HERMANO By Bearr Chhakchhuak (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: HERMANO By Bearr Chhakchhuak (Completed)

Unread post by Ngaia » July 17th, 2022, 2:51 pm

CHAPTER-13


"Chu mihring te hi kan lo va sual ve" Nui chungin ka tih khum a. Lekhabu bawk chu keu leh in a nui nghal suk.




Inhnuai ah Ruata chu a lo thu awn diai a. Anu te nupa an awm lo a Kiama nen an lo ti ti mai mai. Min hmuh chuan a thu tha vat a. A bul mai ah chuan thut hmun rem ve in enge a an te ka zawt luam a. Nizan Rala vang a nilo lo ka hrilh kha ka hrechhuak a ka zak thar. Dar 2 thleng vel a rawn leng a inkhawm ban hma si in a haw leh. Anu te pahnih an inkhawm leh a Kiama leh Rala chu an inkhawm ve tawh lo. Ruata haw hnu ah inbual turin ka chho a. Ka room a Rala lo awm daih avang chuan ka lut thui hman lo.




" Hetah enge, e laptop i rawn la dawn mi? " A laptop ka hman sak kha a kut in a lo ti ri keuh keuh.



" Dawn lo e. Ka lut mai mai" Tih tawp in min chhang " Anihchuan ka inbual dawn nia va chhuak rawh "



" Bathroom ah a lawm i inbual dawn. Ngati nge ka chhuah ang? " mitmu chet kual ralh in towel ka la. Hnial miah lo in bathroom ah ka lut tlang nghal. Ka inbual sawk sawk a ka sam erawh ka su ta lo.



" A la awm ka ti..! " A chhuah daih tawh ka ring ania ka khum ah a lo la bawk hlun.



"Hey.. Ka duh ai i ngam pa mah mah ania aw" A mah en thei turin ka va kal kual a mahse a lo muhil lek. Bathroom ah ka va in thlak ngawt, a chhan pawh a rawn harh thut chuan min hmu vek dawn sia.




Inhnuai ah ka chhuk san a. Anu rawngbawl pui in kan ti ti pah a. Tui ka tlak lai a ka rilru leh ka hlauhthawn na te chu uar tak in ka sawi chhuak a. Tui tla te lo hreawm dan tur kha ka feel pha tlat. In hai chhuah duh eng ang mahse tui in a hip nat tawh chuan thil awlsam anilo mangang tawh dawn nen. Kan sawi tui zel a thil dang ah pakai zel in Chhani kan sawi chhuak a. A ngaihawm reuh lutuk chu ka call ve ngawt. Sunday ani bawk a a buai lo tur ah ngai ang.





Chhani nen chuan kan in be char char a Anu pawh ka pui tawhlo. A awm loh hnu a thil thleng te kan picnic thu te ka sawi a a kal ve chak thu te pawh a rawn sawi ve luam. A chhungte pawh min hmuh tir ve a. Nau mipa naupang hmeltha leh cute zet a la nei zui. Anu nen pawh an in bia a chawhmeh siam dan te an in zawt pah. Anu hi rawngbawl tui mi leh siam tui thei deuh mai ania. Nu ro ro ah pawh ei siam a tluk tu hi chu ka tan na na na chuan an vang satliah pawh anilo an awm lo hial zawk.




" I u Mama bialnu kha tunge a hming kha (h) ? " Anu min zawh thut vang chuan ka meng phar hman.



" Nute-i.. . " Rala chuan an in then tawh tih sawi mahse chu chu ka sawi lang lo. Bak ah keimah nen a rinhlelh na min neih hi ka duh lo hrim hrim.



" Aw nia Nute-i " Chhani hnen ah a ti leh. An sawi zawm leh mawlh mawlh " U Mama te hian in inneih hnu ah Nu an ti ve mai che em? " an in biak tawp rual in ka lo ti thuai.




" Bawiha zawk hi chuan min ko mai a. Mama hi chuan min ko lawk lo. A lo upa ve deuh tawh bawk nen harsa ati aniang,a huat pawh kha min haw ve deuh in ka hre hman a, mahse hei tun ah chuan min ko ta mai. Nang chu i pa hi ila ko miah lo i mawl biak tawp zel a" A ti zawm zat.




" Hmmp chumi sawi kai lo ang" Tiin choka atangin ka chhuak daih. Anu sawi kha a dik, kum chanve ang tep an hnen ah ka awm tawh ka la ko chuang lo. Ka hre bik lo ka ngaihtuah hian ka tim tlat.




Chaw ei hma deuh in Rala mu a rawn tho ve chiah. Nizan khan a mu tha viau lo emaw ni. Thutthleng pakhat a kan thu dun reng chung in * nizan ah khan i mu tha lo ami* tiin msg ka thawn. A chhan chu ka chhungte hian an lo man thiam ka hlau ve bawk ani.




* i mangchhe lutuk a ka mu tui theilo * a tak ah a la nui zui. Ngei zet in ka reply let veleh.




Zan ah Rala'n lenchhuah pui ah min sawm a mahse ka hnial zawk. Chawhma leh chawhnu ka inkhawm tawh sila a zan tal chu Anu rual a inkhawm ve ka duh. Anu in puan bih tur a min tur sek vangin phur lo deuh in ka bih a. Puan ka bih hi chuan ka lang tawi vek in ka hria a, ka in hmu mak vek zel. Rala'n puan bih chung a ka chhuk chu inhnuai couch a thu chungin min lo en char char. Vest dum ha in cargo pants hring duk a ha tel bawk a,engkim hi a inhmeh thei viau zel.




" I va nalh ve.. " Min lo ti a. Over zet in ka lai ringawt.



" Puan hi bih ve ziah tawh rawh se " Anu'n rawn chhuah pah in a rawn ti hram " Ka tawi vek zel a, lan chhiat loh a har emai" Ka lo ti thuai.



" I nalh em kha. I lang tawi pawh in ka hrelo" Rala bawk. Anu hmuh a min tih laih phet hi a tum emaw ni.




Anu leh Pa Rinchhana ho in kan chhuak a. Inkhawm chu nuam tak ani. An zai a tui theih mai bak ah lam an tam a eng hla pawh sa se naupang thleng in an lam luih luih thei zel. Thusawi tu lah chuan a sawi thiam a ka ngaithla tui vei phian lehnghal. A sawi rei thawkhat na in ka ngaihthlak tui vang nge kan inkhawm rei lo riau in ka hria. Kan haw a Kiama chiah in ah a lo awm. Rala a leng chhuak tih a sawi a, kan kal dawn te kha chuan len chhuah tum hmel pawh a pu lo.




Khum ah la in thlak peih chiah lo in ka mu phawt a. Remi nen kan in text a group ah ka nawi pah zeuh bawk. Rala biak ka duh viau na in duh huam huam ang a lan ka la duh silo a ka be leh ta lo. Mahse, khawi ah nge a len anga khawi ah nge a kal ang tih ka ngaihtuah reng tho. Ruata pawh tlai a rawn len bak kha a haw hnu atangin kan in be leh tawh lo a chuan, Rala'n then tur a min tih na leh thil dang hrim hrim kha ka sawilo tluan ta kha ania.




Status ka en kual a. U Nute-i status 32 minute liam tawh a a hman ah Rala ka hmu tel chu ka back chhuak a Rala ka phone zui nghal " Um.. Mate" zawi sup hian a rawn ti a.



" I leng ami.. " In ah a awm lo a enge maw ka zawh kher ni.



"Aw leng e tinge" Ka thaw hawk. Keimah ah hian dik lo ti ila thik na ang kha a awm tlat tawh ka ngei tlat U Nute-i pawh ka then tawh ati reng a enge maw an awmdun leh vel ni " Ilo haw tawh dawn em? " Ka ti leh ringawt.



" Um haw tep ang. Ka dah dawn aw tih laklawh ka nei a" Chhan pawh ka chhang hman lo. A off thawt thawt a ka ngei lutuk chuan phone ka melh vak ringawt.




Ka ngaihtuah na a kal dik lo chho a ka thinrim in ka rilru a na tawlh tawlh. Min fiam kual mai mai aniang tih zawng ten ka ngaihtuah a ka in khawngaih thar awn awn. Thlak pawh in thlak lo in ka mu tlang daih.


*

" Morning.. "


" Aih.. "


" Maw..!!?"


"Aih ka ti anihchu.. " Ka awmdan hrethiam lo ni awm a awm in ka bul ah thut hmun a rawn rem nghal " Enge ni leh ta a.. "



" Engmah.. " Chhang tawi tha tak ka ni " Engmah lo deuh chu anihkha. Enge lungawi loh na i neih " A hrelo der ni in ka ring hial. Nizan khan mu mahila a mah vangin dar 12 dawn thleng ka men phah a ka men chhung in a rawn haw lo. Ka ngaihtuah tur zia te hi a hrethiam lo em mawni?




" Nute-i ka thlah kawi a ka rei zual anihkha. Sorry" Midang in chaw ei dawhkan an rawn kil ve tak si vangin engmah kan sawi zui tawhlo. Mahse, U Nute-i a thlah thu a sawi chuan mi ti hnim ruih a ka chaw ei pawh a tuilo.




School thleng in ka mood a off chho a. Sorry a tih ringawt kha a duhtawk chu ani sia nizan a ka lo nghah ruk rei nen a rawn haw hnu pawh in msg pakhat te pawh min hnutchhiah lo. Zing ah lah ni se sorry tih chauh a sawi a thil dang engmah a sawifiah lo bawk. Lawmi mood on bik lutuk te chu ka hne hluah hluah. Nileng in nizan ah khan U Nute-i a thlah tih ngawt ka rilru ah a awm a ka zirlai pawh ka ngaihsak lo hrim hrim. Chawhnu lam ah school leh a vel tih fai hnatlang kan nei a chupawh ka ti tha peih meuh lo.




" Mamte kan room ah lo kal lawk teh" In ka luh rual in Anu thawmhnaw thlep fel zo chuan a room ah min ko lut a.



" Aw enge. Vawiin chu ka mood a off lutuk a " Tiin an khum ah chuan ka thu a. Ka bag hmalam a la phei in ka pawm nghal thak " I u Mama nen hian in lo in hmel duh ani maw? A pawi ka ti emai" Anu hmel ka en ngam lo nghal. Ka khawng vek a ka taksa chu sa lo lai pawh a awm lo ang tih theih hial ani.



" Nu.. " Tih bak sawi ngam ka nei lo.



" I pa in a hriatchhuah hma hian then fel rawh aw. Keipawh in ka duh lo, chhungkua kan ni a chhungkua anga awm tur" A ti dap dap. A aw ki san miah lo mahse a khauh in a fiak tha takzet.



" Engtin... " Thil dang zawng ai a ka hriat chak ani. Engtin nge a hriat theih?



" Nizan hmasa ah pawh i room ah a riak ve ani lawm ni? A rawn lut lai ka hmu a a chhuak leh lam hmuh tur a awm lo. A zahthlak emai unau in nia hetiang a in awm te chuan... " Sawi pawh a sawi zo duh lo. Keichu ka kun tlawk tlawk a Anu hmel hmuh leh chu ka hreh ber tawh.




" I u pawh nakin ah ka la be leh ang. Chhungkua anga awm hi a tha ber. Chhungkaw tan pawh a mualpho thlak, mi in hria se a chen pui a unaupa ngei a ngaizawng. Khum an intawm lo ang tih pawh a sawi theihloh tih thleng in an ngaihtuah dawn asin. Kan chhungkaw hmingchhiat na mai ani dawn. I pa hi ngaihtuah rawh ani phei chuan hria se a thinrim ngawt ang. Mamte hetah hian a mikhual zawk chan chang kan nih hi. Ka pasal zui a lut ka ni a nang pawh ka fa hmasa ang ini a, mi chuan chu chu an hre kar anga dem hlawh zawk kan ni dawn. I zahawm na I hloh vek hi ka duh lo ania.."




Ka tho a room chhuahsan in ka room lam pan chuan ka tlan chho hlawk hlawk. Anu lak a in thiamloh na in ka khat a ka rilru a na hle bawk. Chiang tak pawh a kan in kawp hma atang in pawmpui loh na thu kan dawng nghal der chu ania. Mahse ka u in engtin nge a sawi kha ' kan fight ve a ngai' tiin. Tun ah chuan ka unaupa chiah hi duh ka nei tawh a ka bialpa ni se tha tak a in kawp ve ka duh. Room ah ka haw atangin ka tawm char char tawh a Anu hmuh leh chu ka hreh vek tawh. Mahse chuti chung chuan Rala thlah ka tum chuang lo. An la hrethiam ve em em ang.




" Chaw kan ei dawn, lo chhuk rawh le" Pawn lam atangin Kiama'n min rawn au a. Pawn lam tukverh atangin ka en chu a lo thim tep tawh. Rala pawh a lo haw na a rei tawh ngawt ang.



" U khawi ah nge Mama" Kawngkhar ka hawng thuai. Dar san uk pah in " A inkhel a lo la haw lo" A ti mai a. Anu hian Pa Rinchhana nen engmah a hrilh lo anih ka ring.



Inhnuai lam ah kan in zui thla a. Anu chaw ei siam thawm ka hriat tirh phat atangin ka thinphu a dik lo a. Chhoh leh mai te chu ka rilruk,mahse ka riltam ve tawh bawk si. Kan chhuk thla zel a Anu nen kan in en fuh chuan rang lutuk in ka hawi sawn nghal.



" Mama inkhel hi alo la haw nange? " Pa Rinchhana a rawn lut nghal a.



" Haw lo. A laklawh nge maw ni a tlai khawp mai khua a thim tep tawh ania" Anu chuan ati a thutthleng tlang ka ham vak ringawt. Anu'n a hria tih ka hriat tak vang nge ka awm a nuam viau tawh lo a Rala lam a sawi chuan ka lo tang ru teuh ringawt.



" Kan ei san mai dawn mi? " Pa Rinchhana bawk in ati leh.



"A pawi chuang lo. A lo thleng ve tep tawh ang" An vai chuan an kil thap tawh " Tinge I va thu lo ve.. ? " Pa Rinchhana'n chaw a bar hma in a rawn ti.



" A.. Ka riltam vak lo a Mama chu ka va ko ang, nakin a a ei chuan a buaithlak mai mai" Ka tih rual deuh thaw in Anu chuan " Khua a thim tep tawh hi " A lo ti hmak.



" E chutia i riltam loh chuan kal la. Mahse khua a tlai tawh hi muang chang lo la fimkhur rawh aw" Pa Rinchhana'n a ti hlauh. Bu nghat in ka tlan chhuak nghal a. Anu lawm lo mitmeng hai der nawm loh zia kha. Mahse Rala nen inbiak nan hun ka zawn ve a ngai miau sia.




Kal pah in ka hrilh tan dan tur ka ngaihtuah a. Diktak chuan ani pawh hian a thusawi ngaih thah in Anu rilru ang a pu ang tih ka hlau ru. Ka kal chak hlawk hlawk bawk nen an in khelh na hmun chu ka thleng hma khawp mai. Mahse ka thil va hmuh erawh chu ka beisei lo lutuk a ka ding chawt. Ruata'n Rala lei a mu thut chilh in a lo hnek pawp pawp!! A tawp ah in thing harh in ka tlan phei thuai. Tumah dang inkhel an awm tawh lo an pahnih chiah chu awm an awm tawh.




" Ruata.. Ruata, ngati nge hnek tawh suh " Ka va au phei vak vak. Ka va kal ani tih pawh an hrelo tumah pun tur hnai vai a awm an awm tawh silo.




" Duhtawk rawh" Hnek ve ka ni ang tih ka hlauh rual in a awm chhun in ka thelh loh chuan an in that thei mai dawn. Ruata kawr ah ka pawt a tlem te in ka pawt sawn thei hram. Ka tlanchhe ti tih lehnghal.




" Ms... Ms...? " Min rawn pan in min kai phar dawrh " Hrilh rawh. Hrilh vek tawh Chhantluang" Thinrim engphiar a tiin Rala rawn tho tuih tuih chu a bia a. Tinge a hnek lai khan engtinmah a tih let ve loh le.




" Enge hrilh tur a min beisei a? " Muang zet leh na nei tih hriat tak hian a rawn ti a. Ngaih na hrelo zet in an pahnih chu ka en a ka hlau dun hle bawk. In khawih leh se chu thelh ngam lo in ka tlan haw tawh ang. Ka thinphu leh tha khur pawh a la reh lo.



" In pahnih hian.. nilo Ms, ani hi ring reng reng suh" Tiin ngen na mitmeng nen min en.



" Enge i sawi awmzia? Tinge in lo in sual a" Ka ti let chu a au that a ka phu nasa lutuk " Chhana hi i duh ami? " chil ka lem khawlh a sawi hmasak ber tur pawh ka hrelo.



" Ka sawi tawh kha. Min duh a lawm" Rala bawk in alo chhang leh. Tinge hepa hi kan pahnih chungchang kha alo sawi tih na ami.



" Mama.. " Ti a ka va melh chu mak deuh in thinrim in sum hmel nen min lo en a min huat hmel kher lehnghal.



" A duh tak tak lo che ania. I nu vangin a fiam kual mai mai che anih hi.. " Thil awmdan ka hrethiam lo telh telh. Enge Anu daih daih chu Ruata'n an thian in sual na ah hian a sawi chhuah.



" Thil awmzia sawifiah teh u, engmah ka hrethiam lo" Ka tih chuan Rala'n kan pahnih min kal pelh pah in " Muangchang in ka lo va kal ange" a ti a.




" Ka hrilh fiah vek ang che. Mahse tinge, tinge in then I duh tih min hrilh mai loh a? " Rilru nat hmel tak a Ruata'n thu min zawh lai chuan in thiam loh na in ka khat a. Chhan ngaih na pawh ka hrelo. Hmeichhe rapthlak tak ka nih hi tih bak ka rilru ah pawh a awm lo.



" Ka tihpalh .. " Tih bak engmah ka sawi lo.



" Ms, Chhana hian a duh tak tak lo che.I nu hi a hua a,a ngaina lo bawk. A nu dinhmun luah tu ah a ngai a, atir phat atangin a ngaina lo..a ti lang ngai lo mai zawk ani, nangmah hmang hian tun ah tihnat na chance a nei a bawh pelh tum lo in ti hian a chhaih kual che anih hi. I nu'n a hriat chuan a rilru a na in in buai nufa dawn tih a chiang a lawm. A pa thleng in duhloh in hlawh anga"



" Ka awih lo. Anu nen te chuan an in ngeih lutuk chutiang a ti lo ang" A thaw hrawih a ka dar ah chuan vuan ve ve in " Awih lo mahla Chhana awmdan in thlak danglam hun ah dawt ka sawi loh zia a lang vek ang. Min ring rawh"




" A hma in tinge engmah i sawi siloh a. Tun ah Mama nen kan inkar i hriat vangin i sawi mai mai aniang. Ruata ka phatsan che a ka tihpalh lutuk, mahse chuvang chuan Mama hi anilo zawng in puh kher suh "




" Ka puh anilo a mah ngei in a sawi zawk. Hriatthiam tum ta che, a hma a ka sawi loh chhan chu Chhantluanga'n hetiang a tih tak tak duh ka rin loh vang leh nang ngei pawh in min then a ani i duh theih ka rin loh em vang ani. Mahse, ka beisei miah loh in kei ai ilo duh ta zawk sia" A aw lawi rat ah chuan a nat zia ka hre thei.


*

Bathroom a thu in ka mittui tla tep tawh chu tlak tir loh hram tum in chunglam ka melh char char. Tlai a Ruata thu min hrilh zawng zawng khan hliam min siam sak hi ani ringawt ' Chhana hian a duh tak tak lo che.I nu hi a hua a a ngaina lo, a nu dinhmun luah tu ah a ngai a. A tir phat atangin a ngaina lo..a ti lang ngai lo mai zawk ani, nangmah hmang hian tun ah tihnat na chance a nei a baah pelh tum lo in ti hian a chhaih kual che anih hi. I nu'n a hriat chuan a rilru a na in in buai nufa dawn tih a chiang a lawm. A pa thleng in duhloh in hlawh anga' A ti anihkha.




Mak ka ti a min thawng takzet bawk. Ka awih rual in ka awih silo, Rala'n chutiang a tih duh ka ring phal lo ani ber mai. Anu hua nise an hnen a ka awm hma pawh in Anu tan buaina thlen in a chhuah theih nan hma a la ang chu. Mahse, chutiang a tilo in keimah ah a tuan daih a. Thudik anih chuan hman atangin lem a lo chang char char tih na ania engtin nge a theih zawk? Anu haw lo leh nu tak tak ang a pawm ah te khan a in sawi si a khang te kha dawt vek tih na ami?




Ka mu thei thlawt lo dar 1 dawn ah Rala ka phone tawp. A la meng aniang a la har lo, a room a ka kal duh thu ka sawi chuan min hnial eih lo in kawngka a kalh loh thu min hrilh. Diktak chuan ka mu theilo chu thuhran chaw pawh kha Ruata nen a kan inbiak na vel vangin ka ei tui theilo a ka tah chhuak bawk nen tun ah pawh riltam rawih rawih ang khan ka awm. A room ah chuan thawm dim takin ka va lut phei a. Light a off vek tawh na in tunlai a an uar em em LED blue light a fit ve reuh vangin a la eng tho.



" Ruata'n thil min hrilh a.. " Khum ah chuan phone alo khawih. Games a khel leh ni awm tak ani.



" Thudik ani em? Anu vangin kei hi.." Engmah pawh sawi fiah hmasa lo chuan ka ti nghal phawng " Um a sawi kha a dik vek a lawm" Ka thin hi a thlawk bo nghal daih in ka hria. Ka thu ngil zawt a ka bing nghal mup mup.


