IT'S A GAME : LOVE/WAR (Ka Hmangaih kha S2) BY Essy V Onyl (Completed)

[Ngaia]

IT'S A GAME : Love/War (Ka Hmangaih kha s2)




Chapter 19





EDUARDO ZONUNPUIA


Arnav a haw dawn vangin thil eiin kan chhuak dun a,,kan haw dawn ruaiah Daisy alo lang hlawl mai a,,thil ka ei chak a tih tlat avangin Arnav nen kan inthlah hnuah hetah kan lo kal kha ania,,


Daisy washroom kal lawk hlan chuan dawhkana a phone dah chu arawn in ring ral ral a,ka laksak duh loh vangin ka ring ral tir tawp,vawihnihna a arawn call leh chuan tum lo deuhvin a hming ka hmu fuh hlauh mai,, 'Richard L' tih hi alo nia,,ka lak lai tak chuan atawp daih a,,text msg arawn lut nghal zat..


*i naute pa ka ni tih i pasal hual kha ka hrilh i duh loh chuan zaninah.....* tih thleng chauh Screen ah alang,,

ka thil hriat chuan min thawng dawt,,Daisy naute pai mek hi ka fa a nilo tihna maw.? Rinhleh chu ka ringhlel thin ngei mai mahse thil thlen dan ngaihtuah chuan anih theihna lai chin a awm ve tho sia,,mahse tunah chuan ka chiang ta khawp mai...

Chutia rilru buai taka ka awm lai chuan Sammy alo lang hlawl,,hmanni lawkah insual mah ila huatna ka nei lo ka tih tawh kha,mahse hmuh zen zen erawh ka duh lo..

Bella hmingchhiatna zawng zawng kha keima thlen tir emaw a ti a ni mahna thinrim takin dawhkan nem chuan arawn kun a,,"engtin nge a chungah khatianga kha i tih theih?" aw ki pangai tak si,,chang fak hian arawn ti a,

Sammy chu enin,,"i hresual a nih chu" ka lo ti liam puat,,ngaihsak lo deuh chuan lehlam ka hawi leh nghal a,tun lawka ka thil hriat nen insawfiah emaw inhnial emaw kha ka peih lo a ni,Sammy chuan ka bula dingin min la en char charin ka hria..

Keipawn Bella chanchin leh pic post hrang hrang ansiam kha ka en tawh a,a rapthlak ka ti tak zet,,,a thu uar fal phei chuan tawngkam na tak takin an ti bawk a,,Bella tan chuan tawrh a hreawm viau in ka ring a ni,,an ti leh lutuk chu Bella ka lo khawngaih bawk,,

ka lo khawngaih anih chu..!!!


"ka fate nu chunga khatiang titu kha i ni tih ka hriatchhuah rual rualin thi angah inngai ang che" ti ram hmakin a kalsawn a,,ka thutnaah chuan ka la thu reng..


'Ka fate nu a!!' chu thu chu ka bengah a ri nawn tluk tluk,,engtin nge anih theih,Sammy maw naute pa chu..?Engtik atang khan nge anlo inzui?

Ka kut hum ruh tawn tawnin thaw ka la hawk,,tho chhuakin pawn lamah Daisy chu lo nghah ka tum ta zawk a,ka kawchhung tawt tak chuan min ti hah hlun mai,,

Counter bul ka thlen chuan a piah lawka ka thil hmuh avangin ka ding chawt,Bella chuan Daisy hmaiah a beng siah,,hmanhmawh takin ka va kal phei nghal a Bella in ben leh a tum chiah chuan a kutah ka lo chelh vat..

"a tawk" ka tih chuan,Bella in thinrim taka min lo enin,," Zonunpui,min thlah rawh" a ti vawt raih,,a mittui a tling piau bawk,,Sammy fa a pai tih ka hriatna chuan min ti thinrim lehzual a,,thinrim takin kan pahnih chuan kan inmelh raw raw,,

chutah a kut chu phih thla vakin Daisy samah ava kek nghal a,Daisy chu arak nasa mai,,midangin min en thap avangin Bella chu rang takin ka pawt phei dawr a keia thinrim tha chu ana deuh aniang nge Bella chu a kat nawk a,engtin nge a awm ka hre zui lo,,Daisy tap chhuata thu sawp reng chu buaipuiin ka kai thova,,Bella hmuh laia chutia tih chu ka chak tlat bawk..

Ni e,,thik se ka duh..


Sammy chuan min lo kuaiher lawpin min hnek nghal chawrh,,"Zawnga,,ti na tawh lo turin ka hrilh che a ni lawm ni" thinrim taka ti hrawkin midang chuan anlo chelh nghal a,,Sammy hnunga Bella hlauhthawn hmel taka lo ding ka hmuh chuan ka thinlung a na zawk thei,,en rei duh lovin Sammy chu ka melh zawk a,,Daisy chu kaiin dawr atang kan chhuak nghal...


Bella in Sammy fa apai a,chuan ka fa pai emaw ka tih mek hian midang fa alo pai leh bawk a,,ava kual teh hrep ve,,eng nge a awmzia,,infiam kual nan ka nun hi an hmang mai mai te hi a ni lo maw..


Ka motor dahna bul kan thlen chuan,,,"kha nu khan i fa ka pai vangin min thik anih kha,,mi zakthei lo tak a ni" a mittui tling niai chuan Daisy chu a ang bawrh bawrh...

'ka fa a ni tak tak a maw?' Daisy en chuan ka rilruin ka ti zat,,,engtia tih tur nge ka la hrethiam lo,,Daisy chu thudik ka hriat thu ka hrilh dawn em ni'ang,,mahse prove na tha tak ka la nei lo,,mi â nileng a ni lova chuvang chuan hun remchang ka nghah a ngai...


Ngawi rengin motor ah chuan ka lut a,,Daisy chu a tawng char char,Bella chanchin ngawt chu asawi a,,a then chu Bella chanchin ka hriat bak bak te an ni,,hetiang hian mi rel hi an thei ang tih ka ring lo,ka rilru chuan thildang ka ngaihtuah daih thung..Daisy ka drop hnu chuan kan in lamah ka inkhalh nghal a...



Ka u Henry alo haw vangin Hotel vel chu a kutah a awm leh tawh a,ka awm awl phian..Ka nu chuan pawna a pangpar ho chu a lèi alo thlak mek hlawm a,min hmuh chuan,,"Puia,, garage chhunga Lei tha bag kha lo chawi teh" alo ti zat..

Ngawi rengin bag chu ka chawi a,ka nu bulah chuan dahin,,"vawiinah i lehkha tur arawn thleng a,,i room dawhkanah ka dah kha,,chuan pi Mary nen kan lo titi a,inneihna buaipui vat an duh thu asawi a,,nangpawh lo inngaihtuah la atha ang,,Daisy dul len hmaa in inneih vat hi a tha" ka nu chuan a ti charh charh a,

ka ngawih reng avang chuan ka nuin min lo en zawk,,"ka lo ngaihtuah dawn nia" ka ti sap..Thudik erawh nakinah ka la hrilh ang chu..


Inchhungah lutin room ah ka chho tlang nghal a,,dawhkana envelope a pangai aia lian hret lo awm chu lain khuma thu chung chuan uluk takin ka en a,,mr.Ratan thlalak leh ka pa te nena an thawh ho chungchang vel chu chhiarin ka la hriat loh thil pawh a awm nual mai,mahse zawhna dang ala awm tlat,,,amah ngei chu ka thil hriat duh min hrilh theitu tur a ni...

Ka chhiar zawh chuan file ah dahthain inbual turin washroom ah ka lut a,engtia hmalak tur nge tih chu ka ngaihtuah zui rak rak...Bella chu ka ngaihtuahnaah arawn lang zat,,vawiina thil thlengte chu ngaihtuah letin ka inseh ruh tawn tawn..Mi tlaw tak ka ni,ti nge Bella chu ka tihnat rualin a na hmel ka hmuhin keimah zawk ka nat veleh ziah thin..

Kei min thlang lovin khang mi pâ leh Sammy thlangtu chu ti nge ka theihnghilh theih loh,,heng zawng zawng hi tih tawp ka duh...



Zanah chhuakin Hotel pakhatah chuan ka kalin ka hma lawka mite thusawi hre thei tawk turin an piah deuha thutnaah ka thu a.An awmna atang chuan min hmu thei kher lovang..

Daisy leh Richard Law a zirpui thin pa chu ka piah lawkah thuin an inbia a,,a landan chuan ka thu hriat kha a dik ngei anih hmel,,Daisy fa paina chu kei ni lovin Richard a ni...Daisy nen chuan inhial deuhvin an awki pawh a zawi lo dun hle..


Ka phone chuan a rukin ka lo record char char,,an inhnial rei deuh hnu chuan Daisy chu atap a,,Richard chuan a kuah hlun hlun bawk,,chutah thochhuakin an kalsawn a,,an hnungah chuan ka zui ru zal zal,,an haw tawh dawn emaw ka tih laiin in chunglamah an chho dun ta daih mai,,room pakhata an lut lai chu ka hmu hman chiah chiah bawk..


Mahni nupui hualte zanrei tawha mipa dang nen Hotel room a an lut dun lai hmutu chu nasa takin a thinrim ang a,va phawkin kutte pawh a thlak duh hial maithei a ni,mahse keichu ka ni ve lo,,ka nupui hualin min phatsan lai ka hmu chu thinrim a hnekin ka nui tawp..

A hun alo thlen hunah ka la sawichhuak ang chu,,mahse tun erawh chu hun chu ala ni lo tih ka hria..Hotel atang chhuakin in lamah ka let leh a,,ka rilru pawh ahma ai chuan a thawveng hawk mai,,mahse hmabak tam tak ka la nei...



U Henry awmlai chuhin ka zin chhuak leh a,,hman atanga ka thil lo buaipui tawh chu a hmawr ka bawk tep tawh..Mr.Ratan pawh ka hmu tawh a,atirah ngeng deuh mahse ka khawih deuh hrep hnu kha chuan a thu hriat zawng zawng min hrilhfai kèl anih kha,,chuan tunah chuan ka pa phiarrutu leh phatsantute chu ka hre tawh..

Chu mai bakah sumdawnna tenawm tak an khawih te thlengin ka hre vek tawh,human trafficking,,,ka thil hriat te chuan min thawng hle a awih harsa ka ti hle bawk,mahse thudik a ni miau sia,,ka pa phuba lak nan chung mite chu ka tichhe bawk ang...

Mr.Bishop an min puih bawk a,chupawh inremsiamna kan neih chauhin min puih tur thu asawi a,,tichuan,ka pa aiawh tura min sawmna chu ka pawm ta a ni,,a chhan chu phuba ka lak theihna kawng awmchhun anih vang a ni..

Mr.Bishop leh ka pa kha mi fel chu an ni lo,mahse human trafficking lam khawih an duh lova an khap tlat thin, pa Thana leh Daisy pa pu Sama leh mr.Ratan te khan a ruka an lo tih avangin mr.Bishop an ahnuai atang a ban nghe nghe a,,phuba lak nan ka pa chu an thangah an awhtir ta a ni..Tun thleng hian chu an sumdawnna chu an la kalpui reng bawk.


An thil tawlh ruk thenkhat te chu police te hriattirin ka man tir bawk a,,Mizoram pawna an mi leh sa te pawh kan dahtha pheuh pheuh zel..Chu chu abul tanna chauh ala ni rih,pa Thana te ka tihchhiat vek hma chu chawlh ka tum lo,,ka pa mi rin em em a ni thin,a nunna aipawha a ngaihhlut a unaupa ngeiin a phatsan thei chu a nia,chu bakah ka pa rosum khawl te pawh pa Thana chuan a laksak vek bawk,,,

Mi nunrawng leh vawt tak a ni tih chu ka hrechiang viau mai,,chutih rualin Daisy pa pawh ka chhuah hauh lovang,,Sial rangin Sial rang a hring,,tih chu an ni pafa ah hian achiang viau bawk...


Thla khat ren rawn ka awmbo hnu chuan ka let leh a,,kan chhungte chuan thla thar lo awm tura innei turin thu anlo thlung hmanhmawh a,hrilh pawh min lo hrilh lo,ka awmloh hlanin ro an lo rel anih ber chu..Mahse sawi buai duh rih lovin ka ngawi ta zawk a,,Daisy chu neih ka tum lo bur thung..


Pa Thana'n amah hmu tura min tih vangin a office ah ka kal a,,a hmel landan chu hriatthiam a har hle,,min koh chhan erawh rindan chu ka nei thiam tho mai..

Single couch a thuin a nghen chhan ngheng chuan hahdam tak hian,,"i zinna chu eng nga a an?I hna kha ila thawk em?", tihin pangai tak chuan min zawt a

ka aw thian kharhin pa Thana chu ka en reng,"ka la thawk reng chu ania,,a khat tawka va kal reng hi angai thin", pangai tak chuan ka ti a,,ka awki leh landan te chu ka inthunun nasa hle bawk.

Diktak chuan a hmel ka hmuh hian na lua awm lova sawisak ka chak zek zek,,mahse chu aia hreawm nasa la tawrh tir chu ka duh...


Pa Thana chuan min en ve kar a,zam hauh lovin ka en ve ran bawk,,"tunlai chu ka nau te chhan hriat lova bo an tam riau mai a,,a landan chuan tu emaw in min bei niin alang" a mit la lasawn lek lo chuan min la en char char,,"chuan" tiin ka la en ve ran..

"min bei ngamtu chu tupawh nise ka chhuah mai mai lovang" ti hriam hraihin a hmazawn chu a en a,,ka lo kiai suk,,"ka pa khan lo ring lo tawp tur che kha a nia", tihin ka ding nghal a,pa Thana chuan min lo.melh zawr mai,,"ka pa thihnaa mawhphurtute chu ka tichhe vek ang" ti nghet charhin kawngka lam ka pan a..

"engpawh tawk tura inrin reng hi kan ngai ania" tia arawn nui ro hakin hawilet duh tawh lovin kawngka pawnah ka chhuak nghal zat..Thaw hawkin ka inthlahdul a,,engtia hmalak tur nge ka la ngaihtuah thiam mai lo..




A tuk zing workout a ka tlan chu tu emaw min zuirutu awm ni tlat hian ka hriatna chuan ahria a,,mahse hmuh tur a awm mai lo,,thut chawlh hahdamnaa ka chawlh lai chuan pa pakhat hi alo lut ve hlawl a,mask a vuah tlat bawk,,

chupa chuan vawilehkhatah Silai a min rawn tinin,,ka phu chiang kher mai,,,"khaw nge Bella a awm?,i sawi loh chuan he i lu hi ka thlawh darh vek ang" ti chang fakin,,min melh khur khur a..A thusawi chuan min ti hrilhhai takzet...

"chutiang ka hre lo,," tiiin ka chhang a,,a Silai chu chhuh tumin ka va bawh nghal,mahse alo duai lo nasa mai,,chutia awlsam taka hneh chi alo ni lo...Keimah zawk chu min tin leh ur in,,mit ka lo chhing tawp,,phuba ka lak hmachu thih ka duh lo...

.Chupa chuan a silai chu hmet per lovin,,"thih pawh i phu nek lo ve,,nung chunga hreawm nasa tak tuar tlak i ni", tihin a kalsawn nghal vut...Ka mit ka men chuan ahnunglam chiah ka hmu,,min thah loh chhan chu mak ka ti hle,,chuan ti nge Bella awmna chu min zawh,? Mi â a ni thei ang'em,,mahse a ni thei lo,,tu nge anih.?

Angaihna hre lo tak chuan ka let leh ta ringawt,,ka rilru erawh a nuam thei lo thung,,kal lama min zuirutu awm ang a ka ngai kha adik chiah bawk..


Chaw eikham hnuah mi hmuh tur pawimawh ka neih vangin ka chhuak leh a,,darkar 1 vel kan inhmuh hnu chuan keipawh Hotel lamah chawl hahdam turin ka let a,,u Henry awm loh lai tak anih hmel office chu a ruak vek...


Couch ah thuin mut hahdam ka tum lai takin kawngkhar chu arawn inhawng ri thuai,,,phu deuh zawkin kawngka lam ka en chuan Sammy chu thinrim tak hian alo lut a,,

Tunah engthil nge ni leh ta!!


