MAPUII – EPISODE-12
Ziaktu : Mapuia pa
Aizawl kal tur chuan kan inbuatsaih a, kan khua atang chuan Lunglei lam panin Busah ka chuang phawt a, lunglei chu hma takah ka thleng a. Kan u te in ah chuan ka innghat leh a, an ni pawh chuan min lo lawm thiam hle. Chumi zawhah chuan kan office pui lamah tih tur ngaite ti lehin, mapuii thawmhnaw turte ka lei a, nalh a tih tur awm deuh te zawng kualin ka bazaar a, ka lei nual mai. A tuka kalna tur ticket ka book nghal bawk a. Zan lamah chuan kan u Rinlianate nen chuan kan inkawm a, kan inneih hun turte sawiin kan nui ang bawk bawk a. Kan u nupui chuan “ I nghakhlel lutuk hi buaithlak, innei vat ula a tha ang” tiin fiamthu ti tak deuhin min ti a. Kei pawh chuan “ Nia inneih vat hi ka duh tawh, ka khua a har tawh, mahsew, ngaithat lohna deuh hi ka nei tlat a, amak khawp mai” ka ti a. Kan u nupui chuan “ I lungleng ltuk inngaihtuah puam maim ai a nih chu “ a lo ti a. Tichuan zan mu tur chuan kan khum lam kan pa a, kei pawh chu mapuii ngaihtuah reng chung chuan tui takin ka lo muhil thuai a.
Zingah ka thova, bus station lam pan chuan ka phei ta a, tun tum chu Bus nuam deuha chuan ka duh avangin Delux bus ka chang hlauh a. Bus pangngai nen chuan inthlau tak a ni. Ka bulah chuan nutling cher deuh hrisel loh hmel fahran mai hi a thu a, nek hlek pawh a ngaithei lova, a bus a nawm tehlul nen, a ti nuamlo zo. Titipui lah chu a peih der mai lova, han nek hlek ila a teu ang hler bawk sia, ka ngei deuh khawp mai lehnghal. Aizawl chu tlai dar 5 velah damtakin kan thleng ta a. Ka chhungte in ah innghatin ka thil hawn ang ang te chu kan phawrh a, an lo lawm thiam ve khawp mai. A tuka mapuii hmu tur ka nih avangin, ka inbuala chawei kham velah chuan reiloteah ka mutsan hlawm a. A tuk zing chawei kham fel ah chuan ka insiam a, mapuii thil ka hawnte chu bag ah ak in zing dar sawm velah chuan ka chhuak ta a. Town busah chuangin mapuii te awmna veng lamah chuan ka phei a. Tluangtakin ka thleng a, kawngka kan kik a, mapuii ngei mai chuan min lo hawn a.
Mapuii chuan “ Awi U james I lokal a ni maw? lo lut rawh, I van fel em em” a lo ti chul a. A chhungte chuan min han be ve tho nachungin an hmel a hlimlo tih ka hria a, kei pawh chuan ka be zui duh vak bik lo. Mapuii chu ka thlihawn te chu kan pe a, a lawm thiam hle mai. A kawr turte leh eng eng emaw ka hawn ve teuh a a ni. Thingpuite min lum a, kan inkawm a hlimtakin kan ti ti luam a. Kan inngaihzawn dan hi a thianghlim em em mai a. Inneih hmaa chetsual emaw duh hauh lo chi ka ni a, thianghlim taka inngaihzawn hi ka duh dan a ni ve tlat a ni. A tuk maia, kan chhungten chawei min sawm thu te ka hrilh a, ani pawh chuan kan kal dawn nia alo ti ve mai a. Rei vaklo ka thut leh hnu chuan chhuah mai tumin ka tho va, kawngka lam chu ka pan ta a. Mapuii chuan kawngka thleng min thlah a, pawnah ka chhuak ta a. Chutia mapuii te in ka chhuahsan fel hnu chuan an Sir Johna ni awm tak mapuii te in lam pana kal chu ka va hmu ta tlat mai.
An lo sawi kha tak tak em ni ang? Mapuii hian a duh ve reng tihna em ni? Ka rilru chu a nuamlo ta khawp mai a, ka hlim tawh tehlul nen, ka rilru chu a ngui zo tawh. Mahse, thil hrechiang lova, lo rin rikngawt pawh chu a tha ber lo tih ka hria. Johna chuan a tlawh ve satliah mai mai a ni ang, enge ka tan lo huat vak tur awm le, tih te in ka inhnem chawp a. A tuka mapuii nena kan inhmuh hunah chuan zawh ngei tur a ni ka ti rilru a. Bazarah te kalin thiante ka tlawhkual a, ka leng ta hrep nghe nghe. Ka len harh deuh loh chuan ka inngaihtuah leh ngut ngut dawn sia, a tha in ka hre lova, thil chiang lova rilru lo tihhah vak pawh kha a tha berin ka hre lo. A tukah chuan mapuii nena inhmuhna tur kan sawiah chuan inhmu in kan chhungte in lam pan chuan kan kal ta a. Kan chhungte ti ila, kan u te an ni mah zawk ang chu.
Kan u te in kan thlen chuan an thiante leh unau dangte pawh an lo awm a, kan pahnih chuan min chibai sap sap a. Chaw chu tui tak leh puar takin kan ei a, mapuii pawh a hlim ve hle, a zakzum deuh nachungin a hlim ve tih a hriat mai. Nakin lawka ka nupui tur a ni a, a hmeltha bawk si a, ka chhuang rilru khawp mai. Aizawlah pawh chuan a zahpuiawm lovin, kawnga kan kal te pawh chu mi in min hmu duh hle mai. Zawt tura ka lo hual rau rauh pawh chu zawt leh ta lem lo chuan a tuka kapu te ina chaw kan ei huna zawhah ka khek leh ta zawk a. A tukah chuan mapuii chu ka lo nghak a, a ni pawh a lo thleng ve leh ta, kapu te in lamah chuan kal dunin , kapu te chuan min lo lawm hle. Nupui hmeltha tak I nei dawn a nih hi, iva vannei em! An lo ti hlawm. Tlai chaw kan eikham chuan mapuii chu sitting roomah ka thutpui a, ka zawh tur chu zawh ka tum ta a.
Kan han thut fel hnu chuan tha deuhin mapuii chu ka zawt ta a. “ Mapui sawta ka awmlai khan in sir Johna nen hian inngaizawng ni awm takin an sawi che u sin” ka han ti tawng mai a. Ani chuan lungawilo hmel takin” A teuh lo em mai, kan Sir a ni a, lehkha min zirtirin ka thiamloh min hrilh thin a, chutiang inngaihzawnna lam a awm lo reng reng” a han ti a, a hawi tauh deuh bar a. Kei chuan “ mi sawi dan ka sawi ve mai a nia, ka ring tihna pawh a ni chuang lo a” ka han ti leh a. Mapuii chuan “ I ring a nih kha! a hriat mai a lawm. Nang pawh kan khuaa ka awmlai khan ngaihzawng dang nei thinin an sawi che a, nula pakhat phei chuan innei mai tur ang hialin a sin an sawi che, chuan I thawhpuinu nen pawh an inngaizawng an ti che u” an ti hmak hmak a. Kei chuan “ a teuh lo mai, nang ka hmangaihzia che I hria a ni lawm ni? Engtinnge midang ka neihsan theih che I rin? Ava mak ve aw” ka han ti a.
