Miracle Love by Amy Cck (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Miracle Love by Amy Cck (Completed)

Unread post by Ngaia » July 10th, 2022, 5:50 pm

Miracle Love 💕 by Amy Cck


Chapter - 19


Kan haw hnu pawn class kal zawm mai lo in kan haw kar chu kan chawl ta law law a. Ka pa in " Nang pawh chawl law law mai rawh, kar thar atang Terini nen lut rual u la a tha ang. " A tih vangin ka hnial bik lem lo. Inah kan awm deuh chawt a, Terini ka awm pui a ni mah ang chu. Tlaiah a thianten an rawn tlawh ve reng bawk a, a mizia a dang ta lutuk chu tu mai pawh in hreawm kan ti tih sawi lang lo mah i la kan awm dan atang kan in hre vek chuan ka ring.




Zanah pawh eng emaw thil thuah Terini ka riah pui tawp a. A rilru kal bing in thil tha lo a tih kan hlau a ni ber. U Mamin min rawn be awl lo bawk a, rin ai tak chuan upa zawk tih takah u Mami chuan a tuar thim viau a ka nu leh pa pawh an rilru a hahdam phah ve deuh.



" I mu tawh em. " Ka phone message ri rak chu ka en vat a. Zorema a nih vang chuan ka reply vat.



" Mu tawh mahse hil lo in. " Tih ka thawn let a, a seen rang viau leh nghal. Kan haw thlak chinah hian pangai tak a inbiak kan nei meuh lo a. Kan inah chuan a rawn leng lut ve nulh nulh zel a mahse midang an a ve zel vang hian a fal a han in kawm hi kan nei thei ta mang lo.


" Naktuk chu class i kal tawh ang ti raw??? "



"Umm... ka chawl rei tawh sia kal ve chu a ngai tawh. "



" A va lawmawm ve. " Tih zawng a rawn thawn chuan ka nuih a za ang reng.



" Ka lo sawm ang che. " Ka reply lawk loh vang nge a rawn ti zui zat.



" Ka kal rual pui peih lo mai thei che. " Ka tih let chuan emoji thinrim lai tam zet in min reply a ka nuih a za zual sauh.



" Ka ti tak tak ... I rual in ka kal thei dawn lo. Terini ka kal pui a ngai dawn a. " Tiin tha deuh chuan ka chhang let a.



" A thiante bulah kal ve mai se. " A rawn tih chuan mut hmunah ka ner sak. Ti awm ang lo thei lutuk.



" Nidang ang chu nise a kal mahna. Mahse tun din hmunah chuan a ngaihtuah awm em a lawm. " Ka ti let a. Ka nu leh pa pawn an ngaihtuah nasa. Tun semester hi chu a awl mai dawn em ni an ti hial a. Mahse inah tawm ngawt ngawt ai chuan college lamah boruak dang dawng se a that pui an ring leh ta zawk. Tun semester chu kal luk lak mai mai mahse kan hrethiam viau tho ang.



" Ka ngai tawh che. " Tih a rawn luh chuan chhan mai ngaihna la hre lo, message mai mai mah nise ka taksa hi chhung lam atangin a rawn za mer mer a, ka beng thlengin a sa hat hat a ka lai ringawt a maw ni.



" In hmu ngai lo ang mai. " Ka ti let ringawt. Dik tak chuan min duh thu a sawi pawh kha chhanna chiang tak in ka la pe lo a mahse Darlawn a kan zin atang khan kan in biak danah ka haw bik lo tih a hria nge ni thian ang ngawt chuan kan in be ta chiah lo.



" Kan in hmuh dan hi ka duh khawp lo. " A thil sawi dan vang chuan nuih chhuah hlau zet chuan ka khi sak sak.



" Hetiang bak bak ka lo ti mai a sin. " Fiamthu a ka chhan let na chu a la na viau a niang a seen reng a, a reh vung vung thung. A thin a rim ringawt a maw ni.



" Eka..." Min reply duh tak loh vang chuan ka ti leh a. A seen leh nghal a mahse min la reply duh ta chuang lo.



" Ka tih dan zir suh aw. " Ka tih pawh chuan a seen tho a reply erawh chu a tum loh hmel ngang mai.



" A tha lawm."


" Min be lo tawp rawh. "



" Ka mu dawn a nia. "



" Muttui. " Ka tih pawh chuan seen char char in a reh zui vung vung tho a ka thin a rim tan ti tih ringawt. Ka mut lah chu a la chhuak lo nasa bawk si. Kan thian ho group ah te ka luh san a naktuk class ka kal tawh tur thu vel te ka sawi luam a. A khat tawk in Zoremsanga message a awm em tiin ka check reng bawk a. Online kur siin min reply zu han tum tawh miah lo a.



" Ka mu tak tak dawn a nia. " Tiin ka va text leh hram a, chu pawh chu a seen nghal a. Min la reply chuang lo. Ka phone chu hum vang vang in mutthilh tum chuan mit ka chhing a, rei pawh ka chhin hma in ka phone chu a rawn ri thut a phu chiam in rang zet chuan ka off nghal a. Min lo call Tu ka en chuan Zoremsanga ni reng in.



" I mawl a mi...😡😡 " Tiin ka va text ta ringawt.



" In hmu ang. " Tih zawngin min rawn la reply let zui a.



" A tlai tawh. " Ka ti let a a seen rual in call a rawn lut leh a rang lutuk in ka off a, ka phone ka silent zui nghal.



" Eka...ka bulah Terini a muhil tawh a nia. " Text bawk chuan ka chhang let a, a sual thiam zia chu a rawn call lui leh kher , mahse ka silent tawh vang in a rih tawh lem lo.



" A rei lo ang. " A rawn ti let ve nghal a. " Ai.." Tih zawng thawn let in phun zui hlak in ka mut dan siam rem tum in ka in let a ka piah a Terini mu chu a rawn thu chhuak hlawl. A muhil daih tawhah ka ngai a nia min ti phu ve zawk thei.



" Ka ti harh che a mi? " Inthiam lo zet chuan ka ti sap. Sana ka en chu 11 a lo ni daih tawh.



" Ai... Ka la muhil lo hrim hrim zawk. " A tih chuan ka phone dah in ka tho chhuak ve vat a. " Ti nge... Na i nei a mi? Nge i ril a tam zawk? " Ka ti let vat. Tunlai chu a tah nasa deuh hian a thawk a hah vak zel a, chaw leh thil dang hrim hrim a ei thei bawk si lo nen ka veng ru ve deuh reng zel.



" A lum ka ti, tlai tawh mahse ka inbual mai dawn. " Ti hap in puan chu a theh hlim a ka en hu mai.



" A tlai tawh sia i damlo a nge? " Ka tih chuan min nuih sak a. " Damlo bik lo ang, in tleuh zuai i la ka mut a tui zawk ang ka ring. " A tih tak tlatah chuan ka hnial zui ta bik lo. Towel la in bathroom lam a pan a. Ka phone ka en a Zoreman mi reply tak loh ah chuan kan thian ho group ah ka nawi ve ta mai mai a. La be chak viau mah i la in hmuh a tih leh tlat chuan a buaithlak kual dawn tlat. Terini a lo harh ve bawk nen.




" Ti nge? I peih leh na nge? " Bathroom atanga a rawn chhuah leh nghal avang chuan ka lo ti vat.



" Tui a chhuak thei lo khawiah emaw a in block a niang. " A ti niah niah a, ka phone dah in bathroom ah chuan ka va lut ve a, tui chu a herh haw theih loh tak tak nia.



" Pawi lo... Ka inbual lo mai ang. " Terini pawh chuan a ti sap a. Thaw halh in kawng dawm chuan ka ding vang a. " I duh leh ka roomah va inbual zawk mai la. Naktukah ka pa kan hrilh dawn nia. Khawiah emaw block tu a awm a niang. " Ka ti ta ngawt.




A towel leh kawr la in kan in zui chhuak a. Ka roomah lut in light ka on a. Bathroomah kan tlang zui a, ka room chu a lo tha hlauh. A inbual chhung in kan tho ta sa sa tiin ka ril a tam deuh bawk nen ei tur la turin inhnuaiah ka chhuk a. Chokaah lut pheiin tui ka lum zui nghal a. Zanah thingpui ka in chuan ka pum lam a nuam lo ziah a tui lum ka in mai thin.




" I la mu na nge? " Ei tur ka dap rak rak laiin ka pa pawh a rawn tho ve nulh mai.



" Umm... Ka ril a tam deuh a. Thungpui i duh em? " ka ti let vat a. A hnial lem loh vang chuan ka lum sak ve nghal a.



" Terini teh hi a mu thei em? " Dawhkan bul a chair pawt chhuak a thut pah chuan a ti a. Tui ka lo lum sa bawk nen thingpui chu ka siam zui mawlh mawlh.



" A lum a tia a ni pawh a inbual leh vel a. Tak in pa Terini roomah tui a herhhaw thei loh a nia. Kan ti meng mang a kan hlawh chham thak. Ka roomah a inbual tawp a lawm a chhia a niang. " Tiin dawhkanah chuan thingpui chu ka dah a. Ka in tur leh ei tur nen a bul lawk chairah chuan ka thu thla zui ve nghal.




" Siam a ngai dawn a ni maw? " Ka pa in a tih chuan lu ka bu nghat.



" Naktuk chu class in kal ve tawh ang maw? " Ti a min zawh let chuan kan thum thu in ka chhang ve vat a.



" College ah pawh Terini hi i ngaihven ruk reng a ngai dawn a nia. Kan kutah a in nghat ve tak meuh tawk a, a thil tawn hi a na mai lo a eng tiang pawn lo awm se kan dawh hram hram a ngai tih hria la. A mal loh zia nitin kan hriat tir a kan ngaihsak zia kan tih lan a tul a nia.



A bikin nang nen phei chuan in in ngaina em em a. Kan bul a a sawi lan duh loh tam tak pawh i bulah chuan sawiin a in bun ruak thei zawk mai thei a. Lo ning a lo in duh khum mai lo in puitling tak in lo dawn sawn dan thiam la. Kei ni lo in nghahna a nei tawh loh hi. " Ka pa chuan a ti dap dap a pawm pui zet in ka lu ka lo bu nghat nghat.



" A tlai tawh ka va mu leh a nge. Thawm ka hria a thil thleng a awm em tiin ka rawn tho ve a nih hi. Nang ni pawh meng rei lo u la naktuk class kal ve tawh in tum chuan thawh te in hre lo palh a nge. " Tiin a ding chhuak a. Kei pawn no vel sil sawk sawk in inchung lam ka pan ve nghal a. Terini room ka pan nghal tawp a mahse a lo la awm loh vang chuan a rei riau tiin ngaihtha zan lo chuan ka chhuak leh nghal.




Ka room kawngka chu a in khar nghet chiah lo bawk a hawng a luh mai ka tum chu chhung lam a ka thil hmuh avang chuan ka ding dat.




" Ka tum nasa lutuk .... Ka theihnghilh theih mai che pawh ka in ring a mahse.... Mahse ka hmuh che a piang hian ka duhna che a zual zel a. Hreawm ka ti ve tho a sin, kei ni lo in Zonuni i duh zawk tih pawh ka hria mahse ka rilru hi ka control thei bik si lo. Zonuni bul a i awm a, duh hmel tak a i ente hian hreawm ka lo ti thin a sin. " Ti a sawi tu chu Terini a ni. Ka khum mawng lamah Zorema nen an in din chilh ran a. Engtik laiin nge Zorema saw a lo luh ni.




" Ka rilru chu i hriat kha, kei chuan hman atangin hmeichhe pakhat chiah duh ka nei, chu chu nang pawh ka hrilh tawh che a i hre chiang bawk. " Zorema chuan a ti let sup a. Ka room hi zau tak a ni lem lo bawk a zan reiah chuan an tawng chu ring hran lo mahse ka hre ve thei viau.




" Ka hria.... " Terini chuan a ti chhuak tuar a. Ka dinnaah ka lo phu ve zawk thei hial.




" Chuvang chuan duh tawh loh che pawh ka tum. Mahse a harsa lutuk. Nang pawh Zonuni lak a i rilru put dan hi thlak thut tum la a harsat zia i hre ve mai ang. " Terini chuan rilru nat hmel zet chuan a ti tiau a. Ka dinnaah chuan ka in hum ruh ngawt ngawt. Va pawh ve mai duh mah i la thil tih chi ber a ni si lo.



" Kei chu ka thlak thei tawh lo. Vawi tam ka tum a hlat ka tum pauh leh a hma ai zawng a nasa in a lamah bawk ka kal leh thin. Kei leh nang chu khai khin duh suh. Ka nunah hian a a mah tih loh chu hmeichhe dang an leng ve lo. Hman atanga tun thleng in. " Zoremsanga chhanna chu a lo dawng sawngtu tan chuan huat awm mai bakah beidawn ngawih ngawihna tur a ni. A ni duhna lakah chuan Terini duhna chu a pawn lang hmel bik ngawih ngawih.




" Hun min pe ve la.... "



" Tum buai duh suh. " A sawi zawh hma hma chuan a lo chuan khalh hmuk.



" Engvangin? " Terini chuan a ti ro halh. A awah chuan beidawnna a ri tel hial in ka hria.



" Awmzia a neih dawn loh vangin. " Zoremsanga lah chuan a ti awlsam then a. Terini hmaah chuan tshirt var leh kekawrbul dum ha in a ding run a. A kekawr ip chu a zen deuh bawk. Terini erawh kawr bah sin leh kekawrbul, a mut pui mai thin tawi lam hret a ha thung a.



" Mahse ka hmangaih che a. " Terinin a tih chuan min thawng lo ka tih chuan dawt ka sawi.



" Min hmangaih lo. " Zoremsanga hmel in ring tawk lutuk leh ngai awl sam lutuk chu mak ka ti zawk. Miin fiamthu pawn min hmangaih thu sawi se min thawn avang hrim hrim in Zoremsanga hmel ang saw chu ka put ka ring lo.



" Engtin nge awlsam tak a i sawi theih? " Terini chuan nui ro halh in a ti a. Zoremsangan a ti beidawng lutuk chu a awm thiam lo pawh a ni mahna.



" Duhna leh hmangaihna chu thil hrang daih a ni. " Pakhat lah chuan a ti leh hmuk a. Engtin nge Terini hmangaihna chu duhna chauh a ni tih a hriat theih. Kei tak ngial pawn Zorema hi ka duh tih chu ka pawm a ka hmangaih em tih ka la in hre lo a nia.



" Mu tawh rawh. " Terinin a chhan tak lohah chuan Zorema chuan tiin tukverh lam pan tum ni awm tak chuan a in her a.



" Kei ai enge a that bik na? Ni lo.... Hun min pe ve a nih phawt chuan Zonuni ang hian ka awm ve thei em em ang. I duh ang hmeichhia ni tur chuan ka tih theih a piang ka ti mai ang. " Terini thu sawi chuan min thawng dawt thei.



" Tum buai duh suh. " Ti zawngin Zorema chuan a chhang a. A chhuah san zui daih leh nghal. Zorema chhuah hnu pawh chuan Terini chu a dinna ngaiah dingin a tap ni maiin ka hria. Ka va pawh mai hreh vang chuan kei pawh chu ka ding ve ta reng a.



" Ti nge hnawl ka nih bik? Ti nge mi zawng zawng hian min kal san an tum vek bik? A ni chuan engkim a nei a, a mah ngaihsaktu leh hmangaihtu ten an hual vek a, kei chuan pakhat chiah ka duh a mahse a ni pawh chuan kei ai a thlang zawk a. Pa... Enge ka tih sual a hetiang hian ka awm bik." Chhuatah thu hnawk in a tap hawm hawm a. En rei duh lo in room lam ka pan ta daih. Hreawm tih ve tur ka ni chiah em ka hre lo a mahse hreawm chu ka ti ngei bawk si.



Zorema ka lakah a rilru a ngheh zia ka hriat in lawm tur la ni a mahse Terini rilru ti na zualtu ka nih vangin ka nui thei miah lo thung. Tun din hmunah ngawt phei chuan hma lam a pan theih nan a pui a dawm tur la nih laiin a rilru ti hnualtuah ka tang a ni ringawt a. Khumah chu thu in ka thaw hak a. Pawn lamah thawm ka hriat chuan Terini lo luh a a hmel hmuh ka hreh vangin ka mut ta vat.



Sir lam hawi chuan ka mu a, leh lam atanga puan chu rawn keu in a rawn mu ve mai a. A muhil tawh emaw a tih pawh a ni mahna. Min hnung chhawn zawng chuan a mu a, a taksa khur leh dar dar thinah chuan a tap tih ka hre thei. A tah a piangin ka hnem a mahse tun tum chu ka hnem ngam lo. Kei mah vanga tap ni a ka hriat vang pawh a ni mahna.




Zingah ka nu chu room kawngka rawn kik in a rawn tawng lut lang lang a. Thawh a hun tawh thu leh chaw ei a peih tawh thu te a sawi in ka hria. Nizanah ka tum ai ka meng rei leh hrep sia. Terini tah chhung zawng a ruk in ka meng ve char char a. A tap muhil ta maw tihah ka muhil ve chiah a. Zinglam a ni tawh hial ang la mut kha chuan.




" I harh tawh kha, tho la in phir fai rawh. Class kan kal tawh dawn i ti a ni lawm ni. " Ka puan sin tawh theh hlim in ka nu chuan a ti a ka in her chu kei mah chiah in ka lo mu tawh.




" Khawnge Terini? " Thu chhuak in ka ti sap. Nizan a mu har sia thawh a hai ve tho ka ring a nia.



" Ka hre nang in la mu ve ve emaw ka ti zawk a. A thawh san che a niang. Bathroomah a maw ni le. " Tiin bathroom lam chu a pan a, kawngka hawn a tum chu a in kalh a niang min rawn en a. " A in ti fai a nih dawn hi. Nang pawh i room ah phei vat la in siam sa in rawn chhuk ru, in tlai a nge. " Ka nu chuan a ti leh mai a. Kei erawh ka meng buai nak.



" Mahse bathroom kha a hman theih si loh a. Tui a herh haw theih lo a nizanah pawh. " Tiin ka nu chu ka en a. Ka nu pawh chuan mak a tih hmel ve deuh.



" Terin.... Tei... A chhungah khan i awm em? Kawngka hi lo hawng teh. " Ka nu bawk chu bathroom kawngka chu beng dat datin a ti a, mahse chhung lam atangin a in kalh a chhangtu an awm miah lo.



" Zonun i pa zu ko teh. " Ka nu hmel a manganna chu la hmuh hmaih bik lo. Kei pawn chutiang hmel tho chu ka put ka ring. Rang zer in khum atang chuan ka chhuk a, room atang tlan chhuak in step ka thlen atang ka pa ka au thla a. Mamawh lai tak in sitting room chu a lo ruak vek leh nghal. Chokaah ka tlan lut a, a awm chuang lo. An room lam pan ka tum chiah chu kawmchar lam atang hmun phiah nen a rawn lut hlawl.



" Zingkar karah ti chel chul nge? " A rawn ti lut a, kawmchar lam hnah thel til a phiat a ning ka ring. Pawn hmunphiah a kena danah.



" Inchungah lo chho teh ka nu in a ko che. Ihh.... Terini bathroom kan hawng thei lo a. " Ka hlauthawng lutuk chu ka tawng bah nawk nawk mai. Ka pa pawh chuan a rin hriat a ni mahna rangzet in inchung lam a pan a, a hnungah ka zui ve nghal vat a.



Room kan luh chuan ka nu chuan kawngka chu a lo la buaipui char char a. A khat tawk in Terini chu a ko reng bawk .




" Thiana kawngka hi ti chhe mai ang, a reh rei riau mai. " Ka pa nen kan luh rual chuan a lo ti vat a. Ka pa pawh chuan vawi hnih khat vel a sawi in a ko a, chhangtu an awm tak si lohah chuan kawngka kalhna zawn chu a tlawh thuai thuai a, tlawh chhia in kan lut thei hram.




" Awii.... Ka duh thei lo Bawihte.... " Ka nu in a tih rual chuan ka pen lai ka ding chawt. Bathroom chhuatah chuan Terini bang ngheng ti tih a thu in thisen nen a lo in chiah piah nuai a. Ka pa chuan a pan vat a, ka nu nen erawh ka ding khawng reng thung.




" A taksa a vawt vek tawh. Damdawiin a kan hruai vat a ngai. I u Lka emaw Duati va ko rawh. Nui... Ambulance lo bia la. " Ka pa chuan a ti sawk sawk a Terini chu pawm kang lawp in a rawn chhuah pui a, khum a a nghah thleng chuan che chang lo in ka en tawp. A banrek leh lam ve veah thuk zet in in zaina hnu a awm bawk!



" Zonunmawi kal vat ta che. " Ka pa in a rawn ti leh hrawih chuan harh chhuak zawk in ka tlan chhuak a. Step ma tlan thla te chu ka lum teuh lutuk ka in pal thla nawk nawk a. In atang tlan chhuak in Zorema te in lam ka pan a, doorbell te chu a hmet nawk nawk a, an rawn hawng har ka ti lutuk chu ka thinrim hlur thei.




" U Lka a awm em? " An nula in a rawn hawn rual chuan ka ti vat a. Ka lan dan a pheng nuai bawk nen min en hau ringawt. " Ka lo lut... " Tih lah luh ka rual a, u Lka chu ka au deuh chul a. Inchung lam atang Zorema a rawn chhuk rual in pa Lsa leh nu Ruati pawh an rawn lang ve nghal.



" Zonun ti nge i tha a maw? " Pa Lsa chuan a rawn ti sup a. Mahse ka Mamawh ber te lahnih hmel lah hmuh tur a awm ve si lo.



" Eng thil nge thleng a. " Zorema chuan min rawn pan in a ti sup a. Tawng a sak talh bawk nen ka muttui zawk chu a dir zung zung mai.



" Terinin a ban rek a zai a, khaw nge U Lka... " Ka ti chhuak thei tawk.



" Ohaww... A va zia lo ve i U te pahnih an awm lo ve ve a. I phei vat teh ang u. " Nu Ruatin a tih chuan kan in lamah kan phei a. In kan luh chuan ka pa te pawh sitting room lamah an lo in pawm tha tawh a. An thi dan tawk in Terini ban rek chu an lo tuam sak tawh bawk a. Mahse thisen chu a tlang vek tho.



" A va zia lo thin ve aw. Bawiha motor va la chhuak rawh, ambulance nghah chhung a rei dawn tlat. " Ka Lsa chuan a ti sup a. Zorema pawh a chhuak zui leh nghal a. Terini ka en chu thisen a hlauh hnem tawh tih hriat zet in a hmui te chu a duk vek tawh.



Ka pa bawk chuan pawm in pawn lam kan pan a. Zorema pawh an motor a lo turn kual mek a kan kawtah a rawn din rual in pa Lsan seat hnung lam kawngka a pawt hawng a.



" Zonun lut la i mal chungah kan rawn nghat dawn nia." Pa Lsan a tih chuan ka lut ve mai a. Terini chu rawn dah lut in ka nu a rawn lut zui bawk a. Seat hma lamah ka pa a luh hnu in Zorema chu a tlan chhuak a. Kawng chanve kan thlen in ambulance kan tawk a. An va kal thlawn dawn a nih hmel.




Damdawiin kan thlen rual in emergency a ni bawk a min lo buaipui nghal vat a. Thisen a hlauh hn bawk nen thisen pek a ngai zui a, Zorema a tlan kual nghal vat vat a. Blood bank a an thisen kawl a lo tam tawk lou vangin Zoreman a pe chawp chuk chuk bawk a. Ka nu ne chuan kan hai chhawlh a ni ber.



Kan vanneih a zarah ninna em kan chan lo a. Cabin a kan in dah luh takah chuan thawk khat chu a veng deuh. Mahse thisen a hlauh hnem em vangin Terini erawh a la harh mai dawn lo a nih hmel.



Khum sirah chuan thuin Terini chu ka melh ngawt ngawt a. A ban rek an thu sakna chu a lang chiang viau leh nghal. Zorema leh ka nu in lamah an let a. Zorema erawh min hruai tur in a rawn kal leh dawn thung a. Ka pa nen damdawiinah kan lo awm a. Ka pan mamaqh tur a tih fell chhungin Terini ka lo awm pui a. In lamah ka nu a let hmasak chhan pawh bathroom a thisen vel kha kei chuan ka hmuh hreh an rin vang in lo va tih fai hmasak a tum ni ngei tur a ni.



" Ti em em hian em ni i rilru a nat a. Dam chakna nei lo hial in maw I beidawn? " Ti chhuak sep in Terini chu ka melh ngawt ngawt a. Ka biangah ka mittui a luang zung zung bawk. Nizan ka ngaihtuah let a, thaw hak in Terini kut chu ka hmer ngawt ngawt.



A pa leh a nau in a rualin an boral san a, chuan a mipa duh ruk ve em em in kha tiang khan a hnawl bawk a, mal ngawih ngawih a a in hriat vang a ni tih ka hria. Nizan a a tha ruk laute khan lo ngaithla tawp lo in lo hnem I la chuan tiang hian a awm kher lo mai thei tiin kei mah leh kei mah ka in dem thul.



" Ka tihpalh... " Ka ti chhuak thei tawk. Ka pa a rawn lut a, min hnem in ka thiam loh a ni loh thu min hrilh ve reng a. Mahse hreawm erawh ka ti ngawih ngawih. Zoreman kei mah vangin a hnawl tih ka hriat phei chuan sawi chhuak ngam si lo in ka in dem ngawih ngawih a ni ber.



Zorema pawh a rawn thleng leh vat a. Ka pa in thlakna tur ka nu in a rawn ken tir a, ka pa in tih fai chhungi Zorema nen Terini kan lo awm pui a. Kan tawng lo a, Zorema chuan ka kut chu a vuan reng a Terini chu a en ve reng bawk.



" Bawihte va haw u la, i nu va awm pui rawh, he lamah kei ka lo awm a nge. I u Mami te pawh chanchin ka hrilh tawh a vawinah a rawn chhuk dawn a nih hmel. " Bathroom atang ka pa rawn chhuak in a rawn tih takah chuan lu bu nghat in Zorema nen kan chhuak dun a. Motor ni lo in bike a rawn keng tawh thung.



" Lo kal rawh le, motor ah khan thi a kai nu sia i hmuh hreh ka ring a. " A ti ve mai a. Sawi buai lem lo chuan a hnungah ka lawn a. Ka kawrah te chuan thisen a kai ve nel nual a mahse Zorema taksaah chuan ka bei thlap tho. Ka zawi vek a, tiang boruak a thlen hian ka taksa hian a zo meuh thin lo.



Kan in pawh kan thleng har lo. In kan luh chuan ka nu in ka ril tam leh tam loh min lo zawt vat a. Engmah ka ei chak loh thu sawiin in tih fai la duh thu ka sawi a inchung lam ka pan zui nghal. Ka hnungah Zorema pawn min zui ve reng tih ka hria.




" I tha ti raw? " Ka room a min zui luh hnu chuan a ti sup a. Chhuat lai ah chuan ka ding reng thung. Terini kha chhan hman ta lo i la engtin nge ka tih tak ang?



" Lo kal teh. " Tiin ka banah chuan a rawn vuan a ataksaah chuan min ku ah bet thlawp a. Ngwi reng in ka bei hle hle ringawt. Zorema chan ka hreh lutuk vang a thil thlengah ka puh ta ber.



" I zawhna kha la chhang tawh ang che. " A awm zawnah chuan ka phun sep. " Hahchawl phawt rawh. " A tih sup chuan lu ka thing mat mat.



" Min duh thu I sawi kha.... Dik tak chuan kei pawh I bulah ka awm hian ka hlim in nuam pawh ka ti. Mahse kan in karah hian hman atanga tun thlengin thian bak a thui kal tumna ka la nei lo. " Ka ti sep a. Ka tawng ring lo a mahse a hre tho tih erawh ka hria.




" Enge I sawi awm zia? Min fiam I tum a nih chuan... "



" Kan boruak nen hian fiamthu hun niin I hria em ni? Hrilh che ka tum reng thin a, mahse buaina kan tawk leh zel a. Sawina hun rem chang a awm thei si lo a. " A tawng pawt chat chuan ka ti vat.



" Dawt sawi suh. Thil hrethiam lo chu ka ni bik lo a nia. I awm danah min hnar bik lo tih ka hria. " Ka dar tawn tawnah chuan min vuan in min melh ngur a, a mit mengah chuan hlauhthawnna ni awm tak ka hmu thei.



" I ngaihdan mai mai a nih chu. Kum tam tak chhung kan in hre tawh a, in kawm pawh kan in kawm nasa. Chuvang tak chuan thu dik hrilh tawp che kha harsa ma ti. Bakah Terini bulah ka sawi kha I pawn duh si lo a. Kei mah ngeiin a hrilh leh che kha chu ka hreh em a chuvangin ka chhang lawk thei lo che a nih kha. " A awm zawn melh ngar chuan ka ti sap.



" Dqwt I sawi tih ka hria. Ka mitah pawh min en ngam miah loh kha. " A ti ro hawlh a. Mit chhing sawk in ka hawi chho zui a. A mit meng chu min rin lohna hlir in a khat.



" Dawt ka sawi lo tih chu I hre chiang ber ang. Ka thian i nia i rilru tih nat ka duh lo a. Ni e... A hma kha chuan a vawi hnih nan a hnawl leh che chu ka hreh em vangin bul chu tan ve chhin i la tiin ka in ngaihtuah hman a, mahse ka theih dawn in ka hre ngang lo. Nang chu ka thian i nia, chu bak chu kan in karah hian a awm thei lo. " Ka tih leh rual chuan a hmai chu a tuai puat a a thaw zui hawlh.



" A nih chuan vawi khat dang tum leh rawh. " A ti hrawih. A tawng ring lo a mahse a chang tha bawl bawl viau.



" Hah... I hrethiam lo a mi ka ti thei ngang lo a ni tih hi. Ka tum ve nasa a mahse ka thian ang bak in ka en thei lo che. "



" Vawi khat dang tum leh rawh ka tih chu! " Ring lutuk chuan a ti chang bawl a mit ka chhing sawk thung. Ka room chhung zim sa nen a in khar phui bawk si chu a khawk rum rum hial thei. A mit meng chu a dur khup a, a in seh ruh nasa viau a niang a bek ruh te chu an pawng tawlh tawlh a, a lan dan chu a hlauhawm lek leke zawk.




ZAWMNA 💕



" Ka thei lo. " Ka ti zawi sap a. A hmel a natna rawn lang chu en rei duh lo in sir lam ka hawi zui daih bawk. In beng daih tum zet chuan a thaw chhuak hawk a kei erawh ka taksa hi a tang tung thung. Rei lo teah ka room kawngka chu a rawn in nem hawng a ka hawi phei rual in ka nu a rawn lut zui nghal bawk.




" Enge thleng a in thawm a va ring ve? " Ka nu pawh chuan a ti zui nghal a. Zorema nen chuan min en tawn zak zak bawk. Zoremsanga erawh chuan min en reng thung. " In in hau em ni? Ngati nge tiang a in awm a? " Ti tu chu ka nu bawk a ni. Chhan erawh kan tum lo ve ve a ni ber.



" Zonun... " Ka nu in a rawn tih bik takah chuan ka thaw chhuak hak a. " Engmah a ni lo. " Tih zawng ka sawi mahse ka nu chuan min ring vak lo a niang, " Zorem..." Tiin Zoremsanga lam chu a hawi a. Zoremsanga lah in min melh thluk tawp tum ang maiin min en reng thung.



" Nizan ka mu tha lo lutuk a mut ka duh thu ka sawi a min ti buai reng a nih kha. " Tiin ka lo chhan khalh leh vat. Hepa hi a tawng chuan a sual chhuah in thil ni lo lo a sawi duh mai ang.



" Ka phei a nge, min mamawh chuan min rawn ko hreh suh u. " Ti nghut in ka nu chu a melh a. A tawp nan ti ang hrim in rum zet a min melh in ka nu tawng leh hma chuan ka room chu a chhuah san zui a. A chhuah fel rual in ka nu chuan room kawngka atang a va thlir leh hram. Kha tiang a kan awm kha vawi khat man a la hre ngai lo a a thawng a ni mahna.



" Ngati nge a? " Kawngka khar pah chuan a rawn ti a ka taksa che awk in thawk ka la halh.



" Engmah a ni lo ka tih chu. Tinge I lo chho a ka pa in a lo bia che a m? " Ka ti let ta hlauh. Ka nu erawh a chek tlak tlak thung. " In in hau ri kha ka hria lawm. " A tih chuan chik zet in ka nu chu ka en a mahse kan sawi chu a hriat hmel lem lo. Zoremsanga vin deuh vak kha a lo hre thawi a nih ka ring mah zawk.



" A hrim hrim in kha tiang a thiante tih thinrim kha a tha ngai lo. Nang ni phei chu in thenawm lawk in ni a, in in kawmna pawh a rei tawh. Mut phal lo tih vel mai mai, Zorema pawn fiamthu in a ti mai mai che a niang. Min buaipui nasat nen kha tia lo tih te chu mawi pawh a mawi lo. Ka thian a nia ka ngam a lawm tih vang ringawt a an lawm lih thleng thleng chet tur a ni ngai lo. A hmeichhia zawk i la ni leh nghal, a vawi khat vai a thal tawp thei tur i nih hi un hre reng rawh. " Ka nu tawng tawp lam chu a nui deuh leh nghal. Hahh... A sawi lai khan Zoremsanga nen min mitthla tih lah chiang reng.



" In ti fai la, i duh chuan mu rawh. Tlaiah i u Mami te nupa an lo thleng dawn a nia. " Ka nu chuan a ti zui a. Eng eng emaw sawiin a tawng malh malh a, a chhuah hnu chuan bathroom ah ka lut ve ta hram. Ka kawrah thisen a kai ve nual bawk nen ka inbual nghal a. Ka mit meng lah chu a kham thum a. Bathroom atanga chhuak in ka in thlak a. Khumah chuan ka mu zui hmak. Rei pawh meng lo in ka muhil nghal ti tih der leh nghal.




Zanriah ei dawnah ka nu in min rawn sawi harh a ka lo mutui ngang a niang U Mami te nupa lo thlen lai pawh ka hre lo. Dik tak chuan Darlawn a kan awm lai atang khan nghet tak a mut mu han tuah hi ka nei meuh lo a. Chuvang pakhat a nih ka ring hetiang boruakah pawh tui tak ka mut theih ni.



Inhnuai ka chhuk chuan sitting roomah U Hminga leh u Mami chu an lo thu a. Min lo be nghal vat a. Ka nu erawh in chaw hmeh a chhuan lum tur thu sawiin choka lam a pan thung a. Terini chung changte chu sawiin thil thlen dan vel te min zawt a, rilru hah na dang a neih leh neih loh te min zawt a mahse engmah ka hriat loh thu bak in ka chhang lo.




A hnuah phei chuan ka nu chaw ei sial puih chhuan lam in ka tho zui ta daih a. Zanah damdawiin lamah kal an sawi chuan ka nu chuan kan kal rual vek dawn nia tiin a lo chhang thuai a. Zanriah kan ei kham a kan han in siam fel meuh chuan hun a lo kal leh duak tawh.




U Hmingate an car a an rawn chhuk vangin damdawiin lamah an car chuan kan in phur phei a. Cabin kan luh chuan ka pa chu Terini khum sir a thuthlengah ka pa pawh a lo thu ve bawk a. Kan thawm a hriat chuan a rawn hawi vat a kei ni pawh chuan kan pan vat.



" Papui i chau em? " U mami chuan a ti nghal var a. Ka pa erawh chuan a that thu leh an rawn tlan tluang em tih te a zawt let a, thut hmun rem in an ti ti luam a Terini erawh a lo muhil thung a. Tlaiah khan a rawn harh zawk a a muhil leh nghal a ni awm a. Doctor ten Terini pawh damdawiin a chhuah san hunah Psychiatrist lam pan pui tur ten thu an lo rawn a ni awm a. Ka pa in midang a rawn ve chuan an lo rem tih pui khawp bawk. A thil tawn zo zai, an chhiat tawh dan vel kha a tuar thiam vak lo ni ber in an hria a, u Mami pawh chuan tih ngei ngei a suh thu te a sawi ve bawk a.




" Zanin hi kei mah ka riak mai ang. In lo buaipui nasa tawh sia. Lawmthu sawi ngaihna pawh ka hre lo. Zonuni thleng in i zir na lamah pawh a ti buai in a pawt peng viau ang che. " U mami chuan a ti a. Vawin class tan kan tum ni kha a ni ve a tiang hi kan tawng leh sia. Naktuk pawh ka kal theih pawh ka la ring lo.



" In rawn thleng chauh a zan han riah pui nghal chu a chi loh ang. Zanin chu va let u la kei mah pawh ka riak thei a lawm. " Ka nu chuan a lo ti vat a. Mahse chhungkaw nu ber riah daih kha ka pa in fuh a ti chiah lo nge a mah zawk riah a tum thu a sawi ve a. U Mami lah a in thlahrung ve bawk nen riah pui chu a la tum fan a.




" Kei mah ka riak mai ang. Zanin chu va let vek u la. Xan dangah in riah ve chak viau chuan in riak dawn nia. " Ka ti ve ta ngawt. Ka pa riah tir chu ka khawngaih ve deuh sia U Mami riak dawn se an rawn kal vawi khatna a nia U Hmingan nuam lo te a lo ti ve thei bawk nen ka riah a duh hmel ta ber zawk. Hre lawk ang maiin vawinah ka lo mu lawk leh nghal a. Ka men rei viau pawh ka ring.



A tawpah chuan riak tur chuan kan in sawi fel ta hram a. Kan tawng thawmah Terini pawh a rawn harh ve a, U Mami chuan hau ti tih, khawngaih deuh tho bawk si chuan a zilh mawlh mawlh a. Terini erawh ngawi rengin khum kam kan sak in a thu a. U Mami thu sawi chu hria ang pawn a awm lo.



