SO FAR AWAY By Melis Hmar (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: SO FAR AWAY By Melis Hmar (Completed)

Unread post by Ngaia » August 7th, 2022, 4:42 pm

SO FAR AWAY

Chapter-7💫
By
Melis Hmar


Lo thut ngawih reng chu hneawm ka tih ve deuh avang in luh na kawngka nilo zawk kawngka pakhat lo awm chu ka pan ve tawp.

Ka chhuah chuan pool ka hmu nawlh mai.Tu mah an awm lo a a tihzia phian. Kalsawn mai lo chuan pool sir ah chuan ka ding vang vang a, thli lo thaw heuh heuh bawk nen phei chuan inchung ai chuan helai hmuh chu hahdamthlak tak a ni.

Pool sir a ngawi reng a ka din reng lai chuan building sir lamah chuan thawm ri rek rek ka hria a ,ngeih ven lem lo in ka din na ngaiah ka la ding reng; mahse hmeichhe rûm ri ni in ka hria! eng in nge min mawlh pawh ka hre lo.

Thawm lo chhuah na lam pan chuan ka kal a, bang phen atang chuan ka va dak dê dê a , ka thil hmuh avang chuan che lo in ka ding reng ringawt. Hruaii chu bra leh kekawrbul nen chiah a awm in mipa pakhat malchungah inhmachhawn zawng a thu in an lo in fawp ngawng ngawng a nih chu! .

Harhchhuak thut in inher vut in ka kalsawn nghal a ,mahse pen nga pawh ka pen tling lo tihah,"Lalhlimpui!" Ka hnunglam atang a rawn ti ri ah chuan ka ke pen lai ka tawp chat, muangchangin a lam hawi chuan ka inher a, ngeiawm deuh in a lo khi sawng thung.

"Helai lo kal mai pawh duhtawk lo in, ka awm dan leh zel rawn en dik i tum a mi " A mitmengah chuan a harhfim vak tawh lo tih hriat khawp in a meng phel phung mai, muang chang in min rawn pan hnai a, ka hma zawnah ding lo in ka sirah chuan a rawn ding a..

"Ka tum vang reng pawh a ni lo" Ti sup in ka sir a a ding chu ka melh zeuh a, ner nawng in min melh run, a ding dan siam rem in min hmachhawn zawngin a ding a keipawh a lam hawi in ka ding ve nghal.

" Tun a min lo hmuh dan kha enge a an I tih " Ka hma lam ah ke a rawn pen rual in ka tawh hnung ve vat bawk.

"Kha tiang ang khan i awm ve chak em? " Rawn pen hnai pah zel in a ti leh a, ka lo pen hnung ve zel bawk.

"Lawk in, nang ang te chuan hmangaih chu sawi loh duh tu pawh i hmu zo kher dawn em ni" A nui zui uar uar a .


"Infawh nawm na te I tem pha ve ngai lo tur chu pawi ka tihpui hle mai che " A chek zui hlak hlak a. Rawn pen hnai tawh lo in ding a, ka hnung mai pool a nih tawh avang in ka tan pen sawn chi a ni tawh lo ,pen khat lek pawh ka tawlh hnung leh a nih chuan ka tla nghal a ni mai .


"Mahse tuna pawimawh ber chu i thluak tihfim a ngai, i nihna dik tak theihnghilh ngai tawh lo tur in " A khi suk a chuvehleh ka inrin hma in pool ah chuan min hnem thla nghal a, tui chen ka thiam lo bawk nen ka ban phar vak vak in hruaii chu min chhan tur in ka han melh a, hmuhnawm tih hmel tawk in min thlir thung. Rawn thu hniam in ka banah a vuan a ka khuh nghal bawrh bawrh .

"Hruaii, min pui rawh tui ka hleuh thiam lo a nia" Thaw kawk kawk in ka ti a, min lo nuih duh lek chauh.

" Ti kha chuan a i fim tawh ang chu tiraw" A tih chuan beisei nei tak chungin ka en a mahse rin loh deuh in pool lai lam ah chuan min nen phei leh nghal! tho kang in pai deuh nawk nawk chung in a kalsawn nal nal, pool awmna hi mi awm loh na lai tak lo ni bawk nen a reh hian a reh bik ngawih ngawih hi a ni mai,ka rin ai in pool chu a thuk leh nghal! ka ke a aikherh chuan chet pawh ka che thei tawh lo ka zawi vek hi a ni mai.


Ka pil riai riai lai chuan tui chu a rawn che dawt a tuemaw hian ka banah rawn vuan in min pawm kang nawlh a , ka in vei na ah ka chau tawh bawk nen ka meng peih hlawl lo.

Ka hnunga a min chum dek dek tak ah chuan tui ka har nghal bawrh bawrh a ka meng chuak ta nge nge, min chhan tu hmel ka hmuh chuan ka meng zau kawk mai.

"Ricco" Zawi deuh in Ka phun sep. Min chhang lo in min thut that tir a, rei vak lo ah ka tho vut a ka mittui pawh a parawl pung mai.

"I zia deuh em? " Tiin a rawn ding chhuak ve nghal a, chhang lo in ka kal nghal nal nal. Ka bag inchhung a ka thutna a lo awm ka hmuh chuan la in ka chhuak nal nal. Nuni pawh ka ngaihtuah tawh lo ,ka duh ber chu he hmun hlat thei ang ber a awm a ni.

Hlauh pawh ka sawi thei tawh lo kawngpui ah chuan keimah in muang changin ka kal a ka bag pawh ka ak tawh lo ka khai ringawt , ka mittui parawl pung vangin kawng pawh ka hmu phe vek tawh ,ka dan hma in a rawn baw nghal hawk! .

"I tha em?? " Ka kal lai min lo tiding in ka darah ka hnung lam atang a rawn vuan a , ka chhuak kha min lo zui a ni ngei ang ,chhang lo in a kut ka dar a mi chu dah sawn in ka kal ngai in ka kal leh a .

A ni pawh engmah min zawt zui tawh bik lem lo; mahse ka hnungah ngawi reng in a kal tih erawh ka hre thei. Tah chhuah hlau zet in ka heh ka pet a ka mittui erawh ka dang seng ngang lo.


Ka kal lai chu tawp chat in ka thu hniam a, ka bag lei ah dah thla in ka khup-ah ka kut pahnih dah in ka lu ka nghat a ,ka insum zo lo chu ka tap nghal hawk. Ka hnung mi pawn ngawi reng in ka awmdan chu min en tawp a ni ngei ang engmah thawm a nei lo dan ah.

Rei tawk ka tah hnu chuan ka hma lam atangin ka ban pahnihah chuan rawn vuan in dim deuh in min pawt tho a, ka tap ka la bang chuang lo mahse a tir ang em em kha chuan ka tap ring tawh lo , a rawn chet leh dan chuan min thawng hi a ni tawp mai .

A awmah chuan min kuah bet in ka sam ah a chul heuh heuh!, chu chuan ka rilru a ti no ka ti mai ringtawk chuan ka tap chhuak leh hawk a .

"Ka hlau a sin, tui kha ka cheng thiam miah lo, ka phar vak vak a, mahse,,,,, mahse" A awm atang chuan tap chung in ka tibah nawk nawk a, eng ber nge sawi ka tum pawh ka hre lo.


"Tap zo phawt rawh " A rawn ti dam thluam a. A awmah rei tawk ka tah hnu chuan ka inla hrang vat a..

"I kawr ka tihuh vek a nih kha " Inthiamlo deuh tak in a kawr ka mituii leh ka kawr huh in a a tih hnawm deuh chup en chung chuan ka ti sup a. Pool ah khan min lo chhan na lam ah a ni pawh a huh vek a,mahse tunah chuan pool a a thawmhnaw huh kha ha tawh lo in a dang a lo ha leh vek tawh!.


"I thawl deuh tawh em?? " A tih chuan lu ka bu zeuh a, leí a ka bag let vang mai chu a chhar nghal a.

"Kha hei ha rawh, I hritlang palh ang " Tihpah in a jacket haklai chu phel sawk sawk in min hak tir a tum chuan ka lo hnial vat.


"Ka phal lai hian ha mai mai rawh, thli a thaw heuh heuh bawk nen I hritlang mai ang " A tih leh chuan ka hnial ta bik lo. Min hak tir in a hma chu a zip phui nghal vek a, ka bag a kut lehlam in a khai thung.
Ngawi reng chuan kan kal dun a sawi tur a vang duh kher mai .

"Ka lo keng tawh ang " Ka bag a kut lehlam a a khai chu ka kawk zeuh a.


"Kal mai mai rawh " Tiin a kal sawn hmiah hmiah. A hnungah chuan muangchangin ka zui ve mai.

"Ru,,,, rul" Ti chul in ka hma lawk a kal pa banah chuan ka va kuah rawk rawk , a nih lah chuan hrethiamlo zet in min la en zui.


"Ihhh..... Kawngpui sir a hnim karah sawn rul tleng phei lai ka hmu a " Inthlahrung tak a ti chungin ka thlah a, a lo khi suk thung. Rul ka hmuhna lam ka va en chuan a lo che leh zawk a "saw,,,,, saw,,, saw" Ti chiam in a banah pawh ni tawh lo in a hma lamah dingin a kawngah ka ban rawlh lut in ka va kuah ta mai!.

"A kal tawh, a awm tawh lo " A tih chuan hrechhuak zawk in ka per nghal nawlh.

"Ka,,,,, ka , tihpalh " Ka ti nawk nawk, ka zak lutuk chu melh pawh ka melh ngam lo.A ni erawh a lo nui hawk thung. Ngawi reng chuan kan kal leh a, kan rilru ve ve kan kawm ni ber in ka hria.


"Khaw chhung a la hla viau em?? " A hriat tham lek chuan ka hma a kal pa chu ka bia a, rawn hawi zawk in "imm... Hla " ti ringawt in a kal lehnghal. Mahni a ka lo kal ringawt kha ka inchhir leh hnuhnawh.

"Patea an min hau ngei ngei ang" Ka hriat tawk lek chuan ka phun sup a ,a lo hre pha a ni ngei ang a ding dat a keipawh ka ding ve mai , rawn inher in "Eng nangmah a I chhuah ringawt reng ni" A rawn ti a chhanglo in hnuailam ka melh ringawt, engmah sawi zui tawh lem lo in a phone a hmet mual mual a.

"Enge i tih? " Phone ah tu emaw a bia in a ti zui sup.

"Kawngpuiaah ka awm, ka bike kha min lo ken teh" A ti nghut a lehlam in a chhanna ka hre lem lo.

"Imm..... Kawngpuiah" Tiin a dah nghal a , min lo en zawk in " Ka bike an lo dah dawn lo nghal lawk ang" A ti nghut a, chhanglo in ka bu ringawt.

Kawngsirah dingin a thiante chu kan lo nghak a ngawi reng a ding ta nâ nâ chu a reh bawk nen thil ri hlek pawh a ring duh khawp mai.

"Pool a khan engtin nge i tlak theih a " A rawn tih chuan ka lo phu zawk.

"Ahhh.... Kha , kha" Ka ti fan raih a " Ka kal kual vel na ah ka rap sual a ka tla a " Dawt ka sawi ta ringawt; mahse a hmel ah chuan ka thilsawi chu a awih hmel tehchiam lo.

Tawng leh tum in ka ang zuai a ,mahse bike ri ka hriat tak ah chuan ka chip lehnghal . Bike pahnih chu kan zawnah an rawn ding chat. Ka bul a mi pa chu a pen sawn nghal vut.


"Enge helai daih daih ah te i tih a ?? " Pakhat chu bike atanga rawn chhuk in a ti nghal vat a. Bike pakhat zawk a thu chuan zawi deuh hian bike atang a chhuk pa chu koh in ka awm na chu a rawn melh zeuh a , chupa chu rawn hawi ve vat in Ricco nen chuan hrethiam lo deuh in min melh tawn zak zak .

"Bawiha,,,,,,, tun ang ah te enge hetah hian in tih a?? " Ricco melh zeuh chuan a ti a.

"Nang pa hi!!! " A chhan mai loh avang chuan a rawn ti leh hluk a " Thil atthlak pui pui ngaihtuah suh" Ti nghut in chahbi laksak in bike ah a lawn zui nghal zat a.

"Lo chuang rawh" Ka lam rawn hawi chuan a ti a, ka din na atang a che sawn vat in a lam pan chuan ka kal phei nghal a.


"I hmanhmawh a ni lawm ni chuang vat ta che" Chuang mai lo a ka ding leh rih tak reng ah chuan a rawn ti a.

"Ihh,,,, I bike hi a sang lutuk a " Inthlahrung tak chuan ka ti sup a, ka sir a ding te chu a lo nui hawk, a rawn ti âwn deuh a ka chuang ve nghal mai. A thiante pawh be zui tawh lem lo chuan a tlan chhuak nghal.

A hma khan engtin nge a bike a hian awlsam deuh a ka lo chuan mai theih le. Zanin chu keimah ka mumal lo bawk nen a hma zawng ai in a sang ka ti thar thut! Chubakah a bike hi a sang ve hrim hrim. A mah a sang bawk nen a inphu tawk viau mai.


Bike a din chuan kan in zawnah kan lo ding vang tawh. Kan in awmna a hria chu mak ka ti hran lo a hma pawh min thlah tawh miau a.

"Ka lawm e " Ka chhuak rual in ka ti sup.

"Chuan hemi vang pawh hian ka lawm e " A Jacket ka hak lai chu phelh ka tum a, a zipper ka vuan tawh tih ah "phelh duh suh , nakinah min pe dawn nia" A tih avangin ka phelh zui ta bik lo.

"In tihul nghal vat ang che, i hritlang palh ang " Lu ka bu zeuh a , engmah sawi zui tawh lem lo in a dawk chhuak leh nghal vut.


Inchhung ka luh chuan a lo reh thuap mai nuteii te chu an mu tawh tih ka hre mai , ka room ka luh rual in ka inthlak nghal vat a. Ka hritlang loh nan damdawi ka ei nghal vat bawk . Ka phone ka bag atang a lachhuak in Nuni ka call a, a la la lawk thei lo zui, rei tawk a ring hnuah chuan a rawn la ta hram.


"Khawiah nge i awm a? " Hello pawh ka tih hma in a rawn ti vin vak.

"In ah ka awm tawh" Ka tih chuan "mawli,,,,,, I haw dawn te chuan min hrilh ve ta che, ka nu te an la meng em" A rawn ti hlak hlak.

"Aih an mu tawh"

"Ka nu ten kan haw rual lo tih an hriat chuan i chak lo viau ang tih lo hria ang che " Ti hlar in phone a dah hmak .

.
.
.

"Nizanah dar engzah in nge in lo haw a, ka mit a nuam lo lutuk a ka mu hma a, in lo haw hun pawh ka hre lo" Tukthuan ei lai in nutei in a tih chuan Nunin min lo mitmei nghal vat.

"Dar 9 bawr vel ah " A lo ti zang vah a, nuteii pawn a zawh zui leh tak loh dan ah dar 9 rik hma in an mu a ni ngei ang.

Patea erawh in engmah a sawi ve lo, a ni hi chu a tawng tam lo hrim hrim a.



College ka thlen chuan mi pawh an lo tam tawh khawp mai, ke a ka kal thin a avang in ka thleng hma ngai lem lo, Nuni erawh kei anglo tak in pate an motor in a office kal pah in a thlah thia a ,thleng hma thei bik tak a ni.


"Tha maw " Corridor ka kal lai in lawmsangan a rawn ti var a.

" Tha ni mai" Ka lo ti mai a.

" Nizanah I lo kal ve tih ka hria a nia " A rawn ti leh sup a.

" Khawiah "

"Intihhlimna ah " A thisawi chu ka hrethiam thak lo.

" I thilsawi ka hrethiam lo"

"Party na ah, ti khan i hrethiam em" A rawn tih leh chuan nizan kan kal na kha ka hrechhuak zawk.


"Khawpawn a an party na kha a mi i sawi" Ka tih chuan a lu a lo bu nghut.

"Ka sawm char char che pawn I duh lo a I phakar ngawt mai , i lo kal leh tho si a " Vui aw lek lek chuan a ti niah niah a.

" Ka tum vang reng pawh a ni lo, ka unaunu in min sawm tlat a " Ka tih chuan a ner nang ringawt.


" Hei in class kan thleng " Tih leh kan class lam a min nen a rual nghal, ka va hawi let chuan min bye bye zeuh in a kal nghal daih.



"Lalhlimpui nang hi i lo ngam pa sawt khawp mai, engtin nge nizan khan kha lai hmunah khan i lo kal theih zawk " Ka thut rual in ka dawhkan hmaah an thian thum in an lo ding nghal zat. Chhang lo in ka ngawi ta reng.


"Enteh u, thiante u henu zah lo zia hi , nizan khan khaw pawn a party na ah ka hmu a nih chu! " A tih chuan a thiante pahnih chuan zaktheilo min tih hmel zet in min en nghal zat, thil dang sawi leh tum a ang zui tawh chu professor lo kal avangin sawi lo in an kalsawn a; mahse a mitmengah erawh a la duhtawk mai lo tih a hriat.




Canteen a thil ei tur a ka kal chuan mi pawh an lo tam khawp mai, ka a riltam tawh bawk nen mitam na ah ei duh lo viau mah ila vawin chu ka insum thei ngang lo a ni. Ka ei tur keng chung a thut na awl ka hmuhna lam pan in ka kal a, ka thleng tep tawh ti in dawhkan pakhat zawn ka thlen rual chuan engemaw hi ka pal a ka tlu bawkkhup nghal thawk! , ka thil ken ka bawh vek bawk nen ka ei tur a ka lak ho chu ka kawr ah a kai vek .


"Awi..... Lalhlimpui nang i ni maw? , sorry lutuk, duh ai in ka ke ka lo thluan sei mah mah a ni maw " A aw ti danglam vel in an meng dul lui deuh a, a thutpui te ho chuan min lo nuih char char. Hruaii hian ka kal kha min hmu chiang lutuk chuan a tum reng vang a ti a ni tih pawh ka hai lo.

"Awii.... A pawi e, i kawr a balh phah vek sia" Pawi sawi lo hmel tak in an awm kal vel a. Canteen a awm ve dang ho pawh an mit chu kan awm na lam ah a fu thap mai ,hmuhnawm thlir hian min thlir a ni ringawt in ka hria.

"Mahse tihdan ka hria " A chhe hrut a , rei lo te ah ka lu atangin tui a lo luang nghal zawih zawih!, rang tak in ka en chho nghal vat, a lo khi sawng lehnghal a.


" Tihkhan suk a awlsam deuh ang " A mit ko sang kalh pah in nuam tih hmel deuh in a khi sawng a.

A thiante ho pawh chuan an thiannu chu an support tha tih hriat tak in min an lo nui huk huk a, chu mai duh tawk lo in thla min la lak zak zui, ka tah pawh a chhuak lo engmah ka ti thei lo hi ka rilru a na zawk. Ka mittui a parawl pung a, mahse an ni lo hum lai a tih tak erawh ka tum lem lo.

Ka thawh hma chuan tu emaw hian min lo pawt tho zawk a , ka din rual a min lo pawt tho tu chu tu dang ni lo in Rcco-a bawk a ni. Kan in melh fu nghal chat bawk. Kan indin hnai em a ka mittui parawl pawh hi a hmu thei ang.

"Ri.... Ricco " Hruai in a lo ti bah nawk a.

" A tlu a, puih ka lo tum a " Engmah ti lo ang mai a a insawi chu ka ngei lek lek, engtin nge awlsam tak in dawt a sawi theih le, chupawh kei mah mai ni lo canteen a awm ve zawng zawng in thil thleng kha an hmu in an hre ve vek bawk leh nghal.

" I duhtawk i tih zawh chuan ka kalsawn pui a nge" A ti chang rat a. Kawngka lam pan chuan min kai nghal dawr dawr a ,canteen a awm ve dang ho chu an phu nghal sur sur mai .


"Va intifai rawh" A ding rual chuan a ti nghal a , a hawi na lam ka en chuan bathroom kawtah kan lo awm tawh tih ka hre chiah, min kaih chhuah lai khan kalkawng pawh en lo in hnui lam ka bih char char a min pawh kawi ang ang khan ka awm tawp.