Ani chuan “ Mipate chu innih dan ve pakhat a nia, enge I nih loh bik chuang ang? “ mi han ti leh a. Kei chuan “ Aw ava em! Mi thil sawi duh dan hi, thu dik tak ka hrilh ang che , tumah nangmah bak ngaihzawng ka nei lo, nang hi ka nghak char char che a nih hi, ka hmangihna che hi I haider ta em ni” ka han ti leh a. Ani chuan” haider hran lo ve, mahse, miin an sawi hi chu a dik chawk” a han ti leh a, A tum deuh bar tawh, a kun deuh tlat bawk. Kei chuan “ Chuti anih chuan nangpawh johna nena an sawi che hi a dik tihna mi” ka han ti ve leh a. A thinrima a tho ta a, ram hmak hian “ I haw tawh ang. thlah pawh ka ngailo, keimahin ka haw thei “ a ti a, chak deuh chuan a kal ta nghal a. Kei chuan “ Mapui, mapui min lo ngak rawh, kal mai suh” ka ti a, ka va um phei a, a banah ka vuana, ka ban chu alo thing deuh sawk a. Ani chuan “ Min vuan suh, ka haw mai ang, min ringlo em mai, min ringlo deuh bula awm chu ka peih lo” a ti a.
Kei chuan “ Ka ringlo che a ni hleinem, miin an sawi dan ka zawt mai che lawm, khawngaihin a zahthlak em mai, ding teh rih” ka ti a. Ani pawh chu a ding ve ta hram a, tichuan muangchang chuan kan kal dun a, kan inbe tawh hauh lo tih theih a ni. Bus stand bulah chuan ka dinpui a Town bus lokal chu kan nghak a. Bus a lo thlen chuan kan lut a, thutna awm alo awm hlauha kan thu dun ta a, kan inbe tlem hle mai. Kei chuan zawi sapin” Mapui min ngaidam rawh, ka zawt mai mai che a nih kha, ka ring tihna pawh a nilo, I thin a rim ringawt a, a ho em mai” ka han ti a. Ani chuan” sawi tawh suh, tawk rawh se” a ti hmak a. Kei chuan “ Naktukah ka haw dawn a, night busah, min rawn thlah la” ka han ti leh a. Ani chuan “ Ka hman chuan ka rawn thlah dawn che nia” a ti a, bus a din vel leh chuan a chhuk ta nghal a.
A tukah chuan office hna eng eng emaw tiin ka lengkual a, hah deuh chuan tlaiah ka haw ve hram a. Zana night bus chuang tur chuan ka thawmhnaw nen ka in ak chhuak ta a, mapuii chu lokal tak maw le? Bus stationa ka awm deuh hnu chuan Bus pawh chu a kal dawn tep tawh a, Bus chhungah chuan ka lut dawn a, mapuii nen chuan kan inchibai a, a hmel chu nidang ala ang lo hle, kan boruak a tha vak lo a ni. Bus a tlan tan chiah tih chuan mapuii bula an sir johna phei chiah chu ka va hmu ta a, ka rilru chu thikna leh thinrimna in a khat nghal. Bus chu a tlan ta a, johna leh mapuii inbia pawh chu ka va hmu a, ka rilru chu ana ngaih ngaih hle mai. Kha leh chen ka lo hmangaih leh ka duh hian midang min neihsan ang maw? Hei leh chen hi amah ngaiin ka lo rum tawh a, harsatna tam tak ka paltlang tawh bawk. Tunah kan inhual tawh a, kan inneihna tur pawh thla thum bak a awm tawh lo. Chutih laiin midang min neihsan a nih chuan ka chan chu ava zahthlak dawn em? Ka rilru chu a rum vawng vawng a ni ber mai. Mahse, an inngaizawng tih prove na ka nei lova, mapuii pawhin kan inngaizawnglo a ti a nih kha. Enge kan hmalamah hian lo thleng zel ang le?
MAPUII KHA! Ziaktu : Mapuia Pa (Completed)
MAPUII : EPISODE-13
Ziaktu : Mapuia pa
Lunglei lama ka haw phei ta chu ka inngaihtuah nasa hle mai. A chang chuan la mittui a tla a, mapuii chu chan mai tura ka hanin suangtuah chin pawhin ka thinlung chu chhun angin a na a ni. Mite hian ka tawh ang hi an tawk ve thin angem? Ngaihzawng tak tak leh nupui hiala han hual ka neih vawikhatna a ni a, ka hrethiam lova, tanpuitu ka van gai em! Mapuii chu midang han neih mai tur chuan ka ring phal ngang lo a ni. Mi hausa leh neinung ka ni lova, ka chhungte, ka nu leh pa te lah mi hausa an ni hran lo. Kapa pawh a hmingin kamding a ni ve mai a, ka naute chu naupang te te an la ni hlawm bawk a, chhuan tur ka nei lo. John ate chu ka hrechiang a, aizawla mi hlun leh awm thei, chhungkaw hausa tak an ni. Ka bulah chuan patling pakhat a hi a thu a, chu chuan min hnem ang reng khawp mai a. Ka chanchin chu ka hrilh tawp mai dawn em ni ang tih te chu ka ngaihtuah rauh rauh a.
Ka bula thu pa chuan “ Tlangval khawia kal tur nge I nih le?” a han ti duam a. Kei chuan “ Lungleiah ka chhuk anga, lunglei piah thingtlang khaw pakhatah a hmingin hna chhete ka thawk ve a, tah chuan ka phei leh ang” ka ti a. Ani chuan “ a nih tak chu mawle, tlangval hmeltha tak I ni si a, nula pawhin an bawr viau dawn che a nih hi, nupui I nei tawh em“ a han ti leh a. Kei chuan “ La nei lo ve, tunah hian kan inhual mek a, thla thum hnu vela innei tur kan ni a” ka han ti a. Ani chuan “ E a ni maw, khawi lam khua nge le? Ka hriatzawng mi te an ni angem, a nu leh pa te I hria em” a han ti leh a. Kei chuan a nu leh pa te hming chu ka hrilh a. Ani chuan “ a nih tak chu, nula hmeltha tak a nih ngei ka ring a, chhungkaw tha tak an ni a sin ,an sual lovang” a han ti leh a. Kei chuan remchanga hmang chuan ka chanchinte kan in ngaihzawn dan leh ka harsatnate chu ka hrilh fai ta vek a, ani chuan ngun deuhin min lo ngaithla a.
Ka sawi zawhah chuan ani chuan tihian min chhang a” E tlangval lungngai reng reng suh; ila naupanga, thil ila hre tam lova, ka thiam khawp mai che. Hmeichhe tam tak hi chu a vil ngun peih leh a neinung deuh hian an zem thlu mai thin a. Thenkhat chu chutiang an ni chuang lova, rinawm tak leh nghing mai mai lo an ni bawk a. Mi hausa pak deuh chi leh chutiang ni hran lo, rinawm tak an awm ve tho bawk. Lungngai ma ta che; ngaihzawng dang chu a nei mai lo tawp ang. A tlangpuiin schoola kan zirtirtute hi chu kan zah thin a, chuvang mai mai a ni ang, rilru hahdam takin awm rawh” a han tih chuan min ti hahdam huai a.A sawizawm leh zel a” Engpawh ni se, in inneib ta lo a nih pawhin Pathian remruatah ngai mai la, I tana tha lo tur zawk pawh a lo ni maithei a sin. Pathian kutah engkim dah la, I tana tha tur chuan ro a rel sak ang che. Tlangval fel leh ringtu tha tak I ni a, zam reng reng suh, engkim titheitu chu Pathian a awm a lawm” a ti zui zel a.
