A lost love BY Felivkook Felivkook (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

A lost love BY Felivkook Felivkook (Completed)

Unread post by Ngaia » July 24th, 2022, 2:20 pm

onpbmjvx.jpg
He story hi lehlin a ni a,a phuahtu hi Carole Mortimer niin ,a lettu hi L.H.Varte a ni a,m&b ngaina tan chuan hmaih phal chi a nilo,a lehkhabu hi lei tur a awm tawh silo a,a thawnthu lah hi a ngaihnawm si a in tan ka rawn dah dawn a ni,ka ti leh bek2 a niang chu,chhiar tui vek ule.

A lost love

Chapter -1

Brooke chuan khumphah puan var tak chunga hmai dang lap leh cher chhe zet chu a han en chhuk a,a tawh hnuhnun ber atanga alo tlahniam hman em em mai chuan a hnuk a ti ulh teuh mai a.Nimin mai kha a ni lehnghal!Duh tak Jocelyn, huaisen taka natna duhawm loh zetin thlaruk kalta atanga a tih buai lo tuar tang tang tu chu helai damdawiin ah chuan thla ralta atang khan a hun a hmang ta in nitin mai a a tlahniam telh telh chu a ni si a

Chu hmeichhia ,a thiantha ber main chutiang tehhrep natna a tuar chu na a lo ti ve in a thin a rim it ut mai a.Phunnawi hauh lo va Jocelyn in a na a tawrh tlawk tlawklai chuan tihsak theih a neih lohzia hria in hrehawm a ti em em mai a.

Chung hmeichhe pahnihte hmelah chuan in Anna reng reng hmuh tur a awm lo va.Jocelyn chu kum sawmruk pel tawh a ni a, Brooke erawh chu kum sawmhnih pel awrh a ni thung . Hmeichhe upa zawk hmelah chuan a vanglaia a hmelthat tur zia alang reng a.A naupang zawk hmelah thung chuan incheina inbel ngailo khawpa hmelthatna alang thung .A hmui nalh zet mai chu hmui hnawih mawm a hnawih satliah mai a,a nalh pui em em tho Mai a.Hmeichhe upa zawk Sam chu kum kalta atang khan mawi takin a tuak var sisu tawh a,a naupang zawk Sam chu a buamg siauvin ngil takin a dar a vaw hnap Mai bawk a.

Ni e ,chutianga in anglo chu ni mahse tun kumthum liamta chhung khan Joycelyn chu Brooke thian tha ber leh a mamawh lai englai pawha a belh ber a ni tlat a ni.Hun an hmandun hnem em avangin nu leh fa ang maiin an in ngaina a, Jocelyn chuan pasal a nei lova,Broke nu leh pa te an boral hma si a ,nu ang maiin a en a,thiantha ber a ni bawk.

Brooke chuan Charlwood chhungkua Joycelyn -i chhungte chu a hrechiang hle a,an pahnihna an inkawp chawt chu an ngaithei vaklo tih pawh a hre bawk a.Mahse Brooke chu nula hausa ve tawk tak a ni tih a ni tih an hriat avangin Jocelyn neih chenpui tum angah chuan an ngai lemlo tih a hre bawk.Mahse an thiandun chuan Charlwood chhungkaw hotu ber Rafe leh a unaupa Patrick leh a nupui Rosemary te chuan an ngaitheilo tih an hre thova,engah nah an ngai lovin an inkawm chawt a, Charlwood Ram chhunga Joycelyn chenna in cuu a hman hun apiangin a tlawh reng reng thin . Charlwood chhungkua te chuan Brooke chu awm ve lo ang maiin an theih chen chenah an peh hel hram hram thin bawk.

Chutiang thil chu Brooke duhdan pawh a ni reng a ni,an ni ngaihsak leh ngainat nih chu a chak ngai lova,a bik takin Charlwood chhungkaw hausa Zeta an thu ber Rafe pa khirh zet mai Charlwood industries enkawltu ber ngaihven nih chu a duhlo lehzual .Lawnga sumdawng an niin an pu ber Robert Charlwood aiin sum hailuh pawh a thiam zawkin a hausak na paeh a lung nasa hle a.Brooke chuan Charlwood chhungkaw chanchin chu a hre hneh hle a,tam tak parh a hmu tawh a,mahse chu chhungkaw zingah chuan a thiannu Joycelyn bak chu ngainat anei Chuanglo.

" pangpar ho chungah khan nge i thin a ura ka chungah zawk hian le,duhtak?" Joycelyn chu khum tlang nghenga rawn in siamthat pah chuan a rawn fiam ta zauhva.Chu damdawiin chhung chu hmeichhe pindan pangngai ang maia chei a ni a,khuma hmeichhe mu ang maia mawi leh nalha chei a ni a.A mutkawrchung sen dang leh a mutkawr lace lah chu a inrem thlap bawk a.

A thiannu hmel en tur chuan a mittui chu a han khap kir sak sak a, carnation pangpar a khawi that mek lai chu a hawi san a." A eng mah mahin min ti thinur lo ve," a han ti hram hram a." Mihring nihphung ah hian ka thin a ur a ni.Engvangin nge nang kher kher Joycelyn?" Tiin a Han rum hak a." Engvangin nge keimah ka nat zawk mai loh pe,khatih hunlaia ka...''

****************

Ka lo dah chhin phawt in chhiar chak zawng nih chuan comments lamah aw,chuan story kal lai pakhat ka neih bawk avangin zantin ka thei dawn lo a, story pakhat nen kar thlakin kan tih mai a ngai hmel.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 24th, 2022, 2:20 pm

A LOST LOVE CHAPTER -2


" Chu zawhna chu keini chhan theih chi a ni hleinem", Jocelyn chuan damdiai in alo tih khalh ta a.


" Engkim mai hian tulna anei vek a,ka chunga hetiang lo thleng ta pawh hian chhan a neih ngei ka ring",tih pahin a khum tlang chu a han Beng thak thak a," Lokal la,rawn thu teh,biak che ka duh ania,"


Joycelyn damlo chaklo tak aw a sawmna ril tak lo lang avang chuan Brooke chuan khum chu apan ta thuai a,
" Thil diklo a awm em ni?" Ngaihtuah zet chuan a han ti a,
" Tunkar tira i in entir lehna te kha....?"

" Ka hriatchian sa tihfiah lehzual na mai mai anih kha," tiin Brooke kut chu duat zetin alo Beng kauh kauhva.
" Tunthla hi ka daih tawh dawn lo a ni,"

" Chutiang i sawi tur anilo!" A thiannu kut chu a hmer nghet zual sauhva." Tunah chuan thiamna a sang tawh a,enkawlna tam tak a awmin thil tam tak an ti thei tawh alawm,"

Joycelyn chuan alu lo thing mat mat in a nui sang mai a," A tir phat atang khan ka natna hi zai chi a nilo tih min hrilh alawm,bakah tunlai thiamna pung zel hian minti dam turin min umphak lo a ni.Ka pawm thiam thlap alawm duhtak .Nang pawhin pawm thiam ve la ka ti ngawt asin,"

" Ka hria alawm,"hmui khur dat dat chuan Brooke chuan alo ti a,"Nangin na tak i tawrh laia hetiang rilru lo put bik chu mahni hmasial tak ka ni e, tiraw.Mahsei tellovin engtinnge maw ka awm tak ang le?" A thiannu kur chu abiang tawh tirin a mittui chu a luang ta zawih zawih a.

Joycelyn chu a nui hram hram a,a thiannu mittui tla chu alo chulsak heuh heuhva," I awm thei em em ang",dam diai chuan a lo ti a,"Ka thurochhiah ah hian i tan engemaw tal dah ka duh a..."

