JASON REMRUATTLUANGA By Tluangi Sagy Pachuau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: JASON REMRUATTLUANGA By Tluangi Sagy Pachuau (Completed)

Unread post by Ngaia » July 17th, 2022, 3:38 pm

Jason Remruattluanga



CHAPTER 13



BY Tluangi Sagy Pachuau







Darkar 3 chhung an zai tawh... Pawn lam ah chuan ka tei sek tawh a.. Ka awm mai mai theilo..... Faby pa leh a nau te pawh an lo kal a... Chuan hmeichhe pakhat pawh a lo kal.... Faby nau bialnu a nih ka ring an in zui chawt mai...







Khatia Faby ka um chhuah khan Lalduhawmi (president nau kha) khan min ko vak vak a... Mahse hawi let lo in Faby-i kha ka um zui zel a nih kha






Lalduhawmi kha ka kiss pawh a nilo.... Min rawn kiss thut a... Ka lo hamhaih bawk nen namsawnna chang ka lo hrelo a...... Khang ka ngaihzawn der chhung zawng khan a tawh pawh ka tawk ngailo.... Kiss phei chu khawilam






Min rawn hmuh a a rilru na hmel kha ka ngaihtuah a.... Heng thil thleng hi ka thiamloh vek a ni..... Lalduhawmi kha ngaizawng der in an Hotel chungchang leh an thuruk te hriat tum lo ni ila chuan tunah hian Faby-i hi a him tur...






Thutthlengah chuan ka thut loh leh ka ding a... Ka tei leh sek thin.... "Hahdam deuh in awm tum rawh" Faby-i pa in a rawn ti leh thin.... A ni pawh hi a tuarchhel ka ti takzet... A fanu a ni zawk a mahse min la tawng thlamuan thei zawk a ni.....






Ka pa te pawh kan chanchin ka hrilh a... An rawn thlawh chhoh nghal tur thu an sawi bawk.... Faby ka kal tir hnu lawk khan ka nau leh ka pa ka thawn bo nghal a.... Tunah chuan a hmawr kan bawk tep tawh a lo chho tawh mahse a a pawilo...







Darkar 1 vel dawn kan nghah leh hnu chuan Faby-i chu an rawn nawr chhuak a.... Doctor chu enge a an tih kan lo zawt vat "inzaina chu tluang tak in kan zo a... Mahse a ke hi rei tak chhung chu a hmang thei dawnlo a.... In enkawl loh phei chuan a kal theilo hlen mai ang tih pawh a hlauhawm dawn a ni....







Chuan a lu ah hian hliam te nau a nei bawk a... Hei hi chu thil hlauhawm em em a nilo... A ban ruh a tliak bawk a" A tih chuan ka lo thaw hawk hawk ringawt.... A tawrh hi a va han na dawn tak em....






Zaipui tawk zo chiah a nih avang in ICU ah an dah a... A dinhmun a zir a cabin a sawn an tum a ni awm e....







In tih thawven tum in inhnuai ah chhuk in pawn ah ka zuk chhuak thawveng a..... Thawk ka la kawk kawk.... Ka hun tawn zo zai te hi ka va han ning tawh tak em.... Ral tawh mai se ka ti takzet....






Ka hawi kual vel na ah chuan ka sir a fountain bulah chuan nichin a nula nunpuii amawni kha a lo ding a... A lan dan ah chuan a tap ni in ka hria....






Va pan hnaih ka tum lai chuan doctor form ha tlangval in khaithli zet mai hi a lo mal a.... A bul ah chuan a ding ren rawn a... Eng ngemaw a sawi in ka hria.... A hnu ah chuan chu nu chu a kuah ta hlu hlu a..... In ngaizawng an nih ring in nui suk chung in ka lut ve leh ta a.....







ICU room pawn ah chuan ka thu reng a
A chang leh ding chhuak in room chhung a Faby-i mu chu ka va thlir leh reng thin.....kum 3 liam ta a kan hlim chhung kha a reilo tih ka hria....







Mahse hmangaihna dik chu a rinawm a.....eng ang pawh a kar hla ah awm in hun tam liam in in hmu thei thin lo mah ila hmangaihna dik chuan thinlung hmun khat in min awm tir thin






Chutiang chiah chuan Faby-i kha a chanchin hrelo in biak theih loh khan awm mahse ka hmangaihna leh ka thlakhlelhna kha a reh phah ngailo a..... Chutih a hnek in ka ngai em em a.....Buaina zawng zawng te kha reh vat vat tawh se ka ti thin...







"Bawiha lo va haw tawh rawh thil thleng a awm chuan kan lo hrilh mai ang che... Zan a rei tawh dawn e" A tih chuan ka lu ka lo thing nghut.... Ka hmangaih hetiang a a awm lai hian khawi ah mah kal san ka tum lo...






Faby-i pa hi ka hriat na a rei deuh tawh a..... Ka Hotel ah hna ka thawh tir bawk.... Kan chanchin engkim ka hrilh a... A theih ang ang a min tanpui a tum bawk... Mahse hun tam a liam hma in tiang hi a thleng ta si a....






Zankhua thak in pawn lam ah chuan ka awm a.... Faby-i chhungte erawh ka tih luih tlat vang in an haw ta kha a nia..... Mutna tur hmun pawh min kawhhmuh reng a... Mahse ka duhlo







Ni 2 ICU-a a awm hnu in cabin ah an sawn chhuak a.... Mahse a la harh chuang miahlo..... Doctor ten "a harh ve mai ang diklo engmah a awm lo" an ti a....mahse a harh har ka ti tawh tak zet a ni..







Ka pa te pawh mizoram ah an awm leh tawh a.... Ka nau in Faby-i a hmuh chuan a tap pur mai.... Ka khawngaih zawk tak tak a ni....






Faby-i nau bul a awm hmeichhia kha a nupui tur a lo ni a... Faby-i accident tawh zan khan a palai tirh an tum zan a ko ni nghe nghe a... Mahse an thulh ta kha a nia.... Ka thil tih sual chuan nghawng a nei thui hle mai.... Faby-i nun ah hian lo in rawlh lo law law ila a tha zawk tur tiin ka ngaihtuah rum rum tawh....







A lo harh hunah a ke a hmang thei dawn lo tih a hriat hun ah engtin nge a awm ang...... Ka ngaihtuah zawng ringawt pawh hian ka lainat lawk.... Na a va han ti dawn tak em







Nikhat chhun a Faby-i bul a ka awm chu accident a tawh lai a a thu sawi kha ka hre chhuak a.... A khum bul pawhdawh a a bag ka dah chu ka la chhuak vat...





A phone chu ka la a.... A keh deuh a... Mahse khawih theih loh chu a nilo... Ka on eng a.... A wallpaper ka hmuh chuan mak ka ti angreng..... A phone hmasa kha a bo si a... Engtin nge kan thlalak dun na hi a la neih theih le...





Pangpar huan a kan selfie na kha wallpaper ah a lo hmang a.... Phone a a nui hmel chu ka en reng.... A rawn harh chhuah leh hunah hetiang hian a nui leh thei angem






A sawi ang in voice record chu ka ngaithla a... Ka ngaihthlak lai chuan mak ka tih vang in ka meng bial kawk ngei ang..... "Kan Hotel a tla hlum kha an unaupa diktak a lo nilo maw" Tiin Faby-i engmah hrelo a khum a a mu chu ka zuk bia a






"Faby i thu min hriat tir hian min pui lutuk" Tiin ka phone chu phawrh chhuak in Pa Sangkima (faby pa) chu ka call nghal a....






A lo thlen chuan thil engkim te chu ka hrilh ve nghal a.... Ka chhuah lawk a ngaih thu ka sawi chuan Faby-i chu a lo awm pui mai tur thu in min chhang bawk.....






Kan in lam pan in ka tlan haw a... Ka luh chuan "U eng nge u Faby-i a an?" A lo tih nghal vat chuan ka room ah tlan chhoh pah in "a tha ni mai" Tiin room ah chuan ka lut nghal zat...






Documents hlui ka pa in min pek ho chu ka en a....Kha ni kan Hotel chung atang a a tlak ni kha ka zawng chiam chiam a.... Ka ring dik chiah .... Khami ni khan a hming leh Duhawmi hming a room book a awm ngei







A hma khan Lalduhawmi khan mang thalo tak tak a neih thin thu kha a sawi a...... Sleeping pills pawh a ei thin thu a sawi tak kha maww... Chuan ka thlah zan a car a amutthilh khan a tawngvai a "ka that lo che ka that lo che i bul tan a nih kha" A ti a nih kha







Mumang mai mai... Tawngvai mai mai in ti maithei... Mahse mumang hian awmzia a neih theih zia in hriat tawh kha.....Tu tih dan tak ah emaw.... Tawngvai then khat chu thudik sawi tur in an dawp char char theih...






A hmawr bawk tep tawh a ka lo in ngai kha chu teuh ther ther viau mahse thil dang a lo la awm cheu a nih hi.... Heng thil te a zawh hunah chuan thlamuang tak in ka awm tawh ngei ang....






Ka thianpa police kha ka call nghal a... Ka thil hriat te leh ka ngaihdan vel te chu ka han hrilh a... A ni pawh chuan "a nih theihna lai chu a awm mahse pawngpaw tih vak chi nilo a nia finfiahna tha tawk tak a ngai a nia" A lo ti a...





"Ka hria lawm thiana a tul tul a min puih leh ka ngai dawn a nia aw.... A hmawr kan bawk tep tawh hi" Ka tih chuan a lo aw ve mai bawk...






Kum 3 chhung beidawng lo in min pui char char a... Ka tan thian tha nih a tlin takzet zet a ni..... Thian tha te hi an lo va han hlu tak em.... Engkim kan tan tih an in huam a..... Buai viau mah se thian tha tan chuan engtik lai pawn hun an in siam thin.... Hetiang thian tha ka nei hi vannei ka in ti takzet....






Ka thianpa Biakni a nen chuan Lalduhawmi te in lamah chuan kan kal a..... A mawl deuh na chu khatia Faby-i bul a ka awm chung khan min biak a thulh phah lo a... Min rinhlelh na chang pawh zu han hre lo a.....






Doorbell kan hmeh chuan kawngka an rawn hawng vat a an awmpui nu hi a lo ni a "Duhawmi a awm em" Ka tih chuan "aw awm e lo lut ru kan ko ang" A tih chuan kan lut ve nghal mai a... A chhungte tumah an awm lo a nih hmel... Duhthusam chiah a ni.... Khuanu khi kan lam ah a tang ve tawh dawn pawh a ni mahna






A room atang a a rawn chhuk thlak chuan min hmu chu mak a ti in a lawm tih a hmel ah ka hmu thei "ehee Rem chhun chhun ah eng nge in lo tih dawn i thianpa hi tunge?" A lo ti sawk sawk a...