Chaw te kan ei hma chuan kan ti ti ta char char a, thil a lo hre hnem si a, pa tawnhriat ngah tak a lo ni bawk nen, a thusawite chu ngaihnawm ka ti khawp mai a, chaw kan ei hma chuan kan inkawm char char a ni e. Chaw kan han eikham hnu ah erawh chuan mut te a lo chhuakin kawngtluan chuan ka muthlu a ni ber e, zun ram thiara han chawlh leh zauh tih bak chu kan tlan ding char char a ni mai. Lunglei thlen hma in Thingpui in in kan chawl a, kan inphih harh a, tluangtakin lunglei chu kan lut ta a. Ka bula thu pa nen chuan kanin ngaina khawp ta mai a, ani pawh chuan fapa ang mai in min en ni main ka hria. A address te min hrilh a, a ka duh hun huna an in ah chuan leng a, harsatna ka neiha min tanpui thei a nih phawt chuan mi tanpui chu a inpeih reng a ni. Lunglei kan thlen chuan ka chhungte pawh an lo tho tawh a, an fa te chu chu ka thil hawn te kan pe a, an lawm thiam khawp mai.
Lunglei ka thlen ni chuan ka hahchawl a, zankhuaa motor han chuan chu rin ai daihin a chauh theih mai a.
Duhawmi pawhin haw har min ti tawh mai thei a, mahni chauha han thawh kha khawharthlak a tiin, a thil lo tawh tawh bawk nen, nidang ai chuan ka ngaituah ve hle a ni. Ka thlenin pa kan u chuan ka Aizawl kal chanchinte chu min zawt a, thil awmzia tlangpuite ka hrilh a a ni chu a nui suka “ I mangang hma thin em mai, lungngai ma te che, I u ka awm a lawm” a han ti a. Kei chuan “ U rin a manganthlak thin em a ni, kan kalkawng hi a bumboh lutuk a, hriatthiam har pawh ka ti. Ka la naupang ve in, tawn hriat ka ngah silova, ka buai thin a nih hi mawle” ka han ti ve a. Ani pawh chuan “ James tak takin ka hrethiam che a lawm, I duh em mai a, nag anga duhtu leh hmangaihtu tlangval fel tak a tawng hi a vannei thlawt a ni kan nauvi hi” a han ti chuar chuar a.
Ka nu leh pa te pawh chu ka theih ang tawk tawkin ka hlawhte chu ka thawn ve thinin, ka naute pawh ka thil leisakte ka thawn thin a, an lawm thei hle. Ka nupui neih hlan chu an nghakhlel ve hle mai a, ka nu leh pa phei chuan tu neih hlan mawlh chu an nghakhlel a ni. Lungleiah chuan nikhat ka cham leh a, ka thiante ho nen kan inhmukhawm a kan hlim dar dar hle. Ka nupui neih turte pawh chu min ngahhlehpui ve hle mai a, tlai chaw te kan eikhawm a, kan zai hova, nuam kan ti ve hle a ni. Hmundanga ka awm tawh avangin Zaipawl lamah pawh ka tel thei tawh silova, min ui ve hle thin.n Ka awmna khua kohhranah te chuan inhmang ve viau mah ila, zaipawl han neihpui tur vak an awm lova, zan lamah phei hi chuan a khawharthlak thin hle. Kan thianpa chu khuaa a awm ve thei deuh chuan “ James a hi khawvela mipa ka hmuh tawhah chuan a hmeltha ka la tib er mai” te a lo ti a. Kei lah chuan “ A ni hi lawm hmeltha ka tih le, tlangval hmeltha ber pawl a niang ka lo ti ve bawk a.
Kan khaw awmna tlangvak te chuan mak min ti ve thei hle thin a,” Tlangval chhe lo tak a ni sia, nula te pawh hian an ngaihzawn ve awm tehlul nen, a hrisel hmel ve bawk sia, nula hi a rim ngai miah lo, a mak hle mai” an lo ti hlawm bawk a. mapuii ka hmangaih a, midang ngai ka ti lo miau mai a, tumah dang hi thlakhlelh ka nei lo. Lungleia nikhat ka cham leh hnu chuan kan khaw awmna lamah chuan ka haw phei ve ta a. Khaw mi te chuan min lo lawm hlawm a, ka awmlo chu an khua a lo har ve deuh te pawh a ni mahna. Ka in riangteah chuan ka han lut ve leh ta a, alo fai han mai a, ka awmloh hlan chuan min lo phiahfaisak thin a ni ngei ang. Duhawmi chu alo phei vat a” U james ilo haw tawh maw, kan ngai lutuk che a, I awmlo chu a khawharthlak khawp mai, mahse, nidang aiin khaw mipuite hian min ti tha a, a hrehawm lutuk lo ve” a rawn ti chul a.
Nikhat ka awm hahdam hnu chuan Office pawh kan kal leh ta a, khaw mipuite chu an rawn inentir hlawm a, Aizawl atanga ka damdawi hawn te chu ka sem hlawm a, an lawm hle mai. Duhawmi nen chuan kan hna chu kan thawk leh ta char char a, khaw mipuite hriselna hi kan ngaipawimawh bawk a, kan awmtirh ai chuan changkang tak an ni tawh. Tunah chuan ekin tha te an nei tawh a, an ranvulh te pawh an khung tha in an fel fai sawt ta hle mai. Khaw mipuite pawh chuan Duhawmi nen chuan min fak ve mawlh mawlh thin a, thlai an tharte hian kan eisen loh hi min rawn hawn ve thin. A chang chuan lo hnai deuhah te chuan kan feh ve a, a nuam pawh kan ti ve hle. Kan khaw awmnate chu in 150 vel chauh nimahse, khaw inlungrual leh taima tak an ni a, anmahni pawh an intodelh ve hle a ni. Primary leh Middle School pakhat ve ve a awm ve bawk.
