I duh duh chu ti rawh. I hlimna tur a nih phawt chuan damdawiin lut hial pawn min khawih theih ang. " Ban phar hluai a a tih chuan ka melh nghek ringawt. " Ti nge I lawm leh si lo em ni? " A tih rual chuan a nghalah ka chhuih leh chawrh a. A lo in ring lo bawk nen kun in a ke chu na ti ang hrim chuan a khai zui a.




" Kum 4 chhung a min biak I tum miah loh vang a nih kha. " Ka tih leh chuan ner sawkin a ke chu a khai a. A bike chu vuanin a in nem khalh a. A ngal leh lam a chhuih ka tum leh rual chuan a lo in ven vang nge ni rem lo zet chuan min kuah bet ta ngawt.





" Ka let leh dawn ka ti mawlh mawlh a min dan chu sawi lo hmuh tak ngial pawn min hmuh I rawn tum lo a. Ka haw lutuk che. " Tap tiau a tiin ka tal zui nghek a min kuah nghet zual sauh.




" Ti nge a zui kual tu zawkah ka tan zel a? " Tiin khawlai pawh sawi lo chuan ka tap hawm hawm a. Leh lamah chuan mi reh lai biakin lamah hun an hman lai a nia a zia phian.




" Chelh tur che in dikna ka nei ni? I lak a ka thil tih ngaihtuah phei chuan hmuh ringawt che pawh hi ka phu miah lo. " Min kuah reng chung chuan a ti sup.




" Mawla. " A tih chuan a nui nghawr dawt.




" Naktukah ka chhuk tawh dawn a. " Ka tih leh chuan min kuahna chu a thlah thawl nghal ruai ruai a. Ka hma zawnah chuan dingin a meng dulh nghal ruih.




" Mahse kal lo tur a min tih chuan ka kal lo ang. " A mit a melh reng chung chuan ka ti sep. Enge a ngaihtuah erawh ka chhiar thiam chiah lo.




" Heta awm tur a min tih chuan midang thu sawi ngaihthla lo in I bulah hian ka awm ang. Midangin engpawh lo sawi se nang man kal tur a min tite a nih loh chuan ka kal san ngai lo ang che. Eng harsatna pawh tawk mah I la I bulah ka awm tlat ang. " Beisei nei zet chuan ka ti nawn leh. Dik tak chuan tunah hian kal lo tur a min tih hun ka nghak mek a ni. Ka u in tlawm tak a ka awm a hmuh duh loh thu a sawi a, chuvang chuan kei mah chauh ni loin Zoremsanga pawh hian min chelh a duh tih a sawi ka beisei a ni.





" Engmah I sawi dawn lo a mi? Tunah hian min chelh lo a nih chuan ka kal hlen tawh dawn a nia. Kan in hmu tawh kher lo mai thei bawk a nia. " Engmah a sawi loh vang chuan beidawng lek lek chuan ka ti tiau. Mahse ka beisei ang sawi tum hmel a put tak lohah chuan beidawng zet in ka en a, thawk ka la zui hap a kan in lam pan in ka her ta ringawt. Kan pen chiah chu ka mittui chu ka biangah a luang thla nghal zung zung.




" Thil tam tak pawh la beisei miah si lo. " Ka ti sep ringawt.



" Ka chelh thei ang che maw? " Ti riah chuan ka kal lai chu ka ding dat.




" Natna tam tak ka pek hnuah che pawh hian ka bul a awm turin ka beisei thei ang che maw? " A tih leh takah chuan muang changin a lam hawi chuan ka in her a. A dinna ngaiah khan a lo la ding reng.




" Ka phu lo che tih i in hre reng chung pawn ka bulah hian i awm duh ang maw? A tih leh rual chuan lu ka lo bu nghat. Chutah ka dinna l chu chak zet hian a rawn pan a kei chuan ka lo thlir reng ringawt.




" Tunah hian ka chelh che a nih chuan engtikah mah ka thlah phal tawh dawn lo che a nia. Nakinah i in chhir a kal san tur che a min hrilh pawn I mei ang maiin ka zui zel dawn che a nia. Mi mawl tak ka ni tih I hriat kha. Zonunmawii bul a ka awm theih phah dawn phei chuan I rin phak bak in ka mawl thei a nia. I inchhir lo ang maw? " A tih leh chuan mittui luang ngiai ngiai chung in ka nui sak a. Lu chu ka bu leh nghat.




" A nih chuan kal suh. " Tiin ngenngawl zet chuan min en a. A thu sawi chu tawi hle mahse ' kal suh ' tih tal a sawi a lawm. Zawh tur tam tak ka nei a, chung zawng zawng zawt a hre turin tunah chuan hun ka nei tam tawk tawh tih ka hre chiang ta bawk.




" Zawhna tam tak ka nei a, chung zawhna chu nangmah chiah in chhanna min pe thei bawk a. Min chhang ang ti raw? " Ti a ka en chuan ngainat awm deuh a nui suk in a awm hlai hlupah chuan min kuah in a in sawi hlu hlu a.




" Ka bulah i awm dawn phawt chuan tehreng mai. " Tiin hahdam tih hriat ngawih ngawih chuan a thaw ham ham a. A awm zawnah beiin a thinphu ri dup dup chu ka ngaithla a, ka hahdam in he thil hi ka ngaihzia ka hre chhuak uar uar mai.




Inkhawm bang ho an rawn lan pheuh pheuh takah chuan kan inkuahna chu in thlah in " Min lo zui rawh. " A ti a. Ka kutah nghet tak a min kaiin a bike awmna lam chu min pan pui a. Hnial lo chuan ka zui ve tawp a. Bike bulah ding in a jacket chu a phelh a, a hma ang bawk chuan mi hak tir leh thlap in a hma zipper chu a rawn zip phui nghal vek.



Bike ah chuan a thu a a hnungah ka thut ve rual chuan chak zet in a tlan chhuak a. A hnungah chuan bei tlawp in a kawngah chuan nghet zet chuan ka kuah bet a. Kum 4 liam ta atanga chhiar a ka hahdam lai ber ka ti thei hial ang. A chhan chu ka bulah Zoremsanga a awm miau a, min ti na in hreawm t tak a mag vangin tuar mah i la chung ka tawrhna zawng zawng ti reh tur chuan a mah bawk ka mamawh, a mah bak a hahdamna hi ka nei lo tih ka hre chiang ta viau bawk.



Next chapter ah Zoreman Zonuni zawhna a chhan sak tawh dawn👀 Tolema zawh duh nei ve chuan cmt lamah sawiin Zonuni kal tlangin zawhna a zawh theih aw😘 😂


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:54 pm

Miracle Love 💕 by Amy Cck




Chapter - 40



Kan tlan laklawh lai chuan a taksa a rawn nghawr dar dar a. A lan danah chuan a phone a ri a nih ka ring ve tawp. Kawngpui sir rem laiah chuan bike chu a din tir a. A bawp sei leh tha ngah zet chuan a in rah khalh a. Kei erawh ka che sawn eih lo. Ka awm ngaih chuan awm in ka lo hahdam ve em em a. A kekawr hma lam atang ni ngei tur a ni a phone chu a phawrh a. A la chhuak lawk thei lo nge a phun deuh hluk leh nghal.




" Aw Bawiha. " A beng zawnah phone dahin a ti sup a. A taksa ka kuah a, a hnung a ka la bei reng vang chuan a tawng chuan min nghawrh ve zel leh nghal. Leh lam a mi chuan ' I lo kal dawn em? " A rawn ti ni maiin ka hria. Ka chiang lutuk thei bik lo.




" Min lo tan san mai ru. " A ti thu leh dut chu leh lam a mi chu a rawn lawm loh hmel khawp mai. " Kha tah khan I va kal leh tih sawi lo teh. " Phone atanga rawn ti hluktu aw chu ka hriat sual loh chuan Rohlua aw a ang viau mai. Zorema chuan chhang lem lo in a nui nghawr dawt a. Eng emaw a rawn sawi ni ngei tur chu ngai thla in a bul tawk lek chuan a chhang leh sup thin.




" Tu nge? " Thu rem deuh chuan ka ti ta sep. Zorema vhuanin chhang mai lo chuan a phone chu a rawn lek hnai deuh a, a mah pawh chu sir zawng a rawn thle buk in loudspeaker chu a on nghal zat.




" Lo kir lo tur nghah kha bansan tawh teh. Kha ta an in kawtah zan khua a khaw vaqt hnuaiah hreawm lutuk a I din laiin a ni chuan I nghak tih pawh a hre tawp nang. Lo kal vat rawh a hun vel chiah a nia. In tur pawh I duh tawk a awm a nia. I ti sual lo zawk ang. Bakah chhuk san leh che a tum a nia aw, he nu te hi chu ka pawi chu sawi lo mahse ka la piai hlak ang. " Ti kha chuan tu dang ni lo in Rohlua ngei a ni tih ka chiang sak.




" Lalrohlu. . " Ka ti vin hlar chu a reh ta vung vung. Chutah I thiam lo zet a nui sawng aw hian " I lo hre ve e law. " A rawn ti lawi rut. A aw chu a tlanchhe du tawh mai.




" Engtin maw min sawi kha? Chuan I thianpa I lo enkawl that dan chu zu in pui a sawm kha maw? " Ka ti leh hlak chu nichin lawk a a thu sawi chu a rawn pha mawi leh nghal char char. Hepa hi chu hman atang tawh khan eng ang pawh a dinhmun khirh leh hun harsaah pawh a tawngkam na na na hi chu a hneh ve bawk a, a in sawi fel thei zel ang tih tur ang chi kha a ni.





" Chutia i lo awm ve takah chuan in pahnih khan lo kal u la. A nuam teh a nia midang pawh an awm nual i hmelhriat tur. " Thawveng zet a a rawn tih leh chuan ka ner nang a Zorema chuan min lo nui suk suk thung.




" Bawiha lo kal u la kan lo nghak ang cheu. " Ka chhan loh vang chuan Zorema zawk chu a rawn ti leh lung lung. Zorema chuan ka chhanna nghak ni awm fahran chuan min melh run a. Kei erawh lu ka lo thing nasa mai.




" Mawii lo fuihpawrh suh aw. " Engmah ka sawi si lo a min hmu thei ang hrim in Lalroa lah chuan a rawn ti vin hluk.



" Lalrohlu ka beng ang che aw engmah pawh ka sawi loh kha. " Ka ti hlar chu hriat theih si lo hian a rawn phun hnuai hnuai a. " Enge I sawi? hriat theih turin sawi ta che. " Ka tih chuan " Engmah sawi lo mah la I miteng khan I control leh vek tawh tih ka hria. Dawithiam pitar I nih kha. " A rawn tih chuan la nuih a zal bawk si ka ngei bawk si chu chhan pawh ka chhang let peih lo.




" I hreh loh chuan rei lo te kan kal ve dawn em ni? " Zorema chuan a ti a. Ka heh pet sawi zeuh in ka meng kual ralh a. Roa lah chuan min lo tur ve sek leh nghal.





" Hreh chu ka hre lo a mahse min en la, awm hmun kawr nen, chapal ka la bun tlawng zui a. Chutiang a kal chi pawh ka nih loh hi. I kal duh chuan min thlah haw la kal zawk mai rawh. " Ka tih chuan Zoremsanga chu a rum deuh nghut.




" I lo hria ti raw kan lo kal lo mai ang. Helai dawithian pitar hi kal san in bul a rawn kal chu ka chak hran lo. " Zorema chu a ti leh a, dawithiam pitar min ti ve chu duh lo lutuk in a hnung ti I la a dar bul deuhah chuan ka beng ri nghal thlawrh. Roa lah chu a lawm loh hmel nasa mai si.




" In va hmelchhe dun tak, lo kal su, lo kal ma lek su. Kan in hmuh hunah in hre khawp ang. " A rawn ti leh hlawk hlawk chu phone chu la let in loudspeaker chu a off a a be leh zuai a. Mahse rei erawh in be lem loin an dah zui vat tho.




" Kei pui hi ka zui ve ngawt che a Lalroa sawi dan takah ti tur pawh kan nei tawp si lo. Bakah chhuak hla tur in ka in ring lo tih ka hre chhuak. " Harh chhuak thut ang mai chuan ka ti ve hliai.




" A nih chuan a chhuak lo chiin kan awm mai dawn nia. " A tih chuan hrethiam vak lo chuan ka melh ha a. " Pui te han in tih ve khang lan. " Ti leh nuah nuah in a tlan chhuak chu nghet zet chuan ka khuah bet leh nghal a. A tlanna lam atang chuan hmanni a a lo awmna in kha a pan tih ka hre thei.





Vaivakawn kan thlen chuan kawngsir rem laiah chuan a ding leh dawt a. " Chhuk lawk la. " Tiin a rawn thle leh deuh a. Engmah sawi lo chuan ka chhuk ve mai bawk. " Eitur lei nghal mai ang aw. In thlen tawh chuan chhuah leh kha a buaithlak. " Tiin ka lo ding reng chu ka banrekah a rawn vuan a. Min vawn pah chuan kan ban chu a lek kang a, mawi zet hian a nui suk a, kan kut ka en ve thung chu ka ner nang thung. A jacket ka hak hi a lian bawk a ka kut hmawr pawh a lang thei lo a in khuh hlup a. A fual bawk si, chutah ka polar suit hak kekawr lian zet nen ka lan dan chu a thing tlawt.





" Enge I ei chak? Nichin atang khan I pum kha a ri ruk ruk tawh in ka hria. " Tiin street food an zawrhna lamah chuan min kai phei det det a. Mi an awm ve nual a. A kawn lai tak a nia, an chei mawi in a eng tuar bawk nen duh aiin mi chu an tam mah zawk a tih theih ang. An in chei hlawm in a the chu inkhawm thawmhnaw nen an la awm bawk a. Ka thing in ka lang sar bik riau te chuan la hre tawh.




Eitur leh intur chi chu lei in kan tlan chhuak leh a. A hla tawh lo bawk nen rei lo teah in chu ka thleng a, inchhungah lut in light chu a on kual nghal thuak thuak a. Ka dinna ngai a ka lo din lai chuan hnung lam atangin min rawn nem kal dawt dawt a. Kan hma a couch ah chuan min nem thu a ka hma takah a ding chu ka en haw mai.





" Lo thu rawh aw heater ka va la chhuak lawk ang. I sin tur puan luam nen aw. Chuan.... Kan eitur lei kha! Ni tak... I ril a tam dawn tak e. Ka va ur lum leh tuak a nga I ei dawn nia. Chu mi chhungin TV lo en la, emaw movie, hla I ngaithla duh zawk nge? Khaw nge remote hi ka dah? " Phili buai zet a tiin a hawi kual vut vut a. Kan piah lam thuthleng a lukham vel te chu a lipse nghal vek. A chet dan chu mak ti lutuk in ka en ringawt tawh.




TV bul vel a en kual lai chu tho in a kutah chuan ka vawn sak a, ding ngil hluai in ka lam chu a rawn hawi vat a. A hmel lan dan chu ka sawi thiam chiah lo. Mangang leh hlauthawng hi a ang ta ber.




" Ti nge I lo thawh a? Vawt i ti lo a mi! Ni tak heater.... " Ti hluk a kal sawn a tum chu a hmaah chuan ka ding leh nghal vat a. Hrethiam lo zet chuan min en chhuk ta run chu nui lui sak in dingdihlip chuan a hmuiah ka han fawp zeuh a. A hmel erawh mak tihnain a la khat reng tho.




" Inbengdai la. Muangchangin kan ti dun dawn nia aw. A tha em? " Dam dap a ka tih chuan thaw chhuak hawk in a hmai chu a tuai puat a. A awm dan chu chik zet in ka lo en reng bawk.




" Kan eitur kan ti lum a nga. Chumi chhungin tah hian heater fit in kan movie entur kan lo ti fel a nga chuan kan pahnih in kan thil eitur nen meilum ai pah in movie kan en dawn nia aw. " Ka tih leh chuan hahdam ta huai ang mai chuan a thaw hawk a.




" Ka kuah thei ang che ngem? " Zawi sup a a tih tak daihah chuan kan thu sawi a in mil loh vang chuan rei lo te chhung chu ka hawi buai hman a. Mahse rei lo te chhung chiah tak tak. Chutah ka ban chu ka phar ta vah a, sawi nawn pawh ngai lo chuan min kuah ta hlu hlu. A taksa a betthlawp khawp chuan min kuah a. Ka nghawng zawnah a hmai phum in a khat tawk in a thaw chhuak leh hawk thin.




" Ka mumang chu a ni lo ti raw? " A tih chuan ka khawngaih tak zet. " Ka hawi sawn chhung lek in i lo bo leh ang tih ka hlauh lutuk hi ka â thei tak ngial dawn. " Ti leh sup in min kuah nghet leh zual sauh a. Min kuah nghet lutuk chu ka thaw thei lo lek lek.




" Ka bo loh hi. Tunah pawh min kuah in min khawih thei bawk a. Khawiah mah ka kal dawn lo a nia. " Tiin la thlamuan ve chu hahdam huai ang mai hian a thaw chhuak ta suai suai. " Mahse min kuah nghet lutuk a ka thaw thei lo tep. " Nui hak a ka tih leh rual chuan min thlah thawl rang khawp mai.