"I u mahmuna (thi khaπŸ˜‚) thianpa a nih hi an in kawm ngaih thin lutuk a... A chanchin a hriat lohna a rei tawh vang in a thih thu te kha ka hrilh a.... Chuan a ni hi police a ni nghal a... A thihdan mumal lo in sawi te kha ka hrilh ve bawk a... Chhui a duh a" Ka tih deu duah chuan a meng buai nang mai... Saw chiah saw ka hmuh duh chu a ni....







"Aa a a ni maw" Tiin a tawng bah nuai a a nui lui bawk...






"I u thi chu ka tuar pui hle mai che rei deuh tawh mahse i ngai thin em?" Tiin Biakni a chuan a zawt a... A lo bu nghut ringawt...






"I u kha chu a fel sia" Biakni an a ti leh dek dek chu "a ni kha ramhuai a nih kha mi tenawm tak a ni" A inthunun na a hlauh tih hriat tak in ding meuh hian a rawn ti phiar phiar a....






A hnu ah chuan a awm dan chu a diklo tih in hria in a in siamtha vat "ka tihpalh" A ti tha ve leh mai a...."eng nge i sawi awmzia kha?" Biaknia chuan a lo ti char reng a...






"Engmah a nilo" Tiin nui luih hram hram chu a tum a..... "Sawi rawh" No fahran lo chuan Biakni a chuan a ti leh..... "Duhawm sawi rawh a hlauhawm loh" Tawng thlamuan tum tak aw hian ka lo ti a.... Sawi vek sw ka duh....






"Mi tenawm a nih chhan chu han sawi teh" Nem zawk hian ka thianpa chuan a han ti leh a...






"A ni kha mi tenawm tak a ni..... A unaunu tak ni lo mah ila ka chung a khatiang a khawsa tur kha a nilo asin" A ti a... "Eng nge i sawi awmzia?" Keiin ka lo ti vat.... A hmuh loh tur in ka phone ah voice recorder ka on nghal bawk....






"Ka u khan tawngkam mawilo tak tak a min tawngkhum in mipat hmeichhiat na lam thil in min chhaih fo thin... Kei lah a phawk mi ka lo ni bawk nen ngatan mah ka ngaih sak ngailo... Mahse a huangtau telh telh a... Tawngka a duh tawk mai lo in thil tih in a lan tir ta a.... Ka u ang mai a ka lo en ka ngainat em em mak chuan ka ruih lai in min sual a nih chu..






Kei lah rui tha zawi vek tawh nen a ni mipa tha chak bawk si nen chuan tan ngaihna ka awm thlawt lo a.... Pawngsual ka ni ta a ni...






A sawi zawm zel a "khami ni atang khan a duh hun hun ah a duhna hmun hmun ah.... Min khawih a... Min ko chhuak a.... A duh tawk a ngah hnu in min kalsan thin... Ka nu leh pa te bulah mi tha theihtawp in a awm a... Tumah ka hrilh ngam bawk silo....





Chuan vawi khat chu Bliss Hotel ah hian min hruai a" A bul a awm te hi min tu te nge kan nih tih a theihnghilh ta amawn le... A va tawng duh ta ve.. Mahse chu chu alawm kan duh ber ni






"Khami tum khan eng nge ka hriat pawh ka hrelo a duh dan ang khan ka awm duhlo a... Chuan inchung zawl ah chuan ka tlanchhe chho ta a a ni pawh chuan min rawn um ve zel bawk... Chuan" A rawn hawi chhuak a a duh aia thui a sawi tih a in hriat chhuah tak ah chuan a ngawi ta daih a


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 17th, 2022, 3:38 pm

Jason Remruattluanga



CHAPTER 14



BY Tluangi Sagy Pachuau





"Sawi zawm leh la chuan eng nge thleng zel a?" Biakni an a tih chuan a ngawi tlat a... Chhang tum hmel pawh a pu lo....






"Nge ni a kan sawi zawm sak zawk dawn che?" A tih pawh chuan tawngkam khat mah a la chhak chhuak lo fo.... A ngawi ngul a a kun deuh lap bawk..





"Awle kan sawi zawm sak ang che i u khan inchung zawlah chuan a zui chho che a chuan i that ta a mahni inthat ang in i lan tir bawk a" A tih ve leh chuan






"Nilo aih a nilo i sawi kha a diklo ka thatlo amah a in that tak tak alawm tualthattu ka nilo" A ti chiam chiam a... Mu leh mal pawh a nei lo a ni ber...






"Rem" Tih pah in ka banah chuan a rawn vuan a.... Khawngaih gthla la thei tur ang ber in min melh kar bawk.... Chutia ka ban a vawn lai chuan ka phone a lo ri a ka nau a lo ni






"Aw mate"

"U nurse an man a"
A rawn ti tawl


"Sawi chiang la mate"
Ka tih leh chuan



"Ih englo a nia maw u.... Ufaby-i kha damdawi chikhat zawimuang a mi an thih tir theihna ang chi khan an lo chiu thin a chu chu a ti tu vawiin khan an man chhuak a.... A la harh theih loh chhan pawh hi chu mi vang chu a nia"







"Enga damdawi a.... Tu maw?tu in maw chutiang chuan lo ti a?" Phone chhan ah chuan ka vin vak vak tawh






"Tih tir tu a nei a" A rawn tih leh chuah tunge a nih ka lo zawt vat.... "Kha Starlight Hotel neitu te fanu kha" A tih chuan tunge a sawi tih ka hre chiang khawp mai...






Ka bul a ding a ka ban chelh tlat tu chu rum tak hian ka melh chhuk run a... "Ka lo kal ve nghal vat ang" Chang deuh fak a tiin phone chu ka dah nghal a...






Ka bul a ding hmeichhe lam chu hawi in a nghawng ah chuan ka rek bet nghal chawt chawt... "Nang mi rapthlak nu" Tih pah in ka rek nghet sauh sauh zel a..... Tunah chuan thi se tih chiah ka ngaihtuah.... Hmeichhiana nih ka dawn lo a... Ka hmangaih thah a lo tum na chauh chu ka hmuh len ber a ni






"Eh eh eh thianpa thlah rawh eng thil nge ni ta?" Tih pah in Biakni a chuan min rawn pawt hrang vat a.... Thawk ka la kawk kawk...






Ka insum theihna ka hloh chiang hle a ni.... Ka thinrim em a ... Chhia leh tha pawh ka thliar hrang thei tawhlo a ni ber.... Biaknia kha chu awmlo se a thi tawh ngei ang






"Biakni he hmeichhe rapthlak hi man rawh tualthah tum tu a nih hi" Tiin chu nu chu ka kawk sawk sawk... "Aih nilo" Ti a a room lam a toan chhiat a tum chu Biakni an a lo dang vat...






Kan thawm hria in an awmpuinu pawh chu kan awmna lam ah a rawn tlan phei a "eng thil nge thleng mami kha thlah rawh u" A rawn tih chuan "ka pi lo inrawlh lo la a tha zawk ang" Ka ti rum ul a... A tawng leh ngam tawhlo hrim hrim






"Mipa in a hmeichhe man chu thil tih chi a ni chiahlo" Tih pah in a hote chu a call kual a... An lo thlen hnu chuan an man a an kal pui ta a.... Kawngka an chhuah dawn thleng te chuan a la tal bat bat a "ka nilo" Tiin a au tial ruai ruai bawk..






Ka chhuah ve dawn chuan ka pi kha lo kal leh in "mama eng nge thil awmzia?" Tiin min rawn zawt leh a... "Ka pi thil hi a lan dan ang zawng zawng hi a ni vek kherlo tih hi chu i hriat ve tawh ka ring a....mahse mi nunnem tak ang a i lo ngaih he inchhung a an fanu hi tualthattu a lo ni reng tih erawh i hriat ka ring hauhlo" Ka tih chuan a meng bial kawk kawk...






An tlan liam hnu chuan Hospital lam chu ka pan ve ta nghal a... Ka thlen chuan ka chhungte leh Faby-i chhungte an awm thap"engtin nge ni zel?" Zawh bik em em pawh neilo chuan ka va ti tawng a..






"An damdawi hman thahna tur khan damdawi dang in an jection leh nghal a.... Kar khat vel a harh nan chuan nghah a la ngaih hmel" Ka nau Sangsangi chuan a lo ti vat a..






"Khawnge chu nurse chu a awm a lo ko chhuak teh u" Tin ka au chiam chiam a.. Ka in hrosa kuk kuk bawk





"A tawk ka u inbengdai rawh police lam in an lo hruai tawh" A tih chuan ka in thlah dul ve leh hram..... A hnu lawk ah chuan Faby-i awmna room chhungah chuan ka lut a






A bulah chuan thu in a kut chi ka vawn sak a.... "I lo harh chhuah hunah chuan hetiang zawng zawng hi i tawrh tawh loh na tur in ka venghim tlat tawh che anga.... Ka thil lo tih te avang khan min haw dawn mah la ka kal tir leh tawh lo ang che






Inngaizawng pangngai tak ang chiah in hun kan hmang dun ve tawh anga..... Hmun nuam tak tak ah te kan leng dun anga... In kawtah pangpar te kan phun anga... E chuan cherry blossom pawh... Kan inneih a fa kan nei hunah pawh cherry blossom kan ti anga" Tiin ka nui sak...







"Chuvang chuan lo harh vat vat rawh aw... Nang nen hian tin dun tur tam tak leh chak tak tak ka nei nei teuh a nia.... I lo harh vat loh chuan ka senior zel a nia" Tiin ka be mawlh mawlh






"Lo harh vat vat rawh aw a khawhar thlak teh a nia... Ka hmuh phak ka khawih phak reng ah i awm a...mahse biak theih i ni silo.... Faby ka ngai tawh che a nia.... Kei Jason Remruattluanga hian nang Faby Zothansangi hi a ngai lutuk a nia"







Chutia ka biak mawlh mawlh lai chuan ka phone a lo ri a Biaknia a lo ni
Ka pickup rual rual chuan "thiana station lam ah lo phei ve lawk mai te che" A tih chuan a chhan ka lo zawt vat...






"A u chungchang hre tu kha i ni sia... Lo kal ve hrim hrim la.... Kha thil kha chingfel nghal teh ang" A tih chuan ka kal nghal tur in ka chuang a phone chu kan dah leh ta a






Faby-i kut chu fawp vang vang in "ka lo kal leh vat ang ka hmangaih.... Chumi hunah chuan engkim ka hrilh vek ang che" Tiin ka chhuak a station lam ah chuan ka tlan ve ta nghal a






Ka va thlen chuan an in dawp na room ah chuan min luh tir ve nghal a.... "Biakni" Ka va tih chuan "E i lo thleng tawh alaw" A lo ti a a bul a thutthleng ah chuan min thut tir vat..