Karhnih vel lai ka awm leh tawh tih chuan nikhat chu kan office a. Kan office lai chu min rawn ko va, telephone awmchhun VC te telephoneah min biak duh thu a lo ni a, ka kal nghal ta vat a. Phone chu ka han ban a,ka bengbulah chuan dahin Hello ka han ti a. Lehlama mi rawn betu chu kan uRina lunglei atangin a lo ni a. Ani chuan muangban churh hian “ James I dam maw? thil pawimawh deuh hrilh tur ka nei a, sawi pawh ka hreh khawp mai, mahse, hrilh loh che chua tha dawn silova” a han ti phawt a. Kei chuan “ E Urin sawi rawh enge ni ta, kan dam tha e” ka han ti a. Ani chuan “ Mapuii chung chnag a nia”. a han ti a, sawi hreh tih hriat tak hian a awm a han thian phawt a chutah” Mapuii kha an khuaah a rawn hawphei a, in inneihna tur, inhualna kha a sut ta a ni” a han ti chuai raih ta mai a. Ka ngawi vang vang a, phoen chu ka thlauh ta hnawk a
Ziaktu : Mapuia pa
Lunglei lama ka haw phei ta chu ka inngaihtuah nasa hle mai. A chang chuan la mittui a tla a, mapuii chu chan mai tura ka hanin suangtuah chin pawhin ka thinlung chu chhun angin a na a ni. Mite hian ka tawh ang hi an tawk ve thin angem? Ngaihzawng tak tak leh nupui hiala han hual ka neih vawikhatna a ni a, ka hrethiam lova, tanpuitu ka van gai em! Mapuii chu midang han neih mai tur chuan ka ring phal ngang lo a ni. Mi hausa leh neinung ka ni lova, ka chhungte, ka nu leh pa te lah mi hausa an ni hran lo. Kapa pawh a hmingin kamding a ni ve mai a, ka naute chu naupang te te an la ni hlawm bawk a, chhuan tur ka nei lo. John ate chu ka hrechiang a, aizawla mi hlun leh awm thei, chhungkaw hausa tak an ni. Ka bulah chuan patling pakhat a hi a thu a, chu chuan min hnem ang reng khawp mai a. Ka chanchin chu ka hrilh tawp mai dawn em ni ang tih te chu ka ngaihtuah rauh rauh a.
Ka bula thu pa chuan “ Tlangval khawia kal tur nge I nih le?” a han ti duam a. Kei chuan “ Lungleiah ka chhuk anga, lunglei piah thingtlang khaw pakhatah a hmingin hna chhete ka thawk ve a, tah chuan ka phei leh ang” ka ti a. Ani chuan “ a nih tak chu mawle, tlangval hmeltha tak I ni si a, nula pawhin an bawr viau dawn che a nih hi, nupui I nei tawh em“ a han ti leh a. Kei chuan “ La nei lo ve, tunah hian kan inhual mek a, thla thum hnu vela innei tur kan ni a” ka han ti a. Ani chuan “ E a ni maw, khawi lam khua nge le? Ka hriatzawng mi te an ni angem, a nu leh pa te I hria em” a han ti leh a. Kei chuan a nu leh pa te hming chu ka hrilh a. Ani chuan “ a nih tak chu, nula hmeltha tak a nih ngei ka ring a, chhungkaw tha tak an ni a sin ,an sual lovang” a han ti leh a. Kei chuan remchanga hmang chuan ka chanchinte kan in ngaihzawn dan leh ka harsatnate chu ka hrilh fai ta vek a, ani chuan ngun deuhin min lo ngaithla a.
Ka sawi zawhah chuan ani chuan tihian min chhang a” E tlangval lungngai reng reng suh; ila naupanga, thil ila hre tam lova, ka thiam khawp mai che. Hmeichhe tam tak hi chu a vil ngun peih leh a neinung deuh hian an zem thlu mai thin a. Thenkhat chu chutiang an ni chuang lova, rinawm tak leh nghing mai mai lo an ni bawk a. Mi hausa pak deuh chi leh chutiang ni hran lo, rinawm tak an awm ve tho bawk. Lungngai ma ta che; ngaihzawng dang chu a nei mai lo tawp ang. A tlangpuiin schoola kan zirtirtute hi chu kan zah thin a, chuvang mai mai a ni ang, rilru hahdam takin awm rawh” a han tih chuan min ti hahdam huai a.A sawizawm leh zel a” Engpawh ni se, in inneib ta lo a nih pawhin Pathian remruatah ngai mai la, I tana tha lo tur zawk pawh a lo ni maithei a sin. Pathian kutah engkim dah la, I tana tha tur chuan ro a rel sak ang che. Tlangval fel leh ringtu tha tak I ni a, zam reng reng suh, engkim titheitu chu Pathian a awm a lawm” a ti zui zel a.
Chaw te kan ei hma chuan kan ti ti ta char char a, thil a lo hre hnem si a, pa tawnhriat ngah tak a lo ni bawk nen, a thusawite chu ngaihnawm ka ti khawp mai a, chaw kan ei hma chuan kan inkawm char char a ni e. Chaw kan han eikham hnu ah erawh chuan mut te a lo chhuakin kawngtluan chuan ka muthlu a ni ber e, zun ram thiara han chawlh leh zauh tih bak chu kan tlan ding char char a ni mai. Lunglei thlen hma in Thingpui in in kan chawl a, kan inphih harh a, tluangtakin lunglei chu kan lut ta a. Ka bula thu pa nen chuan kanin ngaina khawp ta mai a, ani pawh chuan fapa ang mai in min en ni main ka hria. A address te min hrilh a, a ka duh hun huna an in ah chuan leng a, harsatna ka neiha min tanpui thei a nih phawt chuan mi tanpui chu a inpeih reng a ni. Lunglei kan thlen chuan ka chhungte pawh an lo tho tawh a, an fa te chu chu ka thil hawn te kan pe a, an lawm thiam khawp mai.
Lunglei ka thlen ni chuan ka hahchawl a, zankhuaa motor han chuan chu rin ai daihin a chauh theih mai a.
Duhawmi pawhin haw har min ti tawh mai thei a, mahni chauha han thawh kha khawharthlak a tiin, a thil lo tawh tawh bawk nen, nidang ai chuan ka ngaituah ve hle a ni. Ka thlenin pa kan u chuan ka Aizawl kal chanchinte chu min zawt a, thil awmzia tlangpuite ka hrilh a a ni chu a nui suka “ I mangang hma thin em mai, lungngai ma te che, I u ka awm a lawm” a han ti a. Kei chuan “ U rin a manganthlak thin em a ni, kan kalkawng hi a bumboh lutuk a, hriatthiam har pawh ka ti. Ka la naupang ve in, tawn hriat ka ngah silova, ka buai thin a nih hi mawle” ka han ti ve a. Ani pawh chuan “ James tak takin ka hrethiam che a lawm, I duh em mai a, nag anga duhtu leh hmangaihtu tlangval fel tak a tawng hi a vannei thlawt a ni kan nauvi hi” a han ti chuar chuar a.
Ka nu leh pa te pawh chu ka theih ang tawk tawkin ka hlawhte chu ka thawn ve thinin, ka naute pawh ka thil leisakte ka thawn thin a, an lawm thei hle. Ka nupui neih hlan chu an nghakhlel ve hle mai a, ka nu leh pa phei chuan tu neih hlan mawlh chu an nghakhlel a ni. Lungleiah chuan nikhat ka cham leh a, ka thiante ho nen kan inhmukhawm a kan hlim dar dar hle. Ka nupui neih turte pawh chu min ngahhlehpui ve hle mai a, tlai chaw te kan eikhawm a, kan zai hova, nuam kan ti ve hle a ni. Hmundanga ka awm tawh avangin Zaipawl lamah pawh ka tel thei tawh silova, min ui ve hle thin.n Ka awmna khua kohhranah te chuan inhmang ve viau mah ila, zaipawl han neihpui tur vak an awm lova, zan lamah phei hi chuan a khawharthlak thin hle. Kan thianpa chu khuaa a awm ve thei deuh chuan “ James a hi khawvela mipa ka hmuh tawhah chuan a hmeltha ka la tib er mai” te a lo ti a. Kei lah chuan “ A ni hi lawm hmeltha ka tih le, tlangval hmeltha ber pawl a niang ka lo ti ve bawk a.