Ka kut a thlah hnu chuan bathroom lam chu ka pan a , bathroom chhung ka luh rual chuan ka thaw nghal vak , ka rilru na lutuk hi tihngaihna pawh ka lo. Ka thawmhnaw bal zualpui ho chu tui in ka tifai a , ka hmai te ka phih leh thuak thuak hnu in ka hmanhmaw em em lo in ka chhuak a.

"I va rei ve! " That chhe zet in bang ngheng in a lo ding a, a kal daih tawh ka rin nen.

"I.... Lo la awm a..... " Bah deuh chuan ka ti a, tlem chuan ka inthlahrung deuh.

"I hmuh ang hian a nih hi " A ti deuh nghut a, chutah kan kal mai dawn emaw tih lai in , a jacket a phelh sawk sawk a min rawn bah tir a mak ti tawk in ka lo melh tawp.

"I kawr kha a huh nasa lutuk " Ti sep in a kal nghal daih a.

"I lo kal dawn lo mi?? " Ka din ngai a ka la din reng avang chuan a kal tawh chu a rawn hawi let leh a, harhchhuak thut in ka zui ve nghal a.



Class chhung a a luh chuan lut ve ta mai lo chuan pawnah ka la ding reng a, rawn let leh in " I rawn lut dawn lo mi" A rawn ti leh.

"Lo va lut rawh nakinah ka rawn lut ang " Nuilui pah in ka ti a, engmah sawi tawh lo in a lut leh a ,mahse rei vak lo ah ka bag leh a ma bag keng chung in a rawn chhuak leh! mak ti tawk in ka lo en haw ringawt.

"Min lo zui rawh " Tiin a kal daih a.

"Khawiah nge kan kal dawn" Ka lo ti vat a.

"Class kan tlanbo dawn" A ti awlsam et a.

"Maw..... Mahse exam a hnai tawh si a, class lak a pawimawh tawh a nia " Ka ti chuan a khi suk a.

"Pawna ding reng chung khan class i la dawn tihna mi, tunah i lan dan en kha chuan class lak chu i phur tehchiam lo tih chu a hriat vek, hei chiah hi ka sawi ang i duh chuan min lo zui thei a, i duh chuan tah khan ban hma i ding thei " A sawi zawh rual a inher pah in a kal nghal vut.

Heti chuang hi chuan class pawh la mah ila awmzia a awm dawn lo tih ka hriat chian em vang in ka zui ve ta ringawt a.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 7th, 2022, 4:42 pm

SO FAR AWAY

chapter-8💫

By
Melis Hmar

*Adik lo lai a awm nual maithei ka check hman tawh thlawt lo , in lo hrelo der mai dawn nia.


A in hma ah chuan bike a ti ding a, zawi muang chuan ka chhuk ve mai. Helai kan kal daih chu mak ka ti a, mahse zawh erawh ka zawt duh lem lo.

In chhungah chuan kan inzui lut a, "thil ei phawt ang ka ril a tam" Tiin choka lam a pan nghal a, a hnungah ka lo zui ve zel.

"Enge kan siam ang" Ka ti ve mai a.

"I duh duh kha lo siam rawh, ka'n inthlak lawk ang" Tui in leh in a room lamah a phei nghal a.

Fridge chu hawng in siam tur chi ka en kual a. Thlai lam chu a nei ve nual mai, chhuar vel chu hawng leh in ka en kual leh a chow pack ka hmuh chuan siam tur in ka la chhuak vat a.

"Puih i ngai em? " Chow siam tur a ka buaipui mek lai in a rawn lut a.

"I peih chuan dawhkan a zikhlum leh carrot ka dah kha lo chan la" Ka lo ti mai a.

"Peihlo ila ka zawt dawn che mi" Phun zui bul bul chung in a chan ve mai. Ka lo nuih suk thung.

Chow ka siam zawh chuan a thil chan ho nen chuan kan tihpawlh a, ei nghal mai tur in plate ah kan pahnih a ei tur ka suak chhuak nghal a.

"A ei tlak ve hi" Tiin a ei zui leh nghal a. Ka lo nui ver ver, a tui lo a tih ka lo hlau lutuk a.


"Engtia rei nge hetiang hian i awm reng dawn" A thil ei lai chuan a rawn tia a.

"Kan ei na hi ka tifel a nga ka haw thei a ni mai" Ka lo ti zang vah a.

"Khatiang lam ka sawi lo" A tih chuan enge a sawi tum ka hrethiam hauh lo.

"Eng nge i sawi awmzia"

"Vawina thil thleng ang kha" A rawn tih leh chuan canteen a thil thleng kha ka hrechhuak chiah. Chhang lo in ka nui tawi tak.


"Chapo na te hi i nei ve lo mi? Nge i mawl ve hrim hrim zawk? " A ti leh nghut a.

"A rei a nga a la zia ve mai ang" Engah mah ngaih lo ang a lan tum in ka ti sam et a. Ngeiawm deuh in a khi suk.

" Engtiang a rei maw? High school, higher, collage, a rei i ti tawk tawh lo mi? " Ngeiawm lam lek lek in a rawn tia a, ka ngai haw lem chuang lo.

"I duh duh chen chu nghak rawh" Ti nghut in a tho a , plate tui chhuar a dah in choka atangin a chhuak zui nghal vut. Ka thutna atang a tho in ka um zui vat a.

"Engmah i hre lo, enge ka chungah thleng a , enge ka paltlang i hre lo" A room kawngka a hawng tur chu choka luh na bul atang in ka ti chhuak sep a, ka tah a chhuak leh vek tawh.


"Hetianga awm reng hi nuam ka tih bik i ring a mi? An mi deuhsawh na leh na tak tak a min tawngkhum na te hi ka hlimpui i ring a mi? " Ka aw a lawi vek tawh. Ka mittui a tlak loh nan hmun dang hawi in ka heh ka pet fan fan. Ka lam a rawn hawi a, mahse ka melh lo.


"A nih chuan i thil tawn zawng zawng vang chuan bei let ve ta che" A ti nghut a, ka thaw chhuak hawk.

A mah chu muangchang in ka en a, a hmel ah chuan a thinrim tih hai rual a ni lo, mahse a thinrim chhan erawh ka hre hauh lo! .

"Nu leh pa i nei a ,chuan nau i nei bawk a, in inchung khur chu hre ve kher lo mah ila an ni ho chu thawk leh khat ah bo ta vek se engtin nge i tih ang? " Mittui parawl pung a en chung in ka ti a. Min chhang lo.


"I hria em? Ka pian tirh in ka nu chu a boral nghal a sin! Vawi khat pawh Nu ti a ka kauh ve hma hauh in, a ni chuan he khawvel hi a chhuahsan nghal a. Thlalak ah bak a hmel awmdan ka hrelo " Ka mittui a rawn baw hawk a, tak ngul in min en run thung.

"Chuan ka pa. Ka nu tello in min enkawl a. Kan hlim ve thei lutuk ,in chungkua ang khan , min boral san hma zawng kha chuan " Ka mittui ka biang a lung chu tuai zeuh in Za lo deuh in ka khi suk a. A hmel ah chuan enge a ngaihtuah ka hrethiam mai lo.

"Kum 4 kal ta khan ka pa chu tleirawl pakhat pawngsual ang a puh in jail ah a tang a. kha hmeichhe tleirawl kha a hnu ah a inti hlum zui nghal bawk nen, kha tih hun lai khan midang pui na a dil nasa in a mang ang em em a,mahse tuman an awih duh lo. Ka pa kha khatiang ti tur in ka ring phallo a, tun thleng pawh hian ka la ring lo . Ka pa ka zawh in 'bawihte i pa hi i rin leh i rin loh chu i thu a ni e' tih chiah in min chhang thin.

Thla ruk vel a tan hnu in tuk khan an kai tho tur kha an kai tho zo ta lo a ,chu ni chu a ni ka pa ka thlah liam ni chu! Ka u nen chiah kan bang ta, ka pa an puh na avang khan a tuar em em a a thiante zawng zawng in an thlauh tla a, chuan a nun a khawlo tan ta a ,ruk ruk vang leh damdawi khawi vang in vawi tam jai ah a lut a, tunah chuan HOME a dah ngai hial in a awm tawh"ka thil sawi lai chu tawp leh rih in ka mittui ka hru leh thuak thuak a, ka thaw zui khawk bawk.


"Ka pa thil tih avang khan Hruaii te thian ho hian min deuh sawh nan an hmang tan ta a, Ni e... I sawi dik high school, higher, collage thleng in a ni an la tih zel ni. Tu mah thian ka nei lo, vawi tam tak fahrah ka nih thu leh ka pa tual that tu tiin min sawi khum thin, tawrh chu a har a lawm, mahse enge ka tih ang, tawng khum let ve ta ila tu nge ka lam ah tang ang? Hruaii ve thung kha chuan maw a duh duh dan a min tih kual a, na tak tak a min tawng khum chung pawn lam tang a nei zel a sin" A sam tuai puat in a thaw kawk a.


" Ti khan tinge tawng chhuak lo a ka ngawih reng nachan i hre tawh em" Min la chhang chuang lo. Ka mittui chu a hma zawng ai in a rawn tla tam a, ka tah chhuah loh nan sir lam hawi in ka heh ka pet ngawt ngawt.

"Kan thil ei na vel saw ka va tifai a nge" Tiin choka lamah ka phai leh a. Ka plate kalsan tak te chu la in ka sil nghal zung zung a.

Ka sil pah te chuan ka in hnit ri leh hruih thin. Dawhkan vel ka tih fel leh hnu chuan ka bag la in chhuah mai ka tum chu " Ka lo thlah ang che "tiin a helmet a ban vut a.

A bike ah chuan ngawi reng in kan chuang dun a boruak chu a ni deuh ruih in ka hria , engmah a zawi loh avang khan a ni pawh hian min be chak vak tawh lem lo a ni mah na. Khang thil kha engvang a hrilh nge ka nih ka hre lo,mahse ka thawl huai thung.


Kan in thlen hma deuh ah chuan ka din tir a chhun en lai a ni bawk nen kan in zawn a in thlah tir chu ka duh chiah lo. Ka chhuk chuan chak mang kheng in a dawk chhuak leh nghal, a awm dan khan ka awm a ti nuam lo zo vek tawh.

In chhung ka luh chuan a lo reh thuap a mak ka ti ang reng, ka hawi kual pawn tumah an awm lo, ka nuteii tak ngial pawh. Ka room ah chho in ka intifai nghal a. Inhnuaiah rawng bawl tur in ka chhuk leh thuai a.

"E.. Melo i lo haw tawh a? " Inkhai bawr tun chung in nuteii a rawn haw ve chiah a .

"Ka va bazar lawk a lawm, chawhmeh thar deuh te a awm tak in ka tia" A thil rawn hawn dawhkan ah dah in a phawrh chhuak pah mawlh mawlh a.


Rawng kan bawl dun zung zung a chaw ei a hun dawn chuan midang ho pawh an lo haw kim thap tawh.

"Tinge thleng hi 4 chiah i lak a? " Chaw ei ka siam mawlh mawlh lai a nuteiin a tih chuan, " Ka ei chak rih lo, ka lo haw hma khan thil ka ei a ka la puar rih " Ka tih chuan min zawt zui vak tawh lem lo.

An chaw ei lai in ka room ah ka chho daih a. Ricco-a in ah khan thil eng tham mah ka ei hman lo; chubakah thil ei chak na ka nei hran lo. Ka lehkha zir na dawhkanah bawk in ka mit ka chhing vang vang a. Ka lo muhil tlang daih chu ni in, ka thawh chuan ka ka hnung leh ka ban a kham vek.

.
.
.
.

Lunch ei a hun chuan thil ei lo bawk in building chung lam ka pan a. Ka thleng chiah tih in, building chung sir deuh a min hnung chhawn zawng a lawmsanga din chu ka hmu thut a mak ka ti ang reng, "hetah a lo kal ngai awm ka hre si lo a " Phun sep in ka khi suk a, a lam pan a kal ka tum lai tak in, kan piah sir a bang phen atang in Nuni lo chhuak in lawmsanga banah a rawn kuah ta mai! Lawmsanga pawn haw lo tih hriat tak in Nuni melh in a khi suk a.

Lawmsanga chuan Nuni biangah dawm in a hmuiah a fawp zui zat! Mak ka ti lutuk chu chet sawn nachang pawh ka hre lo ka ding khawng reng ringawt. Ka mittui a rawn parawl nghal pung a, an mahni chu ka hmu phe vek.

Ka hnung lam atangin kut hlai hlup hian ka mit zawnah rawn hup ni si lo in a kut a rawn dah a, " Love triangle" tiin a phun zui sup. Ka mittui a rawn baw nghal hawk a. A aw atang chuan tu nge a ni zawh buai ka ngai hran lo.

Kan hma a ding te chu engtin nge an awm tih pawh ka hmu thei tawh lo, kan piah deuh a bang phen ah chuan min pawt sawn a, " Engtik atang in nge min duh? " Nuni chuan a ti zang vah a. Lawmsanga chu a nui hawk.

"I sawi dawn lo maw? " Ti tau aw lek lek in Nuni chuan a ti a. An che zia hmu thei lo mah ila an tawng erawh chiang tak a ni.

"1st year kan nih atang khan" Tiin Lawmsanga chuan a chhang a. Ka thu thla hnawk a, ka tah ring loh nan ka hmui ka hup bet tlat bawk.

A hma a lawmsangan mi vei deuh a neih thu a sawi kha Nuni hi a ni tih na ni maw? 'Ka kiang ah a awm reng a mahse engmah ka hrilh thei lo' a tih tum a ka lo inngaih bel na te kha a atthlak zia ka hrechhuak.

Ka tah ring ka hlau bawk si, ka tap tawp thei bawk si lo chu ka kut pakhat mai duhtawk lo in ka kut pahnih in ka hmui ka hup bet tawp! Ka bul a ding chu thaw ri hrawih in a rawn thu hniam a, ka biangah dawm in a hmui in ka hmui a rawn khar chilh hmiah! Ka tap tawp chiang khawp mai.

A hmui chu muangchang in a chet a, min thawng lutuk chu awmsawn nachang pawh ka hre lo ka dawh mawl tawp. Ka tih ngaih na hre lo lutuk chu ka mit ka chhing ringawt.

"An kal tawh" A tih chuan ka harh chhuak thut, a ni chu a lo ding vang tawh, ka zak lutuk chu sir lam hawi in ka then vak ringawt.

"Ti khan i la thu reng dawn mi? " Nuih zat aw lek lek a a tih chuan ka zak zual sawt. Awm dan tur pawh ka thiam toh lo. Nimin a thil thleng kha hria ang pawn a awm lo.

Muanchang chuan ka tho a a mah tak phei chu ka en ngam tawh lo, "kha tia zah vel kher kha a ngai lo, la thutak vak suh, ka pui che ang in i ngai dawn nia" A pen sawn zui nghat a. Engtin nge ka lak thutak loh ang mi ka vawihkhat fawhna leh nghal! Muang chang chuan a hnungah ka zui ve zel a.

"Ricco " Corridor a kan kal lai in kan Hruaii te nen kan intawk a.

"Melody, enge Ricco bulah hian i tih a? " Dil chhuk hmelh deuh in min melh bawk.

"Chutiang i hriat ve zel a ngai lo, a duh duh a ti a nga, eng buaina i nei mi? " Ka chhan hma in Riccoan a lo ti hmuk a.

"Aih.... Nei lo e, Ricco zanin kha theihnghilh suh aw, Melody nang pawh i lo theihnghilh a nge, i lo kal loh chuan ka lawm lo viau ang" Za vak lo a nuih pah in a ti deuh hluai a,sir lam hawi in ka then zui suk.

"Theihnghilh lo e.... Kan lo kal ngei ngei ang, tih tur kan nei a kan kal phawt a nge" Ka ban ah vuan in min kal pui nghal phawk phawk. Hruaiin rum tawk a min melh na pawh ka hmu hman hram.


Prof in Class a lak lai pawn ka rilru ah a lut thei hlawl lo , Nuni lam ka va hawi leh thin a, ka rilru a na deuh tlat zel.


"Lo chuang rawh" Kawt a ka chhuah rual in Ricco-a a rawn ding ve chiah.

"Aih a ngailo "

"Kha pa kha i lo nghak dawn mi? Bialnu nei lai a ni tih kha theihnghilh suh ang che" A tih zo chiah tih in kan piah deuh atangin Lawmsanga leh Nuni an rawn inphur chhuak chu ka en zui vawng vawng.

"I hmu maw, ngaihtuah tur dang a nei tawh" A rawn ti leh a.

"Chhuang vat mai mai teh" A bike hnung chu a beng leh zat a, engmah ka sawi zui tawh lem lo.

Kan inah ni lo in ka dawr thawh na ah ka indah tir a, " Hetah enge i tih dawn? " Ka dawr thawh na chu a thlir deuh run a. Ka thawk tih a la hre ve lo tak.

"Tah hian ka thawk a " Ka tih chuan engmah sawi zui tawh lem lo in a tlan chhuak leh mai a.

"Tinge i va nawm loh hmel ve? " Ka luh rual in Hmingin a lo ti vat a.

"Ka chau deuh a" ka ti mai a , a hmel ah erawh a awih hmel chiam lo.

Naupang ho chu phur fahran lo chuan ka en pui leh a, keimah ka mumal loh em avangin vawin tlai chu nidang ai in ka ban hma pui.

"Thil thleng a awm a mi? " Hmingi chuan ka banah vuan in chik tawk in min melh.

"Aih thleng lo e, ka chau deuh mai mai lawm" Ka nui lui sak a.

" Dawt sawi suh, thil thleng a awm a ni, sawi vat rawh" Chik deuh in min thlek vung vung.

" Lawmsangan bialnu a nei a " Ka ti ban charh.

"Maw! " Ka sawi zawh rual in a ti nghal vak. Thawm dim turin ka khap vat.

"Bialnu a nei lo khan ka hre sia" Hrethiamlo deuh in
min en pah.

"A tir chuan a neilo a lawm"

" A nih tunge a bialnu chu i hriat zawng a ni em? " A tih leh chuan ka lu ka bu nghat.

" Nuni" Ka ti zawi ruih a.

"Lalnunmawii maw? " A ni pawn a awih chiah lo tih hriat tak in a rawn ti nawn leh ngat.

"A ai tha i la tawng dawn lawm, a ho lutuk, a mah chiah kha mipa a awm lo" Min hnem nan a ti ve mai a.

.
.
.
.
.

Ka lehkha zirna dawhkan hma a ka thut ngawih reng lai in ka room kawngka a rawn in hawng a, melh pawh ka melh lem lo.

" Assignment kha i tih tawh chuan ka lo en ve" Tum dang ang lo tak in a rawn ti zang vah a . Min biak that ve tum tak ni mahse ka ngei deuh tlat.

" Mahni a tih tur a lawm " Ka lo ti hmak.

" Ka hre ve tho, a dang ziak leh mai rawh" A rawn ti leh a, rum tak in ka melh chho vak.

" Enge? " Mak ti tawk in a ti zui a.

"I thiam loh chuan ti lo mai rawh" Ka thutna atang a tho chhuak in ka ti deuh nghek a, a meng phawk vak ringawt.

" Engtin nge kha ti khan min tih ngam a " A rawn ti let hlar a.

"Eng vang in maw ka ngam loh ang" Ka ti let ve ngat.

" Melody leh... " Za lo deuh in a nui zui hawk.

"I thiam chuan ti la, i thiam loh chuan ti lo mai rawh, ka ta hi ka pek nachhan tur che ka hre lo" Ti let ve salh in ka khum lam pan in ka mu nghal hmak.

"Enge i hriat a " A thaw chhuak hawk a. Ka awm dan chuan a ti hamhaih ve a niang, a awm lo aw ka vin emaw ring in ka be ngai hauh lo a. Ka mut tak daih avang chuan a ni pawh a chhuak ta niang.

Kha tia tih kha ka tum reng pawh a ni bik lo mahse ka insum thei thlawt lo a ni. Ka phone ka lukham hnuai a ka dah chu a rawn ngawr dat dat a, ban vat a ka en chuan no lawng atang a call a ni.

