IT'S A GAME : LOVE/WAR (Ka Hmangaih kha S2) BY Essy V Onyl (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

IT'S A GAME : LOVE/WAR (Ka Hmangaih kha S2) BY Essy V Onyl (Completed)

Unread post by Ngaia » July 31st, 2022, 2:06 pm

vbgobovw.jpg


*Isabella : a tet laia motor accident avangin anu in ahriatna ahloh a,Bella chu apa in enkawl chhunzawmin,anu chuan pasal dang aneihsan a,ahnu lawkah apa chuan athihsan veleh a,,mahse apa chu alo la thi reng reng lo..!!!
*Eduardo Zonunpuia : A pa that tu fanu chu a hmangaih ber alo ni si,,!! a thlauhthla dawn nge,,a pawm mai dawn..??
*Bella in E.D fa chu a pai a,,mahse E.D chuan a hre ve hauh lo..!!/An inhmangaihna zinkawng bumboh tak chu,,,,enge thleng zel dawn......???*



IT'S A GAME : LOVE/WAR (Ka Hmangaih kha S2)

Chapter 1






"heyy..no.3 min lo revive vat rawh,ka bleed out dawn" 1inch chiah ka nunna a ni tawh,,,huuuiii,,,che muang trui trui bawk si...

"Bell,,tinge a revive duh na che nge" a rawn nui ruah ruah,,

"Zawng Sammy lo nui suh,,tinge ahranah intlak,,nangmahni vang vek" ka thin chu a sa phat...

Washroom ka luh hlanin anlo jump vek chu niin,,Base tawpah ka lo tla a chupawh BOT in min la knock zui,,ka thih teuh zia chu,,no.3 kha Base atang rawn tlanin min lo revive hman hram kha nia...Tran hi ana thei sia..

"ka lawm e,i hmeltha sawt" tunge anih pawh ka hre lo,,kan vawikhat khelh dunna mahse ka nunna chhantu chuan hmelthat kha a phu..

"thereng ang mai,,hram chelchul" a âw mawlh chu a thum deuh lek lek, a pa ka tih chi tak,,mipa chu an âw hi ka lo ngai pawimawh viau aniang ka hriat loh hian an âw nalh leh nalh lo hi ka lo notice leh vat thin...

"E.D a ni kha chu a volumn i down angai ang" Ronald chuan alo ti ve leh...

"Zawnga ngawi rawh,,in hre mai ang" an nui leh vak vak tawh,,,kan infiam bawrh bawrh a huatah kan la em em ngailo...

No.3(E.D) nen chuan base atang Pochinki ah kan va fin a,kan tawng leh char char tawh mahse no.3 chu atawng tam vak lo,a âw kha hriat leh ka chak vangin ka han be ve deuh nâ a,induhtawk ve tak a ni ang,,a rul tawk lek lekin min chhang duh chauh...Hmmm...ve mai mai aa..


Rozhok tlanga kan awm laiin squad 1 in min lo push hlauh mai,,ka pawlte chu an pathumin an knock vek mahse ka han wipe leh hram kha...Ka thiam ve emm..

"nang ngei hi ilo ni hnam pasaltha chu" nui chungin sammy chuan alo ti a..

"min jump san sia ka revive duh ang che u ngem aww" ka tih èl leh hram...

Mahse school lam atang min lo kap a,,Ronald leh Sammy thih hlau in anlo au chhen nen min ti buai vek,,,,smoke vawm ka tum chu nate(bomb) zawk ka vawm palh,,,Ooii...

"Hmeli tinge min nate" an rawn au nasa mai..Tihngaihna awm tawh hek lo ka nui vak vak ringawt...



Vawithum(3) vel kan khel ho leh a mahse E.D chu atrawng tlem ngei mai ka zahtheihloh chhuahin friend request ka va thawn ta nge nge a,,hetiang hian mipa ka va add hmasa ngai miah lo tingemawni a induhtawkna hian amah belhchian min ti chak zual deuh deuh chu nia...A âw kha ka pa âw nen a in ang deuh bawk athum lek lek,ka hriat ringawt pawh khan min ti danglam thei ngaihthlak reng ka chak...


Kiai suk chuan phone chu ka dah a,,, ka pa diary chu la chhuakin mu pah chuan ka en leh a " Ka Hmangaih kha" tih lo lang hmasa ber ka hmuh chuan ka nui leh sak, a chhunga thu inziak zawng zawng hi ka vawng vek tawh ti ila asual lovang,ka nu chanchin aziak tam ber a an inhmangaih zia pawh ka hre thei chuan keipawh min hmangaih hle tih ka hria..

Zantin ka mut hmain ka chhiar a zing ka harh chuan kuah chungin ka lo mutpui leh nge nge zel,ka nu leh pa hmangaihna tamtak kha hetah hian a awm a anmahni kuah ang tlukah ka inngai thin...



Kum 15 ka nih laiin ka pa in min boralsan ta kha nia,,thluak cancer anih vangin damreina chance a tlem hle a mahse amah khan atum ve em a doctor te beisei ai rei a dam reng a,,thihna kut vawtin a chelh lai pawh khan ka kut vuanin min hmangaih zia ala sawi a,ka hmuh laiin lungngai hmel leh hlim lo hmel a pu ngailo naupang lung fing rual la ni vak lo mah ila tun hnua ka ngaihtuah let hian ka pa tawrhchhel zia kha mak ka ti thin,a natna bakah ka nu in natna a pek kha a nasa em atin ni..


Achang chuan ka nu kha ka demin ka haw ngawih ngawih thin kan mamawh ber laia khatia a awm bo leh pasal anei mai te kha,ka pa chuan haw lo turin min hrilh reng thung,,a duh vang reng ani bik lo tih chu ka hria mahse nu hmangaihna kha ka mamawh asin,,,a ni chuan an thiante fa ang bakin min en lo tichung pawh hian min la hmangaih ve tho tlem chuan,,,,mahse a hmangaihna zawng zawng dawn ka duh...




"a u,,a u,,apa in tho tawh rawh se a ti" ka lu ah alo sawi det det a,ka men that theih loh vang chuan ka mit kan siai deuh a Nana-i chu alo nui ver ver,Pate Sawma fanu ani a kum8 a nive tawh,

"a u apa in vawiin a kal dawn lo mi a ti", arawn tih leh chuan ka meng full pap...

Vawiin hi tlai theih miah loh,,"ka naute hmeltha ka lawm e,ka tho nghal tih lo hrilh rawh aw" alu a tuai sak pah chuan ka thochhuak nghal a,Nana-i pawh chu a chhuak ve nghal zat bawk...



Vawiin hi college miss leh mister thlan ni a ni tak,,kan house aiawha tel turin kan leader in min ti tlat sia ka thiante anlo phur leh nasa bawk nen inpuahchah lovin ka tel ve tawp dawn chu nia,a nih nih kan ni tawh mai ang chu,...Ka insiam zawh chuan inhnuaiah ka chhuk thla nghal a nutei'n Nanai te unau chaw alo hrai mek a patea leh api chu tv room ah anlo thru thung...




"morning pate,nute,pi,nana leh kan naute Lemlem chuan khawnge apu hi" Nana-in a tet laiin Remrem tih a sawi thiam lova Lemlem a ti tlat a tun thleng hian Lemlem kan la ti tlangpui...Remremi thil eilai chu abiangah ka va piai zauh a,alo nui hak...Remremi hi kum4 a hmang ve mek a nutei hrisel that loh vangin anchhang a khat a tunah pawh nau anla pai rih lo...

"kha,,,kha,,chaw i hak ang" a nu chuan alo ti vat.

"inhnunglamah a awm nihkha,,tinge i va tlai ve" ka pi chuan alo ti a,,"thawh ka hai a,,dawrah thil chu ka ei tawh mai ang ka tlai trep ka kal nghal ania,,bye byee uu" kawngkhar lamah chuan ka tlan nghal zat,

"leh thawt thawt thin a,,fimkhur ang che", ka pi chuan alo ti leh a hawilet tawh lo chuan ka kut phar chhuakin ka vâi ringawt,ka chhungten ka tel tur thu erawh an hre velo ka hrilh duh lem lo..Scooty chu ti nungin PUC lamah chuan ka tlan thla nghal a...




Kawng zatve ka thlen hnu chuan ka ding chawt,,,ka va â tak,,,Vanapa hall ah lawm kan neih dawn...Chak deuh chuan ka inkhalh let leh ghal a,dawrah eitur ka pack tir leh sawk sawk a Vanapa hall ka thlen chuan alo awm ve nual tawh..Back stage lamah ka eitur khai leh ka inthlakna tur te nen chuan ka va lut ve nghal a..


"ooiii...henu hi,,,tinge call i pick theih loh kan.."

"aww,,hei ka rawn thleng tawh,,chuan khawi inthlak vat vat ang", Emy tawng lai chuan ka lo ti nghal zung zung,Lawmi alo nui kerh kerh thung,a rap leh nghek dawn tih ka hria min melh rawn rawn chung chuan ka kawr tur vel chu alo la ve mai a...

"Bella ilo thleng tawh maw,an tran tep ania lo inring ru" kan S.U uZira chuan alo ti a,,thil ei chung chuan lu ka lo bu nghat..



MakeUp artist an awm bawk a azia phian...A hmasa berah College T shirt kan hâ a,adawtah cultural dress a ni leh a aninawm ka ti hman viau hmanhmawh deuh a inthlak kual sek angai a..



A tawp berah Gown pawl ban neilo malpui chen a chhing achung atanga rawn puk thla leh chu ka ha a ka mit anhnawih rawng nen pawh a in chawihmawi viau e,ka pian hi ka nu ka chhun a ka inkhai thli tha ve zek a san lamah ka pa ka chhun bawk nen ft5'6 chu ka hawl pha ve zan bawk,ka nu leh pa fa ka ni miau a ka chhe theilo hrim hrim,chapo lam ni lovin chhuantlak hliah hliah an ni chiang alawm,,,min chei zo chu ka inchei vak ngai lo nen ka inhâi lo chauh ka kâ ka ang zuau mai,,lang tha inti ve hlarh hlarh tak ka ni..



Top 5 ka tling ve hlawl a,,zawhna min zawh pawh ka chhang tha ve viau chuan ka hria,Sangberi hi kan college miss a anhual lawk deuh vek kha ania pumrua ah chuan kan intiah ve viau a mahse kei aiin a khal deuh zawk ahmel pawh a tha viau,,a confi bawk a anih ngei ka ring..



Result anpuang dawn ta,,,inring vak lo mah ila a boruak hian min ti nervous tlat..


"2nd Runner Up chu Serial no.6 Lalchhanhimi Red house" announcer in a tih chuan an au nasa ngang mai..Lawmman an hlan nghal a ka thiante ka va en chuan min lo thumbs up nasa....


"1st Runner up chu Serial no.2 Lalsangberi Green house" heichu ka beisei loh lam deih a ni,,amah pawh a inring lo a ni zek ang ameng kawk mai,,mipui chu anlo au leh dum dum a,,lawmman an hlan zawh meuh chuan ka lo tang ru ve nasa hle,,tu nge ni ta ang Gracey,Brenda leh kei,,,an ni pawh an pangai viau zawhna pawh kha an chhangtha thawkhat viau a ni..Thawk ka han la kawk a...



"kan college miss thar tur chu...Serial no.4 Isabella Lalhmangaihi Blue House ", ka hit chhuak zawk hian ka hria,hall chu a khawk rum rum bottle te an lo hlap bawk a,,,ka hamhaih lutuk kal chhuahna chang ka hre lawk lo chu ka hming lam chunga pen chhuak tura min tih leh chuan ka pen chhuak ve nghal a,ka lawm thova mahse ka beisei lo em a tih vak ngaihna ka hre lo...Ka awmah ka kut ka nghat a All Is Well ka han ti ta tawp anihkha....



Sash leh Crown leh pangpar min hlan hnu chuan thla kan la ho a,,Nova tui let hnua thlalak puitu ka ngah ber tum a ni ve hial ang,zahthlak te te hian..Lawmi leh Emy anlo che over fal leh a inla security guard deuhin min han hruai vel thlap thlap erawh an hnungah ka chum leh pawp thin,,kei ai mahin an hlimin min lawmpui thiam em em a Miss nive ta pawh nise hetiang hian an hlim kher ka ring lo hial a ni..




Eng engemaw tih tur a awm avangin thim thet thet ah in ka thleng hman hram,,,ka lawmman dawn chu bag ah ka khai a mahse pangpar erawh a thuhruk theih ngang loh ka keng lut tawp mai ang chu...Inchhung ka lut chiah chu popper an lo phuh chuai a patea alo au a nui sangin kut anlo beng dar dar bawk,,ka hrilhhai lutuk chu kawngka ah ka ding chawt...


"Bawihte ka lawmpui lutuk che", nutei chuan min lo kuah a..

"ka fanu kan chhuang lutuk che" patea chu a au vak a,a fate pawh anlo au ve nghal chiam..

"ka tunu ka van chhuang tak che em i pa kha awm ve ngat se zawng", ka pi chuan mittui tling pam hian min rawn kuah a,a ni hi chu alungkuai zawng ngawt hian a ngaihtuah leh thin a..

"aaahhh,,pi khatia i awm chuan a hlim miah lovang," a mittui chu ka hruk sak a,,nui sang chuan, "ka lawm lutuk ania ka bulah nangni inla awm a,,nui tawh rawh le" en chung a ka tih chuan alo nui ve hak..Thut hona lamah chuan kan inzui phei hlawm a Nana-i te nufa in ka lawmman dawn vel an en thliah thliah a..


"uJohna khan min lo hrilh a atir chuan kan awi duh lova nanglahin engmah i sawi bawk silo,mahse thlalak min lo thawn a kan awi ve chiah lawm" patea chuan vui âw deuh hian a ti a..Pu-Johna(ka nu u) kha kan college ah ala thawk ve reng tak...

"ka zak alawm tling tur em em a tel ka nilo bawk nen insawi mualpho ka hlau ve a" tim deuh si hian ka nui sak a,,,,"a reng rengah college miss mai mai alawm,,Miss India ang maia min lo lawm chiam ni a zahthlak emai midang ten anlo hre reu reu ange" ka han ti leh nawk nawk a anlo nui vur vur..

"Leikhi Miss pawh nila kan tunu te chu hei ai ropui hian kan lo lawm zel ang" ka pu chuan nui ruah ruah hian alo ti ve a..



Ni e,ka chhungte hian school ka kal lai atang tawh khan ka pass phawt chuan a chhia emaw a tha emaw min lawmsak ngei ngei zel...Nutei leh patea chuan min han fiam leh thin a min lawmpui lutuk chu keipawh ka hlim ve takzet...




Room ah chhovin ka inbual nghal a ka chau ve det mai,,ka nu leh pa room hi keiman ka la luah chhunzawm zel a ka theih chhung chu chhuahsan ka tum lo an sulhnu awmna ber a nih bakah an bungrua leh thawmhnaw thekhat closet pakhatah ka la dahtha vek a ka ngaih chang hian an pahnih thawmhnaw chu ka mutpui leh thin...



Ka inbual zo ka chhuah chuan bang a an inneih thlalak frame liana ka tar thatsak chu ka en vang vang a,,an hlimin anin endun a an nui sang bawk hmuh an nuam takzet, hemi ka en tawh chuan keipawh ka lo nui ve leh ringawt thin...


"pa min lo hmu em,,min chhuang ve ngawt ang tiraw" nui sang chuan ka ti zawi sap..Ka phone arawn ring ral ral a ka en chuan kiai sukin ka pick a,,

"congratulation Bawihte,,,naktuk chu kan inah zanriah lo ei rawh aw i pi leh pu an awm hle hle thei tawh lo,,kan hmu chak lutuk che nia" pu-Mama chuan zang vah si phur deuh hian arawn ti zung zung a..

"ka lawm lutuk e,class banah ka lo peng dawn nia chuan ka scooty hi a free a servicing min tihsak angai ang aw", fiamthu chuan ka han ti let a,,arawn nui hawk hawk

"tehreng mai,,kan Miss World ni mai tur tan chuan ka lo free char char ang" nui pah chuan arawn ti ve leh a,,thildang kan sawi leh hnu chuan kan dah a ka chhungte information chak lutuk hi chu atha mah mah ni...