Kan khaw awmna tlangvak te chuan mak min ti ve thei hle thin a,” Tlangval chhe lo tak a ni sia, nula te pawh hian an ngaihzawn ve awm tehlul nen, a hrisel hmel ve bawk sia, nula hi a rim ngai miah lo, a mak hle mai” an lo ti hlawm bawk a. mapuii ka hmangaih a, midang ngai ka ti lo miau mai a, tumah dang hi thlakhlelh ka nei lo. Lungleia nikhat ka cham leh hnu chuan kan khaw awmna lamah chuan ka haw phei ve ta a. Khaw mi te chuan min lo lawm hlawm a, ka awmlo chu an khua a lo har ve deuh te pawh a ni mahna. Ka in riangteah chuan ka han lut ve leh ta a, alo fai han mai a, ka awmloh hlan chuan min lo phiahfaisak thin a ni ngei ang. Duhawmi chu alo phei vat a” U james ilo haw tawh maw, kan ngai lutuk che a, I awmlo chu a khawharthlak khawp mai, mahse, nidang aiin khaw mipuite hian min ti tha a, a hrehawm lutuk lo ve” a rawn ti chul a.
Nikhat ka awm hahdam hnu chuan Office pawh kan kal leh ta a, khaw mipuite chu an rawn inentir hlawm a, Aizawl atanga ka damdawi hawn te chu ka sem hlawm a, an lawm hle mai. Duhawmi nen chuan kan hna chu kan thawk leh ta char char a, khaw mipuite hriselna hi kan ngaipawimawh bawk a, kan awmtirh ai chuan changkang tak an ni tawh. Tunah chuan ekin tha te an nei tawh a, an ranvulh te pawh an khung tha in an fel fai sawt ta hle mai. Khaw mipuite pawh chuan Duhawmi nen chuan min fak ve mawlh mawlh thin a, thlai an tharte hian kan eisen loh hi min rawn hawn ve thin. A chang chuan lo hnai deuhah te chuan kan feh ve a, a nuam pawh kan ti ve hle. Kan khaw awmnate chu in 150 vel chauh nimahse, khaw inlungrual leh taima tak an ni a, anmahni pawh an intodelh ve hle a ni. Primary leh Middle School pakhat ve ve a awm ve bawk.
Karhnih vel lai ka awm leh tawh tih chuan nikhat chu kan office a. Kan office lai chu min rawn ko va, telephone awmchhun VC te telephoneah min biak duh thu a lo ni a, ka kal nghal ta vat a. Phone chu ka han ban a,ka bengbulah chuan dahin Hello ka han ti a. Lehlama mi rawn betu chu kan uRina lunglei atangin a lo ni a. Ani chuan muangban churh hian “ James I dam maw? thil pawimawh deuh hrilh tur ka nei a, sawi pawh ka hreh khawp mai, mahse, hrilh loh che chua tha dawn silova” a han ti phawt a. Kei chuan “ E Urin sawi rawh enge ni ta, kan dam tha e” ka han ti a. Ani chuan “ Mapuii chung chnag a nia”. a han ti a, sawi hreh tih hriat tak hian a awm a han thian phawt a chutah” Mapuii kha an khuaah a rawn hawphei a, in inneihna tur, inhualna kha a sut ta a ni” a han ti chuai raih ta mai a. Ka ngawi vang vang a, phoen chu ka thlauh ta hnawk a
| Link: | |
| BBcode: | |
| HTML: | |
| Hide post links |
MAPUII : EPISODE -14
Ziaktu : mapuia Pa
Ka phone ken lai chu ka thlauh hnawk a, awm ngaihna reng ka hre lo. Mi te chuan “ enge ni ta Pu james eng thil tha lo nge ni ta le” an lo ti a. A chhan pawh ka chhang thei lo; ka office lam -pan chuan ka phei a, tha reng ka nei tawh lo ni berin ka hria. Ka thil hriat chuan min thawng nasa lutuk a. Officeah chuan ka lut a, ka hmela beidawnna leh lungngaihna nasa tak lo lang chu Duhawmi chuan alo hmu nghal vat a. Ka office thuthlengah chuan ka thu hnawk a, ka in hup a, zah pawh sawi thei lovin ka tap ta hlawp hlawp a ni. Duhaawmi chuan mi khawngaih hmel tak hian ka darah chuan a rawn vuan a” U James eng thil tha lo nge I hriat tak le? tanpui theihna che ka nei em” tiin zaidam aw nem tak chuan mi han ti a. Kei chuan hmai hupa lungchhe tak chungin” Duhawm kei zawng ka tlinglo em a ni; ka hmangaih mapuii chuan min kalsan ta a, kan inneihna tur inhualnate chu a sut ta a nih chu” ka han ti thei hram hram a.
Duhawmi chuan “ ava pawi take m aw! He ti khawp hian I hmangaiha , I nghak hram hram a ni si a, in in neih hun turte kan ngahhhlelh tehlul nen, pawi ka va han ti take m” a han ti a, a chek tlak tlak a. Kei chuan “ Duhawm kei chu mi te duh tlak pawh ka ni ve lo a nih hi, ka tan hian dam reng pawh hi ava sawt lo em! Pathian hian ka nunna hi min laksak mai se aw!” ka ti vawng vawng a. Duhawmi chuan “ UJames chutiang zawngin ngaihtuah suh; hmeichhia chu an tam a lawm, I hmeltha a, I fel bawk si a, a aia tha pawh I hmu teuh ang , lungngai suh< Pathianin I tan a ruat lo a niang” a han ti leh a. Kei chuan “ Duhawm, hmeichhia chu an tam a, mahse, mapuii ang hi chu ka tawng leh tawh loving, ka hmangaih a ni.” ka han ti leh a. Ani chuan “ Ni e, ti khawp hian I hmangaih a, a tan pawh I rinawm a, I rinawmzia hretu pawh ka ni. Mapuii chu biak ka van duh em!” a han ti vawng vanwg a.
Office pawh chu kan khar a, ka quarters lamah chuan kan phei ta a, duhawmi chu ka tan avan tha em! Thawhpui leh thiantha ava tling tak em! Ka in chu a phiat a, tihfel ngai te ti felin eirawngte min bawlsak vek a, chumi pah chuan min hnem reng a, lungngai lo tur leh mapuii pawh chuan thila hriatsual vang a ni thei a, thudik ala hre leh mai tiin min hnem mawlh mawlh a ni. Eirawngte min bawlsak zawh hnu chuan chaw ei ve mai turin ka sawm a, mahse, ani chuan “ ka va haw phei phawt ange, hei hi tumahin hre lo se, zanah kan 4th grade nen kan lo leng dawn nia” tiin min chhuahsan ta rih a. Kei chu khawhar leh mal takin ka awm a, Pathian hnena tawngtai pawh chu ka ti hleithei lo, mahse, Lalpa auh chu tulin ka hre si a, ka theih ang tawk chuan ka tawngtai mawlh mawlha. Zanah chuan Duhawmi leh kan 4th grade chu lo lengin min tihhlim turin thu dang eng eng emaw min sawipui a, an awm chhung chuan ka boruak pawh a ziaawm ve deuh.