Duhawmin min hmuh chuan "Rem ka tih luih a ni lo" A lo ti nghal tawng a.... Biaknia nen chuan kan in en tawp....






"Eng nge i sawi awmzia sawi chiang la?" Ka tih chuan Biaknia chu a en a ni pawh chuan a lo hrethiam aniang "ka ko va chhuahsan lawk ang che u" Tiin a chhuak ta daih a..






"Khapa khan kami ni khan min khawih leh a tum a chuan ka duhlo a inchungah khan ka tlan chhe chho a.... Kan in chai buaina lam ah khan ka nem thla ta alawm Rem ka tih luih a nilo" Tiin a tap hlawp hlawp a.... Lehlam ah chuan ka khawngaih angreng.. Mahse Hotel pahnih in hmelmak tir tu a nih phah si a...







Bakah kha thil kha a tih palh pawh lo ni tehreng se Faby-i thah a tum tlat... Thiam a chang thei chuanglo hrim hrim ang...






Biaknia chu lo lut leh in min rawn hrilh ru a Duhawmi chhungte an lo kal hi a lo ni a... .. An thutkhawmna lam a kan va kal phei chuan a u president ni bawk chuan "Lalduhawm nang hian ka u kha i lo that reng amaw" Ti a a nau chu rawn sawisak a tum ta mai....police constable te chuan an lo man bet vat






"Chu mai pawh duhtawk lo in Faby-i kha thah i lo tum amaw tiang mi hi kan chhungkaw mi i ni thei ngai dawn em ni" A ti a... A nau chu lo duai biklo







"Nangpawh eng nge i nih bik a.... I thil min tih tir zozai te leh i lo tih tawh te kha ka sawi ve dawn em ni.... Jason a ngaizawng der a an Hotel chanchin thlithlai tur a min tih te khaaa..... Chu lo pawh kum thum (3) liam ta a an thil bo te leh tualthahna zawng zawng te kha"







A tih phiar phiar chuan station chhung chu a reh nghal dukk mai.... Chutah ka thinrim ka puak keh leh ta Duhawmi u lam chu pan phei in a nghawng ah chuan ka thap lawk a..... Ka hnek nghal bur... Hmeichhe lo awm ve te chu an te nghal thawt..





Biaknia bawk chuan min lo dang leh in "a tawk e thianpa... Engkim thudik kan hriat vek tawh hi... Tunah chuan a aia chik a zawh fiah chiah kan hmabak tawh e" A rawn ti a... Zawi zawi in ka in thlah dul tial tial....







"Lo va haw phawt la kei nin kan lo ching fel tawh ange" A tih chuan i he lo in ka haw ve nghal mai... Haw han tih ah Faby-i bulah ka kal a ni zawk mah.... Ka hah ka chau takzet tunah chuan Faby-i bul a awm tluk a thlakhlelh ka neilo






A bul ka thlen chuan a Pa Sangkima hi a lo awm a... "Pa Sangkim ka lo awmpui ange lo va haw rawh" Ka tih chuan min hnial buai lo in a haw ve nghal mai a...






A haw hnu chuan a bul ah chuan ka thu hnawk a a kut chu chelh leh nghal in ka chal in ka sik tir vang vang a... "Ka chau takzet a ni" Tiin ka phun chhuak sep....






"Buaina zawng zawmg chu chinfel in a awm ta a... Tunah chuan i lo harh hun chiah ka nghah a ni ta.... Ka hmabak chu i kiang a hun hman chiah a ni tawh" Ti a phun sep sep in ka muhil ve ta riai riai a


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 17th, 2022, 3:38 pm

Jason Remruattluanga



CHAPTER 15



BY Tluangi Sagy Pachuau





JASON POV*

Ka harh chuan khua a lo eng uar tawh a , nizan a ka mut dan ngai ngai chuan ka lo la mu reng... Faby ka en a a chhin ngai rengin a la chhing reng... Thaw hawk in bathroom ah chuan ka lut ta a





Ka chhuah leh chuan sana ka en a dar 6:30am a lo ni......boruak thianghlim hip tum in bathlar ah chuan ka va ding a.... Boruak chu ka hip lut vang vang in ka thaw chhuak leh ham ham..





Kawngkhar ri rak ah chuan ka hawi phei a.... Faby nau Remmawia leh a bialnu kha an lo lut a..... "In va lo kal hma ve?" Tiin ka lo zawt vat a





"Nia intifai tur a i haw duh te kan ring a... Kha nimin ah pawh i inbual miah loh kha" Remmawia chuan a rawn ti a... "Ni e va in tifai rawh... Kha i uih thet thet" A bialnu chuan a rawn ti ve leh... Tangrual dun reuh lutuk..






A u nen kan in kungkaihna an hre vek a... Min nel in min ngam tawh lutuk ringawt... Ka nau nen phei chuan an mizia a inang hlawm lutuk a.... An inhmuh tirh atang khan inhre sa ang maiin an inkawm thei





"Nihchuan ka va haw lawk anga ka lo kal leh ang" Tiin chhuah ka tum a... "E hmanhmawh reng reng suh nileng in kan awm thei" A la rawn ti hram nghal thiam hlawm sia





In ka thlen chuan ka nau in "Ufaby eng nge a an?" A lo ti thuai a "a ngai reng" Tiin ka room lamah ka chhoh san ta daih.... "Mama" Ka pa chuan min rawn zui chho tih reng ka hrelo... A lam hawi chuan ka in her a






"Biakni an min lo call a... Thil thleng engkim min rawn hrilh a" A ti a...

"Tinge min lo hrilh lohh?" Ka tih chuan dam diai hian "i chau awm si a tihbuai rih che kan duhlo alawm" A ti a..






"Nihchuan eng nge thil awmdan chu han sawi la" Ka lo ti a..




"An fapa thih dan kha chu i hre tawh tho anga, khami atang khan Starlight Hotel chuan min hmelmak em em ta kha a nia.... Chuan kum 3 liam ta a blueprint bo ah leh menu thar bo ah khan Sangtei kha an ruai a... A retheihna hmang tangkai in pawisa tam tak tiam in an lo tih tir a lo nia






Chuan khami ni khan ruang a awm bawk kha maw... Khami kha a thil ti lai an hmu ni a a hriat vang a a thah kha a nia an tum chu nilo mahse an mi rawih in a a thah a nih vang khan an thup bo pui a... Mahse a ni pawh kha kan man leh ta sia






Tichuan an thawhpui Gangster te chu police station in panna ah khan lo ambush che u a... Lo thah che u kha an tum a... Mahse an tum ang in thil a thleng lo a a thu hretu tur ber chauh kha an that a an kal bo ta a lo nia"





"Aa pa hriat hnu vek" Ka lo tih chuan "i hriat chuan man tir mai ta che" Min lo ti let vat... "Finfiahna a awm theilo a nih kha" Ka ti ve leh..





"E chuan Duhawmi kha.... Ngaizawng der che a kan Hotel tih chhiat vek an lo tum bawk a.... Kan in relbawl dan te hriat a min beih nan a hman an tum a" Hmm kan tum a va inang ve... Keiin Duhawmi kha hman tangkai ka tum ve tho bawk kha a nia.... Thluak chhe te te chu kan hmang ve tlang chiang alawm







"Damdawiin ah i kal leh dawn em?"

"Dawn e a harh hmaa chu a kiang ah ka awm ang"

"Chuti intifai la thil ei la i kal dawn nia"


Nge maw intifai la min tih hlawm sek le.... Intih fai loh ka tum pawh a ni der silo..... Buaina chu chin fel a ni thuak tawh a.... Pheih khai pawh a zang vah tawh mai alawm....




(Kar khat hnu ah chuan)



Kar khat a liam leh ta.... Faby a la harh theilo a.... Ka in ngaihtuah thinrim chang chuan kha nurse leh Lalduhawmi kha va sawisak a nia ka chak thin ni.... Mahse kan va khawih ve phak rual kha an ni silo a






Nizan lam ka mut that loh em avang in zawi nghiai in Faby khum bulah chuan ka thu a.... A hnu ah phei chuan ka lo muhil daih "Ujason ; Ujason" A aw chu Faby aw a ni....






Ka harh zawk....Faby lam chu ka hawi vat... A lo harh... Aw ni e a lo harh chiang alawm... Ka mumang amaw tiin kan in sik vel mumang a ni lo....





Chutia ka phur hmel a hmuh chuan a lo nui sen sen a..... A hnu lawkah "tui ka duh" A rawn ti a ka pe nghal vat... "Thil dang duh i nei em? I duh apiang sawi rawh ka tih sak vek ang che.... I ril a tam em? Ka ti zung zung a lu a lo thing mat mat ringawt...







"Aw ni tak ka pa te... I pa te... Kan call nghal ange" Tiin bathlar lamah chuan ka chhuak nghal a.... Ka phur lutuk hi tih ber tur pawh ka hrelo....



FABY POV*


Ujason a hlim tih hriat tak a a chhuak chu ka en reng.... Khang engmah hrelo a ka mu amaw a tih lai khan keichuan a tawng zawng zawng ka hre vek a.... A harsatna a sut kiang dan leh min thlakhlelh zia ka hre bawk...






A tirah khan huat tum viau mah ila hmangaihtu thinlung hian engtin nge a huat theih teh lul ang ni..... A bik tak in min thlahlel em em tih hre chung ngat phei chuan





Harh tur a min koh lawm lawm te khan men chhuah ka chak a... A chauh em em chang a ka bul a a lo kal chang ni te khan kuah vawng vawng ka chak thin....






Kha nurse in a min thah a tum zawng zawng te kha ka hre vek a.. Mahse engmah ka ti theilo... Ka thih hun tur kha ka nghak a ni ber a.. Mahse vanneih thlak kan ti dawn nge... Pathian khian ka kal a la rem tilo zawk ni kha doctornu kha lo kal in thihna lak ata min rawn chhan chhuak a ni hrim a... Pathian mi tirh a ni ngei ang






Thawh kan a han awm sawn ka tum chu ka ke a che thei ta reng reng lo.... Ka tum poh leh ka hah zual ting a... Ka ke in chetsawn a tum boo lo... Ujason a lo lut chu mangang em em in ka lo en a... A ni pawh chuan ka mit meng chu a hrethiam a ni ngei ang rang tak in min rawn pan vat a...






"Ujason ka ke a che theilo" Tap tuau chuan ka lo ti a.... Engmah sawilo in min kuah thlawp ringawt..





