HOPE BY Winter Bear (Completed)

[Ngaia]

Ka rilru afim meuh chuan ka sa ve phat tawh,a pasal hi ka va be ngailo miau a, zâm na chhan tur nei in ka in hre biklo."I pasal hi vawikhat te pawh ka be hmasa ngailo tih hre rawh,helai hmuna ennawm rawn chhuah lo hian i pasal duh tak harsa taka i neih saw va veng ṭha hle la animai"thinrim vanga in sehruh ṭeuh chung hian ka ti ve sak sak.






"Be lo ni la a call list ah i hming alang terh tuar nang maw le"kei ai maha vin hian min ti let leh sak."I en chiang meuh maw,vawikhat pawh ka rawn call na i hmu em?"kut hum ruh ngawt ngawt in ka tive leh.







"Mi pasal lo biak ṭhat hiam hiam te hi anuam viau ania'ng chu maw"elhsen deuha min melh chunga atih chuan insum harsa ka ti tawh takzet,kan chhehvêla awm te lah chuan ennawm thlir takin min thlir tih ka hai der silo.






"Hetianga i awm fo chuan I pasal hi ila chan thuai ang,tûnlaiah ṭhiante pasal chhuhsak ching an tam tawh ania"nui lui sak in ka ti ve,ka sawi zawh rual in ka biang ari thlawrh.






"Lalrinhlu ka pasal hi vawikhat pawh i lo be buai leh tih ka hria nih chuan hetiang mai mai hi ka ni tawh lo ang"in her hmak in akal zui nal nal,umzui ka tum chu ka ṭhiante'n min lo dang."Kal rawh se,min an en nasa lutuk cheu, video ten an cover bawk sia i hmingchhe hrep zâwk ang insum hram rawh"Tes in min kuah pah hian ati mawlh mawlh.Ka zak a,ka tlawm ngawih ngawih bawk.







"Kal ang u, Hostel ah kan va thlah mai ang che"tiin ka ṭhiante pahnih chuan min kalpuia.Ka thinrim a,ka tawt up up bawk khatiang em em khan a nasa ang tih ka lo ring pha ngailo,ka mittui tlak loh nan ka khap sak sak a, awmzia anei tamlo khawp mai.







Hostel ah min luhpui in ka room ah chuan min hruai chho a,min tih dan dan chuan ka awm ani ber zâwk ang chu.Ka rilru ana,ana vawng vawng tihbakin sawi ngaihna pawh ka hrelo.Khatiang mizia anei tih kha kum15 vel lai ṭhian kan nih chhung khan ka lo hre ngai hauh lo.






Khumah ka bawk thlawpa,ka mittui tla chu dan sen pawh ani lo,dan tumna pawh ka nei chuanglo.Keimaha natna leh thinrimna te,zahna te zawng zawng chu ṭah chhuah vek theih ka duh, ka ṭhiante chu ka khumah chuan rawn ṭhu thla ve in ngawi reng hian min ṭhut puia, ṭawngkam a hnem chi ka nilo tih an hrethiam ani mahna.








Ka ṭah chhûng zawng engmah sawilo in ka kiangah chuan an awma.Ka mit abui vek tawha,ka hnar aping vek bawk,tho chhuak ve in khum ah chuan kan ṭhu ṭhapa,ka la in hnit faih faih reng tho. Ṭah fo hi ka duh loa,ka theihna chin chinah pachang taka awm ka tum hrâm hrâm ṭhin,mahse khatiang taka in tihmualpho na leh zahna kha tuman min la siamsak loh vang pawh ania'ng insum ahar emai.






"Tu pasal mah ka be ngailo"ṭah aw ṭiau hian ka ti chhuak thei hram,ka mittui kala hru zeuh zeuh reng bawk.Tes in min lainat hmel zet in"kan ring che lawm,khanu kha kanla khawih hrep dâwn nia"thinrim hmel zet in ati charh charha, Tetei pawhin apawm tih lantîr nan a lu alo bu ve nghut.







"Tunge khanu kha ni reng reng a?" Tetei zâwk chuan min zâwt in ngun zet in min en bawk."Ka bestfriend ṭhin anihkha"ka ti zuai raih, chek hlakin a ner zui nawng.,"Ava tenawm ve,enge buaina in neih reng reng khati taka arawn ngam pat zawk ni"ati leh hlak hlak.







"Sawi nuam pawh anilo"hnuailam melh run in ka ti sap,"i sawi loh chuan kan pui thei nang che a rapthlak ropui si rawn kalin a aia nasa khan ati mualpho leh mai tur che sin"min ngaihtuah na vang zawkin min vin lek lek tawh.








Tes-i chek hlak hlak ri ka hriat chuan hawi chhuakin alam ka hawi vata,aphone melh ngurin a chek leh hlak hlak ṭhin.Tetei nen min en tawn sek chung chuan kan en theih tûrin aphone kan lamah arawn lek va,"Post tawk kha an awm ka ring leh reng a,mi chanchin ngaihven hlawm hre hru si engmah hre chiang hlawm tawp silo hian"ka bula mi chu a ang zawm char char.








"Enge in buaina chu sawi phawt teh,chinfel dan kan zawn angai i mualpho tam zel hma hian"Tes-i zawk chuan ati ve leh a, hrilh mai chu ṭha zawka ka hriat vangin engkim chu achin chhuakin ka hrilh ta vek.Ka ṭhiante pahnih chuan ka chanchin ka sawi lai chuan lainat hmel zet hian min melh dun renga,ka mittui tla leh zeuh zeuh ṭhin chu ka hru leh tâwk ṭhin.









"Mihring pawh an nih loh tawp chu,i bialpa achhuhsak chung che pawn inthiamlohna neih ahnêkin tiang khan ala rawn che ngam ania,ka la ṭhuai hrep ang"tes-i chuan ati tân tân.








"Chuan i bialpa hlui chuan tun hnaiah arawn be leh che tihna maw"tiin Têtein min lo zawt ve bawka,ka lu ka bûk khum nghat nghat.
"Nizân khan ka block tawh,min lo call sek zela ka ning lutuk a"ka ti ve leh sap sap.




"Social media ah chuan mi in i thiam loh vekah an ngai ngei dâwn sia, ṭawngkam an duh hlawk thei si en pawh ka en peihlo,mahse mi sawi na te hi chu engah mah ngai duhsuh,i ṭhiante kan awm hi i lam kan ṭang tlat ang keini chuan"ati leh sap sap a,a thusawi chu atih tak zia ahmel ah alang.







"Ni e,hêng an sawina che te hi chu a reh vat mai ang,mahse thudik chu kanla hai lang ngei tur ani,kan en liam mai mai anihchuan kha ai nasa pawh khan ala che duh hrim hrim"ka dara hmer vang vangin Tete in ati ve leh charh charh a.







"Umm,in awma ka lawm nangni chuan min phatsan ve lo ang tiraw"mittui tling pam in ka ṭhiante chu ka en,"Dâwn mai mai nang,atawp thlengin i lam kan ṭang dâwn alâwm,tuman an tina tawh lo angche"an thusawi chuan min ti hahdam huai thei, ṭhianṭha neih hlut zia min hriattir ka ti lo theilo,kan inkawmna la reilo mahse ka tan an ṭhat zia hi hai theih anilo.,






Tlai thlengin ka ṭhiante chuan min awmpuia,awm ve reng theih anih tak loh ah chuan min hawsan ve ta a,an haw tur chu hreh deuhin ka thlah a,ka khua ahar nghal ngawih ngawih.An awm kha chuan ka natna te hi ka theihnghilh ṭhen thei asinle.






Ka pa phone call ka dawn chuan hreh deuh chung hian ka la hram,"Aw pa enge ni ta",ka ti tham ṭiak."Bawihte,i ṭha maw?i nu nên kan ngaihtuah lutuk che a,i nau ten i chanchin min hrilha"ka pa in min lainat tih hriat zeta atih chuan in sum zo lo in ka ṭah khum hlawp hlawp.







"Pa, hetiang tawng tur hian enge ka tihsual bik le"ka ti chhuak thei ṭawk.





"Bawihte,mi te chuan engtin pawh sawise kan fanu, engtik lai pawha ka chhuan em em kha ini reng ang.Tumah lamṭang neilo ang te khan lo in ngai miah suh aw,chhungte ineih hi i lam kan ṭang tlat ania"atih leh lek phei chuan ka thin a tawt up up a,ana ngut ngut thei hial.






"Pa,inbulah ka awm chak"ka ti zuai raih, phone aṭangin min ṭawngṭai saka,chhel taka awm turin min fuih mawlh mawlh bawk,rei tak kan in biak hnuah kan ti tawp thei hram.Harsatna tamtak tâwk ṭhin mah ila engtik lai pawha min hmangaihtu Nu leh Pa ka nei hian min ti thlamuan ṭhin.






Zankhua in chhin khat te pawh chhing lo in ka meng tlaivar zaka,ka mit akham urh tawh,ka thil tawnin azir loh em vangin class pawh kal peih lo in ka mu zawi ngiai renga,mahni chauha awm ka duh rih vângin ka phone pawh off in muthilh tum in ka in let sek.








Ka room kawngka kik ri karh karh vang chuan ka harh zawka,tho chhuakin ka va hawng,ka ṭhiante pathum eitur khai far hian an lo ding ṭhap a min lo nuih var var bawk."Lo lût ru, class in bang tawh mi?"tiin kalo be nghal mawlh mawlh.







"I muhil lai kan lo ti harh che mi?Phone i chhang thei siloa kan lo kal tawp"tiin ka khum bul dawhkâna an eitur lo ken rem fel zung zung pah in Tes i chuan min be siam siam a."Ka lo mutui lutuk a,in van fel lo kal kher angai lo sin damlo pawh ka nihloh hi"inthlahrung deuhin ka ti ve sap sap.






"Thil i ei ṭhat loh te kan hlau alâwm,i chêr ve ropui sia i lo mut tliah daih tepawh ahlauhawm"nui har har chungin Puipuiin ati ve hap, ngeiawm thiam ve ṭhîn ania.






"Ka ṭha lutuk, nizân ka mu ṭha lo deuha nimai"ka tih chuan "Sangpuian an class ami a sawisa leh pek a,an buai hrep alâwm ana reuh phian ania'ng akhawih pa kha"atih chuan bang bo zet hian "Enge chhan?"tiin ka zâwt vat.





"Chiang takin ka hre biklo,Zopara chuan aṭawng theih lutuk man atuar anihkha ati ringawt a,achhan tak asawi chiang duhlo"eitur kawr kheh mawlh mawlh chung hian ati a,achhan hriat chakna ka nei ngah viau.Ngaihven loh hi tum viau mah ila a hming an lam rik ringawt pawh hian ka buai nghal chung zêl tawh chu ani mai sia.








"Ihh...an hmu ve em"ka ti tawl,ka sawi awmzia ahre chiang bawka min zâwt chiang bik lo in"hmuh ve chu ka ring,mahse engmah an sawilo,keini pawn sawichhuah kher ṭulin kan hre bikloa,mimal thil ani sia"ati niah niah.







Ni e,an hriat ve ka duh lo bâkah Rinsangpuia leh lek phei chuan hrelo se ka ti leh zual,min ngaihnêp ka hlaua,min hmuhsit ka hlau bawk.Engkimah keiai achungnun zawk zia ka chianga,ka phu loh zia ka hre bawk,alaka ka rilru puthmang pawh hi ahriat ka duh heklo.Ka hnaihlo anga zawi zawi in ka vei na te hi chu an reh ve mai ka beisei bawk.







Ka ṭhiante haw hnu chuan in ti fai in zanriah ei tûrin inhnuai lamah ka chhuk thla a,eitur in lâk nghal zung zung in ṭhut na awlah chuan ka ṭhu thla ve maia,ka bula ṭhu te phun sar sar ri chu ka hre phak reng tak na in ngaihven loh luih tumin ka hma a inchhawp chu ka ei mial mial.





"Hostel ah alo awm ve reng alaw,ala zak chuang miahlo ania'ng a awm dân te saw"ka piah lawka ṭhu in atih chuan hrelo derin biangpuar pawp khawp hian chaw ka bar zawm mawlh mawlh tho.Min pawh ngam chiah silo hian an phun ser ser reng hlawma,thinrim deuh in chaw ka ei ṭeuh phah.







Nidang ai fe in ka ei tam,puar pêng pawng tak ka ni,ka eina ka seng fel laia ka hnunga mi te thusawi vang chuan ka ding dat."A inzuar ṭhin hial lo maw,mi pasal ngaihzawn ching hi chu an nasa teh ania zah pah an nei bawk silo"atih chuan ka kut ka hum ruh ngawt ngawt tawh,insual pui mai duhna thinlung ka pu hman,mahse;engmah aching fel dawnlo tih ka chiang em a ka insum hram.







Ka room lam pan in ka chho nghal nal nal,Devotion kan hman lai te chuan min melh hrek hrek tu an awm tih hrelo ang mai hian tumah ka ngaihven duhlo.Min tih ngaihna vak an hre biklo ani chek ang chu min be pawp ngam tak an awm bîk lo.








Ka rilru athawl huai tawha, zâm lo turin ka in fuih mawlh mawlh reng bawk.Ka hla duh deuh deuh ngaithla chungin muthilh tum in ka let sek renga,zan hmasa lamah ka mu ṭha lo bawk nen rinai a hma in kalo muhil.







Ka thawh chuan insiam alo hun viau tawh, ṭhang harh pawh nei miahlo in zan khua in tui deuhin ka mu bawrh bawrh a,azia phian mai.Ka pehhêl reng thei dâwn lo tih ka chian em vang in Class ṭhulh tumna ka nei tawh lem lo,midang min sawi dan chu in hneh tîr lo turin ka in hrilh nawn sek bawk.







Ka ṭhiante ka biak lawk tawh vangin min luh san biklo in min lo nghak ṭhap a,an bul ka va thlen chuan min lo nuih var var.Classroom kan luh chiah chuan keimahah an mit a fu ṭhup tih ka hai lo nasa,ngawi rengin ka ṭhutna tur lam ka pan ding chawt thung.First period zawha Class kan neih loh vangin chhuah mai kan tum a kan in khung ṭhat mawlh mawlh lai chuan ka hriat ngai pawh nilo hmeichhe pathum hi kan ṭhut na sir ah rawn ding in "Lalrinhlui chu ini ang maw,nangmah vanga ka bialpa damdawi in a awm hi mawhphurna la ang che"pakhat chuan vin zet hian ati ṭhat.







"I sawi awmzia ka hrelo"in khung luh mawlh mawlh pahin ka ti liam puat,ka lehkhabu ken lai chu rawn phih thla hlawkin chhuatah a paih thla hmiah.






"Enge maw i hriat reuh le,tu nge inih pawh ka hrelo"ding hluai in ka melh ve kar tawh.





"Huhhh,min hre lo maw?"mit meng thip zeta min melh ran in a ner zui sak.




"Hre mai mai nang,in sawi chiang deuh la"ngeiawm zet in ka ti let ve zat.




"Mi pasal ngaihzawng ching ho hian zahna an tlachham bik an tih hi adik ngei anih dawn hi"nui lui tih hriat lutuka min en ran chung hian ati leh kher.




"I thil hriat chian loh hmangin ka ṭhiannu hi rawn ṭawngkhum reng reng suh,ka nuai hrep mai ang che"ka hma ah rawn dingin Tes-in ati let ve sak.



"I bialpa chu engvangin maw damdawi inah chuan a awma"tiin ka zâwt let leh khauh.




"Rinsangpuia'n nang thingtlâng nu a chhan na lamah che mawle,engtik laiin nge saw pa sawn Charity lam hi alo buaipui a"elhsen zet a min melh chung hian atih zawm zat.








A sawi zawh rual chuan ka tlân chhuak nghal,ka phone phawrh in Rinsangpuia ka Call a,a Ring ral ṭhak."La vat teh"keimah chuan ka in be phei mawlh mawlh,an Classroom lam pana kal pahin ka Call pah reng bawk;hrep taka min chhang duh hauh lo lehnghala.





"Nunpui,khawnge Rinsangpuia"alo chhuak ka va hmuh rual chuan ka tih zawm zat.





"Ka hrelo First period aneiloa"tiin min lo chhang ve mai bawka."Min lo call sak ka hming sawi kher lola ,a awmna ka hre duh"ka ti leh tawl.Hriatthiam loh hmel zet hian"a number ineilo mi nangman call ve mai la"atih te chuan ka thinrim hlur tawh,ka tawt up up renga,thawk a sak ṭalh bawk.





"Ka call a chhan duhloh vang alâwm"ka ti bung nghut,engmah sawi zui lemlo chuan a call ve mai bawk.





"Aw,bawiha khawnge i awm?"a biak lai chuan uluk zet in ka lo melh chho kar,rei pawh an inbe lo.





"Canteen ah midang nen an awm,Lawmzuala alo kal ve tawha thil an ei pui anih chu"a sawi zawh rual chuan amah pawh nghâk lem lo in ka kal nghal dawr dawr.





Kawngkhâr bul aṭang chuan an ṭhut na ṭhin lamah chuan mit ka lena,an lo awm ngei bawk,va pawh mai lo chuan ka Call leh hmasa phawt.A phone chu bih thuak in dawhkanah adah zui leh ta nghala,va pawh em chu hreh viau mah ila zawh chian ngei ka duh vangin ka lut phei ta tho.





A ṭhut na sir ah ding in "lo chhuak teh,in be lawk ang"ka ti thawr.


"Engmah sawi tur ka neilo"rum hawk in ati nghut.



"Keiman ka nei min lo zui lawk teh"inherin ka ti zui zat,minlo zui ve mai ang chu ka tih laiin ka hawi let leh pawn a ṭhut dan ngai rengin alo la ṭhu.



"Rinsangpui... inbiak ka duh ka tih chu"a lam pan in ka ti vin hlar tawh.



"A mak sek ka peih lo,i duh leh hetah sawi mai rawh"keiai maha vin hian ati leh chhur chhur.A ṭhiante ṭhut na lam ka hawi kual chuan ngawi reng hian min lo melh ve ṭhap hlawma.



"A rei dâwn lo ,lo kal lawk teh"dam deuh zawk hian ka ti chhuak thei hram,ka aw thleng chuan a khur tawh ni mai in ka hria;in thunun hrâm hrâm ka tumna lamah ka hah vek tawh.





"Bawiha,va in be lawk ru"Lawmzual an ati ve sup,"I sawi ho awm ropui si"tiin nui ruh ruh chung chuan atho kang ve ta hram.




A din rualin a bânah pawt chawt in ka kal pui dawr dawr,engmah sawi tawh lo chuan ṭha tê tê in min zui ve hram.Building hlui luah tawh loh lamah ka kal puia,hnung lam aṭang chuan ka sam a rawn pawt zeuh zeuh leh nghala,ka hrelo der tlat;nghal leh lutuk mai.




Kan kal pelh apiang chuan min en zui vang vang hlawma, tumah ka ngaihsak duh hlawm lo.Tumah an awm tawhlo tih ka chian hnuah ka thlah ve chauh.




"Engvang in nge itih?"amah melh ran hian ka zawt zui zat.


"Enge ka tih"a kekawr ipte zen chung hian awlsam zetin ati nghut.


"Hrethiam lo der vel suh,tinge khapa kha i sawisak kher,keimah vang anilo tiraw"min chhânna nghakin ka melh reng.



"Nangmah vang anilo,keimah vang anihkha,a phutawk ahmu,ngaihven suh"thutak run hian ati leh nghat.



"Keimah vangah an puh miau si alâwm"ka ti leh hap,a hmai tuai puat in a thaw halha.