Chumi zan chu ka mu tlem hle mai, zingah pawh dar 8 velah ka tho chauh a. Eirawngte bawlin Office kal chu a ngai si a, kal tur chuan ka chhuak ve leh ta. Ka rilru hahna chu mi hriatloh hram ka duh a, chute chung pawh chuan nidang chu ka ang thei lo.A tukah chuan kan urina te in lungleia phei a, thil hriatchian chu ka duh a. Lunglei lamah chuan ka phei ta a. Urina te in ka va thlen chuan an nu chauh a lo awm a. Ani chuan” Jamesa kan thuhriat chu a pawi kan ti hle mai, kan tuarpui takzet che a, I u rina alo hawng anga, thil tihdan tur kan rel dawn nia “ a ti a. Kei pawh nidang angin ka tha a tho lova, pindan lamah chuan pheiin ka hui pap pap a ni ber mai. Urina chu a lo hawng a, tlai chaw te kan ei kham hnu chuan a ni chuan muang hian “ James a paw ikan ti hle mai, mapuii chuan thil hriatsual a nei a nih kan ring a,engpawh nise naktukah an khuaah chuan ka va phei anga, thil ka va sawipui ange” a han ti a.
Kei chuan “ Urin a sawt dawn em ni? I hah thlawn mai mai lo maw? kei chu beidawnna in ka khat tawh a, engmah hi ni pawhin ka inhre tawh lo. dam hian awmzia a nei pawhin ka hre tawh lo a ni e” ka ti chuai raih a. Urina chuan “ Ekhai chute zawngin ngaihtuah reng reng suh; mipa kan ni a, chhel takin kan tuarin kan hmachhawn tur a ni. Ka va phei anga, thil hriatsual te pawh a nei a ni thei a, a chhungte nen chuan ka va kawm ange” a ti ta a. A sawi zawm leh a” Mapuii chu heti khawp hian I hmangaih a, atan pawh I rinawm zia hrechiangtu ka ni, chutih lain, hmelma I ngah hle tih pawh ka hria. Mapuii hi alo hmeltha a, nanglah tunlai tlangvalah chuan a chhelo pawl I lo ni bawk sia, itsiktu in ngah a nih hi, thil chu a fel mai lungngai suh ka nau” a han ti dap dap a. Chumi zan chuan ka pualin chhung inkhawm te neiin, Urina pawh chu tihtakzetin a tawngtai a, ka tan hian an va han hlu nupa em!
A tukzingah chuan Urina chu mapuii te khua kal tur chuan a chhuak ta a, a kal lai pawh kei chuan ka lo hre lem lova. Kei chu intihharh ka mamawh ti hriaiin, ka lengkual a, ka bazar bawk a, nilengin thiante tlawhin hun ka hmang a. Kan office pui lam ka tlawh bawk a, mi te chuan “ I dam meuh lo em ni James I hmel a dik lo” min lo ti hlawm. Unrina kal ta chu tlai dar hnih velah mapuii te in lam chu a thleng phei a, zan lama leng tur chuan a inbuatsaih a. Zanah chuan ava leng ta ngei a, a nu leh pa leh a unaute pawh an lo awmkim lai tak a lo ni a. Urina chuan an thiltih awmzia te zawtin, an thiltih dan chu a puitlin loh thlak tiin a hau bawk a. Mapuii pa chuan “ Ni e mawle, hei amah hian a duh tlat si a, a unauten an lo thlawp bawk si a, kan ti ta rum rum mai a nih kha. A nu leh pa hi chuan kan duh lo khawp mai” a han ti a. Urina chuan keiin a mapuii ka hmangaih zia leh atana ka rinawm zia te chu a han hrilh a, chu thu an hriat chuan pawi an ti hle mai.
Urina chuan mapuii chu kawm fal a duhthu sawiin, mapuii nen chuan a pindan lamah an lut ta a. Urina “ Mapui I thiltih dan hi a mawilovin a mualphothlak takzet a, enge a chhan ni reng reng” a han ti a. Mapui chuan “ U James a hi an sawi mawilo lutuk a, hmanah khan nula pakhatin a sawichiam tawh bawk a. Aizawlah kan sir khan hrechiang takin a sawi bawk a. I neihloh hi I tan a tha zawk, a tlai hma hian I thu sut vat rawh an ti hlawm a, chuvang a nia” a han ti a.Urina chuan “ Mapui I a em mai, Jamesa hi kei aia hrechiang an awm lovang. Hmana in intawn tirh atang khan a duh em em che a. Nula dang pawh hian an ngaizawng hlawm lutuk, mahse, tumah hi thian kawm bakin a kawm lo, I tan hian a rinawm em em a ni. mi nun tha leh a hnathawh kawngah pawh hotute fak hlawh a nih hi “ a han ti ta a.
Mapuii chuan mak ti deuhin “ chutia lawm Pa Rin ava mak ve! ka hriat dan nen chuan ava inmil lo em! I sawi chu a dik a nih chuan Ujames a chu ka va khawngaih tak em” tiin a tap ta a. Urina “ mapui thudik lo chu ka sawi lo, hmeichhe tan chuan min hmangaihtu hi an hlu ber, sum leh pai lam a ni lo. Sawtiang tlangval fel leh hmeltha saw I hmu leh tawh lovang, I damchhungin ila inchhir dawn a ni” a han ti leh a. mapui chu a inhup a, a tap ta zawih zawih a, “ Pa rin engtinnge ka tih tak ang? ka lo va a em em ve!” tap chungin a han ti a.Urina huan “ Mapui Jamesa chu tunah pawh hian a tuar lutuka, a ngaihtuahawm khawp mai, tlangval mah ni se, a tap tlawk tlawk mai a ni. Chaw pawh a ei hlei theilo, ka nau saw ka khawngaih a sin “ a han ti leh a. mapuii “ a nih chuan naktukah I rualin ka lokal ve dawn aw” a han ti a. Ani chuan “ I thu thu le” a ti ta a.
Ka lengkual chu tlai deuhah ka haw a, zanah pawh chuan hma deuhah ka mu a, mahse, ka muhil hleithei lo, ka mittui chu ka dang lo a ni ber mai. A tuk tlaiah chuan Serkawn lamah len chhoh a, kalna tur lam pawh hre lem lova, hmun fianriala awm chu ka duh a.Ka rilru hah leh ipik lutuk chu vah bo daih ka duh a ni. A tukah chuan chawhnu lamah ka rawksai ak chung chuan ka chhuak ta a, town bus ah ka chuang a Serkawn lamah chuan ka chho ta a. Ke in ka kal ka kal a, hmun fianrial laiah chuan ka thu a, mapuii nena kan intawn tirh laite, ka hmangaih thu ka hrilh lai te ka ngaihtuah a, ka mittui chu a sur zung zung mai. Mapuii hmel nu hnap mai, mengmawi leh duhawm e mem maite chu idnag ta tur a ni dawn ta ni a hriaiin ka mittui chu ka dang seng lo. Ka chhungte ka ngai vawng vawng a, hnemtu ka ngai a, tumahin min hnem zo si lo. Khawnge a tawp nan Pathian hi kan au leh teh ang tiin ka tawngtai a, ka tawngtai zawh chuan ni pawh a tla hnai tawh a, ka dingchhuak ni tla tur lam chu thlirin, ka chhungte inah pawh haw tum tawh lovin ka awm awm a awm mai turin kal zel chu ak tum a ni.
