HOPE BY Winter Bear (Completed)

[Ngaia]

RINSANGPUIA:Mize danglam tak nei,a ngainat zawng te bula fiamthu duh leh in hawng tak,a mihring ngainat loh te lakah chuan 'Mipa Vâwt tak' tia a chanchin an sawi ṭhin.Hmeichhe hmangaih chu sawi loh duh ruk tak ngial pawh aneih an la hriat loh khawp a lerh lo ni si in tlangval nungchang ṭha tak tia sawi tur erawh chuan a khawsa ngai hauhlo thung.A vawikhat nan a thinlung ti che dawt thei khawpa vei leh ngaihven a nei a,ani nen chuan tawpna hlimawm an siam thei angem le??

DAPHNE LALRINHLUI: Hmangaihna avanga nun kehchhe lek lek tawh, aṭhian ṭha ber ni ṭhin leh a hmangaih awmchhun nitura a ngaih tena thinlung rum vawng vawng khawpa na an siam sak tawh. Hmeichhe der dep tak,tihnat awlsam emem ani chunga midang hmaa 'mi chaklo'tia an sawi tura awm duhlo leh tuang ti chhah tlata natna neilo ang maia lang thiam ṭhin.Hmangaih naa beisei na pakhat mah nei tawh lo chuan Mipa pakhat anunah tawng lehin a beiseina kûng thi tawh chu paih bo sakin chi thar in athlak sak a,duat taka enkawl in a venghim tlat ṭhin.Chu a beiseina kûng thar chu a ṭawih ral leh mai dawn nge chuai tawh ngailo tûrin a pâr vul ang?



"Aw nu vawiin atang kan tan dawn hei ka tlai tep" tih leh phone dah ka rual a,ka class tan ni hmasa ber ah hi chuan tlai thei ka nilo.
.


Bell rik rualin ka lut hman chiah chiah .... ka hawi vual vual lai chuan hmeichhe pakhat hian ban rawn vai zeuh zeuh in min lo hui a,thutna awl ka hmuh mai loh avangin minlo ko tu thutna lam pan chuan ka kal nal nal.
.


"Hi,Tes-i ka nia"ka thut thlak rual chuan alo ti nghal vata, ka lo bu nghut ringawt,thian siam harsat tak mi ka nih vang hian mi nel mai hi ka harsat tlat zel.
.

First period ah chuan eng emem pawh zir lo in inhmelhriat tirna leh thu pawimawh sawina hun in kan hmang ral dèra azia phian mai.
.

Second period ka neih loh vangin chhuah mai ka tum chu Tes-i chuan "minlo nghak keipawh class ka neilo" tiin min lo zui ve nghala.
.


"Canteen ah kal ang ka riltam Chaw ka ei hman lo a"nui heu hian ati a,aw ka pawh ve nghal mai he College zau tak leh zirlai heti zat awm zingah hian hmelhriat kala nei tlatlo,thian neih ve ngei chu angai alawm ka ti rilru noh noh a.
.



"Hey enge maw I ngaihtuah vung vung le ka ril atam ka tihchu"tihpahin min rawn pawt dawr dawr a,henu te reuhhi enge maw ahriata min nel nghal emem mai le??
.


Canteen ah chuan awm an lo tam khawp mai,kil deuhah min thut puiin a ei duh zawng achah nghal mial mial a,"enge i ei ve dawn"Tes in atih chuan ka ril atam loa nangmah khan ei teuh phawt mai teh ka lo ti maia,nûr nángin" i va in diet awm ve" minlo ti deih.
.


Ka nui chhuak hawk,bangbo zet hian minlo la melh kar zui "I cher cher nen thil ei teuh teuh ta che"min rawn ti leh zèka,ka chhang tawhlo.
Zawhna ho tete min zawt renga tha deuh chuan ka chhang ve zela,harhvang thet thet tak ani ka thiannu thar chu.
.


Nikhatna ani bawka class pawh kan bang hma angreng, hostel lam pan chuan ka kal hnak hnaka.Ka mut achhuak hle leh nghala,ka ngaihtuahna ka kawm nasat viau hi chuan ka heti ve ziah.
.


Khumah mu thla thlawp in ka maimitchhing vang vanga, ka hringnun lo hman tawhdan te chu angai te bawkin ka chhui kir leh tan a.
.


Ni e,thingtlang khaw lian ve taka awm mah ni ila chhungkua in eizawnna ngial nghet kan neih loh vangin tet te atangin amawi aiin atlo kan in bel hnem zawka,unaua hmeichhe awmchhun ka nihna ah ka naupan hun lai erawh hlimawm takin ani ka hman liam ni.
.


Kum arala,kum alo tam tial tiala mahni neihsa a lungngawi zawh loh chang kha ava tam thin tak.
.



Mi nu leh pa te anga thil manto leh tha min leisak ve theih loh avang khan ka nu leh pa kha ka dem ngailo,chutin ka vuina ka thlen ngailo bawk.
.

Class10 ka nih thleng kha chuan tleirawl mawlmang tak naupan chhiatna in a kalsan hleihtheih loh nun neitu kha ka nithin.
.

Zirna tha zawk beiseia khawpui lam ka pan chinah erawh ka nun adanglam tial tiala,zilh tu leh ngaihsak tu ka nei ta lo.Hostel ah ka hun tamzawk hmangin thil tamtak ka tawng anihkha.

In thing harhin ka thu chhuaka khua alo tlai ang reng tawh hle,ka chhungte call a ka biak zawh chuan zanriah ei turin room chu ka chhuahsan a.


A tuk class ka kal chu zan hmasa lam ka mut that loh vangin ka rit lûk mai,luna burin class chu ka pan phei chhat chhat a,ring deuha min au ri ka hriat vang chuan ka kal lai chu chawl meuhin ka leh hawi.Tes-i bawk maw,a aw thlengin alian anihhi amah lian bawk,minti zak fo lo ang tihhi asawi theih miahloh.


"Daaaaffff" thui uchuak tak maia thlûk Chung chuan min rawn pan phei ruak ruaka ka lo en tawp,"khatin mizingah min ko tawhsuh an lo hawi thap hi"sehchilh deuh nawk nawka ka tih chuan anui pat pat duh lek chauha,"phone number kanla inpe miahlo kha lo type rawh tihpahin aphone lek chhuak in min rawn hmeh bel nghala,tha tak chuan ka pe ve mai bawka.





Kan class neih dan a in an vek avang in Tes-i nen chuan kan in zui chawt ani bera,atawngduhin ahlimthei emema abula awm hi a hahdam thlak ngawih ngawih, ahahthlak chang pawh ala tam ka ring aluruh rin dan emem hi nawmsam loh laia abula awm a hreawm an tih ang chi kha ni.



"Hey everywhere khawnge i mei,I bul hnai velah hian ava tawlh hrut hrut lo ve"mipa pakhatin Tes-i melh ralh paha a rawn tih chuan ka lo bangbo hle,"Inah ka thlung ,khawnge I thuihhruai lulian deuh deuh ho hi ka va hmu bik lo ve"ngeiawm rawngkai deuh taka Tes in a tih chuan ka nuih za lutuk nuih insum chu ka in pet ruh teuh a,ka hmui hnuai lam ka pet ngar ngar."Kan lu lian ve ziah lo hmeli khatin min ko ve ziahsuh"pawr fe a chupa bawkin arawn tih leh chuan."Zopara te thianho in ngam loh vang hian ka chungah rawn tuan ziah suh u,saw Zoremtluanga phei saw chuan zakkha anei leh nghal min rawn hnaih ve ziah su in uih"alo ti let ve nghek ,a aw rawl aring tha bawka class ami te ho pawh an lo hawi thap, professor alo luh vangin hmanhmawh deuhin chu mite thianho pawh chu an chhuak ve mai bawka kawngkhar bul atang arawn be tu pa ber chuan a kut zunglai ti pir vah in Tes-i chu rum zet hian arawn melh leh hrama,ka bula thu chu ahmel ka en nghal vat lei alo chhuah khum ve zauh tih ka hmuh chuan ka nui hak.




"Tu nge kha mi te kha"tia zawi tea ka va zawh chuan,"lulian squad" tih zawngin min chhang.Classroom ah Sir a awmve kur vangin ka zawt chhunzawm rihlo,mahse zawh chian ngei kala tum.





Kan professor achhuah ve leh chuan nichin lawka thil thleng chungchang kha zawh chian tum in ka thiannu lam hawichuan ka thut dan chu ka siam rem mawlh mawlha."Sawi tawh rawh le tinge khatia anlo tihve ngawt che?Hnekhrep iduh em banah chang ila" asawi that duh nan kan ti hmasa tete a,"amak bawl rual ka nih tawh loh hi,engmah anni lo an tawngkam chiah apawra an bike ri aring hle ringawt ngaihtuah duhsuh"sawizawm peihloh hmel zetin alo ti deiha,ka ngei ang reng thil dang pawh ala awm chiang ang.Mahse asawi duh miau loh chuan zawh luih ka tum bik lo,kan class ami te chu an hmel chu hrethuak hlawm mah ila tumah taktak hriat kala nei lo ti ila kan Cr leh assistant Cr te hming chu ka hria,nunfela leh muanzovi te anni a class ah pawh uluk deuhin teaching an ngaithla tih ka hre hman der tawh.


Kan college hi Mizoram ah chuan alian ber pawl leh changtlung ber pawl ani a,in elna asangin incheina pawh asang.Incheina ngaihsak vakmi ka nih lemloh vang hian mi in chei dan erawh ka chik ngailo.College compound hi azau tha emem a,boys hostel leh girls hostel pawhhi compound chhungah a awm veka ahmun areh reuh avang hian hawi thawven na tur a atam angreng hle a,a boruak hi athiang deuh kúk bik in ka hria.Thinghmun atama tlema awih deuh leh zawl lai te pawh a awm nual.




Zan boruak chu athiang nuam emem a ka room tukverh atang chuan thli thaw hi a rawn lut heuh heuh renga, hostel bul vel a kal kual vel mai mai chu ka chak thut a,jacket ha in kekawr tlawn ka ha bawka, crocs ka in thawlh leh thak hnu chuan ka in peih ani der.Ka thiannu ve ber hostel a a awm ve miau loh avangin kawmtur ka neiloa min be ve tawk te chu awmve tho mahse tumah kala nel loh vangin keimahin boruak dai seng seng dawng tur chuan ka chhuak ta a.


Phone light chuan ka hma zawn chu ka ena hostel thlang lam pangah hian zawl nuam deuh a awm nia an sawi ka hriat vang chuan kal thlak ka chak thuta chulam pan tur chuan ka insiam rema,khaw en lai anih loh vangin rannung hram ri chiah chiah hriat tur a awm nuala ka hlau lemlo.Kawng chu a awih deuh bakah hnahthel ro tla atam emem a ka kal ri thla beuh beuh hi aniber kal chak theih heklo chuan.



Thui ve deuh ka kal thlak hnu chuan in hnial buai ri ni awm tak hi fiahlo ruai hian ka hriaa tlem chuan ka hlau ve deuh,mahse ka hlauhna aiin fiah ka chak na in min hneh zawk avangin a aia muang leh zual hian ka pen thla den den a,min minlo hmu ngat se chu rukru thil ruk tuma che dem dem amaw mintih ka ring.



Ri chu ahnai tial tiala,thla a en mai bakah ka thlang deuh lawka mei eng chu ka hmu thei,tun ang khaw vawh lai pawh nilo ah hian "tu te tak chuan maw khulai zawlah khuan mei te chhem reng reng ang ni mi pangngai chu anni lo phawt anga" ti reuh reuh chung chuan ka hnaih zela thingkung lian ve tak phen atang chuan ka en dek deka,ka phone light ka chhit en tawh miau loh vangin tuman min rawn hmuh theih ka ringlo.


Ka awmna atang chuan ahla tawhlo hle a,an tawng pawh ka hre chiang telh telh.Eng fiah tak a awm loh vangin an hmel chu chiang takin ka hmu theiloa,an riruang erawh ka hmu thei thum mai, chutia ka en reng lai chuan mipa pakhat hian a hma a ding chu ahnek chawrh a, a kat nawk mai an in phek sual chu ani nghal mai.Rei vaklo ka en hnu chuan ka hlauhthawn deuh tak avangin ka kalna lama let leh tum in ka in her vuta ka pen tur chiah chu ka dinna lai lei chu ache thut a inring hman lek lo in thlanglamah chuan ka lum thla chu ani nghal a,rei anilo ka ri thla dawp mai enge maw chang ve deuh ahhian ka in tauh chawrha ka lu hai nghal muai muai thei.



"Hey tawp teh u helai ah hian hmeichhe pakhat arawn lum ania helmet ah alu atauh,in sual tawhlo khan lo buaipui vat ru"mangan hmel deuha atih ri chu ka hre pha ruai,ka lu hai chhulha ka taksa chu ana thum bawk.Ka mutna bul lawka in sual ho pawh chu an thianpa in mangang zeta a koh tak chiam ah chuan an thawm areh deuh huai in ka hria.



Zahna,hlauhna leh ka taksa na them thum vang chuan hawi pawh ka la hawi chhuak lo.Leiah a bawkkhup zawngin ka let ngat a,helmet chang zet ka la tauh ri chawrh zui kha nia,hawi chhuak chuanglo chuan ka lu chu ka tuai thuaka ka bal viauin ka ring bawk."Thiannu khawi atang nge ilo luma misual in an ûm che mi I tha em?"min hmu hmasa ber tu bawk khan arawn ti leha ka la chhang mailo,"A thih palh chuan min puh thei nia kal sawn vat ang u "pakhatin alo ti leh che chang mai lo chuan an sawi tur chu ka la nghak leh riha.Pakhat chuan "a thih tawh ber te chuan tunge min sawi anga lulian, I lu len ber bur nen hian i thluak bur ah khan amawii dah na tur room awl I dah ru reng ami"tipahin a nui uarh a,midang pawh chu an nui ri tet tet in ka hria."Lulian minti ve ziah suh,alen bik vakna a awmlo,kan helmet bak alianlo kan insual leh dawnmi hmela"a ti pawr leh chhar chhar.



Ka awmdan ngai reng chuan ka awm thei dawn lo tih hriain ka in beng kànga ka khupa in do khalh zeuhin din mai ka tum chu ka thu thla leh thuai ka chawn thip lutuk vang chuan ka ner sawka ka mittui tlak loh nan van lam hawi vah in ka khap sak sak.




"Ruh tliak inei em ni"tia min lo be tu lam ka va hawi chuan a aw atangin minlo hmu hmasa ber tu kha ani tih ka hre thei.Tawng kaa chhang lo in ka lu ka thing ringawt,chupa bawk chuan "helai lai ah enge irawn tiha,kawng I bo em ni,helai hichu kan thianho leh lulian satliah ho bak hi kan kal ngai vak siloa"tiin min be emem pawh ni chiah lo hian aphun zui nang nang a.Kil khat atang hian mipa pakhat aw thum lam lek lek hian "min lo bihthla nihkha"ati hmuk.Maw anti rual deuh thup. Chupa bawk chuan "ramhuai amaw ka tia mahse ramhuai an lum awm kala hre ngailo" nuihzat hmel deuh hian ati leh supa.Ka van ngei reuhtak minlo hmu taktak nge hepa hi auang reuh le amah lah chu anui duh der siloa,rum ul hian min melh kar,in melh rum vanga puah pawp theih chu nise tunah hian ka taksa puak them vel hi aleng chiai chiai in nia ka rin ni.


"Ka lo en thla bawklo cheu ka kal kual mai mai" bah naka ka tih chuan chupa chu ka va melh zawka alo ner nasa mai."Hmeichhia ve si " tia aphun hlak ri ka hriat chuan ka ngei nghal emem ringawt."Mipa ve si tawngthei zet zawt" tiin ka hriat tham lekin ka phun zui ve nuah nuah.Zopara tia an koh pa chu rawn thu hniam in ka kekawr chu ahlim chho pawka ka phu zuk,ka chawn pilh hrup leh thi lo hnam tiam tiam ka hmuh rual chuan ana sawt in ka hria.Hriatchhuah zawk ka nei ka lumna lamah khan ka phone ka thlauh daih."A nasat lutuk lohhi aduk ve deuh cher chur dawn anihhi"tiin Zopara chuan ka chawn vung deuh ul chu a phone light in achhuna."Ka tha tlemte chauhin ana,kawng ka Bo taktaka insual leh tawhru" tiin ka thoa ka lumna lam bawk chu pan tumin ka in her.