Message a min lawmpuitu neuh neuh pawh an kat ve nuk mai,,message chu ka chhang let ve hlawm a kei akara min lawmpui duh te chu lawmawm tak a ni...Ka mut hma deuh chuan PUBG ah kan lut leh zuai,khelh em em ka tum lo,,kha pa kha va check zuai ka duh...Request chu alo agree ve ngei tih noti a ka hmuh chuan ka kiai suk,,private message chu ka en leh diat diat a a panga(5)na ah chuan ka tawp chat,,a message chu word hnih chauh ni mahse ka chhiar nawn sek mai..


*congrats Miss* tih te mai chu ka hlimpui viau lawi si,,ka khi thraww reng ringawt..

*ka lawm e* tih chu ka thawn ve vat,,thudang ziah belh duh mah ila arem rih tlat lo,,kan inhre ve chauh a hmeihchhe zak theilo deuh angah te min lo ngai palh ang..



A la online kuau a ankhel mek,,ala spec theih loh zui tute nen nge an khelh ang,,ka kuttin chu ka seh neuh neuh a min lo la reply mai lo,,a bialnu nen ami an khelh ang le,,tingemaw ka lo buai ve chiam ni...Phone chu off in khumah chuan ka bawkthla hnawk a,,a hmel ka hmu pawh ni hlei lo a âw ka hriat vanga hetia han awm nghal tawp mai chu ka zahpuiawm reuh ngawt mai...


Keimah leh keimah chu ka innuih leh vur vur a,,naktukah shooting kan neih dawn vangin thawh hmat leh ka ngai dawn sia muthilh vat ka mamawh,,ka pa diary chu la chhuakin ka chhiar leh ta ringawt...





Ka lukham chu arawn in nghawr dar dar a,a tone atang chuan ka alarm a ni tih ka hre mai ka off hnu chuan ka mengthei ngang lo chu ka lo chhing leh sek ni tur a ni,,ka phone bawk chu arawn ri leh ral ral a mahse tun ami hi chu call pangai a ni tlat,,mit pawh meng lem lo chuan ka chhang risk ringawt a,,ka ti dik ve mai


"ding dong bell,,tho rawh vawiin chu tih tur kan neih kha" sammy chuan alo ti a.

"lo va ti mai ru ka tho peih lo" tho phak âw chuai raih chuan ka ti a,alo nui hak

"mawli,,,ka rawn kaih thawh kher che i duh tihna mi",

"ninawmm,,ka tho ka tho" ham buai buai chung chuan peih lo zetin ka tho nghal a...7am a alarm ka set kha tunah 8:18am alo ni der tawh,shooting mai mai ni tho reilote tlai te chu pawilo...





"pi,,zanin tlai chu saw lamah zanriah ka ei ang aw", Choka atanga chhuah pah chuan ka ti a.

"ni e,,Mama khan i pu alo hrilh tawh a,,mahse fimkhur la rawn haw tlai suh aw,,zan thimah nangmah chiah a rawn haw kha ka ngaihtuah deuh tlat che nia", la phiar chung chuan a tarmit kar atang min lo melh chho a,

"ka rawn haw tlai lovang min ngaihtuah suh,,a tlai deuh leh ka rawn inthlah tir mai ang" nui sang chuan ka lo ti ve a..

"vawiin inkalna ah pawh mi mitkham zawngin va awm lo la,miin tha taka anbiak che chuan hawihhawm takin chhang thin angche,mi chhia emaw mi tha pawh nise i biakdan adanglam tur anilo nia,,tunah chuan College Miss i ni tawh a mi hian i nundan an en reng tih hria la entawn tlak ni turin i nun uluk ang che", thutak deuh hian arawn ti leh a...

"mmm..tehreg mai,,tunu thuawi thei tak leh a pi in nundan ahrilh zawng zawng nunpui tlat tum tu ka nih hi", va kuah pah chuan ka ti a,,kan nui leh ver ver..


Nundan zirtirtu tur nu leh pa nei lo mah ila,ka pi leh pu hian min zirtirin min hrilh cham chi reng a,anmahni vanga nun pangai tak neithei pawh ka ni..



Mihring chu kan chawrchhuahna/awmna azir hian kan rilru put dan leh mizia hi alo danglam thei khawp mai,,tet te atanga kan seilenna in azir loh a nundan mawi hrilh tam a zilhtu tha kan neih loh chuan nu leh pa kar pawh nise mize tha aiin tha lo atam mah zawk..Fel famkim kan awm lo mahse kan rilru putdan a dik thei meuh lo a kheubeh zawng hian kan awm leh thin.






KV Paradise ah shooting kan nei a,kan thahnem viau makeup artist leh designer hnuaia thawk te nen kan ni nuai mai,Sammy pawh Mister ah an thlan ve tak kha maw, a pumrua en reng reng pawn ni tur chu a ni,a sang a ataksa pawh a inpharh mawi tawk viau,taksa enkawl uluk mi a ni bawk a apian chu hmeihchhe duhthusam a ni, sek lutuk ni silo hian amawi tawk chiah,a hmel pawh a chhe hran lo hmeihchhia ah atla na zek lehnghal a,,keimahah ve thung chuan thian anga ka en hmasak vang pawh aniang thian ang bakin ka en theilo...



Shooting kan zawh meuh chuan 3:30pm a pel ruak tawh,,,thenkhat hmanhmawh fal deuh chu an haw tawh bawk a..


"bro,,thil ei ila" sammy chuan min rawn kuah a,ka lo en vat

"min treat dawn te chuan" ka lo ti sam et..Min en chuan anui vur vur...

"mi â treat in ka treat dawn che nia" hmui ka lo tih sawi khum vak

"enteh,,in thianpa kha khawi ami nge,,kha kan khelhpui pa kha" ka hriat chak em vangin ka zawt ta nge nge..

"tinge,,,i lo I Maita deuh mi" min en chuan a nui suk..

"chutiang lam anilo hmela"

"mipa chanchin i sawi awm ka hre ngai silova chuvang mawle,,E.D kha chu Mizoramah a awm lo Commando anihkha,hlau rawh", nui ruah ruah chuan a ti leh a,,mak tih hmel deuh in ka en háw...

"ka ti tak tak National Security Guard a ni lawm,,nikum Delhi ka zin khan kan intawng a chuta tang chuan kan inkawm chho a ni mai" hmui ti sawi zauh chuan a ti leh a,,lu ka lo bu nghat thung.


A bak chu ka zawt thui ngam tawh rih lo,,min ringhlel deuh tawh bawk nen a zahthlak...Ngawi reng chuan kan chhuk zel a atawng malh malh thung,thil ka ngaihtuah mûk lutuk chu step rap sual palhin ka eu zawk


"Bellaa..." min lo pawt nghal a,a âwmah ka bei thlawp..

"i kalna tur en ta che,i tha em"

"mmm...ka tha,,ka lawm e" nui sang chuan ka en a,a thaw hak..

"mawli,,uluk deuhin en tawh rawh step tawp thlenga lum thlak i duh loh chuan" ka chalah chuan alo pen fawk a mit ka chhing sawk..

"hei,,zawng Sammy" melh vak chuan ka ti a,a nui leh hawk hawk..Min lo pawt hman lo se chuan step thui takah ka lum thla vâwn vâwn ngei ang...



Kfc ah kan pahnih chuan kan chawl a,,fiamthu a duh bawk a kan awmdun tawh chuan kan infiam a kan nui a,achang leh ka intihtauh tir a min thlem leh a chutiang reng reng chuan kan awm thin...



Kan ei zawh chuan ka nu te in lamah zanriah ei turin ka inkhalh phei lehnghal a...Ka thlen chuan pawna motor awm danah ka nu te pawh anlo kal tih ka hre mai ka nui sak a inchhung lamah ka lut zui ve nghal..




"aw haww awii,,,hei kan Miss alo thleng ania" ka pu in min hmuh chuan alo ti nghal vat..

"khai aww,,Bawihte kan lo nghak rei tawh lutuk che nia" Nu-jeni chuan lo kal pahin arawn ti a..An hlim hmel ka hmuh chuan ka khi leh sang tawh..

"ooii...inva awmkim thap thap ve" nui hak chuan ka ti a..

"lo kal vat teh,,zawh tur che kan ngah ania" Pu-mama chuan alo ti va zat bawk....Sitting room lamah chuan kan thu ho a,,ka tel ve tawp dan leh zawhna ka chhan dan vel te ka sawi chuan an nui hak hak.



"ooii...Bawihte ilo thleng tawh maw" ka nu chu arawn thu thla ve nghal a,,a nui sang a keipawn ka lo nuih ve sang bawk...Fa a nei thei tawh lova ka tet lai atanga min awmtu alo nive bawk nen min duat ve viau..A pasal pa-Mala pawh pa tha tak a ni..


"mmm...shooting kan nei leh a Magazine a mi tur vel,,,ka lo tlai deuh anih hi"


"hei,,nautei te nupa anlo leng a i chanchin kan hrilh kha hmuh ve che a chak sia,chaw an ei ve nghal dawn anih hi" ka pi chuan arawn ti leh a


"a ni hi chu ka fanu ang kha ania,ka tel ve ngei angai lawm tiraw Bawihte" min rawn en chuan a nui leh sang a..


"niaa,,nangber i tel lohin a dik thei nang" ka then ve sak,,ka rilru tak tak ka sawi tih a hrethiam kher lovang,,thildang sawi chuan kan nui leh dar dar hlawm a,,hetia kan inhnaih thei ringawt pawh hi min hre lo tawp aichuan ka lawm tho tho,,engtikah tak min hrechhuak thei ang maw,,ka nu nui leh var var thin chu ka en tlawk tlawk...






(ziah sual,tih dik lo,sawi sual ka neih chuan min lo hrethiam ula,a dik zawk min lo hrilh dawn nia😅)


End of Chapter 1



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 31st, 2022, 2:07 pm

IT'S A GAME : LOVE/WAR (Ka Hmangaih kha S2)

Chapter 2




Zanriah eikham chuan atlai tak tak hmaa haw ka tum chu riak turin min ti ngiala zandanga ka riah tur thu chu hrilhin in muttui mangtha hnu chuan ka haw ve nghal a..Ka nu nen kan inhmuh tawh hi chuan ka hlim ru leh veng veng zel..Scooty ka khalh lai te chuan ka lo khi leh thraw thin..



Kan inbul ka thlen chuan kawngpui atanga kan in lo thlek vawng vawngtu hi ka hmu a,street light hnuaiah chuan ahmel ka hmuchiang theilo,mahse pa lian ve tak a ni,ka pa nen an pumrua a in ang viau bawk...


A bul hnaiah va dingin "ka pu helaiah hian enge i tih" ka ti tawl..Min lo en ve nghal a min en uluk phian,ka hlau ru ve deuh mahse ka in ti huai lui ve tlat kan inbul mai a ni lawm le, a mitah tak chuan ka en let ve sak amitmeng chu ka hmuh tawh hnu te ang ka ti lek lek..

"Isabella i ni ang maw.?" a âw pawh chu ka hriat hnu ang ka ti.

"mm...ni e,,tunge i nih,,min hria mi" ka lo ti thuai,,a thaw hak a,min rawn en leh chuan,,"i pa kha ka hria lawm" a ti thawp salh,,ka lo en chik hle zanthim hnuai anih vang erawh chuan ahmel ka duh angin ka hmuchiang thei lo mahse ka pa chu a nilo,,,haah,,ka va â tak ka pa chu a thi tawh...

"nakinah kan la inhmu leh zawk dawn nia,,va lut tawh rawh,,in enkawl tha la" dam thlup hian a ti a,,ka lo en reng ringawt ka hlau tawh miah lo thung,,a kal liam hnu chuan keipawh inchhung lamah ka lut ve nghal a,ka ngaihtuah kual leh nasa hman tawh..Tunge anih..?



In ka luh chuan ka pi leh pu anlo mu tawh a,nutei te nufa erawh an mengrei leh hle dawn tih Remremi mitmengah ahriat,,tv ah rhymes en in ala harh fim kak mai..


"Bawihi i rawn haw chiah mi" nutei chuan alo ti vat a

"ooo...kha inva mengrei leh dawn ve Lemlem" ka nuih chuan min lo nuih leh sang,,"khawnge patea te hi"

"room lamah Nana-i lehkha a zirtir anihkha,tinge" min lo en chuan a ti a

"engmah a nilo,,nute ka chho nghal mai insil ka duh sia" ka ti nghal zat,,nakinah patea chu ka zawt tawh mai ang..



Ka intih fel leh meuh chuan 10pm a ri tep tawh,phone ka en chuan missed call alo awm a tudang nilovin Sammy bawk,,,min lo call chhan chu ka hre leh mai...Call let lem lo chuan ka awm dante siam rem te te in ka lut ve nghal a,tu emaw vang hrim hrim pawh khan luh ngei ngei angai,,ka phur tho si mahse message min reply na en ngam chiah silo hian ka awm,',E.D,,,E.D',,, tih chu ka rilruin ka lam mawlh mawlh..



A message chu ka en a *jamal* tih te chauh,thildang alo sawi ka rin ve tehlul nen ka beisei san vang nge ka down vek,,enge awmzia pawh ka hrethiam nek love a,,,Khumah chuan ka kè ka leng vak ringawt..


Sammy chuan request min lo send a phur lo deuhin ka va join a mi pathum anlo awm,pakhat chu hmeihchhia ania alo trawng mial mial bawk E.D pawh atel,


"heilee,,,kan Miss arawn lut e" Sammy chuan arawn ti nghal zat,,an nui a kei erawh ka za lo hle trawng pawh ka peih lo,voice ka off tlat thung..


Ka khel hman lo tiin ka out nghal daih ka mood hi a uih ngawih ngawih a ni ber,,rilru lak pen nan insta ah te lut kualin vawiin a kan thlalak vel pawh a thren chu ka dawng tawh a nalh ka tih ber chu ka upload nghal....


Ka rilruah kan inbul a ka hmuh pa kha arawn lang nghal zat bawk,a mit ah khan engemaw tak chu ka hmu,,kan inhmuh leh hunah ka hriat tawh ngei beisei ang...Ka pa diary chu la chhuakin akara kan chhungkaw pathum thlalak chu ka en a,,ka pa in min koki chhuan a ka nu nen in en in an nui a keipawh kâ ang huau in ka nui bawk,khatiang thil kha kan chungah thleng lo se chhungkaw hlim ber kan ni mai tur..




Zing ka harh chuan 7am alo pel awrh chauh,,tho chhuakin ka insil fai a,ka room te ka tih fai leh hnu chuan class kal turin ka insiam zui nghal a Week zawh a class kal hi chu phurawm teh chiam lo,,attendance apawimawh bawk sia kan kal leh hram hram aniang chu...



Pate Sawma hi Police officer a ni a,ka pu erawh a retired tawh thung,,nitei pawh khawdangah pasal a nei tawh a ti hian Patea inpui nghaktu a ni bawk a kan awm ho dal dal a,naupang an awm bawk nen api te pawh an khawhar a hnem viau zel...




College ka thlen chuan anlo awm nual tawh,,5th sem Psycho dept ka ni a,,ka tui em em pawh ka hrechuang lo mahse subject dang ai chuan nuam tih chang ka nei leh thin..



Class chu rin aiin kan la tha phian,,week zawh anih vang khan kan kal that loh ka lo ring teh ngawt a,kan lecturer te taimak zia ka hrechiang leh sawt mai...Lunch break chuan dawrah kan chawl leh sang sang tawh a..


"vawiin chu kan bang hma dawn tho a Domino's ang u" Emy chuan alo ti var

"ei hi i duh sia i thau thei bawk silo" Lawmi chuan alo ti ve zat,,ka Lassi in lai chu ka phuh teuh hle,,ala nui duh miah lo zui aa

"ka taksa hian automatic in ka thau tur alo paih nghal zel alawm" confi deuh chuan a han ti leh a,,an inchhang tawk thei lutuk hi ka lo nuihpui leh thin..Chutia kan nui leh dar dar lai chu coffee in min lo buak thut a ka rak thrat ka malpui chu a sa hat hat bawk,a sirah ka lo thu kher kher chuu(h) ,dawr a chawl ve dangte chuan min lo en thap


"ooii...ka tihpalh lutuk,,dispo hi alo tha lova" Sangberi chuan alo ti zung zung..Ka hmui ka lo pet vak asa em a ni..Ka ke ka lo dahchhuak kher kher bawk a tin ni..