"Ni lo!" Brooke chuan hlauthawng zet leh mengphawk hra chuan Joycelyn chu a en hau mai a," Engmah ka duh lo va,engmah mamawh ka neilo,i hria alawm.Rafe leh i chhungte....min ngaina lo zual sauh dawn asin,"

" He thil hi nangmah chauh vanga ti tur ka ni lo,"
Hmeichhe upa zawk chuan amit ah tak en chung chuan alo ti ta a," He thil hian nangmah leh keimah bak huam tel a nei tlat a ni,chuvang chu ania an duh aia thuia thil ka tih tir phal ni," thawk ahan la vang vang a," Rafe hi pa tawhkhirh zet ngaihdamna nei hauhlo a ni a,kawng dang a awmlo a ni.Mahse pawisa erawh chu pakhatmah ka hnutchhiah dawn lo che,Brooke i mamawh lo tih kan hre ve ve bawk alawm," ahan ti ro halh a." I sawi angin he chhungkua hian an ngaina lo hle si che a,"

Brooke chuan makti zetin alo en reng mai a," Pawisa anih siloh chuan ,engthil nge ni ta.....?"

" I la hre thuai dawn alawm,"Jocelyn chu alo nui tat tat a," He thil hi ka tih hma in ka in ngaihtuah nasa hle tih hre bawk ang che,a chhan chu ka ngaihtuah Chiang hle a ka tih ani tlat a ni,"

" Chu thil chu enge a nih hria ila chuan ka awm anuam huai ngei ang le," Brooke chuan alo ti halh halh a.

" Reilote ah inhre vek nai dawn alawm," Joycelyn chuan alo ti sar sar a," Ahun takah ka dan hremi in arawn hriattir mai dawn che ni,"

" I thih hnu ah," Brooke chuan alo ti ram hmak a.

" Ngawi teh ,duhtak tupawh hi kan la kal vek dawn alawm," Joycelyn chu a nui sang a," Nun nuam takin ka nung a,ka hlim hle bawk.Tunah chuan nun hlimna tlemte siamsak ve che ka duh Mai chauh a ni....."


" I thihna chuan chutiang hlimna chu min pe hauh lovang !" Brooke chu a tap a ni ber mai a.


" Tumah hian ka ni thih hi kan duhlo asin,Miss Adamson," aw hriam hraih leh ril zet chiah a rawn ti ta hrawk mai a,"Tumah hian thi se kan tilo vek tih ka Chiang alawm,"

Chu aw ri fiak thak avang chuan Brooke chu a tho zawk hial a,a mittui sulhnu chu a nuai fai thuai thuai a,pindan chhunga lo lut chu tunge anih a hre tlat a ni Rafe Charlwood, Charlwood chhungkaw hotupa chu .Kum sawmthum pakua a ni tawh a,asam dum hlap chu a bek velah a tuak pheuh pheuh va,a hmeltha chang zet chu lung atanga ker ang mai a niin a mitmeng chu a tlang hrak mai a.A hnar ngul asang vah a,a khaberuh invuah nghet charh leh a biangki sang tak te a hmui chip hmak mai te chu hmuhnawm a tling a ni.A taksa chu a lianin asang tharh a,a chevel reng reng chu a zei thlurhin abawp sei zet chuan a zo hle bawk.Amah en loh pawhin chung zawng zawng chu Brooke chuan a hre vek bawk ,chupa en ringawt pawh chu a hua a ni,anun hluia a lo tih nat tawh em avang khan a haw hluah hluah a.Hepa luhlulna ,a intih thu lutuk na te khan amah kha ati khawlo zo ta a ni.

A vahpa lam a hawi hma chuan Joycelyn chuan Brooke chu a han melh zauhva," Sawi i duhlo a ni maithei ,Rafe," damdiai hian a han ti a," Mahse ,a lo thleng dawn miau si a ni.Hetah hian enge i rawn tih ve dawn le?Kar reilote Italy ah i zinbo dawn emaw ka ti a," a han ti zui a.

Rafe chuan a dar asan zohva,a ni biangah chuan ahan fawp zauhva .A thawmhnaw inbel chu a inhmeh in a nakh thlurh mai a," Ka hna ka zo hma deuhva,rawn tlawh che ka rilruk deuh reng alawm",A mitmeng vawt zet chuan Brooke chu ahan melh leh a," Miss Adamson hi helaia a lo awm hi ka ringlo asin ",

Chu thu chu Brooke chuan hrilh nawn ngai a intilo,Helaiah hian an intawng palh a ni ve mai a,ani hian a ngaihtheihloh zia a tih lan avang hian a unaupa Patrick leh a nupui pawhin an lawm lo reng a ni.


"Brooke hian chawhnu lam apiangin min rawn tlawh ziah alawm," a ni chuan titi chawrh satliah zetin arawn tichhuak ta a,a vahpa leh a thiannu inkara boruak nuamlo awm tlat chu a hre Chiang hle a,mahse a ngawihsan mai mai in a haider lui tlat thin .Raffe chu pa rilru nghet bur nei mi a ni a, Brooke hi a ngaina lovin a ringlo laklawh mai mai a ni,a rilru chu sawhsawn tir pawh a tum Chuang lo.

Brooke pawhin angaina lovin a ring bik Chuang lo bawk....chu aimaha la thalo zawk chu,a hlau tlat bawk a ni,a nunrawnna chuan a chetdan a tih danglam ngailoh avangin hnaih theih a ni Chuang lova,amah hnaihtu ber ber anau Patrick leh Rosemary te nupa pawhin an zah em em a ni.Rafe an asawi apiang leh a tih apiang chuvpawm ani hmiah thin.Joycelyn pawhin a vahpa chu an chhungkaw khaiding tu ah pawm thlapin an sumdawnna chu fing tak leh fimkhur takin a enkawl tih hria in ,alo hnial buai ngai hauh lo bawk.

Brooke chuan chupa in inti lal Zeta chu chhungkua a enkawl vel chu alo ngai thei lovin a hrethiam lo hle thin a,chupa chu a theih chen chen pehhel a tum hram hram thin bawk.Vanduaithlak takin Joycelyn sawi ang chuan,chulai hmun ah chuan a lo lam ve beisei ani tlat lovin an intawng chu a ni ta si a.Hre lawk se zawng a kal hauh lovang le.Mahse ,an intawn tak si ah chuan huaisen taka a hmachhawn angai ve dawn ta a ni...chuan,chhuanlam dang siamin a kalchhuak thuai ang a.


" Tak tak maw?" A mitmeng tle ra chuan khum en pelin Brooke chu ngun zet chuan a en ran mai a.


Brooke chu inherin chupa chu a han hmachhawn a,a en let ve ta ran a,ngei hmel Zeta a hmui alo ner sawk pawh Chuan a zam duh bik hauh lova,incho zet chuan an in melh tawn ran mau a.Jocelyn dam raih chu rawn inrawlh lo phei Sela chuan a tu zawk nge mit lasawn hmasa ang tih pawh hriat a ni lo.


" Midang ho an tha amaw?" A rawn ti zang ta vah a.

Rafe chuan khuma a ni mu chu a taksa sang zet Kun chuan ahan melh chhuk a,a sam dum hlap ,chhah zet chu nalh taka meh a ni a...amah ang maia manto hmel a ni.Brooke chuan alo ti rilru a," Patrick leh Rosemary ten tukin ah an rawn kan lo che em ni?" Alo ti leh thuai a.

Joycelyn chu alo sen ap ap mai a," An ni nupa ringawt te chu chhungkua zawng zawng an ni hleinem",alo ti nawi nak a.


Rafe hmel chu a rih teuhva," Robert chungchang min zawt duh anih te chuan,engvanginnge i sawi tlang mai loh?"

A ni a chhan dan vel chu Brooke chuan alo haw em em mai a.

Mahse Jocelyn chu alo chhan thei lovang.Chu hmeichhia chuan pasal nei lovin a kum sawmruk paruk na ala pel lo va,mahse Charlwood mipa ho,a bikin Rafe chuvtan tlatin midang tana zahawm lohvin a siam ngai tlat lo," Zawh kher che ka tan atul hleinem,Rafe ," a lo ti let ve ta hlar mai aa," Ani chauh hi tu chhawng ka neih chhun ani alawm,"

" Ani reng dawn bawk a ang hle mai," chupa chuan a lo ti let ve hluk a.

