Miracle Love by Amy Cck (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Miracle Love by Amy Cck (Completed)

Unread post by Ngaia » July 10th, 2022, 5:55 pm

Miracle Love 💕 by Amy Cck



42 zawmna i chhiar loh chuan i keu let mai dawn nia. ❤


Chapter - 43




" Ka haw dawn. " Rei fe engmah sawi tawh lo a kan ngawih vang vang hnu chuan ka ti sep a. Ka hma a thu erawh chu a awm ngai in a la awm reng thung. A luhlul zia ka hria a hetia ka tih ve mai lo chuan engmah hma sawnna ka nei dawn lo. Ka thu sawi zawng zawng pawh kha ka ruih vang emaw ka thinrim satliah vang a sawi ka ni lo.





" A tlai tawh. " Din ka tum chu min vuan bet in a ti leh sup a. Nia, a tlai tawh viau ang. Ka thil in vang khan ka ka ni deuh nghulh a, ka lu a hai muai muai a, ka pum lam lah chuan a zo lo tih hriat lutuk in ka thin zawn thleng thleng in a sa huam huam mai hian ka hria.




" Ohh... Dar 11 ah gate an khar dawn tak. " Tiin sana zawng chuan ka hawi kual ruai a, engmah hmu fiah thei ta lo chu bang a sana chu han hmu mah i la an ohe ruai tho nia.




" A pel tawh." A ti leh hmuk a. Kei erawh sana hmuh fiah tum chu ka mitte chu ka ti zim in ka khap leh sak sak thin. Ka pum lam lah a rawn nuam lo tulh tulh a, min rawn hnawh et et in ka luak chu a rawn chhuak ti tih ta mai. In sum ka tum teh reng nen ka irhfiak zui leh nghal a. Ka ding hliai chu ka hma takah ka kal sawn loh nan a la rawn ding ve run zui.




" Luhlul lo in hetah riak mai rawh. I rui bawk nen haw chi i ni lo. " Sir lam a tawlh sawn ka tum chu a ti a. Kei erawh tawng thei pawh ka ni tawh lo tak tak. Ka hrawkah ka chil a rawn rial tan tawh a, ka tawng a nih chuan ka luak nghal dawn tih ka hria.




Ka hma tak a ding chu nem sawn a bathroom pan ka tum chu ka hoodie lukhumah pawt in a hmaah bawk chuan ka let s, ding nghet thei lo nen ka pai chan chan mai.




" Zonunmawi... " A tih leh hluk rual in ka in sum thei tawh lo kan in karah chuan ka bun tlawr a, Zoremsanga pawh a tawng tawp chiang nang mai. Kei lah duh tawk mai lo chuan ka uak tuar tuar a, a halfneck dum hak awm zawnah chu a berh luai bakah ka hoodie ban leh tlang lamah a kai ve bawk.




" Nangmah vang. " Ka hoodie ban fai lam a ka hmui hruin ka ti sep a. Zoremsanga erawh engmah sawi lo in a kawr chu a taksa si lo tur in a pawt fan a. A kal sawn a phal loh vanga ka ngei rual in ka luak khum nghek chu ka in thiam lo ve reng.




" I zia deuh em? " Zawi deuh tak a a ti sup chu tawngka a chhang lo in ka bu nghat ringawt. Ka pum chu a la sa ham ham mai.




" Ti khan ka in zel ang chu i la ti ve a nia. " A tih hluk chu ka melh chho ve rawm a. " Ka ti thei ve mai ang. " Ka la ti tal chu luhlul min tih hmel fe hian min en a. Mahse engmah sawi ta lo chuan a kawr zawk chu a hlip thawk a. Kal sawnin a phun zui hluk hluk chu ka la hre pha tho.




" Khaw nge bathroom? " Ka ti teu hlar chu a rawn hawi leh a. Min en vung vung a, ka kawr a luak kai nen chuan a hrethiam a ni mahna. " Saw lamah sawn. " Tiin bathroom awmna lam chu a kawk a. " Ka va hruai ang che. " Ti a min rawn pan a tum chu ka lo hnial rang ngei mai.



" Keimah pawn ka kal thei. " Tiin pai chawn chawnin bathroom lam ni a a sawi chu ka pan a. Ka kal nghet lo lutuk chu vawn tur dap rawk rawk in ka thleng ve thei hram a. Bathroom chhung ka luh rualin kawngka chu ka kalh a. Tui chu herh haw in ka hmai chu ka phih a ka kam te chu ka thuah a. Ka hoodie chu ka hlip zui nghal zat bawk. Mahse ka luak chu a la chhuak ngher bawk nen ka uak leh that that a mahse chhuak tur erawh chu a awm tawh lo.




Bang ngheng chuan chhuatah ka thu a, mit chhing vang vang in ka thaw chhuak leh hak thin. Hetah in tih har phawt a chhuah leh ka tum bawk. A nih loh chuan ka dik leh dawn lo. Thu a sawi hlek pawn ka hua in ka thin a rim nghal hlar zel sia, mahni lah in ka ding nghet mumal thei rih lo bawk nen bathroomah hian in time harh vek vawk i la ka chhuak a nga ka haw ang ka ti rilru bawk.




Min ko ri chu ka hre leh thin mahse mit ka meng hlei thei miah lo thung. Ka hming a min koh a piang in ka phu leh zawk thin a mahse ka zawi lak lawh ka ti dawn nge rei lo teah ka muhil nge ka ral leh riai riai thin. A hnuah chuan thil ri dawt ka hre zui a. Vawi khat mai ni lo vawi tam a ri a. A hnu a ka hriat leh chu ka bul mai a min ko ri leh zo zet a min pawm kang lawp chu a ni.




A hnuah chuan khumah min mut ni ngeiin ka hria a. Ka bul chu hniam sulh in ka hmai chu kut lum thur thurin a chul kual a. Harh leh harh lo inkarah awm in engmah ka hriat loh chu a tam mah zawk. " I upa tulh tulh a i thu i duh tulh tulh a nih hi. " Zawi sup a a tih chu ka hriat hnu hnung ber a ni.




Ka pum sa hut hut leh tui hal huam huam huam vang chuan ka harh a. Ka awmna chu ka hai lek lek mai. Light chu lo thim khap in dim light chu eng vak lo in a eng a. Ka pang kham vang chuan sir lam hawiin ka in let a. Sir lam tukverh bul a ding chu ka hmu ta chiah bawk.




Pawn lam chu inngaihtuah muk zet chuan a thlir vung vung a. Thlasik lai a ni bawk nen vawt a ti lo nge ni kawr a ha lo a, kekawr erawh chu a ha thung. A khat tawk a thaw chhuak hawk in meizial emaw ni chu a hip leh vang vang thin a. A hmelah chuan a rilru chu a kal bing hle tih pawh a hriat.




Ka tui hal viau mahse ka tho chhuak duh ta lo. Ka harh tih a hriat miau loh vang chuan ka thlir ta reng a. Engtik laiin nge ka mutthilh leh ka hre lo. Ka harh leh meuh chuan khua chu a lo eng ut tawh a tho chhuak sawk sawk in Zoremsanga chu ka zawng kual nghal ruai a mahse khaw hmunah mah hmuh tur a awm leh tawh lo.




" I kal bo leh tho a. "



" Kha pawh kha a tawk zo lo a. "



" A tan chuan engmah ka ni tawh lo tak tak." Tiin beidawng zet chuan ka ding reng a. Ka biangah ka mittui chu dan sen lo khawp in a luang zung zung a. Room reh ruih chu melh kual ruai in en chhuak vek tawh mah i la a lo awm tak thut in tiin beisei nei zet in ka awm a. Ka tahna lamah ka thin te chu a thip vek thei.



Khawi emaw atangin ka phone ri ka hria a, sir lam a ka bag lo let ngat chu pan in ka phone ka en chu Jenny a lo ni.




" Khawnge i awm a, lo haw vat rawh ka pa ten i awmna min zawt reng a I thiante damlo an awm tiin ka sawi a I rawn haw hunah chhuan lam dang siam suh aw. " Jenny chuan a rawn ti zui lang lang.




" Umm... Ka lo haw. " Tiin phone chu ka off a, thawk la hak in phur lo zet chuan hotel atangin ka chhuak a. Kum thar ni tih takah khaw lai chu a reh ruih a. Motor tlan an awm pheuh pheuh tih loh chu hmuh tur dang a awm lem lo.




Kawngsir a muang chang a ka kal lai chuan ka sir mai a motor ding thawm ka hria a. Ka hawi phei chu passenger seat lamah chuan mipa naupang hmeltha deuh hi a lo thu a. Min la en chiang em em zui a.




" Khawnge i kal dawn? " Driver seat atanga rawn ti tu ka en chuan Zorinpuia!




" Ahh... Ka haw dawn. " Ka ti bah nak a. Motor engine chu a ti thi nghal duk.




" Kan rual in i lo kal duh em? In veng lamah kan kal dawn a nia? " A tih leh chuan kei mah zawk chu ka ka hau mai. A hriatna a hloh an ti sia kan vengte a la hria emaw ni, chuan kei te pawh min rawn hre chat bawk a.




" Kan awmna i hria a mi? " Ka ti haw chu a nuih a zat hmel khawp mai.



" Zorema te inbulah in awm a ni lawm ni? " Ti a min zawh let chuan lu bu nghat in motor hnung lam chu ka pawt hawng a ka thu lut nghal vat.




" Zingkarah te heti lamah enge i tih a? " Tlan chhuah pah chuan a ti sup. Mak ka la ti riau bawk nen hnung zawk a thu tih takah ka en duh ngang mai.




" Exer ka la. " Ka tih chuan front mirror atang min rawn melh in a awi hmel vak lo khawp mai. Mahse engmah chu min zawt zawm lem lo. Ka rim ken luh tel atang hian a hrethiam in mak min ti ru viau in ka ring.




" I damlo tiin Roa te khan an sawi sia enge i an a? " Ka ti let ta zawk a. Passenger seat a mipa naupangte lah chuan a khat mawi tawk in min rawn thlek ve ha ha a. Kan in melh fuh changin a nui leh seih zel a. Ka awm a ti nuam lo zo, ka rim chhia a ti nge ka hmel chhia a ti zawk ni min en duh ngang mai.




" A rei tawh lawm kha chu, tunah chuan ka dam tawh ti i la ka sawi sual lo ang. " Tiin a then suk a. " I hriatna i nei leh vek tawh tihna maw? " Ka ti hliai chu min melh zawk in lu a thing nghut.




" Kha chiah kha ka la dam chian lohna. " A tih chuan ka in thlahrung ang reng.




" Mahse min hre bawk sia. " Ka ti sep. A hriatna a la neih si loh chuan min hre awm lo tak a nia.




" I thlalak ka hmu ngun a lawm. " A ti sam et chu ka hre thiam lo.




" Kan lo in kawm ve thin tih ka hria lawm. I thlalak ka kawl nual a. I single thlalak ka ti lo a nia. " A tih leh zat chu ka lo ner nang.




" Bakah kan thian dangte hnen atangin ka hmeichhe thian tlemte zing a mi I ni thin tih ka hria a. " A tih leh chuan ka hrethiam mai. Higher ah te college ah te pawh thlalak ho te chu kan nei ve nel nual a. Lalroa te pawn an hrilh ve a ni mai thei.




" Min hriat tum a min chhinchhiah chu ka van lawm. " Nui sak in ka ti let ve a. " Ka tan a pawimawh ho chu hriat vhhuah leh vek ka tum. Nang pawh hetiang chiah ni lo hian ka hre leh thei tur ah che ka ngai. " A tih chuan a hriatna neih let chu a la tum viau a nih hmel. Khawngaih ru tak di a ka nui ve seih chu a ni pawh a nui ve suk a. Sir lam a mipa naupangte chuan min en duh em vang chuan ka in thlahrung in glass te chu ka ti hniam a, motor a thli a rawn luh theih nan.





" Khawnge in kal dawn a? Kan venglamah leh nghal. " Tiin ka zawt leh a.



" Tlangvala hi ka va thlah phei dawn a nih hi. " Tiin naupang chu a nuih suk a. Ka en ngun poh leh he mite pahnih hi an in ang ka ti leh nghal. Chuan hmuh tawhna riau neiin ka in hre tlat bawk a.




" Tu nau nge i chhungte maw? " Ka tih chuan lu a bu nghut.




" I hre na nge? Thomas hi chuan a hria che a sin. Ral khat atang khan kei mah au pawn a hre hmasa che a nia. " A tih chuan ka ngaihtuah kual a, ka hriat awm pawh ka la hre chuang lo.




" Tolema nen hospitalah kan hmu che. " A rawn ti ve reuh a. A tawng fiah in a fel fai phian leh nghal. Chutia a sawi takah chuan Aizawl ka haw tir a damdawiin a ka hmuh kha a ni tih ka hre leh hnuhnawh. Zorema fapa emaw ka ti deuh reuh hman hial a nih kha.




" Miss Zuali fapa kha ti raw? " Ka tih leh chuan nui var varin lu chu a bu nghat nghat a. Siami fapa damloh tum khan ka hmu tawh bawk tak e.




" Tolin . ... Anu a ni leh tawh. " Tiin a phone ken chu Zorina lamah chuan a lek va va a. Zorina chuan la tur in a ti ve sup a. " Nichinnn pawh khan kan lo haw mek ka ti tawh reng si. " Ti a phun ve bai baiin call a la chu a la naupan hmel ngaihtuah in a in la puitling reuh lutuk a ka nuih a ti za.





" In riah pui tihna a mi? " Zorina lam hawi a ka tih chuan nui suk in lu a bu nghut.




" A nu phal vak lo kan riah pui a. Inkhawm tur in zingkarah lo thlah ngei ngei ru a ti sia. " A ti ve sup a. Kei erawh in ka thlek leh he haw thin.




" In in ang ka ti. " Ka ti ta thlawt chu a za viau nge ni a nui chhuak hawk a. " An ti chawk a nia. " A ti mai thung.




Kan inkawt kan thlen chuan ka chhuak a, an kalna tur lamah ka vai liam a. Ka pa pawh pawn bathlarah chanchinbu nen a lo thu vuah mai. Ka pan phei a, ka hnaih a nih vaih chuan ka rim hi a hre nghal vek dawn sia ka huphurh ngang mai.




" I thiante chuan an rawn thlah nghal che maw? " A thutna atanga min lo tih chuan ka lo aw nghal vat a. Kan thawmah nge Jrnny pawh a rawn chhuak ve nghal a.




" Pa ka han in ti fai dawn. " Tiin kan lut a. Ka nu chokaah awm in ka u erawh Eddie nen sitting roomah an awm thung a. Midang be lem lo in Jenny nen chuan kan in zui chho nghal daih.




" Pawngi nangmah vang kum thara dawt sawi hmasa ber ka nih phah. " A tih chuan a lawmloh zia a aw leh hmelah a lang nghal vek.




" Zorema bulah i awm ti raw, call i chhang thei si lo min ti mangang a lawm. Puipuia ka va zawt risk a min hrilh lo phei se ka â lo chauh ang. " A ti nghal barh barh a.



" Nangnu hi zu rim te i nam. " Ti leh in ka kawr ka phelh chu a hnim zui dat dat a. " Engmah ka sawi peih rih lo a nia. " Tiin intifai turin bathroom lam ka pan ta daih. Ka chau zo tawh tak tak. Chu tih rual in Zoremsanga khan ka ngam loh a ring a nih chuan a ring sual dawn, enge ka tih hi lo en rawh se ka ti ru mawlh maqlh thung.




" Chaw ei hma a ngai a nia, inkhawm a ngaih kha. " Tiin Jenny chu a rawn au lang lang a. A chhuak ri ka hre zawm nghal bawk. Ka lu a rit in ka pum a no nghulh a, ka thin zawn hi a thip ang vawt vawt bawk nen ka inkhawm peih kher lo mai thei.




Ka intihfai zawh in inhnuaiah ka chhuk a. Chaw pawh kan ei har lo khawp mai. Ka pa in chhunginkhawm hmangin tawngtaina pawh a bei thui viau a. Chaw ei pah in an zinna an sawi zui luam a. Terini pawh a nau leh a pa thlan bulah an phum thu an sawi a. Ni e, engtiang pawn hua in ngei thin mah i la a boral tawh a, a kal hmasa zawkah a tang miau a, ka lo huat reng khan tangkaina a nei lo bawk a. Thihhnu lam ramah tal chuan a chhungkaw bul a a awm chu ka lawmpui ta zawk. A damlaiin mal ngawih ngawihin a in hria a nih kha, tunah chuan a hlim ve thei tawh mahna.





Thleng ka sil mawlh mawlh lai chuan doorbell a rawn ri a, ka chhungte an hawng a nih ka ring. Ngaihven lem lo chuan ka sil zawm mawlh mawlh a. Ka sil zo choka atanga ka chhuak chu kan sitting roomah lo thu ka hmuh chuan ka khawng awt thei.




" Inkhawm I tum em? " Tiin min lo melh ve vut a. Zorrmsanga chu thlarau hmu ang maiin ka en reng ringawt. A bul a thu Jenny chu rawn tho in Eddie pawm in an insiam tur thu a sawi a. Min kal pelh pah chuan min sik zui hlak leh nghal.




" Thlarau ka ni lo a nia. " Nui suk a ti tu vang chuan ka in thing harh vat.




" Eh... Enge hetah i rawn tih? " Ka ti bah nak a. Ka awah pawh chuan mak ka tih zia a lang thei. A ni leh ni lo angin a rawn inchei smart ang thlup a. A thawmhnaw hak atang chuan rin dan chu ka nei a mahse ka ring ngam chiah lo a ni ber.




" Inkhawm turin ka rawn sawm che. " Tiin a sawi zawh rual in lai deuh tak chuan a kiai suk a. Sawi tur pawn min ti hre tawh lo zawk. Kamis dum leh kekawr dum nen a in duam ve zuih a. Nizanah lawk kan in hmu kha a nia a sam te chu a met hman emaw ni a lang thar sur mai.




Chutia kan lo awm lai chuan ka pa aw ka hria a, chumi rual in an room atangin a rawn chhuak zui nghal a. Ka hawi phei chu kei mah ai ai in Zorema a hmu chu a thawng zawk emaw tih mai tur in a hmel chu a awm zui ve nghal.




Zawmna 💕



" Ka.... Ka han in siam lawk ang aw. " Zorema lam hawi chuan ka ti bah nak a. Ngainatawm zet a nui sukin lu a bu nghut a. Chu ti chung pawh chuan kal sawn lawk lo chuan ka la melh he haw mai.




" A tlai tawh a nia. " Ti sup riah chuan ka harh leh zawk a. Buai deuh nawk in stepah chuan ka chho a. Inchung ka thlen hma in ka pa in Zorema a be ri pawh chu ka hre pha. " Zorema chu i vang hle mai. " A ti ni maiin ka hria. A bak erawh ka hre zawm tawh lem lo.




Inchungah Jenny an room atanga rawn chhuak nen kan in tawk a, ka roomah ka pawt lut nawk nawk a. A hmelah chuan zawhna a ngah in a hrilhhai ve ngang mai.




" Enge awm zia? Ti nge tun ang hunah a lo kal a? Nizanah kan in be fuh vak lo i ti sia, zingah a kal bo san che i ti bawk a. Mahse tunah kan inah a lo lut leh bawk si. Kawngka ka va hawn khan mak ka ti zia chu. " A sawi hnem lutuk chu ka hre seng lo. Mi mah rilru buai ve teh reng nen.




" Engmah ka hre rih lo. Mahse inkhawm turin min lo sawm a. Enge ka hak dawn? Min thlan pui vat vat teh, ka inthlak rei lutuk chuan a rilru a lo thlak leh hman a nge. " Ka ti vel chul thung. A chhan pawh nu Ruati khan Zorema leh Terini inneihni kha Zoreman biakin a rah tawp ber ni tiin a sawi a nih kha. A chhungten an tih luih ngawih ngawih pawh a duh ngai lo in tunah tuma sawm ni miah lo a inkhawm a tum kha min thawn bakah ka lawm ti hian a sawi fiah zo lo.




" Ti nge tiang khan min en a? " Jenny hmel awm dan vang chuan ka ti let ha.




" I thin a rim ve miah lo a mi a? Nizanah a mah vangin zan reiah i chungah enge thleng thei tih ngaihtuah miah lo in i chhuak a. I thil tih duh ngai miah loh tur zu te hial i in ve a. Zingah ngaihsak miah lo che in a chhuah san leh daih che a. Tunah a rawn lang leh thut a, lo thinrim khum chu sawi loh a sawmna che i he lo in i lo pawm nghal a nia. " A aw ka chhuakah chuan a lawm vak lo tih ka hre thei.




" Ka hria a lawm. " Ka ti sam et chu hrethiam lo hmel a pu deuh deuh.




" A nih chuan ti nge tiang hian engmah thleng lo ang mai in i la awm theih zawk a? " A ti ta thlawt.



" Pawi ka ti hlei nem. Nia nizan khan ka thinrim a, tukin zing ka rawn haw pawn ka thinrim lutuk. Mahse tunah chuan khang kha ka theihngilh leh vek tawh. Bakah engtin mah ka awm lo hi, dam tak in engmah thleng lo in ka lo haw a, i hmaah ka din reng hi. Tuna Zorema ka hmuh dan vang hian ka hlim teh mai a nia. Thinrim a hlim lo turin min duh zawk a mi? " Ti a ka zawh let chuan thaw hak in lu chu a thing nak a.




" Nizan kha chu kum hlui an ni tawh a, kum tharah hian nun thar nen hun hman ka duh. Kum hlui a mi ka lungawi lohna chu chhawm zel turin min duh bik lo ti raw? A nih chuan ka thawmhnaw hak tur chu min thlan pui vat la. " Tiin ka nui sang a. Mak min tih hmel zet chuan min en a, tih ngaihna min hre bik lo a ni mahna ka thawmhnaw dahna lam chu a pan hnak hnak a. Min hnung chhawn rual in ka hmai lo chei turin min ti zui a. Phur zet in dressing table lam chu ka pan a. A kip a kawi a ngaihtuah chuan ka tlawm ngawih ngawih mai thei. Mahse Pathian hnenah khan ka dil a, a nin kawng min hawn sak a tumna lo ni ta se kei hian lo thinrim khum lo ka hnawl i la thil tha ber a ni lo. Ka tlawm emaw pawh lo nise ka hlim tal a lawm.





Ka thawmhnaw ho ka in hmeh a tih thin ho chu a rawn la chhuak a mahse ka lo cher ta viau nge ka thawl ta vek chu ka lawm lo ngei mai. " Chaw ei tha rawh ka ti mawlh mawlh che a, i awi duh lo vei a nih kha. " Jenny chuan a ti thlawt nghe nghe. Ka boruak tawn chho vang in thil ka ei mu mal lo a, ka mu thei ngai lo bakah ka rilru a hah in a buai vek bawk nen ka taksa in tiang em em hian a lo tuar tih pawh ka hre miah lo a nia.