Min enthla titu pa bawk khan nui hawk hian "Kan in sual zo vek tawh,zan reiah mi enthla tura I vak leh de de nihchuan ka hralh deih tawh angche"a rawn ti nghut,atir lama anui hmel kha chu atawng tawp lamah chuan in vo na aw ki in a thlak danglam, amah hi chu ka hlau lem lo hlauh aiin ngeina ka ngah zawk,a tawngdan mi hnuaichhiah zet leh a mit meng thip ràm avang te sawn kawngthlanga paih thlak deih ka chak phah.Ka hneh dawnlo tih ka chian em vangin ka in sum mai mai zawk ani.



Ngawi rengin ka chho hnak hnaka,ka phone ka zawng chho pah bawk.Thlang lampang ami te pawh chu an inthen darh ta niin ka hria an ri ahla tial tiala,ka phone pawh chu khawnge maw ka thlauh le.Lei si lo chauh chuan ka lumna ni ngeia ka hriatah chuan phone chu ka zawng pah renga,ka ti bo ang tih ka hlau ani,ka inhlawhna a ka lei ve ngei ania ka duhdan takin a cover ka chei rang vel bawk ka tibo anih veih zawngin ka nasa lo viau ang chu.



Aw thian kharh ri ka hriat chuan leh hawiin leia la thu sawp niai Chung Chuan ka hnungmaia ding chu ka melh chho haw a.Min lo chhuk en ve ràn bawk."Hei ita nih ka ring lawmthu chu sawi duhlo mai rawh"ngeiawm zeta tihleh rawn theh thlak aruala ka dawng hmanlo thelh.Ngei lutukin"Hmela rawn theh kher angai ami"ka ti chang bal,ka melh rûn bawk.Min chhang lo in a hmui apet sawi zeuha ka kal lohna lamah zawk chuan apeng phei hmawk hmawka.Ka thlauhna lai vel ka ngaihtuah pawn ka hre chhuak zo lo,kha pa kha a mit avan chak awm bik emem....thingkung phen atanga ka bihthlak lai pawh khan min lo hmu reng tawh ania amak ve ngawt mai.


Ka room ka lut chiah chu darthlalangah ka in en nghala,ka au chhuak lo chauh ka balh dan emem chu ka hmaiah te,samah te lei nawi a kai tih hriat takin an paw phuka ka sam pawr fir fep phei hi chuan ramhuai te pawh min an tir taktak ang,hei vang anih chiah hi kha mi te pawh khan min nuih leh suk suk thin ka ti reng ani.Aw thil tha reng reng hi ka chungah hian ava thleng lo tak ka hming hi thlak mai ila tha ang "Vanduaibikememte- i" tiin.




Chapter 1 chu tikhan a tawp rih anga a story hi ka vawikhat ziahna anih avangin thu ziak diklo tamtak a awm ka ringa khawngaiha adik lo lai te minlo hrilh zel Turin ka ngen cheu ani.


Show post links
Top

[Ngaia]

Ka in phelh sawk sawka inbual turin bathroom ka pan nghal,ka mut fel meuh chuan dar khat apel der tawh.Room ka chhuahsan khan a hma tawhlo reng ani,ka chawn vung deuh bur chuan mi tur et et reuh a mut anuam viau lo.







Ka alarm arîk rual chuan ka harh chhunzawm ve nghal mai a,class ka thlen chuan Tes-i pawh alo thu vàng tawha ka pan phei ve nghal mai, kan hnunga thu te nen chuan anlo inbe siam siam a."Daff hei puipuii leh tetei vawiin atang class anlo tan chiah a,kawm tur pawh anla nei lo kan team ah kalo la lut nghal mai aw"alo ti nghal bawrh bawrha,"chhunah canteen ah thil kan ei ho dawn nia kal hrang miah su"a tih chhunzawm nghal zat.An lo pawm khawp mai an ni pawn bff tiin an au chúl a.





Zirlai pawh mumal zawkin kan zir tan tawha assignment kan nei nual bawk dawn anih hmel.Canteen lam pan chuan kan thianho pali chu kan in zui det det a,a kil bera dawhkan chu kan kil bial laiha,eitur pawh kan in chhawp hnem thawkhat.Thil an ei tui hlawm sia keipawh nidang ai daih chuan ka ei tui zawk,thil ei paha kan titi bawrh lai hian tu emaw hian "Lalremruat"ring deuh taka atih ri kan hriat chuan kan hawi deuh thap,"Zopar min au vak zel suh ka beng achhet lo "tes in alo ti vat,"ka hnungah an lo kal kha thian ilo va nei hnem leh hman tawh ve"kan lama rawn phei pah chuan ati deuh lawng lawnga,zah pah vak anei lo anih hmel.









"I vah de de na lama I chhar khawm ami i thian te hi an hmel lahchu keu zèk a"Zopara'n atih chuan "kal maiteh an duh lo che" ei loh hmel zet in tes in alo ti let ve thung,midang zawng chu kan ngawi thapa.Chutah mipa rual tawng ri nuaih nuaihin kan awmna lam arawn hnaih zela an mahni, hnungchhawn zawnga thu ka nih vangin tumah chu an hmel ka hmulo.Ka eitur inchhawp pawh chu ka ei zo titih der mai."In va han bengchheng thei leng lûng tak,thawm dim ve deuh rawh u"vîn zet in Tes-i chuan alo ti khur khur.Engah mah ngailo tih hriat zetin an ri chhunzawm nak nak reng tho,athen chu kan sir thutthleng awl velah chuan an in hnawh sauh sauha kan thianho chu min lo fiam zauh zauh bawk.Mipa pakhatin hnai zeta min rawn bih thut chuan ka phu zawk phawk zetin ka en ve ta reng ringawt a.Chutah "Ka hmu tawh chiang che nizana lo lum kha ini chiang"min zir chiang ni awm taka min melh ngur chung chuan ati hluaia,ka hre chhuak zawk nizana min buaipui tu pa ber kha ani tih ka hria.Ka van hrechhuak tlai ve Zopara hming atang reng khan hre tawh tur ka ni sin le,nizan pawn athianten Zopara chu an koh lai ka hre tawh reng sia ava han zahthlak double tak.









"Ihhhh ..min hai aniang"aw lawi ràt chungin ka ti thei tawk.Zopara pawh chuan min en chian tum ni awm takin min rawn hnaih nghal ruaka,ka lo thle sawn deih.Mahse ka thle let leh rang na ngiang mai."Min bih thla" ti tupa ngei mai kha ka ding lam thuthlenga thu in nelawm loh fahran leh thil sual liantak ka ti ta mai nia min in ngaihtir theih tur khawpa mit meng thip in minlo melh ngur anih chu,minla enchiang emem leh nghala.







Zopara pawh chuan "Eheu ini"min ti teh tawp a,engmah pawh ka sawi ve tawhlo.Ka thiante lam ka en chuan hriat chian chak hmel deuh hian minlo melh thap."Nizanah kawng ka boa kan in hmu hlawl heng ho nen hian"nui lui deuh chung hian ka tia an vai chuan ka en kual thuak bawk.Nizan ai chuan an tlem fe a an helmet ka tauh sak pa te kha chu ka hmu tel ve hlawm lo,amak hranlo inhnial buaiin an lo insual anihkha.Ka lum thlak hnu khan an tawp ve mai bawka,an awmdan chu amak ka ti angreng in huat hmel deuhin an insuala awlsam deuh in an tawp veleh mai bawka.







"Zopara hi ka bestie ania ka taksa phel ang vel amah tawp hi, lian viau mahse ka thu zawk, Zopara tih pawh hi keima phuah ngat lerh chawl loa ania"nui pah uarh uarhin tes in ati mawlh mawlha,midang ho pawh an lo nui tet tet hlawm."Vakvel khatin I thian thar te bulah min sawi ve ziah suh movie thar ka neih pawh ka en tir ve dawn lo che"naupang chhia zet leh titau tih hriat deuh hian Zopar an alo ti let ve nghut nghut.An ri deuh lawng lawng renga ka lum chungchang tuman an sawi tawhloh vang chuan ka hahdam huai thei.






Nizana min buaipui tu pa kha Jacob alo nia,an thianho zingah chuan afel berin ka ring a hmel pawh angainat awm ber bawk.Jacob bawk chuan ka hming min zawta,"Daphne ka nia"tih zawngin ka chhang."I hmingpum nen min hrilh thei ngem" alo tihleh sap hnu chuan tha deuh chuan ka hrilh ve mai a," Lalrinhlui ka nia"ka ti leh."Hming nalh tak anih chu I chawn chu aduk ta em"alo tih chuan ka hre chhuak zawk nizan pawh khan min tur ut ut reng anihkha.






"Duk ve deuh tawh ang ka ring mahse na vaklo damdawi ka ei a"ka ti tha ve maia,ka dinglama thu pa chu tho thut in "kal ang u ninawm in rei hmeichhe bulah tàp hrut hrut reng hlawm mai,ka kalsan dawn cheu"a aw thum chhet chhut zia chua ngai thla tu tan chuan ava han thlum lo nasa tak.







"Tuaia,I Julieti nen khan kal vang vang ru I hneawm I boring ropui si boruak iheh bik bawk, hei boruak ka kham tha lo kal vat teh u"khuh der vel paha tes in atih chuan mak ti deuhin "tuaia a"kalo ti hman hmawh ,ka sawi ring ang reng sia ka inthiam lo leh hnuhnawh.Mahse pawi ti angin ka awm duh chuanglo,ka thutna lama rawn in siam rem sauh sauh in "ka tuai lo mi bih thlak ching nu"ram hmak in arawn ti!!



A ngaihna hrelo zet chuan ka melh hà ringawt,"lawmzual kal ang kawi na tur kan neih kha"ti puat in min rawn kal pel.Lawmzuala tia a koh pa pawh chuan azui chhuak ve nghal mai bawka.An rawn luh tirha thil rimtui deuh ka hriat kha ama rim lek kha maw lo ni a,tuna min rawn kal pelh rual khan arim ka hre leh chat amah ani chiang lutuk."kal ang u next class kan neih kha tih leh puipuii chu thawh kàn arual nghala.







Ei man te pe fel in class lam pan chuan kan in zui leh tham tham hlawma,kan ti ti phei pah bawrh bawrh bawk.Tetei chuan "tes tunge meng rum deuh pa kha,kha a kut velah pawh tattoo nei kha" atih chuan ka melh zawk,"Rinsangpuia anihkha,an thianho zingah chuan azia adang ber, bialnu aneive ngailo star tak ngial pawh ala neilo mi mak anihkha"ati ban charh charh.Tetei bawk chuan"taktak maw ka van awih chiah lo a sang sia achhelo sia an hausak hmel bawk khatiang te chuan aduh duh athing thei ang chu"ati leh zat a.




"Hmeichhia zawng zawng hi a phek en tawp tumah achîk ngailo,duh tu te chu anei ve teuhzel alawm mahse tuman an hnaih ngamlo niang,amahhi a in hawng lo ema"tiin alo sawi fiah veleh.Tetei bawk chuan"keichu sual hmel deuh hi ka duh chi,mahse a zei awm lo e"nui hak hak in atih chhunzawm zat.Class kan lak lai te chuan tes in Rinsangpuia mizia asawi vel kha ka ngaihtuah neuh neuha,tet te atanga inkawm an nih chuan ahriat chian ka ring si mahse awih harsa ka ti,lerh hmel deuhin ka hmu ani mahna.





Zan lamah chuan assignment ti in mahni in ka buai ve hle a,dar 10 velah chuan ka ti zo ve thei hram.Ka mu fel chiah tihin ka phone alo ri a ,ka en chuan ka number hriat ngai anilo tunge aw niang ti pah chuan ka pick up nghala.Mipa aw hian "Hello Daphne phone ani em aw,Jacob ka nia min hria em aw"arawn ti a,"aw ni e ihh engtin"ka tih mek lai chuan min rawn pawt chat in"tes in min pe,I number ka neihdan ihriat duh chuan"ati nghal zat."Eee awww anihchu enge ni ta?"ka ti ve maia,"Ka be duh lawk mai mai che I buai em?"atih chuan ka buai loh thu in ka chhang ve mai bawka.Thu ho tete sawiin rei vaklo chu kan in be ve,"naktukah college ah kan in hmu dawnnia nih phawt muttui"tiin adah nghal mai bawka,keipawh ka muhil chhunzawm ve nghal mai bawk.






Classroom ka thleng tep tihin ka assignment ka theihghilh tih ka hre chhuak a ka let leh nghal vat,vawiinah thehluh ngei ngei angaih vangin ka hmanhmawh hle.Ka tlan phei hlawk hlawk lai chuan motor insu bur ri ka hria a,ka leh hawi vat bike insu hi an lo awma ,bike neitu pakhat zawk chu leiah alo let hlawm renga.Ka pan phei ve thuai leia tlu ngat pa zawk chu Rinsangpuia'n a chhir zawt ka va hmuh chuan ka ding chawt.



"Thih I duh mi"vin zet in a ti chhur chhur a,a in hum ruh nasa ngang bawk.Leia tlu thal reng pa pawh chu che tuah tuah in alo tho chhuaka "I thiamloh zawk anih pawr hlek suh"tih pahin a hnek phei ve buan buan a.Rei anilo chu pa chu athal leh tawp,thut chilha a hnek leh chawrh chawrh ka hmuh chuan ka in sum zo ta thlawt lo.Pan phei in aban bulah ka va pawta, min vai per lawp!! ka lo in ring lutuk bawk silo nen ka tlu lo chauh.A khawih zel anih chuan a sawisa hlum mai dawn in ka hria,khur ru dar dar chung chuan"Rinsangpui I that mai ang duh tawk rawh" ka ti tuarh.Ka thu sawi ngaihsak miahlo chuan ala khawih zawm mawlh mawlha,ka dawhtheihna in atlin tawhlo.






Ka chet dan chuan ati hamhaih ani chèk ang chu ,a àwm bawra nam paha bawh phei ka ni bawka, a ni inring lo lutuk bawk nen leiah a zangthal zawngin amu hnawk,ka in rin bik loh vang chuan achungah tak ka bawk thla ve thlawp.Rei lo te chu che lo in kan awm ngai chuan kan awm,reilo te taktak ani inthing harhin ka let thla tawp.Ka ding zui thuaia ka en zui tawhlo,a lung phu dup dup ri kha ka hre thei ka mur chuaihin ka hria.Lu thing nawk nawk in a hnek hrep pa lam chu ka pan pheia mipa pathum vel hian an lo buaipui tawha a hnar a thi nasa in a kam sir apilh nuaih bawk.Na dang pawh anei teuhin ka ring,pakhat chuan pua in an kal pui ta a kan chhehvela min thlir thap tu te pawh chu an kal darh nghal sap sap.







Engtik laiin nge ka hnungah alo din hman ka hrelo.Aw thum chhel chhul hian"i buaina niloa inrawlh hi bansan la ka hmuphakah rawn in lan tawhsuh khapa anga awm ve kha I duh loh chuan"ram hmak in arawn tia amah en tuma ka in her chuan a bike tlu reng lam pan chuan akal nghal nul nul.Enzui tawh bik lo chuan ka tih tur hre chhuak zawkin ka kal zui vat.Kan misuala te insual vang vek Miss Muantei alo lut hmana,class a luh arem ti tawhlo khapa vang vek khan assignment pawh ka submit ve thei dawn lo nihhi.Classroom pawna ding chung chuan ka ke per at at reng.








Miss Muantei alo chhuah rual chuan ka tlan lut vat,ka thiante bul ka pan phei nghala thil awmzia minlo zawt nghal."I van rei emem,khawnge I kal"tihpahin min en thap,"ihhh bike an lo insu a....ka en"ka ti ban charh.Min zawt thui lo se ka tih vangin thil dang sawi ka tuma,"tu te nge ihria em an na em?"an lo ti leh hram.."Na ve tho ang,pakhat kha chu ka hreloa chuan...pakhat kha chu Rinsangpuia"ka ti leh sap."Maw,Julieti chu atha em?athinrim em"rang fahran in tes in min zawt vat.



"Tunge Julieti chu??"ka lo ti heu."Tuaia bike maw,Julieti lawm anih,vawi khat mah ala tluk pui lo asin le athinrim viau dawn nihchu aduat lutuk."





A hnek hrep ka ti zawi sap a,min en leh thap tawh,"ka van hmu ve chak ee"tetei chuan alo ti chul a."Ana ve em " ati zawm zat,"na lo athat lo chauh zawk anih kha,a thinchhe ropuisi ner nawng chungin ka tih zawm ve zat.