Kichen lamah kan phei a. Kan eitur lei thenkhat chu kan ur lum a. Chu mi chhungin room lamah lut in puannuawm kan sin tur chu kan la a, room pakhat la awmah chuan min luh pui leh in heater chu a khai chhuak bawk a. Couch ah chuan thuin a jacket ka hak chu ka phelh mial mial a. Zorema erawh ka hmaah chuan heater chu dah in current nen chuan a fit ve mek thung.




Chumi hnuah a kichen lamah pheiin kan eitur lei chu plate nen a rawn chawi chhuak a. Ka bulah a rawn thut rual chuan ka puan sin chuan ka lo khuh ve vat a, min en chuan a nui suk.




" Enge kan en ang? " Tiin TV lamah chuan a thle buk a. Kei in rang zet in " Home alone " Ka tih chuan ka sawi dawn tih hresa ang maiin a nui hawk a. Nula uai tawh siin he flim hi ka hne thei miah lo. Chu chu Zorema pawh hian a hre chiang.




Hma lam hawi a thu in couch nghenchhan chu ka ngheng a, thil ei pah chuan uluk zet in kan movie chhuah chu ka en a. Ka sir a thu ve ka en a piang in a ni chuan kan movie en lam chu ngaihven thak lo in nghenchhan a a ban nghat in a kut chu a bek a dawm a, ka lan chu a rawn hawi char char thung a.




" Ti khan awm reng lo teh ka awm i ti nuam lo zo vek dawn. " Tiin a hmaiah ka va nem chu ka kut chu a lo hum nghal hmak.



" I hmuhnawm em a. Hun rei tak hnuah hetianga i awm lai hi ka hmu leh thei a, khawdang ka hawi sawn phal in i ring em ni? " A tih chuan ka nui tawi tak. Chutia a sawi takah chuan zawhna tam tak ka nei tih ka hre chhuak leh a. Ka hlim luatah ka lo mangnghilh tep zawk.




" Zawh duh tam tak ka nei che tih i hria ti raw? I hnen atanga hriat beisei tam tak ka nei a mahse nang chu i ngawi tlat a. Mahse a tam zawk chu midang hnen atangin ka hre chhuak ta tho a. Mahse ka hre chhum bung lutuk a... " Tiin sawi zo lo chuan ka thaw chhuak hak.




" Engchen nge i hriat? Eng atang ber nge bul ka tan turin min duh? " Ti ve sup in ka zawhna chhan in peih zet chuan min melh run a. Sawi tan mai dan tur hre lo chuan thawk ka la leh halh a.




" Terini kha i hmangaih vang a nei i ni lo tih ka hre tawh a. Nang hian positive a i in ngaih vangin min kal san tih pawh ka hria a. A tir chuan Terini nen in lo khawsak dun thin vanga in ringhlelah ka ngai hman che a mahse ka ring dik lo tih leh i in rinhlelhna chu U Zuala vang tih ka hre leh a. I result pawh khawi danglam a ni tih ka hria. Tam takah chuan i thiam loh a ni vek lo tih ka hre chhuak a mahse.... Mahse ti nge kha tih lai khan engmah min hrilh loh? Min hrilhfiah ai chuan min then i thlang zawk a, na tak tak in min tawngkhum in lem chan reng i nin tawh thu min sawi khum a. Min nin tawh thu leh min hne zia i sawi a, kei ni loin Terini i hmangaih thu i sawi bawk a. " A hunlai a let leh ang mai chuan ka na thar vawng vawng mai.




" Nang hian min ring miah lo zawk nge? Kha tih lai khan i positive tih ka hriat chuan ka hlat phah che a, tenawm ang mai a ka ngaih che i rin vang em ni? Chutiang a ka tih che i rin vang chuan i po in tlawh khal a min then hmasa tihna em mi?" Rilru na zet chuan ka ti a. Ka tum ni miah lo in ka mittui chu a tling leh pam tawh.




" I sawi let thawk kha. " A tih chuan hrethiam lo zet chuan ka melh a. A kut chu rawn lek kangin ka biang a ka mittui chu a rawn tuai hul nghal zat.




" Mi mawl tak i ni tih ka hriat chian vang in khatia ka tih kha a ngai a lawm. Thu dik sawiin ka positive a, Terini ka puihna lamah Zuala hnen atang ka kai tih sawi i la i rilru a na dawn tih ka hre chiang a. I thiam loh awm miah lo mahse I lam hnai an nih vang khan hreawm I tiin ka lakah I in thiam lo dawn tih pawh ka hria. Chuan min hmangaih lutuk tih ka hre bawk a. Khatiang natna nei chung pawh khan min kal san duh dawn lo tih pawh ka hre chiang a.




Ni lo... Min kal san duh mah la mimawl tawk I ni ka tih tawh kha, nangmah a inthiam lohna khan ka bulah a awm tir tlat dawn che tih ka hria. I luhlul zia hrechiangtu ka ni miau a. Chuan kei hi.... " Tiin za lo fahran chuan a then suk a.




" Kei hi nang aiin ka mawl leh zual tih I hriat kha. Chutiang a min kal san duh lo a nih chuan I tawrh tur ngaihtuah lek lo in la vuan lui duh mai dawn che tih ka hria. I hriat khan I bul a awm duhna hlir in ka heti lai hi a tuihal thin tih chu. " Tiin a awm zawn chu a tawk zeuh a.




" A tir kha chuan zep a I bul a awm luih char char kha ka tum ngei a, in zin I rawn haw pawh khan pangai thei ang ber in ka lo awm bawk a nih kha. Ka bul a I awm a, ka hmuh theih che kha ka duh tawk mai ka ring a. Mahse mipa ve tho ka ni miau sia, chuan nang khawvel a ka hmeichhe hmangaih ber leh ka ta ni bawk ka bul a I awm reng khan I hmel hmuh ringawt leh I bul a awm ringawt kha ka duh tawk lo tan tih ka hre chho zel a.




Ka bialnu I ni a, ka ti thei ngai dawn lo tih hre reng chungin inngaizawng dangte ang bawk in tih chak leh beisei ka rilru khan a nei chho zel a. Ka khawih thei ngai dawn lo che tih hre reng chung khan ka duham tial tial a. Mahni hmasial tan in kan awm dun dawn phawt chuan ti rilru ka pu tan a. Ka hlat che a ngai tih ka hriat chhoh tan phah bawk a.




Mahse hlat che ka tum a rilru ka siam a piang in i hmel ka hmuh a ka lam i rawn pan a piang khan ni khat chauh tiin emaw, tum chiah tiih ka sawn hla leh zel a. I nat phah thei tih hre chung khan I bul a awm ka thlakhlelh luatah ka hlat hlei thei lo che a nih chu. " Tiin awm ze nei map lo chuan a nui chhuak hawk a. Keiin a awm dan chu ka lo en ngawt ngawt thung.




" Nangman min kal san hmasak a, min huat a min hnaih I duh tawh loh chauh in ka hlat thei dawn che tih ka hria. Kei hian engti kawng mah in ka hlat hmasa che a nih pawh in ka hlat rei thei lo che tih ka hre tlat a. Kha tih lai khan thil dik tiin ka in hria a mahse tun hnuah erawh I lak atanga min la hrang zual tu an ni thung a. Ka duh vang reng leh tum vang rengin ka ti na lui che a. I hiat zawng engkim kha tih ka tum a tih theih ang. Ti chuan min haw hlen in min hlat phah bawk a nga tih kha ka ngaihtuah ber a ni.




Mahse engthil pawh ti I la min huat chu sawi loh min hnaih I tum tulh tulh a. Ka tum loh tawp in ka hmangaih miah loh hmeichhia ka hmangaih tiin dawt ka sawi bawk a. Mahse I ring duh miau si lo a, ka duh duh kawp a, enga thil pawh ti tur a min tiin a tawpah I bulah let leh tut in min chah a, min nghah reng tur thu i la sawi deuh deuh a nih kha. Nupui neih mai loh kha chu kawng dang awm in ka hre tawh tlat lo. Beisei theih ka ni tawh lo tih kha i hriat a ngai miau a. " A tih chuan ka lo in seh ruh ngawt ngawt. A mittui chu a tling ve tih ka hmu thei, tih tlak em chu a hreh nge a hmai chu a tuai leh puat thin.




" Mahse ti nge Terini kher i neih a ngaih a? Ka inkar a thil thleng zawng zawng i hre vek a. Ka nat dan tur zia pawh i hre vek a. " Ka ti leh nghek.




" Engkim hretu a ka ngaih vang chauh in. Zuala hnen atang a positive ka nih hretu angah khan ka ngai a. Hmeichhe dang nei i la, dinhmun hlauhawmah ka dah mai bakah pawisawi lo ka ti na dawn a ni ringawt a. Terini kha chu ka sawi buai ngai lo in a mah leh a mah a rawn in pe a, rem fel tak ruat lawkah pawh ka in ngai hman hial.




Terini ka neih chuan min huat dan tur pawh ka hria, i nat dan tur thleng khan ka hria. Chuan min thlah hmak thei phah pawh ka ring a. I khawngaihna ai kha chuan I huatna dawn kha ka thlang zawk a. Inneih hlen pawh a tir atangin kan tum lo, min huat a hma lam i pan thleng chiah kha a ni ka rilruk. Mahse engkim kha ruahmanna tenawm tak vek a lo ni a.




I bulah I chhuk tih ka hriat khan ka thil tih kha ka inchhir hman hial. I hmel hmuh loh tawp kha chu a zuam leh ngang si lo a. Mahse rawn zui emaw thei che ka ni si lo a. " A tih leh vawng vawng a. Sawi leh mai tur pawh ka hre lo. Thil pakhat erawh kha tih lai khan a positive tih min hrilh se chuan a nun khaw loh vang a ni lo tih hre bawk I la ka kal san duh bik kher lo ang. A nunrawn thlak ka tih vang hrim hrim pawn ka chelh tlat thoin ka ring a. Chu chu a hriat vang in ka tan a tha tur a lo la ngaihtuah tang tang tih ka hriat chuan hreawm ka ti zual.




" Mahse min lo biak pawh I tum miah lo a. Engkim hriat chhuah a nih hnuah pawh. " Ka la ti hram. Chuti tak a min thlahlel si chu ti nge min biak pawh a tum lo ka la ti fan.




" Tihpalh thil pawh ni loin ka duh vang leh tum reng vang in I rilru leh thinlung ka ti keh chhe vek a. I taksa thleng in a tuar tih pawh ka hria. Be hmasa tur che khan dikna ka nei tawhin ka in hre lo a ni. Ka phu lo tih hre reng chung khan ka biak hmasak ngam loh che vang khan i mi biak hun ka lo nghak ve tawp zawk a. " Then suk in a ti a, a hmel lan danah chuan kha tih hunlaiah khan a kir leh ni maiin ka hria.




" Nang lah i reh tlawk tlawk a, a tawpah chuan ka bei pawh a dawng ve ta a niang, ti hian ka ngaih tuah a a reh danah a hlim a niang tiin. " Rilru nat hmel zet chuan a ti chhuak hawk.



" I awm loh chuan dam chakna pakhat mah kha ka nei tawh lo. A hma kha chuan kan inkar a that loh hnu pawh khan i hmel hmuh nan ringawt class ka rawn kal thin kha a nia. Mahse i awm tak lohah chuan chu pawh chu ka ban san hmak a. Ka nu leh pa pawn min hau in min zilh nasa. Mahse nang ber i awm si lo chuan engmah khan tangkaina an nei tawh lo.




Min chhang thei lo tih hre chung a i no ka neih chhun a biak che kha ka tih theih tawk a ni tawh si a. " A ti zuai ruih a. A lo tawrh nasat zia ka hriat chuan ka khawnhaih ve tak zet. Chuan ti nge eng buaina pawh hi ka chhungte lam atang a tan hmasak an nih zel bik. Chu chuan Zorema ka kal san theih tawh loh chuan a ti lian tulh tulh mai si a.




In si rial in couchah chuan kan mu a. Thil tam tak kan sawi dun a, zep miah lo a min ngaih thu a sawi takah chuan kei pawn la zep ta bik lo. Ka hriat chhuah tak erawh min ti nat em em lai pawh in ka tan a tha zawk a lo duh thin vang tih ka hre chhuak zel a, ka thinlung a huatna leh thinrimna pawh tlem tlem in an nem tial tial tawh.



*


Thil ri chur chur chuan ka mutui lai chu min ti harh zawk a. Ka han cher vel chuan kei mah chiah in ka lo mu tawh tih ka hre mai. Couchah chuan ka thu chhuak hlawl a. Ka hma a centretable a Zorema phone chu a lo ri leke chu niin.




Rawn calltu ka en chuan u Duati a ni tih la hmu a. Zorema a awm mai loh vang chuan ka chhang ta ringawt.



" Mama i bulah Zonuni a awm em? " Ka tawng hma chuan a rawn ti leh nghal. Engtin nge kan awm dun tih a hriat ni.




" U Duat kei mah. " Ka tih chuan a thaw halh ri ka hre zawm zat.



" Ohh... Zonun i u in min lo bia a. Nizan i haw lo thu leh an ngaihtuah thu che a rawn sawi a. Mama bul a i awm chuan a zia e. Vawin ah chhuk leh i tum tih ka lo hria a. " A tih zawm zat.



" Ahh... Ka tum a mahse ka thulh leh tawh zawk. " Tiin ka chhang a. Ka chhuk leh lo tur chu a rawn lawm ngang mai. U Duati chuan thil thleng velah min haw lem lo chu a ni phawt a. Pa Lsa te ho ngaihdan erawh ka hre lem lo thung.




Kan inbiak zawh hnu chuan tho in kichen lamah tui in turin ka phei a. Zorema a awm miah loh vang chuan a chhuak lawkah ka ngai ringawt a. Phone dawn in a phone ka kawl daih bakah kei mah pawh in ka phone la keng lo hrim hrim a.



Ka mutna lamah let in kan puan sin chu ka thlep fel a. Nizan kan in sawi thawl ta bawk nen ka zang vah a, a hma a damlo ni miah si lo kha ka dam zual ta vawk hian ka in hre bawk a.



Ka puan thleh chu pawm in roomah dah phei tum chu room lamah chuan ka pawm phei a. Room kawngka ka hawng chiah erawh ka ding khawng leh nghal chawt a. Tun lawk a ka hlim hmel zawng zawng chu a rawn bo nghal vek thei. Zorema a chhuak emaw ka ti kha roomah a lo awm reng a. A hma a ka hmuh ang chiah khan chair ah a lo thu awn duai a. A hma dawhkan a damdawi in chhawp atang chuan enge a tih hrilh leh chuan ka ngai miah lo.




Nghet tak in ka puan pawm lai chu ka tham bet a, a ni chuan mit a chhing tlat a min hmu lo. Mahse kei erawh in chutiang a Zorema ka hmu chu hriatthiam har ka ti tak zet. Ka vawi khat hmuhna ni tawh lo mahse min thawn dan erawh a ngai reng a. Ka chhung lam hi a lo na vawng vawng bawk.



Va pawi mai lo chuan thawm dim zet chuan ka let leh a. Thuthlengah puan chu dah leh in a bulah chuan ka thu ngawi reng a. Ka tah rawn chhuak ut it vang chuan ka mitte chu an phe ruai tawh. Ka biang a rawn lum thlak pap rual chuan ka lamah pen thawm ka hria a. Rang zet in ka mittui chu la tuai hul nghal vat.




" I thawhna a rei tawh em? " Tiin ka bul chetah chuan a rawn thu thla ve dawt a. Hetia a mah en miah loh chuan engkim a pangai vek. Zu ang in rim pawh a nei lo, mi pangai ang chiah a ni.




" I thinrim em ni? I mut thawh a I bul a ka lo awm tawh loh vang in. " Tiin ka kut chu a rawn hum a, kei erawh ka lo tang nghal tung mai. Muang changin a lam chu ka hawi a, engmah ti lo ang leh pangai thei tur ang ber a awm chu a tum viau a mahse hman a ka Zoremsanga bawk kha a la ni miau a. Zu rim nam rum rum mahse a mit meng atang ringawt pawh in a in miah lo tih ka hriat theih ang chiah khan eng rim mah nam lo in pangai deuh in awm tum mahse a mit meng hi ka hai thei chuang lo.




Tunah kan in kar zang ta vawk leh kan boruak pangai ve tan chiah ti chhe tur hian ka sawi chhuak ang nge engmah thil danglam thleng lo ang maiin ka awm zawk a nga nakinah pangai zawkin ka sawi pui ang? Ka rilru chu a buai tak zet.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:54 pm

Miracle Love ❤ by Amy Cck



Chapter - 41




" Ka... Ka tha, engkim a tha vek. " Tiin ka mittui luang chhuak mai tur chu dan tur in ka hawi sawn a. Ka taksa chu a tang tung a, ka thinlung leh rilru chu a na tak zet bawk. Zorema ka en a ka ngaihtuah ringawt pawh hian ka na vawng vawng mai.




" Dawt sawi i hmang ka tih thin kha i la hria em? " Ti suptu chu en pawh ka la en duh chuang lo. Ka kut a vawn beh chu a hum nghet zual sauh a. " I la ngai reng bawk a. A hma pawh khan dawt I sawi a piangin ka hriat theih thin kha, tunah pawh hian engkim kha a la ngai vek. " Tiin a nui suk a. In sut hraih in a lam chu ka hawi ta nge nge.