"Keimah vang ka tih chu"rum nghut in ati leh chhur chhur.


"Ani takzet maw"thudik tak sawise ka duh vangin ka nawr lui ve tlat.


"Aw, ngaihtuah suh I tel ve na tur anilo"atih chuan chhan mai dan tûr ka vân vek tawh.



"Aṭha anihchu, thudik anih takzet chuan abialnu kha hrilhfiah ang che,buaina hi ka duhlo ania"ka ti leh charh charh.



"Tu hnênah mah insawifiah ka ba lo"min melh run in ati leh tawh,hepa hi chu engtikah mah pangngai tak hian a sawipui theih pawh hian ka ring tawhlo.





"Damdawi in hial a awm phaha engvang pawh chu nise aṭha lo hrim hrim"ka ti lui ve leh tlat.



"I ṭawngtheih zit zet reuh nen hian engahmah in sawi fihlim thei der silo"ti hlakin a phun zui nuah nuah.






"I sawi kha ka hre pha vek,enge awmzia sawifiah rawh"ka tih leh chuan chhan pawh min chhang tawhlo."I sawi duh i sawi zawh tawh chuan ka kal a nia"ti hmuk in a in her zui hmak,pen thum vel a pen hman ang tihah chuan um pha in a kawr hnungah pawt chawtin "thudik tak sawi teh"ka la ti fan.





"Min thlah vat rawh"tia ka kut thin thlak atum chuan ahma ai maha nghet in a kawr tlang chu ka ṭhâm nghet sauh sauh,kal tîr mai ka tum reng reng lo ka hriat duh tak engmah ala sawi miau lo a.





"Tûnah hian min thlah lo anih chuan min kal tîr tum engang mahla ka kalsan tawh dâwn miah lo che nia"rum nghut hian ati reuh a,a hnunglama ding ka nih vangin ahmel ka hmu thei loa,mahse a thusawi chu a thutak riau hian ka hria.





Thlah chuang lo chuan ka la pawt bet ṭung,ka kut chu man chawt in a rawn in her a,mit meng thutak zeta min melh in ka rin loh lutuk dan in a che,ka kut la vuan reng chung chuan a taksa si chet in min pawt hnaia,min kuah ani ber tawh,a chet dan vang chuan ka hamhaih takzet.Chet na chang pawh ka hre tawhlo ani ber,a kut leh lam chuan ka kawngah a kuaha,ka khabe ah dawm chho in ka hmui ah tak min rawn fawp thut.




Meng kuau chung hian ka ding khawng lah,ka chhang let lo a,ka awm ngai chuan ka awm reng ringawt.Na vakloa ka hmui aseh zeuh chuan ka phu zawk,reilo te chhûng mah nise a fawh-na vanga ka taksa danglam hneh zia ka hria a,a mi khawihna te chuan ka chhûngril hi a fan ani ber.





Tal phut in ka petek dawrh a,ka hmui ka tuai thuak,a lam ka va hawi chuan min lo nui suk leh ta nghala,ka zak lutuk chu ka sen vek thei in nia ka rin ni.




"Tikhan i chhanna duh chu i hmu tawh ang chu"nui ruh ruh hian ati a,ka bang bo telh telh thung."Eng chhânna mah ka hmulo,reng reng ah nge min....ih... Ve ngawt"tiin ka hmui ka hup chawt.






"Tomato i ang lutuk i biang a sen vek"tiin min chhaih zui leh kher,ka van khawng kaih chak tak.




A nui tawhlo a thutak hmel deuh apu leh daih tawh,min rawn pan hnai in kei ka lo tawlh hnung hret hret thung,bang si chet khawpa ka tawlh hrut hrut hnu chuan a chet leh dân tûr ngaichangin ka ding mawl ve tawp tawh.





Min rawn hnaih chilh in min melh chhuk run a,ka zâm lutuk chu ka khur ru dar dar tawh,khawsik hauh silo in ka sa chhuak vek thei hial.Ka hmui amelh leh vang vang ka hmuh chuan ka hmui ka hup leh chawt.





Bangah a kut leh lama in nem khalh hian min melh run renga, a ṭawng tawh dâwn lo a maw ka tih hnu ah


"Ka duh che"ati chhuak hap,a thusawi chu ka hresual emaw ka ti hial.



"Eng maw i sawi"ka hriat loh vang pawh nilo in ka awih loh em vang chuan ka zawt nawn leh."A va mak e aw,ka duh che ka ti"ati leh nghut,keimahah a mit a fu ngar renga,a hawisawn eih lo.





"Kha pa ka sawisak chhan kha i hre duh ani lâwm ni,hei i hre tawh e,tuman i chanchin chhe taka an sawi ka hre duhlo"ati leh nghut nghut,van lam hawi in a thaw chhuak halh a,thawveng sawt hmel apu bawk.





"I mawlhmuar anih chu"tih leh kal sawn ka ruala,thui ka kal hman lo ka ban rek ah vuan chawt in min pawt ding leh,min thlah tûra ka tih lai te chuan hrelo ang hmak hian nghet zet in min hmer.




"Ana nia min thlah rawh"ka ti chhuak hap,inthiam loh hmel deuh hian min thlah nghal rawk rawk.Min hmerna ka en nak chuan a sen tut hial,rum deuha melhin ka kalsan nal nal.


Show post links
Top

[Ngaia]

Ka ṭhiante ka va pawh chuan min lo pan zui ve thuaia,"khawnge i kal daih a, Call ila thei bawk silo"tiin chanchin min lo zawt nghal zung zung.





"Sawtah ka kal lawk mai mai,ka phone ri chu ka hre miahlo"ka riat nawi kual vel ani ber,thil thleng zo chiah te kha ka rin lawk loh lutuk an nih vang ani mahna ka phi chenga ka awmdan hi anuamlo, sawithiam chiah silo hian ka pangngai lo ka awmdan hi.






"Class ṭan ahun ṭêp lut ang u"sana bih vut in Têtein arawn tih chuan lawm ru hle, engmah min zawt zui bik lo chuan kan tho chhuak sap sap a.A hnungbera kan ṭhut vang chuan dawhkan bawh ngiai hian ka awm zawi renga,zirlai reng reng rilru ah alut theilo.Rinsangpuia thu sawi te kha ka ngaihtuah zui vang vanga,min duh tih asawi anih kha,lawm tur nge lawm loh tur pawh ka hrethiam lo.






Ngaihbel theih tûrin min duhna ati lang ṭhin em tih ngun tak in ka ngaihtuah,chutiang emema a awm ka hre bawk silo,min fiam mai mai anihchu ka ring ta ber,mahse;ahmel ah khan fiamthu hmel ka hmu bawk silo...."ninawm" ka ti chhuak thut,ka hawi chhuah nak chuan ka lam an lo hawi ṭhap tih ka hmu zui zat,zahthlak thei hian aahh.





"Lalrinhlu engmaw ninawm"tia Miss chhuantein min zawh lai te chuan zak tawh tak ka ni,muangchanga ding chhuakin ka nuih tlawn ringawt.Min hau viau dâwn maw ka tih laiin ṭhu tûrin minti hlauha,ka lawm zia chu.







"Enge i awmzia nanghi?"ka dara ben thak pah hian kan chhuah rual rualin Tes-in min zâwt nghal,"i awmdan hi adiklo reng reng,enge maw thleng a awm leh tawh ami?"atih zawm zat.






"Engmah nilo ka mut chhuah vang ania'ng"tiin chhuanlam ka siam, Puipuii leh Tetei ten Class an la neih vangin thil ei tûrin kan lo nghaka,nitina kan ṭhut khawm ṭhinna lam pan in Tesi nên kan in zui phei hnak hnak,eng engemaw sawiin min be renga,chhan mumal pawh ka nei meuhin ka hrelo.







"Puipuii tehi an la ṭhalo anianga a hmel hi angui tlat,ka zawt dawt hreh ve deuh sia,Lawmzuala ka zawh lahin engmah asawi duh siloa"a Bag hrui pawt neuh neuh pah hian ati a,ka lo ngaihven lutuk loh vangin a awmdan pawh chik nachang ka hreve lo chu ka inthiamlo ru hle,an theihtawp in min ngaihsaka,keimah chauh kalo in ngaihtuah hi ka dikloh ani.






"Kan be dawn nia lo chhuak se"tiin ka lo sawi ve bawk a,"tideih ila,Daff Sangpuia hian aduh che in ka hria"ati chhuak hlawl!!





"Awiii iti awm ang lo lutuk"ka ti chhuak hluai,min melh uluk sawt emem leh nghala.





"Enge khatia min en vak"ngaihsak loh hmel deuh hian ka ti leh kha kha,min chhang mai lo chuan a thaw kâwk a,rilru hahna neive te pawh a ang.





"Bialnu ala nei ngailo ka tihkha maw,han duh ve deuh aneih awm pawh tumah hian sawi tur kan hre ngailo,mahse i bula a awmdan ka chik hian adang lam tih ka hria,chuan hmeichhe chanchin ka hnêna min zawh hmasak ber ila ni"ati leh charh charh.






"Chutiang ringawt,engvak ani kher nang"ka ti leh sap sap,min melh run run in"Nangpawh ahming sawi hian i phi cheng zêl"hnai fahrana min melh hian ati leh hap.




"Kal maiteh,i ngaihtuahna hi aṭha zawngin hmang tawh rawh ka tih che kha,thil nilo lo hi i ngaihtuah chhuak ve ziah"nui lui in thawven hmel deuh hian ka ti leh lang lâng.







Eng emem asawi zui tawh bik lo a, kan ṭhiante pawh kar lovah an lo thleng ve mai bawka.Ka hma taka lo ṭhu thla mek Puipuii hmel chu chik zet in ka lo en,a hmel hlim loh zia ka hmuthiam ve tawha an in kar chinfel dan tur ka ngaihtuah pah rauh rauh bawk.





"Zingah chaw ka ei loa ka rilṭâm lutuk thil min lo ei pui teu"zawi zet hian Têtein ati chuar chuara,tuman kan hnial lem lo.Canteen ah ṭhu khawm laihin Tetei thil ei kan thlir hi ani ber,amah lah chu a ṭawng suam suam reng bawka.






"Pui,Lawmzual an alo be tawh che em?"ti a Tes-in azawh chuan Puipuii chuan a biakloh thu leh biak hmasak bik atum loh thu te asawi ve nghal bawrh bawrha,kan vaiin Lawmzuala kan dem vek.






"Hmela mai mai chu a chak lo viau ang"pawr zet in Tes-in ati leh lâng lânga a kut te hum ruh in eng tin tin emaw an awm kual vel,a chet dan vel chuan Puipui ber chu a nuih ati za a, a nui ve hawk hawk mai,a tihzia phian bawk;Tesi hi chu a nung ṭha vet vet bawka boruak siam tu ber hi ani chawk.







"Taka khawimaw Sangtei number kha min lo pe teh, engtin emaw tak chuan tih angai ani ruahmanna ka lo siam ang,kan ti hlauthawng dâwn nia"ti sawk sawk hian min hnaih nghal hrut hrut,"engtin nge itih vak chuan anga achhe zawngin boruak hi akal zawk ange aw"kalo ti ve vat.






"Teuhlo!!engthil ṭhalo mah a thleng lo ang,thil ṭha deuh ka ngaihtuah tawh alâwm"alo ti awlsam et thung."Min ring tawp rawh, ṭhiannu bawn deuh inei tih hi ila hre lo mai mai anih hi"phur hmel zet hian ati leh ham ham,chhang buai tawh lo in ka pe ve mai bawk a.





"Class ṭan ahun ṭêp kal phei tawh ang u "tiin ka tho chhuak vut a ,min lo zui em tih pawh ngaihsak em em lem lo in ka kal chhuak nul nul.








Ka ṭhiante ho pawh chu ka hnungah an rawn ri phei tliar tliar, Classroom ah pawh chuan an ti ti zawm mawlh mawlh a,enge maw tak tih chu an tum ani ngei ang tihdan tur an rêl nasa khawp mai,kei erawh rilru mumal pu thei meuh lo in dawhkan ka la bawh ngiai reng thung,an thu sawi te chu ka beng a rawngah alut lo ani ber.






Hostel ka thlen chuan pêng kawi lo in ka room lam ka pan nghala,ka room piah chiah room awl a awm tûr ni awm tak hi bungrua nen room pawn velah chuan an lo awm nak naka,tumah chuan min lo uk sak lem loh vang chuan tumah pawh be lem lo in ka room kawngka hawngin ka lut zui ve mai bawka.






Ka tih ziah danin in thlak hma in ka chhûngte phone in ka ni hman dan tlangpui te ka hrilh leh hmasa tê tê a,rei pawh in be lo in kan dah zui ve mai,kan in biak zawh chuan in bual tûrin Bathroom lam panin ka lut zui nghal bawk.








Towel a ka sam hru mual mual pahin room ka chhuahsana ka piahchiaha awm tûr pawh an in dah lût fel zo tawh ani ngei ang kawngka bula an bungraw dah ho pawh alo awm tawh lo a.








Ka towel huh zar turin in chung sang lam pan in step ah ka chho a,Hostel hi College Campus a awm mah nise a awmna hi afal angreng hle a,hmeichhe hlang awmkhawm kan ni bawk nen mahnia riak ngamlo hi an awm nualin ka hria,kei erawh hi chu hlauh emem nei lo mahnia awm nuam ti chi kalo ni vei bawk nen single room ah ka awm reng bawka.








Ṭhenkhat hi chuan Hostel hi chu ahrang duh bik an tih vâng mai mai te hian enge maw hlekah an hrang chhuah leh ringawt zela,an sawina ho hi chu ka awih lem lo.Inchung zawlah hian ṭhutna tura siam hi a awm ve a,tah chuan ṭhu in ni tla tur chu ka thlir vang vanga,thil mawitak chu ani chiang ani.







Zanriah ei dâwnah chuan ka chhuk ve chauha, inchung sang hi in suk zara ka chhoh bak hi ka kal tam lo khawpa,nuam ka tih chi tak ani tih kalo hre lawk lo chu pawi ka ti hnu hnawh ang reng hle.







Dining Hall aṭanga ka chhoh chuan ka hma ah hian hmeichhe pakhat kala hmuh ngailoh hi kal in Phone ah mi a be lang lâng a,a hnung lawkah ka kal tih pawh chu ahriat hmel lem loh,kal pelh mai ka tum chu a thusawi vang chuan ka ding chawt.






"Sangpuia maw,ka sawi tawh kha ka ta ah ka siam tawh dâwn"nui har har in ring ang reng deuh hian ati chho lâng lânga,tu asawina nge pawh hre hawt si lo chuan ka lo hlauthawng ve emem ringawt a,ka ngaihtuahna ami Sangpuia hi ani dâwn tihna pawh ani tawp siloa.Keimah leh keimah chu ka in haw thar riaua,hepa ka ngaihven teh hawr lutuk hi.








Vawiina athu sawi leh chet dan te kha ka ngaihtuahna ah an lo lêt leh vek tawha,in hmu thei ngat ila chu zah avangin ka sen leh ṭawn ṭawn tawhin ania ka rin ni.






Ka hma a kal chu ka room piah chiah ah chuan alut zui zata,lo in sawn thar kha ani ngei ang.Keipawh tawi khawmuang tawh lo in ka lut ve nghala,ka luh rual chuan ka khuma ka phone dah eng phe zeuh zeuh chu ka hmu zui zata,pan hnai in ka en nghal bawk.





"Aw, Hello Tes"zâng khai vah hian ka han ti a,

"Daff,Fb ami kha i hmu tawh em?"atih chuan phone ka la en loh thu in ka chhang ve mai bawka.



"En vat teh, keimahni tih ani miahlo"ati nghal chûl,hmanhmawh deuh chuan kan in biakna pawh dah lem lo in ka han lût a,ka thil hmuh chu ka rinloh lam daih ani.




"Ava mak teh thut ve,nangmah ni tih ani lo maw"ka ti zui zat,"aih va biaka va vo zâm pawh kan tum ngeia mahse engmah kanla tihmanlo"tiin thil thleng chu a hriat bik loh thu asawi nasa khawp mai.






"Engpawh chu nise tihian aṭha animai lawm,dawta min puhna te chu amah bawkin a dik lo zia arawn pho lang leha,tihian kan in kar vel hi chu tawp tawhse aṭha nimai"ka ti ve charh charh.






"Nia,mahse maw atih chhan hi ka hre chak"ati leh sup,thaw chhuak halh in ngaihven tawhlo tûrin ka hrilha ka in biakna pawh kan ti tawp nghal bawk.Ka thil hmuh chu ka en leh vang vanga,ama post ngei chu ani sia keipawn ka hrethiam lo hle.






Sangtei ngeiin video a athu sawi te chu thudik anih loh thu leh ngaihdam min dîlna thu group lar tak, kha video mi in an post na ngeiah khân alo post anihkha.Tih tîr tu an awm ngei ang tih chu ka rin dan ani a, Lawmkima anih ka ring bawk.






Mahse chuti ema ka thlavang a hauh chu ka ring leh chiah bawk silo,han chhui zawn tur mai ka hriat loh vang chuan ngaihtuah zawm ngaiah pawh ka ruat lem lo a.






Atûk zîngah pawh chuan a ngai te bawkin class kal tûrin ka in siam malh malha,nimina kan in biak hnu khân Rinsangpuia nên kan la in hmu miahloa,min lo be miah lo bawk.A thusawi leh a chet dan te kha min fiamna mai mai ah ka ngai nghet hmiah tawh bawk,chutih rual erawh chuan areh hmak chuan ka thin a ti rim ang lawi bawksi.






Nidang ang lo tak in Puipuii leh Tetei chiah an lo la thlenga, Tesi awmna ka zawh chuan an hriatbik loh thu in min lo chhang a,sawi zui lem lo in an bulah chuan ka ṭhu thla ve nghal.







Ṭan hun ṭêp ah chuan hmeichhe pakhat nen in kai chial hian an rawn lut dun hlawl,a bula mi chu ka hmuh hnu ni tlatin ka hria.Kan ṭhutna an lo thlen rual chuan ka room bul chiaha lo insawn thar kha ani tih ka hre nghal mai.








"Heihi Hruaii anih hi,ka ṭhiannu nia Shillong-ah Apa hna vangin an in sawn tawha,helamah zirna zawm aduh vangin alo kal chhunzawm dawna"tiin a ṭhiannu atih chu min in hmelhriat tîr hlawma,a ni pawh chuan nui sang hian min chibai hlawma,kan tlara kan len vek loh vang chuan kan hma ah chuan Tes-in a ṭhut pui ta a.









A chhan sawi tur hre hauh si lo hian Hruaii chu ka ngainat zawng ani hauh lo tlat peka,a mit meng na zet vang kha ani mahna.A hmel aṭha takzeta,khawpui nula tih hriat takin avun anung sar bawk,a in cheina lah mi pangngai bak an nih zia ti lang tu ka ti mai.





Tes-i te pawh hi an khawsak sân zia ka hmu in ka hre tawha,mahse incheina leh engkim ah kan kawm phak loh tur hian a in chei ngai loa,a khawsa zia lah chuti bawk.






Ka ṭhian kawm te hi chhungkaw khawsak ah chuan keini aia sang fe vek an ni hlawma,mahse ka tana kawm hrehawm tur khawpin tumah an awm ngailo.Keichuan midang angin thawmhnaw man to leh changkang tak tak in bel tur nei lo mah ila ka neih chhunah ka lungngawi a,fai takin ka vawng thung ṭhin.







Class lak lai te chuan kan hmaa mi te chu phun sep sep in eng eng emaw hi an sawi neuh neuh renga,zirlai lam chuan an rilru aluah vak hmel loh.