" Hello" Pangai thei ang ber chuan ka ti a.

"Keimah, lo chhuak rawh" A rawn ti ngut a, ka phone la sawn in ka melh vak ringawt, engtin nge ka no te a lo neih ni.

" Engvang in? "

" Birthday lawmna ah kal kan ngai " A rawn ti leh tawp a, tha deuh a rawn sawi chu awm lo tak a ni.

" Ka peih lo, chubakah ka patea ten zan chhuah an phallo" Tiin ka chhang a. Hruaii birthday leh nghal ,kal tumna ka nei lo hrim hrim , tum pawh ni ila patea ten chhuah an phal chuang lo.

"In in kawt ah ka awm ,lo chhuak vat mai rawh" Thu pe aw deuh in a rawn ti leh hmuk a.

" Haw rawh, ka rawn kal dawn lo" Ka mood fuh chiah lo nen hepa pawh hi ka la biak pangai lo ber tum a ni ang.

" I rawn chhuah loh chuan ka rawn lut a ni mai, rawn luh ka hreh miah lo a ni" Ngeiawm zet in a nui ri suk a phone a dah hmak. Ka hlauthawng lutuk chu thu chhuak in ka call leh nghal vat.

" I rawn chhuak em? " A rawn ti nghal.

" Ka rawn kal thei lo a lawm " Ka ngen ti tih deuh tawh.

" A tha e, ka rawn lut ang" A ti sam et a.

" Lawk.... Lawk.., ka lo chhuak ang lo lut suh"ka ti nghal vat, a nui ri suk, ka nhei zia chu pui tak a ni.

" Hmanhmawh ang che" A off nghal hmak. Ka thaw chhuak hawk. Hepa hi chuan min tibuai ve chiang a ni.

Kawrfual pawr dal ha in ka sam ka bawk kang vah a, makeup pawh tlem ka inhnawih ve thuak thuak bawk, bag ka la chhuak a ka heels nen ka khai a thawm dim thei ang ber in ka inhnuiah ka chhuk a.

Sitting room ah nuteii te nupa in tv an lo en a dim tawk a choka lam ah kal in choka kawngka atang in ka chhuak a. Ka pheihkhawk bun sawk sawk in kan in sir thim lai deuh a Ricco lo dinna lam pan chuan ka tlan phei hlawk hlawk .


" Hmanhmawh rawh" A bul ka thlen rual in ka tur nghal sawk sawk.

" I va hmanhmawh leh si ve" Nui suk chung in a lo ti a.

" Nangmah vang vek " Tiin ka lawn zui nghal a, a thlan chhuak zui nghal mai bawk .


Hruaii te in kawt ah bike a ti ding a , ka chhuk nghal thuai bawk, " I kawr kha a nalh lutuk" a bike a la thu reng chung in a mit chuan ka chhip atangin a en thla a min ti lai lek leka ni. Nuni birthday kan lawm tum pawn a sawi tawh eng a sawi na chu ni ang maw? .

"Lut ila" A bike hung tha a a rawn let chuan a ti zui sup bawk.

In chung kan luh chuan an thahnem khawp mai. Kum Upa lam hmuh tur an awm lo a Keimah ni rualpui deuh vek a ni lawm .

" Ricco i lo va thleng har ve" Hruaii chuan a rawn ti zang vah a.

" A insiam rei deuh a " Min rawn melh pah zeuh a.

" Melody, nang pawh maw? " Min hmu chiah chu thlarau hmu te pawh a ang a lawm le. A hmelah chuan min ka kal ve a beisei lo a ni ngei ang. keipawn kal ka in ring bik lo.

" Vawin khan a kal ve loh kha i hlau sia, ka rawn sawm lui a nih hi" Ricco bawk in a lo ti leh a.

" Nia.... " Za lo zet in a nui tawi tak.

" Cake kan zai dawn a ,lo kal rawh" Ricco chu a pawt hrang nghal a . Cake an dahna ah chuan a din pui a. Birthday hla te chu an sak sak a, Hruaii chu a khi sang mai. Ricco-a erawh in keimah min melh run thung.

Hruaiin cake a zai a, an lo au dur dur mai. Ricco barh tum a a phar lai tak in Ricco-a a lo kalsawn hmak a, Hruaii awm dan lai lutuk chuan a thiannu Ruati chu a barh ta tawp. Ricco chu ka sirah a rawn ding a, mak ti tawk in ka en haw ringawt. Hruaii ka va en chuan thur tawk in min lo melh run mai.

Cake leh intur an lo sem chu ka lo ban vat a Ricco a erawh intur chiah a la thung, cake a ngeina vak lo a ni ngei ang. Ngawi reng in ka sir ah a lo ding ve reng a , a intur ken chu a lem leh zeuh thin.

Juice ka intur chiah chu hmeichhe pahnih lo kal in min rawn nek palh a ka awm ah ka intihbuak vek! "Ka tihpalh lutuk" Ngaihdam min dil nghal mawlh mawlh a. Ka thil ken ho chu kan sir dawhkan ah chuan ka dah a ka kawr hma chu ka thing deuh vak vak.

"In kal na en ta che u" Riccoan a lo ti hluk.

" A pawilo, engmah a nih loh hi" An mahni chu ka nuih sang a, an inthiam loh hmel ngang mai. Min nek tu lo zawk khan a thiannu chu kuah in an kal nghal daih a, an zah hmel ngang mai.

" Min lo ken lawk, bathroom ka va hmang lawk ang" " Ka bag pe in bathroom lam ka pan nghal a.

Tui chuan ka ti hnawng chep chep a, a zia ve deuh; mahse a huh lai chu a chiang ngang mai! Ka awm pawh a ban vek avang in tui in ka tihuh leh thuak thuak a. Ka chhuah chuan Lawmsanga nen kan intawk chiah, min hmuh rual in a nui suk.

"I kal ve tih ka hre miah lo" A lo ti nghal a.

"Nia... Ka tum deuh thut a" Tiin ka nui tawi tak.

"I kawr chu ngati nge a " Ka kawr hma huh lai chu a melh a.

"Theitui ka intihbuak a " Ka ti mai a. A jacket hak lai chu hlip sawk sawk in min rawn bah tir a.

"Nangmah in mi i rawn kal a" A tih leh chuan "Zanin chu kalpui ka rawn nei a" Tiin ka lo chhang vat a.

" Ehe... Tunge a? Min hrilh ve dawn lo maw" Fiamthu deuh in a rawn ti a .

"Chutiang lam a ni lo" Ka nui zui hak.

" Tak a... Thil hrilh tur che ka nei a, mimal thil lam " A hmel ah chuan a phur hmel ngang mai. A thil sawi tum chu ka hriat chian em avang in min hrilh lo mahse pawi tihna ka nei lo.

"Hriat a va chak awm tawh ve, mimal thil lam chu" Fiam pah deuh in ka nui lui sang a.

"Nakinah, saw a zawng che a ang khawp mai" Ti zui zat in ka hnung lam a melh a. Ka hawi chuan Ricco-a kan lam pan in a rawn pen phei phawk phawk, a hmel chang rat ah chuan a thintim tih hai rual a ni lo. Engthil tak chuan nge maw lo ti thin rim ni?.

" I va rei ve a " Ka bul a rawn thlen rual in a ti dam dap a, a hmel leh a tawng ka chu inrem lo tak a ni.

"Nia.... " Min be zui tawh lo in a jacket a hlip mawlh mawlh a, Lawmsanga jacket ka haklai chu rawn la in Lawmsanga lam ah a theh phei nghat hmak a. A jacket min rawn haktir zui zat bawk!.

"Min ti mangang hman a lawm, i rei lutuk a " Ka sam rawn tlatla chu a hui kiang a. A awmdan chu mak ti tawk in ka lo en mawl tawp.

"Nangni pahnih hi..." Lawmsanga chuan sawi zo lo in kan pahnih chuan min en a.

"I ngaih ang kha... " Ka ti hman tawk " Kan inngaizawng! " Riccoan a lo ti vat in ka kawngah a rawn kuah nghal a , phawk tawk in ka en chho vat.

" Zep kher a ngai tawh lo" Min melh chhuk run pah in a nui suk a. Zanin a a awm dan hi ka hrethiam thlawt lo.

"Melo, a ni tak tak a mi? " Ring ngam chiah lo deuh in Lawmsanga chuan min en a, Riccoan ka kawngah a lo hmel sak, ka lo phu zawk lehnghal.

" A lak a i rilru put hmang kha hre tur in i duh mi? " Rawn kun hniam in ka beng bulah a rawn phun sep a.

"Aw... Aw... " Ka ti bah nak.

" Ka lawmpui lutuk che u, mahse a ni ai tha hi chu i phu in ka hria " Ricco chu a melh pah kher a. Ricco lah in a mit ko a lo san ak in ngeiawm deuh in a lo nuih thung.

"Kan kal dawn mi? " Min rawn pah deuh chuan a ti a. Tawng lo in ka lu ka bu ringawt. Kan in her chiah chu Hruaii a lo ding kur a a mittui a lo parawl pung mai.

" Ricco enge in sawi kha awmzia" A ti tiau a.

" I hriat chuan min zawh leh kher a ngai mi" A lo ti lek hmak a.

" Melody nen hian in inngaizawng tak tak a mi? " A la rawn ti leh hram a.

"Kan thusawi i hriat vek kha " A lo tihsan leh hmak a.

" A nih kei ve hi, ka duh zia che pawh i hria a, ti tur a min tih apiang ka ti a, chuti chung chuan tinge kei ni lo he nu ve mai mai hi i thlan theih, a ni ai hi chuan kawng tam tak ah ka pui thei zawk ang che " A mittui a rawn tla a, a rilru na ve hle niang, Hruaii tap ka vawikhat hmuh na. Ka khawngaih lek lek zawk a ni.

" Min duh tih ka hriat vang a lawm beiseina ka pek ngai loh che , chuan i puih na kha engtik lai mah in ka mamawh lo" Ti chang rat in min kalsawn pui nghal a. Hruaii chu mi â ang mai in a au chiam a. Ka ban vuan chung a min kalsawn pui hlawk hlawk tu erawh hi chuan hria ang pawh in a awm lo.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 7th, 2022, 4:42 pm

SO FAR AWAY

chapter-9💫

By
Melis Hmar


Pawn kan chhuah rual chuan min vawnna atang chuan ka kut ka la sawn a hriatthiam loh hmel deuh in min lo en thung.

"Hruaii kha.... " Ka ti sep a. A thaw chuak nghal kawk.

" Ngaihtuah suh " A ti daih a.

"A tah kha va thlem rawh" Hruaii tap ka khawngaih reuh lutuk chu ka ti ta tawp.

"Ka awih thei lo" Za lo zet in a nui chhuak hawk.

"A ni kha thlem tur in min duh chiah maw? I theihnghilh ta em ni, I chung a a thil tih te kha? " A ti charh charh a.

"Theihnghilh lo e... " Ka ti zuai ruih a.

"Nangmah chiah kha inbuaipui rawh, midang ngaihsak suh" Ti leh nghut in a bike awmna lamah a pensawn daih chu ka en zui vawng vawng a, a kut lehlam a ka bag a khai chu ka hmu va bawk! Ka lo hre leh tawh lo!.


"Khawi ka lo keng ang" A bike ah a thu ran a a nghawnga ka bag a awrh chu ka kawk zeuh a.

" Chuang mai mai rawh" A ti daih. Eng emaw zawng tak chuan a inhmeh riau in ka hria.Engmah sawi zui tawh lo in ka chuang ve mai a.

Kan veng kan thleng dawn chuan kan veng lamah kawi lo in a tlan tlang daih a kan tlan pelh tak te chu ka hawi hawi let mai, zawh ka tum zet na a mahse a tlan laklawh bawk nen ka zawt leh ta lo.

"Tinge tah hian kan kal a? " Ka chhuk rual chuan hrethiam lo deuh in ka ti nghal. A in hma chu ka en leh thin.

"Ka inthlak lawk a nga chuan ka thlah dawn che nia" A ti awlsam et a. A bike atang a chhuk in a in lam a pan nghal vut.

"Min thlah hmasa mai lo a" Kan luh rual chuan ka la ti hram. Min tlah hmasa se chuan a harsa tawp si lo a. Min chhang lo in ka lamah ka bag a rawn khai chu ka lo ban vat.

"I inthlak duh em? " Ka kawr hma huh chu a melh run a.

" Aih... ngai lo" Ka lu ka thing zui vak. A room ah a lut nghal a. A inthlak chhungin tui ka lo in a, a chang leh a in chu ka lo enkual leh ringawt thin.

"Kha hei hi ha rawh" Ka kutah tshirt a rawn dah a, a ngailo ka ti tak na in min pek tak ah chuan ka la ve mai a. Zep loh chuan hak chu a hreawm ka ti deuh. A jacket chu sofa ah dah in a hma a ka riah na room ah ka lut ve nghal mai a.

Ka'n inen chu ka nuih a za lek lek a ma tshirt a ni ngei ang ka mal a thleng thei! Keimah ka lo lian zawk zawk lo bawk nen. Kekawr chu ka dil buai peih lo a tshirt pawh tih hi nia a kekawr ka hak leh phei chuan hmuh tlak ka awm lo ang. A hnuai ah kekawrbul ka ha hlauh a a tizia phian. Ka chhuah chuan a lo khi suk .

" Hey... Min nuih kher suh" Ka ti vak a.

"I tshirt hi a lian em a lawm" Ka ti zui bul bul a. Min en pah in a nui leh suk.

"Lawmsanga bul a i sawi kha" A tui in na bulah chuan ka va din hnai a.

" Eng ber" A lo ti mai a.

" Kan inngaizawng ang a i sawi kha"ka ti leh chuan ," Chuan" A lo ti leh ringawt.

"Kan inngaizawng tak tak emaw a ti nge" A mah chu ka en ran a.

" A pawi a mi? " Tiin ka mit ah tak a en a ,a kalsawn nghal daih.

"Dawt a ni tih a riat chuan" A kal na lam ah chuan ka inher a.

" A nih chuan a lak a i rilru put hmang kha hre tur in i duh mi? " Min rawn pan hnai a.

" Kan tan a khuanu ruat kan tawn hma hian mi dik lo hi kan tawng hmasa chawk thin a nia" A rawn ti daih a . Ka lam ah a rawn pen hnai zel a ka lo tawlh hnung ve vat bawk. A rawn hniam a a mit chu ka hmuiah a fu chat bawk. kan hmui a insik loh na chu tlem te a ni.

"Hriat tir i duh em? " A rawn ti thum dut a. Kan inawm hnaih bawk nen, a thaw lum ham ham chu ka hmui chuan hre tak a ni. Ka thin a phu rang lutuk chu keimah zawk min tibuai vek thei .

" Min chhang rawh" Ka chhang mai loh vang in a rawn ti leh a ka lu ka lo thing vat. Ka hmui chu a melh leh ren rawn a ka hriatthiam si loh a phun hluk in a inla hrang a ,min hnung chhawn zawng a ding in a a sam a tuai puat a. Kei pawh ka awmdan a mak vek a ka hrethiam lo.

" Ka thlah ang che " A bike chahbi ban in a chhuak nghal. Ka awm zawn chu dawm vang vang in thawk ka la vak a, ka bag leh ka kawr la in ka zui ve nghal.
Kan in chu a lo thim vek tawh an mu tawh a ni nhe ang.

"I lo riak duh em" Kan in melh vung vung pah chuan a ti a.

" Aih ngailo, kawngka an la kalh lo ang" Tiin ka kalsawn nghal a, ka va hawi let chuan a bike ah thu in ka lam a lo la en ran a. Choka kawngka chu ka pawt a a lo la inkalh lo hlauh! Kawngka ka khar leh dawn chuan ka va en leh a min lo la en ve reng bawk, bye bye zeuh a athlak ti zet in nui chung in a thle zeuh . A bike ti nungin a tlan chhuak ve nghal.


Ka chhungte chu an lo mu vek tawh a, thawm dim thei ang ber in inchungah ka chho a. Ka room ka hawng tur chiah chu Nuni a rawn chhuak ve chiah a, phawk tawk in kan in melh dun nghal.

"Enge awmzia! Khawiah nge i kal a? " A rawn ti a. Ka chhang lo, patea ten an hre ngei dawn a nih hi.

" Hruaii birthday party ah i kal tih sawi miah suh" A inkuangkuah at a.

"Nuni patea te hrilh miah suh aw" Chi ai deuh in ka ti nghal.

" Ka awih thei lo, tu kawr nge i hak kha? " Ka kawr chu a thlek kual a.

"Ka... Ka thian pakhat" Ka ti bah nak.

" Khawi a i thian chu va ni maw" Luh tum in a inher nghal a.

"Nuni... " A luh hma chuan ka ti leh vat. Ka lam lo hawi in' enge'tih nan a mit ko a kan zeuh.

"I hrilh dawn lo tiraw? " Beisei nei druh in ka en a.

"Ka hre lo le" Tiin a lut zui nghal a. Ka thaw chhuak vak ringawt. Ka room ah ka lut chuan ka hlauthawng telh telh, " Ka patea a thinrim ngawt ang" , " Nunin a hrilh ngei dawn tih ka chiang" Vei thuak thuak pah in keimah chuan ka phun zui bul bul a. " Ricco-a vang vek" Te ka ti leh rih thin.

Sana ka en chuan dar 2 a ri tawh , ka khum ah ka mu meng kur a , mut chu chhuak lo tak a ni. Ka rilru lah chu a hah tel tel leh nghal. Tinge ka lo kal kher kher ni, lo hnial fithla thak ila tha tur.

Ka thawh chuan tu mah an la tho lo, ka mit a kham thum mai , inrinni a ni bawk a an mu rei ve deuh bawk nen, rawng pawh ka bawl hman hmawh lem lo.

"Mate vawin chu chawhmeh lei in va bazar la tha ang" Chaw ei lai in nuteiin a ti a.

" Ka peih lo sin le" Tiin phun zui nang nang a , nuteein a hre phalo a ni ngei ang.

" Nute keimah ka lo kal ang" Ka tih chuan an vai in min en thap, ka hlauthawng hman lek lek a lawm le. Nuni chu a khi suk a, kan ngaihtuah erawh a in ang hmel fu mai.

" I kal theih chuan a pawi loh chu" Nuteii chuan a ti leh mai a. Chaw ei kham in kan ei na ka tifel zung zung a, chumi hnu ah bazar kal tur in ka insiam nghal a, nuteiin lei tur lo list a lo ziah chhuah sa min pek chuan ka chhuak nghal a.

Inkhai bawr tun a bazar a ka ka kal lai in ka dar ah tu emaw hian ka hnung atang in a rawn vuan a ka phu nasa lutuk, rak deuh in ka lehlawi vat a Lawmsanga a lo khi sawng mai.

" Min ti hlau hman a lawm" Ka thaw nghal huai thei.

" Ka va hlauhawm awm ve, i dang hman vek a lawm" A ner zui sak a.

" Nangmah in mi i bazar a" Tih pah in ka thil khai ho chu a thlek a

" Imm.... Nang enge i tih ve a? " Ka ti nghal zat.

" Bazar bulah hian thil tih lawk tur ka nei a, ka hmu che a ka lo zui nghal che " A ti nghal zung zung a.

" Thil i la ei loh chuan ei ila" Kan piah neuh a thingpui dawr chu a a en a.

" Nia.. Ei ila " Ka tih hnu in dawr lam pan chuan kan kal nghal a.

Thil kan ei lai a kawngka lam ka va hawi chu Ricco-a a lo lut ve chiah ,a hnungah a thiante pahnih hmanzan party na a ka hmuh te khan an lo zui ve bawk. A hawi kual vung vung a thut na tur a zawng pawh a ni mahna, a melh kual vung vung lai chuan min rawn hmu ta chat mai ,khi suk in kan lam pan in a rawn kal ta mai!.

" Hetah i lo awm daih a" Ringawt a, enge a thil sawi awmzia hi ka hre lo, chhuak dun te pawh kan ang a lawm le.