Building pawnah chuan Rinsangpuia te thianho chu an bike ah an lo thu far a,Jacob an min lo vai lauh lauh ka hmuh chuan ka pan phei thuaia."Class ila nei em?",Nei tawhlo vawiin chu last period ka neiloa tinge?."Thatchu kan ride dawn a,lo kal ve la I peih em?"atih chuan "ka thiante nen hian bazar chhuah kan lo tuma"tih pahin ka thiante lam ka va ena,an lo phei ve mek.Jacob chuan "tesi ngei ngei tlang lamah kan leng dawn,in thianho hian lo kal ve ula"mit ko san ak ak chungin ati a."Eitur min lei dawn chuan ka peih"alo tive mai bawk,puipuii leh tetei pawn an hman thu an lo sawi ve vata.Ka thiante zawng zawng kal an tum laia lo hnial bik kha nuam ka ti chiah bik siloa ka aw ve ta mai.






Lawmzual an puipuii aphura,tesi leh Zopara,Tetei chuan Rinsangpuia apan chat,mahse a bike bul athlen hma in atlan chhuak theih.Tetei zak tih hriat deuha lo let chu nunpui an alo koa a bike hnungah athu kai ve vat.An tlan chhuak sap sap a, atawp berah Jacoba bike ah chuan bet lo deuhin ka lawn kai ve,"min lo chelh rawh" atih chuan nuam ka ti chiahlo.A tlan chhuat thuta ka eu dawrh, ka tla lo chauh ading leh data ka lam rawn hawiin anui suk suk"sorry min lo chelh tawh rawh le"ati zui sup.Tlak ka duh miau loh vangin a jacket ah chuan ka pawt tunga atlan chhuak ve nghal mai.






Khawpui tlan pel in kan tlan zela kan in zui diah diah mai.Rei tawk tak kan tlan hnu chuan kawngpui atanga kawng peng chhak lamah chuan kan tlan chho zela,a zàwl lai kan thlen chuan midang ho pawh an lo thleng vek tawh a.Ka tum tla tharh a ka thiante lam ka pan phei nghal.An ri chel chul a,ahmun anuam in thli athaw heuh heuha,kan piah lam deuh ah chuan nula tlangval leng pawh an awm ve nual.








A chhip zawlah chuan thu in kan eitur lei te chu tes in a mix mawlh mawlh a,kan titi ve nasa.Apiah bera thu ka va en chuan ahma lam tlangdung chu melh vang vangin boruak ahip hrawk hrawka,enge maw tak vei nei a ang."Bawiha kan ti dawn em"tiin lawmzual an rinsangpuia chu ava bia a,hre awm pawn a awm lo ahma zawn ngawt chu athlir renga, ngun deuha thil ngaihtuah a ang."Bawiha"tihpahin lawmzuala bawk chuan adar ah Ava sawi det deta a en ve ta hram rei amelh lo ka lam alo hawi zawka rang deuhin van lam ka melh deih.







Enge maw ka hriata ka ngaihven riau chu le,ka duh mi?nui hawkin awihawm loh lutuk sawtiang... "min bia mi"puipuii atih chuan ka hrechhuak zawk.Ka ngaihtuahna kalo sawi chhuak leh hman tawh..."be lo e ...ihhh engmah nilo thil ka ngaihtuaha, anuam tiraw a hmun hi"ka ti deih."Nia nuam tawp khaw thlir rem bawksi kal fo chakawm"alo ti ve var a.






Mipa ho chuan "tah lo awm ru saw tah sawn amawii kan va kawm lawk"tiin an liam phei duaka."An spot ania helai vel hi an reilo ang"tes in alo ti ve vata.






An in sawi ang takin an rei vaklo,an lo let hnu chuan haw tum in kan in tin tuah tan a,a then chu an tlan chhuak tawh Jacoba bike hun na ka thlen phei chuan a phone a ri ve chiaha,"Aw nu maw ka pa maw khawi hospital ah nge?aw kalo kal" ti zung zungin phone adaha.Ka lam alo hawi chuan a hlauthawng tih ka hre thei a hawi kual ruaia,"Bawiha,ka pa luhai in atlu thut hospital ah an kalpuia Daphne hi ka thlah hman ka ring tawhlo ka nu mangang sia lo thlah lawk mai ta che"ati zung zunga.Ka lo hlauthawng ve vek, ka tawng ve hma in "kal rawh ka thlah zawhah kalo tlang ve nghal ang"rinsangpuia chuan ati ve vata.Jacoba hmel atang chuan chelh chi anilo tih ahriat theih,hmanhmawh takin atlan chhuak nghala.Midang zawng an kal tawh vangin ke a haw ka duh anih ngawt loh chuan hepa hi ka zui ngei chu angai sia ka va hreh tak."Nangmahin I haw dawn nge ka thlah dawn che?ding reng lo khan lo kal ta che" chang deuhin ati ram leh hmak tawh.Min biak laia hmel rum deuh leh tawngkam bul tak te ram hmek hmuk ahman ang hian midang a biak awm ka hre ngai miahlo,ka ngainatloh ang bawk hian min ngaina biklo ani chèk ang chu."Amak ka bia che,ka kalsan daih mai tur che sin rawn tlan rawh"ati leh lawng lawnga,rang deuhin ka pan phei ve thuai.







"Lawn rawh"a bul ka thlen rual chuan ati charh a,a bike a ka chuang tur chu ui hmel deuh in a bike chu amelh vang vang.A hnung thutna chu asang si,mawng ti poh turha thutna ang kha ania ka va hreh zual tak.Tim dai hian ka lawn kanga,rem leh remlo in hnunglamah ka in vuan tung.Ka in rin hma in atlan chhuak thut ka in vuan nghet hman silo ka tla let tawp.


Show post links
Top

[Ngaia]

Mawngsawh dawm in ka tla...phit chhuak thut phei chu nise ka na viau ang mawle.Kawr bantlawn ka ha lo kher bawk nen ka kiu apilh nuaiha athi tiam tiam bawk."I tha em?na inei em?"min ngaihtuah hmel deuh hian a rawn ti teh miala.







"Ka kiu hi ana, a thi"tiin ka ban ka lekchhuak a ka hmuh tir.Nui sukin"I thu zeilo em anihkha damdawi hnawih tur kan lei phei dawn nia"aw dam thlup hian ati leh,ka hre sual emaw tiin ka thlek nawn leh.Zawhna mitmenga min melh tak rengah chuan bah nakin"aw nia ngai chuanglo"ka ti nawk nawk.








"Lo kal rawh le" tiin a ban a rawn phar chhuaka,ka lo vuan ve chat."Min hnaihah thu tawh ang che"bung zetin ati leh lawi a,bu nghut nghut in ka zui phei ve mai bawka."Lawn rawh le,min chelh nghet la"atih chuan adarah vuanin ka thu leh vang tawh,hnunglama in vuan tawh lo in a leather jacket chu ka tham khawma,ka vuan nghet hle tawh.







A tlanchhuak mai dawn emaw ka tih laiin "ka vun i sik tel ana lutuk"thei leh thei loa rawn leh hawiin arawn ti tawk tawk,rang deuha thlahin ngaihdam ka dil mawlh mawlh."I cher teh lul nen thahrui i ngah zèk ani maw?"min zawt pawh ni chiahlo hian ati supa,hma lam ahawi leh chuan ka thaw huai.Rawn hawi let leh vut in"min lo kuah mai rawh, kawngtluana min sih chuan ana awm emai"ati leh nghut."Aaa achi dawn mi"inthlahrung deuha ka ti chiahchu "kea i haw duh loh chuan ka sawi ang chuan ti mai teh"ti vut in a helmet a khum mawlh mawlha bike chu ati nung leh.







Tlak ka duh bik tawh miau loh vangin a kawngah chuan ka kuah ta rún mai.Ka tang tunga inthlahdul chu harsa tak ani,ka hah vek tawh ka mal te chu a kham ut ut tawha thlen vat vat ani ka chak tawh.







College campus pawnah chuan ading data ka chhuk zui thuai, "min thlaha ka lawm e"ti in ka kalsan nghal nal nal.Kal pangngaia kal harsa khawpin ka sil hman,khua pawh atlai ruih tawh a hostel ah chuan zanriah ei ahun tan der tawh.








Ka intih fel meuh chuan sana alo kal leh duaih tawh,mut hma in ka chhungte phone in ka bia a,ka nu nen in bia in kan titi deuh luam.Nu te nena in biak hi chuan sawi tur atam riau zel,min ngaih thu asawi foa keipawn min ngaih tluk zet hian ka ngai ve in ka ring.







Nu leh pa uapna hnuaiah ka awm lo rei tawh a thlakhlelh chang ka ngah thin, damloh phei chuan mahni in ngaih ana a,nu te ngaih azual thin hle anih kha.Rei tawk fang kan in biak hnu chuan kan titawp ve thei hram,mutna siam in ka in thawlh nghal vata.Kan thianho group ah ka luh chuan an lo ti ti nasa maia,Jacoba pa chu alo stroke ani awm a tunah ICU ah a awm mek bawk."Mipa ho in an menpui dawn a naktuk chu class banah kal ve ang u"tes in atih chuan kan pawm tlang hle.








Hmeichhia ka nih naah ka thian kawm thar te chu ka nelin an bula awm nuam ka ti a,rei tak inhre sa tawh ang mai in ka kawm thei.Mipa lam ve thung hi chu ka nel ve vak hlawm lo,mahse ka thian te tan thian an nihna angin tawiawm ve zel chu ka duh dan ani.







Class banah chuan taxi la in hospital lam chu kan pan nal nal a,kan thlen phei chuan an chhungte ni awm tak hi an lo awm laih laiha.Rinsangpuia leh lawmzuala te chu kil khatah thu in phone an lo sik neuh neuh a ,midang ka hmu tel lo; thutna awl ah chuan kan in hnawh phei ve nghala."lawmzual khawnge midang an haw tawh mi?"kan thut phei rual in tes in azawt thuai a."Kan haw zawka kan kal leh tawh anih hi,thil ei turin an chhuak lawk anihkha an rei tawh lo ang"a tive maia.








Tumah pawh tawng emem lo chuan kan thu thap a,chanchin thar emem a awm lo bawk.Kan kal chhan ber damlo ICU ah a awm daih vangin tih vak tur a awm lo hle.Nunpuia'n "chhuak harh lawk ang u,in mawng a kham ve tawh tho ang"atih chuan kan hnial lo tlang a niang chu kan in zui chhuak dam dam a.









Hospital piah deuha thutna an siamah chuan kan thu khawm laiha,mipa ho chuan meizial te zu in an tawng leh zauh zauh thin."Pu Siamtea chu enge maw achanchin nizel dawn le,akal maiang tih pawh ahlauhawm hle mai"Nunpuia'n ati charh charh a,lu buk khum zeuh zeuh in "ni ngawt mai Jacoba leh Anu hi an lainatawm,apa a awm loh chuan an mal dawn emai"Zopar an alo tive charh charh bawk.








"Unau anei miahlo maw"ka tih chuan "neilo fapa mal ania"tes in alo ti vat a,"unau neihloh chu avan hreawm dawn ve,tun ang hunah phei chuan a hreawmna te tawmpui tu tur anei dawn miahlo tihna nia"puipuii'n atih chuan ka ngaihtuahna kal thui khawp mai.Unaute hi chu in bakkaih chang te hi tam ve thin mahse rinchhan turin kan tan an awm reng thina an hlutna hi kanlo hmu thiam lo fo anih dawn hi.








Tih theih emem kan neih loh vang chuan haw san mai kan rilruk a,kan kal tur chu Jacoba chuan minlo thlahin "in fel hle mai inlo kal a, tluang deuhin in haw dawnnia" ngui ruai hian ati a.A mitmeng atangin achau viau tih ahriat a,a rilru ahah hmel hle bawk.







"Lo dam thuai thuai rawh se,theihtawp in kanlo tawngtai pui zel ang che u"tiin ka chhang ve a,nui lui sak hian a ban minlo vai a keini pawh kan liam ve nghal.Kan haw kawng a in an tak lo ah chuan inthen darhin;keipawh kan college awmna veng bus stand lam pan chuan ka kal hnak hnak a.









Ka phone ri vang chuan ka harh zawka ka en chuan ka number neihsa anilo,harh chiang mang lo chuan ka la ta hram a."Umm....tunge aw"ham bui bui chungin ka ti zat a,"Sangpuia,Jacoba pa achatthla chiaha chanchin ka lo hrilh che nih chu lokal kher pawh ngailo tunah chuan naktukah ilo kal ve dawn nia,mu leh tawh rawh"atih mawlh mawlh chuan ka tho kang awka ,ka hamhaih deuh kan kalsan lai pawh khan ti emem a han ngaihtuah awm ani khan a lang siloa,ngati teh thut nge le.







"I la awm em?"atih ri ka hriat chuan "um midangin an hre ve tawh em ka tih chuan "teresa-i awm ve midang chu zingah hrilh mai rawh ,keini chu kanla haw lo"atih zawm zat a,rei in be tawh lo in kan dah zui mai.Tesi nilo a amah zawkin chanchin minlo hrilh chu mak ka ti angreng.







Pawi ka ti in ka tuarpui tak zet,thihna hi chu atawp chiang em ani,kan hmangaih leh thlakhlelh ngawih ngawih te dam chhung atan kan hmu tawh ngai dawn lo ania.Chhungkuaah thihna kan la tawh lo vang hian ka hriat thiam pui zo in ka ring loa,mahse ana hle dawn tih chu ka chiang.








Ka mu hil thei meuh tawh lo ka let seka,ka mutna ah ka na thum tawh zawk.A vuina a kal ngei ka duh vang chuan mut hilh luih ka tuma engtik laiin ka lo muthilh hman ka hrelo ka harh leh chuan ka room tuhverha ni eng lo lut chuan minlo chhun vang tawha,in beng kang thuaiin phone ka ban nghala dar8 alo pel der tawh.








Thiante nen chanchin inhrilhin class thulh chu kan tum veka in nghah khawmna tur rel fel in keipawh ka insiam chhunzawm nghal.






An in kan thlen chuan mi an lo tam tawh khawp mai,kan thianho chuan kan in zui lut a.Zopar an min lo hui zeuhin an lam kan pan phei ve nghal,"in van hma ve,in fel hle mai"lawmzual an atih chuan "kan tih theih tawk anihhi fel vang pawh anilo,nangni phei chu in awmpui deuh chawt sia in chau tawh ngawt ang"puipui in alo ti siam siama.Puipuii hi mize nû hnap kan tih ang kha anei reuh a,a duhawm in a tawng tam lutuk lo bawk."Khawnge nunpuia hi"hawi kual ruai in Tetei chuan a zawng a,"Bawiha nen khan thutna vel rem fel turin an tir anihkha,an lo let ve tep ang,lo let se aruang pawh in va hmu ve dawn nia"Lawmzuala chuan ati zung zunga.An landan ah an chau tih ahriata an thianpa chu an tawrhpui takzet tih ahriat bawk.









Jacoba hmel mawlh kha hmuh ahreawm in hnuk ati ulh lo thei lo,hmeichhe ho chu kan in hru zauh zauh a.Vuina hun pawh hmanzawh ani a thlan thlengin kan thlah ve a,kan let leh chuan kan thianpa chu hruai harh angai nia hria in kan chhuahpui a.Kar hmasa lama kan len na hmunah khan kalpui in phul ah chuan kan thu thapa,a tawng ring ber leh fiamthu duh ber Zopar an athianpa ngui nghiai reng chu tih hlim tumin keini ho chu min kap vela fiamthu eng engemaw sawiin kan nui ho ve dar dar,zinglam ai ngawt chuan ani pawh azia deuhin a lang.Tawi te te in anui ve suk suka,a bulah thu in ka thiam tawkin ka hnem ve.







Eitur kan ken te chu eitur tumin ka pe a,a riltam loh thu ngawt in min chhang.I ei loh chuan ka kawm tawh lo ang che tum burin ka ti hmaka,"khawi anih tlem ka lo ei ang,ka ril atam lo taktaka"ati supa."Riltam loh pawn taksa in amamawh vangin tlem tal ei zel tur"ti in ka hawn sak mawlh mawlha,a khi ve suk mai.








A ei ve mial miala,a ei chak fahran lo tihchu a ei danah ka hre tho mahse thil ei lo in a awm rei tawh tih ka hria a, rei lo te chhungin ataksa pawh atla kuarh hman."I theih chen chen ei rawh aw" ti in tui ka pe bawka.Kan thian te chuan"in lo inhmeh ber anihhi khawi maw thla kalo lak sak teng cheu"tiin an che suau a,"in over anihchu"ka ti vin hlak.Ka inthiam leh chiah lo chu alam ka va hawia ,alo nui suksuk ringawt.








Ka hmazawna thu pa lam ka va en chuan ngun zet hian minlo melh kar a,ka hawi sawn rang viau.Rinsangpuia min melh dan kha ka hrethiamlo reng reng,a mitmeng kha ka chhiar thiamlo.Lawmlohna lian tak nei in ka hre deuha,mahse ka ngaihtuah ngial pawn a chhan tur awm ang ka hrelo.