" I sawi dik, engkim kha a la ngai vek. Ka dawt sawi I hrethiam nghal ang chiah khan kei pawn i rui em tih ka la hre thei a nia. " Ka tih chuan a mit meng chu a dul nghal ruih a. Inthiam lo zet chuan min en a, ka rilru a tih nat zual sauh vang chuan ka kut chu pawt let in ka hmai chu ka hup zui thak.




" Tihpalh, i hmuh lai a tih ka tum miah lo a nia. I la muhil tui viau a ka hriat vang a nia. " Ti a inthiam lo aw lutuk a a sawi chuan ka rilru chu a ti dam chuang miah lo.




" Ti nge? Ti nge I tih a? Hei kher hi chu ti tur in ka duh lo che. " Ka rilru na chu ka tah aw lek lek. Kan tleirawl chhuah lai atang khan a lem chi, zu leh bear tih vel kha chu an ti ve fo. An thian ho pawn an in ho thin a, ka hau in ti lo tur pawn ka ti ve thin. Mahse damdawi kher hi chu ti lo tur in ka duh tak zet.




" Tih ka duh ngai bik lo. Ka tih ve pawh hi ka in ring ngai lo mahse hringnun hian min khalh kawi dan hi kan hre lawk si lo a. " A tih chuan a lam chu ka hawi a, a hma lam chu melh run in a ngaihtuahna muk hmel tak zet.




" I nun a ti chhe vek thei a sin. " Ka tih chuan a nui chhuak hawk a. A awm dan vang chuan ka hrilh a hai lek lek.




" Kum 4 kal ta khan la nun chu a chhe vek tawh. Nang ka chan che a tang chiah khan ka nun hian awm zia a nei tawh lo. Ka taksa chanve in min kal san hlawk ang mai in ka ruak a, I kal a tang chiah khan dam chakna ka neih ve tawh lo. Ka taksa chu dam mahse a chhung a mi erawh a ruak vek a, kawng engkim a ka ngaihtuah hmasak ber thin, ka hma a kal a min hruai ngil tu ber i awm si lo a. " A tih lai chuan " Kei mah vangin i ti tih sawi miah suh. " Ka lo ti teu hlar a. A hma a thil thlengah pawh kei leh ka chhungkua te ka dem tawh a, he thil leh zel chu a tih chhan nih ka hlau tak zet.




" Ni lo, nang chuan i ngaina lo tih ka hria a lawm. " A ti leh lawi si chu ka lo en mawl tawp. " Ka duh thlanna ngei a ti ka nih hi. I awm loh hnu a hreawm ka ti leh ka ngai lutuk che kha zu ringawt chuan min hnem zo lo. I hria em? Zu in a ruih chhum hmak a engmah hre lo a awm kha ka duh a, tum pawh ka tum thin. Mahse zu ka in chuan ka ngai zual che a, ka hmaah lo kal a a hma ang bawk a min hau leh turah ka ngai thin che a. Engmah hre lo a awm chu sawi lo ka â zual sauh a, hmuh tum che in ka zawng kual ruai thin zawk che. Zan engzat nge I room thim vek mahse I awm ring lui tlat chung a nangmah hmuh tum che a ka lawn liam pawh ka hre lo. " Tiin a thil tih chu atthla tih hmel zetin a mah bawk chuan a nuih pui leh a. Kei erawh nuih chu sawi lo ka biangah ka mittui a luang zung zung ringawt.




" Ti nge I tah belh tak em em a? Ka thil sawi te hian ti hlim viau turah ka ngai che a sin. Ka tuar lai hmel I hmuh hian I natna pawh a zia zawk lo a mi? " Tiin la biang a ka mittui chu min tuai hul sak nghal zat.




" Damdawi ka tih hian ka dam a lawm. Hreawm tiin min khawngaihna mit meng khan min en tawh suh. " Tiin hahdam hmel zet hian a then leh suk. " I â lutuk, engtin nge I dam thu I sawi theih a? " Rilru na zet chuan ka ti chhuak sep. Zoremsanga erawh chu a nui duh chauh leh nghal.





" Ka taksa chhungah damdawi a luh chiah hian zu ang lo tak in ka suangtuahna ramah ka lut thei a. A tak ang maiin ka hmu thei thin che a. Ka bulah I awm theih phah a ka tan chuan chu bak a damna a ka nei lo. Ka rilru na theihnghilh thakin ka suangtuahnaah ka cheng in ka mitthlaah ka hmu thei thin che a. " Zawi ruih a a tih chuan ka rilru chu a na vawng vawng.





" I a lutuk e mai. " Ka ti thlawt chu a nui lui suk. " Midang tan chuan thil atthlak pawh a ni ang mahse ka tan chuan a takah ka hmu thei lo che tih hriat bawk chuan ka hmuh ve theihna che awm chhun a ni miau a. " Tiin a damdawi ti chu inchhir hmel pawh a pu miah lo.




" Mahse tunah chuan i bulah ka awm tawh hi. I tih chhan ber leh I tih duh chhan hetah ka awm tawh a, ti nge i la tih a? " Ka ti hram. A chhanna erawh ka hre chiang ngang mai. Tunah a addict tawh tih chu a chiang reng.





" Zonun.... " A tih rual chuan " Min chhang leh suh! Engmah ka hre duh lo a, sawi pawh sawi suh. Tunah chuan hetah ka awm tawh a damdawi hi i mamawh tawh lo. A hma ang khan kan pahnih in ke kan pen duh leh a nga, engkim a pangai leh vek mai ang. " Tiin beisei nei zet in Zorema chu ka en a. Mahse a hmel chu a danglam eih lo.





" Ti nge min chhan ve loh a? " Ka ti leh vat. Chutah min en vang vangin lu chu a bu ta nghat.




" I ril a tam tawh em? Thil ei tur in kan chhuak dawn em ni? " A tih leh takah chuan nui sak in lu ka bu ve nghat a. Nui hmel pu mah i la ka thinglung chhung erawh a rum vawng vawng thung.




Thil ei a kan chhuah hnuin kan inah min thlah haw a. Ngaihtuah ru zet chuan a tlan liam chu ka thlir a. Kan in lamah chuan ka phei a, inchhung ka luh chuan ka chhungte chu min lo nghak ni awm hrim chuan an lo thu thap a. Thawm a awm takah chuan ka lam chu an rawn hawi thap.




" Mambawih zan khuah in khaw nge i awm a? I phone I keng si lo, I thiante kan biak lahin an bulah I awm loh thu an sawi zel si a. " Ka nu chu rawn dingin a rawn tawng nghal mawlh mawlh a. Min hmu chu hahdam ta huai hmel a pu bawk.




" Ka tha lawm. Ka roomah ka han in thlak a nge. " Tiin kal mai ka tum chu ka u chuan " Chhuk leh chu I thulh tak tak em ni? " A tih vang chuan ka ding leh dat a. Ka u lam hawi chuan lu ka bu nghat.




" Ti nge nun pangai tak nei thei tur hi a hreawm zawng a nun hman phet I tum a? Zorema bul a I awm vang hian I hlim phah I in ring em ni? Hman ang kha a ni thei tawh dawn lo... " A tih lai chuan " Ka hria lawm, engkim a danglam tawh. Chuvang tak zawk chua hetah awm ka duh. " Tiin step ah chuan la chho zui a. Ka room a lut in ka taksa zawi lutuk tih ziaawm tum chuan ka inbual nghal a. Bathroom atanga ka chhuah leh rual chuan Jenny nen kan in melh nghal chawt.





" Nizanah Zorema bulah i awm tak tak a mi? " A tih chuan lu bu nghatin ka in thlak mawlh mawlh a. " Huiiss... I duhdan chu a ni miau mai sia mahse a hmasa in Puipuia be phawt teh. Nizan atang rawn biak che a tum tawh a, I phone I keng si lo, engtin nge tih I tum I then tawp dawn em ni? Ka khawngaih ngawt mai nang kher a tawng che hi chu. " A tih chuan kei pawn nuam ka ti bik lo. Mahse Zoreman ka hnaih dawn a nih chuan puipuia chu ka thlah ngei a tul bawk si.





" Hei... Sawi lai laiin a lo call leh che, be rawh. " Tiin ka phone chu a rawn lek phei a, huphurh ru tak chuan call chu ka chhang a.




" I rawn chhuk tur I thulh leh tih ka lo hria a. " A rawn ti nghal tlawng chu Jenny ka melh a, nizan an in biakna velah a lo hrilh a nih ka ring ve tawp.




" Nia, englo... "




" A pawi lo, ti khan lo awm la kei pawh kum thar lamah ka rawn haw thei zawk a nga, a tha zawk dawn riau. " Zangkhai vah a a tih chuan ka sawi tum chu sawi chhuah ka hreh zual sauh.




" Puipui Zorema nen kan inbia a. " Harsa zet chuan ka ti chhuak thei tawk. Puipuia pawh a ngawi zui ta hmak.




" Chuan.... Zorema vang em ni I rawn chhuk tur I thulh leh? Kal lo tur in a chelh che em ni? " A rawn ti let ta nge nge. Kei erawh chuan ka lo hnial vat.




" Kei man awm ka duh vang a nia, Zorema hi tiang ngawt chuan ka kal san thei lo." Ka ti chhuak hap.




" A nih kei ve hi? " Ti a min chhan let chuan sawi mai tur ka hre tawh lo. Puipuia tan hian a fair hlawl lo tih chu la hria mahse enge tih theih ka neih chuan. Mi pahnihah ka in ti chang thei a ni te a nih ngawt loh chuan pakhat zawk zawk chu ka thlan an ngai si a.




" Nang chu ka tel lo pawn I nun I hmang thei a lawm. " Ka ti ta ringawt. Ka awm dan chu kei ngei pawh in a nun rawn thlak ka ti tak zet.




" Zonun i bialpa leh i kawp lai zawk ka nih hi! Zorema chu i ngaihtuah tih ka hria mahse i hun kal tawh a mi a ni a. Engtin nge thla pawh a ral hma a a kum a kum i kawp tawh chu thlah a I hun kal tawh a mi chu I thlan theih zawk a. " Thinrim aw ka vin lek lek chuan a rawn ti a. Ka seh ruh vak in ka kut chu ka hum ruh nghek ringawt.




" I tan a fair lo tih ka hria mahse Zorema hi tun a ka kal san a nih chuan a nun a chhe hlen mai ang. " Tiin inthiam lo zet chuan ka hrilhfiah a. A damdawi tih thu ka sawi lai chuan Jenny chu a lo meng buai nawk mai. Ngawi reng in lan inbiakna lai chuan a lo thu a, min lo ngaithla ve bawk.




" Thian angin pui la, chu mi zawhah chuan ka bulah I lo let leh thei mai lo a mi? " Puipuia pawh a tawngdan atang chuan a beidawng ta hle tih a hriat.



Mipa fel tak a ni a, doctor niin nun hlut zia leh ninna chan mai tur tih dam chu a hna a ni bawk a. A unaupa meuh khawsak dan chuan a thinlung a ti nem ve tih hai rual a ni lo.




" Chutiang a I tih theih dawn chuan engtiang a rei pawh ni se ka lo nghak ang che. I awm dan ka sawi sel in ka thinrim miah lo bawk ang. " A tih leh chuan chhan harsa ka ti. Beisei a la nei tawk tawk a, tun a awm dan hian kum 4 liam ta a kei mah kha min in hriat chhuah tir miah a. Kha tiang thu chiah kha ka sawi ve tawh a, chuan tun a chhan ka tum dan chiah hian kei pawh khan channa ka dawng a. A nat zia ka hriat chian em vang in chhanna pek chu harsa ka ti a ni. Ka na tawrh ang kha Puipuia hian tuar lo se ka duh tak zet.




" Min chhan theih loh danah ka hrethiam e. " Zuai ruih a a tih phei chuan hreawm ka tiin ka in thlahrung ngawih ngawih tawh.





" Ka thik bik khawp mai. Eng ang pawh in a nun khaw lo in harsatna tawk mahse a harsatna a tel in huam a vuan tlattu tur a nei bik che a." A na ti chu a awah chuan ka hre thei.




" Puipui.." Inthiam lo zet a ka tih rual chuan, " Zan in hi ka ta ni chung a ka biak theih hun hnu hnung ber che a ni dawn tih hria i la chuan call pawh ka rawn call lo che a nga, i call pawh ka chhang duh miah lo ang maw le. " A rawn ti nawn leh sup. Sawi ve tur pawh ka hre lo, ka in thiam lo em em a, hreawm ka ti tih zawng mai lo chu.





Phone a off ta daih a, Jenny chuan khawngaih hmel tak in min lo en a, kei mah nge Puipuia zawk a khawngaih erawh ka hre lo.




" Tlangval fel tak innghahna tlak i chan chiah tih i hria em? " Ti a a rawn tawng tak chuan Puipuia a ni tih ka hrethiam mai.




" Innghahna tlak zawk chu zui i la ka lak a innghqt ve em em tu zawk hi engtin nge ni ang? " Ka ti let thung.




" Enge Zoreman damdawi a ti i tih vel kha awm zia? " Ti a min zawh chuan a hre thawi ve ta bawk nen ka sawi zawm ve mai a. Midang erawh hrilh lo tur in ka ti ve tlat thung. Zorema sawi danah kha chuan midang tumah a chhungte tak ngial pawhin a damdawi tih hi an hre lo a ni awm a. Terini nen an inthen atang in an chhungkua atangin a in lak hran thu a sawi a, a chhan pawh a mah ni lo in Terini zawk positive a lo ni si a. A mah pawh a chhungte lakah kai darh hlau in tul lo a a in ven em em laiin natna kai tu dik tak zawk zalen tak a an inah a hruai luh a, a chhungte dinhmun hlauhawm a a dah vang in a in thiam thei lo tiin a sawi a.




A hma chuan a chhungte hmel a hmuh hreh vang in hotelah leh a thiante inah a riah thin thu a sawi a, mahse pa Lsa leh nu Ruati ngaihdan ni lo in an kam khat a, in a awm nuam a ti ngang lo in tun a chhen hi an pe tih a sawi a. Chuan in thar ni lo in pa Lsa tlangval lai a a in daih tawh a ni tih a sawi nghe nghe a, u Baby pawh kha in piang a nih hmel. A in lak hran takah chuan a damdawi khaaih chu an hre lo a nih pawh in a awm viau mai. Ngaih tha tak a an laiin kum 4 zet damdawi a lo khawih tawh tih hria se chuan an rilru chu a na that in a num chhiat chhan Terini an ngaidam ta kha an in chhir rum rum in ka ring hial a ni.




Terini, a ni sawi takah chuan Zorema te chhung lamin ngaidam mahse kei chuan a thil tih zo zaiah hian ka ngaidam ve thei hian ka ring lo. Tun a a nun dan pawh ka hmu in ka hre tawh a, khawvel a kan dam chhung hian khatiang bak a nun beidawn thlak kha a awm leh tawh chuan ka ring bik lo mahse ngaihdam tawp erawh harsa ka ti. Hei tak hi a ni Zorema te chhungkua ka ngaihsan zualna ka zahna chu.




Ka thiante ho engmah ka hrilh si lo a, ka chhuk dawn emaw tiin min thlah tur chuan an rawng kal a, ka chhuk leh dawn lo tih ka lo hrilh chuan an hawi ve lawl lawl hlawm mai. Hna thulh meuh a lo kal te an ni ve hlawm sia, ka roomah kan in khung khawm ta ringawt a. Thian ho tih taksa ka chhuk leh loh chhan tur pawh ka zep bik lo.




" Kei chu a, Zorema chu a mahaj in chan chuan a thil tih chu a awm viau a mahse Rinchhebani pasal a hming a a lo nih ve tawhnaah hian i kawp leh a tan chuan ka tui lo. " Siamsiami chuan a ti niah niah a.




" Ho lutuk, Zorema hi chu a nun hi han thlahdah ve thin viau mahse a mah en hian a nun hi khawharna hlir in a khat tih a hriat a. Tunah a chhungte pawh a zah zo tawh a, tumah han in phenna tur pawh a nei tawh lo a. A thian te Roa te ho hi chu fel viau mahse an mize thawveng lutuk hi han ti ti pui keuh keuh hi an har hmel sia. A best Zorina ber lah dinhmun khir tak tawk in a thianpa, a unaupa ang hial in harsatna a tawh laiin han hnem thei in a awm si lo a. Zonuni lo hi chuan kawng dik a han khalh ngil leh tur an awm chuang in ka hre lo. Tihah te chuan Terini pasal hlui tih te mai mai Awmpawngi pawh Lawma nen an I zui tho hi, chhut chet chet chuan an u te atangin unau an ni ve tho a. " Dikin a ti zui barh barh a, Opi lawm lo lutuk chu a hnungah a beng thum nghal awk.




" Mun sawi kai ve ziah suh. " A tih hlar mai.