Ka pa te pawh chuan u Mami chu an khap deuh a. Terini rilru a kal sual leh a hlauhawm tho bawk nen tawngkam na tak tak a tawngkhum kha a fuh ber lo an ti ve a nih ka ring. Kan awm kim lai tiin ka pa chuan tawngtaina a hmang zui a.



Kan nu te an let hnu chuan Terini bulah chuan ka thu ran a. A mal chung a a kut dah chu a en ngawt ngawt a. A in zaina kha an tuam var lak a. Thisen a nei tlem tih a taksa dang bel leh hmui ro rap atang chuan a hriat theih. Sawi tur chu a vang duh kher leh nghal.



" Ei chak i nei em? " Ti a ka zawh chuan a lu a thing ringawt a. Thil dang kan sawi leh hma in doctor leh nurse rawn lut in an rawn check mawlh mawlh a. A drip khai an thlak sak a, damdawi an ei tir bawk a. Na a neih leh neih loh te an zawt luam a mahse a nei lo a nih hmel.




" Zan lamah harsatna in neih chuan min rawn ko hreh lo u la. Chuan damlo hi i mah in awm tir rih loh a tha ber a nia. " Doctor chuan a ti a min chhuah san zui nghal a. Ka thu thla leh tur chiah chu Terini chu a rawn in hnit hlawp hlawp a , tih ngaihna ka hre lo bawk nen na a nei em tih ka zawh in a lu a thing zel bawk sia. Hrilh hai zet chuan a kut chu a tah chhung ka vawn sak ta ngawt.



" Engtik atang khan nge ka nun hi a hahthlak tak em em le.... " A ti tiau a. A mittui chu a dir zung zung bawk a.



" A tha leh vek mai ang. " Ka tih chuan a lu a thing vat. " Dam chhan tur hi ka nei ve miah lo. Ka nun dan tur ka ngaihtuah hian engmah hmabak ka nei ve lo a. Dam chhan tur pawh ka nei ve tawh lo. Pathian hi ka dem ngai miah lo a, mahse tun tum chu ka chung a a ro rel dan hi pawm a har ka ti. Ka pa leh Notei rual khan lo thi ve daih i la a nuam zawk ang. " A ti leh sap sap a, thaw hak in a tap lai chu ka kuah ta ngawt.




" Tunah chuan i beidawngin i rilru pawh a na ang tih ka hria. Mahse nakinah i tawrh thiam hunah chuan nangmah ti chak a hma lam pan tir tu che a nih ngei ka ring." Ka tih chuan ka kuahna atang chuan a tal chhuak a.



" I tan chuan sawi a awl a lawm ti raw. Nang chuan he khawvel a thil tha zawng zawng i nei vek a. Enge chan i neih ve tawh? Nang mah leh Nang mah kha zawhna in zawt teh. Engmah....engmah i
La nei lo ti raw. Chan chu sawi lo nang chu Pathian hian thil tha tun reng a vur che in a malsawmna i dawng reng a. I tan chuan kha tuang sawi chu a awl sam ang chu. Ka tawrh ang hi tuar ve la chuan kha tuang khan i sawi bik lo ang. " A ti pang pang a. Mittui tling p in min en a, a thinrim hmel viau bawk.




" Ka hrethiam a lawm..." Ka tih rual chuan, " Ni lo... Min hrethiam lo. Tumah hian min hrethiam lo. Naupangte i nih laiin i nu i chan ve em? Chan lo ti raw? Tun thleng in i bulah i mit hmuhah a awm a, a duatin a ngaihsak em em bawk che a. Kei chu a thlalak chiah ka hmu thei a sin. Kum naupang te in ka u in pasal min neih san a. Ka pa leh ka nau chiah hi ka neih an ni tawh a. Chu pawh a rual in min lak sak leh a. Hahh.... Hrethi ve lo ang. " A ti chuai raih.




" I sawi dik a lawm, i tawrh ang engmah ka tuar ve lo a eng ang chiah a hreawm nge a nih pawh ka hre ve kher lo ang. Mahse engkim hi a eng zawng a i ngaihtuah a ngai a nia. Chhungkhat neih tawh lo ang in i in hria a mahse i bulah kan awm reng a lawm. Kei ni pawh i chhungte ve tho kan nia. Chuan U Mami pawh a la awm a. Awm lo ta la a mal dan tur hi..." Ka tih lai chuan , " A ni chuan chhungkaw thar a nei tawh a. Pasal fanau neiin a awm tawh a. Dam chhan tur a la ngah lutuk. " A ti sep a ka thaw hak thung.



" Chutiang chuan ngai a nih chuan ti zawng hian i rilru kha her kual la, Pathian hian i kal mai a la phal lo tiin. I nunna lak i tum a mahse a la chhan him hram che a. He khawvelah hian tih tur eng emaw i la nei a ni mahna. Bible chang tawi te, ka duh em em leh ka in nghahna chu ' A mah chu ring la, a man a ti vek ang. ' tih hi. Nang pawh chu thuah chuan in nghat rawh. Dam chhan tur i nei tawh lo anga i in ngai a nih chuan awm tawp rawh, a pawi reng reng lo Pathian in i kawng tur a tih lamah chuan a hruai mai ang che. " Ka ti ve duah. Ka pa ang a thu tha tak tak hrilh a hnem ka chak a mahse ka tawngkam thiamna in a tlin ve si lo.




Nunna hlut zia hrilhfiah ka duh a mahse ka sawi aia tam min hnial khan tur a hre dawn tih ka hriat avangin ka sawi ri ngam lo law law zawk.




" Dawt ka hrilh vang che khan Pathian hian ti ang hian min hrem a ni mahna. " Rei fe a ngawi vang vang hnu chuan a ti sep a ka en vat. A ni erawh a nui lui sak thung.



" Ka sawi kha nang chu Pathian hian a hmangaih bik riau che a lawm. Zorema chung changah dawt ka hrilh che kha i hri em? I ta chhuhsak che ka tum vang khan Pathian hi ka lakah a lawm lo a niang? " A tih leh chuan awi lo zet in ka ner sak.



" Thil ni lo lo sawi suh. Enge Zorema chu ka ta a ni bik ngawt ang. A ni nen chuan thian mai a lawm kan nih. " Tiin ka nui lui sak.



" Zorema hian a duh che tih hi i hre lo nge i hre lo der zawk. I vannei ka tih tawh kha, chhungkaw tha leh nuam tak i nei a. Chuan Zorema te ang mipa i nei bawk a. " A ti leh halh a. Nui mahse a mit meng thuk takah chuan natna bawk ka hmu sak leh tawh. Ni e... Ka nun leh a nun a teh khin fo hi a awm lutuk. Kan din hmun in thlak se tunah tak chuan ka thik awm rum rum ngei ang.



" Vannei ka in ti thin reng a sin. Pathian hnenah pawh lawmthu ka sawi awl lo thin a. Chuan harsatna nei lo ang kha chuan min ngai tawh bik lo la. A tawngtu a zir in harsatna kan tawn hi a in ang vek bik lo a. Mahse ka pa min hrilh thin chu ' eng thil pawh a te ber a tang a a lian ber thleng in Pathian hnenah thlen thin rawh. Buaina i tawh a ni emaw a hlimawm lam pawh ni se ' tiin a sawi thin a. Harsatna neuh neuh ka neih pawn ka ngaihtuahna hmang hi Pathian ka auh mawlh mawlh zel a. A chhang chuan kei pawh hi mawl ka in tih phah thin.




Chuan Zorema chung chang kha chu sawi tawh lo ang. Kei chuan thian ang chiah in ka en a, a bulah pawh chutiang chuan ka sawi bawk. " Ka tih chuan min en vang vang a ka lo nui lui sak.



" Duh na chhe te mah i nei lo tak tak a mi? " a tih leh pawn lu ka bu ringawt. " I khum hi ti hniam tawh ang aw, mu tawh rawh. Thisen I hlauh hnem si I chau ang. " Tiin khum chu ka herh hniam sak a. A sirah thu in ka phone ka khawih mawlh mawlh a. Ka thiante nen in bia in class ka kal leh loh chhan te min zawt luam a.



Terini chungchang sawi chi niin ka hre chiah si lo a, chhuan lam dang ka siam vel ta mai mai. Terinin in tih hlum a tum ti i la nakinah Terinin class a kal leh hunah nuam lo a tih ka hlau bawk nen ka thiante mah nise sawi rih lo a fuh ka ring zawk.




Ni thum zet damdawiin a kan awm hnu in kan chhuak ve ta hram a. College pawh kan la kal lo chhun zawm zel a. Ka thiante erawh in min rawn len chilh takah chuan chanchin an hre har lo. Terini pawh an khawngaih zual viau a. U Hminga pawh damdawiin kan chhuak ta bawk a hna a lo nei ve bawk nen awm reng thei a ni si lo a naktuk lamah haw a tum zui a. U Mami erawh a la cham rih dawn thung a. Fa pahnih an nei ve tawh a mahse u Hminga nu leh pa leh unau tr ho nen an la vhen khawm nak nak vang in an ngaihtuah awm lem lo a nih hmel.



" Papui Psychiatrist chung chang kha Terini hi sawi pui a a sar hu lai hian pan pui ka lo ril ruk a. Thil pawi dang a thleng leh ang tih pawh a hlauhawm a. " Sitting roomah kan thu thap a. Terini erawh a roomah a in khung deuh chawt a. U Mami pawh a mang ang a ni mahna.



" Nia... Sawi pui vat a a rang lam a tih chu a tha ang. " Ka pa pawh chuan a ti ve a.



" Engtin nge kan han be dawn nge? " Ka nu in a tih chuan " Zanah ka lo sawi pui a nga. Dam deuh zawk in hrilh i la. A thin te hi a chhe zual vek in ka hria a. Pangai vat se ka duh min ti mang ang e mai. " U Mami pawh chuan a ti ve niah niah a. A chhungkaw neih chhun ang tak tak a ni ve tawh a, a rilru hahna chu a awm ve tho mai.



Zanah chuan ka roomah note ka copy mawlh mawlh a. 3rd semester week atang khan ka la chawl chhun zawm char char a. Copy tur ka ngah in zir tur ka ngah ngei mai. Tunkar ka chawl leh bawk nen kar leh mai hian internal test kan nei tawh dawn bawk nen zir char char la ngai. Class kal tha lo mah i la subject bat chu ka la tum bik chuang lo.



11 leh a chanve a pelh pawh chuan note copy in ka la buai ngar ngar a. Thawm ri deuh rawk ka hriat chuan ka tho chhuak vat a. Tukverh lam ka hawi rual in Zoremsanga a rawn lut fel der tawh. A rawn luh ruk thinna turverh ka khna hi chunglam hi a kal ngheh theih chiah lo a, a mah pawh hian a hre chiang viau. Kei lah hian hnuai lam a kalh hi ka theihnghilh fo bawk nen rawn luh nan tak a hman phah reng kha a nia.



" Min ti hlau hman a lawm. " Ka tih chuan a khi suk duh chauh. A rawn kal danah a rui tih ka hre thiam nghal. Ka lakah a lungawi lo reng a, kawt kai mai a awm kan nia kan in hmuh pawn min hre lo pelh hmak hmak kha a nia. Harhfim chuan a rawn kal ka ring lo hrim hrim.



" Tun ang hunah ti nge i ruih a? Test a hnaih tawh hi zir ve ta che. " Ka khum a a thut thlak rual chuan ka ti vat a. Ka chair ah chuan ka thu thla leh a, Zorema erawh in min ngaih ven lem loh vang chuan ka note copy chu ka chhun zawm leh mawlh mawlh. Zanin a copy zawh ve hram ka duh bawk nen ka bei ngawrh viau mai.



" Engtin nge lehkha i la zir theih bik a? " Ti ri ah chuan khum lam ka hawi vat a. Min lo melh ve reng bawk.



" Enge ka theih loh ang? Note copy tur ka ngah lutuk ringawt. " Ka ti let ringawt.


" I mak ve ngawt mai. " A tih chuan a lam hawi chuan ka chair chu ka siam rem a. " Tlem te tak in i rilruah ka awm ve eih lo a mi? Min duh lo a nih pawn chhe te tal in min ngaihtuah ve lo a mi? " A ti zawi sup a ka thaw hap.



" Kei chuan ka ngaihtuah reng thin che. I lakah ka thinrim pawn ka la ngaihtuah tho che a. Ka harhfim chuan nangmah chiah ka ngaihtuah che vangin nang theihnghilh thak che tum in zu ka in a, mahse ka harhfim lai ai mah khan ka ngai zual che. In hnaih tak in awm mah i la kan in hlat em em thung a. Ti nge min duh ve mai lo? " A tawng tawp lam chu a zawi in a ri tawk tawk.



" I rui a nih kha. " Tih zawk ka sawi. A rawn nui hawk a kut pahnih chuan a hmai a hup thawk bawk.



" Eng ang mipa nge i duh zawng chu ni a? Ni e... Zonunmawii hi ka hre chiang viau in ka in hria a mahse i mipa duh zawng hi ka la ngaihtuah ngai miah lo a hriat pawh ka duh ngai lo. A chhan chu Mipa dang ta tur a ka suangtuah phal loh vang che pawh a ni mahna. Mahse tunah chuan ka hre chak tawh. " Za lo zet a nui chung chuan a ti leh a, kei erawh ka ngawi tlat thung.



" Sawi la, eng ang mipa maw i duh a? " Ka ngawih reng vang chuan a ti leh sup. Ka thaw hak a ka thut na atang chuan tho in a lam chu ka pan a. " I rui a nih kha, haw la va mu rawh. " A bul a ding chuan ka ti sep.



" Kan ring chhin a nge. Fel hmel deuh number 1 atan chuan a ni phawt a nga. I pa pastor a ni bawk a in la Christ deuh leh in khawm taima tak a ni bawk ang ti raw. Chuan enge a dang ka sawi hmaih? " Ner sawk a tiin min rawn melh a, tih ngaihna hre lo zet chuan ka en tawp.




" Chutiang mipaah chuan in thlak i la mi duh a ngem? " chiang zet a ka mit a min en chuan a ti sup. A mit meng chu a sen rum a, a thip tha kher bawk.



" I thu sawi awm zia pawh kha I hre lo a nih kha. Chuan in thlak i ngai reng reng lo. " Ka ti hap.



" A nih chuan ti nge min duh si loh? Ka tlin lohna chu min hrilh la ka in siam tha ang. I tan chuan ka ti theih vek ang. " A tih phei chuan ka in thiam lo zual. He ka hma a mipa bak a tha hi an awm kher bik lo ang. An lo awm a nih pawn ka mitah chuan a ni tluk hi an awm chuang lo ang.



" Zorem.. " Ka tih rual chuan room pawn lamah thawm a awm vang chuan ka phu zawk a. U Mami aw niin ka hria.



" Enge thleng a? " Tilh leh Zorema chu kal san in ka room ka chhuah san a. Terini room ah ka luh rual chuan u Mami chuan bathroom bul a dingin min lo en vat a.



" Enge thleng? " Ka ti vat.



" Tei a chhungah hian a awm a, a rei tawh riau a ka koh lah in min chhang thei si lo. " Mangang zet chuan a lo ti a. Kei pawh chu ka buai ve nghal vek. A hma a thil thleng ka ngaihtuah phei chuan ka hmulthi an di g sung sung thei.



" Ka pa te ka zu ko ang. " Tih lah tlan chhuah ka rual a. Ka room ka pelh dawn chuan Zorema hre chhuak thut in ka roomah ka lut a. Ka khumah a vang zawngin a lo mu duai a tang zet chuan ka pan nghal vat.



" Tho teh.... Hman hmawh in lo kal vat teh. " A ban a pawt chuan ka ti vak a. A rawn tho chhuak a ka a dan vang chuan a hrilhhai ve in ka hria. " Terini bathroom ah a in kalh khum leh a. " Ka tih takah chuan ka pawh kal pawh ngai lo in a tlan chhuak a ka um ve nghal vat.



" Ka ti chhe dawn? " Ti a min en chuan lu ka bu nghat a, na zet chuan bathroom kawngla chu ka tlawh pawp pawp a. A taksa chu a sawh leh chawrh zel bawk a . Kan thawmah ka pa te pawh an harh a niang. An lo chho rual deuh tho in kawngka chu a ti chhe thei hram.




" Hrep chuan. " Ti hluk in Zorema chu a tlan lut nghal a. Bathtub atanga tui rawn liam chu bathroom chhuatah chuan a a tking pum tawh. Bathtub lam pan in bathtub chhung atangin Terini chu a la chhuak vat in bathroom chhuatah chuan a nghat rem a, a buaipui lai chu kan lo en tawp. U Mamin tui a herh tawp nghal bawk a.




" Lo pawm chhuak la khumah i sawn ang u. " Terini tui hak a khuh chhuah baweh bawrh hnu chuan ka pa in a rawn ti a. Zorema bawk chuan pawn in khumah chuan a nghat a.



" A thawmhnaw hi kan thlak sak lawk a nge. " U Mamin a tih takah chuan kan chhuah san a. " Zorema chu engtin nge i lo awm be hlawl? " Ka pa chuan a ti ta chat. Ka meng buai nak a Zorema pawh chuan chhan mai dan a hre lo nge a ngawih vung vung mai.




" Aa... Pa... Ih.... A note ka hawh sak sia kar leh test a ni tawh bawk nen a rawn zir ve duh sia kan zir dun reng a lawm. " Ka ti thla ve ngawt a Zoremsanga ner sawk chu a nakah ka nghawk sawk.




" Chu ti maw, i lo luh lai awm reng reng ka hre lo a. " Ka pa lah chuan a ti ang deuh deuh a. " Ka rawn lut ru a lawm. " Pakhat lah chuan a ti fel than. Ka pa erawh in a awi lo nge a fiamthu a nih a ring zawk a nuih suk ringawt a ka thaw huai.



Rei lo teah kawngka a rawn hawng a. U Mami a rawn chhuak a, " Han hrilh ve teh u ka beidawng lutuk. " A tih chuan ka nu chu a lut vat a. Kei ni erawh room pawnah kan la awm reng thung.



" Psychiatrist chung chang kha ka sawi pui a, mi ang lo ka ni lo tih zawng in thu a la kawi sia hrilhfiah ka tum pawn a ngaithla duh lo a ka mut san a. Ka harh leh in a lo mu ve si lo a bathroom hawn ka tum kha a lo in kalh bawk nen. " U Mami pawh chuan a ti hap a. Ka pa pawh a thaw hawk mai.



" I lo awm chu Pathian remruat a ni ringawt. " Tiin Zorema chu a en a, Zorema erawh in a chhang lem lo.



" Terini chu ka lo be ve chhin dawn em ni? " Kan ngawih vang vang hnu chuan Zorema chuan a ti a kan melh haw mai.



" Ka hre lo, thu hi a la kawi zel sia thil pawi a thlen leh ka hlau. " U Mamin a tih chuan " Mi hrang sawi hi a lo tha zawk mai thei a sin. " Ka pa in a ti ve khauh a. U Mami pawh chuan a hnial hreh ta deuh nge ni , " Nia in tih tlat chuan be ve chhin ru. Mahse zanin chu a buai tawh sa sia naktuk lamah emaw bia la. " A tih takah chuan Zorema pawn lu a bu nghut mai.



" A tlai tawh sia kan ti buai thin che e mai va haw phei tawh rawh. " Ka pa chuan a ti leh a. " Bawihte zu thlah la. " A ti zui zat a. Room a an luh hnuin kei ni pahnih erawh kan in zui thla ta thung a. Eng tin tak Zoremsanga hian biak tum maw? A tawngkam hi a nem lo ve thei sia Terini rilru a tih nat belh loh hram beisei ang.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:50 pm

Miracle Love 💕 by Amy Cck



Chapter - 20



" Rawn chhuak thui suh a tlai tawh. " Kawngka a chhuak ka zui chhuah rual chuan a ti a. Ka hma takah a din takah chuan kei pawh ka ding ve dat a. Kawngpui chu a reh ruih tawh a. Kan in awmna lai hi kawngpui an ni si hian a pen hleh an tih ang deuh kha a nia, kawn ka pawh law law loh chuan vei vak hi an tam lutuk ngai lo. Kawn va chhuah phei erawh chuan boruak chu a dang ve hawk thung.




" Min hrilh duh I nei em? " Ka lo en rei deuh nge a mit hmul kan uk in a rawn ti sup. Thaw hak in ka sam chu ka bengah ka zep zeuh a, ka hma a ding pa lah chuan ka sawi tur ngai chang zet in min en reng thung.



" Ih.... Terini bulah chuan enge sawi i tum? " Ka ti sep. A hmui chu ti sawi zeuh in a kekawr ipah a kut chu a zen lut a kei erawh chuan a awm dan chu ka melh ve reng.



" Ka la hre lo. " A tih chuan ka thaw hak. " Be suh chu ka ti lo che mahse i biak pawn biak dan thiam rawh aw. A rilru ti na leh ti hnual zawngin be lo hram la." Ngen ngawl deuh tak a ka tih chuan thu tak run hian min en a. A mit meng sen deuh leh thim deuh khup chuan min ti zam lek lek. Zu emaw a in hian rui chhe tak ang hian a in ngai lo. A mah hre chiang lo Tu te chuan a in tih pawh an hre kher lo thin. Mahse kei chuan ka hre chiang rui angin lang lo mahse a in miah loh lai aiin a mit meng hi a sen deuh a, a rum lam lek lek thin bawk.




" Ti nge a rilru ka tih nat chu i rin? " A ti bul hmuk. " Ka hmu cheu a lawm." Ka ti sep rual chuan eng thil ti ni awm tak chuan a mit chu a ti zim sun a.



" Terinin a banrek a zai zan a ka room a in in bia kha. Chuan in thu sawi te pawh.... " Ka tih chuan a meng buai nak hman " Ka en thla lo cheu a nia. Ti I la ka en tho cheu a mahse ka duh vang reng a en thla cheu ka ni lo a nia. " Ka ti zui leh vat. " Chuan..." Tih zawng a sawi takah chuan ka thaw huai mai.



" Nangmah vang chu ka ti miah lo a mahse a rilru ti na belh tur thil dang hriat belh tawh lo se ka duh. Tun a a din hmun hi a hreawm tawk tawh si a, a nei zawng zawng chan angin a in ngai a. Dam chakna hial a nei tawh lo bawk a. Chuvang chuan a rilru ti hnual tur zawng in tawngkam nei suh aw. " Ka ti leh niah niah a. Ka tawng tawp lam chu a zuih ral thak. Zorema ka rin chhiat hmel ka in ti riau pek a ka in thiam lo zui lek lek.




" Eng thu nge sawi tur in min duh? " Kan ngawih vang vang hnu chuan a ti leh a. A awm zawn chu melh in ka hmui chu ka pet sawi zeuh a. Chutah a mah chu en chho leh in " Ka hre lo, mahse a beidawn na tur lam engmah sawi lo la , chu zawng chu a ni mai. " Ka ti sep a, ban deuh chap chuan a lu chu a bu nghut nghut.




" Phei tawh rawh a tlai tawh si. " Ka ti leh sep a. Ka in her tur chu ka ban rekah chuan a rawn vuan chawt a ka en chho leh vat.



" Thil pakhat ka zawt ang che . " A tih leh takah chuan ka kut chu tal pit in lu ka bu nghal. A khawih ka duh lo ang hrim a ka ban ka pawt let rang chu a ngai thei vak lo tih a ner sawk danah chuan ka hria. Min vawnna lan chuan a hnar chu a tawk zeuh a. A kekawr ipah bawk chuan a zen lut leh.




" Terini leh kei mah hian duh thlan ngai se tu zawk nge i thlan ang? " A tih chuan hrilhhai zet chuan ka melh reng a. Chhan mai dan tur ka hriat loh vang zawk a ngawi reng ka ni mah. " I rui tak tak a nih kha, chutiang zawhna te in zawh. " Nui lui ti tih chuan ka ti ta ngawt.



" Phei tawh rawh ka lut dawn. " Ka tih rual chuan kawngka chu nem khar in kawngka zawnah chuan ka ding ta ran a. Min din hnai zual sauh leh nghal.



" Min chhang phawt la i lut dawn nia. " Ti zawi sup in a van chu ka lu zawn kawngkaah chuan a rawn nem khalh a, ka hmai zawn deuhah chuan a rawn kun zui nghal bawk.



" A tlai tawh a nia. " Ka tih sep rual chuan " Min chhan vat a ngai a nih chu. " A ti duh chauh leh nghal. Thaw hak in sir lam ve chu ka melh kual a a reh in a reh thuap leh nghal. Ka chhan hma chu ti hian a awm lui leh tlat dawn tih lah ka chiang.



" Duh thlai ngai thil hi ka ngai na lo. Thlan neih bik cheu pawh ka duh lo. Ka tan hian in pawimawh ve ve a, chuvang chuan..." Sawi zawm mai tur hre lo chuan ka thaw hap a. Ka sawi tawi teh lul nen ka in seh ruh nasa ngang mai. Zoremsanga erawh a rawn nui deuh hawk a. Min awm hnaih vang chuan a thil in rim chu ka rawn nam hawk bawk.



" I sawi dik, thlan bik neih i duh lo. Mahse tunah hian duh thlan ngai in i awm ta si a. Kha mi zan a kan thu sawi i hria tih ka hriat takah chuan min hnawl chu a awm lo hran lo e. " Tiin chiang zet chuan min en a, a sawi awm zia hre lo zet a ka melh vang nge a khi leh suk a.




" Pastor fanu dawt sawi hmang ka tih fo che kha i la hria em? " A ti leh daih chu ka man lo leh zual. " Ka hre chiang che ka tih kha, thu dik leh dawt i sawi a a i awm dan chen in. " Tiin a ding ngil vut a ka thaw hak.



" Min chhang thei lo a nih pawn min chhang rih lo mai rawh. Mahse mipa dang erawh hnaih luih tum kher lo la. Ka rilru ka hrilh tawh che a, a hma ai zawngin i lakah hian ka thik thu a chhe bawk dawn a nia. Lut tawh rawh. " Tiin a in her a, kan gate a chhuah san lai chu ka thlir reng ringawt. Tun a thu sawi kha ka hrethiam mang lo na chungin ka hnawlna kha a la pawm chuang lo tih erawh ka hrethiam.



Inah chuan ka lut a, inchung a ka chhoh chuan ka pa chuan Terini chu thu a lo hrilhfiah mawlh mawlh a. An bulah chuan ka ding ve vat a. Rei vak lo hnuah ka pa tawngtaiin mu tur in an chhuak a. U Mami te bulah Terini ven pui a mut chu duh ve viau mah i la khumah kan leng miau si lo a ka room lamah ka let phei ve a. Dar 1 a lo pel vu tawh bawk nen note copy emaw lehkha zir lam chu a lang thaw lo, mu tur in ka in tin tuah ve ta ngawt.




Zing ka thawh chuan a hma tawh lo viau. Thenawmpa in min rawn call loh tuk hi chu thawh ka hai ziah zel. Nizan kan meng rei sia a rawn call duh bik lo a nih ka ring. In phih harh in inhnuaiah ka chhuk a, midang zawng zawng chu an lo tho vek tawh. Ka nu leh u Mamin ei rawng an lo bawl a. Terini leh ka pa erawh sitting room lamah an lo thu thung.




" Nizan in mu thei em? " Chokaah lut in u mami leh ka nu bulah chuan ka ti vat a. Ka nu chuan an mut theih thu a sawi a u mami pawn rin ai tak chuan an muttui thu a sawi a. Mahse Terini a ven ruk reng ka ring a, a mut tha chu ka ring chiah lo.




" Nu vawin chu Opi te inah ka kal lawk a ngai a nia. A note ka hawh sak hi pek ka ngai a. Kar leh test a ni tawh sia a zir ve duh dawn sia. " Chaw ei lai chuan ka ti a. Ka nu chuan leng rei lo tur chuan min ti vat.



" Ka len khat khat nen ni leng thak a ka lena pawn sawi sel tur hi chu in ni lo maw le. " Ka ti niah niah.



" Chu chiah inah in khung senior zo dawn. Tiang chuan pasal pawh a hmu thei lo ang. " U Mami chuan a lo time fiam ve zauh a. Ka pa lah chu chaw ei e ti lo chuan a nuih a za ngang mai.



" Ni chiah e... Ka len khat nen hian len ve chhun hian haw hma tur in min chah ziah a. Len rei ve lah hian ka pa pui zawk hian min rawn call du du zel bawk a. A kawi zawng a ngaihtuah phei chuan fanu sual deuh ven ngai reng te pawh ka ang. " Ka lo ti leh hlak a. Ka pa lah chu a nui kur kur duh chauh.



" Fanu neih chhun i nia kan ngai che a lawm. " A tih chuan ka ner sak.



" Tak a Terini tun semester hi chu chawl rih mai la, next semester atangin rilru pe deuh in i tan leh dawn nia ti raw. " Ka pa in a tih chuan Terini chu a bu nghat a. Dawhkan chu a thawh san zui a u mami chu a thaw zui hak.




" Pate rilru lam doctor pan chu i sawi pui leh em? " U Mami chuan a ti leh a. Ka pa chuan zingah a sawi pui a mahse a duh loh thu in a chuan thu a sawi a. Kan beidawng rum rum mai.



Chaw kan ei kham a thleng sel fel in ka room ah ka in siam zui a. Opi te inah kal tur chuan ka chhuak zui nghal. Note pe a let leh nghal ka ngai. Zir tur ka ngah lutuk hi ka rilru chu a hah ve tun mai. Tun sem chu class ka kal mumal lo lutuk a ti tha vak lo mah i la ka in thiam ve deuh tho ang. Ka pa te pawn min hriat thiam ka ring sa hrim hrim bawk.



Opi te in ka thlen chuan note ka hawh sak chu pe in note copy tur thenkhat a chhuak tur a rin deuh ho chu ka phone in thla ka zuai zuai a. Ka zir vek hman pawh ka ring tawh lo mahse note neih kim ve hrim hrim hian thiam vek lo mah i la thla hi a muang ve a. Bakah zaninah emaw naktukah chuan Zoremsangan min rawn dil leh dawn sa a, a ni chu a rilru a chak bawk a a rilru a pek chuan zan khatah pawh a thiam leh teuh dawn tih ka hria a, a tan ka lak sak a ni mah zawk.




Opi te in atanga ka haq dawn chuan min thlah a taxi min chan pui turin Opi pawn min zui chhuak a. Kawngsir zai zai a kal in kan ti ti pah mial mial a. College lam sawiin kan tawng tui lutuk a kan lo kal lai viau nge ni kan hnungah horn a rawn ri thut a kan au ring dun teh e. Rang zet in kawng sirah kan phei a mahse kan zawnah chuan bike a rawn ding chawp chilh nghal.




" Eheu... Ka star te ka hmu e. " Rawn ti tu chu Lawmkima a ni. Hepa pui hi rin loh deuh hian a rawn lang vei nul zel.



" Hlawl chuan.... Lawma Zonuni hi va thlah teh a taxi chan ai. " Opin a tih chuan ka hau in ka melh a. A mil lo viau khan ka hre sia eng thil nge thleng ta thut hi.



" Lo lawn la. " Pakhat lah chuan a ti sam et a. Kei erawh in ka melh tawn zak zak thung.



" Vat in . . . " A rawn tih leh chuan Opi chuan min nawr dat dat a. Kei pawh chu hrilhhai ang reng fe chuan ka lawn kai a. Thil dang kan sawi leh hma in min tlan chhuah pui a, ka haw hunah enge thleng chu la zawt khawp ang.




" College chawlh hlen i tum a mi? " Lawma chuan a rawn ti a ka ner sak. " Tum i la note copy tur ka zawng duk duk dawn a mi? " Ka tih chuan a nui hawk.



" Ka hmu lo rei vang vang lutuk che a ka lo ngai hman che a lawm. " A tih leh chuan ka awi lo nasa.




" Lungngai suh min hmu ning hlui tep tawh. " Nui chung chuan ka ti let ve a. Kan chanchin vel a hre ve nual a min zawt ve luam bawk a. Mahse Terini pa leh notei boral vel chauh kha a hre thung a. Chuvang a class tan har min ti pawh a lo ni reng a.



Kan in kawtah bike ti dingin ka chhuk a, " I lo lut kawi duh em? " A peih pawh ring hran lo chuan ka ti sep a. Rin loh tak in a bike a hung tha sauh sauh a a rawn chhuk ve tak tak zui.



" I pa a awm em? " ka bul a ding chuan a ti sup a ka melh haw. " Awm ang... Ka hre lo. " Ka tih chuan a hnar a tuai ve zeuh.




" Ka vawi 2 rawn lenna a ni bawk a thu min zawt chik tawh lo ang ti rawh. " A tih chuan ka in rin hma in ka nui chhuak hak. 1st sem kan ni lai a an rawn len luh hlawl khan ka pa khan zawhna a ngah a ti deuh a nih ka ring.




" Ka fiamthu lo a nia. Bda te an awm tawh si lo a, min lo chhan sak char char a ngai ang. " Nui chung a a tih leh chuan " Teh reng e... Lut ang. " Ka ti ve mai a. Kan in lamah chuan kan in zui a. Doorbell kan hmeh chuan u Mamin min lo hawn vat. Ka hnung lam chu a en a, mipa nen kan lo ding hlawl chu mak ti hmel a pu deuh leh nghal.



" I va rawn let hma ve. " Tiin kawng min kian a. " Nia... Note ka pe lawl ringawt a lawm. " Tiin ka lut a hnung lam chu hawiin " Lo lut la. " Ka ti zui zat. Lawma pawh chuan min zui lut a.




Sitting room kan luh chuan ka pa chu a lo hawi vat a. Pawn a Lawma thu sawi ka ngaihtuah let a ka nuih a za thar leh nghal.



" I va rawn let hma leh si ve. " Ka pa pawh chuan a lo ti nghal. Sofaah chuan kan thu thla a. Kan piah sofa pakhatah u Mami pawh a thu ve nghal a.




" I len rei a hlauh hlauh nen i rawn haw hma lah in haw hma a ti leh bawk che sia. I pa hi a strick riau mai. " U Mami chuan a lo ti var a. Ka pa chu a nui suk suk mai.



" Chu chu lawm, tu emaw pawn ka pa hi a hlau riau a nia. " Ka tih chuan Lawmkima chu a khuh khurh a ka melh zawk, min lo melh rum ngang mai.




" A ni thei lutuk ang. Hei i chhuah hlek chu zui haw tu i rawn nei nghal a nia. Patea tan pawh vhhuah tir vak che a lo tih chi loh a nih hi. " U Mami chuan a ti zui zat a ka lo ner nang thung.



" I thianpa chu thingpui te a duh lawm ni. " Ka pa chuan a rawn ti a. U Mami chuan a va lum tur thu a sawi a din a rual nghal. " Khaw nge ka nu? " Ka tih chuan " I nupuiin pangpar chi a nei thar a, min sem dawn a ti a maw ni a chhuak a nih kha. " A ti ve mai a.



" In test tur te i huphurh em? Hei Bawihtei zawng zirna hun a nei mumal lo sia engmaw a an dawn ni. " Ka pa chu Lawma melh pah chuan a ti a. Lawma lah chuan a chhang tha vei fu a. A mah nen a in hmeh lo thei lutuk hi ka nuih a lo zal thin a. Min rawn melh leh nghek zel thung.



" Ka han in thlak lawk thingpui in hma. Lo in kawm ru aw. " Tiin Lawma chu ka melh kher a, a meng nur nasa viau nan ka ding ta tho a, a lawm lo dawn lutuk chu ka nuih a za lawl sa. Ditting room chhuah san in step ka chho tur chu " Zonun... Tei leh Zorema kha thingpui in tur in lo ko ve nghal la. " U mamin a tih chu " Zorema a awm maw? " Ka ti let hu a. A buk nghat takah chuan aw pawh in ka chho zui mai a.



Ka roomah lut hma in ka bag vel chu dah in ka in thlak sawk sawk a. Ka sam chu tawng sang vah in ka room atang chuan ka chhuak a Terini room lam chu ka pan vat. Kawngka bulah chuan ding hmasa te te ka bengal ka dawh vel a, an tawng thawm erawh engmah ka hre lem hlei lo a.




Kawngka chu ka nem hawng a. Khumah Terini chu lo thu in a sirah Zorema pawh chu a lo thu ve bawk a. An pahnih chuan min lo melh dun vat a. " In lak lawh loh chuan thingpui rawn in u la. " Ka ti sep. Zorema zawk chu a bu nghut a. An hmel atang chuan an sawi muk hmel ngang bawk.



An pahnih chuan an rawn ding a. " A... Terin inleng an awm a, i duh chuan kawr ban tluan ha daih la. " Ka ti leh sep a. Bu nghatin a ha ve mai a. Room atang chuan kan in zui chhuak a. In hnuai kan chhuk chuan ka pa chuan Lawma chu UFC a lo en pui ni ngei tur a ti. TV en chuan an lo ti ti mawlh mawlh a. Zoreman Lawma a hmuh chuan min rawn melh zawk a. Kei erawh in hre lo der in ka hawi sawn daih thung.




" Kha lo thu ru, in ril a tam tawh ang. " U Mami chuan a ti vat a. Ka pa leh Lawma leh U Mami sofa hran theuh ah an thut vang chuan Lawma bulah chuan ka thu thla ta ngawt a. U Mami bulah Terini leh Zorema an thu ve thung.



" I in leng min ngaihsak loh dan hi. " Ka lam a rawn awn in Lawma lah chuan a ti hmuk. ' awiawm loh. " Tih leh nuih tlawn ka rual nghal.



" Mahse i pa hian min ngaina tan tlat. A makpa a tan min duh in ka hria. " A tih rual chuan a malah ka chum tawlh a, a phu zawk leh nghal.