Ka kawrawm chu rawn thamin thinrim meng sen rum hian,,"Zawnga khaw nge a awm?" a ti tuar,,hrethiam lo deuh chuan ka en he haw,,"tu?" ka lo ti hu,,,,

Sammy chuan,,"tu ila ti a maw?,hriat loh der i tum leh dawn em ni,," ngeiawm taka nui sak chuan a ti a,mahse ahmel landan chu a thip hrak...

ka bo hle a ni,,"khaw nge Bella i dah? Sawi rawh" arawn tih leh vak chuan mak ti takin ka en run,,"engatan nge ka tih ang,,chutiang ka hre lo", ka tihchuan,,min hnek chawrh,,dingin thawk a la leh hrawk a

"nizan atang khan a bo tih i hre lo chu amak hle mai,,ilo haw chiaha a bo nghal anih hi,,nang lo chu rinhlelh tur an awm lo" ti chang fakin min en leh run run a..Ka kam sir thi ser ser chu ka kutin ka hru thuak,,

Bella chu nizan atang a bo maw?Engtin..? Ka rilru chu a buai nuai..Ti nge henu hian keimahah danglam bikna a neih tlat thin chu ka hrethiam lo,,a bo tih ka hriatna chuan min sawi nghing dawt ni mai hian ka hria...


Sammy chu enin,,"a bo anihchuan hetah lo kal lovin Police Station lamah va kal zawk la,,i hmu hma zawk ang,,kei nen inkaihhnawihna kan nei lo" ti nghet charhin ka tho chhuak a,,

Dawhkan ka pan lai chuan,,"a rai tih i hria tiraw,,phir pathum a pai tih i hria em?" awki pangai taka arawn tih chuan ding datin,,ka thin chu a phu dut,,phir pathum maw,? Mahse chu chu eng nge a pawimawhna a fate an ni lawm ni..?

"ka hriat a tulna ka hre lo", tiin ka kal lehnghal a,,Sammy chu lo tawng lehin,,"i fate an ni asin" atih chuan ka taksa a thisen kal lai te chu an chawl dup a ka kal lai chu ka ding chawt...Tui vawt takin ka chhip atanga min leih ang mai hi ka ni..

"i fate leh an nu chu i thih tir ang maw.? Zonunpui.?" arawn ti leh charh,, hawiletin Sammy chu ka en a,,min lo en run bawk,,"dawt sawi suh,,i fate an nih kha", ti chang runin,,mahse ka thinlung chuan ka fate an nih chu a ring thung..


Sammy chu nui ro hakin,,",nangin i nupui hual raipuar i ngaihsak lai pawh khan a ni chuan i fate kha amah chauhin a venghim tlat asin,,ngaihsaktu a mamawh laiin nang chuan diriam takin i tawngkhum a,hrethiamtu a mamawh laiin nang chuan mi hur ang maiin i ngai a,,hmangaihtu a mamawh laiin thinlung na takin i siam a nihkha,,chuti chung chuan i fate chu nunna pek vek ala duh a,a nunna pawn tuar dawn pawh nise a inhuam asin" mi rawn kal hnaih chuan a ti charh charh a,,,


A thusawi maltin chuan ka thinlung chu a deng dawt dawt,,sawitur reng ka hre lo..Ka bing mup mup a Sammy chu ka en tlawk tlawk..


"ka thian,,khawngaihin Bella hi tawrh tir tawh suh,a tuar hnem tawk tawh,,tunah chuan hlim a phu,,a fate nen hlim takin awmtir rawh" mit sen ram hian a ti a,,a mita mittiui tling hnur te chuan sawifiah ngai lovin a na takzet tih alantir..Dawt asawi lo tih ka hria a,,Bella chu a hmangaih hle tih ka hmu bawk...




Sammy chhuah hnu chuan ka dinna ngaiah la ding rengin ka la chesawn eih lo,,ka thu hriat chuan min thawngin min ti na tak zet bawk,,,

Bella chuan ka fa alo pai reng amaw?Chupawh pathum,,!

engtin nge khatih chung zawng khan huaisen takin engkim kha ala hmachhawn theih,,kei ngei pawh,,ka tawngkhum dan leh a chunga ka chetdan te avang chuan inchhirna leh inhuatna hlirin ka khat..

Bella chu ngaihdam dil tlak ni pawn ka inhre lova,,min ngaidam tur pawn beisei ngam hek lo,,mahse an tan ka tihtheih apiang chu ka ti zel ang,,ka venghim tlat ang ka nunna hlan ngai dawn pawh nise,,ka hlan ang........





End of chapter 19


(ziah sual/mistake/ziah dik loh a awm chuan inlo hrethiam dawn nia,,chuan inhmeltha vek e)


Show post links
Top

[Ngaia]

IT'S A GAME : Love/War (Ka Hmangaih kha s2)




Chapter 20



EDUARDO ZONUNPUIA





Tunah eng nge?Sammy thusawi te kha a dik vek,,kei hi min lo tawng lo se tunah hian hlim takin a awm ang a,,natna tamtak a tuar lo tur,,tunah pawh hian engtin nge a awm,khaw nge a awm,,ala dam nge a thi,,,nilo a thi thei lo,,,hmeihchhe huaisen leh chak tak a ni,,a thi thei lovang,,ka zawng hmu ngei tur a ni...



Office atang chhuah ka tum rual chuan Daisy alo lut zat,,,khawvel a ka mamawh loh ber mihring a ni,,,,a dul pawh a lian ve tawh hle a,,,engtin nge huaisen takin ka fa anih thu a sawi ngam mai le! A mak ka la ti bang lo...!

"ilo haw tih i nu in min hrilh a,,ti nge engmah min hrilh ve loh" lungawi loh hmel tak hian arawn ti nghal a,,

Daisy chu en vung vungin,,"ka rawn hrilh che i beisei em ni?" ka mit ko lehlam san ak chuan ka ti a,,

Daisy chuan ka ban rawn chelh pah hian,,"kan lo ngai tawh lutuk che a,,kan naute pawh a che tawh asin" nui sang hian a ti a

Daisy chu enin ka kiai suk,,,hlim hmel tak hian min en a,,"ka fa maw,,,engtin nge mipa dang fa chu ka fa a nih theih ang a,,i zep reng theih i ring em ni?" awki pangai taka ka tih chuan min chelhna chu thlahin a mengphar nasa mai,

"ka fate nu ni turin nang ang mi tenawm hi ka duh i ring reng reng em ni.? I ni ngai lovang" ti ram hmakin Daisy chu ka en dur khup a,,a hmel a dang lawp lawp..

"nilo,,,nangma fa alawm,,,,engtin nge chutiang i sawi theih", ti nawk nawkin ka ban alo chelh leh a,,

"Hotel room a inlut dun lai kha ka hmuh tir kher che angai em ni?,Ka hmaah vawikhat mah lo in lan tawh suh,,ka sawi nawn tawh lovang", ti charhin a kut chu ka phihthlak sak a,Daisy chu a mittui atling hnur mai,,,,ka kalsawn nghal zat.

"Zonunpui,,kan inneih dawn kha,hetiang hi chuan i ti thei lovang,,,khawngaihin kal suh" tihin ka hnunglam atang chuan min lo kuah leh a

Henu hi eng ang hmeihchhia nge maw anih le!,Hmeihchhe zahna chang hre lo leh dawtsawi hmang hi ka huat zawng tak an ni...

Thaw la vakin,,"kalsawn rawh" ti hrawkin Daisy kut chu phelh ka tuma a tan ve tlat avangin ka phelh thei lawk lo,,

"khawngaihin kan naute nen hian min kalsan suh" tap tiau chung chuan ala ti cheu,,,kan naute ala ti ngam anih chu!!!

chutah na zeta a kut chu phih rawkin Daisy chu chhuatah a tlu hnawk,,buaipui duh tawh lovin ka chhuahsan hmak,,hmeihchhe tenawm dawt hmanga min bumtu chu en pawh ka en duh lo,,a khawih phei chu teuh lo...



Motor ah lutin ka inkhalh chhuak zat...Dîng takin Pa Thana office chu ka pan nghal,,a office ka thlen chuan alo awm lo,,a hnuaia thawk ten a zin thu min hrilh chuan thinrim takin ka thaw hawk..

Teh hrep a!!!!

Ka phone chu phawrhin ka call a,mahse a tlang thei lo,,,engtin nge ka tih tak ang,,,khaw nge Bella chu an hruai ang? Tunah khaw nge an awm?

Bella,,khaw nge i awm,,i thi thei lo ania,,kan fate nen khan lo him ang che u...Ka fate nen ka hmuh let leh ngei che u angai...





ISABELLA LALHMANGAIHI



Ka harh chuan ka taksa a na thum mai,ka kut leh ke chu nghet taka phuar an ni,,ka mit an tuam a ka ka chu Tape a char beh tlat a ni bawk..Ka hriatsual loh chuan motor in kan tlan mek,motor seat hnungah ka mu bawkin ka hria...

Nizan khan pu Mama te inah chaweiin ka kal a,ka haw lam Van nen intawkin khang ho khan min man bet tih chiah ka hria,,abak chu tuna phuar beh a ka lo harh hi a ni mai..

Tute nge ni ang,,ka chungah eng nge tih an tum?Chuan ka naute,, ka dul khawih nghalin,,ka thaw huai,,ka dul chu thla li chiah la ni mahse a lian ang reng a,hriat pawh a hriat tawh viau,,pathum an ni miau alawm...

'Ka naute te u lo tuar hram hram ru aw,,Amma hian a venghim tlat ang che u.,inchungah engmah ka thlentir lovang..' ka rilru chuan ka ti mawlh mawlh..




Khaw nge min hruai an tum a,,tute nge an nih a,engvanga min kidnap nge an nih chu ka hrethiam lo tak zet,,,ka rilru chu a buaiin,,ka hlau a ka thlabar hle bawk,,mahse ka fate damchhuah nan huaisen taka ka hmachhawn angai tih ka hria...

Tuna min kidnap tu chu E.D anih te ka ring leh thin a,,,mahse ka ring phal chiah silo,,,ka mittui chu a tla a tla mai,,tunah hian min lo zawng ang'em,,min lo zawng hmu lo ta se kei leh ka naute te chungah eng nge thleng ang,ka ngaihtuah zui ngam tawh lo,,remchang hmasa berah tlanchhuah dan ka zawn a ngai...


Motor chu dingin tu emaw hian mi rawn kai thova,,ka ke an phuarna chu phelhin min nawr phei rawk rawk,,a thenin Mizo tawng an hmanga achangin Hindi an hmang bawk,,tute nge an nih tih chu rin ngaihna reng ka hre lo..


Chair pakhata min thuttir hnawkin ka mit an tuamna chu an phelh a,ka ka a tape pawh chu an phawi a,,,ka mengtha thei lawk lo,,zawimuang chuan ka meng a,,light eng tha vak lo hi ka zawnah an khai a room chu a thim ang reng,,hawikual thuak thuakin mahse engmah ka hmuchiang thei lo,,ka hmalawkah chuan mipa panga an ding tih ka hmu bawk..

An zinga pakhat chu lo kal hnaiin rawn kun hniam deuh chuan min en vung vung a,,ka thin chu a phu dut dut mai,,a hmel landan atang chuan patling a nih hmel a,,pa lian vak lo a ni bawk,,pa nelawm tak a nilo,,tunah tak phei hi chuan mi rap tak zet..


"i hmel chu alo tha reuh em anih hi maw", pangai taka tiin,,"hmanraw pawimawh tak i ni dawn tih ka hrechiang bawk" ti leh zatin,,a thusawi chuan ka ngaihtuahna a ti kal thui kher mai,,

engtia min tih nge an tum,,min zuar dawn nge ka taksa peng an hralh zawk dawn,,,ka rilru chu a chiai tak zet..ka naute te chu min laksak mai hlauvin ka dul chu ka kutin ka hliah tlat bawk..


"engtia min tih nge in tum,,khawngaihin min chhuah ru" mittui tling piau chuan ka ti a,,ka aw pawh a khur ti tih..

chu pa chu nui khi sukin,,a ding mar a,,"chhuah mai lo ve,,,i pawimawh lutuk tlat,,lungte pakhat a Sava pahnih an vawm tlak thin hi i hre tawh em,,nangmah hmang hian mi pahnih ka kawngdaltute ka dahtha thei dawn tihna a nih chu" tiin a nui huah huah a,,,

a thusawi chuan ka ngaihtuahna a ti kal thui kher mai,,tute nge chung mite chu ni ang,,,ngaihtuah chhuakin thutin,,nilo nilo,,ka pa ala dam tih an hre lo,,ka pa chu a ni thei lo..

Hrethiam lo tak chuan chu pa chu ka en a,,"i hria em,,i pa kha,,eng nge a hming khah.??" ngaihtuah vang vang chuan a ti a,ka lo meng kawk..!!

ka pa ala dam tih a hria maw,,engtin,,ka thin chu a phu dut dut,,ka pa chu thah an tum tihna em ni??

chu pa chu rawn tawng lehin,,",aww,,James Lalhmangaihzuala kha,,,,min ti buai khawp mai,,thi hle hle se atan a tha tur ka thah angai dawn sia apawi ka ti tak zet," tiin rawn kun hniam chuan min en leh a

"ala dam tih i hria tiraw?" arawn tih chuan ka thaw ka lo ip chawih..Chu pa chu khi sukin ka hawi sawn daih..

Ding mar lehin,,"chuan,,kha i bialpa hlui pawh kha,,a ni pawh khan a thihna tur arawn pan mek ka ring,,a ngaihtuah tawh viau ang che" a tih chuan ka melh zawr mai,,

"E.D maw?" ka ti chhuak sap,,mi pahnih a tih chu ka pa leh E.D tihna em ni.??

chu pa chu nui khi vur vurin,,"ni ang chu maw le" a ti zek..

"arawn kal lovang,rawn kalna tur chhan a nei lo,,,ani nen khan eng inzawmna mah kan nei lo," ka ti ve sak,,ni e,,arawn kal dawn lo,,engvangin nge a lo kal ang..

"bawihi,,ila hrechiang lo anih hmel,,a rawn kal em em ang,,," tiin ka dul chu a en thla a,,ka taksa chu a mar khawng awt...

"aw,,,chuan i rai bawk a,!" kiai suk chuan,,,"thu thang kha ka lo hria lawm,,chuan a pa hi ka hriat ngei pawh ka ring" ti leh zatin,,ka melh kawk,

"he game hi anuam dawn riau mai" tia nui ruah ruahin a kalsawn a,,ka kut chu ka hum ruh ngawt ngawt,,kawngkhar an khar rual chuan mit chhinga thaw chhuak hawkin ka mittui chu ka biangah arawn luangthla nghal zat..

Eng nge kan chungah thleng dawn?,kan zavaiin kan thi dawn tihna em ni?,keimah ai mahin ka naute te leh ka pa dinhmun chu ka ngaihtuah zawk,,chuan E.D a...

Min chhan turin a nunna arawn thap ang maw? Ni lo,,,fa nei mai tur anni,,kei ai chuan a fa leh a nupui hual a ngai pawimawh zawk alawm,,arawn kal lovang..Ka pa angin a tan engmah ka ni ve hleinem....A rawn kal lovang..


Ka dul chu khawihin rilru tawt tak chuan ka thaw hak a, ka mittui a luangthla ngiai ngiai bawk,,tap chhuak lo turin ka inseh ruh ngar ngar a,,nimahsela ka mittui luang erawh a tawp hleithei lo,,

Lalpa,,khawngaihin min tanpui hram rawh..




EDUARDO ZONUNPUIA


Mr.Bishop nen kan inbiak zawh rual chuan ka phone chu motor hmaah ka theh thlawk,,rilru tawt tak chuan ka thaw leh hawk thin a,,motor khalhin an awmna tur nia ka rinah ka kal kual deuh vek tawh mahse ka la hlawhchham vek,,

khawiah teh hrep nge an awm ang?


Ka motor khalh lai steering chu chum pawpin horn chu a ri tuar,,ka khabe hmu tuai thuakin Bella chungah eng emaw athlen hlau tak chuan ka inseh ruh tawn tawn..Ka chhanhim thei lo anih chuan kumkhuain ka inngaidam thei leh tawh ngai lovang...