A fapa chanchin an sawichhuah ruala chupa hmel lo ruh ta thut chu Brooke chuan a lo hmu ru ran a.Lalpa leh! Robert chu kumthum mi chauh ala ni a....chutiang pa nelawm loh lutuk chu engtinnge a nel theih ang? Chupa zet chu mihring rilru pawh a pu lo ani ngei ang.


" A tha em?" Jocelyn chuan a lo ti Ram hmak a.

Rafe chu a lo thle buk a,a ni mah nise chutiang tawngkama a biak ngailoh avang chuan mak a ti hle tih a hmelah alangin a Nur nak mai a," Robert chu a tha hle a ni,"

" Italy ah chuan i hruai ve em?" ani chuan a lo ti khawng leh far a.

" Charlwood ah Nanny Perkins nen an awm alawm"

"Angai te bawkin maw," a ni chuan lungawi lo tih hriat zet chuan a lo ti let nghat mai a," he mipa naupang hi i hmu tamlo lutuk a ni,Rafe.Apa chu a mamawh....

" Chutiang thil chu tun ang huna sawi chi emni dawn le, Jocelyn," A aw chu a dam thlapin a Chiang hle bawk a, awmzia a nei hle bawk a .

Mahse Jocelyn chuan a vauna chu alo ngai thutak duh Chuang hauh lo va,kum tamtak Charlwood mipa ho tawngkam chu alo hre tawhin ab thuneihna te a lo hnial duh ngai tawh lo alawm," Brooke awm ve avang hian maw?"dawhtheilo zet chuan alo ti let HRA mai a," I fapa ngaihthah zia hi thuruk a ni hleinem,amah i neih theih nana i beih nasat tehlul nen",


Rafe chuan ngei hmel zetin Brooke chu a han melh nghek a,mahse a aw chu a thunun hnehin adam thlap thung a," Ka fapa kawl tura ka beih nasat em em bachhan chu any kha amah enkawl turin a tling tawk lo tlat a ni," Brooke lo thaw ti hraih a hriat chuan a rawn melh leh kawk a " Makti awm takin awm mah tache",

" Adamson," Ngeiawm zet chuan arawn ti chhum hmuk mai a," Kumhnih leh a chanve ralta a ka nupui nena kan inthenna khan tihlar a hlawhin tun thleng mai hian thuthar thehdarh tu ho hian anla ngaihven reng asin.Pa hausa takin an tana nupui nih tlinglo zet an tawng thin te khaikhin nan te pawh ani mahna," ten hmel zetin a hmui chu ahan ti kum phut a," kan intawn lai chuan ka nupui chu lam mi a ni a,Miss Adamson,i hria em le?"


A sawi chu a hria alawm,inneihna a zawnga chanchinbu a lang tam ber kha,nikaw chhung zet a nupui thiamlohna tilang tura rorelna hmunah leh mipui vantlang hmaa a thu thehdarh te,an naute a chan theih nana a tha leh zung a sen nasat zia te kha ahai hleinem,a nupui a then laia an naute thlaruk mi chauh chan ngei tuma a beih nasat zia kha.Khatih hunlai khan mipa naupang khan a nu hmingchhiat nasat zia leh a thih zui tak mai dan te kha hrethiam turin a la naupang lulai em a ni.Khatih laia ana mimal nun hepa hian a puanzar zozai te kha,kum sawm pakua leka upa ,lama eizawng nupuia a lo nei ta mai chu a tihsual Lian ber ani tih a puanzar lai te kha ala hria alawm,chu naupang nasa taka neih tuma a beih tan Chuan a rilru a seng tel hauh lovin a ngaihtuah tel hauhlo, naupang chu nau awmte ka hnutchhuah mai mai a ni leh si.

"Ballet lam leh awmzia neia lam pawla tel a ni lo va," Rafe Charlwood Chuan a lo tih zawm mar put a." Tunlai lam lama pawl pakhat Greg Davieson pawla rawn inlan ve a niin Sensuous Romance an inti a," ten hmel zet chuan ahan ti zui leh a.


" Ka la hre reng alawm," Brooke chuan a lo ti nghat nghat a.

A taksa insangmar teuh tihreh nan Rafe chuan ackut chu ahan hum ruh tang tang a,za hauhlo chuan a rawn nui ta vur vur a," chuti chu ka nupui Chuan Mr Davieson chu kan inneihna aiin a lo ngaihlu zawk tih pawh ilo hre reng anga tiraw?"


********************************


Awi a sei ka ti ltk ka mit a kham ûr thei a nia aw😂chuan edit hman pawh hian ka khawsa thei lo,ka nau admission buaipui in nileng in ka kal chau ve a,mahse ka theih tawpa sei ka lo dah nia.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 24th, 2022, 2:21 pm

A LOST LOVE CHAPTER -3


" Nangmah aiin i tihna aniang chu maw?" A thinurna thup tumin a hmui hnuailam chu a pet zui zauhva,chutah Rafe chuan rum fahran chuan ala rawn melh zui ta lehnghal a.In thunun harsa a tih hmel hle bawk a," A pawi ka ti hle mai,khatiang kha lo sawi lo tur ka ni asin," tih sap pahin a kut chu a en vel ta mai mai a.

" Engvanginnge i sawi lohvang ," hriam hraih hian a lo ti a," I sawi dik chiah alawm,Miss Adamson.Ka nupui chuan Greg Davieson chu kei aiin a hmu duh awm zawk a ni," a aw chu ngaihno a bei lo hle bawk a.


" Brooke hian khatiang thu kha hriat a duh ka ring hauhlo ,Rafe....,"

" Engvanginnge a duh lovang ?" Vawt raih Chuan a lo tih khalh a," Miss Adamson hi ka nupuiin mipa dang a kawp tih a hriat avanga makti em em tura pawisawilo a ni lo tih ka hre chiang a lawm,"


" Rafe....",

" A tha alawm, Jocelyn," Jocelyn hmel lo buai ta nak a han en chuan Brooke chuan a lo ti dam ta diai a," Mr Charlwood nen hian ti ti khawchang kan sawi dun mai mai alawm," Rafe lam chu ahan hawi leh a,amah pawh chu hmeichhe sang tak,feet nga leh inches riat lai a ni ve a, inches thum laia sang pheikhawk a bun chung pawhin Rafe hmel en tur chuan a la Dak chho vah thung a," i nupui nungchang chuan min ti buai phah hauhlo,Mr Charlwood,ah erawh chu,in nupa nun lo kehchhe ta chu amah vang chauh anih na avang erawh chuan mak ka ti,i hria alawm, keipawh pasal nei tawh ka nia," mitmeng fir leh vawt lutuka a kut zungbun bun lohna arawn en sak chu a lo en let ve ran mai a.Chu mitmeng avang chuan Brooke chu alo ner sawk hial a,a haw ngawih ngawih a ni," mite hian inneihna kehchhe ser tihlan nana zungbun nun reng kher a tulna ka hrelo a ni," elsen zet chuan a lo tih khum a," Thinlunga kumkhua atana pai reng atan ".

Zawhna zawt hmelpu zet chuan a lu a lo thle buk a,a hmel chang zetah chuan thil hriat belh duhna alo lang a," Pasal ilo nei ang tih ngaihna ka lo hre hauh lo va....ilo nei tawh ang tihna....,"

" Ni e,ka ni asin.Hmeichhia Chuan a pasal a then chuan a nulat lai hming a chhawm leh a thiang tlat a ni," a aw chu a vin mah mah in a inhre hial a.

" Anih leh i pasal chu ?" Rafe Charlwood Chuan meng zim sun chuan a lo ti leh a," khawnge a a awm reng reng a?"