"fimkhur ta che,,Bella khaa heii tui" Lawmi chuan tui bottle ami chu ka kekawr chhanah alo leih nghal thawr

"a zia lo emai,,bella ka tihpalh tak tak ania" inthiamlo deuh hian a ti leh a

"mmm...pawilo" ka lo ti vat,,Sangberi pawh chu akalsawn ve nghal mai..

"kha nu kha,atih luih ani chiang lutuk,,Result puan ni atanga a endan che kha a dik tawh lo" Emy chuan Sangberi kal liam en pahin a ti zui salh, a thutak hle bawk

"nanglah hi,,i ngaihbel mai mai a nihchu,,chu aichuan engtinnge kan tih dawn ka kekawr hi"

"tih ro dan tur ngaihtuah ila,,hostel lamah kal ang u Puipuii te an awm kha" Lawmi chuan alo ti vat,,hmanhmawh deuh chuan kan kal nghal a..




Period tawp thleng chu ka kal ve thei hram,,hostelah kan va nawt ro thuak thuak a azia phian mai..Parking na a kan awm lai chuan Sammy te anlo kal a

"heii,,,vawiinah thil tha lo a thleng em" Sammy chuan alo ti nghal zat..

"tha lo em em nilove,i haw dawn tawh mi" nui sak chuan ka ti a

"mmm...haw mai loh chuan bialnu lenkual pui tur kan neive silova" a hmui chu a ti sawi leh zauh

"a ve che hian,,i luck lutuk duhthlan tur hre lo zawk i nihkha lera" ka ti leh hram

"ooii...hepa tenawm zia hi,,Sangberi in a hauh nat em che hi aw,,saw en rawh alo melh leh nasa tawh che nia" Emy chuan alo ti bawrh bawrh

"a ni aichuan ka ding dong Belli hi a tha daih zawk" mit min rawn siai leh zuk a,,kan lo ner khum nghek

"Domino's ah kan kal dawn a,induh chuan lo kal ve ru" Ronald va melh zauh pahin Lawmi chuan a ti a,Lawmi hian a star tih kan hriatna ala rei vak lo a inthup thei zek a,Ronald hi a ngo a ahmel pawh azia fresh deuh chi hi ania,a lian a asang bawk,Lawmi hi chu 5'2 vel ania in ngaizawng se
an cute dun ngawt ang,,nakinah hma ka la lakpui ang hetiang hi chu ka thiam ve zawng tak a ni lawm...



Ngaihzawng erawh ka la nei ngailo star leh crush chu ka ngah mai,ka zei lo tih ka pha lo,,2nd sem kan nih lai khan ka star pakhat nen ka thianten chance min peve ngei a,ka star pa chuan,"min duh em" atia,,kei lo lai lutuk leh sawi mai tur hre lo khan," ka hre lo" ka lo ti pek a,,huuiii,,,min be tawh lo chiang a sin aww,,,ka thiante hnenah "ava naupang chhia ve" te min lo la ti zui....Mahse ka thiante thurawn lakna leh buaipui tu ber ka ni thin...



Domino's ah chuan kan panga(5) in kan kal ta nge nge a,,kan tawng a kan nui leh vak vak a nuam hawr hawr thin ania...In ka thlen chuan Umarini te nufa anlo leng a afanu hi thla8 a ni ve mek,,a ni hi Lunglei lama kan chhungte an ni a hetah pasal anei a kei ai kum3 in a upa


"ooiii,,inlo leng a ni maw"

"aww,,hei,,boruak dang kan lo hip a nih hi" nui sak chuan a ti a..

"ka han inthlak anga ka rawn chhuk ang,,fiona chu ava nula tawh ve" abianga va piai zauh chuan ka ti a,,inthlak turin ka chho nghal zat...Ka chhuk leh hnu chuan nutei nen anlo ti ti siam siam a ka pi in Fiona-i alo pawm thung

"tinge i pasal nu te chu anva ti awm ang love" nutei chuan alo ti a.

"ka tuar ve trang trang a,tu bulah mah ka sawi duh ngailo,,ka pasal nupui hluite in lah ahnaih ve ang reng sia nitinin an tupa chu an va la a,kum3 a ni tawh a an pua a an awm char char thin,ka fanu erawh an awm ve ngailo,rilru hi ana ve thin ania," a mittui atling pam mai

"i pasal chuan engmah asawi lo ami" nutei bawk

"amah zawk chuan va hruai rawh u te a ti thin,,fiona-i lah a hrisel silova ka paw reng zel a min puak chhawk ve antum ngailo,,diktak chuan an tupa pawh hi hmangaih ka tum thin mahse hetiang hi chuan ahar em a ni,"a mittui chu a hru zauh a

"pi Siami te chu an va mak ve aw,,Marin tawngtai uar sauh mai rawh inthen ringawt pawh karah fate an awm tawh sia Fiona-i a khawngaihthlak dawn emai,,i nu te pawh chu tha deuhin hrilh la in pa pawh" ka pi chuan a lo ti ve a

"kan pa chu ka hrilh tawh a,a fapa ngaih lo angah min ngai tlat sia tih ngaihna ka hre lo"

"ava hahthlak ve,,engpawh nise tha deuhin han sawipui phawt la,,hetah kan awm a lungai reng reng suh" ka pi chuan a ti leh a,,ka lo ngaithla kar mai,,pasal neih fuh leh fuh loh kar hi alo hla em a nih hi,,pasal neih pawh hi tih mai mai chi a nilo tawp mai...


Umarini te haw hnu chuan Nanai te unau nen evening walk thui vak lo kan nei leh a,chhuah hi an chak ve thei sia nuam an ti leh khawp mai..Patea alo haw tlai dawn vangin zanriah kan ei san a,chhung inkhawm kan neih zawh hnu chuan keipawh ka room lamah ka chho leh tawh,,naktuk inrinni hian kan thian ho leh sammy te nen picnic deuh reuhin a thiante farm ah kan kal dawn a,kawr hak tur leh ken tur vel te in zawtin kan buai leh sap sap tawh...



Pubg reilo te kan khel leh zuai a,E.D erawh chhun atang ala online lo,,ka luh apianga a profile ka check ziah erawh ngaiah ka nei ti tih der mai,a khelhpui te profile thleng ka check duh zel tawh chu niaa,,hetiang em em a han vei mai chu engahmah min ngaih loh hmel bawk sia,a zahthlak letling...





Zing pawh ka tho hma ka phur ve em a tin ni,,bag ah inthlakna tur ka ak bawk a chawei sawk sawkin ka hman chu a ni der mai...Ka pi leh pu in kal hmain fimkhur tur leh sual zawnga awmlo turin thu tha min hrilh uluk leh viau bawk...


Sammy an car in min lo hruaia midang kan lam phei nghal a,Ronald pawn a car akeng bawk a anthian ka hmelhriat tho mahse ka nel vak loh te pawh an awm,,kan thianho kan kim a atawk reng mai Tlawng lamah chuan kan liam thla dial a..




A hmun kan thlen chuan rin aiin a nuam phian lehnghal,,sangha dil a awm a,a chhakah swimming pool a awm bawk a,resort hi a ang zawk mah tree house te a awm pheuh pheuh a a changkang zek mai,,,Emy leh Lawmi nen kan fangkual nghal char char a thlalakna tur kan hual lawk treuh tawh...



In pakhatah hmeichhe ho kan awm a kan inthlak zawh chuan Lawmi leh Emy an ek achhuak leh pek a,an phur lutuk ekchhuak a ni ber ang,an kalna piangah hian hnutchhiah tur an nei ve ziah..Hmundang ka lo va fangkual chhung a,thei huan anih ka ring thei kung vel atam emai,a faiin khawihmun pawh chu anuam velvek..



Thingkung pakhat a pangpar lo zam chu analh reuh zek a lâwh ngei tum a ka han zuang chu in balance zo tawh lovin a thlangah ka lum thla nghal a vanneih thlak takin alo âwi lo hlauh a ka lum thui hman lo,mahse ana reuh phian...


"i tha em" ka chhak atang chuan tu emaw hian arawn ti nghal a athawm atang chuan arawn tlan thla ni ngei ang,,ka bawkkhup lai chu in her in chu pa pawh chuan min lo thutchilh ve chiah..


A hmel ka hmu chu Ooii,,,a hmuihmul,khabe hmul zawng zawng leh asam sei zawng zawng nen Isua a ni thei mai angem.?


"kei hi ka thi mi" a kiai suk,,ka rilru ka lo sawichhuak chu niin..

"ila thi lo ania" dam thlup hian akut lian leh hrawl zet a ka dara min dawm tho pah chuan a ti a,a âw chu ka hriat tawh hnu a ang,ka lo la en char char 'Isua hi hetianga hmeltha hi mi alo nih'


A mit khur thuk lutuk ni silo leh a mit hmul buk lutuk silo te chu a in chawih mawi tawk em em a,a hmui hmul leh khabe kual hmul tro te chuan mipa anih zia ati chiangin a ti lang pa mah mah zawk,a hmel erawh sawi dawn pawh ni ila ka sawi chhuak thiam lovang mahse a hmu tawh chuan an vei zui ve ngei ka ring, Isua anih loh vek pawhin Lasi Lalpa a ni ngei ang...


"hello,,i tha em,,na i nei em" ka mit chu ka khap vak a,,ka hmai zawnah uluk deuh hian min lo en a,a mit chu ti zim deuh hian min en khui,,,,ava pa tak,,Lasi in min zawl te hi a ni mai lo maw..?


"mmm...ka tha" ka ti zawi sep..Thawh chhuah ka tum chu min lo chelh nghal vat a taksa lumna pawh ka feel thei,,ava mak,,engtinemaw hian ka awm ka thin te hi a phu dawt dawt,,arawn chhuak mai dawn hian ka hria..


Ka din hnu chuan min chelhna chu a thlah ve nghal a inhmachhawn chuan kan ding ran mai,,asangin a taksa chu a hrawl tha takzet,a dar pharh tha tak te leh tha angah tih hriat taka a ban puam inphiar thla a athisen zam lo pawng tralh te,a ban puam ringawt pawh chu ka malpui nen a intiah thawkhat maithei ni...Khaiaaa ka lo chik leh lutuk chu ka zak...



Helai boruak a uap hneh lutuk te chu mak ka ti,,,in her vatin ka kalsawn nghal a,,min lo en anih ka ring ka tukhim hi a hit mer mer mai...Kal pah chuan ka kiu chu ka tuai vut vut bawk,swimming pool bul ka thlen chuan Sammy te anlo awm a


"ehee,,khawnge i kal a kha i va thur bem bum ve" nui suk hian min rawn pan nghal a

"ka tlu sual.palh a" ka lo ti ve mai,,kan hnung lawkah chuan ke pen thawm arawn awm nghal zat,,chutih rualin ka lungphu pawh chuan alo hre rang leh khawp mai a phu leh dup dup tawh

"khaiaa,,,kan lo nghak rei tawh lutuk che nia" ka hnunglam ami nuih sak pah chuan a pan nghal zat..

"nia,,traffic jam ah ka lo tang rei deuh a" pakhat chuan a ti a,,'an inhria maw'...ka hmalam en ran chuan ka la ding reng,,mak ka ti deuh Sammya thiante hi hriat loh ka nei em em lo

"hei Bella heihi i hria em,,E.D kha a nih hi" rawn au pah chuan a nui ruah ruah a,,ka meng nghal kawk mai,an hnungchhawn zawng chuan ka la ding reng ka chesawn tawh eih lo..





End of Chapter 2

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 31st, 2022, 2:07 pm

IT'S A GAME : LOVE/WAR (Ka Hmangaih kha S2)

Chapter 3





"Bella " arawn tih leh vak hnu chuan muangchangin anlam hawizawng chuan ka inher a,E.D nen kan mit a intawng nghal salh rang zetin Sammy zawk chu ka en a, alo nui vur vur,

"ooo,,,ka hria rawn auh vak kher kha angai mi,ka beng angawng lo" ka ti nghek,,ka zam ta lutuk chu ka sa pup pup ka tha te a khur ti tih hian ka hria,,ka va thring tak

Inher leh vutin ka kalsawn nghal nal nal E.D khan min melh run bawk,,,a mi uap ana in ahuhang ka zolo a ni ber,,ka chetdan phung ti buai vek thei tu hi engang mihring chiah nge anih lee?,,huuii,,,ngaihtuah lo teh ang..



"heyyy,,,khawnge i kal daih a kan zawng nasa teh mai che nia", hnunglam ka hawi chuan Emy leh Lawmi an lo ni reng mai,,an hmelah an lungawi leh vak tawh lo tih ahriat

"in ek a uih si tunge nghak reng peih angche u" lehlam hawi san hmak chuan ka lo ti hlar,,rawn kal hnaiin ka dul leh zak velah min lo khawih fiam lehnghal zat

"engaa i sawi,,kha ka mawngsilna hi ka tat vek dawn che" Lawmi chuan alo ti zat zat,zâ ka ti lutuk chu ka rak chiam a,anni lah chuan nuam an ti sauh emaw tih mai tur kan ri leh teng tung mai...


Tree house ah kan pa3 chuan thil ei pahin kan awm a,hmeihchhia pa2 anlo hruai ve bawk a mahse an ni chu an bialpa te bulah an awm thung..

"saw saw tunge,,ava hrawl tha zet zawt tak" Emy in akawhna lam kan en chuan,,"khaia ISIS mi leh sa a ang mah zawk,,a rothap viau ang,,tunge ni reng reng ka la hmu ngai miah lo" a chips eitur la keng kâng reng chuan alo ti tlawk tlawk,,an pahnih awmdan ka en chuan keipawn awm ka ti viau mai

"Sammy thianpa anih saw E.D a" coke can inbirh salh pah chuan ka lo ti a

"a single chuan ka hual,,a hmelthat zia saw Pa ka tih chi tak" Emy chuan alo ti vawng vawng,,kan lo chek tlak tlak

"a duh leh chuang lovang che,i duh ten anduh ve ngailoh che hi,,lo duhtu che lah i duh ve bawk silo" Lawmi chu a nui vak vak,,asawi dik bawk sia ka lo nuihpui ve leh chiam mai,Emy erawh a meng dur nasa...




Swimming pool ah kan cheng hlawm a Lawmi leh Emy erawh hleuh thiam silovin thiam ang fahranin an han hleuh ve tak na a,an hak leh barh barh thin chu ka lo nuih chiam zel, ka tet laiin ka pa khan min zirtir thin a tunah chuan ka thiam thawkhat viau,,mawngkawhur style tia ka hleuh chuan min eilo lutuk chu an ner nasa mai,anhleuh châk thiam ve bawk silo,ka lo intihtheih khum deuh nen min ngei ngawih ngawih a ni tawp..




Bathroom an hman vek vangin apiah deuh a bathroom ang deuh ka hmuh chuan ka pan phei nghal thuai a,,bathroom chu alo ni chiang e achhungah kawngkhar pahnih awmin pakhat lo inhawng sa deuhah chuan ka lut nghal zat,,shower a inphuh sar sar chuan ka inbual a ka inthlak tur chu pawna ka bag ah panty ka dah tih ka hrechiah,,huii ava haihawt thlak thin tak..



Towel chuan intuamin ka chhuak chiah chu E.D-a lo lut chiah nen kan in tawk chat,,towel chiah aven vangin duh aiin ka hmuchiang mah mah chil ka lo lem khawlh,,a dar pharh tha tak leh tihrawl nalh taka inphiar sek tralh kara tui lo luangtha ngiai ngiai te chuan a ti lang sexy takzet,,,khaiaa,,, ka ngaihtuahna vang chuan ka biang asa hat hat mai...Engtia rei nge kan in en ooii,,towel nen chiah ka awm ve tho...


"sorry,,i awm tih ka hre lova" dam thlup a atih chuan a chhuak nghal vat,,,hmanhmawh zetin ka bag chawp chuan ka inkeng lut a,,ka zak lutuk chu ka che pawh a dik thei meuh lo..A hmuh laia ka che chhe thei lutuk chu ka ngei hlur tawh...



