SO FAR AWAY By Melis Hmar (Completed)

[Ngaia]

SO FAR AWAY

Chapter-25

By
Melis Hmar


Ka harh chuan an pafa in an la mutui dun khawp mai. Nizan an mut har hmel sia kai tho lo in inhnuiah ka inphih fai hnuin ka chhuk san a. Choka ka luh chuan Ka Nu in rawngbawl a lo tum mek a, thinpui ka chhuan hnuin chawhmeh siam tur min hrilh pah zung zung a. Thinpui a in tur a ka tih ka pek chuan a lo ban vat a, chair ah thu in thlai hnah ho a lo thian pah a.

" Âma in min lo thawh san daih a " Ricco aw ri ka hriat chuan ka bai siam lai chawk rawk rawk pah chuan ka leh hawi a, an pafa a an lo in pawm ka hmu nghal zat a. A pi in Lisy a lo lawm nghal vat a, a khek nghal vak bawk.

" Hawh.... A pu kai tho ang" Lisy leh a pi chu an inpawm chhuak a. Ricco pawh chair pawt chhuak in a thu nghal a. A thingpui tur a hma a ka dah chuan a lo ban nghal vat a.

" Nizan khan dar engzah thleng nge in meng a? " Chawhmeh chawk mawlh mawlh pah in ka zawt a.

" Dar 2 vel a ni maithei " A thingpui chu a lem zeuh a.

" Tinge in va meng rei ve, i chau ngawt ang" Ka tih chuan.

" Ka chau, duat ka ngai" Pangchang deuh in a rawn ti a. Ka lo ner suk.

" Min lo fawp phawt teh " A tih chuan, " Mawl viau suh" Ka lo ti vak.

" Enge? Keimahni chiah kan awm tho hi " A tih leh hram a.

" Keimahni chiah awm mah ila lo lut thut thei reng an ni" Gas chu off in ka pan hnai a.

" Ka chau teh a nia, dar 2 thleng ka meng a i chauh ka hlauh vangin ka kai tho duh lo che a . Ka duat zia che chu, min duat a hun ve chiah " Ka banah rawn vuan in a lamah min pawt hnai a. A mitmeng dul ruih atang a a mut kham lo leh a chauh hmel lutuk chuan ka khawngaih ve ta deuh.

" I mit chhing rawh " Ka tih chuan, atthlak ti deuh in a then suk.

" I chhing dawn nge? ka kal sawn dawn? " Ka tih chuan ner suk in a chhing a. Kun hniam in a hmuiah chuan ka fawp zeuh a, ka inlakhran dawn chuan ka tukhumah vuanin min rawn fawp zui leh hmiah!.

Aw thian kharh ri ka hriat chuan ka inlahrang vat a. Kawngka bulah Kima a lo then thaw mai, ka zah zia chu pui tak a ni. Ka sa nghal vek thei . Ricco lah chu engmah ti lo ang hmak in a thingpui in zo loh kha a inchhunzawm hmak a ka ngei zia chu.

" Melo a zahthlak loh nia " Kima chuan rawn luh pahin a rawn ti a, a la nui ruh ruh leh nghal a , engah nge ka zah loh tehlul ang ni.

" A hming khan koh tawp suh Ka nupui a nih hi U rawh " A U chuan a lo ti hmuk a, Kima lah chuan a nuih liam vel mai mai ni.

Chaw kan ei chuan a pi leh pu inkarah Lizy an thut tir ve a, a mah thiam ang ang in chaw chu a lo thai kawi ve mai mai ni. A pi leh pu phei chu chaw an ei hman meuh lo Lizy ringawt an buaipui mai ni. Chaw ei kham in ka Nu leh ka pa an chhuak a Lizy hruai an tum ve zet na in Ricco an , 'a la nau e mai, chhuahpui vak loh a tha ' a tih deuh tlat vangin an hruai ta lo a. Kima pawh class kal tur a a chhuah hnu chuan kan chhungkaw te chiah kan awm tawh a.


Kan room ka tifel fai chhung in an pafa in khumah an lo in awm a, an ri ve nuah nuah mai. Insuk ho inchungah ka pho a ka chhung leh lam chuan ka lu a rawn hai thut a, ka tlu tep a ni invuan hman lo ila chu ka tla thla hrim hrim ang.


Zanah Cindy te chhungkua an lo leng a. Kan inneih min rawn lawmpui ve a ni awm e. Kan inneih lai a an zin daih vang a an lo kal theih loh thu te chu an sawi ve luam a.Ricco leh Kima tih loh chu kan awm vek a, Kima chu a chhuak a Ricco chu room ah hna khawih tur a neih vangin chaw ei kham atangin a la rawn chhuk leh lo.

Lizy a pi in a pawm tho vangin thingpui lum turin choka lamah ka phei san a. Thingpui chawi chung in ka phei leh a, thingpui ka dahthla chiah tiin inhnung lam varanda atangin Lizy a rawn tap chhuak a, a tah dan lah chu tum hmain a la tap ngai lo a uar em em mai lehnghal a. Midang ho pawh chu an phu nghal suau a. Cindy Lizy pawm chungin a rawn tlanphei a, a rawn thlen hmain va pan vatin Lizy chu ka pawm a. A pi leh pu pawh an phili nghal vek .

" Cindy ngati nge a? " Ka nu chuan a lo zawt vat a.

" Ka pawm lai in a lo tal char char a, ka pawm tha tur kha ka thlauh palh a " A tih chuan ka fanu chu ka khawngaih lutuk.

" Bawihte tap tawh suh le" Ka pa chuan a rawn thlem a, a tap lah chu a la uar em em lehnghal a. A pi leh pu in pawm an han tum chuan a duh thak lo, Lizy tap uar lutuk chuan min ti mangang hman lek lek a ni.

" Tinge a? " Ricco-a hmahmawh deuhin a rawn chhuk thla a. Tumah chu kan tawng lo kan ngawi thap. A fanu a rawn ban chuan a fanu lah chuan a pa chu a lo ban let vat a, a pa a hmuh chuan a tap uar leh sawt a.


" Engtin nge in tih ka tih chu ? " A ti vin vak a, a fanu a pawm lai pawh chu a lo phu zawk.

" Ihhh.... Ihhhh..... Ka thlauh palh a " Cindy chuan inthiam lo deuh tak chuan a ti a.

" I pawm zawh loh chuan pawm loh mai tur lawm " A ti chang rat a. Cindy chu a inthlahrung hmel khawp mai.

" A tihpalh a nih kha , a na vak lo ang" A banah ka vuan a.

" Na lo se ti vak hian a tap lo ang " A ti leh khur khur a.

" Ka tihpalh, ka ti lui miah lo nia, melody ka ti tak tak " Cindy chuan ring ngei se tih melh in min melh a, a tih luih a nih hi ka ring chiah bik lo .

" Pu Than min lo va haw san pawt rih mai ta che u, hei kan boruak tinuai hi a ni bawk sia " Ka pa chuan a rawn ti chhuak a. Ka Nu nen ka pa chu kan melh phawk khawp mai. Cindy te chhungkua pawh engmah sawi kawi lo in an haw ve mai a.

" Hnute pek ka lo tum chhin ang " Lizy tap a zia deuh hnu a ban ka tum chuan a duh thak lo. A pa awmah chuan a bei hle hle mai . Ka pa pawn Lizy tap nasa lutuk kha damdawiin kal te a sawi hman hial a. Thisen chhuak emaw hliam a awm em em chuang lo a kal kher a ngaih loh thu ka sawi chuan a tilui ta bik lo.

Room a kan luh hnu pawn a pa nen an la inpawm deuh chawt a, " Kan hau hrep dawn nia aw.... A pa naute duat hi an lo vel mai mai a maw? " A fanu pawm chung chuan a be mawlh mawlh a. An inpawm deuh vang vang hnuah chuan a riltam deuh a ni ngei ang min rawn ban a, hnute ka pek chuan a hne nghal khawlh khawlh a.


" Naktukah na a neih leh neih loh damdawiin ah va check tir hrim hrim ila a tha ang " Ka bulah chuan rawn thu in Lizy hnute hne lai chu a en vang vang a.

" Eng êm a ni lo ang, naute te chu khuavangin a chawi ve an tih kha " Ka ti sep a.

" Nangpawh khawiah nge i lo awm a? Engvangin nge Lalthazuali kha i pawm tir reng reng " A ti khur khur a, keimah chungah a thinrim zawk daih a ni! .

" Ka pawm tir a ni lo, ka nu in a pawn vangin thingpui lum turin choka ah ka lut daih a lawm" Ka lo ti ve vat a.

" Chubakah cindy kha i vin vak kher a, a inthiam loh em kha " Ka tih leh chuan, " Ka fanu uar mang khengin a tap a, dam deuh a ka biak i la beisei mi? Chubakak pawm tam vak lo mahse a pawi lo" A ti nghut a.

" Ka pa pawh kha a awmdan a mak tawp Cindy pa bulah khan lo va haw turin a ti tawp mai a nia" . Ka pa awmdan mak ka tih em vangin ka ti chhuak tawp a.

" A mangan vang a nih kha, bawihteii tap kha a khawngaih a nih kha " A tih chuan ka bu ve nghut a. Lizy hnute hne a lo muthil tawh chu khumah ka mut rual in meng si lo in a rawn te a.


" Bawihteii hau suh u, a pa in ka hau vek ang " Lizy bulah muthla nghal in a kut a vuan a. A fanu lah chuan a pa aw a hriat rualin a thlamuang nghal sawt emaw tih turin a thaw nghal suai suai a. A pa kut tang chu a lo hum ve ran bawk.


Zingah Lizy chal sir deuh ah dûk tereuh te a lo awm a, a insawhna ve a ni ngei ang, ka"n khawih chhin a na tih hmel a put loh vangin ka ngaih a tha deuh. Inhnuaiah kan inpawm thla a Ricco erawh a la mu a kan kai tho ta lo . Choka kan luh chuan ka nu in ei rel a lo buaipui mek a, kan inpawm lut min lo hmuh chuan Lizy nizan lam a hmut theih leh theih loh min lo zawt vat a, mut lamah kan buai lo hlauh thu ka hrilh ve mai a.