" Bawiha ,hei i bialnu kha " A thianpa pakhat zawk chuan a rawn ti hluai a. Ricco-a erawh in a thianpa thusawi chu hre lo ang mai in Lawmsanga a en run thung.

" Tah hian thu ve nghal ila ni mai lawm" A thianpa bawk chuan kan piah a chair chu la in an rawn thu ve nghal a. Ka bulah Ricco-a a thu deuh kher bawk nen boruak chu a ni leh huih tawh in ka hria. A rimtui inkah chu chiang tak in ka hrethei ,a mah nen a inrem zaih mai.

"Melo-i chu nangmah a i bazar thu i sawi sia" Lawmsanga chuan hriatthiam loh hmel deuh in min en a.

" Kan kal rual a lawm, kan inhau deuh a, a mah a kal ang in a insawi mai mai a nih chu" A rawn ti deuh hmuk a. Phawk tawk in a mah ka en ringawt.

" A ni mi melo" Ricco-a thusawi chu hriat chian nan min zawt leh kher.

" A hriat i duh mi, tunah hian kan hrilh nghal mai dawn mi? " Ka beng bulah a rawn phun sep a, a banah ka lo vuan vat. Ka hriat tur lek in a nui ri suk.

" Immm.... Ka thinrim lak lawk a" Za lo zet in ka nui zui a.

" Inhauh chang te hi chu a awm ve tur a lawm " A ti leh mai a, engmah ka sawi zui tawh lo ka thil ei lai ka eisan hmiah.Ricco-a leh a thiante pahnih chu thil ei pah in an ti ti zui a Lawmsanga nen erawh ngawi reng in thil kan ei hmiah hmiah.


"Ei man ka va pe a nge " Ti a Lawmsanga tho tur chu , " Ka lo pe ang" Riccoan lo ti in a tho zui nghal a, lawmsanga pawn hnial a tum zet a mahse a kal nghal daih sia dan hman a ni lo.

" A nih ka kalsan phawt ang che u" Pawn kan chhuah rual in Lawmsanga chuan a ti a.

"Aw, nakinah kan inhmu leh dawn nia" Ka ti a, bu zeuh in a kalsawn zui nghal a.

" Bawiha, kan tlai tep a nia" A thianpa pakhat in Ricco chu a bia a. An sirah ka lo ding ngawi reng, Ricco-a ka biak duh vang in ka lo ding ve reng.

" In be lawk ang" Ricco chu ka en a, min chhang lo in a thiante bul ah chuan " Lo va kal rawh u, kan rei lo ang" A ti leh a.

" Rei lo ula, nakinah chance chu in nei dawn nia" Ricco chu fiam zui in an bike dah na lam pan in an inkhalh chhuak nghal a.

"Enge? " A thiante tlan liam hnu chuan a ti thum dut a.

" Engtia rei nge ti hian kan awm reng dawn? Ka tih awmzia chu i bialnu lem a awm kher hi a ngai mi? , Lawmsanga lak ah pawh nuam ka ti lo" Ka sep a.

" Kha pa kha sawi tei vet reng suh " Ti hluk in a sir a bawm ruak lo awm chu a pet zui pawp a, kawng kal ho chuan min en duh hlawm khawp mai. A mah lah chuan min lo en tu ho chu engah mah ngai lo tih hriat zet hian a hnung chhawn hmiah.

" Ricco, hmun dangah sawi ang, mi in min en duh hlawm lutuk a nia" A banah vuan in ka va ti dam thuam a. Ka zak lutuk a ka kalsawn pui vat lo chuan a ai a zahthlak kan tawng lo ang tih pawh a sawi theih loh. Phun hluk chung in a kalsawn vut a, ka thil lei ho nen inkhai bawr tun chung in ka zui ve vat.

" A lem a in ngaihzawn ang a awm hi ka awm a nuam thei lo a " Dam deuh chuan ka ti a.

" A nih chuan a tak ang in ngai mai rawh" A ti awlsam et a, sawi tur pawh ka hre tawh lo.

"Sawi tur i nei tawh loh chuan kal ang" A rawn ti hmuk a.

" Khawiah?" ka lo ti vat.

"Ka thiante kal na ah khan " A tih zo chiah ,a phone a rawn ri a phun hluk in a chhang a.

" Kan lo kal tep" A tih a, a thiante a bia a nih ka ring ve tawp.

" Ka lo thleng a ni mai, min lo nghak ru" Tiin phone a dah a.

" Ka lo kal ve lo mai ang" A phone a kekawr ipte a dah zo chiah chu min rawn en a.

" A tha lawm.... Kha pa kha engkim ka hrilh a nga ni mai awm" Awlsam deuh in a ti mai a. Ka lo hlauthawng hman em em ringawt.

" Ka lo kal theilo a lawm, ka chhung ten chhuah an phallo" Hrethiam ngei se ti in ngen ngawl deuh in ka en a.

" I thu lawm" A ti leh ringawt a, tihngaih na chu vang duh tak a ni.

" ka lo kal ang , mahse hei hi inah dah phawt ka ngai" Ka thil lei ho chu ka khai kang a. Ner suk in min rawn laksak a a kal nal nal.

Kan in thlen hma in ka din tir a, " Nuteii dil phawt te ka ngai a nia" Ka chhuk rual in ka ti nghal a.

" Immm.... I rawn chhuah leh loh chuan ka rawn lut hreh lo a nia" A rawn tih zawm zat a. Chhang pawh ka chhang peih tawh lo ka lu ka bu ringawt, ka kal pah te chuan ka phun phei mawlh mawlh.

"I lo haw tawh a? " Choka a ka thil lei ho ka dah lai in a rawn lut a.

" Nute ka thian te in ah assignment kan ti ho dawn a " Inthlahrung tak chuan ka dil a, a phal erawh ka ring vak chuang lo.

"A hmanhmawh thlak viau a mi? " A tih chuan " Aw... Monday a submit tur a nia" Ka lo ti ve vat a.

" Va kal rawh, lo haw har lo a " Chawhmeh ho chu fridge-ah a rem mawlh mawlh a.

Ka room ah tlan chho vat in ka insiam nghal a assignment ti tur ang in ka insawi laklawh tawh bawk nen ka leather bag ah ka note pakhat ka ak ve mai a.

" Enge kha kha" A bul ka thlen rual in a lo tinghal, ka bag chu a tlek vung vung pah bawk.

" Ka nuteii bulah assignment ti tur ang in ka insawi a lawm, a nih loh chuan chhuah a phal dawn si lo a, nangmah vang in dawt ka sawi phah" Ka ti kha kha a, a lo nui suk thung, a nui hmel te pawh khi ka ngei hlur mai.

" A tha... I la sawi zeuh zeuh lo ang tih pawh a sawi theih loh, lo inring reng rawh " A bike seat beng zeuh in lawn tur in min signal nghal a. Hmui tipawrh vak in ka chuang ve mai.


" He lai hi maw kan kal na tur chu? " A lo chhuk ve rual chuan ka lo ti vat a , a bu ve mai. Ka rin loh daih in park ah kan kal ta daih a ,ka lawm deuh tho mai park ka kal loh na chin pawh ka hre tawh lo.

Park chhungah chuan lut in kan inzui phei a, awm an lo awm ve a, tam erawh an ni lo . Tui cheng mi pathum bawr vel an lo awm a inchhungah a then an awm a niang tawng nuah nuah thawm te pawh ka hria.

" Bawiha in va rei ve, tihtur ang chu kan tizo vek tawh, inphakar khawp mai, chance chu nakinah kan tih kha " A thian te keini ai a lo kal hmasa zawk te kha inchhung atang in an lo chhuak a. Kan bul an rawn thlen chuan zu rim ka hre nghal zat bawk.

" A ei thei tawh mi? " Ricco chuan a lo ti a.

" A ei theih a ni deuh tawh mai " Pakhat chuan a ti mai a.

"Inhmelhriattir na pawh kan la nei miah lo, Rinkima ka nia" Tiin a ban a rawn phar a"Melody " Tiin ka lo vuan ve vat bawk.

" Kei chu Vl-a " Pakhat chuan a kut a rawn phar leh a. Vla zawk hi chu Rinkima ang em em in a tawng duh lo in ka hria, Rinkima zawk hi chu ka hmuh hmasak ber atang khan a la tawng deuh char char in ka hria.

" Inhmuh loh na a va rei tawh ve" Kan sir piah deuh atang in hmeichhe sang lam ngo ving veng, hmeltha tak hi a kan lam pan in a rawn kal a. Ricco-a ka han en chho chuan chunu chu rum ul in a lo melh .

" Enge hetah i tih a " Kan bul a lo thlen rual in Ricco an a lo ti bung hmuk a, a hmelah chuan a lawm hmel teh chiam lo

" Lawm tu ka nei vak lo ni maw" Tiin a nui zui hak a.

" Tukin zing khan a lo thleng a " Rinkima chuan a lo ti vat a. Vla leh Rinkima chu an inthlahrung hmel khawp mai, an boruak chu a ni huih in ka hria, engtak chu an ni ho inkar ah hian thleng ang maw?.

' cindy hei hi Ricco-a bialnu" Rinkima chuan boruak tih zang khai tum ni awm tak hian a rawn ti a. Cindy-i chuan min en ren rawn hnu ah " Hma kan lo va sawn chak ve " Tiin Ricco chu a melh pah zeuh a, Ricco lah in hre lo ang hmak in lehlam a hawi hmak thung.

" Cindy ka nia, kan inhmu chu a lawmawm hle mai, sawi tur pawh kan la ngah dun maithei ni" Nuih sang pah in a ti a , a kut ka vawn tur in a a lo phar chhuah chu " Melody " Tiin ka lo vuan ve mai.

" Ka ang" Ti deuh hmuk in Ricco-a chuan min pawt sawn a, Cindy-i chuan min lo en zui in a nui zui suk.

"A na nia min thlah teh" Ka ban a vawn na chu ka vawn hnan a, a vuan pawh ni lo in a hmer in a hmer in ka hria . A thlah rual in ka tuai nghal vat a ,a sen tun thei!.

" A na viau em? " Inthiamlo deuh chuan min en a.

" Na e.. " Ti vak in kan piah deuh a tutna-ah chuan ka thu a. Ipik hmel deuh a thaw chhuak kawk in a rawn thu thla ve a.

" Enge hetah hian kan tih dawn a? " Ka kut la tui vut vut pah chuan ka zawt a.

" Chaw kan ei dawn" A lo ti mai a.

" Enga!! Chaw ei tur in ka lo kal lo, chaw ka ei ve hman lo, ka haw leh vat a ngai lawm" Ka ti zung zung a.

" Kha tia rik hluai kher a ngai lo " Tiin a kut pahnih a tukhumah a dah a.

"Cindy-i saw in thian ve tho a mi? A hmel tha e" Rinkima , Vla leh Cindy-i te din khawmna lam en pah chuan ka ti a.

" Hmel te hi chu hmanraw pakhat a lawm" A lo ti hmuk a.

" Bawiha lo phei lawk teh" Vla'n Ricco-a chu a rawn au a, phun hluk chung in a tho ve mai a. An din khawm na a a va ding ve chu ka en reng ringawt.

" Teh hlawl che chuan " Ka sir ah hmeichhe pakhat a lo thu ve a, ka en chian chuan hman zan party a ka hmuh nu kha a ni tih ka hrechhuak chiah sangpuii kha! Phawk tawk a ka en reng chu a lo nui suk.

" Nang maw? Enge hetah i tih ve a " Ka ti chuan ka zawhna atthlak zia ka hre chawp chilh nghal .

" Kan thian ho in chaw kan ei khawm dawn a " A lo ti mai a.

" A nih chuan nang hi Ricco-a bialnu an tih chu i ni maw? " A rawn ti leh a, za lo deuh in ka lo nui ringawt. Ricco-a bialnu ang a a thisn ten min ngai hi nuam ka ti chiah lo.

" Ih.. Thil ka zawt thei che ngem? " Ka tih chuan nui suk chung in a lu a bu nghat .

" Cindy leh Ricco-a inkarah hian thil thleng a awm a mi? Ka zawh tur che chu a ni miah lo a ; mahse Ricco sawn a ngeitheih loh hmel lutuk a " Ricco te din khawm na lam chu ka hawi pah a.

"A bialnu i nia min zawh tur tak pawh a nia lawm" A lo ti mai a , mahse a hmelah chuan a sawi chak hmel vak bik lo.

"Cindy saw Ricco-a first love a ni" A rawn tih chuan " A ni maw? " Ka lo ti vat.

" An tleirawl chhuah tir atangin an inngaizawng thin a , an chhungte ve ve pawh khan an duhpui a, Cindy-i Nu leh Ricco-a Nu hi best Friend an nia, an chhungte lam ve ve ah chuan harsat na an nei lo" A leh sup a.

" A nih ngati nge an inthen a " Ka lo ti vat.

" An inthen chhan chu a tam mai, a chhan deuh berah chuan Cindy'n nau a titla a " A rawn tih leh chuan ka meng phawk vak mai. Nau tihtlak maw?.

" Ricco-a fa maw? " Ka tih chuan lu a bu zeuh.

"Collage kha phai-ah an kal dun a, an pahnih in an cheng dun a, tah chuan Cindy hian Ricco-a fa a lo pai a , Cindy hian a hrilh lawk lo a , Ricco an a hriat ve chuan Cindy'n nau a lo titla fel tawh! " A thil sawi chuan min thawng a ni tawp mai ni.

" Nau a tih tlak avang khan Ricco-a chu a thinrim lutuk a chuta tang chuan an inkar a zau tial tial a ,mahse Ricco-a tan a first love a ni bawk nen a ngaidam leh mai a ,mahse a hnu ah Cindy bawk in a phatsan zeuh zeuh tan ta a, Ricco-a pawn chu chu a hre reng mahse mi sawi a hriat chauh a nih avang in a awih lem lo. vawikhat chu a Cindy-i nawmsam loh vang in collage a kal lo a Ricco-a chuan a ngaihtuah deuh avangin class pawh kal tluan lo in a haw a.

In a thlen a an room a luh chuan Cindy-i leh mipa pakhat lo mu dun lai a phawk ta a, chuta tang chuan an buai a , a keh chhe vek a ni mai. A nun a khawlo tan a zu a in nasa a , engmah hrelo a a khawlai a a chahthlak chang la a tam mai.

A nu leh pa in a awmdan an lo hria a Mizoram lamah collage zawm tur in an hruai chho daih a lawm" A sawi zawh chuan za lo deuh in a nui pah suk. Ricco-a chu ka en ngawt ngawt a ka khawngaih phak chu ni lo mah se ka khawngaih thar riau mai.

" A nih an chhung ten engtin nge an tih? " Ka ti leh nghal a.

" Ricco-a chung ten an in kar buai na engmah an hrelo" A chungten an hre lo chu mak ka ti ang reng. Ricco-a kan lam pan in thinrim tih hriat tak hian a rawn phei a , kan thusawi hi a lo hria ta maw ka ti rilru hman.

" Kal ang" Ka ban ah vuan in min pawt tho nghal a. A rawn chet teh tawp dan chuan min ti hamhaih ang reng.

" Bialnnu hmeltha deuh i nei a i inzep thei khawp mai"sangpuii chuan a lo fiam zeuh a, chang lo in min pawt sawn nghal hmak.

" A tawp ah kei mah ah bak i rawn kir leh chuang lo ang " Cindy-i te din na kan pelh chiah in Cindy in a lo ti vin vak a. Rinkima leh Vl'n an ngawi tur in an lo ti vat. Ricco-a erawh in min kalpui hmiah hmiah.

" Chuang rawh haw hma i ngaih kha" Dam deuh hian a ti a. A hmelah chuan insum a tum nasa viau mai.


* An inngaizawng tep tawh a nia. Lo ngak hram hram ru😆


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 7th, 2022, 4:44 pm

SO FAR AWAY


chapter-10💫


By
Melis Hmar


Kan in thlen hma deuh in ka din tir leh a. Ka phone ka en chuan dar 4 a ri thuak tawh, " Tinge tah hian min din tir ve zia a " Tih pah in a helmet a la thla a.

"Ka chhung ten an hmu thei lo che lawm" Ka ti hap a. A then zui sak.

"A nih ka kal, min thlah avang in ka lawm e " Kal tum a ka inher chuan ka ban ah a lo vuan a ka phu zawk, ka thin a phu vak vak a, ka dik lo nghal ve thei. Tinge hepa bul a ka awm hian mak deuh deuh a ka awm tak mai le?.

" Lawmsanga kha i duh viau a mi? " Thu tak deuh hian a ti a.

"Tinge chu chu min zawh tak thut a? " Za lo deuh in ka nui a.

" Ka Zawhna chiah kha min chhang rawh" A ti bung hmuk a.

" Ka mipa duh ve hmasak ber a nia, ka hrelo... Ka hrethiam lo" Ka ti kual vak a. Han chhan dan mai tur ka hrelo, star ka neih ve hmasak ber a nia, ka duh viau leh viau loh pawh ka hrethiam bik lo.

"Ka hrethiam" A ti awlsam leh et a. Chutia kan lo din lai tak chuan ka patea car in min rawn tlanpel ta mai! Kan in kawt a car a dah a a lo chhuah chuan kan lam chu a rawn thlir a a hmelah chuan a thinrim hmel ngang mai.

" Ka kal a ngai, ka patea " Ka chi ai nghal vek. Ka kal tur ka ban ah a rawn vuan leh.

" Enge? " Hlauthawng deuh in ka lo ti leh ka hmanhmawh tawh bawk nen.

" Thil dik lo a awm mi? " Tiin min melh ran a.

"Ka haw vat a ngai, ka pate'n min hmu " Ka tih chuan a hrethiam ve deuh a niang min thlah a, hmanhmawh zet in ka tlan haw nghal hnak hnak. Ngaihzawng lamah hi chuan ka patea hi a strick lutuk. Nuni tak ngial pawh mipa thian neih a phallo.


In chhung ka luh chuan a lo reh thuap mai. Ka roomah chho mai ka tum chu, " Lalhlimpui! " Ka patean sitting room atangin a rawn ti fin thawt. Ka phu chiang lutuk. Kan thawmah ka nuteii pawh room atangin a rawn chhuak vat bawk.

" Enge a? " Tiin ka patea nen chuan min en tawn zak zak a.

"Tu nge kha pa kha? " Ka patea chuan a ti chang rat a.

"Ka... Ka.. Thianpa" Ka ti bah nak, hlauthawng tawh nen phei chuan ka tim sung sung thei.

"Ka thianpa a...." Ngeiawm lam lek lek hian a ti zui a.

"Tinge melo, i thisnte in ah assignment in ti a ni lawm ni? " Nuteii chuan hriatthiam loh hmel deuh hian min en a. Ka tah a chhuak et et tawh.

"Assignment a.....?, mipa nen a nih kha an lo awm lai ka hmuh, khaw en lai lehnghal in" Ka patea bawk in a rawn ti leh hrawk a.

"I nuteii dawt te i lo hrilh vel a, Lalhlimpui hetiang hian ka enkawl che mi?, a lang lo hian i khaw lo riau mai, nizanah pawh khapa nen a in chhuah lai kha ka hmu vek che u" A tih leh chuan ka lo meng zau kawk thei. Hruaii party na a kan kal kha min hmu maw?.

" Melo nizanah i lo chhuak a ni maw? In ah i awm reng tur ah ka ngai a " Ka nuteii pawh a aw ah chuan mak a ti tih hai rual a ni lo.

"Pate ka tihpalh, ka ti tawh lo ang" Ka tap lek lek tawh.

"A tawp na ni rawh se, a lehpek a awm a nih chuan, ka thil yih tur ka sawi lawk thei lo " Ti nghet charh in room ah a lut a. Nutei in ka room a chho tur a min tih chuan ka chho ve nghal mai a.

Ka room a ka luh dawn chuan Nuni a room kawngka bul a a lo ding reng ka hmu a, lut mai lo chuan rum tawp in ka melh a, nizan ka chhuah chungchang kha a ma hrilh bak hi a ni lo ang.

" Enge, kha tia min melh vak a " Tawng lo a ka melh tak reng ah chuan a rawn ti a.

" Ka patea kha i hrilh tiraw? " Ka ti kha kha a.