" Enge ka hak a nga? Rei min ti tawh ngawt ang. " Tiin khum tlangah chuan ka thu hnak a. Ka hma zawn thawmhnaw khaina bul a Jenny ding pawh chuan tih ngaihna hre lo zet in min en tawp.




" Hei ha mai la. " Tiin ka kawr pakhat crop top var body fit deuh hi a rawn khai chhuak a ka lo ner nang. Ka neihna a rei tawh bakah puan nen a hak chiah pawh ka ngai chiah lo. Len chhuahna velah hak awm tawk a ni. A nghawng a var ve deuh bakah a plain vek a nia. Ka phur lo ngang mai. Miin khum thar kawr thar te an thui tir a an neih laiin chutiang hak bik chu.




" Zoreman thing min ti ang. " Ka ti ringawt chu a chek hlak.



" I chhe vel a nih chu, a simple a a nalh daih zawk. Puan a rem deuh tur ka hria. " A tih bawk vang chuan tih ngaihna hre tawh hek lo chu ka in thlak a. Puan senduk par nalh deuh nen chuan a lang pangai ve tho mai. Mahse a body fit vangin ka lang cher riau thung.




Inhnuaia kan chhuk chuan sitting roomah ka chhungte dang zawng zawng chu an lo thu thap tawh a. Zorema pawh a po thu ve bawk. " Hei an rawn chhuk a lawm, kan kal mai dawn em ni? " Ka pa in a tih chuan an hnial lem lo a nih hmel.




" Bawihte motor in i u te nen kan kal dawn a, rawn kal har lo u la aw. " Ka pa chuan a ti a. Kei mah ai mahin Jenny chu an ruala inkhawm tur a nia an lo nghal zawk a nih hmel.




" Engin nge kan kal dawn? " Ka chhungte an chhuah vek hnu chuan Zorema chu en in ka ti sep a. Min en vung vung vang chuan nuam lo ka ti zo vek. Nizan ka tahna mai bakah tukin ka tah leh na nen ka mit a bu in ka hmel a chhe lutuk a makeup Jenny min bel vak a. A tir chuan ka cofi ve phah kha a nia, tunah chuan min en dan vang in nuam ka ti leh tawh lo zo vek. Ka lam pan a lo kal in ka hmaah tak chuan a rawn ding a ka lo en ve kalh bawk.




" Ka hre lo i duh duhin a ni mai. Bike emaw motor i tih zawk pawn a theih ve ve. " A ti sup a. Ka hmaah tak a kekawr ip zen in a ding ngur bawk.




" Engin nge hetah i lo kal? A rem rem kha a ni mai. " Ka ti ve vat a. A hmui chu ti sawi zeuh in a mit chu min kan khum uk a. " Ke in. " A ti ringawt chu ka hrethiam lo.




" Kan inah ka haw leh tawh a. Bike emaw motor pawh ni se phei pahin kan la chhuak thei ve ve. Chahbi pawh ka keng ve ve. " Fimthu ti tak deuh si hian a ti a, nuih in sum zet in a kut chuan a hnar chu a tuai pah zeuh bawk.




" A nih chuan ke in kal ang, kan la tlai hman lo ang. " Ka tih chuan a banrek a sana mrlh vutin lu chu a bu nghut. Tunah dar hmasa a ri tep a, kum thar ni a nia inkhawm an kal hma hla dawn a, ke a kan kal chuan a chhung chu kan chang tawh kher lo ang mahse ke a kal chu ka duh tho tho. A chhung kan chan chuan mipa leh hmeichhe thutna a hran vang in kan thut hran a ngai ngei dawn a. Extension emaw pawn a kan thut chuan kan thu dun thei dawn thung a.




Kan in zui chhuak a, kawngka ka kalh lai chuan min lo nghal ve run a. Biakin lam pan chuan kan kal dun a. Tawng mai tur erawh kan van dun khawp mai. Zawh chak ka ngah a mahse zawh hun a ni em ka hre la hre chiah lo bawk nen ka in sum tang tang.




" Tukin zing kha... " Ka lam rawn hawi a a ti sup chu kei pawn ka lo ti ve chiah a, kan pahnih chuan ka sawi rual chu za lo fahran in kan nui sak.




" Sawi hmasa rawh. " Ka tih chuan nui suk in lu chu a bu nghut.



" Tukin khan i lo bo daih sia. " A ti sup chu ka ding dat a. Ka ding tih a hriat vang nge a lo hawi nghal vat. " Nang mah a nih kha lo bo daih zawk chu. Ka harh ve khan ka zawng che a mahse i lo chhuak leh daih a." In sum ka tum teh reng nen ka ngaihtuah let lo thei si lo ka aw pawh a vin lek lek.




" I muhil emaw ka tia, ka chhuak ngei a mahse i harh leh hma a rawn let hman tum in ka chhuak a. Mahse ka lo let chuan i lo awm tawh lo a. Kal pah in sawi i la, kan tlai a nge. " A tih zawm zat chu thawk la halh in ka kal ve leh mai a. Rei lo teah kawn kan chhuak phei a. Modang in khawm tur pawh an lo kal ve nak nak mai. Rin ai kan tlai dawn lo a nih hmel.




" Zingah chuan khawnge i kal a? " A tawng leh tak miah lohah chuan ka ti leh ta nge nge. Mahse nui suk a min chhanna avang chuan mak tiin ka en haw.




" Biakinah chuan enge i va tih a? " Dil chhut chu min ti ve ang. Biakin kan kal chuan tih tur pakhat chiah kan nei thin miau a. Chu chu a va ti ve a ni mai a mahse a ma sawi ngei hi ka hre chak.




" Ka va thu. " Nui suk a a tih chuan ka lo ner nang. " Rei fe chu ngawi rengin ka va thu a. Engmah erawh ka sawi lo a, tawngtai pawh ka tawngtai chuang lo. Tuk pum khan ka va thu ve tawp a. Chuta ka kal chuan chu i hre duh em? " a tih leh chuan lu ka lo bu rang ngei mai.




" Nangmah vang in, ka sawi tawh kha nikhatah vawi hnih damdawi ka ti thin tih. I bul a awm hi ka duh a, mahse ka rui leh a nih chuan i bulah pawh awm i la i hlim dawn si lo a. Chuvang chuan biakin a ka va awm khan ka chakna a ziawm deuh ka ring a. " Nui suk hian a ti ve a. A thu sawi chu a mah ngei pawh chuan awi lo hmel a pu hial zawk maw le.




" Ka ngaihtuah chian khan a atthlak ka ti leh deuh a. A mah tak pawh be lo in kha tia thut ve ngawt kha. Mahse awm zia chu a a ve deuh a nih hmel tun thleng hian engmah ka la ti miah lo. Biakin atanga ka rawn chhuah khan i harh hman ring lo in hotelah khan ka lo let a mahse i lo awm tawh si lo a. " Tiin za lo deuh chuan a nui leh a. A awm dan chu ka lo en reng ringawt.




" I kal bo leh emaw ka tia. " Ka lo ti sep thung.




" Chu mi ka rin vang chuan in in lam panin ka rawn kal vat reng a. Chuan aaa... Ka phu chiah em hre lo mah i la nun thar nang nen a tan leh hi ka duh a. I hriat kha ka lut thuk tawh tih. Kei mah chiah chuan ka sual chhuak thei dawn lo, chuvang chuan ka kiangah hian awm in min pui turin nang chiah hi ka mamawh che a. Chu chu i ti thei ang ti raw? " A tih chuan mittui tling pam a en in lu ka lo bu nghat.




Thil tam tak sawi duh la nei mah i la biakin kan thlen takah chuan sawi belh chu a rem ta chiah lo a. Mahse ka hlim veng veng mai. Ka bul a mipa thu chu ka lo en leh vang vang thin, ka kut chu nghet tak hian a vuan a. Midangin min hmu em tih lam a ngaihtuah lo. Ka kut vuan reng chung chuan muk tak a thil ngaihtuah ang chuan a awm a. A thil tum chu ka lawm rual in a hlawh tling lo ang tih pawh ka hlau ru hle a. Inkhawm chhung zawng chuan rilru tawngtaina in Zorema tan ka dil leh char char a ni ber.




Inkhawm banah chuan ka nu leh pa chu ka pu te in lamah chawhnu inkhawm tan hna leng turin an tlang nghal a. Ka u te chhungkua pawh Jenny te in lamah leng pheiin kan pahnih chiah chuan kan inah kan awm a. Kan a dun reng chung pawh hian a hma kan ang ta lo nge sawi tur hi a vang pharh tawh.



" Tukinah engtin nge i haw? " TV lam ka melh vung vung lai chuan a ti dut a. Ka la hawi a hu zui.




" Ihh... Zorina te ka hmuh fuh a ti i la an mahnin min rawn hmu fuh a. Chuan kan in thleng min thlah a. " Ka tih chuan a bu leh nghut nghut a.





" Zorina hian a hriatna a la nei let lo a mi? " Tiin sawi tur ti tam tu tih pahin ka zawt a. Sofa pakhatah thu in kei pakhatah ka thu bawk.




" Dik tak chuan a hriatna neih let hi a beisei awm vak tawh lo a. A accident na khan nghawng a nei na viau a niang. A dam leh hnu hian amnesia neiin a hriatna a hloh ta vek a. A mah hi chuan neih let vek a la in beisei a mahse hei a hriatna a hloh atangin kum 5 na kan hmang tan leh dawn chu a nia, a lo let chu kan beisei vak tawh lo. " A ti ve luam a. A thianpa, a best leh a unaupa ang mai kha a nia, Zorema tan pawh chhanna nasa tak a ni tih ka hriat pui. Tunah pawh Zorina chu pangai se chuan Zorema hian in bun ruahna a nei a nga tun hi a thleng lo mai thei a ni.




Chawhnu inkhawm a hun takah chuan bike in kan in phur chhuak a. Nu Ruati leh pa Lsa te pawn Zorema haw thut chu mak an ti hmel ve khawp mai. U lka erawh chuan fiamthu ti tak deuh hian ' a boss a lo haw a chuvang a nih hi ' a ti mai a. A damdawi khawih chung chang hria se chuan a fiamthu thei bik ka ring lo.



Zan inkhawm thleng chuan kan thulh ta lo chu a nia. Kan inkhawm ban chuan ka inthlak sawk sawk a Jenny chu rawn lut in zawhna a ngah ngang mai. Zanriah kan kil lai khan ka paten Zorema nen kan in kar min zawt a, zep emaw thup tum lo in inzui leh a bul tan kan tum tih ka sawi chuan min hnial leh deuh ka rin nen rin loh lam deuh in min fuih ta daih a.




Ka cousin, Terini pasal hlui a ni a, mi sawi sep leh tawngkam mawi lo tak tak leh dengkhawng tak pawh ka dawng thei tiin min hrilh a. Min then hran lam chu an tum ta lo a ni mahna, a nih loh pawn an beidawng ve tawh pawh a ni mahna.




*I mu tawh em? * khumah thu awn deuh a phone ka khawih lai chuan Zorema message a lo thleng hlawl mai.



*La mu lo deuh. * tiin ka reply ve nghal zat.


*hmu tur che in ka lo kal dawn. * tih a rawn luh chuan ka meng tal tap mai.


* kan in hmuh zawh chiah kha. * ka ti let a. Mahse chhanna ka dawng tawh lo. Zan kan inkhawm dun a, vawin chu chawh rual in kan awm dun char char ang a ni. Tunah mut a hun thaw thang a.



Ka room tukverh ri rekah chuan tho in parda ka va keuh a. Ka mi hmuh vang chuan ner nang in tukverh chu ka hawng nghal vat a. A rawn lut rang viau leh nghal.




" Nangpa hi, kum naupang zawk zawk i ni tawh lo a nia. Hetianga tukverh atanga luh ruk tih vel hi chu i sim a hun tawh. Kum 30 ral i kai dawn tawh a. " A hnung a zui a ka tih chuan a ner nawk chu ka hmu hman hram.




" A nih chuan min nei tawh mai rawh. " Tiin min rawn en a ka lo ner ve nang thung.




" Enge ni reng reng a? A hma vak tawh si lo a. " Tiin khum mawng lam a thu hmaah chuan ka ding ran a. Min en in then suk mahse a hmel chu a beidawn hmel ngawih ngawih.




" Ka in sum thei lo tak ngial dawn. " Harsa tih hmel lutuk a a ti hluk chu ka melh ngawt ngawt. Sawi ve mai tur ka hre lo a ni mah zawk.




" Ka thei mai dawn emaw ka tia, zing lamah kha chuan harsa lo te in ka kal kan mai a. Mahse tunah hian.... " Tiin a kut pahnih chuan a hmai chu a hup thawk a, a thaw chhuak zui hawk bawk. " Ka tuar thei lo tan in ka hria. Heta ka rawn kal hma khan vawi za chuang ka rilru a in hnial hman hial ang. Ka bike chabi ban a va lak lawk mai kha ka duh tawh a. Mahse ka message i rawn chhan khan heta rawn kal hi ka thlang ta zawk a. " A ti leh sup sup a. A awm dan chu a dik chiah lo tih pawh ka hre chiang ta bawk.




" Ka tihpalh, lo kal lo tur ka nia. Hetiang a ka awm lai hmuh i duh lo tak e. " Min rawn en a ka hmel lan dan a hmuh rual chuan ti leh hluk in a lu chu a thing nawk a.





" A.... A pawi lo, i ti tha lutuk a nia. I in sum theih tih ka hria a lawm. I pal tlang em em ang. Ni lo... Kan pahnih in kan pal tlang dawn a lawm. I kiangah hian ka awm reng a nia. " Tiin ka kuah bet a. A thut zawk miau vangin ka pum zawnah chuan min kuah ve vut a. Min kuahna chu a nghet mah mah bawk.




A awm dan chuan ka rilru chu a ti na tak zet a. A mah kuah nghet ve sauh in ka mittui chu ka biangah a dir zung zung a. A tir khan lo hre thiam tur ka ni a sin. Zingah khan a pangai em a hetiang tur hian la beisei pha miah lo. Tunah hian insum thei lo a min kal san a damdawi tih tum a a kal mai ka hlau leh hnu hnawh a nih chu.





" Ihhh.... Zanin chu tah hian riak ve mai rawh aw. " Ka mittui hru sawk sawk a ka tih chuan engtin mah min chhang lo. Min kuahna chu a thlah thawl ruai ruai a. Min rawn en chuan a mit meng send rum leh insum hmel chu hmuh hreawm tak a ni.




" I mut a chhuak tawk ang, ka phei leh zawk ang. Lungngai suh ka tha mai ang. Ka hmu che a ka pangai leh vat mai ang. " A tih chuan ka ring hlawl lo ang chiah hian a mah pawn a thu sawi kha a ring bik lo tih ka hria.




" Aih... Ka mut a la chhuak lo tak tak. Takin thil pakhat kan ti dun dawn em ni a rualin? " Ka tih chuan hrethiam lo hmel a pu deuh.



" Ihh... Zantin ka bulah hian i lo kal thin a nga, chuan kan pahnih in bible chhiar chhuah kan tum a nga. " Ka ti sep a, a miteng atang chuan a ngaihtuah ka hre thiam lo. Dik tak chuan a peih pawh ka ring chiah lo, mahse chu lo tih pui tur dang ka hre lo. Ruihhlo bawih atanga tal chhuah tir tur hian.





" Enteh Zorem i tan chuan a ninawm mai thei a mahse i sawi kha tukin zingah pawh biakin a i va kal ringawt pawn awmzia a nei i tih kha. Bible phei chuan thil a ti thei zawk a sin." A duh loh hlau zet chuan ka ti leh vat.




" Min ning dawn lo em ni? " A tih chuan tah nui hak in lu ka ting vat. Hetianga a awm lai chuan khawi dang mah pan lo in kei mah min rawn pan thin se ka duh ber zawk.




" Zanin atang kan tan dawn em ni? " A rawn ti ta zawk chu ka lo phur ngei mai. Min kuahna a ohel rual in kal sawnin Bible chu ka va la a. Ka let leh chuan min lo en chik viau leh nghal.




" Lo kal rawh le. " Tiin khumah chuan ka lawn chho a. A ni pawh a rawn tawlh chho ve nghal hrut. Ti chuan a tir te atang chuan kan pahnih in zan dar 12 rik tepah Bible chu kan chhiar dun a. Mut chhuak a reh ta bawk nen thil ho te te sawiin kan ti ti a. A mah pawh a zia tan viau in ka hria a, ka hahdam ve tan ta deuh.




" Ti nge kha tia min en reng a? " A tih chuan ka lo en reng tih ka hre chhuak chiah a lu ka thing zui nak.




" Happy birthday. " Ka ti sep chu a chal ti chual tap hian min en a. A hre chhuak ve nge a then ve ta suk.




" Thil pek chu ka lo in ring chiah lo a, naktukah chhuak dun i la chuan i duh duh ka lei ang che. Enge lei sak i duh? " Tlawn deuh a nui ver ver chuan ka ti a a nui ve suk suk mai.




" Duh pawh ka nei hran lo. " A tih chuan ka ner nang mai.




" Nei lo mah la eng emaw tal pek che ka duh a lawm. Khawvar hma in ngaihtuahna hun i nei. I chance tha hi bawh pelh miah suh a. Zalen tak a i duh duh min dil theihna hun rem chang a nih hi. " Ka ti leh tan tan chu nuih za hmel a la pu reng. Tun a a hmel chu hmuh pawh a hahdam ta deuh.




" Ka dil a piang min pe dawn em ni? " A ti sup chu ka melh ram ram a. " Ni deuh tho. " Ka ti sep chu a ner nang thung.





" Min pe ngei ngei dawn a nih loh chuan ka dil mualpho lo law law zawk ang che " A ti deuh hmuk chu ka huat tawk a tling em em zui a. Dil a hma a chutia han tih.




" Ka pek theih che a nih chuan ka pe ang che ka tih mawlh mawlh kha. Ka thu tiamah ka ding nghet ang mahse thil man to deuh ni lo. " Ka ti ve nghat chu a then suk a.




" Tunah rih chuan duh pakhat chiah ka nei. Sum sen ngai lo chi a ni bawk a a awlsam viau zawk ang. " Tiin mit ti sim sun a min en chuan mit khap fak fak in chil ka lo lem khalh ringawt.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:55 pm

Miracle Love 💕 by Amy Cck




Chapter - 44



" Eng... Enge i duh chu? " Ka ti lawi rat a. Ka aw lawi deuh rat vanga ka ner sak laiin a ni erawh tih fuh in tih hmel lutuk in a then suk thung. " Ka duh chu min tih sak ngei dawn em sawi hmasa phawt la. " A la ti leh sup a. Kan inkar deuh reuh a bible kan keu chu khup in a sir lam khum lu dawhkanah chuan a dah ta daih a. A zawhna ka chhan beisei zet a min en leh pawh chuan aw han pawh mai ka hreh tlat tawh.




" Ti nge? I theih i in ring lo em ni? A tir a i tawng huai nen. " Min ti el deuh a a tih chuan ka ngei tlat. " Thei e, sawi rawh ka tih sak em em ang che. Ka tana tha lo tur min tih tir dawn lo tih ka hria lawm. " Ka ti let ve nghat a. Ka tawng tawp lam a ka in rah khalh dan vang nge a hmelah chuan nuih za hmel a pu deuh leh nghal.




Ka kut chu a rawn vuan a, pangai deuh anga lan tum chuan awm mah i la ka taksa chu a khawng deuh tung mai. Chutah chiang fahran a ka mitah tak min en chuan hian, " Ka ta ni rawh. " A ti sup chu enge a sawi tum chiah hrethiam lo chuan ka en ve tawp.




" I tan hun harsa tak pawh ka la thlen dawn che tih ka hria. Mahse kal san che hi ka duh tawh lo. Chu tiang hun harsa a lo thlen hunah pawh chuan ka bul a awm tlat turin ka duh che. Midang thu sawi ngaithla lo la, kei mah ngei pawh in kal tur a ka tih che pawn min ngaithla lo tur in ka duh che. Eng thil pawh lo thleng se ka bulah awm la ka ta chiah ni turin ka duh che. " A ti zawi ruih chu ngun zet in ka lo en a. A sawi zo min rawn en chu inthiam vak lo hmel a pu leh deuh.




" Sorry, khatiang dil ngam tur che kha ka ni tawh lo tak e. Tun a ka kiang a I la awm duh ringawt pawh hi lawm tur ka ni lai in. Theihnghilh rawh. " Ti zawm zatin a nui ro hawk a.




" Kan ti dawn nia. " Ti a ka chhan chuan awi vak lo mit mrng hian min rawn en a, ka lo nui sak thung.




" A harsat loh chu, i sawi ang chuan ka ti dawn nia. Eng thil pawh thleng se i bulah ka awm tlat ang, i phalna tel lo chuan khawiah mah ka kal lo ang a, pen khat hlek pawn ka kal san lo ang che. Ni lo.... I sawi ang khan kal tur a min tih pawn ka awm lui tlat ang a, i hlimthla ang maiin i bulah ka awm ang. " Zangkhai vah a ka tih chuan hahdam hmel zet hian a thaw chhuak hawk a. Ka lakah a la inthiam chiah lo tih ka hria, he thil hi zawi zawiin ka la tih bo sak ngei ngei bawk ang.




" Ka fawp thei che em? " zawi deuh tak a ti ri ka hriat leh rual chuan ka nui lai chu ka tawp chiang ngang mai. Zoremsanga hmel ka en chu a lo thu tak leh fu tawh. Ni lo a thu tak mai bakah a mit meng chu a in la khawngaih thlak awm ni ber in ka hria.



' Aih ' ti a chhan chi ni chiah si lo ' Aw 'ti a han chhan tawp la ka zak ve tum hrang a. A ni lah chuan ka chhanna beiseiin min la melh run leh nghal a. A tawpah chuan aw ka a chhang lo chuan lu ka bu nghat a. Engmah dang sawi tawh lo chuan ka lamah rawn tawlh hnai zuai sauh in ka hmui chu a hmui lum ham ham chuan a rawn nawr si a. Engtin mah che zawm lo in chutiang chuan a awm reng a, kei pawh chu ka thu khawng ut mai.




" In thlah dul la, i ngaihtuah ang rilru hmul kha chu ka pu miah lo a nia. " Ka hmui si reng chung a nui za in sum zet a a tih chuan che sawn a thil sawi ka tum chu ka kawngah a kut chu a rawn rawlh lut a, a lamah min pawt deuh thut nen ka bawh zawk ta rawk rawk a. A kut leh lam ka sam kar a rawn zen in zawi muang chuan a hmui a chet a. Dam dap si chuan a uar tial tial a, kei pawh chuan engtik laiin ka lo chhan let hman ka hre lo.