" Keima nula te chu a va tho hma ve " Kima a rawn lut ve a , exer a la tih hriat takin a thlan hluam a. Fidge hawngin tui a in khawlh khawlh a.

" Tinge a chal hi? " Chair a a rawn thutthlak rual chuan Lizy chal chu a rawn en hnai a.

" A chal chu engtin nge a awm a ? " Ka nu pawh chuan Kima tawng a hriat rual in a rawn ti vat a.

" Nizan a a tlak na kha a niang tukin zingah a lang chiah a " Ka tih chuan, " Aw..... A va pawi thin " Ka nu chuan a ti nuah nuah a.

" Nizana a tlak na a? " Kiman hriatthiam loh hmel deuh in a lo ti a.

" Nizanah Cindy te chhungkua an lo leng a, Cindy khan a pawm a, an lo inthlauh a nih kha" Ka Nu chuan a ti sep sep a.

" Pawm zawh loh chuan pawm lo mai tur lawm le " Kima chuan a ti hluk a. Hei pawh a U nen an ngaihdan a inang chiah.

" Na te a ti em? " Ka nu chuan a ti leh thuai a.

" Ti lo a niang, tukin zinga ka khawih pawn engtinmah a awm lo" Ka tih chuan a bu ve mai a.


Ricco choka a rawn luh chuan Kima intifai turin inchungah a chho chiah a, kan bul a a rawn thut ve rual chuan a fanu chal chu a rawn hmu nghal a, a chhan min zawt nghal zat.

" Nizan a tlakna a nih dawn kha, a pawi tak tak a ni" Ka Nu chuan a lo chhang a, hriat tham si lo hian a phun hluk a.

" Na a ti lo a a zia tak tak a ni" Ka ti leh sep a.

" Vawin chu Damdawiinah kal ila tha ang" A ti nghut a.

" Damdawiin kal te in sawi in ka hria, damlo an awm mi? " Ka pa rawn lut in Ricco thusawi zawh chiah chu a hre hman tih hriat takin a rawn ti lut a.

" Kha bawihteii kha a chal a dûk deuh a , Nizan a tlak na a nih dawn kha" Ka nu bawk chuan a lo ti leh a.

" Khawi maw ka lo en chhin" Lizy chal chu a rawn bih hnai a. A nat leh nat loh min zawt nghal vat bawk.

" Bawihteii chu ka van khawngaih e aw...... A pu nen kan hau hrep dawn nia aw.... " A tih chuan Lizy lah chu a lo khi ang vur vur a.

" Damdawiinah va inentir ve hrim hrim ula a tha ang" Ka pa chuan a rawn ti ve leh chiah a, Ricco nen an rilru in ang lutuk chu a rukin ka ner suk.


Kan mipa te ho in Lizy damdawiin a entir ve hrim hrim an tih vangin Chaw ei kham in kan chhuak ta nge nge a. Doctor pawn a hlauhthawn awm loh thu a lo sawi chuan Ricco pawh a hahdam huai ni mai in ka hria, a hnawih tur damdawi min chawh nual bawk a . Damdawi kan lei zawhin thil ei turin dawrah kan chawl a.

Chawl ve midang ho chuan min en duh hlawm khawp mai, hmeichhe tleirawl ho lah chu an inrilhru sep sep hlawm a, awm an tinuam lo dawn dawn a lawm le.

" A nu leh pa in hmeltha bawk a in naute chu a hmeltha hle mai" Kan ei tur lo dah tu hmeichhia chuan nui sang in a ti a. Mi in min han fak hi chuan nuam ve veng veng tak a ni.

Kan thil ei lai in hmeichhe pakhat hian ka bag dawhkan a ka dah chu a rawn tai thla a, " Ka tihpalh lutuk " Tiin a rawn chhar a, " A pawi lo " Ka lo ti vat a. ka bag min rawn pe kan in en chiah chu kan ngawi chiang khawp mai. Hruaii nen kan inmelh ran a, kan in melh phawk dun khawp mai.

" Melody" A ti sep in Ricco te pafa in buaipui chu a melh a.

" Thil i ei dawn mi? " Mawi hnai deuh chuan ka ti a .

" Aw " Kei min en lo in Ricco te pafa ringawt chu a melh.

" Kalpui i neih loh chuan min lo zawm ve la " Ka nuih sang a.

" I mawl mi? Mi chhungkaw bula lo awm tut ka peih lo " A ti leh a. Ka nui chhuak hawk. A mizia pawh a la thlak lo khawp mai .

" I vanneih hle mai " Ricco te lam melh leh pah chuan a kalsawn ta daih a.

Kan in eipuar hnu chuan kan chhuak a. Ricco an motor a lak chhungin kan chawlhna dawr kawt ah kan lo nghak a. Hmingi nen kan inhmu leh hlawl mai! Min hmu chu a inring bik lo nge a kal lai a tawp chat a. Inhmuh loh na a lo rei leh deuh tawh nen ka hmu cher riau in ka hria.

" In dam tlang maw?" Kan bulah chuan a rawn ding a.

" Immm, dam tlang e... Nangni? " Tha deuh chuan ka ti let a.

" Ka pa hi tunlai chu phai lamah kan kal pui deuh reng a " A ti ve mai a. A pa hi tun hma atang a thawhah nei a nih vangin an buaipui ve nasa.

Hmingi kawr hma tle sep sep chu Lizy in ban a tum chuan Hmingi chu a lo tawlh sawn vat a. A awmdan mak ka ti lutuk chu keipawh sawi mai tur ka hre lo. Lizy lah chuan a kawr a mi vang chuan a nuar ta mai! .

" Pawm ve chhin la " Lizy a lam a ka chawi phei chuan a lo tawlhsawn leh vat. A awmdan chu ka hrethiam hauh lo, a mit meng chu a buai vek .

" Ka hmanhmawh a ka kal phawt mai ang" Tiin a kal nghal nal nal a. A kal liam chu mak titawkin ka en zui ringawt. Lizy lah chuan tap ta vak mai, ka thlem pawn a bang duh thlak lo.

" Tinge a? " Motor chhung a kan luh rual chuan Ricco an a lo ti vat a.

" Hmingi nen kan inhmu a, a kawr hma cheina tle kha a ngen tlat a " Ka tih chuan a fanu chu rawn ban in, " A pa nen tam tawk kan lei ve dawn nia" A ti ta khauh a, awlsam te in an inthlem bang leh mai!!.
.
.
.

Lizy kum khat tlina chu A pi leh Pu in lawm an tih tlat vangin then rual tha te sawm in chaw kan ei khawm a. Lizy pawn present a dawng hnem khawp mai. Kum an tlin ve meuh chuan tawng chiah chi lo hian rak ve nuah nuah a ching chho a, harh pawh a harh sawt khawp mai .

Christmas boruak vel a ni tawh a khua pawh a vawt tawh khawp mai. Christmas tukin kan inkhawm ve a. Kan chhungkaw te a Christmas kan hman ho ve na a nih vangin thla te kan la ve a, chuan ka nu leh pa te nen kan vai in kan la ho leh bawk a.

Kum thar atangin Ricco an indan a ti a ka pa te chuan phal em em lo mah se a tih deuh tlat vangin an hnial lui ta bik lo, kei phei chuan la awm mah ila harsatna ka neih loh teh lul nen, a mah hian a ti deuh tlat sia a hnial theih thin loh. Kum thar a nih chuan Ricco in bawkah kan awm leh a, pathum te mah ni ila kan ri ve nak nak zel.


" Tukin i tho nuam em? Enge i an? " Ka tho chu min lo zawt vat a. Tunlai chu ka khua a sik deuh reng a , awmze nei lo a phut zawk zawk leh thawk hlei theih loh zeuh zeuh ka ching a, ka dam hleithei meuh lo. Ricco an dawr a an buai zual lai tak lo ni bawk nen Nunin min rawn awmpui leh châwt a Ricco lo haw hnuin a haw ve leh mai zel. Nuni lah chuan, 'i rai leh tawh ni lo maw? 'Ti nghe nghe a ,mahse ka in test a rai lo vangin khawsik satliah ah ka ngai deuh tawp tawh. kan inentir ngun lutuk a doctor pawn min hre tawh khawp mai.

" Ka zia deuh chuan ka hria" Ka ti ve mai a. Lizy pawh kei ai in A pa in a khawi tam zawk.


Ka khawsik dam hleithei lo chu ka Pa leh ka Nu pawn kan inentir na damdawiin tlak chhin tur a min tih vangin kan chhuak a. Test chi hrang hrang kan nei hnuin result lo nghak lawk tur a min tih vangin pawnah nilum ai pah in kan lo nghak a. Result a lam theih thu an lo sawi chuan Ricco chu lam turin a phei a kan nufa in nilum kan lo la ai a.

Hmingi ka hmuh chuan ka au vat a, min hmu chuan lo thu ve turin ka hui vat a, hnial lo in a lo thu ve mai a. Lizy lah chuan a lo en vung vungin a lo ban nghal zat a. Hmingi bulah pawm ve tur a ka tih chuan a hma a tih ang bawkin a tawlhsawn leh daih a , hetia a awm nachhan hi ka hrethiam lo.

" Hmingi tinge Lizy pawm tur a ka tih che in i tawlh sawn zel a ? " Ka ti ta nge nge a.

" Ka tihpalh " A ti tingawt chu ka hrethiam lo khawp mai.

" Engah chuan " Ka ti sep a.

" He naute ka hmuh apiang hian a chung a ka thiltih kha ka hrechhuak thin a , ka pawm ngam thlawt lo a ni" A ti tiau a. A hmel a inthiam loh na nasa lutuk ka hnuh chuan ka khawngaih ve deuh.

" A hmel pawisawi lo takin a min lo ban ve chang phei hi chuan, ka inthiam lo zual sawt " A ti niah niah a.

" Inthiam lo suh, i inchhir tih i hrechhuak tawh a a tawk lutuk. Lizy pawn a ngaidam vek tawh ang che " Ka tih chuan Lizy pawh a nui chhuak ve hawk a. Hmingi pawh Lizy en in a mittui hruk pah chuan a nui ve suk a.

" Kha pawm la" Ka tih chuan muangchangin a rawn la a.