"Ringawt a che, hrilh na hun pawh a law awm loh hi. Tukin zingah pawh in hnuaiah ka rawn chhuk hnuhnung ber a. Ka hriat loh in office a kal daih a, hrilh na hman pawh a awm lo" A ti hlak hlak a. Ka la awih chuang lo.


"I duh chuan i hrilh thei a lawm, min huat zia pawh kan hrechiang " Za lo deuh a nuih pah in ka ti let leh ngat a.

" I duh duh dan in ngai rawh, i ngaih ang em em a rilru chhiah chu ka ni bik lo a nia. Ka lo hrilh zawk lo a ni " A ti vin vak a, chhang lo in ka room ah ka luh san hmiah.

Ka room ka luh rual in ipik tawk in ka thaw chhuak kawk. Ka phone ka kut a ka hum reng chu a rawn ri a ka en chuan Ricco-a hming ka hmu nghal zat, chhang lo in ka off hmak, tunah rih chuan tumah biak ka peih rih lo.

Chaw ei tur in inhnuaiah ka chhuk a ka ei chak lem lo, mahse nuteiin min rawn koh tak reng ah chuan ka chhuk ta nge nge a, step a ka kal lai mek in patea tawng ka hre pha a, " A tir khan lo enkawl lo tawp ila tha tur, a nu te lam ho tu emaw tal dam lo zawng ila lo dah daih ila tha tur " A ti zui kha kha a. Ka chungchang a sawi tih a thusawi ah chuan ka hrethiam mai. A tawng ring em em lo mahse ka hrechiang ngang mai.


Ka mittui chu a rawn far fap a. Ka patea tawng dan khan ka rilru a ti na em a ni. Ka pa te lam ah chuan ka patea chiah hi a dam tawh a, ka nu te lam ve thawng ah chuan dam an awm tawh lo an fa te ho erawh chu dam an la awm fur a mahse an ni ho nen chuan kan inbe pawh ngai lem lo.

"Chaw kan ei dawn, lo kal rawh" Chho leh tum a ka in her mek lai in Nuni choka atang a rawn chhuak in a rawn ti a. A pa thusawi kha ka hria tih a hrethiam a niang a rawn tawng pangai ve khawp mai. A hmuh loh tur in ka mittui ka hru zeuh a pangai thei ang ber a lan tum in ka insiam rem vat.

Chaw kan ei lai chuan tumah kan tawng lo Nuni tak ngial pawh, boruak chu a ni huih mai. Kan ei na vel ka tihfel zawh in ka room ah ka inkhung leh nghal a. Lehkha zir pawh rilru ah a lang thei lo .

"I note ka lo hmang " Tun tum chu kawngka pawh pangai deuh in a rawn hawng ve teh mial a. Ka note chu ka pe nghal a melh pawh ka melh chuang lo.

"I la thinrim mi ? Ka pa kha ka hrilh emaw i ti tak tak a mi a? , ka hrilh lo ka tih mawlh mawlh kha" Kal mai tur a a inher tawh chu a rawn ti leh a.

"Ka thinrim lo" Ka ti tawi tak.

"Ngaihzawng nei suh ka ti lo che mahse Ricco-a hi hnaih suh " A ti leh sup a, a mah chu ka en chho vat.

" Ti maw? Engvang chuan nge ka hnaih theih loh bik a nga? " Ka ti hmuk. Ka hnaih thei lo ti a an sawi ziah bik hi ka hne.

" Ka huat vang che a sawi ka ni lo nia.I hriat kha keipawn ka duh thin , mahse kan dinhmun a inthlau lutuk tih ka hria a chuvang chuan ka bansan a. Ka hmusit vang che ni lo in , ngaihtuah rawh kei ai in i dinhmun a la chhe leh chhawng a nia , nakinah harsat na in la tawk dawn chauh, an chhungkua leh i chungkua kha khai khin teh. A ni chuan chhungkaw hlun tak tak hmelhriat a nei a, nang in enge i neih ve " A ti leh a. A sawi ang in min huat vang a sawi a ni lo a ka ngai haw lem lo. A thilsawi zawng zawng ah khan dawt engmah a awm lo bawk.

"Harsat na tawk lo an awm hlei nem" Ka ti let tho. Ka dinhmun chhiat zia ka hriat chiang em vangin ka lung a awi lo ni ber in ka hria.

"A kawi zawng in la lo teh " A rawn ti leh a. A aw ah chuan ka awmdan vangin a beidawng hmel ngang mai .

"A nih engti zawng in nge ka lak dawn? Tun a ka dinhmun hi ka duh vang a nei ka ni bik a mi? Chhungkaw hausa tak nei te chu ka duh ve lawm, ka dinhmun hniam bik zia min hrilh reng avang hian a that phah lo" Ka thutna atang a ding chhuak in ka ti tan tan a. Ka mittui pawh ka dang seng lo. Ngawireng in min en tawp.


"Nuni, ka hre ve tho a lawm ka hnaih tur leh ka hnaih loh tur ho te chu, keipawn ka dinhmun ka hriat chiang em avangin ka in veng ve nasa sin, mahse maw kha Ricco-a kha kan inkarah engmah a awm loh chung pawh in ka biak hlek emaw ,min biak hlek chuan thil rapthlak tak tisual tu ang mai in ka hnaih ve theih loh thu an sawi reng a. Keipawn engtik lai mah in hnaih ka tum ngai bik lo , mahse a mak lutuk a ni kha ka hnaih apiang in nasa tak in ka thin a phu a, ka danglam vek zel, chutiang chu achhan pawh ka hrelo" Ka sawi zawh rual in ka thaw chhuak nghal kawk. Tap deuh pur a sawi ka ni bawk nen ka hah vek thei. Ka thilsawi chu a awmzia pawh ka hrethiam neih nuai tawh lo.

"Melo.... " A ti hap a. Min khawngaih hmel tawk in min en ngawt ngawt.

" Ricco-a i hnaih chang a piang a i thin phut vak vak chhan te, i danglam vek chan te kha i hre duh em? " A ti chuan, ka lu ka bu nghat.

" Achhan chu Ricco hi i duh! " A thu rawn sawi chuan min thawng khawp mai. Kei hian Ricco kha ka duh maw? Awihawm loh lutuk.

" Awihawm loh lutuk, midang duh ka nei a lawm" Za lo zet in ka nui zui hawk.

" A nih i duh pa chu, i hmuh chang apiang te, a mah i hnaih chang apiang te in, Ricco-a i hnaih chang apiang a i thin a phut vak zel ang khan a phu ve em?" A tih leh chuak ka ngaihtuah a, Lawmsanga ka hmuh chang a piang a ka thin a phut vak vak ka hre ngai lo a, ka danglam vak pawh ka hre bawk lo, mahse ka hmuh chang apiang in ka hahdam thin tih chiah ka hria.

" I duh tih i pawm ngam lo a nih kha" Ka ngawi reng tak ah chuan a rawn ti leh a . Ka la awih chuang lo.

"Chhuak tawh rawh, mut ka duh " Ka khum ah lawn in ka inkhuh nghal a. A chhuak ve mai a niang kawngka khar ri ka hre nghal. Rizai hnuaiah chuan ka meng kar a ka ngaihtuah tur ber pawh ka hrelo ka ngaihtuah na a buai vek.

Ka khum bul dawhkan a ka phone dah a rawn rik chuan ka ban vat a, ka en chuan Ricco-a hming bawk ka hmu chhang lo in ka off leh hmak. Rei vak lo ah a rawn ri leh a ka ning lutuk chu ka la ta nge nge.

"Aw" Ka ti deuh tawp.

"Tinge call i chhan duh lo a" A rawn tih chuan," Ka buai deuh a " Ka ti tawp. Nuni thilsawi avang khan ka be tui lo vek thei. Hepa hi ka duh ang maw? Thil awihawn loh tak a ni.

" I tukverah khan lo dak teh" A tih leh chuan tho in ka tukverah ka va dak ve mai a. Kan in thlen hma thingkung buk hnuai thim laiah chuan a phone ti eng in a ban a lo vai lauh lauh a. A awmdan chu a mah nen a inhmeh lo lutuk a ka nui chhuak hawk.

" Enge i tih a? Haw rawh" Ka ti leh sep a.

"I patea khan a hau che em? " A rawn ti daih.

" Aih.... Enge min hauh ringawt a nga" Ka nui lui suk.

" Ka mu tawh dawn, nangpawh haw rawh " A rawn tawng leh hma chuan ka off a tukverh ka khar hmak bawk.


Ka mut meng kar lai chuan ka room tukver a rawn inkik kharh kharh a, ka thu chhuak rang khawp mai, misual a nih ring in ka hlauthawng hman lutuk. Hanger ka hmuh remchang ber chu la in zawi muang in tukverh lam ka pan a. Parda ka hawng chiah chu tukverh pawn lamah Ricco a lo ding vang mai! Tukverh ka hawn rual chuan a lo then suk a, mak ti tawk in a mah chu ka melh ngawt ngawt.

" Thlarau hmu te pawh i ang a lawm" Tih pah in a rawn lut nghal a. Harhchhuak thut a a mah ka va en chuan ka khum ah a lo thu fel der tawh!.

" Enge i lo tih? " A hma ah chuan ka ding hnai a . Ka din hnaih rual in zu riam a hnam huam bawk.

" Ka lo leng" Ti awlsam et in ka room a melh kual pah.

" Tunah len hun pawh a nih tawh loh hi, haw rawh, mut ka duh" Ka ti leh chuan " Mut i duh tak tak maw?, i hmelah chuan mut chhuak hmel pawh a va lang si lo ve" Tifuh inti zet in a mit ko a san ak.

" I patea khan a hau che tiraw? " A rawn ti leh a.

" Hau lo ka tih kha " A mah en lem lo chuan ka chhang a.

" A nih ti nge i mit kha a sen vek a? " A mah ka en chuan chik deuh in min lo melh .

"Sahbawn ka ti lut palh a" Ka ti daih a. Ka kalsawn tur chu ka banah a lo man chat.

" Dawt sawi i thiam lo khawp mai" Tiin a ner zui suk a.

" I awih tur in ka sawi kher lo" Ka ti deuh hmuk a. Ka ban lak hran ka tum chu ai nget in a vuan hmiah. Rawn ding kang in a thlah a kan in awm hnaih chiah chuan ka thin a phu nasa leh tawh lutuk. Kalsawn ka tum chuan min lo dang in bangah min nawr bet nghal hmiah!.

" Tinge i hlim lo hmel ka hmuh hian ka lo hlim loh ve zel thin le? " A tawng a ring lo mahse kan inawm hnaih em a ka tan chuan a ring khawk mai.

"Ka hre nang eng min zawh daih" Tiin hmun dang ka melh daih.

" Ka biak lai che chuan kei mah chiah min en rawh? " Thupe aw deuh in a ti leh a. Ka biang tawn tawnah vuan in a mah en thei tur in min kui her a.

" I hmeltha lutuk" Mawi deuh in a nui Zui suk a. Enge maw a hriat ni.

" I rui a nih kha, haw rawh" Ka tihsan hmiah.

" Ka rui lo" Tiin a kiai suk.

" Zu rim i nam a lawm" Ka tih leh chuan " Ka in a mahse ka rui lo " A ti bung nghut a. Keimah min en tawh lo in ka hmui ringawt a melh leh tawh. A kut pahnih pawh ka biangah an la awm reng.

Zawimuang in a rawn kun hniam a, ka hmui chu a rawn tawk de de a. Ka lo ding khawng at . Ka hmui si reng si in a nui suk a, a thaw lum vang vang chuan min fan hneh tak a ni . Ka thin pawh a chhuak dawn emaw tih tur khawp in a phu rang leh tawh! .

A hmui chu zawi muang in a rawn chet a, min tihnat hlauh hmel tak in a che chu a dam thluam mai. Chet nachang pawh ka hre lo. Ka dawh mawl tawp, mahse a che chu a tawp chuang lo. Ka hriat loh lai in ka hmui ka lo ti che zeuh a ,chu chuan remchangah la in a rawn che uar sawt . A rawn chet uar sawt takah chuan ka mumallo tan a ka thiam ang tawk tawk in ka lo chhang let ve hmiah hmiah! .

A kut chu ka biang atang a sawn thla in ka mawngah a tham tawk a, ka thaw chhuak kawk ,mahse a tawp chuang lo. A kut chu a sawn thla leh a ka kekawr bul hak in a khuh loh chin ka malah chuan muangchang in a zut thla a, ka thawk a ti rang nghal vek thei. Kan awm dan hi thil dik a ni lo tih chu ka hria mahse ka tawp thei lo min thunun hneh lutuk.

Ka mal pahnih chu chawi kan in a kangah min kherh beh tir rual in min rawn hnaih leh zual sawt. Ka ban pahnih chu man kawp in chung lam ah a kut pakhat in bangah a vawn hnan hmiah bawk. Min fawh na atang a inla hrang in ka nghawkah a insawn thla a ka mit chhing in ka thaw chhuak nghal kawk bawk. Ka nghawng chu a hne dek dek hi ka ti mai, a chang in a rawn thip leh zawk thin.

A kut pakhat zawk chuan ka mal atang in a rawn zut chho leh a. Ka kawr chhung a zen luh dawn chuan ka inlahrang dawn tih hria ni awm tak in ka hmuiah a rawn fawp leh hmiah a. Ka thluak a ti nu leh vek tawh. Ka kawrah chuan zen lut in ka dul ah te chuan a zut kual a, a kut chu rawn sawn chho zel in ka hnute a khawih fuh rual chiah chuan har zawk in ka inla hrang deuh a.

Hriatthiam lo hmel deuh a min en chuan " Kan tawp a ngai " Ka ti chhuak thei hram. Ka thinphu pawh a la mumal lo. Zawimuang in min dah thla a. Kan awm dan ka ngaihtuah let in zahpui awm ka inti hluah hluah.


"Tun a mi kha a thleng lo ang in ngai rawh" Ka kawr siam tha thuak in ka ti nghal sep.

" Thleng lo ang in ka ngai ang maw? " A rawn ti hmuk ka hnung chhawn avangin a hmel awm dan ka hmu theilo.

" I duh dan ang chuan le.. " Ngeiawm deuh a nui pah a. Min rawn kal pel in a rawn luhna lam tukver chu a pan a, rawn hawi let lo in a chhuak hmak.

Ka sam tuai thuak in ka thawchhuak nghal kawk a. Ka thinphu la pangai theilo chu ka dawn vang vang bawk. Rei tak ka din hnu chuan tukverh chu khar in ka mu . Tun lawk a thil thleng chiah avang khan mutthilh chu har tak a ni.

.
.
.

Sunday a nih avangin Nuni nen inkhawm tur in kan kal rual a, nuteii leh patea erawh chu an rawn la chhuak ve lo , puipuia chu naupangah a la inkhawm avangin a ni chu a kal daih tawh thung.

Nizan ka mu tha lo bawk nen thusawi chhung zawng chuan ka muthlu a tih theih ang. Kan inkhawm ban chuan kan pastor in min lo be kawi a.Nuni chu hawlo a chawhnu ka inkhawm nghal mai dawn vangin min lo va hawsan tur in ka ti a.

"Tun lai i dam tha maw? , in hmuh a va khat ve" Pastor chuan a lo ti luam a.

" Dam e.. In dam tlang zawk maw? " Ka ti let var a.

" Dam a ni mai... Kan naute hi tunlai chu a hritlang reng mai a " A ti leh mai a. Kan inbiak lai in an nu pawh naupawm chung in a rawn phei ve chiah bawk.

" Melo-i chu in hmuh a va khat ve " Kan bul a rawn thlen rual in a rawn ti ve leh a .

" Nia... " Tiin ka nui tawi tak.

" I lo leng duh tawh lo lutuk a " A ti leh hluai a.

" Class ka kal leh tawh sia ka hman thei meuh lo" Ka ti zang vah a. Kan pastor te nen hian kan in hre tha ve a. An in ah hian ka leng lut ve nasa a, an nupa an fel in biak an nuam bawk si kan in mi hran lem lo.

"Amos-a chu i lo damlo mi a? " A nupui u zopuin a a nau pawm chu a lu ah ka chul a. A awm a nuam zan lo tih hriat tak in a nu chu kuah in a awm hle hle.

" A hritlang reh theilo lutuk hi a buaithlak a ni. A mah a ti harh vang lo vek. Bawiha hei au melo-i ...." Ti leh zat in a nau pawm chu a bia a. Pastor chu kan kohran Upa ho nen ti ti in min kalsan a. U zopui nen kan lo ti ti ve thung a.

U zopuii nen chuan eng eng emaa sawi in kan ti ti tui ta phian a. Chawhnu inkhawm dar a rik chuan luh mai tum a kan in tihtuah lai in ka phone a rawn ri a. Ka u HOME awmna a nih vangin u zopuii chu min lo va luhsan mai tur in ka ti a.

" Hello.. " Kalsawn deuh in phone chu ka chhang a.

" Lalnunzira chhungte i ni em? " A tih chuan ka nih thu in ka lo chhang vat a.

"A damlo a, tu emaw ber in lo kal thei a ngem? Nizanah thi in a luak a. A dam loh na hi kar khat vel a ni tawh a, hrilh lo tur che in min ti a, mahse hre ve hrim hrim ula ka tia ka rawn hrilh hre ve che u a nih hi " A thaw rawn sawi chuan min thawng nang mai. Thla hmasa thla tawp khan ka kan zo chiah a, a hrisel in na nei hmel a pu bawk si lo. Ka chi ai nghal vek. Hmanhmawh lutuk in biak in atangin ka tlan chhuak a.

Pheikhawk sang ka bun bawk nen kal chu sawt lo tak a ni, taxi han phar mai tur ka zawng a vang phian leh nghal. Hmanhmawh deuh a ka tlan hlawk hlawk lai chuan bike pakhat hian chak tawk in min rawn tlan pel a, tunge a nih tih pawh ka ngaihtuah hman lo.

Ka tlan lai chuan ka sir ah bike a rawn ding leh a " Rawn chuang rawh " A helmet chhan ah chuan a rawn au a. Chhang lo in ka tlansan leh hmiah.

"Lo chuang mai mai teh" Ka hma zawnah tak a rawn ding a. Ka ding chiang khawp mai. A helmet a lathla a Ricco-a bawk a ni.

"Lo chuang rawh ka lo thlah ang che " A ti leh mai a. Taxi a awm lo bawk nen in thlah tir ila tha dawn riau in ka hre ta a.

Ka chuan rual chuan ka u te HOME awm na chu ka sawi nghal a, " Enge i tih dawn" Tlan chhuak mai lo chuan a rawn ti leh a. Ka hmanhmawh tawh bawk si chu " Kal vat mai teh " Ka ti teu hlar tawh. Min chhang zui tawh lo in a tlan chhuak ve mai a.

Thui pawh kan la kal hma in ka patea car nen kan intawk leh a, min melh no lo khawp mai. Chulam ka ngaihtuah hman lo, ka u chung ah thil thalo a thleng ang tih mawlh a ni ka hlauh chu.

A hmun kan thlen chuan hmanhmawh tawk in ka tlan lut a, Ricco-a min biak na pawh ka chhang hman tawh lo.


Counter a lo awm te bulah chuan ka u hming sawi in ka hmuh duh thu ka sawi nghal a. Lo nghak lok tur a min hrilh hnu in phone ah tu emaw a be nghal a.

" U... " Ka u ka hmuh rual chuan ka lo ti tiau nghal.

"Hey... Hey..., nula i nih tawh kha" Ka bul a rawn thlen rual in a rawn ti nghal a. Pawnah thu dun in kan ti ti a.

" Tinge i damlo tih i sawi miah loh a? " Chhuah chhal aw lek lek chuan ka ti a.

"Damlo satliah a lawm han serious em em a ni lo" A ti liam puat a . A tir khan ka hlauthawng hman lutuk a mahse ka rin ain in ka hmu tha phian.

" Nizanah pawh thi in i luak a... " Ka tih leh chuan, " An lo hrilh ce ni maw, hrilh lo tur che khan ka ti sia" A mah chuan a phun bul bul a.