Canteen a thil ei tura kan luh chuan Rinsangpuia te ṭhianho an lo awm leh ṭhap tawha,anni hi kan senior chiah an nih vang hian Building khatah kan awm ho loa,kan chawlh hun a in an loh bawk vang hian kan in hmu zen zen ngailo Canteen ah pawh hian.







Kan luh rual rual chuan Hruaii chuan Rinsangpuia te ṭhutna lam chu a pan nghal zata, Tesi pawn a zui ve mai bawk,an ni pawh chuan an lo be nghal bawrh bawrha."An ṭhian zînga mi tho tihna nimaw"tiin Tetei chuan ka beng bulah zawi sup hian a rawn ti a,ka lu ka lo thing ringawt thung,ka hre biklo tlat ani.







Puipuiin an zinga ṭhut ve a duhloh vang chuan hmun dangah ṭhu in eitur kan chah nghala.An ṭhut na lam ka va hawi phei chuan Hruaii awm dan vang chuan ka ip chawih thei, Rinsangpuia bulah ṭhu in a kalsan hlau ni awm tak hian abanah a kuah chiala,abula ṭhu pa lah chuan ala dawh hle hle zui.






Ka en reng laia min lo melh ve chat vang chuan zahzel ah Ceiling lam ka melh kual vel ta ringawt.Ka awmdan chu zahthlâk ka ti in nuamlo ka ti bawk,mahse enge maw min mawlh tlat tu a awma,a bula hmeichhe dang awm chu ka thik tih ni ten ka hria,mahse engah mah ngaihloh tum in ka in pet ruh ngar ngar thung.







Tes-i min lo auh na pawh chu ka hrelo der tlat,an awmdan saw hmuh nuam ka tih loh vang chuan chhuah daih mai ka duh rum rum tawh,mahse thil tih chi ber nia ka hriat loh vangin kala in sum hrâm hrâm ani.







Puipuii hmel hlimloh hmelzet ka hmuh leh lek phei chuan ka awm anuamlo zual,"Pui,kan chhuak daih dâwn mi"ka ti ta renga,ani lah chuan lawmzualan amah vang ah angaiang tih hlau in min chhuah pui duh der lo a.






"Koh in van hre theilo"bak hlar a rawn tiin Tesi kan bulah a rawn ṭhu thla ve a, tuman kan chhang lemlo."Eitur min chah kep em"atih chuan aṭhian dang te bulah a ei dâwn emaw tiin kan chah kep loh thu kan sawi a,amah ber lah chu a lungngawi loh hmel emem leh ta nghal a.







A eitur chah ve nghalin a ṭawng nghal siam siam a,Sangtei chungchang pawh arawn sawi chhuak leh nawlha,sawi zui vak ka duh loh vangin ka sawipui ṭha duh vaklo thung.




"Hruaii te nên sawn an in hre ve vek tho mi"an ṭhut na lam en in Têtei chuan Tesi chu a zawt a,têt te aṭanga in kawm ho an nih thu te leh ṭhian in kawm nasa tak an nih ṭhin thu chu asawi ve bawk a.







Kan la ṭhut ṭhap lai chuan Lawmzuala chu Puipuii bulah rawn ṭhu in in biak aduh thu arawn sawia, Puipuii chuan a ngaihsak duh mai lo,ani lah chuan fiamthu te thawh in tih nuih phet a tuma,in be tur chuan min chhuahsan ta nge nge anih kha.







Eiman pe tûra Counter hmaa kan din lai chuan Rinsangpuia te pawh kan hnung chiahah chuan an rawn in tlar ve a.Ka Purse ka hmuh mai loh vang chuan ka hnunga mi te chu lo pe hmasa mai tur in ka ti a,kawngka bulah dingin ka Bag ka hai rak rak,"zingah khan ka khung ngeiin ka hre sia,vawiinah kala phawrh miah silo a khawnge maw a awm le"tiin ka phun sep sep.






Ka hmuh tak mai lovah chuan ka ṭhiante ta hmansak mai ka tuma,mahse an lo chhuak fel hman.




"U Siamte,ka Purse ka theihnghilh ania'ng ka ṭhiante ta ka hmansak mai ang,ka va la lawk ange aw"zak ru ang reng deuh hian Counter sir aṭang chuan ka va ti sap sap.




"Kha,tah hian chhut tel rawh"ti tu lam ka va en chuan min melh hauh lo hian ahma lam a en ngar a,

"ngailo,ka ṭhiante'n an nei ang"ka ti nghal thuai.




Min chhânna pawh ngaichâng tawh lo in chhuah mai tum in ka pen zuia,mahse ka hnunglama mi thusawi vang chuan ka pen tawp chat.





"A hmel en reng reng in ṭhiante ban buai reng chi tih hriat reng reng"nui hak paha sawi tu vang chuan ka in her a,ka in melh no lo khawp mai.







"Keimah hi maw min sawi chhan?"ka ti let ve sak,ka ṭhiante hi keiaia pawisa nei leh khawsak nuam zawk vek chu an ni ngei,mahse vawikhat mah ka la pawt buai ngailo.Midang tana harsatna leh buaina thlentu nih ka duh loh vangin ka thawh theih tâwk pawh thawk hreh lo in mahni intodelh hi ka tum tlat ṭhin.Tu pawh chu nise hetianga tham lo taka min tih hi ka palzam mai mai lo tawp ang.








"A in hre chat mai"elhsen zeta min nuih hian ati leh a,chhan tuma ka ân zuau laiin Rinsangpuian min lo ṭawng khalha."Ngawi mai mai teh,Rinhlu nangpawh kal rawh ka pe tawh"ram hmak hian a rawn ti nghut.







Rinsangpuia zawk chu rum zeta melh in ka chhuak nal nal.Khatiang teh hrep a min ṭawng khum tur khan Hruaii nen khan kan in hre ngai pawh aniloa,a pawi ka sawi pawh ka hre tawp silo,a zaktheilo viau ani ngei ang.








"I van rei kan lo zawng dâwn chiah che a"ka ṭhiante chuan ka lam rawn panin an rawn ti phei lâng lânga,ka thinrim rilru na bawk si chu ka in pet ruh ṭeuh renga,ka hah hlui thei."Thil ka theihnghilh a ka let lawk alâwm kal ang u"tiin an pahnih chuan ka kai phei a.







Tes-i ṭhiannu anih miau vangin abula sawichhiat chu duh bik lo in engmah ka hrilh ta lo.Puipuii rawn lut chu arawn hlim hmel khawpa,an ṭha ta ni ah ka ngai,an in biak dan pawh zawh ngai lo in aman arawn sawi nghal siam siam a.






"Ngaihdam te min dila,chuan khatianga a awm tawh loh tur thu a tiam bawka,ka ṭhen phal bik siloa ka ngaidam ta mai anih kha"tiin an in biak dan vel chu asawia,kan lawmpui khawp mai.





Hostel ka thleng ṭêp tihin Number ka hriat ngailoh hnen atangin Call ka dawnga."Hello tunge aw"tiin ka lak rual chuan ka zawt nghala,




"Keimah,Lawmkima"atih chuan ner sawk in min lo Call chhan ka zawt nghala.





"Inbe lawk ang,in College bula Restaurant ah khan ka nghâk che"tiin min lo chhang zui ve mai bawk.Inbiak ngei chu kan ngaia ka hriat vangin let lehin Hostel chhak lam Gate aṭang chuan min lo nghahna lam chu ka pan a.





Ka luh rualin tukverh lam thlir vang vanga alo ṭhu chu ka va hmu ve maia, thawk la ham ham in ka pan phei ve chhat chhat.





Min lo hmuh rual chuan ṭhu tûrin min lo tia,bu nghut in ka ṭhu thla ve mai bawk,dawhkânah ka Bag dahin ka ṭhut dan ka siam rem nghala.







"Enge i sawi duh"ka ti nghâl thawr,thawk la ve hak in min en vang vanga,a hmel chu a chauh hmel takzet in ka hria.





"Ka tihpalh takzet ani,keimahni vangin zahna tam tak i tawn phaha"ati chhuak hap,hman ang khân in nel tak leh in pawh taka titi dun chu thil harsa tak ani tawh.Boruak chu a uap churh hian ka hria,ka awmdan chu a lai vêl vek.




"Chuan"tih zawngin ka chhâng a,ngun takin ka melh ve ran bawk.


"Ka inbual laiin ka phone alo ena,khatiang em kha chuan a chet ka ring loa"ban charh hian ati leh dap dap.




"Ihmaw Bawihi"atih lai chuan pawt chat in "tikhan min ko tawhsuh"ka ti chhum hmak.




Nui lui hakin"A ṭha e,min haw viau ang tih ka hria a,thiamthu sawi tur ka nei heklo ka diklo takzet ani,nangaia ṭha hi chu an awm tawh dâwn lo anihhi,ka lo phu lo takzet che"hnuailam bih ngar hian ati leh hap.







A awmdan vang chuan hreawm ka ti ve reng,mahse eng thu maha hnem ka tum loa, a thiamloh anilo tih sawi ka tum heklo,kha chen ka tuar tawha tûnah ka tuar chhuak ṭêp tawha ,a tihsual rah chu aseng ve tûr ah ka ngai hmiah tawh.Ka rilru alet tlat tawha engtiang pawn awm se pawm leh tumna ka nei tawhlo.







"Chuan thudik sawi tur in i ti tihna maw"tiin a thu sawi chu ka kai pêng.Ama tih tir anih loh thu leh achhan ahriat biklo thu a min chhan chuan ka bang bo hle,chumi avânga min hmu duh anih ka ring kha ania,ani lah chuan min zâwt let in ka tih tir anih arin thu asawi ve thung a.
Sawizui ka duh tawh loh thu leh min lo be tawhlo tûra tiin ka chhuah san zui ve mai bawk






"Lalrinhlu"tia min koh ri ka hriatna lam chu ka hawi phei a, ka chhuah lai khan ka hmu miahlo.Rinsangpuia chuan a bike a ṭhu run chung hian ka kalna lam chu arawn melh ngur a.






Ka ngei em vang chuan mi lo koh na pawh chhang duh miah lo in ka kal zui nal nal,a Bike ti nung vut in ka hma ah tak chuan arawn ding chawt a,ka phu zuk!





"I a em ni?nge nia min chil hlum i tum zawk"vin hlar hian ka ti kha kha.

"I sawi dik lo ve ve"nui suk hian ati reuh a,ka ngei tawk atling leh em em tawh.







"Naktukah pawisa kha chu ka pe ang che"tiin a din lohna lamah chuan hel ka tuma,ka kal chiah tih ah chuan a Bike aṭanga chhuk vut in ka ban ah vuanin min hmer zui salh,thawk la leh hrawk in "Khapa kha vawikhat mah hmu tawh suh ang che"rum zeta min melh in ati ram hmak.


Show post links
Top

[Ngaia]

"I lo buai ve na tur a awmlo,min thlah rawh"tiin min vawn na chu thin thlak mai ka tum a,ani lah chuan min hmer nghet sauh thung.






"Min thlah lo anih chuan ka kal tîr tawhlo ang che ka ti ani lawmni,i duhthlanna ngeiin min thlah duhlo"ti in hnehna chang inti zet hian min melh ran a,ka hawi hai hle ringawt.






"I zaktheilo nih chu,chutiang i sawi lai ka hre reng reng lo"tia ka ṭawng bah nawk nawk chu min kai dawrhin a Bike hun na lam min pan puia,hnialna hman pawh awm lek lo hian chak deuhin min pen pui a.A bawp a sei in a pên hlawk si,min hnuk lo chauh.







Kan thlen rual chuan min thlah in a Bike ah a ṭhu kai nghala,"lawn rawh" atihna ni awm tak in a thle zeuha,ka la ding khawng ah reng thung.







"Rin luhlul chuang vat teh hruaina tur che ka nei" hahthlâk min tih hmel zet hian a thaw halh,"Ka zui peih bawk lo che"tiin ka ding tau bur thung.







"I rawn lawn dawn nge ka phuar bet dâwn che a ke ah khan"min en reng chung chuan nuihza tih hriat zet hian ati leh kher.






"I duh leh min phuar bet la,hrui pawh inei awm tawp silo"melh let ngar in ka ti kha kha,a mitko a san euh euh duh chauha,kan in len hleih ve ang reng bawka mi hi chu a ngam ve salh salh ania.






"I duh tak tak maw"tia rawn chhuk atum chuan rang zet in adarah ka vuana ka lawn kai nghal vat.A taksa nghawr dat ah chuan a nui tih ka hria,a hnungzangah ka chum zui pawp.








"Nupui kut thlâk ching neih ka duhlo nia,min dim ve deuh rawh"kûn tlawk tlawk chung hian ala ti hrâm a,ka chum nawn leh ṭêp ani,nghal leh lutuk mai.








Diktak chuan min duh thu asawi hnua areh hmak te,vawiina Hruaiin abana a kuah chial reng chung pawha engtin mah atih loh vang te khan kala ngei hluah hluah,min bawl kual mai mai niin ka hria a,mahse hepa ina min hnaih atum tawh hi chuan lo hnial hi a harsa ka ti tlat ṭhin.








"Min lo kuah rawh"ti nghat pah in a Bike atinung a,kuah tumna erawh ka nei lo nasa thung.Ka in rin hma in a tlan chhuak thuta,eu dawrh in a kawr hak lai ah chuan ka in vuan tâng thei hram.







"Mawlhmuar,min thah i tum mi"ring zeta au in ahnungah ka chum leh pawp,ala hrelo der tlat zuia,reipawh kan tlan hma in a ding thut thut renga ka bawh leh rawk rawk ṭhin.A ti lui tih ka chian em vangin ngeiawm chhuahin a kawr tlângah ka ṭhâm nghet sauh sauh thung.






A din leh thut rual chuan a kawr hak lai chu ari ṭhat a,a thlêr ni ngeiin ka hria, theihpatawpa pawt ka ni bawk a atlin tawh nganglo ani mahna, a tshirt tlang chu athler chho thui angreng hle .








A melh zawka,a chek hluk ringawt engmah pawh sawilo in a tlanchhuak leh nghala,tlêm chuan nuamlo ka ti ve deuh.Khawpui pawn lama kan kal ka rin viau laiin khawpui lún lai tak lam panin min tlan puia,khua chu a dul ruih tawha ni pawh atla ṭêp tawh in ka ring.







Traffic a tawt ang reng hle a,kan táng zeuh zeuh reng,a kawr ka pawh thlêr ka hmuh leh thut chuan nuamlo ka ti thara,rilru nuamlo deuh chungin a lan loh nan ka kuah ta ringawt.







Ka chet dan chu mak ati deuh ani ngei ang alo phu ang zuk zuk a,a kawr tlang thlêr chu ka kuah hnana,engmah alang tawhlo in ka hria.Rei lutuk kalkawnga tâng tawhlo in hmun nuam deuh hetiang hi a awm tih pawh kala hriat ngailoh na hmunah hian min din puia,chuan chunglama awm niin khawpui eng phe uarh chu ahmuh theiha,hmuh anuam in min ti hlim veng veng hian ka hria.







Aizawl veng tam tak alang theia,khua athim ṭan dawn avangin intin in Current eng an chhi sap sap tawha,kan awmna aṭang chuan thlir ninawm loh tak tur ani.Kan awmna lai chu a boruak athiang kuk maia,khawpui boruak ri nuaih nuaih hriat tur awm silo in khaw thlir anuam emem thung lawi si a.








"Lût ila"a rawn tih ri ah chuan ka en ve vata,lâwm hmel vak loh hian min melh ve ran bawk.A kawr tlang bawk ka en chuan nuam ka ti tawh chiah lo,ka nuih tlawn ta vel ringawt.







"Ka bag hian in khuh mai rawh"tiin tih ngaihna dang ka hriat miau siloh vang chuan ka bag a hmaah ka lek a,engmah sawi lo chuan a lo ban ve mai bawk.







Khawthlir na nuam deuh piah lawk ah khan Restaurant hming dangdai deuh nei hi alo awm reng chu niin,chu mi lam pan chuan min kal puia,ka bag chu a dar leh lama bat liam in a kawr thlêr lam chu ahliaha, tereuhte ka ak lo chu atih zia tih piah bak ani,ni lo se zawng a hliah zo dâwn lo nasa mai sia,min melh rum leh vak emaw kha ania'nga min chhanhim tu Bag ka tilo theilo.






Ka hmaah chuan kal in a pên chho pâwk pâwk a,thu awih deuh chuan ahnungah ka zui ve dat data,in be lo in kan chho dun zela.Inchung zawl ka thlen chiah chuan ka au chhuak lo chauh,khawthlir na rem zet tura sak ani ngei ang,hetianga thil ei paha vân lam thlir hi ka Dream te zînga mi pakhat ani ṭhin.






"Nuam itih zawng ani em?"min lo melh zawkin ka bula ding chuan ati a,nuam ka tih thu leh hun reitak kal ta aṭanga ka lo suangtuah ṭhin anih thu ka sawi ve malh malha.







"Ka riltama thil min ei pui rawh tian zanriah ei ngaitawh lo nimai"ti zung zungin kan sir lawka ṭhutna awl lam chu panin dawhkâna an Menu ziahna chu keu in a en thuak thuaka,chutah ka lam lo hawiin thlang tura min duh tih lantirnan a thil ken lai chu a melh zawka.







Let phei in a hma ah tak chuan ṭhu in a thil ken lai chu ka bih pui ve mai bawka,"Kha I duh duh thlang rawh, keichuan duhloh ka neilo"ti awlsam et in a kuta a Menu ken lai chu min pe vata, keipawh chuan han ei mai tur ka hrebiklo.








"Ngainat deuh bik inei em?"tia min zawh chuan "chocolate"ka tihluai,a nui hmel ka hmuh rual in ka harh chhuak zawka."Ka.. aaa.. ihhh athlum lam hi tui ka ti" ka thusawi tawp lam chu keipawn ka hre thei meuh tawh lo.







Chah tur bik hre ta mai lo chuan ka keu ka keu a,rei tak hnuah pawh ka hriat mai loh vang chuan
"Khawi, keiman nimai"tiin ka Menu ken lai chu ban vut in a keu leh thuak a, kan ṭhut na kianga nula lo ding hnênah chuan eitur chu achah nghal zung zunga,van lam hawiin arsi ka lo thlir vang vang thung.






"I kawng iherh ange,khatin eu ngawng ngawng suh"min lo tih vâng chuan ka ṭhu ngil nghal zat.Rum deuha melhin ka lei ka chhuah khum zeuh a,a nui hawk lehta nghala.






Kan piah velah chuan nula leh tlangval hi an awm ve ṭak ṭak a,tu mai pawh chu mahni tawkah nuam an tih hmel vekin ka hria.Vanzawlah arsi an phe tuar a,mawi takin thla a êng bawk,an enna chuan lei hi a chhun ve a,an vai chuan lungrual takin an êng za niin ka hria.







A boruak vel chu a romanthuai vel lutuk,K-drama a an awm dân ni awm vel ani,ka ngaihtuahna vang chuan kalo nui chhuak ani chék ang chu min biak lai pawh ka lo hrelo.In thing harhin a thusawi hriat tum takin ka melh kiaua,ka nui sâng bawk.








"Mi â chu lawm lohin an nui ṭhin"ka en reng lai chuan ati vei hmak anih chu,amah lah chu a nui duh der loa thutak tawkin min melh run run.