" A nilo ang.. "


" A nia lawm..chuan i hre ta sa sa ka duh tak tak lo che. Engkim kha a der vek anihkha"



" Aih ka awih lo. Nang hian min fiam kual mai mai lo ang. Ka bul a I awmdan te kha a lem anilo. Hlimi bialpa lak ah pawh min chhan tu leh min ngaihsak tu ber i nih kha" Ka la ti talh.



" I duh duh in I ngai thei ang. Ngaithla teh engtin nge ka nu dinhmun luah tu fanu hi ka duh theih che I rin reng reng a? " A mitmeng a min hmuhsit na tam lutuk chu rapthlak ka ti. Heti em em hian a lo nunrawng ang tih ka ring pha ngai lo.




U tha tak kha ani thin a. Mipa puitling mi hriatthiam na ngah leh dawhthei tak kha ani thin asin. Nilo khang zawng zawng kha lemchan vek zawk ani. He mihring hian min bum let der anih hi engtin nge rinhlelh na chhete tal pawh ka lo neih loh theih le?




" Engpawh nise ka la duhtawk lo ania" Ka tawt lutuk chu ka thaw tha theilo hial. A hmel tha zet a pawisak nei lo tih lang reng te chu tun ah ka hmuthiam ve chiah.



" Tenawm pa " Ka ti chhuak thei tawk.



" I nu a lawm tenawm zawk chu. Ka nu dinhmun a rawn luah a, ka pa hi sum vang bak in a neilo tih ka chiang"



" Sum vang a nei a nilo. A hmangaih vang zawk a sin.. " Ka aw kâ ka dim thiam tawh lo.



" Dawt vek. Hmeichhia chuan in nawm sak na tur bak in um zui peih lo a pawisak pawh in nei lo... " Min tih khum hmiah. Mak tiin ka en tawp he mipa danglam chak zia hi " Nangpawn i nei bik lo. Anu chu i van lo haw awm em em ve a " Ka ti thlawt.



" Hua e. Ka hmuh theih ah pawh hian awm lo se ka duh. Ka pa ngaihtuah viau lo ila chuan kan in a chhuahsan na hi a rei tawh viau ang"



" Chuan nangpawh i nu ang chiah i ni. Mipa pakhat vangin i bialpa ni lai mek then duh na rilru i nei thei ania" Ka ngaithla thei tawh thlawt lo. Ka in her a " Ka bialnu ila nih kha theihnghilh lo la. Ka duh tak ka hmuh hma chuan ka tawp san lo ang" Eng thil tak nge a duh chu ka hrelo.



" Hremhmun ah kal rawh.. " Ka room ah ka tlan phei a tap lo turin ka in sum ngar ngar. Ka duh ve hman tak tak a sin. Ngati nge a nunrawng em em mai le. Anu boral hnu ah Anu'n an pa a nei ve chauh a enge chu chu a sual viau na.




Mate ti a min koh na ri te chuan ka beng a luah mup mup a. A hreawm takzet, Anu avangin tiang hian lem a chang char char a ka lak ah pawh that a chhuah der bawk. Ka rin na hlawh chhuak in ka hmeichhe thinlung thleng in a nei ta chiah a, a ze diktak a rawn chhuah ta chu anih hi. Mihring rapthlak leh mahni hmasial tawpkhawk a lo nih hi. Ka mu thei ta miah lo a ka riltam em em bawk a mahse inhnuai ah pawh chhuk in thil zuk ei ka tum a ka ei leh thei chuang lo. Ka meng char char a thil tam tak ka ngaihtuah pah bawk a Anu chu ka khawngaih thar takzet bawk.Dar 3 dawn ah ka mu ve chiah.




" Mate nâ i nei ami? " Mut kham lo rilru lam dik lo bawk nen ka ni chhulh mai.



" Neilo e ka mu tha lo deuh a" Dawhkan kil in ka thu a mahse Rala leh Kiama te pahnih kar a la thu char char kha ka nih vangin ka mil ta thak bawk silo ka tho lawk a Kiama hnen ah




" In thut thleng ang" Ka ti hmak. Rala pawh chuan min rawn en zawk a keichuan ka hrelo der hmak thung. Engmah sawi buai lo in a thu sawn mai a Rala nen kan kar ah a thu ta chu chaw pawh ka ei tui phah deuh ka ring. Engtin nge min ngaina ber awm fahran te khan a lo awm char char peih le, a taima ve thlawt.




" Morning... " Chaw kan ei kham school kal tur a insiam turin step ah ka chho mek. Min rawn kal pel pah a rawn ti tu chu zaklo ti lutuk in ka melh a ka nui hawk bawk. Ka nuihza tak tak pawh anilo a zaktheilo lutuk leh engmah thleng lo tihsual neilo ang mai a awm thei chu ani ka nuih zawk.



" Zah na i tla chham ve maw" Ti hmak in ka kal chak a ka lehpel thuai.


" Kan in ang viau hlawm anihchu" A la rawn ti ham ham,zaklo lutuk mai.



Ka in siam sawk sawk a. Kiama hian a hma atang khan min lo thlah ngailo ang tih ka hlau hnuhnawh. Rala nen in thlah thin ila chuan tun kan boruak nen zawng zawng hian a buaithlak dawn lutuk. Bag ka ak a room ka chhuahsan chiah Rala nen bawk intawk in la room ah min nem lutuk leh. Ka in hum ruh nghal tun a ka melh kar bawk. Min duh der leh min fiam kual mai mai vang khan na viau mahila hriattir a lan chhuan tir kher ka tum lo. A nuih ti za thlawn bak an ni dawn lo sa.



" Enge i duh zaktheilo pa" Ka ti sak.



" Fawh mawle" Awi zah na a thlachham lutuk chu awih a har hial zawk " Eng ang mihring nge maw i nih le. Zak ve eih rawh, khatiang a min ti tawh chung khan engtin nge ka lak a in thiam loh na nei miah lo leh thil dang beisei ngam khan ila awm ngam zawk a" Ka ti tawn tawn.




" Ka la duhtawk lo tih ka hrilh tawh che kha" In kuangkuah at in ka kawngkhar chu a ngheng khar a.



" Keichu ka duhtawk tawh. I chhuah vat loh chuan i pa ka ko vak ang"



" Oh i ngam dawn lo tih ka hria a lawm Mate. Heta min hmuh dun chuan enge thleng dawn i hriat vek kha. E chuan i nu in a hre tawh tiraw? Ka duh dan tak ani. Kan pahnih kar a hriat theih nan a hmuh theih ngei turin i room ah pawh ka rawn lut anihkha" Ka lehkha zir dawhkan a dictionary chu la in ka vawm nghal pawp. Ka thinrim lutuk a vawm pawh ka vawm na mahse ka duh na lai ah a fuh lo.



" Eng chu nge i duh ber ni a? Min tih nat maw"



" Nangmah hmang a i nu rilru tih nat. Chuan kan in atang hian nangmah ni duh thu ngei in chhuak ula ka duh bawk"



" Kan chhuak miah lo ang. I awm chhung chu kan awm ve ang"



" Kan la hria ang chu ka bialnu " Ka bul a a riah tum kha ka mitthla hmanhmawh. Ka bialnu min ti anihkha, khang lai a awmdan te kha min duh tak tak na emaw ka ti a mahse lemchan vek.




Chhuahsan ka tum laiin min man bet a min fawh a tum a vang chuan ka tang ve na sa. A sam ah ka kek a a kawr ah tham in ka nem bawk. Mahse taksa in tiat lo lutuk leh tha in ngah hleih bawk si chu ka hneh mang lo a tlawm erawh ka tum lo. Ka khum ah chuan min bawh thlu in vawikhat chu min fawp fuh hman. Rapthlak ka ti lutuk a chet dan chu, hetiang mi anih hi ka la awih tha ngam lo zawk hial.




" Min hnar tum buai lo mai rawh. I rin phak bak a nasa in min duh tawh. Min haw viau mahla min hlat dawn chuang lo" Min tih khum in a nui suk.



" Thlawk bo rawh" Tiin ka melh chho ngar ngar.



" Thla chu nei ila ka thlawh bo na a rei tawh ang" A hmel chu chiang tak in ka en a. A that tehlul nen a chhung ril tak tak ka hriat chin ah chuan hmuh pangngai har ka ti tawh. Engtin nge a bul ah te khan ngaih ngam deuh in ka lo mutthilh theih zawk le. Min lo that lo kha ka vannei hluah hluah.




Nimin khan Ruata'n a hnek vak vak kha ani. A hmai duk te leh pem te chu midang chuan mi kut tuar satliah ah an ngai a. A ni ber lah in Ruata nen an insual tih a sawi duh miau loh vangin midang nen a inti buai satliah ah an ngai nghet hmak anihkha. Nimin tlai pawh khan mak tiin na thin pawh a rim a khatia kut tuar a a haw kha. Mahse engmah buaina dang thlen a duh loh avangin an ngawih pui anihkha. Kha tih lai a Anu leh Pa Rinchhhana te hnen a thil nih na tak leh engkim ka hrilh chak zia kha.




" Kal tawh rawh i tlai ang" Ka chal ah chuan a fawp a. Ka lo ner vak, engvang in nge lem hi a la chan zui zel le engkim ka hre chhuak vek tawh a huat na avang zawk a min hnaih leh min duh der kha ania.



Min pawt tho lawp in ka uniform chu min siam that sak mawlh mawlh. A chet dan chuan mi ti hamhaih lek lek hman " Anu nen min hua a tinge Ruata hi min then tir kher..? "



" I ngaihzawng ka nih a ngai a lawm Mate, anih loh chuan i nu ka ti na thei nang.. "



" Anu i tih nat hi ka phal dawn lo hrim hrim. Chuan nang nen hian eng inzawm na mah neih ka duhlo. Ka bialpa pawh i ni lo ang.. "



" Enge i tih chuan ang..? Ka lak atangin i nu chu i venghim zo chiah ang maw? "



" Ramhuai i nihkha.. " Tih leh tlan chhuah ka rual. A mitmeng ling zet si leh a hmel dam thlup hlauhawm zia kha.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 17th, 2022, 2:51 pm

💜CHAPTER-14



" Have a nice day... " A la rawn ti ri chu ka la hre hman tho. A sawi a vang hrim hrim pawh hian ka hmang nuam lo lui khawp ang.



" Nu ka lo haw hun ah ka be duh dawn che ania" Nimin lam ah min zilh timi tih deuh mahse ka hmu hreh tawh lo. A sawi hi ka zawm a Rala hi ka duh tawhloh angai, chuan Anu hnen ah Rala zia engkim leh a thil tum hi hrilh vek ka duh.



" Awle a tha a lawm" Nimin a mi kha ka sawi zawm duh in a ngai aniang.



School ah Kiama'n min thlah a. Nidang ang lo deuh in min thlek leh hû thin " Enge " ka ti ta nge nge a.



" Engmah ni hran lo e. I bialpa nei hi I ngeih lo aniang i hmel hmuh a hrehawm tlat " a ti leh a. Ka lo ner deuh vak chu min nuih hak hak



" I hmelchhia pawh ka ti chuanglo ania" Kiama chu ka en ve vang vang. Rala ang tho hian ka lak ah that a chhuah der angem tih ka ngaihtuah a. Lo ni ve ta se kan nufa hi kan khawngaih thlak dawn lutuk tlat.



" U Bawih.. "


" Umm.. "


" Min hua em? " Ka zawh na vang chuan min nuih a " Min hua em kei emaw Anu pawh" Ka thi leh chuan lu a thing rang khawp mai.


" Engvang in nge ka huat ngawt ang che u. Ka nu leh ka nau te in nia huat chhan tur cheu ka neilo hrim hrim. Tunge ka hua che u ti a? " A ti zawm zat.



" Tuman an ti chuanglo a mahse. Anu hian in nu dinhmun a rawn luah ta sia, chuta kar ah kei a fa bik min la awmpui veleh a"



" I ho emai. Chutiang in ka ngai ve lo, kan nu tak nilo mahse ka pa nupui ania kan lak ah a tha em em bawk a. Ka tan chuan nu tak nen danglam na a awm lo " Rin a duh vei nen Rala vangin ka ring tha ngam lo. Rala pawh in tiang hian awih awm tak in alo sawi kual vel tawh anihkha.



" Min huat chuan sawi tawp ang che" Ka tih leh chuan ka chal a rawn khawih.



" I damlo chu ani silo. Tinge I thusawi a va mak daih daih thei ve. Ka haw phal reng reng lo che aw, ka naute duat I nia engtik ah mah hian ka haw tawp lo ang... Ka nu pawh" Tiin ngainat awm zet hian a nui var var.



" Anihchuan nangmah chiah ka u tawh ang che" Tiin ka bye bye a. Ka kalsan nghal vang vang, Rala chu ka u ve tawhlo ang misual lutuk u atan ka duh lo ani pawh in nau ah min duh chuang hleinem. Rala nih pawh a phu tawhlo Chhantluanga Lalchhantluanga ka ti lawl lawl tawh ang.




" Eeeh a changtunu a lo thleng chiah" Class ah ka lut a kan class joker ho in min lo au dual. A ngaih na hrelo zet in ka nui ngawt a Lawmi hnen ah thut pah in a awmzia ka zawt thuai.



" Kan CR nen in ni tiin thuthang a awm a lawm class ami ho in an hre vek tawh. Kan CR ( Tlana) chu ka va melh a. In thlahrung hmel nen min rawn en ve chiah bawk.



" Mawl hlawm e a. Kan inkawm ve mai mai ania" Tiin lehkhapuan ah lem ka ziak mai mai.



Chhun chawlh ah Tlana chuan thupha a chawi chiam a. A ma sawi chhuah anihloh thu te pawh a sawi nual bawk, keipawn ka chiang a ngahmah ka lo ngai lem lo. Kawm tawh loh pawh ka tum phah chuang lo a duh duh in min dem mai mai teh se.



" Awi ruah hi a sur hman ang tih ka hlau e" Lawmi'n tukverh pawn lam en pah in a ti a. Ani teh chiah mai khua lah chu a dur satliah pawh anilo a dum hian a dum kuk kuk mai. Chawhma lam a ni a sat that tehreng nen.



"Nia nihliap kan keng silo. Haw a buaithlak vek ang ruah do chi ka nilo ka khuasik nghal ani mai" Ka lo ti ve thuai.



A sur anihchuan thli nen a thawk dawn tih a chiang reng tun atangin a thaw vuk vuk tawh mai. Sir in class a rawn la a kan Sir zing ah pawh a Senior leh dul in hma a hruai over tawh hi ani a a class ah hi chuan tumah kan nui mai mai ngailo. Pa tawi te hi ani na vang vang i a tawng tawh hi chuan a tawng na thei khawp a chuvang chuan tih thinrim kan hlau vek. Sir in class a lak zawh dawn lam ah ruah chu a rawn sur ta ngei. Lawmi nen pawi ti lutuk in kan in en a thli a tleh pah lehnghal. Kan bang dawn tawh a sin mawle, sir a chhuak a tumah haw thei ta lo chu class ah kan la awm thap. Mipa ho dawhkan ti ri in a zai vak vak a. Hmeichhe ho a khawm a thu in thu ho mai mai kan sawi khawm bawk.



" Awi kan ruah hi tinge a. A tlai vek tawh" Lawmi bul lawk ami Rpi chuan ati a, a ban a sana a bun chu a melh pah bawk.



" Nia keipawh ka chhungte hian min lo hruai an tum miah lo amawn le" Midang in an lo ti ve bawk. Ruah a sur nasa bawk si tawng rin a ngai khawp mai.



" In hruai na chi pawh a la nih loh hi thli a tleh bawk si. Two Wheeler phei chuan tumah an in hruai theilo ang" Midang in an lo ti ve bawk. Keipawh hi Anu'n min ngaihtuah tawh viau mai thei, kan ban hun pangngai atang khan darkar khat a tling tep tawh a ruah lah chu a la sur uar sauh sauh lehnghal emaw ni.




A sur rei over tawh an ti aniang. Sir Lawmi star zet kha a lo kal a, a phone min hman tir diat diat in kan chhungte a theih ang ang a min lam turin min biak tir a. Ka hun a thlen in Anu ka call a Anu chuan U Bawiha pawh a tan ve tho vangin Rala car nen a rawn kal tur thu a sawi a. Ka duh lo viau a mahse haw lo dawn ila midang an rawn lam vek chuan mahni in ka awm ngam bik teuh silo. Bak ah ani chu dar 4 hnulam a bang choh kha ania vawiin ah a haw hma.. Ka hrechhuak leh zawk, nimin Ruata'n a khawih deuh vang khan hna kal an phal lo a ani pawh a zal deuh nge kal a tum lo a in ah a awm tak kha mawle.




" Lo kal vat vat rawh se " Tiin midang hman atan phone chu ka pe chhawng veleh.




Kan chhungte kan phone kual atang chuan a khat tawk in min rawn lam ta pheuh pheuh a. Tlem a nei nung deuh ho chu car in a hruai hlawm a awlsam pawh a awlsam hlawm, mahse car hawl chhuah tur nei ve lo a tam zawk an ni a ka hmuhsit lam thil erawh anilo. A sur sur in an in phur haw ve nual tawh tho.taxi la mai tur in kan school nen stand a in hlat bawk sia a buaithlak zo anih hi. School veranda ah chhungte hruai nghak in ka awm thap tawh. Gate bul a car lo ding chu ka lo thlir reng a Chhantluanga anih ka la beisei lo na in a mah tak tak ani.




" Ehe U Nute-i bialpa..!! " Kan piah ami Sawmtei chuan Chhantluanga rawn kal mek en pah in ati engtin nge maw a lo hriat ni. Haw mahila chutia an lo sawi vang chuan a ruk in ka thik hle thung a, ka lo duh lutuk hman ni in ka in hre ta bawk.




" Kal ang le.. " A rawn ti dam thlup. Ka chhang lem lo,ka bul vel a hmeichhia te hian an lo ngaihven em em lehnghal a. A mizia tak hria se an ngaihven rei peih tawp lo ang mawle.




" Lawmi hi ka thiannu ania hruai ve ang" Tiin ka bul a ding mek chu ka kaihkuah chat. Bu nghat in nihliap pakhat zawk a ken chu min pe a ani khum sa chuan a let lehnghal. Lawmi nen chuan kan zui a, car a kan in khalh chhuah chhungin a phone in Lawmi chhungte chu kan phone leh a hruai angailo tiin.




" Khawi ah maw in awm kan drop ang che" Polite fe hian ati a. Hnunglam ah ei lo zet in ka lo ner vak. Lemchan a thiam zia hi aw Oscar award hlan tham hial ani.



" Ramhlun Indoor stadium bul deuh lawk ah khan ania" Ati a. A chhang zui lem tawhlo.




Lawmi kan drop hnu ah muangchang in kan pahnih te chuan kan haw a. Mil lo ta na na na chu in thlen thuai thuai ka chak tawh nen a tlanmuang lui emaw ka ti hial zawk.



" Chuan.." Ngawi reng a kan tlan tawh hnu in a rawn ti chhuak.



"Ka be peih lo che" Ka lo ti thuai keipawn.



"Ok.. Mahse ka be duh che a lawm" Ka thaw hawk a ka in kuangkuah hmak. Pawn lam ruah sur kar a fiah lo zet zet a thil lang ho chu ka melh daih " Rawn in sawn hrim hrim teh.."



" A teuh lo mai. Tlan char char la thlen vat ka duh" Kan ruah lah hi enge maw a hriat em em ni sur han ve deuh sek pawh a neilo a tang mar pat ani ringawt.




" Ka tlan char char i duh chuan rawn in sawn la" Ka hawi a glass atangin min rawn melh zawk a keipawn rum zet in ka en ve reng " Khatiang a in chhaih kha ka peih lo a chuan nelawm tak ang a lemchan kha tum buai tawh suh. Ka ngai na thei tawh chuang lo che ka ngei ngawih ngawih che"ka tawng hlawk pang pang khawp mai.




"Ka tum loh ang pui pui hian min ngai thin a" Ala nui mai mai ngam te chu ka ngei hluah hluah. Ka chhang peih tawhlo. Mahse car a park daih vangin ka ngaichang ru reng.



"Rawn in sawn rawh"


"Ka peih lo. Enge heta ka thut pawh chu"


"Enge khata i thut pawh chu. Hetah thu rawh ka tia lawm" A hma seat awl chu a melh zui zauh.




" Kan thleng har lutuk ange" Hman ang khan tlan chhuah leh lawk a tum lo tih a hmel ah a lang chiang reng. Thinrim tih theih dang nei chuang silo in ka tho sawt sawt a, pawn chhuah na chi ani silo nen hmalam ah chuan a chhung atangin ka in sawn a ka ngei vang hrim hrim in a mal ah chuan ka va rap kher.



"A ve tet tet thin che hian" Thinrim chu sawi loh a nui mai mai.


"Tlan rawh.. " Steering chu a hum vang vang " Chumi hma in... "



"Tlan rawh ka tih chu. Tinge nang kher hi min hruai tur in ilo kal a" Ka beidawng ru lek lek. Bak ah enge maw sawi a tum ve ziah hi ni le.



" Kei kher lo tunge awm?? " A mitmeng a rawn danglam tan a ka awmdan hua leh ning hmel a pu tan.



"Anihchuan haw vat ila" Ka ti leh hmak. Hmalam ka melh ngur. Ka mit sir ve tho vangin chutia ka awmdan chu nuih insum hmel zet nen hian min en tih ka hre thei.



" Um kan haw dawn lawm. Chuan maw thil i hriat chhuah avang khan kawlh kher angai lo ania. A hranpa tak a huat na che ka nei hran lo a nang phei chu.. . "



" I zak lo anih chu" Ka lo tih leh hmak vangin a thaw hawk a. Car ti nung in kan tlan chhuak ta nge nge a. Engtin nge maw khati khan a la tawng ngam hrep chu le.




