Miracle Love by Amy Cck (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Miracle Love by Amy Cck (Completed)

Unread post by Ngaia » July 10th, 2022, 5:52 pm

Miracle Love 💞 by Amy Cck



Chapter - 31



In ka luh chuan ka nu chiah a lo meng tawh a ka hahdam huai mai. Roa vang in bear rim ka nam ther ther sia in lo mah i la ka pa in a rim a hriat ka hlau ve tho bawk nen. Ka nu chuan a rin ai ka haw har thu a lo sawi ve bawk a. Kan haw ni la la a hah pawh hah chawl lek lo a ka chhuak chu mak min ti deuh a niang. Mahse Zorema vang a ni tih an hre tho a hauh chu min hau lem lo.




Ka nu pawh a chau deuh nge la leng la haw takah chuan mu tur in a lut a kei pawh ka room lam pan in ka chho ve nghal a. Ka roomah lut in thil dang ti khaw muang lo in bathroomah ka lut tlang a. Inbual hmasa leh te te in mut ka in tin tuah meuh chuan dar 11 a lo hnai kuar tawh. Mutthilh mai ka tum chu ka la harh tulh tulh zui a. Zanin a Zorema awm dan mawlh kha ka ngaihtuah let a, a tir kha chuan min thawng bawk nen rilru nawm loh phah nan ka hmang lo kha a nia. A khawsik vang khan kan buai zawm leh mai sia. Tunah la ngaihtuah leh hian ka awm chu a ti nuam lo tulh tulh.




Ka phone chu hmet engin va call leh mai chu ka tum a mahse a mahse kan haw dawn khan a muhil chiah bawk nen naktukah ka zawt chiang mai ang tiin ka be duh ta lem lo. Ka chau ve tho bawk nen ka mut chu la chhuak chiah lo mahse mit la chhin luih takah chuan ka muhil zui ta riai riai.



*


Tuk dang ang bawk in zing chu ka tho hma leh lem lo khawp mai. Inhnuaiah ka chhuk a ka nu in rawng a lo bawl a, a bulah ka pa in chanchinbu a lo chhiar thung. Kei erawh ka tih dan thin in pawn hmunphiah la in ka chhuak zui a. Kawm char lam atang in ka phiat tan a. Hnah thel ro pawh a lo tam ngang mai. Kan zin chhung zawng ti fai tu an awm lo bawk a. Zingkar pum hlum chu tih fai nan hun ka hmang ve ta tawp.




" Kan kit tawh mai dawn em ni? Kawt a ti hnawk hma riau. " Ka pa rawn chhuak chuan a ti a ka lo phal lo nasa. Zorema nen a ruk a kan in hmuh ve theihna awm chhun a nia. Kan kih daih chuan zanah ka roomah a rawn chho thei tawh dawn lo tih ka chiang bawk nen boruak a tih nawm thu leh ka room ni rawn sa lutuk tur a hliah thu vel in chhuan lam ka siam zui luam a. Ka pa lah chuan a zar tal la thlak i la a tha ang a la ti hram. A upa ve tawh bawk a a hnawk tham ve deuh bawk nen ka hnial duh ta bik lo.




" Vawin lam damdawiinah i kal leh dawn em? " Tukthuan kan ei laiin ka pa in a tih chuan ka lo aw rang ngei mai. " Zorema chu enge a an reng reng a? A pa sawi dan kha chuan a zia tawh viau kha chu a tia. Zuala lakah pawh FIR an theh lut a an man nghal ni tur a ni. Ti lo se chuan kei mah nin kan tih ngei a ngai ang. Terini zawk a khawih tum a lo ni bawk nen. Zorema lakah pawh lawmthu sawi kan ba nasa a ni. " Ka pa bawk chuan a ti charh charh a.




" Chuan Bawihte hetiang thil a thlen takah chuan Terini pawh koh let mai i nu nen kan ti a. Hmeichhia a mah chauh in in a luah a. Tawh sual a tawh leh pawh a hlauhawm a. Tunah chuan hun pawh a liam nuam tawh a in in mil lohna pawh kha paih bo a tha tawh viau a ni. " Ka pa bawk chuan a ti leh a. Ka nu pawh in ka lo hnial hlau zet in ka pa thu sawi chu a lo tui hnih ve bawk.




" A tha lawm mahse a ngai ang a in ngeih tak a kan awm kha chu beisei bik suh u. " Ka ti ve hmak. Ka pa chuan hahthlak min tih hmel zet chuan min en a " In hauh chang leh kan thu in hmuh loh vang a in mil lo chang te chu a awm ve thin mahse tun tum chu i awm dan hi hriat thiam har la ti lek lek thin. Engpawh nise ko let phawt i la zawi zawiin kan in chingfel thei turah ngai ang. " Muang ban charh hian a ti leh a ka chhang tawh lo thung.




Kan chaw eina seng fel sawk sawk in damdawiin lam a kal tur chuan ka in siam a, Zorema pawn kan chaw ei chhung khan ka morning wish a rawn chhang let a. Damdawiin a ka kal tur thu ka hrilh zui nghal a nih kha.




Kan in atanga chhuak in taxi stand lam ka pan tur chu Zorema te gate atang in u Lka a rawn in khalh chhuak ve hlawl a. Kawngsir a ka kal chu ka zawnah a rawn ding zui dat. " Mama kan i tum em ni? " Glass down a a tih chuan nui sangin lu ka bu nghat a. Chu lam a a tlan dawn vangin a rual a kal tur in min ti a ka hnial ta bik lo.




" In zinna chu a nuam bawk maw? Puipuia khan in in hmuh thin thu te a rawn sawi a. I rawn chho tur chu a ui viau lo che maw? " Damdawiin lam pan a kan tlan chhuah hnu chuan a ti a. Nuam ka tih thu vel te chu ka sawi ve luam a. " Kan monu hualah ka ngai hmiah che a nia. " Min melh zawk a a tih chuan phawk zet in ka melh let a. Zorema nen kan inkar hi a lo hre ve tawh em maw ni le .



" I va meng phawk ve Puipuia rawn zir chhuah veleh kan ti huk ang chu. A rawn haw zui khan in in hnim hnai viau khan ka lo hria a. Zorema leh Terini hi kan suih zawm phei chuan chhungkhat kan ni der dawn tihna a ni mai a. " A tih zawm leh a ka ngaihtuahna ni lo lutuk a sawi chu awm dan tur ber pawh ka hre lo , za lo fahran in ka nui tawi tak ringawt.



Puipuia ni lo in Zorema ka duh zawk a kan in ngaihzawn mek thu leh Terini nen an in ngaihzawn loh thu chu sawi khum chiam mai ka duh ut ut a mahse ka in sum leh ta zawk. Damdawiin kan thlen chuan kan chhuak dun a. Heta thawk a ni miau lo a a hna lam a a kal leh hma in hmuh lawk a tum thu a sawi ve a. U Duati thawhna zawk a ni bawk nen an ngaihtuah lutuk lo thu te chu a sawi ve a.



Cabin kan thleng a Zorema leh nu Ruati an lo awm a. Min hmuh rual chuan a nui suk a. U Lkan eitur a ken ve chu a pe a, nu Ruati chuan min lo be nghal siam siam a. Zorema sir ah chuan ka thu thla ve nghal a. Nizan kan kal san aisa thlawt chuan hmuh a hahdam thlak deuh.




" I khawsik kha enge a an a. Ka ngaihtuah lutuk che a nizan khan ka rawn be leh tep che a. I muthilh ka ring bawk nen rilru nuam lo deuh in la mu ta ngawt. " Ka ti zui barh barh. " Nizan chu rin ai a mutui phian a. Vawinah a thuina hi an phele sak dawn a. Tunkar bak kan awm tawh lo ang. I va fel reng reng ve in zin I chauh dawn teh lul nen. " Tiin nu Ruati chuan min lo chhang a.




" Inah pawh awm i la ka rilru a nuam chuang si lo a. Ka awm loh lai kher in a lo in ti na bawk nen. Tun atang chuan ka vil deuh chawt dawn class kan tan leh hma in a dam hman loh hi ka hlau teh a nia ka driver a ni bawk nen. " Tiin ka fiamthu hliai a kan nui ho dar dar mai.




" Nang ni pahnih lah hi ti hian in in zui ang det det a, in kawppui zawnna te hi in lo in dip a nge." U Lka chuan a rawn ti a ka nuih mai mai laiin Zorema erawh a tum luau mai. " Nu Zonuni hi monu tan i duh mai lawm ni? " Zoreman a tih chuan ka thutna lam a a kut chu ka sik vak ringawt. " A ni ang nula te chu tu nge duh lo ang. " Nu Ruati lah chuan uang zet in a lo ti let a. Ka lai lutuk chu ka sa pup pup thei.




" A nih chuan ka nupui atan hual mai i la. " Min rawn melh ralh in a la ti zui. A chhungte hi hrilh ve tawh a tum zawk nge ni. Lo tum pawh nise tunah kher sawi. Min hrilh lawk sa ve awm a nia. " Hual mah i la a mah hian a duh dawn em tih a ni. Kei mah zawk hian ka lo nei daih mai dawn emaw ni? " U Lkan a tih chuan ka ner nasa ngei mai.




" A duh zawng chi i ni lo. Engtikah nge hmanni a nurse te kha i rawn hruai haw dawn? " Zorema chuan a ti zui hmuk. An unau an in fiamkual na lamah kan in kar chu engmah an sawi zui ta lo a. Rei vak lo hnu in u Lka pawh a hna lamah a kal a. Nu Ruati bulah nileng a ka awm pui hman thu ka hrilh chuan dawr lamah ka va kal san ang che u a ti ve a. Zorema lah chuan a lo phal nasa mai.




" A tawpah chuan kan pahnih chiah in kan awm thei ta. " A nu a chhuah rual chuan a ti a ka lo ner nang. " Ihh... Nizan a I thu sawi kha ka ngaihtuah chiang a, enge I sawi kha awm zia? " Tiin ka melh kalh a. Nizan kha chuan hmun hla deuh a kal tur ang mai khan a tawng kha a nia. Ngaih chu a tha duh vak lo.




" Enge la sawi ? " A lo ti liam puat chu ka melh zui rawm. " Kha tiang hun a thlen leh tawh lo tur thu te, chuan ka nat I phal loh thu te pawh I sawi kha aw. " Lungawi lo ru zet chuan ka ti leh a. Zorema erawh a hmelah nuih zatna a lang thei.



" Ka inhliam vang hian ka ti mang ang che sia chu mi ka sawina chu maw le. Bakah kan in kawp atang in Chrismas kan hman hmasakna ber turah kan awm hrang sia chu mi ka sawina chu maw le. Ka khawsik khan mumal in engmah min hriat tir lo. " A ti liam puat a. Engmah hlauhthawn tur a awm lo ni a ka hriat tak chuan ka hahdam huai mai.




" Kum in Chrismas chu kan hmang dun tawh ngei ngei dawn nia. " Tiin ka nui ver ver a. " Ka beisei. " Ti sup in ka kut chu a rawn la a, a hmer zui vang vang mai. " Ti nge i ring vak na nge? " Tiin ka fiam leh a lu thing in min nuih leh suk a. " Kum in mai lo pawh kum lo la awm zet tur hi i bulah hian hman ka duh. Chrismas chiah ni lo in engtik lai pawn i bul a awm hi ka duh. " Thu tak zet a a tih chuan ka ngaih chu a ti tha lo leh tawh.




" Ti nge kal bo mai tur ang a i tawng tlat a ka hriat. Engkim chu a tha vek maw? " Ka ti ta ngawt. " Kal bul a i awm chhung chu a tha vek. Min zin san chhung khan ka ngaih hman zia che ka lo ngaihtuah a. Loh theih loh in kan in kal san hi ngai ta se ka nung thei a ngem tih hi ka hre lo. " A sawi zawh rual chuan a nui leh suk a. Kei erawh la nuih chu a za ve miah lo.




" Chutiang ngaihtuah suh, a thleng ngai dawn miah lo. Zoremsanga hian min then a nih ngawt loh chuan kal san che ka tum lo. Ni lo... Min then pawh ni la ka then ve hma che chuan ka kal san dawn lo che. Chuan... Nang hian min then ngai dawn lo tih ka hre bawk a. A awmzia chu kan in then ngai dawn lo tihna a nih chu. Ka sawi kha ka pasal lo tur chu ka ngaizwng dawn lo tih. " Tiin ka melh chho a a lo nui ve suk.





" A nih chuan kan in then miah loh nan leh kan inneih vat theih nan Pathian lo dil ziah rawh aw. I dilna chu a chhan loh phal ka ring miah lo. " A tih ve takah chuan nui sang in uar zet chuan lu ka bu nghat nghat a.




Nileng in ka awm pui a. Tlaiah a thiante an lo kal leh a. Mahse Zorian erawh a tel ve leh lo. An sawi danah tunlai chu a rilru a hah in a buai ve em a thian kawm lam a lang lo a nih ka lo ring ve ngawt a. Thla leh mai hi a mah luhkhungtu hmeichhia khan nau a neih hun tur a ni tawh tih an sawi a. A fa a lo nih tak tak chuan Zorina pa in inneih tir a tum tih Dinpuian a sawi ve nel nual a. A hmangaih miah loh nei chu a hreh ve viau niin a lang.



Tlaiah U Duati duty a zawh hnu in Roan min thlah kawi a. In ka thleng a kawngka min lo hawn sak tu vang chuan ka meng buai nak. Zingah khan ka pa khan koh haw a tum thu kha chu a sawi a mahse tun tut tut a tihnaah ka lo ngai miah lo a.




" Lo lut la. " Nui sang in Terini chuan a ti a. Chang let lem loin ka lut hmak thung. Mi hi ka ngeiin ka haw ve mai mai ngai lo, mahse ka huat tawh vek vek erawh chu haw tak hi ka ni ringawt. Chuvangin Terini pawh hi engtiang pawn ka lakah that chhuah mahse ka mil tawh kherin ka ring.





" I lo thleng a. Zorema chu a chhuah theih hmel tawh em? " Ka nu a lo ti a. Vawinah a thuina an rawn phelh sak thu leh a rei nerah tun kar bak an awm tawh ka rin loh thu chu ka sawi ve a. Terini pawh in a mah vangah hlim a tuar chu hreawm a tih thu te a sawi ve sep sep a. Ka nu chuan a thiam loh a nih lo tiin hnem mahse kei erawh chuan khawngaihna chhete mah ka nei miah lo thung. Khawngaih ai chuan a mah vang a ka Zoreman na a tuar chuan ka lo thinrim hlur tawh zawk.




" Ka han in thlak teh ang. " Tiin ka roomah ka chho ta daih a. Ka in thlak laiin ka room kawngka chu an lo kik a. Chu mi rual in Terini a rawn lut nghal zat. " Enge i duh? " Nem lem lo tak chuan ka ti a.




" Min lo haw viau a ni mai. " Nui sak a tiin ka room chu a thlek kual vel a. " Sawi tur i neih loh chuan chhuak rawh. " Ka lo ti hmak thung.




" Tehreng mai. Tak a patean heta cheng leh tur in min ti a sin. " Min melh ralh a a tih chuan ka in seh ruh nghal tang.



" Ka hria lawm. Ka phalna thlap in a nih kha a sawm che. " Thinrim viau mah i la rim lo ang tak chuan ka ti let a. A chhan pawh ka thin tih rim kha a tum ber a nia. A tih tum tih hlawh tlin tir ka tum lo bur.




" A ni maw? Lawmthu ka hrilh che i phut tihna em ni? " Ner sak a a tih chuan ka nui lui hak a. " Phut let neiin thil ka ti ngai lo tih chu i hriat kha. Bakah i thinlung tak in i lawm lo tih ka hria a i lak atang chuan la beisei lo. " Ka ti khum leh ngat.




" I lo fing tawh hle mai. Mahse I hriat kha nang aiin pen khat in ka hma ziah tih. Chuan nang hian kei hi min hneh lo tih pawh i hre chiang ber ang. " A rawn ti leh ngat a ka nui hul hak thung.




" Hneh lo tur che pawh in in elna kan nei tih reng ka lo hre lo a. Ka hriat chinah chuan nang hian kei hi a er in min er ngat ngat zawk a ni kha. Tunah chuan kan in atang in ka pet chhuak reng che a. Chuan kei mah bawk in ka la lut che tih theih nghilh suh. " A huat tur zawng chuan ka ti ve ngat a. A mit meng chu a ling hlar mai.




" Nang hian min pet chhuak ni lo in kei ma duh thu a chhuak ka ni kha. Chuan tunah pawh hian lawm viau mah i la hetah rawn let ka tum lo a nia. Patea ten min ngaih sak em em tih ka hria a ka duh tawk rih. Nang pawn i hria i chhungte ngaihsakna ka dawn nasat zia chu. Chuvang chuan i lak atanga ka lak leh tur chu... " Tiin a nui sak a. Ka lamah rawn pen hnai hret in " Zorema hi ti ta i la. Ka duh tulh tulh mai bawk si a. Vawi tam tak min lo pui tawhna ka ngaihtuah let phei chuan kal san hi ka phal thlawt lo. Tu nge chak na chang tih kan en dawn nia. Chuan.... tum tum chu ka hrilh lawk che a nih chu, ka hre lo i tih tawh loh nan. " Tiin min nuih sak a. In her in a chhuak chu ka melh zuk rawm mai.




" A ni kher hi chu hnaih buai lo law law rawh. A hma khan a hnawl chiang biau tawh che. " Kawngka bul a thleng chu ka thu sawi vang chuan a ding dat a. " Mi rilru hneh la thiam zia chu i hria kha. Beih tang tangna chuan rah a chhuah ngei ngei bawk a. Ka ta a la ni khawp ang. " Tiin a chhuak zui a. Thinrim zet in khumah chuan ka thu hnawk thung.




" Zorema kher chu ka lak tur che ring suh. " Tiin ka phun sep a. Rei lo teah inhnuaiah ka chhuk a. Zanriah kan ei lai in ka pa chuan kan in a rawn let tur chuan a sawm ta ngei a. Terinii chuan min rawn melh zawk a.




" Ka duh viau a mahse inhrang ka chang ve lak lawk tawh si a. Ka lo let a nih chuan miin mahni pawh in chawm zo lo tiin min sawi ka hlau a ni. Bakah ka tan pawh inrin tawkna ka neih nasat phah a. Sum lamah harsatna ka nei hran lo bawk nen. Kan khua kan in luah man bakah hetah nu Ruati duhsakna in ka rem chan dan in an dawr lamah hna min pe zel bawk a ka lo let a nih chuan ka tan hian a nuam lo zawk ang. " A ti ve siam siam a. In lak fel kual hi chu a thiam thlawt. A hma ang kha chuan rilru pu i la mahni ke a din a duhnaah hian ka fak in ka tluk lo pawh ka in ti leh ngei ang. Mahse tunah chuan a thu sawi leh awm dan zawng zawng hi ka ngai kawi zo vek tawh. Tunah pawh tum dang nei turah ka ngai nghal hmiah bawk.




" Tawh sual te i tawk tep a nia, kan ngaihtuah che a ni. Zorema phei awm lo se i nunna pawh i chan thei tih i hria em? Chuti chung chuan mahni a awm chu i hlau lo a maw? " ka pa chuan a ti ve a. Kei leh ka nu erawh kan tawng ve lem lo.




" Thihna te chu mitin chunga thleng tur a nia. Pate thihna hian mi kal kan daih zel a lawm. Ka pa te rual khan kal ve thei reng ka ni a mahse ka vanneih vang nge vanduai vang zawk ni ka him bik a. Mahni in tih hlum ka tum lai pawn nangmahni hmang in Pathianin min pui zel a. Tun tumah pawh Zorema vang in ka him leh a. Chutiang kan hlau zel a nih chuan a buaithlak lutuk a nga sin. " A ti zel a. Ka nu lah chuan puitling a lo ti nang bawk.




Zanriah ei kham ve leh ka roomah ka chho hmak a. Zorema bia in ka rilru chu tih thawven ka tum lui hram hram a. Ka rilru erawh chu Terini thu sawi ka ngaihtuah in a hahdam thei tak tak lo. Mahse Zorema ka ngaihtuah in a ni chuan kei chiah min ngaihtuah a, kha leh chen hmeichhe dang hnaih chu sawi loh melh pawh melh ngai lo a kei chiah min en thin tu khan tun a takah min kal san chhan tur a awm lo tiin ka in hnem leh ringawt thin.




Ni a liam a class kan tan leh meuh chuan Zorema pawh damdawiin atangin a chhuak hman tawh a. Ka hlauhthawn ang aiin kan in kar erawh a tha a. A hma zawng aiin min duat in min ngaihsak in ka bulah hun a hmang tam zawk bawk.




Nidang ang bawk in class kan la a. Kan thian thum hian university lamah chuan kan in kawp deuh chawt a. Thian siam belh pawh kan tum hran lem lo. Break ah thil ei tur in kan chhuak a, corridor a kan phei laiin Siamsiamin " Saw saw Zorema a ni lawm ni? " Tiin kan hma chu a en a, ka en ve chuan bike in chak zet in campus chhung a tlan chhuak tur chu ka hmu hman vuai chauh.




" Enge a tih dawn le class kan la nei sia." Siamsiami chuan a ti zui vang vang a. Kei pawh chuan engmah min hrilh lo bawk nen mak ka ti ve tho. " Ngaihtuah vak thin suh a bialnu a awm ve reng hi. " Opi lah chuan a lo ti fiamthu a Siamsiami chu a lawm lo nasa.




" Mak ve e, kan lo duh ruk ve em em mipa chu a duh lo ber a kan ngaih in a nei bik a. " A tih chuan ka in sum hman tawh lo kan nui ho dar dar a. Higher kan kal lai atang tawh in Siami hian Zorema hi a lo duh tawh a. College kan kal a Opin a duh leh a tunah kei nen kan in zui daih hi an sawi ve nasa thei a nia.



" Nang ni pathum chu class in va ngeih cher cher ve. Hmuh in khat riau mai. " Canteen lam pan a kan kal chu Lawma te thian ho kan tawk a nui vur vur in min lo ti zui.




" Class i kal khat vang mai mai a nih kha. " Ka lo tih chuan a lawm loh hmel ngang mai. Thil ei tur a kal an lo tum ve mek bawk nen kan kal ho a. Class in ang lo tih takah kan in hmuh khat in kan in hmuh pawh hian pangai tak in kan in be ngai lem lo.




Kan chawlh pah chuan Zorema biak tum in ka call a a lak theih loh vang in message ka thawn ta tawp a. Tlai kan ban thleng pawh a biak theih a a awm tak lohah chuan ka thian te rual in bus in ka haw ve a. Tum dang aiin in pawh ka thleng har ta reng bawk a.




Zanah vawiin a kan zirlai ennawn pah in Zorema chu ka nghak deuh ren rawn a. Ka call chu sawi loh ka message tak ngial pawh min la chhan let loh vang chuan ka ngaih a tha lo rum rum tawh. A khat tawk in tukverh lam ka melh sek bawk a.




Ka hmai a kut lum thur thur in min kawih tih ka hriat rual in ka meng nghal kawk a. Ka lehkha zirna dawhkan bawh in ka lo muthlu tih ka hre nghal. Ka sirah chuan Zoremsanga lo thu ve in dawhkan a kiu nghat in a biang dawm chung chuan uluk deuh hian min lo en a. A hmel ka hmu chiang chu thawh phan pawh awm lo in ka thu chhuak nghal zawk.



" Ti...ti nge i hmai kha? In in sual leh em ni? " Ti nghal chul in khawih mai ka tum chu ka kut a lo vuan bet chawt a. Hrilhhai zet chuan ka melh nghal vat.




" Ka tha. " Tiin ka kut chu a a hum zui hmiah a. A hmai khem leh pilh chu ka melh kual ruai a. A mit meng sen rum chu a thinrim vang ni lo in zu a in vang a ni tih ka hre zui nghal bawk.




" Zu i in ti raw? chuan in in sual bawk a. Tu te nen nge in in tih buai a? Heng vang hi em ni ka call pawh i lak theih loh. " Ka rilru a zawhna awm chu ka zawt nghal zung zung a. Lu thing in a thaw chhuak ham ham a.



" Zorina nen maw le, chuan ka phone ka ti chhe bawk a. " A tih chuan hrilhhai zet in ka en ringawt.



" Enge i sawi awm zia. Ti nge Zorina nen chuan in in sual? " Ka ti leh vat. Thian mai ni lo unau ang tluk an nia. In sual chhan tur hi an nei pawn ka hre lo.




" Zorem... " Min en ngawt ngawt vang chuan ka ti leh sep. " Ka ti thei tawh lo a ni. " Tiin thawk chu a la hawk a. Ka kut chu a hmer nghet zual sauh a. A awm dan chu ka hre thiam lo.




" Ka tum viau a mahse hetiang ringawt a awm chu ka theih tawh lo. Kei mah vang in i rilru ti na lo la, kei mah vang in tap lo la, damloh phei chu damlo miah suh aw. " A kut leh lam a ka biang rawn dawm in a ti sup sup a. A awm dan chu a harhfim hlawl lo tih ka hre thei.




" I sawi awm zia ka hre lo. I rui rih e mai muhil phawt rawh aw. Zan in chu tah riak leh mai rawh a tlai tawh si. " Tiin din ka tum chu a thu rawn sawi vang chuan ka tawp chawt.




" Tunah khan engmaw i sawi? " Ka hma a mipa thu chu hrethiam lo zet in ka en a. " Ti hian kan inkar chu duh tawk tawh ang. " Sawi zawi viau mahse a thu sawi chu ka hre chiang lutuk tlat.



" Nang hi... I rui mah mah a nih hi. Mu la naktukah kan in be dawn nia. " Nui ro halh chuan ka ti a. Ka hma a mi erawh in a lu chu a thing nghut a. " Tunah... Tunah ngei hian sawi ka duh. " Tiin ka kut chu nghet zet hian a vuan a.



" A der a nun reng hi ka ning tawh. Hlim miah si lo a nuih der te... Ka... Ka a thei tak ngial dawn. Ka thei tawh thlawt lo. " Rilru nat hmel zet a ti tu chu hrilhhai zet chuan ka melh tlawk tlawk a.



" Nang hi ti nge chutiang te i sawi thut a. Engmah i sawi awm zia hi ka hrethiam lo. " Nui ro halh in ka ti a. Min fiam a nih te ka ring rum rum. " I rui mah mah a nih ka ring. Tho rawh mut hma in in tleuh zuai rawh." Tiin ka ding a, a kutah chuan pawh thawh tum in ka kai a mahse a che sawn eih lo. A melh ngai chu a melh ngur ringawt.



" Zorem... Ka thin a rim tak tak dawn a nia aw. I inbual duh loh pawn I lu tal ka tih huh sak ang che. " Tiin ka pawt leh a mahse a che chuang miah lo.



" Vawi 3 ka chhiar dawn a nia. I la chet loh chuan ka be tawh miah lo ang che. " Tih leh 1 chhiar ka rual nghal a ka thu sawi erawh hre lo ang hmak in a awm thung.



" 2 "



" Nang hian i hrethiam miah lo a mi a, in then ang ka ti a nih chu. Ka hneh tawh tak zet che. Chuvang chuan zan in atang chuan kan in kar hi ti tawp tawh ang. " Chang bal a tiin a rawn ding hluai a. Ka kut chu vai per pawp in a kal sawn zui nghal a. Thukverh atanga a chhuak chu ka en zui reng ringawt.



Harh chhuak thut in engmah dang ka ngaihtuah hman lo, ka room atanga tlan chhuah ka rual a. Zanlai a ni tawh bawk a step a ka tlan thla thawm te chu ring tak a ni chuti chung chuan thawm dim tumna pawh chu ka nei lo. Zoremsanga kha ka nang hman lo ang tih ka hlau a ni ber.




Kawngkapui lam chu pan in ka hawng zui rawk rawk a mahse pawn ka chhuah fel meuh chuan a bike nen a chak zet a a tlan chhuak chu ka hmu hman tawk. " Ni lo... I ti tak tak lo tih ka hria a nia. Min fiam mai mai a ni. " Tiin a tlanna lam kawngpui reh ruih chu melh vawng vawng in ka phun sep sep a. Mahse ka thinphu erawh chu hlauhthawnna avangin a phu rang nang mai.



Kan in lamah chuan ka let hnak hnak a. In ka luh chuan ka pa chu sitting room leh choka in kal pawhna tur laiah a lo ding ve reng a. Pawn lam atanga ka lut min hmuh chuan a mak ti hmel a pu zui bawk.




" Mambawih nangmah a mi thawm ka hriat kha, tun ang hunah enge pawn lamah i tih a?" Sana melh zauh in a ti a. Mak a ti pawh chu a a viau tunah zing dar 2 a hnai thuak tawh miau a. " Engmah a ni lo, thil ka hmu sual palh a. Chuan tur in ka chhuak lawk a ka ti harh che a mi? " Engmah thleng lo ang mai a lan chu ka tum a ni ber.




" Inah rawn lut ru an awm emaw ka ti hman a. Zan a rei tawh pawn a chhuah ngawt chi pawh a ni lo a sin. Engmah a nih loh chuan han mu leh tawh rawh. Naktuk class kal te i ngai a ni lawm ni. " A tih zawm leh a lu bu nghat in ka pa chu ka kal pel a. A ni erawh a harh lak lawh vang nge choka lamah a phei thung.



Ka roomah lut in tukverh lam chu ka pan a, khar tha sawk sawk in khumah chuan ka mu a. Ka mut erawh a chhuak lo tak zet. Bang a sana chek ri kauh kauh chu melh in mit ka khap fak fak a. Zoremsanga thu sawi leh awm dan ka ngaihtuah let a piang in ka awm zawn chu a tawt in ka tah chu a rawn chhuak leh ut ut thin.




Inthen a duh thu leh min hne tawh thu a sawi lai a a mit meng ka mitthla let phei chu in seh ruh in ka puan sin chu ka hmer leh nghek thin. Zu chu a in mahse a thu sawi kha hre lo tur khawp a rui chhia chuan a in in ka hre si lo. Chu tih rual in harfim se kha tiang thu kha a sawi ka ring bawk si lo. Ka rilru chu a vak kual ruai a, ka muhil thei bawk si lo chu ka phone la chhuak in ka call sek a. Nichin khan a phone a chhia tih sawi in a biak theih loh tih hre mah i la tih theih dang ka neih loh vang chuan ka call lui ngar ngar tho.




Zingah chuan hma zet in ka tho a. Nizan ka tlaivar thak a, zingah Zorema biak vat ka duh bawk nen khua te chu var har ka ti ngawih ngawih kha a nia. Dar 6 velah tho in inhnuaiah ka chhuk a. Ka nu leh pa tak ngial pawh an lo la tho lo. Rang zet in in atang chuan ka chhuak a. Zorema te in lam pan chuan ka phei vat a mahse a la hma viau nge an la reh thiap a. An la tho lo te pawh a nih ka ring. Tuk danga dar 7 pawh hma la ti thin khan tukin chu dar 6 pawh tlai ka ti ta ngawih ngawih mai.