" Hmm... haw ve leh tum hrang sia e. Nang lo pawh ka hria aw. Eng damdawiin nge kha, chuta an director ti I la hospital lian ve deuh nei te kha, an damdawiin hming kan theihnghilh chu. Kha mi te pawh kha a nau nen an lo inngaizawng a, an inneih pawh social media ah an lar ve hat tawh kha. An ni phei chu an tet lai atanga unau ang chiah a sei lian an ti leh nghal a. A mipa a U zawk chu a pa fabik an tia. Tu nge kha Dr Reubena an ti than in ka hria. Lung lam specialist lar ve deuh kha." Diki a ti leh siam siam a. Tu nge a sawi pawh ka hre ve leh pek lo.




" Ka hria lawm, an inneih tir a an troll nasat ve zia kha, mahse an sawi danah Dr Reubena kha a pa fapa kha a ni lo an tia nih kha. Thisen zawm ni lo te chu lo swi lian duniya eng ang pawh ni se enge pawi. Bakah a nau a hmangaihna kha ka duh teh mai a nia.Lung lam specialist a zir chhan pawh a nau kha lungna nei a nih vang an ti. Tunah chuan fa pawh an nei ve di diah tawh a, dawr kawtah hian an rawn kal ve leh zauh thin a, an duhawm hlawm zia chu. " Siamsiami chuan a lo ti leh a. Kei leh Opi chu hre ve lo tih takah kan lo ngawi duk mai.




" Nang man enge I ngaihdan ni reng reng a. "Tiin Opi chuan min zawt ta daih a ka thaw chhuak ham ham.




" Terini pasal hlui a nih vang a sit maw, thil ni thei tak pawh chu a ni. Mahse kum 4 teh meuh Terini a neih lai pawh khan chawl lo a ka chhang dawn lo tih hre reng chung a min bia a kei mah avanga a lo chauh mipa hi kal san a iai let tur hian eng tiang fako a chungnung leh tha nge ka nih tih ka in zawt a.




An ni chuan an chhung a thil pawi tak ti tu chu ngaidamna in an thlah liam laiin kei ni chuan huatna nen kan la en chu a nia. Kei hian enge mahni in dah sang vah tur hian ka nih bik? Kum 4 chhung min nghak a, kei mah vang a ruihhlo bawih a lutta a ni a. Kei chuan kha tih chhung khan nun bul tan that tum in kawp dang ka nei hial a. " Tiin ka nui tawi tak a. Ka thiante pawh chu an ngawi zui hmak.




" Thil tam tak ka ngaihtuah hnu in he thutlukna hi ka siam a. Ka ngaihtuah nasat poh leh Zorema ka hnaih chhan tur ka hre thar zel zawk. Na chuan min siam a lawm, a hunlai kha chuan tuar chhuak thei lo tur hial in ka in ngai bawk a. Mahse kha mi let chiah kha a lo tuar ve tho a. Nun beidawng tak a a awm lai a kal san chu ka thei lo. Chu mai bakah a na lai hmel ka hmuh hian ka la hmangaih zia leh theihnghilh loh zia ka hre thar bawk. " Ka ti leh sep sep.




" Kei chu i thu tlukna hi ka pawm pui thlap che. College kan kal lai a fiamthu a i sawi thin kha i hria em? ' Zorema hi chu Pathianin ka thlarau hruai that tur a tan a min pek a nia, kei awm lo i la chuan a beidawn thlak viau ang. ' tiin i fiamthu thin kha. Tunah hian a thleng dik dawn a ni mahna. " Diki bawkin a ti leh a, hun kal tawh ngaihtuah in ka lo nui ve sak.




" Mahse kum 4 meuh a lo tih tawh chu ngei chu harsa a ti ve ang. Nang mah pawh i in tih paukhauh a, chak tak a in awm a ngai dawn a nia. " Opi chuan a lo ti ve bawk.




Tlai thleng an leng a, zan inkhawm duh theuh an nia. Chrismas a hnai tawh bawk nen zai khawm a nuam tawh tiin chaw ei a kan sawmna pawh chu an hnial a. Siamsiami phei chu a fapa in a rawn phone sek tawh.




Zanah kan chhungin kan inkhawm a. Kei, ka nu leh Jenny chu hmeichhe lam thutnaah eddie pawm chungin kan thu a. Kan inkhawm zan ber kherah chuan beihrual tawngtai neih zan a lo ni a, mi chuan chrismas kan thleng dawn, hlim leh him tak a an theih nan te leh hrisel tak a awm a malsawmna an dawn zo zai vangte in lawmthu sawi tawng tai an nei a, mahse kei chuan thil pakhat chiah ka dil thung.





Zorema hi ruihhlo bawih a ta chhan chhuak in nun pangai tak pe leh tur in ka dil a. Chu thil a thlen theih nan chuan eng thil pawh tih ngai ngai mahse ka in huam thu sawiin rei tak midang tawngtai ang chen tawngtai mah i la chu chiah chu ka dil nawn tluk tluk thung.



Zawmna 💕




Inkhawm kan bang a, biakin kawtah kan u te kan lo nghal a. Sawi ngai lo in ka nu leh pa chu zaikhawm turin centenary hall lamah an chhuk a. Jenny in Eddie pawm in kei pawh a bulah chuan ka thu ve a. Ktp leader leh hmelhhriat neuh neuh chuan min rawn be reng bawk.




" Eddie hi a mut hun a pela a suak pak vek tawh. Ni lo se chuan rei lo te tal zaikhawm ve ka chak a sin le. " Jenny chuan a ti niah niah a. Ka u pawh rawn chhuak in min rawn hmu thuai a. Kan lam chu a rawn oan ve nghal chat.




" I duh chuan zaikhawm ve rawh. Bawihtea chu ka lo va haw pui mai ang. " Ka tih chuan duh deuh tho si rilru buai hmel zet chuan min en a.




" A tih chi dawn a mi? " A ti deuh hluai chu ka lo nui zui hak.




" Vel a che, nang aiin a ni te hi chu ka fapa a ang zawk an tih khawp a ka khawih ngun a nih hi. Zai khawm ka phur vak lo a kei chu, i duh chuan nang zaikhawm zawk rawh. " Ka ti leh chuan a nui ve hak. Chu mi rual in ka u pawh a lo thleng chawp chilh nghal mai.




Jenny chuan Eddie ka haw pui dawn thu leh a zaikhawm hman ve thu a lo hrilh nghal mawlh mawlh a. Ka u lah chuan a nula zawk nau nen a haw ai chuan kan pathum a zaikhawm a, a tawp thleng awm loh chu a rawt a. Mahse kei mah ber in zaikhawm ka tum loh miau vangin a tawp a tawpah chuan kan in sawi rem thei ve ta hram.




Bawihtea la in biakin chu ka chhuah san a. Paw lo in a pawm in ka pawm bawk nen rei pawh ka kal hma chuan ka ban chu a kham tan a. Eddie lah a chum chi a lo ni ve bawk nen ka ti hlei thei meuh lo chu a ni.




" Ehee... Helai nutling chu tih ka tum a nula zawk lo ni reng in. " Kawn la thleng a sir lam dawr atanga rawn chhuak ka hmuh chuan ka lo ner sak.




" I haw dawn em min rawn chhawk teh a. " Rla melh chuan ka ti ta thlawt. Eddie lah chu ka darah beiin a muhil ta daih sia, chuvang a paw thlak thei ta lo pawh chu ka nia. " A nih loh pawn min rawn puak tir lawk la. " Zaikhawm tur a nih ve hmel bawk nen inthlahrung chuan ka ti leh ta ringawt.




" Khaw nge a nu leh pa? " Tiin a rawn pawm ta nawlh a. Rem zet a a darah a bei zawng a a pawm ve takah chuan ka lo thaw hliai.




" Biakinah zaikhawm an tum a. " Tiin ka hlabu ken chuan ka in zap halh halh a. Thlasik lai mah nise a lum lutuk chu ka kawchhung lam mai ni lo ka thlan te a sa phat thei.




" Ti nge i zaikhawm ve lo a? " Ti a a kal chu a hnungah la zui ve zel a. Ding dat a min nghah leh takah chuan a rualin ka kal ve leh ta hram.




" Ka peih vak lo. Ka chhungten min kep mai rawh se. " Ka tih chuan a nui suk. Dik tak chuan boruak hi zangkhai hmel tak ang hian lang mahse veng chhung mi thenkhat hian sawi neuh neuh an la nei ve a. Nula leh tlangval thleng in, Zorema nen kan in zui nasat zia leh kan inkawm nasat thin zia hria phei chuan ka kal bo chhan chu Zoreman nupui dang a nei vang tiin ka let leh chhan pawh an in then a beisei ka nei leh ti zawng in thu an sawi thin a.




A vai chuan daat a ni bik lo, zorema te inneihna tur vangin ka kal bo ngei a mahse mi sawi leh melh hrek hrek nih chu a nuam miah chuang lo. Dawt nise hriat a hreawm nep zawk hial ang. Mahse thu dik a ni miau a. Chutah Terini leh Zorema inneih rei lo chhan pawh kei mah vang niin, an inneih chhung khan Zorema ka lo be ve sek ang a sawi duh tawk la bang lo. Chutiang hriat reng ka peih loh vangin inkhawm emaw hetiang lam a chhuah vah hi ka peih lo a ni ber.



" In tha leh tawh em ni? " Ti riah chuan ka ngaihtuahna atang chuan ka harh zawk a. Rla melhna lam ka en chuan kan gate bul si, kal na tur a an dawh san deuhah chuan Zorema a lo thu reng a. Rla ka en chuan kei mah zawk chu min rawn melh a.




" Tha chiah lo.... Tha leh tep. " Ti a ka nui tawi tak chu min nui suk. " ' Tha ' I tih naah ka ngai a nge. I zaikhawm peih loh chhan pawh a hriat ta a lawm. " A tih leh kher chu ka melh ram a. Chutah thu tak zawk hian ," A tha, in then hlen theih loh chuan in tih hreawm reng hi a tha lo a nia. Nang ni pawh hman atang tawh in in inkar hla ve viau thin mahse a tawpah chuan tiang hian inhnaih tak in in awm leh tho a. Inkawp tur bik hi chu an awm thin a nia. Lawmkima tan kan han tih pui ve nasat thin che nen khan tunah chuan a ni pawn a beidawn san ta che chu a nia. " A tir lam a thu tak nen a taap l chu a nui pah vur vur a, a banah chuan ka beng hlak.




" In at theih zia kha aw. " Ti a ka chhan let chuan a nui ve hawk hawk. Khang hunlai kha a ngaihawm ve lek lek mai.




" In bang chiah a? " Ti tu lam chu hawiin lu ka bu nghat a. Zorema chuan min melh zawk in ka bul a Rla zawk chu a en leh a.



" A.... Eddie hi a rit lutuk a kawng lakah kan in tawk a min rawn thlah haw a nih hi. " Ka tih chuan fel ve hmel lutuk in a bu nghut a. Chutah a raw che thut chu ka lo meng phawk hman a mahse Rla pawm lai Eddie chu a ban ve ta zawk a ka lo thaw huai mai. A chhan pawh hmanni lawk khan boruak kha a awm ve deuh bawk nen.




" Rl thingpui in in lo kawi ve la? " Rla lam hawi chuan ka ti ha a. " Nidangah zawk le, thinten min la nghak dawn sia ka rei an tih tak in. " Tiin nui chungin kan kalna lamah chuan a let leh a. Chutia a sawi takah chuan min thlah chu ka inthlahrung thar leh hnu hnawh.




" Ka la awm ve a nia. " Ti tu lam chu hawi in ka mit ka san ak a. Zoremsanga erawh a lo tum lian viau mai.




" Ka hmu che a lawm. Hetah enge i lo tih a? " Tiin ka zawt let ta hlauh. Chu mi rual erawh in a miteng chu ka en chhik ngang mai. Mahse engmah ruih a nei lo a nih hmel.




" Ka lo leng dawn. " A ti bul hmuka a hmel chu naupang ti tau thlem cho zet hi a ang ka ti ta ber. Chutah Eddie chu a rawn rum tiah tiah a, a harh hlau lutuk chuan pawm in a sawi deuh hlu hlu a. Khawi lam a zei ber ang maiin Eddie hnungah chuan a beng thuk thuk bawk a. Khawlai ni mahse an hmuh nawm lutuk a ka lo en reng ringawt.




" A vawt a ti a ni lo maw? " Ti a min rawn en leh takah chuan chhang mai lo in ka nui chhuak hak a. Zorema hmel lah chu a hrilhhai ngang mai.




" Ti kha chuan pa tak tak i ang ve rap. Nau khawih i zei ve hmel tawp. " Ka tih chuan a hmel chu a nuihzatthlak zual sauh.




" Sual lo teh. Kha i nui ring lutuk a harh ta tak tak. " Tiin Eddie rawn hawi chhuak meng phak chial chu a en a. Eddie lah chu hmelhriat lo in a lo pawm daih chu tah a hnek in mak tiin Zorema nen chuan hnai lutuk tak maiin an la in en zui.




" Min hmu ngai si lo a a tap a ngem? " Zorema zawk chuan hlauthawng aw deuh hian a rawn ti a. Eddie chuan ka lam chu a rawn hawi ve nghal vat.



" Tlangval a lawm a ni tawh. A tap khat lutuk, bakah duh loh a nei ngai lo. " Ka tih chuan thawveng hawk hmel a pu. Kan in gate lamah kan in zui phei a. Zorema chuan Eddie chu a be ve mawlh mawlh a. Khawi lam a chhang ve zel tur ang mai hian a thupui fun viau bawk si chu hma lam a kal in ka lo nui ru char char a. Eddie lah thawng chu sawi lo Zorema thu sawi tam zawk hi a hre dawn lo tih ka chiang mai si.




" Khaw nge midang ho? " Inchhung kan luh rualin ka hnung lam atang a ti thum leh dut.




" Biakin lamah an la zaikhawm dawn a. " Tiin a lam chu ka hawi a Eddie ka ban chu min pe ve mai bawk.




" A nu leh pa te pawh? " Tiin Eddie chu a melh leh zeuh a lu ka lo bu leh nghal chu a nui deuh suk a. A awm dan mak ti deuh a ka lo en lai chuan a ni erawh ti fuh in ti zet hian a khi leh suk thin.




" Ti nge i nuih vur vur a? " Ka ti ta thlawt.




" Midang awm ve lo tur chu ka hahdam. " Ti chiah in min chhang a mahse kei chu ka inthlahrung ta daih. A tawng dan atang chuan ka chhungte hi a ngaina in a hmu chak vak bik lo tih a chiang bawk em a.




" Engtik nge in inah chuan i rawn haw dawn a? " Tiin choka lamah chuan kan in pawm lut a. Eddie chu chair ah nghat in ka pheikhawk sang bun chu ka phelh a, dwhkan sir a ka nu siliper awm chu ka in thawlh nghal zat.





" Let rih pawh ka tum chiah lo. " A tih rual chuan a lam chu hawiin ka melh ran a. Choka luhna bulah ban chu ngheng ti tih deuh in min lo en ve reng. Ka pheikhawk sang ka phelh takah chuan ka hniam rlleh rawih rawih mai.




" Mahse kan sawi dun tawh kha. Nangmah chiah a kha in a i awm chuan...... Ka ngaihtuah che. " A tawp lam chu a zuih ral thak.




" Tlangval senior ka nih hi ka ngaihtuah awm loh. " Fiamthu deuh a a rawn ti let chu ka sawi awm zia a hria a a pehhel lui tih hria in ka nuih pui ve thei lo. " Chu chu ka sawi awm zia a ni lo tih i hria. A tha lawm i hre lo der duh a nih chuan i thu. I nun a ka inrawlh kha i ning thin tak e. " Tiin lungawi lo ru tak in fridge a bawnghnute chu ka la chhuak a Eddie in tur in ka chhuang lum nghal zat. Zorema chu ka hnung chhawn tlat a, a nih loh chuan ka tah khum leh duh mai ang.




" Tiang khan ti tau nghal ringawt lo a. I sawi chu ka hrethiam a lawm. " Tiin ka hnung lam atang chuan min rawn kuah a, ka in sut ri nghal hraih. Eddie a awm ve reng nen tah chhuah chu ka duh bik lo.





" Chuan ka nun a I inrawlh thin a vanga ka nin thu che kha sawi tawh suh. Kha thu ka sawih khum vang che a hreawm ka tih zia leh ka inthiam loh zia kha i hrethiam kher lo ang. Ka nun a thu rawn nei a rawn in rawlh tur hian nang chiah hi ka duh che a, chutiang a i awm chuan nuam ka ti zawk bawk. Chutiang i tih peih tawh loh hun a thlen chuan i tan engmah ka ni tawh lo tih na a ni dawn si a." Ka beng hnunglam zawnah chuan a rawn phun sup sup a.





" Kal sawn rawh Eddie kan ti hlau a nge. " Thawk la hak a tiin ka kiu chuan ka nghawk zeuh a. Nui suk a ka nghawng a a rawn fawh chuan ka thawk ka hip let zui vak.