Rei tak awm tawhlo in haw turin kan in buatsaiha,"ka sinus hi azual dawn tlat,thli thaw ah ka awm rei lutuka motor i rui thin tho tiraw Daff Sangpuia bike ah chuang mai la"chhan pawh chhan hman lohin Tes-i chu Nunpuia carah chuan a thu lut thak.







Rinsangpuia lam ka va hawi chuan minlo melh leh run tawh,hreh deuh tak chuan ka pan phei chhat chhat a,car lam chu kawkin"a dam vakloa"ka ti zawi sap."Lo lawn rawh"hmalam melh rûn in ati nghut a,ka lawn kai ve nghal mai.








Hepa phurha chuan fo hi ka duhlo asinle,a bula ka awm hi chuan ka hahdam thei ngailo boruak hi a uap churha ka tang tung zel bawksi ahrehawm."Minlo kuah rawh"dam deuh hian ati sapa hmalam ala melh reng.








"Sil vek khawpa chuan I duh tawh loh chuan inthlahdul tawh angche,hlau suh ka seh lo ang che"nuihza aw deuh hian ati a.A taksa che dat ah chuan a nui tih ka hre thei.





"Ih...eng..engtin nge"ka tih chuan "hahdam deuh khan awm tawp rawh"tiin a taksa chu a chet leh dat a,keimah te in ka zak chem chem."Ka star miahlo che nia aw"ka ti hlut a ,ka duh angah angai ang tih ka hlau ani.Mahse ka sawi zawh rual rual in ka inchhir nghal."Min star ka ti che mi"bung zet in ati nghuta,chhan pawh ka chhang tawhlo.







Jacoba te in ah chuan zan lam thlengin kan awm ve a,thalai rual an haw hnu chuan haw turin kan in zui chhuak diah diah a."Ka thlah kual mai dawn cheu mi keiman"nunpui an alo ti var a,kan hnial hranlo."Hostel a let tur ani sia Daff-i thlah hmasa ber ila"haw dan tur vel ruahmanna siamin puipuii chuan a sawi zung zung a,"in ti tha hle mai vawiin chu kan thianpa pawh nangmah ni vangin a hmel te pawh hmuh anuam huai alawm, mipa hlang hi chuan in tih hlim hi ahar ve a"aw zangkhai tak hian ati a,kan lo bu ve nghut nghut.









Class kan tan tirh atang in Tes-i nen hian kan in zui chawt ani ber a,keini aiin puipuii leh tetei ten class an tan tlai vangin ahnuah kan pali hian kan in khawm ta a;thian dang emem kawm lo in kan inzui kual reng hlawma.Jacoba te thianho hi chu ka hre kim chiah lo na in Nunpuia,Zopara,Lawmzuala leh Rinsangpuia te nen hian an in zui tam berin ka hria.








Tes-i sawi dan chuan veng khata awm te leh veng in hnaih te te a awm an ni àwma,tette atanga school kal ho leh in kawm ho reng an ni awm e."Kan thianho hi ahma chuan kan tam thei lutuk mahse phai lama zirna zawm te hi an awm nuala,hmeichhia pawhhi keimah chiah ka ni ngailo hmun dangah min awm bo san veka,tunah hi chuan kan in kawm tam lutuk tawhlo zawk anihhi,ka zui peih vak tawhlo thina buaina an ngah an reng thina chumai bakah keimah chiah hmeichhia ka awm tawh sia,class tan ni khan kawm tur ka duh lutuka tumah khan min be bawk siloa hreawm ka ti hman lutuk a.Inthlahrun hmel tawka ilo luh khan ka khawngaih veleh chhawng chea kalo ko che nihkha "tiin min hrilh tawh.




Kan thiannu thian kawmngeih tak te an nih vangin keini pawn an thil tihna leh kalna a zui ve zeuh zeuh chang kan neih phah ta nuala,an bula awm ahreawm hranloh.Mize in ang lo emem ni hlawm si hian an in kawmngeih hmel in an in tan emem bawk a.






Zopara hi chu a tawng lung lung zel a,Nunpuia ngawichawi deuh ani leh lawi sia.Lawmzuala leh Rinsangpuia ve thung hi chu thin bu tut nei,tawng mai mai lo leh an ngaihdan apelh chin a bengdaih rual loha che phut duh tur awm ang mizia an neiin ka hria.Jacob hi ka ngaina bera a bula awm anuamin ahahdam thlak thin,a hlimthei emem bawk thin.Ni e ahlim thei thin apa in akalsan hma kha chuan,khatiang khan hlim leh theise ka ti takzet.








Ka thiante tlan liam tur chu Gate atang ban vai lawm lawm in ka thlaha,an liam hnu chuan Hostel lam ka pan leh hnak hnak.Chhungte hmuak tu tur neih veloh hi ahreawm thin engkim mahnia ngaihtuah angaia nu leh pa dinhmun hi akhirh viau in ka hria.








Nitin thil danglam emem thleng lo in kal dan ngaiin engkim akala,hriat loh karin exam alo hnai leh ta,karkhat chiah a awm tawha ka huphurh emem lo nangin zir tur chu ala tam ve angreng khawp mai.Ka thiante inah weekend hman ka nei zeuh zeuha chupawh Assignment tih ho kan duh vangin,nuam kan ti tlang viau thin.Kan ri ve dar dar renga thil ho deuh deuh sawi in rei taktak thleng kan titi thin a,ka khawhar an hnem thin hle.






"I hman chuan min chhuahpui lawk la"titu lam ka va hawi chuan Jacob alo nia,ka nuih var var.






"Ka nu piancham ania leisak tur ka hre mai siloa min kalpui hman chuan"inthlahrun hmel deuh hian ati leha,keipawn "ka hman alawm enge aduh zawng chu ka hre chuanglo nangin ka enpui dawn che nia"ka ti vat a,alo bu nghut"kan kal nghal mai dawn mi,taka tlaiah chaw ei nghal rawh aw Gate khar hma in ka thlah ang che"atih chhunzawm zata anui sang bawk.








"A chi loh ang,a....a zahthlak emai chaw em chu kalo ei lo mai ang"tiin ka hnial ve tang tang."Lo kal phawt la"atih tak chuan ka zui ve mai.






"Bawiha ilo kawi ve dawn lo mi?"Keimah zawk min lo thlek zeuhin Jacob zawk chu a be deih ang lawi a."Ka nu piancham anisia kalo kawi ve lo mai ang,hei Daphne hian min lei pui dawna thil pek tur"ati nghal zung zunga.





"A thlang thiam ve dawn mi?"tham lo zet a atih chuan ka melh rum nasa mai."Nge ka thlan thiamloh ngawt anga,nang ai nalh te chu ka hre fe zawk ang Tuaia"bak hlar hian ka tih khum ve sak.Rinsangpuia ve hi chu achang leh min huat hmel tawkin a awma,min ngaihtuah ve taktak ni awm ten ka hre leha, mahse he a mize ngeiawm leh chimawm zet hian min ti thinur leh ziah.








"Kha tin min ko ve ziah suh"nui suk suk in ati a,a kekawr inpe zen lut thàn in a heh aliak zauh zauh.





"Bawiha innu hi veng tha teh alerh hmel riau"nui tawi takin Jacob en chung chuan ati hmuk. A bike hun rem mawlh mawlh pahin ani lah chuan"ka veng reng alawm hei"fiamthu tih hriat deuh si hian alo tive leh a.Nge maw "innu" atihkher Jacob nen kan in ngaizawng miah siloa,a fiamthu ve dan te hia ka nuih pawh aza lo.









"Tlai chu aw lo ei vek ang che u,ka ring dawn cheu nia ka nu pawn inlo kal loh ahlau teh ania"ati leh zung zunga.Jacoba chuan zai zir in abula kal Turin min lo hrilha ka pan phei ve nghal mai.







"Ka lo kal ve chuan nuam ti lo an awm palh ang nuam deuhin lo hmang ru"in her pah chuan ati puat a.A hmelah chuan eng rilru nge aput hriat tumin Chik deuhin ka lo en vat,mahse ka chhiar thiamlo.








Chuan athusawi awmzia kha ka hrelo kha thu asawi khan min lo melh a,keimah min sawi chhan anih chuan a bula awm nuam ka tilo tih ahria tihna nge nianga thil dang vang zawk ni ang le.









"Hei hi kan ti mai dawnmi arawng pawhhi amawi a hmuh ahahdam bawk"tiin kawr simple ve deuh in cheina awm ve tho si hi ka lek va va a ,ani pawh a lungngawi hmel khawp mai."Nia ka rinai I thlang uluk a ka ke kham tawh,kha kha tha mai pack tir ang"tiin alo ban a ka pe ve nghal mai bawk.








Ani tak reng a kan kal kual nasa in dawr hrang hrangah kan lut hnema a duhzawng ka hriat loh mai bakah ka mit la tak ka hmuh fuhloh vangin ka hruai kual hrep a,mipa ani bawka aning viauin ka ring.





hope

An ina zanriah ei chu hnial nasa viau mah ila"ka nu in nuam ati lo ang ilo kal loh chuan Tes-i te chhungkaw thil tih an nei nen alo kal thei bawk silo"atih tlat vang chuan hreh deuh chungin ka zui.





Kan thlen chuan minlo lawm thiam khawp mai,ka kal ve avanga alawm zia min hrilh mawlh mawlha nuamlo ka ti letling zawk.Choka lamah inzui lutin arawng bawl chu ka pui ve sawk sawk a ,"mahni chauh chuan ka buai ve thei lutuk a,mampuia pa a awm tawh bawk silo. Ani lahhi inah a awm tam thin siloa,fanu neih ve hi ka chak zual asin aw"ati vang vanga ka lainat takzet."Vawiin chu keiman ka pui vek ang che i piancham ah leh nghal I che vaka khawi hei chu keiman" tiin thlairah bai tur a chan mek chu laksak in ka tih zawm mawlh mawlha.




"Mampuia sawi ang takin nula fel tak inihhi,thian fel tak kawm sela ka ti thin lutuk a hei I awma a ngaihthat thlak e,lo in kawm ziah ru aw"nui var var a min en chung hian atia."Amahhi lawm fel chu kawm anuam lutuk"tiin ka chhang ve thuai,ka ngaihdan diktak ani bawk.





Rei vakloah rawngbawl pawh kan zo a,kan chetna hnuhma ka tih fel leh zung zung hnu chuan living room lam ka pan phei a,kailawna an thianho rawn in zui thla dam dam chu en in "khawnge in kal dawn?"tiin ka lo zawt vat.




"Kan chhuak lawk dawn kan rei lo ang,ka nu lo awmpui rawh aw"ti puatin an in zui chhuaka.




Rei vaklo hnuah chuan an lo let ve mai bawka,"khawnge in kal?"tiin kalo zawt thuai a."Hei ka thiante hian cake an lo order saka kan va lam lawk,kan surprise dawn nia khawnge amahhi"tiin inchhung chu a en kual thuak."Kan in bual lawk ange atia "ka tih chuan "thatchu ahmuhloh tur ah kan dah fel lawk ange ka room ah lo han chho ve rawh"ti zui zat in choka lam apan.





Inchung ka chhoh chuan a room chhunga athiante tawng nak nak ri chu ka hria,lut mai lo chuan room piah deuha bathlar lam chu ka pan a.





Hla deuh taka tlang awm ruah lam chu thlir in rinsangpui an meizial alo zu khu hlat hlat a,va pawh mai lo chuan thutna tura an siam pi pu ang takah chuan thu in ka phone phawrh chhuak in ka en a.Whatsapp status vel en in ka bih vang vang lai chuan"min enthla ve ziahsuh"hnai set sawt a min en hian arawn ti thut a ka Phu dawrh,ka phone hum lai pawh chu ka thlauh ri bawl mai.








"Mawl chawl lo pa,min tih phut vak kher angaimi!??ka enthla ngai awkawngka lo che"bak hlar a tiin ka ding hluai.






"Min enthla ngai awkawngka"ka tihdan ki chiah hian ngeiawm zeta nui in ati ve leh,melh chho haw hian"min cho mi??"kan ti ngawt a.






A nui chhuak hawk,"inches 3 tala I than belh hunah sawi leh zawk rawh"nui put put hian minlo ti let deih.






"Ka ngei che"ka tih leh chuan "ka hria lawm"awlsam zeta tiin a in her a inchhungah alut hmak.


Show post links
Top

[Ngaia]

Zanriah kan ei lai chuan Nu Mali a titi siam siam a,a tawng duhin abula awm anuam tak zet."Ka nu Mal bai hi ava tui ve"hawp hruih hruih chung hian Zopara'n ati lawng lawng a."Bawihi siam anihkha a siam tui khawp mai,keiai mahin athiam zawk"Nu Mal in a ti ve leh.Min melh zawkin"nupui chi"Zopara'n ati leh sup.









"I thianpa nupui ah kan neih sak mai dawn em ni?"fiamthu deuh tak hian ati ve leh a,"tui pawh ka tivelo athak emai nei lo mai rawh Bawiha"Rinsangpuia'n alo ti vei hmak anihchu.









Ka zahna tur hi min thlen tam tawh lutuk kan misuala hian,"tui itih loh te chuan ei lo la nimai"rum zeta melh in ka ti kha kha a."Chawhmeh tui lo deuh hmeh hian in diet a awl"awlsam zet hian ati leh vei hmaka,a nui duh der lo leh nghal a;ka van ngei mai mai tak.









Ka rinai ka ei tui ka puar mah mah lam tep ani."In khel lawk ang u' tiin mipa ho chu inchung lamah an in zui chho a,nu Mali nen seng fel in thleng ka sil.Thleng ka tleuh mek laiin ka bengbulah"chawhmeh siam thak thiam nu"tia rawn phun ser ser vang chuan ka phu zawk.








"Mawla!! thawm te rawn nei ve hmasa phawt ta che,lungphu tha lo nei ila chu ka thi deih tawh ang"rum zet in melh khui khui in ka ti.




"I neilo niang hei i la dam"ka hmai zawn chet a rawn kûn hniam nui suk pah hian arawn ti leh a,ka in sum hmanlo chuan a ke ka rah sak chawrh.









"Ana.......miahlo"a ke khai kang zawk zawk hian nui pah rengin ala ti cheu a ,ka huat tawk atling viau ani.








"Min chhaih kual hi anuam viau ami mawhhh!!!min ti buai reng lo khan itih tur tila kal nal nal rawh"in her san hmak pahin ka ti a ,ka thleng sil lai ka sil zawm mawlh mawlh.Min chhang tawhlo in Fridge ahawng mawlh mawlha tui bottle pahnih la chhuak in akhar bur a,akal nal nal anihchu.







Sofa ah keimaha thu in phone ka en a,thianho group pawh message alo awm leh nual tawh lut in ka en zuai zuai a,"Daphne leh Jacob hi an in hmeh ka ti,Anu birthday lawm naah te asawm ania ni deih se"tihvel te ani nawk.Tumah pawh chhang lem lo in status ka en vel mai mai.




"Tinge nangmah chauha i lo awm khawnge ka nu"Jacob chuan tiin min rawn zawt a,"mi biak tur ka nei a ka va be lawk ange atia room ah alo chhoh ve nihkha"ka lo ti ve mai a."Bawiha lo chhuk kha rawn hruai chho tur che in ka chah sia nuamlo iti deuh ami nangmah in ilo awm deiha"hriatthiam loh hmel deuh hian min zawt.








"Nuam tilo chuang nang phone kalo en mai mai,cake chu kan la zai dawn lo mi?" tiin ka zawt let a."Midang khi lo han ko la,ka lo hung chhuak ang"atih chuan hreh ang reng deuhin kailawnah chuan ka chho hnak hnak a.








Room kawngka chu a in khar loh vangin kik lem lo in "lo chhuk tawh ru"luh paha ti puat in ka chhuak leh nghal.Mipa room a hmeichhe luh hi in neih hma chuan thil mawi nia ka hriat loh vangin nuam ka ti chiahlo.In hnuai ka thlen thlak rual deuh thaw in an rawn ri thla nak nak a,bati chhi kual in light kan off thap a.









Nu Mali chu Jacob an a room atang arawn kai chhuak a,keinin Happy Birthday to you hla sa in kut kan lo beng dar dar a,a beisei lawk miahlo tih ahmelah ahriat theih ahlim hmel hle bawk.Bati achhem hlum hma chuan"Lawk in duhthu sam phawt la I chhem hlum dawn nia"tiin ka lo hrilh,"a ri lo in aw"ka ti leh sap. Nui huah huah chung hian "ava ho mai tak tak e aw"ti mahse thuawih deuh chuan mitchhing vang vang in bati chu achhem hlum a,kut kan lo beng dar dar.








