MAPUII KHA! Ziaktu : Mapuia Pa (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

MAPUII KHA! Ziaktu : Mapuia Pa (Completed)

Unread post by Ngaia » July 17th, 2022, 2:30 pm

rgwmomes.jpg
MAPUII KHA!

Ziaktu : Mapuia Pa
October thla a ni a, ruahtui a tla meuh tawh lova, boruak chu a thiang nuamin kawlkilah chuan chhum hmuh tur a awm phauh phauh a. Favang awllen alo ni tawh a, romei chu a zamchiai a, van dumpawl ruih maiah chuan chhum pan te te hmuh tur a awm phauh phauh bawk a. Boruak chu a lunglenthlak deuh ruih mai. Keini Intitution lam pawh chu hun engemaw chen campaign nei tura chhim lam fang turin Lunglei lam panin MST Bus ngei maiah chuan kan chuang a. A hunlai chuan a tluka zinna nuam kha Mizoram chhungah a awm chuang lo.

Lunglei la hmu ngailo kan ni deuh vek bawk a, chhimlam khawpui lar tak mai chu hmuh chakin mipa ho phei chu kan phesek a ni ber e. Bus chhungah chuan kan zai a, kan ti ti bawk a, a nuam kan ti hle mai. Favang boruak thiang leh nuam tak hnuaia zinkawng han zawh chu a lunglenthlakin, dam man a awm kan ti tlang theuh a ni. Lunglei thlen hma in khaw hrang hranga riak tur kan nih avangin kan tlawh tur khaw hmasaber chu kan thleng ta a. Kan thlenna ten duat takin min lo mikhuala, kan ei phak loh arpui tuilai chhum tui tak nen min lo hlui a, kan puar thin hle mai.

Hnahthial thlen hmaah khaw pakhat riahna tur kan nei leh a, Chu khuaah chuan zan khat kan riak anga, a tuka a bul chiah khuaa kal leh tur kan ni a. Chu khua kan kalna chu zing lam dar 11:00 ah kan thleng a. He khuaah ngei hian a lawm ka damchhunga ka theihnghilh tawh loh tur, ka nuna pawimawh em em ka tawn tak chu ni. Ka thlenin te chu an fel hle mai a, ka hrehawm an hlau a, min duat khawp mai a. Chhun lai a ni a, a khaw thenawm atanga ke a kal kan ni bawk a, ka thlen hlim chuan ka inbual nghal a. Ka la tleirawl ve bawk a, tuivawt chuan nuam ti taka inbualin ka inbual zawh chuan nilum ai turin ka thlenin kawt kawngpuiah chuan ka phei a.

Chutia nilum aia kawngpuia ka din lai chuan ka thlenin bul chiah varandah chuan School naupang pakhat hian an kawta Barela tui chu a lo thal mek a. A veilam sir lam min chhawn a. Kei chuan ka va hmu chu ka danglam nghal vek a ni ber e. A sam dum tha tak chuan a dar vaw siau hian a zuah a. A sakruang mawi tak chu ria chum bat kan tih ang hi niin, a ngo hle bawk a. A hnar ngul chu a sang vah a, a mit meng chu a buang mawi tak mai ni hian ka va hmu bawk. Engtinnge hetiang tleitir hmeltha tiang khuaah an awm theih le tiin ka ngaihtuah a. Mak ka ti a, mizo a nih ka ringlo rum rum mai a, anglo Indian lam hmel a pu a.
Chutia ka en reng lai chuan ani chuan mi rawn en phei ve ta, ka tim sawk a, ka tek chhuaih hian ka hria. Zak deuh hmela an kimki chaihte chuan mi hneh leh zual a ni ber mai. Kum 20 na ka hmang mek a, ngaihzawng satliah deuh mai mai te chu ka lo nei ve tawh tho a, mahse, hmangaih tak emaw, nupui atana duh emaw hi chu ka la tawng rih lova. Chu tleitir hmeltha kan hmu zet chu , run lum nuthai han chang mai se aw tih bak reng ngaihtuah ka nei lo. Suangtuahin ka khat nghal a, fa chuti zat nei ila, inhmangaih taka kan fa te nena kan hlim dan turte thlengin ka lo ngaihtuah hman lek a ni chu maw le.

Mi rawn melh ve leh zauh thin a, a zah hmel em em leh nghal. Biak chu ka duh a ka ngam der si lo; a tui thal lai te chu va thalpui a, va khaisak tak ka nap a, chu pawh chu ka ngam der mai bawk silova. Tui a thal zawh chuan inchhunglamah a lut ta a. School ala kal ngei dawn tih hria in ka awmnaah chuan amah ngaihsak vak lo ni awm tak chuan ka lo la awm cheu a. Ani chu chawhnu school kal tur chuan a rawn chhuak leh ta, mi rawn melh leh zauh a, zak kimki chaih chaih chung chuan an school lam ni awm takah chuan a kal liam ta a. Hetiang reng renga ka rilru la tu leh tha ka tih hi ka la tawng ngai lova, ka rilru ngaihtuahna chuan amah lo chu engdang reng a dawn thei ta lo.

Chumi chawhnu chhung zawng chu ka suangtuahna a kal thui hle mai. Kohhran thila kal kan ni a, zan inkhawm hmabak kan ni bawk. Kan kohhran a ni ve angem? A inkhawm thin em le? Thalaiah te a inhmang ve thin angem? Ka ngaihtuahna chu a buai map map mai a ni. Inhmuhna hmasa ber ah pawh hmangaihna hi alo piang thei a ni tih ka hre chhuak a, kha tleitir kha ka hmangaih ta em ni ang? Thelma thawnthu te ka lo chhiar ve thin a, Thelma nen te khan ka teh khin a, kei a changtupa ni awm te khan ka hanin tehkhin vel a, reilote chu ka hlim viau a, ka suangtuahna kawm reng reng chuan hun ka hmang a, a chang leh ka hlim a, ka nui a, a chang leh lungngaihnain kan khat leh thul.

Tlai chaw te kan eikham a, ka thlenin te hnenah chuan chu tleitiri chanchin chu ka zawt ngam bawk si lo. Chaw kan eikham chuan zan inkhawm nei turin kan chhuak ta hlawm a. Zan kan inkhawm chu kei chu solo turin min han ko ta a, ka thiante pahnih chuan part an lo pe bawk a. Zai tura kan ding chhuak chu, tleitir hmelthai ngei mai chu thalai tlar hnunga a thu ka va hmu ta mai a, ka lawm bawk si, ka lai bawk si, a nuam ka tia, hrehawm bawk si a ni ber mai. Hla chu kan sa ta a, “Mahse Lalpa a then pawh kan hre thei lo, he luikam atrang hian”tih hla chu kan thlawh ta a. Ka thil tawn nen pawh chuan a inhmeh viau mai.

Zan inkhawm kan han bang ta a, kan lnkawm khawmna hmun tur chu tleitiri te in chu a lo ni leh zel mai a, amak ka ti khawp mai Pathian ruat kan nih te ka ring ta deuh roh a, mahse, ka ring hma lutuk angem? Min duh ve leh ve loh pawh ka hre si lo. Zanah chuan an in ah chuan kan inkawmkhawm ta a. Tleitiri nen chuan kan mit a intawng zing viau mai a, thiante chuan min lo thlithlai reng a, an nui tat tat hlawm a, kei lah chuan ka hre der si lo. Thingpui a rawn sem a, min rawn pek dawn tak chuan kan mit chu chiang takin a intawng leh ta, thiante lah chuan min lo enthla reng bawk. Mapui tiin an ko mai tih te ka hre leh ta zel a, inkawm khawm bana len hnufual ngei chu ka tum ta, khur ru der der chung chuan ka tum ruh ve fan a.