" Min hrethiam ti raw? " La kal sawn ta mai lo chuan a ti leh sup. Ka chhan tak mai loh vang chuan " Kan inah ka let duh lo ngawr ngawr a ni lo tih min hriat sak la. Ka mawl luatah ka chhungkua dinhmun hlauhawm takah ka dah tawh a, an hmel hmuh pawh hi ka hreh tawh viau a sin. Tunah hetiang hian let leh ta i la, a hma zawng aiin an rilru ka ti na dawn a. Zep tum viau mah i la ka nu nen chuan mi in ang tak in ni tih nang pawn i hriat kha. Ka mit meng atang ringawt pawh in min man chhuak vek vat tho dawn a. Chutah ti satliah mai ka ni tawh lo a, kum 4.... I awm loh atang khan a ni tawh. Ka tan chuan an rilru tih nat ka hreh tluk zet in vawi leh khat a bansan tawp hi a har tawh a. " Hrethiam ngei se min ti niawm tak chuan a ti dam leh dup.





" A nih kei ve hi? " Ka ti tiau chu pik hmel zet hian a thaw chhuak hawk a. " Min enliam rih mai mai rawh. " A tih rual deuh thaw chuan ka tal zui phat a. A lam chu ka hawi ta nge nge. A mit chu a meng dul ruih a. Damlo chau tak te pawh a ang lek lek.




" Chu thil chu ti tur in min duh tak tak a maw? Enliam che maw? Awl chu a awl sam hmel ti raw mahse ka thei in ka ring lo. " Ka ti chuai raih. Engtin nge thil tha lo leh a ma tan a pawi tur a ti tih hre reng chung a ka en liam tawp theih ang.




" I rilru ti na tur in ka awm lo ang tih ka tiam ang che. I hmuh lai leh I bul a ka awm chuan ruih pawh ka rui ngai lo ang. A hma ang chiah khan hlim tak in kan in zui in kan awm dun theih nan theih tawp ka chhuah ang. " Ngen ngawl tak a a tih te chuan ka lo na zual sauh thung. A damdawi leh ruihhlo tih thlah lam ai chuan ka bulah a tih ngai loh tur thu sawi a awl sam zawk a nia.




" Ka duh lo. " Ka ti teh tawp chu hlauthawng leh hrilhhai zet chuan min en a. " Zonun... " A tih leh rual chuan " Chutiang a awm chu ka theiin ka ring lo. Ni lo... Chutiang a awm ai chuan kal bo leh daih pawh ka duh zawk. I rui lai hmel te, damdawi chak a I phi ruai tur te hmuh ka duh lo. I chhungte lak a I in la hrang tlat lai pawh hi hmuh reng ka duh lo. Ni e, an rilru chu a na ang an hriat chuan. Mahse an fapa, an nau leh unaupa I ni a. An hmangaih em em bawk che, an tanpui ve thei zawk dawn che a sin. " Ka la ti tawk tawk.





" Buaipui ngai reng ni leh an rilru ti na tu nih chu ka duh hlei nem. " A ti vin deuh hluk chu ka phu zawk a, Eddie a pawh in a lo hlau deuh nge a rawn tap chhuak ta ringawt.




Eddie chu ka pan vat a pawm in ka thlem nghal char char a, Zoremsanga erawh kan sirah a la ding reng.




" Sorry tih hlauh kha ka tum lo. " Tiin biak leh hma hauh in a chhuak ta daih a. Ka hrilhhai leh rilru na chu engmah pawh ka ti thei lo ka en zui reng ringawt.




Ka mittui hru sawk sawk in Eddie chu hnu te ka siam sak a. Ka hrai lai chuan doorbell bawk a rawn ri leh a Zorema a nih leh beisei zet chuan ka va hawng a. Mahse ka mi hmuh avang chuan kaeng buai nak.





" Nang... Engtikin? " Puipuia en chuan ka ti bah nawk nawk. A ni erawh a nui suk thung.




" Thla ka ni lo a nia. " A tih takah chuan lut tur in ka sawm vat a. In kan luh rual a Eddie a hmuh rual in a chhawmchhaih nghal zat.




" I rawn haw tur I sawi miah si lo a. " Ka tih chuan Eddie pawm in ka lam chu a rawn hawi a.



" Biak I har em a. " A tih chuan la ner nasa.



" Tak tak in kan hna lam atang in remchang a awm leh hlauh a. Thawhpui ten min duhsak a min kian ta hlauh a. " A ti leh mai a.




" Mahse min hrilh ve tal awm. " Ka la ti tal chu nui suk in min en a, " Nizan khan hrilh che ka tum a mahse min rawn then ta mai sia sawi leh chi a ni pawh in ka hre lo. " A ti ta duah chu ka inthiam lo leh hnu hnawh.




" Tlai lamah ka rawn thleng a, ka in ti fai zo kha ka chau ve deuh nge ka lo muhil zui daih mai a. Ka mu rei phian a, ka harh vel leh ka lo phei a nih hi. Khaw nge midang? " A ti zui zat a. An inkhawm thu bawk chuan ka chhang ve.




" I hmel a dik lo deuh in ka hria. " A tih leh chuan ka nui lui sak a. Engmah a nih loh thu chu ka sawi ve nghal vat.




" Chuan eng chen nge I cham theih dawn a? " Tiin ka zawt a. Kum thar lamah a chhuk leh dawn a a ni erawh a la hre bik lo a nih hmel.




" Chuan rawn chhuk leh chu I tum em? " ti a min zawh let chuan chhan dan tur ka hre ta bik lo. Zorema chung chang a sawi chho a, nizanah kan inbiak khan a damdawi tih thu ka hrilh kha a nia. Mahse midang bul a la sawi lo tur chuan ka ti ve thlap. Zoreman midang hriat a suh tlat lo a. Ka hriat pawh a duh lo tih la hria mahse kei chuan a man a ka man chian rm vangin zep ngaihna thlawt a awm lo kha a nia.





Ka chhungte pawh an rawn haw zui ve mai a. Puipuia an hmu chu kei mah ang tho in a thawnh tih an hmelah a lang a. Ka u te nupa hi chuan khu lam a kan chen ho na dat vang khan an chhungkhat chei bawl lak lawh a. Ka nu leh ka pa erawh in Zorema te chhung lam an nih vangin be chhe lo mahse nuam tih loh na chen an nei a ang ka ti viau.





A rawn lut tlai lak lawh bawk nen haw pawh chu a haw mai thei lo. A haw dawn chuan pawn thleng ka zui chhuak a. Nizanah a ma thiam loh leh dik loh vang ni miah si lo in tawp ka duh thu ka sawi khum a. Mahse hetah a rawn chho a, hah leh chauh chu sawi lo engmah thleng lo ang mai a a rawn leng leh chu kawng leh lamah ka in thlahrung ang reng.



Kan gate kan chhuak chian kawngpui leh lam thim lai deuh a bike ngheng a mipa lo ding ka hmuh chuan hawi sawnna chang pawh ka hre tawh lo.




" Zorem " Ka ti sep a, a thim chin a a awm miau vangin a hmel ka hmu thei lo mahse a mah a ni tih ka hai lo chiang lutuk. A thawmhnaw engkim a la ngai vek miau a. A kal daih tawh emaw ka ti kha a nia hetah hian a lo awm char char zawk nge maw ni.




A dinna atang chuan a rawn chhuak a. A hmel ka hmuh chuan ka thawk a sak leh talh tawh. Ruih a nei tawh tih hriat tak in a sen rum a, a thim khup bawk a. A chhuah hnu khan a va rui a, chu mi hnu a rawn let leh chu a ang mah zawk.



Puipuia nen kan en reng lai chuan ka lam pan in a rawn kal a. Kan hma a a din rual in a nui kisi deuh suk a. A nui hmel chuan min ti el ni mai zawk hian ka hria. A awm dan leh lan dan chuan la chhungril hi a ti tawt vek thei.




" Engtikah nge min hrilh ang tih ka lo ngaihtuah ve thin a. Mahse hei tunah chuan ka mit hmuhah ngei in awm dun ta chu a nia. " Seh chilh zet chuan a ti nghut nghut a. A tawng dan chuan min ti hrilhhai viau leh nghal. Puipuia nen hian kan in kawp tih ka la hrilh miah lo a, kan inthen tih pawh ka la sawi chuang lo. Mahse a awm dan hi engkim hre sa a ang mah zawk.




" A ni ang ka nih hi chu i beisei lo ang ti raw? " Kei min en chung a a tih leh nghut chu ka lo chhing sawk a. Chutah kuteng in a nui chhuak ta hawk. A awm dan hi ka hrethiam lo tak zet .




" Zorem zan a rei tawh nidangah sawi a tha in ka hria. " Puipuian a lo tih chuan Zoremsanga chu a ner sawk thung.




" Lo in rawlh suh. Awhh... In inkarah lo tla zep a inrawlh zawk chu kei mah ka ni tak e, in tan chuan ka hnawk khawp ang le. Mahse nangni chu angel hawlhthlak ang mai a fel leh tha kha in nia. Kei ang hremhmun atanga lo chhuak chungah pawh hian that in la chhuah hram hram tak e. " Ban phar hluai a tiin a nui hawk a. A mah a lian bawk nen a hlauhawm zawk lek lek. Chu ai mah chuan ka chhungte leh thenawm ho hian an rawn hmu ve ang tih ka hlau zawk. A mualpho zual dawn em a.




" Nang hi..... " Tiin ka kawr awmah chuan tham thut in min rawn hnaih chilh a. Ka lo in ring lo nen ka rak that nghe nghe. Zan a tlai tawh a, lengkhawm pawh an haw vek tawh a min hmuh tur an awm tawh lo mai zawk. " Hrep tak chuan, thlah vat rawh. " Ti a Puipuian rawn pawh hran a tum chuan Zoremsanga zawk chu a che vut a Puipuia chu a hnek thal nghal thuai a. Puipuia pawh a lo in ring bik lo a nih ka ring, in danna chang pawh a lo hre lo.




" Zoremsang enge maw I hriat le? " Ti vin hlar a Puipuia pan ka tum chu a ngai ang bawkin ka ban bulah a rawn pawt lawp a, kan hmai chu a in si lek lek hial a ni.




" Nang hi.... Zonunmawi nang mah vang hian thil thleng thei ngai lo tur ka lo suangtuah leh hman tawh! Huhh.... Ti nge a te zawk hian min bawl kual reng zawk a. Ti nge a te zawk leh chak lo zawk ni si hian i thu hnuaiah hian mi dah ziah bik. Nang hian ka lakah thil i tih theih zia i hriat vang hi em ni tiang a min tih kual reng bik a. " A ti chhuak hrawih a. A awm dan engkim a mit meng a chet dan leh khawsak dan chu a rapawm lutuk a thawk pawh ka thaw tha ngam lo. A palian leh sang zawk tih takah ka kawr awmah a tham miau a, a tham ngheh em vangin kei mah pawh chu ka kang awk a, ka dingdihlip lek lek mai.




" Beiseina dang min lo pe miah lo la tha tur. Kal rawh ti a ka kal tir phal lai che khan kal la chuan tiang hian ka awm bik lo mai thei. Nge ni a ka hmuh lai ngei a mipa dang i hnaih theih tih min hmuh tir i duh vang hrim hrim in min be tha lui zawk? Min khawngaih vang a ka bul a awm tur hian ka duh reng reng lo che. " Ti vin hluk in ka kawr awm a tham chu a thlah a. Ka pai nak thei hial.




Chu mi rual in Puipuia chuan a rawn hnek ve chawrh a, an in sual nghal chu a ni mai a. Zep theih tawh hek lo kan thawmah ka nu leh pa leh ka u te nupa an lo chhuak a. Thenawm hnai zual tr pawh an rawn chhuak nak nak a. In hnai te tih takah Pa Lsa te chhung pawh an lo chhuak ve bawk a. Zorema leh Puipuia in sual chu ka U leh U Lkan pakhat ve ve in a dawm bet a. Pa Lsa an in karah a ding ta bawk.




" Eng thil nge ni a Mama, Puia. Hetia zai rei hnu a unau in in tih buai ngawt mai? " Pa Lsa chuan lawm lo aw zet chuan a ti a. Chutia an thelh takah chuan mi â ni lo ve ve chu an tawp ve ta hram a. Kei erawh Zorema awm dan vang khan ka la pangai thei lo. A mah chu ka melh ngawt ngawt a, kha tiang a thinrim thut tur khan engmah kan ti lo a, Puipuia a nih vang a pawn a thlah pawh ka ni lo a. Hman atang tawh in in leng ka neih chuan gate thleng tal hi ka thlah thin tih pawh a hre reng a. Engmah min zawt hmasa miah lo a a che khan min thawng in min ti thinrim lek lek a. Chutah a hma a harhfim vek si rui a a rawn kal leh chuan min ti na tak zet. Inchhungah ka kan sawi dun zo chiah a, min runluih awm ang zia zang a a awm chu hriatthiam har ka ti bawk.




A hnu deuhah chuan pa Lsa te chhungin an in lamah Puipuia leh Zorema a hruai lut a. Kei ni pawh kan inah kan let a. Midang in thil awm zia min zawh pawh chuan ka chhang mumal lo. Zorema hian Puipuia nen kan in kawp tih hria in tunah min rawn hmu dun leh si kha a ngai kawi a ni thei mai a ngem tih ka ngaihtuah a. Chu lo chhan dang vak pawh awm theiin ka ring lo.





Tawi leh lawi si😂 muttui suk2 u


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:54 pm

Miracle Love 💕 by Amy Cck




Chapter - 42




" Zo... Chaw ei kan hman a. " Tiin ka room kawngka chu a rawn in nem hawng a. Ka lo thu ngui bam min hmuh vang nge Jenny chu a rawn pen lut ta zawk a. Nizan khan chhin khatte mah ka chhing lo ti i la ka sawi sual lo ang. Ka ngaihtuahna kawm in ka tlaivar thak a. Zorema leh Puipuia ngaihtuah chhawk in a tawpah kei mah chiah ka in dem leh thin a. Boruak engkim ti chhe tu chu kei mah chiah ka ni zel hi hreawm ka ti.




" Ti nge i va nawm loh hmel? " Tiin ka khum sirah chuan a rawn thu a. Chhan enah pawh ka en lo.




" Ka nun hi ngati nge tiang hian a buai chuar tak vek mai le? " Thawk la halh a ka tih chuan Jenny pawh chuan min chhan dan mai a hre lo nge a ngawi ta vang vang a.




" Engtik atang khan nge ka pen kawi a, hahdam lo tak a ka nun chhoh tak pawh ka hre lo. Mahse a hma kha chuan nun tluang leh hahdam tak kha ka nei thin si a." Tiin khum lu lam ngheng chuan ka mit ka chhing vang vang a. Ka pik ngawih ngawih a thawk tak ngial pawh harsa ka ti ni hian ka in hre tawh.





" Hetianga i awm leh hi kan hlauh vang a lawm i lakah thil thlengte kha kan zep. Zorema i huat tluk zet khan i hmangaih tih kan hria a. Ni lo.... Chu aia nasa zawk pawh chuan a ni mai thei. Heta i let a thil awm dan i hriat chhoh a, Zoreman nun kawng dik lo lam a zawh a, a kawng a rap tleu tih i hriat chuan i huatna khan hmun an chang rei dawn lo tih kan hria a. Ni e, kan hma kan sial in kan dik miah lo tih pawh kan hria mahse kan tan chuan i na lai leh tuar lai hmuh kha a hreawm em a ni. " Tih a sawi chu hria ang pawn ka awm lo. Kan vai hian kei mahni zawn theuhah tha kan tih ang in kan kal mawp mawp a mahse kan hriat miah lo in kan thil tih hian tu emaw tih nat an nei zel tih hi.




" Enge ka tih ang tih pawh hi ka hre tawh lo. Ka tawngtai a, ka dil a, nasa tak in ka ngen bawk. Mahse engmah chhanna emaw thil danglam thleng a awm chuang si lo. A hmai ai zawngin buaina a tam zawk te hian ka hre hial a. Pathian hian min hnungchhawn ta emaw ni tih mai tur in. Beiseina la neih nasat pauh leh beidawnna tur ka hmu tam a. Ka dil nasa in ka ngen nasat pawnin awmzia a awm si lo. Khawvel atanga bo daih mai te hi ka duh rum rum. " Ka tih chuan Jenny chuan min lo khap vat.





" Chutiang an ngaihtuah ngai lo. Eng harsatna pawh tawk i la pui tur che in kan awm reng a nia. Ee... Kan chhungkua in, i U leh Eddie te nen Bengalore ah kan chhuk leh daih dawn ni? Chrismas kan hmang a nga, kum thar khu lam a ang turin kan chhuk daih a nga. Khu tah chuan nuam i ti in i hahdam thin em kha?" Zawhna mit meng a min en pah chuan a ti a, chhang lo in thawk ka la halh thung.




" Mi tam tak nun ti chhia a an hlimna lak sak chung hian ka hlim thei tawh dawn em ni? " Ka ti sep ringawt. Zorema hmel ka mitthla a, a nun ruak zia leh a beidawng zia chiah ka hmu thei. Hman a a hlim hmel leh engkim nei ang mai a lum nuam em em thin kha tunah chuan a vawt ruih tawh a. A hmelah hlim hmel reng lang tur a awm tawh lo. Chuan Puipuia, a nui hmel phen a natna kha ka hmuh hmaih reng reng lo.





