HERMANO By Bearr Chhakchhuak (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: HERMANO By Bearr Chhakchhuak (Completed)

Unread post by Ngaia » July 17th, 2022, 2:52 pm

💜CHAPTER-19



Inhnuai a ka chhuk chuan min lo nghak thap tawh. Kiama chu a dam loh miau vangin room ah a awm a, Anu'n nakin ah a han pe mai dawn anih hmel. Chaw ei pah chuan Pa Rinchhana'n kan accident dan te min zawt a ka hriat dan ang ang in ka hrilh a keipawn ka chuan miau loh vangin anih dan tak ka sari theilo kan tlan a kan tlu deuh tawp kha ania. Mahse, hospital a min hruaitu pa khan tlem min hrilh bawk a kha kha ka hrilh tel a. A bak han hrilh vak tur ka hrelo.



" Kan haw hma deuh khan an rawn kal a. Ngaihdam te kha min rawn dil a, Bawiha chiang lo bawk nen mumal pawh in kan in chhang hman lo. Kan in awm na te kan in hrilh a nakin ah la rawn kal leh kha an tum in ka hria" Chhantluanga'n a lo ti ve thuai.



" Nia rawn kal rawh se, in huat tum lam pawh nilo in thil in hrilh chian ve hrim hrim angai." Anu'n alo ti veleh nghal.



" A that chu. An ngawih zui mai chuan a tha ll ngawt ang, nunna chan theih na te ania " Pa Rinchhana'n alo tih laiin Chhantluanga chuan mi rawn melh zauh a ka lo en lai ani v3 kher bawk nen ka lai nghal ringawt.



" Nia, Matei a na tello te hi a vanneih thlak" A ti a midang an lo buk nghat lai chuan ka tang tung ringawt.



" Lo va awm mai mai rawh ka lo ti ang" Anu thleng seng ka tih pui chu Chhantluanga'n arawn ti a.



" In pahnih khan lo va kal zawk rawh u keiman ka ti thei a lawm" Anu'n atih pawh in a kal chuanglo a keipawh chuti tho. Mahse min kaih nghal dawrh vangin hnial hman hek lo tv kan en a kan thut na ber thin couch ah chuan min thut tir nghal zat.



" Thu hi awih thin tur.. " Nui suk a tiin choka lam ah a kal lehnghal.



" Ni e tikhan lo awm mai mai rawh. I u hi q tlangval na vang vang hian chet a hneh ania" Pa Rinchhana'n kuhva thial suah shah pah in alo ti thuai.




Engmah ti ve ta lo chu phone ka en kual a. Ate puii'n Anu atangin a hria nge ka hrelo chanchin min rawn zawt. Ka call a api leh apu te pawh bia in ka ngaihtuah awm loh thu ka sawi a Kiama erawh a nat deuh thu te ka sawi. Kan in biak lai reng chuan Ruata msg alo thleng nawlh a, engtin nge a hriat ka hrelo enge kan an min rawn zawt ve nawlh. Khami zan kan in then hnu khan kan la in be leh miah lo, ka that chu tha deuh in ka hrilh a, ate puii te nen kan in be zo chiah a rawn call lehnghal. Ka chhang lo a ka ring ral tir thak.





Zan ah chuan Pa Rinchhana chhungte lam an rawn kal nual a chanchin an rawn ngaihven ani. Kiama pawh tlem in a zia awm a a ban erawh na ala ti khawp mai. A ma thiante heritage a a kalpui tur te pawh an rawn kal hlawl hlawm a, Kiama chu an vil deuh chawt. Mipa hlang deuh thaw an nia an duat thiam phian a an fel reuh ngawt mai.




" Zanin chu zir lo in awm hahdam rawh.. " Lehkhabu ka keu lai tak in Chhantluanga'n arawn ti.



" Zir pawh ka tum em em lo, naktuk atan a pawimawh over a awm takin ka en kual mai mai" A kal mai ka beisei laiin a rawn lut tlang a kawngkhar a khar nghal hmak bawk.



" Um a that chu. In check up chu ka hman velah ka kalpui dawn che nia.. " A lam ka hawi a hnial duhlo hmel hian mi en nghal.



" A ka that reng hi.. " Ka ti zo chiah " After shock.." A lo ti ve nghal.



" Nia a tha alawm. Mahse pawisa ka neilo in check up na tur " Hnial na tur dang vak a van bak ah min ngaihtuah ve na ani tih a hriat reng a lo hnial tlat pawh ani lo.



" Ka nei a lawm, i tan chuan engmah ka ui lo hrim hrim " Ti sup in a nui a. Awmze neilo zet a ka laih vangin lehkhabu chu ka keu kual vak vak ringawt.



Thla a liam a exam pawh a hnai leh uarh tawh. Lehkha zir lam ah theihpatawp in tan ka la ve a. Kiama ban pawh a dam fel ani tawh. Mahse a puitling tawh anih na lai ah a ruh in siam puitling tawh chu naupang lam ai chuan a dam mawh a, kan accident hnu atang pawh khan rei tak chu a ban a hmang ngam lo a chhuah pawh a chhuak khat a zirna lam ah pawh a kal hman meuh lo ani. Keipawh Chhantluanga'n atih tlat vangin ka in check up ta kha ania amah vek in min kalpui in min buaipui a kan in check up zawh chuan a ngaih a ngam ve ta aniang min ngaihsak nep sawt in ka hria.



" Kan chhuak ho khat mange.. " Lawmi'n a ti hluai. Chhuak ho tih ah school ban ah haw tlang lo in kan tei kual vel mai mai kha ania. Kan chhuah ho na pawh kan school hnai vai mai ami ani tho.



" Nia.. Chhuah ho ve zeuh deuh rawh tur anih hi" Tlana'n alo ti ve bawk. Rin ai daih in kan in kawm thei a midang pawh a kawm em em tawhlo kan pathum bik hian kan in kawm deuh tawp tawh.



" Vawiin a lo lut thar pa kha a sual hmel tawp" Lawmi'n a tih leh chuan Tlana nen kan in en a kan nui ringawt. Mi hi sual hmel a ti hma thei sia a hre chiang a fel a ti leh em em zel tho a.



" A cool ve reuh anihkha" Tlana'n a ti a " Kan sir fapa tiraw.. ? " Ka lo ti ve thung.



" Aw a hma chuan St Pauls ah a kal thin an tia. Mahse an hnawt chhuak an ti in ka hria, chuvang ania hetah laklawh deuh in a rawn kal" Tlana bawk in ati.



" Awi hnawh chhuah ngai chu a sual hle tih na ani mai. A hmel pawh kha nileng a mi ngei nei ang mai ani a rum si,sir chu a zak ngawt ang zirtirtu ve tho ani sia school tha lutuk atang a fapa hnawh chhuah neih chu.. " A ti leh duah.




Eng emaw sawi in kan ti ti ho a. Lassi leh vur sen a khat tawk in kan ei reng bawk. Kan lassi lei na dawr kan chhuahsan chiah khapa Rema kan sawi tak ngei kha a rawn kal ti ila Tlana scooty dah na bul lawk ah scooty in a lo ding ve reng. A hawi kual a meizial a tang dawn zet a traffic police a rawn lan vangin a ak lehnghal vat. A hawi kual na lam ah keini min rawn hmu a kan class in ang mahse a vawikhat na anih vangin min hre hmel a pu lem lo.



" Ka thlah kual tawh ang che u" Tlana'n a ti a. Scooty ah chuan a chuang a Lawmi a dawt ah a chuang veleh. Ka chuang ve dawn zet a traffic lam kan hlau leh deuh si.



" In leng ngang lo anihkha rawn chuang rawh ka lo phur ang che.. " Kan scooty hnung mai ami chuan a rawn ti. Rema kha ani a, keimah la chuang ve lo awmchhun chu mi bia tih ka hria mahse ka nel lo a chuan ka tum lo hrim hrim.



" Aih kan in a hla lo.. " Ti a ka chhan chuan min ngei niawm fahran hian anui hul hak. A kum a la upa bik lo a kan class pawh a on zat reng mahse a awmdan vel chu a in la puitling ka ti tawp.



" Anihchuan tlansan chiah i hmabak anihchu " Tiin a tlan nghal a, min hre tha tak anga min han be vel kha mak ka ti a. Min nel emaw min ngam sarh khan a awm bawk a,mi a ngam ve hrim hrim zawk emaw ni.



" Awi a va han ngam pa tak.. " Lawmi'n a lo ti hmanhmawh. Traffic vangin kan ngam pa vak silo a kei ai a veng hla zawk chu Lawmi ala ni veleh zel bawk nen Tlana hnen ah thlah haw mai tur in ka ti a.




Hreh mahse pathum a chuan ani thei ngang bawk silo a min haw san ta mai. Keipawh two Wheeler taxi la in ka haw ve nghal a, mahse kan in ah U Nute-i ka hmuh vangin ka hamhaih hman lek lek. Hman a a rawn len bak kha rawn len leh a nei ta lo a, bak ah Chhantluanga'n an ni tawh lo ni awm tak khan a sawi bawk nen tum a kan in a rawn chuang kai leh mai pawh hi mak ka ti viau. Bak ah tun ah te chuan class an la kal awm sia ti ila kan leng kawi veleh kha ania keini pawh.



" E i dam maw? Kan van in hmu khat em em" Min hmuh velah ngainat awm zet a nui chung hian a rawn ti a.




" Aw dam e, enge ilo tih dawn a? " Atthlak deuh mahse Chhantluanga vang bak a lo kal anih ka ring lo enge a chhan tak hriat belh ka duh tlat.




" Aw i u nen tih tur kan nei a, vawiin class ka thulh a in ah hian ka rawn nghak hma mai mai" A ti leh a. Anu thingpui no chawi in a rawn lang veleh chiah.



" E anihchu.. " Thil dang a sawi belh chuang siloh vangin engmah ka zawt chiang kilh kelh duh tawhlo " Vawiin chu i va rawn haw tlai ve.. " Anu'n thingpui U Nute-i hma a chhawp pah in ati a.



" Nia kan kal kawi lawk a ka thiante nen" Tih tawp a chhang in in thlak turin ka chhoh san a. Ka in thlak fel vek hnu ah inbual ka tum leh thut, towel nen a bathroom ka luh dawn lai takin ka room kal pel a tawng thawm ka hria a. Ka chik hran em em pawh ma hrelo na in Chhantluang aw a ang ka ti tawp.




Lut ta mai lo chuan kawngkhar lam ah ka kal leh a. Tlem te hawng in ka bih dek dek, Chhantluanga rawn kal tlang fua ka hmuh thut chuan ka phu zawk . Inhnuai lam ah a chhuk a kawngka ka khar lehnghal a tukverh lam ah phei in spy ang mai chuan ka thlir thla zui. Kan in kawt ah Chhantluanga bike a ding reng a chumi ka en lai takin U Nute-i nen an rawn chhuak. Bike ah a thu kai nghal a U Nute-i a thu kai ve chiah chu chhungril lam ah hian engtin emaw ka awm zawk. A dar a vawn pah phei chuan ka lo tang tung ringawt.




Kalsawn a that nen ka kalsawn miah lo a ka din na ngai ah ka la ding reng. An ni pawh chu an tlanchhuak mai dawn emaw ka tia an la ding ta reng. Chhantluanga chuan phone a hmet mawlh mawlh a, a ip te ah a thun chiah tih in ka phone ka bul mai khum a ka dah ah chuan msg ka dawng nghal. Min rawn text anih ka rin em vangin ka va la a chumi rual chuan bike thawm ka hre zui bawk, an tlan chhuak ta aniang. Msg chu ka en a, a ma msg alo ni tak tak ' a hma daih tawh a kan dawr fak sak na te nen in hmuh kan ngai a Nute-i nen min hman dun vangin chhuah rual kha kan ti tlu a. Engmah ngaih kawih tur a awm lo ania ,a theih chuan ka rawn haw hma ang' tih te mai hi ani.



In ngaizawng thil nih dan tak in hrilhfiah hi kan ang ka tia, kan in ngaizawng bawk silo. Bak ah Remi hnen a ma lam ka sawi kha a lo hre vek bawk sia hetia ka hnen a a rawn sawi fiah vel hi ka beisei lo hrim hrim. Mahse a rawn sawifiah na ka hmuh meuh erawh chuan ka awm a nuam huai thung a.



" I u a awm dawn lo a chaw kan ei hma dawn nia nghah angai chuang lo " In hnuai a ka chhuk hnu lawk ah Anu'n a ti a.



" Vawiin chu ka ban ka ti palh leh tep a" Ka bul a thu Kiama'n a tih chuan ka en nghal hâw " Fimkhur rawh, i ban te hi a la dam kawr ropui si" Ka ti nghal vat.




" Nia mahni fimkhur pawh hian midang hi an fimkhur veleh tawh silo a a buithlak anih hi. In khelh leh tawh pawh a chakawm " A ti zui a. A chak tawh tak tak ngawt ang, a nat atangin a la in khel leh miah lo a thla a liam tawh ania an ni tlai tin inkhel thin tan chuan a chakawm ngawt ang. Sawi tak ah chuan Chhantluanga pawh Kiama a ngaihsak leh a hna a buaipui tawk lam ah hian a in khel khat ve riau bawk.




Anu sawi ang tak tak in chaw chu kan ei hma a. Hna dang nei ve hek lo lehkha zir in ka bura leh ngar ngar, ka vanneih ve em em na chu thiam thei viau lo mahila lehkha zir lam hi ka peih veleh tlat a, rilru a lut viau lo chung pawh hian ka chhiar peih ve reng tho. A khat tawk in Chhantluang rawn haw leh haw loh ka check reng a mahse dar 10 ah pawh alo la haw lo. Mu tur in ka in tin tuah a Anu pawh alo la mu lo, tlai a a thil suk zar in in chung ah a la rawn chho. Mu chung a phone ka khawih mai mai chu ka mut a rawn chhuak tan nghal der.



" I van mutui tawh ve.. " Ka biang a vawt nghal thlur. Ka muhil ka harh nghal zawk a ka khum ah Chhantluanga a lo thu reng tawh.



" Mama.. " Ka muhil ka harh thawt bawk nen ka chiai hman tep. Thawh ka tum a min nem mu lehnghal.



" Thawh a ngailo. Ka lo haw deuh chiah a, sorry aw.. I room a in kalh silo a ila meng aniang chu ka tia ka rawn lut leh mai mai" Ka harh chiang ve telh telh a. A kawr hak vangin a kawr huh ni awm tak val deuh kalh te chu ka hmu chiang nghal hle.



" Ka kalh kha.. "Ka ti tawi tap ringawt. Ka mut dawn khan ka kalh emaw ka ti tak tak " Anihchuan thlahrang bang a kal tlang thei ka ni tih na ani maw.. " Pa zet a nui chungin ka biang a piai zauh.




"Zan ah chutiang an sawi ngailo. Ngati nge i haw har em em a, ka lo haw hma ang i ti ve si. U Nute-i i thlah ami? " Ka tih chuan in thiam lo ni awm tak hian a awm a. Chhan pawh min chhang mai lo.



" Aw thlah e.. " Min chhan loh tlang a tum emaw tih tawh hnu ah a rawn tawng chhuak hnuhnawh. Ka thik ringawt leh ka lo lak nat nghal tawp vang chuan ka thaw hawk a " Va mu ve tawh rawh... " Ka ti hmak. Ka duhai in ka tawngkam a chang bawk.




" Mate, ka chhuahpui ania i hriat kha ka thlah haw leh loh ten a mawi hleinem. Chutia ngaih kawih turin engmah kan tilo ka thlah a ka rawn let nghal vang vang"



" I bialnu pawh ka ni hleinem in sawifiah vak angailo" Ka lo tih leh hmak vang chuan a hmai a tuai puat a.




"Ok nia i sawi dik a lawm ka bialnu i nilo. Mahse, ka hmangaih che tih chu i hria anga tiraw? " A hmel tak zet ah chuan a sawi mai mai loh zia ka hmu thei a. Chutin, hmaichhan a min hmangaih thu a sawi chu min thawng dawn lek lek. Lehkha a ziah kha hmu tawh mahila ka chhiar liam ang mai kha ania tun ah chuan hmaichhan ah ngei a sawi a, ami den dan lah dang tak ani.





Ka tawng ve ngam tawh lo, ka zak thar ringawt a a mah tak pawh ka en tha ngam meuh tawh lo zawk chu ani. A tho kang a a chhuak daih dawn emaw ka tih laiin ka puan sin a rawn keu a a rawn in thawlh ve nghal ringawt!! Ka beisei loh lutuk vangin ka ip chawih a a hma ai mah in ka tang nasa zual. Mi pahnih mut na atan a siam ni hek lo a hma ang khan kan chep nghal em em a kan in si leh chet tawh. A ban pakhat in ka mi khan nghal chawt bawk a thawk pawh ka la tha ngam meuh tawhlo.





" Min hnar tum buai duh suh aw i hah mai mai. Khawvar dawn ah ka in sawn leh mai ang" Ti sup in mit a chhing a,keichu ka meng kar tawh. A hma ang deuh chiah kha ani tun a kan awmdan hi.




"Pathian in min hmu reng ania" sawi tur dang hre hek lo i, ani pawh anui tawp.




"Zanin chauh chu min ngaidam mai rawh se.. " A ti fel et. A ngaih a ngam hmel mai sia, kei a room neitu zawk rilru nuam lo leh hah tung in ka awm a.