" Bawihi.... " Ka la in a tih chuan ka hawi zawk a, min lo melh reng vang chuan ka nui ta ringawt . Zorema te thutna lam ka hawi chuan min lo en ve ngur bawk a. Ka in si tha rang teh a sin.



Thingpui kan in zawhin Lawma chu a haw zui a, zorema pawh rei vak loah a chhuak ve nghal bawk. Chokaah phei in U Mami chu rawng ka bawl pui mawlh mawlh a, ka nu a rawn haw a, chaw ei kan peih nghal vang chuan kan siam zui mai a.



" Ihh... Kar leh atang doctor pan chu ka duh. " Terinin a rawn tih chuan kan en thap mai.



" Tei... " U Mami chuan a ti hliai. Ka nu leh pa leh kei chen in kan lawm zia kan hmelah chuan a lang hial ang. Ka pa chuan pan duh bik a nei em tih te a zawt luam a, u Mami hmel pawh a hahdam huai mai.




" Zonun... Zorema leh Terini in karah hian awm a awm ni? Kha ti fako a duh lo kha engtin nge a duh thut thei tih hriat a chakawm. Chhunah Zoreman a rawn biak vang kha a nih hmel bawk nen. " Thleng seng laiin u Mami chuan a ti a. Ka hriat bik loh thu chiah ka sawi. Kei pawn engtin nge a tih tih ka hre chak.



" Mipa fel tak a nih dawn kha. " A tih lai chuan ka nu pawh a rawn lut phei a. " Tu chanchin maw in lo sawi a? " a rawn ti lut zui.



" Zorema kha maw le. Tei rilru a hneh thei kha mak ka ti. " Ti tu chu i Mami bawk a ni.



" An ni chhungte chu an fel a sin. Nula ngo lam, hmeltha leh hleitling deuh rawn kal thin kha Zorema u chiah a ni bawk a. An fel hlawm a sin an unau hi. " Tiin ka nu chuan a fak zui luam a. Pa Lsa kan principal a nih thu te leh college kan chawlh te pawh min buaipui sak thu te a sawi thleng luam a.




" Ka lo zawt la Zonuni hi, Terini nen in zawmna an nei nge ka lo tia. " U Mami chuan a ti zui zat.



" A ler lo khawp a, an unau hian ngaihzawng lamah hian an fihlim viau leh nghal. Zorema u mipa te hi nupui nei rual chu a ni ve tawh, doctor a ni zui bawk a, hmeichhia zawk hian an hel an hel a, a mah sawn a ngaihtuah lo a ni ber mai. Zorema pawh hi saw tiang tur velah sawn ka ngai. " Ti tu chu la nu bawk.



" Chu pasal chi tak an nih chu. " U Mami lah chuan a lo ti ve vat a. " Zonuni ne hian an in kawm thin a ni lawm ni, thian lo deuh te hi a lo awm lo maw. Nula te in ni tawh a... " A tih zawm zat a.



" Kan Zonuni hi zawng an hre chiang lutuk a chutiang en pawn an en lo ang. A fel lo rauh si, Zorema pawh hian a thian kawm vel mai mai a nih hi. " Ka nuin a tih chuan ka lo ner nang.



" Terini nen hian in sawi rem se a tha ang. " U Mami chuan fiamthu zet hian a rawn ti a. " ni tak e... An in hmeh phian ang. " Ka nu pawh chuan a ti zui luam. " Zonuni i thianpa a nih te chuan hma te lo lak pui ta che. An chhungkua an fel phei chuan chhuah miah loh tur an nih chu. Tun angah hmeichhia zawk hian hma an la hmasa chawk a nia. " La nui reng chungin u Mami chuan a rawn ti a. Ka lo then ve sak sak ringawt.




Lehkha zir tum in roomah ka chho a, ka room ka luh hma chu Terini roomah ka lut hmasa a, a phone a lo khawih mial mial a. Min hmuh rual chuan min lo nuih sak.



" Lehkha i zir dawn em? " a tih chuan " Umm... Zir char char la ngai. " Ka ti ve vat a.



" I thiam hnem tawh em? " a tih chuan ner sak in khum sirah chuan ka thu thla dat.



" Teuh lo mai, nileng zankhua pawn zir i la ka thiam zo hman tawh lo ang. " Ka ti let vat. " Ka tihpalh aw, kei mah vangin i hnufual phah ta sia. Class pawh i kal mumal thei lo a. " In thiam lo zet chuan a rawn ti a ka tawng sual tih ka in hre chiah.




" Heii... a ho lutuk. Class kal tha mah i la ka zir peih ngai chuang lo. A dawnah ka ti leh chuk chuk zel tho. I thiam loh a awm lo a nia. " Ka ti leh ta vat.



" Kei pawh in duh ang in rilru lam doctor chu pan i la, semester thar atang chuan theih tawp ka chhuah ve thei ang ka ring. Ka lo ti mah mah a ni mai thei a ni. Vawin khan Zoreman min hrilh fiah a. " Tiin a ngawi dat a enge a sawi leh tur ka lo nghak ran mai.




" Ka kutah chemte min pek chiah khan thih ka lo duh lo tih ka hre chhuak a...."



" Maw... Zoremsanga chemte a pe che maw? " Ka ti deuh that. Hepa at zia hi chu.



" Thinrim suh, kha tia a tih khan ka mit a ti var zawk a lawm, a hunlai kha chu ka beidawng ngei a mahse fim tak a ka ngaihtuah in hma lam pan a beih hram ka thlang ta zawk. " A ti leh sep. Mahse kei erawh in Zorema chu hauh ka tum ruh viau. Chemte chu lo la duh ta se kan chhe vek dawn tih chiang reng reng.




" Chuan..... Zorema rilru hneh tur hian la theih tawp ka chhuah bawk dawn. I sawi tawh kha enga rilru dang mah Zorema lakah i pu lo tih, chuvang chuan nangin i put loh tlat chuan beidawn hun a nei ve ngei ang, chu mi hun thleng chu ka nghak mai ang engtia rei pawh ni se. Nang pawn min pui rawh aw.. " Ti a beisei neih zet a min en chuan ka kut chu hum ruh vak in lu la bu nghat.



" Ka kiangah i awm hi ka lawm tak zet. Nang ang thian leh unau ka neih vang hian ka vannei tak zet a ni. " Mittui tling pam a a tih chuan ka nui ve sak a, ka kut chu a hmer vang vang a . Ni e.... a eng lam zawng a thil a thlir theih phah dawn chuan a tan ka duhna te chu ka la zep ve zel mai ang.




Ni a liam ve zel a Terini pawh doctor kan pan pui reng a, kei emaw ka nu in kan kal pui tlang pui a. U Mami erawh kan test zawh ni khan a haw chho ve ta kha a nia. Kar 3 vel chu a rawn cham tihna a nia. A pasal chhungte lakah pawh in thlahrun a na ve ang tiin ka pa ten Terini chu ngaihtuah lo tur in an ti ve a. An fate an la te bawk nen awm reng kha a fuh chiah lo.




3rd semester leh 4th sem pawh kan tih nek nek chhungin kan hmang zo ve der a. Nikum chrismas khan Darlawn ah kan hmang leh a, papuia te pafa boral atang a chrismas vawi khat kan thlah liam na tur a nih vang in Terini te unau kan han hman pui a ni ber a . Tluang tak chuan hun kan ang chho ve zel a. Terini pawn treatment a lak that takah chuan hma a sawn chuan ka hria a ka nu leh pa pawh an lawm viau.



Zorema nen pawh kan hun hman dan chu a ngai chho reng a, kan inah a rawn leng lut ngun ve a, ka nu leh pa lah chuan Terini nen an hmeh bel ti tih thin a. Ka bulah pawh in ngaihzawnna lam a sawi khat ta viau. Mahse ka lakah a thik thu a pe chhe em em thung a. Kan final year kan hmang ve tawh a a hming in EU ah kan lo in hmang nasat ve vangin mi hriat kan hlawh ve tawh bawk nen, kan in hnial phah ve nasa thin. A mipa zawk hi a ti tau bur bur a mahse tei erawh a awh lem hlei lo a.




" Zonun... Chawhnu class chu awl I la kan thian ho in leng kual mai mai i la. " Opi chuan a rawn ti a Didiki lah chuan " Khawiah... Chuan eng in? " A rawn ti rang ngang mai.



" Ka u in dawr thar hmuh pah in thil kan va ei teuh dawn nia. " Opi lah chuan a lo ti then. A u in nupui a nei ve a, chuan an nupa in eizawn nan restaurant an hawng thar ni awm tak a ni.



" Tha lutuk period hnih chiah a ni tho a kan chhuak ho khat e mai. " Didiki chuan a lo ti vat a. Kei pawh chuan ka lo aw ve mai bawk. Chawhnu tlan bo in kan thian thum chuan Opi u te dawr lam kan pan a. Restaurant an hawn thar a la ni bawk a hria an la tam loh vang nge a la lun luttuk rih lo. Mahse chawl chu an awm ve pheuh pheu tho.



" Nangni thian ho chu class in nei na nge? " Tiin kan dawhkan bulah Opi u chu a rawn ding a kan lo melh vat . " Nei tho a mahse dawr thar hmuh ve kan chak lutuk a class a awm lo in kan lo kal. " Nuih tlawn ver ver chuan kan lo ti sap a. A ner suk rual in Didiki chuan a hrawk a rawn thian kharh a.



" Dawr thar lawm nan kei ni chu nau te nih manah min free thei. " A lo ti nghal zat a u Puia pawh chu a nui tawp. " In pumpui a lena hmel e mai a half tal in chawi ang. " A tih chuan kan ner nasa hlawm ngang mai.



" A fair lo lutuk a, kan college atangin dawr tam tam kal pel in hah pawh sawi lo in kan lo kal a min free ve tal rawh. Bakah pawisa pawh ka nei lo. Unau kan nia i dawr chu ka dawr a ni ve tho a, a nei tuiin ei man an pe ngai lo. " Opi lah chuan a ti zui tan tan a. Kei ni pahnih pawh chuan lo thlawp vat in " Dik chiah." Kan lo ti rual a. U Puia chuan nuih in sum zet hian min lo en hlawm a. Opi u hi kan nel ve tawh bawk a ngam zet chuan kan be zat zat a a ni lah hian mi hi a hnial fiam kher zel bawk a.



" Ka khawngaih hram ang cheu mahse ngaiah neih ka rem ti miah lo a nia. " Fiamthu deuh hian a rawn ti a. Kan nui ta sang hlawm. A kal tur chu " Uikawmpa. " Opi lah chuan a ti zawi sep a u Puia lah chuan a la hre pha nge a eung dat a, a rawn hawi rual chuan " Eng maw? " Tiin a rawn meng rum zui a. " Thilphalpa a ti a nih kha. " Diki chuan a lo ti vat a. Ka thut hmunah ka nui khur char char.



" A va free leh lo teuh ve. " U Puia a kal dawn hnu chuan ka ti sep a, u Puia hmel awm dan vel sawiin kan nui leh nghek a. Eitur kan chah chhungin thla te kan lo la a, nuam chu kan ti leh viau tawh.



" Nangni ho chu. " Kan dawhkan bul mai a rawn ti tu te chu kan en thap a. Lawma te thian thum chu an rawn lang hlawl. " Class in bang ve ngei a. " Tiin min la nuih ang suk suk a. " Nang ni pawh in bang ve tho hi. " Diki chuan a lo ti vat a. " Kan lo thu ve dawn. " An tih chuan kan lo hnial bik lem lo. A thiante pahnih Bda leh Rla an ni bawk a.



Ka thutna atang chuan ka tho a Diki leh Opi bulah ka in sawn a. Kan hmaah chuan an pathum chuan an thu ve nghal a. Eitur an chah zui ve nghal bawk a. Kei ni erawh kan eitur an rawn dah ve chiah thung.



" Enge in tih ve a? " Eitur chawh let pah chuan Lawma melh chuan ka ti a. Dawr chhung chu a melh kual thuak a, " Ka u in rawn tlawh ve rawh min ti ngun sia a rem chang bawk nen kan rawn lut ve mai mai. " A ti tha ve mai a. Tak in U Puia nupui hi Lawma te chhungkhat hnai an lo ni awm a. First cousin chu ni chiah lo mahse an lo in hnaih viau a ni awm a. Chuvanga Opi te nen pawh in mil chho an ni a. An in kawm thei ta phian bawk.



" Khawvel hi a mak ve ngawt mai, 1st sem kan kal lai vel kha chuan in in mil lo ve sia, tunah chhungkhat in ni der chu a nia. " Ngaihtuah lai laiin Diki chuan a rawn ti a, midang ho pawh an lo nui ve hawk hawk.



" Kan in mil dawn chauh a kan awm hrang leh erawh a pawi a nih hi. " Bda chuan a lo ti ve bawk a. Kei ni pol. Sc kan core laiin an nin history an core zui ta daih kha a nia. " A bik hi Lawma hian a ui teh a nia, a subj core te thlak a tum ve deuh hman. ' Rlan a tih chuan Lawma chuan a ban puam laiah a hnek sak dawt a an la nui vur vur zui.



" Ngati nge history a tui leh vak lo a mi? " Diki chuan a lo ti vat a. Rla lah chu a nui vur vur a " Chutiang lam pawh a ni lo, engpawh ni se Zonuni hian a hre chiang ber ang. A bak chu sawi tawh lo mai a. " A ti kher a, ka thil ei ka hak zui that a, ka khuh zui bawrh bawrh a. " Uii... I tha em? " Tiin Dikin ka hnung a rawn chum dat dat a. " Kha... Tui in rawh. " Lawma chuan tiin tui min thlit sak a min lo pe nghal a ka van vat. Bda leh Rla lah chu a ngeiawm tawk hian an lo khuh kharh kharh a Lawma pawh chuan a melh ngur mai. Mahse thian tih takah an run luih chak hmel zual sauh in ka hria.



" Ka tha tawh, ka hrawk a thip vek. " Diki kut dah sawn chuan ka ti a. Lawma te eitur pawh a rawng thleng mai a. 4 sem kan nih khan Lawmkima hi min duh thu min hrilh ve tawh, kan inah khan an rawn leng lut ve zeuh zeuh thin bawk a mahse kei chuan thian ang chauh in ka en thung a. Misual tak chu a ni lem lo chuan ka hria. Lehkha zir peih ber ang mai hian note ho ang reng tak te hi a rawn chhuan lam thin a, a mah ni mi ni deuh lawng lawng chi a ni bawk a ka chhungte pawn an nel har lo. Mahse chutiang zawngin ka en lo tih tha tak in ka hrilh a, chutah semester kan zo ta bawk nen core hran kan neih takah chuan a rawn lang ngun ta em em bik lo. Phone ah erawh chuan min rawn be leh zuk thin a, kei pawn tha tak in thian ang in ka lo be ve mai thin.



" Vawin chu inhmuh khawm kan tum lawk sa a ang. " Opin a tih chuan a hawina lam kan en vat a, Zoremsanga te thian ho an rawn lut ve huk mai. An ni erawh an rawn tam phian a, Roa te leh a bialnu khum hlun te an tel miau. " Khaw nge Zorina ve? Ka hmu ve miah lo. " Didiki lah chuan a lo ti hman hmawh. Kan lo en reng lai chuan kan lam chu an rawn pan ve a Zoremsanga pawh chuan min rawn hmu ta chat.




" Kan SU bang ta kha maw? Tebawihi i ngam dawn loh chuan ban san tawh rawh. " Rla chuan a ti nghut. Tebawihi te nen an class a in ang tak e. Didiki erawh a meng rum nang mai. " An in kawp tih official tak a ka hriat loh chuan ka ban san teuh lo. " A ti ve tlat.



Kan zawnah chuan an rawn ding a, Esi te chuan min hmuh takah chuan min be ve luam a. Zorema ka en ve chu min lo en ve reng vang chuan a nuih ve sak a, a ngeiawm zia chu a hawi sawn deuh hmak. Ner sakin ka hawi sawn ve ta daih. Ka hma zawn ka en chu Lawma chuan ngun zet hian min lo en ve reng zui a, ka nuih sak rual in a mit hmul chu a rawn kan zeuh a mahse taang lem lo chuan ka hma a eitur chu ka ei zui vat.




" Ka sawi tawp mai ang Zonun , kan thianpa hi duh ve mai rawh, i ti sual lo ang chu kan ti ngam lo a mah hi a fel bik vak sir lo a, mahse i ti sual a nih pawn a sual tlem ngawt ang. " Bdan nui chung a a tih leh chuan ka melh rawm mai. Ka thiante pahnih pawh chuan min en hrek hrek a, Lawma chuan a khap leh vat.




" Enge i sawi awm zia? " Diki beng vir ngang chuan a ti let vat a. Bda chu ka melh leh nghek thin. Kan thu sawi kan thlak fel chauh a a rawn sawi thar leh chu ngei ru tak ka ni.



" In hre nange Lawma leh Zonuni hi... " Rlan a tih rual chuan thawm ri deuh thuai vang chuan kan hawi vat a. Kan piah maiah Zorema chuan an dawhkan a lo beng dawt chu niin. Kan en reng lai chuan a rawn ding kan thutna lam chu a rawn pan vut a kan lo en thap thung.



" I ei zawh chuan kal ang. " A rawn ti ringawt chu kan en chho hau ringawt. Thaw chhuak hawk in ka banah chuan a rawn vuan a ka bag chu la sawk sawk in engmah pawh kan sawi hma chu min kal pui zui a. Ka tang deuh a mahse ka kut chu a hmer na ngang thung.



" Ka lo va let hmasa mai ang. " A thian te bulah chuan tiin a bag chu a ban ve a kawngka lamah chuan min pawt chhuak dawr dawr a. Dawr a awm ho chuan min melh zui vawng vawng hlawm leh nghal.




" Heii.... Khaw maw enge i hriat a? " Pawn kan thlen rual chuan ka ti hlar a. Min vawnna la ban ka thin leh rual chuan a thlah ve ta hram. Ka ban rek chu tuai vet vet in ka hma a mipa chu ka melh chho rawm a. A ni pawh chuan min melh chiang viau.




" Khawi maw ka bag kha. " Tiin ka kut ka phar phei a mahse a che sawn eih lo. " I let tawh dawn lo. " A tih chuan ka thaw hak. " Ka let dawn pawh ka ti lo. " Ka ti let chu a ner sawk. " Ti lo mah la i tum tho a lawm. " A tih chuan ka ngawi hmak. Ka tum tak tak sia. " Thil kan ei mek kha, nge kha tia i rawn chet ngawt. Bakah ka la puar lo hrim hrim kan ei ve tan chiah a. " Ka ti niah niah.



" Kan inah kan pahnih in kan ei dun dawn nia. " A tih chuan ka ner nasa. " Ti awm ang lo, bakah laat period ah let leh kan tum... " Ka sawi zo hman lo ka darah chuan min rawn kuah thuk a min kal pui leh nghal dawr dawr. Tal sateh mah i la min kuah nghet lutuk chu tih ngaihna pawh a awm lo.




" A hma zawng pawh a tum lo tun a takah sawi khan awm zia a awm lo ang. Tunah pawh class tlan bo in kha pa kha i chhuah pui tho kha. " A tih chuan a nak nemah ka nghawk sawk a ner sawk in a kun ve zauh.




" Ka chhuah pui pawh a nih lo e a. " Tiin awm hran ka tum chu ka nghawngah chuan a rawn kuah deuh tlat leh nghal. " Kha bak bak a chhuah pui." A tih rual chuan " Ka thian te leh midang pawh an awm ve kha. " Ka ti teu hlar mai. A ding ngil a min kuahna a phelh rual chuan ka sam chu a tuai tha nghal thuak thuak a.



" couple te te a chhuak te pawh in an kha. " A tih leh chuan ka melh rawm. " Kan kal ho thlawt lo, kan luh hnuah an rawn lut a kan in hmu fuh mai mai a nih kha. " Ka ti ve hlar a. " Dawt te lah hi sawi i hrat zek a. " A tih leh rual chuan ka in rin hma in a ban bulah chuan ka beng hlak a, na tih hmel lutuk a a ner sawk chu over ti lutuk in ka melh rawm.



" Over suh a na thlawt lo. " Ka ti leh rual chu a kiai deuh suk a. " Kal ang i ril a la tam a ni lawm ni, dawrah nge inah chuan kan ei ang? " A rawn ti ta daih chuan phakar ti lutuk in ka melh rawm rawm.



" Ka ril tam i ti bo vek. " A tih chuan a hnar a tuai zeuh a, a nuih tha duh vak lo leh nghal. " Eitur i hmu a nga a rawn tam leh mai ang, kal ang. " Tiin min kuah leh a min kal pui dawr dawr chu ka tal zui phat a, min thlah duh bik lo nen kal pah in kan in sual hi a ni ringawt. Parking thlen hma deuh in Zorina leh miss Zualtei te nen kan la in tawk zui. Rei pawh in be lem lo chuan an kal leh mai a.




" Engtik maw I u chu a rawn haw dawn? " Ti a min din pui meuh chuan parking bulah kan lo ding reng tawh. Ka bag leh a bag min pek chuan ka lo pawn ve vat a. " Naktukah a lo thleng ang. " Ka tih chuan a helmet khum chu tawp dat in min rawn en vat a. " Kar leh i ti emaw ka tia? " A tih chuan ka thle zeuh a. A bike a tih nun avang chuan ka lo ding sawn deuh a. Ka chuan rem a a rawn awm takah chuan ka lawn kai ve nghal vat.




" Nia, a tum dan kha chu a nia mahse min ngai tawh a a rawn haw hma leh dawn a nih hmel. " Ka tih chuan a awi lo nge a nui nghawr dat. " A nih ka ring. " A ti duh chauh zui.



" Tak in Zorina leh Miss Zualtei te hi an in chhung hnai viau a mi? " Kan tlan chhuah hnu chuan ka ti a. College ah pawh ka hmu dun ve fo a, an in chhun dan tak hi ka hre chiang miah lo.




" A ni mai a niang chu. An pa te ve ve lam a tang a ni awm e. Terini leh nang ang deuh hian. " A tih chuan ka bu nghat nghat. " Tebawihin a thik awm, duh ang Zorina a hnaih thei ta si lo a. " Ka ti zeuh chu a taksa chu a rawn che dawt mai.



" A nih pawh a niang." A ti leh ringawt hepa tak hi chu. "Mahse mipa zawk in a duh miau loh chuan tih ngaihna a vang ang. Zorina lah hian hmeichhia a ngaihsak loh hmel sia. " Tiin a taksa chu ka kuah vang vang a. " Duh loh in duh luih tir tum tlat te chu harsa deuh tur a sin. Chuvang chuan i chhungte pawh hi hrilhgiah rawh, Teri ni ni lo in nangmah hi ka duh zawk i ni tih hi. " A tih chuan ka ngawi hmak. A ning ru ve thei ngawt ang, ka chhungte mai pawh ni lo in a chhungte lam atang pawh in u Lka leh u Duati hian vhhaih zauh an ching a.



" Chuan ka la nghak reng che a nia, ka beidawng emaw i lo ti a nge. I in peih hma chu i tan thian ang in ka la awm reng thei, mahse in ngaihzawnna lam hawi i tum a nih chuan mipa dang melh tum suh ang che. " A ti leh sup a ka ngaithla reng a ka chhang lem lo.



A rilru hi a lian in a nghet ve tawk tih ka hria. Hnial eng ang mah i la a sawt dawn lo tih pawh ka hre chiang. Kei pawn ka hnawl reng thei chuan ka ring lo a. College kan chhuak fel a, tun ang rilru a la pu reng a nih chuan ka hnawl reng tawh bik lo ang. Terini pawh a beidawng ve tawh mahna tiin ka in ngaihtuah thin.



" Ka haq phei nghal mai ang. " An in kawtah tlan lut in a din rual chua ka ti a, ka chhuk chu ka kutah bawk chuan a rawn vuan a. " A ngai lo, ka ril a tam ei dun ang. " A ti ve tlat.



" Mahse ka ei chak tawh hlei nem. " Ka tih rual chuan " Kei in engmah ka la ei hlei nem. " A ti leh hmuk.



" I at vang a nih kha. " Tiin min pawhna lamah chuan ka zui leh ta tho. Â tih chu a duh vak lo nge a rum deuh nghut zui a. A chang hi chuan a rilru a lang ang ang hian a che chhuak leh tawp zel a, a hnu leh lam hi a ngaihtuah vak thin lo ka ti mai.



In chhung kan luh chuan u Duati pawh a lo awm ve teh mial a. Chokaah kan phei a a tlai tawh bawk nen kei chuan ei pawh ka tum tawh hran lo. " Thingpui leh a hmeh nge noodles i si dawn? " Chair a thut thlak pah chuan a ti sup a lam chu ka hawi vat a min lo en ve reng.




" Ka ei ve dawn hlei nem. " Ka tih rual chuan " Min siam sak ang chu. " A lo ti then zui a. Thaw hak in a ei duh zawk chu ka zawt a, noodles a tih rual chuan " Thingpui in tawh lum a awl sam. " Ka tih san leh daih chu a tum luau mai. Sir lam hawi chuan ka nui sak a.



" Puipuia nen in la in bia em? " Thingpui ka lum sak lai chuan a rawn ti a, gas dahna hnyng chhawn chuan a lam ka hawi a. " Be lutuk lo, be zeuh zeuh. " Ka ti tha ve mai. A rawn haw a chhuk leh hnu kha chuan in be lo tawp chu kan ni lo mahse kan in be khat viau thung.



" A rawn biak che pawn lo be let tawh suh. " A tih chuan ka ner nasa ngang mai. " Hmm... Be tur a min ti a a no min pe tu i nih kha. " Ka tih chuan a thaw chhuak hawk a, dawhkanah a kiu nghat in a melh ngai chu a melh vung vung a. Ka thingpui chhuan a so vang chuan ka siam zui vat.



" I biak duh tak tak ka ring lo a. I thiannu be tur a min ti reng vang khan i tih loh phah ka ring deuh a. " A tih chuan ka thingpui siam lai ka chawl det a, a nui suk ri pawh chu ka hre zui.



" Min in hmel hriat tir a a tha lawm. A fel bawk a, kawm a nuam bawk a. " Tiin thingpui vhi dawhkanah ka dah sak a. A hmeh tur awmna ka zawh chuan a sawi ve mai a ka lak sak zui vat.



" Kha mi zan khan a duh thu a hrilh che kha ka hria lawm. " Chair pawt chhuak a ka thut thlak rual chuan a ti sup. A mah chu ka en reng a a ni erawh chuan a thingpui no chu dawm in a melh reng thung.



" I... I birthday zan kha maw? " ka tih chuan a nui suk a lu a bu nghut. Dik tak chuan Puipuia ka duh vang lam ni lo in kha mi zan kha chu ka theihnghilh kher tawh lo ang. Ka pian tirh atanga a vawi khat nan ka hmai chhanah ngei min duh thu min hrilh hmasa ber tu a ni ve tlat a.




" I lo duh let ve mai ang tih ka hlauh zia kha. " Khi suk a a tih leh chuan ka nui tawi tak ringawt. Muang changin ka lam chu a rawn hawi a ka lo en reng vang nge a then leh suk a. " Ka chan dawn che emaw ka ti hman tawh a. " A ti leh sup. A miteng chu a thu tak phian a. Hetiang hian a awm zen zen lo a a awm chhan hi chuan ka zam ve lek lek zel.



" I sawi ang khan a fel a, kawm a nuam in mipa tha tak a nia. Kha vang khan i duh let ve kha ka hlau zual. " A ti leh sup. Kei pawn engvang a Puipuia kha hnawl ta nge ka nih chhanna mumal ka nei lo. Ka duh chu ka ti taql ngam lo ang chiah in ka duh lo pawh a ni lo. Lo kawp ve chhin tal ngial ka tum lo pawh kha mak ka in ti leh hnu hnawh. Kha tih lai khan Zoremsanga hi ka lo duh ru daih tawk zawk nge ka in hre bik lo.




" Chuvang chuan i rilru la peng tur in mipa dang i hnaih ka phal tawh lo. Vawi 1 ka ti sual tep a kha tuang thlen nawn tir kha ka tum tawh lo. A hma kha chuan kan in kar a kal zau ka hlau luat vang leh ka rilru ang i pu lo a nih chuan min hlat hlawk ka hlauh vang khan ka zep a, tunah erawh min hlat tum eng ang mah la ka zui zel dawn che. " A ti nghet charh a. A thu sawi chhung zawng khan ka mitah min en char char bawk.




" Zonuni chu i lo leng a, i u chu engtik maw a rawn thlen dawn. I nu sawi kha ka hre ve deuh a. " U Duati rawn lut chuan a rawn tih takah chuan la hawi sawn a. U Duati nen chuan kan in biak zawm mawlh mawlh a. Tlai feah kan inah ka haw phei a. Kan in ka lut chu ka meng buai nak. Diki leh Opi an lo thu fel than mai.




" Bawihi hei i thianten an lo nghak reng tawh che. In bang rual na nge? " Ka pa chuan a lo ti vat a. Ka nuih tlawn ti tih ringawt. " Zorema te inah ka lut kawi a. " Ka tih chuan ka pa chuan engah vak a ngai lem lo. Ka tih loh dan pawh a ni lem lo a. Mahse ka thiante pahnih leh Terini chuan min melh phawk hra mai.



" Lo kal ru ka roomah chho ang u." Ka tih chuan a fal a sawi tur an nei ve tih hriat zet chuan an rawn ding thak a. Kan thian thum chuan kan chho a ka room kan luh rual chuan ka hnung a thum nghal awk. Ka rak zui that bawk.



" Lawma khan a bem che maw? I va zep thei ve 4 sem a mi daih tawh leh nghal. " Diki chuan a ti hlak a ka nuih tlawn tawp.



" I thian kan ni tak meuh em? " Opi pawh chuan a rawn ti ve bawk a. Kei erawh chuan ka en dun vang vang a, " Ka duh let chuang hlei nem. Chuvang chuan hrilh cheu a tangkai lo bawk a. In huat lai kha a ni sia sawi kher kha a tul lo em a. " Ka tih chuan an chek tlak tlak.



" Daw suh, kan haw vak tawh lo e a. Chuan Zorema kha enge awm zia? " Diki bawk chuan hriat vek tum tih hriat ngawih ngawih a min melh chuan a ti leh a. Sawi tur hre lo zet in la nui tawi tak.




" A ni te chu a dan a lawm. In hriat kha. " Ka tih chuan an ban chu an rawn phar leh uai a ka lo rak chul mai. " A bem ve tho che em ni? " Opin a tih chuan lu ka bu nghat nghat a, an pahnih chuan an ang pham mai.



" A mak ka ti vak lo a mahse a mak ka ti tho bawk sia. Lawma chu a in hmeh lo, Zorema hi chu ka ring hleh ve thin cheu a. Class ah a bul a a that tir deuh tlat thin che te hi thian in kar mai mai a nih ka ring lo thin a. Mahse in in kawm nasa sia ka ring chiah ngam si lo. " Diki chuan a ti hap.



" I van hre har, kei chu 2nd sem kan nih atang khan ka rin hriat daih tawh a chuvang a nih kha star pawh ka star duh tawh lo. Mipa leh hmeichhia hi thian an ni thei tak tak lo, henu hian duh lo mahse Zorema kha chuan a duh ruk ka ring hrim hrim a. " Opi chuan ka chal a rawn nem dat pah chuan a rawn ti a ka ner nang.



" Chuan.... Tu zawk nge i duh a? Zorema a mi? " An phur dun lutuk chu min ti ham haih zawk. " Sawi vat teh. " An tih chuan ka thaw chhuak hak a. " Ka chhang lo ve ve . A tawk em, tlai chu chaw ei nghal u la. " Ka tih zawm ta daih.



" Maw... I hnawl ve ve maw? Lawma hi chu ka hre thiam mahse Zorema te chu i hre chiang sia. " An tih chuan an pahnih chuan ka melh ralh a. " Tunah chuan ngaihzawng neih ka peih lo. Bakah ka pasal tur loh chu ngaihzawn ka tum lo. " Fiamthu a ka tih chuan a min tih hmel ngang mai.




" I ngaihzawn hmasak loh in pasal tlak an ni em tih I hre nang. " Diki zawk chuan a rawn ti vat a. Khua lah chu a vawt tan vur mai. Chrismas a hnai leh tawh a, chhun lam chu lum ve tho mahse ni a tlak hnu hian a vawt tlat zel.



" I u chu eng chen nge a rawn cham dawn a? Chrismas hmang tur chauh in a mi? " An tih chuan ka hriat bik loh thu ka sawi mai a. Chaw ei tur in ti nasa viau mah i la an hawi lui ta tho. Ka u lo thlen hunah sawm zawk tur in min ti nge a, an nuih zat thlak thei a nia.




Ka u pawh chaw hnu lamah a rawn thleng a. Inchung a ka room piah chiah lian vak lo kan lo tih fai sakah a awm ve a. A sawi dan chuan a thawhna company a sawn dawn a ni awm a, Bengalore lamah tun a a thawhna aiin hlawh a that zawk bakah a hahdam zawk dawn a nih hmel



A tan hun tur erawh kum thar kum lai hawl vel daih a ni dawn a. Chu mi chhung chuan hetah a thianpa thawnna private company ah thawk ruh tur in an lo in be fel a ni awm a. A hlawh thin ang in hetah chuan tam lutuk loh mahse awm mai mai ai a ti nih hmel a, thla 4 emaw a rei berah thla nga ve ni tur a ni. Chu mi hnuah chuan Bengalore lamah a kal leh a ngai dawn thung a.



Tleirawl chhuah atanga heta awm lo ta chu thian a neih vak ka rin loh nen rin loh lamah a lo nei ve zut a. Kan in pawh a lun dar dar thei viau. A hna thawhna a a thawhpui then khatte an lo haw chho ve bawk ni tur a ni. Chrismas pawh kum in chu kan in lamah kan hmang thei a. Terini erawh u Mami te khaw lamah a hmang chho thung a.



Terini awm lo chu engtin emaw tak in ka thaw veng a, Zorema nen a kan awm dun in mit mei ven ka ngaih loh vang a nih te pawh ka ring.



Dam chuan hun hi a kal duak duak a, kum thar kan chuang kai a, class pawh kan tan leh tawh. Ka u pawh chawl lah a rawn haw ni si in hna a thawk leh ta tho a. Kei ni pawh Pathian zarah subject ba awm lo in kan chhuak ve mai dawn a. Terini pawh 3rd sem a bak kha 5th sem ah a pass ve vek a. Tun thla 3 / 4 vel kan beih leh chuan kan chhuak ve dawn chu a ni ber.



Ka room kawngka rawn kik ah chuan ka lo chhawn vat a. Terini chu a rawn lut ve hlawl mai. In khat a awm e ti lo hian eng tin emaw tak in hauhna nei si lo hian kan in hlat ta riau a. Ka ngaih dan chiah a ni em chu ka hre lo.



" I buai em? " A ti sep a, ka buai loh thu ka sawi let vat.



" Thil sawi pui duh che ka nei a. " A tih chuan ka lo ngai chang ve ran a.



" I lakah hian ka in thiam loh rual rual in lawmthu sawi ka ba nasa tak zet. " Tukverh rin chhan a ding chuan a ti sep a. Nui sak in pawn lam chu a thlit vang vang a " An sawi thin neih theih ngaih loh tur chu eng tiang a nasa pawn bei neih tum mah ila kan ta tur an nih miau loh chuan awm zia a awm lo tiin. Zorema hi i duh ve a ni ti raw? " A tih deuh thut chu ka ham haih ang reng.



" Ka hria lawm, kei mah vangin i hnar tih pawh ka hre thiam. Mahse ka hre duh lo der tlat a. A chhan chu ka duh ve tho vang in. Mahse tunah chuan ka beidawng tawh. Ka tum pauh leh a ni chuan min hlat a, nang in hlat I tum nasat viau laiin a ni chuan i hlim tha ang maiin a zui che a. Khawi hmunah pawh a mit saw I lak atang a la sawn ngai lo.



A hma kha chuan ka neih theih ve mai ka ring a, tunah chuan kawng dang ka zawh a hun in ka hria. Ka sawi duh chu nang chuan min ngaihsak in harsatna ka tawh a, rilru mumal ka neih loh lai pawn min hnem in min dawm kang tang tang a. Kei chuan i nun ka nek chep sak zawk che a. Mahse i sawi buai ngai lo. Enge i ngaihtuah thin bik ka hre lo, ka ngaihtuah chiang a nang chuan i thil neih te hi u phu ngawih ngawih, ka sawi tum ber chu kei mah vangin hreawm tuar tawh suh, za lenna ka pek thei che leh pek tur che a ni lo tih ka in hria a mahse kei mah min ven thawn vang a nih chuan Zorema hi hnawl phah suh ka tih na mai a nia. " A ti sep sep a. Sawi tur hre lo chuan ka chairah chuan ka thu reng ringawt.



" Ka chhuak dawn I thil tih lai chhun zawm leh tawh rawh. " Tiin min chhuah san a. A chhuah hnu pawh chuan ka la thu khawng reng. Zorema ka duh tih chu a ti lang em ni? Min ti a zo tak nial dawn. Mahse ka thaw erawh a veng sawt, eng pawh ni se rei tak nghak rei viau mah i la a tawpah chuan tumah rilru na in kan awm lo a, chu ringawt pawh chu nghah chhan tlak tha tak a ni.




" Bawihte i u han ko tawh rawh, chaw ei kan peih a ni mai. Hna a tlai ang, nang ni pawh class kal in ngaih kha. " Ka nun a tih chuan in chung lam chu ka pan vat a. Nizanah thil ka ngaihtuah nasa lutuk a mut pawh ka mu mang lo. Mahse ka zing tho erawh ka harh tha viau. Zorema hnenah thil sawi tur ka ngaihtuah a ni ber a.



Ka rilru hi ka sawi chhuak ve mai dawn em ni tiin. Mahse rei tak ka in nghah tir vang in nuam lo tihna leh hreh na riau ka nei bawk a. Chu tih rualin sawi erawh ka chak hle thung.