Ka phone rawn ri chu lain ka chhang nghal a,

"aw,,sawi rawh" ka ti zat

"Cctv ka enkualnaah kidnap ngei a ni,,chuan a kidnap tute Van ang chiah hian nizan zanlai vel khan Aizawl khawchhung a chhuahsan lai ka hmu bawk,,100% chuan ka chiang lova mahse an nih ngei chu ka ring" Arnav chuan arawn ti zung zung..

"an Van plate no chu i hre thei em?"

"a fiah lo lutuk a,,a theih ka ring lo"

" i try hmain a theih i ring lo nghal a maw,,he thil hi a pawimawh zia i hria em,,i nunna thapin hriat lo tum rawh" ka ti hrawk,,ka kawchhung a engkim mai chu an so bulh bulh hian ka hria...

Phone kan dah hnu chuan RV lamah inkhalh thlain ka zawng chhunzawm leh char char,,mahse pa Thana chuan helamah inhmun emaw huan emaw a neihawm ka hre si lo,,khawiah nge an awm ang?



Tlai dar 4 thleng ka zawn kual hnuah tih ngaihna ka hriat loh avangin khawchhungah ka tlan let leh a,,rilru chu a zing mup mup tawh,,khua a tlai telh telh a eng thu thar mah hriattur a awm si lo,,mahse ka beidawng mai tur a ni lo...


Pa Thana te in lamah kalin Hlimhlimi leh a nu chauh hi an lo awm a,chhuanlam siamin pa Thana study room ah chuan ka lut a,,thil eng emaw hmuh in beiseiin ka hmuh theih ang ang chu uluk takin ka en vek..Mahse hmasawnna tur engmah ka hmu lo..


Beidawnthlak ti tak chuan ka thaw vak,,ka chhuah dawnah chuan Hlimhlimi alo lut a,,"i thil zawn chu i hmu em?" arawn ti hliai

" la hmu lo,,khawn ge pa Thana hi a kal i hre lo maw?" tiin engemaw a hriat beisei deuh chuan ka zawt a

Hlimhlimi chu ka en ran bawk,,"hre lo,,sumdawnna vangin ka zin dawn a ti mai a,,ka lo zawt chik em em lo,,mahse pa Sama nen an inbiak lai khan kha chuan eng Lodge emaw hming kha chu a sawiin ka hria" a tih chuan ka beng a verh zar

"ila hre thei ang'em' ka tih chuan,,a chal vun ti chhuar tupin,,"hrethei lo,,ka thluak that loh i hriat kha" tiin a nui hak hak...



Hotel a ka let leh hnu chuan Aizawl hnaih deuha Lodge awm ho chu ka en a,mr.Bishop nen inbe pahin ani pawn hacker te ruaiin pa Thana chu alo chhuitir ve mek bawk a,,chhui ngaihna awm lova a reh hmak chu mak tak a ni..Ti ila,hetiang hi chu alo tih than tawh kha a ni reng a ..

vawiin nilenga engmah ka la ei loh avangin ka pum a thip veng veng,thil ei chakna pawh ka nei lo,Bella zawn hmuh vat chu ka rilruah alang lian ber..Tih ngaihna a awm lo lutuk chu ka thawk a hah tun mai...



Arnav chuan min lo call leh a,,an awmna tur awm ang a hriat thu chu rawn sawiin hmun hnihah in thenin Arnav leh midang chuan hmun pakhatah an va en anga kei leh midangin a dangah...







ISABELLA LALHMANGAIHI



Tui tak ngial pawh engmah min pek loh avangin ka chau tawh takzet,,,mattress rimchhe takah chuan hahdam lo zetin ka mu a,,chakna ka neih theih nan muthilh hram ka duh,mahse har tak a ni,,ka kut chu anla phuar reng bawka phelh ka tum ngiala ka thei lo a nih kha..

Muthilh tum chuan ka mit ka chhing diar diar a,,mahse thawm ri rum rum ka hriat avang chuan thu chhuak nghal zawkin thinphu zawih zawih chuan kawngkhar chu ka melh reng..

Chutah kawngkhar chu lo in hawngin,,tu emaw in thah min lo tum anih chuan a keah ka tlawh chawrh ang a chutiang chuan ka ti ang,,tih lo ngaihtuah hman vekin ka lo inring hle..


Mipa pakhat chu lo kal hnaiin mattress chhak lamah ka tawlh sawn hrut hrut,,,"hlau suh,,ka hruai chhuak dawn che" hahdam taka rawn tiin a kut chu arawn phara,,

mizo a ni lo,,mahse vai hmel a pu bawk si lo,,chu pa chu ka hmu ngai lo,,ka hriat zawng pawh a ni lo,,tu nge anih? Hrilhhai tak chuan a kut chu ka chelh a,,nui khi sukin ka kut an phuarna chu a zai chat thrawt,,

"lo kal rawh,,hlauh tur a awm lo" dam thlup hian a ti a,,tu pawh nise min rawn chhan chu ka lawm tak zet,,sawi ngaihna ka hre lo,,ka lawm lutuk chu ka mitttui a tla hial,,ka naute te nen him takin an awm thei dawn ta...


ka la hamhaih deuh em avang leh a hmanhmawh em avang chuan engmah ka zawt lem lo,,fimkhur taka min hruaiin pawn lamah ruang alo let nual bawk,,chung ho thisen ka hmu chu ka trim uai uai thei...

.Pawn kan thlen chuan motor ah min hruai lut nghal a,,mi 10 aia tam hret lo hruai a nei bawk,,motor a alo luh leh hnu chuan kan tlan chhuak nghal a,,ka thaw huai mai,,'naute te u tunah chuan kan him ta' ka dul dawm chung chuan ka ti mawlh mawlh..


Motor ah chuan mi pathum chiah kan chuang a,,chu pa leh driver nen chauh,,,"tu nge i nih?" ka hmaa thu pa en chuan ka ti a..

"Arnav tihin min ko thei ang" min lo melh zawk chuan a ti a..

"ti nge min rawn chhan?" ka ti tawl,,Arnav chuan min lo melh leh zawkin,,"E.D thian ka nia,,ka nunna thapa chhan tur chein min ti miau sia lawm" kiai suk chuan a ti a,,.

a thusawi chu awi har ka ti tak zet,,E.D an chutiang chuan a ti a maw..?Engvangin.? Zawhna hlir chuan ka khat,,mahse ka kâ atang erawh eng thu mah a chhuak tawh lo...


Arnav chuan phone ah mi nen inbia in min lo en leh zawk thin a,,"a tha vek e" tih leh,,"him takin ka rawn hruai ang",,"engtinmah a awm lo,lo ngaihtuah suh" tih chu asawi zin ber a ni...


Phone a dah rual chuan kan hmaa motor tlan pakhat chu ding thutin silai puak riin a zui zat,,ka phu lutuk chu ka hit chhuak vekin ka hria,,


Driver chu va chhuakin Arnav erawh chuan chiai lo turin min tawng thlamuan a,,driver rawn let leh chuan,,"min lo nangbun,,kan hma lamah leh hnung lamah an awm" hlauhthawn hmel tak chuan arawn ti zung zung..Ka meng phawk hra tawh...

Silai chu a khat tawkin an kap reng bawk a,,ka phu zawk zawk mai,,ka dul chu dawmin ka thin chu a phu dawt dawt...Hetiang reng reng a hmun raltri ah hian ka la awm ngai lo,,awm leh pawh ka duh tawh lo...


Arnav chuan lo chhuak lo tura min hrilhin driver nen chuan an chhuak a,,ka beng hupin ka kun a ka rilruin ka tawngtai mawlh mawlh bawk..Arnav chu rawn let lehin,,"i tha em?" arawn ti a,,

"hetiangah hian ka that i ring em ni?" ka lo ti hrawk,,..

Hrilhhai hmel tak chuan min en tawp,,chutah a phone chu rawn riin a chhang a,,thil thlen dan vel asawi lai chuan a phone chu chhuhin lawkin,,"helai hmuna thi tur hian em ni min hruai chhuah,,i kuta thih ai chuan khalai hmuna thih pawh kha ka duh zawk" ka ti tuar,,ka chiai bawk si leh thinrim rilru tawt chu ka chhungril a khur dat dat tawh..

E.D chu thaw hawkin,"i chungah engmah ka thlen tir lovang,,kha thu kha vawikhat mah sawi tawh suh" arawn ti hrawk

nui ro hakin,,"ka rin che i ring em ni,,,tunang dinhmuna min dahtu chu nangmah i ni,,heng zawng zawng hi nangmah vek a ni,," ti tuarin ka mittui chu a luangthla zat,,E.D chu a reh vung vung...Silai chu rawn puak lehin ka rak that...!!!





End of chapter 20


(ziah sual/dik lo/mistake a awm chuan hriatthiamna kha aw,,in hmeltha vek e)


Show post links
Top

[Ngaia]

IT'S A GAME : Love/War (Ka Hmangaih kha s2)



Chapter 21






ISABELLA LALHMANGAIHI




Zan thim hnuaiah kan hlimthla langthei tawk tur velin thla chu a eng nô ruai a,,mi lungleng mite tan chuan mittui tling hnur a thlir ngawih ngawihna tham a ni,boruak a nuamin khua a thiang tha si a,,,nimahsela kan tan erawh vanduaina min thlentu mai a ni..

Kan awmna chu khawilai tak nge anih rin thiam a har hle a,,khua kan hnaih lo hle tih lah a chiang reng mai..Min tanpuitu tur an lo kal vat loh chuan kan thih mai pawh a rinawm,,damchhuah inbeiseina ka nei chaurau tawh hle bawk...



Arnav chuan rang zet hian min din hliah thuai a,,a rum nghut,,hlau thlabar takin ka meng phawk hrâ..Ka phone ken pawh chu ka thlauh nghal...

Tunah khan min kap fuh lo tiraw?

Ka dinna ngaiah chuan ka ding khawng reng ringawt,,

"Bella,,,i tha em?" Arnav chuan a ti tham chhal a,,muangchanga melhin ka lu ka bu nghat,,Arnav chu thaw hawkin,,leiah a tlu hnawk a,

"Arnav,,,,i tha em,,,?" tia ka va khawihna lamah a dul chu alo hnawm deuh chhat mai,,hlauthawng taka ka kut ka enchian anak chuan thisen a ni...Ka meng kawk,,!

Arnav chu en lehin,,thawk harsa tih hmel tak hian,,"ka tha mai ang,,hlauthawng suh,,i him angai a nia,,kha ka silai hi la rawh" tiin a silai chu ka kutah min hlan nghal zat...

Ka naupan laia silai lema thil kan inkah siak thin tih loh chu silai tak ka la hum ngai lo...Silai chuan engtin emaw hian mi rap tlat bawk...


kan dinhmun chhe lutuk chu damchhuah ka inring tawh lo,,tunah Arnav a in hliam tawh bawk si,tuin nge min lo puih ta ang,,rilru chiai tak leh thlaphang em em chuan ka mittui a tla niai tawh,,,,"aihh,,,ka kalsan dawn lo che" ti triau in Arnav chu ka en a

A dul dawm chung chuan,,"kal rawh,,kei aiin i nunna a hlu zawk" ti charhin mahse kalsan mai chu ka duh bik lo,,min rawn chhanchhuaktu a ni a,chuvang chuan thi turin ka kalsan thei ringawt lo

"ka kalsan dawn lo che,,chuvang chuan ngawi reng khan awm rawh" ti hrawkin Arnav chuan hahthlak tih hmel zet hian a thaw hak a,,

"hetia i tih chuan a mawh ka phur vek dawn ania,,chuvang chuan i him nan kal rawh" arawn tih leh chuan,,"midang thupek ka zawm ngai lo,,eng mawh mah i phur dawn lo chuvang chuan ngawi tawh rawh" ti leh phiarin,ka mittui chu a tling hnur mai..


Arnav chuan beidawnthlak tih hmel tak hian a thaw leh hawk a,,engmah a sawi zui tawh lem lo,,leia thuin motor bang chu a ngheng a,asirah chuan ka thu ngawi ve reng..Kan awmna chu a him angem ka hre lo,,mi engzat nge la dam ang,,,a khat tawka silai kap ri leh zauh bak thawm dang engmah a. awm lo...Ka rilru chuan ka tawngtai mawlh mawlh,,ka thinphu chu a tir atang khan a normal thei tawh lo hrim hrim...

Min lo chhanchhuah hnu khan hmun hnihah in thenin kan kal hrang kha ania,,midang pawh chuan an himna tur ngaihtuah an ngaih bakah lehlam chu an tam zawk tih achiang reng bawk si,,,silaia an lo kah reng avangin chetsawn kha a rem si lova,,min lo puih kha chu thil harsa tak a ni'ang...


Vawilehkhatah mi pakhat hi rawn lang thutin Arnav chu a sawisa zui nghal a,,ka chiai hman hle,,"Bella tlan rawh" tihin Arnav chuan thei leh thei lovin a bei let ve a mahse awmzia a nei vak lo,,Ka silai ken chu kauvin ka tin vang vang a ka hmeh rual chuan mit ka chhing sawk...

Ka chhungril chu a khur ru der der,duhthlan tur dang awm se ka tih tak zet bawk,,zawimuanga ka mit mengin ka hmuh chian chuan chu pa chu leiah alo let zawi reng,,,ka that tihna maw?


Inthiamlohna leh inngaihtuahna hun nei hman ka ni lo tih hriain Arnav chu ka buaipui leh vat a,,a hma aiin a chauh hmel hle bawk,,min tanpui tur anlo thlen vat loh chuan a thih mai a hlauhawm,,chu chu tuna ka hlauhthawn ber a ni..Arnav chu a then sak sak a,,a dula an kahna chu thisen chhuah tam loh nan a hup bet tlat bawk...


Damdawiin emaw police emaw phone chu tuna tha ber leh ka tihtheih awmchhun a ni,,,phone ka thlauhna lamah let lehin phone chu ka zawng a,ka che reng reng chu a buai nuai,,,phone ka hmuh rual chuan police call ka tum a mahse a in lock avangin ka thei lo,,

Arnav bula kal ka tum leh chiah chuan ka hnunglam atang ka kâ rawn hup betin ka tal tur chu nghet tak hian min chelh bet a,,a chak ropui sia kei raipuar chuan ka hneh lo nasa mai...


Silai vawikhat lo puak lehin mit ka chhing leh sawk,,,he thil kher hi chu ngaiah ka nei thei ngai lovang,,Min chelhtu pa chu a tlu thum dut a,,ka hlau thlabar lutuk chu ka mit ka meng ngam tawh lo.,,ka kut hum ruhin ka ding khawng a,,ka tiril a khur der der...


"ka naute,,,i tha em?" ka pa aw ka hriat rual chuan min rawn kuah nghal zat a,ka pa ngei a ni,chu veleh ka tap chhuak hak,,

ka pa chuan uluk taka min en hian,,"a tha vek tawh e,,,a tha vek,,,i bulah ka awm hi" tiin ka mittui chu min hruk sak a,,,ka rilru rawn no thar lehin ka tap rawih rawih,,


"paa,,,ka thi tawh dawn emaw ka ti hman asin" tap tiau chung chuan ka ti a,,ka pa chu chek tluk tlukin,,"ka thlen tir ngai lovang,,ka vengim tlat dawn che lawm" dam thluam hian a ti a,,ka pa chuan nghet takin min kuah hlu hlu in ka luah chuan a fawp a..

Ka pa in min kuahna chu a thlamuanawm hliah hliah...Khawvela ka ngainat ber leh ka himna kha a ni miau a ni..


Ka pa leh a lo hruaite chuan misual thenkhat la dam a te chu an man a,,Arnav pawh motor pakhatin hmanhmawh takin a tlanchhuahpui nghal zat,,kei leh ka pa chu motor hranah chuangin ka pa pawhin engmah min zawt lem lo,,, ka chauh em avang chuan thu awn deuhin pawn lam thim khup chu ka thlir a,,

ka dul dawmin,,,'ka fate u,,,tunah chuan inhim tawh' ka ti sap...



