HOPE BY Winter Bear (Completed)

[Ngaia]

Ruah sur chu azia deuh tawh a,ka hmaa palian tak ding nen chuan ngawi rengin kawngpui reh dup ah chuan in hmatawnin kan la ding reng a."Let ang"ti nghut in min rawn ban a,a khawih phak lohvah ka lo awm sawn thuai thung.






Rum nghut in min rawn pan hnai leha,ka lo tawlhnung ve zel bawk a.
"Khawilai nge kan awmna hi I hria em?" Min rawn pan zui lo chuan adin na ngaiah chuan ading a.Ruah asur bang titih tawha,vawt ka ti in ka khur hlak hlak tawh bawk,kan awmna chu khawilai nge anih ka hre hauh loa;thinrim na leh rilru natna vangin ka thluak afim loa,ngaihtuah mang lo in ka hma zâwna kawng awm ka pan tawp kha ania.






Ka chhan mai loh vang chuan a rum ri leh hawk a,ka phu zawk thei hial ani!!






"Min rawn zui rawh"ti lehin a Bike dahna lamah chuan apen zui a.Kan in enchiang nak chuan engmah ken ka lo neilo!!Khawiah nge ka Bag te chu ka dah tih takngial pawh chu ka ngaihtuahna chhuak zo lo.Ngaihtuahna atawi tupa,ka rilru chu ala fim thei mawlh lo ani.









Athusawi te kha thudik nge dawt tih ka hreloa,tûnah tak hi chuan amahah rinna ka nghat thei lo....Ka thil tawn tawh te avâng hian rinna ka nei tlem a,harsa takin tlêm tlêm ka nei let leh ani a;chung te pawh chu tûnah hian zawi muangin an ral telh telh ni in ka hria.








A Bike ti nung vut vut in ka hmaah tak chuan arawn ti ding leh dat a.Lawn tura min mitmei na chu hrelo der in ka in hum ruh ngawt ngawt a,"inṭhen ang"amah pawh en lo in lei lam ka melh ran a.Min chhâng lo in a bike ti nung vut vut chung chuan ala ding ta reng a,ka thusawi chu ahrelo em ni zawk ni."Inṭhen ang ka tih chu"ring fea ka au khum hnu chuan a Bike ri vung vung chu ti tawp in arawn chhuk zui nghala.










"Tûnah khan engmaw i sawi, inṭhen maw"ahmelah chuan mak tihna leh awihlo hmel alanga,nui lui tih hriat zeta nui hul hakin min melh chhuk ngur a."Kan kal thui taktak hma hian inṭhen ka duh"ahriat phak tawk tûr chuan ka ti sep a,rum hawkin ka darah arawn vuana,amah en tur chuan min kuai dâk in hnai zet ah kan in melh ran a.








"Kha thil vang khan maw,ka sawifiah tawh ani lawm ni"bul hmuka tiin ahmel erawh alang khawngaihthlak lek lek thung.








"Rinsangpui,ka peih tawhlo...chuan ka ten che"tiin a hmui chu ka melh ngara,chutah thaw chhuak hakin a hmui atuai tâwka "a fai tawh" ti chhuak hap in min nuih tlawn vel anih chu.








A chetdan chuan ka nuih ati za zawk a,khatianga atih vang mai khan ka rilru hi a dam theih a ring emaw ni zawk ni!!







"Inṭhen tihvel kha chu ngaihtuah buai duhsuh,ka ṭhen mai mai dawn hleinem che"awlsam zet hian ati leh a, a chet dan chuan ka thin ati rim takzet,min ngaipawimawh lo lutuk leh ka rilru na tur a dâwn thlawt lo chuan min ti lungawi lo tak zet.










"Let ang ...nakinah kan sawi leh dawn nia"tiin ka bânah kaiin a Bike awmna lam min pan pui a,duhthlan tur ka neih loh vang chuan phûr lo zet in ahnungah chuan ka lawn kai ta tho a.Amah si duh lo chuan hnunglamah ka tawlh a,remlo zeta in vuan bet ṭung in ka eu ngar ngar hi ani ber.








Nidang chu nise amah ka kuah theih nân eng eng emaw atih kual leh ngei ang,mahse;tûnah erawh tihluih chi ka nilo tih ahre ve ani chek ang chu ngawi rengin atlan chhuak ve tlat.









Tes-i te tual zawla kan in zui luh lai chuan bathlara alo tei kual sek chu ka va hmu a,min hmuh rualin kan lam panin arawn phei zui nghal a."Khawnge i kal daih a,min ti mangang lutuk"na vakloa ka bana min beng in ati hap a,nuamlo ti deuhin ka ding zum reng thung.









"Lut ang,an haw vek tawh"tiin ka thawmhnaw huh vek chu en kualin a chek hlak a."Haw tawh rawh nangpawh,Daphne chu ngaihtuah suh ka awm hi"dam thluam hian kan hnunga mi chu a bia a.Engtin mah achhang loa,a let ta tih erawh a pên ri aṭang ka hre thei thung.








Inchhungah min hruai lût in a room lam min pan pui nghala,Bathroom ah min nawr lutin Towel min pe a,"in bual la kan mu dâwn nia"tiin min nuih a;chhang lo in bathroom kawngkhâr chu ka kalha.









Tui lum sa ṭha vervawr a ka in bual chuan ka nuam huaiin ka hria,in hru hulin ka in thlak zui nghala.Bathroom aṭanga ka chhuah chuan Tesi chu alo muhil der tawh a,a tal chau ve viau ani ngei ang.A bulah chuan inthawlh in ka inkhuh hlun a,ka vawt tih ala reh theiloa;ka khua te chu asik deuh emawni leh nghal ni.







Ka vawt tih areh hleihthei lo a,in vur ṭha sauh sauh in ka inlukhup hlun tawh a.Muhil thei lo in ka in let sek bawk,ka bula Tesi mu chu ka ti harh ang tih hlau tak chungin ka in let leh ṭhin.Banga sana intar ka en chuan zinglam dar2 alo ri va va tawh a,ka mut lah chu achhuak thei der lo a,muthilh miau loh chuan ngaihtuah naah hmu nawn ka duh tawhloh emem te kha an rawn inlâr zut zut a.








Ka lu thing nawk nawkin thildang ngaihtuah ka han tum ve tak na in mitthla ah chiang takin alo lâng zêl bawksi.Ka bek lo lum thla pap in ka chhing sawk a,ka mittui tla pawh chu hrui peih lo in lukhamah ka hmai phûm in ka mu a.










Ka harh meuh chuan ni atlang sâng viau tawh a,ka ṭhut chhuah rual chuan Tesi pawh kawngka aṭangin a rawn lut ve chiaha."Hei Coffee ka lo siam sak che a,i khawsik kha ala awm em"tiin a no ken chu khum bul dawhkâna dahthla in khumah chuan arawn lawn a,ka chal chu dawm in ka pang adek bawk.









"Hei in la damdawi i ei dawnnia,i khawsik chu azia deuh anihhi"A no ken chu min pe in ka bulah arawn ṭhu thla ve bawk a.Zawhna min zâwt lo a,ahmelah erawh ka awmdan chu adik chiahlo tih ahria,tûnah rih chuan engmah sawi ka peih rihlo a,chubâkah aṭhian nu chet dan chu abula sawi kher hi ka tum hranlo bawk.










An in ṭhian ṭhatna tihchhiat sak kher ka duh loa,Tes-in min ngaihtuah zia leh min duhsak zia ka hre vek a.A hma pawh in Rinsangpuia nena inzawmna kan neih chuan aṭhiante min chan ahlauhthu asawi tawh anih kha.









'Rinsangpuia'ari lo in ka phun sep a,a haw hnu khan ka phone ka en ta miahlo a minlo bia em tih takngial pawh ka hrelo.Tesi coffee min siam sak chu ka in a,ka pum alo ruak ve bawk nen azia phian mai.Khum bula Drawer chu hawngin damdawi enge maw hi phawrhin a kheh zui a.









A damdawi ken chu min pe in tui um min pe bawka,lo ban vatin ka ei zawm nghal.Chawlhni ani tho bawk nen vawiin chu engmah tiloa hetia awm nilen tawp mai hi ka duh ber.Ka ngaihtuahna hria ni awm takin Tesi chuan chhuah apeihlo thu leh nilenga awm mai mai paha Movie en arawt a,ka lo pawm viau mai.









Nilengin room chu kan chhuahsan mang loa,Tesi laptop a movie en in thil eng enge maw kan ei pah reng bawka,rinai takin ka khawsik pawh chu areh chak a.Zana riak leh tura min sawm nasat êm vang chuan hnial ka hreh ve tho bawk riah leh mai chu ka rilruk a.









Chaw eikham hnua room a kan chhoh chuan khuma ka phone dah chu alo ri ve chiaha,pan hnaiin min lo Call tu chu ka en a;ka beisei loh deuhin Jacob Call alo nia.Nu Mali in checkup angaih leh tawh vangin akal puia,karkhat lai cham leh tawhin akhat tawk in chanchin hi min lo hrilh ve ṭhin.









"Aw,enge in an"ka chhan rual chuan ka ti zui zat a,lehlama mi pawh chuan an ṭhat thu leh naktuka lo haw an tum thu te chu arawn sawi ve bawk a.Enge ka duh tih te min zâwt in thil minlo hawn leh ngei atum bur a,an zin emaw kalchhuah apianga hetianga ati ziah hian lâwmna ai mah chuan nuamlo tihna min in neih tir tawh zâwk.









Ka hnial nasat viau laiin ani lah chuan min lo hawn chu a tum bur mai bawksi,ka duhzâwng ka sawi duh miau loh vang in ama duh duh alei mai tur thu leh sawisei lo tûr te chuan min ti zawk a.Diktak chuan Jacob te ang mipa dam thlup,nelawm leh Caring tak hi ka mipa Dream chu an ni ṭhin.Mahse eng ti tiha ka Dream dan letling thawk mize nei mipa hi thlang nge ka nih,a thinchhia in zu a rui fova;insual nuam ati in a duh dan a thil athlen loh changa kuttum hmanga chin fel duh mi ani bawk.Tunah pawh nizân lawka hmeichhe dang nena an in fawp lai chiang taka ka hmu chungin ka rin theihna tûrin fiahna felfai tak min pêk atum loa,chu mai pawh nilo in areh in ala reh vung vung zawk ania.










Zan tin deuh thaw leng chhuakin khawi khawi emaw ah akal ziaha,zu a in ṭhin tih pawh ka hria.Khang hun lai ka lo rin ve emem lai te khan min lo phatsan ru reng thei tih ngaihtuah nachang pawh kalo hre ngailo anihkha.A nundan ka sawisel ngailoa,aduh dan dana min pal mai mai tur erawh hi chuan ka awm tawh hauhlo ang.








Atûk nilêngin Rinsangpuia hmel ka hmu loa,a kalloh chhan ka hrelo a,engmah min hrilh lo bawk.Zan hmasa lama a Missed Call pahnih awm bak min lo biakna hmuhtur a awm loa, inṭhen ka sawi tawh vangin biak hmasak tumna ka nei biklo bawk. Inṭhen ka sawi lai khan aduhlo thu a sawi ngeia mahse engmah sawi lo in areh leh vung vung tho si.











Class a Hruaii hmel ka hmuh chuan thinrimna nasa tak ka nei a, hnehtu chan chang taka a hawisang vel ka hmuh leh lek phei chuan in sum harsa ka ti in ka tawt takzet.







Ṭhiante hlim taka an nuih bawk bawk theih laiin kei erawh chhungrilah ka tawt up up a, inṭhen ka sawi tawh tak na in midang ta ani tura ka ngaihtuah na ringawt pawh chuan min ti na in chutiang a thlen chu ka phal bawk silo.








Nithum chhûng Class alo kal tawh loa, aṭhiante achanchin zawh mai ka duh rum rum tawh a.Mahse,chu em chu ka hreh rilru ve tlat bawksi.









Hlim hmel putluih aharsa in min lo bia em tih ka en sek a, inṭhen sawi tu zâwk chutia ka awm lehsi chu ka in haw takzet,mahse amah ka ngaihna hi ala reh thei bawk silo.Reh ahnêkin ahmel hmuh tum in kala zawng ruai reng a,ka beisei ang ka hmuhloh vang chuan rilru hreawm deuhin ka awm phah reng thung.









Hmuh leh biak ka châk loh ber mai Hruaii lah chuan eng ahria ni maw min be ṭha thar thut ka ti mai,ahma zawnga min be ngai emem lo khan ka Note copy te min dil in Hostel ah pawh min be siam siam renga,biak ka châk loh zia hria se ka duh vangin min zawhna chin bak chu ka sawi belh ngailo thung.






Ningani ani tawh a,kartluanin Rinsangpuia hmel ka hmu loa,Tesi min hrilh dan in Apa stroke thut vangin damdawi inah a awmpui ani awm a,a phone a chhiat thu leh a thar alei hman veleha min rawn biak atum thu te chu Tesi bulah alo sawi a.A reh ri chu aring in ka ngai takzet tawh,a phone atih chhiat miau vangin han biak mai na tur ka hre silo.









Zanriah eikhamah khuma mu chungin lehkhabu ka chhiar a,ka room kawngka kik ri vang chuan hawi chhuak in ka ngaichâng leh deuh phawt a,tu vak mah in ka room ah min tlawh pawh ngai siloa tutak chu ni ang maw tichungin ka tho chhuak ta tho a.Ka Room kawngkhâr chu hawngin kawngka zâwnah chuan ka ding ran a,mipa pakhat kala hmuh ngai miahloh chu rawn lang hlawl in min nawr lut zuia.









"Tu nge inih a,hetah enge i rawn tih ve ringawt"mak tih vâng leh hlauhthawn na vang chuan ka hamhaih in ka rilru abuai nghal vek.Chupa lah chuan engmah sawi lo in khumah na zet in min nam thla a,a Jacket phelhin min rawn bawh bet zuia.Thil thleng mek chu arang teh thut lutuka ka buaivek,khuma min bawh bet run chung chuan ka kawr hak lai chu phelh tum in chet ala zuia.








Ka hamhaih rei lo,inthing harhin ka tha tâwp takzet in chu pa hmuhpawh kala hmuh ngailoh pa chu ka nawr let a.Amah apa lianin tha ah ka hneh lo nasa si,au chhuah ka tum lahin ka hmui ahupna vang in ka aw ri chu achhuak thei hauh silo.Ka hlauh lutuk luatah ka taksa a khur veka,ka tha te chu a azawiin ka dang zo lo lek lek tawh.










Min ṭanpui tutur ka mamawha, tumah an lo kal silo.Min bawhbet reng tu pa lah chu ka nghawnga zâwna thaw lum ham ham in ala rum ṭiah ṭiah leh ta nghala,ka theihtâwpin talchhuah chu ka tum ve,mahse ava sawt silo em.








Room kawngkhar in hawng thawm leh hmeichhe ṭe ri ka hriat rual chuan chupa chu tho chhuak vut in a tlanchhuak nghal ni in ka hria.Ka biangah mittui aluanga,eng em thleng hmanlo mahse tihluihna hmanga khatianga ka mi hriat ngai pawh nilo ina min tih vâng khan ka hlau a,ka tiril a khur in hlauhna chuan min uap hneh takzet.








Ka thawh chhuah chuan ka room ah chuan Hosteller dang te chu an rawn lut khawm nual tawh tih ka hmu a, a ṭhen room chhunga rawn lutin midang erawh kawngka pawn lamah chuan an ding ni in ka hria.








"Lalrinhlu tûnah ka office ah rawn kal nghal rawh,nangpawh Hruaii min rawn zui rawh"Chang zeta kan Warden in atih chuan chhang mai lo vin ka din ngaiin ka la ding renga,ka chunga thil thleng te chu ngaihtuah in engvanga khapa kha khatianga ka room a rawn luta min khawih tum kha nge anih ka hrethiam lo takzet.









Warden chhuah hnu chuan midang pawh phun zui sup sup in an kal darh zui ve bawk a.Darthlalanga ka in en chuan ka pawr phang tih leh ka kawrkilh in kilh kimlo nuaih te chu ka hmu chiang ngang mai.In tuai mâm puat puat in Room chu ka chhuah san ve a,Warden office lam pan chuan ka kal zui a.








"Rawn kal teh,Hostel i tih mualpho zia hi I hria em"vin zeta Warden in atih chuan chhan pawh ka chhang loa,ngawirengin a dawhkan hmaah chuan ka va ding a.Engmah a sawi leh hma in Hruaii chuan kawngka rawn kik in a rawn lut zui nghala.









Ka dinna sir ah chuan ding ve in Warden thinrim hmel zet hmai sen awp awp hma ah chuan kan ding dun ta ran a.Keimah nilo in Hruaii zawk chu thil thlen dan azawt a,chuta Hruaii chhânna vang chuan ka ip zawk thei hial.









Engmaw a sawi kha,keihian mipa Hostel-a hruai lût leh tawmpui angin min sawi anih chu!!A mit ngeia thil thlen dan hmu tu leh khapa khan min sual atum tih hmutu awmchhun ani a,engtin nge dawt muhlum asawi theih zawk.











"Maam,thudik anilo khapa kha hriat pawh ka hre ngailo,engtin nge arawn kal theih tih pawh ka hrelo" bah nuaih chuan ka in sawi fiah ve a,mahse ka thusawi chu awih hmel apu hlawl lo.










"Maam ihmaw nidangah pawh ka hmu fo a,mahse Classmate te anihna ah ka zêp sak ve ṭang ṭang a,khatiang em em an thlen kha ka rinloh vang ani bawk a"fel hmel zeta tiin Hruaii lah chuan min hek zat zat a.








Ka ngaihtuah kîr a,hêng thil thleng te hi tihpalh thil ani theilo, Lalhruaitluangi hian ka tal awh theihna tûrin ruahmanna asiam ani ngei ang.Chuan,hei aduh ang taka min tal awh tîr tum in abei mek anihhi.








"Lalhruaitluang,engvangin nge dawt i sawi,tu mipa mahhi Hostel chhûngah ka la hruai lût ngailo tih hre rawh"vin zet a tiin ka pan hnai a, pawisawi lo hmel zeta min en in a lemchan chu bansan mai ala tum lo tih achiang reng mai.








"Lalrinhlu,ngawi hmak rawh.. chiang taka mita hmu tu che an awm tih hre rawh,khapa kha tupawh chu nise Hostel dan I bawhchhiat vang hian hrem i ni dâwn khawp "ti ram hmak in Warden chu a vei kual sek a.








Ka nih na nimiahloa min puhna hi keichuan ka pawm thei ngai hauhlo ang,chutah Lalhruaitluangi game play ah leh lek phei hi chuan tal awh ka tum lo nasa hle bawk.







Lalhruaitluangi lah chuan ka dikloh zia leh Hostel-a mipa ka hruai luh vawikhat na anih loh thu te chu sawi sekin Warden hmaah chuan dawt ngialngan hlak in min puh a.Ka thinrim na thunun tum in ka in hum ruh nasa a,aharsa takzet.








"Naktukah Principal hnênah I in sawi fiah ngei chu angai ang.Tin,Hostel aṭanga hnawhchhuah ini ngei bawk ang,nangang zirlai zahna chang hrelo hi chuan helai hmuna awm ve hi I phulo" a ṭawngkam tin chuan min deng dawt dawt hi ani ber a,fiahna mumal tak anei lo leh zawn chhuah tumna pawh neiloa chutianga min ti chu ka na in ka thinrim takzet bawk.








Insawifiah ka tumna te chu min ngaihthlak sak duh loa,kei ai chuan Hruaii thusawi engkim chu a awih zâwk tih min ṭawngkhum danah achiang takzet bawksi.