"Ka â ther te lo,khatin mi ti ve ziah suh"ka ti kha kha,a nui suk duh chauh.Kar lohah kan eitur chah pawh alo thleng a,atui hnai in ei an châkawm takzet.Ka pum ri ruih ruih chu ka dawm vat,"ka nilo"kan ti ngawt peka, ani lah chuan "i rilṭâm tawh anihkha ei ṭeuh rawh"tiin ama eitur lam chu hawiin min ngaihven zui tawhlo.








Zak deuhin kan ei ṭeuh tak kha,ka Phone a rik vang chuan phawrh in min lo phone tu number chu ka en a,ka nu alo nia."Kan chhang lawk aw"tiin ka hmaa ṭhu chu ka hrilha,a lu bu nghatin zai zir in chhang tûrin min hrilh.








"Aw,Nu enge ni"ka lak rual in ka tih zawm zat,"Bawihte i ṭha maw,ipa nen kan ngai lutuk che a"tiin nitina athu sawi fo ṭhin hmangin bul ahan ṭan a."Nu keipawn ka ngai cheu in vai khan,in dam tha tiraw"ka tih zawm ve zat.








An dam tlân thu sawiin in enkawl ṭha tur leh ṭawngṭai tam tura min chah in a dah zui ve mai a.Ka biak zawha ka hawi chhuah chuan ngun thluk zet hian min lo la en renga,nuam lo ka ti mah zawk.








"Ka nu nia"ti sep in ka en a,"a hmangaih hle che animaw"tiin ka rin loh lam daih in min chhang."Nu te zawng zawng chuan an fa te chu an hmangaih vek ang chu"awlsam deuh hian ka ti let ve.







Lu thing nghut nghut in "Nu zawng zawng chu ni lo e"ati sup,a mitmeng ah chuan natna alang tlatin ka hria a, achhan hrelo mah ila na tuar a ang ka ti tlat. Ka thusawi avâng chuan inthiamlo ru deuhin ka awm phah.








A ṭawng chhunzawm tawh loa,ngawi rengin kan ei zawm mawlh mawlh.Kan ei man te pe felin kan in zui chhuak leha,ka hmaah kal in ahnungah chuan ngawi rengin ka zui thla ve hnak hnak.







Kawtzawl nuam deuh lai kan thlen thlak chuan a kekawr Iptea aphone ah chu a ri ral rala,la chhuakin ahmet tawpa a Bike hun na lam pan in akal chhunzawm nal nal.Biak leh huphurhawm khawp in a hmel athu tak runa,engmah sawi tawh lo chuan kan in phur chhuak leh.








Zan rei ala ni lo na chungin kan kal lam ai ngawt chuan kawngpui athawl tawha,motor tlan hmuh tur a khat pharh tawh.A tlan chak ang reng khawp leh nghala,avawh deuh vur tawh vang chuan tim deuhin a hnungah ka hmai nawr in amah si chet hian ka ṭhu ran a.








A din dat rual chuan ka hawi chhuak ve nghala kan lo thleng der tawh chu ni in,a tlan muang lemlo bawka ka rinai hma daihin kan thleng.Ka chhuk tak mai loh vang chuan "kan thleng tawha,a helmet a lâk thlak rual chuan ati sapa, keipawh chu ka chhuk zui ve nghal mai.





A hma ah tak ding in ka en ran a,kan kal chhuah dawn ai ngawt chuan a hmel hmuh anuam tawha,a pangngai hmel viau tawh.







"Ka hmelṭha viau ami"nui suk chunga atih chuan ka lo la en reng tih in hrechhuakin ka awm dân chu a lai vêl vek,sawi mai tur pawh hrelo in ka ke ka per et et reng ringawt.






"Kal tawh rawh i tlai lutuk ange, naktuk ah kan in hmu dâwn nia"ti ve bawk mahse ka kal phal lo ni awm tak hmel hi apu ang lawi a,ka Phone sana ka en chuan ka la tlai chhe lo tih chu hre tho mah ila a hmeichhia zawk ina tih huam huam kha ka duh loh vangin bu nghut nghut in ka kalsan ta zawk a.






Min la thlir renga hriatna ka neih vang chuan ka hawi let leh vut,rin ang ngeiin a Bike a ṭhu reng chung chuan ka kalna lam chu alo la thlir renga,nuih var vârin ka ban ka vai lauh lauh,a awmna athim deuh vangin a hmel ka hmu chiang thei tawhloa a kut zaizira lût tura min tihna erawh ka hmu pha.







Ka room ah lût tlangin ka in dah fel sawk sawka inbual tûrin Bathroom lam ka pan zui nghal.Ka sam hru mawlh mawlh pahin room ka chhuahsana,ka chhuah rual deuh thaw in Hruaii a room aṭang in arawn chhuak ve bawk.








Biak enah min en lemlo ania'ng chu min melh zawkin inhnuai lam panna kailawnah a chhuk thla zuia, a chet dan ngeiawm lutuk leh ṭawngkam te vang khan ka be chak bik viau lo bawka,in hnaih loh hi aṭha ber in ka hre bawk.









Inchung zawlah chho in ka towel huh chu ka zara, ṭhutna an siam ah chuan ṭhu awn duai in van lam ka thlir vang vang,hetia entawp ai hian mu chung ngeia van thlir hi anuam ka ti,achhan chu van khi tuipui zau tak angin ka hmu ṭhina,chunglamah nilo in hnuailam ah van khi a awm ni in ka ngaih phah ṭhin bawk.







Boruak athiang in thli athaw her her a,ka inbual zawh chiah vang pawh ani maithei a vawt sur mai.Ka awmna lai chu arehin thawm hriat tur a awm lo hle,ka rilru ah Rinsangpuia hmel bawk alo lang leha,a nuih chang hian amawi ka ti in hmuh nuam ka ti ṭhina,chutiang bawkin a mita natna lang chhuak ka hmuh khan ka thin ah hian min hnawh up up tu a awma,ka lo na ve vêkin thei.







Kan in hriat dan te ka chhui leta,atir phat aṭang in ka mipa ngainat loh chi ber mizia nei ni in ka hre ṭhin,thinlung vawt tak, a ṭawngka chhuak a nelawm bawk siloh.Mahse ka hrechiang telh telha,ka lo ngaihdan ang ngawt anih loh zia ka hre hnem tawh.Ka duh tih ka in hria a,mahse nat leh ka hlau tawha,ka ring ngam angem tih ka hrelo bawk.








Min duhthu asawi khân engtin mah ka chhang loa,a sawi chhunzawm tawh heklo.Ka duh ve em tih pawh min zâwt reng reng lo anihkha,chuvângin duh ve tho mah ila lantîr ka tum rihlo.Mipa ani a,a duh nei tûr chuan bul a ṭan ngam turah ka ngai.








Ka rin lawk leh beisei loh lam aṭang a rawn lang thuta,harsatna ka tawh chang leh ipik deuha ka awm laiin ka bulah a awm ṭhin, ṭawngka in engmah min hnemna thu a sawi ngailo nachungin ka bula alo awm ve ringawt pawh khan ka hahdam ṭhin tih ka hria,vawiina thil thleng ah pawh ka rilru tawt up up laiin hmun thawveng deuhah min hruaia,ka rilru hahna te min lak kian sak tûrin a awka nilo in a chet zia ah a lantîr.






Keimaha kimlo ruak huai awm hi abula ka awm chang hian hnawhphui ani in ka hre ṭhin a,kan inkârah eng inzawmna mah a awmlo nachungin alakah ka thikthu achhe bawk.






Ka rilru ka lo kawm nasa lutuka khua alo tlai duaih tawh tih pawh ka lo hre lawk lo,dar 10 pelh ah chuan mu tûrin ka chhuk thla ve chhak chhaka.






Atûk ah pawh dân pângngai angin Class kal tûrin ka chhuaka,kawtkaia Rinsangpuia lo ding ka hmuh chuan mak ka ti ang reng hle.Ka va pawh hma in ka hnunglamah au ri lâng lâng a awma, hawi let in ka ena,Hruaii hmanhmawh taka rawn tlân phei hlawk hlawk chu ka hmu zui zat.






Ka en reng lai chuan min kal pêl in Rinsangpuia a hnaih nghal ruak ruak,"Min lo nghak rei em?thawh ka hai a"tiin nui har har chung hian abe nghal siam siama.Ani erawh chuan ka din reng na lam hawiin min la melh ngur thung,tawi te in ka nuih ringawt.






Keimah vanga Hostel kawta lo ding ani lo tih ka hriat tawh miau vangin biak tum lem lo in kal pelh mai ka tuma,an dinna ka pêl fel awrh tih in "Lalrinhlu lo kal ta che"vin zet hian ati ṭhawt.







"Keimah maw?"hawi hai deuha ka tih chuan chek hlakin "Nanglo Lalrinhlui helai velah hian an awm ami"tiin ahawi kual thuak."Awmpawh ka ti chuangloa"ban charh hian ka ti a,min la melh rum em em zui.






"Ka nghâk che "tia min rawn pan hnaih atum chuan Hruaiin abanah alo chelh vat."Sawi pui tur che ka nei nia,kal ang"pangchang zet hian ati chûl a,abula ding pa lah chu ngaithla awm pawn a awm ṭhak lo.







"Nakinah"ti nghut in a vawn na kut chu alak thlâk saka ka lam panin arawn phei,ka bânah hmer chawt in min kal pui nghal dawr dawr a,engmah sawina hman pawh a awm tawhlo..







"Mi in min en ṭhup hi min thlah tawh rawh"tiin kan kal pelh na lam chu ka hawi ṭawk ṭawk."Mi tihvel mai mai ah buai suh"min ti let erh lehta nghala,tum bur in min la kai phei dawr dawr reng.







Kan Classroom kan thlen dawn chuan min thlah ve hram,kal vak pawh an la awmlo anih hmel thawm hriat tur a awm manglo, chutih laiin ṭhenkhat in min kal pêlin room chhung an lût ve mek bawk.







"Engvang teh hrep in nge ka nghah reng lai chea min kal pêlh"thaw chhuak hawk in ati charh.A thinrim em em na chhan tur hi ka ngaihtuah ngial pawn ka hrelo,keimah zawk hi thinrim tur chu ka ni zawk reng sia.








"Hruaii kha I nghak emaw ka tia lawm"tim dai hian ka ti a,a rum hawk ri in a chhunzawm nghal."Engvang in nge ani chu ka nghah anga"tiin min zâwt let a,chhan dan tûr mumal hre tawh heklo ka riat nawi kual ta vel mai mai.







"Lût rawh, Chhun ah thil kan ei dun dâwn nia"atia,biak zawm hman lohin a kal nghal nul nul,hepa zet hi chu a che dangdai thei ania nun laklawh deuh min neih tir hi ani ber tawh.







Ka ṭhiante tumah an lola thlen loh vang chuan dawhkan bawh ngiai in ka awm vang vang a.Rei vak lo ah chuan an lo lût khawm ṭak ṭak a,ka ṭhiante hmêl pawh hmuh tur a awm ve ta.Note xerox tur kan class CR chuan buaipui angaih thu sawiin pui tûrin min sâwm zuia,ka lo aw ve mai bawk.








Ban veleh a buaipui angaih thu min hrilh in a ṭhut na lam a pan phei nghala.Ka ṭhiante chuan min lo chhaih ringawt peka,"a Star chiang che,a awmdanah khan a hriat vek"tih neuh neuh sawiin an phûl leh hlut tawh.Hruaii rawn lut chuan na zet hian min rawn melha,nichin lawka Rinsangpuia awm dân vang khan a lâwm vaklo anih ka ring.







Tes-i rawn lut chu hmanhmawh deuhin ka bulah arawn in hnawha,ka beng bulah "hrilh tûr che pawimawh tawk ka nei,Class zawh veleh hian ka hrilh ang che"tiin a rawn phun ser sera,hawi thuakin tuman a thusawi an hre ve lo tih achian hnuah tho in kan hmaah Hruaii bulah chuan a ṭhu leh nghala,engthil pawimawh tak chu ni ang maw.







Kan chhuak fel chiah tihah chuan min pawt dawr dawr in Washroom ah min luh puia,a kil berah min luh puiin zawi te hian"I ṭhiannu Sangtei vo tu kha ka hre tawh"hawi kual ruai in ati sap.








Phawk hra a melh in"Tunge"ka hap,rawn kûn hniam in ka beng bul deuh chet ah chuan "Rinsangpuia alo nia,a ṭhianpa leh Sangtei kha an lo ni ṭhin ania'ng,chuan Sangpuia hian Sangtei chu alo hre daih tawha,a chanchin sawichhuah ahlauh tak enge maw ahria nimaithei Zopar an Sangpuia leh Sangtei phone a an in be lai alo hria a"tiin min hrilha.


Show post links
Top

[Ngaia]

Washroom kan chhuahsan thleng chuan ka bing chúk a,ka ngaihtuahna atawi tup.Eng thil tak nge thleng ang,Sangtei mi induh tawk tak leh midang zahpah vak pawh neilo khati khawpa tlawm tîr tur chuan a thil hriat chu a theuneu lo viau tûr ah ka ngai.Engpawh chu nise keimah vanga Rinsangpuia chet dan chu lawm tur ani em tih pawh ka hrethiam chiah lo.Midangte chakloh na lai hmang ṭangkai duh mi ah ka ngailoa,chutiang mi ni tur chuan ka phallo bawk.







"Ngaihtuah lutuk duh suh, Sangpuia chuan itan ani tihna animai"ka dara hmer salh in Tes in ati a,ngaihven loh tum mah ila ka telve miau avangin ka rilru kil khat ah a awm reng.







A in sawi ang ngeiin Rinsangpuian Canteen kawt ah min lo nghak rana,kan thlen phei rual chuan min lo be nghal thuai.Ka ṭhiante bulah chuan "In ṭhiannu hi ka lo Hawh lawk "nui ruh ruh hian ati vela,"nei hlen law law rawh"uang deuh hian an lo tive mai bawka,thu tam sawi tawh lo in Canteen a min luh pui lo chuan Garage lam min pan pui ta zawka.









"Khawnge kan kal dawn"tia ka zawh chuan a Bike nawr chhuah pahin min rawn melh zawka,"Nuam deuhah"ti sup in chabi aphawrha lawn kaiin ati nung nghal vut vut."Lo lawn la"tiin a hnung seat ka lo ṭhut fo tawhna lam chu a melh zawka,chhang tawh bik lo in ka lawn kai ve mai bawk.







Kan tlân chhuah hma chuan rawn in her in"Ei chak i nei em?"a tia,ka neih hran loh thu in ka chhang.Kan College aṭanga hla lutuk loh ah hian min kal puia,rinai takin kan kal na ah chuan mi an lo tam.








"An siam tuia,mi hi an in tlar ṭhup zêl"ka beng bula rawn kun hniam in ati sup a,a chhûngah ṭhutna a la awl loh vang chuan pawn lamah kan la ding khawmuang rih a."Ni a sa e,sawlai ah sâwn lo ṭhu rih ila"kan dinna lai asat em vang chuan ka ti a,min hnial bik lem lo in kan in zui phei.








"Last period inei em?" atih chuan ka neih loh thu leh kan class CR nena buaipui tur kan neih vanga ka haw hma theih loh tur thu ka hrilha,hmui petsawi nangin "ṭûl lo ve"ati hmuk.








"Min pui rawh ati tlat sia"zawi sup in ka ti a,a hmel a rum leh ul tawh.A mize nelawm tak a lantir chhûng hi chu a reilo viau ṭhin.








Inbe tawh lem lo in kan ṭhu dun ran a,Tes-i thu min hrilh te kha ka hrechhuak zawk.Ka rilru ah thil tam tak alo lut a,ka bula ṭhu mek lah hian engmah hi ahrethiam ve tawp silo a ka ngei ru ang reng zawk.








"Kal ang,an thawl tawh"ti vut in a tho nulha min ngaichâng hauh lo in a kal zui nal nal."Zei lo thei emai"tia phun hlakin ka zui ve nghal thuai bawk.Class kal leh tur kan nih vangin kan hmanhmawh ang reng hle a,in eipuar sawk sawkin kan let leh thuai.








Ka ṭhiante pawh kan awm ziahna hmunah awm in an lo nui leh har har tawha,an zingah chuan Hruaii pawh alo tel ve.Rinsangpuia nen in zui phei in an bul kan va thlen chuan ka sam tuai zeuh in "phawtzzz"ati a,biak hman lohin akal liam nghal.









"Eu....in ni tawh chiang"tiin Têtein min lo fiam nghala, midang pawh chuan an lo chhunzawm ve nghal bawk.Diktak chuan ka ṭhiante hian kan inkar hi hria se chuan hetiang thu hi chu an sawi hauh lo ang mawle.





Sawifel silo in min hnaih tho si a,engtak nge a rilru tih hriat thiam harsa deuha awm ala thiam em em zuia.









Kar aliama Phone ah min lo be zeuh zeuh tih loh chu Rinsangpuia nên pawh kan inkârah eng emem thleng a awm lo.Amah ka hmuh chang apiangin abulah Hruaii hmel hmuhtur a awm ve ziah a,biak lohah ka tlak phah ṭhin.Min duh thu a sawi nawn tawh lo a,phone a min lo biakna pawh ka chhan loh atam zâwk ang,a thusawi te kha a ti taktak nia ka rin tawh loh vangin hnaih tumna ka nei tawhloa,atheih chin china pehhêl ka tum tawh zâwk.








"Daff tunlai hi I ngui riau in ka hria,buaina i nei em ni"kan pahnih chauha kan awm lai chuan Tes-in min ngaihtuah hmel deuh hian min zâwt a,min chik viau anih loh pawn ka awm danah alo lang chhuak ani mahna.








"Neilo e,ka ṭha lutuk"nui lui chunga ka tih chuan a chek hlak,"i chalah a in ziak kuau alâwm le,ka tana hriat pawi anihloh chuan i sawi thei ang"ati leh hap.Ka ṭhian kawm ber leh zui tam ber ania,ka awmdan dik lo hi alo man thiam anih pawhin a awm lo hranlo.







"Ihmaw Tes,ka awmdan hi alaklawh ani ber,ka sawichhuak thiamlo"thaw hawk in ka ti chhuak hap."Sangpuia nena in in kar vang tiraw,tunlai hi in awmdan amak veve"ati zui nghal a chhan mai dan tûr pawh ka hrelo.








"Sawi nuam chu ani chiah lo nangin i duh tih chu ka hre thoa mahse in zawmna neilo ula ka duh zawk"tiin a sawi chhunzawm a,ka lo melh ha ringawt.






"Sangpuia nu hi nia,fapa mal ani bawk nen amah hi aduat lutuk amaw mahse a duat dan a diklo a,a tette aṭangin aduh leh mamawh zawng apiang chu alei ṭhin, pawisa ah an buai lo bawka.Anu hi sum lawm ve deuh mai ania, engkim hi pawisa a chinfel tum mi ania maw abuaithlak"tiin a sawi zela,uluk deuhin kalo ngaithla ve zela.








"An khawsak a sang ang reng sia,a chhûngte vang hian I nat ka hlau,amah hi chuan atih nat che ka ringlo,a duh takzet che anih chuan itan engthil pawh a kalsan huam ang, chutiang mi chu ania"tiin an sawi zâwm zela.








"Bâkah maw,a....ka sawi tur hi ngaihloh lamah ngailo la,Hruaii hian a duhna arei tawh lutuka, Mizoram a an awm lai chuan a zui reng ṭhîn.Sangpuia nu nên pawh an in nel tawpa,midang hi chuan tuman kan nel theilo ania.Ka sawi tum tak chu ka ṭhiante veve in nia,Hruaii lah têt te aṭanga ka kawm tawh ania,nang lah midang zawng aia ka duhsak leh ngainat i ni bawka.I mizia ka hre chianga, tumah tihnat duhlo chi ini tih pawh,bâkah i rilru aṭha sia ana ber ah i ṭang ang tihhi ka hlau"tiin ka ṭhiannu chuan Sangpuia chungchang ka la hriat loh te chu min hrilha.