In kan thleng a Anu'n min lo buaipui nghal sawk sawk. Room ah han in thlak in thingpui sa ver vawr min siam sak in tur chuan ka chhuk leh a. Ruah kha do lo mahila kawr lum ka ha lo bawk nen a vawt ka ti em em tho. Anu rawngbawl chu ka en pah reng a tun a hrilh chi ani angem ka hre rih ta lo. Nge ni a Pa Rinchhana awm ve lai in ka sawi law law zawk dawn mawni.



" Nu.. "



" Nu thingpui chu ka lo duh ve ang" Chhantluanga a rawn lut ve chiah a ka ngawih leh phah. Nu a rawn ti ve ngawt chu nidang ang in ka ngaithla liam nga thei tawhlo ka lo ip chawih chawih ringawt.



" Enge min biak duh na kha.. " Phone ka bihi daih lai in Anu'n a rawn ti thut. Chhantluanga thingpui tur a pe nghal bawk a, ani lah chuan hriat ve tum ni awm tak in Anu nen min en dun zak zak



" Engmah vak anilo. Nakin ah ani mai" Tiin thingpui chu ka tlak pawp a ka chhuak nghal daih.



" Engtik ah tak sur zo ang che maw " Ruah sur thawm ngaithla pah chuan ka phun sap a. Inchung lam ah chho in mu mai mai tur in ka khum ka pan zui " Tunge..? " Kawngkhar rawn in hawng ah chuan rang zet in ka hawi chhuak lehnghal.



" Ka be peih lo che.. " Chhantluanga hmel ka hmuh rual in ka mu tha lehnghal.



" Min be rawh ka ti hleinem che.. " A aw a nuih zal tel chu ka ngei ngawt mai " Anihchuan chhuak la" Ka ti hmak.



" Chhuak dawn e. Ka lo kal chhan chu Ruata i then hun... "



" Ka then dawn teuh lo. Kan in sawi fel leh vek tawh" Ka ti nghek.



" Ok a that chu. Ka dawhtheih viau chuan engmah ka ti rih lo ang " Ka hriat tawk lek tur in ' kal bo rawh ' ka ti sep.



Kawngkhar in khar thawm ka hriat rual in ka thaw hawk a. Ka puan sin lai ka pawt tung ni tih te leh ka tan zia chu a chhuah hnu ah ka in hre ve chiah. Mutthilh mai mai rih ka tum a ka thei der lo, in hnuai lam a chhuk thla leh in Anu rawngbawl ka pui ta zawk. Chhantluanga nen kan kar kha hre ve hman ani tih kan in hai lo ve ve a. Tum dang ang a ti ti dun bawrh bawrh chu har ka ti talh tawh.




" Eee a va sur duh buan buan em" Pa Rinchhana huh lek lek hian a rawn haw. Vawiin ber kher ah car a keng lo a taxi a kal kha a ti mauh mai ania. Tun a a rawn haw him dan ah a thian ten an rawn thlah anih ka ring. Anu'n a lo buaipui lai ka hmuh chuan thil thui tak in ka ngaihtuah a mahni in thiam loh na leh Pa Rinchhana lak a in thlahrun na ka nghah khawp mai.




A fapa ka ngaizawng hman a. Tun ah ngaizawng duh tawhloh pawh ni ila keimah ah hian amah ka duh na kha a la awm ve reng tih ka hria. Ani kha chuan min duh tak tak lo mahse keichuan ka duh tak tak a!




" A van ho thin em.. " Thut hmun a lo ti sep in Anu bai chhuan lai chu tho chhuak in ka chawh sak mawlh mawlh.




" Engtin nge i haw ve le..? A sur nasa mai si a" Pa Rinchhana a rawn lut tel ve a. Anu'n thingpui sa ver vawr a thlit sak nghal thuai. Engtin nge maw heti tak a in ngaihtuah leh in hmangaih hi Chhantluanga khan a lem tiin sum duh vang chauh ah a ngaih theih ni. Anu anih vang pawh nilo in chutiang vang ngawt a pasal thar nei duh hi Anu zia ah a tel lo hrim hrim.




" Mama'n min lo hruai a? " Tawi fel tak in ka chhang. Bu nghat in Anu a ti ti pui leh a, beisei loh deuh in Ruata'n min rawn text nawlh.




Kan in be chho zel a, a tawp ah chuan a rawn call hial. Be hreh mahila tih lung niloh belh ka duh loh vangin ka pick hram " Min hua em? " A rawn ti nghal tawp.




" Haw lo e. Keimah zawk hi min hua em? " In hnuai bathroom ah ka lut ringawt " Huat chhan tur che ka neilo... "



" Diktak chuan min hua ang ka ring ani. Tihsual lian tak ka nei a"



" Ms thil hi tha leh tluang purh in a kal reng thei ngai hleinem. Ahhh ka rawn biak chhan che chu, ih Chhana i duh takzet em tih hriat ka duh a. Keichuan i rilru ang ang ka pawmpui che a. Chutih rual in min la duh thei zawk anihchuan keichuan Chhana i lo duh na kha ka theihnghilh sak vek ang che. Ka la pawm che ania"



" Min ring thei tawh lo ang. Mi rin na hlawh chhuah hi a har tawh a sin, min pawm a nih pawh in ahma ang khan min ring thei tawhlo ang. Ka thiam loh vek ania "



" Aw nge Aih.. Min duh chuan keichuan ka pawm che ka tih kha... "



" Ka lawm e... " A thaw zui hawk a a reh vang vang hnu ah " Chuan kan tha leh tawh tiraw? " zam aw zet in a rawn ti.



" Um " Ka chhang thui ngam lo. Hepa tha lutuk hi ka in thiamlo tawlh tawlh dawn chu anih hi. Khatiang a midang ka duh san chung khan min la pawm duh ani. Chhantluanga nen chuan lei leh van an ni ringawt.



" Zan ah ka lo leng dawn aw. Lehkha zir i tum em"



" Khua a chhe e. Api chu awm se chakai ati hrim hrim ang che. Khaw chhiat lai a tei tei ho hi chakai a ti thin "



Za zet hian a rawn nui hawk hawk. In pawh tak in kan in be zel a mahse ka hlim pui poh leh in thlahrun na ka nei ta zel bawk sia. Ka awmdan hi ka hrethiam tawhlo Ruata duh leh ngam tur pawh hi ka nilo sin " Mahse ka ngai che a lawm" A rawn tih chuan ka ip deuh chawih.




" Ka ngaihawm lo ve e. Ka sual ropui si" Ka tih chuan a nuih a za zual sauh sauh. A pu lam te sawi in a zia chhoh ve zel thu te pawh a sawi a. Picnic na bawk kha, min kal pui theih loh vangin a in thiam loh thu a sawi a Kiama hnen atangin Hlimi bialpa ka lak a achet mawi loh thu te pawh a lo hre ve hnuhnawh ni tur ani a thinrim khawp mai.




" Chaw kan ei dawn e.. " Anu in Kiama te pahnih ko tur a min tih vangin Kiama room ah ka lut a alo bual zo chiah aniang boxer alo ha dawn mek.



" Awi ka ning" Ka va hmu ruak leh lutuk chu a nuam lo. Kawngkhar ka khar thuai " Ka lo chhuk ang " A rawn ti zui lang lang.



" Chaw kan ei dawn.. " Chhantluanga kawngkhar chu ka kik ringawt, a luh em chu ka lut peih lo a tin ni.



" Bawiha i hrilh kha ka hria a lawm" Hnunglam ah a rawn ti daih. Rang deuh in ka in her a inchung chhoh na step ah a lo chhuk thla fel chiah.



" A tha anihchu... " Tiin ka kalsan thuai. Kiama in thlak zo tawh nen kan in tawk leh hman a kan pahnih chuan kan in zui thla nghal.




Zan ah a sawi ang tak tak in Ruata chu a lo leng a. Kan khua pawh in enge maw a hriat ni chaw kan ei hma deuh atang khan that lam a pan deuh a sur zia viau tawh a kan kham fel meuh chuan tlak pawh a tla tawh lo " I lo leng a..? " Pa Rinchhana'n lehkha hlai deuh keu parh pah in alo ti.



" Um in ngaihawm riau tawh a. Ka rawn lawr leh reng tawh ang" A fiamthu pah nghal.



"A that hlauh chu. Lo leng char char rawh hei buaipui tur ka ngah deuh a" Tiin room lam a lan a. Anu pawh in pangpar tlu emaw thli in tih chhiat a nei em tih en tur in in chung ah min chhoh san.



" An hre vek tawh ami? " A nui a, hrethiam lo deuh a ka en chu a man nghal nge " Kan pahnih chiah in min hnutchhiah a" A tih zawm zat.



" Hriat loh na chi pawh ani lo kan in thut hnaih thei e" Ka tih chuan a nui hak. Ani chu thil thleng awm ang pawh in a awm ve lo zan dang a rawn len a a mizia ang chiah kha ani.




Kan ti ti siam siam laii Chhantluanga kan piah chiah couch ah thatchhe zet in a rawn thu vei thak. Ruata'n a be hmasa lo a ani phei chuan a awm ve lo emaw a ti ni awm tak ani. Kan ngawi ta thap a mahse Ruata'n Chhantluanga vangin min thut hnaih a min kuah ti tih. Keipawh in chutia a awm chu pawi tih na ka neilo, kan in then dawn lo tih hmuh chian tir a,min then tir tum ve ngawt tawh lo turin warning ka duh pah bawk.




* Ka awm ve reng hi * Rala'n kan piah lawk a thu chung in mi rawn text. Ruata'n a hmuh ka hlauh vangin phone ka hmet thim a ka dah zui leh hmak.




Ka va melh zui nghek a ani pawh in min lo en ve tho. A la nui suk zui ngeiawm lutuk mai. Ruata nen chuan kan ti ti mawlh mawlh a Anu pawh a lo chhuk leh tawh. Ka msg tone chu a ri ta reng a Rala ani tih ka chian vangin ka seen duh lo. A ni la chuan tawp san a tum lo ni awm tak ani a phone a hmet keuh keuh reng a chumi rual zel chuan ka phone ah msg a rawn lut ve nghal zel. Ruata chuan ka phone ri in zawm zat chu mak ati deuh nge ka phone chu a melh leh veng veng thin.




" Ka thiante an nia an rawn uang vak zel.. " Ka ti ngawt. Awih hmel pu lem lo mahse engmah a sawi ve lem lo.




Anu nen an ti titi a Chhantluanga nen chuan an in be lo tih theih ani. Kut an in thlak chungchang lah Anu khan a hre ve lo a mi kut tuar emaw ti ta na na na chuan Ruata hnen ah te a la sawichhuak leh ta deuh deuh. Ka lo ip chawih chawih a Ruata pawh in nuam a ti viau lo chumi thu sawi chu. Chhantluanga chuan nuam ti ni awm fahran hian a lo tui hnih ve khanglang bawk.




Ka msg dawng ngun lutuk tawh chu phone la in whatsApp ah ka lut a ka block ta hmak. A msg te khan awmzia pawh an neilo min tih buai a chak ve hrim hrim anih hi. Ka block hnu lawk ah a rawn call.. ! ! Hepa over leh sual thiam lutuk hi ka ning hluah hluah. Ka la duh miah lo a mahse a rik ve reng vangin Ruata leh Anu chuan na phone an melh chhen. Chhantluanga lah chuan a phone volume a down nge engmah a hriat siloh a min rawn call ani tih tuman an hre ve lo. Caller ID ah lah Hermano tih a ka save vangin an hmu na a Chhantluanga ani tih an hre chuang silo.




" La ta che. A ri reng mai" Min call tu hre lek lo in Anu chuan la turin min hrilh. Hreh zet in ka la a ka tho zui daih, Chhantluanga call ani tih hria se chu min chhan tir phal kher in ka ring lo.




Pawn ah ka chhuak daih a bia ang in reilote chu ka va awm a mahse ka off daih a, ka off satliah pawh anilo ka phone tak a pawh ka switch off hmak zawk. Ka luh leh dawn chuan Chhantluanga rawn chhuak tur nen kan in tawk. Nui chung in a phone a ak zui a, ka lo melh nghal vak.



" Min ngaihsak loh chuan... "



" Ka bialpa a lo leng a,nang ngaihsak chhan tur che ka nei miah lo mawle... " Mak ti awm in ka awm vel a. Nui mahse min ngei hmel khawp mai.



" Ms ka haw tawh mai dawn a sin. Ruah te hi a sur leh hlauh ang ka awm rei lutuk chuan.. " Hnunglam ah Ruata'n arawn ti. Chhantluanga kal pel in a bul ah chuan ka va ding vat.



"Um nia a pawi lo i haw duh chuan. Kal rawh ka lo thlah ang che" Tiin a kut ah ka chelh nghal vat.



" Ngeiawm hian... " Ti hluk tu aw ka hriat chuan ka nui ringawt. Ka awmdan a hua ringawt pawh chu ka lawm tawk a tling mah mah.




Ruata chu ka thlah a thui lo te ka kal chhuah pui. A biang ah fawh a phut tlat vangin nuam tilo deuh chuan ka fawh sak hram. In lam a ka let leh laiin Chhantluanga'n min pawt lawp a min lo chang emaw ni zawk. A kut chuan ka hmui a tuai vak ringawt, ka lo phih thlak sak dawn a a tha tak tak hmang bawk nen ka hmui a na tep zawk.



" I over lutuk..!! "


" I over fe zawk... " Min tih khum ngawt.


" Nang fe kha. Nichin atangin Ruata nen min tibuai char char tawh" Pawn mah nise ka vin vak tho.


" Ka tibuai che ami? I bialpa zawk ngaihsak tur in ka ti mai che ania"


" Ka ngaihsak reng a lawm" Za lo tih hriat zet hian a nui hul hak " Min ngaihsak lai ka va hre silo ve... "




" Ka bialpa i nilo tih hi ilo theihnghilh hman leh hram ami? " Min rawn din hnaih thut vang chuan ka back deuh dawrh. Min lo chawlh vat in a lam ah min pawt hnai a,ka sut chawrh loh nan a âwm ah chuan ka nem khalh hman hram.




" Kei lo bialpa dang nei a i in ngaih reng chuan eng emaw ka ti dawn ania. Sual min ti leh viau ang, chuvang chuan min ti thinrim leh lung nilo zawng in chet ve tum duh suh. Nang nilo in i nu ania ka huat, i bialpa ni a i ngaih tlat pawh hi ka la haw lo ang tih pawh a sawi theih loh" Nunrawng ti lutuk in ka melh ngawt ngawt.




" Hmanrua ah min hmang tho a lawm. Chuan ka hmangaih ka nu tih nat i tum bawk a. Ka en liam mai mai dawn bik lo che"



" Tak tak ami.. A tawp ah kan hlim dun ka beisei " A rawn awm hnai tial tial a ka nem na ka tang nghal tun bawk.



" Lo lut rawh u.. " A nu aw ka hriat rual chuan ka per sawn nghal dawrh. Anu hmel ka va en chuan hlim loh na leh hrehawm tih na nei ni awm tak hian a lo meng dul vek. Kan pahnih min hmuh dan khan a ti lungngai ani mahna.



" Nu, i ngaih ang kha... " Ka sawi ngaithla lo in a kal daih.



" Khatiang kha a lawm ka hmuh duh chu. Hmuhnawm i ti ve tho em? " Ka beng bul a rawn ti tu chu haw lutuk in ka melh vak, hetiang mihring hi rei ka chenpui thei in ka ring lo e a.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 17th, 2022, 2:51 pm

💜CHAPTER-15



" I nu kha ka khawngaih ngawt mai" A nu ka sawi chhuah chuan a hmel nui ngeiawm zet chu a reh hmak.



" Engvang in maw? "



" Fapa sual lutuk,a pawi sawi tu pawh ni miah lo tih nat tum a phe buai a nei sia..i nu pawh kha i thil tih dan vang hian a lawm miah lo ang"



" Pawi sawi lo a? " A nui a a hmui chung a liak nghal zauh " Ni e pawi sawi lo. Anu hian i eng pawi mah sawi a neilo i pa a nei pawh hi thil dang vang nilo in nangmah ni a khawngaih che u leh i pa a hmangaih vang ania. A nilo zawng a i ngaih laklawh vang mai mai anihkha" A tawp lam chu ka tawng nem ta deuh.




" Engmah i hrelo.. " Ti ringawt a min chhang in a lut zui a. A hnung ah ka kal ve a Anu alo la awm ka rin nen room ah a lut tawh aniang hmuh tur a awm lo. Phone swith on chung in ka chho a Ruata msg alo thleng zui zat.




Reply pah in ka chho a Kiama lo chhuk nen kan in tawk " Ngati nge Mama kha. A va thinrim hmel ve" A rawn ti thla.



" Thinrim ami, a hlim viau emaw ka lo tia" Ka tih chuan nui suk in a chhuk thla tlang a. Keipawh lehkha zir lam lang tawh hek lo Chhantluanga leh Anu te vangin ka mood a buai zo tawh ka mu ringawt.


*

" Mate vawiin chu Mama rual in kal mai la " Inhnuai ka chhuk laiin Kiama'n a lo ti. Chhantluanga ka melh zawk a ngeiawm fe hian nui chung in min lo en.



" Ngati nge... "



" Thil tih kawi tur pawimawh deuh ka nei sia. Ka kal hma angai a ila insiam bawk silo a keichu chaw ka ei fel tawh a ti hian ka chhuak mai dawn tawh a"



" Um a pawi lo. Bus in ka kal ve mai ang" Ka tih chuan Chhantluanga awm na lam a melh zauh " Mama a awm a lawm a thlah thei reng che a bus a kal ngailo in" A ti a ka chhang tawh lem lo.



A bul ah sawn ka kal dawn lo hi ani tawp mai.



" Kan hman em? " Chaw ei kham ah insiam tur in ka chho dawn a min rawn zawt kher.



" Ka la in siam lo tih i hmuh ve reng hi. Bak ah i bul ah kal ka tum lo hrim hrim bawk a" Ngeiawm deuh hian ka nuih a. Min nuih ve miah lo a thinrim hmel pawh a pu chuang lo.



"Ok.. Anihchuan" Min ban a ka lo tawlh sawn thuai " Min khawih mai mai tawh suh.. " Ka lo tih vin thah laiin Pa Rinchhana a rawn kal tlang. Ka thusawi kha a hre hman anihchuan mak min ti ngawt ang.




" Han in siam ve vat vat la" Anu'n min rawn ti a. A rawn ngai kawi leh ang tih ka hlauh vangin hmanhmawh deuh in ka tlan chho.




Tum ang ngei in Chhantluanga rual lo in ka kal a. Min rawn tlan pelh dawn pawh in a ding leh tho a mahse ka chuang lo. School ah mood pangngai tak nen hun ka hmang veleh naw naw a. Kan class mi ho lah chuan kan CR Tlana nen a min dem an la sim chuang lo. Kan in biak emaw hlek ah an au dual zel a, an ninawm hlawm ania an thawveng si.




"Ms... " School ban ah Ruata'n min lo nghak reng a Lawmi'n kal turin min thlah fal thuai.



" Aw enge ni..? " Lai deuh reuh hian ka pan phei a. Ngainat awm zet a min lo nuih in ka pan phei chu min lo nghak a.



" Tlai ah chhuah pui che ka duh a I nu dil ila leng chhuak ila. Thil te kan ei pah anga" Ka nui tawp ringawt. Anu dil a sawi chu keichuan ka ngam lo sa tawp.



" I duh lo ami..? " A tih chuan lu ka thing a " Duh loh pawh k hrelo. Mahse Anu dil ka ngam thak lo, chutiang in kan pahnih inkar pawh a hrelo ani sia. Chhuah dun kan dil ngawt chuan a chi lo ang"



" An hre vek tawh in ka ring a. Pawi lo i ngam loh pawn keiman ka dil sak ang che. Kal ila.. " a tih chuan nuam ti lo ru deuh in a bike hnung ah chuan ka chuang kai ve a.




In kan thlen chuan Anu hnen ah Ruata'n a dil ta tak tak a keichu inchung lam ah ka chho daih thung. Kal chhuah ka chak hran miah lo na in ka hnial hreh a, thil thleng duhawm teh chiam lo a lo awm bawk nen hnial hrim hrim emaw ka in thlahrun phah vek a, ka lak a that a chhuah tam phei chuan ka in thiam lo zual sauh sauh ani tawp tawh zawk.




" I rawn in siam silo a.. " Inhnuai ah pangngai deuh a ka chhuk vangin Anu chuan alo ti hluai. Ruata ka en a Anu phal na hmu tih hriat zet in alo nui var var.




" I phal ami..? " Anu pawh anui tawp " Phal loh leh hma in han in siam leh vat rawh. Chuan Ruata haw tlai lutuk ka phal lo aw a la naupang si ka ngaihtuah ania" Ruata hnen ah a ti leh sap sap.




" Awle tehreng mai. Ka rawn haw hma pui viau ang" Tiin lawm hmel pu zet chung chuan a chhawn thuai.




Ka room ah let leh thuai in ka in thlak leh a. Ruata nen kan chhuah dawn in Kiama a rawn thleng veleh chiah a a tih than dan chiah in min chhaih lehnghal zat tawh. Kan tlan san a Ruata nen chuan khawi khawi ah emaw kan kal a, a tir chuan nuam ti hran lo mahila a rei a nuam ka ti chawp ve mai. Tlai ah restaurant ah thil kan ei leh bawk a, a tam hun nghak kha kan ni bawk nen ka ei hnem mah mah tep ani.




" Khi en lawk teh... " Remi'n min lo biak vangin ka reply zuai. Phone ka bag a ka dah luh rual in ka hawi chhuak a chu velah min rawn fawp thut.




" Enge i tih a mi an tam em hi" Ka tih chuan a nui ringawt a a ban pakhat in min kuah nghal chial bawk " Min hmu chuang hleinem.. " Ka rawn kun tih pawh an hre hman nang.



" Chu ka tê i tih na ami? " Ka melh rum lui a. A nui nghal hawk hawk.



" Ti lo e i san dan hi a cute chiah chiah. Hmeichhe tê lutuk chu an ngaihzawn awm lo emai nang chu i tawk chiah " A ti leh kher. Tê hi min ti viau emaw ni a ka tet loh nen.