Inkawmkhawm kan bang chu Mapuii nu chuan, ka thianpa nen chuan an in a riak tur chuan min sawm ta hlauh mai a. Ka rin phakloh lutuk mai chu ka tawng ta. Mapuii lah chuan “ni e riak rawh chu, chhuatah hian mutna kan phah anga, zan khat lek chu in mu thei mai ang”” nui seih chung hian a han ti a. Ka hnial lo chiang kher mai, mizo tlawmngaihna tawngkam tha nge tih lam pawh ka ngaihtuah tawh lo; an thu an sut leh ang tih mawlh chu ka hlau a, ka rilru chuan ka tawngtai mawlh mawlh a ni ber e. Thiante leh kan hotute an haw hnu chuan ka thianpa leh mapuii ten en chuan kan inkawm a, kan hlim hle mai a. Kan ti ti char char a, ka thianpa lah chuan sawi tur alo hre si a, ani nupui nei tawh lo ni bawk nen. Mapuii nen chuan kan lo ngaithlaa, mapuii han nui hak te, za taka an nui thinte chu ka en kham thei lo. Khawvelea nui zawng zawngah hian a nui mawi ber awm a sin.

Duh ai chuan ka lo melh nasa mah mah thin a, ani lah a zak a, kei lah ka inthiamlo bawk. Ka nula hmuh tawh a chuan ani tluka tha leh ka lungawina kha ka la hmu lo miau mai si a. Amahah chuan ka lungawi ngawih ngawih hi a ni ber e. Zan a rei ta bawk a, kan mutna turte min siamsak a, kan mu dawn ta a, min mangtha hnap hnu ah chuan keini thian dun pawh chu Mapuii mutna min siamsak nuam takah chuan lungawi takin kan mu a, rei tak chhung kan phun ser ser dun a. Ka thianpa chuan “Mapuii nen khan in inhmeh dawn riauin ka hria, a fel hmelin a hmeltha bawk sia, a mah pawh khan a duh ve hmel che in ka hre tlat” a rawn ti sa sa a, Ka lawm tawk a va tling em! Kha tih lai hun khan ka thianpa aw tluka mawi kha ava awm lo em! kei chuan “ min duh ve tak tak dawn emaw ni le ? a hmeltha si a, try tu a ngah dawn em mai, mi hausa tak tak an tam si” beisei deuh roh beisei ngam chiah silo hian ka han ti a. Ka thianpa chuan “ Thianpa lungngai reng reng suh, a duh ve khawp ang che, a awm dan atang pawh khan a hriat vek a lawm, naktuk ah hmuhfal kan tum dawn nia” a han ti a. Ka phur bawk si, ka zak bawk si; mapuii ngaihtuah reng chuan chuan tui takin ka lo muhil ta a.

Zing kan han tho a, mapuii chuan “ nizan in mu tui em? mutna tha pawh kan nei silova”” a ti luam a, keini lah chuan “ mutui lutuk e, a nuam kan ti khawp mai” tiin kan chhang ve mai a. A dik tak chuan kha mutna tluka nuam kha ka hre tlat lo; khawvel hotel changkang leh tha ber ai pawhin, Mapuii mutna min siamsak tluka hlu kha ka tan a awm lo. Chawei khama kal leh mai tur kan nih avangin ka huphurh tak zet a. Bawkte khawh maite pawh ka duh rum rum hial mai. Kan kal hma ngei a, mapuii chu biak fal a, min duh ve em? tih chu zawk ka duh a, ka zak bawk si, ka zawt ngam a ngem le?Hun a awm angem?

An in ah zing chaw ei tur chuan min sawm leh ta zel a, ka hnar phal lo chiang kher mai. Chawei khamah chuan School kal tur chuan a insiam a, keini pawh khaw thenawm a riak phei tur kan ni bawk a. Kan kal hma chuan a school kal tur chu a tawi a tawi kual a, a chhung ten “ School i tlai ang, kal tawh rawh” an tih pawh chuan a tawi kual zel a. Tichuan ka thianpa nen chuan a school kal tur chu thlah turin kan kal ta a. He mi tuma ka insangphek nasat zia leh, ka zah zia hi chu pui tak a ni. Ka thianpa chuan a ti ti pui a, kei chu an hlat deuhin ka kal a. School chu an lo lut vek tawh a, a luh hma chuan phaitual hnim zawl nuamtakah chuan kan thu a.

Ka thianpa chuan min thlahfal a, zak leh khur chung chuan, ka sawi tur chu sawi angai bawk si “ mapui, ka hmuh tirh atang che khan ka duh nghal em em chea, nang ang hi tumah ka la tawng ngai lova, mak ka in ti a, ka zak bawk si, mi duh ve angem? Min nei duh angem?”” tiin ka zawt ta phawng mai a ni. Mapuii ” Kan inhriatna a la reilo em a, ka duh loh che pawh ka hre chuang lo. Mahse, pawl 10 chauh zir ka nia, ka la naupang sia, ka chhungte hian an phal angem ka hre lo a ni”” a ti a. Kei chuan “ Nang bak chu ka rilruah tumah an leng tawh lo. Kan haw hnu ah palai ka rawn tir mai dawn a nia” ka ti a. Ani chuan “ I thu thu le. Mahse, ka sawi ang khan kala naupang bawk sia, ka chhungten an phal lo a nih pawhin, hun tha chu ala inherchhuak mai ang”” a ti a. Kanin chibai a, kan in en a, inthlahlel takin kan inthlir vawng vawng a, eng tikah nge kan inhmuh leh dawn hriat a ni si lo. A kutah chuan ka hmer vawng vawng a, “ Mapui engtikahnge kan in hmuh leh ang le? ka ti a. A ni chuan nui seih pah hian “ Pathian thu thu ni rawh se a mangtha phawt mai, tluangtakin in kal dawn nia, ka tlai tawh sia, ka kal mai ange” a ti a. School lama lut tura a kal lai chu ui tak leh ngai tak chungin ka thlir liam ta vawng vawng a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 17th, 2022, 2:30 pm

MAPUII KHA! EPISODE -2

Ziaktu : Mapuia Pa

Mapuii chu a school lut tur chu ui tak leh ngai tak chungin ka thlirliam vawng vawng a. Vawikhat chu rawn hawilet zauhin min rawn bye bye a, kei pawh chuan lo chhanglet ve in, rilru mumal pawh pu hleitheilo chuan ka inher a ka kal ta hnu hnu a. Chaw te kan han ei a, ka chawei chu nidang angin a tui vak lo; mapuii ringawt chu ka ngaihtuah a, ka chawei laite chuan melh ngai melh run run hian ka lo ngawi leh vung vung thin a, ka thlenin te chuan hrethiam tak maw? Chaw kan eikham fel chuan ke a kal tur chuan an khaw kawnah kanin nghakkhawm a. Kan kim fel hnu chuan motor kawngpuiah chuan kan inzui ta diah diah a. Kei chu ka ngawichawi khawp mai a, tawng tur pawh ka hre lo.

Ka thiante ho lah chuan meinei deuh hian fiamthu hian min kap sek leh nghal. Mi mah zah ve nak laiin fiam chu ka hlawh ta khawp mai a. A thenin “ in inhmeh dawn khawp mai, innei ngei teh u” lo ti tawk an awm a. A thenin “ ala naupang si a, a tha dawn emaw ni le?”an lo ti bawk. Thenkhat lahin “ nizan kha chu in inmelh nasa ngawt mai, kan lo tang lutuk a” lo ti tawk an awm bawk. Kan hotu ten an hria ang tih mawlh chu ka hlau a, kan thian thenkhat lah chuan ring duh deuha min fiam tawk an lo awm bawk nen, tawng tur pawh hre lo chuan ngawi rengin ka kal mawp mawp a ni ber e. Lunglen nen, ka zawi nguai hian ka hria a, ka mitthla ah eng dang mah chu a lang mawlh lo a ni e.