Kan motor chu dingin,,ngaihtha lo tak chuan ka pa chu ka en a,,hlauhthawnnain mi rawn fan chhuak leh nghal zat,! Ka pa chuan 'hahdam rawh' ti niawm tak hian min lo en bawk,,mahse ka thei lo...!

Kan lam pan chuan pakhat hi alo kal a,,"engthil nge thleng? Ti nge indin vek?" ka pa chuan alo ti zat..

"Sir,,,ilo chhuah lawk angai" chupa chan thutak deuh hian alo ti a,,,

Tunah engthil nge thleng leh dawn ta..,?...

Ka pain min lo en zawkin,,,"naute,,lo chhuak suh aw,hetah lo awm char char rawh,,ka rawn let thuai ang" tiin a chhuak nghal a,,ka ngaih chu a tha thei lo,,thil thleng zawng zawng ngaihtuah chuan ngaihtha taka awmna chi a ni lo...


Nakin deuhah chuan ka pa arawn la let mai loh avangin motor atanga chhuakin kan hma lamah chuan ka kal a,,motor head light an tih en fur avangin thil thleng chu ka hmuchiang hle..


Kha pa min kidnap tu khan ka nu chu a kut hnunglamah phuarin a mit an tuam sak a,,a ka chu tape in an char bawk,chu thil ka hmuh chuan hlauhna in ka thling zawng zawng a fan chhuak vek,,,,ka pa chu an hmaah a ding ran bawk a..An bul velah chuan palian deuh deuh hmel rorum tak tak an ding fur bawk..

"nuu,,," ti trial ruaiin ka kâ ka hup a,,chu veleh ka pa chu phawk tak hian arawn hawi a,,,"bawihte,,lo chhuak lo turin ka tih che kha,,Bruno motor ah va hruai let ru", a ti zat,,

"tumah che sawn suh u,,anih loh chuan i nupui luah hian ka silai mu ka thun ang" chu pa chuan ka nu lua silai tin chung chuan a ti a,,an tam zawk miau avangin tumah chu an che ngam lo..

ka pa chuan hriatthiam har taka min enin beidawn hmel tak chuan a mit chhingin a thaw hak a...

"chhungkaw inhmuh khawmna tha tak a nih hi,,a lungchhiatthlak bawk" ka nu chelhtu pa chuan nui khi sukin a lo ti leh a,,

ka pa chu hawi lehin,,"kal tir rawh,,anni hian thiam lohna an nei lo" a ti nghet charh..

"thu min pe thei dinhmunah dingin i inhria em ni,,,i nupui nge i thlan dawn i fanu?" chu pa chuan a ti hriam hrak,,

"keimah a ni lawm ni i mi duh chu,,min man ta che,,hmeihchhe hmanga mi vo bet thin leka huaisen maw i nih,,," ka pa chuan a ti hrawk,,

chu pa chu a meng sen rum tawh,,ka pa keah a kap nghal siah mai,,,ka lo au tuar!

ka pa thiante chu an che hrut a,,silai puak leh nghalin ka paih lawka pakhat chu a thal nghal,,,,"tumah che suh u,,anih loh chuan in thi vek ang" mi nunrawng em em pa chuan arawn ti leh phiar a midang chuan silaiin ka nu leh ka pa chu an tin thap bawk..

ka pa bula va kal ka tum chuan a thiante'n min lo chelh bet tlat,,"i kal thei lo," an rawn ti a

tal ngat ngatin,,"min thlah rawh u" tiin ka tre tuar,,ka pa chu rawn hawiin hmai sen tawn tawn chung chuan a lu lo thingin,kal lo tur chuan min ti a,,ka pa en chuan ka tap hawk hawk

Ka pa an hruai dawn chuan rawn hawi let lehin,,'engkim a tha leh vek ang' ti ang mai hian min lo en a,,ka tuar thei tawh lo,,,min chelhna atang chuan tal chhuak phutin ka va tlan a,ka pa chelhtute chu an hnungah ka bengin ka chum bawk a

"kal tir rwwh u,,chhuah ruuu" ti tuar tuarin mahse ka thuswwi chu tuman an bengkhawn lo,midang chuan min lo chelh vat a,,

an Boss nunrawnga chu ka hmaah rawn kalin thinrim taka lo melhin a hmaiah chil ka chhak that,,chutah thinrim em em hian ka biangah min beng chawrh a,,,ka beng chu kiu vung vungin ka kamsir atang thi arawn luangthla ser ser bawk...


"khawih suh,,,ka fanu kha ti na suh,,i duh chuan keimah min ti na rawh" ka pa chuan arawn ti a,,an boss chu kiai sukin,,"tehreng mai" tia min lo melh leh zawk chuan ka pa dulah chuan a hnek chawrh,ka lo ip chawih mai,,,ka pa chu then sawkin a kun hnawk,,

"khawngaihin duhtawk rawh" tihin ka tap vak vak,,,ka pa chu an hruai lehnghal a,,lo hawi zawkin thei leh thei lo chuan,,"ka naute,,min ngaihtuah suh,," rawn ti sapin a nui sak a motor ah chuan an nawr lut nghal..


Chu veleh min chelhtute chuan min thlah a an tlan chhuah chuan a thim nghal khup,, ka pa thiante chuan min lo buaipui vat..

"ka pa kha ti nge inchhan loh" tap triau chung chuan ka ti a,,an zinga pakhat chuan,,"kan nunna thap meuha chhan kha kan duh alawm,,nimahse i pa khan nang leh i nu himna kha a ngai pawimawh zawk miau a,,engpawh thleng se nangmahni venghim tlat tur che u in min ti a,,keini tan pawh a harsa ve tho asin" hreawm tih hmel tak chuan a ti a,,engmah sawi tur ka hre tawh lo ka mittui chu sur zung zungin ka thin chu a na nghut nghut...



Ka nu chu lo kalin thla eng chuan ka nu mittui tling hnur chu a chhun de sep sep a,,"Bawihte,," min kuah chuan a tap hawk,,"i pa kha,,,engtin" ti bah nak nakin tawng hleithei lo chuan a tap a,,ka nu kuah chuan kan tap dun hawk hawk..

Ka pa khan a chhungkua chhanhim nan a nun a hlan chu a ni sia,,chupawh ka hmuh lai rengin sawisak a ni a,,tihtheih ka nei silo kha ava hreawm tak,kha hun kha ka tan chuan hremhmun ang mai a ni,ka thinlung chu rum vawng vawngin a na takzet,,a tû te nen pawh anla inhmu hleinem,,infiampui a a malchunga pawm te a chak thin em kha,,kan chan thei lovang...Ka fate hian pu an mamawh asin...



Motor dang lo thleng lehin khang misual tho emaw tiin ka thin chu a phu leh dup dup tawh,,ka pa thawhpuite chuan min lo din hliah zat a,,motor lamah chuan mi pahnihin min hruai phei an tum a,,mahse

"Bella" tih ri ka hriat chuan ka ding chawt,,

"Bella,,,khaw nge a awm?" a rawn ti leh,,ka lo inseh ruh ngawt ngawt..

"tu nge i nih,?,Engvanga heta rawn kal nge i nih?" ka pa thawhpuite chuan rum tak hian an ti a,,

"tute nge in nih zawk,,khawnge a awm?", a ti leh tuar,,ka nu chu motor a min lo nghak tura tiin in herin ka let leh a..Ka pa thawhpuite hnenah hun tlemte min pe tur chuan ka hrilh zat..





EDUARDO ZONUNPUIA




Motor headlight eng a Bella hmel ka hmuh chian chuan sawithiam rual lohvin ka thinlung chu chem tea vih angin a na ngawt ngawt,,a kamsirah chu thi ser serin,,a tap nasa tih hriat takin a mit a sen ram a,a biangte chu a huh hliam a,a mitah mittui ala tling hnur bawk,,a chauh hmelin a hmelah chuan hlauhna,,thlaphanna,natna leh huatna ka hmu thei,,a hmel chu a dang bei mai..

Chutah ka mit chu len thla zelin a dul lian ve tawh tak ka hmuh chuan ka inseh ruh tawn tawn,,,

"eng nge i duh,,ka thih leh thih loh ilo chian dawn em ni?" ngeiawm taka nui sak chuan a ti chang fak,,mahse a mittui chuan a thinlung na chu a thup zo lo..

"Bella,,chutiang sawi suh,,,,venhim che u ka duh" ka tih chuan,,

mittui tling piau a nui ro hakin,,"venhim aa,,,nangmah vang vek anih hi,,ka pa chu khang mi nunrawng ho khan thi turin an hruai tih i hria em,,,aww,,,nang chuan pawi i ti nang tiraw,,i pa thattu kha a ni miau alawm,,tunah chuan i hlim tawh em ka pa chu a thi dawn" arawn ti phiar phiar a,,amittui chu rawn luangthlain hnawk tih hmel tak chuan a hru tawk..


Hetiang em em a nâ hian ka awm leh theih pawh ka ring tawh lo,,ka pa thih lai tih loh,,tun hi ka thinlung la nat ber tum a ni ang,,Bella en chuan ka inseh ruh tawn tawn,,sawi tur haihchhamin ka ngaihtuahna chu a mang vek,,ka hrawk chu a thip ro hulh a chil takngial pawh lem a har talh tawh...


Bella chu ngawi rengin rilru na tak chuan ka en ngawt ngawt,,,"lo tawng lo tawp tur che ka nia sin,,ka lo tawng che kha khawvelah ka la inchhir ber,,ka tihsual lian ber a ni,,,i hria em,,ka haw lutuk che,,kan nun atang hian kalbo rawh" mittui luangthla ngiai ngiai chuan a ti leh piap piap,


Bella chu va kal hnaihin ka kuah chawt,,thinrim taka rak tuar tuarin tal chhuah tumin a tal ngat ngat a,,"Zonunpui min thlah rawh,,ka ten che" a ti that that,,,

kuah nghet sauhin inseh ruh tawn tawn chuan harsa ti zet hian,,,"Bella khawngaihin,,,min ngaidam turin ka ti lovang che,,mahse,,,," inseh ruh leh tawn tawn chuan ka ti a,,

"min thlah rawh,,min khawih turin tumah i ni lo" tal nghat nghat chuan a ti leh charh a,,"kan fate vang tal pawn" ka tih chuan a tal lai chu a tawp chat

"ka hria lawm,,engkim ka hre vek tawh,,Bella,," ka tih mek laiin,,"ka fate chiah anni,,ka fate hian nang ang pa hi an mamawh lo" ti ram hmakin,,chu thu chuan ka tha a ti zawi vek,,chu veleh Bella chu a awm hrang nghal vat..

A mita mittui la tling hnur chuan min melh raw raw a,,"engtikah mah i fate an ni ngai lovang,,atir atang ka fate chauh an ni" ti hriam hraihin a mittui hru leh tawka in herin a kal a,,,ka dinna ngaiah chuan mi â ang maiin ka en ngai enin ka ding ngawi reng...

Bella chu chelh turin tha ka nei lo,,engvak nge ka sawi chuang ang,,ka thiam lo tih vawi tamtak sawi mah ila ka thil tihte kha a nawtreh thei dawn si lova,,ngaihdam dila tha leh vek thei chu nise ka thawk tawp thlengin ka dil mai tur...Ka thil tih kha engmahin a ti danglam thei tawh dawn lo...


An motor tlan chhuah thleng chuan ka la ding char char,,ka thil hmuh chu a phe ruai mai,,ka mitah mittui a tling tih ka hriat chuan ka nui ro hak,,rum nghuta inseh ruhin ka mit chu ka nuai tawk a,,ka motor lamah ka let zat,

Lucas chu lo kal vatin,,"chhuak turin inring ru" ti nghet charhin,,a lu bu nghatin an motor awmna lamah a let leh a,,ka motor ah lutin engine start chuan ka dawk chhuak nghal zat...


Phone a inbe kualin an kalna nia an sawina lamah chuan chak takin kan tlan a,,,Bella pa chu chhan hman ngei ka duh,,ka fate'n pu an neih ngei angai emaw Bella tana ka tihtheih awmchhun pawh a ni mahna,mahse a ngaihdamna beisei vanga ti erwwh ka ni lo,ka thinlungin ti tura min tih tlat vang zawk a ni,..

ka pa thattu chu ahma khan thah ngei tumin ka zawng kual a,mahse tunah a nunna chhan tumin ka tlankual leh chu a ni sia,,eng nge ka chungah hian thleng a,,ka nihna leh duh dan lo pui puia ka nun tak mai ni..




Serkhan piahah chuan kan va umpha a,,ka pa ang chiaha ka lo en thin nen chuan kan inhmachhawn ta sak mai,,a mite leh ka mite chu an in ep ran tawh a,,inkah ring rengin kan awm thap..

"ka beisei aiin ilo thleng hma hret anih hi" pa Thana chuan a Sana en zauh pah hian a ti a,,,"khaw nge ani kha a awm?", ka ti charh,,,pehhel kual duah ka thiam ve lo

"tu chu maw?kha i bialnu kha em ni i sawi?" a mit ko kan akin a ti leh a,,pa Thana chu ka melh dur khuih tawh,,heihi a miziaa ka huat ber thin a ni...

Va kal hnaihin a hmaah tak ka va ding a,,a naute chuan silaiin min lo tin far hlawm mai,,,engahmah ngai lovin pa Thana chu ka en a,,"a harsa zawnga tih i duh chuan keipawn ka thiam ve tho ania" tia kiai sukin ka kut chu ka ti che zeuh a


Motor atang chuan Hlimhlimi leh anu chu ka naute'n an lo hruai chhuak a,damdawi a ka chiu avangin an harh fim lo bawk,,,pa Thana chu a mengphar nasa mai..

"e nge a an? ka surprise na che hi a tha i ti em?" ngeiawm tak chuan ka ti a,,pa Thana hmel chu a thim khup khup a min lo en chuan,,,"nang teh hrep hi,,ka that khawp ang che" a ti rum nghat..

"min thah chuan alo berah i nupui leh fanu i chan nghal dawn a,,min thah loh pawn i chan maithei bawk,,khawnge Bella pa i dah sawi la,,ka kutah min hlan la tichuan kan inremsiam a ni mai" awlsam tak chuan ka ti a

pa Thana chu a inseh ruh nasa mai,,Hlimhlimi te nufa chu a en leh zeuh thin a,a rilru chu a buai hmel hle bawk,,khatia Bella chhan tuma kan kal hma khan eng emaw tak ngaihtuahin, pa Thana hian awlsam taka min chhuah ka rin loh vangin a nupui leh fanu chu damdawia hraiin kan kidnap ve tawp kha ania,,,a chang chuan anmahni tih ang a beih let ve angaih changte hi a awm ve thin..


Rum taka min en chung chuan,,,"lo hruai chhuak ru" a ti that,,chu veleh Bella pa chu an lo hruai a,,kal pawh rawn kal tha thei lovin an lo hnuk ti tih a,,a chauh hmel hle bawk,,leiah chuan an thlah tawp a Bella pa chu leiah a bawk nghal thlawp,

Thlalak a alan dan nen,a in an loh em avang chuan ka ringhlel deuh a,,mahse surgery a ti tih thuthang a awm takah chuan ka ringhlel tawh lo


"tichuan kha,,i duh chu i nei tawh,,tunah ka nupui leh fanu saw min hlan thei tawh ang'em,?" min lo en chuan a ti a,,

"tunah chuan ni rih mai lo ve,,,ka hrechiang ve tawk che lawm,kan kal hunah chuah i khawih thei ang,,,,hnunglam atanga mi beih ching kha i nia chutin ka ring thei tawp lo che" tiin ka naute chu ka hui zauh a Bella pa chu kai thovin kan motor lamah an hruai a..


Let tura ka inher chuan,,"ka awi thei lo,,kha nu avang khan i pa thattu chu i hum a maw?iI chhungte nunna aipawn i ngai pawimawh zawk a,,,ropui khawp mai" ti charh charhin,,"hethil avang hian ila inchhir khawp ang" a ti leh zat...

"kan pahnih inkar chu nakinah kan la chingfel ang" ka ti ve charh...

Hawilet duh tawh lovin ka motor dahna lamah chuan ka kal ding nghal a,,ka rilru pakhat chuan chu thil ka tih vang chuan min dem hle a,,mahse pakhat erawh chuan min fak hle thung..