Gate bulah chuan ka tei kual sek a. Kawngah zing exer la haw lam an awm zauh zauh a. Zorema pawh nizan khan a haw a nih chuan exer a lak ve ka ring deuh bawk nen ka lo nghak risk ve tawp a. Engtia rei nge ka din ka hre lo Zorema te in kawngka in hawng ri ka hriat chuan ka pan vat a. An awmpui nula chu pangpar tui pek tum ni awm tak hian a lo chhuak a kei pawh chuan ka pan vat.




" Mami...Zorema a tho tawh em? " Ka va ti nghal tawp. An nula nen hian kan kum a in rual khat vel a, chuvang in ka u hran bik lo. " Ka hre miah lo, va lut chhin rawh. " A tih ve mai vang chuan in lam chu ka pan a. Inchhung ka lut chu an la mu vek nge a lo reh thiap mai.




Inchung lam pan in thawm dim zet chuan ka chho a, Zorema room zawn ka thlen chuan ding dat in thawk ka la vang vang a. Eng ber nge ka hlauh ka hre lo. Ka thinphu chu a rang in a rawn chhuak dawn emaw tih tur a ni. Room chu ka hawng a mahse a chhung chu a lo ruai huai thung.




" A haw lo a ni maw. " Room a luh pah in ka phun sep a. A khum pawh chu a in thlep fel than a, a lo awm lo chu ka hahdam zawk huai hian ka hria. Lo awm ta se nizan a thu sawi kha a ti tak tak tih min lo hrilh ka hlau a ni ber.



Room ka chhuah san rual in u Lka room atanga rawn chhuak nen kan in tawk chawt a kei mah zawk chu ka la phu chiam zui. " Zing zingah enge in tih a? " Room lam thlek pah chuan a ti a, ka lo nui tawi tai thung. " Ihh... Zorema biak lawk ka tum a mahse a lo awm lo a. Let leh ka tum chiah. " In thlahrung ru deuh chuan ka ti a. A hmui chu ti sawiin room bawk chu a thlek leh zauh a.




" Nizanah a rawn haw lo maw? Zan riah chhuah hi chu a tha lo a sin , hauh deuh chu a ngai a ni a phone ah kha biak tum la. " A ti zawm zat a. Ka tum nasat tawh zia chu sawi khum chiam mai ka duh rum rum.




" Umm... Ka phone ka rawn keng lo a. Ka va phei hunah a ni tawh mai. " Mawi hnaiah ka ti ve ringawt. " Chhuk i la i lo leng khat bawk a thingpui te zu in i la, a lo haw ve mai lo maw. " Tiin a mah chu a chhuk a kei pawh chuan a hnungah ka zui ve mai bawk. Sawi tawh ang in Zorema te unau hi an hmei a pa in an pian hi a in khai thli in an sang zuar hlawm a. An upa ber hmeichhia pawh nu lian kan ti lam chi a ni. U Duati hi hniam ber in fit 5'5 chiah chiah a nia. U Lka leh Zorema erawh fit 6 an pel var var thung a. U Lka phei chu a kum lam a lo tam tawh bawk nen Zorema ai a taksa a muk a a lang lian in a zahawm khup a. Zorema erawh tlangval tan a ni bawk a cher ti a sawi tur ni lo mahse a u Lka ang em chuan a sa a la tha lo thung.




" U Lk ka hman hmawh deuh a thingpui chu ka in lo mai ang aw. " Inhnuai kan thlen rual chuan tiin ka chhuak zui nghal a. Kan in lam pan in ka phei a in ka luh chuan ka nu leh pa pawh an lo tho tawh. A tlang puiin 6 :30 hi an thawh hun a nia. Kei erawh dar 7 pelh hnu feah niin, chu pawh kaihthawh chawp ka ngai ziah bawk nen, chutia pawn lam atanga ka lut min hmuh chuan mak min tih hmel ngang mai.




" Ehh... I va tho hma ve. " Ka nu chu a lo ti hluai reng bawk. Ka pa pawh chuan min melh vung vung in " I damlo em ni? Nizan I mu har bawk si a I thawh ka la ring lo a sin. " A lo ti ve bawk a. Engvak mah a nih loh thu chuan ka chhang mai a. Ka nu ei rawng bawl chu phur lo zet in ka pui a.



Class kal tur a ka in peih hnuah pawh Zorema hmel reng hmuh tur a awm loh vang in bus chang in ka chhuak ta ringawt a. Ka thianten bus a min hmu chu mak min ti ngang mai. Kha leh chen, kum khat dawn kan kal tawh a kal lam hi chu Zorema rual deuh hlir a ka kal vang a ni.



Class kan thleng a, Zorema ka zawng kual deuh a mahse hmuh tur a awm loh danah a la kal loh a nih ka ring. Class ah chuan ka thiante leh kan hma lam a thu te chuan thla leh a MZU sport kan neih tur vel chu phur zet in an sawi a. A khat tawk in kawngka lam chu ka melh reng a Roa te lo lut ka hmuh chuan beisei nei zet in Zorema ka zawng ve a mahse a la tel chuang lo.




" In va thleng hma ve. " Kan dawhkan rawn khawng ri kerh in an rawn ti a ka thiante nen zawk chuan an in fiam leh bawrh bawrh tawh.




" Tak a, chawhnu l chu class a awm lo in damdawiinah lo kal ve u la. " Hruaizelan a tih chuan ka hawi nghal dawrh mai. Zorema hi a lo che sual leh der a ni lo maw ka ti rum rum. " Tu nge damlo a? " Siamsiami chuan a lo ti ve a.



" Damlo chu ni chiah lo deuh. Zorina ten nimin khan naute an nei a. Kan va en ve lo ten. " Roan a ti hluai a. Kan vai mai chuan kan meng phat awn awn mai.




" Ni tak an neih thla a nih tak kha Diki sawm ve i la a tha ang. Tu nge an nu hming kha? " Siamsiami chuan a ti zui nghal a. Opin " An la in nei loh kha. " A lo ti vat thung.



" Aw... Naute ber a piang tawh a innei ang tluk an ni tawh tho a lawm. A luh khung in ti bawk a, inkutsuih bak nupa dik tak ni tur in tih tur a awm tawh lo. " Siami bawk chuan a lo ti leh a, a dik ve tho mai.



" Naute nu chu Sawmi chuan in lo kal ve duh em kan seat hnung a ruak vek dawn a. " Dinpuia chuan a lo ti ve bawk. " Kan len te chuan duh ve tho e. Bialnu te nen a class a awm ho loh hi nuam in lo ti ber mai a nih hi. " Tiin Siami chuan a fiam let a an nui ve suk suk mai.




" Nang ni te chu hmu cheu pawh ni se thik thamah an ngai lo ang cheu. " Roa lah chuan a lo ti vei ham ham. " Tak in Zonun khaw nge kan thaibawihpa hi, a va rawn lang har ve. " Hawi kual vut in Roa chuan a ti a, an mahnin an hriat ka beisei nen min zawh danah an hre bik lo chu a ni phawt a.



" In rawn kal rual lo a mi ka bei thei miah lo a. " Ka ti let a a lu chu a thing nghut. " Pawi lo, Zorina te bulah a niang . A ni chu nimin pawh in a lo va kal bik a ni awm e. Kan hmuh hunah kan sawp hrep dawn nia. " A ti leh mai a. Kei erawh ka awm chu nuam lo tak a ni.



Professor te an rawn luh takah chuan class kan la zawm a, lunch break ah chuan kan vai chuan kan in phur chhuak dial a. Durtlang hospital ah an awm an tih vang in chu lam pan chuan kan in phur hlawm a. Di ki erawh chu phur tu tur a nei dawn si lo a kan sawm ve ta lo law law. Damdawiin kan thlen chuan cabin lam ah an awm an tih vang in chu lam chu kan pan a.




" E... saw Zorina Nitei ka hmu. " Roan a tih a hmeichhe pakhat corridor a lo phei thawk zawng chuan kan kal ve a.



" Nang ni thian ho chu in va fel ve a hlat hlat nen. " Nui sang in a rawn ti ve bawk a. Roa te nen chuan an in hriat that hmel viau mai.



" Zorinan min hrilh duh lo zawk a. Mi hrilh se chu nimin khan kan rawn kal ve tur a nia. " Dinpuia chuan a ti ve bawk. Zorina ni chuan hahthlak tih hmel zet in thawk a la halh a. " In thianpa hi e nge maw a hriat ni. Lo zilh ve ru aw, ni min chuan Zorema kan rawn biak kha a hrilh ve turah cheu ka lo ngai mai a sin. " A ti leh zung zung a.



" Zo square a te pahnih mai mai chu. " Roa chuan a ti hluk.



" Damdawi ka lei lawk dawn a cabinah lo va phei ve ru. Ka nu leh ka u an awm kha. Naute erawh a eng deuh a an la up thung a. " A ti zui leh mai.



" Naute ber ber a sin kan lo kal chhan. " Ti nuah nuah in kan in zui phei a. An cabin ni a a sawiah chuan kan lut a. Kei ni chu Zorina chhungte kan hmuh ngai miau loh vang in kan ti dak mai.




Room chhungah chuan Zorina pa leh pitar, a pi ni ngei tur chu an lo awm a. Khumah hmeichhe pakhat kei mahni rual vel chu a lo mu bam bawk. College kan kal lai khan Zorina pa hi chu a lo kal ve zauh zauh a, hmai chhanah hmu ngai lo mah i la ka ral khat hriat ve lutuk tlat.




Pa Zothana leh Zorina pi chuan min lo lawm thiam khawp mai a. Kei ni pawh kan veng te min zawt in min be tlangnel hma viau mai.




" Zorina pa chu a van la tlangval ve nupui nei lo tih takah. Min duh se min thei sa. " Eitur lei tur in kan chhuak a. Siami tawng dan vang chuan kan nui hak.




" Va kherh ngat ngat rawh an hausa si Zorina, apa leh a pi kha a ni mai i hrawn tur. I biak thiam chuan a nuam ngawt ang. " Opi lah chuan a ti let zeuh a. " Min duh se chuan engkim huam in ka luhkhung ngam. Mahse a pi kha a tha vak lo a ti kha Dikin. Miss Zuali leh Zorina in kawp pawh a rem ti lo a tih kha. Kei ang zir lai mai mai, thiam thei lo pawl tan phei chuan beisei lo law law ang. " A ti leh chuan nasa ti lutuk in kan nuih nghek ringawt.




" Nui mai mai su, tun angah putar hausa deuh pawn nula chhelo tak tak an thing thei a Zorina pa te kha chu tlangval tam tak pawn an la tluk nang. " Zak map loin a la ti ang deuh deuh a, sawi hreh hi chu a nei lo ve thlawt.




Eitur lei nual in cabin l chu kan pan leh a. Kan luh chuan rin loh deuh in Zorema leh Zorina pawh an lo awm ve tawh a. Nizan a Zoreman a sawi ang tak tak khan an in sual a niang an pahnih chuan an khem dun nasa.




Sawmi pawh kha lo harh tawk in Zorina pi khan thil a lo ei tir mek a. Zorina chu duh loh rai an tih ang mai lawm loh hmel zetin a thu ngawi reng a. Chutiang bawkin Zorema pawh cabin kan luh tirh a min melh zawk bak kha min en leh tawh lo hrim hrim.




Tlai lamah haw tur in kan in zui chhuak a. Zorina erawh a pa in damdawiin a awm turin a ti a. A ni khan haw ve a duh vang in Roan a thlah dawn a. Zorema a awm tawh bawk nen kan pahnih chuan kan in phur chhuak a. Biakna hun ka neih theih dawn vang chuan ka lawm ru ang reng viau.




Kan veng pan a kan tlan chhung zawng chuan kan tawng lo ve ve a. Kan in kawtah bike a ti ding dawt a. A awm dan teh thut vang chuan chhuk pawh tum lo chuan ka la thu reng ringawt.




" Chhuk ta che " A ti hluk takah chuan ka chhuk ve ta hram. " In be lawk ang. " A sir a ding chuan ka ti a. Ka lamah chuan a rawn thle deuh a, a helmet khum vang chuan a hmel la hmu thei lo.



" Ka chau rih. " Tih zawng sawiin a tlan tlang a. An in gate ah a tlan lut chu ka tlir zui tawp. " Sawi dun ngei kan ngai. " Ti sep in Zorema te in lamah chuan ka tlan phei ve a. Ka thlen chuan a ni chu a lo lut fel leh vek tawh.




Doorbell chu hmet in an nula in a rawn hawn rual chuan eng sawi set set lo in inchungah ka tlan chho a. Zorema ro chu kik pawh kik lo in la nem hawng zui pawp a. Khum a thu in min lo melh run thung.




" Enge i awm zia hi? Nizan a i thu sawi te kha enge awm zia? Ka ngaihtuah che nen biak theih loh in i awm zui hmak a. " A hma a ding in ka ti hlak hlak a. A awm dan chu thinrimna nei ang mai a ni.




" Ka phone a chhia ka tih kha. " Ti hluk in a rawn ding a min kal pelh a tum chu a banah vuan in a hmaah bawk chuan ka ding leh ngat a. A din takah chuan ka melh chho vah tawh.




" Ti nge tiang hian i awm a? Zu te i in leh a, zanah i haw bawk si lo. Ka ngaihtuah che a nangmah vang in mut pawh ka muhil thei lo a sin. " Ka tih lai chuan ning tih hriat zet hian a thaw chhuak hawk a.




" Tu nge min ngaihtuah rawh ti che? Nizan khan ka sawi chiang viau a ni lawm ni kan in kar chu." A ti hluk a, a kut ka vawn beh miau vangin a in sehruh nasa hle tih pawh ka hre thei.




" I ruih vang mai mai a sawi i ni tih ka hria a lawm. Ka lakah lawm lohna i neih chuan tiang a awm lo hian tha deuh in sawi dun ang. " Dam dap chuan ka ti a mahse ka kawchhung erawh chu a tawt ve tun tawh.




" Engmah sawi dun tur a awm tawh lo. " Ti bung nghut tu chu ka melh tlawk tlawk ringawt tawh. " Ka hria a lawm nang hian min then chu sawi loh ka hlatah awm tak ngial pawh i duh ngai lo tih. " Ka tih chuan a nui ro hawk a. A nuih dan chu min elhsen ni mah zawk hian ka hria.




" Chutiang khawp a pawimawhah chuan maw i in ngaih a? A tha vek a, thu dik lo pawh i sawi chuang lo. " Tiin min melh ngur in a then leh suk a. Tun a a awm dan leh mizia hi a neih awm la hre ngai lo.




" A hma kha chuan a ni thin. Mahse tunah chuan a danglam tawh. Kan in zui hnu hian nang hi ka tan a mi pawimawh tak ai chuan ka nun dang chep tu leh hahdam tak a min awm tir thei lo tu mai i ni tawh. Engtik lai pawn min control i tum reng thin te hi ka ning tawh, ka tih loh tur i sawi thin te ka thiante lak atang a min lak hran phet i tum te hi ka hne tawh tak zet. Nang nen kan in kawp hnu a ka khawvel zim ta lutuk vang hian ka ning tawh tak zet a. Chuvang chuan zanlen tak a ka nun leh theih nan ti hian kan in kar chu tawp tawh rawh se. " Ka mit ngei a min en chhung a a thu sawi vang chuan ka in seh ruh nghek a. Tunah tak hian ka thin a rim nge ka rilru a na pawh ka hrethiam lo.




" Ti nge tiang hian min tih thut a. Kei hian chutiang in enh tihluihna mah ka hmang lo tih i hre chiang. Ka tih luih tir leh control theih pawh i ni lo. I thu sawi kha awm ze awm lo mai a ni tih kan hre ve ve. " Ka tawng tawp l chu ka vin ve nghek. Ka aw te chu an khur dar dar leh nghal.




" I bul a awm kha nuam ka ti thin tih ka pha lo. Mahse kan in kawp hnu hian engkim a danglam tawh. Engkim hi ka hne vek, ka nun dan hmasa kha ka ngai a ni. " A ti zawi sup a. Kei erawh in rilru na zet in ka melh ngawt ngawt thung.




" Min hrilh mai ta che. Tha deuh in sawi la, hetianh lo hian kan chingfel thei tih pawh i hria. " Ka ti ve tiau. Vin leh nghek ka tum a mahse ka tah a chhuak tlat tawh.




" Sawi dun mah i la ka rilru chu a in thlak tawh dawn chuang lo a sawt na a awm loh chuan enge sawi dun chu a ngaihna. Inthen ka duhna hi chu a rei tawh. Bangalore atanga i lo haw khan sawi ka tum tawh a. Mahse hun rei tak kan lo in lawm thaw thin a. Ka thian tha tak i ni bawk nen ka then che a nih chuan i tuar thian lo in i na dawn tih ka hria a, ka theih tawp in ka rilru thlak danglam leh hram ka tum a.



I bulah nuam ti tak a hun hman a, duh luih zel che pawh ka tum. Mahse tunah chuan ka tlin tawh ngang lo. Kan in kawp hma khan beiseina sang tak kan nei a mahse kan in kawp hnu in ka beisei ang ual engmah a thleng leh si lo. Thian kan nih lai leh kan in ngaihzawn hnuah hian danglam vak a thleng lo. Ka nunah i in rawlh thuk em em a chu zawng chu. Chuvang chuan kei hian ka hne tawh tak zet che. "




" I hmel hmuh pawh hi ka peih rih lo. Thawk lakna hun min siam sak ve teh. " A tih leh nghut takah chuan a kut ka vawn chu ka thlah riai riai a. Min kal pel a kawngka ri dawp ka hriat rual in ka biang chu a lum zui pap. Kha tiang em em khan em ni ka lo ninawm a, ka lo zar buai thin. Min khawngaih vang chauh in maw ka bulah a lo awm thin?



***KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:53 pm

Miracle Love❤ by Amy Cck



Chapter - 32



Zorema te in atanga ka chhuah chuan a ni chu a bike nen a lo tlan chhuak hman leh daih tawh. Kawngpui kan in kan in lamah muang chang in ka phei a. Ka biang a ka mittui rawn luang thla chu duh lo in ka kut hnung lam chuan ka hru leh tawk thin. Mahse ka hruk zawh rual chiah in ka biang chu a ngai bawk in a rawn huh leh zel bawk si.




Kan in ka luh chuan ka nu in min lo chhawn vat a. Mahse ka tah chhuak in min hnawh ut ut a, ka tawng a nih chuan in sum hman lo a ka tah chhuah mai ka hlauh vang chuan inchungah ka tlan chho a. Ka room ka luh rual in ka in hnit zui hlawp hlawp. Ka muttui chu a zo thei dawn lo emaw tih tur hial in a dir in a dir zung zung bawk.




Zoremsanga thu sawi zawng zawng ka ngaihtuah let phei chuan ka rilru a na in hreawm ka ti zual a. A hma daih atang tawh a min then a tum thu a sawi lai ka mitthla let phei chuan mahni in khawngaihna hlir in ka khat tawh. Kan tha dun viau emaw ka tih lai in a ni chuan kan awm dan kha a lo ning em em a, ka bul a awm hreawm a tiin kan in kawp a inchhir thu sawi dawt lo mahse ' ka hne tawh che ' a tih khan thu tam tak a keng tel miau a.




Tlai tluan in ka roomah chuan ka in khung a, ka nu in chaw ei tur a min rawn hrilh pawh in ka ei peih loh thu in ka lo chhang a. Ka mit bui lak ka nu in a hmuh chuan a chhan min zawt ta vat a. Dawt sawiin ka lu a nat thu chiah ka sawi a. Damdawi min pek chu sawi sel lo in ka ei ve hmiah bawk.




Ka nu chhuah hnu a ka tap kha ka lo tap muhil ni ngei tur a ni. Ka harh leh chuan zan dar 9 a lo ni daih tawh. Tlai tluan a ka tah vang kha nge ka lu na miah lo kha a na in ka rit bur a. Inhnuaiah chhuk ka tum zet a mahse darthlalangah ka hmel ka hmuh vang in ka chhuk leh duh ta lo. Ka mit vel a bui lak a, zep rual loh in ka tap tih an hre chiang dawn lutuk tlat.




Ka harh lak lawh em vang chuan ka mut lah a chhuak ta mai lo bawk nen ka room ah chuan ka tawp chawt a. Dar 10 rik dawnah ka nu leh pa an rawn lang hlawl a. Ka na tak tak emaw tiin min ngaihtuah in min rawn en dik a lo ni a. Tap tawh chiah lo mah i la ka lan danah thup theih ni hek lo ka pa chuan ka na ka zuau vangah a ngai ve mai a. A awm pawh a awm viau fanu mal ka nih bakah ka u ang lo takah ka nawi bik em vang hian ka damloh changah mittui tih tlak mai hi ka nei ve thin bawk nen.




Mu tur a min chhuk thlak san hnu pawh chuan kei chu ka mu ve mai thei lo. Ka room bang a sana in tar lah chuan 11 a kawk leh vu tawh a. Mahse kei chu nghah nei ang mai in ka room ah chuan ka vei tawn sek a. A khat tawk in ka tukverh lam chu ka melh leh vang vang thin.




" A lo kal lo ang a thinrim em kha. " Tiin kei mah leh kei mah chu ka in hrilh a. Mahse ka chhung lam a mi hian a nghak tlat thung chu kei pawn hreawm ka ti lek lek. Kan in kawp hnu chu sawi loh thian ang a kan in kawm thin lai atang tawh in zan rei a rawn kal hi chu a tih dan ve reng a nia. Kan in kawp hnu phei kha chuan chhun lamah kan in hmuh hman lutuk loh thin vang in zantin dar 9 atanga dar 10 in kar hian a lo kal ziah a. Rei a awm hman lo chang pawn minute rei lo te tal a rawn lang thin.




Thian kan nih lai kha chuan a ruih a piang khan rawn kal a min rawn fawh a tum ziah a, keiin ka lo hau in thil dik lo a nih thu ka lo hrilh hrep a. Hua emaw min hmu duh loh phah nan khan vawi khat mah a awm ngai lo. Nuam a ti sauh in min tun luih sauh tum ang mai khan a rawn ti nawn leh ngat thin zawk a.





In ngaizawng ang a kan in kawp ve tak hnuah pawh in hauh chang emaw kan thik thu chhiat vang a in biak duh loh zeuh kan neih pawn a dan ngai bawk in rawn kal a thulh phah ngai lo a. Kan in tih thiam loh lai a nih pawn ngawi reng in darkar chanve te a rawn awm a, ngawi reng in a chhuak leh mai a. A hnuah a mah bawk min be hmasa tuah a tang leh thin.




Mahse zanin chu tunah dar 11 a pel tawh a. A hmel reng reng hmuh tur a la awm lo. Chu chuan min ti hrilh hai zual a. Nizan leh vawiin tlai a a thu sawi ka ngaihtuah let in a lo kal ring lo viau mah i la ngaiah ka lo neih tawh vang nge ka la nghak lui tho chu a nih hi.



Ka room tukverh zawnah chuan ding in Zorema te in lam chu ka en reng a. Ka phone chu a khat tawk in ka hmet eng leh zauh thin. A phone a chhia tih sawi mahse vawi 2 chu ka call lui hram a. Mahse a chhiat miau vang in chhang tu erawh an awm chuang lo.



Beidawng zet a khum lam pan ka tum rual in bike ri ka hria a ka let leh vat a tawp a tawpah chuan ka nghah ruk reng chu a lo thleng ve hram. An in kawt kawngpuiah a bike chu a din tir a. Thinphu dep dep in ka tukverh atang chuan ka thlir reng a. A bike atang a chhuk in a ding ren rawn a. An kawtah a tlan luh tlang loh vang chuan a rawn kal ka rinna chu lian sawt in ka hlim ru veng veng a. Mahse a dinnaah chuan a ding reng ringawt thung.



Chutah ka beidawng chuan ka mu tawh emaw a ti a nga a lo kal hreh a niang tiin ka room light chu ka ti eng ta ringawt a. Tukverh bulah bawk chuan ka phei leh a mahse ka beiseina ve zawng zawng chu chhem bo ang hmak a ni. An in gate chu a hawng a, a bike ah bawk thu leh in a tlan lut zui a. Lo kal a tum vanga ding a chhuk ni lo in an gate in hawn loh vang tih ka hriat chuan a hma ang bawk in ka na leh tawh.



Beidawng zet in ka khumah chuan ka let hnak hnak a. Kha ti khawp a na khan min tawng khum chung pawn a mah ka la beisei tlan chu atthlak ka tiin ka in haw hnu hnawh viau bawk. " Tawp chu i duh tak tak em ni? " Tiin ka phun sep a. Khumah chuan mu in tap chiah si lo in ka mittui bawk chu a rawn chhuak leh tawh. Ka tah leh vak chu hlau in mutthilh ka tum a mahse ka lo mut lawk vang chuan a chhuak hlawl si lo. Ka phone chu hmet eng leh in whatsapp ah ka lut a Zoremsanga chu ka va hau ta hrep a. Min chhang dawn lo a ka message pawh a chhiar thei lo tih hre reng chung in ka duh tawk in ka va an khum hre tho.



*


" Bawihte... Zonun i harh em? " Ka taksa sawi dat dat pah a ka nu aw ka hriat chuan ka meng chhuak riai riai a. Ka mit vut chhah tup vang chuan meng chu a hreawm viau leh nghal.



" Min ti mang ang hman a lawm. Nichin atang in ka ko in ka sawi tawh che. I na viau em ni, i mit te chu a vung a ni lawm ni. Engtin nge i awm a. Nizanah na neiin i lo tap zawk nge. " Tiin min thlek kual ruai a. Nizan khan ka mutthilh lai reng ka hre lo. Ka nu in zawhna mit meng a min en reng vang chuan ka that thu chuan ka chhang ringawt a.




" In thing harh la chaw ei tur in lo chhuk rawh. Nizan i ei tawh si lo i ril a tam ang. " Tiin min chhuk san a. Thawk la hak in ka tho chhuak a, bathroomah in phih harh tur in ka lut a. Ka hmel ka hmuh chuan kei pawh in mak ka in ti lek lek. Ka mit chu a bui satliah pawh ni lo in a vung te pawh a ang mah zawk.




Inhnuai a ka chhuk in ka pa pawh chuan mak min tih hmel zet in min lo en vung vung a. Mahse enamah chu min zawt lem lo. Tukthuan kan ei laiin ka nu in class ka kal dawn em tih min zawt a. Hetiang hmel pu chuan kal ka duh loh vang in ka nawm vak loh chhuan lam in vawin chu ka chawlh tur thu ka sawi ve ringawt a. Tul tawpah loh chuan chawlh ka sawi mai mai ngai lo tih an hriat vang nge engmah an sawi bik lo. Ka pa zawk in ka lu a la nawm loh reng chuan in entir tur in min ti zawk a mahse inentir ka ngai lo tih ka chiang em a ka tum lem lo.




Class kal tur tak ngial pawh a min lo sawm loh vang chuan a kal leh dawn lo a nih ka ring ve tawp a. Tlai khaw hnuah ka mit te chu vur in kan dep leh hnu hnawh a. Mahse awm zia erawh a awm tam lo. Rilru tih thawven nan ka nu huan siam ka pui ve a. Pui ti i la ka lo en kual vel a ni mah zawk. Chhunthingpui kan in zawh in ka room lamah ka chho a. Ka phone khum chung a lo let ngat chu ban in ka hmet kual thuak thuak a. Ka thiante atang in missed call a lo awm ve a call let ka tum deuh a mahse class an lak tak in tiin ka call leh ta lo. Ka mi nghah ber leh biak tam ber phone a chhiat takah chuan phone khawih pawh ka phur lo vek thei.



Whatsapp message ka check kual laiin Opi call a rawn lut ka lak rual chuan ka kal loh chhan leh message leh call ka lak thei loh chhan min zawt nghal zung zung a. A tawp a a thu sawi vang chuan ka in seh ruh zui nghek.




" I ngaithla em? Zorema pawh a lo kal reng sia ti nge i lo kal loh. I damlo zawk nge? " A rawn ti lang lang a. " Zoreman class a kal maw? " Ka ti nawn sep. " Umm... Kal e an thian ho in kan hmu a lawm canteen ah. I kal loh chhan kan zawh in a hre bik si lo a. Call i la thei lo nen kan ngaihtuah hman che. " A rawn ti leh a. Ka zing tho ka tho dam lo deuh ti in ka chhang leh ta ringawt. A hnuah chuan class an tan leh dawn thu sawiin call kan ti tawp a.




Ka ngaihtuah ka ngaihtuah hnu in Zorema thu sawi kha a dik thei mai a ngem tiin ka rilru a buai khawp mai. Kei hian ka lo ti mah mah em ni? A hma aisa zawng in kan in zui nasa in a thiante bulah pawh hun a hmang tha hman meuh lo a. Zu leh a kaihhnawih ka ngainat loh em vangin a thianten an lo ti ve thin bawk nen a hma ang khan a hnaih ngai tawh lo a. Zanah pawh leng chhuak lo in ka bulah a rawn awm deuh chawt a. Insual chu sawi loh bike racing an tih a I chawinaah pawh a in hnam hnawi ngai tawh lo. A hma a sunday zan chu len chhuah tur emaw ti thin khan ka rualin biakinah min zui ta zawk ziah a. Kei pawh ka nu bul a thu ziah thin kha Zorema bulah extension lamah la thut phah ta thin a.




Khang kha a lo ning viau em ni? Mahse kei in engtin mah la ti lui ngai si lo a. A mah zawk in thu min tiam in min zui a duh thu a sawi zawk zel a. Tunah ka tih luih ang mai a min chhuah chu ka hre thiam lo lek lek thin. A chang in ka in dem a a chang leh a thu sawi kha a tih der ka la ring fan bawk.




Nizan ang bawk in zan in pawh duh lo viau chungin a lo kal hun chu ka nghak leh reng a. Min tawngkhum dan zawng zawng ngaihtuah let chuan tlawm thlak ka ti a mahse ka thinlung hi ka dang thei si lo. Mutthilh ka tum pawn ka harh zual sauh a. Dar 1 thleng ka nghak mahse a ni erawh a reh in a reh vang vang thung.




Inrinni leh Pathianni kan hmang zo a. Chu tih chhung zawng chuan Zoremsanga biak chu sawi loh a hmel hmuh tur pawh a awm lo. Sunday zan kan in kawm in u Duatin a nau mize mak sawt zia chu min hrilh malh malh a. Kan in kar a tha em tih min zawh chuan chhan ngaihna pawh ka hre lo. U Duatin in be tha leh vat tur chuan min hrilh zui luam a. Mahse Zoremsanga ber in min hlat tlat a. An in a va kal a biak hmasak va tum nawn leh tur em chuan ka chapo na in a rem ti tawh bik si lo.