"Chutia ka tet leh vur sen lei ila" Ka tih chuan a nui leh tawp ringawt a.


" Tun ang zan ah vur sen maw..? "


" Um vur sen. A tui a lawm, bak ah a la hma em hi khua a thim fel chauh ang ania"


" Awle i thu ber a lawm. Mahse an zawrh na ka van hre mai lo.. "



" Keiman ka hria.. " Tih leh kaih ka rual a. Vur sen zawrh na ah chuan ka luh pui a. Kan ei dun hnu ah tlangval e tilo chuan tui a tia kan lei leh teuh. Pahnih bak chu a ei chuang miah lo a paruk lai a la awm keimah min neih tir vek a tum bawk.




"Haw kan tum hnai dawn ami? " Msg ka dawn ka en laiin Ruata'n a rawn ti a.



" Aih ka la peih lo" Ka ti vat. A chhan pawh Chhantluanga'n in ah min nghak tih a rawn thawn vang ani. WhatsApp ah ka block tawh a msg pangngai in a la rawn ti talh.




" Ngati nge i nu khan haw tlai kha a phal silo a. Vawikhat chhuah dun na ah kan haw tlai lutuk chuan a lehpek a awm thei tawh lo palh ang... " Fiamthu ti tak deuh zawk hian a han ti a.




" Nia mahse ka peih rih lo. A la tlai lutuk lo bawk a dar 7:30 vel ah kan haw dawn nia. Nge tih tur ila nei ve tho ami? " Ka tih chuan a neih loh thu leh Anu thu ang a awm loh a hlauh thu a sawi a. Mahse, ka tih luih ve tlat avangin engmah sawi zui lo chuan hmun dang ah min kalpui leh a, ka haw peih loh chhan pawh Chhantluanga'n min lo nghah thu a sawi vang leh ka hmuh leh hnial peih loh vang ani tel bawk.




Duhtawk a rei kan awm leh hnu ah dar 8 pelh daih ah kan haw a. Dar 7:30 kha ti mahila han kual ve reng tak ah chuan hmun nuam te alo tam ve bawk nen duhai a rei kan awm phah zawk.




" I nu chuan min lo rek em lo tur ah ngai ang " Nui chungin a bike atang chuan ka chhuk a.




" A rek che in ka ring, ka chhan ngam dawn der silo che a " Ka ti zui a anui hawk hawk " Umm in reh vel chu duhtawk ila. Ka nghak rei viau tawh che ania" Kawngka ah Chhantluanga a rawn ding. Ruata lo thaw hawk ri ka hriat chuan boruak a thatloh zual hlau in Ruata hnen ah




"Kal tawh rawh. Ka hruai kawi hneh che sia i chau ang"



"Bike nen tunge hah vak ngai.. " Chhantluanga rawn in rawlh leh tawh " Nang ka be lo che.. " Ka ti hmak.



"Um ka kal ange... Chuan.. " Chhantluanga awm ve lo ang hmak in fawh a beisei zui a. Ka ngam thak lo Chhantluanga awm vang pawh nilo in kan pahnih chiah chu ni ila thuhran ania.



" Mawhhh, ka phu lo ami" Keimah pawh nilo Chhantluanga a melh daih tih ka hria. Tih thik a tum te pawh a ang zawk a lawm a ngen ngawl dan chu. Hman ni an insual atang khan biak chu sawi loh zan ah pawh an chhuak dun ngai tawhlo a Ruata pawh a room a han kal leh lawp lawp ang pawh a nei tawhlo.




"Um anih mangtha aw... " Tih leh awm hnaih ka rual a , ka zam viau na in a kal duh bik mai bawk silo.



A hmui ah em chuan fawh ka tum lo. A biang ah zawk ani ka tum, kan in kawt ah lehnghal ka zak Anu'n min hmuh phei chuan.




Pen thawm ka hriat rual in ka back dawrh a ka tlu thleh nghe nghe " I mawl ami..? " Chhantluanga'n min melh kur a ka kawr hmunglam ah a la pawt bawk.



" I chet tum dan kha a mawl fe zawk" Ruata bike atangin a rawn chhuk nghal " Ilo buai ve na tur a awm lo aw"



" Awm anih hmel...nangmah tê reuh hian i zir lo leh thin a" Ka tal vak a min thlah duh miah lo. Ruata nen chuan an in tiat khat bawk nen an in din hnaih bak ah an in en rum khawp mai.



" E nangni chu enge hetah in din khawm tuau a" Pa Rinchhana inkhawm bang in a rawn ti. Ruata ka va pawt a a awm sawn vat ani pawh, Chhantluanga'n alo la nuih zui.



Pa Rinchhana pawh kan chhan lem loh vangin alut tlang mai a. Ruata hnen ah kal turin ka ti a mahse ka luh phawt loh chuan a kal duh loh thu a sawi ve tlat. Ka kal anga inhnial in an lo in khawih leh ka hlau bawk si mahse ka kal loh chuan Ruata'n kal a tum bawk silo. Ngaih ngam zan lo in ka kal chhat chhat a



" A rei anga ila hrethiam vat mai ang" Tu sawi zawk nge ka hrelo.



Step ka kal tawp zo chiah rawn chho ve an awm vangin ka hawi vat. Chhantluanga anih ka rin laiin Anu alo ni a, a rawn thlen chhoh chuan min biak duhaai thu sawiin room ah kan in zui lut nghal.



" I u nen hian in la inthen lo ami? " Ati nghal tawl.



" Kan ni lo hrim hrim.. " Ka lo ti hmak. Nizan vang khan a awih loh erawh ka hlau viau lawi sia.



" Nizan ah pawh pawn ah in awm reng a ka rawn hmu cheu a lawm mawle. Bawihte unau... "



" Ka hria kan in ngaizawng lo. Ruata pawh alo leng a abul ah ka awm char char a I hrethiam lo ami? Ruata nen zawk khan.. "



" Nu matei ka va be duh lawk ve.. " Tih leh kawngka rawn hawn rual a rawn ti tu vang chuan kawngkhar awm na lam kan hawi rual that.



" Aw ilo kal ta sa sa nangpawh biak che ka duh a, ka chhuah hun ah i be dawn nia lo thu ve teh" Aw ka vin silo thupe takin Anu chuan ati a. Ani pawh in hnial lo in a rawn kal a, nichin a hmel ngeiawm leh ngeng zet kha an bo leh vek tawh. Tun ah chuan pawi sawi hlau leh inthlahrung dêk hmel hi a pu tawh, lemchan lam ah hian kal se a hlawk tawh ngawt ang mawle.



" Nu a tul lo e.. " Ka lo ti ve na in min ngaihsak miah lo.


" Sawi la.. " Ka bul tak ah a rawn la thu zui.



" I nau hi i lo hmel duh ve ami? Keichu tha ka tilo emai " A chhan let hma hauh in a ti nghal pang. Chhantluanga chuan min en zawk a tawi zet in a la nui zui. Anu hian a huat zia hria se tihian a be miah lo ang mawle. A mah tihnat leh tih chhiat duh tu a kiang ah hian a awm ve reng ania.




"Duh e. Min zawh tak ro ro ah chuan kan pahnih inkawp hi... "



" Ka duh lo che.. " Ka lo ti hluai " Nu thil thleng palh ang ah ngai rawh, kan in ngaizawng dawn lo "



" Lo ngawi rih rawh.. " Min ti daih.



" I nau in a duh lo che chu anih hi.. " Chhantluanga bawk chu enge maw a nuih ziah le " Min duh lo a maw... Ka bul a riah kha chu nuam I ti viau sia.. " Min en a huat thla la awm lutuk in min en.




" Enga i u bul ah I riak leh a maw.. " Anu chuan mak ti leh thinrim aw nen min zawt nghal.



"Aih, a teuh lo mai. Ka riak hlek lo nang hi enge dawt i sawi a? " Ka thinrim lutuk chu ka ding mar ut " Thu rawh.. " Anu'n a tih chuan Chhantluanga melh rawm rawm chung in ma thu leh.



" Engpawh nise in awm dan hi ka duh lo. In ngaihzawn ka phal lo hrim hrim. Unau ang a awm hi in tan pawh a tha ber, a bik in Mama nangpawh i pa in hria se in awmdan hi a duh lo lutuk dawn. I pa zia I hria a zaidam em em mahse a duhloh zawng ah chuan a rik thak zel kha"




" Kan tuar tlang thei mai ang" Ka kut hum ruh zet chu a rawn dawm a, a kut lah chu a sa em em lehnghal. Lak sawn ka tum chuan na zet in a hum nghet sauh sauh.



"Engvang in nge in duh ngawih ngawih ang hian lan phet a tum a.



" Nang chu puitling I ni tawh. I nau hi chu a la puitling dawn chauh zawk a, hetiang thil hi paltlang lo se ka duh, chhung kaw keh chhiat na thlen thei ania sin. Keini nufa phei chu a mi hrang ang kan nia.. "




" I ngaihdan leh rilru tur chu ka hria a lawm" Ka lo tang lutuk chu ka hah vek thei " Mahse I fanu hi thlah ka tum lo neih ngei ka tum zawk a... Min lawmpui lo anih pawh in pawi ka tilo keichuan"




" Ka ngen ang che Mama, chhungkua ang in nu leh pa leh unau ang in in en ila cheng tlang zawk ang u" Anu mitmeng ah chuan nat na ka hmu a chu thil chu ka duh lo takzet. Chhantluanga lawm ah a tla dawn tih ka hai bawk silo.




"Min hrethiam la.. Chutiang a awm chu keipawn ka duh a lawm, mahse i fanu neih hi thulh ka tum lo hrim hrim.. . "




" Kan la sawi ho leh dawn nia. Keichuan ka pawm dawn lo ania.. " Tih leh a nu thawh a rual, min kai lui lai pawh kha a hmu vek dawn a a thinrim ngawt ang.




" I va han ngeiawm em em ve. Ka duh lo che tih I hria ani lawm ni engvang a... " Ka sawi zawm theilo ka hnuk a ulh lek lek.



" Chutia mi.. "


" Ka kut hi thlah rawh.. "



" Ka rin ai tha i nei tlem" Min thlah mai a mahse kal chhuah emaw a tum miah lo " Ka ning che, i sual ropui si Anu rilru nat zia kha.. "



" A hmuhnawm a lawm, i nu hian ka hmuh duh dan ang tak a awm hi a thiam khawp mai"



" Mihring pawh i nilo... " Keimah zawk chuan ka room chhuahsan ka tum a, ka ban ah man in min phih let dawrh " Mawla..!! "



" Eih ahh.. chuan ka bialnu hian tinge vawiin tlai ah mipa dang a chhuah pui le.. "



" I zak nange. I bialnu ka nilo zah na i tlachham lutuk.. " Ka phone a ri a Ruata ala ni zui. Enge kan awmdan zel rawn hriat a duh aniang.



"Aw I thleng phei tawh ami? " Thlen loh pawh a hun tawh lo an in a hla lo hrim hrim a mahse sawi tur dang ka hre rih lo em ani.



"Um thleng daih tawh e, engtin... "



Chhantluanga'n ka phone min lak sak thut a, a la satliah pawh anilo off in a la ak daih zui. Lak sak tum in kan in chai nghal chu ani mai. Ka lak theih bhang loh vang in tum loh deuh in a hmai ah ka thinrim tawh bawk nen ka ham sak vak. A hmai a dawm vang vang a thinrim in sum hmel pu zet chung hian min en a " Ka la ham na lo mah mah anihkha. Min mawh puh miah suh, i thiamloh min tih thinrim leh tih luih vang chauh anihkha.. " Ka ti hmak.




"Ani maw.. tak tak ami.. " Kal leh ka tum chuan bang ah min nam bet rawk.



" Ka ham leh mai tur che a sin. Upa zawk pawh ni la i duh duh hian mi tih kual tum suh"



"Engtinmah ka thi loh che kha. Ka thu hi i awih duh bawk silo " Dam zet a tiin min din hnaih sauh sauh " Le Ruata i chhuah pui daih chhan leh ka msg i chhan miah loh chhan chu..? "



" Ka hrilh kher che a ngai in ka hrelo. Ka bialpa ka chhuah pui a ilo buai ve na tur hi a awm miah lo bawk "



" I bialpa ka ni nange..? "


" Ni miah nang.. "


" I hriat na avan tha lo ve. A pawi lo e, chutiang in hriat tir te chu ka thiam zawng tak a lawm"



" Mama.. " A mitmeng leh tawngkam inthlau lutuk ka rap em vang chuan ka ko ringawt. A tawngkam dam nen a mitmeng chu rapthlak tih piah lam ani. Tih hreh neilo ang mai hian min melh a.



" He thil a I tel ve a ngai hi pawi ka ti.. " A ti daih a. Min ti hamhaih lek lek hman ani.



" Anihchuan pangngai deuh in awm rawh. Tuman i pawi an sawi lo " Ka tih sak hmak. A nui a ka thusawi chu a ngaih thutak hmel lem lo viau lehnghal.



" Ruata nen khawi ah nge in kal.. "


" Hotel ah.. " Ka tum em em pawh anilo ka rilru a a awm hman hma hauh in ka sawi chhuak ani mai.


" Enga...? " A hmel a rum nghal ul a, min din hnaih lehzual.



"Mate.. " Mak deuh in a hmel ah chuan nat na nei ang mai in a awm a, mahse a reilo a reh lehnghal vek.



" Ka awih i ring ami" A nui leh suk a, a ngeiawm thin " Awih lo mahla pawi ka tilo kan kal na min zawt a la chhang che ani mai, i hre chak bawk a ka thil tih ila hre duh zel em.. Kan"



" A tawk.. Min ti thinrim miah suh" A ti vin that.



" Aih ala tawk lo. Ruata nen chuan hostel ah kan kal a chuan, ka taksa ah.. . "



" Malsawmthar a tawk ka tih chu" Ka nghawng ah mi rek thut. A na hman tep a mahse min thlah dul lehnghal. Ka ngei em vangin tan pawh ma tang buai peih lo, ka melh ve ram ram a tih thinrim chu nuam ka ti ve tho.



" Ka ta i nih hi... " Hnai zet a mi en in a ti hrawih a. Ka lo nuih sak thung.



" Ruata ta a lawm ka nih. Zanin khan chu chu kan nem nghet dun nghe nghe a sin.. " Thinrim zet a min thlah in ka lehkha zor dawhkan chu a bet her dawrh. Ka lehkhabu leh pen pawh chhuat ah an tla nual.



"Ka phone, chuan chhuak rawh" Tiin kut ka dawh pah.



Min pe a, a chhuak zui nal nal. Ka hah leh tang lutuk chu chhuat ah ka thu thla hnawk. Ruata msg a lo awm reng tawh a apu piancham lawm an tum na a kal ve tur in min rawn sawm.

*

" Nu tlai ah Ruata'n apu piancham lawm na a kal ve turin min sawm a" Zing rawngbawl lai leh midang awm loh lai chuh in ka ti a. Diktak chuan zaklo tak a ka hrilh chhan pawh Chhantluanga nen a ni ang a min hriat na hi reh se Ruata nen kan nih zawk thu hi ring ngam se ka duh vang ani.




" I u hi... " A ti dek dek a " Ka duh lo ka tih tawh kha, min duh pawh ni se keichuan ka duh lo. Ruata hi a hmeltha a ka duh zawk" Ka tih chuan a ngawi ren rawn a.




" I zak lo ve her hawr sia.. " Nui chung in a ti a " I duh lo tak tak maw.. " A ti nawn leh.




" Um tak tak. Nu ila phal viau lo na chungin Ruata nen kan ni ve a chu chu min hriat sak la, Mama nen in zawm na kan nei lo tih hi min hriat chian sak la ka duh.. Chuan a lak ah hian fimkhur la ka duh bawk" Ka ti duah.




" Awle a lawm awm anihchu. Unau thisen zawm path nilo mahula unau ang a in awm hian thil a kal tluang ber zawk ang. Ka fanu fel em em te" Tiin a nui a " Chuan ka kal i phal em..? "




" Phal mai ang mahse i pa dil ve phawt la aw" A ti a hreh mahila ka bu nghat tho. Bak ah birthday lawm na a kal chu ka chak hran em em lo mahse thil dang kha sawi chian pah a rem bawk sia.




Chaw kan ei a ka seat ka thlak atangin Kiama hian mi chik deuh in ka hre thin. Engmah chu min zawt ngai lem chuang lo. School kal dawn ah Chhantluanga nen kan in tawk palh a en pawh mi en lo a kal liam puat ringawt. Nizan vang khan a thinrim tluang viau aniang, a pawi tawp lo a lawm awm daih zawk. School ah Kiama'n min thlah a Lawmi nen kan awm dun leh tak ah chuan thu ho mai mai sawi in kan nawi kual leh chiam. Kan sir a star em em a lo kal theilo a a damlo anih hmel, khawi atangin nge maq a lo hriat leh hman tawh bik ni.




" Vawiin nileng hrehawm lutuk tur hi ka ngai ngam lo" A ti vel ngei.



" Lungngai suh Zira a awm a lawm" Ka ban ah mi beng vak. Zira chu kan class ami tho ania Lawmi hi a star thei tawp bawk. Mahse, Lawmi hian a ten tlat a melh pawh a melh tha peih ngailo.



" Sawi suh, school dang ah te hian in sawn daih se ka ti ania ka ten tlat. Min lo en leh reng phei hi chuan ka khuasik dawn ten ka hre thin"



" I sual ve e. A duh nen nen che" Ka tih chuan a ner nghal vak.




Tlai ah Ruata'n in ka thlen hnu lawk in min lo text a. Chaw ei nghal tur a min duh vangin leh a pu present tur lei pui tur a min duh vangin lo in siam peih hma turin min hrilh a. Chaw ei chu ka zak a ka hnial ren rawn na in a ti lui ve tlat. Ka zah vei nen ka hnial viau a chhuan lam lah ka nei chhe fahran bawk si. A tawp ah chuan ka aw ve hram,inhnuai ah ka chhuk a Anu ka zuk hrilh hre thar leh. Pa Rinchhana alo haw hma hlauh a hreh leh zak deuh chungin ka dil bawk a a phal ve mai.




Ka in siam malh malh chhungin a lo tlai duai mai. Ruata ka text a college atang a a rawn tlan haw mek thu leh in a haw lo a kan in alo pan ding tur thu a sawi vangin ka in siam rang sauh. Ka hman chuan muangchang lo in ka chhuak thla a " E kha i va nalh em em ve.. " Kawr nu leh lutuk ka ha ngai vak lo a Pa Rinchhana chuan mi lo fak chiam a ka lai ngawt pek lehnghal.




" I va nalh ve... " Kawngka lam a rawn ti tu chu ka en a. Tukin a hmel nen chuan danglam leh tawh tak ani.



" Kha Ruata nen an chhuak dawn anihkha a nalh ania.. " Pa Rinchhana'n alo ti chu Chhantluanga hmel a dang nghal vek.



" Ka kal aw. Alo thleng tep ang" Tiin Chhantluanga ka kal pel thuai.



" Nizan ah pawh in chhuah tawh kha.. " Hnunglam ah min lo zui. Ka hawi let lo a Chhantluanga a ni tih erawh ka chiang.



" Enge.. kan chhuak leh dawn ani mai a" Ka lo ti sak.


" Mate.. "


" I ninawm, ka duh duh dan in ka awm thei ilo in rawlh ve ziah angailo "



" Kal suh... " A aw a ngen ngawl na leh min ui na ni awm tak ka hriat vang chuan ka in her a. A hmel ngui lutuk chu hmuh hmaih theih anilo. Mahse, lem a chang leh bak anilo ang tiin ka nem duh lo.



" I thu thu a awm tur ka nilo.. " Tiin ka kalsan lui ta zawk. Enge tun a tak a khatia a awm vel ni, lemchan thiama chu.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 17th, 2022, 2:51 pm

💜CHAPTER-16



" E tinge kawt ah min lo nghak dawn emaw ka tia.. " Thui pawh ka la kal chuang lo Ruata a rawn thleng chawp chilh nghal.



" Nia ka lo tei thui mai mai. Kal nghal ila, e mahse ka zak e i chhungten min sawm tih an hria em? " Ka ti leh hnuhnawh.



" Hria ele, ka sawi zing lutuk che a hei ka pu piancham lawm na hi hmuh hun che remchang ah an ngaih vangin an sawi chhuak che a ma sawm che a lawm"



" Uiii ka zak lehzual " Ka khur der chu mi nuih suk.



" A zahthlak loh. Lo kal lawks... " Ka ban a chelh in min pawt hnai a. A ngaih na hrelo zet in ka en hâw a ka la lai em em zui.



" I nalh eeee.. I hmeltha bawk si" Tih leh ka biang a fawh a rual a ka tawlh sawn chiang khawp mai " Hey khawlai anih hi mi in mak min ti ang" Ka tih chuan kei nilo melh ang deuh hian a awm a. Ka hawi ve chuan Chhantluanga hla deuh ah a lo ding kur.



" Hey sawpa tih thik nan mai mai min hmang ani maw..? " Rum zet in Ruata lam ka hawi nghal.



" Ni nang. I nalh ka ti tak tak a lawm" Ka la melh vak tho " Aaa thinrim lo la, hmeltha an thinrim chuan a hrehawm dan a dang vek zel ania"ka biang a min piai chuan ka lo ner nasa.



Kan pahnih chuan apu present lei turin kan chhuak dun a. Ani ai ka la naupang veleh chhawng sia kalpui man ka awm thlawt lo min zawh ve pawh in ka hrethiam lo ka ti zel a a ni pawh a nui tawp. Dawr neitu ten kamiz nalh zet min kawh hmuh chuan nalh ka tih em vangin lak sak tawp turin ka ti a. Ani pawh in lei tur em em dang a hriat loh vangin a lei ta tawp. An in lam ah kan tlang lehnghal a k zak lutuk leh a chhungten min lo lawm leh lutuk chu nikhaw hrelo in ka tlu lo chauh ani.