Ngaihtuahna akal thui khawp mai, Tes-i sawi angin kei leh Hruaii hi atân ṭhian kan ni ve ve a,kan inkar achhiat hi a duh hauh lo vang,chuvanga Rinsangpuia hnaihlo tura min ti niber in ka hre bawk,ka lakah rilru chhiat aput loh zia ka chianga ka tana ṭha ber tur min duhsak niin ka hre bawk.








"Nia, engmah tak tak kan in kârah awm ala awm hleinem hnaih loh chu aṭha zawk ngei ang"hlim vang ni hauhloa nui lui hian ka ti ve sep sep,ka awmdan chu ahreawm in ka awmah hian min hnawh tu a awma,ka ta ni thei lo tura ka suangtuah na chuan ka awm chhûng ah hian na veng veng asiam.








"Jacob an aduh thu che ka bulah asawia ahma daih tawh khan,mahse alakah chutiang rilru I pu ve lo tih ahriat khan ahnaih lui ngam tawh lo che a"tiin ka awmdan hrethiam takin thil dang a sawia,ka nui liam ringawt.








"Sangpuia hi chu a zia hi hriat thiam ahar bera kan zîngah chuan, Hruaiin heti khawpa azar chung pawh hian alakah a in hawng ngailo,mahse ilaka a awmdan hi chu adang tih ka hria,chhan enge maw a awm ngei ka ring bawk a hnaih tawhloh danah che hian"atih leh chuan ka ngaihtuah vang vanga,achhan tur awm ang chu ka hrethei chuanglo.







"Min fiam kual ania'ng,sawi tawh lo ang ka bansan thei mai ang"tho chhuakin ka in beng fai nawk nawka,ani pawh lo tho chhuak in kan Classroom lam pan in kan in zui phei a.








"Karleh hi kan College in Faina Hapta kan hman hun ani dâwna,group hran hran ah in siam rem in khawpui chhûng leh tlang te,hmun pawimawh ṭhenkhat tifai in kan thawk chhuak dawna. Zirlai zawng zawng ten Notice board - kan kal na tur ṭheuh kan hriat theih nân kan lo en vek dâwn nia"tiin Class ban dâwnah chuan Miss Christy chuan ati a.







Ka ṭhiante nen pawh ban rualin Notice board a thu in ziak en tûr chuan kan in zui leh ṭhâm ṭhâm a.Kan Section leh Pol Science department kan senior chiah te nên chuan group khatah kan awm ho dawn hi alo ania.






"Sangpuia te class nen maw van nuam dawn"phur zet in Hruaiin ati lâng lânga,kei erawh in hreh tak te in ka hreh nghal thung.A hmel hmuh duh loh lai laia Group khata awm ho chu ka van chak lo tak,chutah Hruaii awmdan tur ka mitthla ah alo lang nghal chuaih chuaiha,kal loh theih dan hram ka zawn ngaiin ka hria.







"Ka van kal peih lo tak,ramhnuaiah kan la kal dawn zui Vangvat te awm ta se,aaa....keichu ka hlau "Tetei chuan kal pah chuan ati nang nanga,ahmelah a phur loh zia ahriat theih."I inla no ve sia,no vak siloa"Hruaiin ner nanga atih chuan Tes in alo khap vat.






"Keipawh rannung hlauh ka ngah mai,mahse tlâng lawn na chance ania ka chak tho"nui var var in ati zui zata, Hruaii ṭawng duhdan chu ngei ru viau mah ila ka ngawi tlat.Tetei lam ka hawi chuan a ei bikloh zia ka hmu thei,Puipuii lah chuan "Vangvat te chu an hlauhawm alâwm le,i hlauh ve loh vang khan in ti huai viau suh, hlauh zawng a in ang lo"Hruaii melh ran in ati hlaka,Tetei kaiin akal pui nghal nal nal.








"In ṭan ve sia, engtin nge saw tiang te kan Lawmzuala hian aduh theih zawk le"ngeiawm zeta nui sak hian Hruaiin atih zawm zata, Tesi ngaihdan ani vak tawh bik lo ani chék ang chu"Mi nuna in rawlh tamvak loh hi aṭha nia,kan bula mi te nêna in rem hram hi tum tur,chuan hmaichhanah khatin ṭhiante ti tawh suh"vin hauh silo nghet charh hian ati a, Hruaii pawh chuan chhang tawh lo in a kal zui ve mai bawk.







"Tes,ka van kal hreh e"Hruaii kan hma a akal tawh vang chuan zawi te hian ka ti sep sep a,ahrethiam ani ngei ang ani pawn"tihdan kan ngaihtuah dâwn nia"atih ve tak kha.








Zan thlengin kal loh dan tûr ngawt ka ngaihtuaha, Rinsangpuia message min lo thawn pawh chu engmah ka chhang lo,chhuanlam tur avâng bawksi,chhuanlam ṭha tak siam tûr ka nei anih ngawt loh chuan ka kal ngei angai dawn tih ka chiang.Ka muthilh theih mai loh vang chuan ka in let seka,ka muhil ṭêp tihah chuan ka Phone ri vangin ka harh leh zawk.






"Aw Hello,enge ni ta"ka lak rual chuan ka ti nghala,"I reh ema ka lo be mai mai che"leh lama mi chuan arawn ti ve nghal thuaia."Ṭhian kan ni reng dâwn nia itia,min reh san leh daih tho sia"zâng khai deuh hian Jacob chuan atih chhunzawm zat.








Ani lah taka, ṭhian ni reng tura sâwm tu zâwk ka ni nachungin biak nachang ka lo hre ngai miahloa,ka ṭhian ngainat deuh te pawh pawimawh ah lo chuan phone a han biak mai nachang te hi ka lo hre lo lutuk ṭhin a,in siamṭhat ka ngai in ka in hria.









"Lehkha zir tur tam nen ka buaive thei lutuka"ka ti ta tawpa,"i damtha reng reng maw,College ah hian kan in hmu khat riau" atih chuan mumal taka kan in hmuh lohna rei tawh zia ka hre chhuak ve.A ruih laia khatia ka duh vak loh dana a awm bak kha ka tan sualna aneih ka hre hranloa,kha pawh thil tisual palh theivek kan nih vangin ka hrethiam lutuk tawh zâwk.







Eng eng emaw ho tête sawi in zan kan tum tawia,Anu ina an ina chaw ei tur a min sâwm leh tur ten alo hrilh ani awma,anuam lo ka ti letling zawk mah.Anu fel zia leh ngainat awm zia ka hre tawha,ka nu ang chiaha Nu rilru ṭha anih ngei pawh ka ring.







Ka muthilh meuh chuan khua alo tlai tawh ang reng hle,mumang bo ṭhak khawpa ka mut leh tak kha.Ka thawh meuh chuan ka lukham,ka naute lem ka mutpui ho leh ka puan sin lai thlengin chhuatah an lo tla leh vek tawha,engti mut hian nge maw ka mut bik ṭhin ni.








Khum siam fel sawk sawkin ka in ti fai zuia,ka hak tur hi zâna ka dah chhuah lawk ṭhin vangin rei tak ka in siam lem lo.Thawmhnaw hi rawng chi tam ka ha ngai lem loa,a dum leh avar hi ka ha deuh ber ṭhin,thawmhnaw nú tak ka in bel ngailo na'ngin pa takin ka in chei ngai lem loa,in chei dan ka thiam vakloh bakah man to tak tak lei na tur ka neih miau loh vang hian mawlmang takin ka in thuam mai ṭhin.







Ka khum bul dawhkâna darthlalang lian vaklo ka hun ah chuan in en in Make up tlêm azâwng ka in tat vea,têt te aṭang in mi chei leh keimah ngei pawh in chei hi nuam ka ti ṭhina,tun thlengin nuam ka la ti rêng.Mahse pawn lama ka chhuah dawn hi chuan ka in hnawih tam ngailoa,keimah chauha ka awm chang te hian nasa deuha in chei tehi nuam ka ti tlat thung ṭhin.







Ka len hunah chuan Make up Artist ka ni ang tiin duhthu ka sam fo ṭhin a,mahse hei ka ti hlawhtling thei pawn ka ring tawhlo,ka chhûngte tana ṭangkai pui ka nih vat theih nan hna neih vat hi ka tana pawimawh hmasa ber chu ani.








T-shirt dum lian lam lek lek ahma a milem chuang leh Cotton Jeans dum hlap ka ha a,sneaker var bun leh tawp in Bag ka duh dan taka ka chei ran vel chu ak in Class kal tûrin ka room ka chhuahsan leh ta a.








Ka chhuak fel awrh tihin ka room piah chiah aṭangin Hruaii arawn chhuak ve bawka,in be lem lo chuan inhnuai lam panin kan chhuk thla a,ka hma ah kal in Phone a be pah lâng lâng bawk.









"Min lo nghak rei em,kal ila"Hostel kawta a Bike a lo ṭhu run pa lam pan chuan ati phei lâng lâng a,en pawh en lo in chak ang reng deuhin ka kal pêl zui thuai.Min be bikloa,min hmu ang pawn a awm heklo, Rinsangpuia hian min fiam kual mai mai tih chu chiang tawh tak ka ni.Ka rin lawksa anih vanga a phone Call leh message pawh chhang duh tawhlo kha ka ni renga.









Ka thil hmuh vang chuan thaw pik ṭun in ka awm phaha,khatiang thil kha hmuh fo loh ka duh tak zet.Chak zeta ka pên hlawk hlawk lai chuan chak ang reng taka min rawn tlân in kei phei chu ka kat dawrha,invawnna mai tur a awm loh vangin ka tlu niai,ka hmaa kal te ṭe ri chu ka hre pha bawk.





"Tunge khapa kha ava mawl ve,min su hlum lo chauh alâwm"tia ka hma lawka in beng fai nawk nawk chunga ang ri te chu ka hre pha reng tak na in ka la tho chhuak lawk theilo.Ka phut nasat êm vangin ka lung phu ala dik theiloa,ka awm hi a in sep ani ber.






"Ṭhiannu i ṭha em?"min kai tho pahin ka hmelhriat pawh ni lem lo hian min rawn buaipui zuia."Na i nei em?"tiin min zâwt nghal bawk.Ka ṭhat thu a chhangin ka in beng fai leh nawk nawk a,ngawi rengin ka hma lam pan in ka kal leh.








Ka lungphu aran em vang chuan ka taksa a khur ru dar dara,thlan fim in min bual bawk.Ka ṭhiante bul ka thlen chuan engmah sawi lo in dawhkan ka bawh rawka,ka maimitchhîng zui nghal.Min biakna te pawh chu chhang lo in ka awm ka dawm vang vanga,ka lungphu ala pangngai theilo.







Ṭhu chhuak peih lo in ka la bawk renga,ka bul vela ṭawng ri nuaih nuaih te chuan ka thawk an ti pik leh zual,rei ngial ka bawh tak reng ah chuan Tesi ngaih ṭha vak tawhlo chuan ka pang dekin ka ṭhat leh ṭhat loh thu min zâwt mawlh mawlha,chhan pawh ka chhang peih meuhlo.







"I khuasik anihhi damdawi ka va lâk sak ang che"khap zui hman hauhlo hian a kal chhuak nghat vuta,ka zia mai ka rin vâng chuan ngai ka ti hranlo.Ka Bag ah ka lung damdawi ka ah reng ṭhin tho vangin Nachhâwkna pangngai hi chu ei loh hram ka duh zawk.









A rawn let leh chuan damdawi mum var leh tui bottle min pe a,ka ṭhat leh ṭhat loh thu min zâwt pah reng bawk.A thil rawn ken ban pah chuan"Ka lung ṭhalo achhuak thut a,chuvang mai mai nihhi ka zia mai ang,damdawi ka kawlsa hi kan ei zawk ange aw"nui lui in ka ti paha,ka ṭhiante chuan min ṭhut hnaih in tihdan vak hre silo hian min en reng hlawma.







"Library a mut i duh em?Hostel ah pawh kan thlah thei tho che"tia Tête in min zawh chuan library awm ka duh zawk thu in ka chhang maia,darkar khat vel ka chawlh chuan ka zia theih mai ka ring.Class an neih vek vang chuan keimah in library lam pan in ka chho a,tlêm chuan ka zia ta deuh.







Thawm ri va hriat tur a awm lo bawka tui deuhin ka lo mu hila,ka harh leh chuan ka tha khur te pawh a awm tawh loa,ka zia tawh khawp mai.Keimah té chuan kan Classroom panin ka chhuk thla hnak hnaka,hawi pawh hawi chhuak peih lo in kailawn ah chuan ka pen thla chhet chhet.







"Fimkhur rawh,i tlu ange"rawn ti tu lam chu ka hawi vata,nui var var hian ka hnung lamah Jacob chu alo ding renga,a kekawr ipte lehlam zen ṭut chung hian alo pen thla thauh thauh a,ka bul arawn thlen rual in ka biang ah apiai zeuh leh nghal.







"Ana...."na ka tih tak tak vang pawh ni lem lo in kan fiam let vea,ka tum zui bar bawk."Ekhai'!ana tak tak ami"hlauhthawn hmel deuh hian min bih chiang nghal thuaia,ka lo nui hawk hawk thung."I va nghal reuh tak "nui suk pah hian ka chal ah min pen zui leh a."Kha chu Punishment"ti zui zat in ka hma ah chuan akal thla ah ahnungah zui in kan in fiam zuia.








"Chhe her hawr "ka aw hriat na lam ka hawi chuan Rinsangpuia chu kailawn tawpah bang nghênga alo ding reng chu ka hmu zuia,min melh no lo khawp mai,rum deuha melh let ve in ka kal pêl hmak.A thusawi pawh chu hrepha reng mah chhang zui lo in Jacob kalna lam pan in ka kal zui nal nal.









Kan Classroom thleng min kal puiin a let ve mai bawka,ka ṭhiante pawn ka chanchin an lo ngaihven vat.Zirlai lamah pawh tlêm chuan rilru ka pe thei ta deuh,tunlai chu zirlai pawh duh angin ka ngaihsak hman meuhlo ani.







"Ka ril aṭam tawh lutuk,kal vat ang u"kan chhuah rual rual in pum dawm vang vang in kan chhuah rual chuan Puipuiin ati nghal chuar chuara,keipawh zîng lamah ka ei tam vak loh vangin ka ṭâm ve angreng viau mai.








Canteen kan luh chuan awm an lo tam leh tawh khawpa thâwm chu ṭha hem hem tak ani,kan ṭhut ziahna bang kil lam pan in kan kal nghal sap sap."Kan va in hmu khat hlawm ve"rawn ti lang lâng tu lam chu kan hawi ṭhap a Zopara ngei ani,ani pui hi chu a awrawl tehi ṭha bik hliah hliah tak hi ania.







Kan ep chiahah chuan an ṭhu thla sap sap hlawma,an ṭhu fel awrh tihah Hruaii chu ding vut in an lam panin a kal zuia,tuman engmah kan sawi zui lemlo.Zopara bawkin"Eheee Bawiha Lalrinhlui nen sawn in ni ve deuh ami,in va in la couple vêl ve a"atih hluai vâng chuan ka va en vata,ka chek hlak.







"Ah!!!ani tak tak mawle in in Dress dan hi a in ang tawp" min en tawn chhen pah chuan Têtein ati ve nghal chûla,ka in bih leh thuak ringawt.Ani lah taka, t-shirt dum a hmaa ruhro lem chuang nuaih hi aha a,kekawr dum leh Sneaker var nen,ngaihbel tur ting in kan thuamhnaw in bel dan chu a in zul viaua,saw tiang saw aha ve dâwn tih hria ila ka hak dawn loh nasat teh lul nen nuamlo ka ti vek.







"Cobte,,,i bialnu sâwn min ngaisang mah mah hau rawh, phatsan che in min duh daih palh ang"ngeiawm zet in ka hriat phak tur kher hian arawn sawia,mahni lo maha lungngawi loh sa nen ka mood a ti chhe leh vek tawh."Ehe bawiha inva in zêp thei ve"Lawmzualan khi var var hian ati ve supa,Jacob darah a kuah nghal thuak thuak bawk.









Ka thinrim insum hman lo in ka ding hluaia an ṭhut na lam pan phei in Rinsangpuia hma ah tak ka va ding ren rawna,an vai chuan engmah sawi lo in min lo en ṭhap hlawm.Hruaii hmel ka hmuh rual chuan ka na zawk thei,hnehtu chang inti zet hian a mit meng thip tak chuan min nuih saka, Rinsangpuia pangah a bet leh vâng tawh bawk.







Engmah sawt set set tawh lo in ka t-shirt hak lai chu a hmazawnah hlîp in chiang fek fawk hian ka melh chhuk rana,"ka ngaisang hauh lo che"ram hmak in ka ti chhuaka in her in tumah ngaichâng tawh lo in ka chhuak zui nal nal.Pawn ka chhuah rualin ka tshirt ken lai chu ka in thawlh leh nghal a, Hostel lam panin ka pen zui hlawk hlawk.








Khatianga chet kha amawilo tih ka hria mahse hepa min fiam kual dan leh a duh duha min ti kual vel hi ka dawhtheihna in atlin tawh ngang loa,ka thin ter têt a cho chhuak miau ani.Ka kawr hak hnuaiah khan Spaghetti a dar bah chhah chi ka ha tih ka chian em vanga phelh chauh ka ni bawk.









Min hmu tu te khan engtiang chiahin nge min sawi zuiang tih ka ngaihtuah si se hman tawh loa,anih tûr ang ani zo vek tawh bawk,tikhan ka tih mai mai loh zia chu a hre ve tawh ang chu.








Ka bânah min rawn hmer sawk tu vang chuan ka kal lai chu ka tawp chiang hle,hawi let miahloa kal hmawk hmawk kha ka ni bawka min zuitu an awm tih pawh ka hrelo.








"Min thlah rawh"rum zeta melhin ka ti kha kha a,min chelh nghet sauh thung."Rinsangpui" ka ti leh tuarh!!
"Lalrinhlu engvanga khatianga awm kha nge inih"thinrim hmel zet in min melh chhuk runa,a khabe ru a chet dat dat danah athin rim viau anih hmel.






"Buaisuh min thlah vat mai teh"aw ki vin zet hian ka ti leh a,ahma ai mahin ka ban rek chu ahmer na tawh zâwk."Khatiang ti duh tur khawp khan maw min lo huata"nui lui tih hriat zet hian ati leh hap,chhang tawhlo in ka melh chho rana,ka kut leh lamin min hmerna kut chu laksawn ka tum pah bawk.








"Ka bia che,min chhang rawh"ram hmak hian ati leh hrawka,athaw chhuak halh bawk.Chhan tumna ka ka nei chuangloa,ngawi rengin ka melh kar reng ringawt."Min thlah rawh,ana"min hmerna lam chu en in ka ti chhuak thei hram.








A kut lian leh hrawl zet,a thisen zâm lang fiah kak khawp a ṭang in ka ban lian lo tak chu a tha tawp in ahmer miaua a phut in aphu zuk zuk thei hial,ka sawi zawh rual chuan rum chhuak hawk in min thlah ve hram,kan en nak chuan a sen ṭan a,min la tur ut ut thei hial.