" Thenzawl a min zin san tum khan engtin emaw ka awm a" A rawn ti sup. A taksa che deuh mai mai pawh in min ti zam a min kuah tlat bawk nen a pang ti lum te chuan ka rilru a ti nuam lo zel.



" Eng.. Engtin nge i awm a? "


" Bialnu ngai deuh ang hian ka awm.. "


" Awih awm lo lutuk..!! " Ka ti nghal vak.



" A nia lawm, tak tak in ka ngai lutuk che. I awm chhung kha reilo mahse a hreawm ngawih ngawih. I kal tur ka thlah duh loh chhan che pawh ka ngaih lawk em che vang ania"




" I zin chhung zawng khan maw.. " A ngawi vang vang a keiin a sawi leh tur hre chak in ka lo chang ran "Ka ngai thin lutuk che a awm ngaih na pawh ka hrelo. Ilo haw leh hma zawng kha chu khawvel pawn a mahni te a khawhar tak a awm ang mai ka ni. Ka ngai lutuk che kha awmdan tur hrelo leh tih ngaih na hre chuang lo in ka nui liam leh tawp zel"



" Chuti si ngati nge kan nufa lak ah i sual thut si a.?? "



"Ka nu vang mawle.. Ka pa khan kan in ka ng atang khan a chhan chhuak hman reng. Mahse, nakin hun atan midang hual lawk a nei a..chuvang chuan a chhan ta lo. Engkim ka hmu a ka hre vek, kei ngei pawh min chhan a tum lo mahse ka nu khan ka thih tel ve a phallo a blanket a min tuam hlawm in min theh chhuak hram kha ania. I nu vang vek chu ka tilo ka pa pawh a thiam bik lo a, mahse ka pa hmelhriat a rawn be hmasa tu ani a ka dem lo thei lo. in inlaichin na kha lo nei miah lo se chuan ka nu nunna khan a tuar kher lo ang"



* ZAWM NA *


" Anihchuan Anu hi i haw hle dawn anihchu " Tawi tap a nui in a rawn meng nghal diar diar a. Tlem a min rawn hnaih in a ban chu ka kawng lam ah a nghat thla a.



" Haw tak ka ni.. A tir phei chuan ka haw lutuk tih theih nei silo te kha keimah zawk in atang a tlanbo daih mai ka duh a. Mahse ka tlan bo dawn chuan Bawiha ka khawngaih bawk si"



" I pa hnen ah nei suh ti mai ta che. Nu dang kan duh lo ti ula" Min chhang tawhlo in mit a chhing zui leh hmak.



" Mawhhh,, chutiang chuan sawi mai ta che u" Ka ti leh talh " Awmzia a awm chuang nang, kan la naupang ve a, bak ah midang zawng zawng pawh in an duh pui a kei leh ka u tih loh chuan. Ka u pawn a sawi reng a ngahmah a ngailo, ka u zawk in a sawk pawh a ngaih pawimawh loh chuan kei in a ka sawi chu a ngaih pawimawh zawk i ring ami? "



" Ani ve tho mai.. "

" Ni ve tho e

" Nghal kung "

" Ei ahhh.. "

" In sawn tawh rawh "

"Umhh, a la hma emai. Mut pawh ka la mutthilh eih loh hi.. "


" Anih maw.. "


"Um ka bialnu i nia, I bialpa pawh ka ni bawk. Tum ab kan inkar ah an awm lo a. In ngaizawng diktak kan ni"


" Chutiang sawi pawh ka tum lo e a" Tih leh a ma lo lam a in leh ka rual, kan chep si in leh mai mai pawh a buaithlak.


" Oh ani maw, mahse i hriat hrim hrim kha a tha a. I lo single awm hmiah hmiah ang tih ka hlau mawle ka rawn sawi.. Chuan enge i sawi dawn? " A to nghal zung zung.




" Kan pahnih hian.. " Ka ti dek dek a " Min la pawm em em ang, lungngai lo la min ring tawp rawh" A ti lehnghal vat. Ka zawh tur hre lawk ang mai ani.



" Anih leh kan pahnih hian kan in ngaizawng em? " A rawn ti ve leh thung " A ka hre bik nang.. " Bang lam ka hawi tho tiin ka nui sen sen. Thil dik leh nih dan tur tak nilo mahse he ka unaupa hi ka duh a, hnar pawh tum mahila ka thei tawh bik lo, inkawp mahila pawi toh na ka nei zo tawhlo.



" I hre reng sia.. Anih Mate kan in ngaizawng aw" Over zet hian ka beng bul ah mi rawn hrilh ru kher.



" A tha a lawm.. " Ka lo ti vei hman hman. A nui hak a ka kawng ah bawk chuan min kuah leh zat.



" Anihchuan fawh leh tete khawih ka chak. I bialpa k ni tho a I pawm em ang chu maw.. " Chhan pawh ka chhan hma hauh in ka kawng a kuah na a dah chho a ka hn**e a rawn hup nghal zat.



" Hey.. A nuam ka tilo ania" Ka tih chuan a kut la sawn in zangthal tur chuan min kuai a lai zet hian a tih ang ang chuan ka lo awm ve tawp.



" A nih ka fawp che anga a bak ka tilo ang. A tha em? I bialpa ve si hi min duat lo emai a" Thum leh zawi zet aa tih rual chuan min fawp nghal zat. Hela hi a ka chhan na pawh a nghak hman hlawl lo a duh dan dan hian a khawsa nghal ziah.




Duhthawh zet a min fawp in min bawh ti tih a. Chhan pawh ka chhang let lo, ka awmdan chu a laih bak ah ka sak tulh keimah hi. Duhtawk ngah ni awm tak in a mu tha leh a, mit a chhing zui leh mai. Kei chuan a mah chu ka en char char a, a hmeltha takzet, a sual lai kha chuan ka hmu hmelchhe bak ah hmuh hmelchhiat kha ka tum lui ngar ngar kha ania. A mithmul sei arh te, a hmui chhah lam lek lek te leh a khuavang chiang zet a dum te chu a inhmeh hliah hliah. A sam meh dan te lah chu a inhmeh piah lam ah a vun leh a sam rawng dum hlak te chuan a ti pa hliah hliah.



" Ka hmangaih che.. " A rawn tih rual chuan rang lutuk in ka hawi sawn thuai.



" Ehemmm, o duh chuan min en char char thei a nia ka da ve theilo keichu. Mahse muhil har lutuk lo la" Hmui ka lo ti pawrh nghal vak " Ka en reng reng lo che.. " Ti chung in inchung lam chu ka en reng.



" Morning.. " Room ka chhuahsan chiah Kiama zing walk hah hmel zet in min lo wish.


" Um morning.. " A hma ah zak map lo in ka ham nghal bui bui.




" Va mu tha leh teh.. Em em a " Nui chung a tiin a ma room ah a lut a. A piah chiah room kawngkhar in hawng thawm ka hriat vangin Chhantluanga a rawn chhuak dawn aniang tiin room ah ka tlan lut nghal thuai. Thawm ka ngaithla reng a chutah kawngkhar a rawn kik.




" I tho tawh em.. " Chhantluanga aw ngei ani. Ka chhang mai lo a kawngkhar rawn hawn a tum toh ka hriat rual in keiman ka hawn khalh.



" Tho chiah maw..? " Min hmuh rual in ati a. Bu nghat in ka ham der leh vel.



" Chhuk ila... " A tih chuan pangngai deuh a awm in ka kal hmasa a. In ngaizawng tak tak kan ni ta nang in ka lai tlat a, bak ah tih lan viau pawh nuam ka tilo.




" Ka lo siam ang. I duh ve tiraw Mate " Anu'n thingpui lo siam a tum chiah Chhantluanga'n alo tih khalh. Engmah a awmdan a han danglam em em awm lo mahse min ngaihsak lutuk chu Anu ngaih a tha lo anga min chik ruk ka hlau tlat.




" Anihchuan pangpar ka han sik sawi lawk ange" Tih leh choka chhuahsan a rual a " Min ngaihsak leh lutuk" Ka ti nghal vat.



" Chutia law.. Kan awmdan pangngai reng a maw ka tia. Tum dang ah pawh tiang bak in ka ngaihtuah ngai chuang che ami? " Nui chung hian a ti leh.




" Chutia e, thup rih ila" Thu khuh deuh tak hian ka ti a. Ka sawi awmzia erawh a hriat tho ka ring ani.



" Aih.. " Teh hmuk chuan a.



" Chutiang tur a ngiahzawng nei mai mai rual ka ni tawhlo. Ka thutak ang bawk in mi hriat hlau a thup tih vel kha ka peih ve lo.. " Keima lam ngaihsak lek lo a a sawi dawt dawt vang chuan rum zet in ka melh ringawt.



" Min ring rawh ka tih kha" Ka melh rum tih hre reng mahse a ngai pawimawh duh lo " Bak ah nangpawh i nula tawh a, thup mahila kan thup reng thei dawn chuang lo. An hriat chhuah hma leh a tha ani mai. Thinrim mahse kan in then loh phawt chuan pawm ni an la nei em em ang" Ka hma ah thingpui no a rawn dah a.




" I in ringtawk bawk a keipawn ka ring ang che. Mahse min phatsan chuan ka nasa ve viau tawh ang" A thingpui in tur thulh meuh in a nui nghal hawk hawk.




" Tehreng.. Vawiin chu keiman ka thlah ang che aw" Choka a chhuahsan dawn pah in ka sam ah a rawn chul pah a. Aw pawh ka ti leh hman lo reng reng a duh a sawi a a kal leh nal nal tawh.




Zing chaw kan ei na ah pawh Chhantluanga'n a tih tlat vangin ka thut na ka sawn leh tawh a, an unau in kar ah ka thu leh than tawh. Te chhe lo na na na chu an kar ah pawh awm mahila a ka zahpuiawm viau bik lo. School kal dawn chuan Kiama hnen ah midang hriat loh in Chhantluanga nen kan kal tur thu ka hrilh a, ani engmah hre ve ta lo chuan min ringhlelh na pawh nei lem chuanglo in a lo aw veleh mai bawk. Bak ah a ban vang hian tun thleng in mi phurh a la tim a, bike phei chu a rit tham ve bawk nen keipawh a khat tawk a min thlah bak chu bus ten ka kal ve mai zel. Chhantluanga nen kan inkar a that tak tak hma ani bawk nen ani hruai chu ka duh ngailo hrim hrim kha ania.




" Kan hman em..? " Ka kawngkhar bul ah in peih at in alo ding tawh. Nidang ang tho in simple deuh in a in thuam leh pek a, mahse a ha tu pian leh hmel hian a zir em vang nge pawh ka hrelo a mawi em em tho. Kei tang zet a ka in chei pawn ka mawi tak tak zo lo ania.




" Um ka hman e... " Bag ak in ka chhuak a, inhnuai a kan in zui thlak laiin Anu'n " Tlai ah Hlimi birthday an lawm dawn a, chaw ei khawn an tia min sawm a lo haw hma tum ula aw.. " Chhantluanga zawk a melh. Keichu ka hma dawn hrim hrim a.




" Aw ani maw. Ka lo hre reng reng hleinem, nia rawn hma ka tum dawn nia" Anu hi a haw viau thin na in tha tak hian a be thei zel mai a. Ngei duh ila chuan a ngeiawm viau a mahse lehlam ah a fakawm zawk. Kei ni ila ka ngei tawh te tha tak a ka biak reng theih hi ka ring lo.




" I u Bawiha a la hman chiah silo a I va hma ve.. " Tuk dang ah chuan Kiama'n min nghak ngei ngei zel ania. Min lo chik awm thin hle mai.




" Tukin chu keiman ka'n thlah ange." Ka chhan dawn vel ah Chhantluanga a lo tawng. Anu pawh in engmah a sawi zawm lo a kan pahnih chuan kan in zui chhuak nal nal.



" Tlai ah eng in nge i haw ang" Ngawi reng a kan chuan laiin a rawn ti a.



" Ka hrelo taxi ka la leh mai aniang chu" A ngawih deuh vang vang hnu ah " Kan ban hun hi a in rual lo deuh thin a a pawi ngawt mai min lo nghak rawh tih dawn in a tangkai viau bawk silo" A ti a.



"Nia, a hma pawh in min lam ngai chuang hleinem. In ngaihzawn tak vang a in lam kher tur pawh anilo a" A nui hak a, tlem in a speed a san bawk.




" Ngai lo tih ah a hma pawh in lam thin che k duh reng a ka bang hma lo mai zawk ania. Bak ah ka zawh chhan che pawh i school kal tur ka la thlah mang ngailoh che vang ania i haw dan tur k zawh che"


" Um anihchu.."

" Teh tawp a.. "

" Enge..?? "


" Engmah mawle.. Tlangval te hian an phur haw ang che tih ka hlau. Taxi i hman pawh in tlem a tlangval lo deuh hlek hmang thin la aw.. "


" Enga.. I sawi ho emai a"


" A ho hleinem.. Hetiang mai mai atang a in hmel duh te hi an awm ania. Bak ah tlangval dang i in phurh tir kha ka duh vak lo hrim hrim ka thik ania"



" I over emai a. Mipa thikthu chhe lutuk hi ka ngai na miah lo ania aw" Fiamthu zet a ka tih chuan nui pawh a nui ve duh eih lo.



"Tun atang a ngainat zir i tan a ngai dawn anihchu" A rawn ti deuh hmuk. A tawng thluk atang reng chuan dik lo awm hian ka hria, a thinrim ta mai emaw ni.



" Ka fiamthu anihkha.. " Zawi te in ka sawi a a hre pha tho ni tur ani a tlan muang leh deuh a.



" Ka hria a lawm ka thinrim emaw i ti ami? Ngahmah ka ngai lo, bak ah thikthu chhiat hi ka hobby ania min sim tir theilo ang" Ka lo nui nghal hak, a hobby ber kher chu a " Ka ta ah phei chuan thikthu pe chhe deuh mai ka nia, ngaihzawng emaw engpawh ni rawh se ka ta ani tawh chung a min chuh tum hi chu ka en liam mai mai ngailo"




" Hitler-a i nih duh hmel. Chuvang ami Ruata nen kan awm lai a min text buai chhen a" Anui a min chhang hran lo. Mahse aw ati ang tih chu ka chiang sa, khami zan a ka ngei zia te kha a sual thiam si min ti buai char char a.



" Nangmah vang hi chuan ka nilo ang. Mahse, mipa dang an rawn lan vaih chuan Hitler aisa in ka nep bik lo mai thei ani.. "



" Awle.. Awle a tha a lawm ka hmelchhe sia tumah an rawn lang dawn lo, kha lam ah chuan lungngaih a ngailo hrim hrim"



" A sawi lawk theihloh, bak ah hmelthat vak i mamawh lo kei bak hi chuan hmelchhia ti hle che mahse a lawm awm lam ah keichuan ka ngai a, nang in midang hmeltha tih nih i duh talh chuan thuhran ania.. " A ti vel duah.




" Sual a... " A dar ah chuan ka hmeh sak vak. A nui nghal hawk hawk a, lan boruak zangkhai leh dam lutuk te kan in ngaihzawn na nen hrim hrim chuan nuam ka ti takzet.




School kan thlen vel ah a rang lam in ka chhuk a. Biak pawh ka be tawh lo ka luh san daih, thlah na mumal pawh sawi lo a ka kalsan chu ka in thiam lo hnuhnawh a, ka va let leh chuan alo awm tawh lo. Lawmi leh Tlana te nen kan in hmu chiah a kan ri leh chel chul tawh. Ti ila Tlana tak hi chu ze dam leh bengchheng lo tak hi ania Lawmi nen a kan ri chul thin hi min lo zawm ve mai zawk zel ani.



" Nizan ah kan class group msg kha i chhiar ve em?? " A ruk te in Lawmi'n a rawn ti a.



" Aih chhiar nang. Enge thil pawimawh an sawi ami? " A ner vak a, teacher awm vangin zawi te te in min hau char char " Rema khi.. "




" Enge Rema, lo lut thar hi maw?? " Ka tih chuan a lehkhapuan pakhat a a hmai hliah pah in " Aw, nizan ah kan class group ah khan an add ve chiah a a rawn tawng hrep a kan class group icon vel te kha a rawn sawi leh a, saw Tlana bul ami Tpa nen sawn an in hnial hrep a lawm. Tpa bialnu Julie nen te khan an in reply bik vel char char a chumi thu ah te chuan an in hnial mawle. A tawngkam a chhe sia a ngeiawm tawp"




" Anichu, ka lo en miah lo" Ka ti ringawt. Ka en lo tak tak reng bawk a, pawimawh anih lem loh chuan kan chhungkaw group ngei ah pawh ka lut ngai mang lo.




" Nichin pawh khan an in melh rum rap mai. A hrim hrim in Julie pawh a ti awm lo e private te chuan in bia se thuhran ania. A bialpa hmuh ve theih lehnghal in.. "




" An sawi ril vak chuang loh te chuan a ho e, mahse ati awm ang lo ve anihchu mawle. Kei ni ila ka ngam teuh lo mai" Ka tih chuan abu vei nghat nghat aa " Keipawh ka ngam lo nsa mai" A ti ve bawk.




Chhun chawlh laiin ka ngaihbel nge pawh ka hrelo Rema chuan min zui reng ni hian ka hria a. Ka tawk anih loh leh ka hnung ah hian an lo kal leh nulh nulh zel. A meng rum thei sia ka hlau tlat, Tlana leh Lawmi te hrilh chuang lo on an mahni hlat ah ka awm duh tawhlo hrim hrim. Tlai ban vel ah birthday lawm na a kal tur ka nih vangin Lawmi te ka bye bye a taxi la in kan in kam ka pan zui nghal.