Reilote chhung atan Brooke chu ahan Tim deuh hlek a,thawk ahan la vang vang a," I nupui ang bawk khan ,a thi tawh," chang fak chuan a han ti chhuak ta a," Ni e ,a thi tawh alawm," Jocelyn lo thaw ri hrawih a hriat Chuan thinphu zawih zawih chuan a Inher ta thuai a,a hmel lodang zo ta a hmuh chuan a Kun hniam thuai a," A pawi ka ti lutuk , Jocelyn.Ka thusawi khan alo tibuai hle che anih hi," tiin pawiti zet chuan a Han rum hak a.A thiannu hmela amah hriatthiamna lo lang chu lawm taka en chungin a lainat em em bawk a." A chauh hmel riau mai," tiin Jocelyn kut chu a chul hauh hauhva ." Chawl hahdam tawh rawh,ka kalsan tawh rih ang che,"

" I rualin ka kal ve nghal ange," Rafe Charlwood Chuan a taksa Lian zet chu ahan zi mar a.

Brooke chuan ngei hmel zetin alo melh nghek a, Jocelyn bianga a fawh zawh chuan a bag ken chu la turin a pan ta nghal a.A pian nalh thlarh chu thawmhnaw fakna lama inhmang ho ang maia nalh leh inphut mawi a ni a,silk puan Duma thui leh thawmhnaw var lam a inbel chuan a ti lang nalh lehzual in a che reng reng chu a zei thlarh mai a," I ni nen hian chhungkaw thu bik te pawh sawidun tur inneih ngei ka ring a ni," tiin awmze nei vaklo chuan ahan nuih sak a," Naktuk ah ka rawn hmu leh ang che Jocelyn," aw ngaihnobei zet chuan ahan ti zui zat a.


" I hun awl zawng zawng pitar bula hman angai hleinem ," fiamthu titak Chuan a lo ti bak let hlar a," Ni khat te chu lo kallo mahla apawi ka ti miahlo ania,"

" Mahse ,keiin ka ti alawm," Brooke chuan alo ti dam diai a," Keima hun ania,ka thu alawm , Jocelyn,nang rawn tlawh che aia minti hlim an awm Chuang hleinem,Engemaw rawn ken sak i duh angem?"


" Agatha Christie bu em niang?" Jocelyn chuan alo ti let hauhva," Thawnthu maksak deuh hi ka lawm riau ania,"

Brooke chu alo nui hawk hawk a," ila chhiar loh rawn zawn sak che ka lo tum dawn nia",tiin khum sira dawhkan chunga lehkhabu intiang urh chu ahan melh dan dan a.Rafe Charlwood an ngawi renga alo en chu a hrelo der tlat bawk a," Nangma lehkhabu pindan bik ila nei thuai dawn e," tiin ahan fiam zui zauhva.


***********


Awi zanin chu k thei thlawt lo😢zan dang ah thui tawkin aw, comments te kha inthlahrung lo Ula,rawn comments pawp2 ru😂


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 24th, 2022, 2:21 pm

A LOST LOVE CHAPTER -4

Jocelyn chuan a awmdan chu a lo hrethiamin alo nuih var var a," Ka chungah hian iva tha lutuk tak...,"

" I ohu tawk aiin ala tlem daih zawk alawm," tiin lawm tak zet hian ahan melh a,Rafe a ngawirenga thinur in up let ut chu ahre ru ran bawk a,insum har alo ti hle tawh ang chu," Naktuk tun ang hunah bawk hian aw ,a tha em?" Ahan ti zang vah a.

" Tha lutuk ," a thiannu chu alo nui var var a.

" Mr, Charlwood," Brooke chuan satliah zet chuan ahan buk khum zauhva,a mitmeng lo de zawk zawk ah chuan chutiang thil chu atawng ngailo tih a hriat reng bawk a.Awle,ani duh dan mai mai alo ngaih pawimawh sak chu a tih tur a nilo Chiang alawm.Helai pindan chhunga a mi ngaih pawimawh chu Joycelyn chauh chu a ni,a ninchian a nun hluiah leh tun thlengin ala tanpui reng a ni si a,chuvang chuah chuan a ni,a thinurna pawh thunun theia ala awm hram hram zawk ni,nilo Sela chuan...

Chulai pindan a chhuahsan rual chuan a thaw huai huai mai a,ni eng pana a kal zawng chuan a pheikhawk ke artui ri chu a ri khauh khauhva.Thilmak tak a ni,Rafe Charlwood bula a awm lai khan August thla,nilum nawm vanglai a ni tih reng reng alo hre changlo a lo ni.Chulai damdawiin chu mimal ta a ni a,a hmun a mawiin thing leh pangpar a vul chuk mai a, pangpar chi hrang hrang te thlir pah chuan thawk ahan la vang vang a,thingkung vela sava hram chiah chiah te chu a ngaithla vang vang a.

" Minlo nghak ani maw?" A aw hriat than zet chuan arawn ti ta thutin elsenna hlirin a khat tlat bawk a.

A ni tehlul chu alo nghak hauhlo," Nghak hauhlo mai,Mr Charlwood," chang faka tih pah chuan ahan Inher nghal a.A hmel landan ni ênga a Han hmuh chian meuh chuan athin a Phu ta zaih zaih mai a A hmai hang rat ah chuan Italy ah chauh hun a hmanglo Ani ngei ang

A dinna lam pan chuan alo kal ve ta leh nghal a,a che reng reng chu a zei thlurh mai a,a inthuam na chu Ani duhtak hmuh atana zahawm mah mah bawk.A pan hnai chu alo duhlo tih a hria a ni ngei ang," Airport atangin ka lo kal tlang a," nuihsawh hmel zet chuan arawn ti a.

" Pa buai tak i nih chu!" Tih pahin a car dahna lam pan chuan akal tan ta nghal a,a Porsche Car sira Rolls-Royce car dum chu a hmu nghal bawk a.

" Nang pawh," a aw chu a tluang put a." Thian damlo damdawiin a i kan loh laiin enge i tih ve thin le?"

A bag ken chu a hmer nghet zual sauhva ," Engmah," bung zet chuan alo ti hmak a." Mahse keini ang mihring hian nangni thil tih ang kan hai vang ni lovin an tih ang tih ve kher kan tum lo,". Cho zet chuan ahan melh zui a.

Alo chhan dan avanga makti hmelpu deuh tak chuan alo em a." Min ngainalo ti raw,a ni em?" Satliah zet hian arawn ti a.

A car a thlen chuan thawven vang thawk huai huai a duh hial a.A car kawngkhar chu hawngin rang zet leh zei fahran chuan a tawlh lut ta nghal a," Ngaihdan dilo i pu a nih chu,Mr Charlwood," tih pahin a car kawngkhar chu a khar nghalin a tukverh hawnna chu a han hmet nghal a,Rafe chu a han en leh a," Nangmah hi alawm min ngainalo tu chu,"

Ama car bang ngheng chuan alo ding awn duai a,chulai car dahna hmuna car ding khat thup chu hmu awm pawhin a lang lo va," Ka hre ngai tlat lo cheba ni,"a hmui chu a kum zohva," i mi hriat ngailoh chu i ngainat loh ringawt theih pawh a ni hleinem ",

Brooke chuan asam chu hnunglamah ahan Hui kiang lawp a," Chuti chu i chet hmangah alang tihna anih chu," aw thlum zet leh ngeiawm tak si chuan ahan ti hlek a,a car khawl chu tinungin alak atanga tawlh bo thuai thuai duh chuan ahan tawlh hnung hrat a.

Pen hnih lek rawn penin arawn nang ching chu a ni leh ta mai a,a kut chuan car tukverh chu rawn vuanin tawlh hnun leh ngaihna awm lovin arawn dang bet ta hmiah a." Alo ni mahna le," bung nghut chuan a rawn ti a."Engemaw kan tih angai pawh Ani mai thei e.Zanin hian zanriah min kilpui duh angem?"

A thu hriat ringhlel zet chuan alo meng zau kawk kawk mai a.Hepa hi a ringlo,ringlo turin chhan a nei tha tawk bawk.A hmui a chip nghal hmak mai a," engvangin nge i haw a I fapa bula i awm Mai loh vang,Mr.Charlwood? Sni pawh chu Ila hrechiang biklo a ang hle mai!" Ten hmel zet leh kha zet chuan a ti chhuak ta bawih bawih mai a.A car rah tlanna chu rapin car a hnaih leh hnaihloh pawh ngaihtuah zui lo chuan atlan chhuak ta nghal a,car darthlalang atanga Rafe -a hmela thinurna leh phuba lak duhna lang chu a thil hmuh hnuhnung chauh chu a ni ta.