"Eng nge a awmzia....tinge ka ke hi a chet theih loh.... Ah.. Ahh.. Aaa zeng ami?" Tiin ka tap hlawp hlawp a.... "Aih nilo e chutiang chu a ni miahlo" Tiin ka hnung ah a chul hliau hliau a a khat tawk in ka chalah a fawp reng bawk..





"Nih tinge a chet theih miah loh?" Ka ti leh tiau "A tha leh vat mai ang i mut rei vang mai mai a nih kha" A rawn ti thum leh dut dut..






Ka pa te an lo luh chuan an rawn phul lut hlut a... Ujasona a in la hrang nghal vat bawk.... "Eng nge in lo tih vel aaa" Ka nau in a rawn tih chuan tak run in ka lo en a... "Eng nge... Thil diklo a awm a mi?" A ti nghal a..






"Ka ke a che theilo" Ka lo tih leh tiau chuan an in melh hrel hrek hlawm a.... A hnu ah phei chuan an chhuak diakk... Ka pa chauh chu ka bul ah a awm a.... Ka kut chu a vuan a... A tuai heuh heuh bawk...






"Bawihte... Nang chu mi fel tak.. Puitling tak i ni a thil pawh a eng zawng hlir in i thlir thin... " A tih chuan
"Pa i sawi tum sawi la" Ka lo ti vat.





Thaw hawk in "tlang deuh in sawi ila.. Thu pehhel ka thiam ve vaklo tih i hriat kha"
"Tunah pawh khan i pehhel mek chu a nilo ami?"



"Nia bawihte.... Englo a nia" A sawi hreh hmel lutuk chuan min ti hlauthawng vek.... "Pa ka thi tep tawh ami?" Ka lo tih chuan a lu thing nar nar in "aih nilo e bawihte... Englo... I ke hi reilo te chhung chu i hmang thei dawnlo a" A ti a..





"Ka hre daih tawh alawm pa"


"Maw engtin nge i hriat a?"


"A ke neitu ka nih hi eng nge ka hriat loh ang"



"Ni e.. Bawihte a hlauhawm miah lou... I kal leh thei vat dawn a nia aw... Zeng a nilo a a hlahthawn awm loh" A ti zung zung a... "Pa relax ka hlau hleinem.. Nia a tir kha chuan ka hlau a... Ka rilru a na bawk... Mahse ka kal leh thei dawn i ti a ni lawmni?" Ka tih chuan






"Ni chiah e... Ka fanu hi chuan thil hi a thlir thiam alawm" Tiin ka biangah a lo piai zauh.... "Jasona hian a ngai ber che a" A rawn tih teh daih chuan ka pa chu ka en a..





"Pa Ujasona nen hian in inhria ami?" Ka tih chuan..


"Aww hria e.. In chungchang pawh ka hre vek alawm... Hna ka thawh pawh kha a bulah a nia" A ti a.... "I va inzepp thei ve" Ka lo ti halh ringawt..





"Nitin khan i chanchin min zawt thin a...Hospital a i awm chhung te khan kan riah pui che aiin a riah pui che a tam zawk.... Office a kal lah in darkar tin mai khan i harh leh harh loh min lo zawt ziah a.... A ngai lutuk che kha a khawngaih thlak zawk" A tih chuan ka lo bu nghauh nghauh...





A hnu ah chuan Ujasona chu a lo lut a.... Rei lo ah ka pa in min chhuahsan nghal bawk...




Nui seih chung hian "Sangsangi ten an hmu ve duh che a... Mahse ka phallo a ka haw tir a" A tukhum tuai vut vut chung hian a ti a...."Nga i va a ve... Nge i haw tir kher?"







"I bulah ka awm duh alawm...i bul a an awm ve chuan an be reng che anga ka be ve hman dawnlo che asin" A tih chuan lu thing mat mat in ka lo en ringawt... A naupang chhia lutuk chuan ka nuih a ti za... Cute phian bawk si






"I nau te lah chu naute an lo siam hman thawt thawt a.... Kan fate a vel vel a vel anga" A ti nang nang a... Min bia pawh a ang lo..





"Dam vat vat la innei vat ang aw.... I nau te aiin fa neih hnem tum ang" A tih lai chuan keiin ka ke ka lo en vang vang thung...





Min rawn pan hnai in min kuah leh hlu hlu a "Lungngai lo la Jasona leh Faby an awm dun chhung chuan tih theih loh a awm lo" Ka chal a fawp zauh in a la hrang a..





"Nang Faby Zothansangi hian Kei Jason Remruattluanga rual a ke pen a huaisen tak a harsatna hmachhaen tur in i inpeih em?" Tiin a kut a rawn phar chhuak a... Ka lo nui suk suk... A hmel ka en chuan alo thutak vei phian a...





A kut ah chuan vuan in "ka in peih thlap e" Tiin a lam hawiin ka nui sen sen....rawn kun hniam in dam dap hian min rawn fawp ta vawng vawng a.....


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 17th, 2022, 3:39 pm

Jason Remruattluanga


CHAPTER 16


BY Tluangi Sagy Pachuau



Damdawiin atang a kan chhuah na pawh thla 2 a liam leh tawh...... Kan chhuah tirh te khan Ujason an an in lam ah min hruai haw zuk han tum talhhh a mawle...... Min ngaihtuah zia ka hriat hian ka hlim takzet a ni






"Eng nge i tih a?" Tuk verh bul a ka thut reng lai chuan ka hnung a rawn ding chuan a rawn ti dut dut a... A aw atang chuan tunge a nih ka hailo... Amah Ujasona ngei a ni...





"Ka thut hi"

"Ka lo hruai dawn che"

"Eng ti turin"

"I lo leng ang... Sangsangin a ngai che a"

"A nih nang"


A hmel chu ka en reng a... Amah hian min ngai zawk a ni reng sia... Sangsangi chu chhuanlam... Inah pawh a awm lo hrim hrim nichin ah kan inbia a a thiante nen an len chhuah thu a sawi vek tawh..






"Sangsangi inah a awmlo" Ka tih chuan meng buai nak in "ah aw nia ka pa in" Tiin wheelchair a ka thu chu min nawr chhuak nghal daih....





"Hey ka inthlak ve phawt duh" Ka ti ruai a.. "engtiang pawn i tha" A lo ti then mai bawk si... "Remruattluang ka kawr a bal" Ka tih pawh chuan a kal ngai in a kal reng.... Huizzz luhlul thiam lutuk mai..





An in kan thlen chuan tumah an lo awmlo.... Pu Bliss a ngei pawh... "Khawnge i pa chu?" Ka tih chuan "Hotel ah a kal alawm"

"Inah a awm ang khan i sawi sia"

"Ka sawi loh kha ka pa in a ngai che ka ti ringawt alawm"

"Nangmah pawn"

"Ni e keimah pawn"
Nui suk chung hian min lo en a...


"Eng nge i tih a?" Ka tih chuan "ka zo tawh zawk" Tih pah in plate nen a rawn phei a... Ka hma a dawhkan ah chuan a rawn dah a..... Apple leh thei dang dang a kawr vel sa vek hi a lo ni a..






Ka bulah chuan rawn thu in "thei hrisel tak tak ei hian taksa ral do tu te hi a ti chak ve thei chuvang chuan ei teuh teuh rawh.... Chuan i dam vel ah kan innei dawn nia" Tih pah in min rawn barh a... Nui sun sun chung in ka lo ei ve mai bawk...





Ka ei mawlh mawlh lai chuan "lo kal rawh pangpar huan ah kal ang" Tiin min nawr chhuak leh daih "amak ei teuh teuh rawh i tia... Tam pawh ka ei hma in min nawr chhuak leh daih a" Tiin ka ang hlak hlak...





"Nulat lai atang in i ang peih a nia.... Kan inneih hunah phei chuan a huphurh awm... Kan faten chhun lul che suh se... I thatna chauh chhun che rawh se" An ti vei luam a... Ei loh hmel deuh in ka hmui ka lo ti pawrh vel ringawt....





In hnung lam pang a pangpar huan ah chuan kan thu a.... A hnu lawk ah ka hma zawnah chuan rawn thu in a tih fo dan in ka ke chu a hmet kual leh a "anah" Ka phu deuh zawk.... "Naa i hmet na alawm le" Tih pah in ka ke chu ka zuk tuaive vut vut...






Ujasona chuan "a na maw?" Min en pah a a rawn tih chuan ka lo bu nghauh nghauh... A hnu ah a aia na in a rawn hmet leh "Ana Remruattluang" Ka ti vin tuar.... "A na i ti... A na i ti tak tak... I ke in na a hria a nia" Hlim hmel pu tak hian a rawn ti a.... Ka hre chhuak ve leh chiah...





"Ehee a ni tak tak... A na ka hria mawle" Phur tak a ka tih ve chuan a tum hmuk a "i hre chhual tlai emmai a" Tih pah in a hmeh chhunzawm leh nghal zat






"Val senior a ti tau em ni?" Tiin a dar ah chuan ka zuk nem thin a a lo dah sawn deuh hmak hmak... A che naupang chhia takzet a ni... Mahse a duhawm.. Mipa naupang duhawm deuh titau a ang...






"Valsenior" Ka zuk tih leh chuan "Senior min tih chuan dam tum vat la min nei rawh" A rawn ti a.... Ka lo nui hak .... "Nui suh hei hma i sawn zia kan hria a......chuvang chuan inthlahdah miahlo in exercise la tha la... Dam vat rawh.... Innei vat ang" Thu tak zawk hian a rawn ti leh a... Keipawh ka lo nui tawh biklo.... Ka lu ka lo bu nghat nghat






Min neih chu a duh tak tak a nih ka ring a sawi ngun tawh emmai. Rei tawk fang kan thut hnu chuan inchhung ah min luh pui a... Tlai ah chaw ka ei nghal dawn a ni awm a... Amah ngeiin ka pa te pawh a hrilh vek tawh.... Ka ke in na a hre thei tih pawh a hrilh a an lawm khawp mai... Remmawian a nupui neih hun tur a lo sawi leh hman hmawh tawh kha





"Ka u a kal theih vel ah nupui ka nei ang" A ti tlat a... "A rai puar lian hman ange" kan tih pawn a pawilo a ti tlat a... Min ngaih pawimawh thiam zia ka hmuh hian nuam ka ti...






Tlai ah Pu Blissa leh Sangsangi an lo haw rual a,,,,,chanchih lawmawm kan neih te chu kan lo hrilh ve vat a an lawm hmel khawp Sangsangi phei chuan min rawn kuah cheng cheng a.... "A na tak tak ami" Tiin ka ke te chu an sik thul... Kan hlim tlang hle a ni..






Ni a liam zel a ka ke pawn dam lam a pan zel a... Ka vannei takzet a ni..