Hlimhlimi te nufa chu kan tlansan a,,an buai buaiin lo inbuaipui ve tawh mai rawh se,,seat hnungah Bella pa chu thuin a nghenchhan ngheng chuan a mit a chhing tlat,, front glass atangin a that leh that loh chu ka en leh zauh thin...Tuna ka rilru put dan chu hriatthiam a harin a buai nuai mai,,Rilru tawt tak chuan ka thaw leh hawk thin..



"ti nge he thil hi i tih,,ka zawt thei che ang'em?" Bella pa chuan hnunglam atang a lo ti chhuak sup,,front glass atang en zauhin a mit chu ala chhing reng,,,chhan mai dan tur chu ka vân tak zet..

Nakin deuhah chuan,,"ka duh vang renga ti ka nilo,,loh theih lohna vang zawk a ni" ka ti sap,,dawtsawi kual kha ka thiam lo,,,chuan engvanga zam em em nge ka nih chu ka hre lo bawk,,,ka lu chu an bing mup mup mai hian ka hria,,thawk lak ringawt pawh chu a sak talh...

"chhan tha tak a awm loh chuan keipawn i tih ang hian ka hmelma chu ka chhan hauh lovang" dam thlup chuan arawn ti a

",i ngaih dan dan khan ngai mai rawh" ka ti zat,,chung a zawhna leh min biakna chu tangkai lo ka ti hle,,mahse ka chhang veleh zel bawk si,,,chhan dan tur ka haih chhamin ka tang tun bawk,,tawng lovin awm mai mai se ka ti tawh tak zet...

a ngawih deuh vang vang hnu chuan rawn tawng lehin,,"ka fanu hi i hmangaih em?" arawn tih chuan ka thinphu chu reilote tak tak a chawlin ka hria,,inseh ruh tawn tawnin steering chu ka hmer ngawt ngawt,,chil ka lem duk...


chu thu chu ka ngaihtuahnaa la awm ngai miah lo thil a ni,,Bella chu ka hmangaih em,,?









End of chapter 21


(ziah sual/mistake/ziah dik lo a awm chuan inlo hrethiam dawn niainhmel tha leh vek)

[Ngaia]

IT'S A GAME : Love/War (Ka Hmangaih kha s2)



Chapter 22




EDUARDO ZONUNPUIA


Damdawiin kan thlen chuan khua a var tawh a,,Greenwood hospital chiah a duh vangin kan rawn tlan tlang char char a ni,engvanga damdawiin dang chu duh mai lo nge anih ka hrethiam lo hle,,Bella pa chu duty hovin an lo buaipui zung zung a,,thisen a hloh hnem deuh nen a hmel chu a dângin a chauh hmel hle a, tawng pawh a tawng tha peih tawh meuh lo,,mahse nâ ti hmel emaw a pu lo,,pa tuarchhel tak zawng a ni ngei mai..


Nurse ten an buaipui lai chuan ka lo inthiar fihlim daih thung,,motor ka luh hnu chuan seat nghen chhan nghengin mitchhing chung chuan thaw ka la vang vang,zanhnih ngawt mutmu tuah tha lovin ka awm a,ka taksa chuan chawlh hahdam a mamawh ve tawh tak zet tih ka hria,,


mahse,thil thleng zozai ngaihtuah letin ala tawp mai dawn lo tih a chiang bawk si,,Bella leh ka fate himna chu ka ngaih pawimawh ber angai...Mahse engtin nge ka hmuh phaka an awm loh chuan ka venhim theih ang,,Bella chuan hmuh pawh min hmu duh si lo...


Rilru tawt tak chuan ka thaw hawk,,ka phone rawn ri chu enin ka pick nghal a,,ka dah rualin ka inkhalh chhuak zat..

Hmanhmawh takin Durtlang damdawiin chu ka pan nghal a,,cabin pakhatah lutin Arnav chu khumah hian alo mu a,,min hmuh chuan alo nui khi suk...


"engtin nge,,engthil nge thleng?" tiin a bulah chuan ka va ding a,heta alo awm daih dan chu mak ka ti hle,,Arnav chuan,,"hmeihchhe pakhat vangin ka la nung ve tawk tawk anih hi" chimawm taka min en hian a ti sup,,a aw pawh chu a ring hran lo..


Ka mit ti dur khuih chuan ka melh run a,chutah pangai tak chuan,,"khang zâwng ho khan min kap fuh alawm,,ka thi tawh dawn emaw ka tia,," a ti nuah nuah,,"mahse eng nge thleng i hre duh em?", min en leh chuan a ti var..


Chhang lem lovin ka en reng ringawt,,"raipuarin silai an ken lai aia hot hi an awm lovang" ngaihtuah let leh niawm tak hian a en ngai en chuan a nui khi suk a,,"hmeihchhe ropui tak a ni,, mi a kap hlum tih hrilh ta che ila i awi ang'em?" Arnav chu ka melh kawk,,a uang mai mai anih te chu ka ring a,,mahse

"sawi tha rawh,,eng chiah nge thleng,,Bella kha i va chhan lo em ni? Engtin nge hetah i awm theih?" ka ti chang run,,a uang lutuk leh thil asawi kual nasa thei lutuk hi ka ning thin...


"chhan e,,mahse min chhan let zawk anih hi,,ka sawi chu,,,i fa pai chungin tual a that der tawh a nia,,,silai kah lah chu a thiam fu lehnghal,,a vawikhat kahah a thi nghal ania,,in fate chu an ngaihtuahawm ngawt ang" Arnav chuan kiai suk hian a ti a,,ringhlel tak chung chuan ka en run,,,,thil thlen dan vel a sawi zawh chuan hah hmel tak hian thaw a han la leh hawk a...


Hmeihchhe huaisen tak a ni tih chu ka hria a,,mahse hetiang em em hi chu ka beisei lo,beisei lo tihah a ngam ka ring lo a ni mah zawk,,,mahse ka chhuang hle thung,,ka fate'n chutiang nu an nei tur chu ka lawm rilru hle,nu tha leh huaisen chuan engtiang chiahin nge ka fate chu a enkawl seilen ang tih ka hmu chak tawh bawk,,


,mahse kei,kei hian ka la venghim zo lo chu a ni sia,,ani chuan a fate venhim nan engpawh a ti thei,,,tichuan kei hian eng nge ka tih ve tawh,,engkim avang chuan ka indem tak zet,,Bella sawi ang khan heng zawng zawng hi keima vang vek a ni,,an dinhmun derthawng takin ka siam a,,,ka siamtha leh vek tur a ni,,eng pawh tih ngai dawn se...



Arnav chuan hahdam ala mamawh avangin engmah ka sawipui duh rih lova,,thil thleng dang pawh ka hrilh duh ta lo law law,inzai zo hlim hlawl a ni bawk nen damdawi in atanga alo chhuah hunah ka hrilh mai aniang chu,,


Arnav chu chhuahsanin Greenwood lamah ka inkhalh leh a,,kal leh pawh ka tum chiah tawh lo,,,mahse ka rilru pakhatin kal turin min ti tlat sia ka hnial thei lo a ni..Ka va thlen chuan duty te hnenah a chanchin chu ka zawt nghal a,,cabin a an dah tawh thu leh a cabin no te chu min hrilh a,,chumi lam pan chuan ka kal zat..


Nimahsela cabin ka luh hma chuan inchhung lama tawng nak nak ri ka hriat vangin ka lut duh ta lova,,in herin ka chhuak leh daih..Ka thil tih tum chu atthlak tak a ni,eng rilru pua kal leh nge ka nih reng reng..Kal lehna tur chhan ka nei tawh lo...


Ka motor dahna lam ka pan lai chuan Bella nen kan intawk ta chat mai,,kawrfual èng a sin te tea par hi a ha a,a sam chu felfai takin asangah a tawn a,a dul zawng zawng nen chuan a hmuhnawm tak zet,,a kutin eitur a khai bawk a,,hriatthiam har taka min en in keipawh chuan ka mit ka la sawn thei meuh lo..


Biak tum chuan ka kâ ka ang zuau a mahse engmah sawitur ka hre lo,,,ka zam te pawh a ni mahna,,,,a mitmeng fim kak leh fiah taka min en chuan,,"ka pa kha engvanga va chhan nge i nih chu ka hre lo,,awlsam taka i rawn hruai haw erawh amak khawp mai,,mahse nangmah kha i ni miau a,,min kidnap tumtu kha, eng pawh i ti thei ang chu," a aw chu nem viau mahse lem aharsa talh thung,,a mitmenga min huatna nasa tak te chu ka hmuhhmaih lo..


Eng nge ka sawi ang,,engvanga apa kha va chhan nge ka nih ka hre lo,,chuan a kidnap tu kha ka patea a ni tih ka hrilh ang maw,, engmah inhnamhnawihna ka nei ve lo tih chu engtin nge a rin theih ang,,,vawikhat chuah min ring leh se ka ti tak zet...


"Bella,,,min ring thei tur hian eng nge ka tih ang," ngenngawl aw tak hian ka ti chhuak sap

min rawn hnaih chuan,,"kan hmuh phak lovah awm rawh,,kei leh ka naute te hian nang ang hi kan mamawh lo che" a ti nghet charh,,ka thinlung chu a kehsawm ni mai hian ka hria..Hetiang hian ka nunah tumahin min la tawngkhum ngai lova,,mamawh ka nih loh thu hi min la hrilh ngai hek lo..

Tunah lem,,,ka fate nu ngei mai chuan chiang takin ka hmaichhanah min hrilh mauh mai si,,mipa pâ inti ve tak hi ka va thangtlawm chiang em..Ka te chem chem ni mai hian ka hria,,,Bella chuan chiang zeta min enin a kalsawn nghal a,,ka inseh ruh tawn tawn...


Bella chuan tha taka min biak ka lo beisei reng em ni,,tha taka min be turin alakah thil tha ka ti tawh reng em ni,,chuti chungin engthil tha nge ka lo la beisei thin,,

'Zonunpui,i thil tih sual rah ila seng zel dawn,heihi chu a bul tana chauh ala ni...Bella hian a fate paah a pawm thei ngai lovang che...'


Rilru na takin motor ah ka thu a ka inseh ruh ngawt ngawt,,thiamthu sawi tur pakhat mah ka nei lo,chhuanlam tur pawh ka nei hek lo,ka thil tih zawng zawng kha a dik lo vek,,engvanga lo hre har em em nge ka nih,,lo hria ni ila thil tamtak ka ti sual lo tur,ka thinlung ngaithla lovin Bella tihnat ka duhna chiah kha ka hre run a,mahse chung chuan min vaw let mek chu a ni si...


Bella pain ka hmangaih leh hmangaih loh min zawh lai khan,,"i hmangaih chu ka tih ang hian i tina thei dawn em ni?" tihin ka zawt let a,,ani chuan nui hakin a lu a thing nghut anih kha,a chhanna chu a chiang viau mai,,ka hmangaih anih si loh chuan Bella chunga ka rilru put dan chu keipawn ka hrethiam lo a ni...


Ka thinah chuan eng emaw hian min hnawh ut ut a,thaw lak pawh chu a sak talh,,ka taksa a chauh bakah ka rilru nâ avang chuan chakna leh phurna reng ka nei tawh lo,,beiseina pawh ka nei ngam tawh lo chu a ni ber,,eng nge ka tih tak ang..?


Beidawng tak chuan inah ka let a,,,ka nuin min lo hmuh chuan,,"e hee,,Puia khaw nge i awm char char a,,i biak tlang theih si loh,,eng nge i tih?" vin deuh hlar hian arawn ti a,,mahse engtinmah ka chhang lo,,


ka nu couch a thu chu a bulah va thuin engmah sawi lo chuan a mal chungah lu nghatin ka mu a,,,"ti nge,,,i tha em?" hrilhhai takin a lo ti zat,,,

"khawngaihin nu,,ka chau a ni,,," rilru tawt tak chuan ka ti chuai ruih,,


ka nu chuan thaw hakin ka sam a chul a,,"ka fapa hian eng harsatna nge a tawh a,,hetianga a awm hi ka la hmu ngai miah lo,," dam diai hian a ti a

mit chhinga thaw hip vak chuan ka thaw chhuak leh hawk a,,"mi tlaw tak ka ni,,engmah ka ni lo,,mamawh ka ni lo"


"ni lo ve,,mihring nunah chuan chauh changte a awm thin alawm,nimahse harsatna zawhah hian hlimna a awm thin,chutiang bawkin hlimna zawhah harsatna,beidawnna,lungngaihna a awm thin,,,chu chu hringnun a ni,,eng harsatna pawh nise Pathian hian kan tawrh zawh loh tur kan chungah a thlen tir ngai lo,,nakinah a tha vek mai ang" ka sam chul pah chuan a ti dap dap a

"ngaihdam lo dil tur ka nia sin,,mahse, engkim atawp vek tawh,,beisei tur a awm tawh lo" harsa ti tak chuan ka ti a.


"i hmangaih hle a ni maw?" ka nuin a tih chuan


"natna thlentu chiah ka ni,,engtin nge chu chu hmangaihna a nih theih ang?" ka lo ti nghat..


ka nu chuan,,"ka fapa hian hmangaih a tawng a,mahse a hrethiam lo niin a lang,," a ti sap a,,"i pa pawh khan a lantir thiam ngai lova,,a rilru kha a hrethiam.ngai lo,,mipa inti ve tak kha a ni thin a,,nangpawh chutiang mi chu i ni,,i hmangaih tih i pawm thiam hunah chuan i thil hmuh dan leh thlir dan adang vek mai ang,,,hun han pe deuh la chuan a tlai tak tak hmain i hmangaih thu hi hrilh ngei bawk ang che," dam thlap hian a ti a


Bella chu ka hmangaih a maw?



Hun reitak ata,a vawikhat nan ka nunah thil danglam ka tawng ve ta,,nimahsela ka hrechhuak tlai hret a ni...



"mahse engtin nge ka tih ang" ka tih chuan,,"nghak deuh la hun tha alo la inher mai ang,,engtikniah emw chuan i hmangaih kha ka ring reng a ni" ka nu chuan a ti leh sap a,,kan sawitum chu in ang lo mahse ka ngaithla liam ringawt..


Ka nu nen kan inbiak zawh chuan ka room lamah chhovin ka inbual a,,ka inbual zo chiah chu khumah ka let nghal tawl,,,ka taksa chu hahdam mahse ka rilru erawh ala hahdam ve thei lo..Bella chuan engtin nge min pawm leh theih ang,,ka hmangaih tih hi hrilh ta ila engtin nge a tih ang...?


Ni e,,hun thawl kan mamawh niin ka hria,,chumi hnuah eng nge tih tur tih leh hmalak dan tur pawh ka hriat ngei ka beisei,,thil thleng zawng zawng hi theihnghilh tawh se,,bul tan tha leh tura sawm ka duh.,,kan fate lo piang tur chu ka kut ngeia chawi seilen ka duh bawk...





ISABELLA LALHMANGAIHI



Ka pa pawh tunah chuan damdawi in atang a chhuak tawh a,,mahse a ke a an kahna avang khan ala kal tha hleithei lova,abak chu nâ em em a nei lo,,ka nuin ka pa ala dam tih a hriat khan tlem chuan amahah nghawng neiin zankhat chu a buai phah deuh a,mahse a hnu kha chuan zia ve zelin tunah chuan a pangai tawh khawp mai..


Ka pa nen an awmdun lai ka hmu thei chu ka hlim kher mai,,ka la hlim ber tum a ni hial ang,,mittui pawrawl tuamin ka thlir reng zel,,an hlim hmel leh an mitmenga an inhmangaihna te chu a hmuhnawm tak zet,,inthlahlel leh inngaitawn taka an inkuah lai chu a hmutu apiang mittui a ko chhuaktu a ni hial ang..


Ka pa chuan ka nu chu amaha awmtir a him lo ni a ahriat vangin,,an in lamah a hruai haw a chutah chuan ka pain a enkawl chhunzawm bawk dawn a ni,,'hria pawh nise a pawi lovang' tih chin chiahin ka pa ala dam tih an hriaa midang erawh kan hrilh duh lo..A hna atih zawh hunah chauh lo chuan midang hrilh chu a duh rih lo a ni..