Ka hriat leh meuh chuan khumah chuan min lo leh thla reng tawh. Ka kawng a vawnna kut zawk chu ka kawr chhungah rawn zen lut in min fawp reng chung chuan ka dul leh nak chho chu a rawn zut riak riak a, ka za ti leh nuam ti bawk si chu thaw hak in ka lak leh laih thin. Mahse chutiang a ka awm rual a piang chuan rem chang a lo la zawk ang mai hian a awm a. A kut in ka awm bawr a rawn thlen chuan harh chhuak thut ang mai chuan a kut chu ka man bet chawt a. Min fawh ka chhan letna pawh ka tawp zui ve nghal a.





" Hetiang i sawi tel loh kha. " Lawi rat leh tham deuh chhel a ka ti chuan thawk la hawk hawk in a chil chu a lem khawlh a. A hrawk bawk che ralh ralh chu en in nget zet in ka awm a humna kut lian leh lum vung vung chu ka vawn hnan bawk.




" A lo lian sawtin ka hria. " Tih leh ka hnute chu na deuh tak a tham a rual a, ka in ring hman lo ka te that chu ka hmui rawn hup in ka sirah chuan a mu zui nghal a. A mah hnung chhawn zawng chuan min chawi deuh lawp hnu in ka mu leh der tawh leh nghal. " Mawla, a na lutuk. " Tiin a kut chu pawh chhuah ka tum a, ka beng zui hlak hlak bawk.




" I uikawm vang a nih kha. " Ka tukhum ti i la ka nghawng hnung lam a a hmai a rawn nawr deuh salh in a ti ringawt a, ka hnung vhhawn zawk miau vangin ka kiu in a dulah ka nghawk sawk a. A che ve dawt mai.




" I kut hi la chhuak teh. " Ka tih leh pawh chuan hre lo ang maiin a lamah min hnuk hnai sauh a, ka nghawng zawnah chuan a thaw chhuak leh hawk thin.




" Ti hian mu ang... ti hian. I taksa kuah chung a ka mut hian ka hahdam tak zet. " Dul deuh ruih a a tih leh takah chuan tal ta bik lo chuan ka mu tang deuh tung ringawt.




' Hahdam tum rawh, I Zoremsanga, a hma a Zoremsanga kha a la ni reng a nia. ' tiin ka rilru chuan ka in hrilh mawlh mawlh a. Min kuahtu taksa lian leh lum nuam tak erawh a muhil tawh nge ni hahdam zet hian a thaw suk suk tawh. Kei pawh chu thawk la halh in mutthilh tum in ka mit ka chhing ve thei ta hram.




" Ehee... I va tho har ve tukin chu, nge i muhil der zawk. " Ring leng lawng a ti riah chuan ka phu zawk in ka thu nghal ut a. Jenny chuan ka room tukverh parda te chu a nawr tawm a. Ka hawi kual ruai chu Zoremsanga a lo awm tawh miah lo. Engtik laiin nge a thawh a, a lo chhuah pawh ka hre miah lo.




" Tho rawh chaw kan ei dawn tawh. " Jenny chuan tiin a chhuak zui a. Kei erawh mut kham lo zet in khumah ka thal leh tawp thung. Nizan anga tui a ka mut lohna chen ngaihtuah a ka ngawih vang vang laiin ka phone a rawn ri a, ka ban nghal vat.




" U Mawite vawin enge i tih dawn? " Lehlam atanga nui zat hmel lutuk a a rawn tih rual chuan " Lalrohlu ka beng ang che. " Ka ti hlak. Leh lam a mi lah chu a nui ri kur kur zui leh nghal.




" Hmelchhe lutuk ka dah dawn a nia. " Ka ti vin hlak chu a rawn a rawn phal lo nasa. Dah lo tur chuan min rawn ti chul mai.




" Vawin enge i tih dawn. Zorema birthday lawm sak kan tum a, a mah hrilh chuan a ho tiin a rawn kal peih leh awm si lo a, lo hruai la kan ti deuh a. Kan dawrah khan.. " A rawn tih zawm nghal char char. " Han peih lo vaih teh kan thian ho hnek i tuar vek ang. " Chhan ve hma hma chuan a rawn ti leh lawng lawng tawh.




" Hmelchhe suh , chutia i tih aiah ka rawn hruai lul lo ang. " ka tih let hlak rual chuan " U mawite lo hruai hram la, lawmman pawh a chhe lo ang. " A tawng tawp lam chu a nui ti tihin ka hria.




" Kha ti khan min ko ziah suh. I chak lo ang aw. " Ka ti leh chu " Enge kei ni rawlthar te chuan nang ni ang nula si tawh te chu kha tia ka koh loh che in. U mawite. " A rawn ti leh kher chu ngei lutuk in phone ka off hmak. Message in min la rawn ti lui tawng tawng leh nghal hepa em em hi chu. Kei ai pawn a upa daih zawk a nia, mawl he hu lutuk mai.



Ka phone message dang ka en kual chu dar 6 vel khan Zorema message a lo awm vang tawh. A va tho zing bik em em le. Ti a ka ngaihtuah rual in ka rilru a thil rawn lang vang chuan ka tho chhuak rang ngei mai. Ka room atang tlan chhuak in in hnuai ka tlai thlak laite chuan ka chhungte min biakna pawh ka ngaithla hman lo. Kawngkapui lam pan in ka chhuak a, Zorema te in lamah chuan hman hmawh lutuk in ka tlan phei a doorbell chu ka hmet zui nghal zat.




An nula in a rawn hawn rual chuan Zorema thawh tawh leh tawh loh ka zawt a, a room atang a la rawn chhuak lo tih a sawi rual chuan a hma ang mai khan inchung lamah ka tlan chho nghal vat a Zorema roomah chuan ka lut zui nghal bawk.




" Khaw nge a awm? " Room ruak a hawi kual chuan ka ti sep. Zingkarah leh zanah damdawi a lo tih thin vangin a hun biah chuan a chak thin thu a sawi kha ka ngaihtuah let a, a ni hi kan in atang a a chhuak kha haw lo in hmun dangah a lo kal daih a nih ka ring rum rum.




" Morning. " Sir lam a ti riah chuan ka hawi vat a, inbual zo tih hriat zet a fresh sur in Zorema chu bathroom atang a rawn chhuak chu niin.



" I awm maw? " Ka sawi mai tur hre lo chuan ka ti zawi sep. Zorema erawh in man loh hmel fe in min en thung.




" Aa.,.. Ihh.... Roan min lo bia a vawin i pian cham lawm sak che an tum a kan pahnih a kal tur in min ti a, lo... Lo hrilh che ka tum. " Ka ti hap ringawt. A hmelah erawh chuan ka thu sawi chu ka kal chhan a nih a ring bik chiah lo tih a lang zui nghal.




" Kal chu i duh em? " Ti bung nghutin min kal pel a, a in thlak zui nghal mawlh mawlh. A awah chuan a thinrim hmel lek lek.





" I... I thinrim a mi? " In thiam chiah lo chuan ka ti sep. Nghei a tum tih a sawi a, tunah a mah ringhlel ang zia zang a ka awm chu kei pawn ka ti dik lo tih ka hre ve tho. Ka ring tawk lo angah a ngai ang tih ka hlau viau bawk.





" Rim lo e. " A ti leh mai a. Mahse a tawng dan velah chuan a hma a ang lo tih ka hrethiam ve vek.




" Mahse kha mi sawi tur khan hetah i lo kal lo ti raw. " Tiin ka lam a rawn hawi a. A hmel chu a tak ve run lek nghal. Chhang mai lo chuan ka ding reng a. Min en reng takah chuan, " Tihpalh mahse ka harh khan i lo awm si lo a ka ngaihtuah vang che a nia. A ni lo lam in ngai suh aw. " Ka ti ta vat.




" Tihpalh i tihna chhan tur a awm hlei nem, a nuam ka ti hetia i awm hian. I bul a ka awm loh hlek a min ngaihtuah hian. " Tiin a nui suk chu ka lo ding zum reng ringawt a. Mahse a ngai kawi lo chu ka lawm tak zet thung.




" Ka nu hian thil hriat a nei em ni? " Ti a min zawh let chuan ka meng buai nak. A nu in a hre tawh tih hi a lo hre chhuak ta tihna em ni. " Ti... Ti nge chu chu min zawh a? " Tiin ka nui ro halh mai.





" A awm dan hi a danglam deuh in ka hria a. Engah mah ngai suh ka zawt mai mai che a nih kha. " A tih leh ta daih a. Mahse ka awm chu a nuam chuang miah lo. Mahse engmah a sawi zui tak lohah chuan inhnuai lamah kan in zui thla a. Midang ho lah chu an lo tho vek tawh leh nghal.




" Ehee... Zingkar karah, a mak lem lo e. " U Lkan a lo tih chuan ka ner nang a. Mahse tleirawl, la mawl lai kan ni tawh lo bawk nen nuam erawh a nuam tawh chiah lo. Kan chhungkaw hnih boruak nen phei chuan.




" Zonun thingpui lo in ve rawh. " Tiin nu Ruati chuan min lo ko a. Zoreman min kaih phei zui takah chuan ka hnial ta bik lo.




" Mitek nen a ni maw I lo len leh a. " U Lkan nui suk a a tih chuan ka mit ka nuai rang ngei mai.




" Kan chhungkaw naute pawh i lo la ngai reng a nih hi. " A tih leh chuan ka ngei lutuk chu ka melh rawm. " Mo lawm lam te hi kan hnaih dawn tawh em? " Tiin ka fiam let chu a la phun hluk zui. Ngaihtuah chuan a tlangval rei ve tawh a nia, kum 35 vel a nih loh pawn a hnaih thuak tawh ang. Mipa chhe zawk zawk a ni si lo a, a ler lo phian bawk sia.




" Heii.... A nau te ho pawh a ti khaw tlai zo. Mami pawh a beidawng a niang neih khalh a tum ut ut mai. " Pa Lsan a lo tih chuan U Lka chu a nui tha duh lo khawp mai.




" Tu emaw a nghak a lawm Mamin a sawi jha. " Zorema a lo ti zeuh a kan nui hak hak hlawm mai. U Duati khan nurse la naupang lam deuh bialnu a nei a tih ve zuai tawh tak e.




" Han innei zung zung u la a tawp ka lo khar dawn nia. Duati zawhah Bawihpuia nen hian in ti ve a nga. " A tih chuan ka lai leh si lo ka lo sen sa hat hat thung. Thingpui in zawhah kan inah ka peih a. Tukthuan ei khamah in ti faiin Roa te dawr lam a phei turin Zoreman min lo sawm zui a, kan chhungte pawn kan in thlah thei lo tih an hria nge ngaih khatah min ngai ta ni ber in ka hria. Mahse a hahdam thlak ta phian zawk a. Ka lawmna leh ka hahdam zual na em em chu Zorema chhungte lam in min en hranna an lo nei miah lo hi. Mahse Puipuia nen kan inkar hria se chuan an rilru chu a dang ve mai thei thung a.





" Enge i ngaihtuah? " Ka chalah a helmet a min tauh karh chuan ka harh zawk mai. Engmah a nih loh thu sawiin ka nui lui sak a. Bike pawh a lo ding fel vek tawh chu niin. Ka chhuk vat a, a ni pawh a rawn chhuk ve nghal a. Roa te dawr lamah chuan ka phei a, an lo chei nasa ve ngang mai.




A chhung kan lut chu tum lo deuh in ka thiante ho pawh chu an lo awm ve a, an mahni mai ni lo in college kan kal lai a kan department ho pawh an vai chuan ni lo mahse an lo awm nuk mai. A hnu a kan hriat tak chu Zorema birthday lawm pah in reunion neih an lo rel chu niin. Midang awm ve ho pawh chuan an kawp pui te an lo hruai ve nuk bawk nen kan tlem lem lo viau.




" Saw le.... A tawp a tawpah chuan. " Tiin Roa chu a au lung lung a. A hawina lam kan hawi chu Zorina pawh a rawn thleng ve chu niin. Tuvak mah a hre ta lo bawk nen hetiang thil tih khawmah hian a lo kal vak ngai lo a ni awm a. A din hmunah chuan a awm ve tho. Zorema nen pawh la in kawm tho mahse a hma ang em chuan an in hnaih tawh lem lo niin a lang. College chhuah hnu khan kawng dang an lo zawh ta ve ve bawk nen.




Hun pawh a liam ve zel a, U Duati pawh a zin a lo haw ta bawk a, tih tur dang nei lem lo chu an inah ka leng lut ngun a. Zorema pawh a thla tel chu nun pangai a hmang ve ta a. A chang chuan buai rap rap chang leh in tih thiam lo ve chang pawh kan ngah. A damdawi chak in sum theih loh lek lek chang a neih hian ka lo na in hmuh hreawm ti chung chung hian ka bulah lo hmun dang a pan hi ka hlau em em lawi a.




In khat a cheng ta vek chu a chhungte pawn an hre chhuak ta vek a. Mahse nu Ruati sawi ang khan enkawl dan an thiam in Zoreman buaina a siam ve deuh pawh hian tawngkam khat mah hian an tawng khum in a mah dem zawng in thu an chhak chhuak ngai lo. In hrang a cheng mah ni i la an chhungkua chu ka tlat pawh em vang chuan ka mit in ka hmu a ka hre chiang a ni.




An theih tawp an chhuah pui tur thu leh hetiang a Zorema a awm chhan chu an mahni vang a nih thu leh an lo ngaihsak tawk loh vang tiin an mahni zawk an in dem let ta thung a. Chu chuan Zorema thinlung ti nem in a chhungte vanga a in sum leh thin chang pawh a tam. Kum 4 ngawt a lo khawih tawh a, engtiang pawh in kei min hmangaih in a chhungte nat phal lo mahse in sum theih loh chin pawh a lo nei ve thin. A ruih loh chuan zantin ka roomah rawn kal in hlim tak kan kn kawm in kan ti ti dun a. Bible pawh kan chhiar dun ziah a.




A rawn kal lo a nih chuan sawi leh chuan tur awm lo in a rui a, min hmuh hreh vang a ni tih ka hre thin. Chutiang hunah chuan zankhua in ka mu thei lo a, beisei nei reng in ka lo nghak a, in ti pachang lui viau thin mah i la ka biangah mittui a luang leh fo thin. Kan chhungkuaah chuan Jenny chiah in a hriat vangin min hrethiam ve em em a. Ka nu leh pa leh ka u te erawh in an la hre lem lo thung.





Zanin pawh dar 12 ri tawh mahse ka roomah chuan ka vei tawh sek a. A rawn kal dawn chuan dar 10 vel atangin ka bulah a awm tawh thin. Ka call a lak theih loh danah enge a tih chu ka hre chiang viau mai. U Duati ka biak lah in a awmna a lo hre bik si lo. Ka rilru hah lutuk chu ka mu thei lo a ni ber. Ruih a damdawi tih hi a duh tawh bik lo tih ka hria a, a thisen in a chak tawh erawh chuan in sum a harsat zia pawh ka hre bawk. A ruih leh chang pawh a harhfim leh hnuah a in chhir in a mah bawk a na leh thin. Mu leh mal kan nei lo a ni ber ang chu.




" Zonun Mama damdawiinah a awm a kan kal dawn a I lo kal ve duh em? " Dar 1 velah u Duatin min lo phone in a rawn ti a, ka thinphu te chu an chawl duk mai in ka hria.




" Khawih damdawiinah, ka lo kal ve ang. " Tiin ka in siam sawk sawk a. U Duatin an kal dawn chiah a an rual a kal ve tur a min tih chuan hman hmawh zet in ka chhuak a. Ka chhungte pawh ka hrilh lo, zan dar 1 velah ngawi rengin ka chhuak a ni ber.




U Duati chuan an gate bulah min lo nghak a. An motor a kan lut chu Pa Lsa leh nu Ruati pawh an lo awm a. U Lka a awm loh vangin pa Lsan motor a khalh a, a bulah nu Ruati a thu a. Kei leh u Duati a hnungah kan thu bawk.





" I la men pawh ka ring tawh lo a mahse i room light eng ka hmuh khan ka rawn phone ve che a nih kha. Thla hnih zet chu a thlah ve tawh a sin le. Hetiang chuan kal san pawh ka huphurh. " Tiin u Duati chu a tap lek lek a. Thla leh leh pek mai hian pasal a nei tawh dawn a. An in be fel vek tawh kha a nia. Zorema a ngaihtuah ve lutuk hi a hlim pawh a hlim famkim thei bik lo.




Damdawiin kan thleng chu a muhil nge kan kal tih hria ang pawn a awm lo. An sawi dan chuan a thla tel meuh damdawi a nghei kha tunah a ti leh nghek sia a taksa in a zo lo a, damdawiin thleng tai deuh phei se chuan a thih phah thei tih a sawi chuan ka in sum thei tawh lo, ka awm hmunah chuan ka mittui a dir zawih zawih a ni ber.





Cabin la in an sawn lut a. Kan vai chuan kan nghak thap a. Khum a mipa mu chu mit pawh khap lek lo chuan ka melh ngawt ngawt a. A chang chuan a damdawi chak lutuk kei mah vanga tih duh si lo, a taksa lam in a nawr nasat chang chuan , ' nang hlat che ka hlauh na leh ka chakna hi a in zat vel ang. A chang chuan min kal san lo a min vawn tang tang vang hian ban san vang vang ka duh a. A chang leh hetiang a mumal lo tak a ka awm min hmuh reng ai chuan tiin nang thlah zawk mai che hi ka duh thin.' Tiin min hrilh thin. Chu tih hunah chuan kei mah aiin damdawi chu a thlang mai ang tih hlauhna in ka khat thin bawk.





Vawi duai lo Pathian ka au a, Zorema nen pawh vawi tam kan tawngtai dun in, inkhawm pawh kan thulh ngai lo. Zorema pawh hian ka sawi chuan a aw mai zel a, min hnial a nei ngai lo. Mahse mihring ve tho a ni a, a mahine thlah tum viau mahse kum 4 ve meuh engmah dang ngaisak lo a a lo at pui hian awl sam tak chuan thlah a tum si lo. A thla tel te a thlah a, a lo ti leh zauh thin, chutiang reng reng chuan kan awm a nih ber chu.




Mi fapa te anga sual a buaina siam a nih miau loh vangin home a awm lam chu tuman kan ngaihtuah phal lo. ' Kan fapa, kan ril a rah a ni a. Midang kut a dah ka rem ti lo, ka fapa a ni a, midang ai in ka hre chiang in enkawl pawh ka enkawl thin zawk. Home a dah a midang ka ring a nih chuan a lakah ka beidawng tihna a ni a, ka fapa tan pa tha ka ni thei lo tih ka nem nghet a ni dawn bawk a. Chutiang thil chu ka thlen tir ngai lo ang. Pathian lakah a in hmu chhuak dawn a nih pawh in mi hrang daih atanga in hmuh chhuah ai chuan kei ni lak atang hian Pathian a hmu awl sam zawk dawn. A hmuh theih Pathian kan ni a, kan enkawl tur a Pathin min pek a nih ang in midang kutah dah tumna ka nei lo. ' a ti nghet churh a. An chhungkua an tang rual em em a. Zorema pawh chu chu hria in nghei pawh a tum nasa, tawngtai pawh a tawngtai in Pathian pawh a ko nasa a lawm. Mahse maw, mihring chu tlu leh thin kan ni tih ti chiang tur in a chakna a lo chhuah tawh chuan dan a harsa em a ni.





" Mutduhnu. " Ti sup ri ka hriat chuan Zorema chu ka en vat a. Vai deuh ruai a meng in min lo nuih suk a mahse kei erawh ka nui ve thei lo.




" Ka hua che. " Ka tih tiau rualin ka biangah ka mittui chu a rawn dir zawih zawih.




" Ka tihpalh. " A tih leh rual chuan ka lu ka thing nghek.



" Chu thu chu sawi ve ziah suh. " Ka ti vin nghek chu u Duati te pawh an lo hawi thap a. Zorema a harh tih an hmuh chuan an rawn kal hnai ve nghal bawk. A thu chhuak tur chu u Duati leh u Lka chuan an rawn pui ta vat a. U Lka pawh a duty lai a rawn kal vang vang kha a nia. Kei erawh ka thutna ngaiah tah chhuak teuh in ka la thu reng.




" Mama a zia lo thin e mai. I taksa zo lo khawp chuan khawih tawh suh kan tih che kha. Damdawiin thleng hma lo phei la chuan a pawi thu thei a sin. Tu te nen nge in tih reng reng a, an kal san vek che leh nghal. " U Duati chuan a ti zui hlak hlak a nu Ruatin a lo beng dai vat thung.




" Min kal tir law law u la tha mai tur. " A tih rual chuan nu Ruatin a hmingpum in a vin nghal nghek. Zoremsanga erawh a nui ro hawk thung.




" Bawihpui chutiang thil an sawi ngai lo, tan kan la tlang a a nga kan hneh thei em em ang. I kiangah kan awm reng dawn a lawm. " Pa Lsan a ti dam dup a. A awah chuan a in thunun ve fe chuan ka hre tho.




" Ka chau tak zet tawh. Enge ka tih leh zel ang? Ka tum nasa lutuk hi ka chau tawh tak zet. Ka tum a, ka bei a mahse a tawpah tun ang hi ka thleng leh thin. " Ti a rilru na lutuk a a sawi lai chuan ka en ngawt ngawt ringawt.




" Nang pawh duh tawk ve tawh mai rawh. Kei chuan hreawmna chauh ka pe che a, ka ti na zual mai mai che. " Kei min en chuan a ti ta sup. Midang chuan an lo khap vat a mahse Zoremsanga hmelah chuan beidawnna bak ka hmu tawh lo. A tan tirh kha chuan Pathianah beiseina a nei sang ve em em a, a ni khat ni a ti lo a a awm thei ringawt pawh a hlim zia leh tawngtai mai ni lo a biakin chhung a thut ringawt pawn thil a tih theih zia sawiin a hmelah khan beiseina sang tak ka hmu a. Kei pawn ka hlim pui viau a nih kha.





Mahse hun a rei a, kan inkhawm in kan tawngtai a, bible chhiar in Pathian a innghah a tum lui hram hram a mahse a chakna lak bo in tun thleng hian a la awm si lo, a beidawng ngawih ngawih tawh ni ber in ka hria.




" Chutiang chu i duh dan a ni tak meuh em? " Tiin Zorema chu ka mittui kar atang chuan ka melh ran a. A hmel pawh chu ka hmu phe ruai tawh.