A chang chuan kan chung a thil thleng hi pawm thiam kan zir a ngai thin a... Chu chuan rah tha a chhuah phah thei hlauh zawk thin





Keipawh khan kal theilo ka nih na kha lunghnur nan hmang ila engmah ti duhlo in awm ila "ka kal thei tawh dawn chuanglo" Tih rilru kha pu ta ang ni ila chuan tun dinhmum hi thlenglo in ka la kal theilo reng ang chu.....





Vawiin hian ka nau in nupui a nei dawn a.... A nupui tur pawh a rai lang tawh thla 5 a ni tawh a.. Mahse a mo kawr hak chuan a la hliah thei viau tho.....





Biakin kawt a kan awm lai chuan kan kohhran nu ho hi ka bulah an lo kal a
"Awi Faby dam chak zia hi chu aw.... Remmawia pawh in a hma lam in nupui a neih theih phah a nih hi" Tiin an nui bawk bawk a...





"Ni e tiraw.... Pathian leh nangni zar vek a ni... Kan Pathian khian a mi te dilna chu chhΓ’n a hreh hauhlo silo a.... Tawngtaina chhang thei tu Pathian a nih avang in a mi ten an mamawh an dil a pe fo thin.... Nangni min tawngtai pui na vang liau liau a ni"





"Ni e Kan Pathian that zia hi chu aww" Tih vawng vawng pah in an lut ta diak a.... Keipawh chu pawn ah chuan awm rei lo in ka lut ve ta a...... Tlar hma ber ah ka pa nen kan thutna tur an siam bik lam chu ka pan a sir lam a ka kut a lo kheuh tu chu ka en vat






Ujasona chuan min lo nuih heu mai... Kal leh mai la tum chu ka kut ah a lo chelh leh "eng nge" Ka hmui phun chuan ka zuk ti a... Ka tawng ang bawk a rawn tawng in "I nalh ber" Rawn ti sup in a kut zungpui tih pir vah pah in mit a siai zauh





"I van ho mai mai tak" Tih pah in hma lam chu ka pan leh ta a.... Ho ka tih sak tak na a mi chu a ti lai ve khawp mai ka biang a sa hat hat alawm le. . .






Zanah chuan miin present an pek te chu kan hawng vel a... Thil tha deuh deuh an dawng a... "Nangni pahnih kha engtik nge ni ve dawn" Pa Biaka chuan a rawn ti a.. "Kan ti ve tep tawh" Ujason an a lo ti vat... A chhang rang lutuk chu an lo nuih huah huah thung.... Kei ka lo lai ve em em thung





In leng an haw darh vek hnu ah Ujasona pawh chuan haw a tum ve ta a... Pawn thleng ka va thlah a ka kut ah chuan chelh in "hetia in thlah reng ngailo hian innei ve tawh mai ila? " Tih pah in ka kut chu a then hluau hluau a..... Naupang in a nu bul a thil dil ka tehkhin ber





"Bawihan nupui a neih zo chiah hi" Ka tih chuan "ni bawk si... Pawilo tun kum a rei tawh chianglo nakum ah a ni mai" Tiin a mah leh amah chu a in hnem chawp leh..... A hawi kual zek zek a "eng nge a" Tih pah a hawi kual ve ka tum chu ka lu ah dawm in ka mit ah tak chuan min en a..





"Ka hmangaih che" Ti a rawn kun hniam tial tial in min fawp ta a..... A in lak hran leh hnu chuan "ehe a thlum" Tiin min rawn fawp nawn leh a hnu ah an tep vel a "i hmui kha a thlum" A tih leh chuan "ka lip balm inhnawih aniang" Ka lo ti ve vat..





Nui suk suk chung hian "ka duh zawng tak a ni" A la ti zui ah... "A nih ka haw tak tak aw" Tiin ka chalah fawp zeuh in a kal ta a.... A tlan liam thleng chuan ka en reng a keipawn hetia in thlah reng ngailo a awm dun chu ka chak ve takzet tawh a ni..





Ka luh leh chuan "tuemaw chuan bialpa a va nei bik deuh vee" Kenneth-i hian a lo ti a... "Ehe i la awm alaw? I riak dawn ami?" Ka zawhna avang chuan a ner sawk..





"Bialpa i nei leh lutuk a min ngaihsak hmanlo a nih kha" Tih pah in ka room ah chuan a lut daih... A lo riak tak tak dawn amawni.....


________________________... .

Naktuk lawk hi Christmas a ni tawh a
Hun hi a va han liam chak tak.... Bawiha nupui neih pawh hmanni lawk amaw tih laiin thlaleh(January) khi an nau neih hun tur a ni der tawh....





Ka phone ri ka hriat chuan room lamah ka lut vat a Ujasona hming ka hmuh chuan ka la nghal vat "hello"




"Aw faby zanin kan plan ang khan ka van awm theih hmel loh urlawk zan a ni bawk nen kan Hotel kan buai lutuk" Hi a rawn ti a.... "E"
"Thinrim suh aw naktuk ah ngei ngei in ka lo kal ang" A tih pawh chuan ka tawng duh lo tlat..... He hun hi hman atang a kan lo sawi tawh a ni a... Kan vawikhat hman dun na tur a ni bawk





"Aww please kan buai lutuk a ka hmangaih che" A ti a ka chhan leh na pawh nghak lo chuan a dah ta daih... Ka thinrim lutuk chuan phone chu khumah ka vawm chawrh, a sawt leh si chu chhuatah a tla ri dawp a rang deuh in ka va chhar leh nghal tho





In sawh tau nghawng nghawng in kan per leh dawt dawt thin... A sawt lo teh asin aww... A hnu ah chuan ka mu ta daih.... Thian ka lo kawm ngailo lutuk hi chu a pawi ngawt mai... Thian chu kawm ve ilang chuan tunah pawh hian hman pui tur te ka nei ve ngei awm sia....






"E nitak" Thil hrechhuak zawk in ka phone chu ka ban a Sangsangi ka call nghal vat... A la la theilo zui.... Vawi thum lai ka try hnu pawh a a lak theih loh vang chuan ka ti nawn duh ta biklo a...





Ni tak e a ni te chuan thian a nei reng alawm... Zanin ang ah chuan a thian te nen an hmang ve ang chu





A hnu ah chuan mutchhuak in min lo zem chiai chiai takah chuan mutthilh ka tum ve ta a... Ka muhil tui dawn chauh tih ah chuan ka room kawngka a lo in kil dawt dawt a... "Eng nge" Ka ti vin tuar...





Kawngka chu lo in hawng in "U kan ar hem saw lo ei la" A rawn ti dek dek chu ka lukham chuan vawm chawrh in "Thlawk bo rawh" Tiin ka mu tha leh nghal hmak....heiham..... Lei nunrawng






A tuk ah chuan chawi ei kham hnu in inkhawm tur in kan insiam a "keini chu kan inkhawm ve lo mai ang naute hi a rit tawh bawk si a" Remmawia chuan a lo ti ve khanglang... In la patling tawh vel lutuk....





Nizan atang tawh in mood hi a dik theilo reng reng mai.. Ka thinrim tunn reng mai a ni.... Tu dang vang a nilo Rentuattluanga vang vek.... Vawiin ah pawh lo kal lo na teh se ka then daih ang mai mai





Ruai an theh dawn chuan ka peih ve loh avang in inah ka naute nupa nen kan lo awm a.... Ka pa rawn haw hnu lawk chuan Sangsangi hi a lo lang teh hlawl a





"Ufaby hawh leng ang lenna tur hmun nuam deuh ka hre teuh mai" Hi a rawn ti a.... Vawiin nileng a Remruattluanga ka hmuh loh avang in ka thinrim mood off bawk nen ka lo hnial a...





"Bawihte va kal mai mai teh.. Kha mi phur deuh in an rawn sawm che a" Ka pa in a tih tak ah chuan in ha lum in ka zui chhuak ve ta a.... A scooty hnung ah chuan ka thu a.... A khalh chak reuh sia ka hlau rilru hle a ni.. Mahse hlau ang in ka lang duh miahlo..





Hmun pakhat hi kan va thleng a kawng sir zau lai ah chuan restaurant te fel at changkang em em si hi a awm a.... "Kawrawh tah sawn lut ila an thil siam a tui thei lutuk" Tih pah chuan ka hnung ah min nawr det det a....





"Mahse Christmas a ni sia an in hawng maw?" Hrethiam lo deuh a ka tih chuan

"Ah ah aww ih Pathian awm ringlo pawl an nia ka wallet ka theihnghilh lo va lut rawh" Tih zung zung pah in a scooty park na lamah chuan a tlan phei leh....





Zawi muang a kawngka chu hawng in ka lut a thim vek.... Ka ngaih thalo let leh ka tum chu "Faby" Ujasona aw a ni... Mahse engmam ka hmu thei silo.... A hnu ah chuan a rawn eng uar a.....






Ka hma zawna mipa ding chu ka en reng "Faby" A tih leh chuan ka in thing nawk... "Awhh aw"

Min rawn pan hnai in a kut a rose par sen a ken chu min pe a... A ngaihna hrelo deuh chuan ka lo la ve tawp.... Ka hawi kual a.... A nalh em em mai lehnghal.... Balloon rawng chi hrang hrang a awm a.... Chhuatah cherry blossom a in theh darh niai bawk...





"Ee eng nge a awmzia" Ka tih chuan min chhang lo in ka hma zawnah chuan a thingthi a.... "Faby ka thinlung chabi kawl tu hlimna zawng zawng min pe tu i ni a... I tello chuan nun hi a hahthlak a chhimbal rawng neilo ang mai a ni...





"Faby pasal atan min duh angem?" A tih chuan ka en reng.... A hnu ah a darah chuan beng thlawrh in "ka duh che tih i hre reng alawm le" Ka ti hlak.... A dar tuai vut vut chung chuan a rawn tho a "i ti romantic lo zo vek" A la ti nung nung zui...





"Khawi i kut zungbun ka lo bun tir ang che" A tih chuan ka kut ding lam chu ka pe a..... Lo beng thla in "kha lam lo vei lam kha" A tih chuan nui hak in ka kut vei lam chu ka pe leh....





"In lak romantic tum nen i ti bam vek alawm mahse pawilo... Ka ta i ni a tikhan ka hual tawh che... Tumah melh lo la keimah Remruattluanga chiah hi min melh ang che" A ti deuh duah.... Nuih ka chak... Mahse "i ti bam vek" Min tih leh ka hlauh vang in ka nui lo mai mai...





"Ka fawp dawn che a nia aw" A ban a ri leh nghal thlawrh... "Ni dangah pawh min dil ngailo a tun a tak a in dil... I ti bam vek" Ka ti ve leh... Nui suk suk chung a rawn kun hniam in min fawp ta vawngg vawng a....