A hma a ni khat lek min hmuh chu sawi loh min be lo a awm thiam lo khan kha mi ni an in a ka zui haw a kan in hauh hrep atang khan a reh ta hmak a. Class pawh kan kal rual thei tawh lo. Ka chhuah hma daih in a in khalh chhuak a, kei erawh in MZU bus ka chang mai thin a. University erawh a mah ai ka thleng hmasa ziah thung a. A rawn kal tlai thin rual in ban hma daih in a chhuak leh a, min biak emaw min hmuh hi a chak lo ni ber in ka hria.




Ka thianten kan in hau em tih min zawh pawn chhanna ka pe thei lo. Kan in hau ti tur in in hauhna kan nei lo a. Kei chuan tha tak a sawi dun ka la duh reng a. A mah zawk in min peh hel char char zawk a. A sawi ang khan min hne in min hmu peih lo pawh a ni mahna.




" Saw saw Terini a ni lawm ni? " Siamin a tihna lam chu kan hawi a. Zoreman Terini a rawn phur lai chu chiang zet in ka hmu ve nghal. Kan piah lawk ah an ding a. Terinin Zorema bike a chhuak a nui sang a a biak lai te chuan ka in thup thei lo in hum ruh ngawt ngawt in ka en reng ringawt.




" Enge awm zia nang ni pahnih hi? In in hau deuh a nih chu ka ring tho a mahse tun thum chu in in be lo rei riau. Kar a liam daih tawh a nia. Chuan tunah hmeichhe dang nen kan hmu dun a. " Opi pawh chuan a lo ti ve vat a.



" Hmeichhe dang sawi suh kan hmel phakari nen ber kher leh nghal. " Siamsiami chuan a ti ve bawk. Terini awm dan vel a hre ve tawh bawk nen an mil vak bik lo.




" Zonun enge thleng a? Tun tum chu in hau saitliah in ni in ka hre lo. Kum khat dawn in in kawp ve tawh a ni khat aia rei in tih thiam loh in neih ka hre ngai si lo a. " Opi bawkin thu tak zet chuan a ti leh sep. Mak ti awm pawh an ni, in hau mah i la a tukah chuan pangai tak in kan awm ve leh mai thin miau a.




" Ka hre thiam bik lo. Kei hian ka ti mah mah zawk nge ni... " Tiin kan awm dan vel chu ka sawi a. Dik tak chuan Zorema chu ka dem phal chuang lo. Chutiang khawp a a nun la dang chep a ka bul a awm hreawm ti khawp a ka siam chu kei mah leh kei mah ka in haw zawk. Zoemsangan min duh in min at chilh viau emaw ka tih laiin at chilh a a tel lo a awm thei lo zawk chu kei mah ka ni tih tun kar liam ta chhung khan ka hre chhuak bawk a. A tan ka lo ninawm thin viau pawh a ni mahna.




" A va zia lo tak. Mahse chutiang a nih te chu in sawi fel leh u la. Nang pawn tha tak in bia la hun thawl te pawh in pe tawh u la. Sawnu lah sawn hun remchang hi a lo chuh ve ziah leh nghal. A in daih zai te hi ka ti a nia. " Siami bawk in a ti leh hlak hlak.




" Nia inbiak that in ngai nasa a nih chu. Chutiang a khuah khirh a a thiante kawm phal lo i ni lo tih te i hrilhfiah a nga. Terini bul a a awm phei chuan a mizia chu i hriat chian khan. Tunah pawh hian eng emaw thu sawi a neih vang a ni lo maw hetiang khawp a rei a hlat theih che. Zoremsanga kan hriat thin kha chuan a thei lo tawp ang. " Opi pawh chuan a ti hlak hlak.




" Biak chu ka duh a mahse a mah sawn min hlat dan ringawt a zawng sia lawm. " Ka ti leh sep.



" Vawi 1 na na na chu an inah va kal chilh leh mai rawh. I tan tlawm zawkah a tan ngun tawh zia ngaihtuah la. A phu ve a lawm. " Opi bawk chuan a ti leh a. Chhan ngaihna pawh ka hre tawh lo.




Nidang ang bawk in ban hma in Zorema chu a haw leh daih a. Kan thian ho in bus in kan haw a. Bus stand atangin kan in lamah keiin ka phei a. Zorema te in ka kal pelh dawn chuan a bike lo in hung ka hmuh vang in ka ding dat a. A mah la hmuh chak em vang leh hetiang tawp a kan in kar tih tawp chu hreawm ka ti bawk nen gate ah chuan ka lut a. Door bell ka hmeh chuan an nula in a lo hawng vat a.




A chhungte zawng zawng an awm loh thu leh Zorema chiah a awm thu a sawi chuan a tih chi zawk mah in ka hre bawk nen imchung lam pan chuan ka chho a. Zorema room ka kik a min chhan loh vang chuan ka lut tlang leh hmiah a. Mahse a hmel erawh hmuh tur a awm lo.




" Enge i lo tih dawn? " Hnung lam a ti riah chuan ka la phu chiam zui. A inbual zo chiah ni ngei tur a ni a sam atang chuan tui a far fep fep a. Towel chiah a veng a, a awm sek leh hlai zetah chuan a sam huh chu a far thla keuh keuh bawk. Aw thian khurh riah chuan ka harh chhuak zawk.





" In bia ang. Engtiang chiah in nge min lo nin a ka bul a awm hreawm i tih ka hre lo. I sawi ang khan kei hian ka zar buai hneh mah mah che pawh a ni mahna. Mahse chung zawng zawng chu ka duh lutuk vang che leh i kiangah awm nuam ka ti vang a nia. " Tiin ka nui ro hak a. Ka mittui chu a hnai leh kuar tawh. Tunah ka thil tih ho tlawm thlak chu ka ti ve tho mahse a ni chan ai chuan pawi tihna pakhat mah ka nei lo.




" Kei chuan khan kan hun lo hman dun thin zawng zawngah khan han nin emaw hreawm tih lai la nei ngai lo. Dik tak chuan kan chhungkaw boruak a that vak tak loh a chin phei kha chu i bulah chiah hian ka hahdam in hlimna tak tak ka nei thei a. Chuvang chuan hreawm ka ti phal lo. Ka bul a awm tur leh kei mah chiah min ngaihsak ka lo phut lutuk vang in i tan phur rit ka lo siam ang tih ka ngaihtuah pha lo a ka tihpalh. I rilru tur ngaihtuah lek lo a ka lo tih buai reng vang che pawh khan ka tihpalh. " Ka ti leh sep.




" Chutiang sawi tur in ka phut lo che. I hriat chu a that chu. " A ti duh lek chu ka in awh ruh ngawt ngawt mai. Ka Zoremsanga hriat thin kha a bo tak tak tawh ni a ngaihna ka nei lian tulh tulh bawk.




" Inthen i duh tih chu ka hria mahse kei hian... Ka... Ka theih ve lo. Bul tan tha leh ang, umm.... A hma aiin ka puitling in thil ho mai maiah ka ti buai tawh lo ang che. I duh chuan i thiante bulah hun pawh i duh chen chen hmang la eng pawh ti rawh ka sawi sel miah lo ang. Chuvang chuan ka bulah hian awm rawh. " Ka thu sawi chu kei ngei pawn tlawm thlak ka ti a mahse Zoremsanga hi la chan dawn anga ka i htiatnq hian min ti hreawm fel zawk. A bik in vawin a Terini nen ka hmuh dun phei kha chuan ka hlauthawng in a hma a Terini thu sawi kha ka hre chhuak lo thei lo.




" Ka duh lo. " Ti tu chu beidawng leh rilru na lutuk in ka melh ngawt ngawt.




" Nang hi i sual hle mai. Awm dun tur a kan beih nasat zia te kha i hre tawh lo em ni? Ti nge awl sam tak a min kal san i tum theih zawk. " Ka ti ta nghek. Zoremsanga hmel pawh chu a chang ve tawlh tawlh a. Engkim chu a la theihnghilh bik lo a ni mahna.




" Ka sawi tawh kha kan in kawp hnu hian thil tam tak ka zir chhuak a. Thian kan lo nih tawhna leh hun tam zawk kan hman dun tawh vang khan bum reng che kha harsa ka ti a. Tih nat che hi ka duh lo. Chu tih rual in nang ka khawngaih vang che in ka hmeichhe duh ngawih ngawih hi ka in nghah tir reng thei lo. " A thu sawi tawp l vang chuan la meng buai nak.




" Midang duh... Nang hian duh dang i nei a maw? ' ka awah pawh mak ka tih zia a lang thei ang.


" Tu nge? Ni lo... Nang hian min tih der mai mai a ni. Hmeichhe dang melh chu sawi loh biak pawh be ngai lo khan duh dang i nei thei lo. " Bah nal chuan ka ti a. Zoremsanga erawh a kiai suk thung.




" Kha tih hunlai chuan ni e , naupan at lai a nia nangmah chiah kha ka hmu thin miau che a. Mahse tunah chuan ka rilru pawh a danglam tawh. Nang nen chuan thian kha a lo tawk chiah tih ka hre thar bawk a. "




" Tu nge chu nu chu? " Ka thinphu rang dawt dawt leh aw khur dar dar chu ka control theih bak a ni.




" Nang pawn i hre chiang a lawm. I rilru ti na belh tur in sawi chhuah kher ka duh lo. " A ti hmuk a. Ka mittui kar atang chuan ka melh ngawt ngawt a. Ti nge a mit mengah dawt sawi hmel a lan miah lo. A hma a kei mah chiah min duh tih a sawi lai a hmel a thu dik a sawi tih la hriat ang mai khan dawt a sawi lo ni a ka hriat tlat.



" Terini a ni lo ti rawh? Khawngaihin a ni chu ni hnaih suh. " Zawi sep chuan ka ti a. Mahse a mit meng tak ngur vang chuan a ni pawh hi Terini lakah ka chan leh tawh tih ka in hre thar awn awn mai.




" Enge ka that loh bik na? " Ka biang a mittui luang zung zung in beidawng zet chuan ka ti chhuak tiau.




" That lohna i nei lo. " Ti sup tu chu rilru na lutuk in ka melh tlawk tlawk ringawt. " A nih chuan ti nge tiang hian min tih? " Ti nge zawhna ngai bawk chu ka zawh nawn reng pawh ka in hre tawh lo. A hma a kan in hauh a a tih thin ang in tunah pawh hian ti leh se ka beisei vang pawh a ni mahna.




Ka lungawi loh a ka biak duh loh hlek pawh a hreawm ti a, a tih sual loh puiah pawh ngaihdam min dil a , min kal san tur a ka tih pawh a min kuah leh tlat tur khan ka beisei a ni. A mittui a tlak hlek a nunphung hlauh vek a buai nghal vek thin Zoremsanga kha ka ngai in ka mamawh tak zet bawk.




" I nat zual na tur in min sawi belh tir tawh suh. " Thu dang sawi belh duh tawh loh hmel zet chuan a ka reh chu a chip hmuk a. " Nat zual na tur.... " Tiin ka nui ro hak. " Tun bak hian ka nat leh chuan pawh ka ring tawh lo. Ti nge hetiang hian i dang lam thut a? Ti nge Rinhlupuii vang kher a min hlat i tum theih zawk? Nang tal chu ka bul a awm a ka lam tang tlat tur che in ka mamawh tak zet che a sin. Ka mamawh lutuk che a sin.... " A tawp lam chu ka aw a ri chhuak tawk tawk tawh.



" Nang chuan engkim i nei a lawm. " Ti tu chu mumal lo zet in ka en ta tawp. " Chutiang chuan i ngai a maw? I duh ang chuan awm mawlh rawh. I duh ang tak chuan I nun chu hmang rawh. Mahse kei chu ka rilru a ngai reng ang. Min kal san mah la kei chuan ka kal san ve lo ang che. Ka hnen a i lo let hun ka lo nghak reng ang che.



Tunah chuan zalen tak a awm in i duh duh chu ti rawh. Mahse a tawpah chuan ka bulah hian lo let leh rawh aw. Eng thil pawh tiin engtin pawh nung la kei chuan ka lo pawm leh ngei ngei ang che. A chhan chu heta tang hian ka chhuah tir ve thei si lo che a. " Tiin ka awm zawn chu ka dawm a. Ka mittui rawn dir zung zung chuan ka tlawm zia bak min hriat tir lo.




" Tun a ka hma a mi hi chu ka hre ngai lo che a. Engtiang pawh awm in na tak tak in min tawng khum mah la ka Zorema kha i ni tlat lo. Ka Zoremsanga hnenah khan ka lo nghak reng dawn tih min lo hrilh sak la, ka nghak tih a hriat chuan min lo pan vat ang tih ka chiang. A ni kha chuan nang ang lo tak in ka nat a phal lo a, ka nghak tih a hriat tawh chuan thil dang zawng zawng kal san in ka bul a lo thleng vat thin. " Ti in ka nui seih a. Ka hma a mipa ding erawh lung tum ang maiin che chang lo in a awm reng thung.



" Lo nghak duh suh, engtiang a rei pawh nghak mah la a rawn kir tawh lo ang. " Tiin engah mah min ngai lo zet chuan min rawn kal pel a. A thawmhnaw dahna chu a pawt hawng zui a. Mit ka chhing sawk a ka biang bawk chu a lum leh pap. " A lo kir em em ang. Ka chiang a ni. " Ti ve ngat in a lam pawh hawi tawh lo in ka chhuak zui a. Step ka thlen phei rual in ka chhuah san tak room atang chuan thil ri bur in a zawm nghak a. In seh ruh ngek in thawk ka la vang vang a. Muang chang in inhnuai lamah chuan ka chhuk ta chauh.




' Engkim i nei a lawm ' midang zawng zawng pawn he thu hi min hrilh a. Ka nu leh pa, ka u leh ka thiante ngei pawn an sawi thin. Mahse tunah hian kei hian enge ka neih tih ka ngaihtuah a. Ni e .. Pawn lam atanga a lan dan ringawtah chuan engkim nei vek hmel chu ka pu ngei e. Mahse ka chhungril hi a ruak vek tih ka hrechiang viau si.




Ka bul hnaiah ka nu leh pa awm in, in hmu in in be reng mah i la a hma ang khan ka thinlung hian a pawh thei meuh tawh lo a. Hreawm pawh ka tiin a ruk tak chuan ka khua pawh a har thin. Chuan tunah Zorema a ni leh a, ka taksa khing phel chan ang maiin ka awm leh bawk a. Ti chung hian kei hian enge ka la neih ve.




Kan in ka thleng a, ka room lamah chho in room ka luh rual chuan kawngka chu khat in ka thu hnawk a, ka tap khur nghal dar dar. Ti nge kal san ve mai tur ka nih laiin ka harsat bik em em. Na tak tak a min tawngkhum a ka mi huat ber kei aia a duh zawk thu a sawi chung pawn ka la huat ve theih lo. Chuti chung pawh a ka bul a lo let tur a ka la in beisei tlatna rilru hi ka haw tak zet.




" Nang tal chu ka bul a awm tur in ka mawh che a sin. Midang zawng zawng chu min tan lo mahse nang ka lam a I tam chuan ka duh tawk em em a mahse ti nge nang leh zel pawn min kal san i tum? " Tiin ka phun sep sep ringawt.



Ni a liam ve zel a, ka lo nghak reng ang che ka tih lah a reh in a reh tlawk tlawk a. A chang chuan ka ngai thei lutuk hi message ka va thawn leh tawp zel a. Biak tum a call chang lah ka ngah mahse a phone a la siam tir lo nge ka message leh call chu a tlang thei ngai chuang lo. Zantin a lo kal dawn lo tih hre reng chung ka tukverh lam hawi a thu in ka nghak ziah a. Hmai chhanah ka hmu lohna pawh a rei tawh.




Class a rawn kal in a hmel ka hmu ve tawk a. A hnung lamah an thut miau vang in engtik lai in nge a rawn luh a a chhuah leh ka hre hman ngai lo. Luh tir atanga inkawp chawt kan nih vang in kan in kar hretu an tam a. Class dang a mi kan college atanga lut ve tho te pawn kan in zui thu an hre nual a. Chu mai ni lo in Zoremsanga ang tlangval chhelo lutuk chu ngaihventu a ngah hrim hrim vang in kan in kar hi chu hre lo ai hria an tam zawk tih tur kan ni a.




Chutia kan in thlah ta hmak pawh chu hre tu an lo tam ngang mai. Chu mai ni lo in Terini nen an in zui hmuh tur a awm zeuh zeuh bawk nen midang beng a ti vir zual a. Thenkhat Terini nen cousin kan ni tih lo hre ve ho chuan an rin thu in Zoreman kan unau in min kawp ang ten an sawi a. A then erawh chuan college kan kal lai atang tawh in Zorema leh Terini chu an in hmel duh tawh thu leh an in kar a ka tlak zeh thu sawi tawk lah bang lo. Chu erawh Opi sawi dan chuan Terini thian te sawi chhuah a ni awm a.




Kan thian te Roa te ho pawn kan in kar sawi fel sak min tum viau a mahse an thianpa hi a luhlul em a, an ni sawi fel theih lan ni lo tih chu kei hian ka chiang viau. Kei pawn engmah ka sawi tawh lo a mahse ka thinlung hi chuan a lo let hun a la nghak ru reng thung. Chutih rual in Terini erawh in ka lakah engmah a sawi lo a. Min tawng khum a min in sawi theih khum ka rin teh lul nen engmah chutiang a thleng lo. Zoremsanga ber in a thlan takah chuan min ti el vel ngai a ti lo pawh a ni mahna. A thil duh ber ka hmangaih te ho min lak sak kha a ni bawk a. A duh a nei a a hlim tawk pawh a ni mahna.




" Kan lo thu ve? " Canteen ah thil ei a kan chawl chu kan bul a rawn ti an awm rual in Lawma te thian thum chu an rawn thu ve nghal a. An ni pathum pawh kan thian ho ang maiin college atanga in zui tih takah an in thlah thei bik lo a, thian dang pawh an kawm belh lem lo. Chuti rual in rual an pawl thiam hrim hrim a hretu leh hriat erawh an nghah viau.




" Nang te hi i cher leh riau in ka hria, i damlo leh a ni lo maw I chawr che ve reuh sia. " Tiin Lawma chuan min fiam a. Ka that thu zawng a ka chhang chu a thaw ve hawk mai. Opi chuan mit mei zeuh tih pawh ka hre reng mahse nuih emaw hlim hmel put chakna ka nei lo. Lawma te pawh hian hetiang a ka awm chhan hi a hre ve tih ka hre chiang lutuk ringawt.




" Sport hun chu tel ve na tur te in nei em? " Tiin thu dang an sawi kai a. Kei pawh min biak luih zel vang in ka chhang ve zel a. Kan in kawm nak nak lai chuan Roa te thian thum an rawn lut ve leh a. Min rawn hmuh rual in hmun dang pan lo in kan thutna lam an rawn pan a. Dawhkan lianah kan thu bawk a, kan sir a chair in pawt chawp in min rawn zawm a, kan mipa ho an lian bawk nen kan chep lek lek mai.




" Zorina te kha an chhuak tawh em? " Opi chuan a ti a. " Kar hmasa khan an chhuak ve a. Naute thar lawm nan chaw te pawh kan ei khawm tawh zawk. " Hruaizela chuan a lo ti a. Hruaizela hian Opi hi a la duh reng a Opi erawh in hre lo der hmak in Lawma hi a duh tlat thung a. A hrilh ngam lo erawh kan hauh phah fo mai.




" Min sawm ve lo maw! Hmm.... " Siamsiami chuan a ti ve hliai a. Roa te ho erawh an nhi thaw hlawm mai. " Tuvak an la sawm lo. Chhungkhat leh thian hnai vai tak tak bak. Dan ang thlap a innei a in kut suih an la ni bawk si lo a hmai a la uang vak thei lo a lawm. " Dinpuia chuan a lo ti ve vat a.




" A nih naute chu a hmeltha em? " Opi bawk a ni. " Tha a ni mai, naute hi chu an in ang put mai hian ka hria a. Hmeichhia a nih vang nge Zorina aiin Sawmi a ang zawk in ka hria. " Roa thu zep ngai lem lo chuan a ti leh a. Chu mi chung chang vel sawi chuan an in hnial bap bap a.




Roa phone a rawn ri a, lak pah chuan ka awmna vel chu a hrilh mawlh mawlh a. " Tu nge lo kal tur an la awm a mi? " Siamsiami chuan a lo ti ve a. Roan Zorema a rawn kal ve dawn tih thu a sawi vang erawh in ka meng buai nak.




" Zorema hi a mak sawt ngawt mai. Kei chu hmuh pawh ka peih lo. " Siami bawk chuan a ti leh hlak a. " Tunlai chu a rilru a buai ve deuh a nih hi. Zonun hrethiam hram hram rawh aw. Hetiang mi a ni lo tih i hriat kha. " Min ngaichang zet in Roa pawh chuan a rawn ti a. Ka chhan lem lo.



" Mi dang thu sawi teh hi kan hre ve bawk a. Engmah thleng lo ang a awm chu a theih bik loh a nih hi. " Opi chuan a ti nghat.




" Duh tawk rih ang u. Chutiang sawi na hun a ni rih lo. " Dinpuia chuan Lawma te melh pah chuan a ti a. " Sawi lo mah u la kan hre thawi ve bawk. " Lawma thianpa Rla chuan a lo ti ve kher a. An in melh no lo nghal teh e.




" Bawiha... " Tiin Roa chuan a ban a phat vuah a. Kawngka lam kan hawi chu Zoremsanga kan lam pan a lo kal nen chuan kan in melh fuh khawp leh nghal. Roa te thian ho chu an in siam rem a, sir lam a chir pakhat chu an pawt phei nghal zat.




" Tawl chip ve hlek u la. " A tih chuan Siamsiami ngaih dan a ni lo nasa. " A chep sa tawh em hi, in thiam ho khan a piah dawhkan hi va kil ru. " A tih hlak hlak a. An hmelah chuan an tum lo nasa. Zorema pawh chu a rawn thu ve a. Ka hma zawn Roa sirah a thu a. Ka bul chiahah Opi thu in leh lamah Lawma a thu thung.




Zorema a rawn thut ve tak vang nge boruak chu a rit churh a. Tumah tawng pawh kan tawng mang tawh lo. Ka hma a thu na na na chu ka melh leh zauh thin a. A ni erawh chuan ka awm ve tih pawh hre lo ang hmak in a thu thung.




" Zorem Terini nen in in zui an tih hi a dik tak tak a mi. " Opin a ti chhuak ta nge nge. Ka lo i seh ruh nghek ringawt. " Ka thei lo a mi? " Tiin a kiai suk a. Engah mah ngaih loh tum zet in ka awm a mahse ka taksa chu a tang vek tho.




" I ti mak ve e, ti nge Terini kher? Zonuni nen pawh an awm dan hre chiang ber tu i ni a. " Siamsiami bawk chuan a ti leh a. Ngaih pawimawh loh hmel zet chuan a nui suk a. " Zonuni nen chuan kan in then tawh a. Hmeichhe dang ka ngaihven chu a pawina a awm em ni? " Tiin min rawn melh tel kher a. Inthen tih thu a sawi chhuak mai thei chuan min vit sawk a ni ber.




" I tenawm e mai aw! " Opi pawh chuan a ti ta thlawt. Roa te ho chuan thu dang sawi an lo rawt ve vat a. " A nih chuan Zonuni hi ka ngaihven thei tawh i tihnaah ka ngai dawn a nia. " Ka bul a thuin Lawma chuan a ti ve a. Zoremsanga chuan min melh tawn zauh a. " Min dil kher a ngai em ni? " Tiin ngaihnep hmel fahran chuan a then leh suk a. Dawhkan chung a ka kut chu ka hum ruh ngawt ngawt mai.




" Zonuni ka ngaihvenna rei tawh zia chu i hriat kha. Nakin zelah i raw tih buai leh chuan ka ken tawh che beisei suh. " Tiin ka kut ka hum ruh ngawt ngawt chu a rawn hum hnan a. Ka muttui rawn chhuak tur chu ka dang ve hram hram bawk.




Rawn chhang let lem lo chuan a phone ri chu a la a. Phone thar a nei a nih hmel. Mahse ka message leh call a la thei ngai si lo a. A no a thlak a nih loh vek pawn ka no a block tih ka chiang viau mai.




" Kalna tur ka nei a, ka lo va chhuak hmasa mai ang. Tui deuh kha ei ru. " Tiin a ding leh hluai a. Roa te ho chuan a kalna tur an lo zawt zui a. " Terini nen tih tur kan nei a. " Tiin min rawn melh leh zawk in a pen sawn nghal vut a. Ka mittui rawn luang lum papa chu midang hmuh hlau zet in ka hru a. Mahse min hmuh vek tho chu ka ring a ni.




" Ka lo va chhuak hmasa ang. " Tiin ka ding ta hliai. Ka thu reng a nih chuan la tap mualpho mai dawn. " Kei ni pawh kan puar. " Tih leh ka thiante pahnih chu rawn thawh ve an rual a. Kan order a eaq thleng chiah a an la ei mang lo reng reng a an puar miah lo ang.




" In la ei mang loh hi. Roomah ka lo va awm ang. Mahni chauh a awm ka duh zawk. " Ka tih chuan min hrethiam ve nge an thu leh riai riai a. Kei erawh la bag ak in an hmawh zet in ka chhuak a.




Kawtah Zorema leh Terini in phur chhuak tur chu ka va tawk hram leh nghal. Ka ding dat a an pahnih pawh chuan min rawn en ve nghal chiah. " Kal i la. " Ti a ka dar a min rawn kuah tu chu Lawma a ni tih ka hria. Ka chhan loh vang chuan a mah zawk chuan min kuah kal dawr dawr a. Zoremsanga min thlir zui reng tih ka hriat vang in a kut chu ka dah sawn bik lo.




" Sual thiam lutuk. " Mi awm vak lohna kan thlen chuan ka phun sep a. Ka mittui chu hru in ka thaw zui hak.



" Kan kal kual mai mai dawn em ni? " Tiin min kai tu chu ka hnial bik lo. Ka rilru na leh tawt lutuk hi tih ziahawm ka ngai tak zet .




" I single takah chuan hun min pe ve tawh mai la. " Ka bul a kal in ka kut a kai reng pah chuan a ti a. Thaw halh in ka ding zui dat .




" A ni ang em chuan ka tha lo tih la hria mahse ka kal san ve lo ang che. " Thu tak zet a tiin ka hmaah chuan a rawn ding a.




" Ka tihpalh mahse tum lo law law zawk rawh. " Ka ti sep chu a thaw chhuak hawk mai.



" Hmeichhe dang a pan tawh chung pawh in i la um kual zel dawn a maw? " A ti ve hluk a kei erawh ka nui tawi tak.




" Um em chu ka um tawh lo ang. Mahse ka kiang a a lo let hun erawh ka nghak reng dawn. " Ka ti sep chu a min tih hmel lutuk in min en tawp.




" Chutiang em em a in phah hniam phahna tur chuan enge a that bik na? " A awah pawh chuan a hrethiam hlawl lo tih chu a hriat vek.




" A that bikna.... Enge a that bik na? Chu zawhna chu kei pawh hian ka in zaat ngun a sin. Mahse chhanna ka nei bik lo. Min ngaihtuah miah lo in a kal a haw tur ka ni a mahse ka haw thei si lo. A tih ang leh a a dan a awm ve pawh ka tum a mahse ka thei chuang lo. Ka taksa khing leh lam in min kal san ang mai hian ka awm a. Hei lai hi... He lai chhung a mi hi a hruai tel daih a. He lai hi a ruak vek a Zoremsanga a nih loh chuan tuman an hnawh khat thei lo. " Tiin ka awm chu ka chum dat dat a. Ti nge a mah ang khan awl sam tak a ka theihnghilh ve mai theih loh.





" Lo kal teh. " Tiin a mah zawk chuan min rawn kuah a. A awm zawnah chuan ka in hnit nghal hlawp hlawp. " Ka thik khawp mai. Chuan nang a kal san che hi a mawl ka ti hle bawk. " Ka chhipah khabe nghat chuan a ti sup a. Rei fe ka tah hnuin class ah min chhoh pui a. Ka thianten min hmuh rual chuan min lo pan vat.




" Lo hnem teh u. Tlaiah ka lo nghak che a nga ka rualin i haw dawn nia. " Tiin an class lamah min kal san zui a. Class ah pawh chuan ka thu ngawi chawt chawt mai.




" Lawma hi nih pui ve rih la Ziremsanga in hriat chhuah vawng vawng nan. " Siami chuan a ti a. " Nia, mipa dang i hnaih in a thinrim in a thik theih em kha. " Opi pawh in a lo ti ve bawk. A rilru chuan Lawma chutianga tih chu a duh tak tak lo tih ka hriat sak thung. Bakah Zoremsanga ti el nan a Lawma hman hi ka duh lo, ka tan a tha in a in hawng em em reng a. Ka duh let ve theih dawn lo tih hre reng chung a beiseina siam sak ka duh lo. Nakinah ka chan ang hi a chhan ve ka duh pui miah lo bawk.




Ka mut a chhuak over ka mutthluk leh hma in dah mai ang aw. Cmt lamah in hmu I la next chhiar chak in tam viau chuan naktuk zanah dah leh kan tum dawn nia💕💕


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:53 pm

Miracle Love 💕 by Amy Cck


32 na zawmna i chhiar loh chuan keu let rawh aw 💕💕

Chapter - 33



Tlai banah chuan haw tur in class atangin kan chhuak a. Bus dinna lam kan pan lai chuan kan zawnah Lawma a rawn ding a, " Lo chuang la. " Tiin bike hnung chu a beng thak a. Ka thian te an awm ve tho bawk nen bus a an rual a haw chu ka duh mah zawk a. Mahse ka thiante pawh in min tih luih ve tlat vang chuan phur lo zet chuan ka chuang ve ta hram.




Kawng tluan chuan kan tawng lo a. Lawma hnungah chuan beiin a khat tawk in ka in sut leh hraih thin. Kan awm dan hian Zoremsanga min hriat chhuah tir lo thei si lo a. Ka awm ve reng lai leh a thiante pawh an awm vek laiin Terinin a rawn ko hrang thei te khan min ti na.




" Zanah ka lo leng dawn a nia. " Kan in kawtah a ding a chhuk a kal mai ka tum chu ka banah vuan in Lawma chuan a ti a thawk ka la halh ringawt.




" Kei mah atang hi chuan engmah beisei nei lo tur in ka duh che. " Ka ti ta ringawt. Nui suk in ka ban rek a vawn chu a melh zeuh a. " Ka hria lawm mahse tun ang hun hi i bul a ka awm ve theih hun a nia bawh pelh ka phal lo bur. " Tiin ka chhan leh hma in ka kut chu a thlah a. A tlan tlang lai chu ka melh vang vang ringawt.