" U... " Tih leh a room a luh ka rual a. A lo ruak huai mai. Bathroom kawngka chu ka kik keuh keuh a, min rawn chhan takah chuan chaw ei kan hman thu chu ka sawi vat a. A rawn chhuk vat tur thu chu a sawi a. Room atang ka chhuak leh tur chu khum a a phone a rawn rik ral ral vang chuan ka pan leh a. Ka lak kan rual chuan a tawp zui leh daih. Mahse message a rawn lut nghal thung.



* Chawhnu ka awl dawn a kan chhuak dun thei. * tih te ni mahse a rawn thawntu hming ka hmuh chuan ka meng buai nak. Ka u leh U Duati hi an in be thin tih reng ka hre lo. Password a dah hran loh vang chuan ka lut tha ngat a. U Duati nen an chat kan chhiar chuan in be satliah mai an ni lo tih pawh ka hre thiam. Ka thin chu a phu dawt dawt a phone ka en reng lai chuan hnung lamah bathroom kawngka chu a rawn ri zui rak a, rang zet chuan ka hawi let a ka u nen kan in melh ta chawt.

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:51 pm

Miracle Love 💕 by Amy Cck



Chapter - 21



" I la chhuk na nge? " Towel a a hmai hru mawlh mawlh chuan a rawn ti a. Ka chhan loh vang chuan min melg vung vung in ka kut a a phone chu a rawn melh leh a. A mit ko chu a rawn san zui uk a. " A... A ri a mahse ka lak hma in a tawp leh hman. " Tiin a hmuh loh chhung chuan ka back ta daih a, a lamah chuan ka lek phei zui bawk.



" Kal i la, vawin i class dawn em? " A phone hmet mual mual chung chuan a ti a, ka kal dawn thu chuan ka chhang ve mai a. Room atanga chhuak pah chuan a phone chu a hmet pah reng a. A hnungah chuan ka zui ve zel a. U Duati nen an chung chang chu ka zawt chak viau nan choka a kan luh tak vang chuan ka zawt ta rih lo.



Chaw kan ei kham chuan class kal tur in kan in siam a. Dan ngai bawkin ka in siam chhungin Zorema a rawn thleng phei leh hman tawh. Ka u a awm vangin Terini chu ka u in a hna kal phah in a thlah ve mai thin a. Kan class a in ang lo bawk nen college ah chuan kan in hmu ngun teh chiam lo.



" Enge i ngaihtuah ! I la tawng miah lo. " Bike a din dawt rual chuan chhuk mai ka tum chu a rawn ti che thut a phu zawk in a mh chu ka kuah nghal rawk rawk a. Ka en chho chu min lo melh ve reng.



" Engmah a ni lo. " Ka ti sep ringawt. Min melh vung vung nan engmah sawi zawm lem lo chuan ka chhuk a, bike chu hung fel in ka bulah chuan a rawn kal ve mai a. Kan room lam kan pan lai pawh chuan ka tawng mang lo. Ngaihtuah em em ka nei lo ka u leh u Duati inkarah enge awm ang tih chiah ka ngaihtuah.



Class kan lut a, ni dang ang bawk in ka thiante chu tlar hmasa ber dawtah an lo thu leh vang tawh. Mahse ka banrekah Zoreman min rawn kai in tlar hnung lam min pan pui leh daih a. Ka thiante ner sak chu ka hmu hman hram.



Core subj bik kan lak atang ti i la, ka lakah Zoreman a thik thu a pek chhiat tak viau atang hian ka thiante bulah ka thu mang tawh lo. Kan class kan tam lo bawk a. A hnung a thut pawn hnung lua kan ni ta lo bawk nen ka sawi sel tawh bik lo.




Tlar hnung ber a kan thut thlak rual chuan kan class a mi te ho chuan min rawn pan sap sap a. Dept in thil zawrh tur kan tih pickle, wai wai thak leh sangha tih vel kan lak. An veng lam zawrh tur a an hawn, a hralhna man chu an rawn submit sap sap a. Keiin ka lo ziak fel zung zung a. Ka buai tak em vang chuan ka rilru kal bing mup mup pawh kha an zia deuh in ka hria. Zorina pawh professor rawn luh hma hret in a rawn thleng a. Kan piah hnung berah chuan a thu ve mai a. Kan lam rawn hawiin Zorema nen chuan an in signal zeuh a. He mi te pahnih hi chu in kawm tur dik tak a ruat an ni ka ti ve thlawt.



Semester tawp ti i la, exam hma in kan department leh History Department ho in zawm khawm in zin kan tum a. History department a an Cr hi incharge ah an ruat a. Kei kan Dept a Assistant Cr ka ni vang in poisa kawl tuah ka tang thung a.




Kan department chauh chu kan tlem bawk nen tiin History dept ho nen kan in sawi hmuh ta kha a nia. Period awlah leh class kal loh ni ten kan in hlawh ve thin a. Kan khawl ve nual tawh bawk.



Kan ti rek rek a ni chu kan hmang liam ve mai a. Tlaiah history dept ho nen meeting nei in in hlawhna tur vel kan sawi khawm leh a. Lawma te pawh History dept an nih miau vangin a hnung lamah an thu a boruak an vaw hot thiam sia an ti nuam viau mai.



In kan haw meuh chuan ka u pawh a lo haw ve daih tawh a. Ka nu chuan kan haw tlai chhan te min lo zawt luam a. Kei pawh chuan ka sawi ve siam siam a. Terinin kawnge trip neih kan tum tih min zawh chuan khaw chhak lam a hmanlai pi pute sulhnu hlui khaw hrang hrang kan tlawh hman chin zawng tlawh turin kar khat vel cham turin kan in rua hman thu te ka sawi ve luam a.



" A va nuam dawn ve. I zin khat sia boruak dang hip nan a that chu. ' ka pa chuan a lo ti ve vat a. Kei pawh ka phur ve viau mai.



" Kei ni chu kan dept kan in lung rual lo lutuk a zin pawh kan tum lo. Kan HOD khan chaw kan ei khawm dawn nia a ti ringawt a. " Terini pawh chuan a ti ve niah niah a.



" Han in thlak rawh mikhual kan nei dawn a. Chaw ei hma a tha. " Ka pa chuan a rawn ti a ka melh haw mai. " Tu nge kan mikhual dawn a? " Ka ti vat.



" I U mikhual a ni mah ang chu. Mo neih pawh kan hnaih thuak tawh dawn a ang riau. " Ka nu in nui chung a a tih phei chuan ka u chu ka melh leh vat a. A thut hmunah a lo then ve suk suk mai.



" I u Duati chaw a lo ei dawn a. Tun tum chu in thenawm lo ang deuh in a rawn leng dawn a ang riau. I u in phone a a thiannu chaw a rawn ei dawn tih a sawi khan Duati reng ka lo ngaihtuah pha lo a nia. " Ka nu bawk chuan a ti a. A tawng dang leh hmelah pawh a phur tih chu a lang chiang ngang mai.




" U Duati maw? " ka ti ban chat. " Ni e... In kawp nghet se a tha khawp ang. Nula fel leh zuan zang ti a veng chhung pawn an fak a nia. Kei ni tan lah hriat chian a lo ni zui leh zel a. Kan chhungkaw lakah chuan an chhungkua chu sang viau mahse duhthu lo sam ve te chu a thiang a lawm. " Ka nu chuan a ti zui leh barh barh a. Ka u ka en chu a lai ve rauh nge ni a nui ve suk a. Kei pawh chu ka nui lui sak.




" I u leh Duati an in kawp rem theih hlauh chuan Terini leh Zorema pawh hi tih dan a awm ve mai thei a ni. " Ka pa chuan fiamthu in a rawn ti zawm zat a. Terini chuan in thiam loh hmel zet hian min rawn en a. Ka thut hmunah chuan zal lo fahran in ka nui sak sak ringawt.




" Chu a mah a niang. Han in thlak la rawn chhuk leh vat rawh. In leng neih a chet loh lutuk te hi a mawi lo nu la in ni ve tawh a. " Doorbell a rawn rik rual chuan min zilh ti tih in ka nu chuan a ti a. Kawngka chu Terini hawng tur in a kal nghal a. Kei pawh in chung lam chu tha tho lo zet chuan ka chho a. Vawiin nileng a ka rilru a awm reng ka haw a nga ka u hnenah an chung chang zawh fiah ka tum rilruk lai in zawh ngai lo in a chiang sa ta reng a.



Ka nu leh pa chu an phur viau tih ka hria a. A awm pawh ka tih pui viau. Ka u hi tlangval naupang zawk zawk a ni tawh bik lo a. A mah hi mipa ler leh hmeivhhe ngaihven chi a ni lo bawk nen. Ka ni te ho phei chuan hna a at chilh e mai a nupui tur chu zawn sak tawp mai ru an tih hial kha a ni ve a. Mahse hei... Tunah u Duati te ang mi vantlang chung lam a thlang ve nalh a. Tu nu leh pa nge lawm lo teh lul ang ni. Mahse Kei erawh ka hma ka sial vang nge a ruk tak chuan pawi ka ti.



Thil a kal tluang a hma hun thui tak thlir chuan ka u leh uDuati an in neih chuan chhungkua kan ni a nga. Zorema nen pawh.... Ngaihtuah zawm duh lo chuan ka lu ka thing nghek. A hma kha chuan tiang hlauhthawnna kha ka nei miah lo. Terinin leh Zorema inkar a awm awm ang a ka ngaih lai pawh khan ka rilru kha chu a na tih ka pha lo. Mahse a hnu a thu dik ka hriat takah kha chuan Terini ka khawngaih zawk a nih kha.



A chhan chu Zoremsangan min duh tih ka chian tak vang kha ni ber in ka hria. Zoremsanga rilru ngheh zia hre chiang tur in ka hnaih ve tawk a. Kha vang khan engtiang pawh in Terini khan duh mahse Zorema erawh in vawi khat kei mah chiah min duh thu a sawi khan ka ring hlelh miah lo a. Terini emaw hmeichhe dang a hnaih dawn lo tih la hriat vang khan ka hahdam a ni ber. Mahse tum tum chu ka u te an kal tluan viau chuan eng ang rilru pawh pu mah i la a sawt viau tawh lo ang.




Inhnuai a ka chhuk chuan an lo ti ti a an nui leh dar dar thin. U Duatin min hmuh rual chuan min lo be ve vat a. Kei pawh chuan tha tak chuan ka chhang ve zel a. U Duati ngawr ngawr hi chu ka u tan ka duh tak zet. Hmeichhe fel leh rilru tluang tak a ni tih la hriat bakah kei pawn ka ngai na a. Ka u nupui tur chuan a mah tluk an awm kher lo ang. Mahse Zorema u a nih vang hian pawm a har ka ti a ni ber.




' ha... Ti nge in nei nghal tur ang mai a ka suangtuah a? ' tiin ka rilru chuan ka in hau mawlh mawlh a. Ka chhungte chuan a hna lam te an sawi pui luam a. An ri dar dar hlawm. Zanriah kan ei kham fel hnu pawn kan thu khawm reng a. Dar 8 velah ka u in thlah phei a va leng zui nghal ni ngei tu a ni a rei ta vung vung e mai.




" I u te chu Bengalore lamah a hna a zawm leh hma hian in sawi fel thei se ka ti ngawt mai. A chhuk leh daih chuan hna lak lawh a ti leh reng a nga. Duati hian midang a lo hmu daih ang tih pawh a hlauhawm. " Ka nu leh pa leh Terini te nen kan thu thap a. Ka nu chuan a ti zui sep sep.



" I hman hmawh lutuk a nih kha in hriat chian ve te pawh an duh ang chu. Kei ni pawn vawiin a an in kawp tih kan hre ve chauh a. In neih tir tum ngh te chu. " Ka pa chuan nui chung hian a lo ti ve sup a. " A ni viau mai ti rawh? Ka lo hman hmawh riau a tin ni. " Ka nu pawh chuan nui sang chuan a ti a. Kei leh Terini chu kan ngawi ngal thung.



" Fa pahnih chiah kan nei a, kan fa te lah hi rual an pawl lo ka ti dawn nge nula tlangval ni si hian kawppui lam hi an awn lo riau a. " Ka pa chuan a ti leh a. Min rawn melh kher vang chuan ka ner nak.




" Rual ka pawl lutuk chuan min veng hneh lo ang. " Ka ti hlak chu an nuih a za ngang mai.


" Pate... Nute thil sawi duh ka nei a. Ih... Ka u nen kan in bia a, heta awm tawh lo hian hostelah emaw ka awm tawh mai dawn e maw ni ka tia. In tan phurrit nih reng hi ka u pawn tha a ti lo a. " Terinin a tih chuan ka en nghal vek.



" A engah chuan nge kan tan phur rit i nih a. Hostel a awm te kha chu sawi lang tawh suh ka rem ti lo bur. Hmeichhia inni a, nun zalen lutuk a awm hi a fuh ngai lo. Mami te helamah awm in an in a awm tum chu ni la rem tih loh chhan tur a awm hran lo. Mahse hetah pa te kan awm a. Kan inah hian i leng lo in kan chep pawh a ni lo a. In luah hran emaw hostel awm kha chu sawi pawh sawi chi a ni lo. Chhukhat laina nei lo pawh i ni lo. Kan tan chuan kan fanu ang chiah i ni a. Zonuni te ne hian ang khat in kan en vek cheu tih hria a. Phur rit ti zawng kha chuan sawi tawh suh. " Ka pa chuan a ti charh charh a. Ka nu pawh chuan a lo zawm ve vat.



Ka room a ka awm laiin la u a rawn lut a, ka lo en vat. " Lehkha i zir a mi? " Tiin ka room chhung a sofa ah chuan a thu a lu ka thing vat.



" Enge ang i tih? " A tih chuan ka melh ha. " Duati hi. " Nui suk in a ti leh. " A tha lawm. A hmeltha in a pian pawh a nalh a. A fel in a ngainatawm bawk a. Hna tha tak neiin an chhungkua an zahawm em em bawk a. Hmung chhiatna a nei lo bawk a.... " Ka ti duah chu a nui suk suk mai.




" I sawi dik a lawm. Chuan kan in hmeh I ti reng reng em? " Ti a min zawh chuan nuih lui sqk in lu la bu nghut. Ka u hi ka u a nih vang ni lo in mipa chhelo pangai tak a ni. Hmeltha ti a sawi tur ni lo mahse pa an ti ang chi hi a ni ve a. Chuan hmeichhe tam tak tan pawh iai na tur a awm bik lo. Mi chhungkua in makpa atan a an awh ve thin tho pawh ka ring.



" Engtik atang nge in in zui a? " Ti a ka zawh chuan a ngaqu vang vang a " Kan in zui ve tanna chu a la rei lo. Vawiin hi thla khatna chiah a ni. Mahse ka in biakna erawh a rei ve tawh . Nikum chrismas ka rawn haw a, zai khawmna vel atang khan kan in be chho a. In zui pangai tak chu thla 1 chiah a la nih chu. " A ti ve sup a. Ka rin ai chuan a rei tawh tho mai.



" I va in zep thei. " Ka ti ringawt. Ka u pawh a nui suk ringawt. " Lehkha zir tawh rawh. College pawh in chhuak ve tep tawh a. I chhuah hun chuan Bengalore ah ka bulah I zirna lo zawm ve daih mai la. " A ti leh luam a. Ka nui liam vel mai mai thung.



" I nih tum kha I la thlak lo a nih phei chuan helai ai chuan zirna pawh a tha zawk a nia. " A ti leh duah. " Ka lo in ngaihtuah ang. Subj pawh ka ba thut thei a. Ka ti ve sep. Ka naupanlai atang tawh in zirtirtu nih ka chak tawh a. Tunah pawh hian ka la chak reng. Kan dam a Pathianin rem a tih chuan nih ngei pawh ka tum.


*


" In in kawtah ka awm, lo chhuak teh. " Ka phone rawn ri la lak rual chuan Zoremsanga chuan a rawn ti hmuk. Rang zet in ka lehkha zirna dawhkan chu ka thawh san a. Tukverh a ka va dah chuan kan gare sir lam ah chuan awn deuh tak hian a lo ding a.




" Ti nge lehkha ka zir a sin. " Ka ti sep. Exam kan hnaih tulh tulh a. Kar leh mai hian dept trip a kan zin hun tur a ni tawh a. Kan zin kan haw meuh chuan 6th semester exam a ni nghal deuh mai dawn vangin rilru nei deuh a zir lawk a ngai viau.



" Thil sawi dun tur kan nei i ti ve lo maw. " Nui deuh hawk in a rawn in her a. Ka room tukverh lam chu a rawn hawi nghal vut. " I u leh ka U inkawp chung chang hi I hre vek a ni ti raw? " Ka tawng ve hma chuan a rawn ti sup a. Ka dinnaah chuan ka meng buai nak.



" Zonunmawi.... I ti mah mah I ti ve tawh lo a mi? Hetiang em em a i rilru leh thinlung ka luah ve lo hi enge a chhan? " A ti zawi sup. Kei erawh in tukverh atang chuan ka en thla reng ringawt.




" Tun chiah hun la pe leh ang che. Ka kut vuan la kan u te ve ve bulah an in kawp thei lo a ni tih kan hrilh dawn nia. " A rawn ti leh sup. " Ka thei lo. " Ka tih sap rual chuan a rawn nui chhuak hawk.



" Ni lo... I thei tur a ni. Lo chhuk la, kan sawi dun dawn nia. " A ti zuai ruih a. Ka lu chu ka thing nak ringawt. Min rawn hmu vek thei tih pawh ka hria.



" Tun a kan sawi lo a nih chuan nakinah chuan a tlai tawh dawn a nia. Kan u te inkar kan ti tawp lo a nih chuan chhungkhat kan ni thei tih i hria em? " A rawn ti hnawk tuak. A tawng ring lo mahse a rilru a hah zia erawh la hre thei.




" Ka hria mahse.... Kan hma kan sial luat vangin mi in kawp tha lai pawh then chu.... Chu pawh kan u te leh nghal. " Ka ti sep. Zorema chu hnawl mai harsa ka ti mahse ka u bulah Zorema ka duh a, u Duati nen hian in kawp suh u tih sawi erawh ka ngam teuh lo.



" Nang hi.... I nun rawng hle mai. Midang nat i hlauh em em laiin kei min tih nat erawh chu i hreh miah lo a. Nge ni a min lo duh ve ngai miah lo zawk. " A ti bung nghut. Kan in biakna chu a cut hmak a. Bike a chak zet a a tlan chhuak chu ka thlir zui reng ringawt.



" Ti nge tiang a ka awm bik? Thil a pangai ve dawn chauh a. Hei hi enga fiahna nge ni a? A hmain ka dawh theih leh theih loh fiah ang maiin rei tak ka nghak a. Ka phun nawi miah lo a nih kha. Chuan tunah a aia dinhmun khirhah min din tir leh a. Ka lak atang hian eng chiah nge i duh. " Tiin ka phun sep sep a. Pathian chu ka mawh chhiat a ni ber.




A hma in Terini vangin rei tak ka in nghah tir a. Tunah engkim a fel dawn chiah a Zorema ka thlan chuan ka u rilru ngei ka ti na dawn a. Ti nge a duh thlan tur min pek hi a harsat bik em em le tiin ka ngaihtuah hial.



Zan pawh mu lo chuan la rilru ka kawm char char a. Zorema kha nizan a chhuak kha a rawn haw miah lo tih la hria. Zing class ka kal dawn pawn a bike dahna a lo ruak huai a. Kei mah chuan college lam ka pan a. Vawin zirtawp a nia. Class kan la tha dawn lem lo. Monday kan zinna tur vel thil tul ti tur in kan kal a ni ber a kan dept leh history ho chu.



College ka thlen chuan ka thiante pahnih pawh kan class corridor ah an lo awm vang tawh. Min hmuh rual chuan min rawn pan vat a. " I va rawn tlai ve. " An ti zui zat. Taxi ka chan rei vang tiin ka chhang ve mai a.




Class ah kan in zui luh chuan an lo awm nual tawh a. History dept ho pawh an lo awm ve vek. Kan zinna tur kan in tuakna a an veng lam a thil an zawrh man leh ba ho te an lo thing diat diat a. Ka hnenah chuan an sumit vek a. Bus pakhat hman kan tum a. Chuan a thei theiin an mahni motor emaw ken kan ti bawk a. Nizan ka tlaivar bawk nen phur lo viau mah i la ka tih ve ngeih chu a ngai bawk nen poisa vel chu kan chhut a.




Miin a thleng vek thei kan ni lo mai thei a tiin tent kan zin chhung bik atan haw kan tel bawk a. Kan class ah adventure lam an awm nual bawk nen an lo hauh sa diam tawh a. Thil kan rel mawlh mawlh laiin kawngka a rawn in kik a Zorina a rawn lut hlawl leh nghal. Zoremsangan a rawn zui luh ve ring chuan ka thlek vang vang a. Mahse Zorina chiah a ni. Roa leh Hruaizela erawh an thu reng tawh thung.




" Awiii.... A dik a ni maw? " Didiki chuan a ti hliai a. Opi nen chuan kan melh vat. " Eng chu... " Opi chuan a ti nghal a.



" Nizan zan rei tawh lamah kan veng kawnah Zorina te thian ho leh Malsawma te thian ho an in phek sual an tia. Zingah ka pa in a sawi a. En ta cheu Roa leh Hruaizela pawh an khem nual saw. Zorina pawh chu ti tho. Zorema pawh a khem ve nual lo a mi? " ti a min em chuan ka hriat loh thu chiah ka sawi. Nizan kan in biak hnu khan kan la in hmu lo reng reng.




" Ti nge a? a chhan te i hria em? " Opi chuan a ti vat. " An kam nam ve deuh a ni awm e. Chuan maw ka cousin sawi dan chuan Malsawma te thian ho khan an tan hmasa an tia. Kei pawh mi sawi ka hriat ve tho a nia sawi lang tawh lem lo u la. Zorina nu hi nuthlawi , chhung leh khat mumal nei lo a ni an ti. Chuan Zorina nu pasal hlui khan Zorina nu hi hnawt chhuak in hmeichhe dang a la lut bawk an tia. A pasal hmasa nen chuan fanu pawh an nei a ni awm a. Chuan eng tin tin emaw Zorina pa, pa Zothana nen sawn an in chhar a ni awm e. " A ti zui siam siam a. Opi nen chuan kan ngaithla ngun ngang mai.



" Khaw nge Zorina nu fa hmasa chu? A pa te bulah a mi? " Opi chuan a ti vat. Didiki chuan lu a thing nak a. " A boral tawh, an sawi dan chuan a pa hmeichhe hruai luh khan a that an ti. " A tih chuan mak ka ti. A rapthlak ka ti bawk.



" Chuan Zonuni chuan i hriat tho ka ring a Zorema nen in in hnaih sia. Zorema nu hi a nulat laiin a video a leak out tawh a mi? " A tih chuan ka bo deuh hu. " Engtia video? " Ka tih chuan a chek hlak. " Sex video a nei an ti lawm. A nun a lo khaw lo ve deuh a niang. Mi sawi mai mai a nia la chiang bik lo. Chutiang vel chu Malsawma te thian ho khan ti khum nan tak an hmang a niang. " Di ki bawk chuan a ti leh a. Zorina te thian ho thutna lam en chuan ka thaw leh hal thin. Mak tih loh chi pawh va ni suh.




" A hma chuan Lawma te leh Malsawma te pawh an in kawm thin kha. College kan tan tirh vel khan. Malsawma te kha an tawng hlawk ve thin sia. An thian zingah Lawma hi broken family atanga chhuak ve tho a nia. A pa hian a nu hi ngaihzawng a neih san thin an tia. Zorema te thian zingah hre chiang tu an awm ve bawk nen an lo in tawng chhan fo ni tur a ni. An in mil theih miah loh reng kha.



Mahse tunah chuan Lawma hi a in la hrang tawh a. Bda leh Rla hi a kawm deuh ber an ni tawh a. A mah pawh hi a fel saqt em hi. " Opi chuan a lo ti ve luam. He mi te pahnih thil hriat thui zia chu mak ka ti zawk.



" An background atang chuan lo in kawmngaih lo chi pawh an ni lo. Zorina phei chuan nu emaw pian pui a nei si lo a. Zorema hi a unaupa ang tak tak in a en ve in ka hria. " An ti leh duah. Kan ti ti neuh neuh chhung in thu an lo tel fel der a. Engmah lah chu kan hre miah lo zui a.



Tlaiah bua hman tur vel biak lawk an tih vangin Cr ten kan be leh a. Zorina kha Zorema awmna zawh ka tum a nia a lo bo hman daih zui a. A phone a ka call lah in a in swich off daih bawk nen ka rilru chu a ti buai tan viau.



Tlaiah an inah ka leng kawi a. An nula chiah a lo awm a Zorema a awm leh awm lo ka zawh chuan nizan atang a la rawn haw lo a ti ve tho bawk si. Beidawng zet chuan kan in lam ka pan a. Zoremsanga hi ka hlat thei tak tak lo tih ka in hre thar bawk.




Zanah pawh chuan lehkha ka zir thei lo ka room tukverh bulah chuan ka vei tawn sek a. Kawngpui an leh lam a in lian pui gate lam chu ka melh sek bawk. Chhun lamah ka thiante thu sawi kha ka ngaihtuah let a. Zoremsanga leh Zorinpuia hi ka hriat na an rei tawh nen kha tiang kha an chhungkaw awm dan a ni tih ka lo hre ngai miah lo chu a nia.



Opi leh Diki chuan college an kal hnu hian an hre ve a ni mai a. Mahse kei aiin an chanchin an hre ril zawk chu a ni phawt a. Zorema te thian dun ka atang chuan enga tikah mah a chhuak dawn lo tih ka chiang a. Mi sawi an hria tih lah chiang sa. Kei erawh in chutiang lam min hrilhtu ka nei ve miau lo a hre lo mah i la ka dem awm miah lo.



" Zan khua in a rawn haw lo a ni maw? " Ka harh rual in tukverh bul lam bawk ka pan leh a. Zorema bike hunna la ruak vek ka hmuh chuan ka phun sep. Tha tho lo zet chuan in hnuaiah ka chhuk a. Ka u leh ka pa sitting roomah an lo ti ti mawlh mawlh a. Ka nu leh Terini choka lamah an awm thung a nih hmel.



" Nu... Chaw ei hma ang u aw. Chhuah ka ngai dawn a nia. " Tih leh chair a thut thlak ka rual a. Ka nu chuan , " Inrinni a nih hi khaw nge i chhuah dawn?" Tiin ka chhuahna tur min zawt let a.



" Monday a kan zinna tur vel kha kan la buaipui fel lo deuh a. Nimin tlaiah bus chu kan be fel tawh a. Vawinah kan zinna ei leh in tur vel te, tih fel leh a ngai dawn a. Naktuk sunday a ni sia lei lawk vek a ngai. Monday zing karah kan chhuak dawn sia buai chuk chuk lo tur in. " Ka ti let ve nel nual a.



" Ei tur vel chu kawng lakah a lei theih mai loh a mi? A nih loh pawn dawr velah te pawh a lam chawp theih ang chu. " Terini chuan a lo ti ve vat a lu ka bu nghat nghat.



" Nia, chu chu a theih tho a. Mahse department pahnih lan in kawp sia kan tam ve reuh sia. Kar khat chu kan cham tling dawn sa a, dawr ringawt a in hnawh puar chu a hautak kan ring a. Mi in a va thlen huk lah a tih chi kan ti chiah si lo a. Chu ai chuan picnic type deuh in zin i la kan tia.



Mi in a thlen aiin an ram emaw hmun rem lai a in nghah dik a mah ni a in bawl chawp a tent vel a riah kan thlang deuh vek a. Duh leh chhungte nei rem chang chu an chhungte inah an in nghat thei tho a. " Ka ti zui leh siam siam a. Ka nu leh Terini pawh chuan an ngaithla uluk ngang mai.



" A nawm dawn chu, in in zawm khawm chuan 50 in chuang ve daih awm sia thlen in pawn a daih lo mai thei cheu a. In tih dan chu a nawm hmel. Ngaihzawng nei tan a nuam leh zual a. " A tawp lam chu fiamthu thu tak deuh chuan a rawn ti a ka lo nui ve sak. Nia, in ngaizawng tan a nuam leh zual ang.



" In va In in fim khur u la. Tiang hun tak hi chet khaw lo na hun rem chang a nia. Mipa leh hmeichhia khuah khirh tu mumal nei lo in i zin dawn a. Rilru neih hle tur. " Ka nu lah chuan thu tak fe in a la rawn ti zui.



" Awii... I fanu hi chu min ring tawp rawh. Chutiang a che sual tur in bialpa pawh ka la neih loh hi. " Ka ti let hlak a. Terini chu a lo then sak sak mai. Ka nu in min zilh leh dawn tih a hria pawh a ni mahna.



" Chutiang lam kher a chet sual ka sawi lo. Ruihtheih thil lam thleng in, tih chhin te kha a tum pawh tum miah lo tur. Vawi 1 tih chhin hian a hnu leh a hring zel thin. " Tiin min zilh zui char char a. Chaw kan ei chhun zawk a. Ka pa leh ka u pawh chuan an sawi zawm nghal a. A tawpah phei chuan " In fanu leh in farnu hi hmeichhe khaw lo deuh a min ngai in ang thin. " Ka ti thlawt. Ka u pawh chuan a ngaihtuah chiang a niang a nuih a za leh viau sia.




Chaw ka ei kham in ka in siam a. Ka thiante pawh kan in nghahna tur lam an pan thu min rawn hrilh tawh a. Kei pawh chu ka chhuak zui ve vat a. Vawin a hna tlang tur kan tan lutuk lo a. History dept atang in min 6 leh kan dept atang in mi 6 tho kan in ruat a. Thil hah thlak tih tur a awm hran lo bawk nen kan in ruat tam lem lo. Kei pawh hi assistant cr ni lo i la chuan ka tel kher lo ang. Ka tel dawn vang in ka thiante 2 ka ti lui ve tlat bawk a.



Kan class Cr te veng a mi bus kan hmang dawn a. Tui leh ei tur chhe har chi kan lei chu a theih ang ang bus ah kan dah lut a. Vawin ka tlan dawn lo a tih vang in a rem chang tiin kan thil lei ho pawh chu kan dah lut nual a. Tent kan hawh tur kan va lam te pawh chu kan han dah lut a. Kan ti rek rek a chawhma chu kan hmang zo der mai.



" Bazarah kal i la? " Kan tih tur kan zawh chuan Didiki chuan a ti a. " Enge kan ti a nga. Pawisa pawh ka nei lo kei chu. "Opi lah chuan a lo ti vat. " Kei pawh ka nei lo. " Ka lo ti ve bawk. " Engmah lei a ngai hlei nem, kan kal mai mai dawn nia. " A tih vang chuan kan hnial ta bik lem lo.



Kan pathum chuan ke ngat in kan phei a. Mahse kan tawng phei char char a kal kawng chu thui pawh kan ti lem lo. Civil hospital thlangah kan phei a. Kawng chungah chho in MC ah inchung lam atang kan lut a. Cooler pan hmasa ber in tui kan in a. Muang changin kan kal kual a. Poisa nei miah lo in thawmhnaw te kan han en kual ve duah bawk. Engmah lei lo bawk in kan chhuak a pawn ah chuan kan han thu khaw muang leh a.



" Nang ni pathum kha... " Ring leng lawng a an rawn tih na lam chu ka hawi a. Roa te thian ho chu kan lam pan in an rawn phei a.



" Enge in tih? Hetah kan in hmuh hlawl chu. " Roa chuan kan bul an rawn thlen chuan a ti a. A bulah Dinpuia leh Hruaizela pawh an awm ve bawk.



" Kan zinna tur mamawh vel kha kan buaipui a. Nang ni te hian a lawm ti tur. In hman ropui si. " Diki chuan a ti hlak hlak a. Kan in nel tawh bawk a an ni lah chu an la nui mai mai zui.



" Zorema te dawrah kan phei dawn a sin. Lo kal ve u la. " Hruaizela chuan a rawn ti ta thung.



" Enge kan lo tih a nga? Kan haw tep tawh a sin. " Opi chuan a lo ti ve bawk.



" Tih tur te chu a tam a lawm. Thil kan va ei teuh dawn nia. " Roa bawk chuan a rawn ti leh a. Kan haw kawng lam a ni tho bawk a tiin kan zui phei a. Zorema te dawr kan thlen chuan ka a mah reng reng hmuh tur a awm lo. Nu Ruati a lo awm a, min hmu chu min lo nuih nghal sang.




" Khawnge Zorema? " Roa lah chuan a ti lut lawng lawng a. An thian ho thawveng hlawm lutuk hi chu. " Vawin chu kei mah zawk ka thu. " Nu Ruati chuan lo ti ve vat.




" A van ngeiawm e, phone a chhang thei si lo a, a awm kan ring a sin le. Hei a nula treat tur kan lo hruai bawk a. " Roa bawk chuan a ti leh. A hnungah Dikin a sik zeuh pawh chu ka hmu reng.



" Lo thu u la, a mah kher a ngai a mi. Zonuni te chu enge in ti a? " Tiin min rawn melh ha a. Kan hnatlan thu te chu ka lo sawi ve luam a. Nu Ruati hmel ka hmuh chuan Opi thu sawi kha ka hre chhuak rum rum a. A mah en hi chuan ka awi lo lek lek zawk. Mahse hun kal tawh a nia, lo dai sual ve zeuh mahse tunah chuan chhungkaw tha tak a din a. Nu fel leh a fa te tan in nghahna tlak nu a ni a. Pa Lsa nen an in hmangaih zia pawh mit in ka hmu a ka beng in ka hre bawk. Chuvang chuan a hun kal tawh lo ngaihtuah ve vak chu tul ka ti teh chiam lo.




" Hei a rawn call, kan be lawk. " Dinpuian a phone rawn ri chu a la zui nghal a. A ngawi vung vung a. Kei ni pawh a sirah kan lo thu thap a. Nu Ruati chuan min be seuh seuh a. Ka thiante pahnih erawh chuan Principal nupui a nih vang nge an biak danah an zam viau mai. Kei erawh in thenawm kum hlun kan nih bakah kan in pawh bawk a kan tawng tui phian. Kan zinna chhung chang vel min sawi pui bawk nen ka thiante pawh chuan an chhang ve zel a.




" A lo kal dawn a nih chu. Ka lo thleng tep a ti. " Dinpuia chuan rawn luh pah in a ti lung lung a. Sir lamah dawr a an chhawrte pawh an awm a, min en hrek hrek bawk nen nuam kan ti lem lo.



" Kan lo va kal mai dawn a mi le, dawr kan ti chep mai mai. "Didiki chuan in thlahrung dak hian a ti a. A ni ve reng bawk a. An dawr hi a te hran lo. Mahse hna thawk an chhawr te nen chuan kan tam phian.



" I in thlahrung a nih khaa... I rilru tak chuan haw I la duh loh kha. " Lalroa lah chuan a la ti huah huah zui a. Didiki chu a meng rum ngang mai.



" A.... Nuam lo ti suh u. In duh chuan inchungah lo han nghak ru. Roa hruai chho u la, an in thlahrung a nih hi. Zonuni pawh kan dawr hi i toawh khat lutuk la a ve rawh. " Nu Ruati chuan a ti a. Roa te lah chu an ding hluai a. An din phei chua kan sang in an hrawl sia dawr an ti chep zual.



" Lo kal ru, kan rual law law in in haw dawn nia. " Hruaizela chuan a ti a. Min ti lui ve hlawm tlat bawk nen kan zui chho a. Kei pawn Zorema hmuh ka duh vangin ka zui ve zel a. Inchhungah kudam an deuh a lo awm a. A bulah thurhlengte leh thil dang a lo a nual mai. Kudam a an rual in an hahchawlhna a ang mah zawk.



" Zorema nu chu a van fel tak. Bakah an hausa sia hna a la thawk in dawr a la nghak peih a nia. A hmeltha bawk sia Principal lah a pa bawk nen an fate chuan chhun lo thei an ni lo a nih hi. " Didiki chuan a ti hliai a. Kan lo nui dar dar.



" U hmeichhia nurse chhelo deuh a nei a. Hruaizela hian a atar viau nan a nau ang in a en daih a. A khawngaih thlak a nia. " Roan a tih chuan ka nui vek. U Duati an tihna a ni ngei a nga. Kan in hnial leh barh barh thin. Kan tawng tui lutuk a Zorema lo thlen lai reng kan hre lo.




" Min lo nghak rei em? " Dinpuia bula thut thlak pah chuan a ti a. " Kan lo haw hman tep, khaw nge Zorina? " Dinpuia chuan a ti let a. " A lo kal ve hman dawn lo. Nang ni pathum pawh maw? " tih zawm in kan lam chu a rawn hawi a, kan lo nui tawi tak mai. Min rawn melh zawk in a hawi sawn leh nghal hmak leh nghal. Ka chungah a lawm lo viau tih a chiang.




Hman zan a an in sual na vang chuan a hmai vel chu a khem ve nual leh nghal. A ngai te bawk in an tawng leh lawng lawng hlawm a. An aw a thum in a lian hlawm sia a rapthlak ka ti zawk. Kei ni pawh kan thian th chuan kan ti ti ve reng bawk a. Coffee an chah a. Eitur an chah bawk a, kan in ei puar viau leh nghal. Zorema erawh in min la be miah lo thung. Kei pawh chu Zorema ka va melh a piang in min lo en ve zel vang chuan ka i thlahrung dek mai.




" College kan chhuak tep sia, zawm leh te in tum hlawm em? " Hruaizela chuan a rawn ti hlawl a.



" Tum chiah lo. Diet ah training ve daih ka duh kei chu. " Diki chuan a ti vat a. Opi erawh in a la hriat loh thu a sawi thung a. " Zonun nang, i zawm ve leh dawn a mi? Kan in hmu leh dial dial ang chu. " Roa chuan a rawn ti a ka nui ringawt.