He tih hunlai hi ka zaithiam ve vanglai a lo ni nen, kan kalna khua a piangah chuan ka lar ta khawp mai a. Lunglei kan han thleng phei chu ka lar zual emaw tih tur a ni. Chhimlam hi zai lam tui mi leh zaithiam ngaisang tak an lo ni bawk nen, ka lar ta viau mai. Mahni tawkah vanglai tak hmang mek ka lo ni ve bawk nen, nula ho pawh chuan min haw vak hlawm lo niberin a lang. Mahse, ka rilruah tu dang an leng thei lo; mapuii chu ka ngai ngawih nagwih mai a, amah lo chu tumah an leng lo a ni e. Mapuii nena kan boruak chu mak tak maiin a thang ta tlat mai a. Thik fe fe tu an lo awm; min fiam hlawm bawk, amak ka ti khawp mai. Mapuii chuan min la hreve reng angem? nge kan kal liam rual khan min theihnghilh nghal zawk? Ka rilru chu a buai a ni.

Lunglei nula changkang leh chhe lo tak tak an tam mai a, mahse, mapuii bak ka rilruah a awm thei ngang lo. Kha Thingtlang nula, la tleitir, hmeltha chung chuang kha, khawpui nula sang sawm ai pawhin ka tan chuan a hlu zawk tlat a ni. Ka zirna min tibuai ang tih chu ka hlau hle nachungin, ka theihnghilh thei mawlh si lo. Lungleia kan cham chhungte chuan an khuaa va kal leh mai tak ka nap a, Lunglei ka hmuh chak tehlul nen, kha mi tum kha chuan nuam pawh ka ti lo. Ka rilru kha hmundang daih ah a awm miau a.Mal ngawih ngawih hian ka inhria a, ka lung chu a leng vawng vawng a ni ber e. Engahnge maw mapuii kha ka lo tawn le? Chung khuanu pawh hian enge khatianga min tawn tir? Khuanu ruat loh di a mai angem? Ka lunglai a vairuai a, hnemtu ka ngai; ka thianpa chuan min han sawipui thin a, a fel ka ti ngawt mai. Kan haw hnu chuan palai chu ka han tir ta ngei mai a, a result nghah chhung chu a rei ka ti ngei mai. Thlakhat hnu velah chuan kan palaite atang chuan lehkha ka dawng ta a. Huphurh si nghakhlel bawk si chuan hmunfalah kalin ka han hawng ta a, tihian a lo inziak a.

Thian duhtak,

I mi tirh ang khan mapuii te khuaah chuan palaiin kan va kal ta ngei a. Kal nawn leh a ngaih avangin chanchin kan rawn hrilh ta lawk lo che a ni. I rilru pawh a buaiin chanchin hriat hlan I nghakhlel viau ang tih kan ring a. An lo felin an chhungkua pawh biak an nuam khawp mai. Mapuii chuan hnialna a nei hran lo, mahse, ala naupang deuh a, a chhungte thu a ngaichang a. An chhungkua an inthurual lova, mapuii chuan duh viau che mahse, an chhungten an la rem ti rih lo a nih chu. He thu hrilh che hi hrehawm kan ti a, I tuarna viau ang tih pawh kan ring, mahse sawi loh theih a ni silova, kan rawn hrilh mai che a ni e.

Beisei bo a nilova, amah berin a duh che a, a chhungte an la hmin theilo a ni a, lo nghak la, hun tha ala inherchhuak mai ang” tiin.

Ka hnual rawih mai a, ka chau nghulh ni hian ka hria a, kan awmna a inkar hlat si. Amah lah ala naupang bawk si a, midangte kha a tawng anga min theihnghilh mai awm si a, tiin ka rilru chu a buai takzet mai. Rilru hnual deuh leh hrehawm ti takin ka haw hnu hnu a, ka thianpa chuan mi khawngaih takin chanchin min lo zawt a, ani min hrethiam awmchhun leh ka thiantha a ni a, thil engkim chu ka hrilh vek a. Ani chuan “ Ee thianpa lungngai reng reng suh, ala naupang deuh a, an la phal lo mai mai a nih chu; kan zir chhuah hunah an khaw awmna bul hnaiah te ila awm thut maithei a sin. Pathian ruat in nih chuan hun tha a inherchhuak mai ang” a ti ta a.

Ka thianpa hi chu ka tan ava hlu tak em! Ani nupui nei a fa nei tawh, kei aia experience lo nei tawh a ni bawk a, thil chu a hre hle mai. Kan thil zir chu kan zir chho zel a, mapuii pawh ka rilruah thi chuanglo mah se, a hma ang em em chuan ka rilruah a awm tawh lova. Kan zirlaite kan ngawrh bawk a, kan examnaah te chuan pahnihna te hauh ve in ka ti tha tluang ve zel a. Final exam kan han neih chuan pathumna ka ni a, pahnihna c hu mark 1 chiahin ka pha lo, uihawm duh tak a ni. Kan zirlai te kan han zir zawh chuan kan awmna tur hmun postingte an han siam a, ka rin loh deuhin Lungleiah min post ta a nih chu. Mapuii te khaw bul hnaiah ngei min han dah chu ka lawm hle mai. Pathian ruat a ni ang tiin ka lawm em em ringawt mai a ni. Phur takin ka awmna tur hmun Lunglei chu ka thleng ta a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 17th, 2022, 2:31 pm

MAPUII KHA EPISODE -3

Ziaktu : Mapuia pa

Lungleiah chuan ka awm ve ta ren rawn a, a hminga kamding ni ve mah ila, ka hna a sang lova, ka ropui hran lo. Quarters ka chang hlauh a, in luahman ngai lova ka awm ringawt pawh chu ka tan chuan a hlu hle mai. Nitin office ka kal thin a, a chang chuan ka zin chhuak bawk a, ka tul ve thei hle thin. He tih lai pawh hian ka rilruah mapuii chu a cham reng mai. Chhungte bera ka neih chhungkuate chuan nupui nei mai turin min rawn a. “Nangmah chauhin I awm a I khua a har ve bawk si a, nula fel leh hmeltha an tam a lawm, nupui nei ve mai rawh, mahni chauha awm ai chuan nuam I ti zawk ang” an ti fo mai a. Mahse, nupui neih mai chu ka rilruah a awm lo va, mapuii ka nei thei dawn lo a nih rau rau chuan midang chu ka melh peih lo a ni.

Tunlai angin mobile te ala awm lova, landline phone nei pawh mi khawsa thei deuh leh officeah chauh te a awm a. Ka hunawl neih vel leh Mapuii te khuaa va zin ka rilruah a awm a, mahse, a chhungte’n mi duh loh chuan tiin ka hreh bawk si. Hmelhriat pawh ka nei ve ta zel a, Lunglei mi te hi an lo fel khawp mai a, min duhsak em em thin bawk. Ka chhungte ber chuan a rukin ka nupui tur min lo zawn sak a, ka hre der mai si lo. Chu nula chu an in a leng turin an sawm ta a, tlai khat chu a lo leng ta ngei mai a, lo leng satliah ve maiah ka ngai a. Nula hmeltha tak mai, vai lam hmel lek lek, chhe lo tak mai hi a ni a. Sorkar hna nghet thawk tawh, nula fel leh kohhrana inhmang tak mai hi a ni. A mitmengte chu a mawiin a fel hmel bawk si a, duhawm tak hi a ni.

Chu nula a haw hnu chuan ka chhungte chuan “ kha nu kha a lawm neitura kan duh che, a fel a nia, a nungchang a tha in lehkhathiam a nia, hna nghet a nei tawh bawk si a, amah pawh khan a duh em em ang che a awm danah khan a hriat vek” an ti a. That chu a tha ngang mai, mahse, ka hmangaih lo, mapuii a lan thei lo tiin ka rilru a buai hle. Chu tih laiin Mapuii lah a chhungten an lo phal lo bawk si a, mahse, ka hmangaih miau si a ni. Engtinnge ka tih tak ang? Ka rilru a buai takzet a ni. Nula hmeltha leh duhawm, nungchangtha leh hna nghet nei tawh bawk si, … ka rilru chu a buai a ni. Engpawh nise ka chhungten an duh bawk a, ka kawm ve hrim hrim ang ka ti a, ka rilru ka siam ta a.