In ka lut a, tunlai chu inah a ni emaw khawi hmun pawh nise nui hmel ka pu ngai meuh lo bawk nen ka nu leh pa ngaih pawh ka ti tha lo tih ka hria. Hetiang khawp hian ka nunah Zoremsanga hian hmun pawimawh a lo luah tih hi ka hre ngai lo. Ka tan a pawimawh lutuk tih chu ka hria a mahse ka hlimna, ka hahdamna leh ka khawvel a ni tih ka hre ngai lo. A hma kha chuan ka tel lo a awm theih lo zawkah khan ka ngai thin a mahse tunah ka hre fiah ta chiah. Kei zawk hi a tel lo a khawsa thei lo zawk chu ka ni.




Lawman min thlah vang in ka thleng hma bawk a. In thlak in ka nu rawngbawl ka pui a. Tunlai Zorema a rawn lan khat thu chu a sawi mawlh mawlh a engtin erawh ka chhang lem lo. A tawng dan velah kan inkar a that loh chu a ring ve tho tih ka hre thei. Mahse khang thik tam tak thlen hnu atang khan a hma ang in ka rilru natna leh hahna, ka buaina te ka nu leh pa hi hrilh chakna ka nei tawh ngai lo. A hma kha chuan ho te te pawh ka sawi ve melh melh zel kha a nia. Kan chhungkaw boruak engkim tha vek tawh ang in lang mahse ka chhungrilah hian ka hrang tlat tawh. Ka dik lo pawh a ni zawk mai thei mahse ka nu leh pa in kei aiin Terini an ring zawk tih ngaihdan ka neih tak atang khan an mahniah ka in nghat ngam tawh lo a ni ber.




Thleng ka sir zo chiah tiin doorbell a rawn ri a. Ka chhuak phei chiah bawk nen ka pan phei nghal mai a. Kawngka ka hawn rual in Lawma chuan min lo nuih suk a, Rla leh Bda pawh zanin chu a rawn hruai ve teh mial. Nuih let ve in lut tur chuan ka sawm zui a. Sitting roomah kan phei a ka nu leh pa chuan hriat than tawh tih takah an lo be ve nghal vat a. An ni pawh in ka pa te biak dan tawk a hre tawh bawk nen an rawn len hmasak ber ngaihtuah chuan lei leh van ang vel an ni tawh.




Ka pa in thingpui a lam takah chuan lum tur in ka tho chhuak a. Thingpuife a lo awm tawh lo tih hre chhuak in choka atang chuan ka phei leh vat a. Dawrah ka va kal lawk tur thu ka sawi chuan Lawma chuan min kal pui tur thu sawiin a rawn ding ve nghal a. Hnial lem lo chuan kan in zui chhuak ve nghal mai.




" I thiante kan chhuah san daih sia nuam an ti lo ang a? " Dawr lam pan pah chuan ka ti sep. " Lungngai suh mit an nei a beng an nei bawk a, an tawng thei bawk a an ngaihtuah awm loh. " A ti mai leh nghal.




" I va ti duh dah ve a. " Ti hliai in ka nui hak a. " An awm awm in lo awm ve rawh se. An ni ni lo in kei mah a lawm mark tih that ngai ber. " Fiamthu zet a nui chung chuan a ti vei ham ham. Dawr kan thleng a thingpuife chu leiin kal tak ro ro chuan tiin a hmeh tur kan lei tel a.



Dawr atanga kan chhuak kan in lam pen na a taxistand bulah chuan tlangval rual ho hi an lo thu khawm a. Kan kal pelh dawn lai chuan chung zing atang chuan Zorina chu a rawn pen chhuak nawlh a. Mak ka ti lutuk chu ka en haw mai.




" In hmuh a khat hle mai. " Tiin a ni pawh chu kan hmaah a rawn ding a. Ka bul lawk a Lawma ding chu a melh zui zat.



" Nia, damdawiin atang in chhuak tawh tih te ka lo hria a. Naute pawh kan la rawn en hman lo a. " Ka ti tha ve mai. Lai deuh tak hian a kiai suk a. A rim atang chuan zu a in tih ka hre thei.




" Enge kan veng lamah te i rawn ti a? " Kan ngawih tak reng vang chuan ka ti leh ringawt. A lu thak lo pui chu hiat in sir lam chu a melh zawk a, " Zorema nen tih tur kan nei a. " A tih chuan a melh zawk na l chu ka en a. Midang karah chuan Zorema pawh a lo thu ve a. Nichin khan saw lam ka lo en lo bawk nen ka hmu miah lo kha a nia.




" A nih chu... " Ka ti tawi tap. " Kal i la rei min lo ti a nge. " Lawman a tih chuan ka bu nghat a. " Kan kal mai ang aw. Rem changah naute chu kan lo la en ve ang. " Tiin kan pen sawn hma chuan Zorema chu ka va melh leh hram a. Min lo en ve reng vang chuan mit la sawn hmasaah tang in kan kal sawn a. Min en zui tu awm reng ang mai hian ka taksa chu a mur er er reng bawk nen ka tang teuh mai.




" Ka ngaihtuah ve nasa a.. " Ti riah chuan Lawma chu ka en vat a.



" I thinlung min pe ngai dawn lo tih hre mah i la tih chhin chu ka la duh tho. I taksa tal ka kiangah a awm thei dawn tho a. I duh chuan Zorema tih thik nan ringawt pawh min hmang mah la ka sawi sel miah lo ang. " Thu tak zet a a tih chuan a tih hmel lutuk in ka melh ve thung.




" Kha tiang khan min en suh ka thu tak teh a nia. " A ti leh hluk. " Ka duh lo. " Tih zawng in ka chhang a ka kal leh nghal chu min rawn zui lo in a dinna ngaiah chuan a ding reng a. Thaw hak in ka ding a lam chu ka hawi leh a.



" A lem a I ngaihzawng ni tur pawh in ka tlak loh a maw? " Tiin rilru nat hmel zet chuan a ding reng a ka thawk chhuak hak ringawt. Muang chang chuan a lamah chuan ka let leh a. A hma takah ding in ka nui lui seih a.




" Ni lo.... A der mai mai a ka bul a awm tir tur a tan chuan i tha mah mah zawk. Min ngaihtuah em em a , midang chuan eng pawh lo sawi se kei hian ka hria che a mi rilru tha leh hmangaihna ngah tak i ni bawk a. Tunah ka na min chhawk tur a ka vawn be che chuan nakinah kei mah ang chiah hian i na dawn tih ka hria. Ka tan a mi hlu tak te hi chan belh leh ka duh tawh lo. Chuvang chuan engtikah mah kan in kar a chhiat theih loh na tur in nang nen chuan thian tha tak nih reng ka duh zawk. A ni nen pawh khan thian khan lo ni reng i la, ka lak a a feeling a sawi kha lo pawm sak lo i la chuan tunah hian ka bulah a la a ngei ngei ang. Chuvang chuan i thling lo ni lo in i that mah mah zawk vang che leh chan che ka hlauh vang zawk a ni tih hre rawh aw. " Dam dap chuan ka ti a, van lam hawi chuan a thaw suai suai mai.




" Angel ang mai i ni. " A tih chuan ka nui hak. " Kal tawh ang rei min lo ti ang. " Ka ti leh sep.




" A kal san che avang hian a la inchhir ngei ang. " A tih chuan ka nui tawp riai riai thung. Kan in lamah chuan kan in zui leh a.




" Dik tak chuan ka awt thei lutuk che a. " A ti leh tawl mai. Ner nang in ka melh vak a a ni chu a nui mai thung.




" College kan kal lai atang tawh khan. I hriat khan broken family atanga chawr chhuak ka nia. Ka pa hian sum chu hman sen lo min pe thin. Mahse la mamawh tak chu min ngaihtuah a min hmangaihtu a ni thung a. College tan ni hmasa ber a Zorema nen kan in sual a in awm dan kha ka hmuh cheu khan ka lo awt ve ngawih ngawih a. A hnu zelah pawh ka hmu in in a dan ka hre ve fo a. A chang chuan ka lo thik lek lek thin.



Kan insual buai chang a min ngaihtuah vang a min hau a ka hlim min buai pui sak tu tur te, zu ka in chang a ka lak a thinrim a lawm lo ve tur te kha ka mamawh ve a. Zorema tan a I awm reng ang a ka tan a awm reng tur hi ka duh ve tak zet. " A tih chuan ka khawngaih ve reng. Hmanah khan an chhungkaw chanchin chu ka hre ve nual tawh bawk nen.




" Chutiang a ka lak a thu neih chu i duh ve mai lo em ni? Nge ni a chutiang ni tur chuan kha pa kha a nih kher a ngai zawk. " A tawng tawp lam chu a beidawng aw lek lek tawh.




" Mi tha tak i la tawng dawn tih ka hria a nia. I tan mi tha ka ni thei lo erawh pawi ka ti. Tunah hian ka pawm lui che a nih chuan a mah ang chiah a nun rawng ka ni dawn. Chu tiang nih chu ka duh lo. " Ka ti leh sep.




In kan thleng a kan rei an lo ti ngang mai. Thingpui chu ka lum sawk sawk a. An in hnu chuan rei tak pawh leng zawm lo in an haw mai a. Beisei tur ka awm lo tih a hriat vang pawh a ni mahna. A hmel chu a nguai ve ruih thei.



*



" I hman em taxi in kan lo phei a nia. Nghah ngai te khan I lo awm a nge? " Ka phone ri ka lak rual in Diki chuan a rawn ti lawng lawng. Ka hman vek tawh thu chu ka sawi ve mai a. Phone kan dah hnu chuan ka in chei zawm leh mial mial a. Chaw ka ei thei lo in zan lam ka mu tha lo bawk nen ka taksa chu tla chak tak ka ni.



Kan gate bulah taxi horn ri ka hriat chuan ka hman hmawh zet in ka room ka chhuah san a. Ka nu leh pa bulah ka kal tiin kawngka lam ka pan nghal a. Ka chhuan rual in kan in kawt a taxi chu hnung lam kawngka Opi chuan a lo hawng a ka pan ve nghal vat.




" Kan tlai em lo ang chu. " Ka thu lut a kan tlan chhuah rual in hma lam atangin Diki chuan a lo ti hliai.




" Ka chak lo viau nan i * kum hlun te a lo nih ve naah ka kal pui hram ang che. Tunlai chu a thian ho hi la mil lo teh a nia. " Ka bul a thu Opi chuan a ti hlak hlak a. Diki erawh a lo ner nasa mai.




" Ka la vak bik lo a nia. A hmangaih tak a ni lo tih ka hre ve kur a. Kha nu khan a fa lo pai lo se chuan a la tlangval ve mai mai awm sia aw. " Pawn lam thlir in Diki lah chuan a ti vawng vawng a. Kei ni pawh chuan kan lo pawm pui nang mai.




April thla kan chuangkai chho a, vawiinah Zorina te an in kut suih tawh dawn a. Higher atanga kal ho kan nih bakah college a kan department ho min sawm vek bawk nen kal loh kha mawi kan ti si lo a. Class chawl meuh in inkhawm tur in kan kal ve a. Siamsiami erawh in college kan kal ho ve si lo ka lo tel lo mai ang a ti deuh tlat a. Opi leh Diki te nen kan kal ta ringawt.




" Miss hi a la reh vang vang a mi le ." Ka ti ve sep.



" Khaw nge a awm hi hria an la awm miah lo nge ka ti kei pawn. Nge an chanchin a thang mawi lo lak lawh tawh si a awm bo hlen a tum zawk ni. " Opi chuan a ti ve leh a.




" Kei pawh ni i la kal bo hlen daih ka duh ang chu. Mahni student, mahni aia naupang nen an in ngaizawng a. Chutah mihrang ni lo in in chhungkhat deuh an la ni zui a. Pasal nei mai tur a la tlan bo san zui bawk nen rawn let leh chu huphurh awm deuh tur a sin. " Diki lah chuan a ti zui siam siam a. Taxi driver chuan mak min tih hmel ngang mai. Kawng tluan in inkhawm tur kan ni e ti lo chuan mi kan rel char char a ni mai sia.




Biakin kawtah chuan kan chhuk a. Midang pawh biakin pan a kal an a ve nual a. Inthu rual in puan bih lo in kawrfual hak kan rawt vang in kawr fual kan ha vek a. Veng kar a hla ve bawk nen a in chhir awm loh khawp mai.




Dan 1 na an tlin tawh lo tih a chiang bawk in hall lam pan chuan kan phei a. Kawtah Roa te ho pawh an bialnu te nen an lo ding ve reng tawh. Min hmuh chuanan lam a kal tur in min au a kan phei ve mai bawk. A hma tawh zawk zawk lo bawk nen kan lut nghal mai a. Mipa lam deuh kan nih vang chuan a hnung lamah kan thu ve mai a. Dan khatna ni lo mahse mi erawh tam tak an ni.





Zorinan thianah Zorema a hmang a. Pastor hmaah an din lai te chuan mit khap lek lo in ka lo en a. Hmanah khan lo in ru tlang i la chuan saw tiang sawn kan ding dun ve ngei tawh awm sia tih vel a nih ka lo ngaihtuah daih.




" Kan thiana te chu duh loh rai ang mai nui hmel tlem te chu lan tir ve tur an nia. " Kan hnung a thu te chu an phun sur sur a. En mai chuan an sawi awm ang vei fu leh nghal.




Hunserh hman zawh chuan thla te kan la a. A mipa leh hmeichhe chhungte lam an tha hnem dun bawk a thla pawh chu an la rei khawp mai. Hmeichhe pakhat in an fanu te kha a rawn pawm a, monu leh mipa an hmeltha in a hleitling dun bawk a sawi zui an hlawh nasa ngang bawk. Mahse kei erawh mopa thianpa in ka mit a la ber miau a. Rei tak chhung chiang tak a a hmel la hmuh tawh lo vang chuan ka thlir ning thei meuh lo.





In lamah zui kan tum lo viau nan Roa te ho in a pawh in min pawt lui tlat bawk nen kan kal leh ta nge nge a. Zorina te in lamah tlang in mopa te in lamah ruai an buat sawi vang chuan ka awm tlang a. Zanah After party an buaisaih leh zel nen tun lo deuh in kan awm zui ta zel a.




An in a lian bawk a, an in chung zawlah Zorina cousin te ho in nula leh tlangval tan a ninawm lutuk loh nam tiin a hran in program an buatsaih bawk a. Inhnuaiah puotling rual an awm thung. Imchung zawl a awm ho tan in tur leh ei tur an chhawp teuh bawk a. A tu a te mai pawh chuan bear leh in tur dan an dawm fur a. Music an play a nuam chu an tih hmel nasa.




" Hetiang hi an phal a maw ni? " Ka thiante pahnih pawh chuan a khat tawk in an ti leh thin a. Roa te kan zui zel vang chuan Zorina te pawh chu an va pawh ve a. Zorema leh moni thiannu in bia a nui leh hak hak thin chu ka awm hmunah ka lo thik ve em em ringawt a. Zoremsanga erawh in ka awm ve tih hre lo ang hmak in melh pawh min melh eih lo.




" Cheng 2 nawi ka neih veleh ka ral ang che. " Tiin Roa lah chuan Diki chu a fim reng a. Diki chu a tum leh bar thin. Kan tlai ta zel bawk nen Roa ten kan thlah kawi dawn cheu nia motor kan keng an ti bawk a. Kan lak lawh vel vek tawh. An bialnu te pawn min hre ve tho bawk nen thik enah min en lem lo.




Roa te ho chuan in tih hlim nan game an siam a. Zorina leh Zorema te erawh in hnuai lamah an rawn koh vang in an chhuk thung a. Kan thian thum chuan an true or drink game ah chuan kan tel ve a. Midang ho pawn an awm awm in an la awm ve nawk nawk bawk.



Bottle in min kawh a piang lah chuan an ti lui nge Roa te leh an hmeichhe hruai te chuan Zorema nen kan chung chang min zawt a. Kan in then dan te chu nuam tih hmel zet hian min zawt a. Min hnen vang in min then han tih chu tlawmah ka lak vang in ka sawi duh bik si lo a. Glass no ah bear leh in tur dang an tlit chu ka in ve hmiah hmiah a. Ka thian te pahnih in duh tawk tur a min tih pawn ka ti lui ngat ngat a. Kan haw hun a ka chhungte min lo hauh tur lam reng ka hre chang tawh lo.




Ka no ken lai ka in leh tur chiah chu hnung lam atang hian tu emaw in min rawn lak sak hlawk a. Ka hawi chhuak chu tu dang ni lo in Zoremsanga a ni. A hma zawng a mi hre lo der char char kha chutia a rawn che leh si chu ka ngei viau bawk.




" Min lo zui rawh. " Tiin min pawt tho lawp a. Ka lu chu a hai chhap a ka meng phe ruai tawh leh nghal. Min kal sawn pui a tum rual chu ka lo tang ve deuh a mahse min pawt lui dawr dawr tho. Ka thiante min zui tum chu Roa ten an ko ri ka hria a. Mahse stepah min chhuk thlak pui hlawk hlawk vang in min rawn zui em pawh ka hre zawm tawh lo.




" Engvang in nge i in ve vak a? " Room pakhatah a theh a min theh lut in a ti vin hlur a. Chhang lo chuan ka ding reng a. Ka lu hai ne tlu mai tur ang in ka awm ni te chuan ka hria.




" Enge i tan a pawi na? Min hmu lo der char char in kha monu thiannu kha ka nuih vel a ni la ni. Tunah pawh hian hre lo der leh mai ta che. " Ka ti ve hlak a. Pawn lamah thawm a awm reng bawk a tu man kan thawm chu an hria pawn ka ring lo.




" Zonunmawi nang hi.. " A tih rual chuan " Min thentu chu nangmah i nih kha. Ka thil tihah lo in rawlh suh. A hreawm ka ti lutuk hi ka a mai dawn in ka hria. Engvang in nge hetiang a min ti kual leh tur si chuan i lakah feeling nei tur a min siam. Nang ma bul tan vek a nia ka rilru i hneh a ka thinlung i nei hnuah tiang hian min tih leh si. " Tiin chhuatah chuan ka thu hnawk a. Ka tap khur nghal dar dar.




A lakah tlawm deuh in ka awm tawh lo ang ka ti kha a nia mahse hmaichhan a in hmuh a min ngaihtuah ang mai a a awm leh hian ka rilru a ti no leh vek.



" I rilru a fim rih lo a nih kha. Lo kal rawn ka thlah ang che. " A tih pawh chuan hre lo der hmak in ka awm ngai chuan ka awm char char.




" Zonun... " Tiin ka hmaah chuan a rawn thu hniam a. A aw leh a lan dan zawng zawng chu ka Zorema hriat thin kha a ni leh tak vang chuan ka lung chu a chhe zual sauh.




" Ti nge ka nghak che ka tih ka hrilh reng che pawh a min rawn pan i tum miah lo. Ka message leh call pawh i chhang duh lo a. Zantin ka lo nghak ziah che a , i sual e mai aw. " Ka ti zui ta nghek. Ka thil in vang kha nge ka tawng thui ta viau chuan ka hria a mahse ka in sum thei leh tawh lo. Ka tah chhuak lah chuan ka kawchhung lam atangin a hnawh in min hnawh bawk si.




" Tihpalh aw. " Dam dup a tiin a kut pahnih chuan ka biang chu a rawn khuap a. Ka muttui chu a hru hul nghal zel bawk. Tun a mi hi ka mang nge ka rui in la hmu sual zawk.




" Ka ruih vang mai mai in tiang hian i awm ti raw. " Ka tih chuan lu a bu nghat a. Ka awm zawn chu a thip vawng vawng mai.




" A pawi lo... Ka ruih vang pawh nise pawi tihna ka nei lo. Ka bulah i awm phawt chuan pawi tihna ka nei lo. " Tih leh a kamis hma lamah chuan pawt thut in a hmuiah chuan ka hmui ka ti si chawt a. Awm hran tum ni awm tak a a chet rual in a nghawngah kuah bet zuiin thlah mai chu ka tum bik lo.




Min chhang let lo mahse ka thiam dan chuan ka fawp lui tlat a. Rei lo teah rawn in thlah dul in a hmui chu a rawn chet a. A kut chuan ka kawngah rawn dawn in uar zet chuan min chhang let a. Kei pawh chuan thlah mai ka tum bik lo. A awm dan siam rem in ka kawng a dawmna chu a sawn thla a. Ka mal a hmer salh rual in min chawi kang nawlh a. Thil tha ber a ni lo tih hre mah ila min kal san ai chuan hetiang a chelh beh tlat hi ka duh zawk.



Khum a min nghahthlak rual chuan ka chungah a rawn in nem khalh nghal run a. Ka hmuiah bawk chuan rawn fawp in a kut chu ka mal atangin a rawn zut chho a. Ka thawk a rang in ka ngaihtuahna thenkhat chuan thil dik lo ka ti mek tih min hrilh a. Ka rilru leh lam erawh chuan a tawp thlen pui a Zorina a nupuiin naute hmang a a chelh ang hian chelh beh tlat a rilruk thung. Ka bul a a awm duh lo a nih chuan awm chhan tur siam sak mai chu tha in ka hria a nih tak ber chu!




Thawk leh khatah harh chhuak thut ang mai chuan a che chu a tawp thut a. Mahse a la awm hrang bik lo. Min delh belh miau vang in a thinphu in thum rawn tluk tluk chu ka hre pha hial a. Room chhung a thim deuh bawk nen a mit meng pawh chu a dur khup a. Mahse tum tum chu min huat vang a hetiang mit meng pu ni lo in tun kan awm dan vang a ni tih ka hria. Min melh chhuk ngur chunga a chil a lem leh khawlh thin danah leh a bek leh chal a thisen zam lan tawlh tawlh danah insum a tum hle tih pawh ka hria.




" Nang hian min la duh ve tho ti raw? " Ka ti leh sep a. Chu mi rual chuan kan room awmna kawngka chu an rawn kik a ani pawh chu a tho chhuak ve vut. Kei erawh ka heh pet fan fan in khunah chuan ka mu thla hnak thung. Kawngka bulah mipa tawng thum bul bul tute chuan enge an sawi tak hre lo mah i la mit chhing chung chuan ka ngaithla ve reng Zorina niin ka hria a mi biak chu.





Ka lu chu a hai chiai chiai a ka ngaihtuahna chu a fim lo ka tih dawn chuan engkim chu ka hre chiang viau bawk si. Hetiang hian mi hi an rui thin tihna em ni? A hma a bear ka in pawh khan engkim kha chu ka hre vek a kei mah a in control na kha ka hlauh chauh khan ka hre bawk a. Chutiang chiah chuan tunah pawh hian ka awm. Mi te chuan an ruih chuan engmah kan hre tawh lo an ti thin in ka hre sia ka la rui lo mah mah zawk tihna nge maw ni.




" Ka kal a ngai tawh a. " Ka sir mai a titu vang chuan ka meng chhuak riai riai a. Khum sirah chuan ding ngur in min lo en a. Kamis var hak chu a hma kilh a in hawng deuh a. A kut chuan a kekawr ip a zen ngur bawk. Muang chang chuan ka kiu in ka in beng kang ve nghal.




" I rawn let leh dawn em? " Melh chho ve chuan ka ti sep. " Let tawh ka ring lo . " Tih zawngin min chhang a. Ka kut chu ka hum ruh zui nghek.



" Kha nu bulah bawk khan maw? " Ti ro halh in khum atang chuan ka tho sawk sawk a. Ding chhuak a kal mai ka tum chu ka lu hai nen ka pai zui khat khat a ka ban bulah chuan min rawn vuan zui chawt. " I rui e mai Roate rual in haw rawh. " Ti sup in min kaih sawn a tum chu tal phat in min vawnna chu ka thing thla zui hnawk a a ni erawh chu a thaw hawk mai.



" Ti nge nangman min thlah haw thei lo em ni? Ohh... Kha nu kha i thlah a ngai tak e. " Tiin ngeiawm zet chuan ka melh kher a. A mit meng atang chuan a lawm lo hle tih ka hre thei.




" Ngai kawi lo teh. Zorina te kan va zui ve an ngaih a a bak engmah a awm lo. " A ti ve hluk.




" A nih ka ring, chuan kei pawh kei mah in ka haw ve thei. " Ti ram hmak in kawngka lam chu ka pan a. Kawngka nem hawn ka tum chu a la in hawng thei thak lo zui.



" Luhlul thin lo teh. Kawngka ringawt pawh hawng thei lo khan in in chu i thlen ring suh. " Tiin ka bul a rawn thleng zui a. Kawngka nem hawn ka tum chu a pawh in a la rawn pawt hawng daih zui.




" Duh leh ka thleng lo a nga enge i tan a pawi na? I tan engmah ka ni tawh lo a ni lawm ni. " A tawp lam chu ka aw a lawi leh rat tawh. Kawngka hawnna chu a hmer na hle tih ka hria.



" Ka ngaihtuah che. " Ti sup tu chu ka melh vat a. Ka hriat sual emaw ka ti kha a nia mahse a sawi tak tak a nih hmel. " Dawt. " Tiin ka nui ro halh a.




" Dawt a ni lo tih hre chiang ber tu i ni. Hman atang in ka rual emaw midang bulah pawh ni se i chhuah chuan him tak a in i thlen hma chu ka rilru a nuam ngai lo tih i hriat kha. " Thu tak deuh hian a ti leh a. Kei erawh in chet pawh che lo in ka en ve reng ringawt.




Ka hming a min ko riah chuan ka hawi sawn a ka thiante pahnih chu kan lam pan in an rawn phei ve mek bawk. " Chuan ngaihkawih tur a awm lo. Zorina vang a kal tur ka nih hi. I haw hunah min ngaihtuah zuu vak lo in tui deuh in i mu dawn nia. " Ka thiat tham lek tur a ring in a ti leh a. Ka han en chuan ngainatawm zet hian min lo nuih suk a. Rei tak chhung he a nui hmel hi ka hmu tawh lo bawk nen ka hawi sawn mai phal ngang lo.




" Haw kan tum tawh a, kan zawng kual nasa lutuk che. " Didiki chuan kan bul an rawn thlen rual in a ti a. Kei min en in Zorema chu a melh leh zauh a.




" Enge in tih a? " Opi zawk chu min rinhlelh hmel zet chuan min zawt ve nghal. " An in a thleng ngei tih min lo chian sak ru aw. " Zorema chu tiin a kal sawn zui nghal a. Opi leh Diki pawh chuan mak tiin an en zui vung vung ringawt.




" Enge in awm zia? In in sawi fel leh tawh em ni? " Didiki pawh chuan a rawn ti vat a chhan erawh ka chhang lem lo. " Kal ang u min nghak rei lutuk ang. " Opi zawk chuan a ti a. Kan in zui phei ve nghal mai a ka lu hai deuh nen Diki banah chuan ka kuah a. An mahni rin chhan chuan kan in zui chhuak a, Zorema te motor tlan chhuak chu kan hmu hman tawk.




Roate rual in an motorah kan haw ve a, min thlah hmasa ber in kan in thleng min rawn luh pui a. Kan haw tlai bawk nen ka nu leh pa pawn min lo la nghak tih hriat zet in an lo la meng a. Mahse in kan luh rual erawh in ka pa mit meng chu a dur thim nghal khup.




Ka thiante pawh awm khaw muang lo in an chhuak nghal a. Ka nu chuan ka room lamah min kuah chho a ka pa chu a thinrim dawn tih ka hria. A vawi khat nan rui chungin ka haw a nia. Chu mai ni lo in ka u, a mipa zawk pawh hetiang hian rui chungin a awm ngai lo a, kei hmeichhia a kar a rui chung a ka haw chu lawmna chi a ni lo hrim hrim.




" Enga ti nge hetiang te i tih ve a, a zia lo e mai. I pa a lungawi lo ngawt ang. " Tiin min mut rem tir a. In tih fai chu duh viau mah i la ka tha a zawih ngawih ngawih bakah ka lu hi a hai muai muai bawk nen thawh pawh ka tum lem lo. Ka nu chuan eng emaw sawi in min chhuah san a. Khum a mu reng chung chuan Zoremsanga awm dan kha ka ngaihtuah let a. Ka awm dan kha a dik lo hul hual tih ka hre chhuak leh hnu hnawh a. Chu mi rual in a awm dan vang khan beiseina ka nei leh bawk.




Ka hriat loh kar in ka lo muhil nge ka chatthla pawh ka hre lo ka harh leh meuh chuan ni pawh a lo tlang sang ut tawh. Lu rit bur in ka tho chhuak a, bathroomah lut in ka in ti fai nghal char vhar a, ka rim chu kei ngei pawh ka ngeih lo a ni ber mai.




Ka ril tam bawk nen nizan vang a in thlahrung bawk nen, ka pa hmu hreh zet chung chuan ka chhuk a. Ka rin ang chiah in ka nu leh pa chuan min hmuh rual in min zilh nghal char char a. Tun tum erawh huat emaw thinrim tumna ka nei lo. Ka dik lo hul hual a. Hauh mai ni lo in vuak hial ka phu ka in ti ve tho. Thenawm khawveng in hre phei se chuan chhungkaw mualphona za khua ka thlen thei tih pawh ka hria a, in thiam lo zet chuan ka thu ngawi kar ringawt. An duh tawk a min zil hnu in ka room ah ka chho leh ta ringawt.




Class pawh ka tlai vek tawh vang in ka kal ta lo law law. A hla tham bawk nen bus ka nang hman ta si lo a, bakah ka lu a la nuam chiah si lo a mut vang vang rih ka duh. Khumah chuan ka mu leh thlawp a, ka muhil leh dawn chiah tiin ka phone a rawn ri a ka en chuan Siamsiami a lo ni.




" I pen tawng a mi? " Ka lak rual rualin a rawn ti nghal a ka ner sak. " Awiawm loh loh. " Ti a ka chhan chuan a rawn nui ang vak vak a.



" Class i rawn kal si lo a. Opiin nizan i che na a ti che sia ka rawn be mai mai che. Zorema nen in in be tha leh tawh em ni? " A ti zui zat a. Thawk la hak in khumah chuan ka mu zang thal a. " Chutiang engmah a awm lo. " Tiin thil dang sawiin kan in be luam a. Nimin Zorina te in neihna vangin ka chawl a, vawiin ka chawl leh a. Naktuk inrinni a ni leh nghal dawn bawk nen kan in hmu lo zawn dawn lutuk chu tawng duh tih takah pawimawh lem lo pawh kan sawi leh teuh mai.


*


Pathianni zan ka inkhawm bang chu rin loh deuh in Pa Lsa leh patling pakhat hi an lo leng a. Mak ti deuh tak in ka room lamah in thlak tur in ka chho a, ka in thlak zawh a in hnuai a ka chhuk thla leh chu ka pa te thu sawi vang chuan ka ding zui chawt. An sawi hre hman chiah lo mah i la nupui a rawn ru an tih chu ka hre hman.




" Bawihte thingpui kha rawn lum rawh. " Ka nu in a tih chuan ka hawi buai nak a. An vai mai chuan min rawn en vek tawh leh nghal.



" Mambawih.... " Ka nu in a rawn tih leh takah chuan mumal lo zet a bu nghat in choka lam ka pan a. Thingpui ka lum lai te chu ka pa leh pa Lsa te thu sawi mawlh chuan min ti buai. Thingpui siam zo in ka chawi phei a. Sem diat diat in ka nu bulah chuan ka thu thla zui ve nghal mai a. Ka pa hmel chu a tak run a ka nu erawh chuan min melh leh vang vang thin.