" He naute hmeltha leh fel lutuk nun hi ka va tichhe teuh em? " A mittui a far fap a . Ka hnuk an ti ulh dawn lek lek a ni. Hmingi nen pawh kan ti ti tui leh ta phian a. Lo leng tur a ka tih chuan a hman remchang veleh a lo leng tur thu a sawi ve luam a.

" Enge result chu? " Ricco a rawn let chuan ka lo ti vat.

" A tha, i taksa chak lo vang mai mai a nih kha " Lehkha chu min pe a, damdawi min chawh hnem khawp a!. Ka result ka Nu leh Pa te kan hrilh chuan an ni pawh an lo lawm khawp mai, eng em a thleng lo hlauh a.


Tunlai chu Ricco nen pawh kan inbe khat khawp mai, dawrah a kal loh changin a chhuak reng a. Zu rawn inhaw zeuh zeuh chang lah a ngah. zanah lah hna a thawh loh leh rei tak tak thleng phone in mi a bia a. Ngaihzawng a neih te ka ringhlel hman hial a. A ruk a a phone ka check lah in han rinhlelh tur awm ang a awm bawk si lo, mahse a call list ah chuan Sandra tih nen chuan an inbe ngun khawp mai.


Nuni bul ah Ricco awmdan ka hrilh chuan , ' hna a thawk nasa lutuk a hrethiam ve deuh rawh , ngaihzawng a nei lo ang " A ti mai a. Keipawn chutiang chuan ka ngai ve nghal mai bawk a .


Hmingi bulah Ricco awmdan leh a hmeichhe biak thin nu chungchang ka hrilh leh chuan a ni pawn Nuni ang bawkin, hna a thaw hah vang a hrethiam turin min ti leh a, Sandra-i pawh, ' an sumdawnna a an thawhpui mai mai bak a ni lo ang ' a tih chuan ka ngaih a ngam ta deuh.


Tuk khat ka tho chu ka luak ta vak a, Lizy te pafa erawh pawnah an inpawm chhuak a. Duhtawk a tam ka luah zawh chuan, damdawi ei mai ka tum chu a lo zo tawh a. Ka damdawi ei lai a zawh palh thut ah tiin lei sa kan nei nual a. Ricco an a wardrobe ah a dah vangin hawng ka zawng a . Damdawi lah chu ka la hmu lawk lo lehnghal. A mah hrim hrim hian lehkha pawimawh a ngah vangin a lehkha lo awm deuh nuai chu ka rem that sak phawt a.


Lehkha ka remfel lai chuan lehkha pakhat hi a rawn tla thla a, chhar a dah leh mai ka tum chuan ka hming ka hmuh thuak vang chuan lehkha chu pharh in ka en a . Lehkha ka chhiar chuan ka phu chiang khawp mai.

" Âma hi a la tho lo mi a? " Ricco te pafa an lo lut ve chiah a, an mahni chu mittui tling puau in ka en a. Ricco an min hmuh chuan a hriatthiam lo hmel khawp mai, chutah ka kut a ka lehkha ken a hmuh chuan thil awmzia hrethiam ni awm tak in a hmel a buai nghal vek.

" Hmingi " Ricco chu a au a, Hmingi a lo kal a ni ngei ang. Hmingi pawh chu hmanhmawh zet in a rawn lut a. Lizy chu pe in lo va chhuak turin a ti a, Hmingi pawh chu a hrilhai hmel khawp mai.

" Hei hi enge? " Ka ti tham chel a. Min chhang lo in a sam a tuai puat a a thaw chhuak hawk.

" Thla hmasa kan inentir na lehkha kha min pe sia mahse hei hi khami ni mi chiah chiah a ni bawk sia. I lehkha min pek ah chuan ka that vek thu a inziak a, mahse tah hian ngatinge lung tha lo ka ni tih a inziah bik a? " Ka mittui pawh ka dang seng tawh lo.

" Ka hrilhfiah ang che " Ricco chuan a ti dam thluam a .

" Ka thi dawn mi? " Tap pur chung chuang chuan ka ti sep. phun hlukin min rawn pan a.


Show post links
Top

[Ngaia]

SO FAR AWAY


Chapter- 26

By
Melis Hmar

*Dik lo lai leh word kim lo lai a awm zeuh zeuh maithei, in lo hmulo der mai dawn nia. Ka hmanhmawh lutuk na lamah duh ang pawh ka type thei lo.

" Khatiang thu kha vawikhat mah sawi tawh suh ang che " Nghet tak a min kuah in a ti chang rat a.

" Mahse ka lung thlakna tur hmu lo ta ila? " A awm atang chuan ka ti tiau a.

" Kha kha chu ngaihtuah suh, ka kut ah dah rawh, ka hmu ang" A ti nghet charh a. A thusawi chuan min hnem zia chu pui tak a ni.

" Ricco.... " Ka ti sep a.

" Ummm.... " A lo ti thum dut.

" Thih ka duh lo " Ka ti chhuak tiau a. Lizy nen a hmu tawh lo tur angin ka inngai a ka tap chhuak hawk.

" I thi dawn lo, thih kha sawi tawh suh, ka phalna lo chuan khawiah mah i kal dawn lo " A ti bung nghut a. Ka samah chuan duat deuh a chul a.

" Hetiang a ka awm i hlauh vang a mi min hrilh loh? " In lahrangin a mah chu ka en chho a. A lu a lo bu nghut a.

" Mahse min hrilh tho tur a lawm" Ka la ti ve talh.

" Lungngai lo khan awm tawp rawh , keiman engkim ka ngaihtuah vek mai ang" Ka biangah chuan dawm in a ti dam thluam a.


Room atang a kan chhuah chuan sitting roomah Hmingi leh Nuni an lo thu a kan chhuak tih min hmuh chuan an lo ding vat a, " I tha em? " Min lo ti nghal vat. An hmelah chuan an ni pawn ka chungchang an hre tawh a nih hmel.

" Nangni pawn in hre tawh a mi? " Ka tih chuan an lu an bu rual a, ka thaw chhuak nghal kawk a.

" Melo , i rilru ti hah suh aw..... Ka pa in a hmelhriat te a bia ang a i lung thlak na tur chu kan hmu vat mai ang" Hmingi chuan a lo ti vat a.

" Ni e... Melo, keipawh ka pa hmelhriat ten an hria ang" Nuni chuan a lo ti ve thuai a. An hmelah chuan min ngaihtuah zia ka hmu a, thih ka hlauh phah sawt. Lizy in min lo ban chuan Hmingi pawmna atangin ka la vat a. Nghet tak in ka kuah nghal a. Ka fanu hi engtin nge ka kalsan theih ang, ka tello a seilian tur chuan ka pallo .

Zan ka mu tur te chu zan dang a ka tih ngai loh dan deuh in bible ka chhiar a chumi zawh ah ka tawngtai leh a. Mut hmunah pawh chuan Ricco an thil atthlak ngaihtuah a rilru tihah lo turin min ti a.


Damdawiinah kan inentir leh tum in doctor hnen ah thlak lo a enkawl dam theih leh theih loh ka zawt a, mahse doctor chuan kan lo hriat chuah har deuh vangin thlak ngei ngei a ngaih tawh thu a sawi a, chu chuan min ti hnual khawp mai. Ka lung thlakna tur an zawng mek a, Ricco pawh a buai khawp mai dawr pawh a ngaihtuah tha hman meuh lo a, ka nu leh pa pawn an lo hre daih tawh a, ka hriat hma daih tawh in Ka pa leh Ricco an ka lung thlak na tur an lo zawng char char tawh a lo ni a.


Tuk khat ka bazar chu ka haw lamah biakin kawngka lo la in hawng huau chu ka hmu a. Zing tawngtai inkhawm kal a haw na a la rei vak lo tih a hriat tak in kawngka a la in hawng huau a. Ka kal pel tawh chu hrechhuak zawkin biakin lam chu ka pan leh a. Kawngka bulah ka thil lei ho chu dahin, biakin chhungah chuan ka lut a. Pulpit hmaah chuan ka thingthi ta tawp a, chuan ka tawngtai chhunzawm ta a.

"Aw lalpa, min hmu tiraw? Tunah hian eng dinhmun chiah nge ka paltlang a, eng thil nge ka hmachhawn tih pawh i hre vek a, ka tan i awm reng thin tih pawh ka hria. Aw Lalpa tunah hian ka mamawh takzet che ni, khawngaih in min pui rawh, ka chungah tha a i hriat ang chu thlen tir la, i ruahman na ah chuan lawm zel thei turin min pui bawk ang che. Ka chhungkua hi min venhim sak la, ka hmangaih te tan hian a tha nia a i hriat ang a piang thlen tir bawk ang che . Amen " Ka meng a tho mai lo in ka la thingthi vang vang a.

Tho a ka inher chiah chu pastor a lo thu ve reng a ka phu nasa khawp mai. Ka tawngtai na pawh kha a hre vek thih chu zawh buai ka ngai lo.

" I duh ang thal in i tawngtai thei em? " Pastor chuan a lo ti a. Sawi tur pawh ka hre lo ka ngawi reng.

" Lo thu ve hrih la " A tih chuan a thutna ah chuan ka thu thla ve a.

" Pathian hi i ring em? " Pastor chuan a rawn ti chhuak a. A thilsawi teh daih chuan hrilh a ti hai zawk hial a ni.

" Aw... Aw... Ring e " Ka ti bah nawk a . Lu a bu nghut nghut a.

" Rin na hi a pawimawh, engtiang pawn kan harsatna emaw , ka thil duh thlen mah ila rinna kan neih leh chuan si loh chuan, mahni beisei bo kan insiam mai mai a ni" A ti sep sep a.

" A nih tun a i tawngtai na kha a chhan i ring em? " A ti leh a.

" Aw ring e "

" A nih ngatinge a chhan che i rin nachhan? " A ti leh a. A thil sawi ho chuan min ti bang bo hlawm khawp mai.

" Keimah ah hian ka ring ve tawp " Ka ti leh a. Ka thusawi chu pawm tih hriat takin a lu a bu leh nghauh nghauh a.