"I bialpa chuan a ten tawh ngawt ang che"min kal pelh paha a phun ri sep chu ka hrepha.A thusawi vang chuan ka insum thei tawh thlawt lo,um zui in a chhuah fel hma chuan hnung lam aṭangin a samah ka ṭhâm tawk a,hnuk lût leh in chhuatah chuan ka hnuk thlu bawk.








Ana tuar ṭe ri te chuan ka thinrim na ati so sang zuala,kut thawh hi ka duhdan ani biklo,mahse khathu sawi tur khan diklo aneilo..henu vang a tawrh hi ka tum tawhlo takzet bawk.










"Thlah nghal rawh"tia Warden in min pawh sawn atum pawh chuan ka la thlah duhlo a,a samah hnukin ka theihtawpnin a samah chuan ka la ṭhâm reng bawk.





Warden ina midang puihna adil lai ate chuan thinrim na vangin ka taksa chu asa pup pup a,ka tha a khur thei hial ani.Min ṭhelh tu an tam tâk êm vang chuan ka thlah ve ta hram,hmeichhe pahnih in min man bet in midang chuan chhuat laia Lalhruaitluangi awm sawp niai chu an buaipui bawk a.








Ka ṭawng chhuak theiloa,ka kha chih in ka ṭan nasatna vangin ka taksa chu a kham vek thei hial. Lalhruaitluangi ka huatna vang chuan ana thei ang bera siam chu ka duh a,ka ngaihtuah na afimlo tihpawh ka hria...mahse ka dawhtheihna bang he nu hian ati chhe hneh ema a phu tâwk hmu ah ka ngai hmiah bawk.








Engkim hi Hruaii ruahmanna vek anih ngei ka ring a,fiahna neilo mah ila hetiang khawpa ka chunga rilru chhia pu duh tur khawp chu amah bâk an awm thei in ka ring lo.Rinsangpuia Call ka tum uk tak na in Damdawi inah apa a awm pui mek tih ka hrechhuak a,Aw!!!nitak a phone achhia, ṭha pawh nise kan inkar chiang nial lo lutuk bawk nen biak chu ka hreh tho ang...chu pawh Hruaii vang tho.









Atuka Principal hmuh ka ngai tûr mawlh chuan awm nuamlo in min siam a,engtin nge ka in sawi fiah ang?Ka thiamthu sawi tawp bak fiahna ka neih loh chian zia chu ahre chiang ber tu ka ni lawi si.








Muhil theilo in chhuat dung ah chuan ka vei tawn sek a,khapa min rawn luhchilh tupa lahkha ahmel ka la hriat ngailoh anih bakah atlanchhuak leh daih bawksi,tihngaihna ka hre lo lutuk chuan ka thinrim ṭun a,dawta puh ka nih vang chuan hreawm ka ti takzet bawk.









Zankhua in chhin khat te pawh ka chhing eih loa,ka chhûngte hrilh chu ka hreh takzet.Hostel aṭanga hnawhchhuah ka nih chuan ka chhungte'n an hriat ngei angai dawn a,min ring ang tih chu ka hria,mahse; keimah vanga rilru hahna leh buaina an neih tur mawlh ka ngaihtuah chuan hreawm ka ti takzet.







Warden in Principal hnêna kal tura min tih miau si vang chuan phûr lo zetin ka in siama,nizân lama thil thleng te kha College lam ah pawh hretu tam tak an awm leh dawn tih ka chianga,ka ṭhiante chuan engtin tak ngai ve ang maw.









Ka room ka chhuahsan chiah tih aṭang min melh hrek hrek tu ka hmu nghal chat a,Class kal pawh chu ka huphurh ru ve viau nangin ka dikna tihlan nan tlawm takin ka awm thei silo.Min en zui tu leh hnung lama ka chanchin sawi zui sep sep tu te chuan min nghawng emem lo,mahse ka ṭhiante ka hmuh hunah nidang angin pawh takin an kiangah ka awm thei angem ka hreloa,anni tân chuan rin tur zawk hriat thiam ahar in kei chu min ring lo zawk pawh ani thei.





Classroom lut hmasa lo in Principal Office ah ka tlang nghala,insawifiah dân tûr ka hrelo a,thil thlen dan ka hriat theih zawng sawi chu ka tih theih chhun ani.Min hrem ngei dâwn tih ka chiang viaua,eng hremna nge ka hmachhawn dâwn tih erawh kahrelo thung.






"A vawikhat na anih bakah i sawi ang takin fiahna mumal tak a awmlo-a,CCTV chhiat lai ani bawk nen hmu tu che u sawi dan kha ani maia,han chhuizui vak tur a awmlo bawk nen hnawhchhuah em chu i tawk lo ang,karkhat chhûng suspend ini thung ang.Amaherawhchu,Hostel erawh i chhuah san angai dawn ani,i zirlai pui chunga kut i thawh vang in"tiin Principal chuan a sawi dap dap a,ngawi rengin athu sawi chu kalo ngaithla thung.









Ka kal theih thu a sawi rual chuan ka chhuak zui nghala, pêng kawi tawhlo in Classroom lam chu ka pan nghala.Hostel aṭanga ka chhuak dawn anih chuan ka awmna tûr ka ngaihtuah angaidawn a,tlaiah ka Nu te ka hrilh hriat ngei chu a ngai dâwn anih hi.





Classroom ka luh rual chuan thawm areh nghal duaka,ka hawi kual chuan ka ṭhiante lo ṭhu khawm laih pawh chu ka hmu a,ka dinna lam chu an rawn hawi ṭhup tih hre mah ila tumah ngaihsak lo chuan ka ṭhiante ṭhut na lam chu ka pan zui thuaia.








Ka ṭhut thlâk rual deuh thaw a Miss Zoremi lo luh ve nghal vang chuan ka ṭhiante nen pawh in belo in ngawirengin ka ṭhu a,Miss thusawi te chu ka beng rawngah alut eihlo, Hostel aṭanga ka chhuak anih chuan khawnge ka awm ang tih leh diklo taka hnawhchhuah ka ni tur ka ngaihtuah chuan ka thaw ipik takzet.









Nizâna Hruaii ka hnuh hrep vang erawh kha chuan ka inchhir hauhlo thung,tûnah pawh Class a rawn kallo a,ahmel kha hmu leh ngat ila chuan ka insum thei leh kherlo ang.






Miss Zoremi chhuah veleh chuan period dawt leh ka awl vangin ka Lehkhabu in khung ṭha in chhuah mai ka tum a.Ka inkhung fel mawlh mawlh laia ka bana min rawn phih lawp tu vang chuan ka phu dawrh.






"Enge maw i tih le,min thlah teh"ka ban ahmer na chu ana takzet,engtik laiin nge Rinsangpuia hi arawn luh ka hmu hauhlo."Min rawn zui rawh"sehchilh zeta tiin a hmelah thinrimna alang a,thil thleng te chu alo hre ve tawh anih ngei dawn hi.









"Min thlah phawt teh"a ban thin thlak ka tum chuan che hrutin min pawt zui dawrh a,ka lo in ring lo lutuk chu ka tlu lo chauh.Ka ṭhiante au ri chu ka hre ruai hman chauh,min hnuk dawr dawr in Washroom ah min pawt lût a,kawngka kalhin bangkilah chuan anawr hian min nawr bet ani ringawt tawh.









Ahmel changzet leh a khabe ruh kual che dat dat ah chuan athinrim zia alanga,hetiang emema thinrim hian ka la hmu ngailo.Bangah chuan akut leh lama in nem khalh in inhmatawnin kan ding ran a, ṭawng chhuak mai lo chuan athaw leh kâwk ṭhin.Tuna ahmel lan dan ah hian nelawmna pakhat pawh hmuhtur a awmlo-a,min sawisak hrep tum tepawh a ang hial zawk.









A Jacket Iptea a phone ah chu phawrh in ka hmai zawn ah a rawn nawr hnaia,ka rinloh lutuk ka hmuh vang chuan ka ka hau ringawt."Hethil hi enge"rum ula min en chung hian ati a,chhan pawh chhâng mai lo in thlalak chu ka en reng ringawt..







Engdang nilo in chu thlalak chu nizâna mipakhatin ka khuma min bawhbet lai ngei kha ani!!,"He...Hethil hi maw,dawt vek anih hi"ka ti chhuak thei ṭawk.







"Chuzawng chu maw"za lo zeta nuiin a mitmeng thûk zet leh min huatna a khat chuan min melh run a,Ka thiamloh engmah a awm lo chung in hepa min en dan vanghian thil sual ka ti ta emaw ka inti hman hial.Midang te chuan min ringlo mahse ani hi chuan min ring tur ani sinle...mahse tih hi angai leh ṭhin anihhi.






"Engtin nge itih theih zawk...phuba maw?"atih chuan ka bang bo takzet,,eng phuba nge asawi hi.







"Eng phuba,a awmzia ka hrelo"tih zawngin ka chhang a,rum nghut in a kut tum a che zawka,min hnek dâwn emaw tiin ka mit ka chhing nghal thuai a,ka luchung zawn bang ri chawrh chu ka hre zawm bawk.Vawikhat mai chu duhtawk lo in a hnek ri leh chawrh a, athinrim in sum nasatna vanga a thisen zâm che ralh ralh te chu ka hmuh hmaihlo nasa.


Show post links
Top

[Ngaia]

A chet dan vang chuan ka hriat ṭhin Rinsangpuia kha a ni tawhlo emaw ka ti hial,tûnah tak hi chuan a landan ahlauhawm in pawisak nei hmel apu mawlh lo.






"Hepa hi tunge anih"tiin hnai set sawta min melh run chung hian ati leh a,melh pawh ka melh ṭha ngam meuh tawhlo."Ka hre lo tak tak"thil dang sawibelh tur ka hrelo,tunge anih ka hre bik tlatlo ani.









Nin hmel zeta min melh in a thaw leh hak a,tlêma min din hlat in a hmai a tuai puat in ka dinna lam bawk chu a rawn hawi leh a.Hlauhna vangin ka tha a khur lo chauh tawh a,abula awm nuam ka tih emem ṭhin hi tûnah tak chuan a hlata awm hi ka duh ber....kut em min thlak lo mahse a mitmenga min huatna te,a hmel chang zet vang te chuan a hnaiha awm hi anuamlo takzet.








Ngawireng in a awmdan chu ka en zui renga,ani lah chu che sawn lo in a ding ngur reng bawk si.Sawi fiah ka duha,mahse tûnah hi chuan engpawh sawi ila a awih kherin ka ring lo,athinrim reh deuh hun nghah chu aṭha zawk in ka hre bawk.








"Min lo bum renga"kûn chhal a tiin a nui ri suk chu ka hre tel bawk,min en leh lai chuan a thinrim hmel kha ka hmu tawh loa,tûnah chuan min tih el hmel apu tawh zawkin ka hria.A kekawr ipte zen in a nui pah suk a,a landan inthlak danglam hnehsawh ṭhin lutuk vang hian min ti hamhaih lek lek zawk ani.











"Rinsangpui ka bum lo che,Hruaii tih vek..."a ban vai a min lo pawt chat in amah chuan "Hruaii awmdan vang khan i thinrim viau emaw ka tia,mahse khapawh lemchan tho "athusawi chuan min deng dawt a,engtin nge tiang chuan a ngaih theih zawk.Midang zawng hi chuan min ringlo pawh nise ani hi chuan min ring tur ani sin,chu ahnêkin ka thusawi engmah angaithla duhlo-a,midang ang thovin keiai in Hruaii aring zawk tih a ṭawng dan ah ahriat vek bawk.









"A tawk sawi tawh suh,min rin loh chuan I thu thu"ti ve hmak in kal pelh ka tuma,ka bana hmer in nazet hian min pawt let dawrh a,ka ban ruh chu ana nghal zawk zawk thei.









Ka ban ruh na ngut ngut vang chuan ka mittui alo hnaia,atlak mai loh nan ka khap sak sak.Ka hmaa mi lah chuan min tihnatna chu hria ang pawn a awm duhlo-a,hmanzan lawka an awmdan zawng zawng ka hmu vek chung pawh khan athusawi te rin ka la tum hrâm hrâm kha ania.Ani ve hi chuan min rin chu sawi loh min tihnat pawh ahreh hauhlo chu ani sia.









"I theihtawp chuan hum tum rawh,ka zawng chhuak tho ang" nghet charh a tiin thip zet in min melha,ka hmaa mipa ding thusawi leh chet dan te hian Hruaiin dawta min puhna leh mi zawng zawng min hmuh dan ai pawhin min tina zawk.









Ka mittui luang chu ka kawr tlânga hru tâwk in ka ban na ngut ngut lam chu dawm in kal chhuah ka tum a,pen thum ka pen hman ṭawk tihah chuan kawngkhar ri bur vang chuan ka ding chawt.










Kawngkhar tichhia a rawn lut in Jacob chuan hmanhmawh deuhin min rawn pan a,min rawn hnaih rualin ka lo pan ve thuai a."I ṭha em?"min ngaihtuah na awka ka hriat rual chuan ka rilru na azual a,alamah min pawt hnai in a awmah ka lu ka nghat a,hawi chhuak tawhlo in amah rinchhan chuan ka ding a.







"Lalrinhlu"vin zeta Rinsangpuia'n atih rual deuh thaw chuan ka hnung maiah arawn ding leh hman tawh tih a thaw ri hawk aṭang chuan ka hre theia,hawi chhuak duhlo in ka awm ngai chuan ka la awm reng thung.








"Bawiha hmeichhia nihhi insum teh"dam thlupa Jacob an atih rual in ani erawh alo nui hul hak thung a.Ka kawr hnunga arawn pawh na chu Jacob an a kut alo man beh sak a,ka kawr chu an hlim lo chauh tawh.







"Ka hmeichhia hi kal tîr rawh,lawkin nge nia khapa kha nagmah hi ilo ni reng zawk,"ngeiawm zeta atih leh vang chuan ka hawi chhuak ta nge nge a,ka kawr a man beh na chu a thlah tawh a,in herin ahma zawnah tak chuan ding in ka melh chho ran.A mitmeng sen rum a min melh na chuan hlauhna nilo in huatna min neih tir tam tawh zawka,ten hmel zeta min melh na te chuan min tina hle mahse inti huaisen lui in ka hmachhawn.









"I duh tawk thei tawh em, aṭha e...i ngaihdan kha adik bera i hriat chuan I duh duh tirawh..mahse thudik i hriat hun chuan atlai tawh maithei"fiah faka tiin a mitah tak ka en ran a, engmah sawi tawhlo in ka pen zui hlawk hlawk.









Washroom pâwna lo ding ṭhup te chu tu te nge an nih pawh en lo in hmanhmawh zetin ka tlanchhuak zui nghal a.Ka Bag ka keng chhuak lo tih pawh pawn ka chhuah fel hnuah ka hrechhuak chauh,la tura chhoh leh tumna pawh ka nei chuang lo a;ka mittui lo luang leh ngiai ṭhin chu duhlo in ka hru leh tâwk ṭhin.









Ka room chhunga ka pen luh rualin kawngka kalhin ka ṭhu hnawk a,insumna tel hauhlo in ka ṭap chhuak.Hun reilo te chhunga ka chunga thil thleng zawng zawng te hian min tina in thawk thlengin aharsa a,ka thinzawn na ngut ngut chu ka chum leh dat dat ṭhin.








Hetiang emem tawng tur hian enge maw ka tihsual bik le....





Ka duhtawka ka ṭah hnu chuan ka tawt lutuk chu azia deuhin ka hria,engmah ngaihtuah rihloh ka duha,ka ban na ngut ngut chu kan en chian nak chuan alo vung bur tawh a.Ka ṭah nasat êm vangin ka hnar aping veka,ka mit abui lûk bawk;ka lu thlenga anat tak êm vang chuan Nachhâwkna hmawm in inthlak pawh inthlak lo in khumah ka mu a,muthilh tum in ka mit ka chhing lui tlat bawk.








Kawngkhar kik thawm vangin ka harh zawka,ka ṭhut chhuah chuan khua alo tlai ruih tawh tih ka hre nghala, kawngkhar ri leh karh karh vang chuan tho chhuakin ka va hawng a.Kawngka zâwna Tesi lo ding ka hmuh chuan pangngai thei ang bera lan tum in ka lo nuih lui a,ka hmelah erawh ka nuih zat loh zia ahriat vek tho in ka ring.








"Lo lût rawh"tiin kawng ka kian a,ka Bag a kuta akhai tih ka hmuh chuan ka hâwn lo tih ka hrechhuak leh chiah."Hei ka lo pe dawn che a"tiin a Bag khai chu a lek kâng a,nui ve tak na mahse ani pawh keiang tho in hlim taka nui anihloh zia ka hrethei.









Ka khuma ṭhu thla in khum bul dawhkanah ka Bag chu a nghat thla zui bawk a,keipawh khumah chuan lawn in a kil lamah chuan ka tawlha.Ka puan sin lai chu ṭhâm khawmin thu chung chuan ka in tuam ta tho,Tesi min en danah chuan a lungngaih zia a lang a,hreawm ati takzet ang tih pawh ka hria;Tesi lakah chuan inthiamlohna ka neih ṭeuh phah bawk.









Thu tam asawilo a,ka lama a ṭan thu erawh sawiin a hmelah atih tak zia ka hriaa ka thla amuang sawt bawk.Tlailam thlenga min awmpui in min haw san a,zantir lamah chuan Warden in a Office a min koh vang chuan phûr lo zetin chu lam pan chuan ka kal hnak hnak.









"I bungrua pack fel la naktukah i chhungte hruai tûr che in i ti dâwn nia"a hmelah a lawm loh zia chiang takin ala hmuh theih a,ahmuh phaklohna hmuna awm tura min duh zia ka hre thei bawk.








Ka chhungte chanchin ka hrilh chuan an rilru abuai viauin ka ring a,min hau lo a,engtik lai pawha ka lam ṭang reng ṭhin ka nu leh pa te chuan tûnah pawh ka thusawi engkim an awih vek tih ka hriatna chuan min ti thlamuang takzet.








Ka room chhûng chu kan hawi kual ṭhin a,hun engemaw chen thlamuang taka ka lo awm tawhna hmun chhuahsan chu ka hreh rilru viau mai,mualpho taka chhuak tur ka nihna chuan min tina zual a,tih theih engmah ka neih miau loh vangin ka chhuah ngei chu a ngai dawn si.







Ka Nutei te ina awm rih mai tura ka chhungten min tih vângin an inah chuan ka awm rih anga,ka awm zêl dân tûr erawh kanla ngaihtuah ve zel ang chu.










Ka Nutei leh a fapa u zawk Damian chu min hruai tura rawn kalin ka bungraw neih ang ang chu min thiar pui a.Ka room chhung chu aruak hiai tawha,ka kal chhuah hma chuan hawi kualin theihnghilh ka neih leh neih loh ka thlek a,chutiang âwm ka hmuhloh vang chuan let leh tawhlo tûrin ka room chu ka chhuahsan ve ta.








Kailawna ka kal thlâk lai chuan Hruaii rawn chho lam nên kan in tawk a, hmusit hmel taka min melh na te chu hmuh loh harsa tak ani.In humruh ngawt ngawt in ngawirengin ka kal pel a.









"Thingtlâng nula"ngeiawm zeta ati sup chu ka hrepha reng tak na in ka chhang let lo,aduh duh chu sawi teh se thudik hi atlo zawk a;lan chhuah hun anei ngei ṭhin.Chutih hunah chuan ani nilo in kei ka nui ve thung tawh ang.