Tunah hian heta tang hian kal bo in khawi hmunah pawh awm i la engkim theihnghilh a ka khawsak zawm theih ka ring lo. An ni mai bakah pa Lsa te chhungkua in an fapa din hmun dik tak hi hria se an rilru a na dawn lutuk. A hmasa ber in kan chhungkua min dem bawk a nga. Hun harsat an tawh lai a ka bi bo bik a nih chuan kan thian tha te pawh in min dem bawk a nga. Chutiang zawng zawng nen a engmah thleng lo ang mai a ka la awm a nih chuan ka â a ni hial ta ve ang.




" A hrim hrim in in tha leh tawh a in in be pangai leh tawh viau khan ka hre sia. " Kan ngawih vang vang hnu chuan Jenny bawk chuan a ti leh a.




" Nizanah kan haw khan a rawn leng a. Chuan kan ti ti chho a, an inah rawn let turin ka ti a. Damdawi pawh thlah tur in ka ti bawk a. Beiseina min pek a, a thlah theih thu sawi tur khan la beisei tak zet a sin. Mahse min chhanna chu i hre duh em, 'ka awm ang ang hian min enliam mai rawh' a ti a nih chu. Ka bul a rui lo leh fim tak a a awm ringawt kha ka duh lo, a hma ang a ka Zorema kha ni leh se ka duh. " Ka ti chuai raih a. Jenny pawh chuan min khawngaih hmel zet chuan min melh ngawt ngawt mai.




" I thil tih chu ka sawi sel a ni miah lo mahse Zonun, a tan a harsat dan tur ngaihtuah pui la. Tun hnai mai a ti chu nise ka hre thiam lo viau ve tho ang. Mahse a kum a kum a lo khawih tawh leh a khawharna leh tawrhna zawng zawng lak sak thintu ni a a ngaihna a len tawh tur zia ngaihtuah la. Vawi leh khat a nghei tur chuan a tan a harsa ve dawn a sin. " A ti ve siam siam a. Mahse ka lu chu ka lo thing nak thung.




" Vawi leh khat a ngei tur chuan ka beisei bik lo. A harsa dawn tih pawh ka hria. Chuvang tak chuan a chhungte bulah awm se, ka hnaih takah awm in eng thil pawh tawk se ka buaipui theih na tur in. Mahse a ni chu kei leh a chhungte lak atangin a in la hrang tlat zawk a. Tunah chuan veng hranah a awm a, kha in lian leh reh zetah khan enge a tih thin tih pawh kan hre lo. Hlim hmel tak leh rui miah lo a a chang chang a min rawn hmuh ringawt khan enge awmzia awm. Hlim hmel.... " Tiin ka nui chhuak hak a. Chumi rual erawh chuan ka muttui chu a rawn luang thla pap thung.





A nui hmel phen a lungngaihna kha ka hmuh loh a ring reng reng emaw ni. A awm dan leh chet dan, a thu sawi te thleng khan a thinlung leh rilru takin min hnaih tawh loh zia an ti chiah tih hi a hre lo zawk nge ni. Ka Zoremsanga hriat thin kha chu a ruih a ka hauh in a ngawi ngul a, ka hauh vang khan a tih loh phah dawn lo miau vangin ka lawm nan a dawi sawi kual lo in ka phun ang kha a tawp thlengin a ngaithla zawk mai thin. A in sual pawh a hliam enkawl sak in ka buaipui a, nasa tak a hau in a nat chuan ka lo na in ka lo hlauthawng ve thin tih ka hrilh chuan a bul a ka awm reng dawn chuan a tih tawh loh tur thu sawiin a sawi ang chuan a awm ngei thin bawk a. Loh theih loh tawpah lo chuan mi nen buaina an nei ngai ta lo bawk a.




Mahse nizan kha chuan ka hnaiha awm turin ka ti a, mahse hmun hla zawk a awm a thlang a. Damdawi nghei turin ka ti a, mahse en liam tur in min ti thung a. A bul awm renga, kan pahnih a sual chhuak tur a min tih ka beisei laiin a ni chuan a harhfim lai a min rawn pan a duh zawk a nih kha.



Ka nu in min rawn auh leh takah chuan phur lo zetin kan chhuk a. Tukthuan kan ei a. Chrismas a hnaih zel a, ka chaw ei pawh a tui thei lo. Ka chhungte chuan engmah sawi lem lo mahse min melh leh hrek hrek thin. Nizan boruak kha an hre chiang duh tih ka hria a sawi erawh la tum lo, zanin uklawk zan niin naktuk Chrismas a ni tawh bawk nen. Biakin lamah fatu tur leh thil pawimawh tih tur a awm vangin ka U leh ka pa chu an chhuak zui a. Ka nu pawh chawhnu lamah kohhran hmeichhia in naktuk chhangruai tur buaipui an ngaihthu a sawi ve bawk a. Kei erawh ka engtih mah a tui lo. Nilengin ka roomah chuan ka in khung a. Jenny leh Eddie pawn min rawn ti buai lem lo.





Zanah chuan ka chhungte rualin ka inkhawm ve hram a mahse kan inkhawm a, biakin chhung a ka thut chhung zawng khan ka thil dil erawh an la ngai reng. Ka tan ka dil lo s, midang tuma tan pawh ka dil sak lo. Zoremsanga tan chiah a ni ka dil. A nun a siam that theih nan leh chu mi mai a tawp lo a Pathian lam a hnaih theih nan chauh chuan ka dil a. Thil dang ka dil tel loh chhan pawh tam tak ka dil chuan ka biak Pathian hian min chhang lo ang tih ka hlau em a ni.




Hunpui hnaiin kohhran hlim viau mahse kei erawh ka nun a nguai a. Zan ka muttheih loh thin vang leh thil ka ei mumal loh vangin ka taksa in a tuar ve deuh a. Zai pawh zai khawm lo in Jenny te nufa nen kan haw leh ta daih a.





Chrismas kan hmang zo a. Kha mi zan Puipuia leh Zorema an insual zan bak khan Zoremsanga ka hmu ta miah lo a. Hmu tur in kan vengah a rawn lang ngai lo a, kei in ka pan ngai bik si lo. Puipuia erawh pangai tak a rawn leng emaw inbe lem lo in kan hmel erawh kan in hmu ve thin. Veng khat na na na chu biakin lamah in hmuh chang kan nei lo thei lo a. Mahse inbiak erawh kan in be em em lo. Kei mah zawk hian ka inthiam loh vangin ka hel zel ve bawk a.





Chrismas ruaini kan thleng a. Vengchhung nula kan ni ve a phur vak lo pawh a fatu a, biakin lam a hun hman ve kan ngai a. Kohhran khat na na na chu Puipuia nen pawh loh theih lo in inbiakna hun kan ngah phah a. Mipuiin ruai an kil zawh a fatu in kan eitur kan chhuan lum kan vil lai chuan ka bulah a rawn thu ve nawlh mai.




" Zorema nen in la in be lo a. " A tih chuan lu ka bu nghat. Chutah a ni pawh chu pik hmel zet hian a rawn thaw chhuak hawk a.




" Ti nge i biak hmasak mai lo a? " Tiin min zawt let chu ka nui tawi tak a.




" A tir chuan ka rilru chu a nia. Mahse ka in ngaihtuah a, min lo ning reng thei a, a tan hnawk sak pawh ka lo ni thei bawk a. Ti buai reng lo a lo nghah mai hi a that te ka ring mah zawk. " Ka ti ve sep.




" I beidawng tan der a ni maw? " Ti a min zawh chuan ka chhang thei lo. Beidawng tih chu ka duh miah lo a mahse ka rilru erawh a beidawng tan der bawk si. Ni yam chu a la liam lo mahse a awm danah hian a chiang reng miau sia, kei ai chuan a damdawi thlang in a reh ta hmak chu a nih ber hi.




" A vannei bik khawp mai. A nun hman dan chu eng pawh nise a tan i awm reng chu a ni sia. Kawng leh lamah chuan ka awt lek lek zawk. " A tih chuan a lam chu ka hawi vat a.




" Zorema hi i hua em? Haw suh aw, engmah thiam lohna a nei lo a nia. Huat tur i duh a nih chuan kei mah min haw thei ang. " Ti a inthlahrung tak a ka en chuan a lo nui suk a.





" A tir kha chuan ka haw ngei a. Mahse tunah chuan a lakah leh i lakah, ka papuia te lakah thleng inthiam lohna ka nei tawh. " A tih chuan hrethiam vak lo chuan ka lo en a.




" Hun hi pawh kir theih se kum 4 liam taah khan kir leh ka thleng ngei ang. Kha zan a ka duhthlanna siam kha sut tur in. " A tih chuan ka la hrethiam chuang lo.




" Zorema nupui a then tirh khan vawi tam tak ka phone atangin rawn biak che a tum thin. Mahse i tawrh dan leh a tih nat zia che ka mit ngei a ka hmuh ve thin vang khan biak che kha a phu lo in ka hria a. I tan a tling tawk loah ka ngai a. A bia che a nih chuan natna bawk a pek leh che ka ring tlat a. Vawi khat mai pawh ni lo vawi tam tak. Ka hna thawh lai thleng kha. A tawpah chuan dawt sawiin nanah i biak duh loh thu leh kan pahnih a inkawp in bul kan tan thar tawh thu sawiin a ni pawh nun thar tan tur a I duh thu ka sawi khum hial a.




Kha thu khan ka rin ang chiahin a ti beidawng hle a niang, kha mi zan atang kha chuan a reh ta tlawk tlawk a. In pahnih a a hrang ve ve a nunbul tan a hlim tur in ka duh cheu a. Chuvang in ka theih tawp in tih hlim hram hram che a, a ni ngai lo tur che a siam che kha ka tum ber thin. Zorema pawh a reh tak vang vangah chuan i tel lo a hma lam a pan ve mai ka ring a mahse hetiang hian a nun ti chhia in awmze nei lo in a nung ang tih rin ngaihna ka hre lo. Ka hriat meuh chuan a lo pawi thu ta viau sia.




Zorema chu i hriat chian kha. Thil sawi buan buan mi a ni lo a, a na a nih pawh in a ruk a tuar chi a ni tih. Ka rawn chho hma zan a kan inbiak zawh khan ka in control thei ngang lo in ka va bia a, eng thil nge ka ngaihtuah pawh ka hre lo. Nang nen kan la in zui thu leh a bul a i awm chhan chu a ddawi tih sim tir a nun pangai a neih leh nat chauh a nih thu leh. A pangai leh hunah i kal san a ka bula i lo kir leh tur ang in ka va sawi che a. " Puipuia thu sawi chuan min thawng lutuk a chet sawn na chang pawh ka hre lo.




Chutiang a lo hriat vang chu em ni Zoremsanga khan ngei a tum log thu kha a saai tlat. A nghei a nih chuan ka kal sab leh dawn anga a lo hriat vang em ni? Kei min chelh tlat a tum vang zawk a kha tia khawsa a nih chuan a mawl tak zet.




" Kha tih lai khan ka in sum zo ngang lo a ni. A hnuah ka imchhir reng bawk a. In inkarah khi ka siam hlau in a tukah ka lo haw zui ta nge nge a. Mahse in in a ka rawn kal kha kawtah in ding lai kha ka thlir reng cheu a. Inbuai ka hlauh viau laiin in hlim em em a, Eddie leh nang leh Zorema. Chhungkua ang mai in ni. Kei nen kum 4 kan chhungkua ang mai a kan chen ho lai khan ka bulah khatiang khan i nui ngai lo a. I mit meng de sar sar leh Zorema i en rual a hmangaihna a khat mit meng ang khan min la melh ve ngai miah lo tih pawh ka hre thar a. " Tiin za lo zet chuan a nui suk a. Kei erawh ka lo inthiamlo em em thung.




Hmu lo cheu a haw leh mai ka tum a mahse ka ngai em che a. I hmel hnai tak a hmuh a, I aw hriat kha ka chak em a. A tawpna pawh a ni mai thei a sin tiin ka rawn let leh a, khatiang kha a thleng ta sia. Zorema pawh hrilhfiah ka duh a mahse Papuia te awm lai a sawi chi a ni si lo a. A fal a biak tumin a in lamah ka va kal a lo awm si lo a. Ka call a chhang duh bawk si lo nen. " A tih chuan a ni pawn kei mah ang tho in inthiamlohna lian tak a lo nei ve reng tih la hre chhuak a. Haw tur in dikna ka nei bik em ni tih ka in zawt pah bawk.





Corridor lamah ka hming lam leh min ko ri a ni a la hriat rual in ka u chu a rawn lut ve hlawl a. Kan thutna lam chu a rawn pan nghal vat bawk. A hmelah chuan thil dik lo a awm ni a hriatna ka nei bawk.





" In lamah thil hman hmawh thlak a awm a, in la ei ve lo a mi? " Ka u in a tih chuan lu ka lo bu nghat a.



" Mate Terini a boral a ni awm e. " A tih chuan min thawng lutuk chu chhan mai ngaihna pawh ka hre lo. " Maw... Terini chu engtin? " Ka ti bah nak nak a. Puipuia pawh chuan min lo dawm vat.




" Ka nu leh pa te a ruang la chhuak turin an kal a. Mami te chhung pawh helam a rawn chhuk tumin an rawn inbuatsaih mek a. Kan inah ruang a luh a ngai sia in lamah in ei puar mai la. " A tih chuan aw ka pawh rang khawp mai. Chutiang thu hriat tawh hnuah chuan hetah engmah ka lem thei tawh lo hrim hrim ang.




Puipuia pawh chuan min zui haw a. In kan thlen dawn tepah chuan tlang an rawn au a. Terini ruang kan inah kan lak phawt hnuah an khaw lamah U Mami te rawh thlen hnuah an phur chho a nga, a Pa leh a naute thlan bul a phum tur in. Chuvang in kei ni pawh in lo sing sak fel a ngai a. Tlang ber an au ta bawk nen thenawm te leh nula tlangval tlawmngai ho chu an lo lut khawm a. Ruang lo thlen hma chuan inchhung kan lo sing sa fel a. Inthlak ve tur a Jenny nen kan chho chuan Terini thih chhan ka zawt a. Ka pa an lo biakna atangin OD a ni tih a hria a nih hmel. Home a awm mahse a ruk in an lo la lut a, a ni lo ti khat tawh taksa chak tawngkhawng tawh bawk si chuan a zo lo khawp khawp a tiin a nunna a chan ta a ni awm a. A pawi khawp mai.




Ruang pawh a lo thleng a. U Mami te lo thlen chiah kan nghak tawh. Kan chhungkua chuan a ruang chu kan kil a. Kan college kal pui te leh a mah lo hre ve tu te pawh an lo kal ve nuk a. Ka bul mai kuang chhung a Terini engmah hre tawh lo a mu chu la en reng a. A dam hun chhung tawi te a a nun retheih zia leh a nun hman dan hahthlak zet ka chhui sak chuan ka lakah sual in pawi nasa tak lo khawih tawh mahse ka lainat ta ngawih ngawih.




Mihring vek kan ni a, duh vang reng ni lo a sual lam zawh palh a, chhuah leh dan hre lo. Dai sual lak lawh tam tak kan awm a. Chung zingah chuan Terini pawh hi ka chhiar tel lo thei lo. A tet laiin a nu in a boral san a. A rual in a nau leh a pa a chan leh a. Kan bulah awm in engkim kan pe kan ti tak na in, kei a rualpui kha min en lo thei si lo. A sawi thin dan takah kei chuan a nei lo engkim ka nei vek si a. Ka nun a awhna lamah a ngaihtuah loh thleng thleng in a kal chho a. Tunah a thil tih sual sim a in siam tha hman lo a a boral leh si hi pawi ka ti pui vawng vawng.




Zan lai pelh deuhah U Mami te an lo thlen takah chuan ka pa leh ka u in an khaw lamah an zui chho a. Hmeichhia zawng kan lo awm thung a nih chu. In leng nak nak pawh ruang ber an kal pui takah chuan vawin lam kan chau tlang bawk a an tin tan a. Thena hnai zual tak tak ho chiah an awm tawh.





" Ka han mut lawk ang aw. Chuan ka rawn tih fel pui ang che. " Tiin Jenny chuan Eddie chu imchung lamah a pawm chho a. Thingpui no leh thil dang seng a ka sil lai chuan ka hnung lamah thawm ka hria a. Jenny a nih ka rin vangin ka hawi lem lo. Mahse no ka sil zo ka in her chu nu Ruati zawk chairah chuan a lo thu a. Min en ve chuan a nui sak a.




" I lo haw atangin pangai tak pawn kan la in hmu lo a ti raw? " Ti a min biak hmasak takah chuan a bul chair ah chuan ka thu ve nghal zat.




" Nia inlamah ka in khung nasa lutuk a. Bakah in vang ve hrim hrim. " Ka tih chuan a nui sang a. Nu hmeltha leh hleitling tak a nia, a mah hrim hrim hi a zahawm in hmuh a nuam em em ringawt mai a.




" Ka bia ang che ka ti thin a remchang a awm ngang si lo a. Mama chung changah. " A tih chuan ka hawi phawk hra.




" Hlauthawng suh ka hau dawn lo che. " Fiamthu pah deuh a a tih leh chuan ka nui tawi tak.