" Zawm chu ka tum.... " Ka tih rual chuan " A van tha tak. In phat san loh tur. Kan thian ho chu zawm tum in ka rilru kan siam vek. Nang chu i thian ten an phat san che a ni maw. " Dinpuia chuan a rawn ti ve leh.




" Kan phat san a ni lo aw. Zawm pawh ni i la a mah hi a bo daih dawn a lawm. A u in Bengalore lamah a hruai thla daih dawn. " Diki bawk chuan a ti leh a. Ka u sawi an hre ve kal turah min ngai nghal ringawt a. An hah thlak a nia.




" Woww.... A va fair lo ve, Zorema i tlan san dawn a ni maw. " Roa chuan then thaw in a lo ti a. Za lo zet in ka nui sak a, Zorema erawh a nui tha duh der lo.




" Bawiha ka haw dawn a sin, dawr hi i rawn chhun zawm dawn a mi? " nu Ruati chu rawn chho in a rawn ti a. Zorema pawh chuan a lo aw ve mai.



" Zonun ka rual in i rawn haw duh em? Nge i thian te rual in i let dawn? " Tiin nu Ruati chuan min rawn en a.



" Ka lo tel mai ang, kan veng a in perh san tho a. " Tiin ka ding a. Midang ho chuan min lo chelh der a. Zoremsanga erawh a thu naah a thu ngawi ngul ringawt thung. Min chelh pawh a tum ve miah lo nia.



" Nu... Bye aw... " Step kan chhuk tur chu Lalroan nui vur vur in a la ti zui.



" Dawr ti hnawk su aw, kan nula te ka zawt leh vek dawn a nia. " Nu Ruati chuan a ti hlak. Dawr kan chhuah rual in kawtah an motor a lo ding reng tawh. A hnungah chuan kan lut vat a.




" Tunlai hi i thianpa ne hian in in zui tam vak na nge. I rawn leng khat tawh bawk si. I thianpa lah hi enge maw a hriat ni tunlai chu in a awm khat nen a awm ve chhun lah hian a vin hluk hluk reng mai a. " Nu Ruati chuan ti ti satliah hian a ti a.




" Kan in kawm reng tho a mahse a hma ang in kan in zui thei meuh lo. College lamah neuh neuh tih tur ka nei thin sia. Bakah kan zinna tur vel hi kan buaipui nasa bawk nen. Kan zin a nga kan raw haw chuan exam in a zawm mai dawn sia, lehkha in zir lawk ve deuh a ngai bawk nen, mahni buai buai in kan buai ve a niang. " Ka ti let luam.



" I thianpa te hi chuan a zir leh chuang nang. Zan tin deuh thaw a leng chhuak a, thu hrilh in awm zia a nei mang si lo. Hei zan hnih chu a riak chhuak leh tawh a. I pa Lsa pawn a hau zing. An unauah hian a danglam bik tak tak a ni. " A ti zui leh barh barh a.



" A ni te chu a rilru a chak a lawm. Ti hian a awm mai mai ang hian a lang a, a fail ngai chuan loh hi. " Ka ti let ve thung a. Nu Ruati pawh a nui hak hak.




" Nia, engtin hian nge maw a tih thin ni. Mahse i bulah rawn zir in note te lo pe lo la chuan a pass thian bik lo ang. " A ti leh mai a. Ka nui liam mai mai, kan inah a rawn zirah engmah a ti ngai si lo a. An ni lah hian an hre der mai si lo.




" Tak a i u chu engtik maw a chhuk dawn a. " A rawn ti leh. " A la chiang chiah lo. Kan exam zawh lam a nih ka ring. A sawi dan kha chuan. " Ka ti ve mai a.



" Chawlh la in a rawn hawng a hna bawk a thawk leh a. I nu leh pa an fel bawk a fa an nei fel riau cheu. I u Duati hian sawi ve zeuh hi a ching a. Kan chhungkuaah chuan in umau hming hi a lang ngun a nia. " A ti luam a. Kan ti ti neuh neuh chhungin in kan lo thleng der a.



In ka luh chuan ka nu ten haw tlai min lo ti leh nghal. A ven hian min veng hi a ni ringawt. Chaw kan ei a, zanah lehkha ka zir laiin bike ri ka hria a. Tukverh lam ka hawi chu Zorema an in gate a a tlan lut ka hmu a ka thaw huai mai. Zan in chu a rawn haw ve hram a, engmah ti lo mahse a riah chhuah a, a bike awmna a ruah huai hi chuan ka lo mu thei lo ve ringawt zel a. Ka rilru hi a luah khat hneh ta viau a niang.



Dar 8 a pelh chauh vang in leh kha ka zir zawm leh a. Ka thian sa ho hi en nawn zawh hram ka tum bawk nen ka nei ngawrh ve viau mai. Dar 11 velah mu tur in khum lam ka pan a. Ka phone ka check leh zuai zuai a. Rin lo lutuk in Zorema message pawh a lo a vang mai.




*I u chu zui i tum a mi? * tih te hi a lo awm a. Tawi hle mahse min ti hlim em em tho. Mi hi han hua in mi han be duh lo ve thin mahse a rei berah ni 3 emaw ni 4 bak hi a ni ngai lo. Lungaqwi lo chung hian min rawn be hmasa leh hnu hnu zel a. Chu chu ka hriat sa vang a ka tih thinrim pawh a ngawi a min rawn biak hun nghak ka ni thin. Ngaiah ka nei tawh hial a nih ber chu.




" Umm.... Ka tum. " Tiin ka reply a. Kei mah chua ka nui ver ver mai. Dik tak chuan ka tum miah lo. Kar lehah kan zinnaah ka rilru put dan hi hrilh ka tum rilru zawk a. Ka u te chu eng pawh lo ni rawh se Zoremsanga hi ka hlat hlen phal lo tih ka chiang a. Enge kan thlen dawn chu ka hre lo mahse zep reng chu ka duh tawh bik lo. A seen thei tawh loh danah a muhil tawh a nih ka ring a. Kei pawh chu ka muhil ve nghal a.




Zing ka tho ka phone ka en hmasa ber a. Ka message kha a seen a mahse reply na ka dawng tawh lo. Zingkar a min rawn call harh chu sawi loh a morning wish tak ngial pawh ka dawng lo. Mahse ka thinrim miah lo thung. Ti hian thinrim se naktuk maiah kan zin tawh dawn a, tah chuan a mah ti phu zawk tur ka hrilh dawn miau a. Mi a ti buai nasa thei bawk a rei lo te chu buai ve rawh se.




Inhnuaiah ka chhuk a, inkhawm kan ngaih avang in chhung inkhawm hmang in chaw kan ei nghal a. Biakinah pawh u Duati nen an rawn in phur chu ka hmu reng. Min la be duh lo tluang zel a. Inkhawm laiin u Duatin Zorema thin chhiat leh mood off ziah a sawi chuan nuih lo har tak a ni. An chhungkua a a ng ve ber a nia u Duati lakah a I hri thla a ni chek ang chu.



Chawhnu inkhawm in zan erawh naktuk kan zin dawn vang in in siam fel chhuan lam in ka in khawm lo a. U Duati Terini a rawn sawm a. Ka u pawh hna en lawk tur ka nei tiin a in khawm lo bawk a. Ka nu leh pa leh Terini te erawh an in khawm ta thung.




Ka in pack zawh chuan phone khawih in ka khumah ka thu mu a. Kan thian ho in naktuk kan kal dan tur vel te an sawi a. Mahni lir thei ken tur nei an awm ve vang in bus ah pawh kan tawt lutuk lo chuan a rinawm.




Ka phone ka khawih mial mial lai chuan call a rawn lut thut a min la ti phu chiam leh nghal. Rin loh lutuk in Zorinpuia a ni ve teh khiah. Ka la ve mai a.



" Hello... " Ka ti sep.



" I la muhil lo maw? " a rawn ti zawi sup a.


" Hil lo deuh, enge ni ta? " Ka ti let ve mai a.



" In in kawtah khan ka awm a. Lo chhuak lawk la, thil hrilh tur che la nei. " A tih leh rual chua khum atang vhia tho in tukverh lam chu ka hawi a. Sir lam th chin deuhah chuan a lo ding tak tak.



" Ka pa te an mu vek tawh a, a chi lo ang. Ti hian sawi mai la. " Tukverh bul a ding reng chung chuan ka ti let vat. A rawn thaw zui hawk leh nghal.




" Zorema a nia. " A ti ringawt a, hrethiam lo zet chuan enge thleng ka zawt leh vat.



" Kan in ti buai leh deuh a. Chuan a na ang reng sia, hruai haw kan tum in a rui sual deuh a a duh bawk si lo. Kan tih luih chuan an in chu kan thlen tho thei a mahse an inchhungah buaina a siam ka hlau sia. " A tih chuan ka meng buai nak.




" A rui sual a? Hepa tak hi chu! A na viau em? Damdawiinah in kal pui lo a mi? A nih loh pawh hruai haw lui ru, an inah chuan a pa te an awm a nga buaina a siam ngam lo ang. " Hlauthawng zet chuan ka ti let a. Pik hmel zet hian a rawn thaw leh hawk a.



" Damdawiin a kal pawh a duh lo. Buaina siam a tum zel bawk nen a thiante pawh min khawih a tum zel sia kan beidawng in ka rawn pan tawp che. I thu chu a awi thin a, i rawn biak chuan a that mai ka ring deuh. " A tih rual chuan ka ner nang.



" Ka chhungte an mu vek tawh a ka chhuah theih loh hi. Bakah chhuah dil mah i la ka pa ten an phal dawn lo hrim hrim. Tunah dar 11 :30 a ri tawh a. " Ka ti leh vat.




" Thisen a chhuak hnem lutuk a. A ban ruh a tliak bawk in ka hria. " A rawn tih leh rual chuan " maw.... " Ka ti nghek.



" Ka chiang bik lo kan khawih a duh si lo a. " A rawn ti leh a. Ka thinphu chu a rang dawt dawt tawh.



" Rawn be ve chhin la, i chhungte hriat kher pawh a ngai hlei nem. Lo chhuak ru la ka tih fel zawhah ka thlah let leh ang che. " A rawn tih chuan ka rilru a buai ngang mai. Inhnuaiah la chhuk chuan ka pa a harh leh mai ka hlau sia. Roomah chuan ka tei kual sek a. A tawpah chuan thil ngaihtuah chhuah ka nei.



" Kan gate ah khan rawn lut phei la, ka room sir lam thingkungah khan ka lo chhuk a nga, min lo veng rawh ka tlak loh nan. " Tiin Zorina chu ka call leh a. An rawn phei thu a sawi a, kei pawh ka hoodie chu in thawlh in ka phone chu ka ak tha a. Tukverh chu hawng in thingkung a kar phei ve mai ka tum chu ka phak tha mang lo leh nghal.




Thei leh thei lo chuan ka van phei thei hram a. Mahse a kak pui thleng tur pawn ka bei rei ngang mai. A kak pui atang Zorinan min lo dawn thla a. Zoremsanga khan rawn lawn a chhuk leh tur khan hun rei pawh a hmang ngai lo kha a nia. A awlsam hmel ka lo ti ve em em a, a tak a tih ve meuh chuan ka thi lo chauh a ni.




Zorina hmel pawh chu a khem ve nual a. Pem thar a tam viau leh nghal. " Kal vat ang, let har lo i la. Ka chhungte hriat hma in ka let a ngai a nia. Thingkung a lawn chhoh leh saw ka huphurh lutuk. " Ti hlak hlak in a bike dahna lam chu kan pan a. Kawngpui chu a reh ruih tawh leh nghal.




" Lungngai suh. " Tiin a then suk a, a hnugah chuan ka beng hlak.



" In thian ho hi in thaw veng ve hlawm sia e. Naktukah kan zin tawh dawn a, ti nge in lo la in sual tal a. Inah insiam u la mu ve mai mai ta cheu. " Tiin ka phun phei hlak hlak a.



" Nang pawh zu i in a ni maw? " Ka ti leh hnu hnawh. A rim a nam tih ka hre ve chiah zui a. " Tlem ka in, lungngai suh ka zin loh phah loh ang kei chu. Zorema chu a zin theih pawh ka ring lo. " A tih phei chuan ka thin a rim rual rual in ka hlauthawng tel bawk. Ka phone sana ka en chhen a. 12 a ri tawh.



In pakhat kawtah kan ding a, khawi lai nge pawh hre lo chuan Zorina ka zui ve zel a. Ka hoodie lukhum khum in a hnungah chuan ka zui det det a. A pen hlawk mai sia a tlan in ka tlan a ni ber. Kan hma a in Kawngka chu a hawng a, " Lut la. " A tih takah chuan ka lut ve mai a. Inchhung chu a reh tlawk tlawk a, ka hawi kual ruai bawk. Ka hnung lamah Kawngka khar dawp ri ka hriat chuan phu zawk in ka in her ve nghal a. Zorinpuia nen kan in melh ta ran mai.




" Khaw nge Zorema chu? " Zorema ka hmuh mai loh vang chuan ka ti sep. Min melh in chimawm zet hian a then suk a. Zu a in vang nge a mit a sen ram bawk si, an in sualnaah a hmel a khem nuai bawk nen, a mah lah a palian nasa bawk sia . Kawngka a khar daih bawk chu hlauthawng ru zet chuan ka en a, ka hmul thi a ti ding sung sung a, tun a a awm dan hi ka hlau lek lek bawk.



💕💕 tunlai chu naulang exam lai a nia, duh ang in ka regu thei lo a min lo hre thiam dawn nia. In cmt that chuan naktuk zanah kan dah leh ang😘muttui suk2 u.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:51 pm

Miracle love 💕 by Amy Cck



Chapter - 22



💕 ch 21 zawmna i chhiar loh chuan keu let mai rawh aw 💕



" Ti nge... Ngati nge kha tia min en reng a? " A a dan in ka ngaih a tih that tawh loh vang chuan ka ti ban chap. Ka thianpa mah nise a awm dan teh thut chuan awm nuam in min awm tir miah lo. Zorema bulah kan kal dawn emaw ka tia mahse tumah kan hmu leh bawk si lo a. Ka dinna ngaiah chuan ka ding reng a kawngka zawn deuh takah Zorina lah a ding tlat bawk nen ka thinphu chu a rawn rang dawt dawt a, tlem chuan ka hlau ve tan deuh.



" Zorin khaw nge Zorema chu? " Dawt mi hrilh tih ring hlelh deuh si ti lang ngam chiah lo chua ka zawt leh. Mit ti zim san in a hmui chu a pet sawi zeuh a, a kut chu a chet hrut a, enge ka hriat teh reng ni hnung lamah ka lo pe tek dawr a. A mit ko leh lam min san khum zauh in a kut a phar kan chuan a tukhum chu a tuai thuak a.



" Dawt ka hrilh che a nih kha. " A ti ta mai. A thu sawi avang chuan ka meng kawk a, ka nghil dup thei. Ka rin ang tak tak in dawt min hrilh tih a sawi a nih chu. Chuan ka hlauthawnna a zual sauh bawk. Engvang in nge dawt mi hrilh ang. Tun ang zanlaiah kan in atangin dawt hmang in min bum chhuak a. Chuan tu in nge tih pawh ka hriat loh, in ruak ah mi hruai bawk a. Kan pahnih chiah in ka la awm zui a. Ka chhungah enge tih a tum?




" Nangpa hi... " Hlauthawng zet chuan ka ti vak. Ka aw ki pawh a sang tha viau. A chhan chu tunah tak hian thil tha lam ka ngaihtuah miah lo miau a. " Ka haw dawn. " Ka hlauthawng ru viau nan tih lan loh hram tum chuan ka ti a, a lam chu ka pan phei hlak hlak, Zorina chu kawngka bulah a din miau vang in a sirah kal pelh mai ka tum a ka hmaah tak chuan a rawn ding leh chawt. Phawk zet chuan ka melh chho a.



" I haw thei lo. " Ti hmuk nia. Hepa hi enge a hriat ni. " Enge i hriat a? i zu in a fuh lo a mi. Ka haw dawn hetah awm chhan tur ka nei lo. Zorema pawh a awm loh hi. " Ka ti leh vak a. Hlau deuh si ti lang duh bawk si loh in ka awm a ni ber.



" Roomah sawn a awm ang. " A tih chuan awi lo zet chuan ka ner nang. " Â viau turah min ngai a mi a? " Ka ti hlak a a hmui bawk chu a ti sawi leh zeuh ringawt. " Tun tum chu dawt ka sawi lo, um... A ruh a tliak tih vel kha chu ka uar hret a nih kha. Mahse roomah sawn a awm ka tih kha chu a dik a nia. " A ti ve duah a. La awi chiah lo chuan ka melh leh ram ram a, " Awm se chu kan tawng hria in a rawn chhuak daih tawh ang. " Ka ti ram hmarh.



" A rui tih kha i theihnghilh a nih ka ring. " Za lo zet chuan a kiai suk a. " Dawt min hrilh a roomah sawn a awm lo a nih vaih chuan i chak dawn lo a nia. I rin aiin ka chak a nia. " Ka tih chuan nuih za hmel a pu deuh in ka hre leh nghal. Ring hleh deuh tak chuan room ti a a melhna lam chu ka en phei a. In zau tak a ni hran lo a mahse plan fel fai tak nei a sak tih hriat zet in engkim chu a in hung dik thlap a. Bungrua pawh a tam viau a mahse a lang hnawk miah lo thung.



Room a tih zawnah chuan ka ding a. Ka bulah Zorina pawh a ding ve run mai. " Hawng ta che. " A ti zawi sup a, Zorema a lo awm loh vaih chuan tiin ka hlauthawng ru lutuk chu kawngka pawh chu ka hawng hreh tak zet. Ka bulah thaw hawk ri ka hriat rual in min rawn hnaih hrut a kawngka chu a nem hawng a. Room chhung chu a thim vek ti ila dim light eng lo te hian a eng a.




" Khawnge Zorema. ., " Ka tih rual in ka hma lam khum kil lam a rum deuh tuah tuah ka hre zawm a ka hawi nghal vat. Khum in a lo hliah deuh vang in ka lo hmu mai lo a niang. Thawm a siam takah chuan a mah a ni tih hria in room chhungah chuan ka pen lut vat a khum chu kal hual in chhuat a Zorema lo thu sawp nuai bulah chuan ka thu thla vat a. Room chhung chu an khar phui bawk nen zu rim a nam rum rum a, Zoremsanga bul ka thlen phei chuan hai theih rual lo in a nam nasa.




" Heii.... Zorem I harh em? " A biangah chuan dawm in min en tur chuan ka siam rem a. Mahse a hmel ka hmu chu ka in seh ruh zui nghek. A mit ho te a biang leh a hmui sir te chu a khem ve nual a, a rui lutuk nge mit pawh a meng thei lo a niang a chhing tlat.




" Ti nge i in sual ziah a? Zu i in pawn tha deuh in in ve mai ta che. " A awm dan harhfim lo leh hmai vel pem nasa lutuk chu thinrim tun in ka vin nghek a. Ka thu sawi chu sawi loh a bulah ka awm tih pawh hre lo ang hmak a a awm chu thinrim zet in a ban bulah chuan ka beng hlak a, a na nge harh lem lo chuan ner sawk nia.



" Zhumah hian min lo dah chhoh pui teh. Ti harh i la, a ruih reh deuh se haw pui kan tum dawn nia. " Hnung lam hawiin Zorina chu ka en a, engmah sawi lem lo chuan min rawn pan ve mai a. Zoremsanga chu kuah tho in kan bul lawk khumah chuan kan thut tir a, a chatthla zui a maw ni a zawi nguai a. A palian in a rit bawk nen ka lamah a rawn awn phei chuan ka pai nawk nawk a, ka zep lo mai a zu rim a nam huam huam bawk nen hreawm tak a ni. Kei mah pawh hian ka nam ve vek in ka hria.




" Ti khan lo awm pui la, drawer chhungah sawn a pem vel a hnaih tur damdawi a awm ang . Tui emaw in tur thil dang pawh ka va la ang. " Zorinan a tih chuan ka bu ve nghat a. Engmah sawi zui lo chuan a chhuak zui nghal a. Kawngka a khar rual chuan thaw hak in Khum sirah chuan ka thu thla a. Khum lu lam nghengin kan thut tir bawk a, ka melh vang vang ringawt.




" Ti nge hetiang tih hi i sim theih miah lo a. Min ti mangang thei lutuk ngaihtuah loh che tum pawh hian ngaihtuah loh theih loh hian i awm thin. " Ka ti sep. Ding chhuak in drawer lam chu ka pan a, damdawi box ni awm tak lo awm chu ka hai rak rak a. " I duh chuan i siam tha thei a lawm. " Ti ri ka hriat chuan khum l chu ka hawi vat a. Min en chuan ka hria a mahse room hi a eng lo lutuk a ka hmu fiah chiah lo.



" I harh maw? " Tiin ka thaw hap. Kan haw vat thei dawn a nih hmel a ka thaw veng huai. Damdawi chu ka khawih ri leh rak rak, room chhung eng phe ruai vang chuan pemthar damdawi tak pawh ka hre thei lo. Khaw nge room light on na hi le. " Thaw hal a tiin ka hawi kual nghal a. Plug ka hmuh rual chuan ka on nghal vat.



Damdawi chu la in khum lam chu ka pan leh a, khum tlangah bawk chuan ka thu thla leh dat. " Ti nge chatthla khawp khawp a i in a. In la in sual zui a, tu te nen nge i in sual? " Tiin ka en reng a. A ni erawh chuan hma lam chu a melh ngur thung.




" Ti nge i u bulah i zirna i zawm dawn tih min hrilh loh. Nang hian min hlat chu i la tum char char a ni ti raw. " Tiin min rawn en a, chhang lo chuan ka damdawi ken chu hmet chhuak in Zorema chu ka thut hnaih dat a.



" I harhfim hunah kan sawi dawn nia. Khawi i pem kha damdawi hnawih phawt i la, in ti harh la kan haw dawn nia. A tlai tawh naktuk kan zin tur nen in siam te i ngai ve lo a mi. " Ka ti leh vat a. A hmai pem a damdawi ka hnawih tur chu ka ban rekah a rawn vuan chawt a. " Ka zin dawn lo. " Tiin min rawn en a ka ner sak.




" Kei ka zin dawn thung a lawm. Chuvang chuan haw vat ka ngai. Dar eng zat nge ni tawh reng reng le. " Tiin ka kut chu ka pawt let a ka phone ka hmet eng zeuh chu ka thaw chhuak hap. Dar 1 a pel tawh a nih chu rapthlak hian. Kan in atang khan 12 rik hma hret in kan chhuak kha a nia rin ai chuan a la tlai lo zawk.




" Nang pawh i zin dawn lo. " Ti ri ka hriat rual in ka phone chu a rawn la nghal daih a ka melh nghal haw mai. " Enge maw i hriat le? " Ka ti hlak a kan in melh hnai bawk a Zorema ka en chuan mak ka ti deuh. Zu rim a nam rum rum a mahse a mit meng chu a fiah in a thim rap a. Nidang a a zu in mit meng nen a in ang lo. Ni lo.... A rui lo mit meng ang chiah a ni.



" Nangpa hi i rui miah lo a ni ti raw? " Zu rim a nam nasat em vang chuan in ring tawk bik chiah lo chuan ka ti chhuak tawp. Min melhna atang chuan a hawi sawn zui hmak a, ka ringhlel zual sauh. " Rui e.... Zorina ne kan in a.... " A sawi zawh a chuan a biang ve veah chuan dawm in ka lam hawi chuan ka kuai her sawk a. A pem lai ka khawi nge a ner sawk pawh chu ka hmu reng.




" A ni maw? Khawi maw ka mitah hian min en lo teh. I ruih leh ruih loh chu i mit meng atang ka hre chiang khawp a nia. " Ka ti hlak hlak a. A biang a ka vawn beh miau avang chuan min en lo thei bik lo.



" I rui miah lo. "


" Ka rui. "


" Rui lo. "


" Rui e. "


" Tak tak maw? I va meng fiah si ve. Tlem te i lem hlek pawh ka hre thei a nia. " Ka tih rual chuan dawt sawi tih hriat lutuk in a mit meng chu a tlan chhe nghal ruai a. Ner nawng in ka vawnna chu ka thlah zui hmak.


" Hahh.... Ka hriat loh hi i ring a maw ni. Nang a rui leh harhfim hmel hre hrang lo tur khawp a mawl ka ni in i hria a maw ni. " Zoremsanga melh rawm chuan ka ti a. Chhuak lo zet a khuh khurh khurh in a hrawkte a thian der kual vel a. A awm dan chu ka nuih a za viau nan nuih erawh ka tum lo.



" Tho rawh haw phei ang, zing thaw hma kan ngai a nia. " Ka ti leh hap a. Zan lai a dawt mai mai a min rawn bum chu ka thinrim rual in inhnial ka peih ri thlawt lo. Ka mut a chhuah tawh bakah haw vat ka duh.



" Ka sawi tawh kha kan zin dawn lo. " A ti leh hmuk chu ka chek hlak. " I duh leh zin lo la kei chu ka In duh a lawm le. Min ve thlah haw tal rawh. " Ka ti leh vak. " Aih. " Tih zawng a min chhang chu ka melh rum ngang mai.



" Rui der kual vel suh aw. Ka dawhtheih lai hian tho vat rawh. " Ka ti leh hlak. " Ka sawi tawh kha kan zin dawn lo ve ve. " A ti tlat bawk si, hahthlak ti zet chuan ka melh mawl tawp.



" Enge maw i hriat ni? Ti nge i zin lo vang chuan ka zin loh ve ngawt a nga? " Ka ti teu hlar a. Mahse a thu rawn sawi leh avang chuan ka en ha mai. " Engmaw i sawi kha? " Ka tih leh rual chuan " Nupui ka ru ka ti a nih chu. " A ti nawn leh a. Ka hawi buai nak mai.



" Tu nge chu chu?" Ring ngam chiah lo chuan ka zawt a . Hepa hi ka lakah  beidawng tawh lutuk a nupui hi a lo ru tak tak a maw ni.


" Tu nge I nupui ruk chu? Khawnge I dah?" A ngawi reng bawk nen ka ti leh vat. Â taksa che awk chuan a thaw chhuak hawk a. Ka lam chu rawn hawiin " Nang mah! " A ti a nih chu! A tawng ring hran lo mahse ka hre sual ti tur chuan ka hre chiang mah mah thung.



" Hahh... Ti nge zanin hi min tih der in tum reng a. " Ka ti ta thlawt. " Ka mitah hian en la ka rui lo tih i hriat ang chiah khan ka ti der lo tih pawh i hriat ka ring. " A tih takah chuan ka nui tawp riai riai.



" Â viau lo teh, thil ni lo lo sawi lo khan tho la haw phei ang. " Ka ti leh hram. Rawn thawh chu sawi lo chhan pawh min chhang duh tawh thak lo.



" A tha e, min thlah haw lo tawp rawh. Zorina ka in thlah let tir mai ang. " Ti hmak in ka ding a room atang chuan thinrim zet chuan ka chhuak a. In zau tak a ni lo ka tih tawh kha, choka lam chu ka pan phei a. Light a lo in off thap a, inchhung chu a reh vek leh nghal.



" Khaw nge a awm le? " Ti a ka zawn kual laiin Zoremsanga pawh room atang a rawn chhuak ve ta hram. Hre lo ang hmak chuan ka kal pel a. " Zorina chu a haw tawh . " Inchhung ka en kual vel ka hmuh mai loh vang a inchung pan na ni awm tak step a chhoh ka tum chu a rawn ti a ka ding dat.



" A nih chuan kei mah in ka haw mai ang. " Tiin kawngka lam chu ka pan a. Ka hnungah min lo zui zel tih pawh ka hria. Kawngka zawn ka thlen chuan pawh hawn mai ka tum chu ka hawng thei tlat lo. Ka sawi dat dat a mahse awm zia zu awm miah lo a. Chhung lamah chuan a in kalh lo tih ka hmu chiang bawk si.



" Tum buai duh suh pawn lam atang a inkalh. " Ka hnung lam a mi lah chuan a lo ti sam et a. Thaw hak in thinrim zet chuan ka beng dawt ringawt.



" Phone let leh rawh. " Ka beidawn tak hnu chuan  lam hawi chuan ka ti ta tawp.



" A teuh lo. "


" Zoremsang . " Ka ti nghek ringawt.



" A tha e kei man ka phone mai ang. " Tiin ka hoodie ip chu ka zen a. Thil hre chhuak thut in Zoremsanga chu ka en leh a. Chimawm zet a min nuih in a mit chu a rawn kan uk a. Nichin khan dar zat ka en laiin a rawn lak daih tak kha.



" Khawi ka phone? " Tiin a lamah chuan ka kut ka dawh a. Min pek erawh a tum hmel loh nasa.



" Pawm ve mai rawh in hi i chhuah san dawn lo tih. " A ti chuan thinrim in sum zet chuan ka thaw hap.



" Â viau lo teh, i ngaihtuah ang ang hian che thin suh. " Dam deuh zawk chuan ka ti sep.



" Tiang a ka ti mai loh chuan min hlat tum zawng hlir in i ngaihtuahna i hmang si a. In ngaihtuahna hun pawh ka pe rei tawk tawh bawk che mahse a sawi lem si lo a. Ka rem hriat dan a ka tih mai loh chuan. Ti hian ka ru che a, ka ta i ni tawh mai. " Awl sam zet a a tih chuan hahthlak ti lutuk in ka en tawp.



" Nang pa hi i rui tak tak zawk a mi a? " Ka beidawng chuan ka zawt ta tawp. Thawk la hawk in ka hmui chu a pet sawi zeuh a. Ka lam a a rawn pen hnaih rual chuan ka tawlh hnung dat a. Mahse kawngka ka ngheng nghal der. Zorema nen pawh in hlat tak kan nih loh vang in min rawn hnaih chilh rang viau.



" Ka rui leh ruih loh chuan fiah i la. " Tih leh ka bek ve ve a rawn dawm in min kuai dak deuh a. Tawngka tum chiah chu rawn kun hniam in ka hmui chu a hmuiin a rawn khar nghal hmiah! Rang zet chuan nem sawn ka tum ve nghal a mahse min dawm nghet lutuk tlat. Ka tang ve nasa in chhan let pawh ka chhang let lo chung pawh in min fawp lui char char a nih chu.



" Ti khan ruih chu sawi loh zu far khat pawh ka in lo tih i hriat ka ring. Chuan tun a ka thil tih hi rui sual vang emaw, ka ngaihtuah chhuah thut vang a ti thut ka ni lo. Rei tak ka ngaihtuahna ka hmang in rem pawh ka ruat a. Thulh tumna ka nei miah lo. " Min fawhna thlah in ka hmai si deuh thaw chuan a la awm a. A tawng zawng pawh chuan ka hmui chu a la rawn tawk leh zauh thin. Duh vang reng a in fawp ni ta lo chu ka hmui chu a sa ham ham a, ka thawk chauh ni lo in ka thinphu thlengin a rang vek.



" Ka u bulah khan kal ka tum tak tak hlei nem, ka tih der mai mai che a nih kha. " Ka ti ta ngawt. Kal bo ka tum anga a ngaih vang a tiang ti a nih chuan sawi vek mai a tha zawk. A lak a ka rilru put dan pawh hi ka sawi vek mai ang. Zoremsanga hi ka duh lo lam ni lo in inruk te chu a ti in a tih chi rih lo reng reng. BA final year kan exam tep tawh bakah ka nu leh ka pa te ka hmu ngam tawh nang.



" Kha khan thil a thlak i ring a nih chuan a thlak lo tih i hre dawn nia. " A ti sup.



" A nih leh i rilru ang tho ka pu ve ti ta i la? " Ka tih chuan a mit meng chu a dang lam deuh rei lo te chhung chu. Nui suk in a lu chu a thing nghut a. " Kha chu ka awi hman tep. Mahse kha tiang rilru pu tur chuan hun ka pe tam tawh che. Chhanna erawh min pe thei lo a nih kha. " A tih lai chuan " Kha kha chu.... " Ka lo ti vat.



" Chhuanlam siam tum buai suh. Nang hian ka lakah rilru i pe ve a nih chuan a tha ting a. Chu ti a ni lo a nih chuan kar khat chhung hian min duh ve tum mai rawh. Loh theih loh in ka nei dawn tho che . " A ti nghet charh mai. Sawi tur ka van der a, mahse pasal neih em chu ka la duh si lo.



" Heta tang a kan chhuah hunah engtiang pawn kan in nei ti mah la ka pawm ve miau loh chuan awmzia a nei dawn lo. " Ka ti leh hram. A awm danah chuan a ngaihtuah ve tih ka hria , hnehtu in ti zet chuan ka melh ve ran a. Ka duh tih sawi ve chiah pawh ka ngai lo. A ni lo zawng a la in kan in neih tak tak lo ang tih a saai theih si lo a.



" A nih chuan ka lak atanga i kal bo theih loh dan pakhat chiah a awm a nih chu. " Khi suk a rawn tiin ka banah chuan min vuan a min pawt kal nghal dawr dawr a. Room lam min pan pui tih ka hriat rual chuan ka tang zui ve nghal a, ding chawt in min pu zui nulh leh nghal. Kan room chhuah san takah khan min luh pui leh in khumah chuan min nghat dawt a. Khum mawng lam a ding luah in a jacket leh tshirt a phelh mawlh mawlh chu hlauthawng lutuk chu ka en ta ngawt.




" Ehh.... Enge i tih dawn? " A jacket leh tshirt a phelh zawh a a kekawr phelh tum ni awm fahran a a awm takah chuan hlauthawng aw lutuk chuan ka ti vat. Ka aw ki ka ti sang bawk a a che chu chawl dawtin ka lam chu a rawn hawi a. Kan in melh chiang ngang mai.




" Sawi kher a ngai a mi? " A la ti ringawt zui. A hmelah chuan nui hmel a la pu deuh in ka hre leh nghal. Ka melh rawm a amit ko rawn san uk a ka chil ka lem khalh ringawt. A ni lah in a kekawr pawh chu a phelh zui mai a boxer nen chuan khum mawng lamah a ding a chu ve leh khum atanga chhuk tum in khum sir lamah chuan ka tawlh phei a. Mahse ka chhuk hman lo khum a rawn hniam sulh rual in ka kawngah min chawi zui nawlh a. Ka tukhum khum a ka nghah leh rual chuan ka bek zawn ve veah rawn in nem khalhin hnaih fahranah chuan min melh ta run a.




" Zoremsang han ti vaih teh i chak lo ngawt ang. " A taksa nem tawng tawng chuan ka ti chhuak nghek ringawt a lian si, a rit bawk si nem sawn chu sawi loh chet pawh zu han che eih lo a. " Nangtereuh hi enge i thluak bur te reuh te ah hian i dah a? " Nuih deuh chung a a tih chuan ka che chu ka tawp dat a. " Engtia ka tih che nge i rin a? " Ka mitah min melh reng chung chuan a rawn ti leh. Ngaihtuah dan leh rin dan chu ka nei a mahse ka sawi chhuak ngam teuh lo.



" Tun a ka ngaihtuahna awm hi i hre duh em?" Tiin a rawn awm hniam ruai ruai a, a mit meng thim deuh khap chu sawn thla in ka hmui zawn chu a melh zui ta ngur bawk a, min fawp leh dawn a nih ringin ka che sawn thei bawk si lo nen mit chu ka lo chhin ve ta nghek. Mahse ka rin loh lam daih a che in ka khabeah chuan a hmuiin a nawr vang vang a. Che sawn mai lo chuan ka khabe a a hmui nghat chung chuan a nui suk tih ka hria. Ka mit erawh ka la meng lo.




" Zanin chuan ka ti lo ang. Mahse zan dangah erawh chuan... " Sawi zo lo chuan a nui leh suk. Ka khabe leh a hmui a la in si reng bawk nen a tawnga a nuih te chuan ka lo lum ve hawk thin. Ka thin phu chu a rang dawt dawt viau leh nghal. " Ka sawi tawh kha kar khat chhung hetah hian kan awm dawn, I duh emaw duh lo emaw. I rilruah khan heta tang a chhuah lam hi ngaihtuah suh ang che. A nih loh chuan kei pawh ka neih ngei ngei dan tur che ka ngaihtuah ve thei a nia. " Ti tiin a nui nghawr leh dawt a.



A awm sawn dawn emaw ka tih laiin ka khabe chu a seh pial ralh a, ip zui chawi in ka kut chu ka chet ve a mahse ka chet dan tur lo hre lawk ang maiin ka banrek ve veah vuan in ka lu zawnah chuan a nem bet zui chawt a ka meng chhuak ve nghal vat.



" Mahse eng emaw tih chak deuh chu ka nei. " Tiin chimawm zet chuan min melh a. " Eng maw? " Tiin ka kut chu ka tal deuh a mahse a hmer nghet salh thung. " Lo nghak la. " Tiin a mit chu min siai zeuh a. A mit ko leh hmai tlem khem deuh chuan a luhlul in a tih sual hmel ngawih ngawih. A thip te hi a ti ve lo a maw ni?



Tawng leh ka tum chu a rawn chet hrut vang chuan ka tawp leh dat a, ka kut chu a kut pakhat chauh a vuan in a kut leh lam chu a rawn chet a, a kut tang sei thlurh, hman atang tawh a nalh ka tih thin em em chu ka chalah rawn nghat in muang changin a rawn thai thla riak riak a. Ka hnarah thai thla zel in ka hmuiah a tawp leh dat a. A kut tang in a tawhna chu a mit chuan a chhui thla ve zel bawk. Ka khabeah dawn thla in ka nghawng a thlen phei chuan ka taksa chu a mur seng seng tawh.