Cake te in barh tawnin athen in an hmai ah te an lo in tat bawk a ahlimawm phian.Sana ka en chuan tlai ka tih riau tawh vangin"ih..I hman tawh chuan haw mai ka van duh tawh"tiin Jacob bulah chuan ka va sawi a."Umm,hman e itlai lutuk chuan chiloh tak ang"tiin ading hlut a,a helmet la in kan in zui chhuak.










"I thiante kha an la haw dawnlo mi"ka tih chuan "haw rih lo ang inkhel en kan tuma"ti sam et in bike a lawn tur chuan min mitmei a.Tawi khawmuang tawh lo chuan ka thu lawn thuaia,kan tlan thaw chiah chu khua avawt deuh chhulh in ka hria.










College campus pawnah chuan ading dat a,chhuk ve nghal mai in"chaw eiah te min sawma ka lawm lutuk e,anuam ka ti lutuk bawk"nui sang hian ka ti a,ka hma takah rawn kal hnai in min nuih let ve."I lo kal duh a ka lawm zawk"ati sup,"lut tawh rawh le,tui deuhin i mu dawnnia "tiin aban a vai zauh a,keipawh ka lut zui ve nghala.











Exam hun tur pawh ni hnih chiahin min dang ta,lehkha ka zir deuh chawt a chawlh lai pawhin library ka bèl deuh chawt.Ka thiante pawh zui tam rihlo in lehkha zir lamah ka in sawr bing nasa,kum khat zet ka chawlh san hnuah lehkha zir ka tan leha tih takzeta tih ka duh.Kha kum khat chhung kha engtin chiah nge ka hman liam pawh ka chiang meuh tawhlo,ka hriat chian emem erawh chu thil tha engmah tilo in ka taksa ka ti chhia tih zawng ani.










Hetia thian thar te kawma nun bul tan that leh ka tum tak hnu hian theihnghilh chang ka ngah ve ta a,ka tawrhna pawh anep tan tawh.Ka thian tha ber leh ka hmangaih awmchhun nitura ka ngaih mipa min phatsan na chuan ka nunah nghawng tamtak la nei mahse hringnun hmachhawn zel turin keimah leh keimah hi ka la in nawr kal ve reng chu anih hi.








Exam kan tana har ka ti lem lo,ka thian te chuan an thiam vak loh thu an sawi nak nak a."Zir ngawrh bawka iti tha viau ang"Tes-i chuan thawk lak hluai paha tiin "ka pa hauh ka tawk leh ngei dawn hi!! Lehkha zir hi ka talent anilo ka tih ka tih pawn talent dang inei chuanglo min ti tlat bawksi"atih zawm zat."I graduate huna ineih tur pasal tur tha deuh tun atang kan zawng dawn nia"tetei'n fiam pah zeuh zeuh hian ati ve chul bawk.














Kan zawh meuh chuan zan ka mut that loh vangin ka chau hle dawn nihhi,exam chhung arei phian si a ka mengrei zawn tawh lutuk nen ka mit te hi a sen leh rum tawhin nia ka rin.








"I rui elo"ka thiante exam hall a la thu te nghah paha ka lo muthlu lawp lawp chu min sawi harh pah in kan misuala bawk chuan arawn ti.Step a ka thu chu ka thutna hnuai deuha thu in min melh chho kara ka en peih tawk ani,"rui mai mai lo ka mutchhuak kal teh"meng mang lo hian ka tia bang ngheng in ka bu leh lawp zel.








"I kalsan emaw an tia an haw san vek tawh che,tinge helai deih deih ah i thut?khum i nei zau emai a"min zawt nge a sawi ve mai mai pawh ka hrethiam leh pek tawhlo.





"An va à ve ka nghak rei tawh sin"mit nuai chawt chawt in ka in thing harha ka thu chhuak zui nghal."Khawnge i thiante?" tia ka zawt let chu "ngatan nge itih"ati bung hmak reuh anih chu,sual thiam thei leh lutuk mai."Eng atan mah!!!Tawngkam mawi anih kha Tuaia"ti zui hlak in ka kal vut.







Ka hnung lawkah chuan min zui tih apen thawm atang chuan ka hre thei,hawi let duh miahlo in ka kal hmawk hmawk.Ka hma lam ngawt en ngar ngar a ka kal laiin enge maw hi ka chhir fuh a,ka kal tawp hmak.







Hnuailam melh thla in ka thil chhir ka zuk hmu thuai,lung lian vaklo hi alo nia.








Ka kezungpui chu ana nghal zawk zawk,mi tur ut ut a thu thla in ka pheikhawk ka phelh sawk sawk.A sen tur a a phu euh euh bawk,na vawng vawng tak ani.Rinsangpuia chu ka hma zawnah tak rawn thu hniamin ka ke chu athlek zawka,"ana ang"ti sup in a en chiang.







Ka ke ka hup thuk chu mak ti deuhin min melh haw."Ka kezungpui hmuhsit itum en suh"ka tih chuan a nui chhuak hawk."Ka hmu vek tawh,khaw maw kalo en ang"tih leh ka kut lak sawn mai tum chuan min rawn ban a,"ngailo en lo ang en ringawta dam thei pawh anilo"ka ti bah nuaih.Ke thiah nalh tak ka neilo tih ka chiang ve em a midang hmuh mai mai ka phal teuhlo.







"A mak e aw luhlul viau suh,I ke tin atlak phah thei nia"chek hlak chunga atih chuan ka meng bial kawk.Ke tin tlak tih asawi zawng ringawt pawh chuan ka rap nghal ngawih ngawih.






"Kha tin mitthi tur hmel pu kher suh,atla dawn ka tilo atla thut thei ka ti ringawt anih chu"ti hmuk in ka ke lam bawk chu melh in ka hup na kut chu la sawn in abih ngur a."A tla lo ang adam vat mai ang,i pheikhawk achhah tha hlauha I vannei nihhi"min ti deuh kher.









"Ka pheikhawk achhah bik leh vanneihna ka ngahbik tihna nimai buai Suh"ka ti bak hlar a,"ka buailo"ti nghuta tho chhuak in min kalsan nal nal.Na viau mahse ke lawnga kal ka duh bik siloa in bun tha sawk sawk in ka kal zui ve mai bawk.








Zanlai pelh thleng lehkha zirin ka meng,ka mu thla chiah tih in ka phone nghawr ri dat chu en tum in ka lek kang a ka rin loh deuh hnen atangin message ka dawng."I ke zungpui chu akhuasik em?"tih te mai hi Rinsangpuia'n min lo thawn teh miah anih chu.







"Aw a siklo"tiin ka reply chhunzawm ve zat."Atha anih chu"tih zawngin min chhang leh lawi sia ka van ngei mai mai tak,min chhaihbuai hi nuam ati mah mah ani.







Chhang tawh lemlo chuan ka mutsan a,rinai ka mutui phian exam zawhni ni bawka phur deuhin ka in siam.Ka thleng chiah chu ka thiante pathum pawh an tih ngai te in step ah thu in an lo nui leh uarh uarh tawh.








"Tinge nimin khan min lo haw san vek a ka nghah rei tehreng cheu nen"lungawi lo zet in an bul ka thlen phei rual in ka ti a,ka chhuah chhal ani ber ang chu."Sangpui an ahaw san tawh cheu ati nihkha"tete in alo nghal vat,"Hmela mai mai chu nge dawt ahrilh ve ngawt cheu a,ka nghah na lamah cheu ka kezungpui vung bur khawp in ka tauh vawiin chu min treat vek angai ang"tum bur a ka tih chuan "Yes,boss"nui pah huah huah hian an ti rual dual anihchu.






"In thawveng si kal ang u hei luh hun dawn"tiin sana ka bih zui a kan in zui lut ṭham ṭham.Ka zir nasat ve tho vangin har ka ti em em hran lo a ka ti ṭha thaw khat turah ka in ngai.








"Exam kan zo ta"ban phar hluaia boruak hip kawk kâwk chung hian Tes i chu a au chûl a,kan thawveng tlangin kan phûl hlut ani ber.










"Bazarah kal ang u,sanpiau tui tawk va ei ang u ka treat vek ang cheu"Puipuii chuan tlân pah hian ati lâng lâng a ahnungah kan tlan phei ve dawr dawr.








"Helai hi lawm tui thei chu ngah rei ngai theisin mi an tam thei sia,vawiin chu kan vânnei nih hi an thawl hlauh"tiin Tetei phur zet in apen lût pâwk pâwk a,kan in zui lut leh dial tawh.Ahnung ber ṭhutna awl ah chuan in hnawh in ka duhzawng kan lam nghal sawk sawk,kan ril a ṭâm tlang bawk ania'ng kan chah duham in ei hnem kan tum hle.









"In pali chauh hi mi ei tur"eitur min lo pe tu pa pawh chuan ati haw,"aw ka pali chauh hian kan ei zo vek dâwn"ka tih chuan ei thei min tih hmel deuhin a kal nghal daih.






Kan ṭâm tlang bawka kan ei tur chah zawng zawng kan ei zawh meuh chuan kan thla atla bawrh bawrha tumah in be peih kan awm meuh tawh lo.








Ei man kan pek lai te chuan dawr nei tu te chuan mak tih hmel deuhin min en kual hrek hrek a,tumah lah chu kan zak duh bik der silo a.Kan ṭhianho hi thau tia sawitur tumah kan awmlo a, kan chêr vek ani ber ang chu,an chêr ve tho zia hre duh miahlo hian chêr min ti bik ziah leh nghal a."Tian kan haw tawp dawn mi la leng ang u exam zawh ni nih hi"Tes-i ṭawng lawng lawng chu kai in "thawmhnaw en kual ang u,lei duh te pawh ka nei bazar hi kal chhuak vek ang u"tête in phur zet in ati a Tes-i kai in akalpui nghal dawr dawr.










"Kha kha nalh lei rawh a rawng pawh khan akap che"tih vel in Tetei kawrfual hak lai chu kan fak sak a,a lung adum bawk ania'ng nui ver ver in alei tak kha.






"Rinhlu engmah i lei ve dâwn lo mi"Tes in atih chuan melh ha in "engtin maw min koh"tiin ka zâwt let ."Aw rinhlu ka ti che,nge khatia min melh vak koh i duhdan zawk anilo mi"hriatthiam loh hmel zet a min melh chuan ka bo tulh tulh."Engtik laiin nge tikhan min ko rawh ka tih che"ka ti hlar,"Iva mak reuh e Sangpuia'n min hrilh alâwm,hrim hrim in nanghi Jacob nen in ni dâwn maw tia Sangpui an i chanchin hi asawi leh zeuh ṭhin bawk sia enge in awmzia ni hlawm"min ti let deih.









"Ve leh chawt zêl a,nge dawt a minlo puh ve ziaha;achak lo viau ang hmela chu....tumah ka duhlo e a bialpa ka nei peihlo bawk mipa ka allergy."Tum burin ka chhang ve nghat a,ka lawm reng reng lo Rinsangpuia mizia hi ka hre thiam lo aduh duh hunah min be tha a,chang leh min ngei hmel deuhin a awm leha ka chanchin dawta ka thiante hrilh ahrat leh zêl bawksi.









Thim dâwn thleng leng kualin dar 6 velah hostel-ah ka thleng thei hram,chau hnep hnep tak hi ka ni.Ka puar em vang chuan zanriah pawh ei peihlo in ka in bual sawk sawk a ka muhil nghal bawrh bawrh.









Ka ringtone zai ring zet vat chuan loh theih loh in ka thu chhuaka,khum sir dawhkâna ka phone chu ban in phak chuap"Hello,nge nita"ham bai bai chung hian ka ti a,lehlam ami chuan"Jacob te ṭhianho exam zawh lawmnan bike an in tlansiak dâwn kan ṭhianho kal ve turin min sâwma lo in siam rawh,ka rei dâwn sia riakchhuak tûrin in ring sa la in ha vawt vaksuh aw ilo riakdawn tih ka chhûngte ka hrilh tawh"ti zung zung in phone a dah nghal.








Ka mut tui hman tehreng nen ka ngei angreng viau,insiam chuanglo chuan khum ah ka ṭhu thur bum.Minute 15 hnu velah chuan ka phone bawk chu arawn zai leh rat rat ,ka en chuan Jacob call vethung alo ni,ka lak rual rual in "i insiam zo tawh em,Gate bulah ka nghâk che a midang chu an kal tawh"aw zangkhai vah hian atia aphur hmel viauin ka hre bawk.








"Keichu kalo kal velo mai ang"ka ti dek dek chu "i ṭhiante pawh an kal vek tawh kan rei dâwn lo thil hrilh tur che pawimawh deuh ka nei bawk a lo kal ve theih hram tum la"ngen ngawl zeta atih chuan aw ka pawh ve ta hram.







Jacket ha in cotton jeans dum ka in thawlh leh thawka in chei vak ka peih loh vangin mawza bun in Crocs ka bun leh thawr a,bag te ak chhuakin Gate lam pan in ka chhuak zui nghal a.







"Keimahni chiah min nghâk tawh a ka nghâl mai ila" atih chuan tha deuhin ahnungah ka lawn kai ve nghal.Kan tlân thui deuh hnu chuan avawt sur mai a,jacket ka ha chhah vak siloa ka mur sur sur mai.Jacob hnungah ka hmai phûm in ka dâk chhuak tawhlo.







"In van rei ve khawnge in kal kawi bik em em a"Zopar an ring leng lawng in min lo fiam hlut a.Kan kalna hmun chu Airfield ani awm e,a reh tha in intlânsiak nan chuan hmun rem tak anih hmel an tifo tih an awm dân ah ahriat theih bawk.








Ka ṭhiante'n min hmuh chuan minlo ko zui thuaia an lam pan in ka tlân phei hlawk hlawk.Hei Nunpuia car hian kan kal a,a tel ve dâwn loa race na ah" Tetei chuan chips ei mual mual pah chuan min lo hrilh fiah."Ka en chak tawh lutuk tunge aw chak ang?"Puipuii pawn ati ve lâng lâng,"taka thu thar a awm Daff ila hre biklo tiraw"meng de sawr sawr chunga Tes in atih chuan enge maw tak hriat anei tih ka hre mai.








"Eng chu sawi teh?" Uluk taka melh ran hian ka ti ve.






"Puipuii leh Lawmzuala te anni,an in zêp thei tiah tiah a sin mi rapthlâk pahnih hi"tiin Puipuii amelh kher,"Tu Lawmzuala maw?? ithianpa saw maw" tiin Lawmzuala leh Rinsangpuia din dun na lam chu ka melh zawk,Puipuii lama in her leh in"Engtik atang nge avan mak!!"mak ka ti taktak. Puipuii hi nú hnap ze zawi lam pang ngaihzawng pawh ngaihsak vaklo turah kalo ngai kha nia Lawmzuala ber kher nen an lo in ngaizawng teh deih hi amak ani.






"Min chhaih vak vak kher su aw aṭhiante awm lai phei chuan an mawl thei si"ati ve nuah nuah."Chuvang ani maw an in tlansiak pawh chu ilo en chak viau ni"tête in atih zawm leh, chhang tawhlo in a nui vur vur ringawt ahlim viau chu ani phawt anga aṭha vek e.







"Keichu ka bialpa hetiang intlansiak naah tel ka phal teuhlo,a den emai thih palh theihna"ka tih chuan "Jacob pawh atel dâwn tho saw"Puipuii chu min chhuahchhal titih hian min lo chhang nghal vut."In mak ka ti tinge Jacob nen hian min dem ve ziaha kan ni miahlo tak tak ania,ka ṭhianpa ania chu zawng bak chu awm lo hrim hrim in mipa ka allergy ka tih tawh kha mawle"nui lui sak in ka ti kha kha.








"Le le le in ring ru le"tiin pakhat a au lauh lauh a bike ri vut vut thlawh chhuah in ring zet tawh ho chu an pu ten an thut bet far a,thâwm chu pui riap riap tak ani.


Show post links
Top

[Ngaia]

"Tel thar an awm avângin Rules kan sawi nawn lawk ang"tiin an au lauh lauh pa bawk khân asawi zung zung a,"3....2.....1"tia a phar chiah chu an thlawk chhuak suau ani ber an thawm pawh ari phei chuah chuah mai.







Intlansiaknaa tel chu ka rin ai an tam,kan awmna a én lutuk lemloh vangin ka hmu chiang thei hlawm lo a ,an tlanchhuah hnu chuan an mahni zui tu ni awm tak te chu kan ep chiahah chuan an awm far a,an refree ka timai khapa pawh khan hmeichhe pahnih hi thimlai deuhah azui phei tih ka va hmu.