" Zonun i thianpa lah rin loh lam atangin nupui a rawn hawn thut mai sia. Engtin nge maw kan tih dawn, i lo hriat pui ve reng reng em? " Ti a min biak chuan ka thinphu chu a chawl nghal duk mai. Ka nu chuan ka kut chu a rawn hmer salh a, ka en chuan min lainat hmel lutuk in min lo en reng tawh. Pa Lsa te ka va en leh chuan a zawhna chhanna nghak ni awm tak hian min lo la en reng bawk si. Chu tah mumal lo zet chuan ka lu chu ka thing ta ringawt.




" Eng pawh ni se Terini hi kan fanu ang chu ni tho mahse pianpui unau te a la nei ve a. Kan lo in rawn khawm a nga, Terini pawh thu kan tel fel hma chu he lamah rawn let rih se, pangai tak a palai hmel hmuh te pawh kan lo beisei ve a nga, a tha rih mai lo maw? " Ka pa chuan a rawn ti leh phei chuan hrilhhai zet chuan ka meng ruai tawh.




" Ni pawh chu a ni tho mai. In thenawm kum hlun kan lo nih tawh naah chanchin a rang thei ang ber a in hrilh hi tha in kan hria a. kan rawn hriat tir ve cheuah min lo ngaih sak u la. " Tiin an sawi zawm nual a mahse ka rilruah eng thil dang mah a lut thei tawh lo. Zorema nupui a hawn a, chu pawh Terini tih ringawt chuan ka ngaihtuahna chu a chawk buai vek thei.




Tawite tak2 in ka zawm aw dah lo ai 😫 naupang lehkha zirtir ka ngai a duh ang in ka type thui hman thlawt lo a ni e.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:53 pm

Miracle Love 💞 by Amy Cck



Chapter - 34




Kan in leng te an haw hnu pawh chuan ngawi reng in ka la thu reng a. Ka nu leh pa te pawh an thu hriat chuan a thawng tih an awm danah ka hai lo. " Zorema nen khan in in zui a ni lawm ni? " Kan ngawih vang vang hnu chuan ka pa in a rawn ti chhuak ta ringawt. Ka nu nen chuan eng maw tal ka sawi beisei in min en dun reng a sawi mai tur erawh ka hre bik lo.




" Kan in then tawh a. " Ka chhanna an nghah reng vang chuan ka ti ta thlawt. Min thawn lutuk vang nge ka rilru chu a chaw mawlh vek a ka na nge na lo pawh ka hre thiam lo. Nge ni a min ti na tawk tawh lutuk a na belh leh tur ka awm tawh lo pawh ka hre lo.



" Chuvang em ni Zorema hi a lo reh em em a? Mahse Terini nen an in kawp chu mak ka ti e mai. I lo hre lawk lo tak tak maw? " Ka nu in a tih leh chuan aw ka a chhang ta lo chuan lu ka thing ringawt a. " Mu tur in ka chho dawn. " Tih leh din ka rual nghal a. Min biak leh na pawh ngaihven lo lek in in chung stepah chuan ka tlan chho zui ta vat.



Ka room ka luh rual chuan ka awm zawn na leh thip lutuk chu dawm in ka in hnit zui hlawp hlawp a. Ka room chhuat laiah chuan eng mah dang ngaihtuah lo in ka thu sawp niai bawk. Inhnuaiah kha chuan ka tah a chhuak miah si lo a tunah lem ka kaw chhung lam atang in a hnawh in min hnawh tut tut tawh.




" A sual hle mai. " Ka ti chhuak thei tawk. Chhuak em em chuan ka tap hawm hawm a. Ka hriat a ta tun ang reng reng a ka tah nasat hi ka la hre lo. In sum tum eng ang mah i la ka thei lo. Hmanni Zorina te in neih zan ka ngaihtuah let phei chuan ka na zual a. Kha zan a a awm dan khan beiseina tlem min pe leh tih ka pha lo. Ti buai lo a hun thawl pek pawh ka tum vek tawh a. A tawpah ka hnenah a rawn let ka la beisei fan vang in. Mahse tunah chuan beiseina nei thei tawh lo tur khawp a beidawnna tur chhan tha ka nei ta chu hriat thiam har ka ti a ni ber.




Ka room kawngka chu a rawn ri khep a. Ka nu aw in ka hming a min kauh rual in a rawn pen lut tih hawi kher lo mah i la a thawm atang ka hre thei. Ka bul chhuatah a rawn thut thlak ruak chuan min rawn kuah ve a keiin ka lo tah khum vak thung.




" A zia lo e mai Bawihte nula a pum pa hetia awm chu. " Ka nu in a tih pawh chuan ka in sum thei chuang lo. Zoremsanga ka haw hluah hluah a, mahse chu mi rual in ka chan hlen hmak tawh ti ka chian em vang chuan ka na ngawih ngawih bawk si. Ka tah nasat lutuk vang nge ka awm zawn chu a rawn thip vin tuk a. Ka tap ka in sut hlek leh thawk ka lak ringawt pawh a ka awm zawnna lutuk vang chuan ka thawk ka ip leh vak thin. Chu chuan ka thaw chu a rawn ti hah a ka thaw tha thei lo tan chu a ni der.



" Zonun... Bawihte i tha em? engtin nge i awm, ka duh thei lo... " Ti a ka nu in ka pa a au ruai thawm chu meng vai ruai chung chuan ka hre thei. Ka taksa chu a khawng ti tih ni ber in ka hria a ka thaw thei bawk si lo chu zawi zawi in ka ral riai riai niin ka hria.


*


Ka bul vel boruak leh thawm reh duk a thawk la leh hawk thin chu mit chhing reng chung chuan ka ngai chang reng a. Ka kut chu kut lum thur thur hian hum in a hmer leh vang vang thin. Mit men mai ka tum a mahse ka thei miah lo a tawng tak ngial pawh ka thei lo a nih chu.




" Min hua la min ngaidam miah suh ang che. " Ti tu aw ka hriat chuan a hmel hmu kher lo pawh in tu tih ka hai lo. Mahse engtik laiin nge ka mutthilh ka hre lo. Ka harh leh meuh chuan ka thiante ka bul a tawng nak nak thawmah ka harh ve thung a. Mit pawh chu awl sam tak chuan ka meng ta mai a.



" A harh a nia. " Diki chuan min rawn hmu nghal chat a. An vai mai chuan an rawn hnai nghal vek. Tawng ka tum a mahse oxygen hmang in min lo thawk tir a ka tawng chhuak thei lo thung.




Ka nu chuan doctor ko tur in Opi leh Diki chu a hrilh a, damdawiinah ka awm a nih hmel. Ka thian te pahnih an in zui chhuak a ka nu leh pa leh Siamin min awm pui ta thung. Ka that leh that lo chu chhang thei lo mah i la min zawt mawlh mawlh a. Ka pa pawh a hmel atangin a hlauhthawn hmel khawp mai.



Rei lo teah doctor leh ka thiante pahnih chu an rawn in zui lut a. Min check zui mawlh mawlh a, ka thawk pawh a pangai a ti tawh nge oxygen chu a pawi a. Ka thawk lak a hreawm chuan vuah leh mai tur in min hrilh zui bawk.




" Min ti hlauthawng hman a lawm. I nu in min rawn hrilh phei chuan ka tap lek lek. " Diki chuan a ti hlak hlak a. A ni hi chu aw ka nem di diai ang kha a ni lo bawk nen vin hlak hlak mahse min ngaihtuah vang zawk a ni tih ka hai lo.




" Na i nei tawh lo maw? " ka pa pawh chuan a ti a lu ka bu nghat. " Ngati nge kha tia i awm reng reng a, tun hma in i thaw a hah ngai awm ka hre si lo. Hmanni a i chuap lam fel lo kha ti dawn i la doctor khan engmah natna i nei lo a ti bawk si. " Ka thiante chuan an ti niah niah a. Ka nu leh pa erawh an lo ngawi reng a. An hmelah chuan hreawm an tiin an inthiam lo hmel tak zet leh nghal.




" Hahdam tir rih ru mi dam kawr hlim in lo be nghal vak vak a. " Opi chuan a ti ve thung a. " Damdawiinah hian tuin nge min hruai? " Ka nu leh pa en chuan ka ti zawi sep. Ka zawhna chu hrethiam lo zet in ka thian te chuan min en thung.




" I nu leh pa an ni mai lo a mi? " Siami chuan a lo ti a. Mahse ka kut vuan tu leh aw ka hriat ka hriat kha a tak ngei niin ka hre bawk si. " I pa nen maw le, tu vak nge ni se i tih? " ka nu chuan a lo ti ve a. Za lo fahran chuan ka nui seih. Enge ka la beisei ni, nupui a ru a kei te chu min rawn ngaihven dawn lo tih ka chian nen. Kei pawh hi ka dik lo, heti khawp a kal a duh a nih chuan ka vawn bik reng chhan tur ka hre lo tiin ka rilru chu ka kawm kual leh ruai tawh.



" Engtik nge kan haw dawn? " Tiin ka zawt leh ta daih.



" I dam fel hunah a ni mai a lawm. " Lalsiami bawk chuan a lo ti leh a. " tunah chuan ka dam tawh a lawm. " Ka ti let ve thung. " Vawin lam hi awm leh i la thut thilah pawh a tha hrim hrim. I that chhoh zel leh doctor te kan rawn dawn nia. " Ka pa chuan a ti mai a.



Ka thian te an awm vang chuan hun thawl min pe in min chhuah san a. Ka thiante pathum chu tawng mawlh mawlh mahse kei erawh ka ngawi reng a. A khat tawk in ka in seh ruh leh ngawt ngawt thin. Diki leh Siamin an ril tam thu sawiin ei tur lei tur in an chhuak a.




" Lawma te pawh an lo kal dawn a nih chu aw. " A phone khawih pah in a ti a ka lo ner nang. ' class an kal lo a mi? ti nge in hrilh kher a? ' ka ti ve sep.



" Kan hrilh pawh a ni lo. Class kan kal lo vek sia min rawn bia a min zawh takah chuan damdawiinah i awm tih ka sawi a. " A ti ve mai a. Thawk ka la halh ringawt.



" Lawma hi duhna i nei miah lo tak tak a mi? " Kan ngawih leh vang vang hnu chuan a rawn ti a. A hmelah chuan a hriat chak hmel ngang mai. " Duh lo, chuan ka duh ngai dawn lo bawk. Bakah ka thiannu mipa duh a nih vang hrim hrim pawh in a ni nen kan in karah chuan thian bak a awm thei lo. " Ka ti duah chu a nui ve seih. Lawma a duh zia ka hria a inngaizawng lo mahse lo hnaih ve ka duh lo hul hual.



" Zorema pawh ka duh thin a mahse in in kawp tho a ..... a... Sorry kha kha sawi ka tum miah lo. " Tawng sual tih in hre chhuak in a ti leh vat a. Ka nui lui sak.



" Nia, mahse i duh tawh loh thu i sawi vang kha a ni pakhat a. Mahse ka in chhir ngawih ngawih. " Ka ti sep sep chu min lainat zet chuan min melh vawng vawng. Diki leh Siami rawn tlan lut rawk rawk chu Opi nen chuan kan lo melh vat a.



" Awiii... Thil rapthlak lutuk a thleng. Damdawiinah hian Zorina... Zorina te an awm ve a nia. " Diki zawk chuan thaw hlawp hlawp in a ti a. An rawn tlan hah viau nge maw ni.



" Tu nge damlo? " Opi chuan a lo ti vat. " Zorina kan tih mawlh mawlh chu. Tha te te in an awm emaw kan lo tia. An in neih zan a a in bik a riak tur a an kal kha tawh sual tawk in Zorina a hliam a ni awm e. A na viau leh nghal. " Diki bawk chuan a ti leh a Opi nen chuan kan melh haw ringawt.



" Engtia tawh sual tawk in? Sawi chiang ta che. " Opin a tih chuan thawk te chu an la ham ham a.



" Zanah an riahna inah khan misual an lut a niang, chu chu hria in Zorina nen an in chai buai a misualpa chuan hman rua neiin chem in a vit an tia Roa te kha. A awm ah a vit a niang a lung a khawih tel an tia. A kaw chhung lamah internal bleeding a nei an tia. An zai a, la harh chhuak lo in ICU ah an lo awm char char a nih chu. A vanduai reu tawp. A nupui hian vanneihna a chhawm lo a niang. In hmangaih tak a in nei ni bawk si lo, tunah tiang ang an tawk leh a Zorina chhungte lakah pawh inthlahrun a na duh ngawt ang. " A ti zui siam siam a. Sawi zawm sak dan vak kan hre lo.




Chutih rual in kha inah khan chutiang a misual han luh rukna mai tur a van zia kar khat chhung Zorema nen kan awm khan ka hre ve a mak ka ti. Pawn lam atanga kuh ruk chu sawi lo chhung lam atanga chhuah pawh kha a harsa a nia. Misual chu a lo awm sa nge maw ni.




" Zorina te ang khawih na thei tur a nih chuan chu pa chu tha nei ve tawk tak a ni ngei a nga. A nupui ngaihzawng hlui te hi an ni thei mai a nge? " Tiin Diki lah chuan duh thu a sam nasa ngang mai. Kei pawn ka ring deuh Zorina te ang tlangval lian leh sa tha ve tawk tak khawih tur chuan mi na mai a nih ka ring lo.




" Tak in khu tah khan an thian ho kha an lo awm vek sia Zorema ka hmuh ve awm pawh ka hre lo. Bakah nang nen pawh lo la in time thiam lo mah u la i damlo a rawn kan tal chu ka beisei a. " Siamsiami chuan a ti a. Kan thiani te pahnih pawh chuan hre chhuak thut ang mai in min en nghal vat.




" A lo kal lo ang. " Ka ti rual chuan " A hriat loh vang a niang, in in kar tha lo mahse i damlo tih a hriat chuan a rawn kal loh hi ka ring hlawl lo. Ka call dawn. " Tih leh phone hmeh a rual a. Mahse ka thu sawi vang chuan an meng buai zui nak.




" Tu... Tu maw nupui nei a. " Diki chuan a ti vak. A aw ki chu a sang lam mah leh nghal.




" Nizan khan Zorema pa te an lo kal a. " Ka tih pawh chuan awi loh hmel an la pu deuh.



" Fiamthu awiawm deuh te thawh teh. Zorema nupui ruk a pa ten an rawn hrilh thlap chhan tur cheu a awm a mi? Zorema hian engkim sawiin palai a rawn tir zawk a ni lo maw? " Siami chuan a ti leh a. A nui hak hak a mahse ka biang a ka muttui luang ngiai ngiai a hmuh vang nge a nui tawp riai riai.



" Terini nen a nia. A hma pawh khan Terini a duh zawk tih min hrilh a mahse a tih tak tak ka ring lo a mahse tunah nupuiah hial a hawn a. " Ka sawi zawm thei lo ka tap chhuak leh hawk tawh. Opi chuan min rawn kuah vat a. Ka tap in hnit hlawp hlawp ri bak cabin chhungah chuan hriat tur a awm lo.



" Hmeli mai mai chu. Zorema pawh chu a va ti mak ve. " Diki chuan a ti vei hlak.



" Tunah chuan a tawp tak tak tawh. Chu ti fako a min kal san duh chu ka thlah ve em em ang. A tel lo pawn ka nung thei a ni tih ka hmuh tir dawn. Kei ni lo a Terini zawk a thlan vang hian in chhir ngawih ngawih in ka siam ve a nga ka nat ang chiah a na tur tur in ka la siam ve dawn. " Un seh ruh nghek in rilru na zet chuan ka ti a. Ka muttui chu ka hru nghal thuak thuak bawk.




" Dik chiah khawvelah mipa a mah chiah a awm hlei nem. Kan hmuh hun chu an chak li khawo ang. " Tiin ka thiante chuan min hnem a. Min fuih in Terini ai ka that zawk thu an sawi vham chi a. Mahse an mit menfah chuan min khawngaihna leh lainatna a lang chiang viau.




Zawmna💞



Chawhnu lamah Lawma te pawh class rawn tlan bo sanin an rawn kal a. Kei pawh chu na ka nei leh tawh pawn ka hre lo. Chawhma a min entu doctor kha rawn lut leh in ka tha tawh tih pawh a rawn sawi thlap a. Mahse ka nu a la hlauhthawn vang in zanin chu kan riak hram dawn a nih hmel.




Nileng chuan ka thianten min awm puiin min kawm hlim a. Kei pawh rei lo te chhung chu thil dang eng mah ngaihtuah lo in hun ka hmang ve. Mahse min haw san hnu erawh chuan malh ngawih ngawih a in hriatna in ka rilru a luh chilh leh a. Khawvel hi tawp daih se tiin ka ngaihtuah hial nge nge.





Cabin a kan awm tho bawk a tiin zanah ka nu leh pa chuan min awm tlang pui a. Tlaiah ka thiante awm lai khan mamawh tur la in kan in lamah an lo va let ni awm tak a ni. Kei khumah ka thu a ka nu leh pa pawh ka thlang thutnaah an thu ve bawk.





" Pa.... " Ti a ka auh rual chuan rang zet in ka nu leh pa chu an rawn hawi a. Ka nu chu rawn tho chhuak in ka sir thutnaah chuan a rawn thu zui nghal vat a. Na ka nei em tih leh mamawh ka nei em tih min zawt nghal zat.





" Thil dil duh cheu ka nei a. " Ka tih leh takah chuan ka pa pawh chu rawn tho chhuak in ka khum sir leh lamah chuan a rawn thu ve nghal vat.




" Ihh... Heta tang a ka chhuah hunah ka u bulah awm ve ka duh a. " Ka ti sep chu ka nu leh pa chu a thawng tih hriat zet in an in melh a. Kei erawh ka in hum ruh ngawt ngawt thung. Hetiang thil ka tih hi ka ring ngai la mahse heta ka awm reng a nih chuan ka tha zel a ngem ka hre lo a ni.





" Enge chutiangte i sawi thut a? A hma kha chuan i duh ngai si lo a. " Ka nu chuan a ti ve bawk. Ka pa erawh chuan engmah sawi lo in min en reng thung. " Tunah chuan ka duh tawh a lawm. " Ka ti zawi sep. Ka tah rawn chhuak leh ut ut chu duh lo in ka in sum nasa viau leh nghal.





" Terini leh Zorema inkar thu vang hi em ni?" Pehel lo tak chuan ka pa in a ti khauh a. Hreh zet chuan lu ka bu nghat. " Harsa i tih viau a nih chuan kan kutah la lo in Mami te kan be mai dawn nia. Hetiang vang mai mai a awm bo chu a dik pawh a dik lo. " A tih leh rual chuan ka heh pet fan fan in mit ka chhing sawk a. Ka lo dan ve ngar ngar ka muttui chu ka biangah a rawn luang lum tha nghal pap.




" In tan chuan a ho pawh a ni mai thei mahse ka tan chuan ka nun zawng zawng thlak danglam tu thil a ni a sin. In duh phawt chuan Terini te inneihna tur chu buaipui rawh u. Nu leh pa ber chan chang tur pawh in ni a lawm. Ka neih chhun tak meuh in ni a in mualpho leh mi sawi sep in kai hi ka duh ngai lo. Heta ka awm ve reng chuan buaina ka thlen tam mai mai ang che u. " Ka ti sep sep a. Ka nu leh pa chuan an phal dawn nge dawn lo tih an ngaihtuah nge an ngawih dun reng a.





Ka awm dan leh tih tum hi a tlawm thlak tih ka hria mahse ka chau tawh a ni. Heta awm reng chung chuan hma lam ka pan theiin ka ring lo. Kei mah leh kei mah in fuih in ka thlah a nge eng atan mah ka ngai tawh bik lo ang tih in darkar tin in hrilh mah i la, a ruk chuan ka na tho tho dawn. Ti lang ngam tawh si loin tun ai hian ka na tulh tulh mai thei zawk. In thenawm mai kan ni a, kan in hmu reng dawn tih lah chiang sa. Ka kal tir tawh ti reng chungin hmeichhe dang, chu pawh min tih nat a hreawm min tuar tir chak et et bul a a awm hmuh nitin zantin chu ka theiin ka ring.





Chu ai chuan a hmel leh a aw te, a mah lam engmah ka hriat a ka hmuh theih loh na hmunah awm i la, tah chuan ka tan pawh a theihnghilh a hma lam pan a awl zawk mahna. Tunah chuan inah haw pawh ni la engkim deuh thaw saw kan pahnih a kan sulhnu vek a ni a, a ngai ang bawk in duh lo eng ang mah i la ka na tho tho dawn.




" In exam a hnai tawh si a, i zina thleng in a lak lawh in a buaithlak vek dawn a sin. I kal ngawr ngawr ka phal lo a ni lo mahse i zirna lam ngaihtuah hian... "





" Heta ka awm chuan ka a thei mai ang. Ka awm dan pawh hi ka hrethiam tawh lo. Hetiang a ka awm zel a nih chuan nang mah ni thleng hian ka hlat vek thei mai ang cheu. Chuvang chuan a tu te tan pawh ka kal hi a tha zawk. " Ka sawi zawng chuan ka tap ti tih hial. Ka pa chu thaw hawk in a tho nulh a . Cabin atang ngawi reng chuan a chhuak a. Ka nu nen pawh kan tawng ta mai lo.





" Bawihte thinrim lai a thil tih hi a fuh ber lo a nia. I awm loh chuan i pa nen hian engtin nge kan lo awm ang." Ka nu in a tih pawh chuan chhang lo in luhlul zet chuan ka thu ngawi reng ringawt.




Zan a rei hnu feah ka pa chu a rawn let a. Ka muhil tawh emaw an tih pawh a ni mahna ka nu nen chuan ka ti ti reng a. An thu sawi dan atang chuan ka kal chu an rem ti dawn tih ka hria a mahse ka hlim phah chuang lo.



*


" Ehe... Rawn kan hma in i chhuak dawn der a law? " Ka nu leh pa bill pe in an chhuak a. Ka thianten kan bungrua vel min tih fel pui thung a. Roa leh Dinpuia an rawn lut ve nulh mai.




" Niminah kan hrilh ve reng cheu kha. In ngai pawimawh lo zawk a nih kha. " Dikin a tih chuan Roa chu a tum nasa mai. " Nimin kha... Bro enge kan tih kha... " Tiin Dinpuia chu a melh kual vel a. Kan lo ner nawng hlawm mai.



" Tak tak in nimin kha chu kan hman hmawh lutuk a. Rawn kal kan tum khan pawn lam atang in in thawm a tha em a kan lo lut ta lo a nih kha. " An han ti tha leh a. Ka thiante chuan an awih loh thu an lo sawi khum ve niah niah thung.




" In in duh hlawm riau. Zoremsanga nupui ruk te in zep vel a. " Siami chuan a lo ti hlak hlak. Roa te pahnih erawh an nui tha duh lo khawp mai.




" Kei ni pawn engmah kan hre lo a nia kha thil kha. Zorema pawh a ti mak kan ti ve tho a nia. Mahse Zonuni lo hi chu a duh tak tak pawh ka ring lo. " Roan a tih rual chuan Opin a tui bottle ken chuan a vawm zui pawp. " Sawi pawh i sawi ngam ka ti, chu tuang ni se nupui em a nei dawn em ni? Tenawm lutuk, kha ti khawp khan Zonuni a zar buai a. A lam in tang dawn a nih chuan lo kal tawh miah su. Kan in hre lo angah ngai ru. " A ti ve nghek a. Siami leh Diki pawh chu an ngawi dak mai. Opi hi chu a tawng tam lo ve thin bawk nen mi in thunun thei ve tak a nia hetiang tak a a thinrim a lan chhuah tir hi kan la hre lo.




" Enge min thinrim khum ve ngawt. Zorema kan dem ve tho chu. " Ti bui buiin bottle a vawmna a awm chu a zut vang vang a. Kei erawh tawng ve ka tum lem lo. Sawi ve duh pawh ni i la sawi tur ka hre lo bawk a.



" Zonuni a damlo chung pawhin vawi khat pawh a rawn lang lo a nia. " Diki chuan a ti leh.



" I sawi sual deuh aw, Zonuni damdawiin an hruaitu pawh hi Zorema a nia, an motor in a lawm nizan khan hetah an hruai. A in thiam loh vang in a rawn kal lo pawh a niang. In in kawp tawh loh pawh in thian ang tal khan awm leh thei u la. " Dinpuian a tih chuan kan thian ho chuan kan in melh hrek hrek mai.




" Awihawm loh loh, a nu leh pa in a lawm hruai. " Siamin a ti ban charh. " Zorema pawh a tel a lawm. Nimin Zorina kan kan in a ni khan a sawi a. Engpawh ni se han dam tha em em phawt mai la. In chhuak dawn sia Zorina hmu hmasa lo in kan rawn tlang a nih hi. " An ti ta duah.




" Enge Zorina chu a an a? " Dikin a tih chuan ICU a an la dah char char vangin an la hmu bik lo thu an sawi ve mai. Chem a an vihna kha a thu in a lung a khawih pha bawk nen hma an sawn mawh viau a nih hmel.





Ka nu te an rawn kuh ve takah chuan an ni pawh an chhuak a. Hman zan a ka rui min hruai haw atang khan ka nu leh pa hi an hmu tha ngam lo niin ka hria. Kei ni pawh in lam pan in kan haw a. Min damlo chei lutuk chu ka hau leh vak thin. Ka taksa hi chu a dam lutuk ringawt. Ka rilru leh thinlung zawk hi an na a ni. In kan thleng a ka thiante pathum pawh an awm ve reng a. Ka nu in chaw ei a a sawm chuan an hnial ve hlawm a. Tlaiah an haw hlawm ta hlawm.



" I u bul a kal chu i duh tlat chuan kan dang lo ang che. I u pawh ka bia a, exam hman hram la chuan a duh viau nan. Mahse namah ber in i zuam si lo a. Khu tah tha thar in i zu zawm mai a niang chu. " Zanriah kan ei laiin ka pa chuan a ti dap dap a. A tawng danah chuan exam chu hetah nei se min tih zia a lang vek. Exam hman i la chuan khu lamah pawh zu zawm dawn i la batch ngai a thu kher lo in tih dan dan a awm mai thei a. Mahse tunah hi chuan he hmun atang a kal bo tluk a chak ka nei lo.





Zanriah kan ei kham hnu rei vak loah ka pa phone a ri a. A biak dan atang chuan u Mami Terini U a ni tih ka hria. Terini leh Zorema chanchin an sawi dawn tih ka hriat lawk vang chuan pawn lamah ka chhuak daih a. Pawn step ah chuan thu in thawk ka la vang vang a. Ka phone a rawn rik chu ka en vat a ka u call a lo ni a. Phur lo zet chuan ka la a. Bengalore ka chhuk tum chung chang chu kan sawi dun a. A chhan hre lawk ang maiin a chhan erawh min zawt miah lo thung.




Phone ka dah rual deuh thaw in kan gate bul lamah thawm hria in ka hawi chhuak chu tum loh deuh in Zoremsanga nen kan in melh ta ran mai. Ka thin chu a phu rang leh dawt dawt tawh. Enge he ta a lo tih dawn tih ngaihtuah reng chung chuan ka en a. Ka harh chhuah meuh chuan ka hmaah a lo dung reng tawh. Tho thut in inah luh ka tum chu ka banrekah a rawn vuan chawt a. Ka in ring hman lo ka kut leh lam chu ka vai sawk rual in a thip sa ham ham mai.




" I kutthlak nat danah i dam tawh a nih hmel. " A hmai chu tuai zeuh in ner sawk in a la ti zui. " Min thla rawh. " Kha fak a tiin ka kur chu ka pawt let dawn a, a hmer nghet zual sauh mai.





" Biak che ka duh.... " A sawi zawh hma hma chuan " Ka be ve duh lo che. " Ka lo ti vin hlar thung a. Kei ka thinrim em em laiin a ni chu a nui a nih chu.





" Ti nge i rilru i thlak ta em ni? Eng thil pawh ti i la min nghah reng tur thu i sawi khan ka hre sia. Kha tiang rilru i la pu a nih chuan.... " Sawi zo lo chuan a ngawi dat a, kei erawh in ngei zet chuan ka melh a. A hmel leh aw ka chhuak a min ti elna ri kha ka hriat hmaih reng reng lo.





" Ka lo pan leh ang che tih i tum a nih chuan tum buai duh suh. Ka thinlung atang hian ka paih chhuak tawh che a rawn kir tum mah la ka lo lawm che chu beisei tawh suh. Hetiang em em hi chu i lak atang ka beisei lo a sin. Ka lo mawl rei kha ka inchhir tawh zawk. Engtin nge khang kum chhung zawng khan he I mizia hi ka lo hmuh loh thei zawk ka ti hial. " Ka ti fak fak chu a mit meng chu a rawn dur khup khup a, a thinrim zawk emaw ni.




" Chuan min hua tihna maw? " Khi suk mahse a thinrim insum chu ka hriat hmaih lo viau.




" Ni lo, nang hi ka khawngaih tawh zawk che. A chhan i hria em? A ni ang hmeichhe bul a kum khua a I awm tur saw. " Tiin kan gate lam chu ka thlek zeuh a. Terini pawh a rawn lut ve nghal a. Zoremsanga chu a thaw zui hawk.




" Hetah enge i tih a? " Zorema sir a rawn ding in a tih chuan ka lo ner sak. " A ning ve tan tawh che a ka bul a lo let a tum leh tawh a nih ka ring. " Ka lo ti kher chu an pahnih chuan an meng no lo khawp mai.




" Min thlah la i nupui duhtak nen hian va haw rawh u. Ohh... In la innei chiang lo tak. " Tiin Terini chu ka melh ve ngat. A ni erawh in min huat hmel ngang mai.




" Tak in pangai tak a in inneih hma chu ring pum hlum miah suh aw. I unaunu ka nih ang in ka hrilh che a nih chu. Ka sawi mai mai lo tih chu i hriat chian kha , a nupui tur a a ruk hmasak ber i ni lo tih pawh. Tunah duh ber ang che in awm mahse enge naktukah hian thleng dawn kan hre miah lo. " Ti leh ngat in Zoremsangan min vawnna chu ka thing thla zui hnawk.




" In hauh ka peih lo a nia a bikin nang nen ngat phei chuan. " Terinin a tih chuan min thawng lek lek. Mahse Zoremsanga a awm vangah ka ngai leh nghal hmak. A hmai leh lam hi midang hmuh tir a duh ngai miau lo.