Kawngka a rawn ri rak... In la hrang vat in kan hawi phei chu Sangsangi hian a mit lo hup chawi chawi in "engmah ka hmulo engmah ka hmulo" Tiin a tlan chhuak leh daih... Kan lo nuih tawp


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 17th, 2022, 3:39 pm

Jason Remruattluanga


CHAPTER 17 (LAST CHAPTER)


BY Tluangi Sagy Pachuau



Rei lo te ah Sangsangi chu a rawn lut a a che reng reng chu a lai tut in ka hria..
Kan lo en reng min hmuh chuan "ka hmu lo tak tak" A rawn ti leh ringawt....kan lo nuih leh tawp.... "A hmu tih chiang reng reng..... A inthlahrung lutuk chu ka khawngaih
Rilru thianghlim lutuk mai🀭




A hnu ah chuan Ujason-an eitur a siam a.... A che reng reng chu a zei thlurh a... Chef ni awm a mawi a ni.... Kitchen leh amah saw an in rem ngawih ngawih...





A siam zawh a Sangsangi nen a kan hma a rawn dah kan han ei chiah mai chu a tui kher teh asin "i van siam tiam ve" Ti a a hmel ka va en chu in tih theih hmel fe hian "tiang lo pawh kha thiam ka la ngah mai" Tiin a meng deuh ralh a..






"Ngaihtuahna thalo pu suh" Ka lo ti deuh vak.... Nui huah huah chung hian "i ngai dam zawk a nih kha... Aaa faby rilru a hmul hle mai a" Te chu a la ti zawk za mah aa






"Ehemm" Tih ri ah chuan Sangsangi chu kan en vat "ka la awm ve tho a nia" Rum deuh a min melh tawn hian a lo ti a.... Kan nuih heu ringawt a hnu ah "ka lo hruai ve kher kher che ni i ti romantic lo vek" A rawn ti a... Lalromantica lah hi a...





"Ufaby enteh maw ka u hi nizan khan maw" A tih chuan Ujasona chuan thil dang lo sawi phet a tum a a chang leh min lo biak buai a tum a... "Lo ngawi rawh Remruattluang" Ka tih chuan a ngawi ve mai bawk..





"Nizan chuan engtin?" Tiin Sangsangi chu ka zawt chhunzawm leh nghal zat..



"Nizan khan ka u a lo kal theih loh chhan kha maww." Ti a thluk vak in a u chu an en leh te te a "Hotel buai vang pawh a nilo... buai chu an buai tho a mahse thawktu an in deih lutuk a chhuanlam mai mai a nih kha" A tih chuan rum fahran in Remruattluanga chu ka melh a...





"Lalruatsang i sawi ro ro te chuan a chhan te sawi ve la min ngai khawlo mai dawn asin" A rawn ti ve a "ngaih khawloh na tur i awm em ni?" Ka tih chu a meng buai leh deuh si....
"Awww midang ka hman pui ah te i lo ngai thei a" A ti leh





Chhang duh tawh lo chuan Sangsangi chu ka en ta daih a "eng nge a chhan" Ka tawngkam a nem vak tawh lo "ihmaw" Tih pah in an nui leh te te... Nuih a duh lutuk hi chu buaithlak thin





"Vawiin a propose che a tum na ah hian romantic deuh a chet ve ngei a duh sia K-drama leh C-drama a en tlaivar thak alawm" A sawi zawh rual rual chuan kan han nui tak tak mai a.... Kan Remruattluanga lah pui chu a lo tum vuau leh nghal a...





"Kha ngaih khawloh tur a awmlo ka tih reng kha a engah mah hma hian i meng rum nghal ringawt zel a" Tiin a la phun ve nang nang zui ah...





Sangsangi nen chuan kan la nui tiah tiah a... A tir a kan nuih vak ang kha chuan kan nui tawhlo na in kan la nui tho... A hnu ah chuan Ujasona chuan kan topic lo thlak in "engtik ah nge palai ka lo tirh ang?" A tih chuan ka hriat bik loh thu in ka chhang





"Nang ber in i pawm tawh tho a zanin ah pawh hian lo tir nghal mai ta ilah" Min bia pawh a ang lo "i a mi Christmas a nih hi"
"Ka lo theihnghilh leh thin"
"I a nih chu"
"Nangmah vang"




"Heiham tihian ti ang 27 emaw 28 ah emaw lo tir mai rawh chhan chu 26 hi chu a nawnna a ni bawk si" Ka tih chuan a lo bu ve nghauh nghauh...




"E thu dang daih restaurant ah hian tumah midang an awm silo a kan lut ve ringawt sia tu ta nge?" Ka tih chuan Remruattluangan "kan ta" A lo ti then mai "maw engtik in nge tiang in lo neih?"
"A la reilo thla 2 bak kan la hawnglo" A tih chuan ka hrethiam tih lan tir nan ka lo bu ve ngauh nghauh...

_______________________

JANUARY 4


Vawiin hi January ni 4 a ni a khua pawh a vawt khawp mai.... Hna ka la thawk lo a... Ka pa in phal heklo le Ujason a pawm zawng tak a lo ni bawk nen ka la thawk lo phawt chu a nia..




"Kan innei vat anga i hna chu i ban leh a ngai dawn tho zawng mualpho lo law law rawh" Min ti kha a nia...




E chuan December 27 khan Ujason-an palai chu a lo tir ta ngei a lo rem ti sa tho mah ila ka ni te leh ka nutei te ho rawn ve hrim hrim ila a tih avang in lo kal nawn leh hun atan an ti ta a





Chuan nizan khan palai te chu an lo kal nawn leh tawh bawk.... Khatia a vawi 1 na a kan lo rem mai loh avang khan Ujason-an ka pa in a rilru a thlak a inneih a phal leh lo amaw a tia a zan 2 na ah khan a lo kal ve kha a nia





"Palai ka ni ve lo ka nupui tur ka rawn rim" A ti hmiah a, a rem a hma hoh in min nupui hual cheih ringawt... Mahse a propose na ka lo pawm vek tawh a nupui hual chu ka ni ve deuh tho mai





Kan palai te leh ka pa te pawn an nuih tawp ...Tichuan March 12 a innei tur khan ruahmanna an siam ta kha a nia Ujasona lah chuan "a va hla ve" A lo tih sak lehnghal a.... "Inbuatsaih na hun te a ngai ve alawm" Ti a an hrilhfiah ngiall hnu ah a pawm ve chauh kha a nia... Kan nawi tlang thei a nia




Chutia thil eng eng emaw ngaihtuah a ka lo nuih ver ver lai chuan "Ufaby" Min ko tu awm tlat hian ka hria a kan ngaihthlak chian chuan "Ufaby" Na tuar aw ri tak a min koh na ka hriat chuan rang tak in ka nau te room lam chu ka pan a..





Kan monu chu chhuatah hian khum bawh chung hian a lo kun ngawt ngawt a "Ufaby a.. A hun tawh... Aaanaa" A tawng bahlah nuai a





A bulah chuan va tlan vat in ka va dawm a "engtia tih tur nge engtin nge ka tih dawn" Ka phi ve leh chengg tawh... Ka chi ai hma thei lutuk hi chu a huatthla la awm ngawt mai...




"Rem.. Remmawia" Thei leh theilo a a rawn tih leh chuan hre chhuak thut in ka nau chu ka phone a... A lo haw mek chu ni in a hnu reilo te ah chuan in a lo thleng a Ujasona pawh... Ti chuan Ujasona car in Damdawiin lam kan pan ta a...




Kawng lak ah te chuan na a tih hmel si a ka khawngaih takzet a ni... A thlan fim rawn tla te chu ka lo hruk sak leh ringawt thin.... Tih ber tur pawh ka hre ve lo





Kan thlen hnu chuan an lo bawisawm vat a... Nau neihna ward ah an nawr lut ta nghal a... Pawn lam ah chuan kan lo awm thap a.... A rawn te leh that thin ah chuan ka lo phu zawk zel a... Ujasona kut ka hmer ngawt ngawt...





"Tiang chuan a nat hmel eemai ka duh ve lo adopt mai ka duh zawk ang" Tih pah in Ujasona chu ka han en a min lo melh run mai "a ngaihtuah pawh ngaihtuah suh" A lo ti nghut... Inthlahrung deuh in hnuai lam ka bih leh zal zal...





A hnu ah chuan naute tap ri kan hre ta a kan thaw huai mai.... An lo nawr chhuak a a chau lutuk hmel ka hmuh chusn ka khawngaih kher mai... Ka nau chuan panhnai in a chalah an fawh sak deuh ngei.... A ni pawh chuan thei leh theilo hian a lo nuih let ve a...





Kan nau te chuan fanu hmeltha deuh hi an nei a... Ka pa chuan a pawm a hmangaih tih hriat hliah hliah hian a melh reng a.... "I pi khan hmu ve hman che se la awww a va han hlim ve dawn tak em" Hnuk ulh teuh chung hian a ti a.... Keini pawn mittui kan lo dang thei biklo





"Pathian in a malsawmna in min vur a ro hlu tak min pe che a kan chhungkaw tan a malsawmna lo ni zel tur in leh kan chhungkaw tan a mi hlu tak i nih avang in Malsawmhlui kan ti ang che" Tih pah in a biang ah chuan a fawh zauh a....





Keini pawn a hming chu nalh kan ti tlang khawp mai....


___________________________



Thian ka kawm ngailoh em avang in thian ti a sawi tur ka neilo a mo thian ah pawh han hman mai tur ka hre lo a mahse Kenneth-i a lo awm remchang hlauh a a ni chu ka hmang dawn a ni..





Chuan vawiin hian mo kawr en kan tum a Ujason-an "keini pawh kan coat thui tir kan lam dawn" A tih avang in min zui ve a....





Mo kawr ka ha chhin vel chu a lo sawisel zel a... "A awm a lang thui, ka duh aiin a puk lo, ban nei a thing , a ti lang thau" tih te ang reng a la tam mai... A lo sawisel char char a tawp a tawp ah chuan a duh zawng kan hmu ve hram alawm lalfanu ang mai a min chei a tum emawni tiara min khum tir te chu a la tum zui ah..