" Ka bul a I awm chuan natna bak ka pei ngai dawn lo che. A tir kha chuan ka theih ve mai ka ring a, nang nen pawn suangtuahna ka nei nasa hman. Mahse tunah chuan natna bak ka pe lo che tih ka hre chiang tawh a, ti na reng tur che hian dikna ka nei lo. Bul min tanpui a mahse a tawpah chuan kei mah zawk bawk a ti chhe tu ka ni leh tho a. " Tiin a no ro hawk a. Nui mahse a nat zia erawh ka hmuh hmaih lo. Chutiang bawk in midang pawh hian. A beidawng hmel chu hmuh hreawm an ti.




A tawng ve lo tu tan chuan a awl sam hmel in Zorema chu nei nasa tawk loah pawh an ngai mai thei. Mahse kei hian ka hriat pui a, a tum tak zet a Pathian hnaih pawh a tum nasa mahse ti nge kan dil Pathian hi a la ngawih vung vung mai le tiin kei pawn ka ngaihtuah ta hial.




" Ka lo va haw hmasa a nge. " Tiin ka in her a. Midang chuan min lo hrilh fiah tum viau mahse kei pawh ka bei hi a dawng ve ta ni ber in ka hria. Damdawiin kawt ka thlen rualin u Lkan min rawn um pha a. Min thlah haw tur thu sawiin a mottor lamah chuan min hruai a. A tih ang ang chuan ka awm tawp a. Ka a chhuih a ni ber mai.




Kawng lakah te chuan Zorema thu sawi chu ngai thu tak lo tur in min hrilh ve luam a mahse chhan pawh ka chhang lo. Kan in kawt a a din rual in ka chhuak a, in lam pan in ka kal nghal a. Khua a var tan chiah a ka chhungte pawh an la thawh ka ring chiah lo.




Mahse in ka lut chu ka nu a lo tho ve tawh a. Kawngkapui lam a ka lut min hmuh chuan a hawi hai nasa mai. Ka thawh lai reng reng a hriat loh thu a sawi lai chu ka hmu phe ruai a, ka hriat hnuhnun ber chu ka taksa chu a awn riai riai a, ka nu chuan midang au chul in min rawn pan tih chiah a ni.




Ka harh leh meuh chuan ka awmna chu kan in a ni lo tih ka hrethiam nghal mai. Ka lu chu a na ngut ngut a, ka hrawk chu a thip in ka tui lah chu a hal viau leh nghal. In nem kan mai ka tum chu ka taksa chak loh vang nge ka che thei mai lo a, ka nu emaw tu emaw tal han koh mai ka tum chu ka aw pawh a chhuak thei miah lo.




Ka khum mawng lamah chuan tawng thawm ka hria a, ka chhungte an awm hla lo tih hre mah i la ko tur tak ngial pawn tha ka nei lo a nih chu. Kei mah chuan ka mu meng kar a. Ka lu nat dan lah chu min vilh ngawt ngawt a ni ber mai.




" Awiii... Bawihte i lo harh tawh a ni maw? " Ka nu min rawn ngaihven tur a a lo kal chuan ka harh tih a hmuh chuan a ti a. Tui in ka duh tih sawi mai chu ka tum a mahse a ngai bawkin ka aw chu a chhuak thei lo. Ka tawng chuan ka hria a mahse ka aw chu a ri chhuak miah lo. Ka nu chuan midang chu a ko ve a, ka pa leh ka u pawh an lo awm ve chu niin.




" Mama doctor va ko teh. Zonun... Bawihte enge i an a, na i nei em? " Ka pa pawh chuan a ti ve nghal a. Ka u chu a chhuak zui a mahse engmah ka sawi loh vang leh ka tawng rik miah loh vang chuan an hrilhhai ve deuh tih an hmelah a lang ve a. Ka hmui phunah tui ka duh tih chu a hrethiam nge ka nu chuan rem lo zet hian tlem min rawn in tir ta a ka dam huai in ka hre hial. Rei lo teah ka u leh doctor pawh chu an rawn lut leh nghal a.




Doctor chuan min check zung zung a, mahse doctor thu sawi chuan min thawng ngei mai. Kei hian stroke vei tih a sawi a nih chu. Ka thluak a thisen zam in hnawhtu a neih avangin thisen a kal tha thei lo a. Kan lo hriat lawk loh vangin a nasat tawh thu a sawi a. Ka aw chhuak thei lo pawh kha chu mi effect a nih thu leh ka taksa pawh in a tuar mai thei a test chi hrang hrang tih tur sawiin result atangin a chiang chauh ang tiin a sawi a.




Doctor thu sawi vang chuan ka nu chu ka khum tlangah chuan a rawn thu hnawk a, kun mahse kei ka mut miau vangin a muttui luang zawih zawih leh tap khur dar dar chu ka hmu thei vek. Kei pawh chu ka mut hmunah chuan ka mittui chu ka bekah a luang ngiai ngiai a. Tawng chhuah ka duh a mahse ka tawng thei miah lo te chuan ka rilru a ti na zual ngawih ngawih.




Ka pa chuan ka nu chu a darah kuah in a hnem mawlh mawlh a, doctor leh ka u chu in be zawm a, an saai erawh engmah ka ngaihven thei tawh lo. a hnuah chuan an in zui chhuak ta a. Ka pa chuan min tawng thlamuan mawlh mawlh a. Mahse ka din hmun chu a chhe hle tih ka aw chhuak thei lo leh ka taksa che thei miah lo atang chuan ka hrethiam vek a, keimah hlauhthawnna chuan bu a khuar nasa deuh deuh thung.




Ka sir maiah ka nu chu thu in in hnit hlap hlap chungin ka kut chu a chul heuh heuh a. A sirah ka pa chu pik hmel zet hian a tei kual chhen bawk. Ka lu na tet tet leh puak tur ang mai a phu dut dut chu sawi duh viau mah i la engmah ka sawi chhuak thei lo chu hreawm ka ti a. Ka lu na lutuk chu ka mittui a tla hial a mahse ka nu leh pa chuan ka lu na tih hre hek lo doctor thu sawi vangah khan an ngai thung si.




Rei vak loah ka u leh nurse hmeichhe pakhat la naupan hmel deuh hi an rawn in zui lut a, ka thisen leh test tih na tur atan a thil tul vel chu min rawn lak sak a. Ka taksa lam thleng a endik a ngaih vangin kal thei ta lo chu ka mutna khum nen chuan min nawr chhuak a. Ka bulah ka nu leh pa leh ka u awm reng mahse ka hlauthawng a, ka thlamuan pui em em thin te ni mahse tun tum chu ka thlamuan pui hauh lo.


*

*


" Bawihte lungai lutuk duh suh, kan in enkawl a nga i dam leh em em ang. Doctor te pawn treatment lak that chuan dam that lehna chance a awm an tih kha. " Ka sir mai a thuin ka nu chuan a ti a. Mahse a hmelah chuan beisei tur a tlem zia ka hmu chiang viau thung.




Ka thluak a thisen kal lai a function that miau loh vangin ka taksa lamah nasa takin a nghawng a. Ka tawng theih loh mai bakah ka taksa chanve, ka dinglam zawng hi che thei lo in a zeng bawk a. Tun ai hian tlai in hre har phei i la chuan ka thluak a thisen zam chu puak keh in ka thih phah thei bawk tih an sawi a. Hman atang tawh in stroke hi a lo in tan tawh a ka lo hrethiam lo mai zawk a nih ka ring doctor sawi danah khan.




A khat tawk a lu na leh lu hai a tluk fo te ka nei thin a mahse a hnu a ka that leh nai thin vang khan ka boruak tawn nen ka thi ei tha lo leh mu tha lo taksa chak loh vangah ka ngai mai a. Mahse khang kha ka natna lo in siam tan tir a lo ni a. Tun hnaiah ka thil ei tha lo leh mu tha lo mai bakah, rilru ti hah zawngin ngaihtuahna ka hmang reng a, hlauthawng reng reng a ka awm vang khan a zual a. Ka bp a sang in ka taksa in a mamawh ang tawk ei leh in a hmuh loh vangin hetiang hian ka awm a ti a.




Min tawng thlamuanna nge a ti tak tak pawh ka hre lo, treatment ka lak that chuan a dam thei mai thei a ti bawk a. Mahse ' mai thei ' tih thu a in hnem chu ka tan a harsa tak zet.




Thawk leh khatah ka tawng thei lo thut a. Ka na tak ngial pawh sawi thei lo in ka awm a. Chu mai ni lo in ka taksa ngei ngei pawh ka chet thei lo chu a nia. Hahdam tak a lo pawm tawp mai chu a harsa em a ni. Khumah chuan mu in mit ka chhing vang vang a. Ka rilru chu ti paukhauh in treatment ka lak that a damdawi ka ei that chuan ka dam mai ang tiin ka chhungte sawi ang chuan ka in hnem mawlh mawlh a. Pathian hnenah rilru tawngtai na ka nei mawlh mawlh bawk. Mahse eng emaw chen atang khan he ka biak a ka koh ve fo thin Pathian hian min kal san ta ni a ngaihna chu ka nei lian hle a. Ka nun hman dan harsa tak ka ngaihtuah let chuan a lak atanga damna beisei chu engmah lo mai niin ka ngai ta hial bawk.




Ka bul lawk a tawng ri bul bul leh in be thawm chu ka hre leh thin. Ka nu aw in ' a tan chuan mutthilh hi a tha ber rih. A harh chuan a rilru a na thar a, hreawm a tih bawk nen a hahdam thei lo zawk. ' a ti chu ka hre ruai ruai a. Eddie a rak ve nak nak pawh chu ka hre ruai ruai a. Ka biangah kut lum nuam zet in a rawn khawih hnu chuan engmah ka hre zawm tawh lo.




A hnu a ka harh leh chuan ka mit ka meng a ka vei lam a ka thle deuh chuan ka nu hmuh ka rin nen Zoremsanga zawk chu ka hmu a. Helaiah ka awm tih a hre tawh a nih hmel. Thawm engmah ka neih miau loh vangin ka harh tih a hre lo nge. Ka kut chu a hum run a, in ngaihtuah muk hmel zet hian a melh ngai chu a melh reng bawk.




Ka kut chu ka tih chet hlek takah chuan a rawn hawi vut a ka lo melh reng tih a hriat rual chuan min nuih suk a. Mahse a mit meng chu a hahdam miah lo thung.




" I lo harh tawh a? Na i la nei em? Ka rawn kal har vangin ka tihpalh aw. " A ti sup sup a. Zoremsanga hmel ka hmu erawh chu ka hahdam huai thung. Nizan a min kal san tur ang mai a sawi kha ka bul a a lo kal harh vang a a inthiam lo tih a sawi chuan min ti hlim tak zet . Min kal san tak tak a duh lo tih ka hriat chian phah a.




" I nu chu thuthlengah saw a muhil. " Ka mit meng atangin ka zawhna a hrethiam nge a ti sup a. Khua a lo thip vek tawh a, ka mu rei hle tih ka hrethiam mai.




" Hetiang a awm tur hi i ni miah lo a sin, ka lo ngaihsak tawk loh vang che kha ka tihpalh. Tunah chuan thil dang zawng aiin ka ngaihsak tawh che a nga, i bulah hian ka awm reng tawh ang. " Ti sup a mahni in thiam lo hmel zet hian a meng dul ruih a. A thiam loh a ni lo tih hrilh ka duh a ka thei si lo.





Engtik lai pawn ka bulah a awm reng thin tih hrilh ka duh a mahse chu pawh ka sawi thei lo. Nizan khan kal san ka tum miah lo a, a rilru buai leh a beidawn hmel lutuk kha hmuh hreawm ka tih vang chauh a kal rih mai ka nih thu leh kal san hlen ka tum lo a, ka thiam tawh angin a bul a awm reng ka tum tih hrilh ka duh a mahse engmah ka sawi thei lo.




Sawi duh tam tak ka nei a, beidawng thin mahse beidawng hlen lo tur a hrilh pawh ka duh, na tak tak in min siam in min tawng khum thin mahse a tak takah chuan min mamawh lutuk a, ka lakah a inthiam lo leh ka hreawm ti hmuh a duh loh vangin a rilru lo pui a sawi chhuak ziah tih ka hria a, chuvang chuan kei chuan ka kal san ngai dawn lo tih sawi ka duh a. Mahse ti nge a harsat em em. Ka mittui bawk chu ka bekah a luang ngiai ngiai a. Chu mi a hmuh rual chuan a mit meng chu a buai nghal vek.




" Ti nge na i nei em ni? Doctor ka ko ang aw. " Hlauthawng mit meng phel phung a a tih chuan ka thei tawk a a kut chu vuan nghet in ka lu chu ka ti che a. Ka kut vei lam che thei lam ni mahse ka tha chu a zawi viau thung.




Ka nu pawh a rawn harh a, ka tawng theih miau loh vangin doctor bawk chu an ko a. Min rawn en dik hnu in nachhawkna min pe a, ka bul a Zorema chu a awm reng a, engtik laiin nge ka mutthilh san pawh ka hre lo. Mahse ka kut a kut lum vung vung a a hum a ka bul a a lo awm ringawt pawh chuan nasa takin min thlamuan tih ka hria.




Damdawiinah pawh kar 2 zet kan awm ve tawh a. Mahse hma sawnna em em hmuh tur a awm lem lo. A hma ang bawk in ka la tawng thei lo a, ka taksa ka ti che thei lo bawk a. Taksa leh lam chiah tih chet theih chu awmzia a lo awm vak lo. Ka chhungten ka thu sawi leh ka thil duh an hrethiam lo thin bawk nen a chang chuan ka thin a rim in ka tah te hial a chhuak a. Mak deuh maiin Zoremsanga ka bul a a awm chuan min hrethiam zung zung lawi si. A buaithlak lai ber erawh bathroom luh ka duh chang hian Zorema nen chauh a kan awm lai chuan ka zak ve a, a bak tih lohah chuan midang zawng ai hian ka bulah awm se ka ti ber a, a awm nasa ber bawk ka ti thei ang.





Taksa che tha thei lo ka nih vangin hmeichhe 1 nen chauh a riah chu a buaithlak ve a. Ka nu emaw Jenny an in riah chhawk a, jenny chu nau pawm a nih vangin ka nu a riak ngun mah zawk. Mahse Zorema erawhin zan tin min la riah pui char char a. Zinglamah emaw tlai lamah in ti fai tur leh mamawh la tur a a haw zawk a nih loh chuan ka kiangah a awm reng a. Min kal san ngai lo ti i la ka sawi sual lo ang.




A chang chuan ka in thlahrungin hreawm ka ti thin a. Heti chen hnuah pawh ka la ngai reng chu ka hre thiam lo. Ka thiante pawn min rawn kan zingin an hna ban leh kal dawn hian rei lo te tal hi an rawn lang a. Ka rilru min tih hahdam sak hram hram tum in an bei ve nasa hle tih ka hria a, hmasawn ve vat vat ka chak hle bawk.





" Khawnge Zorema hi? Tun ang hunah te chuan i bul a a awm kan rin nen. " Cabin chhung a rawn ti lut lawng lawngah chuan kan thian ho chuan kan melh thap a. Lalrohlua te chu an rawn lut zui ve nghal a. Hma hruai in a la rawn nui thaw leh nghal.




" Damlo room a nih hi i thawm hi dim ve thin teh. " Didiki chuan a lo ti hlak a. Engah mah a la ngaih loh hmel em em zui a. A hnungah Dinpuian a rawn zui a, a hnung berah Zorina leh Thomasa kha an rawn lan ve chuan Diki chu a ngawi zui hmak. Henu hi Zorina a duhna hi a reh har zek a. Kha ti khawp khan miss zuali nen an in zui in an in kawp a, chumi hnuah nupui dang a nei leh a mahse a la duh reng chu a nia.





" Khaw nge Brotea chu? " Tiin Diki bul takah chuan a rawn thu a, vawin chu an in lamah an buai deuh vangin ka thianten min awm pui hman nen a kal tih a sawi ve mai a. Jenny pawh midang an awm lai chuh in a haw ve rih bawk.





" Ni tak kar leh mai hian a u khan pasal a nei dawn tak e. " A tih leh sup a. Chutiang vel vang chuan tunlai chu a buai ve khawp mai.




" Nangte hi nei ve vat rawh, innu nen khan in in zui rei ve sia e. Tiang hi a tawpah an in then nulh duh a nia. " Diki bawk in a tih leh chuan a ner nasa mai. Ka chanchin ten min zawt luam a tawng ve thei ta lo chu ka thiante chhan sak zel ka ngai thung a.




" Zorin tunlai i tha maw? I vang riau in ka hria. " In la mark tha zet a a tih leh chuan Roa chu a lo ner nawng a. Zorina chuan a that thu a sawi ve sup a. Thomasa te reuh chu a sirah chuan thu in min melh kiau a. He naupangte hi naupang mai mai mah nise min en chiang thei lutuk a min ti zam lek lek zel.




" Over thin suh. I hriat duh kha ka hria a nia. A hriatna a nei let tep tawh a ni pawh hian, i duh thin zia pawh a hre leh tep a mahse a duh phah ve kher che beisei suh. " Roan a lo tih hluk hluk chuan a hnung chu a ri zui dup a, a eu nghal ngawng ngawng mai.





Zorina phone chu a rawn ri a a chhan zawk chuan " Kan lo va kal hmasa mai a nge aw. Lo dam vat la, kan lo tlawh leh vat dawn che nia. " Tiin min rawn en a. Roa lah chu a lo chek hluk hluk thung.




" Len pawh i leng rei thei lo a nih hi. An phal loh chuan ti nge maw i hruai kher le. " Zorina en chuan a ti bui bui a. " A mah te hian Zonuni hi a ngaihtuah ve a, min hruai ve rawh a ti sia lawm. A hriatah hian phun ziah lo teh. " Zorina lah chuan a ti hluk a.





" A nu a strick em a lawm le. " Tiin Zorina te chhuak chu a melh zui vung vung a.




" Kei chu kha naupang kha Zorina a ang ka ti e. Zorina fanu a mi, kha mi ai pawh khan pafa an ang zawk in ka hria. Miss zuali hian tu fa nge a pawm hi le. Pasal a nei si lo a. " Diki bawk chuan a lo ti ve a.





" An sawi ka hriat dan chuan Sailo hotel neitu fapa upa ber nen khan an in zui an tia. A awm bo vang vang a, a rawn let hnu khan chupa nen chuan an in hnim hnai viau an tia. Thenkhat chuan chupa fa chu a ni an tia. Mahse an innei si lo a a ni lo ti pawl te pawh an awm. " Dinpuian a lo ti ve bawk.




" An hun kal tawh lo hre tu tan chuan Zorina fapa ni awm a in ang an ni. Zorina lah hian a kai kawi peih phian a. Engmah hi a hre chhuak tawh dawn lo a niang a. " Diki bawk chuan a ti leh a.





" Lungai suh i duh thin tih tal ka sawi kha. A hun kal tawh hi chu a chhungte ho chuan zep reng an duh tawh zawk. Zorinan a tuar nasa bawk nen ti hian a hahdam zawk an ti pawh a niang. Hre chhuak leh vek se miss zuali lah in ti hian fa a pawm tawh nen a na leh mai mai dawn a. Nangni pawn in yawngkam fimkhur u la. " Roa lah chuan thu tak fe in a ti ve bawk.





Tlaiah Jenny a rawn let a, ka thiante pawh an haw ve ta chiah a. Chutiang vak a na ka nei tawh lo bawk nen haw mai te chu ka duh tawh a. Ka tawng thei lo leh che thei lo hi chu damdawiin awm chhan atan chuan ho ka ti tawh viau.




" Zorema hi a la rawn kal dawn lo emaw ni. A ngaihsak lutuk che hi ka lo hahdam pui thei tawp a. A mahah hian danglam riau a awm in i hre ve em? Damdawi han ti a rui hmel hi a pu ta mang ngai lo a. A sim thut ti dawn i la, chutiangin a sim thut theih ka ring si lo a. Mahse a rui hmel hi ka hmu ta miah lo. " Tiin a tawng thei zawk na na na chu a tawng barh barh a. Mahse kei mahah chuan danglam lutuk in ka hre lem lo. Kar 2 tha chiah a la nia, a hma pawh khan kar 2 chu sawi loh a thla tel te pawh tih loh chang a nei thin a. A ngei ti tur chuan a hma ka la ti.





Chutih rualin a din hmun kha ka hrethiam ta viau thung a. Ka nat tir a ka rilru put dan nen khan a awm dan kha a lo in ang thei viau ang. A chhungte leh kei ngei pawh a bul a kan awm chung khan kan lo hnem in kan lo thlamuan zo miah lo a. Ka hlauthawng leh hreawm ti hmel a hmuh chang a a beidawng ve rum rum thin tur ka ngaihtuah phei chuan ka khawngaih let ling hial zawk.





Tum miah lo leh ti lui zel nise chuan huat ngawih ngawih pawh a awm a. Mahse a tum a, nasa tak in a bei a, a hneh tep tiin a tlu palh leh thin. Mahse a beidawng duh ngai bik lo a. A tlu a, a tho leh a chutiang chuan a hun kha a lo hmang tih ka hrethiam zual a. Kei pawh hian a mah vang hian beiseina ka nei thar leh thei phah ka ti lo thei lo. Tunah pawh a ni nen a kan intiam na chu a la kal pui zel a. Zantin min riah pui ziah vangin zantin kan ti ang kan tih ang chiah in bible kan chhiar a. Kan chhiar tih a, kei chuan ka lo ngaithla a, a mah in a chhiar thin zawk. Zan khat te mah a la thilh ngai lo bawk a. Chu chuan Pathian hnaih a la tum luih zel zia leh beiseina a la nei tih min hmuh tir a, ka hlim tak zet a kei ngei pawh ka rinna min tih chak sak thin.





Zan dar 8 velah Zorema pawh a rawn thleng a. U Duati pasal neih tur vel an in puah chah dan a saai ve luam a. A hma ang mai khan a ni a ngawih tlat chuan kei ka tawng thin a, tunah chuan kei ka ngawi a a ni a tawng ve thung. Jenny te nen kan 3 a kan awm lai chuan ka phone a rawn ri a, Puipuia call a ni tih a hmuh chuan a la ve mai a. Video call a ni bawk a kan hmaah chuan a keng deuh vung mai.




Kar hmasa khan Bengalore a a hna zawm leh a ngaih tak vangin min ngaihtuah viau chungin a chhuk leh kha a nia. Ka ti na em em chung pawh hian min la ngaihsak in min la rawn be fo a, a lakah inthiam lo in thlahrunh viau thin mah i la a mah zawk in min biak loh phah emaw min hlat phah nan i hmang a nih chuan min ti na zual zawk ang a ti miau a. Tih nat zual chu ka duh bik si lo a, ti hian thianah kan in siam tha leh chu a ni ber.