Thingtlanga kan awm daih vang hian kan chhungte hi nel emem ka nei hlawm loa,ka nu te lampang hi chu Aizawl ah deuh vek awm mahse tumah hi ka tlawh ngai lem loa,hetia ka Nutei te ina ka awm tûr pawh hi anihna takah chuan ka huphurh viau.








Ka Putea te in, inpui lama ka nu in ka awm aphalloh zawk vanga ka Nutei te chhungkua hi bel tur ka ni a,reitak awm ka tum lem loh vang chuan ka awm ve naw naw theih mai chu ring.









Ka bungrua te chu min khai luh sakin Damian chuan ka room tur lamah chuan a dah chho nghal a,zanriah ei hun anihtawh vang chuan chaw ei siam in kan ei zui a.








"Bawihi,engmah inthlahrun na tur a awm lo ania,i nu ve tho ka ni tih hria la mamawh engpawh ineih in min hrilh zêl dâwn nia"ti siam siam in Nutei chuan ka thlêngah chaw hmeh tui ṭha ṭha chu min suah sak a,ka nel viaulo nangin ani erawh hi chuan min be ṭha emem a;zia tak a awm e.








Ina eisiam ngei ka han ei chuan rinai takin ka eitui a,tunlai chaw ka ei mumal loh tehreng nen vawiin tlai zet chu keima tâwk ah ei hnem ve tak chu ka ni in ka hria.









Ka Nutei te hi chhungkaw khawsak pangngai tak ni in apasal Pa Sawma nen hian hnathawh pangngai tak an nei ve ve a,in lian leh nuam tak ah cheng in an fa te Pathum keiaia naupang vek nen an chêng ho a.An unau zîngah upa ber Nonoi nen hian kum khat chhuak kan ni a, athla in ka upa zâwk thung.A naute pahnih Damian leh Dominic te hi tlêm in an chhang akhat deuh a,Damiana higher student anih tawh laiin an te ber Dominic erawh class 7 zirlai chauh ala thung.








"Vawiinah theih ang ang in i naute ho in an lo tih fel sak che a,thlamuang deuhin i awm dâwn nia"ka room thar tura kan luh hnu chuan Nute in tiin mu tûrin min chhuahsan zui a.A chhuah hnu chuan ka luggage hawngin ka thawmhnaw ho chu khumah ka phawrh a,thlep ṭha in ka in rem fel zui nghala.









Bungrua ka ngah emem lo bawk nen ka in tifel rei vak lo.Khumah chuan ka nautelem ka kalna lam apianga ka ken kual ṭhin pathum chu khumah ka dah leh a.Inthlak zui nghalin light ka off thim a,mu tûrin khum lam chu ka pan a.








Ka room thar chu alian ṭha in a zau nuam hle bawk a,kan ina kan unau zawng room ai pawhin alian mah maithei zawk ani.






Ka Ni min hrilh dan in ka nu leh pa an inneih dawn hian ka nu chhûngte lam hian ka pa hi an duhlo viau ani awm a,ka pi leh pu(ka nu nu le pa)te hi Aizawl mihlun leh khawsak pangngai tak an ni a.Kan khuaa ka pu transfer anih hnu in ka nu chu ka pu awmpui-in school akal ṭhin a,chuta ṭanga ka pa nena in tawng hi an ni.








Ka ni sawi zêl dân chuan ka nu te chu an hun laia khawsak sang leh mipangngai chunglam an ni a,thingtlâng ah pawh zin ngai em em lo khawpui nula no ve tak ani ṭhin a,ka pa nena an inneih hnu erawhin rim takin hna athawk ṭhin.








Ka pu te chuan ka nu in ka pa a neih luih avanga hun rei tak an ensan thu ka hriat tirh khan ka rilru ana in ka khawngaih viau bawk.Ka nu in ka pa ahmangaih zia ka hria a,chutiang bawkin ka pa pawhin ka nu ahmangaih zia leh duat zia ka hmu fo bawk.









Thingtlâng tlangval lehkha zirsang lo leh hausa lo nimahsela ka pa chu kut themthiam tak ani a,a nupui fanau tê hi hreawm taka kan awm loh nan rim takin athawk ṭhin.Tunah chuan ka pi leh pu an boral tawh a,ka nu te inpui ah chuan ka putea te chhungkua an awm a.Ka pitei hi a fel vaklo nge an bula ka awm hi ka nutei hian arem ti lo hle a,chuvanga an bula awm ta hi ka ni.







Khawpui chhûngte awm nual mahse têt te aṭanga in tlawhpawh ngailo kan ni bawk nen Cousin te ho pawh han ngainat em em ka nei lo a,ka nau te phei chu mipa an ni bawk nen chuta chhapah an ṭawng tlêm dun si a; chhungkua a kan zin ve chang pawh hian an ṭawng mang ngailo.









Pasal ka nei dâwn anih chuan ka pa ang hi neih ve ka duh ṭhin,amah anga innghahna tlak , ka thlamuanpui theih tur leh dinhmun chhe bera ka din lai pawha min khai ding reng tu tur ka duh ṭhin.








Chutiang thil vel ka ngaihtuah chuan ka rilru ah Rinsangpuia alo langa,ani hi ka tana khuanu ruat ani lo em ni ang?Ka thinlung duhzawng tak ani tih ka chianga,ka duh ringawt nge ka hmangaih tawh zâwk...Mahse,ani chuan min rinna anei loa keiaia athlan zawk chu ka hre tawh bawka,ti buai lo in ti hian zawi muangin ka thinlung aṭang in paih chhuah ka tum ang.









Ka thinlung aṭang hian ka paih bo thei angem ka hrelo,ani chuan midang anei a,maw?midang anei...
Chu thu chuan ka thin zawn ah hian min vilh ngut ngut a,ka chhungril tawt lutuk vang chuan ka ṭang ṭung bawk.








Ka mittui lo hnai in ka bek alum thla leh pap tawh a, ṭah fo hi ka duhlo asin le.Ka hua a,vawikhat mah hmuh tawhloh ka duh...mahse ka huat tluk zetin ka ngai bawk si..amah ngaihtuah reng chung chuan ka muhil thei ve hram.








Ka mut ṭhan na anih loh vang nge zingah chuan ka harh hma hle a,sana ka en chuan zing dar ruk takngial pawh ala ri lo .Tho chhuak peih lo in khumah chuan ka la mu ta reng a,class kal ka ngai lo bawk nen hma leh lutuka thawh chu aṭûl lo bawk.







Zan lama ka mut ṭhat lutuk loh vang in ka mit ana urh a,ka lu arit bur bawk.Mu hil thei tawhlo in ka let sek a,ka phone message ri ka hriat vang chuan lukham hnuaia ka phone dah chu phawrh in ka en vat a,ka beisei message erawh ani hauhlo. Ti








Engvang tehchai a min lo biak leh ring nge maw ka nihle!!khatiang khawpa min huatna mitmeng te,Hruaii thlavang ahauh zia leh a thusawi engkim a awih zia te ka ngaihtuah chhuah chuan ka thin arim in ka rilru ana a;amah huatna ka neih phah leh ṭhin bawk.







Ka ṭhiante message a awm nuala,an vai mai chuan inti chak tura min fuih in ka lam an ṭan tlat thu te an sawia,ka tan chuan chu aia lawmawm chu a awm thei chuanglo ang.Ka kal loh chhung pawha Assigment a awm chuan min lo tihsak mai tur thu te thlengin an sawi a,ka tana an in pêk na hi ahlu in ka rul seng tawh hauhlo ang.







Dar sarih bawr velah chuan tho chhuakin ka in ti fai hmasa a,in hnuai lama ka chhuk chuan Nutei eirawng bâwl paha alo zai rat rat chu ka hmu hmasa ber a, midang erawh an la tho lo ani maithei.







"Nute khawi ka lo ti ang kha chu"tiin a alu vel lai chu ka chhuh sak a,lo awm mai mai tura min tih pawh chuan hnialin alu chu ka vel zêl a.Engah mah min phût lo mahse mahni in nilo hi chu chhûngte hnaitak in pawh nise inthlahrun ana duh a,ei leh in engkim min ngaihtuah tel vek dawn vangin ka theih ang anga puih chu ka tih ve tûr rengah ka ngai bawk.








Dominic-a tiffin tur siam ala ngaih vangin keiman ka siam saka,a chawhmeh duhzawng te chu Nutei chuan min hrilh malh malh a,ka thiam dan dan in ka siam sak ve mai bawk.







School kal tûr pahnih an awm vang chuan chaw kan ei hma ang reng viaua,Nonoi leh apa erawh an la thawh veloh vang chuan kan ei san thung a.Nonoi chu College a kal tawh vangin hmanhmawh taka chaw ei a ngai ve lem lo pawh hi a awm viau e.







An kal fel hnu chuan thleng sil in choka ah chuan ka awm ta reng a,karkhat chhûng ka chawlh dawn vangin ka chawlh chhung chuan ka theihna zawn zâwna puih ve chu ka duh.








Nilêngin inchhung sekrek khawihin ka buai ve hle a,midang zawng an chhuak bawk nen an rawn haw hma chuan chawhmeh pawh ka lo siam zo der tawh a,an duhzawng ka la hriat vakloh vang chuan ka phuahchawp ve nawk nawk hi ani ber.







Ka rin ai daihin ka chawhmeh siam te chu an lo duh phiana,Dominic phei chuan a tiffin ka siam sak chu tui atih zia sawiin siam sak leh hrâm turin min ngen nasa khawp a.








"Nonoi hi chu rawngbawl lam hi ati thei vakloa,i Nutei ai mah pawn i thiam zawk a lawm le nangchu"ti in Pa Sawma pawh chuan min fak ve luam a,ani ang mi ṭawngtam lo lutuk ina min han fak ve chuan a lawmawm in a zâm awm ve khawp ang le.









Khum chunga ka phone ri ral ral chu Bathroom ka chhuahsan rualin ka hmu nghal chat a,pan hnaiin ka la kâng a.Min lo phone tu hming ka hmuh chuan ka phu zawk lo chauh ani,min be tura duh emem si in min lo biak atum tak tak tâkah chuan ka thin aphu dup dup a,ka sawi tur ngaihtuah lawk ho pawh chu an bo zo nghal vek.










Lâk ka tum lai tak chuan phone ri chu a tawp a,khuma ka theh thlâk rualin a ri leh nghal zat a;ning zetin ka en leh ta tho a...Amah tho ani min lo phone tu chu...rei fe ka Ring tîr hnu chuan aw zawi ang reng tak hian ka chhang a..."Enge i duh"tihzawng sawiin ka ngawi leh hmak.







"Khaw nge i awm"a aw ki chu a dik chiahlo in ka hria a,zu rui ṭawng te pawh a ang.Zu a in ṭhin tih hre tho mah ila hetiang taka hriat theih tur hian a rui ngailo thung.







"Ka awmna i hriat chhan tur a awm hleinem"tia ka chhan vang nge a chek hlak ri chu ka hria a....a reh vung vung takah chuan dah mai ka tum a."Ka tihpalh"zawi supa tiin thaw ala kâwk a,amah bawk chuan "Khawnge i awm?ka hmu duh che"ti lehin ngenngawl zet hian min zâwt a.






Reilo te chhûng kha chu ka khawngaih a, ṭha taka biak mai ka duh rum rum hman tawh.Mahse ka chunga a chet dan leh ṭawngkam te kha ka hriatchhuah rualin amah hlat ka duhna chu keimahah athawk na zawk.









Chhang tawhlo in ka hmet tawp zui a, chhûngril ah hian sawifiah theih loh na veng veng a awm a,chu chuan min ti hah in min ti chau nghulh nimai hian ka hria.








Tûnah pehhêl thei pawh ni ila Class ka kal ṭan leh hunah chuan loh theih loha ka hmuh ala ngai dâwn a,a hmel hmu reng chunga ahlata awm chu ka thei chiah angem.Hruaii nena an awm dûn tur vel ka ngaihtuah te chuan ka na a,chutiang athlen chu ka phallo takzet.







Ni hnih chhûng chu Class kal lo in in lamah chuan ka awm tawh a,in chhûng sekrek khawihin tihtur ka zawng reng a,a chhan pawh ka buai chuan rilru ka kawm tam loh phah a.Ka rilru ka kawm nasa ṭhin lutuk hi aṭha lo tih hretho mah ila mahni te chauha awm hi chuan eng eng emaw han zeldin a suangtuah chiam hi ka ching leh tlat zel.







Kha mi zana min lo biak zawh khan amah hlat ka tum tak tak tawh vangin min lo biak pawh theihna tur zawng zawng chu ka titawp vek a,engkimah block in ka phone pawh ka khawih ngai manglo tih tur ani.Heng amah ka la ngaih leh thlakhlelh tlatna te hi chuan min kiansan ve mai ka beisei bawk.









Nilaini zan ani a,zantir aṭang chuan khawpui ari dur dur reng a, ṭêk tla ri leh kawlphe zuai zuai reng te chuan awm an ti nuam chiahlo chu ni.Khaw awmdan aṭang chuan ruah sur nghek tûr te pawh a ang viau mai,chaw eina kan in tihfel hnu chuan ruah a sur tam bawk nen ka room lamah chho in khumah ka in thawlh thak a,zai ngaithla pahin tukverh lama ruah sur buan buan chu ka thlir reng a.









Dar 9 bawr velah chuan ruah chu a han ṭan a, mutchhuak in min zem in ka muthlu leh zauh ṭhin.Ka muhil deuh reuh tawh tihah chuan ka phone ri vang in ka meng chiang hle,ka beng bul lawka ka lo dah vang chuan a ring ṭha lutuk bawk nen ka harh chiang ngang mai.









Min lo Call tu number chu ka hriat ngai ani lo a,lâk loh ka tum zet nangin pawimawh te alo nih thut takin tiin ka chhâng ta hram a.
"I in kawtah ka awm,in be lawk ang reilo te" a aw aṭang in Rinsangpuia ani tih ka hre nghal a,tun ang hunah te engthu nge maw a sawi le.








"Engmah sawi tur ka neilo"tia chhâng in tihtawp mai ka tum a,"Keiman ka nei alâwm,ilo chhuak dawn nge ka lo lut dawn" a aw aṭang chuan a lâwm hmel tehchîam loh hle.Ka Nutei te in ah ka awm tih lo hria pawh nise helai hmun thleng thlenga ahriat chu ka ring lo a,athusawi te chu ka ngai thutak emem hranlo.








"Ka awmna pawh I hre bawk lo"ti hlak in khua avawh deuh vang chuan ka in khuh ṭha sauh sauh a."In Gate pawnah hian ka ding mek, pangpar ava tam teh tuarh ve " zâng khai vaha atih chuan ka ṭhu chhuak hlawl,parda ka zâr phui tawh chu tlêm pawt kau in Gate lam chu ka bih dek dek a.









Ka rin loh lutuk in amah ngei chu kan in lam hawi hian ading a,ruah chu sur tam tawhlo mahse ahma in alo do tawh tih hriat takin a thawmhnaw hak chu ahuh ni in ka hria,a sam buk ve angreng tak chu a huh chap bawk a;a tuai leh puat ṭhin chu ka hmuh hmaih lo bawk.








End of chapter 20


Show post links
Top

[Ngaia]

Enge maw i hriat le?Haw rawh"a rawn lut duh tak tak mai ang tih chu ka hlau a,tûnah dar11 apel tawh a inlêng neih hun anih tawhloh bakah heta ka awmna ala reilo bawk nen Nutei ten min ngaih dan tûr mawlh chu aṭha zawngin ani dâwn hauhlo tih ka chiang.







"Lo chhuak lawk la,arei lo ang"ala ti ṭalh a,ka awmdan chu hreawm tak ani.Ka phi cheng a, lo lût tûrin ka duh loa,amah hmuh pawh ka la duh rih lo...engtin nge ka tih ang aw.








Ka kawrlum chhah angreng tak chu ha in room kawngkhar a zawi thei ang ber in ka hawng a,alo thim ṭhup tawh vang chuan an mu vek tawh ani maithei.Kailawnah chuan dim tea pên thla zêl in kawngka pui zawn ka thlen chuan ka thaw huai a,ka chhuk thlâk chhûng zawng khan thawk pawh ka thaw manglo hial in ania ka hriat ni.







Ruah hmi a la tla ser ser a, nihliap ken thlak nachang lah ka hre der si lo.Ka kut chu ka lu chunga dahin Gate lam pan chuan ka pen zui a.Pawnlam boruak chu ruahsur nasat vang nge a vawt riau a, kawtlai lah chu a chiau pur nen ka kekawr tlang pawh chhoh ngai nen ka in daihlo takzet.








Gate chu hawngin in hmatawn in kan ding leh ran tawh a,ni reilo te ka hmuhloh chhûng ringawt pawh chuan ahmel alo dang hman in ka hre tlat peka.A lang cher in a dawldang riau hian ka hria,a sam buk ve tak ṭhin kha a huh vang in abuk theilo bawk nen amah a anglo lek lek hial ani.







"Engtia rei nge min pehhêl i tum"atih chuan chhânna ka pe lova,ngawirengin ahmel en duhlo in ka kûn tlat.Ka kut rawn ban atum nia ka hriat veleh ka kawrlum ipte ah ka kut ka dah lût thuai a,lai deuhin a kut chu arawn phar chhuak hman tho.








"Ka thiamlo ani min ngaizawng rawh"nui lek leka atih chuan ka ngei rilru viau.Ka thutak tehreng nen hian tun ang hunah pawh fiamthu thawh hi ala tum ṭalh chu nia.









"Ka uang peihlo,chutiang mai mai sawi tur chuan helai thleng thleng rawn kal angai em ni"bak hlara tiin leia tui tling chu ka chhir pah a.A rûk thei ang berin chhûngte hmuh hlau êm êm in ka chhuak ru ve a, chutiang a minlo fiam kual mai mai chu ka lawm lo nasa.









"Min ngaihzawn tawhloh itum sia,ka phallo tihna nihkha"thutak zeta tiin min din hnaih sauh a,kei ka lo tawlh hnung hret thung."I duh i thlang fel tawh alâwm,inzawmna kan nei tawh lo"ka thinlung ina apawm theih siloh chu ka kâ aṭang achhuak a,hlat ka duh,ka hlat theih siloh ani tihhi hriat tir ka tum hauhlo thung.








"Ka duh chu nangmah,chuan ring tur che ka nih laia khatianga ka awm vang khan ka diklo" a sawi lai chuan hawi chhuakin chiang takin a mitah ka en a,a mitmeng thûk tak leh chauh hmel zet ah chuan a thusawi chu dawt mai mai anilo tih ka hmu thiam.









"Ka ngai tawh lutuk che" athusawi te chu ka hriat duh ber ber te nimahse chhungrilah asawi rual chuan na a awm a,awlsam tak a ngaihdam theih anilo.








"Rinsangpui...hmuh che ka duh tawhlo..vawikhat mah lo kal tawh suh"theihtâwpin ka in pet ruh a,ka kawr tlang hmer ngawt ngawt in tuna ka sawi zawh tak chiah kha harsa takin ani ka sawi chhuah theih hram ni.








Min chhan na pawh ngaichâng tawhlo in ka in her a,chak tâwk in Gate lam pan chuan ka pen phei hlawk hlawk bawk.Vawikhat mah ka hawi let lo a,inchhung ka luh leh rual chuan ka ruak nghal huai in ka hre thung.









Khuma ka mut leh rual chuan ka bianga mittui luang chuan ka lukham a thleng a,ka natna te min ṭawmpui tu awmchhun ka lukham chauh chu ani ka natna te hrethiam tu chu.