Ka pa hnen atang E.D an ava chhan dan tlangpui chu ka hre tawh a,,kha pa kha E.D patea a ni tih pawh min hrilh nghe nghe,,'an chhungkua chu mi rorum leh nunrawng tak an nih vek dawn hi' ka rilru chuan ka ti nuah nuah..Mahse ti nge E.D leh a patea chu an in do tlat ka hrethiam lo..



Ka pain E.D chu a rin ang em em a sual anih loh thu asawi lai chuan mak ka lo ti rilru hle,,chutiang asawi mai chu awi a harsa em a ni,,ahma atang hnaih lo tura min titu kha ania,,a fa ka pai tih a hriat pawh khan a lungawi lo hle a,mahse tihtheih awm tawh hek lo, tunah chuan a tûte lo chhuah hun a nghakhlel tawh hle a nih hi maw.


E.D khan engvanga ka pa kha va chhan nge anih ka la hrethiam thei lo,,apa thattu a ni a kei tak ngial pawh min thah a tum anih kha,tunah a nunna a chhansak leh hlauh si,, min chhan turin alo kal bawk a,,a fa ka pai tih a hriat vang chauh a ni thei mai angem?,a fa hi pai lo ta ila min chhan tur khan alo kal tho angem?,


Ka fate hi min laksak a duh vang te pawh a ni mahna,,a nupui leh fa lo piangtur te nen ka fate chu an awm ho ka remti ngai lovang..


khawi atangin nge a fa ka pai tih ahriat chu ka hre hauh lo,,hre lo pawh nise pawi tihna ka nei hek lo,,mahse a mitmenga inchhirna leh natna thuk tak te kha ka hmuhhmaih bik lo,,ni e,,,inthiam lo leh inchhir takin awm se ka tawrh ang kha tuar ve se ka duh,,chuan vawikhat,,vawikhat chauh pawh a thinlung takin ngaihdam min dil se ka duh bawk.


Ngaihdam min dil tura ka la phut fan erawh chu ka hrethiam lo hle,! Mahse ka ngaidam thei ngai lovang...

Hmusit taka min tawngkhumna zawng zawng kha engmah hian a nawtreh tawh dawn lo..


Pate Sawma chuan E.D patea chu man mahse reiloteah bail a chhuah a ni lehnghal a,,engmah tihtheih a nei tawh lo,,chhui zui leh atum khan suspend order a dawng nghal zat a,,,lungawi lo leh thinrim takin tunthleng hian ala awm,,


ka pa leh ka pu chuan an hrilhfiah ve ngial a,anni pawn ahma tang anlo tum ve tawh thin thu sawiin mahse tunthlengin awmzia a neih loh thu an sawi a,,tuna case pawh hi ti hian a zuzi ral leh mai mai dawn anih hmel...


Mizoram zimteah pawh hian thiltithei leh sum nei deuhte chuan engkim an ti thei zel mai a nih hi...Dikna hian hmun a chang thei tawh meuh lo...



Kum tawp lam a ni tawh a,,boruak pawh a vawt vùr tawh mai,,,ka dul a thang lian ve zel nen intihsual palh a hlauhawm avangin class pawh ka chawl ta ringawt a,,in lamah kan inenkawl deuh tawp,,a changin ka nu leh pa te hmu turin ka kal a,,kan in tual leh kawngpuiah exer laa ka kal kual tih loh ka chhuak khat tawh khawp mai..


Tunah chuan ahmaa ka duhthusam ang ngeiin ka nu leh pa pawh hlim takin an awm dun leh tawh a,,hlim viau tur ka nih laiin chhungrilah hian eng emaw kim lo ala awm tlat a,,,zanlaiah te hian chhan em em awm lovin ka tap leh ringawt thin...



Chhunah clinic ah kalin ka naute te chu kan checkup a,,an hrisel that thu min hrilh leh an thlalak ka hmuhte chuan ka hlim lutuk chu ka nui ver ver,,ka fate chuan hriatfiah thiam rual loh hlimna min pe thin a ni,,lo chhuak vat vat se buai deuh nak naka inenkawl chu ka chak tawh hle a ka dream reng thin...


Pawn kan chhuah chuan,,"B,,hetah hian lo thu lawk rawh aw,,damdawi hi hetah an nei lova sawtah ka va lei lawk ang" Matthew chuan a ti a


thutnaa thu pah chuan,,"mmm...i thu vek alawm Boss,," ka lo ti hliai,,

ka hnar rawn piai zauh chuan,,"nghal suh" a ti hlak,,chutah ka hma zawna thu hniam chuan,,"amma bulah hian thuawi deuhin lo awm ru aw," tiin ka dul chu a chul zauh a


"kha kha,,an rawn pet leh tawh ania" tihin a nui vur vur,,"mipa anni dawn chiang alawm,,a dik em?" a tih chuan an rawn che leh hrut hrut,,Matthew chu a nui huk ruih mai,,


"infiam hun a tawp ta e,,va kal tawh rawh le" dam diai a ka tih chuan Matt chuan min melh dur nasa mai,,

"inla nutling reuh ma'nge" ti hlukin a ding hluai a,,"i sawi vang ni lovin ka tûte vang chauhin ka kal ang" ti leh zatin a kal a,,ka lo nui kerh kerh...



Reivak lovah chuan ka zun chhuah vangin washroom lamah ka kal a,,ka zung zo ka rawn let leh chuan ka hmaah tak Daisy chu arawn lang thut a,ka phu kher mai,,ka awm zawn dawm chuan thaw ka han la hak a,,Daisy chuan hriatthiam.har taka min enin a nui deuh sak bawk..



"kan inhmu leh ta alawm,,,ilo dam tha em?" nem tak si ram deuh hmak hian a ti a,,


Daisy en chuan,,"ka tha lawm,,nangpawh i landan chuan i that hmel hle mai,,ka kal phawt ang" ti ve hmakin ka kal a,,Daisy kiai deuh sak chu ka hmu hman,,,


ka kal pel chiah ka hmaah chuan mipa lianpui mai hi alo ding nghal a,,,kalsawn ka tum chuan chem tein min tin zat,,ka hlau lutuk chu ka meng phawk hra,,


"au emaw,,ka thu zawm lova fin phakar chhuah i tum chuan i naute te kha an thi nghal ang" Daisy chuan hnunglam atang arawn ti nghet charh..



Ka hmaa ding pa lah chuan ka dul zawnah chem te a tin run lehnghal,,washroom awmna hi ava kil deuh avangin tu vak mah an awm lova,,min lo hmu pawh ni se inbe mai mai emaw min tih ka ring,chem te chu lang lo turin a thukru tlat bawk,,ka hlauthawng lutuk chu ka mittui a tling pur mai ,Matthew chu ka rilruin ka lam mawlh mawlh bawk..


Daisy chu ka bulah rawn kalin,,"eng nge i duh,,min kal tir rawh" ka âw khur thup deuh tak chuan ka ti chang fak,,


nuam tih hmel taka min enin,,"nangma vangin engkim ka chan vek a,,sawi dun tur kan ngah viau ka ring,,min lo zui phawt la,,muangmarin kan sawi dawn nia" tia nui khi leh sak chuan a kal a,,ka bula ding pa chuan kal turin min nawr che dat,,



Daisy kal ka hmuh chuan a dul a thep vek tih ka hmu ve chiah,,ahma kha chuan kei aiin a lian daih anih kha,,a awmzia chu,,'naute a chhiat tihna em ni?',,ka ngaihtuahna chu a kal thui kher mai...




Mahse duhthlan tur ka nei lo,,ka fate him nan chuan engpawh ka ti ang,,ka theih chhung chu ka venghim ang,,,Daisy chu zuiin ka bula kal mipa chuan min chelh pah hian chem te chuan min tin reng bawk a,,midang chuan chelh pangai angin an hmu mahna,,,ka mitin Matthew chu ka zawng kual ruai reng bawk a,,


motor bul kan thlen chuan mipa pahnih hi anlo awm leh a,,pakhat chuan kawngkhar min lo hawnin motor chhungah chuan min nawr lut ti tih a,ka sirah ve ve chuan an thu bawk,,tal chhuah ngaihna a awm lo bur mai,,ka dul dawm pahin ka rilru chuan ka tawngtai mawlh mawlh...




Aizawl khaw pawn kawnga kan tlan lai chuan kan hmaah motor pakhat hi alo accident a,,kawnglaiah tak anih vangin motor chu ti dingin,,"chhuk ula,,sawng ho saw kawngpui atang va hnuk sawn ru" Daisy chuan a ti vin hlar mai,,


Driver leh mipa ka bula thute chu chhuakin accident awmna lamah chuan an va kal a,,"lo chhuak suh ang che,,tlanchhuah emaw i tum a nih chuan helaiah hian ka that hreh hauh lo che ania", ti ram hmarhin Daisy chuan min melh thip ngang mai,,



ngawi reng chuan ka en reng ringawt,,,chutah motor atang chhuakin a hmalamah chuan ava kal phei ve a,,chu hun chu bawhpelh ka tum bik hauh lo,,Daisy min vauna chu theihnghilhin motor kawngkhar hawng chuan ka dul dawm chungin. hnunglamah ka theihtawpa chakin ka tlan a,,


ka lung phu dup dup leh ka mittui tling hnur te nen chuan mumal reng ka nei tawh lo,,mahse ka fate him nan chuta tanga ka tlanchhuah ngei ngei angai tih chu chiang takin ka hria..Ka theihtawpa chak chuan ka tlan ve a mahse a sawt lo hle,,ka dang a ro hulh a ka ke tha te chu a zawi ti tih der mai,,chutah silai rawn puak ri durin leiah chuan ka thu hnawk..




Ka beng hupin leiah chuan ka kun nghal a,,Pathian hnenah ka fa te leh ka nunna chu zuah hram turin ka ngen mawlh mawlh,,ka mittui a luangthla ngiai ngiai a,ka tha te chu a khur ti tih..

Ni lo,,tunah ni tawh lo,,,thleng leh tawh lo hram rawh....


"Bella" tia min rawn kuahtu chu hmu lo mah ila a huhang leh a âw leh rim zawng zawngah amah a ni tih chiang takin ka lo hre nghal vat...


Engtin nge helaiah alo kal theih?..Mahse,,dawtsawi lo chuan ka thla a ti muang hle thung...


"tunah kan kal nghal angai" tiin min kuahna chu a thlah a,,E.D ka en chuan hriatthiam har zeta min enin,,"khawngaihin,,,min zui rawh,,kan kal angai" ngenngawl tak leh dam thlup hian arawn ti leh a,min en dan chu a thuk mah mah nge ka hrethiam lo,,,mittui tling hnur chuan ka lu ka bu nghat ringawt...


Chutia awlsam taka a thu ka awi mai chu awih a harsa mah zawk!,,duhthlan tur ka neih loh vangte pawh a ni mahna,,midang pawh nise awlsam taka ka lo pawm mai chu ka ring..



Dim taka min kai thovin fimkhur tak chuan min chelh a,,a motor ah min thuttir hnu chuan seatbelt min hren tir leh thlap a,, kawngkhar kharin arawn lut ve zat,,E.D hmel chu atak run a hriatthiam a harsa hle bawk..Nichina silai puak kha khawi atanga rawn kal nge ka hre hauh lo...Engtin nge Daisy te kha an awm pawh ka hre tawh lo...


Hmanhmawh takin motor chu a khalh chhuak zat,,a speed pawh a hniam lo hle,,la hlau thlabar tak chuan ka dul chu ka dawm ngawt ngawt,,tunah eng nge ni leh ang...?.Thil thleng zawng zawng chu ka hrethiam tawh lo,,ka mâng vek hi a ni mai...


E.D chu enin a hmai vel chu alo thlan deuh chup a,,a bek chu a pawng tawlh tawlh bawk,,a mit a sen ram a,,a awmdan chu ka hrethiam lo hle,,na eng emaw a nei nih chu ka ring ringawt...


"i tha em?" ka ti bak nak,,,E.D chuan hmalam en run chungin,,"nangmah leh naute chiah ngaihtuah rawh" a ti nghut,,"tunah rih chuan khawchhunga awm i tan a him lo,," arawn ti leh nghal a,,E.D chu ka melh kawk..


."engvangin,,,engtin nge ka chhungte,,khaw nge kan kal dawn?" rilru buai phili tak chuan ka ti nawk nawk...




End of chapter 22


Show post links
Top

[Ngaia]

IT'S A GAME : Love/War (Ka Hmangaih kha s2)



Chapter 23




E.D ka tawn hma thleng kha chuan nun pangai tak neiin,,,ka chhungte nen hlim takin kan awm a ka bulah ka nu leh pa awm lo mahse,,khawhar chang leh lunglen chang nei thin mah ila ka nun kha hreawm tia sawi tur a awm ngai meuh lo,,,ka thiante dang ang thovin thawveng tak leh hlim takin ka hun ka hmang ve thin..



E.D ka tawn atang chiah khan hmuh theih si lovin buaina chu alo intan mek a,,,ka la hriat ngai loh leh hmuh ngai loh,,film vel chauha ka lo hmuh thin, ataka an awm ka rin ngai loh chu tunah keimah ngeiin ka tawng ta si,,nun ralmuang leh pangai tak pawh ka nei thei tawh lo chu a nih hi...



Ka bialpa ni thin,,ka lo duh ruk ve em em chuan min kalsan a,chupawh a pa thattu fanu ka nih vangin,,ka pa thi tawh emaw ka tih chu alo la dam reng bawk a,,tichuan ka hringnun chu indona mualah alo chang ta a,,nitinin ka dam khawchhuah theih nan hringnun chu ka beih angai thin,,



chumi ti harsa leh zual turin ka bialpa hlui fa chu vanduaithlak takin ka lo pai leh zel bawk a,mahse,ani nen kha chuan Ni leh Thla ang maia inkawp rem thei ngailo tur kan ni,,,kan inkarah chuan inhmuhthiam lohna thil tamtak a awm tlat tawh..



Chuvang chuan he khawvel suahsualna ata hi ka fate chu ka chhanhim an ngai..Ka tawrh ang leh hmachhawn ang hi lo tuarin lo hmachhawn ve lo se,an nun chu hlim leh ralmuang takin hmang se ka duh...





E.D motor khalh lai chu angaihna hre lo tak hian ka en phawk hra mai,,"khang ho khan thah che an tum a,,chuvang chuan khawiah mah i kal thei rih lo" arawn ti nghet charh...


A hmelah chuan a fiamthu mai mai lo a ni tih alang bawk,,,"engvangin nge keichu min thah an tum,,,heng thil zawng zawng hi ka ning tawh lutuk" ka ti vin that,,ka kut khur ru deuh chu thup tumin ka malpui chungah ka kut chu ka hmer vak ringawt,,



thih chu ka hlau lo,,nimahsela ka fate chan chu ka hlau a ni,,ka faten he khawvel eng an hmu ve lo tur chu ka ngai ngam lo a ni...



E.D chu inseh ruh ngar ngarin na zet hian thawk a la hawk a,,a hmai te chu a sen tawlh tawlh,,chutah a phone chu rawn riin a chhang nghal zat,,E.D chu thinrim takin ka melh char char


"sawi rawh" tihin hmalam chu a melh run a


"engpawh ti rawh u,,kan kalna an hre tur a ni lo," a ti hrawk,,chutah,,"a nung chungin rawn man ang che u" ti leh charhin phone chu a dah a,,rapthlak tih hmel zet chuan ka lo en ngawt ngawt...



E.D chuan min lo melh zawkin hmalam chu a en lehnghal a,thaw la hawkin,,,"min lo umzui a,mahse ka nauten an lo chingfel ang,,tunah chuan mu hahdam rawh,,kan kalna tur ala thui ania" dam thlup hian a ti a


E.D chu melh ngawt ngawtin,,"ka hahdam theih i ring em ni,,kan thi dawn nge kan dam dawn pawh kan hriat loh hi" mittui tling hnur chuan ka ti vin phiar mai..