Zan khat chu Marini te in ah chuan leng turin ka chhuak ta a. Ka han kal chu an lo fel hle mai a, min lo dawngsawng tha in chhungkaw tha tak an ni tih a hriat a. Marini nen chuan kan inkawm theih nan siiting room ah chuan min thlah fal a ni ber ang chu. Marini chuan “ Engtinnge kan in te I rawn hmuh theih a, I rawn len ve teh tlat? I van fel em em” a han ti a. Kei chuan “ Ka chhungten min kawhhmuh a, ka rawn zawng chawp a, a harsa vak lo” ka han ti a. Ani chuan” Nula rim tur an tam dawn nen, keini in ah te I rawn leng ve hi kan va phu sil ve” nuih saih pah hian a han ti leh a. Kei chuan “ Khaih khaih, nula rim tur ka hre ve lo, ka la awm thar bawk sia, keini ang hna chhete thawk ve mai maite chu tuman lengah min duh lovang” ka han ti ve leh a.

Thingpuite min siam a, tui ti tak a in chungin kan ti ti bawrh bawrh a, a mitmengah chuan min haw lo tih chu a hriat khawp mai a. Nupui fel tak pawh a nih ngei ka ring, hna nei sa bawk si, mihring takah chuan mi vannei tak ka ni ngei ang ka ti rilru a. Mahse, mapuii ang chuan ka hmangaih si lo, ka chhungte thuawihin ka han leng ve chhin mai a ni a, ka rilru chu a bet vak lo. Chutih rualin Mapuii chhungten lo phal lo zel se, mi tha tak tak ka chan chu a ni mai dawn si a, mapuii nei thei chuang silo hian ka kawt der ang tih chu a hlauhawm deuh roh bawk si. Ka rilru chu a insualin a buai map map mai a ni. Nula fel tak leh hmeltha, hna nghet nei tawh a ni bawk si a, duhtu pawh a nei tha viau ang tih ka ring a. Kei lah hlawh tlemte a hna chhete thawk ve mai mai ka ni si a.

Zan a ri mai dawn si a, haw zai ka rel ta a, marini chuan kawngkhar thleng min thlah a. No tak a mi melh chung hian “ Lo leng leh vat rawh aw, nagmah chauhin I awm si a, I khawhar awm bawk sia, mahse, kan in te hi len nan a nuam I ti em ka hre lova” a han ti hnap a. Kei chuan “ In in hi a nuam lutuk, ka phu lo zawk a ni e. Keini ang ve mai mai tan chuan in ropui lutuk, ka zak zawk “ ka han ti a. Ani chuan “ I mak e a, engmah kan nih loh hi, I duh phawt chuan ilo leng leh thin dawn nia” tiin no hnap chuan min mangtha ta a. Kei pawh chu ka haw ve ta hnu hnu a, haw pah chuan ka inngaihtuah nasa hle mai. Marinite chhung kha an fel dawn mange, an hausa bawk si a, keini ang te kha ti taka min be duh kha ava mak em! Ka phu lo zawk a ni tiin ka inngaihtuah rauh rauh a.

Marinite nen chuan kohhran khat kan lo ni a, thalaiah pawh inhmang tha tak, nula fel leh chapo lo zet hi alo ni a. Ka chhungte chuan “ Marinite chhung hi mi fel chhungkua an ni a, mi chapo si lo, mi hlun leh mi zah kai chhung an nih hi. I neih theih phawt chuan I vannei hle dawn a ni. Kan thu hi awih la I ni hlawh a ni mai” an ti a. Ka rilruah chuan mapuii bak a awm thei lo, ani kha ka hmangaih a ni. Kan intawn ni te, a samsei hnap leh a nu zam mai te, a mitmeng mawi tak leh a nui rimawi ziate kha, luitui fim tak luang ri her her hi ka tehkhin ber.Mapuii bak ka rilruah an awm thei lo, ka chhingmitthlaah a cham reng. Engtiknge kan inhmuh leh ang? Khawsakna leh chhungkaw thu ah pawh marini te leh mapuii te chu an inthlau lutuk. Mapuii te chu a nu leh pa pawh lo nei a, kut hnathawk ve mai an ni a. Marini te lah Lungleiah pawh mi zahpuiawm lo, mi ngialnghet chhungkua an lo ni bawk si.

Mahse, hmangaihna hi ka dah lalber lo thei lo; eng anga mi tha leh fel, hausa pawh ni se, ka hmangaih ve miau loh chuan engah mah ka ngai lo. He tih lai hian zailamah ka lar ve chho zel a, kan kohhranah pawh ka lar ve hle tawh. Music lam tuimi ka nih avangin Zaipawlah te mi telhin, BSI zaipawlah hial asst.conductorte ka lo ni chho ve tawh a. Marini nen pawh kanin hmu zauh zauh, an in ah te ka leng thin a, amah pawhin min duh ve ta takzet niin kahria a, mahse, kei chuan rilru ka pe thei lo. A hmel chu tha in duhawm em em mah se la, ka lunglai hi a fan zo lo a ni ber mai. Ka khua te lo harin , mahni chauha awm ka ni bawk a, len ti nuamah ka kawm ve mai mai a, mahse, min atchilh ti tih tlat ta mai le! Mapuii chu hmuh vat a, thil engkim hrechiang a, rilru siam vat a ngaiin ka hria a ni. Mapuii chu a chhungten Aizawlah an lo dah daih mai a lo ni a, mahse, zawn chhuah ngei tumin ka rilru ka siam ta sauh sauh a. Leave ka la anga, ka duhtak mapuii chu hmuh ngei tumin ka zawng dawn tiin rilru ka siam ta a ni

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 17th, 2022, 2:32 pm

MAPUII KHA – Episode -4
Ziaktu: Mapuia pa
Mapuii zawngchhuak tur chuan rilru ka siam ta a, thiltih tawh a beidawng duh miah lo chi, mi luhlul tak hi ka ni thin a.Thiltih tawh chu hlawhtlin tum tlat mai thin hi ka ni a, he mi tum pawh hian mapuii chu zawn chhuah ngei ka tum nghet bur mai a ni. Kan hotute hnenah leave ka dil a, karkhat min lo pe hlauh mai a, chu hun chu tangkai taka hman hu ka tum nghet bur ringawt mai a ni. Lunglei MST Bus ah chuan Ticket chu kan la ve ta ngei mai a. Bus hmalam deuh tukverh bul nilo chu ka chang hram a, phur tak chuan ticket hum ran chung chuan ka haw a. Tunlai angin zinnate ala nuam hran lova, sumo te ala awm bawk lo nen, kan hmuh chhun chu Bus a ni deuh mai a. Mahse, mapuii hmu tur a kal tur ka ni bawk a ka phur khawp mai. A awmna veng pawh ka hre lova, tunlai anga mobile phone la awm bawk lova, risk tawp chu ka tih theih chu a ni mai.

Ka helhhawlh nasa lutuk chu zan pawh ka mu hleithei lova. Zingkarah chuan hma takah thovin ka insiam a, ka suitcase neih ve chhunah chuan ka inkhung ar a, Bus station lamah chuan ka phei ta hnak hnak a. Zin tur ho chu an lo awmna nak tawh a, bus chhungah chuan kan han lut ve ta a, ka bulah chuan Aizawl nula chhe lemlo tak mai hi a thu a, Lungleia a chhungte tlawh a zin a ni a. Bus chu kal tan ta a, Conductor chuan tawngtaina hmunah tawngtai turte sawm a thu tlem a sawi hnu chuan kan kal leh ta nghal a. Ka bula thu chu mapuii han ni se ava nuam dawn em ka ti a, ka mitthlaah mapuii chu a cham reng mai. An khua kan pelh laite chuan ka dak nasa mai a, hmuh maite ka inring a mahse, a awm si lo. Ka thutpui nu chu a rui deuh a, kawng a la kawi si, a tha vak silova, rui mi tan chuan ruih awl tak tur chu a ni.