Pastor nen kan ti ti tui ta phian a. Ka haw chuan Ricco pawn rei min lo ti khawp mai. Lizy nen chaw an lo in barh a, min hmu chu a lo rak vek nuah nuah a. Chaw ei siam sawk sawk in chaw kan ei zui nghal a, dawr a kal a ngaih vangin a hmanhmawh tawh khawp mai, keimah vangin a tlai phah ta vek a ni.


Ka nu a rawn leng phei a, Lizy a awm deuh chawt a ka awl zawk ta phian a. Chhunah chhang ka ur a, chhang ur loh na pawh a rei tawh lawm le....... Chhun thil kan ei lai chhan Lizy a muhil hlauh a, hahdam deuh in thil kan ei thei a a zia phian.

" I rilru tihah suh aw " A thinpui chu a lem zeuh a.

" Immm..... " Za lo deuh in ka nui a. Rilru tihah loh chu har ve tak a ni.

" Bawiha leh A pa in i lung thlak na tur chu an zawng a , an hmu vat mai ang. A pa pawn a hmelhriat te a be kual a, bawiha pawn hmelhriat a ngah a, phai lamah a thiante pawh a biak pawh kha" A ti sep sep a. Dik tak a sawi chuan ka beidawng ve lek lek tawh, ka hriat hma daih atang tawhin an lo zawng tawh a , mahse tun thlengin an la hmu bawk si lo, ka tawngtai tam phah khawp mai.

Ricco a lo haw in Ka nu pawh a la awm a, Lizy nen an in awi leh tawh. Ka nu a haw dawn chuan chaw ei turin ka ti a , mahse, " Chhungkaw nu ber ei chhuah daih chu a chi loh " A tih deuh tlat vangin kan tilui ta bik lo.

" Ka lung thlak na tur chu in la hmu lo mi? " Mut hmunah chuan ka zawt a.

" Lo ngaihtuah ve lo turin ka tih che kha , kan hmu vat ang " A ti mai a.

" Kan hmuh pawh ka ring tawh lo, pathian in ka chan tur a a ruat pawh a ni mah na " Ka ti sep a.

" Kha ti khan ngai ringawt zel suh, pathian ruat a nih leh nih loh pawh i chiang ngawt a mi? Pathian te chu a hun tak ah a lawm a chet thin " A ti sep sep a. A ka atang a pathian chungchang a sawi vawikhat ka hriat na a ni hial ang!.


" Pathian hi a awm i ring em? " A rawn ti leh daih a.

" Aw"

" A nih i ring em? " A mah chu hamhaih zet in ka en tawp.

" Aw ring "

" A nih chuan a mah ah in nghat la , a mah ah beiseina leh rin na nghat tawp rawh " A tih chuan, a mah chu mak ti zet in ka melh ngawt ngawt.

" I mak! " Ka ti zawi sep a.

" Engah chuan " A lo nui huk a.

" Zanin a i awmdan hi, i thusawi zawng zawng te pawh hi a hma in hetiang lam hi i la sawi ngai miah lo " Ka tih chuan, " Keimah a mi pakhat ve ang ah ngai tawp rawh " A ti mai a, a thusawi chu ka hrethiam chuang lo.
.
.
.

" Vawin chu ka peih leh, dawrah Lizy nen kan lo kal ang " A chhuah hma chuan ka ti a.

" Ka rualin lo kal mai ula " A tih chuan Lizy bual phawt ka duh thu te ka sawi a, fiamkhur deuh a lo kal turin min ti a.

Inchhung ka hawl fai hnu in Lizy ka bual a, a hma ang em em in hna ka thawk thei vak tawh lo, ka thawh vak chuan ka thawk lam a harsa dawn zel a, Ricco pawn awmpui lak mai a duh thu a sawi a, mahse keiman ka duh tlat loh vangin a tilui ta bik lo.


Ka insiam lai in kawngka an lo kik a, ka va hawn chu mipa la thalai ve tak hi a lo ding a, " Pu in va hruai tur che u in min ti a " Chupa chuan a lo ti vat a. Ricco a rawn tirh a ni tih ka hrethiam nghal mai.

Lizy mamawh tur ang khung sawk sawk in Lizy pawm chungin ka chhuak a, IN kalh tha vek in Ricco dawr lamah kan phei a. Dawr kan luh chuan Lunch ei in an lo chhuak hlawm a ni ngei ang hnathawk ho pawh an awm mang lo.

" Kan Pu nupui kha i ni tiraw" An tih chuan ka lu ka bu zeuh a.

"Awiii.... A fanu hmelthat sia hi, a pa leh a nu an hmeltha bawk a a chhun dun khawp mai "Lizy hmai ah piai in an ti zui nuah nuah a. An kal sawn hnu chuan Ricco office lam kan pan a .

" Papa i awm em" Ka ti lut a, Ricco pawh in ka aw a hriat chuan a thutna atangin a lo hawi chhuak vat a. A thutna atang a rawn tho in min lo pan a, Lizy in a pa chu a lo ban vat a an inpawm leh ta nge nge a.

Dawr a ei chhuah ka peih loh vangin a office a ei turin eitur a chah a, a lo thlen chuan ei theih mai turin ka buaipui a, an pafa chuan computer hmaah thu in eng engemaw hi an ti dun ve mawlh mawlh a, a chang leh an nui leh ang huk huk a, engtak chu en ang maw?.

" Lo phei ula, a ei theih tawh" Ka tih chuan an rawn inpawm phei ve mai a. Lizy lah chuan a pa thei ei lai chu a lo ban ve sek a.

" Bawihte papa tibuai suh thil a ei dawn " Ka tih chuan ka sawi hre ve ang hrim in ngawi rengin min en a, mahse a hnu ah a pa bawk chu a lo ban buai leh a, a pa in a ei lai chuan a lo âng ve duai duai a, a pa pawn a nuih tawp.


Thla hial a vei leh hnu pawh chuan ka lung thlak na tur chungchangah hmasawn na a la awm thei lo a, kei phei chuan kan hmuh zawh ka ring tawh lo zawk, Ricco erawh in, 'kan hmu em em ang ' a la ti tal a. Kan hmuh ka beisei vak tawh lo thu erawh ka hrilh duh ta bik lo.


Nitin hian ka thih na ka hnaih zel tih ka hriatchhuah chang apiangin lung a zing duh thin khawp mai. Ka fanu leh Ricco hlat a awm ka hlauh na a nasa telh telh a , mahse he kawng hi ka tan pathian in min lo ruat sak ang ah ka ngai in pawn thiam tur in engtik lai pawh in ka inhrilh mawlh mawlh zel. Thi pawh ni ila ka pawi ka ti lo, mahse ka fanu leh ka pasal engtikah mah ka hmu leh thei tawh lo tur hi ka ngai ngam lo a ni.

Ni khat chu Ricco rawn haw in ka lung thlakna tur an hmuh tawh thu min hrilh chuan ka lawm lutuk chu a mah chu kuah in ka tap chhuak hawk a. Ka rilru in lawmthu ka sawi nghal mawlh mawlh bawk.

" I hlim em? " Mut hmun ah chuan Ricco chuan min zawt a.

" Immmm..... Hlim lutuk " Khik vur vur pah chuan ka ti chhuak a. A khi suk a, mahse a hmel awmdan chu ka hrethiam chiah lo, nui mah se a rilru kap tu nei a ang riau.

" Hetia i hlim hmel hi a mawi lutuk a, ka la hmuh kham lo " Ka biang ah chuan vuan in mawi zet in a nui a.

" Min ti lai " Ka tih chuan a nui chhuak hawk a.

" I hmeltha lutuk tih hi ka hrilh tawh che em? " Min fiam pah deuh chuan a ti a. A banah ka beng a a nui zui hawk a. Nghet deuh in a awm ah chuan min kuah a, rei vak lo ah keipawh ka muhil zui nghal a.


A tukah chuan doctor hmu turin kan in phur chhuak a. Doctor in ka lung thlak na tur an hmuh tawh thu a lo sawi nawn leh chuan, doctor bulah chuan lawmthu ka sawi nghal mawlh mawlh a. Doctor chuan a ma bulah ni lo in ka bulah lawmthu sawi zawk turin min ti a. Lung thlakna kan hmuh tawh vangin a rang lam a in zai vat ka ngaih thu a lo sawi bawk a, kar thar Nilaini a in zai nghal ka neih dawn thu chu a sawi nghal bawk a.

Kan haw lam te pawh chuan ka lawm lutuk chu ka khi reng tawh mai. Ricco pawn, " A ha ni a ro vek ang" Min ti hial a ni.


Kar thar mai a inzai ka ngaih tawh vangin Ricco pawn ka hriselna a hma zawng ai in a ngaipawimawh a, dawrah pawh a kal ngai ta meuh lo. Ka inzai hma chu dawrah kal a tum loh thu in a sawi a ka hnial ta bik lo.

Chawlhni kan inkhawm chu thlalak a ti tlat a, a hma zawng zawng a thlalak sawi ngai lo khan, thlalak a ti thut chu mak ka ti lutuk a ka nuih pawh a za zawk hial a ni. Thla kan lak zawh hnu chuan, haw mai lo in Ka pa te in lamah kan leng phei a. An ni pawh an inkhawm bang a haw na a la rei lo tih hriat takin an la inthlak lo a.

Kan inzai ni tur te kan hrilh chuan an ni pawh an lawm ngang mai. Ka nu leh ka Pa hmelah chuan thilsawi duh nei hmel an pu a, mahse an sawi tak si loh ah chuan ka zawt ta bik lo.

Ricco chuan ka inzai ni hma chu min awmpui deuh chawt a. A hlat a ka awm a phallo ka ti mai, min hmuh loh hlek in naupangin an nu te an zawng nghal ruai ang mai in min koh nghal vat zel a, " I nupui ai in i nu ka ang zawk " Ti a ka fiam chuan duh lo ve nasa lutuk.


Ka inzai ni hma chiah chuan leng chhuah a ti deuh tlat a, kan chhungkaw tê chuan kan chhuak a, kan kal na chu , Nunin a pawisa ru a min puh zan a , ka kal na tur hre lo min phur Kul tur a ka tih hnu a khawpawn a ngawi reng a kan thut dun na hmunah khan min hruai a. Kha zan kha Ricco nen a kan lengchhuah dun hmasak ber na a tih theih ang.