"Min lo hrilh lo se chuan i damlo tih pawh ka hre dawn miah lo tihna nia... " A mah chu ngei lutuk in ka melh ngawt ngawt, a lo la nui mai mai thung.

"Nimin tlai ah sa kan hmeh a ka ei sual a lawm, chhan dang vak a awm lo, a ho em a lawm" A tih leh chuan, ka thaw huai thei.

" I va nalh ve, i inkhawm a mi? " Tiin min thlek vung vung a.

" Imm... Chawhnu inkhawm ka tum leh chiah a min lo call sia hmanhmawh tawk in ka lo kal nghal" Ka ti ve mai a.

" Ka patea te an dam em? An fel em? " A ti zawm leh zat a.

" Imm... Dam e... An fel lutuk" Ka ti ban charh. Nizan chaw ei dawn a ka patea thusawi ka hrechhuak nghal zawk bawk.

"Fel deuh in awm la, an thu kha awih hle ang che" A ti chuan ka bu ringawt.

"U ka nu leh pa te i ngai ve thin em? Nang phei chu ka nu kha i hmu hman bik sia " Kan hma a ral lehlam chu ka thir pah a.

"Immm" A ti ringawt a, " Ka nu nen chuan in in ang lutuk" Tiin a nui zui leh a. Hman atang tawk a ka nu ka sawi chhuah chang apaing a a sawi thin a ni.

"U collage ka zawh hunah chuan kan pahnih in cheng dun tawh ila hna te ka zawng a nga" Ka hma lam melh run pah chuan ka ti sep a.

"I lo puitling tawh hle mai, mahni a hna thawh te i rilruk vel tawh a nia" Ka biang ah a piai zeuh a, ka lo ner nawk thung.

" Kei chu heta awm hi ka tan a tha ber, nang pawh ka patea te bulah awm la ka hahdam a ni mai" A ti zawi sup a. Ka u ka khawngaih lutuk chu a hmuh loh tur in sir lam ka hawi a ka mittui ka hru zeuh. HOME a a awm atangin a mah hi a inthlahrung em em a, phurtit angah a in ngai tlat zel.

" Sawi i thianpa mi? " Kan sir lam gate bul a Ricco-a bike ngeng chung a phone a lo hman na lam chu a melh vung vung a.

"Immm.. "

" Thian chauh maw? " Tiin a mit ko a kan ak a. Min ti lai vek thei.

" Aw... Thian chauh" Ka ti hluai a.

" I lo puitling tawh khawp mai. Hman ni lawk kha chuan zun te kha i la cheh sia " Tiin min fiam zui zat a. Ka lo teu hlar ringawt.

In biak hun a zawh tawh thu an rawn sawi chuan ka u nen pawh kan tho vat a, " In enkawl tha rawh aw... Chak tak a i awm a ngai nia " Ka dar ah chuan vuan in min theihnghilh hlau ni awm fahran hian chiang deuh in min en vang vang a.


A luh hnu chuan Ricco-a lo awm na lam ka pan a, ka kal lai pawh chuan phone a lo la bia. A inkhawm ve a ni ngei ang coat suit dum nen a induang zaih a, a piang a dik bawk a inhmeh tak a ni, ka kalpah chuan a mah en chung chuang ka khi phei leh vur vur thin.

" A va hlimawm awm vur vur ve " A beng a a phone ngaithla reng chung in a bul ka thlen rual chuan a lo ti a. Ka nui tawp chiang khawp mai.

" Nangmah ka ti lo che" A phone chu a be leh nghal a. A phone biak zawh hma chu a bulah ka lo ding ve ran a.

" Enge i tih a? " A phone a be zo chu min en pah in a ti nghal sup.

"Ka u ka hmu lawk a " Ka tih chuan engmah min zawt zui tawh lem lo. A bike bawk chuan kan inphur chhuak leh a, kan in thlen hma bawk chuan ka din tir leh a.

" Nizan kha..... " Ka kal mai tur chu ding leh rih in ka ti leh. Nizan vang khan ka awm a nuam thei thlawt lo.

"Engah mah ngai suh" A lo ti sam et. Kalsawn mai lo in ka la ding reng.

" Chu chu i duh dan a ni lawm ni" Ka mit ah tak en chung in a ti leh a. Ka lu ka bu ringawt, ka duh dan tak chu ni mahse ka awm a nawm loh phah chuan hauh lo. In chhung ka luh chuan tumah an lo awm lo. Ka room a chho ka tum lai mek in nuteii te nupa an lo haw ve chiah bawk.

"Lalhlimpui, lo kal teh! " Ka pate'n chang rawt a ti in sitting room lam a pan vut a. Ricco nen kan inphur lai min hmuh kha ka hre chhuak chiah. Ka hlauthawng leh nghal vek tawh.

"Enge ka sawi kha" A bul ka thlen rual a tih pah in ka biang a ri nghal sawk.ka lu a hai nghal muai muai thei.

"Tha deuh khan sawi rawh, kut thawh hmasa thin suh" Nuteiin a lo ti vat.

" Tha deuh in Niminah ka sawi tawh a, a zawm duh lo a nih hi" A ti leh nghut a, ka mittui a lung nghal zung zung bawk.

"Mi i van tizak tak, chawhnu inkhawn lo in khawiah nge khapa nen khan infawr kual a " A ti kharh kharh a.

"Ka u a damloh thu min rawn hrilh a, hmu tur in ka kal" Ka ti lawi rat a.

" I u kha chhuanlam ah hmang suh" A ti vin vak.

" Ka ti tak tak, ka u hmu tur bak in kan kal lo" Dawt ka sawi lo tih a hriat nan a mit ah ka en melh lui ve ngat, mahse chu chu a hmu lo der ni mai in ka hria.

" Mipa i duh viau a nih chuan, a tha e.... I buangrua nen chhuak rawh, i duh duh dan in i awm dawn nia" A ti chang rat a.

" Patea ka tihpalh, khawngaih in min chhuah tir suh" A banah chuan tap hawm hawm chungin ka vuan a, mahse ka ban a lo vei per lawp.

" Niminah ka hril lawk tawh che a, i zawm duh lo a. Ka thu awih lo tu chu ka chen pui reng peih lo. Lalnunmawi a thawmhnaw ho kha han khung khawm rawh" Ti zawn zat in Nuni inchung pan na step bul a lo ding ngawi reng chu a melh a.

" Pate khawngaih in" Ka ti leh a. Min chhang lo in, " Lalnunmawi ka sawi chu i hria em? " A ti vin leh hrawk a. Nuni pawh a phu zawk thei ,a vawikhat vin na a nia, a hmelah chuan a ham hai hmel tak zet.

Muangchang a step ah pen chho pah in min khawngaih hmel tak hian min rawn en a. A ni pawn tihtheih a nei bik vak lo, a hmelah chuan a pa chu a hlauh zia a hriat theih.

" I bungrua nen khan chhuak rawh " Nuni ka bungrua nen a rawn thlen chuan a ti nghut a. Patea a tawng leh tur chiah chu kawngka an rawn kik avangin a tawp leh rih.

"Nangpa kha enge i rawn tih? " A ti vin that a. Kawngka lam ka hawi vat bawk. Ricco-a lo ding vang mai ka hmuh chuan ka meng phawk vak. A haw daih tawh tur ah ka ngai a. Phawk tawk a ka en reng lai chuan min rawn melh fu ve chiah bawk. A hmel chu a chang rat a, enge a ngaihtuah ka hrethiam mai lo.

"Melody ka rawn hruai dawn" Ricco-a chuan a ti hmuk a. Ka patea pawh tawngkam mawi in a be lo a a ni pawn zahna a lantir bik chuang lo.

"Nasa dun lutuk..... " Patea chu a phun zui suk a.

" Hruai la kal vang vang rawh u" A ti hlak hlak a.

" Ka hruai ang, i phalna thlap in " Zah pah vak lo deuh in Ricco-a chuan a chhang leh a. Ka luggage chu ban in ka ban ah a rawn vuan a , " Kal ang" A rawn ti hmuk. Ka kut chu ka la sawn vat.

" Pate ti hian ti suh, khawngaih in min chhuah tir suh" Ka Patea chu ka ngen leh a . Ka banah vuan in kawngka pui lam ah chuan min pawt kal dawr dawr a. Kawngka hawng in a theh in min theh chhuak nghal, ka luggage pawh a rawn dah chhuak a, Ricco-a pawh a rawn chhuah tir ve nghal zat bawk. Kawngka chu a khar zui hmiak.

"Pate... " Ka thutna atang a tho in kawngka ah chuan ka beng a, ka tap hawm hawm bawk. Khaw en lai mah nise ka zak lem lo.

" A tawk" Thaw chhuak hrawih pah in ka banah a rawn vuan a.

"Aih... Ka patea ka nghak dawn" Ka la ti ve tlat.

" I hmu thiam lo mi? An duh tawh lo che nih kha. Chhuah pangai pawn an chhuah tir lo che hi ,ran ang mai in a theh in a nih hi an theh chhuah che" A ti hrawih. A hmel ah chuan a thin a rim hmel ngang mai.

"A nih khawiah nge ka kal chuan ang, an ni lo hi tumah belh tur ka nei lo. Nang ang in duh duh hun a chhungte belh tur ka nei ve lo" Ka ti let nghek a.

"Ka inah khan i awm thei ang" A rawn tih leh chuan za lo zet in ka nui chhuak hawk.

" Belh tur dang ka neih loh vang hian min khawngaih mi?. Ni e.... Ka khawngaih thlak awm a ni tiraw? " Nuih uar uar pah in ka ti chhuak a. Ka nuih erawh a za hauh lo.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 7th, 2022, 4:44 pm

SO FAR AWAY

chapter-11💫

By
Melis Hmar


*Ka check hman thlawt lo , a dik lo lai chu inchhiar pah khan lo siamtha zel mai ru .


Ka awmdan chu a ngaihna hre lo zet in min en tawp. Kawngkhar kik tum a ka kut ka phar leh tur chiah chu a lo man chat a. ka min pawt her sawk in ka luggage keng chung chuan min pawt kal nghal dawr dawr a. A bike ah lawn in, "chuang rawh" a ti nghut a. Chhang lo in ka ngawi reng a, ka che sawn hek lo.

" Duh lo a an hnawh chhuah hnuah che pawh an la biak che i la beisei a mi? " A ti hluk a. A bike atang a rawn chhuk in min rawn pawt deuh sawk in min pawm kan a a bike ah chuan ka thu der mai! Ka mal chungah chuan ka luggage chu a rawn dah leh a rawn chuang ve leh in chak zet in a dawk chhuak nghal.


A in kan thlen chuan ka luggage keng chung in a pen sawn phawk phawk a kei chu min ngaituah zui tawh lo hrim hrim. Muang changin ka lut a a room ni lo zawk atangin a rawn chhuak a, " Hemi room i i hmang leh thei ang" A rawn chhuah na room chu kawk zeuh in choka ah a lut hmak a.

Room ah chuan lut in ka inthlak na tur ka la chhuak a, sunday dress nen ka la nih avang in ka inthlak nghal sawk sawk a.

Room atang a ka chhuah chuan sitting room ah chuan min hnung chhawn zawng in a kawng dawm chung in tukverh lam chu inngaihtuah muk hmel tak in a thlir a. A ni pawh a lo inthlak ve vek tawh.

Va pawh mai lo chuan ka ding ta reng a, " Rawng kan bawl dawn mi? " Rawn inher in a rawn ti thut a ka lo phu zawk leh nghal.

"Aw.... Aw.... " Ka ti bah niai a. Min rawn kal pel in choka lam a pan leh vut chu ka zui ve mai a. Fridge chu hawng in siam tur a en kual a .

" Naktuk vel ah chuan bazar a ngai dawn a nih hi " Fridge hai mawlh mawlh pah chuan a ti sup a. Kil khat ah ka lo ding ngawi reng thung.

" Min lo pui ve la" Tiin min rawn nuih suk a hmanhmawh deuh in ka che nghal sawk sawk. Rawng chu kan bawl nun ve ta naw naw a, a nuam phian a. Kan intihfai leh ve ve hnu in chaw kan ei a.

" Chaw avang hian ka lawm e... " Chaw ei lai chuan ka ti sep a. Min chhang lo ,a chaw a ei mawlh mawlh.

Zanin chu ka riak a nga, naktukah ka chhuak leh mai ang" Ka ti zui leh zat a. A chaw bar lai a tawp chiang khawp mai. Min rawn en a a hmel chu a chang tha leh tawh khawp mai.

"Saw in ah sawn kal leh chu i la tum tal a" Ngeiawm deuh in a then zui sak.

" Ka chhungte an nia law" Ka ti leh hmiah a.

"I duh phawt chuan i kal em em dawn nia " Tiin a tho a, a room ah a lut zui nghal hmak.

Kan ei na vel ka tih fel lai in kal chhuak tur tih hriat tak a inchei in a room atangin a rawn chhuak a, a che chu ka lo en zui reng a, min en miah lo in a bike chahbi la in a chhuak zui nghal hmak. Ka thleng sil lai chuan a tlan chhuak ri pawh ka hre pha. Thleng ka sil zawh in room ah ka inkhung tlat a. Mahni a awm chuan reh duh tak a ni.


Ka harh chuan zing dar 6 a pel deuh chiah. In phih fai in ka chhuak a choka ah lut in chawhmeh la awm ang ang chu ka siam tawp a. Nizan khan Ricco-a rawn haw lai pawh ka hrelo, a chahbi inkhai ka hmuh chuan a rawn hawh tih chu ka hre thei.

Rawng ka bawl mawlh mawlh lain choka ah a rawn lut a, tui rawn in khawlh khawlh in a chhuak leh a, kan awm dan chu nupa in tithiam lo te pawh kan ang zawk a lawm le.

Chaw kan ei lai pawh chuan tawng lo in kan ei maalh mawlh a. A ei zawh chuan a room ah a lut leh tawp a. Kan ei na ka tihfel leh hnu in room ah lut in college kal tur in ka insiam nghal a.

Room atang a ka chhuah chuan a ni pawh insiam sa in a rawn chhuak ve chiah bawk, a bike chuan collage lamah kan inphur a . Collage kan thlen chuan min lo hmu tu ho chu an phun sui sup sup a ka ngaihven lem lo.

Class a ka thut rual in Hruaii pawh a rawn lut ve chiah a , min rawn melh zawk in a thutna ah a thu nghal a.. A hmelah khan a thinrim nge rim lo pawh ka hre thei lo. Corridor ka kal lai in Lawmsanga nen kan intawk hlawl a. A khi leh vur vur tawh. Hepa hi chu a khi reng mai in ka hria.


" Khawiah nge inpa " A tih chuan Ricco-a a sawi na tih ka hrethiam mai.

" Tih tur dang a nei a " Ka ti let mai a engmah a sawi zui chuang lo.

" Ka mimal thil hrilh tur che ka nei a " A tih leh chuan " E....tak a , a hma pawn sawi i tum tawh kha, enge a? " Hrelo ang deuh in ka ti hluai a.

" Bialnu ka nei a " Lai zet hian a rawn ti a.

" A ni maw...., tunge a " Phur zet in ka ti a. Ka lan ang em em chuan ka phur hauh lo.

"Nuni " A ti zawi sep a.

" Tu Nuni" Kan ti kual vel deuh kher a. Ka hria tih a hria ang tih ka hlauh vang zawk a ni.

" Lalnunmawi, i unaunu" Ka lu ah chuan rawn nem pah in a nui chhuak hawk a.

" Awi... Egtik in nge in lo inngaihzawn hman a? " Phawk deuh chuan ka meng vel a. Mak tak mai in a hma ang em em khan ka la na vak tawh lo.

"A la rei lo" A lu thak lo pui chu a hiat zeuh a.

" Ka lawmpui che u" Ka ti hluai a. A nui ve suk.

" Ka kal phawt mai ang, tih tur ka la nei a " Tiin a thiante ni awm tak lo din khawm na lam chu a pan nghal a .


Class ban in hmanhmawh deuh in Ricco-a in lam pan in ka haw a. In ka thlen chuan a mah pawh a lo la thleng bik lo. Ka bungrua siam mawlh mawlh in room atangin ka inkhai chhuak a. A mah pawh a rawn haw ve chiah bawk.

" Khawiah nge i kal dawn? " A ti bung nghut a .

" Ka haw dawn" A mah pawh en lem lo chuan ka ti mai a. Ka kal pelh chuan a lo thaw chhuak hawk.

" Saw in a haw saw i chak viau a mi? An chhungkua ang pawh a a ngaih ve loh na hmun ah che sawn i let leh chak viau a mi? " A rawn ti hluk a. Chhang lo in na zet in kawngkhar hawn na ka hmer ngawt ngawt.

" A kut thlak kha i tur leh tawp dawn a mi? I dik na pawh hriat sak ve i nih loh na hmunah sawn nuam ti tak in i awm zel thei ang maw" A nui zui suk a, a zat vang erawh a ni hauh lo.

"Ka chhungte an nia, an ni lo pan tur ka nei lo " Ka ti leh ngat a. A sawi dik saw hmunah sawn ka dik na chu hriat sak ka ni lo miau a lawm, mahse an ni lo chu pan tur ka nei lo tlat a ni.

"I kal kher a ngai lo hetah hian i duh duh chen i awm thei ang" A rawn ti zawi sup a.

" Aih... Ka lawm e, ka tibuai tawk tawh lutuk che" Tiin kawngka chu ka hawng a. Ka chhuah dawn chiah a a thu rawn sawi avang chuan ka ding chiang khawp mai.

" Ka duh che " A mah en tur chuan ka in her a.

"Maw? " Hre tho mah ila ka ti leh ngat.

" Ka duh che ka ti " A ti leh nghut a. Za lo deuh in ka nui chhuak hawk.

" Ka enkawl ang che, eng tiang pawn min tibuai mah la pawi ka ti lo min tihbuai nasat pauh leh nuam ka ti zawk thin" A ti zui sep sep a.

" Min khawngaih vangin a mi i sawi ? Tanpui ka ngaih lai a min tanpui zel chuan ngaiah ka nei a nga. Min tanpui theih loh hun a lo thlen hunah pawh ka beisei leh zel palh ang che" Ka ti let kha kha a. Ka hnuk a ulh nghal vek. Kawngka chu hawng in ka chhuak zui nghal a engmah a sawi lo a, min rawn zui bawk lo.

Taxi in kan in lam ka pan a. Min hnawh chhuah tawh hnu a va pan leh pawh a tlawm thlak tih chu ka hria mahse hei lo kawng dang ka nei lo miau a ni. Kan in ka thlen chuan patea a lo la haw lo tih hriat tak in a motor dah na a lo la ruak huai mai. Kawngka lo in hawng zau sa vang in kik lem lo in ka luggage telli in ka lut a. In leng a nei tih hriat tak in ka nuteii leh hmeichhe pakhat lo ti ti ka hre pha a.

"Nimin khan ka lo hmu che u a. Melo-i kha a tap hawm hawm a, a hnu rei vak lo ah mipa pakhat nen luggage nen khan an inphur chhuak a " Chunu chuan a ti hlak hlak a. Chiang tak a a sawi theih danah kan veng thenawm khaw veng a mi a ni tih ka hre mai. Va pawh mai lo chuan ka ding ta reng a , ka chungchang an sawi avangin, ka hre chak thlat pek.

" Pasal a um tihna mi?, tunlai hmeichhe ho pawh hi an nasa tawh hlawm lutuk a " A tih zawn zat a, mahse ka nuteii thu rawn sawi chiah chuan min thawng a ni.

" Um deuh reuh chu ni mai. A buaithlak a ni , a mah hi enkawl a har ve lutuk a, chawmhlawm reng ni tur chuan keini pawn kan tlin bik lo. A bialpa nen a an lo awm dun lai a patean a man a nih kha. A tir atang khan lo awmpui lo ila tha tur a nia. Ka khawngaih a kan awmpui a, a mah avang hian ka fate pawh duh angin ka buipui theilo.Zahna bak min thlen leh chuang si lo. " Ka nuteii chuan inthiamlo na tawngka awm miah lo hian a ti ta zung zung a. Ka mittui a rawn baw hawk a. Mi a ang in ka dinna ah chuan ka ding reng bawk.