Kawngsir bel hunah chuan Nunpuia ho in kan ṭhu ṭhap,"tikhan khawi thleng nge an tlan dâwn?"hrethiam vaklo hian ka zawt a."Heta tanga km2 velah hian kawipui a awma,tah chuan an kual anga heta lo thleng leh hmasa ber chu Champion animai"tiin an kalphung minlo hrilh fiah."Tinge i tel ve loh?ithiante an tel vek sia"ka tih chuan "Lawmzual an aphallo in telve dawnsia lo awmpui rawh ati tlat alawm"a phone en mual mual chung hian ati.








'Euuu chu bialnute care chu pe na ve nimaw"nui uarh uarh chungin ka ti let ve,min melh ha chung hian"ka beng bulah nui vak vak suh,au ring thei ropui si"min ti nghek nia mawle.A hnung zângah tak ka chum ṭawk,"ana....ka hna ka hnaang"thei leh theilo hian ati ṭawk ṭawk,tih ngaihna ka hre tawh silo"engtin nge hnang chu awm?tin nge ka tih reh dâwn?"ka ti chûl.Tete in ahnungah na lo tê tê in a chum sak det det a,a rawn pangngai veleh thei hram.









"I têt têt nen i kutthlak ana si,kut ram bawksi,vawi khatmah kut thawh in min fiam tawhsuh"eu ngar ngar in min hau pah char char.Ka hnunglam ka en nak chuan ka ṭhiante pahnihin nui khur dar dar in an lo nuih,"Tete Car ah tui va lawk ila an rawn let ṭep ang midang pawh"tiin sana abih vut a,atho thuta Car lam panin akal nal nal;ahnungah tete in ngawi rengin a zui ve dat dat.







"Saw mite pahnih inhmeh zia saw an in len hleih reuhsi"tiin ka hnunga mite pahnih chu an nui leh kar kar ṭhin.







Thawm rawn ri phei chuah chuah lam chu kan ngaihven a,an rik dan aṭang an awmna ahla tawhlo tih ahriat theih bawk.Kan ep chiaha awm ve ho chu an au dar dar renga,an ruih hmelin an thawm pawh ṭha tak ani.








Bike ri chu ahnai zêl a ahmasa berah ka rinloh deuhin Rinsangpuia arawn lang,ahnungah midang pawh an lo thleng khawm ṭak ṭak.Bike aṭanga chhuk sap sap in an in kuah thuak thuak hlawm a,an awmna ahlat deuh hlek vangin enge an sawi erawh ka hre phalo.Kan lam pana an rawn in zui phei lai chuan an hnung lam aṭang an rawn ri phei huka,kan ep chiaha awmkhâwm, ruih hmel deuh deuh ho khan kan thian te ho chu an rawn khawih nghal mawlh mawlh a,an Intlansiaknaa tel ve ho pawh kha an tel in ka hria.








"Ehe Zawng ho chu!!"tih leh Nunpuia'n tlanphei aruala an in tam hleih angreng si ka hlauthâwng tak zet,insual en hi engtik lai mahin nuam ka ti ngailo.Ka thiante pawh an ṭe chel chul mai, kan hlauthâwng leh hamhaih bawk si chuan kan thlir ṭhap ringawt.




Harh chhuak hmasa ah ṭangin "entu engtin nge kan tih dâwn,lehlam ho saw an tam sia an khawih na lutuk ange"aw khur dar dar a ka tih chuan "an rui hlawm emai an khawih nat ka ring lo,bâkah insual hrat hlang ṭhah annih saw an ngaihtuah awm loh ang"tesi chuan ati awlsam et a;amah ka va en chuan hlauthâwng hmel apu ve miahlo tih ka hmu bawk.









"Daff va ṭhelh mai ang û,an in ti na ang tih ka hlau"bah nawk nawk hian Puipui in ati chûl bawk si,ka awm anuam tawhlo!! kan hlat vak bawksilo an thawm achiang si.Inhnek ri chawrh chawrh te,na tuar ṭe ri te, thinrim in hrosa kuk kuk ri te a in pawlh nuk.Ka tha a khur der der renga ka awm anuam tawhlo,tho thut in kan awmna hnung lama phûl cham phei duai lamah chuan pen phei hlawk hlawk in ka ṭhu sawp niaia beng ka hup chawt.








"Daphne enteh saw kal ang Lawmzuala saw chemtê in pakhat in avit anti nia"mangang aw tih hriat lutuk a Tête in min rawn sawi nawk nawk chuan ka lungphu arang nghal dup dup a,a thi an tihna ah ka ngai hmiah tawh.









"A thi mi??ka en duhlo"mittui tla pur hian ka ti tawh,min rawn hmu in min sawisa ve hrep ang tih te ka hlau a, thil thleng thei zawng zawng ka ngaihtuah kim hman vek.










"A thi lo,mahse damdawi ina hruai vat angai tho rawh!! an tlânchhe vek tawh khang ho kha chu,hei i awmna fal ropui si min kalsan daih ange"tiin min pawh tho atuma,ka hlauh em vangin ka che sawn ngam thlawt lo.








"Mawli tho rawh,ana viau ania kan kal vat angai"vin zet a tiin min pawt ngawng ngawng,"ka kal thei lo ka tha zawi vek"ka ding hluai tawh chu ka ṭhu leh hnawk."Lo awm lawk rawh midang ka rawn tîr mai ang"ti puat in a tlan let thuai.Ka awm ah hian min hnawh tlata,thawk asak tlat bawk,ka lung a ṭhat vak loh vang hian hlauhawm lam leh phut dawrhna tûr ang chi te ka tawn thut hian ka taksa in azo loa thawk ka kham thei ṭhin lo.









Ka awm chhûng na in min tur ut ut a ahreawm lutuk, ka dawm vang vang lai chuan "Hetah daih daih enge ilo tiha midang kan buai em ema,tho vat rawh hmanhmawh kan ngai"Rinsangpuia'n seh chilh zeta a tih chuan a thinrim a in thunun hrâm hrâm ani tih a aw ah chuan ka hre thei,mahse hnial tur pawn chakna ka nei rih tlatlo.Thlan fim in min bual huh vek tawh a,ka awm chhûng hi a na vawng vawng bawk.







"Ka sawi chu i hre nange" ti chang bal in min hnuk tho lawp,ka hmêl ahmuh rual chuan a hmel adang lam vek."Tinge i vawh vek a,i thlan atla hnem tho si"min ngaihtuahna aw ri ka hre thei,chu chuan mak deuhin thlamuanna min pe.







"Ka awm chhûng ami hi ana"ka sawi zawng chuan ka mittui a baw zawih,enge maw ka hriata hepa bulah hian ka pangchan chak tlat le!!








"Tinge i ṭah?bang rawh le"tiin min kuah bet thlawpa,min thlem na awka ka hriat te chuan ka ṭah ati chhuak zual;a aia ringin ka ṭap leh nghek.Ka in hnit faih faih a,a nin a awmah min kuah bet in a kut leh lamin ka kawngah min kuah a,lehlamin ka sam a nûl thuak thuak.







La in hnit faih faih chungin ka tal thut a ka in la hrang,a sir lamah petek phei in ka mittui luan na chu ka kawrban in ka hru thuak a,a lam ka va hawi chuan a kekawr ipte zen ṭaṭ in min lo melh chhuk run a.Ka ṭap rei hman hrep ania'ng chu ka hnar aping veka,ka mit akham urh bawk.







"I ṭah zawh tawh chuan kal ang,midang an kal vek tawh"tiin hmalam apan vut,ka pangngai deuh tawh vang chuan ka zui phei ve nghal dawr dawr.A bike chiah alo awm tawh tak tak a,a bul ka thlen phei rualin"Lawmzuala chu engtin nge a awm?a thi em?"hre chak si hlauthawng deuh si hian ka zawt.






"A thi lo,a thi dâwn bawk heklo"mitmeng thinrimna khat hian ati chang bûl a,a bek kuala thisen zam pawng ṭawlh ṭawlh ka hmuh chuan a thinrim hle tih ka hre mai.







"Lawn rawh i ṭhiante'n an ngaihtuah lutuk ang che"dam dup hian ati leh lawi ,hepa ve hi chu mizia hi angah sia athlak thut thut zel bawk si,ka hrethiam thei ngai lo reng reng .









"Khawnge in in sual pui te kha "ka tih chuan "an tlânchhe vek,ka hmuh leh hun chu ka that vek tawh ang"sehchilh zetin ati leh chhur chhur tawh.Chhang tawh lo in ka lawn kaia,a tlân chhuak zui ve zat.





Jacob nilo a amah zawkin min rawn hruai kha mak ka ti deuh,an che buai lutuk hian min theihnghilh zawk emawnile.Ka bag car chhunga ka dah daih vangin dar zat tak ngial pawh ka hrelo,a tlai tawh viauin ka ring.







"Phone i ak em?dar zat minlo en sak lawk"tiin a beng zawn velah ka va ti lauh lauha,atlan chak lutuk vangin ahrethei lo nge min chhang lo.A jacket hak laiah zen lutin a tshirt chhanah ka sik vawt,a ding zui hrawk.





"Hmeli,i â mi ka tluk phah tep kha" a helmet phelh pahin ati tuarh,"ana viau ami ka ṭawng i hre thei lo a"ban charh a ka tih chuan ner sawk in"enge i sawi"min nin hmel zet hian ati puat ringawt.




"Ihh...dar zat ka zawt che a,ka bag Car ah a awm daiha,ka kuttin sik neuh neuh in ka ti."Bike aṭang kan chhuklo veve a,amah apa lian bawka thu chung pawn duhtawkin a in rahkhalh phak.A phone phawrh in a hmet eng zeuh a ka hmai si chet in arawn lek vut.







"Ka hmu theilo a phe vek"ka tih chuan a nui ri hawk,a ken hla hret in ka hmu thei ta dar2 a pêl va va tawh.Kal tlan chhuah leh hma chuan a phone a ri ral ral a,a pick up vat.





"Aw athatchu,keini pawh kanlo thleng har lo ang lo la awm vek ru"ti zung zung in a hmet tawp daih a,ka lam alo hawi chuan zawhna in ka khat tih ahrethiam ani chek ang chu
"Hospital an thleng tawh aṭha anihchu,a jacket hak achhah hlauha a tlang thui lo,chemtê kha alut thuklo tihna nih chu.An ṭhui a hmun thum velah ngaihtuah ngailo anti.
An la awm vek an vaiin kal ang"tiin hmalam a melh rana atlan chhuak leh nghal.









Hospital kan thlen chuan casualty lam kan pan phei nghala,kan ṭhiante pawh an lo la awm vek a."A chhungte in be tawh em?"kan thlen phei rualin Sangpui an a zawt nghal a,"aw Apa a zina u Mary leh Anu anlo kal mek"tiin Nunpui an alo chhang vat a.Ka ṭhiante ṭhutna lam panin an bulah ka va ṭhu phei ve nghala,"i ṭha em?thawk harsa itih hmel sia buaipui vak ngaihna che ka hresiloa Sangpuia kalo tîr tawp anih kha;ahmanhmawh thlâk tawh bawk sia"tiin Tetei chuan inthlahrun hmel deuh hian ka chanchin min zâwt a.









"Ka pangngai vek tawh,ka lung ṭhalo achhuak thut a" ka tih chuan hlauhthawn hmel deuhin "lung ṭhalo inei maw i sawi chhuah awm kala hre miahlo,i ṭha takzet maw"tiin min zâwt leh."Ka ṭha taktak khawnge Puipuii hi?" Hawi kual ruai in ka zawng pah."Washroom ah alut lawk anihkha,a ṭap nasa lutuka ahlauthawng bawksi kan chi ai vek alâwm"atih chhunzawm zat.








"Lawmzuala chu angaihtuah awm loh taktak maw?"tiin zawh bik pawh nei lo in ka en kuala aṭhat thu in min chhang a,admit kher pawh angai lo ang anti ani awm e.








Puipuii lo lêt hnu chuan ka bulah arawn ṭhu thla a, hnem vak ngaihna ka hresilo akut ka hum sak ta ringawt.A mitmeng aṭang reng in aṭap nasa tih hai theih aniloa,a hmel aphelh phang bawk.




"Khawnge Mampuia chu a awm"tia Nu pakhat hlauhthawn hmel zeta rawn lut lam chu kan hawi ṭhap,ahnungah nula pakhat in arawn zui bawk.An mangan hmelin an hmel hmuh anuam lo hle,"Nu, aṭha hlauhthawng lutuk suh u an lo nawr chhuak ṭêp ang.A ngaihtuah awm tawh lo"tiin ngaihthlak nuam em em a chhangin Sangpuia chuan an lam apan phei nghal.






Lawmzuala nu kut chu kum sak vang vangin aṭawng thlamuan mawlh mawlha,ani pawh chu a rawn luh tirh ai ngawt chuan hmuh nuam tak ani tawh.Mak ka tih deuh chu Rinsangpuia hi thinlung vawt tak leh midangte ngaihsakna lantir ngailo turah ka ngai reng ṭhin a,mahse zanina a chet dan leh ṭawngkam te vang hian mi dang te ang bawka amaha in nghat tu te tan chuan a kianga awm ahahdama,a angchhungah khan thlamuanna a awm tih ka hria.









Rei vaklo hnuah Lawmzuala pawh an lo nawr chhuaka,a harh tawhin amah pawh rinai takin aṭhat hmel."Mampui,ka fapa iṭha ani tiraw,min va ti mangang hman ve"Anu chuan ati mawlh mawlh.







"Admit kher angai lo ang a ṭha e,in haw thei tawh ang"Doctor in atih chuan ka thaw huai mai.Hospital pawnah in zui chhuakin Nunpuia car ah Lawmzuala chu an luh puia,anu leh a farnu ten zui in an kal hmasa a.Midang ho zawng pawh haw turin parking lot lamah kan inzui phei diala,"Daphne ka tihpalh lutuk kan buai ta nuaih sia ka rualin i let velo tih pawh ka lo hrelo"inthiamlo deuha atih chuan"aho lutuk keima thiamloh alâwm kalo kal hrang daih a,hei eng em kan ti loa alâwm awm em hi"tiin ka chhang a."Teresa-i te inah i riak dâwn tiraw,lo kal rawh ka thlah ang che "tiin a bike-in hun na lam a pan a.










"Daff kal ang u Jacob an ami thlah dâwn che?" atih chuan ka lu ka bûk khum,Rinsangpuia bike ti nung vut vut lam chu ka va ena,min en ve lo, lawmthu hrilh tuma ka pan phei chu atlan chhuak nghal vut a,ka au zui ta êm lo.









Tes-i te in kan thlen chuan an lo reh ṭhap tawh a,ka inthlahrung ve deuh,a room ah min chhoh pui in in thlakna tur min pe a"va in bual rawh kha hei ha la,kha i kekawr mawng abal vek"atih chuan darthlalangah ka in bih thuak thuaka,ka thawmhnaw ah chuan lei akai nuaih mai.In tifai in a khumah chuan kan mu a,kan mut meuh chuan khua avar ṭêp tawh.










"Naktuk chu class kal lo mai ang,mut kan kham lo ang,bâkah Lawmzuala kan va kan ve loh chuan"tia asawi chuan ka hnial hranlo,mut khamlo urh a class kal chu engmah ka thiam phahin ka ring lo.









Ka harh meuh chuan room chhung chu a eng ut a,sana ka bih thuai dar11 alo ni tawh,lu rit burin ka tho chhuaka ka bula mu chu la mutui tak ani,kai tho lem lo in bathroom lam ka pana ka in ti fai thuak thuak.Ka chhuah leh hnu chuan ani pawh phak chualin alo ṭhu harh ve tawh a,"i thawhna rei tawh em?ka mutui lutuk"ham bai bai hian atih chhunzawm.







"Rei bik nang mawle,ka mang achhe sia ka tlawhna vek êm lo che maw?" "Ka tih chuan ka sil emai min tlawhna niang"ati awlsam et,engmah pawh ahre tawp siloa."Ka bula mu tur chuan in fit angai asin"nui chungin ka ti let khauha,"i pasal arim dawn nimai lawm"tih leh khum aṭanga thawh aruala,bathroom panin a awm rei zek leh nghala.







Inhnuai lama kan chhuk chuan an lo reh ṭhiap a,an in hi nizân lam khan ka en chiang hman loa khaw eng ah chuan pui tak ani,engkim mai hi anihdan tur thlapin a awma,a felfai in hmuh anuam takzet.Choka lam min pan puiin an nula ni awm tak hi alo che mawlh mawlha,"U zir noodles leisa kan la nei em?" Tih pahin chhuar ahawnga eitur an dah ho chu a en kual a,"nei nual ang ka lo siam dâwn cheu mi?"atih chuan "ngailo kan lo siam mai ang kha i buai em kha,Umama hi achhuak tawh mi?"tiin a zawt let.A chhuah tawh thu hrilhin min chhuah sana,eitur siamin kan buai zui mawlh mawlh.