A fapa chanchin a sawichhuah sak kher kher kha chu thil atthlak tak chu a ni ngei mai ,pa nunrawng leh kawlhsen tak laka sawi ah chuan thil tullo tak a ni.Mahse mipa a zawnga ahnaih duhloh ber a ni tlat si a ni, mipa a huat em em leh a hlauh em em ,a thinlung chhunga huatna leh hlauhna a pehhel hram hram a ni tlat si a.

Joycelyn chu a ni telin a tlahniam telh telh zel a,a taksa chakna te chu a hloh tial tial in a nunhlui a hriatchhuahna te chu a zual zel bawk a,chung hun laia a thil tawn te chu ala hrechiang in hun rei tak liam tawh thil thleng leh a vanglaia a thil tih loh a inchhirna thlengin Brooke chu a hrilh keuh keuh thin a.

Naupang a nih laia Charlwood inpuia Joycelyn -in a chettlat vel dan a hrilh te chu ngaihnawm ti takin Ali ngaithla thin a,chulaia intihhlimna ropui an buatsaih thin dan te,inchhawng chungsang atanga thlir ve chauh an phalsak hunlai te a hrilhin Brooke chuan ngaihnawm ti takin alo ngaithla thin a.

" Charlwood a seilen chu anuam teh asin," Joycelyn chu chau zet hian lukham ah chuan alu ahan nghat a,a chau hma tak zet tawh a ni.A hmelah chuan buaina alo lang a," Robert hian keini ang khan hlimna hi tawng ve se ka ti a ni," ahan thaw huai a," Rafe chuan helaia min rawn hmu ve tura rawn hruai hi a duh a..."

" Hetah hian maw?" Brooke chuan alo ti halh a.

Alu alo bu nghat nghat a," Helaia rawn hruai chu thil awmlo lutuk ani tih ka lo hrilh a.Naupang kumthum mi lekin Aunt Jossy helai hmuna engmah ti thei tawh lova arawn hmu tur hi ka duhlo a ni".

Brooke chuan khum puan thui par chu a zut dalh dalh a.Rafe chu khami ni atang khan ala hmu leh hauh lo va,ani chu a tlawh hnai reng ang tih chu a hre thova.

" Naupang rilru la puitlinglo tan damdawiin a kal chu thil tullo a ni tiin ka thlem thlu thei hram a ni," lungawi zet chuan Joycelyn chuan ahan ti a.

" I thlem thlu thei amaw?"

" Thu ka pe mawle," Joycelyn chuan alo ti hak a." He naupang chungah hian a khauh lutuk alawm.A lakah beisei anei sang lutuk a,naute nai ala ni si a," Robert a ngaihtuah zawnga ahmel lo hlim sang chu alo en reng a.

Joycelyn -in mipa naupang a hmangaihzia chu ahriat alawm,kum thum mi chauh alo ni nangin a thangduang hle a,asam apa Sam anga dum hlap a niin an pianphung pawh a in ang hle nangin a mitmu chu a pawl raih thung a.Brooke chuan naupang chu Joycelyn -i chenna hmunah ahmu fo thin a, Robert chuan Joycelyn chu a tlawh fo thin tlat si a,Aunty Jossy tlawh chu nuam a tik a hlim thei hle si a.Brooke chuan mipa naupang laka Rafe mize danglam leh naupangin a endan danglam chu hrelo rih mahsela engtikni ah emaw chuan Rafe Charlwood chuan a fapa in a hmangaihna chu ala hloh ngei anga,apa hlauhna leh tihna in ala khat ve ang,a nupui a hloh chhan ang ngei khan.

" Rafe han sawipui vak hian awmzia anei tlem hle a,i hriat angin kan vai ai hian thil a ti thei zawk tlat si a ni," Brooke rilru hre ran chuan ahan ti zawk a.

Brooke chu alo Phu deuh dar dar a." Ka hria alawm, mahse chuvang Mai chuan naupang mahni inveng theilo chunga nunrawn tur ani hleinem," alo ti zuai raih a.

" Mi nunrawng ani hleinem," Joycelyn chuan alo ti dam diai a," mipa naupang chu a hmangaih hle a,a ti lang thiamlo mai mai a ni,a chaklohna lai tihlan hi Rafe hian ahlau em em mai anih hi maw? Vawikhat tihnat leh tih hrehawm in a awm tawh a,kha thil kha a thlen nawn leh a duh tawhlo a ni,"

" Ama fapa ngei lakah pawh maw? Mahni fate chunga hmangaihna lantir chu enge a pawina?Mi i hmangaih tak zet anih chuan engkim i ti anga engpawh i ti ang,a bul hnaia awm theihna anih phawt chuan," a rilru a khak na nasa tak angang chuan Brooke aw chu a khur thei hial a.

Jocelyn chun a tawrhna hriatthiam pui zetin a kut chu alo chulsak heuh heuhva," i tana atha zawnga alo thleng chhuak zo ta lo kha pawi ka ti tak zet a ni,duhtak," khawngaih tih hriat tak Chuan alo ti a." Thil a khirh khan...."

" Khawngaihin ngaihtuah han duhsuh," Brooke chuan alo ti thuai a.Ama harsatna leh tawrhna lo tihlan chu Joycelyn mamawh loh ber a ni." Ka awm thei mai ang,"

" I thei ang tih ka hria alawm",a puih theih tak loh avanga pawiti hmel tak chuan ahan thaw huai a," hmeichhe tumruh tak i ni alawm.A pawi ber chu...."

" Khawngaihin, Joycelyn sawiin awmzia a nei lo ve," Brooke chuan alo ti khawng ta far a.

" ni e.Mahse ka thurochhiah in awmzia anei alawm .I lo hnar buai tur a ni hauh lovang," Joycelyn chuan alo ti ve khauh thung a.

Brooke chu ahan thaw huai a,a thiannu tih lunghnur chu a duh hauh lo va,mahse a thurochhiah pek tur chu engmah aduh hauhlo baek.Chu thu chu Rafe Charlwood lo lan ve thut ni atang khan an la sawi dun leh ta lo reng reng a,alo lan leh thut hlauhna te anei rum rum hial a.Chutiang huna lolan thut chu a thiam zawng tak pawh Ani mahna.

" A zinbo alawm", Brooke hlauthawn hria ni awm tak chuan Joycelyn chuN aki ti thuai a.

" A kalbo leh tawh maw?" Brooke chu alo meng phar awk awk mai a.

Tun tum chu America lamah ," Joycelyn chuan alu alo bu nghat nghat a." Darkar sawmli pariat chhung thang turin ati alawm," a nui var var a." Chumi chhung ti khawtlai tu an lo awm palh anih hlauh chuan Pathian tanpuina chauh lo chuan a chhan hauh lovang! A thawh ang hian midangin thawk ve se ab tlin hauh lovang mahse Rafe ani miauva,"tiin alu a thing mat mat mai a.

" Robert chu?"

" Amah awmtu bulah ahlim tawk hle a ni,a hlim dan tur aiin a hlim zawk.Chutiang chu ani tur reng a ni,"lungngaih hmel zet chuan alo ti a.

" Rafe chuan a fapa chu aduh alawm," khauh far chuan Brooke chuan alo ti leh a.

************

Ka mut a chhuak tawh ltk ka meng thei tawh lo,hei ai thui anih leh Chuan ka mutthluk san thei takngial ang, Chuan chuan hna in nei ve a nia,fb lamah khan like leh comments ka phut vek cheu nia.Muttui vek Ula🥰


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 24th, 2022, 2:21 pm

A LOST LOVE CHAPTER -5

" Robert hringtunu chuan a enkawl theilo ni a a hriat vang a ni,tlinglo atih vang a ni," Jocelyn chuan awmze nei tak chuan alo ti leh nghat a.

" Chu chu a dik reng em ni?" Brooke chuan alo ti ngal ngal a.