" In in chu a nawm hmel.. " Kan kawt a ka awm tawh chu ka ding dat a, hnunglam ka hawi nak chuan Rema a lo ding reng.




" Ehe, tinge hetah ilo kal a" Ka ti hluai, min lo zui ru pek anih dawn ji a va han zak lo tak " Ka lo kal duh ani mai a lawm" Ngeiawm zet a tiin lehkhapuan a rawn lek lang a. A keu zut zut a min rawn pan a ka bul a thlen rual in



" Hei hi min lo hrilhfiah teh... " Thupe aw zet hian a ti ngawt.



" Ka thiam bik reng reng lo.. " Ka lo ti vat. A lehkhapuan chu en pawh ka en sak lem hlei lo a " I en loh chuan i thiam tawp nang... " Ka thaw hawk a ka melh vak rual in tur zet hian min lo en ve nghal.




" Ka u te keipawn ka zawt thin ka thiam loh chu. I u te zawt ve mai rawh" Ka ti leh hrep. Hetiang mai mai min zawt tur a alo kal ve hi mak ka ti zawk e a, bak ah kan class ah pawh kei aisa a thiam an tam nen nen tinge kei kher kan on thleng min zui a min zawh ni. Naktuk class ah pawh min zawt thei reng a.




" U te nei ve ila hman ah ka zawt tawh ang" Vin deuh a min tih khum chuan ka ngei ngang mai. A lak a ba nei ang mai a min han vin chu ka ngai thei thak lo.




" Anihchuan i pa zawt mai rawh. Pa zirtirtu i nei a ka nau rawn zawh daih daih hi a tul viau lo" Chhantluanga aw ka hriat rual chuan kan piah lam ka hawi a, a mitmeng rum leh a aw ka chhuak ah chuan Rema a rawn mil lo nghal viau tih a hai theih loh. Bak ah engtin nge Rema pa zirtirtu tih a hriat le.



" Kan in mil vak lo a. Bak ah, henu hi ka zawt chak hrim hrim a thiam theihloh hmel ai hian a thiam ka ring " Hrep chuan a, thiam theilo hmel ka pu eih bik lo.




" Henu nilo in Ms-i a nih kha" Chang zet in Chhantluanga bawk in a ti leh " Zawh duh i neih chuan naktuk class ah i zawt dawn nia,in thleng thleng a in zui chu toh fo atha lo ang. I rawn vin vak vak lehnghal a ka lawm viau lo ania" A tih leh chuan tham loh hmel zet in Rema chuan a nuih a. A zam lo reuh lutuk chu ben chawrh a chakawm.



" Nia, a tha mai a lawm.. Lo in ring rawh aw Malsawm"


" Hrilh tur che ka neilo hrim hrim " Ka lo ti ve hmak.


" Ka tih luih che chuan i nei mai ang" Tih leh a scooty a tlan sawn a rual ta a. A mizia teh nek chu vawm zui awk a chakawm.



" Lut ila... " Ngei zet a a tlan na lam ka melh laiin Chhantluanga'n a rawn ti. Ka kal mai dawn a a ban pakhat a min kuah thut in a mah si chet chuan min awm hnaih tir a " Kha ka sawi kha maw. Chhuanlam ho te vangin mipa in a zui haw nghal che chu ania"



" Min zui tih pawh ka hrelo " Ka lo ti ve vat.



" Keichu ka lawm lo riau mai, ka bialnu an lo hmu tai tan a..Rala atangin Hitler-a ah kai san tak tak a ngai dawn anih hi.."


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 17th, 2022, 2:52 pm

💜CHAPTER-20



" A ngailo i bul ah ka awm ngam nang" A kuah na atangin ka tal chhuak nghal thuai a in ah ka luh san nghal thuai



Min rawn zui na na in Anu alo awm tawh bawk nen in be lem tawhlo chuan kan in kal hran san a. Tlai a chhuah ngai kan nih vangin kan insiam sawk sawk a Kiama lo thleng kan nghah pah in Remi nen kan in bia. Ka bul lawk ah Chhantluanga pawh a awm ve reng a 'The Rock' kan in ti ngun lutuk chu alo nui tiah tiah. Thinrim ni silo in kan in vin tawn nasa bawk nen ka thiannu ka biak na chuan nuih za alo siam sak hi ani ringawt.




" Kan kal dawn ami ka hman" Kiama inchung atangin a rawn chhuk thla a. Kan vaiin kan tho suau a, Chhantluanga nen kan pahnih in a hnung ber ah kan kal dun. A chhan pawh kan pahnih a kal a in phurh kha kan duh vang ania.



"Matei chu.. . "



" Kan rual in kal rawh se, bike chuan ka hlauhthawn pui deuh thin " Chhantluanga sawi hma hma chuan Anu'n a lo sawi khalh.



Kan in en a keichuan hnial luih chi ah ka ngai viau lo mahse Chhantluanga erawh chu a chhan na dawn ah a lawm viau lo ni in a hriat theih thung a. A ngawi hmuk a, Anu chu thinrim hmel ni miah silo in a melh ngat ngat.




" Kan fimkhur dawn a lawm lungngai suh a tlu lo ang" Aw ki dam pangngai tak in a chhang leh mai a.




" Aaa...car a awm tho a " Anu pawh chu enge maw a hriat ni. Kal dawn a ruai a in tih thinrim chi ni hek lo Anu bul ah chuan ka chuang ta zawk a. Chhantluanga lawm lo hmel pawh hmu mahila Anu kan tih luih zel chuan a kan inkar a hre mai dawn a. Chu chu thil tha pawh ani viau rih lo




" Haw lam ah chuan ka rual in i haw tawh ang. Hnial ve mai tur che ania" Hlimi te in kan thleng a kan luh dawn tawh ah Chhantluanga'n a rawn ti leh sup.




" Anu lo pawr viau ta se engtin nge niang?? " Ka tih chuan hmui a ti sawi duh eih chauh. Kan lut rual a Hlimi chuan Chhantluanga alo kai hrang nghal daih a, keichu keimah chiah in ka ding. Hman a kan picnic tum a a bialpa min tih dan vang kha nge pawh ka hrelo e a min hmuh khan a lawm hmel lo tawp.




"Tinge I din reng a lo kal ta che.. " Chhantluanga te cousin zing ami Thakima alo kal a. Picnic na ah khan kan in hmuh bak ah min biak ve luam vangin midang aisa chuan ka pawh ve deuh. A rual in ka kal ve a abul ah chuan ka tal deuh chawt ani mai, Anu bul a awm rek rek bik tur chuan ka upa ve tawh a ka duh vak lo.




" A u... A putea'n lo kal rawh ati " Naute pakhat hian arawn ti a. Tu fa ber nge pawh ka hrelo e a, a deuh huih a ka en tawp laiin Thakima chuan




" U Chhana aniang" A rawn ti hlauh a. Bu nghat in naute chu ka zui nghal a kal pah in a hming te ka zawt a a tet tet nen a tawngkam a fel fai bak ah min chhang tha duh phian.




Chhantluanga awm na kan thlen phei chuan pawn veranda mi tam loh na lai ah amah leh mipa pakhat nen an lo awm a. Mahse ka va lan tak ah chuan mipa chu a kalsawn mai a kan pahnih chuan engmah sawi lem chuanglo in kan ding dun vel mai mai.




"Lut ve tawh ila... " A tih vangin ka lut leh a. Kan pahnih in kan awm leh deuh chawt tawh. A zia in naupang a support lo ka tih nen a pa unau fa te leh chhawng ho pawn an ngai na in an chhaih reng a ani pawh chhaih fiam dan tawk a thiam khawp mai.





Tlai chaw kan ei a Chaw ei na ah pawh Thakima nen chuan kan awmdun zel a, Anu leh Pa Rinchhana vangin cousin chu kan ni ve ta mai a, midang ai mah in ka nel zawk. Ka kham tawh dawn lam ah Chhantluanga a rawn kal ve chauh a ka bul thu in ngawi rengin a ei ve mial mial, mipa ve si a chaw lak lah chu a na lo em em lehnghal a kei ai a ei tam hret chauh tih theih ani. Ka kham tawh miau vangin ka thawh san leh a ani a pawh ka let leh lam ah a kham ve chiah kan in sul pel a, mahse ka bul ah a rawn awm leh tho ka rin vangin ka thut na bul deuh si ah chuan ka va thu leh a, a rawn kal chu hrilh ni em em silo in a thut na tur ka lo kian a. Mahse a rawn hnai tawh tih in Hlimi bawk in a rawn ko peng leh daih an pahnih in an kalsawn leh daih. Thakima a awm tho vangin lawm lo deuh mahila ka tau buai vel peih hran lo.




Rei tawk a pil bo hnu ah a rawn lang leh nawlh a thutna pawh ka kian hran tawhlo. Thakima phone hmang a kalsawn chiah chu a thut na a rawn luah lan nghal thek a. Biak pawh kan in be leh hman chuang lo naupang in an rawn chhaih buai lehnghal.




" Cake kan zai dawn.. " Naupang thenkhat a chhaih lai naupang dang in a nupang chhaih ho chu an rawn ko daih a. Ka bul a thut ngawi hle hle hnu ah



" Thakima bul a awm nge ka bul a awm nuam?? " A rawn ti deuh tlawng.


" Thakima a?? "


" Aw Thakima.. A bul ah khan nuam i tih hmel riau "



" Nangpawn min kalsan nghal daih a lawm. Bak ah nuam pawh ka tilo ka haw san duh tep cheu ni" Ka ti kual vel, tawi te hian a nui a min thut hnaih sauh sauh.




"Ani maw?? Sorry leh si aw.. Hlimi khan a thil dawn vel min en tir bak ah hman a, a bialpa then tur a ka tih kha maw, a rawn call chhen a tia chu chu ka biak sak mawle... " Muang ban charh hian ati a.




" Hmm U mipa dang pawh a nei ve reng a biak tir ve mai tur a lawm. Enge nangmah kher?? " Ka la ti ve talh.




" Hman ni vang khan min hlauh ve deuh te pawh a ring aniang" A ti veleh zel a, sawibuai sak viau pawh a ngawi leh duh bik awm chai silo a chhang rawh lo law law ang.




" Mamte helam ah lo kal lawk teh.. " Anu'n min rawn au leh si. Chhantluanga'n phallo viau mahse ka kal ta zawk tho, vawikhat mai min ko lo a, bak ah a rawn au reng chu kan pahnih thu dun a duh lo emaw tih mai theih ani.




Cake an zai a Hlimi pawn nuam atia a mah ai mah mah chuan naupang ho hian nuam an ti zawk. Present ka ken loh vangin Anu pawisa ka dil a 500 lai chu Anu zar ah ka present ve kha. A lawm thiam viau bawk ani pawh. Chhantluanga leh Kiama te chuan eng emaw an pe a enge anih ka hrelo kan kal ho vek a pek tur an ken sak pawh in ka hre lem lo, midang chhungte dang atang pawh in thil pek a dawng nasa ngang mai. An Chhungkua hrim hrim Pa Rinchhana te thlah jo hi han awm thei lawr tak nilo mahse hna tha nei, hlawh nei leh sawrkar hnathawk an ni deuh vek a an khawsak a tha hlawm phian a, thilpek lam ah pawh an bei nawi lo hlawm khawp mai.




" Kan hawa har angem?? " Chhantluanga hnen ah a ruk te in ka zawt a, a ban a sana a bun lai en pah in " Har lo ang hei duh chuan hawa chu a hun tawh tho a lawm" A ti mai a.




" Ms bialpa i nei em.. ? ? " Phur hmel zet hian Thakima a rawn kal phei hlawk hlawk.




"Awi enga..?? Bialpa maw" Ka ti hluai, Chhantluanga ka bul ah a thu ve reng a aih tih chi nilo mahse aw ti ila tunge tih min zawt ta se a mah ka sawi ngei angai a Thakima hi a thawng viau dawn sia. A sawi chhuah phei chuan chhungkua ah an hre nghal vek dawn tih na ania.




" Nei e.. A hming pawh Hitler-a ania" Chhantluanga'n alo ti hmanhmawh, a ruk in ka melh a a kawr ah ka pawt bawk.




"A va buaithlak, bialpa strick zet i nei ani maw.. ?" Nui deih put put pah hian ati a " Ka nei ami.. ? ? " Tih leh Chhantluanga melh vak ka rual.




" Neih kha vawiin tlai ah a hming tur i phuah kha.. " A la rawn ti ta deuh deuh.



" Ka phuah ami awih awm loh" Ka ti leh vak. A nui ringawt a engtinmah min chhang tawhlo.



"Ka thianpa fel deuh mai a awm a, a single a hna a la nei zui, i duh tur chi ni in ka hria a bialpa ilo nei tawh chu a van pawi. Ngaizawng la chu i ti fuh ngawt ang.. "



" Chutiang ka duh teuhlo a rilru pawh a lo chhe ru mai thei a sin.. Bak ah " Ka ti hman chauh.



" Bak ah a bialpa thikthu a chhe lutuk. Midang nei pawh ni se a tibuai zel tho ang" Chhantluanga'n midang chetla melh reng chungin alo ti. Hela hi a min hrechhuak se a ti zek zek emaw ni.




" Sual lo ang. A engpawh nise chutia i neih tawh chuan a rem lo anihchu.. Ka kal aw" Tih leh kalsawn a rual a.



" Sawi mai tur che ania.. "


" An hre darh nghal vek dawn a sin.. Tun a I sawi pawh kha a hrethiam thei a sin"


"I ngai fing emai, bak ah hria se a lawm awm daih zawk a lawm.. "


" I a anihchu.. "


" I hmeltha a?? Ka hria a lawm, nangpawh i hmeltha lutuk.. " Lehlam ka hawi san hmak. Nghal leh lutuk mai a.




Dar 10 vel ah kan haw a, eng em em ti lo mahila duh dan tak a awm a rem miau loh vangin ka chau vei viau. In kan thlen ah ka in sil fai thuak thuak a khum ah lawn in ka mu nghal thlawp. Msg ka check kual a thenzawl lam thianten group a ka reh lutuk chu min lo rel leh chiam tawh. Ka va rak ve hrep hnuhnawh a, mu hma ngai bik lo hlawm ta chu an lo rak chhunzawm nghal nawk nawk. Kan in hnial a fiamthu vek ania tuman kan haw tak tak lo the rock-i pawh midang lam ah a rawn tang vel, a ni te chu midang ai pawh in ka be ngun zawk ania chhe vel lutuk mai.




' i mu nghal ang chu ka tia... ' Chhantluanga'n msg min rawn thawn ' mu nghal nang ka thiante ka la bia a' tih ka va thawn let nghal a mahse a seen mai lo. Mutthilh tak tak ka tum hnu ah min rawn call leh hnuhnawh.



" Umm.. "


" Kawngkhar lo hawng teh" A rawn ti thut. A aw lah chu phone ah nen ka room pawn lam ah ka hre tel tlat hian ka in hria.


" Enge tun ah? Ka mu tawh a lawm"


" Ila mutthilh chuangloh kha. Reilote ani mai" Ngen ngawl aw zet hian a rawn ti zawi sap.


" Lo awm rawh.. " Tang thei ta lo chu ka tho chhuak a kawngkhar ka va hawn chuan a ding kawi sawi nasa mai.




Vest var a ha a, kekawr bul dum khup chen vel a ha bawk. Ka va hawng tih a hriat rual chuan a rawn lut nghal thuai a kawngka a kalh nghal thlap bawk. Khum ah ka let a puan sin tha leh than in ka mu rem sauh sauh a, ama che vel tur chu ka en kar. Ka lehkha zir na a ka thut fo na chair la in ka bul chiah khum si in a rawn hung a duh dah zet in a rawn thu nghal than. Ka mu min en reng vang chuan ka lai deuh a ka biang chin ka puan in ka khuh daih.




"Hmmp kan in be dawn miah lo ami?? "


" Be dawn ang,, mahse enge kan sawi dawn ilo lut tlai si"



" Ka hre chuang lo" A ti leh lawi a.


" A van ho ve ka mutsan dawn che ania"


" Um a tha a lawm.. " Ka in let dawn chiah ka khum a rawn chuangkai ve nghal in min kuai let thawk a duhthawh zet in min fawp lehnghal.



" Zu rim i nam.. ? ? " Lai zet a ka tih rual chuan , a nui hak a min kuah nghal hlu hlu " Beer a lawm ka in mai mai.. "



" Zu anih tho chu... " Ka tih chuan a nui tawp ringawt "Ok ka in leh khat tawh viau ang.. Muttui aw" Tiin a chhing lehnghal. Hepa hi rawn riah leh ngawt a tum emaw ni.


*


" Inhnuai ah chhuk rih suh aw.. " Ka tho chhuak chiah Step ka raha hma hauh in Kiama'n arawn ti. Phak deuh in ka ding a, enge a sawi awmzia pawh ka hrelo.




" Ka tui te a hal alawm ngati nge inleng kan nei ami?? " Phak aw deuh ka chhan chuan lu thing in ka room lam ah min kai lut leh.




" Chhuk rih lo mai rawh ka room ami tui in tur ka rawn lak ang che" Atih chuan a chet dan mak ti zet in ka en reng " Tinge a inhnuai ah tumah an awm silo a. Bak ah keichu tui vawt ka in than em kha i tui kawl te chu a vawt dawn silo a"




" Anih ka zuk lak ang che" A la ti talh. Inhnuai a ka chhuk pawh chu tinge maw a ui tlat ni. A hrim hrim in enge in hnuai lam ah chuan awm reng reng le.