" Oii... Min ti phu zawk a lawm. I lawinaah sawn i nung chang an lo siam that sak che a ni hial lo maw. Mahse chutiang a sim thut thei i nih chiah ka ring si lo a. Mahse i tan chuan a har ka ring lem lo. Mi fel leh nungchhang tha ber berte ang a lem chan chu nang aia hneh an awm chuang dawn em maw ni. Mahse tu emaw sawi dan takah lem chang leh in thup reng reng a nun a dawt sawi reng chu a harsa a nia. Lan chhuah hun a awm ngei ngei thin bawk a. " Ka ti ve kher a. Zoremsangan kha tiang deuh chiah khan ka bulah a sawi a nih kha.




" Tiang a i awm chhan hi i rilru nat vang a ni tih ka hria a lawm. " Mei nei zet chuan a rawn ti let a, kei erawh ka tang ngat ngat khawp mai. He hmun hi ka chhuah san vat dawn a, ngawi reng a awm chu ka tum bik lo.




" Zep lo chuan na e, na lo pawh ti i la in awi dawn si lo a. Khawvel a ka mi rin leh in nghah na ber in min phat san miau a. Mihring ve tho ka nia ka na ve bawk ang chu. Mahse tu emaw mahni chhungkaw chhiat tawhna rem chang a lak a mi hlim lai pawh then phet tumna rilru erawh ka pu lo a nia. " Ka ti ve ngat chu min ben a tum nge a rawn hnai hrut a mahse Zoremsanga chuan a kutah a lo chelh sak vat a nghet zet chuan a hum sak zui a. Ka awm zawn chu a rawn tawt nghal tun.





" Kal teh ang. " Tiin kal an tum chu " Lawk in thil pakhat kha tiang rilru I pu a nih ro ro chuan i thiante kha lo hrilh rawh, kei leh Zorema hi min rawn ti buai reng lo tur in. Mi inkar tih vhhiat i duh loh thu i sawi bawk a. Nang mah vang in inthiante khan Zorema nen phone ah min rawn tawng chhan fo hi bansan rawh se. " Terini chuan tiin an pahnih chuan an let a. An kal liam ta maw tihah nasa lutuk in ka thaw chhuak ve ta hak.




Rang zet in inah ka lut a ka roomah tlan chho in phone chuan ka thiante chu ka zawt a. Inthlahrung aw tak chuan an va an khum vak thu chu an rawn sawi a. Ka thin a rim an ring a mahse hahdam zet chuan ka nui sak thung. Midang zawng zawngin engmah an tih ngai loh lai a ka tan a an lo va hau ngam hrim hrim chu ka mal loh zia min hriat tir a ni mahna. Ka nu leh pa, ka u leh Zoremsanga tak ngial pawn min tih sak theih loh laiin ka thuan mawl leh thawveng ve tak tak te chuan ka in sawi fiah leh ngen ngai miah lo in min lo tih sak hmak a nia.



*


Vawinah Bengalore ah ka chhuk tawh dawn a. Terini pawh Zorema te inah awm tawh rih lo in u Mami te khaw lamah a chho a. Ka pa in la awm dan atang in thil tih chiah a ngai chiah lo a ni mahna kan in a hruai haw lo in U Mami te khaw lamah chho tur in an in bia a nih hmel. Ka awm loh hunah erawh pa ber chan a chan miau vang in an kutah chuan a tla tho chuan ka ring a. Engmah zawh chian ka tum lo a, ka nu leh pa pawh ka hriatah an sawi lang duh hek lo.




A hma a ka damlo thu ka zep vel an hriat chhuah takah chuan ka lakah an in thiam lo ni ber in la hria. Ka pa phei chuan i natna i hrilh ngam loh khawp a i nu leh pa kan lo awm vang in kan thiam hauh lo mahse kan fanu i ni a kan hmangaih ber chu nang mah chiah i ni tih theihnghilh ngai suh. " Tiin hreawm ti zet in min hrilh hial a nih kha.




Ka thian te pawh ka hrilh deuh teh thut bawk nen an lawm lo lek lek a. Chu tih rual in ka awm dan engkim hre chiangtu an ni a min dan erawh an tum bik lo. Lengpui thleng min thlah thap nghe nghe a. Tu mah dang ka kal tur kan hrilh lem lo.




Thlawhna chhung atang chuan kan kan kal sanna lam chu ka thlir zui vawng vawng a. Mite chuan an hreawm tawrhte an hma chhawn thin laiin kei chuan ka tlan bo san dawn chu a nia. Ka tih sual lo ngei ka beisei.





*FOUR YEARS LATER *




" Zonun enge i la tih reng a, a ei kham tawh in ka hria. A tlei lo tan dawn. " Pawn verandaah thawmhnaw suk ka pho chu inchhung lam atang a min kauh vang chuan hman hmawh zet in ka kut a. Inchhung a mipa nau pawm a lo in sawi kual vel ka hmuh chuan ka nui lo thei lo.




" Enge maw I hriat ni a muhil hman tep a sin. " Ka nui ri hria in naute ka awi reng chuan a ti bui bui, chu chuan ka nuih a ti za zual.





" I mak thin kha tia ek fun puar luah in a muhil thiam lo tih I hriat ve vek kha. Bakah min ko kher zel lo hian lo thlak sak ve mai zel la. " Tih leh room a dieper va lak ka rual a. Puipuia leh kan tlangval chu an lo la in awi tui ngang mai.




" Anu a phun leh tan dawn e. Ka thlak sak leh I phun a, thlak sak lo a ka auh che lah in I phun bawk a. Awm dan tur pawh kan thiam tawh lo a nih hi. " Titu ban bulah chuan ka beng hlak a. Kan tlangvala lah chuan min lo en duh ngang mai.





" Chawhnu I duty dawn a ni lawm ni va in siam tawh rawh. " Ka tih chuan tum bur in min la en zui.




" Dawn e ka kal hma in vawi 1 fawhte chu ka phu lo a mi. In a haw ve theih chhun pawn mi hi I chhawr hrep zel a, battery charge ka ngai. " Tih leh rawn kun hniam a rual a. A chalah chuan ka lo nem dat. " Bawihtea a awm ve hi. " Ka tih chuan a Tum leh bur tawh.





" A ni te chuan engah mah a ngai lo. Anu leh Apa in fawp a hmuh te chuan a hlim ber berah a tan ziah kha. Vat in hna ka tlai dawn. Damlo na tak tak in min nghah laiin kei in nang ka nghak thung che a nia. " A tih leh takah chuan a biangah chuan ka fawp zeuh a. Nui suk in a tho ta vut chu naupang chhia ti zet in ka en zui ta ngawt.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:53 pm

Miracle Love 💕 by Amy Cck




Chapter - 35




" Ka phei dawn aw.... " Titu chu ka naute diaper thlak buai nen en pawh en lem lo chuan " Umm... " Tiin lu chu ka bu nghat a. Kan tlangvala chu ka buaipui zawm mai a. " Ka kal tak tak... " Rawn ti leh tu vang chuan ka hawi chhuak a, kawngka bulah a lo ding reng tawh. " Kal rawh, i tlai a nge aw. " Ner nang chuan ka ti leh vat a ani erawh a chal chu a ti chhuar nang thung.




" Mi hi chu i ngai lo ve ngawt mai. Zanin ka rawn haw dawn lo a naktukah kan in hmu dawn nia.... Bye u. " A tih chuan nui sang in " Bye.... Eddie Apa Puia saw bye ve rawh le. " Tiin Tlangvala chu a lam haw chuan ka pawm kang a. Naute mai tih takah bye tih na chang erawh a la hre hran lo.




" Ka kal tak tak a nge. Ka in thlak ve loh chuan." Tiin Puipuia pawh chu nui suk in a ti a achhuak zui nghal zat. Kan apartment bul chiah hi a luah ve a, kan in hnaih bawk a ani mahni chauh a awm tih takah a in aiin kan in lamah hian a rawn tla lut ngun zawk mah. Mahni a rawng in bawl a buaithlak kan tih vang in kan lo bawl kep chang lah a tam a. Chutiang chuan a kum fe chu kan awm tawh a. Inthenawm satliah mai ni lo in tunah chuan pangai tak a in kawp in kan in zui ve tawh bawk!




" Ka duatpuia hi muhil tawh rawh se aw. " Tiin Eddie chu ka pua a. Ka phone ah nursery rhymes play in ka awi zui a. Eddie hi ka u fapa niin nikum hmasa khan ka u in nupui a nei ve a. A nupui pawh rin loh lam a mi daih niin ka thiannu ve em em mai Jenny kha a ni a. Ka u Bengalore lam a a in transfer hma daih atang khan an lo in be ve thin a. Online hmang tangkai an tih ang chi kha an nia. Jenny hian ka u hi lo duh ru reng in a mah in thup in a lo in be ve fo thin a ni awm a.



Ka u Bengalore a a awm dawn khan kan hriat chhuah a kan huat a hlauh vang in Jenny hi hlauthawng in ka u kha then in a lo be zawm duh lo a ni awm a. Jenny in a hmel a hmuh tir duh ngai loh vang khan ka u pawh senior nupui neih hun tih takah online a mi biak a hun khawhral ai tiin u Duati nen an in kawp ve zuai kha a nia. A ma sawi dan takah ka thiannu te hian zun a lo nei ve reuh nge maw ni a hmel pawh hmu lo mahse kha chen a kum a kum a lo biak ve thin chu ka u in a theihnghilh thei ngang lo a u Duati pawh a then leh ta ringawt a.



Ka u Bengalore a a chhuk hnu a Christmas hman pui tur a kan chhung chhuk ve khan Jenny hi a rawn leng lut ve ta zauh zauh a. A mizia leh tawngkam vel atang khan ka u khan a lo ringhlel ni ngei tur a ni an in man chhuak a. Chu ta tang chuan an in kawp nghet niin an sawi a. Jenny sawi dan chuan a mah zawk in ka u a biak hmasak a a duh thu vel a sawi hmasak vang khan a lo zak ni ngei tur a ni. Ka u a mah a ni tih a hriat a a duh leh loh a rin vang khan mualpho a lo hlau ni ve ngei tur a ni.




Nikum kum khan innei ve in tunah chuan nupa duhawm tak niin a ni aia in hmeh hi an awm kher lo ang tih tur vel in an awm tawh thung. An fapa lah hi a fel in a tap khat a, mi duh loh hi a nei mang lo a, tih ang ang hian a awm ti i la a dik ber ang. Hei vang hian a nu leh pa hian ka kutah hian an dah nasat phah hial ten ka hria.




Bawihtea a mut ngheh hnu chuan khumah ka mut a, inchhung ti fai in ka zawh meuh chuan rawngbawl a lo hun ve der a. Rawng ka bawl lak lawh lai chuan Eddie a muhil pawh a harh tih hriat zet in room lam atangin a tap thawm a rawn awm a. Room a lut in ka pawm chu a zung tih hriat zet in a diaper chuan a lo fun leh hnur tawh. Mipa a nih vang nge zun hi a ngah dur dur khawp a. Fel viau e ti lo hian a diaper a zun khum emaw ek khum hlek chuan a thlak sak loh theih loh in a tlei lo zel thung.




Doorbell a rik vang chuan kan in pawm chhuak a. Eddie-a pawm chungin kawngka ka hawng chu ka u te nupa pawh an lo haw ve chiah chu niin. " Kan tlangval chu a mu tho chiah a ni maw. Vawinah Ani i lo ti buai em? " Tiin ka u chuan a pawm nghal vat a. Inah kan in zui lut a kei erawh choka lamah ka rawngbawl ngaihven in ka phei ve thung.




Rawng ka bawl zawh chuan a tlai lam tawh nen chaw ei kan siam nghal a. " Mate kan ngaihtuah a Eddiea khum khat a tling ve dawn tawh a. Ka nu leh pa leh Jenny chhungte lam pawn an hmu ve chhak tawh bawk nen Mizoram lamah chho a a kum khat pian cham chu khi lamah lawm a Christmas hman chhoh kan lo rilruk a. " Ka u in a tih chuan ka chaw ei lai chu ka chawl dat a.




" I u nen chawlh kan la rual thei dawn a. Kan pu te pawn min hrethim khawp a. Tun bak a rem chhang hi a awm kher tawh lo mai thei a. Ka nu ten Bawihpuia an hmu chak ve bawk nen. Video leh thlalak ringawt chu an ti ve deuh tawh a niang. " Jenny chuan a ti ve a. An unauah hmeichhe awm chhun a ni bawk a a a ve tawh khawp mai. An inneih dawn vang a an haw kha an zin chhoh hnu hnung ber a nia. Kei mah vang in an tum ang pawn an awm rei thei lo tih pawh ka hria. Kha tih lai khan ka lak tlak loh em a, pianpui unau pakhat chiah ka nei a a hun pawimawh nupui a neih niah pawh ka tel pui thei lo a. Chu pawh mipakhat hmuh ka hreh a ka huphurh em vang in!




" A tha lawm, chawlh in lak rual theih phei chuan haw chhoh ngei ngei chi a nih chu. " Ka ti ve sep a. Ka u chuan a hrawk thian kharh in, " Nang pawh kan rual a chho tur in ka nu leh pa in an beisei ve tawh che a. An ngai ve tawh che a niang. Enge i ngaihdan? " A tih chuan ka ngawih vang vang ringawt.




" Kan inneih in i awm thei si lo a Eddie pian cham kan lawm hmasakna ber tur a nia tel ve la chuan ka duh. Bakah I awm loh chuan Eddie hian a ngai lutuk ang che." Jenny bawk chuan a ti leh a kei erawh ka nui tawi tak mai. " Engtia rei nge cham in tih a. " Ti a ka zawh chuan thla hnih law law chawlh an lak thu an sawi a. Rei chu a rei ka ti ve khawp mai mahni a lo awm chu ka peih bik chiah lo.





" Ka lo chho ve lo mai ang, Puipuia a awm tho bawk a, a rei dawn lo bawk a ka lo awm thei mai ang. Bakah ka lo tel ve chuan Puipuia khua a har lutuk palh ang. " Tiin ka nii lui sak ringawt. " Hetiang hian i awm reng thei dawn lo a nia. Hun pawh a liam nasa ve tawh a lawm.... " Ka u sawi zawh hma chuan Jenny chuan a lo khap vat a. " School pawh in chawlh lai tak a ni ve bawk a. I tan pawh hei bak a hun tha hi a awm lo ang. " A ti zui hram a.




" Ka chho duh rih lo. Halai hi nuam ka ti tawh. Ti hian ka chhungkaw bulah ka awm a, hna ka nei bawk a tunah rih chuan hetia awm hi ka duh rih. " Tiin dawhkan chu ka thawh san a. Eddie chu ka pawm sawn a boruak dang hip tur in ka chhuah pui zui nghal zat. Pawn lam chu a vawh deuh sur vang in nau ka hruai bawk nen rei chhuak lo in kan haw leh vat tho.




Ka u in an room lamah Eddiea a awm pui a. Kei erawh veranda ah thutna kan dahah chuan thu in van lam boruak thiang kuk chu thlir in hun kal tawh chu ka ngaihtuah let vang vang a. Ka darah min rawn kawihtu an awm rual in Jenny chu ka bulah a lo thu ve nghal thak.




" I va ngaihtuah muk awm ve? " nui sang a a tih chuan ka lo nui ve sak ringawt. Ka bul maiah chuan thu in thawk chu a la ve halh thin. " Sawi duh I neih chuan sawi la. " Ka ti ta nge nge. Kan monu a ni hma pawh a lo in kawm hrep tawh tih takah kan mizia hi chu kan in man dun khawp mai. Leh lam zawng a ngaihtuah chuan a buaithlak lek lek thin.



" Kum 4 chu a liam ve mai dawn chu a nia. Vawi khat tal haw chu I duh ve lo em ni? " A tih takah chuan thawk chu ka la ve halh.




" Haw chu ka duh a mahse a ni kha ka hmu duh lo. " Ka ti ve ta halh.



" Hma lam pan I duh chuan vawi khat tal chu I hmuh leh a ngai chuan ka hria. " A tih chuan nui ro hak in a lam chu ka hawi a. " A mah hmu kher lo pawh hian hma lam chu ka pan tawh reng a lawm. Nang pawn I hriat kha. " Ka ti let ve thung. Ka sawi dik viau bawk, kum 1 zet kha thil vang khan ka rilru mumal lo in ka zirna pawh ka chawlh san phah a. Ka theihnghilh kher tawh lo ang, Jenny leh Puipuia vang liau liau in tiang hian ka awm leh thei a. Ka tan engtik lai pawh in an awm reng a, mipakhat vang a kha ti khawp a ka tal buai kha kei pawh hian nep ka in ti a mahse ka in thunun theih bak a ni miau si.




" A lan dan chuan a ni a lawm. Mahse i chhung lam khan a pawmpui ve che em? Hma lam pan tawh tak tak ni la engvangin nge mizoram a let a Zorema hmuh chu i la hreh em em? Ka nu leh pa pawn an ngaihtuah em em che a I tha tawh a hma lam I pan tak tak tawh tih hmuh tir tur a chhoh pawh chu ti nge I hreh em em?" A tih chuan ka heh ka pet fan fan ringawt. A hming kan sawi chhuah lohna pawh a lo rei ta khawp mai. Chu toh rual in a hming ka hriat ringawt pawn ka chhung lamah hian che a la awm tih ka hai lo.



Kum 4 lai chu a hming chuan a liam tawh. Hma lam ka pan tawh tiin ka in hrilh fo bawk a. Mahse a chang chuan kei mah leh kei mah ka in bum mai mai hian ka hre thin a mah hmuh ka hreh em vang hian haw chhoh chakna pakhat mah ka nei miah lo bawk. Ka nu leh pa chu ka ngai ve tho a mahse ka haw a nih chuan a ni kha ka hmu ngei dawn. Hmu loh tum pawh ni i la in thenawm mai kan ni a, ka hmuh ngei a ngai dawn.




" Puipuia hi I ngaihtuah ve ngai em? Tunah chuan I bialpa niin a ngaihtuah em em bawk che a. Tiang a in la inkawp tluang zel a nih chuan inneih pawh in la inneih ngei ang. Chu tih hunah chuan Zorema chu duh lo eng ang mah la I hmuh fo pawh a la ngai mai thei. Chhungkhat an ni miau a, Zorema I hmuh hreh reng dawn chuan Puipuia tan hian a fair dawn miah lo a nia. Zorema cousin a nih vang a I then a nih phei chuan Puipuia rilru chu a nat dan tur I hrethiam mai em? " A ti leh dap dap a. A sawi dik vek a mahse ka chhung lam hian a hreh em a tin ni.




" Hmuh leh tawh loh hi ka duh ber a ni. Ka sual pawh a ni mahna mahse ka tel lo a a hlim tih hriat emaw min ngai miah lo a ni tih ka mit ngei a hmuh ka duh lo. Chu ai chuan hetia awm tawp hi ka thlang zawk. " Ka ti ta thlawt.



" A ni i tel lo a a awm chhung khan lo hlim miah lo ve tho se i pawm leh dawn tihna maw? " Ti a min zawh chuan lu ka thing nghat. " A duh a thlang a lawm, kei chuan ka pawm tawh kher lo ang. Mahse he lai a mi hi a la theihnghilh mai thei si lo a. Ka chhung a a awm dan vang a ka huat thluk zet in helai a mi hian a ngai bawk si a. Ka pawm tawh kher lo ang mahse a nun hlim tak a a hmang lo a nih chuan a ngaihtuah reng tho dawn si a. Chuvang chuan a hlim emaw hlim lo emaw engmah ka hriat loh hian ka tan chuan a tha ber. " Ka ti sep sep a.




" I sawi dik lo ka ti miah lo che mahse tun a I ngaihtuahna hi chuan hma a sial mah mah ka ti. Kha tiang ngaihtuahna I nei a nih chuan Puipuia hi inzawmna siam pui lo mai ta che. Nang mah vang liau liau a a hun leh tha tam tak sengtu hi I ngaihtuah ve miah lo em ni. " A thinrim lek lek in ka hria. Mahse Puipuia nen hian kan in ngaihzawn tan lai tak sawi tur ka hre lo.



Rilru mumal pu lo a ka awm lai a min buaipui chawttu leh ka bul a hun hmang tam ber a nia. In ngaihzawn thu sawi lem lo a inkawp tawp ang kha kan ni ber ang chu.




" I rilru ka thlak tir tum vang ngawr ngawr a ni lo a ni. Kei chuan a der a hma lam pan lo hian a tak tak in pan la ka duh tawh. Mizoram lam a I haw ngam lo reng dawn a nih chuan Puipuia pawh hi hnaih lo ngam rawh. " Tiin a tho zui a. Van kam hawi chuan thawk ka la vang vang ringawt.




Ka mitthlaah hetah ka chhuk tan tir kha ka hre chhuak a, engkim theihnghilh a hma lam pan tum in ka chhuk a mahse harsa ka tih zia kha. Mizoram daih a awm kha zanah a lo kal beisei in ka mu thei ngai chuang miah lo a. A lo kal dawn lo tih ka chian em vang a tah tlaivar chang leh kei aia Terini a thlan zawk vang a thinrim a Terini din hmun awt reng reng a ka awm lai te chu ka ngaihtuah let a. Puipuia phone a an family group a Zorema te in neih thlalak vel an post ka hmuh palh phei kha chuan hresa vek si khan ka â lo chauh a tih theih ang.





Zorema ka ngaih vang lam ni lo in a natna min pek kha hriat thar leh a nat thar leh ka hlau a ni. An inneih thlalak mai mai pawn time khawp khan ka nun a nghawng a. Tluang tak in an la innei a, fa hial nei in lo awm se ka nat dan tur hi ka hre lawk miau a.





Zankhua deuh thaw a ka rilru ka kawm vang in thawh ka hai phah leh nghal. Ka thawh chuan ka u in Eddie a lo awm a, Jenny in rawng a lo bawl thung. Eng sawi set set lo in ka u awmna lam chu ka pan a. Ka u hnenah chuan ka haw ve duh thu leh tricket min lak kep tur chuan ka ti ta ringawt. Ka u pawh chu a thawng nge sawi mai tur hre lo chuan a ngawi reng a.





Ni e, hma lam ka pan duh a nih chuan ka hma chhawn ve a ngai a lawm. A hmasa zawk a ka tlan chhiat san vang khan a ngaiah ka la tang reng pawh a ni mahna. Midang zawng zawng in hma lam min pansan lai a lo tawp bik reng chu ka tan pawh a fair lo. Ka haw a nga Zoremsanga hlim leh hlim loh vang in ka in ti buai tur a ni lo. A hlim a nih chuan a tha a ni mai a, a hlim lo a nih pawn a tuhrah a sengah ka ngai ve mai tur a ni.





Tlaiah zanriah kil hman in Puipuia pawh a lo haw a. Chaw kan ei laiin la u in kan haw chho tur vel chu a sawi a. Ka chho ve tur chu a thawng deuh nge a hmel chu a danglam ve in ka hria. Kei ma hnen atang ni lo a ka u hnen atanga a hria eraeh nuam ka ti vak lo. Zanriah kan ei kham veleh inthlak chhuan lam in a apartment lamah a phei a. Thleng seng fel sawk sawk in be tur chuan ka chhuak ve nghal a. Kan kawngka dawt chiah a ni bakah a in password pawh la hriat ve vang chuan ka lut thlang nghal mai a. Couch a a lo thu ngawi reng chu ka pan phei a, ka thawm hria ang pawn a awm miah lo leh nghal.




" Ka chungah i lawm lo a mi? " a bul a thu chuan ka ti sep a. Hetiang hian a awm khat khawp a, kei pawn nuam ka ti lo vek thei.




" Haw chu i duh reng reng em? " A tih chuan thawk ka la halh a. " A tir chuan ka duh lo a mahse... " Tiin la chawl dat . Uluk tak a min lo entu chu ka nuih lui seih a.




" Ka haw chu a tha in ka hria a. Kan pahnih tan pawh hian, ka haw ngam loh chhung chuan hma lam ka pan thei tak tak lo tih na a ni a. Haw pawh haw ngam lo chung a I bul a awm hi i tan pawh a fair bik lo tih ka hria. " Ka ti sep sep.




" A nih chuan haw lo mai rawh. Kei mah vang a nih phei chuan haw kher a ngai lo. " Ka huphurh ve tho zia a hria a ni mahna. Mahse ka tan engkim huam tu vang tal pawh hian ka nunhlui chu thlah vek ka duh tawh. Ni lo, ka thlah tawh a ka nem nghet dawn a ni mah zawk.




" Min ngaihtuah ang chiah hian kei pawn ka ngaihtuah ve tawh che hian a hun tawh a, jenny in a sawi a haw pawh ka haw ngam loh chuan nang hi ka phu bik lo che tih. A sawi dik chiah bawk a, rei pawh kan cham kher lo ang thla hnih chiah a ni mai. " Tiin nui hmel chu ka hmuh lui ve hram hram a. Rei fe a ngawih vung vung hnu in ka kut chu a rawn vuan nghet sauh a, " Kum thar hian chawlh ka la a nga kan pahnih in kan haw rual zawk mai dawn em ni? " A tih chuan ka rilru a ti buai zo vek.




" Ka u ten Eddie a kum 1 piancham lawmna a chhungkaw kim a lawm kha an duh deuh a. Chuvang a nia. Ka nghah che chuan kum thar daih a ngai dawn sia. " Ka ti leh vat a, a thaw zui hawk mai.




" Ka hlauthawng a ni. " Mangan hmel tak a ti tu chu nui lui sak in ka kuah vat a. Ka darah khabe nghat in a thaw suai suai thung. " Eng thil mah a thleng dawn hlei nem. Hun kal tawh thlah hlen ka duh vang chauh a ni tih hria la min ngaihtuah suh. " Tiin ka hnem ve leh chhawng a. Kei pawh eng ka nih loh teh lul nen.




" Thla hnih chauh min kal san tum hian kum khua a daih mai ang tih ka hlau. " A ti zawi sup. A ni pawh hian ka chhungril a awm hi a la hre chiang a ni mahna.





" A tha e, kal lo tur a min duh chuan ka kal lo mai ang. Mahse nakinah nang nen hun hman chhoh zel kan duh chuan helai hmun leh he apartment pahnih kal tawn ringawt chuan kan nung thei lo tih i hria ti rawh. Kan tan a mi pawimawh leh kan chhungkua thleng in khi lamah an awm vek a. Ni e, a ni kha ka theihnghilh hmin hmak thei lo. Kan in zawmna piah lamah na tak a min siam a ser nung min pe tu a ni a. Mahse i tan hma lam pan hi ka duh ve tawh. " Ka ti sep sep a.




" I duh chuan i kal thei ang. Mahse thil pakhat min tiam dawn chauh in. " A tih takah chuan zawhna mit mengin ka melh ve thung. " Min nei tawh mai rawh. In lo han chho hmasa a nga, ka rawn chho ve hunah kan inneihna tur lam hi buaipui ve tawh ang. " A tih chuan ka melh ha ringawt.




" Inneih maw? " Ka ti nawn sep. " Kei mah vang a hma lam pan i duh a nih chuan hei hi kawng tha ber a ni tih kan hre ve ve. Chu mi min tiam chuan hahdam takin ka kal tir ang che. " A ti leh sup a. Aw ti a chuan mai harsa ka tih laiin Ai ti a chhan pawh harsa ka ti tho si.



" Ti nge i duh lo a mi? " Beidawn hmel tak a a tih chuan ka inthiam bik vak lo. Ka hmangaih chu ka ti ngam lo a chhan chu a ni ang khan tu mah ka hmangaih leh tawh ka rin lih vang in. Chu ti rual in la hmangaih ber erawh ka nei thei tawh lo a, a ni a ni lo a nih chuan he mipa bak hi an awm chuang lo. Hmeichhe dang ngaihsak lo lek a kum kha ti chen min buaipui vang ringawt pawh khan aw ti a ka chhan ngei chu a ngai tih la hria.




" Awle. " Ka tih takah chuan awih chiah si lo hlim hmel zet hian min en a. " Ka lo chhoh veleh palai rawn tir in kan inneih ang. " Hlim surh chuan a ti a ka lo nui ve sak. Ka hlim loh hlau em em tu hi tih beidawn ka hreh ve tak zet.



*



Kan chhungkua in Mizoram lamah kan thlawk haw a. Kan haw tur thu kan thiante leh kan chhung leh khatte kan hrilh chuan an lawm ve hlawm ngei mai. Kaninah min hmuak turin an lo awm khawm hlawm a. Tlai lam chaw ei khawm an lo tum hlawm leh nghal.



In kan thleng chu ka nu leh pa leh ka chhungte au mah chuan ka thiani te pathum chu an lo hlim zawk. An ri chel chul mai a. Room lamah min in khai chhoh pui a. Siamin Eddie chu a lo la vat a, ka room ka han lut leh chu lung a leng rum rum mai.





" In pa i rawn hruai ve na nge? " Siami en a ka tih chuan lu a bu nghat. " A hna lamah a buai ve a. I hmu chak tak tak lo a nih kha kan inneih ni pawh in i lo haw duh loh. " A ti leh hlak hlak a ka nui sak mai.




" Nangni pahnih ve hi... " Diki leh Opi en chuan ka ti sep a. Engmah sawi lo in an la nui ang vak vak zui. " Lungngai suh kan la single tluang zel e. " Opin a tih chuan Dikin a beng nghal hlak. " I single thlawt loh kha. " Tum bar in a tih khum a kan lo nui hak.





" Single reng e a. " Opin a tih leh chuan " Lawma bulah midang bulah chuan single a in ti zel ka ti dawn. I ler zia hi ka hrilh vek dawn. " Tiin phone a lek chhuak a Opi chuan a bawh nghal chung mai. An sawi hmangah Lawma nen an ni ve ta chu a nih hmel.




" Ka lawmpui che, duh ber neih bak a hlu a awm hlei nem. " Ka tih chuan a nui ve sak.




Inhnuai lamah kan chhuk a, ka nu ten Eddie chu an lo ban vat a. Duh loh a nei kem lo bawk nen Jenny chhungte lam an lo kal bawk nen an in lak chhawk reng a , tlangval vannei a ni ringawt tiin ka u in a fiam a fiam a. A fapa lah chuan a la hrethiam theuh mai si lo.




Chaw kan eikhawm nghal a. Zanah riak tur a ka sawm chuan Siami chu pasal fanau nei tawh tih takah a haw a ngai nghal pang a. Diki leh Opi erawh ka sawm tlu thei hram. Ka roomah in kawm in kan awm a. Tukverh bulah ding in pawn lam a in lian zet chu ka thlit reng bawk.




" I lo haw hi ka la ring ngam lo. Dik tak chuan i u te in neih khan i lo tel ve ka ring zawk a. " Opin a tih chuan tukverh bul atang chuan an lam chu ka hawi a. " Ka ngai ve tawh cheu a. " Ka tih chuan an nui tha duh lo khawp mai.




" Takin Zorema.... " Dikin a tih rual chuan Opin a hnungah a chhum zui tawlh a. A eu nghal ngawng ngawng mai.