" Puipuia hnen atangin a thil tih te ka lo hre ve a. Ka fapa hi a fel chu ka ti miah lo a, an unauah phei chuan a sual in a ngaihtuah awm ber zawk a. Mahse hetiang ruihtheihthil lam erawh a tih ka ring ngai lo. Mahse a lo ti ve chu a ni si a. Kan hriat loh rei zia ka ngaihtuah hian ka fapa hi ka lo ngaihtuah tawk loh zia la hre thar a. Hetia a mah a a khawsak hian a nun a siam that a engthawl tak a a awm la lo beisei a. Mahse a ni lo lam in thil a kal ta si a. I lakah hian dil ngam tur che ka ni em ka hre lo a mahse nang hian Zorema hi i la hmangaih a nih chuan a nun beidawn ber lai hian kal san lo hram rawh a.




A u te leh a pa ngei pawn an la hre lo a. Hrilh tur a ni em pawh ka hre lo. An rilru ka ti na zual in Zorema tan inkil tawihna ka siam sak zual ang tih ka hlau bawk nen a bulah pawh hre lo ang in la la awm reng a. Kan hriat a duh loh chuan ka hre lo der thei ang mahse a mah ngaihsak tu a bulah awm turin ka duh si a. Chuan ka rilru ah nang mah i rawn lang hmasa ber a. " Tiin min nuih leh seih a.





" Mihring hi kan mak khawp a. Tum loh deuh in chhan eng emaw vangin kan i thlak in kan dang lam thin. A bik in kan kiang a awm te a zir in. A tir chuan a harsa a mahse min hmangaih tak tu kan tawngfuh a nih chuan awlsam te in kan nun chu a danglam leh vek thin. Ka suangtuahna mai mai ka sawi emaw i lo ti a nge. A tak ngei in ka tawng a ka hre bawk a.





Mahni fapa mihrang kut a dah tiin mak min ti pawh a ni mai thei. Mahse chhungte aia mihrang in thil an tih theih chang hi a awm thin tih ka hre chiang miau a. Hetia ka tih ng chhan erawh i lo hre tawh em chu ka hre lo a mahse ka fapa ah hian ka lo nun dan leh khawsak dan ka hmu ve vang a ni. A ni pawh hian kei mah ang a kai chhuak tu a mamawh tak zet. " Tiin a thu sawi chu ka lo ngaithla kar a. In leng an haw nual tawh a, tuvak mah an awm tawh lo zawk.




Nu Ruati chuan mi dang in an sawi chhuah duh ngai pawh a ka rin lo thil tam tak a sawi a. A nulat lai a a lo khawsak ve thin dan leh call girl a nih thu te chu sawi mahse ka hmu hniam miah lo. A hma college kan kal lai khan ka hre tawh miah a. Pa Lsan a ven thin dan a sawi lai a hlim nui hmel chu hmuh a nuam tak zet. Zorema chenna in pawh khan Pa Lsa chhungten an inneih an pawm hma a an lo chenna reng tawh a lo ni a. Thil tak tak a sawi hnuah erawh a hma ai zawngin an chhungkua chu ka ngaisang leh zual.




Terini lakah an lo dawhtheih em em chhan pawh a chiang ta kuar in ka hria a. Kei ni raengbawltu in ti chhungkua in kan tluk loh zia ka hre thar zel bawk.




" Tunah hian ka fapa hi kan chakna leh kan thil neih te, a nu leh pa leh unau te kan nih na angin kan thunun zo tawh lo. Hmangaihna a dawm a, a rilru suk thlek thlak sak a ngai a. Tlangval kum lamah pawh upa ve tan tawh a ni a. A nu lakah a in lak tlangval a, a in lak pa em em lai hian i bulah chuan naute ang maiin a pangchang dawn tih ka hre chiang. Chu chu khawvel nin phung a ni tlat a. I lakah ka i nghah tak meuh meuh a nia. Chutih rual in i theih tawp a i beih hnuah pawh awmzia a awm lo a nih chuan la dem lo che tih hria a. Kei nin kan buaipui zawm thung ang. I thu a awi la rin vang leh ka rin tawk vang che ah min ngai sak dawn nia. " A tih chuan ka duh lo tih chi a ni tawh miah lo.




Lu ka buk nghat takah chuan a tho a, a in her chu choka luhna bulah pa Lsa a lo ding reng mai. Kan thu sawi kha a hria ang nge hre lo ang tih ka ngaihtuah nghal char char.


IMG_16112021_234720_(327_x_500_pixel).jpg





" Kan phei dawn a mi? " Nu Ruati zawk chuan pa Lsa en chuan a ti sep a. Pa Lsa chu kan pahnih chuan min melh run thung a. Nu Ruati awm dan chu a ngai reng a kan thu sawi kha a hriat a hlau vak lo zawk nge ni. Nu Ruati ai chuan kei mah zawk hi ka lo hlauthawng zawk in ka hria. Pa Lsa te chu pa in vawng tak a ni sia Zorema awm dan a hriat chuan thinrim in Zorema chungah a tuan vak ka hlau deuh a. Mahse tun lawk a nu Ruati thu sawi ka ngaihtuah let a Pa Lawmsanga chu ka ngaisang ka zah thar hle leh nghal.




" Zonun kan phei a nge aw. Nang ni pawh mut in duh ang. Vawin in chauh dawn teh lul nen. I pa leh I u pawh an khawngaihthlak khawp mai. Harsatna in neih chuan rawn sawi hreh su aw. " Nui sangin nu Ruati chuan a ti a. Pa Lsa banah a va kuah takah chuan Pa Lsa pawn min mangtha ve luam in kawngka lam an pan a ka nu chuan mangtha pah in thlah a tum nge a zui chhuak ve bawk a. An chhuak fell chu ka thaw chhuak hak mai.





" Awiii.... Kha mi te kha Zorema nu leh pa te kha ti raw? An fel ka ti tawp a tawp thleng in midang haw rem thleng min awm pui a. An pa zawk khan kan in leng ho a lo buaipuiin a lo chhawn zel a, thenawm nih an tlin tawp. " Jenny in ka bulah rawn chhuk in a ti a.




" I mut fel thei a mi? " Ka tih chuan a bu nghat a. " Ka mut a a mu nghet lo lutuk a rawn harh leh a ka han awi tha leh a. I u in an thlen chin sawiin min rawn be leh bawk sia ka rawn chhuk har ta a nih kha. " Ti ve luam in inchhung chu kan ti fel zung zung a. Ka nu pawh rawn lut in Jenny bawk chuan an thlen chin ka u rawn hrilh chu a sawi leh barh barh a.




Kan mut dawn meuh chuan zing dar li a ri thuak tawh. Ka nu chu a mah chauh a mut tir ka khawngaih deuh vang in an room a mut pui mai chu ka tum a mahse Jenny in a phal tlat lo. " Inchungah kan nufa chiah in ka mu ngam lo. I room ah rawn in dawn kan tum zawk a ka nu bul a I mut daih in. " A ti ve tlat a. Ka nu pawh chuan an bulah han mu tur chuan min ti ta zawk a. Inchhung lamah kan in zui chho a. An roomah Eddie a mut tawh vangin sawn ai tiin an room lamah mut kan tum ta zawk bawk.




" Terini chu a mak ka la ti. Hmanni te khan dawrah khan kan hmu kha a nia. " Kan mut hnu chuan Jenny chuan a ti sep sep a. Kei pawh hian mak ka ti ve tho. A thi tih chu hre mah i la awi hi a har riau a. In mil tak ni lo mah i la a kum a kum meuh lo in chen chilh tawh kan nia a boral tih ka ngaihtuah ringawt pawn ka ni hui mai.




" Ka pa leh u Rina te chu an tluang em ang chu maw? Kei chu Terini chu khawngaih tho mah i la a thil tih dan hi ka mil lo thin. Tunah pawh boral tawh tho mahse midang tih buai hi a tum hrim hrim emaw tih tur hian a khawsa in ka hre hial. A fahrah ve bawk nen ka pa te kutah a tla leh lo thei thin si lo a. Tunah pawh chrismas kan hmang zo chiah a tiang hian boruak a awm a. Kumthar lam pawh kan hman nawm loh phah vek dawn a nih hi. " A ti mawlh mawlh a.




Thian dun niin ka u neih chhun liau liau nupui a ni bawk a, ka bulah chuan a mizia hi a zep ngai lem lo. A rilre chhe lam emaw tha lam pawh ni se a sawi phawng phawng zel mai a ni.




" Tun hi a tawpna tur pawh a ni tawh mahna. Mitthi tawh chanchin kha tia sawi i hlau na nge. A rawn hran khum mai tur che a nia. " Nui pah a ka tih chuan min melh rum nang mai. Kan inkarah Eddie mu lo se chuan min beng leh pawp tawh ang.




" Zanin kha Puipuia kha a lo kal ve sia, in in biak ka ring deuh a mahse in inbe miah lo in ka hria. Nang hi Puipuia hi i then avangin mihran i tum ringawt a mi? " tiin kan thu a rawn thlak a. Thawk la hak in biakin a kan fatu lai a kan thu sawi chu ka sawi ve luam a. Tunah chuan a ni lo hi han in sawi thawlna tur thlawt ka nei lo. Zanin khan Zorema hmel ka beisei ve deuh a mahse a rawn lang miah lo a nih kha. An chanchin hre vek tu tan chuan a rawn lang lo pawh kha a awm lo hran lo ka ti bawk. A nun ti chhe vek tu bul ber a ni miau a. A nu leh a pa tal an lo langa a lawmawm tho e.




" I hua em? " ti a min zawh chuan ka ngaihtuahna atanga harh zawkin ka nui tawi tak.



" Haw ngam tur ka ni em? Tih sual chu tu pawn kan nei thei a, ka nu leh ka pa, ka u leh nang , kei mah ngei pawn. Ka haw ngam lo a mahse ka be chak rih lo. " Ka tih ve takah chuan a ni pawh a rawn thaw hak mai.




" Chuan engtia awm nge I tum tak, kan rual a chhuk leh chu I duh ta em? " Tiin ka lam a rawn hawiin min zawt a.




" Chhuk tawh lo ang. A vawi hnihnaah hi chuan ka tlan bo tawh lo ang. Eng thil pawh tih ngai se Zorema hi nun pangai pek leh ka tum dawn. Chu chiah chu ngaihtuah ka duh. " Ka ti ta ringawt.



Nu Ruati khan engkim huam in a lo nunchi thin dan, broken family atanga sei lian a nih thu leh a nulat lai chanchin a sawi a ni kha. Khang thu a sawi khan a mah ka en dan a dan a ka hmusit phah a ring a ni te pawh a niang mahse a fapa tan sawi chhuah harsa tak chungin a sawi a nih kha. Kei chuan hmuhsit lam ai mah in ka ngaisang ta daih zawk. A thu sawiah khan in hmuh chhuahna tur tam tak ka nei bawk a.




A nu leh pa in a mah ngaihsak lek lo a kawppui hran an neih hnu pawh in hmangaihna nen a nu a la dawm hlum thak a, tunah a pa nen pawh in pawh tak in an awm zui zel thei a. Tun ang a a nun nuam tak a khawsa tur sawn thil tam tak a lo pal tlang tih ka hre thar bawk a.




Pa Lsan hmangaihna leh ngaihsakna nen a dawm kan a hmalam a pan pui ang khan Zorema chungah ka ti ve a beisei pawh a ni mahna. Kha tiang thu zo zai min hrilh chhan kha. A sawi dan chuan ka pasal hi kan in neih hma ka pasal a nih hma a ka nun a a rawn lan tirh phat atang khan ka zirtirtu, min venghim tu leh ka nu leh pa ang mai a ka nun khal ngil tu a ni a. Zep theih rual loh in kan in hmuh hmasak ber a tangin ka nun dan khaw lo zet a hre nghal si a. A lakah chuan thil zep neih in awm zia a nei lo a ti hial kha a nia.




Pa Lsa ang mipa tha lutuk kha chu phu lo a in tiin a in sit ve thin thu leh a hming chhiat a mi sawi a kai a hlauh vang a tlan bo san hial a tum pawh a zawng hmu a nupui a a ruk hmak thu a sawi chuan kan college chawlh dawn lamah Zoremsanga chet dan ka ngaihtuah let rum rum hial a nih kha. Zorema ka ngaihtuah in a nu leh a pa chhunna a ngah dun ber in ka hre hial an unauah pawh. Thu tam tak sawi lo mahse ka lakah beisei a neih san em vang khan hnial ka harsat a, hnial pawh ka duh hek lo. Chuvang chuan kei hian engkim a ngaiah ka dah thei tawh lo a nih pawh in a chanve tal chu ka siam tha thei em em ang. Terinin engkim a ti chhia a in ngai a chak zawk chan chang ang mai a a in sawina kha ka thlen dik tir dawn lo tiin kei mah ka in fuih sauh sauh ta zawk.




Jenny lam ka va hawi chu Eddie kuah in a lo muttui tawh ngang mai. " Lalpa i lam a rawn hawi theihna tur a nih chuan eng pawh ka ti ang. I hnen a ka rawn hruai thlen theih nan chakna min pe ang che. " Tiin ka phun chhuak sep ringawt.




A hma kha chuan a ruihhlo khawih na atanga la hrang a nun pangaih neih tir a, ka lam rawn hawi leh a ka hnen a rawn hruai turin Pathian hnenah ka dil cham chi a. Mahse tunah chuan ka dil dan kha a lo dik tawk lo tih ka hre ta. A ngai anga awm a, ka hnen a rawn kal leh tur chiah khan ka beisei a, kei aia pawiawh leh hnaih hmasak tur Pathian ka lo kal kan thin a ni tih ka hre chhuak a. Pathian chu ka bia in ka au reng a mahse ka thil dil dan khan a mah a la hlat tlat vang pawh a ni mahna chhanna ka hmuh ngai loh. Ti chung khan min chhang lo a ka hriat vang in ka dem lek lek hial a nih kha.




Ni a liam a, ka pa te erawh an zinna lamah an la cham a. U Mamin kei mah chauh chuan inleng ka lo chhawn thiam lo ang a ti tlat bawk nen hmeichhe ho chiah chu kan la awm a. Vawin hi kum in a kan ni hman tawp berna tur a ni tawh a. Chhiat kan tawh takah chuan in leng nak nak chu kan nei ve thin a. Mahse kei chu kan in leng te aia ngaih pawimawh ka neih vangin in lamah ka awm tam ngai lo. Ka hman rem chan a piang in Zorema chenna ah khan ka va kal thin a mahse ka kal tur hre lawk ang mai hian a lo awm lo ziah thung.




Ka phone a chhang ngai lo a, Roa te tak ngial pawn a awmna an hre ngai lo chuan min ngaihtuah zual tir a. Naktuk mai hi kum thar a ni tawh a, ka pa te pawh zaninah rawn haw a kum thar chu chhungkua a hman ho an rawn tum ruh viau mai. Nileng chuan inchhunh ti faiin kei mahni pawh kan in ti fai a. Zanriah kan ei kham atangin ka pa te rawn haw hun chu kan lo thlir deuh tawp a.




Sitting room a kan thut lai chuan ka phone a rawn nghawr dar dar a. Ka en chuan Roa call a lo ni a ka la nghal vat a. " Zorema awmna ka hre tawh. " A rawn ti deuh tawp chu ka thu tung awt thei. Ka nu leh Jenny chuan min lo en ve reng vang chuan tho in choka lamah chuan ka phei vat a.




" Khawiah nge? " Ka ti lawi rat a. Hotel a a hmuh thu leh a zui ru a, a room awmna ni awmah a lut lai thleng a hmuh thu chu a rawn sawi a. A hotel hming leh room no zat a rawn sawi chuan chhinchhiah in rang zet in roomah ka tlan chho a. Ka hoodie hmuh hmasak ber chu in thawlh tawp in ka bag chu ka la a ka chhuak leh nghal vat.




Inhnuai ka thlen chuan ka nu leh Jenny chuan enge thleng tih min zawtin an lo phili ve hlut a. Chhuah lawk ka ngaihthu ka sawi chuan tunah dar 9 a ri dawn tawh a, ka pa te pawh an lo thleng tep tawh nen an hmelah an hrilh a hai viau mai. Mahse ka let leh vat tur thu sawiin min dan hlau zet chuan a tlan in ka tlan chhuak a. Kawngpui dung a kal chung chuan motor lo tlan phar din in ring ran in ka mit ka len ruai bawk.





Kawn ka thlen phei dawn chuan ka zawnah motor ding ni awm tak ri ka hria a ka hawi chhuah rual chuan Puipuia bike nen a lo ding run tawh. Min thawn deuh vang chuan tawng maina chang pawh ka hre lo.




" Khawnge i kal dawn?" A tih chuan sawi tawp mai chu ka hreh ve deuh nen ka ngawi reng ringawt.




" Lo chuang la. " A tih leh chuan lu la thing reng viau. A mah ka huat vang ni lo in Zorema bul a kal tur ka ni sia kan thorn hunah a hriat chuan nuam kan ti dawn lo ve ve.




" Lungngai suh ka phur bo lo ang che. I duhna takah ka dah ang che. Tunah chuan motor dang pawh nghal dawn la zan a tei tawh hmeichhia chiah leh nghal I ngaihtuah awm. " A ti leh duah a. A ding reng bawk nen " Nih leh. " Ti sep in ka chuang ta nge nge.