" Awle a tha a lawm hmanhmawh la aw" Ka ti tha ve mai a, mahse a chhuah hnu a chhuah thlak ve nghal chu ka tum tho. A chhan pawh hetia a awm tlat chhan hi hriat ka duh a, enge awm reng reng ni?




" Ka lo chho lehnghal ang room ah hian lo awm tlat la " Ka bu nghat a mahse step a rah rual vel a zui thlak ve in peih ru at in ka awm tho.




Ka room a chhuahsan chiah kawngka lam ka pan nghal a, ka bih dek dek hnu ah step ah a chhuk liam chiah tih in ka chhuak thla ve nghal. Ka chhuk zel a mahse ka beisei loh deuh ka hriat tak ah chuan kal thla zel tawhlo in ka din na ah tak chuan in ban ang mai a nghet in ka ding chat. Rilote ah Kiama a rawn let chho a min hmuh chuan a meng phawk nasa mai, a rawn chho hlawk hlawk a inchung ah bawk min kai leh dawt dawt.




" Lo chhuak suh ka tih kha.. " Vin lek lek hian a rawn ti a, keichu engmah ka sawi tawh lo ka ngawi reng a ka khum ah ka thu ringawt.




Nichin khan Anu te room lam atangin in hau thawm ka hria a. In hau satliah an nilo kei leh Chhantluanga hming kha an lam a Pa Rinchhana zawk ni awm tak ani, kan pahnih chungchang hre ta ang maiin a tawng a a vin em em bawk 'Unau in ngaihzawn tha kan tilo tih i hre vek. Hman lawk ah pawh i cousin te kan hau tawh a I hre ve vek.. ' tiin Chhantluanga a hau ni awm tak ani.




" Unau ang in kan awm tlang vek emaw ka tia mate, hetiang chu a tha lo emai ka pa hian a ngaih thah in a en liam mai mai dawn lo cheu *ania aw.. " Kiama pawh chuan a ti ve nghal.




" Kan...ka... .kan in duh sia lawm unau tak tak pawh kan nilo a" Kiama ngaih dan a ni vak lo aniang a rum hak a, a hmel nidang a dam em em mai kha a rum in hmuh hreawm tham zet hian a ngainat awm lo nghal.




" Unau diktak kan nilo tih mai mai, kan nu leh pa te an in nei anihchuan unau kan ni mai, thisen a in zawm kan nilo pawh ni mahse unau diktak kan nih hlawm hi... Thisen a in zawm na kher lo pawh hi in unau na tha a tam lutuk" A ti duah. A thinrim khat em vangin ka tawng ngam tawhlo.




Keimah a hlauhthawn na awm tawh nen ka mutchhuak phak lutuk pawh a reh vek tawh.




" Bawiha lo va chhuak lawk teh... " Kan ngawih dun rengin Chhantluanga alo lut hlawl. Kiama nen ngawi rengin kan en a, a hmel chu a a muk mai bak ah lawm loh na anei tih hriat reng reng in a thim up mai.




Kiama'n kan pahnih a min chhuahsan vel ah kawngkhar a khar fel thlap a ka lam a lo pan lai mek in kawngkhar an rawn hawng lehnghal. Anu hmel kka hmuh rual chuan ka thut na atangin ka ding nghal vat a, Chhantluanga pawh a in her ve bawk " Nu... " Ka ti hman chauh tih in a thaw hawk ringawt a.



" Inhnuai ah lo chhuk lawk teh i pa'n biak che a duh a" a hmel lan dan ai in a tawng dam. Chhantluanga ka en a, hriatthiam har zet in min lo en.




Anu chu ka zui a ka chhuah fel hma in " Kan fight angai ania" A rawn ti a mahse ka zam chhiat leh hlauhthawn vangin chhan pawh ka chhang lo a, chu mai pawh anilo athusawi hrelo ang maiin ka awm tawp tawh. Inhnuai kan thlen thlak a Anu re room a kan luh rual in Pa Rinchhana in ngaihtuah muk hmel pu zet chu ka hmachhawn nghal. Room ah Anu chuan min awmpui ve zel dawn emaw ka tih laiin an bathroom kam ah min luh san nghal daih.




" Thu la thil sawi dun lawk ang" Pa Rinchhana sawi zawh rual deuh thaw chuan a rem lai ah ka thu nghal.




" I u Mama nen in lo in hmel duh reng ani maw?? " Dam zet hian ati a. Diktak chuan nichin a an in hau lai kha ka hre reng a, a aw ka vin te thleng in, tun a aw ka a dim lutuk chu hlauhthawn na lian tak min neih tir tu ani zawk tawh.




" Nia.. " Tih tawp in ka chhang a. A hriat chian hmel bawk nen phat chi rual ani tawh lo. Engpawh nise engtin nge an hriat theih tih hi hriat ka duh ani.



" Engtik ah nge..?? "


" Maw..? "


" Engtik atangin nge in lo in ngaihzawn?? "


" A.. A la reilo" Ka zam leh khur chuan tawng pawh mi tawng that tir theilo.


" In then ula ka duh khawp mai, in kal thui hma in. Chhungkua kan ni a chhungkua leh unau chu anih dan tur tak a awm mai tur" A ti khauh leh hle.



"Mahse... "



" I u Mama cousin te pawh hetiang hi an awm tawh ania, kan hau a kan zilh nasa bawk. An nu leh pa te phei chuan an hrem hial a n pawt then thei hram a. Chutiang a kan chhungkua a tih ve ngai a awm hi ka duh lo a kan in hlat hlaawm phah pawh a hlauhawm. Chhungkua leh thlah tu atangin hetiang hi kan duh lo a chhungkua tum loh deuh hian a tih mualpho theih lutuk ania. Chhungkaw mualpho em em chu in duh bik lo tur ah ka ngai a, chuvang chuan inthen mai ula unau ang hian khawsa zawk ula ka duh"





" Hrethiam ve ula ka duh khawp mai ka pa, tun ang lai ah unau thisen zawm ngei in ngaizawng pawh an tam tawh lutuk. Tuman an chuk rawn luai luai tawhlo, an sawi a rei a daih ngailo, an theihnghilh a an en liam ve mai zel. Kan chhungkua leh midang pawh hian hmanlai rilru pu reng lo in hriatthiam a tunlai rilru in put angai ve tawh in ka hria. Kan duh a kan hmangaih na na na enge kan inkawp chu a that loh na?? Matei nen phei chuan thisen zawm pawh kan nilo "




"Nang ka be lo che Chhantluang. Lo va chhuak rawh" Pa Rinchhana'n a tih sak hmak.



"Ka tel ve angai tho a lawm matei leh keima inkar chungchang ah anih hi kan buai"



" Lo va chhuak rawh.. "


" Aih... "


" Chhantluang ka thu hnial suh, nangpawh hi puitling zawk i nia thil tha leh tha lo chu i nai ai pawh in i thliar thiam vek tawh. Engah nge tiang zawng hian i chet pui tlat ni? "




" Ka duh a lawm mawle, ka nu ai a matei nu i duh ang chiah khan midang ai in ka nau ngei hi ka duh.. "




" Ka beng dawn che em ni? Engvang in nge i nu thi tawh chu i rawn sawichhuah a tun ah... " Pa Rinchhana thinrim aw ka vin leh kut thawh tum rum rum chu ka hlau lutuk ka ding nghal zawt.




" Thil hriatthiam tir che ka duh vang mai chauh ani, ka pa eng buaina mah kan thlen lo ang. Min pawm sak ve mai rawh u" Chhantluanga'n a la ti ve tang tang.

Ads click theuh ang u aw, in hmeltha hlawm sia


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 17th, 2022, 2:52 pm

💜CHAPTER-21




" Chhuak rawh, nakin ah kan la sawi dun ang" A ti hmak a en pawh a en duh lo " Mambawih nangchu la awm rawh" Chhantluang zui chhuah ve mai ka tum laiin a rawn ti leh a ka hreh tawh ngang mai.






" Thawh hlim atang a an vak vak ringawt. School kal te angai a tlai ah kan sawi khawm tha zawk dawn nia" Chhantluanga'n a pa ang hmak a tiin min kai chhuak ve daug a Pa Rinchhana pawh a rawn au zui peih lo aniang tawng thawm engmah a awm lo.






Ka rilru mangang leh buai tawh bawk si chuan engmah ka ngaihtuah tha thei tawh lo. Enge ka tih ve anga tlai ah chuan enge ka sawi ve ang tih pawh ka hrethiam tawhlo, ka tha te hial a khur a ka bing mup mup hi ani ber tawh. Ka room kn thlen a ka khum a ka thutlai awm takngial pawh ka hrelo ka harh that meuh chuan ka khum ah ka thu fel diam tawh. Chhantluanga'n min chhuahsan mai lo in min awmpui ve reng a, engmah kem chu kan sawi dun lo. Phone a en zauh tih loh chu a che chang bik lo a keimah min ngaichang tih chu ka hria. Ka rilru ah Thakima a rawn lang thut a Chhantluanga ka melh nghal vat, ani pawh in ngawi rengin min lo en ve bawk a.





" Thakima khan a hrilh ami?? A hrethiam ang"




"Hrilh hauh lo ang. Ka chiang, a hrilh lo ang" A lo ti mai a.





" Anihchuan engtin nge an hriat thut theih a? An hmuh ah engtinmah kan awm ngailo a, rinhlelh tur pawh in engmah kan ti ngailo.. "





" I nu a awm a lawm, hman atang tawh in ani chuan a hriat vek tawh kha.. "





" Anu anilo ang" Ka ti veleh lawi a, Anu ni tur em chuan ka ring phal lo atin ni " A ni thei a lawm, ka pa ang chiah a kan in kawp duhlo tu anihkha "




"Engtin nge kan tih ang?? "



"Engpawh tawk ila min then lo ang tiraw??? "



" Tun ah chutiang.. "




" Min then angem? " A ti leh hmak. A hmel tak run vang chuan ka chhan hma chu min zawt nawn sek dawn tih ka hrethiam a ka bu nghal nghat. Min zawh sek dawn vang nilo in ka then dawn bik loh vang tak tak ani.





"Then lo ang... Ka, ka duh che a lawm" Ka tih chuan a bu nghat a ka kut ah chuan a rawn hum nghal vang vang.






" A tha e, min ring tlat a engpawh kan chhungten sawi mahse ka lam ah tang in min then ngai suh ang che. Min ring tawp rawh" A thutak lutuk chuan min ti hlauthawng zual zawk.






" Le school kal tur in in siam rawh le. School ah kan chhungkaw thil hi chu ngaihtuah zui vak a tha lo ang aw. Lehkha lam ah chiah rilru pe la, tha deuh in nileng hun hman i tum dawn nia " A tho a min chhuahsan ve nghal.


IMG_0907265.jpg
IMG_0907265.jpg (26.03 KiB) Viewed 1876 times



Phur lo zet a ka insiam zawh ah school kal turin inhnuai lam ah ka chhuk a, ka chhuk thla fel chiah leh pa Rinchhana office kal tur chhuak ka hmu hman a ka tawk hman ang tih ka hlauh zia chu a. Chhantluanga a lo chhuk ve a min thlah leh a tum aniang min rawn mitmei nghal zauh. Keipawn Anu mitmei ran chungin ka zui chhuak ve a, mahse Kiama lo awm reng tawh leh min nghak ni awm tak a kawt a bike nen lo awm thlap tawh kan hmuh vangin Chhantluanga nen chuan kan in en a. Alo hrethiam nge aw thian kharh pah hian





" Ka pa'n thlah turin min tia" A rawn ti hmasa a.




" Keiman ka thlah leh mai ang a la tlai chuanglo" Chhantluanga'n ati ve leh hmuk.





" Ka pa thu hnial ka duh ngailo tih i hriat kha Mama" A rawn ti leh a keichu tu bike ah zawk nge ka chuan ang tih pawh hrethiam lo in ka ding mawl tawp ringawt.







" Ka thu pawh i hnial duh ngai chuangloh kha... " Chhantluanga dam zet a atih chuan Kiama chuan keimah min en zawk a " I duh thlang mai rawh" Min ti daih. Thlan zawk tur ka hrelo a, diktak chuan Chhantluanga thlah te chu ka duh ve lutuk. Mahse, Pa Rinchhana'n Kiama a chah diam tawh a tlai ah a rual in ka kal lo tih hre ta se a thinrim viau lo'ng maw ka tia.






" Mama rual in ani mai.. " Rei fe ka ngawih hnu ah ka ti chhuak thei hram. Chhantluanga chuan thutluk na tha siam min ti ni awm tak chuan min nuih suk. Kiama pawh engmah sawi belh tawhlo in a tlan nghal vang vang.






" Kal ve nghal ila... " A ti a bike la chhuak in ati nung nghal hlat hlat " I ti tha khawp mai, khatiang kha ka ngaina" A tih chuan hmui ti pawrh vak chungin ka lawn kai ve nghal thuai a.







" Tlai ah min chhan ang che i hria em, min ring rawh i tia ka ring bawk che a I chhan leh huam in anihkha nangma bul a kal ka sawi" Ka tih chuan a nui hawk a bu nghat in " Lutuk tlat, ka chhan tlat dawn che a lawm. Min ring tih ka hriat phei kha chuan chhan che ka chak ngawih ngawih ania"




" I over anihchu a.. "




" Over ami.. Ka duat ve em che a, min thlang lo mahla ka chhan tho che in ka ring" A ti leh duah.





" Ka awih lo, Kiama rualin kal ila chu min be duh miah pawh in ka ring lo. Chhan phei chu min chhan nguar ang" Ka tih sak leh hram.





School kan thlen ah kalsan mai tawhlo in ka tlan liam tir phawt a chumi hnu ah ka lut ve chauh. Tlana leh Lawmi te ka hmuh hma hauh a class kawngka a Rema ka hmuh vang chuan nimin min lo zui haw kha ka hrechhuak a ka kal pel hreh thar thut. Ka kal zel a, ka tum dan ber chuan alo ding chu hmu lo ang a kal tlang ka tum ani. A mah lah chuan min lo chang ni awm tak in min en kur lehnghal.





" Hey, hriilhfiah tur min neih kha ila hria em?? "




" Ka thiam leuuu" A bul ka thlen rual a min lo tih vangin beidawng deuh tur chuan ka chhang ve hmak.





"I thiam tur ani.. " Thupe aw zet hian min ti hmak a ka ngei em vangin ka kal tlang mai ta bik lo. A mah chu ka melh nghal kur a, ngainat loh theih tur ber hian ka melh ve ani mah zawk.





"Mittui tla chung pawh in min ngen mahla ka thiam chuanglo ang. Bak ah a thiamlo ber enge min zawh tlat a, Tlana te saw zawt ta che midang pawh" Ka tih chuan a nui suk a, a sam tuai vut pah chuan a ding ngil at.





" Nangmah kher ka zawt duh che a lawm. In in ah lah khan i u kha a in la thu ve ropui sia engmah a ni tawp silo" A ti leh ngat.





" Ani chiang emai khatin tawng ve pawp pawp suh" Tih leh thut na kam pan ka rual a, ka thu chiah ka bul ah tak a la rawn ding leh " Enge.. I ninawm " Ka lo ti ta vak.





" I van thinchhe reuh tak e aw, min hrilh ve mai la" Ka an nat deuh vangin midang pawh an lo hawi thup hlawm " Thiam ila ka hrilh daih tawh ang che. Midang zawt rawh" Ka ti leh vak.




" Ka peih lo.. "




" I peih loh leh zawt lo tawp la ani mai a lawm. Engmah hrilh tur che ka neilo ka thiam lo" Dawhkan bawh chungin ka ti leh hmak. Lawmi lam hawi zawng a ka bawh vangin enge toh hriat chak mitmeng nen min lo en char char.





" Enge a..? A va han melh rum nasa em em che" A kal ta aniang Lawmi'n rang tawk in min zawt nghal.






"Engvakmah, enteh nimin ah min lo zui haw anihchu. Ka hlau tawp, kan kawt ah min zui tih ka hre chiah a Mama'n rawn hmu in a rawn hau hlauh zawk a nilo se chu engtin nge a rawn awm ang pawh ka ngaihtuah ngam lo"






" Awi a van hlauhawm em em. Enge a hriat a?? " Rema thut na lam en pah in a ti a. Chutia en vak vak kher lo tur chuan ka lo ti nghal " Lehkha lam ah min zawh duh nei in a in sawi a, sir fapa ania keini aisa a zawh tur tha awm zawk chu zawh ve mai tur ania" Ka ti a, Lawmi pawh min. Pawmpui tih hriat zet in a bu nghal nghat.





" Saw I lam alo en char char ania" A tih rual deuhthaw chuan




" En pawh ka en peih lo... " Ka lo ti ve nghal.





Chhun chawlh ah pawh chuan Rema chu a bo deuh hmak a, ka lawm ah a tla zawk. Kan ngainat loh lutuk mihring hmuh reng theih a awm te hi a hrehawm ka tia keichu.