Ka bula nula thu chuan mi nel viau mai a, ka dar nghengin thlamuang takin a muhil a, a muhil lai kan en chuan mapuii ni se aw, tiin ka lo suangtuah mai mai a. Hnahthialah chaw kan ei a, ka bula thu chu a ruih deuh avangin chaw a ei tam lova, kei lah chu ka chawei atui phian mai. Tluang taka kan kal zel hnu chuan Aizawl chu tlaidar nga velah kan lut ta a. Ka bula thu nula chuan min lo ngaina viau mai a, “i cham chhungin lo leng ngei ngei rawh aw, kan veng chu Ramhlun a ni a”a pa hmingte min hrilh a, leng ngei tur chuan min chah mawlh mawlh a. Amah chu nula chhelo ve tak, khawpui mi a ni tih hriat tak leh sam buang lam deuh, ria chum bat mai hi a ni a. Mahse, ka rilruah chuan tudang mah hi an leng lo a ni ber mai. Kan bus chu kan chhangchhe ve khawp mai a, a then an luak nasa a, thenkhat tuibur lo hmuam sek an awm, nen, a rimchhe duh ngei mai. Dangpuithu lo keng nam vung vung an awm bawk a, tuibur rim nen, Meizial rim nen, a titheilo tan chuan ruih awl tak tur chu a ni reng a ni.

Ka chhungte in lamah chuan ka phei ta a, hna ka neih hnu a Aizawl ka kal vawikhatna a ni a, min lo lawm khawp mai a. Ka thil hawn chawhmeh ilo te chu kan phawrh ve a, tlai chaw chu tui ti takin kan ei a, ka tih tur hmabak hre reng chung chuan hma takin ka mu ta a. Zing chaw ka eikham chuan ka insiam sawk sawk a, mapuii awmna zawngchhuak tur chuan kal turin ka inbuatsaih ta a. A awmna lai pawh ka hre der silova, engtinnge ka zawnchhuah dawn chu le?Town busah chuan ka chuang tawp a, an khaw mi te zawnchhuah a tulin ka hria a, an khaw mi te awmna veng chu ka hre tho va tiin an khaw mi te awmna venglam chu ka pan ta a. Town busah chuan ka chuanga kan han tawt khawp lehnghal. Thlan rim nen Meizial zuk rim nen, kan tawt bawk si, thutna ka chang bawk silova a hreawm duh ngei mai.

Hmeichhe cher deuh, hmai hriam hrak mai hi ka bulah chuan a ding ve a, a phunchiar khawp lehnghal. A nek loh theih silova, han nek deuh ila a teu ang hlar a, ninawm duh tak a ni, Chutih laiin a thenin ka pawisa a bo lo ti tawk an awm bawk. Conductor lah chuan phun nung nung chuang hian “ In pawisate kha ak fimkhur rawh u, a bo pawhin mawh kan phur dawn lo a nia” tiin a lo intlawhkhalh sa bawk a. Kan town bus chuanna chu Bus lian chi, hmanlai chhuak, a gear pawh sei kual ruih mai chi kha a ni a, a chuan lah a nuam fahran lo lehnghal. Zodin bul atanga chuang ka ni a, chanmariah chuan thutna ka chang ve tawk a, tumah ka kian duh bik lo.

Ramhlun kan thleng phei ta a, bus atangin ka chhuk a, mapuii awmna hre turin an khua te zawn hna ka thawk tan ta. Hmun hrang hrangah ka kal kual a, ramhlun veng a zau si, step chho deuh deuh nen a ka kal fe hnu ah chuan mapuii te khaw mi te awmna chu ka zawngchhuak ta hram a. kawngka chu kan kik a, lo lut rawh an lo ti a. Ti deuh dak chuan kan lut ta a , “ enge i duh a, khawi atangin nge” tiin nu pakhat hian min lo zawt a. Ka hmingte leh ka lokal chhante kan sawi hnu chuan a fanu chu a ko chhuak a. Ani chuan “ khawiha ber nge a awm ka hre chiah lova, a ni te in ah pawh a ni maithei tiin an awmna veng leh hming vel chu min han hrilh ta a, ahuphurhawm ngei mai.

Enge val hi tiin ka insang phek a, ka ti tawh laklawh ka hmu ngei tur a ni, tiin ka rilru ka siam sauh sauh a. Mapuii te awmna ni awm an sawina hmunah chuan ka kal ta vang vang a, rei deuh ka kual hnu ah chuan ka hmu ta le! Ka thin chu a in thumrawn tluk tluk a ni ber e. Min lo la be tha duh angem? A chhungte khan min duh si lo, keini ang hna hniam ve te ai chuan, hna sang deuh thawk, sorkar officer chin neih tir an tum kha a ni si a, ka huphurh ngang mai. Tichuan kawngka chu kan kik leh ta a, nula pakhat hian kawngka chu a rawn hawng a “ Enge i duh tak, khawi lam atangin nge” tiin tha takin min lo bia a. Kei chuan ka kal chhan leh mapuii ka zawn thu ka sawi chuan ani chuan “ he tah a awm lo, a nite in ah a awm a ni awm e” tiin an veng leh an address chu min hrilhta a.

Chu ta tang chuan ka chhuak leh ta, ka ril a tam tawh khawp mai a, ke in ka kal nasa si, step chho tak tak nen, tlai dar 1:00 lai a lo ri tawh bawk si nen. Thingpui dawr ka hmuh hmasakna berah chuan ka han inhnawhpuar hnu chuan ka chhuak leh ta. Mapuii awmna venga kal tur chuan ke ngatin ka kal leh ta tauh tauh a, dar 2:00 pm alo rik chuan an in awmna chu ka zawngchhuak ta hram a. An awmna chu in pangngai tak, awmthei pangngai an ni tih a hriat mai a. Kawngka chu kan kik ta a, min rawn chhang lawk lova, ka thinphu chu a rang ngei mai. Kumkhat chuang lai ka hmu tawh lo nen, ka ngai bawk si, ka hmu zak bawk si.

Kawngka chu nu pakhat hian a rawn hawng ta a “ e lo leng rawh, enge i duh tak a, khawi lam atangin nge?” a han ti a. Mapuii hmuh ka duh thu leh ka hmingte ka han sawi chuan chu nu chu a hmel a tum nghal deuh tlat mai. Ka ngaih chu a that a lo hle mai a. Chu tah “ Mapui, inleng i nei e, lo chhuak ta che “ tiin a han ko a. Mapuii ngei mai chu alo chhuak ta; min han hmu chu a phu deuh zawk niin ka hria. A hmel chu a hma ai mahin a tha in, alo puitling tawh tih a hriat a. Mapuii chuan “ Awi, engtinnnge min rawn zawnchhuah theih a, “ tiin mak ti deuhin chibai nan a kut chu a rawn pharchhuak a. Kei chuan ka lo vuan a, ka tim sung sung a, ka aw a lawi deuh rut ni ta berin ka hria. Ka hmangaih ber, rei tak ka hmuh tawh loh kan hmu ta chu awm ngaihna pawh ka hre lo. Ka aw ka thian phawt a, mahse ka tawngchhuak hlei thei lo, “ Ka zawng nasa lutuk che a, Lungleiah ka awm tawh” tiin tham tuakin ka chhang thei hram a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 17th, 2022, 2:32 pm

MAPUII KHA EPISODE -5

Ziaktu – Mapuia pa

Mapuii chuan thutna turte min kawhhmuh a, thingpuite min lumin a rawn chawi phei a. A chhungte chuan min be tha lem lo hle, ka ngaihbel nge pawh ka hre lo. Mapuii chu ka hmaah chuan a thu a, kan en thin a, ka lungawi hliah hliah mai a ni. Tudang zawng aia ka thlan leh ka hmngaih em em chu a ni si a. A hmel chu kan inhmuh tirh ai chuan a lo puitlin hmel deuh tawhin , a hma ai khan a tha zawk mahin ka hria a. Makeup tih vel hi a ngaina lemlo chung chuan a hmel chu original tak mai, ngo sen deuh chak, hmel nung sarh mai hi a ni a. Thingpui chu ka in a, kan inkawm zel a, ani chuan a chhung tena min duh chiah loh thu chu a sawichhuak ta a. Mahse, amah chuan min hnar hran lo, a unaute leh a chhung dangte chuan kei chu min iai hle tih chu min hrilh a.