Bike tlân chhuak thâwm ka hrelo a,rei ngial ka ngaihchân hnu pawh chuan ala reh vung vung mai si.Ka mit nuai nawk nawk in ka tho chhuak leh a,tukverh lam bawk chu ka pan phei leh.








Parda tlêma keu kau in kawngpui lam chu ka zuk en a,a dinna ngaia ala ding reng ka hmuh chuan ka thaw ipik leh zual in ka hria..








Khum chunga ka phone dah chu en in call ka tuma,chutih lai chuan a message a rawn lut ve chiah bawk a."Zantin ka lo kal ziah ang,min ngaihdam hma chu"tih zawng hi minlo thawn a.Ka chhiar nawn leh ṭhin,phone ka bih mek lai chuan Bike tlanchhuak thawm chu ka hrezui bawk a.








Keima tâwk ah ka luhlul ve viau in ka in hre ṭhin a,mahse; Rinsangpuia nena kan inkârah erawh a luhlul zawk chu phat rual lohin amah ani.A sâwi anga zantin khatianga arawn kal anih teh chuan chhungten an hmuh hun te pawh ala awm anga,zawhna atam in ka sawi duh loh pui pui ka sawi mai angai ang tih te chu ka hlau.








Muhil thei lo in a Message bawk chu ka chhiar nawn leh ṭhin a,chhânna ka pe lo a,enge sawi tur ka hre hlawllo bawk.








A sawi ang takin atûk zanah pawh chuan dar10 bawr vel ah chuan Gate pawnah a bike nghenga dingin alo awm leh reng tawh a.Damiana leng alo la haw lo bawk nen a rawn haw chuan buaina te a awm phah ka hlau a,ka rilru chu abuai takzet tawh.











A luhlul dan chuan min ti thinrim takzet,engmah pawh sawifiah lo in atih dikloh zia a sawi ringawt a,alama let leh turin min ti tawp bawk anihkha.Duh viau mah ila induhtawkna ka nei lian ve em a,chuti maia ngaihdam chu ka tum hauhlo.








Atana ka hlu ve tak tak anih chuan atlawm zawk tur ani,chuan engtia rei nge hetiang hian atih peih dâwn en ve reng reng chu ka duh tlat.








Ka room kawngka kik ri vang chuan inthing harhin kawngkhar lam ka pan a,ka hawn rual chuan Damiana hmel ka hmu zui nghal a."U Bawih,kawtah khuan mipa pakhat in a nghâk che a,"ka Naua chuan ati niah niah a,engtia han hrilh fiah chi nge maw ni dâwn le.....









"I u khi ka bialnu ania,mahse min hmu duhlo a sual tiraw"ati bawk a atih chuan ka lo nui tawp.Engvanga chutianga lo sawi kher kher nge maw anih le!!Hepa zet hi chuan min ti zak reng dâwn anih hi.









"In inṭhen nge in in hau ringawt"intlahrun hmel deuha ka nau in min zawh chuan chhan dan tûr ka vân riau, inṭhen ka duh thu chu ka sawi ngeia...mahse amah lah chuan a duhlo thu ngawt asawi thung kha nia.Eng nge kan nih chiah pawh ka hrethiam tawh biklo.








"A....ih...kan in hau ve deuh mai mai mawle..midang hrilh rih suh aw alo kal tih,a haw ve mai ang ti khuan" tiin ka nau chu ka nuih tlawn titih tawp.Diktak chuan midangin an hriat ve vek chuan zawhna a tam dâwn nen hre rihlo hlawm se ka ti takzet.Ka nutei phei hi chuan min zilhin thu ṭha min hrilh hnem a,chumi vang ringawt pawh chuan ka zah rilru viau tawh.









"Hrilh lo ang,in rem vat ru... tûnang hun thleng thleng a khutianga a awm reng peih te nih chuan mi sual tak chu lo tawp ang"ti ve in ka nau chuan min ngaihtuah hmel viau bawk.









Kan chen ho na ala reilo nachungin Damian nen hi chuan kan in pawh riau a,an unau ah chuan keipawn ka pawh ber leh nel ber ani.A sawi zawh chuan a room lam panin a helmet khai chung chuan min kalsan zui a,kawngkhar khâr phui leh in a dinna lam bawk chu ka hawi thla leh a ..ka room lama arawn hawi chho ka hmuh rual chuan parda tiphuiin chet pawh ka che ṭha ngam tawh lo.










Ka din ngaia ka din reng lai chuan ka kekawr Iptea ka phone ah chu an rawn ri dat a,phawrh chhuak in a message chu ka hmu nghala."Duati,tuideuhin i mu dâwn nia aw..ka lo nghak reng che ania"a phone number thar ka block loh zawk aṭang chuan message pângngai in min rawn thawn a.
Chhâng let lo in khumah bawk ka let thla leh a,engtia tihzel tur nge tih chu ngaihtuah in ka hriatloh laiin ka lo muhil a, ka harh leh chuan thawh alo hun viau tawh.









Kartluanin zantin zan rei lam ah a dinna ngaia dingin ka room lam alo hawi chho ṭhin a,a lêt dâwn apiangin goodnight Wish min thawn in ahaw leh mai ṭhin a.Diktak chuan ka ngaiin ka thlir phak renga awm ka hnaih theihsiloh chu ka thlahlel takzet tawh.







Rinsangpuia POV







Ṭap chunga Hruaiin min rawn biak zan khan ka rilru a buai tak zet a,a thlalak min rawn thawn ka hmuh phei kha chuan thinrim leh rilru na vangin ka puak darh mai dawn emaw ka ti hial anihkha.







Ka pa a stroke thut vangin damdawi in ah ka awm puia,ka phone ka thlauh darh vek bawk nen engmah pawh hrilh lo in ka awm angaih phah a.Kan inkar ṭhat loh lai tak leh nghalin khatiang thlalak ka hmuh vang leh,ahnen aṭanga insawi fiahna emaw pawh ka dawn loh vang khan ka thinrim takzet.









Ka duhdan nimiahlo in ka khawsa a,rilru fim ka put theihloh vangin a insawi fiahna pawh ngaihthlâk sak duhlo in ka chetdan kha amawilo takzet tih pawh ka hria.Hruaii nena kan awm dan ahmuh avangin athinrim in min ring lo tih ka hria a,ka theihtawpa ka hrilhfiah pawhin min ring zo lo anihkha.Kha thil thleng avâng khân phuba lâk nan tiang khan a awm ta ah ka ngai nghet hmiah bawk.







Mahse....thudik ka hriat leh meuh chuan Hostel aṭanga achhuah tawh thu leh anutei te bula a khawsak rih tûr thu ka hre leh zêla.Min block vek vangin ka be thei lo a,ahmel hmuh tur awmlo leh ka biak theihloha a awm chhûng kha ka tan chuan arei tak zet.








A awmna ka zawn chhuah hnu in number dangin ka bia a,ka rin ang ngeiin min lo chhang ṭha duh hauhlo anihkha.Min phatsan emaw ka tih khan ka na a, hmeichhia vangin khatiang tehhrep khan ka awm ang tih ka lo ring ngailo.










Ahmel ka hmuh khan min huat zia ka hmu a,ngai pawimawh duhlo in neih let leh tum in ka bei bawk.Ka tihtura ka lo dah ngai loh ti in min ngaihdam hun ka nghâk a,tûn thlengin min hmuh ala duh lo a,min ngaihdam thei kher angem ka hrelo bawk.






Daphne POV








Chawlhni zan inkhawm ban chuan Nonoi nen noodles chhûm in choka ah kan ti ti a,ka awmtirh ai ngawt chuan kan in nel in ani pawh ka bulah a titi siam siam tawh a, unaua hmeichhe awmchhun ani ve tho bawk nen an bula ka awm chu alâwm zia a sawi chamchi tawh a.Laizawn neilo ka nive tho bawk nen unaunu nei tharah in ngaiin keipawhin an bula awm chu nuam ka ti viau tawh.










Kan eina vel kan in tihfel lai chuan Sitting room lama Pa Sawma leh Nutei te in be ri chu ka hria a, ṭhenawm a an luh kawi zawk vangin keini kan lo haw hmasa kha nia,rin ai tak chuan an lêng reilo phian.










Nutei zâwk chu choka a rawn lut in thingpui lum sak lawk tura min ti in a chhuak zui leh nghala.Nono in kan eina asil a,keiin thingpui chu ka lo chhuang ve bawk a.








"Bawihi hei i ṭhianpa a rawn lenga,thingpui kha lo chhuan kep rawh aw"tia Pa Sâwm an min rawn auh vang chuan Nonoi ṭhian niturah ngaiin thingpui pawh chu ka chhuan belh a.











Thingpui no pathum chawi chunga ṭhut khawmna lam ka phei lai chuan Nonoi pawh Phone bih mual mual chungin ka hnungah a rawn kal a.Center Table a thingpui no ka dah thlak hnua ka hma zâwna lo ṭhu ka hmuh chuan ramhuai hmu ang mai hian ka meng phawkin ka ring.










"Nang maw,engtin...ngati"ka ṭawng bah nuaih in sawi tum ber pawh ka neilo.Rinsangpuia maw!!Ka ṭawng bah nuaih vang nge ani lah chuan nui ruh ruh chung hian ka awm dân lai lutuk chu min lo nuih ru têt tet a.








"U Sangpui ps5 chu ka nei lawm min khelhpui tak tak rawh aw"kailawn aṭanga Damiana rawn au thla lauh lauh lam chu melh leh in a thusawi awmzia chu ka lo man hlawllo.




"Umm..kan khel dâwn nia"tia lo chhangin in nel sa a in bia ni mai awm anni.Damian lah chu abula ṭhu thla in a phone chu a en tira,enge maw hmuhin an in hrilh fiah vel ni in ka hria.








"Bawihi,kurtai chu"Pa Sawma tih ri ka hriat chuan ka harh chhuak zawk a,min biak lai reng reng ka lo hrelo.Choka lam bawk panin kurtai awmna bawm chu ka hawng rak rak a,ka rilru chu anuamlo takzet.








Kurtai ka dah chhuah chu kengin ṭhut khawmna lam pan chuan ka phei leh a,Nutei inthlak zo pawh room aṭanga rawn chhuak ve in ṭhut na awlah chuan a ṭhu thla ve nghala.






"Mampui,kha I ṭhianpa thar em ni"Nutein atih chuan ka lo ip zawk,engtin nge achhan ang tih ka ngaihchân reng lai chuan hlauh ang ngeiin "Ka ṭhianpa thar chu nia,chuan au Bawihi ṭhianpa pawh ani tho"tiin ka naua chuan sawilo se ka tih tak chu a rawn sawi nalh a.A la naupang ve tho bawk nen sawi dan tur dang tur a hre hlawllo ani mahna le.









"Chuti maw,i va fel ve enge i hming"tia Nute in azawh pah chuan ngunzetin Rinsangpuia chu a melh reng bawk a.


"Rinsangpuia ka nia"ti nghut in Damian chu games lampang emaw ni chu hrilhfiah in anla buai dun khawp mai.Nutei hmel ka en chuan mak ka ti deuh,enge maw tak vei nei hi a ang riau.









Rei aleng hran lo a,a awm chhûng zawng khan ṭang ṭeuh a ka awm vâng nge ka na ṭhum thei.A haw dawn chuan kawngka bul thleng chu ka thlah ve kha nia,hlim hmel pu sarh in "ka lo leng leh vat ang,chuan minlo unblock tawh la"tiin min thlah anihkha.Chhanna pe lo in a tlan liam tur ka thlir a,hepa hi a inchhîr ve tak tak anih ka ring tawh a,engmah atirah ka hrilh biklo nen ka thiam loh te pawh a awm vetho in ka hria.







"U Bawih,i ṭhianpa kha avan chhelo em em,i bialpa mi"ka room a arawn luh rualin Nonoin arawn ti lut a.A ṭawng ring angreng sia zaizir in ṭawng zawi tûrin ka hrilh a,a hmui hup chawih chawih in ka khumah chuan arawn lawn kai a.







"I bialpa tiraw"a sawi zawi leh lutuka a bul hnai tea ka awm chung pawh ka hre pha ṭawk.




"Kawngka bulah i au vak vak a,tunah lah i phun sep sep a" nuihza insum deuh hian ka ti a,ani lah chuan ahriat thiamloh hmel nasa.





"Rinsangpuia nên khan unau niâwm vel in ni,chhah dun lutuk mai"ti in ka nuih a,ka bula mi lah chu nui ve duh ṭhak lo in a ṭhu tum bur.Chutianga awm leh lek phei chuan Rinsangpuia nên an in ang leh zualin ka hria.








"I bialpa ai khan ka hmelṭha fe"hawi sâng vah hian ati leh a,ani pawhhi hmeichhe naupang tereuh te ang mai hi ani.Kan in hmuh tirh kha chuan ka nel lo in min ngainat loh hmel deuh khan a awma,mahse kan in kawm nel hnu hi chuan atîra amizia tur anga ka lo ngaih ang kha ani hauhlo thung.







"Ka bialpa pawh ani rih chiahlo,kan inṭhen deuh reuh, ṭhen chiang chiah chuanglo"ban charha ka tih chuan alo ngaihven nasa.





"Maw...mahse in va ṭhat hmel si ve,alo leng bawk sia"zawhna nei hmel hian min en a,ka sawifiah hun chu a nghâk reng bawk tih a lan danah achiang reng.Pehhêl deuh tak siin kan chungchang tlêm azâwng chu ka hrilh a,ngun zeta ngaithla in thurawn min pêk tur erawh aneih hmel lem lo.








Nonoi chhuah hnu chuan khum siam in atuka College ka zâwm theih tawh dawn vangin mut mai chu ka tum a.Ka WhatsApp ah lût in Rinsangpuia pawh ka unblock a,message erawh engmah ka hnutchhiah lo.







Ka Alarm rik rualin ka harh a,karkhat College ka kalloh chhûng kha hun rei tak ang mai niin ka hria.Ka ṭhianten min rawn be fo va,Note pawimawh tur te min thawn in ka tan an la ṭha emem vek.







"Bawihi,Nonoi te College leh in College hi a in pen hleh deuh si a, i Pa Sâwma rualin kal mai ta che,ani in College lama kal tur ani bawk a."






"A ngai kher lo sin,Bus pawh a awm thoa thlah ka ngai lo ang"min buaipui nasat tawh nen ka class kal tûr lehzêl in thlah tîr chu thil tih chi ni in ka hrelo.






"Engmah buaina tur a awm hleinem,ka kalna lam tûr tho a lawm"Pa Sawman atih ve tâk tlat vangin han hnial chiam kha a mawi tawhlo bawk nen aruala kal tûr chuan kan in sawifel thei hram.






"Mampui,leng kual tawhlo in lo haw tlang ang che"tiin Damiana chhuak tur chu ka nutei chuan a au zui lawm lawm a,a biak pa ber lah chuan a hrephak pawhin ka ring tawh chiah lo.






"A unau te an fel tehreng nen hian he nau hi chuan min ti buai ṭhin ania,a len hrat lutuk ber hi engtia tihchi nge pawh ka hre tawhlo"choka a che mawlh mawlh pah hian nutei chu a phun hluk hluk reng a.






"A duat ber tho..ti sâwn a in ang dam leh mai ang"chaw bar mawlh mawlh pah in Nonoin ati a,athusawi vang chuan ka lo nui hak thung.






Insiam tûrin room ah ka chho a,inhnuai lama ka chhuk leh hnu chuan an lo chhuak deuh vek tawh a.Kawtah Pa Sawma'n min lo nghak in a Car chuan kan College lam chu min pan pui a.






Traffic jam a nasa lo hlauh a,nidang zawng aia hma in College ka thleng.Campus chhunga lût mai lovin Gate bulah chuan kan ding ren rawn a,ka phone phawrhin Tesi ka Call a.






"Aw Daff,khawnge i awm?"a chhan rual rual chuan ati a,Gate pawna ka nghah thu ka hrilh chuan an lo thlen ṭêp thu alo sawi ve chiah bawk a.






Rei vak lovah Zopara leh Tesi te rawn in phur phei chu ka hmu pha tawh a,an rawn thlen hma hauh a ṭang chuan a ban arawn vai lauh lauh tawh a.






"Hei... Babyshark...nitin Class kal tawh ang che..i awmloh chuan ka rim lutuk,i ṭhiannu hian min sawp hlum mai dawn"a helmet kuah run chunga tum burin Zopara chu a rawn phun phei hlak hlak a.






Ahnungah Tes-in rawn zui in ka bul alo thlen chuan min kuah nghal chung chung a."I awmloh chuan anuamlo lutuk,Kan vaiin kan ngai tawh che"nui sânga tiin ka bânah min pawt ṭung a.







Classroom kan luh chuan tu vak mahin minlo ngaihsak lem loa,kan ṭhutna lam panin kan ṭhiante an lo la thlen ve loh vang chuan kan pahnih chuan eng eng emaw sawiin Tesi ṭawng chu ka ngaithla ani ber zâwk.Kar khat kan in hmuhloh chhûng ringawt pawhin sawitur alo ngah leh viau tawh.










Chawhma chhûng zawng class kan nei tluan a,chawhnu lam kan off ni ani thung a.Ka rinloh deuhin Hruaii hmel hmuhtur a awm lova, engvanga class kallo nge anih ka hre hauhlo bawk.







Corridor a kan phei lai chuan Tes-i ka zawt ta nge nge a,ani lah chuan a chhan ka hrelo chu mak alo ti zawk hle a."I hrelo tak tak maw,Sangpui an ahrilh lo che mi?I Nutei te veng pawh kha ka hrilh sia...hmu tur che in alo kallo em ni?"tiin min zâwt let a.








A lo kal ngei thu leh engmah Hruaii chungchang a sawi loh thu in ka lo chhang ve bawk a.Tesi bawk chuan min kal hran pui in tlêma mi reh na lai deuhah chuan ti hian a sawi ta a."Atîr kha chuan ngaihdan ka nei thiamlo lutuk a,Class ah khan engmah i sawi bawk silo a.Khatiang a i awm kha ka ring lo lutuk a,mahse Hruaii khan fiahna chiang tak nei ang khân a in sawi bawk nen kan rilru abuai tlang lutuk a.Sangpuia thinrim lutuk mawlh kha a in thunun hleithei silo a,mipa thlalak ami kha Jacob amaw te atia an in sual phah a lawm" asawi takah chuan Jacob ka hre chhuak zawk a,khami ni bak kha min lo be leh tawh lo a,ka rilru mumal lo nen keitak pawhin biak nachâng reng reng ka lo hrelo.









"Chuan engtin nge ni zêl"tia zawt in uluk takin Tesi thusawi te chu ka ngaithla a."Engtin tak nge ahriat chhuah chu ka hrelo a,nilaini kha ni in ka hria Miss Zoremi chhuah hnu lawkah Sangpuia arawn lut a,a thinrim hmel em em leh nghal a maw...chuan Hruaii kha a pawt chhuak nawk nawk ani mai.Enge an va sawi chu ka hre chuanglo a,ka hriat leh danin Hruaii plan vek ani tih a hrechhuak ani awm e.Khami ni ṭang khan Hruaii chu Class a rawn la kal leh lo"tiin ka kalloh chhunga thil thleng te chu min hrilh a.









Kan ina a rawn kal zân khan atih diklo zia chu asawi ngei,mahse Hruaii hming vawi khat pawh a sawi ri lo a, tuna Tesi sawi zawng zawng pawhhi pakhat te mah sawi a neilo chu anih kha.









"Pawi ka ti,keimah vangin in ṭhianho kar a chhiat phah a"inthiam lo deuhin ka ti a,"Pawi ti suh,ka ṭhian ani tawhlo...a nasa tih chu ka hria,mahse khatiang zawng khera a chet kha ka ring lo a.. ṭhian rilru chhe deuh ka nei peih reng reng lo"thawveng zeta tiin min nuih var a.