Jenny chuan min mut san a, ka khumah rawn lawn in ka bulah Zorema chu a mu ve a, kei chunglam hawiin ka mu a, ka lam rawn hawi a min kuah chung a mu chu ka melh ve ran bawk.




" Ka ngaihtuah a, Hriatpuia nen in lo in zui ve tawh tih ka ngaihtuah thar a, eng chen nge in lo thlen tawh? Nang ni 2 hi kum 4 chhung khan in lo kal thui hman viau lo maw? I rilru na te kha remchangah a lo hmang em? " Tih vel ho lam tak si chu a sawi a sawi a. Chhang thei hek lo mit ka lo khap fak fak thung.





" Engmah I sawi thei lo hi remchangah lak tum miah suh aw. Zawhna ka zawt che a nga, tawng kher a ngai lo, i mit i khap ringawt mai dawn nia " A tih chuan atthlak ti zetin ka melh nghek.




" Lee.... Hriatpuia nen khan in in kiss hman em? " A ti ta mai chu ka meng phawk hra. " Aw ti a I chhan dawn chuan vawi 1 khap. " A la ti ta deuh deuh. Hepa a a tawh a nih hi. Chutiang in zawh chi pawh a ni emaw ni. Kei pawh tawng thei ngat i la chuan Terini nen khan in innei a, in mu dun em? Khum khatah em ni in mut? Tun ang hian i kuah ve em? Nupa an nia in hmangaih lo mahse mipa leh hmeichhia an nia, Terini lah rem chang zawng reng reng in a awm dawn tih hriat, nupa nun vawi 1 tal in hmang em? Tih zawng zawng, a mah ai hian zawh tur ka ngah fe.




Melh nghek in chhang duh lo chuan mit ka chhing hmak a. Phun bul bul in Puipuia chu a awm lo chungin a hau leh hluk hluk thin a. Ka nuih chu a ti za ang reng. " Min chhang suh. A mah kan zawt leh mai a nge. " Tiin phone chu a hmet eng pap a. Ka meng chiang teh a sin.




Message chu a type mual mual a. Che thei ngat I la chuan ka lak sak tawh hrim hrim.




* kan nu hi i lo kiss em? *


* i lo khawi khaw lo tih ka hriat chuan i chaklo ang. *tih vel a type nual mai. In zawh chiah pawh a ngai emaw ni.



* kan nu a nih lai te chuan nitin ka..... Sawi leh lo mai ang🤭 * tiin puipuia lah chuan a la rawn reply zui.





" Zawnga chu. " Ti hluk in min rawn melh a. Lei ka lo chhuah tet ringawt a. Zoremsanga erawh a hmel chu a tum nasa ngang mai.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:55 pm

Miracle Love ❤ by Amy Cck




Chapter - 45




Zing thleng pawh chuan ka bulah a thu tum bur a. Nizanah a mah leh a mah in kawm in a duh duh a ngaihruat kual a. Engmah sawi ve thei si lo chu ka ngawi reng bawk nen a in sawi thinrim ringawt a ni ber. Jenny in a biak pawh chuan a chhang bul hmuk hmuk a Jenny pawh a ti hrilhhai zo vek a. Kei engmah sawi ve thei lo chu hrilhhai zet hian min rawn melh leh haw thin a. Zoremsanga leu luau lah chuan hmeichhia ang mai a a ngaihtuahna vak kual vel vangin rum deuh in melh leh run run zel bawk nen ka thu ngawi kar a. Thil han ziak tur tak ngial pawn ka dinglam zawk hi a che thei si lo, ka awm dan chu a kai vel vek.




Kan pathum a kan thut thap lai chuan cabin kawngka chu a rawn in hawng a. Ka u a rawn lut ve hlawl mai. Tifin a rawn khai danah tukthuan min rawn pek a tum tih kan hre nghal mai. Jenny chuan a lo buaipui nghal vat a. Ka bulah rawn thu thla in enge ka an tih min zawh chuan Jenny zawk chuan a lo chhang a.





" Tak a I doctor khan I chhuak thei tawh mai thei tih a sawi tak a sin. Nangman i duh te a nih chuan in lamah treatment te pawh kan la zawm thei tho a. Mahse i duh leh duh lo a ni mai. I duh chuan ka nu leh pa te biak a ni mai. Chhuah chu I duh dawn em? " Tiin zawhna mit meng chuan min en a. Ka thei dan tawk chuan lu ka lo bu nghat a. Ka sir leh lam a Zorema ka en chu a lo la thu tum bur mai. Nizan atangin a mood a fuh ta lo lutuk chu kei pawn hreawm ka ti ve tan tawh.




" Canteen ah khuan bai tui deuh an siam a sin. Kan ei hma ka zu lei lawk teh ang. Antui chu awm tho mahse ka ei chhak tawp. " Jenny in ti a kal a tum chu ka u chuan, "ka lo zui ang che, "a ti ve mai a. A ding ve nghal uai chu ka melh haw mai. Bai mai mai lei tur a an pahnih a kal hi a ngai thlawt lo.




" Kan rei lo ang, Zorem lo awm ru aw. " Ka mit meng hrethiam ang mai chuan ka u chuan a la ti zui. Tawng thei ngat i la chuan pakhat zawk zawk kal lo tur in ka ti ang maw le. Tunah tak hi chuan Zoremsanga a tum lian si a mah nen chauha awm pawh ka huphurh.




Ka u te pahnih an chhuah hnu chuan kan thu ngawi duh reng a. Zoremsanga lah a melh ngai a melh run mai bawk si. A tawpah chuan ka kut ka chet theih lam chuan a darah ka va tawk zeuh a. Dik tak chuan ka taksa che thei lam pawh hi an la chak lo in an la zawi viau mai. Chutia ka khawih takah chuan min rawn melh ta vut a. Zawhna mit meng a en in ka mit hmul chu ka kan nghal zeuh a.




" Haw chu i chak viau em ni? " A ti ta daih chu nui sang in lu ka bu leh nghat a. Hetia awm reng hi ka ning tawh hrim hrim. Chutiang a na em em ka nei tawh lo bawk nen. A chang a ka luna leh ka hnar rawn thi leh zeuh thin hi a ni mai a. Ka tawngthei lo leh che tha thei lo hi chu a dam mai dawn pawn ka hre lo.




" Kei chu heta awm hi nuam ka ti. Nilengin i bulah ka awm theih bakah zanah i kiangah mu in i taksa kuah chungin ka muhil thei a. Eng thil mah a ruk a ral ngai lo in ka ti dun a. Eng vak ti lo mah i la ka buaipui theih vang che pawh hian nuam ka ti. " A ti sup sup a. A ngaihtuahna chu a naupang chhia tak zet. Kan haw hunah pawh kan in hnaih in a rawn kal fo thei dawn tho a. Chutia chhan chu ka duh a mahse ka thei si lo.




" In inah chuan a hming chuan ka rawn hmu thei tho che a mahse tun ang hian ka khawih in ka hnaih viau theih kher tawh lo ang che tih nang pawn i hre chiang, ka lak atangin i chhungten min lak sak angah ka ngai tlat che. " Ka ngaihtuahna hria ang hrim chuan a ti leh hmuk a. Ka tih theih tawk a thu sawi lo ngaihthlak chu ka hna a ni mai sia. Nizan ang mai a a in sawi thinrim ka hlau ru viau bawk.




" Kan in nei tawh mai dawn em ni? " Thu tak zawk a min en chung a a ti sup chu hrilhhai zet in ka en ve ringawt thung. Chutah za lo fahran a nui chhuak hawk in a kut chuan a hmai a tuai phawk a. " I duh lo em ni? Nge ni a pasal tlakah min ngai lo zawk? " A tih leh sup a. Ti nge ka tawngthei lo a, a zawhna ka chhang thei lo tih hre reng chungin chhan ngei ngei tur zawhna min zawh tlat le.



Ka u te an rawn lut leh a, chaw ei tur Jenny in a buatsaih mawlh mawlh lai chuan " In lamah tih tur ka nei a, ka lo ve phei hmasa a nge. " Tiin a tho vut a. Ka u in tifin a rawn ken kep vek tih a sawi chung pawn a hniala a chhuak lui ta tho a. Lungni lo zet chuan ka thaw hak a. Sawi awm leh awm loh pawh a ngaihtuah lo emaw ni, tun din hmunah innei sawi te chu a mah ka duh lo lam ni lo in, kei tawngthei lo leh kal chu sawi lo chet mai pawh harsat nen a in neih tum te chu, a tan phurrit chiah ka ni dawn tih hre reng chungin engtin nge min sawm theih zawk. Nge ni a ka chhang thei lo a la din hmun a hriat vang hian min kal san na hun reng chang tiin a sawi zawk.




" Tukin chu a va mak ve, ka rawn thlen atangin a lung ni vak lo nge a hmel kha a dik lo riau. " Ka u chuan a ti ve nuah nuah a. Tunah chuan kan chhungte lam pawh in biak chhiat emaw in hel kual reng kha kei ni an fate vang hian a rem chiah lo bawk nen an pangai ve ta khawp mai. Zorema chhungte pawn min rawn kan ve zut mai. U Lka phei chu a thawhna a ni bawk nen min rawn hmu fo a, ka hriat tak chu min enkawltu nurse la naupan hmel deuh kha a bialnu chu lo niin.




" Nizanah ka mutthilh chhungin an lo in hau nge ni an tum bur mai. Chuan engtin nge chhuah chu kan duh tlang em ni? " Jenny pawh chuan a tih zawm a. Kei berin haw ka duh ve bawk nen doctor in min rawn check rual in ka u chuan a lo be luam a. Rem lohna tur a awm lem lo bawk nen doctor pawh a phal ve mai a. Ka pa phone in thil tul an buaipui zung zung a. Ka nu erawh in lamah Eddie awm in a lo kal ve lo thung.





Chawhnu lam a kan chhuah dawn chuan Zorema pawh a rawn lang ve leh tawh a. A hmel chu ka en thin a a hlim lo riau a ka hriat vang chuan hreawm ka ti ve em em ringawt a. Wheelchair nen damdawiin atang chuan kan in nawr chhuak a. Ka u in motor a rawn ken vangin kan lut a, kan hnungah Zoreman bike in min rawn zui bawk.




In kan thleng chu ka thiante ho pawh an lo awm ve a, u Duati pawh lo awm in ka chhuak chu min lo lawm pui thiam viau mai a. Karleh mai a pasal a neih dawn vangin an inneihnaah ka tel min phut thute chu a sawi ve luam a. Ka lawm pui viau rual in a nin pasal a neih daih chuan Zorema ka lo ngaihtuah daih thung. Inchhang bung tih takah an unauah ro ro chuan an in pawh bik bawk nen.




A tlai ta bawk nen ka thiante chuan haw an tum ta hlawm a. Thlah an phut tlat bawk nen Zorema motor in a va thlah dawn a nih hmel a. Heng ho rawn leng hi chu an in ti lal thei hlawm lutuk a, an hahtlak a nia.




" Ka rin aiin i tha chak a ka lawm khawp mai. Tunah chuan damdawiin atang i rawn chuak ta bawk a hahdam deuh in pasal pawh ka nei thei ang. Zorema treatment lak zawh hma chu a bulah awm ka duh teh lul nen. " U Duatin ka bul a thu a a tih chuan ka melh ha mai. Eng treatment nge maw ni le.




" A hrilh loh che em ni a damdawi tih a bansan theih nan hian methadone a la mek a. That pawh a that pui viau chuan ka hria a. Mahse a effect ti mai i la, methadone hi a chak ang reng sia, treatment an lak lai a damdawi leh a kaihhnawih lam hi an khawih pawlh leh a nih chuan od a awl bikin thih phah na chance a sang si a, han kal san tawp mai chu ka rilru a nuam lo ve lutuk a. " A ti siam siam a. U Duati thu sawi lai chu ka lo en reng ringawt.




Kawngka lamah thawm a awm takah chuan kan hawi phei a. Zorema pawh a lo let chiah a nih hmel. Jenny nen an inbiak hnuin kan lamah a rawn phei ve a. " Bawihpui ka phei mai dawn a sin. I duh hunah lo phei ve mai rawh aw. " Tiin u Duati chu a haw phei a.




" Zo.. I roomah I mu hahchawl duh em, I mawng a na tawh viau lo maw? " Jenny in rawn phei ve pah a a tih chuan lu ka lo bu leh nghat. Ka ti ve thei tawk chu ka lu buk leh ka mit han hman vel hi a ni mai sia, a chhang chuan ka thina rim in ka tah a ti chhuak ve lek lek mai. Thla em pawh a la tling lo a hreawm ka ti em em a, tiang hian awm reng ta i la engtin nge ka awm ang.




" Kan kuah chho dawn che nge... "



" Kan pawm chho a nge. " Tiin Zorema chu a ding nghal uai a. Zo zet a min pawm kang lawp in inchung panna stepah chuan min chhoh pui a. Kan hnungah Jenny pawn min lo zui ve bawk. Khaw nge ka nu leh pa te hi an awm ka hre ta miah lo. Ka u chu Eddie a tlei lo lutuk a vah harh pui kha a nia.





" Zorem i hman hmawh viau em? Rawng ka bawl zo tep a lo la awm lawk la. A mah te chuan ka ngaihtuah deuh sia. " Ka khum a ka thu awn diai chu min en in a ti sep a. Tunah pawh hetiang hi ka nia, kei mah tal hian bathroom thleng thei tawh i la chuan a zia tur.




" Ka hman a lawm. " A tih ve takah chuan Jenny pawh thaw huaiin a chhuak zui a. Ka khum sir a a rawn thut thlak rual chuan ka lo en chik ngang mai.



" Ti nge kha tia min en a, mamawh i nei em ni? Nge bathroom kal i duh zawk? " Tiin ka thil ngaihtuah hriat tum zet chuan min en a. Lu ka thing leh vat a, thil hre chhuak zawk in ka kut hmang chuan ka bengah phone lem ka siam a. Phone ah te chuan ka type ve beuh beuh thei in ka ring. Ti nge a hma atanga ka lo ngaihtuah miah loh ni damdawiinah te khan.




" I phone I hmang duh em ni? " A tih takah chuan nui sangin lu ka bu leh nghat a.



" Khawnge an dah Jenny ka zu zawt lawk ang. " Ka tih tum hria ang mai chuan tiin a tho vut a, a chhuak zui nghal a. Rei lo teah a rawn let leh vat thung. Ka kut dam lam zawk a a rawn dah chu ka hmet eng zui pap a. Thil ka type mial mial lai chu min lo en ve reng bawk.




* Treatment I la tih ka lo hria a. * tih type in ka sent rual chuan a ma phone zawk chu a ri a, la in a en ve nghal vut.




" A dik a lawm. " Tiin a nin tawngka in min chhang thung.



* u Duati sawi dan chuan a thawk chak lutuk a tia. *



" A dik a lawm. "



* engtia rei nge i lak dawn? *


" A tello a ka awm theih hma a ni mai. " Tiin za lo fe in a kiai suk a.


* treatment i lak lai a i khawih leh chuan i thih phah theih a nia. *



" Ka hria lawm. " Tih zawng a min chhang chu thawk ka la hak a. Ka thil type ka khawr si a hahthlak ve det. Ka kutzung chal in ka hmet bauh bauh mai a.




" Kei mah vang in I hlauthawng em ni? " Ti a min entu chu en let in lu ka bu nghat.




" Ka nghei theih I ring lo tina maw? " A tih leh chuan lu ka thing rang viau thung.



" A nih chuan ti nge I hlauhthawn si? " A ti a. A mit mengah chuan ka ring lo emaw a tih vang nge hreawm ti hmel a pu deuh. Ka phone chu hmet engin ka type nghal vat a.




*I ti thei tih ka hria lawm, mahse ka chan mai ang che tih ka hlau a ni. * tih chu ka type vat a. Nui suk in a rawn awm hnai a ka hmuiah chuan a fawp ringawt chu ka hrethiam lo ngei mai.





" Chuti a nih chuan ka sawmna che kha pawm mai la. " Hnai tak a min en a tiin a nui suk a. Ka phone kenna lam chuan a awmah ka nem zui dawt.




" Ti nge min neih chu i duh lo a, i bul a awm ka thlakhlelh ang hian ka kiang a awm hi i thla hlel ve miah lo zawk nge. " A ti leh hmuk a. Ti nge maw a thin a tih rim dawn ziah mai ni.




*chutiang a ni lo. *



" A nih chuan enge a chhan chu? "




*i hmu lo der nge i hre duh lo der zawk, tun a ka dinhmunah hian pasal nei thei niin min hria em ni? * tih type in Zoreman a chhiar lai chuan hreawm ka lo ti ngawih ngawih.




" Enge i theih loh ang? " A la ti tal chu rum zet in ka melh leh nghek ringawt. Eng emaw sawi tum chu ka ka ka ang ve tak na in a ri chhuak thei tlat lo chu ka rilru na thar nen ka mittui chu a rawn luang ngiai ngiai ringawt.




" Heii... Bawihte ti nge i tah a? Kei chuan engmah dik lohna i neih ka hmu lo. Eng ang pawn awm in, tawngthei lo emaw che thei lo pawh ni la ka tan chuan i tha ber reng dawn. Chuvang chuan hetiang hi chu kan inkar ti hla tu nih tir suh. " Tiin min kuah hlu hlu a, kei erawh ka tah a chhuak zual sauh.




" Hetiang a i awm vang hian ka bul a awm tur in ka duh leh zual che a, ka hmuh phak loh a i awm chuan ka ngaihtuah zual che a, engtik lai pawn a ka hmuh theih a i awm khan ka hlim in ka hahdam thin. " A ti leh sup sup a. Mahse tiang chuan a phur tih rit tu ka ni zual mai mai dawn tih ka hre ve reng bawk si.




* tunah ti khan ti mah la nakinah chuan min la ning ang. * min kuahna atanga tal hrang a ka tih chuan a nui chhuak hawk mai.




" Lalpa leh, kei hian engtikah mah ka ning ngai lo ang che. " A tih chuan ka hahdam viau a mahse tun ang reng ka nih chuan awm zia a awm kher lo ang.



*

*


" A ho lutuk, Zorema ka buaipui vek mai ang che a tih kha. Ti nge i tum bur a. Duati pawh khan a phut ve em che kha. " Ka hma a ding a ti tu chu ka melh rawm. Vawinah u Duati te an in nei dawn a. A mipa te veng lamah kal ngai bawk nen Wheelchair nen a va inkhawm chu ka chak lem lo. Zorema pawn min buaipui in tiam mahse a u pasal neih ni a Nia kei lo buaipui tur dang a ngah lutuk tlat.




" Chu a lo thleng a nia. " A tih hnu rei lo teah ka roomah Zorema a rawn lut a, coat suit nen a in duang zui mai a, a chhiat loh dan chu pui tak a ni. A mah a palian in a sang vuah a. A taksa lah a zahawm tawk chiah in a in phut a. Pa Lsa an chhun ka ti mai u Lka pawh hi mipa chhelo tak a nia mahse ka mitah chuan Zorema hi a la chhelo zawk.




" Kan hman tawh em? " Ti a min melh chhuk chu ka lo tum bar mai.




" Hman e inhnuai thleng pawm thla mai la. Wheelchair hi ka lo keng ang. " Jenny lah chuan a lo ti sawk sawk a. Wheelchair chu thlep in a khai chhuak nghal daih zui.





" Ka lalfanu chu a bulah lalfapa ka thleng tawh chungin a va la tum kawh nasa ve. " Nuih za aw taka a tih leh chuan thawk ka la hap ringawt. Ka nat dan hi pawm dam ka tum fo thin, ka taksa a che thei lo a nih pawh in tawng tal tawng thei i la ka hlim deuh ang. Mahse tunah rih chuan ka hahdam thei hlawl lo.




" Ka hrethiam e. " Ti a rawn kal hnaiin ka hmai zawnah rawn kun in ka hmuiah chuan a rawn fawp zeuh a, " Nui rawh le. " Tiin a mah zawk chu lungkham neih loh hmel zet chuan a nui a. Ka sir a ka phone chu ka ban ta daih thung.




* lo kal chu ka duh lutuk a mahse ka dinhmun hi hrethiam hram ula. U Duati pawh ka zah lutuk mahse hetiang chuan ka hnawk mai mai. * tih type in ka hmuh a, ka ti ngun tawh bawk a ka type chak ve ta khawp mai.




" Chhuan lam ka ngaithla duh lo ka tih kha. Bakah kei ni pawh ti ve thut thei kan ni a, in zirnan kan lo hmuh ve kha a ngai. " A ti chu ka ner nasa mai. Ni tin kan in hmu a, nikhatah vawi khat tal ' min nei duh em? Emaw min nei tawh mai rawh? ' tiin zawhna ni siin min sawm ziah a. Mi pangai phak tawh i la chuan ' aw ' ti a ka channa a rei tawh ang. Mahse tunah chuan mahni pawh in enkhawl thei lo hian pasal ka neih chu van a rah ang a la ni.




" ' Aw ' Ti a min chhan veleh ka nupui i ni a nga i pasal ka ni nghal a ni mai. Chuvang chuan min nghah rei tir lo hram la. " Tiin min pawm leh nawlh a. Inhnuai a kan chhuk a pawnah min pawm chhuak in motor ah min pawm lut zui nghal bawk. Hnung lamah ka wheelchair a dah lut a. Ka u te nupa leh ka nu leh pate pawh an rawn kal dawn a kan motor in.




" Nui tawh la, I tum bur bur vang khan I kal loh phaj dawn si lo a. Ka u in hruai ngei ngei tur che in min ti bawk sia. Bakah vawin hi I tan ni bik a ni dawn a nia. " A tih chuan thawk ka la ham ham. Ni e, ni bik a ni khawp ang. Hetiang a inneihna a ka kal hi ka theihnghilh tawh kher lo ang.




Biakin a kan thlen chuan mi pawh an lo awm ve nual tawh a. Zorema chu monu nuta a ni ve miau a ka bulah awm duh mahse a rem ta chiah lo. Kei chu ka u te bulah ka thu a, kan luh khan Zoreman min nawr lut in wheelchair atanga min pawm sawn in biakin thutthlengah min nghat a. Ka chair chu thlep in ka bulah a dah a. Kan bul velah kan thiante ho pawh an rawn thu a, monu lam kan ni bawk nen Roa te nen kan thu ho thei a, an fel bawk a min buaipui thiam khawp mai.