Mahse pawi ka ti lo kan tan a ni pawimawh tak tur a ni a.. A lawm zawng a awm zel mai chu thil tha ber a ni.... Ka pasal ni mai tur a ni a.... "Min hmangaih alawm" Tih vang leh.... Min dawhtheih em avang a zuam mai lo in kan pasal te an nihna ang in zah thiam ila hmeichhia chu kan lang mawi a ni mai





"Lo va haw ru Faby-i hi hruai duhna ka nei" A tih chuan nui put put chung hian kan thian te pahnih chuan min kalsan ta a... "Khawnge min hruai dawn!?" Ka tih chuan "Ho te ah" A lo ti mai a ka zawt chhunzawm duh lem lo





Kan thlen chuan motor atang in ka chhuk a kan awmna lai vel ka hmuh chuan "hei hi eng hmun nge ni ngai... Ho i ti maw? A ho hlawllo aww a nalh lutuk" Ka deuh hliai a





Cherry Blossom kung hi a in phun phei a a lai ah chuan kal na tur kawng a awm bawk... Phul ah chuan a par te chu a tla deuh niai a.... Kawng ah chuan ka kal phei zel a Ujason-an ka hnungah min lo zui ve zel bawk





Chutah kawng in a thlen theih chin ka thleng chu nichin ai a ring zawk mah khan ka au leh vak..... Phur em em hian Ujasona lam chu ka va haw a... A lo kal phei ve mek chu ka va kuah thlawp... "A mawi lutuk" Ka tih chuan "mawi i ti dawn tih ka hria alawm" Tiin ka sam chu a chul heuh heuh a....





"I duh em?" A tih chuan ka en chho haw a "he hmun hi i duh em?" A lo ti nawn leh "duh lutuk ringawt... Helai hmun ah hian cheng thei ila ka ti" Ka tih chuan a lo nui suk a "I ta a ni e" A raen tih chuan mak ti deuh in ka en a





"Eng nge i sawi awmzia?" Ka tih chuan
"He hmun hi khang kum 4 chhung zawng khan ka lo buaipui char char lawm.... I kal tak hnu khan hei lai hmunah hian ka kal a.... Tichuan ka ngaihtuah na ah hetia siam hi ka rilruk ta a a hmun hi lei in ka siam ta alawm" A tih chuan hlim tak in ka lo nui vur vur..





"Tah hian honeymoon hman i duh em?" A tih leh chuan ka lo bu nghat nghat... "I duh ang zel chuan le piber i duhthusam tih hlawhtlin loh hi alawm kan hlauh" A ti deuh duah a a awm ah ka chum taih...





"Eiahh a na lutuk" Tih pah in a tku der vel a... "A na lo tih ka hre ve reng" Tih pah in a bulah chuan ka zuk thu a.... Pangpar rawng chi hrang hrang a par te chu ka en reng a





"Ujason pangpar te nen hian mihring te hi kan in anna i hria em" Ka tih chuan "eng nge ni han sawi la" a lo ti a..... "Pangpar te chu an lo to a lo thang lian in a kuh mum a par mawi tak in a chhuah thin.... A rei a a lo vuai a a lo chaui leh mai thin.... Chutiang chiah chu mihring te hi kan ni" Ka han ti a....






Ka sawi lai chuan ka maimichhing tlat a..mahse min en reng a ni tih ka hre thei... Thawk la vang vang in a hnu ah "Pangpar hmangaihtu chuan dimdawi takin a enkawl a par mawi tak a chhuah theih nan a chawm thin...






Pangpar ngaina a duh ringawt tu chuan a thliak a a duh loh hun in a paih leh mai thin" Ti a meng chhuak in a lam chu ka hawi a min lo en ve reng





"Chu i in sawi khalh deuh em ni kan inneih hma in ka khawih ang che tih i hlau ni maw"... "Chupawh a nilo hmangaihna leh duhna ka lo tehkhin ve mai mai a nih chu la kawi suh" Ka lo ti a... A thinrim ang tih ka hlau tak zet... Hlauthawng tak chuan ka en reng a..





A hmel chu a tak run a,,, a hnu ah chuan rawn nui chhuak hawk in "i hmel kha a khawngaihthlak lutukk" A rawn ti a a nui leh hawk hawk.... A thinrim ang tih ka hlauh em avang khan ka lo tang tung a..... Hreawm khawp in...





Tunah lah a rawn nui chhuak hawk a... Min tih hlauhthawn zia ka ngaihtuah a ka mittui a rawn hnam tiam tiam.. "Hey hey tap suhh ka fiam che nih kha ka thinrim lo" A tih pawh chuan lehlam hawi san daih in "i sual si" Kan han ti kual vel a..





A nin min thlem lungawi a tum char char.... Tih tauh hi a lo nawm reuh hi... A khat tawk a tih tauh deuh reng chi a nih hi min thlem reng dawn chuan a nuam emmai...





Rei ngial min thlem hnu chuan a tlai tawh bawk nen kan lungawi ve ta hram a... Tiachuan kan haw ta a


__________________________



Ka kut a test kit chu mit khap lek lo in ka en reng.... Chutah thawk leh khatah ka te chhuak thawt.... Kawngkhar chu rawn beng dawt dawt in "Faby Faby eng nge thleng lo hawng teh Faby" Hlauhthawn hmel tak hian Ujasona chuan a rawn ti a..





Muang chang in kawngkhar chu ka hawng a Ujasona chuan hlauhthawn hmel tak hian min lo melh chhuk run a "eng nge thleng? Tinge i te vak?" A lo ti nghal zung zung





Ka kut a test kit chu lek kang in ka hmuh tir a a mit ah chuan en chho ha in "Pa i ni dawn" Ka ti sep a... "Aww a lo ni maw" Tiin khum lam a pan leh mai a





Hrilh hai deuh a ka en lai chuan rang deuh a min rawn pan leh in "maw engmaw i sawi kha pa ka ni dawn maw... I ti tak tak em?" Tiin test kit te chu a rawn en tha leh....




A hnu a a rawn hawi chhuah leh chuan a mittui a lo parawl kuang a.. "Hey tinge i tah a?" Tiin a mit chu ka tuai sak a biangah ka dawm leh ka kut chu lo vawn hnan in "ka lawm em a ni" A ti a ka kut chu a fawp zauh





Chutah min pawm kang thut in min vir pui a "ka hlom lutuk pa ka ni dawn vawiin a ka hlimna hi lei chhawn leh min dil pawh ni se ka phallo ang" Tiin min vir pui chiam chiam






A hmu chuan tawl chawt in zawi muang hian min dah thla a... "Awi sorry pawi lutuk ka vir pui tawhlo ang che i lual te a chhuak em?" Tih pah in ka dul zawnah chuan a a lu dah in a thu hniam a...






"Heyyy baby apa ka nia hrisel deuh in lo thang lian la anu tan pai nuamlo in awm loh tur aw... I lo pian hma chu ka naute a la ni a nia mahse.. " Tiin ka hriat phak loh tur hian ka dul zawnah chuan a phun mawlh mawlh a





"Awle deal?" Tih pah in ka pum chu na lo te in a beng thek.... "Anu pum chhung chu a nuam em?" Tiin a be zawm leh zat "Eng nge i sawi a?" Ka tih chuan "Pa leh fa inkar thuruk"

"Hmm a pian hma hoh in min thlim dawn amaw" Tih pah in inhnuai ah ka chhukthla daih....





Pu Blissa ka pa ti tawh mai ang... Leh Sangsangi hi sitting roomah hian an lo thu dun a an bul ka zuk thlen chuan ka zuk hrilh ve vat a an lo lawm ngangg mai Sangsangi phei chuan a hming phuah an tum nghal ringawt a..




Ka pa lah in "tiang chu paber phuah tur" A lo tih sak ve bawk.... A tu lo piang tur chu a lawm ve hlee a ni.... A hnu ah chuan kan pa chu a thuam famkim nen phone hmang chung in a rawn chhukthla ve a...





Ka han hawi chhoh chuan mit min siai suk chung hian a phone chu be leh mawlh mawlh a... A nui leh hak thin... Min en reng lai chuan hawi tau hmak in Kitchen lamah ka phei ta daih a....





Ka chhang ei tur ka zei mawlh mawlh lai chuan ka hnung atang hian min rawn kuah a "ka nupui duhtak hi a titau em ni a?" A rawn tih chuan ka chhang duhlo.... Ka rai no vang hi nge ni tunlai chu ka kawi thei riau.... Tihtau na tur ka hre thei....





Zing min thawh san vang mai mai ten ka ti tau a.... Tlai ah dar 5:00 pm chiah chiah a a lo haw loh te hian ka lo be duhlo thin.... A tir pawh khan a ni pawn a hrethiam lo lutuk a.... Keipawn... Mahse tunah chuan ka rai no vang tih ka hrethiam




"Nichin a ka pum i hrilhruk kha min hrilh ve rawh" Ti tau tawngkam tak chuan ka han ti a "pa leh fa inkar ka tih khaa lo kal rawh ka thianpa ka be vek tawh va inentir nghal ang damdawi te a lo chawh che nga" A tih chuan





"Ka kal duhlo min hrilh phawt rawh" Ka lo ti leh min hrilh lo in kal ang a ti tlat a... Kei lah in a sawi hma chu chet sawn ka tumlo....





"A nih,,,,, naute bulah khan i nu tan hian pai nuamlo in awm lo a ka naute a la nia mahse i lo pian hunah chuan ka duat ber che nga ka naute i ni tawh dawn alawm ka ti" A tih chuan ka lo melh ram ram..





"I pum chhung ami thik suh lo kal rawh le"

"Chaw pawh kan la ei loh hi"

"Appointment ka siam vek tawh kal zawh ah kan ei dawn nia i duh duh"


"Yes mashroom soup aw" Tih pah in room lam ka pan a.... "Mahsroom soup berkher maw a dang i duhlo ami" Tih niah niah pah in ka hnung ah min rawn zui a....





Ka insiam zawh hnu chuan kan kal ta a.... Kan Remruattluanga an over leh mai mai khawp a... Muang chang in a tlan a... Thli pawh a thaw thamlo.... Speed braker awm lai ah te chuan a sawh na ang tih hlau in dim thei ang berr in a ti leh.... Damdawiin kan thleng har teh asin aww





"Thianpa kan lo chhuak i tihna rei tawh nen" Lo ti tu chu Remruattluangan ka thianpa a tih chu a ni ngei ang.... Remruattluanga chuan chuang ta mai lo chuan min lo en a melh ram ram in office chhungah chuan ka luh san ta daih.....





Ka pa in a lo phone a an lo hre tawh a nih hmel kan inbe zel a.. Mipa pahnih te chuan min lo en reng....a hnu ah chuan ka dah ve ta a... An lo thaw huai..





"Khatin thaw huai su doctor thianpa min check vat la haw ka duh ka ril atam Remruattluangan kawng lakah min thang pui rei leh dawn si chhun lai ah pawh in kan thleng hmanlo ang hmangmawh teh" Ka lo ti a a ni pawh a nui tawp





Ujasona chuan min duat em em a.....A hotel ban in thei leh eitur hrisel tak tak a rawn hawn thin a... Zan lai ah ka zun a chhuah in thawh phan awm miahlo in min thawh pui thin.... "Ka nau pai pawh a la lang lo a buaipui ka la ngai hleinem" Ka tih lah in "ka tih ve tur a ni hi" A ti tlat thin....