A tawp nan tiin ni tla mai tur chu ka thlir vawng vawng a, chutih lai chuan’ Ujames’ ti a min au tu ka hre ta a, mapuii aw a ang em em mai leh nghal a. Kan hawilet a, kawngpui atang chuan ka duh leh ka hmangaih em em mapuii chu ka lam pana a lo tlan chu ka hmu ta. Ka mitvai emaw tiin ka mit chu kan khap sawk a, a ni hauh si lo, ani chu alo tlan zel a, ban phar chungin ka lam pan chuan a rawn tlanphei a, ka hnen alo thlen chuan ka awmah chuan a rawn bei ta thlawp a. “ U James ka van law mem! ka zawng nasa lutk che a, tunah chuan thudik engkim ka hre tawh a, min ngaidam ang che aw! Ka lo ti diklo a ni, ka lo ti hrehawm lutuk che hi a pawi ka va ti em! Min ngaidam rawh aw” no tak a mi melh chung chuan a han ti a. Ka va han ngaidam nasa tehlul em! Ka kuah vawng vawng a, sawi tur pawh ka hre lo, ka hamhaih vek a ni ber e, ka duhtak mapuii chu a lo let leh ta! damchhunga ka ta ni tawh turin. Tichuan innghengrial chung chuan induh em em a , inkuah chungin tlai ni tla tur senphut chu kan thlir dun a.
A TAWP TA
( He sory hi film ah chang se thalaite duhzawng a ni angem?)chhiartu ten min chhang ula khawngaihin, a ziaktupa thu in kan ti a ni e
Ziaktu : mapuia Pa
Ka phone ken lai chu ka thlauh hnawk a, awm ngaihna reng ka hre lo. Mi te chuan “ enge ni ta Pu james eng thil tha lo nge ni ta le” an lo ti a. A chhan pawh ka chhang thei lo; ka office lam -pan chuan ka phei a, tha reng ka nei tawh lo ni berin ka hria. Ka thil hriat chuan min thawng nasa lutuk a. Officeah chuan ka lut a, ka hmela beidawnna leh lungngaihna nasa tak lo lang chu Duhawmi chuan alo hmu nghal vat a. Ka office thuthlengah chuan ka thu hnawk a, ka in hup a, zah pawh sawi thei lovin ka tap ta hlawp hlawp a ni. Duhaawmi chuan mi khawngaih hmel tak hian ka darah chuan a rawn vuan a” U James eng thil tha lo nge I hriat tak le? tanpui theihna che ka nei em” tiin zaidam aw nem tak chuan mi han ti a. Kei chuan hmai hupa lungchhe tak chungin” Duhawm kei zawng ka tlinglo em a ni; ka hmangaih mapuii chuan min kalsan ta a, kan inneihna tur inhualnate chu a sut ta a nih chu” ka han ti thei hram hram a.
Duhawmi chuan “ ava pawi take m aw! He ti khawp hian I hmangaiha , I nghak hram hram a ni si a, in in neih hun turte kan ngahhhlelh tehlul nen, pawi ka va han ti take m” a han ti a, a chek tlak tlak a. Kei chuan “ Duhawm kei chu mi te duh tlak pawh ka ni ve lo a nih hi, ka tan hian dam reng pawh hi ava sawt lo em! Pathian hian ka nunna hi min laksak mai se aw!” ka ti vawng vawng a. Duhawmi chuan “ UJames chutiang zawngin ngaihtuah suh; hmeichhia chu an tam a lawm, I hmeltha a, I fel bawk si a, a aia tha pawh I hmu teuh ang , lungngai suh< Pathianin I tan a ruat lo a niang” a han ti leh a. Kei chuan “ Duhawm, hmeichhia chu an tam a, mahse, mapuii ang hi chu ka tawng leh tawh loving, ka hmangaih a ni.” ka han ti leh a. Ani chuan “ Ni e, ti khawp hian I hmangaih a, a tan pawh I rinawm a, I rinawmzia hretu pawh ka ni. Mapuii chu biak ka van duh em!” a han ti vawng vanwg a.
Office pawh chu kan khar a, ka quarters lamah chuan kan phei ta a, duhawmi chu ka tan avan tha em! Thawhpui leh thiantha ava tling tak em! Ka in chu a phiat a, tihfel ngai te ti felin eirawngte min bawlsak vek a, chumi pah chuan min hnem reng a, lungngai lo tur leh mapuii pawh chuan thila hriatsual vang a ni thei a, thudik ala hre leh mai tiin min hnem mawlh mawlh a ni. Eirawngte min bawlsak zawh hnu chuan chaw ei ve mai turin ka sawm a, mahse, ani chuan “ ka va haw phei phawt ange, hei hi tumahin hre lo se, zanah kan 4th grade nen kan lo leng dawn nia” tiin min chhuahsan ta rih a. Kei chu khawhar leh mal takin ka awm a, Pathian hnena tawngtai pawh chu ka ti hleithei lo, mahse, Lalpa auh chu tulin ka hre si a, ka theih ang tawk chuan ka tawngtai mawlh mawlha. Zanah chuan Duhawmi leh kan 4th grade chu lo lengin min tihhlim turin thu dang eng eng emaw min sawipui a, an awm chhung chuan ka boruak pawh a ziaawm ve deuh.
Chumi zan chu ka mu tlem hle mai, zingah pawh dar 8 velah ka tho chauh a. Eirawngte bawlin Office kal chu a ngai si a, kal tur chuan ka chhuak ve leh ta. Ka rilru hahna chu mi hriatloh hram ka duh a, chute chung pawh chuan nidang chu ka ang thei lo.A tukah chuan kan urina te in lungleia phei a, thil hriatchian chu ka duh a. Lunglei lamah chuan ka phei ta a. Urina te in ka va thlen chuan an nu chauh a lo awm a. Ani chuan” Jamesa kan thuhriat chu a pawi kan ti hle mai, kan tuarpui takzet che a, I u rina alo hawng anga, thil tihdan tur kan rel dawn nia “ a ti a. Kei pawh nidang angin ka tha a tho lova, pindan lamah chuan pheiin ka hui pap pap a ni ber mai. Urina chu a lo hawng a, tlai chaw te kan ei kham hnu chuan a ni chuan muang hian “ James a paw ikan ti hle mai, mapuii chuan thil hriatsual a nei a nih kan ring a,engpawh nise naktukah an khuaah chuan ka va phei anga, thil ka va sawipui ange” a han ti a.