" Msi chu Ruata sawi ai i hmeltha daih. Kan chhungkaw celeb i nia aw" Ruata u nula senior in a rawn tih chuan ka kawr ka tham vak a ka nui lui thei tawk. Ka lawm lo lam nilo in ka lawm si ka hmeltha chuang silo zak vel ka ni.




" Hei a thaw ngam lo ania. Khati zawng chuan ti su" Fiamthu zet in Ruata'n a lo ti hlauh.




" Aw hmeltha kan ti ve ani mai a lawm" Ti a nui hawk hawk chung in kalsawn. Ruata chu ka kai tlat a ma zah em vangin a kut pawh ka tha neih ang ang in ka hmer vak.




" I riltam tawh em. Kan ei thei tep ang ka pu nau te chhung an lo la thleng lo deuh a an rawn thlen chuan kan ei thei ani mai" Ka kut chu a kut lehlam in a rawn hum hnan a.




" Umhh, tam lutuk lo e. An lo kal tam dawn em ka zak e keichu " Ka ti leh. An in kan thlen atangin ka zah zia vawi eng emaw zat ka sawi tawh.




Apu, anuleh pa leh a chhungte dang in min lawm in min kawm hlim an tum viau a ka zah em vangin tumah ka be tha ve ngam lo. Ruata bul ah ka awm chawt a, ka awm satliah pawh anilo a kut ka chelh pawh ka thlah lo hrim hrim. Present kan lei pawh kha a pu in a lawm thiam khawp mai.




" Mama nen hian in in be leh tawh em? " Ka ti deuh thut. A nui a, lu thing chungin thil dang sawi chak hmel nen hian min en.




" La be lem lo. Lungngai suh, kan pahnih kar te chu a tha leh vat mai ang. A hma pawh in in tih thinrim a in biak loh vang vang te kan nei alawm. Kan in haw hlen ngai lo " Tawi zet hian anui a. Keimah ang tho hian tun tum an kar buaina hi chu a fel mai mai a ring lo ru ve tho ni in ka hria.



" Um keimah vang a in buai ka duh lo a"



" Nangmah vang anilo. Chhana'n thil a tih dik loh em vang ania khatia ka lo hnek chiam ni"



" Tinge a nilo zawng hian a ngaih tlat le. Kan ngaihtuah ang hian ngaihtuah ve se engmah harsat na kan nei lo ni mai tur ania"



" Nia a luhlul ve sia. Tih ngaih na tak pawh ka hrelo keipawn, a rilru sawh sawn tir tur chuan a beih a beih fe a ngai ang"



" Ka ngei.. . " Ka ti hap ringawt " Chaw kan ei dawn hnai aw.. " Ruata nu lo kal in atih chuan choka lam ah lo siam fel pui sa turin kan in zui lut ve a.




Ka zak lutuk a nuam pawh in ka hmang lo tih theih ani. An hmuh tur erawh chuan lan mawi a nuam ti tak ang a awm chu ka tum nasa viau tho. Chaw kan ei kham chuan a then an zai a, birthday neitu ber kawm hlim a ti ti pui tawk lah an bang lo. Chutih rual in hospital chhuahsan na la reilo dam kawr zet kha ania a mah a tar sa tawh nen an chim luai luai ngam lo a. Ruata sawi hmang in a tlangval lai atang a thianpa tar ve tawh tak tak te leh a unau la dam ho in an kawm hlim ani ber.




" Zai ho saw kan va zawm ve dawn ami? " A cousin te ho awm na lam a kawk a ka hnial hreh a ka tel ve chak chuang silo.



" Nia mahse ka zai thiam ve lo" Ka ti ringawt.



" Nuam i tih vak loh chuan ka thlah haw ang che aw. Chaw ei ber i tling tla tal a, a lawm awm" A tih chuan hmui ka ti pawrh turh.




" Ka zah zia kha e. Ka chaw ei te kha an kal thla tha theilo " Ka tih chuan a nui hawk hawk a ka kawng ah chelh in a mah si chet chuan min pawt hnai nghal.



" I cute thei sia(h). Dangdai bawk si" Tih leh min piai a rual.




Ka lo ner vak a. Kan lam pan a Anu lo kal ka hmuh chuan awm tha thuai in min kuah tawhlo tur chuan ka hrilh a, ani pawh in thuawih zet in min thlah ve nghal maimai " Ngati nge in din reng a. Haw I tum hnai ami? " A rawn ti a.




" Aw lehkha zir ka ngai a" Ka ti ringawt.



Ka sawi ta ro ro tiin haw ka rawt tlang nghal daih a. Ruata'n min thlah in kan in ah reilote a awm veleh. A pu te in lam a awm an awm tam avangin let leh thuai turin ka ti a. Ani pawh a haw leh vat, room ah in thlak turin ka chho a. Beisei loh deuh a U Nute-i ka tawh vangin ka ding dat.




" Ms, i kal na chu a nuam maw? " Nelawm zet a nui chung in ka lam ah a rawn kal phei a. Nui luih hram ka tum a mahse ka thei hlei lo, hetah hmuh ka beisei lo em ani.



" Nuam..nuam ani mai engtin nge i hriat a? "



" I nu khan a lo sawi a. Ka lo kal tirh in ka hmu lo che a ka lo zawt mawle "



" E anihchu... " Ka room kawngkhar hawng a luh mai ka tum laiin " I u a damlo a. Ka rawn kal zuai anih hi " Ka zawh pawh ni lem lo in a rawn ti a. Nichin ka hmu thut mak ka ti kha a ngaih a tha chiah lo aniang.




" Ani maw tlai ka chhuah dawn kha chuan a dam tha viau sia" Ka ti tawi tak. A dam lo awlsam thei lutuk hi a mak thlawt, anihloh pawh in a ti der aniang. Tih der leh lemchan te chu a hneh sawh khawp kha mawle.




"Ei tur vel ka rawn ken sak a. Mahse, a ei tha peih leh pawh in ka ring lo i duh chuan va ei sak rawh " Ka nui lo thei lo. Naupang chhia viau tur ah min la ngai a maw ni le.




"Awle.. I haw" Ka ti hman chiah " Ila kal nange? Hei i theihnghilh " Chhantluanga rawn chhuak ve in U Nute-i hnen ah phone arawn pe.




" E awi engtin nge ka theihnghilh hman a. Nichin khan bag ah ka khung emaw ka tia" Tiin alo lak sak thuai. A bag ah a khung mawlh mawlh a, Chhantluanga'n min en tih ka hriat rual in U Nute-i ngawt chu ka en lui.




" Pawn thleng ka lo thlah ang che" A tih ri ah chuan hawi chhuah ka chak viau. A lo chhuah kha chuan a dam loh hmel tak tak a mahse a bilanu a thlah thla peih anih chuan a na lutuk lo anih ka ring.




" Mamte i pa nen thingpui min lo lum lawk teh a..." Anu'n inhnuai lam ah min koh vangin kan pathum chuan kan chhuk rual a. Engvang kher ngen ni maw, ka hnung a kal te vang chuan nuam ka tilo riau a.




" I va kal na chu anuam maw ? " Pa Rinchhana'n a lo ti nghal zat.




" Nuam ve reuh lutuk. Mahse, an tam a ka zak a tuvakmah ka be mang lo" Ka ti duah. Kan in be tam em em lo a, biak hmasak ah pawh amah zawk zel hian min be hmasa thin. Mahse tun hnai atang khan min biak tawh chuan ka thian titi pui ang mai in ka chhang let a ka sawi duah zel, misual nilo na na na chu ka lo ngai na lutuk ve tawh pawh ani mahna.




" Monu hual an lo ti lo che maw.. " Anu'n a lo ti hmanhmawh. U Nute-i thleng in an nui a Choka ah ka luh san daih.




" Nute i va haw hma dawn ve. Kha i dam lo rawn kan pawh i lo kal meuh chuan a dam leh hmel tawh khawp kha.. " Ei lo zet in choka ah ka lo ner ve chiam. Pa Rinchhana thusawi ka ei lo nilo in Chhantluanga'n U Nute-i a dampui chak lutuk vel chu ani ka ei loh. A dam lo der aniang chutiang em em a dam hma dan a awm lo.




" Min dam phah anihchuan a lawm awm ngawt ang. Ka va haw phawt ange zan lam hi chu ni la uai tawh si hian api hian min ngaihtuah thei lutuk a ka haw har chuan a lo mu thei leh lo ang" U Nute-i chuan hlim aw zet hian a chhang let a.




" E awle, anih mangtha phawt aw ila rawn kal fo dawn nia.. " Tiin an thlah a. Choka a awm ka nih vangin Chhantluanga'n pawn thleng a zui em pawh ka hre lo.




Thingpui a so a, a hâng an duh vangin a lum pawh a buithlak lo deuh. Ka va chhawp sak laiin Chhantluanga arawn kal tlang a step a kal mek laiin " I duh ve em? " Ka ti a. Chhan pawh min chhang lo chu ka zawt kha ka in chhir lek lek.




" Duh lo mai ang" Step tawp a han thlen ah a rawn ti ve chia ,hmela hi..!!



" Ka mu dawn ania aw.. " Tiin keipawh thingpui ka pek zawh vel ah ka chho a.




" A thisen te hi kan test tir chhin dawn a mawn le. A khua a sik leh thut thut zel a, keichu tawng thu chhelo ah AIDS te hi alo vei palh ka hlau. Rin miah loh hian kai theih te ani ve a, thisen thianghlim lo dawn na chance angah si a tet lai atangin a hrisel lo i ti tawh bawk sia ka ngaihtuah riau mai. Enge i ngaih dan? " Anu thusawi zawi zet chu ka la hre pha tho.




Ka ding reng a, Chhantluanga awmdan ka ngaihtuah chuan anih ve theih na lai awm in ka hria a engtin maw hian ka hlauthawng thut.




" Aaaa eng em anilo ang. A tleirawl chhuah pawh in a u Dawngi'n test sak a sawi a kan test tawh a lawm. A tha vek, khawsik mai mai hi a hrat ve a. Engtin a awm lo ang "




" Chutiang ngawt pawh anilo. A damlo zing sia, zing lam ah dam var se tlai ah a khua a sik leh tawp a. Nakin ah la sawipui ila a tha ang" Anu'n a la ti talh. Heti khawp hian a ngaihsak a engtin nge Chhantluanga'n ahuat phal zawk le.




Room a luh ka tum na in Chhantluanga room lam chu ka hawi reng a. Hepa pui hi AIDS te a lo vei tak tak ani angem le. Tiang ho hi khawsik leh ngawt an ching te kha an ti thin in ka hria "Mate, theihnghilh nei i va ang ve" Kiama a lo kal thut.



" Neilo e, ka mu dawn chiah a"Ka ti mai a.


" Um anihchu. Kha hei i mut hma Mama lo pe lawk teh a ka'n chhuak leh lawk" A polythene khai chu min pe a enge awm chu ka hre mai.



" Aaa, i chhuak peih si" Ka va kal peih vak loh vangin ka ti niah niah a. Nui chungin a tlan thla lehnghal.



" Hei i damdawi tur.. "bawk zawng a lo mu mek hnen ah ka ti a. Min chhan mai loh vangin a dawhkan ah ka dah sak.



" I thisen test tir rawh eng emaw atan pawh mahni hrisel na chian hi angai ania" A muhil ni in ka hre tho a mahse a meng lai ai chuan hrilh a man hla zawk tho ang, a men chuan min rawn hnial leh emaw ani anga.



" Chhuak tawh rawh... " A muhil emaw ka tia.



" Dawn e. Chhuak suh pawh ti la ka chhuak dawn tho a lawm" Duhai hian ka chal tlai thin in ka hria.



" Anihchuan chhuak suh.. " Chhang tawh lo in ka chhuak zui vang vang tho. A dam loh pawh hian in hnial hi a la cho em em reng a,a mak ve ngawt mai.


*

" I u chu a la nuam lo viau a mawn le aw. Ka thawh hlim a ka han en kha chuan a la muhil a. A khawsik pawh a awm lo kha ania.. "




" Ka han en ange... " Pa Rinchhana'n a ti a a tho, thingpui no ken pah a a chhuak tur leh Chhantluanga rawn lut ve chiah an in tawk a. An in su thelh nghe nghe " E kha i va nawm leh hmel tawh ve... "




" Nuam tawh. Hna ka kal dawn a chaw kan ei hma hman angem? Kal hma ka duh dawn a" A ti nghal zung zung.




" Nizan lawk ah pawh i dam sam silo a, kal lo mai la" Anu'n alo ti ve a mahse a chhang lem lo. Tui vawt la in a in a, keiin ka lo en reng thung. Nizan ka sawi kha a hre awm sia a mah te hian in test tur a tum angem le.




"Ka damlo chu ka hmeltha sawt ami? " Ka thil lo ngaihtuah mek laiin ka bul ah a rawn thu a. Mit khap zawk pah in hmun dang ka en nghal.



" Tha lo e.. " Hnial na tur awm lo chu tha deuh in ka lo chhang mai. Mahse, a hma in nel deuh a kan awm lai a tawngka thluk ang mai kha ania ka helh deuh lek lek ani.




Chaw kan ei a,school kal turin ka in siam sawk sawk a,vawiin chu school kal ka peih lo ngawt mai. Ka peih loh chhan em em pawh ka hre chuang lo phur na ka neilo ve tawp mai.




" Enteh nizan chu Apa'n U Mama a hau nasa lutuk a zing thleng in kan chhungkaw mood a dik theilo" School ka thleng chu Lawmi'n hmel dik lo deuh pu chung hian min lo bia a.



" Tinge a rui ami? " Ka lo tih sak nghal thawr.



" Um a rawn rui lutuk a. Zu a in ngailo a, nizan chu a rawn rui haw a, inchhung ah a phun reng a Apa ning tawh lutuk in a hau hrep a. Mama tui lah khan a lo hnial ve zel sia "



"Zu hi chu a tha lo ngawt mai" A ti leh sep sep a.



" Nia tha lo tak ani. I u pawh chu tinge a in reng reng le" Ka ti leh tawp. Ka chenpui te leh a hma a ka chenpui api te chhung ah zu in an awm lo a tiang lam hi ka sawipui thiam lutuk lo.



" A thianten chaw ei khawm an tia an ko chhuak a tlai tawk ah a rawn haw a. A la rawn phun char char zui"



" Anihchu, a zia lo e" Ka tih laiin teacher a rawn lut a kan sawi zawm tawhlo.




Chhun chawlh ah teacher ten school leh a vel min then fai tir a kan ti ti khawm nasa bawk nen ninawm ai chuan a nuam mah mah zawk ani. Tlana te nen kan awm ho leh tho vangin joker ho in min chhaih leh nasa.




"Bye aw.. Vawiin chu in pa in alo hruai dawn na che nge?? " Ban ah hawi kual vel pah in ati a.




" A hman bik nang class a kal ve tho a lawm" Tiin ka bye zui a. Two wheeler taxi la ta mai lo chuan ke in peih chin chin ka kal lui ve a mahse rei ka kal peih lo, in ka ngaihtuah a ka chau nghal hnawk.




" Lo kal rawh.. " Beisei loh deuh in Chhantluanga aw ka hre thut. Ka hawi let a ka hnung deuh lawk ah a lo ding.




" I van haw hma.. " Ka beisei loh em vangin phawk deuh hian ka ti a. Nui ringawt in a thle zauh bawk " A tha a lawm.. " Ti sap in ka let a a hnung ah chuan ka chuang ve nghal. Ngei pawh ni ila tun ah chuan han ngei na tak tur a awm lo a tha deuh in min sawm a, bak ah taxi pawisa hek a hman ai chuan haw na tur in ang reng tho chu ka chuan ve mai loh a tak ah.




" I pu damloh i hria em? " Kan in phurh atang a thui lutuk lo kan tlan hnu ah a rawn ti chhuak phawng.



" Enga..! "


" I pu, a damlo ka ti anihchu "


" Engtin nge i hriat daih daih a? "


"Ka nu'n min rawn call a lawm. Rawn lam haw pah tur che in min tia.. "


" Anihchu eng nâ nge a sawi em? "


" Khawsik satliah. Tunlai hian a leng deuh a lawm"


" Nangpawh chu chu ami? "


" Um.. "


" I thisen chu i test dawn em? "


" Engatan? "


" Ngaih tih that na atan" A nui hul hak a " Min ngaihtuah ta deuh ami? " a tih chuan ner sak in ka chhang zui duh tawhlo.




" Min la hua em? " A rawn tih leh tak ah chuan aw ka thian zui kharh kharh " Hua e. enge ka huat loh ngawt ang che "




" Um a that chu... " Za lo zet in ka nui hak ringawt " Mi huat neih te leh haw tu neih te hi a nawm loh nen nangmah hian zir la chu ka haw lo ang che mawle mahse i zir lo em a. Ka tan a pawimawh te ka hrilh hnem che sia ka in chhir " Ka ti zawi sep.




"In chhir suh. Tuma hnen ah ka sawi lo ang" Nui aw nen hian a rawn ti a.


" Ka ring tawh lo hrim hrim che" Ka lo ti hmak.


" A van na ve.. " Ti a min chhan let chuan " I phu a lawm" Ka lo ti let ve thuai.



Chumi hnu chuan engtinmah kan in be zui tawhlo a in kan thlen thleng in. Kan thlen hma deuh khan ka uniform tur kan thui tir na kha kan la tlan pel zui a nilo lo ka ngaihtuah phah. Helai ka awm tirh te ang kha la ni se a nawm dawn nen tih thleng in nia ka ngaihtuah ni.



"I pu a damlo .. " Anu pawh in alo ti ve vat.



" Nia Mama'n a lo sawi a. Khawsik pangngai atia ani tak tak ami? "



" Aw, thenzawlam ah aleng deuh aniang, a then phei chu luak te a tel an tia" A ti a. Ke a ka lo kal khanglang bawk nen ka ke kham chu couch ah ka thu hnawk.



" Suk tur ka'n khawm ange. Tunkar ka in su mumal lo tlat " Tiin a kal sawn a " Lo nuai tir la ka rawn tleuh thung ang.. " Tiin ka au zui ve nghal.



" Awle i peih te chuan.. " A lan dan ah la thalai reuh fu mahse engkim thawh tir kher ka tum bik lo. Zing ah rawng ka bawl pui hman lo a tlai ah pawh ka pui lo chu ani deuh ber zawk ang, eng emaw tal a ka chhawk ve thin loh chuan a rim dawn lutuk.



" Matei lam haw ka ngai a lawm mawle " Chhantluanga room kawngkhar in hawng sa deuh atang chuan dim lo tak a tawng ri lawng lawng ka hria a. Room a lut mai lo in ka va kal hnai leh, spy ang hrim chuan ka va ngaithla a.



Matei a ti bawk nen kei min sawi chiang sia ka hre chak zual.



" A ho emai Nute, tiang in thik na chi pawh anih loh kha. Hruai tum hrim hrim a haw hma pawh ka ni hleinem ka nawm loh vang zawk ania"



" Aw min hmu la enge? Pawi ka ti hleinem ka nau ka phur chu enge a sual vak na.. "



"Khati zawng kher kha chuan Matei chungchang chu sawi suh aw... " A tawp lam chu thinrim leh thupe aw tak hian ati hrawih. U Nute-i anih hmel sia engtin nge min lo sawi le.




" Aw ka duhlo ani mai ka nau ania ,a thlavang hauh chu ka tih tur ani. Tawk phawt rawh se,ka chau tlat, kan la sawi tha dawn nia. Thinrim tut tut lo in hmaichhan a sawi na hun pawh a la tam lutuk.. " Hepa mizia hi ka hre thiam lo, ka bul ah sual leh ngeng zet in a awm a Anu nen min haw bawk. Mahse, U Nute-i bul ah chuan min chhan leh viau lawi sia, hriatthiam a har tawp.




" Barakhaih... " Hnunglam a min ti phu tu chu au that pha in ka in her ka melh vak.


" Ka thin a tla dawn a lawm.. " Kiama anui nghal vak vak.


" Enge a..? " Lehlam ah kan thawm hria in Chhantluanga a rawn chhuak ve nghal.



"Aw hei spy ang deuh in i room bul ah hian alo awm a ka barakhaih mawle.. " Hepa ka ngei zia hi, min puan vek a lawm mawle.



" Enga? Ilo awm ami a? " Lawm loh hmel zet hian Chhantluanga'n min zawt a. A mitmeng lah chu a ling phian lehnghal.



" A teuh lo mai ka rawn kal thleng hman vel chiah. Nilo lo in min puh suh u" Tih leh ka tal awh hma a kalsawn ka rual nghal.



Room a ka lut fel chiah chu ka thaw nghal kawk kawk.



Ka in thlak sawk sawk a. Anu suk nuai tir tleuh sak tur a awm vangin ka chhuk thla leh thuai. A lo la in nuai vangin nghah pah chuan ka lo in ei puar vel mai mai.



Apu Ka hrechhuak a mahse ka call rih lo zan atan ka ti ta zawk. Ka in zo vel chiah tih in machine pawh a tawp zui ve a. Bathroom in suk nan bik a kan hman ah ka lut phei a, spin hmasak hian a tleuh a nuam ka tia lak chhuah mai ka tum a thawhnaw lo in vial tawm tawh nen ka la chhuak awlsam thei mai lo. Tang tung in ka pawt nawk nawk hlawm a kekawr pakhat ka pawh chhuah rual in ka hnunglam a surf kan dah khawl na chhuar tê ami eng emaw ka ti tla palh. Engtin nge ka tih tlak daih daih theih pawh ka hre lo.




" Hetah te lehkha maw.. " Ka thil tih tlak zing ah note bu ni awm tak te fel et hi alo awm ve reng. A huh hma tiin ka chhar thuai.