Tlai kan han bang chiah chu haw huphurh na ka nei nghal a. Chhantluanga lo thleng hmasa tawh se tih ka ngaihtuah, a awm tawh chuan tuman min ko hrang duh dawn bik lo a. Anihloh chuan min ko hrang anga, min bia in inthen chungchang an sawi lang leh bawk anga chhan dan tur mumal ka hre dawn miah lo keichuan. Chutih rual erawh chuan Chhantluanga erawh then ka tum lo ve bur thung. In ka thleng chu rin lawk dan chiah in Anu chauh a lo la awm a, min biak a tum ka rin em vangin in thlak tur pawh in a tlan in ka tlan chhochho. Mahse, ka chhuk leh chuan an room lam ah min ko ta tho a peih lo zet a kan in zui luh tak ah chuan kan ngawi dun leh reng.







"I u nen chuan engtin nge in tih? In sawi dun tawh em?? " A ti a engmah ka sawi lo " Mamte, thik hi in tan a tha tur kan ngaihtuah tuh hria ula ka duh a, tune aisa a in kum te a lo tan phei chuan in pahnih in in duh ai a duh I nei thei a, chung atan chuan tun ah in thlah rawh u. Tun ah lo in kawp lui pawh ni ula i pa te chhung lam hian an en liam mai mai dawn lo cheu ania aw"





" Min tan ve la" Ka tih tawl vang chuan a meng zim nghal sun a. Ka rilru hriat tum ang mai a chiang in min en a.





"Tan theih pawh i ni hleinem, kan duh loh dan in in awm lui tlat a tiang te chuan engtin nge niang? " Aw ka a vin nghal ngawt chuka duhlo ve takzet.







" Nangpawh apa thih hnu lawk a Pa Rinchhana i neih pawh in ka sawi sel che ami? Pawm lo mahila engmah ka sawisel ngai bik loh kha, apa rilru tur pawh ngaihtuah miah lo a khatia i toh pawn ka sawisel lo. Diktak chuan nangmah vang chauh a Mama nen pawh in chhungkhat ta kan nia"







" Chu ka thiam loh vek i tih na ami?? In lo in ngaihzawn pawh hi ka thiam loh i tih na ami,i pa thi tawh engatan a rawn sawi chhuak leh vel nge maw I nih chu le??" A thinrim hmel takzet " Chutiang ka sawi tum anilo.. "







" I u hi i then vat lo anihchuan i chuungte hian i lak ah sual kan chhuah char char dawn ania. Keini chu thuhran, in hrang a cheng i pa unau ten an hriat hun chuani nun hi nuam i ti lo viau ang. An hmel en leh an that na a an that luam ai hian an duh loh na ah chuan an sual thiam ania aw"







" Min sawi thaih suh, i fanu ka nia min tan ve tur i ni a sin" Keipawn aw ka vin lek lek in ka ti let ve tawp tawh. Ka nu ania, ka lo dik lo anih pawh in hetiang zawng kher a in sawi thaih kher hi chu ka duhlo " Mama nen kan sawifel tawh kan in then dawn lo. Nu hrethiam la nang tal chu kan lam ah tang rawh" Tiin beisei na nen ka ngen a.





" Ka theilo ang... "




" Engvang in?? I fanu ka nia midang in min tih nat emaw harsat na min thlen tur lak ata min chhan ve tur chu i ni a sin"






"Ka duh loh dan a I awm chhung chuan i lam ka tang lo ang. Bak ah i pa hian hman ni ata tawh i u Mama nupui tur hual sak ruk a nei tawh a, thil a kal fuh theih chuan nupui a nei mai dawn a. Kum nghah ngai ani ve tawh lo, chuvang chuan nupui nei a na tak a a siam hma che hian then tum rawh nangmah zawk in. I u Mama hi chu a luhlul nasa a, a duh tawh neih tum a bei ngar ngar chi, mahni hmasial ang pawh a lan pawi sa lo ania. Then che tum lo mahse nangmah zawk hian then la ka ti. Nakin ah nangmah chauh a thil engkim hmachhawn tur a a kalsan vaih che chuan a na viau ang"






"Chutiang in ati lo ang.. " Tih leh kal chhuah ka rual a, min au zui lawm lawm a mahse ka hrelo awm hmiah hmiah. Inchung a ka bag leh phone ka la a, inhnuai a ka chhuk leh pah in ka chhuah lawk tur thu ka sawi a min chhan na pawh ka nghak chuanglo. Kan pahnih chauh a kan awm chuan min zilh char char dawn tih ka hria a, chuvang chuan ka awm peih lo ka leng daih rih dawn.






" Ka lo tlai len dawn nia" Tiin Lawmi ka call a, ani a lo phur leh nasa tawh mai. Hman ah khan kan leng tur accident vangin kan leng thei ta lo a, chumi hnu ah len ka la tum leh miah lo kha ania.





" Kan in i hre tho tiraw kawt ah ka lo chang hrim hrim ang che, chaw I ei nghal dawn nia" A ti zung zung. Aw aih pawh ti lem lo in ka off a, taxi la in Lawmi te veng pan in kan tlan nghal nal nal.






Ka zak ve deuh tho na in, in ah ka awm peih rih thlawt silo a thenawm khawveng a tal turin chutiang khawp a nel ka nei bawk silo. Lawmi te in ah chuan ka awm char char a, an chhungkua an tam in an in lah a lian in a changkang nasa mai. An in vawikhatmah ka la lut lo a, a ropui piah lam ah a chhungte an polite in an fel a an zau bawk. An hausa a Lawmi school a a awmdan vel ka en hian an hausa toh hi a hriat miah loh, Anu leh pa leh a u ten hna an nei deuh vek a,awmdan hi a thiam zawk ka ti thil neih tha lutuk ang te hi a neih ngai pawh ka hrelo. A chhungte lah chuan an in ka thlen tirh atangin chaw ei nghal turin min ti vek, chaw ei em em chu ka tum lo.






" Khawi ah nge i awm? Ka haw a in ah ilo awm lo a" Chhantluanga'n a call ka pick rual in a ti nghal. Ka chhan hma in sana ka en a ka tum aisa a rei ka lo awm tawh. Nuam ka lo ti viau aniang ka len rei leh rei loh lam ka lo ngaihtuah lo reng reng.






" Ka thiannu te in ah ka leng a, ka lo haw dawn chiah" Tih leh thawh kan ka rual a " Ka lo hruai ang che, i va leng rei ve. Hman a kan thlah haw kha ami Ramhlun ami kha?? " A ti zung zung.






"Aw,,mahse hruai ka ngailo ka lo haw ang. Tlai i inkhel nange?? " Lawmi chuan ka bialpa ka bia tih hria ni awm takin min lo nuih sen sen.






"Ka tlan chhuak dawn chiah lo awm rawh" Ka chhan hma in a off daih a. A luhlul tih hrechiang ve tu ka nia call nawn a hnial hran ka tum lo. Ka lo nghah loh chuan kan in ti thiam lo mai mai.





"Ka haw dawn a tlai tawh" Bag ka ak a ka chhuak zui nghal.





"Chaw ei turin kan tih vek tawh che kha" Tiin min rawn zui ve bawk.






"Nidang ah ani mai, run chu ka rawn kal tlai sa bawk sia" Tiin ka hnial a. A nu leh pa tr pawh chuan min sawm leh tang tang a mahse ka hnial zel tho, pawn ah Chhantluanga chu ka nghak a Lawmi pawh in min nghah pui ve bawk. Mahse, chaw an ei dawn tep tawh vangin min luh san turin ka ti a, a tir ah chuan a duh lo viau na in ka tur zel sia a lut ta hram.






"Aw nu... Ka lo haw dawn chiah" Lawmi awm ve tawh lo mahse an kawt mai a ka la awm vangin tha deuh in ka chhang a.






"Engah nge i u hruai tur che in i koh kher a, nangmah in i chhuak a nangmah in rawn haw leh mai ta che. A hrim hrim in leng haw hun te hre ta che, rawn haw vat rawh" Vin zet hian a rawn ti a. Chutia min ti chu mal ka tih em vang leh min vin thu leh a aw ka chu mak ka tih em vangin ka ka hau ringawt.






"Ka ko lo hrim hrim" Ka ti ringawt. Min lo hruai a tum hmasa tih pawh ka sawi lang duh chuanglo .






" Ko lo la dan theihloh lhawp in a rawn chhuak lui duh lo ang, mawl lutuk mai i pa i tih thinrim hlau in tha tak a awm turin ka hrilh che a, enge maw a kawi zawng zawng a i awm chu le. Rawn haw vat ang che u" Tih leh off a rual. Ka nih na leh ka thil tih ni miah lo a ka nu ngei in min ouh chuan ka rilru a ti na ta tlat a phone ka hum vak a ka mittui a tling nghal piau. Ani nen kan in biak atang a reilote ah Chhantluanga pawh a lo thleng a, khua a eng dul ve deuh tawh bawk nen ka ding kun bawk sia min hmu lo on a tlan tlang tep ani.






" Haw ang le.. " A lo thleng ta chu ka hnuk ulh a zual a ka mittui a luang thla zawih " Umm " Tih chiah a chhang in lawn ka tum. Thil dang sawi tur chuan ka hnuk a ulh lutuk a engmah ka sawi ngam lo, ani min duat tu leh ka bialpa ni bawk ka kiang a a awm chuan min ti no hneh em ani.






"Tinge i va zawi awi ve a? Ka lo thlen hma in tunge tibuai che" a ti a, a ruk in tap zel lo tur chuan ka in hum a Chhantluanga pawh ka chhang theilo. Anu hi a mak ka ti thlawt, tinge tiang hian a in thlak danglam tak em em mai ni.






Bike atang chuan a rawn chhuk ve thung a. Ka sam tla chhum chu hui kiang in a rawn kun hniam a ka tap em tih hriat chian tum ang mai a chiang in min en " Tu emaw in an vel che ani maw?? Le engkim min hrilh la, chuan tih dan kan ngaihtuah dawn nia"





" Anu'n min hau a"



" Tinge..?? "



" Min hruai turin ka ko che a ti tlat a, min rawn hau " Ka tap lo chauh tawh.




"Umm, anihchu. Hauh che ka phal reng reng hleinem kan haw anga kan hau ve dawn nia. Tap tawh suh aw, tah i in hmeh lo a bak ah i tap lai hmuh hi ka duh lo hrim hrim. Ka hau ve ang " A sawi tawp lam ah a thinrim aw lek lek.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 17th, 2022, 2:53 pm

💜CHAPTER-22



Kan in kan thlen chuan an lo awm kim thap a,chaw ei ah min lo nghak ani mah zawk ang chu. Ngawi reng in dawhkan kan kil ve a tuman engmah an sawi zui lo. Pa Rinchhana ei kham in dawhkan a thawh san dawn chiah tih in " Mate tu ber in nge rawn phone cheu a?? " Anu tih kha ka sawi reng a mahse Anu ber chu a thlang chat duh bik lo.





" Keiman.. Ka ko haw anihkha, haw hun ah pawh a la rawn haw bawk silo " Keimah min lo en nghal zauh bawk.





" Chu chiah chu maw..?? " Chik zet a en in a ti leh sup " Enge Chhantluang..? " Pa Rinchhana'n atih chuan a ma lam hawi in a ngawi daih.





" Enge sawi ta che.. " A tih leh tak ah chuan a thaw halh a carrot pakhat hmawm zauh pah hian " Nichin ah min ko chhuak ang in a lo hau anihkha, keima thu a kal ka nia ka ngaihtuah a ka hruai a tinge a mah in hauh daih?? "





" Nangni pawh hauh in tul na ah chuan kan hau ziah tho cheu a lawm. Thiani nangpawh i hauh na a ho v3 deuh anihchu, kan fa te hi a la lullul rual thiau an nia uluk tak a kan enkawl chhoh an ngai ania.. " Tiin a tho zui a.





" Kan va duhtawk hma ve... A tap ania" Chhantluanga bawk in ati leh, a ruk in a kekawr ah ka pawt a mahse ka kut a lo man bet daih thung a. Min en chuan a mitmeng a ring tlat tur a min duh zia chu ka hmu thei. Lu ka thing a thil sawi thui loh zawk ka duh.





" Tu maw tap a?? " Pa Rinchhana bawk in alo chhang leh. Anu chu a tawng ve duh lo a angawi tlattlat " Matei mawle.. . In hau tap a, kei ka lawm vak lo..kan tih leh nih na ni miahlo a in puh te hi a dawng sawng tu tan chuan a na duh ania. A bik in ka nu,chhungkua a I hmeichhiat pui awmchhun leh i hrin ngei ania khatiang khan ti tawhlo la ka duh, anihloh chuan..." A sawi zawm tawhlo a Pa Rinchhana a thaw hawk.





" Chutiang mai mai a tah tur anilo.. " Tih leh choka chhuahsan a rual a Kiama pawh a tho ve nghal " Inchhung pawh hi a nuam tawhlo.. " tih leh choka chhuahsan ve a rual a, ani ber in chutia ati chu nuam lo ka ti takzet.





" Ngahmah ngai suh, puar deuh in ei la" A ti a. Engmah thleng lo ang mai a awm in a hmel hmuh lah chu anum tawh em em lehnghal, a mood leh a hmel lan dan thleng a thlak danglam hneh lutuk chu mak ka ti zawk. Tun lawk a thil a sawi te kha chuan a hmel kha ngeiawm leh ngeng ngalh ang khan a lang a, tun ah chuan mi tihnat hlau leh dam zet hmel a pu leh tawh.





Anu kham tawh hnu ah pawh eng ei em em tawhlo in kan thu dun reng a, thil tam tak min hrilh a. Chung zing a a sawi ngun ber chu ring tlat tur leh kalsan a then ngailo tur a min tih na ani. Chaw ei na pawh kan thawh San hnu ah keimah ni in kan ti fel vek a, Chhantluanga pawh a che zei khawp mai, kan thleng seng thawm ah Anu alo kal ve hnuhnawh a, mahse Chhantluanga'n kan ti thei a tih vangin ngawi rengin a let leh mai.





" Api te ka be dawn a, chuan lehkha ka zir anga ka lo bia ang che aw" Kal hran ka hlauh avangin ka zui zel a, tuman min ko hrang hman eih lo hrim hrim.





" Ka be ve duh a sin... " Awmze nei zet in ka melh a, nichin vel vang a kan boruak kha chu ka bul a awm hian a zir em vang nge pawh ka hrelo a reh hmak tawh " Tak tak, ka pi kha ka be leh chak" A tih leh tak ah chuan lo phal mai in ka room ah kan lut dun leh a.





" Hello ate, in dam em khawi ah nge midang an awm a?? " Ka call an chhan rual in ka ti zung zung a lehlam atangin mein rawn hau ve nghal.





" Chhan pawh hi kan chhang hman mang hleinem che a lawm, zawh na hi i siam hnem nghal thin lutuk a. Kan dam e" A ti a ka nui nghal vak vak. Mi ka biak hian thil ka zawt nghal teuh zel a min hau ve hlawm ziah " I pi te pawh TV an en a, hei an dam e an ngai teh mai che ania. Krismas ilo hmang chho angem tih an sawi tan der tawh ania"






"Awi an va sawi tan hma ve. Ka rawn hmang dawn a lawm, krismas em em ka rawn hman loh ten. Kum tluan in helam ah ka awm tawh a khalam a hman ngei ngei angai a lawm" Ka kut in thla ka chhut pah nghauh nghauh. An sawi ta hma ka ti na in hun hi a kal chak a krismas pawh kan thleng leh thuai ang tun ah pawh kum chanve ai tam a kal tawh.






"Ni e kan ngai ve si che a ilo hman chhoh ngei angai ang. I nu pawh khan kumin a rawn hman chhoh ve kha chu a sawi a, an ti hlawhtling ange maw.. " Chhantluanga'n ka hnunglam ah thu in min lo kuah a, phone a Ate-i tawng chu hriat ve tum ni awm tak in phone hnunglam ah a beng a rawn nawr si ve nghal " Bawihtei a mi a?? Khawi maw kan lo be ve ang" Api aw ka hria a Chhantluanga nen kan in melh nghal zauh.





" Ka be ve duh ania... " Hmui phun deuh hian a ti a. Bu nghat in api lo tawng hun chu ka ngai chang lehnghal " Hello bawihte, i dam em?? " Api tar ve tawh tak aw ka hriat chuan ka lung a ti leng nghal rum rum.





" Dam e, pi ka ngai thei tawp che u" Ka hnuk a ulh tep a hmui ka pet nghal vak " Min ngai lo aniang tunlai chu min rawn be khat riau mai, i pu nen kan sawi kan sawi zel che a... " Lungleng tap mai tur ang a ka awm vangin ka tawng leh mai tawhlo. Ka ngaihtuah na in api te bul ah chuan ka awm veng veng a. Tun a Anu nen a kan inkar nen a hahdam thlak em vangin ka lungchhe zawk.





" Aw haw hei a tawp daih ami a, an tawng ka hre thei tawhlo a reh vek.. " Api aw ri ka hriat leh rual in ka harh chhuak zawk. Chhantluanga'n phone min lak sak daih a " Pi keimah Chhana, in dam maw?? " Ka awmdan hrethiam lo ni awm takin min melh zauh a.






" Hre thei e, aw keimah" Enge api chuan a rawn sawi ka hre ve thei tawh mang lo " Aw hei a cry tep anih hi a lungleng deuh aniang" Nui chung a min melh pah in a ti a, ka lo nui tawi tap " Umm tha vek tawh e, krismas chu keilawh rawn hman ve ka chak khawp mai min lo mikhual peih dawn chuan" Awmze nei zet hian ati a, tawngkam te lah hi a thiam reuh sia.