" Hun lo kal chak zia hi" Kan thut vang vang hnu chuan Ka phun sep a.

" Nia.... A kal chak lutuk a, hun kal tawh ah khan let leh hial mai te ka duh a ni " A tih chuan ka nui chhuak hawk a. A ni pawh a khi ve suk.

" Naktuk a min zai zawh hunah chuan, thawveng deuh in ka awm thei tawh a nga " Ka thaw chhuak hawk a.

" Aih....... Thawveng deuhin awm suh" A lo ti hmuk chu a mah chu hrilh hai zet in ka en a.

" Keimah min ngaihtuah char char rawh" A tih leh chuan ka nui chhuak a, a ni pawh a nui ve suk a .

" Ka inzai zawh hunah chuan kan chhungkaw te in zin ila a nuam ngawt ang " Ral leh lam chu thlir in zang khai zet in ka ti a.

" Nia a nuam ngawt ang, ka va tel ve chak " A mah chu en in ka hmui ka tihpawrh khum ringawt.

" I duhthusam pakhat thleng dik thei dawn ta se enge i dil ang? " A rawn ti leh daih a.

" Hlim tak a ka hmangaih te nen a awm " Ka tih chuan a kiai suk a.

" Nang? " Ka tih chuan, " Ka hmangaih te hlim lai chu ka thih hnu piah lam thleng a thlir " A tih chuan ka chek zui hlak hlak a.

" Over suh" ka tih chuan , " Ka ti tak tak a lawm, thih hnu piah ah pawh in hlim lai hi thlir reng theih ka duh" Thutak zet in a ti a, a mah chu awm hnaih in a hmuiah chuan ka fawp zeuh a.

" Ka hmangaih che" A rawn ti chhuak sep a.

" Keipawn ka hmangaih che " A mah chu lungawi deuh a melh in ka ti chhuak a. Lizy pawn nuam a ti bawk a niang, a mah tawk ah a te ve nasa khawp mai. Ni tla thlir liam a tih tlat vangin tlai ni tlak thleng kan awm ta a.

" Hetah lai hi kan hun hman hmasak ber na a a ni a kan hun hman tawp pawh hetah bawk hian a ni " A ti chhuak sep a.

" Enge awmzia? " Hrethiam lo deuh in a mah chu ka zawt.

" A bul intan na ah chuan a tawpna pawh a awm thin " A thilsawi awmzia chu ka hrethiam thak lo.

" Tu sawi nge chu chu? " Ka tih chuan, " Keimah " Tiin ka lo ti heu mai , a mah chu ngei zet in ka melh ringawt.


Show post links
Top

[Ngaia]

SO FAR AWAY

Chapter-27 (Last)

By
Melis Hmar


" Ka ngai che " Nghet tak a min kuah in ring vak lo in a ti sup a.

" I bulah ka awm reng hi" Tiin a mah chu ka nuih a, a lo kiai suk.

" Ka hmangaih che " A ti leh a, " Keipawn ka hmangaih che" Ka ti let a.

" Zanin hi ral thei lo se " A aw chu a ring lo mahse ka hrechiang nang mai.

" Timaw? Min zai zo vat vat se i ti lo mi? " Ka ti let hu a.

" A zai zawh che chuan i dam tha tawh a nga, ka duat thei tawh dawn hleinem che " A tih chuan naupang chhia ti zet in ka ner vak.

" Tunge ka lung donate tu hi? " Ka hriat chhuah thut avang chuan ka zawt a. A mah pawh hian tunge a nih tih min la hrilh lo hrim hrim.

" Ka hmelhriat pakhat a nia " A ti satliah mai a.

" A fel e " Ka tih chuan a nui ri suk a.

" Thil pek tur che ka nei " A tih chuan phur tawk in, " Eng? Khawi " Ka lo ti vat.

" Tun ah ni lo naktuk ah i in zai zawh ah chauh " A tih chuan ka tum nghal bur a. Nuih pah in ka biang a rawn piai a ka lo melh rum vak.

" Ricco, min tawng hi i inchhir em? "

" Teuh lo, ka tawng lo ang che tih hi ka hlau ngawih ngawih , tinge chu chu min zawh a? " A tih zawm nghal a.

" A chhan chu, kan inhriat tir phat atang in i tan buaina hlir ka ni a. Kan inngaizawng a i tan buai na ka ni leh a, kan innei a chutah pawh chuan i tan buai na ka siam leh che a " Ka ti niah niah a.

" Buaina min thlen tu tawh zawng zawng a tha ber leh kalsan har ber i ni" A tih chuan ka nui chhuak hawk a.


Ka muthilh lai pawh ka hre lo, tawng thawm ka hre riai riai a. Ka beng bulah ni in ka hria,
'Min theihnghilh suh aw... '
' ka lo nghak reng ang che u '
' chak tak in i awm a ngai nia ' tih ang reng chu sawi te hi a ri ser ser a. Ka mut a chhuah em vangin ka meng chuang lo chuan ka lo muthilh san leh daih a.


Chaw ei kham chuan damdawiin pan turin kan insiam a, Lizy chu a pa in a khawih leh tawp tawh, he naute hi chu a ngeiawm a nia, a pa awm hi chuan a pa ngat hi a duh thin.

" Melo, ka thawmhnaw hak tur min lo thlan teh a " Ricco chuan Lizy a buaipui zawh in a rawn ti a.

" Enge in chei vak a ngai hleinem" Ka lo ti mai a.

" I lo harh hunah chhe lo tawk a lo awm ka duh lawm, min thlang sak vat mai teh " A ti bul bul a. A wardrobe chu hawngin t shirt var leh smart pants pawl dal chu ka lak chhuah sak a, an han hak chuan a dik nghal thlap mai.


" Chhelo min ti viau suh " Ka en reng lai chuan a rawn ti a, lai zet in ka hawisawn vat.

Darthlalang a ka in en lai chuan ka hnung atang a min rawn kuah in, " I nalh lutuk " A rawn ti sep a. Darthlalang ah a hmel chu en in ka khi vur vur. A lam hawi in min kuai her a, ka hmui a rawn fawp nghal chat, Lizy a rawn te chuan kan infawhna atangin kan inla hrang thei hram!!.


Damdawiin kan thlen chuan, doctor ten inzai hma a tih neuh neuh tur an ti nghal zung zung a. Tlai lam a min zai dawn vangin in zai hma chu engmah ei min phal sak tawh lo a, ril chu tam duh khawp mai. Ricco an min awm pui reng a, ka muthilh lai pawn ka kut vuan in a awm ve reng a.

In zaina room kan luh hma chuan Ricco chu ka hma ah rawn thu hniam in, " Hlau suh aw.... I kiangah ka awm reng dawn a nia " A ti sup a, ka lu ka bu zeuh a.

" Ka harh hunah hmuh hmasak ber che ka duh a nia " Ka tih chuan min en vang vang hnu ah a bu ta chauh a. A mittui parawl chu ka hmu chiang ngang mai.

" Hey..... Ka thi dawn lo" Tiin a mittui lo luang chu ka hruk sak a, " Nia.... I thi dawn lo, i thih ka phal reng reng lo" Tiin a mittui chu a hru thuak a.

" Melo, ka hmangaih che, ka hmangaih lutuk che tih hre reng la chak takin awm rawh aw" Harsa tih hmel zet in a tawng chu a seh chilh nawk nawk a.

" Immmm..... Chak takin ka awm a nga , inzai na pawh hi tluang takin kan zo ang " Ka tichhuak sep a. Midang kan chhung te leh kan thian te lo awm ve pawh chuan keini chu min en thap a. Ricco chuan ka hmui a fawh vang vang hnuin min nghet takin min kuah a, chuan inzai turin min hruai lut ta a.


Ka harh chuan damdawin Cellling ka hmu hmasa ber ka hawi kual chuan tumah ka hmu lo. Ka hmazawn a sana intar ka hmuh chuan dar 12 a pel thuak tawh, tumah pawh koh lem lo chuan ka muhil zui leh mai a.

Tawng sep sep thawm in min ti harh a, ka harh tih an hriat chuan, " Melo, enge i an? Na te i nei em? " Hmingi leh Nunin min lo zawt nghal vat a.

Chhang lo a ka awm reng chu, " Tinge a tawng miah lo a " Tiin an hrilh a hai hmel takzet. Zawi muangin ka che a, ka thu chhuak tur chu an pahnih in min lo buaipui vat. Ka hma zawn a sana chu ka melh leh a dar 8 a ri tawh.

" I ril a tam em? " Hmingi chuan a lo ti vat a.

" Khawiah nge Ricco-a " Ka mit nuai chat chat pah in ka ti a.

" Enge i ei duh ang, ei chak i nei em? " Nunin a lo ti ve vat.

" Engmah ka ei chak lo, Ricco hi a haw mi? " Ka tih zawm leh zat a.

" A nih mu hahdam leh rih rawh " An lo ti leh daih a. Ka zawhna chang lo a thildang an sawi zel chu ka hrethiam lo.

" Khawiah nge Ricco chu" Ka ti ta vak a. An pahnih chuan min en in an ngawi dak a.

" Tinge in ngawih reng a, khawiah nge ka pasal " Ka ti leh a.

" Melo..... Ihhhh..... " Hmingi chuan a rawn ti a, sawi duh nei sawi ngam si lo a ang ber. Nuni chu a rawn tap chhuak hawk a.

" Nuni tinge i tah a" Hrethiam lo deuhin ka en hu.

" Melo, Ricco chu a awm tawh lo " Nuni chuan tap pur chungin a rawn ti chhuak a.

" Eng in sawi awmzia le " Ka ti nuah nuah a. An pahnih chuan engmah an sawi tawh lo.

" Har chhuah rual a infiam chu a chi miah lo ang, ka chau teh a nia " Ka ti sep sep. Min chhang lo ve ve, Nuni erawh a la insur ri hraih chu ka la hrethiam lo.

" Ricco chu call ula ka harh tih hrilh teh u" Ka ti hlar a.

" Melo.... " Hmingi chuan min en in a ti sep a. A hmelah leh a mutmengah chuan min khawngaihna bak hmuh tur a awm lo.