U Duati leh a pasal turin thu an chham lai chu ngun takin ka en a, an in hmeh in hmuh an nuam tak zet. Inkhawm a zawh chuan pawnah kan chhuak a. Dikin min nawr kal ve zel a. Thla te an lak zawh chuan Zorema pawh ka bulah a rawn awm ve ta chawt. Inneihna lamah an mamawh ang che ti a ka hrilhna pawh a hre lo der hmak a. Biakin lamah ruai pawh an buatsaih vek vangin kan ei hlawm a.




Ruai kan theh zawh veleh Zoreman hreawm ka tih hlau in min haw pui ta nghal a. Nileng a wheelchair a thut chu a nuam vak lem lo. Motor chhung a ka thu chu ka dam sawng sawng hial in ka hria.




* kei mah vangin inneihna pawh i hmang nuam lo vek a. * tih type in ka hmuh a, a ner nawng thung.




" Awm lo la chuan tun ai in ka hmang nuam lo zawk ang. " Tiin ka seatbelt min rawn hren tir a. Chu mi rual a ka hmui a rawn fawp zeuh chuan ka lo ner nang.




" Kan tlan chhungin lo muhil rawh. I chau viau ang " A tih chuan ka hnial lo kawp mai. Motor a tlan chhuah tir rual in mit ka chhing zui ve ta vang vang.





Ka bul a thawm awm leh thinah chuan ka meng vai ruai a. Motor a muhil kha khumah ka lo awm reng tawh. Mahse ka room ni lo in Zorema room zawk a ni tih ka hre nghal. Ka hawi kual chu ka sir lamah Zorema chu inbual zo tih htiat zet hian a lo inthlak mek a. Ka mutui viau a nih dawn hi motor atanga kan chhuah lai pawh ka hriat loh.





" I lo harh tawh a. " Ka lam a rawn hawi min hmuh rual chuan a ti sup a. Ka in nem kang deuh chu min rawn pui zui nghal vat.




" Inhnuai lamah awm la awm nual a, nakin deuhah kan chhuk dawn nia. " A tih chuan ka hnial bik lo. Kan in kan hnaih tawh tho a, ka bul a awm tam a duh thu a sawi zing a, tunah pawh min thlah haw chuan a rei berah dar 10 thleng a rawn leng a nga, zanah ka room a rawn luh lah a chi tawh der lo, ka nu leh Jenny in min riah pui a, a in chhawk in. Chuvang chuan a ruk a rawn kal chu a ngaihna a awm lo.



Roomah chuan kan pahnih in kan awm tawp a. Kawngka a kalh bawk nen tuman min rawn chim buai lem lo. A guiter kha perh in min zai sak vel a, hman a ka keychain pek a la in khai va va te chuan lung a ti leng rum rum.




Kan awm rei ta phian a, in leng pawh an haw rem thawkhat tawh tih in ka phone hmetin haw ka duh tawh thu ka hrilh a. A ni pawh chuan engmah sawi lo in min rawn pawm kang zui nawlh a. Room chhuah san a kan chhuk chu an lo haw ve tawh chu niin. An nula 2 ten hnawm hnawk an lo ti fai mek a. Inhnuai kan thleng thla chu sitting room lamah pa Lsa leh nu Ruati an lo la awm a. Choka lam atang u Lka a lo chhuak vut bawk.





" Ee... Zonuni i la awm a ni maw? " U Lka chuan min ti a. Zoreman min pawn vu bawk nen hmai a uang lo khawp mai. Mahse ka din hmun an hria a, engah vak min ngai lo ang chuan an awm zui mai a. A eng chu hria ni maw pawn lama min pawm chhuak mai lo chuan pa Lsa te thutna lamah chuan min phei pui a. Sofa a min dah thla in ka bulah a rawn thu ve nghal zat..




" Duati chu a ngaihawm nghal rum rum mai. Ka naute neih chhun a ni tawh a sin maw le. " Pa Lsa chuan a ti a, nu Ruati zawk chuan a lo sawi zui pui luam a. U Lkan fiamthu in a lo lak sak bawk a. An hlim zui phian leh nghal. Kei erawh haw ka duh tawh viau, tui lum sa ver vawr a inbual a mut der der ka chak tawh.




" Mi hrang an awm tawh lo bawk a thil pawimawh tak sawi tur ka nei a. " Zorema chuan a ti ve sup a. A thu tak vei phian leh nghal. Midang ho nen chuan kan en thap mai.




" Zonuni nen hian inneih kan duh. " A ti bung nghut chu inchhung chu a reh tlawk tlawk mai. A tu a mai pawh chu kan hawi phawk hra a ni ber. Ka kut dam lam chu a shirt ah la pawt ru a a la hre lo der hmak zui. A nak a ka piai rual in a rawn hum bo zui hmak bawk.




" Bawiha i fiamthu a ni lo maw? " Hrawk then khurh pah a pa Lsan a tih chuan Zorema vhuan a lu a thing a.




" Ka thu tak khawp mai. " A la ti ang deuh deuh a. Hepa hi a a tak tak tawh a nih hi. Nge ni a ruih a nei leh tawh zawk. Ti nge thil ni lo lo a sawi.





" In tihderna chiah pawh ka ngai lo a nia. Vawinah i u kan thlahliam fel chauh a. Thil tih chi a ni em ni? " Nu Ruati chuan a ti a. Kei pawh chu ka lo thu ngawih reng ringawt.



" Zonun nuam lo tih phah suh aw, nangmah lam vang ni lo in kan hun tawng nen a in mil lo em a ni. " Nu Ruati bawk chuan min ngai chang tak in a ti leh nghal a.




" Ka hria mahse neih ka la duh tho. Ti hian ka ru a ni mai a. Min pawm pui rih lo a a la hma in ti a nih chuan... Ni e... Ka va dah let leh ang. Mahse kei mah zawk in makpa chhungkhung in ka va luhkhung mai ang. Kan in neih pangai in rem tih hunah kan lo kir leh mai a nga. "




Zoremsanga chu a a ta emaw tih tur in ka melh ngawt ngawt mai. A tih der ni a rinna ka nei laiin a thu tak lutuk chu ka rilru a lo ti hah. A ni hi chu a ngaihtuah tawh chu enge a nghaqng ti ngai tuah lo a tih tlang tawp ching chi a lo ni ve bawk nen.





" Bawiha i ti mah mah lo maw? Zonuni pawh a la dam chiang lo a, kar hmasa lawkah damdawin atang a rawn chhuak chauh a. Bakah vawinah kan farnu in pasal a nei fel chiah leh nghal. " U Lka chuan a lo ti ve bawk. Kei erawh ka zak chem chem a, thei ngat i la chuan ka tlan haw nrl nel ang. Ka awm dan hi ram changah hman a tum chiang lutuk. A chak loh dan tur hi!


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:55 pm

Miracle love ❤ by Amy Cck




Chapter - 46



" Hei hi in pahnih thutlukna a ni em? " Pa Lsa chuan a ti thum dut a. Kei min rawn melh chuan ka theih tawk in lu ka lo thing a. Zoremsanga pawh a thu ngawi hmuk mai. " Inneihna hi mipahnih duh thlanna a ni a, chutiang in i duh vang ringawtin i nei ringawt thei lo a nia. Zonuni bakah a chhungte rem tihna pawh a tel ve a ngai a. Kan din hmun mai bakah chu chu thil pawimawh tak a ni tih i hriat chu ka ring a. " Pa Lsa bawk chuan thu tak zet hian a ti sup a. A hmel leh tawng danah thinrim chu a ang chiah lo a mahse hlim hmel pawh a pu chuang lo. Ka sawi thiam dan ber chu aaa... A awm dan ringawt atang chuan ka chhiar thiam lo a ni ber.




" Ka hria mahse ka sawi ang khan Zonuni hi a haw a nih chuan kan inneih in phal hma chu an inah zahtheih loh chhuah in ka va luhkhung mai ang. A ni hi chuan a dinhmun leh natna vang hian min la hnial zel dawn tih ka hre chiang a. Dam oangai se chuan min hnial bik hauh lo ang. Ka tan a phurrit nih a duh loh vangin min pawm pui rih lo tih nangni pawh in hriatthiam sak ka ring a.




Engtikah nge a dam ang tih sawi theih lah a ni si lo a. U Mama pawh doctor i nia, hetiang ang natna hi chuan dam tur in hun a duh rei tih leh, dam ta lo hial pawh an awm thei tih pawh i hria a nga. Chuvangin risk la in a dam hun nghah chu ka thei lo. " Luhlul tih hriat ngawih ngawih hian Zoremsanga chuan a ti hmuk a. Min ti â zo tak ngial dawn. Hetiang dinhmunah midang in a awm hi ka tan a harsat dan tur hi a ngaihtuah miah lo zawk nge.




" Hun a duh rei tih chu kan hria a, mahse i u in pasal a nei zo chiah a, zan khat em pawh a la ral lo. Ohh.... Dar kar tam pawh a ral hma khan kan thlah liam zo chiah zawk a nih kha. Thil hi a hmun leh a hun a awm Zorem. " Nu Ruati zawk chuan a ti chang fak a. Tawng thei ngat i la chuan ka va han zawm in ka va han pawm pui nasa dawn tak.




" Nupui ru tur te chuan a rem chan lai te pawh kan chuh ve ang chu. " Zawi sup hriat thei tawk si a ti hluk tu chu rum zet in ka melh nghek. " I va hahthlak tak. Tu nge maw i chhunni i mawl bik em em? " Nu Ruatin a tih hliai chuan pa Lsa chu a nui deuh hawk a. Kan vai chuan kan melh haw a, in siam tha leh vatin a hrawk chu a thian khurh khurh a. Nu Ruati lah chuan a hun lo a tih vang nge a melh rum nasa mai.




" Zanin lo hi hun rem chang a awm tawh kher a ngem tu nge hria. In a inkhung reng, kal thei bawk si lo chu ruk chhuah har deuh tur a sin. A mahin a la duh loh zui phei chuan. Bakah nidangah emaw thla lehah emaw pawh ruk tum i la, nangni hi chuan min rem tih pui pawh ka ring chuang lo. " Ka bul a thu pa lah chuan a la ti nuah nuah a. A tawng dan te chu a lawm lo loah a tang zawk emaw tih mai tur a nia. Chutah min sawi dan lah chu mihring pawh ka ang lo. Bungrua duh duh hunah chawi kual theih te pawh ka ang zawk hial in ka hria.




" Zoremsang! " ti vin hlarin nu Ruati chuan a bul a lukham chuan a rawn vawm pawp a. Zoremsanga leu luau lah chuan a lo hre lawk emaw tih tur in a lo man chat zui. Hun dang chu nise an nufa awm dan chu an lawmawm ka tiin min ti hliam viau ang. An in hnaih hmel ngawih ngawih bik a, mahse tunah chuan ka chanchin a tel miau vangin lo nui thei pawh ka ni lo.




" Nu i bul a pot khan vawm zawk ta che Luliana hi. " Tiin u Lka chuan nuih in sum zet in a lo la ti zui. Tun ang hunah engtin nge fiamthu a la thawh theih zawk ni.




" Ka lu a lian lo ka sam a buk vang a nih kha. Tunah phei chuan a tawk chiah in ka chhelo. " Naupang chhia ang maiin Zoremsanga lah chuan a lo ti hluk hluk mai. An upat tawh bakah an palian si an awm dan naupan chhiat zia lah chu.




" A tawk tawh e, Mama Zonuni te inah va kal la. A tlai mai dawn engtin nge maw kan tih dawn ni? " Pa Lsa chuan kan thu khel ngaiah lut leh chuan a ti a. Ka pa te va hrilh lo a haw mai chu ka duh a mahse engmah ka ti thei bawk si lo, hetiang a ka awm chin a ka duh ka ti thei lo pawi ka tih ber tum a ni hial ang.





" Zonuni chhungte pawn an rem ti dawn lo. Ka fanu ni ta se hetiang din hmun a a awm lai a in danga chen tir chu. Nang phei hi chu damlo enkawl tur in ka ring lo hrim hrim che. " U Lka chhuah hnu chuan nu Ruati bawk chuan a ti leh a. A sawi dik chiah, ka nu leh pa pawn an phal dawn lo hrim hrim.




" Hmu tur a an in a va kal ziah te hi ka thei tawh lo. Duh angin ka buaipuiin Ka hnaih thei lo a, a vhhungte mit mei ven ve ngai bawk nen. Ka enkawl thei lutuk ang, damdawiin a awm lai pawn kei man ka enkawl nasa in ka thiam ber. Bakah nang ka nu duhtak i awm a ka huphurh lo leh zual. " Zoremsanga a tih chuan ka lo beidawng ngawih ngawih mai. Inchhanh bung ang maiin a nu nen an in bia a nia. Mahse a nu a zah lo vang lam a ni lo tih kan hriat vek vang nge nu Ruati pawn a haw lem lo ang chiah in pa Lsa pawh khap a tum lem lo chu a nia.




" I u Duatin luluanthluakthawla a lo ti che hi chu a lo hriat chian rm vang che a nih hi. " Nu Ruatin a tih leh rual chuan " Nu.. " A lo ti hluk a, a nu a melh dan chu a ti tau ringawt emaw ni.




" Ka ning sawi duahin awmzia a nei lo. Hetah awm se a chhungten an ngaihtuah viau chuan kan in hnaih a an rawn hmu in an rawn kan reng thei tho. A haw chuan ka zui ve a ni mai. " Thu tawp siam ang mai chuan a ti hluk hluk a. A va han naupang chhia chiang tak. A ngaih ang a awl sam a ni dawn lo tih hi a ngaihtuah pha lo pawh a niang.





Kawngka lamah thawm a awm takah chuan kan hawi phei rual deuh thaw in ka nu leh pa leh ka u te nupa chu an rawn lut a. Jenny chuan Eddie-a muhil tawh chu a rawn paw lut bawk. An hmel atang chuan an hrilh a hai hmel hlawm ngang mai. Tunah dar 12 a ri tawh dawn a. U Duati pasal neih ngaihtuah leh chanchin va zawh pawh a lang thei meuh lo chu a nih ber hi. Mawlmuka vang veng.





" Enge thil awm zia ni, Bawihte phone in la thei si lo a, kan lo ngaihtuah hman khawp cheu a sin. " Tiin ka pa chuan a chhang thei lo ber chu min la rawn melh haw zui. Khua hi chu a var lo teh zawng a ni. Ka phone pawh ka khawih lohna a rei tawh.





Thil awm dan chu an in hrilh zung zung a. Ka chhungte htilhhai hmel chu ka khawngaih hlawm zawk. Jenny phei chuan zawhna mitrng in min melh leh run run zel a. An tawng ngaithla kur si in engmah lah ka sawi thei si lo.





" Chutiang ringawt chu a ni thei dawn em ni? Kan fanu hi Zorema tan kan ui lam ni lo, a din hmun en hian kan tel lo chuan a khawsa thei rih si lo a. Tunah chuan tawng lamah harsatna neiin a din hmun hi a la khirh em em a. Tawng mai ni lo in nangni pawn in hria a nga, a taksa thleng in a chet hlei thei lo a. Bathroom tak ngialah pawh hruai ngaiin kan awm a. Kan dinhmun dik tak a ni a. Ka sawi thiam dan berah chuan naute sen piang hlim engkawl ang mai kan ni mai ang chu. In tan phurrit bak a thlen dawn lo tih hre reng chung chuan kan rem ti thei lo a ni. " Tiin ka pa chuan zawl dawh deuh hian a sawi a. Tu mai pawh chuan kan pawm pui vek tih kan hmelah a hriat.





" A... Engpawh ni se in din hmun tur chu kan hrethiam lutuk a. Mahse kan fapa hian rawn haw tir leh a rem ti tlat si lo a. A duh a a rawn ru ve miau si a, kei ni lam lah in chutiang in kan hnial lem lo a. A neitu tur ber in engkawl a in huam in theih tawp chhuah a tum miau si a. In fanu in ngaihtuah leh hmangaih dan tur chu fanu nei ve tho kan ni a kan hrethiam lutuk cheu a mahse Zonuni hi kan tan mihrang a ni lo a, bakah in tenawm hnai te, kawngpui kan a in kal pawh mai thei kan ni bawk a kan lo kawl rih phawt dawn em ni kan ti deuh a. " Pa Lsan a tih dup dup chuan ka lo huphurh ngang mai. Ka duh lo hrim hrim tih sawi ka chak zia lah chu.





" Ka ngaihtuah dawn e mai kei zawng, rem ka ti thei lo ang. Hun han kal deuh se Mambawihi pawh kar khat chiah damdawiin atang a chhuah hnuin a la ral a. A dam deuh hun nghah ka la ti fan. A duh leh mamawh sawi thei lo leh che tha thei lo chung a midang kut a dah chu ka thei lo ang. " Ka nu chuan a ti ve bawk.




" Kei ni pawh kan awm a, kan kutah kha lamah kha chuan dah ngam la ka duh. Min ring tawk lo a nih pawn ka dem hran lo che a, in lung damna a nih chuan a mah buaipui a enkawl tur bik hian nurse pawh awm chilh tur in kan la thei reng a nia. " Nu Ruati lah chuan a lo ti ve bawk.




A hma zawng a hnial si kha ti nge maw kha tia a tawng leh tak daih ni. Nurse lak phei chu ka duh lo leh zual. Tunah chuan min buaipui tur hian ka nu leh Jenny chiah ka duh. Damdawiinah te kha chuan Zorema min buaipui tho mahse kan bulah ka nu emaw Jenny an awm ve zel a. Zorensanga chauhin min buaipui ka duh teuh lo. Ka zak ngawih ngawih reng mai dawn sin.





" Chutiang ringawt a chi dawn em ni? Nula a pum pa midang buaipui tur ringawt a awm chu. Rawn haw leh phawt se a dam deuh hunah sawi tha leh zawk i la. Tawng tak te hi han thei phawt se. " Ka pa pawh chuan a ti ve bawk.




Chutiang sawi kual reng reng chuan dar 2 thleng kan thu tawh. Thu ngaiah kan kual kan kual a. Zoremsanga te lamin min chelh an tum ngar ngar a, ka chhungten dik thei niin an hre si lo. Dik tak chuan ka haw chuan Zoremsanga leu luau hian min zui tak tak dawn tih an hriat vangin mualpho belh chhan an duh lo pakhat bawk tih ka hrethiam mai.





" Kan thu rei tawh sia, kan sawi fel mai hmel loh bawk nen Zonuni hi a taksa a kham tawh viau in ka ring. Roomah ka lo han chho pui a nge. " An ti tina kar lakah Zoremsangan a tih chuan an ngawi thap mai. A sawi dik reng, ka thut dan ka sawn thei si lo ka taksa a kham ut ut mai. Mahse he miin a riah hi ka duh reng reng lo.




Midangin an hnial hma in min pawm nawlh in min kal pui nul nul a. A khabe zawn atang chuan melh rum tak ka ni. In melh rum vang a puak thei ni i la chuan a lu lian lutuk hi a puak keh chuai tawh ang.





" I mutthilh mai chu ka ring lo a mahse mut hahdam i duh ka ring sia. " Tiin khum a min nghat chu ka kut che thei lam chuan a darah ka nem dat a. A la nui suk leh nghal.




" I tawng thei rih lo pawh a that viau hi, ni lo se chuan zaninah khan min hnial ngei awm sia. " A ti duh chauh leh nghal. Ka van haw ber mai tak. Nidang zawng a hrethiam thei viau si kha kut zai zir a ka phone ka dil chu min la pe duh thak lo zui.





Tum bar a thu in ka bulah chuan min nuih zat deuh reuh hian a thu ve reng a. A guitar chu pawm in a changin a perh a, a ki a siam kual vel thul. A thawven hmel lutuk te chuan ka thin a ti rim.





" I ngaihtuah ka hria a nia. I chhungte khan an hruai haw mai che i la ring tih pawh ka hria. Mahse ka pa in ' awm rawh se ' a tih chuan thu dangah kual kual mahse i awm ring tawp rawh. " A la ti ham ham zui Hmelphaka hi. Thawk la hak in a tawp nan tiin ka phone ka dil leh chu min rawn pe ve ta hram.




* hetah ka rial dawn a nih chuan vawi vangin ka thlan nasa bawk nen inbual ka duh ve a. Jenny emaw ka nu min koh sak la. * tih ka type a, a chhiar rual chuan min melh vut a " Ka nupui i ni tawh tho a ka tih sak mai dawn che em ni. " Nui sawng a a tih chuan ka melh rum tha ngang mai.




" Ka fiamthu a nih kha, hun kan la ngah a lawm. Ka nupui duhtak hi a la zak zum em a kan ko hram a nge. " Tiin a ding vut a, a chhuak ta chu en zuiin ka thaw hak. Ka haw emaw haw lo emaw inbual a ka taksa lum ti thlan nasa lutuk hi tih daih ka duh.




Rei loah Zorema leh Jenny an rawn in zui lut a, Jenny chu enge an rel tak zawh ka chak zek zek mai.




" Hetah inthlakna tur pawh a nei si lo a, kan in lamah ti zawk i la. " Jennyin a tih chuan lu ka bu rang ngang mai.




" Kan boruak kan hriat vek kha, tun a tan rih chuan kan in hi a chhuah san ka rem ti lo. Ka thawmhnaw a ha rih thei mai ang. Naktukah a inthlakna tur chu ka rawn la mai dawn nia. " Ti tu chu tlawh zawt mai a nia ka duh.




" Mut a hun tawh viau a ni, ka bual a duh si lo a tih pui vat la hahdam vat tawh teh se. " Ti nghutin min rawn pan a, min pawmin bathroom lamah min kal pui a. Jenny pawh chuan tihngaihna a hre bik lo nge min zui ve hna hna mai.





" Engpawh nise zanin chu i rawn haw hmel lo. Pa Lsa te chhung in an rem ti mai bik si lo a. Thinrim a in ti vak turin a chi ber si lo a. Zorema nu khan kan hruai che chuan rawn zui che a tum a ti bawk nen i rawn haw rih lo ang ka ring. Buaipui che hi in huam viau mahse Zorema hian a tlin rei kan ring lo fur a, a beidawn hunah kan lo hruai mai ang che. Bakah Duatin pasal a nei chiah a innei nghal thei in ni lo tih vel pawh an sawi a. Hahdam tak khan lo awm phawt mai teh. " Tiin kan in tihfai lai chuan min hrilh mawlh mawlh a. Bei chu dawng duh ngawih ngawih tak a ni.




Ka chhungte beidawng an haw hnu chuan khumah ka mu meng kar a. Zorema pawh ka bulah mu in mit a chhing a, a muhil em phei chu ka hre lo. U Duati room ruak a mut ka dil a, che thei si lo mamawh nei ta la min ko thei dawn bawk si lo ti hian ka bulah hadam deuh in mu rawh. Ka khawih lo ang che, kha leh chen kan in hria in i roomah pawh ka riah fo kha. I duh lo chung chu ka khawi lo ang che. Damlo I la ni bawk a, I damlohna rem changah ka la lo ang. Tiin a saai taap lam chu a mah pawn a ring lo nge a nui suk suk mai. Tun bak a ka damlohna remchang a lak hi a awm thei dawn em maw ni.