"Chuan maw bawihte...i bialpa hi ka rin ai daihin alo Man tlat,chuan dem suh aw,a duh em chea midang tan aphalloh em che vângin a duhdan lo pui pui in a awm phah nihkha"a ṭhianpa chhuan hmel zet chuan ati leh zar zar a.










Rinsangpuia chungchang ka ngaihtuah a,ka rin ang hi alo ni loa,ka rin loh ang hi alo ni leh daih ṭhin.A tana ka hlut zawk zia chu chiang takin a lantîr tawh a,keilah chuan thinrim khumin ka tlanchhiat san reng a,amah ka lo ringlo lutuk chu hreawm ka ti rilru takzet tawh.









"Midangin an hre ve em?"tia ka zawh chuan kan ṭhianho leh Sangpuia ṭhiante chauhin an hriat thu leh Hostel aṭang ka chhuak ta ro ro bawk nen,Sangpuia chuan hmeichhe tih mualpho kher chu aduhloh vang in midangin sawichhuah an tum pawn a khap thu chu a sawi a.







Ni e,ka tana mi pawimawh thudik hre tura ka duh ten an hriat chuan a tawk mai e,Tesi thusawi zawng zawng te vangin Ka bialpa chu mipa rilru ṭha tak anih zia ka hriatbelh leh ta chu ania,he mipa hi ka phulo takzet ani.









"Vâkvel...ka bialnu hi lo ta neih ve ziah suh"ti tu lam chu rang zet in ka hawi a,kan piah deuha Rinsangpuia nui hmel chu ka hmu nghal a.Nuih let var var in kan lam pana alo kal chu ka lo en reng a.








"Khawi ka lo nei ve tawh ang"nui suk paha tiin Tesi min vawn beh rengna kut chu lâk thlak sak mai ahan tum a,"Tuaia,kal mai teh...aduh tawh lo che"in tithei fea Tesi chuan ti letin an in melh rum dun leh nasa tawh viau.








"In ninawm,khawi maw min thlah veve teh u...naupang kaih det det rual pawh ka nih tawh loh hi"an pahniha en tawn zak zak chuan ka in la hrang a."Ka mitah chuan naupang kaih det det rual chauh ila ni"nui put put chunga Rinsangpuia'n atih leh chuan ka lo tum bur.






"Naupang ka nih te chuan ngaihzawn rual ka la ni lo tihna nih chu"titau derin ka in her san hmak a,ka titau tak tak lo tihchu ahriat ring tho mah ila atihdan chiaha chhaih let ve chu ka châk tlat.







"Awi awi...hemi te hi an ṭan leh tawh dâwn"uak der velin Tesi lah chuan alo ti ve sek bawk.Zopara kan lam pana rawn kal chu lo pan vatin" hemi te hian ka luak an tichhuak...thil va ei daih ang"tiin a kal pui nghal dawr dawr a.Kan pahniha hun thawl min pêk atum dan te ve lahhi,tiang hian a ti ve ziaha kan man thiam vek tawh sia.








"Ka bialnu tereuhte hi ka ngai tawh"ka kut rawn ban in a hum a,amah huatna ka nei tawh loa,ahma ai mahin ka duh zual zawk.Engtin tak nge Hruaii chet dan a man chhuah dan chu ka zawt chak viau nangin aman asawi hun chu nghah ṭha zawkin ka hria a,têt te aṭanga lo in kawm tawh an nih vangin pawm harsa ati in a rilru ana ve viau in ka ring a,chuvang chuan thil engkim sawi tura nawr luih tumna ka nei tawhlo a,engkim aṭha vek tawh bawk nen abula hlimtaka awm leh mawlh chu ka chak tawh.





End of chapter 21



(Tunlai ka nawm sam loh vangin duh angin ka ziak hleitheilo ṭhin a,nidang zawng aiin ka upload har tih pawh ka hria a,ka story min ngaihhlut saka min lo chhiar sak ṭhin tu te zawng zawng in vaiin min lo hrethiam hrâm hrâm dâwn nia.Theih anga rangin upload kan tum zêl dâwn nia...chuan ka lawm emem vek e🫶🫰🥰)


Show post links
Top

[Ngaia]

Thil ei tûrin Canteen lam min pan pui a,eitur lah chu a chah hnem emem leh nghala."Ngati em em nge,i ei zo seng dâwn mi?"ka tih chuan awlsam zet in "thei mai ang,zingah engmah ka eilo..ka helhhawlha"tiin a nui suk a.







"Min hmuh dâwn vang in chaw te I ei thei lo vel a"tih el deuh reuh a ka tih chuan nur nanga min en in "Thawhṭanni hi ka Favorite Colour ania"ti daihin chimawm zet hian a nui vel a.A chhuanlam te lahhi maksak thei ve sia...min hmuh chak tawh vang ani reng sia.








Eitur an rawn chhawp hmasak apiang chu lo ban zung zung in a ṭâm ngang aniang chu ṭawng manglo hian a ei nghal mial mial a,a helh mai hlauin tui ka lo pe bawk.Kan eizawh meuh chuan ka chek tlak tlak ringawt,a ei zawh theih tak tak ka rinloh tehreng nen alo thei nasa...a puar khawp ang le!!









"Ka mut achhuak vek,ka puar lutuk"atih tak thlawt kha...adik ngei ang,a eive bawk em ani.Canteen aṭanga kan chhuah chuan Class ka la neih leh neih loh min zâwt a,kan neih tawh loh thu ka sawi chuan "Period khat chiah ka nei tawh tho,ka off mai ang"alo ti ve nghal thuai a.









Nidang chu nise Class a awm turin ka ti lui ngei ang,mahse;amah ka ngaih em vang leh abula thlamuang taka awm chu ka châk ve tho nen ka hnial ta bik êm lo.








"Kan inah kal mai ang hmiang,reilo te mut lawk ka duh..tumah an awm chuanglo..ka zak tih I tum tâk in"ti in ka sawi tum chu hre lawk ang maiin min chhang zawm nghal a.








A ban bula na vakloa chum dawtin "Ka duh chuang lo" ka ti nghat a,a nat dawnloh tehreng nen inti na derin naupang chhia zetin a awm leh tawh a.Hetianga a awm châng hian anuam ka ti ṭhin,ahunah pa takin a che ṭhin a,ka bula naupang chhia taka awmchang anei in hetiang hian midang bulah a awm ve kher pawhin ka ringlo.









Mipa naupang in anu ngaihsakna dawn tuma na der nên hian ka tehkhin ber a,ka bula chutianga a awm ṭhin vang chuan nuam ka lo ti veng veng ṭhin.








Vawikhatmah an inah ka la kallo a,a chhûngte chanchin pawhhi ka zawt ngai heklo,hre tura min duh chin chu a sawi mai turah ka ngai a,lo zawh chiam tumna ka nei lemlo bawk.









A bike a in phur in an veng lam chu kan pan a,kan hmaa in lian zet leh changkang tak lam pan chuan tlân zêlin Gate ah chuan a tlan lut a.Garage lian ve angreng takah chuan tlân lut in a ding ta chat a,Scooty leh Car manto hmel zet te, Bolero dum nalh zet te chu an ding tlar ṭhap a.





Ka hriat danah an chhungkua hi an tam lemlo kha nia,mahse hei lirthei erawh an hung tam viau chu anihhi.Kawtzawl zau angreng tak neiin pangpar chi hrang hrang a kat nuk bawk a,hmuh an nuamin an mawi hlawm tak zet.









Doorbell ahmeh rik ral ral hnu rei lo teah chuan nula la upat hmelloh tak hian kawngka chu arawn hawng a.Ahmel aṭang chuan hmuh min beisei hmel viau loh,mak tih hmel deuhin min melh tawn a,kalsawn lawk nachâng pawh ahrelo hial.








"Siamsiam,kan lo lût ve ang chu"tia Rinsangpuia'n abiak takah chuan alu thing nghut in inthiamloh hmel zet hian a ding sawn thuai a.Keini pawh chu inchhungah chuan kan in zui lut ve nghal bawk a.











"Thil kan ei tawh aw,buaipui kan ngai lo vang,ngaihven kan ngailo ang aw"dam thlupa tiin in chung lama amah zui tur chuan min mitmei zui a.An in chu a pawn lam a ropui ang bawkin a chhûng chu pui tak ani,film vela ka lo hmuh ṭhin ang mai niin ka hre hial ani.










Room kawngkhâr chu hawngin ka luhna tûrin kawng min kiana,ka hnungah chuan rawn lut ve in kawngka chu a khâr zui a.A room chhung chu in lian ve pangngai tak tiat lawih hi ani hial ang,engkim a awm vek tih tur hi ani.










TV,fridge,sofa set leh tar mawi eng eng emaw a awm nual a,a khum pawh chu lian ṭha tak ani.Bang kil lam deuhah chuan Guitar pathum lai hi a hung tlar dal bawk a,a room chhung chu mipa room tih takah hmeichhe tana han lawm tur emem erawh a awm lo a,chuti chung chuan a pui tham viau thung.








"Hahdam deuhin lo awm rawh,kan in bual lawk ange aw..areilo ang"tiin Bathroom ni awm tak lam pan chuan a kal zui nghal a.









Sofa ah chuan ṭhu in kan hawi kual leh te te phawt a,hetiang em em a room lian hi mi in an nei ngai tihhi rin harsa ka la ti hial.A Guitar pakhat chuan ka mit ala riau a,a dum tliang hlarh ni in uluk taka enkawl tih hi ahriat hliah hliah bawk.








Chu Guitar ngei mai chu la in ka en chianga,a kil sir deuha Rinsangpuia signature ni awm tak pawh chu ka hmu tel a.








"I perh ṭhin mi"ka hnunglam aṭanga arawn tih thut vang chuan ka phu dawrh a,ka Guitar pawm lai pawh chu ka thlauh lo chauh."Min ti phu lawm,thawm rawn siam hmasa ve tal ta che"bak hlara ka tih chuan alo nui mai a.









"I khawih tui lutuka,ka rawn chhuak thâwm i hrelo mai mai nihkha"atih chuan chhang lo in guitar bawk chu awmze nei mang lo hian ka zut ri leh ṭhin a.








"Khawi ka lo zirtir ang che"tiin ka bulah chuan a rawn ṭhu thla ve nghal a."Kawr va ha phawt rawh"boxer nen chauh a awm vang chuan nuamlo ka ti riaua,mipa room a hetianga ka awm pawh rilru nawmloh sa nen hetianga a awm te chuan hahdam in ka awm thei hauh lo ang.









"Min hlau ani maw"nui ruh ruh chunga atih chuan amalah ka lo chum sak ṭawlh a,"i kut hi a ram ve sia maw"a mal tuai vat vat in ati nang nang a.Amah pawh en duhlo in Guitar chu ka melh lui tlata,diktak chuan ka awmdan chu anuam lo,ka thinphu a rangin ka in sang mar ṭeuh a,ka inthlah dul thei lo.









Engmah sawi zui lo chuan a Closet ni ngei tur lam chu pan in a in hai ruk ruk a, tshirt dum nalh deuh mai hi rawn ha in half pants aha tawh bawk a, heti chuan a ngaihṭhat thlâk deuh tawh e.







Ka Guitar pawm lai chu la in a kuah a,"zai rawh"a guitar zut rik rual chuan ka lo tive nghal thuaia.Ka ṭhut dan siam remin a Guitar perh ri chu ka ngaithla kar reng a,kei a mik a mak hremiahlo perh ve ngawt ai chuan ngaihthlak anuam bik zar mai.






"Eng hla nge I duh" atih takah chuan phûr fe a amah en ran in "Somebody's me,Enrique hla kha"ka lo ti vat a.







A Guitar chu uluk zeta perhin ka hla duh em em mai chu a sa ta a,ka rin ai daihin a aw nen a inhmeh a,a zaithiam ka ti bawk.







"Somebody wants you, Somebody needs you, Somebody dreams about you every single Night, Somebody can't breath,without you its Somebody hopes that one Day you'll see,that somebody's me."







A thunawn asak lai phei chuan ka lo feel veng veng a,a zai kar laka a mitmeng nur sar a min lo en phei chuan lunglawm hi a kim takzet a, kei hian ka duh mai nilo in ka hmangaih tawh takzet ni in ka in hriat phah bawk.Amah vangin awlsam te in ka na a,amah vang bawkin hlimtakin ka nui leh ṭhin anihhi,heng tehi duhna vang chauh ani thei in ka ring tawh lo.










A zai zawh chuan kut ka lo beng a,"I thiam lutuk,i thiam ber"tiin kutzungpui tipir vahin ka nuih var var a.A mitmeng nung sar leh thûk zeta min melh tâk rengah chuan ka zâm ru leh viau tawh.









"I mut a chhuak sia,mu vat la haw tlai a chi dâwn loh ania"tia chhuanlam siamin ka hawi kual vel a,che hrut in a Guitar pawm lai chu chhuatah dah thla in ka bânah avuan a,amah si chet a min pawt hnaiin min kuah a.








A lungphu dup dup ri chu chiang takin ka hre thei a,ka darah a khabe nghatin min kuah nghet sauh sauh bawk a."Ka ngai che"zawi sap hian ati a,a awri chu a ringlo nâng in ka hrechiang viau thung.









"I bulah ka awm reng hi"ahmuh loh lamah chuan ka nui a,abula ka awm reng laia min ngaihthu a sawi erawh chuan min ti lawmlo hauhlo,keipawh hian a taksa ka nghêng reng chung hian amah ka ngaihna hi a reh bik tlat lo.









"Ka hmuhphaka i awm reng lai pawhin ka ngai che,ka hmuhphak lohna hmuna i awm phei chuan ka ngai lehzual che"ka chhîp a thaw lum ham hamin ati a.Inbual zo chiah ani bawk nen arim chu atui zual viau.









Dâk chho in a hmel hmu thei tur chuan ka inla hrang hlek a,chutih rual chuan rawn kûn hniam in ka hmuiah min rawn fawp zui nghal a.Duhber te fawh-na chu chhan let loh theih anilo,a fawh-na chu a tirah dap thlup mahse ka chhan let hnu chuan a uar sauh a,a duhthawh viau tawh.












Kan boruak hip chu a sâng viau tawh a,ka taksa awmdan pawh a diklo ṭan tih ka hai lo.Ka tukkhum a a kut ṭang hrawl zet rawlh lût in min dawm a,a biangah lo dawm ve in kan duhthawh viau tawh.










Sofa ah chuan min kuai zangthal in ka taksa thlawp zaih chuan min bawh a, chutih rual chuan ka mur nghal sung sung thei hial!Ka kawnga a dawmna kut chu la sawn in ka dul lamah chuan a sawn a,zen chho zêlin ka awm bawrah atawp a.Ka hnute a hrawm rual chuan ka ip chawih a,min fawh-na ata chu inla hrangin a kut ah ka vuan.









A mitmeng da va riai aṭang chuan a taksa danglam nasat zia ka hrethei a,a kut lehlama in nem khalh in kan in melh ran a,ka lu thing nar nar in a in sum hmel chu ka melh kiau a.








A kut la sawn in a min kaitho va,ka ṭhut ṭhat rual chuan ka sir ah chuan a rawn ṭhu thla ve hnawk a.A awmdan chu ala pangngai chiahlo tih athaw lâk danah chuan a hriata,ahmai sen deuh ṭawlh ṭawlh ah chuan a in sum nasat zia a lang bawk.








Ni e,mipa ania hetiang hunah hian insum a harsat tur zia chu kei ngei pawh ka in thunun theilo ṭêp ani a.Ani tlangval hrisel pangngai thisen lum hma tak tur hian insum harsa ati viau ngei ang.









Thatchhe zeta a ṭhu awn duai chu ṭhut hnaihin a bek vela a thlan tui lo luang ngiai chu ka rawmawl in ka hruk sak a."Tihpalh aw,ka insum zo lo ṭêp"tham ṭiak atih chuan "Engmah a thlen chuan loh kha,ka lawm e..min nawr luih loh vangin,i ṭha ber"ti sep sep in ani erawh chuan lungawi hmel zet hian min lo en ve reng bawk a.









"Kan inneih hunah chuan i rim viau ang"chimawm zeta min nuih hian ati a,lai zetin ka hawi sawn vat thung.Kalsawn tuma ka ding uaih tawh chu ka banah vuanin a mal chungah chuan min pawt ṭhu hnawk a.








"Enge maw itih le,i hreawm mai mai"tho kâng tawhlo chuan ka ti a,a mit hmul Kan ak in"I bulah hreawm a awmlo"kiai suk hian alo ti zat a,min rawn chhan dan teh thut vang chuan min ti hamhaih lek lek zawk.









"I over anih chu"tum hmakin a awmah ka chum dat a,ka kut lo man chawtin ahmui a nawr tîr a,fawp vang vang in ka rinloh lutuk hian "Ka hmangaih che"arawn ti chhuak hlawl!!









"Ka hmangaih takzet che"ti nawn leh in thutak fe hian min melh a,a tu veve mahin chu thu chu kanla sawichhuak ngailova,ka rinloh deuha a rawn sawi thut vang chuan chhan mai nachang pawh ka hrelawk lo.







A kuta ka biang dawmin a mitmeng min hmangaih naa khat chuan min melh a,in sang mar ṭeuh in "Keipawn ka hmangaih che"ka ti chhuak ve a...ka thawl hawkin ka hrebawk.








Min hmangaih thu a sawi kha ka ring hlel hauh lo va,ani hian min hmangaih,chu thu chuan engtiang chiaha hlimna nge min thlen hi ahre pha lo hial zawk ang!!!








Dar4 ahnaih kuar tawh vangin muhil tawhlo chuan min thlaha,Gate atanga atlanliam lai ka thlîr te chuan ka ruak huai hian ka hria a,amaha ka lo innghah nasat zia leh abula ka hlimzia ka hriatchhuah phah bawk.








Inah chuan Damian leh Dominic chiah an lo awm a,Nutei leh Pa Sawma te chu an Office ban hun a la nilo hrim hrim a,Nonoi erawh a leng kawi ani maithei.Inthlak sawk sawkin rawng ka bâwl zui a,siam ngai a tam vakloh vang chuan ka zo har hranlo.In tifel leh zungzung in chhuat ka nawh laiin Nutei pawh alo thleng ve chiah a, thingpui a duh leh duhloh zawtin inbual aduh zawk thu asawi vang chuan ka thil tih lai chu tih zawmin chaw kan ei meuh chuan dar sarih apel der tawh a.








Hun akala,nitin nundan pangngaia nungin Class ka kal a, Nutei te inah pawh ka tlângnel tawh viau mai.Hman deuhah zankhat alo len bak kha Rinsangpuia pawh alo leng leh tawh lo a,nitin College ah kan in hmu ziaha,nula ve uaih tawh mah ila mahni in pawh niloa ngaihzawng te len tir fo kha nuam ka tih chiahloh vanga sâwm lo ka ni bawk.









Exam lai chuan zan lamah pawh kan in be mang ngailo a,lehkha zir ṭha tûrin ka ti ve nasa ṭhin a;a zir ṭhat tur thu chuan min chhang ve ziah tak na in ka hmuh phâk ah a awm miau lova,a châng chuan ka sawi ngai ka sawi fo ṭhin vang hian nin chang te pawh anei fo vin ka ring.