A hmel en tuma ka dah chhuah leh chuan vân va dâk in ahmai atuai puata,rawn hawi thla in hahthlâk tih hmel zet hian min melh chhuk run leh tawh."Vawikhat mah khatiang khan awm tawh suh ang che,chuan min haw viau anih chuan I hmuh phakah awm tawh loh ka lo tum dawn nia"ti chhuak halh in a in her vut a,ka chhânna nghak tawh miahlo in a let zui nal nal.


Show post links
Top

[Ngaia]

Hostel lam panin ka kal zui nal nal,keiai aia athinrim zawk vang te chuan ka haw hlur tawh.Ka room a ka pen luh rual in Bag ka vawm thla hnawka,khum lam pan zuiin ka bawk thla nghal thlawp.Ka awm chhûng ah hian min kher nget nget tu a awma chu chuan min ti hah vek thei.







Tumah hmuh leh biak ka duh rih loh vang chuan Phone ban vat in ka off zui a,mu tûrin ka in siam rem nghal.Mahni chauha awma in ngaihtuah ka mamawh ber rihin ka hria,ka awmdan mawilo tak vanga in chhir lo turin ka in fuih sauh sauh bawk.







Khumah mu hlun in rizai chuan ka in vur ṭha sauh sauha,enge ka duh chiah hi ni ta ang le.Rinsangpuia hnaihloh hi ka duh tak tak nge nia,hlat hi ka hlau hle zawk.A awmdan leh ṭawngkam ngeiawm tak te vang khan ka han haw dawn dawna,mahse tih hi a awm leh tlat ṭhin.






Hmeichhe dang bula a awm in nuamlo tihna ka nei lian hlea,ka bulah awm tam lo mahse a awm changin nuam ka tih zia ka hre tawh bawk.Tunah chuan min haw viau tawhin ka ringa, alakah chuan ka lâng tawh viau ngei ang.







Zanriah pawh ei peih lo in ka mu ta renga,lehkha zir lam alang theiloa ka ipik in ka awmdan apiang chu ka ning vel vek tawh.Mu hil thei chuanglo in zanlai dâwn thleng chu ka in let seka,ka hne ta deuh bawk nen ka khum bul dawhkâna ka Phone dah chu ban in ka hmet nung leh ringawt.






Ka ṭhiante min lo Call na leh Message a awm nuala,ka zawn ber erawh ka hmu hauhlo areh hian areh vung vung mai.Min lo biak rinna nei hauhlo chungin minlo bia em tih ka en nawn sek thunga,ka awm dan hian min ti hah vek tawh.Ka ṭhiante min lo biak na pawh chu chhang lem lo in mut hilh tum in ka in khuh ṭha leh sauh sauh.







Ka phone ri vang chuan ka harh zawka,meng chiang mang lo chuan ka bana ka en chian chuan ka nu Call alo ni a,ka lak rual chuan ka ṭhat leh ṭhat loh thu min zâwt hmasa bera,min ngaih thu leh in enkawl ṭha tûrin min chah mawlh mawlh bawk.Rei tak pawh in be lo in kan dah zui maia,tho chhuak in ka in bual zui nghal.








College ka thlen chuan thawk ka la hawk a, pangngai thei ang bera lan tum in kan nui lui vela awmzia a nei tamlo ṭhin khawp mai.Min hmuh rual chuan ka ṭhiante'n min rawn hnaih nghala,nimin lama thil thleng engmah an sawi chhuaklo,chu chuan ka awm ati nuam deuh.







Kar thara kan tlâng lawnna a hak tur leh ken tur te sawi khawm in kan nui ho leh dar dar thei tawha,keipawh ka thawl deuh huai tawh.Class ṭan hnu thlengin Hruaii hmel hmuh tur a awmlo-a,achhan erawh tumah ka zawt duh biklo.








Nilêngin Hruaii leh Rinsangpuia hmel ka hmu loa,ngaihven loh tum viau mah ila an pahnih a ka hmuhloh veve vang chuan chhûngril ah hreawm tihna ka nei.Khawnge an kal anga,enge an tih dun ang tih vel mawlh chuan ka rilru aluaha,an pahniha an kalloh rual danah an awm dûn turah ka ngai hmiah bawk.Tesin an in kârah engmah a awm loh thu sawi tawh mahse enge maw tak awm in ka hre thunga,chu chuan na min siam bawk,in zawmna pawh nei hauh silo hian a awmdan avâng hian ka na fo tawh chu anih hi.









Thil danglam engmah thleng lo in kar kan hmang tluan leh reng tawha, Rinsangpuia pawh hmu zeuh zeuh mah ila min be tawh ngai lo mai ni lo in min hria ang pawn a awm tawh ngailoa, aṭhiante kan zînga an lo tel ve pawhin akal hrang nalh zêl.Hruaii nên ka hmu dun foa,huat loh hmel zet in abulah chuan hlim hmel apu sarh reng zêl.








Weekend pawh a dân pângngai in ka hmanga,ka in khawm tih loh chu khawiah mah chhuak lo in room ah ka in khung deuh chawta,ka room piah chiah ami erawh hmuh tur awm lo in abo vang vang thung,hun nuam tak an hmang ani chék ang chu.








Kar bul kan ṭan leh ta a, naktuk mai hi kan kal hun tur ani tawh bawk.Chhuanlam ṭha tawk siam tûr ka hriat miau loh vangin ka kal ve ngei chu a ngai dawna, phûrna reng reng ka nei lo thung.Ka pehhêl reng thei dâwn biklo tih in hria in hmu reng chunga bânsan chu ka tum ta zawka, midang bula ka awm chuan pangngai thei ang ber leh hlim ber anga lan ka tum hrâm hrâm ṭhin.









Zanah chuan kan ṭhianho group ah kan ken tur leh in thuam dan tur te sawi ho nak nak in rei tak kan in kawm khawma,an phur hmel hlawm khawp mai.Midang hnêna ka rilru awmdan dik tak anga lan chhuah ka hlauh em vangin ka awmdan lo pui in ka khawsa ta ṭhîn a,ka ipik ati zual in ka tawt up up reng ani ber.









Ka ngai ṭhina mahse tihlan tumna ka nei lo thung,der dep tak leh chakloh na tam tak nei ni mah ila ka in duh tawkna bang hi ka dah sâng a,tuma vuak ṭhiah ka phallo bur bawk.






Naktuka kan kalna tur chu ngaihtuah in ka phur fa lua lo khawp mai,mahse ka pehhêl theih miau loh vang chuan hreawm taka nileng hun hman ka tum hauhlo thung.Kal chhuah hma kan ngaih vang chuan mut hma tum in khum lam bawk ka pan leha,rei rial lo in ka mu hil thei ve mai bawk.








Zanlama ka ken tur te ka siam sa tawh vang chuan ka thawh veleh in phih fai in ka in siam zuia, kan kalna tur ahlat tham deuh vangin chhuah hma kan ngai dawna,ka in siam lai pawh chuan zîng hma tak chauh ala ni.









"Engtin nge kan kal dawn, bus chuan ka van peihlo tak..."Tetei chuan ati nang nanga,tumah kal hran phal anih miau loh vangin scooty a keng thei bikloa,a hmel ah chuan bus chuan a huphurh zia ahriat theih.







"Kan zai vak vak dâwn nia bus chhûng ah anuam zawk daih ang"adara kuah pahin Tes in ati zui a,tlêm chuan aphur hmel ta deuh.Ṭhutna awl la tam deuh ber nia kan hriatna bus lam pan chuan kan in zui pheia,eitur neuh neuh keng nualin tlêm chuan ka phur ta deuh.








"Teresa hetah lo chuang ru"ti lâng lâng tu lam chu kan en ṭhapa, Zoparan kut vai lauh lauh in min lo ko a,kan vai chuan engmah sawi zawm lo in an chuanna bus lam pan chuan ka phei a.Kan luh chuan awm an lo tam vak loa,Hruaii hmel ka hmu nghal zat bawk, Rinsangpuia bana vuan ran in ahnung ber kil ah hian an lo ṭhu a,kan kalna lam an rawn hawi rual chuan ka hawi san nghal vat.







A hnuhnung ber tlarah chuan an ṭhianho an ṭhu veka,awl la awmah chuan Lawmzualan Puipuii a ṭhut tîr thuai bawk.An hma chiaha awl ah chuan Tetei leh Tes-i an ṭhu lut zui nghala, ṭhut pui tur ka neih ve loh vang chuan an ep chiah awlah keimahin ka ṭhu zui ve bawk.







Kan ṭhut fel hnu rei vak lo ah chuan midang pawh an lo lût ṭak ṭak a,kan Class ami te ai mahin kan Senior te an tam zawk.Kan class CR Nunfela chu rawn lut ve in ka bula ṭhut na awm ah chuan ṭhut ve arem leh rem loh min rawn zawta,lu ka bûk khum zeuh hnu chuan a rawn in hnawh zui ve nghal mai.











Kan luh kim hnu chuan kan tum ram panin kan tlan chhuak ta a,sana ka en chuan kan chhuak tlai hranlo in ka hria.Lânga kal tûr kan nih vang hian kan chhuak hma khawp mai,kan kal na tur hi Mizoram a tlâng sâng ber pawl a nia, tlawh nasat pâwl tak ni lo mahse kal tawk hi an awm ve reng ani awm e.







"Hla ngaihtlak i duh em"Nunfel an atih chuan pawi ka ti hranlo, ṭhut ngawt ngawt zawng a ninawm duh emai.A earphone phawrh in a phone ah a vuaha,a lehlam chu ka bengah arawn hnawha,a phone bawk chu hmet leh mual mual in ka hla duh deuh arawn play nawlh.







"Awi!i ngaithla ve ṭhin elaw"nui var var in ka tia,a hla duh ber pawl anih thu in min lo chhang.Tukverh darthlalang chu nghêngin a ri lo in ka phun rem sep sepa, maimitchhîng in ahla chu ka feel thei leh zual.







Engtik laiin nge ka lo muthilh pawh ka hrelo ka harh chuan Nunfela darah ka lu nghat in ka lo nghêng ar ar a,ka awmdan chu hrechhuak thutin ka ṭhu ngil nghal at."Muhil mai mai rawh pawilo"kiai suk hian ka bula mi chuan alo tive a,nui tawi tak in ka in siam rem zui thuaia nuamlo ka ti takzet.







Kan in kawm ngai emem pawh ani siloa han biak dan vak tur hi ka hre lo ṭhin,ani erawh hi chuan nel tak hian min be ve reng ṭhina a rûl tawk bakin chhan na pêk dân tûr ka hre ngailo thung."Kawng chanve kan thleng ṭêp, i duh phawt chuan muhîl leh rawh"ati leh supa,lu thing ner ner in ka mut chhuah tawhlo thu ka hrilh ve bawk.







Ruah tlêm in a rawn tla a,mutchhuak bawkin min zem leh ṭan tawh.Ka lo muthlu leh pek chu ni in ka harh chuan Nunfelan ka nghen chhan tukverh chu khar tum in min bawh kan hian tukverh chu alo ban ṭawk ṭawk a,ruah sur ri ka la hriat vang chuan alo theh niturah ka ngai.






A ṭhut ṭhat leh dawn lai tak chuan kawng chhe lai kan kal fuh angei ang Bus chu a nghing dawta,ka bula mi in ring hman lo chu ka hmaah tak arawn bawk thla thlawrha,chu mi rual deuh thaw chuan kan nghenchhan chu tlawh tu an awm tih hriat tak in a ri zui dup.








Nunfela a ṭhut ṭhat hnu chuan ngaihdam min dil nghal malh malha,"ruah asur tam deuh sia alo theh chea ruahin "inthlahrun hmel fe hian ati charh charha,kei erawh chuan lo tlawh tu chu tunge tih hriat tum in hnunglam ka hawi thung a, Rinsangpuia nên kan in a in tawng chat,rum zeta min melh zawk in a maimitchhîng zui nghala,be bik lo in ka in siam rem leh nghal thuai.








Nunfela inthiamlo hmel lutuk chuan ka awm ati nuamlo letling zawka,"aho lutuk i thiamloh anih loh kha"nui sang in ka ti a,a pawi lai arawn bawh fuh em loa ka haw hranlo khawp mai,a tih luih ani lo bawk nen.







Ruahsur pawh a hán ve tawha rei fe kan tlan leh hnu chuan kan thleng thei ve hram.Zi mar ar ar in ka tho chhuaka,ruah tla tawhlo mahse khua chu a nuam fahran lo hle,ramhnuaia kal tûr kan ni bawk nen khaw awmdan chuan min ti phur lo zo vek.








Ril aṭam ṭan dera, zirtirtuten eitur an pai sa te chu kan chhuah hmaa ei fel an rawta atih zia phian."Motor in rui ve em?keicu ka ni bur mai"tui in khawlh khawlh pahin Têtein ati a,midang pawn an awm nawm vak loh thu leh ruah tlak nual avanga kal an phur vak tawhlo thu te chu an sawi ve sap sap.







Kan in ei puar tlân hnu chuan kan kal chhan ber titur chuan kan in puahchah ṭan a,fimkhur tur leh kal hrang lo tûrin kan zirtirtu te chuan min hrilh bawk.Kan kal ṭan hnu rei vak loah chuan ni pawh a rawn lang ṭan a, marawhchu kawng erawh adiak in ala hnawng churh thung.








Puipuii leh Lawmzuala kan hma ah kal in an in chhaih nui uarh uarh renga,an fiamthu thawh te chu hnung lam aṭangin kan lo nuih pui ve bawk."Vangvat a awm vaih chuan aw keichu ka ṭap animai"fimkhur fahrana kal chung hian Têtein ati sap sapa,ahmelah a hlauh takzet zia ahriat theih.







"I hlau ve em?"min melh ha chunga atih chuan ka hlauh tehchîam loh thu in ka chhang ve mai, thingtlanga pianga seilian ka nihna vang nge hlauh tehchîam hi ka neih ka hre ngailoa,ka naupan deuh lai phei kha chu ka huai em vang khan min hauh phah zawk ṭhin a,i at huai min ti fo ṭhin.




Kan kalna china bawlhhlawh kan hmuh apiang chu a dahna tur kan khai ah chuan kan khung lût zela,rinai tak in tihfai tur chu a tamlo."Ka duh lo,hei ka mal ah hian che relh relh a awm ania la vat ru"ṭap pur in Tetei a au chiam.







"Khawi ka lo en ang ,lo che lo la"tiin ka ṭhu hniama,ka en nak chuan alo awm tak tak!!"I mitchhing rawh"tiin ka bul maia hnah chu bal in Vangvat lian ve pangngai tak awm chu ka lak saka,kan thlang lam ruamah chuan ka paih thla nghal bawk..






"A awm tawh lo e,meng tawh rawh i hre hma hlauha a zúk hmanlo che nihkha"tiin ka tho chhuaka,ka ṭhiante chuan min lo melh ṭhap.Hawi kual thuakin"Tinge?"ka ti thawr a,"Iva huai ve"Zopar an alo ti chhuak hap.









Nui hak chungin"khatiang mai mai hlauhawm loh"ka ti puat a,engmah sawi zawm lo in kan kal zui leh mai bawk.A hlauh emem in atih buai takah chuan ahma angin amahin akal ngam tawh der loa,Tetei chu mi si chet hian a kal a,ka bânah avuan ṭung bawk.






Kan hnung lama hmeichhe thlabar au ri vang chuan kan leh hawi thuai a."A thi nia,la vat rawh"ṭe chulin Hruaii chu azuang tawr tawr a,engmah sawi lo in kan en reng ringawt."Lo che sek lo la,ka la thei hleinem"kûn hniam in Rinsangpuian ati zui kha kha a,mittui tla púr in a ding khawng lah tawh.










A ṭhut na bul chiaha hnim hnah chu bal in Hruaii chawna Vangvat sei ṭial lian zet chu a la tâwk a,a vawm bo zui nghal bawk."I hlau ve lo emaw tia"ngeiawm rawng kai lek lek hian Puipuiin arawn ti chhuak hlawl."Ka hlau lo ka ti rêng rêng lo,dawtin min puh hlek suh"vin zet hian a ti khar khara,a la kai em tih hriat tum ni awm tak in a in thlek zui nghal.








"Huai hle mai"zawi sepa phunin Puipuii chu hmalam panin akal zui nal nala,keini pawhin kan zui ve nghal thuai.Tlema kan kal fal deuh hnu chuan an sawizui nak naka,"A in lâk huai tehreng nen ahlau ber ani reng sia"nui tet tet in Puipuii aphun phei char chara,keini pawh kan lo nui ve tawp ringawt.







Kan kal na achho angreng sia kan chau tlang fu tawh mai,ka thlan atla ṭan tawha keipawh,ni asat tak deuh vang chuan min hmet chau tel in ka hria."Chawl lawk ang ka hah tawh emai"tiin Tetei chu lei charah a ṭhu hnawka,a thaw zui hliam hliam bawk.







"Kha tui in rawh"ka tui bottle ah chu phawrh in ka pe a,abulah chuan ka ṭhu thla ve bawk.Kan hmaa kal te pawh hmuh phâk ah an chawl ve sap sap hlawma,kan hnung lamah lo kal anla awm nual bawk.








"Puii te chu anva kal chak ve"kan chawlh na a rawn thlen rualin Tes-in arawn ti zui zata, ahnungah Zopara leh Nunpuia an lo kal ve bawk.Anu entira phaia an kal vangin Jacob arawn tel ve thei lo thung."Khawnge tuaia tehi"tia Nunpuian zawh bik neiloa atih chuan "khuutaah kan hnung daihah an la awm, Lalhruaitluangi kal muang lutuka"thaw hlawp hlawp chung hian Tes in achhanga.







An awmdan vanga ka awmdan thlak danglam loh hram tum in ka in pet ruh nasa a,ka thaw ipik ṭun bawk."Khawpui nula awm in la no ho hi an buaithlâk"tiin Zopara a chek hlaka,"ka zu ngaihven dâwn maw ni"ati deuh sek bawk.








"Tui te ina kan han ṭhut chawlh vang vang hnu chuan kan kal ṭan leha,kan tlâng lawnna hi hmun hnih aṭanga achhip zawl pawh theih anih vang hian Group hniha in ṭhen in kan kala,kal kan tam lutuk loh vangin hnunglama kal tan pawh tihfai tur chu a awm chho ve reng.









Rei tawk fang kan kal leh hnu chuan tlâng chhîp chu kan han pawh ve ta hram,atam zâwk chu lo thleng khawm tawhin an chauh ve hmel hlawm khawp mai."Lo ṭhu ru hetah"tiin Puipui in minlo au zuia,an ṭhut na bulah chuan kan va ṭhu ve ṭhap.







"An lo la thleng ve na nge bawiha te hi"tiin Lawmzualan kan thlen phei rualin alo tia,an kal fâl deuh hlek vanga kan kalsan thu in kan lo chhâng.Tui te ina kan hahchawlh vang vang hnu chuan Rinsangpuia leh Hruaii tepawh an lo thleng ve hrama,an rawn in paw chho ka hmuh chuan ka na zawk thei.








Hmundang pan bik lo in kan awmkhawm laih na laiah chuan an rawn phei ve nghala."A ke a tina a,kan lo tlai deuh"biak bik neilo in ati nghal zung zung, pangchang zetin Rinsangpuia si chet hian a ṭhu a,a tui um ken lai chu a bula mi chu ape zui zat bawk.






"Engtin nge itih nat-a,khawmaw ka lo en"tiin Tes-in ahnaih nghala,na lo tê a akhawih pawh chuan a ṭe ṭhat ṭhat a,en pawh ka en ve lo."A zia maiang hahdam la"a enkual vel hnu chuan Tes in atuam ṭhat saka,alo 'ai ah'leh zeuh zeuh ṭhin.