Noodles leh eitur eng eng emaw inchhawp in kan ṭhu duna,eipah chuan kan ti ti siam siama,an chhungkaw chanchin tlêm azâwng ka zawt bawk."Ka pa hi Doctor ania, clinic anei bawka chuan ka nu hi chu lecturer,ka u hian sumdawnna lam abuaipui thunga,ka nau hmeichhia chu hetah awmlo Bangalore ah class 11 azir mek"tiin an chhungkaw tih ṭhin te,an hnawthawh te min hrilh.








Kan in ei puar zawh chuan room ah chho lehin kan inti faia,nizâna ka thawmhnaw hak lah chu abal bawksi atihfai theih mai ang tiin tihfai tum in bathroom ka luh pui."Daff hei ha mai rawh inei nghal dawn nia, ka chah ania ka duhai alian deuh iha tawk chiahang" tiin kawrfual par nalh deuh hi min pe a,"awi a nalh lutuk mahse ka in hmeh ve lo ang,anú emai bakah athar ani bawksi tihchi loh,ka kekawr hichu atihfai nawk nawk thei mai ang"ka tih pawh chuan ha tûrin min nawrlui tlata,hreh ru deuh chung chuan ka in thawlh.









"Awiii,i inhmeh si zia chu!!!hetiang tehi ha ve ṭhin ta che,mipa hak ni awm tak hi i ha ziaha nú deuh tehian in chei ve rawh"phûl hlut in ati siam siam."Ka awm thiam lo alâwm,ka ni huih zêl,confi ahar ka ti"ka kawr fual hak pawt ngar ngar a ka tih chuan min nuih ngar ngar.








"Nui suh,ka inhmehlo iti chiang lutuk"ka ti kha kha,"teuhlo i inhmeh chiang,mahse i awmdan zawk kha lawm i awm et et a,kha imak hi he reuh lutuk"ti pahin min nuih uarh sauh.







Min hak luih tir miau vang chuan awm nuam lo deuh chung in kan in zui chhuak,scooty ala chhuaka,ka chuang tur chu chuan dan tûr ka buai ṭan der."Hmeichhe ṭhutin ka ṭhu thiam hleinem,a pângngaia ka ṭhut chuan ka mal alang thui dâwn bawksi, engtin nge ka tih dâwn?" Ka ti chûl tawh.







"I thiam dan dan khan chuang tawp rawh,ahla lo veng piah chiah saw nitho tuman an hmu hman lo ang che"awlsam zeta tiin scooty ati nung nghal vut vut a,hreh deuh in ka chuang tum bar.A sawi ang takin ahla lemlo a,kan thlen chuan an kawtah bike alo ding leh ṭhap tawha , aṭhiante ho an kim leh tawh anih hmel.









Lawmzuala u khan min lo chhawn in a room ah aṭhiante nen an awm thu leh fin ve mai turin min hrilha,kan lut zui ve nghal mai bawk.Room chhûnga kan luh ruala ka thil hmuh vang chuan nuam ka ti lo nghal,zu rim anam nghal vung vunga,meizial an zu khu luih luih bawk.Meizu bula ka awm tamloh vang hian arim ka hre hma a,rim chhia ka ti bawk,kan lut min hmuh chuan an in siam rem sawk sawka an dispo in chhawp lai an dah thukru sap sap pawh chu ka hmu hman.









"Teh hlawl cheu chuan,class in kal bik nange"Zopar an alo ti vata,"Kal nang mawle aw,kan menrei em kha bâkah hei Lawmzuala kan tûrin kan lo kal,in rim tak hlawmsi sawwwtah va ti teh u"tiin aphun zui hlak hlak.Zu ka in ve fo vang hian zu rim chu tawrh har ka ti lemlo,mahse in tumna erawh ka nei tawh lo thung,fel tak anga lan ka tum lemloa,ka thil tih tawh zawng zawng erawh midang hriattir kher tumna ka nei chuang lo bawk.









Khum bula sofa in hungah chuan ṭhut na minlo ken tak vang chuan kan ṭhu thla a,eitur kan leisak te chu kan chhawp sak bawk."Kan damlo pa hi anawi ber aw"nui ruh ruh a Zopar an atih chuan ka hmu thiam ve chiah."Khawnge in nu,tinge damloh lai lai a zu te i in ve i â chhah ve tup tup sia maw"tiin tes in azilh mawlh mawlh,ngaihsak hmel pheichu apu chuanglo.









"Kawrfual te iha ve a,i inhmeh lutuk"uluk fahrana min en in Jacob chuan ka bula rawn ṭhu hnaia ka beng bulah arawn phun sar sar,ahmel aṭang a kai thawkhat tih alanga ka duhloh dan deuha a chet ka hlau,tûnah tak hi chuan ahnaiha awm nuam ka tilo.







Min nek salh salh renga,ka ning ṭan riau,"tawlh phei teh a chêp"ka tih laia min en dan vang chuan nuam ka ti lo zual,nidanga ka hmuh ngailoh min it na mitmeng ka hmu tlat ani.Ding hluaiin haw ka duh thu ka sawia,tes-i lah chu Zopara fiamthu thawha nui uarh uarhin min ngaihsak der lo.







"Lawmzual khawnge innu te hi?ding pah renga ka tih chuan"class an kala,an rawn kawi ang an lo thleng ve ṭêp ang,tinge min zawh"atih chuan ka riat nawi kual ta vel mai mai.Hlauhthawnna ka neia ka pum alet but but bawk,mipa tisa chakna vanga meng de sawt sawt hmuh hi ka tana hmuh hreawm ber te zing ami ani tlat,na taka min siam tawh tu,ka mitthla a cham fo ṭhin leh theihnghilh hlen ka duh tak"ka in hum ruh ṭeuha,ka awmna hi nuam ka ti lo.








"Tes ka haw duh"ṭah insum zet in ka ti chhuak hrawiha,ka thawm a zawi hranlo bawka an lo hawi ṭhap,kil khata Rinsangpuia games khel mual mual pawh chuan min rawn thlek ve zawk tih ka mit sir in ka hmu thei,keimahah an mit an fu ṭhup a,mak ti deuhin ani min en hlawmni.Ka theihtâwpin in sum ka tum,ka theihtawp in.









"Ala hma lawm ka thlah ang che,tia Jacob an ka ban arawn deh chuan ka phu zawka ka kat phei nawk bawk."I tha em,i lu hai ami"ka tluk tep vang chuan min ngaihtuah hmel deuh hian atia,ka ṭhat thu hrilhin room aṭang ka chhuak zui nghal.










Tes in min lo zui chhuah ka rin laiin Jacob bawk chuan min rawn zui chhuaka,ka bânah kai lawp in balcony ah min kai chhuak."Min thlah teh" ka ti chûl a,ka aw pawh anem fahran tawhlo."Enge i awm zia hi,tinge ka bula awm iduhloh thut chhan,zu ka in vang mi?ka in tawhlo ang ṭha em?"seh chilh zetin ati nawk nawk.









"Chutiang anilo,ka awm anuam vakloa haw mai ka duha chu zawng chu"pangngai thei ang bera lan tumin ka ti chhuak thei tawk."Taktak maw anihleh nizâna hrilh che ka tum kha ka hrilh tawh ang che,ka duh lutuk che a,ka bialnu ini duh angem?"a zawhna chu chhan nachang mai pawh ka hrelo,ahma zawng kha chuan fel ka tia ka ngaina in abula awm hreawm ka ti ngailo,mahse vawiina achet dan vang hian amah ka ngaihdan adnaglam hlawk.Ahma pawh khan ṭhian ang chuan ka ngaina tih ka hria,mahse ngaihzawng tur angin ka ngaihtuah ngailoa ka duh awm ka hre bawk lo.









"Chutiang sawi suh ṭhian kan nih hi, ṭhian nih rêng hi aṭha zawk"tiin ka chhang,"Min duhlo viau ami,nge ni a bialpa inei?" Atih chuan bialpa ka neih loh thu leh ngaihzawng neih lama rilru pek ka duh rihlo thu in ka chhang.








"Ka duh takzet chea,bansan che ka tum lo, in ngaihtuah ṭha leh rawh
"atih leh lek phei chuan kalsan nal nal ka duh takzet."Ka ngaihdan ka sawi chian tawh chu min nawr lui suh,in huat kher ka duhlo ania"ka ti ram ve hmak,kalsan tuma ka in her lai chuan ka ban rek ah min man bet chawta,alama min hnuh phei tumin na zetin min pawt dawrh.









Mipa tha ani bawka ka hnehlo nasa si,ka theihtawp in min vawn na chu phih thlak ka tuma ka thei der lo,"ana ania,min tina ania,min thlah tawh rawh"mittui tling ṭeuh in ka ti chhuak thei tawk.Ani lah chuan min kaltîr tumlo zetin ka ban pahnih chu ahmer khawm sauh sauha,min hmer na takzet tawh,







"Thlah turin atih che kha,thlah rawh..atawk viau"thinrim hmel zeta titu lam ka va hawi chuan keimah nilo in Jacob zâwk chu Rinsangpuia chuan in hum ruh ṭeuh in amelh ngur a,min rawn pan hnai in a kut phih per sak lawpa,ka bânah kai in min chhuah pui nal nal.


Show post links
Top

[Ngaia]

Garage lam min pan puiin ngawi rengin min kai phei dawt dawta,a bike dahna kan thlen chuan min thlah ve hram."A tina che em?"a aw ahniam ruiha min ngaihsakna awka ka hretel bawk,"aih nalo ka ṭha mahse ka haw duh"hnuailam melh ngar in ka tive sap,"Hostel ah ami ka thlah ang che"atih chuan "Umm ka mut ala chhuaka mut ka duh"tiin ka chhang.









A bike a alâwn kai hnu pawh chuan ka la dâk chhuak lo,ka hmêl tumah hmuhtir rih ka duhlo,hepa phei hi chuan hmu lo se ka ti leh zual.Chak lo tak anga ahmuha lan hi ka duhlo-a,tumah hian khawngaih hmel taka min en ka duh ngailo,ka natna te ka tilang ngailoa; chak lo tak niin mi in min hre tûrin ka duh ngailo.







"Lo lâwn la"tiin min rawn melh zawka,in sang mar reuh in ka nuih luih saka,ka lawn kai ve mai bawk.A tlan chhuah hma chuan hrechhuak zawkin "tes-i kha ka haw tur thu ka hrilh miahlo" ka tih chuan a helmet khum pahin "ka hrilh tawh ngaihtuah suh"ati nghut,engtik laiin nge ahrilh pawh ka hrelo.








A hoodie hak laia ka vawn na kut chu rawn la in a kawngah avawn hnana,a hum vang vang.Aw awmdan teh thut chuan min ti hrilhhai viau,ka sa pup pup thei.Ka kut laksawn ka tum chuan hum nghet sauh in"hahdam rawh tikhan"zawi sup hian ati hapa, ka kut chu la sawn tawh lo in ka kuah ta ringawta,a hnungah chuan ka lu nghatin ka bei hle hle,a taksa rinchhana ka awm meuh chuan ka hahdam huaia,chutih rualin ka zâm ru hle bawk.








Kawngtluanin kan in be tawhlo,kan thlen chuan min thlah avanga lawmthu hrilhin biak zui hman lohin ka kalsan nal nal,a hmel ka hmuh khan ka zak tlata,ka awmchhunga mi hi aphut dân aia nasa in aphu dut dut a,min thlawh chhuah san mai ang tih a hlauhawm zawk hial.









Inthlak sawk sawk in khumah ka inthawlh than a,Class ka kal loh tak rau rau ah chuan mut bak tihtur ka neilo,ka muhil dawn siar siar tihah chuan ka phone ri in min ti harh leha;Jacob alo ni.








Ka biak chak rih loh avangin ka Phone silent in ka mu ṭha leh,ka rin ai takin ka mutui phiana ka harh leh chuan dar4 alo ni va va tawh.Tho chhuakin khum pawh siam buai tawhlo in bathroom lam ka pan a,ka inbual zawh meuh chuan ka nuam deuh huaiin ka hria,chhunah hi chuan khua ala lum angreng viau,zan boruak erawh anive deuh ruih tawha,thlasik kan hlat emem tawh bawklo nen boruak anuam chho ṭan viau.








Zanriah te eia ka intih fel hnu chuan Ka nu te biak tumin phone ka lek kânga,ka lo la Silent vangin Missed call awmzat pawh chu tam tak ani,Jacob call a tam bera,Tes-i leh Rinsangpuia call alo awm ve bawk.Thil dang ti hmasa lo chuan Rinsangpuia min lo call hun darzat chu ka en ,dar 5:30 ami alo nia,ka call let angem nge call let lo ang tihah chuan ka rilru a in suala.








Reife ka in ngaihtuah hnu chuan pawimawh anih takin tiin ka call let ta hrama,ka zâm ru leh viau tawh,ahmel ka hmudawn pawh ni hauh si lo chu ka hmaa ding ang maiin ka ngai a;ka aw te chu a khur loh nan ka aw ka thian kharh kharh renga.







"Aw,Hello...i tho tawh ami?"zângkhai deuha atih chuan ka thaw ve huai mai,in thlahdulin min lo call chhan ka zawta,"ka be duh chea kalo call che"tih zawngin min chhang,ka hamhaih angreng sawi mai tur hreloa ka in ngaihtuah rauh rauh lai chuan"Ka ṭhianpa kha lo be tawh rawh aw,a rui sual deuh anihkha i ngaih ang kha anilo ania,tun chiah chu ilo ngaidam hram dâwn nia"ngenngawl taka atih chuan ka ka hau ringawt,sawi mai tur hrelo in ka hawi ka hawi ringawt.









"Min chhang la"atih leh nghut chuan aw thian kharh in "ka lo be dawn nia,mahse ṭhian bak pela khawsak leh atum anih chuan tu pawn engpawh sawise ka be leh tawh lo ang"ka ti chang fak,enge a chhan pawh ka hriat chiah loh vangin ka thinrim ve ngawt a, Rinsangpuia chu ka ngei hlur mai,a ṭhianpa be tura min tih vângin ka hua tihna em niang??A.... ani lo ang.







Sawi tur ahre tawh bik lo ani chek ang chu min mangtha in adah zui a,khumah chuan ka tal ka tal a,muthilh ka tum viau pawn ka harh tulh tulh zawk.





Rinsangpuia chungchang ka ngaihtuaha,"ka duh em ni"tih zawhna chu keimah leh keimah ka in zawt mawlh mawlha,a chhânna lah chu ka hre thiamlo.Ka duh niin ka in hriaa,mahse hmangaih vawikhat kan nei tawh anih chuan duh dang emaw hmangaih dang hi nei thei tawhlo turah ka in ngai ṭhin.








Ka ngaihtuah naah Lawmkima arawn langa,ka tana mipa hmasa ber ani a,ka tana mipa awmchhun ani ṭhin bawk.Ka hmangaih ni ngei in ka in ngaia,min phatsan na avânga ka tawrhna pawh ala reh kim theilo anih laia mipa dang ka duh tur hi thil awmthei ni chiahin ka hre lo.







Mahse zêp rual loh erawh chu Rinsangpuia hi ka vei ani tihhi,ka hriat tirh khan tlangval chapo leh induh tawkna ngah tak angin ka ngaia,mahse ka belhchian pauh leh aṭhatna ka hmu tam tial tiala,puih ka ngaih laia min puih ṭhin vang te hi em ni ang ka vei chhan hi,achhanna ka hriat duh ka hriat thiam theih silo chu in zawt in ka ngaihtuahna chu abuai mup mai.









Ka muthilh lai pawh kalo hrelo,ka harh leh meuh chuan remlo zet in ka lo mu a, ka nghawng na urhin ka sil ṭhem ṭhum mai.







Phur fahran lo in Class kal tûrin ka insiam malh malha,ka phone ri sek chu la kangin ka en a ka Contact ami anilo,mahse;tunge anih ka hre chiang lutuk tlat,nizân lawkah a chungchang ka ngaihtuah kha nia tunah min rawn call teh nawlha.






"Hello,tunge aw?"tunge anih ka hriat loh vang ni miah lo hian ka ti puat.







"Min hre tawhlo maw,i dam ṭhin em?"atih zawm zat,a aw ah chuan lungngaihna ka hre tel tlat peka,kan lo in zui ngawrh ṭhin em vang khan a mizia tamtak hi ka hre tawha,tuna a aw aṭanga a awmdan ka hriat theihna tehi ka duh tawhlo,bo vek se ka duh.