Reitawk an in biak hnu ah phone min pe leh a. Reilote api te bia in kan ti tawp a, engmah tun a kan chhungkaw boruak pawh kan hrilh lo " Min thlah tawh lala, lehkha ka zir dawn nia" Ka ti a engmah a sawi lo a min thlah chuang bawk lo " I leng chhuak dawn em?? " Ka tih chuan "umh dawnlo" tih chiah in min chhang.






"Tia min kuah reng chuan lehkha ka zir thei dawn lo ania aw... " Nui chung a k tih mek laiin ka nghawng ah a rawn fawp thut. Ka thu mar awt a, chu chu hria in a nui ri nghal hawk " Hur i tum chiang mai... " zep nei hauh lo a ka sawi chuan a che lawp a kan awm na sa khum ah chuan min nem mu in ka chung ah a in nem khalh nghal run.






" Hur dawn e " Pa zet a nuih pah in a tih chuan ka hn**e zawn ka hup nghal thuai " I ui vel dawn maw. Ok anuam zawk phian ang" Ka ban rek pahnih ah vuan in ka kut chu a pawt sawn nghal ani deuh der " Ka duh lo.. " Ka tih vak rual chuan ka kawr chhan ah ka hn**e a rawn fawp nghal mawlh mawlh.






A tir ah tang nasa teh mahila tha ah ka hneh loh bak ah min delh bet hneh bawk nen ka tang thei ngang lo. Chuta kar ah mak tak in ka taksa a rawn lum tan a chu chu keimah tak a hian ka feel ngawih ngawih. A mi khawih dan vel te chu ka dawng sawng tha tan a, ka taksa chuan a mamawh tan ni ber hian ka hria.Ka thawk a sak in a lum tan bawk a ka awmdan chu a danglam satliah pawh anilo ka taksa khawih mek tu hi ka mamawh ngawih ngawih ta ani ber. Ka kawr leh bra min hlih sak lai te chuan dan a hnek in ka lo pui bawm a, tenawm in tha lo viau mahsela a nuam ka tih na hian min hneh tawh lutuk a ka a zo tawh. A kawr hlip ve in duhthawh zet chuan min fawp a, min bawh run vangin a taksa lum leh ka hn**e in si chet te chuan ka taksa ati nuam hliah hliah.






Duhtawk in ka hn**e leh ka hmui, ka biang leh khabe te fawp in khawih kual mahsela ka kekawr kawng a chin hnuailam chu vawikhatmah a khawih lo hrim hrim. Ka kawng a tham rual chuan thaw hrawk in ka er nghal zawt, a khawih satliah pawn min ti mur vek thei. Ka taksa a current kal ang mai hian a zungtang pakhat lek in a min khawih pawh in ka awm tawh. Dim te a thaw kak kak chungin a mit ah chuan ka en a, ani pawh in min en ve tho " Ka hmangaih che..a bak chu kan inneih hun ah kan puitlin dawn nia" Ka chal ah a fawp zui a lai zet in hmui ka chip ringawt.





" Eheee, min hmangaih ve miah nange..?? " Ka chip tlat vangin ati leh a, ka khi sung ringawt " Anihchuan kan khek leh lo mai dawn ami..?? "





" Aaa ka hmangaih che a lawmm" Ka ti nghal thawt. A nui a ka bul a rawn mu thla in min kuah chet a" Hetiang hian kumkhua a awm reng ka duh. Kan nu leh pa te nen a kan buaina nilo, tun a kan pahnih inkar that na leh engkim kan pahnih boruak duhawm zet hi... "





" Kan awm dawn a lawm. Engpawh thleng rawh se ka then miah lo ang che" Keima thu a ka fawh chuan mak ti hmel pu in min en a, ka lai leh sia kan in nuih tawn ringawt.



" In ru ila... " A rawn ti thut. A hmel a tak em vangin ka then vak a.



" Ka la ngam lo deuh... " Ka tih tak ah chuan a nui hawk hawk.



" Ka fianthu anihkha, keipawn ka ngam lo ti ila Biakin hawng ngei a neih che ka duh, zahawm tak in kan innei ang" A ti leh sup.



"I kut... " A rawn ti zawm zat.


"Enga...?? "



"I kut lo la rawh... " Tha deuh in ka pe ve mai a. Ka zungtang ah chuan a zungbun bun lai phawi in a rawn vuah.


"Rala... " Hman a ka koh thin dan in ka ko thut.



"Rala a ti leh ta.. " Fiamthu deuh hian ati a " Bun reng la, school kal dawn chuan dah that a pawi lo"



"Kan in hual lawk dawn ami?? " nui chung a ka tih fiam chuan ka chal ah mi pen kawrh " Ka hmangaih ber i ni tih entir na leh chhinchhiah na anihkha" Ka kut chu a fawp zui a.


*


Ni a liam a thla hial a vei tak duak duak ah chuan kum tawp kan thleng a. Hman a kan sawi ang ngei in thenzawl lam ah chuan krismas kan hmang chho a, api leh apu te pawh an lawm khawp mai. Tuman kan chhungkaw buaina kan sawichhuak lo. Pangngai takin kan awm vek a, pawm erawh min la pawm thei chuanglo mahse chuti chung chuan kan in kawp chho ngar ngar a engmah kan pahnih kar ah phei chuan buaina a awm lo kan in ngaizawng rei tial tial a kan in duh tial tial hian ka hre bawk keichuan. Pa Rinchhana chhungte ho pawh in an hre vek tawh a an lawm lo in kan pahnih lak ah chuan an sualthiam ngat ngat khawp mai. A chang phei chuan an tawngkam te leh an rawn len luh chang a an zia ngeiawm lutuk vang hian ka mittui a tla ve fo,hetiang khawp hian an zia an thlak thei ang tih rin ngaih na ka hrelo zawk.






Mahse, Chhantluanga ka hmangaih ber ka tan a awm reng thin a,ka kiang ah awm in min hnem a kan tuar dun thin. A chhungte dang lak ah min chhan em em a, a awm loh lai chang hian a chhungte pawh chet an hrat thin. Mahse ka hrilh leh vek zel a ka thlavang hauh ati na in a chhuah chhal a, ani aile a naupang lam phei chu a zilh ve nghek thin tho. Mipa a anilo a apa unau te chu tha tak a ti ti pui pah in a hau ve mai thin a, mahse an luhlul ve tawk hlawm bawk a,thu tha engmah an sawipui theihloh an rilru sawh sawn an tum lo hi ani tawp mai. Chhantluanga thin pawh in a tuar loh chang a tam ve thin. Krismas te a zo a class kal ngai pahnih leh hna zawm leh thuai ngai pahnih an awm vangin kan haw leh thuai a kan khua leh Remi te, ka thiante dang zawng zawng chu ka ngai takzet.





"Nula kan hual sak che a...nupui atan pawh ila duh mai thei" Kum thar kan hman zawh hnu lawk ah chhungkaw ti ti remchan lai tak in Pa Rinchhana'n a rawn ti chhuak. Ka remote ken lai ka thlauh thut a min en nghal thap.






" Nupui a..?? Tu nula maw" Chhantluanga'n ka remote tih tlak chhar pah in a ti a. Keichu ka lo thaw dep dep tawh, tinge kan inkawp tih hre reng chung hian tiang hian an tih luih zel le. Nikum krismas hma pawh in an chhungte in hrang ami ten nupui an rawn sawi hmuh chiam tawh. Nula hmeltha leh hleitling tak tak, hnathawh nei zut te an sawi in an kawh hmuh thin a, ka lo awm ve chang anih phei chuan ka te chem chem zel hian ka in hria.





" Aw nupui tur kan hual sak che... " An tih leh vel ah " Atthlak lutuk..!! " Alo ti nghal hluk.





" Atthlak lo e, i upa ve tawh a nangmah ang rual hi chuan nupui fanau nei in in hrang an chang fur tawh. Nang phei chu hna i nei a, nangma lam ah harsat na a awm lo bawk a,nupui... "






" Ka nei miah lo ang. Matei nen kan in hual daih tawh, in thil tih duh dan hi ka lawm lo khawp mai aw. Ka tawng ve dawn in min dang zel lo se chuan hreawm in ti ve viau ang. A mah vang hian engtin vak ka ti let duhlo cheu a, in kal thui mah mah tawh ani. Tiang a min nawr fo chuan ka duh loh dan pawh a ka chet ve mai angai dawn nia" A ti pawng pawng a tuman an chhang ngam lo " Chhungkaw mualpho loh nan a awm hram hram kan tum a thil a harsa zawngin min tih sak talh tum suh u. Kan in ruk chuan ka hruai bo dawn ania, kan in hmu khat tawh viau ang" A ti leh hrawih a.






" I va han zaklo tak e aw... I pa ngei ti hian min vau ngam ania" Pa Rinchhana'n ding meuh in a rawn ti. Chhantluanga a ruk a kheuh in in bengdai tur chuan ka ti a. Mahse in bengdai turin ka duh tak tak em pawh la hre chuanglo. Keipawh diktak chuan an thil tih dan hian min thawng a ka lawm bik lo, kan inkar an hriat atangin hun a liam hnem tawh, harsatna nei miah lo in tihian kan tluang chho em em a, kan chhungte atang a buaina chu thuhran ni rawh se. Thil dang vangin eng buaina mah in then phah na tur kan nei lo, mahse anni ti hian an che zel a engmah sawi lo in Chhantluanga nupui tur an lo hual sak ve ngawt a.







" Pa... In kal thui ve mah mah in ka hria. An pahnih in ngaihzawn in hre reng sia, chuta kar a hmeichhe dang lo zawn sak te chu a. Mama chu sawi loh Matei tan pawh a hreawm duh dawn ania" Kiama'n beisei loh deuh in kan lam a lo tang daih.





"Nang chuan lo sawi ve rih suh" An ti hmak a,Kiama a lungawi vaklo nge a tho nawlh a inchung kam ah a chho daih " La awm rawh.. " Chhantluanga ber nupui neih an sawipui vangin ka awm ve na chi ni in ka hre viau lo. Bak ah awm lo in lo hnial kalh ve lo mahila Chhantluanga'n a chhang thei leh in a hnial fi thla leh thak dawn tih ka hria a chuvang chuan ka ngaih a ngam a,a ring tawk em em bawk. Engtikahmah midang nupui atan a neih chu a pawm dawn lo hrim hrim.





"Ni e la awm rawh" Chhantluanga chauh nilo Anu pawh in min lo ti. Ka thu tha a ka kun deuh tlat bawk.





" Nupui ka nei dawn anihchuan matei ka nei ang. Midang neih ka tum lo hrim hrim, min nawr lui bawk lo ang. Hetiang lehzel a in tih hi ka duh miah lo, ka zah viau rual cheu hian nangmah ni'n in zir loh chuan ka zah bik vak dawn tawhlo cheu ania. Puitling ka nia ka kawppui tur chu keiman ka thlang ang. Tun ang lai ah tuman an fate nupui pasal tur an zawn sak ngai tawhlo, an mahni duh dan an zah sak thin"





"Ka thu i hnial reng dawn chuan chen ho ka peih dawn lo ani. Kan chhungkua zahawm a kan awm reng theih na tur ka ngaihtuah lai a tiang a min hnial fo chuan a tha lo ang" Pa Rinchhana'n thawh kan pah in a ti a, keini pahnih chu kan ngawi dun reng.






" Kan thu hi awih mai ula chuan a tha tur ania" Tiin Anu pawh a tho chhuak a. Kan pahnih chiah in kan thu a kan ngaihtuah na kan kawm ve ve. U Dawngi'n a rawn call a rei tak pawh an in be chuanglo. Kan boruak vel hi a hre ve tawh anih ka ring.






"Anu te pahnih chungchang hi enge i hriat?? I nu thih na nen enge in kungkaih na an neih. " Ka ti chhuak phawng. Ka zawh na vang chuan mak ti mitmeng pu chung in min en a " Teh thut che chuan" A ti a. A hmel ah engmah a lang lo a Anu ka sawi chhuah vang pawh a rilru na hmel pawh a pu lo.




Kan thut na thutthleng tlang a ban pakhat kham phei diai chungin a aw a thian kharh kharh a





"Englo ania, hman ah khan ka u hian i nu lo leng hi a hmu a, ani chu keini ai a upat na a tam tawh avangin thil a hrethiam deuh dawn dawn a mahse a tir chuan a rei hnu in a theihnghilh leh mai. Mahse, a khat tawk in i nu leh ka pa chu a hmu fuh ta ziah a ka nu bul ah erawh a sawi ngam ngailo. Phone hmang te a inbia in zan rei ah pawn lam ah te an in be thin a ka u hian a chik nge ka hrelo a man thei em em lehnghal. Vawikhat chu khum intawm a an awm lai a phawk a" Ka tim sawk thei. Ka nu hi a lo uire reng anihchu!!







"ka nu hnen ah a sawi ta vek a. Chuan ka nu khan a rilru nat em vangin in then a rawt a ka pa nen pawh an in hau nasa in an inkar pawh a chhiat phah vek. Zankhat chu kan muttui lai tak in ka nu chuan min rawn kai tho a kan in a lo kang hluah hluah. Chiai zet in kan tap a ka pa khan Bawiha a pawm chhuak a min rawn la ve dawn emaw kan tih laiin a reh ta vang vang sia ka nu mangang khan blanket a min tuam in min theh chhuak a, ka dar ah ka in hliam phah nghe nghe. Ka pa hnen ah ka nu chhan turin ka ti a mahse a kang nasa lutuk tiin min chhang daih" A sawi tawp lam ah chuan a thinrim na leh aw ki chang zet a hriat theih a a mit ah mittui a tling tiam tiam.






" Ka u khan ka pa leh a ngaihzawng in biak na atangin ka nu thih na kha tum reng vang ni in a hria a mahse a hrilh a ten an awih tlat lo" A ti leh hrawih a, a kut pahnih a hmai hup in a thaw hawk.





" Anihchuan i nu thih na tur atan ka nu leh ipa hian ruahman na an siam a i nu kha an that ta tih na ami?? " Anu te pahnih luh na room lam ka en pah zauh.





" Ka ring, ka nu kha an pahnih in ngaihzawn na kar a hnawk awmchhun ani miau sia. Dah bo mai kha thil tha ber ah an ngai aniang chu "





" Chhui that tir leh ta che... " Rapthlak ka tih lutuk vangin aw ki pawh ka hniam thei tawh lo. Amah zawk chuan a kut zungchal a hmui zawn a dah in tawng ring lo tur chuan min signal nghal thuai " Chhui tir leh turin a tir ah engmah in rinhlelh na vel a awm silo a evidence tur engmah dah that a awm bawk silo. In kang lah kha current kal sual ah an puh deuh tlat bawk sia bak ah ka u pawh khan a hresual ve pawh ani thei"





" A pawi emai a rapthlak lutuk" Ka ti tawp. A bak sawi ngaih na ka hrelo, ka nu leh pa tha lutuk a ka ngaih te tenawm tak a khawsa in mi nunna an la ti tih chu ani sia. An bul a chen pawh a hlauhawm tawh zawk a lawm.


*


" Zankhat chiah ania kan riah dawn. Kan rawn haw lehnghal ang" Ti a min thlem char char tu chu ka en a ka lungawi thlawt lo, nizan pawh in kan awmdun char char a engmah pawh min hrilh lo tukin ah zankhat riak in an Bank a an pu ber nen khaw dang ah Bank thil vangin an kal lawk angai tih a sawi hnuhnawh ve chiah.






"Chu pawh ni se i sawi har lutuk mai. Tlai ah engtin nge ka awm anga in ah i awm loh chuan ka haw peih lo emai.. Nangpawh in pu chu hnial ve mai tur che ania" Ka ti bui bui.






" Ka hnial a lawm mahse keimah min thlang tlat sia tih ngaih na awm lo a lawm, bak ah nizan chu kan boruak in a zir lo em a ka sawi ta lo anihkha. Lungngai lo la, Bawiha a awm a lawm ani pawh in a ngaihtuah em che kha" A ti a min thlem min thlem tak ah leh an pu ka ngam miau loh vangin tha deuh in ka thlah ve thei hram.






Chhantluanga an pu rual a a kal dawn vangin Kiama'n min thlah a. Zankhat lek Chhantluanga riak bo tur chuan min ti huphurh vek, ka mood pawh a dik thei thak lo. Mahse Tlana leh Lawmi te vangin pangngai takin ni ka hmang ve thei tho. Chawhnu Class hma deuh in kan pathum awm na ah Rema a lo kal a peih loh hmel deuh si hian " In thian zing ah min tel ve rawh u" a ti liam puat, kan en a kan ngawih reng vangin lei a lung awm chu a chhuih pawp.




" Lo thu ve rawh... " Lawmi chuan a ti mai a.





" Thian zing a tel a lawm ka sawi thut lam ka sawi lo" A tih vangin ka lo melh vak " I thut loh chuan kan in kawm khawm har viau ang" Ka lo ti hmak. A mah ka en vang vang chuan thian mamawh deuh hmel hian ka hmu tlat. A rawn sawi tak vang nge pawh ka hre chuang lo. A rawn thu pawp a engmah a sawi ve lem lo na in kan thusawi a ngaithla uluk hle a thing. A tawp ah chuan kan nui ho bawk bawk a Rema pawh rinai a fel daih mai.






" Chawhnu class kan neih mek laiin Lawmi chuan pawn lam en turin min hrilh a ka hawi nak chuan Kiama kan class pawn ah alo ding reng. Sir nen an in bia a sir chhuah lai pawh ka hrelo, Kiama hetah tun ang hun a lo lang chu mak ka ti tawp. Sir a lo lut a " Malsawmi, i bag la la i u zui rawh le"





" Tinge sir...?? " Ka bag a lehkhabu khung mawlh mawlh pah in ka ti a.