Ka chhuah hnu pawn hawikual duh lovin ka hmalamah chuan hmanhmawh zeta kalin ka tlan ti tih,ka zak lutuk chu ahmel ka hmu ngam lo a ni mah zawk...Tlaia chaw kan ei laipawn ka hmuh theihlohna tur chinah zel ka awm,mahse ka va en leh zauh thin erawh inchhir tak ka ni min lo en ve chiah nen kan mit a intawng fuh thei lutuk chu ka sen leh trawn trawn thin...




"Bell,,ka nu ten min lo phone a ka pa bp asang leh thut a,damdawiinah ka kal nghal angai" hlauhthawn hmel tak hian Emy chuan a ti a,,

"hlauthawng suh Emy,,kan kal dawn nia Bell" Lawmi chuan min lo en vat,

"ooo,,,Sammy ka va hrilh ange" hmanhmawh taka ka kal tur chu tu emaw nen kan intauh chawrh,ka kawngah nghet zetin min lo chelh nghal zat

"i tha em" ti thum bul tu chu ka en chho hâ,,amit ti zim sûiin min lo en a,kan taksa insi chat chuan ka lungphu a ti rangin a pangtilum thur mai ka feel chuan ka thâw ka ip chawih,,,,ava timing lo thin tak,,,tinge alo awm ve hman ziah ni,,tal hrang vatin,"ka tha,," ka ti vat,,



Kal ka tum zet a hrechhuak thutin, "Sammy ilo hmu em" amah en ran chuan ka ti leh a,,"an chhuak lawk a,tinge" kan pathum chuan min enkual dan dan a, Emy mittui lo tling pam ahmuh chuan angaih atha ve chiah lo a nih hmel,


Lawmi chuan alo sawi zung zung a,,lo sawi vat nachang ka hre lo pawh kha a awmlo hran lo hepa bulah hi chuan ka chetphung leh sawitur te hi abuai vek thin anih hi ...


"keiman ka va hruai mai ang che u,,lo kal ru" tih leh kal arual a,,inngaihtuah buaina hun anilo tih hria in kan zui nghal vat..


Bolero hi alian ve hle maw ka tia mahse alakah chuan alian hauh lo,,a taksa hrawl zet lakah chuan Bolero pawh ka hmu te ta rawih rawih mai,,"lut ru" kawngkhar hawng a arawn tih takah chuan ka harh zawk,,engkim ka lo ngaihtuah thui thin lutuk chu ka tihdan thar nge hepa hian akeng tel ve hrim hrim zawk...



Lawmi te chu an lut hmasa a ka lut tur chu a thaw hak a,min en run erawh angaihna hre lo zetin seat hnungah chuan ka lut ve vat,kawngkhar arawn khar hnu chuan motor kal hualin driver seat ah alo thu lut ve nghal a.Damdawiin lam pan chuan ka tlanchhuak nghal...


Emy chu a mit a sen ram tawh trah em chu ala duh bik chiah lo a ni mahna,pa lo chân tawh ka ni a arilru tur chu ka hrethiam viau e,,Lawmi in ahnem reng bawk a kei erawh ka boruak tawnin a zir loh vang nge sawi mai tur ka hre lo,,front glass atang chuan kan mit a intawng fuh leh thei chat chat hle...



Damdawiin kan thlen chuan kan tlan lut nghal a an chhungte pawh anlo awm nual,cabin ah anlo dah lut tawh a tunah rih chuan damdawi vel anlo pe tawh a amuhil mek,,hlauhthawnawm a awmloh vang chuan kan thaw huai mai,,,


"ooii... E.D kha kan kalsan vek ania" Lawmi'n alo tih chuan keipawn ka hrechhuak ve chiah, kan hmanhmawh lutuk kha kan tlan lut nghal rawih a kan lo hrechang tawh lo reng reng,kan va â tak,,,rang zet chuan ka tlan let lehnghal a kan dinna ah khan alo awm tawh lo,athlang velah a motor a park nih ringin ka en thuak thuak a mahse ka hmu lo,thaw hak chuan ka inher a


"min zawng ami" rawn ti thum bul ka hriat rual chuan ka hawilet leh vat,,

"ihh...ilo kalbo daih tawh amaw ka tia", ka ti bah nak,kiai suk chuan arawn kal hnai a,,"ka kalsan duh che u i ring ami" chiang zet a ka mitah tak enchung chuan ati fiah kak,, fiamthu hmel a pu lo ahmel chu atak ngul a sawitur ka bangbo hlee ,,


"kan lawm e aw" kun chungin ka ti zawi sap...Chet thut leh alama min pâwh rualin min kuah nghal a,,ka hamhaih lutuk chu che lovin ka lo ding mawl tawp...Ka sama chul pah chuan nget zet hian min kuah leh a,ka thin pawh a phu leh dup dup tawh..


"ka,,,,ihhh,,min thlah tawh la ka thaw tha theilo" ka tih takah chuan min thlah nghal vat a,lehlam hawiin a kut pahnih chuan abek tawn tawn a asam chu zutin a thaw hawk...Keipawh chu zawite in ka lo thaw ve ham ham,,



Lawmi alo lan takah chuan lawmthu te hrilh ve nghal mawlh mawlhin thupha te achawi pah bawk a,E.D chu angawi reng a min lo melh leh zeuh thin,,,Emy erawh damdawiina ariah dawn vangin Lawmi nen min thlah lehnghal a,Lawmi in min biak a kan chhan bak kan trawng lo ve ve...



Lawmi kan thlah hnu chuan ngawi rengin seat hnungah chuan ka thru tlawk tlawk,,sawitur avang mai sia boruak chu a uap ngawih ngawih hian ka hria,vanneihthlak takin Sammy an min lo call hlauh a chanchinte chu hrilh nghal zung zungin a awmlo chu pawi atih thu te asawi ve luam bawk,,phone ka biak lai chuan front glass atangin kan in melh leh zauh thin,,tingemawni kan mit hi a intawng fuh thei mah mah....



"Bella,," motor atanga ka chhuk tur kawngkhar ka chelh lai chu ka tawp chat,,amah chu va en in,,"sawitur ka nei a mahse sawi chi a ni em ka hre lo", min lo en chuan chil ka lo.lem duk,,

"sawila",,engtak ni ang maw,,ka lungphu pawh drum ang maiin arawn tlir leh dut dut tawh

"zanah ka hrilh mai ang che,,va lut tawh rawh" ,,a mitmeng chuan engtinemaw tak hian min fan riai riai...


Min thlah avanga lawmthu sawiin atlan liam lai chu ka thlir a,,tinge ka lungphu hi aphut ran em em thin le,,hmuh leh a abula awm ka chak a mahse a huhangah ka buai vek thin bawk si,,,a thil min hrilh tur chu engtak ni ang maw..?


Inchhung ka luh chuan 7:30pm alo per chiah,,"Bawihte tinge call i pick theih loh a,,kan rilru alo hah hman lutuk sin", ka pi chuan alo ti nghal a,,Emy pa chungchangte chu hrilhin an khawngaih ve hle,,bp sang stroke hlauhawm zia leh Emy pa chu a vanneih zia te asawi chuan lu ka lo bu nghat nghat...



Ka room a ka chhoh leh hnu chuan ka inbual leh thuak thuak a,,Emy chu call in chanchinte ka han zawt leh a,apa erawh an damdawi pek vang nge ala harh rih lo, ka thiam ang ang chuan pachang taka awm tur leh a eng zawnga thlir tur chuan ka fuih ve sauh sauh...


Kan inbiak zawh chuan patea thil zawt turin an room lamah ka chhuk thla lehnghal a,,patea chu a uniform nen alo la awm thrup mai midang an awm velo hlauh,,"Bawihte vawiin lam chu anuam em" min hmuh chuan alo ti a

"mmm..nuam ni mai,,pate thil zawh duh che ka nei a"

"eng chungchang nge a,,min zawt la" a kawr chu a phelh mawlh mawlh

"ihh...ka pa thianpa,,,englo tun hnaiah ka pa thiante i hmu ngai em" ka tih chuan akawr phelh lai chu reilote tawp chatin a phelh chhunzawm lehnghal a

"hmuh awm ka hre lo,,tinge" min lo en chuan ka hmui ka lo pet zauh,,hrilh chi a ni angem,,

"aaa,,ka zawt deuh mai mai che,,Pa Henry te kha engtinge anlo haw dawn" zangkhai tak chuan ka han ti a,,ka rilru erawh anuam thei chiah lo,,kha pa nen khan anla inhmu lo tihna nia,ka pa thian a ni tak tak angem,,nge ka pa thian nilovin ka pa kha alo hre ve ringawt zawk ni ang..??



Thildang kan sawi leh hnu chuan ka room ah ka chho leh a,,kha pa kha ka rilruah a awm reng lehngha.....Ka pa thlalak chu en in ka khi sak,,',ka ngai lutuk che' zawi sap chuan ka ti a..



Phone ka en chuan WhatsApp message zinga number pakhat chuan ka mit ala hle,,,

*Bella* tih chiah hi,,,hrechhuak thutin ka reply vat,,reiloteah a seen nghal zat bawk,, ka ring dik chiah E.D a ni...


A sawi tur nghakhlel tak si huphurh tho si chuan ka nghak kiau a,,typing a in tih lai chuan ka lung a phu dup dup mai...Typing rei phian lehnghal,,



*tu emawin min hriat ve hma hauh khan keichuan a thlalak ka hmuh tir phat atrangin ka vei tawh a,ataka ka hmuh hun tur suangtuahin hun ka hmang thin,,amah hmu turin mel tamtak ka kal ta ringawt a,mahse a ni chuan min duh ve angem tih ka hre lo,a mitmeng leh a nui hmel.mawi tak kha hmuh reng ka duh a, mahse abulah chuan ka sawichhuak thiam lo,,a ni khan a hrethiam ve angem?*


Ka chhiar zawh chuan ka lung a phu dat dat,,enge awmzia tu asawi na nge..? Ka rilrua ka ngaihtuah nauh nauh lai chuan call arawn lut nghal zat,ka phu lutuk chu ka phone ka thloh teuh kher mai


"Bella,,," arawn ti thawp salh,,chil lem duk chuan,,"ooo..enge", ka ti tham triak...

"chu nu chu Bella,,ka vei em em thin chu Isabella", arawn tih chuan ka thinlung chu a puak darh nge ka hre lo,ka lungphu rang zet kha a bo daih engkim chu a reh duk a ka thaw tawh pawn ka inhre lo...

"Bella ka duh che" chhan dan tur ka hre mai lo,,induh deuh te khan an duh ve che u tih inhriat chuan lawm lutuk vangin inhamhaih ve tho ka ring....

"bella i hrethei em,,hellloo,,,bella"

"mmm...ka hrethei" ka khi sak,

thawk hawkin,,"min chhang turin ka ti kher lo che nia",ahmel tur ka mitthlaah arawn lang nghal zat,,

"keipawn ka duh che" ka lo ti ve hmiah,,,ka lai lutuk chu ka lei ka chhuah tawi tet,,ahma anga ka crush te chan leh mai mai kha chu ka duh tawh lo,,tun ami ngat phei hi chu ka chan phallo..



Mut hma chu call leh WhatsApp ah kan inbe char char a,ka hlim lutuk chu ka mumang anih te ka hlau rum rum...Zing ka harh chuan ka mumang mai anih hlauvin message chu ka ennawn leh a mahse a tak tak a ni tih ka hriat chuan ka khi leh vur vur,,zingkar atang mood a dik zar mai...



Tukthruan eilai te chuan ka lo nui leh thin a ka chhungte pawn min en duh hle,,,inkhawm tura insiam in ka zai rat rat pah a,,inkhawm ban chawhnu lamah kan inhmu dawn a ka phur lutuk chu inkhawm loh a inhmuh mai te ka duh rum rum tawh,,ngaihzawng nei ngailo nei thut ho hi hetiang tho hian an awm ve ka ring...




Inkhawm lai te chuan ka thu hle hle theilo a ni ber,,ka sana chu ka bih sek a thusawi pawh ka ngaitla thra mang lo,,ka thiannu Linda-i chuan hrethiam ve hek lo,,ek chhuak angah min lo ngai leh pek a,,a rukin ka nui char char...Atawp atawpah chuan Inkhawm chu kan bang ve hram e..



Message in kan bang chiah tih ka va hrilh a...Ka inthlak zo chiah call rawn lut nghalin an bang ve chiah tih alo sawi,,inhmu tura intiamin kan dah zui nghal a min lo hruai hun lo nghah tawp a ni tawh mai...Kan inhmuh huna ka awmdan tur te chu ka lo ngaihtuah lawk vel a,,chet chhiat loh hram ka tum ang chu mahse a hmel ka hmu ngam leh ngawt maw chu...



Min lo call leh hnu chuan ka chhungte hnenah ka chhuah tur thu hrilhin ka chhuak nghal zat,,Gate ka hawn chuan ka piah deuh kawngsirah Bolero dum chu alo ding leh ran tawh,,ka zam lutuk tur chu in control ve hram hramin ka kal phei a,,sunglass a vuah chu phelhin min lo en reng,ka lai lutuk chu ka ke ka pen dik lo te hian ka hria...




Motor atang rawn chhuakin min en uluk lutuk chu ka kuttin ka kheuh neuh neuh ringawt,"i nalh lutuk" ti sup a kawngkhar min hawnsak hnu chuan ka thu lut nghal a, ani pawh arawn thu lut ve nghal zat..Seat belt ka hreng tur chu rawn ban vutin min siamsak a,kan hmai a insi ti tih der mai,mitchhingin ka hmui ka lo pet ngar ngar tbung, ka thin a phu leh dup dup tawh,,,


"khawnge kan kal dawn" ka lo ti haw,,a nui leh suk a,,ava pa tak

"i hre mai ang" ka hmai bul cheta min en chuan ka hmui chu a melh leh zauh,,kiai sukin a awm sawn nghal a,ka thaw huai mai,,,



Kan tlanchhuah hnu chuan eng engemaw sawiin kan nui leh thin a,,ka zam lutuk pawh tlem chuan a zia ve tial tial e,,Falkland hmun fal ve deuh a Hotel pakhatah chuan lutin thlanglam pawn a table ah chuan kan thru a anuam in view pawh analh takzet,,helaiah hian ka la kal ngai miah lo,,engtinnge ka lo hriat loh theih zawk ni..



Sunday anih vang nge customer dang tumah an awm ve lo chu mak ka ti rilru deuh,,customer service pakhat suit ha thlap leh hmel fai veng hi lo kalin arawn nui sang a,order vel alak hnu chuan alet leh a...


"tinge,nuam i ti vak lo mi" dawhkana ka kut rawn hum chuan min en a

"aahhh,,,nuam ka ti lutuk,,mahse tinge customer dang an awm ve loh a" hawi kual thuak chuan amah chu ka en leh a

"kan hotel ania sunday chuan kan close thin mahse vawiin chu VIP special deuh tan kan hawnsak a nih hi" a nui leh sak a,min en reng erawh ka lo lai leh thin,,,min endan zun ngah lutuk hi dawnsawn dan ka la thiam lo a ni e..



Eitur an rawn ken hnu chuan kan ei dun a,ka sawi duh zawngtur ahria in kan titi dun thei phian,min en a anui leh ver ver thin chu keipawn hmuhnawm ti takin ka lo en ve reng,kan hun hman dun chu anuamin kan inpawh sawt hle,chuan mak veleh deuh chu min kiss ala tum miah lo,,midang hian an bialnu te nen an len vawikhatnaah an kiss thin em tih chu ka hre lo,min treat dan hi ka hmuhdan chuan min zahthiam ni berin ka hria,,ka mitmei aveng pawh ni mahna,,ka mitah tak min en ran zel..

,Sammy an kan thlalak dunna a up atrang khan min lo hria chu niin,kumkhat trep chu a ni tawh ang min lo be lo te chu mak ka ti deuh,,midangin kan star deuhte chu biak kan awlsam vei nen,,,riatchian ka chak zual deuh deuh mai...