Kan tlan chhuah hnu in hotel lam pan ka duh tih ka sawi chuan mirror atang min rawn melh zawk a, mahse engmah erawh a sawi lem lo. Ka kal duhna hotel kawt kan thlen chuan ka chhuk vat a. Lawmthu hrilh a kal san mai ka tum chu ka banrekah a rawn vuan chawt a. " Enge hetah i tih dawn, kal pui i duh em? " A tih chuan lu ka ting vat a. Mahse ka kut erawh a thlah chuang lo.




" Mi hmuh tur ka nei a. " Ka tih pawh chuan a la thlah mai lo. " I rei dawn loh chuan ka lo nghak ang che. " A la ti hram. A tlai tawh a min ngaihtuah tih ka hre thiam bawk.





" Nghah ka ngai lo. Eng lo... Ih... Zorema ka hmu dawn a, ka inthlah tir mai ang. " Nuam ti vak lo chuan ka ti chhuak thei hram. Zorema ka sawi takah chuan ka kut chu a thlah ve ta hram a.




" Tihpalh, i rilru tih nat ka tum vang a sawi ka ni lo a nia. " Ka ti leh hnu hnawh. Mahse a rawn nui suk a " Kal rawh, a bulah chuan i ngaihtuah awm lo tih ka hria lawm. " A ti ve ta a, Roan min lo call leh vang chuan be zawm lo in ka lut phei a. Gate chhung counter bul deuhah chuan min lo nghak a. A chhan pawh kei mah chiah chuan a tlai tawh sia luh an phal tawh loh a rin vang a ni.





Zorema room ni a a sawina lam chu kan pan a. Chu mi pah chuan an nu nen hotelah hian an riah dawn thu a sawi ta sia ka melh rawm rawm a. A ni lah a la nui vur vur zui. Room zawn kan thlen chuan, " Buaina a awm chuan min lo call hreh suh aw. Kekawrte nen pawh ka rawn tlan nghal a ni mai. " Fiamthu ti tak deuh a a tih chuan ka nuih a za ang reng. " Dar 11 ah gate an khar dawn a, i riah chilh dawn lo a nih chuan hre ve mai mai rawh. " A ti leh kher a. Ka haw dawn hunah ka call lui kher zawk dawn emaw ni.





A kal hnu chuan kawngka chu ka kik karh karh a. A reh vung vung vang chuan a ni lo a nih ka ring leh hial mai. A tawp nan tiin ka kik leh a. A la reh tlat vang chuan beidawng rilru zet chuan ka in her a. Kawngka atanga ka pen sawn hnu chuan thil ri rak ka hria a ka hawi let rual in ka kawngka kik ngei kha a rawn in hawng ruai ruai mai. Ka lo en reng lai chuan Zoremsanga ngei mai chu a rawn chhuak a. A hawi kualna lamah min rawn hmu fuh ve nghal chawt a. A mu tho chiah nge a ruih lutuk vang pawh ka hre hrang lo, a mit meng chu a paw deuh phuai a. Thinrim in seh ruh nghek chung chuan ka pan phei hlak hlaka a hmaah tak chuan ka ding nghal ran a. A ni lah chuan thlarau hmu ang maiin ka ke ler atanga ka chhip thleng chuan min en chhuak dap a nih chu.





" Thlahrang ka ni lo a nia. " Ka tih chuan a ner sawk a. Engmah a sawi loh vang chuan in time ngampa luiin a sir deuh atang chuan room chhungah ka in zep lut lui a. Room chhung chu a thim ang reng viau a, kawngka khar ri ka hriat rual in ka hnungah a rawn kal ve nghal tih ka hria, room chhung kan luh fel hnu chuan a lam chu ka hawi a. A ding khawng luah a, a thim zawng a a la din leh zel vang chuan a hmel pawh hmuh a har. Eng lutuk atang in thimah ka awm leh thut nen. Sir lamah light tih enna plug ka hmuh chuan kal pheiin ka va hmet a. Zoremsanga ka en chu a eng lutuk a ti nge ner nawk in a kut chuan a hmai chu a tuai zui puat a.




" Enge hetah i tih? " Pangai tak a sawi tum viau mah i la min ngaihtuah lo lek a a awm book vang chuan ka thintim deuh nen ka vin lek lek.




" Ka zawh tur zawk che niin ka hria. " Ti a kiai suk in min kal pel a sofa lo in hungah chuan a thu thla zui hmuk. A che zia chuan min run viau mahse in bengdaih ka tum lui hram hram a. Room chu ka en kual a, sir lam a dawhkanah lah chuan in tur, a hmung pawh ka chhiar loh chuan ka hre lo ang tih tur hi a in hung fur bawk. Hawina lam apiangah rilri ti na tur hlir ka hmu a ni ringawt. Room chhung fel fai lo lutuk nen zawng zawng chuan. Kha leh chen kan Inkawm in kan in zui a, an in a ka kal chang pawn a room chu ka room ai pawn a fel fai thin zawk. Mipa mah nihse chet fel lamah chuan a bu ang thlap an tih ang chi kha a ni ve thin a. Tunah chuan mipa lak tlak loh in enkawl peih lo ang mai a ni.






" Inah khan ka lo kal thin a. " Ka tih rual chuan " Chuvang a lawm hetah ka awm. " Min lo tih khalh leh a. Sawi dawt lo mahse kei mah vangin a haw ngai lo a, min bik bo san hrim hrim a duh tih ka hre thiam. Chu chuan ka rilru a ti na, min ngaihsak lo leh min mamawh lo lutuk chu ka nat pui a ni ber.




" Biak che tum in ka rawn call che pawn.... " Tiin sawi zawm thei lo chuan ka in hnit faih a. Ka thu sawi hria ang pawh a awm lo in sofa nghenchhan ngheng chuan a mit a chhing hmak a. A sir mai sofa kil deuh a syringe ka hmuh vang chuan ka tah chhuah mai loh nan ka heh ka pet fan fan a. Sawi tur ka nei teuh a mahse ka mi biak ber in min ngaihsak lo in a damdawi tih zawh chiah rawn thawh dan feel tum ang zia zang a a awm chu tlir liam a sawi zawm mai harsa ka ti.




Chutah enge ka hriat ni thawk la hak in sir lam a in tur chu ka melh a, va pan in bottle pakhat chu ka ban ve hmiah a. Hawngin engmah sawi set set lo a ka in ve pawp chu rin lo lutuk a a lo hiar em vang chuan chhak chhuak leh nghal vek in ka in rin hma chuan ka uak zui tuar a. Ka thawmah Zoremsanga pawh a rawn hawi ta vut. A tha lawm, a attention ka lak phah dawn a nih chuan eng pawh ka ti mai ang.





" I ngainat chi a ni dawn lo, dah leh zawk rawh. " A ti chuan min khei zak leh nghal. Tha tak a biak in nghei rawh ka tia a thei lo a nih chuan kawng dang ka zawng mai ang. Ti rilru chuan Zoremsanga, sofa a thatchhe zet a thu a ka lam a rawn thle kawi deuh chu en in ka nuih lui sak a. A chal ti chuar tup a min en lai ngei chuan ka bottle ken tun lawk a a tui loh en vang a ka chhah chhuah leh chu thaw lo in ka lem zui nghal khawlh khawlh a. A tui lo en vang in ka chawlh chuan ka luak emaw ka in zawm thei dawn lo tih hria in thawk lek po chuan a bur a ruak thleng in ka in zo ta vek a nih chu.




Bottle ruak en chu ka ner nang mai. Ka ka chhung hi a hiar sa huam huam a, ka lei te chu an chhan tap hian ka hria a, ka chil ka lem zawng in ka hrawk chu a thip vin tuk hian ka hre bawk. Ka vawi khat tihna a nih vang pawh a ni mahna.




A thawk chak chi ka in lo hlauh nge entin mah pawn ka awm hran in ka hre lo. Zoremsanga lam ka va hawi chuan mit khap lek lo in min lo en ngur a. Ka tih theih loh a ring vel a, " i la duh tawk lo a nih chuan lo en rawh. " Ti rilru in bottle dang pakhat chu ka ban leh a. Hawn tum a ka herh chu la hawn miah loh a nih vang nge a sak ngang mai.




Beidawngin ka ken lai chu ka dah a, a bul a mi hawn sa tawh ang mai lo phai deuh chu ka ban leh a. Ka rin ang chiah in ka herh hawng nghal mai a. A hma ang bawk chu ka thawk ka hip let vak a ka in zui leh nghal zat a. Mahse tam pawn ka in hman in ka hre lo, tu emaw hian a rawn pawt thla hlawk a. Sawi kher ngai lo in tu nge tih ka chiang, he roomah hian mi pahnih bak kan awm miau lo. Mahse engtik laiin sofa a tanga tho a ka bul a rawn thlen ka hre miah lo.




" Luhlul thin lo teh, i in ngai loh kha. " Ti hluk in bottle chu kan sir dawhkanah chuan na zet hian a nghat chawrh a. Darthlalang nise chu a keh chuai hial in ka ring, a nghat na e mai. Mahse vanneih thlak tak in thing hmang a siam a ni hlauh a.




" Tumah pian tirh atanga in a ruihhlo ti an awm ngai hlei nem. Kei pawn tun atang chuan ka ti ve tawh a ni mai. " Tiin ngaih sam zet a lang in a bottle dah bawk chu ka ban leh a. Ka in leh tur chiah chu a ngai ang bawk in min pawhthlak sak leh hlawk a, mahse tun tum chu dawhkanah a dawh tawh miah lo. Kan bul lawk chhuatah chuan a vawm keh chuai a, ka phu nasa lutuk chu ka thlawk chhuak tep a ni.




Mahse in ti pachang luiin sir lam a bottle chu ka ban leh hram a, chu pawh chu ka hawn hma hma in min chhuh sak a, a ngai ang bawk chuan a vawm keh leh chuai a. Chutah zet zawng thinrim teu hlar in Zoremsanga chu ka melh a, a ni pawn min lo melh chhuk ve run bawk.




" I duh chuan la leh rawh, a ngai ang bawk khan ka ti zel ang. I lak peih chhung zawng ka vawm keh sak peih che. " A ti ve hluk. Tawng miah lo chuan ka melh rawm rawm a, ka muttui pawh dan sen a ni leh tawh lo.




" A tha a lawm, ti zel rawh. Mahse kei pawn in tur ka zawng zel dawn. I sawi kha, ka fel mah mah a min phu tawh lo i ti a ni lawm ni. Sual ve ta i la min hnaih phah mahna. He room chhungah hi chuan ka in tur min lak sak in pai vek zel mah la he tah chiah in tur a awm hlei nem. A dang ka zawng ve mai ang, ohh... Pawisa pawh ka nei ve a lawm leina tur chu. I duh tawk in heng pawh hi paih keh rawh. Zan in la la hian a dang tam tak ka in thei tho tih ka hmuh ang che. " Tiin thinrim mit sen ram in ka vin nghek a. Kawngka lam pan rual chuan mila thaw chhuak hawk ri ka hria a, mahse ka phei lui zel a. Ka rui lo emaw ka tia mahse ka kal danah chuan ka dik vak lo tih chu ka hre nghal.





" Hrep tak hian! " Ti hluk ri ka hriat rual in ka taksa chu a kang nawlh a. Ka tal nawk nawk a mahse min zo lawp lawp lutuk a tal chu a tangkai lem chuang lo. Eng emaw duh zetah chuan min nghat chawrh a. A mah a din leh rual chuan sofa ah khan ka thu tih ka hre chiah. Thawh leh nghal ka tum chu ka darah na zet in min nem thu leh hnawk a. Ka din leh rual a chet leh in peih run in ka hmaah tal chuan a ding ngur bawk.





Chutah chhuak em em hian ka in hnit ta hlawp hlawp a. Ka in sum hman lo ka tah chu a chhuak ta ngawih ngawih a ka muttui lah zo thei lo ang mai in ka biangah a luang thla zung zung bawk.





" Hahthlak thin ve. " Ti nghut ri ka hriat phei chuan ka tap uar tawh ngei mai. Ka lung chu a chhe tho a mahse ka thil in vang khan nge a zual bik ngawih ngawih mai.




" Heii.... Zonun.... A va chhangchhiat thlak thei ve. " Tiin la hmaah chuan a rawn thu hniam ta run a. Ka biangah chuan a kut lum zet chuan a rawn khuap zui a. A la ngai reng, eng vang pawn tap i la, ka ruih vang emaw ka thinrim vang, ka nat vang thleng pawh ni se a buai thin dan leh chiai thin dan chu a la ngai vek.




" In ve chiah i ni lo ka tih kha. " Ti sup a ka mittui a tuai hul zel chu a kut ka vai per nawk a. A rum nghut rual in min khawih leh mai a tum chu hmeichhe rapthlak leh thinchhe lutuk ang mai chu ka lo beng hlawk hlawk a. A ning ta deuh nge ka ban bul ve ve veah che thei lo a man bet in min thing deuh nawk a, sofa nghenchhanah chuan min nem bet zui rawk bawk.





Ka tah vang a ka mittui vang nge ka ruih vang pawh ka hre tawh lo ka meng phe ruai a, hnai tak a awm Zoremsanga tak ngial pawh ka hmu fiah mumal tawh lo.





" In thunun rawh, hetiang hian awm i duh ngai loh kha. Naktukah khua a rawn var a nga i in chhir leh dawn. " Dam dup a a ti ri chu ka hria. A hmel erawh a phe ruai vek tawh. Hei pawh hman ang bawk a la ni, ka thinrim chu a ni a dam dup a a thinrim ve duh ngai lo. A thinrim ve zel chuan buaina a punlun zual zel tih a hre ve tawh miau a.




" A hma chuan ka duh ngai lo, mahse tunah chuan nang pawh i danglam tawh a kei pawh ka danglam dawn. A ngai reng a ka awm chuan engtik lai mah in rilru nuam in ka awm ngai dawn bik lo. Chuvang chuan ka rui a nga, zu ka in a nga, i tih ang eng kim ka ti ve vek dawn. I bulah emaw i bul loah pawh ni se. Min runluih nan leh min hnar nan a hmeichhe dang i kawp a ni pawn..... " Tiin ka lu hai chiai chiai nen chuan ka nui sen sen a.



" Ka ti ve zel dawn, mipa dang dang ka zui kual ve zel ang. A hma ang khan ti tawh suh, ngei rawh bansan rawh, lo haw rawh pawh ka ti tawh dawn lo che. I duh duhnaah awm rawh, kei pawn riah chhuah te chu ka thiam lutuk. Nang aiin riah chhuahna tur pawh ka hmu tam zawk dawn bawk. " tiin mei nei zet in ka nuih khum leh hak a. Ka ban bul a hmerna chu a na tawh tak zet. Mahse ka la sawi zo lo.





" Ka chhungte ka hlauh i ring a nih chuan i tih sual ang. Nula senior ka ni tep tawh. Mahni a tla hrang thei ka ni tawh bawk a, sum pawh ka la lut thiam em em dawn. Chuvang chuan i duh chen chen in la, i duh duh ti rawh mahse i tih aia nasa zel in ka ti ve zel tawh dawn. I sawi kha... Hetiang i tih hian i rilru hahna a bo thin tih, kei pawh an bo ve mai dawn a lawm. Chuan engkim a tha a ni mai lawm ni? " Tiin ka tal deuh chu min vawnna pawh a thlah dul ve hram.





" A viau lo teh. " Beidawn hmel zet a a tih hluk chuan ka nui hak hak a. A zat vang ni miah si lo in ka runluih vang chauh in.




" In zil thei kan awm lo." Ohhh...." Tiin kan sir sofa kil a syringe chu ka la a, " Hei pawh hi, hei mi i tih hian hman a kei mah i hmu thin i tih kha, ka tih ve chuan hman a ka Zoremsanga min zui kawi rengtu pawh kha ka hmu ve thei dawn a. Nang chuan min tlan san kha i duh tak e, i duh chuan i kal bo vang vang thei ang. Kei mah theihnghilh vek tir thei tu i neih ho kha ka nei ve vek tawh a..." Ka tih leh rual in ka syringe ken chu min lak sak hlawk in a paih sawn zui leh hmak lawi si.




" Zonun... "




" min tlan bo san duh tlat tu ai chuan an that zawk ka ring ve tawh. " Tap tiauin rilru na zet chuan ka ti a. " Nun thar neih ka duh lo, ka bul a I awm ve dawn loh chuan eng nun thar leh hlimna mah neih ka duh lo. A hma khan ka zui thin che i ti ti rawh kha, tunah chuan ka zui ve thung dawn che. I ngaihsak ka phut lo a i buaipui pawh ka phut lo, i nun dan a piang kha ka nun dan tur a ni mai. " Ka ti zuai raih a. Ka tawng zawi viau nan a hre vek tih ka hria. Ka sawi khi ka ti mai mai lo, ka nun dan tur chu ka hma a mipaah hian a in nghat tawh.



💕💕 thui tha viau chuan ka hria😛 cmt a zirin naktuk zanah kam bonus ang. A chapter a tam tawh lo a cmt lam kha in sum duh su 👀 a tawp hunah ka lo cmt ve hram hram lo a tawi te tal pawn tiin min ngai viau mai thei a nia🤣


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)