" Ka ring ngailo",

" Mahse Rafe chuan aring tlat alawm",

Jocelyn chuan Adar alo ti che zauhva." Ani Chuan a nupui kha hrechiang a inti tlat alawm .Jacqui Kumhnih lai a boral tawh hnu pawh hian ,kan la hrechiang theilo anih hi.Mahse hei hi chu ka hrechiang,Rafe hian a fapa hi tu hnenah mah hloh atum lo bur ani tih hi."

" Nupui nei leh ta Sela?"

Jocelyn chhanna chu a dang daih mai a." Chutiang thil athleng ngai lovang .Ka thurochhiah chungchang kha Brooke min la chhang miahlo ania," Jocelyn chuan a ti ta et mai a.

Pehhel hram hram alo tum sawichhuah anih leh takah chuan ahan thaw huai a." Pawisa anilo chiah amaw ?" Ahan ti leh hram a.

" Ni lo," thudik sawi tih hriat zet hian alo ti fel fak a.

" Chuti chu atha Ani mai ang chu," Brooke chuan alo ti fan raih a.

" Ka lawm e ,duhtak," Jocelyn chu chau zetin a maimitchhing diar diar a." Ka kalsan hunah che chuan lo tuar lutuk reng reng Suh ang che", mutchhuak hmel zet chuan ahan toh zawm a." Thihna hi thil lungngaihthlak lutuk a nilo ania,a chang Chuan nunkawng bumboh lutuk hian min Tina zawk fo thin si a.

Brooke chuan chu nun chu a hrechiang tawh hle a ni,nun kawng bumboh lutuk leh rapthlak lutuk kha.Mutthilh siai siaia thih mai duhna te chu alo hrethiam lutuk tawh.

Mitthi vuina ah chuan mi tlemte chauh an tel a, Jocelyn duh ang ngeiin ani ngei ang,thiantha tlem te leh chhungkua bikte leh Jocelyn hnaih zualtute chauh an ni a.

Jocelyn chu hahdam takin a boral a,a muhil chu a harh leh ta lo a ni,thla rei tak chhung na tak a tuar a,hahdam taka thih chu a awm ve reng a ni.Brooke chuan zanlaiah Rafe Charlwood aw in Jocelyn thih thu a rawn hrilh chu phone ah alo dawng a,a thinlung natna rawn tihzual sak tum ang maiin dam raihin alo dawng sawng thung a.

" Engtikah nge vuina hun hman anih ang?"

" Remruatna engmah siam alo nilo," a aw chu a tluang purh a,ani kha a ngainat tehreng ,tuar awm pawhin alang hauh lova." Mahse ilo telve duh ngei ka ring a",

" Duh e," tah mai hlauvin a insum hram hram a.Ni e,a tel ngei ang, Jocelyn chu a thiantha ber a ni a,amah vuina huna telloh chu amah zahlohna leh phatsanna hual ani ang.Mahse Jocelyn awm lova Charlwood Rama han luh ringawt pawh chu ngaihtuah pawhin rapthlak a ti hle a ni.

" Jocelyn khan chhungkaw ho zingah tel ve turin a duh ngei ang che tih ka Chiang a...."

Ni lo!" A aw chu a hriam hraih mai a,a inthunun var a ngai a ni," Keimahin ka rawn in khalh thleng ve mai ang,pawi i tih loh chuan",

A chhanna avanga lungawilo takin Rafe chu a ngawi vang vang a,mahse engmah tih theih aneilo tih a inhre thova . Brooke chu hmeichhe pakhat ,mahni in enkawl zo tak a ni a,Rafe Charlwood chuan a lakah thu a nei pha ve tlat lo .Hmeichhe dang tam tak Anglo takin amah chu a beisei hauhlo bawk.



" I duhthlanna a nih chuan le," a ti zawi ta raih a." Vui inkhawm zawh hunah inpui ah ilo kal ve ngei tur a ni bawk ang,"

" Ka..."

" Kan chhungkaw dan hre mi in ako tel tlat che a ni,Miss Adamson," arawn tih khalh ta thuai a," Ka nu thurochhiah ah khan i hming a tel ve anih ka ring," ro hulh chuan arawn tih zawm a.

Thurochhiah! Lala leh,alo theihnghilh hmin der tawh asin le.Mahse Jocelyn vui zawh chuan thurochhiah chhiarchhuah na hun a awm hman lovang , Brooke tan a hrilh hai thlak dawn em mai.

" Kan chhungkaw dan a nia," a rilru hria ninawm tak chuan a rawn tih zawm thuai a.

" Ka hrethiam e," a aw chu a phur lohna nasa tak lang chuan chuvdan chu rei tak ata hman tawh loh nise ti mai hian alang a," awle ,ni e...vui hun zawh ah chuan Charlwood ah chuan ka lo kal ange.Chu zawng chu anih chuan....?" Ahan ti zawi raih a.

" Ka rawn be leh ang che," Rafe chuan a thinurna nasa Taj chu telephone Ema tihlan a duhlo Ani mahna ." Remruatna siamfel anih veleh",arawn ti ram hmak mai a.

" Ka lawm ngawt ang," rang zetin phone chu adah ta thuai a,a inthunun na hloh hman a hlau a ni.Jocelyn chu ahmu leh ngai dawn tawhlo tih a hriat na chuan a tina ngawih ngawih a,Rafe Charlwood -an tawngkam pangngai taka a vuina tura remruatna arawn sawi tur chu ....kha a thian ,a hriat tawh azawnga mi ngilnei leh mi hriatthiamna ngah ber Mai kha ,a kumkhaw chawlhna tur hmun an rel dawn chu Ani phawt mai a.

Jocelyn chu alo inrin lawk ang ngawt ai chuan angai dawn alo ni,athian neihchhun tak meuh a ni a,thian a siam ngam awmchhun a ni bawk .A hmalam hun chu tun kumthum liamta ai khan a thin lehzual ta a ni,mahse Jocelyn chu natna nasa tak lak atang khan a fihlim ta a, Brooke rilru damna awmchhun chu chu thil chauh chu a ni.

Jocelyn vui zawh anih Chuan Brooke chu a dinna ngaiah chuan ala ding reng a.Rafe Charlwood-an Alam a rawn pan lai chuan inhera tlanchhiat daih a duh ut ut mai a.Mahse a chhungril hlauhna chuan a dinna ngaiah chuan din tirin mitmeng vawt raih Chuan alo en reng ringawt mai a.Makti taka lo thlir rengru Patrick nupui Rosemary chuan Limousine car dum chhung atang chuan a pasal thu in alo nghak ringawt bawk a.Chu car chuan Charlwood inpui apan pui dawn a nu.

Rafe-an Abul alo thlen chuan Brooke chu ama car bulah alo ding ran a,a taksa ren thlap suit buang ha in a sam khuh tur lukhum buang a khum thlap bawk a.Rafe Charlwood pawh chu a inchei uluk hle bawk,a ni ,a unaupa fate pahnih enkawl seilen puitu alo zah em em thin thlah liam tur chuan a in uluk hle tur ani reng a ni.Rafe te unau chu naupang mai an nih laiin an nu in a boral san a.An ni Jocelyn chuan a enkawlin apa eizawnna chu chhunzawm turin apui nasa hle bawk a ni.Mahse a ni thihna avanga a tawrhna chu a thup thiam hle Ani ngei ang,alang ah chuan tuarlo ang mai a ni, Jocelyn thih thu arawn hrilh atang reng khan.

A mitmeng vawt raih Chuan rawn enin nalh a tih hmel hle thova....sakawr chi tha nalh ti taka thlir ang mai a ni,sakawr manto lutuk lei tura en ang maiin , thurochhiah vanga chulai hmun pan tur anih hre ranin ala rawn en lehnghal a.

" Inpui rhlenga min phurh i hreh loh hram ka beisei ?" A aw thunun zet chuan arawn ti a," kawng ka hrilh theih nan che,"

Mitmeng nelawm loh zet chuan Brooke chu alo nui ve sak a," Charlwood in kawng chu ka hria alawm,ka lawm e.Chulaiah chuan i ni bulah ka kal fo alawm," elsen zet chuan a lo ti a.