" Melo, Ricco chu a kal tawh a lawm" Nuni chuan min rawn kuah in a tap chhuak hawk a.

" Insawi hi ka hrethiam lo. Ni lo....ka ngaihtuah na hi
a duk lo tih sawi rawh u " Ka lu ka thing vak vak. Ka inrin hma in ka mittui a rawn baw hawk. Nuni chuan inla hrangin min leinat hmel zetin min en a. Min chhan loh ve ve vang chuan thilawmzia ka hrethiam ta.

" A nih chuan ka lung donate tu hi Ricco a ni tih min hrilh miah suh u " Tiin ka au vak a, ka mittui vangin an ni chu ka hmu phe vek tawh.

" A ni lo, dawt a ni, Ricco ka hmuh a ngai, nangni hian dawt insawi a ni. Ka harh ve leh min hmuh nghal tur thu a sawi a lawm " Ka ti chiam a. An pahnih chuan an tap pur tawh.

" Ricco ka hmuh a ngai" Ka vut a an thil vuah chu ka phawt ta sawk sawk a, an pahnih chuan min lo dang an tum a mahse ka phawt hman vek tawh, hmangmawh takin ka tlan chhuak a. Min auh na pawh ka hria mahse ka kal lui tho.

Kan In lam pan in taxi ka hmuh hmasak ber chuan ka kal a, inchhung ka luh chuan Ricco ka au vat a , mahse tuman min chhang lo, inchhunh chu a reh ruih mai. Taxi bawkin Ricco te In puiah ka kal leh a. Kawt a mi lo awm nuih chu ka hrethiam lo hle. Hrilhhai zet in muang chang chuan In chu ka pan a. Kawngka bul ka thleng chu ka kal lai ka tawp chat. Tap thawm chu ka bengah a ri a ring khawp mai.

Ka din na atang a, Ricco a mu thut hual a an lo tah khum chu ka mit vai emaw ka ti hial a ni. Chhuat ah chuan ka thu hnawk a. Ka mittui pawh a tla thei lo, min thawng lutuk chuan enge ka ngaihtuah tak ngial pawh ka hre thei lo. Ka thutna atang a tho in muangchang chuan ka phei a.

Ricco awmna ka thlen chuan ka thutna tur min lo kian vat a, thu thla in mi â ang mai in ka en ngawt ngawt, " Hey... Zing a ni tawh a nia, tho tawh rawh, i mu rei lutuk , dawrah kal te i la ngaih kha i tlai a nga sin " A mah chu mi â ang mai in ka en ngwt ngawt .

" Ka harh hunah hmuh hmasak ber che ka duh ka ti sia, mahse nang chu hetah hian i lo la mu mai mai a. Min lo lawm dan hi ka duh hauh lo, chuan i present hi ka duh lo la let leh rawh " Za lo deuh in ka khi suk a, ka mittui a rawn baw pah nghal hawk.

" Melo" Ka nu chuan tap zawih zawih chungin min rawn kuah a.

" Ka nu dawt tiraw? Ricco hi a muhil mai mai tiraw? " Ka nu chu tap chungin ka zawt a. A ni pawn min chhang thei lo, a tap zawih zawih ringawt.

" Tinge ti hian i tih? Mawh.... Hetiang thil ti tur hian ka duh lo che, ka ngen che mi? Tinge ka tan hian harsat na min siam reng " Tap chung chuan ka ti chhuak a.

" I hmai te hi a vawt vek a nia " Nuna nei tawh lo tih hriat takin a dâng vek a .

" Ka thih i phal lo a, mahse i thih chu i inphal tho sia. I thih ka phal leh phal loh te kha min zawh ve tur lawm " A mah chu ka hau mawlh mawlh , mahse a hma ang in min chhang tu a awm tawh lo. A bulah chuan mu in ka tap ta chiam a, ka tap nasa lutuk chu ka nikhaw hre lo in ka awm hial a.


Ka harh chuan roomah ka lo mu a thil thleng kha ka mumang mai mai a nih ah ka ngai a , " Ricco" Ti a phun sep in , Ricco chu hlim deuh in ka zawng a. Room atang a ka chhuah chuan a tak ngei a nih tih ka hre chawpchilh nghal. Ricco chu thlan lam pan pui an lo tum tawh a. Pan hnai vat in kuang chu hawng leh ka dil a, an ni pawh chuan min lo hrethiam tak min hawn sak a.

" Ka hmangaih, i kal hi ka phallo" Tiin ka tap ta chiam a. Ricco chu ka kuah bet tlat a. Kuang an chhin duh tawh thu an sawi pawh chuan ka la phallo. Ka nu chuan min lo kuah a, a tawp nan tiin a hmui vawt thler ah chuan ka fawp vang vang a.

Ka U an phumna bul chiah ah chuan Ricco chu an phum a. Midang an haw vek tawh hnu chuan kei chu ka la awm ta reng a.

" Tunah chuan min kalsan vek tawh, ka hmangaihte zawng zawngin min kalsan vek tawh " Ka nu leh pa ka U leh Ricco te thlan chu melh in ka phun sep a.

" A fair lo khawp mai " Ka tap chhuak a.

" Ka hmangaih, heti mai a kan thawnthu tawp tur hi chuan ka la phallo a sin . Kan pahnih thawnthu ah khan ziah duh tam tak ka la nei a, a tawp na pawh ka duh dan ang thlap in ka duh a, mahse tun a kan thawnthu tawp dan hi chu ka suangtuahna ang a ni miah lo " Harsa zet in ka ti chhuak a.

" He khawvel a i hmel ka hmu tawh lo tur hi hrilh a hai khawp mai"

" Ka nu, ka pa, ka U, ka hmangaih a lo kal a nia, lo enkawl tha ru aw..... A ni ka khawvel leh ka engkim a ni a, lo duat ru aw " Van lam chu ka hawi a engkim mai chu ka hmu phe ruai mai.

" Ka hmangaih mangtha aw.... " Thlan hnungchhawn zawng chuan ka kal ta a. Ka haw kawng a biakin ka hmuh chuan, ka lut ve ta tawp a, maicham hma ah chuan thingthi in ka maicham chu ka melh ta reng a.

" I rorel dan hi a fair lo khawp mai" Ka ti chhuak a.

" Ka nu min lak sak a , ka vui lo. Ka pa min lak sak a ka vui lo. Ka U min lak sak leh a ka la vui chuang lo, mahse ka hmangaih ka neih chhun leh ka in nghahna ve ber min lak sak leh a, hetah erawh hi chu Lalpa ka dem khawp mai che " Ka tawp chhuak a.

" Tinge ka hmangaih hi min laksak ve kher, a tello chuan engkim hi a harsa ka ti a sin. A tello in engtin nge ka awm tak ang? " Ka ti ta chiam a. Ka tap nghal hawm hawm bawk a. Ka thil hmuh chu a chiang lo ruai ruai a, a hnuah chuan a thim ta hmak a.

Ka mit ka meng chuan biakin ah ka la awm tih ka hre thei, mahse chhuat ah ni lo in thuthlengah ka lo mu a, ka thu chhuak vat a. Ka mut na piah ah chuan hmani tuk zing a pastor ka hmuh kha a lo awm ve aa!! .

" I lo harh tawh maw? I taksa a chak lo a nih kha " A lo ti vat a. Ka taksa chu la chak lo tak a ni, ka harh rual in damdawi in atangin ka tlan chhuak a, ka tap leh vak a, chak ngaihna a awm lo.

" Pathian hi a awm tak tak em?!! " Pastor chu en en ka ti chhuak tawp a. A vawikhat na atang pathian a awm tih hi ka ringhlel ta rum rum.

" Awm tehreng mai " A lo ti vat a.

" A nih chuan tinge ka tawngtai na kha min chhan loh, ka chhungkua min venhim sak turin ka dil a, mahse ka chhungkua chu min laksak zawk a " Ka inhnit ri nghal a.

" Hmani tuk zing a i tawngtai na kha i la hre reng em? Kha mi tum khan i chung a a ruat ang apiang pawm thiam thei turin i dil a nih kha. Tun hun chiah hi a ni a ruat ang i pawn thiam hun tur tak chu " A ti a. A mah chu en in ka tap zawih zawih ringawt.

" Mahse hei kher hi chu pawm harsa ka ti a ni. A tel lo in engtin nge ka awm ang, ka hmangaih ka chhungte min laksak vek pawn ka vui lo a, tun tum erawh lungawi tak a pawm tur chuan a har ka ti lutuk " Harsa zet chuan ka ti a.

" I rilru tur chu ka hrethiam a lawm. He khawvel hi chu kan khualzin na ram mai a ni a, kan cham hlen dawn lo, nang pawn awm reng duh mah la, i duh lo chung i la kal ve hun a la thleng dawn. A tello khan he khawvel hi i hmachhawn thei lo ang ah i inngai a ni maithei , hei erawh theihnghilh ngai suh pathian i kawng chu a veng zel ang, chuan i pasal pawh khan chak tak a i awm theih nan a lo han kal hmasa chauh a nih kha " A ti dap dap a.

" Hawh.... In inah ka va thlah ang che, i chhung ten an lo ngaihtuah tawh ang che" A tih chuan ka tho ve mai a.

Ka nu te in ka thlen chuan an lo mangang hman khawp mai, min lo zawng nasa hman hle a ni ngei ang min hmu chu an phili nghal vek.

" Khawiah nge i lo kal daih a, kan zawng nasa lutuk che " Nunin a lo ti vat a. Chhang pawh ka chhang lo ka tawng peih thlawt lo. Inhnung varanda a ka pa ding ka hmuh chuan ka pan vat a, min hnungchhawn zawng a a din avangin ka kal tih a hrelo a ni ngei ang.

" Ka pa " Ka aw a hriat chuan a rawn hawi vat a.

" Tinge i lo chhuah a, mu hahdam ta che " A lo ti vat a. A sir ah chuan ka ding ve nghal a.

" Ka pa i fapa in min lo tawng hi i dem em? " Ka ti ta tawp a. Dik tak chuan an chungah pawh ka inthiam lo in ka inthlahrung khawp mai.