Kan haw lamah chuan damdawiinah pen ka tum zet a mahse Emy a awm loh vangin kan peng ta lova,,kan in a min thlah leh hnu chuan a ni pawh a tlan liam ve nghal a,ka hlim lutuk chu ka nui ver ver...Gate ka lut tur ka hawi leh chuan kawngpui kual deuh lai atanga min lo en rengtu ka hmuh chuan ka phu deuh zawk..



Hman zana ka pa ang deuh kha,,ka din reng lai chuan car in arawn tlan phei a,,"lo chuang rawh,,inhmuh lawk kan ngai" dam thlup hian arawn ti nghal zat,mak ti deuh hian ka lo en reng,a hmel ka hmuhchian chuan ka pa hmel chu a nilo chiang hle,,


"min hlau suh,engtinmah ka ti dawn lo che,reilote a ni ang,ka thlah leh ang che" a mitah chuan dawt asawi lo tih ka hmu thei,,ni e,,hepa nen hian sawitur kan nei,,a car ah lutin ngawi reng chuan atlan nghal a kan inbe tawh lo..




Khawi emaw hmun fal deuh laia a din hnu chuan,,,"tunge kha pa kha,, i hrechiang em" front glass atranga min rawn en chuan a ti a,a âw erawh a dam thlup


"chu chu enge a pawimawhna,,tinge kan inbulah i rawn kal ziah,tunge i nih" ka tih chuan mitchhingin a thaw hak a

"i tan a tha lo,,atlai hmain hmu tawh lo la itan a tha ang" dam thlup si mahse thu pe âw zet hian a ti leh a

"ka tan a tha leh tha lo sawi turin tunge i nih" ka ti hriam hrak,, engvanga chutiang sawi chu nge anih.?

"i tana tha tur ka duh vang chauh a ni,i chungah thil tha lo athlen ka duh lo" hepa hi amawl nge a â zawk,,eng chiah nge maw aduh lee

"chutiang sawi turin ka chhungte pawh i nilo,,chuan ka pa hming kha sawi tawh suh angche" ka âw chu arawn khur ti tih

"chu chu i pa duhdan pawh a ni" min lo en chuan ka meng phawk hra,a mitmeng chu ka hmuh tawh hnu a ang mahse ka hrechhuak theilo,,

"ka pa chu a thi tawh" mittui tling pam chuan ka ti a,,a inseh ruh trawn trawn chu ka lo en reng,,thaw hak chuan,,"ka thlah tawh angche,,atlai lutuk dawn" dam thlupa rawn tiin hmalam a hawi lehnghal a,,hmalam en run chuan engine a start nghal.



Ka mittui rawn far chu hru thuakin ka pa athi tih ka sawichhuak leh erawh ka nâ takzet,,inhum ruh treuh chuan ngawi rengin pawlam chu ka en char char,,kan inbul kan thlen chuan motor atang ka chhuak nghal vat,,


"in enkawl tha la,fimkhur ang che" dam thlupa rawn ti lehin atlan liam chu ka en zui vawng vawng...



Tinge,,,engvangnge,,,zawhna hlirin ka khat,,chhanna ka hmu thei bawk silo,,engvangin nge E.D kha ka tan a thalo atih,,E.D hi misual a ni tihna mi,,khapa kha tunge a nih..??





End of Chapter 3


(mistake/tih dik lo/sawi sual te a awm chuan inlo hrethiam dawn nia,,ka check leh vek hman si lova😅)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 31st, 2022, 2:07 pm

IT'S A GAME : LOVE/WAR (Ka Hmangaih kha S2

Chapter 4





Zan inkhawm bang ka haw chu kan inpeng kawngkual laiah rawlthar ho anlo inti buai luih luih a ka scooty chu ka ti ding chat,kalkawng lai tak a ni bawk nen kaltlang chi zia zang a nilo,hmeihchhe thenkhat anlo au chul,,,thenkhatin threlh pawh tum lem lovin video in anlo cover bawk a,,mi inti buai laia va inrawlh chu tha lo an ti ngemawni mahse tawp tur pawn an hrilh chuang lo...Video a cover tu te chu ka lo ngei ngawih ngawih...


Hmeihchhia ka ni bawk si,,tih mai tur ka hre lo chu ka awmhmunah ka lo buai ve hle,,chutih lai chuan inkhawm bang midang leh kan veng pa threnkhatte chu anlo thleng ve nghal zat,insual a te chu an pawt thren nghal a inkhawih leh mai antum te chuan khauh zet hian an vin hrep a anche zui ngam tawh bik lo, kawngsirah chuan thinrim zet hian an in hrosa ta ringawt..


Trawngkam eng engemaw vanga lo insual niin rawlthar inla pawr rual leh kei ka ni inti anlo nive bawk nen,,,chutia inngam ve ve te chu midang hmuh lohvin hmun falah sawifel mai tur nia,,veng chhunga buaina siam a miin anhre tam lovang tih hlau ni awm fahrana video a anla cover deuh deuh te chu mi puitling nih ala hla ve duai ang le...




In ka thlen chuan an mu vek tawh aniang sitting room ah tumah hmuh tur an awm lo,,ka room ah chho tlang nghalin ka inthlak a,phone ka en chuan msg alo awm leh vá tawh khi sak chuan ka reply nghal,,call arawn lut leh nghal zat bawk,,hepa tak hi chu



"ka ngai che" zawi sap hian arawn ti a ka lo nui ver ver "keipawn" lai zet chuan ka ti let ve a rawn thaw hakin,,"ka rawn kal dawn ami"

"angai lo,,naktuk class kal angai sia mut hmat ka duh" ka lo ti vat,,"ka hmu leh chak tawh che" thatchhe âw zeta arawn tih chuan,,"naktukah kan inhmu dawn nia" ka lo ti a,,

rei deuh fe kan inbiak leh hnu chuan ti tawpin khumah chuan ka mu a,,ka rilruah tlaia ka hmuh pa in a athu min hrilh kha arawn lang nghal zat 'nilo,,E.D hi misual a ni theilo,,khapa khan E.D nen kan inkar tihchhiat atum vanga dawt min hrilh anihkha'..





Zing ka harh chuan ka bula ka pa diary lo let leh bal chu table ah ka dahtha in,ham bai bai a thochhuak chung chuan washroom ah inti fai turin ka lut a, ka room te sengfel leh te te in inhnuaiah ka chhuk chuan anlo tho kim leh thrap tawh..


"morning,pi,pu,pate,nute,nana,lemlem" ka ti nghal zat zat,min lo wish ve diat diat bawk a,tui bottle la in couch ah ka pi bulah chuan thuin patea chuan,"bawihte ka thianpa Micky khan advertisement atan model ah hman aduh thu che min hrilh a,,i ngaihdan ka hriat phawt loh chuan ka lo ti ta nihkha," chanchinbu en paha alo tih chuan ka tuiin lai ka hak thrat thrat


"oooo...,,hmanhmawh mah ta che" ka pi chuan ka hnung alo tuai vat vat,,," a u chu alar tawh dawn hle mai" nutei chuan nui var hian alo ti ve a,,"naa...chutiangte chu ka zak e ah" ka tih chuan ka pu chu alo nui huk,,

"Bawihte chutianga duhsaktu i neihte chuan atha lawm,tunu lar hât neihte hi a chakawm alawm tiraw Sawmi"



ka pi pawh chu lo tawng ve vatin,"ni ee,,atha lawm,mahse ka sawi kha hre reng la hmingchhiat te hi a awl a fimkhur taka awm hi atha ngai ania", alo ti ve charh charh,,chaw te kan eikham hnu chuan keipawh class tura insiam in ka chhuak ve nghal...




Class ka thlen chuan anlo awm.nuk tawh,,Emy chu class alo a apa pawh azia ve zel tih sawiin a ni pawh ahmel.hmuh anuam ta deuh e,,thiante bulah chuan zep tum buai lem lovin E.D nen kan chungchang ka hrilh chuan mak an tih chhung chu arei lem lo,

ngaihzawng ka vawikhat neihna alo ni bawk nen min lawmpui tih anhmelah chuan alang leh vâ tawh,Emy erawh alo hual ruk kha a ni ve a,atir chuan min han ngei der vel anihkha...



Class banah damdawiinah Emy pa va kân ve zuai chu kan tum ta a,,kan hlim bawk nen class pawh anuam velvek mai,,parking lam kan pan laiin Sammy chuan hnunglam atang min rawn kuah thut a


"euu,,ka lo hre har hle mai" nui suk a atih chuan,"ala rei lo,,chubakah hrilh tum lo che pawh ka nilo", ka lo ti hlar,,

"ka hria e mahse,awlsam taka min hma khalh thei mai hi mak ka ti deuh mai nia" thutak hmel deuha atih chuan ka en hâ

"heiii,,,uang lo mai teh hmela" arawn nui leh hawk hawk

"zawng Sammy" ka kiu in a dulah ka nghawk vak,,"eeiiaah,,,kut min thlak reng suh" nui sak pah chuan adul chu a dawm a..Midang chu an lo dar dar..

"sangberi saw nih pui ve tawh mai rawh" Lawmi chuan mitko kan ak hian alo ti a


"ka duh chi a nilo,duh ila chuan ka nihpui deih tawh ang chu,tiraw bro" Ronalh chu alo nui ve suk,,hmeichhe dang nen kan awm ho hi chuan atrawng tlem thei sia hepa lah hi,ngawi rengin alo khi ve leh suk zel

"Ronald star tu che ka hria nia aw", ka tih chuan Lawmi in min lo melh hrawk,,ka hmu lo der tlat

"tu chuan nge keini ang te chu min lo duh ve ang ni" nui suk chuan a ti a

"i hre lutuk ang,,tlemin han hawizau deuh la" ka ti lo zang vah,,Emy chu alo nui hruk hruk

"nangnu hi min bawl tum suh" ka chala lo nam dawt chuan a ti a,,an lo nui hak hak,"nakinah ila hre mai ang" ka ti salh...




Damdawiin kan thlen chuan pa Rema(Emy pa) pawh alo tha sawt tawh hle,, nui sang chuan min lo bia a,pa nelawm leh zaidam tak ani a,keini pawh hi afa ang maiin min en thin,an in a kan len te hian chawei turin min ti ziah zel fiamthu a duhin abula awm anuam em em bawk..Kan inkawm a kan nuih dar dar hnu chuan kan kal avanga lawmthu te sawiin kan haw ve nghal a..



Kei erawh ina haw zui lovin E.D nen Cafe ah kan inhmu leh zuai,midang chuan min en duh hle a mahse E.D chuan hria ang pawn a awm lo,Mizoramah chuan amah ang hi hmuh tur an vang em a tin ni,apa lianin a inzuah buk bawk nen ahmel pa hrak leh ataksa hrawl zet te chu hmuhnawm pakhat a tling ve hrim hrim..

Thil asawi zawnga mit ti zim suia min en leh a nuih zawnga amit sir a avun chuar inrin kalhte chuan a ti pa zual sauh...Min en vawng vawng tawh hi chuan ka lo lai leh nge nge zel..



Haw pahin pu Mama dawrah ka va peng lehzuai a,class ka kal bawk nen an inah ka leng hman lo chu alo vui leh nasa mai..



Chawhma chiah class kan kal avangin 3:30pm pelhah in ka thleng a,nutei nen eirawngbawlin ka titi melh melh lai chuan,,"Bawihte,,i pi hi khawnge a awm", ka pu chuan alo ti a


"inhnungah a awm in ka hria ka va au ange" tiin ka chhuak zui nghal a,,reiloteah ka pi nen inchhungah inzui lut lehin ka pu chu thutnaah engemaw vei hmel zet hian alo thu a,,"enge nita paa" ka pi chuan a ti nghal zat

"kan driver Tlanga fapa Lawma kha aruang an chhar a" dam thlup hian alo ti a

"aww khai aww,,ava zia love,,engtia thi nge" ka pi chuan thu thla pahin a ti ve zat

"thah anih hmel,,nihchin lawk khan kawrah aruang an chhar tih Sawma'n min lo hrilh a"

"ava rapthlak ve,,an chhungte an khawngaihthlak awm ngawt mai" an hmelah chuan an khawngaih ve hle tih ka hrethei..


"an chhui anga athattu chu an hre vat turah ngai ang" thaw hawk hian ka pu chuan a ti leh a..

"tuinnge maw kan Lawma chu lo that duh ang ni,kan khawvel chhiat tawh zia hi aw" ka pi chuan ati leh vawng vaawng..



Pa Lawma hi mi zaidam leh tluangtlam tak a ni a mi pawisawi duh chi a nilo,,chutia anthat mai chu keipawn mak ka ti,,an chhungkaw innghahna ve ber a ni bawk nen a nupui leh fate ka khawngaih hle mai..

Ka pu hian afa ang maiin a en thin,,fa hmeihchhia pahnih leh mipa pahnih neiin an upa ber chu 18 a ni ve mek a anpa berin a thihsan sia lo nula tlangval tur an ni bawk nen an khawngaihthlak takzet,ka lo tawn tawh anih vang chuan an rilru tur ka hriatthiam pui hle.



Durtlang ah tho an awm ve a mahse kan inhlat deuh,section dang an ni a zan anih tawh vangin ka pu te erawh naktuk lamah kal an tum thung,,kal ve ngei ka duh vangin Linda-i sawmin kan kal ta a,ka pi leh pu te chuan fimkhur turin min chah uluk hle...



An in kan thlen chuan Yma member an lo awm thrup tawh,a trul trul buaipui chuan anlo phe suau suau..Mizo nih hi anuam in chhiat thata kan in puihbawm tawn diat diat te hi kan hnam nun ti mawitu a ni,,tumah hrilh chawp ngai lovin an tihtur theuh chu an hai lo tlang teh e tha tho takin an ti sap sap a,keini thiandun pawh awm tawp chu nuam kan ti bik lo hmunphiah la in an in chu kan phiat ve nghal zat,nu Hmingi trap hawm hawm chu nu threnkhatten anlo hnem ve bawk a,a fate pawh an trap nasa hle,,pa Lawma ruang erawh an postmortem dawn avangin damdawiinah ala awm rih..



Zan dar 8 dawnah aruang chuan in arawn thleng ta,a thihna a rûnthlak bawk nen khawhar in kal pawh kan khat tha hle,an in chu tap ri in akhat nghal der,a nupui leh fate trap lai chu hmuh ahreawm takzet,ka mittui rawn hnam truam truamin ka pa ruang kan kil lai te chu mitthlaah arawn lang uar uar a ka mittui arawn tla nghal zat,,nu Hmingi trah hla leh a faten an pa tho tura an ngen lawm lawmna te chuan thalai tam zawk mittui pawh ati tla nuk mai..



Keini pawh Lindai nen chuan tlaivar kan tum ta law law class kal kha amawilo deuh a ka hriat vang a ni..Pa Lawma nau Dingpuii chuan a u chanchinte chu sawiin a mittui a hru leh zauh thin,unau pahnih chiah an nive a an tet laiin apa in alo thihsan tawh a,hman kum lawkah khan anu in alo thihsan ve leh bawk nen tunah a innghahna ber a u chuan athihsan ve leh chu ania atan chuan tawrh thiam ahar ngawt ang..



Ka hawikual thuak chu ka mi hmuh vang chuan ka meng kawk,,kha pa bawk kha,,kawngkhar bul a thutna hnunglamah alo thu ve ran mai,,a tawrh ve hmel takzet bawk a mit te chu a sen rum mai,,tinge pa Lawma nen hian an inhre ve tihna mi,,,mak ti deuh a ka en reng lai chuan min lo en ve chiah,ahmel awmdan chu ka hrethiam lo eng emaw sawitur tamtak nei hmel hi a pu ni berin ka hria..