" I u a accident an tia" A tih rual chuan ka in khung lai ka tawp chawtchawt " Mama a accident maw?? " pawn lam a Kiama lo ding, tei sek bawk chu ka en a ka lungphu hi a tawp nghal vek in ka hria. Tun a thu ka hriat hi a tak tak nilo in dawt nise ka ti.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 17th, 2022, 2:53 pm

💜CHAPTER-23 ((Last)



Sir pawh ngaihsak tawhlo in ka bag nen ka tlan chhuak a zip pawh ka zip phui tawhlo. Kiama lo ding bul a ka va din ve rual in " A na em?? " Ka va ti nghal tawp.





" Aw,aizawl an rawn pan pui mek ang hospital ah kan lo chang dawn nia midang pawh an kal mek tawh" Ka bag min zip phui sak pah in a ti a hmanhmawh deuh in bike nen hospital lam kan pan nghal.






" Nu... Khawi ah nge?? " Kan luh velah Anu hnen ah ka ti a, an lo la thlen pui loh thi na sawi " Aizawl an pan hma in khaw hnai ber dandawiin ah an kalpui phawt a" A ti leh a, ka awm a nuam theilo engtiang tak a na nge ka hre bawk silo, lo thleng pawh ni se a hliam tuar hmel chu ka hmu ngam dawn ami.





"An pu kha a boral an tia, driver leh Mama pawh an serious an tia" Kiama'n a tih lek lek phei chuan ka thawk a buai lo chauh tawh.






Reitawk kan nghah hnu ah an lo phur thleng a Chhantluanga ka hmu chiah chu ka tim sawk thei. Vawikhat bak ka melh ngam lo, a lu an tuam bak ah a hmel hmai khem nasa lutuk te chu hmuh a hrehawm takzet. Tukin te khan tha takin ka thlah a, tiang hi an tawk ang tih ka ngaihtuah sak phak lo hrim hrim. Hliam tuar ve tho driver pakhat nen chuan in zai na room ah an hruai a,midang lo kalpui tu te chuan motor dang nen in su thleh in kawng thlang ah an tlan liam a, thui tak an lum tih an sawi. Chhantluanga ka ngaihtuah chuan ka khawngaih lutuk a hnuk ulh tun in an nawr luh na lam chu ka melh tlawk tlawk.






"Pachang deuh in awm rawh aw, a tha em em ang" Ti a min kuah tu âwm ah chuan bei in hmai ka hnim phum a in sum miah lo in ka tap nghal hawm hawm.






"Tawngtai ila.. " Kiama bawk in a tih chuan a kuah na atang a tal chhuak in ka mittui luang te chu ka hru mawlh mawlh a " Um tawngtai ang " Tiin kan pahnih chuan a ri lo in kan tawngtai dun a.






Rei fe hnu ah doctor a lo chhuak a, an dinhmun a zia awm tawh thu a rawn sawi chuan lawm lutuk vangin Anu ka kuah thlawp. Midang pawh thawveng hmel pu zet in an thaw huai huai hlawm a Kiama pawh a lawm lutuk aniang doctor hnen ah lawmthu a sawi nghal mawlh mawlh. Word pangngai a an sawn hun ah chauh kan hmuh theih dawn vangin Anu chuan haw a in thlak phawt a kal tha leh turin min ti a, Chhantluanga kalsan ka duh lo viau na in Kiama pawh in min thlem tlat vang leh doctor in an harh chhuah lawk loh tur thu a sawi vangin haw chu ka rem ti a Kiama nen bawk kan in lam ah in thlak turin kan haw a, kan kal leh anihchuan riah in peih at a kal ka tum.






Kan va let leh chuan Anu te pawh word chhung ah an lo awm tawh a. An hmel ngui lutuk chuan min ti hrilh hai lek lek. Chhantluanga la harh loh vang ah ka puh mai a thil dang engmah ka ngaihruat thiam lo. Zan ah chuan riah ka ngen ve tlat a pahnih in riah pui theih an tih vangin Anu nen chuan kan riak dawn a Kiama te pawh an la awm. Chhantluanga harh har lutuk chuan ka ngaih a ti tha lo a, nurse an lo luh apiang in tinge tiin ka lo zawt hman ziah. Hliam tuar ani a harh hma vak beisei lo turin min ti zel a mahse mak tak in Kiama te pahnih haw hnu lawk ah a mit a rawn meng ta mai. A kut ah dawm in biak ka tum zet a mahse chunglam a melh ngur reng vangin ka nghak leh rih. Anu doctor ko turin a chhuak a doctor lo kal in a check lai te chuan uluk takin ka lo en. Kan piah lawk ah driver pawh kha a chhungten an awmpui a, a la harh ve lo anih hmel.






"Engtin nge ila awm" Ti a ka biak chuan ka lam a rawn melh a min chhang lo. Hmun dang a melh lehnghal daih a ka vawn na lai chu tal pit tum ni awm takin tlem tlem in a chet.






" Bawihte, lo kal lawk teh" Anu chuan bathroom bul ah min ko a, ka va phei chuan hmel dur deuh pu chung a min en in " I u hian a lu a sawh na lam ah hliam pui a tuar a, doctor in i pa a hrilh dan in a hriatna thenkhat a hloh mai thei a tia" Chhantluanga lam ka hawi a. Nichin a a awmdan ka ngaihtuah let chuan a lam ah ka kal lehnghal.






"Min hria em? I hriat na hloh suh, engtinmah awm suh Mama" Ka ti vak ringawt. Nurse chuan chim vak lo turin min ti a mahse hriatna hloh an sawi chuan min ti chiai vek.


* Ni 3 hnu ah chuan.... *


" Mama i dam tha chak hle mai... " Ti a Pa Rinchhana tawng ah chuan ka harh zawk a, kan mu tha ngailo bawk nen ka lo muthlu leh thin.






Chhantluanga harh chhuah atangin ni 3 a liam tawh a, mumal in engmah a sawi ngailo a kan biak pawh in tumah min chhang ngailo. A meng tawp a, a mutthilh a tam ber ang tih tur ani. Vawiin erawh zing atangin a la muhil mang in ka hrelo, ka mutthluk lai a a muhil ve anihloh chuan " Kan lo check leh ang aw.. " Doctor alo lut a keini kan lo awm sawn.






"I chhungte hian an ngaihtuah khawp mai che" A check pah a a ti zauh chu Chhantluanga chuan kan zavai in min en kual a " Ka chhungte maw..? " A ti ta mai. Ka na zawk a, a hriatna hloh thei dinhmun a ding tiin sawi mahse ka pawm lo a mahse tun a a thusawi vang erawh chuan loh theihloh a ka pawm angai tih ka chiang ta hle.






" Aw I chhungte, hei i nu leh pa leh i nau te pahnih" Tiin doctor chuan min kawk vek pah in a hrilh a. Engtinmah a chhang lo, keini ho chu mak min ti hmel tak hian min en.






" A van pawi em.. Kan duhloh ber a thleng ta ani maw" Pa Rinchhana pawh in a ti vawng vawng. Hetiang anihchuan engtin nge ni ta ang, kan in laichin na te, engkim kha a theihnghilh ve angem. Min hmangaih tih te pawh kha a theihnghilh vek dawn tih na ami.






" In accident lai kha ila hria em? Engtin nge in awm dan tak" Ti a doctor in a hna a zawh hnu a a zawh leh chuan a ngawi vang vang a " Kan accident, ngati nge? " Tiin a zawt leh hû.






" Engmah i hrelo ami?? " A tih leh chuan a bu nghat a, a mitmeng a ruai hmuh hmaih lo tu tan chuan a na takzet.






"Anih leh heta ilo awm hma khan engtin nge i awm thin ila hria em? Enge i tih thin a enge i hming?? " A tih leh chuan keini ho bawk chu min melh leh vek " Ka hrelo... " Tih chiah in a chhang.






" Mama min hrelo tak tak ami? Tinge tiang hi i chung ah a thlen bik a, a va fair lo ve hetiang hian awm lo la ka duh a sin, engmah theihnghilh suh i nau ka nih hi hei matei pawh i hre lo ami?? " Kiama'n va thutchilh meuh in a ti a.






" Kan accident a, kan lum em? " Kiama biak na hrelo ang hmak a awm in doctor zawk chu a en " Aw I hrechhuak thei ami?? " tiin doctor pawh chuan beisei na neih san hmel takin a zawt let veleh thung a.






"Ka muhil dawn" Tiin mit a chhing zui daih a tuman tih ngaih na kan hrelo, doctor chuan Anu te nupa chu a ko chhuak a keini pahnih in Chhantluanga kan lo awmpui. Kiama'n zawi te te a tawng chungin min hnem malh malh a " A rei anga a zia chho leh mai ang" ati a, mahse chu chuan min hnem zo mawlh lo.


*


" Damdawi min lo pe teh u ka ke ana" Zan kan mu dawn chiah Chhantluanga rawn tho ve leh in a ti a. Rang deuh in ka tho a, nurse in min hrilh sa tawh ang in dawmdawi a ke nat hun a ei tir tur a tih kha ka la a ka kheh sak pah in tui bottle ami tui no ah ka thli chhuak a ka pek chuan min en he hu phawt a a la ve chiah.






" Tikhan a chhawk mai ang che" Anu'n a lo ti zawk a, engtinmah chuan a chhang lo. Min biak ka beisei em vang leh min hriat satliah loh a kan inlaichin na zawng zawng te a hriat chhuah theih tawh ka beisei em vangin a dawmdawi ei zawh ah pawh chuan ka kalsan mai lo.





Mahse engtinmah min be lo a, mit a chhin zui daih vangin ka ding chhuak a.





" Ka nau i ni tak tak em?? " A rawn ti chhuak nawlh. Anu nen kan in en a, mak tak in a hmel ah chuan min khawngaih na ni awm tak ka hmu thei. Mahse a reilo,lehlam a hawi a mutna tur a siam leh mawlh mawlh. Chhantluanga mu lai chu ka en vang vang a






" Aw ni e " Tiin harsa ti ru zet chuan ka chhang a "In an na kan nei lo emai,I ngainat awm loh" A ti leh sup. Ka hnuk a rawn ulh thut a rang deuh in kan mut na lam ka pan nghal " Nâ i neih chuan min lo ko rawh aw" Tiin ka hrilh leh hram a chhan erawh min chhang tawhlo.






Kei chauh nilo Kiama te Anu te nupa pawh a en dan atang a thlir chuan a hmelhriat loh leh ngainat loh zet te kan ang a kei ngei pawh chutiang chuan min en tho. Mahse tun lawk a a thusawi ho te khan min ti na tlat a, kan in ang ngai dawn lo tih chu ka hria mahse ka ngainat awm loh thu a sawi khan ka na zual. Anu si chet a ka mut rual in min lo kuah hlun a " A la hre mai ang che" Tiin a phun sap.





" Hma deuh ah ni thei se " Ka ti hap a. Mutthilh ka tum a mahse reitak ka tum hnu ah pawh ka thei lo. Naktuk school kal a ngaih dawn vangin mut hma a thawh hma chu ka ngai ngei a mahse ka mutchhuak theilo tlat hi ka buai.






Dar 11 vel ah chuan ka tho tawp a. Anu chu a chau aniang a mutui tawh khawp mai, Chhantluanga lam ka en a, ani pawh a lo muhil bawk a. Bathroom ah kal in ka va thu ren rawn a in thiar chhuak a lut pawh ka nih loh avangin rei pawh ka awm leh chuang lo. Chhantluanga bul ah phei in a khum ah chuan tih harh hlau takin ka va thu phei a. Puan te sin that tir in ka thlir vawng vawng. Thil tam tak ka ngaihtuah pah a, lungngaih avangin ka thaw leh hak thin. Engtikahmah min hrechhuak ta lo se, tihian kan tawp ringawt anga tih te ka ngaihtuah chuan ka lungngai takzet.





" Rala... engtik ah emaw chuan" A chet hrut avangin ka ngawi lehnghal. Ka tho a ka mut na lam ka pan san leh ta zawk.


*


" Tlai ah kan pahnih in kan va kal dawn nia " School a min thlah laiin Kiama'n a ti a. Ka chhang lem lo mahse kal leh ngei chu ka duh.






School ah pawh ka nguai em em a engtih mah ka tui theilo a ka zirlai ah pawh rilru ka pe theilo. Ka pi leh pu ten kan chhungkaw thil tawn an hriat a min ngaihsak leh min zawh ve fo ang chiah in ka thiante leh kan class ami ho chuan Chhantluanga that leh that loh te min zawt luam hlawm a an fel ve tak tak ani. Rema pawh ngawi ngul e tilo chuan Chhantluanga vang a nguai reng lo turin min hrilh ve thlap.






"Nangmah ang khan ka chhung hnai deuh te ka ngaizawng ve tawh a. A tawp na a hlimawm loh teh mai ania" Rema'n zawi te a tiin kan zirlai pui te chetla chu a thlek pah vang vang.






" Ngati nge chu chu i rawn sawi chhuah a?? " Ti a ka melh chuan a nui suk a " I u nen khan in in ngaizawng in ka hria mawle.. School a a rawn thlah che pawh in a chet dan a mak em kha, a duh hmel ropui che si, khavang kha aniang in kawt ah pawh mi rawn chilh hrep ni" A tih chuan ka nui a mahse Chhantluanga'n min duh hmel ti a a sawi lai chuan ka ngaihtuah na a ti thui takzet. Min duh em em a ka hria keipawn, mahse tun ah chuan min duh chu sawi loh min hre ngailo ang in a awm tlat tawh a. A tih luih nilo mahse a na ka ti.






" Nangni chu hlim rawh u" Ti a tho tharh in ball pet ho awm na lam ah a va kal a ball a va pet ve nghal daih.






Tlai ban vel ah in ka pan ding a, Anu hospital a a awm reng vangin in a ruak in a reh leh khawp mai. Kiama lo hawa hun ka nghakhlel em em tawh a, a chhan pawh hospital a min kalpui dawn vangin. Mahse ka nghakhlel lutuk nge pawh ka hrelo a lo haw har riau hian ka hria. A rawn thleng chiah chu ka tur nghal sek a engtinmah a phun lem chuang lo. Hospital ah chuan kan kal nghal a Anu te ei tur chaw kan keng pah bawk. Kan va thlen lai chuan nurse Lindy'n damdawi alo ei tir mek a. Anu kan chaw ken ka pek zawh hnu lawk ah Chhantluanga'n " Ka ban hi a na deuh " A rawn tih vangin ka pan vat.






"Ka lo hmeh sak ang che aa " Ti a ka ban chuan min en kur a, min ngaina lo tih chu hai theih anilo ka hmet tur pawh chu ka tim lek lek " Nurse hian ti rawh se" A tih hmuk vangin ka tawlh sawn a. Chutia ka hmeh takngial pawh a duh lo chu ka hrilhhai zawk dawn lek lek.






"Ka lo ti zawk mai ang" Nurse in a hmet a, inthlahrunawm viau mahse Lindy hi a ma Nurse bik deuh a nih vangin engmah a sawisel lo. Chhantluanga'n ngainat hmel zet a a en lai chuan hmun dang ka hawi daih. Nurse Lindy hi a ngaina sawt riau a, a rawn harh chhuah hnu atang khan a mah chiah tha takin a bia a, kei chauh nilo kan chhungkaw mi hrim hrim in kan biak chuan mak min ti leh min nel lo tak a min en chung hian min chhang ve hram thin.






Nurse in a hmeh mawlh mawlh laiin Pa Rinchhana leh a unau te ho an rawn kal nual a, tumah a be lo, naupang a ngainat em em a chhaih fiam ziah ho in an biak a an tih bawrh bawrh pawh in a ngaihsak lo hrim hrim. Naupang te ho pawn a biak leh chhawn chhaih peih mang loh vangin an fiam rei peih lo. In tlawh hun a tawp a ka riah dawn loh vangin haw tur chuan ka tho chhuak a. Nurse lo lut leh hlim hmel deuh a Chhantluanga'n alo biak chuan ka thik takzet.






" I haw dawn ami?? " Ka chhuak ti tih tawh, Kiama nen kan ding leh a tunge a biak zawk ka hrelo kan hawi ve ve. Keimah zawk chu min melh a hriat na ka nei.






"Aw... aw haw dawn?? " Min be tha ve lutuk chu mak ka tih vangin bah deuh chuan ka chhang a "I riak leh dawn lo ami? " A tih vangin ka chhang lawk lo, tinge hetia min biak deuh luam pawh hi ka hrelo,mahse a nuam ka ti.






" Dawn lo mai naktuk ah school kal leh ka ngai sia" Ka tih chuan engtinvak a awm lo " Lindy a awm tho a pawilo " A mah chu chiang takin ka melh a. Nurse Lindy a ring leh a mamawh zawk ta lutuk chuan min ti na lek lek. Bu nghat in ka chhuak a chak deuh in ka kal nghal hlawk hlawk. Kiama'n min rawn um pha thuai a hmun dang a kal a rawt na in keiin ka lo hnial a in lam ah kan haw tlang lehnghal. Anu a awm loh vangin rawng ka bawl a, ka thiam hran lo na in ka siam thei tho a mahse ka chet rik bur bur vangin Kiama'n min rawn pui ta tawp. Tlai deuh ah Pa Rinchhana alo haw a, a hnu lawk ah Anu'n a rawn call.