' I duh tak tak maw? Engtia rei nge min buaipui thei en I la. " Tiin Jenny in tih dan tur min hrilh ang khan minute rei lo te hnuaj bathroom a ka kal duh thu ka hrilh chhen a. Ka kut leh lam che thei ka hlim pui ber tum a ni hial ang. Tui ka in duh thu leh thil ka ei duh thu ka sawi sek bawk a. Phone kan in ban chhawk sek a, chu mi rualin bathroomah min pawm luh lo leh inhnuaiah a tlan thla zui a. Mu hman hian ka siam dawn lo a ni tawp. Naktukah haw ngei ngei ka duh. A mah Zorema hi chu lo dah tha ta i la a chhngte lakah ka in thlahrung dawn lutuk. Chuvang chuan min nin thei nan eng emaw ka tih a ngai.





" Mamawh I neih chuan min hrilh leh dawn nia. Ka muhil a nih pawn min kai harh hreh suh aw. " Ti thawp sup a min kuah bet chu ka khawngaih ve ta deuh. Tunah zing lam dar 5 a ri tawh. Zan khua in kan muhil lo a nia. Kei chu tlai a ka mut bakah zanlai a ka inbual vang khan ka harh tha viau a. Zorema emaw zingkar atang a farnu inneihna a buaipuiin nilengin a hah ve a. Ka tir kual reng bawk nen a chau viau ta ve ang.





Rei vak lo ah ka taksa kuah hlun a a mu chu rem lo zet chuan ka sawi leh a. Kan inah ka nu ten min riah pui pawh zanah hian vawi 2... 1 bak hi kan tho khat khawp. Zanin erawh kan mut khan zing dar 3 a ri tep tawh a, tunah dar 5 a pel hret a. Vawi 10 chuang kan tho tawh. Ka ti lui ve hrim hrim bawk nen.





A harh tak mai lohah chuan ka sawi leh dat dat a. Rum tuah tuah in min kuah nghet sauh a. Ka nghawng zawnah a hmai rawn phum in a thaw suk suk a. A chau ve ngang a niang. Kei pawh chuan ka ti harh duh ta bik lo. Ti kha chuan naktuk zan min awm pui leh chu a huphurh tawh viauin ka ring.




Min ngaihtuah vang tih hre tho mah i la tunah hi chuan ka nu sawi ang khan a chhungte kiangah chiah ka awm a ngai ka ti ve tho. Ka pa sawi ang khan nausen piang hlim ang mai ka ni rih bawk nen.




Ka mutthilh lai ka hre lo. Ka harh ve meuh chuan ni a tlangsang tawh tih hriat zetin room chhung chu a eng ut a. Ka awmna chu ka hai lek lek leh nghal. Bang a sana ka en chu dar 10 a ri tawh! Ka mut rei dan em em chu. Ka bul lah chu a lo ruak huai tawh leh nghal.





Ka harh hnu re vak lo a room kawngka chu a rawn ti rek a, ka hawi phei chu Zorema a rawn lut ve chiah a, a la hlim hmel vur vur phian leh nghal. Enge maw a hriat ni.





" I mutui thei maw? Bathroom i hmang duh em? " A tih chuan lu ka chet zeuh a. Min rawn pan in zo zet chuan min chawi nawlh a. Bathroom ah min pawn lut leh nul nul tawh. Zun vel hi chu damdawiinah khan min tih pui ngun bawk a ka zak lem lo. Engmah hmu lo in min hnung chhawn daih zel bawk a.




" I ril a tam chuan roomah emaw pawh hian ka rawn keng chho thei a, khawi zawk nge I duh? Chhuk nge hetah? " Tiin min chhuah pui pah chuan min zawt a. A awm dan chu a hahdam hmel riau leh nghal. Khum a min dah leh rual chuan phone ka ban vat va.





* Luhlul chhuah lo hian min haw tir mai teh nuam ka ti lo a nia. * tih ka type a. Ka hmuh chuan a thaw chhuak hawk mai.




" Kan in ru tawh a duh duh in i haw thei tawh lo tih hriatthiam tum la i tan pawh a hahdam ang. Kan in ruk hmasak a ka haw tir leh che a thil thleng kha ka la theihnghilh lo a chuvang chuan a vawi hnihnaah hi chuan tih sual ka tum tawh miah lo. " A ti nghut nghut mai si.





* min ning thuai dawn a nia. Ka dam fel hunah hetiang hi chu ngaihtuah tha zawk ang. * tih ka type leh a.




" Ka duh lo. " A ti bur mai si.



* In chhungkaw tan phurrit ka ni dawn a sin*


• hriatthiam tum la *



" Engtik nge i dam ang? " A tih sup chu type mai dan tur ka hre lo.




" Enkawl che hi ka duh a lawm. In in a I awm a ka hnai vai a I awm ringawt pawh khan ka hahdam pui lutuk tho che a mahse hetia ka bulah, kan inah leh ka roomah I awm a, engtik lai pawh ka kiang a I awm hian a hma ai zawngin ka tha in ka hahdam leh zual. I bul ka awm chuan engmah dang ka ngaihtuah ngai loh vangin ka damdawi tih chakna pawh an awm tawh ngai lo. Ka rilru zawng zawng I luah vek vangin. Chuvang chuan ka tan tal pawh hetah awm la. Aww.... I duh chuan zankhua in mu thei lo in min siam zantin mah la pawi ka ti miah lo ang.





Ka enkawl che hi rem ti mai la, ngawi reng a ka bul a I awm ringawt pawh hian chakna tam tak ka neih belh thin a nia. " A tih zawi sup takah chuan hnial mai ka hreh ta deuh.




" Chuan... Thil chu inhnuaiah nge roomah hian? " Tiin min zawt leh a.




*inhnuaiah* ka ti ta nge nge.




Inhnuaiah min pawm thla a, an lo reh diak mai.



" An chhuak vek tawh, zak duh suh. " Min pawm deuh luau bawk nen ka mit ka len ruai chu a hrethiam a ni mahna chair a min dah thlak pah chuan a ti sup a. An nula rawn lutin " Eitur ka lo siam dawn em ni? " Zorema en chuan a ti sep a.




" Kei man ka siam mai ang, tih tur dang va ti zawk rawh. " A tih let dut a. An nula pawh chu a kal sawn leh mai a.




" I sa duh ber sangha a awm a nia, lo nghak lawk rawh. " Tiin min nuih suk a. Gas bul vel a a che kual vel chu ka lo thlir reng ringawt. Chawhmeh vel a tih lum zawh chuan min siam sak vek a, ka sangha ei tur chu a ruh min then sak thlap a. Duh angin ka kut che thei lam pawn a la chak loh vangin min vil chawt a. Zoremsanga chiah a awm bawk a ka in thlahrunh duh ta lo. Awmzia a awm dawn lo bawk a.





" A vawi 5 naah chuan i lo tho ve ta tawk maw? " Hnung lam a rawn ti lawng lawngtu chu jenny a ni tih ka hre nghal. Chaw kan lo in ei tir mek min hmuh chuan a chek hlak a.




" Ti khan ka din jmun hriatfiahna zel a nih kha. In in a ka rawn vil ang khan rawn vil ve thung ru. " Zorema lah chuan a lo ti nui vur vur mai.




" Ka nu leh pa ten an ngaihtuah lutuk che a nizan pawh an mu mang lo. " A tih zawm zat a. Zorema lah chuan ngaithei lo zet in a lo rum khum nghut.





" I duh tawk em ni? " Fian ka dah takah chuan a ti sup a lu ka bu nghat.




" I lo kal bawk a thleng hi lo sil mai la. Roomah theihnghilh ka nei. " Tiin Zorema chuan roomah min chhoh daih thung.





" Kawlolian, thawhhai turin ka tih loh che kha, Zorema zawk a law thawh hai tir tur che a ka tih. I harh hma chu rawn hmuh che a rem ti si lo. Tukinah pa Lsa leh a nupui kha lo kal in ka pa te nen thu an sawi tha leh a.




I rawn haw chuan Zoreman rawn zui haw che a tum tak tak sia ti hian Zorema in huam chen chu heta cheng tur che in an sawi fel tawh. Kan hruai haw luih che chuan pa Lsan ' a u in pasal a nei zo chiah si a miin min sawi duh lutuk ang tiin ka pa a rawn ngen a. Ka pa pawn hreh viau mahse a hnial thei ta bik lo a nih kha.




" Kuminah chuan in innei thei dawn lo hrim hrim a, ti hian eng emaw chen chu I awm a ngaih hmel. A hma a Terini vang a kan mualphona tur lak a min thup mawi a an chhungkua zawk an mualpho kha ka pa hian a la hre reng a hnial chu a thei bik ngang lo a ni. Hrethiam mai rawh aw, kan ngaihtuah loh vang che a ni lo a nia. Kan rawn hmu ziah dawn tho che a, I mamawh hunah chuan min rawn text la ka rawn thlawk phei nghal a ni mai. " Tiin min hnem luam a. Sawi ve tur a vang thlawt.





Zorema a rawn chhuk ta bawk nen kan ngawi zui ta daih a. Jenny haw hnu chuan Zoreman physical therapy min lak pui a. Ka taksa che thei lo kam chu min hmeh sak in ka ke te chu a ti che kual a. A chang in min kuah dingin min pen pui leh thin. Rei lo te te tiin kan chawl leh a, ni leng chuan ka kiangah awm in hun kan hmang dun a, zep lo chuan nuam ka ti a ka hlim bawk. Zorema hmel nung sur leh tih luihna tel miah lo a hlim hmel tak a a nui ka hmu nileng thak a.




A hma ang chiah kan ni ka ti mai, a rilruah ka khat liam a ni ber. Tawng ve thei rih lo mah i la min be awl lo a. A hmel hmuh hahdam thlak lutuk chu ka hlim pui sawng sawng mai.




" Zonuni chu i lo tho harh peih maw? Nizanah i mu tha thei lo tih Bawihpuian a sawi sia ka ngaihtuah nileng thak che. Bawihan i mut ngai lohna hmunah i muhil laal thei lo tih a sawi bawk nen chhun lamah lo mut der der tur che a nia. A in huam thui bawk a i bul a mi kha ren miah suh aw. " Nu Ruati chhuak rawn haw chuan a ti siam siam a. Ka tih ve theih tawk lo nuih bak chu awm dan a vang khawp mai.




" Mamawh leh duh i neih chuan sawi hreh lo la. I tan a harsat pawh kha... Kapa pui rauh kha hrilh la, inthlahrunna tur a awm lo a nia. Hmeichhe buaipui chi bik a nih pawn ka hnenah sawi hreh loh tur aw. I nu leh I la pawh kan be tawh a, kan kutah kan ngai nghet bur tawh che a, thil min hrilh that duh lo a i in thlahrun pauh leh kan tan a nuam dawn miah lo a nia.




Nang chu kan chhungkaw mi leh sa hman atangin i ni kha, i hrethiam ti raw. " Tiin min be mawlh mawlh a. Ka hnaih a aam te tawngkam a tang chuan hetah hian ka awm rei hmel khawp mai.




Zoreman chhuah a phal loh chu thu hran, kan in a va kal phei chu a la phal lo nasa bawk nen zanah ka chhungte an rawn leng phei zantin ta ringawt a. Kan in a kal ka sawi chuan Zoreman " An lo chelh hlen ang che. " Tiin a hlauthawng em em ringawt si a. Ka chhungte zawkin min rawn pan nitin zantin ta chu a ni ber. Chutih rualin kan awm dan erawh kan zep thei hlawm khawp mai. Kan chhungkaw hnih inkarah chauh ri rih rawh se an tih vangin kei in a tawm reng ni ta bawk nen zep a awl phian a.




Kum inah chuan inneih a theih dawn loh vangin kum in chhung hian ka theih tawp in ka taksa tih pangai tum in ka bei ang ka ti rilru a mahse hma sawn erawh a har khawp mai.



❤ next ah last chapter a ni tawh ang aw


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:55 pm

Miracle Love 💕 by Amy Cck




Last Chapter - 47




Ni a liam ve zel a, thla hian a liam takah chuan kei pawh ka hriselna a tha sawt ta viau a. Ka haw an phal loh miau vangin Zoremsanga te inah ka lo in khung tluk tluk a. Engtik lai pawn ka hnaihah Zorema a awm reng a tih theih ang. Nu Ruati leh pa Lsa te, u Lka thlengin ka chungah an tha in min duat thiam em em bawk a. An chhungkaw tan hnawk sak bak ka ni lo tih tur ka ni chung pawn chutiang lam engmah an sawi ngai lo. U Duatin kan chungchang a hriat in an pa nen chaw ei a an rawn kal tum in chutia an in a ka awm chu a lawm zawk thu a la sawi ang deuh deuh a. A chhan pawh Zoreman engdang mah tih a ngaihtuahna dang pu hman lo lek a ka bul a a awm thin vang a ni a. Kawng leh lamah chuan kei pawn tha chu ka ti viau a mahse in thlahrunna chin chu a awm tho.





Kei pawh hma sawn chak viau in tawng pawh la nal lutuk lo in ka ti thei ve tan a. Ka taksa lam erawh duh ang in hma a sawn chak lo viau thung. Wheelchair ka la hmang ve zel a. Inchung lamah kan room a awm miau vangin kan chhoh erawh chuan pawm chhoh zel ka ngai a. Inchhung a zau bawk a Zorema nen kal te chu kan han in ti zir dum ve thin tak na in ka harsat thin khawp mai. Kei ka beidawn lek lek chang pawh in Zorema zawk min fuih phur a tan min lak pui a che hmasa zawkah a tang zel a. A nin beiseina a neih miau chuan tiin ka hnual rawih rawih chang pawh in a mah vangin ka ti ve leh hram hram thin.





" Bawihpui i nu nen kan lo sawi dun a zirna zawm leh lam hi enge i ngaih dan? " Zanriah kan ei laiin pa Lsan a ti a ka bul a thu pa lah chuan a peih loh hmel nganh mai.




" Tun ang kum tawhah hian maw? " A ti hluk chu ka va ngei tak. Chhang bul hmek hmuk lutuk mai.




" Zirna in kum bithliah a nei hlei nen. MA tal hi han chhuak law law la tha kan lo ti viau a sin. " Pa Lsa bawk chuan a ti leh a. Nu Ruati chuan Zorema chu a melh leh ralh thin. U Lka erawh chuan sawi ngai a ti ve lem lo nge ngawi reng in a hma zawn thleng a ei tur chu a ei mawlh mawlh a.





" Ka tui tawh loh bakah zir zawm leh pawh ni i la tangkaina a vang tawh ang. " Tiin a chhang leh ringawt a. Nu Ruati zawk chuan " I sawi ang khan I kum pawh a naupang tawh lo a zirna lam I zawm peih tawh loh chuan enge tih i tum? Ni leng leng a tlangval a pum pa in a in khung reng chu thil dik pawh a ni lo. " A ti zui leh barh barh a. Zorema chu ning tih hriat zet a thaw chhuak hawk pah hian a thil ei chu a tawp dat a.




" Nakinah chuan ka la thawk ve ang chu. Tunah chuan hna dang ka nei. " A ti deuh hmuk a. A thinrim ringawt emaw ni hepa hi. A thla tel meuh inah a in khung ve a kei mah ang mai in. A hna dang neih lah chu enga fang ni lo in nileng a kei min buai pui leh ka bul a awm a ni ringawt a. Ka tan chuan nawm pawh a nuam viau lo.




Zanriah kan kil zawh chuan common roomah thu in kan ti ti a, ti i la tv kan en a ni mah ang chu. U Lka erawh a leng chhuak thung a. Ka bulah Zorema chu thu in a phone a hmet mual mual a. Tawng thei ve naw naw tawh mah i la, ngai erawh ka la awh rih loh vangin duh ang in ka la ti ti ve thei lo a. Sawi duh ka neih pawn ka bei rei thei viau mai.




" Mami chaw ei kham thingpui hang i rawn thli dawn em ni? " Tiin nu Ruati chuan choka lam a an nula che rak rak chu a au va. Chumi hnuah ka lam rawn hawi leh in ka duh ve leh ve loh min zawt a lu ka lo thing vat thung. Zorema a zawt leh a, a ni pawh chuan a duh loh thu a sawi ve mai bawk.




" Ihh... Kan in lamah haw phei ve tawh ka duh a. " Pa lsa nen chauh an duh thu a sawi zawh chuan ka ti muang ban chap a. Chu thu sawi tur ringawt pawh chuan ka tan zia mai chu. Pa Lsa leh nu Ruati pawh chuan min rawn melh ve vat a. Ka bul mai a thu ngul pa pawn a phone khawih chu a hmet tawp chawt tih ka mit sir in ka hmu reng.





" Ti nge na i nei deuh em ni? " Pa Lsan a ti sup chuan lu ka thing leh ringawt a. Han tawng ve sawk sawk a ka duh ang sawi zung zung ka chak thin zia hi pui tak a ni.




" A nih chuan ngati nge chutiang te i sawi a? Kan bul a chen hi hreawm i ti ru viau zawk nge? " Nu Ruati zawk chuan a ti leh vat a. Chu pawh lu ka thing leh ringawt. Zoremsanga erawh a la tawng miah lo nang in min melh ngur tih ka hre reng. Ka en duh lo lui tlat a, en ngat i la chuan a meng thim rup ang chu.





" Mamawh i neih chuan sawi hreh tur a awm lo a nia. " Nu Ruati bawk in a ti leh sep a.




" Chutiang a ni lo hetia awm reng chu a dik lo em a, bakah Zorema tan pawn a buaithlak... "




" I haw dawn lo. " Sawi zawh hma hma in Zoremsanga lah chuan a lo ti hmuk a. Ka melh deuh ram thung.




" Nia, Zonun haw kher chu a ngai em maw ni, kan bul a I awm hi nuam kan lo ti teh a nia, ngawi reng a I lo thut mai mai pawh hian office ban te hian hah I lo ti dam veng veng a. I haw chuan kan khua a har lutuk ang. " Pa Lsa chuan a ti ve luam a. Ka inthlahrun an hlauh vang a ni tih hrethiam tur chuan ka upa tawk tawh viau bawk.




" Nia mahse hetia buaipui ngai reng a awm hi ka tan pawh a nuam lo a. Zorema pawh a tih tur tam tak ti thei lo in ka siam bawk nen. " Ka ti leh niah niah a. Zoremsanga rawn ding vut chu ka melh zawk a, a nu leh pa te pawh chuan an melh nghal vat.




" In bia ang. " Ti hluk in ka chhan ve hma hauh in min pawm lawp a. Engkimah a che rang zawk a nih miau vangin engmah ka tih a ka sawi ve hman hma in inchung kam stepah min pen chhoh pui nghal hlawk hlawk a. Tum bar a ka en chu min en ve duh thak lo leh nghal. A room kan thlen rual in khumah min nghat a, ka hmaah chuan a chair rawn dahin a rawn thu zui hmuk bawk.




" Kha tiang i sawi chhan kha ka hria a lawm. Chaw ei lai a ka nu leh pa thu sawi vang khan i in thlahrung tih ka hria. " Tiin thutak zet chuan min melh ngur a. Ka rilru chuan sawi tur a ngah a mahse ka ka hian a umpha lo a ni ber.




" Engmah in thlahrun na tur a awm lo a nia, tunah tih chuan i bulah ka awm a nga ka enkawl phawt ang che, i dam hunah hma te chu ka thawk thei reng a nia. " Dam zawk a tiin ka kut chu a rawn vuan a. Tawng tum chuan ka ang leh zauh thin. Ti nge maw ka lei hi a tawt tlat thin pawh ka hre thiam lo.




" Kei mah vang a i tih tur i tih loh fo hian nuam ka ti lo. " Ka ti chhuak thei tawk. Zoremsanga chu a thaw chhuak hawk a. " Ka tih tur chu ka ti reng a lawm. " Ti sup in ngainat awm zet hian a kiai suk a, lu ka lo thing nak thung.




" A nih chuan hna kal rawh. " Ka tih rual chuan a ner nawk thung a. Sawi leh mai ka tum a mahse ka beih tei theih em vang chuan ka kawr hma lam ip chu zen in phone ka la chhuak a. Ka malah chuan dah in ka lo tih tan leh ka ran tawh zawk ang chuan ka type leh ta ringawt.




* In a kan pahnih a awm chu nuam ka ti lutuk mahse thla 4 lai tiang hian kan awm tawh a, tunah ber thla kan chuangkai tawh leh nghal a i nu in dawr lamah pawh a mamawh ve ang che. Heta ka awm chuan min enkawl i ngaih vangin engmah thil dang i ti thei lo a, inthlahrun loh tum viau mah i la mi pangai tan chuan a thei loh. Ka lo va haw... *




" A nih leh hna chu ka kal mai ang. " Ka type lai a a lo hmuh theih vek vang chuan type lak lawh lai laiin a lo ti hluk a. Chek hlek in ka ner nang thung.




" Haw chu ka ngai tawh a lawm. " Muang chang chuan ka han ti a. Pakhata lah chu a ngaih dan a nih loh hmel bawk nen a hmel chu a tum lian ber bur viau.




" A tul lo, ka phal lo. " A ti leh hmuk a. Hahthlak ti lutuk chu ka melh ta ringawt. Naupang thil kawl a phal lo chung dil te pawh ka ang a lawm le min chan dan chu.




" Ka nu leh pa chu ka be mai ang. Hna pawh i duh te chuan ka thawk a nga, nangmah enkawl tur kan la zawk mai ang i haw ai chuan. " A ti bung nghut a. Lu ka lo thing vat thung. Tunlai a ka tih theih rang ber chu ka thil duh lo an sawi a lu lo thin hi a ni ringawt.




" Tunah chuan nang pawh i tha tawh a hetia innei lo a awm reng hi thil dik a ni lo. " Ka ti leh hram a. Ka tawng muang thei bik lutuk leh ka duh ang tak a thui pawh ka sawi thei lo chu ka thin a rim lek lek zawk.




" Ti nge ka bul a awm tur hian chelh i harsat em em a.? " A ti hluk chu ka en mawl tawp. Haw lam kan sawi a piang in a thinrim in thu hi a la kawi ziah ni mai hian ka hre tawh. Innei lo a hetia awm hi a zahthlak a a mualpho thlak lam hi a ngaihtuah duh miah lo a. Ka pa te pawn thil nih dan a ni lo tih an hria a rem ti chiah lo mahse pa Lsa te nupa in an ngen tkat vangin kan chung a an lo dawhtheih a thil tam tak min lo tih sak tawh vang khan an hnial hreh vang in an rem ti tih ka hria a. Innei pangai si lo a tiang a awm chu thil tha a ni lo tih hi hrilh fiah hrep ka duh a mahse ka ti thei lo hi ka buaina.