Tho thutin a chhuak ta mai a chu veleh rang zetin ka tho chhuak ve nghal, Lindai erawh bang nghengin a muhil,,pawn ka thlen chuan midang anlo awm pheuh pheuh a kha pa kha ka hmu mai lo,,an in hi kawngpui atanga pen ve deuh hlek ngai a ni,,ka hmalamah chuan ka kal phei deuh a thim deuh lai ka thlen chuan ka ding chat


"tunge i nih,,hetah tinge i rawn kal," ring vak silo hian ka ti hrak,min hnungchhawna lo ding reng chu rawnin herin,"tunah chuan an hre tawh,,nangpawh fimkhur ang che" ,,ka hrethiam lo tinge thu mak pui pui hi asawi reng ni

"enge awmzia,,chuan engmaw an hriat" ka ti bah nak

"hlauthawng suh,ka venghim tlat angche" dam thlup hian a ti nghet charh,,,za lo deuh chuan ka lo nui ro hak

"tunge i nih,,engvanga thu mak pui pui sawi reng nge i nih,nangmah hian ilo that zawk te anilo maw" ka lo ti hlak hlak

"ka hrilh thei rih lo che" dam thlupin a ti leh a, amitah chuan thil tamtak ka hmu,mahse enge anih ka hrethei lo..

"i mi rin ber khan alo bum reng thei che nia,chuvang chuan tumah ring suh min tihnat pawi tilo tute vek an ni,fimkhur angche Bella" ka dara rawn chelh zauh pah chuan thaw hakin a inher a kal liam hnu thleng chuan ka en zui reng,,


Thil hi ka hrethiam lo,ka ngaihruat thiam bawk silo,,a thusawi kha enge awmzia ni ang,,khapa khan min ti na duh tur leh dawt min hrilh duh hmel a pu bawk silo,,a mitmeng dam thlup te khan engemaw min hriattir tlat thin te hi ka hrethiam lo...




Rilru nuam lo zet chuan ka thru tlaivar thak,,thil tamtak ka ngaihtuah pawn engmah ka hrethiam thei chuang lo...Zingah nu leh pa ho anlo kal sap sap takah chuan in te phiat leh thuak thuakin keini pawh kan haw ve nghal ,,in ka thlen chuan inbual faiin ka mu zui zat,,chhin khat mah ka lo chhinglo bawk nen ka muhil nghal der..




khawi emaw room chhungah hian chair ah phuar behin ka lo thu a,,light eng pakhat ka chungah chuan a inkhai ral ral, abak chu athim vek..Pa lian ve tak mai hi lo kalin,"tunah chuan phuba ka la thei dawn ta" tiin alo nui huah huah a,,ahmel ka hmuchiang theilo,,suit a ha tih bak ka hmu lo..

"Bella" E.D chuan ka biang rawn dawmin dam thlup hian min lo en a,,mittui tling pur a ka en lai chuan rawn nui ruah ruahin midangte nen chuan min nuih chiam mai a,,hrethiam lo zet hian ka lo en eng

"bum ilo nuam hle mai,ka hmangaih tak tak che emaw ilo ti ange,,phuba ka lak duh vang chauh a nihkha" tiin mit sen rum hian min en a,ahmel ngainatawm tak kha abo vek tawh tunah chuan sakawlh rapthlak tak ang mai a ni...


Ka hlau lutuk chu ka khur dar dar tawh ahmel leh a awmdan chu ka rap takzet,,,chutah ka biangah chuan rawn hmer vakin,"Bella mangtha" hriam hrak a atih hnu chuan silaiin min kap nghal salh...




Thu chhuak hlawlin ka mittui alo tling pam mai,,ka thinphu pawh a normal lo hle,ka mumang kha a rapthlak takzet,,E.D hmel te kha ka ngaihtuah chuan hlauhna in min man nghal zat,,,ka han thaw kawk kawk a table a tui bottle chu la in ka in khawlh khawlh..



Sana ka en chuan 2pm alo pel der tawh,,ka mu rei zek mai..Thochhuakin inhnuaiah ka chhuk thlaa nutei te nufa chiah anlo awm,ka pu te chu mitthi inlamah ankal nih ka ring nghal,,chaw ka ei hnu chuan ka awmdan pawh azia ta deuh e..



'nute, patea hi zanah alo haw lo mi" thutna a thu thla pah chuan ka ti a,,tv anlo en mek nutei chu rawn hawiin,"nizan tlai deuhah arawn haw a,zingah achhuak lehnghal,,case kha aman ala sia" alo ti a

"a thattu awm ang deuh an hre tawh em" ka ti nghal zat

"rin aiin aharsat hmel te kha atia,,hmasawnna tur anla hmu vak lo aniang" ngaihtuah hmel deuh hian a han ti a,"man vat tawh se ka duh,min ti ral tri vek, i patea tan tak pawh hian ahlauhawm, case la tu a ni bawk nen" a ti leh a

"ngaihtuah hah lutuk duh suh,,patea te chu tuman an ti na lovang" nui sak chuan ka han ti ve hliai a,,nutei hmel pawh azia deuh,,




Tlai lamah intih harh nan tiin evening walk Nanai te unau nen kan nei leh a,,mahse tingemawni min enthlatu awm ang chiah hian ka hre thin,,ka han hawi kual thuak thuak a engmah ka hmu bawk silo,,kal pawh kal thui duh tawh lo chuan inah kan haw leh ta ringawt..



Ka mumang leh kha pa thusawi vang khan ka ngaihbel mai mai anih ka ring,,mahse ka rilru anuam thei zan lo..Zana khawhar in kal chu duh viau mah ila ka pi te anhlauthawng bawk nen ka thrulh leh ta nge nge..E.D nen inbia in rilru lak pen nen kan indo leh a Sammy te anlo uang leh nasa mai...



Mu tura ka in timtuah lai chuan sms pangai hi ka dawng a ka en chuan


*catch you* tih te mai hi,,

tu emawin min lo fiam mai mai anih ka ring zet a mahse khapa thusawi kha ka rilruah arawn lang nghal zat...Sms min lo thawn tu number chu ka dial nghal a switch off a in ti hmiah...






End of chapter 4

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 31st, 2022, 2:07 pm

IT'S A GAME : LOVE/WAR (Ka Hmangaih kha S2)



Chapter 5



(hun reitak hnuah ka rawn chhunzawm leh thei ta,,dawhthei taka lo nghaktu te chungah inthlahrung takin lawmthu ka sawi e,,😅)

(Sitraat ang aww...👇🏻)
.
.






Eduardo Zonunpuia Pov :



"Puia tho rawh,,,i pa Thana'n vawiinah min lo hmu rawh se atih kha,,i tlai ang" ka nu chuan min lo sawi dat dat pah chuan a ti a,,mitmeng hleilo chuan,,"momm...please" tiin lehlam hawi chuan ka inlet leh nghal zat..


Ka nu chek tlak tlak ri ka hriat rual chuan,,ka sam arawn tham nghal thawr,,ka harh chiang teh asin..!

"nuuuu,,,eeiaahh,,,eiaah,,,eiiaahh,,ka tho" then nang nang pah chuan ka ti nawk nawk

"he i mizia hi ila sim theilo a ni maw,,,keipawn ka sim dawn bik hauh lo ania" tiin ka sam atang chuan min pawt tho a,,thawh loh ngaihna a awm tawh lo..


ka nu hi chuan min duat viau mahse aduh loh chinah hi chuan a tih luih theih miah loh,Thuro ang maia zaidam leh fel tak nimahse achang chuan Sakeibaknei ang a ni,,,induat sual tih vel chu kahase a ni tawp,,alet tur kan tawrh ngam dawn chuan thuhran,,ka u henry pawn atuar ngam lo..lol


Ka pa khan min thihsan hma hle mahse ka nu hian a fate pahnih hi min enkawl hneh hle a,,ka u pawn ka nu hmuh leh hriat laiin zu/zial ala ti ngam lo,,a thu te hi kan hnial mai mai ngam lo,,,kan hlau tihna nilovin kan zah a nih chu,,nu strict tak a ni miau a nèl sual hi a awl teh asin...



khuma ka thut hnu chuan ka sam chu a thlah a,,ka lu chu ka tuai vut vut,,,"beng buanga,i sam te hi cut vek rawh,,miin fanu ka nei emaw an ti mai tur" a tih chuan

nû deuha meng lui hian,,"lalanu i fanu neihchhun ka nih hi," tiin ka mit chu ka khap fek fek a,,ka nu chu a chek leh tlak tlak a ka sam chu alo tham leh vak,,"eeiiaahh,,,,mommm"..

"tho la insiam vat rawh,,i mawnga ka hlap hma che in" tiin ka thawmhnaw bal dahna lam chu a pan a,,keipawh peih lo deuh chung chuan ka tho ve tuam tuam,,,

washroom luhna bula ka kekawr chu lain,,",khaia,,,fapa tlangval ka nei tawh emaw ka tia,,naupang thawmhnaw bal chhuata la dah rual lek alo nih hi", kekawr la pah chuan a ti a


ha ham vak pah chuan ka insangmar a,,washroom lam ka pan tur chu ka mawngah arawn beng thak,,"tlangval turh turh rawh" a ti zui zat,,

"nuuu,,mawngah nilo", ,,

"thuawi loh man anikha,,lo chhuk vat ang che" tiin room atang chuan achhuak nghal a,,washroom ah chuan ka lut zui ve zat.



Ka tet lai atang school ka kal peih lo lutuk kha ka in mutthilh luih tir tlat thin a ka nu hian ka beng atang min pawt vak zel,,u Henrya erawh keimah anglo tak mizia anei thung,,ka pa chiah a ni mai,,kei erawh ka chhun ka hre lo...!!




Ka insil zawh hnu chuan ka phone chu enin Bella msg alo awm a,phone en chuan ka nui vur vur,,,amak ngawt mai,ka vawikhat hmuhna chupawh thlalak atang lehnghal engtinnge hetiang em em hian ka atchilh theih mai ni,,hmeihchhe tamtak ani aia nalh leh sexy tak tak te pawh ka hmaah itawm thei ang berin an awm thin a mahse ka mit latu an awm ngailo,,ka ngaihsak lo bawk,,

henu tih loh,,a mitmeng nalh leh zun ngah tak,a vawikhat en a mipa tamtak sual a thlemthlu thei tur chu,,Khuavangte'n a an chhinchhiah ni hial a hmeltha leh nui mawi,,Vâniân rah ang maia a heh sen vâm hâm te kha Siamtu hian aduan fuh bik hliah hliah,,.



vawiinah shooting an neih tur thu nizan khan min hrilh tak e,,,duhsakna msg ka thawn nghal a vawiin chu keipawh nilengin ka buai hmel,,,zan lama inhmu tur chuan kan inthlah fel a..


Inhnuai ka chhuk chuan ka nu leh pi Mary chu anlo inkawm mek hi alo nia,,,,"ehee,,Puia kha a ni em?" min hmuh rual chuan pi Maryi'n alo ti vat,,

"ooo..ni e,,hmanni khan alo haw a," ka nu in atih chuan,,"aww haww,,,iva lian tawh ve,khawlaiah hmu che ila chuan ka hai dawn che nih hi" a ti hliai,ani hi chu a nelawmin tawngkam thiamtak a ni..

"ni dawn tak,,ka fanu khan ilo haw tih min hrilh tak kha mawle,,ka hawihawt lutuk hi chu buaithlak" a ti zui nang nang


Pi Maryi te nen hian kan tet lai atanga inthenawm thin kan ni a,,chhungkhat ang mai kan ni,,kan insawn hnu thleng hian kan inhlat lutuk lo bawk a ka nu nen pawh anla inkawm chhunzawm zel anih hi,,a fanu Daisy te nen hian classmate kan ni chho char char a,,Delhi ah pawh kan inkawm ve zauh zel,mahse nau ang bakin ka en ngailo thung...



"ilo dam maw,,i nalh ngaiin ila nalh reng anih hi" tiin pi Mary nen chuan kan inkuah a,,"kan Puia tak hi chu,,mi tih lawmdan i thiam ngawt mai," nui sang chuan a ti a,,

"khaiaa,,kuah pawh kan kuah zo tawh lo che anih hi,,,i tet laia kan in a ilo kal lai kha ka mitthla ah hian ala cham reng mai,,Daisyi nen arukin ka cake siam inlo eizawh vek kha" tiin a nui hak hak a,,keipawh ka lo nui ve suk,,

"'Daisyi te inah ka leng dawn' a tih reng thin kha maw" ka nu pawh chuan alo ti zui zat,,an pahnih chuan hunliam tawhte sawidun in hlim tak chuan an nui leh ar ar a,,,an sirah chuan ka lo la ding khawmuang ve reng,,

kei erawhin ka hlimpui ve chiah tawh lo,,achhan chu ka nu nui hmel karah chuan ka pa ahriatchhuah vanga alunglenna ka hmu tel tlat a ni,,chu chuan min tinâ a hreawm ka ti thin,ka pa kha mipui chuan accident vanga thi angah an ngai a,,,mahse mi tlemte chauhin a nilo tih kan hria..

Ka nu en reng chung chuan ka inhum ruh nasa hle..

"ka kalsan mai ang che u,,tih tur ka nei a" pangai tak chuan ka ti a

"chaw ila ei silova" ka nu chuan alo ti vat

"hotel ah ka va ei mai ang,,,,bye mom" tiin ka nu thu lai chu ahnunglam atanga kuahin achhipah ka fawp zauh a

"fimkhur rawh aw" ka nuin a tih chuan nuih sakin ka kalsawn nghal a,,pawn ka chhuah hma chuan pi Maryi'n ka hming asawi ri chu ka hrethuak...Hmeihchhe titi tihvel hi ka ngaihthlak peih chi a nilo bawk a ka bengkhawn em em lo,,engpawh ansawi ve thei a sawi ve mai mai rawh se..



Motor chhunga ka luh hnu chuan thawk la hawkin reilote mitchhingin seat ngheng chuan ka thu leh vang vang,,,

ka nu in ka pa angaih vanga atah lai te leh,,a hlimchhawn a atawrh natzia ka ngaihtuah chhuah apiang hian ka chhungril hi arawn tawt up up a,,thisen chak a tuihal ang mai hian ka sa hal thin,,tupawh nise a thil tih man hi a rul tur a ni..Ka kut ngei hian a nunna chu ka laksak ve ang...



Engine start in kan in atang chuan ka tlanchhuak nghal a,,Falkland lamah inkhalh thla in hotel ka thlen chuan security pakhat hnenah ka chahbi pein motor chu park tha turin ka ti a,,Office ah chho tlang nghalin chutah chuan breakfast min lo pe turin ka hrilh bawk.


Office ka luh chuan ka thil hmuh avangin reilote ka ke pen achawl dat,,Daisy chu ka chair ah lo thuin min hmuh chuan,,"morning Boss" nui sang chuan alo ti a,,

Rin loh taka ka hmu chu ka hamhaih ve deuh,,zing karah lehnghal hetah enge alo tih.?

lut pah chuan "morning" pangai takin ka ti a,,

a thutna atanga rawn tho chhuakin nui sang chuan ka lam alo pan a,,kawr sen abah sin tak,khup chung lek a fual apian nalhna ti lang chiang em em tu chu a ha a,,

a ke sei nalh tak leh amawng bawr invawngtha nalh te,a hnute bu kawh vah te chu mipa te duhthusam leh hisap fo thin a ni ang,,a hmel atha bawk nen luck pawh a luck viau reng a ni..Nimahse keimahah chuan awmzia anei ve lem lo,,alak a ka rilru putdan chu ala ngai reng mai...



"tinge,,,min hmu chu iva hlim loh hmel ve" ka hmaa arawn din chuan a ti a,,nichin lawka ka mood vang khan ka hmel landan ala dik chiah lo aniang,,

"hetah enge ilo tih,,", tiin ka chair lam chu ka pan nghal zat,,ka awki pawh a ngaihnawm viau lo..

"ilo haw tih pawh min hrilh lova,,chuvang chuan lunch min eipui i ba"

ka jacket chu ka chair ah bangin,Daisy chu ka en a tum deuh bar chung hian kut kuangkuahin a dinna ngaia ding reng chuan min en a,,"hei,,,min hmuh ang hian i hre tawh alawm" kut phar zauhin ka ti a

thaw deuh hak chuan ka lam panin alo kal leh a,,kun hniama ka dawhkan chu rawn innam khalhin,,"Zonunpui,,misualpa,,nang ang em em a mawl hi an awm tawh lovang", ti chang fakin,,min melh khai

chhang lem lo chuan hmui ti sawi zauhin ka dar ka kan âk ringawt,,chutah thinrim tak chuan a chhuak tau nghawng nghawng a,khawngkhar a inkhar rik chawrh hnu chuan ka kiai suk,,,a tih thin dan ania,,titau in thinrim mahse arei tak tak ngailo,,a lungawi leh mai zel..