Ka rilru chu a na ngaih ngaih hle mai, hna chhe te leh hlawh tlemte neiin ka awm ve tawk tawk a, ka phu mawlh lo tih chu ka hria, mapuii lah a hmeltha in a duhawm ropui mai si a, mi hausa leh hna sang tak tak thawk te chu achhungte chuan neihtir an tum a ni tih ka hre mai. A kutah chuan ka vuan a, mapui kei chuan ka hmangaih takzet che a, mahse, I hriat angin mi lehkhathiam tak leh hna sang thawk pawh ka ni lova; I tan chuan ka nep hle tih ka hria. Mahse, ka hmangaih che a ni. Ka hmuhtirh atang khan ka theihnghilh thei tawh lo che ka ti a, ka en vawng vawng a. Ani chu a kun tlata, a inngaihtuah nasa hle tih ka hria. Kei chuan ka chhunzawm zel a “ Mapui hmangaihna aiin, nihna a mi I thlan zawk? Kei chu he ti ve mai ka ni,ka ti nuamsa thei dawn lo che. Hna sang pawh ka thawk lova, ka hausa bawk lo, I tan chuan ka tlinglo a ni ber mai” ka ti a, ka hnuk chu a ulh teuh mai.

Keini ang mi retheite hi chuan duhzawng pawh kan thlang ve theilo a nih hi mawle tiin ka inngaihtuah lungpuam a. Mapuii chu tukverh lam hawiin a ngawi vang vang a, ka lam lo hawi pah chuan “ Ka duh lo che pawh a ni bik chuang lo, mahse, ka chhungte hian an phal lo tlat hi lawm. Ka nu leh pa chu an hmin theih mai anga, mahse, ka u te leh ka chhungte dang hi an khauh tlat a, a ngaihna pawh ka hre bik lo” tiin inthlahrung takin a han sawi a. A sawizawm leh a” Kei chuan nihna emaw, hauhsakna lam emaw chu engahmah ka ngai lo, min hmangaih tih pawh ka hria,mahse, chhungte phalna lova thil tih hi ka ngam silova; I hriat angin hmeichhia ka ni a, ka la naupang ve bawk si a, ka hrethiam lo a ni” tiin rilru buai tak chuan a sawi a. Kei pawh chu ka rilru ana hle mai, duhtaka ka l tawn ve, ka hmangaih em em nimahse, kan innei thei dawn lo ni a ka hriat avangin ka rilru ana takzet a ni.

Chutih lai chuan a chhungte chu an lokal a, kei chu duh vakloh hmel hian min han en a, ka zak em em mai a. Mani lo mah a, nula tamtakin min ngaizanwg ve a,nula changkang leh khawsakna pawh changkang tak tak ka phulo zawk ten min duh em em a. Chutih laia, mapuii chhungten min duh lova min han sit tlat chu ka tha a na em em mai a ni. Mahse, ka mapuii chu ka np zo ngang si lo. Ka rilru ava hah tak em! ka rilru chuan ka rum kawk kawk a ni ber e. Ngawi rengin mapuii nen chuan kan thu dun a, engemaw chen chu kan inbe miah lo. Chutah rawn harh chhuak thut ni awm tak hian a rawn dakchhuak a. “ Thil hriat chhuah ka nei,kan khuaah Thalai khawmpui kan thleng dawn a sin, nakum march thla hian, chutah chuan lo haw ka tum a” a ti a.

Kei chuan “ chu pawh nise, enge kan tan a tangkaina ni chuang ang?” ka lo ti a. Ani chuan “ Kan in ah ilo thleng anga, chuan ka nu leh pate kan hmin dawn a lawm, a hmuna in thlenchilh te chu a dan a dang maithei a sin” a ti a. Kei chuan “ Midang an thleng ve awm bawk sia, engmah kan sawi thei dawn em ni?” ka ti a. Ani chuan “ Tumah ka thlentir lovanga a ni mai lawm, lo thleng ngei ngei rawh aw”a ti ta a. Kei chuan phur zetin “ Mapui I ti tak tak a mi?’ kan ti leh a. Ani chuan “ mi ringlo a mi, mi rin loh leh I thu thu” tum deuh bar chuan a han ti leh a. Kei chuan phur zetin “ aw ka ring che, khawvelah hian I thusawi tluka mawi kha a awm lo ve ka tan chuan” ka ti a. Ka rilru chu a hlim leh ta khawp a, ani lah a hma ai chuan a hmel chu a nung sar mai a. A bahsam seihniang mai kara a hmel no chek leh a mitmeng mawi tak maiin min han en chuan ka tuar zo lo a ni ber mai.

Tichuan haw tur chuan ka ding chhuak a, “ a nih leh mapui ka haw mai ange, ka leng rei tawh si a, in hnathawh tur pawh ka thulh tir nasa che u si a” ka ti a. Ani chuan” Chutiangin min tibuai lo, mahse, haw I tum chuan I thu thu le, mahse, thalai khawmpuiah chuan lokal ngei ngei rawh aw, kan in ah lo thleng ngei bawk la” a ti a. Kei chuan nui chungin “ Ka zak e a, I chhungten min lo be tha duh lo anga, chawei tur pawh ka nei lovang” ka han ti a. Ani chuan “ I lo thlen loh vaih, ka be tawh lovang che” a ti deuh hmak a. Kei chuan “ ka ti fiam a lawm, nang chu ila tak zel a,kei tehlul te min thlen duh chuan ka lo thleng ngei ngei ang ka dam phawt chuan” ka ti t a a. Kawngkhar bul thlengin min thlah a, inthlahrung deuh chuan a kawngah chuan ka kuah a, tichuan lungchimte in kan inkuah a, mahse, a chhungte thawm a awm tak avangin kan inthlah ta vat a, a kuta la vuan chungin “ Mapui mangtha rih aw,ka ngai dawn lutuk che, nakum chu ka nghakhlel tawh” ka ti a. Ani chuan “ Nih leh phawt le, kan dam anga, khawmpuiah chuan kan inhmu dawn nia, hmun danga I thlen leh si vaih” a ti a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 17th, 2022, 2:32 pm

MAPUII KHA ! EPISODE -6

Ziaktu : Mapuia Pa

Mapuii awmna in atanga ka haw ta chu ka hlim hle mai, kha leh chen ka lo hmuh tawh loh kan hmu ta leh inpawh taka kan inkawm avang chuan ka hlim takzet a ni. Tlaiah pawh chuan ka nui deuh reng a, ka phur deuh sarh reng mai. Kapu te pawh chuan “ vawiin chu thil tha deuh iva tawng em ni? Iva hlim ve a?”an ti a. Ka chawei pawh chu a tuiin ka ei teuh mai. A tuk maia lungleia haw leh nghal chu ka tum ta , Bus ticket te ka la a, a tuka haw leh nghal tur chuan ka insiam ta a. A kum leh mai March thlaa Thalai khawmpui lian awm tur pawh chu ka nghakhlel nghal ta hle mai a. Thleng thuai thuai mai se ka duh ti tih nghal mai a. Tunah hian October thla a ni tawh a, dam chuan thla li vel chauh a awm tawh tih te ka ngaihtuah a ka phur hle a ni. Kapu te pawh chuan cham rih turin min duh hle nachungin haw thuai thuai hlan chu ka nghakhlel tawh a ni.