" I u in haw a duh a?? " Chaw ei laiin a ti a " A la damlo e, tun ah chuan rawn haw pawh ni se nurse emaw chhawr tho a ngai awm sia" Kiama'n alo ti thuai. Keichuan ngaihdan ka nei hran lo, dam takin awm se ka duh a, tun ah rih chuan ka awm ve theihloh na hmun pawh nise a dam chak theih na hmun hmun ah awm se ka duh ber mai.






" Nia keipawn ka tia mahse a mah hian a duh tlat a, bak ah a nuam tih na hmun a a awm hian a that chak zawk te ka ring a. Nurse kha chu Lindy kha a hman thei dawn tho a bak ah Mama hian Lindy hi a mah enkawl tu ah pawh a ngaina ber sia, a enkawl tu ber in kan hruai chhuah chuan enkawl pawh a hnial zui loh thu kha a sawi tho sia"






" Mate.. . ! " Ka thil ei ka lem sual palh a ka khuh bawrh bawrh. Kiama'n tui min lak sak a hmanhmawh deuh a ka in vangin ka hrawk a na thla awl awl mai.







"Nangpawh ka hrethiam lutuk che ania ms, i tan pawh a na viau mai thei a mahse i u dam hma hi kan duh ber rih ania tupawh in lo enkawl se kan en liam mai mai rih angai ani. A taksa chu thuhran a rilru thleng in a tuar bawk sia tha tak a enkawl thei tu kan neih hi pumpelh lo ila ka duh a"










"Ka hrethiam a lawm keipawn a dam hi ka duh ber ani ve tho a" Ka âwm dawm pah in ka ti a. Kiama'n ka dar ah a rawn vuan zauh. An thusawi kha ka hak pui hran pawh anilo, min thawng ve deuh na chung in keipawn a dam chu ka duh ber ani tho a, ka ei ka lem sual palh liau liau ani.




*



"Mama ka lo lut dawn aw" Chhantluanga thawmhnaw kan suk ka dah luh dawn in ka ko hmasa a mahse min chhang lo.









Hospital an rawn chhuahsan atangin kar 2 a liam tawh a. Chhantluanga pawh a dam tha ve tawh lutuk, mahse a ke in a kal tha thei vak lo a chuan a rilru lam ber hian hma a la sawn thei manglo, a chhungkua ang vek in min pawm vek tawh mahse kan pahnih inkar bik hi a danglam vek tawh a. Kan in ngaizawng thin tih lam engmah a lang tawh lo. Nurse Lindy'n a hrilh nasat em vangin nau ang tak tak in min en ve chauh kha ania. Kan sawi ai chuan Lindy sawi zel a awih a. Keini'n kan sawi pawh in nurse Lindy a zawt emaw a rawn leh phawt thin. Tuman an pahnih in hnaih sawt zia hi kan hmuh hmaih lo a kei ngei phei chuan ka hre lutuk, a na ka ti a, tih theih ka nei chuang silo. Nidang a min thlahlel em em thin tu khan hmeichhe dang a mamawh tawh zawk a keichu engatan mah min ti ve tawhlo. A chhungkua leh a chenpui nih na bak a lak ah chan ka nei tawh lo. Chu thu ka ngaihtuah apiang chuan na ti in ka tap leh thin.










" A muhil chiah a" Nurse Lindy mal chung a lu nghat a tui tak a mu ka hmuh chuan nat lutuk vangin ka in seh ruh ngawt ngawt. Nui lui chungin ka lut tlang a, khawr deuh a che in thawmhnaw ka dah na lam ah bottle ka la ti tla zui. Chhantluanga harh hlau zet in nurse Lindy nen chuan kan in en thuai. Mahse, a harh lo hloh a a che tual tual chu thaw dep dep chungin kan lo en, a harh kan hlauh em em chhan pawh a nat atang hian a zaidam vak lo a a mutui lai tih harh te hian a thinrim thei lutuk. Mut hahdam mamawh alo ni bawk nen kal tur a exer a lak leh pen a zir na vel ah hian a hah ve tawk bawk si,ke a kal theilo ani tawhlo a mahse thui tak kal tur erawh chuan a la fit tawk loh bak ah a taksa a na zual thin. Chu chuan a thin a ti chhia a, a mut tawh chuan tuman kan ti harh mai mai ngam ngailo.











"I mutui em?? " A harh ta nge nge a, nurse Lindy chuan dam deuh a bia in a thinrim a hlauh ve hmel khawp mai " Um i kalsawn lo tiraw?? " dam deuh a tiin a kawng ah a la kuah ta deuh deuh. An ni pahnih hi room ah an awmdun nasa si, kan hriat pui phak bak hian an lo in hnaih tawh tih na ami.











"Kalsawn lo e. I damdawi ei a hun tawh lutuk a ka'n la ange aw" Ti a nurse thawh a tum chuan phal lo in a chelh tlat. Chutiang zawng zawng hmuh ve chuan thinlung hi a na takzet.










" Enge ilo tih a?? " Nurse in ka awm ve tih a mitmei vangin a rawn hawi chhuak a "Ka..In suk ka rawn dah a, ka chhuak dawn chiah" Ka tih chuan a bu nghat a.









" Umm chhuak vat vat rawh" Min ti anihchu! Tih ngaih na pawh ka hre tawhlo, a tlan a tlan chhuak in hnuk ulh teuh2 chuan ka room ka pan a. Ka hnunglam a kawngkhar inkhar thawm ka hriat chuan Chhantluanga'n min rawn zui ta emaw ka ti hman a mahse anilo,ka in her rual in Kiama hmel ka hmu a min khawngaih ni awm tak a min en vang chuan kei a hnuk ulh sa tawh chuan mittui tling piau chungin ka lo en let ve.











"U Bawih, Ngati nge tiang hian a awm le? Min hre tawhlo a min ngaina ngai bawk lo, a hmeichhe hmangaih ka nih pawh a theihnghilh vek tawh. Tinge a harsa zawng hlir hian kan chung ah thil a thlen bik thin le? kei nilo hmeichhe dang a ngaihsak tawh a keichu ngatan mah min ti ve tawhlo. Ngati nge a accident bik kher kher?" Tiin a hma ah ka ang buan buan. Ka hnuk a ulh bawk si nen ka tawng tang awt awt thin.










" Mate a rei anga a la hre leh mai ang che, nurse pawh in a hriat na nei let leh tur chuan nghah ve deuh angai. Tur chi anilo a tih tawh kha aw" Dam deuh in min hrilh a, mahse ka awih leh chuanglo a hma a a sawi pawh in ka pawm lo, bak ah tun dinhmun atang chuan ka awih lo lehzual.







"Ka ring lo, nichin ah khan, nichin ah khan"









" Nghak hram hram rawh mate, a tha chhuak leh em em ang. Dawhthei takin awm la, hmeichhe dang ngaihven pawh lo nise a mah enkawl tu ania a nel ve satliah ani mai. A hmangaih che tih ka hria, engtik ah emaw chuan i hnen ah a la rawn let leh em em ang"










Engtinmah ka chhang lo a mahse a thusawi avang erawh chuan beiseina ka nei thar leh a,engmah thleng lo ang maiin ka awm anga nurse Lindy emaw tupawh hnaih se ka en liam anga,ngai a rawn awh awh leh ngei ka beisei a.engtik ah emaw chuan ka hnen ah a la rawn kir anga a hma ang chiah khan hlim takin kan awm dun leh mai ang tiin ka ngaihtuah na ka hmang leh ta zawk. Ka kut tang a zungbun Chhantluanga min pek chu ka khawih fu palh a uluk zet in ka en vang vang. Min bun tir zan te kha ka ngaihtuah let a ka hnuk a no tulh tulh. Kan pahnih chauh kha kan ni a kan in hmangaih em em bawk. Mahse tun ah chuan engkim a danglam tawh a in hmangaih thin kha pakhat chauh in a hmangaih tawh! Khatih lai kha chuan engkim a tha vek a sin mawle, tun hun hi alo thlen ka beisei ngai lo,mahse chu kan beisei loh ber chu a lo thleng a mangchhia ang mai ani.











Kiama'n min chhuahsan hnu lawk ah Nurse Lindy aw tham chhal hi ka room pawn lam ah ka hria a. A haw leh zuai dawn nge ka hrelo, Saturday ani a in ah ka awm bawk nen an pahnih awmdun boruak ka hrelo thei bawk silo. Lindy chuan a hna tha tak in a thawk ngei a mahse Chhantluanga hian a ngaina em a ani lah in a hnar bik silo. He thil hian ka awm a ti nuam lo chu thuhran ka rilru hi a na thin. Nurse Lindy chu a lo haw ngei a, rei erawh ani dawn lo. A haw atang erawh chuan a ngai te bawk in tuman kan be tawng zo leh tawhlo a min ngainat loh zia hi a ti lang nasa thin. Ka nu te nupa pawh a ko ngailo a kei leh Kiama te erawh chu mate tiin min ko ve ve.










" I u te kha tlai ah an leng chhuak dawn aniang. Puih a ngaih tak in thingpui in na vel hi chu lo ti fai mai rawh aw" Anu'n kan chhun thingpui in na no en pah in a ti a " Keiman... Keiman ka lo pui ang " Ka ti zawi sep. Kiama'n thingpui in chawl meuh in min en.










" I chiang maw" Min ti tawp. Ka bu nghat a mahse ka chian leh chian loh ka hrelo, nurse nen an chhuak dun dawn tih ka hriat avang khan ka rilru a kal buai mup ringawt " Mama hi doctor tha deuh hlek pan pui ila a tha in ka hria, hetiang ringawt chuan matei tan a hrehawm dawn lutuk. Nghah a tur tut tut a tha lo viau na chungin... " A sawi zawm tawh lo.










" A ho lutuk, nghah hram hram tur i tih kha" Ti ve hnuhnawh in inchung lam ah chuan ka chho hnak hnak. Kal pah in thil tam tak ka ngaihtuah a, thil tha ani em chu ka hrelo thil pakhat erawh ngaihtuah chhuah ka nei, chu chu engtin emaw tak kan pahnih hun kal tawh hriat chhuah tir leh tum ani. Beiseina ka nei sang ta sawt a, tih dan ber tur hrelo chung chuan rilru hlim zet in Chhantluanga room lam ka pan zel. Ka va luh chuan khum atangin a lo tho chhuak chiah. Ka sawi tawh ang in a ding in thui lo te a kal thei tawh a a wardrobe pawh puih ngailo in a pan a a hawng nghal mai.










" In leng dawn ami? Ka tih chu nurse nen khan" Ka ti sep a, a hmel ngainat awm leh hlim zet atang chuan an len chhuah na tur vang a hlim ani tih ka hai lo " Aw, mate lo kal rawh hei ka hak tur min thlan pui la, chuan ka ke tuam na hi phelh ka duh rih aw" A ti nghal zung zung. A phur zia ka hmuh te chuan ka rilru ati na a mahse hlim hmel erawh ka lan chhuah tir hram hram. Ka luh hma a ka thil ngaihtuah ve te pawh ka thulh ti tih der.











"Mama...nurse kha i duh ami?? " Ti a ka zawh chuan a ngawi vung vung a " A hmeltha ka ti" nui chung a min chhang in a thawmhnaw a thlang leh mawlh mawlh. Ka thin zawn na lutuk vang chuan thawk la in ka âwm zawn ka dawm vawng vawng " A that chu a enkawl thei bawk che anga " Ka ti tawi tap.










Tlai ah nilo chawhnu lam hrim hrim a chhuak dun tur an nih avangin ka siam a, a sawi tawh ang in a ke ruh na tur tuam na a hman thin te chu kan phelh a,a in chei zawh meuh chuan a lang dang in a hma a ka Rala ngei kha a ang leh tawh ngawih ngawih " I taksa leh in chei na chauh nilo hian i rilru pawh in ka Rala kha ang leh tawh la ka ti "









" Tunge Rala?? "






" Engmah a nilo " Ka rilru ah ka sawi emaw ma tih laiin a tak ah ka lo sawichhuak ani ngei ang.









" Mumang mak deuh ka nei thin a" Pheikhawk ka bun tir laiin a rawn ti chhuak. Ka thil tih lai chawl meuh in a mah ka en " Hmeichhe pakhat ka hmu thin a, kan in be ngailo mahse a bul ah chuan nuam ka ti ve tawp thin a, ka hmu kham lo thin lutuk,a hmel ka hmu thei bawk silo a tunge ni ang??" Zawh pawh min zawt hran chuang lo










"Nurse Lindy aniang" Ka ti a mahse keimah ka nih beisei na lian tak ka nei ru thung " Nilo, an in ang lo" Ti a min chhang in phone a hmet mual mual.










"Ka kal dawn e,puih ka ngai lo keimah in ka kal thei ang" Inhnuai thleng hruai ka tum vangin dawm ka tum a mahse a lo duhlo nasa. Kawngkhar a thleng tawh tih in ka chhungril ah tur tu a rawn awm thut a ka tlan thuai " Kal suh... " Tiin a kawng ah chuan ka va kuah chawt.










" Ngati nge?? Enge i buaina" Ti a ka kuah na min phelh sak a tum chuan ka tang ve tlat " Kal suh, ka phal lo midang i neih hi ka phal thlawt lo" Ka ti leh tawp. A tang nasa a keipawh chuti tho.









"Min hmangaih thin kha i hre tawh lo ami? Unau ang a awm chungin kan in duh ve ve a kan in kawp a hlim takin kan awmdun bawk a. Khang zawng zawng kha i theihnghilh tawh ami?? " Tiin ka kuah ve tlat zel a, ani chuan min chhan ngaih na pawh a hre lo aniang a ngawi reng ringawt " Min hriatchhuah tum hram rawh "










" Ka nau i nihkha, chutiang te tinge i sawi mai mai? Min thlah rawh kal chhuah ka ngai ania" A ti vin lek lek,tih ngaihna dang ka hre tawhlo ka thlah a a hma ah va ding veleh chat in a kawr ah chuan ka pawt pawp a, a rawn kun hniam rual chuan a hmui ah ngei ka fawp chat. A tan chuan thil thar hlak ang ni mahse hei lo kawng dang ka hre tawh mang lo a tin ni.











Ka fawh na engtinmah min chhang lo a min hnar chuang bawk lo. Min hrechhuak ve ta dawn emaw ka ti hman a. Mahse ka in lak hran rual chuan min nam kat dawt, mangan hmel tak a min en chung hian " Nau atan ka duh lo che, i khawsak dan hi ka duh zawng anilo" Tiin min vin hrep.









" Ila hrechhuak thei chuanglo ami?? " Ka kut a zungbun a ma min pek ngei hmuh pah a ka tih chuan min melh rum takzet.









" Engthil mah hriatchhuah ka mamawh lo e. I awmdan kha i sim loh chuan a pawi viau ang" A ti sak. Beidawng zet in zungbun chu ka phelh a ka tah khum loh nan ka in sum hram hram bawk " Kha la let tawh rawh.. " Tiin a kut ah ka pe let a a hum nghal. Engmah sawi lo in a chhuak zui a. Chhuat ah chuan ka thu thla hnawk.









" Ka tihpalh " Ka bul a rawn thu in a tih chuan rang lutuk in ka hawi nghal. A kal thla daih tawh ang chu ka tih laiin a rawn let lehleh " Ka nau atan ka duh reng che ania, ka rhisawi kha theihnghilh daih rawh" Tiin a ban pakhat chuan min kuah. Min kuah khat tawh zia te leh a kuah nawm zia te chu ka hrechhuak thar leh.








Awle,tun ah chuan harsa pawh nise engkim hi a nih dan ang ang a ka pawm rih mai a ngai dawn anih hi.










"Kha hei hi, ka ta anih awm pawh ka hrelo" Tiin a kut a zungbun ka pek bawk chu min pe let leh " Bialpa i neih hun ah i pe zawk dawn nia" a ti sup a, a rilru sukthlek danglam lutuk chu hrehawm ka lo ti ngawih ngawih. Zungbun chu ka la a muttui parawl zet chungin a mit ah tak chuan ka en " Duhsak na min hlan rawh aw, pawn lam ah ka chhuak dawn ania, chuan Lindy'n min duh theih nan pawh"








Na tih lutuk vangin tawng pawh ka tawng chhuak thei lo.







" Mate... "




" Aw.. "




" Duhsak na chu min hlan dawn em? "




" Ka tihpalh, tha takin le" Harsa ti tak a nui chungin ka chhang a.




" Awle ka lawm e" Tiin min kalsan!!








Ka kut a zungbun chu ka en a. Za lo tak a nui chungin ka kut ah bawk chuan ka rawlh lut leh " Ka hmangaih reng ang che, tun ah chuan kan awmdun a rem rih lo ani mahna. Kan thih hma erawh chuan vawikhat tal pawh kan awmdun leh ka beisei. Ka lo nghak reng ang che Hermano "





💜 THE END 💜





A tawp dan ho leh mumal lo( hmanhmawh) lutuk vang hian in lungawi vak lo mai thei a keipawh ka ni deuh tho😆tak2 in ka buai thei lutuk a ka regu lo bawk sia awl reng ngai ai chuan tum ai a tawi in ka tawp ta mai anih hi😁min hrethiam hram2 dawn nia. A bul atang a tawp min thlen pui tu,duhsak a min chhiar sam a cmt min pe thin tu te ka lawm in ka 🤍 em2 cheu ania


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)