Rinsangpuia ngaihsakna a dawn vang te chuan ka lo na veng veng thei,khatiang tak khân alo in pe zo chu ani sia; duat zo vek teh se!




"Lo kal khâwm ru le,,, ei leh in buatsaih ila kan in eipuar anga induh chuan thla te la in, in la hawi thawveng thei ang"Sir Andy an atih chuan kan tho suau,kan kal chau ve bawk nen ril a ṭâm duh angreng hle.







Kan in ei fel hnu chuan in seng fel sawk sawkin thla lâk hna kan ṭan chu ani ta ber a,a ke na ber chu a phur phur ah aṭang.Tlangchhip sang laiah te chuan ding khawm in thla te kan la a,ka ṭhiante ho chuan nuam an ti dar dar viau mai.








Khua alo tlai angreng tawh hlea,ni sat dan anep in a chawhnu ruih tawh mai,kawngpui pangngai kan thlen thlak leh meuh chuan ni pawh a tla fel hman tawh maithei tih tur vel ani.







Kal chhuak mai tura kan in buatsaih mawlh mawlh lai chuan Ka zun achhuak tlat peka,puan lian ve pangngai tak ka ken tho vang chuan tumah hrilh lem lo in tlêma hmun fal deuh han zun na mai tur zawng chuan ka kal hrang a.







Tlângchhîp aṭanga pen hleh deuh hlek kawng fai ve deuh lai chu zawhin ka kal thla zela,midang hmuh phâk lohna chin nia ka hriat na lai ka thlen chuan in siam rem in zunram ka thiar a.Ka kekawr zipper ka zih ṭhat hnu chuan kal mai tum in ka han pen a,ka kalna lai chu hmun rual rem lo ve tak anih vang chuan ka fimkhur hle.








Pen hnih bak ka pen hman lo tihah chuan ka lei rah chu thawp sut in ka ding nghet zo ta loa,in vawn tan tuma ka beih mek lai chuan ka pheikhawk hnuai nal deuh vang nge hnunglamah ka tawlh thla ta thut.Ka awmna lai chu a awih ang reng bawk nen in vuan tâng hmanlo in ka lum thla chu ani der.









Eng chen nge ka lum thlak tawh ka hrelo,ka lu ka sawh lai chu ka hre ruai chauh tawh.Ka harh leh meuh chuan khawnge ka awm ka hre ta hauhlo mai,hnim pik tak karah hian ka lo tâng a,ka che sawn theilo bawk.Engtiang chiaha rei nge ka lo awm tawh lah ka hre heklo,van lam ka hawi chhoh chuan khua athim ṭan tih ka hre theia,engchena thui nge ka lum thlak ka hreloa ka awmna lai chu ka hre hauh lo bawk.







Ka tân na hnim chu apik phui deuh mup a,ka taksa na lutuk vang chuan che sawn ngam lawk lo in thawk ka la leh hawk ṭhin.Ka ngaihtuahna abuai em vang chuan mangan ngaihna ka hreloa,ngaihtuahna atawi tak mai.Ka lu chu ahit mum mum renga,ka khawih nak chuan alo pawng ṭul mai.




Ka ke chet tuma ka lek kâng tur chu ka ṭhulh leh rang khawp mai,ka ke dinglam chu a ruh ka sawh ani ngei ang ka chet ngam lo.A nat lutuk vang chuan ka mittui atla sawk thei,khua lah chu athim telh telh leh ta nghala.Eng chhit tur engmah ka neiloa,ka Bag lah ka ṭhiante bulah ka hnutchhiah bawk si.






Rilru a fim tial tial a hlauhna in ka thauah min man ṭan ta,sava hram ri leh rannung eng eng emaw ri chiah chiah hriat tur a awm renga,dai tla in ka awm na lai a tih hnawm chup bawk vang chuan ka awmdan chu ahreawm tak zet.







Thâwm ka chhuah ngam loa,che sawn tûrin chakna ka nei tawh heklo.Ramhnuai chhap mup kâra awm ka nih vang chuan khawi hawi azim hlea,van sang takah thla chu eng ruai mahse ka awmna lai ên tûr khawpin a êng tawklo.Chingpirinu hram ri ka hriat rual chuan ka ip zawk thei,enge anih hremah ila a hram ri chuan ka kawchhûng hi ati so bulh bulh theia ka hlau tawh takzet.






Ramhnuaia mahnia vawikhat mah la kal ngailo ka nih bâkah hetiang hmun reh leh hlauhawm ah hian vawikhat mah kala awm ngai loa pachang chu har tak ani.Ka hlauh em vang leh ka ṭhiante bulah awmve ka chak em vang chuan ka biangah ka mittui aluang zawih zawih reng a,a lum thla pup pup thei.







Ka ril aṭam tawh hlea,ka tui a hâl emem bawk."Ka ṭhiante khan min zawng angem?min zawng emem ang,an mangang viauin ka ring bawk"keimaha phun melh melh in ka ti sep sepa,ka awm na chhak lam deuha eng emaw che hrat hrat thawm chuan ka hlauh na ati zual chiang kher mai.








Thawk pawh thaw ṭha ngam lo in ka ká ka hup bet tlata,ka awmna lai chu rawn hria in min ei zo maiang tih hlauhna chuan ka taksa chu ati khur dar dar.Ka che ngam tawh loa,ka taksa khur nasa lutuk bengdaih tum chuan ka bei ṭang ṭang bawk.









Rei fe athawm ka hriat hnu chuan khawilam nge a pan chiah tih ka hre thei tawhloa,a ri chu ahla telh telh a chutih rualin ka hlauhna erawh chhe te pawhin a kian phah hauhlo thung.Ka hlauhna nasat em vang chuan ka thlan tui in min chiah huh vek tawha,ka ban chup bawk.








Hauhuk huk ri dur dur ka hre zeuh zeuh a,eng ramsa nge tih hriat loh thawm a awm leh ṭhin bawk.Ka awmdan ngaia ka awm reng chuan min zawng pawh nise min hmu thei in ka ringlo.Ka kalna tur ka ṭhiante ka hrilh lo leh keimaha ka kal hrang chu pawi tihna hlîr in ka khat a,inchhîr in engmah awmzia anei silo.







Ka chhungte ka ngaia tuna ka awmdan hi hre ta se min van khawngaih dawn tak em.Ka chakna zawng zawng sâwm khawm in ka awm na lai chu chhuahsan ngei ka tum.Ka rilru in ka ṭawngṭai malh malh renga,sawi tur em em erawh ka hre hauhlo thung.Min chhanchhuak tûrin ka dil mawlh mawlh a,tu emaw tal lo tîr se ka ti takzet!!mahni chauh chuan ka awmna ramhnuai hi azau tham ema ka mal takzet ani.








Ka ke ruh na lai chu kal pui harsa ber tur lai chu ani,engtin nge ka tih ang tih ka ngaihtuah vang vang hnuah ka kawrbah hak lai phel in ka tuam ta ringawt a,achhawk phah dawn em tih hrelo mah ila ka ngaihtuah chhuah theih awm chhun ani rih tlat.





Ka lungphu adik theiloa,hetiang thil min Shock dawr thei hi ka vawikhat tawnna ani hial ang.Ka bul vel chu ka hmu thei riai riai chauh a,ka in hawl na tur chu ka dap ruk ruk.Ka zawn fe hnu chuan hawl mai theih tur thing ṭang lian deuh hlek chu ka dap fuh ta hlawl mai.







Ka huaisenna zawng zawng nên din chhuah tum chuan ka bei leha,vawi enge mawh ka hlawhchham hnu chuan ka chhuak thei ta hram,ka lo awmna lai kha tlêma hniam deuh leh hnim pik in a bawh khah lûk na lai anih vangin chhuak tur pawn beih fe angai reng ani.






Ka kalna én tu tur ka neih miau loh vang chuan kan ding leh ren rawn phawta,khawilam nge ka pan ang ka hrelo tak zet.Ka kal hran dawn khan min hmutu an awm ka hreloa,awm ta se chu min hmuh tawh awm tak ani bawksi.







Midang awmna hlat tham ve fe a ka kal vang khan helai daih daih hi min rawn zawn thlen ka ring loa,khawi emaw lai tak chu ka pan ngei angai ang.







Rannung hram chi chuah chuah kârah chuan ka theih tawpa chakin ka pen a,ka ke lehlam anat miau vang chuan kal chak harsa tak ani.Thla êng bak rin tur ka neih loh vang chuan ka in pal leh khut khut ṭhin,tho chhuak in ka kal zawm leh zela ka hah tawhin ka ke mawlh chu min tur na vang chuan ka khuasik hialin ka hria.








Ka hlauh na leh hahna in chawhpawlh chuan min ti chau tawh hle,dam khawchhuah ka duh anih chuan beidawng loa ka kal zêl angai si,ka awmna lai chu tuman an rawn zawn thlen ka ring lo a,beiseina ka nei hauhlo bawk.






Eng chena thui nge ka kal tawh ka hreloa,ka kalna lam chu kawng dik ani em tih takngial pawh ka hrelo.Ka lumna lamah ka puan bah kha ka thlauh ni ngeiin ka ring a,kawr ban tlawn ka hak lai kha Bag chhûngah ka dah daih bawk nen ka ban te chu an thak sup supa,a pilh nian bawkin ka hria.








Thui ka kal leh hma chuan ka kal san tawh lama thawm ri rawn hnai zêl chu ka hre pha kara,a ri aṭang chuan sa lian tak anih ka ring.In phen na tur remchang a awm miau loh vang leh tlân thei ka nih miau loh vang chuan ka lo nghak hi ani tawp tawh.Ka hlauh em vang chuan ka taksa pumin a khur chhuak veka,ka lung phu ri dup dup chu ka hre pha hial in ka hria.






Thawm ri lo chhuahna lam chu ahnai zela,ka hawl lai tiang lian lem lo tak chu hum ran in engpawh chu nise ka theihtawpa beihlet chu ka la tum fan.Ka awmna lai chu êng tha ve tak hian a rawn chhun pha det det ṭan a,ramsa chu an ni lo tih ka chiang thei ta.










A lo hnai zêl a,ka ken lai chu hum ruh tawh tak ka ni.Ka awmna aṭanga pen sâwm vel alo thlen chuan a ding dat a,a êng kena ka hmai zawn a chhun vang chuan ka meng ṭha theiloa,ka kut in ka hmai zawn chu ka hliah ta ringawt.







"Lalrinhlu"ka aw hriat ṭhan tawh takin arawn tih vâng chuan ka phu zawk thei hial,tu dang nilo in Rinsangpuia ngei ani.Min zawng angem tih pawh ka ngaihtuah loh laiin min rawn zawng hmua,ka tan chuan beiseina par chuai tawh, a zung chawpa ro mek chu lei ṭha pe a châwm nung zêl tura ka hnena rawn thleng ani.









Chhan pawh chhâng thei lo in ka mittui abaw zawiha,ka tiang ken lai chu ka paih thla hnawk bawk.Min rawn pan hnai in a awm si chet in min kuaha,a lungphu dup dup ri chu ka hre thei.A taksa rinchhana ka awm meuh chuan ka hnuk ulh azual in ka tap bang thei meuh tawh lo.







Keimah chauha ka awm lai kha chuan a ri pawn ka ṭap ngamlo kha a nia,he pa bula ka awm meuh chuan ka insum theihna te bang ṭhiah sakin ka awm a,duat taka min kuah na te chuan ka lung a ti chhe zuala,ka theihtawp nghet in ka kuah let ve bawk.







"Bang tawh rawh le,ka lo thlen tawh hi"dam dap a tiin ka sam pawr phung tawh chu a tuai hauh hauh paha,chutia min ṭawng thlamuan na te hlei hlei chuan ka mittui ako hnai zêl emaw tih tur in ka bâng thei lawklo.Duhtawka ka ṭah hnu chuan in hnit faih faih in ka dâk chhuak ve hrâm,ka mittui tlakna vangin a awm zawn chu a huh dap thei hial.







Ka dah chhuah rualin ka hmai zar tu sam chhâwl lêng te chu hui kiang in ka biangah a kut pahnih in a dawma,ka chalah fâwp in"Min ti mangang lutuk,ka hmu tawh ngai dawnlo che emaw ka ti hmana"thaw chhuak halh in ati a,ngawi rengin ka lo awm tawp thung.






"Vawikhat mah ka hmuh phak loh naah kal tawh suh ang che'thu pe aw zet hian dam thlup tho siin ati leh charh charh.Ka lu bûk khum in tlêm in ka in la hrang hleka,a hmel en tuma ka dah chhoh hnu pawn thla eng dul tak vang chuan ka hmu thei riai chauh ani..








A phone phawrh in a hmet nghal mial miala,"Signal a awm hlauh tum hnih"ti chhuak halh in tu emaw hi a phone a,"Aw bawiha ka hmu tawh e,ka lo lêt pui dâwn an vai khan kawngpuia let tûrin hrilh rawh"tiin phone chu a ak zui nghala,phawrh ṭha leh in a ti êng a,na ka nei em tih hriat tum ni awm tak in min en kuala,a chek zui hlak bawk.








"Khawi maw i ke kha ka lo en ang,phone hi lo chelh rawh "tiin min pe zuia,ka lo ban ve vat bawk.Ka tuamna chu phelh in a thlek vang vanga khawih che lutuk lo in atuam ṭha leh a,rawn hawi chho in a mitmenga min lainat na lang chhuak hian min en in"na dang I nei em?"tiin min zâwt a.


"A na vek"pangchang aw lek lek hian ka ti chhuak sap,dawt sawia ṭha awm taka lan buai ka peih vel lo.Ka chhan dan vang chu ni maw a nui suka,ka hmaah tak rawn ding in ka in rin hma hauhin ka hmui ah a rawn fawp thuta,ka hamhaih em vang chuan ka ding khawng reng ringawt."Damdawi anih kha"kiai suk a tiin ka hmaah bawk a ṭhu thla leh a."Lo kal rawh le"tiin min puak tum ni awm tak in a in siam rema,"min paw dâwn maw?"che châng lo hian ka lo ti ha.
"Lo lâwn vat"tiin min melh rana,sawibuai tawh bik lo in ka pan hnaia,zo zet hian min thawh pui lawpa akal nghal nul nul.


Show post links
Top

[Ngaia]

"Heihian kawng lo ên rawh"ti in a Phone ken lai chu min pe a,ka lo ban ve thuai bawk.Ka pum ri raih vang chuan ka ipzawk a,ka rilṭâm zia ka hrechhuak leh chiah."Ka...ka lo hre chang tawh miahlo"zawi te hian ati sup."Ka Bag kha ka ak reng amaw ka tia"inthiam lo zet hian ati leha,ka rilṭâm in ka tuihal viau tawh viau mahse tih ngaihna dang awm rih hek lo le ka rilṭâm loh thu te chu kan sawi ta ringawta.









"Chawl lawk ang tah hian,hei tui luang hi a thianghlim lutuk i in dawn nia"tiin leiah min nghat thla a,ka kuta dawh in tui chu ka in nghal khawlh khawlh.Ka harh chhuah hnu pawh khan reitak chhûng keimahin ka lo awm tawha,ka dang aro in chil lem pawh ahar ṭalh tawh kha nia.









Ka puar rak thleng khawpin ka dawt tih theih ani,ka harh deuh hawka ka taksa chau lutuk pawh chu tlemin azia phah."Ṭhut chawlh rih i duh em?"tia min zawh chuan ka lo pawm khawp mai,min puak na vang pawhin ani pawh chu ahah viau tawhin ka ring.







Kan kalna kawng lah chu kawng pangngai anih loh vangin a chhengchhe reuh phian bawk si,a phone ri tut tut chu ka bih hnaia, a Battery alo sen vek tawh chu ni in rei a daih tawh dâwn lo tih achiang reng mai.








"Kawng en nan ka hmang char chara a tlin tawhlo nihkha"ka bula rawn ṭhut thlâk pah chuan atia,ka lo bu nghut nghut ringawt.Sava hram ri leh rannung ri rek rek te chuan min ti hlau tawh lem loa,ka bula ṭhu run pa vang hi ani thei angem boruak chu azangkhai lo ru riau mai.








"Engtin nge min lo hmuh theih zawk"ka tih chuan "Hmuh ngei che ka tuma"kiai suk hian alo ti rauh a.
Nui tawi tak in ka ṭhiante'n min zawng ve em tih ka zawt ve a."Kan vaiin kan zawng che,tinge nangmaha hetiang ram-palai-lengah te ilo vah de de ni"min vin lo nâng in dam tak erawh in asawi hauhlo thung.










"Ih..ihh...Ka zun achhuak alâwm"zak deuhin ka ti chhuak ve halh.Nui ri hawk in min rawn melh zeuha hmalam en in anui leh suk,"i ṭhiante pakhat tal hruai tûr che lawm"ala rawn ti hrâm."Ka in chhir ve tho aw,chuan min hau tawh bawk suh"awka vin lek lek hian ka ti kha kha a.







"Min tih mangan zia i hria em?ka hmu tawh dâwn lo che maw ka ti hman asin"keiai maha awki sang chuan ati leh khar khar. Ka rin loh dan lutuka min chhânna vang chuan meng bial kâwkin ka melh tlawk tlawk ringawt.Harhchhuak thut in"ka duh dan anih bik i ring a mi,ka thi dâwn emaw ka ti hman ve tho"in hum ruh ngawt ngawt in ka ti let ve sak.







"A tawk,chawl hahdam teh"ti puat in lungte achhara,kan ṭhutna thlang lama lui té luanna lamah chuan a vawm thla zeuh zeuh."Khatiang khan vawikhat mah awm tawh suh ang che"min en hauhlo hian ati leh hap.








"Nang pawh ka phalna tel lo in vawi khat mah min ihh...englo tawh suh ang che"ka thusawi tawp lam chu rik pawh ari chhuak thei meuhlo,ka sawi zawh rualin ka inchhir nghal vawng vawng.







"Eng englo maw"min chhaih pah tih hriat zet hian alo ti leh a,amah lah chu a nui tet tet lehta nghala."Hrelo der vel suh"rum zeta melh in ka ti leh kha kha.








"Kal leh tawh ang kawng pangngai kan hlat lutuk tawh lo in ka hria"ti in a tho vuta a kut ka lamah arawn phara,a kut chu vuan in ka tho chhuak ve leh."Keimahin ka kal thei tawh mai ang"min puak atum leh lai chuan ka lo ti a,mahse min ngaihthla duh der lo.









Nuam ti chiahlo chung chuan ka in puak tir leh ta ngawt anih kha.Thla êng ring chuan min kal pui ta zela,kan êng neihchhun ani tawh.Mutchhuak in min rawn zem a,ka chauh tawngkhawng em tawh vang chuan ka hriatloh karin a dara bei thlawp chung chuan ka lo muthlu a.








Ka harh leh chuan Ceiling êng vâr deuh hi ka hmu hmasa ber, maimitchhîng ṭha leh in ka han awm leh vang vang phawta,chutah ka meng ṭha leh.Ka awmna chu ka room ani lo tih ka hre zawm nghal a,ka hawi kual chuan ka mutna bul Chair a Tesi lo muthlu lawp lawp chu ka va hmu zui zat.








Thawh kân mai ka tum chuan ka taksa na vang chuan ka mu thla leh vat.Chutih rual deuh thaw chuan Tesi che hrut chu ka hmu zuia,"i lo harh tawh maw?na ila nei em"tiin min zâwt nghal malh malh.







"Ka taksa hi a kham urh in ka hria "a lam hawia mu ṭha in ka ti ve a,a chauh hmel takzet in ka hre bawk."Hospital ah engtin nge ka awm daih theih a?"tiin ka zâwt a.