" Dem lo e, a duh thlan na a ni a kei chuan a duh dan chu ka pawm vek " A ti dut dut a.

" In tan chuan in fapa hmasa ber a ni a, a nat dan tur chu ka hriatthiam pui lutuk che u, min lo tawng lo se chuan hetiang hian nangni pawn in fapa in chan lo mai tur " Ka ti tam tuak a. Ka mittui a rawn parawl leh pung tawh.

" Chutiang in an sawi ngai lo. Pa ka nih na ang ah chuan ka fapa ka chan chu ka tuar in ka ui ve a lawm mahse Pa in a fanu tan leh a hmangaih ber tan a a tih theih awm chhun a ni ang ah ngai rawh. Keipawh hetiang din hmunah hian ding ve ila chuan a tih ang tho hian ka ti ve ang " Ka pa in a tih chuan ka tap chhuak hawk a. A darah chuan min hnem ve nan a rawn beng thek thek a.


Ricco boral atangin thla khat lai a lian leh tawh . Keimah ka dik lo in ka â vek a tih theih ang. Ka Pa ten an In a awm phei turin min ti a, mahse kei man ka duh tlat lo a, Ricco in bik kan awm lai ah kan la awm ta reng a. Nuni leh Hmingi an rawn awm druh chawt bawk a. Lizy pawh ka buaipui hman lo, keimah hi buaipui ka ngai zawk mah thin.


Ni khat chu Hmingin Lizy a buaipui tho avangin bazar turin ka chhuak a . Ka chhuak khat lutuk a Nuni leh Hmingi pawn chhuak harh turin min ti ve fo mai. Naupang thawmhnaw dawr ah chuan ka lut a, dawr lo nghak tu te pawh an fel khawp mai. Thawmhnaw ka en kual lai chuan bluetooth speaker ah hian hla an lo play a, an hla rawn play chu 'Aw ka hmangaih reng ang che' tih Lawmi khiangte in a a sak khan an rawn play a. Ka hriat tham lek chuan ka lo zai pui ve a. A thunawn tawp lai a rawn sak leh chuan sak pui a har talh tawh.

*Ka tan khawvel a ni.
Ka enchim loh a kha ,
A sakhmel mawi kha e...
Ka la thlir bang thei lo a sin.
Duh ten a tang ka bei lai kha
koh kir theih an chang tawh si lo a maw
Ka hmangaih che mampui *

Ka thawmhnaw ken lai chu hmer vak in ka kun a, ka dan hma in ka mittui a rawn chhuak zung zung a. Ricco bawk a ni ka hriat chhuah leh tak. He hla a mi ang chiah khan , ka hmangaih kha ka tan khawvel a ni a, ka sakhmel mawi tak te kha ka la thlir bang lo .

" Thiannu i tha em? " Ka lo kun ngawih ngawi lai chuan hnathawk pakhat in a rawn ti a. Ka mittui chu a ruk a hru thuak in.

" Aw... Tha e... Ka lu a rawn hai deuh thut a " Tiin ka nui lui suk a. A ni pawh a kalsawn ve leh mai a. Lizy thawhnaw tur lei in ka haw leh a.


In ka thlen chuan Lizy pawh a lo muhil daih tawh a, Hmingin inchhung a lo ti fel a, an lak ah pawh inthlahrun a na duh khawp mai, keimah vangin an duh an pawn an awm theih loh phah a nia. Room ah lut in ka room chu ka tifel ve thung a.

Ricco wardrobe ka hawn chuan ka tah a chhuak leh tun tawh . A thawmhnaw ka hmuh ringawt pawn thil thleng kha awih harsa ka la ti a, lo haw leh vat tur ang ah ka la ngai reng. A lehkha pawimawh a dah ho chu rem that tum in ka la chhuak a. Lehkha kar ah chuan Ram lei na tih ka hmuh chu ka en a. A hma kan in kha lo lei in ka hming in a lo dah chu ni in!! A lei tih pawh ka hriatpui miah lo. Lehkha chu ka en kual zel a, tun a kan in awm na hi Lizy hmingin a lo dah bawk a. A date vel a inziah chuan he thil hi a lo plan fel vek tawh tih a hriat thei.

" Tinge? Ti hian i tih a ? " Hnuk ulh tun in ka ti sep a.

A wardrobe a pawhdawh tereute awm chu ka hawng a, ka thil hmuh vang chuan ka tah nuih hawk. Hman a ka dairy min laksak kha a lo awm reng. He pawhdawh te hi ka khawih pui ngai loh vangin enge a dah pawh ka hriatpui lo.

Dairy ka keu chuan ka hla phuah ho vek a ni a. Ka keu zel a a tawp lamah chuan Ricco-a ziah tih hriat takin hawrrawp nalh deuh in thu a lo inziak a.

* Melody Lalhlimpuii he hming hian ka thin phu a ti rangin ka hringnun a va thlak nasa em. Ka la zawh ngai loh leh, ka thleng ang tih pawh ka rin ngai loh hringnun chu he hmeichhia hian min zawh tir a, ka tawng lo tih hi ka hlauh ber a ni. Khuanu hian kan duhthlanna theih na dang min pe leh pawh ni se a ni bawk hi ka thlang ang tih ka chiang. Hmeichhe naran ve tak a ni a, hmeichhe tam tak ai in buaina pawh a ngah , mahse a buaina a tel hi ka nuam tih ber a ni ta hial a.

Melo..... Ka tihpalh, he lehkha bu hi i chiar hunah chuan, ka hmel hmuh tur a awm tawh lo a nga, ka taksa chu lei vawt tak hnuaiah phum a ni tawh ang. Ka thil tih vang hian ka inchhir lo a, chuan in dem lo bawk ang che. Kan fanu tan a ka tih theih ve awm chhun a nih hi. Kan fanu chuan nu leh pa a mamawh lutuk, mahse pa ai chuan Nu a mamawhna a nasa zawk a chuvang chuan ka pek theih loh hmangaihna zawng zawng nang in lo pe ang che. Kan fanu kha ka hmangaih thu leh nitin a ka ngaih thu lo hrilh mawlh mawlh la. Van atangin a pa hian a lo thlir reng dawn tih i lo hrilh bawk dawn nia.

Ka tello a hma lam pan turin ka duh lo che a, mahse keimah chiah inngaihtuah thei ka ni tawh lo tih ka hriat chian em vangin hma lam pan la kan fanu tan pa tha tak pe ang che. Kei chu a pa ka ni reng a nga, mahse khawvel a a awm chhung chuan a thlavang hauh tu tur pa a la mamawh dawn si a.

Melo.... Ka hmangaih che. He thu hi nitin ka lo hrilh thin lo che kha ka inchhir ngawt mai. Nui reng la, tap ngai suh ang che. Chak tak in awm rawh aw.... Van atangin ka lo thlir reng ang che u.

Ka hmangaih che u......

I pasal Ricco

Chhuak em em in ka tap a, ka fanu khum a muhil pawh ka ngaihtuah zo tawh lo. Ka tap ri hria in Hmingi a rawn lut vat a. Dairy ka hmuh chuan a ni pawh min kuah in a tap chhuak hawk.

" A thi dawn tih a inhriat chung pawn keini nufa min la ngaihtuah a nia" Ka ti chhuak a.

" Tinge a sual em em, tinge ka tan hian harsatna hlir min siam sak mai le.... " Ka ti ta chiam a. Ka tap uar sauh bawk. Hmingi pawn ka hnungah chul in a tap zawih zawih bawk a.


KUM 5 HNU AH

" Anu tho tawh rawh, ka tlai dawn a nia " Ka fanu in min rawn sawi nawk nawk chuan ka meng riai riai a.

" Bawihte dar engzah nge " Phak chuap chuan ka ti a.

" Anuteiin dar 8 a ri tawh a ti " A tih chuan ka thu chhuak vat.

" Bawihte chaw i ei tawh em? "

" Aw anuteiin min ei tir tawh " A lo ti vat a.

" A nih i ha i nawt tawh em? " Ka tih leh chuan a lu a thing a.

" I ha lo va nawt la, i uniform leh i bag vel ka lo ti fel ang " Tiin ka che nghal sawk sawk a.

Lizy bathroom atanga a rawn chhuak chuan school kal turin ka siam nghal zung zung a. Inhnuai a kan chhuk thlak chuan , " Tukin chu i va tho tlai ve " U mimiin a lo ti vat a.

" Nia... Nizan khan hna khawih zawh lo ka khawih leh lawk a lawm le " Ka lo chhang let a.

" Anute bye bye " Lizy chuan kan chhuah dawn chuan U mimii a lo au a.

" Nula hmeltha bye bye le " Tiin a lo chhang let a.Kawt kan thlen chuan Lizy te school bus pawh a lo thleng ve chiah, hmanhmawh deuhin a lut nghal a.

" Anu bye bye " An tlan liam dawn chuan a ban a rawn vai a.

" Bye bye " Tiin ka lo vai let a.

" Chaw kan ei nghal dawn mi? Hna kal i la ngai sia " Choka a ka thut rual in U mimiin a lo ti vat a, a pawi loh thu a chhang in kan ei nghal a.

U mimii hi ka Nu te unau zing a te ber fanu a ni a. Ka chanchin hria in min lo zawng chhuak a. A ni pawh a chhungte an boral vek tawh a, tihian Shillong ah hian a awm ta char char a. Keini pawh Shillong a kan awmna pawh Kum 5 lai a ni ve tawh. U mimiin min rawn zawn chhuah khan ka awmdan min khawngaih lutuk kha Shillonga a bul a awm tur khan min sawm a, keipawn a zia deuh zawk ka rin vangin ka zui thla ve ta a. Ka chhuk atangin Mizoram ah ka la kal leh tawh miah lo.


Ka hna thawhna ka thlen chuan ka in report vat a . Factory lamah ka phei nghal a. Ka va thlen chuan an lo ri leh chûl tawh hna thawh pah hian an lo ri chûl zel. Chhunah lunch ei turin kan chhuak a. Ka hnathawhpui te hi an fel in an zau a, a nuam ka ti khawp mai. Mizo an awm ve nual a ka tan a hreawm em em bik lo. Thil kan ei zawhin kan company bul chiah ah juice in turin kan chawl leh a.