" Damdawi ka ban san a hetianga ka awm leh theih chhan hi nangmah vang a ni a. Damdawi ka khawih lai khan min kal san ka hkauh vang in nghei ka duh a, tunah ka nghei ta a mahse ka bulah i awm duh chuang si lo. Eng ti tur in nge min duh? " A aw chu a zawi ruih a, thinrim in sum zet hian a seh chilh nawk nawk bawk.




" Ka kal san dawn hlei nem che. Kei chuan..." Ka tih leh rual chuan ka thu sawi ngaithla duh lo tih hriat ngawih ngawihin a ding vut a corridor lamah chuan a chhuak zui hmuk a. Thaw hak in ka en zui reng ringawt. Corridor bar bawh chuan bing zet a in ngaihtuah ang mai hian van lam chu a hawi a. Tih ngaihna a vang bawk nen ka theih ang ang chuan khum lu lamah ka tawlh hrut hrut a. Ka in siam rem lai chuan rawn lut leh in engmah sawi lo chuan min mut that tir sawk sawk a. Kei pawn biak emaw ka tum bik lo. Ka mut fel rual in a mut lohna lam hawi chuan ka awm zui hmak a. Taksa leh lam chet tha thei lo tih takah pangai tak erawh in ka in her thei chuang lo.




Rei lo teah ka piah lam khum chu hniam sulh in light eng zawk chu a ti thim a. Ka hnaih te a rawn tawlh in zan dang a a tih ang bawk chuan min kuah nghal hlun a. Ka brngbulah muttui ti a a hmui a a rawn nawr vang vang rual chuan ka thaw chhuak halh thung.




Zingah pawh chuan kan in be miah lo a. Tuk dang ang bawk chuan bathroomah min hruaiin ka thil tih min pui char char a. Mahse a tu a mah mah kan tawng lo thung. Nileng chuan roomah ka in khung a, Jenny chaw hnu lam a a rawn phei takah chuan kei chu ka pangai leh tawh viau a. Zorema erawh Jenny awm tak vang nge a bike nen a in khalh chhuak a ni awm a. Pawi ka ti hran lo kei mah vangin thian a kawm tlem in inah a in khung ve ngawt ngawt thin sia.





Nu Ruati dawr atangin a rawn haw hma thin hloh a, a rawn haw takah chuan Jenny pawh a haw phei a. Kawt zawlah nu Ruati pangpar singsa chu ka en reng a. A lo tlai chak khawp mai rei loah u Lka leh pa Lsa pawh an rawn haw a. Zoremsanga leng rei lutuk chu ka mang ang hman hial.




A khat tawk a kawngka lam ka thlek leh thin lai chuan nu Ruatin Zorina te inah chaw a ei dawn thu a la sawi zui a. Heta ka awm chinah vawi khat mah hetiang hian min len rei san in chaw min ei chhuah san ngai si lo a ka rilru chuan ka lawm lo ve em em ringawt. Nizan vang khan a la lawm lo tihna pawh a ni mai thei.





Zanriah ka ei dawn chuan Zorema awm heh lo wheelchair a han kil mai chu a hniam ting tang bawk nen u Lkan min pawm in min pui ta ringawt a. A hma ang em em a taksa khawng ka ni tawh lo bawk a a bakah erawh buaipui ka ngai bik tawh lo. Zorema nen a innei pangai ni ta lo chu ka lakah tha viau mahse nuam tih lohna chen ka nei ru tho.





Chaw kan ei lai pawn min min ngaisak thiam in Zorema hna thawh tir an tum chhan ka ni lo tih te an sawi luam a. A kum a kum a nun tlahawl in mumal lo tak in a lo khawsa a, tunah hetia a pangai chhoh leh takah chuan hma lam a pan an duh vang tih an sawi a kei pawn ka hriat thiam pui lutuk. Ka dam hun nghah kha, engtik nge ka dam ang a hriat miah bawk si lo nen.




Zanriah kan ei kham chuan zan dangah pawh kan tih fo ang in sitting roomah thu khawm leh in chanchinthar en in kan ngawi thap a. Zanin chu u Lka pawh inah a awm ve mial a, nge a la hma deuh a a leng chhuak dawn lo zawk ni.





Kawngka lamah thawm a awm takah chuan ka nu leh pa leh Jenny an rawn lang ve nghal a. Zantin deuh thaw an rawn lang a, an rawn lan loh hi chu tlem te a ni mai. Chhun lamah Jenny hian min rawn awm pui ve thin bawk a. Kan din hmun heti a nih takah chuan an ni chhung pawh Bengalore lamah an chhuk vek thei ta lo a. Ka u erawh a chhukna a rei ve tawh a, Jenny leh Eddie hetah kan bulah an awm thung a. Jenny pawh a hna a chawl rih tawp a nih hmel.




Pa Lsa te pawh chuan an lo chhawn ve vat a. Jenny chu ka bulah rawn thu in Eddie chu a pawm bawk a. " Khawnge pakhata hi? " Ka lam a rawn hnai hret in a ti a, ka mit ka lo kan ak thung.




" Khawnge Zorema hi room lamah nge? " Ka pa pawh chuan zan dang a hmu ziah a hmuh tak lohah chuan a ti ve ta nge nge. Kha leh chen in hau ni si lo in ti thiam lo ni si lo in boruak a tha vak lo kha a nia. Tunah erawh heti teh daih a kan awm vangin boruak tih vhhiat viau pawh a theih tawh loh a ni ber.





Nu Ruatin vawin chu a leng chhuak a chaw a ei chhuak nghal tih sawiin a lo haw ve tep ang kan call chhin tawh a nge a ti zawm zat a. A ni pawh hian leng chhuak rei a ti ve tawh tih a awm danah chuan ka hrethiam mai.




Nu Ruatin a phone a a call rual in kawngka lamah phone a rawn ri zui nghal a. Kan hawi thap a Zorema pawh a rawn lut ve chiah. A kut leh lam in a helmet a khai a leh lam in a phone chu a keng bawk a. Zorema hmel kan hmuh takah chuan nu Ruati pawh chuan phone chu a dah leh mai a.





" Rin ai i rawn let har a, chanchin i rawn sawi mang si lo a. " A nu chuan a lo ti vat a. Kan lo thu deuh thap chu min melh kual a, Zorina te inah a len thu leh an sawm tlat nen a ei nghal thu sawiin u Lka bulah chuan a thu tha ve a. Ka lo melh reng chu min rawn en zawkin a sam chu a tuai zui phawk a.





" Thil sawi duh ka nei a. Kan awm kim lai hian sawi pawh a tha viau dawn in ka hria. " Thu tak deuh hian a ti sup a, a rawn haw chu kan boruak a uap phah churh mai hian ka hria. Min rawn melh leh vung vung vang chuan zawhna mit meng hian ka en a, mahse engtin erawh chhanna ka dawng lem lo.




" Zonunin haw a duh tlat chuan kei pawh in ka rem tih ve ni mai rawh se. " A ti thum leh dut chu kan vai mai chuan kan meng phawk vek mai. A hma zawng in he tiang thu hi sawi a duh ngai si lo a. Midangin kan sawi hlek chuan a thin a rim a a tum hmuk thin kha a nia. Kei mah ber pawh hi ka lawm nge lawm lo pawh ka hre lo e a.





" Mahse thil pakhat min tih sak ve thung turin ka duh cheu a. Dik tak chuan kei chuan kan bulah hian la awm reng se ka duh a mahse a mah ber hi thlamuang leh rilru nuam a a awm si loh chuan a tan a hreawm mai mai a. Kum in a ral ve leh pangai tak a inneih ka duh a. Zonuni pawn hma a sawn zel a, tunah tawng pawh a tawng leh thei tan tawh a. A la dam belh loh pawn kan inneih rem ti turin ka duh thung cheu. " A ti leh sup a. Tunlai hi enge maw ni kan chhungkaw hnihah hian ro hi a in ti rel ti tih te hian ka hria. Han zawm dawn loh a zawm tul tlat ang hian thu hi a sawi ziah leh nghal.




Tunah pawh puitling zawk awm khup mahse a sawi chu an pawm leh fur tawh. Kan awm dan vang hian a tu lam ve ve te tan pawh inneih lo chu chiin an hre ta bik lo a. A bikin kei mahni lamah phei chuan an inah a thla tel teh meuh ka cheng a, hmeichhe dang la lut leh daih se an ni aisa kan mualpho zawk dawn hrim hrim a rem tih loh chi pawh a ni lo.




Ka pa te lah chuan pangai tak a kan in neih hma chu ka let chu an duhthusam a ni bawk nen an hmelah chuan an hahdam hmel phian a. Zorema hmel ka va en chuan a ni pawh rin ai tak chuan a dam phian mai.




" A fal in Zonuni hi kan be lawk a nge, in rem tih chuan? " Tiin a ding hluai a midang ho chu rawn ang in lang mahse tu mah chu melh pawh a melh kual lem lo. Phal lo mahse min biak tum thodi hmel te a pu hial zawk in ka hria.




Choka lam a min pawm pheiin chairah chuan min thut tir a. Chair pakhat chu pawt chhuak in ka hma zawnah min si deuh tho chuan a rawn pawt hnai a. Chiang kel kawl a min en vung vung vang chuan min ti lai lek lek dawn mai.




" A tha e, ka tlawm ni rawh se. " A ti hmasa te te chu hrethiam lo leh hrilhhai lek lek chuan ka en a. A hmai chu a tuai leh phawk a.




" Ka bulah awm mah la hahdam tak a I awm loh chuan kei mah zawk hian hreawm ka ti leh tho zel sia, eng tiang hian nge maw I tih thin bik ni. " Tiin a nui leh suk a. Mahse zat erawh a zat hmel loh viau thung.




" Tun tum chu kan boruak in a zir lo em a ka ruk che hi ka sut leh ni rawh se. " Nuih in sum zet a a tih leh rual chuan ka hau in ka lo en thung. " Bakah ka nupui a tan ka hawn che ti eng ang mah i la tumah hian pawm hmel leh ka nupui ang a cheibawl che pawh an awm hran lo bawk a, kei ngei pawh in tun tum chu nupui ai mah chuan ka thiannu ang in ka enkawl che ni mai hian ka hria. Thian anga ka tih tur ang chu tiin ka bialnu leh ka hmeichhe hmangaih i nih ang pawn in ka tih tur chu ka ti bawk a mahse ka thla tam liam taah khan nupa ang a khawsak lai kan nei miah lo tih kan hre ve ve bawk a. Tunah tih chuan harsa tiin phal lo viau che mah i la ka kal tir rih ang che. Thla hnih a ral leh meuh chuan kum thar kan chuang kai a nga, pangai tak a innei in chu mi hunah chuan kan chhungte mai ni lo midang zawng zawng pawh in ka nupui leh ka ta chauh i ni tih an hre chiang tawh viau ang che. Ti chuan tha i ti em? " A tawng tawp rual chuan kiai sukin a mit ko chu min san uk a. Kei erawh ka lo ner nang thung.




" Kan awm dan tur chu i tel vek tawh kha, chu pawh min rawn miah lo in. " Ka lawm loh vang ni lo in ka ti ve hlak a. " A nih chuan ka sawi ang chu duh lo in haw phei pawh chu i duh lo tihna em ni. Chu ti a nih chuan ka hahdam deuh deuh. " A tih leh rual chuan ka melh rum tha ngei mai.




" Ka haw pawn ka dam fel hma chu... "



" Het.... Tun ang hian awm in hma sawn miah lo mah la kan inneih dal tu a nih ka duh dawn miah lo a nia. Pastor in zawhna a zawh hunah che ' ka pawm e ' i tih theih chuan a tawk mai. Chu mi chu tunah pawh hian i ti thei tawh bawk a. U Duatin kum inah ' tiam tlat e ' lo ti ve ker lo se chuan nakum kan nghah kher pawh a ngai lo tur. " Tiin a tap lam chu vui aw a ang lek lek.





" Zaninah ka haw phei nghal mai ang aw. " Ka tih chuan mipa naupang ang maiin a nur nang a. Mahse engmah erawh a sawi lo danah a phal a nih ka ring ve tawp. Jenny min rawn au lang lang in room a ka thawmhnaw lak a tum thu leh Zorema chhoh puiah a rawn sawm zui nghal a. Midang bulah min pawm pheiin Jenny nen an han in la a. A sawi ang tak tak khan an in a min hruai haw tirh a ka ru min ti tih loh leh haw ka tum a min chelh nan a kan in ru a ti hluk thin bak nupa ang a khawsak kan nei lem lo a. Nupa nun phei chuan hnai lo tak a ni, ka din hmun vang pawh hi a niang chutiang lam reng kan rilruah pawh a lang lo.




Zan mut a inkuah leh infawh tih loh chu engmah kan ti lo bawk a. Nu Ruati te pawh in ' i damlo kan enkawl che a ni ve mai, i rilru ti hah duh suh an ti ve bawk nen kan awm dan pawh hi ka hrethiam tawh bik lo. Zorema te an rawn chhuk hnu rei loah kan haw phei a. Mahni a kal thei ni hek lo Zorema bawk chuan min thlah phei a. U Lka lah chuan a nau fiam nan tak a la hmang zui a. Zorema lawm lo phun bul bul chu midang in an lo hlim pui ang viau thung a. Ka pa pawn " Kawng leh lamah chuan hlim tak leh fel fai tak in kan in thlah thei a a tha phian e " Tiin an hahdam pui ve viau mai.



*

*


" In an dawn tawh e, kan tlai palh a nge aw. " Ka room kawngka a rawn luh pah in ka u in a ti lawng lawng a. A nau neih chhun in pasal ka neih ve dawn meuh chuan a phur sur sur viau mai. Ka thiante chuan min kil laih a. Jenny lah chuan an inneih a ka awm lo kha a la na thar leh hnu hnawh a. Mahse kan ri leh dar dar thin a a hlimawm phian.




" I zam em? " Hma lam melh reng a ka thut laiin Zorema chuan ka kut vuan in a ti sup a. A lam haw chuan ka nui ringawt. Ka zam tih chu ka hreh ve si a chutih rual in a zam erawh chu ka zam viau lawi si. Kan in nei tur ka zam lam ai mah chuan mi pangai ang ka la ni ve lo bawk nen hreawm tih na ka nei ve pakhat bawk a.




" I bulah ka awm a nia, engmah a thleng lo ang, kan tih chhin ngun tawh em kha. Kha tiang ang chiah khan a ni mai. " Tiin hahdam zet hian a nui suk a. Kei pawh chu ka nui ve sak mai. Kan inneih kan kal toang oui dawn miau vangin rei lo te tal pawh din theih tum in ka bei nasa a. Wheelchair nen em a awm chu ka duh bik si lo. Ka pasal neih ni a ni a a kiang a rei lo te tal pawh din chu ka tum ruh viau vang nge rehearsal kan neih lai vel kha chuan ka thei ve naw naw kha a nia.




Kan hma a pastorin a thu a chham lai te chu ka khaiza tha khur leh der der thin vang chuan Zorema chuan a kuah in min kuah bet a. A awm leh mawi lam pawh a lang thei tawh lo a mah rin chhan chuan kei pawh ka ding tluan ve thei hram. Hun serh kan hmang zo pawn lam a chhuah kan tum chu mipui thutna tlar hmasa ber kan kal pel tur chiah chu Zorema zawk chu a ding thut a. Ka melh chho ha chu a hmel lan dan chu ka hrethiam lo.




" Ti nge? " Ka ti sep a. Mipui zawng zawng lah chuan min en thup a, kan ding lai ang reng sia, kei chhuah vat vat duh tawh nen chutia a awm chu ka ngei lek lek mai. Pawn kawngka bulah lah kan chhuah ve a thla lo la tur leh eng eng emaw ti turin an lo in ring thup bawk nen theihnghilh nei ang mai hian min melh vung vung leh nghal.




" Zoremsang... " Ka tih leh rual in a che vut a ka kang nghal nawlh a, ka lo in ring lo nen rak that in ka kut hman theih lam chuan a coat hmaah ka vuan tung bawk.




" I mawl a mi, min dah thla rawh. " Zawi si vin lek lek a ka tih lah chuan engah mah ngai lo ang mai hian a nui suk a, min sep deuh hlek in a pen nghal vut a. Ka hawi kual chu kan nu leh pa, kan inneihna min hriatpui tur a rawn in khawm mai bakah kan postor meuh pawh chu an hmelah mak tihna bak a awm lo.




" Ka zak a nia. " Ka ti hram chu kal pah chuan min melh zawk in " Kei in nuam ka ti. " A ti duh chauh leh nghal. Mahse Zoremsanga hmel ka hmuh erawh chuan kei pawh ka hlim veng veng mai, hun dang zawng aiin a hmelah hlimna leh famkim ngawih ngawih a inhriatna ka hmuh sak miau a. Biakin kawngka ka thleng dawn tihah erawh pawn lam atangin thawm a tha ngang mai. Min chhaih tawk leh a pawm meuh a min pawm chhuak chu mak ti hmel pu nen, min lo en dan chu a in ang lo nuai mai hian ka hria.





" Tunah chuan ka nupui i ni tawh a, min haw san tur thu i sawi tawh lo a nga, ka kiangah engtik lai pawh in i awm tawh ang ti raw? " Thla kan lak lai a ti sup tu chu melh chho ha in hlim zet chuan lu ka bu nghat a.




" Engmah ti thei lo in khum bet pawn awm mah la, ka kiang a i awm a, ka bulah i awm ve reng a ni tih ka hriat hian ka thla a muan phah thin a nia, chu chu hre reng la min kal san chu nung reng chungin mu leh mal ka nei ngai lo, Zoremsanga hi chu Zonunmawii bula a awm hian an famkim ber. " Kan hmaah thla min lak sak tur an zi nuai nuai a mahse a tawng zawi sup leh tak ngul erawh ka hre chiang viau thung.





" Chuan zanin hian chhuan lam ka ngaithla duh dawn miah lo a nia, virgin a nupui neih ka peih tawh lo a nia. " A tih chuan ka in sum hman lo ka nui chhuak hak a. Phun hluk in min pawm dan chu siam rem in min sep kang deuh zauh a. Terini nen an inneih lai khan nupa nun chu sawi lo khum khatah pawh vawi khat mah an mu dun lo a, Zorema sawi dan takin a them pawn an in si lo tiin min hrilh a, an inneih chhunga a an in biak rei ber leh an in khawih awm chhun chu Terini tlan zana Zoreman engkim a hre chhuak si an in hnial leh a insum thei lo rui bawk si kut a thak kha niin a sawi nghe nghe bawk.





Kan bul a ding te chuan min melh zauh a. Thla min lak pui neuh neuhtu an tam phian leh nghal a. Zorema lah chuan a pawm in min pawm run mai si a. Zoreman Zorina thianah a hmang a, keiin Diki ka hmang thung. Zorema leh Terini an in neih khan Zorina damsam loh lai a ni bawk nen Roa a hmang a ni awm a. Roa pawh tun hnuah fiamthu a la pah in a phun bul bul thin. Puipuia erawh hmun danga hna nei a nia, Christmas lai a a rawn haw tawh vangin chawlh a lak theih loh vangin ka rawn tel ve thei dawn lo tih a rawn sawi a, lo tel ve ngei se ka duh rualin a tan a nawm ka rin loh vangin ka nawr lui duh lem lo.




Thlalatuah Lawma kan hmang a, a in pe zo khawp mai, a khat tawkin an nu lamah a hmet leh thin chu ka bul a ding Diki chuan a lo hmu fuh thei thin bawk nen an in vin leh hlak hlak thin. A tam zawk chu in lamah an phei tawh a, kan thian ho deuh chiah awm tawh in thla min la lak sak tluk tluk a, sir lam atang min lo ti lai tawk an awm zel nen, a bikin kan camera man hian min ti kual kawi reng a. Ka thu ve hun a ti tlat a, tul lo pui puite min tih tir nasa mai.





" Kan haw ve hian kan mu nghal daih mai dawn em ni? " Ti ri ka hriat chuan min pawmtu chu ka melh nghek tumin ka hawi chho a, ka kawnga a kut chu ti ka ng hlek in ka hmuiah tak a hmuiin a rawn si nghal chawt a, ka meng zui kawk bawk.





" Click! Fuh lutuk, a dang zawng zawng aiin a fuh. " Lawma ti lawng lawng ri ka hriat rual in midang kan thiante chu an lo ri ve hluai bawk.




" A hma pawh khan ka hmangaih thin che a, chuan tunah pawh. Kan hun kal leh zel turah pawh hian ka hmangaih zual zel che in i kut ka thlah ngai lo ang. " Hnai tak a min en a ti tu chu nui sak in a hmuiah chuan ka fawp ve zeuh a. A thu sawi hi ka ring a, tum dinhmunah pawh min kal san chu sawi lo a nupui ni tur a min sawm vang hian khawvel a hmeichhe hlim ber ka ni a. Ka chhiat ber lai leh chet pawh che tha thei lo ka nih lai a min chelh tlat avang leh beisei engmah nei lo a ka bul a a awm tlat vang hian kei pawn engtik lai pawn a kut hi ka chelh a nga, kan hma hunah eng ang a hardatna leh buaina pawh tawk mah i la a hlim thla ang maiin a kiangah ka awm a nga ka zui zel ang tih hi ka thinlung zawng zawngin ka tiam let ve bawk a, chutianga ka awm thei nan Pathian hnenah ka dil awl lo bawk ang.




" In lamah phei tawh ang u aw. " Zorema ka en vang vang lai chuan min rawn en ve vutin a ti sup a. Lu ka buk nghat rual chuan a chal ti chuar tup in " I tap em ni? " A ti zawi nghal ruih mai.




" Tunah hian kal thei lo in che tha thei lo mah i la ka hlim in engmah dang ka mamawh miah lo. " Mittui tling pam chuan ka ti a, chutia ka sawi takah chuan a hmel rum deuh uk kha bo nghal duak in ngainatawm zet hian a kiai suk a, ka tan chuan hei tluk a hmuh nuam leh hahdam thlak hi a awm kher lo ang.




* A TAWP TA *




💕💕💕 a hmawr kan bawk fel ve ta hram kum 2 em chu kan hmang bik lo 🤣🤣 duh khawp loh lai pawh a tam ang, a last dawn dawn a ka buai zual chuk2 mai si a. Remchang hmasa berah Selfish Love Season 2 nen in hmuh leh vek kan tum dawn nia 😘 chutah chuan Zorema leh Zonuni pawh hmuh leh zeuh2 in beisei bawk i la. 💕💕


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)