Ka nuteii hi chu a fel ka ti ve sin, ka lakah rilru chhiah a put ka ring mai lo. Ka patea ai pawn ka ngaina zawk a, ka chhungte ang tak tak in ka ngai a, mahse a ni chuan chhungte ang tak tak in min lo en ve ngai miah lo reng reng.

"Melo-i berkher chu fel ka lo tih ve tehreng nen, mahse mizia hi a lo inthup thei khawp a. I tlin hi ka ti zawk a, kei chu ni ila mahni unaunte fa pawh ni se ka awmpui thei lo ang" Chunu bawk chuan a ti leh a.

"Pasala u fate a nia an awmpui duh loh tawp kha a inthlahrun awm ve a " Ka nuteii bawk chuan a ti leh a. Ka â thei mai dawn in ka hria. Ka dinna atanga inher in ka chhuak lehnghal vat a. Pawna ka luggage awm chu la in hmanhmawh deuh kawngpui ah chuan ka pen phei hlawk hlawk.


Mahni chuan pan bik nei lo in kawngpuiah chuan ka kal a, ka riang zia ka hriat in ka inkhawngaih ngawih ngawih, " Nu, pa, min hmu tiraw? Tunah hian infanu hian kalna tur ka nei lo a nia" Van lam hawi chuan ka phun sep a ka mittui chu dan sen a ni tawh lo. Khua pawh a thim lek lek tawh a. Mi chaw ei hun bawr vel lai a nih tawh vangin kawng kal pawh an awm mang lo.


Pan bik pawh nei lo a mi â ang mai a ka kal lai chuan Ricco-a in kawt ah ka lo ding vang tawh. In chu ka melh vang vang a, " Hei chiah hi kal na tur ka nei " Ka phun sep.

Kawngka chu ka kik a an lo hawng mai lo, ka kik nawn leh a an rawn hawng tawh dawn lo maw ka tih hnuah Ricco-a ngei mai chuan a rawn hawng a. A mah ka hmuh rual chuan ka kuah tawt a insum hman lo lek in chhuak em em in ka tap nghal. Ngawi reng in ka luah chuan a chul a, chu chuan ka rilru a tino tlat pek a. Chhuak em em in ka tap hawn hawm.

" A tha vek " Ka hnungah chuan a beng thek thek a. A thawk chhuah rual chuan kei pawh ka che dawt thei.

Ka darah vuanin a inla hrang a ka mittui te chu min hruk sak thuak thuak a. Kawngka chu khar in ka luggage a ban vut a. A kut leh lam a min vuan leh in" Lo kal rawh" Dam deuh a ti in inchhungah chuan min hruai a. Ka kut thlah iv a kalsawn hlek in ka luggage chu kan sir deuh ah chuan a hung tha a.


" Ka va kal a ka nuteii leh nu pakhat lo inbiakna ka hria a. Ka nuteiin...... " Ka sawi zo thei lo ka inhnit leh feih feih a. Min rawn pan hnai in a awm hlai hlupah chuan min kuah bet nghal hmiah a. A taksa tang a thut thut thinah chuan a thinrim zia a hriat theih.

" Ka thusawi i awih duh lo a nih kha " A ti nghut a. Ka kalsawn hlau ang hrim in nghet zet in min kuah bawk.

" Ka awih theilo" Ka nuteii tawng dan hrechhuak in ka ti leh sep a.

" A tawk.... Ngaihtuah tawh suh " A ti bung nghut.

"Hetah i duh chen chen i awm dawn nia" A tih zawm leh zat a.

"Ka tibuai mai mai lo ang che maw? " In la hrang hlek in a mah chu ka melh kiau.

" Ka sawi kha, min tihbuai nasat pauh leh a nuam ka ti zawk, nangmah ringawt pawh hi buaina tham i ni hrim hrim a " Tiin a vei nuih suk a. Ngei lutuk in ka melh hrep ringawt.

"A nih ka chhuah hma a i thu sawi kha? " Ka ti leh zat a.

" Eng ber? " Tiin a kit ko a kan euh.

" Min.... Min duh thu i sawi kha " A mah pawh ka melh tawh lo ka lai tlat pek. A nui che dawt a. Ka lo sawi kher kher kha ka inchhir leh hnuhnawh. Ka biang tawn tawnah dawm in a mah en tur chuan min kuai chho a.

"Ka sawi ang kha a ni mai " A vei nuih suk a. Sawi tur pawh ka hrelo. A mah en tha ngam lo a ka hmundang ka melh kual chu ngei thei lo tih hriat zet hian rum nghut chungin a mah en tur in min kuai a.

"Ka biak lai che chuan Keimah chiah min en thin rawh" A ti bung nghut a.

"Min khawngaih vangin a mi i sawi? " Ka ti leh a. A thaw chhuak hrawih.

" Kha ti zawng khan ngai ziah suh, khawngaih vang che in hei leh chen ka pui reng peih dawn che mi" A ti leh a.

" Mihring kan inang lo a, a theih tho" Ka ti leh hram. Hahthlak min tih hmel fe in a ner suk.

" Ka mitah hian chiang tak in en rawh, dawtsawi hmel leh, khawngaihna vang chauh a ti ah min hmu mi" A aw chhuak chu a thutak khawp mai. A sawi ang tak tak in dawtsawi hmel a pu lo. A tih tak zia bak ka hmu lo.

" Dawtsawi hmel ka pu em? " A tih leh chuan ka lu ka bu nghat.

" A nih engtin nge chhan na ka hmuh dawh ?" Pa zet in a vei nuih suk.

" Kan inngaizawng thei lo. Ka dinhmun... Ni lo. .. Kan dinhmun a inthlau lutuk ,nakinah i tan...." Ka sawi zawh hma in min lo pawt chat hmak, " Dinhmunah buai suh, dinhmun hi chu engmah a ni lo. I dinhmun avang a i indah hniam fo chuan engthil pawh ti la engtikah mah i hlawh tling ngai lo ang" A thusawi chu ngawi reng in ka lo ngaithla tawp.

Kan din na atang inla hrang in min nawr sawn deuh a. Ka kut pahnih chu vuan in ka mit ah chiang mang kheng in min melh zui ran bawk, " Min ring rawh? Chu chu a tawk " Ring ngei se tih melh in min melh a. Ka hrethiam lo ka buai vek. A ni hi pawm ta ila, nakinah buaina kan tawk a ngem? Ka vanneihna tur nge ni a nga ka vanduaina tur zawk ni ang ? Ka rilru chu a insual buai nuai a ni mai.

" Harsat na chu kan tlanchhiat san thei dawn lo, mahse min ring la, kan pahnih in kan hmachhawn dawn a lawm" Ka rilru hria ang hrim in a rawn ti chhuak a.

" A nih min ring thei ang tiraw? Ka kut hi i chelh ang tiraw ? " Zam aw lek lek a a rawn tih leh chuan ka lu ka bu ta nge nge a. Ka thlan sual loh hram ka beisei. Tunah chuan a mah chiah hi bel tur ka nei awm chhun a ni tlat.

" Min tibeidawng miah suh aw.... Nangmah chiah hi belh tur che ka nei a ni" Ka ti hap a.

"Min rin kha a tawk" A ti hmiah mai.

" A nih kan tha em? " A rawn ti leh a, ka lu ka bu leh nghut chu " Tawngka in min chhang rawh, tawng theilo ang mai" A ner zui suk a. Sir lam hawi in ka nui chhuak hawk.

" Aw" Ka ti a. Ka lai vek tawh. Ka luggage te chu roomah min dah sak a.

"Chaw ei phawt ang " A tih chuan chaw ka la ei lo tih ka hre chiah, kan boruak tawn kha ti teh nuai kha ni bawk nen ka riltam leh tam loh pawh ka lo hre chang tawh lo.


"Chaw i la ei bik lo mi? " Chaw ei siam mawlh mawlh lai a ka zawh chuan" Ka lo nghak che " A ti awlsam et a. Ka let leh dawn tih a hrelawk te pawh a ang a lawm le.


Thleng ka sil lai chuan ka sirah ding in min tihpui phet a tum a, ka lo phallo tlat a. A tihluih tak tlat ah chuan ka tihtir ve ta nge nge. Kalsawn duh hek lo. Thleng sil te chu nuam ka ti riau mai! Nimin a ka chung a thil thleng nen khai khin chuan tun ang a ka hlim leh pawh hi ka ngaihtuah pha lo kha nia. Ka hahdam hluah hluah hi a ni mai .


.

.

.

Tuthuan ei zawh in collage lam pan in kan inphur chhuak leh a. Nidang zawng ai in a dang bik riau in ka hria, kan inngaizawng tawh vang te pawh a ni mah na. Inngaizawng..... A ri lo in ka nui suk.Collage kan thlen chuan ka chhuk vat a. A bike a hung tha chu ka lo nghak ve reng bawk.

"Kal ila" Ka bul a rawn ding rual in a ti sup a.

"Ka kal hmasa ang" Ka tih chuan hriatthiam loh hmel deuh in min en run.

" Kan inngaizawng tih mi in an hriat kher hi ka duh lo" Ka ti niah niah a.

" A ho lutuk" Ka ti awlsam et.

" A ho lutuk tih ringawt a ni lo, ka tan a nuam lo a lawm , mi in min ngaihdan.... " Ka zawi zawh hma hma in, thaw ri hrawih chung in " A tha lawm" A ti ve ta nge nge a.

"A nih Ka kal " In her a kal mai ka tum chu ka banah a lo man chat' Enge' tih nan ka mit ko ka san zeuh.

" Kiss min pe phawt rawh" A rawn kun hniam a. Ka hawi kual nghal vat.

" Mi in min hmu ang a zahthlak " Min vawn na atang a ka kut la sawn in a tawng leh hma chuan ka tlan chhe daih. A nui hawk ri pawh ka hre pha.


Class a ka thut hnu rei vak lo ah kan class a mi tho mipa pakhat nen an rawn inzui lut a, ka tut na lam rawn hawi in a mit a rawn siai zeuh a. Ka lai lutuk chu lehkha bu in ka inkhuh hmak.


Ricco-a nen kan inngaihzawn na pawh kar 2 a ni ve tawh, engmah harsatna kan tawk lo a tih theih mai ang. Ka awm atang in an in pangaiah a haw ngai mang lo, va kal zawk chang erawh hi chu a nei ve thin.

Chawhmeh ka chawh mawlh mawlh lai in ka hnung atangin min rawn kuah thut a , ka lo inring bik lo nen ka au chiam mai. A hmel ka hmuh chian chuan ngei tawk in ka melh nghal rawm rawm.

"Ka ril a tam " Min la kuah reng chung chuan ka darah a khabe a nghat a.

" A ei theih tep" Tiin chawhmeh chu ka chawk zui leh mawlh mawlh a.

"Khatiang lam a tam a ni lo " A ti sup a. Hrethiam lo deuh a ka en chuan " Hetiang lam hi" Tiin ka hmui ah chuan a rawn fawp zeuh. Ka hmui ka lo ti pawrh vak chu min rawn fawp leh nghal hmiah.

" I ninawn kal teh, rawng ka bawl hi" Ka nem sawn deuh a, a nui ri hawk.

" I lo haw chiah mi? " Tui in tur fridge atang a a la chhuah tur chu melh zeuh in ka ti a.

" Immm" Tiin tui a in zui nghal a. Min rawn kal hnaih in min rawn dek zeuh a ka lo eu nghal vat. Rawn kal hnai leh a min rawn dek leh a tum chuan fian nen ka lo indang ve ran a . Ka chawhmeh chhuan lai chu off in sitting room lamah ka tlanchhe nghal a, nuih hawk hawk pah in min rawn umzui ve zel bawk.

" A tawk ka tlawm " Kan inkarah chuan sofa a awm a. Ka kut pahnih ka phar vak vak bawk.

"A nih chuan chak lawman a ngai " Kiai suk pah in a kawng a dawm a. Min rawn pan hnai in ka chet sawn hma in min pawm kang nawlh. Sofa ah chuan min muttir a ka chet ve hma hauh in a rawn innem khalh nghal hmak.

"Ti khan min melh hlek chu" Mit khap fak fak a a mah ka en reng chuan a rawn ti thum dut a.


"Engtin mah ka melh lo che " Tiin a ai nasa in ka hmap deuh kher.

" Hrep tak che hian " Chung lam hawi in a thaw chhuak kawk a, " I cho chhuah "tih pah in ka hmuiah a rawn fawp nghal zat. Ka thiam ang tawk chuan ka chhang ve vat , mahse a duh thawh tial tial a, chhan ngaihna pawh ka hre tawh lo. A lei ka ka chhung a a rawn hawlh luh chuan engmah ka hre leh tawh lo ka â leh vek tawh.

A kut pawh a awm mai mai lo khawp mai khawih tur chu hre tak a ni. Ka hnute a rawn khawih fuh rual chuan ka inlahrang vat. Tawngtum a ka an zui tawh chu a hmui in a rawn khar chil hmiah . A kut chuan ka hnute chu a tham bawrh bawrh a, dan tur in tha ka nei tawh lo, kan thaw pawh a dik lo in a rang dun khawp mai. A mah pawh a pangai chiah tawh lo tih hriat tak in a meng phelh phung tawh. A tho thut a ka hamhaih hman lek lek a ni.

" Ka insum thei lo mai dawn " Ka sir ah chuan ding in a thaw chhuak nghal hawm hawm a . Sofa a la mu reng chung in ka lo en tawp.

"Ka inbual lawk dawn" Tiin min rawn melh chhuk run a. Ka lu ka bu ringawt. Ka la pangaih hlei thei lo .

" I lo tel ve duh em? " A room a a lut tur chu rawn hawi in a rawn ti leh kher a . Ka aih rang lutuk chu za zet in a nui chhuak hawk.

.
.
.

Bathroom lam pan a ka kal lai in Hruai te thianho in min lo ti ding a, " kan mi zak theilo nu lek chu ni in" An thian ho chuan an nui pah uar uar a.

" Ricco-a a luh khung hmiah mai bawk sia, ropui bik khawp mai" Hruaii chuan elsen zet hian a ti zui a . A thiante chuan ngeiawm deuh in min lo melh ve kur mai.

" I zak miah lo mi? " Tiin ka lu rawn nem a rual a. Za lo zet in ka nui ri hawk.

" Engvang in nge ka zah ang" Ka ti let ve ngat a. Ka chhan dan avang chuan an meng phawk ngang mai.

"Nangni pawn duh lo tu che u in zui kual reng peih chuan min duh tu bul a ka awm chu engvang in nge ka zah bik ang" Mei nei deuh in ka ti let kha kha a.

" Ka awih thei lo.... " Hruaii chu hamhaih zet in a thaw hawk.

"Min chhang ngam vel a nih chu? " Tiin a thiante chu a melh kual a.

" Engvang in nge ka chhan ngam loh ang che . A hma chuan ka ngawi mai mai thin a, tunah chuan ka ngawi mai mai tawh bik lo ang . Hlauh ka nei vak tawh lo, chan tur ka nei chuang hlei nem " Ngeiawm zet in ka ner suk a.

"Ricco-a a lam a tan avangin a huaisen vel ta hle mai. Hei hi hre rawh Ricco-a hi ka ta a ni thei lo a nih chuan nang hian i nei thei bik lo ang " Ka hmai zawnah rawn kun hniam in a ti sep a. Chhang lo in ka kalsawn a .

ka kal lai chuan ka hriat thei tur si hian "Eee..... Tak a Cindy-i a lo kir leh tawh kha, Ricco-a first love. Inthen tawh mahse an tha leh vat ang. Ricco-a tan a first love a nia awlsam tak chuan a theihnghilh bik miah lo ang. An tha leh thuai maithei ni" Hruai'n a thiante bulah a ti zui a. Engah mah ngai lo lui in ka kal hmiah hmiah.


Class ah lut in ka thuna ah ka thu a Ricco-a thutna lam ka va en chuan a lo awm hauh lo! Ka call a mahse a la thei miah lo leh nghal. Class atang a chhuak leh in corridor velah chuan ka en kual a hmuh tur a awm lo. Ka call sek a mahse a la la thei chuang lo.

Phone ka bengah dah reng pah a room pakhat ka kal pel chuan mi hmu ka nei thuk a. Let leh in kawngka zau lo te a lo inhawng atang chuan Ricco-a ngei mai chu kawr ha lo in ka va hmu a. Ka phone chu off in pan mai ka tum chu a piah deuh atangin hmeichhe pakhat hi rawn kal in a ma tshirt ngei mai chu a rawn pe a.

Ricco-a chuan eng emaw hi a sawi a, hmeichhia chu a lo nui suk. A tshirt a ha chiah chu a rawn hawi thut a. Kan in melh chiang ngang mai. Hmanhmawh deuh in ka kalsawn nghal vat.


* A thui thei ngang lo a ni , min lo hrethiam mai ru.


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 7th, 2022, 4:44 pm

SO FAR AWAY


chapter-12💫

By
Melis Hmar



"Ti nge i kal daih a " Min rawn zui a ni ngei ang ka kal laklawh lai in ka banah a rawn man chat a.

" Class lak a hun dawn a " Ka ti daih a , a kawr ringawt chu ka melh thung.

" A nih chuan kal ila " Rawn ti leh mai in ka hmah a kal a. Ka zui ve nghal mai a.

Class lak lai chuan ka rilruah engmah a lut theilo Ricco-a thutna lam ka va melh leh thin . A T-shirt mawlh sawn a ni ka rilru luah chu . Ti nge kha nu khan a T-shirt kha a pek nachhan ? Enge kha tah khan an lo tih ang? Ka rilru ah chuan zawhna hrang hrang a awm , ka ngaihtuah ang hi chu ni lo hram se ka ti ngawt mai.


Class ban in a bike a lak chhung in kawt sir deuh ah ka lo nghak a. Ka bul a rawn thlen chuan chuang tur in min mitmei zeuh a, ka chuang tur chu min en chik ngang mai thil sawi duh hmel a pu a mahse engmah a sawi ta lo.


" Thil thleng a awm a mi? I dik lo riau mai"ka ngawih reng vang chuan Inchhung kan luh rual in ka hnung atang a min rawn kuah pah in a ti ta nge nge a.

" Aih awm lo " Tiin ka nui lui sang a.

" Dik lo chu a awm a lawm, sawi rawh" A mah hmachhawn zawng in min kuai her a.

" Vawin a room pakhat a ka rawn hmuh na ah che khan enge in tih? Ihhh.... Kha nu khan i kawr kha a pe che sia" Ti niah niah in a kawr bawk chu ka melh leh vung vung a.

" Chu chuan maw i mood lo ti off a " Za zet in a nui chhuak hawk a. A ngai ho lutuk chu ka thin a rim lek lek zawk.

" In pahnih chiah khan in awm bawk sia " Ka ti leh a.

" Kan pahnih chiah in kan awm lo" A rawn tih leh chuan ka awih lo lutuk chu sir lam hawi in ka ner suk.

" Min lo hmuhna atang khan kan pahnih chiah in min hmu pha a ni maithei. Kha nu kha rammawia ka thian pakhat bialnu a nih kha a mah pawh kha a awm ve a lawm " Nuih za insum deuh in a rawn ti leh .

" A nih leh tinge i kawl kha a pek daih che a ? " Ka ti leh hmuk.

" I thik a mi? " A rawn ti daih thung.

" Thik lo " Ka chhang rang lutuk chu a nui zui suk.

" A thil in tur in min tihbuak a, chu chu min tihfai sak a nih kha"chhang lo in ka room ah ka lut hmak.

"I thinrim a mi ?" Rawng ka bawl mawlh mawlh lai in ka sirah a rawn ding ve a.

"Rim lo e " Thil tih pah chuan ka chhang a.

"Nangman i tifai theilo mi? " Ka ti nghut a ka la melh chuang lo. A nui chhuak hawk chu thinrim tawk in ka melh a , ka thil tih lai dah in choka atangin ka chhuak hmak.

" Thinrim lo teh " Sofa a ka thut rual chiah in a lo thleng ve nghal.

" A nuih zathlak viau a mi? " A mah melh chho ha pah in ka ti a.

" Aih " Tih pah in a rawn thu ve nghal.