Motor chu ti ding thutin hmalama ka intauh hma chuan min lo chelh lehnghal vat a,,a che rang lutuk chu amak zawk,,hnaih set sawta min en chuan,ka meng zau kawk mai,,,"kha thu kha sawi tawh suh,kan thi dawn lo,,,in chungah engmah ka thlen tir lovang" a ti hrawk



A mitmeng chu rapthlak tak a ni,,a hmai chu senin a thlan deuh ser ser reng bawk a,,,che sawn lovin ka en reng ringawt,,chutah mitchhinga kun chuan a inseh ruh leh tawn tawn a,,,



"khawngaihin,,,Bella,,,khawngaihin" ngenngawl tak hian arawn ti dam thlup,,,a awmdan chuan min ti hrilhhai letling,,chhan ngaihna hre lovin ngawi reng chuan che lovin ka en reng ringawt...




Chutah min rawn en chuan eng emaw tak hian ka kawchhung chu a fan chhuak zawk,,natna tam tak leh tawrhna nasa tak a hmelah chuan chiang takin ka hmu,,chim lem khawlhin E.D chu ka en a,,a mit sen rum a mittui tling ngiai te chuan hriatthiam theih si lo hian ka thinlung chu a ti na veng veng thei nia maw le...!



E.D chuan na taka thaw hip vakin a awm sawn a,,che chang lovin E.D chu ka lo en reng,,"kan kal vat angai" ti nghal zatin engine start chuan a tlanchhuak lehnghal a,,engmah sawi lovin kawngtluan chuan kan thu ngawi reng...



Ka rilru put dan chu a buai nuai mai,,mahse E.D chu ring lo turin ka inhrilh mawlh mawlh,,,amah vanga heng zawng zawng hi thleng vek a ni,,bungrua ang chauha min ngaitu hi ka inbum nawn tir leh tawh tur a ni lo,,atawpah kalsan ka ni leh ang a natna bak a awm dawn lo...




Ka muhil chu boruaka kang ang mai hian ka inhria a,,pangtilum nuam tak ka hriat rual chuan ka nuam huai huai mai,,eng thu emaw sawi a phun sep sep chu chiang lo riai hian ka hria a,mahse ka chauh em avangin ka meng thei lo...Ka chala thil nem thep leh lum ham hamin arawn deh chuan ka hahdam sawng sawng...



Ka rawn harh chuan khumah ka lo mu a,,mak ka ti hle!
Hrilhhai takin ka hawikual ruai a roomah keimah chiah ka awm tih ka hriat chuan hlauhthawnna avangin khum atang ka tho chhuak zat..


Khang misual ho khan min rawn man leh tihna em ni.? Khaw nge E.D a awm..??




Room atang chhuah chiah chuan sitting room a ni nghal a,,in chu a zau vak lo bawk,,sitting room ah chuan thutna pakhat Sofa sei hi alo awm a,abulah dawhkan a awm bawk,,room niawm tak pakhat kawngka inhawng ka hmuhna lamah chuan ka kal phei a,,ka va luh chuan khumah E.D chu alo mu reng,a landan chuan tui taka muhil a ang..Room chu a te ang reng hle bawk...



E.D mu lai ka hmuh chuan ka thaw huai,,mahse helai kan thlen lai leh khuma ka mut lai awm reng ka hre si lo,,ka mumang ang deuha ka hriat kha ngaihtuah chhuak thutin ka chal chu ka khawih vat a,,ka thin chu arawn phu dat dat,,


',khang kha atak vek maw? E.D khan min chawi lutin chuan ka chalah a fawp bawk a',,,


Ka ngaihtuahna mawl mang zet ata chu harh zawkin ka mit la sawna hmundang ka en chiah chuan ka meng kawk mai,,,chhuatah chuan thisen kai hnuang towel leh bandage hi alo awm a,ka hmuh rual chuan ka kâ ka hup vat,,,engthil nge thleng? E.D chu a inhliam tihna em ni.?



Hlauthawng tak chuan a bulah ka va kal hnaia,,E.D chu a la thawk leh thawk loh en nan a hnar zawnah ka kut chu ka va dah a,,a thaw tih ka hriat chuan ka thaw hak,,chutah a pang chu dekin alo sa vur mai,,a kawr hak chu min mawlh tlattu avangin ka hlim a,,bandage in a tai chu alo tuam chhuak vek a thisen arawn hnam chhuak sen tliar tliar bawk..



'Hliam alo nei reng a maw? Ti nge a sawi loh? Mawl lutuk mai'



Hmanhmawh takin Choka ni a ka rinna lamah chuan ka kal vat a,,ka ring dik anih hmel,,,ka dul nen chuan ka duh ang ngawtin ka che rang thei lo chiang khawp mai,,cabinet vel chu ka hawng rawk rawk a plastic chawhtawlh te ka hmuh chu la vatin tap ah tui ka dawh nghal a,,E.D bulah chuan ka let leh vat...



Puan hman mai tur a awm loh vangin ka scarf hmawrlam chu tuiah ti huhin E.D pang vel chu ka dep sak a,,a pang chu sa tha tak a ni..Ka rilru chu anuam thei meuh lo,,,in chhungah chuan damdawi emaw alo awm thut takah tiin ka enkual a mahse engmah hmuh tur a awm lo,,eitur tlemte tih bak..



Pawn ka chhuah chuan alo thim khup tawh,,ala reh em em zui,,rannung zana hram thin hram ri chauh chu thawm hriattur awmchhun a ni,,khaw nge kan awm lah ka hre der si lo,,ka rilru hah lutuk chu ka sam chul chho thuakin ka thaw hak a,,inchhungah beidawng takin ka lut leh ringawt..Ka bag lah clinic a ka thutnaah khan ka la dah daih zui..



E.D phone ka hmuh chuan ka la vat,,mahse a pattern lock ka hawng thei lo,,tih ngaihna hre lo takin a phone chu dawhkanah ka dah let leh ringawt,,a pang sa lah a reh thei mai bawk si lo,,ka rilru hah lutuk chu puan huhin a pang ka dep leh ringawt...



E.D chu rawn rum nghutin a taksa a khur leh dat dat thin a,,puansin tur pahnih awmchhun lah chu a lum vak lo chi alo ni bawk nen,,a taksa khur leh dat dat thin pawh chuan zia lam a pan thei meuh lo..Tih theih pakhat chiah ka nei tawh,,inhum ruh vak chuan hahdam taka awm turin thaw ka la te te a..



Ka kawr hak chu phelhin tim deuh chung chuan E.D bulah ka va kal a,,a thawmhnaw chu hreh tak chungin ka phelh sak a,,ka thin chu a phu dut dut mai,,,,



'fate u apa hian kan taksa lumna a mamawh a,,zanin chauh chu hrethiam ru aw,,kan chungah sual hle mahse kan thih tir ringawt thei lovang,nunna hi a hlu si a', ka rilru chuan keimah inhnem nan ka pumchhunga naute te chu ka be mawlh mawlh..



Ruak vekin E.D bulah chuan ka mu a,,ka dul alo lian ve tawh nen rem lo hle mahse asir zawngin E.D chu nghet takin ka kuah a,,a pang sa vur mai ka taksa in a deh chuan hai rual lohvin ka taksaah chuan danglamna a thlen nghal,,



a pangtilum chuan hahdamna tamtak min pe thung a ni,,ka thlakhlel zia ka hriatchian phei chuan keimah chu ka insit letling zawk,,,ka pumchhunga naute te chuan chu chu lo hrethiam ve ang mai hian an lo tal trak trak hlawm a,,ka nui khi sak mai,,hun reitak ata keimaha kim lo ni a ka hriat thin chu tunah hian ka hrechhuak chiah...


'i damchhuah ngei ngei angai a nia,,sual hle mah la,la dam turin ka duh che'








EDUARDO ZONUNPUIA



Chiang lo riaiin ka harh a nimahsela ka mit erawh ka la meng hlei thei lo,,ka mutui lutuk chu mak ka ti hial zawk,,mumang ka neih lohna chin pawh ka hre tawh lo,,ka mumangah chuan Bella leh ka fate nen khumah kan lo infiam hlawm a,,ka fate chuan min lo bawh nak nak a an nui ri te kha ka bengah an la cham reng...



Ka harh chian deuh hnu chuan ka bulah mi tu emaw mu anga ka hriat vangin ka mit ka meng thuai a,,lehlam hawia ka hmuh chian chuan ka harh kawk,


Bella maw!!


Bella chu tui taka muhilin a kut mam leh sei zan chuan min kuah than a,,a dul lian ve tawh tak chuan min do run bawk,,nizan thil thleng chu engmah hre lo mah ila kan awmdan atang chuan thil thleng tur awm ang chu ka rinzawn thiam nghal mai bawk..


Mahse,eng rilru pua chutiang chu ti nge anih ang tih chu ka hrethiam lo hle,,a chhan chu Bella hian min haw em em tih chauh ka hriat vang a ni..


Chu chu tunah a pawimawh ber rih lo...



Puan chu pawt chhovin a dar khuhtu nei lova lang var hiau chu ka khuh sak a,,a sam chhawlleng a hmai khuhtu chu a bengah zeh sakin a muhil lai chu hmuhnawm ti takin ka thlir ngawih ngawih...



Hetiang chiah hian ka harh apiangin Bella chu ka bulah mu ve in,,a muhil lai chu zingtin thlir ka chak a,,suangtuahna leh duhthusam ramah chauh chung chu a thleng thin,,,mahse tunah,,,a tak ngei a ni,,,ka mumang emaw suangtuahna emaw a ni lo...



Bella tih harh hlau tak chuan a sir zawngin ka insiam rem a,,ka dul a min kahna avang chuan duh ang a chet a har hle,,,hnaih takin Bella chu ka en a,,a mit ko,,hnar leh hmui te,,a engkim chu ka en uluk hle,,ka fate chuan a nu ang a thinlung tha leh duhawmnaa khat hi nei ve se ka duh hle bawk..




Hnuai lamin Bella pangtilum chu alo hre rang khawp mai,,rawn tho tuam tuamin,,a hun lo ka tih ber tum a ni hial ang,,Bella tih harh hlau tak chuan insum hram hram ka tum a,,mahse har tak a ni,,theite hmin ang maia a hmui sen tai hlar leh a thaw lum ham ham te chuan tawrh hreawm khawpin min hrem a ni ringawt...



Ka nâ chu theihnghilh a Bella taksa chhunga luh a,duhtawka khawsak chu ka chak hle a ni,,mahse tunah ni lo,,tunah rih chuan zawimuanga a rinna hlawh ka ngai tih ka hria,,chuan ka hmangaih thu ka hrilh bawk ang...Chu hun tha chu engtik nge ni ang,,tun nge nakin ka nghak zawk dawn.?



Thawm dim taka tho chhuakin ka nâ avang chuan ka then leh sak thin,,ka thawmhnawte hain ka insiam zawh chuan Bella khuma tui taka la muhil chu en leh vang vangin,,



'a rei tawh lovang,,min lo nghak hram hram rawh aw,,nang leh ka fate hi ralmuang takin ka dah ngei ang che u,,engkim ka siamtha leh vek ang a,,,ka hmangaih che tih i pawm hma chu beidawng lovin ka bei zel bawk ang' ka rilru chuan ka ti nuah nuah.



Thawm dim taka kawngkhar chu kharin pawnah ka chhuak a,phone ah Arnav biain Bella mamawh tur zualpui leh heta a awm chhunga a eitur te chu lo keng turin ka hrilh bawk..



Ka na avanga awm mai mai thei ka ni lo tih hriain,,Bella chu lehkha emaw tal hnutchhiah a kal chhuah lehnghal ka tum a,,in chhung ka va luh chuan Bella chu alo harh tawh a,khum atang rawn tho chhuakin puan chuan a intuam ve tan mai,,min hmuh chuan ka ngaihbel deuh nge a mengphar zawkin ka hria,,



"Bella" tia va kal hnaih ka tum chuan,,"min lo hnaih suh,,engmah a danglam lo" arawn ti vin zat,,a mita mittui tling ram ka hmuh chuan ka na hle...



"engtia rei nge hetia min pehhel zel i tum dawn,,,min ring leh tur hian eng nge ka tih la ngai?" rilru na tak chuan ka ti ve hrawk,,Bella chuan min en ngawt ngawt,,



va kal hnaihin,,"Bella,,khawngaihin,," tiin a bek tawn ve vea chelh chuan kan chal chu ka insik tir a,,tunah chuan min dang tawh bik em lo alawm..



Mit chhinga thaw ham ham chuan nghet takin a bek chu ka chelh sak a,,a hmuia fawh ka tum chuan,,"aihh,,,ka thei lo,,,heihi a thleng thei lo" Bella chuan arawn ti chhuak zat...



Chutah tawp chatin Bella chu awm sawn thuaiin a in sut ri hraih a,room atang a chhuak nghal,,,ka kut chu ka lo hum ruh ngawt ngawt...




Engvanga khatianga ti kha nge ka nih,,siamthat ka tum mek laiin ka ti chhe zual zel chu a ni si,,tha tak khan lo sawi ila a tha tur,,insumtheihna ka tlachham lutuk chu inchhirna bak engmah a thlen lo..





Na taka thaw hawkin room atang ka chhuak a,,Bella chu room lehlamah a awm anih ka ring hmuh tur a awm lo,,Bella room lam panin kawngkhar chu ka kik dat dat a,,"ka chhuak lawk dawna,,nakinah Arnav alo kal ang,,i mamawh leh eitur tlema zawng arawn dah ang a,,thildang mamawh i neih chuan min lo hrilh dawn nia" ka ti a



Mahse engmah chhanna ka dawng lo,,rilru nuam lo tak chuan Room kawngkhar chu ka en ngawt ngawt,,'ti nge ngaihdam dil che hi a har em em mai le'...



Bella chhuahsan chu hreh hle mah ila ka kal ngei angai tlat si a,,chupawh an nufaa an himna tur vek a ni,,Arnav ka chah tho avangin intipaukhauh luiin kawngka lam chu ka pan a,,harsa ti taka thaw hawkin ka motor dahna lam ka pan zat...



Ka phone rawn ri chu phawrhin ka chhang nghal a,,"ka rawn thleng nghal,," tiin ka inkhalh chhuak vut..



Ka dul nâ chu ka buaipui hman rih lo a ni e,,,chu aia pawimawh zawk buaipui tur ka la nei tlat





A hmun ka va thlen chuan room pakhatah Daisy chu chair ah thuin anlo thlung bet a,,,a sam hnawk niai leh chauh hmel taka min lo en chuan a khi sak,,"wow,,,atawp atawpah chuan i rawn thleng ta alawm" a rawn ti sap...



"i thil tih avang khan thih chak ngawih ngawih turin ka siam ang che,,i pa atang tanin" ka tih chuan Daisy chuan pawisak loh hmel tak hian a kiai suk a



"chumi hma chuan,,i fate nu eitur pe tura kal kha hrechiang phawt la a tha ang,,Zonunpui,,engkim kan chan ve ve tawh", nui hak hak chuan a ti a,,,



A thusawi ringhlel tak chungin Daisy chu ka melh raw raw, ka phone phawrh nghalin Arnav chu ka call vat a,,mahse a tlang thei lo,,ka dial nawn leh pawn a tlang thei tawh reng reng lo,,hlauthawng tak chuan Daisy chu ka melh run



"tunah chuan an that tawh maithei a ni" ngeiawm taka kiai suk hian a ti leh a,,ka thin rawn sa phut leh ka thisen rawn so bulh bulh chu thunun hman lovin Daisy chu ka beng chawrh...Chutah ka benna chu pawi sa lo ang mai hian a nui ruah ruah bawk a..A â nih te chu ka ring rum rum...



Bella chu engtin nge alo awm ang,,ala dam ang'em?A chungah eng nge thleng ang??


Lalpa venghim rawh...


Hmanhmawh taka tlanchhuakin ka motor chuan ka inkhalh let leh vat...




End of chapter 23


(ziah sual/mistake a awm chuan in lo hrethiam leh dawn nia,,,in zavaiin inhmel tha leh vek e)


Show post links
Top

[Ngaia]

IT'S A GAME : Love/War (Ka Hmangaih kha s2)




Chapter 24 zawmna




Bella bul ka thlen chuan tawng tumin a ka arawn ang zuau a,,mahse a kutah va vuan vatin,,"sshhh,,,,shhh,,engmah sawi rih suh,,khawngaihin,,khawngaihin" ka ti thawp salh


Bella chuan a hmui pet ngar ngarin a mittui a luangthla ngiai ngiai a,,chuta min en dan chu tawrh hreawm tak a ni,,nurse ten sán pe tura an rawn hrilh leh chuan,,,ka kut rawn hmer vakin a hmai sen tawn tawn chuan sán a pe leh a,,a sira thuin a kut lo vawn sak chuan ka rilruin ka lo tawngtai mawlh mawlh..