" Ka hre tehlul mai ," alu chu a bu nghat nghat a," mahse vawin ni atan chuan ka tel lova luh tlang mai chu i tan a harsat ka hlau ngawt mai,"

Jocelyn chenna in chu Charlwood inpui atanga Mel chanve vela awm a ni a,chumi pan tur Chuan gate pui luhtlang harsatna vawikhatmah ala nei ngai si lova .Gate chu ven reng ni mahse awlsam takin a pal tlang mai thin a ni si a,Rafe chu zawhna zawt hmelpu zet chuan ahan en a.

" Vawin ni atan chuan kan chhungkaw zinga pakhat tal phurtu motor lo chu luhtlang phallo tura tih a ni," ro hulh hian alo ti a, Limousine car dum chuan an dinna chu arawn tlanpel zal zal a.

" Engvanga gate saw veng reng nge in nih hi mak ka ti fo thin," inpui atanga chulai ram zau zet luhba chu control vek ani thin a,lut leh chhuak tur apiang an hrechiang thei hle a ni.

Rafe chu alo tum hmuk a," mi hausa tak kani alawm",ram hmuk chuan arawn ti a," Mi hausa chhungkaw chunga thleng thin inrukbo ang te hi a thleng thei a,a bik takin ka fapa chunga thlenglo tur hian ka inven angai a ni,"

Brooke chuan a hnial buai zui leh ta lova,car ah chuan lutin Rafe luhve natur lam chu a hawnsak ta nghal a, Limousine car zui tur Chuan an tlanchhuak ve ta nghal a," i fapa chu vawi Engemaw zat ka hmu tawh asin... Jocelyn i inah ,Tina tu tur an awm...an awm i ring Tak tak emni?"

"Aw" Rafe chuan a lo ti hrawih a," Vawin ni a invuina hun kan hman buai hunlai angvel te hi an chet duh hun tur Ani tlat a ni,"

A fapa rukbo anih theih chungchang a sawi lai pawhin atawng dam thlup mai maw,chupa chu mihring pawh a nu lovang,lalpa leh , rapthlak in!

An in chu anlo veng uluk leh zual hle mai alo ni, Electric hmanga gate pui an ventir thin pawh chu duhtawk lovin vengtu dang anlo dah belh a,inchhung luhna kawngkhar puia lo dawngsawng tu pawh chuan a lut apiang chu alo en Chik hle zel a,vengtu satliah mai chu Anni lo hle in alang.

***********

Comment leh like in pek that loh chuan kar khatah vawi 2 chauh te ka lo dah tawh ang🤣

Tak2 in in mi support that te ka mamawh ve a nia, feedback kha ka mamawh ltk a nia aw,ka mit a na 🤧muttui vek ule


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 24th, 2022, 2:21 pm

A LOST LOVE CHAPTER -6

Brooke in midang luhna pindan zau lam pana kalve mai atum lai chuan," Khalamah nilo," Rafe chuan arawn ti chhuak hrawih a, Charlwood inpui chu hmanlai insak anga sak a niin a chhung reng reng chu analh fel thlap mai a, Edwardian hunlaia an kutchhuak alang tam ber a,in chu ram tin sawmhnih hmun vela zauvin a hual chup mai baek a, Charlwood Ram hrim hrim chu tin sang Engemaw zat hmuna zau a ni a,chungah te chuan chenna in nuam tak taka sak a awm thluah bawk a.Inpui berah chuan an chhungkaw rohlu tak tak te awmin lemziak hlu zet zet te an tar thluah bawk a,tunlai in ropui tak taka awmve tawh ngailo thil hlu tamtak te awmin a bak pawisa pawh atam tawk hle tih a lang reng a ni.

" Mr Gardner chuan thurochhiah chu lehkha chhiatna pindanah neih a duh a," Rafe chuan arawn ti zui a.

Lehkhabu chhiarna pindanah chuan lehkhabu tin reng hi alo intlar thup a,chhiar sen rual a nilo, Charlwood chhungkaw ro pakhat chu ani meuh mai,dinchhuahpui tham hial a ni.

Brooke leh Rafe an luh chuan an lo ngawi thap a, dawhkan Lian leh mawi zet mahogary thinga siam phena lo thu chu Mr Garner chu a ni ngei ang.Rosemary leh Patrick leh chupa chauh an lo awm tih ahan hmuh Chuan Brooke chuan mak a ti hle mai a.An Pali chauh chu em ni rokhawmtu tur te chu? A landanah chuan a ang viau si.Rafe Charlwood chuan a kiuvah vuanin pindan pal tlangin Reginald Gardner chuvava hmelhriat tir ta nghal a.

" Miss Adamson," chupa Chuan alo ti night a." Tunah chuan kan kim ta bawk a," tiin ring zetin a aw ahan thian a," Thurochhiah chhiarchhuahna hun kan tan tawh mai anga.Thil tam tak,thil Engemaw in hnena sawifiah tur hi ka ngah hle a ni," nuamlo ti hmelpu deuh tak chuan ahan ti a.

" Kan ti khawtlai lovang che, Reginald," Rafe chuan tih pahin Brooke chu thutthleng pakhat ah chuan a thut tir ta nghal a." Ka unaupa Patrick leh a nupui Rosemary te hi chu i hriat ka ring a,"tiin Brooke thutna bulah chuan a thu ve ta nghal a.

" Hmelhriat satliah ," Rosemary chuan alo ti hlakna,a mitmeng hring nghalh ah chuan Brooke chu a ngei hle tih alang reng mai a,asam dum hlap chu a thawmhnaw dum nalh zet hak chungah Chuan a tanrual hmarh mai a.

" Ka hre lutuk alawm," Patrick chuan alo ti fiam hlut a,a mitmeng pawl raih ah chuan fiamthu duhna alo lang a,asam chu a zuah sei mah mahin a kawm nawmna chu a nupui lei hriam zet Chuan a dallo hle niin alang.

" Mr.Charlwood ,Mrs Charlwood," tiin Brooke chuan ahan chibai let ve hram a.

Ukil pa chuan a aw a han thian kharh kharh a,an tihtur chu tih thuai thuai a duh tawh tih alang reng a," Miss Charlwood kha ka thian tha tak a ni a,ka ngai hle dawn a ni,"tiin bul ahan tan ta a.

" Kan vaiin kan ngai vek dawn alawm," Tafe chuan dawhtheilo zetin alo ti hlur mai a.

" Ni e,ni e," Putar chuan a hnar sei zet chunga tarmit chu ahan vuah tha a,"He thurochhiah hi asei dawn hle a,chuvangin ka chhiarchhuak zung zung mai dawn acni,a inziah dan ang takin," a thingremte chhunga lehkha chu ahan phawrh a,an lam ahawi hma chuan uluk zetin dawhkanah chuan ahan pharh a." Rokhawmtute zawng zawng hi Helaiah hian an awm vek lo va," zam hmelpu deuh hlek hian ahan ti a," Mahse chhan neia he thil hi ti ka ni a.."

" A chhan tha tak a awm anih ngei ka beisei ," Rafe chuan alo ti nghut a.

" A dik alawm," Putar chuan nuamlo atih hmel hle mai a," Helaia awm velo hote hi chu thil tlem te te chang ho an ni a, thurochhiah dang te hi chu....mimal thil tak chhungkua bik chauhva hriat tur a ni tlat a ni,"

Rafe Charlwood -a lo insangmar ta deuh teuh chu Brooke chuan a hre thei a, Patrick nen chuan an inmelh zauhvin Patrick chuan mit zim san chuan Brooke chu arawn melh ta a.Brooke chu nuam tilo zet chuan alo sen tan tab may a...thil tisual ang maia inthiamlohna a neih tak chu mawle!

" Chuti a nih phei chuan chhiar tan nghal mai ta che," Charlwood chhungkaw hotu ber chuan alo ti ram hmuk mai a.

Reginald Gardner chuan Rafe chu zam hmel lehzual chuan ahan melh leh zoh zohva,a lehkha ken chu asam kual leh ta nuap nuap a," ka...awle,atha alawm,ka...heng thute hi Dan ang thlapa ziah anih angin a nihna takin ka chhiar chhuak zel mai dawn ania,a dik em?"