Ka keu a lehkha phek chu phek 6 vel bak a lo awm leh miah chuang lo. A hmasa ber ah Dawngi *2009* tih alo in ziak a chumi hnuai a tlang sir ah Chhantluanga tih te deuh in a in ziak tel bawk. Chhantluanga ta ani tih ka hriat vangin ka keu zel chak a, mahse ka beisei loh deuh thu in ziak ka hmuh chuan Chhantluanga ta ni si in Dawngi tih ziah anih ka ring leh hnuhnawh. Aw nilo Dawngi te chu an U ber hi a lawm ni a. A ma ta thin kha ani ngei ang.



* Apa hian ngaihzawng a nei in ka hria, chupawh nuthlawi*


* Biak thin a nei. A be lai pawh ka ngaithla, Anu hi ka khawngaih e*



Chutiang chu alo in ziak nuaih. Ka thin a phu dep dep a ka ngaihtuah na a kal dik lo tan. Heta nuthlawi atih hi Anu ni tur ah ka ngai tlat lehnghal.



*Anu'n min kalsan hlen tak tak. Apa chuan a bialnu kha a nei vat ang ka ring*


*Mama leh Bawiha te nen nuhrawn kan nei dawn. Ka hupurh lutuk Mama te a duat loh phei chuan*



Ka chhiar ngam tawhlo. Rilru na leh tawt tun in bathroom ah chuan ka awm reng tawp a. He lehkhabu phek tlem te a thu in ziak ami hi U Dawngi ziah ani ngei anga. Ami sawi te hi Anu leh Pa Rinchhana an nih rin na lian tak ka nei tawp. Finfiah na ka neilo a, Anu hian pawmlai nei a mi pa pawmlai nei ve tho a ngaihzawn duh chu ka ring phal lo. Mahse ka chhungril tak hian U Dawngi ziah ami hi Anu a ni tiin min rin tir nghal tawp thung Pa Rinchhana hi an pa ani a, amah bak hi a sawi dawn lo tih ka chiang. Chuan, Anu hi Pa Rinchhana ngaihzawng kha ni anga. Anihchuan mi nupa kar ah a tla zep a chuan.. Ka ngaihtuah ngam lo zawk.




" Nu.. nu" Anu ko mahila Chhantluanga zawk ani ka hmuh hmasak. Lehkhabu tê chu ka thukru nghal vat a , mak tak in hlauhthawn na ka nei a ka lungphu pawh a rang tawlh tawlh.



" Suk tur zing ah lehkhabu tê ilo hmu em? " Ka thukru tih hria ni awm fahran chuan min la zawt zui. Ka chhan mai loh vang chuan bathroom lam ah a rawn phei nghal vat. Tuma hmuh a duh lo tih chu a chiang nghal viau. Hei vang hi aniang Anu alo huat em em.




" A awm lo.. "


" Ka en lawk duh. Room ah ka hmu lo a" A aw ki pangngai viau mahse a hmel a dik lo.



Lehkhabu ka chhiar atang hian keipawh ka dik zan lo. Chhantluanga lak ah hian in thiamloh tur nge thinrim tur pawh ka hrethiam tawhlo e a. Anu a huat chhan kha sawi mai se kan ching fel thei reng mahse a ngawi a, lehlam ah chuan atan pawh sawichhuah a nuam lo tho ang.



" Min pe rawh... " Ka ngaihtuah na atangin ka harhchhuak zawk. Engtin nge ka kawl tih a hriat a?



" Eng..eng chu? Engmah chutiang ka kawl lo" Ngati nge ka pek mai loh.



" Malsawmthar, ka thin a rim palh ange" Ti khui khui in bathroom ah chuan min pawt lut nghal rawk rawk.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 17th, 2022, 2:52 pm

💜CHAPTER-17



" Enge..engeee!! " Min dim loh em vang chuan ka thil thuhruk pawh bathroom kan luh rual deuh thaw in a tla nghal.



" Engah nge ka kawl lo i tih? " Lehkhabu chu a chhar a ka hmai zawn ah tak a lek kang nghal vâ.



" Nia,nia.. hei hi i sawi lo emaw ka tia" Ka ti bah nak nak a. Za lo zet hian a nui hak,lehkhabu chu a ak te te a bathroom kawngkhar chu a kalh nghal hmak.



" I duh I hmu tawh a chhuak tawh rawh. Ka in su dawn"



" Aih... " A kut pakhat chuan ka nghen lai bang chu a rawn nem a. A rawn awm hnai tawlh tawlh lehnghal, a âwm ah chuan ka lo nem nghal tun a " Enge aih.. midang in min hmuh chuan anilo zawng in an ngai ange.. "




" Ngai lo ang.. " Ka thaw hawk a ngei zet in ka melh nghal vak " Chhuak rawh, ka in su dawn a lawm. I duh tak pawh i hmu tawh a"



" I keu em..? "


" Eng chu, lehkha hi maw. Keu teuh lo"


" Keu silo ngati nge i thuhruk?? "


" A chhan chu.. A chhan chu chhiar ruk ka tum vang ania mahse ka chhiar hma in i rawn la anihkha.. "


" I thuhruk a tla zawk anihkha.. " Tawi te hian min nuih a.



"A ho.. Ka in su dawn" Ka leh khalh a. Machine a thawmhnaw chu a sak sak in spin box lam ah ka dah phei zung zung. Bathroom hi a lian lutuk hran lo a, in suk na atan chauh a tih anih vangin ani palian ve reuh si lo awm ve chu bathroom a tawt up hian ka hria.




" Enge min kuah ringawt a..!! " Ka tal nghal vak a mahse ka ban nen zawng zawng min pawm bet vek.



" Lehkhabu kha i chhiar tih ka hria ania" a ti zawi sap a. Engmah ka sawi ve ngam tawhlo ka chhiar miau sia dawt hrilh tlat pawh ani thei bawk silo.



" Nangmah lo hi hmanraw dang ka hrelo lo atin anih hi.. " Enge a sawi awmzia ka man mai lo.



" Ka rilru i ti na a. Unau ang in min ngai ngailo bawk a, hman ni atang kha chuan mihrang ang kan ni tawh, kan in mil lo a chuan nang hian min duh tak tak lo bawk. Ka rin na i ti chhe bawk a... " Ka hnuk rawn ulh thar ngawt chu duhlo in ka tawng zawm ta lo.



" Ka hria a lawm, i nu neihchhun i nia ka tan chuan... "



" Min duh tak tak emaw ka ti hman a. Min ngaihsak na te, min hriatthiam na leh ka lak a i dawhtheih na zawng zawng te pawh kha a tak ah ka ngai vek a mahse alo nilo. Ka rilru hneh a keimah hmang a Anu tih nat kha i tum ber zawk alo nia...ka hrechhuak hma kha ka vannei takzet"



" Ka duh tak tak che a lawm... "



" Dawt chiang bal anihchu. Min duh loh thu i sawi vek tawh a, i phuba lak nan a i thil tum reng ani tih i sawi vek tawh. Engpawh sawi la ka ring tawhlo che, min ti derthawng zo vek tawh"




Ka dar ah a lû a rawn nghat a engtinmah ka lo tilo. Ka in khawih huh bak ah ka hnuk ulh deuh bawk nen k zawi vek tawh.




" A tawp ah tal kan hlim dun ka beisei.. " A la ti hram hram " Kan tawp daih tawh a lawm. Nilo, tawp tur pawh in eng in zawm na mah kan nei hman lo zawk"




" Tun ah pawh hian lem i rawn chang pawh ani thei a. Phuba lak nan ka rilru rawn hneh leh i tum anihchuan i tisual chiang viau ang. Ka duh na che kha a reh tial tial a tun ah chuan ka duh che em pawh ka in hrelo. Thil tha tak pawh ani in ka hria ka duhlo tur che hi.."



" Mate.. . "



" Mate min ti tawh suh, a lang ah chuan a pawi lo kan pahnih kar ah chiah chuan angailo. Engkim kan hre dun ve ve a. Ka sawichhuah loh chhan pawh i pa ka khawngaih vang chauh ani. I sual zia hria se tun ai hian buaina a thleng tam zawk dawn a. Ngawi rengin ti hian Anu i lak atangin ka veng anga chuan keipawh nangmah hnaih lo tur ber hian ka awm ang.. "




" Chuan min thlah rawh... " Ka tih leh chuan muangchang in min thlah a. Engmah sawi tawhlo in a chhuak ve mai bawk.




Suk chu ka tleuh sawk sawk a. Lehkhabu a thil in ziak khan ka rilru a luah zui reng mai.




"I thawm ka hre vek ania aw" Inchung ah suk ka zar laiin ka hnunglam ah pen thawm ka hria a. Min barakhaih tur bawk in Kiama alo kal a nih ka ring.




"Aaaa, tih phut leh che ka tum a sin mawle aw" Ka thil pho na bul chiah ah chuan a rawn ding zui.



"U Bawih.. " Ka lo ti hluai, a mit ko san euh pah in ka lam a rawn hawi thuai " A ngai leh lo mai.. "



"Naaaa, enge sawi la. Tunlai hi i in la nula zual emaw ni i awmdan te hi a dik lo riau" A ti daih.




" Chutiang in ka in ti nula lo. U Bawih Anu hi enge i ngaihdan?? " A nui a ahmui ti sawi zauh in bar chu a ngheng a " I zawh na te hi a mak thei si. Engtin vak nge ka ngaih anga a fel ka tia ka nu ah ka ngai"




"I ngei ve thut thin em.. " A hmel lan dan a in thlak danglam thut a rum zet a min en vangin ka hamhaih letling a ka chil lem dawk in ka en tha ngam lo chuan thil ka phone mawlh mawlh. Tun a a hmel rum lutuk hi Chhantluanga thinrim hmel nen a in ang em em lehnghal.




" Min zawt ho thei emai ka chhuk san daih dawn che.. " A hmel ang lo deuh in a nui chhuak leh lawi sia!! " Fimkhur rawh aw i rawn thlawk thla palh ange.. " A ti a min chhuk san zui.




Zan ah Apu te chu ka call a. Chhun lam ai in a zia tawh thu min hrilh a, reitawk kan inbiak vangin lehkha zir ka thulh phah ringawt. Anu'n a pangpar pot pakhat chawi chhoh pui tur a min koh vangin inchung ah ka chawi chhoh pui a. Ka chhuk hnu ah mut hma tiin ka inbual leh hnuhnawh, naktuk chu saturday ania tlem in a mut rei theih deuh. Ruata nen mut hmun ah kan inbia a thu pawimawh tak phei chu kan sawi lo na in kan in ve tui ve phian. Ka room pawn lam ah tei chhen an awm a kan unau 3 room chu a kar tawn chhen emaw ka ti hial zawk ka room zawn ah pawh vawi 3 ngawt thawm a awm hnai.




" Lawk aw... " Phone ka dah lai lawk a, hlau ru deuh chung si in kawngkhar lam ka pan.




Ka hawng de de a mahse tumah hmuh tur an awm lo. Ka let leh a phone chu la in Ruata ka mangtha sawt sawt a ka piah chiah room a awm Kiama ka call tawp. A la la mai theilo zui a vawi li ka call na ah a la chiah, sana ka en pah bawk a dar 10 a pel fel tawh. Kan in ah mi an lo lut emaw ni aw ka ti a ka hlau tulh tulh.



" I leng ami. Nge room ah I awm zawk? " A pick rual in ka ti nghal.




" Leng e ka rawn haw tep tawh. Tinge min zawng ami ka chhuah lai pawh min hmuh kha ka pa'n " A ti a.



" Anihchu. Room pawn lam ah hian pen thawm ka hria a ka lo call mai mai che nangmah i nih tak in.." Ka ti zawi sep. Tawng pawh ka tawng ring ngam meuh lo. Diktak chuan tiang lam ah hian ka dawih sa hrim hrim a, ramhuai tih vel ai te hian mihring a ngei mai te hi ka hlau mah zawk a hman ni a ka thil tawn vang khan ka dawih phah zual.




" Aw anihchu i hlau em" A ti a. Hlau mahila ka hlauh vak loh thu sawi in phone chu ka dah leh mai.




"Chhantluanga call ve mai chi ani angem tih ka ngaihtuah. Misual ka rilru ah lian zawk mahse ani pawh a tho in a tei kual pawh ani ve thei tho sia. Mahse fiah turin tu emaw tal ka duh, anihloh chuan ka mu tui thei lo ang.




Anu call ka tum lai tak in ka kawngkhar an rawn kik a hlauh vangin khum ah ka zuang kai nghal thuai.



" Mate... " A rawn kik vawi 5 na vel ah Chhantluanga'n min au hlawl. A aw ka hre chiah chu ka thlamuang nghal huai.



" Eihhh... "


" Hlauh i nei ami..? "


" Neilo e tinge? " Ka hlau reng sia, tinge ka zep kher thin le. Min nuihsawh ka hlau emaw ni.



" Bawiha'n min lo call a i hlau atia. Enge i hlauh a" Kiama'n alo hrilh hman ani maw. Mi hi a ngaihtuah ve reuh mange aw.



" Pawn ah thawm ka hria a ka hlau tawhlo e" Tha deuh in ka ti leh a " Lo hawng hrim hrim teh.. " A rawn ti leh. Ka mawng ka kan uai tawh, ka hawn chhan tur ka hriat leh hlawl loh vangin ka thu leh.




" Zan zan ah i nau room ah enge i tih dawn? " Anu aw ka hria a ka ngawi a an tawng ka ngaithla kar " Ka enfiah dawn.. A hlau aniang"




" Keiman ka en mai ang. Zan tei tawh a in kal pawh fo hi sim teh u.. " Anu'n a mah leh mah lo tak in a ti hriam hraih. Zan a rei tawh a khawilai mai pawh a reh that tan tawh vangin an tawng pawh a zawi na a, ka hre fiah kar tho.




" I ngai kawi a nih hmel hle mai. Ka ngaihtuah vang chauh zawk ani e" Chhantluanga pawh a duai bik lo.



" A that chu. Keiman ka'n thli thlai ange.. " Lehkhabu bawk kha ka ngaihtuah leh a Anu hmuh emaw han biak vel chu ka hreh thar tlat pek a. Ka tho lawp a kawngkhar ka va hawng rawk.




" Ka hlau tawh lo. Mu zawk ru" Ka va ti thawr. Chhantluanga chuan min en chik ngang mai a ka hai der lui hram hram.




" I hlauh chuan min lo phone mai thin rawh" Anu zia chu mak ka ti riau a. Tun a Chhantluanga helai a a rawn hmuh vang pawh ni lo in a hma atang a thinrim na nei sa a ang ka ti riau.




" Umm.. Zu chhuk leh tawh rawh" Anu a chhuk lai chu kan thlir dun reng " Mangtha... " Chhantluanga hnen ah ka ti a, a rawn hawi chuan a hnar a lo thi reng chu ni in.



Ka lapaw kawl sa hlawm chu ka va la thuai a.



" Kha i hnar a thi ania. Engtin nge i hriat loh theih a..? " A hnar a tuai puat a a kut a thisen kai a hmuh chuan lapua chu a la thuai a pawt tla nual in a hnar a hru tawk tawk.




" A nat loh vang aniang " A ti tawi tup " I hrisel lo emai in entir rawh I khuasik loh leh I hnar a thi thul. Tiang chuan i dam rei lo ang "




" Chu min thih hma tir i va tum ve.. " Pa zet in a vei nuih suk. Ughhh, pa te ka tia maw ka a tawh anih hi.



" Ka ngaihtuah vang zawk che anih hi. Phu lo hle mahla... " Ka ti vei salh.



" Nichin ah ka vei ngun deuh a i hlau anihkha. Keimah ka nia hlauh tur a awm lo .. "



" Awle.. Min va ngaihtuah ve.. "



" Mu mai reh... " Laih hmel zet hian anui a. Tinge khatia fiam ti tih a ka tih ngawt chhan pawh ka hrelo.




A ma room lam a pan a keipawh mu turin khum lam ka pan lehnghal. Chhantluanga rawn kal avang ringawt chuan ka ngaih a that phah ta em em a, a mah ani tih a in sawi kher bawk nen thlamuang deuh in ka mu thei hram.


*


" Kan tlar hnung ber ami Dindini khi i hria em.. " Ka en tum chu min kuai her lehnghal dawrh.



" En kher angailo. Ih maw a u nen an in ngaizawng an tia" Lawmi'n class ah zawi theihpatawp hian min hrilh.



" Ngati nge chu chu..? "



" Awi... A mak te i ti ve lo ami? Unau an nia, an in ngaizawng a thisen in zawm lo chu nise ka hrethiam thisen inzawm unau ah pawh unau dik lutuk tak kha an nia.. "



Tul lo lo in Chhantluanga ka ngaihtuah chhuah phah. Zep miah lo chuan tun thleng hian tlem te tal chuan duh na ka la nei tih keimah ngei pawh hian ka in hria a. Mahse a mizia in thlak leh ka lak a a awmdan,min bum na te vang khan ka duhlo awm ta mai mai ni in ka hria. A sual ta lutuk vang hian ka duh lo awm thei ni ber in ka in hria.



" Sawngi.. Ka sawi kha i hria em..?? "


" Maw... Eng ber" Min sawi nawk vangin ka ngaihtuah na atangin ka harhchhuak zawk.



" I mak thei. Nang ni la engtin nge I awm I rin? "



" Aaaa ka hrelo. Tawn tak tak leh sawi hi a in thlau thei sia. Bak ah an in hmangaih te chuan" Ka ti satliah ringawt. Kei ngei pawh in ka tawng tawh a,Chhantluanga kha hnar ka tum ve viau tho mahse ka duh kha a ngai ve hrim hrim nge ka hrelo ka hnar thei thlawt lo anihkha. Khang thil kha a tak tak ni se chuan tun ah hian Dindini te ang deuh a mahni unau te kawp ka ni ngei ang.





" Ti vel duah. Keichu hmeltha emaw zei pawh ni se ka unaupa kher chu ka duh theih ka theih ka ring lo, chenpui te lehnghal kan in hrechiang dawn ropui sia. An chhungte pawn an hau nasa an ti,bak ah a u kha ka hmu ve tawh. Zu a heh hmel tawp a"




" A chutin ti ngawt suh.. " Dindini lam ka melh zeuh. A hmel chu a ngui riau hian ka hria a, midang te chu a ngaihsak lo viau bawk. Sir a rawn lut a class a la zui nghal mawlh mawlh.




" Chawhnu lam ah board meeting a awm dawn vangin chawhnu class engmah a awm dawn lo a in haw thei ang aw. Mahse, in lam ah hmabak te in lo zir leh vek dawn nia" Lawmi'n a lo thlek leh ngawih ngawih tawh.




" Bem tawp rawh.. " Ka nem nghal pawp.



" Mawl suh bialnu chhelo deuh a nei. An in then hun ka nghak anih hi.. "



" Anih chuan haw ang an la in then har hmel si.. " A bag ka ken sak a,a dawhkan bawh lai chu kai tho in kan haw ta vang vang.




" Kan bang hma bawk a lo leng kawi ang che kan in kawm na a rei tawh kan in ah pawh ilo la leng lo.. " Ka ti hlak hlak a. Min hnial lo hrim hrim. Kan in a lo kal te chu a hma atang tawh in a ni pawh in a chak thu a sawi ve ziah tawh a.




" Eheee saw I bialpa kha ani em?? " Thingpui dawr pakhat ah Ruata leh hmeichhe pakhat ka la hmelhriat ngai loh chu in hma tawn zawng in an thu a. An in huat loh hmel viau lehnghal.




" Sawnu saw ka hmu tawh. Hospital a zan a ka hmuh kha" A ti leh zat. An awm na lam chu ka thlir reng a, thil pawi tak tilo mahse ka rilru a na ru tlat. Phone phei chu kawl ila ka phone nghal hial duh ang.




" A nih saw.. Haw vat vat ang thil pawi te hi i hmu thei si.. " Ka ti hmuk.



" Sorry aw.. Ka hmu thut a " Ani pawh a in thiamlo hle aniang a aw a zuai nghal ruih.




In ah kan thlen in Anu'n thingpui alo in mek a. Lawmi a hmuh chuan mak a ti tep a mahse ka hmelhriat tir nghal thuai vangin a buai ta bik em lo. Thingpui leh a hmeh min lo siam a ka in thlak hnu ah tv en pah in thingpui kan in. Anu chuan Lawmi lo leng chu kei ai mah in nuam a ti zawk ani mai thei. A tawng reng a thil a zawt neuh neuh reng bawk, a khamawm pawh ani chuang lo a nuihzat thlak mah zawk ani.




" M... Ka haw tawh mai dawn kal kawng a la thui sia.. " Ka room ah te kan awm dun hnu in a ti a. An veng a la hla tham bawk nen keipawn ka chelh lui bik lo.




" Awle.. " Pawn thleng ka thlah a taxi la in an tlan liam thleng chuan ka en zui.




Lawmi a awm tak loh chin ah chuan Ruata te ringawt in ka rilru an luah tan a. Kha nu kha a hma a a sawi dan atang kha chuan, hmuh leh pawh duh tawhlo a ang viau a mahse vawiin ah khan dawr ah an awm dun leh bawk si. Zan ah ka zawt ang ti rilru chung in lehkha ka zir dawn ngial a har tak ani ringawt. Ka thei ngang lo in tih fel Anu ka pui leh. Mahse mak deuh maiin ka pawh tak tak thin na kha a danglam hret nge ni ka biak pawh in ka tim ru tlat.



" Nu a pa kha i hmangaih em..? " Suk pho ka seng pui laiin ka ti chhuak phawng.




" Tinge maw i pa hi i sawichhuah leh thin a. Bawihte ani chu van ah a awm tawh a lawm, sawi sawi hian awmzia a neilo.. "




" I hmangaih nge hmangaih lo..? " Huat tur sawi hran lo mahse ka aw ka ka dim vak lo. Tinge a hmangaih leh hmangaih loh chu a sawi mai theih loh ni.