Ngaihsak zui lovin ka phone chu ka phawrh a,,Bella in an shooting na vel thlalak min lo thawn chu ka en a,,a kut a 'E.D' tih aziahna min lo thawn ka hmuh chuan ka nui khi suk,,,a zûn chuan min rawn zem lehin hmu tura va kal chu ka chak zek zek,,thochhuak hluaiin ka jacket ka ban dawn chuan nui khi sakin ka inthulh leh ta zawk a,,

'engthilnge tih ka tum hi,,mi â ang mai alawm ka nih le'....


Ka phone rawn ri chur chur chu en in pa Thana alo ni a,,ka pick rual chuan

"Puia,,tunah khawnge i awm"

"hotel ah ka la awm a,,,thil ka ei zawhah ka rawn kal ang"

"rawn hmanhmawh la,,thu thar a awm ania" tiin kan inbiakna chu kan ti tawp a...



Breakfast ka ei zawh rual chuan pa Thana office lamah ka inkhalh phei nghal..An office ka thlen chuan a assistant in pawnah min lo nghak a,,a assistant nen inzui chhovin pa Thana office kan luh chuan

"ekhaai,,,ka fapa kan inhmu thei ta" tiin a thutna atanga rawn tho chhuakin min rawn kuah a,,

"ilo tha maw pate" tiin ka kuah ve zat

hlim taka min en chung chuan,,"tha tehreng e,,,nangchu i pa aiin i lian anih hi" min en vang vang pah chuan a ti a,,"aw khaih,,kha thu rawh thu rawh,,,thutna chang hre lek lova kan en che chu le" ti leh zung zungin couch ah kan thu a

"tichuan engtiknge i let leh dawn"

"ka la hre mai lo,,hetah ka nu amah chauhin a awmsia let tawh loh pawh pawi ka ti chiah lo,,"

"mmm...engpawhnise heta lo kal tura ka koh chhan che chu,,hman atanga ka lo buaipui tawh i pa thattu nia rinhleh kha ka hmuchhuak tawh a,,mahse a chanchan hi detail chuan ala hriat theih loh,,kha han en la" tiin file pakhat chu a assistant chuan min lo pe a..


File chhung ami chu en in,,chhungkaw thlalak ,pa pakhat in hmeihchhe naupang a vawr lai hi a ni a,,an bulah chuan a nupui niawm tak hmeihchhia chu camera hnungchhawn zawngin a ding bawk,,file ah chuan lehkha a awm bawk ,,chutah chuan James Lalramhmangaihzuala tih alo inziak kulh mai,,thlalak chu en lehin,

'hepa hi ka pa thattu chu maw' ti rilru nauh nauhin ka inseh ruh nasa hle.


File ah chuan death certificate pawh alo awm a,alandan chuan a thi tawh anih hmel,,Detective certificate leh eng engemaw a awm a,abak chu han pawimawh em em tur a awmlo,,

"ka pa thattu chu a thi tawh tihna maw?" tiin pa Thana chu ka en a,,la dam se keima kut ngeia sawisak ka chakna avang chuan kan intawng hman lo chu pawi ka ti kher mai..

"mmm,,,mahse lungngai suh,,zawng tawrh ai Ngau in atuar anga a ni mai" hahdam tak chuan a ti a

'a tu emaw zawk zawk hian antuar dawn tihna mi niang.?'

pa Thana en chuan,,"pawisawi lovin antuar ang maw?', ka ti salh

alu bu nghatin,,"a ni mai aniang chu,,thisen aiah thisen vekin anrulh angai nilawm ni,,,zaninah engkim ruahman vek a ni tawh,,nangpawh lo inring ang che" a awki chu a nem lem lo,,,thihna rim anam mah zawk...

"anih,,ka pa kha engvanga that nge anih ang,,chhan leh vang awm lova that chu anih ka ring lo"

pa Thana chu ngawi datin,,"i pa kha mi tha tak a ni a,a hausak avang khan itsik tu leh haw tu pawh angah alawm"

"mahse,," ka tih mek lai chuan,,"i duh chuan i tello thei ang,,,engkim ruahmanna angin akal vek ang,,i kal thei" tho chhuakin a dawhkan lamah chuan akal nghal zat..


Pa Thana hi ka pa nau chiah a ni a,ka pa thih lai khan ram pawnah sumdawnna avanga azinlai a ni,sumdawnna akhawih bakah tunah hian first class officer a ni mek bawk,,ka pa anga mahni thu duh leh athil tih tum tawh chu hlen ngei duh chi a ni,,,'ka ti dawn nge dawn lo' tih chu ka inngaihtuah nasa hle...


Ka thutna atanga thochhuakin pa Thana chu ka va en leh a,a chair a thuin file dang alo en mek,, min ngaihsak tawh lem lo,,ngawi reng chuan ka chhuak ta zawk a..Ka pa thihna phuba chu lak ngei ka duh mahse pawisawi lo tawrh tir chu ka duh silo,,ka rilru chu a insual buai nasa hle...



Chawhnuah,mikhual kan hotel lo endik tur anlo kal dawn avang chuan inah haw lehin ka inbual fai a,,ka u chu awmse ka inrawlh angailo mai tur,,Hotel hi ka pa hmingchawia sak a ni a,ka pa hriatrengna anih chu,ka u hian zauh zel a duh bawk si,,,hetiang sumdawnna tih vel hi ka tuina zawng a ni velo..



Tlaiah chuan office ah awmin Aizawl light eng de sep sep chu ka thlir a,,ka phone rawn ri ral ral chu chhangin

"thil tamtak min bâ ania aw" ka ti nghal zat

phone atanga rawn nui huah huah chuan,"yess..i ti tha lutuk,,mr.Serkan chuan contract sign aduh thu min lo hrilh zo chiah a,,ka nau ka chhuang lutuk che," alo ti luam

"lo haw vat la ni mai,,next ah chuan ka peih tawh lo ania" ka ti chang run,,ka rilru tak tak ka sawi..

"okay okay,,,ni2 hnuah ka lo haw ang,,ka nu kha lo duat la"

phone kan dah hnu chuan Bella msg pawh alo lut zat,,

*ka haw mek,,6pm ah angaiah khan tlai suh angche👻*

*yess Boss,,,ka rawn thleng nghal🚁*

ka send pah chuan ka nui leh var var tawh,a msg ringawt pawh ka hlimpui zel mai chu anih hi...



Cafe kan inhmuhna thina kal tur chuan ka insiam nghal a,,ka che reng reng chu ka phur suah mai,,nilengin ka hmu tawh lova ka ngai viau pawh chu a awmlo hran lo,mahni bialnu ngai lova midang bialnu va ngaih daih thu awm hek suh..

Pangpar ka leisak chu seat hmaah dahin ahmuh huna ahlim hmel tur te nen chuan ka mitthla nghal ruai mai,,kiai suk chuan engine start in ka tlanchhuak nghal a..Traffic lah chu duhthusam in a jam...

Engtikah tak kawngchhawng chu nei thei ang maw,,???


6pm pelh hret hnu chuan New Moon Cafe chu ka thleng a,,mahse Bella hmel ka hmu lo,,Cafe chhung chu uluk takin ka en leh veka ka la hmuh mai loh avang chuan trafic jam ah atang nih ringin table awl ah chuan ka thu a..


Ka phone rawn ri chu phawrh vatin Bella nih ring tak chuan ka en a,mahse a nilo

"engee nita.?"

"tunah hetah lo kal vat rawh,,,i hmuh ngei tur thil a awm," Jasper chuan arawn ti a,,an awmna location pawh min lo thawn nghal zat..


Engmah ngaihtuah tawh lo chuan Cafe atang chhuakin Jasper sawina lamah chuan ka inkhalh nghal a,,ka pa thattu nupui/fanu chu eng ang mihring tak ni ang maw.? inhnamhnawih duh lo mah ila chhungril lam atanga min nawrtu a nasat em avang chuan ka thunun zo lo a ni...


Khaw pawna ka tlan leh fe hnu chuan farm pakhat chu ka thleng a,motor atanga chhukin rawn kûk rai ri ka hriat chuan ka lo khuh ve kharh,,Jasper chu lo chhuakin,,"min lo zui rawh" a ti sup,,ngawi reng chuan ahnungah ka zui ta ringawt....


Inchhung kan luh chuan,,"room ah sawn va lut rawh" jasper chuan a ti a..hrethiam lo zeta melhin Jasper chuan room a lut tur chuan a mitmeiin min hrilh leh zat..


Thawk la hak chuan inti paukhauh luiin room lam chu ka pan a,,ka pa thattu nen a inkaihhnawih chu ka thah duh loh vek pawn ka hmelma an ni...


Room chhungah chuan candle pakhat chiah hi alo inchhi a,room chhung pawh chu a en phe chang chang,,,khuma hmeichhia lo mu chu va hnaihin ka hmuhchian chuan mak tihna avangin ka mengkawk...

Engtinnge anih theih..?


"heivang hian nia,lo kal tura ka tih che" Jasper chuan room kawngkhar bula lo dingin a ti a

"a ni tih i chiang amaw,,enge fiahna i neih.?", ka ti hriam hraih

"i patea khan chhui turin min ti a,,ka tan chuan aharsa hleinem" awlsam tak chuan a ti leh a

chutia ngaihsam taka asawi mai chu keia thin in angai thei der lo,,a kawrâwm a va tham vak chuan,,"na anei anih vaih chuan i taksa hi ka pawtsawm vek ang" thinrim insehchilh nawk chuan ka ti chang run

"damdawiin ka hrai rui mai chauh alawm,,engtinmah ka ti lo" alo ti zung zung,,,"i pa thattu fanu chu i nei thei dawn ami.,?" atih leh rual chuan a bekah hnek ri chawrhin chhuatah a tlu hnawk..

"zawnga ngawi rawh,,kha thu kha i sawi leh chuan nangmah zawk kha ka that ang che" ti hrawkin bang chu ka hnek leh chawrh...

"chhuak rawh", vin thrak a ka tih hnu chuan a khabe tuai vut vut chungin a chhuak a


Ka awmdan chu ka hrethiam lova angaihna pawh ka hre hek lo,,ka inthunun zo lo a ni ber,,ka thisen te chu an rawn sa pup pup a,,ka kawchhungah hian an so bawrh bawrh ni mai hian ka hria

thawk la leh hawk in,,rilru fim put hram chu ka tum,,khum bulah chuan va kal phei lehin ka hmaa hmeihchhe mu zawi ngal chu ka en reng a,,tui taka muhil ang mai a ni,,en mai pawh hian hmeihchhe pawisawi lo leh rilru thianghlim tak sual kai lo ang mai a ni..Mahse,,,

Tinge ani kher?,,Ka hmangaih ber chu ka hmelma alo ni reng tihna maw..?...

Thu hniamin a hmai khuhtu asam chhawlleng chu ka lak kian sak a,,a chal fawp tura ka hnaih chuan ka chhungril a engemaw ber hian min dang tlat,,a hmai bul chetah chuan mitchhing a kun hniamin ka inseh ruh leh tawn tawn,,thaw hawk chuan ka ding chhuak hluai a ka hmai chu tuai thuakin thawk ka la leh chiam ringawt...


Engthil teh hrep nge..??


ka kut chu hum ruh vakin ka in sehruh leh tawn tawn a,Bella mu lai chu ahrawk ah va rek lehin mahse ka thlah lehnghal vat,,,,ka bula dustbin chu ka chhuih leh pawp a,,ka taksa chu a sa huam huam..


.A hmel ka hmuh apiang hian ka pa that tu chu amah ah hian ka hmu tel ziah tawh dawn a,,a bul hnaiha ka awm reng chuan engthil nge thleng dawn ka hre lo...


Jasper chu room ah lo lutin,,,"Boss engtinnge kan tih dawn,,i patea'n that nghal turin min tih kha" ka thu ngaichang tak hian min en a..


"hotel ah va hruai la,abak chu ka kutah dah rawh"

"mahse"

"ka sawi ang chuan ti mai rawh,," ti chang fakin, Bella mu lai chu ka en leh a,,,room atang chuan ka chhuak nghal zat...






End of chapter 5



(ka story chhiartute in zavaiin inhmeltha leh vek e😘)

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 31st, 2022, 2:08 pm

IT'S A GAME : LOVE/WAR (Ka Hmangaih kha S2)



Chapter 6






Eduardo Zonunpuia Pov :





Motor ka tih din rual chuan chhuk nghalin,ka hmaa in lianpui ding luah chu ka pan nghal,,ka ngaihtuahna ah chuan engmah a awm theilo,enge ka tih ber dawn pawh ka hre lo,,!,,,doorbell ka hmeh hnu reiloteah kawngkhar chu anlo hawng a,,

"ehee,,uPui ve teh mial chuan lo lut rawh" Hlimhlimi chu hamhaih hmel tak hian a nui sang a,,

"khawnge patea?" ka luhrual chuan ka ti zat

"aahh,,,a study room ah a awm in ka hria..." asawi zawh rual chuan asawi leh tur pawh ngaichang tawh lovin patea awmna nia asawi lamah chuan ka kal nghal,,,



Kawngkhar pawh chu kik buai tawh lovin room ah chuan ka va lut thawr a,,patea chuan phone ah mi alo be mek hi alo nia,,min hmuh chuan mak a tih hmel hle,mahse a reilo,,

"nakinah kan sawi tha leh dawn nia,,ka lo bia ang che" tiin min en chung chuan an inbiakna chu a ti tawp a...


"engthil nge nita,,," pangai tak chuan a ti a,a phone chu dawhkanah a dah pah bawk,,

"i thil tih hi ti tawp rawh" ka âw chu anem lova a zawi hek lo,,

hriatthiam loh hmel zeta min en hnu chuan a nui ro hak a,,"aww,,ni dawn tak khanu nen khan tunlai chu in inzui tlatin ka hria" a chair a thu pah chuan a ti a,,

alo hre sa vek amaw..??

chhanna ka pek mai loh avangin min en reng chung chuan a nui leh hak a,,"ka hre dik anih hmel,,thu a hrilh che ai chuan nangmah ngeiin i hmuh khan i hrethiam hma zawk dawn tih ka hria alawm,"

"ilo plan vek amaw?,khang zawng zawng kha..." ka ti hriam hraih

"engtinnge i pa thattu fanu chu ka hmuh lai rengin ka neih tir che i rin..?? tunah chuan nangpawn i duh tawh bik nang,,,tiraw..??"


",chu chu ilo buaina tur anilo,,tunge ka neih a neih loh turah lo inrawlh suh" ka ti vawt raih


"ka duhthlanna a ni,,nangchuan i ngaidam tawh pawh a ni thei,,mahse keichuan ka thei ve lo,,ka tihtur chu ka ti mai thin.." a ti charh charh

"vawikhat pawh i khawih leh chuan" sehchilh nawk a ka tih chuan

kawngkhar rawn inhawng in,,"pa,,chawei kan siam a,,chuan uPui lo ei ve nghal rawh aw,kan siam kep che nia" hlimhlimi chuan hnunglam atang hian alo ti a

"mmm..bawihte kan lo kal ang,," patea chuan dam thlap hian a ti ve zat,,

hetiang mizia a nei tih hi ka hre ngailo,,ka ring ngailo bawk,,ka pa tluk zetin ka en a ka pa nen khan engkim an ti dun thin,mahse ka lo la hrechiang lo anih hmel,,ka thinrimna chu lanchhuah tir loh hram tumin ka in humruh nasa hle...


"ka thusawi kha i hriatthiam.ka ring,," tiin ka inher a Hlimihlimi chuan hriatthiam loh hmel zet hian,,"uPui chaw chu i ei dawn lo ami?" alo ti a

"nidangah ni mai rawh se" tiin room atang chuan ka chhuak nghal zat...



Ka motor bul ka thlen rual chuan ka motor hma chu ka chum vak,,mahse ka rilru tawtna erawh akian phah chuang lo,,,motor chhungah lutin chak tak chuan ka inkhalh chhuak zak..