A thlan tla chu nurse pakhatin a hruksak reng a,,Bella chuan thawk la leh kawkin sán chu a pe leh thin a,,hmeihchhia mah nise ka kut a hmerna pawh chu a nâ ve ut ut thei,,a tha tawp meuha a tan lai te chuan ka lo tang ve lutuk chu ka hah vek thei,,,tih theih nei ila a tawrh ai chu tawrhsak ka duh hle mai..


Nurse ten "a lu arawn lang tawh e,,i tha thlah suh" tia an rawn au lauh lauh chuan chhungril atang hian eng emaw hian min rawn tur et et tawh,ka phur tawh hle a,,mahse ka zam bawk,,Bella kut chu chul hauh hauhin,,"Bella i ti thei" ti sapin ka fawp leh a,,sán pe a atang vak leh rum ri te chu hriat a hreawm kher mai,,

'hetiang em em hian a harsa dawn tih hria ila ka lo mutpui lo tur,!'


Bella na tuar hmel ka hmuh chuan ka tihngaihna hre lo lutukin a khat tawkin,,"Bella tihpalh" ka ti leh ringawt thin,,achangin,"min ngaidam rawh" tih nen kan sawi chhawk chhen reng bawk..


Vawikhat Bella chuan san pe leh vakin a thaw hawk a,,a tha pek pawh a tawp zat,,,,naute tap riin arawn zui nghal bawk,,,chu veleh ka ngaihtuahna pik zet ata chu kaih harh ang mai hian ka harh zawk a,,ka fa tap ri ngei a ni,,,Bella chu enin mit chhing chung hian a kiai sak a,,a mittui chu a luangthla ngiai ngiai bawk,


"Mipa a ni e" pakhat chuan alo ti a,,ka thinlung chu hlimna in a khat,,Bella kut chu nghet takin ka vuan a,,ka zam lutuk chu ka thin a phu dut dut mai..

"hei le,,,in fapa chu" tiin a hmel min rawn hmuh nghal a,,a kut tereuhte vai chungin a tap raih raih a,,a hmel ka hmuh rual chuan mittui tling hnurin ka nui chhuak hak,,Bella chuan a mita mittui tling ve piau chung hian hmangaih hmel tak hian a en a,a nui sen sen...



Darkar chanve chhungin an pathum chuan him dam takin a hring chhuak vek a,,Bella chu tuarchhel ka tiin ka chhuang tak zet,,a natdan tur ngaihtuahin au emaw han rak te chu a awm a mahse Bella chuan a aw a chhuah khat khawp mai,,

room chu ka fate tap riin a khat a,,mahse ka tan chuan chu aia ri mawi leh hlimna min thlentu chu a awm tawh kher lovang,,,Bella chuan chauh hmel tak hian min lo en a,,a mitmeng te chu a da vâ mai,,a mitah mittui a tling reng bawk,,


Bella chu enin a kut nghet taka vuan a fawp chung chuan,,"Bella,,ka lawm e,," ti chhuak sapin,,mit chhing chung chuan ka insut hlawp hlawp a,,"min ngaidam rawh,,,khawngaih takin min ngaidam rawh engkim avang khan,,,ka thiam loh vek a ni" tia kun tlawk tlawk chung chuan ka tap a..


Thildang engmah ka sawi thei tawh lo,,ka thinlung a reitak lo in up bet tawh, ka hriat ngailoh natna chu rawn puak keh ang mai hian ka thinlung chu a na ut ut a, ka mittui pawh a tawp thei lo,,Bella in ka lu arawn chul chuan dak chhuakin Bella chu ka en a,,a mittui luang karah rawn nui tawi tetin,,a mit a chhing nghal..


A kut chu chelhin a kutphahah ka fawp leh a,chutah tho chhuakin,,,,"ka hmangaih che" ti zawi sapin,,,mitchhing chung chuan a chalah ka fawp a,,ka mittui a far thla zat..


Engtin nge min chhan dawn erawh ka hre lo,,chu chu a pawimawh ber rih lo bawk,,ka hmangaih thu hrilh leh ngaihdam ka dil hrim hrim kha a pawimawh ber zawk chu a ni,,min ngaidam lo emaw min hmangaih lo emaw pawh nise a pawi lo,,min ngaihdam hma chu ka theihtawp ka chhuah zel mai ang,,khawvel tawp thleng pawhin ka beidawn san tawh lovang....



Nurse ten kalsawn rih tura min hrilh avangin Bella chu hreh tak chungin ka kalsan a,,Bella chu a chauh em avangin men pawh a mengtha peih tawh meuh lo,,room chu chhuahsanin kan fate an dahna lamah nurse pakhat chuan min hruai a,

room pakhat a kan luh chuan,,"heihi,,in fate chu an nih hi,,an hmel tha khawp mai" nui sangin nurse chuan alo ti a,,a bul lawka naute bawmah chuan pakhat te tein an lo muttir thliah a,,"heihi a piang hmasa ber kha a ni a,,chuan hmeihchhia hi a ni leh a,atawp ber hi mipa bawk a ni e" tiin a sawi dap dap a


ka fate chu tui takin an lo muhil a,,naute dang aiin lian lo mahse ka mitah chuan an tha ber tho,,a upa ber chu hai rual lohvin ka fa a ni tih tupawn an ring nghal ang,,a hnar ngul leh hmaifangah chuan min chhun tak zet,,ka hmuh chuan ka nui khi sun sun,,hetiang em em hian naute in hlimna min pek ka la ring ngai lo,,naute hi ka ngaina ngai lo bawk,,mahse tunah chuan thua sawifiah thiam rual loh hlimna leh lawmna min petu an ni si..


a milai hmeihchhia erawhin a nu a chhun thung a,a hmai pian leh hnar leh hmui thlengin,,a te ber chuan tu nge a chhun ka sawithei mai lo,mahse a hmaifangah chuan keimah min chhun tih ka hria,,,an pathum chuan sawiselna lai tur reng ka hmu lo,,an hmeltha em em vek a ni,,,ka fa anni lovang tih rinna pawh ka nei chhin eih lo..



Cabin a Bella an dah luh hnu chuan thisen leh drip an khai a,,Bella chu tui takin a muhil mek,,chumi kar chuan ka chhungte bia in chanchin ka hrilh nghal a,,ka nu pawh a hlim kher mai,,a tute chu lo hruai haw vat vat turin min chah lawm lawm bawk,,

mr.Nolan pawh damdawiinah lo kalin kan mamawh tur engkim min buaipui sak vek a inhuam thu a sawi a,,bill engkim chu kan pek angaih lo thu thlengin min hrilh,,,mahse mipa tan chutiang chu a zahthlak ka tih em avangin ka han hnial deuh a,,a remti tlat lo thung ,pa rorum ang takin a lang naa mahse chhungril lamah chuan rilru tha leh midangte ngaihsak tina mi tak a ni..Sumdawnna a kan thawhpui anihna ang a atih tur ve rengah a ngai thung..


A nupui tur chu Mizo a nih thu te sawiin engvanga a nu chuan chu nu chu thlang tlat nge tih a hrethiam lo hle a,,a sum vanga nei mai mai angah te angai thul bawk,a neihchhan niawm ang a ka rin te chu min han zawt ve leh thin a mahse, keipawn rindan tur mai ka hre lo,,hunin ala hril mai tur thu hrilhin kan in thlah a..


A rilru hah lutuk chu ka khawngaih ve angreng,,ala hmuh ngai loh leh la hriat ngailoh nupuiah a nei tawp dawn chu a ni sia,,Daisy neih ka hreh zia ka ngaihtuah letin mr.Nolan chu ka lainat rilru hle...


An tlan liam hnu chuan inchung lamah chho lehin Bella awmna room ah ka lut a,,nurse pakhat hian Bella chu naute lo pawm tirin an lo inbuaipui mek hi alo nia,,Bella chuan naute chu a awmah bei tirin duat tak hian alo pawm a,,chu thil ka hmuh chuan ka mit ka lak sawnna chang reng ka hre tawh lo..


Ni e,,ka fate chu an nuin a pawm lai tluka hmuhnawm leh inhmeh hi khawvelah hian a awm thei tawh dawn em ni..?



"ka pu,,lo lut rawh,,hei in fate hi an lo harh tawh a" nurse in alo tih chuan ka suangtuahna ram ata chu harh zawkin Bella chuan hriatthiam har zet hian min lo en reng a,,ka aw thian kharh chuan hnuailam en zauhvin inthlahrung tak chuan an bulah ka va kal a..



Ka zam deuh em avang chuan sawi tur leh chet dan tur ka ván hle,,,tim deuh zuiin an bulah ka va ding a Bella chu ka en leh zauh thin,,min ngaihsak lo tak hian naute a pawm mi chu a buaipui a,engtin nge min tih ang tih ngawt chu ka ngaihtuah,,min chhuahtir mai pawh chu ka hlau rilru hle,,nghet lo tak chuan inring rengin ka ding a..


"hei,,,ka pu,,pawm ve rawh" tia nurse in naute min rawn hlan chuan Bella mitmei veng ru tak chung hian lo hnar ka tum deuh a,mahse min rawn pawm tir chawt avangin ka hnial buai hman lo..


Naute chu ka pawm duh lo ni lovin,,Bella chuan a fate paah min pawm ang'em tih ka hriat loh vangin ka thu ringawtin ka khawih ngam lo a ni,,an pa ka nihna angin ka tih tur pakhat mah ka hlen si lova,Bella hmai chu ka zah tih piahlam a ni...



Ka kuta naute awm chu enin,,zei lo tak hian ka pawm a,,tih nat ka hlauh em avangin ka kut ka ti che sawn ngam tawh lo,,,naute chuan fiah tak hian min en kar a,a kam chu a tep chap chap mai,,a mitmeng chu Bella ang chiahin a bialin a fiah kar bawk..



Bella chu inthlahrung tak hian ka va en a,,min lo en reng chu niin,,ka zak leh hnuhnawh,,khaia,, hetiang em em a ka zam hi ka la hre lo...


Bella chuan nuihzat hmel tak hian min lo en a,,a naute pawm chu en lehin a nui khi leh sak,,mahse engmah a sawi lo...Hrethiam lo takin ka naute pawm chu ka en leh ringawt...





ISABELLA LALHMANGAIHI


E.D an naute a pawm lai chu hmuhnawm ti tak hian ka thlir dauh dauh a,,a naute pawm chu tihnat hlau tak hian a che sawn ngam lovin a fimkhur em em a,a fa chu mitmeng de sawr sawr hian a en tlawk tlawk,,a awmdan chuan ka nuih a ti za ang reng,,amah a palianin a naute pawm a te bawk si,,Sai leh sihsen ang mai an ni..mahse an hmuhnawm hle thung.


Inthlahrun hmel tak hian min lo en a,,kan mit a intawng chiang lutuk chu ka mit ka la sawn vat,,a hmel te chuan ka nuih a ti za hlei hlei bawk si,,ka naute pawm chu enin ka nui khi sak a,,ka rilru chuan,,'i pa ang chiah i ni', tiin ka fapa chu ka en a,,a engkimah chuan a pa a chhun vek,,a mitmeng leh hmaifang te a hnar ngul te,,a pa thatna zawng zawng a nei vek chu ka lawm tak zet...



Khami ni,,,keimah chauha min kalsan ni khan,,,,vanduaina pawh hian achang chuan vanneihna alo keng tel ve thin tih ka hriatna a ni hial ang..Kha pa min that tura an lo tirh pa kha higher kan kal laia hnamdang kan classmate ni thin alo ni reng a,,,min khawngaih em avangin min puih ta zawk a ni,,ama nunna tan pawh ahlauhawm avangin kan tlanbo ta ringawt a,,a hmelhriat ram pawna kal turte rualin hetah hian min thawn veleh a,

tichuan ka vanneihna kaltluang zelin mr.Nolan a nen intawngin ti hian vawiin ni thlengin ka fate nen dam takin kan awm la phah a ni a,,min puihtu Minjum-a chanchin erawh engmah ka hre leh tawh lova,,a chungah khan ka fate nen bat tam tak pek zawh rual loh tur kan nei a ni..



Engtin nge E.D an min rawn zawn hmuhdan chu hre lo mah ila,,,kha room a arawn pen luh khan Pathianin ka tawngtaina a chhang a ni..


Mi ramah lungleng leh khawhar takin ka awm a,,,khang ho khan engtin emaw min rawn zawn hmuh leh mai ka hlauh avangin ka chhungte takngial pawh ka be ngam lo,,,ka hun tam zawk naupangte bulah hmangin,,ka lunglen pawh kawng tam takah an hnem ve viau thin..


Mahse naute ka neih dawn khan tu emaw tal ka bula awm a,huaisenna min pe turin ka mamawh a,,keimah chauha nau neih kha ka zuam lova ka zam em em a ni,,eng emaw ka chungah lo thleng palh ta se tihte thlengin ka ngaihtuah hman a, mahni chauha awm kha ka huphurh a ka thla amuang thei lo a ni..


Engtin nge,khawi atangin nge,min chhanna lo kal dawn hre lo mah ila Pathian hnenah min puihtu tur ka dil chu ka bansan chuang lo,,,nau neihna room a ka mut lai khan nasa takin ka zam a,,sán pawh pe tha thei lovin darkar 1 vel kan inbuaipui a,,ka nei thei mai silo kha ka mangang hle a ni,,ka thih mai te kha ka ring hman rum rum tawh,, mahse,,room a E.D arawn pen luh chiah khan engkim chu arawn thlak danglam vek a ni...


Ka kut alo vawn khan thlamuanna tam tak ka la neih ngai loh leh ka mamawh em em chu min pe a,,chakna leh huaisen nen,,mipa hi tap ve thei lo turah ka lo dah thin mahse,chu ka ngaihdan chu a dik loh zia ka mit ngeiin ka hmu a ni,,,chu pawh ka hmaah ngei..


A mittui khan thu aiin thil tam tak a sawifiah zawk a,,ka kut vuana a tah lai khan ka lo na ve tak zet,,ni e,,a mittui kha lemchanna mai a ni lo tih ka thinlung hian alo hre tlat a ni,,a hmaa kan inkara thil thleng chu duhawm lo hle mahse tuna nghet taka min phuar khawmtu pawimawh tak alo ni reng zawk si..Hlimna tam tak ka la hriat ngailoh min petu a ni a,min ti chaktu a ni bawk..




Chuan,,min hmangaih thu min hrilh kha,,,awi harsa ti hle mah ila a tak tak chu a ni bawk si..Kha thu kha ka rilru a ka lo beisei fo thin mahse ataka ka beisei ngam si loh a ni thin,,E.D chu ka ngaidam thei ang'em tih ka inzawt nawn fova,,atir a ka chhanna chu 'aih' a ni,,mahse tunah,, kha chhanna kha ala ngai reng em tih ka chiang tawh lo...


E.D chu en lehin nurse chuan a naute pawm chu alo siam rem sak mek a,,tih nat a hlau lutuk chu a hmelah zawng zawng nen a hmuh theih,,a hmel chu a tak run renga naute atang a mit chu a la sawn thei meuh lo...


mittui nena ngaihdam min diltu chu engvangin nge ka ngaihdam theih loh vang,,Isua meuh pawn a ngaihdam thei alawm...


Ni e,,ka fate pa ngei a ni,,chu chu engmahin a thlak danglam thei dawn lo..

Reitak huatna avangin thudik chu ka lo hai der thin fova,,mahse tunah chuan keipawn ka hrethiam tawh,,E.D nen kan inkara inhuatna zawng zawngte kha tunah chuan inhmangaihna chak takah alo chang ta zawk a ni..

Keipawn E.D hi ka hmangaih a ni..






End of chapter 24


(a zawmna ania,,a sei lutuk thei lo tih kan lo sawi zauh ang e,,min lo hau lo hram ula,,mistake a awm chuan inlo hrethiam leh hram hram dawn nia Hmel tha ho)


Show post links
Top