" Chhuk teh ang... " A hmel a danglam a thinrim na nei hmel a pu.



" Pa Rinchhana nen hian engtin nge in in hriat a? A pa thih hma khan in in hre tawh em..? " Step ah pawh ka zui thla leh hnak hnak. A ding a rum zet a min en chung hian




" Malsawm...i tawng tam mah mah thin. Ngawi mai mai rawh, hetiang in zawh in zawh pawh angailo.. " A ti hmak a, chak deuh in min chhuk san hlawk hlawk.




Anu mitmeng danglam ka hmuh rual khan ka chhungril hi a nâ. U Dawngi ziah ang tak tak khan pawmlai a neih lai reng a mi pa lehnghal a ngaizawng anihchuan ka zak ngawt ang. Apa tan pawh khan ka rilru a na dawn bawk, theihtawp a hmangaih in rim tak in kei leh ka nu tan a thawk a, chutih lai a ka Anu'n alo phatsan anihchuan...!




"Thil ngaihtuah vak vak zel suh... " Chaw ei laiin Kiama'n min rawn be thut. Thil engmah ka ngaihtuah hran lo, mahse ka thil tih tha engmah a tho theilo.




" Ka chau tlat anihchu ka chaw ei pawh a tui lo. Ka kham mai ang,ka damlo chuanglo ania" ti lehnghal thuai in ka kham zui.




Inchung room ka thlen chhoh rual in phone ka la a. School ban atang a ka tum tawh Ruata call chu ka ti ta ngei, mahse vawi tam ka call pawh in a la miah lo. Ka ngaih a tha lo tulh tulh a, ka lungphu rang leh thin zawn nâ chu ka feel thei. Chhantluanga duh mahila Ruata ka tan a that em vang hian ka hnar bik lo. Anih na tak ah pawh ka bialpa zawk ani a, chutiang in ka ring em em bawk. Mahse vawiin khan ka beisei loh thil ka hmu in ka tawng a, Ruata lak a ka beisei loh em em thil ka tawng khan mi ti nâ a, bum ni hian ka in hre tlat bawk.





Ka call a chhan theihloh vangin msg ka thawn tawp a. Chupawh a seen chuang lo, ka nghah reng hnu ah pawh min reply emaw call back na engmah dawn tur a awm loh vangin chhuah tawp a hmaichhan a biak mai chu ka duh.An in ka hria a. A hla em em lo ke chuan kal chhung a rei mai thei mahse keichu mi ti tut tut ka ni bawk nen zanin hian sawifel ila insawi fiah se ka duh. Ka call chhang se chhuah ngai ka ti bik lo. Mahse, a chhang lo a zan dang ah tiang anih ngai miau loh vang hian ka ngaih a tha theih tawhlo ani.




" Thil ka lei lawk dawn... " Tuman min chhang hman lo ka chhuak tlang nghal hmiah. Kal lah pawh in Ruata chu ka call sek a mahse a la theilo, khanu nen khan an la awmdun emaw ni.




"Ruata... " A tawp ah chuan a la ve ta hram. Lehlam atangin eng chhan na mah ka dawng tawhlo " Vawiin ah hmeichhia nen ka hmu cheu a.. "



" In hmu teh ang.. Lo chhuak rawh" A ti teh tawp. Ka chhuah sa thu ka sawi chuan min rawn lam tur thu a sawi a. A aw ki pangngai viau ang in lamg mahse dik lo eng eng emaw ni chu a awm tih ka hria.




" Lo lut rawh.. " A rawn thleng rang kher mai. Mahse, seat hnunglam a thu ka hmuh tel chuan ka lut tur chu ka thulh leh "a rei ania.. " Dawhthei lo aw zet hian a rawn ti leh.




" I bialnu thar ami? " Ka ti ta thlawt, nula awm chuan min ngaihsak lo ve ve a meizial a zu bawk. Ruata zawk chu a rawn chhuak leh lawi si.



" Ms, hrilh che ka tum a" Ka tawlh hnung nghal dat " A dik ani maw... engtik atangin nge? "




" A la rei lo, Chhana nen ka hriat cheu khan ka thinrim em vangin ani hi ka kawp phah a. Ka.. ka ti dik lo tih ka hria mahse ka tang ta anih hi... kan" Za lo lutuk in ka lo nui hak. Ka dem ngawih ngawih lo, a chhan chu keipawh diklo in ka awm ve tawh tho a.




"Tihsual lian tak ka nei a M... Ka.. " Enge a tihsual tur awm chu ka hria. Ka beisei lo lutuk a ka tawt nghal up up.




" Vawiin khan a bul ah i hlim viau in... " Sawi pawh ka sawi zo theilo ka hnuk a rawn ulh a ka tawngchhuak tawhlo hrim hrim. Nâ ka ti em em a chutih rual in a mah ka duh nâ ngawr ngawr anilo tih ka hria, phatsan hmasa tu pawh ni ila a phatsan nih ve meuh chuan a nâ ka tia awmdan ka thiam lo.. "




" I lak a ka awmdan dik lo ka tawrh na ni rawh se. Ruata inkawp kual ai chuan inthen a tha zawk" nuih luih hram ka tum a ka hlawhchham chiang hle thung.




" Ms... " Chhun a henu nen an hlim lai kha ma hmu reng a, tun a a in thiam lo hmel ka hmuh hian a thusawi zawh tak te kha rin tur an ni em ka hre thiam tawhlo.



" Kan in then ang maw... "



" Lo haw rawh Mate... " Ka chhan dawn lai tak in Chhantluanga aw ka hria.



Ka chhang miah lo a mahse in her in kan in lam ka pan vang vang. Chhantluanga pawh ka nghak zui lem chuang lo, ka kal hmawk hmawk a mahse ka mitthla ah thil nilo lo a lo lan vang chuan ka ding a ka tah a chhuak et et tawh. Keimah hi ka in hrethiam lo takzet, ka buai nuaih nuaih hi ani ber tawh.




" Ka phu tawk pawh ni mahse... " Ti chungin ka tap ta ngawng. Ka in sum thei ngang lo ani, phu ka in tih ve tho rual in tlawm ka in ti em em a chu chu ka la na hle bawk.




" Shhh..Khawlai anih hi... " Ka aw a chhuah miau vangin hnunglam atang chuan ka kâ a rawn hup a. Ka tah loh phah chuang lo, mahse ka aw a chhuak lo. Ka ding mawl tawp , ka kâ min hup sak tlat lo se chuan ka in tap mualpho thei ang.




" Haw ila... " Ka tah zawh thak thleng min nghak.



" Lo va haw rawh, tinge min zui reng reng a? " Ka la in hnit faih faih a ka tawng pawh in a ban leh charh charh thin.



" Ka ngaihtuah che.. Tinge? "



"Nakin ah ka lo haw ang.. " Kal na tur em em pawh ka hrelo a ka kal hla ngam chuang bawk lo. Mahse tei thawven rih ka mamawh.



" Ka rual in... "


" Ka la haw duhlo. Min haw san rawh"


" Ka hmuh phak loh a awm a ngai lo"


" Eng lemchan nge i rawn tum leh tak a.. " rilru nat sa nen ka mood a chhe vek tawh.


" Eng lemchan mah.. "


" Anihchuan min haw san rawh"


" I bul ah ka awm ang.. min mamawh"


" Aih ka mamawh lo che. Nang ni thian dun vang hian ka diklo zo vek tawh. Ka hmuh ah hian awm tawh lo ula ka duh zawk"


" Ka hmuh phak loh a i awm ka duh ve hleinem.. " Tiin ka tawng mi khalh zung zung.




Ads click ngai lo in tam sawt e, lo click ve hram hram tawh ula, in fel sia hmeltha ho


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 17th, 2022, 2:52 pm

💜CHAPTER-18



" Mi â a min chhuah hi in tum ni ber in ka hria... " Ka ti a. Ka taksa te hi a zawk vek.



Min kai a engmah a sawi lo, keipawh in ka hnial lo a hnial peih na tha pawh ka neilo ani ber mai tun ah rih chuan. A rual chuan ka kal ve miah miah a khawi ah nge min kalpui tum ka hrelo, kan in kam ah erawh kan kal lo tih ka chiang.



" I lawm em..? " A ding dat a, mahse engmah a sawi lem lo. A kal lehnghal hmawk hmawk.



" Thu rawh... " Kan kal na chin pawh ngaihsak tawh lem lo a ka zui mawl ve tawp chhungin khawi emaw hmun kan thleng a, thut na lo awm ah chuan min thut tir nghal zat.



" I lawm em..? " A rawn thut ve hnu ah ka ti leh " Hmalam a melh vung vung hnu ah " Eng ber ah chuan..? " A ti ve hram.



" Ruata ka then kha i duh viau ani lawm ni..? " A nui hul hak a engmah a sawi tawhlo.



Rei mawi tawk a ngawih vang vang hnu ah ka mal chung ka kut dah chu a rawn hum thut. Lak sawn ka tum rual chuan nghet deuh in a hum leh a,a ma mal chung ah a nghat phei hmiah. Ka tang ru tung na in ka hneh silo a engtin vak ka ti tawlo. Bak ah ti ti tur pawh in ka mood hian a tlin vak lo.




" Ka lawm alawm, a chhan chu ka ta pum hlum i nih theih dawn tawh vangin.. " A lam ka hawi zawk a min rawn en ve chiah vangin ka hawi sawn lehnghal.



" I pi nen kan in be thin a.. " A lam chu rang tawk in ka hawi lehnghal " Api nen maw..? Ngati nge" Ka ti hluai.




" Um, ti ti pui tur puitling leh rintlak deuh ka mamawh a. I pi biak chu a hlawk thlak khawp mai.. " Ka awih lo ang reng. A chhan chu api te ka biak hian Chhantluanga nen an in biak awm a sawi chu sawi loh a mah an sawi ngailo hrim hrim. Bak ah be tur pawh in ate puii phone atang a biak zel angai dawn a ate puii number pawh a nei awm tawp silo.




"Ka awih lo... " Ka ti hmak. Ka kut tang chu naute in thil a khal ang mai hian a khawih niap niap reng a.




" Ka thusawi zawng zawng awih loh vek chu a dik bik lo ania.. " Dam zet hian a ti a, hmalam melh in a nui nghal suk.



" Dawt min hrilh vang vek anihkha.. Mi rin na tih chhiat chu a tha lo a sin.. An rin na neih let leh tur phei chuan..."



" Ka tihpalh.. " Ka sawi zawh hma hma in mi lo tawng khalh hmak.



" I tihpalh anihloh kha. I duh ang takin i awm anihkha... "



" A hunlai kha chuan ni e. Tun ah chuan ka tihpalh alawm.. " A mah chu ka en vang vang, mak tak in dawt sawi hian ka hre tlat lo mai " I in chhir ami..? " Ka ti nghal phawng.



" Chutiang chiah chu. I pi ka biak atang phei chuan.. "



" I nu kha huat loh chu ka tum nasa. Mahse, ka nu boral na ka tawrh lutuk vang a ka rilru lam kal dik tawk lo lai khan min thunun leh thin a...Bak ah lehkhabu a in ziak ang chiah khan reilote ah I nu hian ka pa nei in min rawn chen chilh ta sia"




" An in hmangaih alawm" Nghet lo zet chuan ka lo la ti hram "Api nen chuan enge in sawi a.. " Ka lo ti leh hmanhmawh . Min en vang vang a awmze neilo zet in ka lai tep lehnghal " In ngaihdam tawn na.."




" I nu lak a ka rilru put chu nang pawh in I hria. Nang erawh ka haw lo che, huat che chu sawi loh ka duh lutuk che anih zawk hi. Nang leh I nu kar ah hian ka buai a, nangmah hmang a I nu tih nat ka duh rual in i nat tak tak dawn chuan ka lainat che. Rilru na a ka room i chhuahsan zan pawh khan rilru nuam takin ka mu bik reng reng lo. Midang ka rin ngam tak engkim sawichhuah na tur ka mamawh a, ka pa bul ah chuan a theih log hul hual. Pi leh pu dam tak a awm titi pui tur ka neih loh vangin ka sual ka chhuah lui ta zel a. Mahse, ipi leh pu te an awm tih ka hriat khan ipi chu ka be pawp ta tawp a"



" Chuan I ring mai a maw..? "



" Aw.. Keipawh inmaka ka in ti. Ka u bak hi hmeichhia rin ka nei ngailo ka nu kha ani leh mai, mahse i pi ka biak chiah khan ka ring nghal tawp. A zawng zawng hian ka ring, chuan ka rin ang chiah khan a rin tlak bawk a. Ka chian chhan pawh ka biak atangin ni a liam teuh tawh a ka biak na thu lah mahni tu te lak a zep chi pawh nilo anih laiin ka ngen ang in kan in bia tih pawh i hnen ah engmah a sawi lo kha ani.. "




" Api chu tinge chutiang te a zep theih a? " Ka ti leh ringawt.



" Ka ngen a lawm.. " Awih lo lutuk in ka melh. A ni mipa sual leh luhlul rilru lian bawk si hian ngen na a siam duh ka ring lo bur.




" Min awih loh hmel si.. " A hmui a ti pawrh zauh. Titi peih lo ka in tih nen ka rin ai ka tawng tam mai bak ah kan thusawi dun a ta lang in Ruata vang a ka rilru na takngial pawh ka hre chang mang tawhlo. Hepa hian ka rilru min lak pen sak hi a tum hrim hrim anga tiang hi a sawi mai mai ani zawk lo maw le.



" Ka awih lo che. Ka rilru nat vangin thil dang a ka rilru lak pen i tum anihkha. Haw ang" Ka ti nghal zat a ka tho chu min pawt thu lehnghal.



" Min awih rawh ka tilo. Thudik ka hrilh mai zawk che anihchu, chuan i hriat atan a ka duh chu i nu ka lak atang a venhim tum angai lo ang"



" Enga.. " Khati khawp khan ka nu a hua a. Heti mai hian a nem thei dawn ami le.



"Ka sawi nawn dawn tawh lo.. " Nui chung in ka biang ah a piai vak. Nâ ti lutuk in ka biang chu ka kut a hum na lo lam in ka dawm nghal vang vang " A na lutuk..!! " Ka tih vak vangin ka kut chhan ah a rawn fawp.



" Mate, kan pahnih inkar hi siamtha ang hmiang. Chance min pe la.. Ka tih nat na che leh i rin na ka toh chhiat kha siamthat leh vek ka duh"



" Mama..!! " Thil dang sawi tur pawh ka hrelo. Ka boruak tawn in ang lo lutuk hun in ang si a ka tawn bawk vang hian ka a zo lo chauh ani.



" Anu i haw tawhlo tak tak ami.? " Ka ti leh ringawt. A bu nghat a, amah hnaih lehzual tur a min pawt in a mah ka sik rual deuhthaw chuan



" In ngaihdam tawn na" A ti sap a " I pi ka biak kha a hlawk thlak ka tih tawh kha maw, thil tam tak min hrilh a in ngaihdam tawn na pawh.. " A nui a ka pi a sawi lai a a hmel kha hmuh a nuam takzet, api ngaisang tak ang mai ani.



" Chuan...chance chu min pe thei dawn em? Midang thik reng reng a awm reng hi ka peih tawhlo lutuk.."



" Mama.." Ka beisei loh lutuk a mah atang a ka hre mai chu mak tiin ka en hâw tawh. Rin nghal tur nge tur loh pawh ka hrethiam tawh lo.



" Khati khan min ko char char dawn ami. I bialpa ka nih theih hun ah pawh Mama tih reng chu... "



" Bul tan thar tawhlo zawk ang. Keini chu, min haw tawhlo nufa tak tak anihchuan unau ang leh chhungkua in ngeih tlang tak ang in awm zawk ang.. "




Min chhan leh hma in tu emaw in a rawn call a. Phone a phawrh rual a ka lo en ve vangin Nute-i ti a a save chu ka hmu hman zauh. Ka tho thut a chak deuh in ka kal nal nal, min rawn zui a min koh pawh in ka hawi let lo a ka nghak lo bawk. Ka thik vang lam nilo in U Nute-i nen a in kawp lai mek an ni a kei in ka bialpa ka then vang ngawt in ka ngaizawng theilo. Bak ah keini chu unau ang a cheng dun kan ni a kan nu leh pa te pawh in engtikahmah unau ang lo chuan in zawm na kan neih tur min pawmpui dawn lo.




" Ka koh mawlh mawlh che kha... " Kan in kawt kan thlen hma lawk in min rawn um pha.




" Ka hmanhmawh lutuk a ka hrelo palh anihchu" Ka ban ah a man tlat vangin harsa deuh chuan ka tal pit thei hram " Dawt sawi lo mai teh. Nute-i lo call vel ah i tho hmak a i kal nghal vang vang anihkha. Ka koh hrelo tur khawp a bengchhet i nilo "



" Aw motor te a tam em a a bengchheng bawk nen.. " Ka la ti ve tang tang.



" Chance min pek chu... "



" Pe dawn lo che. Ka ring ngam tawh lo che a,bak ah keini tan chuan thil a harsa zawk mai mai. Tihian in ngeih tak a awm leh tum zawk ila... "



" Chu chauh nilo i bialpa nih ka duh tel thung a lawm. Mate... " Min ban a ka lo tawlh sawn nghal dawrh.




"U Nute-i nen in ni mek a,, khatiang sawi tur pawh kha i nilo a sin mawle. I duh tak tak lo anihchuan then mai rawh, a rilru tihnat sak tel kher angailo, chuan ka bialpa atan ka duh tawh lo che" Ka thusawi ah hian ka nghet pawh in ka hrelo mahse, thil tam tak avangin leh a mah vang ngei hian rinna ah ka derthawng vek tawh.




" Anihchuan kal la.. "



" Khawi ah.. " Ka lo ti deuh hâw. Tawi te hian anui a " In ah mawle, haw turin i kal mek ani lawm ni"



" Nia kal e.. " In lam hawi in ka in her a. Pen sawm vel ka pen tawh, thawm a rawn neih loh vangin ka in her leh a ani haw lo in khawi ah emaw kal a tum aniang, in hlat zawng tak hian a kal a.




"Hey, khawi ah nge i kal dawn? " Ka koh na hrelo ang hmak chuan a awm a, a hmalam a pan ding ngat ngat khawp lehnghal.



" Chhantluang..? " Ka au leh vak. A la rawn hawi chuang lo keipawh kan in lam pan chuan ka kal zui leh hmawk hmawk. A duh duh in awm teh se a luhlul ngeng ngawng lutuk.


*


" Vawiin ah Heritage ah kan kal dawn a. Ilo kal ve duh em? " Kiama'n a sam siam mawlh mawlh pah in ati a.



" School.. " Ka ti chiah " Vawiin saturday... " A rawn ti thuai. Ni tak vawiin saturday ania school kan chawl a, a remchang phian ang mawle.



" Tu te nen... "


" Kei leh ka thiante ... "


" Aaaa tumah ka ngam silo anga ka kal ve lo mai ang"


" A ho e i bul ah ka awm reng dawn a lawm.. " A ti viau a mahse ka peih phah chuanglo.



" Anih in chhuah dawn tho chuan phurh tur i nei em? I neihloh chuan i rual in ka thiannu te in thleng chuan ve ka duh a Ramhlun ami an nia chumi lam ah in kal dawn em? "



" Dawn ang, ka thianpa pakhat a awm a sawm phei tur. Phurh tur ka nei hran lo, kan nu nen kan in break leh tawh a.. " nui pah deuh hian mi rawn hrilh ru. Ka lo ner nghal vak, an in duh ve hmel hiam hiam nen aw " Ka rual chuan i kal dawn nia.. "



" Awle.. I kal duh dawn hun ah min hrilh la ka lo in siam lawk ve ang" Chaw kan la ei loh vangin ka ti a.



Chaw ei laiin Anu hnen ah ka sawi a midang chuan an phal sa vek dawn tih ka chiang. Nizan ah Lawmi chu ka sawipui sa tawh a kal dawn a call leh tawp ani mai. A rawn len tawh vangin nizan khan vawiin a ka len ve kha a rawn phut deuh tlat kha ania,tih tur em em ka nei hran lo a chawlh alo ni veleh zel bawk nen ka aw ta ringawt anihkha.




"Haw har suh aw. I duh chuan ka rawn lam kawi ang che" Ka room kawngka biang ngheng a lo ding reng chu ka va melh zawk.




" A ngailo. I haw hun te chu a tlai mah mah a, chutiang ah te chuan in ah ka lo awm leh der der tawh zawk ang.. " Tha deuh chuan ka ti ve mai. Nizan a kan nufa lak a rilru chhia a put loh chungchang a sawi kha ka ring over ta nge ka hrelo a lak ah hian ka zawi ta riau mai.




" Ka lo lam ang che... " A kal sawn nghal hmak a. Chhan zui hman anilo a, nghah emaw a hruai haw kher pawh chu ka duh chuang lo. Bak ah sawi tawh ang in len rei kha ka tum lo hrim hrim a, len loh aisa ang vel chauh ani va tal ve ka tum.




Kiama nen chuan kan in zui chhuak a. Kal pah in an nu nen an in then chhan vel chu kan sawi leh hrep, tun tum chu an nu nilo in a mah a in thiamlo zawk a. An inthen chhan ah pawh a ma fel loh vang ah a pawh vek a an nu chu a puh ve lo hrim hrim. Zu hi a in ve zauh a hman ah pawh khan khami avang tih theih turin Chhantluanga nen pawh an in hauh deuh tawh kha. Khatiang deuh chiah khan an nu nen an lo in ti thiamlo anih hmel a, bak ah an nu hi kohhran upa fanu fel zet mai alo ni reng aa,zu vang a an in hmu thiamlo pawh chu a awm viau a, chutih rual in siamthat ai a engkim tih tawp nghal mai a duh chu mak ka ti viau a puitling lo ka ti ve tawp.




" A dang an lo lang leh mai ang.. " A ti mai mai a. Ngaihzawng a la thutak lo lutuk hi a bialnu ka ni ang tih a hlauhawm zawk.