Kei chuan “ Urin a sawt dawn em ni? I hah thlawn mai mai lo maw? kei chu beidawnna in ka khat tawh a, engmah hi ni pawhin ka inhre tawh lo. dam hian awmzia a nei pawhin ka hre tawh lo a ni e” ka ti chuai raih a. Urina chuan “ Ekhai chute zawngin ngaihtuah reng reng suh; mipa kan ni a, chhel takin kan tuarin kan hmachhawn tur a ni. Ka va phei anga, thil hriatsual te pawh a nei a ni thei a, a chhungte nen chuan ka va kawm ange” a ti ta a. A sawi zawm leh a” Mapuii chu heti khawp hian I hmangaih a, atan pawh I rinawm zia hrechiangtu ka ni, chutih lain, hmelma I ngah hle tih pawh ka hria. Mapuii hi alo hmeltha a, nanglah tunlai tlangvalah chuan a chhelo pawl I lo ni bawk sia, itsiktu in ngah a nih hi, thil chu a fel mai lungngai suh ka nau” a han ti dap dap a. Chumi zan chuan ka pualin chhung inkhawm te neiin, Urina pawh chu tihtakzetin a tawngtai a, ka tan hian an va han hlu nupa em!
A tukzingah chuan Urina chu mapuii te khua kal tur chuan a chhuak ta a, a kal lai pawh kei chuan ka lo hre lem lova. Kei chu intihharh ka mamawh ti hriaiin, ka lengkual a, ka bazar bawk a, nilengin thiante tlawhin hun ka hmang a. Kan office pui lam ka tlawh bawk a, mi te chuan “ I dam meuh lo em ni James I hmel a dik lo” min lo ti hlawm. Unrina kal ta chu tlai dar hnih velah mapuii te in lam chu a thleng phei a, zan lama leng tur chuan a inbuatsaih a. Zanah chuan ava leng ta ngei a, a nu leh pa leh a unaute pawh an lo awmkim lai tak a lo ni a. Urina chuan an thiltih awmzia te zawtin, an thiltih dan chu a puitlin loh thlak tiin a hau bawk a. Mapuii pa chuan “ Ni e mawle, hei amah hian a duh tlat si a, a unauten an lo thlawp bawk si a, kan ti ta rum rum mai a nih kha. A nu leh pa hi chuan kan duh lo khawp mai” a han ti a. Urina chuan keiin a mapuii ka hmangaih zia leh atana ka rinawm zia te chu a han hrilh a, chu thu an hriat chuan pawi an ti hle mai.
Urina chuan mapuii chu kawm fal a duhthu sawiin, mapuii nen chuan a pindan lamah an lut ta a. Urina “ Mapui I thiltih dan hi a mawilovin a mualphothlak takzet a, enge a chhan ni reng reng” a han ti a. Mapui chuan “ U James a hi an sawi mawilo lutuk a, hmanah khan nula pakhatin a sawichiam tawh bawk a. Aizawlah kan sir khan hrechiang takin a sawi bawk a. I neihloh hi I tan a tha zawk, a tlai hma hian I thu sut vat rawh an ti hlawm a, chuvang a nia” a han ti a.Urina chuan “ Mapui I a em mai, Jamesa hi kei aia hrechiang an awm lovang. Hmana in intawn tirh atang khan a duh em em che a. Nula dang pawh hian an ngaizawng hlawm lutuk, mahse, tumah hi thian kawm bakin a kawm lo, I tan hian a rinawm em em a ni. mi nun tha leh a hnathawh kawngah pawh hotute fak hlawh a nih hi “ a han ti ta a.
Mapuii chuan mak ti deuhin “ chutia lawm Pa Rin ava mak ve! ka hriat dan nen chuan ava inmil lo em! I sawi chu a dik a nih chuan Ujames a chu ka va khawngaih tak em” tiin a tap ta a. Urina “ mapui thudik lo chu ka sawi lo, hmeichhe tan chuan min hmangaihtu hi an hlu ber, sum leh pai lam a ni lo. Sawtiang tlangval fel leh hmeltha saw I hmu leh tawh lovang, I damchhungin ila inchhir dawn a ni” a han ti leh a. mapui chu a inhup a, a tap ta zawih zawih a, “ Pa rin engtinnge ka tih tak ang? ka lo va a em em ve!” tap chungin a han ti a.Urina huan “ Mapui Jamesa chu tunah pawh hian a tuar lutuka, a ngaihtuahawm khawp mai, tlangval mah ni se, a tap tlawk tlawk mai a ni. Chaw pawh a ei hlei theilo, ka nau saw ka khawngaih a sin “ a han ti leh a. mapuii “ a nih chuan naktukah I rualin ka lokal ve dawn aw” a han ti a. Ani chuan “ I thu thu le” a ti ta a.
Ka lengkual chu tlai deuhah ka haw a, zanah pawh chuan hma deuhah ka mu a, mahse, ka muhil hleithei lo, ka mittui chu ka dang lo a ni ber mai. A tuk tlaiah chuan Serkawn lamah len chhoh a, kalna tur lam pawh hre lem lova, hmun fianriala awm chu ka duh a.Ka rilru hah leh ipik lutuk chu vah bo daih ka duh a ni. A tukah chuan chawhnu lamah ka rawksai ak chung chuan ka chhuak ta a, town bus ah ka chuang a Serkawn lamah chuan ka chho ta a. Ke in ka kal ka kal a, hmun fianrial laiah chuan ka thu a, mapuii nena kan intawn tirh laite, ka hmangaih thu ka hrilh lai te ka ngaihtuah a, ka mittui chu a sur zung zung mai. Mapuii hmel nu hnap mai, mengmawi leh duhawm e mem maite chu idnag ta tur a ni dawn ta ni a hriaiin ka mittui chu ka dang seng lo. Ka chhungte ka ngai vawng vawng a, hnemtu ka ngai a, tumahin min hnem zo si lo. Khawnge a tawp nan Pathian hi kan au leh teh ang tiin ka tawngtai a, ka tawngtai zawh chuan ni pawh a tla hnai tawh a, ka dingchhuak ni tla tur lam chu thlirin, ka chhungte inah pawh haw tum tawh lovin ka awm awm a awm mai turin kal zel chu ak tum a ni.
A tawp nan tiin ni tla mai tur chu ka thlir vawng vawng a, chutih lai chuan’ Ujames’ ti a min au tu ka hre ta a, mapuii aw a ang em em mai leh nghal a. Kan hawilet a, kawngpui atang chuan ka duh leh ka hmangaih em em mapuii chu ka lam pana a lo tlan chu ka hmu ta. Ka mitvai emaw tiin ka mit chu kan khap sawk a, a ni hauh si lo, ani chu alo tlan zel a, ban phar chungin ka lam pan chuan a rawn tlanphei a, ka hnen alo thlen chuan ka awmah chuan a rawn bei ta thlawp a. “ U James ka van law mem! ka zawng nasa lutk che a, tunah chuan thudik engkim ka hre tawh a, min ngaidam ang che aw! Ka lo ti diklo a ni, ka lo ti hrehawm lutuk che hi a pawi ka va ti em! Min ngaidam rawh aw” no tak a mi melh chung chuan a han ti a. Ka va han ngaidam nasa tehlul em! Ka kuah vawng vawng a, sawi tur pawh ka hre lo, ka hamhaih vek a ni ber e, ka duhtak mapuii chu a lo let leh ta! damchhunga ka ta ni tawh turin. Tichuan innghengrial chung chuan induh em em a , inkuah chungin tlai ni tla tur senphut chu kan thlir dun a.
A TAWP TA
( He sory hi film ah chang se thalaite duhzawng a ni angem?)chhiartu ten min chhang ula khawngaihin, a ziaktupa thu in kan ti a ni e
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)