" W dik berin ka ring," Rafe chuan alo ti vawt ruih a.

Dan hremi chuan thurochhiah a chhiar lai chuan Brooke chuan a kut alo humruh tang tang a,eng thuruk tak chu chhungkaw chungah chuan hrilh tur nei ta ang maw? An hriatchhuah meuh chuan an huatna a zual sauh ngei ang le! Jocelyn chuan eng thil tak nge alo tih ang le?

Reginald Gardner -an Jocelyn sum neih zawng zawng chu an chhungkaw sumah ape let vek tih a chhiar lai chu ngaithla ran a, Jocelyn in a thutiam a hlen avang chuan alo thawveng huai a.Mahse chupa aw a timna lo lang nasa zual sauh avang chuan a awm anuam thei Chuanglo,enge chhungkaw bil chauh hriat tur bik chu ni ang le,thil Engemaw tak lo thleng tur chu an vai chuan an hria a nu, Rosemary leh Patrick hmelah chuan nghahhlelhna alo lang a,Rafe hmelah erawh chuan engmah alang lova, engpawh lo thleng se hriat inpeih at hmel a pu a.

Reginald Gardner hmel chu alo sen nasa zual sauhva, Brooke chuan a kut thlan hlap hlap chu ahre thei a.Oh, Jocelyn eng thil nge i tih le? A ti rilru mawlh mawlh mai a.

" Tunah Miss Charlwood thurochhiah hnuhnung ber kan chhiar tawh ang," Rafe chu zam hmel zet chuan ahan melh a," He thil hi in rilrem zawng a ni lovang tih chu ka hlau hle a,tin...."

" Pathian hmingin chhiar mai mai teh!"Rosemary chuan alo ti bak hlur mai a." Company a Jocelyn chanpual bak sawitur a awm tawh loh kha,"

" A chenna in nen mawle," ukil pa chuan alo ti dam diai a.

" A chenna in maw?"Rosemary chuan a chal a chuar tap mai a." Mahse chu zawng helai ramchhung ta hi ani mai alawm,ani lawm ni?"

" Ni bik love," ukil pa chuan alu a lo thing Nur Nur a." Mr Charlwood,i pa kha," tiin Mia pahnihte chu ahan melh te te a," i pa kha Jocelyn -i nuta neihchhun khan nangni unau inlo puitlin hnu a enkawl in tul tawh loh hnu khan in ni Jocelyn tan khan sawlai in leh avel huan te saw atan a dah fel sak thlap tawh a ni."

" Mahse ka ni damchhung hun atan chauh ati Ani lo maw?" Patrick chuan a vawikhatna atan arawn ti ve ta a.

Riginald Gardner chuan alu alo thin khum leh hmiah mai a," Thurochhiah ah chutiang tiamkam thil a awmlo,"

" Mahse chutiang tur chuan a ngai ngei ang," Rosemary chuan alo ti hriam hraih a.

" Chutiang a ngaihna tur engmah a awmlo . Thurochhiah kha ka ziah a niin thuziak emaw sawi buai emaw awm lovin Mr Charlwood khan ape tawp mai tih ka hrechiang a ni",

" Chhiar zawm zel phawt mai teh, Reginald," Rafe chuan arawn tichhuak ta hrawih a.A hmel chu achang rat mai a." Heng thu te hi chu nakin lamah kan la sawi dawn nia".

" Sawibuai tur a awm lo,dan ang thlapa tih a ni a,keima ziah ngei ani bawk.Ram lak hek chu a nuamlo deuh Ani mai a,chu chu a ni."

" Tichuan Miss Adamson chu alo telve dawn ta ngei chu ania," Rosemary chuan huat hmel zetin Brooke chu ahan melh leh a.

" In vaiin he thil hian a huam vek che u a ni.Tunah a hnuhnung ber ka chhiar ang,ka sawi ang khan thil dik taka tih vek a ni." Ka thian duh tak Brooke Adamson tan ka chenna in leh Aram vel zawng zawng hi ka hnutchhiah a,a damchhunga achen nen a thih hunah ram chu Charlwood Ram a ni leh..."

" Thil theih a nilo!"

" Aunt Joss chu a thluak abuai deuh Ani lo maw?"a nupui tawng chu Patrick chuan alo chhunzawm thuai a.

Mak an ti hle chu Brooke chuan mak alo ti letling zawk a,in chu Jocelyn ta anih thu sawichhuah anih khan lo rinlawk ve mai awm tak ,Rafe chuan alo ring lawk a ni ngei ang,alo ngawih reng danah .Mahse lungngai duh suh se,chu thurochhiah chu pawn a tum Chuang hleinem.

" Chhiar zawm rawh , Reginald," alo ti dam diai a.

" Adang alo awm fova maw?" Patrick chuan alo ti a.

" Ala tam mai.Tin heng thurochhiah asiam lai khan Miss Charlwood kha athluak a fim tha hle a ni," aw teng chhuai Chuan Patrick chu ahan toh khum zui a.

" Apawi ka ti lutuk ," Patrick chuan thupha alo chawi thuai a.

"Hmm." Reginald s hmel chu areh ta duak a,a chhiar zawm ta zel a." Ka vahte pahnih Rage leh Patrick te tan Charlwood industries a ka chanvo hi ka sem a,Rafe hnenah za a sawm pakhat,za a pakua Patrick tan sawmnga pakhat leh sawmli pakua ang anih chu....mahse chutah chuan Brooke Adamson kha ka ina chentir an remtih leh toh lohvah a in nghat thung ang,"

" A ti ang lo lutuk..."

" Miss Adamson chu a ina chentir chu lo phallo ta i la?" Rafe chuan alo ti zawi ruih a.Mak takin a aw chu adam thlup mai a, Rosemary tawng zui tum pawh chu a ngawi ta hmak bawk a.

" Chutiang a nih chuan in sumdawnna a chanvo pek che u kha Miss Adamson hian a vhan angai dawn a ni," Ukil pa chuan pindan reh zet chhungah chuan a ti ta a.

Brooke chuan a chil a lo lem khawlh mai a,abuai map map bawk a." A in chu duh ta lo ila engtinnge niang le?" Ahan ti dam raih a,an huat zia a hriat avangin an hmel pawh a en duh bik lova," An chhungkaw hnenah hian pe let leh ta i la la tihna anih chu?"

" Chutiang a nih chun an unau chanvo kha i ta Ani mai dawn a ni,tichuan Charlwood industries ah hian chanvo beiin a hlawkna an tel apiangah i telve zel dawn a ni," ukil pa chuan fish zet chuan a ti ta zung zung a." Hetah hian i lehkha tir Jocelyn ziah ka kawl alawm," a rawn ding chhuak a, lehkha op chu Brooke hnenah chuan ahlan ta nghal a," engthu nge a ziah chu ka hre hauh lova ,mahse industry a chanvo i neih ai chuan a in hi nei zawk la ati che a ni.Mahse ,ni e,nangma duhthlanna ania," arawn ti dan ta thluak mai a.

Lehkha ip hawng tur Chuan ahan ding chhuak a,a chhunga kutziak lehkha a chhiar lai chuan Rose Mary lungawilo ang thawm chu a hre viai viai chauhva.Brooke chu khin atum hle niin alang.

Lehkha ahan chhiar meuh chuan midang tawng thawm chu atan chuan engmah ani ta lo.A thiannu chungah chuan ngawi rengin lawmthu ahrilh rilru mawlh mawlh ringawt ta mai a.A damlo na em em chung pawh khan Brooke chu alo ngaihtuah em em reng alo ni,a thurochhiah awmzia ah chuan Brooke chu a fapa bul hnaiah atawp ah chuan a awm tir dawn ta anih chule.... Robert,a fapa, kumthum kalta a Rafe atan a hrin sak ngei chu.

************

Feedback a that loh chuan ka rawn regu dawn lo nia🤣zanin pawh fb lamah like leh comments lo pe vek ru.


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)