" Chutiang ngawt anilo. Mi hi i ngaizawng satliah mai mai zel ami? Ka lo awm atang pawh i bialnu i thlak tam tawh.. " Za zet hian a nui vak vak.




" A ho e, thlak reng hian a nuam ve a lawm. Bak ah keimah ngawr ngawr ka ni bik hleinem, kan nu te pawh in min hne ve tho aniang min then hmasa tawk an awm ve tho"




" Ka awih lo. Nang ang tlangval fel leh lehkha thiam. Chutah la hmeltha tel bawk si hi tuman an ning phal lo ang che"



" Hmeltha a? Ka tha amaw ni le, i u ka nih bangin min fak mai mai anilo maw le.. "



" Teuh lo mai, ka ti tak tak.. " Ka lo ti thuai. Anih na tak ah chuan Kiama hian Chhantluanga tluk lo mahse a hmelchhe bik miah lo a. Chhantluanga ai mah in a la ngo a a fresh over, Chhantluanga mitmeng danglam zet ang kha neilo mahse a meng mawi ve tho a, a nui mawi bawk. A pa lian ve tho a, taksa fit ngai pawimawh tu an nih ang in an taksa lah a zahpuiawm lo bawk a. Kiama hi chu a mah a fel em vang pawh hian hmuh chhiat a har hrim hrim.




" Ehe...!! " Kiama ti deuh thawt ah chuan a ri nghal bur.




Chiang tak in kan tlu tih ka hria. Ka ban vel a thip vâwt vâwt a, ka nak lampang hi a na bawk. Ka lu lam ah hliam ka neilo ni tur ani engkim ka chiang a ka harh tha ang reng bawk. Ti ila tlem chuan ka hai deuh, na lutuk ka neilo a mahse ka thinphu leh hlauhthawn na chu rapthlak khawp in a nasa. Mi lo pungkhawm in ka that leh that loha min zawt reng a, ka that rual in kan awmdan mek vang hian chhan pawh ka chhang theilo min thawng ani ber mai. Engtin tak nge kan tluk tih te kha ka hre hman lo a rang bawk si.




" U Bawih.. U Bawih" Tlem a ka rilru a fim tak ah chuan min phur tu ber ka u ka hrechhuak. Keimah chiah ka lo in ngaihtuah ngar ngar ringawt a.




" Mate... " U Bawiha pawh chuan min lo chhawn thuai. A ban pakhat zawk chu a tliak nge engtin nge a awm chiah ka hrelo na tih hmel tak hian a dawm a mi pawh in an dawm pui bawk.




" Tunge a khalh tu kha va fimkhur lo ve.. " An ti vak vak a. Kan tluk dan teh tawp kha ka la hrethiam thei chuanglo.




" Bawiha... Mate" Chhantluanga ani chiang lutuk. Ka hawi kual vat a Chhantluanga hmel ka hmu chu ka hlauhthawn na neih sa nen ka tah a chhuak a ka hnar a rawn thip er er. Mi zing a tah erawh ka duh chiah silo.




" Mama.. " Kiama nen kan lo ti rual ve ve. Engtin nge helai ah alo lan mawlh theih ka ti dawn zet a mahse helam kawng tho hi a Bank thawh na kal kawng ani ve a. Kan chhuak hmasa deuh bawk nen min rawn nang fuh aniang.




" Na i nei em.. " A ban pakhat zawk chuan mi rawn kuah a. Pakhat in Kiama a va dawm " Bawiha I enge nâ " Tiin a zawt zui ve nghal.




Ka hlauh thu hlir ka lo hrilh char char, a rawn lang chu ka pangchang in ka no ta sawt hian ka in hria a, chutiang a awm loh ka tum lah in ka thei der lo. Kiama'n a ban ruh nat zia a lo hrilh ve bawk a, a na tawk bawk aniang a thlan fim a tla a a meng sen ram bawk. A thaw leh hawk hawk thin bawk a,na nei a hui leh pap pap thin ang hian a ti thul. Chhantluanga pawh a buai hman thelh. Keiin a thlazar hnuai atangin ka hlauh zia ka hrilh reng a Kiama kei ai a na zawk in a khat tawk in a nat zia a hrilh ve bawk.U Bawiha nen kan awmdan chu naupang in an Pa hnen ah an nâ leh thil dang an hrilh a hi ka tehkhin ber.



★ ZAWM NA..★



" Kha motor a awm kha damdawi hnai ber ah i hruai ang u.. " Mi zing a awm tu ber nge ka hrelo chuti chuan an lo ti a. Chhantluanga'n min kai tho a Kiama a kai tho bawk.




Motor chuan hospital hnai ber kan pan a. Kiama chu ban chu an en sak thuai a, hmun dang ah pilh leh hliam alo nei nual. Ka en that ngam loh vangin ka kun tlat a nurse pakhat in nâ ka neih leh neih loh min zawt pah in min check a chumi chhung in Chhantluanga'n Anu a phone a thil awmdan a hrilh nghal zung zung. Hna a tlai tawh viau na in min kalsan phah chuang lo a, kan bul ah chuan a awm ve reng. Kiama ban chu a mah a lan dam ai in alo na a, a ruh a kawi ti tih an tia. Nâ kha a tih hmel em bawk a mipa puitling e tilo chuan, ruh phei chu a na bawk si tawrh liam tawp kha a harsa ve tho ang.




"Ka nu a rawn kal dawn a. A rual in i haw dawn nia nang chu, nakin ah test eng emaw neih chu a tha tho tho. Bawiha chu ka lo awmpui ang" Ka bul lawk ah chuan a rawn thu a. Keiin uluk tak a en in a thusawi pawh ka ngaithla uluk hle.




" Mate... Engtinmah i awm loh hi, hlau suh" Ka kut la khur chu a rawn hria nge ka hrelo. Min hnem tum takin a rawn tawng a, ka chhungril hlauh na erawh a reh mai theilo.




An rawn call a U Nute-i ni in ka hria a save dan ah chuan. Min en a hmun dang ka hawi nghal daih, zawi te in a be na a, a aw lo thum ve deuh bawk nen kan thu dun bawk a a sawi chu chiang tak in ka hre vek tho. Motor a min hruaitu pawh a la awm a tawngkam a min thlamuan pah in kan tluk chhan ber motor khalh fimkhur lo lutuk a lo awm pa kha a sawi tel nghal luam. A sawi zel dan ah chuan kawng engmah en lo leh midang ngaihtuah miah lo a rawn back chhuak thut ani awm e. Keini kha kan tlan pangngai viau a chutia mi tlan lam ngaihtuah miah lo a motor an khalh chhuak chu ka haw thar takzet, kan accident phah a Kiama ban a nat phah bawk.




"Kalsawn suh.. " Ka thu tha tur ringawt chu Chhantluanga'n mi man thut.




" Ka thu tha ringawt dawn a lawm.. " Ka tih chuan in thiam lo hmel pu deuh hian min en a min thlah nghal riai riai " Sorry kal sawn I tum emaw ka tia.. "




" Phone kha ila bia emaw ka tia" A phone hum lai chu ka melh a, chhuanlam tur ngaihtuah ang mai a hmundang a melh zeuh vang chuan " Anu chu a van lo thleng har.. . " Ka ti leh daih.




"Nute-i ka bia a.. " Bu nghat in motor a min hruai tupa awm na lam chu ka hawi zui. Awmze neilo leh atthlak lutuk a ka nat thut na hi ka hmel ah a lang anga a hriat ka hlau.




" Kan la sawi tha dawn nia.. " A tih sup vang chuan a lam pawh hawi chuanglo in lu ka thing ringawt.




Anu a rawn thleng a a rawn chiai nghal khawp mai. Kei ka tha a Kiama ban a nat zual zel vangin kan phili buai vek tawh. A duk a arawn pawng ti ila a vung ani ber in ka hria, an khawih sik chhin khan a ruh tul an la ti zui. A ruh a kawi satliah nilo a pir chhuah tep te ka ring rum rum. Anu nen kan haw a Kiama erawh an la awm tir rih, a khua te a sik lek lek . Chhantluanga'n a awmpui a hna lam pawh a ngaihsak theihloh, kan thenawm ami tlangval engmah ti lem lo a rawn hruai tel a chu chuan Chhantluanga leh Kiama te bike a lo va ngaihven hman hlauh mai.




" I u te chu aw... Ka'n phone leh teh ang " A ngaihtuah ve ngang ani kan thlen hnu lawk ah tei tei in a phone ta nge nge.




" E in lo haw maw. A ban chu a na tawlh tawlh ami? A zia lo e mi dang kan entir nghal duh ange.?? " A ti nghal zung zung. A phone hman lai chu ka ngaithla ve reng a, diktak chuan keipawh na ngawih ngawih ka neilo a vun chhe pilh te chu a awm ve tho a ka taksa hi rawl ang hian a na deuh thum mai.




" An lo haw dun ve mek anih chu.. " A rawn ti a engtinmah ka ti lem lo.




Ka che chang lawk tawh lo couch ah ka thu mu deuh a. Kan chetsual dan ka ngaihtuah let khan a hunlai ai mah mah in ka hlau zual a ka tim ur ur thei. Reilote ah Kiama te an lo thleng a, a hmel en pawh in a nawm loh zia a hriat theih. A room ah Chhantluanga'n a hruai a Anu pawh in a zui chho a keipawh ka han chho veleh.




" Na chhawk na an pe leh a. A la chhawk vak lo aniang, a chhawk thuai tur ah ngai ang. Ka pa hrilh rih su aw a phili leh vak palh ang alo haw hun ah kan sawi dawn nia.. " Chhantluanga'n ati a keini nufa chuan thuawih zet in kan lo bu nghat nghat.




" Hliam na lutuk dang a awm lo chu a lawmawm takzet ani. Engtin tak nge in tluk reng reng le" Kiama leh keimah min en tawn zak zak.




" Nakin a sawi ah kan la khek dawn nia. An la hlauthawng ang.. Bawiha pawh ti hian mu hahdam se.. " A nau a duat na aw ka hriat chuan ka lo thlamuan pui hliah hliah. Kiama tan tak pawh tiang a ngaihsak tu anei hi a lawm awm ngawt mai.




" Ka'n thut pui rih ange mamawh aneih palh tak in.. " Anu chuan a mipa naupang damlo chei khawp mai. Mahse, a ngaihtuah vang ania a tha vel vek tho. Chhantluanga nen kan chhuak a ka room ah ka luh in alo lut ve leh.




" Nang, na en em i neilo tak tak maw? After shock te hi i neih ka hlau ania ka hman remchan ah in pahnih in in check up tur in ka la hruai dawn che u nia.. " A rawn ti a.




" Ka hlauhthawn na hi a la reh theilo. Chuan ka taksa hi kan tluk na vang khan a na deuh " Tinge ka rin em em pawh ka hrelo, a bul a nem leh tih nuam deuh a awm a,a ring ber ang zia zang a engkim hrilh pawh hi tha ka tilo mahse ka tum ai hian ka kal thui leh thin.




" Khawi maw ka lo en teh ang che. I zawi awi riau mai" Min rawn pan a khum ah min thut tir in ka ban leh ke te ka taksa lang pawi lo lai ho chu chik deuh in min en sak.




" In bual la a tha ang. I thawmhnaw a bal anihkha " Tiin ka bul te ah chuan a rawn thu ve nghal zat.




" I chhuak leh dawn em? " Ka lo ti daih thung. A hna chu thuhran, U Nute-i khan a lo call bawk sia chhuah dun tum an ang riau.




" Aih dawn tawhlo e. Ti hian ka awm tlang mai ang, Bawiha ban na te hi a zual leh chuan hmeichhe pahnih chiah awm tir cheu chu a dik lo.. " A ti mai a. Nia kal tawhlo se a pawi ka tilo keipawn, Anu nen ngawt chuan U Bawiha zual se kan buaipui hneh lo ang.



" A ban kha a na ngawt ang. A vung bak ah in sawi dan khan... "




" Nia a na viau ang. Ruh lam hi chu chhete ang a lang pawh hi a na duh ania. Bawiha phei chu a ruh a rawn pawng chhuak sia.. " Ka lo tim sung sung. Ruh tliak tih te hi ka rap lutuk, film a an tih tliah lem mai mai pawh hi ka en tha ngam thin lo.




Chhantluanga chhuah hnu ah ka in thlak a. Inbual ka tum zet na in ngati ta nge ka hrelo ka che chang peih lo ka chau nghulh a kan thil tawn khan min shock ani ber mai. Lawmi pawh in ka kal thleng thei silo chu dar 1 vel ah min lo call. Mu chungin ka chhang a, kan tawh sual tawh dan te pawh ka hrilh ve nual. Awmhmun ah min lo hlauhthawn pui ve em em bawk.




" Damdawi.. " Kan inbiak laiin Chhantluanga a rawn lut leh. Ka tho a Lawmi nen pawh kan in biak na kan ti tawp nghal mai " I sil awng viau thei in ven lawk nan.. " A ti leh sup.




" U Bawiha chu a zia tawh em..? " Damdawi lak pah in ka ti a. Bu nghat in tui bottle min pe nghal zat. Damdawi ka ei zawh ah ka mu leh mai a, ani pawh chhuak lo in ka khum ah chuan arawn thu ve hnuhnawh.




" Min tih hlauh zia kha. Hliam i tuar lo chu ka lawm.. " Ti sup in min en reng. A mah ka en lo na in ka mit sir hian engkim ka hmu thiam vek.




"Keipawh ka hlau. Mi fimkhur loh vangin kan thi lo chauh anihkha" Min pawm pui tih hriat zet chuan a bu ve nghat. Ka sam a rawn khawih a ka hmai a zar loh nan ka beng ah mi zeh sak. Ka lo tang nghal tung a ka mu tawm sa tawh pawh ka tawm lehzual.




" Ka mut ve i phal em..? " A ti thut. A hmel ka en lo theilo, a meng cool lutuk leh thutak tel bawk si vang chuan chhang mai lo in ka wn en reng.




" Ngaihtuah na tha lo ka pu lo ania" Pa zet a min nuih suk in a kut a la sawn nghal.



" U Nute-i'n min thik ngawt ang" Engvang in nge chu chu tun ah ka sawichhuah daih daih.



" Min thik rawh se. A pawi hleinem" A ti tawi tup.



" In inkawp reng tho sia, tinge min chhai kual tel zel tho a?? "



" Kan inkawp tawhlo.. " Ka awih loh em vangin ka mengkual nghal ralh " Tak tak, ka duh awmchhun chu nangmah chauh a lawm"



" A hma pawh in kan in then i tia in in zui leh tho si"



" Ruata ta nih phet i tum anihkha" A phet a zawng a min sawi chuan hmui ka ti pawrh vak " Tun a kan in biak leh in zui chhan hi chu dawr fak na vel kal zel kha ala nia. Eng emaw tih dun tur kan neih veleh zel vang ania.. "




" Tel tawh lo mai rawh.. " Ka lo ti hmiah. Tun a ma tawng dan lah chu thik k ang phian a.




" Awle.. I duh phawt chuan" Phone a phawrh a tu emaw a call nghal zat " Aw Chhantluanga kha ka nia. In dawr fak na atan a kan inbiak tawh kha, ka hman leh dawn lo anih hi aw. Ka nau accident vangin kan buai deuh a"




" Aw.. Awle min lo hrethiam mai dawn nia. Aw tehreng mai, anih phawt le... " Mak ti lutuk in ka lo en. Tun a ka sawi vang maiin a tih tur sawi fel sa a cancel tak tak nia!!



" Tikhan a tha em..? "


" I uang ami..? "


" Uang miah nang. I duh I sawi a ka tih theih ang ka ti ani mai "



" Chutin... " Ka lawm ruk rual in ka in thiamlo hnuhnawh " Ka sawi mai mai anihkha.. " Ka ti ngawt. Ka sawi mai mai hran lo nichin kha chuan.



" Keiin ka sawi tak tak thung a" A nui mai mai, sum tlem a zawng a hmuh na pawh a ti taql hmiah a, ka thu a ngaih pawimawh na in min ti lawm ve mahse a nuam viau lo.




A rawn awm hniam thut vangin min fawp dawn emaw ka tia lukham lam ah ka ring her in hmai ka hnim phum daih. A nui ri hak in a zui nghal a, ka thinphu a rawn rang nasa mai " Lehlam ah ka va lut leh lawk ange.. Ka rawn kal leh ang"ka beng bul a rawn ti se se in khum a chet lawih rual chuan kawngka lam ah pen thawm in a zui nghal.





A sawi ang tak tak chuan reilo ah a rawn lang leh nawlh zel a. Chutiang chuan keini a nau te pahnih chu min vil tawn chawt ani mai. Na ka nei ve lem lo na chungin Kiama a ngaihsak ang chiah in min ngaihsak ve tho a, a khat tawk in na thar ka nei em tih min zawt reng bawk.




Vawikhat chu a chhuah dawn in ka lehkha zir na dawhkan a ka lehkha puan dah ah chuan eng emaw a ziak nghe nghe. Ma ngaihsak hran lo a en pawh ka tum lem lo. Ka che tha peih lo hrim hrim bawk.




A chet zia ka ngaihtuah leh keima lam rilru ka ngaihtuah kawp chang chuan ka ring in ka ngaidam hma ka in tia. Mahse, mihring ve tho ka ni athil engmah tlang tak a hriat leh hmuh theih ka nei bik lo a. Chuvang tak chuan ka ring leh ka hnaih leh ta mai chu ka in thiam lo a, ka na leh ang tih ka hlau leh thin. Mahse a mah ah hian hian dawt awm in ka hre tlat lo, hlauhthawm na ka nei chung in ka bul a awm meuh chuan ka ring leh nghal tho si. Lemchan a thiam em a ka rilru hneh thluk leh ngei tum in lem a chang leh aniang ti a ka rilru her danglam ka tum ngial pawh in ka thei mang der lo. Kei hian duh satliah nilo in ka hmangaih ta aniang te ka ti rum rum tawh. Mahse, enge hmangaih chu ni ang? Mi kan duh hian kan hmangaih chu ani mai lo em ni le. Mahse, chuti ni se Ruata kha ka duh ve em em a Chhantluanga ang erawh chuan a lak ah hetiang a awm hi ka neih ka hre ngai silo.





" The rock.. Ka awmdan hi ka hrethiam lo" Remi nen tlai tawh ah kan in bia. Kan accident chungchang ka hrilh hnulam ah Chhantluanga nen a kan inkar ka hrilh vek a. A tir khan ka ngaihzawn lem loh vangin ka haw chhoh zawk pawh in engmah ka hrilh lo kha ania. Mahse tun tum chuan engkim tak tak ka hrilh vek. Mak a ti a, Chhantluanga sual a ti ve em em bawk a, keipawh ka hrilh loh vangin min ngei thu a sawi chiam bawk.




" I duh satliah lo aniang. Mahse the rock, i nu in a suh dawn mi unau ang in in awm bawk sia... "



" Chu chu a lawm. Mahse, midang a neih in ka thik hian ka hre bawk sia. Min ngaihsak thiam bawk si a mah hian, ka bul a a awm chuan ka haw over hman tak tak lo. Engtin emaw hian ka awm tlat zel a"




" Nih pui tawp mai rawh, ti ila i nu a awm sia. Bak ah i ring leh tak tak thei dawn ami? Keichu ni ila harsa ka ti ang. Mahse i tan a khuanu ruat te pawh ani ve thei tho a. Chutiang anihchuan i la ring leh ngam anih pawh in i dem awm loh.. "




" Chu chu ka buai na, ka hlauthawng tlat tawh a. Mahse ka la duh em em tho bawk si.. "




" A mah hrim hrim khan zùn a nei aniang. Chutia i rin na a ti chhe vek i ti chung pawh in i hlat hmak thei chuang silo a. Bak ah a pa e, keipawh ni ila ka duh ve viau mai thei"



" Ka ngaihtuah nasat chuan maw min bum leh tum hian ka hre tlat a"



" Aaaa khatah ka awm ve bawk silo hriatthiam pui che a har. Bak ah i ring leh thei a in i kawp leh anih pawh in i nu ber kha, i u pa pawh in a duh lo dawn lutuk iti sa sia... In buai nuaih nuaih phah lo maw?"




" Nia.. aaa ka kal dan a kal tlang mai hi ka duh, chhungkaw boruak chhia siam a ti keh darh tu ka nih te pawh ka hlau... Chance pe lo ila tawp hlen zawk hi a tha ang. Nang enge i ngaihdan? "




" Kha chu nangma chin fel chi,ka in rawlh na chi pawh a ni tawhlo. I duh dan tak in awm rawh,keichuan ka support em em reng che ania.." Kawngkhar lam ah thaan a awm chuan rang lutuk in ka hawi nghal. Chhantluanga alo ding run a, ka hlauthawng nghal ringawt a phone pawh ka hmet tawp nghal.




" Engtia rei nge i din tawh..? "


" 4 Minutes vel chu ani tawh ang.. "


" Kan thusawi kha.. "


" Ka lo hre vek a lawm.. " A hmel lang dam zet si chuan min ti hlau zawk daih.



" Ka ti lui dawn bik lo che ania. Min rin theihloh pawh in ka dem lo che, chance min pek i duh loh pawh in ka hrethiam bawk che. A tha vek e.. ka phu tawk chiah anih hi"




"Chaw kan ei dawn a lo chhuk thla la aw.." A kal chhuak chu ka thlir zui a, mahni in thiam loh na boruak rit lutuk in mi tuam hlup hlup.




Ka tho chhuak a phur lo zet a ka kal chuan ka dawhkan a nichin tawh ami a thil ziah ka kal pel turin ka hmu thuak. Ka en nawn chuan thil dang vak a lo ziak lo, mahse ka beisei loh thil erawh ani chiang hle thung. Chu a thil ziah chu ' Ka Hmangaih Che ' tih te mai hi ani.


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)