Zu a in tawh ngailo chu ka ti dawt ngamlo nâng in ahma ang em ema ṭhiante nena lenchhuah leh zan lama ride te chu ati tawh ngailo tih ka hria a,chu chuan min ti lâwm takzet.Engmah nibik lo mah ila ka nu leh pa ten a min fuih fo ṭhin angin ka theihtawp in atân ka ṭawngṭai ve ṭhin a,inkhawm angaihsak vaklo in a nun aho ve angreng si a nakin zêl ngaihtuah in chutianga a awm reng chuan kan inkar thlenga achhiat phah ka hlau ṭhin.










Exam lai chuan tlaivar deuh thaw in lehkha ka zir ṭhin a,ka taksa a chak lo in ka cher zual deuhin ka hre bawk.Ka ṭhiante rawtna angin Exam zawhni chuan bazarah kal in thil kan ei chhuak a,hetianga han chhuah ho hi a khat riau tawh nen nuam kan ti tlang viau in ka hria.







Tesi leh Puipui te bazar pah an duh vang chuan Tetei nen an duhzawng zawng chuan kan vah kual pui nasa a,an duhkhirh ve bawk nen ka ke ana viau tawh.








"Heta mi hi I lei tawh loh chuan ka haw san dâwn cheu"dawr kawta thaw hlawp hlawp a ding chungin Tetei chuan ati hlak hlak tawh a,vawi sâwm chuang zet bazar min kal kual pui tawh chung pawn an duh thusawm hmu thei hek lo le,keiphei chu ṭawng pawh ka ṭawng peihtawh manglo.








"Ka lei taktak tawh dâwn,nang lahhi arukin i thinchhia"tum bura Tes-in atih chuan lo khapin dâwrah chuan kan luh pui leh a, tui vaklo chungin kawrfual par alei tâk kha.







Zan ka mengrei ngun deuh nen exam zawh zan chuan chaw eikham hnu lawkah khuma ka mu zal mai mai chu ka lo muhil tlang a,vawt tih vanga harh in khum mawng lama puan nuam chu pawt chho in ka in khuh hlun a.Lukham bula ka phone dah chu ban in sana ka en a,dar 12 alo pel thui viau tawh.







WhatsApp a ka luh chuan Rinsangpuia message lo awm vâng chu hawngin ka chhiar a,"Ka ngai tawh che "tih zawng hi alo ni.Ala mut ka rin chiahloh vang chuan ka call ta tho a,rei pawh a ring hma chuan lo chhâng in a aw aṭang chuan ruih nei a ang.







"I rui elo"ka tih chuan "Tlemte chauh" tih zawngin minlo chhang a,diktak chuan tun thlenga ala nghei lo hian min ti lâwm lo takzet.









"Anihchu,muttui"ti hmakin ka dah zui a,ka mutchhuak zawng zawng chu areh nghal vêkin ka hria.Ka dah hnu lawk chuan a phone call a rawn lut leh nghal a,chhang duhlo in ka Reject a,duhtawk mai lo chuan a rawn ti nawn leh a;reife ka rik tîr hnu chuan ka la hram.







"Enge"bul hmuka ka tih chuan a thaw hawk ri ka hre zui zat a,ngawi reng chuan a ṭawng hun ka nghâk a,ani lah chu a reh vung vung a.Ka dah leh daih mai dawn emaw ni chu ka tih laiin "Duati ka tihpalh"inthiamlo hmet zeta atih vang chuan a thusawi chu ka ngaithla kar a.








"Ruih ka duh vang ngawr ngawr ani biklo ania"a ṭawng danah chuan lungngaihna enge maw tak nei hi a ang a,chu chuan a chunga ka thinrimna chu amah ngaihtuah na in athlak a,"Enge thleng,i ṭha em?"ka tih chuan alo thaw leh halh halh a.








"Engmah nilo min ngaihtuah suh,i.mut achhuak tawh em"pangngai deuh hian ati leh lawi a,a awmdan chu a dik zân lo tih ka hai hauhlo.







"Eng nge thleng sawi la"dam deuh zawka tiin ka ngaichâng ran a,"I lo chhuak lawk thei angem hmuh che ka duh,ka lo kal aw"a awm dân dikloh zia ka hriat chian em vang chuan hnial chi ah ka ngai lo va,rei pawh in be tawhlo in alo kal nghal tur thu sawiin a dah zui a







Thawm dim taka room chhuah danin tihfo atana ṭha ka tih miahloh angin aruk in in ka chhuahsan leh ta a,Gate hawngin kan in piah deuha ṭhut na an siam ah chuan ka ṭhu a.




End of chapter 22


In zavaiin muttui suk suk vek u 🥰🫰


Show post links
Top

[Ngaia]

Zan rei lam anih tawh vang chuan boruak chu a vawt riau a,ka lo in ha pan angreng nen ka khur lo chauh tawh.Ka Phone sana ka bih sek a,ka rinai taka alo thlen har vang chuan let leh mai tur emaw ni ka ti hman hial tawh.







Ka piah deuh hleka Bike rawn tlân thâwm ka hriat chuan ka ding chhuak thuaia,amah ngei ani.Ka zâwnah rawn ding dat in a Bike aṭang chuan arawn chhuk a.







A helmet phelhin a khaia, min rawn pan in engmah sawi lo in min rawn kuah nghal thawr a,zu rim anam tih min rawn hnaih rual chuan ka hre nghal a;nghet zeta min kuah vang vang hnu chuan muangchanga in la hrangin chiang zetin min en ran a.








A mitmeng sen rum leh meng zim sun vang chuan nidang zawng aiin a rui tih ka hria.Zu a in fo nangin a rim nam rum rum khawp leh mitmeng fiahlo ruai khawp hian a in ka hre ngailo a,enge maw tak buaina chu aneih ngei ka ring bawk.







"A vawt em,saw lai deuhah sawn tlu an lo awm a ka rawn rei phah"inthlahrun hmel deuh hian ati a,a insawi fiah ani mah zawk ang chu.







"Ṭhu ang,vawt emai"tiin ka lo ṭhut na ah chuan ka ṭhu thla a,ka ṭhutna bul chu beng thak in zaizirin lo ṭhu tûrin ka tia.A sir deuha a helmet dah in ka bulah chuan arawn ṭhu thla ve mai bawk a.








Min en lo in hma lam a hawi a,engmah asawi loh vang chuan ṭawng hmasa zawkah ṭang in buaina anei em tiin ka zâwt a.A lu thing nghut in hnuai lam abih ngur a,a awm dân danglam leh hriatthiam har zet vang chuan engtia han tih chi nge ka hre lo tak zet.








"Keimah leh sum inkârah hian duh thlang dâwn ta la sum i thlang zawk angem?"hawi chhuakin ka mitah tak a en a,a thusawi teh daih chu ka rin loh lam tak anih vang chuan chhan mai dan tûr ka vân riau leh nghala.








"I thlang angem?"a rawn tih nawn leh tak ah chuan "Thlang dâwn nang aw....he khawvela sum tamtak ai hian ka tan I hlu daih zawk"nui sânga tiin a hmel thutak zet chu ka en ve ran a.








"I chiang chiah maw"kiai suka tiin hnuai lam bawk a melh leh run tawh a,zawhna maksak deuh min zawtin ka chhânna lah chu a awihlo hmel takzet bawksi,engtia chhan nge maw a duh le.









"Chiang e,sum te chu hlu viau mahse mihring te chu Pathian in a duh taka a siam kan ni a,nang phei chu ka duh bik riau che"boruak tih zângkhai tum in ka nui pah kar kar bawk a.









"I ti takzet maw"min la rin hmel chuang hauh lo,ka thusawi te kha ka ti tak tak a,nui chunga ka sawi mah nise ka rilru diktak ka sawi."Ti tak tak e,min van ring awm lo ve"ka titau titih tawh a,min ringhlel hmel lutuka a awm vang chuan ka lawm viau tawhlo bawk.









"Ka ring che,midang zawng zawng aiin chuvang tak chuan ka rin ang inih loh ka hlau"thutak zeta tiin a kut pahnih in ka biang tawn tawnah dawm in ka chhipah a hmui a nawr in a thaw lum ham ham a,eng buaina tak nge aneih erawh ka la hrethiam pha chuanglo.









"Duata,keichu i tân ka awm reng dâwn alâwm,sum vangin ka kalsan ngailo ang che..mipa dang vang pawn"tiin ka rilru diktak ka sawi chhuak a,ani hi ka hmangaih takzet tawh in ka hria a,a tello a ka nun hman chu ka duh tawhlo bawk.A awmve vang hian ka nun ahlim a,keimaha kimlo; ruak awm ṭhin kha ani chuan hnawh khatin min ti famkim bawk.








"Ka thlah ngai lo che"ti sup in ka hmuiah afawp a,tun thlengin afawhna vangin ka la danglam ṭhin a;ngaia neih har tiin ka kham thei mawlhlo chu ni.









"Ka ngai lutuk che a"tun ang hunah min ko chhuak chu nuamlo ti ve hmel hi apu a,a landan aṭang chuan enge maw tak buai rukna nei hi a ang a,zawh mai dan tûr ka hrelo a,a sawi duh kher ka ringlo bawk.Hun atih hunah chuan min hrilh ve mai ka ring a,amaha engkim paltlang duhmi ani tih ka hre tawh a, chutih rual erawh chuan a natna te ka ṭawmpui theihnan ka lakah chuan in hawng takin titi ve thei ṭhin se la ka ti ṭhin.









Khuma ka mut leh hnu pawhin a hmel chauh hmel tak te,a landan ngui zet te khan ka awm ati nuam theilo a,a zu in vanga hauh hrep ka tum tehreng nen a lan dan vang khan kha lam kha chu nakina sawiah ka khek ta zawk a.









A thlen tawh thu minlo hrilhin a mut nghal tur thu asawi bawk a,zantin a tihziah danin"Tuideuhin i mudawn nia aw ka Naute"tiin areh zui a.








Zing ka thawh chuan a message alo la awm lova,ala tho lo ani ngei ang."Morning,mutui em"tiin a message tur hnutchhiahin ka tho chhuak a,in tifaiin rawngbawl tûrin inhnuai lam ah ka chhuk thla zui nghal a.







Chaw ei lai chuan thla khat lai kan chawlh dawn vanga haw ka duh leh duh loh chu Nute in min zâwt a,ka hnial hranlo viau mai.Karhnih vel chu kan khaw lama ka chhûngte han puih ve a chhuk thlâk leh mai chu ka duh thu ka sawi ve a,min lo pawmpui khawp mai.








Engkimah min buaipui vek vangin chawlh chhung zawng awmbo bik chu ṭha in ka hrechiah loa,in lama Nutei in daihlo ve ṭhin em vang chuan chawlh chhunga lo puih ve pawh chu aṭha ang.








Nonoi lah chuan ka haw tur chu min ui bet ngam chiah silo hian min ngaih tur thu a sawi reng a,an chawlh ve tho vang chuan lo zin ve a chak thu asawi reng bawk a.Nutei dil pui tura min nawr reng vang chuan inthlahrung deuhin ka sawipui a,alo phal hlauh vâng chuan kan lawm takzet.








A kentur vel buaipui chuan a phi cheng reng a,"Min in siampui rawh"ati khat tawk reng bawk.Mampuia lahin alo kal ve chak thu a sawi ve reng bawk a,an chawlh lai anih veloh vang chuan a lungawi lo lek lek bawk.










Nilêngin Nonoi nen in kan ti fai a, Rinsangpuia nên pawh kan in be mumal vak lova,a ṭhiante nena zan lama Futsal khelh an tum thu sawiin tlailamah chuan min rawn Call a,ka haw tur thu hrilh ka tum ut ut nangin zan lama sawiah ka khek ta zawk a.







Zanriah eikhamah chuan atûk maia kan kal dawn vang chuan kan in siam a,reitak awm tûr kan ni lo bawk nen keichu in ken vak ka tum lem lo va.Nonoi ve thung chu zin chhuak ngailo ani bawk nen ken tur te chu a in dah chhuak hnem hle a,a mamawh loh tur nia ka rin ho chu ka dah let sak nual zawk a,chuti chung pawh chuan ala bawr angreng viau mai.









Dar10 pelh hretah chuan mu tûrin ka Room lam ka pan a,Sumo a ka hak tur te chu dahchhuak lawkin ka in peih thawkhat viau chuan ka hria.








Rinsangpuia number chu hmet chhuakin ka Call zui a,ka vawikhat Call na ah chuan min chhang lova,hrilh ngei ngai ka neih vang chuan ka Call nawn ta tho a.A la tawh dawn lo emaw ka tih hnuah a rawn chhang thei ve hram a.







"Aw Duati,ka inbual zo chiah"lehlama mi chuan zângkhai zeta tiin nizân lam boruak nen chuan a dang leh viau tawh.







"A nuam bawk em in inkhel chu"tiin ka zawt ve luam a,Zopara zeilo thu ngawt chu sawiin anui ve kar kar reng a,mipa ṭawng tam tak tia sawi tur anih lemloh vang hian hetianga thu ho taktak a sawi ve châng hian nuam ka ti ṭhin.





Sawi hreh rilru deuh chung chuan kan khua a Nonoi nena karhnih Chama kal kan tum thu chu ka sawi a,a ngawih vang vang takah chuan a lungawi lo emaw ka ti hman a."Ṭha lawm,i chhungte pawhin an ngai tawh ang che"a rawn tih vâng chuan ka thaw huai a,ka rilru tur hrethiam taka chutianga min chhan vang chuan ka lawm hle bawk.








"Ka lo chhuk leh har lo ang,ka Nu hi a buai thei sia ka nau te mipa veve an ni bawk nen reivak lo han puih pawh aṭha ve sia"ti leh duahin ka chhoh duh chhan te chu ka sawi niah niah a.







"Ka lo nghak reng dâwn che lawm,mahse...han lerh lo la"tiin thupe aw zet hian atawp lam chu asawi a,"Nangmah zawk khân hmeichhe dang lo melh miah suh"ti let ve kha kha in amah ka rin loh vang ni hauh silo vin ka ti ve a.









"Nang i rinawm te chuan keite chu...ngai ve kher em ni"chimawm zeta atih chuan ahmuh loh lamah ka lo ner khum nasa viau."I ngam chuan lerh rawh,ka vaw hrep che ni mai"fiamthu ka thawh miahlo chung chuan a nui huk ri ka hria a,ka lawmlo lek lek..



"Nui vel suh,ka ti tak tak ania"

"Ka nui vel lo,i ngaihawm anih mai chu"

"Ka awm hlen daih dâwn"

"A ngailo ang,i lawm e"

"I hmelchhia,ka mu dawn"ka tih hmak takah chuan uang tawhlo in thutak zetin fimkhur turin min chah a,thawh hma ka ngaih dawn vang chuan mu tawh tura min ti in kan in biakna kan ti tawp a.









Karhnih chhûng a hmel ka hmulo tur ringawt pawh chu ka huphurh rilru viau a,ka ngai nghal ringawt bawk.Amah ngaihtuah reng chung chuan ka lo muhil a,ka Alarm ri vang chuan harhin ka tho chhuak nghal bawk.







Nonoi lah chu zin aphur tehreng nen kaihthawh ahar viau lawi a,"Ka kalsan dâwn che i thawh loh chuan"tiin a room ka chhuah sana,ka bag khaia inhnuai lama ka chhuk hnu lawk chuan phak fea rawn in khai thla hnak hnak in choka lamah alo lut zui a.








Kan tlân tluang ang reng viau nen rinai takin kan thlen hma hmel a,ka bula mi lah chuan thlen vat vat achak tawh viau,motor arui deuh bawk nen min nghêngin amuthlu deuh reng a,a damdawi ei vang nge maw ni a harh manglo tih theih ani.









Khua kan thlen pawh chuan khua ala eng viau a,ka nauten kan bungrua te chu hlâng thla in inchhung lamah an khai lut a.Ala tlangnel loh vang chuan Nonoi pawh ala ngawi ran a,an biakna a chhan bak chu a ngawi thei leh viau tawh.









Inbual fai hmasa in chaw kan ei a,ka rinai takin Nonoi pawh aharh ta phian a, chawhmeh te chu tui atih thu a sawi deuh reng bawk.Zanah chuan ka khumah Nonoi nen mudun in ani chu amuhil hma viau a,zin ṭhang ani lo bawk nen a chau viau in ka ring.








Ka bula Nonoi a mut vang chuan WhatsApp ah Rinsangpuia nên kan in bia a,rei pawh in belo in ka chauh lutuk ahlau nge mutur in min ti ve tlat a,ngai viau mah ila ka mutchhuak ve tho bawk nen ka muhil ta tho a.








Nonoi pawhin nuam ati in ka nau te nen pawh an in kawmngeih viau tawh a,inrinni chuan Kan vaiin kan Sangha dil a sangha man turin kan kal a.Kan huan hi azau ang reng viau a,ka pa in a enkawl hneh bawk nen thlai leh thei tamtak awmin Sangha dil pawh pahnih kan nei a.








Serthlum te lo in thlai rah eng eng emaw kan la bawk a,ka pa leh Amos an Sangha manin midang zawng chuan kan hawn tur huanah chuan kan lo dap khawm ve a.








Nono in ka pa te sangha man a hmu zet chu a khek chel chûl mai a,a tlangnel tak hnu hi chuan a awri pawh a ring leh viau tawh.Aizawla hâwn mawlh chu achak thu asawi reng a,kan haw hun tur ala hlat deuh vang chuan kan haw hmaa kan kal leh tur chu ka pa'n alo hrilh ve bawk a.








Chawlhni ah pawh inkhawm ve in ṭhian te nên khua fangin tlai lamah chuan Nonoi kan len pui a,kan khua nuam atih thu leh chawlh apianga zin pui tur chuan min sâwm deuh reng bawk a.






Rinsangpuia nên pawh kan in be deuhreng a,kan lênna hmun vel te chu thla la in ka thawn ve a.Ka thlalak thawn tura min tih vâng chuan ka thawn ve mai bawk a,ka rinloh deuhin Dp ah arawn hmang teh mial a.







Ka hriat chinah Dp a dah ngai lova,status anei zen zen lo bawk.Social Media a khawih nasat loh bakah message type neuh neuh aia Call a inbiak duhzawk anih vang hian kan in text lutuk ngailo bawk.







Chutianga ka thlalak Dp a ahman vang chuan ka hlim ru veng veng a, ngaihṭhatlohna tur engmah neiin ka in hrelo bawk.Chhungte hmaizah lo chu ni ngat ila a thlalak Dp ah ka hmang ve chiang ngawt ang maw le.







Kan let leh dawn zan chuan kan in siam malh malh a,sangha kan hawn tur vawiin lamah kan man nual a,thlai chi hrang hrang leh thei kan huana mi te chu hâwn thlak turin kan pack mek a.Nonoi lah chuan la châm a cham thu a sawi khat tawk reng a,kan haw thla tûr chu aphur hmel viau loh bawk.








"Bawihi,i Nutei te inah chuan fel takin awm zêl la,hei nau fel tak inei bawk a i khua te pawh a har lutuk tawhlo bawk ang a,thuawih takin lehkha ṭha takin zir la, ṭawngṭai thlahthlam hauh suh ang che"ti dap dapin ka pa chuan min zilh malh malh a,athusawi te chu ngun takin ka ngaithla bawk.








"U bawih,school chawlh hun chu kanlo zin ve maithei nia aw"Amos an tiin Nanaua pawhin lo zin ve achak thu chu alo sawi ve luam bawk a."Lo zin ngei ngei ru,ka nau nghal zet zet te nên pawh in in kawm ngeih viau ang"Nonoi zâwk chuan tiin zin tur chuan an in sawm uluk khawp mai.








A mit entir a ngaih vangin ka nu chu kan rualin a rawn chhuk ve bawk a,Aizawl lam alo kal khât ve bawk nen ka pi leh pu te thlan tlawh a duh thu te chu a sawi a sawi ve a,keipawn ka la hmuhloh vang chuan kalpui ngei ṭha in ka hre bawk.