"Sangpuian kawngpui thleng alo paw thla chea,i harh mai thei siloa Hospital ah kan hruai tawp che"tiin kan awmdan chu a sawi nghal zung zung a."Min ti mangang lutuk alâwm"zawi sup hian ati leh.









Nui lui var var in ka ṭhat tawh thu leh keimah vanga an buai hrep vang chuan thupha te ka chawi a,ka bana Drip an khai chu en in ka thaw halh."Thil i eilo rei sia I chau lutuk a"tiin ka kut arawn hum a,ahmelah min ngaihtuah zia ka hmu thei.








"Ka chhuak thei vat ang tiraw"awmrei ka duhloh em vang chuan ka ti leh hap."Thei mai ang,mahse in dim chu I la ngai dâwn i ke kha a ulh a,chuan I lu i sawh deuh bawka.Mahse ngaihtuah awm I nilo ania i dam vat mai ang"nui sang hian ati leh a.








Ka chhungten ka chanchin an hriat kala ring loa,ka biakloh rei lutuk chuan an lo hlauhthawn ka hlau viau mai.Ka phone awmna zawt in ka Nu ka be ta nghala,ka awmdan diktak erawh ka hrilh duhlo,an hmuhphak ah ka awm siloa min ngaihtuah dâwn lutuk tih ka hriatna chuan hrilh lo mai ṭha zawkin ka hria.








Chawhnu lamah chuan kan ṭhian dang te pawh lo kalin eitur eng eng emaw hi min rawn ken ṭeuh a,eichak emem erawh ka nei hranlo thung.Zankhua a min awmpui tawh vangin Tesi chu haw tur leh hahdam tur in ka ti a,a duh lawk lo lehnghal.Kan nawr luih tak tlatah chuan insiam in min haw san zuia.









Tesi haw hnu chuan Tetei leh Puipuii chu an awm ve ta reng a,tlai lamah Doctor in ward rawn fang in zanin ka awm leh chuan naktuk lamah chuan ka chhuah theih mai tur thu arawn sawi hlauha,ka lawm viau nghe nghe.






Puipuii leh Tetei chuan min riah pui chu an in chuh hi ani ber a,rei fe an hnial hnuah Tetei chuan min riahpui dâwn ni awm tak ani."Riak tûrin ka rawn in ring sa vek alâwm,ka Pa te pawh ka hrilh lawk vek tawh"tiin ṭhut hmun a siam rem sauh sauha.






In kan hun atawp tawh vang chuan Puipuii pawhin min haw san veleh ta a.Zanriah chu ka ei tam lo kher mai,damdawi neuh neuh ka neih nual vang chuan ka ká ala tui chiahlo.Ka la chauh em vang chuan ka muhil deuh renga,ka harh peih meuhlo chu ni.







Chhuak tura kan in tih fel zawh chuan bungrua emem kan nei lo bawk nen bawr vak lo chuan Hospital Counter lam kan pan dun a,mamawha ka hman tur atan ka chhungten ka Account a pawisa tam vaklo min dah sak chu hman mai ka tum.








"I bill hi chu tukin khan tlangval pakhat in alo pe fel tawha,in chhuak tawp thei ang"Counter a lo ṭhu nula in atih chuan kan hawi phawk dun khawp mai."Tunge chu pa chu,ahming a sawi em?"tiin Tetei zawk chuan a zawt zui a.








Ahming asawi loh thu leh dam vat tura duhsakna min hlan in kan hnunga Bill pe ve tur dang te chu abuai pui zawma,rilru bet lo deuh chuan kan in zui chhuak ve leh.







"Tunge niang le,tumah Hospital ah lo kan tûr che in an lo kal siloa "ti niah niah in ka bula mi chu a phun zui sap sap.Kei tak pawhin rindan ka nei thiamlo viau,ka rilru kil khatah Rinsangpuia ani thei mai angem tih chu ka ngaihtuah rauh rauh a,mahse ani chu ni in ka ring chiah silo.







Min lo zawng hmu tu leh helai thlenga min hruai tu ani tih chu ka hria a,mahse engmah sawi loa hetianga a chet chu ka ring chiah silo.Amah nilo ni thei tur dang ka ngaihtuah ngial pawn ka hre chhuak zo chuang si lo.







Ka bo zâna min lo hmuh khan amaha ka him zia leh ka thlamuan pui zia ka hre chiang tawha,hlat tuma ka beih na te hi ka ti hlen thei angem ka hrelo.Mahse a rilru puthmang dik tak ka hre hauhloa,mi sual tak anih loh vanga atih nge keimah ka nih vanga khatianga ka chunga ti kha ani tih ka hre lo.








Ka room ka thlen rual chuan ka inthlakna tur la chhuak nghal in Bathroom lam ka pan zuia,min awm pui rih tûr thu sawiin Tetei pawh haw bik lo in ala awm ve reng a.








Ka ke chu kala chet ṭhat theih loh vang in chet vel ala harsa ṭalh a,duh anga uluk pawha in bual thei lo in ka in tleuh thuak ringawt. "Class i chawlh rih angai dawn sia Assigment a awm chuan kan kutah dah mai rawh"tiin Tetei chuan ka sam ka hruk lai chuan alo tia,ka lawm rilru khawp mai.







Thim dâwn thleng min awmpui in a haw ve ta a,areh nghal hawk thei.Zan riah chu ka ei tam lo khawp mai,damdawi ei lai kala neih nual vang chuan ka kâ ala tui hleithei loa,in dah fel in muangchangin kailawnah ka pên chho a.







"I tumah hian I hlawhtling chuang lo ang,bansan rang rawh"ka hnung lama lo ti tu vang chuan ka ding chawt,leh hawiin Hruaii chu ka melh ve ran."I sawi awmzia ka hre nek lo e"in her leh hmak in ka pên chho zui.







"Kha aia chhuanlam ṭha kha I hrelo ani chék ang chu maw,na der thiam si"chek hlak hian ati zuia,chhang buai duh tawh lo in ka kal ngai chuan ka kal renga.Min rawn leh pêlh lai chuan min su lui kher leh nghala,ngeiawm zeta nui chung hian"Sorry"a ban vai thuak in atia,a pên chho zui hmawk hmawk.









Ka bula a awmdan leh ṭawngkam hi midang bula a awmdan nen chuan lei leh vân ang vel ani,hmel pahnih anei ani ringawt.Mize tlang tak ka neih vang hian hetianga mize khawlh kham zet nei ho hi ka ngainat zawng an ni ngai hauhlo.









Ka ke min tur ut ut na vang chuan ka ṭhang harh zawka,ka thlan alo tla hliam mai,in beng kâng in khum bul dawhkâna Nachhâwkna chu ka ban rawk rawk a,tui um chhin chu hawngin ka hmawm zui nghal.Ka mut leh vang vang hnu chuan min rawn chhawk ṭan a,buaina dang nei tawh lem lo chuan tui deuhin ka mu bawrh bawrh.








Karkhat zet chu Class pawh kal lo in ka awm ta a,nitin ka ṭhiante'n min rawn tlawh in eitur min lo ken sak ṭhin a,ka Assigment tihtur pawh an mahni in min tihsak thlap bawka,ka tan chuan an ṭha takzet ani.







Ka kalloh chhûng zawng in Rinsangpuia'n min rawn be ngailoa,ka ṭhiante ka chanchin a zawt ngai heklo.Jacoh erawh chuan a zinna ṭang in nitin ka ṭha em tih min zâwt in min lo be ziaha,ka tan hian aṭha ve thlawt ani.








Ka kal theih ṭan ni chuan ka ṭhiante chu an phusa in min lo lawm thiam khawp a,nitin min hmu tura lo kal ziah si kha reitak min hmu tawhlo ang maiin an khawsa a,ka tan erawh a hlimawm in an ni ang ṭhianṭha Lalpan min pe hi ka vânnei tak zet ani.







Nilêngin Rinsangpuia ka hmu loa, aṭhiante zingah a tel ve loh vang chuan Class a kallo ni turah ka ngai.Biak ngei ka duha,zawh tur pawh ka nei ṭun mahse engtin nge bul ka ṭan ang tihah erawh ka buai rilru viau thung.









College ka thlen rualin Garage aṭanga Rinsangpuia rawn phei mek chu ka va hmu a,biak ngei tum in ka pan hnai nghal,a bul ka thlen rualin in biak lawk ka duh thu ka sawia.Sawi buai hauhlo in min zui ve miala,an kal ziahna ṭhin lam bawk pan in ka kal zui nghal,ka hnungah chuan ngawi reng in min lo zui ve zel bawk.









Hmun reh lai kan thlen chuan amah en tum in ka in her a,ka hnunglamah chuan ding in min melh chhuk run.Engmah sawi loa ka ngawih reng takah chuan nin hmel zet hian"Sawi vat ta che"bul hmuk in ati a,a hmel chu a nelawm loh leh viau tawh.








"Nangmah ini em?"kan ti thawr a,sawi thui ngailo in hrethiam mai se ka ti takzet,chutah hriatthiam loh hmel zet hian "Eng chu"ati hu a,ka hmui ka pet ka pet ringawt.A hnaiha ka awm hian a chhan ka hriat siloh hian ka zâm ru tlat zela,tûnah pawh ka chhungril ah hian ka khur der der reng,pawn lamah a lan chhuah mai loh nan ka in hum ruh ngawt ngawt a,ka hah hlui thei.








"Iva rei sawi vat ta che"awki sâng lek lek hian ati leh hmak,chutah thawk la halh in ka sawi tum te chu ka sawi ta vek."Hospital bill kha nangma pêk ani em"tiin bul ka ṭan a,a hmai tuai puat in min melh leh ran a,"chu zawng chu maw"ati leh daih thung.








Ka zawhna chhânna nimiahlo asawi daih vang chuan chhang duhlo in min chhang tura duh tak chungin ka la en kiau renga,ka ngawih reng takah chuan"khatiangah buai lo in dam ṭha vat la atawk ani mai"ka ke na lai melh zauh in ati leh a,ka duh tawka ka la hman theih loh vang hian ka la kal bai deuh a,hmuh hmaih chi anilo reng ani.







"Engvanga ti nge I nih ka hre duh"ka ti leh tawl,ka chhanna duh tak hi min pe se ka ti viau,hriat chakna leh chak lohna in min tur et et a,awm hle hle thei lo in ka che sek bawk."A chhan chu I hriat kha"atih leh lek phei chuan ka va han duhkhawp lo ṭhin tak.







"Tlang deuh hian sawi ve ṭhin teh,ka hriatthiam theih tûrin"vin lek lek in ka ti let a,hahthlâk tih hmel zeta min en in"Ka duh che ka tih tawh kha Mawli"min ti zui hrawk anih chu.









Min chhan dan vang chuan che châng hauhlo in ka ding khawng reng a,ka beisei loh lutuk anih vang nge ka lo beisei rûk reng anih vang zawk pawh ka hre nek tawh lo."Mahse..."ka tih lai chuan rawn pawt chat in "Nang chauh hi hmeichhia anga ka en awmchhun ila ni "a mitmeng thutak runah chuan fiamthu a tel hauhlo tih ka hria.








"Ka duh thu che pawh ka hrilh tawh che,mahse chhan na ka dawng lo anih kha"nui hul hak in ati leha,"Ka mitah hian en in chhiar ṭhin nila ilaka ka rilru puthmang hi i hre ngei ang,mahse i haider lui anih kha tiraw"a sawi zawng chuan a hrawk bawk chu a che ralh ralh.







"Min kal tîr lo anih chuan ka thlah tawh ngai lo ang che ka tih kha ila hria em,ka uang hauhlo hun kala pe rih mai zawk che ani"tiin ahma a athusawi tawh bawk kha asawi nawn leh a.Chhan mai ngaihna hrelo in ka chil ka lem leh khawlh ṭhin.









"Chuan hun pêk che ka tum tawhlo,ka bialnu i ni tawh,ka bialnu!"ti nawn sak in a kiai suk.Chhan tuma ka an zuau lai chuan min rawn hnaih thut in ahmui in ka kâ ka ang tur chu arawn khâr zuia, ṭawng chhuah ngaihna reng a awm tawhlo.








Dam thlup leh duhthawh zet in min fawp a,ka samah a kut nawr lutin ka lu a dawma,a aia uar mah hian min fawp leh.Ka din ngai chuan ka la ding ta renga,ka chhang let loa ka dawh mawl tawp ringawt.A in lâk hran hnu thleng chuan ka la ding khawng renga,min nuih suk hian"Ka bialnu,in thlahdul teh"ati leh sup.








"Ti tawp hian maw,ih..." Ka tih leh mek laiin a hmui chu akut zungtanga nawr in ngawi tûrin min ti tih ka hria.Amah bawk chuan "Ka ta ini tawh,sawi buai theih tawh loh"ti leh in ka bânah min kai in min lêt pui.








Engmah sawi tawh lo chuan thuawih deuhin ka kal ve zela,kan Classroom kawt thleng kut in kai chung chuan min kal pui.Min en zui tu an awm em tih pawh ngaihtuah hauhlo in ka samah atuai puata,"Ka bialnu fel deuhin aw,thu awih la"a ha var rual tak lang chuan min nuih in a kal zui nul nul...






A kal na lam chu en zui vawng vawng in nichin maia thil thleng kha ka ngaihtuah let a,ka zak bawksi nuamti bawksi chu ka biang asa hat hat thei hial nia mawle.








In her in ka lut zuia,ka kal pah chuan a thusawi te kha ka ngaihtuah let a,atih mai mai loh zia ahmelah alanga,asawi ang takin a mit ah en in a rilru puthmang tur ka chhiar ngailoa,ka rin dan chu dik nia ngaiin luhlul ka chhuah ṭhîn anih kha.









"Tinge i biang kha,a sen vek"ban charh a tiin Tes-in min bih hnai thuaia,ka biang chu ka lo dawm vat."I la dam chiang lo mi,na inei em?"ti zung zung in ka khua sik leh sik loh te chu an chian leha,min kawih her ang ang chuan ka lo dawh tawp thung.








Ka khuasik lo tih ahriat chuan in dawm vang vang in achhan tur awm ang te an ngaihtuah leh a,ka lo nuih tawp tawh.Miss Mathlengi rawn lut in zirlai min rawn zirtir zawm malh malh a, ṭha tak pawn ka ngaithla theilo,phûrna leh zâm na chuan min tuam hlup hlup renga,ka za cheng ni ber in ka hria.









Thil ei tura Canteen lam kan pan chuan kawngkhar bula Rinsangpuia lo ding chu ka va hmu chat a,kan thlen phei rual chuan min lo nuih nghal vat."Ka bialnu,Iva rei ve"ti thum dut in min lo hnaih nghal ruak ruaka,a thusawi hi asawina hmun tur angaihtuah hlawllo ani hepa hian.









"Mawla"ti hrawk in a nak ah ka piai tawka,amah lah chu ala nui ta deuh deuha."Nupui kutthlak ching neih ka duh lo ka tih tawh kha"ala ti ta deuh deuh.Ka ṭhiante dinna lam ka en chuan phawk fe hian min lo melh run hlawma,ka nuih tlawn ta ringawta.Hruaii hmel ka hmu chiah erawh chu puak thut thei hmel hi apu in ka hria,ahmelah alâwm loh zia ka hre thei.








"Lut ang u ,ka ril aṭâm tawh lutuk"amah bawk chuan tiin ka hnungah min nawr a,midang pawh chu an lo lût zui ve mai bawk.A ṭhiante ṭhut ṭhap na lam min pan pui atum chuan ka ding lui ve tlat."I ṭhiante bulah va eirawh,kan len vek lohhi"tiin ka ṭhiante lam ka hawia,chek hlak in "anih leh ka bialnu ei ṭeuh rawh aw"ti zui hram in akal sawn ve hram.









Ka ṭhiante bula in sawi fiahna tur ka ngah zia hrereng chung chuan bet lo deuhin an bulah chuan ka ṭhu thla a,Hruaii erawh ka hmu zawm lo thung.Lo lût ve lo in alet leh ah ka ngai a,zum dâk hian ka ṭhiante ka en kuala,zawhna ngah hmel fe hian min lo en ve bawk.








"Ih.. eng lo ania,amah vek in thuthlukna asiam"ban charh in ka tichhuak thei hram,tûnah rih chuan hre rih lo se ka ti viaua,kan mi mawlpa lah sawn mi zawng zawng hriata sawi atum emaw ni zawk ni.








"Engtik aṭang nge"tiin Tesi chu ṭawng chhuak hmasa berah aṭang a,chutah nuamlo ti deuhin"Vawiin aṭang chauh"ka lo ti let ve,ka ṭhiante ho chu an nui ṭha hlawma,"in zêp thei ve ka ti dawna,mahse ala rei lo emai kan ngaidam mai ang che "Puipuii chuan alo tive bawk.







Min zawhzui vak tur an hre biklo ania'ng chu eitur chah in eng eng emaw sawiin an ti ti leh siam siam tawha,lehlam takah chuan ka ṭhiante'n an hria chu ka thawl huai zawk.







"Mipa i nive tak tak ta ,bawiha zanin chu kan lawm ang chu"Zoparan ati lawng lawng ri chu ka hre pha,an ṭhian ho hmuh te chu ka zak zo vek tawh,an ṭhut na lam pawh chu ka hawi ngam tawhlo hrim hrim.Eng eng emaw sawiin an nui leh hak hak ṭhin a,an thawm aṭha leh viau tawh.








Kan chhuah dawn lai chuan min rawn pan vatin ka ei man pek chu atuma,hnial tak têa ka hnial vang chuan keiman ka pe ta hram.A engah mah hma a ka bialpa châwm nih nghal ringawt te chu ka duh teuhlo mai,mipa anih naah atih tur ah angai tih chu hre mah ila nupa em pawh nih hma a ngaihzawng te a innghah vek chu ka duh dan ani hauhlo thung.







Kan vaia in zui chhuak dam dam in kan ṭawng phei nak nak a,kan lam pana Hruaii lo phei pawh chu ka hmu lawk lo.A rawn thlen rual chuan ka bula ding chu en in "in be lawk ang" ati zui zata,a hmelah a lawm loh zia ala hriat theih.








Ka kut hum reng chung chuan "hetah sawi mai la"awlsam zet hian ati leta,ka kut avawnna lam chu melh ralh in "ka bialnu awm laia sawi chiloh ami"khi suk in a ti leh.Hruaii hmel ka en chuan mit meng thip hlar hian minlo en a,min ei zawh vek chak hmel te pawh apu hialin ka hria.








"Rinsangpui,i awmdan hi ka lawmlo khawp mai" awki sang lam hreta tia min kal pêl in a kal zui nal nal.Ka bula mi chuan nghet zawk mah hian ka kut chu ahum a,a hmel en tuma ka dah chhoh chuan a hmelah nui hmel a lang lo.









Kan ṭhiante'n min kal pelh hnu pawh chuan che châng lo in kan la ding ta renga."Enge sawitur aneih,chuan in in kârah enge awm"tiin insum zo lo in ka zawt ta phawng.Chutah mitmeng zaidam taka min en in "engthil mah a awmlo,chuan ka sawi tawh kha hmeichhia anga ka en awmchhun ini tih"in ring tawk zet in ati leha,a thutak zia ka hmuhin ka awih nghal hmiah bawk.Inzawmna ka siam pui tawh anih chuan keipawh hian ka rin ngam angai dawn tih ka hria a,chhan ṭha tak a awm anih loh chuan ho tête a in bak kaih fo ka duhlo bawk.


Show post links
Top