Ka nghawng sir lam chu a kut chuan a tuai zeuh a , then suk in a kun hniam a. " Zoremsang.. " Ka ti hman chiah hmui lum ther therin ka nghawng chu a rawn si a. Ka thawk ka hip let nghal vak a. Ka che deuh a mahse ka ban a vawn kawp chu ti nghet zual in a taksa rihna hmang chuan min delh zui bawk nen chet ngaihna pawh awm tawh lo in min dang chep vek.



" Lungngai suh ka seh lo ang che. " Nui deuh chuang a a tih rual ka nghawng vun nem lai chu a lei hmawr chuan a rawn liak zeuh a ka phu zawk thei. Zawi muang chuan a fawp zui dek dek a, ka thawk a pangai lo in ka taksa chu a lum leh pup pup thin. A fawp rei tial tial a, ka nghawng chu naute in hnute an hne ang mai hian a fawp dek dek a. A chang a a rawn thip leh zawk thin vang chuan mit ka chhing leh sawk thin.



Rei fe hnu a che a tawp takah chuan muang chuang in ka thawk chhuak ham ham a. A tawp na ti ang hrim in ka nghawng chu dam zet hian a fawp leh a ka kut a vawn chu a thlah thawk zui ta bawk.



" Muhil tawh ang aw. " Tiin ka sirah chuan a rawn let thla a. Ka kawngah rawn kuah in a taksa si chet chuan min pawt hnai a. Thaw ham ham in ka chhipah chuan a khabe a nghal a. A lungphu ri dawt dawt chu ngaithla in chil ka lem ri khal bawk. Tun a a thil tih khan min ti a lo chauh a ni. A hreawm ka tih chuan dawt chiang tak in ka sawi. Engtin emaw ka taksa hian nuam tihna riau a nei miau a.




Zoremsanga thinphu ngaithla chuan mit ka khap fak fak a. Ti hian muhil se a mut ngheh hunah ka tho a nga, in atang ka chhuak thei lo a nih pawh a phone dah that zawngin midang phone ka tum nghet viau. " Muhil rawh. A nih loh chuan thil dang ka ti leh ang. " Mut chhuak aw ri hnawk tuak a ti ri ka hriat chuan mit ka chhing vat a. Nui che dawt in min kuah nghet leh sauh a, a ni pawh chu a thaw ve suai suai mai.



" Ka thawmhnawah khan zu rim a nam vek a ha chung a mu a ka kuah che chuan rimchhia i tih ka ring sia. Ti pawh hian nam tho mahse a zia deuh a, thil danglam ngaihtuah kual vak vak lo kha muhil rawh. " A ti leh sup. " Engmah ka ngaihtuah lo. " Ka ti hlak chu a nui ringawt a, a tawng tawh lem lo. Kei pawh chuan mit chhing chung chuan a mut thilh hun chu ka nghak a. A awm zawnah ka awm miau vang chuan ka mutthilh ve mai loh nan tiin a thinphu ri chu ka rilru chuan ka chhir kauh kauh bawk.




Tu emaw tawng ri thum dut dut chu kaang hriat leh ruai thin. Ka mut a chhuah em vang chuan mang lamah ka lut leh riai riai a. " Tluang deuhin in kal dawn nia. " Zoremsanga ti ri ka hriat chuan thawh phan pawh awm lo in ka thu chhuak nghal zawk a. Khum sir lamah chairah thu in a hma a bag chu phone be reng chung chuan ka khawih rak rak a. A mah tak phei chu an kawr pawh a la ha lo. Boxer ni lo in towel a lo veng tawh a, a sam atanga tui far fep fep danh chuan a inbual zo chiah a nih ka ring. Chutia ka en reng lai chuan a che chu tawp in ka lam chu a rawn hawi thut a.




" Hei... A mah pawh a rawn tho chiah. A thiante pahnih kha i kutah ka dah a nia. " Zoreman a tih chuan a mi biak chu mipakhat chiah rin ka nei nghal.




" Zorina a mi i biak? " Tih leh khum atanga chhuk ka rual a. A sual ziah chu a bul ka thlen hma in an in be tawp daih a nih chu. A phone chu a sir mai a thuthleng banah chuan a dah a. Rang zet chuan ka ban a min dang miah lo nge ka lak a ring lo zawk ni.



Phone ka hmet eng chu ka meng bial kawk. Tunah dar 11 : 24 a lo ri daih tawh. Tuk pum in ka muhil tihna a nih ber chu. Chuan.... Engtin nge kan zin tur chung chang kha ni ta ang. Ka thiante tak hian min rawn biak an tum lo a maw ni. Tun angah chuan ka awm lo tih hre ve tur chu an ni tawh a sin le.




Phone chu hman mai ka tum a, a in lock tlat leh nghal. A hma a a password a hman thin lah chu a lo thlak vel hmak a. Vawi tam a password chu ka risk a ka hlawh chham thak.




" I duh tawk tawh chuan ka lo la tawh ang chu. " Zoreman a tih chuan thinrim tun in ka pe let ta ngawt. " Hei hi enge a? " A bag lo khaqih chu en in ka ti a. Phone ka khawih chhung kha thawmhnaw pawh a lo in ha fel vek tawh leh nghal.



" Ka thawmhnaw leh mamaqh tur thenkhat te. " Bag chu melh in a ti ve mai a. Kun hniam in ka en kual dan dan a, a ma thawmhnaw vek a ni. Mahse nizan khan hetiang a awm awm pawh ka hre lo, nge ka lo hmuh hmaih zawk.




" Engtin nge hetah a awm thei a? Nizan khan ka hmu awm pawh ka hre lo. " Ka ti chhuak tak nge nge. Min chhang mai lo chuan a bang chu a melh vung vung a " Zingkarah Zorinan a rawn dah. " A tih chuan ka meng buai nak. " maw... Zingah Zorina a lo kal maw? " Ka ti vak pakhat lah chu a lo bu nghut ringawt, ka thaw chhuak hap a. Engtin nge ka hriat loh theih zawk ni. Nizanah a mut hnuah thawh ka tum kha a nia ka lo muhil tlang daih a, chu tah a mah ai ai in ka mutui in zing a Zorina lo kal lai pawh ka hre lo chu a nia. Ka van han mawl tak.




" Zingah an zin hma in a rawn kawi lawk a. Chuan dar 7 rik hma khan an chhuak tawh. Lo in ti fai ve la eitur ka lo va buaipui ang. " A tih chuan Zorema chu ka melh ngawt ngawt. Hepa hi a thil tih hi kal tlang pui a la tum tlat a maw ni.



" Kan buai thui hma in duh tawk teh. Kar khat chhung engtin nge pawn pawh chhuak lo a kan awm tawp thei a nga? Nang chuan i thei pawh a ni mai thei, i thawmhnaw te pawh a awm a. Mahse kei ve hi. Ka thawmhnaw leh mamawh te pawh a awm ve lo a. Bakah ka chhungten ka room an luh chuan ka zinna tur vel a ka ken tur engmah ka keng lo tih an hre nghal a nga min biak an tum ngei ngei dawn. Tunah hian kan zin lo a nih pawn haw mai ang. " Ka ti leh hap. Beisei nei zet chuan ka melh ran bawk.




" Kha mi chung chang chu nizan khan ka sawi chiang tawh in ka hria. Lo in ti fai la, i thawmhnaw i thlak duh chuan ka ta hi i ha dawn nia. I sawi kha khawiah mah kan chhuak thei lo a, chuvang chuan nalh tak a in chei kha a ngai lem lo. " Ti hmuk in min kal san a, en zuiin ka nui ro hak. Tunah khan a thinrim ve ngei a maw ni? Kei mah zawk hi thinrim a lawm lo tur ka ni lawm ni?



In tih fai tum lo chuan Zorema chu ka um zui a. Choka lamah a rik rek rek vang chuan ka phei ve vat. Rawngte a bawl thiam ve a maw ni? Dawhkan bulah chuan ka ding ve reng a.



" In be tha teh ang. Hei hi fiamthuna chi pawh a ni miah lo a nia. Tunah pawh ka pa ten min biak an tum tawh ngei ngei ang. " Ka ti hap a. Muang changin ka lam chu a rawn hawi a, " Ka be tawh, zingah ka rual a kal angin an ngai che. " A ti ve nghut. " Chu pawh ni se, nakin zelah min la rawn biak an tum leh dawn. Chu mi hunah chuan dawt I sawi zel thei lo ang. " Ka ti leh a. Ti nge maw a hriatthiam duh miah loh ni.




" Ti nge min hnaih pawh chu i duh em em a? " A ti ta nghut. Min melh ve run a kei erawh ka thaw chhuak hak ringawt.




" Chutiang a ni lo. Hetia inneih ringawt hi a lawm dik lo ka tih zawk chu. Nupa ni tur te chuan a tir in inkawp a in ngaihzawn pawt te a ngai a. Chuan kan duh zawng leh ngainat zawng te kan in hriat tawn sak a ngai leh a. Thil tam tak a awm a sin. I ngaih ang a awl sam a ni lo. " Ka ti ta ngawt. Ngaihtuah ve ni awm tak chuan a ngawi reng a.



" Tunah hian chuan level 1 atangin level 5 velah i kal daih tih i hria em? " ka ti leh. " Chu chu enge a pawi na? Inngaihzawnna chung chang tih loh a bal zawng kha chu kan in karah a thleng vek tawh tho a. Nang leh kei hi kan in hre chiang in kan duh leh duh loh zawng thleng in engkim kan in hriat sak tawn a. Chuan inngaihzawn chung changah pawh khan kal kan lo in bul tan ka sawm ngei bawk che. I duh miah si loh chuan chu mi chiah kan chu enge a pawina? " a ti ve leh nghut a. Ka dang leh lel tawh.




" Chu pawh ni se pasal ka la nei duh hlei nem. Ka pa te pawn an la phal dawn lo. Kan exam a hnai tawh bawk si, ka rilru i ti buai vek a lawm. Ti hian ti ang, haw phawt i la chuan bul kan tan tha a nga, pangai deuh in kan in kawp a nga, kan zirlai te kan zir zawhah hetiang inneih lan hi chu kan ngaihtuah tha dawn nia. " Dam dap chuan ka ti a. Hrethiam ngei se ka duh hle bawk.




" Ka duh lo. " A ti bur chu ka beidawng lek lek. " A tha a nih chu. Innei tur chuan mi pahnih rem tihna a ngai tih i hriat ve ngei ka ring. He in kan chhuah san hnu a ka zui haw duh loh tlat che chuan min ti lui reng thei dawn lo tih i hria la. In ngaihtuah tha rawh. Ka duh dan ka sawi ve bawk a, i duh dan hi i kal tlang pui a kan inah mi dah let loh a nih chuan vawi khat mah ka be tawh dawn lo che a nia. " Ti tan tan in room lamah vhua ka pen phei hlak hlak a. Roomah lut in kawngka chu ka khar ri bur a ka lock zui hmak. Huiiss.... Hman atanga ka vo nat ve na ber chu ka biak duh tawh loh tur thu in a ni ziah. Ngaihtuah chian chuan a ho ngawih ngawih.




Rei vak loah kawngka chu a rawn kik a, thil ei tur a min tih chuan ka ril tam viau mahse ka chhang duh thak lo. A beidawng nge a kal sawn ve mai a. Ka kawrah nizan a Zorema zu in ti i la, ka kuah a ka buaipui vel na a a rim kha ka la nam vang chuan loh theih loh in kan in bual ve ngei chu a ngai leh nghal. A bag a tshirt pakhat leh a kekawr chu ka la chhuak a, bathroom lam chu ka pan a, thui lum a ka in phuh tir sar sar takah chuan ka dam sawng sawng mai.




Zorema hi ka neih duh loh vang ngawr ngawr a hnawl ka ni bik lo. Mahse tun a a nun dan leh chet danah hi chuan innei a chhungkua meuh din chu ka hlauthawng a ni. Naupang chhia mai kan la ni a, dik tak chuan kan nu leh pa te fakt naupang ber ve ve kan nih ve ve vang pawh hian kan puitling lo dun leh zual a. Ni e.... Innei i la chuan Pathian zarah hna nei lem lo mah i la kan chhungte avang hrim hrim pawn kan ngei bik lo ang. Mahse.... Mahse hi a awm tlat a ni. Mi chhungkaw chawm hlawm ringawt tur a va mo kha ka duh lo. Ka u leh u Duati in kar chu lo dah tha pawh ni i la. Zorema hian tun ang reng hian min duh in min zui kawi reng peih a ngem. Tunah chuan a ni pawh a la naupang a, zu te in in buaina a nei fo a, a puitlin lohna tam tak a la awm a. Tun a kan awm danah hi chuan kan chhungkaw thar din turah hian Pathian hi kan hlat riau a ni.




Nileng chuan ka rilru kawm in roomah ka in kalh khum tlat a. A chang leh in nei ta mai ila, Zorema pawh a puitling phah zawk mai thei a sin ti ten. Ka u leh ka nu leh pa te chu lawm vak lo mahse an thinrim rei kher ka ring lo ka ti thul. A chang leh Zoremsanga ka mawh puh. Tu nge in hrilh lawk lo a in ru tawp ngai ka ti thul. Ka pum a rawn ri rawk rawk a, sana bang a mi ka en meuh chuan ka ner sak. Zan dar 7 a lo pel daih tawh mai. Zoreman a khat tawk a room kawngka a rawn kik pawn ka chhang duh lo kha a nia. Mahse a luhlul zia ka hria a, hetia ka awm reng chuan ka in hrek riltam mai mai dawn tih lah ka chiang.




Tunah chuan va haw leh pawh ni i la ka pa ten la In loh chhan min zawt chik dawn lutuk a ka tal buai dawn tho tho. Ngaihtuahna thar ka sen a ngai a ni. Tiin ka in fuih mawlh mawlh a. Room kawngka chu ka hawng dek dek a. Ka tui a hal tawh bawk nen choka lam chu ka pan phei a. Mahse thlang lam tukverh bul a Zoremsanga ding ka hmuh chuan ka ding ve chawt. Min hnung chhawn a dingin a phone chu a be mawlh mawlh a. Zorinpuia leh bawk a bia tih ka hria. A thu sawi chu ka ngaithla ve reng a, ka thinrim thu leh ka neih duh loh thu vel chu a sawi ve nuah nuah a, a thianpa neih chhun hnenah a in sawi thawl ve te pawh a ni mahna.




An in biak zawh a a rawn hawi chu ka lo ding reng min hmuh vang nge a meng buai ve nawk. Mahse i siam tha vat in a phone chu a ak a, ka lam chu a rawn pan phei a. " I ril a tam em ni? " a tih chuan zep thei pawh ka ni bik tawh lo, lu chu ka bu nghat a. " Lo thu rawh. " Tiin chair chu a pawt chhuak a ka thu ve nghal mai.




" Ei tur i siam thiam a mi? Ka tih awm zia chu chaw te i chhum ve thiam a mi? " Ti a ka zawh chuan a thiam thu zawng a sawi a, a chevel chu la en ve reng a. Ka rin ai a che khawr lo phian leh nghal.




" Ei siam te chu nuam ka ti mahse ka chhungten an zawng chhang ka hlau a ka zep mai mai. " Fiamthu zet a a tih chuan ka lo ner nang a. Ka hmaah chuan egg roll leh bawnghnute a rawn chhawp a. Ka lo en vat, chaw ka ei dawn emaw ka ti kha a nia.




" Zani chu hei ei mai rawh aw, naktuk atang chaw pangai kan ei dawn nia. " A ti ve mai a ka hnial bik ta lo. Ka hma zawn chairah chuan rawn thu thla in min en reng a, kei erawh in ka hma a ei tur chu ka ei mial mial. Nilengin engmah ka ei lo a ka ril a tam lutuk ringawt.




" I sawi ang khan in inah chuan ka dah let ang che. " Ngawi reng a kan awm hnu chuan a rawn ti a ka thil ei lai ka chawl dat . " I ti tak tak em? " ka tih chuan in ngaihtuah muk hmel zet hian a lu chu a bu nghut a.



" Mahse i thu sawi kha i tih ve thung a ngai ang. Ka dah let che chuan pangai tak a bul tan in kan in kawp ang i tih kha . " A ti ve leh a, uar zet in lu ka bu leh nghal. Dik tak chuan ka bei a lo dawng hman tawh a, Zoremsanga luhlul zia leh a tih tawh a thlak mai mai ngai lo zia hre chiangtu ka nia. Chuvang a tunah pawh hetiang a awm kan ni a. Awl sam zet a a rilru a thlak chu mak ka ti lo thei lo.




" Kei pawn phut ka nei ve a nia. " Ka tih chuan a mit ko min san khum zeuh a. Ka hrawk chu ka thian kher kher phawt a. " Kan in ngaizawng a nih chuan zu leh a kaihhnawih lam reng reng i ti tawh tur a ni lo. Chuan insual tih vel te nen. " Ka tih chuan a ner sak.




" Min tih buai miau chuan kan insual mai lohin. " A tih chu ka chek hlak. " Min tiam dawn nge dawn lo. " Ka ti leh hmak. Tul lo tih hmel zet chuan a thaw chhuak hawk " Tiam e. " A tih chuan ka khi sak. Ka pa leh ka u hian zu leh a kaih hnawih lam hi an ngaina lo in in tak ngial pawh an in ngai lo a. Chuvang chian kei pawn ka ngaina miah lo. Chutiang ti ho pawh chu hnaih lo hram ka duh thin a. Mahse Zoremsanga erawh a dang leh nalh. Zu a in vang hian han huat emaw hlat aw kawm duh loh phah ka lo tum ngai lo.




" Sawi tur dang i la nei em? " A tih chuan ka lu ka thing vat. A zu in leh insual hrat bak hi selna tur ka hre miau lo.




" Ihh .... A ho viau nan ka zawt mai mai ang che, engtik atang khan nge ka lakah hian rilru dang i put tan? " In hma tawn a la thu ran chuan ka zawt a. Nui suk in hnuai lam chu a melh zawk a.




" Ka hmuh hmasak ber a tang che khan. " A tih chuan ka ner nasa ngang mai. Kan in hmuh hmasak na ber chu higher kan luh tan tirh a, devotion na a ka zai tur guiter min perh sak tur a kan sawm kha a ni mai a. " Guitar min per sak ni kha maw? " ka ti vat a lu a thing nghut. " Ka mi hma khan kei chuan ka hre tawh che, a tir atang khan i lakah thian rilru chauh ka pu ngai lo, mahse nang chuan thian ang chauh a min en vang leh nangmah hnim hnai tu mila dang pawh ngaihzawng neih i duh rih loh thu a i chhan thin vang khan i kiang a hun tam zawk leh rei zawk ka hman a ka hnaih duh vang che in thian tiin ka rilru la thup mai chauh a ni. " A tih chuan ka ngawi reng ringawt. Engtin nge a in thup thei reng zawk ni.




" Chuan tunah chuan ka rilru put dan hi zep reng a ngai ta lo bawk a. Kum tam tak ka duh a ka hel ruk reng tawh chu ka ban phak maiah i awm tawh a, min hnawl emaw min duh lo pawh ni la pawi tihna ka nei lo. Ka duh che a chu chu a tawk viau. Mahse kal tir che erawh ka tum hauh lo. He hmun kan chhuah san hnuah chhuah lam dang i siam leh a nih chuan makpa chhungkhung tur in ka rawn luh khung tawh mai ang che. " A tawp lam chu nui deuh suk hian a ti a, ka hmui ka ti pawrh nghek ringawt.




💕 niminah ka mitah chinaiin min per a ka meng tha thei lo a nizan pawh ka raw dah leh thei lo a. Zanin pawh men la nuam chiah lo mahse awl leh tawp ai muang tawk in ngaihnawm lo deuh ka rawn dah lui hram, dah loh ai tak meuh aw.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:51 pm

Miracle Love 💕 by Amy Cck



Chapter - 23



" Ka fiamthu lo a nia." A tih leh chuan nui tawh bik lo chuan ka en ve ta ran a. " A tha dawn riau he ta tanga kan chhuah hunah rawn luh khung nghal mai che ka duh. " A awm dan chu ka en reng a. Min bia pawh ni lo in a mah leh a mah a in bia niin a lang. " A tawk ngaihtuah vak suh, kan sawi fel tawh kha innei tur chuan in ngaihzawn hmasak phawtte a ngai a, chuan hmangaihna te a awm a ngai bawk a..."



" Ka hmangaih che." Ka tawng lai chuan a lo ti sup. A mah chu ka en haw ringawt a. Min lo en chian lutuk vang nge a thu sawi vang zawk kha ka thinphu chu a rang in ka taksa hi a lum pup pup mai.



" Nang....nang hi hmangaihna chu enge i hre ngawt a mi? Kei hi min duh satliah ringawt lo in min hma...hmangaih tih chu engtin nge i chian viau theih? " Ka ti bah deuh nak. Hmangaih tih thu sawi kha a harsat sat nen engtin nge awlsam leh zam miah lo a a sawi mai thei bik.



" A chhan chu ka hmangaih miau che a. Ka ngaihtuahnaah hian nangmah chiah i awm ka tih chuan a dik lo deuh. Mahse ka thil ngaihtuah tam zawk erawh nang i ni. Kan pahnih hian i sawi ang khan kan in ngaizawng miah lo mahse khawi atang nge ka ta a ngaih tlatna che ka nei hi khawi atanga lo chhuak nge ka hre lo. " Tiin za lo zet hian a khi suk a, ka en reng ringawt.



" Ka hmangaih che ka ti a ka sawi fiah nan a kan naupan lai a hmangaihna essay kan ziah thin ang mai a in rin tawnna te, in duh sakna te leh in hriatthiam tawnna tih vel ka sawi duah kha chu i beisei lo ang ti raw. " Nui chung a a tih leh chuan ka in rin hma in ka nui hak.




" Sawi tel tho la. " Fiamthu a ka tih let chuan a hmui a ti sawi zeuh a. " Ka duh lo. " Thu tak zawk chuan a ti leh hmuk. Chu chuan ka nuih a ti za zual sauh bawk. " A chhan chu ka hmangaihna hian khang kha a keng tel ve chiah lo. Mipa dang hnaih reng chung a min ring rawh tih kha ka pawm ve thei lo. Chutiang chiah in a tha zawk in duhsak na avang a in hlat phah pawh kha ka duh hek lo. Kan ngaihthlak thin hmangaihna chhung chhang leh kan hriat ve dan ang kha kei chuan hmangaihnaah ka pawm ve chiah lo a nih ka ring. Ka hmangaihna kawl ve hi chu a rilru a te a, a thik thu a chhia a, a dawh thei ve lem lo. He lai chhung a hmangaihtu che hi chuan a hma a sial viau bawk a nia. Midang bulah ka tel lo a i hlim ai chuan midang bul a nui hman lo leke che a tih buai che a thlang zawk." Thu tak fe hian a ti a. A thu sawi lai chu ngun zet in ka en a, a thu tak lutuk chu sawi ve mai tur pawh ka hre lo.



" Ka puar. " Ka ti ta ringawt. Nui suk in a ding hluai a. Ka hma a plate leh no chu a rawn la a thlengsilna lam ah chuan a dah phei a. " Khawi kei man ka lo sil ang. " Ti a ding in ka chair ka nawr sawn chu a tih theih thu a rawn sawi ve a. Mak ti zet chuan ka en haw ringawt. Dik tak chuan an inah tak ngial pawh thleng sil chu sawi loh eitur phei chuan a siam ngai awm ka hre lo. Ka va len luh lai a nih phei chuan min tirhna tur ngawt hi a lo zawng thin kha a nia. A awm dan dang hlawk chuan min ti ham haih lek lek zawk.




" A... A nih chuan ka kal dawn. " Ka ti ta ringawt. Min la melh ngur a, engmah sawi lo in a mit chuan ka chhip atanga ka ke ler thleng chuan a melh kual dun dun bawk nen ka posi hi a lai kual vel vek, a kekawr ka hak lian zet ka hak kawng thawl zet chu ka siam rem ta ngawt. A tshirt ka ha a ka khup a thleng teuh lutuk ringawt. Chu mi hnuai a a kekawr tluan ka ha ve leh bawk nen, a tai ka thawl bakah a sei lutuk a a hmawr lamah ka thlep teuh bawk a. Dik tak chuan tun a ka lan dan hi chu a hnawk ve ngawt chuan ka ring.




" Khaw nge i kal dawn? " ka taksa a enkual zo ta maw tihah chuan ka mitah min rawn melh leh in a ti a ka thaw zui hak. " Roomah! " Ka ti ve mai a. " In kalh khum tawh suh. " A tih leh takah chuan nui sak in lu ka bu nghat. " Ka kawr kha ka inbual pah in ka su a ka rawn chhuak thei si lo a bathroomah a la awm reng a. Pawn lamah hian zar ka duh. Thawmhnaw dang ka nei ve si lo. " Tih chhan deuh hlek chuan ka ti kher a. A nui suk leh nghal.



" Ti khan i in hmeh em kha, i tlan bo a hlauhawm loh deuh a lawm. " Nuih in sum deuh reuh a a tih leh chuan ka nui duh thak lo. " Heta kan awm chhungin ka pa te bulah ka sawi dan tur ka ngaihtuah char char dawn. Ka haw lak lawh a nih chuan engkim a buai mai mai dawn tih ka hria. " Ka ti let ve ta thung.



" A tha lawm, in ngaihtuah rawh. Theih phei se chuan inneih hlen kha ngaihtuah tel la, engkim a fel a ni mai dawt sawi i ngai dawn lo bawk a. " A ti leh chu ka meng kual rakh ringawt.



" Dawt var a lawm ka sawi dawn. " Ka ti ve hram, a nuih lah a zat hmel ngang. " A tha lawm, in ngaihtuahna hun chu i ngah a Nia. Chu tih rual in he in kan chhuah san rual a bul tan tur kan ni tih kha theihnghilh lo la. Step 5 atangin 2 ah ka zuang let leh ang. Chu pawh Zonunmawii vang chauh in. " Ching fek fawk a min melh chuan a ti a. Kal sawn tum a ka in her rual chuan " Kekawr kha hak kher a ngai a mi? Tshirt pawh khan a khuh thui khawp kha. " A rawn ti leh a ka in en kual nghal thuak a. " Kei mah maw? " Ka ti hu chu midang zawng ang hrim hian a hawi kual a.




" Hetah hian midang an awm a mi? " A ti leh chu ka ner nang. " Eka. " Ka ti hlak. A nui hawk chu ka kal san zui nghal a. Roomah lut phei in chhun a ka kawr suk kha ka la chhuak a. Zan a ni tawh bawk nen choka lamah bawk chuan keng pheiin thlang lam tukverh bulah chuan ka zar a. Tukverh atang a ka hawi thla chu a sang phian leh nghal.



" Zuan thlak te kha i lo ngaihtuah leh a nge. " Hnung lam atanga rawn ti ri vang chuan ka phu chiam leh nghal. Ka hawi let chu Zorema a lo ding ve reng a. " Ka phone kha min pe tawh la, ka nu te ka biak ve an ngai a nia. Nileng a min biak loh chuan ka pa in min ngaihtuah leh vak mai ang. " Ka ti let a, ngaihtuah ve ni awm fahran chuan a awm a.



" A tha lawm. " A tih takah chuan ka thaw huai mai. Phone lak a tum nge ni a kal sawn vut a. Kei pawh chu sitting room lamah ka phei a. Tih tur a awm lo bawk nen bang a thlalak lo in tar chu ka melh kual dan dan a. TV stand leh a bul bang belah pawh frame nalh tak tak in thlalak a in tar teuh a. A hma khan ka lo en kan a niang ka hmu ve chauh a. Zorema khan Zorina in a ti kha a nia mahse thlalakah hi chuan Zorina chu a lang tlem ang reng viau.



" Kha le. " Zorema tawng ri vang chuan ka hawi let a ka phone chu min lo pe ve mai a ka la zui vat. " Hei Zorina nu em ni? " Tiin thlalak lam chu ka kawk zeuh a. Zorema pawh chuan melh vang vangin lu chu a bu nghut a. Ka phone chu khawih ta mai lo chuan thlalak bawk chu ka en kual leh a. Zorina a lan ve naah chuan a single a nih loh vek pawn a pa nen an lang dun zel a. A bak a tam zawkah chuan Zorina pa leh a nu leh hmeichhe naupang an ni deuh vek.



Opi leh Didiki sawi kha ka hre chhuak a, Zorina nu in fa bik a nei tih vel an sawi kha. Chuan hmeichhe naupang hi a nih ka ring nghal tawp. Thil dang zawt zui tawh lo chuan ka phone chu ka hmet eng a, a battery a lo low tep leh nghal. Ka nu chu ka call a, phone in ring ral ral ngaihthlak pah chuan sofa in hunna lam chu ka pan a ka thut thlak dat rual in call chu an rawn la ve nghal a.




" Nu... " Ka ti nghal vat a mahse ka pa zawk in min rawn chhan avang chuan " Ee.. Pa nangmah zawk maw? " ka ti zui nghal a. " In zinna chu enge a an? Call i chhang thei si lo kan ngaihtuah hman che a lawm. " Ka pa chuan a rawn ti a. Ka bul a Zorema rawn thu thla chu ka melh rawm a hmui a lo ti sawi zeuh ringawt.



" Nia, ih... Kan buai lutuk a. Kan ri nuai nuai bawk nen ka lo hre lo a niang. Hei tunah ka lo biak cheu hi. " Ka ti ta ringawt. Zorema erawh ngeiawm tawk leh hian a lo nui suk suk a a banah chuan ka bengal zui pawp.




" Chhunah kan be thei si lo che a Zorema kan bia a motor i ruih thu te a sawi a i zia tawh em? Motor i ruih chuan a va buaithlak duh awm ve ka lo tia. Damdawi te kha ei la i zia sawt mai ang. In la cham rei dawn sia. " A raw ti leh a Zorema ka va melh leh chu a lo nui khur char char. Dawt a lo hrilh ve tak tak chu a ni phawt a. A va han in hmeh lo tak.




" Aw... Ka ei a lawm. Khaw nge ka nu? " Ka ti ta daih. Thil dang ka sawi loh chuan ka zinna chan chin te min zawt chiam ang tih ka hlau. Sawi tur vak ka hre dawn der si lo a. " Khaw nge maw a chhuah ni zan zan a hei a phone a ken si lo. " A rawn ti ve mai a.




" Chuan tunah enge in tih a? Miinah in thleng nge puan in te chu in siam? " A rawn ti zui a, bah deuh nuai in dawt kan sawi mai a nih kha. Zoremsanga a lo nui reng bawk nen ka buai teuh thei a sin. A tawp lamah phei chuan ka buai deuh thu sawiin Zorema ka biak tir daih a. Zoremsanga lah chuan a la be thu tak em em mai leh nghal.




An in biak zawh meuh chuan ka lo thaw huai mai. Ka pa in min man chhuah kha ka lo hlau em em ringawt a. Ka phone min pek leh takah chuan ka thiante message pawh a lo awm a, ka reply rual in an rawn call back a. Kan han in be kual leh vel a. Ka In ve lo chhan te lah chu in la hre fahran in Zorema nen kan in ru ang in an ngai hmiah zui a. Zorinpuia a lo hrilh tih lah ka chiang.



Ka bul chiah a mipa thu chu a khat tawk a melh rum a chum leh pawp bawk tih theih ka nei lo. Diki lah chuan an rawn haw hun a ka chhungte hrilh a phir tawh zia te a la sawi zui a. Mahse la hrilhfiah tak duahah chuan an hrethiam ve thei hram.




An zinna chung chang ka zawt luam a, an rawn sawi ve siam siam a. Ka chhungte ka biak pawh a ka in sawi fihlim thei nan ka ti a ni ber. Mahse kan haw hunah ka pa ten thlalak min dil chuan la chhe vek in ka in ring tho.




" In in biak zawh chuan mu tawh ang ka mut a chhuak. " Phone ka dah rual in Zorema chuan a rawn ti sup a ka melh vat. Thatchhe zet in nghenchhan chu a lo ngheng a min lo melh ve reng bawk.



" Umm... Inchungah khian room dang a awm ti raw? " Ti a step lam ka melh chu a rawn bu ve nghut. " Heta kan awm chhung chu room chungah chuan ka riak mai ang aw. " Ti a Zorema ka melh chuan a lawm loh hmel ngang mai.



" Inhnuai roomah pawh kan leng reng a lawm. " A ti nghut chu ka thaw hap. " Len te chu leng tho a mahse a tih chi hlei nem. " Ka ti leh halh. " Enge a chi lohna chu? " Teh hram chuan a. " I hre lo nge i hre lo der? " Thu tha in melh deuh ha pah chuan ka ti ta ngawt a. A hmelah chuan hre lo tak tak pawh a ang lek lek.



" Hria ni i la ka zawt dawn che em ni? " A la ti hmuk zui. " Mipa leh hmeichhia kan nia, in ru tak tak pawh kan ni lo a, khum khat a mut chu a chi loh a lawm. " Ka ti leh hap. Chutiang chu hrethiam tur in a â lo tih ka hria, a hre lo der a nih ka ring nghet viau bawk.



" Nizan pawn kan mut dun tho kha. " Teh hmuk hian. " Nizan kha chu loh theih loh vang a nih kha. Thil tha a ni lo a, dik pawh a dik thei lp hrim hrim. " Ka la ti hram.



" A dik lohna ka hre ve lo. Bakah room khat a riak duh ngai lo pawh kan nih loh kha. I roomah pawh ka rawn riak lut fo a lawm. Engtin mah i awm ngai chuan loh kha. " A la to ve fan nia. Kha tiang nen a in ang lo tih hi a hre miah lo tak tak emaw ni.



" Ka room a i rawn riah te kha chu a dan a dang a lawm. Ka thian angin i rawn riak a bakah kan mut dun ngai loh kha. " Ka ti ve hlak. Ka roomah te kha chuan thithlengah a ni a mu a kei khumah daih ka mu a. A chhan chuan zingah ka hriat loh hlan in a lo chhuak daih zel bawk a ni reng sia.




" A dang lamna a tlem lutuk. Tunah pawh kan mu dun ringawt dawn a, a bak engmah kan ti dawn lo nizan ang chiah khan. " A ti leh hram a. Mi hnial dan tur hi ti nge maw a hriat theih bik em em ni.




" Ka duh chuang lo. In hnial tawh lo ang i mut a chhuah chuan va mu rawh kei pawh ka chho nghal dawn. " Tiin ka ding vat a. Kal sawn in inchung step la chho tur chu ka hnung lam atangin ka kawng leh nawlh a. " Enge maw i hriat le, mi dah thla rawh. " Tiin ka tal ve nghal a. Mahse la tal chhuak thei chuang lo. Roomah min luh puiin min thlah ve chauh leh nghal.



" I van â thei tak! " ka ti hlak ringawt. Room kawngka lah chu a khar a a lock ri zui khap. " I duh lo chung chu engtin mah ka ti lo ang che, ti chuan a tha mai em? " A tih chuan chhan pawh ka chhang pheih tawh lo. Hnial eng ang mah i la a suh dan in kan awm leh dawn tho. ' Tha lo ' pawh tii la ka chhuah phah ka ring nek lo.



" A nih chuan min rawn si miah suh ang che. " Tih leh khum sir te a mutthlak ka rual a. A nui ri ka hriat rual in khum chu leh lam atang a kal hual tih a ri atang ka hre thei. Light chu a ti thim deuh a. Khum a rawn hniam salh rual chuan ka lo tang tung thei. Ti nge rilru kawi leh dik lo pu hmasa tu ka nih ziah bik leh. Nizanah pawh a kar zu rim nam vanga in phelh kha ka ngai khaw lo ringawt tawh. Mahse kha tiang hunah kha chuan midang pawh ka rilru ang kha an put ve ka ring tho.




" Thil tha lo ngaihtuah lo khan lo kal rawh. " Kan ngaqih vang vang hnu chuan a rawn ti thut a, ka khelhah raw dawm in a lamah min hnung hnai a, a lam hawi lo zawng chuan ka mu daih thung. Rawn in siam rem in ka nghawngah a hmai lum ham ham chuan a rawn nawr a, nizan ka nghawng a fawh dan kha ka mitthla let kuar kuar thung .




" Ti hian hun hi ding daih mai se ka ti. Ka bulah i awm hlen mai tur. I thu hi i duh ve reuh si a, i duh dan kalh hi ka lo hreh ve tum hrang a. " A ti hluk chu ka nui nghawr ve dat. Mahse min ngaihtuah zia leh ka thu tlukna a dah lal ziaah ka ngaihsak hmak thung.




" Thil hi ngaihtuah ang ngawt a ni ngai lo. Bakah zirlai kan la nia. A la hun lo. " Ka ti ve sep. Thaw chhuak ham ham in ka nghawng chu a rawn nawr leh tawk a.



" Eng ti nge a hun dik tak chu? " A ti ve tuak. Ka nui sak a chu mi rual in a kut ka khelh a a nghah chu a rawn sawn chho a ka tal zui phat. Mahse a thlen na tur chu a thleng ta tho. Ka kawr hak chhanah ka hnute chu a rawn hum chat a. Ka thawmhnaw, ka bra thleng a ka suk vek vangin a lawng a khawih ang vel a ni. A kut chu ka vawn hnan vat a.




" Maw? Engtik nge a hun dik tak chu? " A ti leh sup. " Kan puitlun deuh hunah. Tun ang mai mai ni lo in kan puitlin deuh hunah. Nupui tha tak leh fel tak, fa pawh nei i la nu tha tak ni tur a ka in peih hunah. " Ka ti sep a a nui nghawr ve dawt.




" Min haw bik lo tih hi la hria a sin. I ka chuan sawi lo mahse ka thinlungah hian mi hrilhtu a awm tkat thin, hlat che ka tum pawh chu thil chuan min dang leh thin. Chuan ka tan chuan engtiang pawn nung in khawsa mah la i tha ber reng tho tih i hre dawn nia. Mahse i in peih hun chu ka la nghak thei che. Mahse a tawpah chuan ka nupuiin niin ka ta chauh i nih tho ang. " A ti nghet churh a ka thaw chhuak ham ham.