Nonoi hian 'Nu'ti in ka nu chu a ko ve mai a,in nel sa ni lo mahse kan ina a awm chhung khan ka nu leh pa,ka nau te ho pawh a nel hman vek a,mahni in ang chiahin a tlangnel hmanin ka hre bawk.







Motor chuang khat ani bawk nen ka nu chu a chau angreng khawp a,zanriah pawh ei mumal peihlo in amu ta daih a.Kan thil hâwn vel kan han phawrh chuan Nutei te pawh an lawm ve hmel viau in ka hria."Hetiang emem lo hawn a ngailo sin,zuar se cheng tam man tur anihhi mawle aw"ka nutei chuan phawrh mawlh mawlh pah chuan ati pah reng a, ahmelah erawh a lungawi hmel viau.







Nonoi lah chuan apa leh a naute bulah chuan kan khaw nawmzia leh kan huan nawmzia hawt chu asawi chamchi reng a,Damian lah chuan tum bura ngaithla in alo zin ve theilo chu ala lungawi thei chiahlo anih hmel.







Inti faiin ka khuma ka nu a muthilh tawh vang chuan Balcony ah chhuakin Rinsangpuia ka bia a,a ta tura ka hâwn sak thei dahhran ka nei nuala,kan inhmuh veleha pek ka tum bawk.







La inhmu theilo mah ila khawkhata kan awm leh ta ringawt pawh chuan rilru ati nuam huaia,amah hnaih taka awm ang maiin min in ngaih tîr thei bawk.







Ka nu hnênah hi chuan kan inkar ka hriattir tawh a,ka nu hi chu ka tan ṭhian ani tel a,nu zaidam tak leh mi hriatthiam na ngah tak ani bawk nen engkim ka thlenna hmun hi ani ṭhin.Ka ngaihzawng hmasa vanga ka talbuai zia leh ka laknat zia engkim hretu ani a,tûnah pawh hlauhthawnna anei tih ka hailo.Mahse a fanu hian ka duh takzet zia ahria ani ngei ang a hnualsuat zawngin ṭawng kam anei ngai lova,ka siamṭhat theih nan min fuih reng ṭhin zawk ani.








Atukah chuan a motor rui ala reh chiang vaklo nen chhuah ala peih chiahloh vang chuan inah kan la awm mai mai rih a,tlai lamah a inkhel zo Rinsangpuia pawhin min rawn hmu zawkin ka thei hawnsak te chu ka khai chhuak a,hman zâna kan inhmuhna kan in piah deuhah chuan lo awm in ka pe a.









"Ehiau...ka va chang sang ve"uang deuh taka tiin ka thil hâwn sak chu a lâwm hmel ve viau bawk."Ka nu alo chhuk ve a,naktuk hian a mit entir naah ka kalpui dâwn a,tlai lamah ka pute ten chaw eia min sâwm vangin kan ei nghal ang"ti in kan awm tum dan te chu ka hrilh ve a.









"E...taka ka pute te chu in vengah an awm"tiin ka hrilh leh a."Naktuk ah maw,keini pawh ka pi te in lamah chaw kan ei dâwn in ka hria,ka pi Birthday emaw ni"ti nuah nuah in ka kut a hum vang vang a.









A mitmenga min thlakhlelh na lang chu ka hmuh hmaih lo a, keipawh hian ka ngai takzet tawh bawk.Rei tak awmdun na hun nihek lo le,min haw san leh ta a.A tlanliam lai ka thlîr te chuan ka ngai in ka bulah la awm se ka ti takzet.







Clinic ah ka nu mit pawh entir in a tarmit power thlâk angaihthu sawiin damdawi an chawh nual a,chah chawp angaih dawn vangin karkhat hnu velah chauh alam theih dâwn ani awm e.







Haw lo in ka pute veng lam kan pan tlang nghal a,ka kal lohna areitawh bawk nen a awmna lai vêl pawh chu ka lo chiang vak tawhlo.Ahma ai daihin an in chu an chei hnumin pawn lam ai mahin chhûng lam chu a mawi zawk bawk.







An in awmna lai vêl chu Rinsangpuia te in nen pawh an in hlat vaklo in ka hre bawk.Inah chuan ka pitei bak ah an fa naupang ber Cynthia bakah an nula Sangi tia an koh te chu an lo awm a.









Kan kal hma angreng bawk nen eirawng an lo bawl ṭan chauh va,ka pitei hi Nonoi sawi danin aite leh aipui nei an tih chi hi ania,a mood fuh leh fuh loh changa a mizia hi a inthlau viau ani awm e.Tunah tak hi chuan a mood a fuh ve ani mahna alo nui kar kar reng a,ka nu pawh chu alo be ṭha viau bawk.







Thingpui te ina kan ṭhut vang vang hnuah chuan Dorothy leh Brandon-a tuition la haw pawh chu an rawn thleng ve a,Pawl sawm leh sawmpahnih zirlai an nih ve tawh vang hian anu sawi danin tuition la in ti hian an rawn haw hma vak ṭhin lo anih hmel.






Ka Putea lo haw hnu chuan chaw ei te siamin kan ei nghal a,pitei chu a ṭawng duh barh barh viau a,a fate erawh an ngawi thei viau thung.Pute an 'Ka thlah angcheu 'ati tak na in hna lama an rawn koh leh thut vangin hmanhmawh angreng takin a chhuak leh thuai a,zan rei tak ala ni lo bawk nen Taxi hman tur pawh ala tam ve tho ang chu.








Ka pute te in piah deuha kawn ve deuh ah chuan dingin ka nu nên chuan Taxi kan châng ran a,zan dar riat ala ri lo deuh nangin kawngpui chu areh ang reng viau a.Taxi awl hman mai tur lah chu a vang phian a,lo tlân ve chhun te pawh chu Passenger nei lai zel an nih vang chuan kan ding ta reng a.








Kan dinna bula maia Bike rawn ding ri hrawk chuan min ti phu takzet,ka hawi lohna lam ani bawk nen ka kat dawrh a,ka lungphu a rang nghal vek bawk.






"Rinsangpui"a hmel ka hmuh rualin ka ti nghal chûl a,ani lah chu alo kiai suk duh chauh a."Min ti phu lawm,ngati nge ni vak vak"ka ti hlar a,kan bul maiah ka nu a awm ve reng tih ka lo theihnghilh hman pek anihchu.









A mit sira ka nu melh ralh in a khi suk ringawt a,"In va tlai ve,Taxi in châng em ni"pangngai deuha tiin kan dinna bulah chuan arawn kal hnaia."Aw châng e,Putea a chhuah leh thut angai sia" ka nu mit sir pah zeuh zeuh chuan ka chhang leh a.








"Nu hei Sangpuia,ka ṭhianpa chu"ka kawr tlang pawt neuh neuh hian lai deuh in ka hrilh a."Aw animaw,khawi maw lo in chibai ila..i dam ṭha maw?" Dam thlupa tiin an in chibai a,hnunglam aṭang chuan ka lo nui ru têt tet bawk.Ka nu nena chutianga tum lawk em em pawh awm lova an in hmu chu a zak ve hian ka ring lutuk a, nuihza deuh si nui ngam chiah lo chuan ka ner ka ner ringawt tawh.









"Kan ṭhenawm deuhah sawn Taxi nei chu a awm sin ka lo koh sak dâwn cheu mi,kan veng hi chu Taxi vang thei riau ania tun ang hunah chuan"a tih takah chuan kan hnial lem lo a,a phone phawrhin a sawipa ni ngei tur chu a be zui a.








"Alo kal thei dâwn aw,ka lo nghah pui ang cheu" kan bulah chuan a ding ve ta reng a,a chet sek danah ka nu awmve vang chuan a zâm ru ve hle tih ka hre mai.








"I fel hle mai bawiha,heta ka cham chhûng hian lo la leng ve ngei ang che"tia ka nu in a sâwm chuan a phur hmel viau a,fel hmel tawka a awm vel chuan ka nuih alo ti za hle thung.








A Taxi koh a lo thlen chuan kan tlan chhuah hma zawng chu min lo thlir reng a,kan chuan hma khan driver nên khan eng eng emaw an sawi bawk a,kan kalna tur vel ahrilh niturah ka ngai hmiah bawk.









Ka nu pawhin a fel atih thu te chu a sawi ve luam a,ka zâm viau nangin kan hnaiha a awm khan zu rim anam lo tih ka hria a,ahmel a pangngai in ka nu nena an in hmuh hun pawh chu fuh viauin ka hre bawk.Kan chhuk hnu chuan kan chuan man zat tur driver chu ka zawt a,"Sangpuia khan min pe tawh lawm"alo ti awlsam et thung a.










Kan chhuah hma khan an in be ringawt emaw ka tia,kan chuan man tur thlengin alo pe vek a maw!!Ka nu lam ka va hawi chuan nui sâng hian "Ipa aiin a zei daih mai"nui kar kar hian alo ti ve a,ka nu thusawi chu amah nên a inhmeh loh em vang chuan ka nui chhuak hawk hial ani.







(Karhmasa lam ka men rei ngun deuh vangin nizan leh zân hmasa chu ka meng thei der lo mai a,hma tak pawhin story ka update thei loa min lo hrethiam leh hrâm dâwn nia aw🥲🫶,ka story ziah te min lo chhiar sak ṭhin vang hian ka lawm lutuk bawk🫰,in zavaiin muttui vek u)


Show post links
Top

[Ngaia]

Inchhunga kan luh chuan Nutei leh Pa Sawma'n TV an lo la en a,midang zawng chu an room ah ṭheuh an awm leh tawh anih hmel.







"In lo thleng thei maw,ka rinai daihin in lo tlai a"banga sana intar chu melhin ka Nutei zâwk chuan min lo bia a."Putea kha hna vangin a chhuak leh daih sia min rawn thlah leh hman ta si lova Taxi kan châng rei lutuk a lawm"an ṭhut na sira ṭhut thlâk pah chuan ka ti zung zung a.






"An ni lam saw zanlamah chuan Taxi avâng ṭhin riau tak asin"Pa Sawma pawhin alo ti ve chuar chuar a,an veng hi ahmun nuam viau mahse kan awmna lam ai chuan veivak an tam lo in a lun viaulo reng ani.







Rei pawh ṭhu lovin inchung lamah ka chhoh san a,inbual nghalin Bathroom ka chhuahsan leh chuan ka nu pawh alo chho ve tawh a."Nu,i in bual ve duh em"ka lo tih chuan zinglama inbual aduh zawk thu in min lo chhang a,ani hi chu zîng tho hma ṭhin ngang kha ani bawk a,atan chuan zing lama inbual chu ahreawm viaulo khawp ang chu.








Nu te si riala mut chu a hahdamthlak in thla hi amuang suai suai bik a,ka nu bula awm reng theih chu ka chak takzet.Hun reitak mumal in an zingah ka khawsa tawh lova,nu hmangaihna dâwn nawmzia leh ka tana ahlut zia a bula ka awm chang hian ka hre chiang telh telh ṭhin.







"Nu,la cham ve rih la ..ka ngai che e"amah kuah chial chunga mu in ka phun sap sap a,"Kartawp lamah chuan ka haw ve chho tawh ang chu,ka awmloh zawngin I nau te an ngaihtuahawm si a"tiin a awm tum dan te chu min hrilh a,kartawp hma tal nitin ka nu ka hmu thei tur leh abula ka mu thei tur pawh chu a lawmawm takzet tawh.









Ka harh meuh chuan keimah chauhin ka lo mu tawh a,nidang zawng aiin ka tho tlai bawk.Phur lo fe a tho chhuakin khum ka siam nghal a,bathroom lam panin ka in phih harh zui bawk a.








Nu taima tih takah chhunah pawh ka nu chu awm mai mai tura kan tih pawhin Nonoi nena kan che vel chu min puih dan phet ala zawng reng a,awm mai mai atheilo lutuk te hi a chang chuan ka ngei lek lek zêl.







Tlailama Rinsangpuia nena kan inbiak chuan zan lama lo len atum thu sawiin Nunpuia nena an lo kal tûr thu min hrilh bawk a.Ka nu in fel ati ve bawk nen lo len a sawi chuan ka hnial hran lova,ka phur tawh viau zawk ani.








Rinsangpuia te zan lama lo len an tum vang chuan nidang aiin ka inbual hma a,zanriah ei hma chuan inti felfai in nidang zawng aiin ka in uluk bawk.Ka awmdan naupang chhia vel lutuk chu keimah leh keimah ka in nuih leh ṭhin a,nidanga inhmu ngailo pawh ni hleilo chutia ka phur thar ta chiam mai chu keipawn a chhan ka hrebik chiahlo.








Thleng ka sil laiin ka bulah Nonoi a tap chawt reng a,an lo leng dâwn tih ka lo hrilh lawk tawh bawk nen keiai mah chuan alo phur zawk hialin ania ka hriat ni,"Engtik nge an lo kal dawn?"tih angreng chu min zâwt khat tawk reng bawk.









Choka a No-i nen kan la awm lai chuan Doorbell a rawn ri ral ral a,"Ka va hawng dawn aw,an ni tawh chiang mai"phur zeta tiin Nonoi chu kawngkhar lam panin a phei nghal a,ka au zui lem lo a an ṭawng ri nak nak ka hriat tâkah chuan an mahni ngei chu an nih hmel e.








"Lo kal vat ta che,i van rei"choka a arawn pen luh rualin Nonoin arawn ti nghal barh barh a,"Ka lo kal" ka kut hruhulin ka zui phei ve nghal a.








Sofa pakhat ah Nunpuia nena lo ṭhu dunin an ep chiahah chuan ka nu,Nutei leh Pa Sawma te an ṭhu ve bawk a,ka hmaa kal Nonoi chu an piah sofa awlah chuan ṭhu in a bulah chuan ka ṭhu thla ve nghal a.








A vawikhatna nitawh êm lo mahse ka zâm dan chu ala ngai reng,Pa Sawman inkhel alo en chu en ve in an inkhel en kar lakah chuan an inkhel en chungchang ni ngei tur chu an sawiho leh ṭhin a,a fapa ten an en pui peih ngai vaklo bawk nen Pa Sawma pawh chuan chutia ṭhalai inkhel enpuia sawipui tur anei chu nuam a tih hmel ve viau mai.









Dar riat rik hma deuh chuan an inkhel en pawh chu an en tawp ta anih hmel,"Bawihi, thingpui va lum tawh la,kanlo in ang chu hei I ṭhiante nen hian"ka nu in atih vang chuan sana ka bih zawk a, alo hun tawh viau.









Inkhel ka lo en tui ve lutuk khan sana en nachang reng reng ka lo hrelo a,aruk te in ka zak chem chem a lawm le,nula mahni inlêng te thingpui lum nachang pawh hrelo nih te chu ka duh miahlo a sinle.









Choka ah chuan ka thingpui chhuan vil pahin phone ka en a,status vel chu en kual thuak thuakin dawhkanah chuan ka dah thla leh a,ahma a alo kal tawh vang nge mawni Rinsangpuia pawh zak hmel a pu lem lo a,min rawn melh leh ralh ṭhin tih ka hmu bawk.Kan pahnih chauha titi dunna hun ani lo bawk nen han biak vak dan turpawh ka hre rihlo viau.









Thingpui no chawi chhuakin an ṭhut khawm ṭhapna lam ah chuan ka chawi phei a, TV an en tawh lova,ka chhûngte chuan enge maw an lo zawt ni hian ka hria.








"Mary fapa maw inih a,anih chuan I pa chu Rosânga maw"ka nu in atih chu ka thlen phei rual chuan ka hre hman a, Rinsangpuia bu nghat chu ka hmu zui bawk.Chumi rual chiaha ka nu mitmeng danglam zawk chu chiang zet hian ka hmu a,a awmzia erawh ka hrethiam pha hauhlo thung.








Ka no chawi lai chu Side table a hung thla in Nonoi bulah bawk chuan ka ṭhu thla leh a.Ani lah chuan earphone in a beng alo hnawh leh tawh a,Korean zai bawk a ngaithla leh tawh ania'ng chu.








"Ka nu leh pa I hria maw?"tia Rinsangpuia'n ka nu azawh vang chuan ka nu lam ka hawi vat a,ahmela enge maw tak diklo awm chu ka hmuhhmaih lo,mahse a chhan tur ka ngaihtuah thiam pha hauh lo thung.







"A..aw hria ee...kan naupan lai chuan in vengah sâwn kan awm ṭhin alâwm"ka nu chu a ṭawng abah deuh niai a,Nutei leh Pa Sâwma hmel pawh chu a dik zân lo bawk.A nu leh pa te nên chuan kan chhungkua hian in hmuhthiamloh na emaw te kan lo nei tawh emaw ni chu aw ka ti lek lek hial ani.









Ka nu chuan College chungchang vel te chu zawtin titi pangngai tak chuan an titi chhunzawm leh mai a,eng em ani lo angah ngaiin keipawhin ngaihṭhat lohna ka nei emem tawh lo bawk.








An len chhûng zawngin Nunpuia chu a ṭawng ve mang lova,ani hi zawng thu tam a pailo tih ka hriat sa vangin mak ka ti lem lo.Ka rilruah Zopara leh Lawmzuala an rawn lang a,anni chu nise kan Rinsangpuia zawk hian ṭawngna hun a chang kher lo vang.Anni ho ka ngaituah chhuak takah chuan ka ṭhiante ho ka ngai takzet tawh.







Puipuii leh Lawmzuala te inkar ala ṭha tluang zel a,thil danglam thleng a awm hranloa,heta ka awm hnuah ka ṭhiante pawh vawithum vel chu an lo leng ve tawh a,hunawl an nei vak biklo nen chawlh lai chuan duh anga inhmuh khawm hi a harsa zek a,kan ṭhianho group erawh a reh meuhlo thung.







Dar9:30 velah chuan an ni pawh an haw a,kawngkhar thleng bak ka thlah ngam silova ngai deuh chung si in ka vai liam ta anih kha,a mitmenga min thlakhlelh ve zia ka hmuh phei kha chuan kal nal nala va kuah beh tlat mai te kha ka duh rum rum hial a,mahse chhia leh ṭha hriatna ka la neive kur bawk nen ka ti ta lo hram anih kha.










In phih faiin ka inthlak a,mutura ka inpeih hnu chuan Rinsangpuia Call a biak tumin in chunglamah ka chho va.Inchung ber ah hian bedroom a awm lova,Pa Sawma private office leh lehkhabu chhiarna room vel a awm a,bathlar nuam deuh awmin ṭhut na an siam bawk a, chulai hmun chu arehin anuam ka ti a,zan lama han ṭhut vang vang châng hi ka nei ṭhin.







Inchung thlen chhoh hun law law a Call ah tiin ka pên chho zel a,Pa Sawma office ka kal pelh ruala ṭawngri ka hriat vang chuan ka ding dat a,Nutei leh Pa Sawma an nih hmel.








An thusawi tak chu ka hrepha chiahlo nangin in hau te pawh an ang deuhin ka hria,ngaithla chiang duh lovin ka kal pel a,pawn lam bathlara chhuak phei in ṭhut hmun ka rem sauh sauh va ,ka kekawr Iptea ka phone ah chu phawrh in Rinsangpuia ka Call zui a.








"Aw,BS ila mu nange?"a rawn tih vâng chuan ka bangbo angreng viau,"min hai em ni"ban charha ka tih chuan a nui ri hawk thâwm ka hre zui a,hepa leuluau hian min lo fiam leh tawh emawni zawk ni.