" Kha lam kha chu sawi lo ang u. Hriat ka chak lo ber te zing a mi an ni. " Ka ti sep. Jenny in Puipuia nen kan in kar vel a sawi zuai chu hre chiang chak zet in min zawt a. Opi lah chuan Zorema cousin a nih vang hrim hrim in ka duh pui lo che a ti mauh mai a. Diki ve thung chuan Zorema tih el nan hrilm hrim pawh a tha a ti ve thung a. He mite pahnih hi chu a ngaihna thlawt an awm lo.




Kar khat zet kan cham tak hnu chuan kan thian ho a bazar an rawt a. Siami kan sawm chuan a fapa a damlo a damdawiinah an awm thu a rawn sawi a. Kei ni ho bazar tum pawh thulh leh in damdawiin lamah kal kan tum ta zawk a. Diki leh Opi chu Dikin scooty a neih tawh vang in an kal rual thei a. Kei chu kei mah a ka kal a ngai thung dawn a nih hmel.




Damdawiin ka thlen chuan ka call a an lo tlan mek a damdawiin kawt lo nghak tur in min ti a, kei pawh chuan ka lo nghak ve mai a. Damdawiin gate bul a thutna an dahah chuan thu in ka phone chu ka hmet mial mial a. Puipuia off day a ni bawk nen kan in bia a. Ka hma zawn a mipa naupang rawn tlan phei ter ter chu ka keah chuan in chhuih in chhuatah chuan a la bawk thlawp zui.




" Awiii.... Bawihte a na em? " A tah hlau zet chuan ka kai tho a. A khup chu dawm a a si ve hlak reu a. " I van fel em em I tap miah lo a. " Ka tih chuan min en in a nui sen sen leh nghal. A hmel chu naupang mah nise ka hmun tawh hnu a ang em em zui a.




" Thomos.... " Hnung lam atanga rawn ti tu chu ka en ve vat a mahse ka in chhir nghal. Kan haw hnu in kar khat zet kan awm tawh a, ka la hmuh miah lo tih a lo hahdam ve tawh nen Zoremsanga pawh chuan min hmu chu a beisei lo nge a che sawn lawk lo.




" Tolem... " Ka bul a mipa naupang in fiah lutuk lo a a tih chuan min melhna a ta a hawi sawn ve ta hram. Ka din chhuah rual deuh thaw in kan bul a lo la thleng hman zui a ka hawi buai nak mai. Hmuh loh tawp kha chu ka in ring bik lo a mahse tun hi chu ka in ring lo leh em em lutuk a ka dik lo vek.




" Khaw nge i nu? " Ti tu chu ka melh vat a. Mahse la bul a naupang daih a melh vang chuan ka thaw ve halh.




" Hna a thawk. Ice cream lei dawn a. Tah hian ka tlu a, chuan he lai hi na. " Tiin a khup chu a kawk a. A tluknaah khan a sawh a nih ka ring. Mipa naupang chu a pawm nawlh a, an in biak buai lai chu rem changah la in ka kal sawn daih thung. Kha naupang khan a fapa emaw ni le? Terini nen inneih an tih chuk chuk chhan kha a rai vang a ni thei mai a ngem? Naupang kha a loh berah kum 3 emaw kum 4 vel chiah a nih la ring a. Ka chhut ka chhut chuan a in mil viau leh nghal. Zorema khan ' khawnge i nu? ' a ti bawk a nih kha!




Opin min lo call a an rawn thlen thu a sawi chuan a chhungah ka nghah thu ka hrilh a, an rawn lut mek tih sawiin kan in biakna kan ti tawp a. Ka in her chiah chu ka sir maiah Zoremsanga chu a lo ding reng mai!



Zawmna 💕



" Puih theihna che ka nei em? " Tawng tum hmel pu miah lo a min en reng vang chuan ka ti a. Zam lo ang tak a lan tumin a mitah tak chuan ka melh chho kalh bawk. A mah ka hmuh vang a danglam anga lam chu ka tum hauh lo, mahse ka taksa chu a ruk in a tang deuh tung tho.




" Hun rei tak hnu a I hnen atanga kha thu hriat chu a hahdam thlak hle mai. " Nui suk a titu chu hrethiam lo zet chuan ka en a. A hma ang bawk khan a la chhelo in a la hmeltha reng a. Kum 4 lai liam tawh mahse tlem in a upat ve hmel ta deuh a, a sa a in phut tha tawh tih lohah chuan a danglam hran lo.



" I dam tha tih ka hria a ka hmu che chu a lawmawm. " Nui lui sang chuan ka ti a. A ni pawh chuan a tukhum chu tuai zauh in a nui ve suk bawk. " Kei pawh. " Muang ban churh in a ti ve bawk. Nichin a mipa naupang kha a bul a a awm mai loh vang chuan ka hawi kual deuh a. " A nu bulah a kal tawh. " Ka mi zawn hria ni awm tak chuan a rawn ti leh ringawt. " Engmah ka sawi loh kha. " Ti a a mah ka en chuan chik tak hian min lo em ve reng.




" Sawi lo mah la i mit meng atang khan a lang vek a. " A hmui ti sawi zauh a a tih chuan ka nui tawi tak. " I fapa a mi? A duhawm hle mai a hmel a tha bawk si. " Ka ti thla ve rawk a mahse ka zawt chu ka in chhir nghal. " Fa ka la nei hlei nem." Nuih zal hmel pu lek lek chuan a ti a kei pawh ka nui lui sak ringawt. Ka kal na lam turah tak a ding bawk nen a mah lah kal sawn a tum hmel bawk si lo chu ka che sek tawh.





Vanneih thlak takin ka phone a rawn ri a, ka en chu Diki call a lo ni a ka lak rual chuan ka awmna bawr vel chu min lo zawt leh a. Ka hma a mipa lian zet ding hian min hliah vangin min hmu lo pawh a ni mahna.




" Aw, kha mi bul lawkah khan ka awm. Lo kal sawn lo u la ka rawn pan zawk ang che u. " Ka tih let takah chuan an lo awm tur thu chu an sawi ve mai a. Phone chu dah in Zorema bawk chu ka en leh a " Ka kal hmasa mai ang, ka thianten min nghak reng tawh sia. " Zangkhai zet chuan ka ti lui hram hram. A tel lo hian ka hlim a kha leh chen kha ka awm thei tih hmuh tir ka duh vang in ka in sang mar parh a ngai tih ka in hrilh ru mawlh mawlh bawk.




Min chhang lo a min en reng vang chuan a tawp nan ti a nui sak in kal pelh ka tum chu ka banrekah a rawn vawn vang chuan ka in ring hman bik lo phawk hra chu ka en vat.





" Engtik nge i lo haw? " A tih leh vang chuan mak ti deuh tak chung chuan ka in siam tha vat a, " A rei ve tawh ti i la kar khat chu ka awm ve tawh. Ihh... Ka hman hmawh deuh a.. " Tiin ka banrek a vawn chu ka en zeuh a, a ni pawh chuan bu nghut in a thlah ve mai bawk. Engmah dang sawi tawh lo chuan ka thian ten min lo nghahna lam pan chuan ka kal zui a. Ka tukhum za mer merah chuan min la en zui reng tih ka hre thei.




Ka chawn tha khur der der chu a hmuh hlau in ka pen chak zual sauh a. Ka thinphu chu a rangin ka pangai lo tih chu ka hria. Mahse chu chu hmu tir ve ka duh lo. Kum 4 liam taah khan a hmaah tlawm takin ka awm a, ka na a ni tih pawh min hmu in a hre vek a. Mahse tunah chuan kha tiang kha ka ni tawh lo a, a tel lo pawn ka nung thei a, hma lam pan in nun thar hlak a ni tel ve tawh lohna ka nei tawh tih hmuh tir ka duh a chuan ka hlim tih hmuh tir ka duh bawk.




Tunah khan kan hun kal tawh vang khan lo be duh lo in lo la thinrim khum reng i la chuan kan nunhluiah khan ka la awm reng a, a mah vang in ka thinrim in ka la na thei a ni tih a hrethiam nghal dawn a. Chuvang chuan hma lam ka pan dawn a nih chuan ka la hua a nih pawn ka ti lang thei lo a, kan mi ngaihsak loh leh eng atan mah a kan tih loh te lakah kan awm dan in ka awm ve mai tur a ni.




" Heii... Heii... Kan au vak vak che a I kal tlang nul nul a. " Ka hnung lam atanga min pawt ding a rawn ti tu te chu mumal lo zet in ka lo en hau. An mahni pan in ka kal kha a nia mahse ka rilru ka kawm nasat luatah ka lo mangnghilh leh daih tawh.




" Min kal san emaw ka tia. " Ka ti let ta tawp. An ni pawh chuan an awih ve mai nge ni engmah an sawi zui lem lo. Siamsiamite cabin awmna lamah kan kal a. Kan lut chu min lo be nghal luam a. A fapa khum a lo muhil ka hmuh chuan inhnuai a ka mi hmuh te kha ka hre chhuak zawk leh nghal . Ka kal bo hnu lawkah Siami hian pasal a nei a. In ngaizawn pawh an in ngaizawng rei lo a ni awm e. A fapa pawh hi kum 3 mi lek a la nia. School kal rual a la nih loh vang hian a nia a buai theih em em ni.




Ka thil ngaihtuah chu tul lo ti zet in lu ka thing nghat a. Ka thiante ti ti chu ka zawm ve a. Siami pawh an pa a lo chhuak hman chiah a, tlai lamah a rawn kal leh dawn a hmu ve rawh u a tih vang chuan awm tlang chu kan tum a. Diki leh Opi chuan an hmu hne hlei hlui tawh ang. Opi phei chuan an in neih in mo thianah a tang nghe nghe a. Kei erawh in thlalakah chiah ka la hmuh vang in nghah chu a pawi ka ti lem lo.




" Takin damdawiinah hian Zorina te pawh an awm ve a sin. Rin loh deuh in kan in hmu a, a pi kha a hriselna a tla hniam deuh a ni awm a. A nupui leh fanu te nen kan in tawk a. Biak loh ka tum zet a mahse kan lo in hre ve deuh reuh sia kan be hram. " Diki chuan a ti siam siam a. Kan lo ner nasa ngang mai.




" Nangnu chu i la ngai reng a ni maw? Nupui a nei sanna che rei tawh nen i la kal pel mai mai thei meuh lo chu a nih hi. " Ka lo ti zauh a. Opi lah chuan a sawi zawm chak zawng tih takah a thut hmun chu a rem sauh sauh a.




" Hei vang hi lawm a la single, eng pawh ni se Zorina hi chu theihnghilh hmun hmak tawh rawh. I star thin tih chu sawi loh college kan kal ho thin tih tak ngial pawh a hre tawh lo a nia. A beidawn thlak. " A lo tih chuan ka haw leh ruai tawh. A lan dan chuan kei mah chiah in la hre lo leh a ni hmel.




" Ngati nge a hriat loh cheu a? " Ka tih chuan Diki chu a thaw halh a. " An in neih zan a tawh sual a tawh kha maw... Ni lo, kha tah kha chuan na viau mahse pangai tak kha chuan a rawn harh ve leh ngei a. Mahse a hnu thla tam pawh a ral hma in a bike in a accident a lawm. An thian ho chu bike hmang a pawisa inchawi a in to an siak an chin ve em kha. Truck lian chi nen an in su a, a hliam pawh a na a lawm. A bike pawh chhe hne tak a ni. A dam chhuah pawh an ring lo hial kha a nia. Mahse a vanduai dan a vannei ka ti dawn nge a nunna em chu a chan lo zel a tawh sual a tawh hian. Mahse kha mi tum kha chu a na ve em a a thluak lam a khawih a ni awm a. A hriatna a hlauh vek a lawm. " Diki chuan khawngaih hmel zet chuan a ti a kei pawh chu min thawng ngei mai.




" A nih a nupui leh a fa te kha? " Ka lo ti vat.




" An ni sawi lo a mah hringtu pa leh a awm thei tu a pi tak ngial pawh a hre chhuak zo lo. Puitling uai in naute pianghlim ang maiin a hriatna chu an bo vek an tia lawm Dinpuia ten. Mahse chhungte na na na chu an in hrilh hria a ni mahna, an cheng hoin a nupui leh fanu pawh a ngaihsak tawh lutuk, tunah phei chuan a pangai leh tawh viau. Helamah a tluang lo bawk nen a pa in dam kawr hlim e ti lo khan a zirna pawh Delhi ah Dan lam zirna tha berah a sawn sak a. Kum chu paih ve nual mahse a hei a rawn chhuak ve leh mai a. Kum inah chuan a rawn zir chhuak ve leh mai a. Pa thil ti thei a nei tih takah hna zawn buai ngai lo in a pa bulah a thawk ve tawh zawk. Mi hausa hi chu han buai ve nak nak thin mahse sum an nei bawk a an ding chhuak leh nge nge zel a nih hi. Zorina phei chu a mah a lo fel ve bawk ne. A nupui saw a vannei lel lul a nia. " Diki chuan a ti hlak hlak a. Zorina chu ka rin loh lam daih a ni. Tlai khaw hnuah ka khawngaih ve leh hnu hnawh.




" Sawmi pawn a phu ve lawm le, an inneih tirh atangin boruak tha lo in a zui reng a. Pasal nei chiah e ti lo in an awm hrang zui nghal a. A nghah tang tangna khan rah tha a chhuah ve a ni mai kei mah ang hian. " Opi lah chuan a lo ti hmak a. Diki a lawm loh hmel nghal mai. Zorina hi chu college atang tawh khan a lo ta neih ve thin bawk nen nupui a nei hi a lawm thei ngang lo a ni ber.





" Zorina leh Zorema te thian dun hi chu kan khawngaih phak chu ni lo mahse an khawngaih thlak ka ti. An rilru chu a chhe miah lo a mahse kawng an zawh fuh lo lak lawh ka ti ve tlat. Zorema pawh a nih chiah hi. " Siamin a tih chuan ka thut hmunah ka lo tang leh tung tawh.



" Nia, takin Zonun zawh che ka hreh viau nan Zorema leh Terini te in then chhan tak kha eng ni a? " Dikin a tih chuan ka thinphu an chawl duk mai.




" An in then maw? " Ka tih let haw chu an hrilh a hai zual sauh mai. " Uiii..... " Dikin a tih leh chuan Siamin thawm dim tur in a lo ti vat. A fapa mutui lai pawh a rawn phu zawk nghe nghe.





" I hre lo tih sawi miah suh. An in neih hnu thla khat na velah a mi an in then kha. I hriat ve vek kan lo ring. A i rilru a nat em vang khan kan sawi pui duh lo mai mai che a. Dik tak chuan kha tih lai khan nang mah a hmangaih zia che a in hre chhuak a rawn oan leh che a tum kan ring rum rum zawk a. Mahse in reh dun ta vang vang sia. " A la ti ang deuh deuh a.




" Chutiang engmah ka hre ve lo. An la in nei reng emaw ka ti zawk a. " Ka ti let ve mai a. Bengalore ka chhuk tirh khan ka phone no hlui kha paih in a thar hlak ka hmang a. A chhan pawh kha phone ah khan Zoremsanga nen sulhnu kan ngah em vangin. An inneih thu erawh Puipuia phone atang in la hmu ve tawk a nih kha. Thawk la halh in ka banrek Zorema vawnna chu ka tuai zui neuh neuh ringawt.




" A van mak i hriat kan lo ring a. I pa te emaw I u te pawn an sawi lo a mi? " An tih pawh chuan lu ka thing ringawt.




" Hmmm.... Enge an hrilh a nga, Zonuni kal san in Terini a nei a an in neih rei loh vang a Zonuni zu hrilh vel kha thil tih chu pawh a ni lo. Engkim theihnghilh tum in a kal a rilru ti buai tawk leh a hrilh kha a tul lo e mai. " Opi lah chuan a lo ti hlak hlak.




" In in hmu tawh reng reng em? " Ti a min zawhna ka chhan hmain Siami pasal a lo luh takah chuan kan zawm tawh len lo. Haw tur a kan in tin tuah meuh chuan khua pawh a lo hma tawh lo viau. Ka i in ka na vitamin ei lai a zo lo lei kawi rawh a tih vangin ka kal kual leh zek a. Khua a thim thet thet tawh nen ka hman hmawh viau tawh. Chutah ka haw turin bazar mi pun khawm na lai deuh a Zorema leh hmeichhe pakhat in din chilh chu ka hmu a. Mi an tam bawk nen pawh em chu ka pawh ta lo.





In ka thlen chuan ka nu sitting room a Eddiea lo awm chu a bulah ka thu a, ka pa damdawi ka lei sak chu ka pe zui nghal bawk. Ka nu leh Eddie chu ka en reng laiin choka tang in Jenny a lo chhuak a. Eddie chu hrai puar tur in a la hrang zui a.




" Nu... Zorema leh Terini te an in then em ni? Vawiinah ka thianten an sawi a? Eng thil nge thleng a. " Tiin ka zawt ta ringawt.




😭 a tawi , rawn dah sak ngei cheu ka duh sia. Ka mut lah a chhuak tawh bawk nen chhun lamah in rawng hnawih in kan buai nileng thak a. Ka ban te hi a kham ngaqih2 mai. In cmt pawh ka la react loh zawng kha ka la chhiar hman loh an nia, uluk tawkin ka rawn chhiar leh ang. Story in lo nghahhlelh ang chiah hian in cmt ho chhiar hi ka lo nghakhlel in ka lo phur phah ve sawt thin a, in cmt hi ngaihnawm ka lo tiin ka lo hlim pui a, ziah chakna min pe nasa zual thin tih min hriat sak ru aw 💕💕


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2022, 5:53 pm

Miracle Love 💕 by Amy Cck




Chapter - 36




" A dik a lawm. " Ti chiah in min chhang a kei erawh in a sawi belh leh hun ka nghak ran thung. Chutah thawk la halh in " An inneih hnu rei lo teah khan kan buai nuai a ni ber mai. Zorema kha a rui deuh reng mai a, I hriat ang in in thenawm hnai mai kan ni a kan mit in kan hmu ve vek bawk a. An nupa inkar kha a khi tulh tulh a ni mai. Zan khat chu Terini kha tap chhung khan a rawn tlan a. Zoreman kut a thlak a ni awm e. " Ka nu thu sawi chuan min thawng lutuk sawi mai tur pawh ka hre lo.




" Chutiang thil Zoreman a ti lo ang. " Ka ti chhuak thei tawk. A lakah ka hua in ka thinrim a mahse chutiang a hmeichhe kut thlak duh tur khawp a mipa nep a ni lo tih chu ka chiang a ni. Eng anga na pawn tawng khum mahse Zoremsanga hian hmeichhia kher chu kut a thlak ka ring lo bur.




" Mihring in mizia hi a lo in thlak thei khawp a. Neih pawh an la in nei rei lo kei ni pawh in mak kan lo ti a sin. Mahse phat rual loh in Terini taksaah khan kut thlakna hnu hma a awm miau sia. Sawi tawh ang in an in neih hnuah khan ruihtheihthil bawihah a lut a ni ber mai. Harhfim lai a fel leh zaidam em em te pawh hi zu an han in a an ruih chiah hian an mizia hi a danglam ve thin a. A ruih vangah kei chuan ka puh ber. Terini pawh an inneih dawn a hlim ve nen a khawngaihthlak tak tak a ni. " A ti leh halh a.




Ka taksa chhung lamah hian min vit ngawt ngawttu a awm a, ka nu thu sawi chuan zep miah loh chuan ka rilru a ti na. Terini ka khawngaih vang lam ai chuan Zoremsanga khawsak zia a sawi vang a ni ber.




" Engmah in sawi si lo a, ka u leh Jenny pawn. " Ka ti leh halh. An sawi tur a ni em chu ka hre chiah lo mahse ti ti pangai ang mai mai pawh in kha ti chen kan cheng ho a an sawi miah lo a.




" kha ti khawp khan an inneihna tur vang khan i rilru a na in i taksa lam thleng in a nghawng a. Hrilh che kha a tul ber em kan hre lo a ni. I pa pawh a thin a rim a lawm. Rei tak pawh la in nei lo kha thla hnih khat lek a in hau a in ti thiam lo satliah pawh ni lo a kut hial a thlak kha a awm lo khan ti lutuk a. I pa te thinrim zual lehna chu Zorema te lam in an rawn ngaihven zui miah lo bawk kha a ni ber. Sum chhuah in thawmhnaw te pawh an va la hial a. I hriat angin inhnaih te kan ni bawk nen Terini tan pawh a nuam lo ang a ti deuh nge i pa in a U Mamite bul a awm tur in a han thlah chho ta a nih kha. " Tiin a sawi zawh chuan pik hmel zet in thawk chu a la zui halh.




" Pa Lsa te pawh in engin sawi thiamna emaw thupha chawina tak ngial pawh an nei lo tina maw? " Ka ti ta thlawt. An chhungkua ka hre chiang in mi tha ti a ka chhal ve ngam an ni a. Zoreman a ruih sual vang mai mai a a nupui kut a thlak chuan an fapa pawh ni mahse Zorema an tan dawn lo tih ka ring a. Chutia engmah an sawi zui lo chu mak ka ti.




" Engkim hi a buai zo a ni ber mai. A pawi a ni tih bak sawi tur pawh ka hre lo. Inthenawm kum hlun kan ni bawk nen tunah chuan Zorema chhungte lam chuan danglam ang pawn an lang tawh lem lo, biak phei chu kan in be chhe lo a mahse chhunglamah hian nuam lo tih na kan neih ve ve a ni ber. " A ti leh sep sep a. Kei erawh chuan zawhna tam tak ka la nei a mahse sawi chhuah mai dan ka thiam lo. Ka ngaihtuahna hian Terini lam aiin Zorema te lam a awn leh tlat thung a. Ka nu te rilru nen a in perh san leh daih vang chuan an rilru ka ti na thar ang tih ka hlau a ni. Rinhlupuii vanga buaina neih leh ka duh tawh lo bawk.




" Zorema a thiam lo tak tak a dik lo tak a kut a thlak a nih chuan dan ang pawn hma in la thei lo a mi? " Ka ngawi mai thei lo chuan ka la ti hram. Ka nu chuan enge ka ngaihtuah tih hriat tum ang mai chuan min melh vang vang a.




" Kan sawi a lawm, a rawn tlan tirh pawn ka sawi a mahse Terini khan a duh tlat lo a. Kan chhungkua kan mualpho phah nasa dawn bawk nen. Chu tah Zorema te lah mi khawsa thei chhungkua an nia, a tu a ve ve tan pawh mualpho na a ni ve a. Tih mualpho cheu ka duh lo, kan khin vang in engmah a that phah dawn lo Terini khan a ti ve tlat a. A tuar tu ber in a duh loh chuan lo thinrim in lo lawm loh pui ve viau mah i la tih theih kan nei si lo a. " A ti leh charh charh a. Chu mi a sawi hnu phei chuan Zorema te chhungkaw lam ai mah chuan Terini mizia ka ngaihtuah let in a mah tih dik loh a nih rinna ka nei lian zual thung.




" Terini chu Zorema kut thlak a ni em tih in chiang a mi? A lo ni lo mai thei a sin. Ka sawi awm zia chu Terinin dawt pawh a lo sawi ve thei reng a. Zorema puh hming chhiat a tum vang pawh in. " Ka la ti tawk tawk. Ka nu pawh chuan ka tawng danah an mahni lam ai mah in Zorema te chhungkaw lam ka chu mak min tih hmel ngang mai.




" Nang chu i awm ve lo a. Engmah i hre tak tak lo. Ka mit ngeiin Terini taksa pem leh duk thleh thluah te, kha mi zan a kut a thlakna hnu hma pawh kha ka mit ngei hian ka hmu a, rin dang dang neih a har tawh sa nen an mahni pawn kut a thlak tih kha an pha miah lo a. Rin dan tur dang a awm thei tawh dawn em ni? I pa rawn haw pawh a rilru a nain a beidawn hmel ngawih ngawih a. An in kawp rem tawh dawn lo a ti thlawt a sin. " Tiin ka ngaihdan chu a dik lo tih min hrilh pah bawk a. Pa Lsa te tak ngial pawh in an pha lo a nih chuan a dik ngei a nih ka ring.




" Mahse engvang nge? " Tiin kei mah leh kei mah chu ka in zawt a. Ka hriat thin Zoremsanga mizia lo ang hlir leh an chhungkua ka hriat dan nen a in perh san vek a a sawi chu ka nu hnen atang mah nise rin mai harsa ka la ti fan.




" Tun bak hi chu hetiang lam thu hi sawi chhuak tawh lo la aw. I pa hriatah ngat phei chuan a rilru ti na thar lo tur in ka duh che. Hun liam tawh a nih ang in hunin liam pui rawh se. " Ka nu bawk chuan a ti leh a. Ka pa leh ka u pawh khaw nge an lo len chhuah ve ni, an rawn haw takah chuan ka room lamah chuan ka chhoh san a. Khang kum chhung khan thil tam tak chu a lo in thlak danglam a ni mahna mahse Zoremsanga mize danglam dan a sawi erawh kha chu ka la awi phal lo a ni ber.




" Ti nge i lo buai ve vak. I chung chang engmah a tel loh kha. Na tak in a siam che a, an tuar let ve a ni mai. I rilru ti buai tur in i tan engmah an ni tawh lo. " Tiin kei mah leh kei mah chu ka in hrilh nawn tluk tluk ringawt.




Zanriah kan ei kham a, sitting roomah kan chhungkua in kan thu a. Midang chuan Eddiea an buaipui laih laih laiin kei erawh in phone khawih in Puipuia nen kan in text a. Inah a mah chauh a a awm thu a sawi chuan ka khawngaih reuh tak tak. A mah a a awm vang in rawng pawh in bawl lo in pawn lam a mi eitur a chah thin thu a rawn sawi phei chuan haw lo a ka lo awm pui mai lo chu ka in thiam lo rum rum.




" Dawr an khar hma in diaper chu ka va lei lawk ang a tlai mai dawn. " Jenny in a tih chuan chaw ka ei tam vak lo nen zanah ka ril a tam tak a eitur lei tum chuan ka va kal zawk ang ka ti a. Bawihtea mut a chhuah hmel tawh bawk nen min hnial bik lo.




" Thiante in a mo nih nawmna a nih kha. Han tir kual zut zut reng mai la a chhangchhe zawk i nia tuman kan dem miah nang che. " Ka u in a lo tih chuan ka melh rawm ringawt. " Ve a, Eddie hi a ni aiin ka awm in ka paw ngun zawk a. Ka hrin a nih loh na chiah hi a ni mai ka fapa a nih loh na chu. " Ka tih chuan an la nui ang vur vur a.




Sawi dik loh pawh ka nei lo. Ka sawi uar miah lo bawk. Bengaloreah pawh khan kan building a awm ve thenkhat phei kha chuan kei leh Puipuia fa emaw ti tawk an tam mai. Jenny in nau a neih hnu a, a in hliamna vel a dam hnu lawkah an company atang in a hna zawm leh vattur in an ti bawk sia. Ka u nen an company thawhna pawh a in ang nghe nghe a. Kei University ka chhuak fel chiah hna ka la nei lo nen in lamah ka lo awm mai thin kha a nia. Tun a ka thawhna school hi ka zawmna a la rei hran lo, school a ka thawh takah erawh nau awm tu kan la ve mai a. Ka u te nupa la nileng a hna thawk an nih vang in school kan chawlh hnuah kei man ka pawm leh a ni ber.




Dawr a kal tur chuan ka chhuak a, Zorema kawt ka thlen chuan ka ding dat a. Hun rei tak liam tawh mahse engkim chu a la ngai vek mai. Mahse kar khat zen zawn kan cham tawh a vawin chiah a kan in hmu erawh mak ka ti leh deuh. Mahse ka chhuak vak lo em a tiin ka ngaihtuah leh a. Zan a rei tan tawh vang chuan kawn lamah ka phei zui hlak hlak a. Ka lei tur ang ang ka lei zawh chuan kan in lam a ka let tur chu kawn taxistand atang hian ka hming a min au ri hria in ka hawi a. Mipa pakhat ka lam pan a lo kal chu ka hriat tawh hnu a ang viau leh nghal.




" He lamah I lo haw leh tawh a. " Ka bul a lo thlen rual a a tih chuan ka lo en haw. " Nang hi Rla i ni ti raw. " Ka tih chuan a bu nghut. A hmel a lo dang lam ve tawh lutuk chu ka hai lek lek.




" I haw dawn a mi phei rual I la. " A tih takah chuan kan in zui phei a. Lawma te chung chang ka zawh chuan an buai ve thin thu te a sawi a. Kan in be phei mawlh mawlh a. Kan in kan thleng tep tih a kan gate hma ti i la kawngsir deuh a mipa lo ding ka hmuh chuan ka tawng lai chawl in ka ding zui dat.




" Theihnghilh i nei a mi? " Rla pawh chuan chutia ka awm chu min lo en ve vat a. Nui lui sak in lu ka thing vat " A nih chuan ti nge i din a, a vawt sia in in kan thleng tep. " A ti leh mai a. Muang chang a thawk la in ka ka atang chuan ka thaw khu chhuak ham ham a. December thla kan chuangkai tawh bawk nen chhun lam chu la vawt em em lo mahse zan chu a vawt ve deuh vur mai.





" Saw chu bei tlai ang reng hle mai. Ka tlang mai ang aw, nidangah kan thian ho in kan la rawn hmuak tha leh ang che. Induh viau in i rawn haw thu min hrilh duh lo mah la. " A ti deuh kher chu la ner khum nang. Kawng chu a kan zui mai a kei pawh kan in lam chu ka hnaih zel a. Thawm ka nei hran lo bawk a kan gate bul a ding a ka room zawn melh vung vung a thaw chhuak leh hawk thin chu ka en ve reng a. A thawk chhuah hawk rual chuan a ka atang chuan boruak lum chu a rawn khu chhuak ve zel bawk.




Gate hma deuh tak a a din vang chuan ka thlen phei rual in ka hrawk ka thian kharh a. Muang chang a ka lam a lo hawi chu ka lo la en reng. Min hmu thut chu a beisei lo nge a meng buai ve nawk nghe nghe. A hmel ka hmuh leh takah chuan tlai a ka nu thu sawi kha ka ngaihtuah let kuar kuar mai.




" Khaw nge i kal? " Biak pawh be lo a gate a luh mai ka tum chu a rawn ti sup a. Ding dat in a lam chu hawiin " Dawrah. " Tih leh ka thil khai lek kan ka rual a. A hmui chu ti sawi zeuh in a lu chu a bu nghut nghut.




" Nang zawk hetah enge i tih? " A kal mai bawk si lo chu han kal pelh mai aiah tiin ka zawt leh a. Ti nge maw kal san mai pawh chu ka harsat viau ni.




" Ka hre lo. " Tih zawng chuan min chhang a. Sawi tur chu vang tawh tak tak a ni. Dik tak chuan hun kal tawh ngaihtuah let in kan awm dan hian rilru a ti na. Kha ti khawp a in pawh leh in nel, in ngaihsak a in zui kawi reng thin kha mihrang ang maiin kan in bia in a der ti hre reng chung a kan in nuih vel hi hreawm ka tiin ka mak hui in ka in hria a. Chutih rual in a hma ang a awm leh chu thil theih a ni tawh si lo.