*


Ni 5 zet kan awm dun tawh a, kan ni tin hun hman dan chu a ngai put a. Inchhung zau lo tak a ni bawk a ti hnawktu kan awm lo bawk nen tifai tur a tlem thei si a kan awl thei khawp mai. A chhangin TV kan en dun a, games te kan khelh loh leh rawng kan bawl dun a. Zep lo chuan kan bial zim hle mahse nuam kan to dun in kan in ning lo tih chu kan in hre ve ve. Zanah inchung roomah mut ka tum in a phal miau lo a khum khatah in kuah rial in kan mu dun a, mahse thil pawi erawh a thleng ngai lo.




A duhnaah chuan Zoremsanga hi a in sum thei tih ka hriat chian phah a. Kan ti ti dun a, thil tam tak kan sawi dun a mahse pawimawh tak leh chhin chhiah tur erawh a ni bik vek lo. Ka duh zual na em em chu ka bul a Zoremsanga leh midang bul a Zoremsanga hi chu mihrang daih an nih thin vang a ni. Ka bulah chuan a tawng duh in thiam lo deuh in fiamthu a thawh a a nui ve suk suk a. A hma pawn min duat tawh sa nen min duat zual in ka tan a hun zawng zawng a pe a, chu chu nuam ka ti zual bawk.



Vawin tlai pawh phir zet in chokaah rawng kan bawl dun a. Hetia kan awm tur lo in puahchah lawk an ni bawk a eitur pawh kan hniang hnar dun viau a. Zorema che vel ka en reng lai chuan a phone chu a rawn eng pap a, ka en thuak nan hming in ziak chu ka hmuh hmaih lo nasa. Rang zet in phone screen a thim rual chuan ka hmet eng a, a password a thlak leh tawh vang chuan ka hawng zui vat a. Whatsappah chuan lut in chat chung ber a Terini hming in ziak chu ka hawng zui nghal a. Mahse a message rawn thawn vang chuan ka thin a rim nghal tung mai.




* In zinna chu enge a an? *


* engtik nge in lo haw theih ang ?*


* .ka ngai tawh che . * tih zawng a ni. A in biakna hma lam en ka tum a mahse engmah a awm tawh lo. A delete emaw a clear vek a nih ka ring.



" Eng thil nge i en? Ka thu sawi ngaithla miah lo in ". Zoreman a rawn tih chuan ka melh vat a. Min lo en ve reng vang chuan rum zet in ka melh zui vak. Terini nen hian an lo in be thin tihna em ni? Terinin ka bulah Zorema a duh tawh dawn lo thu leh in khawp turin min ti kha a nia. Mahse ka message hmuh nen erawh ka bul a Terini sawi kha chu a in perh san hlawk.



" Ka ngai tawhtawh che. " Message chu chhiar in ka nui ro hak. Zorema erawh in la hrethiam lo zet in min en reng thung.


IMG_13022022_002801_(700_x_699_pixel).jpg


" Hei hi enge awm zia? " A phone screen chu a lam a lek pheiin ka ti ram hmarh. A dinna atang chuan a hmu fiah thei lo nge a mit chu a ti zim in phone chu a rawn melh a, " Ka hmu tha thei lo, enge ni sawi mai la. " Min rawn melh in a mi ko chu min rawn san zauh a thinrim tun chuan ka thaw chhuak hak.




" Terini nen in in be thin a mi? " ti kha fakin ka melh khai a. Eng emaw ngaihtuah ni awm fahran chuan meng kual ralh in a hmui chu a ti sawi zeuh a. " Kan thu sawi a pawimawh dan a zir a niang chu. " Awlsam zet a a tih chuan ka thin a sa phat mai.




" Thu pawimawh chu enge ni a? Tunah hian a ngaih thu che a rawn sawi a nia, chutiang chu in in pawh viau te a nih loh chuan a sawi lo ang. " Ka ti tan tan a, phone chu ka hmer nghek ringawt. Thian in karah pawh in hnaih viau leh in nel tak an nih loh chuan kha tiang thu kha kan sawi mai mai ngai lo.




" Chutiang chu a sawi a maw. " Ti in min en a ka lu chu ka bu nghat nghat. " Min ngai a ni mai a engtin vak nge ka tih ang? Min ngai suh ka ti dawn em ni? " Nui zal hmel pu deuh hian a rawn la ti zawk za mah leh nghal. " Enge nuih na tur awm? Hmeichhe dangin an ngaih thu an rawn hrilh che chu nuam i ti viau a ni maw? A tha e, i ngaih viau chuan kha be ta che. I ngaih ve thu te pawh sawi tel law law la. " Tiin na zet chuan phone chu dawhkanah ka dah chawrh a. Thinrim zet in choka atang chuan ka chhuak nghal nal nal.



Sitting room ka thlen rual a ka hnung lam a ri rak leh min ko ri ka hriat rual in rang lutuk in inchung stepah chuan ka tlan chho a roomah chuan tlan lut in kawngka ka kalh zui hmak. Ka ngaihtuah chuan pauh leh ka thinrim chu ka sa pup pup thei. Pangai tak in rawn bia se chuan tiang hian ka awm miah lo ang. Ka ngai che a ti nge, ni lo ka ngai tawh che a ti a nih zawk kha. Kha kha ka en liam mai mai thei tlat lo.



A nih lah khan engah mah ngai lo ni awm tak in a nui mai mai zui a. Terinin Zorema a duh thin zia ka hre chiang bawk nen thinrim lo i la chuan a mak ngawt zawk ang chu. Rei fe hnuah pawh thawm engmah a awm loh avang chuan kawngka chu ka hawng dek dek a, zawi te a pen chhuak in step hmawrah chuan ka ding a, in hnuai lamah chuan min zawng ni awm tak in min au ri ka hre thei. Room a ka in khar khum vang thawm ka lo hre lo a niang. Chhuk duh lawk lo chuan ka ding reng a.



Inhnuai step zawn ka melh ve reng lai chuan Zorema chu a rawn lang thut a, min rawn hmuh ve rual chuan roomah bawk chuan ka tlan lut leh hmak a. Kawngka bulah ding in ka beng chuan pawn lam tha chu ka ngaithla kar a. Rei lo teah step a rawn pen chho ri ka hre zawm a, room kawngka zawnah pen thawm chu a tawp dut a, kawngka lock chu ka vuan ran mai.




" Lo chhuak rawh i awm tih ka hria a nia. " Kawngka rawn kik karh karh in a ti a, hawn erawh ka tum lo nasa. " Zonun... " Tih leh kawngka lockna rawn her rak rak chu a rual a mahse chhung lam atang ka lock miau avang in a hawng thei bik lo.



" I thinrimna a ho e mai. " A rawn ti chu ka sa ve zak. " A ho thlawt lo. Hmeichhe dangin an ngaih thu che ngampa tak in an rawn hrilh che a, i tan chuan a ho pawh a ni thei ka tan a ho ve lo. " Room chhung atang chuan ka ti nghek.



" I ngai dik lo a nih kha, lo hawng la kan sawi dun dawn nia. Bakah engtin mah pawn ka chhan let loh kha. " A rawn ti ve a kawngka lock bawk chu a rawn sawi leh. " Ka hmuh hmasak vang in i chhang let lo pawh a ni thei. Kha tiang a ngampa tak a a rawn be ngam che a nih chuan a hma pawh in in in be nasa a ni hrim hrim ang. " Ka ti leh nghek. Ka thu sawi te avang bawk chuan kei mah leh kei mah chu ka in ti thinrim zual sauh in ka hre leh nghal.




Ni e, a hma kha chuan Zorema khan a duh loh thu tlang tak in a sawi khum tih ka hria. Mahse Terinin in tih hlum vel a tum a Zoremsangan a biak vel atang khan hepa pawh hi a lo hi hawng ve deuh pawh a ni thei. Hun a liam ve fe tawh a a rilru a lo pe ve deuh tawh pawh a ni thei. Kei hian engmah ka chik lo a ka lo hre lo pawh a ni thei.




" A mak i rilru vah kual tir kha duh tawk la lo hawng rawh. " A rawn ti ve hluk. A dawh thei lo tan tawh tih a aw atang chuan ka hre thei.



" Rilru vah kual tir lam a ni lo. Nang pawh mipa dangin min ngaih thu sawiin min rawn bia se i en liam mai mai dawn bik a mi? " Ka ti tan tan. Kha kher kha chu min chhang lo mahse a thik thu chhiat zia chu ka hre hneh ve tawh viau. Min duh der ve tu te chu sawi loh thian mipa dang ngainat ka neih hi a phal lo bur zawk kha a nia.




" Terini te chu i unaunu a nih kha. A chungah that chhuah tur in min duh a ni lawm ni. " Nuih za aw deuh hian a rawn ti a ka ner sak. "Kha te chu... Ka duh che tih ka hriat hma a nih kha. " Ka tawng tir lam chu a ring viau a a tawp lam erawh kei pawn ka hre mang tawh lo.



" I sawi ka hre thei lo. Lo hawng la inhnuaiah zanriah ei pah in kan in be dawn nia. " Tiin kawngka bawk chu a rawn beng a, " Ai. " Ka ti tlat thung. " I ril a tam thu i sawi kha. " A ti leh a. " A tam tawh bawk lo. " Ka ti ram hmarh thung. A nui suk ri pawh chu ka hre pha reng.



" Thik thu chhia chu an ler duh an ti a nia. " A tih leh rual chuan " A nih chuan kei ai i ler zawk ang. " Ka ti hlak. " A tha eitur ka siam chhungin lo chhuk rawh aw. Nichin khan i thianten an lo call che a, a pawimawh a niang. " A rawn ti leh a ka chhang tawh lo. Thawm chu a reh vang vang a mahse ke pen thawm ka la hriat loh vangin a la kal sawn lo tih ka hria.




" Ka chhuak a nia. " Ti ri leh pen sawn ri ka hria a, step a chhuk thawm in a zui nghal. Roomah chuan ka awm ta reng a. Zep rual loh in ka thik tih ka hria. Terini hian Zorema lak a a rilru a la paih loah ka ngai hmuah bawk a. Zoremsanga chuan a mit mei a hmuh chu ka ring hran lo. Terini mizia ka ngaihtuah let chuan Zoreman engtinmah mit mei hmuh ve lo mahse han biak vel chu a tih duh hmel hrim hrim. A ma tawk a boruak ngam ve tak kha a ni miau a.



In a kan haw hunah ka nu leh pa emaw Zorema chhungte zawk pawn an hmehbel leh fo dawn tih ka hria, mahse a hma ang khan ka thlir liam tawp thei tawh ka ring lo. Tun ni rei lo te hun kan hman dun atang phei hi chuan Zoremsanga hi ka thlah phal tawh dawn miah lo tih la hria. Tun a kei mah chau min ngaihtuah ang hian kan chhuah hnuah pawh awm reng se ka duh a hmeichhe dang a biak pawh ka phal miah dawn lo. A bikin Terini ngat phei chu.



Ka ril a tam ve tawh tho bawk si, a chhuk atang khan a la rei lo bawk nen ka tlawm la ve ting tang si chu roomah chuan ka vei tawn sek a. Kei mah leh kei mah chu ka in hnial leh thul. Eng mah sawi hman lo lek in message ka hmuh rual khan ka thinrim vak a, nichin a a sawi dan ka ngaihtuah let chuan Zorema thinrim khum chiam kha a tul ber em tih ka ngaihtuah leh nasa. Message kha engtin a va chhang let pawh a ni lo a mahse ka thinrim em em tho chu a nia.



Ka tih tur hre lo inhnuai a la chhuk hre deuh bawk si chu room chu ka en kual dan dan a. Inhnuai room ai khan a zau zawk a mahse an lut khat zawk tih bungrua awm atang hian a hriat. An la thar in khawih ngai zen zen loh an ni tih ka hre thei. Thawmghnaw dahna chu ka pawt hawng a, eng eng emaw chu a lo awm ve nual a. A then chu hmeichhe naupang thawmhnaw te an ni hlawm a. A lan dan chuan an khawih khat in an dah uluk hle a, an rem fel ve thap leh nghal.



A piah a pheikhawk dahna ni awm tak chu pan in ka pawt hawng leh a. Chuta pawh chuan a hma a mi ang tho in hmeichhe naupang pheikhawk leh thil dang dang chu a lo in rem fel at a. Zorina unaunu a naupan lai a boral ta bungrua vel a nih ka ring nghal hmiah. Pheikhawkdahna hnuai ber sir awl lai a parcel awm chu ka pawt chhuak a, a chhung ka en chu ka ner nang mai.




" Hei chu naupang ta chu a ni lo phawt a. " Tiin percel lian lutuk lo chhung a bear lo in rem fel at chu ka en a. Zorina ta a nih loh vek chuan Zoremsanga thuhruk khu a ni hrim hrim ang. Enge maw ka hriat teh reng ni pakhat chu la chhuak in ka melh vang vang a, tunah hian in chhin chak riauna ka nei a nih chu. Vawi khat mah hetiang hi ka la in ngai lo a in chhun chakna pawh ka nei ngai lo. Mahse tunah hian tih chhin ve ka chhak tlat.



" Zonunmawi i pa in hria se chuan a vaw duh hial ang che. " Tiin pakhat chu ka hawng ve ringawt a, nidang a rim tui ti ngai miah lo khan tun tum chu a rim te chu a tui ka ti thar viau mai. A ril a tam tawh vang a nih te ka ring rum rum.



Ka ken lai chu ka lem hlek a mahse ka ner nghal nang. A kha fek a, ka a a luh chiah khan a hiar chem chem a, tui pawh ka ti lo. Inzui lo in chhuatah chuan ka dah a. Bawm chhung a pakhat a chi dang ang deuh chu ka la chhuak leh a. Mahse kawngka lamah pen thawm ka hriat vang chuan ka dah let leh nghal vat a. Phrikhawk bawmah bawk chuan ka dah lut a, pakhat la hawnsa chu ka tihngaihna hre lo lutuk thuh rukna hre tawh bawk si lo chuan thlang lam tukverh chu hawng rawk rawk in ka vawm thla zui daih a, chu mi rual chuan kawngka chu a rawn in nem hawng nghal. Zoremsanga chu ka lo en haw a, chabi in room chu a rawn hawng tih ka hmu nghal bawk.




" Chaw ei ka peih tawh, lo kal rawh le. " A rawn ti ve mai a. Min en reng chung chuan a hnar chu a tum dat a, bear rim kha a nam a nih ka ring. " Aw... Ka ril a tam tawh chhuk ang. " Tiin ka phei a, a bul ka thlen a ka kal pelh lai te chu ka thaw chhuak ngam lo hrim hrim. Bear ka in chhin tih kha a hriat ka hlau ngawih ngawih mai.



Min rawn zui ve vang chuan ka hnaihah a rawn kal hlau zet in ka kal san dawr dawr a. Choka ka thlen ruak in filter a tui chu ka in nghal khawlh khawlh a mahse ka ka chhungah chuan a la nam tho. Daqhkanah chuan ei mai theih turin a lo chhawp vek tawh chu niin. Chair chu pawt chhuak in ka thu a, Zorema pawh rawn phei in ka hma zawn chairah chuan a thu thla a. Ka thil in rim a hriat loh nan ka thawk ka ip leh ngar ngar thin. A rim man tawk lek in ka in a. Lo tih chhin loh tak tur kha a nia.




" I la thinrim a mi? " Ka thil in min man chhuah hlau a ka thu ngawi kar chu a rawn ti sup a lu ka thing rang teh e. " A nih ngati nge i ei loh a? " Tiin chiang fahran chuan min en leh. " Ka ei dawn. " Ti tawi tak in fian chu ka ban a, ka hma a chaw leh ei tur chu ka in suah nghal zat.




" Nichin a thil thleng kha chu engah mah ngai suh. Ka tan chu hmeichhe pakhat chiah a awm a, chu chu ka hmaah i thu mek bawk a. Midang ho chu thik tham pawh an ni lo. Pawimawh lohah chuan ka thiante tih loh hmeichhe ngat phei chu ka be ngai lo tih hre chiang tu i nih kha. " Ka tawng miah loh vang chuan nuam lo a ti nge ni a rawn ti zui ve nuah nuah a. Kei erawh ka tawng ve chuan ka rim a hre mai ang tih ka hlau hle a a ni mai. Chuan a sawi chu a dil vek bawk. Hmeichhe dang a be ngai lo tih chu ka hre chiang a, a hmeichhe lam hi an zak thei lo thin mai pawh a. Mahse ka thik na erawh a bo chuang lo.




" Terini pawh i unaunu a nih vang chauh a bia ka ni. Chu pawh nang man a chungah that chhuah tur a min tih vang chauh in. Nang mah vang chauh a bia ka nih chu. " A tawp lam chu ka hriat loh hlau zet hian a sawi chiang ngang mai. Thil a ti sual miah lo a mahse ka thinrim a hlauh vang in thil sual ti in saai thiam tum ang maiin a awm ve ta chu a nia, a Zoremsanga mizia lo ngawih ngawih.




A hma kha chuan a dikna rengah pawh mahni thiam thu sawi tum lo a school leh college kan kal hnuah pawh hrem tawh phah ziah kha a nia. Tunah ka hmaah a thiam tawk in a in sawi fiah vel chu a hmuhnawn rual in ka khawngaih deuh.




" Engmah i sawi dawn lo tak tak a mi? " Tiin min melh reng a, tawng ve ka tum chiah ka taksa hnuai lam a thil thleng vang chuan ka thutna atang chuan ka ding zawk a. Zorema pawh chu a thawng nge min melh ve haw mai.




" Dik lo a awm ni? " a rawn tih pawh chuan chhang lo in choka bul a bathroomah chuan ka tlan lut a. Rang zet a kawngka kalh in Zorema shirt ka hak chu ka hlim a ka kap zawn chu ka dap vat. " A can hun lo tak. " Tui herhhaw a ka kut silh chung chuan ka ti hlak. Tunah hian ka period a nih chu! Ka che buai dawn chiang a lawm. A hma a ka tai na miah lo chu a rawn na riai riai a, pad emaw panty engmah ka nei bawk si lo. Engtin nge ka tih ang tiin ka rilru chu a hah nghal hle a. Tunah ka thu tlang chu a ni tawh der a, bathroom atang pawn ka chhuak ngam tawh miah lo ang.




" I tha em Zonun? " Ngaihtuah lai laiin Zorema chuan kawngka rawn kik in a rawn ti a ka ding khawng at. Hetiang a ka chhuak a nih chu thil kan ei bawk nen a thil ei ka ti tui lo vek ang tih la hre nghal. Bakah ka zak hrim hrim.



" Lo hawngte, a nih loh chuan kawngka hi ka ti chhe dawn a nia. " A ti ta mai. Rang zet in kawngka lamah chuan ka tlan phei a. " A ngai lo ka tha. Ih... Engtin nge ka tih dawn ka.... Ka period a nia, engmah ka mamawh tur a awm bawk si lo. " Zak chung chung chuan ka ti ta ngawt. Ka zak lutuk chu ka tah a chhuak tun thei hial.



" Eng maw? Tunah maw? " A rawn ti ve vat. " Umm.... Ka thu tlang a ka rawn chhuak ngam tawh lo. Pads leh panty ka nei bawk si lo. " Ka in sum hman tawh lo ka tap ti tih hial tawh. Ka awm dan hreawm zia chu rapthlak tak a ni. Ka in thlahrung in ka zak tel bawk. Ka thian a ni a mahse a ni chu mipa a nia, a tan chu a tenawm dawn chiang tih ka hria.




" Lo awm rawh ka rei lo ang. " A ti a, enge a tih la hre lo a reh zui vang vang a. Rei ngial bathroomah chuan ka awm tawh. Ka chhuak ngam bawk si lo Zorema ka koh lah in min chhang tawh lo a reh vung vung a. Ka tai na tel bawk nen ka tap ti tih chu a ni ber a. Nula a pum pa hetiang vang a tah chu ka duh chiah bawk si lo a, hreawm duh tak a ni.



" Zonun... Lo hawng lawk la. " Rei fe hnu chuan a rawn ti mahse ka duh teuh lo. " Ai... A chi loh. " Ka ti ringawt. " Ka en lo ang che thil hi ka pe ringawt ang che. " A tih leh takah chuan kawngka chu zim te in ka hawng a, polythene dum hi a kut chuan a rawn kai lut a, ka ban sak rual in a kut chu a la let a kawngka chu a pawt khar leh nghal daih.



" Lo in thlak rawh, kawr ka rawn pe leh ang che. " A tih zawm a. Polythene ka keu chu kaeng buai nak. Panty leh pads bawm khat a lo awm a. Khawi a mi nge maw ni a neih ni. Kekawrte lah chu pakhat mai pawh a la ni lo zui. Ngaihtuah buai lo chuan ka un ti gai sawk sawk a, ka in thlak a. Kawngka a rawn kik leh chuan zim te bawk chuan ka hawng a a tshir dum chu min rawn pe leh a ka in thawlh vat a. Kekawr a rawn keng tel lo a mahse tshirt a fual tho bawk nen ka dil ta lo.



Ka thahnaw hak hmasak ho chu ka au lek vek a, bathroom ah chuan zar in ka chhuak a, Zorema erawh in kan chaw eina a lo seng a a lo sil mawlh malli tawh.




" Enge i an? " Min lo tih chuan za lo zet in ka then sak ringawt. " I kawr leh kelawr kha ka su fai vek a nia. " Ka ti ta ringawt. " I va fel ve. " Nui suk in a rawn ti let a, a nuam lo duh ngei mai.



Sitting room ah chuan pheiin ka thu a, ka phone in ka thiante ka bia a, naktukah an lo haw tawh dawn thu leh tlai lamah an lo thlen an rin thu te an rawn sawi ve luam a. Zorema pawh a rawn thu thla ve nghal a. Diki ten an biak ve duh tlat vang chuan phone chu ka oe a, an in be ve nasa mai. Kei erawh ka tai na rawn zual nen ka then leh tlawk tlawk thin .



" I tha em? Mamawh i la nei em ni? " Zorema chuan min lo hria nge a rawn ti vat a "ihh... Ka tai a na a. Damdawi ei mai tur a awm em le? " Ka ti ta ringawt . Mun en vang vang a " lo nghal lawk rawh. " Tiin a tho nulh a. Inchung lam a oan chu ka melh zui vat. Rei lo teah a rawn chhuk a mahse a thil rawn pawm thlak avang chuan ka meng deuh kawk.




Bear dahna parcel te kha a rawn chawi thla a, a hawn chuan a kim lo tih a hre ngei ngei ang tiin ka rilru chu a hah nghal em em bawk a.



" Duh lo viau mahse hei hi tun a a damdawi kan kaal that ber a ni rih sia. Tiin ka hma a dawhkanah chuan a rawn dah a. A hawng zui nghal mawlh mawlh. " Nichin a ka in chhin ang a rawn phawrh a, a hawng nghal zat a ka lam a rawn lek phei rual chuan " Ka in duh lo a tui lo e mai . " Kan ti pek a nih kha. Zorema pawh chuan min en haw mai.



" A tui lo tih engtin nge i hriat? " A rawn ti ta vat reng bawk. Kei erawh ka meng buai nak a, ka hawi kual nghal ruai.



" A... A rim atang khan a tui lo tih la hre sa. Ka duh lo ka tuar zawk mai ang. " Ka ti vat a. Min ring leh a ni mahna parcel bawk chu a hawng leh a. Pakhat a chi dang chi chu a rawn phawrh a. " Hei hi chu a tui ang, i tai nat vangin i in dawn a mahse zawng chhang miah lo tur. Tun bak chu in ka phal dawn lo a nia. " Tiin mi hawn sak a. Min pek chuan ka hnial nang in ka tai na bawk nen miin bear a ngeih an tih ka hre ve tho bawk nen ka van ve ta hram a.




" A tui em? " tlem ka tem hlek chu a rawn ti a, tep chap chap in ka lu ka bu nghal. Hei chu a thlum dep dep a, grape rim a nem rem rem bawk a tui ka ti ve tho mai. Tlem te te chuan ka tem hlek hlek a, Zorema lah chuan min en duh nasa.



" Engtin nge pads vel kha i neih theih? " Ka ti ta nge nge. " A awm sa a. " A ti mai q, ring chiah lo mah i la a nig loh chuan min pel dan kha a awm bawk si lo. " Chuan... Englo... " Ka tih lai chuan a phone a rawn ri a, a la nghal vat a.



" Ka nu a nih hi kan chhang lawk a nge " Tiin a ding zui nghal a. Choka lam a pan lai chuan ka bear ken chu ka in mial mial a. Naktukah Diki te zin an rawn haw dawn a an rual in ka haw ve thaw dawn a. Zorema nen kan in kar hi Zorema pawh tha tak a sawi pui ka duh. Ka tan chuan eng pawh tih a huam thin a, ka dil leh ngen tawh chu a tih theih a nih chuan ti lo in a awm ngai lo bawk a, chuan chutiang ka hriat reng vang a uchuak tak a thil ka dil a ka tih tir thin vang khan ka in chhir a, ngaihdam dil pawh ka duh. Chuan kei mah vang chuan Terini emaw hmeichhe dang hrim hrim be tawh lo tur a hrilh ka duh a. Kei mah chiah min ngaihtuah se, kei mah chiah min bia se ka duh tih pawh hrilh ka duh.




Phone a hman rei em vang chuan ka thil in pawh ka in zo der a. Pakhat chu hawng leh in ka in leh nghal a. A tui ka ti taqlh tawlh a, ka in dan pawh ka duh thaq sawt ta khawp leh nghal. Zorema a rawn phei leh meuh chuan bur 3 na ka lo in meko tawh. Ka inna a hmuh chuan phun hluk chu ka ken lai chu min rawn pawh thlak sak nghal hlawk a ka ner nang.



" Ka la kham lo, a tui ka ti. " Ka bul a Zorema thu chu melh in ka ti sep. A ni erawh a lungawih loh hmel ngang thung. " Damdawi ang in in rawh ka tih kha, ti nge i lo pawng in vak a. I in ngai si lo a chi lo e mai. " A ti hluk a ka ner sak.




" A tui ka tih chu. Chuan ka dam tawh mahse ka lu hi a hai muai muai mai. Ka rui a niang a. " Ka ti ringawt . Ka khaw hmuh pawh a phe ruai a, Zorema lah chuan ka hmu hmeltha em em zui a.



" I rui a nih kha. Lo kal rawh mu la i rawn harh leh chuan a zia mai ang. " Tiin ka ban bulah chuan min rawn vuan a. Min pawt ding a mahse ka pai khat khat mai.




" I va mangan thlak tak. " Ti hluk in a lamah min pawt hnai a ka ta a zawi ta lutuk chu ka bawh rawk rawk mai. " Din pawh i ding tha thei lo nghal der a. " A tih leh rual chuan nui hak in a nghawngah chuan phak leh phak lo in ka han kuah bet vat a, a mah en a ka dak chho ha chu in rawn en in a then ve suk bawk. " I hmeltha e. " En vang vang a ka tih chuan a nui chhuak hawk.



" Tunah i hre ve chiah a. " A ti ringawt leh nghal. Hnuai lam atanga ka en chho miau vang in a hrawk bawk chu a che ralh ralh a. A khabe ru kual in vuah fuh zet leh a hnar ngul sang vah se, a mut meng thuk leh thim lam lam chuan a ti pa ngawih ngawih. Chuan a hmui! A hmui en reng chung chuan ka chil ka lem khalh.




" Lo kun hniam teh. " Ka ti sep a, hrethiam chiah lo tih hriat zet hian a mit chu a rawn san uk. " Lo awm hniam teh ka tih chu. " Ka ti leh hlak a. Tha deuh chuan a rawn kun hniam a, " Min fawp rawh. " Meng phi chiai chuan ka ti sep. A hmelah chuan mak ti hmel a pu deuh a mahse kei erawh chuan a hmui chauhan chu ka en tawh.



" I rui a nih kha. " Ti ringawt a min chhang chu ka duh lo ngei mai. Ka tum nghal bar a. " Teuh lo! ka rui a mahse ka sawi hre lo khawp in ka rui lo bawk. Vat in min fawp rawh. A nih loh chuan naktuk kan haw hunah ka bialpa ni tur in la duh leh lo tawp mai tur che a nia. " Ka sawi zawh rual chuan ka tukhumah rawn dawm in ka hmui chu a hmuiin a rawn khar chilh nghal hmiah.


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:51 pm

Miracle Love 💕 by Amy Cck



Chapter - 24



Min fawh zawh chuan tlem in a awm hrang deuh a, " Ti kha chuan ka bialnu i ni tawh, ka ta chiah! " Ti zawi sup in ka hnarah a rawn fawp leh zeuh a ka nui hak. Ka rui lutuk chuan ka hre si lo a mahse ka taksa hi a zawi ngawih ngawih a Zorema ka kuah beh vang chuan ka la ding ve hram hram ni ber in ka hria. Zoremsanga erawh a nghawngah ka kuah theih tur a a awm vangin a rawn ding kun ngul thung.



" Tunah chuan mu tawh rawh aw ka Duat. " Tiin ka hnar chu a rawn tawk leh zeuh a ka hmui zawn a a rawn thawk lum hak takah chuan min fawp leh dawn emaw tiin ka hmui chu ka lo dawh vat a mahse a ding mar ta vut a, min fawh ka lo beisei leh em em tih a tum lo chu ka tum nghal bar a , min kal sawn pui a tum chu ka tang ve leh tlat thung. " Mahse ka la mu duh hlei nem. " Tiin ka hma a Zoremsanga ding chu ka melh chho ram. A ni erawh chuan hrethiam lo zet in min en thung.




" I lu a hai a ni lawm ni? " A tih chuan ka lu ka bu leh nghat a mahse hetia mut nghal tawp chu ka duh bik thak lo. " Tunah rih chuan mut i mamawh a lawm. Rei lo te i muhil a nga i lu hai kha chu a zia mai ang. Chuan i ruih pawh a lo reh vek tawh dawn a lawm. " Tiin min thlem pah deuh hian a rawn ti a mahse ka la tum bar mai. Zanin hi kan pahnih chiah heta kan chen tawpna ber tur a ni tawh a. Tunah mut nghal ringawt chu ka la phal lo.



" Lo kal rawh le " Ti a min kaih sawn a tum leh chu ka kut chu pawt let vat in ka hnung lamah chuan ka thukru zui hmak a. " Mahse ka mut pawh a la chhuak lo a lawm. " Ka ti leh hmak bawk. " Chhuak lo mahse i mu a nga a chhuak mai ang, mutthilh te chu i awl sam em kha. " Then suk in a rawn ti let a. Chuvang tak a mut duh lo ka ni reng sia. Ka mut chuan ka lo muhil tlang a nga naktukah chauh ka harh a nga, naktukah te chuan kan thiante an rawn thleng a nga hun fal kan nei thei tawh dawn lo tih pawh ka hria. Ka ngaihtuah ang a ngaihtuah ve lo lutuk chu ka lung zu han chhe nghal ringawt a. Engmaw ka hriat ni Zorema chu men deuh piau in ka melh zui bawk a.



" Tah i tum ringawt e law? " Nuih in sum zet a a rawn tih chuan ka la run tlat leh nghal. Ka mittui te chu ka mitah an rawn tling a Zoremsanga lah chuan nuih za hmel a pu tulh tulh si, chu chuan ka thin a ti rim zual a ka tah a ti chhuak zual leh ut ut tawh. Ka rilru chuan tah a duh miah lo a mahse ka in sum hlei thei lo chu a ni ber ka mittui chu a far thla zui fap.



" I tap tak tak e law. Zonunmawi leh!" Zoremsanga chuan a ti hluai. Ka thil in vang nge, ka awm dan leh rilru min hriat thiam pui loh lutuk vang zawk nge, naktuk kan haw mai tur ka ui lutuk vang zawk pawh ka hre lo ka mittui chu a rawn dir nghal zung zung a. Chutia nula a pum pa ka tap ta chiam chu Zorema pawh a nui hmel chu a reh hmak a. A hmelah chuan a mangang ve tan tih ka hmu thei.



" Heii... Zonun ngati nge? I lu chu a na viau a mi? " Mangang aw zet hian a rawn ti ruai a, kei erawh chhan em em awm lo chuan ka tah lah chu a chhuak tulh tulh bawk si. " I pum a la na mi? " Ti a min rawn pan hnai chu " Ka pum a na bawk lo. " Ka lo ti vin hlar a. A che pawh chu a tawp chawt a, ahmel chu a hrilhhai leh zual sauh.



" Oh... Ni tak I tai zawk ti raw na? " a hnu deuhah chuan in thiam lo zet hian a rawn ti a, kei erawh ka ngaihtuah loh pui pui a sawi chu ka thinrim in ka tah a chhuak zual sauh. " Ai.. A na lo. Engati nge ka tah hi a chhuah em em ni? Nangmah vang vek. " Tap deuh tiau a ka tih chuan a meng buai nak a. A hnu deuh chuan nuih in sum hmel a pu leh tawh. " Zoremsang min nui miah suh aw. " Nuih a tum chu hre lawk chuan ka ti hlar a. " Ka nuih reng reng lo che. " Tiin a hmui chu a chip a mahse a mit meng atang chuan a nuih a zat hmel tho.




" Lo kal rawh I la mut duh loh chuan ka in phih harh pui ang che. " Tiin ka kutah chuan a rawn vuan a. Ka tan tak lohah chuan ka kawngah rawn kuah in min kal sawn pui a. Room lam kan pan lai chuan " Vawi khat mah i in tawh lo ang. " Tiin a phun bui bui a. Engmah erawh ka sawi ve lem lo ka hai muai a, ka rilru hi chu a harfim chuan ka hria a mahse ka taksa hian a pawm pui ve chiah lo chu a ni ber.




Bathroomah min luh pui nghal in ka hmai min phih sak a tlem chuan ka taksa sa pup pup kha ka zia awm deuh in ka hria. " I inbual nghal duh em? " A tih chuan ka lu ka thing vat a. Min nuih suk in room lamah chuan min chhuah pui leh a. Room atang kan chhuak leh dawn emaw ka ti chu khum lam min pan pui in min mut tir a tum leh chu ka tum leh bar tawh.




" Lo mu la bear bur kan kal san ho kha ka va dah fel lawk ang. " Ti a puan min sin tir a tum chu lo theh sawn in ka thu chhuak leh vat a. " Ka lo pui ang che. " Ka tih chuan hahthlak min ti deuh nge a thaw chhuak hawk a. " Lo mu zawk rawh ka rei lo ang. " A hmel ang lo deuh in a rawn ti dam leh ang thluam a mahse ka la duh bik thak lo. Mut ka peih lo ngawih ngawih chu kei pawh hian ka in hrethiam lo, ka za zek zek hian ka in hria.



" Mahse ka la mu peih lo ka tih chu. " Ka tih leh takah chuan khum sirah chuan kawng dawm meuh a ding in a thaw chhuak leh hawk a. " A tha e, enge tih i duh a ? " A beidawng ta a niang a rawn ti ta nge nge. Chutia min zawh takah chuan a mah chu melh in mit ka khap fak fak a, Zorema pawh chuan min melh chhuk ngur mai.




" Sawi tur i hriat leh chuan loh kha. A hma vak tawh lo hrim hrim a, ka va paih fel a nga kan mu dawn nia. " Ti a kal sawn a tum chu a banah chuan ka pawt ding leh chawt. " Enge ni leh ta? " Dawhtheihna tla chham tih hriat zet hian a rawn ti chhuak ta hluk.



" Eng lo.... Thil kha ka la kham lo. " Ti a ka melh chho chu ka sawi hrethiam lo tih hriat zet hian a meng zim sun a. A hnu deuh chuan ner nawk in " In belh tawh lo ang. Tun a I in ho pawh kha a tawk viau a ni. " A ti ta hmuk chu ka ner ve nang. " Tiang khan min melh suh. Min dil eng ang mah la I in tawh dawn lo. Tun kha i vawi khat inna leh a tawpna a ni nghal ang. " A ti nghet ta churh. Kei erawh ka thaw zui hak.



" In lam kha ka sawi lo. Ka sawi chu ka mu dawn a nih chuan min fawp leh phawt rawh, nichin kha a rei lo lutuk aw. " Ka ti hlar chu a beisei lo ngei min la meng ngur mai. Tlem chuan ka rilruah zahna a rawn awm ve deuh a mahse boruak hi ka ngam sar a, ka rilru a lang ang ang ka sawi ka ti thei ang chu.



" Vat in. " Ka tih leh takah chuan nui suk in a rawn kun hniam a, a kut lum ham ham a ka biang rawn dawmin chiang zet hian min en a, ka biang a vawnna kut chuan ka bek samah zen lut in ka hmui chu a hmui lum ham ham chuan a rawn tawk de de a. Ka hmui hnuai lam chu pet zeuh in a thlah zui leh mai a chu mi rual chuan a rawn nui ri suk a. Kei erawh min fawp vat vat se tiin ka hmui chu ka lo chet ve sek bawk.




A ngai ang bawk chuan ka hmui hnuai lam bawk chu a rawn ti leh a mahse tun tum chu in la hrang tawh lo in dam leh vei awm zet hian min fawp a. Tu mipa mah ka la fawp lo ti i la, rui chung a ka room a rawn luh a ka in rin loh lai a min fawh thut thin bak kha tu mah ka la fawp ngai lo. Khang pawh khan in kiss hming pui ve si in ka hmui a rawn dek zuai thin mai chau a. Hetiang hian tu nen mah kan la in fawh miau loh vang in han chhan let ve vak ngaihna pawh ka hre lo mit chu ka chhing ringawt. Mahse Zorema min fawhna chu nuam ka tiin ka feel em em thung. Hmeichhia a hnaih ngai lo a bialnu pawh a la nei ngai si lo a mahse a zei viau chu mak ka ti zawk hial.