Bella chu ka then dawn tihna mi,,? nge thudik ka hrilh mai dawn!,,'i pa in ka pa athat' ka ti ang maw..?

Engthil atthlak ngemaw ka ngaihtuah le..!

Ka nu,,ka pa thihna avanga atawrhna te,,khang hreawm kan tawrh zawng zawng thlen tir tu a fanu hi hmangaih takin ka pawm ang maw..?

Nge a fanu hi ka tawrh tir ve zawk dawn mi niang..?



Hotel ka thlen rual chuan receptionist te pawh ngaihsak lovin office ah ka tlang chho nghal a,,ka landan atang an ni pawn min biak chak vak loh hmel,,an tim zui hian ka hria...


ka jacket chu phelhin couch ah ka paih thla thlawp,, Whiskey chu la chhuakin glass no ah chuan ka thli karh karh a ka tlak nghal pawp,,ka kawchhung chu a sa thla pap pap mai,,engmah ka ei silova ka pumpui chuan a tuar leh dawn anih hi...


Vawi 4,5 vel ka tlak pawp pawp hnu chuan boruak pawh adang ta deuh,,glass lianpui atang chuan Aizawl eng de sep sep chu ka thlir a,,loh theih lovin Bella chu ka ngaihtuahna ah arawn lang lehnghal zat..

Ka phone chu phawrhin Jasper chu ka call nghal a,,engkim a fel vek thu asawi hnu chuan phone chu dahin mitchhing chuan ka thaw hak..

'Bella Bella,,engtinnge ka tih dawn che?,,,tinge mi nuai chuang zingah hian nang kher ilo nih.?'

Kumkhua in ka ta chauh ni turin khang hun reilote chhung khan ka lo suangtuah hman asin,,mahse enge thleng ta hi..,?..



"ka ring dik a ni maw??ka hmu ta che" pencil heel pen ri chuan min lo hnaih zel a,,a aw atang chuan Daisy a ni tih ka hria,,a nilo chu min hmu tura lo kal tur an awm lo...


Ka hmazawn chu la en rengin ka bula alo din pawh chuan ka ngaihsak lem lo,,"i hria em,,,kha lawyer nen khan dinner kan ei dun a,,a hot tawp,,mi care dan athiam sia"

hmalam en reng chuan ka glass no ken chu ka inbirh leh a,,"nang hi,,,zu i in leh alaw..? i nu in ahriat chuan i.." Daisy chu enin,,"i sawi loh chuan a hre nang tiraw..?" kiai suk chuan ka ti a

min rawn hnaihin,,,,"sawi ta ila" hmai zangthal hah hian min en a,,,mi cho taka hetia a tih hi a mizia pakhat kha a nive reng a ni,,

"a let chu i beisei piahlam a ni ang" hriam hraih a ka tih chuan engahmah ngaih loh hmel takin,, ka kut atang ka glass no ken chu lain ka in bang zawng chu a tlak nghal pap,,,kan bula table ah no chu dah lehin a chetdan chuan min barakhaih deuh avangin ka lo en reng ringawt..

Chutah a kuttang chuan ka ban chu zawimuanga rawn zut chhovin,,"ka beisei chu i hre duh em.?" zawi sapa tiin ka awmah chuan ati tawp a,,awmze nei tak chuan min rawn en chuan ka lo kiai suk,,

henu hian enge abeisei chu ka hrechiang khawp,,ahma tang tawhin ka mit lak tum reng rengin a khawsa thin,,mitmei ka hmuh lo chung pawn a beidawng duh ngailo,.ka tan chuan 'bel chhunga sâ ang' a ni..


Ka mood fuh lo laia alo kal chu a inchhir maithei a ni,,ka thinrimna zawng zawng hrik thlak nan ka hmang dawn miau sia,,,!

Ka âwm chu awmze nei taka zut thlain ka kap zawn athlen chuan a tukhum samah tham dak awrhin ka fawp nghal tawn tawn,,ka beisei ang ngeiin ani pawn min lo dawngsawng tha khawp mai...


Min fawp chung chuan ka kamiz button chu a phelh mawlh mawlh,,,a mawngah tham tawkin a rum leh nghat thin,,a thawk pawh arang tawh hle,,pawm kangin a ke chuan min khawkherh nghal zat,,couch ah ka thutpui hnu chuan ka kamiz chu amahin arawn phelh lehnghal a,,uar zeta min fawp chung chuan ka kap zawnah amawng chu a chetkual tir a..


Couch ah chuan bawhthla rawkin athaw ham ham,,ka ngawnga min uai chung chuan kan infawp leh tawn tawn,,mahse chiang lutukin ka mitthla ah Bella hmel arawn langa ka thil tih lai chu ka tawp nghal chat...

Tho chhuak hluaiin ka hmai chu ka tuai puat a,,Daisy chu rawn thuchhuakin,,,"thil dik lo a awm ami..?" a thaw la pangai lo tak hian arawn ti a

"chhuak rawh" ti chang fakin,,Daisy chuan hriatthiam loh hmel tak hian,,"tinge,,tihsual ka neih awm ka hre lo,,,nangma duhthu ngei anihkha" arawn ti ve charh

"ka theh chhuah hma che in chhuak vat rawh" ka ti vin leh thawt,,

Daisy chu alo ip chawih,,ka mitmeng atang ahrethiam a ni mahna,,,ni e,, min hrechiangtu te zing ami a nive tlat,,,

thochhuakin min melh rum vak pah chuan,,"thi rawh Zonunpui" ti hriam hraihin a chhuak nghal a...






Isabella Lalhmangaihi Pov:



Ka mit ka men chuan ka room ah ka awm tih ka hre nghal a,,mahse engtin..? E.D nen inhmu tura kal kha ka ni sia...!,,Nizana thil thlengte chu ka theih ang angin hriatchhuah ka tum a,,

kan inpeng kawng reh laiah mi pakhatin tanpui min dil avangin ka puih a ka let leh lam kha hnunglam atang tu emaw in ka kâ hupin ka nghawngah min chiu ni berin ka hria,,abak chu engmah ka hre tawh lo...

Kei hi!!

Ka taksa chu ka dap nghal a,,hliam leh dûk ka nei leh neih loh chu ka en nghal vat vat,,,vanneihthlak takin engtinmah ka awm love....Thaw huaiin,mahse mak ka la ti tho,,enge thleng..?

Ka room kawngkhar chu rawnin hawngin ka pi alo lut a,,"bawihte ilo harh tawh maw,,,i tha em?" hahdam tak hian alo ti a,,

ka khuma alo thut hnu chuan,,,"mmm...tha,,mahse hetah engtinnge ka awm theih?" a chhan nghakhlel takin ka pi chu ka lo en a

"ooo...sammy khan alo thlah che a,"

Sammy maw.? tinge a ni daih,,,engthilnge thleng chiah le,,?

sawi chhunzawm lehin,,"i luhai thut vangin nikhawhre lovin i awm atia,,Bawihte i tha tawh chiang amaw,,lu na te ila nei em..?" min ngaihtuah hmel tak hian min en a

lu hai vangin nikhawhre lovin ka awm a ti maw,,? A nilo tih ka chiang bawk si,,a chhanna tha tawk tak aneih angei ngei ang,,,

ka pi hi thudik ka hrilh duh angem..??

ka pi en chuan nui sangin,,"hei,,ka tha tawh lutuk min ngaihtuah suh" ka ti a,,ka pi chuan,,"bawihte,,shooting dang hi ti tawh lo la ka duh,,i hriselna in atawrh phah a tha ka ti lo" a ti chuar chuar a

ka pi chu kuahin,,"awlee,,,i thu vek alawm,,,ka pi duhtak" tiin a biangah chuan ka fawp zauh a,,ka pi chu a nui ver ver...




Vawiin chu class ka kal lo ta law law,,ka pi leh pu te chuan min ngaihtuah leh khawp mai,,thudik hrilh mai te chu ka duh a mahse a aia serious anhriat chuan engtin chiah nge anmahni ah nghawng aneih ang ka hre lo,,anmahni ka ngaihtuah vangin ka hrilh duh lo ta law law,nakinah paSawma ka hrilh mai ang,,,anih loh pawn Sammy hnen atang engkim ka hriat vek hnuah,,chuan E.D pawh..


Nizan atang a call emaw msg engmah ka la dawng lo,,,Cafe a ka kal loh vang khan a thinrim in min be duh lo anih ka ring...Ka msg pawh ala in deliver thei lo,,ka rilru chu anuam lo takzet...


*Ding dong Bell,,,class kan bang chiah,enge i ei chak?* Sammy msg chu chhiarin ka khi suk,,reply lo chuan ka call ta zawk a

"yess...Miss,,enge ka tihsak theih che..?"

"over lo mai teh,,,tunah khawnge i awm?"

"ummm...hei,,ka bike bulah ka ding a,,ka kut lehlamin helmet ka keng mek,chuan..

"aw..aw...khatia sawi duah angai lo,,ngaithla teh.."

"yess...ka ngaithla" hepa tak hi chu,,chimawm hian..

"nizan khan khawiah nge min lo hmuh,,,ahh,,ka sawi awmzia chu engtinnge min thlah haw theih.?."

"aww,,,chu chu maw,,,a harsa hleinem,,ka bialnu chu nila ka thiante hnenah thlah haw tur che in ka ti miah lovang che mawle"

"enge i sawi awmzia,,tha deuhin sawi teh"

phone atang chuan athaw hak ri chu ka hre thei,,,"i bialpa lianpui khan min lo bia a,,nikhaw hre lovin i awm atia,,chuan ahman loh thu sawiin hruai che a thlah haw tur che in min lo hrilh alawm,,khatia a dah ringawt che kha ka hmuh hunah vawikhat chu ka la hnek ang" a aw atang chuan a uang tawh lo tih ka hria

"chutiang chuan a ti amaw..?"

"nilose engtinnge ka rawn hmuh theih angche,,zanah in inhmu dawn tih hria ila chu ka kal tir hauh lovang che,," a ti nghet charh

E.D an ahre vek maw..? Chuti nisi tinge engmah alo sawi loh,,msg emaw tal pawn tunthlengin,,,amah hi a ni thei mai angem..? ka thin chu chhan hriat lohvin arawn phu dup dup...


"hello,,, Lalhmangaih ka thusawi i ngaithla em?", arawn tih vak chuan harh zawkin

"aww,,,hmela,,ka hmingpum khan mi ko ziah suh" ka ti ve that...

rawn nui huah huahin,,"hei,,ei chak i nei em?ka rawn endik dawn che nia"

"neilo,,i hmel hmuh pawh ka peih lo,,,lo kal duh suh"

phone chu ka off nghal hmak,,ka hrawk ah hian min hnawh tu a awm a,ka kawchhung chu a sa huam hian ka hria,,,tinge ka thinrim em em ka hre lo,,Sammy vang chu a nilo,,a nilo chiang lutuk tih ka hria...

Ka phone chu en lehin whatsapp atanga E.D mesg ka thawn chu ala in deliver lo tih ka hmuh chuan rang takin call pangaiin ka call nghal zat...A in ring tih ka hriat chuan ka thin phu chu ahma aiin a rang a aphu dup dup tawh,,mahse a in ring tawp thak thak...Vawi 3,4,5 a in ring hnu pawn awmzia anei lo..


Phone screen chu en in ka nui ro hak a phone chu off in khumah ka theh nghal zat,,ka hmai chu tuai puat in ka thaw leh hak ringawt,, hetiang hian a awm ngai silova,,nizana thil thleng nen khan inzawmna an nei ani thei angem.?.Nge min lo play mai mai,,ka thluakah zawhna hrang hrang a chhanna hriattheih siloh chu a infuan khawm mup mup mai...


Thil hrechhuak thutin,,hmana ka mi hmuh pa thusawi chu ka thluakah a ri tlawk tlawk...

'i tan a tha lo' a tih kha,,enge awmzia ni ang,,tuna thil thleng nen hian inzawmna an nei tihna mi..?.Engtinnge kha pa khan ahriat theih..Tunge kha pa kha...?



Ka thawmhnaw hak chu thlakin tlai lam walk nei tur ang chuan ka chhuak a,,,nidanga ka tih thin fo anih avang chuan min khap lem lo....Kha pa kha ka hmuh leh angai..


Hmana ka hmuhna thinah te chuan kalin ka zawng kuala mahse ka hmu mai lo,,Durtlang leitan lamah chuan tlan thla zelin ka mit chuan ka zawng pah reng tho...Ka hmuh mai loh avang chuan kawngsir ah chuan chawl pahin muangchang chuan ka kal ta zawk a...

Ka bula car var arawn din rual chuan ka ding ve nghal chat,,,horn rawn pein glass a down chuan ahmel ka hmu thei ta,,,ka mi zawn ngei chu...!


A car a chuang tura min tih hnu chuan engmah sawi lovin seat hnung kawngkhar chu hawngin ka lut ve nghal zat..

"ilo tha zel em,,," dam thlap chuan motor khalh pahin a ti a

"min hmuh ang hian i hriat mai ka ring", ka ti ve ngat..

a nui khi sak tih ka hmuh chuan ka ngei takzet,,"mmm..i tha chiah lo anihkha,,ka thusawi kha awi la atha mai tur" a âwki chu ala ngai reng a dam thlap..

"engtinnge i hriat,,,tinge..?" duhai ka tawngthui dawn tih ka hriat avang chuan ka insehruh vakin ka ngawi leh ta zawk a

"chuvang chuan ka thusawi hi zawm tawh ang che,anih loh chuan thil tha lo zawk ala thleng thei ania,,"

"engthil tha lo maw,,,nge ni a,,heng zawng zawng hi i ruahmanna vek zawk,,khang in kidnap te,,in vauna msg te kha" ngeiawm zeta nui khi sak chuan ka ti a

a motor khalh lai chu ti ding thutin ka lam chu arawn hawi nghal a,,a hmel landan chu adang vek,,"engmaw i sawi" arawn ti rum nghut,,a hmel chu hriatthiam har tak a ni,,mahse a ngainatawm lem loh..

"nizan a min kidnap tumtu kha nangmah hi i ni lawm ni..?nge ni a i nau te i tihtir zawk..?" ngeiawm tak chuan ka nui leh sak..

thinrim taka min en chuan,ka lo ip deuh chawih,,"chutiang chu ka hmangaihte chungah ka ti ngai lovang,,engtikah mah" ti nghet charhin,,,a thusawiah chuan a thutak hle bawk,,dawt sawi hmel a pu lo,,mak ti tak chuan ka en reng ringawt,,

Mahse.,,lawk,,,ka hmangaihte atia mi..?

"engmaww tuna i sawi kha,,,ka hmangaihte aa??" ti bah nak chuan ka en reng,,,ka hriatsual loh chuan asawi chiang alawm,,ka pa sawi ni maiin ka bengah chuan a ri...tute nge a hmangaih chu keimahni maw..?

a bek rawn pawng tawlh tawlhin a inseh ruh nasa hle tih ahriat,, mitchhingin thawk ala leh hak a, min chhanna tur ngaichang chuan ka lo en reng bawk...

"ni e,,ka hmangaih tereuhte" ti a min rawn en chuan mitmeng hriatthiam har tak,,mahse thuk tak a ni tih bak lo chuan ka sawifiah thiam lo,,,

ngawilawk,,ka pain tikhan min kô thin...Ani hi..?

"ka pa maw..?" ti fan diai in ka en ngai chu ka en reng,,,chu pa chu rawn nui khi sakin,,,"ka hmangaih tereuhte" rawn ti sapin a mitah chuan mittui arawn tling a,,


Reilote chhung ka lungphu chu achawl ni mai hian ka hria,,,chupa chu en rengin ahmel ah chuan danglam deuh mahse ka pa mitmeng leh âw ang chiah a nei an pumrua pawh a in ang chiah,,,kan inhmuh hmasak ber pawn ka pa emaw ka ti hman thelh anihkha,,

mahse engtinnge ka pa anih theih ang,,ani chu kum 10 kal ta khan a thi tawh a kan phum tawh tih chiang takin ka hria,,,engtinnge tunah ala dam reng theih..?







End of chapter 6




(ka story chhiartute inhmeltha leh vek e😘)

(ziah sual/mistake awm chuan inlo hrethiam leh hram dawn nia)


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)