" Ka luh san mai ang che aw. Ka chhungten rei min ti tawh ang. " Tiin kal leh mai ka tum chu a hma ang bawk khan ka ban rekah bawk chuan min vuan leh chawt. " Ka... Ka tihpalh. " Thum dut hian a ti a. A lam hawi lo chuan ka in seh ruh teuh ringawt.




" Eng thilah? "



" Thil tam takah, ka tihnat tawhna zawng zawngah che khan. " A tih leh rual chuan zal lo fahranin ka lo nui ro hak.




" Ngaihdam dil i ngai hlei nem. Kha tiang a tih kha ka phu a lawm. Min duh miah lo tu ka zui kual in ka ti buai reng che a. Harsatna ka siam nasa em che a kha tiang a a ruh lang rawt a thu min hrilh loh chuan ka harh chhuak thei dawn tlat si lo a. Thupha chawi tur zawk chu kei mah ka ni, ka lo zar buai sek vang che leh u nun ka lo dang chep a ka lo control thian vang che khan ka tihpalh a nih kha. I tan ka hnawk sak ang tih lam ka lo ngaihtuah ngai lo a ka lo â em a ni. " Tiin a lam chu ka hawi a. Ka awah chuan a mah ka tawng el tih hai rual a ni lo. Mi mawl a ni lo a a mah pawh hian a hre ngei ang.




" I la theihnghilh miah lo a. " Tiin a then suk a. Enge nuih tur pawh ka hre lo, ka kut chu pawh let ka tum a a hmer nghet ngang mai.



" Theihnghilh bik nang. Nang tluk a min ti na tu kha ka la tawng tlat lo a. Mahse maw ka dik vek bik lo tih ka rilru a fim hnu in ka hre chhuak tawh a ka tawrh dan pawh a zia phah lutuk. Tunah phei chuan hma lam pan in ka kal tawh a, nang lo hi ngaihtuah leh buaipui tur ka ngah lutuk a nang chu ka ngaihtuahnaah pawh hian i lang phah tawh lo zawk." Ka tih chuan a hmrlah chuan natna ni awm tak a rawn lang ve a.




" A tha a nih chu. Keiah vang in rilru na in i lo awm reng ang tih ka hlau deuh a. " A tawng tawp lam chu a nui ro deuh hawlh.




" I in ngai pawimawh mah mah lo a nih chu. Min then vang a ka rilru na ai mah chuan ka thian tha ber min kal sak vang khan ka haw tawh zawk che. Ka ngaidam tawh kher che pawn ka ring lo. A chhan chu engkim lo thlen na kha nang mah vang kha a ni miau a. Ka lakah feeling nei a in sawiin min duh thu te kha sawi chhuak lo in min zui kawi reng lo la chuan kha tiang kha a thleng hauh lo ang. Ka luh san phawt ang che. " Tiin ka kut chu ka thing hnak a, a thlah ve hram. Gate ka nem hawng tawh chu la ding leh dat a.




" I nupui nen in inthen tih vawin khan ka hre ve chauh a. Thian kan lo nih thin tawh naah pawi ka tih pui khawp mai che. Chuan kan in hmuh tawh loh hram ka beisei a nia. Khang thil hlui lutuk sawi dun tur phei chuan in hmu tawh lo hram ang. Ka hnenah ai chuan i nupui hnenah ngaihdam dil la a that zawk ka ring. Duh tak a I neih kha a nia kei ai chuan a mamawh zawk ang. A rilru chauh ni lo a taksa thlengin na i tawrh tir tih pawh ka lo hria a. Ngaihdam i dil dawn a nih chuan kei ni lo in a nih khan a mamawh zawk. " Ka ti ve sak. ' i nupui ' ti a ka sawi chu ka seh chilh deuh nawk nawk leh nghal.




" Ngaihdam ka dil dawn a nih chuan i lakah bak dilna tur ka nei lo. Chuan a ni kha ka nupui a ni tawh lo tih i lo hre dawn nia. Tun bak chu hmu tur che pawh in ka rawn kal tawh lo ang. I lo ngaihkawih palh tak in ka beisei leh vang che a rawn pan che ka ni lo a nia. Kum 4 liam ta kha na tak i ka siam che tih ka hria, ka in thiam lo em a min ngaihdam tur pawn ka phut hran lo che. Mahse kei mahah inthiam lohna a len em vangin leh ka hahdam theih miah loh vang in hmuh che a ngaihdam dil che tha ka ti mai chauh a nia. I hlim ti I sawi a, hma lam I pan ti I sawi bawk a ka lawm pui tak zet che. " Tiin kawngpui sir mai a bike in hung bulah chuan a ding a.




" Chuan thil pakhat, hman a ka Zonunmawii kha a la ngai reng tih ka hria a ka hahdam huai mai. A hma ang chiah in dawt sawi pawh i lo la ching a. " Tiin min nuih suk a. Chak zet a a tlan chhuak chu thinrim ru tun in ka melh zui ta reng.




" I ta ka ni tawh lo bawk. " Ka ti vin hlak ringawt a. Ka tawng erawh a tlan tlang daih tawh vangin a hre pha tawh lem lo. ' ka Zonunmawii ' min la ti ngam chu ka thin a rim hlur ringawt. " Kha tia min koh theihna kha chu hmanah khan I chan daih tawh. " Tih leh hlak in in lam ka pan a. In ka lut chu ka nu leh pa pawh an rool lamah an lo awm daih tawh. Jenny chiah a lo awm a. Ka u leh Eddie awmna ka zawh chuan an ni pawh an roomah an chhoh tawh thu a lo sawi ve bawk.




Thil dang vak sawi lo in mu tur chuan kan in buatsaih ve nghal mai a. Zoremsanga vang in ka mood lah chuan a uih zo vek. Ngaihdam chu min dil a mahse a mah a hahdam theih loh vang leh hreawm a tih thin vang chauh in. A tan chiah a nih chu ngaihdam min dil, tenawm hian. Tun bak kha min hmu tur in a lo kal tawh dawn lo tih te a la sawi ngam zawk a. Lo kal pawh nise kei mah zawk hian ka hmu peih reng reng lo. A mah hmu lo leh a chanchin hre lo pawn kha leh chen ka awm a, hmu lo char char i la ka tan a tha fe zawk.



*



" Nu ka kal dawn a nia. Lalsiamin min lo call sek tawh sia. A thin a rim leh dawn lutuk. " Tiin in atang chuan ka chhuak a. Vawiinah Siami fapa kha damdawiin atanga chhuak dawn a. A pasal kha hna vang in a zin chhuak thut sia. Opi leh Diki lah an hman bawk si lo nen kei a tlawng awl ber nizan atang min rawn phut tlat a. A vo in min rawn vo a kal ngam loh chi pawh a ni lo.




Damdawiin ka thlen chuan hman hmawh ve nen awm pui tu chu a lo nei tha lutuk. A pasal farnu te pahnih leh a pasal nu pawh a lo awm a. Lalsiami lah chuan min lo la nuih tlawn vur vur zui.




" Kal rawh bill va buaipui ang. Duata chuan ka nu leh Ani ten an lo awm pui mai ang. " Tiin min kai chhuak a. Bill ti fel zung zung in kan let leh lamah coffee lei a duh vang in ka kawi leh a. Coffee kan lei lai chuan ka bulah hian naupang aw hian ice cream an nei em tih a rawn zawt a. Ka en chuan hmanni a mipa naupang bawk kha.




" Anu Sofia kan lei kep dawn em? " Ti a a sir a en chho ha chu kei pawh ka meng kawk. " Miss.. " Ka ti sep a. A ni pawh chu a rawn hawi ve nghal vat.




" Eheee.... Zonuni te chu, in hmuh a va khat ve in dam maw? " miss Zuali pawh chuan nui sangin a rawn ti a. Siami erawh in a hriat ve miau loh vang in min lo en ringawt.




" Hetah enge in tih ve a, chuan hei hi... " Tiin naupang chu ka en a. " Damlo tlawh tur kan nei a. Hei hi ka fapa Thomas... " A ti leh a. Nichin khan 'Anu ' a tih kha ka hre hman a pasal a nei ta tihna nge? Mahse he mipa naupang ka hmuh hian zep rual loh in Zorinpuia a ang tak zet. Hmanni ka hmuh pawh khan ang tih deuh ka nei kha a nia. Tunah hian ka hre chhuak chiah.




" Enge in tih ve zawk? " ka lo ngaihtuah rauh rauh lai chuan a rawn ti leh a harhchhuak vat in " Hei... ka thiannu te hi an awm ve a. " Tiin kan in be luam a. A hnu chuan kan lut ta hram. Cabin kan lut leh chuan rin loh lutuk in U Duati ka hmu thut leh nghal. A ni pawh chuan min hmu chu mak a tih hmel ngang mai.




" In inhria elaw. " Nui sang in a lo ti a. Nui lui sak in ka thiannu a nih thu te chu ka sawi ve luam a. Heta ka hmu chu mak ka ti tih a hria nge a damdawiin thawhna a sawn thu te chu min hrilh ve mawlh mawlh a. Siamite an in khung fel chhungin U Duatin min biak a duh vang in thlang lam verandaah kan chhuak a.




Ka haw chho a hriat loh thu te a sawi a, a ni pawn thingtlang lamah chawlh hmang a an lo han zin daih vanga lo vang em em a ni a. A kut tang a zungbul ka hmuh chuan ka zawt vat a, a ni pawh pasal nei mai thei a lo ni tawh reng a. An zinna chu a bialpa te khua a lo ni awm a.




" Mama nen in in hmu tawh em? " Tiin thu tak fe chuan min zawt a. Nui lui sak in lu ka bu nghat.




" Thil thleng kha ka hre thiam lo a min thawng teh mai a nia aw. In inkawp reng emaw tih laiin Terini kha a lo lang thut sia kha tih lai a mak ka tih zia kha. Nang pawh Mama hi i haw ngawt ang tih ka hria mahse kha thil kha hriat sual palh vang liau liau a ni tih hria la ka duh. " A tih leh siam siam.




" Engmah thlak danglam theih a awm tawh hlei nem. " Ka lo ti ve sep.



" Nia, i sawi dik a lawm. Mahse Zorema hi hrethiam htam la ka duh. Kei pawn a tie kha chu ka hua in kha tia naupang chhia ang mai a a che kha ka dem in ka hau nasa a. Mahse a rilru lo hah dan tur leh a lo mangan dan tur tun hnu a ka ngaihtuah hian ka in thiam lo a sin. Chuvang chuan Mam hi i huat pawn haw lut suh aw. " A tih chuan chhan ngaihna ka hre lo.





" I sawi awm zia chu ka hre chiah lo a mahse tunah chuan hun liam tawh vek a nia. Zorema hi chu ka hun kal tawh a nih ang in hnaih leh emaw pawh ka tum tawh lo. I nau a ni tih chu ka hria mahse kei pawn u ang chiah a ka en vang chein ka sawi a nih chu. Min tih dan zawng zawng kha theihnghilh mai a tan chuan a rapthlak mah mah a sin. " Ka ti ve ta piap piap. Hman atang in u Duati nen hi chuan kan in pawh bawk a sawi ka hreh em em bik lo. Bakah Zorema nen kan chung chang hretu awm chhun kha a ni bawk a.




" Ka dem miah lo che mahse Zorema tan pawh a harsa a sin. I hre tawh em chu ka hre lo, eng thil chiah nge midang in an hrilh che pawh ka hre lo a mahse Zorema kha tih hunlai a a kal san chhan che kha chu... " Tiin sawi harsa tih hmel zet hian a thaw hak a.




" Kha tiang a a chet chhan chu Mama khan a positive tih a in hriat chhuah vang a nia. " Ti sepin a thaw leh hak.



" Positive... Enge chu chu awm zia? " Phawk zet in u Duati chu ka en vat. Tun a ka thu hriat kha ka hriat sual a nih ring chuan U Duati chu ka melh tlawk tlawk.



Zawmna 💕




" A dik a lawm. Ka ngaihtuah zawng ringawt pawh hian ka thin hi a la rim a sin. Kha hmeichhia khan a nun zawng zawng a tih chhiat sak ve ka ti lo thei lo. Kan lak atangin tun thlengin a hran phah a. " Thinrim in seh ruh talh talh chuan a ti a, a sawi awm zia hrethiam chiah lo mah i la Zorema a positive tih thu a sawi min thawng lutuk chuan ka en reng ringawt. " Terini i tihna em ni? " Tiin ka zawt let chu thawk la hap in lu a bu ve nghat.




" I sawi awm zia ka man lo nge Zorema a positive I tih awm zia chu... " Tiin zawhna nei tih hriat lutuk chu ka melh ve ran a. Ka thinphu lah chu awmze awm lo in a rang zui dawt dawt leh nghal. U Duati tawng leh tur chiah chu Siamin an chhuah theih tawh thu sawiin min rawn au lang lang a. Mahse ka che sawn mai thei lo u Duati thu sawi chu ka la ngaichang ran thung.




" Kha tih hunlai a mize danglam leh khawsak dan mak sak tak tak te kha thil a hriat sual vang .... " Sawi zo mai lo chuan a chawl leh dat a. " Ni lo.... Dawt hmang a an lo bum vang a ni a. Terini khan HIV kai a postive ang in a lo bum a, an in neih hnu rei loah dawt a ni tih kan hre chhuak vat a, mahse kha ti chung khan kan tlai tep tho a. Positive lo chung khan HIV a vei emaw in tiin a ruk in damdawi kha a lo ei char char a. Kha khan a taksaah nghawng tha lo a neih phaha a thi tep hial a sin. Dam tha pangai tan chuan kha tiang damdawi kha thil hlauhawm tak a ni a. Kha tia a damloh vak takah chuan damdawiin lamah kan in nawr lut a. Tah khan engkim kan hre ve chiah a. " A thil sawi chuan min thawng tih bak sawi ngaihna ka hre lo. Siami bawk in min rawn ko leh bawk nen ka awm dan chu a buai nuai a ni ber.




"Aa....Sawi dawn chuan sawi tur a tam lutuk. Heta sawi mai chi pawh a ni chiah lo. Kha thil thleng vang khan kan chhungkua a nghawng nasa tak a nei phah a, kan rilru a na tlang ti i la a sual lo ber ang. Inchhungkua leh kan chhungkaw inkarah ser a siam phah mai ni lo Zorema nun zawng zawng a khawih chhe zui vek bawk a. Hre ve la tih tam tak ka nei a mahse ka sawi vek hi a fuh ber lo mai thei bawk a. Vawi khat tal chu Mama nen hian in hmu in inbia ula, a mah hnen ngei atangin hria la a that zawk ka ring. " A ti sep sep a. Kei erawh eng thil tak nge thleng chu hre lo mah i la Zorema positive chung chang a dik lo tih a sawi takah chuan ka hahdam huai mai.




" Kan in hmu tawh a lawm. Mahse engmah hindi hrilh a tum lem lo a niang. Min hrilh tur pawn kan inkar chu hmanah khan a tawp tawh a hrilh ngaiah pawh min ngai lo a ni mahna. Tunah chuan a dam tha leh tawh a, engkim chu a hma ang ni lo mahse a tha lam a hawi tal a lawm. An hman hmawh sia ka luh san mai dawn che. " Ka ti let sep. U Duati mit mengah chuan ka lak atang eng emaw beisei a nei tih ka hria. Mahse ka lo ngaihven ve vak tur a ni em ka chiang lo.





" I lakah a in thiam lo lutuk vang pawh a ni thei a. Mama hi a dam hlawl lo a sin. A chhung lamah hian ser lian tak a nei phah a. Kha thil vang khan a nun a mi pawimawh ber ber te a chan a sin nang pawh tiam in. " Ka kal tur chu ka banah rawn vuan in a ti leh hap.




" Kei pawh hian na chu ka nei ve tho a sin. Nang chu a U I nia a lam I tang pawh hi ka hrethiam lutuk che. Mahse bum a nih vang a a bul a let leh a a hma ang a awm leh tur chuan kei chuan ka thei tawh lo. " Ka in sum hman lo chuan ka ti khum ta nghek. Ti nge maw ka tah pawh hi a rawn chhuah ve ziah ni.




" Enge thleng a? " Kan bul mai a rawn ti ri vang chuan thawk ka la halh a. Siami chuan min en tawn zak zak. " Ka tihpalh Mama nun dan hian ka bei a tih dawn em vang a nia. Hman atang tawh in a nunah thu i neih thuk zia ka hria a thil awm dan i thlak theih ka rin vang a sawi ka nih kha. A bulah i let leh kher chu ka phut ngam lo mahse hun rei tak chhung thian in lo nih tawhna vang tal pawh in vawi khat chiah chu be hram turin ka ngen ang che.




Ni lo, kei mah vang tal pawh in. I u ang a min lo ngai ve thin a nih chuan ka ngen vang tal che pawh hian be hram rawh. A chhungril tawt leh natna in hnawh khawm hi sawi chhuahna tur a mamawh tih ka hria a ni. I bulah lo chiah chutiang chu a ti thei tih pawh ka hre chiang. " Tiin harsa tih hmel zet hian a nui a. Chutah min kal pelh rual chuan " I rilru I thlak chuan min lo pe dawn nia. " Tiin a kal hmasaah a tang a. Siami chuan haw min sawm leh a. Kan rei deuh tawh vang leh thil in zawhna hmun tha ni a a hriat loh vang nge zawhna ngah hmel viau mahse engmah chu a sawi bik lem lo.





Damdawiin atang kan chhuak a. Siami te in lamah kan haw zui a. Kan boruak vang khan ka mood chu a dik lo zo vek a. Ka thin a rim in ka rilru a na thar tih pawh ka hai lo. Kan thlen hnu chuan Siamin an pa chu bia in kan thlen tawh thu leh an fapa pawh a ziaawm thu te a hrilh a, a pasal nu leh farnu kha chu room atang an chhuak tawh thung.




" Eng thil nge damdawiinah khan in sawi a? " A tawp a tawpah chuan a ti ve ta nge nge. Tumah midang an awm lo bawk a tiin thil thleng vel chu ka sawi ve ta vek. Kei ang tho in Siami pawh chu a thawng tih ka hria. Zorema leh Terini in then chhan an hriat chak zia an sawi fo a mahse an ngaih ang chu a ni bik lo tih a hriat.




" Terini hi chu mipakhat hi chu a ni ve maw le. Fing viau siin a mawl ka ti dawn nge, a rilru phakar leh sual lutuk hi a chhiat pui pawh ka hrethiam lo. Mahse Zorema pawh a ti mak ve e, chutiang a rinhlelh theih tur in Terini nen an khawsa dun hrim hrim a mi? Engtia positive ni a inring nghet nge a nih reng reng le. Khawngaihthlak viau mahse thiam lo ka la ti tho tho. " A ti ve hlak hlak.




" Terini hnen atanga a kai pawh a tih loh kha. " Ka lo ti chu a meng nur nasa mai. " A chiang reng a lawm, Terinin a positive tih a sawi a nga, an lo che sual a nga a in ringhlel ve nghal tih. Chu ni lo se eng ang pawn positive sawmsarih rawh se Terini neih ngawt thu awm suh.




Dik tak chuan an che sual a Terini a rai vang a inneih tumah ka lo ngai a mahse naute lam reng reng kha a ri si lo a mak ka lo ti reng a. Hetiang nuai a lo nih vang a nih chu. Terini a positive thu sawi chhuahah a vau pawh a ni mahna tu nge hria ang. Chutiang vel nuai a nih vang a nih chu University pawh kha a ban tak daih. " A ti leh chiah chu ka melh rang ngang mai.




" A bang maw? " Ka awah pawh ka mak tih zia a lang ang.



" Umm.... In kal bo hnu atang khan a ni pawh a kal zawm tawh lo. Bakah nupui a nei zui mai bawk nen a kal peih tawh lo a niang kan lo ti mai a. " A ti zui leh barh barh. Kei chuan ngaihtuah dan ka thiam tawh lo.




" Eng pawh ni se hma lam I pan tawh a, Zorema leh a kaihhnawih hi chu ban san teh. Puipuian hetiang hian Zorema vang in I rilru a buai tih hria se chuan a lawm miah lo ang. Kha ti chen hma lam pan tur che in a pui tawh che a tunah I tanna ngai bawk a I kir leh hi a tul pawh ka ti lo.




Chu tih rual in Terini chung chang hi chu i chhungte hrilh la ka ti. A rapthlak dan hi hria in hnaih chi a ni lo tih tal an hriat theih nan. Tunah pawh a mah vang bawk in Zorema chu lo dahtha i la chhungkua leg chhungkua in nghir ngho na a thlen a nia. I nu bulah pawh a let ling hlir in a nih chu a sawi leh, a mak ve e an hriat chhuah te hi a hlau hlawl lo a maw ni. " A tih leh chuan kei pawh chuan ka chhungte hrilh hriat chu thain ka hria. Kha leh chen ka ngawi a kan chhungkua mai ni lo Zorema te chhungkua nen lam a dawt sawi vang a kan in hmuh sakhi chu ka rem ti bik lo.




Zanriah ei tur a min tih luih tlat vangin ka ei leh a. Ka haw dawn meuh chuan khua a thim tan der mai. Siamin an pa min va thlah tir a tum chuan la hnial vat a. A hna atang a rawn haw hma lem lo bawk nen a in thlahrun awm ve riau. Taxi rem chang nghah pah in stand bulah chuan ka ding ran a. Han luhna mai tur lah chu a vang pharh leh nghal.



A tawpah chuan taxi pakhat a ruak hi a rawn tlan a. Lo phar vat in ti to deuh viau mahse tih dan dang hre tawh hek lo ka hmang zui ve ta ngawt. Kawng lah chu a jam nasa ang reng viau leh nghal.




In ka thlen chuan zanriah an lo ei kham ve chiah a. Eng sawi set set loin ka pa an room a lut chu ka zui lut ve hmiah. Ka pa chuan mamawh ka neih leh neih lo min zawt zui nghal a. Biak lawk ka duh thu ka sawi takah chuan thut hmun kan rem tha a. Dik tak chuan ka sawi dawn tak takah chuan hrehna leh huphurhna riau ka nei leh.




A chhan pawh an bul a Terini ka sawi a piang in a thiam lo leh dik lo zawk, huphurh zawkah min ngai zel thin a, kha khan ka in rin tawkna a ti chhe tlat tawh.




" Enge sawi dun i duh chu? I ngawi leh vung vung a. " Ka pa in a tih chuan thawk ka la hap a.



" Zorema leh Terini in then chhan dik tak hi I hria em? " Tiin kan zawt hmasa zet a. Lu a bu nghut a, a hmel chu a danglam ve nghal bawk. Thu dang erawh sawi belh a tum hmel lo viau.





" Ka sawi awm zia chu Terinin in hnen a a sawi dan ni lo a chhan dik tak zawk a nia ka tih. Kha tiang kut in thlak tih vel ni lo. " Ka ti leh kher. Chutah zet zawng ngawih reng a theih tawh loh a ti nge " Zorema nen in in bia em ni? " a ti chhuak ve ta nge nge.




" Chu chu a pawimawh ber lo, Terini Zorema dawt in a puh tih hi i hria nge hre lo. " Ka ti leh phawng. Ka pa chu pik hmel zet hian a thaw chhuak hawk a. " Ka hria lawm, Zorema ni lo in Terini thiam loh a ni tih pawh la hria. " A tih leh takah chuan mak tih luat vangin ka nui ro hak.




" Pa... Enge i hriat a? Terini a dik lo tih hre reng chung pawn tan in pa Lsa te nen hian in in hmu dik lo a. Hetiang khawp a a dik lohna pawh tan sak tur hian enge a tih a? " Ka ti ta thlawt.





" Chutiang lam in ka sawi lo. He thu hi chu Zorema chhungte nen a kan sawi fel vek tawh a nia. Kan pawm tlang bawk a. Hetia thar thawh leh hi a tul hran lo. " A tih chuan ka pa ka lp zah ve em em na kha an bo vek mai hian la hria.





" Chiang deuh in enge thleng min hrilh rawh. A nih loh chuan.... Pa.... Harsa ti viau chung in ka pa la zah a la ngaihsan em emna kha ka thinlung hian a thlak damlam zo tak ngial dawn. " Rilru na zet chuan ka ti chhuak ta tawp.




" Ni e, Terini kha an inneih hnu rei lo atang khan a rawn zual ko fo mai a. Zorema lah kha zantin deuh tawh pawn lamah a riah chhuan san ti i la kan sawi sual lo ang. Mit a lo hmu ve tu te pawh kan ni bawk a. Zorema khan kut thlak fo ang khan a in sawi a, a taksaah hliam thar lam tak tak a awm thin bawk nen kei ni tan kha chuan rin loh rual a ni lo.




Kha mi zan Terini a rawn tlan zan pawh khan chutiang tho chuan a rawn sawi a, ka thin kha a rim in ka rilru chu a na kher mai. Nu leh pa nei tawh lo fahrah a nih na hmang a an hmusit tih a sawi phei chuan ka chhungril hi a na a ni. Ka u fanu a ni a, ka u a awm tawh lo a nih chuan ka fanu tihna a ni mai a. A rawn tlan hnu pawh khan rawn ngaihsak a rawn koh chu sawi loh, Zoreman kut a thlak thin vang tak ngial pawh a thu pha chawi tur a an rawn lang miah lo kha kan lawm ta lo a.




I putea te ho nen chin chang hriat chian tum leh sum chhuah a thawmhnaw la nghal tur in kan kal ta tawp a. Mahse Zorema te in kan va leng lut a kan thu hriat erawh chuan zahna khurah min nawr liam chiang khawp mai." Tiin a hmel pawh chu a thim rap mai.




" An reh kan tih chhung zawng khan damdawiinah lo lut in Zorema an lo buaipui char char a lo ni. Chu tah Terini zawk khan dawt a lo bum in Zorema nuna a tan hial a pawi tur a lo khawih a. Kei niin thinrim eng phiar a Zoreman Terini kut a thlak thin vang a kan lawm loh thu sawi a thupha tal an rawn chawi loh chuan thu neitu tr kut a hlan sawi tum kha an mahni tih tur zawk a lo ni a.



Damdawiin lam a thawk thisen an test tir na kha Terini hmel hriat niin a ni khan pawisa in a lo thlem tih te kan hre chhuak a. Zorema nu leh pa pawh an lawm lo khawp mai. An fapa nunna hial in a tuar phah tep bawk nen. Chu aia rapthlak chu Zorema ni lo in Terini zawk kha positive a lo ni leh zel a. Kan vannei ka i dawn nge Pu Lawma te chhung rilru thatna a zarah Terini khin an tumna chu sut an ti hlauh zawk a. Terini a positive bawk nen chutah a fahrahna vang hian an lainat pawh a ni mahna. Report in thubuai siam sak se chu hremna pawh a nep dawn lo teh reng nen Zoreman nunna em a chan lo bawk nen kan ngawi rih anga. Chu tih rual erawh in ka fapa din hmun hlauhawm tak a dahtu a nih ang in kan hmuh phakah awm lo se kan duh. Tiin Terini an lainatna vang liau liau in kan in sawi fel a. " Ka pa thu sawi lai chuan in seh ruh teuh in ka lo en tawp.




" Terini lakah pawh ka lawm lo tak zet a. Hauh pawh ka hau na bawk. Bakah a mizia en khan kan bul a chen tir ngamah pawh ka ruat tawh lo bawk a. Mami bia in thil awm dan ka hrilh a, an khaw lam emaw an mahni bul a awm tir tur in ka ti ta ringawt a. Ka fanu ang a ni chu ka ti na meuh mai a mahse mi dang tihnat a hreh lohna khan kan chhungkua tih nat pawh a hreh dawn lo tih ka hria a. Risk lak kha ka thei tawh ngang lo a ni. I lakah pawh hian in thiam lohna tam tak ka nei a nia.




Ka lo ngaithla duh lo che leh Terini vang a I rilru kan lo ti na fo kha kan in chhir a ni. I u pawh hian hreawm a ti khawp mai. " A tih chuan ka in swh ruh teuh. Ka rilru chuan a hunlai ngaihtuah kir in a tlai tawh ka ti ru mawlh mawlh. Ka nu leh pa te a nih angin rei tak chu ka thinrim khum thei lo mahse khangress vang a ka rilru na kha chu a reh mai mai tawh in ka ring lo thung.




" Ka nu hian engmah a hre lo a mi? " Ka ti hap. Hmanni a taqng dan atang khan a la hre lo niin a lang riau.





" Terini khan min ngen nasa lutuk a. I nu leh zel in huatna mit meng a a en kha a hreh em vangin kan hrilh ta lem lo. I pa Lawma te chungah pawh ka zak in ka in thiam lo khawp mai. I nu Ruati pawh a rilru a na viau ang tih a hriat a mahse thu buai neih a han in report kha Terini nun a chhe vek tur kha a lainat a ni ber mai. " A ti ve char char a. Chutiang thil a thlen hnu a Terini lak a khawngaihna an la lan chhuah tir thei chu kei pawn mak ka ti.





" Engpawh nise hei thu hi chu kan chhungkaw hnih inkar a nia sawi chhuah a rem lo tih ka hrilh nawn leh ang che. Pu Lawma te pawn hremna lam em chu chelek lo mahse an rilru erawh a dam zan dawn bik lo tih hria la. Eng tin va ti lo mah i la kan chhungkua hi an mit pawh kan ti kham viau thei bawk a. Sawi chhuah a thar thawh leh hi a tul lem lo a nia. " Tiin a thu sawi chu kan pahnih in karah hian tawp se a duh zia a mit meng atang pawn ka hmu thei.




Ka room a ka chho chu ka zawi hnawk thei. Ka awm dan ber hi ka sawi thiam lo. Ka pa leh U Duati thu sawi ka ngaihtuah let in Zorema chu a tuartu ber a ni na meuh mai. Mahse engvang nge kei min then kher tih te ka ngaihtuah a, kha tih lai khan positive ang pawn lo in ngai se ti nge Terini kha a neih kher? Terini nen an lo che sual ve zeuh a, chu vang a in ringhlel ve ta a ni thei mai a nge? Mahse test emaw a mah in vawi khat tal chu a fiah ve lo em ni?





Thil tam tak hre tawh mah i la zawhna tam tak ka la nei a. Chu erawh min chhang thei tu pakhat chiah a awm. Ka phone chu phawrh in U Duati han biak mai ka tum a mahse a phone no reng ka lo nei tawh lo.




Khumah chuan mu thla leh dat in Zorema chu ka be ve hrim hrim ang nge tih hian engmah hre lo ang in ka awm ngai hian ka awm tawp mai zawk ang tih ka ngaihtuah rauh rauh a. Chu tih lai tak in ka phone a rawn ri a ka en chu no hlang chiah a ni. Muang chang chuan ka la a leh lam atang u Duati aw ka hre zawm zat.






💕 Nizanah ka lo muthlu der der a🙊 tunah hian dah mai ang aw 💕



*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)