8 MONTHS LATER


In checkup tur in Ujasona thianpa Clinic ah kan kal leh a "naute a hrisel tha a thla leh lawk hi i nau neih ni tawh tho mahse la in dim viau tho rawh aw damdawi te kha ei tha la" A tih chuan ka lo bu nghauh nghauh...





Kan haw lam chuan Damdawiin kawtah hmeichhe pakhat hi a lo ding a.... A lan dan ah chuan kan lam a lo hawi a nih hmel hle mai.... A nui sen sen a





"Hi Jason i dam thin maw" Tiin a kut chu a lo phar chhuak a... Ujasona pawh chuan a lo chibai ve mai.... "Oh!! Hei tunge ni a?" Ti a min melh ralh chung a a tih chuan ka lo ei lo hle...





A hmel ah khian min nel vaklo tih ka hria....a la nui ang sawng zui ah...a kareh a thler daih ang tih a hlauhawm...Hmel instagram thinlung aadhaar card tak a ni





"Ka nupui Faby Zothansangi a nih hi" A ti a "a nih chuu lo in chibai ila" A tih chuan ka dul chu chul daih in "naute i ril atam maw anu pawh a ril atam a haw ang aww" Tiin ka kal san ta daih a..





"Faby" Ka hnungah chuan min lo zui a... Ka chhang duhlo ka kal ngai in ka kal reng a "Zothansang" Vin tak a a rawn tih chuan ding chawt in ka hawk let a... "Khatiang kha awmdan mawi a ni em ni chibai che a tum a engvang a kalsawn daih nge i nih" A ti phiar phiar a





Mak ti zet in ka lo en tlawk tlawk... "I awm dan chu polite lo a ti viau ang che" A ti leh chher cher a.... Tiang hian vawikhat mah min la be ngailo... Ka hming pum phei chuan min la ko ngailo hrim hrim chutah ka biang a rawn lum thla pup a...





"I duh leh nangmah khan va chibai la a ni mai alawm... Eng nge a thlavang chu i hoh viau a a amimei te chu i ven viau.... Khatiang hmeichhia mitmeng verther lutuk a mitmeng te kha i chhiar thiam ve lo em ni love a rawn chhuah pawp pawp kha... I duh leh va nei rawh" Ka ti chiam chiam a





Ka darah rawn sawi nawk in "a tawk Faby a tawk" A ti vin leh tuar.... Ka tap chhuak hak "kei i nupui ah hian khanu thlavang kha i hoh amaw... Mangtha ka hua che kalbo rawh" Tih pah in ka sir a taxi rawn ding ah chuan ka lut ta daih a





Min auh zuina pawh chu hrelo der hmak in ka pa te in lam chu ka pan ta daih a.... Ka pa ten min lo hmuh chuan mak an lo ti deuh a... "Ka tei harh mai mai ka ril a tam lutuk" Tih pah in ka lut a kitchen lamah ka phei a eitur ka hmuh ang ang te chu ka ei nghal





"Engmaw i lo tih a?" Ka pa in a tih chuan "ka lo kal mai mai damdawiin a kal pah in" Ka ti leh a... "Khawnge ka makpa?" A tih leh chuan a buai thu in ka lo chhang mai... Thil a nihna kel kel a sawi ka tum hranlo..





Kha hmeichhe bulah khan engvang a awmdan mawi a awm tir min tum viau nge a nih a min hau ve ringawt pawh ka hrethiam lo.. Ka hriat zawng chu ka na a ni...





"Ka pa Faby a lo kal em?" Ujasona a ni.... Rang deuh in bang phen ah chuan ka ding a ka kun ta tlat...





"Aw awm e... Lo lut rawh... A buai a ti che si a i lo va thleng leh hma si ve" A tih chuan "nia ka hman hma leh si a" A ti a... A rawn lut ni ngei tur a ni a tawng ri pawh a hnai ta deuh..





"Choka ah khan a awm kha" A tih chuan ka awmna lam a rawn pan tih hriat tak in a rawn pen ri khoh khoh a...





"Haw ang le" Ka hawi chhuak zawk a a hmel ka hmuh chian em avang chuan ka kun leh daih a nui ri suk... "Lo kal rawh le ka naute te u apa bulah hian" Tih pah in ka kutah chuan a rawn chelh a...




"Min thlah rawh Remruattluang i duh leh khanu kha va hruai haw rawh" Zawi tak chang fak si ka pa te hriat hlau tak chuan ka ti a.... "Ka duhlo nangmah ka duh" A tih chuan ka lo nui ro hak...




"Khanu bulah kha chuan lan mawi i duh khawp kha.... I nupui pawh min vin pawng pawng phah a nia" A tawp lam chu keipawh in ka hre chang chang "ka tihpalh Bawihi ka tihpalh takzet... A thleng tawh ngailo ang" Tih mawlh mawlh pah in min kuah a..





Ka tap ring ngamlo ka pa ten an hriat ka hlau si... Ka mittui erawh a luang zawih zawih.... "Bawihi tap suh le... A hreawm a nia... Aw bang rawh le a thleng tawh ngailo ang" A thu sawi chu ka ring thlap a mahse lungawi ang a lan ka la tum rihlo





A hnu ah chuan in lam pan in kan in khalh chhuak leh ta a... Chaw ei tur in minti viau mah se nidang ah kan tih tlat avang in min sawm lui lem lo.....




Chhun atang a ka pum na riai riai chu a rawn na zual zel a.... A na ta lutuk chu Ujasona dar ka va tham tawkkk..



JASON POV*



Ka dar ah min rawn tham vak avang chuan a lam ka hawi a... A awm dan chu a that loh em avang in car chu ka ti ding a.... "Tinge engtin nge i awm"

"A hun!! A hun!!" A ti vak vak mai....

"Engmaw hun?" Ka tih chuan min thamna chu tham na zual sauh in

"Mawla naute in lo chhuah a tumm"
A rawn ti vin leh tuarr



"Mmah mahse tlaleh tur a ni sia" Ka tih bah nawk nawk..



"A hun ka tih chuan a hun a ni mai... Remruattluang hmanhmawh rawh a na a nia" A au in a au a ni ber tawh... Car chu start in ka tlan chhuah pui leh nghal a... Hetiang hian Remmawia nupui a awm kha ka hmu tawh... Mahse ka buaipui thiam chuang hoh lo mai





Ka phone a lo rik chuan ka en a Sangsangi a lo ni rang tak in ka la a a sawi tur pawh nghak lo chuan "naute naute a lo chhuak dawn damdawiin ah lo kal tu" Ka ti chul a... "Awle awle" Tih pah in call a dah leh nghal





Damdawiin kan thlen chuan an nawr lut nghal a.... Remmawia nupui in nau a hrin lai a a hreh zia ka ngaihtuah chhuah te chuan ka khawngaih leh zual....




Ka thiamloh vek a ni a hreh tehreng nen... A pum chhungah naute ka kap lut kher kher a.....a nin nΓ’ zawng zawng a tuar leh a.... A rawn au leh thawt ah te chuan mangang tak hian ka lo phi ruai a....




Ka pa te chuan "awm mai mai rawh kan hmauthawng ve vek tho"an lo tih pawh chuan ka awm mai mai theilo " In nupui a nih ve loh hi" Ka ti leh thul





Thawk leh khatah a reh ta thuap a... A hnu ah chuan naute tal ngek ngek ri hi kan hre ta a.. Kan thaw huai mai....





Ka nupui an lo nawr chhuah chuan ka lo pan vat a... "A na viau em? A hreawm em?" Ka thiamloh vek a ni ka lawm e aw" Ka ti nghal mawlh mawlh..




Nurse chuan naute chu rawn pawm chhuak in "ka lawmpui a che ka pu fapa i nei e " A rawn ti a... Lawm tak in Faby chalah chuan ka zuk fawp a ka mittui a far thla koh..




Thei leh theilo hian "hey tap suh... Pa an tap ngailo ania... Papa tap duh le" A rawn ti a... Ka tah nuih hak...





Room kan hoh a kan awm za lai chuan Faby-un naute chu hnute a pe dawn a akawr a hoim chiah chu "hey hawi sawn ru" Tih pah in ka hliah ta daih a..




"I van ho mai mai tak aw" Midang ho chuan tih nuah nuah pah in min chhuahsan ta daih a.... Faby pawh chuan a lu thing nar nar pah hian "tikhan pa chu i ni ve sia mawww" A lo ti ve bawk...





A hmai zawnah chuan kun hniam in naute hnute hne chu ka en a a hmeltha tak zet....




"Ka lei rohlu te u engtik ah mah ka thlahthlam ngailo ang che u.... Khuanu chuan kan tan hun a lo ruat ah chuan min awm dun tir in fanau maltluan chawi a chhunkaw din tur in mal min sawm ta...... Hreawm tuar thin mah ila Lalpa rorel na chu dawhthei tak in nghak ila a tawp ah chuan rah tha tak a chhuah thin"





Tih pah in a hmui ah chuan ka fawp a.... Naute chu a lo tap ta mai....

'Kha i thutiam i hlen loh vang a nih kha.... "I lo pian hunah chuan nangmah chiah ka duat ang che a ka naute i ni dawn" I tih kha a la hre reng a nih kha' a tih chuan nui hak in ka fapa chu ka en a..





"Hey my boyy..... I lo la hre reng em ni.... Ni e thutiam chu thutiam a ni... Nangpawh mahni thutiam a ding nghet tlat mi lo ni ang che" Tih pah in a chal te tak te ah chuan ka fawp zauh a... A kut chuan ka kut zungtang a him ve tai bawk...




Tin darkar kal ta mai khan ka khawvel chu a kim a ni... Heini ka khawvel chu a ni tlanchhuah ka duh leh tawh loh na tur khawvel chu



🌺 π™·π™°π™±π™°π™Ίπš„π™Ίπ™° 2:3 🌺
πšπšŽπš’ πšπšŽπšžπš‘ πš–πšŠπš‘πšœπšŽ πš—πšπš‘πšŠπš” πš›πšŠπš πš‘; 𝚊 πš•πš˜ πšπš‘πš•πšŽπš— πš—πšπšŽπš’ πšπšŠπš πš— πšŠπšŸπšŠπš—πš πš’πš— 𝚊 πšπš•πšŠπš’ πšŒπš‘πšžπšŠπš—πš πš•πš˜πšŸπšŠπš—πš


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)