"Tunge mahni bialnu te hai ngai le,mi te chuan lo hai pawh nise kei chuan I kezungte tin a ṭang pawn ka hre zel tho vang che"arawn ti teh duah a,intih theih hmel zet hian a thluk kual vel bawk a.








"Tunge BS-i chu"bak hlara ka zawh chuan ahma ai maha ring hian a nui chhuak a,"Ele,nangmah... Babyshark lamtawi anihchu BS tih chu"tiin nui kar kar chung hian min hrilh fiah a,eilo tawkin ka lo ner nang nang thung,min hmutu awm ngat se chu 'eng ei chi nge maw anih le'minti hial maithei ani,a hmuhphak loh lamah ka ner khum nasa bawk em ani.











Thu ho te te sawiin kan in be rei phian a,inchhung ka luh leh chuan alo thim ṭhap tawh a,ka chhoh tirha Nutei te inbe thâwm ka hriat kha ka hrechhuak leh zawk a,inhau thawm ang deuh kha ka hre nangin an ṭawng ring hranlo bawk nen ka ngaihsak ta lo kha nia.






Thawm dim ang reng takin ka chhuk thla a,mahni room lam ṭheuhvah an awm vek tawh ani ngei ang thawm hriat tur a awm lo viau mai.







"Khawnge i kal a Bawihi"room chhunga ka luh rualin ka nu in alo ti nghal var a,ka kalna tur ka hrilh lo tih ka hrechhuak chiah.







"Inchungah boruak thianghlim ka han dawng mai mai,i muthilh tawh kalo ring zawk a" inthlak in a bulah chuan ka inthawlh ve nghal a.








"Bawihte,i ṭhianpa nên khân engtia rei maw in in zui tawh a?"atih chuan chhut chawpin ka hrilh a,ka lo ngaihtuah lutuk ngai lova ala rei lo viau emaw tih laiin kum 1 dawn chu kan lo inzui ve reng tawh mai.










"A fel hmel khawp mai,kha Mampuia pawn fel atih thu a sawi ve nasa khawp mai" atih chuan ka nui chhuak lo chauh,Mampuia nen hi chuan an in ba tlat,an in ṭan dun bawk si.

"Bawihte i hlimna hi keini chuan kan







duh ber a,innghahna tlak damchhunga i kianga awma hmangaih tlat tu tur che ngei nei tûrin kan duh che a,fimkhur takin I kawppui tur hi thlang ang che"a awki aṭang chuan Rinsangpuia chu hlat tura min duh hi a ang, ka tana mipa ṭha anih loh thu pehhel taka min hrilh tum te pawh a ang in ka hria.








Engmah ka zawt ngam tawh lova,tlang taka thlah tûra min tih loh vang chuan ka nat leh ahlauh vanga khang thu te kha sawi ani zawk mai lo maw le,nge nia chutianga ngaih ṭalh chu ka tum zawk.








Atukah chuan engmah ka chungchang sawi zawm a awm lova,ka nu pawh naktuk lamah chuan ahaw tawh dâwn a,a tarmit thar tur erawh a nghakchhuak hman dawnlo anih hmel.











"Bawihi,i pute te inah min kal pui lawk ta che..i pite in i nau te pheikhawk tur a leisak lam turin min rawn hrilh a"a thusawi chu ka hresual emaw ka ti hial,pitei berkher a mizia an sawi dan nen a in per san ve bawk em ani.









"Pite-in maw,tunlai mood fuh chhan riau anei ni chiang"awihlo hmel zeta nui kar kar in Nonoi pawhin alo ti ve a.












Chaw eikhamah intifel zung zungin kan in siama,midang an chhuak vek tawh bawk nen Nonoi pawh kan ruala lo kal ve chu atuma,ina mahni chauha lo awm kha a peih biklo ania'ng chu.









"College kal ka chak tawh,chawlh hi chu nuam tho mahse ina awm rei lutuk chuan nuam lo"Taxi kan chan lai chuan tiin a titi siam siam a,keiai mah hian a ṭawngduh tawh a,min ti hlim tu ber hi ani tawh.









Pute te in kan thlen chuan dar12 a ri thuak tawh a,kan veng a in hlat angreng a traffic jam zeuh zeuh nên kan thang rei phian.









Kan kal hmasak ang tho in Pitei pawh alo ṭawng duh leh barh barh viau a,ka hmuh ve chinah hi chuan a nelawm viauin ka hria.Ka nau te pheikhawk tur aleisak pawh chu aman ato hmelin an mawi takzet.









Chhun thingpui kan in zawh chuan ka nu leh pitei ten kawta pitei pangpar khawi ho an en a,keini erawh chhuak vepeihlo in inchhungah kan lo awm thung a.









"Ka bawih bawihte enge itih"call ka chuan ruala lehlama mi in arawn tih chuan ka nui chhuak hawk a,ka piah chiaha ṭhu Nonoi pawh arawn hawi phawk nasa ngang mai.









"Pute te inah kan awm a"ka tih chuan phur hmel fe hian "Ṭhat chu, ka lo lam ang che,thil ṭha deuh entir tur che ka nei"ti nghal zat in Phone a dah zui daih a,hepa zet hi chu ka nu awmlai kher chuan lo kal tawh rihlo se ka ti sin le.








Rei vaklohah a call a rawn lut leh a,ka chhan rual rualin"Ka lo thleng tawh,arei dawnlo nia ka thlah phei leh nghal ang che"atih chhunzawm zat a.








Nonoi phone ena anui leh Kar kar ṭhin chu aw thian kharh in ka ko va,"Nono ka chhuak lawk dâwna,mahse rei dawn lo nia...nangmahin ilo awm hreh em"inthiamlo deuh hian ka ti a.








"Nimaw,khawnge i kal dawn"atih chuan ṭha deuhin ka hrilh a,min nuih vur vur chung chuan kal turin min ti a,ka bag pawh keng lo in phone chauh chu ka hum chhuak a.







Kawtzawla ka nu te lo awmna lam chu panin"Nu,kal lawkna tur ka neia ,kan la haw dawn chuanglo tiraw"ka tih chuan chik zeta min en in 'sawi chiang rawh' tih melh tak hian min melh a.







"Ih...thil thar aneia,min entir aduh a"ka ti ban charh a,kal aphalloh mai chu ka hlau ru viau mai,Gate pawnah pakhat lahin min nghâk reng tawh bawk si.









"Va awm rei lo la kan haw har vak tawh dâwn lo nia"alo tih tak mialah chuan phûr fe in Gate lamah ka tlân phei zui a.








"Kan rei dawn lo taktak"kiai suka tiin ka chuan rem tûrin a Bike a rawn her rem a,ka lo lâwn kai ve nghal thuai bawk."Eng thil nge min entir tur chu"tia ka zawh chuan min chhang mai lova,helmet a rawh khum lo bawk nen ka zawh chu a hre lo der emawni zawk ni.








"Lulian,sawi vat teh..nihloh chuan ka let leh daih duh"a tukkhumah nam pahin ka ti a,chutah rawn lehhawi zawkin"Ka hrilh che chuan surprise ani nang,Zeilolian"chimawm zeta nui sukin ati leh tawh a,thil ho tawk anih vaih chuan ka lawmlo nasa viau ang.







Inchhunga kan luh chuan alo reh leh ṭhap tawh a,an nula pawh kha hmuhtur a awm miahlo."Khawnge an awm vek"ka tih chuan an chhuak vek thu in min chhang mai a.






"Khawnge an kal"ka ti leh hram a, dilchhut min tih hmel zeta min en hian "Ka pa chu Office akala,ka nu chu a dâwrah....Siamsiami a bazar bawk" athusawi te chu ka hriat kim loh hlau niâwm tak hian a sawi chiang hle a, ahmelah hlim hmel emaw uang hmel a lang miahlo bawk.







"Unau inei lo maw,nge hetah an awmlo"hriat chian ka chak tlat vang chuan ka zawt zui ta tho a.
"Neilo,keimah chiah"Tes-in fapa mal atih khan farnu nei turah ka lo ngai ngawt kha nia,amah chauh taktak hi alo nih chuan unau neih a chak thei ve viau ang.






Ka kut rawn banin a hum a,a room lamah min kal pui in kan luh hma chuan hnunglam aṭanga a kut pahniha ka mit hupin maimitchhîng turin min ti a,a sawi ang chuan ka mitchhing a; room ah chuan min luh pui in a kut a lakthlak rual chuan zawi muangin ka meng riai riai a.






Ka menrualin ka hma dawhkana Aquarium lian vaklo inhung chu ka hmu a, ṭhu hniamin hnai deuhah ka bih a, sangha tereuhte pahnih..a pâwl leh serthlum rawng hi an lo awm a.






"An van cute chiang,an te reuh si"tiin anei tupa chu ka melh chho a,ka sirah chuan rawn ṭhu thla in a kiai suk a,a sangha te chaw bur ni awm tak chu rawn lek chhuakin min pe a.







"Vawikhatah tam deuh pêk loh tue nia,i pêk chak ka ringa rilṭâm in ka la dah, kha pe rawh"atih chuan ka nui hak a,lo ban in chaw chu ka pe a ..an in chuh ve teh pawh a ang,an te dun reuh bawk nen an lawmawm takzet.






"Le..i fa te chu an hming phuah rawh le"thum chhala tiin min rawn melh zawka,a sangha te nu min nihtîr a tum ringawt emaw ni chu.








"Sangha ka ni mi,cute viau mahse ka fate an ni kherlo"tum bara ka tih chuan alo nui chhuak hawk thung a,ka tum ve apiang hian ala thutak duh ngai lo reng reng,chu ahnehin min nuih ve ziah.







"Lubuk nui ṭhe ṭhaw suh"ka kuta tin zuau zuau hian ka vau khar khar a,ani lah chu ahma aia uar mah hian ala nui ta deuh deuh a,ka ngei tawk atling viau.







"Hmelṭha an titau ngailo,lem i fate hming chu phuah tawh rawh le"min nuih tlawn paha atih chuan ka lo nui ve tawp tawh.







"Nemo leh Dory nimai rawhse,a pawl hi Dory chuan a orange hi Nemo"tiin a sangha pahnih te chu ka kawk pah bawk a.








🥲🥲🥲
Naktuk zanah a zawmna kan dah dâwn nia,a tawp laklawh viau nangin ka mit in azo tawh ngang silova ka type peih tawh ngang lo ani..




In duh angin ka regu theilo tih ka hria a,hreawm ka ti takzet bawk.Story ka vawikhat ziahna ani bawk nen lo in ziahkhawl nachang ka lo hre bawk silova,chapter thar hi ziah chawp zêl anih vang hian duh angin ka hma thei lo ṭhin a,chhunlamah hna ka neih vangin zanlamah chauh ziahna hun ka nei bawk nen tunlai tak chu hun ka nei lo lutuk a,mut ka hmu ṭha lo bawk nen tun hnai te hi zanlam ka meng hleithei der lo mai a,ka taksa chau tawngkhawng vang pawh ani ang zan 3 vel lai chu eng tham mah ka ziah hma in ka lo muhil tlang daih mai ṭhin a.Tuna kan story kal lai hi karlehah chuan zawhfel hman kan tum tawh anga,atawp thlenga dawhthei taka minlo chhiar sak zêl tûrin ka sâwm cheu ni🥹Next aṭang chuan ka ziak khawl tawh anga,regu deuhin kan post thei tawh ngei ang.


In zavaiin muttui vek u..


"Tlêmin lian deuh se i kawl dâwn nia"tiin a sangha bâwm chu a hung ṭha a,"Dory nu i hmanhmawh tawh em"nui suka tiin min rawn kuah a,a kutah ka lo sik vawt thung.







"Mi zîngah khatianga min koh vaih chuan ka lawmlo viau ang"ti nang nang in min kuahna aṭangin tal hran ka tuma,min kuah nghet sauh thung.








"Min thlah phei tawh maila Nonoi awmve sia hreawm alo ti lutuk palh ang"a hnunga ben thek thek pahin ka ti a,chutah inla hrangin a mitmeng nung sar chuan min en a"Ka la ngai che sin"ti sup in ka hmuiah arawn fawp a,alama min pawt hnaiah amah si chet in min pawm bet a,a taksa lumna ka tawn rual chuan ka awmdan chu adiklo ṭan.




A duhthawh telh telh a,ka thiam tawkin ka chhang let ve bawk,chuchuan phûrna ape zualsauh emaw tihtur in a uar sauh a.Ka kawnga a kuahna kut chu chet in min chul kuala,ka kawr hak lai chu hlim chho pawkin ka awmbawrah a zen lût a,ka tum vang ni hauh loin ka rum chhuak hawk.



A kut lum thar thar ka awmbawra a chet tir lai chuan ka taksa awmdan inthlakin nuam tihna ka nei a,amah ka thlakhlelhna chu a zual sauh bawk.A hmui a ka nghawng nul in ka bengbulah a thaw lum ham ham a,chu chuan ka thaw lâk a ti ṭhulh phah ṭhelh ani.










Kan kal thui tak tak hma a in lâk hran chu a ngai tih hria in"Duhtawk ang"ka ti tham ṭiak a,a thaw lâk danah chuan insum harsa atih zia ka hria,kei tak pawh hian harsa ka ti,hmangaih leh duh ber te laka insum renghi thil harsa tak chu ni.A inlak hran rual chuan kan bul maia sofa ah chuan ṭhu thla hnawkin boruak ahip kâwk kâwk a,a bulah chuan ṭhu thla ve in ka kuah a,keimah zawk chuan a biangah fawp zeuhin ka nuih a.







"Kal tawh ang le,haw te pawh an lo duh tawh ang"tiin min nuih a,a hahdam hmel deuh tawha,mipa hrisel pangngai tak thisen lum bengdaih chu thil harsa tak ani.Keimah vang liau liau in harsa titak chungin a insûm thei ṭhin a,chu chuan amah ka duhna ati zual sawt bawk.







Min hmangaih vangin ka zahawmna min humhim sak ṭhin a,lâksak tu nilova humhimtu anihna hian ka tana ahlutna hi ati zual sauh va,mipa ṭha ber ani reng fo dawn anih hi ka tan chuan,keima tan chauh..







Inhnuaiah inzui thla in a Bike bawk chuan Pute te in lam chu kan pan leh a,an in aṭang hian hla tak chu nilo mahse kea kal nân chuan athui ve hret.







Kan thlen phei chuan ka nu leh Nonoi chu eng engemaw khai bawr deuh ṭunin Gate aṭang an lo chhuak ve chiah a.Chhuk thuaiin an lam panin ka pen zui nghal a,an thil khai te chu lâk ṭhen sakin ka khai pui a.







"Kanlo phone dâwn chiah che a in lo thleng timing tawp"zawi tea phun sar sar in Nonoi chuan ati a,kan thleng tawk ve bawk em ani.









"Taxi a in haw dawn chuan Saw lai deuhah sawn chân arem asin,ka lo chân pui ang cheu"tiin Rinsangpuia kan lam panin a rawn kal a,ka nu thil khai lai chu a rem ti vaklo chung chuan a khai sak ta tho a,ka bialpa han polite leh fel dan hi chu aw.









"Khatin nui vur vur suh,makpa interview anihkha"kan hmaa ka nu leh Rinsangpuia in zui dat dat chu en in Nonoi a nui har har a,an kal fâl deuh vâng chuan a thusawi te chu an hre phalo anih hmel.








Kawngpui sira ṭhutna an siam bulah chuan kan ding ṭhap a,Taxi lo tlân lah chu vâng hrep leh nghala."In veng hi Taxi avan vang bik tak"thil nghah ning chi tih takah Nonoi chuan a ning leh der tawh anih hmel.








"Hmelṭha vengah Taxi a tam vak vak ngailo"uang deuha tiin Nonoi a fiam zuk zuk reng a,an pahnih chuan an in chhâng tawk thei em em mai bawk nen nuih ka insum nasa viau tawh.Ka nu hmel ka en chuan enge maw ngaihtuah run nei hi a ang a,kan thusawi te chu ngaihven awm pawhin a awm lo bawk.








Kan piah deuha motor rawn ding aṭang chuan Nu pakhat hmelṭha deuh mai hi arawn chhuak a, ahmelṭhat em vang chuan ka lo en reng a,kan lam pana rawn pen pheiin kan dinna lam ngawt chu arawn hawi a.







"Rinsangpui helaiah hian enge itih" a hmelṭhat tehreng nen a ṭawngkam erawh a ngainatawm hmel loh viau mai.







"Taxi kan châng"bul zeta chhangin nichin lawka anui hmel kha thinrim hmelin athlak zui a,be mek tu chu tunge anih ka la hre hauh lo bawk.



"Rawn haw rawh ka rualin"tiin a in her vut a,a ṭawng danah Anu ani tih ka hrethiam chawpchilh a,engvanga khatiang taka lungawi lo hmel kha pu nge maw anih le.








A zui ve mai dawn emaw ka tih laiin ani lah chu ka bulah ala ding reng a,anu kal lohna lam a hawi daih bawk.








Rinsangpuia nu,Nu Mary chuan a fapa in a zuilo tih ahriat chuan a ke pen atawp chat a,arawn lehhawi rual chuan rang fahran in ka lo hawi sawn nghal a,ka bula ding pa lah chuan anu thusawi te chu a ngaih pawimawh hmel der bawk silo.









"Rinsangpui,engvangin nge khalaiah khan ila din reng a,min rawn zui ta che"ram hmaka tiin a rawn let pah bawk a.









"Bike ka keng reng,ka rawn haw ṭêp lo va haw rawh"chang zeta tiin anu zui chu ala tumloh hmel hle.A rûk thei ang berin a nakah ka piaia,phu zawkin min rawn melh nghal a,hmui phunin kal mai turin ka ti bawk.Ka nu awm ve reng laia khatianga anu arawn ṭawng vang khan hreawm ka ti a,ka zak bawk.












"Ṭha deuha ka sawi lai hian min rawn zui rawh,chuan..ka fapa hi inei dâwn lo tih hrerawh,Hruaii sawi thingtlâng nula chu Zonunsangi fanu lek maw lo ni a"ngeiawm zeta min en kar hian ati hlak hlak a, a thusawi engkim chu ka beisei lawk loh thil vek ani bawk nen chhan ngaihna reng reng ka hrelo.










"Duhtawk rawh,ka rawn zui ang che"chang zet,fiah faka tiin anu thinrim hmai sen chu a din hnaih a.
"Ka thiamloh ani, thil hriatsual anei ani mahna, engkim aṭha "kei leh ka nu chu a mitmeng dul raih leh thinrim naa khat si chuan min en a,ka ngaihtuahna chu anu but mai a,chhan nachang pawh ka hre heklo.










"Engmah ka hre sual lo thudik vek ani ka hriat ,hemi te thlah hnaihah hian ka fapa hi awm turin ka duh reng reng lo che."cho zeta a fapa melh chuan ati a.








" Zonun,ka fapa lehzêl hi chu nangni thlah ho bum kual atân hian ka phal dawn miahlo tih hre rawh"






Nu Mary thusawi awmzia chu ka hrethiamlo a,ka bula dingte pahnih pawhhian an hrethiam biklo tih an lan danah alang reng bawk.Ka nu erawhin hmel danglam hmuh hauh lovin "Mary,iti mah mah deuh lo maw,Naupang ho an awm hi,kal tawh rawh u keini pawh kan kal dawn e"dam thlupa ka nu in atih chuan ka tha alo na tlat.








"Ka nu aiawhin ngaihdam ka dil e, hetiang hi athleng nawn tawh lo vang"inthiamlo hmel zetin ka nu hmaah chuan ati a,anu chet dan chuan ani pawh a thawng tih ka hria a,enge maw tak hriat fuhloh chu anei ani mahna le.