"I call sual anih ka ring ka hre ngai lo che"tiin phone ka dah zui nghal,Ka nuna lo lêt leh tûrin ka duhlo-a,alo let arem tawh heklo bawk.Min tihnat em vang khan ka tuara ka lo la duhin kala hmangaih reng vanga na niin ka in hre ṭhina,mahse kha tia min lo biak chiah khan amaha Feelings ka neih tawh loh zia ka in hrechhuak.








Amah vang nilo in phatsan ka nihna vanga la na mai chauh ka ni tih ka hre chhuaka,chuan ka lo hmangaih taktak in ka hre ta lo bawk,nge nia amaha ka hmangaihna te kha an thi tawh zâwk.








Sana ka bih chuan ka tlai ṭêp tih ka hre zawm zat, ka sam tuai phuat in room ka chhuahsana,kan Classroom awmna lam Building panin ka tlan phei dawr dawr.Thli athaw in khua chu anuam lo hle a,ruah asur dawn pawh ani maithei,ka sam chuan ka hmai azar renga ka hui kiang leh thuak ṭhin.Ka sam hi kîr chet chet nisi lo hian a kîr chiat a,têt te aṭangin sam ngil ka pu ve ngai lo tih theih ani,keiai mahin Tes-i sam ala kir zawka,kîr chet chet tak hi ania;ka ngaihtuahna vang chuan nui vur vur in ka tlan hlawk hlawk tawh.









"Tlai teuh ve,awmna hnai ber si hi muang thei bîk lutuk"Puipuiin tiin min lo ner khum nawng a,"thawh ka hai alâwm ka mu thei loa"ka ti ṭha ve mai a.






"Tinge nizânah minlo Call let siloh i mut theih loh te chuan"tes in atih chuan hrechhuak zawkin,"Awiii ihmaw mate lo call che ka tuma,eng eng emaw ka tia ka theihnghilh daih"ka ti nuah nuah.







"Jacob an min call seka,a phone call i la bawk siloa ahneawm zia"atih chuan tlemin nuamlo ka ti,mahse enge ni vei ama thiamloh hmasak ania inthiamloh chhan tur ka neilo."Ka buai ve lutuka chhungkaw thilah"tiin chhuanlam ka siam ta ringawt.







"Nimin khan Rinsangpuia i inthlah tîr tehdeiha,amah nên hian inni zawk ami"atih chuan ka en rang khawp mai,nimin khan min thlah tur thu kha ahrilh tih asawi ngeia, mahse;a sawi lai awm ka hre miahlo anihkha.






"Kan ni reng reng lo, bâkah engtik lai khan nge asawia min thlah tur thu chu" ka tih chuan,"pâwna i chhuah hnu khân lo zui che ka tuma,College ah tih tur ka nei ka va thlah law law ange atia"tiin a sawi fiah.







"Thil ho deuh deuh buaipui lo hian i zirlai bu hi bih ngun zâwk teh,i exam result tekha i chhungte pawh i hmuhtir ngam ami"ka ti hluka,"awiii khatiang Semester exam pawh nilo Internal test mai mai lâk thutak vak ngailo"min tih khum zek reuh nia mawle.A tukkhuma beng bu lawpin"Final atân apawimawh vek test mai mai ani lo zir ṭha tawh ang che " ka ti leh kha kha.









"Keiai kum khat bakin i upat loh kha aw min nau en ve ziah suh"a sam kîr chiat tuai mâm pah hian ati vin zui leh hlaka,chhang tawh lo in ka nuih liam ta vel mai mai.









Kum khata College ka luh tlai vangin ka ṭhiante ai hian ka upa hret a,mahni tal tam kalo ni bawk nen û en ber hi ka ni ve a,mahse an ni aia naupan chhiatna hi ka la ngah viau tho in ka hria.







Nilengin Rinsangpuia te ṭhianho ka hmu loa,nidangah pawh zawng ngai hleilo nge maw ka hriata vawiin taka ka zawn rilruk reng mai ni.






"Zawn inei mi iva hawi nasa ve"ka dara rawn chelh tu chu leh hawiin ka en vata,rinloh deuhin Zopara alo ni."Nei emem chuang lo e,ka hawi kual mai mai"zawn chu nei reng mah ila ka inthup hi aṭha zawk tih ka hria,"nih chuan kal ila"tiin ka darah vuanin min nawr phei dawt dawt a.







"Khawnge min hruai i tum?kan hostel lam anih loh hi"hawi let ṭawk ṭawk in ka zawt,"sawtah min kalpui lawk rawh"tiin a aia chak mahin nawr phei dawr dawr.Building hnung lamah min hruai pheia,rin loh deuh deuh ka va hmu.







"Enge hetah in tih veka,in haw deih tawh emaw tia"tiin ka ṭhiante lam ka hawia,nui ṭhaw hian "Lawmzuala kan va tlawh leh zuai ang chu"anlo ti awlsam et,Class a kan awm lai te khan sawi ve mai tur ania ka ngei lek lek hlawm.







"Lawmzuala te ina kal tûr si helai daih daih ah in awm bawk sia"bang bo zet hian ka ti leh hap,"zawhna lahhi i ngah fal thei sia"Zoparan ti hlukin "lo awmru kan rei lo ang"tiin kan piah deuha Building hman tawhloh lam chu an pan pheia.







"An ni zu in mai mai ka nghâk ve peih lo ka tello in kal mai ru"ka ṭhiante ṭhut khawmna lam chu hawiin ka ti bak hlar,min au zui tliar tliar mahse let tumna ka nei tawhlo, ka bag ah lai siam rem mawlh mawlh in ka kal tau sawk sawk a.







"Tinge ilo let?Khawnge midang an awma?"ti tu vang chuan ka ding chawt,"Ka kal ve dâwn lo, sawtah an la awm vek"tiin an awmna lam ka kâwk vah,kal pêlin ka pen phei hlawk hlawk,a phun hluk ri chu ka hrepha chang chang.







Ka bula a awmin keimahah danglam a awm tih ka chiang tawha,chu chu tihreh ka duh,a reh theihna awmchhun nia ka hriat chu amah hnaiha awm loh hi a ni.







Hostel kawt ka thlen chuan ka bag chhunga phone ri nghawr dat dat vang chuan ka ding data,phawrh zui nghalin min lo call tu number chu ka ena "Lawmkima bawk maw"chek hlakin ka hmet tawpa ka lut zui nghal.Vawi enge maw zah a rawn call sek takah chuan mood off nen vin hlar hian"Enge i duha min rawn tihbuai sek chu le"ka ti nghal zat,ka aw chu ngaihthlak anuam fahran in ka ringlo,mahse;pawi tihna ka nei hran lo,min lo biak sek chhan tur ka hrelo miau a.







"Ka tihpalh takzet ani,ka tihnat man che ka hmu ve ta anihhi,min ngaidam hram rawh"tih angreng chu asawi duah,tuna asawi zawh chiah hi ani lawmni sawise tia ka duhthusam ṭhin kha.







Ngaidam mah ila ka rilru chu atina tho alâwm,nie ka ngaidam thei ani mahna, mahse na min siam sak hian engtia rei nge dam tûrin hun ala mamawh ang tih ka hrelo a ni.






"Bawihi,min chhang teh khawngaihin kalo kîr min phal sak rawh"ngenngawl zeta atih chuan ka thaw hawk."Keiaia i thlan zawk leh duhzawk nên khân hlim takin awm ta che u,chuan i fanu tân khân pa ṭha tak nih tum zawk rawh"tiin kan in biakna chu ka ti tawpa ka block zui nghal.








Ani biak kha ka tan sawtna a awm tawhlo,min kalsan tu chelh lui reng tur hian ka chak tawklo bawk.







Zanah chuan Jacob call ka dawng leh nawlha, pehhêl reng chu ṭha a ka hriatloh vangin phur fahran lo hian ka la hram."Hello iṭha maw,tinge vawiin khan i haw daiha keimah vang ami"ati nghal zung zunga,"haw lo e,ka chauh vang mai mai anihkha,Lawmzuala chu enge alo an?" Ka tih zawm ve zat a, aṭhat thu leh an zu kensak a in vanga Puipuii tih tauh thu te asawi luama awm ka tih pui takzet,bialpa te damlo ngaihtuah deuha awm laia adamlo ber khatia lo ruih nawi vel mai mai kha tu hmeichhia mah hi an lawm bik in ka ring lo.









Jacob chuan a chet dan amawi loh vang leh akhawsak zia vang chuan ngaihdam min dil mawlh mawlha nuamlo ka ti letling zawk."Ṭhian chu kan ni reng thei ang tiraw??" tia min zawhna chu keipaw'n ṭhian ṭha tak nihzel ka duh thu in ka chhang.








Eng eng emaw sawiin kan ti ti luama,huatna hranpa ka nei tawh biklo,ka mut meuh chuan khua alo tlai leh ruih tawha ruah asur cherh cherh bawk.






Ka WhatsApp status ah chuan"Take me to your heart"Michael Learns to Rock hla ngei mai kha ka hmanga,he hla hi ruah sur chang hia n nalh ka tih azual ṭhin.Youtube ah lût in ka ngaithlak chhunzawma,rilru a sak pui mawlh mawlh in ka hriat loh karin kalo muhil der.







Dar thum velah chuan laklawk deuh hian zun chhuakin min kai harha,ka mut leh hnua phone ka en chuan Rinsangpuia message alo awm teh miala,"ngaih inei chiang"tih zawng te hi alo ni."Nei maithei ani"tiin ka chhang let ve,ka harh laklawk vang chuan phone ka en ta renga,rinloh deuhin minlo reply na ka dawng nawlh.








"Ava vânnei ve"tih zawng hian minlo chhang.







Chhan let mai ngaihna ka hreloa,ka in ngaihtuah vang vang hnuah "Iva mengrei ve"tiin thu dang ka sawi ta daiha,hepa hi pehhêl tum viau mah ila min hnaih atum changa ka hnar thei miahlo hi keimah ngei pawh hian ka hrethiamlo.











"Keipawn ngaih deuh ka neia,ka ngai meka ka muhil theilo anihhi"a message chu ka chhiar nawn ka chhiar nawna,inhmehlo hi ka van ti tak.Atakah aiin phone ah hian aṭawng duh zawk emaw ni ka ti hial, ngaihzawng anei ngailo kha an ti sia,ka awihlo lek lek tawh heti taka ṭawngkam thiam si hi heti chen chen a single ka ring tawh hauh lo.







A message ka chhang tawhloa,ani pawh a reh zui ve mai bawk.Nidang ang tho in Class kal tûrin Hostel ka chhuahsana,ka thlen chuan ka ṭhiante tumah an lo la thlenglo ve teh mial.








Tetei leh tes-i rawn in zui lut chu an hmel angui deuh nghiai hian ka hria,an rawn ṭhut thlâk rual chuan chanchin kalo zawt vata,nimin lamah Lawmzuala leh Puipuii an inhauh thu leh Puipuii ti taua ahaw thu te an sawi luama,"Lawmzuala awmdan hi chu hriatthiam har ve deuh tur ania,hei vawiin pawh Class a rawn kalloh phah ania,an inṭhen angem le?"Tete in ati charh charha,"Inṭhen na tan em chuan chhuanlam ṭha anihloh kha,an ṭha ve leh mai ang Puipuii pawh hian aduhve em hi"Tes-i chuan ati ve thung.









"Ṭhian ang vek kan ni tawh sia Lawmzuala te ṭhianho nen pawh,an inṭhen chuan anuam lo vek ang,hei vang hi chuan keichu ṭhianho nihchuan in ngaizawng hi awmlo se ka tih ṭhin ni thil hi akal diklo ṭhin"Tetei bawkin ati leha,dik ka ti viau mai.







"Ni ngawt mai,mahse an ṭha leh vat turah ngai ang ,tes nangman Lawmzuala chu bia la keinin Puipuii kan lo titi pui bawk anga"tiin ruahmanna ka siama,an pawm hmel khawp mai.









Canteen a thil kan ei laiin Rinsangpuia te ṭhianho an rawn in zui lut ve a,an hmel en reng reng in khawiah emaw an insual tih a hriat."In hmel chu leh!tu te nên nge in in sual leh taka hmelphakho"bak hlar hian Tes in alo ti nghal hluk hluk.








"Zomuanawma te ṭhianho in min lo chang khanglang alâwm le nizân kan leng"Zopar an ati bul bul."Saw mi te ṭhianho ve sek lah saw,Para Hmangaihzuali vang bawk ami?"atih zawm zat.











"Ni ve ziah e mawle,ex laktlak loh deuh nei bialnu neih chu buaithlâk emai"chair phawt chhuaka ṭhut thlak pah chuan ati nuah nuah.Tetei nen chuan bang bo deuhin kan ṭhu ngawi reng ringawt.











"Ṭhen rawh ka ti fo che i phu tawk anihkha, en ta che hmel hmuh tlak an neih loh phah ve ziah an chhan na lamah che" tiin aṭhiante ho chu amelh kuala,tuman engmah sawi tum lo ni awm takin kan bulah chuan ṭhut hmun an rem sauh sauh.








"Ṭhen pawh ni ila khapa khan a um zui reng tho ang,a tawrh tir hnem tawh lutuk"tiin a bialnu thlavang alo hauh sak ve a."Atir aṭang engkim ka hrilhsa vek tawh che, Police hnêna report tur pawn ka hrilh fo Zualtei pawh,ka thu sawi in awihloh rah anihhi"a ṭawngkam pawh anem ta deuh,a ṭhianpa hi akhawngaih tih ahmelah alanga pawi ka lo tive hle ringawt.








Class lam pana kan kal leh chuan thil awmzia kan zawta."Zualtei chu Zopara bialnu hi ania,kan veng ami tho mawle,tleirawl kan nih lai ṭanga tal ho ve deuh ṭhin hi ania.A bialpa hlui chu kha Zopara te lo changtu te kha an nia,Zualtei hi ala umzui reng ṭhîn nia an sawi te ka hria a ,a sawisa nasa ṭhin bawk ani awm e.Zopara hian high School kan kal lai vêl aṭang alo star ve ṭhin bawk sia thlah a harsat tawh bawk si, aṭhiante hian an tuar ve phah ziah anihhi an chhan na lamah"Tes in atih chuan kan hrethiam ta uarh mai.








"Nih leh tinge ala umzui renga, chutia an inṭhen tawh ber te chuan,bâkah ex te bialpa thlenga han umzui ava ṭhing ve"ka ti ve zat zat a."Drug a khawih ṭhin an tia Muanawma chu,Zualtei nen an inṭhen chhan pawh ani awm e.Mahse,Zualtei hi ala duh ve tho sia bialpa dang aneihsan hi athinrim areh theilo anih ber hi;an ṭhianho hi an tam sia Zopara te lah ṭhian dang kawm emem tawhlo an ni bawk nen tihian an chânga an sual rawn ṭhin alâwm"tiin asawi fiah leh mawlh mawlh.









"Keichu drug addict kher kher hi chu an rapawm ka ti,an rilru a mumal lo si an hlauhawm,Zopara te pawh chu an la sawisa hlum mai ang tih ahlauhawm"Tetei pawh chuan ati ve charh charh.








"Chutak chulawm ka thinrim ṭhin em em na chhan,ṭhen tur pawn ka ti zing tawh lutuk"tes in ati zui leh hlak hlak.







Class laklai te chuan Tes-i thusawi te kha ka ngaihtuah rauh rauh renga,an ṭhianho chu an in chhan viau tih chu ka hre tawh thoa,mahse hmeichhe pakhat vangin kut an tuar fo ang tih hi ka lo ngaihtuah thleng pha ngai reng reng lo, ṭhian an nihna chu an hlen ṭha viauin ka hria,chutih rual erawh in kut thawha chin fel chi niin ka hrelo;enge maw tak chu an tih ala ngai ngei ang le.








Assigment atâna ka hmanraw mamawh te lei ka ngaih vangin ka ṭhian te nên class ban ah chuan College chhaka Stationery dawra kal tûr in kan in zui chhuak hlawma.






Gate kan chhuak fel chiah tih chuan ka hnunglam aṭanga ka sama rawn ṭhâm tu an awm vang chuan ka dâk awrh."Hei tu nge inih a?" tiin ka ṭhiante'n an pawt sawn,chumi hma zawng chu nghet mangkhengin ka sam a ṭhâm ngheka,chet pawh ka che sawn theilo.








"Lalrinhlu, engvanga ka pasal lo be vel nge iniha"tia Sangtei thinrim au ri ka hre chhunzawm zat,ka hamhaih lutuk chuan chhan mai nachang pawh hrelo in ka melh reng ringawt.


Show post links
Top