" Melody nang " An rawn tih chuan ka lo phu zawk thil ka lo ngaihtuah leh neuh neuh hman tawh.

" Engmaw? " Ka ti hû a.

" Hun hi her let leh thei ta la engtik hunah nge kir leh i duh " Christy chuan a rawn ti a. Chhang mai lo chuan ka juice chu straw in ka chawk a.

" Hun hi her let leh thei ila chuan kum 5 kal ta ah khan ka kir leh ang. Kha tih hunlai khan neih engmah ka nei lo, ka nun a ka hun tawn khir lai ber ber te an ni bawk, mahse kha tih hunlai bak bak a hlimna ka neih kha ka hre lo" Tiin ka khi suk a.

" Enge i sawi chu awmzia " Hrethiam lo tih hriat zetin christy bawk chuan a ti leh a.

" I hrethiam ve lo ang " Nui chungin ka tho daih a. Midang ho pawh an lo tho sap sap a.

" Melody enge i kawr a mi kha? " Kan thian zinga pakhat in a tih chuan ka en vat a. Ka thil in khan ka lo intihbuak chu ni in.

" Min lo nghak lawk ru " Kan dawr chawlhna bathroom lam pan in ka tlan phei nghal a. Ka kawr ka buaipui fe hnu chuan ka chhuak a. Garage bul a bike pakhat lo ding chu ka hmu thuak a. Ka hmuh hnu ang ka tih em vangin ka en leh a. Ka kal lai chu a tawp chiang khawp mai. Chu bike lo din na lam pan chuan ka kal a. Bike chu a seat te chu khawih in, " A in ang chiah " Tiin ka phun sep a. Ka hnuk a ulh nghal tun mai. A neihtu awm ang ka zawng a mahse tumah hmuh tur an awm lo.

" Thiannu min lo hrethiam lawk" Ti ri ah chuan ka leh hawi vat a.

" Hei hi ka bike a nia " A rawn tih chuan, " Ka tihpalh lutuk , ka hmelhriat pakhat ta nen a in ang lutuk a " Ka ti sep a.

" Melody enge hetah i tih a , i va rei ve ? " Christy chuan min lo pan vat a. Chupa nen kan lo ding dun a hmuh chuan hriatthiam loh hmel zetin min en tawn a. Ka hma a ding pa pawh chuan min en chik ngang mai.

" Thil ka hresual a, kal ang" Christy chu ka kal nghal dawr dawr a.

Room ka luh rual chuan zawi zetin khumah ka let thla nghal a. Ka hna ban a ka tih ziah dan in ka phone phawrhin No pakhat chu ka call a.

" Vawin pawh factory ah ka thawk leh a. Vawin chu maw i bike ang kha ka hmu a, nangmah a maw ka ti hman a, Mahse i ni miah lo " Phone chu ka bengah dah in ka ti sep a. Chhang tu reng an awm lo.

" Ka ngai lutuk che"

" Engtikah nge ka phone call hi i chhan leh ang "

" Ka dah phawt ang, mangtha aw.... " Tiin phone chu ka off a.

" A nu Apa hi a van hmeltha " Ka fanu in Album chu a en mawlh mawlh a.

" I pa te chu maw a hmeltha in a luck thei lutuk " Ka aw ah pawh Ricco-a ka chhuan zia chu hai theih rual a ni lo.

" A nih tinge Apa hi kan bulah a awm ve loh a " A tih chuan ka phone khawih lai tawp en ka ngawi ta reng a.

" I pa chuan a bul a kan awm ve a phallo a " Thut hnaih in ka ti a.

" A nih khawihah nge Apa chu a awm? " Min en ran a.

" Tah hian " Tiin ka awm zawn ah ka kut ka dan a, naupang â tih tak ah ka sawi chu a hriatthiam loh hmel khawp mai.


" A pa hi ka van hmu ve chak , kan bulah awm ve se chuan Pa ka nei a nga Nu ka nei bawk a nga " Phur deuh chuan a ti a.

" I pa chu mipa ropui tak a ni. A bul a awm chu kei tluk a thlahlel hi an awm lo ang, mahse I pa kha misual tak a ni " Ka ti tam chel a, ka tap leh mai dawn.

" Anu , Apa chu mipa ropui tak a ni i tia , mahse misual tak i ti leh bawk sia " A tih chuan, " Nakinah Anu ang i nih ve hunah i la hrethiam mai ang " Ka tih chuan a bu ve mai a. Bathroom ah luh san in ka tap ta nghek a. Ka chhuah chuan Lizy pawh a lo muhil daih tawh.

Lizy te school atang a call ka dawn chuan rang takin ka hnathawhna atangin ka tlan chhuak a. Ka va thlen chuan an class a mi mipa khat nen an lo insual chu ni in. Chupa hmaiah chuan a lo ham sak a. An zirtirtu nu in an insual chhan a zawh chuan Lizy chuan sawi duh lo in a ngawi ta tlat a. A insual pui pa an zawh leh chuan, " Pa pawh i nei lo, fahrah i nih kha, ka ti a min lo ham ringawt a " A ti ta a. Ka fanu ka en chuan ka khawngaih lutuk chu ka tap lo chauh.

" Bawihte ngati nge kut thawh zawngin chet loh tur ka tih kha " In kan thlengin dam deuh chuan ka fanu chu ka bia a .

" Anu , Apa hi tunge? " A rawn tichhuak a.

" I pa chu mi ropui tak ka tih kha "

" Apa chu mi ropui tak i ti ringawt a, mahse tinge ka hmuh ve miah lo a "a rawn tap chhuak a. Ka kuah vat a ka mittui ka dang seng bik lo.

" Apa chu i hmu chak viau a mi? " Ka tih chuan, a lu a bu vat a.

" Apa hmu turin kan kal dawn nia " Ka ti ta nge nge a.

.
.
.
.

Mizoram kan thleng chu Lizy in nuam a ti ngang mai . A sèn lai tih loh a a hmuh vawikhat na a ni a , a ri chul mai. Kan in Ricco an ka hming a lo dah zawk ah kan innghat a. Ricco-a Nu leh pa in Mizoram ah kan awm tih an hriat chuan leng turin min lo ti vat a.kan thleng zan la la in kan va leng phei a. Lizy an lo hmu chu an hlim ngang mai. Lizy pawn a lo ngaina nghal mai a. Kima pawn Nupui a lo nei tawh a, a hma ai in a taksa pawh a lo inphut mawi tawh a. A hnung atang a ka hmuh chuan Ricco-a maw ka ti leh thut dawn thin.

A tuk ah bazar turin ka chhuak a, bazarah Hmingi nen kan in hmu hlawl a min hmu chu a ni pawh a phawk ngang mai. Thu dun in kan ti ti a, kan han inhmu leh chu hun kal tawh ah bawk rilru a awm leh a. Hmingi pawh Nurse a ni tawh a, duty lai a nih vangin a kal leh ta vat a.

Thil ngaihtuah neuh neuh pah a ka kal lai in IN pakhat ka thleng hlawl mai! Gate atang chuan IN chu ka en vang vang a, muangchang a pan hnai in chahbi kan dah thin na atang chuan chahbi la in ka lut a . Inchhung chu an tihfai thin tih hriat tak in a fai vung a. Inchhung ka hmu chu ka lung a leng khawp mai. Ricco nen kan lo awm dan te chu a tak a hmu ang mai ka ni. Room a ka luh chuan engkim ka kalsan ang in a la pangai vek , engmah a la danglam lo!!. Ricco-a wardrobe ka hawn chuan a thawmhnaw inkhai ka hmuh rual chuan ka tap chhuak ta vak a.

.
.
.
" A nu enge hetah hian kan tih dawn a? " Thlan lung kan kalh pelh tak te chu en zui in ka fanu chuan min zawt a.

" Apa kan hmu dawn " Ka ti mai a.

" Apa chu hetah hian a awm maw? " A aw ah chuan mak a tih hmel khawp mai.

" Bawihte hei Apa awm na chu kan thleng e " Ricco thlan lung chu ka kawk a.

" Bawihte Apa bulah hian, i lo kal thu sawi la, i ngaihzia te pawh kha sawi rawh " Ka tih chuan, " Apa, Lizy ka lo kal a, ka hmu chak thei lutuk che, thlalak ah chuan i hmel ka hmu thin i hmeltha lutuk. A tak ah ka van hmu chak che, Apa Lizy hian maw a ngai thei lutuk che" A ti nuah nuah a. A ruk in ka mittui ka lo hru zeuh.

" Bawihte saw lai deuh ah sawn lo ding la, Apa hi kan be lawk ang " Tiin kan piah deuh chu ka kawk a. A lu bu in a kal ve mai a.

" Kum 5 lai a liam tawh a ni a. I fanu kha enge a an i tih a thang tha i ti em? Tunah chuan maw school te pawh a kal ve tawh a sin. A ka atangin Nu tih ai in Pa tih kha a ri chhuak hmasa a , kha te kha hre ve la chu i hlim in i va intithei dawn tak em!! Ka ngai lutuk che. Lizy hi Pa pe tur khan min ti a tiraw? A pawi ka ti ka thei thlawt lo a ni. Pa a nei a nih chuan nangmah chiah hi a pa i ni reng ang pa dang a mamawh lo.

Kum 5 kal ta khan maw ka mamawh zia che kha, chuan tunah pawh kum 5 kal ta ai khan ka mamawh zual che. Min lo nghak reng rawh aw, i awmna ah chuan inthen a awm tawh lo ang tiraw? Kan fanu nen inthen tawh ngai lo turin kan lo kal ve vat ang. ka hmangaih che" Tiin ka fanu nen chuan ka hmangaih ber leh Ka fanu pa ni bawk thlan chu hnungchhawn zawng chuan kan kal ta a.




A TAWP TA.

Ka story SO FAR AWAY chu pathian zarah kan lo zo ve ta der mai a. Duh khawp lo lai pawh in ngah ang tih ka hria. Kal se in tih dan ang pawn a kal lo a ni maithei , mahse Ka story zia min lo ngaihhlut sak a, a tir atang a a tawp thleng a min lo chhiar sak tu te zawng zawng chungah thinlung takin lawmthu ka sawi e.