Lunglei chu damtakin ka thleng phei ve leh ta a, ka in luah ve tereuhte ah chuan hmuaktu pawh nei hran lo chuan ka lut hnak hnak a, mahnia eirawng inbawl chawp chuan ka khawsa ve leh ta a, mahse, mapuii ka hmuh tawh avangin ka hlim em em mai a ni. Nimahse, hlim kim lohna ka nei a, a chhan chu, a chhungte khan min iai ropui mai si a, ani lah ala naupang bawk si a,lunglai min hersan leh mai ang tih chu ka hlauthawng bawk si a, ka rilru chu a insual ve nasa khawp mai. Mahnia khawsa ka ni bawk a, ka che awlsam ngang mai a. Zingah tlai chawei tur nen ka chhum nghal a, chawhmeh te ka kang lawk a, tlai hmeh tur nen, chawhmeh chi khat te, chi hnih bak ka siam peih lo. Nupui ka neih hunah a kimchang zawkin chaw te ka la eive thin ang chu tiin ka inngaihtuah a.

Ka hna chu ka thawk tan leh tawh a, nitin office ka kal a,zan lamah te BSI hla zirin ka tul ve thei hle mai. Kohhran lamah lah ka theih ang tawk tawkin ka inhmang ve bawk a, ka khua pawh a har hman meuh thin lo. He tih lai pawh hian mapuii chu ka theihnghilh ngai lo. Kan inneih chuan hei aia inlian zawkte hi kan luah ve anga, fa te neiin, mapuii nen chuan nupa hlimtak kan nih ngei ka beisei a, ka ngaihtuah zawng ringawt pawhin ka nui ver ver thin. Ka duhtak leh ka hmangaih tak ka nei dawn a, khawvela mi vannei ber ka ni dawn te hian ka hria, ka hlim em em thin. Chutianga rilru kawm reng reng chuan zan mut dawnah te hian ka inngaihtuah nasa thin a ni. Kan inneih chuan mapuii chu ka duat hle anga, a chhungte pawhin min la sit lo mai ang, tih te ngaihtuahin, mapuii ka duat dan turte suangtuahin ka hlim ve hle thin a ni.

Nikhat chu kan BSI zaipawlte chuan zaipawl sum tuak nan, Sorkar office hrang hrangah kut te dawhin hun kan hmang a. Department office pakhat kan kal chuan kan zaipawlpui nula pakhat thiannu LDC a lo thawk mek, nula chhelo fahran mai hi alo awm a. Kan thiannnu chuan min han in hmelhriat tir a, piannalh zet ma, a sam chu a dar vaw vela zuah, hmai bial lek lek lam, mitmeng lian lam leh mengmawi tak mai hi a ni a. Han en reng reng chuan mi awmthei tak fanu a ni tih a hriat hliah hliah mai a. Alo felin min chiau au tha khawp mai a, kei phei chu min be tha zual emaw tih tur hi a ni a. Kan thiannu chuan zaithiam ka nih thu te, office pakhata thawk ka nih thu te chu a sawi luam a. Chu nu chuan min ngaihven hmel ta hle mai. Kan hawkawngah chuan kan thiannu chuan” Gracei kha a fel a sin, a chhelo bawk sia, an hausain mi pangngai tak chhungkua an ni a sin, nupuiah nei la a fel ngawt ang” a han ti a. Kei chuan” Teh ngawt a, min duh dawn em ni? Kei ang hna chhe te thawk ve mai mai te chu an ni ang chuan engahmah min ti lovang” ka han ti a.

Ani chuan” Teuh lo mai, a duh che tih a hriat reng a lawm a awmdanah khan I man mai lawm ni” nui kar kar chungin a han ti a. Kei chuan “ Ka phu love , keini ang chu min duh teuh lo, mi tha an tam lutuk” ka ti leh a. Zaipawlin hla kan zir chuan kan thiannu chuan “ Gracei khan lo lenpui rawh min tia sin” mi melh ralh pah chuan a han ti a. Kei chuan “ Ka zak e a, chutia hmelhriat loh in a len ngawt te chu” ka ti a. Ani chuan “ A zahthlak loh lutuk, an chhungkua chu an fel teh a nia, I tlangnel nghal mai ang” a han ti a. Zaninah va leng chhin ang aw” te chu ala tih chhunzawm ta lehnghal. Zan chawei kham chuan kan thiannu chuan min rawn au a, len lohtheih ta hek loh, tlangval ka ni ve bawk sia, tlaw min ti dawn lutuka, ka zui ve ta a. Gracei te in kan thlen chuan alo nuam hle tak mai a. In chhawngthum lai, lian tak leh mawi tak mai hi a lo ni a. Gracei chuan Gateah min lo hmuak a,” In lo len duh tak tak pawh ka ring lova, in va han fel em em” a han ti a.

An inah chuan kan han lut a, an chhungte chu an lo fel ngang mai a. Lunglei nuam ka tih leh tih loh te, unau engzatnge kan nih tih te leh, kan khua te min zawt a, kei chuan ka theih ang tawkin ka chhang ve zel a. An in chu a chhunglamah phei chuan a lo ropui ngang mai a, an inchhung bungruate chu to tak vek tur hi a ni a. An pa ber chu Contractor niin, hna pawh a hmu hle a ni awm e. Gracei chu an fanu neihchhun niin an duat hle bawk. An kawtah chuan khang hunlaia Car tha ber mai chi hi a inhung ruau mai bawk a, Jeep an nei bawk. Thingpui tui takin min lum sak a, kan thiannu nen chuan thingpui in zawhah haw leh mai tur chuan kan ding ta a. Haw chu an la phal lo khawp mai a, mahse, han len reng kha ka inthlahrung bawk si a ni. Kan haw dawn chuan Gracei chuan min rawn thlah a, kan thiannu nen chuan an in bekbawr sa sa a, eng tak sawi ang maw, ka lo ti rilru a.

Kan haw kawngah chuan kan thiannu chuan “ Gracei khan tha a ti lutuk che, a duhzawng tak I ni awm e, min rawn biak rawh a ti a” a ti ta a. Kei chuan nui sak chungin” Ka phulo em mai, min duh tak tak hlei lovang nge” ka lo ti hlak a. Ani chuan “ I ho em mai a, Gracei te hi chu ka hrechiang a, a duh hle a nih loh chuan chutiangin a sawi mai mai lovang, a luck teh a nia aw, lawm hle mai rawh” min han ti a. Ka rilru chuan kei chu mapuii ka nei tawh a, eng anga hmeltha leh duhawm pawh ni se mapuii ang chu tumah an piang lovang, ka ti rilru a. Zan hla kan zir leh kan inhmuh apiang chuan kan thiannu chuan a sawi ziah ta mai a, ka ning lek lek zawk mai. Zankhat chu a sawi zing em mai ka han leng ange tiin rilru ka siam ta a. December thla a ni tawh a khua chu a vawt var tawh mai a. Tlai chaw ka eikham a, ka inbualfai a, thawmhnaw ka neih chhun nalh ve taka ka hriat nena inthuam chuan Gracei te in a leng tur chuan ka chhuak ta nge nge a.
Gracei te in ka va thlen chuan kawngka chu kan kik karh karh a, Gracei ngei mai chuan a rawn hawng ta a” I van fel em em, kan inah te ilo leng leh duh a” mawi taka nui seih chung hian a han ti a. An inkawmna room bik a an siam sofa sets dup nuam tak awmna hmunah chuan min kalpui nghal a. A nu leh pa leh a chhungte chuan TV enin an lo ri nak nak bawk a. Gracei nen chuan thil ho mai mai sawiin kan ti ti a, a thiannu fel ziate sawiin kan zaipawl chanchinte kan sawi a, thingpuite tui taka rawn lumin a rawn chawilut a. Ka bulah chuan lo thu in” Zak theilo min ti viau maithei a, mahse, nangmah ang hian tu mipa mah ka la be hmasa ngai lo. Min thlir dan turte ka ngaihtuah a hrehawm chu ka ti ve em em a sin” a han ti a. Sawi tur ka haihchham hle” Zak theilo ti lo ve, nangni ang ten min kawm ve duh hi a zahthlak zawk a lawm le” ka han ti a. Ani chuan” Kher kher a che, engmah kan nih loh hi, engmah inchhuanna tur kan nei hlei nem” a han ti leh a.