" A nih enge i nuih a ? " Ka ti leh hmuk.

" I thinrim hian a nuam ka ti " hamhaih zet in ka thaw hawk. Mahni bialnu te thinrim vang a lawm ka vawikhat hriat na a ni hial ang.

"A tha a nih chu" Ti a ka tho uai tawh chu min pawt thu leh a.

" A mak!! ka la sawi zo lo " A ti bul bul a.

" I thik tih ka hriat hian a nuam ka ti , bialnu nei bik hliah hliah ah ka inngai" Tiin pa zet hian a kiai suk a.

"Ka thik lo ka tih kha" Ka ti vak.

" A ni maw? I thik lo chiah maw?" A mit a kan zeuh a. Ngei lutuk in ka lo melh thung.

"Thik lo, thik lo " Ti vak in choka ah ka lut hmak a. A nui hawk ri pawh ka hre pha.

.
.
.

" Chhuah na tur i nei mi? " Thleng ka sil lai in a inchei vur in a rawn chhuak a.

"Immm..... Phai a ka lehkha zir pui ka thian pakhat a lo chho a, kan inhmu lawk dawn " Min rawn pah deuh in a ti a. Ka bu ve mai.

" Ka lo haw har lo ang " Tiin a chhuak nghal a.

Thleng ka sil zawh in in chhung chu ka hawl leh thuk a. Tlaiah khan ka phiat tho a mahse kan vei ve reng bawk nen a ngap leh vek tawh.

"Melo.... " Sitting room ka phiah lai a min lo koh tu chu ka en vat a. Choka luh na bul chiah ah kima a lo ding vang mai.

"Hei hi ka u in a ni lo mi? , ka kal sual a mi le" A mah a phun sep sep in a lo luhna kawngka te chu a va hawilet leh thin. A awmdan chu ka lo nuih tawp.

" I U in a lawm" Ka lo ti vat a.

"Enge hetah i tih a? Leng mai mai chu i ang bawk si lo" Tih pah chuan ka hmunphiah ken nen chuan min en tawn zak zak a.

"Nia.... Hetah hian ka awm ve a "

" Maw?!! " Mak ti tawk in a rawn ti vak. Insiam tha leh vat in " Tihpalh " A ti leh mai.

"Buaina ka tawk deuh a " Za lo zet in ka nuih a.

"Ka U nen hian in inngaizawng a mi? " Ring deuh tho si ring ngam chiah lo deuh chuan min zawt a. Tawng ka a chhang lo in ka bu ve mai , a pawi lo tur ah ngai ang .

"Ka nu leh pa in an hria em? "A rawn tih leh chuan ka lu ka thing vat.

" Kima, tumah hrilh suh aw... " Inthlahrung tak chuan ka ti a. Hriatthiam hmel zet in a bu nghat.

" Hei vang hi ni maw... Ka u hi a lo haw khat kan tih em em ni" Fiamthu deuh reuh a a rawn tih chuan ka lai lek lek.

" Ahhh..... In awhawm bik ngawt mai" A ti hluai a. Ka lo nuih tawp. Kan thil tawn te kha hre ve se chuan min awt miah lo ang.

"Lo thu la " Ka tih chuan a lu a thing vat a , " Ka U in a thil lo dah turin min tia ka chhuah pah in ka rawn keng a nih hi " Laptop leh file pakhat leh lehkhabu pakhat hi min rawn pe a.



"Ka kal lehnghal mai ang. Nula rim te ka la ngai " Uang zet a ti in kawngka lam a pan a.


Ricco-a thil ho chu a room a dah mai tum a ka kal lai in lehkha bu zawk atang chuan thlalak pakhat hi a rawn tlathla a. Char a ka en chiang chuan ka phu chiang khawp mai. Thlalak a Ricco leh Cindy-i in haw lo tih hriat tak a an nui dun lai chu ka melh ngawt ngawt a. An lak na a rei ve deuh tawh a ni ngei ang an hmel pawn tun ai in a la naupang.

Lehkhabu kar a zeh leh mai ka tum chu thlalak hnung a thil inziak chu ka hmu leh thuak a. Rang zet a ka en chuan Ricco Lalhriattluanga and Cindy Lalthazuali tih hi hawrawp nalh zet hian a inziak a.
A hnuai ah chuan lian em em lo in ' THIH NA PAWN MIN THEN HRANG THEI LO ' ti hi hawrawp pui in a inziak leh bawk a. Thawk chu a sak nghal talh thei mai. A room dawhkanah chuan dah in ka chhuak leh nghal a.


'A hun kal tawh a lawm' tiin ka inhnem leh rih thin Hruaii thusawi ka ngaihtuah leh ngat phei chuan awm chu a nuam zawk zawk tawh lo khawp mai. Sangpuii khan Ricco'n a duh thin zia te khan a sawi bawk nen khik ver ver chu har tak a ni.

A lo haw chuan 12 a pel thuak tawh, ka room a rawn hawng lai pawh ka hre reng kawngka hnungchhawn zawng a ka mut avangin ka mu tawh a maw a ti a ni ngei ang rawn lut tlang lo in a khar leh a.

"Morning" Choka a rawn luh chuan ka lo ti vat a. Min lo wish let in tui a in nghal khawlh khawlh. Chair pawt chhuak in a thu leh nghat zat.

"I file leh i Laptop ho kha i room dawhkan ah khan ka dah kha aw" Tiin Coffee chu a hma ah ka dah a. A lo bu ve mai.


Ricco chu a thiante nen tih tur an neih avang in chaw ei kham ah a chhuak nghal a. Inrinni a ni a class kal a ngai lo bawk a tiin in bul vel ka ti fai a. Ka zawh meuh chuan chhun thil ei hun a ni thuak tawh. Ricco'n chhun thil ei hman tur in ka rawn haw ang a tih avangin chhun thil ei tur ka buaipui leh a.

Choka a ka chet mawlh mawlh lai in kawngka in khar ri ka hria a a lo haw tawh a ni ngei ang, " I lo let chiah a? " Ti a ka inher chuan ka mi hmuh te nen chuan kan in melh phawk hlawm khawp mai.

" Bawiha hian awmpui a la tih ka hre miah lo, awmpui lak kher a ngai lo a sin le..." Ricco-a nu chuan a thil khai lo dah pah in a ti sep sep a. A bul chiah a ding Cindy-i chu a lo khi suk.

" Bawihi... Bawiha hi a chhuak a mi? " Ricco-a nu bawk chuan ti leh in in chhung chu a melh kual a.

" Aw... Aw... " Ka ti bah nak. Cindy-i ka va en chuan a sir lam hawi in ngeiawm zet in a mit a kan zeuh.

"Cindy i thil khai ho kha lo dah rawh, a rit si " Ricco-a nu chuan ti zui leh zat in cindy-i chua bia a. Cindy-i chuan ngainat awm deuh a nuih sang pah in a rit lo thu a chhang in a thil khai chu dawhkan ah a dah a.

" Bawiha chu a chhuah na a rei tawh em? " Ti a min en chuan a rei ve tawh thu in ka chhang a. Nghak deuh pah chuan an thu ve ta reng . An thingpui tur keng chung a sitting room a ka va phei chuan cindy-i phone en in an lo nui dun hak hak a.

" Nute, Ricco-a hi heti lai vel hian a la naupang tiraw? " Cindy-i chuan an phone en pah chuan a ti sep a.

" Bawihi, engzah nge Bawiha hian a lawh tir ve che a? " Thingpui ka dah rual a Ricco-a nu in a lo tih chuan , " Maw... Maw? " Ka ti bah nawk.

" Nute chutiang te an inzawt ngawi lo, a zak ve a nga sin " Mei nei deuh si hian Cindy in nuih sang pah in a lo ti a. Ricco-a nu pawn engmah a sawi sui tawh lo.

"Kan tleirawl chhuah lai vel a Ricco-a nen kan inkhual te lem apiang khan Nupa kha kan ni thin a, nang kha dawithiam ah kan chhuah ziah zel che kha, i la hria em nute " Cindy-i bawk chuan a ti leh a.

" Nia.... In inkhualte lem apiang khan inchhung in ti hnawk vak zel a nih kha. Tak a... Bawiha nen hian in in hmu leh tawh em? I rawn chho hnu hian tunlai chu helam ah hun a hmang tam zawk sia, a lo haw khat bawk nen " A ti zui zat a.

" Hmu tawh e " A lo ti var a.

" Mo neih te pawh hi a chakawm tawh a ni.... Bawiha lah hi a la puitling lo lutuk a " Cindy-i phone bih ngur ngur pah in a ti nuah nuah a.

" Lungngai suh nute.. ... Phai a kan awm lai khan Ricco'n College zawh hun a in neih nghal a duh thu a sawi a lawm" Ka kal tur chu tihel deuh in a rawn ti deuh kher a. A mit sir in min rawn melh zeuh pawh ka hmu. Hrelo ang hmak in choka ah ka lut tho.

" Nangni hi chu inkawp tur a dun in lo nih hi " Tia Ricco nu thusawi pawh ka hre pha. Ka tan chuan hriat nuam zawk zawk tak a ni lo. Zawh kher ngai lo in a chezia atang reng reng pawn Cindy-i kha a fapa tan a duh zia pawh a hriat vek.

Ricco-a chu ka call deuh sek a , a la theih miah lo leh nghal. Mesaage in a lo haw tep leh tep lo thu ka va zawt ta ringawt a chu pawh a seen chuang lo.

" A nih bawihi kan kal phawt mai ang " Phone ka khawih lai chuan a rawn ti thut a, ka la phu zawk lehnghal. Ka in her vat a chhuah in peih ata in an lo ding tawh.

" A lo haw tep tawh ang" Ka ti ve vat a.

" Hei a tlai dawn kan nghak tawh lo mai ang, nakinah a ni mai " Tih pah in an chhuak zui a. Cindy-i kal liam tur in min rawn en in ' nang ai in ka chan a tha' tih melh in min rawn melh . A chhuak chu boruak kham lo ang mai in ka hi lut lut vak ringawt.

Ricco-a a rawn haw chuan a lo haw har chhan ka lo zawt vat a. An thianpa bike kawnglak a a chhiat thu leh an siam leh vang a tlai a nih thu a sawi ve mai a. A phone a lak theih loh chhan ka zawh leh chuan a lo silent thu in min chhang leh a. A nu te lo kal chu min zawt a nih lem loh chuan hrilh ka tum hran chuang lo.

Chun thil pawh a ei tawh thu a sawi leh cuan engmah ei tur ka pe tawh chuang lo ;chubakah tunah dar 3 a ri tawh a chhun thil ei hun pawh a ni tawh lo hrim hrim.

"I bazar a mi? Chawhmeh kan va ngah ve" Fridge atang a tui a lakchhuah chuan a ti a.

" Aih bazar lo, i nu te an lo kal a " Ka ti chuan min en vat a, " Chu monu interview i lo nei ni maw? " Tiin a nui zui suk a. Monu interview chu khawi lam awmpui a maw min ti a nih kha. Vawin a thilthleng te kha hre ve se chuan a nui bik miah lo ang.



.
.
.

" I chhuak dawn lo mi? " Sitting room a a laptop a khawih mual mual lai chuan a sir ah ka thu thla ve a.

" Chhuah chhan tur a awm hlei nem" A laptop hmeh mual mual pah chuan a ti a.

" A awm lo chiah maw? " Fiamthu in ka ti leh deuh kher a, min lo en in a bu nghat nghat.

" Cindy-i kha i duh viau mi? " Ka tih chuan a thil tih lai chu tawp in chik deuh in min rawn en a.

"Chutiang sawi lo teh" A ti nghut.

" A ho e.... Hun kal tawh a nia, a pawi vak hlei nem" Ka ti leh hram a. A duh thin zia an sawi ziah sia a ma ka atang ngei hian hriat ve reng reng ka duh.

" I hre duh chiah maw? " A ti leh nghut chuan ka lu ka bu vat a.

"A hun lai te kha chuan duh e.... " A ka atang ngei a hriat chuan a den dan a dang kher mai.

" Mi dang pawh tawng ila a ma ang khan ka duh leh theih tawh pawh ka ring lo " A rawn ti leh a. Ka lo zawt kher kher kha ka inchhir leh hnu hnawh.

" Mahse nang ka tawng che a, a danglam chiang khawp mai " Tiin a vei nuih suk a.

"I hlau thawng a mi? " A rawn ti leh a chhang lo in ka en tawp. Ni e...ka hlauthawng a lawm cindy-i khan a ni hi min laksak ang tih ka hlau a ni.

" He kut hi ka chelh tawh a, ka thlah leh mai mai dawn hlei nem " Ka kut chu rawn vuan in a ti nghet charh a. A mit ah chuan a tih tak zia ka hmu thei.
A sirah chuan ka phone khawih in ka thu ve ta reng a, a chang in a thil tih lai chu ka va melh leh zeuh zeuh thin .

" Ricco.. " Ka koh chuan a hre thei lo. Ka koh leh pawh chuan a hre thei chuang lo a thiltih lai ah ringawt chuan a rilru a pe ni ber in ka hria.

"Lalhriattluang! " Ka au vak chuan a rawn hawi chiang khawp mai.

" Eng tin maw min auh kha " Ham hai zet in a ti sup a.

" I hming in au che" Ka tih chuan a lu a thing vat.

"Min han au leh teh" A ti leh a min rawn awm hnaih vat bawk.

" Ricco" Ka tih chuan, " Ti khan min koh lo" A ti vat a.

" Ka koh che " Ka ti ve tlat.

" I sawi dawn lo maw? " Tih pah in a rawn kun hniam a min bawh ti tih tawh.

" Awm sawn teh " A awmah ka lo in nem khalh a.

" I sawi hma chu ka awmsawn dawn lo" Ngeiawm zet in a nui zui suk a.

"I ninawm kalsawn rawh " A rawn awm daih zel ah chuan ka ti leh vak a engah mah ngai lo tih hriat zet in a rawn awm hnai lui zel tho.

"Lalhriattluang" Ka nghawk a a fawh chuan a za lutuk chu ka au ta vat.

"Kha kha lawm ka hriat duh, ka hmingpum ten min koh a i chak dawn lo khawp mai" Ka ban a man kawp a ka lu chungah a dah hmak. Ka nghawngah bawk a rawn fawp leh a a za lutuk chu ka au chul mai.

"Min lo hrethiam lawk teh u" Chutia kan in chheih te lai chuan kan sir atang in hmeichhe aw in a rawn ti a kan hawi rual dun chiang khawp mai.

Kan hawi chuan kan awmna piah deuh ah hian Cindy-i leh Rinkima an lo ding vang mai. Ricco-a chu ka nem sawn vat a a min dang bet tawh chuang lo.

" In laklawh viau na in, kan lo tibuai lawk mai che u" Rinkima chuan uang zet in a rawn ti a. Ka zah zia chu pui tak a ni. Cindy-i ve thung erawh chu ngeiawm deuh in a ner suk.


Ricco-a nen an pathum chuan sitting room ah thu in laptop ah chuan thil an en a, an muk mel khawp mai. Kei erawh chu choka ah ka lo awm daih thung. Ricco-a bul a thu Cindy-i sawn ka mit a ti kham lek lek thin, a kut Ricco-a darah a dah loh leh a samah lo khawih thul . Phone ka lo bik melh melh lai a Khuh kher ri ka hriat chuan ka hawi chuak vat a. Cindy-i bawk a ni.

"Thingpui min lo siam teh a kan pathum a ta tur saw , kei chu coffee a awm chuan ka duh zawk ang " Inti eng emawni tak hian a rawn ti vel a. Ka lo ei lo zia chu pui tak a ni.

"I siam zawh ah min lo pe mai dawn nia " A ti leh a.

"I siam hma in, tui min lo lak phawt ka dang a ro tawh lutuk " A chhiahhlawh ang a min treat vel chu ka ngeithei hlauh lo.

" I in duh chuan in lak ve mai rawh " Ti let ve nghut in chhuar chu ka hawng a.

" Nanghi ka rin ang i ni dawn hauh lo " Phun sep in a nui suk suk a. Ka chhang lem lo.

" Ricco-a hian a duh tak tak che i ring a mi? Khawngaih thlak " A tawp lam chu min hmusit na a ni tawh zawk.

" Keimah lo chu duh tak tak a nei lo, tunah in hlim viau a ni maithei , lo ngai reng rawh ka bulah bak a rawn kir leh lo ang" A aw ah chuan a in rintawk hmel khawp mai.


" Nakin a i nat lutuk lo nan ka hrilh che nih chu, nang ni ang ho hi chu a hun a lo thlen hian in tuar thiam lo thei lutuk thin a " Min hmusit zia bak a aw ah chuan hriat tur a awm lo.

" Ka lo hre reng dawn nia. Mipa dang nen kan mu dun lai min phawk ve em lo tur ah ngai ang " A lam hawi in ka ti let salh a. A thinrim hmel ngang mai. A insiam tha leh vat a ka in her san leh hmiah.

" A hrim hrim in engzah chiah nge a pek che a, hetiang a luh khung duh tur khawp a i awm a. Zankhat ah hian engzah nge a pek che " Ngeiawm zet hian a rawn ti zui leh a ka insum thei tawh. Coffee siamna tur bel a tui ka herh haw vek tawh chu la kang in a lam hawi a ka inher rual in ka theh nghal thawk a. A inring bik lo a niang a au nghal vat.


Sitting room a thu Ricco-a leh Rinkima pawh Cindy-i au ri hria in an lo tlan phei ve nghal vat. Cindy-i a hmai leh a kawr hma lam hun hnuang an hmuh chuan a ngaihna an hriat loh dun hmel khawp mai .

" Enge thleng a " Ricco-a chuan min en ran a. A thinrim em tih erawh ka hre thei mai lo.

"Kan pathum a intur coffee min lo siam lawk mai tur in ka ti a, a siam ve mai dawn a maw ka ti a a bel ah tui dah in ka inrin loh lai in min theh thawt a. A siam duh lo chuan min hrilh that ve mai tur a nia " Ka chhan hma in Cindy-i chuan a lo ti zawt zawt a. A mittui te chu a la ti tla zui. Ka sir lam hawi in ka ner suk.

" Melo, a dik em a sawi chu " Ricco-a chuan a rawn ti leh a. Ka kut a ka thil ken chu a melh leh a, Cindy-i sawi dan nen chuan in ang tak a ni.

" Min chhang rawh ? " Ka ngawih tak reng ah chuan a ti nghut a . Min ring lo lutuk chu ngei tawk in a mah zawk chu ka melh ngawt ngawt. Cindy-i lah chuan Rinkima sir atangin min la nuih sang zui. Va ben thluk tawp mai a nia ka duh.

" Min rin loh chuan enge min zawh buai duh a " Ka ti let ve salh. Bel chu dawhkanah ka nghat ri chawr a. An mahni kal pel in roomah ka lut hmak .

" Bawiha kan haw phawt mai ang" Rinkim'n a ti ri pawh ka hria. An ri rawk rawk a rei vak lo ah a reh leh nghal vek a an haw a ni ngei ang.

" Melo, lo hawng tawh " Kawngka kik pah a a rawn tih chuan ka chhang duh lo. Ka kalh miau avang in a rawn lut thei lo. A rawn kik nawn tluk tluk a ka hawn sak duh chuang lo.

Thawm a rek hmak a mahse rei vak lo hnuah kawngka chu a ri leh rek rek a, a rawn in hawng chiah bawk. A rawn lut tih ka hriat chuan ka inkhuh tha sauh sauh. Ka khumah chuan a rawn thu tla tih hriat tak in a hniam sulh a.

" I thinrim mi " A zawhna atthlak zia chu a mah pawh in a hria ang, tunge kha tiangah thinrim lo a nga.

" Ka mu dawn kal rawh " Inkhuh reng chung chuan ka ti a. Min chhang lo in a ngawi vang vang.


* A tawi tih chu ka hria , a sei thei ngang lo ni . Ka dam tha vak lo nen dah lo ai ah ka rawn dah a nih hi, naktuk zanah ka dah dawn leh dawn loh ka chiang lo. Ka dah lo thut thei bawk a ka lo sawi lawk a nih chu. Min lo hrethiam hram dawn nia.


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)