Rei fe min fawh hnu chuan a awm hrang hlek a, ka mit ka men chuan hnai zetah min lo en reng tawh a. A thaw lum ham ham chuan ka hmai chu a la ti lum pha bawk. Nui suk in a kut ka bek a vawn lohna lam zawk chuan ka hmui chu a rawn tuai zeuh a. " Hetiang a awm tir che hi duh lo viau mah ila i duhawm phian bawk si. " Ti sup in ka hmui tuai hauh huah chung chuan ka mitah min en reng bawk a. Ka nuih seih rual chuan " Nang hian min ti â zo dawn. " Ti sup in ka hmuiah bawk chuan a rawn fawp leh a. Mahse a hma ang khan a dam dap tawh lo. A che buan buan a, duhthaw leh uar zet chuan min fawp a. A kut chuan ka taksa lam chu zut thla ruai in a shirt ka hak chhanah chuan ka hnute chu a hrawm zui bawrh bawrh in a chang leh ka mal lam chu zut thla in a hmer leh tawk thin a. Chu chuan min ti phur ve zual sauh bawk.




Thawk leh khatah in la hrang hlawk in ka ding chhuak vut a, kei pawh chu a awm dan vang chuan meng phi chiai in ka hawi chhuak a. Ka sir lawk a mipa in thunun tum zet a thawk la ve hawk hawk chu ka en ta reng. " Zanin atan chuan duh tawk ang. " A ti nghut. " Mahse... " Ka ti hman chiah chu " Tunah chuan i harhfim lo. I rilru fim loh lai rem chang a lak sak che ka duh lo. " Min lo tih khalh hmuk.



" Ka rui tawh lo aw. " Lungawi lo zet chuan ka ti a. Dik tak chu ka taksa hian feeling dangdai zet a nei a, tih tawp mai kha ka la ui a ni ber. Zoremsanga erawh in min rawn en in a then suk a, " Ka rui lo tak tak " Ka ti leh hlak chu rawn kun hniam leh in ka hmuiah chuan a rawn fawp zeuh a " Mahse a rim i la nam tho a lawm. " A mah ka tih thin ang chiah khan a rawn ti sup a ka ner nang.




" Ka hmangaih che ka tih kha, nakin a I in chhir lehna tur thlen tir ka duh lo. " Tiin a ding mar leh vut a. Kei pawh chu ka thaw ham ham. " A nih... Mu tawh ang, naktukah pawn lam chu kan ti fai dun dawn nia. " Ka ti ve ta nge nge a, a lu chu a thing nghut.



" Nakinah ka rawn mu ang, tunah chuan I tan ka hlauhawm rih tlat. " Tiin kal sawn a tum chu khum atang thawh ve ka tum a " Rawn tho suh, ka thisen lum lutuk hi ka tih ziaawm hunah ka rawn mu ve mai ang. A nih loh chuan min neih la duh lo chungin kan inneih a ngai mai ang. " A tih takah vhua khumah chuan ka thu thla leh riai riai a. Kawngka a a chhuak chu ka en zui ta tawp.




Kawngka a rawn khar hnu chuan kei mah chuan khumah ka mu meng kar a. Ka lu chu a la hai deuh a mahse ka ngaihtuah erawh a fim in ka hria. Nichin a kan awm dan ngaihtuah let chuan mit ka chhing leh sawk thin. Zorema rawn mut ve hun nghak chuan ka la meng reng a. Mahse a rawn lut har phian leh nghal. A hnuah chuan nghak chhuak zo lo in mit ka chhing riai riai a. Ka hnung lam atang taksa lian zet in min rawn kuah in ka kawngah min kherh bet chial a, a rim a tang chuan tunge tih ka hre thei. Ka nghawng a hmui a rawn nawr vang vang in a thaw chhuak leh suai suai a min hmangaih thu a sawi ri chu ka mang hriat ruai vek tawh.



Ka harh leh meuh chuan kei mah chiah bawk in ka lo mu leh tawh a. Nizan khan a rawn mu miah lo nge a tho leh tawh zawk ni. Khum atanga ka tho tur chu ka lu te chu a rit bur a . Ka ka chu a tui lo in nizan a ka bear in khan min thing let ka ti mai. Ka luak a chhuak nghal ut ut a, bathroomah tlan lut in ka uak zui nghek nghek a . Ka thawmah Zorema pawh a rawn tlan lut a, ka chalah min rawn dawm sak vat a ka zawh meuh chuan ka chau der in ka hria .




" I zia awm deuh em? " Bathroom chhut a ka thu sawp niai chu rawn bia a ka lu ka bu nghat. " Ka ka chhung hi a hiar a a kha fuk mai. " Ner nang a ka tih chuan a nui suk a. " I pen tawng a nih chiah chu. " Nuih in sum zet a a tih chuan ka melh rum nghek ringawt.




" Lo in ti fai la, ei tur ka lo va siam zawm ang. In ei puar la I zia mai ang. Tlai lamah miidang pawh an rawn thleng dawn a nia. " A tih chuan ka bu nghat a. Bathroom a chhuah hnu chuan ka inbual zui nghal a. Ka taksa chu a rawl thum leh nghal. Ka inbual zawh chuan towel a in vet in pakhat in ka sam hru mawlh mawlh in bathroom atang ka chhuak a, darthlalang hma a ka ding chu ka phu zawk mai.




Ka nghawng, ka awm leh a lang chin chinah chuan love bite a lo awm thluah mai. Mak ti lutuk chu ka khawih kual vel a, an lang chiang in kawr pawh ha i la a kuh pha lo ang tihna tur velah chuan a awm hlawm a. Nizan kha ngaihtuah a, kan in fawp ringawt in ka hre bawk si. Chiang zet a ka in en kual lai chuan kawngka atangin mipa aw thian khurh ri ka hria a rum zet in ka hawi phei nghal.




" Heng hi i tih a ni ti raw? Ngati nge i tih a, a lang sar si. Kan haw tawh dawn tih pawh i hre vek a. " Ti hlak hlak in towel chuan ka vawm a a nui hawk hawk zui nia. Ka nuih pawh a za hlawlh lo. Pakhat chauh pawh a ni si lo. Kawr pawh ha i la a khuh thei pawn ka ring lo hahthlak lutuk mai.




" Ka ta i ni tih chhin chhiahna a nih kha, lo kal rawh chaw ei ang. " A ti sam et a. Ka thaw chhuak halh ringawt. " A nalh em kha. " A rawn tih leh phei chuan ben thluk chawrh ka chak lutuk ringawt.



Ka in thlak sawk sawk a, chaw kan ei lai pawh chuan ka tawng duh lo hrim hrim. Ngawi ngal in chaw ka ei a, Zoremsangan min biak pawn ka chhang lo a hria ang pawn ka awm lo. Ka thinrim tih hria in min thlem ngat ngat a mahse ka hre lo der hmak thung. Nileng in in ka ti fai a, Zorina in a ni sia tawp deuh a kal san ka duh lo a ni ber.



Ka nu te pawn min rawn phone reng a, ka zin angah an ngaih miau vang in kan thlen chin te min rawn zawt a, kei pawh chuan Opi leh Diki biak chhawk in an thlen chin an rawn sawi chu ka lo sawi ve hmiah zel bawk. Tun hnu hian Zoremsangan hman atanga dawt sawi hmang min ti fo kha a dik ta viau in ka hre hial. Pawi tham si loah hian dawt sawi hi ka ching reuh ka in ti ve thlawt kei pawn.



Tlai thim thet thetah Zorina te an rawn thleng a. An thiante ho pawh an rawn tel vek a nih chu . Zorema a zin anga a lan theih nan an motor kha Hruaizela an lo ken tir a ni awm a. Roa te chuan an bike an keng ni tur a ni. An chau ve ngawt ang le. Ka thiante pahnih Didiki leh Opi pawh Zorina motor ah rawn tel in an rawn lut ve hlawl mai.




Kan ti ti mawlh mawlh a. An zinna chung chang vel leh an thlalak thenkhat te chu min hmuh a, kal ve ka chak thar lutuk chu Zoremsanga ka ngei zual leh hnu hnawh. Kan in atanga Zorina min rawn hruai chhuah dan leh dawt an sawi dan ka sawi chuan min thinrim pui a hnek chu an lawm zawk emaw tih tur in an la awm zui a. Min hawi tir lawl lawl mai.




" Chuan ti hian in ru hlen mai u la. I pa leh I u ka hrilh chak lutuk hi ka za zek zek. I ler lo an ti ro pui sia pasal I um thut tur hi an hriat chuan an thi dang hial lo ang maw? " Didikin nui uar uar a a tih chuan ka chum zui tawlh.




" Pasal ka um bawk lo aw. Engmah ka hre ve hlei nem. Min bum chhuak a nih kha. " Ka ti hlak chu kan hma a Zorema te thian ho ti ti chuan an lo hre fuh nge an lo nui hawk hawk a, kei mah chiah hi nui lo awm chhun ka ni.




" Zonun... Zorina te chuan an ti sual hlei nem. Tiang hian thiante nupui tur ruk sak in an bum chhuak fo a lawm midang pawn. Nang pawh haw leh tal i tum chuan nula i ni tawh lo a nia, engtin mah lo khaw sa lo mah u la nuthlawi i ni der dawn a nia. " Roa lah chuan thaw veng zet in a la ti ham ham zui.




" Kan thiana pawh thlawi khatna a ni der dawn a tu hriat loh in. Zorin a phat san che a nih chu. " Dinpui pawh chuan a rawn ti ve leh. An ngeiawm thiam hlawm bawk nen ka hnial hneh lo reng reng leh nghal.




" Nuthlawi a haw ai chuan Zorema hi zui haw daih mai rawh. " Roan a tih leh chuan ka bul a lukham in ka vawm chawrh ringawt.



" Ehe.... Kha kha enge virgin in in in dah let dawn emaw kan lo tia, in va lo in thup thei ve. " Tiin Dinpuia chuan ka nghawng a rawn kawk chu ka hup rang ngei mai. Ka thian te lah an beng leh mit a vir duh leh ngang bawk.



Min chhaih laih phet an tum bawk nen hnial ngaihna pawh ka hre tawh lo. Zoremsanga lah chuan a lo pawm pui ang hmiah hmiah a. Ka ngei zia chu rapthlak tak a ni.



" Roomah phei ang u, in kawr ka hak haw a ngai dawn a nia. Hemi te thian dun hian ka mut kawr nen a lawm min bum chhuah. " Ti hlak in ka ding a. Zorina leh Zorema ka melh chuan in thlahrung hmel pawh zu han pu miah lo a. Kan thawn san hnu kei ni ber kan awm ta lo chu Zorema nupui ru rei lo ti a an chhaih zui te chu ka la hre phah vek.




" Khaw maw i nghawng chu! In che sual hman tak tak a mi? chu ti chu haw lo in zui haw mai la. " Diki lah chuan hlauthawng zet in a la rawn ti zui. Kan hahthlak hlawm ngat ngat thin a nia.




" Kan che sual lo, hei hi chu ka hriat loh laiin a lo awm a nih hi. " ka tih chuan an awi loh hmel ngang mai. An thawmhnaw ha in kan chhuak a. Sitting room kan phei a an thil lo tih avang chuan ka ner sak. An vai chuan in tur an lo dawm far a. Tui mai mai a ni lo tih lah ka chiang bawk.




" Haw in tum nghal mai a mi? Lo thu ve lawk u la kan in zo a nga kan thlah thei tho cheu a nia. " Roa chuan in la polite fe in a rawn ti a. Zoremsanga chu ka melh rawm mai. " A ngai lo, zu rui thlah kan ngai lo. In min thlen lo ang tih pawh a hlauhawm." Ka tih chuan ka fiamthu emaw tiin an la nui dar dar zui a. Zoremsanga erawh chuan ka fiamthu lo tih a hria nge a thil ken chu a dah a. Hruaizela motor chahbi a dahna a zawt nghal a mahse hre lo der in ka thiante chu ka chhuah pui zui hmak .




" Ka va thlah ang che u. " Ti a ka ban a min pawt din rual chuan ka ban ka lo vai nghal sawk a. Zorema pawh chu a phun hluk mai. Ka thiante pahnih pawn ka awm dan chu mak an ti tih ka hria.




" Thinrim lo la, an fiamthu a sang tih chu in hriat sa kha. An sawi kha ngai thu tak suh. " Zorema chuan dam dup hian a rawn ti a. Kei erawh chuan ka melh rawm mai.



" Ni e Zonun, an thian ho chu an phawk ve theih em kha. Engah mah ngai suh. Kal ang u. " Opi te pawh chuan min beng daih tum zet chuan an lo ti bawk.




" Ka nu te min lo call reng tawh sia hman hmawh ang u. " Didikin a tih vang chuan engmah sawi tawh lo in motorah chuan kan lut a. A hnungah ka thiante pahnih thu in a hmaah kei ka thu a. An tawng mawlh mawlh lai chuan kei ka ngawi reng thung. Diki kan thlah hmasa ber a, Opi thlah leh in kan veng lamah kan phei a, tah pawh chuan ka la tawng miah lo.




" Thinrim tawh lo la, ka thiante tawng kha i hua a nih chuan ka lo zilh hlawm ang. " Ti a ka kut a rawn vuan tur chu ka lo vai per sak vat a. Phun hluk in kawng sirah chuan motor chu a ti ding chawt.




" Ngati nge tiang a I awm a, lawm lohna i neih chuan sawi tha mai la. In kan chhuah san thei tawh a tiin i rilru thlak a ka ngaihzawng leh thei lo che tih vel sawi leh i tum a nih chuan tum buai duh suh. " Thinrim zet hian a rawn ti ve hluk .





" Ka lawm lohna i hre lo maw? I hriat duh lai chiah I chhin chhiah nge kar khat kan chen dun chhung khan ka thu sawi ve te kha i theihnghilh zo vek zawk. Kan in kawp tak tak dawn a nih chuan zu leh a kaih hnawih lakah in thiar fihlim tur in i in tiam kha. Mahse nichin khan enge ka hmuh kha, i thiante an rawn lang dek dek a ka awm ve lai reng in, min zah pah miah lo in in dawm far a. Nizan thil thleng a vang a min zah loh phah a min nam nul a nih chuan ka duh miah lo a nia.




Tunah chuan i thlah hmak theih pawh ka ring bik lo. Mahse min zah der ve in ka hriatah tal chuan ti lo la tiin ka lo ngaihtuah ve a. Hetiang te chuan lo in nei pawh ni ila i thianten min zah lo in kan inchhung ngeiah in la in ho lo ang tih pawh ka sawi thei lo a nih hi. " Ka ti let ve hlak hlak a. Driver seat a thu pa erawh chu a ngawi ngul mai.




" A hma pawn tiang em em hian i sawi sel lo tiin i ngaihtuah a ni mai thei. Mahse Zorem a hma kha chuan ka thian i ni a, tawngka a in suh, in sual tawh suh tih bak kha i lakah thu neihna ka nei lo. Mahse tunah chuan thian atang kan in kung kaihna tih ngheh kan tum a. Ka bialpa hi ruih theih thilah fihlim se tih hi ka duh ber a ni. Chuan hetiang a i lak a thinrim a lawm lo thei tur hian chanvo ka nei tawh bawk. Hetiang a ka in rawlh i duh lo a nih chuan kan inzawmna hi thlak lo in thianah khan tawp i la a tha zawk ang.




Ka bul a awm reng chung a thil sual i ti leh kawng dik lo lam i pan lai thlir liam chu hmeichhe dang chuan an thei a ni mai thei a mahse kei chuan ka thei lo. " Tiin rilru na zet chuan ka hrilh a. A motor stearing a hum ngheh zia chu ka hmuh hmaih lo.




" Ka tihpalh. " Tih zawng a sawi a. Ka phone a rawn ri zawm nghal a. Ka pa a nih vang chuan ka la vat a. Mood a fuh chiah lo bawk nen ka aw pawh chu a zawi raih a. Ka pa chuan kan thlenna chin min zawt in an rin ai in kan thleng har a tih thu te a rawn sawi a. Kei pawh chuan tha tak a chhang in kan veng kan luh tawh thu leh kan thlen vat tur thu ka sawi ve bawk. Zorema pawn motor chu a tlan chhuah tir leh tawh a. Ka pa nen kan in biak zawh pawh chuan tawng tawh lem lo in tukverh lam chu ka hawi ta ngar a.
p




Kan in kawt kan thlen chuan chhuk tum in motor kawngka chu ka vuan a mahse ka ban rekah min rawn vawn a vang chuan a lam chu muangchangin ka hawi a. A hmel chu a thu tak ve ngur mai. " Thinrim chungin min kal san suh. " Ka mitah tak min melh a a tih chuan thaw chhuak hap in ka nui lui sak a.




" Ka thinrim hlei nem. " Ka tih rual chuan " Dawt sawi thin suh. " A ti leh hluk kei erawh ka nui tawi tak. " Nia, ka thin chu a rim a lawm. Mahse ka thinrim hian awm zia a nei chiah em ka hre lo. Zorem kei hian.... " Tiin ka ngawi zui daih a. Ka rilru chuan sawi zawm tur in min duh a mahse ka lei hmawr hi a sak tlat thung.




Ngun zet a min melhtu chu ka nuih leh phawt a thawk ka la zui leh halh phawt. " Kei hian ka hmangaih lutuk che a. " Tiin ka chil chu ka lem khalh a. Zorema hmel pawh chu a rawn dang lam deuh tih ka hre thei. " I lakah pawh hian beisei ka nei sang zel dawn a. Zu in suh la I thiante pawh kawm tawh suh ka ti thei lo che. Mahse ka bul a I awm lai tal chuan ti suh. " Ka ti leh sap. Kan in kawngka rawn in hawng in ka pa a rawn chhuah takah chuan motor kawngka chu ka nem hawng a. Ka pa in kan gate a rawn chhuah rualin motor atang ka chhuk fel ve chiah bawk.




" In dinna a rei tawh sia i rawn lut lawk si lo a ka rawn chhuak ta mai. " Ka pa in min hmuh rual chuan a rawn ti a ka lo nuih ver ver thung. " Zorema chu i rawn thlah thleng thei a. I chau awm mang e motor I keng bawk nen. " Ka pa chu motor glass in down a kun deuh in Zorema chu a bia, Zorema pawh chuan lo chhang let vat in a chauh loh thu te a sawi ve bawk.




" Ka let leh a ngai a, midang thlah an la ngai sia, a nih phawt u. " Tiin motor chu a ti nung a. Ka pa nen a tlan chhuak chu kan thlir zui vang vang. " Khawnge I bag vel? " Hre chhuak thut ni awm tak hian ka pa chuan a rawn ti a ka hawi buai nak. " Ahh... Zorema motor ah khan ka theihnghilh daih. Pawi lo midang a va thlah leh a nga a rawn haw leh dawn tho a lawm. Nakinah ka lam mai ang. " Tiin ka nui lui sak a. " I hai haqt reuh lutuk hi chu. I rawn in theihnghilh phung lo zawk a a zia awm a nih chu. " Nui hawk a a tih chuan ka nui ve mai a. Dawt chuan dawt dang bawk a hring an tih kha. Kan zin chung chang ringawtah pawh dawt ka sawi ngun tawh zia hi.




In lamah kan in zui phei a. Inchhung kan luh chuan midang pawh sitting roomah an lo thu thap mai. Ka pa nen kan lut chu min lo en ve thap hlawm a. " Aizawl kan rawn lut in tih atang in a rei tawh e in I rawn thleng har lutuk a kan ngaih I ti tha lo a lawm. " Ka nu pawh chuan min lo ti vat a.




" Nia, kan in thlah kawi hmasa leh phawt a kan tlai ta vek a nig hi. " Ka tih chuan min ring hlel hmel pawh an pu ta bik lo. " Chaw I ei dawn em? " Ka nu in a tih chuan " Dawn rih lo, ka ril pawh a la tam lo. Ka han in ti fai lawk zawng ang." Ka ti ve vat a. A balh erawh ka bal miah lo mahse Diki thawmhnaw ka ha sia min zawh leh hma in chho vat ka duh.




" Khaw nge I bung leh rua? " Ka u in ka din rual chuan a rawn ti sup. Mahse ka pa zawk chuan min lo chhan khalh a. Zorema motorah ka theihnghilh thu te chu a lo sawi luam a. Kei erawh tawng tawh lo in inchung step lam ka pan a. Step ka chhoh lai a ka nu in hai hawt min ti a, a phun mawlh malli pawh chu ka hre reng.





Ka room ka luh chuan ka hawi buai nak. Ka lehkha zirna dawhkan a ka bag leh mamawh thenkhat zinna a ka ken tur a ka dah chhuah ho kha a lo awm tawh miah lo. Rang zet chuan ka lut a ka dah na bul vel te chu ka enkual ngial a ka hmu mai lo leh nghal. Zorina ka zui chhuah dawn khan a la awm vek sia.




" Khawnge maw ka dah ni? " Ka tih rual chuan ka room kawngka chu a rawn in nam hawng a. Ka hawi phei rual in Terini a rawn lut ve ta chiah bawk. In hnuaiah khan kan in be miah lo a, Zorema a rawn text dan ka hriat vang khan ka mil ta chiah lo bawk.




" I chau viau em? " Nui hmel pu deuh a a rawn tih chuan ka chauh loh thu zawng ka lo sawi. " In zinna vel a in thlalak ka en chak a ka lo lut tawp, I chauh deuh a i en kual peih loh pawn ka lo en thei ang ti raw. " A tih leh chuan ka hawi buai nak mai. Ka zin miau loh vang in eng thlalak mah en tur la nei lo.




" Nidangah aw in tih fai hmasak ka duh a. " Tiin tha tak chuan ka la chhang let a. Mahse chhuah mai tum lo tih hriat zet in a rawn kal hnai a, ka khum mawng lamah chuan a thu thla a kei erawh dawhkan bulah ka la ding reng.




" Ka thiante i zinna a kal ve ten an hmu miah loh thu che an sawi a sin. " Tiin min rawn melh chho a. A tawng chu a dam dap a hmel pawh a nui sang. Mahse a mit meng erawh chuan min ti el tih ka hai lo chiang viau.




" Min hmu loh vang mai mai a nih chu. " Ka la ti let mai a. Mahse a meng kual ralh ka hmuh chuan ka mit a ti kham ve tan. " Kei pawh a nih ka lo ring a. Bus ah an chhung sia nang chu Zorema motorah i chuan ka ring sa a. Mahse kar khat zet chhung khan nang leh Zorema an hmu tel miah lo cheu an tia. Chuan Zorema motor pawh a thianpa in a khalh an ti bawk in ka hria. " A tih leh chuan sawi mai tur hre lo in ka ding ta reng a. Chiang tak in ka zin lo tih a hria a nih hmel.




" Enge i sawi tum chu? " Ka ti ta nge nge. Ka aw pawh chu a ri ve fak tawh. " Zorema nen khaw nge in kal tih ka hre chak mai mai maw le. " Tiin ngeiawm zet in min rawn melh a ka lo ner sak.




" I hriat a tulna ka hre lo. " Ka ti ram hmak. Nui sak in a rawn ding chhuak a. " Nang pawh hi ka rin ang hmeichhia I lo ni bik lo tih ka hre chhuak a, a zia tal e. A hma a hmeichhe inno leh pawi sawi lo lutuk ang kha chuan tih let I khawngaih thlak em a. Mahse tunah chuan I hmai kawr a ni tih la hre tawh a. I chhung lamah chuan hmeichhe nasa leh zahna tla chham tak I lo ni ve tho a. " Tiin a nui leh hak a, chu chu ka ngei tawk la a tling em em thung a.




" Nang hian ka lakah tha tak ang a lang in ka hnung lamah min lo bei reng a. Ka bul a I sawi kha I hria em, Zorema hi ka duh lo thian ang bak in ka en lo I ti a mahse Zorema an duh che tih I hriat chuan I thu sawi hre chang lo lek in I bawh leh huam a. Ka hnehah in la rilru tha zet in Zorema min sawi pui a, mahse ka hmuh loh lamah I lamah I lo pawt bet char char thung a. Pawn lam a angel chhung lam a ramhuai I ni tih a hriat hunah chuan Zorema hian a hnaih duh tawh kher lo ang che. " A rawn ti piap piap chu sawi ve ngaihna pawh ka hre lo.




" Nang mah a ni lawm ni Zorema I duh tawh loh tur thu leh in kawp tur a min ti tu kha. " Ka ti let ve sak. Nui mahse a mit meng erawh a rum tha viau.



" Ka tih tak tak i ring em ni. Ka fiahna che a nih kha. Chuan ka rindan chu a lo dik reng bawk a. Kha ta tang khan i rilru dik tak chu ka hre ta chiah a nih kha. Zorema bulah engtiang chiah a chhia in nge min lo sawi thin ang tih ka ngaihtuah ringawt pawh hian ka thin hi a rim a sin. Ka lo ring ve em em che kha a nia. " Thinrim zet chuan a rawn ti a . Chutiang daih daih a sawi chu awm ngaihna pawh ka hre lo. Zorema bulah a chan chin hi ka sawi ngai lo hrim hrim zawk. Papuia leh Notei boral hlim chhawn khan hnem ve thin tur in leh Terini lak a that chhuah hram tur in ka ti ve zawk kha a nia.




" I ngaihtuahna kha a tak emaw I ti a ni lo maw? Enteh Zorema I duh tih ka hriat khan ka un thup ve nasa. Zorema khan duh let ve che chu nise kei hian harsa tak chung pawn kal san kha ka in huan lutuk. Mahse Zorema hian nang hi I duh miau lo zawk che a nih kha. Chu chu kei ai pawn I hre chiang zawk tih ka hria. Chuan tunah Zoreman a lo ngainat theih miah loh chhan che chu ka hre tawh, mihring mize pahnih nei hian a ngaina ngai miau lo a lawm. Nang ang hi. " Ka ti let ve ta siah. Ka tawngkam kha a na tih ka hria mahse a ni pawn dik lo tak tak in min tawngkhum in min puh tho a. Ka dawh mai mai thei bik lo. Ka mood fuh lo in a lo nang chho bawk nen.



" Chhuak rawh ka mu duh a nia. " Ti leh hmak in kal sawn ka tum chu " I zin loh chung chang leh Zorema nen in awm dan hi patea te ka hrilh chuan an thinrim viau in ka ring. " A rawn ti leh a ka ding dat. A lam chu ka hawi leh a. " Zep hlen ka tum hlei nem, hrilh ka tum sa hrim hrim a, chuan Zorema nen pawh kan in kawp thu ka sawi tel bawk dawn. Ka bialpa zawk an chhaih an chhaih che hi ka ngai thei vak bik tawh lo hrim hrim. " Ka ti ve kher a.




In her a kal sawn ka tum leh chu " Zaktheilonu. " Tih leh min rawn keh a rual a. Ka rin loh lutuk thil a nih bakah ka lo in ring lo bawk nen ka pai zui nawk nawk a. Ka samah a kek tkat bawk nen kei aiin a lian in a chak zawk bawk si chu ka pai khat khat a. Min thlah tur a ka ti a mahse min thlah tum hmel a puri bawk si lo chu a sam ka han ban ve rawk rawk a. Kan in sual chu a ni der mai. Min nam rawk rawk bawk nen ka dressing table te chu ka ti ri nawk nawk a. Terini in pal thlu chu kan in keh miau vang in ka bawh ve nghal a. Min la thlah miau loh vang chuan ka la thlah duh bik lo.




Engtik laiin nge ka u a rawn luh ve ka hre lo. " Hrep tak chuan! " Ti hluk in ka taksa chu a kang nawlh a. Ka thinrim lak lawh bawk nen ka tal zui nghek a. " Duh tawk rawh, enge in hriat a? " Ka u bawk chuan a ti vin tuar a. Ka che pawh chu ka tawp ta chawt. Ka u in kei min pawm bet a Terini erawh chhuatah khan a lo la thu sawp nuai thung.




" Ka dah thla dawn che a in beng dai ang che. " Ka u chuan tiin kum bulah chuan min dah thlah a. Thinrim zet in ka sam chu ka hui chho pap a. Terini erawh kun in a tap nge ni a in sut feih feih thung.




" Eng thil nge thleng a, ngati nge in lo in sual a. Nula in ni tawh a in sual rual pawh in ni tawh lo. " Ka u chuan lawm lo tih hriat ngawih ngawih hian a rawn ti leh a. Kei erawh la ngawi reng. Kha tiang em em a ka thinrim kha ka hre ngai lo mai ni lo in ka pian atang a ka vawi khat in sualna a ni hial ang. Chu pawh ka la khawih hmasa lo zui.




" Mate. " Tiin ka u chuan min en a, ka thinrim lutuk chu tawng pawh ka tawng chhuak thei lo. Ka u pawh chu thaw chhuak hawk in Terini lam chu a pan a. Chhuatah thu hniam in Terini chu a that leh that loh a zawt luam a. Terini erawh a la in hnit hlawp hlawp mai.



" Ngati nge kha tia in lo in sual a.? " Terini kaih thawh ve pah chuan tiin an bul chair kan tih tkuk chu a dah ngil a. A thut thlak tir nghal zat.



" Zonuni an zinnaah a zin ve lo tih ka hria a, chu mi chung chang zawh fiah tum in kan in bia a, a thin a rawn rim thut a min rawn khawih hmasa a nih kha. " Tap tiau a ti tu chu ka melh ngawt ngawt. Engtin nge hniak phawi miah lo a dawt a sawi thei zawk.




" Ka awi thei lo. " Ka ti hap. Ka u erawh Terini thu sawi vang khan mak ti hmel a pu nghal. " Enge awm zia. Tu maw zin lo a? Zonun enge thil thleng hi awm zia? " Ka u chuan Terini bul a ding in min rawn en a. Mahse ka sawi hma in min rawn sawi khalh leh nghal.




" An zin dawn tuk khan a roomah ka lut a, a la tho lo a nih ring in. Mahse a lo awm lo a, a thawhnaw leh bag vel a la awm ve bawk nen mak ka ti lutuk a. A va kal hmasa a nih ring in an rawn lak leh mai ka ring a. Mahse chhun thleng pawn a rawn let tawh si lo a. Chhun lam a Zorema in call khan zin ang khan an in sawi sia. An zinna a kal ve tho ka thiante ka biak in Zorema leh Zonuni an zin ve loh thu in min rawn hrilh leh si a.



An awm zia ka hre thiam deuh a, zin chhuan lam in hmun dangah an kal tih ka hre nghal a. In biak theih reng vang leh zin ang a an in sawi zel vang khan patea te nen in man chhuah hlau in a room a a thawmhnaw leh bag pawh a wardrobe hnuai berah sawn khung in ka thuruk tak tawp a. An zin an tlan bo tih in hriat a in thinrim a Zonuni in hauh ka hlauh vang kha a ni ber. Chuan nichin khan thil awm zia zawh tum in ka lut a, ka sawi tir atang in a thinrim nghal a.




Ni e, he chhungkaw mi dik tak ka ni lo tih chu ka hria mahse Zonuni leh nang hi ka unau te ang chiah a ka en cheu vang in ka lo ti lutuk a nia nge. Dik tak chuan Patea leh nang in Zonuni in ngaihsak zia ka hria a, dawt a hrilh tih hriat tir loh hram ka tum cheu a. Chuvang chauh a a fal a zawt pawh ka nia. " Ti tu chu mit khap lek lo in ka en ngawt ngawt.



" Zonun a sawi chu a dik em? " Ka u chuan a ti chang ta bawl mai. " U... Ka sawi fiah thei. Eng lo a nia... " Ka tih rual chuan " Zonunmawi. " Ka u bawk chuan a ti hrawih. Ka phu chiam leh nghal.



" I zin nge zin lo? Zin chhuan lam chuan Zorema nen in tlan bo tak tak em ni? " A tih leh pawh chuan ka chhang lo. Ka u in a vawi khat nan aw ka vin in min bia a nia. A hma zawng ka tag pawh chhuak lo a thinrim em em kha ka thinrimna ai mah chuan ka u in min vin vang chuan ka rilru a na a ka tah a chhuak zawk.



Ka chhan loh vang nge a pen sawn vut a. Ka wardrobe chu a va hawng rawk rawk a. Chhak lam pang kil a ka bag a rawn khai chhuah lai chuan ka lo thlir ve reng a. Ka u hmel chu a thip khup a kut min thlak a chak hial in ka hria.




" Engtin nge I chhungte hi min bum theih zawk? Zorema nen chuan eng thil teh hrep nge kar khat chhung khan in tih a? " In sumna tla chham zet in a ti leh hrawk. " U hrilh che ka tum a... " Ka tih lai chuan a kut chu a rawn vai thuak a.




" Tunah pawh dawt bawk I la sawi a maw? Min hrilh tum tak tak la kha mi chhung a I chanchin ngaih ven a kan lo call leh text che khan min hrilh ang chu. I thu sawi chu in zinna nawm thu hlir a nih kha. Zan in a in i rawn luh thleng pawh a I sawi chu zin miah lo zin a in sawi chiah a ni i tih. " A ti leh nghut. A aw chu a ring tawh hran lo. Mahse dawt ka sawi vang chuan a rilru a na tih ka hre thei.



" U... " Ka ti sep, ka bag a khai chu wardrobe chhungah chuan a vawm in a vawm lut chawrh a. " I lo puitling ta mah mah a nia nge. Mahse I khawsa zia erawh a zah pui awm tak zet. " Ti hluk in kawng ka lam chu a pan a. Ka auhna pawh chu hre lo der in a chhuak hmak a. Ka u chhuahna lam en chuan ka muttui chu a dir nghal zung zung.




" Ti khan Tu nge dawt sawi chu i hre chiang tawh ang chu. I chau tak ti raw kha, ka chhuak tawh a nge hahchawl ve rawh. " Terini chuan nichin a in thiam lo hmel leh hreaqm ti hmel lang tawh miah lo chuan a rawn ti a. A chhuak chu in swh ruh ngawt ngawt in ka en zui reng ringawt.




Khumah chuan ka thu thla dat a, ka mittui chu ka dang seng lo. Ka u ngeiin zah puiawm min ti a nia. Eng tin nge ka nuih theih reng ang ni. Rei fe ka thut hnu chuan tho chhuak in ka u room lam chu ka pan a engkim sawi fian tum in. Mahse kawngka ka kik pawh chuan min chhawntu an awm lo. Lock chu herh hawng in ka lut a, ka u hmel reng ka hmu lo. Room chhung chu a ruak vek a . Ka room atanga a chhuah khan a roomah awm lo in in atang a chhuak daih a nih ka ring zui nghal a. Beidawng zet in ka roomah ka let phei leh a. Terini ka huatna chu a zual tulh tulh bawk.




Engtin nge hniak phawi miah lo a dawt a sawi theih. Ka duh vang reng a zin loah min chhuah fel der a. Chuan kut ka thlak hmasa ang hial in a in sawi zui a. Chu ai zawng a ka rilru ti na tu chu ka sawi ngaithla lo a ka u in a ring nghal vek kha a ni.




Zingah ka nu in min rawn kai tho a, ka chauh thu leh ka lu a nat thu sawiin chaw pawh ka ei peih loh thu ka lo sawi a. Sunday a nia in khawm ngai mahse nizan ka rahna ka mit a bui luk bakah ka in tap luna vek bawk nen ka chhuak peih hlawl lo. Ka u hmel ka hmu hreh bawk a. Ka nu in ka In chauh a nih a la rin danah ka u leh Terinin engmah an la sawi lo a nih ka ring.




Ka chhungte in khawm hlan in inhnuaiah ka chhuk a ka mit vung leh bui lutuk tih reh nan vur ka la a, ka roomah chho in ka dep a. Mahse nizan ka mitthla a piang in ka tah a chhuak leh ut ut thin. Unau pahnih chiah kan ni a, kan chhang a khat em vang hian ka u hian min duat in keh thei dawm tak meuh in min en a. Vawi khat mah min hau ngai lo tu khan dawt phyah chawp kual vel vang a kha ti tak a huatna mit meng a min en ka hmuh khan min ti na em a ni.




Inkhawm banah ka nu leh pa ka roomah an lo kal a, an hnungah Zorema leh Terini pawh in rawn zuiin Zorema pawh a in khawm ni ngei tur a ni a in ha smart zuih mai. Ka mittui ka dan sen meuh loh vang chuan ka pa in ka damlo tak tak emaw tiin damdawite min pe in min tawngtai sak a. Ka u erawh a hmel ka la hmu miah lo.




Ka nu leh pa bulah ka zin tak tak lo tih hrilh ka duh a mahse ka sawi ngam ngang lo. Ka u pawh kha ti khawp khan a thinrim a, ka duh vang reng a zin lo ka ni lo ti a thi dik ka sawi chuan Zorema ka mawh puh a ngai a nga, ka pa thin rim zual in Zorema ka kawm a phal tawh lo mai la hlau bawk si. Tawt tun in ka awm ringawt a. Terini lah chu in la fell fahran in Zorema chu a zinna chung chang a zawt leh lawi si. Henu hi ka hre thiam thlaqt tawh lo.




Diki leh Opi in an rawn leng phei a. Ka roomah kan awm khawm a. Zorema pawh ka la be hran lo. A fal in ka la awm hman loh a, ka nu leh pa an awm ve reng a, tunah ka thiante an awm ve leh bawk nen. A ni pawh nakin a a rawn kal leh tur thu sawi in a haw phei ta ngawt a.




Diki leh Opin an zinna a an thlalak vel ka bul a thu in an en a, nizan a an kawr ka hak sak chu an haw dawnah an hawn nghal a. Naktuk class kan kal nghal dawn a, kar khat tha vel class kal leh in exam chawlh a ni zui mai bawk nen lehkha zir a la har an tih thu an sawi nasa ve mai.





Tlai lamah ka u pawh a rawn haw a, ka room a rawn lut thut chu ka lo en nghal vat a. A hmel atang chuan ka lakah a la lawm lo hle tih ka hre thei.



" Zorema hi then ang che! In thian tha tak in ni tih chu ka hria mahse ngaihzawng ang a in en a in kawp tur chi in ni lo. " A tih chuan ka u chu ka melh tlawk tlawk ringawt.


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)