A sawisawm leh a “ ka chhungte pawhin fel hmel an ti che a, in thianpa chu lengah sawm la, chaw te pawh rawn ei sela” an ti a sin a han ti a. Kei chuan” Mai mai a, ka fel lo lutuk, hna chhete ka thawk ve a, ti mai mai hi ka nih hi, engmah laktlakna ka nei lo” ka ti a. Ani chuan “ Hetia be hmasatu che nih hi ka zak ve thova, mahse, nang ang a mipa ka rilru luahtu hi an la awm miah lo a sin. Nula kan ni ve a, duhtu te pawh kan nei ve tho, mahse, han duh tak tak leh rilru pekna hi ka la nei miah lo” a han ti leh a. “ zak theilo min ti viau em “ a han ti leh a. Kei chuan “ ti lo ve I fel ka ti lutuk, keini ang mikhual leh engmah nilo min thian duh hi ka lawm lutuk a sin”: kan ti a. Ani chuan” A nih leh tlang takin zawt che ila, min duh ve em?” ti a mi rawn hnaih leh inthlahrung taka, mi melh chung chuan a han ti a. Ka rilruah mapuii alo lang zawk mai a. Mapuii kha chu lo tawnglo ni ila chuan a duh pawh ka duh ve maithei, mahse, mapuii ka lo tawng tawh a, ka hmangaih bawk a, midang chu ka ti theilo a ni.

Kei chuan “ Grace min hrethiam rawh, hun ala reilo em mai, chhan ngaihna che pawh ka hre lo, ka tan chuan in tha lutuk; mahse, midang hmangaih ka lo nei tawh a sin” ka han ti tawng mai a. Gracei chu a kun lap mai a, a mittui a tla niin ka hria, a inhup a, a rilru a nat hmel hle mai. Mahse ka sawi tlang tawp loh chuan a dik ka ti si lo. A hmai a hupna chu la kiangin romolin a mit chu a hru a, lungchhe deuh chung hian” Chu nu chu I hmangaih vaiu a mi a, khawi a mi nge? A han ti leh a. Kei chuan “ Ngawirawh ka hrilh theilo che a ni. Ka hmangaih a, ka tawn hmasak ber a nia. Kan innei maithei” ka han ti a. Hawi chhuah pawh hawichhuak ngamlo chuan Gracei chuan” alo nih tak chu; tawn hmasak berte hi chu an innei ngai manglo a sin, nang anga mipa ka tawn hi ka la hre lova, ka beisei a bo zo tawh’ enge ka tan damchhan awm ang” tiin zawi te te chuan a tawng niah niah a, a inhnit deuh niin ka hria. Ka khawngaih khawp mai, tiang taka min lo duhtu chu han pawm mai pawh chu ka duh, mahse a rem si lo.

Ka thutna atang chuan ka ding ta a” Grace ka haw mai ange aw, zan a rei dawn tawh si a” tih pah chuan kawngkhar lam chu kam pan ta a. Kawngka thleng min rawn thlah a, a hmel chu a mittui avang chuan a chul rap a, a sam chu a hnawk niah bawk a. Ka va khawngaih em! Kei engmah ni lo, he ti taka nula tha leh hausa bawk si, fanu mal neichhun lehnghalin min han duh em em chu amak ka ti a, mahse, mapuii lan thei reng an awm si lo; khawngaih teh mah ila, ka tan a rem tawh silova. Chumi zan chu muthilh har ka ti hle mai. Gracei khan min duh em em a, a chhungte pawhin min duh bawk. Mi hausa leh mi fel tak chhungkua an ni bawk si. Mapuii lah a chhungten min duh lova, enge kan boruak zel tur pawh a hriat si loh. Ka rilru a hah hle mai, zan mutnaah chuan muhil thei lovin ka let ka let a, ka hriat loh hlanin ka muhil ta a. Ka mumangah chuan mapuii ka lo hmu a, a bahsam thlah mawi takte, a mitmeng mawi tak mai te chu ka lo en ngawih ngawih a, ani chuan nui seih chuan hian “ ka zak ve tho a nia, kha tin min en reng suh” min lo ti a. Chutih lai chuan mapuii chu tu ten emaw an lo ko a, a kotu awmna lamah chuan a lo tlan a, kei chuan , mapui! Mapui, khatah chuan kal suh, misual an nih kha lo tiin ka lo au tuarh tuarh a, ka thangharh ta zawk a.

A tukzinga ka han thawh chuan nizan ka mang chu mak ka ti hle mai a, mapuii chu midangin min chhuhsak dawn em ni ang? ti te in thil tha lo pui pui chu ka ngaihtuah a, mahse, ka ring phal si lo. Marini kha ka be ngai meuh tawh lova, Biakinah te chuan inhmu thinin, leng turin min sawm reng a, mahse, chhuanlam ka siam zel a, induh min ti hle mai. Gracei nen chuan ka han khaikhin a, an tha dun v eve. Marini chu hna nghet nei tawh, sat ha lam hret, a hmelah chuan Gracei pawhin a tluk lo, kohhranah a inhmangin, mi fel tak leh nupui atan pawha tha tak tur a ni. Gracei chu nula changkang leh piannnalh tak, hausa leh fel bawk si an ni thung a, a hmel a chhe lova, duhawmna riau ne ikan tih ang chi hi ni. Mapuii ve thungn chu – tu man an tluk lovang, khawvel nula ah hian ka tawnah chuan khum zo reng an awm lo. A tha lawr lak a ni ber mai, sawi ngaihna pawh ka hre lo. Ka hmangaih a ni tawp mai.

March thla chu alo herchhuak dawn ta. Tunlai anga phone a inbiak te ala har a, inbiak pawhna awm meuh si lo, mapuii nen pawh kan inbe ngai lo. Thalai khawmpui lian chu a lo herchhuak dawn ta a, ka phur kher mai. Kei chu Pathian fakhla sa tura ruat ka ni ve a, zaipawlah ka tel bawk. Chutih lai chuan Marini te chu an hna thilah Shillongah traininga kal tur a ni a, Khawmpui rawn nag hmana lo haw tum a nib awk. Marini chuan “ Thil tha deuh ka rawn hawn ang che aw, induh viau mah la, ka nep phal silo che a,” fiamthu ti tak deuh hian a han ti a. Kei chuan “ Chutiang ka phu lova, enge min rawn hawn anga, engmah a lo khulhna tur pawisa ka nei ve dawn a mi?” ka han ti a. Ani chuan “ I mawl mai a nih chu, pawisa ngai hleinem, ka lo hawn mai dawnm che lawm, khawmpuiah ka rawn keng ang” a ti ta a.

Thalai khawmpui lian chu karkhat chauhin ala thleng lova, mitin mai chu kan inbuatsaih emaw tih tur in thalai lam phei chu kan phur hlawm khawp mai. Khawmpui thawmhnaw thar te leiin, nalh loh hlauvin hmeichhe ho te pawh an tang hle. Zan lamah lah hla zir thawm nen, thalai tin mai chuan kan nghakhlel ni berin a hriat. Chutih lai chuan a nghakhlel ber zinga mi ka ni ngei ang tiin a rukin ka nui ru var var a. Gracei chu a rilru ngui deuh nen, kohhrana inhmang tak a nilo bawk a, kal a tum lo thung. A thiannu hnenah chuan a rilru natzia thu te a rawn sawi thin a, kan thiannu chuan “ I a em mai, khitiang nula tha leh fel khi I hmu dawn em ni, khatia I sawi tlang reng reng, a duh em em che a, I bialnu chu lo nei thei ta lo la, a ni hian midang alo neih hman si chuan I kawt der dawn a sin, mawl lutuk” tiin min hau mawlh mawlh a. Kei chuan “ Pakhat hi a tawk, chutia ngaihzawng neih dem dum ka duh ve lo” ka lo ti mai a. Khawmpui chu ni khat chauhin a dang ta, naktuk maiah kan kal tawh dawn, mapuii te in ah ka thleng anga, ava nuam dawn em! Ka hmangaih ber te in a han thlen tur chu tiin hlim takin ka inngaihtuah a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)